ဝိမုတ္တိရသ (The Flavour Of Liberation)

နကုလပိတာ နကုလမာတာ

2010-07-29T14:40:00.000+06:30

ကြာပန်းသည်
ရေကို မှီ၍ ဖြစ်သကဲ့သို့
အချစ်သည် …
ရှေးက အတူနေခဲ့ဖူးခြင်း,
ပစ္စုပ္ပန်၌ အကျိုးဆောင်ပေးခြင်း
ဟူသော အကြောင်းနှစ်ပါးကြောင့် ဖြစ်ပေါ်လာ၏။

ပုဗ္ဗေ၀ သန္နိဝါသေန၊ ပစ္စုပ္ပန္န ဟိတေန ၀ါ။
ဧ၀ံ တံ ဇာယတေ ပေမံ၊ ဥပ္ပလံဝ ယထောဒကေ။ (ဒုကနိပါတ်၊ သာကေတဇာတ်)

ဘုရားရှင် လက်ထက်က နကုလပိတာနှင့် နကုလမာတာဟူသည့် အလွန် ရင်းနှီး ချစ်ခင်ကြသော ဇနီးမောင်နှံ ရှိခဲ့ဖူးသည်။ နကုလပိတာနှင့် နကုလမာတာ ဟူသော အမည်များသည် အမည်ရင်းများ မဟုတ်ကြ။ နကုလ၏ အဖေနှင့် အမေဟု အဓိပ္ပါယ်ရသည်။ သူတို့ ဇနီးမောင်နှံအား ဘုရားရှင်က ၀ိဿာသကအရာ၌ ဧတဒဂ် ထားတော်မူ၏။ တစ်ဦးနှင့် တစ်ဦး ယုံကြည် ရင်းနှီး အကျွမ်းဝင်မှု (mutual trust and harmony) ရှိရာတွင် အသာဆုံး, အမြတ်ဆုံး ဇနီးမောင်နှံဟု အင်္ဂလိပ်ဘာသာပြန်များတွင် ဖော်ပြလေ့ရှိကြသည်။ မြန်မာဘာသာပြန်နှင့် နိဿယများတွင် (သတ္ထုဝိဿာသိကဘာဝံ စသော အဋ္ဌကထာအဖွင့်တို့ကို မှီး၍) ဘုရားရှင်နှင့် ရင်းနှီး ကျွမ်းဝင်သော စကားကို ဆိုလေ့ရှိသူတို့တွင် အသာဆုံး, အမြတ်ဆုံး ဇနီးမောင်နှံဟု ဖော်ပြကြပါသည်။

နကုလပိတာတို့ ဇနီးမောင်နှံသည် ဘဂ္ဂတိုင်း သုသုမာရဂိရိမြို့မှ ဖြစ်သည်။ မြတ်စွာဘုရားရှင်သည် သုသုမာရဂိရိမြို့တောင်ဖက်ရှိ ဘေသလကတောအုပ်တွင် အဋ္ဌမမြောက် ၀ါဆိုရန်အတွက် ကြွရောက်လာသောအခါ မြို့သူမြို့သားတို့က ကြိုဆို ဖူးမြှော်ကြ၏။ ထိုဇနီးမောင်နှံတို့သည် ဘုရားရှင်အား ဖူးမြင်ရသောအခါ သားအရင်းသဖွယ် ချစ်ခင်ရင်းနှီးသည့်စိတ် ဖြစ်ပေါ်လာ၍ ဘုရားရှင်၏ ခြေတော်ရင်း၌ ဦးခိုက်ကာ “သား… ဘာကြောင့်များ မိဘနှစ်ပါးအား ဤမျှလောက်ကြာအောင် ပစ်ထားရပါသနည်း” ဟု တရင်းတနှီး ပြောဆို၏။ ထိုဇနီးမောင်နှံတို့သည် ဘ၀ပေါင်း ငါးရာ မိဘတော်စပ်ခဲ့ဖူး၍၊ ဘထွေး, ဘကြီး, ဦးရီး, မိထွေး, မိကြီး, အရီးစဖြင့် ဘ၀ပေါင်း ငါးရာစီ ဆွေမျိုးရင်းအခြာ တော်စပ်ခဲ့ကြဖူးသောကြောင့် သားဟူသော အမှတ်ဖြင့် လေးမြတ်ချစ်ခင်သော စိတ်ဖြစ်ကြောင်း ဟောကြားတော်မူ၏။ တရားအဆုံးတွင် နကုလပိတာနှင့် နကုလမာတာတို့သည် သောတာပန် ဖြစ်ကြသည်ဟု အင်္ဂုတ္တရနိကာယ် အဋ္ဌကထာတွင် ဖော်ပြထား၏။

*****

အခါတစ်ပါးက နံနက်ဆွမ်းခံချိန်တွင် ဘုရားရှင်သည် နကုလပိတာ သူကြွယ်အိမ်သို့ ကြွရောက်တော်မူ၏။ ထိုအခါ ဇနီးမောင်နှံတို့က “မိမိတို့သည် ငယ်ရွယ်စဉ်ကပင် ထိမ်းမြှား လက်ထက်ခဲ့ကြပြီး၊ တစ်ပါးသူတို့အား ကိုယ်ဖြင့် မဆိုထားဘိ, စိတ်ဖြင့်ပင် မလွန်ကြူးခဲ့ကြဖူးပဲ တစ်ဦးအပေါ် တစ်ဦး သစ္စာရှိကြောင်း၊ ယခုဘ၀တွင်သာမက နောင်ဘ၀များတွင်ပါ ပြန်လည် ဆုံဆည်းကြလိုကြောင်း” လျှောက်ထားကြသည်။ နကုလပိတာတို့ ဇနီးမောင်နှံ၏ အာသီသကို ဗုဒ္ဓက ကဲ့ရဲ့ ဝေဖန်ခြင်းမပြုဘဲ၊ သမဇီဝီခေါ် အတူတကွ မျှတစွာ နေထိုင်ရနိုင်မည့် အကျင့်လေးမျိုးကို ဟောကြားတော်မူခဲ့သည်။

(၁) သမသဒ္ဓါ - တူမျှသော ယုံကြည်ခြင်း
(၂) သမသီလာ - တူမျှသော အကျင့်သီလ
(၃) သမစာဂါ - တူမျှသော စွန့်ကြဲ ပေးကမ်းမှု
(၄) သမပညာ - တူမျှသော အသိပညာ

ဤသို့သော အချက်လေးချက် တူမျှအောင်အားထုတ်ပါက ယခု မျက်မှောက်ဘ၀တွင် သာမက တမလွန်ဘ၀၌ပင် အတူတကွ ဆုံဆည်းကြရမည်ဟု ဟောကြားတော်မူ၏။

ဗုဒ္ဓ၀ါဒ၏ အဓိကပန်းတိုင်သည် သတ္တ၀ါတို့အား သံသရာဝဋ်ဆင်းရဲမှ ကယ်ထုတ်ရန် ဖြစ်သည့်အားလျှော်စွာ ဘ၀ကို တောင့်တခြင်းအား ဗုဒ္ဓမြတ်စွာက ချီးမွန်းပြောဆိုလေ့ မရှိသည့်တိုင်၊ နကုလပိတာတို့ ဇနီးမောင်နှံ၏ ရာသက်ပန် ရိုးမြေကျ ပေါင်းသင်းလိုယုံမက နောင်ဘ၀များတွင် ပြန်လည် ဆုံဆည်းလိုသည့် ဆန္ဒအား ပြစ်ပယ် ငြင်းဆန်ခြင်း မပြုခဲ့ပါ။ လူ့ဘောင်ဘ၀ထဲတွင် အေးချမ်း သာယာစွာနေထိုင်နိုင်မည့် အကျင့်များ, တမလွန်ဘ၀ ကောင်းစားမည့် အကျင့်များကိုလည်း နာကြားသူတို့၏ စရိုက်နှင့် အာသယအလိုက် ဟောကြားတော်မူလေ့ ရှိပါသည်။ ဒီဃနိကာယ် သိင်္ဂလောဝါဒသုတ်၌လည်း လင်ကျင့်ဝတ်, မယားကျင့်ဝတ်တို့ကို ဟောကြားဖူးပါသည်။

မထီမဲ့ကင်း၊ အပ်နှင်းဥစ္စာ
မိစ္ဆာမမှား၊ ၀တ်စားဆင်ယင်
မြတ်နိုးကြင်
ငါးအင်လင်ကျင့်ရာ။

အိမ်တွင်းမှုလုပ်၊ သိမ်းထုပ်သေချာ
မိစ္ဆာကြဉ်ရှောင်၊ လျှော်အောင်ဖြန့်ချိ
ပျင်းရိမမူ၊ ၀တ်ငါးဆူ
အိမ်သူကျင့်အပ်စွာ။

*****

ထို့အတူပင် နကုလမာတာအားလည်း မယားကောင်းတို့၏ အကျင့် (၈) မျိုးကို ဟောကြားထားဖူး ပါသည်။

(၁) ခင်ပွန်းသည်၏ ရှေးဦးစွာ နိုးထ၍ နောက်ကျမှ အိပ်ခြင်း, အလိုက်သိစွာ နာခံခြင်း, နှစ်သက်ဖွယ် အမူအကျင့်ရှိ၍ ချိုသာစွာ ပြောဆိုခြင်း
(၂) မိမိ၏ ခင်ပွန်း လေးစားသော “မိဘ, ရဟန်း, ပုဏ္ဏား” တိုအား အရိုအသေ အလေးအမြတ်ပြုခြင်း
(၃) အိမ်တွင်းမှု ကိစ္စများတွင် ကျွမ်းကျင်လိမ္မာခြင်း
(၄) အလုပ်သမား, အစေခံတို့ “အလုပ် လုပ်သည်, မလုပ်သည်, ကျန်မာရေး ကောင်းသည်, မကောင်းသည်”ကို သိနားလည်ခြင်း၊ စားသောက်ဖွယ်ရာတို့ကို ခွဲဝေပေးခြင်း
(၅) ခင်ပွန်းသည်၏ ငွေကြေး, ပစ္စည်းဥစ္စာတို့အား မခိုးမ၀ှက်, မပျက်မစီးစေဘဲ လုံခြုံအောင် ထိန်းသိမ်းခြင်း
(၆) ဘုရား, တရား, သံဃာတို့ကို ကိုးကွယ် ဆည်းကပ်ခြင်း
(၇) ငါးပါးသီလကို လုံခြုံအောင် စောင့်စည်းခြင်း
(၈) ၀န်တိုမှုကင်း၍ စွန့်ကြဲပေးကမ်းတတ်ခြင်း

ဤသို့သော မယားကောင်းတို့၏ အကျင့် (၈) ပါးတို့နှင့် ပြည့်စုံပါက သေလွန်လျှင် “မနောမယိကာ” ခေါ် မိမိစိတ်အလိုကျ ဖြစ်စေနိုင်သော နိမ္မာနရတိနတ်သမီးအဖြစ် ရောက်စေနိုင်သည်ဟု ဟောကြားတော်မူခဲ့သည်။

*****

နကုလပိတာတို့ ဇနီးမောင်နှံသည် မိမိတို့ အချင်းချင်း သော်လည်းကောင်း, ဘုရားရှင် အပေါ်၌ သော်လည်းကောင်း “ဂေဟဿိတ ပေမ” ခေါ် မိသားစုအချစ် သံယောဇဉ် ကြီးမားလှသော်လည်း၊ သံသရာ ၀ဋ်ဆင်းရဲမှ လွတ်မြောက်ရေးကို လစ်လျှူရှု ထားသူများ မဟုတ်ကြပါ။ တစ်ခါက နကုလပိတာသည် “ကိလေသာမှ မငြိမ်းအေးနိုင်ကြရသည့် အကြောင်းရင်း” အား ဘုရားရှင်ထံ မေးလျှောက်ခဲ့ဖူးသည်။

နှစ်သက် မြတ်နိုးဖွယ်ကောင်းသော အဆင်း, အသံ, အနံ့, အရသာ, အတွေ့အထိ, အတွေးအကြံဟူသော အာရုံ ၆-ပါးအား နှစ်သက်, စွဲလမ်း, ကပ်ငြိသည်ရှိသော် (အဘိနန္ဒတိ, အဘိဝဒတိ, အဇ္စျောသာယ တိဋ္ဌတိ) ထိုအာရုံအား မှီကာ စွဲလမ်းငြိတွယ်သော စိတ် (တန္နဿိတံ ၀ိညာဏံ ဟောတိ တဒုပါဒါနံ) ဖြစ်သည်။ စွဲလမ်းမှု ဥပါဒါန်ရှိသော ရဟန်းအား ကိလေသာမှ ငြိမ်းအေးမှုသည် မဖြစ် (သဥပါဒါနံ … ဘိက္ခု နော ပရိနိဗ္ဗာယတိ)။

အာရုံ ခြောက်ပါးတို့ အပေါ်တွင် စွဲလမ်းမှု ဥပါဒါန်ရှိက ငြိမ်းအေးမှု မရှိနိုင်ဟု ဗုဒ္ဓက ပြန်လည် ဖြေကြားခဲ့သည်။ ဤတွင် ဥပါဒါန်ဟူသော အဓိပ္ပါယ်သည် စွဲလမ်းငြိတွယ်မှုဟု ရသည့်နည်းအတူ တိုက်ရိုက်အားဖြင့် “လောင်စာ” ဟုလည်း အဓိပ္ပါယ်ရသည်။ လောင်စာ ရှိနေသ၍ မီး မငြိမ်းဟုလည်း တင်စား ဟောကြားခဲ့ခြင်း ဖြစ်သည်။ ဤတရားတော်မျိုးသည် ကိလေသာထူသော ပုဂ္ဂိုလ်များ နားလည်သက်ဝင်နိုင်သည့် တရားဒေသနာမျိုး မဟုတ်ပါ။

*****

တခါကလည်း နကုလပိတာသည် ဘုရားရှင်ထံသို့ ချဉ်းကပ်၍ ဤသို့ လျှောက်ထား၏။

“အရှင်ဘုရား တပည့်တော်သည် အိုမင်း၍ ဘ၀၏ နောက်ဆုံးအရွယ်သို့ ရောက်နေပါပြီ၊ နာကျင် နှိပ်စက်သော ကိုယ်ရှိသည်ဖြစ်၍ မကျန်းမမာ ရှိပါ၏။ ဘုရားရှင်နှင့်တကွ ကြည်ညိုဖွယ်ကောင်းသည့် ရဟန်းတော်တို့အား အမြဲတစေ မဖူးမြင်နိုင်တော့ပါ။ တပည့်တော်အား အဓွန့် ရှည်ကြာစွာ အကျိုးရှိစေနိုင်မည့် တရားတော်များအား ဟောကြား ဆုံးမတော်မူပါ။”

“သူကြွယ် … မှန်ပေ၏။ ဤကိုယ်သည် နာကျင် နှိပ်စက်သည်သာတည်း။ ဤကိုယ်သည် (ကွဲလွယ်သော) ဥခွံကဲ့သို့ ၀န်လေးလှ၏။ ဤကိုယ်ကို ဆောင်ထားပါလျှက် တခဏမျှပင်ဖြစ်စေ ကျန်းမာသည်ဟု ၀န်ခံသူသည် မိုက်မဲသူသာ ဖြစ်၏။ သူကြွယ်… ထို့ကြောင့် နာကျင်သော ကိုယ်ရှိသော ငါ့အား နာကျင်ခြင်းကင်းသော စိတ်ရှိသည် ဖြစ်လတ္တံ့ (အာတုရာကာယဿ မေ သတော စိတ္တံ အနာတုရံ ဘ၀ိဿတိ) ဟု ကျင့်အပ်၏”

“ကိုယ်သာနာ၍ စိတ်မနာစေနှင့်” ဟူသော အဆုံးအမ၏ အနက်အဓိပ္ပါယ်အား အရှင်သာရိပုတ္တမထေရ်မြတ်က အကျယ် ဆက်လက် ဟောကြားတော်မူခဲ့ပါသည်။ ခန္ဓာငါးပါးအား “ငါ့ဟာ, ငါ” ဟူ၍ တဏှာ, မာနတို့ဖြင့် တပ်ငြိစွဲလမ်းနေပါက ထိုခန္ဓာငါးပါးတို့ ဖောက်ပြန် ပြောင်းလဲသောအခါတွင် စိုးရိမ်ပူပန်ခြင်း, စိတ်ဆင်းရဲခြင်းတို့ ဖြစ်ကြရသည်။ ကိုယ် ဆင်းရဲသာမက စိတ်ဆင်းရဲပါ ဖြစ်ရသဖြင့် မြှားတစ်စင်း စူးဝင်ပြီးသူအား နောက်ထပ် မြှားတစ်စင်း ထပ်မံ စူးဝင်သည်နှင့် တူသည်။ ခန္ဓာငါးပါးအား “ငါ့ဟာ, ငါ” ဟူ၍ တပ်ငြိစွဲလမ်းခြင်း မရှိပါက၊ ထိုခန္ဓာငါးတို့ ဖောက်ပြန် ပျက်စီးသောအခါ စိုးရိမ်ပူပန်ခြင်း, စိတ်ဆင်းရဲခြင်း မဖြစ်တော့။ နာကျင်သော ကိုယ်ရှိသော်လည်း စိတ်နာကျင်ခြင်း မရှိတော့။ ကိုယ်ဆင်းရဲခြင်းဟူသော မြှားတစ်စင်း စူးဝင်သော်လည်း နောက်ထပ် မြှားတစ်စင်း အစူးဝင် မခံရတော့။ “ကိုယ်သာနာ၍ စိတ်မနာစေနှင့်” ဟူသော အဆုံးအမသည် ခန္ဓာငါးပါးအား “ငါ့ဟာ, ငါ” ဟူ၍ စွဲလမ်းတပ်မက်ခြင်း မဖြစ်စေရန် အဆုံးအမ ဖြစ်လေသည်။ (ဤဒေသနာ၏ အဓိပ္ပါယ် အကျယ်ကို နောက်ဆက်တွဲအဖြစ် ဖော်ပြပါမည်။)

*****

Photo credit to:

အထက်ပါ သုတ္တန်ဒေသနာအရ နကုလပိတာသည် ဘ၀၏ နောက်ဆုံး အချိန်တွင် သေခြင်းတရားအား ရဲဝံ့စွာ ရင်ဆိုင်ရန် ပြင်ဆင်နေကြောင်း သိနိုင်ပါသည်။ ဇနီးသည် နကုလမာတာသည် လင်သားအပေါ် အလွန်ချစ်ကြီးသည် မှန်သော်လည်း၊ မိမိကိုယ်တိုင် ဘာသာတရား အသိတို့ဖြင့် ဖြေဆည်နိုင်ယုံသာမက မိမိ၏ ခင်ပွန်းအားလည်း အသေဖြောင့်စေနိုင်ရန် အားပေးစကား ပြောကြားတတ်သည်။ တစ်ခါက နကုလပိတာသည် အသည်းအသန် မနာမကျန်း ဖြစ်နေသောအခါ “သူကြွယ်… သင်သည် ငဲ့ကွက်ခြင်း ရှိသည်ဖြစ်၍ မသေပါလင့်၊ ငဲ့ကွက်ခြင်း ရှိသည်ဖြစ်၍ သေခြင်းသည် ဆင်းရဲ၏။ ဘုရားရှင်ကလည်း ငဲ့ကွက်ခြင်း ရှိသည်ဖြစ်၍ သေခြင်းကို ကဲ့ရဲ့တော်မူ၏” ဟူ၍ လင်သား စိတ်အေးစေမည့် အချက် (၆) ချက် ကို ပြောကြား၏။

(၁) “ငါသေလျှင် အိမ်ရှင်မ နကုလမာတာသည် သားသမီးများကို ကျွေးမွေး စောင့်ရှောက်နိုင်မည် မဟုတ်, အိမ်ထောင်မှုကို ထိမ်းသိမ်းနိုင်မည် မဟုတ်” ဟူ၍ မမှတ်ပါလင့်။ ကျမသည် ဗိုင်းငင်ခြင်း, သိုးမွေးချည်ခင်တို့ကို ဖြီးသင်ခြင်းတို့၌ ကျွမ်းကျင်လိမ္မာ၏။ ကျမသည် သားသမီးများကို ကျွေးမွေး စောင့်ရှောက်နိုင်ပါသည်။ အိမ်ထောင်မှုကို ထိမ်းသိမ်းနိုင်၏။

(၂) “ငါသေလျှင် အိမ်ရှင်မ နကုလမာတာသည် အခြား အိမ်ထောင် ပြုလိမ့်မည်” ဟု မမှတ်ပါလင့်။ ကျမတို့သည် လွန်ခဲ့သည့် ၁၆-နှစ်ကစ၍ လူတို့၏ ဗြဟ္မစရိယအကျင့်ကို ကျင့်သုံးခဲ့ကြသည်ကို သင်လည်း သိသည်, ကျမလည်း သိသည်ဖြစ်၏။

(၃) “ငါသေလျှင် အိမ်ရှင်မ နကုလမာတာသည် မြတ်စွာဘုရားနှင့် ရဟန်းသံဃာတို့အား ဖူးမြော် လိုစိတ် ဖြစ်လိမ့်မည် မဟုတ်” ဟု မမှတ်ပါလင့်။ မြတ်စွာဘုရားနှင့် ရဟန်းသံဃာတို့အား ပို၍ပင် ဖူးမြှော် လိုပါလိမ့်မည်။

(၄) “ငါသေလျှင် အိမ်ရှင်မ နကုလမာတာသည် အကျင့်သီလတို့ကို ဖြည့်ကျင့် ဆည်းပူးလိမ့်မည် မဟုတ်” ဟု မမှတ်ပါလင့်။ ကျမသည် အကျင့်သီလတို့ကို ဖြည့်ကျင့် ဆည်းပူးလေ့ရှိသော ဥပါသိကာမတို့တွင် တစ်ဦးအပါအ၀င် ဖြစ်ပါသည်။ ဤအချက်အား သံသယရှိပါက မြတ်စွာဘုရားရှင်အား မေးလျှောက်နိုင်ပါသည်။

(၅) “အိမ်ရှင်မ နကုလမာတာသည် မိမိ၏ အတွင်းစိတ် ငြိမ်းအေးမှု (အဇ္ဈတ္တံ စေတော သမထဿသာ) ရရှိသူ မဟုတ်သေး” ဟု မမှတ်ပါလင့်။ ကျမသည် မိမိ၏ အတွင်းစိတ် ငြိမ်းအေးမှု ရရှိကြသော ဥပါသိကာမတို့တွင် တစ်ဦးအပါအ၀င် ဖြစ်ပါသည်။ ဤအချက်အား သံသယရှိပါက မြတ်စွာဘုရားရှင်အား မေးလျှောက်နိုင်ပါသည်။

(၆) “အိမ်ရှင်မ နကုလမာတာသည် ဤသာသနာ၌ သက်ဝင်ရာ ထောက်တည်ရာ သက်သာရာ ရရှိသည် (သြဂါဓပ္ပတ္တာ ပတိဂါဓပ္ပတ္တာ အဿာသပ္ပတ္တာ) မဟုတ်သေး” ဟု မမှတ်ပါလင့်။ ကျမသည် ဤသာသနာ၌ သက်ဝင်ရာ ထောက်တည်ရာ သက်သာရာ ရရှိကြသော ဥပါသိကာမတို့တွင် တစ်ဦးအပါအ၀င် ဖြစ်ပါသည်။ ဤအချက်အား သံသယရှိပါက မြတ်စွာဘုရားရှင်အား မေးလျှောက်နိုင်ပါသည်။

ဤသို့ နကုလမာတာ၏ အားပေး ဆုံးမစကားကို ကြားရသောအခါ နကုလပိတာ၏ ရောဂါဝေဒနာသည် ခဏချင်း သက်သာလာ၏။ ရောဂါပျောက်ကင်းပြီး မကြာမီတွင် နကုလပိတာသည် တောင်ဝှေးဖြင့် ထောက်ကာ ဘုရားရှင်ထံသို့ သွားရောက်၏။ ဘုရားရှင်က နကုလမာတာ၏ သီလ, သမာဓိ, ပညာ အဆင့်အတန်းတို့ကို ထောက်ခံပြောဆိုကာ ချီးမွမ်းစကား မိန့်ကြားတော်မူ၏။

“သူကြွယ် … သင့်အား ချစ်ခင်ကြင်နာ၍ သင်၏ အကျိုးစီးပွားကို လိုလားကာ အားပေး ဆုံးမတတ်သော ဇနီးသည် နကုလမာတာကို ရရှိထားခြင်းသည် အရ တော်လှပေ၏”

သံယောဇဉ်တို့ကို ပယ်သတ်၍ ကိလေသာတို့ကို ငြိမ်းအေးစေမည့် ဗုဒ္ဓ၏ အဆုံးအမလမ်းစဉ်သည် အိမ်ယာထူထောင် လူတို့ဘောင်နှင့် ဖြောင့်ဖြောင့် ဆန်ကျင်နေသော်လည်း အိမ်ထောင်သည် ဘ၀ဖြင့် နိဗ္ဗာန်ရောက်ကြောင်း အကျင့်တို့ကို (အတိုင်းအတာတစ်ခု အထိ) ကျင့်ကြံပွားများနိုင်ကြောင်း နကုလပိတာနှင့် နကုလမာတာတို့၏ စံပြ အိမ်ထောင်ရေးက သာဓကပြုနေပါသည်။
နကုလပိတာသည် “ကိုယ်သာနာ၍ စိတ်မနာစေနှင့်” ဟူသော အဆုံးအမအား ဘုရားရှင်ထံမှ နာယူ၍ ထွက်ခွာလာပြီးနောက် ရှင်သာရိပုတ္တမထေရ်ထံ ချဉ်းကပ် ဖူးမြင်၏။ ထိုအခါ အရှင်သာရိပုတ္တက “သူကြွယ်… သင်၏ ဣနြေ္ဒတို့သည် အလွန်ကြည်လင်ကုန်၏။ မျက်နှာအဆင်းသည်လည်း ဖြူစင် တောက်ပနေ၏။ ယနေ့ ဘုရားရှင်ထံမှ အဘယ်သို့သော တရားမျိုးကို နာကြားခဲ့ရပါသနည်း” ဟု မေး၏။ နကုလပိတာက ပြန်၍ ဖြေကြားသောအခါ “အဘယ်မျှဖြင့် ကိုယ်ရော စိတ်ပါ နာကျင်သူဖြစ်၍ အဘယ်မျှဖြင့် ကိုယ်သာနာ၍ စိတ်မနာသူ ဖြစ်သည်” ကို ဘုရားရှင်အား ပြန်လည် မေးလျှောက်ခဲ့ပါသလောဟု အရှင်သာရိပုတ္တက မေး၏။ ဤတရား၏ အနက်အဓိပ္ပါယ်ကို သိရန်အတွက် အရှင်သာရိပုတ္တထံ လာရပါသည်, ဤတရား၏ အနက်ကို ဟောတော်မူပါဟု နကုလပိတာက တရားတောင်း၏။ အရှင်သာရိပုတ္တမထေရ်က ခန္ဓာငါးပါးအား သုံးသပ်ပုံ (သမနုပဿနာ) အခြင်းအရာ (၂၀) အား မူတည်၍ ဖြေကြားတော်မူ၏။

အကြားအမြင် မရှိသော ပုထုဇဉ်တို့သည် (အဿုတ၀ါ ပုထုဇနော) -
(၁) ရုပ်ကို အတ္တဟု အဖန်ဖန် ရှုမြင်သုံးသပ်၏။ (ရူပံ အတ္တတော သမနုပဿတိ)
(၂) ရုပ်ရှိသော အတ္တဟူ၍ လည်းကောင်း (ရူပ၀န္တာနံ အတ္တာနံ ၀ါ)
(၃) အတ္တ၌ ရုပ်ဟူ၍ လည်းကောင်း (အတ္တနိ ၀ါ ရူပံ)
(၄) ရုပ်၌ အတ္တဟူ၍ လည်းကောင်း (ရူပသ္မိံ ၀ါ အတ္တာနံ) အဖန်ဖန် ရှုမြင်သုံးသပ်၏။

“ငါသည် ရုပ်ဖြစ်သည်၊ ရုပ်သည် ငါ၏ ဥစ္စာ ဖြစ်သည် (အဟံ ရူပံ, မမ ရူပန္တိ)” ဟု ဖိစီးလွှမ်းမိုးလျှက် တည်၏။ ထိုသို့ ဖိစီးလွှမ်းမိုးနေသူအား ထိုရုပ်သည် တစ်မျိုးတစ်မည်အဖြစ် ဖောက်ပြန်သောအခါ စိုးရိမ်ခြင်း, ပူဆွေးခြင်း, ကိုယ်စိတ် ဆင်းရဲခြင်း, စိတ်နှလုံး ပူလောင်ပင်ပန်းခြင်းတို့ ဖြစ်ကုန်၏။ … သူကြွယ် ဤသို့ဖြင့် ကိုယ်ရော စိတ်ပါ နာကျင်သောသူ ဖြစ်၏။

အကြားအမြင် ရှိသော အရိယာသာဝကတို့သည် (သုတ၀ါ အရိယာသာဝကော) -
(၁) ရုပ်ကို အတ္တဟု အဖန်ဖန် မရှုမြင် မသုံးသပ်။
(၂) ရုပ်ရှိသော အတ္တဟူ၍ လည်းကောင်း
(၃) အတ္တ၌ ရုပ်ဟူ၍ လည်းကောင်း
(၄) ရုပ်၌ အတ္တဟူ၍ လည်းကောင်း အဖန်ဖန် မရှုမြင် မသုံးသပ်။

“ငါသည် ရုပ်ဖြစ်သည်၊ ရုပ်သည် ငါ၏ ဥစ္စာ ဖြစ်သည်” ဟု ဖိစီး လွှမ်းမိုးလျှက် မတည်။ ထိုသို့ ဖိစီး လွှမ်းမိုးမှု မရှိသူအား ထိုရုပ်သည် တစ်မျိုးတစ်မည်အဖြစ် ဖောက်ပြန်သောအခါ စိုးရိမ်ခြင်း, ပူဆွေးခြင်း, ကိုယ်စိတ် ဆင်းရဲခြင်း, စိတ်နှလုံး ပူလောင်ပင်ပန်းခြင်းတို့ မဖြစ်ကုန်။ … သူကြွယ် ဤသို့ဖြင့် နာကျင်သော ကိုယ်ရှိသော်လည်း နာကျင်သော စိတ်မရှိသူ ဖြစ်သည်။

ဤသို့အားဖြင့် ခန္ဓာတစ်ခုလျှင် လေးမျိုးသော အခြင်းအရာအားဖြင့် သုံးသပ်ပုံ ၂၀-အား သက္ကာယဒိဋ္ဌိ ၂၀-အဖြစ် ပဋိသမ္ဘိဒါမဂ္ဂ ပါဠိတော် ဒိဋ္ဌိကထာတွင် အကျယ် ဟောကြားထားပါသည်။

“ရုပ်အား အတ္တဟု ရှုမြင်သုံးသပ်ခြင်း” (ရူပံ အတ္တတော သမနုပဿတိ) ဆိုသည်မှာ ဆီမီးလျှံနှင့် အဆင်းသည် နှစ်ခုမကွဲ တစ်သားတည်း ဖြစ်သကဲ့သို့ ရုပ်နှင့် အတ္တကို ထပ်တူပြု၍ ရှုမြင်ခြင်း ဖြစ်သည်။

“ရုပ်ရှိသော အတ္တဟု ရှုမြင်သုံးသပ်ခြင်း” (ရူပ၀န္တံ အတ္တာနံ သမနုပဿတိ) အား အရိပ်ရှိသော သစ်ပင်ဖြင့် ဥပမာ ပေးထား၏။ သစ်ပင်နှင့် အရိပ်သည် တစ်ခုတည်း မဟုတ်သော်လည်း သစ်ပင်တွင် အရိပ် ရှိသကဲ့သို့ ရုပ်နှင့် အတ္တသည် သီးခြားစီ ဖြစ်သော်လည်း အတ္တတွင် ရုပ်ရှိသည်ဟု ရှုမြင်ခြင်း ဖြစ်သည်။

“အတ္တ၌ ရုပ်ဟု ရှုမြင်သုံးသပ်ခြင်း” (အတ္တနိ ရူပံ သမနုပဿတိ) အား အနံ့ရှိသော ပန်းဟု ရှုမြင်ခြင်းဖြင့် ဥပမာ ပေးသည်။ အနံ့သည် ပန်း၌ ပျံ့နှံ့တည်သကဲ့သို့၊ ရုပ်နှင့် အတ္တသည် သီးခြားစီဖြစ်သော်လည်း ရုပ်သည် အတ္တ၌ ပျံ့နှံ့တည်သည်ဟု ရှုမြင်ခြင်း ဖြစ်သည်။

“ရုပ်၌ အတ္တဟု ရှုမြင်သုံးသပ်ခြင်း” (ရူပသ္မိံ အတ္တာနံ သမနုပဿတိ) အား ကြုတ်တွင် ထည့်ထားသော ပတ္တမြားနှင့် ဥပမာပြု၏။ ရုပ်အတွင်း၌ အတ္တသည် တည်ရှိသည်ဟု ရှုမြင်ခြင်း ဖြစ်သည်။

ဤသို့ ခန္ဓာငါးပါးအား အတ္တအားဖြင့် မှားယွင်းစွာ သုံးသပ် ရှုမြင်ခြင်းအား “ငါ့ဟာ ဖြစ်သည်, ငါ ဖြစ်သည်, ငါ၏ အတ္တ ဖြစ်သည်” (ဧတံ မမ, ဧသော အဟမသ္မိ, ဧသော မေ အတ္တာ) ဟု အဆင့် သုံးဆင့် ရှိသည်။ ခန္ဓာငါးပါးအား ငါ့၏ ဥစ္စာ (မမ - mine) အဖြစ် တပ်မက် တွယ်တာခြင်းအား တဏှာ ဟုခေါ်သည်။ ခန္ဓာငါးပါးအား အမှီပြု၍ ငါဖြစ်သည်, ငါရှိသည် (အဟံ အသ္မိ - I am) ဟူသော အသိတွင် မာနအား တရားကိုယ်ကောက်ရသည်။ ငါ၏ အတ္တ (မေ အတ္တာ - my Self, Self for me) ဟုသုံးသပ်ခြင်းသည် “ငါ” အား အမာခံ အကောင်အထည် အတ္တ, ၀ိညာဉ်, လိပ်ပြာအဖြစ် မှတ်ယူလိုက်သော အမြင်မှား ဒိဋ္ဌိ ဖြစ်သည်။ ဤ “တဏှာ, မာန, ဒိဋ္ဌိ” တို့အား ပပဉ္စတရားသုံးပါးဟုလည်း ခေါ်၏်။

သောတာပတ္တိမဂ် ရသောအခါတွင် အကြမ်းစား အဆင့်ဖြစ်သော “ဧသော မေ အတ္တာ” ဟူသည့် ဒိဋ္ဌိကို အကြွင်းမဲ့ ပယ်သတ်ပါသည်။ သို့သော်လည်း သောတာပန်, သကဒါဂါမ်, အနာဂါမ်ဟူသော အောက်အဆင့် အရိယာပုဂ္ဂိုလ်တို့သည် (ကျင့်ဆဲ သေက္ခပုဂ္ဂိုလ်ဟုလည်း ခေါ်သည်) တဏှာနှင့် မာနဟူသော သိမ်မွေ့သည့် ကိလေသာတို့ကို အကြွင်းမဲ့ ပယ်သတ်နိုင်စွမ်း မရှိသေးပါ။ “ငါ” ဟူသော အတ္တအား ၀ိညာဉ်လိပ်ပြာကဲ့သို့ အကောင်အထည်အဖြစ် ဒိဋ္ဌိအမြင် မရှိတော့သော်လည်း “ငါ့ဟာ, ငါ” ဟူသော တဏှာ, မာနအားဖြင့် တပ်မက်ခြင်း, ထောင်လွှားခြင်း မကင်းသေးပါ။ ရဟန္တာ အရှင်မြတ်များမှာမူ တဏှာ, မာန, ဒိဋ္ဌိ ကိလေသာသုံးပါးလုံးမှ စင်ကြယ်ပါသည်။

ဤဒေသနာတော်အရ စိတ်အား “ငါသည် ရုပ်ဖြစ်သည်၊ ရုပ်သည် ငါ၏ ဥစ္စာ ဖြစ်သည် (အဟံ ရူပံ, မမ ရူပန္တိ)” စသဖြင့် တဏှာ, မာနဖြင့် ဖိစီး လွှမ်းမိုးနေခြင်းအား နာကျင်သော စိတ်ရှိခြင်းဟု ဟောကြားထားပါသည်။ ထို့ကြောင့် ပုထုဇဉ် အများစုတို့သည် စိတ်နာကျင်မှု မကင်းသေးသူများ ဖြစ်ကြပြီး၊ အာသဝေါ ကုန်ခမ်းပြီးသော ရဟန္တာများသည်သာလျှင် မုချအားဖြင့် စိတ်နာကျင်မှု ကင်းကြပါသည်။ ကျင့်ဆဲ သေက္ခပုဂ္ဂိုလ်များသည် စိတ်နာကျင်မှု မကင်းသည် မဟုတ်သလို, စိတ်နာကျင်မှု လုံးဝကင်းသူများလည်း မဟုတ်ကြ (နေ၀ အာတုရစိတ္တာ န အနာတုရစိတ္တာ)။ စိတ်နာကျင်မှု ကင်းစေရန် ကျင့်ကြံပွားများ နေကြသူများ ဖြစ်ကြောင်း ဤသုတ်အဋ္ဌကထာက ထောက်ပြထားပါသည်။

စာညွှန်း
၁။ သံ-၃-၁၊ ခန္ဓ၀ဂ္ဂသံယုတ္တပါဠိတော်၊ ခန္ဓသံယုတ်၊ နကုလပိတုဝဂ်၊ နကုလပိတုသုတ်
၂။ ပဋိသံ-၁၃၁၊ ပဋိသမ္ဘိဒါမဂ္ဂ ပါဠိတော်၊ မဟာဝဂ်၊ ဒိဋ္ဌိကထာ၊ အတ္တာနုဒိဋ္ဌိနိဒ္ဒေသ

ခန္ဓသုတ် (video)

2010-07-29T14:31:00.002+06:30

Wednesday, July 28th, 2010 | Author: admin

ခန္ဓသုတ် - မင်းကွန်းဆရာတော်ဘုရားကြီး

Category: တရားတော်များ, ပရိတ်, ဗီဒီယို | Tags: ဗီဒီယို | Leave a Comment

နိဗ္ဗာန်အကြောင်း

2010-07-29T14:31:00.001+06:30

“ ... နိဗ္ဗာန်၏ တည်ရာအရပ် မရှိ။ ဒီစကားက သိပ်ကောင်းတယ်။ အခု ပြောကြတာက နိဗ္ဗာန်လို့ ပြောလိုက်ရင် နိဗ္ဗာန်ရောက်တယ်လို့လည်း ပြောလေ့ရှိကြတယ်။ နိဗ္ဗာန်ရတယ်လို့လည်း ပြောလေ့ရှိကြတယ်။

ရောက်တယ်ဆိုတဲ့ စကားထဲမှာ ဘာပါနေသလဲဆိုတော့ နိဗ္ဗာန်ဟာ ရောက်စရာနေရာတစ်ခု, ဘုံတစ်ခု, ဌာနတစ်ခုလို့ စိတ်က ထင်,ထင်နေတတ်တယ်။ ဘယ်သူပဲဖြစ်ဖြစ် များသောအားဖြင့် အဲသလိုချည်း ထင်တတ်ကြတယ်။

ဒီနေရာမှာ မိလိန္ဒမင်းကြီးက မေးတယ်။ နိဗ္ဗာန်ရဲ့တည်ရာ အရပ် ရှိပါသလားတဲ့။ မရှိဘူးလို့ ရှင်နာဂသိန်က ဖြေတယ်။

ဒါကြောင့်မို့ နိဗ္ဗာန်ဟာ အရှေ့မှာ ရှိတယ်၊ အနောက်မှာ ရှိတယ်၊ တောင်မှာ ရှိတယ်၊ မြောက်မှာ ရှိတယ်၊ အထက်မှာ ရှိတယ်၊ အောက်မှာ ရှိတယ် ... ဘယ်လိုမှ ပြောလို့ မရဘူး။ ဘယ်နေရာ နိဗ္ဗာန်ရှိတယ်ဆိုတာ ပြောလို့ မရဘူး။

ကိလေသာချုပ်ငြိမ်းခြင်းသဘောကို ဘယ်နေရာမှာ ရှိတယ်လို့ ပြောလို့ မရဘူး။ ညွှန်ကြားလို့ မရဘူး။ ဒါကြောင့်မို့ တည်ရာအရပ်ရယ်လို့ မရှိဘူး။

ဒါကြောင့်မို့ နိဗ္ဗာန်လို့ ပြောလိုက်ရင် ဘုံတစ်ခုအနေမျိုး မမြင်မိစေနဲ့။ ရောက်စရာဌာနတစ်ခုအနေနဲ့ မမြင်မိစေနဲ့။ အဲဒါ အရေးကြီးတယ်။ နိဗ္ဗာန်ဟာ သဘောတရားတစ်ခုပဲ။”

(အရှင်သီလာနန္ဒာဘိဝံသ)

+++++

၂၀၁၀ ခုနှစ် ဇူလိုင်လ ၂၄ ရက် စနေနေ့တွင် လောကချမ်းသာဘုရားကျောင်း၌ အရှင်သီလာနန္ဒာဘိဝံသ၏ အဘိဓမ္မာပို့ချချက်သင်တန်း၊ အပတ်စဉ် (၄၂) နိဗ္ဗာန်အကြောင်းပို့ချချက်ကို နာယူ သင်ယူကြရ၏။

သင်တန်းတွင် လောကချမ်းသာဘုရားကျောင်းသို့ ခေတ္တရောက်ရှိနေသော ဓမ္မဘေရီဆရာတော် အရှင်ဝိရိယ (တောင်စွန်း)က နိဗ္ဗာန်အကြောင်း နာရီဝက်ခန့် ဟောကြား ပို့ချပေး၏။

ဒေးဒရဲကျောင်းဆရာတော်ကြီး၏ ပေါင်းမြက်များ ရှင်းလင်းပြီး၍ ပေါ်လာသော မြေကွက်ဥပမာ၊ ဝါးချက်မင်းကျောင်းဆရာတော်ကြီး၏ ကိုယ်တိုင် ကျင့်ကြံ အားထုတ် နိဗ္ဗာန်ကို မျက်မှောက်ပြုပြီးမှ နှစ်ဦး ပြန်ဆုံ၍ ရှင်းရမည့်တရား ဥပမာများဖြင့် ကိလေသာရှင်းမှ ပေါ်လာသော တရား၊ ရှင်းနိုင်သူ၏ သန္တာန်တွင် ပေါ်သည့် လွတ်မြောက်မှု သဘော၊ ပစ္စတ္တံ ဝေဒိတဗ္ဗော ဝိညူဟိ - သစ္စာလေးပါး သိမြင်၍ အရိယာအဖြစ်သို့ ရောက်ပြီးသော သူတော်ကောင်းကြီးတို့သာ ကိုယ်စီကိုယ်င သိနိုင် ခံစားနိုင်သည်ဟူသော တရားတော်မြတ်၏ ဂုဏ်တော်မြတ်နှင့်အညီ သိနိုင်သည့် သဘောဖြစ်ကြောင်း ရှင်းပြ ဟောပြောသွား၏။

+++++

နိဗ္ဗာန်

နိဗ္ဗာန = နိ + ဝါန
နိ = ထွက်မြောက်
ဝါန = တဏှာ

ဝါနဟု ဆိုအပ်သော တဏှာမှ ထွက်မြောက်တတ်သောကြောင့် နိဗ္ဗာန်ဟု ခေါ်သည်။
ထွက်မြောက်ဟူသည် အာရုံပြု မခံရခြင်းကို ဆိုလိုသည်။

နိဗ္ဗာန်သည် မဂ်ဉာဏ် ၄-ပါးဖြင့် မျက်မှောက်ပြုထိုက်သော တရားဖြစ်သည်။
မဂ်ဖိုလ်တို့၏ အာရုံဖြစ်သည်။

နိဗ္ဗာန်ကို အမျိုးမျိုးဟောကြားထားချက်များမှ ထင်ရှား အတွေ့ရများသည့် အချက်များမှာ -

နိဗ္ဗာန်ဟူသည်

(၁) တဏှာ၏ အကြွင်းမဲ့ ကုန်ရာကုန်ကြောင်း/ကုန်ခြင်း (တဏှာယ အသေသ ဝိရာဂနိရောဓ) ဖြစ်၏။
မဟာစည်ဆရာတော်ဘုရားကြီးက တဏှာ၏ အကြွင်းမဲ့ ကုန်ခြင်း ချုပ်ခြင်းဆိုသည်ကို ပိုပြီး နှစ်သက်၏။

ဓမ္မစကြာတွင် ... ယေ တဿာယေဝ တဏှာယ အသေသဝိရာဂနိရောဓော စာဂေါ ပဋိနိဿဂ္ဂေါ မုတ္တိ
အနာလယော ... ဆိုပြီး အထပ်ထပ် ဟော၏။
‘အနာလယော’၊ ‘စာဂေါ’၊ ‘ပဋိနိဿဂ္ဂေါ’ စသည့်ပုဒ်များ၏ အနက်အဓိပ္ပာယ်မှာ တစ်ခုနှင့်တစ်ခု
သိပ်မကွာလှပေ။

(၂) တဏှာကုန်ရာကုန်ကြောင်း/ကုန်ခြင်း (တဏှက္ခယ) ဖြစ်၏။
တဏှက္ခယဟု ပါဠိပုဒ်ဖြင့် ဟောခြင်းလည်း ရှိ၏။ အဓိပ္ပာယ်အတူတူပင် ဖြစ်၏။

(၃) ရာဂ၊ ဒေါသ၊ မောဟတို့ ကုန်ရာကုန်ကြောင်း/ကုန်ခြင်း (ရာဂက္ခယ၊ ဒေါသက္ခယ၊ မောဟက္ခယ) ဖြစ်၏။
ကိလေသာတို့ ကုန်ရာကုန်ကြောင်းကို ဆို၏။ ပါဠိတော်တို့တွင် ရာဂက္ခယသည် နိဗ္ဗာန်၊
ဒေါသက္ခယသည် နိဗ္ဗာန်၊ မောဟက္ခယသည် နိဗ္ဗာန်ဟု ဟောထားချက်များ ရှိ၏။

(၄) ဘဝချုပ်ရာချုပ်ကြောင်း/ချုပ်ခြင်း (ဘဝနိရောဓ) ဖြစ်၏။
ဘဝမရှိတော့ခြင်း၊ နောက်ထပ်မဖြစ်တော့ခြင်း ချုပ်ခြင်းကိုလည်း နိဗ္ဗာန်ဟု ခေါ်၏။

(၅) ဆင်းရဲချုပ်ရာချုပ်ကြောင်း/ချုပ်ခြင်း (ဒုက္ခနိရောဓ) ဖြစ်၏။
အမှန် ၄-ပါးတွင် တတိယသစ္စာကို ဒုက္ခနိရောဓဟု ခေါ်၏။
ဒုက္ခကုန်ရာ နေရာတစ်မျိုးသဘော ... စသည် ဥပမာအမျိုးမျိုး တင်စား ပြောနေခြင်းသာ ဖြစ်ပြီး
နိဗ္ဗာန်သည် နေရာ ဘုံ ဌာနတစ်ခု မဟုတ်ပေ။
ရာဂ၊ ဒေါသ၊ မောဟ သို့မဟုတ် ကိလေသာတို့ ကုန်ငြိမ်းသည့် သဘောသာ ဖြစ်၏။

(၆) မည်သည့်အကြောင်းကမျှ မပြုလုပ်အပ်သော တရား (အသင်္ခတ) ဖြစ်၏။
ကံ, စိတ်, ဥတု, အာဟာရ ဟူသော အကြောင်းတရား ၄-ပါးက ရုပ်ကို ပြုပြင်သကဲ့သို့ နိဗ္ဗာန်မှာ
ပြုလုပ်အပ်သော အကြောင်းတရား မရှိ။
နိဗ္ဗာန်သည် တရားအားထုတ်ခြင်း၏ အကျိုး မဟုတ်။ မဂ်ဉာဏ်၏ အကျိုး မဟုတ်။
အာရုံကို အကြောင်းဆိုသော အနေဖြင့် (ပါဠိလို ပစ္စယသဒ္ဒါအနေဖြင့် သုံး၏။) ပြောလျှင်မူ နိဗ္ဗာန်သည်
အကြောင်းထဲ ပါနိုင်၏။
အထူးသဖြင့် နိဗ္ဗာန်သည် အကျိုး မဟုတ်။
သူ့အလိုလို သူ့ဟာသူ ထင်ရှားရှိနေသော တရားသာ ဖြစ်သည်။

(၇) ကိလေသာမှ လွတ်မြောက်ရာ လွတ်မြောက်ကြောင်း/လွတ်မြောက်ခြင်း (မုတ္တိ၊ ဝိမုတ္တိ) ဖြစ်၏။
ကိလေသာမှ လွတ်ခြင်း၊ ကိလေသာအာရုံနယ်ပယ် အပြင်ဘက်ရောက်ခြင်း ဖြစ်၏။
မုတ္တိဟုလည်း သုံး၏။ ဝိမုတ္တိဟုလည်း သုံး၏။

(၈) ကျွန်းသဖွယ်ဖြစ်သော တရား (ဒီပ) ဖြစ်၏။
သမုဒ္ဒရာ ပင်လယ်ထဲ မျောနေ ဒုက္ခရောက်နေသူအတွက် ကျွန်းကို မှီခိုပြီး အသက်ရှင်ရသကဲ့သို့
သံသရာထဲ မျောနေသူတို့အတွက် နိဗ္ဗာန်ကို ကျွန်းသဖွယ် တင်စားခြင်း ဖြစ်၏။

(၉) လဲလျောင်းရာဖြစ်သော တရား (တာဏ) ဖြစ်၏။
အားကိုးရာအဖြစ်ကို ဆိုလို၏။

(၁၀) ပုန်းအောင်းရာဖြစ်သော တရား (လေဏ) ဖြစ်၏။
နိဗ္ဗာန်ဟူသော ပုန်းအောင်းရာကို ရလျှင် သံသရာဘေးဒုက္ခမှ လွတ်ခြင်းကို ဆို၏။

(၁၁) မှီခိုရာဖြစ်သော တရား (ပရာယဏ) ဖြစ်၏။
နိဗ္ဗာန်ကို တကယ်တွေ့မှ၊ နိဗ္ဗာန်ကို အာရုံပြုနိုင်သော စိတ်များ မိမိသန္တာန်မှာ ဖြစ်မှ အပါယ်ဘေး
သံသရာဘေးဒုက္ခတို့မှ လွတ်မြောက်သော အားထားမှီခိုရာအစစ် ဖြစ်ကြောင်းကို ဆို၏။

(၁၂) အမှန်တရား (သစ္စ) ဖြစ်၏။
နိဗ္ဗာန်ကို သစ္စာတရားဟုလည်း ခေါ်၏။
အမှန်တရား ၄-မျိုးဖြစ်သော ဆင်းရဲအမှန်တရား၊ ဆင်းရဲကြောင်းအမှန်တရား၊ ဆင်းရဲချုပ်ရာ
နိဗ္ဗာန်အမှန်တရား၊ ဆင်းရဲချုပ်ရာရောက်ကြောင်းဖြစ်သော အကျင့်အမှန်တရားမှ အမှန်တရား တစ်ခု
ဖြစ်၏။

(၁၃) ချမ်းသာခြင်းတရား (သုခ) ဖြစ်၏။
နိဗ္ဗာနံ ပရမံ သုခံ - နိဗ္ဗာန်သည် အမြတ်ဆုံး ချမ်းသာဟု ဓမ္မပဒတွင် ဟောထား၏။

(၁၄) ငြိမ်းချမ်းခြင်းတရား (သန္တိ) ဖြစ်၏။
ခံစားမှုမပါသော ငြိမ်းအေးခြင်း ဖြစ်၏။

(၁၅) မွန်မြတ်သောတရား (ပဏီတ) ဖြစ်၏။

(၁၆) မြဲသောတရား (ဓုဝ) ဖြစ်၏။
တရားတွေထဲမှာ မြဲသည်ဟူ၍ နိဗ္ဗာန်သာ ရှိ၏။

(၁၇) မသေရာတရား (အမတ) ဖြစ်၏။
ဥပါဒ်-အဖြစ်မရှိ၍ ဘင်မရှိ။ သေခြင်းကင်းသော တရား ဖြစ်၏။

(၁၈) မိမိထက်သာသောတရား မရှိသော တရား (အနုတ္တရ) ဖြစ်၏။
အမြတ်ဆုံးတရားဟု ဆို၏။

(၁၉) နက်နဲသော တရား (ဂမ္ဘီရ) ဖြစ်၏။
နိဗ္ဗာန်ကို အမှန်းအဆဖြင့် မမြင်နိုင်ဘဲ မဂ်ဉာဏ် ဖိုလ်ဉာဏ် တကယ်ရမှ မြင်နိုင်သဖြင့် နက်နဲသော
တရားဟု ဆို၏။

(၂၀) မြင်နိုင်ခဲသော တရား (ဒုဒ္ဒသ) ဖြစ်၏။
နက်နဲလျှင် မြင်နိုင်ခဲတော့၏။

(၂၁) သိမ်မွေ့သောတရား (အဏု၊ သုခုမ) ဖြစ်၏။
ပါဠိလို အဏုဟုလည်း ခေါ်၏။ သုခုမဟုလည်း ခေါ်၏။
သိမ်မွေ့သဖြင့် မြင်နိုင်ခဲ၏။ နက်နဲသဖြင့် မြင်နိုင်ခဲ၏။

နိဗ္ဗာန်ကို ဟောထားသော တခြား အချက်အလက်တို့ များစွာ ရှိသေး၏။

နိဗ္ဗာန်နှင့် ပတ်သက်၍ မိလိန္ဒပဥှာမှာ ရှင်နာဂသိန်နှင့် မိလိန္ဒမင်းကြီး အမေးအဖြေကို လေ့လာ ဖတ်ရှု မှတ်သားဖွယ် ကောင်း၏။

ချုပ်ခြင်းသည် နိဗ္ဗာန် မည်၏။

အလုံးစုံသော သူတို့သည် နိဗ္ဗာန်ကို မရကုန်။ ကောင်းစွာ ကျင့်၍ သစ္စာလေးပါးကို သိသူသာ နိဗ္ဗာန်ကို ရနိုင်သည်။

နိဗ္ဗာန်ကို မရသူသည်လည်း နိဗ္ဗာန်သည် ချမ်းသာသည်ဟု သိနိုင်သည်။

နိဗ္ဗာန်ကို အဆင်းသဏ္ဍာန်၊ ဝင်းဝင်းလက်လက်ကြီး၊ မြို့ကြီးပြကြီးသဖွယ် ပြောခြင်းမှာ တင်စားပြောဆိုမှုများသာ ဖြစ်သည်။
နိဗ္ဗာန်သည် အဆင်းသဏ္ဍာန် အရွယ် အတိုင်းအရှည် ဘာမှ မရှိ။
ပစ္စုပ္ပန်၊ အတိတ်၊ အနာဂတ်လည်း မဟုတ်။ ကာလသုံးပါးမှ အလွတ် ဖြစ်၏။

ရုပ်နာမ်က အဖြစ်တရား ဖြစ်ပြီး၊ နိဗ္ဗာန်က အရှိတရားသက်သက် ဖြစ်၏။

ပညတ်စကားလုံးများဖြင့် နိဗ္ဗာန်ကို တိတိကျကျ ဖော်ပြရန် ခဲယဉ်း၏။

+++++

နိဗ္ဗာန် ၂-မျိုး

(၁) သဥပါဒိသေသနိဗ္ဗာန်

သေသ = ကိလေသာတို့မှ ကြွင်းကျန်ရစ်သော
ဥပါဒိ = ဝိပါက်နာမ်ခန္ဓာ၊ ကမ္မဇရုပ်ခန္ဓာ
သ = ရှိသည်

ဝိပါက် နာမက္ခန္ဓာ ကမ္မဇရုပ်တို့ မချုပ်သေးခင် (ပရိနိဗ္ဗာန် မစံခင်) အာရုံပြုအပ်သော နိဗ္ဗာန်။

(၂) အနုပါဒိသေသနိဗ္ဗာန်

န + ဥပါဒိသေသ

ဝိပါက် နာမက္ခန္ဓာ ကမ္မဇရုပ်တို့ ချုပ်ပြီးနောက် (ပရိနိဗ္ဗာန်စံသည့်အခါ) ရအပ်သော နိဗ္ဗာန်။

+++++

နိဗ္ဗာန် ၃-မျိုး

(၁) သုညတနိဗ္ဗာန်

ရာဂ ဒေါသ မောဟနှင့်တကွ ရုပ်နာမ်အားလုံး ကင်းဆိတ်သော နိဗ္ဗာန်။

(၂) အနိမိတ္တနိဗ္ဗာန်

ပုံသဏ္ဍာန် မရှိသော နိဗ္ဗာန်၊ ရာဂ ဒေါသ မောဟနှင့်တကွ ရုပ်နာမ်အားလုံးဟူသော နိမိတ်အမှတ်အသား မရှိသော နိဗ္ဗာန်။

(၃) အပ္ပဏိဟိတနိဗ္ဗာန်

ရာဂ ဒေါသ မောဟဟူသော တောင့်တခြင်း မရှိသော နိဗ္ဗာန်။

+++++

အမှန်အားဖြင့် နိဗ္ဗာန်သည် တစ်မျိုးတည်းသာ ဖြစ်၏။
မသေခင် တွေ့ကြုံရသော နိဗ္ဗာန်၊ သေပြီး နိဗ္ဗာန် စသည် ၂-မျိုး၊ ၃-မျိုးဆိုခြင်းမှာ ဥပစာနှင့် တင်စား ပြောဆိုခြင်း ဖြစ်၏။

စိတ်, စေတသိက်, ရုပ်, နိဗ္ဗာန် = ပရမတ္ထတရား ၄-ပါးတွင် နိဗ္ဗာန်သည် နာမ်ဟု အမည်ရသော တရားတွင် ပါသော်လည်း သီးခြား ပရမတ္ထတရား ဖြစ်၏။ စိတ်, စေတသိက် ကဲ့သို့ နာမ် မဟုတ်။
နိဗ္ဗာန်ကို အာရုံပြုနိုင်သောကြောင့်သာ နာမ်ဟု ဆို၏။

+++++

အဘိဓမ္မာသင်တန်းပြီးသော် လောကချမ်းသာ စနေနေ့တရားပွဲအဖြစ် ဓမ္မဘေရီဆရာတော် အရှင်ဝိရိယ (တောင်စွန်း)က “အရိပ်သုံးပါးတရားတော်” ကို ဓမ္မဒါနပြု ဟောကြား ချီးမြှင့်၏။

မပြတ်သေးဘူး

2010-07-29T14:24:00.000+06:30

ဝါသနာလို့ပဲ ပြောမလား၊ ဘ၀အဆက်ဆက်က အထုံတွေပဲ ပါလာသလား၊ မြင်မြင်ချင်း ချစ်သည်။ မြင်လိုက်တိုင်း ချစ်သည်။ မြင်သမျှ ချစ်သည်။ တစ်ခါတစ်ခါ တစ်ပါးသူတွေ အမြင်ကတ်မှာ စိုး၍ ခိုးချစ်ရသည်။ လူလစ်ရင်တော့ ပေါ်တင်ချစ်သည်။ ရံဖန်ရံခါ တခြားသူတွေ ပြောချင်တာပြော ဂရုမစိုက်ဘူး ဆိုပြီး လူရှေ့မှာပင် ချစ်ချင်သလို ချစ်လိုက်သေးသည်။ ပြောရတာတော့ မကောင်းပါ။ သို့သော် သူကိုယ်တိုင်က နေမှမနေနိုင်ဘဲလေ။

သူချစ်သည်ကား ကြောင်ဟု အမည်သမုတ်သော ချစ်စရာ့ သတ္တ၀ါကလေး တွေပါ။ ငယ်စဉ်ကတည်းက ထို သတ္တ၀ါလေးတွေနဲ့ သူ ရင်းနှီးခဲ့သည်။ ကျွမ်းဝင်ခဲ့သည်။ ထို သတ္တ၀ါ ကြောင်လေးတွေနဲ့ အတူပွေ့ဖက် မွေးဖွားလာသည် မဟုတ်သော်လည်း သူသိတတ်သည့် အချိန်မှစ၍ သူ့ဘေးနားမှာ ထိုသတ္တ၀ါက ရှိနှင့်နေပြီ။ အတူဆော့ဖူးသည်။ ကစားသည်။ သူအနှစ်သက်ဆုံးကား ထိုသတ္တ၀ါလေးတွေနဲ့ အတူ အိပ်ရခြင်းပင်။ သူ့အမေက ကြောင်မချစ်တတ်သော်လည်း သူ့သား အချစ်တော်မို့ ရောဂါရမယ်နော် သား ဆိုတာမှလွဲ၍ ဘာမှမပြော။ သို့သော် စိတ်ထဲက သိပ်မကြည်တာကိုတော့ သူသိသည်။ ဒါကိုလည်း သူဂရုမစိုက်စွာ အတူတူ သိပ်ခဲ့သည်။ အိပ်ခဲ့သည်။

မိုးတွင်း ဆောင်းတွင်း ကာလများဆိုလျှင် ထို သတ္တ၀ါလေးတွေနဲ့ အတူတူ အိပ်ရသည့်အရသာ သူ့လို ကြောင်ချစ်ဖူးသူများမှသာ သိပေမည်။ ထို ကြောင်သတ္တ၀ါကို ရင်ခွင်ထဲမှာ ထည့်၍ ပွေ့ဖက် အိပ်ရသည့်အရာသာကို သူ အလွန်သဘောကျသည်။ တစ်ခါတစ်ရံ သူချစ်သည့် ကြောင်ကလေး မရှိ၍ တစ်ကိုယ်တော် အိပ်ရသည့် အချိန်ဆိုလျှင် သူ့မှာ မနေတတ် မထိုင်တတ်။ သို့သော် သူသိလိုက်သည့် အချိန်မှာတော့ သူ့အချစ်တော် ကြောင်ကလေးက သူ့ ခြေသလုံးနှစ်ခုကြား စောင်ပေါ်မှာ ရောက်နှင့်နေပြီ။

မှတ်မိပါသေးသည်။ သူငယ်စဉ်က လက်ခုပ်ကုန်းဘက် ရွာတစ်ရွာကို သွားလည်ဖူးသည်။ အဲဒီနေ့က မှတ်မှတ်ရရ လယ်ကွင်းထဲက လယ်တဲမှာ တည်းရသည်။ သူ ပျော်လိုက်သည့် ဖြစ်ချင်း။ မပျော်ဘဲလည်း နေနိုင်ရိုးလား။ အဲဒီလယ်တဲမှာ သူချစ်သော ကြောင်လေးတွေက ဆယ်ကောင်ထက် မနည်း။ တွေ့သမျှ သူလိုက်ပွေ့ဖက်သည်။ တစ်ချို့ကလည်း အပွေ့ခံသည်။ တစ်ချို့ကျတော့လည်း သူက လူစိမ်းဆိုတော့ ထွက်ပြေးကြသည်။ ဘာပဲပြောပြော ညနေလောက်ကျတော့ ကြောင်ကလေးတွေ အကုန်လုံးနီးပါးနှင့် သူရင်းနှီးသွားပေပြီ။ ညရောက်တော့ သူချစ်သော ကြောင်လေးတွေနဲ့ အတူတူ အိပ်ဖြစ်ခဲ့သည်။ မိုးတဖြောက်ဖြောက် အသံလေးကို နားထောင်ရင်း ရင်ခွင်ထဲမှာက နှစ်ကောင်၊ ခြေထောက်ပေါ်မှာက သုံးလေးကောင်လောက်နှင့် အိပ်စက်ခဲ့ရသော ထို မိုးတစ်ညကို အကြောင်းဆုံတိုင်း သတိရဆဲ။

သူ့အဖေကလည်း သူ ကြောင်ချစ်တတ်မှန်းသိ၍ တစ်ကောင် မရှိတော့လျှင် နောက်တစ်ကောင် ရှာပေးမြဲ။ သူကလည်း အိမ်ပေါ် ရောက်လာသမျှ ကြောင်ထီး ကြောင်မရွေး၊ အရောင် အသွေးမရွေး အကုန်လုံးကို ချစ်မြဲ။ ကြောင်တစ်ကောင်ကို တွေ့ပြီ ဆိုတာနဲ့ လူရှေ့ သူရှေ့မရှောင် သူ့ အရှက် သိက္ခာတို့ အရည်ပျော်ကာ ထိုကြောင်ကလေးကို ထွေးပွေ့ဖို့ ကြိုးစားမိမြဲပါ။

သူ့ကြောင်လေးတွေကလည်း သူမှသူ။ မိသားစု သုံးယောက် အတူထိုင်နေလျှင် သူ့ပေါင်ပေါ်သာ လာတက်အိပ်သည်။ သူမရှိမှသာ မအီမလည်နှင့် သူ့အဖေ ပေါင်ပေါ်ဖြစ်ဖြစ် တက်သည်။ အမေကတော့ ကျွေးစရာရှိတာ ကျွေးသော်လည်း ပေါင်ပေါ် အတက်မခံ၍ အမေ့ပေါင်ပေါ်တော့ မတက်။

သူ ဆယ်တန်းနှစ်က ဆိုလျှင် ထိုကြောင်လေးတွေက သူ့အတွက် အားဆေး။ ကြောင်လေးတွေဟု ဆိုသော်လည်း တစ်ကောင်တည်း ရယ်သာ။ သူ ညဘက် စာကျက်ချိန် ညဉ့်နက်သည့် အခါ ကြောက်စိတ်တို့ ၀င်လာလျှင် သူ့ဘေးနားမှာ ကြောင်ကလေး ထားကာ သူ့ကြောက်စိတ်ကို ဖြေဖျောက်ခဲ့သည်။ ရံဖန်ရံခါ ထိုကြောင်လေးကို ပေါင်ပေါ်တင် သိပ်ရင်း စာကျက်သည်။ သူ့အမေက ညဘက် စာကျက်တာ စောင့်ပေးသော်လည်း နေ့စဉ် ရက်ဆက်ကျတော့ မခံနိုင်။ ဒီအခါ သူ့ကြောင်လေးကိုပဲ သူ အားကိုးခဲ့သည်။ သူ့ကြောင်လေးနှင့် အတူတူ အားမွေးကာ စာကျက်ခဲ့သည်။

သူ ဆယ်တန်းအောင်ပြီး တက္ကသိုလ် ဆက်တက်တော့ ချစ်သော ကြောင်လေးတွေနဲ့ သူ အလှမ်းဝေးသွားသည်။ သို့သော် ချစ်စိတ်ကတော့ ဝေးမသွား။ စာမေးပွဲ ရက်များဆို သူ့ဘေးနားမှာ စောင့်ပေးတတ်သော သူ့အမေနှင့်အတူ သူချစ်သော ကြောင်လေးတွေကို ပူးတွဲ သတိရသည်။ မိုးတွင်း ဆောင်းတွင်းကာလ ညအိပ်ချိန်များ ဆိုလည်း ချစ်သော ကြောင်လေးတွေနဲ့ အတူတူ ဖက်အိပ်ခဲ့သော ဟိုးအရင်က အတိတ်တွေကိုလည်း သတိရသည်။

သူငယ်ငယ်ကအကြောင်း မှတ်မိသေးသည်။ ကြောင်အိမ်ရှင်းရင် ကြွက်ပေါက် နီတာရဲ သုံးကောင်ကို တွေ့၍ အိမ်အောက်သို့ သူနေရာ ရွှေ့ပေးလိုက်သည်။ သတိရလို့ သူသွားကြည့်တဲ့ အချိန်မှာတော့ ထိုကြွက် နီတာရဲလေးများ မရှိတော့။ အဲဒီတော့မှ သူ ကြောင်အိမ်ရှင်းစဉ်က တညောင်ညောင်နှင့် အနားမှာ အော်နေသော သူ့ကြောင်လေးကို သွားသတိရသည်။ ကြွက် နီတာရဲလေးတွေကို သူချစ်သော ကြောင်သတ္တ၀ါက စားပစ်လိုက်ချေပြီ။ ထိုစဉ်က သူ စိတ်မကောင်းလည်းဖြစ်၊ စိတ်လည်း စိတ်တိုစွာနဲ့ သူချစ်သော ကြောင်လေးကို ခြေနှစ်ဘက် လက်နှစ်ဘက် ကိုင်ကာ ရေစပ်စပ်ရှိသော ဗွက်တောထဲမှာ သူ့ကြောင်ရဲ့ ကိုယ်လုံးလေးကို ဗွက်တွေနဲ့ လူးပစ်လိုက်သည်။ ရေကြောက်သော ကြောင်လေးက ရုန်းရင်းကန်ရင်း သူ့ဘယ်ဘက် လက်ဖျံကို ကိုက်ထည့်လိုက်သည်။ သူလည်း လန့်ဖျန့်ကာ လွှတ်ပေးလိုက်ရသည်။ ကိုက်လိုက်တာက သိပ်မနက်သော်လည်း သွားရာက အကွင်းလိုက် ထင်သွားသည်။ ကြောင်ကလေးကို စိတ်တိုတာထက် သူ့အမေ ဆူမှာစိုး၍ လက်ကို ပလာစတာကပ်ကာ တစ်ပတ် ဆယ်ရက်လောက် လက်ရှည် အင်္ကျီကို မချွတ်တမ်း ၀တ်ခဲ့ရသေးသည်။ ဖြစ်နေတုန်းတော့ သူ့ကြောင်လေးကို စိတ်တိုမိသော်လည်း နောက်တော့ ဒုံးရင်းက ဒုံးရင်း၊ ချစ်တဲ့စိတ်ကတော့ မပျောက်ကွယ်ခဲ့။ ဒီဇာတ်လမ်းက သူချစ်သော ကြောင်လေးနဲ့ မှတ်မှတ်ထင်ထင် ရှိနေခဲ့သော ရက်စွဲများထဲက ရက်စွဲတစ်ခု။

သူအခုဆိုလျှင် ပညာရေးနှင့် ပြည်ပသို့ ရောက်နေ၏။ သူ့အသက်သည်လည်း သက်တမ်း၏ သုံးပုံတစ်ပုံပင် ကျိုးခဲ့ပြီ။ သို့သော်လည်း ကြောင်ကလေးတွေ အပေါ် သူချစ်သော စိတ်ကတော့ မကျိုးပြတ်သေး။ ပို၍ပင် တိုးလာသည်ဟု ဆိုရမလိုပင် ဖြစ်နေသည်။ ကြည့်လေ။ ဒီ ပြည်ပက ကြောင်တွေက သူအရင်က ချစ်ခဲ့တဲ့ ကြောင်တွေထက် ပိုလှသည်။ အကောင်ထွားထွားတွေ၊ ၀၀ဖိုင့်ဖိုင့်တွေ၊ နောက် စုတ်ဖွားကြောင်တွေ။ အားပါး လှလိုက်သည့်ဖြစ်ချင်း။ အားလုံးက ချစ်စရာတွေချည်း။

သူကြောင်ချစ်တတ်တာကို သိသော သူ့မိတ်ဆွေ အစ်ကိုတစ်ယောက်က ကြောင်ပုံလေးပေါ်မှာ စာတမ်းတစ်ခု ရေးထိုး၍ သူ့ထံသို့ ပေးပို့ခဲ့သေးသည်။

သံယောဇဉ်ဆိုတာ ဘယ်ဟာလဲလို့ သဘာဝ သိအောင် ရှာလိုက်စမ်းပါ။ ဖြစ်ပြန်ပျက်ပြန် လောကဓံအရှိကို သဘောဉာဏ် မမိတဲ့ နှောင်အိမ်ကြီးပါ။ တဲ့လေ..

ဤစာတမ်းကို သူသိပါသည်။ သဘောလည်း ထိုက်သလောက် ပေါက်ပါသည်။ သို့သော် သူမညာချင်ပါ။ ညာလို့လည်း မရပါ။ ပုထုဇဉ်ပဲ သံယောဇဉ်တွေတော့ ရှိမှာပေါ့လို့လည်း ပုထုဇဉ် သဘာဝကို ရိုးမယ် မဖွဲ့ချင်ပါ။ ဒါပေမယ့်လည်း သူသည် ပုထုဇဉ် ဆိုတာကိုတော့ ခေါင်းစဉ်ပြောင်းနိုင်သည့် အရည်အသွေး မမှီသေး။

ခုလည်း သူနေသည့် အထပ်မှာ သူချစ်သော ကြောင်လေးတွေ ရှိသည်။ အ၀ါတစ်ကွက်၊ အဖြူတစ်ကွက်နှင့် မျက်နှာဝိုင်းဝိုင်း အကောင်ကြီးကြီး ကြောင်တစ်ကောင်၊ တစ်ကိုယ်လုံး မဟူရာရောင် အသွေးနဲ့ ကြောင်မဲလေး တစ်ကောင်၊ နောက် အဖြူခပ်များများကို မီးခိုးရောင်စပ်ထားသော ကြောင်ပေါက်စက တစ်ကောင်၊ အားလုံးပေါင်း သုံးကောင်တောင်။ တစ်ခါတစ်ရံ ဘယ်အထပ်ကမှန်း မသိသော အမွှေးဖွားဖွား ကြောင်လေးတစ်ကောင်ကလည်း ရောက်လာတတ်သည်။ သို့သော် သူ အကုန်ချစ်ပါသည်။ ခုနောက်ပိုင်း ကြောင်တွေကိုမှ မဟုတ်။ မီးဖိုချောင် ပြတင်းပေါက်မှာ လာလာနားတတ်သော ခိုတွေကိုလည်း ချစ်ပါသည်။ အခန်းထဲက ပိုးဟပ်လို အကောင်တွေကိုလည်း ချစ်ပါသည်။ အမည်မသိသည့် အကောင်ဗလောင် လေးများကို မြင်လျှင်လည်း သူ ချစ်တတ်နေပါပြီ။ ထိုအချစ်ကို မေတ္တာလို့ သူ အမည်မပေးရဲသေးသော်လည်း မေတ္တာများသည့်ဘက် ရောက်အောင်တော့ သူ ကြိုးစားနေပါသည်။ အော် မပြတ်သေးသော ကြိုးတစ်ချောင်းပါကလား။

***********************************

အဲလို ပန်းကန်ထဲ လက်ထည့်စားရမှာ ကျေနပ်သတဲ့.. ကလေး ပေါက်စပေါ့ဗျာ။ ဆော့ကလည်း တအားဆော့။

သူကတော့ ရံဖန်ရံခါ ရောက်လာတတ်တယ်.. ဘာပဲဖြစ်ဖြစ် ကိုယ်ချင်းစာစိတ်၊ မေတ္တာစိတ် ရအောင်မွေးပြီး ကျွန်တော်ကတော့ ကျွေးတာပါပဲ။

စားစား မီမီရေ..

ကြောင်ဝါကြီးကို ကျွန်တော် သဘောကျတာ သည်းခံစိတ် များတာကိုပါ။ သူ့ပန်းကန် လာလုစားလည်း မာန်ဖီတယ် ကိုယ်တယ်ဆိုတာ လုံးဝ မရှိဘူး.. အေးဆေးပဲ.. တိရိစ္ဆာန်တွေမှာလည်း အတုယူရမည့် အချက်တွေ ရှိတယ်နော..။

ကြောင် အနက်နဲ့ ကြောင်ဝါကြီးက ဇနီးမောင်နှံလေ.. တစ်ကောင်နဲ့ တစ်ကောင် သိပ်ချစ်ကြတာ.. ကြောင်ဝါကြီးက တအားအေး၊ လူတိုင်းနဲ့ တည့်ပေမယ့် ကြောင်အနက်ကတော့ လူနည်းနည်း လန့်တယ်။

ကြောင်ဝါကြီးကတော့ နည်းနည်းအိုပြီခင်ဗျ.. တစ်ခါတစ်ခါ အဲဒါတွေကြည့်ပြီး ကိုယ့်ကိုယ်ကို သံဝေဂ ပွားရသေးတယ်။

အင်း.. စားနေရင်းနဲ့ သွားကြားညပ်နေလို့လေ.. သူ့အမူအယာတွေနဲ့ အရောင်စပ်ပုံက အဆောင်က လူတွေကို အချစ်တိုးစေတယ်ခင်ဗျ.. ကလေးသာသာ အပူအပင်ကင်းတဲ့ ကျွန်တော်တို့ ငယ်ငယ်တုန်းက လိုပေါ့..

သတ္တ၀ါတွေကလည်း မေတ္တာငတ်နေကြတာဗျ.. သူတို့အပေါ် မေတ္တာပေးတဲ့သူဆို တအား သဘောကျတာ.. ဒီအထာကို ကျွန်တော်က သဘောပေါက်တော့ သူတို့အပေါ် ယုယုယယ နေတယ်လေ.. အဲဒီတော့လည်း ကျွန်တော့်ကို ခင်တယ်ပေါ့ဗျာ..

ကြောင်အနက်မြင်တော့ ငယ်ငယ်က ကြားဖူးတဲ့ ကြောင်အနက် မမွေးကောင်းဘူး၊ ဘာဖြစ်တယ် ညာဖြစ်တယ်.. ဆိုတာကို သွားသတိရမိတယ်. အော် လူတွေလည်း ရူးပါ့..

ဖိုးသား

မှတ်သားဖွယ်ရာအမေးအဖြေများ(၇)

2010-07-29T14:23:00.000+06:30

Written by တောသားလေး 0 အကြံပြုပါသည်။ Posted in: အမေးအဖြေ

တရားနဲ့ပူဇော်တာအမြတ်ဆုံးလို့ ဘာကြောင့်ပြောရတာလဲ

အမေး။ ။
အရှင်ဘုရား…ဘုရားရှင်ပရိနိဗ္ဗာန်စံခါနီးမှာ နတ်ဗြဟ္မာတွေကပန်းနံ့သာတို့နဲ့ပူဇော်လာကြတာကိုအကြောင်း ပြုပြီးဘုရားရှင်က “ငါဘုရားကို ပန်းနံ့သာတို့နဲ့ ပူဇော်ပေမဲ့ ပူဇော်တယ်လို့ မခေါ်သေးပါဘူး။ သီလ၊သမာဓိ၊ ပညာတရားအားလျော်တဲ့အကျင့်ပဋိပတ္တိကို ကျင့်နေတဲ့ ပုဂ္ဂိုလ်မှသာ ငါဘုရားကို အမွန်မြတ်ဆုံး ပူဇော်ခြင်းနဲ့ ပူဇော်ရာရောက်ပါတယ်” လို့ မိန့်တော်မူထားပါတယ်။ တပည့်တော် သိချင်တာက ဘုရားရှင်ဟာ ယခင်က ပစ္စည်းဝတ္ထုနဲ့ ဘုရားရှင်ရဲ့ဂုဏ်ကျေးဇူးကိုဆင်ခြင်ပြီး လှူရင် အကျိုးကြီးမြတ်ကြောင်းကို ဟောကြားတော်မူ ပါလျှက်ယခုပရိနိဗ္ဗာန်ပြုခါနီးကျမှ ပစ္စည်းနဲ့ပူဇော်တာထက် တရားနဲ့ပူဇော်တာကပိုပြီး အကျိုးကြီးမြတ်တယ် လို့ဘာကြောင့်ပစ္စည်းနဲ့ပူဇော်တာကို ပယ်ရတာလဲဘုရား။
မနွယ်နွယ်အေး
ရန်ကုန်
အဖြေ။ ။
ပန်းနံ့သာတို့ဖြင့်ပူဇော်တာထက် သီလ၊သမာဓိ၊ပညာတို့ဖြင့် ပူဇော်တာက အမြတ်ဆုံးရယ်လို့ ဟောတော်မူ တဲ့အကြောင်းအရင်းက ဘုရားရှင်ဟာပရိသတ်ကို ချီးမြောက်လိုတော်မူတာကတစ်ကြောင်း၊သာသနာတော် ကြီးအရှည်တည်တံ့ခြင်းကို လိုလားတော်မူတာကတစ်ကြောင်း ဖြစ်ပါတယ်။
ဒီလိုသာဟောတော်မမူခဲ့ဘူးဆိုရင် နောင်အခါမှာ သီလ၊သမာဓိ၊ပညာနဲ့ပတ်သက်ပြီး ဟောပြောတိုက်တွန်းမှု နည်းပါးလာကာ ဘာဝနာတရားအားထုတ်မှုမရှိတော့။ ပန်းနံ့သာစတာတွေနဲ့ ပူဇော်ရတဲ့အကျိုးကိုသာ ဟောပြောညွန်ကြားကာ ဒကာ-ဒကာမများ အလှူဒါန(အာမိသပူဇာ) ကိုသာ ပြုနေရစ်ကြပါလိမ့်မယ်။
သာသနိကအဆောက်အအုံဖြစ်တဲ့ ကျောင်းကန်ဘုရားများဟာ သာသနာကို အရှည်တည်တံ့အောင်မစွမ်း ဆောင်နိုင်ပါဘူး။ လှူဒါန်းပူဇော်သူရဲ့ လူနတ်နိဗ္ဗာန် သုံးတန်ချမ်းသာအတွက်သာ ဖြစ်တယ်။
အမှန်က ကောင်းမွန်တဲ့အကျင့်ဆိုတဲ့ သီလ၊သမာဓိ၊ပညာအကျင့်တရားတွေကသာ သာသနာတော်ကြီး အရှည်တည်တံ့အောင် စွမ်းဆောင်နိုင်ပါတယ်။ အာမိသာပူဇာကို အကျိုးမရှိဘူးလို့ ဟောတော်မမူသလို ပယ်တာလဲမဟုတ်ဘူးဆိုတာ ဖြေကြားပေးလိုက်ပါတယ်။
ဒါကြောင့် အခုခေတ်တရားပွဲတွေမှာ အချို့တရားဟောဆရာများက ဘုရားမှာ အာမိသပူဇာဖြစ်တဲ့ ပန်းနံ့သာ စတာတွေကို လှူရင်အပိုအလုပ်တွေပါလို့ ဟောနေပြောနေကြတာတွေကို စာချစ်သူများအား သတိထားဖို့ ပြောပါရစေ၊ ဒီဝါဒဟာဟိုယခင်တုန်းက ပေါ်ပေါက်ခဲ့တဲ့ အဓမ္မအယူဝါဒဖြစ်ပါတယ်။ (မဟာဗုဒ္ဓ၀င်၊ပဉ္စမတွဲ၊နှာ-၄၂၆-၄၂၇)
ဆရာတော်ဦးကောဝိဒ(မြိတ်)

ဆရာတော် ဦးကောဝိဒ(မြိတ်) ရေးသားသော ဆိုဒ်မှာ တစ်ဆင့်ပြန်လည်ကူးယူပြီး စာဖတ်သူ ဓမ္မမိတ်ဆွေ များကို မျှဝေလိုက်ခြင်း ဖြစ်ပါသည်။

စာဖတ်သူဓမ္မမိတ်ဆွေများအားလုံး ကိုယ်စိတ်နှစ်ဖြာကျန်းမာချမ်းသာကြပါစေ။

လက်ငင်းအကျိုးပေး ဘာကြောင့်ရ

2010-07-29T14:16:00.000+06:30

ငွေကုန်ကြေးကျ အများကြီးနဲ့ မော်မော်ကြွားကြွား၊ ခမ်းခမ်းနားနား အလှူကြီးပေးပေမဲ့ အကျိုးပေးညံ့ချင် ညံ့နေတတ်တယ်။ အဲဒါ အလှူပေးစဉ် စိတ်ထားမမှန် စေတနာ မထက်သန်ခဲ့လို့ပါပဲ။ တကယ်တော့ ငွေကြေး ၀တ္ထုပစ္စည်းက အဓိက မဟုတ်ပါဘူး။ စေတနာကသာ ကောင်းကျိုးပေးစွမ်းနိုင်ကြောင်း ဒီပုံဝတ္ထုလေးက သက်သေပြနေပါတယ်။

ဘုရားရှင် လက်ထက် ရာဇဂြိုလ်ပြည်မှာ ဗိမ္မိသာရမင်းကြီးထံ ပန်းတော်ဆက်သရတဲ့ သုမန ပန်းသည်ဆိုတာ ရှိတယ်။ သုမနဟာ တစ်နေ့လျှင် မြတ်လေးပန်း ရှစ်စလွယ် ဘုရင်ကို ဆက်သရတယ်။ ဘုရင့်ဆီက တစ်နေ့လုပ်အားခ အသပြာ ရှစ်ကျပ်ရတယ်။
တစ်နေ့တော့ ဘုရားရှင်ဟာ ရောင်ခြည်တော်ခြောက်သွယ် တစ်ခဲနက် ကွန့်မြူးပြီး မြိုတော်အတွင်းသို့ ဆွမ်းခံကြွအလာ သုမနကလည်း ဘုရင့်ထံ ပန်းတော်ဆက်ဖို့အလာ တစ်နေရာမှာ ဆုံမိကြပါရော။ သုမနပန်းသည်ဟာ ဘုရားရှင်ကို ဖူးလိုက်ရတယ် ဆိုရင်ပဲ ဘုရားကျေးဇူးတွေ တလှိုက်လှိုက် ကြည့်ညိုလာပြီး ဘုရင့်က ငါ့ကိုသတ်ချင်သတ်၊ ထောင်ချချင်ချ လိုက်ဦး ဘုရင့်ကို ဆက်မယ့် ဒီပန်းတွေကို ဘုရားကို လှူလိုက်တော့မယ်။ ဘုရင်ပေးတဲ့ တစ်နေ့ ရှစ်ကျပ်ဆိုတဲ့ အသပြာဟာ တစ်ဘ၀သာ စားသုံးနိုင်တယ်။ ဘုရားရှင်ရဲ့ ဓမ္မကျေးဇူး၊ စွန့်လွတ်မှုရဲ့ တန်ပြန်အားကတော့ ကမ္ဘာကုန်ပေမဲ့ ကုန်အံ့မထင်...။

အဲဒီလိုခံယူပြီး ဆုံးဖြတ်ပြီး ပန်းနှစ်ဆုပ်ဖြင့် ဘုရားရှင်ရဲ့ အထက်ဆီ ပစ်ကြဲ ပူဇော်လိုက်တယ်။ ပန်းတွေက ပန်းဆိုင်းကြီးတွေဖြစ်ပြီး ဘုရှားရှင် အထက်မှာ မျက်နှာကျက်လို တည်နေတော့သတဲ့။ ကျန်တဲ့ပန်းတွေနဲ့ ၀ဲယာ လှည့်ပတ် ပူဇော်ကြပြန်တော့ ပုဆိုးတင်းထိမ်တွေနဲ့ ကာရံထားသလို (ဘုရားရှင် မျက်နှာတော်ဖူးနိုင်ရုံမျှ အပေါက်ကလေးသာကျန်ပြီး) တည်နေတယ်တဲ့။ ပန်းတွေဟာ မြေမသက်၊ ဘုရားရှင်ကြွတော်မူရင် အတူလိုက်ပါသွားပြီး ဘုရားရှင် ရပ်တော်မူသော် အတူ ရပ်တန့်ကြတယ်။

သုမနဟာ သူလှူတဲ့သူ ပန်းတွေရဲ့ ထူးခြားတဲ့ အခြင်းအရာကိုကြည့်ပြီး ပီတိ ဖြစ်လာလိုက်တာ ရိုးတွင်းခြင်ဆီထဲကတောင် တသိမ့်သိမ့်တက်လာသတဲ့။

မြို့သူမြို့သားတို့လည်း အလှူခံ ပုဂ္ဂိုလ် ဘုရားရှင်ရဲ့ ထူးကဲလွန်မြတ်ခြင်း၊ အလှူပေးသူ သုမနရဲ့ ထူးကဲခြင်း၊ နှစ်ဖက်ဆုံရာက ပေါ်ထွန်းလာတဲ့ ပန်းတို့ရဲ့ တည်နေဟန် အံ့ဖွယ်သရဲ ဖြစ်ပုံကို မြင်တွေ့ကြပြီး ပီတိအဟုန် ဖြစ်ပေါ်လာတယ်။ ဘုရားရှင်ကို လှူဖွယ်အစုံ၊ ပူဇော်ထူးနဲ့ သဒ္ဓါကို အကြောင်းပြုပြီး သဒ္ဓါပေါင်းများစွာ ပွင့်ပေါ်လာတယ်။

သုမန အိမ်ပြန်ရောက်တော့ ဒီအကြောင်း ဇနီးဖြစ်သူ ၀မ်းသာပါစေတော့လို့ ပြန်ပြောပြတယ်။ မိန်းမက ၀မ်းမသာတဲ့အပြင် ဆဲရေးတိုင်းထွာပါလေရော။ ဘုရင်စီးပွား၊ သူ့စီးပွား ထိမယ့် အလှူမျိုးလုပ်ခဲ့လို့တဲ့။ သခင်အားရ အောင် သူက ပဲ ဦးစွာ သံတော်ဦးတင် ကုန်းချောပါလေရော။

ဒါပေမဲ့ ဘုရင် ဗိမ္မိသာရဟာ မကြုံစဖူး ထူးကဲတဲ့ သုမနပန်းသည်ရဲ့ အလှူပေါ်မှာ အံသြလို့ မကုန်၊ ပီတိ အဟုန်လည်း ဖြစ်လျက်က ချက်ချင်း မြှောက်စားလိုက်ပါတယ်။ ဆင်ရှစ်စီး၊ မြင်းရှစ်ကောင်၊ ကျေးကျွန်ယောက်ျား ရှစ်ဦး၊ ကျွန်မိန်းမ ရှစ်ယောက်၊ အကောင်းဆုံးဝတ်စုံ ရှစ်စုံ၊ အသပြာရှစ်ထောင်၊ တန်ဆာအပြည့်အစုံ ဆင်ယင်ပြီးတဲ့ အပျိုတော်ရှစ်ယောက်၊ ရွာကြီးရှစ်ရွာ...စုစုပေါင်း ဆု အမျိုးအစားရှစ်မျိုး ပေးသနား ချီးမြှင့် လိုက်တော့တယ်။

အဲဒါ ချက်ချင်းလက်ငင်း အကျိုးခံစားရတာ။ လက်ငင်းအကျိုးပေး ဘာကြောင့် ရသလဲဆိုတော့ သုမန ပန်းသည်မှာ ငါစွဲ၊ ၀တ္ထုစွဲ၊ ပုဂ္ဂိုလ်စွဲ မရှိဘူး။ ဘုရားဆိုတဲ့ အစွဲထက် ဘုရားရှင်ရဲ့ ဂုဏ်တော် ကျေးဇူးတော်တွေကို အောက်မေ့ကြည်ညိုခဲ့တာ အဓိက ပဓာနကျ ပါတယ်။ ဘယ်သူမှ မတိုက်တွန်းရဘူး ၊ ဘုရားရှင်ကို ဆက်ရမယ့်ပန်းအတွက် ဘုရင်သတ်ချင်သတ်၊ ထောင်ချချင်ချ ဆိုတဲ့ ရဲ့ရင်တဲ့ ထက်သန်တဲ့ စေတနာလည်းရှိတယ်။ အဲဒီ လက်ဦးစေတနာက အကျိုးပေးတာပါ။လှူစဉ်တုန်းက လည်း ရကောင်းစေဆိုတဲ့ လောဘစိတ်၊ မျှော်စိတ် မရှိဘဲ စင်ကြယ်စိတ်နဲက လှူခဲ့တာ ဖြစ်လို့ လက်ငင်းအကျိုးပေးတာပါ။

သုမနပန်းသည် သံသရာမှာ ရရှိမယ့် ဆုကတော့ ၉၁ ကမ္ဘာလုံးလုံးအပါယ်မလားတော့ဘူး။ပစ္စေက ဗုဒ္ဓါ အဖြစ်နဲ့လည်း နိဗ္ဗာန်စံဝင်ရမယ် ဆိုတဲ့ ဆုထူး ဆုမြတ်ကြီးကိုလည်း ရရှိသွားပါတယ်။
ညခင်း
တရားအစစ်-အမှန်ချစ်-နှစ်ခြိုက်ကျင့်သုံးနိုင်ပါစေ။

မတူညီတဲ့ စိတ်များ

2010-07-29T14:13:00.000+06:30

တစ်ခါတစ်ခါလည်း ကိုယ်က တွေးကြည့်မိတယ်။ လူတိုင်း စိတ်တူညီဖို့ တော့ မလွယ်ဘူး ဆိုတာ ကိုပေါ့။ ပြီးတော့ ဘယ်လို တူညီကြမလဲ ဆိုတာလည်း ဆက်တွေးကြည့်ရဲ့ ။

မတူညီတဲ့စိတ် ဘာကြောင့်လဲ ဆိုတာထက် တူညီဖို့ ကို အဓိကထားပြီး တွေးမိပြန်တယ်။ တူညီဖို့ ဆိုတာ မေတ္တာရှိမှသာ ဖြစ်နိုင်တယ်။ တကယ့်ကို မေတ္တာရှိတဲ့ ဆွေမျိုး ရင်းချာ၊ သူငယ်ချင်း ရင်းချာလိုကို ချစ်တတ်မှ သာ စိတ်က တူညီနိုင်တာ။ အဲလိုမဟုတ်ကတော့ ဘယ်လိုမှကို တူညီဖို့  မလွယ်ဘူး။

တကယ်တမ်း တစ်ဦးနဲ့  တစ်ဦး တူညီဖို့ ဆိုတာကလည်း မလွယ်တဲ့ကိစ္စ။ တစ်ခါတစ်ခါ ညီအကိုချင်း။ ညီမချင်း။ မောင်နှမချင်း။ ဆရာနဲ့ တပည့်။ မိဘနဲ့  သားသမီးတွေတောင်မှ စိတ်တွေက ညီချင်မှ ညီ ကျတာကိုး။ စိတ်ကလည်း အမျိုးမျိုးဆိုတော့ ဒီလိုပဲပေါ့။

အဓိကတူညီတဲ့ စိတ်ထားရှိဖို့  ဆိုရင်တော့ အကောင်းဘက်က ကြည့်တတ်ဖို့ ပါဘဲ။ ဆိုလိုတာက စိတ်ကောင်းလေး၊ စိတ်ထား မှန်လေးတွေပေါ့။

စိတ်ကောင်းလေး၊ စိတ်ထားမှန် ထားနိုင်ဖို့  ဆိုတာကလည်း စိတ်ထားကောင်းသူ နားလည် ပေးတတ် သူမှာ ရှိတတ်ကြတာပါပဲ။ အဲလိုမှ မထားတတ်ရင် တွေ့ ကြုံသမျှဟာ မူလ စိတ်ကောင်းလေး တွေ ကနေပြီး အလွဲလွဲ အချော်ချော်နဲ့  နားလည်မှုတွေ လွဲတတ်ကြပါတယ်။

အဲဒါနဲ့  ပါတ်သက်ပြီး တောင်မြို့  ၊ မဟာဂန္ဓာရုံ ဆရာတော်ရဲ့  ဂါထာလေး တစ်ပုဒ်ကို ကိုယ်နားလည် သလို ခံစားပြီး မြန်မာ ကဗျာမပီ စာမပီလေး ရေးချမိတယ်။

ရှေ့ ဆက်ပြီး ဖတ်ကြည့်ပါဦးလား-

စိတ်စည်းခြားခြင်း

+ နေပူကျဲကျဲ
လမ်းချော်လဲ
သူတော်စဉ်တို့ 
ကူဖေးမြဲ။

+ တွဲ...တွဲ...တွဲ...။
စွဲ...စွဲ...စွဲ....။

+ နေပူကျဲကျဲ
လမ်းချော်လဲ
သူချော်ပင်မို့ 
တဟဲဟဲ။

+ ခွဲ...ခွဲ...ခွဲ...။
စဲ...စဲ...စဲ...။

ဒါပါပဲ။ သူတော်စဉ်နဲ့  သူချော်ပင် တို့  စိတ်ထားကတော့ မတူညီတဲ့ စိတ်ထားများဖြစ်ပါတော့တယ်။

စိတ်ထားကောင်းသူ နားလည်တတ်သူများဖြစ်ကြပြီး
အချင်းချင်း တူညီတဲ့စိတ်ထားများ ရှိကြပါစေသောဝ်။

မြတ်ရောင်နီ
( ၂၉ ၊ ၀၇ ၊ ၂၀၁၀ )

သိရီမင်္ဂလာကျောင်း ၀ါဆိုသင်္ကန်းဆက်ကပ်လှူဒါန်းပွဲနှင့် စုပေါင်းရှင်ပြုပွဲ အမှတ်တရဓာတ်ပုံများ

2010-07-29T14:11:00.001+06:30

“သုစရိုက်တရား ၁၀ပါး”

2010-07-29T14:09:00.001+06:30

“သုခ-ချမ်းသာခြင်း နဲ့ ဒုက္ခ-ဆင်းရဲခြင်း” ဆိုတဲ့ ဆန့်ကျင်ဘက် လောကဓံတရားထဲမှာ အကျူံးဝင်တဲ့ ဒီ မတူညီတဲ့ နှစ်မျိူးသော ခံစားမှု့များကို လူသားတိုင်းဟာ ဘ၀သံသရာ စက်ဝိုင်းထဲက မလွတ်မြောက်သေးသမျှ ကာလတိုင်အောင် အမြဲတွေ့ကြုံကာ တစ်ခါတစ်ရံ ချမ်းသာခြင်း-သုခကို ခံစားလိုက်၊ တစ်ခါတစ်ရံမှာတော့ ဆင်းရဲခြင်း-ဒုက္ခတရားကို ခံစားလိုက်နဲ့ မတည်မြဲတဲ့ ခံစားမှု့မျိူးနဲ့ မတည်မြဲတဲ့ ဘ၀တစ်ခုကို ဖြတ်သန်း နေကြရပါတယ်။

သုခ-ချမ်းသာတဲ့ ပျော်ရွှင် ခံစားမှု့မျိူးကို လူသားတိုင်း တောင့်တကာ ခံစားနေချင်ကြပေမယ့်၊ ဒုက္ခ-ဆင်းရဲ ပင်ပန်းတဲ့ ခံစားးမှု့မျိူးကိုတော့ဖြင့် လူသားအားလုံးဟာ မျှော်လင့်တောင့်တကာ ခံစားနေချင်ကြမှာ မဟုတ်ပါဘူး။ ဒါဟာလည်း လှု့သဘာဝ တစ်ခုပါပဲ။ သဘာဝတရားအရ မိမိရဲ့ ချမ်းသာခြင်းကို ခံစားချင်တဲ့ ဆန္ဒတွေကြောင့် စိတ်ကို ချမ်းသာစေမယ့်၊ စိတ်ကို သက်သာပျော်ရွှင်စေမယ့် အရာများကို၊ အလုပ်များကို ရှာဖွေကာ ဖြည့်ဆည်းနေကြတာပါ။ ဒီလိုရှာဖွေကာ ချမ်းသာခြင်းတရားကို ခံစားနေကြပေမယ့် တကယ် စစ်မှန်တဲ့ ပျော်ရွှင်ခံစားမှု့မျိူးကို မတွေ့နိုင်ကြပါဘူး။ ထာဝရပျော်ရွှင်ချမ်းသာစေဖို့အတွက် ဆိုလိုတာပါ၊ တဒင်္ဂ ပျော်ရွှင်ခံစားမှု့မျိူးကိုတော့ မိမတိုရှာဖွေနေတဲ့ အပြင်လောကထဲမှာရှိတဲ့ ချမ်းသာမှု့များက ပေးစွမ်းနိုင်ပါတယ်။ တကယ် စစ်မှန်တဲ့ ပျော်ရွှင်ခံစားမှု့ သုခတရားကိုတော့ မိမိသန္တာန်မှာရှိတဲ့ အတွင်းစိတ်ထဲမှာပဲ ရှိပါတယ်။ တကယ် စစ်မှန်တဲ့ ပျော်ရွှင်ခံစားမှု့ သုခကို ခံစားချင်တယ်ဆိုရင်တော့ မိမိရဲ့ အတွင်းစိတ်ထဲမှာပဲ ရှာလို့ရပါတယ်။ ရှာစေချင်ပါတယ်။

အဲဒီလိုသာ မိမိရဲ့အတွင်းစိတ်သန္တာန်မှာ ရှာဖွေလိုက်မယ်ဆိုရင် မိမိလိုချင်တဲ့ ပျော်ရွှင်ချမ်းသာခြင်း-သုခကို ရရှိဖို့အတွက် သုခ-ချမ်းသာခြင်းကို ပေးစွမ်းစေနိုင်မယ့် ပြုလုပ်ရမယ့်အရာတွေကို တွေ့ရှိမှာပါ။ ပြီးတော့ မိမိကိုယ်တိုင် မိမိရဲ့ စိတ်သန္တာန်မှာ ချမ်းသာခြင်းကို ပေးစွမ်းနိုင်မယ့် ပြုလုပ်ရမယ့် တစ်ချိူ့အလုပ်တွေကို အပြင်လောကမှာ တကယ် လက်တွေ့ပြုလုပ်ရမယ်ဆိုတာ သိရှိလာပါတယ်။ တစ်ချိူ့သော အလုပ်များကိုတော့ အတွင်းစိတ်သန္တာန်မှာပဲ ပြုလုပ်လို့ရပါတယ်။

ဒါဆိုရင် ချမ်းသာခြင်း-သုခများကို ပေးစွမ်းနိုင်မယ့် ပြုလုပ်ရမယ့် အလုပ်တွေက ဘာတွေလဲ၊ ဘယ်လောက်တောင် ပြုလုပ်စရာရှိပါသလဲ၊ လိုအပ်ပါသလဲဆိုတာ စာချစ်သူ စဉ်းစားကာ သိချင်တယ်ဆိုရင်တော့ အတွေးလေးကို ခဏရပ်ကာ အောက်မှာ ပြောပြမယ့် အာဠာဝကဘီလူး အကြောင်းလေးကို အကျဉ်းလေး ဖတ်ကြည့်လိုက်ပါ။

ဗုဒ္ဓမြတ်စွာရဲ့ အောင်မြင်ခဲ့တဲ့ အောင်ခြင်းရှစ်ပါးဆိုတာ ရှိပါတယ်။ ဒီရှစ်ပါးထဲမှာ အာဠာဝကဘီလူးကို ဒုတိယ အောင်မြင်ခဲ့တာပါ။ အာဠာဝကဘီလူးဟာ ရတနာသုံးပါးကို မကြည်ညိုတဲ့ သိပ်ကိုကြမ်းတမ်းပြီး အစွမ်းထက်တဲ့ နတ်ဘီလူး တစ်ပါးပါ၊ ဗုဒ္ဓမြတ်စွာဟာ ကျွတ်ထိုက်တဲ့သတ္တ၀ါများကို နံနက်မိုးသောက်အချိန်တိုင်းမှာ ကြီးမားတဲ့ကရုဏာတော်နဲ့အတူ သဗ္ဗညူတဥာဏ်တော်နဲ့ ကြည့်မြင်တော်မှုလေ့ရှိပြီး ကျွတ်ထိုက်သူ တစ်ဦးတစ်ယောက်တွေ့ရင်လည်း ဘယ်နေရာမှာ ဖြစ်ဖြစ် ကိုယ်တော်တိုင် တစ်ပါးတည်း၊ သို့မဟုတ် နောက်ပါ တပည့်သံဃာများနဲအတူ သွားရောက်ကာ တရားဟော ချွတ်တော်မှုလေ့ရှိပါတယ်။

ဒီလိုကြည့်တော်မှုစဉ်မှာ အာဠာဝကဘီလူးရဲ့ ကျွတ်တမ်းဝင်ချိန်ကို သိရှိတာကြောင့် သာဝတ္ထိပြည်ကနေ အာဠ၀ီပြည်ကို တစ်ပါးတည်းကြွပြီး အာဠာဝကဘီလူးရဲ့ ဗိဗ္မာန်တော်မှာ ၀င်ရောက်သီတင်းသုံးနေတော်မှုပါတယ်။ အဲဒီအချိန်မှာ အာဠာဝကဘီလူးဟာ နတ်သဘင်အစည်းအဝေးမှာ သွားရောက်နေတဲ့အချိန်ပါ။ အာဠာဝကဘီလူးဟာ မိမိရဲ့ ဗိဗ္မာန်ကိုအရောက် မိမိရဲ့ နေရာကို ထိုင်နေတဲ့ ဗုဒ္ဓမြတ်စွာကို တွေ့မြင်လိုက်ရတော့ အလွန်ကို ဒေါသအမျက်ထွက်ပြီး ပြင်းထန်တဲ့ လေမုန်တိုင်းတွေတိုက်ခတ်စေပြီး ဘုရှားရှင်ကို တိုက်ခိုက်ပါတယ်၊ ပြင်းထန်တဲ့ ကျောက်ခဲမိုးတွေ၊ လက်နက်မိုးတွေ၊ ကမ္ဘာပျက်မိုးတွေကို သူ့အစွမ်းနဲ့ ဖန်တီးပြီး ဗုဒ္ဓမြတ်စွာကို တိုက်ခိုက်ပါသော်လည်း ဗုဒ္ဓမြတ်စွာရဲ့ သင်္ကန်းတော်စကိုတောင် လှုပ်ခတ်မှု့၊ စိုစိတ်မှု့၊ ထိပါးမှု့ကို မတွေ့ရတော့ သူရဲ့ နောက်ဆုံးလက်နက် ဘွဲ့ဖြူလက်နက်နဲ့ တိုက်ခိုက်ပါတယ်။ ဘွဲ့ဖြူလက်နက်ဟာ အလွန်ကို အစွမ်းရှိတာပါ၊ ဒါပေမယ့် သူရဲ့ အစွမ်းထက်တဲ့ နောက်ဆုံးလက်နက်ဖြစ်တဲ့ ဘွဲ့ဖြူလက်နက်ဟာလည်း ဗုဒ္ဓမြတ်စွာခြေတော်ရင်းမှာ ခြေသုတ်တစ်ခုအဖြစ် ရောက်ရှိသွားရပါတယ်။

အာဠာဝကဟာ ဘယ်လိုမှ လက်ရုံးရည်နဲ့ တိုက်ခိုက်လို့မရတော့ စိတ်ဓာတ်ကျပြီး နှလုံးရည်နဲ့ တိုက်ခတ်ပြန်ပါတယ်။ နှလုံးရည်ကတော့ ဗုဒ္ဓမြတ်စွာရဲ့ မေတ္တာအစွမ်း၊ ခန္တီအစွမ်းကို တိုက်ခိုက်သောအားဖြင့် “ရဟန်းဂေါတမ၊ င့ါနန်းတော်ကထွက်၊ ရဟန်းဂေါတမ၊ င့ါနန်းတော်ထဲ ချက်ချင်းပြန်ဝင်” လို့ပြောဆိုပြီး တိုက်ခိုက်တာပါ။ ဗုဒ္ဓမြတ်စွာကလည်း “ကောင်းပြီ၊ သင်မနေစေချင်ရင်ထွက်မယ်” လိုဖြေကြားပြီး ကျွတ်ချိန်တန်ပြီဖြစ်တဲ့ အာဠာဝကကို စိတ်နှလုံးသား နှုးညံ့လာအောင်၊ စိတ်နှလုံး နှုးညံ့လာမှာ ဟောကြားမယ့် တရားစကားကို နားလည်မှာဆိုတာကို သိတာကြောင့် သူ့အလိုအရ ထွက်ခွာပေးတာပါ။ အာဠာဝကရဲ့အကြံအစည်ကတော့ သူခိုင်းတာကို လိုက်လုပ်နေတဲ့ ရဟန်းဂေါတမကို မောပန်းအောင် အကြိမ်ကြိမ် ထွက်ခိုင်းမယ်၊ ၀င်ခိုင်းမယ်၊ သူမောပန်းမှာ ခြေထောက်ကကိုင်ပြီး ဟိုဘက်မြစ်ကမ်းကို အရောက် ကိုင်ပေါက်ပစ်မယ်လို့ ကြံပြီး လုပ်နေတာပါ။

လေးကြိမ်မြောက် “ရဟန်းဂေါတမ၊ ငါ့နန်းတော်ကနေထွက်”လို့ ပြောပေမယ့် ဗုဒ္ဓမြတ်စွာဟာ “အာဠာဝက၊ ငါသာ ဒီတစ်ကြိမ်ထွက်မယ်ဆိုရင် သင်က င့ါကို ခြေထောက်ကနေကိုင်ပြီး ဟိုဘက်မြစ်ကမ်းကို ကိုင်ပေါက်မှာ ဖြစ်တဲ့အတွက် ငါမထွက်တော့ဘူး” လို့ဖြေကြားတော့ သူ့ရဲ့စိတ်အကြံအစည်ကို သိသွားတဲ့အတွက် သိပ်ကိုအံ့သြသွားပြီး၊ ရဟန်းဂေါတမဟာ ပညာရှိရဟန်းတစ်ပါး ဖြစ်ရမယ်၊ ဒီတော့ ငါသိချင်တဲ့ မေးခွန်းကိုမေးမယ်၊ မေးလို့ မဖြေနိုင်ရင်တော့ သတ်ပစ်မယ်လို့၊ တွေးပြီး ဗုဒ္ဓမြတ်စွာကို မေးခွန်းလေးခု မေးပါတယ်။

အာဠာဝက မေးတဲ့လေးခုသောမေးခွန်းထဲက စာရေးသူ ဒီစာစုနဲ့ သက်ဆိုင်တဲ့ ဒုတိယတစ်ခုကိုပဲ ပြောပြမှာ ဖြစ်ပါတယ်။

အာဠာဝကရဲ့ ဒုတိယ မေးခွန်းကတော့………

“ရဟန်းဂေါတမ၊ ဘယ်လိုအလုပ်ကို ပြုလုပ်ရင် ချမ်းသာခြင်းကို ရရှိမလဲ၊ ဘယ်လို အလေ့အကျင့်ဟာ အချမ်းသာဆုံးဖြစ်ပါသလဲ” လို့မေးလျှောက်တော့..

ဗုဒ္ဓမြတ်စွာက “အာဠာဝက၊ ကုသိုလ်ကမ္မပထ တရား၁၀ပါးကို ပြုလုပ်မယ်ဆိုရင် ချမ်းသာခြင်းကို ရရှိနိုင်ပါတယ်၊ ကုသိုလ်ကမ္မပထတရား ၁၀ပါးကို ပြုလုပ်တဲ့ အလေ့အကျင့်ဟာ အချမ်းသာဆုံးဖြစ်ပါတယ်။” လို့ ဗုဒ္ဓမြတ်စွာက ဖြေကြားတော်မှုလိုက်တာပါ။

လောကလူသားတို့ တောင့်တကာ ခံစားပျော်ရွှင်ချင်တာကြောင့် ရှာဖွေနေကြတဲ့ အချမ်းသာဆုံး သုခတရားကတော့ ကုသိုလ်ကမ္မပထ တရား ၁၀ ပါးပဲ ဖြစ်ပါတယ်၊ ဒီတရား ၁၀ ပါးကို ပြုလုပ်ခြင်းဖြင့် အချမ်းသာဆုံး အရားများကို ခံစားရရှိမယ်ဖြစ်ပြီး သံသရာတစ်လျှောက်မှာ ပျော်ရွှင်စွာ နေသွားကြရမှာ ဖြစ်ပါတယ်။

ဒီချမ်းသာခြင်းကို ပေးစွမ်းနိုင်မယ့် ပြုလုပ်ရမယ့် အလုပ်များကတော့ ကုသိုလ်ကမ္မပထ တရား ၁၀ပါးကတော့..

(ကာယသုစရိုက်တရား ၃ ပါး)

၁။ ပါဏာတိပါတ၀ိရတိ-သူ့အသက်ကို သတ်ခြင်းမှ ရှောင်ကြဉ်မှု့၊

၂။ အဒိန္နာဒါန၀ိရတိ-သူတစ်ပါးပစ္စည်း ဥစ္စာကို မတရားခိုးယူခြင်းမှ ရှောင်ကြဉ်မှု့၊

၃။ ကာမေသုမိစ္ဆာစာရ၀ိရတိ- ကာမဂုဏ်တို့၌ မှားယွင်းစွာ ကျင့်ခြင်းမှ ရှောင်ကြဉ်မှု့၊

(၀စီသုစရိုက်တရား ၄ ပါး)

၁။ မုသာဝါဒ၀ိရတိ- မမှန်သောစကားကို ပြောဆိုခြင်းမှ ရှောင်ကြဉ်မှု့၊

၂။ ပိသုဏ၀ါစာဝိရတိ- ကုန်းချော၊ ရန်တိုက်စကားကို ပြောဆိုခြင်းမှ ရှောင်ကြဉ်မှု့၊

၃။ ဖရုသ၀ါစာဝိရတိ- ကြမ်းတမ်း၊ ခက်ထန်၊ ရိုင်းပျသောစကားကို ပြောဆိုခြင်းမှ ရှောင်ကြဉ်မှု့၊

၎။ သမ္ဖပ္ပလာပ၀ိရတိ- မိမိ၊ သူတစ်ပါး၊ နှစ်ဦးသားအတွက် အကျိူးမရှိ၊ ပိန်ပျင်းသောစကားကို ပြောဆိုခြင်းမှ ရှောင်ကြဉ်မှု့၊

(မနောကသုစရိုက် တရား ၃ပါး)

၁။ အနဘိဇ္ဈာ- သူတစ်ပါး၏ ပစ္စည်းများကို မတရား ရယူရန်မကြံစည်မှု့၊

၂။ အဗျာပါဒ- သူတစ်ပါး၏ အသက်နှင့် စည်းစိမ်ကုို ပျက်စီးရန် မကြံစည်မှု့၊

၃။ သမ္မာဒိဋ္ဌိ- ကံ၊ ကံ၏အကျိူးကို ယုံကြည်ပြီး မှန်ကန်သော အယူကို ယုံကြည်မှု့………….တို့ပဲဖြစ်ပါတယ်။

ဒီတရား ၁၀ ပါးကို ကုသိုလ်ကမ္မပထ တရား၁၀ပါးလို့လည်း ခေါ်သလို၊ သုစရိုက်တရား ၁၀ပါးလို့လည်း ခေါ်ပါတယ်။ ကုသလကမ္မပထဆိုတာကတော့ ကောင်းသောအကျင့်၊ ကောင်းသော အမှု့အလုပ်များကို ပြုလုပ်ခြင်း၊ မကောင်းသောအကျင့်၊ မကောင်းသော အမှု့အလုပ်များကို ရှောင်ကြဉ်ခြင်းလို့ ဆိုတာပါ။

သူတစ်ပါးအသက်ကို သတ်ခြင်းအမှု့အလုပ်ကို မပြုလုပ်ဘဲ ရှောင်ကြဉ်ခြင်း၊ သူတစ်ပါး အသက်ချမ်းသာစေဖို့ ချမ်းသာစွာ ပြုစုစောက်ရှောက်ခြင်း၊ ကျွေးမွေးခြင်း အမှု့အလုပ် ပြုလုပ်ခြင်းတို့ကို ရှောင်ကြဉ်ခြင်း၊ ပြုလုပ်ခြင်းတို့ပါပဲ။

တကယ်တော့ ဒီတရား ၁၀ပါးကို ရှောင်ကြဉ်လိုက်ခြင်းဖြင့် ကုသိုလ်တရားများရရှိမှာပါ။ ဒီလို ကုသိုလ်တရားများကို ရရှိလာမယ်ဆိုရင် ချမ်းသာခြင်းတရားတွေ ရရှိလာမှာပါ။ ကုသိုလ်တရားဆိုတာဟာ ချမ်းသာခြင်းကိုပဲ ပေးတတ်တာပါ။

ဒါကြောင့် ချမ်းသာခြင်းကို အလိုရှိတဲ့သူများ ကုသိုလ်ကမ္မပထတရား ၁၀ပါးကို ပြုလုပ်ခြင်းဖြင့် ကုသိုလ်တရားများရရှိပြီး ချမ်းသာခြင်းတရားတွေကို ရရှိအောင် ကြိုးစားအားထုတ်နိုင်သော သူများဖြစ်ပါစေလို့ ဆန္ဒပြုလိုက်ပါတယ်။

(ဥယျာဉ်မှုးလေး)

လူတို့နေရာ ဤကမ္ဘာ တဏှာ အုပ်စိုးသည်…….

2010-07-29T14:07:00.000+06:30

ငါတို့နေရာ ဤကမ္ဘာသည်ကား ရာသီဥတု အပူအအေး ပြောင်းလဲမှုဒဏ် အကြီးအကျယ်ကို ရင်ဆိုင်နေရပြီး ကမ္ဘာ့လေထုထဲတွင်လည်း ကာဗွန်ဒိုင်အောက်ဆိုက်တွေက အလျင်အမြန်ကို ဖြစ်ထွန်းတိုးတက်လျက်ရှိသည်ဟု သိပ္ပံပညာရှင်များစုက တစ်သံတည်း ထွက်လာနေကြပြီ ဖြစ်သည်။

ကမ္ဘာ့ကြီး ပြောင်းလဲပုံစနစ်တွေကို ဂျိုတုစလောင်းကဖြစ်စေ၊သုသေသနအချက် အလက်တွေဆီကနေဖြစ်စေ ကျနုပ်တို့ တွေ့နိုင်ကြပါတယ်။(မြန်မာက နာဂစ်လိုမျိုး) ဆိုင်ကလုန်း၊တိုင်ဖုန်း၊(အမေရီကန်က ကတ်ထရီနာလိုမျိုး)ဟာရီကိန်းမုန်တိုင်းများ သဘာဝဘေးအန္တရာယ်နှင့်အတူ ကမ္ဘာ့မြေအောက်ကြမ်းပြင် အလွှာရှိ ရေအရင်းအမြစ် ယုတ်လျော့မှုတွေက လှိုင်းတံဘိုးလို အရှိန်အဟုန်ပြင်းစွာ ကျနုပ်တို့ တွေ့ကြုံခံစားနေကြရပါပြီ။

ကမ္ဘာ့မြေပေါ်ရှိ ခြောက်သွေ့သဲကန္တာရလွင်ပြင်တွေကိုလည်း တစ်စထက်တစ်စ ကြီးထွားစေကာ ကမ္ဘာကြီးအတွက် အစာအာဟာရ ဆာလောင်မွတ်သိပ်မှုက တိုးပွားလျက်ရှိလာကြချေပြီ။ ဒါကြောင့် ကျုပ်တို့ရဲ့ လူမှုနေမှုစနစ်တွေကို ပြန်လည်ပြုပြင်သုံးသပ်ဖို့ဆိုတာ သံသယတောင် မရှိသင့်တော့ပါဘူး။

ပူနွေးလာတဲ့အတွက်ကြောင့် ကြိုတင်လုပ်နာဆောင်ရွက်ရမည့်ဥပဒေတွေကို စောဒကတက်မယ့် ကမ္ဘာ့သိပ္ပံပညာရှင်တွေ အနည်းအကျဉ်းသာရှိလာနေကြပါတယ်။ ကမ္ဘာကြီး ပိုမို၍ ပူနွေးလာတဲ့အတွက်ကြောင့် ကြိုတင်လုပ်နာဆောင်ရွက်ရမည့် စဉ်းကမ်းများကို အခြေပြုထားတဲ့ ချဉ်းကပ်မှုမျိုးတွေကို ယုတ်စွအဆုံး ကျနော်တို့ ပူပေါင်း ချမှတ်သင့်နေပါပြီ။ “ဆောင်ရွက်ချက်ရဲ့ထိရောက်တဲ့ရလာဒ်ကောင်းတွေဟာ ခက်ခဲကောင်းခက်ခဲမယ်၊ မဖြစ်နိုင်လောက်ဘူးဆိုရင်တော့ လုံဝကျိန်းသေပျက်ကွက်ခဲ့လို့ ကြိုးပမ်းဆောင်ရွက်သူတွေအပေါ်မှာ အပြစ်ပုံကျလာပါလိမ့်မည်”ဟု ကြိုတင်သတိပေးချက်တွေက ထောက်ပြနေပါတယ်။

နိုင်ငံရာပေါင်းများစွာတို့မှ သိပ္ပံပညာရှင်ထောင်ပေါင်းများစွာတို့က ကမ္ဘာ့ရာသီဥတု ပြောင်းလဲလာခြင်းရဲ့ တိကျတဲ့အခန်းကဏ္ဍကဆိုင်ရာများတွင် အလုပ်လုပ်နေကြပြီး အမှန်ပြုပြင်ဖို့ သဘောထားထုတ်ပြန်နေရုံသက်သက်မျှမဟုတ်တော့ဘဲ တကယ်လိုက်နာဆောင်ရွက်စရာတွေကိုလဲ အကြံပြု လုပ်ဆောင်နေကြပါပြီ။

ငါတို့နေရာ ဤကမ္ဘာမြေဟာ အစကတည်းက ကမ္ဘာ့သမိုင်းကာလတစ်လျှောက် သူ့သသာဝအတိုင်း ရာသီဥတုပြောင်းလဲခြင်းနဲ့အတူ ပုံမှန်အတိုင်း လည်ပတ်နေခဲ့တာပါ။ စိုးရိမ်စရာကောင်းတာကတော့ မယုံကြည်နိုင်လောက်အောင် သာမာန်ထက် အများကြီး လည်ပတ်ပြောင်းလဲစေလောက်အောင်ထိ ကျုပ်တို့တို့က ပြုမူ လုပ်ဆောင်နေကြခြင်းဖြစ်ပါတယ်။ ရုပ်ကြွင်းလောင်စာများကို မီးရှို့ခြင်း၊ ဖန်လုံအိမ်ဓာတ်ငွေများကို ထိန့်လန့်စရာကောင်းလောက်အောင် အလွန်အကျွန် ထုတ်လွှတ်ခြင်းတို့လည်းပဲ ကမ္ဘာမြေပူနွေးစေတာတွေ ဖြစ်ပေါ်လာစေပါတယ်။ ဖန်လုံးအိမ်ဓာတ်ငွေ့ကြောင့် ဥတုရာသီပြောင်းလဲခြင်းအကျိုးဆက်တွေလဲ ခံစားနေကြရပါပြီ။

ယခုအခါတွင် လျင်လျင်မြန်မြန်ကြီး ရာသီဥတုပြောင်းလဲ လည်ပတ်မှုတွေနဲ့အတူ ကျုပ်တို့ရဲ့ လူနေမှုစနစ်တွေ၊ စီပွားရေးစနစ်တွေနဲ့ အတွေးအမြင်တွေက လိုက်လျောညီထွေဖြစ်ဖို့ အလွန့်အလွန် အခက်တွေ့စေပါတယ်။

ဒီဝက်ဆိုက်မှာတော့ ကမ္ဘာရာသီးဥတုပြောင်းလဲခြင်း သဘာဝအကြောင်းတွေ အများကြီး ဖော်ပြထားပြီး ဖတ်ရသူများအတွက် နားလည်သဘောပေါက်စေလိမ့်မည်ဟု ယုံကြည်နေပါသည်။ စာဖတ်သူများ ရှေ့ဆက်လုပ်ဆောင်စရာတွေနဲ့အတူ နောက်ထပ် ရာသီဥတုပြောင်းလဲခြင်းဆိုင်ရာတွေကို တစ်ကမ္ဘာလုံးနဲ့နှိုင်းရယင် အသေးအမွှားမျှသာရှိသေးသည်ဟုအထင်ဖြင့်လည်း စိတ်ဓာတ်ခွန်အားမလျော့သင့်ပေ၊ ကျုပ်တို့နှင့်လက်တွဲကာ ကမ္ဘာကြီးပြောင်းလဲလာမှုနှင့် ပူနွေးလာခြင်း သဘောသဘာဝတွေကို အတူလေ့လာကြပြီးတော့ “အုတ်တစ်ချပ် သဲတစ်ပွင့်”အနေနဲ့ ထူးခြားတာ တစ်ခုခုတော့ သင်လုပ်ဆောင်လာနိုင်လမ့်မည်ဟု ယုံကြည်နေမိပါတယ်။
http://www.global-greenhouse-warming.com/index.html မှဆီလျော်အောင် ဘာသာပြန်ဆိုသည်။

( ကျုပ်တို့ ကမ္ဘာ့လူသားတွေကိုယ်စီမှာ တောက်လောင်နေတဲ့ အတွင်း လောဘမီး၊ ဒေါသမီး၊မောဟမီး တွေကို အရှိန်လျှော့ပစ်လိုက်ယင် ကမ္ဘာကြီးအပူသက်သာလာမှာဖြစ်နိုင်ကြောင်း ဘာသာပြန်သူက တွေးမိနေကြောင်းပါဗျာ)

ဇူလိုင်လ ၂၉ ရက်နေ့တရားအစီအစဉ်များ...

2010-07-29T14:04:00.001+06:30

မြန်မာစံတော်ချိန် ၀၂း၀၀ နာရီမှ ၂၄း၀၀နာရီအထိ...
ကျေးဇူးတော်ရှင် မိုးကုတ်ဆရာတော်ဘုရားကြီး အရှင်ဝိမလ ဟောကြားတော်မူသော

၁) ၀ိတက် ၀ိစာရ ရှုနည်း ဆီခွက်မဖိတ်တရားတော်
၂) ၀ိပဿနာရှုသောပုဂ္ဂိုလ်တို့၏မှတ်တိုင်တရား
၃) ၀ိပဿနာယောဂီလေးမျိုး တရားတော်
၎) ဆင်သေနှင့် ကျီးမိုက် တရားတော် (အရိန္တမနှင့် သောနက၀ထ္ထု)
၅) ဒုက္ခွကိုပိုင်းခြားသိရှိကြရန်
၆) ဓမ္မနှင့် အနုဓမ္မရှင်း တရားတော်
၇) နိဗ္ဗာန်ရောက်ချင်လျှင် ကိုယ်စိတ်ကို ရှုမှတ်ကြပါ(၁)
၈) နိဗ္ဗာန်ရောက်ချင်လျှင် ကိုယ်စိတ်ကို ရှုမှတ်ကြပါ(၂)
၉) ဗုဒ္ဓဘာသာဝင်တွေလုပ်ရမည်. တရားတော်
၁၀) မီးရထား ဘူတာစဉ် ဥပမာပြ အဘိဏှသုတ်
၁၁) သီလ သမာဓိ ပညာ အရေးကြီးပုံ မဟာမိတ္တရဟန်း
၁၂) ၀ိရိယအကူအညီဖြင့် သမာဓိ။ ပညာ မဂ္ဂင်ဆိုက်အောင်လုပ်ကြပါ (မဟာမိတ္တရဟန်းဝတ္တု)
၁၃) ၀ဿကာရပုဏ္ဏားနှင့် ရှင်အာနန္ဒာ အမေး၊အဖြေ
၁၄) တရားအားထုတ်သောပုဂ္ဂိုလ်တို့ သည်လိပ်ကဲ့သို့ကျင့်ရမည်
၁၅) ဒုက္ခချုပ်ရာနိဗ္ဗာန်အကြောင်းရှင်းပြပုံ တရား
၁၆) သစ္စာတရားနာမှု နှလုံးသွင်းမှန်မှု တရားတော် (၁)
၁၇) သစ္စာတရားနာမှု နှလုံးသွင်းမှန်မှု တရားတော် (၂)
Posted by shwemanthu at 1:22 PM Labels: နေ့စဉ် တရားအစီအစဉ်

ဘန်ကောက် မြန်မာအလုပ်သမားများ ၀ါဆိုသင်္ကန်းကပ်နှင့် တရားပွဲကျင်းပ

2010-07-29T14:01:00.000+06:30

ဘစောတင် Tuesday, July 27, 2010

ထိုင်းနိုင်ငံ ဘန်ကောက်မြို့ ဘန်းခေး အရပ်ရှိ ၀ပ်တလုံး ဘုန်းတော်ကြီး ကျောင်းတွင် ပြီးခဲ့သည့် တနင်္ဂနွေနေ့က မြန်မာ အလုပ်သမားများ စုပေါင်း၍ ၀ါဆိုသင်္ကန်း ကပ်ပွဲနှင့် တရားပွဲ ကျင်းပသည်။

မြန်မာနိုင်ငံသား စာသင်သား ရဟန်း ၉၀ ကျော်နှင့် ပင့်ဖိတ်သံဃာ အပါအ၀င် သံဃာတော် ၁၀၀ ခန့်ကို ဘန်ကောက် မြို့ဝန်းကျင်ရှိ စက်ရုံ အလုပ်ရုံ အသီးသီးမှ မြန်မာအလုပ်သမားများက ၀ါဆို သင်္ကန်း ဆက်ကပ်လှူဒါန်းကြောင်း သိရ သည်။

ဝါဆို သင်္ကန်းကပ်ပွဲသို့ ကြွလာသည့် သံဃာတော်များ (ဓာတ်ပုံ - ဧရာဝတီ)

ယင်း ၀ါဆိုသင်္ကန်း ကပ်လှူပွဲမှ ရရှိသည့် အလှူငွေ ဘတ် တသိန်းကျော် ကိုလည်း မြန်မာစာသင်သား ရဟန်းတော်များ သီတင်းသုံးရန်အတွက် ဆောက်လုပ်နေသော ကျောင်းဆောင်တွင် အသုံးပြုသွားမည်ဟု ၀ပ်တလုံးကျောင်းတိုက် မှ မြန်မာစာသင်သား သံဃာတော် ဦးကုဏ္ဍလ က မိန့်ကြားသည်။

နေ့လယ်ပိုင်းတွင် မြန်မာနိုင်ငံမှ နာမည်ကြီး ဓမ္မကထိက ဒယ်အိုးဆရာတော် အမည်ရ ဆရာတော် ဦးသုမင်္ဂလ က တရားဟောကြားရာ ထောင်နှင့်ချီသော မြန်မာတရားနာ ပရိသတ်များ သဘောကျ နှစ်ခြိုက်ခဲ့ကြောင်းလည်း သိရှိရ သည်။

ဘန်ကောက်မြို့ ဘန်ဘော် ဧကချိုင် ၆၆ လမ်းရှိ အထည်ချုပ် စက်ရုံတခုမှ မ မဉ္ဖူက“ဒီဆရာတော်ရဲ့ တရားခွေတွေကို နာပြီးကတည်းက ကြည်ညိမှု အပြည့်ရှိတာဆိုတော့၊ အခုလို ကိုယ်တိုင် တရားနာခွင့်ရတော့ အရမ်းပီတိဖြစ်မိတာပေါ့၊ သူ့ရဲ့တရားက တပုဒ်နာရင် ကိုယ်တွေလိုမျိုး လူတွေအတွက်က လိမ္မာရေးခြားတခု တိုးတယ်လေ”ဟု ပြောသည်။

တရားပွဲသို့ စက်ရုံအလုပ်ရုံများမှ မြန်မာပရိသတ် ၁၅၀၀ ကျော် လာရောက်ခဲ့ကြောင်း၊ ထိုနေ့က ဦးသုမင်္ဂလ ဟောကြား ခဲ့သည်မှာ“ကျေးဇူးမဲ့ မဖြစ်စေနဲ့”အမည်ရှိ တရားတော်ဖြစ်ကြောင်း သိရသည်။

ဝါဆိုသင်္ကန်း ကပ်ပွဲတွင် တရားဟောမည့် ဆရာတော် ဦးသုမင်္ဂလ (ဓာတ်ပုံ - ဧရာဝတီ)

ဘန်ဘော် SK ၇၆ လမ်းရှိ အထည်ချုပ်စက်ရုံတခုမှ မွန်ပြည်နယ် ကျိုက်ထိုမြို့သူ မနွေးနွေးကလည်း“နိုင်ငံကျော် ဓမ္မ ကထိကလည်းဖြစ်၊ ကိုယ်အရမ်းဖူးချင်တဲ့ ဆရာတော်လည်းဖြစ်တော့၊ သူဟောတဲ့ တရားတွေ ကို သဘောကျတယ်၊ သဘောပေါက်လွယ်တယ်၊ သူက ပါဠိလို မဟောဘူး၊ မြန်မာလို ရှင်းရှင်းလင်းလင်းဟောတယ်၊ ကြိုက်တယ်၊ လူတွေ လုပ်ရမယ့် အရာကိုပဲ ဟောတယ်၊ နားမလည်တဲ့လူကို နားလည်အောင် ဘုရားတရားမသိတဲ့ လူကို သိလာအောင် ရှင်းရှင်းလင်းလင်း ဟောတတ်တယ်”ဟု ဆိုသည်။

ယခုတရားပွဲကို ထိုင်းနိုင်ငံအတွင်းရှိ တက္ကသိုလ် အသီးသီး၌ ၀ိဇ္ဇာတန်း၊ မဟာဝိဇ္ဇာတန်းများတွင် ပညာသင်ကြားနေကြ သော မြန်မာနိုင်ငံသား စာသင်သား ရဟန်းတော်များမှ ဦးဆောင်ကာ မြန်မာအလုပ်သမားများက ပထမ အကြိမ် ၀ါဆို သင်္ကန်းကပ်ပွဲကျင်းပရာတွင် ဆရာတော်ကို ပင့်ဖိတ်၍ ကျင်းပကြခြင်းဖြစ်ကြောင်း သိရသည်။

ဆရာတော် ဦးသုမင်္ဂလသည် ပြီးခဲ့သည့် မေလ အတွင်းကလည်း မဲဆောက်မြို့ရှိ မြန်မာပြည်သား အလုပ်သမားများ ကို တရားဟောခဲ့သေးသည်။

ဆရာတော် ဦးသုမင်္ဂလ တရားပွဲလာသည့် မြန်မာ အလုပ်သမား တရားနာ ပရိသတ်များကို ဤကဲ့သို့ တွေ့ရ (ဓာတ်ပုံ - ဧရာဝတီ)

အကုသိုလ်များသူများမှာ ငရဲသို့ရောက်၍ ဒယ်အိုး အတွင်းတွင် ခံရမည့်အကြောင်းကို ပြောလေ့ရှိသဖြင့် ဦးသုမင်္ဂလ ကို ဒယ်အိုး ဆရာတော် ဟု ခေါ်ဆိုကြကြောင်းလည်း သိရသည်။

ဦးသုမင်္ဂလသည် သက်တော် ၄၃ နှစ် ၊ ၀ါတော် (၁၅) ၀ါရှိ၍ မန္တလေး တက္ကသိုလ်မှ ဓာတုဗေဒ အထူးပြု ဘာသာရပ် ဖြင့် သိပ္ပံဘွဲ့ ကို ရရှိခဲ့သည်။ မန္တလေးတိုင်း မိုးကုတ်မြို့ဇာတိဖြစ်ပြီး မိုးကုတ် ၀ိပဿနာတိုက်တွင် တရားအားထုတ်ခြင်း၊ တရားဟောခြင်းများ ပြုလုပ်ခဲ့သည်။

လွန်ခဲ့သော လေးနှစ်ခန့်က စတင်ကာ မြန်မာနိုင်ငံ အနှံ့လှည့်လည်၍ တရားဟောကြားခဲ့သည်။ လက်ရှိ ရန်ကုန်တိုင်း မှော်ဘီမြို့ မင်္ဂလာကျောင်းတိုက်တွင် သီတင်းသုံးသည်။
ဧရာဝတီ

ဘောင်…

2010-07-29T13:44:00.003+06:30

တရားပွဲတစ်ခုကို ကြွတုန်းက ဖြစ်ပါတယ်။ အရင်တုန်းက မျက်မှန်မတပ်ဘဲ မြင်နေကျဖြစ်နေတော့ မျက်မှန်တပ်ပြီး တရားဟောဖို့ ကြွလာတဲ့ ဘုန်းဘုန်းကိုကြည့်ပြီး ဒကာလေး တစ်ယောက်က မျက်မှန်မတပ်ဖို့နဲ့ ဒီမျက်မှန်ကြီးနဲ့ ကြည့်မကောင်းတဲ့အတွက် တပ်ချင်ရင်လည်း တစ်ခြားပိုပြီး နုပျိုစေတဲ့ မျက်မှန်တပ်ဖို့ လျှောက်ဖူးပါတယ်။ ပြီးတော့သူက နဂိုကတည်းက ရင်းနှီးနေတော့ အပျော်သဘောနဲ့ “အရှင်ဘုရားက မျက်မှန်တပ်ပြီး လောကကြီးကို ကြည့်နေတော့ အမြင်ကျဉ်းတာပေါ့၊ လောကကြီးကို ဘောင်ခတ်ပြီးကြည့်တော့ ကျယ်ကျယ်ပြန့်ပြန့် မမြင်နိုင်ဘူးပေါ့ ဘုရား…”လို့ ဘုန်းဘုန်းကို ပြောလာပြန်ပါသေးတယ်။ “ဟုတ်လား… ဒကာလေးရယ်… အဲဒီလို ပြောကြေးဆိုရင် ဒို့က လောကကြီးကို ဘောင်ခတ်ပြီး ကြည့်တာမဟုတ်ပါဘူး၊ ဘောင်ထဲကနေ ကြည့်တာပါကွာ၊ သူ့ဘက်ကိုယ့်ဘက် အစွန်းမရောက်အောင်၊ သူ့အတွက်လည်း မနစ်နာ၊ ကိုယ့်အတွက်လည်း အမှားမဖြစ်အောင် ဘောင်ထဲကနေ ပြောဆိုနေထိုင်တာပါ၊ လောကမှာရှိတဲ့ ဘောင်ကျော်နေတဲ့သူတွေ၊ ဘောင်အပြင် ရောက်နေတဲ့သူတွေလို မဖြစ်ရအောင် ဘောင်ထဲကနေ အပြစ်မဖြစ်အောင် နေတဲ့သဘောပါကွာ…”လို့ ကိုယ်လိုရာ အဓိပ္ပါယ်ဖွင့်ပြီး သူ့ကို ပြန်ပြောဖြစ်ခဲ့ပါတယ်။ တရားပွဲကအပြန် ရထားစီးလာရင်း အဲဒီဒကာလေးနဲ့ ပြောခဲ့တဲ့ “ဘောင်ခတ်ကြည့်ခြင်း၊ ဘောင်မကျော်လိုခြင်း၊ ဘောင်အပြင် ရောက်နေခြင်း…” စတဲ့အကြောင်းများကို စဉ်းစားရင်း ဘောင်ကျော် နေသူများ အကြောင်း အတွေးနယ်ချဲ့နေမိပြန်ပါတယ်။

တကယ်တော့ ဒီနေရာမှာ ဘောင်ဆိုတာ အနားသတ် အကန့်တစ်ခုကို ပြောတာဖြစ်ပါတယ်။ သတ်မှတ်ချက် စည်းမျဉ်းစည်းကမ်းများကို ရည်ညွန်းတာ ဖြစ်ပါတယ်။ လောကဥပဒေများ၊ ဓမ္မဥပဒေများကို ဆိုလိုတာ ဖြစ်ပါတယ်။ ဒီအတွက်ကြောင့် ဘောင်တစ်ခုခုထဲ ရောက်သွားသူမှန်သမျှ အဲဒီဘောင်ထဲက အတိုင်းလိုက်နာ နေထိုင်ပြောဆိုကြဖို့ သတ်မှတ်လာခြင်း ဖြစ်ပါတယ်။ လူဘောင်၊ ရဟန်းဘောင် စသဖြင့် အကန့်အသတ် အသီးသီးမှာ ဆိုင်ရာအနားသတ်များနဲ့ ကန့်သတ်ကာ မဖြစ်သင့်တဲ့ အရာတွေ မဖြစ်ရအောင် ဘောင်ထဲကနေ ထိန်းသိမ်းပေးကြခြင်း ဖြစ်ပါတယ်။ ဘောင်ထဲမှာနေပြီး မကောင်းတာတွေ မဖြစ်အောင် သတ်မှတ်ပေးကြသလို ဘောင်ကျော်လာရင်၊ ဘောင်ကိုချိုးဖောက် လာရင်လည်း အဲဒီအတွက် အပြစ်ဒဏ်ကို ခံကြဖို့ အကန့်များအဖြစ် ထုတ်ပြန်ပေးကြခြင်း ဖြစ်ပါတယ်။ ဒါကြောင့် လူတွေအနေနဲ့ လူ့စည်းကမ်း၊ လူ့ကနား၊ လူ့ဘောင်တွေ မကျော်မိကြစေဖို့နဲ့ ရဟန်းများအနေနဲ့လည်း ရဟန်းတွေရဲ့ စည်းကမ်းကနား ဘောင်များကို မကျော်မိကြစေဖို့ သတိပေး ပြောဆိုကြခြင်း ဖြစ်ပါတယ်။

ဟုတ်ပါတယ်။ လူဟာအဖွဲ့အစည်းနဲ့ ဘောင်နဲ့နေတဲ့သူတွေ ဖြစ်တဲ့အတွက် ဘောင်ကိုကျော်လို့ မရပါဘူး။ ဘောင်အပြင်ကို ရောက်သွားလို့ မရပါဘူး။ ဘောင်ကျော်သွားရင်၊ ဘောင်အပြင်ရောက်သွားရင် အဲဒီအတွက် တန်ပြန်သက်ရောက်မှုကို ပြန်ရလာမှာ ဖြစ်ပါတယ်။ လူတွေရဲ့ဘောင်ကိုပြောရင် လောကသတ်မှတ်ချက် ဘောင်တွေရယ်၊ လောကမှ ထွက်မြောက်ရေးအတွက် သတ်မှတ်ချက် ဘောင်တွေရယ်လို့ နှစ်မျိုးနားလည်နိုင်ပါတယ်။ လောကသတ်မှတ်ချက် ဘောင်တွေဆိုတာ လူအချင်းချင်း လိုက်နာဆောင်ရွတ်ရမယ့် ဆောင်ရန်ရှောင်ရန် ၀တ္တရားများကို ဆိုလိုပြီး လောကမှ ထွက်မြောက်ရေး အတွက် သတ်မှတ်ချက်ဘောင်ဆိုတာ လက်တွေ့လိုက်နာ ကျင့်သုံးရမယ့် ကိုယ်ကျင့်သီလများနဲ့ ကျင့်ကြံအားထုတ်မှုများပဲ ဖြစ်ပါတယ်။

ဒီသတ်မှတ်ချက် ဘောင်တွေဟာ အမှားမကင်းတတ်တဲ့၊ မသိမှုအားကြီးတဲ့ သူတွေအတွက် ပစ္စုပ္ပန် သံသရာ နှစ်ဖြာချမ်းသာအောင် သတ်မှတ်ပြဋ္ဌာန်းပြီး ထိန်းသိမ်းစောင့်ရှောက် ပေးတာတွေဖြစ်တဲ့ အတွက် လိုက်နာသင့်ပြီး ဘောင်ထဲကနေ ကိုယ့်ဘ၀ ကောင်းစားရေးအတွက် ကြိုးစား နေထိုင်သင့်တာတွေပဲ ဖြစ်ပါတယ်။ အဲလိုမှ မဟုတ်ဘဲ ဒီဘောင်တွေကိုကျော်ပြီး ကိုယ်လုပ်ချင်သလို ကိုယ့်သဘောအတိုင်း လုပ်နေမိမယ်ဆိုရင်တော့ ဘောင်ကျော်မိတဲ့အတွက် ဆင်းရဲဒုက္ခ တစ်ခုခုတော့ ကြုံတွေ့ကြရမှာ ဖြစ်ပါတယ်။ ကျန်တာတွေ မပြောနဲ့ ဆိုင်ရာနိုင်ငံ အသီးသီးမှာ ထုတ်ပြန်ထားတဲ့ နိုင်ငံရဲ့ဥပဒေနဲ့ သတ်မှတ်ချက် ဘောင်တွေကို ဖောက်ဖျက်ရင်ကိုပဲ လက်တွေ့ဘ၀မှာ တန်ပြန်ဒဏ်ခံရတာတွေ ရှိပါတယ်။ ဒီလိုပါပဲ။ လောကလူသားများအတွက် သတ်မှတ်ထားတဲ့ ဘောင်တွေဖြစ်တဲ့ မိဘနဲ့ သားသမီးများကြား၊ ဆရာနဲ့ တပည့်များကြား၊ မိတ်ဆွေအပေါင်း အသင်းများကြား စတာတွေမှာ ရှိနေတဲ့ ၀တ္တရားများ၊ အကန့်ဘောင်များဟာလည်း လိုက်နာဖြည့်ကျင့်ပြီး ဘောင်အတွင်းကနေ နေထိုင်သင့်တဲ့ အရာများ ဖြစ်ပါတယ်။ အဲဒါကို မလိုက်နာဘဲ ဒီဘောင်တွေကို လျစ်လျူရှုပြီး မျက်ကွယ်ပြုလိုက်ရင်တော့ ကိုယ့်အလှည့်ကျရင်လည်း ဒီလို ဘောင်အပြင်က သူတွေနဲ့ ပြန်ကြုံရတတ်ပါတယ်။ ဒါကြောင့် လောကကြောင်းအရ သတ်မှတ်ချက် ဘောင်တွေကလည်း ကျော်လို့မရတဲ့ အကန့်တွေပဲ ဖြစ်တယ်လို့ ဆိုခြင်းဖြစ်ပါတယ်။

တစ်လောကတောင် အသိတစ်ယောက် ရောက်လာပြီး သူနဲ့အတူ ပေါင်းသင်းနေထိုင်တဲ့ မိတ်ဆွေအပေါင်း အသင်းတစ်ယောက်က သူ့ကိုဘောင်ကျော်ပြီး လုပ်သွားတဲ့အတွက် ရင်ထဲမှာ မခံချိမခံသာ ဖြစ်ရတဲ့အကြောင်း၊ သူငယ်ချင်းအချင်းချင်း ဒီလိုမလုပ်သင့်တဲ့အကြောင်း၊ သူ့အပေါ် ကျေးဇူးပြုခဲ့တာတွေကို ဒီလို မကောင်းတဲ့ တုန့်ပြန်မှုတွေနဲ့ တုန့်ပြန်မှု မပြုသင့်ကြောင်း ပြောပြရင်း ဒီလိုမိတ်ကောင်းဆွေကောင်း မပီသတဲ့သူတွေ၊ ဘောင်ကျော်တဲ့သူတွေဟာ တစ်ချိန်ချိန်တော့ သူတို့လည်း ပြန်ခံရမှာပါပဲလေလို့ သူ့ကိုယ်သူပြောသလိုလို၊ ဘုန်းဘုန်းကိုပဲ လျှောက်နေသလိုလို ရေရွတ်ရင်း ဖြေဆည်ခဲ့တဲ့ အဖြစ်ကလေးကို သတိရမိပါသေးတယ်။ ဒါဟာ လောကကြောင်းအရ သတ်မှတ်ထားတဲ့ ဘောင်တွေကို ကျော်ပြီးလုပ်တတ်ကြတဲ့ သူတွေကြောင့် လက်တွေ့ဘ၀မှာပဲ သူသူကိုယ်ကိုယ် စိတ်ဒုက္ခဖြစ်ရတတ်တဲ့ သဘောပဲ ဖြစ်ပါတယ်။

နောက်တစ်ခုဖြစ်တဲ့ လောကမှလွတ်မြောက်ကြောင်း သတ်မှတ်ချက် ဘောင်တွေမှာလည်း ဒီအတိုင်းပါပဲ။ လောက လွတ်မြောက်ကြောင်း သတ်မှတ်ချက်တွေဖြစ်တဲ့ ကိုယ့်ကျင့်တရားပိုင်းဆိုင်ရာ ထိန်းသိမ်းမှုဘောင်တွေ၊ ကျင့်ကြံအားထုတ်မှုပိုင်းဆိုင်ရာ လမ်းညွန်မှု ဘောင်တွေကို လက်တွေ့လိုက်နာ ကျင့်သုံးနိုင်မှ ကောင်းတဲ့ဘုံဘ၀တွေမှာ ပြန်လည်ဖြစ်စေမှာဖြစ်ပြီး အဲဒီဘ၀တွေကမှ တစ်ဆင့် ကိလေသာကုန်ခမ်း နိဗ္ဗာန်နန်းအထိ ၀င်နိုင်မှာဖြစ်ကာ သံသရာမှာ ကျင်လည်ရတဲ့ အဖြစ်က လွတ်မြောက်နိုင်၊ လောကမှ ထွတ်မြောက်နိုင်မှာ ဖြစ်ပါတယ်။ အဲဒီလိုမှ မဟုတ်ဘဲ ဒီဘောင်တွေကို လိုက်နာမှု မပြုတဲ့အပြင် အဲဒီဘောင်တွေကို ဥပေက္ခာပြုပြီး ဘောင်ကျော်ကာ လုပ်ချင်ရာ လုပ်လိုက်မိမယ် ဆိုရင်တော့ ဒီဘောင်တွေ ကျော်တဲ့အတွက် ပေးဆပ်ရမယ့် တန်ပြန်သက်ရောက်မှု အပြစ်က ကြီးလေးလှပါတယ်။

ကိုယ်အမူအရာ၊ နှုတ်အမူအရာတွေကို မကောင်းတဲ့ဘက်တွေမှာ မကျူးလွန်မိအောင် ကန့်သတ်ထိန်းသိမ်းပေးထားတဲ့ ကိုယ်ကျင့်သီလဆိုတဲ့ ဘောင်ကိုကျော်ပြီး ဘောင်အပြင်ကနေ ကိုယ်ကျင့်သီလတွေ ဖောက်ဖျက်နေမယ် ဆိုရင်တော့ ဖောက်ဖျက်တဲ့ သူတွေအတွက် ဒီဘ၀မှာရော နောင်သံသရာမှာပါ မကောင်းတဲ့ ရလာဘ်တွေနဲ့ ပြန်လည်ပေးဆပ်ရမှာ ဖြစ်ပါတယ်။ မကောင်းတဲ့ ဒုစရိုက်အမှုတွေကို မလုပ်ဖို့ သတ်မှတ်ထားတဲ့ ဘောင်တွေကို ဂရုမစိုက်ဘဲ ဒီဒုစရိုက်အမှုတွေမှာ ပျော်ပျော်ပါးပါး လှုပ်ရှားနေမိမယ်ဆိုရင် ဘောင်တွေကိုကျော်ကာ ဘောင်အပြင် ရောက်သွားတာ ဖြစ်တဲ့အတွက် ဘောင်အပြင် ရောက်သူများ ခံရတတ်တဲ့ မကောင်းတဲ့ ဘုံဘ၀မှာ ပြန်လည်ပေးဆပ်ရမှာ ဖြစ်ပါတယ်။ ဒါကြောင့် နိဗ္ဗာန်မရသေးသမျှ သူသူငါငါ သတ္တ၀ါမှန်သမျှဟာ ဘောင်အတွင်းက မလွတ်မြောက် နိုင်သေးတဲ့အတွက် လောကလွတ်မြောက်ကြောင်း အထောက်အကူ ဖြစ်စေမယ့် ဘောင်အတွင်းမှာပဲ ကိုယ့်ကိုယ်ကို ထိန်းသိမ်းနေထိုင်ရင်း ဘောင်မကျော်အောင် အထူးသတိပြုကြဖို့ ဆိုခြင်းဖြစ်ပါတယ်။

ဆိုလိုတာက လူဟာအဖွဲ့အစည်း သတ်မှတ်ချက်များ၊ အကန့်အသတ် ဘောင်အနားများနဲ့ နေနိုင်မှ အပြစ်ကင်းပြီး အကျိုးရှိစေမှာ ဖြစ်တဲ့အတွက် ဘောင်တွေကနေကျော်ပြီး ဘောင်လွတ်နေတဲ့ သူတွေအဖြစ် မနေထိုင်သင့်ဘူးလို့ ဆိုလိုတာဖြစ်ပါတယ်။ ဘောင်ခတ်ပြီး ကြည့်တဲ့အတွက် အမြင်ကျဉ်းတဲ့အဖြစ်၊ အနေကျုံ့တဲ့ အဖြစ်တွေနဲ့ ကျဉ်းကျဉ်းကြပ်ကြပ် ရှိနေတယ်လို့ ထင်ရတာထက် လွတ်လပ်ပြီး ကျယ်ပြန့်တယ်လို့ ထင်ရတတ်တဲ့ ဘောင်ကျော်ပြီး ဘောင်အပြင်ရောက်နေတဲ့ အဖြစ်က ပိုပြီးအပြစ်ကြီးကာ ဆင်းရဲဒုက္ခ ပိုများတတ်တယ်လို့ ပြောချင်တာ ဖြစ်ပါတယ်။ ဘောင်တွင်းမှာ ရှိနေတာထက် ဘောင်ကျော်နေတာက ပိုပြီး အန္တရာယ်များကာ ဒုက္ခပွားတတ်တဲ့အတွက် ဘောင်အပြင် မရောက်ကြစေဖို့၊ ဘောင်မကျော်ကြစေဖို့ သတိပြုသင့်ကြောင်း သိစေလိုတာ ဖြစ်ပါတယ်။ ကိုယ့်စိတ်ကို မနိုင်သေးတဲ့ သူတွေအနေနဲ့ ဘောင်အနားသတ်များနဲ့ ထိန်းပေးမှသာ မကောင်းတဲ့ အလုပ်တွေကို မလုပ်ဖြစ်မှာ ဖြစ်တဲ့အတွက် ဘောင်အတွင်းမှာ ရှိနေတဲ့အပေါ်မှာ ဘောင်မကျော်အောင် အကောင်းဆုံး လိုက်နာခြင်းဖြင့် ကိုယ့်ကိုယ်ကို ထိန်းသိမ်းကြဖို့ သတိပေးလိုရင်း ဖြစ်ပါတယ်။

ဒီနေရာမှာ အထူးသတိပြုရမှာက ဘောင်တွေ ကနားတွေဟာ ပညတ်သတ်မှတ်ချက်တွေ ဖြစ်တဲ့အတွက် ဒီဘောင်တွေကို အာရုံထားနေရင် အမြင်ကျဉ်းပြီး အကျိုးမကြီး ဖြစ်တတ်တာကြောင့် ကိုယ့်ကိုယ်ကို ဘောင်ခတ်မထားနဲ့လို့ ဆိုလာသူတွေ အနေနဲ့ ဘောင်ဆိုတာ လွတ်မြောက်မှုကို မရသေးသူတွေ အတွက် အထိန်းအကွပ် တစ်ခုအဖြစ် လိုအပ်တဲ့အရာများ ဖြစ်ပြီး ဒီလိုအပ်ချက်တွေကို လျစ်လျူရှုကာ ဘောင်တွေကျော် လုပ်မိရင်တော့ ပစ္စုပ္ပန် သံသရာ နှစ်ဖြာဆိုကျိုးတွေပဲ ဖြစ်စေတတ်တယ်ဆိုတာ သတိပြုကြဖို့ လိုပါတယ်။ ဘောင်ကျော်လာပြီဆိုရင် အစွန်းရောက်လာတာ ဖြစ်တဲ့အတွက် အစွန်းရောက်တဲ့ အလုပ်မှန်သမျှ ဘယ်အလုပ်မှ မကောင်းဘူးဆိုတာ မမေ့ကြဖို့ လိုပါတယ်။

ဒါကြောင့် ဘောင်တွေနဲ့ နေတာဟာ လွတ်လပ်မှုမရှိ ကျဉ်းကြပ်လှတယ်လို့ ထင်ရပေမယ့် ဘောင်မရှိ၊ ကနားမရှိ စည်းမဲ့ကမ်းမဲ့ ဘောင်အပြင်ရောက်ပြီး ဘောင်ကျော်နေတာထက်စာရင် ပစ္စုပ္ပန် သံသရာ ကောင်းစားရေးမှာ အများကြီး အထောက်အကူ ပြုစေတဲ့အတွက် ဘောင်ကျဉ်းတယ်ပဲပြောပြော ဘောင်ခတ်ပြီး ကြည့်တတ်တဲ့အတွက် အမျဉ်းကျဉ်းပြီး အများနဲ့ အံဝင်ခွင်ကျ မဖြစ်ဘူးလို့ ဘယ်သူကပဲ ဆိုဆို သေချာတာကတော့ ဘောင်ကျော်သွားရင် အကျိုးယုတ်တတ်တယ်ဆိုတာ အသေအချာပဲ ဖြစ်တယ်ဆိုတာ သတိပြု ဆင်ခြင်ကြရင်း ဘာပဲလုပ်လုပ် ကိုယ့်ကိုယ်ကို ဘောင်မကျော်မိအောင် ကြိုးစားကြဖို့ စေတနာစကား မေတ္တာအားဖြင့် တိုက်တွန်းသမှု ပြုလိုက်ရပါကြောင်း…။

သတိ !!! စရိုက်ကြောင့် ဖြစ်တတ်သူ...

2010-07-29T13:44:00.001+06:30

(၁) ရာဂစရိုက် - ရာဂအားကြီး၍ ကာမဂုဏ်ကို မရှက်မကြောက် လိုက်စားသူ။
(၂) ဒေါသစရိုက် - အမျက်ဒေါသ အားကြီး၍ ဘာလုပ်မိမှန်း မသိသူ။
(၃) မောဟစရိုက် - တွေဝေ၍ ဘာကိုမှ မလုပ်တတ်သူ။
(၄) သဒ္ဓါစရိုက် - ယုံကြည်မှု လွန်ကဲ၍ အတ္တစွဲဖြစ်သူ။
(၅) ဗုဒ္ဓိစရိုက် - သူတစ်ပါး ပြောတိုင်းမယုံ၊ မိမိ၏ အသိဉာဏ်ဖြင့် ဆင်ခြင်တတ်သူ။
(၆) ၀ိတက္ကစရိုက် - အကြံအစည်များပြီး ခရီးမရောက်သူ။

၁၃၇၂ -၀ါဆိုသင်္ကန်းလှူဒါန်းပွဲ

2010-07-29T13:43:00.002+06:30

Labels: ဓါတ်ပုံမှတ်တမ်း | 0 ယောက်မှတ်ချက်ရေးခဲ့တယ်

စာရေးသူ- ဦးကောဝိဒ(မြိတ်) | ရက်စွဲ- Thursday, July 29, 2010

Why Dhamma Garden

2010-07-29T13:40:00.000+06:30

When I pursued BA degree in Sasana University of Mandalay I met many foreigners coming to the historical places such as Shwenandaw monastery, Atumashi Kyaung and Mandalay Hill.

Then I found so many difficulties to communicate with them. I could not say anything to them. Even I could not say “Hello” to them. It was not that I don’t know English but that I hardly got an opportunity to speak it. I do not have ‘the used-to’ in it.

I could not satisfied to the situation I am facing because I had learnt Buddhism and had known about Buddhism in Pali, Burmese and English as well at that time.

While in Sri Lanka, I got a chance to study English again at Aquinas College in which students must use English only as communication tool. Because of that, students there can speak it fluently and perfectly. So they have ‘the used-to’ in it.

Then I come to know the difference between the above two academic places. The Dhamma Garden Centre aims at fulfilling that crack too.

The Centre attempts to evaluate Buddhist knowledge and English skills with which the students would meet their needs and help them to fulfill their aspirations and ambitions in life. For that purpose, the centre is keen in giving the best or rather doing the best for the students. The Centre is open and welcome to all regardless of age, race and sex. No matter whether you are the secular or the religious.

The Centre will be run as follows;
(1) Preliminary Level Part (I)
(2) Preliminary Level Part (II)
(3) Intermediate Level Part (I)
(4) Intermediate Level Part (II)
(5) Final Level

A student needs to sit placement test for the level. Duration of each level is six months and the Centre will confer Diploma Certificate after Final Level Pass.

မိတ်ဆွေ၏ မွေးနေ့

2010-07-29T13:38:00.000+06:30

အိပ်ချင်တယ်
အိပ်ချင်မှ အိပ်မယ်
တရားရှာဖို့တဲ့
တံခါးတွေဖွင့်မိရဲ့.....

ကဗျာတွေဖတ်တယ်
ဂါထာတွေရွတ်တယ်
ပိဋကတ်စာတွေ ကိုးကားမိသေး

ဘုရားမပွင့်လည်း
မွေးဖွားနေကြမှာပဲ
ရုပ်ခန္ဓာတွေ နာခဲ့ကြပြီးပြီ
ဘာဖြစ်လို့
ဝေဒနက္ခန္ဓာတွေ
တာရာမင်းဝေနေကြရသေးလဲ

ရဲရဲပေါ့
သီလကို စမ်းဝါးရင်း
ဘာဝနာပွားပေါ့ တဲ့.....

သစ္စာ
သစ္စာ
ပြောလို့ကောင်းတယ်
သိဖို့ခက်တယ်
ပယ်ဖို့ခက်တယ်
မျက်မှောက်ပြုဖို့ခက်တယ်
ကျင့်ဖို့ခက်တယ်

ကိုယ့်ကိုယ်ကို ဘာနဲ့ အေးအောင်လုပ်ကြမလဲ...
မဇ္ဈိမကတော့ မီးပျက်လေ့ရှိသေး...

ပုဒ်ထီးပုဒ်မများ
စာသင်ခန်းတွေထဲ ခဏ ခဏအော်မိရဲ့
ကံသုံးပါးကို
ဘယ်နားထားရမှန်းမသိဘဲ
ပြက္ခဒိန်တစ်ခုကျော်လာတာကို
လက်ဆွဲနှုတ်ဆက်လိုက်ပါတယ်။

အမှားကင်းစေသတည်း......

ဓမ္မဂင်္ဂါ
၂၇-၀၇-၂၀၁၀

မိတ်ဆွေရဟန်းတော်တစ်ပါး၏ မွေးနေ့အတွက် ည ၁း၂၄ နာရီတွင် ရေးသည်။

ချစ်မိတ်ဆွေ (JOHOR) ဇယမင်္ဂလာဗုဒ္ဓ၀ိဟာရ သို့ ဖိတ်ခေါ်ပါရစေ

2010-07-29T13:37:00.000+06:30

တစ်ခါတလေမြန်မာတို့ ဟာ Malaysia Johor-မြို့ ကော်တာသဂီ င်္ဆိုတဲ့ အရပ်ကိုသွားလေ့ ရှိ ကြပါတယ်။ အဲဒီမှာရွှေတောင်ကုန်းရိပ်သာအနေနဲ့ ဖွင့်လှစ်ဖူးတယ်လို့ ထင်ပါတယ်။
အဲဒီ ကော်တာသဂီ င်္လမ်းမကြီးပေါ်မှာTesco,Jusco ဆိုတဲ့ ကုန်တိုက်ကြီးတွေကို
ကျော်ဖြတ်ပြီးတာနဲ့ မိနစ်အနည်းခန့်သွားပြီးနောက်၊ခုံးတတားအောက်မဆင်းသွားပဲ၊ ဘယ်ကပ်မောင်သွားပြီးး၊ ညာကွေ့ မောင်းသွားတာနဲ.. Desa CemerLang
(ဒေဆာချမလန်း)ဆိုတဲ့ ဆိုင်းဘုတ်ကြီးကိုတွေ့ ရလိမ့်မယ် မြန်မာအက္ခရာ” က“ လို့ပုံစံမျိုးကြီးမား
တဲ့ဆိုင်းဘုတ်ကြီး အောက်ကို ဖြတ်သွားပြီး တစ်ကီလို မီတာလောက်ရောက်ရင် ဘယ်ဘက်ကို ချိုးလိုက်ပါပြီးရင်တည့်တည့်ဆက်သွားတာနဲ့ Jalan Kenanga 4- အိမ်ရာစခန်းထဲမှာ
ဇယမင်္ဂလာဗုဒ္ဓ၀ိဟာရ မိုးကုတ်ရိပ်သာကျောင်းကို ရောက်ပါလိမ့်မယ်-

များပြးလှတဲ့ မြန်မာပြည်ဖွား ညီအကိုမောင်နှမ များစွာဟာ အနန္တမေတ္တာ အဖွဲ
့ကိုကြိုဆို ပါလိမ့်မယ် ။ရန်ကုန်မဟာဇယမင်္ဂလာဗုဒ္ဓ၀ိဟာရ-စင်ကာပူဇယမင်္ဂလာ ဗုဒ္ဓ၀ိဟာရ-ခု မလေးရှားဇယမင်္ဂလာဗုဒ္ဓ၀ိဟာရ မိုးကုတ်ရိပ်သာများရဲ့  နာယကချုပ်ဆရာတော် ဒေါက်တာရာ
ဟုလာဟာ

သူတစ်ပါးတည်း ပါရမီရှင်များနဲ့ လက်တွဲပြီးသာသနာပြုလုပ်ငန်းများလုပ်ဆောင်လိုက်တဲ့ အခါ
ထင်ရှား တိုးတက်လာတာကို တွေ့ ရပါတယ်-အတိတ်တစ်ချိန်က အိမ်မက်များ( ၁)-မှ-( ၇)ထိ) ဖတ်ကြည့်ရင်လည်းတစ်စိပ်တစ်ဒေသ တွေ့့ နိုင်ပါတယ်၊

ယခု လွန်ခဲတဲ့တနင်္ဂနွေနေ(၂၅-၇-၂၀၁၀)့ မှာ ဆရာတော်ရဲ့ မွေးနေ့ ပွဲတော်များကို

၁။သီရိလင်္ကာနိုင်ငံ ကိုလံဘို မြို့ မကုဋာရာမ မြန်မာကျောင်းတိုက်-

၂။စင်ကာပူ ဇယမင်္ဂလာ ဗုဒ္ဓ၀ိဟာရ ကျောင်းတိုက်နှင့်

၃။ရန်ကုန်မဟာဇမင်္ဂလာဗုဒ္ဓ၀ိဟာရ ကျောင်းတိုက်-

၎။မလေးရှား ဇယမင်္ဂလာဗုဒ္ဓ၀ိဟာရ ကျောင်းတိုက်-

၅။ရန်ကုန်မြို့ တောင်ဒဂုံ ဓမ္မ၀ိဟာရကျောင်းတိုက်

၆။အိန္ဒိယနိုင်ငံPune University နှင့်

၇။ ဆရာတော်ဘုရား.၏။ မွေးမိခင် နေထို်င်ရာ၊ တာမွေ မြို့ နယ်၊ ကျုိုက်ကဆံလမ်း၊ ချမ်းမြေ့ဂေဟာတို့ တွင် တပြိုင်နက်ကျင်းပ ခဲ့ကြပါတယ်။

Posted by အနန္တမေတ္တာ

အကျဉ်းထောင်ထဲက စိတ်ငြိမ်းချမ်းမှု ရှာပုံတော်...

2010-07-29T13:36:00.000+06:30

မြန်မာ နိုင်ငံတွင် ၂၀၀၈ ခုနှစ် ဇူလိုင်လမှ စတင်၍ အကျဉ်းထောင် အတွင်း ၀ိပဿနာ တရားပြခွင့် ရရှိခဲ့သည်။ အင်းစိန်ထောင် အပါအ၀င် အကျဉ်းထောင်များ အတွင်း တရားပြသမှု အခြေအနေ များကို ဧရာဝတီ သတင်း ထောက် မင်းနိုင်သူက ၀ိပဿနာ တရားပြ ဆရာကြီး ဦးဂိုအင်ကာ၏သားဖြစ်သူ ဗန္ဓုလဦးရွှေကို ဆက်သွယ် မေး မြန်းထားပါသည်။

ဗန္ဓုလဦးရွှေသည် ရန်ကုန်မြို့တွင် နေထိုင်လျက် မြန်မာနိုင်ငံ တွင်းရှိ ဦးဂိုအင်ကာ၏ တရားစခန်းများကို စီစဉ်ကြီးကြပ်နေသူ ဖြစ်ပြီး မြန်မာ - အိန္ဒိယ စီးပွားရေး လုပ်ငန်းရှင်များ အသင်း ဥက္ကဋ္ဌလည်း ဖြစ်သည်။

ဦးဂိုအင်ကာသည် မြန်မာနိုင်ငံ မန္တလေးမြို့တွင်ဖွားမြင်ခဲ့သော ဟိန္ဒူအမျိုးသားဖြစ်သည်။ ခေါင်းကိုက်ဝေဒနာ ပျောက်ကင်းစေရန် မြန်မာဝိပဿနာတရားပြဆရာကြီး ဦးဘခင်ထံ ရောက်ရှိခဲ့ရာမှအစပြု၍ လယ်တီ ၀ိပဿနာ တရားနှင့် ထိတွေ့ခွင့်ရခဲ့သည်။

တော်လှန်ရေးကောင်စီအစိုးရ တက်လာပြီးနောက် ဦးဂိုအင်ကာ၏ လုပ်ငန်းများ ပြည်သူပိုင် အသိမ်းခံရပြီး ၄င်းသည် အိန္ဒိယနိုင်ငံသို့ ပြန်သွားခဲ့သည်။ ထို့နောက် ၀ိပဿနာတရားကို ကိုယ်တိုင်လည်း ဆက်လက် အားထုတ်ကာ အခြားအိန္ဒိယနိုင်ငံသား များကိုလည်း သင်ကြားပေးရင်းဖြင့် ကမ္ဘာကျော် ၀ိပဿနာတရားပြ ဆရာကြီး ဖြစ်လာခဲ့သည်။

အကျဉ်းထောင်တွင်း တရားပြမှုကို ဦးဂိုအင်ကာက ၁၉၇၅ ခုနှစ်တွင် အိန္ဒိယနိုင်ငံရှိ Jaipur ဆိုသည့် အကျဉ်းထောင်၌ စတင်ခဲ့ပြီး ယခုအခါ အမေရိကန် ၊ နယူးဇီလန် ၊ သြစတြေးလျ စသည့် နိုင်ငံတကာ အကျဉ်းထောင်များတွင် တရားစခန်းများ ဖွင့်လှစ်ထားသည်။

မေး။ ။မြန်မာနိုင်ငံ အကျဉ်းထောင်တွေထဲမှာ တရားစခန်းဖွင့်လှစ်နေတဲ့ အခြေအနေတွေကို သိချင်ပါတယ်။

ဖြေ။ ။ ပထမဆုံးတော့ ရန်ကုန် အင်းစိန်ထောင်ထဲမှာ တရားစပြတာ ၊ အခုဆိုရင် ၂ နှစ်ရှိပြီပေါ့လေ။ ကျနော်တို့ ဆရာကြီး ဦးဂိုအင်ကာ နည်းအတိုင်းပေါ့လေ။ တလမှတကြိမ် လဆန်း (၁) ရက်ကနေ (၁၁) ရက်နေ့အထိ ဖွင့်လှစ်ပေးနေပါတယ်။

မေး။ ။ တရားပြဆရာ ဘယ်နှစ်ဦးနဲ့ တရားပြပေးနေတာပါလဲ။

ဖြေ။ ။ ကျနော်တို့ မြန်မာပြည်မှာတော့ တရားပြဆရာ (၅၀) ကျော်ရှိတယ် ၊ အင်းစိန်ထောင်ထဲမှာ ပထမဆုံး တရားစပြတော့ ဆရာ (၄) ဦးနဲ့ စပြတယ်။ နောက်ကျတော့ အသားကျသွားပြီး ဘာပြဿနာမှလည်း မရှိဘူး ဆိုတော့ တရားပြဆရာ (၁) ဦးနဲ့ပဲ ပြတော့တယ်။ (၂)လခြားတခါ အမျိုးသမီးအကျဉ်းသားတွေအတွက်လည်း သီးသန့်တရားစခန်းဖွင့်ပေးတယ်။ အခုဒီလအတွက် အမျိုးသမီးအကျဉ်းသားသီးသန့် တရားစခန်း စနေပါပြီ။

မေး။ ။ အန်ကယ်လ်တို့ (၁၀)ရက်တရားစခန်းမှာ သက်သတ်လွတ်စားရတယ်ဆိုတော့ အကျဉ်းထောင်တွင်း တရားစခန်းတွေမှာ စားရေးသောက်ရေးအတွက်ကို ထောင်အာဏာပိုင်တွေက စီစဉ်ပေးတာလား။

ဖြေ။ ။ ကျနော်တို့ ရိပ်သာအဖွဲ့ကပဲ စီစဉ်တယ်။ အုပ်ချုပ်တာကအစ အားလုံး ရိပ်သာအဖွဲ့ကပဲ စီစဉ်ပါတယ်။ ဝေယျာဝစ္စ လုပ်တာကအစ အားလုံးရိပ်သာရဲ့ စည်းမျဉ်းစည်းကမ်းအတိုင်းပဲ လုပ်တယ်။ ကျွေးမွေးရေး အတွက် ကလည်း အလှူရှင်တွေရှိ ပါတယ်။ ထောင်က အစားအစာကို လက်မခံပါဘူး။ တရားပတ်တပတ်ဆိုရင် (၉)သိန်း လောက် ကုန်တယ်။

မေး။ ။ အင်းစိန်ထောင်တခုပဲ တရားစခန်းရှိတာလား။

ဖြေ။ ။ မဟုတ်ပါဘူး။ အင်းစိန်ထောင်ထဲက တရားစခန်း အမည်ကတော့ "ဓမ္မဟိတသုခ ၀ိပဿနာရိပ်သာ"လို့ ခေါ်ပါတယ်။ နောက် သာယာဝတီထောင်မှာလည်း တရားစခန်းပြနေပါတယ်။ သာယာဝတီထောင်ကတော့ နှစ်လတကြိမ်ဖွင့်ပေးပါတယ်။ မန္တလေးအိုးဘိုထောင်မှာလည်း ဖွင့်ထားတယ်။

မေး။ ။ နိုင်ငံရေးအကျဉ်းသားတွေရော တရားအားထုတ်နိုင်တဲ့ အခြေအနေရှိရဲ့လားခင်ဗျ။

ဖြေ။ ။ ရှိတယ်။ ရှိတယ်။ လာကြပါတယ်။ တခါတလေ ကျနော်လည်း ထောင်တွင်း တရားစခန်းကို ရောက်တယ်လေ။ ရောက်တော့ ကျနော် သူတို့ရဲ့ ခံစားချက်တွေကိုလည်း မေးကြည့်ဖြစ်ပါတယ်။ သူတို့ရဲ့ အာဘော်ကတော့ ဒီမှာ အစားစာကောင်းတယ်။ သန့်သန့်ရှင်းရှင်းနေရတယ်။ အိမ်သာ ရေချိုးခန်းတွေ အပြည့် အစုံရှိတယ်။ အဲဒါတွေ ကြားပြီး လာတာတွေလည်း ရှိတယ်။ တရားပတ်ပြီးလို့ မေးတဲ့အချိန်မှာ တချို့ယောဂီ တွေက ပြောတယ်။ သူ ထမင်းဟင်းကောင်းစားချင်လို့ ဒီတရားစခန်းကိုလာတာ။ ဒီလာဖြစ်လို့ တရားရသွားတယ်။ သူ့ကိုထောင်ထဲရောက်အောင် လုပ်လိုက်တဲ့သူကိုတောင် ခွင့်လွှတ်တယ်။ အပြင်မှာသာဆိုရင် သူ တရား ထိုင်ဖြစ်မှာမဟုတ်ဘူးဆိုတဲ့ အကျဉ်းသားတွေရဲ့ ထွက်ဆိုချက်တွေလည်း ရှိပါတယ်။

မေး။ ။ တိုက်ပိတ်ခံ အကျဉ်းသားတွေရော တရားထိုင်ခွင့်ရပါသလား။

ဖြေ။ ။ အစုံပါပါတယ်။ ဘယ်သူမဆို သူတို့ ခွင့်ပြုတယ်။ ကိုယ်တိုင်က စိတ်ပါဖို့ပဲလိုတယ်။ နှစ်ရှည်အကျဉ်းသား တွေလည်းပါတယ်။ နှစ်ရှည်အကျဉ်းသားတွေထဲမှာ ဌာနဆိုင်ရာက လူတွေများတယ်။ ကျနော်တွေ့တဲ့ တယောက်ဆိုရင် သမ၀ါယမက။ သူက ထောင်ဒဏ် (၅၀၅) နှစ်ကျခံထားရတယ်။ သူ့မှာ အမှုပေါင်း (၆၀) ကျော်ရှိတယ်။ နောက် သေဒဏ်ထိထားသူတွေလည်း ပါတယ်။

မေး။ ။ တရားစခန်းဝင်ခွင့်ရမယ့် အကျဉ်းသားတွေကို ထောင်အာဏာပိုင်တွေကပဲ ရွေးချယ်တာလားခင်ဗျ။

ဖြေ။ ။ သူတို့ဆီကို လျှောက်ရတယ်။ တရားစခန်းဝင်ခွင့်အတွက် သူတို့ကို လျှောက်ရတယ်။ အဲဒီအထဲကမှ သူတို့ ရွေးချယ်ခွင့်ပြု တာပဲဖြစ်မယ်။ အဲဒီအပိုင်းအသေးစိတ်ကိုတော့ ကျနော်တို့ မသိရဘူးလေ။

မေး။ ။ တရားစခန်းဝင်ခွင့်ရဖို့ အကျဉ်းသားတွေက ထောင်အာဏာပိုင်တွေကို လျှောက်ထားရတယ်ဆိုတော့ ဘယ်နှစ်လလောက် ကြိုတင်လျှောက်ထားရတယ်လို့ ကြားမိပါသလဲ။

ဖြေ။ ။ အဲဒီလို အသေးစိတ်တော့ ကျနော်မသိဘူးဗျ။ တလတကြိမ်တော့ ပုံမှန် အကျဉ်းသား (၇၀) ၊ (၈၀) ကတော့ ရှိနေတာပါပဲ။အကျဉ်းသားယောဂီအဟောင်းတွေက နောက်တရားပတ်တွေမှာ ပြန်ထိုင်တာတွေလည်း ရှိတယ်။ တရားစခန်းစဖွင့်စကတော့ အပြင်ကယောဂီတွေကို ခေါ်ရတာမျိုးရှိတယ်။ ဒါကလည်း အပြင်က ယောဂီတွေရဲ့ နေပုံထိုင်ပုံကို အကျဉ်းသားယောဂီတွေ လေ့လာနိုင်အောင်ပါ။ နောက်ပိုင်းတော့ အကျဉ်းသား ယောဂီဟောင်းတွေကပဲ ယောဂီသစ်တွေကို နေနည်း ထိုင်နည်း ပြန်ပြပေးသွားကြတာပါပဲ။

မေး။ ။ အင်းစိန်အကျဉ်းထောင်တရားစခန်းကို ၂၀၀၈ ဇူလိုင်ကစခဲ့တာဆိုတော့ ခုဆို ၂ နှစ်ပြည့်ပြီ။ ဒီအတောအတွင်းမှာ ထောင်တွင်းတရားစခန်းတွေကို လစဉ်ဖွင့်နိုင်ခဲ့ရဲ့လားဗျ။ အာဏာပိုင်တွေဘက်က ရပ်ဆိုင်း ခိုင်းတာမျိုး ရှိခဲ့သေးလား။

ဖြေ။ ။ ပျက်တဲ့လ တခါမှ မရှိခဲ့ပါဘူး။ တောက်လျှောက် တရားပြပေးနေတာပါပဲ။ ထောင်ပိုင်ကလည်း ကောင်းကောင်း လုပ်ပေးပါတယ်။ အောက်ကြမ်းပြင် ပါကေးခင်းပေးတာတို့ ၊ ခုတင်တွေလည်း ကောင်းကောင်း လုပ်ပေးပါတယ်။ အခုနောက်ပိုင်း တခေါက်သွားရင်တခု အသစ်တွေ့ရတာပဲ။ အကျဉ်းသားယောဂီတွေက လှူတာတွေလည်း ရှိပါတယ်။ ထောင်ကလည်း တော်တော် ပြုပြင်ပေးပါတယ်။ သာယာဝတီထောင်လည်း ဒီလိုပဲ။ မန္တလေးထောင်ထဲတော့ ကျနော် မရောက်ဖူးသေးဘူး။ အခု မုံရွာထောင်မှာ တရားစခန်းသစ်ဖွင့်နိုင်ဖို့ ကျနော်တို့ လုပ်နေတယ်။ ဒါပေမယ့် ကျနော်တို့ ဖြစ်စေချင်တဲ့ အဆောက်အဦးတော့ မရသေးဘူး။ သူတို့ လုပ်တော့လုပ်နေကြတယ်။ ကျနော်တို့ တရားစခန်းက သူ့ပရ၀ုဏ်နဲ့သူ ရှိနေရတာ။ တခြားသူတွေ ဖြတ်သန်းသွားလာခြင်း မပြုရဘူး။

မေး။ ။ ကျနော်ကြားမိတာကတော့ အန်ကယ်လ်တို့အနေနဲ့ ထောင်တွင်းတရားစခန်းတွေ ဖွင့်နိုင်ဖို့ ၂၀၀၀ ခုနှစ်ဝန်းကျင်တွေ ကတည်းက အာဏာပိုင်တွေနဲ့ ညှိတယ် မရခဲ့ဘူး။ ၂၀၀၈ခုနှစ်ကျမှ ရတယ်လို့ သိထားရ ပါတယ်။

ဖြေ။ ။ ကျနော်တို့ ကြိုးစားနေခဲ့တာ ကြာပါပြီ။ ၂၀၀၀ခုနှစ်တွေ မတိုင်မီကတည်းကပါ။ အခုမှပဲ ပြည်ထဲရေးဝန်ကြီးတို့ ဘာတို့က စိတ်ဝင်စားလို့ နေမှာပေါ့လေ။ ၂၀၀၈ ခုနှစ်မှာ ခွင့်ပြုတယ်။ ကျနော်တို့လည်း ဆရာကြီး ဦးဂိုအင်ကာရဲ့ နိုင်ငံတကာက ထောင်တွေမှာ တရားပြတဲ့ ဗွီဒီယိုတိပ်ခွေတွေ လူကြီးတွေဆီကို တင်ပြတယ်။ ဗိုလ်ချုပ်မောင်ဦးလက်ထက်ရောက်မှပဲ အောင်မြင်သွားတယ်။ သူလည်း အထက်ကို ဆက်တင်ပြ ရတာတော့ ရှိမှာပေါ့လေ။

မေး။ ။ အဲဒါဆို နောက်ထပ် အခြားထောင်တွေမှာလည်း တရားစခန်းဖွင့်နိုင်မယ့် အခြေအနေရှိတယ်ပေါ့။

ဖြေ။ ။ ထပ်ပြီး တိုးချဲ့ဖို့ရှိပါတယ်။ ကျနော်တို့မှာကလည်း တရားပြဆရာ အခက်အခဲလေး နည်းနည်းရှိပါတယ်။ အပြင်တရား စခန်းတွေကလည်း တနိုင်ငံလုံးမှာ ရိပ်သာ (၂၀) ကျော်ရှိနေသေးတာကိုး။ အာဏာပိုင်တွေ ဘက်ကတော့ ဒီမှာရှိတဲ့ ထောင် (၄၂) ခုစလုံးမှာ လုပ်ပေးစေချင်နေတယ်။ အခုလောလောဆယ်တော့ မုံရွာထောင်မှာ ရိပ်သာသစ်ဖွင့်ဖို့ လုပ်နေပါတယ်။

[ ဧရာဝတီ - မှ ကူးယူးဖော်ပြပါသည်။]

ကပ္ပိယကျော်ခေါင်နှင့် M.B.B.S

2010-07-29T13:35:00.000+06:30

တစ်နေ့သ၌ အကျွန်ုပ် ကပ္ပိယကျော်ခေါင်သည်၊ ကပ္ပိယတစ်ယောက်၏ ရှိသင့်ရှိထိုက်သော စတိုင်လ် အပြည့်ဖြင့်၊ ဘင်္ဂလားပင်လယ်ပြင်ကို ဗဟိုပြုပြီးခုပ်မောင်းလာသော မလိခ အပြန်ရေယာဉ်ပေါ်တွင် အခန့်သား စီးနင်းလိုက်ပါလာလေတော့၏၊ အကျွန်ုပ်သည်ကား အလွန်အင်မတန်မှ လူကဲခပ်တော်သူဖြစ်သည်အားလျှော်စွာ၊ ဘေးဘီးဝဲယာကို အကဲခပ်လျှက်၊ နေမိလေတော့၏။
ထိုအထည့်တွင် အကျွန်ုပ် စိတ်အဝင်စားဆုံးမှာကား၊
မလှန်းမကမ်းတွင် ရှိသော သစ်သာ သေတ္တာကြီးတစ်လုံးဖြစ်လေ၏၊ ထိုသေတ္တာကြီင်္းဘေးတွင်လည်း ပုတ်သင်ညိုကို ဥညှစ်ထားသော ပုံစံဖြင့်၊ လူတစ်ယောက် ထိုင်နေသေး၏၊ မည်သို့မျှ သောတ္တာနဲ့ လူ ပနံမသင့်လှ ဟုလည်း ကောက်ချက်ချမိလိုက်သေး၏၊

သောတ္တာကြီ်းတွင် ရေးထားသောစာမှာကား၊ M B B S ဟုဖြစ်လေ၏၊ သို့သော်လည်း ၄င်းသေတ္တာဘေးတွင် ထိုင်နေသောလူသည် M B B S မဆိုထားဖိ၊ သူငယ်တန်းကြီ်းကိုတောင် အမှတ်ကောင်းခဲ့ပုံမပေါ်ပေ၊ ထိုထက်စိတ်ဝင်းစားဖို့ကောင်းသည်မှားကား။
၎င်းသေတ္တာကြီး၏ အခြားတစ်ဖက်တွင်ထိုင်နေသော ကောင်မလေးသုံးယောက်၏ တီးတိုးဝေဖန်နေသော အသံ ဖြစ်လေသည်။

သူတို့ပြောနေသော စကားများထဲတွင်၊ ဤသင်္ဘောပေါ်၌ မြို့နယ် ဆရာဝန်တစ်ယောက် ပါလာကြောင်း နှင့် သူတို့ရှေ့က တင်ထားသော သေတ္တာကြီးမှာ ၄င်းဆရာဝန်၏၊ သောတ္တာသာဖြစ်နှိုင်ကြောင်း စသည်စသည်၊ အကြောင်းအရာများ ဖြစ်လေ၏။
အကျွန်ုပ်သည်လည်း အရာရာကို သဘောပေါက်သွားပြီးဖြစ်ရကာ၊ မိမိ၏ ခရီင်္းစဉ်ကိုသာ တွေးနေမိလေတော့၏။

များမကြာမီ မိမိတို့သွားလိုရာ မာန်အောင်သင်္ဘောဆိပ်သို့  ရောက်ခဲ့လေ တော့၏။ ကမ်းပေါ်တွင် မိမိနှင့်သိသူ တစ်စုံတစ်ယောက်များ ရှိလေမလားဟု၊ ကြည့်မိရာ၊ အရာရှိကြီးငယ်တို့ဖြင့် ပြည့်နှက်နေသည်ကို တွေ့ရှိရသဖြင့်၊ သင်္ဘောပေါ်တွင် ပါလာသော၊ ဆရာဝန်ကို လာရောက်ကြိ်ုဆိုနေသူများသာ ဖြစ်မည်ဟု မှတ်ချက်ချကား၊ ဘာမှဂရုမစိုက်ဟူသော စတိုင်လ်ဖြင့်ပင်၊ ကမ်းပေါ်သို့ တက်လိုက်လေ၏။

ကမ်းပေါ်သို့အရောက်တွင်ကား၊ သင်္ဘောပေါ်တွင်တွေ့ မြင်ခဲ့ရသော၊ ပုတ်သင်ညိုကို ဥညှစ်ထားသကဲ့သို့ ပိန်ရှည်ရှည် လူတစ်ယောက်နှင့်၊ အရာရှိငယ်တစ်ဦး အကြီ်းအကျယ်ပြဿနာ တက်နေသည်ကို မထင်မှတ်ပဲ တွေ့ လိုက်ရသဖြင့်၊ စုံထောက်တစ်ယောက်၏ အကြည့်မျိုးဖြင့် အလျှင်အမြန်သွားရောက် စပ်စုမိလေတော့၏၊

အကြောင်းစုံကို သိရသည်မှားကား၊ သင်္ဘောပေါ်တွင် တွေ့ ခဲ့ရသော ပိန်ရှည်ရှည်လူသည် အရာရှိငယ်၏ ပခုံးပေါ်တွင် ထမ်းထားသော M B B S စားတမ်းပါ သစ်သားသောတ္တာ ကြီ်းအား သူ့သောတ္တာဟုဆိုကာ အတင်းလုယက်နေသည့် ပြဿနာဖြစ်ကြောင်း သိရလေတော့၏၊

အကျွန်ုပ်သည် ပြဿနာ၏ အခြေခံအကြောင်းတရားများကို သေသေချာချာ စစ်ဆေးကြည့်လိုက်သော်အခါ၊ ၄င်း M B B S ဟူသောစားကြောင်းသည်ကား၊ သင်္ဘောပေါ်တွင် ပါလာသော၊ ဆရာဝန်၏ M B B S မဟုတ်ပဲ၊ မောင်ဘိုဘိုစိန် ခေါ် (ပုတ်သင်ညိုကို ဥညှစ်ထားသော ပုံစံရှိသော) ပ်ိန်ရှည်ရှည်လူ၏ M B B S ဖြစ်ကြောင်း သိရှိရလေတော့၏။

ပြဿာနာများ အကုန်အေးအေးဆေးဆေးဖြစ်သွားသောအခါ၊ အကျွန်ုပ်သည် ဆိုက်ကယ်တစ်စီင်္းကို လက်ယတ်ခေါ်လျှက် သွားလိုရားဖက်ကို ဦ်းတည်လိုက်လေတော့၏၊ ဆိုင်ကယ်ပေါ်တွင်ထိုင်ရင်းနှင့်၊ ကိုယ့်ကိုကိုယ့် စဉ်းစားနေမိသည်မှားကား၊ ငါ လူကဲခပ် မဆိုးသေးပါဘူး ဟူ၍ ဖြစ်လေ၏။

လာအားပေးတာ ကျေးဇူးတင်ပါတယ်..

ဘာသာရေး ပြဿနာ ( ၂ )

2010-07-29T13:33:00.000+06:30

( အမရပူရမြို့ မဟာဂန္ဓာရုံ ဆရာတော်ဘုရားကြီး အရှင်ဇနကာဘိဝံသ ဖြေသည် )

(မေး) အရှင်ဘုရား အလှူဒါနကြောင့် အကျိုးပေးရာ၌ လှူဖွယ်ဝတ္ထု၏ တန်ဖိုး၊
အလှူပွဲ ကြီးကျယ်ခမ်းနားမှု၊
အလှူခံပုဂ္ဂိုလ်အတွက် အလှူပစ္စည်း၏ အသုံးဝင်မှု၊
လှူဒါန်းသူ ဒါနရှင်၏စေတနာ, အစရှိသည်တို့တွင် မည်သည့်အပေါ်တွင် မူတည်၍ အကျိုးပေးပါသနည်း။

(ဖြေ)
ဒါနရှင်၏ စေတနာအပေါ်၌ မူတည်၍ အကျိုးပေးပါသည်။ သို့သော် လှူဖွယ်ဝတ္ထု စသည်တို့သည်လည်း အထောက်အကူ ပြုကြပါသေး၏။

အကျယ်ပြပါဦးမည်။
သတ္တ၀ါတို့၏ စိတ်အစဉ်သည် မြစ်ရေအယဉ်စီးနေသကဲ့သို့ တခုပြီးတခု ပျက်ကာဖြစ်ကာ တစဉ်တတန်းကြီး ဖြစ်ပျက်နေ၏။ ထိုစိတ်အစဉ်တွင် စေတနာ-ဟုခေါ်ရသော တရားတမျိုးလည်း ပါဝင်၏။ စေတနာ-ဟူသော ပါဠိစကားသည် လှုံ့ဆော်ပေးသောတရား-ဟု အနက်ထွက်၏။ သတ္တ၀ါများ၏ စိတ်သည် အိပ်ပျော်နေစဉ်အခါ ကဲ့သို့ မထင်မရှား အမှတ်တမဲ့ ဖြစ်ပျက်သွားသော စိတ်များ၌ စေတနာပါသော်လည်း ထိုစေတနာ၏ လှုံ့ဆော်အားသည် မထင်မရှားပင် ဖြစ်၍ သူ၏သတ္တိသည်လည်း ခန္ဓာအစဉ်၌ မကျန်ရစ်ပါ။

( ကုသိုလ်၊ အကုသိုလ် စေတနာ)
လောဘ၊ ဒေါသ၊ စသော အပြစ်ကင်း၍ သန့်ရှင်းသောစိတ်ကို ကုသိုလ်စိတ်ဟုခေါ်၏။
လောဘ၊ ဒေါသ စသော အပြစ်မကင်း၍ မသန့်ရှင်းသော စိတ်ကို အကုသိုလ်စိတ်ဟု ခေါ်၏။ ထိုစိတ်တို့၌ စေတနာ၏ လှုံ့ဆော်မှုအားလည်း အထင်အရှားပါဝင်၏။ စေတနာ၏ လှုံ့ဆော်မှုအင်အား ကောင်း-မကောင်း လိုက်၍ ကုသိုလ်၊ အကုသိုလ်စိတ်လည်း ကြီးကျယ် မကြီးကျယ် ကွဲပြား၏။ လှုံ့ဆော်-ဟူသည် စေတနာက အတူဖြစ်ဖက် စိတ်စေတသိက်တို့ကို ဆိုင်ရာအလုပ်၌ တက်တက်ကြွကြွပါဝင်ကြအောင် နှိုးဆော်ပေးခြင်း တည်း။(အသင်းတခု၌ အကျိုးဆောင် အတွင်းရေးမှူး၏ အလုပ်မျိုး ဖြစ်သည်)။
ထို့ကြောင့် ထိုစေတနာကိုသာ ကမ္မ (အမှုသည်) ဟု နာမည်တပ်၍ စေတနာကို ကံတရားဟု ခေါ်စမှတ်ပြုကြ ရသည်။ (စေတနာဟံ ဘိက္ခဝေ ကမ္မံ ၀ဒါမိ၊ စေတယိတွာ ကမ္မံ ကရောဟိ ကာယေန ၀ါစာယ မနသာ-ဘိက္ခုတို့ စေတနာကို ကံဟူ၍ ဟောတော်မူ၏။) စေတနာဖြင့် စေ့ဆော်၍ (လှုံ့ဆော်၍) ကိုယ်ဖြင့်ဖြစ်စေ၊ နှုတ်ဖြင့်ဖြစ်စေ၊ စိတ်သက်သက်ဖြင့် ဖြစ်စေ ကံကိုပြုရသည်။
(အင်္ဂုတ္တိုရ် ဆက္ကနိပါတ်၊ ဒုတိယပဏ္ဏာသက၊ မဟာဝဂ်၊ နိဗ္ဗေဓိကသုတ် ပါဠိတော်)

( သတ္တိ၏ အကျိုး )
ထိုပြခဲ့သော စေတနာကံသည် (ရုပ်၊ နာမ် ထုံးစံအတိုင်း) ဖြစ်ပြီး၍ ပျက်စီးရသော်လည်း သူ၏သတ္တိကိုကား ခန္ဓာအစဉ်၌ ချန်ထားခဲ့၏။ ထိုသတ္တိသည် အကျိုးပေး၏။ မိဘကိုဖြစ်စေ၊ ရဟန္တာကိုဖြစ်စေ သတ်သော အကုသိုလ်စေတနာကံ၏ ကမ္မသတ္တိသည် နောက်ဘ၀၌ အ၀ီစိကျလောက်အောင် အကျိုးပေး၏။ အခြားသော အကုသိုလ်စေတနာတို့တွင် တချို့စေတနာ၏ ကမ္မသတ္တိသည် ဘ၀အတိအကျမဟုတ်ဘဲ သင့်တော်သောဘ၀၌ ကာလ ဂတိ ဥပဓိ ပယောဂ မကောင်းမှုကိုလိုက်၍ ထိုက်သလို မကောင်းကျိုးကိုပေး၏။

ကုသိုလ်စေတနာတို့တွင် မဂ်ကုသိုလ် စေတနာ၏သတ္တိသည် မိမိဖြစ်ပြီး၍ ချုပ်ပြီးနောက် တဆက်တည်း ဖိုလ်အကျိုးကို ပေး၏။
ဈာန်စေတနာ၏ သတ္တိသည် နောက်ဘ၀၌ ဗြဟ္မာ့ဘုံ၌ ဗြဟ္မာဖြစ်အောင် အကျိုးပေး၏။
အခြားသော ကုသိုလ်စေတနာ၏ သတ္တိများကား သင့်တော်ရာဘ၀၌ ကာလ ဂတိ ဥပဓိ ပယောဂ လိုက်၍ အကျိုးပေးသည်။
(ကာလ ဂတိ ဥပဓိ ပယောဂ အကြောင်းကို ကိုယ်ကျင့်အဘိဓမ္မာ၌ အကျယ်ပြခဲ့ပြီ)။

(အကျိုးပေးမည့်ကံ ပေါ်လာပုံ)
သတ္တ၀ါတယောက်၏ ခန္ဓာအစဉ်၌ ဤဘ၀၊ ရှေးဘ၀တို့ဝယ် ပြုခဲ့သမျှသော ကုသိုလ်ဖြစ်စေ၊ အကုသိုလ်ဖြစ်စေ ကမ္မသတ္တိအများအပြားပါရှိ၏။ သေခါနီးသောအခါဝယ် အကျိုးပေးခွင့်သာသောကံသည် (သို့မဟုတ် ထိုကံပြုစဉ်က ပါဝင်ခဲ့သော အရာဝတ္ထုသည်) အိပ်မက်မက်သကဲ့သို့ စိတ်အစဉ်မှာ ပေါ်ထင်လာ၏။ ယခု လောလောဆယ် ပြုနေရသကဲ့သို့ ဖြစ်၏။ ထိုကဲ့သို့ စိတ်ထဲ၌ ထင်နေခိုက်ဝယ် စုတိစိတ်ကျ၍ နောက်ဘ၀ ပဋိသန္ဓေစိတ် အသစ်တဆက်တည်း ဖြစ်၏။ ထိုပဋိသန္ဓေစိတ်သည် ထိုသေခါ နီး၌ထင်သော ကံကြောင့် ဖြစ်ရသော အကျိုးပင်တည်း။

တချို့၌ကား သေခါနီးဝယ် နောက်ဘ၀၌ တွေ့ကြုံရတော့မည့် အာရုံများ စိတ်အစဉ်မှာ ထင်ပေါ်လာ၏။ ထိုသို့ထင်လာသောအခါ အကုသိုလ်ကံ အကျိုးပေးခွင့်သာ၍ ငရဲအာရုံများ ထင်လာသူမှာ သေခါနီး၌ အလွန်ကြောက်ရွံ့သောမျက်နှာဖြင့် ဆူပူမြည်တမ်း၍ နေတတ်၏။ ကုသိုလ်ကံအကျိုးပေးခွင့်သာ၍ ကောင်းသောဘ၀မှ ကောင်းသောအာရုံများ ထင်လာသူမှာ ကြည်လင်သောမျက်နှာဖြင့် ပြုံးရွှင်သော အမူအရာကို ပြတတ်လေသည်။ ဤနည်းအားဖြင့် ယခုဘ၀၌ အတော်ကြာသောကာလကဖြစ်စေ၊ ရှေးရှေးဘ၀တို့ကဖြစ်စေ ပြုခဲ့သော ကံပင်ဖြစ်သော်လည်း အကျိုးပေးခါနီး၌ အသစ်ပြုရသကဲ့သို့ ဖြစ်သောကြောင့် ဆိုင်ရာ ကောင်းကျိုး ဆိုးကျိုး ဘ၀အသစ်တမျိုးကို ဖြစ်စေနိုင်ကြပေသည်။

( ပ၀တ္တိအကျိုး )
ပဋိသန္ဓေစိတ်ဖြစ်ပြီးနောက် တဘ၀လုံး ကာလကို ပ၀တ္တိအခါဟု ခေါ်၏။ ပဋိသန္ဓေအသစ်ကို ဖြစ်စေပြီးနောက် ထိုကံဖြစ်စေ၊ အခြားကံဖြစ်စေ၊ ရောက်ရာဘ၀၌ ကောင်းကျိုး ဆိုးကျိုးကို ပေးနိုင်ကြ၏။ ထိုသို့ပေးရာ၌ ဂတိဟုခေါ်အပ်သော ဘ၀၊ မိမိဖြစ်ရာ အချိန်ကာလ၊ ရုပ်အဆင်းဟူသော ဥပဓိ၊ ပြုလုပ်ပြောဆိုအပ်သော ပယောဂတို့ကိုလိုက်၍ ထိုက်သလို အကျိုးပေးကြသည်။ ဂတိစသည် မကောင်းလျှင် အကုသိုလ်ကံတို့ အကျိုးပေးခွင့်ရကြ၏။ ဤသို့ စသည်ဖြင့် သိဖွယ်တွေမှာ အလွန်ကျယ်ဝန်းများပြားသောကြောင့် ချန်ထားရပါတော့မည်။ လိုရင်းအချုပ်မှာ-ကုသိုလ်ရှင်၏ စေတနာပေါ်မှာမူတည်၍ (စေတနာထက်လျှင် ထက်သလို၊ စေတနာညံ့လျှင် ညံ့သလို) အကျိုးပေးသည်-ဟု ဆိုလိုပါသည်။

( လှူဖွယ်ဝတ္ထု၏ တန်ဖိုး)
စေတနာက အကျိုးပေးရာ၌ လှူဖွယ်ဝတ္ထုသည် (စေတနာ၏အာရုံအဖြစ်ဖြင့်) အထောက်အကူပြု၏။ မိမိ၏စေတနာကို မိမိစဉ်းစားလျှင် ညံ့သောလှူဖွယ်ဝတ္ထုကို ကြည့်ရသောအခါ ၀မ်းသာအားရ မရှိကြောင်း၊ ကောင်းသော လှူဖွယ်ဝတ္ထုကို ကြည့်ရသောအခါ ၀မ်းသာအားရ ရှိကြောင်း သိသာ၏။ ဒါနပြုရာ၌ ၀မ်းမြောက်ဝမ်းသာပြုရသော ဒါနစေတနာသည် ထက်သန်သော စေတနာဖြစ်ရကား အကျိုးပေးသော အခါလည်း ထက်ထက်သန်းသန်း အကျိုးပေးလိမ့်မည်သာ။

(ဓမ္မိယလဒ္ဓအလှူ)
(ဓမ္မိယ-တရားနှင့်လျော်စွာ+လဒ္ဓ-ရအပ်သောပစ္စည်း) တရားသဖြင့် ရှာဖွေ၍ရအပ်သော ပစ္စည်းဥစ္စာကို ဓမ္မိယလဒ္ဓ-ပစ္စည်းဟုခေါ်၏။ ထိုဝတ္ထုပစ္စည်း၏ ဓမ္မိယလဒ္ဓပစ္စည်းဖြစ်ဖို့ရာလည်း အရေးကြီးပြန်၏။ မတရား ရှာဖွေ၍ ရအပ်သော (အဓမ္မိယလဒ္ဓ) ပစ္စည်းအလှူထက် ဓမ္မိယလဒ္ဓပစ္စည်းကို လှူခြင်းက သာ၍ အကျိုးကြီး၏။ ဤစကားကိုထောက်၍ လှူဖွယ်ဝတ္ထုက စေတနာကို အထောက်အကူပြုနိုင်ကြောင်း သိသာပေသည်။

( ဇာတ်တော် )
အစိုးရသူ (မျက်နှာကြီးသူပေါင်း) တသိန်းသည် သူတပါးကို ညှဉ်းဆဲနှိပ်စက် မျက်ရည်ထွက်အောင် အခွန်ဘဏ္ဍာ ပစ္စည်းဥစ္စာကို မတရားစုဆောင်း၍ ကိုယ်စီကိုယ်င တသိန်းကုန်ပေးလှူကြသည်ဟု ဆိုကြစို့။ မတရားပစ္စည်း ရှာသော ထိုလူပေါင်းတသိန်း၏ စုဆောင်းထားသော ထိုအလှူကြီးသည် တရားသဖြင့် အသက်မွေးသူ ဆင်းရဲသား လူတယောက်၏ သာမန်ဒါနကိုထောက်သော် နှစ်ရာ့ငါးဆယ်ခြောက်စိတ်စိတ်၍ တစိတ်လောက်မျှ အဖိုးမတန်ပါ။

(အလှူပွဲ၏ ကြီးကျယ်မှု)
အလှူဒါနပြုရာ၌ အလှူပွဲ၏ ကြီးကျယ်ခမ်းနားမှုကလည်း စေတနာထက်သန်ဖို့ရန် အထောက်အကူ ပြုနိုင်၏။ သို့သော် ထိုသို့ကြီးကျယ်ခမ်းနားအောင် ဆင်ပြင်ရာ၌ ရည်ရွယ်ချက် သန့်ရှင်း-မသန့်ရှင်းကိုကား စိစစ်ဖို့ လိုပါသေးသည်။ ရည်ရွယ်ချက် သန့်ရှင်းမှ စေတနာကို အထောက်အကူပြု၍ ရည်ရွယ်ချက် မသန့်ရှင်းလျှင် ဒါနစေတနာကိုပင် အနှောက်အယှက် ပြုနိုင်ပါသေး၏။
ရှင်းပြဦးမည်။
ဝေဿန္တရာမင်းသည် အလှူရုံကြီးများကို ၆-ဌာနဆောက်လုပ်၍ တနေ့လျှင် ၆-သိန်းမျှ အကုန်ခံကာ ကြီးကျယ်သော ဒါနကိုပြု၏။ ရှေးရှေးသူတော်ကောင်းများလည်း ထိုကဲ့သို့ပြုကြ၏။ ထိုဒါနတို့၏ ကြီးကျယ်ခမ်းနား မှုသည် ဂုဏ်ပကာသနအတွက် မဟုတ်။ အချီးမွမ်းခံလို၍လည်း မဟုတ်။ ဘ၀စည်းစိမ်ကို လိုလား၍လည်းမဟုတ်၊ ဆင်းရဲသူဆင်းရဲသား အများအပြားကို စားကြစေလို၊ သောက်ကြစေလိုသော မေတ္တာကရုဏာနှင့် စားသောက်ကြသည်ကို ၀မ်းမြောက်သော မုဒိတာအရင်းခံပါသော ကြီးကျယ်ခြင်းသာဖြစ်၏။ ထိုကဲ့သို့ ကြီးကျယ် ခမ်းနားမှုကား ဒါနစေတနာကို များစွာအထောက်အကူ ပြုနိုင်ပါသည်။

( အထောက်အကူ မပြုနိုင်သော ခမ်းနားမှု )
သူတပါးနှင့် ပြိုင်ဆိုင်လိုသော၊ အနိုင်ယူလိုသော၊ အချီးမွမ်းခံလိုသော၊ မိမိကို အလှူရှင်ဟု ထင်ရှားပြလျက် ၀ါကြွားလိုသော၊ နောက်နောက်ကာလ၌ ဘ၀စည်းစိမ်ကို တောင့်တသော အကုသိုလ် တဏှာရာဂ မာနတို့ကို အရင်းခံ၍ ကြီးကျယ်ခမ်းနားသော၊ လှပထည်ဝါသော အလှူမဏ္ဍပ်ကြီးကို ဆောက်လုပ်ပြီးလျှင် မပင့်လျှင် မကောင်းသော ပုဂ္ဂိုလ်နှင့် နာမည်ကြီးပုဂ္ဂိုလ်များကို တင်ကြိုပင့်လျှောက်ကာ မျက်နှာကြီးတို့ကိုသာဖိတ်၍ (သူတို့အိမ်၌လည်း စားလေ့ရှိသော) စားကောင်းသောက်ဖွယ်များကို ကျွေးမွေးခြင်းမရှိ ဆင်းရဲသားများကိုကား လားလားမျှ အနားသို့ မသီစေလိုခြင်း၊ ထိုကျွေးမွေးခိုက်၌လည်း တီးဝိုင်းမှ တငြိမ့်ငြိမ့်တီးကာ တဏှာရာဂဖြင့် စားကြ သောက်ကြခြင်း၊ အလှူရှင်ကလည်း နှုတ်ဆက်ရ၊ လောကွတ်လုပ်ရနှင့် ဗျာပါရများနေရခြင်း၊ အလှူပွဲ ပြီးခါနီးမှ ကပျာကယာ ရေစက်ချ၍ လှူဒါန်းရခြင်းတို့ဖြင့် ခြယ်လှယ်ထားသော ဒါန၏ ကြီးကျယ်ခမ်းနားခြင်း၌ သန့်ရှင်းသော ရည်ရွယ်ချက်နည်းပါးရကား အနှစ်ပါသော စေတနာကောင်းကလေးကိုပင် အတော်ကောင်းသော ဉာဏ်စက္ခုမှန်ပြောင်းဖြင့် ရှာနိုင်မှ တွေ့မြင်နိုင်ပါလိမ့်မည်။

( အပိုပစ္စည်း၏ အသုံးဝင်မှု )
အသုံးမကျ၍ ပိုလျှံနေသော အလှူပစ္စည်းများကို လှူခြင်းထက် အသုံးဝင်သော ပစ္စည်းကို လှူခြင်းက သာ၍ စေတနာကို အထောက်အကူ ပြုနိုင်၏။
ရှင်းပါဦးမည်=အသုံးမ၀င်ဘဲ ပိုလျှံနေသော ပစ္စည်းသည် အလှူခံပုဂ္ဂိုလ်မှာ အကျိုးမများပါ။ အသုံးဝင်သော ပစ္စည်း (၀ိနည်းတရားတော်နှင့်လည်း လျော်သောပစ္စည်း)ကား အလှူခံပုဂ္ဂိုလ်မှာ အကျိုးများပါသည်။ အလှူခံပုဂ္ဂိုလ်မှာ အကျိုးများကြောင်း သိရလျှင် အလှူရှင်မှာလည်း ကုသိုလ်စေတနာ ပို၍ ထက်သန်လာနိုင် ပါသည်။ (တပည့်တော်တို့သည် အဘယ်ပုဂ္ဂိုလ်၌ လှူရပါမည်နည်း-ဟု မေးလာလျှင် သင်တို့၏ အလှူပစ္စည်းကို အသုံးဝင်မည့်နေရာ၊ ကျောင်း စသည်ဖြစ်လျှင် ပျက်စီးသောအခါ ပြင်ဆင်မည့်နေရာ၊ ကြာရှည်တည်တံ့မည့် နေရာ၌ လှူကြလော့-ဟု ပြောနိုင်သည်။)
(၀ိနည်းပါဠိတော်၊ နိဿဂ္ဂိယပါစိတ်၊ ပတ္တ၀ဂ် ဒသမသိက္ခာပုဒ်)

မှတ်ချက်။ ။ ယခုအခါ များစွာသော အလှူကြီးတို့၌ တယောက်ကလှူပြီးသော သင်္ကန်း၊ သပိတ်၊ ထီး၊ ဖိနပ်၊ ခုတင်၊ ခြင်ထောင် စသည်ကို ထပ်၍လှူကြ၏။ ကထိန်များ၌လည်း ထိုပစ္စည်းများအပြင် နာရီ၊ ကော်ဇော၊ လက်နှိပ်ဓာတ်မီး၊ စသော နိုင်ငံခြားဖြစ် ပစ္စည်းများကို (ပြင်ဆင်၍လှအောင်) လှူကြ၏။ ထိုအလှူကြီးများကြောင့် နိုင်ငံခြားသို့ အခွန်ဆက်ရသော ကုန်ကျစရိတ်တွေ မနည်းလှချေ။ ကျောင်းရောက်သောအခါ၌လည်း ပရိယတ်၊ ပဋိပတ်ကို အထောက်အကူ မပြုနိုင်ရုံသာမက ဝေငှစရာ တပည့်ပရိသတ်မရှိသောကျောင်းမှာ သိမ်းဆည်း ရသောအလုပ်တာဝန်သာ ပိုလာ၏။ တချို့ပုဂ္ဂိုလ်များလည်း ထိုပစ္စည်းများကို မအပ်ဆုံးသော ငွေအဖြစ် ရောက်အောင် စီမံကြ၏။ ထိုကဲ့သို့ဖြစ်ပုံကို စဉ်းစားကာ အလှူဒါနနှင့်စပ်၍ မှတ်ဖွယ်များကို အနာဂတ် သာသနာရေးကျမ်း၌လည်း ပြခဲ့ပြီးပါပြီ။

( မြတ်မင်္ဂလာ ၂၀၀၉-ခု မေလ)

အနှိုင်းမဲ့အရိပ်နှင့်အနှိုင်းမဲ့ချမ်းသာ

2010-07-29T13:32:00.000+06:30

သစ်ပင်အရိပ် ဆွေမျိုးရိပ်နှင့်
မိရိပ်ဘရိပ် ဆရာရိပ်ထက်
မင်းရိပ်သည်သာဆင့်ဆင့်သာ၏။
ထိုမှတစ်ဖြာ မြတ်စွာဟောကြား
တရားဆာဟာ အရိပ်မှာကား
လွန်စွာအေးမြ ချမ်းသာရ၍
မှီကြခိုသူ များဗိုလ်လူတို့
အပူခပ်သိမ်း ပ,ပျောက်ငြိမ်း၏။
အလွန်ပူပြင်းတဲ့ နွေရာသီကာလ လွင်တီးခေါင်အရပ်မှာ မောပန်းနွမ်းနယ်လျှက် ခရီးသွားလာနေ
သူတစ်ယောက်ဟာ သူရိန်နေမင်းရဲ့ အပူဒဏ်ကို အကာအကွယ်ပေးစေနှုိင်တဲ့ စိမ်းလန်းစိုပြေတဲ့သစ်တစ်
ပင်အောက်သို့ ရောက်သွားခဲ့ရင် အေးမြတဲ့ သစ်တစ်ပင်ရဲ့အရိပ်ဟာ အဲဒီသူအတွက် ကိုယ်စိတ်ချမ်းသာမှု
ကိုရှိစေပါတယ်။ ဒါပေမဲ့ သစ်ပင်ရဲ့အရိပ်ဟာ အမြဲထာဝရအေးမြမူကိုတော့ မပေးစွမ်းနှိုင်ပါ။ အချို့သော
ဆွေမျိုးတွေဟာ အခြားတစိမ်းသူတွေထက် ကိုယ့် အပေါ်မှာချစ်ခင်တတ်ကြပါတယ်။မကောင်းမူလုပ်နေတာ
ကိုတွေ့ရင်တောင် နောက်ထပ်မလုပ်မိအောင် ပြောဆိုတားမြစ်တတ်ကြပါတယ်။ တကယ်လို့လမ်းမှားသို့
ရောက်နေခဲ့ရင်လမ်းမှန်သို့ ရောက်အောင် ပြောဆိုဆုံးမပို့ ဆောင်ပေးတတ်ကြပါတယ်။ မိဘများပမာစောင့်
ရှောက်တတ်ကြပါတယ်။ ဒါ့ကြောင့်ဆွေမျိုးတို့ရဲ့အရိပ်ဟာ သစ်ပင်ရိပ်ထက် ပို၍အေးမြပါတယ်။ မိဘတွေ
ဟာသားသမီးများအပေါ်မှာ ဗြဟ္မာကြီးတွေလို မေတ္တာ၊ ကရုဏာ၊ မုဒိတာ၊ ဥပေက္ခာဆိုတဲ့ ဗြဟ္မာစိုရ်တရား
လေးပါးနဲ့အညီစောင့်ရှောက်ကြပါတယ်။ ဖဝါးလက်နှစ်လုံး ပခုံးလက်နှစ်သစ် လူလားမမြောက်ငယ်စဉ်ကာ
လကပင် နို့ချိုတိုက်ကျွေးယုယပေးကြပါတယ်။မသိတာကိုသိအောင် မလိမ္မာတာကိုလိမမ္မာအောင်ပန်းပုဆ
ရာများကဲ့သို့ ပြုပြင်ပေးကြပြီး သွန်သွင်ပြသ ဆိုဆုံးမတတ်တဲ့အတွက်ကြောင့် လက်ဦးဆရာလည်းဖြစ်ပါ
တယ်။ မိဘနှစ်ပါးရဲ့ သွန်သင်မူအရိပ်အာဝါသ အောက်မှာ ကြီးပြင်းလာကြတဲ့ သားသ္မီးတွေဟာလိမ္မာယဉ်
ကျေးပြီး စိတ်ချမ်းသာမူကိုရရှိကြပါတယ်။ ဒါ့ကြောင့်မိဘတို့ရဲ့အရိပ်ဟာ ဆွေမျိုးတို့ရဲ့အရိပ်ထက် သားသ္မီး
တွေအဖို့ ပို၍အေးချမ်းသာယာပါတယ်။
ပန်းချီဆရာဟာ ပန်းချီကားတွေကိုရေးဆွဲတဲ့အခါ အဝါရောင်နဲ့လိုက်ဖက်ညီတဲ့နေရာမှာအဝါရောင်
အနီရောင်နဲ့လိုက်ဖက်ညီတဲ့နေရာမှာ အနီရောင်စသဖြင့်လိုက်ဖက်ညီအောင် ရေးဆွဲကြပါတယ်။ အလားတူ
ဆရာများဟာ တပည့်တွေကို အတတ်ပညာတွေကိုသင်ပေးတဲ့အခါ စာပေအတတ်ပညာ ဝါသနာပါသူက
ို စာပေအတတ်ပညာ၊ လက်မူအတတ်ပညာဝါသနာပါသူကို လက်မူအတတ်ပညာစသဖြင့်စေတနာ၊ ဝါသနာ၊
အနစ်နာ၊ နာသုံးနာနဲ့ပြည့်စုံစွာ “အတတ်လည်းသင်၊ ပဲ့ပြင်ဆုံးမ၊ သိပ္ပမချန်၊ ဘေးရန်ဆီးကာ၊သင့်ရာအပ်ဖို့၊
ဆရာတို့ ကျင်ဖို့ဝတ်ငါးဖြာ” ဆိုတဲ့ဆရာကျင့်ဝတ်နဲ့ အညီဆုံးမသွန်သွင်ပေးကြပါတယ်။ ဒါ့ကြာင့်ဆရာ့ကျင့်
ဝတ်တရားငါးပါးနှင့်အညီ သွန်သွင်ပေးကြတဲ့ဆရာသမားတွေရဲ့ အရိပ်ဟာတပည့်တွေအဖို့ မိဘရိပ်ထက်
ချမ်းသာအေးမြစေပါတယ်။
တိုင်းပြည်ဖွံဖြိုးတိုးတက် စည်ပင်သာယာအောင် နိုင်ငံ့တာဝန်ကို မင်းကျင့်တရား(၁ဝ) ပါးနှင့်အညီ
တာဝန်ယူဆောင်ရွက်ပေးကြတဲ့ ရှင်ဘုရင်စတဲ့ နိုင်ငံ့ခေါင်းဆောင်ကောင်းတွေရဲ့ အရိပ်အာဝါသအုပ်ချုပ်မှု
အောက်မှာနေထိုင်ကြတဲ့ တိုင်းသူပြည်သားတွေဟာ မိမိတို့ရဲ့ အသက်အိုးအိမ် စည်းစိမ်ဥစ္စာတွေကိုလုံခြုံ
စိတ်ချစွာနဲ့ စိတ်ချမ်းသာ၊ ကိုယ်ချမ်းသာ နေထိုင်နိုင်ကြပါတယ်။ စိုးရိမ်သောကကင်းစွာလုပ်ကိုင်စားသောက်
နိုင်ကြပါတယ်။ ဒါ့ကြောင့် ရှင်ဘုရင် မင်းအစရှိတဲ့ နိုင်ငံ့ခေါင်းဆောင်ကောင်းတွေရဲ့အရိပ်ဟာတိုင်းသူပြည်
သားတွေအဖို့ ဆရာအရိပ်ထက် ပို၍အေးမြလှပါတယ်။ ကမ္ဘာပေါ်မှာ သိပ္ပံအတတ်ပညာတွေဟာများစွာတိုး
တက်လျှက်ရှိပါတယ်။ ဒါပေမဲ့ အဲဒီအတတ်ပညာတွေနဲ့စိတ်ပိုင်းဆိုင်ရာကို နုညံ့သိမ်မွေ့ယဉ်ကျေးအောင်
မလုပ်နှိုင်ကြပါ။ဗုဒ္ဓတရားတော်ကသာသတ္တဝါတွေရဲ့ စိတ်ပိုင်းဆိုင်ရာကိုသိမ်မွေ့နူးညံ့လာအောင်လုပ်ဆောင်
ပေးနိုင်ပါတယ်။ ဗုဒ္ဓတရားတော်ဟာ မည်သူကမျှမပေးစွမ်းနိုင်တဲ့ ချမ်းသာစစ် ချမ်းသာမှန် အနှိုင်းမဲ့အမြိုက်
နိဗ္ဗာန်ချမ်းသာကိုပေးစွမ်းနိုင်ပါတယ်။ဒါ့ကြောင့် ဗုဒ္ဓတရားတော်ရဲ့အရိပ်ဟာဝေနေယျသတ္တဝါတွေအဖို့အရိပ်
တကာ့အရိပ်ထဲမှာအအေးမြဆုံး အနှိုင်းမဲ့အရိပ်ဖြစ်ပါတယ်။ဥာဏ်အမြော်အမြင်ရှိသူတွေဟာအေးမြတဲ့မ္မအ
ရိပ်ကိုခိုလှုံကြပါတယ်။ တရာဓမ္မနဲ့စိတ်ရဲ့ငြိမ်းချမ်းမူကို ရှာဖွေကြပါတယ်။
အနှိုင်းမဲ့အေးမြတဲ့တရားအရိပ်ကိုခိုလုံရန် ဘုရားထံသို့ချည်းကပ်လာသူတစ်ဦးကတော့ ကုက္ကုဋဝတီ
ပြည်ကြီးကိုစိုးစံအုပ်ချုပ်မင်းလုပ်တော်မူတဲ့ မဟာကပ္ပိနမင်းကြီးပဲဖြစ်ပါတယ်။ သူရဲ့တောင်ညာစံဒေဝီမဟေ
သီမိဖုရားက အနောဇာမိဖုရားကြီးဖြစ်ပါတယ်။ ဘုရင်ကြီးဟာ ဘုရား၊တရား၊သံဃာဆိုတဲ့ရတနာသုံးပါးနဲ့
စပ်တဲ့အကြောင်းအရာတွေကို အလွန်သိချင်၊ ကြားချင်နေတဲ့မင်းတစ်ပါးပါ။ဒါပေမဲ့ကုက္ကုဋဝတီနေပြည်တော်
မှာ ရတနာသုံးပါးမထွန်းသေးတာကြောင့် သူ့အနေနဲ့ရတနာသုံးပါးအကြောင်းကိုသိခွင့်မရဘဲဖြစ်နေပါတယ်။
မင်းစည်းစိမ်ထက်သာလွန်ကောင်းမြတ်ပြီး ဘဝရဲ့အနှစ်သာရကိုပေးစွမ်းနိုင်တဲ့အေးမြတဲ့တရားအရိပ်ကိုခိုလုံ
ချင်တာကြာခဲ့ပါပြီ။ ဒါပေမဲ့ယနေ့ထိအေးမြတဲ့တရားရိပ်ကိုရှာမတွေ့သေး။ ဘုရင်ဘဝမှာလိုလေသေးမရှိကာမ
ဂုဏ်စည်းစိမ်ချမ်းသာတွေကိုအပြည့်အဝခံစားရပေမဲ့လည်း ဒီစည်းစိမ်ချမ်းသာတွေဟာ အနှစ်မရှိအကာသာ
ဖြစ်ပြီးရေပွက်ပမာကဲ့သို့ တာရှည်မခံပျက်စီးတတ်တယ်ဆိုတဲ့သဘောကိုသူနားလည်နေပါတယ်။ဒါနဲ့ဘုရင်
ကြီးဟာရတနာသုံးပါးကိုချည်းကပ်ချင်နေတယ်။ အေမြတဲ့တရားဓမ္မအရိပ်ကိုခိုလုံချင်နေပါတယ်။တစ်နေ့မှာ
ဘုရင်ကြီးဟာ သူပိုင်ဆိုင်တဲ့ ဗလ၊ ဗလဝါဟန၊ ပုပ္ဖ၊ ပုပ္ဖဝါဟန၊ သုပတ္တအမည်ရှိတဲ့စီးတော်မြင်း ငါးစီးအနက်သူကိုယ်တိုင်စီးတဲ့သုပတ္တမြင်းကိုချန်လှပ်၍ကျန်မြင်းလေးစီးကို မြင်းစီးသူရဲကောင်းတွေကိုစီးစေ
ပြီး“အမောင်တို့……ရတနာသုံးပါးနဲ့စပ်တဲ့သတင်းစကားကိုကုက္ကုဋဝတီနေပြည်တော်ရဲ့အနီးပတ်ဝန်းကျင်မှာ
လေ့လာစူးစမ်းကြပါ။ လောကမှာရတနာသုံးပါးဖြစ်ထွန်းပေါ်ပေါက်နေပြီဆိုတဲ့ သတင်းစကားကိုကြားရရင် ငါ့ထံသို့ချက်ချင်းယူဆောင်လာခဲ့ပါ”လို့သူတို့တွေကိုပြောကြား၍ ကုက္ကုဋဝတီနေပြည်တော်ရဲ့ပတ်ဝန်းကျင်
နှစ်ယူဇနာ၊ သုံးယူဇနာဝေးတဲ့အရပ်ထိတိုင်အောင် ရတနာသုံးပါးရဲ့ သတင်းစကားကိုစူးစမ်းဖို့နေ့တိုင်းစေ
လွတ်ပါတယ်။ မြင်းစီးသူရဲကောင်းတွေဟာကုက္ကုဋဝတီပြည်ကြီးရဲ့ ပတ်ဝန်းကျင်သုံးယူဇနာဝေးကွာတဲ့အရပ်
ထိနေ့တိုင်းဆိုသလို စုံစမ်းပေမဲ့လည်း အဲဒီသတင်းစကားကိုမကြားရပါ။
တစ်နေ့မှာ ဘုရင်ကြီးဟာ သုပတ္တမြင်းကိုစီးပြီးအမတ်ပေါင်းတစ်ထောင်ခြံရံလျက်ဥယျာဉ်တော်သို့အ
လည်သွားကြပါတယ်။ အဲဒီအချိန်မှာ ခရီးဝေးမှလာကြတဲ့ကုန်သည်ငါးရာတို့ဟာ အလွန်ခရီးပင်ပန်းနေကြ
တဲ့အတွက် ကုက္ကုဋဝတီမြို့တော်သို့ဝင်ရောက်လာကြတာကို ဘုရင်ကြီးမြင်တဲ့အခါ “ဒီကုန်သည်တွေဟာအ
ဝေးမှလာကြတာဖြစ်တယ်။ သူတို့ထံမှာသတင်းစကားတစ်ခုခုတော့ကြားရပေမယ်”လို့အကြံဖြစ်၍ကုန်သည်
တွေကိုရှေ့တော်မှောက်သို့ခေါ်ခိုင်းလိုက်ပြီး ဘုရင်ကြီးက“အမောင်တို့....ဘယ်အရပ်ကလာကြတာလဲ”လို့
ကုန်သည်တွေကိုမေးမြန်းတဲ့အခါ သာတ္ထိပြည်မှလာကြကြောင်းလျှောက်ထားကြပါတယ်။ ဒီလိုဆိုရင်
“အမောင်တို့ဆီမှာ တစ်စုံတစ်ခုသတင်းထူးတွေများဖြစ်ပေါ်မှုရှိသလား”လို့ထပ်မံမေးမြန်းရာ “သတင်းထူးက
တော့အထူးအထွေမရှိကြောင်းပါ အရှင်မင်းကြီး။ဒါပေမဲ့ သာဝတ္ထိမှာတော့မြတ်စွာဘုရားရှင်ပွင့်တော်မူနေပါ
တယ်”လို့လျှောက်ထားကြပါတယ်။ အဲဒီအခါဘုရင်ကြီးဟာ ဘုရားရှင်ပွင့်တော်မူနေပြီဆိုတဲ့သတင်းစကား
ကိုကြားလိုက်ရတဲ့ခဏမှာအလွန့်အလွန်ဝမ်းမြှောက်ဝမ်းသာဖြစ်၍ ပီတိငါးမျိုးလွှမ်းခြုံသွားတဲ့အတွက်ကြောင့်
ကုန်သည်တွေလျှောက်တင်တဲ့စကားကိုမမှတ်သားနိုင်ဘဲ မေ့လျော့စေခဲ့တယ်။ “ဘယ်သတင်းစကားမျိုးကို
လျှောက်တင်လိုက်သနည်း အမောင်တို့”လို့ နှစ်ကြိမ်သုံးကြိမ်ထပ်မေးရပါတယ်။ ကုန်သည်တွေကလည်း
“လောကမှာဘုရားပွင့်တော်မူနေပါပြီအရှင်မင်းကြီး”လို့ထပ်၍လျှောက်တင်ကြပါတယ်။ မြတ်စွာဘုရားရှင်ပွင့်
တော်မူနေပါပြီဆိုတဲ့သတင်းစကားကိုလျှောက်တင်ကြတဲ့အတွက်ကုန်သည်တို့အားဆုတော်ငွေအဖြစ်အသ
ပြာတစ်သိန်းပေးပါတယ်လို့မိန့်ကြားပါတယ်။ နောက်ထပ်ဘာသတင်းထူးတွေများရှိသေးလဲလို့မေးမြန်းရာ
လောကမှာ ဓမ္မရတနာ၊ သံဃရတနာတွေလည်းဖြစ်ပေါ်နေပြီဖြစ်ကြောင်းလျှောက်တင်ကြပါတယ်။ အဲဒီအခါ
လည်းဓမ္မရတနာဖြစ်ပေါ်နေပြီဆိုတဲ့သတင်းစကားကိုလျှောက်တင်တဲ့အတွက် အသပြာတစ်သိန်း၊သံဃရတ
နာဖြစ်ပေါ်နေပြီဆိုတဲ့သတင်းစကားကိုလျှောက်တင်တဲ့အတွက်အသပြာတစ်သိန်းဆုတော်ငွေပေးသနားပါ
တယ်လို့မိန့်ကြားပါတယ်။
နှစ်ရှည်လများစုံစမ်းထောက်လှမ်းနေတဲ့သတင်းစကားကို ဒီနေ့တော့ ထူးထူးခြားခြားကုန်သည်တွေ
ထံမှဘုရင်ကြီးကြားခဲ့ရပြီ၊ ဘုရင်ကြီးဟာဝမ်းသာနေလိုက်တာ။ ရတနာသုံးပါးသတင်းစကားတွေကိုကြားရ
တယ်ဆိုရင်ပဲ သူ့နောက်ကပါလာတဲ့ အမတ်တစ်ထောင်ကိုကြည့်လိုက်ပြီး “အမောင်တို့..ဒီနေ့ရတနာသုံး
ပါးသတင်းစကားကိုငါတို့ကြားရပေပြီ၊ အမောင်တို့ရဲ့စိတ်သန္တာန်မှာ ဘယ်လိုအကြံအစည်တွေရှိကြသလဲလို့
မေးမြန်းတဲ့အခါ အမတ်တွေကလည်း အရှင်မင်းကြီးအနေနဲ့ကရော ဘယ်လိုအကြံအစည်ရှိပါသလဲ၊ဘယ်လို
လုပ်ချင်ပါသလဲလို့လျှောက်တင်ကြပါတယ်။ အဲဒီအခါဘုရင်ကြီးက “အမောင်တို့…ငါဟာလောကမှာရတနာ
သုံးပါးဖြစ်ထွန်းပေါ်ပေါက်နေပြီဆိုတဲ့သတင်းကိုကြားရတဲ့အတွက်ကြောင့် ရွှေနန်းတော်ကိုမပြန်ချင်တော့ပါ။
ဒီနေရာကပဲ ဘုရားရှင်ရှိရာအရပ်သို့သွားရောက်၍ ရဟန်းပြုတော့မယ်”လို့မိန့်ကြားပါတယ်။ ကာမဂုဏ်စည်း
စိမ်ချမ်းသာတွေကို စက်ဆုတ်ရွံ့ရှာနေတဲ့ဘုရင်ကြီးဟာ သူ့ဘဝမှာ စည်းစိမ်ချမ်းသာ အာဏာပါဝါတွေကိုပိုင်
ဆိုင်ထားပေမဲ့လည်း ကာမဝတ္ထု၊ ကိလေသာဝတ္ထုအပေါ်မှာငြိမ်းငွေ့နေပြီး မိဖုရား၊ တိုင်းနိုင်ငံ၊ ထီးနန်းစည်း
စ်ိမ်စတဲ့ သံယောဇဉ်အမျှင်အတန်းတွေကိုမျက်နှာလွှဲ၍ ဘဝရဲ့အနှစ် သာရကို
ရှာဖွေရန်အတွက် ဘုရားရှင်ထံမှာ ရဟန်းဘဝနဲ့ အေးမြတဲ့တရားရိပ်ကိုခိုလုံတော့မယ်လို့ ဆုံးဖြတ်ချက်ချ
ခဲ့ပါတယ်။အမတ်တွေကလည်းဘုရင်ကြီးနောက်သို့လိုက်၍ရဟန်းပြုလိုကြောင်းကိုလျှောက်ထားကြပါတယ်။
ဘုရင်ကြီးဟာ မိဖုရားကြီးအနောဇာထံသို့အမှာစကားပါးရန်အမတ်တွေကိုရွှေပြားမှာအမှာစာရေးသား
စေပါတယ်။ကုန်သည်ငါးရာတို့ကို“အမောင်တို့….သင်တို့ဟာနန်းတော်သို့သွားလိုက်ကြပါ။ မိဖုရားကြီးအနော
ဇာဒေဝီဟာ အမောင်တို့ကိုအသပြာသုံးသိန်း ငါ့ကိုယ်စားဆုပေးပါလိမ့်မယ်။ ဆုတော်ငွေပေးသနားဖို့အတွက်
ရွှေပြားမှာ အမှာစကားရေးသားထားပြီးပါပြီ၊ အဲဒီရွှေပြားအမှာစာကို ဖိဖုရားကြီးကိုပေးလိုက်ပါ။ ငါအထူးမှာကြား
လိုတာက ထီးနန်းစည်းစိမ်၊ အာဏာပါဝါတွေကို မိဖုရားကြီးအား အကုန်အပ်နှံလိုက်ပြီဆို
တာရယ်၊ မိဖုရားကြီးအနေနဲ့ အလိုရှိသလိုစိတ်ကြိုက် မင်းစည်းစိမ်တွေကိုချမ်းသာစွာခံစားပါဆိုတာရယ်ဒီစ
ကားတွေကိုဖိဖုရားကြီးအားလျှောက်ထားရမယ်။ သူကဘုရင်ကြီးဘယ်ကိုသွားပါသလဲလို့မေးတဲ့အခါ ဘုရား
ရှိရာသာဝတ္ထိပြည်သို့ ရဟန်းပြုရန်ထွက်သွားပါပြီ”လို့လျှောက်ထားရမယ်လို့ ဘုရင်ကြီးနှုတ်ဖြင့်မှာကြားလိုက်
ပါတယ်။ အမတ်တွေကလည်းအသီးသီး သူတို့ရဲ့ဇနီးမယားထံသို့ သတင်းစကားပို့ကြပါတယ်။
ကုန်သည်တွေကိုနန်းတော်သို့လွှတ်လိုက်ပြီးနောက် ဘုရင်ကြီးဟာသုပတ္တမြင်းကိုစီး၍ အမတ်ပေါင်း
တစ်ထောင်နဲ့အတူ ကုက္ကုဋဝတီနေပြည်တော်ကနေ ဘုရားရှင်ရှိရာသာဝတ္ထိပြည်သို့ထွက်ခွါလာကြပါတယ်။
ဘုရားရှင်ဟာ သတ္တလောကကြီးကို ကြည့်ရှုတော်မူတဲ့အခါ ဒီနေ့မဟာကပ္ပိနမင်းကြီးနဲ့ အမတ်ပေါင်းတစ်ထောင်
တို့ဟာ ငါဘုရားထံမှာ ရဟန်းပြုရန်တောထွက်လာကြမယ်လို့မြင်တော်မူ၍ မဟာကပ္ပိနမင်းကြီးကို ခရီးဦးကြိုဆိုရန်
သင်္ကန်း၊သပိတ်၊ ပရိက္ခရာတွေကိုယူဆောင်ကာ သာဝတ္ထိမှယူဇနာ
(၁၂၀) ကွာဝေးတဲ့ စန္ဒဘာဂါမြစ်နားသို့ကြွရောက်တော်မူပါတယ်။ ဘုရားရှင်ဟာ မြစ်ကမ်းနဘေး၊
ညောင်ပင်ကြီးအောက်မှာ ရောင်ခြည်တော်ခြောက်သွယ်ကွန့်မြူလျက် မဟာကပ္ပိနမင်းကြီးအလာကိုခရီးဦး
ကြိုဆို၍ သီတင်းသုံးထိုင်နေတော်မူပါတယ်။ ဘုရင်ကြီးဟာ အမတ်ပေါင်းတစ်ထောင်နဲ့အတူမြင်းကိုယ်စီစီး
၍ထွက်ခွါလာကြရာ လမ်းခရီးမှာမြစ်တစ်မြစ်ကိုတွေ့ပါတယ်။ဘုရင်ကြီးက “အမောင်တို့ဒီမြစ်ကိုဘာမြစ်လို့
ခေါ်သလဲ”လို့မေးမြန်းတဲ့အခါ အမတ်တွေကအပရစ္ဆာမြစ်လို့ခေါ်ပါကြောင်းလျှောက်ထားကြပါတယ်။ မြစ်က
တစ်ဂါဝုတ်နက်၍နှစ်ဂါဝုတ်ကျယ်ပါတယ်။ မြစ်ကိုကူးရန်လှေ၊ဖောင်စတာတွေမရှိဘူးလားလို့ ဘုရင်ကြီးက
ထပ်မံမေးမြန်းတဲ့အခါလည်း မရှိကြောင်းကို အမတ်တွေကလျှောက်ထားကြပါတယ်။ အဲဒီအခါဘုရင်ကြီးဟာ
“ဘဝသံသရာတစ်လျှောက်မှာ ငါတို့ကိုဇာတိဆိုတဲ့ ပဋိသန္ဓေတည်နေရခြင်းတရားက ဇရာဆိုတဲ့အိုမင်းရင့်
ရော်ခြင်းတရားသို့ ရောက်အောင်ပို့ဆောင်နေပါလား။ ဇရာဆိုတဲ့အိုမင်းရင့်ရော်ခြင်းတရားကလည်း မရဏ
သေခြင်းတရားသို့ရောက်အောင်ပို့ဆောင်နေပါလား။ ငါဟာအဲဒီတရားတွေအပေါ်မှာ ယုံမှားသံသယကင်းသူ
တစ်ယောက်ဖြစ်ပြီး ရတနာသုံးပါးတို့ကိုရည်ညွှန်းကာ တောထွက်လာသူတစ်ယောက်အမှန်ပင်ဖြစ်ပါတယ်။
ရတနာသုံးပါးရဲ့တန်ခိုးအာနုဘော်တွေကြောင့် ဒီမြစ်ရေဟာရေခဲပြင်ကြီးကဲ့သို့ဖြစ်ပါစေသား”လို့ရတနာသုံး
ပါးရဲ့ဂုဏ်ကျေးဇူးတွေကို အာက်မေ့ဆင်ခြင်ကာ “ဣတိပိသော ဘဂဝါ အရဟံ”အစရှိတဲ့ ဗုဒ္ဓွါနုဿတိ
ကမ္မဌာန်းကိုစီးဖြန်းပွါးများကာ အောက်ပါဂါထာကိုရွတ်ဆို၍သစ္စာဓိဌာန်ပါတယ်။
“ဘဝသောတံ ဟဝေ ဗုဒ္ဓေါ၊ တိဏ္ဏော လောကန္တဂူ ဝိဒူ။
ဧတေန သစ္စဝဇ္ဖေန၊ ဂမနံ မေ သမဇ္ဈတု။”
“သဗ္ဗညုဗုဒ္ဓ အမည်ရတဲ့လောကထွတ်ထားမြတ်စွာဘုရားဟာ ကာမ၊ရူပ၊အရူပဆိုတဲ့ ဘဝသုံးသွယ် ရေပြင်
ကျယ်ကိုကူးမြောက်တော်မူပြီး လောကရဲ့အဆုံးနိဗ္ဗာန်သို့ဆိုက်ရောက်တော်မူလေပြီ။ အလုံးစုံသောတရား
တို့ကိုလည်း ပိုင်းခြားထင်ထင်သိမြင်တော်မူလေပြီ။ ဒီဝစီသစ္စာစကားကြောင့် ဘုရားရှင်ထံမှောက်သို့ရဟန်း
ပြုရန် သွားရောက်နေတဲ့ အကျွန်ုပ်တို့ရဲ့ခရီးဟာ အန္တရာယ်မရှိဘဲ အောင်မြင်စွာရောက်ရှိနိုင်ပါစေသား”လို့
ဘုရင်ကြီးဟာဂါထာတော်ကိုနုတ်ကရွတ်ဆို၍ အမတ်တစ်ထောင်၊ သိန္ဓောမြင်းတစ်ထောင်နဲ့အတူ အပရစ္ဆာ
မြစ်ကို ကူးကြပါတယ်။ ဘုရင်ကြီးရဲ့သစ္စာစကားကြောင့် မြစ်ရေပြင်ဟာရေခဲပြင်ကြီးသဖွယ်ဖြစ်သွားပြီး
ကျောက်ဖြာပေါ်မှာ သွားနေရသလို မြင်းတွေဟာပြေလွှားသွားလာနိုင်ကြပါတယ်။ အပရစ္ဆာမြစ်ကိုကျော်
ဖြတ်ပြီးနောက် လမ်းတဝက်အရောက်မှာ ဒုတိယမြစ်တစ်မြစ်ကိုထပ်တွေ့ပြန်ပါတယ်။ ဘုရင်ကြီးဟာအဲဒီမြစ်
ကိုတွေ့တဲ့အခါလည်းဒီမြစ်ကိုဘာမြစ်လို့ခေါ်သလဲလို့မေးပါတယ်။အဲဒီအခါ အမတ်တွေကနီလဝါဟိနီမြစ်လို့
ခေါ်ပါကြောင်း၊ဒီမြစ်ဟာ စောက်အနက်ဟူဇနာဝက်ရှိပြီးအကျယ်အဝန်းဟာလည်းယူဇနာဝက်ရှိပါကြောင်းကို
လျှောက်ထားကြပါတယ်။ မြစ်ကိုကူးရန် လှေ၊ ဖောင်စတာတွေမရှိတဲ့အတွက် ရှေ့နည်းအတူဇာတိ၊ဇရာ၊
မရဏတရားတွေနဲ့ရတနာသုံးပါးရဲ့ဂုဏ်ကျေးဇူးတွေကိုအောက်မေ့ဆင်ခြင်၍“သွက္ခာတောဘဂဝတာဓမ္မော”
အစရှိတဲ့ ဓမ္မာနုဿတိကမ္မဌာန်းကို စီးဖြန်းပွါးများကာ အောက်ပါဂါထာကိုရွတ်ဆို၍ သစ္စာဓိဌာန်ပါတယ်။
“ယဒိ သန္တိဂမော မဂ္ဂေါ၊ မောက္ခော စစ္စန္တိကံ သုခံ။
ဧတေန သစ္စဝဇ္ဖေန၊ ဂမနံ မေ သမဇ္ဈတု။”
“လောကုတ္တရာတရား အရိယာမဂ်လေးပါးဟာ နိဗ္ဗာန်သို့ ဧကန်စင်စစ် အမှန်ပင်ရောက်စေနိုင်ပါတယ်။ အရိ
ယာမဂ်နဲ့ရောက်အပ်တဲ့ နိဗ္ဗာန်တရားမြတ်ဟာလည်း ချမ်းသာစင်စစ်အမှန်ဖြစ်ပါတယ်။ ဒီလိုရွတ်ဆိုအပ်တဲ့
သစ္စာစကားကြောင့် ဘုရားရှင်ထံမှောက်ရဟန်းပြုရန်သွားရောက်နေတဲ့ ကျွန်ုပ်တို့ရဲ့ခရီးဟာ အန္တရာယ်တစ်
စုံတစ်ရာမရှိဘဲအထမြောက်အောင်မြင်ပါစေသား”လို့ သစ္စာဓိဌာန်၍မြစ်ကိုကူးကြပါတယ်။နီလဝါဟိနီမြစ်ရေ
ပြင်ဟာလည်း ဘုရင်ကြီးရဲ့သစ္စာစွမ်းရည်ကြောင့် အပရစ္ဆာမြစ်ရေပြင်လိုဖြစ်သွားပြီးဘုရင်ကြီးတို့ဟာမြင်းတို့
နဲ့အတူလွယ်ကူစွာကူးသွားနိုင်ကြပါတယ်။
နီလဝါဟိနီမြစ်ကိုကူးပြီး၍ ရှေ့သို့ခရီးဆက်သွားတဲ့အခါတတိယမြစ်တစ်မြစ်ကိုထပ်တွေ့ပြန်ပါတယ်။
ဘုရင်ကြီးက ရှေ့နည်းအတူမေးမြန်းတဲ့အခါ အမတ်တွေကဒီမြစ်ကို စန္ဒဘာဂါမြစ်လို့ခေါ်ပါကြောင်း၊ စောက်
အနက်က တစ်ယူဇနာရှိပြီး အကျယ်ကတစ်ယူဇနာကျယ်ပါတယ်လို့လျှောက်ထားကြပါတယ်။ မြစ်ကိုကူးရန်
လှေ၊ ဖောင်စတာတွေမရှိတဲ့အတွက် ဘုရင်ကြီးဟာ မြစ်ကမ်းနဘေးမှာ ပဋိသန္ဓေနေခြင်း၊ အိုခြင်း၊ သေခြင်း
(ဇာတိ၊ဇရာ၊မရဏ)ဆိုတဲ့တရားတွေဟာ ငါတို့ရဲ့ခန္ဓာကိုယ်အပေါ်မှာ အမြဲတစေနှိပ်စက်နေပါလား။ မီးတွေ
လိုတောက်လောင်နေပါလားစသဖြင့်ဖြစ်ပျက်တရားတို့ကို နှလုံးသွင်းတော်မူပါတယ်။ ရတနာသုံးပါးရဲ့ဂုဏ်
ကျေးဇူးတွေကိုလည်း အောက်မေ့ဆင်ခြင်၍ “သုပဋိပ္ပန္နော ဘဂဝတော သာဝကသံဃော”စတဲ သံဃာနုဿ
တိကမ္မဌာန်းကို စီးဖြန်းပွါးများကာ အောက်ပါဂါထာကိုရွတ်ဆိုပြီး သစ္စာဓိဌာန်ပါတယ်။
“သံဃော ဝေ တိဏ္ဏကန္တာရော၊ ပုညက္ခေတ္တော အနုတ္တရော။
ဧတေန သစ္စဝဇ္ဖေန၊ ဂမနံ မေ သမဇ္ဈတု။”
“အရိယာသံဃာတော်တွဟာ သံသရာဒုက္ခမှလွတ်မြောက်ရာ ကမ်းတစ်ဖက်သို့ အမှန်တကယ်ကူးမြောက်
တော်မူပြီးဖြစ်ကြပါတယ်။ အဲဒီသံဃာတော်တွေဟာ ကောင်းမှုမျိုးစေ့တွေကိုစိုက်ပျိုးကြဲချရာဖြစ်တဲ့ လယ်ယာမြေကောင်းသဖွယ်လည်းဖြစ်ပါတယ်။ ဒီလိုရွတ်ဆိုအပ်တဲ့ ဝစီသစ္စာစကားကြောင့် ဘုရားရှင်အထံ
သို့ ရဟန်းပြုရန်သွားနေတဲ့ခရီးစဉ်ဟာ အန္တရာယ်တစ်စုံတစ်ရာမရှိဘဲ အထမြောက်အောင်မြင်ပါစေသား”လို့
သစ္စာဓိဌာန်ပြု၍ မြစ်ကိုကူးကြပါတယ်။ မြစ်ရေပြင်ဟာရှေ့ကမြစ်တွေလိုရေခဲပြင်ကြီးသဖွယ်ဖြစ်နေပြီး
ဘုရင်ကြီးတို့ဟာ မြင်းတွေနဲ့အတူလွယ်ကူစွာပဲ ကူးသွားနိုင်ကြပါတယ်။
ဘုရင်ကြီးတို့ဟာ စန္ဒဘာဂါမြစ်ရဲ့တဖက်ကမ်းသို့ရောက်တဲ့အခါ မြစ်ကမ်းနဘေး ညောင်ပင်ရင်းမှာ ရောင်ခြည်တော်ခြောက်သွယ်ကွန်းမြူးလျက် သပ္ပါယ်စွာသီတင်းသုံးနေတော်မူတဲ့ ဘုရားရှင်ကိုအံ့သြဖွယ်ရာ
ဖူးမြင်ရပါတယ်။ အဲဒီအချိန်မှာ ဘုရားရှင်ရဲ့ရောင်ခြည်တော်တွေကြောင့် ညောင်ပင်ကြီးတစ်ပင်လုံး ပင်စည်၊
အကိုင်း၊ အခက်၊ အရွက်တွေဟာရွှေရောင်ပမာ ဝါဝင်းထိန်လျက်တောက်ပြောင်နေပါတယ်။ အဲဒီအခါ ဘုရင်
ကြီးက “ယခုမြင်တွေ့ရတဲ့အရောင်တွေဟာ အံ့သြဖွယ်ကောင်းလိုက်တာ။ ငါ့ရဲ့သက်တမ်းတစ်လျောက်မှာ
တခါမျှမမြင်ဖူးတဲ့ အရောင်ပါလား။ ဒီအရောင်ဟာ လရဲ့အရောင်လည်းမဟုတ်။ နေရဲ့အရောင်လည်းမ
ဟုတ်။ နတ်၊ နဂါး၊ ဂဠုန်စတဲ့သူတို့တွေထဲက တစ်စုံတစ်ဦးရဲ့အရောင်လည်းမဟုတ်နိုင်၊ ဧကန်မုချငါရဟန်း
ပြုရန်လာနေတာကို ရှင်တော်ဗုဒ္ဓသိမြင်တော်မူ၍ကြိုနေတာပဲဖြစ်လိမ့်မယ်”လို့ ဆင်ခြင်စဉ်းစားပါတယ်။
ဘုရင်ကြီးနဲ့အတူ အမတ်တွေဟာ မြင်ပေါ်မှဆင်း၍ ရောင်ခြည်တော်ကွန်းမြူးနေတဲ့နေရာသို့ သွားရောက်ပြီး
ကိုယ်ကိုညွတ်ကာ လက်ဦးချီးလျက် ဘုရားရှင်အထံတော်သို့ချည်းကပ်ဝင်ရောက်၍ ဘုရားရှင်ကိုတရိုတသေရှိခိုးဦးချကြပါတယ်။ ရှိခိုးပြီး၍ သင့်တင့်လျောက်ပတ်တဲ့နေရာမှာထိုင်ကြပါတယ်။ အဲဒီနောက် ဘုရားရှင်က သူတို့တွေကိုမဂ်ဖိုလ်ရောက်ကြောင်း ကောင်းမြတ်တဲ့လမ်းစဉ်ဖြစ်တဲ့ ဒါနကတာ-ဒါနနဲ့စပ်တဲ့တရားစကား၊ သီလကတာ-သီလနဲ့စပ်တဲ့တရားစကား၊ သဂ္ဂကတာ နတ်ရွာသုဂတိနဲ့စပ်တဲ့တရား
စကား၊မဂ္ဂကတာ-မဂ်ဖိုလ်ရောက်ကြောင်းကျင့်စဉ်နည်းလမ်းနဲ့စပ်တဲ့တရားစကားတွေကိုဟောကြားတော်မူပါ
တယ်။တရားဒေသနာတော်အဆုံးမှာ မဟာကပ္ပိနမင်းကြီးနဲ့အမတ်တစ်ထောင်တို့ဟာ သောတာပန်ဖြစ်သွား
ကြပါတယ်။
အဲဒီနောက်ဘုရားရှင်ထံမှာရှင်ရဟန်းအဖြစ်ကိုတောင်းခံကြပါတယ်။ဘုရားရှင်ကဣဒ္ဓိမယတန်ခိုးနဲ့ပြီး
တဲ့ သင်္ကန်းသပိတ်တွေ သူတို့ထံသို့လာရောက်နိုင်မရောက်နိုင်၊သူတို့တွေကိုဧဟိဘိက္ခု ခေါ်လို့ရနိုင် မရနိုင်
ကိုသူတို့ရဲ့အတိတ်ကကောင်းမှုတွေကို ကြည့်တော်မူမှာပါတယ်။ ဧဟိဘိက္ခုဆိုတာဘုရားရှင်ကညာလက်
တော်ကိုဆန့်၍“ဧဟိဘိက္ခု-ရဟန်းလာလော့”လို့ခေါ်လိုက်တာနဲ့ ပရိက္ခရာအပြည့်အစုံနဲ့ သင်္ကန်းဝတ်ပြီးသား
ခေါင်းရိတ်စရာမလိုဘဲ ဝါတော်(၆၀)ရ မထေရ်ကြီးလိုဖြစ်သွားပါတယ်။ ရှေးအတိတ်က သင်္ကန်းပရိက္ခရာလှူဒါန်းခဲ့ဖူးတဲ့
သူကိုမှ ဘုရားရှင်က ဧဟိဘိက္ခု ခေါ်တာပါ။ ရှေးအတိတ်ဘဝက သင်္ကန်းပရိက္ခရာလှူဒါန်းတာမရှိခဲ့ဘူးဆိုရင် ဘုရားရှင်နဲ့တွေ့ပေမယ့်လည်း ဧဟိဘိက္ခု အခေါ်မခံရနိုင်ပါဘူး။ ဒါကြောင့် ဘုရားရှင်က မဟာကပ္ပိနမင်းကြီးနဲ့ အမတ်တွေရဲ့ရှေးအတိတ်ဘဝကိုကြည့်တဲ့အခါ သူတို့တွေဟာ ရှေးအတိတ်ဘဝတုန်းက ပစ္စေကဗုဒ္ဓါအရှင်မြတ်
တစ်ထောင်အား သင်္ကန်းအစုံတစ်ထောင်လှူန်းခဲ့ဖူးတယ်။ ကဿပဘုရားရှင်လက်ထက်မှာလည်း
ရဟန္တာမထေရ်နှစ်သောင်းကို သင်္ကန်းစုံရေနှစ်သောင်းလှူဒါန်းခဲ့ဖူး
တယ်လို့မြင်တော်မူ၍ညာလက်တော်ကိုဆန့်တန်းတော်မူပြီး “ဧထဘိက္ခဝေါ-ရဟန်းတို့လာကြလော့၊ သင်ချစ်
သားတို့တောင်းအပ်တဲ့ ရှင်ရဟန်းအဖြစ်ကိုခံယူကြလော့၊ ငါဘုရားဟာ သင်ချစ်သားတို့အတွက်တရားတော်
တွေကိုကောင်းစွာဟောကြားခဲ့လေပြီ။သင်တို့ဟာသံသရာဝဋ်ဆင်းရဲမှ လွတ်မြောက်ရာဖြစ်တဲ့အနှိုင်းမဲ့နိဗ္ဗာန်
ချမ်းသာကိုရအောင် သိက္ခာသုံးရပ်ကောင်းမြတ်တဲ့တရားအလုပ်ကို ကြိုးစားအားထုတ်ကြပါ” လို့ဧဟိဘိက္ခူ
ခေါ်တော်မူလိုက်တဲ့အခါ အားလုံးဝါတော်(၆၀)ရမထေရ်ကြီးအသွင် ရဟန်းအဖြစ်သို့ရောက်ရှိသွားကြပါ
တယ်။
ရဟန်းတော်တွေဟာ ဘုရားရှင်နဲ့အတူဇေတဝန်ကျောင်းတော်သို့ကြွလာကြပြီး အသီးသီးဝိပဿနာ ကမ္မဌာန်းတရားများကိုအားထုတ်ကြပါတယ်။ မဟာကပ္ပိနမထေရ်ဟာအနှိုင်းမဲ့နိဗ္ဗာန်ချမ်းသာကို သိချင်လွန်း
လို့ရချင်လွန်းလို့ မနေမနားတရားအားထုတ်ပါတယ်။ သူရဲ့စိတ်အစဉ်မှာ“ဒုက္ခသစ္စာကို ကိုယ်တိုင်အမှန်တွေ့
မြင်လာမှ ဒုက္ခငြိမ်းရာလမ်းစကိုတွေ့မြင်ရမှာ။ ခန္ဓာအတွင်းရှိဒုက္ခဆင်းရဲသဘောကို ကောင်းစွာသဘောမ
ပေါက်သမျှ အတ္တဟုစွဲလမ်းခြင်းကို ဖျောက်နိုင်မယ်မဟုတ်။ ဆင်းရဲဒုက္ခမှလွတ်မြောက်ရင် ရုပ်နာမ်မှလည်း
လွတ်မြောက်မယ်။ ကိလေသာဆိုတာဟာမီးကဲ့သို့ ပူလောင်တတ်တဲ့သဘောရှိတယ်။ အဲဒီပူလောင်မှု
ကိလေသာကြောင့်ဆင်းရဲဒုက္ခဖြစ်ပေါ်၍ဝေဒနာခံစားရတယ်။ပူလောင်မှုကိလေသာလောင်စာရှိနေသရွေ့ငါ့တို့ရဲ့
ခန္ဓာကိုယ်အတွင်းမှာ လောင်ကျွမ်းမှုဆင်းရဲဒုက္ခတည်ရှိနေအုံးမယ်။ ပေါ်ဆဲဝေဒနာကို အနစ္စ၊ ဒုက္ခ
အနတ္တတို့တွင် တစ်ခုခုသောတရားကိုရှုမှတ်၍ ရှို့မြှိုက်ပစ်လိုက်ရမယ်။ ဒုက္ခရဲ့ပေါက်ဖွါးရာဖြစ်တဲ့
ရုပ်နာမ်တရားကိုကြောက်ကာ ရွံမုန်းလာ၍စွဲလမ်းခြင်းကင်းတဲ့အထိမြင်အောင် ထင်အောင်ရှုမှတ်ရမယ်”လို့
အသိဥာဏ်တရားဖြစ်ပေါ်လာပြီး သတိပဌာန်တရားတော်နဲ့အညီ သွားရင်သွားတယ်၊ ရပ်နေတဲ့အခါမှာ ရပ်
တယ် ရပ်တယ်၊ ထိုင်နေတဲ့အခါမှာ ထိုင်တယ်ထိုင်တယ်။ လျောင်းနေတဲ့အခါမှာ လျောင်းတယ်လျောင်း
တယ်။ မြင်တဲ့အခါမှာမြင်တယ်မြင်တယ်။ ကြားတဲ့အခါမှာ ကြားတယ်ကြားတယ်။ နံတဲ့အခါမှာ နံတယ်နံတယ်။
စားတဲ့အခါမှာ စားတယ်စားတယ်။ ထိတဲ့အခါမှာ ထိတယ်ထိတယ်။ သိတဲ့အခါမှာ သိတယ်သိတယ်စသဖြင့် သတိရဲ့နောက်မှာဥာဏ်ကပ်၍ မိမိသန္တာန်မှာလောင်နေတဲ့ လောဘစတဲ့မီးတွေ ငြိမ်းသွားအောင်
ပေါ်တိုင်းမပြတ်ရှုမှတ်ပါတယ်။ ဒီလိုရှုမှတ်ပုံကို မှတ်သားရလွယ်အောင် မင်းကွန်းဇေတဝန်
ဆရာတော်ကြီးက “တစ်ဆယ့်တစ်မီး ထိန်ထိန်ပြောင် မျက်စိထဲမှာလောင်၊ မီးငြိမ်းအောင်ဘယ်လိုသတ်၊ မြင်တယ်မြင်တယ်မှတ်”လို့ရေးဖွဲ့ခဲ့ပါတယ်။
မထေရ်ကြီးဟာ ရုပ်နာမ်တရားတို့ရဲ့အကြောင်းအားလျှော်စွာ လှုပ်ရှားရွေ့လျားနေတဲ့အခြင်းအရာကို
ပေါ်လွင်အောင် အာရုံစိုက်၍လေ့ကျင့်မှတ်သားပါတယ်။ ဣရိယာပုတ်တိုင်းမှာ မပြတ်မလပ်ရအောင် အမှတ်ချင်း
ဆက်စပ်သွားအောင် လေ့ကျင့်ပြီးမှတ်သားတဲ့အတွက် မှတ်စရာအာရုံနဲ့မှတ်သိစိတ်တပ်ခနဲတပ်ခ
နဲအဆင်ပြေနေပါတယ်။ ဒီအချိန်မှာပုဂ္ဂိုလ်သတ္တဝါဆိုတာမရှိ ပရမတ်ရုပ်နာမ်တွေသာရှိပါလားလို့သဘော
ပေါက်နားလည်လာပါတယ်။ မှတ်စရာအာရုံနဲ့မှတ်သိစိတ်ကလေးတွေဟာ ပုတီးလုံးကလေးတွေ တစ်လုံးပြီး
တစ်လုံး ကျ,ကျသွားသလို အတန့်လိုက် အတန့်လိုက် တစ်သန့်စီ၊ တစ်သန့်စီ တန်းစီပြီးကျသွားသလို မှတ်လိုက်
ပျောက်လိုက်နဲ့ မဟာကပ္ပိနမထေရ်ရဲ့ဥာဏ်မှာ ကွက်ကွက်ကွင်းကွင်းမြင်လာနေပါပြီ။ ပစ္စုပ္ပန်တည့်တည့်
ဖြစ်ဆဲအမူအရာတွေကို မှတ်စဉ်နည်းအရ အချိုးကျအောင်အမှတ်စိပ်စိပ် မှတ်နေတဲ့အတွက် ဥာဏ်ထဲမှာမမြဲခြင်းသဘော၊ ဆင်းရဲခြင်းသဘော
အစိုးမရခြင်းသဘောတွေအလိုလိုပေါ်လွင်ထင်မြင်လာပါတယ်။ သွားတယ်သွားတယ်စသဖြင့် မှတ်နေရင်
သွားဆိုတာကမှတ်စရာအာရုံ၊ အာရုံဆိုတာက ရုပ်တရား၊ သွားတယ်ဆိုတာကသိတဲ့စိတ်၊ သိတဲ့စိတ်ကနာမ်တရား
ပေါင်းလိုက်တော့ ရုပ်နာမ် တရားပဲလို့ မဟာကပ္ပိနမထေရ်ကြီး သဘောပေါက်နားလည်လာပြီး
ကြိုးကြိုးစားစား ဝိပဿနာတရားကို အားထုတ်လိုက်တဲ့အခါ အာသဝေါကုန်ခမ်း ရဟန္တာဖြစ်သွားခဲ့ပါတယ်။
မဟာကပ္ပိနမထေရ်ဟာအနှိုင်းမဲ့တရားရိပ်အောက်မှာအနှိုင်းမဲ့အရဟတ္တဖိုလ်နိဗ္ဗာန်ချမ်းသာကိုခံစားရ
လေပြီ။ရဟန်းဘဝမှာအိမ်စဉ်လှည့်၍ဆွမ်းခံစားရပေမဲ့လည်းသမဏသုခရဟန်းဘဝရဲ့ချမ်းသာ
ကိုကိုယ်တိုင်ခံစားနေရတဲ့အခါဘုရင်ဘဝတုန်းကဟင်းကောင်းဟင်းလျာတွေကို ရွှေပန်းကန်မှာထည့်၍စားနေခဲ့ရတဲ့ဘဝ
ထက် အဆပေါင်းများစွာချမ်းသာတယ်ဆိုတာကို မထေရ်ကြီးသိနားလည်ခဲ့ရပါတယ်။ တရားရဲ့အရသာနဲ့
ဘုရင့်ဘဝမှာ ခံစားခဲ့တဲ့စည်းစိမ်ချမ်းသာတွေကိုနှိုင်းယှဉ်ရင် ဘုရင်ဘဝရဲ့စည်းစိမ်ချမ်းသာဟာ ဘာတစ်
ခုမျှတန်ဖိုးမရှိမှန်းကိုလည်း ပိုပြီးသိနားလည်ခဲ့ပါတယ်။ မထေရ်ကြီးဟာ တရားအားထုတ်စဉ် တစ်ခါတရံမှာ
သစ်တစ်ပင် ဝါးတစ်ပင်အောက်မှာ သီတင်းသုံးရပေမယ့် နန်းမဆောင်ကြီးထဲမှာနေရတာထက်ပို၍အေးချမ်း
မှုကိုရရှိပါတယ်။ မိမိရဲ့ရဟန်းကိစ္စအကျင့်တရားဟာအထွတ်အထိပ်သို့ရောက်နေပြီဆိုတာကိုသိ၍တောအ
ရပ်၊သစ်ပင်အောက် ဝါးပင်အောက်တို့မှာ အရဟတ္တဖိုလ်သမာပတ်ချမ်းသာနဲ့ သီတင်းသုံးနေစဉ် ချမ်းသာလွန်းလို့
“အဟောသုခံ၊ အဟောသုခံ-အိုချမ်းသာလိုက်တာ၊ ချမ်းသာပါပေစွ”လို့အမြဲမပြတ်ဥးဒါန်း
ကျူးရင့်ပါတယ်။ မထေရ်ကြီးရဲ့ဥဒါန်းကျုးရင့်သံကိုရဟန်းတော်တွေကြားတဲ့အခါ အထင်လွဲပြီး မဟာကပ္ပိနမ
ထေရ်ဟာ မနေ့တစ်နေ့ကမှ သာသနာဘောင်ထဲသို့ဝင်လာတယ်၊ “အဟောသုခံ၊ အဟောသုခံ”လို့လျောက်
ပြီးအော်နေတာပဲ။ ဒါကတော့ပြည်စည်းစိမ်တွေကိုသတိရလို့ ဥဒါန်းကျူးရင့်နေတာပဲရှိမှာပါ”လို့ရဟန်းတော်
တွေစုပြီးပြောဆိုကြပါတယ်။
အဲဒီနောက် ရဟန်းတော်တွေက မဟာကပ္ပိနမထေရ်အကြောင်းကိုဘုရားရှင်ကိုလျာက်ထားတဲ့အခါ
ဘုရားရှင်က……………….
“ချစ်သားရဟန်းတို့…မဟာကပ္ပိနမထေရ်ဟာ တစ်စုံတစ်ခုသောအကြောင်းကြောင့်ဥဒါန်းကျူးရင့်တာမဟုတ်၊
မဂ်ဖိုလ်နိဗ္ဗာန်ကိုအာရုံပြု၍ ဥဒါန်းကျူးရင့်တာဖြစ်ပါတယ်။ သူဟာအနှိုင်းမဲ့ နိဗ္ဗာန်ချမ်းသာရဲ့အရသာကို တွေ့
သွားလေပြီ”လို့မိန့်တော်မူ၍ “ချစ်သားရဟန်းတို့..တရားနဲ့နှစ်သက်မွေ့လျော်ပျော်ပိုက်၍နေတဲ့ ပုဂ္ဂိုလ်ဟာ ကိလေသာအညစ်အကြေးကင်းစင်၍ ကြည်လင်သန့်ရှင်းတဲ့စိတ်နဲ့ အရိဟာသူတော်ကောင်းတွေလို တရားကျင့်ကြံအားထုတ်ကြတဲ့အတွက် ချမ်းသာစွာအိပ်ရတယ်။ ချမ်းသာစွာနေထိုင်ရတယ်။ ချမ်းသာစွာ
သေရတယ်။ ဥာဏ်အမြော်အမြင်နဲ့ပြည့်စုံပြီး ခန္ဓာရေးကိုထောက်တွေးသိမြင်တဲ့ ပညာရှင်တွေဟာ ဘုရားအ
စရှိတဲ့ အရိယာသူတော်ကောင်းတွေဟောကြားထားတဲ့တရားဓမ္မအပေါ်မှာ အချိန်အခါမရွေးအမြဲတမ်း နှိစ်ခြိုက် မွေ့လျော်ပျော်ပိုက်ကြပါတယ်”လို့တရားဟောကြားတော်မူပါတယ်။အဲဒီနောက် ဘုရားရှင်က မဟာကပ္ပိနမထေရ်ရဲ့အနီးနေတပည့်တစ်ထောင်တို့ကိုခေါ်တော်မူ၍“မဟာကပ္ပိနမထေရ်ဟာသင်တို့အားတ
ရားဓမ္မများဟောကြားရဲ့လားလို့မေးတဲ့အခါ မထေရ်ကြီးဟာအရဟတ္တဖိုလ်သမာပတ်ချမ်းသာကို အမြဲမပြတ်
ဝင်စား၍ အချိန်ကုန်လွန်းနေတဲ့အတွက်တရားမဟောကြားသေးပါ”လို့လျှောက်ထားကြပါတယ်။အဲဒီအခါ ဘုရားရှင်ကမဟာကပ္ပိနမထေရ်ကို သူရဲ့အန္တေဝါသိကတပည့်တစ်ထောင်တို့အား တရားဟောကြားဖို့်တိုက်
တွန်းတော်မူပါတယ်။ဘုရားရှင်တိုက်တွန်းချက်အရ မဟာကပ္ပိနမထေရ်ဟာ သူရဲ့တပည့်တွေကိုတရားဟော
လိုက်တဲ့အခါ အားလုံးရဟန္တာဖြစ်သွားကြပါတယ်။ မဟာကပ္ပိနမထေရ်ဟာ သူတစ်ပါးကိုတရားသြဝါဒနဲ့ဆို
ဆုံးမတဲ့နေရာမှာ အလွန်တော်တဲ့မထေရ်တစ်ပါးဖြစ်တဲ့အတွက်ကြောင့် ဘုရားရှင်က မဟာကပ္ပိနမထေရ်
ကို “ဘိက္ခုသြဝါဒက”ရဟန်းတော်တွေကိုဆိုဆုံးမတဲ့အရာမှာအသာဆုံး၊အမြတ်ဆုံးဧတဒတ်ဘွဲ့ကိုချီးမြှောက်
တော်မူပါတယ်။ အဲဒီနောက်မှာ မဟာကပ္ပိနမထေရ်ဟာ ဘုရားရှင်ရဲ့လက်ျာရံ မထေရ်(၄၀)ပါးတို့တွင် တစ်ပါးအပါအဝင်ဖြစ်လာခဲ့ပါတယ်။သူဟာဘုရားရှင်ရဲ့ထံတော်ပါးမှာအနှိုင်းမဲ့တရားရိပ်ကိုခိုလုံခွင့်ရရှိခဲ့တဲ့အ
တွက်အနှိုင်းမဲ့နိဗ္ဗာန်ချမ်းသာရဲ့အရသာကိုခံစားခွင့်ရရှိခဲ့လေပြီ။အရသာပေါင်းမြောက်များစွာရှိရာမှာ တရား
ရဲ့အရသာဟာအနှိုင်းမဲ့အရသာဖြစ်ပြီးမွေ့လျော်ဖွယ်အားလုံးတို့မှာ တရားနဲ့မွေ့လျော်ခြင်းဟာအကောင်းဆုံး
မွေ့လျော်ခြင်းဖြစ်တယ်ဆိုတာကိုလည်း မထေရ်ကြီးကောင်းကောင်းသိရှိခဲ့ရပါတော့တယ်။ ဒါကြောင့်တရား
တော်ဟာ အနှိုင်းမဲ့အရိပ်ဖြစ်ပြီး နိဗ္ဗာန်ဟာ အနှိုင်းမဲ့အရသာဖြစ်ပါတယ်။
စာရေးသူ-အရှင်နန္ဒသာရ(သစ္စာရောင်ခြည်)
မှတ်ချက်။ ။ မဟာကပ္ပိနမင်းကြီး သစ္စာဓိဌာန်ပြုတဲ့ဂါထာ သုံးဂါထာကို မင်းကွန်းတိပိဋကဓရဆရာတော်
ကြီး ဦးဝိစိတ္တသာရာဘိဝံသခရီးသွားတဲ့အခါ (၃၇) ခေါက် အမြဲရွတ်ဖတ်ပြီးခရီးသွားလာရေးချောမွေ့အောင်
မြင်တယ်လို့ဆောင်းပါးတစ်ပုဒ်မှာဖတ်ဖူးပါတယ်။

Posted by အရှင်နန္ဒသာရ(သစ္စာရောင်ခြည်) on အင်္ဂါနေ့၊ ဂျူလိုင်လ ၂၇၊ ၂၀၁၀

categories: ဓမ္မစာပေဆောင်းပါးကဏ္ဍ |

“နံရံကပ်စာ”

2010-07-29T13:31:00.000+06:30

တစ်ခါက မြန်မာပြည်အထက်ပိုင်းတွင် ဘုတလင်ဟုအမည်ရသော ရွာကြီးတစ်ရွာရှိလေသည်။ ထိုရွာ၏ ဂုဏ်သ တင်းသည်ကား အလွန်အင်မတန်မှ မွှေးလှပါပေ၏။ ထိုဂုဏ်သတင်းမွှေး၏ဟူသည်ကား အဘယ်နည်း? ထိုရွာ အနီးတွင် နွားပျောက်သွားပါက ပြန်မရှာလေနှင့်၊ ရှာပါက မောရုံသာအဖတ်တင်မည်။ရေထဲကို လွှတ်လိုက်သော စူဠလိပ်ကို ပြန်ရကောင်း ရနိုင်ပါပေ၏။ ကျောက်ခဲကို ညှစ်၍ အဆီထုတ်ပါက ရကောင်း ရနိုင်ပါပေရာ၏။ ထို ရွာအနီးတွင် ပျောက်သွားသော နွားကို ပြန်ရရန် မလွယ်ကူတော့ပေ။ အဘယ့်ကြောင့်နည်းဟူသည်ကား ရွာသား များသည် ထိုနွားကို သတ်၍ ရွာအတွင်းဝယ် ဝေမျှစားလိုက်သောကြောင့်ပေတည်း။ ရွာ၌ အလေ့အထ တစ်ခုရှိ သည်။ မကောင်းမှုလုပ်လျှင် အတူတကွပြုလုပ်လေ့ရှိကြသည်။ ရလာသော အကျိုးဆက်ကိုလည်း အတူတကွခံစားကြသည်။ ထို့ကြောင့် သူတို့ပြုလုပ်လေ့ရှိသော မကောင်းမှုသည် ဘယ်သောအခါမှ ပေါ်သည်ဟူ၍ မရှိပေ။ ရွာ၏ ၀န်းကျင်တွင် သစ်ပင်ကြီးများ၊ရေချိုးရန် ရေဆိပ်များ၊ နားခိုစရာဇရပ်တို့ဖြင့် ပြည့်စုံနေသောကြောင့် အကြောင်းမသိသော အဝေးမှရောက်လာသော ခရီးသည်များအတွက် နားခိုလိုစိတ်ဖြစ်ပေါ်မည်မှာ မလွဲပေ။ အ ကြောင်းသိခရီးသည်များကတော့ မိုးချုပ်နေ၀င်သည်နှင့်တစ်ပြိုင်နက် ထိုရွာအနီးအနားကိုပင် ဖြတ်မသွားရဲ တော့ပေ။ ဝေရာမဏိ သိက္ခာပဒံ ဝေးဝေးကပင် ရှောင်ကြဉ်ကြလေ၏။ တစ်နေ့သော နွေခေါင်ခေါင် နေ့လည် ခင်းတွင် အဝေးမှ ခရီးသည်တစ်ယောက်သည် လှည်းမောင်းကာ ထိုရွာအနီးသို့ ရောက်ရှိလာလေသည်။ အလွန် အင်မတန်မှ ဝေးသော ခရီးမှ လာရောက်ခဲ့ရသည့်အတွက် အလွန်အင်မတန်မှ ပင်ပန်းလာသည်။ ရေချိုးရန် အနားယူရန် ဆုံးဖြတ်ချက်ချလိုက်သည်။ သစ်ရိပ်ကောင်းသော သစ်ပင်ကြီးအောက်၌ သူ၏ နွားလှည်းကို ရပ်လိုက်သည်။ စမ်းချောင်းတွင် ရေးဆင်းချိုးသည်။ ထို့နောက် သစ်ပင်အောက်တွင် ဖျာခင်းကာ တရေးတမောအိပ်လိုက်သည်။ တစ်နာရီခန့်ကြာမည်ထင်၏။ အိပ်ယာမှ နိုး၍ ကြည့်လိုက်သောအခါ သူ့၏ နွားနှစ် ကောင်မရှိတော့ပေ။ နွားလှည်း၏ ဒေါင့်ကို ဖြုတ်ကာ နွားနှစ်ကောင်လုံး အခိုးခံလိုက်ရလေသည်။ ရွာလူကြီးကို အကူအညီတောင်းသော်လည်း ဘယ်လိုမှ ရရန်လမ်းစ မမြင်တော့ပေ။ အဆုံးမတော့ သူသည် ထိုရွာ၏ ရွာထိပ် ဇရပ်တွင် စာရေးကာ ကပ်သွားလေသည်။ ထိုစာသည်ကား
“ရွာတစ်ကာတွင် ဘုတလင်
ဝင်သာဝင် မအိပ်နဲ့
အိပ်သာအိပ် မမှိတ်နဲ့
မှိတ်သာမှိတ်မပျော်နဲ့
ပျော်လျှင်ဒေါက်ဖြုတ်နွားခိုးတတ်သတည်း” ဟူ၍ပင် ဖြစ်သတည်း။
ဇရပ်တွင် စာရေးကပ်သွားမှုနဲ့ပတ်သက်လာသဖြင့် ဆက်နွယ်မှုအဖြစ်အပျက်ပုံပြင်တစ်ပုဒ်ကို ဖော်ပြပေအံ့။
တစ်ခါက ရွာတစ်ရွာရှိလေသည်။ ရွာ၏ ထိပ်တွင် အဝေးမှ ဧည့်သည်များ တည်းခိုနိုင်စေရန်အလို့ငှာ ဇရပ်တစ် ဆောင်ကို တည်ဆောက်ထားလေသည်။ တစ်နေ့ ငမှုံဟုအမည်ရသော ဧည့်သည်တစ်ယောက်သည် ထိုဇရပ် တွင် ၀င်ရောက်တည်းခိုလေသည်။ဇရပ်တွင် ဟိုဟိုဒီဒီ လျှောက်ပတ်ကြည့်ရာ နံရံတွင် ရေးထားသော စာတမ်းကို တွေ့ရှိလေတော့သည်။ စာတမ်းသည်ကား
“သတိ, နှုတ်ခမ်းမွှေးရှည်သောသ၊ူ ဆေးလ်ိပ်တိုကို မသောက်နဲ့၊
ဆေးလိပ်တိုကို သောက်က နှုတ်ခမ်းမွှေးကို မီးလောင်တတ်သည်”ဟူ၍ပင် ဖြစ်သတည်း။ထိုစာကို ဖတ်ပြီးသော အခါ ငမှုံသည် စိတ်တိုသွားသည်။ သူသည် ဆေးလိပ်လည်း သောက်တတ်သည်။ နှုတ်ခမ်းမွှေးကလည်း ရှည်နေ လေသည်။
“ဒီစာက ငါ့ကို စောင်းရေးတာပဲ၊ ဘယ်ကောင်ရေသွားတယ်မသိ၊”ဟူ၍ပင် အတွေးဝင်လာသည်။ ထို့ကြောင့် စိတ် တိုတ်ိုဖြင့် ဆေးလိပ်တိုကို မီးညှိကာ
“နှုတ်ခမ်းမွှေရှည်တယ်ကွာ၊ ဆေးလိပ်တိုကို မီးညှိသောက်တယ်ကွာ၊ ဘာဖြစ်လဲ၊”ဟုဆိုကာ ဆေးလိပ်တိုကို မီးညှိကာ သောက်လိုက်လေသည်။ မကြာလိုက်ပါ။ သူ၏ နှုတ်ခမ်းမွှေး မီးလောင်းသွားလေသည်။ ထိုအခါမှ ငမှုံ သည် အထက်ပါစာတမ်း၏ အောက်တွင် သူ၏ ကိုယ်တွေ့အတွေ့အကြုံကို အခြေခံကာ
“မယုံမရှိနဲ့ ငမှုံကိုယ်တွေ့”ဟူသော စာသားကို ဆက်လက်ရေးသားလိုက်လေသည်။ နှစ်ရပ်ပေါင်းသော်
“သတိ, နှုတ်ခမ်းမွှေးရှည်သောသူသည် ဆေးလ်ိပ်တိုကို မသောက်နဲ့၊
ဆေးလိပ်တိုကို သောက်က နှုတ်ခမ်းမွှေးကို မီးလောင်တတ်သည်၊
မယုံမရှိနဲ့ ငမှုံကိုယ်တွေ့”ဟူ၍ပင် ဖြစ်သတည်း။
Posted by AShin Javana at 7:54 AM 0 comments

ဘူတန်နိုင်ငံက ဘာသာကူးပြောင်းမှု ဆန့်ကျင်ရေး ဥပဒေ

2010-07-29T13:22:00.000+06:30

ဇူလိုင်လမှာ ဘူတန်နိုင်ငံဟာ ဥပဒေတစ်ခုကို ထုတ်ပြန်လိုက်ပါတယ်။ ခရစ်ယာန်တွေက သူတို့ရဲ့ ခရစ်ယာန် ဘာသာဝင်တွေ တိုးတက်မှုကို ထိန်းချုပ်ဖို့ ရည်ရွယ်ပြီး အဲဒီဥပဒေကို ထုတ်ပြန်လိုက်တာပါလို့ ငြီးတွားနေ ကြပါတယ်။ “ဘူတန်ဟာ ခရစ်ယာန်ကိုဖိနှိပ်နေပါတယ်”လို့လည်း ခရစ်ယာန်တွေက စွပ်စွဲပါတယ်။ အဲဒီဥပဒေ ကတော့ “ဘာသာပြောင်းမှု တားဆီးဆန့်ကျင်ရေး ဥပဒေ (Anti-Conversion Law) ပဲဖြစ်ပါတယ်။

ဘူတန်ကတော့ သူ့အကြောင်းပြချက်နဲ့သူ ထုတ်ပြန်လိုက်တာပါ။ ဒီအကြောင်းပြချက်တွေကိုလည်း ခရစ်ယာန် တွေက မူမမှန်တဲ့အကြောင်းပြချက်တွေလို့ ဝေဖန်ကြပြန်ပါတယ်။ ဘူတန်က ခရစ်ယာန်တွေကို “ဘာသာရေး အတင်းအကျပ် သိမ်းသွင်းသူများ”လို့ စွပ်စွဲကြောင်းလည်း သတင်းလွှင့်နေကြပါတယ်။

“ဒီဥပဒေက ဘာသာသိမ်းသွင်းခြင်း သို့မဟုတ် စည်းရုံးခြင်းသဘောဆောင်တဲ့ ပုံစံတစ်ခုခုကို လုပ်ဆောင်တဲ့သူ ကို အပြစ်ပေးမယ်လို့သာ ခပ်ဖြန်းဖြန်း (ခပ်ဝါးဝါး)ဆိုထားတော့ ဆင်းရဲသားတွေကို စားစရာပေးခြင်း၊ အ၀တ်ပေး ခြင်းစတဲ့ ကူညီမှုတစ်စုံတစ်ရာ လုပ်နေတဲ့ ခရစ်ယာန်စေတနာ့ဝန်ထမ်းတွေကို ထောင်ထဲပို့လိုက်မှာကို စိုးရိမ်ပါ တယ်”လို့ ခရစ်ယာန်တွေက ဆိုနေကြပါတယ်။

ဥပဒေရဲ့ ဆိုလိုချက်အပြည့်အစုံကတော့ “ဘူတန်နိုင်ငံ၏ ပြစ်မှုဆိုင်ရာဥပဒေ၊ အပိုဒ် ၄၆၃ အရ တစ်စုံတစ် ယောက်ဟာ တစ်စုံတစ်ယောက်ကို ဘာသာရေးအရ ဆွဲဆောင်သိမ်းသွင်းခြင်း သို့မဟုတ် သိမ်းသွင်းသည့် ပုံစံ တစ်မျိုးမျိုးဖြင့် ဘာသာတစ်ခုမှ ဘာသာတစ်ခုသို့ ပြောင်းလဲအောင် အားထုတ်လျှင် ဘာသာရေး ဆွဲဆောင် သိမ်းသွင်းမှု အပြစ်ဒဏ်သက်ရောက်စေရမည်”လို့ ဖြစ်ပါတယ်။

မြို့တော်သင်းဘူး (Thimphu)က အမည်မဖော်လိုတဲ့ သင်းအုပ်ဆရာတစ်ဦးက “ဒီ ဘာသာကူးပြောင်းမှု ဆန့် ကျင်ရေး ဥပဒေက အတည်ပြုလုနီးနီး ဖြစ်နေပါပြီ၊ ဒါပေမယ့် အခုချိန်မှာ လက်တွေ့အကောင်အထည်ဖော်မှု တော့ မရှိသေးပါဘူး၊ ဒီဥပဒေက ခရစ်ယာန်ဘာသာဝင် တိုးပွားမှုကို ဦးတည်တိုက်ခိုက်တာ ဖြစ်ပုံရပါတယ်”ဟု ဆိုပါတယ်။

ဘူတန်၊ ပါလီမန်တစ်ယောက်ဖြစ်တဲ့ ကူအင်လေး ရှာရင်း (Kuenlay Tshering)ကတော့ “ဒီဥပဒေဟာ ဘူတန် ဘုရင့်နိုင်ငံတော်ရဲ့ ဖွဲ့စည်းပုံဥပဒေနဲ့ ကိုက်ညီတယ်၊ ဖွဲ့စည်းပုံဥပဒေမှာ - ဘူတန်နိုင်ငံသားတိုင်းဟာ လွတ်လပ် စွာတွေးခေါ်ခွင့်၊ ဘာသာရေးလွတ်လပ်ခွင့် ရှိပါတယ်၊ ဘယ်သူကမှ ဘာသာရေးဆွဲဆောင်သိမ်းသွင်းမှုနည်းနဲ့ အခြားဘာသာအတွင်းကို မသွတ်သွင်းစေရ-လို့ ပါရှိပါတယ်”လို့ တုန့်ပြန်ပါတယ်။ “နိုင်ငံတော်က ဒီဥပဒေကို ဖောက်ဖျက်သူကို သုံးနှစ်ထက်လျော့နည်းတဲ့ ထောင်ဒဏ်အပြစ်ပေးနိုင်တဲ့ အသေးအဖွဲကိစ္စတစ်ရပ်အနေနဲ့ပဲ သုံးသပ်ထားပါတယ်”လို့လည်း ဆိုပါတယ်။

“ဒီလို ဥပဒေမျိုးကို အိမ်နီးချင်း အိန္ဒိယနိုင်ငံမှာလည်း ပြဓာန်းထားတာပဲ။ ဒါပေမယ့် သူတို့ကတော့ ဘာသာရေး သိမ်းသွင်းမှုဆိုတဲ့ဝေါဟာရကို မရေမရာလုပ်ထားပြီး ခရစ်ယာန်တွေကို ခြိမ်းခြောက်ဖို့အတွက် မှားယွင်းစွာ အသုံးပြုနေကြပါတယ်၊ ဒါကို ကျွန်တော်တို့ သတိထားပါတယ်၊ ကျွန်တော်တို့ကတော့ အဲဒီလို မဖြစ်စေရပါ ဘူး”လို့လည်း ဖြည့်စွက်ပြောကြားပါတယ်။

ခရစ်ယာန်သင်းအုပ်ဆရာတစ်ဦးကတော့ “အာဏာပိုင်တွေဟာ ခရစ်ယာန်ဆန့်ကျင်သူတွေက တိုင်ကြားချက် တွေကို အရေးယူပေးလေ့ရှိတဲ့အတွက် ခရစ်ယာန်တွေဟာ မကြာခဏ အဖမ်းခံရနိုင်ပါတယ်”လို့ ဆိုပါတယ်။

ဘူတန်နိုင်ငံဟာ လူဦးရေ ၆၈၃၄၀၇ ရှိတဲ့အနက် ၇၅ ရာခိုင်နှုန်းက ဗုဒ္ဓဘာသာဝင်တွေ ဖြစ်ပါတယ်။ ဗုဒ္ဓဘာသာဝင်တွေက နိုင်ငံရဲ့ အနောက်ဘက်နဲ့ အရှေ့ဘက်ခြမ်းတွေမှာ အဓိက နေကြပါတယ်။ နီပေါလ်လူမျိုးစုဝင်တွေ ဖြစ်တဲ့ ခန့်မှန်းခြေ ၂၂ ရာခိုင်နှုန်းလောက်ရှိတဲ့ ဟိန္ဒူဘာသာဝင်တွေကတော့ နိုင်ငံရဲ့ တောင်ပိုင်းဒေသတွေမှာ နေထိုင်ကြပါတယ်။

ခရစ်ယာန်တွေကတော့ ၆၀၀၀-လောက်သာ ရှိပါတယ်။ အများစုကတော့ နီပေါလ်လူမျိုးစုတွေ ဖြစ်ပါတယ်။ ခရစ်ယာန်ဘုရားရှိခိုးကျောင်းနဲ့ တရားဝင်စာသင်ကျောင်းတော့ တစ်ခုမှ မရှိပါဘူး။ သမ္မာကျမ်းစာကိုတော့ ဘူတန်ဘာသာစကားနဲ့ နီပေါလ်ဘာသာစကားတွေနဲ့ ဘာသာပြန်ထားတာ ရှိပါတယ်။ ဘူတန်ဖွဲ့စည်းပုံဥပဒေက ဘာသာရေးလွတ်လပ်ခွင့်ကို အာမခံပေးထားပေမယ့် အစိုးရကတော့ ခရစ်ယာန်တွေရှိနေတာကို တရားဝင် အသိအမှတ် မပြုပါဘူး။ ခရစ်ယာန်တွေဟာ သူတို့အိမ်တွေမှာပဲ ဘာသာရေးအလုပ်တွေကို လုပ်နေရပါတယ်။

ဘူတန်နိုင်ငံရဲ့ တရားဝင်ဝက်ဘဆိုက်မှာ “မဟာယာန်ဗုဒ္ဓဘာသာရဲ့ ဂိုဏ်းကွဲတစ်ခုဖြစ်တဲ့ ဒရုပ်ပ ကတ်ဂျူးဂိုဏ်း (Drukpa Kagyue school)ဟာ နိုင်ငံတော်ဘာသာ ဖြစ်ပါတယ်။ တောင်ပိုင်းကတော့ ဟိန္ဒူဘာသာလွှမ်းမိုးမှု ရှိပါတယ်။ နိုင်ငံရဲ့ အချို့ဒေသတွေမှာတော့ သေလွန်သူကို ကိုးကွယ်မှု၊ တိရစ္ဆာန်ကိုးကွယ်မှုနဲ့ နတ်ကိုးကွယ်မှု အကြွင်းအကျန်တွေ တည်ရှိနေဆဲ ဖြစ်ပါတယ်”လို့ တွေ့ရပါတယ်။ ဒါပေမယ့် ခရစ်ယာန်ဘာသာနဲ့ ပတ်သက်တာ ကိုတော့ ဖော်ပြထားခြင်း မရှိပါဘူး။ (နေရာအနှံ့ ပြန့်နေတဲ့ ခရစ်ယာန်ဘာသာဝင် ၆၀၀၀-လောက်ကလေးကို ဘယ်အစိုးရက ရေးကြီးခွင်ကျယ် ထည့်ရေးနေမလဲ)။

“နှစ်ပေါင်း ၁၀၀-ကျော်သက်တမ်းရှိတဲ့ ဘုရင်စနစ်ကို လိုက်နာလျှက် ဘူတန်နိုင်ငံဟာ ၂၀၀၈-ခုနှစ်၊ ပထမဦးဆုံး ရွေးကောက်ပွဲပြီးကတည်းက ဒီမိုကရေစီနိုင်ငံ ဖြစ်လာခဲ့ပါတယ်။ အဲဒီအချိန်ကစပြီး ဘူတန်ဟာ ဘာသာရေး လွတ်လပ်ခွင့်အပါအ၀င် လွတ်လပ်စွာ လုပ်ဆောင်လာခဲ့ကြပါတယ်။ ဒါဆိုရင် နောက်ထပ် ဘာသာရေးတွေ ဘာဖြစ်လို့ လိုအပ်နေအုံးမလဲ”လို့ ပြည်ထဲရေးနဲ့ယဉ်ကျေးမှုဝန်ကြီး ဒေါ်ဂျိက ပြောပါတယ်။

“ဘူတန်ဟာ ခရစ်ယာန်ဘာသာတင် မဟုတ်ပါဘူး၊ ဘယ်ဘာသာရေးယုံကြည်မှုတွေနဲ့မှ ပြဿနာ မရှိပါဘူး။ ဒါပေမယ့် ခင်ဗျားတို့ သိထားရမှာက ဘူတန်ဆိုတာ လူဦးရေ ၆၀၀၀၀၀ ကျော်လောက်သာ ရှိတဲ့ နိုင်ငံသေးသေး လေးတစ်ခုပါ။ ကျွန်တော်တို့ အများစုဟာ ဗုဒ္ဓဘာသာတွေ ဖြစ်ပါတယ်။ ကျွန်တော်တို့မှာ ဟိန္ဒူရှိတယ်၊ ခရစ်ယာန် ရှိတယ်။ ကဲ… ဒါဆိုရင် ကျွန်တော်တို့ နောက်ထပ်ဘာသာရေးတွေ ထပ်ပြီး လိုသေးလို့ လား”လို့လည်း ဆက်ပြော သွားပါတယ်။

ဘူတန်နိုင်ငံရဲ့ နိုင်ငံရေး၊ လူမှုရေးအခြေအနေအရပ်ရပ်ဟာ ဗုဒ္ဓဘာသာနဲ့ နီးနီးကပ်ကပ် ဆက်သွယ်မှု ရှိနေပါ တယ်။ ဒေါ်ဂျိဦးဆောင်တဲ့ ပြည်ထဲရေးနဲ့ယဉ်ကျေးမှုဝန်ကြီးဌာနက မြို့တော် သင်းဘူးမှာ ရှိပ်ချိုဒဇောင်း (Tashichho Dzong)လို့ ကျော်ကြားတဲ့ ဧရာမဘုန်းတော်ကြီးကျောင်းအတွက် ၀င်ရောက်လုပ်ကိုင်ပေးပါသေး တယ်။ “ဗုဒ္ဓဘာသာဟာ ဘူတန်ပြည်သူတွေကို အတူတကွ ရှင်သန်စေပြီး ညီညွတ်စေပါတယ်။ ဘူတန်လူမျိုး တွေရဲ့ လူမှုဘ၀ဟာ ဒဇောင်းဘုန်းတော်ကြီးကျောင်းမှာ ဗဟိုပြုနေပါတယ်”လို့ ဒေါ်ဂျိက ရှင်းပြပါတယ်။

“ခင်ဗျားတို့ အိန္ဒိယကို ကြည့်လိုက်ပါ၊ ဘာသာရေးပေါင်းစုံပူးတွဲနေတဲ့ အဖွဲ့အစည်းဖြစ်တဲ့အတွက် တင်းမာမှုတွေ၊ သွေးချောင်းစီးမှုတွေ မကြာခဏ ဖြစ်နေတာကို တွေ့ပါလိမ့်မယ်။ ဘူတန်ကို အဲဒီလို မဖြစ်စေချင်ပါဘူး။ ကျွန်တော်တို့ဟာ အိန္ဒိယနဲ့ တရုတ်ဆိုတဲ့ နိုင်ငံကြီးနှစ်ခုကြားမှာ ရပ်တည်နေရတာပါ။ ဘူတန်လူမျိုးတွေဟာ ဘယ်တုန်းကမှ ကိုလိုနီနိုင်ငံ မဖြစ်ခဲ့ပါဘူး။ အဲဒီအတွက် ကျွန်တော်တို့ ဂုဏ်ယူပါတယ်။ ဘူတန်ဆိုတာ သမိုင်း ကြောင်းအရ သူ့ အသက်ရှင်ရပ်တည်ရေးအတွက်သာ စိတ်ဝင်စားပါတယ်။ ဘူတန်လူမျိုးတွေဟာ စစ်တိုက်ဖို့ထက် သူတို့ရဲ့ ထူးခြားတဲ့ ယဉ်ကျေးမှုနဲ့ အချုပ်အခြာအာဏာကိုသာ မက်မောကြပါတယ်”လို့လည်း ရှင်းပြပါ တယ်။ ၂၀၀၈-ခုနှစ်မှာ ထုတ်ပြန်တဲ့ အခြေခံဥပဒေကလည်း ဘူတန်နိုင်ငံရဲ့ ယဉ်ကျေးမှုအမွေအနှစ်တွေကို ကာကွယ်ဖို့နဲ့ ဗုဒ္ဓဘာသာဟာ နိုင်ငံတော်ရဲ့ အမွေအနှစ်တစ်ခုဖြစ်တယ်ဆိုတာကို ဖော်ပြနေပါတယ်။

အမည်မဖော်လိုတဲ့ အစိုးရ အရာရှိတစ်ဦးကလည်း “ခင်ဗျားတို့ ကြည့်လေ၊ တိဗက်ကို တရုတ်တွေက သူတို့ပြည် နယ်လုပ်ပစ်တယ်၊ ဆစ်ကင်းနိုင်ငံကို အိန္ဒိယက သူတို့ပြည်နယ် လုပ်ပစ်တယ်။ ဒီတော့ ဒီနိုင်ငံကြီး နှစ်နိုင်ငံထဲက ဘယ်နိုင်ငံက ကျုပ်တို့ကို သိမ်းသွားမလဲ။ ဒီကိစ္စကို ဘူတန်ပြည်သူတိုင်းက စိုးရိမ်နေကြတာပါ”လို့ ပြောပါတယ်။

“ခင်ဗျားတို့ သိတဲ့အတိုင်းပဲ၊ ဆစ်ကင်းနိုင်ငံဆိုတာ အိန္ဒိယရဲ့ အရှေ့မြောက်ခြမ်းမှာ တည်ရှိတာပါ။ အခုတော့ အိန္ဒိယရဲ့ ပြည်နယ်တစ်ခုပေါ့။ တကယ်တော့ ဆစ်ကင်းဆိုတာ ဗုဒ္ဓဘာသာထွန်းကားတဲ့ နိုင်ငံတစ်ခုလေ။ ဗုဒ္ဓ ဘာသာနိုင်ငံတစ်ခုလေ။ အဓိကလူမျိုးတွေက ဘောတိယနဲ့ လက်ပ်ချားလူမျိုးတွေ ဖြစ်ပါတယ်။ နောက်ပိုင်း နီပေါလ်တွေက ၀င်လာတယ်။ သူတို့က ဟိန္ဒူဘာသာဝင်တွေ ဖြစ်တယ်။ (ဘူတန်ပုံစံနဲ့ အလွန်တူနေတယ်)။ နောက်ပိုင်းမှာ ဒေသခံလူမျိုးတွေထက် နီပေါလ်တွေက အင်အားသာသွားတယ်။ ၁၉၇၅-ခုနှစ်၊ ဆန္ဒခံယူပွဲအရ ဆစ်ကင်းကို အိန္ဒိယရဲ့ ပြည်နယ်တစ်ခုအဖြစ် သက်မှတ်လိုက်ကြတယ်။ ဆစ်ကင်းရဲ့ ၇၅-ရာခိုင်နှုန်းသော ပြည်သူတွေဟာ နီပေါလ်တွေပါ။ သူတို့တွေဟာ အိန္ဒိယနဲ့ မပေါင်းချင်ပါဘူးလို့ မဲပေးခဲ့ကြတာပါ။ ဒီမိုကရေစီ ဆိုတာ မဲများတာကို ကိုယ်စားပြုတယ်ဆို။ ကဲ….. ဘာလဲ ဒီမိုကရေစီဆိုတာ….”လို့လည်း ဆက်ရင်ဖွင့်ပါတယ်။

ဘူတန်နဲ့ အခြားသော အိန္ဒိယရဲ့ အိမ်နီးချင်းနိုင်ငံငယ်လေးတွေဟာ အရှက်မရှိ၊ မျက်နှာပြောင်တိုက် သိမ်းယူ တတ်တဲ့ အိန္ဒိယရဲ့ အကျင့်ကို သိနေကြပါပြီ။ ဆစ်ကင်းနိုင်ငံလေးရဲ့ အဖြစ်အပျက်တွေက ဘူတန်ကို အိန္ဒိယပြည် နယ်မဖြစ်စေဖို့ သတိပေးနေပါတယ်။

“၁၉၈၀-နှစ်များတုန်းက ဘူတန်ဘုရင်ဟာ နိုင်ငံရဲ့အချုပ်အခြာအာဏာတည်မြဲရေးနဲ့ ယဉ်ကျေးမှုအမွေအနှစ် များကို ကာကွယ်ဖို့အတွက် “နိုင်ငံတစ်ခု လူမျိုတစ်မျိုး အစီအစဉ် (one-nation-one-people campaign)”ကို စတင်လုပ်ဆောင်ခဲ့ပါတယ်။ ဒီအစီအစဉ်က တော်လှန်တဲ့ နီပေါလ်လူမျိုးတွေကို မျက်နှာသာ မပေးခဲ့ပါဘူး။ တော်လှန်တဲ့ နီပေါလ်တွေနဲ့ အာဏာပိုင်တွေဟာ ရုန်းရင်းဆန်ခတ်ဖြစ်ခဲ့ကြတယ်။ တကယ်တော့ ဒီနီပေါလ်လူမျိုး တွေဟာ သူတို့ဆန္ဒအလျောက် ကျွန်တော်တို့ ဘူတန်နယ်မြေထဲကို ကျူးကျော်ဝင်လာပြီး နေထိုင်နေကြတာ ဖြစ် တယ်။ ကျွန်တော်တို့နယ်မြေကို တစ်နည်းတစ်ဖုံ ကျူးကျော်နေထိုင်နေကြတာပဲ။ ဘယ်ဘူတန်လူမျိုးကမှ ဖိတ်ခေါ်လို့ လာကြတာ မဟုတ်ပါဘူး။ သူတို့က လူဦးရေ ၁-သိန်းခန့် ရှိပါတယ်။ သူတို့ကို တိုင်းပြည်ကနေ နှင်ထုတ်ခဲ့ကြရပါတယ်။ သူတို့အများစုက ခရစ်ယာန်တွေ ဖြစ်ပါတယ်”လို့လည်း ဆိုပါတယ်။

အစိုးရဟာ တော်လှန်သူတွေအပေါ် ဘာကြောင့် မငဲ့ညှာရသလဲလို့ ပြည်သူတစ်ယောက်ကို မေးကြည့်တော့ “ကျွန်တော်တို့ ဘူတန်ဟာ နောက်ထပ် ဆစ်ကင်းပြည်နယ် မဖြစ်ချင်ပါဘူး”လို့ ရိုးရိုးရှင်းရှင်းလေးပဲ ဖြေပါတယ်။

ဘူတန်နိုင်ငံဟာ သူတို့ဘာသာစကား၊ သူတို့ရိုးရာဝတ်စုံတွေကိုပဲ အသုံးပြု၊ ၀တ်ဆင်ကြဖို့ တင်းတင်းကျပ်ကျပ် စည်းကမ်းသက်မှတ်ထားပါတယ်။ ဘာကြောင့်လဲဆိုတော့ တိုင်းပြည်ရဲ့ ယဉ်ကျေးမှုအမွေအနှစ်တွေ တိုးတက် ပြန့်ပွားစေဖို့ ဖြစ်ပါတယ်။ ဘူတန် အမျိုးသားတွေဟာ သူတို့အလုပ်သွားတဲ့အခါ သို့မဟုတ် လူထုအစုအဝေးတွေ ကို သွားတဲ့အခါတွေမှာ ဂို (Gho) လို့ခေါ်တဲ့ ဒူးထိရှည်တဲ့ ၀တ်ရုံကြီးကို ၀တ်ရပါတယ်။ ပြီးရင် ခါးမှာ အ၀တ်စနဲ့ လုပ်တဲ့ ခါးပတ်စီးရပါတယ်။ အမျိုးသမီးတွေကတော့ ကိရာ (kira)လို့ ခေါ်တဲ့ ပုခုံးတစ်ဖက်ပေါ် ခြေချင်းဝတ်ထိ ရှည်တဲ့ ခါးမှာခါးပတ်ပတ်ထားရတဲ့ ၀တ်ရုံကြီးကို ၀တ်ရပါတယ်။ မလိုက်နာသူတွေကို ဒဏ်ငွေဆောင်ရခြင်း သို့မဟုတ် ထောင်ဒဏ်အပြစ်ပေး ခံရနိုင်ပါတယ်။

“အစိုးရအနေနဲ့ မဝေးတော့တဲ့ အနာဂတ်မှာ ဘူတန်မှာ ခရစ်ယာန်တွေရှိတယ်ဆိုတာကို တရားဝင် အသိအမှတ် ပြုပေးဖို့ မျှော်လင့်ပါတယ်။ ဘာသာရေးလွတ်လပ်ခွင့်ဆိုတာ ခရစ်ယာန်အတွက်ရော၊ အစိုးရအတွက်ပါ ကောင်း ကျိုးဖြစ်လာပါလိမ့်မယ်။ အဲဒီလိုမှ မဟုတ်ရင် ဘာသာရေးအဖွဲ့အစည်းတွေနဲ့ သက်ဆိုင်တဲ့ ဆုံးဖြတ်ချက်တွေကို ဘယ်အစိုးရက ပြီးမြောက်အောင် လုပ်ဆောင်နိုင်တော့မလဲ”လို့ ခရစ်ယာန် သင်းအုပ်ဆရာတစ်ယောက်က ပြောပါတယ်။ ဇန်န၀ါရီလတုန်းက ပုနခါး (Punakha)မှာ ဖြစ်ပျက်ခဲ့တဲ့ အခြေအနေကို သူ အမှတ်ရနေပါတယ်။ အဲဒီမှာ တည်ဆောက်နေဆဲ အိမ်တစ်လုံးကို ခရစ်ယာန်ဘုရားရှိခိုးကျောင်းဆောက်နေတယ်ဆိုတဲ့ ကောလာ ဟလကြောင့် ဖျက်ဆီးခံခဲ့ရပါတယ်။ နောက်ပိုင်းမှာ ခရစ်ယာန်ဘာသာဝင်ဖြစ်တဲ့ အိမ်ရှင်ဟာ ဘုရင့်ထံတော်ကို သွားရောက်ပြီး ဘုရားကျောင်းဆောက်ဖို့ မဟုတ်ကြောင်း၊ ဒါပေမယ့် ထာဝရဘုရားကို ၀တ်ပြုဖို့ ဆောက်တာ ဖြစ်ကြောင်း လျှောက်ထားခဲ့လို့ ဘုရင်က ခွင့်ပြုပေးခဲ့ပါတယ်။

“၀န်ကြီးချုပ်ကတော့ နောက်ဆိုရင် လွတ်လပ်ခွင့် ပိုပေးမယ်လို့ ကတိပြုထားပါတယ်။ အခုဆိုရင် ခရစ်ယာန် ဘာသာဝင်တွေဟာ တဖြည်းဖြည်း တိုးပွားလာနေပါတယ်။ ခရစ်ယာန်ဘာသာက လူနာတွေကို သက်သာ ပျောက်ကင်းစေတယ်ဆိုတာကို တစ်ဆင့်စကားနဲ့ သိလာကြပါပြီ။ တရားဝင် ဆွဲဆောင်သိမ်းသွင်းဖို့ ဟောကြား ခွင့်တော့ မရသေးပါဘူး။ ခရစ်ယာန်တွေအနေနဲ့ အခြေအနေကို နားလည်ထားရမယ်၊ ပြီးတော့ အစိုးရအပေါ်မှာ စိတ်ရှည်ရှည်ထားရမယ်။ နေ့ချင်းညချင်း လွတ်လပ်ရေး ဘယ်လိုလုပ် ရနိုင်မလဲ”လို့လည်း ခရစ်ယာန်သင်းအုပ် ဆရာက ဆက်ပြောသွားပါတယ်။

ဘာသာပြန်သူ၏ သုံးသပ်ချက်

ဒလိုင်းလားမာ အတ္ထုပ္ပတ္တိဇာတ်ကားကို ကြည့်တုန်းက ဒလိုင်းလားမားကို မော်စီတုန်းက “Religion is poison = ဘာသာရေးဆိုတာ အဆိပ်”လို့ ပြောတဲ့စကားကို အမှတ်ရနေပါတယ်။ နောက်ပြီး “ဘာသာဆိုတာ ဘိန်းနဲ့တူ တယ်”ဆိုတဲ့စကားလည်း ရှိပါတယ်။ ဘာသာရေးသမားတွေကတော့ ကန့်ကွက်ကြတာပဲ။ ဘယ်လိုပင် ကန့်ကွက် ကန့်ကွက် အနေအထားမကျရင် အဲဒီစကားတွေက မှန်နေတတ်ပြန်ပါတယ်။ နေရာတိုင်းကိုတော့ မဆိုလိုပါဘူး။ အနေအထားမကျရင်ဆိုတဲ့ စကားက ကျယ်ပြန့်ပါတယ်။

စာလေးတစ်ပုဒ် ဖတ်ဖူးတယ်။ ကျွန်းလေးတစ်ကျွန်းမှာ သူတို့ ယုံကြည်မှုနဲ့သူ အေးချမ်းပျော်ရွှင်နေတဲ့ လူမျိုးစု လေးတွေ ရှိတယ်။ နောက်ပိုင်းမှာ ခရစ်ယာန် စေတနာကြီးရှင်တွေ၊ အလ္လာဟ်ယုံကြည်သူတွေ…. ရောက်သွား တယ်။ အေးချမ်းနေတဲ့ လူမျိုးစုလေးဟာ စိတ်ဝမ်းတွေ ကွဲကုန်တယ်။ အချင်းချင်း မညီညွတ်မှုတွေ ဖြစ်သွားတယ်။ ဆိုတော့ “ဘာသာရေးဆိုတာ ပေါက်ကွဲအားပြင်းထန်တဲ့ ဗုံးလား”။

ကမ္ဘာ့နိုင်ငံကြီးတွေက “မြန်မာနိုင်ငံဟာ ဘာသာရေးလွတ်လပ်ခွင့် မရှိဘူး။ ခရစ်ယာန်တွေ၊ မူစလင်တွေကို နှိပ်ကွပ်တယ်”လို့ ပြောရင် မခံချင်ပါဘူး။ မကျေနပ်ပါဘူး။ ဘာဖြစ်လို့လည်းဆိုတော့ “မြန်မာဆိုတာ ဗုဒ္ဓဘာသာ နိုင်ငံဖြစ်လို့ပါ”။ ဗုဒ္ဓဘာသာနိုင်ငံဟာ ဗုဒ္ဓဘာသာကို ဦးစားပေးမယ်။ ခရစ်ယာန်နိုင်ငံဟာ ခရစ်ယာန်ကို ဦးစား ပေးမယ်။ မူစလင်နိုင်ငံဟာ မူစလင်ကို ဦးစားပေးမယ်။ ဒါ ထုံးစံပဲ။

ဥရောပနိုင်ငံကြီးတွေ၊ တခြားမူစလင်နိုင်ငံတွေဟာ သူတို့ မြေပေါ်မှာ တရားဝင် ဗုဒ္ဓဘာသာကျောင်းတွေ ဘယ်နှစ်ကျောင်းများ ဆောက်ခွင့်ပြုပါသလဲ။ ဘာသာရေးအခမ်းအနားတွေကို ဘယ်လောက်ထိ လွတ်လပ်စွာ လုပ်ခွင့်ပြုပါသလဲ။ မနှစ်က မလေးရှားရောက်တော့လည်း ပိုသိခဲ့ရတယ်။ ဗုဒ္ဓဘာသာတွေအပေါ်မှာ မူစလင်တွေ ဘယ်လို သဘောထားသလဲ။ ဒါကို နားလည်ပါတယ်။ ဘာဖြစ်လို့လဲဆိုတော့ မလေးရှားဆိုတာ မူစလင်နိုင်ငံလေ။ မူစလင်နိုင်ငံဖြစ်လို့ မူစလင်ဘာသာကို ဦးစားပေးတယ်။ ဘာမှ ပြောစရာ မရှိပါဘူး။ သူတို့ကို မူစလင်ဘာသာ ကိုတော့ ဦးစားပေးမယ်။ ဗုဒ္ဓဘာသာကို ဦးစားမပေးဘူး၊ ခရစ်ယာန်ဘာသာကို ဦးစားမပေးဘူးလို့ ဘယ်တော့မှ ဝေဖန်မိမှာ မဟုတ်ပါဘူး။

အခု ဘူတန်ကိစ္စလေးကို ဖတ်ရတော့ ဒီဘာသာဟာ ဘူတန်ရဲ့ အေးချမ်းမှု။ တည်ငြိမ်မှုကို ဘာကြောင့်များ ဖျက်ဆီးချင်နေရတာလဲလို့ မေးခွန်းထုတ်မိပါတယ်။ ကျုပ်တို့နိုင်ငံက တောင်တန်းဒေသတွေမှာ အဓိကရုဏ်းတွေ ဖြစ်တယ်၊ မညီညွတ်မှုတွေ ဖြစ်တယ်ဆိုတာလည်း ဒီစေတနာကြီးရှင်ကြောင့်လည်း အများကြီးပါပါတယ်။ ဘယ်လောက်ညီညွတ်တဲ့ အေးချမ်းတဲ့နေရာဖြစ်ဖြစ် ဘာသာကြီးတွေ တစ်ခုထက် ပိုရောက်သွားပြီဆိုရင် ပျက်စီးဖို့အခြေအနေ ပိုများသွားပါပြီ။ မညီမညွတ်တွေ ဖြစ်ဖို့အခြေအနေ တော်တော်များသွားပါပြီ။

စာရေးသူမှာ ဘာသာခြား အသိမိတ်ဆွေတွေ ရှိပါတယ်။ အွန်လိုင်းမှာတွေ့တော့ သူ့ကို ပြောလိုက်ပါတယ်။ “ခင်ဗျားတို့ စေတနာရှိတယ်ဆိုရင် အဲဒီစေတနာတွေကို ဖြူဖြူစင်စင် ရှိနေဖို့ ကောင်းတယ်။ ထာဝရဘုရားကို ယုံကြည်စေဖို့နဲ့ ခရစ်တော်ကို အားကိုးစေဖို့ သို့မဟုတ် ခရစ်ယာန်ဖြစ်စေဖို့ဆိုတဲ့ ရည်ရွယ်ချက်နဲ့တော့ မလုပ် ကြပါနဲ့။ အထူးသဖြင့် ဘာသာတစ်ခုခု အခြေတည်နေတဲ့ ဒေသမှာ ပိုပြီး မလုပ်သင့်ဘူး”လို့ ပြောလိုက်ပါတယ်။

တစ်နိုင်ငံလုံး မူစလင်ဖြစ်နေတဲ့ နိုင်ငံမှာ တစ်ခြားဘာသာတစ်ခုခုက ၀င်ရောက်ဆွဲဆောင် သိမ်းသွင်းနေပြီဆိုရင် ဒေသခံ မူစလင်တွေ စိတ်ဆင်းရဲတော့မယ်။ ဒါ ထုံးစံပဲ။ ခရစ်ယာန်ကြီးစိုးတဲ့ နိုင်ငံမှာလည်း ထို့အတူပဲပေါ့။ “ဒါ ဒီမိုကရေစီခေတ်ကွ၊ လူတိုင်းလူတိုင်းဟာ လွတ်လပ်စွာ လုပ်ဆောင်နိုင်ခွင့်ရှိတယ်”လို့ ဆိုပြီး အကုန်လိုက်ရမ်းနေ ရင်တော့ ဒါ နည်းလမ်းမကျသေးဘူးလို့ ထင်ပါတယ်။ ဒီမိုကရေစီဆိုတာ အချင်းချင်း လေးစားတန်ဖိုးထားစိတ် အပေါ်မှာ အခြေတည်မှ ဒီမိုကရေစီ စစ်တာပါ။ တစ်ဖွဲ့နဲ့တစ်ဖွဲ့ ဗရမ်းဗတာ(လွတ်လွတ်လပ်လပ်) တိုက်ခိုက်နေ ကြတာဟာ ဒီမိုကရေစီ မဟုတ်ပါဘူး။ တစ်ဖွဲ့နဲ့တစ်ဖွဲ့ တန်ဖိုးထားစိတ်နဲ့ အချင်းချင်းနားလည်မှုထားပြီး လုပ် ဆောင်ကြမှသာ ဒီမိုကရေစီ ဖြစ်တာပါ။

လူသားရဲ့ လွတ်လပ်ခွင့်ကို အကြောင်းပြပြီး ဗရမ်းဗတာ ပြော၊ ဗရမ်းဗတာ လုပ်လို့ မရပါဘူး။ အခြေအနေနဲ့ အချိန်အခါကိုလည်း ကြည့်ရပါအုံးမယ်။ “လူပျိုပဲကွ၊ အပျိုကို ရည်းစားစကားပြောတာ ဘာဖြစ်လဲ”ဆိုပြီး အခြေ အနေနဲ့ အချိန်အခါကို မကြည့်ဘဲ လိုက်ပြောနေလို့ မရပါဘူး။ အဲဒီလိုပါပဲ “လူသားတိုင်းမှာ လွတ်လပ်ခွင့် အပြည့် ရှိတယ်ကွ”ဆိုပြီး သူ့ဓလေ့၊ သူ့ဘာသာနဲ့သူ ငြိမ်းချမ်းတည်ငြိမ်နေတဲ့ နေရာဒေသကို သွားရောက် မဖျက်ဆီး သင့်ပါဘူး။

ဗုဒ္ဓဘာသာဝင်တွေကလည်း ဗုဒ္ဓဘုရားရှင်ရှိမှ လောကကြီး ငြိမ်းချမ်းမယ်လို့ အယူမသီးသင့်ပေဘူး။ ခရစ်ယာန်ကလည်း ယေရှုကို မယုံကြည်ရင် ကမ္ဘာကြီးမနက်ဖြန်ပဲ ဆုတ်ယုတ်သွားတော့မလို၊ မူစလင်ကလည်း အလ္လာဟ်သာမရှိရင် လောကကြီး မသာယာနိုင်ဘူး၊ ဟိန္ဒူကလည်း ရှီဝ ဖန်တီးပေးမှ လောကကြီးသာယာနိုင်တာ….စသည်ဖြင့် ကိုယ့်ဘာသာ ကို အမွှမ်းတင်ပြီး အယူတွေ မသီးသင့်ကြဘူး။ ဘာသာဆိုတာ ငြိမ်းချမ်းရေးအတွက် ဆေးခွက်တွေပဲ ဖြစ်နေသင့်တယ်။ အဆိပ်ခွက်တွေ ဖြစ်မနေသင့်ဘူး။

စာဖတ်သူတွေတော့ မသိပါဘူး။ ဘူတန်ရဲ့ လုပ်ရပ်ကို ထောက်ခံပါတယ်။ ဒါပေမယ့် ခြွင်းချက်မဲ့တော့လည်း မဟုတ်ပါဘူး။ ဒီဥပဒေကို ခရစ်ယာန်အသိုင်းအ၀ိုင်း သတင်းတွေက တော်တော်အသားယူ ရေးနေကြတာ တွေ့ရတယ်။ ဘူတန်ရဲ့ ယဉ်ကျေးမှုတွေကို ထိပါးပုတ်ခတ်တဲ့ အမနာပတွေကလည်း အများကြီးပဲ။

သူတို့ရည်ရွယ်ချက်ကတော့ ဘူတန်တွေဟာ ခရစ်ယာန်တွေကို နှိမ်နေပါတယ်။ ဘူတန်ယဉ်ကျေးမှုဆိုတာ ကလည်း ရှေးဦး မယဉ်ကျေးမီခေတ်က ပုံစံတွေလို ဖြစ်နေတဲ့အကြောင်းလည်း ပုတ်ခတ်ရေးသားကြပါတယ်။ ဒါနဲ့ ဆက်စပ်တဲ့ သတင်းတွေ အကုန်လုံးကိုတော့ မတင်ပြနိုင်ပါဘူး။ အခု တင်ပြလိုက်တာကတော့ အဲဒီအကြောင်း တွေထဲက အစိတ်အပိုင်းတစ်ရပ်ပဲ ရှိပါသေးတယ်။ ကဲ…စာဖတ်သူတို့လည်း ဖတ်ရှုဝေဖန်ပြီး သင်္ခန်းစာတွေ ယူလိုက်ကြပေါ့။ မူရင်းကတော့ ဒီမှာပါ။ စိတ်ဝင်စားရင် ဒီထက်ပိုပြီး လေ့လာနိုင်စရာတွေ ရှိပါတယ်။

စာရေးသူ သုံးသပ်ခဲ့တာတွေကို အဓိပ္ပာယ်ကောက် မမှားကြဖို့တော့ မျှော်လင့်ပါတယ်။ ဘယ်ဘာသာကိုမှ ထိပါး ပုတ်ခတ်လိုတဲ့စိတ် မရှိပါဘူး။ အေးချမ်းတည်ငြိမ်နေတဲ့အရပ်မှာ ကိုယ့်အတ္တကို ရှေ့တန်းတင်ပြီး ဘာသာရေး ဆွဲဆောင်သိမ်းသွင်းမှုတွေ၊ မွန်မြတ်တဲ့ဘာသာတရားကြောင့် ပြိုကွဲမှုတွေ မဖြစ်စေချင်ပါဘူး။ ဒါကို ရည်ရွယ်ပြီး ပြောခဲ့ခြင်း ဖြစ်ပါတယ်။

ယဉ်ကျေးမှုသင်တန်း နိဂုံး

2010-07-29T13:21:00.000+06:30

"ကဲ- " လူလုံးလှလှ နေရအောင် " ကဗျာလေးကို ညီညီ ညာညာလေး လိုက်ဆိုကြ၊
ဒီတစ်ခါ မောင်ကျော်ဇံ က တိုင်ပေးလိုက်"

လူလုံးလှလှနေရအောင်

ပညာ, စီးပွါး ၊ ထိုနှစ်ပါး
တို့များကြိုးစားရှာရမည် ။

ကုသိုလ်ကောင်းမှု ၊ နေ့စဉ်ပြု
ကောင်းမှုနေ့တိုင်း ရ ရမည်။

ရှာနိုင်တုန်းမှာ ၊ ရအောင်ရှာ
နောင်ခါအတွက် စုရမည်။

ရတိုင်းမသုံး ၊ တို့မဖြုန်း
လူလုံးလှအောင် နေရမည်။

အသိကြွယ်ကြွယ် ၊ စီးပွါးထည်
ဆွေလည်မျိုးလည် တင့်ရမည်။

ဆရာနှင့် တပည့်များ အတိုင်အဖောက်အတော်ညီလာကြပြီဖြစ်၏။ ကလေးများလည်း
လျော့မသွားသည့်အပြင် စာ မဖတ်တတ်သေး သူများလည်း အစ်ကိုအစ်မများနှင့်
ရောနှော ပါလာ ကြပေရာ နဂိုကပင် သိပ်မကျယ်ဝန်း သော ကျောင်း ကလေးသည်
ကလေးများနှင့် ပြည့်နေပေတော့၏။

"ကဲ ကလေးတို့၊ ကဗျာလေးကိုကြည့်ရအောင်၊ "ပညာ,စီးပွါး၊ ထိုနှစ်ပါး၊တို့များကြိုးစား
ရှာရမည်တဲ့" ၊ ဘာတွေကို ကြိုးစားပြီးရှာကြရမှာတဲ့လဲ"

"ပညာ နဲ့ စီးပွါးပါဘုရား"

"ဟုတ်တယ်၊ ပညာရှာချိန်မှာ---"

"ပညာရှာရပါမယ် ဘုရား"

"စီးပွါး ရှာချိန်မှာ---"

"စီးပွါးရှာရပါမယ်ဘုရား"

"ပညာဆိုတာ အမှား အမှန် အကြောင်းအကျိုး အကောင်းအဆိုးကို ခွဲခြားသိတာ----"

"ပညာပါဘုရား"

"ဟုတ်တယ်၊ ပညာမတတ်ရင် အရာရာမှာ သူများခိုင်းဖတ် ဖြစ်တတ်တယ်နှော်၊ အဲ-
ပညာဆိုလို့ ပညာဆိုတာ ကျောင်းမှာသင်ရတဲ့ စာတွေမှ ပညာမဟုတ်ဘူးနှော်----"

"တင်ပါ့ဘုရား"

"ဥပမာ-လယ်လုပ်တဲ့သူက လယ်ကိုဘယ်လိုထွန်ယက် စိုက်ပျိုးရင် လူရော,နွားရော
သက်သာမယ်၊ ငွေကုန်ကျေးကျလည်း သက်သာပြီး သီးနှံလည်း အရများမယ်စသည်
ဖြင့်သိတာ ပညာ၊ မြစ်ထဲမှာ လှေကလေးတွေနဲ့ ကူသန်းသွားလာနေတဲ့သူတွေမလဲ
ဘယ်လိုအခြေအနေမျိုးမှာ လှိုင်းထန်တတ်တယ်၊ ဘယ်လိုအခြေအနေမျိုးမှာ မြစ်ကို
ဖြတ်ကူးသင့်တယ် ၊ ညဘက် ဆိုရင် ဓူဝံကြယ်ရှိတဲ့ အရပ်ဟာ မြောက်ဘက်ပဲ၊ အဲ-
ကြယ်တွေကိုတောင် မမြင်ရရင် ဒီလို အချိန်မျိုးမှာ တိုက်တတ်တာ တောင်လေပဲ၊
ဒီလေတိုက်နေတာ တောင်ဘက်ပဲ စသည်ဖြင့် ကိုယ့်လမ်းခရီးနဲ့ပတ်သက်ပြီးသိတာ"

"ပညာပါဘုရား"

"အဲဒီတော့ ပညာဆိုတာ နေရာတကာမှာ ရှိတယ်၊ အဲဒါလို ကိုယ်နဲ့ပတ်သက်တာတွေ
ကို ခွဲခြားသိနိုင်စွမ်းအောင် အမှုမဲ့အမှတ်မဲ့နေရမှာလား၊ ကြိုးစားရှာရမှာလား------"

"ကြိုးစားရှာရမှာပါဘုရား"

ဤသို့- စသဖြင့်-သို့နှယ် ယဉ်ကျေးမှု သင်တန်းကလေးမှ ထုတ်လွှင့်ချက်များသည်
အသံချဲ့စက် အကူအညီဖြင့် တစ်ရွာလုံးကို ပြန့်နှံ့နေတော့၏။ ကလေးများ၏ ကဗျာ
ရွတ်သံ၊ ကျောင်းထိုင်ဆရာတော်၏ ကလေးများအတွက်သာမက လူကြီးများအတွက်
ပါ အဓိပ္ပါယ် ရှင်းပြသံတို့သည် မိုးယံသို့တိုင် တက်သည် မတက်သည်ကို အသာထား
တစ်ရွာလုံးနားဆီသို့တော့ ပေါက်ရောက်ခဲ့ပေ၏။

"ဟေ့လူ-ကိုအောင်သာ၊ မကြားဘူးလား၊ ခင်ဗျားကိုပြောနေတာ"

"ဘာလဲကွ"

"ဆက်ဆံမှုနယ်ပယ်၊ အလွန်ကျယ်၊ ကိုယ်ဝယ်စိတ်ကောင်းထားရမည်- တဲ့လေ"

"အမယ်၊ အဲဒါ ငါ့ကိုသာကွက်ပြောတာ မဟုတ်ဘူးကွ၊ မင်းတို့ကိုရောပဲ၊ ဘယ့်နှယ်ကွာ
ထစ်ခနဲရှိရန်ဖြစ်၊ ရွာမှာဆိုလဲ ရွာမှာမို့၊ ဟော- မြို့ကို သွားပြန်တော့လဲ မြို့မှာမို့လို့ ၊
ဘုန်းကြီးက တစ်ရွာလုံးက သတင်းကို သိတာကွ၊ ဒါမင်းတို့ကို ပြောနေတာ"

"အေးကွ ၊ ဘုန်းကြီးရှင်းပြသွားတော့လဲ အဟုတ်သားကွ"

"ဘာကိုလဲ လှဖေဘရဲ့"

"အော်-တို့သိတတ်စတုန်းကဆို ကိုယ့်အိမ်နားက လူတွေနဲ့လောက်ပဲ သိတာမလား ၊
ကျောင်းစတက်တော့ ကျောင်းကလူတွေနဲ့၊ ဟော-အလယ်တန်းလောက်ရောက်တော
့တခြား ကျောင်းကလူတွေနဲ့ပါသိလာကြတယ်လေကွာ၊ အဲကျောင်းဆက်နေတဲ့သူတွေ
ကျတော့လည်း အထက်တန်းရောက်တော့ သိတဲ့သူတွေထပ်တိုး၊ ဟော တက္ကသိုလ်
ရောက်ပြန်တော့ ဆက်ဆံရတဲ့နယ်ကပိုပို ကျယ်လာတယ်လေကွာ၊လုပ်ငန်းခွင်ဝင်ပြန်
တော့လည်း လူသစ်တွေနဲ့ထပ်တွေ့၊ ဟေ့-နိုင်ငံခြားထွက်တဲ့သူတွေဆို တစ်ခြားနိုင်ငံက
လူတွေနဲ့တောင် ဆက်ဆံမှုနယ်တွေကျယ်ကျယ်သွားကြတာမလား။"

"ဟုတ်ပါ့ကွာ၊ အဲလို ဆက်ဆံရကျယ်ဝန်းလာတာနဲ့အမျှစိတ်ကောင်းထားတတ်သူတွေ
ကတော့ မိတ်ဆွေကောင်းတွေ ရသထက်ရပြီး လုပ်ငန်းကိုင်ငန်းတွေ ပိုပိုပြီး အဆင်ပြေ
လာကြသပေါ့ မောင်ရာ၊ အဲ စိတ်ထားမကောင်းသူတွေကတော့ ရန်သူတွေတိုးသထက်
တိုးလာတာပေါ့ မောင်ရာ။"

"အေးကွာ၊ ဘုန်းကြီးကတော့ ကလေးတွေကိုအယောင်ပြပြီးတို့ကိုပါ ပြောနေတယ်လို့
ငါတော့ထင်မိတာပဲကွ"

"မကောင်းဘူးလားကွာ၊ ခုဆို အိမ်ကကလေးတွေတောင် ဘုရားရှိခိုးပြီး၊ တို့လင်မယား
ကိုပါ ရှိခိုးပြီးမှ အိပ်တာကွမောင်ရ၊ ငါတော့ကြည်နူးတယ်ကွာ၊နောက်ပြီးသားသ္မီးလေး
တွေက ညတိုင်း ကန်တော့ နေကြတော့ သွားနေကြဆိုင်ကိုတောင် မရောက်ဖြစ်တာ တစ်ပတ်လောက်ရှိသွားပေါ့ကွာ-"

"ဟားဟား-ဟုတ်ပါ့ ဒါကြောင့် လှဖေဘတို့ အိမ်က ၀ုန်းဒိုင်းသံတွေပျောက်နေတာကိုး"

ွှဤသို့-စသည်ဖြင့် ကောင်းသတင်းများလည်း ပဲ့တင်သံအဖြစ် ယဉ်ကျေးမှုသင်တန်း
ဖွင့်လှစ်ရာ ရွာဦးကျောင်းဆီသို့ ပြန်လည်ပြန့်လွင့်လာခဲ့ကြလေ၏။

ကြည်နူးဖွယ်ကောင်းလေစွ။ ။

ဤသို့ဖြင့်တွေ များနေပြီဖြစ်သော်လည်း ဤသို့ဖြင့်ပင်ယဉ်ကျေးမှုသင်တန်း
ပြီးမြောက် အောင်မြင်သွားသောအခါ ၀မ်းမြေက်လှစွာဖြင့် အောက်ပါ ကဗျာ
လေးကို ချရေးမိခဲ့ ပါတော့သတည်း--။

ယဉ်ကျေးမှုသင်တန်း ဖွင့်လှစ်ခြင်း

ငါတို့ရွာတွင် ၊ မကြာခင်က
ရွှင်ပျနုနယ် ၊ ကလေးငယ်တို့
ရွတ်လွယ်စေမှု၊ကဗျာပြု၍
ယဉ်ကျေးမှုသင်တန်း ဖွင့်ခဲ့သည်။

ကလေးငယ်ငယ် ၊ အသိကြွယ်ဖို့
အဓိပ္ပါယ်သဘော၊ ပုံပြင်နှော၍
ဟောပြောပို့ချ ပေးခဲ့သည်။

ရတနာသုံးပါး ၊ မိဘများနှင့်
ဘိုးဘွားဆရာ ၊မမေ့ရာဖို့
ကဗျာရွတ်တို့ ဆိုကြသည်။

ကိုယ့်ကျိုး,သူ့ကျိုး ၊ ဂုဏ်မညှိုးအောင်
အားကြိုးမာန်တက် ၊ ကိုယ်စီရွက်ဖို့
တက်ကြွညီညာ သီကြသည်။

မိဘဘိုးဘွား ၊ လူကြီးများတို့
အားရဝမ်းသာ၊ကျွေးမွေးကာဖြင့်
ကဗျာအနှစ် လှစ်ကြသည်။

ရွာဦးဆရာတော် ၊ ရှေ့ကိုမျှော်၍
လူတော်လူကောင်း ၊ လူမြတ်လောင်းတို့
စိတ်ကောင်းကိုမွေး ၊ ဘာသာသွေးနှင့်
ယဉ်ကျေးလိမ္မာ ၊ ထက်မြက်ရာဖို့
ပို့ချရွှင်လန်း ၊ မြတ်သင်တန်းမှ
ဝမ်းမြောက်ခြိမ့်ညံ ၊ ကဗျာသံသည်
ဓာတ်ခံကောင်းဖို့ ညွှန်းခဲ့၏။

ဝိမုတ္တိရသ (The Flavour Of Liberation)

နကုလပိတာ နကုလမာတာ

ခန္ဓသုတ် (video)

နိဗ္ဗာန်အကြောင်း

*မပြတ်သေးဘူး*

*မှတ်သားဖွယ်ရာအမေးအဖြေများ(၇)*

လက်ငင်းအကျိုးပေး ဘာကြောင့်ရ

မတူညီတဲ့ စိတ်များ

သိရီမင်္ဂလာကျောင်း ၀ါဆိုသင်္ကန်းဆက်ကပ်လှူဒါန်းပွဲနှင့် စုပေါင်းရှင်ပြုပွဲ အမှတ်တရဓာတ်ပုံများ

“သုစရိုက်တရား ၁၀ပါး”

လူတို့နေရာ ဤကမ္ဘာ တဏှာ အုပ်စိုးသည်…….

ဇူလိုင်လ ၂၉ ရက်နေ့တရားအစီအစဉ်များ...

ဘန်ကောက် မြန်မာအလုပ်သမားများ ၀ါဆိုသင်္ကန်းကပ်နှင့် တရားပွဲကျင်းပ

ဘောင်…

သတိ !!! စရိုက်ကြောင့် ဖြစ်တတ်သူ...

၁၃၇၂ -၀ါဆိုသင်္ကန်းလှူဒါန်းပွဲ

Why Dhamma Garden

မိတ်ဆွေ၏ မွေးနေ့

ချစ်မိတ်ဆွေ (JOHOR) ဇယမင်္ဂလာဗုဒ္ဓ၀ိဟာရ သို့ ဖိတ်ခေါ်ပါရစေ

အကျဉ်းထောင်ထဲက စိတ်ငြိမ်းချမ်းမှု ရှာပုံတော်...

ကပ္ပိယကျော်ခေါင်နှင့် M.B.B.S

ဘာသာရေး ပြဿနာ ( ၂ )

အနှိုင်းမဲ့အရိပ်နှင့်အနှိုင်းမဲ့ချမ်းသာ

“နံရံကပ်စာ”

ဘူတန်နိုင်ငံက ဘာသာကူးပြောင်းမှု ဆန့်ကျင်ရေး ဥပဒေ

ယဉ်ကျေးမှုသင်တန်း နိဂုံး

မပြတ်သေးဘူး

မှတ်သားဖွယ်ရာအမေးအဖြေများ(၇)