“အသိပညာသည် ကြီးမားတဲ့ စွမ်းအားတစ်ခုဖြစ်တယ်”
“ပညာနဲ့တူသော အလင်းရောင် လောကမှာ မရှိ”
“ပညာရဲရင့် ပွဲလယ်တင့်၊ ပညာရှိသူ ဂုဏ်ခံယူ”
“အတတ်ပညာသည် ဘ၀ရဲ့ မိတ်ဆွေ၊ အတတ်ပညာနှင့်တူသော ဥစ္စာသည် လောကမှာ မရှိ”
“အလိမ္မာ စာမှာရှိ၊ ပညာရွှေအိုး လူမခိုး”
“ပညာနည်း၍ ၀န်ထမ်းရ၊ ပတ္တမြားရောင်ထက် ပညာရောင်ထက်”………စတဲ့ ပညာနဲ့ပတ်သက်သော ပညာကို တင်စားထားသော ဆိုရိုးစကားများစွာရှိပါသည်။ ဒီစကားတွေဟာ ပညာဟာ ဘယ်လောက်အရေးပါတဲ့အရာဖြစ်တယ်။ တန်ဖိုးကြီးမားတဲ့အရာဖြစ်တယ်။ ဘ၀ရဲ့အလင်းရောင်ဖြစ်တယ်…စသည်ဖြင့် ညွှန်းဆိုထားတာဖြစ်ပါတယ်။
စာရေးသူတက်ရောက်နေတဲ့တက္ကသိုလ်ဆောင်ပုဒ်တစ်ခုက “ပညာဆိုတာ လောကရဲ့ အလင်းရောင်- Wisdom is the light of the world” ဆိုပြီး ဆောင်ပုဒ်ထားရှိပါတယ်။ ဒီနေရာမှာ ပညာရဲ့အလင်းရောင်ဟာ ဘယ်လောက်အရေးပါသလဲဆိုတာကို ဆရာအော်ပီကျယ်ပြောပြတဲ့ ဥပမာလေးကို မျှဝေချင်ပါတယ်။
“အသိပညာဆိုတာ မမှောင်ခြင်းဖြစ်တယ်။ အလင်းရောင်ဖြစ်ပါတယ်။ ဥပမာ လမိုက်ညတစ်ညမှာ အပြင်လမ်းပေါ်ကို လျှောက်လှမ်းကြည့်လိုက်ပါ။ လမိုက်ညရဲ့ အမှောင်ထုထဲမှာ ဘာမှမမြင်ရဘူးဆိုရင် လျှောက်လှမ်းသူအနေနဲ့ မြွေလည်းကိုက်ခံရနိုင်ပါတယ်။ ကင်းခြေများ၊ ကင်းမြီးကောက်တိုလည်း ကိုက်ခံရနိုင်ပါတယ်။ ကျင်းထဲလည်း ကျရောက်သွားနိုင်ပါတယ်။ ဆူး ခလုတ် ငြောင့်များလည်း ဆူးနစ်ခြင်းကို ခံသွားရနိုင်ပါတယ်။ လျှောက်လှမ်းသူမှာသာ အလင်းရောင်ဖျော့တဲ့ ဂစ်မီးခြစ်လေးတစ်ခုသာပါမယ်ဆိုရင် မသက်ာတဲ့နေရာမှာ မီးခြစ်လေးကို အသုံးပြုပြီးတော့ ကြည့်လိုက်မယ်ဆိုရင် ဟ ဟိုရှေ့မှာတော့ ချောက်ကြီးဟ၊ ဟိုရှေ့မှာ ကွေးကောက်ကောက်ကြီးဟ မြွေလား တုတ်ချောင်လား စသည်ဖြင့် သိနိုင်ပါတယ်။ အမှောင်ထဲမှာ နည်းနည်းကလေး အလင်းရောင်ရရင်တောင်မှ ဘ၀မှာ အန္တရာယ်ကင်းရှင်းပါတယ်။ ဒီထက်သာပိုပြီးအလင်းရောင်ရှိတဲ့ လက်နှိပ်ဓာတ်မီးနဲ့ သေသေချာချာထိုးကြည့်ရင် ဟော…..ရှေကကောက်ကောက်ကြီးက သစ်ကိုင်းပါကွာ နောက်လူများ ခလုတ်မတိုက်အောင် ဘေးဖယ်ဦးမှ၊ ကောက်တာတော့ ကောက်နေတာ လှုပ်လှုပ်လှုပ်လှုပ်နဲ မြွေပဲဆိုတာ သိတာနဲ ထိုမြွေအန္တရာယ်မှ ရှောင်ရှားကာ လွတ်မြောက်နိုင်ပါတယ်။ ပညာဆိုတဲ့အလင်းရောင် နည်းနည်းရှိရုံမျှနဲ့ (အပြည့်အ၀သာဆို အတိုင်းထက်အလွန်ပေ့ါ) အန္တရာယ်စသည်မှ လွတ်မြောက်နိုင်တယ်ဆိုတာ သိစေဖို့ပါ။ အသိပညာသည် မိမိလိုချင်တာကိုလည်း ရအောင်ပေးစွမ်းနိုင်တယ်။ မလိုချင်တာလည်း မရအောင် လုပ်နိုင်သော အလင်းတရားဖြစ်ပါတယ်။ မမှောင်ခြင်းတရားကို ပေးပါတယ်။”…………ဆိုပြီး သိပ်ကောင်းတဲ့ နားလည်လွယ်နိုင်တဲ့ ဥပမာလေးပြောပြသွားပါတယ်။
ဒီတော့ မိမိလိုချင်တာကိုလည်း ရအောင်ပေးစွမ်းနိုင်တဲ့ မလိုချင်တာကိုလည်း မရအောင် လုပ်နိုင်တဲ့ အသက်အန္တရာယ်များမှ လွတ်မြောက်အောင် စောင်မပေးနိုင်သော ပန်းခင်းလမ်းကို ညွှန်ပြပေးနိုင်သော ထို ပညာဆိုတဲ့ အလင်းရောင်ကို ဘယ်လို ရယူရမလဲ၊ ဘယ်နေရာမှာ ဘယ်လိုနည်းနဲ့ ရအောင် လေ့လာဆည်းပူးရယူရမလဲဆိုတာ သိဖို့လိုအပ်လာပါတယ်။ အဲဒီ ပညာဆိုတဲ့ အလင်းရောင်ကို ဘယ်လိုနည်းများနဲ့ ဆည်းပူးရယူရမလဲဆိုတာကို ပြောပြချင်လို့ စာရေးသူ ဒီစာစုလေးကို ရေးလိုက်တာပါ။ ပညာအလင်းရောင် ရယူကြရအောင်ပါ။
မမေးမမြန်း၊ ဉာဏ်မြင်ကန်း၊ စုံစမ်း ဉာဏ်ကြီးသည်
သုဘလုလင်။ ။ ဘုန်းတော်ကြီးမြတ်တော်မူလှသော မြတ်စွာဘုရား လောကမှာ ပညာရှိသော လူများကိုလည်း တပည့်တော် တွေ့မြင်နေရပါတယ်။ ဥာဏ်ပညာကင်းမဲ့သော လူများကိုလည်း တပည့်တော် တွေ့မြင်နေရပါတယ် မြတ်စွာဘုရား။ မြတ်စွာဘုရား သူတို့မှာ လူလူချင်း အတူတူပင်ဖြစ်ကြပါလျှက် ထိုကဲ့သို့ ပညာတတ်လူတန်းစာ ပညာမဲ့လူတန်းစားတို့ကို တွေ့မြင်နေပါတယ်။ ထိုကဲ့သို့ ကွဲပြားခြားနားခြင်းရဲ့အကြောင်းအရင်းကား အဘယ်တရားဖြစ်ပါသလဲ၊ ဘယ်လိုအထောက့်အပံ့ဖြစ်ပါသလဲ မြတ်စွာဘုရား….။ ဟု သုဘလုလင်သည် ဗုဒ္ဓမြတ်စွာကို မေးမြန်းလျှောက်ထားပါတယ်။
ဒီတော့ ဗုဒ္ဓမြတ်စွာက အသိပညာကို ဘယ်လိုရယူဆည်းပူးရမယ်ဆိုတာ မသိနားမလည်တဲ့သူများဟာ အသိဥာဏ်ပညာကင်းမဲ့ကြသူများဖြစ်ပြီးတော့ အသိပညာ အတတ်ပညာကို ဘယ်လိုပုဂ္ဂိုလ်တွေဆီမှာ ဆည်းကပ်ရယူရမယ်၊ ဘယ်လိုပညာတွေကို ရယူဆည်းပူးရမယ်ဆိုတာကို ဂ,ဃ,န,ဏ သိနားလည်သူများဟာ အသိပညာဥာဏ်ကြီးပွားကြသူများဖြစ်တယ်ဆိုတာကို နားလည်သဘောပေါက်အောင် ရှင်းလင်းဟောကြားတော်မူခဲ့ပါတယ်။ အသိပညာကင်းမဲ့သူများဟာ အသိပညာကို ဘယ်လို ဘယ်ပုဂ္ဂိုလ်ဆီမှာ ဆည်းပူးလေ့လာသင်ယူရမယ်ဆိုတာ မသိလေတော့ သူ့သန္တာန်မှာ အသိပညာကင်းမဲ့နေတတ်ပါတယ်။ ဒီတော့ အသိပညာကို ရအောင် ဘယ်အရာတွေကို ဘယ်လုိုပြုလုပ်ရမယ် လေ့လာရမယ် ဆည်းပူးရမယ်ဆိုတာ သိထားဖို့ သိပ်ကိုလိုအပ်ပါတယ်။ အသိပညာကို ရရှိအောင် ဘယ်လိုလုပ်ရမလဲဆိုတော့……..
ဗုဒ္ဓမြတ်စွာ။ ။ သုဘလုလင် လောကမှာ မိန်းမပဲဖြစ်ဖြစ် ယောက်ျားပဲဖြစ်ဖြစ် အချိူ့သောသူများကတော့ ပညာရှိသော သမဏ ရဟန်းသူမြတ်များကိုလည်းကောင်း ဗြာဟ္မဏများကိုလည်းကောင်း ချဉ်းကပ်ပြီးတော့ “အရှင်မြတ်ဘုရား အဘယ်တရားဟာ ကုသိုလ်တရား ကောင်းကျိူးတရားကို ပေးတတ်သောတရား အပြစ်ကင်းတဲ့တရားဖြစ်ပါသလဲဘုရား၊ အဘယ်တရားဟာ အကုသိုလ်တရား မကောင်းသောအကျိူးတရားကို ပေးစွမ်းတတ်သောတရား အပြစ်ရှိတဲ့တရားဖြစ်ပါသလဲဘုရား။ အဘယ်တရားကို မှီဝဲလိုက်နာကျင့်ကြံထိုက်ပါသလဲဘုရား၊ အဘယ်တရားဟာ မမှီဝဲသင့်တဲ့တရား လိုက်နာကျင့်ကြံမှု့ မပြုထိုက်တဲ့တရားဖြစ်ပါသလဲဘုရား၊ အဘယ်သို့ပြုလုပ်သော် တပည့်တော်မှာ ကြာမြင့်စွာသောကာလပတ်လုံး ဆင်းရဲခြင်း အကျိူးမဲ့ စီးပွားမဲ့ခြင်းငှါ ဖြစ်ပါသလဲဘုရား။ အဘယ်သို့ပြုလုပ်သော် တပည့်တော်မှာ ရှည်မြင့်စွာသော ကာလပတ်လုံး စီးပွားတိုးတက်ခြင်း ချမ်းသားခြင်းငှာ ဖြစ်ပါသလဲဘုရား……။” စသည်ဖြင့် ရိုသေစွာ ဆည်းကပ်ပြီးတော့ အဖန်ဖန် မေးမြန်းခြင်းကိုပြုလုပ်ရပါမယ်။ ထိုကဲ့သို ကုသိုလ် အကုသိုလ်စသည်ကို ပညာရှိသူမြတ်များထံ ဆည်းကပ်မေးခြင်း၊ ဆွေးနွေးခြင်း၊ စုံစမ်းခြင်းများကိုပြုလုပ်တဲ့သူများမှာသာ အသိပညာကို ရရှိနိုင်မှာ ဖြစ်ပါတယ်..ဆိုပြီးတော့ ဗုဒ္ဓက ဟောကြားတော်ခဲ့ပါတယ်။
ပညာရှိသူမြတ်များထံမှာ မေးမြန်းဆည်းကပ်တဲ့အခါမှာ ရှောင်ရှားရမည့်တရား၊ ပွားများရမည့်တရားကို ပိုင်းခြားစွာ သိမြင်နိုင်မှာဖြစ်ပါတယ်။ ခွဲခြားသိမြင်တဲ့အတိုင်း ရှောင်အပ်တဲ့တရားကို ရှောင်းရှားပြီးတော့ ပြုအပ်ပွားများအပ်တဲ့တရားကို ပွားများအားထုတ်တဲ့အခါမှာတော့ ဆင်းရဲကင်းကာ ချမ်းသာခြင်းများကိုသာ လက်ရှိဘ၀မှာ ခံစားရမှာဖြစ်ပြီး မိမိတို့မှာ အသိပညာနဲ့ပြည့်စုံတဲ့သူဖြစ်ပါတယ်။
အသိပညာရှိတဲ့သူဆိုတာ ဘယ်တရားဟာ အပြစ်ကင်းတဲ့ အကျိူးစီးပွားကိုဖြစ်စေတဲ့ ချမ်းသာခြင်းကိုဖြစ်စေတဲ့ ကုသိုလ်တရား၊ အဘယ်တရားဟာ အပြစ်မကင်းတဲ့ အကျိူးစီးပွားကို ပျက်စီးစေတဲ့ ဆင်းရဲခြင်းကိုဖြစ်စေတဲ့ အကုသိုလ်တရား၊ ဘယ်အရာဟာ မှန်ကန်တဲ့တရား မှားယွင်းတဲ့တရား၊ အဘယ်အရာဟာ ပြုလုပ်သင့်တဲ့ ပြုလုပ်အပ်တဲ့ ပြုလုပ်ရမည့်တရား၊ အဘယ်အရာဟာ မပြုလုပ်ရမည့် မပြုလုပ်အပ်တဲ့ မပြုလုပ်သင့်တဲ့တရားများကို ခွဲခြားနားလည်သိမြင်နိုင်တဲ့ ဥာဏ်ပညာရှိသူများကိုပဲ ဆိုလိုတာပါ။ စုတေပြီးနောက်ဘ၀မှာလည်းပဲ ကောင်းမြတ်တဲ့ဘုံဘ၀ကို ရောက်ရှိခံစားရမှာဖြစ်ပါတယ်။ ဒါကတော့ အသိပညာရှိသူများရဲ့ အကျိူးတရားကို ပြဆိုထားတာဖြစ်ပါတယ်။
ဗုဒ္ဓမြတ်စွာ အလောင်းတော် သရဘင်္ဂရသေ့ဘ၀တုန်းကဖြစ်ပါတယ်။ တစ်နေ့တော့ သိကြားမင်းဟာ အလောင်းတော် သရဘင်္ဂရသေ့သူမြတ်ထံ ချဉ်းကပ်ပြီးတော့ “သရဘင်္ဂရသေ့ အရှင်သူမြတ်ဘုရား ပညာရှိဖြစ်ဖို့အတွက် ပညာရရှိဖို့အတွက် ဘယ်လိုများ ကျင့်ကြံရပါမလဲ ဘုရား”ဆိုပြီး ပညာရှိဖြစ်ဖို့အတွက် မေးမြန်းလျှောက်ထားလေတော့ အလောင်းတော် သရဘင်္ဂရသေ့က “ဒါယကာ အရှင်သိကြားမင်း၊ အသိပညာကို ရရှိဖို့အတွက် ပညာရှိဖြစ်ဖို့အတွက် မိမိထက် အသက်အရွယ်ကြီးမြတ်ကုန်သော သိမ်မွေ့သော ပညာရှိကုန်သော အကြားအမြင်ဗဟုသုတပြည့်ဝကြကုန်သော ပုဂ္ဂိုလ်များကို ဆည်းကပ်မှီဝဲရပါမယ်။” ဒါဟာ အသိပညာရရှိကြောင်း တစ်ခုပဲဖြစ်ပါတယ်။
“ဒါယကာ သိကြားမင်း၊ အသိပညာရရှိဖို့အတွက် ပညာရှိဖြစ်ကုန်သော အကြားအမြင်ဗဟုသုတပြည့်ဝကြကုန်သော ပုဂ္ဂိုလ်များထံမှာ မှီဝဲဆည်းကပ်ပြီးတော့ လေ့လာဆည်းပူးရပါမယ်။” ပညာရှိသူမြတ်များထံ မှီဝဲဆည်းကပ်ပြီးတော့ နားထောင်ရုံမျှတင်မဟုတ်ဘဲ ပညာရှိသူမြတ်များ ဟောပြသင်ပြပေးလိုက်တဲ့ ကောင်းမြတ်တဲ့တရားများကို မိမိသန္တာန်မှာ တည်ရှိအောင် ကိန်းနေအောင် ဂရုတစိုက် လေ့လာသင်အံလေ့ကျင့်ရမယ်ဆိုတာကို ပြောလိုတာပါ။ ဒီဘက်နားဝင် ဟိုဘက်နားက ပြန်ထွက်သွားတာမျိူး ပြောပြနေစဉ်သာ သိပြီး နောက်တစ်ရက်မေ့သွားတာမျိူးမဖြစ်ရလေအောင် သေသေချာချာ လေးလေးစားစား ကြိုးကြိုးစားစာ သင်ယူမှသာ ပညာကိုရရှိမှာဖြစ်ပါတယ်။
“ဒါယကာ သိကြားမင်း၊ အသိပညာရရှိဖို့အတွက် ပညာရှိကုန်သော အကြားအမြင် ဗဟုသုတပြည့်ဝကြကုန်သော ရဟန်းရှင်,လူ, သူမြတ်များကို မိမိစိတ်ထဲမှာ မရှင်းလင်းသေးတဲ့အကြောင်းအရာ၊ သိချင်တဲ့အရာများကိုလည်း မေးမြန်း စုံစမ်းရပါမယ်။” မေးမြန်းစုံစမ်းခြင်းဟာလည်းပဲ အသိပညာ ရရှိခြင်းအကြောင်းတစ်ခုဖြစ်ပါတယ်။
“ဒါယကာ သိကြားမင်း၊ အသိပညာရရှိဖို့အတွက် အကြားအမြင် ဗဟုသုတပြည့်ဝကြကုန်သော ပညာရှိသူတော်မြတ်များက ဟောပြ ဆုံးမတဲ့အခါမှာလည်းပဲ ရိုရိုသေသေ လေးလေးစားစားနဲ့ လိုက်နာသင်ယူရပါမယ်။” မိမိက ပညာသင်ယူလေ့လာနေတဲ့အခါမှာ ရိုရိုသေသေလေးလေးစားစား သတိတရားလေးထားပြီး မလေ့လာ မနာယူဘူးဆိုပါက ဘာပြောသွားတယ်၊ ဘာသင်ပြသွားတယ်ဆိုတာကို သိနိုင်မှာမဟုတ်ပါဘူး။ ဒီတော့ အသိပညာရရှိဟာ လုံးဝအလှမ်းဝေးသွားမှာပါ။ ဒါကြောင့် ဆရာသမား ပညာရှိသူတော်မြတ်များ ဟောပြ သင်ပြနေတဲ့အခိုက်မှာ ရိုရိုသေသေ နားထောင်ပြီး သင်ယူရမယ်လို့ဆိုတာပါ။ ဒီလေးချက်ကတော့ အလောင်းတော်သရဘင်္ဂရသေ့ရဲ့ အသိပညာရရှိုဖို့အတွက် ကျင့်ကြံရမည့် နည်းလမ်းလေးသွယ်ကို အမေးရှိထားတဲ့ သိကြားမင်းအား ဖြေကြားတော်မူခြင်းဖြစ်ပါတယ်။ ဒီအကြောင်းလေးချက်ကို လေးလေးနက်နက်လိုက်နာပြီး ကျင့်ကြံမယ်ဆိုပါက အသိပညာများရရှိပြီးတော့ ပညာရှိဖြစ်မှာ မလွဲပါဘူး။
အလောင်းတော် သရဘင်္ဂရသေ့က ပညာရှိဖြစ်သွားပြီဆိုရင် ရရှိမည့်အကျိူးတရားများကို ဆက်လက်ပြောပြထားပါသေးတယ်။ အသိပညာရှိသူဖြစ်သွားပြီဆိုရင် “ဒါယကာ သိကြားမင်း၊ ပညာရှိတဲ့သူဟာ ၀တ္ထုအာရုံ ကာမဂုဏ်တရားတို့ကို မမြဲခြင်း အနိစ္စဟူ၍လည်းကောင်း၊ အဖြစ်အပျက်တို့နှင့် အနှိပ်စက်ခံနေရသောကြောင့် ဒုက္ခ ဆင်းရဲခြင်းပဲ ဟူ၍လည်းကောင်း၊ ဒီဝတ္ထုအာရုံကာမဂုဏ်တရားတွေဟာဖြင့် ဆင်းရဲရောဂါအမျိူးမျိူး ကျရောက်ကြောင်းတွေဖြစ်လို့ ဘေးတွေပါပဲဟူ၍လည်းကောင်း သိမြင်ဆင်ခြင်လာနိုင်ပါတယ်။ ဒီလိုသိမြင်ဆင်ခြင်လာနိုင်တဲ့အခါမှာ ၀တ္ထုအာရုံ ကာမဂုဏ်တွေကို (လောဘ, ဒေါသ,များကို) တဒဂ်ပဟာန်ဖြင့် ပယ်ရှားနိုင်ပါတယ်။” ဒီ လောဘ ဒေါသတွေကိုသာ တဒဂ်ပယ်သတ်ထားပြီဆိုရင် ထိုသူရဲ့သန္တာန်မှာ အင်မတန်ငြိမ်းချမ်းနေမှာ သေချာပါတယ်။ မိမိကို အကြောင်းပြုပြီးတော့ မိမိရဲ့ မိသားစု၊ မိတ်ဆွေသူငယ်ချင်း၊ ပတ်ဝန်းကျင်တို့မှာလည်းပဲ ငြိမ်းချမ်းသာယာနေမှာပါ။
အင်းဝခေတ် ရွှေနန်းကြော့ရှင်လက်ထက်က အရှင်မဟာရဋ္ဌသာရ ရေးချပြခဲ့တဲ့ ပညာသင်ယူပုံနည်းစနစ်ဟာလည်း ပညာသင်ယူနေသူတစ်ယောက်အနေနဲ့ မမေ့ထားသင့်တဲ့ နည်းတစ်ခုဖြစ်သလို တကယ့်လက်တွေ့ကျကျ လိုက်နာကြည့်ဖို့ကောင်းပါတယ်။ အရှင်မဟာရဋ္ဌသာရက သက်တော် ၅၅နှစ်မှာ ရေးစပ်ခဲ့တဲ့သူ၏ ဂမ္ဘီသာရပျိူ့မှာရေးသားလမ်းပြထားခဲ့တာပါ။
"သု, စိ, ပု, ဘာ၊ ၀ိ, လိ, သိ, ဓာ”
"သု, စိ, ပု, ဘာ၊ ၀ိ, လိ, သိ, ဓာ၊ အက္ခရာစွဲသုံး၊ ဤရှစ်လုံးကို၊ သီးကုံးပန်းသွင်၊ နေ့တိုင်းဆင်လော့"တဲ့။ အရှင်မဟာရဋ္ဌသာရရဲ့ ပညာရေး စနစ်က ဒီမူရှစ်ချက်နဲ့ပါ။ "သု စိ ပု ဘာ၊ ၀ိ လိ သိ ဓာ”ဆိုတဲ့ အတိုချူပ် ပါဠိစကားများရဲ့ အဓိပ္ပါယ်ကတော့ အောက်မှာ ရှင်းပြထားပါတယ်။
“သု = သုဏေယျ။ သင်ပြတာကို နားစိုက် ထောင်ရမယ်။
စိ = စိန္တေယျ။ သင်ပြီးသားကို ကြံစည်တွေးတော သုံးသပ်ရမယ်။
ပု = ပုစ္ဆေယျ။ နားမလည်တာရှိရင် ဆရာကို ပြန်မေးရမယ်။ ကိုယ့်ထက် အတန်းကြီးတဲ့သူကို မေးရမယ်။
ဘာ = ဘာသေယျ။ ကျောင်းသူကျောင်းသား အချင်းချင်း သင်္ခန်းစာကို ပြောဆို ဆွေးနွေး တိုင်ပင်ရမယ်။
ဝိ = ၀ိစာရေယျ။ သင်ယူခဲ့တာ ဆွေးနွေးခဲ့တာတွေကို ပြန်ပြီး ဆင်ခြင် သုံးသပ်ရမယ်။
လိ = လိက္ခေယျ။ အရေးအသား လေ့ကျင့်ရမယ်။ သိထားတာကို ပြန်ပြီး တင်ပြ တတ်အောင် လေ့ကျင့်ရ မယ်။
သိ = သိက္ခေယျ။ စာသိကို လက်တွေ့ ကျင့်သုံးရမယ်။ ဘ၀အတွက် အသုံးချ ရမယ်။
ဓာ = ဓာရေယျ။ သင်ထားသမျှ မမေ့အောင် ဆောင်ထားရမယ်”……လို့ဆိုထားပါတယ်။
လုံးဝနားလည်နိုင်တဲ့ စာဖြစ်နေတာမို အကျယ်မရေးတော့ပါဘူး။ ဒီမူရှစ်ချက်သာ ပညာလေ့လာရှာမှီးနေသူတစ်ယောက်အနေနဲ့ နေ့စဉ် လိုက်နာ အသုံးချနေဖြစ်မယ်ဆိုပါက ပညာရရှိဖို့ လုံးဝသေချာပါတယ်။
စာရေးသူ ဘာသာစကားတစ်ခုကို လေ့လာတဲ့နေရာမှာ “သုဿုသာ လဘတေ ပညံ-အသိပညာ အလိမ္မာတို့ကို ရရှိဖို့အတွက် ပညာရှိတို့ရဲ့စကားကို ရိုရိုသေသေ နားထောင်ရမယ် တစ်နည်းအားဖြင့် ပညာရရှိုဖို့အတွက် နားထောင်ရမယ်”ဆိုတဲ့ ဗုဒ္ဓမြတ်စွာရဲ့ အဆုံးအမစကားအတိုင်း၊ အရှင်မဟာရဋ္ဌရဲ့ ပညာရေးစနစ်က ပထမနည်းစနစ်ဖြစ်တဲ့ “သုဏာတိ-ဆရာ, ပညာရှိသူများ သင်ပြ ဟောပြတာကို လေးလေးစားစား နားထောင်ရမယ်” ဆိုတဲ့အဆုံးအမအတိုင်း လေ့လာသင်ယူရတာကို ပိုနှစ်သက်ပါတယ်။ ဒီနားထောင်ခြင်းဖြင့် လေ့လာတာပိုပြီးများပါတယ်။ စာရေးသူ ဒီနည်းစနစ်ကို ပိုပြီးနှစ်သက်ခြင်းအကြောင်းတစ်ခုရှိပါတယ်။ စဉ်းစားမိမလားမသိဘူး။ ဘာသာစကားတစ်ခုကို ပြောနိုင် နားလည်နိုင်ဖို့အတွက် ဦးစွာပထမ နားထောင်ခြင်းဖြင့် လေ့လာသင်ယူခြင်းကနေ တတ်မြောက်လာတယ် ပြောဆိုနိုင်လာတယ် သူများပြောတာကို နားလည်နိုင်လာတယ်ဆိုကိုပါ။ ဥပမာအားဖြင့် စာရေး/ဖတ်သူတို့ မိခင်ဘာသာစကားကို အတန်းပညာလေ့လာသင်ယူခြင်းမပြုခင်ကတည်းက ပြောဆိုတတ်နေပြီးသား မိဘများနဲ တစ်ပါးသူတို ပြောဆိုစကားများကို နားလည်နေပြီးသားဖြစ်ပါတယ်။ ဒီလို ပြန်လည်ပြောတတ် နားလည်နိုင်စွမ်းဟာ သူတို့ပြောစကားများကို နားထောင်ခြင်းကြောင့်ပါပဲ။
ပယ်လျှင်မာန ပညာရ
စကားပုံတစ်ခုရှိပါတယ်။ “ပညာရှာ ပမာသူဖုန်းစား၊ ပညာလိုလျှင် မာနစင်၊ မာနကိုဝှက် ပညာဆက်၊ ပယ်လျှင်မာန ပညာရ။” အင်္ဂလိပ်စကားဆိုမှာတော့ “In Seeking education one should be humble like beggars.” ဆိုပြီးတော့ ရှိပါတယ်။ ဒီတော့ ပညာရှာမှီးနေတဲ့အခါမှာ မိမိရဲ့မာနကို ထောင်လွှားပြနေမယ်ဆိုရင်တော့ မိမိရဲ့သန္တာန်မှာ ဘယ်တော့မှ အသိပညာ အတတ်ပညာများကို ရရှိလာမယ် တတ်မြောက်လာမယ် မဟုတ်ပါဘူး။ ငါသိတယ် ငါတတ်တယ် မင်းတို့ဘာမှမသိပါဘူး စတဲ့ ငါ…..ဆိုတဲ့မာန ထောင်လွှားပြနေမယ်ဆိုပါက မည်သူကမျှ ဆုံးမ သွန်သင် ညွှန်ပြနေမှာ မဟုတ်ပါဘူး။ သနားစရာ သတ္တ၀ါတစ်ကောင်လို့ သဘောထားကာ ဥပေက္ခာပြုသွားကြမှာပါ။ အရေးမလုပ် နှာခေါင်းရှုံ့သွားကြမှာပါ။ ဒီတော့ ပညာရရှိဖို့အတွက် မာနမထားပါနဲ့။ ပညာရဖို့ မာနလေးသာ ပယ်ဖြစ်အောင် ပယ်လိုက်ပါ။
ပယ်လျှင် ထိန/မိဒ္ဓ ပညာရ
လောကနီတိမှာ အဆိုတစ်ခုရှိပါတယ်။ “ပျင်းသောသူမှာ အတတ်ပညာ ဘယ်မှာ တတ်အံ့နည်း” ပျင်းရိထိုင်းမှိုင်းနေတဲ့သူဟာ ဘယ်တော့မှ အသိပညာ အတတ်ပညာကို ရရှိမှာ မဟုတ်ပါဘူး။ ပြောပြောနေကြတဲ့ စကားတစ်ခုရှိတယ်။ “ပျင်းတယ်ဆိုတာ နာမည်သာ မကောင်းတာဗျ လူတော့ တော်တော်လေးသက်သာတယ်” တဒဂ်အတွက်တော့ ၀ီရိယစိုက်ထုတ်ကာ အားမထုတ်ဘဲ မလုပ်လိုက်ရတာကြောင့် သက်သာသွားတာတော့ မှန်ပါတယ်။ အနာဂတ်လမ်းမှာတော့ ပညာမဲ့သူတစ်ယောက်ရဲ့ဘ၀ဟာ သိပ်ကို ခက်ခဲ ပင်ပန်းစရာကောင်းမှာ သေချာပါတယ်။ ဒီတော့ အတတ်ပညာ အသိပညာကို ရရှိဖို့အတွက် ထိန မိဒ္ဓ ပျင်းရိခြင်း ထိုင်းမှိုင်းခြင်းတွေကို ပယ်ရှားထားရပါတယ်။ ပျင်းရိနေမယ်ဆိုရင်တော့ အတတ်ပညာကို ဘယ်လိုနည်းနဲ့မျှ ရရှိလာမှာ မဟုတ်ပါဘူး။
အတတ်ပညာမရှိရင် ဘာဖြစ်မှာမို့လဲလို့ စောဒကတက်ချင်သူများအတွက် လောကနီတိက ဆက်ဖွင့်ဆိုပြထားပါတယ်။ “အတတ်ပညာ မရှိသောသူအား ဥစ္စာ အဘယ်မှာ ရအံ့နည်း။”တဲ့။ ဒါဟာ အတတ်ပညာ အသိပညာကင်းမဲ့သူရဲ့ ပထမ ဆိုးကျိူးတရားဖြစ်ပါတယ်။ အခုခေတ်အခုခါဆို ပိုပြီးသိသာပါတယ်။ လုပ်ငန်းတစ်ခုမှာ အလုပ်ဝင်လျှောက်တဲ့အခါမှာ ပထမဦးစွာ ထိုသူတစ်ယောက်ရဲ့ ပညာအရည်အချင်းကို စစ်ကြည့်ပါတယ်။ နောက်မှ လုပ်သက် စတာတွေလာပါတယ်။ အတတ်ပညာမရှိရင် ဘယ်သူကမျှ အလုပ်မခန့်ချင်ကြပါဘူး။ တစ်ခုတော့ ရှိတာပေ့ါ။ အတတ်ပညာမရှိသူများအတွက်တော့ ကုန်ထမ်းတဲ့ကူလီအလုပ်နေရာများမှာတော့ ရနိုင်ပါတယ်။ ပင်ပန်းတာပေ့ါ၊ ပင်ပန်းသလောက်လည်း တန်အောင် အကျိူးအမြတ်က မရရှိကြပြန်ဘူး။
မိမိကသာ အတတ်ပညာရှိမယ် အသိပညာနဲပြည့်စုံမယ်ဆိုရင် ကိုယ်၌က ကြေးတောင်းလို့ရပါတယ်။ ဒီလိုသာဆိုရင် အလုပ်ကလည်းကောင်းကောင်းရမယ်၊ ပင်ပင်ပန်းပန်း လုပ်ကိုင်ရတဲ့ အလုပ်မျိူးလည်း မဟုတ်ပါဘူး။ ပြီးတော့ မိမိရဲ့ပညာနဲတန်တဲ့ လုပ်အားခကို ကောင်းကောင်းရရှိနိုင်ပါတယ်။ အသိပညာ အတတ်ပညာ မရှိတဲ့သူမှာ ဥစ္စာမရရှိနိုင်ဘူးဆိုတာ ဒီအကျဉ်းသဘောလေးနဲ့တင် နားလည်နိုင်ပါတယ်။ လောကမှာ အသိပညာမရှိသူတွေ ချမ်းသာနေတာ ပေါပ့ါဟု စောဒက တက်လာနိုင်ပါသည်။ ဟုတ်ပါတယ်၊ ပညာမတတ်တဲ့သူတွေ ချမ်းသာနေတာ လောကမှာ ရှိပါတယ်။ ဒါပေမယ့် သူတို့ ချမ်းသာခြင်းဟာ တာရှည်မခံပါဘူး။ ပညာမရှိတဲ့သူကို သူရှာဖွေထားတဲ့ ပစ္စည်းဥစ္စာများက ဘ၀ပျက်အောင် ပြန်လည် သတ်ဖြတ် ဖျက်ဆီးတတ်၏၊ ဆိုပြီး ဗုဒ္ဓမြတ်စွာ မိန့်မှာထားတာရှိပါတယ်။ အထင်ရှားဆုံး ဥပမာကတော့ ကုဋေရှစ်ဆယ်သူဌေးသားကိုပဲ ပြရမှာပါပဲ။ အသိပညာမရှိဘူးဆိုရင် မိမိရှာဖွေထားတဲ့ ပစ္စည်းဥစ္စာကို ထိန်းသိမ်းရမယ်ဆိုတာ မသိနိုင်ပါဘူး။ ဘယ်လိုအကျိူးရှိတဲ့နေရာတွေမှာ အသုံးပြုရမယ် ရင်းနှီးမြှပ်နှံရမယ်ဆိုတာ မသိပါဘူး။ သောက်သောက်စားစား လူမင်းသားဘ၀ကနေ (စကားလုံးကြမ်းတယ်ထင်က နားလည်ပေးပါ) လမ်းတကာ လျှောက်သွား သူတောင်းစားဘ၀ကို ရောက်ရှိသွားမှာ သေချာပါတယ်။
ပစ္စည်းဥစ္စာမရှိတဲ့သူမှာ အဆွေခင်ပွန်း အလွန်အင်မတန်ရှားပါးပါတယ်ဆိုပြီးတော့ “ဥစ္စာမရှိသောသူအား အဆွေခင်ပွန်း အဘယ်မှာ ရအံ့နည်း”ဟု ဆက်လက်ပြဆိုထားပါတယ်။
အဆွေခင်ပွန်းကောင်းသာ မိမိဘ၀မှာ တစ်ဦးတစ်လေမျှ မရှိဘူးဆိုရင် ချမ်းသာမှု့နဲ့ ကင်းဝေးမှာ သေချာပါတယ်။ ဒါနဲပတ်သက်လို့ “အဆွေခင်ပွန်း မရှိသောသူအား ချမ်းသာ အဘယ်မှာ ရအံ့နည်း”ဆိုပြီးတော့ လောကနီတိက ဆက်ဆိုထားပါတယ်။ ချမ်းသာမရှိတဲ့သူအတွက် မကောင်းသော အကျိူးဆက်ကတော့ “ချမ်းသာ မရှိသောသူအား ကောင်းမှု့ အဘယ်မှာ ရအံ့နည်း” ဟု ဆက်ဆိုထားသလို ထိုကောင်းမှု့သာ မရှိဘူးဆိုရင် ဖြစ်ပေါ်လာမယ့် အကျိူးဆက်ကတော့ “ကောင်းမှု့ မရှိသော သူအား နိဗ္ဗာန် အဘယ်မှာ ရနိုင်အံ့နည်း”ဆိုပြီး ပြထားပါတယ်။
နားလည်အောင် သေသေချာချာ လေးလေးနက်နက် စဉ်းစားကြည့်လိုက်မယ်ဆိုရင် အသိပညာ အတတ်ပညာဟာ ဘ၀လွတ်မြောက်ရေးအတွက်မှာ အင်မတန် အရေးပါတဲ့ အထောက်အပံ့တစ်ခု၊ အရာတစ်ခု တန်ဖိုးကြိးမားတဲ့အရာတစ်ခုဖြစ်တယ်ဆိုတာကို လောကနီတိမှာပြဆိုထားတဲ့စာသားကို ကြည့်ခြင်းအားဖြင့် သိမြင်နိုင်ပါတယ်။ ဒါကြောင့် ပစ္စုပ္ပန်ချမ်းသာရေးအတွက်တင်မက ဘ၀လွတ်မြောက်ရေး ချမ်းသာအထိပါ ပေးစွမ်းနိုင်တဲ့ အသိပညာ အတတ်ပညာကို ရရှိအောင် သင်ယူလေ့လာထားသင့်ပါတယ်။ အတတ်ပညာ အသိပညာကို ရရှိဖို့အတွက်တော့ မပျင်းပါနဲ့။ ပျင်းရင် ဖျင်းတတ်တယ်ဆိုတဲ့ စကားအတိုင်း ပျင်းပြီဆိုတာနဲ့ အရာရာမှာ ဖျင်းသွားတတ်ပါတယ်။ ဖျင်းသွားပြီဆိုမှတော့ ဘယ်နေရာမှာမှ အသုံးဝင်တဲ့အရာ ဖြစ်လာမှာ မဟုတ်ပါဘူး။ ဒီလိုသာဆို မိမိဘ၀ဟာ အပယ်ခံ စွန့်ပစ်ခံဘ၀နဲ့ လမ်းဘေးရောက် ဘ၀ပျောက်သွားမှာပါ။
စာဖတ်သူ အသိပညာရှင်ဖြစ်ဖို့ အတတ်ပညာရှင်ဖြစ်ဖို့အတွက် ပညာကိုလိုလားသူ၊ ပညာကို မြတ်နိုးသူ၊ ပညာကို ဆည်းပူးနေသူ၊ ပညာကို လေ့လာနေသူဖြစ်တဲ့ စာဖတ်သူအနေနဲ့ စာဖတ်သူရဲ့ ဆန္ဒတစ်ခု ပြည့်ဝသွားစေဖို့ ဖော်ပြပါ ပညာရှိသူမြတ်များရဲ့ အဆုံးအမ နည်းလမ်းများကို စာတွေ့တင်မဟုတ်ဘဲ လက်တွေ့ကျကျ နေ့စဉ်ဘ၀တိုင်းမှာ နှစ်သက်တဲ့နည်းတစ်ခုလောက်ဖြစ်ဖြစ် အသုံးပြုလိုက်နာ ကျင့်ကြံကြည့်လိုက်ဖို့ ဆန္ဒပြုလိုပါတယ်။ ဘာဖြစ်လို့လည်းဆိုတော့ အတတ်ပညာ အသိပညာများဟာ ပစ္စုပ္ပန် ဒီဘ၀မှာရော ဘ၀လွတ်မြောက်ရေး ချမ်းသာအစစ်အမှန်နေရာအထိပါ ပို့ဆောင်ပေးနိုင်တဲ့ တန်ဖိုးရှိတဲ့ အရာတစ်ခု ဖြစ်နေလို့ပါပဲ။
“Wisdom never appear in our mind as long as craving, hatred, ignorant, illusion maintain in our mind”
(ဥယျာဉ်မှူးလေး)
Read more...
