ကျေးဇူးတော်ရှင်ပိုင်းလော့ဆရာတော်ဘုရား၏ အမေရိက ဓမ္မဒူတခရီးစဉ်

လေးစားချစ်ခင် ရပါသော အမေရိက မှဓမ္မမိတ်ဆွများရှင်

ကျေးဇူးတော်ရှင် ပိုင်းလော့ဆရာတော်ဘုရား ကြီးသည် အခုဆိုလျှင် အမေရိက သို့ ဓမ္မဒူတ ခရီးကြွချီရန် ပြည်ဝင်ခွင့်ဗီဇာ ရရှိထား ပြီး ဖြစ်ပါတယ်။

မြန်မာနိုင်ငံမှ ၂၂ .၅. ၂၀၁၁ နေ့ တနင်္ဂနွေနေ့ တွင် ထွက်ခွာ လာမှာ ဖြစ်ပြီး အမေရိကန် နိုင်ငံ Los Angeles သို့ ဆိုက်ရောက်မှာဖြစ်ပါတယ်။

Los Angeles မှ Minnesota ပြည်နယ် သီတဂူ ဝိဟာ ရသို့ ပထမဆုံး ကြွရောက် ပေး မှာ ဖြစ်ပြီး

အရှင်တိက္ခဉာဏာ လင်္ကာရ ၏ သိက္ခာ ထပ်မင်္ဂလာ အခမ်းအနား

ကို ချီးမြှောက် တက်ရောက်မှာ ဖြစ်ပါတယ်။

သီတင်းသုံးစဉ် ကာလအတွင်း မှာလည်း ဝိပဿနာ တရားတော်များ ကို ဟောကြား ပေးမှာဖြစ်ပါတယ်။အော်ကပါအတိုင်း တရားနာကြွရောက်နိုင်စေဘို့ နိဗ္ဗာန်အကျိုးမျှော် ၍ နှိုးဆော်အပ်ပါတယ် ။

ဆက်လက် ပြီး Colorado States ဓမ္မပါလကျောင်း ဖွင့်ပွဲ သို့ ၂၈.၅.၂၀၁၁ -စနေနေ့ တွင် ဆက်လက် ထွက်ခွာ မှာ ဖြစ်ပါ ကြောင်း ကြိုတင်ကြည်ညို နိုင်ပါရန် မျှဝေအပ်ပါတယ်။

Posted by ပိုင်းလော့ဆရာတော် အရှင်ဇေယျပဏ္ဍိတ at 8:08 PM 0 comments

Read more...

A History of Pali Literature

A History of Pali Literature

Read more...

နုတ်မဆက်ချင်လည်းခွဲရမှာပါ

ကိုရင်လေး အမိမြန်ပြည်သို့ ၂၂.၅.၂၀၁၁ နေ့ စံတော်ချိန် ၄.၃၀- တွင် အိန္ဒိယနိုင်ငံ ချန်နိုင်းပြည် တွင်းလေဆိပ် မှတစ်ဆင့် ကာလကတ္တားလေဆိပ်သို့ မြန်မာပြည်ပြန်ရန် သွားရောက်ပါသည်။ ထိုလေဆိပ်တွင် ညအိပ်ကာ အိန္ဒိယစံတော်ချိန် မနက် ၁၀.၀၀ နာရီတွင် အိန္ဒိယ အဲယား လိုင်းဖြင့် မြန်မာ သို့ပြန်ရောက်ရှိပါမည်။ ကိုရင်လေး နိုင်ငံခြားလို့ခေါ်ဆိုတဲ့ အိန္ဒိယမှ ပြည်သို့ ၁၂.၃.၂၀၁၁-နေ့တွင် ဘုရားဖူးရင်း အိန္ဒိယနိုင်ငံ တက္ကသိုလ်တစ်ခုခုတွင် Ph.D အတွက်စုံစမ်းရင်း လိုက်ပါခဲ့ပါတယ်။ ဘုရားဖူးရင်း လိပ်ဥတူးရင်းလို့ပြောရမလားပဲ။ ဘုရားစုံတော့မဖူးလိုက်ရ ကျောင်းအတွက် ဒုတိယဦးစားပေး ခြင်းဆိုတော့ လုံးပမ်းရ သေးသည်။ ရထားတဲ့ဗီဇာက အလည်ဗီဇာသုံးလထဲရသည်။ ထို့ကြောင့် အချိန်အနည်းငယ် အတွင်း မှာရည်ရွယ်ထားရာလေးတွေကို ဖြည့်ဖို့ကြိုးစားလိုက်ရသည်။

အိန္ဒိယသို့ရောက်ချိန်အတွင်း ရထားတဲ့အခွင့်အရေးလို့ဆိုတဲ့ အင်တာနက်အသုံးပြုခွင့်ကတော့ အပြည့်အ၀ ရခဲ့ပါသည်။ ထို့ကြောင့်ပင် မိမိ၏ဆိုက်လေး ဒေါ့ကွန်သက်တမ်း တစ်နှစ်ထပ်တိုးပြီး ပို့စ်များကို တင်ခွင့်ရေးသားခွင့်ရခဲ့ပါတယ်။ အမိမြန်ပြည်ဆိုလျှင် အခုလောက်လည်း ရေးသား ခွင့်မရတော့ပါဘူး။ အင်တာနက်အခြေအနေနှင့် စာရိုက်ဖို့အချိန်ရှိသော်လည်း အော်တိုမိတစ်ဖြစ်နေတဲ့ အမိပြည်ရဲ့လျှပ် စစ်မီးဒုက္ခ။ စာအုပ်မှာကြမ်းရေး၍ အင်တာနက်ကဖေး ဆိုင်တွင် သွားရောက်၍ စာရိုက်ရအောင်ကလည်း မလွယ်ကူလှတော့ စာရေးခြင်းကို မျက်နှာ လွဲထားရတော့သည်။

အကြောင်းတိုက်ဆိုင်လို့ ရေးသားထားသော စာလေးတွေကို ဘလော့သို့ရောက်ရှိအောင် ခန္တီတရား လက်ကိုင်ထားကာ တင်ရတော့သည်။ အမိပြည်အင်တာနက် ကွန်နရှင်အကြောင်း သိကောင်း စရာခေါင်း စဉ်ဖြင့်တော့ ရေးသားရန်လိုမယ်မထင်။ ထိုအထဲ သံဃာတော်များ အင်တာနက်ဆိုင်ကို အသုံးပြုလျှင် မျက်စိတောက်ထောက်ကြည့်နေသည့် လူများကလည်း မနည်းလှ။ အချို့သောဒကာ၊ ဒကာမများကလည်း ရဟန်းတော်များကို အင်တာနက်သုံးလျှင် အာပတ်သင့်နေသလိုလို သူတို့ထင်နေကြသည်။ ထိုအကြောင်း အရာကို ကိုရင်လေးရှင်းပြ ပြောဆိုရသည်မှာ လေးယောက်လောက်ကြုံခဲ့ဖူးပါသည်။

သြော်.. မျက်စိဖွင့် နားစွင့်ဆိုတဲ့ခေတ်ကြီးမှာ မျက်စိမှိတ် နားပိတ်သူတွေကို ရှင်းပြရတာတော့ မလွယ်ကူ လှပေ။ အကြောင်းအရာရှိလို့ မဖြစ်မနေသုံးရလျှင်လည်း အချိန်အနည်းငယ်သုံး၍ လှည့်ပြန်ရတော့သည်။ တစ်ခါတလေရေးထားတဲ့ စာလေးတွေတင်ချင်တာတောင် အခက်တွေ့ ရတော့သည်။ ဘလော့သို့ ၀င်ရောက်လျှင်လည်း အမိပြည်က ကျော်ခွတက် မှရသည်။ ကျော်ခွ တက်သောအတက်ကား တက်ရသေး သည်။ ရေးထားတဲ့စာလေး တွေတော့ အဆုံးရှုံးမခံချင် ဘလော့တင်ရတဲ့အချိန်နှင့် အီးမေးဖွင့်ရတဲ့ အချိန် နှိုင်းစာလိုက်တော့ ဘလော့တင်ရတဲ့ အချိန်ကား မိနစ်အတော်ကြာကြာစောင့်ရသည် ထို့ကြောင့် ရေး ထားတဲ့စာ လေးတွေကို အစိမ်းရောင်လွင်ပြင် မချောသို့ပို့ကာ အကူညီတောင်းရတော့သည်။ ဘလော့ကာ ချင်းအပြည့်အ၀ပင် ကူညီပေးသည်။ ထို့ကြောင့်သာ အမိပြည်ကနေကြိုးကြား ကြိုးကြား စာရေးချင် စိတ်လေးဖြစ်ရသည်။

ကိုရင်လေး ခရီးစဉ်အတွင်းမှာ တစ်သက်မှတစ်ခါဆိုသလိုရလိုက်တဲ့ အတွေ့အကြုံဗဟုသုတ များစွာကို ရလိုက်ရသည်။ ကျောင်းကိစ္စအတွက်ရဖို့ကို လုံးပမ်းရခြင်း၊ အတွေ့အကြုံနှင့် ပေါင်းသင်းဆက်ဆံလိုက်ရသည့် မိတ်ဆွေတို့အထံမှ ရလိုက်သည့် သင်ခန်းစားကား တစ်သက်တာအတွက် အမှတ်ရစရာတွေဖြစ်နေ ခဲ့တော့မည်။ ဟိုယခင် သီရိလင်္ကာနိုင်ငံမှာ ကျောင်းတက်နေစဉ်အတွင်း မိတ်ဆွေနှင့်ပတ်သက်၍ ပို့စ်တစ်ပုဒ်ရေးသားခဲ့ဖူးပါသည်။ ယခုအခါမှာတော့ ပို့စ်တင်ဖို့မသင့်တော်သည့် အနေမှာ ရှိသောကြောင့် ရေး သားဖို့ ချန်လှစ်ခဲ့ရပါသည်။

မိတ်ဆွေဟူ၍ လူမိတ်ဆွေရယ် ရဟန်းမိတ်ဆွေရယ်ဆိုပြီး နှစ်မျိုးနှစ်စား တွေးထင်နိုင်ပါသည်။ အဓိကအကြောင်းနှင့် အကျိုးဆက်အဖြစ် ကိုရင်လေးတို့ တွေ့ကြုံနေရသည်မှာတော့ ရဟန်းမိတ်ဆွေက အများဆုံးပင်ဖြစ်ပါသည်။ အထက်ပါဆိုလိုချက်သည်လည်း ရဟန်းမိတ် ဆွေသူငယ်ချင်းကိုသာ ဆိုလိုပါသည်။ လူမိတ်ဆွေကား ကိုရင်လေးတို့ရဟန်းဘ၀မှာတော့ ဥပသကာ ဥပသိကာမဟူသော ဘာသာရေးရှုထောင့်က ကြည့်၍ပြောဆိုဆက်ဆံရသည်။ ရဟန်းမိတ်ဆွေမှာတော့ ညီအကို သူငယ်ချင်းအဖြစ်နဲ့ ထိတွေ့ပြော ဆိုရပါသည်။ ထိုခရီးစဉ် တစ်လျှောက်မှာ အခက်ခဲများစွာကို ကြုံတွေ့နေရတိုင်း စကားဖြင့်တစ်ဖုံ အခြားသော နည်းဖြင့် တစ်ဖန် ပြေလည်မှုရစေရန် ကူညီမှုများပေးသည့် မိတ်ဆွေရဟန်း တော်များ ရှိသလို၊ မိတ်ဆွေ ဟူသောခေါင်းစဉ်ဖြင့် မထိုက်တန်သည့် ရဟန်းမိတ်ဆွေတို့လည်း တွေ့ကြုံဆက် ဆံခဲ့ရသည်။

သြော်…. အတွေ့အကြုံဟူသည် ငွေဖြင့်ပေးဝယ်၍မရ ဟူသော ဆိုရိုးသည်မှန်စွတကား၊ ထိုအကြောင်း အရာမှန်သမျှသည် ငွေဖြင့်ဝယ်လို့ ရလိုက်သည်မဟုတ်ပါ။ လောကမှပေး လိုက်သည့် အတွေ့အကြုံများ ပင်ဖြစ်ပါသည်။ ကိုရင်လေးအခုလိုရေးလိုက်လို့ စာရှုသူတစ်မျိုး ထင်စရာများဖြစ်လေမလား။ ရဟန်းသည် လည်းပုထုဇဉ်ပါပင်မဟုတ်ပါလော။ ပုထုဇဉ်မှန်က အပြစ်ဟူ၍ကား မကင်းကြသည်သာ။ ထိုပုထုဇဉ်ဝန်းကျင် ကိုဆိုလိုပါသည်။ အားလုံးသော စာဖက်သူများကိုလည်း လာလည်ခြင်းများအတွက် အားတက်စေခဲ့ရပါတယ်။ စာရေးချင်စိတ် ဆိုတာ စာဖက်သူက တွန်းအားပေးနေတာပါ။ အခုတော့ ခေတ္တမျှ (အချိန်ကြာချင်ကြာသွား မည်) ခွဲခွါရပေဦးမည်၊ အဲဒါကြောင့် ကိုရင်လေးကပဲနုတ်ဆက်ချင်ပါတယ်……

ဘ၀ခရီးတစ်ထောက်မှ ကိုရင်လေး

Show/Hide

Read more...

အသက်အရွယ်အလိုက် စားသင့်သော အစားအစာများ

သင်အလုပ်များနေလို့ သင်စားလိုက်တဲ့အစာဟာ သင့်ကျန်းမာရေးအတွက် ကောင်းကျိုးပေးတာလား၊ ဆိုးကျိုးပေးတာလားဆိုတာကို သတိထားကြည့်မိရဲ့လား၊ သင်ကလေးရနေလို့ သင့်ကလေးကို

ကျွေးမွေးနေရတာနဲ့ပဲ အလုပ်ရှုပ်နေလို့ သင့်ကျန်းမာရေးအတွက် သင်ပြန်မကြည့်မိဘူးလား၊ ဘယ်လိုအခြေအနေပဲဖြစ်ဖြစ် ဘယ်အသက်အရွယ်ပဲဖြစ်ဖြစ် သင့်မီးဖိုချောင်ထဲက ပစ္စည်းတွေဟာ ဘယ်အစာက စွမ်းအင်ဖြစ်စေသလဲ၊ ဘယ်အစာက သင့်ရောဂါတွေကို တွန်းလှန်နိုင်သလဲ။ ဘယ်အစာက သင့်ကျန်းမာရေးအတွက် ကောင်းသလဲဆိုတာကို သိစေဖို့ အသက် ၂၀-အရွယ်၊ ၃၀-အရွယ်နဲ့ ၄၀-အထက် အရွယ်တွေအတွက် အစာရွေးချယ်စားတတ်ဖို့ လိုအပ်ချက်များကို ဖော်ပြလိုက်ပါတယ်။

အသက် ၂၀-အရွယ်

ဒီအရွယ်ဟာ သင့်အတွက် ပထမဆုံး အလုပ်သစ်ဝင်ရမယ့် အရွယ်ဖြစ်ပြီး သူငယ်ချင်းအသစ်တွေနဲ့ တွေ့ဆုံရနိုင်ပါတယ်။ ရည်းစားထားပြီး တချို့သူတွေလည်း အိမ်ထောင်ပြုကြကာ မိသားစုတခု စတင်တည်ထောင်ကြတဲ့အရွယ်လည်း ဖြစ်ပါတယ်။ သင့်ဘ၀အတွက် ကျန်းမာရေးနဲ့ ညီညွတ်တဲ့ အစာစားဖို့ အဓိကကျပါတယ်။

အဆင်သင့် စားရတဲ့အစာကို စားမယ်ဆိုရင် ကျန်းမာရေးနဲ့ ညီညွတ်အောင် ရွေးပါ---

အသက် ၂၀-ကျော်အရွယ်တွေ ဖြစ်လာရင် ဆယ်ကျော်သက်အရွယ်ကထက် အဆင်သင့်စားလို့ရတဲ့ အစာတွေကို ၂၅-ရာခိုင်နှုန်း ပိုမိုစားသုံးကြတယ်လို့ လေ့လာသူတွေက ဆိုပါတယ်။ အိမ်ထမင်း၊ အိမ်ဟင်း မစားတဲ့အတွက် အသက် ၂၀-အရွယ်တွေအတွက် အမှန်တကယ် လိုအပ်တဲ့အာဟာရတွေ လျော့နည်း သွားနိုင်ပါတယ်။ ကျန်းမာရေးနဲ့ ညီညွတ်တဲ့အစာတွေ ရွေးစားပါ။ အဆင်သင့်စားလို့ရတဲ့ဆိုင်မှာ စားမယ်ဆိုရင် ကြက်ကင်၊ ပုစွန်၊ ငါး၊ ဟင်းသီးဟင်းရွက်သုပ်၊ ပေါင်မုန့်ညိုနဲ့ ထမင်းတွေကို မှာစားပါ။

ကျန်းမာရေးအတွက် ဒီအရည်သာ သောက်ပါ---

ဘီယာအပြင်းစားတွေ သောက်တာဟာ သင့်ခန္ဓာကိုယ် အလေးချိန် တိုးစေပါတယ်။ ၁၂-အောင်စဘူးမှာ ၁၁၀-ကယ်လိုရီသာပါတဲ့ ဘီယာအပျော့စားသာ သောက်ပါ။

သင့်အတွက် အဓိကလိုအပ်တဲ့ အာဟာရအသားဓာတ်---

အစာလျှော့စားတာ၊ ညစာ မစားတာ၊ ဒိန်ချဉ်ပဲ သောက်တာတွေကြောင့် သင့်မှာ အသားဓာတ် လျော့နည်းနေတတ်ပါတယ်။ အသားဓာတ် စားခြင်းဖြင့် သင့်ကို ဗိုက်ပြည့်နေစေပြီး ကြွက်သားတွေ ကိုလည်း တည်ဆောက်ပေးပါတယ်။ ကြွက်သားတွေ များလာတဲ့အတွက် ကယ်လိုရီတွေကိုလည်း ပိုမိုလောင်ကျွမ်း စေပါတယ်။ အသက် ၂၀-အရွယ်တွေမှာ အသားဓာတ် နေ့စဉ် ၆၀-ဂရမ်ထိ လိုအပ်ပါ တယ်။ အရေပြားဆုတ်ထားတဲ့ ကြက်သား၊ ဘဲသား၊ အသားတုံး၊ ငါး၊ ကြက်ဥ၊ ပဲအမျိုးမျိုး၊ တိုဟူးနဲ့ နို့များများ စားပါ။

ပိုတက်စီယမ်---

သင့်နှလုံးနဲ့ ကြွက်သားတွေ လုပ်ဆောင်ချက်ကောင်းအောင် ပိုတယ်စီယမ် လိုအပ်ပါတယ်။ ဒါပေမဲ့ အသက် ၂၀-အရွယ် အမျိုးသမီးအများစုဟာ အစာမှ ပိုတက်စီယမ်ကို သူတို့ တကယ်လိုအပ်တဲ့ပမာဏထက် တ၀က်လောက် လျော့ပြီးသာ ရကြပါတယ်။ နေ့စဉ် သစ်သီး နှစ်ခွက်စာ (ပန်းသီး၊ ငှက်ပျောသီး၊ စတော်ဘယ်ရီ) နဲ့ ဟင်းသီးဟင်းရွက် နှစ်ခွက်စာ (ကန်စွန်းရွက်၊ ဟင်းနုနယ်၊ အစိမ်းရောင် ပန်းဂေါ်ဖီ) တွေ စားပေးတာဟာ သင့်အတွက် လိုအပ်တဲ့ ပိုတက်စီယမ်တွေ အပြည့်အ၀ ရနိုင်ပါတယ်။

Omega-3 fats---

Omega 3 fats ဟာ ဦးနှောက်တွင်း စိတ်ခံစားမှု ကောင်းစေတဲ့ ဟော်မုန်း Serotonin ပမာဏကို မြင့်တက်စေပါတယ်။ အမျိုးသမီးတွေဟာ အသက် ၂၀-အရွယ်မှာ စိတ်ဓာတ်ကျတတ်တဲ့အတွက် Omega-3 fatty acid အာဟာရကို စားပေးဖို့ လိုပါတယ်။ ဆော်လမွန်ငါး၊ တူနာငါးတွေမှာ များစွာ ပါဝင်ပါတယ်။ ငါးမကြိုက်နှစ်သက်ပါက သစ်ကြားသီး စားပေးပါ။

အသက် ၃၀-အရွယ်

ဒီအရွယ် အမျိုးသမီးတွေဟာ အိမ်ထောင့်တာဝန်နဲ့ ကလေးတာဝန်တွေအပြင် အလုပ်တာဝန်တွေပါ ပိုလာတဲ့အတွက် သင့်မှာ အားလပ်ချိန်နည်းသွားပြီး ပြေးရင်းလွှားရင်းနဲ့ အစားပြဿနာကို ဖြေရှင်းရတဲ့ အရွယ်ပါ။

သင့်အတွက် ကျန်းမာရေးနဲ့ ညီညွတ်တဲ့ အစားအသောက် မှာစားပါ---

သင် စားသောက်ဆိုင်မှာ အစာမှာစားရင် ၅၀၀-ကယ်လိုရီထက်မပိုတဲ့ အစာ (ဟမ်ဘာဂါတလုံးနဲ့ အာလူးကြော်တထုပ်မှာ ၇၉၀-ကယ်လိုရီ ပါဝင်ပါတယ်) နဲ့ အဆာပြေအစာအတွက် ၁၀၀-ကယ်လိုရီ ပါဝင်မှုရှိတဲ့ အစာတွေ စားပါ။

ကယ်လိုရီ ၁၀၀-ရှိတဲ့ အစားအစာများ---

ဟိုမုန့်လေးကို တကိုက် ကိုက်လိုက်၊ ဒီမုန့်လေးကို လက်တဆုပ်စာ စားလိုက်နဲ့ တစွတ်စွတ်သာ စားနေကြ ပေမယ့် ကိုယ်စားတဲ့အစာက ကယ်လိုရီ ဘယ်လောက်ရှိလည်းဆိုတာ သတိမထားမိကြတဲ့ အတွက် ဗိုက်ကြီးတွေ ပူကာ ခါးတုတ်လာတတ်ကြပါတယ်။ ဒါကြောင့် အဆာပြေမုန့်စားတဲ့အခါ ကယ်လိုရီနည်းတဲ့ အစာတွေ ရွေးစားတတ်စေဖို့အတွက် ကယ်လိုရီ ၁၀၀-ရှိတဲ့အစာတွေကိ်ု ဖော်ပြလိုက် ပါတယ်။

-ပန်းသီး အလယ်အလတ်အရွယ် နှစ်လုံး၊

-၂၅-ဂ၇မ် (လက်ညှိုးတချောင်းစာ) ချိစ်တပြား၊

-၁၆-ဂရမ် အလေးချိန်ရှိ မြေပဲများ (လက်ကြီးကြီးတဆုပ်စာရဲ့ တ၀က်)၊

-အာလူးသုပ် (Potato Salad) ထမင်းစားဇွန်း တဇွန်းစာ၊

-ထောပတ်သီး တခြမ်း၊

-ပေါင်မုန့် ထောပတ်ပါးပါးသုတ် တချပ်၊

-ချောကလက်သုတ်ထားတဲ့ ဘီစကွတ်တချပ်နဲ့ တကိုက်စာ၊

-အစေ့မပါတဲ့ စပျစ်သီးအလုံး ၃၀၊

-ဆန်မုန့် သုံးခုနဲ့ တ၀က်၊

သင့်ကျန်းမာရေးကို ပထမဦးစားပေး လုပ်ပါ---

အသက် ၃၀-အရွယ်တွေမှာ ကျန်းမာရေးနဲ့ ညီညွတ်မှုမရှိတဲ့ Lifestyle တွေကြောင့် ဆီးချိုရောဂါ ဒါမှမဟုတ်-သွေးတိုးရောဂါတွေ ရလာတတ်ပါတယ်။ သင့်ခန္ဓာကိုယ်အလေးချိန်ရဲ့ ၁၀-ရာခိုင်နှုန်း လျှော့ချနိုင်ရင် အထက်ပါ ရောဂါ ဖြစ်နိုင်ခြေတွေ လျော့သွားပါတယ်။

သင့်အတွက် အဓိကလိုအပ်တဲ့ အာဟာရ ဖောလိတ်---

ကိုယ်ဝန်ဆောင်တွေမှာ ဖောလစ်အက်စ် လုံလုံလောက်လောက် သောက်ပေးတာဟာ မွေးလာတဲ့ကလေး မွေးရာပါ အာရုံကြောချို့ယွင်းမှု မဖြစ်ရလေအောင် ကာကွယ်ပေးနိုင်ပါတယ်။ ခန္ဓာကိုယ်မှ cell အသစ်တွေ ထွက်လာဖို့လည်း ကူညီနိုင်ပါတယ်။ ဖောလစ်အက်စ်ဟာ နှလုံးရောဂါဖြစ်နိုင်ခြေကိုလည်း လျှော့ချပေးပါတယ်။

ဟင်းနုနယ်၊ ကညွတ်၊ အစိမ်းရောင် ပန်းဂေါ်ဖီ၊ ထောပတ်သီး၊ လိမ္မောရည်နဲ့ ကောက်နှံတွေ စားခြင်းဖြင့် နေ့စဉ် လိုအပ်တဲ့ဖောလစ်အက်စ် ၄၀၀-မိုင်ခရိုဂရမ်ကို ရရှိနိုင်ပါတယ်။

Phytonutrients

phytonutrients ဓာတ်ပေါင်းမှာ ဓာတ်တိုးဆန့်ကျင်ပစ္စည်းတွေ ပါဝင်တဲ့အတွက် အရွယ်တင်နုပျိုစေပြီး နှလုံးရောဂါမဖြစ်အောင် ကာကွယ်နိုင်ပါတယ်။ DNA ပြောင်းလဲမှုကိုလည်း ကာကွယ်နိုင်တဲ့အတွက် ကင်ဆာရောဂါကိုလည်း ကာကွယ်ပေးပါတယ်။ အညိုရင့်ရောင် ချောကလက်၊ အနီရောင်ဝိုင်နဲ့ ကော်ဖီမှာ phytonutrients များစွာ ပါဝင်ပါတယ်။

သံဓာတ်---

သံဓာတ် မလုံလောက်ပါက ခန္ဓာကိုယ် ကြံ့ခိုင်ရေး မကောင်းတဲ့အပြင် စိတ်ရှုပ်ထွေးမှုတွေပါ ဖြစ်စေပါတယ်။ သံဓာတ်ချို့တဲ့နေတဲ့ အမျိုးသမီးတွေဟာ သံဓာတ်ပုံမှန်အဆင့်ရှိတဲ့ အမျိုးသမီးတွေထက် ခံစားချက်နဲ့ လုပ်ရတဲ့အလုပ်တွေမှာ အချိန်ကြာကြာ ယူရပြီး လုပ်ဆောင်ချက်တွေလည်း မကောင်းတတ်ကြပါဘူး။ နေ့စဉ် လိုအပ်ချက်ဖြစ်တဲ့ သံဓာတ် ၁၈-မီလီဂရမ် ရရှိအောင် အမဲသား၊ ပဲနို့၊ ဖရုံစေ့၊ အရေခွံဆုပ်ထားတဲ့ ကြက်သားတွေ စားပေးပါ။

အသက် ၄၀-အရွယ်

ဒီအရွယ်ဟာ အမျိုးသမီးတွေ ကိုယ့်အတွက် ကိုယ်စ,လုပ်ရမယ့် အရွယ်ပါ။ ဒီအရွယ်မှ မိမိရဲ့ ကျန်းမာရေးနဲ့ ကြံ့ခိုင်ရေး ကောင်းမွန်အောင် ကြိုးစားရလေ့ရှိပါတယ်။

ဗိုက်ပူနေတာကို လျော့စေဖို့---

သင့်ဗိုက် အနည်းငယ် စူထွက်နေတာဟာ သင့်ခန္ဓာကိုယ်မှ အီစထရိုဂျင်အဆင့် ကျဆင်းလာတာကို ဖော်ပြနေတာပါ။ ကလေးမွေးခဲ့တဲ့နှစ်တွေမှာ ကလေးကို နို့တိုက်ဖို့ လောင်စာတွေကို အမျိုးသမီးတွေရဲ့ တင်ပါး၊ ဗိုက်နဲ့ ပေါင်တွေမှာ ထည့်ထားတဲ့အတွက် အလေးချိန်တွေ တိုးလာပါတယ်။ အဲဒီနေရာမှာရှိတဲ့ Cell တွေဟာ အီစထရိုဂျင် Receptor တွေပါ။ ခန္ဓာကိုယ်မှ အီစထရိုဂျင်အဆင့်တွေ ကျဆင်းသွားတဲ့အခါ အဲဒီ Receptor တွေဟာ အလုပ်မလုပ်တော့ပါဘူး။ ဒါကြောင့် ခန္ဓာကိုယ်က အဆီတွေကို တိုက်ထုတ်ဖို့ လိုအပ်ပါတယ်။ တပတ်ကို လေ့ကျင့်ခန်း ၅-ရက် လုပ်ပေးပါ။ တနေ့ကို ကယ်လိုရီ ၁၀၀-လျှော့စားပါ။

တနေ့ကို ကယ်လိုရီ ၁၀၀-လျှော့စားပါ---

အသက် ၄၀-ကျော်နောက်ပိုင်း ဆယ်စုနှစ်တစုပြည့်တိုင်း သင်ရဲ့ ကယ်လိုရီ လိုအပ်ချက်ဟာ အကြမ်းဖျင်း တစ်ရာခိုင်နှုန်း လျော့သွားပါတယ်။ ဒါဟာ ကယ်လိုရီ ၁၀-ရှိတဲ့ ကွတ်ကီးတခုနဲ့ ညီမျှပါတယ်။ သင်ရဲ့ ဇီဝရုပ် ဖြစ်ပျက်မှု ကောင်းမွန်အောင် ၃-နာရီ ဒါမှမဟုတ် ၄-နာရီခြား အစာစားပါ။ ခန္ဓာကိုယ်အလေးချိန်လည်း လျှော့ချပေးနိုင်ပါတယ်။

သင့်အတွက် အဓိကလိုအပ်တဲ့ အာဟာရ ကယ်လ်စီယမ်---

မီးယပ်သွေးဆုံးချိန် နီးလာရင် အရိုးတည်ဆောက်မှုပေးတဲ့ အီစထရိုဂျင်အဆင့်တွေ ကျဆင်းသွားတဲ့အတွက် ကယ်လ်စီယမ်ဟာ ပိုပြီး အရေးတကြီး လိုအပ်လာပါတယ်။ သင်ရဲ့ အစာအိမ်မှ အက်စစ်ထုတ်လုပ်မှုလည်း နည်းသွားတတ်တဲ့အတွက် စားလိုက်တဲ့အစာမှ ကယ်လ်စီယမ်ကိုလည်း စုပ်ယူမှု အားနည်းသွားတတ် ပါတယ်။ နေ့စဉ် ၁,၀၀၀ မီလီဂရမ် ရစေဖို့ နို့နဲ့ နို့ထွက်ပစ္စည်းများ၊ ကယ်လ်စီယမ် အားဆေးများ ဒါမှမဟုတ် နှစ်မျိုးစလုံး စားသုံးနိုင်ပါတယ်။

ဗီတာမင် D---

ဗီတာမင် D ဟာ ခန္ဓာကိုယ်မှ ကယ်လ်စီယမ် စုက်ယူမှုကို ကူညီအားပေးပြီး ခုခံအားစနစ် သန်မာစေကာ သားမြတ်နဲ့ အူမကြီးကင်ဆာ မဖြစ်အောင်လည်း တားမြစ်ပေးပါတယ်။ ဆံပင်ကျွတ်မှုကိုလည်း ကာကွယ်ပေးပါတယ်။

အသက် ၄၀-အရွယ်ရောက်ရင် သင့်ကိုယ်တွင်းမှ ဗီတာမင် D အဆင့်တွေဟာ မြန်မြန်လျော့ကျသွားတတ်ပါတယ်။ အစာထဲမှာ ဗီတာမင် D လုံလုံလောက်လောက် ရဖို့ မဖြစ်နိုင်ပါဘူး။ ဒါကြောင့် နေ့စဉ် ဗီတာမင် D အားဆေး 600-မှ 1000 IU သောက်ပေးဖို့ လိုအပ်ပါတယ်။

အမျှင်ဓာတ်---

အမျှင်ဓာတ်ဟာ လေပွခြင်းကို သက်သာစေပြီး သင့်ကို အချိန်ကြာမြင့်စွာ ဗိုက်ပြည့်နေစေပါတယ်။ ဒါ့ပြင် ကိုလက်စထရောအဆင့်ကို ကျစေပြီး အူမကြီးကင်ဆာ ဖြစ်နိုင်ခြေကိုလည်း လျှော့ချပေးပါတယ်။

ရေမှာ ပျော်ဝင်နိုင်တဲ့ အမျှင်တွေဖြစ်တဲ့ သစ်သီး၊ ဟင်းသီးဟင်းရွက်၊ ဘာလီ၊ ကွေကာအုတ်နဲ့ ဖွဲနု၊ ပေါင်မုန့် အစရှိတဲ့ ရေမှာမပျော်ဝင်တဲ့ အမျှင်တွေ ရောပြီး စားပါ။

ဒေါက်တာ ခင်မိုးမိုး
(အာရောဂျံ မဂ္ဂဇင်း ၂၀၀၈-ခု ဇန်န၀ါရီလ)

Read more...

အလုပ်စဉ် (၁)

တရားနှလုံးသွင်းပြီး ခန္ဓာကိုယ်ထဲကို စောင့်ကြည့်လိုက်ပါ။ စောင့်ပြီး အသက်ကလေး မှန်မှန်ရှူပြီးကြည့်လိုက်တော့ အာရုံတွေက တိုက်ချင်ရာက တိုက်လိမ့်မယ်။ ဥပမာ မျက်လုံးဖွင့်လိုက်တာနဲ့ ဧည့်သည်ဖြစ်တဲ့ မြင်စိတ်ပေါ်လာတယ်။ ဒီဧည့်သည်မြင်စိတ်ဟာ အရင်ကပါလာတာလား၊ အခုမှ အဆင်းနဲ့တိုက်လို့ပေါ်လာတာလားဆိုရင် အခုပဲ ပေါ်လာတဲ့ ပစ္စုပ္ပန်စိတ်ပဲဆိုတာ မှတ်ရမယ်။ မြင်စိတ်ပေါ်သည်နဲ့တစ်ပြိုင်နက် စောင့်နေတဲ့ သတိ သမာဓိ ပညာက ချက်ချင်းလိုက်ပါ။ မြင်စိတ်ကလေးပေါ်ပြီး မြင်စိတ်ကလေး မရှိဘူးဆိုတာ သိအောင် ချက်ချင်းလိုက်ပါ။ လိုက်လိုက်တော့ စက္ခုဝိညာဏံ အနိစ္စံဆိုတဲ့အတိုင်း မြင်စိတ်ကလေးဟာ ဖြစ်ပြီးပျက်တဲ့ဓမ္မလေးပဲလို့ စောင့်နေတဲ့တရားက မြင်တယ်။ ငါမြင် သူမြင်တာမဟုတ်ပါဘူး။ မြင်စိတ်ကလေးက မြင်ပြီး မြင်စိတ်ကလေးကပဲ မမြင်ဘဲနဲ့ ချုပ်သွားတယ်ဆိုတာ သိမယ်။ ဒီလိုရှုတော့ မြင်စိတ်ဖြစ်ပျက်၊ ရှုတာက မဂ်။ ရှုတာက ၀ိပဿနာမဂ်ဖြစ်နေတော့ နောက်က ခင်တယ် စွဲလန်းတယ် အားထုတ်တယ်ဆိုတဲ့ တဏှာ ဥပါဒါန် ကံဆိုတဲ့ အနာဂတ်အကြောင်းသုံးခုမလာဘူး။ စောင့်မကြည့်ရင် လာမယ်။ စောင့်ကြည့်နေတုန်း မြင်စိတ်ကလေးပေါ်ရင် မြင်စိတ်နောက်ကို စောင့်နေတဲ့ဓမ္မတွေက ချက်ချင်းလိုက်ပါ။ လိုက်လိုက်တော့ အနာဂတ်အကြောင်းသုံးခု မလာဘဲနဲ့ ချုပ်တယ်။ ဒါကြောင့် စောင့်ပြီးတော့ ပေါ်ရာကို အနိစ္စရှုပါ၊ ဖြစ်ပျက်ရှုပါ။ စောင့်မကြည့်ရင် မြင်စိတ်နောက်က လိုချင်တယ်၊ စွဲလန်းတယ်၊ မရ ရအောင်အားထုတ်တယ်ဆိုတဲ့ အနာဂတ်အကြောင်းသုံးခုလာမယ်။ အနာဂတ်အကြောင်းဆိုတာ ပစ္စုပ္ပန်အကြောင်းတွေပါပဲ။ အခုလုပ်ထားတဲ့အကြောင်းတွေ။ သေသည်၏အခြားမဲ့၌ ဇာတိ ဇရာ မရဏတွေလာမယ်။ ဒုက္ခသစ္စာတွေပဲ။ အဲဒီဒုက္ခသစ္စာတွေ လာမှာစိုးလို့ မြင်စိတ်ပေါ်ရင် မြင်စိတ်ကို ဖြစ်ပျက်ရှုပါ။ ဧည့်သည်စိတ်ကလေးပဲ။ ငါမြင် သူမြင်မဟုတ်ဘူး။ အခုမှ အာရုံဒွါရ တိုက်ဆိုင်လို့ ပေါ်လာတာ။ အာရုံဒွါရတိုက်လို့ပေါ်လာတဲ့မြင်စိတ်ကလေးကို ငါလဲမထင်နဲ့၊ သူလဲမထင်နဲ့။ အနိစ္စလေးလို့သာ ထင်အောင်လုပ်လိုက်ပါ။ အနိစ္စမို့ အနိစ္စလို့ သိအောင်လုပ်ရမယ်။

စောင့်နေရင်းပဲ ဒုန်းကနဲ့ အသံကြားလိုက်တော့ ကြားစိတ်ပေါ်လို့ ကြားတာလန့်သွားတယ်ဆိုရင် နောက်က ဒေါသ သောက ပရိဒေ၀ ဒုက္ခ ဒေါမနဿ အ၀ိဇ္ဇာတွေလိုက်တယ်။ စောင့်မကြည့်လို့ လိုက်ပြီးတော့ ပဋိစ္စသမုပ္ပါဒ် အဆုံးကပြန်ဆက်တယ်။ အခုမှပေါ်လာတဲ့ ဧည့်သည်ကြားစိတ်ကလေး ပေါ်လာရင်လဲ ဖြစ်ပျက်ရှု။ ဒါဟာ စိတ္တာနုပဿနာပါပဲ။ ဉာဏ်ကလဲ ထိုင်း၊ ဒိဋ္ဌိကလဲများတဲ့ပုဂ္ဂိုလ် စိတ်ကို ရှုရမယ်လို့ သမ္မောဟအဋ္ဌကထာမှာ ဆိုတယ်။ ငါ့စိတ်လို့ထင်တယ်၊ ငါမြင်တယ် ငါကြားတယ်လို့ထင်တယ်ဆိုတာ ဒိဋ္ဌိပဲ။ ဉာဏ်ကလဲ လေး ဒိဋ္ဌိကလဲ များပြန်တော့ စိတ္တာနုပဿနာကို ရှုရပေလိမ့်မယ်။ စိတ္တာနုပဿနာရှုရင် ဒိဋ္ဌိအပြုတ်မြန်တယ်လို့ မှတ်လိုက်ပါ။ ဒိဋ္ဌိအနှောင်အဖွဲ့ကြောင့် အပါယ်ရောက်ကြရတာပဲ။ ၀ိပဿနာရှုတာဟာ ဟောဒီ အပါယ်ပို့မယ့်ဒိဋ္ဌိသတ်နေတာလို့ သဘောကျပါ။ ပြောလာတာ စိတ်နှစ်စိတ်ပြီးသွားပြီ။ နံစိတ်ကလေးပေါ်လာရင်လဲ ဖြစ်ပျက်ရှု။ မရှုရင် ငါနံတယ် ဘာညာဆိုပြီး ဒေါသ သောက ပရိဒေ၀ ဒုက္ခဒေါမနဿတွေ အ၀ိဇ္ဇာတွေ လာပြန်တယ်။ ဒါကြောင့် ဧည့်သည်နံစိတ်ကလေး နှာခေါင်းမှာပေါ်ရင်လဲ ဖြစ်ပျက်ရှု။ ရှုလိုက်တော့ နောက်ကလာမယ့်တရားဆိုးတွေ လာခွင့်မရှိတော့ဘူး။ လာခွင့်မရှိတော့ အနာဂတ်အကြောင်းပြတ်လို့ အနာဂတ်အကျိုးလဲ မပေါ်တော့ဘူး။ ဒါကြောင့် ၀ိပဿနာရှုတာသည် နောက်ခန္ဓာအစဉ်ပြတ်သွားအောင် လုပ်နေတာလို့ သဘောကျထားရမယ်။ နောက်ခန္ဓာအစဉ်ဟာ ဒုက္ခသစ္စာပဲ။ ဒါဖြင့် ၀ိပဿနာရှုရင် ဒုက္ခပြတ်တယ်လို့လဲမှတ်လိုက်ပါ။

လျှာပေါ်မှာ စားစိတ်ပေါ်လာရင် အခုမှပေါ်တာဖြစ်လို့ ပစ္စုပ္ပန်စိတ်ပဲ။ အဲဒီပစ္စုပ္ပန်စိတ်ကို ဖြစ်ပျက် အနိစ္စမြင်အောင် ရှုလိုက်ပါ။ မရှုရင် စားလို့ကောင်းတယ်ဆိုတော့ တဏှာဥပါဒါန် ကံတွေလာလိမ့်မယ်။ စားမကောင်းပါဘူးဆိုတော့လဲ ဒေါသ သောက ပရိဒေ၀တွေလာပြန်တယ်။ စားတဲ့စိတ်ကလေး ပေါ်တာကိုမှ ပေါ်မှန်းမသိလို့ရှိရင် အ၀ိဇ္ဇာ သင်္ခါရလိုက်တယ်။ ပဋိစ္စသမုပ္ပါဒ်တွေချည်းဆက်နေတယ်၊ အကြောင်းတွေချည်းဆက်နေတော့ အကျိုးဒုက္ခတွေကလဲ လိုက်လာမှာပဲ။ ဒါဟာ ဒိဋ္ဌိသတ်တဲ့ နည်း စိတ္တာနုပဿနာပဲ။ ဒိဋ္ဌိသတ်နိုင်ရင် သောတာပန်တည်တယ်။ ဒါကြောင့် သောတာပန်အမြန်တည်တဲ့နည်းဟာ စိတ္တာနုပဿနာပဲလို့ မှတ်ထားရမယ်။ စားတာကို ငါစားတယ်ထင်တော့ စားတာက စားစိတ်။ စားစိတ်ကို ငါထင်တော့ ဒိဋ္ဌိ။ စားစိတ်အပေါ်မှာ ဒိဋ္ဌိကပ်နေတယ်။ ဒါကြောင့် ပေါ်တဲ့စိတ်ကို ငါထင်တဲ့ အမြင်မှားတွေ ပျောက်အောင် စိတ္တာနုပဿနာက စရတယ်။

ယားတယ် နာတယ်ဆိုတော့လဲ အရင်ကတည်းက ယားနေတာမဟုတ်၊ အခုမှ ပေါ်လာတဲ့ ပစ္စုပ္ပန်စိတ်ပဲ။ ပေါ်ရာကို လိုက်ပြီးဖြစ်ပျက်ရှုလိုက်ပါ။ ရှုလိုက်တော့ ဖြစ်ပျက်နဲ့ မဂ်ဟာ တန်းသွားတယ်။ မရှုမိလိုက်ရင် နာတာကို မခံချင်တဲ့စိတ် ဒေါသ သောကတွေ လိုက်လာမှာပဲ။ လိုက်လာတော့ အ၀ိဇ္ဇာနဲ့ ပြန်တွဲပြီး အနာဂတ်အကျိုးတွေ ကိုယ်ပိုင် ရလာမယ်။ ဒီလို ရမယ့် နောက်ဒုက္ခတွေကို ဖြတ်နေတာဟာ ၀ိပဿနာပါပဲ။ အခုဖြစ်နေတဲ့ ဒုက္ခကို မမြင်တဲ့သူဟာ နောက်ဒုက္ခကို ဘယ်တော့မှမဖြတ်နိုင်ဘူး။ ဖြစ်ပျက်ဟူသရွေ့ ဒုက္ခသစ္စာလို့ မှတ်ထားပါ။ ခန္ဓာမှာလဲ ဖြစ်ပြီးပျက်တဲ့ဓမ္မကလွဲလို့ ဘာမှမရှိဘူး။ ဘာမှမရှိတော့ တစ်ကိုယ်လုံးဟာ ဒုက္ခသစ္စာပဲလို့ သဘောကျထားရမယ်။ တစ်ကိုယ်လုံး ဒုက္ခသစ္စာကြီးကို ဉာဏ်လှည့်ထားပြီး ပေါ်ရာဓမ္မဟူသရွေ့ ဒုက္ခသစ္စာချည်းပဲလို့ ဆုံဖြတ်ချက်ချနိုင်ရမယ်။ ဒုက္ခသစ္စာကို ရှုလိုက်တော့ ဒုက္ခသစ္စာမှန်းသိတဲ့ ၀ိပဿနာမဂ် နောက်ကလာတယ်။ ရှုလို့ ပေါ်တဲ့မဂ်က အနာဂတ်အကြောင်းတွေကိုဖြတ်လိုက်တော့ အနာဂတ်အကျိုးတွေလဲ မလာနိုင်တော့ဘူး။

ဒေါက်တာအရှင်ပါရမီ

Read more...

ဗုဒ္ဓနေ့မြတ် အမှတ်တရ

ဗုဒ္ဓနေ့မြတ် အမှတ်တရ

အရှင်ဉာဏိကာဘိဝံသ

(ကာလီဖိုးနီးယားတက္ကသိုလ်)

ဗုဒ္ဓမြတ်စွာ လောင်းလျာတုန်းက

နောက်ဆုံးအထိ ပါရမီ

လူနတ်များစွာ ချမ်းသာရေးမို့

အသက်ပေးလို့ စွန့်ခဲ့သည်။

ဗုဒ္ဓမြတ်စွာ သာသနာတွက်တော့

ငါပါအသက်ဆုံးစေမည်

စိတ်မပျက်ပေါင် ခုလိုတွေးလို့

ကုသိုလ်ရေးမို့ ကြိုးစားမည်။

(ကိုယ်ကျင့်အဘိဓမ္မာနိဒါန်း၊ မဟာဂန္ဓာရုံဆရာတော်)

ကိံ မေ ဧကေန တိဏ္ဏေန ၊ ပုရိသေန ထာမဒဿိနာ။

သဗ္ဗညုတံ ပါပုဏိတွာ ၊ သန္တာရေဿံ သဒေဝကံ။ (ဓမ္မသင်္ဂဏီ အဋ္ဌကထာ နိဒါန်း)

တစ်ယောက်ထည်းတည်း လွတ်မြောက်မှုကို ရယူမယ်ဆိုလျင် ရယူနိုင်တဲ့ အနေအထားရှိပေမယ့် အစွမ်းအစ ရှိတဲ့ ငါ့လိုယောက်ျားကောင်း တစ်ယောက်အဖို့ ကိုယ်တစ်ဦးတည်း လွတ်မြောက်မှုကို ရရုံနဲ့ ကျေနပ်ခဲ့မယ်ဆို ရင်(ကိုယ်လွတ်ရုံးခဲ့မယ်ဆိုရင်) ဘယ်မှာ ယောက်ျားကောင်း တစ်ယောက် ပီသပါ့မလဲ၊ သမိုင်းပေးတာဝန်ကျေတဲ့ လူသားတစ်ဦးဖြစ်နိုင်ပါ့မလဲ၊ ဆင်းရဲနွံတွင်း နစ်နေတဲ့သူတွေကိုလည်း နွံတွင်းကနေ ထုတ်ဆောင်ကယ်တင်မှ တော်မှာပေါ့။ (ဗုဒ္ဓလောင်းလျာ သုမေဓာ)

ဗုဒ္ဓကိုကြည်ညိုစိတ်နဲ့ ဗုဒ္ဓဂုဏ်တော်တွေကို အောင့်မေ့သတိရတိုင်း အများဆုံးပေါ်လာတတ်တာက ဗုဒ္ဓလောင်းလျာ သုမေဓာရှင်ရသေ့ ဘ၀ဖြစ်စဉ်က ဒီပင်္ကရာဘုရား ခြေတော်ရင်း ၀ပ်စင်းခတွားရင်း စဉ်းစားမိတဲ့ အထက်က စကားလေးပါ။ တစ်စုံတစ်ယောက်ကို ကြည်ညိုရမှု၊ တစ်ဦးတစ်ယောက်ကို ကိုးစားယုံကြည်ရမှုမှာ တစ်ဦးတစ် ယောက်ရဲ့ အရည်အသွေးက အနှစ်မပါတဲ့ ဟန်ပြသက်သက်လား၊ အပြော သက်သက်လား၊ အပြောတခြား အလုပ်တခြား လူစားမျိုးလားလို့ တွေးတောမိလေတိုင်း ဗုဒ္ဓလောင်းလျာရဲ့ လုပ်ရပ်များက ပြတ်သားခိုင်ကျည်တဲ့ မှတ်ကျောက်တင်စွမ်းရည်များအဖြစ် ကွင်းကွင်းကွက်ကွက် စိတ်မနောထဲ ပေါ်လာလေ့ရှိလို့မို့ နှစ်ထောင်းအားရ ကြည်ညိုမ၀ ဖြစ်ခဲ့တာလည်း အကြိမ်ကြိမ်ပါ။

တခါခါမှာ ဉာဏ်ကင်းတဲ့ မပြတ်မသား မှုန်ဝါးဝါး သဒ္ဓါအားကြောင့် ကိုယ်ပိုင်မဖြစ်စလောက်အရာလေးကို စွန့် လွှတ်ဖို့ တွန့်ဆုတ်နေတတ်တဲ့ အခါများမှာ ဗုဒ္ဓလောင်းလျာ သုမေဓာရဲ့ ဒီစိတ်ထားကို သတိရမိရင် ကိုယ့်မှာ ဖြစ် နေတဲ့ ရွံ့တွန့် စိတ်ထားလေး လွင့်ပါးသွားတတ်အောင် တွန်းအားပေးတတ်သလိုဖြစ်လို့မို့လည်းပဲ ဒီစကားလေး က ကိုယ့်အဖို့ အားဆေးကောင်းကောင်းဖြစ်တတ်လေ့ရှိပါတယ်။ ကောင်းမှုကောင်းရာ လုပ်ငန်းလေးတွေကို လုပ်ဆောင်နိုင်စေဖို့အတွက်လည်း အထောက်အပံ့ကောင်းကို အများဆုံးဖြစ်စေနိုင်ခဲ့ပါတယ်။

ဒီစကားလေးကပဲ သုမေဓာရှင်ရသေ့ရဲ့ စွန့်လွှတ်စိတ်ထားတစ်ခုကိုသာမက သူ့ဘ၀ရဲ့အကြောင်းကိုလည်း တွေးမိစေခဲ့ပါတယ်။ ဒီပင်္ကရာဘုရားခြေတော်ရင်းမှာ နိယတဗျာဒိတ်ပန်း ဆင်မြန်းခွင့်ရနေတဲ့ အလောင်းတော် သုမေဓာအဖို့ အဲဒီလို ဗျာဒိတ်ရတဲ့အနေရောက်အောင် တုနှိုင်းရန်ခက်ခဲမည့် ပါရမီတော်တွေကို တော်တော် ပြည့်ပြည့်စုံစုံ ဖြည့်ဆည်းပူးပြီးသား ဖြစ်လေမှာပါ။ နို့မဟုတ်လို့ သာမန်ပုဂ္ဂိုလ်တစ်ဦးသာဆိုလျင် သုမေဓာဟာ ဗျာဒိတ်ပန်းဆင်မြန်းခွင့်ရသူ ဖြစ်နိုင်ခဲ့မှာ မဟုတ်ပါဘူး။ "တစ်ယောက်ထည်းတည်း နိဗ္ဗာန်ဆုကို ယူခဲ့မယ်ဆို လျင် ရနိုင်တဲ့အနေ ရှိတဲ့ ယောက်ျားမြတ်" ဆိုတဲ့ အဆင့်ကိုရောက်နိုင်မယ် မဟုတ်ပါဘူး။

ဒီအဆင့်ကို ရောက် လာအောင် ပါရမီတော်တွေဖြည့်ဆည်းပူးလာသူ တစ်ဦးအနေနဲ့ ဖြည့်ဆည်းစဉ်က ခိုင်မာတဲ့ပန်းတိုင်တစ်ခု အသေ အချာရှိခဲ့မှာပါပဲ။ ဒီပန်းတိုင်ဆိုတာကလည်း သံသရာဝဋ်ဒုက္ခကနေ ထွက်မြောက်နိုင်ရေးပဲ ဖြစ်မှာပါပဲ။ ဒါက အမြတ်ဆုံးသော နိဗ္ဗာန် သာဖြစ်လေ မှာပါ။ ကိုယ့်အတွက် အမြတ်ဆုံးပန်းတိုင်ကိုရောက်ဖို့ ကြိုးစားအား ထုတ်လာပြီး ပန်းတိုင်ကိုရောက်ဖို့ လက်တစ်ကမ်း အရောက်မှာမှ ကိုယ့်အတွက် ကိုယ့်အရေးကိုစွန့်လွှတ်ပြီး အများသတ္တ၀ါအတွက် ငဲ့ကွက်စဉ်းစားတော်မူခဲ့တဲ့ သုမေဓာရသေ့ရဲ့ မြင့်မြတ်စိတ်ထားနဲ့ စွန့်လွှတ်အားက လေး စားအားကျလို့ မဆုံးနိုင်စရာ၊ အတုယူစရာ မြင့်မြတ်တဲ့ စံပြုဖွယ်တစ်ခုပါ။

ဒီနေရာမှာ ထေရဒါဒ သင်္ဂါယနာ ပိဋကကျမ်းများမှာ မပါဝင်ပေမယ့် ဆရာစဉ်ဆက်ပြောရိုးစဉ်လာမှတ်သားထား ခဲ့ကြတဲ့ စကားဟာလည်း ကြည်ညိုတတ်သူတွေအဖို့ အားမာန်တိုးစေဖွယ်ပါ။ ဗုဒ္ဓအဖြစ်ရောက်တော်မူဖို့ စိတ် ထဲမှာတင် အဓိဋ္ဌာန်နဲ့ ပါရမီတော်တွေ ဖြည့်ကျင့်ခဲ့တာက ခုနစ်အသင်္ချေ။ နှုတ်တော်ကပါ ထုတ်ဖော်ရင်း ပါရမီ တော်တွေ ဖြည့်ကျင့်နေခဲ့တာက ကိုးအသင်္ချေ။ ကိုယ်နှုတ်နှလုံး သုံးပါးအစုံနဲ့ ဖြည့် ကျင့် တော်မူခဲ့တာက လေးအသင်္ချေနဲ့ ကမ္ဘာတစ်သိန်းတဲ့။ တကယ်တော့ ဒီတဆင့်စကားက ကြားနာရသူတွေအဖို့ ကြည်ညိုပွားစရာ ဖြစ်စေရုံမက သုမေဓာဆိုတဲ့ ယောက်ျားမြတ်တစ်ဦးဖြစ်လာဖို့ တင်ကြိုကာ ဖြည့်ဆည်းပူးထားတဲ့ ပါရမီတော် တွေကပင်လျင် အံ့မခန်းနှိုင်စရာပါလားရယ်လို့ လှစ်ဟပြသနေသလိုပါပဲ။

နိဗ္ဗာန်ဆိုတဲ့ အမြတ်ပန်းကို လှန်းဆွတ်လို့ယူမယ်ဆိုလျင် လက်တကမ်းမှာပဲရှိတဲ့အနေ ရောက်နေပါလျက် ကိုယ်လွတ်ရုန်း မထွက်ပဲ လေးသင်္ချေနဲ့ ကမ္ဘာတစ်သိန်းရှည်ကြာ ဆင်းရဲဒုက္ခတွေကို အများနဲ့အတူ မျှဝေခံစားကာ နေတော်မူတဲ့ မြတ်ဗုဒ္ဓလောင်းလျာရဲ့ မဟာ ကရုဏာကြီးမြတ်တော်မူ မှုကိုလည်း ကြက်သီးထမျှ ကြည်နူးအားရ ဖြစ်ခဲ့ရတာလည်း အကြိမ်ရာထောင်မကပါဘူး။

တကယ်တော့ သူ့တစ်ကိုယ်တည်းလွတ်မြောက်မှုအတွက်ဆိုလျင် ရနိုင်တဲ့အခြ အနေကောင်းတွေ ပြည့်ပြည့် စုံစုံရှိပါလျက်ကယ်နဲ့ အများ တကာတွေအတွက် ငဲ့ကွက်ကာ ရနိုင်တဲ့အမြတ်ဆုံးအရာကို စွန့်လွှတ်ခြင်းမှာ အမြတ်ဆုံးအရာကို စွန့်လွှတ်ရုံသက်သက်မျှသာမက အခြားသော ဆင်းရဲဒုက္ခ အမျိုးမျိုးကိုပါ လက်ခံရယူလိုက် သလိုဖြစ်မယ်ဆိုတာ အလောင်းတော် သုမေဓာလို ဉာဏ်ပညာပြည့်ဝသူတစ်ဦးအနေနဲ့ ကောင်းကောင်း သဘောပေါက်လေမှာ မလွဲပါဘူး။

လေးသင်္ချေနဲ့ ကမ္ဘာတစ်သိန်းကာလတွင်းမှာ စီးပွားဥစ္စာတွေကိုလည်း စွန့်လွှတ်ရမယ်၊ ချစ်သမီးသား ဇနီးမယား တွေကိုလည်း စွန့်လွှတ် ရမယ်၊ ခြေလက်နားနှာခေါင်း အင်္ဂါအစိတ်အပိုင်းတွေကိုလည်း ပေးစွန့်ရမယ်၊ အဆုံးစွန် အားဖြင့် လိုအပ်လာသူရှိပါက ကိုယ့်အသက်ကိုပင်လျင် မညှာမငဲ့ ပေးစွန့်ရမယ်၊ ဒီပေးစွန့်ရမှုကိုအကြောင်းပြုပြီး ဖြစ်ပေါ်လာမယ့် ဆင်းရဲဒုက္ခတွေနဲ့လည်း ရင်ဆိုင်ရမယ်။ ဘာတွေကို ဘယ်လိုပင် စွန့်လွှတ်ကာ ပေးဆပ်ပစေ၊ မလိုတမာသူတွေရဲ့ ဆိုးသွမ်းယုတ်မာတဲ့ မမှန်စကားနဲ့ ကဲ့ရဲ့တင်းဆို ညင်ညိုမှုကို ခံရနိုင်ပေလိမ့်မယ်ဆိုတာ ကိုလည်း ကြိုတင်ပြီး သိမြင်ခဲ့လေမှာလည်း မလွဲပါဘူး။

ဗုဒ္ဓသမိုင်းကြောင်းပြန်ကြည့်လျင်ဖြင့် အလောင်းအလျာဘ၀များမှာ ပေးဆပ်ခဲ့ရတဲ့ စွန့်လွှတ်မှုတွေ၊ ကိုယ်စိတ် ဆင်းရဲဒဏ်အပြည့်နဲ့ အများကောင်းကျိုးအတွက် ဆောင်ရွက်ခဲ့တဲ့ လုပ်ဆောင်ချက်တွေဟာ စိတ်ကူးထဲမှာ တောင် စဉ်းစားပုံဖော်လို့ မရနိုင်လောက်အောင်ပင် ခမ်းနားကြီးကျယ်ခဲ့တာကို တွေ့နိုင်ပါတယ်။

ဒါဟာ မမြင် နိုင်တဲ့ အတိတ်ဘ၀တွေမို့ ငြင်းဆန်လိုတယ်ဆို ထားလိုက်ပါဦး။ နောက်ဆုံးဘ၀ အလောင်းတော် သိဒ္ဓတ္ထမင်းသား အခြေအနေ မှာကိုပဲ ပိုင်ဆိုင်တဲ့ထီးနန်း၊ ချစ်လှတဲ့ဇနီးမယားနဲ့ မွေးဖွားစ သားရတနာ ရာဟုလာ။ နောက်ပြီး လည်း မောင်းမမိဿံ ခြွေရံသင်းပင်း။ စွန့်ခြင်းကြီးများစွာကို စွန့်လွှတ်တော်မူခြင်းဟာ အံ့မခန်းပါ။ စွန့်လွှတ်မှုဆို တာ ဖြည့် ဆည်းပူးတော်မူခဲ့တဲ့ ပါရမီလုပ်ငန်းစဉ်များထဲက အနိမ့်ဆုံးဒါနဆိုတဲ့ ပေးကမ်းမှုတစ်ခုရဲ့ သင်္ကေတ မျှသာပါ။ ဒီ ထက်ပိုပြီး ခက်ခဲနက်ရှိုင်းတဲ့ လုပ်ငန်းစဉ်တွေကို အလောင်းလျာ ဖြည့်ကျင့်ဆည်းပူးတော် မူခဲ့ခြင်း တွေ ကိုဖြင့် ရေတွက်ပြ ၊ ပြောပြလို့ ဘယ်လိုမှ စွမ်းနိုင်မယ် မဟုတ်ပါဘူး။ ဘုရားတစ်ပါးရဲ့ ဂုဏ်ကျေးဇူးတရားကို ဘုရားမှတစ်ပါး ဘယ်သူက ကုန်စင်အောင် ပြောပြနိုင်ပါ့လဲ။

အများကောင်းကျိုးဆောင်ဖို့ ကိုယ့်ရဲ့အချိန်အနည်းငယ်လေးမျှ၊ ပိုင်ဆိုင်မှုအနည်းငယ်လေးမျှကိုပင် ခွဲဝေသုံးစွဲ ပေးဖို့ ၀န်လေးတတ်တဲ့ သာမန်သူလိုကိုယ်လိုသူတွေရဲ့ စိတ်ဓာတ်နဲ့တော့ အကွာခြားကြီးလည်း ကွာခြားတော်မူ လှပါတယ်။ အထူးသဖြင့်တော့ သနားခြင်း မဟာကရုဏာ အပေါ်မှာ သတ္တ၀ါတွေကို ကယ်တင်ကာ ဘယ်လို ထုတ်ဆောင်လျင် အသင့်တော်ဆုံးနည်းလမ်းဖြစ်လေမလဲရယ်လို့ မှန်ကန်စွာ ဆုံးဖြတ်နိုင်စွမ်းရှိတဲ့ ဉာဏ်တော် စွမ်းအား၊ ဉာဏ်အားလျော်စွာ မှန်ကန်စွာအသုံးချနိုင်တော်စွမ်းအားကိုဖြင့် လေးစားအားရ ဖြစ်လို့ပင် မဆုံးနိုင်ပါဘူး။

မှားနေမှန်းသိပါလျက် ဘယ်လိုပြင်ဆင်နိုင်ရမှန်းမသိနိုင်အောင် အမှောင်လမ်းကြားမှာ စမ်းတ၀ါးဝါး သွား ရင်း ကြီးပြင်းနေရတဲ့ သူတစ်ဦးမို့လည်း အမှန်လမ်း ပြနိုင်စွမ်းနိုင်တဲ့ ဗုဒ္ဓအလောင်းတော်များရဲ့ ဉာဏစွမ်းအား တော်နဲ့ အဆုံးဘ၀ မြတ်ဗုဒ္ဓရဲ့ သဗ္ဗညုတ စွမ်းတော်စကို အခါခါမျှော်တ ကြည်ညိုလို့ မ၀နိုင်အောင် ဖြစ်မိရပါတယ်။

ကဆုန်လပြည့်နေ့ (မေလ) ရောက်လေတိုင်း ဗုဒ္ဓအဆုံးအမတရားတွေထွန်းကားတဲ့ နေရာတိုင်းမှာ ဗုဒ္ဓနေ့ပွဲ တော်ကို ကျင်းပကြတယ်။ အလောင်းအလျာဘ၀ကစလို့ ပြုမူခဲ့တဲ့ဗုဒ္ဓရဲ့ အမူအလေ့တွေကို အားကျအတုယူလို့ အတူပြုနိုင်မယ့် ခွန်အားတွေကိုလည်း ကူးယူကာ ပွားစည်ကြစေမယ်ပေါ့။ ရေတွက်နှိုင်းဆလို့ မရနိုင်တဲ့ အသင်္ချေအနန္တ ဂုဏ်တွေထဲက ဂုဏ်တော်တစ်ခုတလေမျှ တို့တွေရဲ့နှစ်လုံးသားမှာ ထင်ဟပ်လာမယ်ဆိုလျင် ကိုပဲ ဘယ်လောက် ဂုဏ်ယူဖွယ် လူသားတစ်ဦးဖြစ်လာနိုင်လေမလဲ။ ကောင်းဂုဏ်ဆိုတာ အတုယူ အားကျကာ ထုံပွားရတာမျိုးပဲ မဟုတ်လားလေ။

ဗုဒ္ဓနေ့ မဟာပဌာန်းပူဇော်ပွဲတဲ့။ ဗုဒ္ဓဂုဏ်တော်တွေကို မှန်းမျှော်ကာ ပူဇော်မှုတစ်ခု ဖရီးမောင့်မြို့၊ မေတ္တာနန္ဒ ၀ိဟာရမှာ ပြုလုပ်ကြမယ်။ အသင်္ချေအနန္တ ဂုဏ်ပေါင်းခတဲ့ မဟာလူသားမြတ်ဗုဒ္ဓကို အနန္တနယ နည်းစုံလှတဲ့ မြတ်ဓမ္မနဲ့ အမှတ်တရ ပူဇော်ကြမယ်။ ရေချမ်းဆီမီး ပန်းသစ်သီး တို့ဖြင့်လည်း ၀မ်းသာအားရ ပူဇော်ကြမယ်။

ဗုဒ္ဓ ဘုရားရှင် လောကသားများအတွက် တရားဓမ္မစက်ကို ဖြန့်ကျက်နိုင်စေဖို့ သဗ္ဗညုတရွှေဉာဏ်တော်ကိုရကာ ဘုရားအဖြစ်ရောက်တော်မူခဲ့တာ ဒီနှစ်ဆို နှစ်ပေါင်း ၂၆ဝဝ တိတိ ပြည့်မြောက်ခဲ့ပြီ။ ဗုဒ္ဓညွှန်ပြတော်မူခဲ့တဲ့လမ်း အတိုင်း လျှောက်လှန်းခဲ့ကြလို့ (ဝိမုတ္တိသုခ) လွတ်မြောက်ရေးချမ်းသာ ပန်းတိုင်ဆီ ဆိုက်ရောက်ခဲ့ကြတဲ့ ဝေနေ ယျတွေလည်း အသင်္ချေမက အပမာဏ မက။ အနန္တရယ်မှ အနန္တာ။

တကယ်တော့ ဂုဏ်တော်တွေ အသင်္ချေအနန္တနဲ့ ပြည့်ဝတော်မူတဲ့ ဗုဒ္ဓကို ခုလို ပူဇော်ခြင်းက တကယ့်ကိုမှ မဖြစ် စလောက် အတိုင်းအတာလေး မျှသာပါ။ သို့ပေမယ့် ဒို့တွေအားလုံးရဲ့ နှလုံးသားမှာ ကိန်းတည်နေတဲ့ ဗုဒ္ဓကို ယုံကြည်မှုသဒ္ဓါတရားကတော့ ဗုဒ္ဓဂုဏ်တော်တွေအလား ရေတွက် ပိုင်းခြား လို့ ရနိုင်မယ် မထင်ပါဘူး။ အနှိုင်းမဲ့ ဂုဏ်သခင် ဘုရားရှင်ကို အနှိုင်းမဲ့ ကြည်ညိုသဒ္ဓါစွမ်းအားတွေနဲ့ ပူဇော်ကြတဲ့ပွဲမှာ သင်လည်းပါ၊ ငါလည်းပါ၊ ညီညာစွာ ကုသိုလ်ဒါနတွေ ပူးပေါင်းပါဝင်ခြင်းဟာ မွန်မြတ်တဲ့ လုပ်ရပ်တစ်ခုပါ။

ဒို့တွေရဲ့ ဒီလုပ်ရပ်ကပဲ သံသရာရေအယဉ်ကြောမှာ မျောပါလှုပ်ရှားရင်း ရုန်းကန်ကူးခတ်နေတဲ့ ဒို့တွေကိုလည်း နိဗ္ဗာန်ဆိုတဲ့ ကြည်းကုန်းပေါ် ရောက်အောင် ထုတ်ဆောင်ကယ်တင်တဲ့ အားအစွမ်းတွေကို ပေးနိုင်လိမ့်မယ်။ ဒီ အားအစွမ်းတွေကိုပေးတဲ့ မြတ်ဗုဒ္ဓရဲ့ အဆုံးအမသာသနာကြီး (တစ်နည်းအားဖြင့်) ဓမ္မအလှတရားတွေ အရှည် ပြန့်ပွားတည်တန့်နိုင်စေဖို့အတွက် အားကူလုပ်ဆောင်ပေးသလိုလည်းပဲ ဧကန်အမှန် ဖြစ်လိမ့်မယ်။ ဒါဟာ ၀မ်းမြောက်ဂုဏ်ယူစရာ ကောင်းမြတ်မွန်ရည်တဲ့ မင်္ဂလာတစ်ပါးပင်ဖြစ်ပါတယ်။ ။

ဗုဒ္ဓမြတ်စွာ သာသနာ ကမ္ဘာတစ်ဝှမ်း ပြန့်ပါစေ

ကမ္ဘာတစ်ဝှမ်း သာသနာလွှမ်း သာယာငြိမ်းချမ်းကြပါစေ။

မေတ္တာများဖြင့်

မေတ္တာဥယျာဉ်

http://www.ashinsirinda.com/

2011-ခု၊ မေလ- ၂ဝ--ရက်၊ သောကြာနေ့။

Read more...

Four things to seek!

In your behavior seek to be disciplined.
In your faith seek to have right understanding.
In your work seek to be industrious.
In your daily life seek simplicity.

Ven. Hsing Yun

Read more...

Friday, May 20, 2011

ရှင်ဥပဂုတ်

ရှင်ဥပဂုတ်အကြောင်းကို အရင်တစ်ခါ တိုစိစိလေး ရေးဘူးတယ်။
ဓမ္မကထိကဆရာတော်တစ်ပါးက
ရှင်ဥပဂုတ်ကို ပိဋကတ်စာပေထဲမှာ မပါလို့ မကိုးကွယ်သင့်ကြောင်း စသည်ပြောကာ
သုံးစားမရလောက်သည်အထိ ပြောဟောသွားခဲ့တယ်။

တကယ်တော့ အဲ့ဒီဓမ္မကထိကဟာ
ရှင်ဥပဂုတ်နဲ့ပတ်သက်ပြီး သူကိုယ်တိုင် သုတေသနလုပ်ပြီး ဟောပြောတာ မဟုတ်ပါဘူး။
မိုးကုတ် ခါတော်မှီဆရာတော် အရှင်ပညိန္ဒာဘိဝံသ ရေးထားတဲ့
ထေရ၀ါဒဗုဒ္ဓဘာသာစစ်တမ်း၊ အိန္ဒိယ မြန်မာဗုဒ္ဓဘာသာ စတဲ့စာအုပ်လေးတွေဖတ်ပြီး
လျှောက်ပြောတဲ့အဆင့်လောက်ပဲ ရှိပါတယ်။
ရှင်ဥပဂုတ်ကို ပိဋကတ်စာပေထဲ မပါတာနဲ့ မရှိဘူး၊ မကိုးကွယ်ရဘူးလို့တော့
မပြောသင့် မဟောသင့်ပါဘူး။

ဟိုနေ့က အားအားရှိတာနဲ့ မဂ္ဂဇင်းစာအုပ်တစ်အုပ်ဖတ်ဖြစ်တယ်။
ဆရာကြီး မြ၀င်း (ဒဿန) ရေးထားတဲ့ ရှင်ဥပဂုတ်အကြောင်းပါ။

ဆရာကြီးက ရှင်ဥပဂုတ်အကြောင်းကို ပြောဆိုရာမှာ
စာအုပ်လေး တစ်အုပ်နှစ်အုပ်ဖတ်ပြီး ရှင်ဥပဂုတ် ရှိတယ်၊ မရှိဘူး ဆန္ဒစောပြီး
ဆုံးဖြတ်ချက်မချဘို့ လယ်တီဆရာတော်ကြီးစကားကို ကိုးကားပြောသွားပါတယ်။
နောက်ပြီး ရှင်ဥပဂုတ်ဟာ မြန်မာပြည်မှာ ရိုးရာကိုးကွယ်မှုဖြစ်လာလို့
ရိုးရာတစ်ခုအဖြစ် ဆရာကြီးက ထိန်းသိမ်းထားလိုဟန်ရှိပါတ။်

ဆရာကြီးရဲ့ အယူအဆတွေ၊ ကျီးသဲလေးထပ်ဆရာတော်ကြီးရဲ့ အယူအဆတွေကို
သဘောကျလို့ တင်ပြလိုက်ပါတယ်။
ဆက်ဖတ်ကြည့်ပါအုံး။

ကျီးသဲလေးထပ်ဆရာတော်ဘုရားကြီး၏

အရှင်ဥပဂုတ္တနှင့် စပ်လျင်းသောအမြင်

တစ်ညနေခင်းတွင် ဓမ္မမိတ်ဆွေတစ်ဦး ရောက်လာပါသည်။
ထိုဓမ္မမိတ်ဆွေရောက်လျှင်ရောက်ချင်း ကျွန်တော်က ဤသို့ စကားစ လိုက်ပါသည်။
“ပြောစရာတွေ ရလာပြီထင်တယ်”
“ဟုတ်တယ်ဆရာရေ့၊ ပြောစရာတွေ ရလာတယ်။
အရှင်ဥပဂုတ္တနဲ့ပတ်သက်လို့ ပြောစရာတွေ ရလာတယ်။”
“အရှင်ဥပဂုတ္တနဲ့ပတ်သက်လို့ ဆရာတော်တွေက ဟောနေကြပြီပဲဗျာ၊
ဘာတွေများ ပြောစရာတွေ ရလာလို့လဲ”
“တလောက ကျွန်တော့်ဇာတိရွာကို ပြန်ရောက်သွားတယ်၊
ကျွန်တော့်ဇာတိရွာက အညာမှာလေ၊ ကျွန်တော်က ဆရာ့လို အညာသားပါ။
ဇာတိရွာကိုရောက်တော့ ကျွန်တော့်တူရဲ့ ရှင်ပြုအလှူပွဲနဲ့တိုးပါတယ်။
အလှူဝင်တဲ့နေ့မှာ ကျွန်တော်အလှူမဏ္ဍပ်ကို ရောက်သွားပါတယ်။
အဲဒီမှာ ရှင်ဥပဂုတ်တင်တာနဲ့ တိုးပါတယ်။

သူတို့ ရှင်ဥပဂုတ်တင်ပုံက လင်ပန်းတစ်ခုထဲမှာ ဆန်ထည့်၊ ငှက်ပျောသီးထည့်၊
အုန်းသီးထည့်၊ နောက် ငါးခြောက်ပြားထည့်၊ ပြီးတော့ မဏ္ဍပ်အမိုးပေါ်မှာ တင်လိုက်ပါတယ်။
ကျွန်တော်က အရှင်ဥပဂုတ္တဟာ ရဟန္တာဖြစ်နေလေတော့ နတ်တင်သလို တင်လို့ မဖြစ်ဘူး။
ဆွမ်းချက်ပြီး ရိုရိုသေသေကပ်လှူရတယ်လို့ပြောပါတယ်။

အဲဒီတော့ သူတို့က
ဦးလေးရယ်တဲ့၊ အစဉ်အလာက အဲသလို တင်လာခဲ့ကြတာပါပဲတဲ့။
အဲဒီလိုပြောနေတုန်း ရွာသားတစ်ဦးရောက်လာပြီး
အရှင်ဥပဂုတ္တဟာ ထေရ၀ါဒဗုဒ္ဓဘာသာမှာ မရှိပါဘူးတဲ့။
ရိုးရာအစဉ်အလာရှိလို့သာ တင်နေကြတာပါတဲ့။
အဲဒါကို ဆရာ့ကို ပြောပြချင်လို့ လာခဲ့တာပါ”
“အေးဗျာ၊ တစ်လောကလည်း လူငယ်တစ်ယောက်နဲ့ တွေ့တယ်။
သူကလည်း အဲဒီအတိုင်းပြောတယ်။

ဒါနဲ့ သူ့ကို ကျီးသဲလေးထပ်ဆရာတော်ဘုရားကြီးစီရင်တဲ့
‘၀ိမတိစ္ဆေဒနီ’ ကျမ်းမှာလာတဲ့အတိုင်း ပြောလိုက်ရတယ်”
“၀ိမတိစ္ဆေဒနီကျမ်းမှာ ကျီးသဲလေးထပ်ဆရာတော်ဘုရားကြီးက ဘယ်လိုရေးထားသလဲ ဆရာ”
“နေဦးဗျာ၊ ကျွန်တော်ဝိမတိစ္ဆေဒနီကျမ်းကို ယူလိုက်ဦးမယ်”
ကျွန်တော်သည် စာအုပ်စင်သို့သွား၍ ၀ိမတိစ္ဆေဒနီကျမ်းကို ယူပါသည်။

ဝိမတိစ္ဆေဒနီကျမ်းကို မြင်သောအခါ မိတ်ဆွေက ဤသို့စကားဆိုပါသည်။
“စာအုပ်က အတော့်ကို ဟောင်းနေပြီနော်”
“ဟောင်းဆို ၁၉၂၁ ခုနစ်က ရိုက်တာဗျ၊ (၈၈) နှစ်တောင် ရှိသွားပြီ။
ရိုက်တဲ့ပုံနှိပ်တိုက်က ရန်ကုန်မြို့ ကြည့်မြင်တိုင် မြန်မာအက္ခရာ စာပုံနှိပ်တိုက်တဲ့”
“အတော်ကြာခဲ့ပြီဘဲ။ ဒါဖြင့် အရှင်ဥပဂုတ် ရှိတယ် မရှိဘူးဆိုတဲ့ ပြဿနာဟာ
ရှေးကတည်းက ရှိခဲ့တာပေါ့။”
“ဟုတ်တာပေါ့ဗျာ၊ ရှေးကတည်းက ရှိခဲ့တာပေါ့၊
အဲ့ဒီကျမ်းထဲမှာ ပုဂ္ဂိုလ်တစ်ဦးက
‘လေးရပ်ရှင်သေ၊ ပေါင်းရှစ်ထွေကို၊ တည်နေမပျက်၊ ခုတိုင်ထက်ဟု၊
စဉ်ဆက်သေချာ၊ ပြောကြပါ၏။
ရှိရာသည်လား၊ စကားယုတ္တိ၊ ဆိုတိုင်းရှိက၊ ဘမိနေရပ်၊ မျိုးဇာတ်နာမည်၊
နေသည်ခြင်းရာ၊ သြဇာလေးနက်၊ ဆက်မဆက်နှင့်၊ မပျက်ခုတိုင်၊
တည်နိုင်ရကြောင်း၊ ဤလုံးပေါင်းကို၊ ကောင်းကောင်းမုချ၊ သိချင်လှ၏’
လို့ မေးထားပါတယ်။

“ကျီးသဲလေးထပ်ဆရာတော်ကြီးက ဘယ်လိုဖြေခဲ့သလဲ ဆရာ”

“ကျီးသဲလေးထပ်ဆရာတော်ကြီးက
‘သူသေလေးပါး၊ သူရှင်လေးပါးတို့၏အကြောင်း အတ္ထုပ္ပတ္တိကို
ကျမ်းကြီးကျမ်းခိုင်တို့၌ မတွေ့စဖူး၊ ပဥှာကထန မည်သောမှတ်စုကျမ်း၌သာ တွေ့ဖူးသည်’
လို့ ဖြေပါတယ်။
အဲ့ဒီလိုဖြေပြီးမှ သူရှင်လေးပါးမှာ အ၀င်အပါဖြစ်တဲ့ ရှင်ဥပဂုတ်အကြောင်းကို
မိလိန္ဒပဥှာကျမ်း၊ မဟာရာဇ၀ံသကျမ်းတို့ကို ကိုးကားပြီး ရေးပါတယ်။
ရှင်ဥပဂုတ်အကြောင်းကိုတော့ ကျွန်တော် အကျယ်မပြောတော့ပါဘူး။
မိတ်ဆွေလဲ သိပြီးသားဖြစ်မှာပါ။”

“ရှင်ဥပဂုတ်အကြောင်းကိုတော့ ကျွန်တော် အထိုက်အလျောက်သိပါတယ်။
သီရိဓမ္မာသောကမင်းကြီးရဲ့ ရန်ကို ချိုးနှိမ်ဖို့ သံဃာတော်တို့က
မဟာသမုဒ္ဒရာမှာ ကြေးပြာသာဒ်နဲ့ သီတင်းသုံးတော်မူတဲ့
ရှင်ဥပဂုတ်ကို ပင့်စေပြီး မာရ်နတ်ကို ဆုံးမစေတဲ့အကြောင်းကို
ကြားဖူးပါတယ်ဆရာ”

“၀ိမတိစ္ဆေဒနီကျမ်းထဲမှာလည်း အဲဒီလို ဖော်ပြထားပါတယ်။

အဲဒီကျမ်းထဲမှာ အရေးကြီးတာက အရှင်ဥပဂုတ်နဲ့ပတ်သက်တဲ့
ကျီးသဲလေးထပ်ဆရာတော်ဘုရားကြီးရဲ့ မှတ်ချက်ပါဘဲ။
အဲဒီမှတ်ချက်ကို အခု ကျွန်တော်ဖတ်ပြပါ့မယ်။
ရှင်ဥပဂုတ် သမုဒ္ဒရာ၌နေသည်မှန်လျှင် ဒိပြင်အရှင်များကိုလည်း
ယုံမှားမရှိသင့်ပြီ။ ထိုအရှင်တို့၏အတ္ထုပ္ပတ္တိကို ပြဆိုသောစာပေကို
မတွေ့ရ၍သာ မပြနိုင်ရှိလေသည်။ သင်္ဂါယနာဝင်ကျမ်းကြီးတို့၌
မပါသည်မှာလည်း တတိယသင်္ဂါယနာတင်ပြီးနောက်မှ
ပေါ်ထွက်လာသော ရဟန္တာများဖြစ်၍ မပါသည်ဟု ယူရမည်။

ထိုအရှင်တို့ ယခုတိုင် ရှိမည် မရှိမည်ကို စီစစ်ရာမှာ
အသက်တစ်ရာတန်း၌ဖြစ်သောသူသည် နှစ်ရာသို့ရောက်အောင် မရှည်။
အတန်ငယ်လွန်၍သာ ဆုံးရလေသည်ဟု ဟောတော်မူသော သုတ်ပါဠိတော်ကို ထောက်လျှင်
ယခုသို့ရောက်အောင် မရှိရာပြီ။ တစ်ပါးသံဃာ ရဟန္တာတို့၏နောက်ကျန်၍
ရှိရစ်သည်ကို စွဲ၍သာ အရှင်လေးပါးရှိကြောင်းကို ဆိုသည်ဟု ယူရမည်။
သူသေလေးပါးမှာ စာပေကျမ်းဂန်မတွေ့”
“ဆရာတော်ဘုရားကြီးရဲ့ မှတ်ချက်ဟာ အင်မတန်မှတ်သားစရာကောင်းပါတယ်။
ရှင်လေးပါးရဲ့ အဓိပ္ပါယ်လည်း ရှင်းသွားတာပဲဗျာ။”
“နေဦးဗျ၊ ဆရာတော်ဘုရားကြီးရဲ့ အဖြေက မဆုံးသေးဘူး။

ဆရာတော်ဘုရားကြီးက ကျွန်တော်တို့အတွက် စဉ်းစားစရာ အချက်တစ်ချက်ကို
ထပ်ပြခဲ့သေးသဗျ။ ကျွန်တော်ဖတ်ပြပါ့မယ်”

ဤမှတစ်ပါး ထောက်ထားရန်အကြောင်းကား
အိန္ဒိယတိုင်း ဘိလပ်ပြည်ကြီးက သမုဒ္ဒရာကို လည်ပတ်၍ကြည့်သော
လောကဓာတ်ဆရာနှစ်ဦးတို့သည် မီးသင်္ဘောတစ်စီးနှင့် ပင်လယ်ကို လည်ရာ
တောင်သမုဒ္ဒရာတွင် ဘယ်ဟာရှိမည်ကို သိရအောင်သွားမည်ဟု
တောင်စူးစူးသို့ ထွက်၍သွားသော်
အများသွားမြဲ ခရီးကို လွန်၍ တစ်ဆယ့်သုံးရက် ထွက်လေသဖြင့်
ရေပြင်လယ်ကောင်တွင် ကျောက်တောင်တစ်ခုပေါ်၍
ထိုကျောက်တောင်ထက်၌ ကြီးစွာသော ကြေးပြာသာဒ်ကို မြင်၏။
အနီးသို့ရောက်စိမ်းသောငှာ စက်ခုတ်ပါသော်လည်း
လွန်စွာရေကြမ်းလှသောကြောင့် အနီးသို့ မကျဘဲ
အမြောက် တစ်ကမ်းခန့်နေရာက ခွာဆုတ်ခဲ့ရသည်။
တောင်သမုဒ္ဒရာ၌ ကြေးပြာသာဒ်ကို တပ်အပ်မြင်ခဲ့ရသည်ဟုသတင်းစာ
၁၂၂၅ ခုနစ်တွင် ငါတို့အရပ်သို့ ရောက်လာဖူးသည်။

“အတော့်ကို စဉ်းစားစရာ ကောင်းတဲ့အချက်ပဲနော်”

“စဉ်းစားမယ်ဆိုရင် စဉ်းစားစရာတွေ တစ်သီတစ်တန်းကြီးပေါ်လာမယ်။
ဒါ့ကြောင့်မို့ တစ်နည်းတွေ့နဲ့ လွေ့လွေ့ရမ်းရမ်း
ဆုံးဖြတ်ချက်ချလို့ မဖြစ်ပေဘူး။

ကျေးဇူးရှင် လယ်တီဆရာတော်ဘုရားကြီးမိန့်ဆိုသလို
‘မျက်မြင်မှာ ဥာဏ်တွဲလို့ အနဲနဲ ရှု’ ပေါ့ဗျာ။”
“ကျေးဇူးတင်ပါတယ် ဆရာ”
“အရှင်ဥပဂုတ်နဲ့ပတ်သက်လို့ ကျွန်တော်တို့ ပြောနိုင်တာကတော့
အရှင်ဥပဂုတ် ကိုးကွယ်ပူဇော်မှုအစဉ်အလာဟာ
ယဉ်ကျေးမှုတစ်ရပ်အနေနဲ့ အခိုင်အမာ ရှိနေပြီဆိုတဲ့ အချက်ပါဘဲ”
“အဲ့ဒါကိုတော့ ကျွန်တော်လဲ သဘောတူပါတယ်ဆရာ”
ဤသို့လျှင် ကျွန်တော်နှင့် ဓမ္မမိတ်ဆွေတို့သည် ထိုညနေက
အရှင်ဥပဂုတ္တနှင့်စပ်လျင်း၍ ဆွေးနွေးဖြစ်ခဲ့ကြပါသတည်း။

မြ၀င်း (ဒဿန)

သူရဇ္ဖ (၂၀၀၉၊ ဇွန်)

Read more...

A Vesakha Message

Dear Buddhist friends, on the occasion of Vesak Day, I join in prayers with you that this annual festival may bring serenity and joy to Buddhists in Singapore and throughout the world. in Singapore, the respect and of different religions and faiths is a building block o of our society, and we wish to acknowledge the importance that the Catholic Church places on inter-religious dialogue as a means to living in peace and working together to achieve the best outcome for all. Pope Benedict XVI in his message for World Day of Peace this year, has stated, “for the Church, dialogue between the followers of the different religions represents an important means of cooperating with all religious communities for the common good.” We value our work with representives from the Buddhist community and other religions in the Presidential Council for Religious harmony to promote peace and harmony among all people. As we witness great suffering around the world today on so many levels, from natural disasters to religious persecution and war, it is important that we join together in our efforts to spread peace, working hand-in-hand to alleviate the suffering of those around us. My dear Buddhist friends, on behalf of the Archdiocese of Singapore, I pray that your celebration of Vesak will be a source of spiritual growth. Happy Vesak! Yours sincerely, Archbishop Nicholas Chia.

Posted by Shravasti Dhammika at 3:18 PM 0 comments

Read more...

စာတုမသုတ်မှ ဘေးလေးပါး...

မြတ်စွာဘုရားသည် ရဟန်းတို့ကို...

ရဟန်းတို့ ရေသို့ သက်ဆင်းသောသူ၌ လေးပါးသော ဤဘေးတို့သည် မချွတ်ဖြစ်ရ ကုန်မည်။ အဘယ် လေးပါးတို့နည်းဟူမူ- လှိုင်းတံပိုးဘေး၊ မိကျောင်းဘေး၊ ဝဲဘေး၊ ငါးမန်းဘေးတို့တည်း။ ရဟန်းတို့ ရေသို့ သက်ဆင်းသော သူ၌ လေးပါးကုန်သော ဤဘေးတို့သည် မချွတ်ဖြစ်ရကုန်မည်။

ရဟန်းတို့ ဤအတူသာလျှင် ဤသာသနာတော်၌ လူ့ဘောင်မှ ရဟန်းဘောင်၌ ရဟန်းပြုသော အချို့သော ပုဂ္ဂိုလ်၌ လေးပါးသော ဤဘေးတို့သည် မချွတ်ဖြစ်ရ ကုန်မည်။ 161

အဘယ် လေးပါးတို့နည်းဟူမူ...

၁... လှိုင်းတံပိုးဘေး၊
၂... မိကျောင်းဘေး၊
၃... ဝဲဘေး၊
၎... ငါးမန်းဘေးတို့တည်း။

ရဟန်းတို့ လှိုင်းတံပိုးဘေး ဟူသည် အဘယ်နည်း...

ရဟန်းတို့ မိကျောင်းဘေး ဟူသည် အဘယ်နည်း...

ရဟန်းတို့ ဝဲဘေး ဟူသည် အဘယ်နည်း...

ရဟန်းတို့ ငါးမန်းဘေး ဟူသည် အဘယ်နည်း...

ရဟန်းတို့ ဤသာသနာတော်၌ လူ့ဘောင်မှ ရဟန်းဘောင်၌ ရဟန်းပြုသော အချို့သော ပုဂ္ဂိုလ်အား ဤဘေးလေးပါးတို့သည် မချွတ်ဖြစ်ရ ကုန်မည် ဟု မြတ်စွာဘုရားသည် ဤသုတ်ကို ဟောတော်မူ၏။

စာတုမသုတ်မှ

၇ - စာတုမသုတ်၊ ဘိက္ခုဝဂ်၊ မဇ္ဈိမပဏ္ဏာသပါဠိတော်၊ မဇ္ဈိမနိကာယ်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တစ်ခုဖြစ်ပေ၏။ သာဓု... သာဓု... သာဓု...။

Wednesday, May 18, 2011

Read more...

စိတ်တည်ငြိမ်အောင် လုပ်နည်းလေး ပြောပြပါလား

မွန်ဘိုင်း တက္ကသိုလ် (Fort Campus) က စာကြည့်တိုက်ကို စာဖတ်သွားတယ်။ တက္ကသိုလ်လမ်း (University Road), မွန်ဘိုင်း ၄၀၀ ၀၀၁ မှာ ရှိတဲ့ အိုးလ် ကမ်ပါ့တ် (စ်)က စာကြည့်တိုက်ကို သွားတာပါ။

စာဖတ်ဖို့ စသွားတဲ့ နေ့က ကိုယ်ဖတ်ချင်တဲ့ စာအုပ်ကို သက်ဆိုင်ရာ ဝန်ထမ်းတွေက သွားရှာနေတယ်။ တော်တော်နှင့် မရပါဘူး။ ဒါနှင့် ကမ်ဘောဒီယား ဘုန်းကြီးလေး ငှားထားတဲ့ သူ မဖတ်သေးတဲ့ စာအုပ်ကို ကောက်ယူကာ ဖတ်နေ လိုက်တယ်။ မကြာပါဘူး။ ကျောင်းသားတစ်ယောက်က မိမိထိုင်နေတဲ့ စားပွဲဆီကို လာပါတယ်။

သူက အရှင်ဘုရားရဲ့ အချိန် မိနစ်အနည်းငယ်ကို သုံးခွင့်ပြုပေးနိုင်ပါသလားလို့ ယဉ်ယဉ်ကျေးကျေး မေးပါတယ်။ ရပါတယ်။ ထိုင်ပါ။ ဘာပြောချင်လို့ပါလဲလို့ မေးတော့ သူက ထိုင်ခုံမှာ ဝင်ထိုင်ပါတယ်။ စာကြည့်တိုက်ထဲမှာ စကားပြောလို့ အဆင်မပြေဘူး ထင်တယ်ဆိုတော့ ရပါတယ်၊ ခဏပါလို့ သူကဆိုတယ်။ ဒါပေမဲ့ ကျောင်းသားတွေနှင့် ဝေးရာ ခုံကို ရှာပြီး ထိုင်လိုက်ကြပါတယ်။

သူက ကျွန်တော် ခု ကျောင်းတက်နေပါတယ်။ စာမေးပွဲလည်း မကြာမှီ ဖြေရတော့မယ်။ ဒါပေမဲ့ ဘာကိုမှ စိတ်စူးစိုက်လို့ မရပါဘူး။ အဲဒါ ဘယ်လို လုပ်ရတယ်ဆိုတာ အကြံဉာဏ်ပေးပါလားလို့ ဆိုလာပါတယ်။

စာရေးသူက သူ့ကို ပြုံးပြပြီး ကျွန်တော်သိတာကို ပြောပြစေချင်တာလားလို့ ထပ်မေးလိုက်တော့ ဟုတ်ပါတယ်။ ခင်ဗျားကြည့်ရတာ တည်တည်ငြိမ်ငြိမ် ရှိတယ်။ နောက် ဘုန်းကြီးဆိုတော့ တည်ငြိမ်အောင် နေတဲ့ နည်းတွေလည်း သိမှာပဲတဲ့။ သူက ပြောပြန်ပါတယ်။

ကိုယ့်နိုင်ငံထဲတုန်းကတော့ ကိုယ့်အဝတ်အစား (သင်္ကန်းတော်)နှင့် ပတ်သက်လို့ ဘာမှ မတွေးဘူးပေမယ့် နိုင်ငံခြား အထူးသဖြင့် ဗုဒ္ဓဘာသာ မဟုတ်တဲ့ တိုင်းပြည်တွေမှာ သွားတိုင်း လူတွေကြည့်ကြလွန်းလို့ ဒီလူတွေ ဒို့သင်္ကန်းကြီးကို မမြင်ဖူးပဲ မြင်ရတော့ ဘယ်လို တွေးမလဲလို့ တစ်ခါတရံတော့ စဉ်းစားမိပါတယ်။ ဒီလူတွေ ဘယ်လို လူတွေလည်း မသိဘူး။ အဝတ်ကို သူများလို မဝတ်ပဲ ကိုယ်ကို အဝတ်ကြီးကြီးနှင့် ပတ်ထားတယ်ဗျာလို့များ တွေးကြလေမလားလို့လဲ ခဏခဏ တွေးမိပြီး သူငယ်ချင်းများကို အရွှမ်းဖောက်ပြီး ပြောမိတတ်ပါတယ်။

ဒါပေမဲ့ သေချာတာကတော့ ဘယ်နားသွားသွား၊ ငွါးငွါးစွင့်စွင့်ကြီး ပေါ်လွင်နေတယ် ဆိုတာပါပဲ။ ခုလည်း ဒီကျောင်းသားက ဘယ်အချိန်ကစပြီး ကြည့်နေတယ် မသိပါဘူး။ စာရေးသူမှာ ပထမဆုံး အခေါက်မို့ ကဒ်ပြားလုပ်ရ၊ ကက်တလောက် ရှာရ၊ လာပြန်ပေးရ၊ စာအုပ်ရောက်လာအောင် စောင့်ရနှင့် အလုပ်တွေ ရှုပ်နေတာ။ သူက စာဖတ်ရာကနေ လှမ်းကြည့်နေတာ ဖြစ်နိုင်တယ်။

စာရေးသူက ကောင်းပါပြီ၊ ဒီလိုဆို စိတ်တည်ငြိမ်အောင် လုပ်နည်း နှစ်နည်း ပြောပြမယ်။ ခင်ဗျား စဉ်းစားပြီး ကြိုက်တာ တစ်ခု ရွေးလုပ်ပေါ့လို့ ပြောလိုက်ပါတယ်။ ပြောနေတဲ့ ခဏမှာတော့ “သြော် … ဗုဒ္ဓဆိုလျှင်တော့ ဒါမျိုးဆို ဝေနေယျ အလိုက် စရိုက်နှင့် ညီအောင် တရားပေးမှာပဲ” လို့လည်း ဘုရားကိုယ်တော်မြတ်ရဲ့ ဂုဏ်တော်ကို သတိယမိပြန်ပါတယ်။ ဒီကတော့ ဘာမှ မကြည့်နိုင်ပါဘူး။ ယေဘုယျ သဘောအရ သင့်မယ် ထင်တဲ့ နည်းနှစ်မျိုးကို အတိုချုံးပြီး ပြောရပြီပေါ့။

တရားထိုင်နည်းတွေ ဗုဒ္ဓဘာသာမှာ အများကြီး ရှိတယ်။ အဲဒီထဲက နည်းနှစ်နည်းကို အကျဉ်း ပြောပြမယ်လေ။ ကိုယ်ကြိုက်တာ၊ ကိုယ်နှင့် သင့်မယ် ထင်တာကို လုပ်ပေါ့လို့ စပြောမိတယ်။ သူက ပြုံးရွှင်စွာနှင့် ခေါင်းညိတ်ပြီး “ဟုတ်ကဲ့ပါ”လို့ ပြောပါတယ်။ ဒီတော့မှ စာသံ ပေသံတွေ မပါစေပဲ တရားထိုင်တာတွေနှင့် စိမ်းနေတဲ့ သာသာခြား ကျောင်းသား တစ်ယောက်နှင့် သင့်တော်မယ် ထင်တာလောက်ကို ရိုးရိုးလေး ပြောပြလိုက်ပါတယ်။

ပထမ တစ်နည်းကတော့ ဝင်သက် ထွက်သက်ကို မှတ်တဲ့နည်းပါ။ ဒါကို စမလုပ်မီ တရားထိုင်ဖို့ ကောင်းမွန်တဲ့ နေရာတစ်ခု ရှိဖို့တော့ လိုအပ်ပါတယ်။ အတန်အသင့် ဆိတ်ငြိမ်ပြီး လေဝင်လေထွက်လေးလည်း ကောင်းတဲ့ နေရာမျိုးပေါ့။

လူတိုင်း အသက်ရှူနေ ကြတယ်။ သတိထားမိသည် ဖြစ်စေ၊ မထားမိသည် ဖြစ်စေ အသက်ကတော့ ရှူနေကြတာပါပဲ။ ဒါက သဘာဝပါ။ အဲဒါကို သတိထားကြည့်မယ် ဆိုလျှင်တော့ လိုချင်တဲ့ စိတ်တည်ငြိမ်မှု ရလာပါလိမ့်မယ်။ အသက်ရှူတာကို အသေအချာ သတိစိုက်ကြည့်လျှင် ဝင်သက် ထွက်သက်တိုင်းဟာ နှာသီးလေးကို ထိထိပြီး ဝင်နေ ထွက်နေတာကို တွေ့ရပါတယ်။ အဲဒီ ဝင်လေ ထွက်လေကို သိအောင် စောင့်ကြည့်ဖို့ပါပဲ။ ဂိတ်စောင့်သူဟာ ဝင်လာတိုင်း၊ ထွက်သွားတိုင်းသော လူတွေကို အမြဲ စောင့်ကြည့်နေသလို နှာသီးဖျား တစ်ဝိုက်မှာ တိုက်ပြီး ထိပြီး ဝင်လာတိုင်းသော ဝင်သက်လေ၊ ထွက်သက်လေကို သိနေအောင် စောင့်ကြည့်၊ စူးစိုက်ပြီး မှတ်နေဖို့ပါပဲ။

အဲဒါကြောင့် ထိုင်ဖို့ သင့်တော်တဲ့ နေရာကို ရွေးပြီး ထိုင်ပါ။ ထိုင်တဲ့ အခါ ခါးကို မတ်မတ် ထားထိုင်ဖို့ လိုပါတယ်။ ခန္ဓာကိုယ်ကို ရှေ့ကိုလည်း မကိုင်းညွတ်စေနှင့်။ နောက်ကိုလည်း မယိုင်ညွတ်စေနဲ့ပေါ့။ အဲဒီလို ဖြစ်နေလျှင် ထိုင်ရတာ၊ စူးစိုက်ရတာ အဆင်မပြေတတ်ပါဘူး။ ဒါပေမဲ့ သက်တောင့်သက်သာ ရှိဖို့တော့ လိုပါတယ်။ လျောင်း၊ ထိုင်၊ ရပ်၊ သွား ဆိုတဲ့ အနေအထား လေးမျိုးလုံးနှင့် တရားမှတ်လို့ ရပေမယ့် အစမှာတော့ ထိုင်ပြီး ရှုမှတ်တာက အကောင်းဆုံးနှင့် အသင့်တော်ဆုံးပါ။

သက်တောင့်သက်သာ ထိုင်ပြီးပြီ ဆိုလျှင်တော့ စိတ်ကို နှာသီးဝကို ပို့ပါ။ အာရုံစိုက်ကြည့်လိုက်ပါ။ ဝင်သက်လေ၊ ထွက်သက်လေတွေကို သိလာပါလိမ့်မယ်။ အသက်ရှူလိုက်လို့ ဝင်လာတဲ့ ဝင်သက်လေဟာ နှာသီးဖျားကို ထိပြီး ဝင်သွားတာကို သိရပါလိမ့်မယ်။ အသက်ကို ရှူထုတ်လိုက်တဲ့ အခါမှာလည်း ထွက်သက်လေဟာ နှာသီးဖျားကို ထိပြီး ထွက်သွားတာကို တွေ့ရပါလိမ့်မယ်။ အဲဒီ ဝင်လေတိုင်း၊ ထွက်လေတိုင်းကို သိအောင် နှာသီးဖျားမှာ စိတ်ကို ပို့ထားပါ။ ဝင်သက် ထွက်သက်ကို စူးစိုက်ပါ။ ပြီးလျှင် နှာသီးဖျားကို ထိပြီး ဝင်လာတဲ့ လေကိုလည်း သိပါ။ နှာသီးဖျားကို ထိပြီး ထွက်သွားတဲ့ လေကိုလည်း သိပါ။ ဒါကို နေ့စဉ် (၅ - ၁၀)မိနစ်လောက် လုပ်ဖို့ လိုပါတယ်။

ဒီလို သိအောင် ထိုင်ပြီး လုပ်တာကို တစ်နေ့ကို နှစ်ကြိမ်လောက် လုပ်နိုင်လျှင် ပိုကောင်းပါတယ်။ တစ်ကြိမ်ကို ငါးမိနစ် - ဆယ်မိနစ်လောက် လုပ်နိုင်လျှင် လိုချင်တဲ့ အာရုံစူးစိုက်နိုင်မှု အသေအချာ ရမှာပါ။ တစ်ကြိမ်ပဲ ထိုင်နိုင်တယ် ဆိုလျှင်ပဲ ထူးခြားမှု၊ အာရုံစိုက်နိုင်မှု တိုးတက်လာတာကို ကိုယ်တိုင် တွေ့မြင်ရမှာပါ။

ဒီလို ဝင်သက် ထွက်သက်ကို စောင့်ကြည့် သိရှိမှုက မျှော်လင့်ထားသလောက် ခက်ချင်မှ ခက်နိုင်သလို ထင်သလောက်လည်း လွယ်ချင်မှ လွယ်မှာပါ။ ဘာလို့လဲဆိုတော့ စိတ်ဟာ ပြေးသွားနေတတ်တဲ့ သဘာဝ ရှိလို့ပါ။ ခုပဲ ဝင်လေ ထွက်လေကို သတိနှင့် စောင့်ကြည့်နေတယ်၊ သိနေတယ် ဆိုပေမဲ့ ကြည့်နေတဲ့ တစ်ချိန်တည်းမှာပဲ သူက အလစ်သုတ် ထွက်ပြေးတော့ တာပါပဲ။ ဒီတော့ သတိပြုမိတဲ့ အချိန်မှာ လျှောက်သွားနေတာ၊ သို့မဟုတ် တစ်ယောက်ယောက်နှင့် စကားပြောနေတာ၊ သို့မဟုတ် တစ်ခုခုလုပ်ဖို့ စဉ်းစားနေတာ ဒါမှမဟုတ်လည်း တစ်ခုခု လုပ်နေတာကို တွေ့ရပါလိမ့်မယ်။ ဒီအခါမှာ စိတ်ကို ဝင်လေ ထွက်လေဆီ ပြန်ခေါ်လာပါ။ ပြီးလျှင် အာရုံစိုက်ပြီး သိသိနေအောင် ပြန်မှတ်ပါ။

စိတ်ဟာ ဘယ်လောက် မြန်ပြီး ဘယ်လို ပြေးသွားနေတတ်တယ်၊ ဖမ်းပြီး တစ်နေရာထဲမှာ နေအောင်လုပ်ဖို့ ဘယ်လို ခက်တယ်ဆိုတာ တရားထိုင်ကြည့်တဲ့ အခါ သိပါလိမ့်မယ်။ ဒါပေမဲ့ ဒါက စိတ်ပျက်စရာ မဟုတ်သလို အားလျှော့ဖို့လည်း မလိုပါဘူး။ စိတ်ရဲ့ သဘာဝကို ကြိုသိထားတော့ ပိုကောင်းတာပေါ့။ ငါးမိနစ်မှတ်တဲ့ အခါ သုံးမိနစ်လောက် ကောင်းကောင်းမှတ်နိုင်တယ် ဆိုလျှင်ပဲ လိုချင်တဲ့ အာရုံးစူးစိုက်နိုင်မှုကို ရပါလိမ့်မယ်။

နောက်တစ်ချက် သတိထားရမှာက အခုမှ စလုပ်မှာဆိုတော့ အလုပ်သစ်ရဲ့ သဘာဝအတိုင်း အစမှာ နည်းနည်းတော့ ချက်ချင် ခက်ပါလိမ့်မည်။ ဒါပေမဲ့ အဲဒီသဘောကိုလည်း သိထားတယ်၊ လုပ်ချင်တဲ့ ဆန္ဒနှင့် ကိုယ့်ဆန္ဒ အတိုင်း လုပ်နိုင်တဲ့ ဇွဲရှိလျှင်တော့ အောင်မြင်တာချည်းပါပဲ။ ဒါကို သတိပြုမိလျှင် လုံလောက်ပါပြီ။

(မေတ္တာ ကမ္မဋ္ဌာန်း အကြောင်း ဆက်ရန် ကျန်ပါသေးသည်။ တင်ဖြစ် မဖြစ်တော့ မသေချာပါ။)

ဘုန်းဉာဏ်

Read more...

အရှင်သာရိပုတ္တရာ သို့မဟုတ် မိုးလောက်မြင့်မား၍ မြေကြီးလိုနှိမ့်ချသူ

သူတော်ကောင်း နှလုံးသားတွေထဲမှာ အရှင်သာရိပုတ္တရာ မထေရ်ကဲ့သို့ နှလုံးသားကို ဖူးမြော်ကြည်ညိုရတာဟာ အားရကျေနပ်စရာ အကောင်းဆုံး ဖြစ်ပါတယ်။ ကြယ်တာရာတွေ စုံလင်တဲ့ညချမ်းမှာ ကောင်းကင်ပြင်ကြီးကို မော်ကြည့်မိတဲ့အခါ သောကြာကြယ်လို့ခေါ်တဲ့ သောက်ရှူးကြယ်ကြီးကို ကြယ်တာရာတွေထဲမှာ ထူးခြားတောက်ပစွာ တွေ့မြင်ရသလို အရှင်သာရိပုတ္တရာလည်း သူတော်ကောင်း အစားစားတွေထဲမှာ ကိုယ်ကျင့်တရားအရရော စိတ်နေ သဘောထားအရနဲ့ အသိဉာဏ် ပညာအရာမှာပါ ထူးချွန်တောက် ပြောင်လှပါတယ်။

အရှင်သာရိပုတ္တရာလောင်း(သုရုစိရသေ့)ဟာ လွန်ခဲ့တဲ့တစ်အသင်္ချေနဲ့ ကမ္ဘာတစ်သိန်းကာလတုန်းက အနောမဒဿီ မြတ်စွာဘုရားရှင်ရဲ့ လက်ယာတော်ရံ နိသဘမထေရ်ကို အားကျကြည်ညိုပြီး လက်ယာတော်ရံ အဂ္ဂသာဝကဆုကို ပန်ဆင်တော်မူခဲ့တာပါ။ စာရေးသူတို့ရဲ့ ရှင်တော်ဘုရား လက်ထက်ရောက် တဲ့အခါ ရာဇဂြိုဟ်ပြည် အနီးနားက ဥပတိဿရွာမှာ ရွာသူကြီး ၀င်္ကန္တပုဏ္ဏား ကြီးနဲ့ ရူပသာရီပုဏ္ဏေးမကြီးတို့ရဲ့ သားကြီးသြရသ ဥပတိဿလုလင် ဖြစ်လာပြီး ရဟန်းပြုတော်မူတဲ့အခါ မယ်တော်ရဲ့ အမည်ကို အစွဲပြုကာ အရှင်သာရိပုတ္တရာ လို့ အမည်တွင် ထင်ရှားတော်မူခဲ့တာ ဖြစ်ပါတယ်။

ဆက်လက်ဖတ်ရှုရန်..............

Read more...

ပီနန်ကျွန်းမှာ သာတဲ့လ (၅)

You might also like:

Read more...

Detachment or Non-attachment

Enlightenment teacher David Hawkins makes a distinction between the idea of detachment - which signifies a non caring remote isolationist standpoint to the world – and the idea of non-attachment which involves engaged action without attachment to your own desires or expectation of particular outcomes.

Compassion is active.

A story illustrates:

A man walking thought he forest saw a fox that has lost its legs, and he wondered how it lived. Then he saw a tiger come up with game in its mouth. The tiger ate its fill and left the rest of the meat for the fox.

The next day God fed the fox by means of the same tiger. The man began to wonder at God’s greatness and said to himself, “I too shall just rest in a corner with full trust in the Lord and he will provide me with what I need.”

He did this for many days but nothing happened, and he was almost at death’s door when he heard a voice say, “O you who are in the path of error, open your eyes to the truth! Stop imitating the disabled fox, and follow the example of the tiger.”

Non-attachment is compassion in action:

Read more...

ဉာဏ်နဲ့ယှဉ်ကာ ရွေးချယ်ပါ…

မှတ်မှတ်ရရ ပြီးခဲ့တဲ့ ကဆုန်လပြည့် ဗုဒ္ဓနေ့၊ ၁၇-၅-၂၀၁၁ရက်နေ့က ဖြစ်ပါတယ်။ အော်စီမှာ ရောက်နေတဲ့ ဒကာတစ်ယောက်က ဗုဒ္ဓနေ့မှာ အရှင်ဘုရားကို သတိတရ ဖုန်းဆက်ပြီး ဦးတင်တာပါဘုရားလို့ လျှောက်ထားရင်း သူသိချင်တာလေးတွေလည်း မေးမြန်းလျှောက်ထားလာပါတယ်။ ထူးထူးခြားခြား သူမေးတဲ့ မေးခွန်းထဲမှာ ဒီနေ့ခေတ် သူတို့လို ဗုဒ္ဓဘာသာဝင်တွေအတွက် ကိုးကွယ်မှုနဲ့ ပတ်သက်ပြီး အခက်တွေ့နေတဲ့ အချက်လည်း ပါဝင်ပါတယ်။ သူက “ဘုန်းဘုန်း သိတဲ့အတိုင်းပဲဘုရား အခုနောက်ပိုင်း မြန်မာနိုင်ငံမှာ တပည့်တော်တို့ ကိုးကွယ်ရမယ့် ဘုန်းကြီးတွေ ကိုယ်တိုင်က ဂိုဏ်းအမျိုးမျိုး၊ အဖွဲ့အမျိုးမျိုး၊ ပုံစံအမျိုးမျိုးနဲ့ ဟောပြောပို့ချလာကြတော့ ဘုရားဟော တရားတွေကို အမှားအမှန် မသိတဲ့ တပည့်တော်တို့လို သူတွေက အဲဒီဘုန်းကြီး ဟောပြောတဲ့ တရားဟာ မှားလားမှန်လား မခွဲခြားတတ်တဲ့အပြင် အစစ်အမှန် ဆရာသမားကို ဘယ်လိုရှာဖွေရမှန်း မသိတဲ့ အခြေအနေ ဖြစ်နေပါတယ် ဘုရား၊ အဲဒါ ဘုန်းဘုန်းအနေနဲ့ တပည့်တော်တို့လို သူတွေအတွက် ဆရာမမှားရအောင် ဘယ်လိုရွေးချယ်ရမယ်ဆိုတာ လမ်းညွှန်ပေးပါဘုရား” လို့ မေးမြန်း လျှောက်ထားပါတယ်။ “မှန်တယ် ဒကာတော်ရေ ဒကာတို့လို သူတွေအတွက် ကိုးကွယ်မှု မမှားရအောင် ဆရာရွေးချယ်တဲ့အခါမှာ ဉာဏ်နဲ့ယှဉ်ပြီးပဲ ရွေးချယ်ကိုးကွယ် ရတော့မှာဖြစ်တယ်”လို့ အကြံပြုရင်း ယုံကြည်မှုကို စူးစမ်းဆင်ခြင်မှုနဲ့ ပေါင်းစပ်ဖို့ ပြောပြပေးဖြစ်ခဲ့ပါတယ်။

ဟုတ်ပါတယ်။ အဲဒီဒကာလျှောက်သလိုပဲ အခုနောက်ပိုင်း ဟောပြောကြတဲ့ ဘုန်းကြီးအချို့တွေကလည်း စတိုလ် အမျိုးမျိုးနဲ့ ပြဿနာ အမျိုးမျိုးတွေကို ဖြစ်ပေါ်စေတော့တာ ဖြစ်ပါတယ်။ ဒကာဒကာမတွေကို က စေတဲ့ဘုန်းကြီးတွေ၊ ကြွ စေတဲ့ဘုန်းကြီးတွေ၊ မ စေတဲ့ဘုန်းကြီးတွေ၊ ရွ စေတဲ့ဘုန်းကြီးတွေကြောင့် အသိဉာဏ်နည်းလာတဲ့ သူတွေမှာ က တဲ့သူက က၊ ကြွတဲ့သူက ကြွ၊ ရွတဲ့သူက ရွ စသဖြင့် ဝါဒမှိုင်း မိကုန်ကြတော့တာ ဖြစ်ပါတယ်။ မျက်ကန်းယုံကြည်မှု အားကောင်းပြီး ဆင်ခြင်ဉာဏ် နည်းလာကြတဲ့ သူတွေကလည်း ဘာမှမသိ လိုက်လုပ်မိရာက အမှားကို အမှားမှန်း မသိဘဲ ဆက်လျှောက်နေကြတော့တာ ဖြစ်ပါတယ်။ အယူဝါဒ တစ်ခုဆိုတာက ယုံကြည်မိရင် အသက်အသေခံပြီး ဆုတ်ကိုင်ထားတတ်တဲ့ သဘောရှိတဲ့အတွက် ကိုယ့်ကိုယ်ကို သတိပညာ မပါဘဲ ယုံကြည်လက်ခံမိမယ်ဆိုရင် စွန့်လွှတ်ဖို့ အတော်ခဲရင်းတတ်တဲ့ သဘောရှိပါတယ်။ ဒါကြောင့် ကိုးကွယ်အားထားရာကို ရွေးချယ်တဲ့အခါမှာ ယုံကြည်မှုကို စူးစမ်းဆင်ခြင်မှုနဲ့ ပေါင်းစပ်ကာ သတိထားပြီး ကိုးကွယ်ကြရမှာ ဖြစ်တယ်လို့ ဆိုခြင်း ဖြစ်ပါတယ်။

သေချာတွေးကြည့်တော့ အစစ်အမှန် ကိုးကွယ်ရာတွေက မရှိဘူးမဟုတ်ပါဘူး။ အများကြီးရှိပါတယ်။ အစစ်အမှန် ရဟန်းသံဃာတော်တွေ၊ အကျင့်မှန် သူတော်သူမြတ်တွေ၊ ရဟန်းအလုပ်ကို လုပ်နေကြတဲ့ ရဟန်းသံဃာတော်တွေဟာ မြန်မာမှာရော ကမ္ဘာမှာပါ အများကြီး ရှိနေပါသေးတယ်။ စာပေသင်ကြားလေ့လာမှု ပရိယတ်အားကောင်းနေသမျှ ကျင့်ကြံအားထုတ်မှု ပဋိပတ်လည်း အားကောင်းနေမှာ ဖြစ်ပြီး အကျင့်အားကောင်းနေသမျှ အကျိုးပဋိဝေဓ တရားများလည်း အားကောင်းနေမှာ ဖြစ်ပါတယ်။ လေ့လာသင်ယူမှု၊ ကျင့်ကြံအားထုတ်မှုများ ရှိနေသမျှ သာသနာတော်မှာ ပရိယတ်အကျော်၊ ပဋိပတ်အကျော်များလည်း မဆိတ်သုဉ်းဘဲ ထင်ရှားရှိနေကြမှာ ဖြစ်ပါတယ်။ ဒီထက်ပိုပြီး ကျေနပ်စရာကောင်းတာက ဒီလိုပရိယတ် ပဋိပတ်အားကောင်းနေသမျှ သာသနာတော်တွင်းမှာ မမှန်တဲ့ အကျင့်ရှိသူများ အကြာကြီး မတည်နိုင်ဘူးဆိုတဲ့ အချက်ပဲ ဖြစ်ပါတယ်။

အရေးကြီးတာက ကိုးကွယ်သူတွေရဲ့ ရွေးချယ်မှုပဲ ဖြစ်ပါတယ်။ မမှန်တဲ့နည်းတွေ၊ မရိုးသားတဲ့ နည်းတွေနဲ့ ဘာနည်းညာနည်းတွေကို ဟောပြောပြသတဲ့ ပုဂ္ဂိုလ်တွေနောက်ကို မလိုက်မိဖို့ပဲ လိုပါတယ်။ ယုံကြည်မှုကို ယုတ္တိကျကျ ဝေဘန်ပိုင်းခြားကာ လက်ခံကျင့်သုံးသင့်သလား၊ မသင့်ဘူးလားဆိုတာ ကိုယ်ပိုင်ဉာဏ်နဲ့ ဆင်ခြင်ပြီး အမှားမလိုက်မိဖို့ပဲ အဓိကဖြစ်ပါတယ်။ ယုံကြည်မှုအားကောင်းပြီး စူးစမ်းဆင်ခြင်မှု အားနည်းရင် အလွဲကိုးကွယ်မိတတ်တဲ့ သဘောရှိတဲ့အတွက် ကိုယ့်ရဲ့ယုံကြည်မှုကို သတိတရား လက်ကိုင်ထားပြီး ကိုးကွယ်ခံထိုက်လား၊ မထိုက်ဘူးလားဆိုတာ ကိုယ်ကိုယ်တိုင်ပဲ ရွေးချယ်တတ်ဖို့ လိုပါတယ်။ ဉာဏ်မပါတဲ့ နောက်လိုက်တွေ ရှိနေသမျှ ဝါဒဖြန့်လိုသူ၊ ဂိုဏ်းဂဏ ဖွဲ့စည်းလိုသူတွေကလည်း အများကြီး ရှိနေကြမှာ ဖြစ်တဲ့အတွက် ကိုယ့်ကိုယ်ကိုပဲ အမှားမလိုက်မိအောင် ကြိုးစားရမှာ ဖြစ်ပါတယ်။

ဆိုတော့ကား အမှားသမားတော်တွေ ရှိသလို အမှန်သမားတော်တွေလည်း ရှိနေတာ ဖြစ်တဲ့အတွက် တကယ့်ကို အားကိုးအားထား ပြုထိုက်တဲ့ ဆရာသမားတွေကို ကိုယ်ကိုယ်တိုင် စိစစ်ရွေးချယ် ကိုးကွယ်ကြဖို့ပဲ ဖြစ်ပါတယ်။ အဲဒီလို ကိုးကွယ်ရာအမှန်ကို ရွေးချယ်ဖို့ ကိုယ့်မှာအခက်အခဲ ရှိနေရင်လည်း ကိုယ်ကိုးကွယ်မယ့် ပုဂ္ဂိုလ်ဟာ ကိုးကွယ်ခံထိုက်လား၊ ဘုရားသားတော် ပီသအောင် ကျင့်ကြံဟောပြောမှု ရှိသလား ဆိုတာကိုကြည့်ပြီး သံဃာဂုဏ်တော် ကိုးပါးထဲက ရှေ့လေးပါးဖြစ်တဲ့ မြတ်စွာဘုရား တပည့်သား သံဃာတော်ဟာ
- ကောင်းစွာ ကျင့်ကြံတော်မူခြင်း သုပ္ပဋိပန္နဂုဏ်တော်
- ဖြောင့်မတ်စွာ ကျင့်ကြံတော်မူခြင်း ဥဇုပ္ပဋိပန္နဂုဏ်တော်
- မဂ်ဖိုလ်နိဗ္ဗာန်အလို့ငှါ ကျင့်ကြံတော်မူခြင်း ဉာယပ္ပဋိပန္နဂုဏ်တော်
- ရိုသေမှုနှင့်လျော်စွာ ကျင့်ကြံတော်မူခြင်း သာမိစိပ္ပဋိပန္နဂုဏ်တော်များနဲ့ ညီညွတ်မှု ရှိမရှိ ဆိုတာလေးလောက် တော့ ရွေးချယ်စိစစ်တတ်ကြဖို့ လိုပါတယ်။

ဒီနေ့ခေတ် အခြေအနေရ ဒီလေးချက်လောက်နဲ့ ပြည့်စုံနေရင်ကိုပဲ အဲဒီပုဂ္ဂိုလ်ဟာ ကိုးကွယ်ခံထိုက်နေတာ ဖြစ်ပါတယ်။ ဒီလေးပါးမှာ ရိုးသားဖြောင့်မတ်မှုဆိုတဲ့ အချက်က သိပ်ကိုတာသွားပါတယ်။ ဒကာဒကာမတွေကို ဆရာအဖြစ် ဟောပြောပို့ချပေးမယ့် ဘုန်းကြီးဟာ ရိုးသားဖြောင့်မတ်မှုမှ မရှိဘူးဆိုရင် ဘုရားဟော မဟုတ်တာတွေကို အဟုတ်လုပ်ပြီး ဟောပြောပေးဖို့ ဝန်မလေးတတ်သလို လူတွေအထင်ကြီးအောင် သာသနာတော်နဲ့ မလျော်တဲ့ အသက်မွေးမှုတွေနဲ့ စည်းရုံးဆွဲဆောင်ဖို့လည်း ဝန်မလေးတတ်တော့ပါဘူး။ အထင်ကြီးဖို့၊ ကျော်ကြားဖို့၊ ဂိုဏ်းဂဏဖွဲ့ဖို့အတွက် ဝိနည်းတော်ကိုမေ့၊ ဘုရားဟောကို ငါဟောလုပ်လေ့ ရှိတဲ့ပုဂ္ဂိုလ်တွေဟာ ဘယ်လိုမှကို ရိုးသားမှုဂုဏ် မရှိနိုင်တော့ပါဘူး။ ဘုန်းကြီးရဟန်းဖြစ်ပြီး ရိုးသားမှုမှ မရှိတော့ဘူးဆိုရင်တော့ ကိုးကွယ်ဆည်းကပ်ဖို့ မသင့်တော်တဲ့အချက်ပဲ ဖြစ်ပါတယ်။ ရိုးသားမှုရှိမှ ယုံကြည်မှုလည်း ရှိလာမှာဖြစ်ပြီး ယုံကြည်မှုရှိမှ ကိုးစားမှုလည်း ရှိကာ ကိုးစားနိုင်မှလည်း ကိုယ့်ရဲ့ပစ္စုပ္ပန် သံသရာ ကောင်းနိုင်မှာဖြစ်လို့ ကိုးကွယ်သူတွေ အနေနဲ့ အကိုးကွယ်ခံပုဂ္ဂိုလ်ကို ဉာဏ်နဲ့ယှဉ်ကာ ရွေးချယ်ကြဖို့ ဆိုခြင်းဖြစ်ပါတယ်။

အမှန်တော့ လက်တွေ့ဆန်ပြီး စိစစ်ခံနိုင်၊ မှတ်ကျောက်တင်ခံနိုင်တဲ့ ဗုဒ္ဓတရားတော်တွေဟာ မှန်ကန်တဲ့ နည်းစနစ်နဲ့သာ လိုက်နာကျင့်သုံးနိုင်မယ်ဆိုရင် အကျိုးတရားကို လက်တွေ့ရနိုင်မှာ ဖြစ်ပါတယ်။ ဗုဒ္ဓရဲ့ ဟောကြားချက်တွေကို ကြည့်မယ်ဆိုရင် သီလအကျင့်ကောင်းအောင်၊ သမာဓိတည်အောင်၊ ပညာရအောင် ဟောကြားပေးထားတာတွေပဲ ရှိပါတယ်။ ကိလေသာများအောင်၊ လောဘဒေါသပွားအောင်၊ မာနများအောင် စသဖြင့် ဟောကြားပေးထားတာတွေ မရှိပါဘူး။ ကိလေသာ ထူပြောစေတဲ့ အဆိုအက သင်တန်းပေးတာတွေ ဆိုတာကတော့ ပြောစရာကို မလိုလောက်အောင် ဗုဒ္ဓရဲ့ ဟောကြားမှုမှာ မရှိတာဟာ အသေအချာပဲ ဖြစ်ပါတယ်။ ဒါပေမယ့် ဗုဒ္ဓဟောကြားပေးတဲ့ တရားမျိုးမဟုတ်ဘဲ ကိုယ့်နည်းကိုယ့်ဟန်နဲ့ တီထွင်ကြတဲ့ အယူအကျင့်တွေမှာဆိုရင်တော့ ကိလေသာ တိုးပွားတာတွေ၊ လောဘဒေါသမာန အားကောင်းလာတာတွေ ရှိလာမှာ အမှန်ပဲ ဖြစ်ပါတယ်။ ဒါကြောင့်လည်း တစ်ချို့ ဘယ်နည်းကို ကျင့်ပြီးမှ ဘာတွေပိုတိုးလာတာ၊ လောဘဒေါသစတာတွေ ပိုများလာတာ၊ ငါ့ဆရာ ငါ့ဝါဒစတဲ့ ငါစွဲတွေ ပိုများလာတာတွေလည်း ရှိလာကြတာ ဖြစ်ပါတယ်။ ဒါဟာ မမှန်တဲ့နည်းနဲ့ မမှန်တဲ့ဆရာကို ကိုးကွယ်မိကြလို့ပဲ ဖြစ်ပါတယ်။

ဆိုလိုတာက မရိုးမသား တစ်မျိုးသွားနေကြတဲ့ အကိုးကွယ်ခံ ပုဂ္ဂိုလ်တွေ တဖြည်းဖြည်း တိုးပွားများပြားလာတဲ့ ခေတ်ကာလကြီးမှာ ကိုးစားရာအမှန်ကို ဆည်းကပ်ကိုးကွယ်နိုင်ကြဖို့ ကိုးကွယ်ဆည်းကပ်သူတွေ အနေနဲ့ ကိုယ့်ရဲ့ယုံကြည်မှုကို ဉာဏ်နဲ့ယှဉ်ကာ ကိုးကွယ်ကြည့်ကြဖို့နဲ့ မှန်ကန်တဲ့ ရွေးချယ်မှုနဲ့ ရွေးချယ်ကြည့်ကြဖို့ အသိပေးလိုတာ ဖြစ်ပါတယ်။ ကိုယ်ကိုးကွယ် ဆည်းကပ်တဲ့ ဆရာသမားဟာ ကိုယ်ရဲ့ပစ္စုပ္ပန်ကောင်းကျိုး သံသရာကောင်းကျိုးကို လမ်းညွှန်ပေးနိုင်မယ့် ပုဂ္ဂိုလ်ဖြစ်စေဖို့၊ အကုသိုလ်ကို ပယ်စေပြီး ကုသိုလ်ကို ဆောင်ယူနိုင်အောင် တည့်မတ်ပေးတဲ့ ပုဂ္ဂိုလ်ဖြစ်စေဖို့၊ အကျင့်လည်းကောင်း အနှစ်လည်းလောင်းပေးတဲ့ အသိအကျင့် ထပ်တူဆင့်တဲ့ ပုဂ္ဂိုလ်ဖြစ်စေဖို့ ကိုယ်ကိုယ်တိုင်ပဲ ဉာဏ်နဲ့ယှဉ်ကာ ရွေးချယ်ကိုးကွယ်ကြဖို့ တိုက်တွန်းလိုတာ ဖြစ်ပါတယ်။

ဒါကြောင့် ဘာပဲဖြစ်ဖြစ် အယုံအကြည် လွယ်တတ်ကြတဲ့ မြန်မာဗုဒ္ဓဘာသာများ အနေနဲ့ ကိုယ့်ရဲ့ယုံကြည်မှုဟာ မျက်ကန်းယုံကြည်တတ်တဲ့ ယုံကြည်မှုမျိုး မဖြစ်အောင်နဲ့ အယုံလွယ်တဲ့အတွက် အလွဲကိုးကွယ်မိတတ်တဲ့ ကိုးကွယ်မှု အမှားမဖြစ်ရအောင် ယုံကြည်မှုကို ဉာဏ်နဲ့ယှဉ်ကာ ကိုးကွယ်သင့် ကိုးကွယ်ထိုက်တဲ့ ကိုးကွယ်ရာ အမှန်ကိုသာ စိစစ်ရွေးချယ် ကိုးကွယ်ကြပါလို့ အသိပေးရင်း ကိုးကွယ်ရာမှ ဘေးမဖြစ်စေဖို့ ဉာဏ်နဲ့ယှဉ်ကာ ရွေးစစ်ကြဖို့ စေတနာစကား မေတ္တာအားဖြင့် တိုက်တွန်းသမှု ပြုလိုက်ရပါတယ်။

READ MORE......

စာရေးသူ = အရှင်ဝိစိတ္တ (မနာပ ဒါယီ) ။ အချိန် 6:45 PM 0 မှတ်ချက်များ (...ရေးရန်)

Read more...