ဒေါက်တာရာဟုလာ၏မွေးနေ့မင်္ဂလာ ဖိတ်ကြားလွာ

ရန်ကုန်မြို့၊ ဇယမင်္ဂလာ ဗုဒ္ဓ၀ိဟာရ (မိုးကုတ်ဝိပဿနာ ဓမ္မရိပ်သာ)၊ မလေးရှားနိုင်ငံ၊ ဂျိုဟိုးမြို့၊ ဇယမင်္ဂလာ ဗုဒ္ဓ၀ိဟာရ (ပရဟိတ ကျောင်းတော်)၊ စင်္ကာပူနိုင်ငံ၊ ဇယမင်္ဂလာ ဗုဒ္ဓ၀ိဟာရ (မိုးကုတ်ဝိပဿနာ ဓမ္မရိပ်သာ)၊ Jayamangala Buddhist Vihara, JBV တို့၏ နာယကချုပ်၊ အနန္တမေတ္တာ အထွေထွေ ၀က်ဘ်ဆိုက်၏ အုပ်ချုပ်ရေးမှုး ဆရာတော်ဖြစ်တော်မူသော ဘဒ္ဒန္တ၀ိစိတ္တ (အနန္တမေတ္တာ ဒေါက်တာရာဟုလာ)၏ မွေးနေ့ကို အောက်ပါအတိုင်း စည်းကားသိုက်မြိုက်စွာ ကျင်းပမည်ဖြစ်ပါ၍ ဆွေတော်မျိုးတော်အပေါင်း တို့အား ခင်မင်ရင်းနှီးစွာ ဖိတ်ကြားအပ်ပါသည်။

နေ့ရက် - 23/07/2011 (စနေနေ့)

အချိန် - နံနက်(၉)နာရီ မှ ညနေ(၉)နာရီထိ

နေရာ - Jayamangala Buddhist Vihara

23A Jalan Mas Puteh, Along West Coast Road, Singapore 128628.

Tel: 6778 1678

(opposite Blk 701, Near Esso Station)

Pls alight at 2nd stop (Esso bus stop) from Clementi MRT area (NTUC) bus stop by

(bus 78/285)

ကြွရောက်လာသော ဓမ္မမိတ်ဆွေများကို ရခိုင်မုန့်တီဖြင့် ဒါနပြုရန် စီစဉ်ထားပါသည်။

မှတ်ချက် - နံနက်ပိုင်း ဥပုသ်ယောဂီများအတွက် မြန်မာထမင်းဟင်း နှင့် ရခိုင်မုန့်တီ စသောအာဟာရဒါနများဖြင့် စီစဉ်ထားပါသည်။

Read more...

ကဗျာလင်္ကာ

မ္မပဒအဋ္ဌကထာ ဒုတိယအုပ်

ပါပဆိုတာ မကောင်းတာ ပြုလုပ်ပါက ဒဏ်တွေလာ၊ (ပါပ၀ဂ္ဂ)

ဒဏ်တွေဆိုတာ ဆင်းရဲရာ ဒဏ္ဍ၀ဂ်မှာ ပြထားပါ၊ (ဒဏ္ဍ၀ဂ္ဂ)

ဒဏ်နာကြောင့်သာ အိုလွယ်တာ ဇရာဆိုတာ ကြောက်စရာ၊ (ဇရာဝဂ္ဂ)

ကြောက်စရာမှ လွတ်နိုင်ရာ ကိုယ်တိုင်သာလျှင် ပြုရမှာ၊ (အတ္တ၀ဂ္ဂ)

ကြောက်စရာတွေ များလှတာ လောက၀ဂ်မှာ ပြထားပါ၊ (လောက၀ဂ္ဂ)

ဗုဒ္ဓ၀ဂ်မှာသိစရာ ကိုယ်တိုင်ပြုရာ မမှားပါ၊ (ဗုဒ္ဓ၀ဂ္ဂ)

မမှားလျှင်သာ ချမ်းသာပါ သုခ၀ဂ်မှာ တွေ့အောင်ရှာ၊ (သုခ၀ဂ်)

အစွဲများလျှင် လွန်ချစ်ခင် တွင်တွင်ဆင်းရဲမှာ၊ (ပိယ၀ဂ္ဂ)

သည်းခံနည်းလျှင် ကောဓ၀င် အမှန်ဆင်းရဲရာ၊ (ကောဓ၀ဂ္ဂ)

တဏှာ၊ကောဓ နှစ်ဝမှာ မလဟုလည်း ခေါ်ကြပါ၊ (မလ၀ဂ္ဂ)

မလကင်းအောင် နေထိုင်ပါ ဓမ္မ၀ဂ်က ညွှန်ပြမှာ၊ (ဓမ္မဋ္ဌ၀ဂ္ဂ)

ညွှန်ပြတိုင်းသာ လိုက်နာပါ လမ်းဖြောင့်တွေ့မည်သာ၊ (မဂ္ဂ၀ဂ္ဂ)

စုံစုံလင်လင် ရောပြွမ်းယှဉ် ပကိဏ္ဏကမှာ တွေ့မည်ပင်၊ (ပကိဏ္ဏက၀ဂ္ဂ)

မသန့်စဉ်လျှင် ဆင်းရဲယှဉ် နိရယဟုဆိုသည်ပင်၊ (နိရယ၀ဂ္ဂ)

သန့်စဉ်လျှင်သာ ဆင်ပြောင်ပမာ တည်ကြည်ချမ်းသာ ကုသိုလ်လာ၊ (နာဂဝဂ္ဂ)

ကုသိုလ်လည်းပဲ မစွဲဘဲ တဏှာ လွတ်အောင်ခဲ၊ မလွတ်နိုင်လျှင် သံသရာဝဲ၊ (တဏှာဝဂ္ဂ)

ကုသိုလ်များခင် ရဟန်းဘ၀တွင် ထွက်မြောက်လမ်းတွေ ရှိသည်ပင်၊ (ဘိက္ခုဝဂ္ဂ)

ထွက်မြောင်လမ်းစဉ် အစဉ်စွဲ ဗြာဟ္မဏဖြစ်မည် ဧကန်မြဲ၊ (ဗြဟ္မဏ၀ဂ္ဂ)

ဓမ္မပဒအဋ္ဌကထာ ၀ဂ်ပေါင်းမှာက နှစ်ဆယ်ခြောက်ပါ

သိစရာများစုံလှတာ ဗုဒ္ဓတရား အကျဉ်းပြကာ

ထေရ၀ါဒပြန့်စေတာ ဓမ္မပဒကအရေးပါ

ဓမ္မပဒကြေညက်ရင်

အဖြေအတွက်

မခက်ပင်

သို့တွက်ကြောင့်သာ

များသူငါတို့ ယခုပင်တွင်သိကြစို့၊

သိပြီးရုံသာ မဆုံးရာ၊ ရှေ့ဆက်ကျင့်ကြံပါ၊

အသိအကျင့် စုံလင်ကာ တောင်ပံနှစ်ခု ပြည့်စုံပါ၊

ညီညာအစုံ တောင်ပံဟုန်နှင့် ပြည့်စုံ နှစ်ခု မျက်စိတစ်စုံ အလင်းပုံလျက်

သတိ၊သမာဖြည့်စွက်ကာသာကြိုးစားပါက ဆန္ဒပြည့်ဝ ဘ၀လှလိမ့်၊ ဆန္ဒပြည့်ဝပါစေသား။

ဒေါက်တာအရှင်နန္ဒက၊ အင်ချွန်းမြို့၊ တောင်ကိုရီယား

Read more...

ရတနာဂီရိနှင့် သီပေါမင်းစံအိမ်ရောက် ခရီးသွားမှတ်တမ်း အပိုင်း ၂

ဒီလောက်နဲ့ ပြီးမသွားပဲ ပါတော်မူပြီးနောက်ပိုင်း မိဖုရား စုဖုရားကြီး နှင့် ဆင်ဖြူမရှင် တို့သည် ရတနာဂီရိသို့ မလိုက်ဘဲ ထားဝယ်သို့ ထွက်ခွာကာ နေရစ်ခဲ့သည်၊ နောင်တချိန်တွင် ထားဝယ် ပုန်ကန်မှု ဖြစ်ပွားရာမှ ထက်မြတ်သော ဆင်ဖြူမရှင်မိဖုရားကြီးကို မျက်စိဒေါက်ထောက် ကြည့်နေသော အင်္ဂလိပ်အစိုးရက သင်္ကာမကင်းဖြစ်ကာ သားအမိ နှစ်ယောက်စလုံးကို ရတနာဂီရိသို့ ပို့ခဲ့ပြန်သည်။

ရတနာဂီရိ ရောက်ပြန်တော့လည်း စုဖုရားလတ်နှင့် ဆင်ဖြူမရှင်တို့ တကျက်ကျက် ရန်ဖြစ်ကြသည် ဟု သိရပြန်တော့ ဧကန္တ လုပ်ပိုင်ခွင့် အာဏာ လုကြတာပဲ ဖြစ်မည်ဟု တွေးမိသည်၊ ဖြစ်နိုင်သည်က ရတနာပုံ နန်းတော်မှာ ကတည်းက စုဖုရားလတ်က တိုက်မည်၊ ရှုံးကာမှ လက်နက်ချ အညံ့ခံမည် ဟု စိတ်ထား ရှိသော်လည်း ဆင်ဖြူမရှင် မိဖုရားကြီးက အင်အား မမျှဘူး၊ ပြည်သူများ သေတာပဲ အဖတ်တင်မည် စသည်ဖြင့်ကင်းဝန်မင်းကြီးကဲ့သို့ပင် အခြေအတင် အငြင်းပွားခဲ့ကြသည် ထင်၏၊

ယခုလို ရတနာဂီရိ ရောက်လာပြန်တော့လည်း ဒီလို ဒီလို အိမ်နိမ့်စံ ဒုက္ခ ခံနေရသည်မှာ သူ့ကြောင့် ငါ့ကြောင့် ဖြစ်ရတာပဲ စသည် အငြင်းပွားရာမှ အကျယ် အကျယ်ဖြစ်လာကာ တစ်အိမ်ထဲ အတူမနေနိုင်သည့် အခြေအနေသို့ပင် ရောက်ခဲ့ရပြန်သတဲ့၊ ထိုိ့ကြောင့် မနေနိုင်သော အင်္ဂလိပ်အစိုးရသည် ဆင်ဖြူမရှင်တို့ သားမိ နှစ်ယောက်အား ရတနာဂီရိ ရှိ ခရစ်ယာန် သာသနာပြု မစ်ရှင် အဖွဲ့ဆီပို့ကာ ခွဲထားရသည် ဟူ၏။ ယခုခေတ် ယောက္ခမနှင့် ချွေးမ ဇာတ်လမ်းများပမာ ဖြစ်မည် ထင်သည်။ နိုင်ငံရပ်ခြားရောက်နေဆဲ အကျဉ်းစံ ဘ၀မှာတောင် ရန်ဖြစ်လို့ ငြင်းခုံလို့ ကောင်းတုံး ရှိသေးတာကို တွေးမိပြီး အော် တို့လူမျိုးတွေက အစဉ်အဆက်သွေးပါခဲ့သကိုးလို့ တွေးကာ ပြုံးမိရသည်။

ယနေ့ခေတ်နှင့် ရတနာဂီရိ အခြေအနေ

တည်နေရာ = အိန္ဒိယနိုင်ငံ မြေပုံ၏ အနောက် တောင်ထောင့်အရပ် Arabian ပင်လယ်ကမ်းခြေနှင့် တဆက် တည်းဖြစ်ပြီး အရှေ့ဘက်တစ်ကြောမှ တောင်တန်းများ ၀န်းရံထားသော အေးချမ်းစိမ်းစိုလှပနေ သည့် မြို့တမြို့ဖြစ်သည်။ ပင်လယ်ကမ်း ခြေမြို့ဖြစ်သောကြောင့် အမြဲတမ်းမိုးရွာလေ့ရှိပြီး ပူနွေးစွတ်စိုသော ရာသီဥတု ရှိကာ Maharashtra မဟာရပ်ရ်ှထရ ပြည် နယ်အတွင်း ပါဝင်သည်။

အကျယ် ဧရိယာ = 8326 Sq. Kms.

ရာသီဥတု = မိုးများ ရပ်ဝန်းဒေသ

များသောအားဖြင့် ဆန်စပါး ၊ သီဟိုရ်စေ့ပင်နှင့် အခြားသော သစ်သီးဝလံများလည်း စိုက်ပျိုးလေ့ရှိပြီး ထိုဒေသထွက် သရက်သီးတွေကို နိုင်ငံခြား ပို့ကုန်အဖြစ် တင်ပို့ရတယ် လို့ ဆိုတယ်၊ ပယ်လယ်ကမ်းခြေ ဖြစ်သောကြောင့် အုန်းပင်များ ပေါများစွာ ရှိသည်။ ရတနာဂီရိမှာ ထင်ရှားတဲ့ လည်စရာ ပတ်စရာ နေရာ သိပ်မရှိပေမယ့် ပင်လယ်ကမ်းခြေကတော့ တော်တော် လေး သာယာပြီး နာမည်ကြီးတယ်၊ ရတနာဂီရိကို ရောက်ရင် မြန်မာဘုရင် သီပေါမင်းရဲ့ နန်းတော် ( Thi baw palace ) ဆိုရင် နယ်ခံလူတိုင်းသိကြတယ်၊ လမ်းမသိရင် လမ်းညွှန်ပေးကြတယ်၊ သီပေါနန်းတော် နဲ့ ရတနာဂီရိမြို့ ဆိုတာ ခွဲခြားလို့ မရအောင် သမိုင်းတွင်ခဲ့တယ် လို့ ဆိုရပါမယ်။

အရင်တစ်ချိန်က ရတနာဂီရိ ဆိုတာ 1670 ပြည့်နှစ်များမှာ ရှီဝဂျိ Shivaji လို့ အမည်ရတဲ့ Mahatha မာရသ ( ယနေ့ခေတ်အခေါ် မာရသီလူမျိုး ) ဘုရင်တပါး အင်အားကောာင်းစဉ်မှာ Ratnagiri မြို့ကို တည်ဆောက်ခဲ့ ပါသတဲ့။ အဲဒီလိုနဲ့ Satara သတရ ဆိုတဲ့ ဘုရင်က 1731 ခုနှစ်ဆီလောက်မှာ ဘုရင်ဧကရာဇ် စနစ်နဲ့ အစဉ်အဆက် အုပ်ချုပ်လာရာရင်းမှ 1818 မှာတော့ အင်္ဂလိပ် လက်အောက်ကို ရောက်ခဲ့ရတယ်ဆိုတော့ ရတနာဂီရိမြို့ဟာ အထက် မြန်မာပြည်ထက် နှစ်ပေါင်း( 63 ) နှစ်လောက် စောပြီး သူ့ကျွန်ဘ၀ရောက်နေပြီ ဖြစ်တယ်။

သီပေါစံအိမ်အခန်းတွင်း၌ အင်္ဂလိပ်တို့ မှတ်တမ်းတင်ထားသော မြန်မာဘုရင်၏ နောက်ဆုံးနေ့ရက်များ

28 Nov.1885 - စစ်သားအရေအတွက် ( ၁၀၀၀၀ )သောင်းဖြင့် ဂေါဝိန် Gawwane ဆိပ်ကမ်းမှ ဆင်းသက်ပြီး မန္တလေး နေပြည်တော်လမ်း တလျောက် ဖြန့်ကျက်ထားကာ သီပေါမင်းကို ရှာတွေ့ရာနေရာတွင် လက်စွဲတော် ယိမ်းနွယ်ပါး Yeinnwebar ဓားရှည်လွတ်လျက် တွေ့ရှိခဲ့ရသည်။

29 Nov.1885 - သီပေါမင်း၊ မိဖုရားစုဖုရားလတ်နှင့် သမီးတော် ၂ ယောက်၊ မယ်တော်ကြီး၊ သူမ၏ သမီးတော် ၂ ယောက်နှင့် ဆွေမျိုးများ၊ အရာရှိ အမှုထမ်းများ အားလုံး ဂေါဝိန် ဆိပ်သို့ ဆင်းသက်ကြသည်။

30 Nov.1885 - သီပေါမင်း မိဖုရားနှင့် အခြားသူများအား သူရိယသင်္ဘော Thooreya ဖြင့် သယ်ဆောင်ကာ ဂေါဝိန်ဆိပ်ကမ်းမှ စတင် ထွက်ခွာ၊

5 Dec. 1885 - ရန်ကုန် Yangon ( Rangoon ) သို့ ရောက်ရှိ၊

10 Dec 1885 - ရန်ကုန်မှ ထွက်ခွာ၊

14 Dec .1885 - မဒရပ်မြိ့ Madras ( ယခုအခေါ် ) ချနိုင်း Chennai မြို့သို့ ရောက်ရှိ၊

31 Dec. 1885 - သီပေါမင်းအတွက် အကျဉ်းချထားခြင်း ဆိုင်ရာ အမိန့်စာ ထုတ်ပြန်သည်၊ နှစ်တိုင်း 1916 ခုနှစ် သီပေါမင်း သေသည့်တိုင်အောင်အထိသက်တမ်း ရှိသည်။

10 April. 1886 - သီပေါမင်း မဒရပ် မြို့မှ ရတနာဂီရိမြို့ Ratnagiri သို့ ထွက်ခွာ၊

16 April . 1886- သီပေါမင်း ရတနာဂီရိ သို့ ရောက်ရှိ၊

13 Nov 1910 - သီပေါမင်း ရတနာဂီရိ မြို့ရှိ လက်ရှိ သီပေါ စံအိမ်တော် သို့ ပြောင်းရွှေ့၊

25 Jan 1912 - မိဖုရား စုဖုရားကလေး Suphaya Gale ရတနာဂီရိ တွင် နတ်ရွာစံ၊

16 Dec 1916 - သီပေါမင်း ရတနာဂီရိမှာ နတ်ရွာစံ ကံတော်ကုန်သည်။

18 April 1919 - မိဖုရား စုဖုရားလတ် Suphaya Lat ကို ရန်ကုန်ရှိ အမှတ် ၂၃ ၊ ချာချီလမ်း Churchill လမ်း၊ ( ယခုအခါ ) ဓမ္မစေတီလမ်း နေအိမ်တွင် အကျယ်ချုပ်ဖြင့် ထိမ်းသိမ်းထား၊

24 Nov 1925 - မိဖုရား စုဖုရားလတ် Suphaya Lat သည် နေအိမ် အကျယ်ချုပ်ဖြင့် ထိမ်းသိမ်းထားစဉ် နတ်ရွာစံ ကံတော်ကုန်သည်။

လက်လှမ်းမှီသမျှ သီပေါမင်းမိသားစု၏ ကိုယ်ရေးအချက်အလက်များ

၁၈၅၉ ခု ဒီဇင်ဘာလတွင် သီပေါမင်းကို မွေးဖွား၊

၁၈၇၈ စက်တင်ဘာ ၁၉ တွင် နန်းတက်၊

၁၈၇၈ အောက်တိုဘာ ၈ တွင် ဘုရင်အဖြစ် ကြေညာပြီး နန်းစံ ( ၇ ) နှစ်သာ ရှိသည်။

၁၈၇၈ နိုဝင်ဘာ ၁၈ ရက်တွင် စုဖုရားကြီးကို မိဖုရားမြှောက်ရင်း စုဖုရားလတ်က အလယ်မှ ၀င်ထိုင်ကာ အဘိသိက် ခံယူ သွန်းလောင်းရာ အလိုလို မိဖုရားခေါင် ရာထူးအား ရရှိ၊ နောင်တစ်ချိန်တွင် ညီအမ သုံးယောက်လုံးကို မိဖုရားမြှောက်ခဲ့၊

၁၈၈၅ ဒီဇင်ဘာ ၁၇ တွင် ( အင်္ဂလိပ်တို့ သတ်မှတ်သည့်အတိုင်း ) ထီးနန်းကျ၊ ထိုအချိန်တွင် သီပေါဘုရင်သည် မဒရပ် မြို့သို့ ရောက်နေပြီဆိုတာ သေချာမှ နန်းကျကြောင်း ကြေညာခဲ့၊

ပါတော်မူချိန်တွင် ပထမသမီးတော်၊ ဒုတိယသမီတော်တို့ မွေးဖွားပြီးဖြစ်ကာ တတိယကိုယ်ဝန်ကို စုဖုရားလတ် လွယ်ထား ရ၊ မဒရပ်မြို့ ရောက်ပြီး ၂ လနှင့် ရက်ပေါင်း ၂၀ ကြာမှ တတိယသမီး တော်မွေးဖွားခဲ့၊

အတူလိုက်ပါလာသော မင်းစေ ၇ ယောက်၊ တံခါးစောင့် ၂၇ ယောက်၊ အခြွေအရံပေါင်း ( ၁၆၁ ) ဦး နှင့် မိဖုရား ၂ ပါးပါဝင်ကြ၊

စုဖုရားလတ်သည် မိမိနှင့် မတည့်သော ဆင်ဖြူမရှင် နှင့် စုဖုရားကြီးတို့ကို ထားခဲ့ကာ မိမိလက်ခုပ်ထဲက ရေ လိုဖြစ်နေသော၊ အေးလဲ အေး၊ ရိုးလဲ ရိုးသော အငယ်မ စုဖုရားကလေးကိုသာ ရတနာဂီရိသို့ ခေါ်သွားခဲ့၊

ရတနာဂီရိတွင် အင်္ဂလိပ်တို့၏ ထိုခေတ် ရူပီး ၁ သိန်းကျော် အကုန်အကျခံကာ ဆောက်လုပ်ပေးသော သီပေါစံ အိမ် တော် ကြီးတွင် နှစ်ပေါင်း ( ၃၁ )နှစ် ၄ လ၊ ၁၂ ရက်တိတိ အကျဉ်းစံဘ၀ဖြင့် နေထိုင်ခဲ့ရ၊ ဖြစ်ချင်သော ကိစ္စများကို နောင်တ ချိန်တွင် ထက်မြတ်သော စတုတ္ထသမီးတော် အငယ်ဆုံးလေးမှ တဆင့် အင်္ဂလိပ်အစိုးရထံ ရသင့်ရထိုက်သော အခွင့်အရေး များကို လူကိုယ်တိုင်ဖြစ်စေ စာအားဖြင့်ဖြစ်စေ တောင်းဆိုခဲ့­­­­­­သော်လည်_း များများစားစား အခွင့်အရေး ဘာမှ မရခဲ့၊

၁၉၁၆ ခုနှစ် ဒုတိယသမီးတော် အစေခံ ခင်မောင်လတ်နှင့် ထွက်ပြေးသော သတင်းကြားရပြီး အိပ်ယာထဲ ဗုန်းဗုန်းလဲခဲ့ကာ နတ်ရွာစံ ကံတော်ကုန်ချိန်အထိပင်၊

၁၉၁၉ ခုနှစ်မှသာ အလောင်းကို ဂူသွင်း သဂြိုလ်ခဲ့ရသည်။

သီပေါမင်း အုတ်ဂူ ပမာဏ နှင့် ကမ္ဗည်းစာ

အလျား ၁၂ ပေ နှင့် ၅ လက်မ

အနံ ၁၂ ပေ နှင့် ၅ လက်မ

အမြင့် ၈ ပေ နှင့် ၆ လက်မ ( အုတ်ခုံအပါအ၀င်ဖြစ်သည် )

IN THIS TOMB

ON THE 19 TH MARCH 1919

WERE DEPOSITED THE MORAL REMAINS

OF THEBAW

THE LAST KING OF UPPER BURMA

WHO WAS DEPOSED ON THE 1ST

DECEMBER 1885

AND WAS REMOVED TO RATNAGIRI WERE

HE DIED ON

THE 15^TH DECEMBER 1916.

AT THE AGE OF 58

ALSO THE REMAINS OF TEIK SUPAYA

GALE

THEBAW’S MINOR QUEEN

WHO DIED AT RATNAGIRI ON THE 15^TH JUNE

1912

AGED 50.

အုတ်ဂူ ကမ္ဗည်းစာကို ဖတ်ပြီး မျက်စိမလည်စေချင်ပါ၊ ယခုအခါ အုတ်ဂူနှစ်လုံးရှိရာမှာ တလုံးတွင် သီပေါမင်းနှင့် စုဖုရားကလေးတို့၏ အလောင်းများကို ဂူသွင်းထားသည်ဟု သိရသည်။ နောင်တစ်ချိန်တွင် သီပေါမင်း၏ ပထမ သမီးတော်သည် ကုလားလူမျိုးနှင့် အိမ်ထောင်ပြုသည်ဖြစ်၍ မြန်မာပြည်မပြန်ဘဲ နေခဲ့ရာ သူသေလွန်ခဲ့ပါက သူ့အဖေ အုတ်ဂူဘေးတွင် အခုလို ဂူသွင်းပေး ရန် တောင်းဆိုခဲ့သောကြောင့် အုတ်ဂူနောက်တစ်လုံး တည်ဆောက်ပေး ရသည် ဟူ၏။

သို့သော်လည်း အုတ်ဂူသည် လူအများတောင်းဆိုသည့်အတိုင်း ဆောက်လုပ်ပေး ထားခြင်းသက် သက်သာဖြစ်၏ အဖြစ်မှန်ကား ရတနာဂီရိမြို့သည် မိုးများဒေသ ဖြစ်သောကြောင့် ပထမသမီးတော်၏ အရိုးပြာများကို ဂူအတွင်း ထည့်သွင်းခြင်းမရှိပဲ ရတနာဂီရိ အမျိုးသား သမိုင်းပြတိုက်တွင် သိမ်းဆည်းထားသည်ဟု ဆိုသည်၊

အရှင်နှစ်ပါး မိသားစု နေထိုင်ခဲ့ရာ The Baw Gallary Room ပါတဲ့

KING THE BAW GALLARY ROOM အတွင်းမှ သီပေါမင်း၏ မွေးဖွားချိန်မှ နတ်ရွာစံကံတော်ကုန်ချိန်အထိ အင်္ဂလိပ်တို့ မှတ်တမ်းတင်ထားသော The Baw's Biography အလယ်ပိုင်းတွင် ဘုံဘေ ဘားမား BBTC ( Bombay Burma Teak/ Timber Corporation ) သစ်ကုမ္မဏီနှင့် ပြဿနာတက်ပုံများကို မှတ်တမ်းတင်ထားသည်။

ဒါကတော့ မြန်မာစာရေးထားသော ကျောက်စာကို ဇောက်ထိုးတတ်ထားသော ပထမသမီးတော်၏ အုတ်ဂူ

ဘေးပတ်ပတ်လည် တိုက်တန်းများ ၀န်းရံနေပြီဖြစ်တဲ့ အုတ်ဂူမည်ကာမတ္တထင်ရှားသော မြန်မာဘုရင်၏ အုတ်ဂူများ ( ဒီနေရာကို မနည်းရှာဖွေခဲ့ရတယ် )

စံအိမ်တော် အတွင်းမှာတော့ သစ်သားလှေကားက ကောင်းနေသေးတယ်

စံအိမ်တော် ရှေ့တွင်တွေ့ရသော အမြှောက်ပစ်လက်နက်ပျက်များ၊ အင်း ဒီဟာတွေကို မြင်တော့ မန္တလေးနန်းတွင်းကို ပြေးမြင်ယောင်မိပါဘိ

အပိုင်း ၃ ဆက်ပါအုံးမည် ..

Read more...

မိုးတွင်းချိန်ခါ ဝမ်းရောဂါ

ဝသန်ရာသီ၏ မိုးရေစက်များနှင့်အတူ ဖြစ်ပွားတတ်သော ရောဂါများထဲတွင် ဝမ်းလျှောဝမ်းပျက်ရောဂါသည် အဓိကပါဝင်နေကြောင်း သိရှိရပါသည်။ မိုးဥတုသည် စွတ်စိုသော သဘာဝရှိပြီး အချို့လူများမှာ မိုးရေထဲတွင် ကြာမြင့်စွာ သွားလာလှုပ်ရှားခြင်းကြောင့် အအေးပတ်ကာ ခြေအေးဝမ်းရောင် ဆိုသကဲ့သို့ ဝမ်းဖောဝမ်းရောင် ဝမ်းပျက်ခြင်း ဖြစ်စေပါသည်။ မိုးရာသီတွင် အစားအစာ မဆင်မခြင် စားသုံးခြင်းကြောင့်လည်း ဤရောဂါဖြစ်စေပါသည်။ ထိုရာသီ၌ အသီးအနှံများ များစွာသီးသဖြင့် ရာသီပေါ်သီးနှံဖြစ်သည့် သရက်သီး၊ သင်္ဘောသီး၊ ဒူးရင်းသီး၊ နာနတ်သီး၊ စသည်တို့သည် အများအပြား ဈေးကွက်ထဲသို့ ရောက်ရှိလာခဲ့ပါသည်။

ဈေးကွက်ထဲရှိ အသီးများထဲတွင် လတ်ဆတ်သည့် အသီးများ ပါသကဲ့သို့ အမှည့်လွန်အသီးများလည်း ပါရှိပါသည်။ ထိုအမှည့်လွန် အသီးများထဲတွင် ဝမ်းပျက်စေသည့် ရောဂါပိုးများ ဝင်ရောက်တတ်ပါသည်။ ထို့ကြောင့် ထိုအသီးများကို စားသုံးခြင်းဖြင့် ထိုရောဂါဖြစ်စေနိုင်ပါသည်။

၎င်းအပြင် မသန့်ရှင်းသော လက်လုပ်ချဉ်များ၊ လက်သုပ်စုံများနှင့် ရောဂါပိုးသယ်ဆောင်လာသည့် ယင်ကောင်များနားသည့် အစားအစာများကို စားသုံးမိလျှင်လည်း ထိုရောဂါဖြစ်စေနိုင်ပါသည်။ မသန့်ရှင်းသော ရေကို သောက်သုံးမိခြင်း၊ သန်ကောင်၊ တုပ်ကောင်များ ရှိခြင်းတို့ကြောင့်လည်း ဝမ်းလျှောရောဂါ ဖြစ်ပွားစေနိုင်ပါသည်။

ဝမ်းလျှောဝမ်းပျက်ရောဂါသည် အသက်အရွယ်မရွေး၊ ကျားမမရွေး လူတိုင်းလိုလို ကြုံဖူးသည့် ရောဂါ

ဖြစ်သဖြင့် ဂရုပြုစရာ ရောဂါမဟုတ်ဟု အချို့က ထင်မြင်ယူဆကြပါသည်။ ကလေးများ ဝမ်းသွားလျှင်လည်း ထိုင်ခါစ အရွယ်ဖြစ်၍ ဝမ်းသွားတတ်သည်ဟူ၍၄င်း၊ မတ်တတ်စမ်းခါစ အရွယ်ဖြစ်၍ ဝမ်းလျှောခြင်းသည် သဘာဝဟု ယူဆကာ အမှတ်တမဲ့ထား၍ ဆေးကုသမှု မပြုသဖြင့် အသက်အန္တရာယ် ထိခိုက်သွားသည့် ကလေးငယ်များကိုလည်း တွေ့ခဲ့ဖူးပါသည်။

ဝမ်းလျှောခြင်းသည် သာမန်ရောဂါဟု ထင်ကြသော်လည်း ဂရုမပြုပါက နောက်ဆက်တွဲ ရောဂါများ ဝင်ရောက်ကာ အန္တရာယ်ရှိနိုင်သဖြင့် သတိထားရမည့် ရောဂါပင် ဖြစ်ပါသည်။ ယေဘုယျအားဖြင့် ဝမ်းလျှောခြင်း လက္ခဏာမှာ တနေ့လျှင် သုံးကြိမ်ထက်ပိုကာ ဝမ်းအရည်များ သွားခြင်းပင် ဖြစ်ပါသည်။ ထိုသို့ဖြစ်လျှင် ဝမ်းရောဂါ စတင်ဖြစ်နေကြောင်း သတိထားရပေမည်။ ဝမ်းလျှောခြင်းနှစ်မျိုး ရှိပါသည်။ ရုတ်တရက် ဝမ်းလျှောခြင်း (Acute Diarrhoea) နှင့် နာတာရှည် ဝမ်းလျှောခြင်း (Chronic Diarrhoea) တို့ ဖြစ်ပါသည်။

ဓာတ်ခွဲခန်းမှာ အဖြေရှာ---

ဝမ်းလျှောရောဂါဖြစ်သည်ဟု ယူဆရသော လူနာ၏ဝမ်းကို ဓာတ်ခွဲခန်းသို့ပို့ကာ ဝမ်းစစ်ဆေးခြင်း ပြုရပါသည်။ (Stoot for R.E)အဏုဇီဝမှန်ပြောင်းနှင့် ကြည့်သောအခါ အစာမကြေသော အစားအစာများ (Undigested Food Particals)များ ဘက်တီးရီးယားများကို တွေ့ရှိရသည်။ ၄င်းအပြင် E.Histo-lytica, Giardia Lumblia စသည့် ပရိုတိုဇိုးဝါးများနှင့် Ascaris Lumbrieoid, Trichuris Trichiura စသည့် သန်ကောင် အမျိုးမျိုးနှင့် Candida Albican စသည့် ပန်းကပ်မှိုများလည်း တွေ့ရှိတတ်ပါသည်။

ဘက်တီးရီးယား အများအပြား တွေ့ရှိလျှင် (Stool for culture) ခေါ် ကျောက်ကျော်ပေါ်တွင် တင်၍ ပိုးမွေးခြင်း ပြုလုပ်ရပါသည်။ ရောဂါပိုးကြောင့် ဝမ်းလျှောခြင်းဖြစ်လျှင် အောက်ပါပိုးများကို တွေ့ရှိရတတ်သည်။ အီးကိုလိုင်းပိုး၊ ဗိုင်ဗရီယိုကော်ရောဒါပိုး၊ ဆဲလ်မိုနဲလားပိုး၊ ရှီဂဲလားပိုး၊ စတက်အော်ဒီယပ်ပိုး၊ ဗက်ဆဲလပ်ပိုး စသည်တို့ကို တွေ့ရှိရတတ်ပါသည်။

အဆိပ်ရှိသောမှိုများကို စားမိလျှင်လည်း အဆိပ်သင့်ပြီး ဝမ်းလျှောတတ်ပါသည်။ အချို့ ပီလောပီနံများတွင် အဆိပ်ဓာတ် ပါဝင်တတ်သဖြင့် အခန့်မသင့်ပါက ပီလောပီနံ စားသုံးခြင်းကြောင့်လည်း ဝမ်းလျှောခြင်း ဖြစ်စေပါသည်။ အလွန်အမင်း ပူစပ်သော အစားအစာများနှင့် ပင်လယ်အစားအစာများ စားသုံးခြင်းကြောင့်၎င်း၊ ဓာတုဆေးများဖြင့် ကြာရှည်ခံအောင် ပြုလုပ်ထားသည့် အစားအစာများ စားသုံးခြင်းကြောင့်၎င်း ဤရောဂါဖြစ်နိုင်ပါသည်။

နာတာရှည် ဝမ်းရောဂါဖြစ်စေသည့် အကြောင်း---

အူလမ်းကြောင်း၌ ကင်ဆာအလုံးအကျိတ်ရှိသူများ၊ တီဘီပိုးကြောင့် ဖြစ်စေ၊ အခြားအကြောင်းကြောင့် ဖြစ်စေ အူလမ်းကြောင်း ရောင်ရမ်းသူများ၊ အူသိမ် ဦးကျဉ်းခြင်း၊ အူသိမ်လမ်းကြောင်း ပိတ်ဆို့ခြင်း၊ အီးဟစ်စတိုလိုက်တီကာ ပိုးရှိခြင်း၊ ဂျာရီယာလမ်ဘရီယာ ပရိုတိုဇိုဝါးရှိ်ခြင်း၊ သိုင်းရွိုက်ဟော်မုန်းများခြင်း၊ ဆီးချိုရောဂါရှိခြင်း၊ နာတာရှည်ကျောက်ကပ်ရောဂါရှိခြင်း ဖြစ်လျှင် နာတာရှည်ဝမ်းလျှောခြင်း ဖြစ်စေပါသည်။

အဘယ်ကြောင့် ဝမ်းလျှောရသနည်း---

အထက်ပါအကြောင်းအချက်များကြောင့် ဝမ်းလျှောခြင်းကို ဖြစ်စေပါသည်။ ထိုအကြောင်းအချက်များကြောင့် ခန္ဓာကိုယ်တွင်း ပြောင်းလဲမှုများကြောင့် အူအတွင်း၌ အရည်ပမာဏ များပြားလာပြီး အူညှစ်အား များပြားခြင်းတို့ကြောင့် ထိုရောဂါ ဖြစ်ရပါသည်။

ခန္ဓာကိုယ်တွင်းသို့ ဝင်ရောက်လာသော ကော်လော်ဒါပိုးသည် အဆိပ်ဓာတ်တမျိုးကို ထုတ်လွှတ်ပြီး ထိုအဆိပ်ဓာတ်သည် အူသိမ်နံရံကို လှုံ့ဆော်မှုပြုကာ Cyclic AMP များ အများအပြား ထွက်လာပါသည်။ ၄င်းဓာတ်ကြောင့် ခန္ဓာကိုယ်၏ အခြားနေရာများတွင်ရှိသော အရည်များသည် အူသိမ်၊ အူမွှားများမှတဆင့် အူမကြီးဆီသို့ ရောက်ရှိသွားပါသည်။ အူမကြီးတွင် အရည်အမျာအပြား ရောက်ရှိလာသည့်အတွက်

စုပ်ယူနိုင်သော စွမ်းအားမှာ လုံလောက်မှုမရှိသည့်အတွက် ဝမ်းရည်အဖြစ် ဒလဟော သွားရပါသည်။ သိုင်းရွိုက်ဟော်မုန်းများပြားလျှင်လည်း အူလမ်းကြောင်းကို လှုံ့ဆော်သည့်အတွက် အူ၏ညှစ်အား များလာပြီး ဝမ်းလျှောခြင်းကို ဖြစ်စေပါသည်။

ဝမ်းလျှောခြင်းဖြစ်သည့်အတွက် ခန္ဓာကိုယ်၌ရှိသော ရောဓာတ်နှင့် ဓာတ်ဆားများ လျော့နည်းလာပြီး ဓာတ်ဆားများနှင့် ခန္ဓာကိုယ် ညီညွတ်မျှတခြင်းကို ထိန်းချုပ်ထားသည့် ဓာတ်များ ချို့ယွင်းကာ ရေနှင့် ဓာတ်ဆားများ နည်းပါးသွားခဲ့ရပါသည်။ ထိုသို့ခန္ဓာကိုယ်တွင်း ရေနှင့်ဓာတ်ဆားများ လျော့နည်းသွားသည့် အတွက် ရေငတ်ခြင်း၊ မောပန်းခြင်း၊ နုံးခြင်း၊ အသံတိမ်ဝင်သွားခြင်း၊ ကြွက်တက်ခြင်းတို့ ဖြစ်စေပါသည်။ ထို့ထက် ကျော်လွန်သွားပါက အခန့်မသင့်လျှင် သွေးလန့်ခြင်း (Shock) ရကာ သတိလစ်ပြီး အသက်အန္တရာယ် ရှိစေနိုင်သည့် ရောဂါဖြစ်ပါသည်။

ဝမ်းလျှောသူအတွက် အဓိက လိုအပ်ချက်---

ဝမ်းလျှောသူများအတွက် အဓိကလိုအပ်ချက်မှာ ရေနှင့် ဓာတ်ဆား ပြန်လည်ဖြည့်တင်းပေးခြင်းပင် ဖြစ်ပါသည်။ ဝမ်းများများသွားခြင်းကြောင့် လူနာသည် ရေငတ်ခြင်း၊ မျက်လုံးဟောက်ပက်ဖြစ်ခြင်း၊ သွေးဖိအား ကျခြင်းတို့ ဖြစ်လျှင် ဓာတ်ဆားဖျော်ရည်ကို တိုက်ကျွေးရပေမည်။ လူနာသည် ထိုထက် အခြေအနေပိုဆိုးကာ ပျော့ခွေခြင်း၊ ခြေလက် မသယ်နိုင်အောင် ဖြစ်ခြင်း၊ ကြွက်တက်ခြင်း၊ သွေးဖိအား

အလွန်အမင်း ကျဆင်းကာ သတိလစ်လုလု အခြေအနေမျိုးရှိလျှင် နီးရာဆေးကုဌာနသို့ အမြန်ဆုံးပြသသင့်ပါသည်။ ဆေးရုံဆေးခန်းများတွင် ထိုလူနာမျိုးကို Ringers Lactate သို့မဟုတ်-Normal Saline (drip)ပုလင်းများကို သွေးပြန်ကြောမှ သွင်းကာ ကုသပေးပါသည်။ ဝမ်းလျှောရောဂါအတွက်

ရှေးဦးအသက်ကယ်ဆေးသည် ဓာတ်ဆားဖျော်ရည်နှင့် ဓာတ်ဆား Drip ပုလင်းသွင်းခြင်းပင် ဖြစ်ပါသည်။

ဝမ်းလျှောရောဂါသည် နို့စို့အရွယ် ကလေးငယ်များ၌ ပိုမိုဖြစ်စေပါသည်။ နို့စို့ကလေးငယ်များ ဝမ်းသွားလျှင် နို့တိုက်ခြင်းကို ရပ်ထားတတ်ပြီး ဗိုက်ထဲ၌မည်သည့်အစာမျှ မရှိလျှင် ဝမ်းပိတ်မည်ဟု အယူအဆမှားများဖြင့် ယူဆတတ်သည်ကိုလည်း တွေ့ရှိရပါသည်။ ကလေးငယ်များသည် တွေ့ရာပစ္စည်း

များကို ပါးစပ်ထဲသို့ ထည့်တတ်ကြသဖြင့် ရောဂါပိုးဝင်လွယ်ပါသည်။ မတ်တတ်စမ်းခါစ အရွယ်တွင်လည်း အစားစုံ စားလာသည့်အတွက် ဝမ်းလျှောစေမည့် အစားအသောက်ကြောင့် ဤရောဂါ ဖြစ်လွယ်ပါသည်။ ထိုသို့ဖြစ်၍ နို့တိုက်ခြင်း ရပ်တန့်ခြင်းမှာ မှားယွင်းသော အယူအဆတရပ် ဖြစ်ပါသည်။

ထိုသို့ နို့တိုက်ခြင်း ရပ်ထားသည့်အတွက် ရေနှင့် ဓာတ်ဆား မလုံလောက်ဖြစ်ကာ အရေပြားများ ရှုံ့တွပြီး စိုးရိမ်ထိတ်လန့်ကာ သတိလစ်ခြင်း၊ ငယ်ထိပ်ချိုင့်ခြင်း ဖြစ်လျှင် အနီးဆုံး ဆေးရုံဆေးခန်းသို့ အမြန်ဆုံး သွားပြသင့်ပါသည်။ ထိုသို့ ဝမ်းလျှောခြင်း စတင်ဖြစ်ပွားလျှင် ကလေးငယ်များအား မည်သို့ပြုစုရမည်ကို ကျန်းမာရေးဝန်ကြီးဌာနမှ အသိပေးကြေညာထားပါသည်။

သင်၏ကလေးငယ် ဝမ်းလျှောဝမ်းပျက်ဖြစ်လျှင် ကလေးအား အရည်ပို၍ တိုက်ကျွေးပေးရမည်။ (ဥပမာ-ထမင်းရည်၊ ဓာတ်ဆားရည်၊ ရေကောင်းရေသန့်) နို့စို့အရွယ်ဖြစ်ပါက မိခင်နို့ ဆက်တိုက်ပါ။ နို့တိုက်မရပ်ပါနဲ့။ ကလေးအား အာဟာရရရှိ်ပြီး အစာကြေလွယ်သော အစာများကျွေးပါ။ (သားငါး၊ ဆန်ပြုတ်၊ စွပ်ပြုတ်နှင့် ခြေထားသော သီးနှံများ) ဖျားနာလာလျှင် ရေအငတ်လွန်လျှင် အော့လန်လျှင် အခြေအနေ ပိုဆိုးလာလျှင် အနီးဆုံးဆေးခန်းသို့ ခေါ်သွားပါ။

လူသားအားလုံးအတွက် သတိထားဆင်ခြင်ရမည့် အကြောင်းအချက်များမှာ ဖုန်ဝင်၊ ယင်နားသော အစားအစာများ၊ လက်လုပ်ချဉ်များ၊ လက်သုပ်စုံများကို ရှောင်ရှားသင့်ပါသည်။ အစားအစာကို သေသေချာချာ ချက်ပြုတ်ပြီး ပူပူနွေးနွေး စားသုံးသင့်ပါသည်။ ချက်ပြီးသား အစားအစာများကို သေချာစွာ ဖုံးအုပ်ထားရမည်။ ချက်ပြုတ်သူသည် မိမိ၏လက်ကို စင်ကြယ်အောင် ဆေးကြောရမည်။ ကြွက်၊ ခြင်၊ ယင်၊ ပိုးဟပ်စသည့် ပိုးမွှားတိရစ္ဆာန်များကို ချက်ပြုတ်သည့် နေရာသို့ မဝင်နိုင်အောင် ကာကွယ်ထားရမည်။ သန့်ရှင်းသောရေကို သုံးရမည်။

၎င်းအပြင် အမှည့်လွန်သော အသီးအရွက်များ စားသုံးခြင်း၊ ဓာတုဗေဒ ဆိုးဆေးများနှင့် တာရှည်ခံရန် ပြုလုပ်ထားသည့် အစားအစာများ ပိုးသတ်ဆေးပါဝင်သော အစားအစာများကို စားသုံးခြင်းမှ ရှောင်ရှားသင့်ပါသည်။

အဓိကအားဖြင့် ဆိုသော် ဝမ်းလျှောဝမ်းပျက်ရောဂါသည် အခြားရာသီဥတုများထက် မိုးရာသီတွင် အဖြစ်များ တတ်ပါသည်။ ရာသီဥတု၏ စိုစွတ်ခြင်းကြောင့် အအေးပတ်ချိန်တွင် အမှည့်လွန်သီးနှံများ စားသောက်ခြင်းကြောင့် ခန္ဓာကိုယ်တွင်း အစာခြေမှု အစီအစဉ်များ ကစဥ့်ကရဲဖြစ်ကာ ဝမ်းလျှောလွယ်ပါသည်။ ဤရောဂါအား အမှုမဲ့အမှတ်မဲ့ထားကာ လျစ်လျူရှုနေပါက ခန္ဓာကိုယ်တွင်းရှိ ရေဓာတ်နှင့် ဓာတ်ဆားများ လျော့နည်းမှုကြောင့် ဇီဝကမ္မဖြစ်စဉ်များ ချို့ယွင်းပြီး အသက်အန္တရာယ် ရှိစေနိုင်သဖြင့် ဤမိုးဥတု အခါသမယတွင် အထူးဂရုပြုကြဖို့ တိုက်တွန်းလိုက်ရပါသည်။

ရီရီဌေး

Ref; (Acute Diarrhoea to Chronic Diarrhoea)

(သူရဇ္ဇ ၂၀၀၃-ခု စက်တင်ဘာလ)

Read more...

ဒို့ဘာသာ (၂၊ ၃)

ဒို့ဘာသာ (၂) ကိုးကွယ်တတ်ဖို့

ကမ္ဘာပေါ်မှာရှိနေတဲ့ဘာသာကြီးလေးမျိုးကို အကြမ်းအားဖြင့်
(၁) ကိုယ့်ကိုယ်ကို မှီခိုအားကိုးရသောဘာသာနဲ့
(၂) သူများကို မှီခိုအားကိုးရသောဘာသာလို့
နှစ်မျိုးခွဲနိုင်တယ်။
ဒီနှစ်မျိုးထဲမှာ ဗုဒ္ဓဘာသာက နံပါတ် (၁) အမျိုးအစားပါ။

မိမိသည်သာလျှင် မိမိ၏ ကိုးကွယ်ရာဖြစ်၏၊
မိမိမှတပါး အဘယ်သူသည် (မိမိ၏) ကိုးကွယ်ရာ ဖြစ်နိုင်ပါအံ့နည်း၊
(အတ္တာ ဟိ အတ္တနော နာထော၊ ကောဟိ နာထော ပရော သိယာ)
{One is one’s own refuge, who else could be the refuge?}
လို့ မိမိကိုယ်ကို အားကိုးဘို့အတွက် ဘုရားရှင်က တိတိပပ ပြတ်ပြတ်သားသား
ပြောကြားခဲ့ပါတယ်။

ယုံကြည် ကိုးကွယ် ဆည်းကပ်တာနဲ့ပတ်သက်ပြီး
ကိုယ်ယုံကြည် ကိုးကွယ်ဆည်းကပ်တဲ့
ဘုရားရှင်အကြောင်းလေး နည်းနည်းတော့ သိထားသင့်တယ်။

မျိုးနွယ်အမည် ဂေါတမ၊ ကိုယ်ပိုင်အမည် သိဒ္ဓတ္ထခေါ်တွင်တဲ့
ဘုရားရှင်ကို ဘီစီ ၆ ရာစုနှစ်အတွင်း
အိန္ဒိယမြောက်ပိုင်း၊ သကျမင်းတို့၏ တိုင်းနိုင်ငံ (ယခုနီပေါပြည်) မှာ
ခမည်းတော် ဘုရင်သုဒ္ဓေါဒန၊ မယ်တော် မာယာတို့က မွေးဖွားခဲ့တယ်။

အဲ့ဒီခေတ် အဲ့ဒီအခါ ဓလေ့ထုံးစံအတိုင်း
သိဒ္ဓတ္ထမင်းသားသည် အသက်ငယ်ရွယ်စဉ် ၁၆ နှစ်သားအရွယ်မှာ
ယသော်ဓယာ ဆိုတဲ့အမျိုးသမီးနဲ့ ထိမ်းမြားလက်ထပ်ခဲ့တယ်။

ရှင်ဘုရင့်သားဆိုတော့ သူ့ ငယ်ဘ၀ကို ချမ်းချမ်းသာသာဘဲ ဖြတ်သန်းခဲ့ရတာပေါ့။

ဒါပေမဲ့ ဘ၀၏သဘောအစစ်အမှန်ဖြစ်တဲ့
လူလောကရဲ့ ဒုက္ခဆင်းရဲတွေကို တွေ့မြင်သိရှိသွားပြီး
အဲ့ဒီဝဋ်ဆင်းရဲမှ လွတ်မြောက်ရေးနည်းလမ်းကို
ရှာဖွေဖို့ ဆုံးဖြတ်ချက် ချမှတ်ခဲ့တယ်။

တစ်ဦးတည်းသောသား ရာဟုလာကို မွေးဖွားပြီး မကြာမီ
အသက် ၂၉ နှစ်အရွယ်တွင်
သိဒ္ဓတ္ထသည် ထီးနန်းကို စွန့်ပစ်ခဲ့ကာ တောထွက်တော်မူခဲ့တယ်။

တောထွက်လာတဲ့ (သိဒ္ဓတ္ထ) ဂေါတမဟာ အိန္ဒိယနိုင်ငံ ဂင်္ဂါမြစ်ဝှမ်းတကြော လှည့်လည်ပြီး
နာမည်ကြီး ဘာသာရေးတရားဟောဆရာများနဲ့တွေ့ဆုံကာ
သူတို့ရဲ့ နည်းနာနိဿယများကို လေ့လာခဲ့ပါသေးတယ်။
ကိုယ်တိုင်လဲ ပြင်းပြင်းထန်ထန် ခြိုးခြိုးခြုံခြံ ခြောက်နှစ်တိုင်တိုင် ကျင့်ခဲ့ပါတယ်။

ခြောက်နှစ်ကြာ ကျင့်တဲ့ သမရိုးကျလမ်းစဉ်က အဆင်မပြေလို့
ကိုယ်ပိုင်နည်းလမ်း တစ်မျိုး ပြောင်းကျင့်ကြည့်ပါတယ်။

ဒီလိုနဲ့ ညနေချမ်းတချိန်ဝယ် နေရဉ္ဇရာမြစ်ကမ်းပါး ဗုဒ္ဓဂယာ
(ယခုဘီဟာနယ် - ဂယာမြို့အနီး) သစ်ပင်တစ်ပင်အောက်မှာ တရားထိုင်ဖြစ်ပါတယ်။
သက်တော် (၃၅) နှစ်မှာ ဂေါတမရှင်တော်မြတ်
သဗ္ဗညုတဥာဏ်ရပြီး ဘုရားအဖြစ်သို့ ရောက်ပါတယ်။ ဘုရားဖြစ်ပါတယ်။

ဘုရားဖြစ်ပြီးနောက်
ဗာရာဏသီအနီး ဣသိပတန (ယခု ဆာရ်နသ်) ရှိ
ဥယျာဉ်တစ်ခုမှာ တရားအတူကျင့်ဖက်ဖြစ်ခဲ့ဘူးတဲ့
ပဉ္စ၀ဂ္ဂီငါးဦိကို တရားဦး ဟောပါတယ်။

သက်တော် (၃၅) နှစ်မှာ ဘုရားဖြစ်ပြီး (၄၅) နှစ်ကြာ တရားဟောကာ
သက်တော် (၈၀) မှာ
ကုသိနာရုံပြည်၊ အင်ကြင်းဥယျာဉ်မှာ ပရိနိဗ္ဗာန်ပြုတော်မူတယ်။
ဒါဘုရားရှင်ရဲ့ ဘ၀ အကျဉ်းလေးပါ။

လွန်ခဲ့တဲ့ နှစ်ပေါင်း ၂၅၀၀ ကျော်က ပေါ်ပေါက်ခဲ့တဲ့ ဒီ ဗုဒ္ဓဘုရားရှင်တော်ကို
ဒို့ဗုဒ္ဓဘာသာဝင်တွေ ဘယ်လို စိတ်ကူးတွေနဲ့ ယုံကြည်ကြတာလဲ။
ဘယ်လို စိတ်ကူးတွေနဲ့ ကိုးကွယ်ကြတာလဲ။
ဘယ်လိုစိတ်ကူးတွေနဲ့ ရှိခိုးကြာတာလဲ။

ဒါနဲ့စပ်လို့ တွေ့ဘူးတဲ့ တရုတ်ဒကာကြီးတစ်ယောက်ကို သတိရမိတယ်။
စာရေးသူ အခုနေနေတဲ့ ကျောင်းကို တရုတ်ဗုဒ္ဓဘာသာဝင်တစ်ယောက်
သူအလုပ်မသွားခင် မနက်တိုင်း လာလေ့ရှိတယ်။
ဘုရားကို ဆီမီးပူဇော်တယ်၊ အမွှေးတိုင် ထွန်းတယ်၊ ဘုရားရှိခိုးတယ်။
ဒါသူနေ့စဉ်လုပ်နေတဲ့ အလုပ်။

တစ်နေ့ စာရေးသူထံလာ သူလာတယ်။ လျှောက်တယ်။
သူတဲ့၊
နေ့စဉ် ဘုရားကို ဆီမီးပူဇော်ပါတယ်တဲ့၊
အမွှေးတိုင် ထွန်းပါတယ်တဲ့၊ ဘုရားရှိခိုးပါတယ်တဲ့။

သူ့ရဲ့ အသက်မွေးဝမ်းကြောင်းအလုပ်က အလေးအပင်တွေ မ-ရတာတဲ့၊
ပြီးခဲ့တဲ့လက အခန့်မသင့်ဖြစ်ပြီး ခါးနာနေတာတဲ့။
ဒါပေမဲ့ ဘုရားထံမှာ သူနေ့စဉ်လုပ်တဲ့ လုပ်ငန်းတွေ မပျက်ကွက်ခဲ့ပါဘူးတဲ့။

သူက နေ့စဉ်ပူဇော်ပသနေပေမဲ့ သူက ဘုရားကို ဂရုစိုက်ပေမဲ့
သူ့ကို ဘုရားက ဂရုမစိုက်ဘူးတဲ့။

စာရေးသူက
‘ဟ၊ ဘုရားက ဒကာ့ကို ဂရုမစိုက်ရအောင် ဘာတွေများဖြစ်နေလို့တုန်း၊ ရှင်းစမ်းပါအုံးဒကာရဲ့’
ဆိုတော့
တပည့်တော်ခါးနာနေတာ အခုထိမပျောက်သေးဘူး တဲ့။

အော်၊ ဒကာ့နှယ်၊
ဒကာခါးနာနေတာကို ဘုရားက ပလ္လင်ပေါ်က ဆင်းလာပြီး နှိပ်ပေးရအုံးမှာလားဟဲ့
လို့ ပြောဆိုပြီး ဗုဒ္ဓဘာသာအကြောင်းရှင်းပြကာ
ကထိန်ပဒေသာပင်ကရထားတဲ့ ရှမ်းဆရာကြီးဦးစိုင်း လိမ်းဆေး လူးခိုင်းလိုက်တာ
ခါးနာ တဖြေးဖြေးသက်သာပြီး ပျောက်သွားတယ်လို့ သိရတယ်။

ဒီတရုတ်ဒကာကြီးလို ခါးနာပျောက်ချင်လို့
ဘုရားရှင်ကို ရှိခိုးကိုးကွယ်ကြတဲ့ ဗုဒ္ဓဘာသာဝင်တွေ အများကြီးနေမှာ။

ဒို့ဘာသာ (၃) ရော့အင့်လို့မရ

အသက် (၃၅) နှစ်အရွယ်မှာ ဘုရားအဖြစ်သို့ ရောက်ရှိပြီးနောက်
ဘုရားရှင် (၄၅) နှစ်ကြာ တရားတော်များ ဟောကြားတော်မူခဲ့ပါတယ်။

ငါးပါးသီလ၊ ရှစ်ပါးသီလ၊ သစ္စာလေးပါး၊ မဂ္ဂင်ရှစ်ပါး၊ ပဋိစ္စသမုပ္ပါဒ်၊
သတိပဋ္ဌာန် စသဖြင့် အကြောင်းအရာ မျိုးစုံဘဲ။
နောက်ပိုင်းမှာ ဘုရားဟောတရားတော်တွေဟာ
ပိဋကတ်သုံးပုံအဖြစ်ထင်ရှားလာတယ်။

ဘုရားရှင်ဟောခဲ့တဲ့တရားတော်တွေဟာ ဘာမှ တီထွင်ကြဆပြီး
ဟောခဲ့တာမပါဘူး။ အရှိတရားတွေကို ဟောတာ။
ဘုရားရှင်က အရှိတရားကို ပြန်လည်ထုတ်ဖော်ပြောဆိုပြတာ။

ဆိုကြပါဆိုစို့။
ဘုရားရှင်က ပါဏာတိပါတ၊ သူ့အသက်သတ်ခြင်းမှ ရှောင်ကြဉ်ပါလို့ ပြောတယ်။
သူ့တပါးအသက်သတ်တတ်တဲ့ပုဂ္ဂိုလ်ဟာ အသက်တိုတတ်တယ်၊
အနာရောဂါထူပြောတတ်တယ်။
သူ့တပါးအသက်သတ်ခြင်းမှ ရှောင်ကြဉ်တဲ့ပုဂ္ဂိုလ်သာ
အသက်ရှည်တတ်ပြီး အနာရောဂါကင်းရှင်းတတ်တယ် လို့ ဘုရားရှင်ပြောပါတယ်။

ဒီမှာနားလည်ရမှာက
သူတပါးအသက်သတ်တတ်တဲ့ပုဂ္ဂိုလ်ဟာ ဘုရားရှင်ဟောလို့ အသက်တိုတတ်ပြီး
အနာရောဂါထူပြောတာမဟုတ်ဘူး။
ဘုရားရှင် ဟောဟော မဟောဟော၊ သူတပါးအသက်သတ်တဲ့သူ
ဒီအကျိုးတရားတွေနဲ့ ရင်ဆိုင်ရမှာပဲ။

ကုန်ကုန်ပြောရရင်
ဘုရားရှင် ပွင့်ထွန်းခဲ့သည်ဖြစ်စေ၊ မပွင့်ထွန်းခဲ့သည်ဖြစ်စေ၊
သူတပါးအသက်သတ်ရင် သတ်ခြင်းကြောင့် သဘာဝတရားဖြစ်တဲ့
အသက်တိုခြင်း အနာရောဂါထူပြောခြင်း အကျိုးကတော့ ပေးနေမှာ။
ဒါက သဘာဝ သဘောတရားတွေ၊ ဘုရားရှင်နဲ့ မဆိုင်ဘူး။

ဒီပါဏာတိပါတလို့ခေါ်တဲ့ သူတပါးအသက်သတ်လို့ ရလာမဲ့အကျိုးတရားတွေကလဲ
ဗုဒ္ဓဘာသာအတွက်တင် မဟုတ်ဘူး။
မြန်မာလူမျိုးအတွက်တင် မဟုတ်ဘူး။
ပါဏာတိပါတ (သူတပါးအသက်သတ်ခြင်း) ကို
ကုလားကဘဲ ကျူးလွန် ကျူးလွန်
တရုတ်ကဘဲ ကျူးလွန်ကျူးလွန်၊ အင်္ဂလိပ်ကဘဲ ကျူးလွန် ကျူးလွန်။
ကျူးလွန်တဲ့သူ အကျိုးအပြစ်ရနေမှာဘဲ။

ဒီလိုဘဲ။
ခရစ်ယာန်ဘာသာဝင်ကဘဲ ကျူးလွန်ကျူးလွန်၊
ဟိန္ဒူဘာသာဝင်ကဘဲ ကျူးလွန် ကျူးလွန်၊
အစ္စလာမ်ဘာသာဝင်ကဘဲ ကျူးလွန်ကျူးလွန်
ကျူးလွန်သူ အကျိုးအပြစ်ရနေမှာ။

ဒါ့ကြောင့်
ပါဏာတိပါတ (သူတပါးအသက်သတ်ခြင်းမှ ရှောင်ကြဉ်ခြင်း သီလ) အပါအ၀င်
ငါးပါးသီလဟာ ဗုဒ္ဓဘာသာဝင်တွေနဲ့တင် ဆိုင်တာ မဟုတ်ဘူး။
မြန်မာလူမျိုးတွေနဲ့တင် ဆိုင်တာမဟုတ်ဘူး။
လူသားအားလုံးနဲ့ဆိုင်တာ။
လောကထဲမှာ ရှိနေတဲ့ အရှိတရား၊ သဘာဝနိယာမတရားကြီးဖြစ်နေတာကိုး။

ဒါပေမဲ့ ဒီအရှိတရား၊ သဘာဝနိယာမ တရားကြီးကို
ဘုရားရှင်က မပြောပြရင် ဒို့တတွေ သိမှာ မဟုတ်ဘူး။ သိခွင့်ရမှာ မဟုတ်ဘူး။
သူတပါးအသက်ကို သတ်ရင် ဒီလိုဖြစ်တတ်တယ်လို့
အရှိသဘောတရားကို ဘုရားရှင်ကသာ မပြောပြခဲ့ရင်
ဒို့တတွေ သူတပါးအသက် သတ်ဖို့ ၀န်လေးမှာ မဟုတ်ဘူး။

အခုတော့
သူ့သက်သတ်ဖြတ်၊ သက်တိုတတ်၊ မသတ်အသက်ရှည် လို့
ဘုရားရှင်ပြောပြခဲ့လို့ ဒို့တတွေ နားလည်ပြီး ကျင့်သုံးခွင့် လိုက်နာခွင့်ရတာ။

အခြားတရားတော်တွေဖြစ်တဲ့ သစ္စာလေးပါးတို့၊ မဂ္ဂင်ရှစ်ပါးတို့ကိုလဲ
ဘုရားရှင် ဟောကြားပြောကြားခဲ့လို့ သိရတာ။

ကုသိုလ် အကုသိုလ် ကောင်းတာ မကောင်းတာတွေကို
ဘုရားရှင် ခွဲခြားပြခဲ့တော့ သိလာရပြီး ဆောင်တတ် ရှောင်တတ်လာတာ။

ဒီတော့ ဒီလို ဆောင်တတ် ရှောင်တတ်ကျင့်ကြံတတ်အောင်
ပြောပြဟောပြညွှန်ပြခဲ့တဲ့ ဘုရားရှင်ကို ဒို့တတွေ ဗုဒ္ဓဘာသာဝင်တွေက
ဆရာတစ်ဆူအဖြစ်မှတ်ယူပြီး ကျေးဇူးတင်လွန်းလို့
ကျေးဇူးတင်တဲ့အနေနဲ့ အလေးပေးရတာ။
ကိုးကွယ်ရတာ၊ ဆည်းကပ်ရတာ၊ ပူဇော်ရတာ။

ဘုရားရှင်ကို ဆွမ်း၊ ပန်း၊ ရေချမ်းစသည်ကပ်လှူတာကလဲ
ဘုရားရှင်က တစုံတခု ပေးနိုင်လို့
ဘုရားရှင်ထံမှ တစုံတခု မျှော်လင့်ချက်နဲ့ ကပ်လှူရတာမဟုတ်ဘူး။

ဟိုးလွန်ခဲ့တဲ့နှစ်ပေါင်း ၂၅၀၀ ကျော်က
ဘုရားရှင် ပရိနိဗ္ဗာန်စံ (ကွယ်လွန်) သွားပြီဖြစ်တဲ့အတွက်
ပရိနိဗ္ဗာန်စံသွားပြီဖြစ်တဲ့ ဘုရားရှင်က လာပြီး
‘ရော့၊ အင့်’ လို့
ဘာမှ ပေးနိုင်မှာ မဟုတ်ပါဘူး။

အထက်က ပြောခဲ့သလို ဘုရားရှင်ကို
လောကီအရေး၊ သံသရာအရေး ဆောင်ရန် ရှောင်ရန်တွေကို
လမ်းညွှန်ပေးတဲ့ဆရာအဖြစ်မှတ်ယူပြီး ကျေးဇူးတင်လွန်းလို့
ကျေးဇူးတင်တဲ့အနေနဲ့ ကိုးကွယ်ဆည်းကပ်ကြတာပါ။
ကိုးကွယ်ဆည်းကပ်ရမှာပါ။

Posted by Dr. Ashin Indaka at 8:44 AM

Read more...

လက်သစ် မိစ္ဆာ

သံယောင်တွေမှာ

ယီးလေးခိုတွဲ
ကိုယ်ယုံကြည်ရာပဲ
တစ်ဖက်စွန်း နင်းခဲ့တယ်....

ဘုရားစကားတွေက..
အသားတောင်ကျနေပေါ့…
သူ့အတိုင်းပဲ ထားထားခဲ့တာလေ...

မြင့်မြတ်မှုတဲ့လား
အမြင်မခမ်းနားရင်တော့
သွားစမ်းပါ... ရွှေချဖို့
ကြီးကျယ်မှုကိုတောင်
ဆစ်ဆေးသုတ်လိုက်ပြီ။

တရားဆရာက
သံသရာစက်ဝိုင်းနဲ့
တံခါးလာအခေါက် ငါက...
သားငယ်ရေးတဲ့ ၀လုံးလေးကြောင့်
မူးချာနောက်...။

မော်ကွန်းသစ်
၁၉.၇.၂၀၁၁

Read more...

မလေးရှားနိုင်ငံ၊ ပီနန်မြို့၊ ဓမ္မိကာရာမမြန်မာကျောင်းတွင် နှစ်စဉ်နှစ်တိုင်း ကျင်းပမြဲဖြစ်သော ၀ါဆိုသင်္ကန်း ဆက်ကပ်လှူဒါန်းပွဲ အခမ်းအနားကို ဇူလိုင်လ၊ ၁၆-ရက်

မလေးရှားနိုင်ငံ၊ ပီနန်မြို့၊ ဓမ္မိကာရာမမြန်မာကျောင်းတွင် နှစ်စဉ်နှစ်တိုင်း ကျင်းပမြဲဖြစ်သော ၀ါဆိုသင်္ကန်း ဆက်ကပ်လှူဒါန်းပွဲ အခမ်းအနားကို ဇူလိုင်လ၊ ၁၆-ရက်၊ စနေနေ့၊ ည ၈-နာရီအချိန်တွင် ကျင်းပခဲ့ပါသည်။ ယခုနှစ် ပီနန်ကျောင်းတွင် ပီနန်ဆရာတော်ဘုရားကြီး အပါအ၀င် ၀ါဆိုသံဃာ ၅-ပါး ရှိပါသည်။ တာဝန်ခံဆရာတော် ဦးဝိစိတ္တ၊ ဦးဇောတိပါလ၊ ဦးအနိရုဒ္ဓါလင်္ကာရ၊ အမေရိကန်ရဟန်းတော် ဦးသောပါကနှင့် စာရေးသူတို့ ဖြစ်ပါသည်။

အခမ်းအနားကို ည ၈-နာရီတွင် စတင်ခဲ့ပါသည်။ ကျောင်းကော်မတီအဖွဲ့ အကျိုးတော်ဆောင် မစ္စတာယပ်က အခမ်းအနားမှူးအဖြစ် ဆောင်ရွက်သည်။ အခမ်းအနားကို ပီနန်ဆရာတော်ကြီး သင်ကြားလမ်းညွှန်ထားသည့်အတိုင်း ရတနာသုံးပါးကို ရှိခိုးပြီး စတင်ခဲ့သည်။ တာဝန်ခံဆရာတော် ဦးဝိစိတ္တထံမှ ငါးပါးသီလကို ခံယူပြီး ကျောင်းဝတ်ရွတ်စဉ်ကို ရွတ်ဖတ်ပူဇော်ခဲ့ကြသည်။ ပြီးလျှင် စာရေးသူမှ ၀ါဆိုအဓိပ္ပာယ်၊ ၀ါဆိုသင်္ကန်းအကြောင်း၊ ၀ါဆိုသင်္ကန်းဆက်ကပ်သည့်ဓလေ့ဖြစ်ပေါ်လာပုံ စသည်တို့ကို ရှင်းလင်းဟောကြားခဲ့ရသည်။ ပြီးလျှင် သံဃာတော်များအား ၀ါဆိုသင်္ကန်းနှင့် အခြားလှူဖွယ်များကို လှူဒါန်းကြသည်။ မြန်မာအခမ်းအနားများနှင့် မတူသည်မှာ ကြွရောက်လာသော ပရိသတ်များက သံဃာတော်များအား ၀ါဆိုဖယောင်းတိုင်များ လှူဒါန်းကြခြင်း ဖြစ်သည်။ ၀ါဆိုဖယောင်းတိုင် လှူဒါန်းခြင်းဖြင့် အနန္တော အနန္တငါးပါးအပေါ် ပြစ်မှားခဲ့သည်များ ရှိခဲ့လျှင် ကျေပျောက်နိုင်သည်ဟု ယုံကြည်ကြသည်။

နောက်ဆုံးအနေဖြင့် သံဃာတော်များဦးဆောင်ပြီး ၀ါဆိုဖယောင်းတိုင်ကို ထွန်းညှိကာ ကျောင်းတိုက်စေတီကို လှည့်လှည်ပူဇော်ကြသည်မှာ ကြည်နူးစရာ ကောင်းလှပါသည်။ ည ၉-နာရီကျော်ခန့်တွင် ကော်မတီအဖွဲ့ဝင်များနှင့် စုပေါင်းဓာတ်ပုံရိုက်ပြီး ၀ါဆိုပွဲအခမ်းအနားကို အောင်မြင်စွာ ရုတ်သိမ်းခဲ့ကြပါသည်။

Read more...