* သဗၺဒါနံ ဓမၼဒါနံ ဇိနာတိ၊ * သဗၺရသံ ဓမၼရေသာ ဇိနာတိ။

* သဗၺဒါနံ ဓမၼဒါနံ ဇိနာတိ၊     * သဗၺရသံ ဓမၼရေသာ ဇိနာတိ။

နမတၳဳ ဗုဒၶါနံ နမတၳဳ ေဗာဓိယာ။ နေမာ ဝိမုတၱာနံ၊ နေမာ ဝိမုတၱိယာ။

ဘုရားရွင္တို ့အား ရွိခိုးပါ၏။
ဘုရားရွင္တို ့၏ မဂ္ဥာဏ္ ဖိုလ္ဥာဏ္အား ရွိခိုးပါ၏။
ကိေလသာတို ့မွ လြတ္ေျမာက္ေတာ္မူၾကေသာ ဘုရားရွင္တို ့အား ရွိခိုးပါ၏။
ထိုဘုရားရွင္တို ့၏ ဝိမုတၱိငါးပါးအား ရွိခိုးပါ၏။

ကရုဏာလက္မ်ား ကမ္းလင့္ေပးပါ...

ကရုဏာလက္မ်ား ကမ္းလင့္ေပးပါ...
စား၀တ္ေနေရးအဆင္ေျပေစရန္ ဆန္အိတ္လွဴျခင္း ႏွင့္ အျခားလိုအပ္သည္မ်ား လွဴဒါန္းျခင္းတို႔ျဖင့္ လစဥ္ ေထာက္ပံ့သြားမည္ျဖစ္ပါသည္။ သီလရွင္ႏွင့္ ေက်ာင္းသားမ်ား ေအာင္ျမင္စြာ ပညာသင္ၾကားႏိုင္ေရး အတြက္ အနီးကပ္စာျပေပးမည့္ ဆရာမ (၆) ဦးအား တစ္လလွ်င္ (၅) ေသာင္းက်ပ္ျဖင့္ ငွါးရမ္းေပးရန္ စီစဥ္ထားပါသည္။ ပညာေရးအလွဴအား ေစတနာရွင္မ်ားမွလည္း ပါ၀င္ လွဴဒါန္းႏိုင္ပါသည္။ ေကာက္ခံရရွိေသာ အလွဴေငြမ်ားအား ဘဏ္စာအုပ္ထားရွိ၍ ေငြစာရင္းရွင္းတမ္းအား လစဥ္ေဖာ္ျပသြားမည္ ျဖစ္ပါသည္။ ေက်ာင္းသား/ေက်ာင္းသူမ်ား၏ မွတ္တမ္းမ်ားအား အလွဴရွင္မ်ားထံသို႔လည္း ေပးပို႔သြားပါမည္။

ပညာေရးအလွဴေတာ္ ႏႈိးေဆာ္ခ်က္


ရန္ကုန္ျမိဳ႕ အေသာကာရာမ သီလရွင္စာသင္တုိက္မွ နဝမတန္း ေျဖဆုိမည့္ သီလရွင္ ဆရာေလးမ်ားအတြက္ ဆရာ၊ ဆရာမမ်ား လစဥ္ ထားေပးႏုိင္ရန္ ပညာေရးအလွဴရွင္မ်ား လုိအပ္ေနပါသည္။ ေရႊေစတီ ဘုန္းေတာ္ၾကီးသင္ပညာေရးေက်ာင္းတြင္လည္း ဆင္းရဲႏြမ္းပါးသည့္ ၉ တန္းႏွင့္ ၁၀ တန္း ေက်ာင္းသားမ်ား ေက်ာင္းအိပ္ေက်ာင္းစား ေနထုိင္ပညာဆည္းပူးႏုိင္ေရးအတြက္ ကူညီေထာက္ပံ့မည့္ ကုသုိလ္ရွင္မ်ား လုိအပ္လ်က္ ရွိပါသည္။ ေစတနာရွင္ အလွဴရွင္မ်ား အေနျဖင့္ ေထရဝါဒ ဗုဒၶဘာသာ လူငယ္မ်ားအသင္း http://www.mmtheravada.org ဖုန္း
09-73062811, 09-5505176 သုိ႔ ဆက္သြယ္လွဴဒါန္းၾကေစလုိပါသည္။

သီလရွင္ ဆရာေလးမ်ားႏွင့္ ကေလးမ်ား ဇြန္လအမီ ေက်ာင္းတက္ႏုိင္ေရးအတြက္ ကာလဒါန ကုသုိလ္အျဖစ္ သဒၶါတတ္အား နည္းမ်ားမဆုိ လွဴဒါန္းကူညီၾကပါရန္ ႏႈိးေဆာ္အပ္ပါသည္။

၀ိမုတၱိရသ အဖြဲ႔သားမ်ား

------------------------
ေနာက္ဆက္တြဲသတင္း.....

ပညာေရးအလွဴေတာ္လႉဒါန္းမည့္အစီအစဥ္

ေထရ၀ါဒဗုဒဘာသာ လူငယ္မ်ား အသင္းမွ ဦးစီး၍ (၂၀၁၁) ခုႏွစ္တြင္ န၀မတန္းသို႔ တက္ေရာက္မည့္ ေက်ာင္းသား (၂၅) ေယာက္ႏွင့္ ေက်ာင္းသူ (၂၅) ေယာက္အား ပညာေရးေထာက္ပံ့မႈျပဳလုပ္ေပးႏိုင္ရန္ စီစဥ္ထားပါသည္။

ျပဳလုပ္မည့္အစီအစဥ္

ေက်ာင္းသားမ်ားအား ေရႊေစတီဘုန္းႀကီးေက်ာင္း (ဆရာေတာ္ ဦးေတဇႏၵိ၊ ခ/(၃) ရက္ကြက္၊ ေရႊေစတီေက်ာင္း၊ မဂၤလာဒုံၿမိဳ႕နယ္) တြင္ထားရွိမည္ျဖစ္ၿပီး ေက်ာင္းသားမ်ားသည္ မိမိတို႔ ဆႏၵအေလ်ာက္ ကိုရင္၀တ္လိုကလည္း ၀တ္ႏိုင္ပါသည္။ ေက်ာင္းသူမ်ားအား အေသာကာရာမ သီလရွင္စာသင္တိုက္ (ဆရာေလးေဒၚသုနႏၵာ (ဖုန္း-၀၉-၈၆၂၈၈၁၁)၊ ၀ါယာလက္ေစ်းမွတ္တိုင္၊ ေရႊႏွင္းဆီရပ္ကြက္၊ မဂၤလာဒံုၿမိဳ႕နယ္) တြင္ထားရွိပါမည္။ အေသာကာရာမေက်ာင္းမွ သီလရွင္မ်ားသာလက္ခံသည္ျဖစ္၍ ေက်ာင္းသူမ်ားမွာ သီလရွင္၀တ္ရပါမည္။ သီလရွင္မ်ားတက္ေရာက္ရမည့္ အ.ထ.က ေက်ာင္းမွာ အေသာကာရာမ ေက်ာင္းမွလက္ရွိ သီလရွင္မ်ား တက္ေရာက္ေနေသာ ေက်ာင္းျဖစ္၍ ပညာသင္ၾကားမႈတြက္ အခက္အခဲ မရွိႏိုင္ပါ။ စာသင္သူမ်ား စား၀တ္ေနေရးအဆင္ေျပေစရန္ ဆန္အိတ္လွဴျခင္း ႏွင့္ အျခားလိုအပ္သည္မ်ား လွဴဒါန္းျခင္းတို႔ျဖင့္ လစဥ္ ေထာက္ပံ့သြားမည္ျဖစ္ပါသည္။ သီလရွင္ႏွင့္ ေက်ာင္းသားမ်ား ေအာင္ျမင္စြာ ပညာသင္ၾကားႏိုင္ေရး အတြက္ အနီးကပ္စာျပေပးမည့္ ဆရာမ (၆) ဦးအား တစ္လလွ်င္ (၅) ေသာင္းက်ပ္ျဖင့္ ငွါးရမ္းေပးရန္ စီစဥ္ထားပါသည္။ ပညာေရးအလွဴအား ေစတနာရွင္မ်ားမွလည္း ပါ၀င္ လွဴဒါန္းႏိုင္ပါသည္။ ေကာက္ခံရရွိေသာ အလွဴေငြမ်ားအား ဘဏ္စာအုပ္ထားရွိ၍ ေငြစာရင္းရွင္းတမ္းအား လစဥ္ေဖာ္ျပသြားမည္ ျဖစ္ပါသည္။ ေက်ာင္းသား/ေက်ာင္းသူမ်ား၏ မွတ္တမ္းမ်ားအား အလွဴရွင္မ်ားထံသို႔လည္း ေပးပို႔သြားပါမည္။ အေသးစိတ္ေဆာင္ရြက္မည့္ အခ်က္အလက္မ်ားအားလည္း ဆက္လက္ေဖာ္ျပသြားပါမည္။

ေလ်ာက္ထားမည့္ သူမ်ား ျပည့္စုံရမည့္အခ်က္မ်ားမွာ

(က) ေက်ာင္းသူမ်ားမွာ သီလရွင္၀တ္ႏိုင္ရပါမည္။

(ခ ) မိဘမ်ားမွ ေနထိုင္ရန္ခြင့္ ျပဳသူျဖစ္ရပါမည္။

(ဂ ) စာသင္သားမ်ားေနထိုင္မည့္ ေက်ာင္းတြင္း စည္းကမ္းမ်ားကို တိက်စြာလိုက္နာရပါမည္။

(ဃ) ေက်ာင္းထားရန္ အမွန္တကယ္အခက္အခဲ ရွိေနသူျဖစ္ရပါမည္။

အထက္ပါအခ်က္အလက္မ်ားႏွင့္ ျပည့္စုံသူမ်ားသည္ ေထရ၀ါဒဗုဒၶဘာသာလွဴငယ္မ်ား အသင္းသို႔ ဆက္သြယ္ေမးျမန္းႏိုင္ပါသည္။ (http://mmtheravada.org)

ဆက္သြယ္ရန္လိပ္စာ

ကိုထြန္းထြန္းလိႈင္

ဖုန္း ၀၉-၇၃၀၆၂၈၁၁

htunhtunhlaing82@gmail.com

winthu.tbyo@gmail.com

thantzin83@gmail.com

Sunday, September 18, 2011

၁၄။ တႎသနိပါေတာ

၁၄။ တႎသနိပါေတာ
၁။ သုဘာဇီဝကမၺဝနိကာေထရီဂါထာဝဏၰနာ
တႎသနိပါေတ (ေထရီဂါထာ၊႒၊၂၅၃ ဇီဝကမၺဝနံ ရမၼႏၲိအာဒိကာ သုဘာယ ဇီဝကမၺဝနိကာယ ေထရိယာ ဂါထာ။ အယမၸိ ပုရိမဗုေဒၶသု ကတာဓိကာရာ တတၳ တတၳ ဘေဝ ဝိဝ႗ဴပနိႆယံ ကုသလံ ဥပစိနႏၲီ၊ သမ႓ာဝိတကုသလမူလာ အႏုကၠေမန ပရိျဗဴဟိတဝိေမာကၡသမ႓ာရာ ပရိပကၠဉာဏာ ဟုတြာ၊ ဣမသၼႎ ဗုဒၶဳပၸါေဒ ရာဇဂေဟ ျဗာဟၼဏမဟာသာလကုေလ နိဗၺတၱိ၊ သုဘာတိႆာ နာမမေဟာသိ။ တႆာ ကိရ သရီရာဝယဝါ ေသာဘနဝဏၰယုတၱာ အေဟသုံ၊ တသၼာ သုဘာတိ အႏြတၳေမဝ နာမံ ဇာတံ။ သာ သတၳဳ ရာဇဂဟပၸေဝသေန ပဋိလဒၶသဒၶါ ဥပါသိကာ ဟုတြာ အပရဘာေဂ သံသာေရ ဇာတသံေဝဂါ ကာေမသု အာဒီနဝံ ဒိသြာ ေနကၡမၼၪၥ ေခမေတာ သလႅကၡႏၲီ မဟာပဇာပတိယာ ေဂါတမိယာ သႏၲိေက ပဗၺဇိတြာ ဝိပႆနာယ ကမၼံ ကေရာႏၲီ ကတိပါေဟေနဝ အနာဂါမိဖေလ ပတိ႒ာသိ။
အထ နံ ဧကဒိဝသံ အညတေရာ ရာဇဂဟဝါသီ ဓုတၱပုရိေသာ တ႐ုေဏာ ပဌမေယာဗၺေန ဌိေတာ ဇီဝကမၺဝေန ဒိဝါဝိဟာရာယ ဂစၧႏၲႎ ဒိသြာ ပဋိဗဒၶစိေတၱာ ဟုတြာ မဂၢံ ၾသဝရေႏၲာ ကာေမဟိ နိမေႏၲသိ။ သာ တႆ နာနပၸကာေရဟိ ကာမာနံ အာဒီနဝံ အတၱေနာ စ ေနကၡမၼဇၩာသယံ ပေဝေဒႏၲီ ဓမၼံ ကေထသိ။ ေသာ ဓမၼကထံ သုတြာပိ န ပဋိကၠမတိ၊ နိဗႏၶတိေယဝ။ ေထရီ နံ အတၱေနာ ဝစေန အတိ႒ႏၲံ အကၡိမွိ စ အဘိရတၱံ ဒိသြာ၊ ''ဟႏၵ၊ တယာ သမ႓ာဝိတံ အကၡိ''ႏၲိ အတၱေနာ ဧကံ အကၡႎ ဥပၸါေဋတြာ တႆ ဥပေနသိ။ တေတာ ေသာ ပုရိေသာ သႏၲာေသာ သံေဝဂဇာေတာ တတၳ ဝိဂတရာေဂါဝ ဟုတြာ ေထရႎ ခမာေပတြာ ဂေတာ။ ေထရီ သတၳဳ သႏၲိကံ အဂမာသိ။ သတၳဳေနာ သဟ ဒႆေနေနဝႆာ အကၡိ ပဋိပါကတိကံ အေဟာသိ။ တေတာ သာ ဗုဒၶဂတာယ ပီတိယာ နိရႏၲရံ ဖုဋာ ဟုတြာ အ႒ာသိ။ သတၳာ တႆာ စိတၱာစာရံ ဉတြာ ဓမၼံ ေဒေသတြာ အဂၢမဂၢတၳာယ ကမၼ႒ာနံ အာစိကၡိ။ သာ ပီတႎ ဝိကၡေမ႓တြာ တာဝေဒဝ ဝိပႆနံ ဝေၯတြာ သဟ ပဋိသမ႓ိဒါဟိ အရဟတၱံ ပါပုဏိ။ အရဟတၱံ ပန ပတြာ ဖလသုေခန နိဗၺာနသုေခန ဝိဟရႏၲီ အတၱေနာ ပဋိပတၱႎ ပစၥေဝကၡိတြာ အတၱနာ ေတန စ ဓုတၱပုရိေသန ဝုတၱဂါထာ ဥဒါနဝေသန --
၃၆၈။ ''ဇီဝကမၺဝနံ (ေထရီဂါထာ၊႒၊၂၅၄ ရမၼံ၊ ဂစၧႏၲႎ ဘိကၡဳနႎ သုဘံ။
ဓုတၱေကာ သႏၷိဝါေရသိ၊ တေမနံ အျဗဝီ သုဘာ။
၃၆၉။ ''ကႎ ေတ အပရာဓိတံ မယာ၊ ယံ မံ ၾသဝရိယာန တိ႒သိ။
န ဟိ ပဗၺဇိတာယ အာဝုေသာ၊ ပုရိေသာ သမၹဳသနာယ ကပၸတိ။
၃၇ဝ။ ''ဂ႐ုေက မမ သတၳဳသာသေန၊ ယာ သိကၡာ သုဂေတန ေဒသိတာ။
ပရိသုဒၶပဒံ အနဂၤဏံ၊ ကႎ မံ ၾသဝရိယာန တိ႒သိ။
၃၇၁။ ''အာဝိလစိေတၱာ အနာဝိလံ၊ သရေဇာ ဝီတရဇံ အနဂၤဏံ။
သဗၺတၳ ဝိမုတၱမာနသံ၊ ကႎ မံ ၾသဝရိယာန တိ႒သိ။
၃၇၂။ ''ဒဟရာ စ အပါပိကာ စသိ၊ ကႎ ေတ ပဗၺဇၨာ ကရိႆတိ။
နိကၡိပ ကာသာယစီဝရံ၊ ဧဟိ ရမာမ သုပုပၹိေတ ဝေန။
၃၇၃။ ''မဓုရၪၥ ပဝႏၲိ သဗၺေသာ၊ ကုသုမရေဇန သမု႒ိတာ ဒုမာ။
ပဌမဝသေႏၲာ သုေခါ ဥတု၊ ဧဟိ ရမာမ သုပုပၹိေတ ဝေန။
၃၇၄။ ''ကုသုမိတသိခရာ စ ပါဒပါ၊ အဘိဂဇၨႏၲိဝ မာလုေတရိတာ။
ကာ တုယွံ ရတိ ဘဝိႆတိ၊ ယဒိ ဧကာ ဝနေမာဂဟိႆသိ။
၃၇၅။ ''ဝါဠမိဂသံဃေသဝိတံ၊ ကုၪၨရမတၱကေရဏုေလာဠိတံ။
အသဟာယိကာ ဂႏၲဳမိစၧသိ၊ ရဟိတံ ဘႎသနကံ မဟာဝနံ။
၃၇၆။ ''တပနီယကတာဝ (ေထရီဂါထာ၊႒၊၂၅၅ ဓီတိကာ၊ ဝိစရသိ စိတၱလေတဝ အစၧရာ။
ကာသိကသုခုေမဟိ ဝဂၢဳဘိ၊ ေသာဘသီ သုဝသေနဟိ ႏူပေမ။
၃၇၇။ ''အဟံ တဝ ဝသာႏုေဂါ သိယံ၊ ယဒိ ဝိဟေရမေသ ကာနနႏၲေရ။
န ဟိ မတၳိ တယာ ပိယတၱေရာ၊ ပါေဏာ ကိႏၷရိမႏၵေလာစေန။
၃၇၈။ ''ယဒိ ေမ ဝစနံ ကရိႆသိ၊ သုခိတာ ဧဟိ အဂါရမာဝသ။
ပါသာဒနိဝါတဝါသိနီ၊ ပရိကမၼံ ေတ ကေရာႏၲဳ နာရိေယာ။
၃၇၉။ ''ကာသိကသုခုမာနိ ဓာရယ၊ အဘိေရာေပဟိ စ မာလဝဏၰကံ။
ကၪၥနမဏိမုတၱကံ ဗဟုံ၊ ဝိဝိဓံ အာဘရဏံ ကေရာမိ ေတ။
၃၈ဝ။ ''သုေဓါတရဇပစၧဒံ သုဘံ၊ ေဂါနကတူလိကသႏၴတံ နဝံ။
အဘိ႐ုဟ သယနံ မဟာရဟံ၊ စႏၵနမ႑ိတသာရဂႏၶိကံ။
၃၈၁။ ''ဥပၸလံ စုဒကာ သမုဂၢတံ၊ ယထာ တံ အမႏုႆေသဝိတံ။
ဧဝံ တြံ ျဗဟၼစာရိနီ၊ သေကသေဂၤသု ဇရံ ဂမိႆသိ။
၃၈၂။ ''ကႎ ေတ ဣဓ သာရသမၼတံ၊ ကုဏပပူရမွိ သုသာနဝၯေန။
ေဘဒနဓေမၼ ကေဠဝေရ၊ ယံ ဒိသြာ ဝိမေနာ ဥဒိကၡသိ။
၃၈၃။ ''အကၡီနိ (ေထရီဂါထာ၊႒၊၂၅၆ စ တူရိယာရိဝ၊ ကိႏၷရိယာရိဝ ပဗၺတႏၲေရ။
တဝ ေမ နယနာနိ ဒကၡိယ၊ ဘိေယ်ာ ကာမရတီ ပဝၯတိ။
၃၈၄။ ''ဥပၸလသိခေရာပမာနိ ေတ၊ ဝိမေလ ဟာဋကသႏၷိေဘ မုေခ။
တဝ ေမ နယနာနိ ဒကၡိယ၊ ဘိေယ်ာ ကာမဂုေဏာ ပဝၯတိ။
၃၈၅။ ''အပိ ဒူရဂတာ သရမွေသ၊ အာယတပေမွ ဝိသုဒၶဒႆေန။
န ဟိ မတၳိ တယာ ပိယတၱေရာ၊ နယနာ ကိႏၷရိမႏၵေလာစေန။
၃၈၆။ ''အပေထန ပယာတုမိစၧသိ၊ စႏၵံ ကီဠနကံ ဂေဝသသိ။
ေမ႐ုံ လေဃၤတုမိစၧသိ၊ ေယာ တြံ ဗုဒၶသုတံ မဂၢယသိ။
၃၈၇။ ''နတၳိ ဟိ ေလာေက သေဒဝေက၊ ရာေဂါ ယတၳပိ ဒါနိ ေမ သိယာ။
နပိ နံ ဇာနာမိ ကီရိေသာ၊ အထ မေဂၢန ဟေတာ သမူလေကာ။
၃၈၈။ ''ဣဂၤါလကုယာဝ ဥဇၩိေတာ၊ ဝိသပေတၱာရိဝ အဂၢိေတာ ကေတာ။
နပိ နံ ပႆာမိ ကီရိေသာ၊ အထ မေဂၢန ဟေတာ သမူလေကာ။
၃၈၉။ ''ယႆာ သိယာ အပစၥေဝကၡိတံ၊ သတၳာ ဝါ အႏုပါသိေတာ သိယာ။
တြံ တာဒိသိကံ ပေလာဘယ၊ ဇာနႏၲႎ ေသာ ဣမံ ဝိဟညသိ။
၃၉ဝ။ ''မယွဥႇိ (ေထရီဂါထာ၊႒၊၂၅၇ အကၠဳ႒ဝႏၵိေတ၊ သုခဒုေကၡ စ သတီ ဥပ႒ိတာ။
သခၤတမသုဘႏၲိ ဇာနိယ၊ သဗၺေတၳဝ မေနာ န လိမၸတိ။
၃၉၁။ ''သာဟံ သုဂတႆ သာဝိကာ၊ မဂၢ႒ဂႋကယာနယာယိနီ။
ဥဒၶဋသလႅာ အနာသဝါ၊ သုညာဂါရဂတာ ရမာမဟံ။
၃၉၂။ ''ဒိ႒ာ ဟိ မယာ သုစိတၱိတာ၊ ေသာမ႓ာ ဒါ႐ုကပိလႅကာနိ ဝါ။
တႏၲီဟိ စ ခီလေကဟိ စ၊ ဝိနိဗဒၶါ ဝိဝိဓံ ပနစၥကာ။
၃၉၃။ ''တမွဳဒၶေဋ တႏၲိခီလေက၊ ဝိႆေ႒ ဝိကေလ ပရိၾကိေတ။
န ဝိေႏၵယ် ခ႑ေသာ ကေတ၊ ကိမွိ တတၳ မနံ နိေဝသေယ။
၃၉၄။ ''တထူပမာ ေဒဟကာနိ မံ၊ ေတဟိ ဓေမၼဟိ ဝိနာ န ဝတၱႏၲိ။
ဓေမၼဟိ ဝိနာ န ဝတၱတိ၊ ကိမွိ တတၳ မနံ နိေဝသေယ။
၃၉၅။ ''ယထာ ဟရိတာေလန မကၡိတံ၊ အဒၵသ စိတၱိကံ ဘိတၱိယာ ကတံ။
တမွိ ေတ ဝိပရီတဒႆနံ၊ သညာ မာႏုသိကာ နိရတၳိကာ။
၃၉၆။ ''မာယံ ဝိယ အဂၢေတာ ကတံ၊ သုပိနေႏၲဝ သုဝဏၰပါဒပံ။
ဥပဂစၧသိ အႏၶ ရိတၱကံ၊ ဇနမေဇၩရိဝ ႐ုပၸ႐ူပကံ။
၃၉၇။ ''ဝ႗နိရိဝ (ေထရီဂါထာ၊႒၊၂၅၈ ေကာဋေရာဟိတာ၊ မေဇၩ ပုဗၺဳဠကာ သအႆုကာ။
ပီဠေကာဠိကာ ေစတၳ ဇာယတိ၊ ဝိဝိဓာ စကၡဳဝိဓာ စ ပိ႑ိတာ။
၃၉၈။ ''ဥပၸါဋိယ စာ႐ုဒႆနာ၊ န စ ပဇၨိတၳ အသဂၤမာနသာ။
ဟႏၵ ေတ စကၡဳံ ဟရႆု တံ၊ တႆ နရႆ အဒါသိ တာဝေဒ။
၃၉၉။ ''တႆ စ ဝိရမာသိ တာဝေဒ၊ ရာေဂါ တတၳ ခမာပယီ စ နံ။
ေသာတၳိ သိယာ ျဗဟၼစာရိနီ၊ န ပုေနာ ဧဒိသကံ ဘဝိႆတိ။
၄ဝဝ။ ''အာသာဒိယ ဧဒိသံ ဇနံ၊ အဂၢႎ ပဇၨလိတံဝ လိဂႋယ။
ဂဏွိယ အာသီဝိသံ ဝိယ၊ အပိ ႏု ေသာတၳိ သိယာ ခေမဟိ ေနာ။
၄ဝ၁။ ''မုတၱာ စ တေတာ သာ ဘိကၡဳနီ၊ အဂမီ ဗုဒၶဝရႆ သႏၲိကံ။
ပႆိယ ဝရပုညလကၡဏံ၊ စကၡဳ အာသိ ယထာ ပုရာဏက''ႏၲိ။ --
ဣမာ ဂါထာ ပစၥဳဒါဟာသိ။
တတၳ ဇီဝကမၺဝနႏၲိ ဇီဝကႆ ေကာမာရဘစၥႆ အမၺဝနံ။ ရမၼႏၲိ ရမဏီယံ။ တံ ကိရ ဘူမိဘာဂသမၸတၱိယာ ဆာယူဒကသမၸတၱိယာ စ ႐ုကၡာနံ ေရာပိတာကာေရန အတိဝိယ မႏုညံ မေနာရမံ။ ဂစၧႏၲိႏၲိ အမၺဝနံ ဥဒၵိႆ ဂတံ၊ ဒိဝါဝိဟာရာယ ဥပဂစၧႏၲႎ။ သုဘႏၲိ ဧဝံနာမိကံ။ ဓုတၱေကာတိ ဣတၳိဓုေတၱာ။ ရာဇဂဟဝါသီ ကိေရေကာ မဟာဝိဘဝႆ သုဝဏၰကာရႆ ပုေတၱာ ယုဝါ အဘိ႐ူေပါ ဣတၳိဓုေတၱာ ပုရိေသာ မေတၱာ ဝိစရတိ။ ေသာ တံ ပဋိပေထ (ေထရီဂါထာ၊႒၊၂၅၉ ဒိသြာ ပဋိဗဒၶစိေတၱာ မဂၢံ ဥပ႐ုႏၶိတြာ အ႒ာသိ။ ေတန ဝုတၱံ -- ''ဓုတၱေကာ သႏၷိဝါေရသီ''တိ၊ မမ ဂမနံ နိေသေဓသီတိ အေတၳာ။ တေမနံ အျဗဝီ သုဘာတိ တေမနံ နိဝါေရတြာ ဌိတံ ဓုတၱံ သုဘာ ဘိကၡဳနီ ကေထသိ။ ဧတၳ စ ''ဂစၧႏၲႎ ဘိကၡဳနႎ သုဘံ၊ အျဗဝိ သုဘာ''တိ စ အတၱာနေမဝ ေထရီ အညံ ဝိယ ကတြာ ဝဒတိ။ ေထရိယာ ဝုတၱဂါထာနံ သမၺႏၶဒႆနဝေသန သဂႌတိကာေရဟိ အယံ ဂါထာ ဝုတၱာ။
''အျဗဝီ သုဘာ''တိ ဝတြာ တႆာ ဝုတၱာကာရဒႆနတၳံ အာဟ ''ကႎ ေတ အပရာဓိတ''ႏၲိအာဒိ။ တတၳ ကႎ ေတ အပရာဓိတံ မယာတိ ကႎ တုယွံ၊ အာဝုေသာ၊ မယာ အပရဒၶံ။ ယံ မံ ၾသဝရိယာန တိ႒သီတိ ေယန အပရာေဓန မံ ဂစၧႏၲႎ ၾသဝရိတြာ ဂမနံ နိေသေဓတြာ တိ႒သိ၊ ေသာ နေတၳဝါတိ အဓိပၸါေယာ။ အထ ဣတၳီတိသညာယ ဧဝံ ပဋိပဇၨသိ၊ ဧဝမၸိ န ယုတၱႏၲိ ဒေႆႏၲီ အာဟ -- ''န ဟိ ပဗၺဇိတာယ၊ အာဝုေသာ၊ ပုရိေသာ သမၹဳသနာယ ကပၸတီ''တိ၊ အာဝုေသာ သုဝဏၰကာရပုတၱ၊ ေလာကိယစာရိေတၱနပိ ပုရိသႆ ပဗၺဇိတာနံ သမၹဳသနာယ န ကပၸတိ၊ ပဗၺဇိတာယ ပန ပုရိေသာ တိရစၧာနဂေတာပိ သမၹဳသနာယ န ကပၸတိ၊ တိ႒တု တာဝ ပုရိသဖုသနာ၊ ရာဂဝေသနႆာ နိႆဂၢိေယန ပုရိသႆ နိႆဂၢိယႆာပိ ဖုသနာ န ကပၸေတဝ။
ေတနာဟ ''ဂ႐ုေက မမ သတၳဳသာသေန''တိအာဒိ။ တႆေတၳာ -- ဂ႐ုေက ပါသာဏစၧတၱံ ဝိယ ဂ႐ုကာတေဗၺ မယွံ သတၳဳ သာသေန ယာ သိကၡာ ဘိကၡဳနိေယာ ဥဒၵိႆ သုဂေတန သမၼာသမၺဳေဒၶန ေဒသိတာ ပညတၱာ။ တာဟိ ပရိသုဒၶပဒံ ပရိသုဒၶကုသလေကာ႒ာသံ၊ ရာဂါဒိအဂၤဏာနံ သဗၺေသာ အဘာေဝန အနဂၤဏံ၊ ဧဝံဘူတံ မံ ဂစၧႏၲႎ ေကန ကာရေဏန အာဝရိတြာ တိ႒သီတိ။
အာဝိလစိေတၱာတိ စိတၱႆ အာဝိလဘာဝကရာနံ ကာမဝိတကၠာဒီနံ ဝေသန အာဝိလစိေတၱာ၊ တြံ တဒဘာဝေတာ အနာဝိလံ၊ ရာဂရဇာဒီနံ ဝေသန သရေဇာ၊ သာဂၤေဏာ တဒဘာဝေတာ ဝီတရဇံ အနဂၤဏံ သဗၺတၳ ခႏၶပၪၥေက သမုေစၧဒဝိမုတၱိယာ ဝိမုတၱမာနသံ၊ မံ ကသၼာ ၾသဝရိတြာ တိ႒သီတိ?
ဧဝံ ေထရိယာ ဝုေတၱ ဓုတၱေကာ အတၱေနာ အဓိပၸါယံ ဝိဘာေဝေႏၲာ ''ဒဟရာ စာ''တိအာဒိနာ ဒသ ဂါထာ အဘာသိ။ တတၳ ဒဟရာတိ တ႐ုဏီ ပဌေမ ေယာဗၺေန ဌိတာ။ အပါပိကာ စသီတိ ႐ူေပန အလာမိကာ စ အသိ (ေထရီဂါထာ၊႒၊၂၆ဝ၊ ဥတၱမ႐ူပဓရာ စာေဟာသီတိ အဓိပၸါေယာ။ ကႎ ေတ ပဗၺဇၨာ ကရိႆတီတိ တုယွံ ဧဝံ ပဌမဝေယ ဌိတာယ ႐ူပသမၸႏၷာယ ပဗၺဇၨာ ကႎ ကရိႆတိ၊ ဝုၯာယ ဗီဘစၧ႐ူပါယ ဝါ ပဗၺဇိတဗၺႏၲိ အဓိပၸါေယန ဝဒတိ။ နိကၡိပါတိ ဆေၮဟိ။ ''ဥကၡိပါ''တိ ဝါ ပါေဌာ၊ အပေနဟီတိ အေတၳာ။
မဓုရႏၲိ သုဘံ၊ သုဂႏၶႏၲိ အေတၳာ။ ပဝႏၲီတိ ဝါယႏၲိ။ သဗၺေသာတိ သမႏၲေတာ။ ကုသုမရေဇန သမု႒ိတာ ဒုမာတိ ဣေမ ႐ုကၡာ မႏၵဝါေတန သမု႒ဟမာနကုသုမေရဏုဇာေတန အတၱေနာ ကုသုမရေဇန သယံ သမု႒ိတာ ဝိယ ဟုတြာ သမႏၲေတာ သုရဘီ ဝါယႏၲိ။ ပဌမဝသေႏၲာ သုေခါ ဥတူတိ အယံ ပဌေမာ ဝသႏၲမာေသာ သုခသမၹေႆာ စ ဥတု ဝတၱတီတိ အေတၳာ။
ကုသုမိတသိခရာတိ သုပုပၹိတဂၢါ။ အဘိဂဇၨႏၲိဝ မာလုေတရိတာတိ ဝါေတန သၪၥလိတာ အဘိဂဇၨႏၲိဝ အဘိတၳနိတာ ဝိယ တိ႒ႏၲိ။ ယဒိ ဧကာ ဝနေမာဂဟိႆသီတိ သေစ တြံ ဧကိကာ ဝနေမာဂါဟိႆသိ၊ ကာ နာမ ေတ တတၳ ရတိ ဘဝိႆတီတိ အတၱနာ ဗဒၶသုခါဘိရတၱတၱာ ဧဝမာဟ။
ဝါဠမိဂသံဃေသဝိတႏၲိ သီဟဗ်ဂၣါဒိဝါဠမိဂသမူေဟဟိ တတၳ တတၳ ဥပေသဝိတံ။ ကုၪၨရမတၱကေရဏုေလာဠိတႏၲိ မတၱကုၪၨေရဟိ ဟတၳိနီဟိ စ မိဂါနံ စိတၱတာပေနန ႐ုကၡဂစၧာဒီနံ သာခါဘၪၨေနန စ အာေလာဠိတပေဒသံ။ ကိၪၥာပိ တသၼႎ ဝေန ဤဒိသံ တဒါ နတၳိ၊ ဝနံ နာမ ဧဝ႐ူပႏၲိ တံ ဘႎသာေပတုကာေမာ ဧဝမာဟ။ ရဟိတႏၲိ ဇနရဟိတံ ဝိဇနံ။ ဘႎသနကႏၲိ ဘယဇနကံ။
တပနီယကတာဝ ဓီတိကာတိ ရတၱသုဝေဏၰန ဝိစရိတာ ဓီတလိကာ ဝိယ သုကုသေလန ယႏၲာစရိေယန ယႏၲေယာဂဝေသန သဇၨိတာ သုဝဏၰပဋိမာ ဝိယ ဝိစရသိ၊ ဣဒါေနဝ ဣေတာ စိေတာ စ သၪၥရသိ။ စိတၱလေတဝ အစၧရာတိ စိတၱလတာနာမေက ဥယ်ာေန ေဒဝစၧရာ ဝိယ။ ကာသိကသုခုေမဟီတိ ကာသိရေ႒ ဥပၸေႏၷဟိ အတိဝိယ သုခုေမဟိ။ ဝဂၢဳဘီတိ သိနိဒၶမေ႒ဟိ။ ေသာဘသီ သုဝသေနဟိ ႏူပေမတိ နိဝါသနပါ႐ုပနဝေတၳဟိ အႏုပေမ ဥပမာရဟိေတ တြံ ဣဒါနိ ေမ ဝသာႏုေဂါ ေသာဘသီတိ ဘာဝိနံ အတၱေနာ အဓိပၸါယဝေသန ဧကႏၲိကံ ဝတၱမာနံ ဝိယ ကတြာ ဝဒတိ။
အဟံ တဝ ဝသာႏုေဂါ သိယႏၲိ အဟမၸိ တုယွံ ဝသာႏုေဂါ ကႎကာရပဋိႆာဝီ ဘေဝယ်ံ။ ယဒိ ဝိဟေရမေသ ကာနနႏၲေရတိ ယဒိ မယံ ဥေဘာပိ ဝနႏၲေရ (ေထရီဂါထာ၊႒၊၂၆၁ သဟ ဝသာမ ရမာမ။ န ဟိ မတၳိ တယာ ပိယတၱေရာတိ ဝသာႏုဂဘာဝႆ ကာရဏမာဟ။ ပါေဏာတိ သေတၱာ၊ အေညာ ေကာစိပိ သေတၱာ တယာ ပိယတေရာ မယွံ န ဟိ အတၳီတိ အေတၳာ။ အထ ဝါ ပါေဏာတိ အတၱေနာ ဇီဝိတံ သႏၶာယ ဝဒတိ၊ မယွံ ဇီဝိတံ တယာ ပိယတရံ န ဟိ အတၳီတိ အေတၳာ။ ကိႏၷရိမႏၵေလာစေနတိ ကိႏၷရိယာ ဝိယ မႏၵပုထုဝိေလာစေန။
ယဒိ ေမ ဝစနံ ကရိႆသိ၊ သုခိတာ ဧဟိ အဂါရမာဝသာတိ သေစ တြံ မမ ဝစနံ ကရိႆသိ၊ ဧကာသနံ ဧကေသယ်ံ ျဗဟၼစရိယဒုကၡံ ပဟာယ ဧဟိ ကာမေဘာေဂဟိ သုခိတာ ဟုတြာ အဂါရံ အဇၩာဝသ။ ''သုခိတာ ေဟတိ အဂါရမာဝသႏၲီ''တိ ေကစိ ပဌႏၲိ၊ ေတသံ သုခိတာ ဘဝိႆတိ၊ အဂါရံ အဇၩာဝသႏၲီတိ အေတၳာ။ ပါသာဒနိဝါတဝါသိနီတိ နိဝါေတသု ပါသာေဒသု ဝါသိနီ။ ''ပါသာဒဝိမာနဝါသိနီ''တိ စ ပါေဌာ၊ ဝိမာနသဒိေသသု ပါသာေဒသု ဝါသိနီတိ အေတၳာ။ ပရိကမၼႏၲိ ေဝယ်ာဝစၥံ။
ဓာရယာတိ ပရိဒဟ၊ နိဝါေသဟိ ေစဝ ဥတၱရိယၪၥ ကေရာဟိ။ အဘိေရာေပဟီတိ မ႑နဝိဘူသနဝေသန ဝါ သရီရံ အာေရာပယ၊ အလကၤေရာဟီတိ အေတၳာ။ မာလဝဏၰကႏၲိ မာလေၪၥဝ ဂႏၶဝိေလပနၪၥ။ ကၪၥနမဏိမုတၱကႏၲိ ကၪၥေနန မဏိမုတၱာဟိ စ ယုတၱံ၊ သုဝဏၰမယမဏိမုတၱာဟိ ခစိတႏၲိ အေတၳာ။ ဗဟုႏၲိ ဟတၳဴပဂါဒိေဘဒေတာ ဗဟုပၸကာရံ။ ဝိဝိဓႏၲိ ကရဏဝိကတိယာ နာနာဝိဓံ။
သုေဓါတရဇပစၧဒႏၲိ သုေဓါတတာယ ပဝါဟိတရဇံ ဥတၱရစၧဒံ။ သုဘႏၲိ ေသာဘနံ။ ေဂါနကတူလိကသႏၴတႏၲိ ဒီဃေလာမကာဠေကာဇေဝန ေစဝ ဟံသေလာမာဒိပုဏၰာယ တူလိကာယ စ သႏၴတံ။ နဝႏၲိ အဘိနဝံ။ မဟာရဟႏၲိ မဟဂၣံ။ စႏၵနမ႑ိတသာရဂႏၶိကႏၲိ ေဂါသီသကာဒိသာရစႏၵေနန မ႑ိတတာယ သုရဘိဂႏၶိကံ၊ ဧဝ႐ူပံ သယနမာ႐ုဟ၊ တံ အာ႐ုဟိတြာ ယထာသုခံ သယာဟိ ေစဝ နိသီဒ စာတိ အေတၳာ။
ဥပၸလံ စုဒကာ သမုဂၢတႏၲိ စ-ကာေရာ နိပါတမတၱံ၊ ဥဒကေတာ ဥဂၢတံ ဥ႒ိတံ အစၥဳဂၢမၼ ဌိတံ သုဖုလႅမုပၸလံ။ ယထာ တံ အမႏုႆေသဝိတႏၲိ တၪၥ ရကၡသပရိဂၢဟိတာယ ေပါကၡရဏိယာ ဇာတတၱာ နိမၼႏုေႆဟိ ေသဝိတံ ေကနစိ အပရိဘုတၱေမဝ ဘေဝယ်။ ဧဝံ တြံ ျဗဟၼစာရိနီတိ ဧဝေမဝ တံ သု႒ဳ ဖုလႅမုပၸလံ ဝိယ တုဝံ ျဗဟၼစာရိနီ။ သေကသေဂၤသု အတၱေနာ သရီရာဝယေဝသု ေကနစိ အပရိဘုေတၱသုေယဝ ဇရံ ဂမိႆသိ၊ မုဓာေယဝ ဇရာဇိဏၰာ ဘဝိႆသိ။
ဧဝံ (ေထရီဂါထာ၊႒၊၂၆၂ ဓုတၱေကန အတၱေနာ အဓိပၸါေယ ပကာသိေတ ေထရီ သရီရသဘာဝဝိဘာဝေနန တံ တတၳ ဝိစၧိေႏၵႏၲီ ''ကႎ ေတ ဣဓာ''တိ ဂါထမာဟ။ တႆေတၳာ -- အာဝုေသာ သုဝဏၰကာရပုတၱ၊ ေကသာဒိကုဏပပူေရ ဧကေႏၲန ေဘဒနဓေမၼ သုသာနဝၯေန၊ ဣဓ ဣမသၼႎ ကာယသညိေတ အသုစိကေဠဝေရ ကႎ နာမ တဝ သာရႏၲိ သမၼတံ သမ႓ာဝိတံ၊ ယံ ဒိသြာ ဝိမေနာ အညတရသၼႎ အာရမၼေဏ ဝိဂတမနသကၤေပၸါ၊ ဧေတၳဝ ဝါ အဝိမေနာ ေသာမနႆိေကာ ဟုတြာ ဥဒိကၡသိ၊ တံ မယွံ ကေထဟီတိ။
တံ သုတြာ ဓုတၱေကာ ကိၪၥာပိ တႆာ ႐ူပံ စာတုရိယေသာဘိတံ၊ ပဌမဒႆနေတာ ပန ပ႒ာယ ယသၼႎ ဒိ႒ိပါေတ ပဋိဗဒၶစိေတၱာ၊ တေမဝ အပဒိသေႏၲာ ''အကၡီနိ စ တူရိယာရိဝါ''တိအာဒိမာဟ။ ကာမၪၥာယံ ေထရီ သု႒ဳ သံယတတာယ သႏၲိႁႏၵိယာ၊ တာယ ထိရဝိပၸသႏၷေသာမၼသႏၲနယနနိပါေတသု ကမၼာႏုဘာဝနိပၹေႏၷသု ပသႏၷပၪၥပၸသာဒပဋိမ႑ိေတသု နယေနသု လဗ႓မာေန ပဘာဝိသိ႒စာတုရိေယ ဒိ႒ိပါေတ၊ ယသၼာ သယံ စရိတဟာဝဘာဝဝိလာသာဒိပရိကပၸဝၪၥိေတာ ေသာ ဓုေတၱာ ဇာေတာ၊ တသၼာႆ ဒိ႒ိရာေဂါ သဝိေသသံ ေဝပုလႅံ အဂမာသိ။ တတၳ အကၡီနိ စ တူရိယာရိဝါတိ တူရိ ဝုစၥတိ မိဂီ၊ စ-သေဒၵါ နိပါတမတၱံ၊ မိဂစၧာပါယ ဝိယ ေတ အကၡီနီတိ အေတၳာ။ ''ေကာရိယာရိဝါ''တိ ဝါ ပါဠိ၊ ကုၪၥကာရကုကၠဳဋိယာတိ ဝုတၱံ ေဟာတိ။ ကိႏၷရိယာရိဝ ပဗၺတႏၲေရတိ ပဗၺတကုစၧိယံ ဝိစရမာနာယ ကိႏၷရိဝနိတာယ ဝိယ စ ေတ အကၡီနီတိ အေတၳာ။ တဝ ေမ နယနာနိ ဒကၡိယာတိ တဝ ဝုတၱဂုဏဝိေသသာနိ နယနာနိ ဒိသြာ၊ ဘိေယ်ာ ဥပ႐ူပရိ ေမ ကာမာဘိရတိ ပဝၯတိ။
ဥပၸလသိခေရာပမာနိ ေတတိ ရတၱဳပၸလအဂၢသဒိသာနိ ပမွာနိ တဝ။ ဝိမေလတိ နိမၼေလ။ ဟာဋကသႏၷိေဘတိ ကၪၥန႐ူပကႆ မုခသဒိေသ ေတ မုေခ၊ နယနာနိ ဒကၡိယာတိ ေယာဇနာ။
အပိ ဒူရဂတာတိ ဒူရံ ဌာနံ ဂတာပိ။ သရမွေသတိ အညံ ကိၪၥိ အစိေႏၲတြာ တဝ နယနာနိ ဧဝ အႏုႆရာမိ။ အာယတပေမွတိ ဒီဃပခုေမ။ ဝိသုဒၶဒႆေနတိ နိမၼလေလာစေန။ န ဟိ မတၳိ တယာ ပိယတၱေရာ နယနာတိ တဝ နယနေတာ အေညာ ေကာစိ မယွံ ပိယတေရာ နတၳိ။ တယာတိ ဟိ သာမိအေတၳ ဧဝ ကရဏဝစနံ။
ဧဝံ (ေထရီဂါထာ၊႒၊၂၆၃ စကၡဳသမၸတၱိယာ ဥမၼာဒိတႆ ဝိယ တံ တံ ဝိပၸလပေတာ တႆ ပုရိသႆ မေနာရထံ ဝိပရိဝေတၱႏၲီ ေထရီ ''အပေထနာ''တိအာဒိနာ ဒြါဒသ ဂါထာ အဘာသိ။ တတၳ အပေထန ပယာတုမိစၧသီတိ၊ အာဝုေသာ သုဝဏၰကာရပုတၱ၊ သေႏၲ အညသၼႎ ဣတၳိဇေန ေယာ တြံ ဗုဒၶသုတံ ဗုဒၶႆ ဘဂဝေတာ ၾသရသဓီတရံ မံ မဂၢယသိ ပေတၳသိ၊ ေသာ တြံ သေႏၲ ေခေမ ဥဇုမေဂၢ အပေထန ကဏၬကနိဝုေတန သဘေယန ကုမၼေဂၢန ပယာတုမိစၧသိ ပဋိပဇၨိတုကာေမာသိ၊ စႏၵံ ကီဠနကံ ဂေဝသသိ စႏၵမ႑လံ ကီဠာေဂါဠကံ ကာတုကာေမာသိ၊ ေမ႐ုံ လေဃၤတုမိစၧသိ စတုရာသီတိေယာဇနသဟႆုေဗၺဓံ သိေန႐ုပဗၺတရာဇံ လဃၤယိတြာ အပရဘာေဂ ဌာတုကာေမာသိ၊ ေသာ တြံ မံ ဗုဒၶသုတံ မဂၢယသီတိ ေယာဇနာ။
ဣဒါနိ တႆ အတၱေနာ အဝိသယဘာဝံ ပတၳနာယ စ ဝိဃာတာဝဟတံ ဒေႆတုံ ''နတၳီ''တိအာဒိ ဝုတၱံ။ တတၳ ရာေဂါ ယတၳပိ ဒါနိ ေမ သိယာတိ ယတၳ ဣဒါနိ ေမ ရာေဂါ သိယာ ဘေဝယ်၊ တံ အာရမၼဏံ သေဒဝေက ေလာေက နတၳိ ဧဝ။ နပိ နံ ဇာနာမိ ကီရိေသာတိ နံ ရာဂံ ကီရိေသာတိပိ န ဇာနာမိ။ အထ မေဂၢန ဟေတာ သမူလေကာတိ အထာတိ နိပါတမတၱံ။ အေယာနိေသာမနသိကာရသခၤါေတန မူေလန သမူလေကာ ရာေဂါ အရိယမေဂၢန ဟေတာ သမုဂၣါတိေတာ။
ဣဂၤါလကုယာတိ အဂၤါရကာသုယာ။ ဥဇၩိေတာတိ ဝါတုကၡိေတၱာ ဝိယ ေယာ ေကာစိ၊ ဒဟနိယာ ဣႏၶနံ ဝိယာတိ အေတၳာ။ ဝိသပေတၱာရိဝါတိ ဝိသဂတဘာဇနံ ဝိယ။ အဂၢိေတာ ကေတာတိ အဂၢိေတာ အဂၤါရေတာ အပဂေတာ ကေတာ၊ ဝိသႆ ေလသမၸိ အေသေသတြာ အပနီေတာ ဝိနာသိေတာတိ အေတၳာ။
ယႆာ သိယာ အပစၥေဝကၡိတႏၲိ ယႆာ ဣတၳိယာ ဣဒံ ခႏၶပၪၥကံ ဉာေဏန အပၸဋိေဝကၡိတံ အပရိညာတံ သိယာ။ သတၱာ ဝါ အႏုသာသိေတာ သိယာတိ သတၱာ ဝါ ဓမၼသရီရႆ အဒႆေနန ယႆာ ဣတၳိယာ အနႏုသာသိေတာ သိယာ။ တြံ တာဒိသိကံ ပေလာဘယာတိ၊ အာဝုေသာ၊ တြံ တထာ႐ူပံ အပရိမဒၵိတသခၤါရံ အပစၥေဝကၡိတေလာကုတၱရဓမၼံ ကာေမဟိ ပေလာဘယ ဥပဂစၧ။ ဇာနႏၲႎ ေသာ ဣမံ ဝိဟညသီတိ ေသာ တြံ ပဝတၱႎ နိဝတၱိၪၥ (ေထရီဂါထာ၊႒၊၂၆၄ ယာထာဝေတာ ဇာနႏၲႎ ပဋိဝိဒၶသစၥံ ဣမံ သုဘံ ဘိကၡဳနႎ အာဂမၼ ဝိဟညသိ၊ သမၸတိ အာယတိၪၥ ဝိဃာတံ ဒုကၡံ အာပဇၨသိ။
ဣဒါနိႆ ဝိဃာတာပတၱိတံ ကာရဏဝိဘာဝေနန ဒေႆႏၲီ ''မယွံ ဟီ''တိအာဒိမာဟ။ တတၳ ဟီတိ ေဟတုအေတၳ နိပါေတာ။ အကၠဳ႒ဝႏၵိေတတိ အေကၠာေသ ဝႏၵနာယ စ။ သုခဒုေကၡတိ သုေခ စ ဒုေကၡ စ၊ ဣ႒ာနိ႒ဝိသယသမာေယာေဂ ဝါ။ သတီ ဥပ႒ိတာတိ ပစၥေဝကၡဏယုတၱာ သတိ သဗၺကာလံ ဥပ႒ိတာ။ သခၤတမသုဘႏၲိ ဇာနိယာတိ ေတဘူမကံ သခၤါရဂတံ ကိေလသာသုစိပဂၣရေဏန အသုဘႏၲိ ဉတြာ။ သဗၺေတၳဝါတိ သဗၺသၼႎေယဝ ဘဝတၱေယ မယွံ မေနာ တဏွာေလပါဒိနာ န ဥပလိမၸတိ။
မဂၢ႒ဂႋကယာနယာယိနီတိ အ႒ဂႋကမဂၢသခၤါေတန အရိယယာေနန နိဗၺာနပုရံ ယာယိနီ ဥပဂတာ။ ဥဒၶဋသလႅာတိ အတၱေနာ သႏၲာနေတာ သမုဒၶဋရာဂါဒိသလႅာ။
သုစိတၱိတာတိ ဟတၳပါဒမုခါဒိအာကာေရန သု႒ဳ စိတၱိတာ ဝိရစိတာ။ ေသာမ႓ာတိ သုမ႓ကာ။ ဒါ႐ုကပိလႅကာနိ ဝါတိ ဒါ႐ုဒ႑ာဒီဟိ ဥပရစိတ႐ူပကာနိ။ တႏၲီဟီတိ ႏွာ႐ုသုတၱေကဟိ။ ခီလေကဟီတိ ဟတၳပါဒပိ႒ိကဏၰာဒိအတၳာယ ဌပိတဒေ႑ဟိ။ ဝိနိဗဒၶါတိ ဝိဝိေဓနာကာေရန ဗဒၶါ။ ဝိဝိဓံ ပနစၥကာတိ ယႏၲသုတၱာဒီနံ အၪၧနဝိႆဇၨနာဒိနာ ပ႒ပိတနစၥကာ၊ ပနစၥႏၲာ ဝိယ ဒိ႒ာတိ ေယာဇနာ။
တမွဳဒၶေဋ တႏၲိခီလေကတိ သႏၷိေဝသဝိသိ႒ရစနာဝိေသသယုတၱံ ဥပါဒါယ ႐ူပကသမညာ တမွိ တႏၲိမွိ ခီလေက စ ဌာနေတာ ဥဒၶေဋ ဗႏၶေႏၲာ ဝိႆေ႒၊ ဝိသုံ ကရေဏန အညမညံ ဝိကေလ၊ တဟႎ တဟႎ ခိပေနန ပရိၾကိေတ ဝိကိရိေတ။ န ဝိေႏၵယ် ခ႑ေသာ ကေတတိ ေပါတၳက႐ူပႆ အဝယေဝ ခ႑ာခ႑ိေတ ကေတ ေပါတၳက႐ူပံ န ဝိေႏၵယ်၊ န ဥပလေဘယ်။ ဧဝံ သေႏၲ ကိမွိ တတၳ မနံ နိေဝသေယ တသၼႎ ေပါတၳက႐ူပါဝယေဝ ကိမွိ ကႎ ခါဏုေက၊ ဥဒါဟု ရဇၨဳေက၊ မတၱိကာပိ႑ာဒိေက ဝါ မနံ မနသညံ နိေဝေသယ်၊ ဝိသခၤါေရ အဝယေဝ သာ သညာ ကဒါစိပိ နပေတယ်ာတိ အေတၳာ။
တထူပမာတိ တံသဒိသာ ေတန ေပါတၳက႐ူေပန သဒိသာ။ ကိႏၲိ ေစ အာဟ ''ေဒဟကာနီ''တိအာဒိ။ တတၳ ေဒဟကာနီတိ ဟတၳပါဒမုခါဒိေဒဟာဝယဝါ။ မႏၲိ ေမ ပဋိဗဒၶါ ဥပ႒ဟႏၲိ။ ေတဟိ ဓေမၼဟီတိ ေတဟိ ပထဝိအာဒီဟိ (ေထရီဂါထာ၊႒၊၂၆၅ စ စကၡာဒီဟိ စ ဓေမၼဟိ။ ဝိနာ န ဝတၱႏၲီတိ န ဟိ တထာ တထာ သႏၷိဝိေ႒ ပထဝိအာဒိဓေမၼ မုၪၥိတြာ ေဒဟာ နာမ သႏၲိ။ ဓေမၼဟိ ဝိနာ န ဝတၱတီတိ ေဒေဟာ အဝယေဝဟိ အဝယဝဓေမၼဟိ ဝိနာ န ဝတၱတိ န ဥပလဗ႓တိ။ ဧဝံ သေႏၲ ကိမွိ တတၳ မနံ နိေဝသေယတိ ကိမွိ ကႎ ပထဝိယံ၊ ဥဒါဟု အာပါဒိေက ေဒေဟာတိ ဝါ ဟတၳပါဒါဒီနီတိ ဝါ မနံ မနသညံ နိေဝေသယ်။ ယသၼာ ပထဝိအာဒိပသာဒဓမၼမေတၱ ဧသာ သမညာ၊ ယဒိဒံ ေဒေဟာတိ ဝါ ဟတၳပါဒါဒီနီတိ ဝါ သေတၱာတိ ဝါ ဣတၳီတိ ဝါ ပုရိေသာတိ ဝါ၊ တသၼာ န ဧတၳ ဇာနေတာ ေကာစိ အဘိနိေဝေသာ ေဟာတီတိ။
ယထာ ဟရိတာေလန မကၡိတံ၊ အဒၵသ စိတၱိကံ ဘိတၱိယာ ကတႏၲိ ယထာ ကုသေလန စိတၱကာေရန ဘိတၱိယံ ဟရိတာေလန မကၡိတံ လိတၱံ ေတန ေလပံ ဒတြာ ကတံ အာလိခိတံ စိတၱိကံ ဣတၳိ႐ူပံ အဒၵသ ပေႆယ်။ တတၳ ယာ ဥပထမ႓နေခပနာဒိကိရိယာသမၸတၱိယာ မာႏုသိကာ ႏု ေခါ အယံ ဘိတၱိ အပႆာယ ဌိတာတိ သညာ၊ သာ နိရတၳကာ မႏုႆဘာဝသခၤါတႆ အတၳႆ တတၳ အဘာဝေတာ၊ မာႏုသီတိ ပန ေကဝလံ တဟႎ တႆ စ ဝိပရီတဒႆနံ၊ ယာထာဝေတာ ဂဟဏံ န ေဟာတိ၊ ဓမၼပုၪၨမေတၱ ဣတၳိပုရိသာဒိဂဟဏမၸိ ဧဝံ သမၸဒမိဒံ ဒ႒ဗၺႏၲိ အဓိပၸါေယာ။
မာယံ ဝိယ အဂၢေတာ ကတႏၲိ မာယာကာေရန ပုရေတာ ဥပ႒ာပိတံ မာယာသဒိသံ။ သုပိနေႏၲဝ သုဝဏၰပါဒပႏၲိ သုပိနေမဝ သုပိနႏၲံ၊ တတၳ ဥပ႒ိတသုဝဏၰမယ႐ုကၡံ ဝိယ။ ဥပဂစၧသိ အႏၶ ရိတၱကႏၲိ အႏၶဗာလ ရိတၱကံ တုစၧကံ အေႏၲာသာရရဟိတံ ဣမံ အတၱဘာဝံ ''ဧတံ မမာ''တိ သာရဝႏၲံ ဝိယ ဥပဂစၧသိ အဘိနိဝိသသိ။ ဇနမေဇၩရိဝ ႐ုပၸ႐ူပကႏၲိ မာယာကာေရန မဟာဇနမေဇၩ ဒႆိတံ ႐ူပိယ႐ူပသဒိသံ သာရံ ဝိယ ဥပ႒ဟႏၲံ၊ အသာရႏၲိ အေတၳာ။
ဝ႗နိရိဝါတိ လာခါယ ဂုဠိကာ ဝိယ။ ေကာဋေရာဟိတာတိ ေကာဋေရ ႐ုကၡသုသိေရ ဌပိတာ။ မေဇၩ ပုဗၺဳဠကာတိ အကၡိဒလမေဇၩ ဌိတဇလပုဗၺဳဠသဒိသာ။ သအႆုကာတိ အႆုဇလသဟိတာ။ ပီဠေကာဠိကာတိ အကၡိဂူထေကာ။ ဧတၳ ဇာယတီတိ ဧတသၼႎ အကၡိမ႑ေလ ဥေဘာသု ေကာဋီသု ဝိသဂႏၶံ ဝါယေႏၲာ နိဗၺတၱတိ။ ပီဠေကာဠိကာတိ ဝါ အကၡိဒေလသု နိဗၺတၱနကာ ပီဠကာ ဝုစၥတိ။ ဝိဝိဓာတိ ေသတနီလမ႑လာနေၪၥဝ ရတၱပီတာဒီနံ သတၱႏၷံ ပဋလာနၪၥ ဝေသန အေနကဝိဓာ။ စကၡဳဝိဓာတိ စကၡဳဘာဂါ စကၡဳပၸကာရာ ဝါ တႆ အေနကကလာပဂတဘာဝေတာ။ ပိ႑ိတာတိ သမုဒိတာ။
ဧဝံ (ေထရီဂါထာ၊႒၊၂၆၆ စကၡဳသၼႎ သာရဇၨႏၲႆ စကၡဳေနာ အသုဘတံ အနဝ႒ိတတာယ အနိစၥတၪၥ ဝိဘာေဝသိ။ ဝိဘာေဝတြာ စ ယထာ နာမ ေကာစိ ေလာဘနီယံ ဘ႑ံ ဂေဟတြာ ေစာရကႏၲာရံ ပဋိပဇၨေႏၲာ ေစာေရဟိ ပလိဗုေဒၶါ တံ ေလာဘနီယဘ႑ံ ဒတြာ ဂစၧတိ၊ ဧဝေမဝ စကၡဳမွိ သာရေတၱန ေတန ပုရိေသန ပလိဗုဒၶါ ေထရီ အတၱေနာ စကၡဳံ ဥပၸါေဋတြာ တႆ အဒါသိ။ ေတန ဝုတၱံ ''ဥပၸါဋိယ စာ႐ုဒႆနာ''တိအာဒိ။ တတၳ ဥပၸါဋိယာတိ ဥပၸါေဋတြာ စကၡဳကူပေတာ နီဟရိတြာ။ စာ႐ုဒႆနာတိ ပိယဒႆနာ မေနာဟရဒႆနာ။ န စ ပဇၨိတၳာတိ တသၼႎ စကၡဳသၼႎ သဂႍ နာပဇၨိ။ အသဂၤမာနသာတိ ကတၳစိပိ အာရမၼေဏ အနာသတၱစိတၱာ။ ဟႏၵ ေတ စကၡဳႏၲိ တယာ ကာမိတံ တေတာ ဧဝ မယာ ဒိႏၷတၱာ ေတ စကၡဳသညိတံ အသုစိပိ႑ံ ဂဏွ၊ ဂေဟတြာ ဟရႆု ပသာဒယုတၱံ ဣစၧိတံ ဌာနံ ေနဟိ။
တႆ စ ဝိရမာသိ တာဝေဒတိ တႆ ဓုတၱပုရိသႆ တာဝေဒဝ အကၡိမွိ ဥပၸါဋိတကၡေဏ ဧဝ ရာေဂါ ဝိဂစၧိ။ တတၳာတိ အကၡိမွိ၊ တႆံ ဝါ ေထရိယံ။ အထ ဝါ တတၳာတိ တသၼႎေယဝ ဌာေန။ ခမာပယီတိ ခမာေပသိ။ ေသာတၳိ သိယာ ျဗဟၼစာရိနီတိ ေသ႒စာရိနိ မေဟသိေက တုယွံ အာေရာဂ်ေမဝ ဘေဝယ်။ န ပုေနာ ဧဒိသကံ ဘဝိႆတီတိ ဣေတာ ပရံ ဧဝ႐ူပံ အနာစာရစရဏံ န ဘဝိႆတိ၊ န ကရိႆာမီတိ အေတၳာ။
အာသာဒိယာတိ ဃေ႗တြာ။ ဧဒိသႏၲိ ဧဝ႐ူပံ သဗၺတၳ ဝီတရာဂံ။ အဂၢႎ ပဇၨလိတံဝ လိဂႋယာတိ ပဇၨလိတံ အဂၢႎ အာလိေဂၤတြာ ဝိယ။
တေတာတိ တသၼာ ဓုတၱပုရိသာ။ သာ ဘိကၡဳနီတိ သာ သုဘာ ဘိကၡဳနီ။ အဂမီ ဗုဒၶဝရႆ သႏၲိကႏၲိ သမၼာသမၺဳဒၶႆ သႏၲိကံ ဥပဂစၧိ ဥပသကၤမိ။ ပႆိယ ဝရပုညလကၡဏႏၲိ ဥတၱေမဟိ ပုညသမ႓ာေရဟိ နိဗၺတၱမဟာပုရိသလကၡဏံ ဒိသြာ။ ယထာ ပုရာဏကႏၲိ ေပါရာဏံ ဝိယ ဥပၸါဋနေတာ ပုေဗၺ ဝိယ စကၡဳ ပဋိပါကတိကံ အေဟာသိ။ ယေမတၳ အႏၲရႏၲရာ န ဝုတၱံ၊ တံ ဝုတၱနယတၱာ သုဝိေညယ်ေမဝ။
သုဘာဇီဝကမၺဝနိကာေထရီဂါထာဝဏၰနာ နိ႒ိတာ။
တႎသနိပါတဝဏၰနာ နိ႒ိတာ။
၁၅။ စတၱာလီသနိပါေတာ
၁။ ဣသိဒါသီေထရီဂါထာဝဏၰနာ
စတၱာလီသနိပါေတ (ေထရီဂါထာ၊႒၊၂၆၇ နဂရမွိ ကုသုမနာေမတိအာဒိကာ ဣသိဒါသိယာ ေထရိယာ ဂါထာ။ အယမၸိ ပုရိမဗုေဒၶသု ကတာဓိကာရာ တတၳ တတၳ ဘေဝ ပုရိသတၱဘာေဝ ဌတြာ ဝိဝ႗ဴပနိႆယံ ကုသလံ ဥပစိနႏၲီ စရိမဘဝေတာ သတၱေမ ဘေဝ အကလ်ာဏသႏၷိႆေယန ပရဒါရိကကမၼံ ကတြာ၊ ကာယႆ ေဘဒါ နိရေယ နိဗၺတၱိတြာ တတၳ ဗဟူနိ ဝႆသတာနိ နိရေယ ပစၥိတြာ၊ တေတာ စုတာ တီသု ဇာတီသု တိရစၧာနေယာနိယံ နိဗၺတၱိတြာ တေတာ စုတာ ဒါသိယာ ကုစၧိသၼႎ နပုံသေကာ ဟုတြာ နိဗၺတၱိ။ တေတာ ပန စုတာ ဧကႆ ဒလိဒၵႆ သာကဋိကႆ ဓီတာ ဟုတြာ နိဗၺတၱိ။ တံ ဝယပၸတၱံ ဂိရိဒါေသာ နာမ အညတရႆ သတၳဝါဟႆ ပုေတၱာ အတၱေနာ ဘရိယံ ကတြာ ေဂဟံ အာေနသိ။ တႆ စ ဘရိယာ အတၳိ သီလဝတီ ကလ်ာဏဓမၼာ။ တႆံ ဣႆာပကတာ သာမိေနာ တႆာ ဝိေဒၵသနကမၼံ အကာသိ။ သာ တတၳ ယာဝဇီဝံ ဌတြာ ကာယႆ ေဘဒါ ဣမသၼႎ ဗုဒၶဳပၸါေဒ ဥေဇၨနိယံ ကုလပေဒသသီလာစာရာဒိဂုေဏဟိ အဘိသမၼတႆ ဝိဘဝသမၸႏၷႆ ေသ႒ိႆ ဓီတာ ဟုတြာ နိဗၺတၱိ၊ ဣသိဒါသီတိႆာ နာမံ အေဟာသိ။
တံ ဝယပၸတၱကာေလ မာတာပိတေရာ ကုလ႐ူပဝယဝိဘဝါဒိသဒိသႆ အညတရႆ ေသ႒ိပုတၱႆ အဒံသု။ သာ တႆ ေဂေဟ ပတိေဒဝတာ ဟုတြာ မာသမတၱံ ဝသိ။ အထႆာ ကမၼဗေလန သာမိေကာ ဝိရတၱ႐ူေပါ ဟုတြာ တံ ဃရေတာ နီဟရိ။ တံ သဗၺံ ပါဠိေတာ ဧဝ ဝိညာယတိ။ ေတသံ ေတသံ ပန သာမိကာနံ အ႐ုစၥေနယ်တာယ သံေဝဂဇာတာ ပိတရံ အႏုဇာနာေပတြာ၊ ဇိနဒတၱာယ ေထရိယာ သႏၲိေက ပဗၺဇိတြာ ဝိပႆနာယ ကမၼံ ကေရာႏၲီ နစိရေႆဝ သဟ ပဋိသမ႓ိဒါဟိ အရဟတၱံ ပတြာ၊ ဖလသုေခန နိဗၺာနသုေခန စ ဝီတိနာေမႏၲီ ဧကဒိဝသံ ပါဋလိပုတၱနဂေရ ပိ႑ာယ စရိတြာ ပစၧာဘတၱံ ပိ႑ပါတပဋိကၠႏၲာ မဟာဂဂၤါယံ ဝါလုကပုလိေန နိသီဒိတြာ ေဗာဓိေတၳရိယာ နာမ အတၱေနာ သဟာယေတၳရိယာ ပုဗၺပဋိပတၱႎ ပုစၧိတာ တမတၳံ ဂါထာဗႏၶဝေသန ဝိႆေဇၨသိ ''ဥေဇၨနိယာ ပုရဝေရ''တိအာဒိနာ။ ေတသံ ပန ပုစၧာဝိႆဇၨနာနံ သမၺႏၶံ ဒေႆတုံ --
၄ဝ၂။ ''နဂရမွိ ကုသုမနာေမ၊ ပါဋလိပုတၱမွိ ပထဝိယာ မေ႑။
သက်ကုလကုလီနာေယာ၊ ေဒြ ဘိကၡဳနိေယာ ဟိ ဂုဏဝတိေယာ။
၄ဝ၃။ ''ဣသိဒါသီ (ေထရီဂါထာ၊႒၊၂၆၈ တတၳ ဧကာ၊ ဒုတိယာ ေဗာဓီတိ သီလသမၸႏၷာ စ။
စ်ာနဇၩာယနရတာေယာ၊ ဗဟုႆုတာေယာ ဓုတကိေလသာေယာ။
၄ဝ၄။ ''တာ ပိ႑ာယ စရိတြာ၊ ဘတၱတၳံ ကရိယ ေဓါတပတၱာေယာ။
ရဟိတမွိ သုခနိသိႏၷာ၊ ဣမာ ဂိရာ အဗ႓ဳဒီေရသု''ႏၲိ။ --
ဣမာ တိေႆာ ဂါထာ သဂႌတိကာေရဟိ ဌပိတာ။
၄ဝ၅။ ''ပါသာဒိကာသိ အေယ်၊ ဣသိဒါသိ ဝေယာပိ ေတ အပရိဟီေနာ။
ကႎ ဒိသြာန ဗ်ာလိကံ၊ အထာသိ ေနကၡမၼမႏုယုတၱာ။
၄ဝ၆။ ''ဧဝမႏုယုၪၨိယမာနာ သာ၊ ရဟိေတ ဓမၼေဒသနာကုသလာ။
ဣသိဒါသီ ဝစနမျဗဝိ၊ သုဏ ေဗာဓိ ယထာမွိ ပဗၺဇိတာ။
ဣေတာ ပရံ ဝိႆဇၨနဂါထာ။
၄ဝ၇။ ''ဥေဇၨနိယာ ပုရဝေရ၊ မယွံ ပိတာ သီလသံဝုေတာ ေသ႒ိ။
တႆမွိ ဧကဓီတာ၊ ပိယာ မနာပါ စ ဒယိတာ စ။
၄ဝ၈။ ''အထ ေမ သာေကတေတာ ဝရကာ၊ အာဂစၧဳမုတၱမကုလီနာ။
ေသ႒ီ ပဟူတရတေနာ၊ တႆ မမံ သုဏုမဒါသိ တာေတာ။
၄ဝ၉။ ''သႆုယာ သသုရႆ စ၊ သာယံ ပါတံ ပဏာမမုပဂမၼ။
သိရသာ ကေရာမိ ပါေဒ၊ ဝႏၵာမိ ယထာမွိ အႏုသိ႒ာ။
၄၁ဝ။ ''ယာ မယွံ သာမိကႆ၊ ဘဂိနိေယာ ဘာတုေနာ ပရိဇေနာ ဝါ။
တေမကဝရကမၸိ ဒိသြာ၊ ဥဗၺိဂၢါ အာသနံ ေဒမိ။
၄၁၁။ ''အေႏၷန စ ပါေနန စ၊ ခေဇၨန စ ယၪၥ တတၳ သႏၷိဟိတံ။
ဆာေဒမိ ဥပနယာမိ စ၊ ေဒမိ စ ယံ ယႆ ပတိ႐ူပံ။
၄၁၂။ ''ကာေလန ဥပ႒ဟိတြာ၊ ဃရံ သမုပဂမာမိ ဥမၼာေရ။
ေဓါဝႏၲီ ဟèၷပါေဒ၊ ပၪၨလိကာ သာမိကမုေပမိ။
၄၁၃။ ''ေကာစၧံ ပသာဒံ အၪၨနိၪၥ၊ အာဒါသကၪၥ ဂဏွိတြာ။
ပရိကမၼကာရိကာ ဝိယ၊ သယေမဝ ပတႎ ဝိဘူေသမိ။
၄၁၄။ ''သယေမဝ ၾသဒနံ သာဓယာမိ၊ သယေမဝ ဘာဇနံ ေဓါဝႏၲီ။
မာတာဝ ဧကပုတၱကံ၊ တထာ ဘတၱာရံ ပရိစရာမိ။
၄၁၅။ ''ဧဝံ (ေထရီဂါထာ၊႒၊၂၆၉ မံ ဘတၱိကတံ၊ အႏုရတၱံ ကာရိကံ နိဟတမာနံ။
ဥ႒ာယိကံ အနလသံ၊ သီလဝတႎ ဒုႆေတ ဘတၱာ။
၄၁၆။ ''ေသာ မာတရၪၥ ပိတရၪၥ၊ ဘဏတိ အာပုစၧဟံ ဂမိႆာမိ။
ဣသိဒါသိယာ န သဟ ဝစၧံ၊ ဧကာဂါေရဟံ သဟ ဝတၳဳံ။
၄၁၇။ ''မာ ဧဝံ ပုတၱ အဝစ၊ ဣသိဒါသီ ပ႑ိတာ ပရိဗ်တၱာ။
ဥ႒ာယိကာ အနလသာ၊ ကႎ တုယွံ န ေရာစေတ ပုတၱ။
၄၁၈။ ''န စ ေမ ဟႎသတိ ကိၪၥိ၊ န စဟံ ဣသိဒါသိယာ သဟ ဝစၧံ။
ေဒႆာဝ ေမ အလံ ေမ၊ အပုစၧာဟံ ဂမိႆာမိ။
၄၁၉။ ''တႆ ဝစနံ သုဏိတြာ၊ သႆု သသုေရာ စ မံ အပုစၧႎသု။
ကိႆ တယာ အပရဒၶံ၊ ဘဏ ဝိႆ႒ာ ယထာဘူတံ။
၄၂ဝ။ ''နပိဟံ အပရဇၩံ ကိၪၥိ၊ နပိ ဟႎေသမိ န ဘဏာမိ ဒုဗၺစနံ။
ကႎ သကၠာ ကာတုေယ်၊ ယံ မံ ဝိေဒၵႆေတ ဘတၱာ။
၄၂၁။ ''ေတ မံ ပိတုဃရံ ပဋိနယႎသု၊ ဝိမနာ ဒုေခန အဓိဘူတာ။
ပုတၱမႏုရကၡမာနာ၊ ဇိတာမွေသ ႐ူပိနႎ လကၡႎ။
၄၂၂။ ''အထ မံ အဒါသိ တာေတာ၊ အၯႆ ဃရမွိ ဒုတိယကုလိကႆ။
တေတာ ဥပၯသုေကၤန၊ ေယန မံ ဝိႏၵထ ေသ႒ိ။
၄၂၃။ ''တႆပိ ဃရမွိ မာသံ၊ အဝသႎ အထ ေသာပိ မံ ပဋိစၧရယိ။
ဒါသီဝ ဥပ႒ဟႏၲႎ၊ အဒူသိကံ သီလသမၸႏၷံ။
၄၂၄။ ''ဘိကၡာယ စ ဝိစရႏၲံ၊ ဒမကံ ဒႏၲံ ေမ ပိတာ ဘဏတိ။
ေဟာဟိသိ ေမ ဇာမာတာ၊ နိကၡိပ ေပါ႒ိၪၥ ဃဋိကၪၥ။
၄၂၅။ ''ေသာပိ ဝသိတြာ ပကၡံ၊ အထ တာတံ ဘဏတိ 'ေဒဟိ ေမ ေပါ႒ႎ။
ဃဋိကၪၥ မလႅကၪၥ၊ ပုနပိ ဘိကၡံ စရိႆာမိ'။
၄၂၆။ ''အထ နံ ဘဏတီ တာေတာ၊ အမၼာ သေဗၺာ စ ေမ ဉာတိဂဏဝေဂၢါ။
ကႎ ေတ န ကီရတိ ဣဓ၊ ဘဏ ခိပၸံ တံ ေတ ကရိဟိတိ။
၄၂၇။ ''ဧဝံ ဘဏိေတာ ဘဏတိ၊ ယဒိ ေမ အတၱာ သေကၠာတိ အလံ မယွံ။
ဣသိဒါသိယာ န သဟ ဝစၧံ၊ ဧကဃေရဟံ သဟ ဝတၳဳံ။
၄၂၈။ ''ဝိႆဇၨိေတာ (ေထရီဂါထာ၊႒၊၂၇ဝ ဂေတာ ေသာ၊ အဟမၸိ ဧကာကိနီ ဝိစိေႏၲမိ။
အာပုစၧိတူန ဂစၧံ၊ မရိတုေယ ဝါ ပဗၺဇိႆံ ဝါ။
၄၂၉။ ''အထ အယ်ာ ဇိနဒတၱာ၊ အာဂစၧီ ေဂါစရာယ စရမာနာ။
တာတ ကုလံ ဝိနယဓရီ၊ ဗဟုႆုတာ သီလသမၸႏၷာ။
၄၃ဝ။ ''တံ ဒိသြာန အမွာကံ၊ ဥ႒ာယာသနံ တႆာ ပညာပယႎ။
နိသိႏၷာယ စ ပါေဒ၊ ဝႏၵိတြာ ေဘာဇနမဒါသႎ။
၄၃၁။ ''အေႏၷန စ ပါေနန စ၊ ခေဇၨန စ ယၪၥ တတၳ သႏၷိဟိတံ။
သႏၲပၸယိတြာ အဝစံ၊ အေယ် ဣစၧာမိ ပဗၺဇိတုံ။
၄၃၂။ ''အထ မံ ဘဏတီ တာေတာ၊ ဣေဓဝ ပုတၱက စရာဟိ တြံ ဓမၼံ။
အေႏၷန စ ပါေနန စ၊ တပၸယ သမေဏ ဒြိဇာတီ စ။
၄၃၃။ ''အထဟံ ဘဏာမိ တာတံ၊ ေရာဒႏၲီ အၪၨလႎ ပဏာေမတြာ။
ပါပဥႇိ မယာ ပကတံ၊ ကမၼံ တံ နိဇၨေရႆာမိ။
၄၃၄။ ''အထ မံ ဘဏတီ တာေတာ၊ ပါပုဏ ေဗာဓိၪၥ အဂၢဓမၼၪၥ။
နိဗၺာနၪၥ လဘႆု၊ ယံ သစၧိကရီ ဒြိပဒေသေ႒ာ။
၄၃၅။ ''မာတာပိတူ အဘိဝါဒ၊ ယိတြာ သဗၺၪၥ ဉာတိဂဏဝဂၢံ။
သတၱာဟံ ပဗၺဇိတာ၊ တိေႆာ ဝိဇၨာ အဖႆယႎ။
၄၃၆။ ''ဇာနာမိ အတၱေနာ သတၱ၊ ဇာတိေယာ ယႆယံ ဖလဝိပါေကာ။
တံ တဝ အာစိကၡိႆံ၊ တံ ဧကမနာ နိသာေမဟိ။
၄၃၇။ ''နဂရမွိ ဧရကေစၧ၊ သုဝဏၰကာေရာ အဟံ ပဟူတဓေနာ။
ေယာဗၺနမေဒန မေတၱာ၊ ေသာ ပရဒါရံ အေသဝိဟံ။
၄၃၈။ ''ေသာဟံ တေတာ စဝိတြာ၊ နိရယမွိ အပစၥိသံ စိရံ။
ပေကၠာ တေတာ စ ဥ႒ဟိတြာ၊ မကၠဋိယာ ကုစၧိေမာကၠမႎ။
၄၃၉။ ''သတၱာဟဇာတကံ မံ၊ မဟာကပိ ယူထေပါ နိလႅေစၧသိ။
တေႆတံ ကမၼဖလံ၊ ယထာပိ ဂႏ႖ာန ပရဒါရံ။
၄၄ဝ။ ''ေသာဟံ တေတာ စဝိတြာ၊ ကာလံ ကရိတြာ သိႏၶဝါရေည။
ကာဏာယ စ ခၪၨာယ စ၊ ဧဠကိယာ ကုစၧိေမာကၠမႎ။
၄၄၁။ ''ဒြါဒသ (ေထရီဂါထာ၊႒၊၂၇၁ ဝႆာနိ အဟံ၊ နိလႅစၧိေတာ ဒါရေက ပရိဝဟိတြာ။
ကိမိနာဝေ႗ာ အကေလႅာ၊ ယထာပိ ဂႏ႖ာန ပရဒါရံ။
၄၄၂။ ''ေသာဟံ တေတာ စဝိတြာ၊ ေဂါဝါဏိဇကႆ ဂါဝိယာ ဇာေတာ။
ဝေစၧာ လာခါတေမၺာ၊ နိလႅစၧိေတာ ဒြါဒေသ မာေသ။
၄၄၃။ ''ေဝါဎူန နဂၤလမဟံ၊ သကဋၪၥ ဓာရယာမိ။
အေႏၶာဝေ႗ာ အကေလႅာ၊ ယထာပိ ဂႏ႖ာန ပရဒါရံ။
၄၄၄။ ''ေသာဟံ တေတာ စဝိတြာ၊ ဝီထိယာ ဒါသိယာ ဃေရ ဇာေတာ။
ေနဝ မဟိလာ န ပုရိေသာ၊ ယထာပိ ဂႏ႖ာန ပရဒါရံ။
၄၄၅။ ''တႎသတိဝႆမွိ မေတာ၊ သာကဋိကကုလမွိ ဒါရိကာ ဇာတာ။
ကပဏမွိ အပၸေဘာေဂ၊ ဓနိကပုရိသပါတဗဟုလမွိ။
၄၄၆။ ''တံ မံ တေတာ သတၳဝါေဟာ၊ ဥႆႏၷာယ ဝိပုလာယ ဝၯိယာ။
ၾသကၯတိ ဝိလပႏၲႎ၊ အစၧိႏၵိတြာ ကုလဃရသၼာ။
၄၄၇။ ''အထ ေသာဠသေမ ဝေႆ၊ ဒိသြာ မံ ပတၱေယာဗၺနံ ကညံ။
ၾသ႐ုႏၶတႆ ပုေတၱာ၊ ဂိရိဒါေသာ နာမ နာေမန။
၄၄၈။ ''တႆပိ အညာ ဘရိယာ၊ သီလဝတီ ဂုဏဝတီ ယသဝတီ စ။
အႏုရတၱာ ဘတၱာရံ၊ တႆာဟံ ဝိေဒၵသနမကာသႎ။
၄၄၉။ ''တေႆတံ ကမၼဖလံ၊ ယံ မံ အပကီရိတူန ဂစၧႏၲိ။
ဒါသီဝ ဥပ႒ဟႏၲႎ၊ တႆပိ အေႏၲာ ကေတာ မယာ''တိ။
တတၳ နဂရမွိ ကုသုမနာေမတိ ''ကုသုမပုရ''ႏၲိ ဧဝံ ကုသုမသေဒၵန ဂဟိတနာမေက နဂေရ၊ ဣဒါနိ တံ နဂရံ ပါဋလိပုတၱမွီတိ သ႐ူပေတာ ဒေႆတိ။ ပထဝိယာ မေ႑တိ သကလာယ ပထဝိယာ မ႑ဘူေတ။ သက်ကုလကုလီနာေယာတိ သက်ကုေလ ကုလဓီတေရာ၊ သက်ပုတၱႆ ဘဂဝေတာ သာသေန ပဗၺဇိတတာယ ဧဝံ ဝုတၱံ။
တတၳာတိ တာသု ဒြီသု ဘိကၡဳနီသု။ ေဗာဓီတိ ဧဝံနာမိကာ ေထရီ။ စ်ာနဇၩာယနရတာေယာတိ ေလာကိယေလာကုတၱရႆ စ်ာနႆ စ်ာယေန အဘိရတာ။ ဗဟုႆုတာေယာတိ ပရိယတၱိဗာဟုသေစၥန ဗဟုႆုတာ။ ဓုတကိေလသာေယာတိ အဂၢမေဂၢန သဗၺေသာ သမုဂၣါတိတကိေလသာ။ ဘတၱတၳံ ကရိယာတိ (ေထရီဂါထာ၊႒၊၂၇၂ ဘတၱကိစၥံ နိ႒ာေပတြာ။ ရဟိတမွီတိ ဇနရဟိတမွိ ဝိဝိတၱ႒ာေန။ သုခနိသိႏၷာတိ ပဗၺဇၨာသုေခန ဝိေဝကသုေခန စ သုခနိသိႏၷာ။ ဣမာ ဂိရာတိ ဣဒါနိ ဝုစၥမာနာ သုခါ လာပနာ။ အဗ႓ဳဒီေရသုႏၲိ ပုစၧာဝိႆဇၨနဝေသန ကထယႎသု။
''ပါသာဒိကာသီ''တိ ဂါထာ ေဗာဓိေတၳရိယာ ပုစၧာဝေသန ဝုတၱာ။ ''ဧဝမႏုယုၪၨိယမာနာ''တိ ဂါထာ သဂႌတိကာေရေဟဝ ဝုတၱာ။ ''ဥေဇၨနိယာ''တိအာဒိကာ ဟိ သဗၺာပိ ဣသိဒါသိယာဝ ဝုတၱာ။ တတၳ ပါသာဒိကာသီတိ ႐ူပသမၸတၱိယာ ပႆႏၲာနံ ပသာဒါဝဟာ အသိ။ ဝေယာပိ ေတ အပရိဟီေနာတိ တုယွံ ဝေယာပိ န ပရိဟီေနာ၊ ပဌမဝေယ ဌိတာသီတိ အေတၳာ။ ကႎ ဒိသြာန ဗ်ာလိကႏၲိ ကီဒိသံ ဗ်ာလိကံ ေဒါသံ ဃရာဝါေသ အာဒီနဝံ ဒိသြာ။ အထာသိ ေနကၡမၼမႏုယုတၱာတိ အထာတိ နိပါတမတၱံ၊ ေနကၡမၼံ ပဗၺဇၨံ အႏုယုတၱာ အသိ။
အႏုယုၪၨိယမာနာတိ ပုစၧိယမာနာ၊ သာ ဣသိဒါသီတိ ေယာဇနာ။ ရဟိေတတိ သုည႒ာေန။ သုဏ ေဗာဓိ ယထာမွိ ပဗၺဇိတာတိ ေဗာဓိေတၳရိ အဟံ ယထာ ပဗၺဇိတာ အမွိ၊ တံ တံ ပုရာဏံ သုဏ သုဏာဟိ။
ဥေဇၨနိယာ ပုရဝေရတိ ဥေဇၨနီနာမေက အဝႏၲိရေ႒ ဥတၱမနဂေရ။ ပိယာတိ ဧကဓီတုဘာေဝန ပိယာယိတဗၺာ။ မနာပါတိ သီလာစာရဂုေဏန မနဝၯနကာ။ ဒယိတာတိ အႏုကမၸိတဗၺာ။
အထာတိ ပစၧာ မမ ဝယပၸတၱကာေလ။ ေမ သာေကတေတာ ဝရကာတိ သာေကတနဂရေတာ မမ ဝရကာ မံ ဝါေရႏၲာ အာဂစၧဳံ။ ဥတၱမကုလီနာတိ တသၼႎ နဂေရ အဂၢကုလိကာ၊ ေယန ေတ ေပသိတာ၊ ေသာ ေသ႒ိ ပဟူတရတေနာ။ တႆ မမံ သုဏွမဒါသိ တာေတာတိ တႆ သာေကတေသ႒ိေနာ သုဏိသံ ပုတၱႆ ဘရိယံ ကတြာ မယွံ ပိတာ မံ အဒါသိ။
သာယံ ပါတႏၲိ သာယေႏွ ပုဗၺေဏွ စ။ ပဏာမမုပဂမၼ သိရသာ ကေရာမီတိ သႆုယာ သသုရႆ စ သႏၲိကံ ဥပဂႏ႖ာ သိရသာ ပဏာမံ ကေရာမိ၊ ေတသံ ပါေဒ ဝႏၵာမိ။ ယထာမွိ အႏုသိ႒ာတိ ေတဟိ ယထာ အႏုသိ႒ာ အမွိ၊ တထာ ကေရာမိ၊ ေတသံ အႏုသိ႒ႎ န အတိကၠမာမိ။
တေမကဝရကမၸီတိ ဧကဝလႅဘမၸိ။ ဥဗၺိဂၢါတိ တသႏၲာ။ အာသနံ ေဒမီတိ ယႆ ပုဂၢလႆ ယံ အႏုစၧဝိကံ၊ တံ တႆ ေဒမိ။
တတၳာတိ (ေထရီဂါထာ၊႒၊၂၇၃ ပရိေဝသန႒ာေန။ သႏၷိဟိတႏၲိ သဇၨိတံ ဟုတြာ ဝိဇၨမာနံ။ ဆာေဒမီတိ ဥပစၧာေဒမိ၊ ဥပစၧာေဒတြာ ဥပနယာမိ စ၊ ဥပေနတြာ ေဒမိ၊ ေဒႏၲီပိ ယံ ယႆ ပတိ႐ူပံ၊ တေဒဝ ေဒမီတိ အေတၳာ။
ဥမၼာေရတိ ဒြါေရ။ ေဓါဝႏၲီ ဟတၳပါေဒတိ ဟတၳပါေဒ ေဓါဝိနီ အာသႎ၊ ေဓါဝိတြာ ဃရံ သမုပဂမာမီတိ ေယာဇနာ။
ေကာစၧႏၲိ မႆူနံ ေကသာနၪၥ ဥလႅိခနေကာစၧံ။ ပသာဒႏၲိ ဂႏၶစုဏၰာဒိမုခဝိေလပနံ။ ''ပသာဓန''ႏၲိပိ ပါေဌာ၊ ပသာဓနဘ႑ံ။ အၪၨနိႏၲိ အၪၨနနာဠႎ။ ပရိကမၼကာရိကာ ဝိယာတိ အဂၢကုလိကာ ဝိဘဝသမၸႏၷာပိ ပတိပရိစာရိကာ ေစဋိကာ ဝိယ။
သာဓယာမီတိ ပစာမိ။ ဘာဇနႏၲိ ေလာဟဘာဇနၪၥ။ ေဓါဝႏၲီ ပရိစရာမီတိ ေယာဇနာ။
ဘတၱိကတႏၲိ ကတသာမိဘတိကံ။ အႏုရတၱႏၲိ အႏုရတၱဝႏၲႎ။ ကာရိကႏၲိ တႆ တေႆဝ ဣတိ ကတၱဗၺႆ ကာရိကံ။ နိဟတမာနႏၲိ အပနီတမာနံ။ ဥ႒ာယိကႏၲိ ဥ႒ာနဝီရိယသမၸႏၷံ။ အနလသႏၲိ တေတာ ဧဝ အကုသီတံ။ သီလဝတိႏၲိ သီလာစာရသမၸႏၷံ။ ဒုႆေတတိ ဒုႆတိ၊ ကုဇၩိတြာ ဘဏတိ။
ဘဏတိ အာပုစၧဟံ ဂမိႆာမီတိ ''အဟံ တုေမွ အာပုစၧိတြာ ယတၳ ကတၳစိ ဂမိႆာမီ''တိ ေသာ မမ သာမိေကာ အတၱေနာ မာတရၪၥ ပိတရၪၥ ဘဏတိ။ ကႎ ဘဏတီတိ ေစ အာဟ -- ''ဣသိဒါသိယာ န သဟ ဝစၧံ၊ ဧကာဂါေရဟံ သဟ ဝတၳဳ''ႏၲိ။ တတၳ ဝစၧႏၲိ ဝသိႆံ။
ေဒႆာတိ အပၸိယာ။ အလံ ေမတိ ပေယာဇနံ ေမ တာယ ဣတၳီတိ အေတၳာ။ အပုစၧာဟံ ဂမိႆာမီတိ ယဒိ ေမ တုေမွ တာယ သဒၶႎ သံဝါသံ ဣစၧထ၊ အဟံ တုေမွ အပုစၧိတြာ ဝိေဒသံ ပကၠမိႆာမိ။
တႆာတိ မမ ဘတၱဳေနာ။ ကိႆာတိ ကႎ အႆ တဝ သာမိကႆ။ တယာ အပရဒၶံ ဗ်ာလိကံ ကတံ။
နပိဟံ အပရဇၩႏၲိ နပိ အဟံ တႆ ကိၪၥိ အပရဇၩႎ။ အယေမဝ ဝါ ပါေဌာ။ နပိ ဟႎေသမီတိ နပိ ဗာေဓမိ။ ဒုဗၺစနႏၲိ ဒု႐ုတၱဝစနံ။ ကႎ သကၠာ ကာတုေယ်တိ ကႎ မယာ ကာတုံ အေယ် သကၠာ။ ယံ မံ ဝိေဒၵႆေတ ဘတၱာတိ ယသၼာ အကာရေဏေနဝ ဘတၱာ မယွံ ဝိေဒၵႆေတ ဝိေဒၵႆံ စိတၱပၸေကာပံ ကေရာတိ။
ဝိမနာတိ (ေထရီဂါထာ၊႒၊၂၇၄ ေဒါမနႆိကာ။ ပုတၱမႏုရကၡမာနာတိ အတၱေနာ ပုတၱံ မယွံ သာမိကံ စိတၱမႏုရကၡေဏန အႏုရကၡႏၲာ။ ဇိတာမွေသ ႐ူပိနႎ လကၡိႏၲိ ဇိတာ အမွေသ ဇိတာ ဝတာမွ ႐ူပဝတႎ သိရႎ၊ မႏုႆေဝေသန စရႏၲိယာ သိရိေဒဝတာယ ပရိဟီနာ ဝတာတိ အေတၳာ။
အၯႆ ဃရမွိ ဒုတိယကုလိကႆာတိ ပဌမသာမိကံ ဥပါဒါယ ဒုတိယႆ အၯႆ ကုလပုတၱႆ ဃရမွိ မံ အဒါသိ၊ ေဒေႏၲာ စ တေတာ ပဌမသုကၤေတာ ဥပၯသုေကၤန အဒါသိ။ ေယန မံ ဝိႏၵထ ေသ႒ီတိ ေယန သုေကၤန မံ ပဌမံ ေသ႒ိ ဝိႏၵထ ပဋိလဘိ၊ တေတာ ဥပၯသုေကၤနာတိ ေယာဇနာ။
ေသာပီတိ ဒုတိယသာမိေကာပိ။ မံ ပဋိစၧရယီတိ မံ နီဟရိ၊ ေသာ မံ ေဂဟေတာ နိကၠၯိ။ ဥပ႒ဟႏၲိႏၲိ ဒါသီ ဝိယ ဥပ႒ဟႏၲႎ ဥပ႒ာနံ ကေရာႏၲႎ။ အဒူသိကႏၲိ အဒုဗ႓နကံ။
ဒမကႏၲိ ကာ႐ုညာဓိ႒ာနတာယ ပေရသံ စိတၱႆ ဒမကံ။ ယထာ ပေရ ကိၪၥိ ဒႆႏၲိ၊ ဧဝံ အတၱေနာ ကာယံ ဝါစၪၥ ဒႏၲံ ဝူပသႏၲံ ကတြာ ပရဒတၱဘိကၡာယ ဝိစရဏကံ။ ဇာမာတာတိ ဒုဟိတုပတိ။ နိကၡိပ ေပါ႒ိၪၥ ဃဋိကၪၥာတိ တယာ ပရိဒဟိတံ ပိေလာတိကာခ႑ၪၥ ဘိကၡာကပါလၪၥ ဆေၮဟိ။
ေသာပိ ဝသိတြာ ပကၡႏၲိ ေသာပိ ဘိကၡေကာ ပုရိေသာ မယာ သဒၶႎ အဒၶမာသမတၱံ ဝသိတြာ ပကၠာမိ။
အထ နံ ဘဏတီ တာေတာတိ တံ ဘိကၡကံ မမ ပိတာ မာတာ သေဗၺာ စ ေမ ဉာတိဂေဏာ ဝဂၢဝေဂၢါ ဟုတြာ ဘဏတိ။ ကထံ? ကႎ ေတ န ကီရတိ ဣဓ တုယွံ ကႎ နာမ န ကိရတိ န သာဓိယတိ၊ ဘဏ ခိပၸံ။ တံ ေတ ကရိဟိတီတိ တံ တုယွံ ကရိႆတိ။
ယဒိ ေမ အတၱာ သေကၠာတီတိ ယဒိ မယွံ အတၱာ အတၱာဓီေနာ ဘုဇိေႆာ စ ေဟာတိ၊ အလံ မယွံ ဣသိဒါသိယာ တာယ ပေယာဇနံ နတၳိ၊ တသၼာ န သဟ ဝစၧံ န သဟ ဝသိႆံ၊ ဧကဃေရ အဟံ တာယ သဟ ဝတၳဳႏၲိ ေယာဇနာ။
ဝိႆဇၨိေတာ ဂေတာ ေသာတိ ေသာ ဘိကၡေကာ ပိတရာ ဝိႆဇၨိေတာ ယထာ႐ုစိ ဂေတာ။ ဧကာကိနီတိ ဧကိကာဝ။ အာပုစၧိတူန ဂစၧႏၲိ (ေထရီဂါထာ၊႒၊၂၇၅ မယွံ ပိတရံ ဝိႆေဇၨတြာ ဂစၧာမိ။ မရိတုေယတိ မရိတုံ။ ဝါတိ ဝိကပၸေတၳ နိပါေတာ။
ေဂါစရာယာတိ ဘိကၡာယ၊ တာတ-ကုလံ အာဂစၧီတိ ေယာဇနာ။
တႏၲိ တံ ဇိနဒတၱေတၳရႎ။ ဥ႒ာယာသနံ တႆာ ပညာပယိႏၲိ ဥ႒ဟိတြာ အာသနံ တႆာ ေထရိယာ ပညာေပသႎ။
ဣေဓဝါတိ ဣမသၼႎ ဧဝ ေဂေဟ ဌိတာ။ ပုတၱကာတိ သာမညေဝါဟာေရန ဓီတရံ အႏုကေမၸေႏၲာ အာလပတိ။ စရာဟိ တြံ ဓမၼႏၲိ တြံ ပဗၺဇိတြာ စရိတဗၺံ ျဗဟၼစရိယာဒိဓမၼံ စရ။ ဒြိဇာတီတိ ျဗာဟၼဏဇာတီ။
နိဇၨေရႆာမီတိ ဇီရာေပႆာမိ ဝိနာေသႆာမိ။
ေဗာဓိႏၲိ သစၥာဘိသေမၺာဓႎ၊ မဂၢဉာဏႏၲိ အေတၳာ။ အဂၢဓမၼႏၲိ ဖလဓမၼံ၊ အရဟတၱံ။ ယံ သစၧိကရီ ဒြိပဒေသေ႒ာတိ ယံ မဂၢဖလနိဗၺာနသညိတံ ေလာကုတၱရဓမၼံ ဒြိပဒါနံ ေသေ႒ာ သမၼာသမၺဳေဒၶါ သစၧိ အကာသိ၊ တံ လဘႆူတိ ေယာဇနာ။
သတၱာဟံ ပဗၺဇိတာတိ ပဗၺဇိတာ ဟုတြာ သတၱာေဟန။ အဖႆယိႏၲိ ဖုသႎ သစၧာကာသႎ။
ယႆယံ ဖလဝိပါေကာတိ ယႆ ပါပကမၼႆ၊ အယံ သာမိကႆ အမနာပဘာဝသခၤါေတာ နိႆႏၵဖလဘူေတာ ဝိပါေကာ။ တံ တဝ အာစိကၡိႆႏၲိ တံ ကမၼံ တဝ ကေထႆာမိ။ တႏၲိ အာစိကၡိယမာနံ တေမဝ ကမၼံ၊ တံ ဝါ မမ ဝစနံ။ ဧကမနာတိ ဧကဂၢမနာ။ အယေမဝ ဝါ ပါေဌာ။
နဂရမွိ ဧရကေစၧတိ ဧဝံနာမေက နဂေရ။ ေသာ ပရဒါရံ အေသဝိဟႏၲိ ေသာ အဟံ ပရႆ ဒါရံ အေသဝႎ။
စိရံ ပေကၠာတိ ဗဟူနိ ဝႆသတသဟႆာနိ နိရယဂၢိနာ ဒေၯာ။ တေတာ စ ဥ႒ဟိတြာတိ တေတာ နိရယေတာ ဝု႒ိေတာ စုေတာ။ မကၠဋိယာ ကုစၧိေမာကၠမိႏၲိ ဝါနရိယာ ကုစၧိမွိ ပဋိသႏၶႎ ဂဏွႎ။
ယူထေပါတိ ယူထပတိ။ နိလႅေစၧသီတိ ပုရိသဘာဝႆ လကၡဏဘူတာနိ ဗီဇကာနိ နိလႅေစၧသိ နီဟရိ။ တေႆတံ ကမၼဖလႏၲိ တႆ မယွံ ဧတံ အတီေတ ကတႆ ကမၼႆ ဖလံ။ ယထာပိ ဂႏ႖ာန ပရဒါရႏၲိ ယထာ တံ ပရဒါရံ အတိကၠမိတြာ။
တေတာတိ (ေထရီဂါထာ၊႒၊၂၇၆ မကၠဋေယာနိေတာ။ သိႏၶဝါရေညတိ သိႏၶဝရေ႒ အရည႒ာေန။ ဧဠကိယာတိ အဇိယာ။
ဒါရေက ပရိဝဟိတြာတိ ပိ႒ႎ အာ႐ုယွ ကုမာရေက ဝဟိတြာ။ ကိမိနာဝေ႗ာတိ အဘိဇာတ႒ာေန ကိမိပရိဂေတာဝ ဟုတြာ အေ႗ာ အ႗ိေတာ။ အကေလႅာတိ ဂိလာေနာ၊ အေဟာသီတိ ဝစနေသေသာ။
ေဂါဝါဏိဇကႆာတိ ဂါဝိေယာ ဝိကၠိဏိတြာ ဇီဝကႆ။ လာခါတေမၺာတိ လာခါရသရေတၱဟိ ဝိယ တေမၺဟိ ေလာေမဟိ သမႏၷာဂေတာ။
ေဝါဎူနာတိ ဝဟိတြာ။ နဂၤလႏၲိ သီရံ၊ သကဋၪၥ ဓာရယာမီတိ အေတၳာ။ အေႏၶာဝေ႗ာတိ ကာေဏာဝ ဟုတြာ အေ႗ာ ပီဠိေတာ။
ဝီထိယာတိ နဂရဝီထိယံ။ ဒါသိယာ ဃေရ ဇာေတာတိ ဃရဒါသိယာ ကုစၧိမွိ ဇာေတာ။ ''ဝဏၰဒါသိယာ''တိပိ ဝဒႏၲိ။ ေနဝ မဟိလာ န ပုရိေသာတိ ဣတၳီပိ ပုရိေသာပိ န ေဟာမိ၊ ဇာတိနပုံသေကာတိ အေတၳာ။
တႎသတိဝႆမွိ မေတာတိ နပုံသေကာ ဟုတြာ တႎသဝႆကာေလ မေတာ။ သာကဋိကကုလမွီတိ သူတကကုေလ။ ဓနိကပုရိသပါတဗဟုလမွီတိ ဣဏာယိကာနံ ပုရိသာနံ အဓိပတနဗဟုေလ ဗဟူဟိ ဣဏာယိေကဟိ အဘိဘဝိတေဗၺ။
ဥႆႏၷာယာတိ ဥပစိတာယ။ ဝိပုလာယာတိ မဟတိယာ။ ဝၯိယာတိ ဣဏဝၯိယာ။ ၾသကၯတီတိ အဝကၯတိ။ ကုလဃရသၼာတိ မမ ဇာတကုလေဂဟေတာ။
ၾသ႐ုႏၶတႆ ပုေတၱာတိ အႆ သတၳဝါဟႆ ပုေတၱာ၊ မယိ ပဋိဗဒၶစိေတၱာ နာေမန ဂိရိဒါေသာ နာမ အဝ႐ုႏၶတိ အတၱေနာ ပရိဂၢဟဘာေဝန ေဂေဟ ကေရာတိ။
အႏုရတၱာ ဘတၱာရႏၲိ ဘတၱာရံ အႏုဝတၱိကာ။ တႆာဟံ ဝိေဒၵသနမကာသိႏၲိ တႆ ဘတၱဳေနာ တံ ဘရိယံ သပတၱႎ ဝိေဒၵသနကမၼံ အကာသႎ။ ယထာ တံ ေသာ ကုဇၩတိ၊ ဧဝံ ပဋိပဇၨႎ။
ယံ (ေထရီဂါထာ၊႒၊၂၇၇ မံ အပကီရိတူန ဂစၧႏၲီတိ ယံ ဒါသီ ဝိယ သကၠစၥံ ဥပ႒ဟႏၲႎ မံ တတၳ တတၳ ပတိေနာ အပကိရိတြာ ဆေၮတြာ အနေပကၡာ အပဂစၧႏၲိ။ ဧတံ တႆာ မယွံ တဒါ ကတႆ ပရဒါရိကကမၼႆ သပတၱႎ ဝိေဒၵသနကမၼႆ စ နိႆႏၵဖလံ။ တႆပိ အေႏၲာ ကေတာ မယာတိ တႆပိ တထာ အႏုနယပါပကကမၼႆ ဒါ႐ုဏႆ ပရိယေႏၲာ ဣဒါနိ မယာ အဂၢမဂၢံ အဓိဂစၧႏၲိယာ ကေတာ၊ ဣေတာ ပရံ ကိၪၥိ ဒုကၡံ နတၳီတိ။ ယံ ပေနတၳ အႏၲရႏၲရာ န ဝိဘတၱံ၊ တံ ဝုတၱနယတၱာ ဥတၱာနတၳေမဝ။
ဣသိဒါသီေထရီဂါထာဝဏၰနာ နိ႒ိတာ။
စတၱာလီသနိပါတဝဏၰနာ နိ႒ိတာ။
၁၆။ မဟာနိပါေတာ
၁။ သုေမဓာေထရီဂါထာဝဏၰနာ
မဟာနိပါေတ (ေထရီဂါထာ၊႒၊၂၇၈ မႏၲာဝတိယာ နဂေရတိအာဒိကာ သုေမဓာယ ေထရိယာ ဂါထာ။ အယမၸိ ပုရိမဗုေဒၶသု ကတာဓိကာရာ တတၳ တတၳ ဘေဝ ဝိဝ႗ဴပနိႆယံ ကုသလံ ဥပစိနႏၲီ၊ သကၠစၥံ ဝိေမာကၡသမ႓ာေရ သမ႓ာေရႏၲီ ေကာဏာဂမနႆ ဘဂဝေတာ ကာေလ ကုလေဂေဟ နိဗၺတၱိတြာ ဝိညဳတံ ပတြာ၊ အတၱေနာ သခီဟိ ကုလဓီတာဟိ သဒၶႎ ဧကဇၩာသယာ ဟုတြာ မဟႏၲံ အာရာမံ ကာေရတြာ ဗုဒၶပၸမုခႆ ဘိကၡဳသံဃႆ နိယ်ာေဒသိ။ သာ ေတန ပုညကေမၼန ကာယႆ ေဘဒါ တာဝတႎသံ ဥပဂစၧိ။ တတၳ ယာဝတာယုကံ ဒိဗၺသမၸတၱႎ အႏုဘဝိတြာ တေတာ စုတာ ယာေမသု ဥပပဇၨိ။ တေတာ စုတာ တုသိေတသု၊ တေတာ စုတာ နိမၼာနရတီသု၊ တေတာ စုတာ ပရနိမၼိတဝသဝတၱီသူတိ အႏုကၠေမန ပၪၥသု ကာမသေဂၢသု ဥပၸဇၨိတြာ တတၳ တတၳ ေဒဝရာဇူနံ မေဟသီ ဟုတြာ တေတာ စုတာ ကႆပႆ ဘဂဝေတာ ကာေလ မဟာဝိဘဝႆ ေသ႒ိေနာ ဓီတာ ဟုတြာ အႏုကၠေမန ဝိညဳတံ ပတြာ သာသေန အဘိပၸသႏၷာ ဟုတြာ ရတနတၱယံ ဥဒၵိႆ ဥဠာရပုညကမၼံ အကာသိ။
တတၳ ယာဝဇီဝံ ဓမၼဴပဇီဝိနီ ကုသလဓမၼနိရတာ ဟုတြာ တေတာ စုတာ တာဝတႎေသသု နိဗၺတၱိတြာ အပရာပရံ သုဂတီသုေယဝ သံသရႏၲီ၊ ဣမသၼႎ ဗုဒၶဳပၸါေဒ မႏၲာဝတီနဂေရ ေကာၪၥႆ နာမ ရေညာ ဓီတာ ဟုတြာ နိဗၺတၱိ။ တႆာ မာတာပိတေရာ သုေမဓာတိ နာမံ အကံသု။ တံ အႏုကၠေမန ဝုဒၶိပၸတၱဝယပၸတၱကာေလ မာတာပိတေရာ ''ဝါရဏဝတီနဂေရ အနိကရတၱႆ နာမ ရေညာ ဒႆာမာ''တိ သမၼေႏၲသုံ။ သာ ပန ဒဟရကာလေတာ ပ႒ာယ အတၱေနာ သမာနဝယာဟိ ရာဇကညာဟိ ဒါသိဇေနဟိ စ သဒၶႎ ဘိကၡဳႏုပႆယံ ဂႏ႖ာ ဘိကၡဳနီနံ သႏၲိေက ဓမၼံ သုတြာ စိရကာလေတာ ပ႒ာယ ကတာဓိကာရတာယ သံသာေရ ဇာတသံေဝဂါ သာသေန အဘိပၸသႏၷာ ဟုတြာ ဝယပၸတၱကာေလ ကာေမဟိ ဝိနိဝတၱိတမာနသာ အေဟာသိ။ ေတန သာ မာတာပိတူနံ ဉာတီနံ သမၼႏၲနံ သုတြာ ''န မယွံ ဃရာဝါေသန ကိစၥံ၊ ပဗၺဇိႆာမဟ''ႏၲိ အာဟ။ တံ မာတာပိတေရာ ဃရာဝါေသ နိေယာေဇႏၲာ နာနပၸကာေရန ယာစႏၲာပိ သညာေပတုံ နာသကၡႎသု။ သာ ''ဧဝံ ေမ (ေထရီဂါထာ၊႒၊၂၇၉ ပဗၺဇိတုံ လဗ႓တီ''တိ ခဂၢံ ဂေဟတြာ သယေမဝ အတၱေနာ ေကေသ ဆိႏၵိတြာ ေတ ဧဝ ေကေသ အာရဗ႓ ပဋိကၠဴလမနသိကာရံ ပဝေတၱႏၲီ တတၳ ကတာဓိကာရတာယ ဘိကၡဳနီနံ သႏၲိေက မနသိကာရဝိဓာနႆ သုတပုဗၺတၱာ စ အသုဘနိမိတၱံ ဥပၸါေဒတြာ တတၳ ပဌမဇၩာနံ အဓိဂစၧိ။ အဓိဂတပဌမဇၩာနာ စ အတၱနာ ဃရာဝါေသ ဥေယ်ာေဇတုံ ဥပဂေတ မာတာပိတေရာ အာဒႎ ကတြာ အေႏၲာဇနပရိဇနံ သဗၺံ ရာဇကုလံ သာသေန အဘိပၸသႏၷံ ကာေရတြာ ဃရေတာ နိကၡမိတြာ ဘိကၡဳႏုပႆယံ ဂႏ႖ာ ပဗၺဇိ။ ပဗၺဇိတြာ စ ဝိပႆနံ ပ႒ေပတြာ သမၼေဒဝ ပရိပကၠဉာဏာ ဝိမုတၱိပရိပါစနီယာနံ ဓမၼာနံ ဝိေသသိတာယ န စိရေႆဝ သဟ ပဋိသမ႓ိဒါဟိ အရဟတၱံ ပါပုဏိ။ ေတန ဝုတၱံ အပဒါေန (အပ၊ ေထရီ ၂။၁။၁-၁၉) --
''ဘဂဝတိ ေကာဏာဂမေန၊ သံဃာရာမမွိ နဝနိေဝသမွိ။
သခိေယာ တိေႆာ ဇနိေယာ၊ ဝိဟာရဒါနံ အဒါသိမွ။
''ဒသကၡတၱဳံ သတကၡတၱဳံ၊ ဒသသတကၡတၱဳံ သတာနိ စ သတကၡတၱဳံ။
ေဒေဝသု ဥပပဇၨိမွ၊ ေကာ ပန ဝါေဒါ မႏုေႆသု။
''ေဒေဝသု မဟိဒၶိကာ အဟုမွ၊ မာႏုသကမွိ ေကာ ပန ဝါေဒါ။
သတၱရတနႆ မေဟသီ၊ ဣတၳိရတနံ အဟံ အာသႎ။
''ဣဓ သၪၥိတကုသလာ၊ သုသမိဒၶကုလပၸဇာ။
ဓနၪၨာနီ စ ေခမာ စ၊ အဟမၸိ စ တေယာ ဇနာ။
''အာရာမံ သုကတံ ကတြာ၊ သဗၺာဝယဝမ႑ိတံ။
ဗုဒၶပၸမုခသံဃႆ၊ နိယ်ာေဒတြာ ပေမာဒိတာ။
''ယတၳ ယတၳဴပပဇၨာမိ၊ တႆ ကမၼႆ ဝါဟသာ။
ေဒေဝသု အဂၢတံ ပတၱာ၊ မႏုေႆသု တေထဝ စ။
''ဣမသၼႎေယဝ ကပၸမွိ၊ ျဗဟၼဗႏၶဳ မဟာယေသာ။
ကႆေပါ နာမ ေဂါေတၱန၊ ဥပၸဇၨိ ဝဒတံ ဝေရာ။
''ဥပ႒ာေကာ မေဟသိႆ၊ တဒါ အာသိ နရိႆေရာ။
ကာသိရာဇာ ကိကီ နာမ၊ ဗာရာဏသိပု႐ုတၱေမ။
''တႆာသုံ (ေထရီဂါထာ၊႒၊၂၈ဝ သတၱ ဓီတေရာ၊ ရာဇကညာ သုေခဓိတာ။
ဗုေဒၶါပ႒ာနနိရတာ၊ ျဗဟၼစရိယံ စရႎသု တာ။
''တာသံ သဟာယိကာ ဟုတြာ၊ သီေလသု သုသမာဟိတာ။
ဒတြာ ဒါနာနိ သကၠစၥံ၊ အဂါေရဝ ဝတံ စရႎ။
''ေတန ကေမၼန သုကေတန၊ ေစတနာပဏိဓီဟိ စ။
ဇဟိတြာ မာႏုသံ ေဒဟံ၊ တာဝတႎသူပဂါ အဟံ။
''တေတာ စုတာ ယာမမဂံ၊ တေတာဟံ တုသိတံ ဂတာ။
တေတာ စ နိမၼာနရတႎ၊ ဝသဝတၱိပုရံ ဂတာ။
''ယတၳ ယတၳဴပပဇၨာမိ၊ ပုညကမၼသေမာဟိတာ။
တတၳ တေတၳဝ ရာဇူနံ၊ မေဟသိတၱမဟာရယႎ။
''တေတာ စုတာ မႏုႆေတၱ၊ ရာဇူနံ စကၠဝတၱိနံ။
မ႑လီနၪၥ ရာဇူနံ၊ မေဟသိတၱမကာရယႎ။
''သမၸတၱိမႏုေဘာတြာန၊ ေဒေဝသု မာႏုေသသု စ။
သဗၺတၳ သုခိတာ ဟုတြာ၊ ေနကဇာတီသု သံသရႎ။
''ေသာ ေဟတု ေသာ ပဘေဝါ၊ တမၼဴလံ သာဝ သာသေန ခႏၲီ။
တံ ပဌမသေမာဓာနံ၊ တံ ဓမၼရတာယ နိဗၺာနံ။
''ကိေလသာ စ်ာပိတာ မယွံ၊ ဘဝါ သေဗၺ သမူဟတာ။
နာဂီဝ ဗႏၶနံ ေဆတြာ၊ ဝိဟရာမိ အနာသဝါ။
''သြာဂတံ ဝတ ေမ အာသိ၊ ဗုဒၶေသ႒ႆ သႏၲိေက။
တိေႆာ ဝိဇၨာ အႏုပၸတၱာ၊ ကတံ ဗုဒၶႆ သာသနံ။
''ပဋိသမ႓ိဒါ စတေႆာ၊ ဝိေမာကၡာပိ စ အ႒ိေမ။
ဆဠဘိညာ သစၧိကတာ၊ ကတံ ဗုဒၶႆ သာသန''ႏၲိ။
အရဟတၱံ ပန ပတြာ အတၱေနာ ပဋိပတၱႎ ပစၥေဝကၡိတြာ ဥဒါနဝေသန --
၄၅ဝ။ ''မႏၲာဝတိယာ နဂေရ၊ ရေညာ ေကာၪၥႆ အဂၢမေဟသိယာ။
ဓီတာ အာသႎ သုေမဓာ၊ ပသာဒိတာ သာသနကေရဟိ။
၄၅၁။ ''သီလဝတီ စိတၱကထာ၊ ဗဟုႆုတာ ဗုဒၶသာသေန ဝိနိတာ။
မာတာပိတေရာ ဥပဂမၼ၊ ဘဏတိ ဥဘေယာ နိသာေမထ။
၄၅၂။ ''နိဗၺာနာဘိရတာဟံ (ေထရီဂါထာ၊႒၊၂၈၁၊ အသႆတံ ဘဝဂတံ ယဒိပိ ဒိဗၺံ။
ကိမဂႍ ပန တုစၧာ ကာမာ၊ အပၸႆာဒါ ဗဟုဝိဃာတာ။
၄၅၃။ ''ကာမာ ကဋဳကာ အာသီ၊ ဝိသူပမာ ေယသု မုစၧိတာ ဗာလာ။
ေတ ဒီဃရတၱံ နိရေယ၊ သမပၸိတာ ဟညေႏၲ ဒုကၡိတာ။
၄၅၄။ ''ေသာစႏၲိ ပါပကမၼာ၊ ဝိနိပါေတ ပါပဝဒၶိေနာ သဒါ။
ကာေယန စ ဝါစာယ စ၊ မနသာ စ အသံဝုတာ ဗာလာ။
၄၅၅။ ''ဗာလာ ေတ ဒုပၸညာ၊ အေစတနာ ဒုကၡသမုဒေယာ႐ုဒၶါ။
ေဒေသေႏၲ အဇာနႏၲာ၊ န ဗုဇၩေရ အရိယသစၥာနိ။
၄၅၆။ ''သစၥာနိ 'အမၼ'ဗုဒၶဝရေဒသိ၊ တာနိ ေတ ဗဟုတရာ အဇာနႏၲာ ေယ။
အဘိနႏၵႏၲိ ဘဝဂတံ၊ ပိေဟႏၲိ ေဒေဝသု ဥပပတၱႎ။
၄၅၇။ ''ေဒေဝသုပိ ဥပပတၱိ၊ အသႆတာ ဘဝဂေတ အနိစၥမွိ။
န စ သႏၲသႏၲိ ဗာလာ၊ ပုနပၸဳနံ ဇာယိတဗၺႆ။
၄၅၈။ ''စတၱာေရာ ဝိနိပါတာ၊ ဒုေဝ စ ဂတိေယာ ကထၪၥိ လဗ႓ႏၲိ။
န စ ဝိနိပါတဂတာနံ၊ ပဗၺဇၨာ အတၳိ နိရေယသု။
၄၅၉။ ''အႏုဇာနာထ မံ ဥဘေယာ၊ ပဗၺဇိတုံ ဒသဗလႆ ပါဝစေန။
အေပၸါႆုကၠာ ဃဋိႆံ၊ ဇာတိမရဏပၸဟာနာယ။
၄၆ဝ။ ''ကႎ ဘဝဂေတ အဘိနႏၵိ၊ ေတန ကာယကလိနာ အသာေရန။
ဘဝတဏွာယ နိေရာဓာ၊ အႏုဇာနာထ ပဗၺဇိႆာမိ။
၄၆၁။ ''ဗုဒၶါနံ ဥပၸါေဒါ၊ ဝိဝဇၨိေတာ အကၡေဏာ ခေဏာ လေဒၶါ။
သီလာနိ ျဗဟၼစရိယံ၊ ယာဝဇီဝံ န ဒူေသယ်ံ။
၄၆၂။ ''ဧဝံ ဘဏတိ သုေမဓာ၊ မာတာပိတေရာ 'န တာဝ အာဟာရံ။
အာဟရိႆံ ဂဟ႒ာ၊ မရဏဝသံ ဂတာဝ ေဟႆာမိ'။
၄၆၃။ ''မာတာ ဒုကၡိတာ ေရာဒတိ ပိတာ စ။
အႆာ သဗၺေသာ သမဘိဟေတာ။
ဃေဋႏၲိ သညာေပတုံ၊ ပါသာဒတေလ ဆမာပတိတံ။
၄၆၄။ ''ဥေ႒ဟိ (ေထရီဂါထာ၊႒၊၂၈၂ ပုတၱက ကႎ ေသာစိ၊ ေတန ဒိႏၷာသိ ဝါရဏဝတိမွိ။
ရာဇာ အနီကရေတၱာ၊ အဘိ႐ူေပါ တႆ တြံ ဒိႏၷာ။
၄၆၅။ ''အဂၢမေဟသီ ဘဝိႆသိ၊ အနိကရတၱႆ ရာဇိေနာ ဘရိယာ။
သီလာနိ ျဗဟၼစရိယံ၊ ပဗၺဇၨာ ဒုကၠရာ ပုတၱက။
၄၆၆။ ''ရေဇၨ အာဏာ ဓနမိႆရိယံ၊ ေဘာဂါ သုခါ ဒဟရိကာသိ။
ဘုၪၨာဟိ ကာမေဘာေဂ၊ ဝါေရယ်ံ ေဟာတု ေတ ပုတၱ။
၄၆၇။ ''အထ ေန ဘဏတိ သုေမဓာ၊ မာ ဧဒိသိကာနိ ဘဝဂတမသာရံ။
ပဗၺဇၨာ ဝါ ေဟာဟိတိ၊ မရဏံ ဝါ ေမ န ေစဝ ဝါေရယ်ံ။
၄၆၈။ ''ကိမိဝ ပူတိကာယမသုစႎ၊ သဝနဂႏၶံ ဘယာနကံ ကုဏပံ။
အဘိသံဝိေသယ်ံ ဘသၱံ၊ အသကႎ ပဂၣရိတံ အသုစိပုဏၰံ။
၄၆၉။ ''ကိမိဝ တဟံ ဇာနႏၲီ၊ ဝိကူလကံ မံသေသာဏိတုပလိတၱံ။
ကိမိကုလလယံ သကုဏဘတၱံ၊ ကေဠဝရံ ကိႆ ဒိယတီတိ။
၄၇ဝ။ ''နိဗၺဳယွတိ သုသာနံ၊ အစိရံ ကာေယာ အေပတဝိညာေဏာ။
ဆုေဒၶါ ကဠိဂၤရံ ဝိယ၊ ဇိဂုစၧမာေနဟိ ဉာတီဟိ။
၄၇၁။ ''ဆုဒၶဴန နံ သုသာေန၊ ပရဘတၱံ ႏွာယႏၲိ ဇိဂုစၧႏၲာ။
နိယကာ မာတာပိတေရာ၊ ကႎ ပန သာဓာရဏာ ဇနတာ။
၄၇၂။ ''အေဇၩာသိတာ အသာေရ၊ ကေဠဝေရ အ႒ိႏွာ႐ုသံဃာေတ။
ေခဠႆုစၥာရႆဝပရိပုေဏၰ ပူတိကာယမွိ။
၄၇၃။ ''ေယာ နံ ဝိနိဗ႓ဳဇိတြာ၊ အဗ႓ႏၲရမႆ ဗာဟိရံ ကယိရာ။
ဂႏၶႆ အသဟမာနာ၊ သကာပိ မာတာ ဇိဂုေစၧယ်။
၄၇၄။ ''ခႏၶဓာတုအာယတနံ၊ သခၤတံ ဇာတိမူလကံ ဒုကၡံ။
ေယာနိေသာ အႏုဝိစိနႏၲီ၊ ဝါေရယ်ံ ကိႆ ဣေစၧယ်ံ။
၄၇၅။ ''ဒိဝေသ ဒိဝေသ တိသတၱိ၊ သတာနိ နဝနဝါ ပေတယ်ဳံ ကာယမွိ။
ဝႆသတမၸိ စ ဃာေတာ၊ ေသေယ်ာ ဒုကၡႆ ေစဝံ ခေယာ။
၄၇၆။ ''အဇၩဳပဂေစၧ (ေထရီဂါထာ၊႒၊၂၈၃ ဃာတံ၊ ေယာ ဝိညာေယဝံ သတၳဳေနာ ဝစနံ။
ဒီေဃာ ေတသံ သံသာေရာ၊ ပုနပၸဳနံ ဟညမာနာနံ။
၄၇၇။ ''ေဒေဝသု မႏုေႆသု စ၊ တိရစၧာနေယာနိယာ အသုရကာေယ။
ေပေတသု စ နိရေယသု စ၊ အပရိမိတာ ဒိႆေႏၲ ဃာတာ။
၄၇၈။ ''ဃာတာ နိရေယသု ဗဟူ၊ ဝိနိပါတဂတႆ ပီဠိယမာနႆ။
ေဒေဝသုပိ အတၱာဏံ၊ နိဗၺာနသုခါ ပရံ နတၳိ။
၄၇၉။ ''ပတၱာ ေတ နိဗၺာနံ၊ ေယ ယုတၱာ ဒသဗလႆ ပါဝစေန။
အေပၸါႆုကၠာ ဃေဋႏၲိ၊ ဇာတိမရဏပၸဟာနာယ။
၄၈ဝ။ ''အေဇၨဝ တာတဘိနိကၡမိႆံ၊ ေဘာေဂဟိ ကႎ အသာေရဟိ။
နိဗၺိႏၷာ ေမ ကာမာ၊ ဝႏၲသမာ တာလဝတၳဳကတာ။
၄၈၁။ ''သာ ေစဝံ ဘဏတိ ပိတရမနီကရေတၱာ၊ စ ယႆ သာ ဒိႏၷာ။
ဥပယာသိ ဝါရဏဝေတ၊ ဝါေရယ်မုပ႒ိေတ ကာေလ။
၄၈၂။ ''အထ အသိတနိစိတမုဒုေက၊ ေကေသ ခေဂၢန ဆိႏၵိယ သုေမဓာ။
ပါသာဒံ ပိဒဟိတြာ၊ ပဌမဇၩာနံ သမာပဇၨိ။
၄၈၃။ ''သာ စ တဟႎ သမာပႏၷာ၊ အနီကရေတၱာ စ အာဂေတာ နဂရံ။
ပါသာေဒ စ သုေမဓာ၊ အနိစၥသညံ သုဘာေဝတိ။
၄၈၄။ ''သာ စ မနသိ ကေရာတိ၊ အနီကရေတၱာ စ အာ႐ုဟီ တုရိတံ။
မဏိကနကဘူသိတေဂၤါ၊ ကတၪၨလီ ယာစတိ သုေမဓံ။
၄၈၅။ ''ရေဇၨ အာဏာ ဓနမိႆရိယံ၊ ေဘာဂါ သုခါ ဒဟရိကာသိ။
ဘုၪၨာဟိ ကာမေဘာေဂ၊ ကာမသုခါ ဒုလႅဘာ ေလာေက။
၄၈၆။ ''နိႆ႒ံ ေတ ရဇၨံ၊ ေဘာေဂ ဘုၪၨႆု ေဒဟိ ဒါနာနိ။
မာ ဒုမၼနာ အေဟာသိ၊ မာတာပိတေရာ ေတ ဒုကၡိတာ။
၄၈၇။ ''တံ တံ ဘဏတိ သုေမဓာ၊ ကာေမဟိ အနတၳိကာ ဝိဂတေမာဟာ။
မာ ကာေမ အဘိနႏၵိ၊ ကာေမသြာဒီနဝံ ပႆ။
၄၈၈။ ''စာတုဒၵီေပါ ရာဇာ၊ မႏၶာတာ အာသိ ကာမေဘာဂိနမေဂၢါ။
အတိေတၱာ ကာလကၤေတာ၊ န စႆ ပရိပူရိတာ ဣစၧာ။
၄၈၉။ ''သတၱ (ေထရီဂါထာ၊႒၊၂၈၄ ရတနာနိ ဝေႆယ်၊ ဝု႒ိမာ ဒသဒိသာ သမေႏၲန။
န စတၳိ တိတၱိ ကာမာနံ၊ အတိတၱာဝ မရႏၲိ နရာ။
၄၉ဝ။ ''အသိသူႏူပမာ ကာမာ၊ ကာမာ သပၸသိေရာပမာ။
ဥေကၠာပမာ အႏုဒဟႏၲိ၊ အ႒ိကကၤလသႏၷိဘာ။
၄၉၁။ ''အနိစၥာ အဓုဝါ ကာမာ၊ ဗဟုဒုကၡာ မဟာဝိသာ။
အေယာဂုေဠာဝ သႏၲေတၱာ၊ အဃမူလာ ဒုခပၹလာ။
၄၉၂။ ''႐ုကၡဖလူပမာ ကာမာ၊ မံသေပသူပမာ ဒုခါ။
သုပိေနာပမာ ဝၪၥနိယာ၊ ကာမာ ယာစိတကူပမာ။
၄၉၃။ ''သတၱိသူလူပမာ ကာမာ၊ ေရာေဂါ ဂေ႑ာ အဃံ နိဃံ။
အဂၤါရကာသုသဒိသာ၊ အဃမူလံ ဘယံ ဝေဓါ။
၄၉၄။ ''ဧဝံ ဗဟုဒုကၡာ ကာမာ၊ အကၡာတာ အႏၲရာယိကာ။
ဂစၧထ န ေမ ဘဝဂေတ၊ ဝိႆာေသာ အတၳိ အတၱေနာ။
၄၉၅။ ''ကႎ မမ ပေရာ ကရိႆတိ၊ အတၱေနာ သီသမွိ ဍယွမာနမွိ။
အႏုဗေႏၶ ဇရာမရေဏ၊ တႆ ဃာတာယ ဃဋိတဗၺံ။
၄၉၆။ ''ဒြါရံ အပါပုရိတြာနဟံ၊ မာတာပိတေရာ အနီကရတၱၪၥ။
ဒိသြာန ဆမံ နိသိေႏၷ၊ ေရာဒေႏၲ ဣဒမေဝါစံ။
၄၉၇။ ''ဒီေဃာ ဗာလာနံ သံသာေရာ၊ ပုနပၸဳနၪၥ ေရာဒတံ။
အနမတေဂၢ ပိတု မရေဏ၊ ဘာတု ဝေဓ အတၱေနာ စ ဝေဓ။
၄၉၈။ ''အႆု ထညံ ႐ုဓိရံ၊ သံသာရံ အနမတဂၢေတာ သရထ။
သတၱာနံ သံသရတံ၊ သရာဟိ အ႒ီနၪၥ သႏၷိစယံ။
၄၉၉။ ''သရ စတုေရာဒဓီ၊ ဥပနီေတ အႆုထည႐ုဓိရမွိ။
သရ ဧကကပၸမ႒ီနံ၊ သၪၥယံ ဝိပုေလန သမံ။
၅ဝဝ။ ''အနမတေဂၢ သံသရေတာ၊ မဟႎ ဇမၺဳဒီပမုပနီတံ။
ေကာလ႒ိမတၱဂုဠိကာ၊ မာတာ မာတုေသြဝ နပၸေဟာႏၲိ။
၅ဝ၁။ ''တိဏက႒သာခါပလာသံ၊ ဥပနီတံ အနမတဂၢေတာ သရ။
စတုရဂၤုလိကာ ဃဋိကာ၊ ပိတုပိတုေသြဝ နပၸေဟာႏၲိ။
၅ဝ၂။ ''သရ (ေထရီဂါထာ၊႒၊၂၈၅ ကာဏကစၧပံ ပုဗၺသမုေဒၵ၊ အပရေတာ စ ယုဂဆိဒၵံ။
သိရံ တႆ စ ပဋိမုကၠံ၊ မႏုႆလာဘမွိ ၾသပမၼံ။
၅ဝ၃။ ''သရ ႐ူပံ ေဖဏပိေ႑ာပမႆ၊ ကာယကလိေနာ အသာရႆ။
ခေႏၶ ပႆ အနိေစၥ၊ သရာဟိ နိရေယ ဗဟုဝိဃာေတ။
၅ဝ၄။ ''သရ ကဋသႎ ဝေၯေႏၲ၊ ပုနပၸဳနံ တာသု တာသု ဇာတီသု။
သရ ကုမ႓ီလဘယာနိ စ၊ သရာဟိ စတၱာရိ သစၥာနိ။
၅ဝ၅။ ''အမတမွိ ဝိဇၨမာေန၊ ကႎ တဝ ပၪၥကဋဳေကန ပီေတန။
သဗၺာ ဟိ ကာမရတိေယာ၊ ကဋဳကတရာ ပၪၥကဋဳေကန။
၅ဝ၆။ ''အမတမွိ ဝိဇၨမာေန၊ ကႎ တဝ ကာေမဟိ ေယ ပရိဠာဟာ။
သဗၺာ ဟိ ကာမရတိေယာ၊ ဇလိတာ ကုထိတာ ကမၸိတာ သႏၲာပိတာ။
၅ဝ၇။ ''အသပတၱမွိ သမာေန၊ ကႎ တဝ ကာေမဟိ ေယ ဗဟုသပတၱာ။
ရာဇဂၢိေစာရဥဒကပၸိေယဟိ၊ သာဓာရဏာ ကာမာ ဗဟုသပတၱာ။
၅ဝ၈။ ''ေမာကၡမွိ ဝိဇၨမာေန၊ ကႎ တဝ ကာေမဟိ ေယသု ဝဓဗေႏၶာ။
ကာေမသု ဟိ အသကာမာ၊ ဝဓဗႏၶဒုခါနိ အႏုေဘာႏၲိ။
၅ဝ၉။ ''အာဒီပိတာ တိဏုကၠာ၊ ဂဏွႏၲံ ဒဟႏၲိ ေနဝ မုၪၥႏၲံ။
ဥေကၠာပမာ ဟိ ကာမာ၊ ဒဟႏၲိ ေယ ေတ န မုၪၥႏၲိ။
၅၁ဝ။ ''မာ အပၸကႆ ေဟတု၊ ကာမသုခႆ ဝိပုလံ ဇဟီ သုခံ။
မာ ပုထုေလာေမာဝ ဗဠိသံ၊ ဂိလိတြာ ပစၧာ ဝိဟညသိ။
၅၁၁။ ''ကာမံ ကာေမသု ဒမႆု၊ တာဝ သုနေခါဝ သခၤလာဗေဒၶါ။
ကာဟိႏၲိ ခု တံ ကာမာ၊ ဆာတာ သုနခံဝ စ႑ာလာ။
၅၁၂။ ''အပရိမိတၪၥ ဒုကၡံ၊ ဗဟူနိ စ စိတၱေဒါမနႆာနိ။
အႏုေဘာဟိသိ ကာမယုေတၱာ၊ ပဋိနိႆဇ အဒၶဳေဝ ကာေမ။
၅၁၃။ ''အဇရမွိ ဝိဇၨမာေန၊ ကႎ တဝ ကာေမဟိ ေယသု ဇရာ။
မရဏဗ်ာဓိဂဟိတာ၊ သဗၺာ သဗၺတၳ ဇာတိေယာ။
၅၁၄။ ''ဣဒမဇရမိဒမမရံ၊ ဣဒမဇရာမရံ ပဒမေသာကံ။
အသပတၱမသမၺာဓံ၊ အခလိတမဘယံ နိ႐ုပတာပံ။
၅၁၅။ ''အဓိဂတမိဒံ (ေထရီဂါထာ၊႒၊၂၈၆ ဗဟူဟိ၊ အမတံ အဇၨာပိ စ လဘနီယမိဒံ။
ေယာ ေယာနိေသာ ပယုၪၨတိ၊ န စ သကၠာ အဃဋမာေနန။
၅၁၆။ ''ဧဝံ ဘဏတိ သုေမဓာ၊ သခၤါရဂေတ ရတႎ အလဘမာနာ။
အႏုေနႏၲီ အနိကရတၱံ၊ ေကေသ စ ဆမံ ခိပိ သုေမဓာ။
၅၁၇။ ''ဥ႒ာယ အနိကရေတၱာ၊ ပၪၨလိေကာ ယာစတႆာ ပိတရံ ေသာ။
ဝိႆေဇၨထ သုေမဓံ၊ ပဗၺဇိတုံ ဝိေမာကၡသစၥဒႆာ။
၅၁၈။ ''ဝိႆဇၨိတာ မာတာပိတူဟိ၊ ပဗၺဇိ ေသာကဘယဘီတာ။
ဆ အဘိညာ သစၧိကတာ၊ အဂၢဖလံ သိကၡမာနာယ။
၅၁၉။ ''အစၧရိယမဗ႓ဳတံ တံ၊ နိဗၺာနံ အာသိ ရာဇကညာယ။
ပုေဗၺနိဝါသစရိတံ၊ ယထာ ဗ်ာကရိ ပစၧိေမ ကာေလ။
၅၂ဝ။ ''ဘဂဝတိ ေကာဏာဂမေန၊ သံဃာရာမမွိ နဝနိေဝသမွိ။
သခိေယာ တိေႆာ ဇနိေယာ၊ ဝိဟာရဒါနံ အဒါသိမွ။
၅၂၁။ ''ဒသကၡတၱဳံ သတကၡတၱဳံ၊ ဒသသတကၡတၱဳံ သတာနိ စ သတကၡတၱဳံ။
ေဒေဝသု ဥပပဇၨိမွ၊ ေကာ ပန ဝါေဒါ မႏုေႆသု။
၅၂၂။ ''ေဒေဝသု မဟိဒၶိကာ အဟုမွ၊ မာႏုသကမွိ ေကာ ပန ဝါေဒါ။
သတၱရတနႆ မေဟသီ၊ ဣတၳိရတနံ အဟံ အာသႎ။
၅၂၃။ ''ေသာ ေဟတု ေသာ ပဘေဝါ၊ တံ မူလံ သာဝ သာသေန ခႏၲီ။
တံ ပဌမသေမာဓာနံ၊ တံ ဓမၼရတာယ နိဗၺာနံ။
၅၂၄။ ''ဧဝံ ကေရာႏၲိ ေယ သဒၵဟႏၲိ၊ ဝစနံ အေနာမပညႆ။
နိဗၺိႏၵႏၲိ ဘဝဂေတ၊ နိဗၺိႏၵိတြာ ဝိရဇၨႏၲီ''တိ။ --
ဣမာ ဂါထာ အဘာသိ။
တတၳ မႏၲဝတိယာ နဂေရတိ မႏၲဝတီတိ ဧဝံနာမေက နဂေရ။ ရေညာ ေကာၪၥႆာတိ ေကာၪၥႆ နာမ ရေညာ မေဟသိယာ ကုစၧိမွိ ဇာတာ ဓီတာ အာသႎ။ သုေမဓာတိ နာေမန သုေမဓာ။ ပသာဒိတာ သာသနကေရဟီတိ သတၳဳသာသနကေရဟိ အရိေယဟိ ဓမၼေဒသနာယ သာသေန ပသာဒိတာ သၪၨာတရတနတၱယပၸသာဒါ ကတာ။
သီလဝတီတိ (ေထရီဂါထာ၊႒၊၂၈၇ အာစာရသီလသမၸႏၷာ။ စိတၱကထာတိ စိတၱဓမၼကထာ။ ဗဟုႆုတာတိ ဘိကၡဳနီနံ သႏၲိေက ပရိယတၱိဓမၼႆုတိယုတာ။ ဗုဒၶသာသေန ဝိနီတာတိ ဧဝံ ပဝတၱိ၊ ဧဝံ နိဝတၱိ၊ ဣတိ သီလံ၊ ဣတိ သမာဓိ၊ ဣတိ ပညာတိ သုတၱာႏုဂေတန (ဒီ၊ နိ၊ ၂။၁၈၆) ေယာနိေသာမနသိကာေရန တဒဂၤေတာ ကိေလသာနံ ဝိနိဝတၱတၱာ ဗုဒၶါနံ သာသေန ဝိနီတာ သံယတကာယဝါစာစိတၱာ။ ဥဘေယာ နိသာေမထာတိ တုေမွ ေဒြပိ မမ ဝစနံ နိသာေမထ၊ မာတာပိတေရာ ဥပဂႏ႖ာ ဘဏတီတိ ေယာဇနာ။
ယဒိပိ ဒိဗၺႏၲိ ေဒဝေလာကပရိယာပႏၷမၸိ ဘဝဂတံ နာမ သဗၺမၸိ အသႆတံ အနိစၥံ ဒုကၡံ ဝိပရိဏာမဓမၼံ။ ကိမဂႍ ပန တုစၧာ ကာမာတိ ကိမဂႍ ပန မာႏုသကာ ကာမာ၊ ေတ သေဗၺပိ အသာရကဘာဝေတာ တုစၧာ ရိတၱာ၊ သတၳဓာရာယံ မဓုဗိႏၵဳ ဝိယ အပၸႆာဒါ၊ ဧတရဟိ အာယတိၪၥ ဝိပုလဒုကၡတာယ ဗဟုဝိဃာတာ။
ကဋဳကာတိ အနိ႒ာ။ သပၸဋိဘယေ႒န အာသီဝိသူပမာ။ ေယသု ကာေမသု။ မုစၧိတာတိ အေဇၩာသိတာ။ သမပၸိတာတိ သကမၼဳနာ သဗၺေသာ အပၸိတာ ခိတၱာ၊ ဥပပႏၷာတိ အေတၳာ။ ဟညေႏၲတိ ဗာဓီယႏၲိ။
ဝိနိပါေတတိ အပါေယ။
အေစတနာတိ အတၱဟိတေစတနာယ အဘာေဝန အေစတနာ။ ဒုကၡသမုဒေယာ႐ုဒၶါတိ တဏွာနိမိတၱသံသာေရ အဝ႐ုဒၶါ။ ေဒေသေႏၲတိ စတုသစၥဓေမၼ ေဒသိယမာေန။ အဇာနႏၲာတိ အတၳံ အဇာနႏၲာ။ န ဗုဇၩေရ အရိယသစၥာနီတိ ဒုကၡာဒီနိ အရိယသစၥာနိ န ပဋိဗုဇၩႏၲိ။
အမၼာတိ မာတရံ ပမုခံ ကတြာ အာလပတိ။ ေတ ဗဟုတရာ အဇာနႏၲာတိ ေယ အဘိနႏၵႏၲိ ဘဝဂတံ ပိေဟႏၲိ ေဒေဝသု ဥပပတၱႎ ဗုဒၶဝရေဒသိတာနိ သစၥာနိ အဇာနႏၲာ၊ ေတေယဝ စ ဣမသၼႎ ေလာေက ဗဟုတရာတိ ေယာဇနာ။
ဘဝဂေတ အနိစၥမွီတိ သဗၺသၼႎ ဘေဝ အနိေစၥ ေဒေဝသု ဥပပတၱိ န သႆတာ၊ ဧဝံ သေႏၲပိ န စ သႏၲသႏၲိ ဗာလာ န ဥတၱသႏၲိ န သံေဝဂံ အာပဇၨႏၲိ။ ပုနပၸဳနံ ဇာယိတဗၺႆာတိ အပရာပရံ ဥပပဇၨမာနႆ။
စတၱာေရာ ဝိနိပါတာတိ နိရေယာ တိရစၧာနေယာနိ ေပတၱိဝိသေယာ အသုရေယာနီတိ ဣေမ စတၱာေရာ သုခသမုႆယေတာ ဝိနိပါတဂတိေယာ။ မႏုႆေဒဝူပပတၱိသညိတာ (ေထရီဂါထာ၊႒၊၂၈၈ ပန ေဒြဝ ဂတိေယာ ကထၪၥိ ကိေစၧန ကသိေရန လဗ႓ႏၲိ ပုညကမၼႆ ဒုကၠရတၱာ။ နိရေယသူတိ သုခရဟိေတသု အပါေယသု။
အေပၸါႆုကၠာတိ အညကိေစၥသု နိ႐ုႆုကၠာ။ ဃဋိႆႏၲိ ဝါယမိႆံ ဘာဝနံ အႏုယုၪၨိႆာမိ၊ ကာယကလိနာ အသာေရန ဘဝဂေတ ကႎ အဘိနႏၵိေတနာတိ ေယာဇနာ။
ဘဝတဏွာယ နိေရာဓာတိ ဘဝဂတာယ တဏွာယ နိေရာဓေဟတု နိေရာဓတၳံ။
ဗုဒၶါနံ ဥပၸါေဒါ လေဒၶါ၊ ဝိဝဇၨိေတာ နိရယူပပတၱိအာဒိေကာ အ႒ဝိေဓါ အကၡေဏာ၊ ခေဏာ နဝေမာ ခေဏာ လေဒၶါတိ ေယာဇနာ။ သီလာနီတိ စတုပါရိသုဒၶိသီလာနိ။ ျဗဟၼစရိယႏၲိ သာသနျဗဟၼစရိယံ။ န ဒူေသယ်ႏၲိ န ေကာေပယ်ာမိ။
န တာဝ အာဟာရံ အာဟရိႆံ ဂဟ႒ာတိ ''ေနဝ တာဝ အဟံ ဂဟ႒ာ ဟုတြာ အာဟာရံ အာဟရိႆာမိ၊ သေစ ပဗၺဇၨံ န လဘိႆာမိ၊ မရဏဝသေမဝ ဂတာ ဘဝိႆာမီ''တိ ဧဝံ သုေမဓာ မာတာပိတေရာ ဘဏတီတိ ေယာဇနာ။
အႆာတိ သုေမဓာယ။ သဗၺေသာ သမဘိဟေတာတိ အႆူဟိ သဗၺေသာ အဘိဟတမုေခါ။ ဃေဋႏၲိ သညာေပတုႏၲိ ပါသာဒတေလ ဆမာပတိတံ သုေမဓံ မာတာ စ ပိတာ စ ဂိဟိဘာဝါယ သညာေပတုံ ဃေဋႏၲိ ဝါယမႏၲိ။ ''ဃေဋႏၲိ ဝါယမႏၲီ''တိပိ ပါေဌာ၊ ေသာ ဧဝေတၳာ။
ကႎ ေသာစိေတနာတိ ''ပဗၺဇၨံ န လဘိႆာမီ''တိ ကႎ ေသာစေနန။ ဒိႏၷာသိ ဝါရဏဝတိမွီတိ ဝါရဏဝတီနဂေရ ဒိႏၷာ အသိ။ ''ဒိႏၷာသီ''တိ ဝတြာ ပုနပိ ''တြံ ဒိႏၷာ''တိ ဝစနံ ဒဠႇံ ဒိႏၷဘာဝဒႆနတၳံ။
ရေဇၨ အာဏာတိ အနိကရတၱႆ ရေဇၨ တဝ အာဏာ ပဝတၱတိ။ ဓနမိႆရိယႏၲိ ဣမသၼႎ ကုေလ ပတိကုေလ စ ဓနံ ဣႆရိယၪၥ၊ ေဘာဂါ သုခါ အတိဝိယ ဣ႒ာ ေဘာဂါတိ သဗၺမိဒံ တုယွံ ဥပ႒ိတံ ဟတၳဂတံ။ ဒဟရိကာသီတိ တ႐ုဏီ စာသိ၊ တသၼာ ဘုၪၨာဟိ ကာမေဘာေဂ။ ေတန ကာရေဏန ဝါေရယ်ံ ေဟာတု ေတ ပုတၱာတိ ေယာဇနာ။
ေနတိ မာတာပိတေရာ။ မာ ဧဒိသိကာနီတိ ဧဝ႐ူပါနိ ရေဇၨ အာဏာဒီနိ မာ ဘဝႏၲဳ။ ကသၼာတိ ေစ အာဟ ''ဘဂဝတမသာရ''ႏၲိအာဒိ။
ကိမိဝါတိ (ေထရီဂါထာ၊႒၊၂၈၉ ကိမိ ဝိယ။ ပူတိကာယႏၲိ ဣမံ ပူတိကေဠဝရံ။ သဝနဂႏၶႏၲိ ဝိႆ႒ဝိႆဂႏၶံ။ ဘယာနကႏၲိ အဝီတရာဂါနံ ဘယာဝဟံ။ ကုဏပံ အဘိသံဝိေသယ်ံ ဘသၱႏၲိ ကုဏပဘရိတံ စမၼပသိဗၺကံ၊ အသကႎ ပဂၣရိတံ အသုစိပုဏၰံ နာနပၸကာရႆ အသုစိေနာ ပုဏၰံ ဟုတြာ အသကႎ သဗၺကာလံ အဓိပဂၣရႏၲံ ''မမ ဣဒ''ႏၲိ အဘိနိေဝေသယ်ံ။
ကိမိဝ တဟံ ဇာနႏၲီ၊ ဝိကူလကႏၲိ အတိဝိယ ပဋိကၠဴလံ အသုစီဟိ မံသေပသီဟိ ေသာဏိေတဟိ စ ဥပလိတၱံ အေနေကသံ ကိမိကုလာနံ အာလယံ သကုဏာနံ ဘတၱဘူတံ။ ''ကိမိကုလာလသကုဏဘတၱ''ႏၲိပိ ပါေဌာ၊ ကိမီနံ အဝသိ႒သကုဏာနၪၥ ဘတၱဘူတႏၲိ အေတၳာ။ တံ အဟံ ကေဠဝရံ ဇာနႏၲီ ဌိတာ။ တံ မံ ဣဒါနိ ဝါေရယ်ဝေသန ကိႆ ေကန နာမ ကာရေဏန ဒိယ်တီတိ ဒေႆတိ။ တႆ တၪၥ ဒါနံ ကိမိဝ ကႎ ဝိယ ေဟာတီတိ ေယာဇနာ။
နိဗၺဳယွတိ သုသာနံ၊ အစိရံ ကာေယာ အေပတဝိညာေဏာတိ အယံ ကာေယာ အစိေရေနဝ အပဂတဝိညာေဏာ သုသာနံ နိဗၺဳယွတိ ဥပနီယတိ။ ဆုေဒၶါတိ ဆၮိေတာ။ ကဠိဂၤရံ ဝိယာတိ နိရတၳကက႒ခ႑သဒိေသာ။ ဇိဂုစၧမာေနဟိ ဉာတီဟီတိ ဉာတိဇေနဟိပိ ဇိဂုစၧမာေနဟိ။
ဆုဒၶဴန နံ သုသာေနတိ နံ ကေဠဝရံ သုသာေန ဆေၮတြာ။ ပရဘတၱႏၲိ ပေရသံ ေသာဏသိဂၤါလာဒီနံ ဘတၱဘူတံ။ ႏွာယႏၲိ ဇိဂုစၧႏၲာတိ ''ဣမႆ ပစၧေတာ အာဂတာ''တိ ဧတၱေကနာပိ ဇိဂုစၧမာနာ သသီသံ နိမုဇၨႏၲာ ႏွာယႏၲိ၊ ပေဂဝ ဖု႒ဝေႏၲာ။ နိယကာ မာတာပိတေရာတိ အတၱေနာ မာတာပိတေရာပိ။ ကႎ ပန သာဓာရဏာ ဇနတာတိ ဣတေရာ ပန သမူေဟာ ဇိဂုစၧတီတိ ကိေမဝ ဝတၱဗၺံ။
အေဇၩာသိတာတိ တဏွာဝေသန အဘိနိဝိ႒ာ။ အသာေရတိ နိစၥသာရာဒိသာရရဟိေတ။
ဝိနိဗ႓ဳဇိတြာတိ ဝိညာဏဝိနိေဗ႓ာဂံ ကတြာ။ ဂႏၶႆ အသဟမာနာတိ ဂႏၶံ အႆ ကာယႆ အသဟႏၲီ။ သကာပိ မာတာတိ အတၱေနာ မာတာပိ ဇိဂုေစၧယ် ေကာ႒ာသာနံ ဝိနိဗ႓ဳဇၨေနန ပဋိကၠဴလဘာဝါယ သု႒ဳတရံ ဥပ႒ဟနေတာ။
ခႏၶဓာတုအာယတနႏၲိ (ေထရီဂါထာ၊႒၊၂၉ဝ ႐ူပကၡႏၶာဒေယာ ဣေမ ပၪၥကၡႏၶာ၊ စကၡဳဓာတုအာဒေယာ ဣမာ အ႒ာရသဓာတုေယာ၊ စကၡာယတနာဒီနိ ဣမာနိ ဒြါဒသာယတနာနီတိ ဧဝံ ခႏၶာ ဓာတုေယာ အာယတနာနိ စာတိ သဗၺံ ဣဒံ ႐ူပါ႐ူပဓမၼဇာတံ သေမစၥ သမ႓ဳယ် ပစၥေယဟိ ကတတၱာ သခၤတံ၊ တယိဒံ တသၼႎ ဘေဝ ပဝတၱမာနံ ဒုကၡံ၊ ဇာတိပစၥယတၱာ ဇာတိမူလကႏၲိ။ ဧဝံ ေယာနိေသာ ဥပါေယန အႏုဝိစိနႏၲီ စိႏၲယႏၲီ၊ ဝါေရယ်ံ ဝိဝါဟံ၊ ကိႆ ေကန ကာရေဏန ဣစၧိႆာမိ။
''သီလာနိ ျဗဟၼစရိယံ၊ ပဗၺဇၨာ ဒုကၠရာ''တိ ယေဒတံ မာတာပိတူဟိ ဝုတၱံ တႆ ပဋိဝစနံ ဒါတုံ ''ဒိဝေသ ဒိဝေသ''တိအာဒိ ဝုတၱံ။ တတၳ ဒိဝေသ ဒိဝေသ တိသတၱိသတာနိ နဝနဝါ ပေတယ်ဳံ ကာယမွီတိ ဒိေန ဒိေန တီဏိ သတၱိသတာနိ တာဝေဒဝ ပီတနိသိတဘာေဝန အဘိနဝါနိ ကာယသၼႎ သမၸေတယ်ဳံ။ ဝႆသတမၸိ စ ဃာေတာ ေသေယ်ာတိ နိရႏၲရံ ဝႆသတမၸိ ပတမာေနာ ယထာဝုေတၱာ သတၱိဃာေတာ ေသေယ်ာ။ ဒုကၡႆ ေစဝံ ခေယာတိ ဧဝံ ေစ ဝ႗ဒုကၡႆ ပရိကၡေယာ ဘေဝယ်၊ ဧဝံ မဟႏၲမၸိ ပဝတၱိဒုကၡံ အဓိဝါေသတြာ နိဗၺာနာဓိဂမာယ ဥႆာေဟာ ကရဏီေယာတိ အဓိပၸါေယာ။
အဇၩဳပဂေစၧတိ သမၸဋိေစၧယ်။ ဧဝႏၲိ ဝုတၱနေယန။ ဣဒံ ဝုတၱံ ေဟာတိ -- ေယာ ပုဂၢေလာ အနမတဂၢံ သံသာရံ အပရိမာဏၪၥ ဝ႗ဒုကၡံ ဒီေပႏၲံ သတၳဳေနာ ဝစနံ ဝိညာယ ဌိေတာ ယထာဝုတၱံ သတၱိဃာတဒုကၡံ သမၸဋိေစၧယ်၊ ေတန ေစဝ ဝ႗ဒုကၡႆ ပရိကၡေယာ သိယာတိ။ ေတနာဟ -- ''ဒီေဃာ ေတသံ သံသာေရာ၊ ပုနပၸဳနၪၥ ဟညမာနာန''ႏၲိ၊ အပရာပရံ ဇာတိဇရာဗ်ာဓိမရဏာဒီဟိ ဗာဓိယမာနာနႏၲိ အေတၳာ။
အသုရကာေယတိ ကာလကၪၥိကာဒိ ေပတာသုရနိကာေယ။ ဃာတာတိ ကာယစိတၱာနံ ဥပဃာတာ ဝဓာ။
ဗဟူတိ ပၪၥဝိဓဗႏၶနာဒိကမၼကာရဏဝေသန ပဝတၱိယမာနာ ဗဟူ အေနကဃာတာ။ ဝိနိပါတဂတႆာတိ ေသသာပါယသခၤါတံ ဝိနိပါတံ ဥပဂတႆာပိ။ ပီဠိယမာနႆာတိ တိရစၧာနာဒိအတၱဘာေဝ အဘိဃာတာဒီဟိ အာဗာဓိယမာနႆ။ ေဒေဝသုပိ အတၱာဏႏၲိ ေဒဝတၱဘာေဝသုပိ တာဏံ နတၳိ ရာဂပရိဠာဟာဒိနာ သဒုကၡသဝိဃာတဘာဝေတာ။ နိဗၺာနသုခါ ပရံ နတၳီတိ နိဗၺာနသုခေတာ ပရံ အညံ ဥတၱမံ သုခံ နာမ နတၳိ ေလာကိယသုခႆ ဝိပရိဏာမသခၤါရဒုကၡသဘာဝတၱာ (ေထရီဂါထာ၊႒၊၂၉၁။ ေတနာဟ ဘဂဝါ -- ''နိဗၺာနံ ပရမံ သုခ''ႏၲိ (ဓ၊ ပ၊ ၂ဝ၃-၂ဝ၄)။
ပတၱာ ေတ နိဗၺာနႏၲိ ေတ နိဗၺာနံ ပတၱာေယဝ နာမ။ အထ ဝါ ေတေယဝ နိဗၺာနံ ပတၱာ။ ေယ ယုတၱာ ဒသဗလႆ ပါဝစေနတိ သမၼာသမၺဳဒၶႆ သာသေန ေယ ယုတၱာ ပယုတၱာ။
နိဗၺိႏၷာတိ ဝိရတၱာ။ ေမတိ မယာ။ ဝႏၲသမာတိ သုဝါနဝမထုသဒိသာ။ တာလဝတၳဳကတာတိ တာလႆ ပတိ႒ာနသဒိသာ ကတာ။
အထာတိ ပစၧာ၊ မာတာပိတူနံ အတၱေနာ အဇၩာသယံ ပေဝေဒတြာ အနိကရတၱႆ စ အာဂတဘာဝံ သုတြာ။ အသိတနိစိတမုဒုေကတိ ဣႏၵနီလဘမရသမာနဝဏၰတာယ အသိေတ၊ ဃနဘာေဝန နိစိေတ၊ သိမၺလိတူလသမသမၹႆတာယ မုဒုေက။ ေကေသ ခေဂၢန ဆိႏၵိယာတိ အတၱေနာ ေကေသ သုနိသိေတန အသိနာ ဆိႏၵိတြာ။ ပါသာဒံ ပိဒဟိတြာတိ အတၱေနာ ဝသနပါသာေဒ သိရိဂဗ႓ံ ပိဓာယ၊ တႆ ဒြါရံ ထေကတြာတိ အေတၳာ။ ပဌမဇၩာနံ သမာပဇၨီတိ ခေဂၢန ဆိေႏၷ အတၱေနာ ေကေသ ပုရေတာ ဌေပတြာ တတၳ ပဋိကၠဴလမနသိကာရံ ပဝေတၱႏၲီ ယထာဥပ႒ိေတ နိမိေတၱ ဥပၸႏၷံ ပဌမံ စ်ာနံ ဝသီဘာဝံ အာပါေဒတြာ သမာပဇၨိ။
သာ စ သုေမဓာ တဟႎ ပါသာေဒ သမာပႏၷာ စ်ာနႏၲိ အဓိပၸါေယာ။ အနိစၥသညံ သုဘာေဝတီတိ စ်ာနေတာ ဝု႒ဟိတြာ စ်ာနံ ပါဒကံ ကတြာ ဝိပႆနံ ပ႒ေပတြာ ''ယံကိၪၥိ ႐ူပ''ႏၲိအာဒိနာ (အ၊ နိ၊ ၄။၁၈၁၊ မ၊ နိ၊ ၁။၂၄၄၊ ပဋိ၊ မ၊ ၁။၄၈) အနိစၥာႏုပႆနံ သု႒ဳ ဘာေဝတိ၊ အနိစၥသညာဂဟေဏေနဝ ေစတၳ ဒုကၡသညာဒီနမၸိ ဂဟဏံ ကတႏၲိ ေဝဒိတဗၺံ။
မဏိကနကဘူသိတေဂၤါတိ မဏိဝိစိေတၱဟိ ေဟမမာလာလကၤာေရဟိ ဝိဘူသိတဂေတၱာ။
ရေဇၨ အာဏာတိအာဒိ ယာစိတာကာရနိဒႆနံ။ တတၳ အာဏာတိ အာဓိပစၥံ။ ဣႆရိယႏၲိ ယေသာ ဝိဘဝသမၸတၱိ။ ေဘာဂါ သုခါတိ ဣ႒ာ မနာပိယာ ကာမူပေဘာဂါ။ ဒဟရိကာသီတိ တြံ ဣဒါနိ ဒဟရာ တ႐ုဏီ အသိ။
နိႆ႒ံ ေတ ရဇၨႏၲိ မယွံ သဗၺမၸိ တိေယာဇနိကံ ရဇၨံ တုယွံ ပရိစၥတၱံ၊ တံ ပဋိပဇၨိတြာ ေဘာေဂ စ ဘုၪၨႆု၊ အယံ မံ ကာေမဟိေယဝ နိမေႏၲတီတိ မာ (ေထရီဂါထာ၊႒၊၂၉၂ ဒုမၼနာ အေဟာသိ။ ေဒဟိ ဒါနာနီတိ ယထာ႐ုစိယာ မဟႏၲာနိ ဒါနာနိ သမဏျဗာဟၼေဏသု ပဝေတၱဟိ၊ မာတာပိတေရာ ေတ ဒုကၡိတာ ေဒါမနႆပၸတၱာ တဝ ပဗၺဇၨာဓိပၸါယံ သုတြာ တသၼာ ကာေမ ပရိဘုၪၨႏၲီ။ ေတပိ ဥပ႒ဟႏၲီ ေတသံ စိတၱံ ဒုကၡာ ေမာေစဟီတိ ဧဝေမတၳ ပဒတၳေယာဇနာ ေဝဒိတဗၺာ။
မာ ကာေမ အဘိနႏၵီတိ ဝတၳဳကာေမ ကိေလသကာေမ မာ အဘိနႏၵိ။ အထ ေခါ ေတသု ကာေမသု အာဒီနဝံ ေဒါသံ မယွံ ဝစနာႏုသာေရန ပႆ ဉာဏစကၡဳနာ ၾသေလာေကဟိ။
စာတုဒၵီေပါတိ ဇမၺဳဒီပါဒီနံ စတုႏၷံ မဟာဒီပါနံ ဣႆေရာ။ မႏၶာတာတိ ဧဝံနာေမာ ရာဇာ၊ ကာမေဘာဂီနံ အေဂၢါ အဂၢဘူေတာ အာသိ။ ေတနာဟ ဘဂဝါ -- ''ရာဟုဂၢံ အတၱဘာဝီနံ၊ မႏၶာတာ ကာမေဘာဂိန''ႏၲိ (အ၊ နိ၊ ၄။၁၅)။ အတိေတၱာ ကာလကၤေတာတိ စတုရာသီတိဝႆသဟႆာနိ ကုမာရကီဠာဝေသန စတုရာသီတိဝႆသဟႆာနိ ၾသပရဇၨဝေသန စတုရာသီတိဝႆသဟႆာနိ စကၠဝတၱီ ရာဇာ ဟုတြာ ေဒဝေဘာဂသဒိေသ ေဘာေဂ ဘုၪၨိတြာ ဆတၱႎသာယ သကၠာနံ အာယုပၸမာဏကာလံ တာဝတႎသဘဝေန သဂၢသမၸတၱႎ အႏုဘဝိတြာပိ ကာေမဟိ အတိေတၱာဝ ကာလကၤေတာ။ န စႆ ပရိပူရိတာ ဣစၧာ အႆ မႏၶာတုရေညာ ကာေမသု အာသာ န စ ပရိပုဏၰာ အာသိ။
သတၱ ရတနာနိ ဝေႆယ်ာတိ သတၱပိ ရတနာနိ၊ ဝု႒ိမာ ေဒေဝါ ဒသဒိသာ ဗ်ာေပတြာ၊ သမေႏၲန သမႏၲေတာ ပုရိသႆ ႐ုစိဝေသန ယဒိပိ ဝေႆယ်၊ ယထာ တံ မႏၶာတုမဟာရာဇႆ ဧဝံ သေႏၲပိ န စတၳိ တိတၱိ ကာမာနံ၊ အတိတၱာဝ မရႏၲိ နရာ။ ေတနာဟ ဘဂဝါ -- ''န ကဟာပဏဝေႆန၊ တိတၱိ ကာေမသု ဝိဇၨတီ''တိ (ဓ၊ ပ၊ ၁၈၆၊ ဇာ၊ ၁။၃။၂၃)။
အသိသူႏူပမာ ကာမာ အဓိကု႗နေ႒န၊ သပၸသိေရာပမာ သပၸဋိဘယေ႒န၊ ဥေကၠာပမာ တိဏုကၠဴပမာ အႏုဒဟနေ႒န။ ေတနာဟ ''အႏုဒဟႏၲီ''တိ။ အ႒ိကကၤလသႏၷိဘာ အပၸႆာဒေ႒န။
မဟာဝိသာတိ ဟလာဟလာဒိမဟာဝိသသဒိသာ။ အဃမူလာတိ အဃႆ ဒုကၡႆ မူလာ ကာရဏဘူတာ။ ေတနာဟ ''ဒုခပၹလာ''တိ။
႐ုကၡပၹလူပမာ အဂၤပစၥဂၤါနံ ဖလိဘၪၨနေ႒န။ မံသေပသူပမာ ဗဟုသာဓာရဏေ႒န။ သုပိေနာပမာ ဣတၱရပစၥဳပ႒ာနေ႒န မာယာ ဝိယ ပေလာဘနေတာ။ ေတနာဟ (ေထရီဂါထာ၊႒၊၂၉၃ ''ဝၪၥနိယာ''တိ၊ ဝၪၥကာတိ အေတၳာ။ ယာစိတကူပမာတိ ယာစိတကဘ႑သဒိသာ တာဝကာလိကေ႒န။
သတၱိသူလူပမာ ဝိနိဝိဇၩနေ႒န။ ႐ုဇၨနေ႒န ေရာေဂါ ဒုကၡတာသုလဘတၱာ။ ဂေ႑ာ ကိေလသာသုစိပဂၣရဏေတာ။ ဒုကၡဳပၸါဒနေ႒န အဃံ။ မရဏသမၸာပေနန နိဃံ။ အဂၤါရကာသုသဒိသာ မဟာဘိတာပနေ႒န။ ဘယေဟတုတာယ ေစဝ ဝဓကပဟူတတာယ စ ဘယံ ဝေဓါ နာမ၊ ကာမာတိ ေယာဇနာ။
အကၡာတာ အႏၲရာယိကာတိ ''သဂၢမဂၢါဓိဂမႆ နိဗၺာနဂါမိမဂၢႆ စ အႏၲရာယကရာ''တိ စကၡဳဘူေတဟိ ဗုဒၶါဒီဟိ ဝုတၱာ။ ဂစၧထာတိ အနိကရတၱံ သပရိသံ ဝိႆေဇၨတိ။
ကႎ မမ ပေရာ ကရိႆတီတိ ပေရာ အေညာ မမ ကႎ နာမ ဟိတံ ကရိႆတိ အတၱေနာ သီသမွိ ဥတၱမေဂၤ ဧကာဒသဟိ အဂၢီဟိ ဍယွမာေန။ ေတနာဟ ''အႏုဗေႏၶ ဇရာမရေဏ''တိ။ တႆ ဇရာမရဏႆ သီသဍာဟႆ၊ ဃာတာယ သမုဂၣါတာယ၊ ဃဋိတဗၺံ ဝါယမိတဗၺံ။
ဆမႏၲိ ဆမာယံ။ ဣဒမေဝါစႏၲိ ဣဒံ ''ဒီေဃာ ဗာလာနံ သံသာေရာ''တိအာဒိကံ သံေဝဂသံဝတၱနကံ ဝစနံ အေဝါစံ။
ဒီေဃာ ဗာလာနံ သံသာေရာတိ ကိေလသကမၼဝိပါကဝ႗ဘူတာနံ ခႏၶာယတနာဒီနံ ပဋိပါဋိပဝတၱိသခၤါေတာ သံသာေရာ အပရိညာတဝတၳဳကာနံ အႏၶဗာလာနံ ဒီေဃာ ဗုဒၶဉာေဏနပိ အပရိစၧိႏၵနိေယာ။ ယထာ ဟိ အႏုပစၧိႏၷတၱာ အဝိဇၨာတဏွာနံ အပရိစၧိႏၷတာေယဝ ဘဝပဗႏၶႆ ပုဗၺာ ေကာဋိ န ပညာယတိ၊ ဧဝံ ပရာပိ ေကာဋီတိ။ ပုနပၸဳနၪၥ ေရာဒတႏၲိ အပရာပရံ ေသာကဝေသန ႐ုဒႏၲာနံ။ ဣမိနာပိ အဝိဇၨာတဏွာနံ အႏုပစၧိႏၷတံေယဝ ေတသံ ဝိဘာေဝတိ။
အႆု ထညံ ႐ုဓိရႏၲိ ယံ ဉာတိဗ်သနာဒိနာ ဖု႒ာနံ ေရာဒႏၲာနံ အႆု စ ဒါရကကာေလ မာတုထနေတာ ပီတံ ထညၪၥ ယၪၥ ပစၥတၳိေကဟိ ဃာတိတာနံ ႐ုဓိရံ။ သံသာရံ အနမတဂၢေတာ သံသာရႆ အႏု အမတဂၢတၱာ ဉာေဏန အႏုဂႏ႖ာပိ အမတအဂၢတၱာ အဝိဒိတဂၢတၱာ ဣမိနာ ဒီေဃန အဒၶဳနာ သတၱာနံ သံသရတံ၊ အပရာပရံ သံသရႏၲာနံ သံသရိတံ သရာဟိ၊ တံ ''ကီဝ ဗဟုက''ႏၲိ အႏုႆရာဟိ၊ အ႒ီနံ သႏၷိစယံ သရာဟိ အႏုႆရ၊ ဥပဓာေရဟီတိ အေတၳာ။
ဣဒါနိ (ေထရီဂါထာ၊႒၊၂၉၄ အာဒီနဝႆ ဗဟုဘာဝၪၥ ဥပမာယ ဒေႆတုံ ''သရ စတုေရာဒဓီ''တိ ဂါထမာဟ။ တတၳ သရ စတုေရာဒဓီ ဥပနီေတ အႆုထည႐ုဓိရမွီတိ ဣေမသံ သတၱာနံ အနမတဂၢသံသာေရ သံသရႏၲာနံ ဧေကကႆပိ အႆုမွိ ထေည ႐ုဓိရမွိ စ ပမာဏေတာ ဥပေမတေဗၺ စတုေရာဒဓီ စတၱာေရာ မဟာသမုေဒၵ ဥပမာဝေသန ဗုေဒၶဟိ ဥပနီေတ သရ သရာဟိ။ ဧကကပၸမ႒ီနံ၊ သၪၥယံ ဝိပုေလန သမႏၲိ ဧကႆ ပုဂၢလႆ ဧကသၼႎ ကေပၸ အ႒ီနံ သၪၥယံ ေဝပုလႅပဗၺေတန သမံ ဥပနီတံ သရ။ ဝုတၱမၸိ ေစသံ --
''ဧကေႆေကန ကေပၸန၊ ပုဂၢလႆ႒ိသၪၥေယာ။
သိယာ ပဗၺတသေမာ ရာသိ၊ ဣတိ ဝုတၱံ မေဟသိနာ။
''ေသာ ေခါ ပနာယံ အကၡာေတာ၊ ေဝပုေလႅာ ပဗၺေတာ မဟာ။
ဥတၱေရာ ဂိဇၩကူဋႆ၊ မဂဓာနံ ဂိရိဗၺေဇ''တိ။ (သံ၊ နိ၊ ၂။၁၃၃)။
မဟႎ ဇမၺဳဒီပမုပနီတံ။ ေကာလ႒ိမတၱဂုဠိကာ၊ မာတာ မာတုေသြဝ နပၸေဟာႏၲီတိ ဇမၺဳဒီေပါတိသခၤါတံ မဟာပထဝႎ ေကာလ႒ိမတၱာ ဗဒရ႒ိမတၱာ ဂုဠိကာ ကတြာ တေတၳေကကာ ''အယံ ေမ မာတု၊ အယံ ေမ မာတုမာတူ''တိ ဧဝံ ဝိဘာဇိယမာေန တာ ဂုဠိကာ မာတာ မာတူေသြဝ နပၸေဟာႏၲိ၊ မာတာ မာတူသု အခီဏာေသြဝ ပရိယႏၲိကာ တာ ဂုဠိကာ ပရိကၡယံ ပရိယာဒါနံ ဂေစၧယ်ဳံ၊ န ေတြဝ အနမတေဂၢ သံသာေရ သံသရေတာ သတၱႆ မာတုမာတေရာတိ။ ဧဝံ ဇမၺဳဒီပမဟႎ သံသာရႆ ဒီဃဘာေဝန ဥပမာဘာေဝန ဥပနီတံ မနသိ ကေရာဟီတိ။
တိဏက႒သာခါပလာသႏၲိ တိဏၪၥ က႒ၪၥ သာခါပလာသၪၥ။ ဥပနီတႏၲိ ဥပမာဘာေဝန ဥပနီတံ။ အနမတဂၢေတာတိ သံသာရႆ အနမတဂၢဘာဝေတာ။ စတုရဂၤုလိကာ ဃဋိကာတိ စတုရဂၤုလပၸမာဏာနိ ခ႑ာနိ။ ပိတုပိတုေသြဝ နပၸေဟာႏၲီတိ ပိတုပိတာမေဟသု ဧဝ တာ ဃဋိကာ နပၸေဟာႏၲိ။ ဣဒံ ဝုတၱံ ေဟာတိ -- ဣမသၼႎ ေလာေက သဗၺံ တိဏၪၥ က႒ၪၥ သာခါပလာသၪၥ စတုရဂၤုလိကာ ကတြာ တေတၳေကကာ ''အယံ ေမ ပိတု၊ အယံ ေမ ပိတာမဟႆာ''တိ ဝိဘာဇိယမာေန တာ ဃဋိကာဝ ပရိကၡယံ ပရိယာဒါနံ ဂေစၧယ်ဳံ၊ န ေတြဝ အနမတေဂၢ သံသာေရ သံသရေတာ သတၱႆ ပိတုပိတာမဟာတိ။ ဧဝံ တိဏၪၥ က႒ၪၥ သာခါပလာသၪၥ သံသာရႆ ဒီဃဘာေဝန ဥပနီတံ သရာဟီတိ။ ဣမသၼႎ ပန ဌာေန --
''အနမတေဂၢါယံ (ေထရီဂါထာ၊႒၊၂၉၅၊ ဘိကၡေဝ၊ သံသာေရာ၊ ပုဗၺာ ေကာဋိ န ပညာယတိ အဝိဇၨာနီဝရဏာနံ သတၱာနံ တဏွာသံေယာဇနာနံ သႏၶာဝတံ သံသရတံ။ တံ ကႎ မညထ၊ ဘိကၡေဝ၊ ကတမံ ႏု ေခါ ဗဟုတရံ၊ ယံ ဝါ ေဝါ ဣမိနာ ဒီေဃန အဒၶဳနာ သႏၶာဝတံ သံသရတံ အမနာပသမၸေယာဂါ မနာပဝိပၸေယာဂါ ကႏၵႏၲာနံ ေရာဒႏၲာနံ အႆုပႆႏၷံ ပဂၣရိတံ၊ ယံ ဝါ စတူသု မဟာသမုေဒၵသု ဥဒက''ႏၲိအာဒိကာ (သံ၊ နိ၊ ၂။၁၂၆) -- 'အနမတဂၢပါဠိ' အာဟရိတဗၺာ။
သရ ကာဏကစၧပႏၲိ ဥဘယကၡိကာဏံ ကစၧပံ အႏုႆရ။ ပုဗၺသမုေဒၵ အပရေတာ စ ယုဂဆိဒၵႏၲိ ပုရတၳိမသမုေဒၵ အပရေတာ စ ပစၧိမုတၱရဒကၡိဏသမုေဒၵ ဝါတေဝေဂန ပရိဗ႓မႏၲႆ ယုဂႆ ဧကစၧိဒၵံ။ သိရံ တႆ စ ပဋိမုကၠႏၲိ ကာဏကစၧပႆ သီသံ တႆ စ ဝႆသတႆ ဝႆသတႆ အစၥေယန ဂီဝံ ဥကၡိပႏၲႆ သီသႆ ယုဂစၧိေဒၵ ပေဝသနၪၥ သရ။ မႏုႆလာဘမွိ ၾသပမၼႏၲိ တယိဒံ သဗၺမၸိ ဗုဒၶဳပၸါဒဓမၼေဒသနာသု ဝိယ မႏုႆတၱလာေဘ ၾသပမၼံ ကတြာ ပညာယ သရ၊ တႆ အတီဝ ဒုလႅဘသဘာဝတၱံ သာရဇၨဘယႆာပိ အတိစၥသဘာဝတၱာ။ ဝုတၱေဥႇတံ -- ''ေသယ်ထာပိ၊ ဘိကၡေဝ၊ ပုရိေသာ မဟာသမုေဒၵ ဧကစၧိဂၢဠႇံ ယုဂံ ပကၡိေပယ်ာ''တိအာဒိ (မ၊ နိ၊ ၃။၂၅၂၊ သံ၊ နိ၊ ခ ၅။၁၁၁၇)။
သရ ႐ူပံ ေဖဏပိေ႑ာပမႆာတိ ဝိမဒၵါသဟနေတာ ေဖဏပိ႑သဒိသႆ အေနကာနတၳသႏၷိပါတေတာ ကာယသခၤါတႆ ကလိေနာ၊ နိစၥသာရာဒိဝိရေဟန အသာရႆ ႐ူပံ အသုစိဒုဂၢႏၶံ ေဇဂုစၧပဋိကၠဴလဘာဝံ သရ။ ခေႏၶ ပႆ အနိေစၥတိ ပၪၥပိ ဥပါဒါနကၡေႏၶ ဟုတြာ အဘာဝေ႒န အနိေစၥ ပႆ ဉာဏစကၡဳနာ ၾသေလာေကဟိ။ သရာဟိ နိရေယ ဗဟုဝိဃာေတတိ အ႒ မဟာနိရေယ ေသာဠသဥႆဒနိရေယ စ ဗဟုဝိဃာေတ ဗဟုဒုေကၡ မဟာဒုေကၡ စ အႏုႆရ။
သရ ကဋသႎ ဝေၯေႏၲတိ ပုနပၸဳနံ တာသု တာသု ဇာတီသု အပရာပရံ ဥပၸတၱိယာ ပုနပၸဳနံ ကဋသႎ သုသာနံ အာဠဟနေမဝ ဝေၯေႏၲ သေတၱ အႏုႆရ။ ''ဝၯေႏၲာ''တိ ဝါ ပါဠိ၊ တြံ ဝၯေႏၲာတိ ေယာဇနာ။ ကုမ႓ီလဘယာနီတိ ဥဒရေပါသနတၳံ အကိစၥကာရိတာဝေသန ၾသဒရိကတၱဘယာနိ။ ဝုတၱဥႇိ ''ကုမ႓ီလဘယႏၲိ ေခါ၊ ဘိကၡေဝ၊ ၾသဒရိကတၱေႆတံ အဓိဝစန''ႏၲိ (အ၊ နိ၊ ၄။၁၂၂)။ သရာဟိ စတၱာရိ (ေထရီဂါထာ၊႒၊၂၉၆ သစၥာနီတိ ''ဣဒံ ဒုကၡံ အရိယသစၥံ။ ပ ။ အယံ ဒုကၡနိေရာဓဂါမိနိပဋိပဒါ အရိယသစၥ''ႏၲိ စတၱာရိ အရိယသစၥာနိ ယာထာဝေတာ အႏုႆရ ဥပဓာေရဟိ။
ဧဝံ ရာဇပုတၱီ အေနကာကာရေဝါကာရံ အႏုႆရဏဝေသန ကာေမသု သံသာေရ စ အာဒီနဝံ ပကာေသတြာ ဣဒါနိ ဗ်တိေရေကနပိ တံ ပကာေသတုံ ''အမတမွိ ဝိဇၨမာေန''တိအာဒိမာဟ။ တတၳ အမတမွိ ဝိဇၨမာေနတိ သမၼာသမၺဳေဒၶန မဟာက႐ုဏာယ ဥပနီေတ သဒၶမၼာမေတ ဥပလဗ႓မာေန။ ကႎ တဝ ပၪၥကဋဳေကန ပီေတနာတိ ပရိေယသနာ ပရိဂၢေဟာ အာရကၡာ ပရိေဘာေဂါ ဝိပါေကာ စာတိ ပၪၥသုပိ ဌာေနသု တိခိဏတရဒုကၡာႏုဗႏၶတာယ သဝိဃာတတၱာ သဥပါယာသတၱာ ကႎ တုယွံ ပၪၥကဋဳေကန ပၪၥကာမဂုဏရေသန ပီေတန? ဣဒါနိ ဝုတၱေမဝတၳံ ပါကဋတရံ ကေရာႏၲီ အာဟ -- ''သဗၺာ ဟိ ကာမရတိေယာ၊ ကဋဳကတရာ ပၪၥကဋဳေကနာ''တိ၊ အတိဝိယ ကဋဳကတရာတိ အေတၳာ။
ေယ ပရိဠာဟာတိ ေယ ကာမာ သမၸတိ ကိေလသပရိဠာေဟန အာယတႎ ဝိပါကပရိဠာေဟန စ သပရိဠာဟာ မဟာဝိဃာတာ။ ဇလိတာ ကုထိတာ ကမၸိတာ သႏၲာပိတာတိ ဧကာဒသဟိ အဂၢီဟိ ပဇၨလိတာ ပကၠဳထိတာ စ ဟုတြာ တံသမဂႌနံ ကမၸနကာ သႏၲာပနကာ စ။
အသပတၱမွီတိ သပတၱရဟိေတ ေနကၡေမၼ။ သမာေနတိ သေႏၲ ဝိဇၨမာေန။ ''ဗဟုသပတၱာ''တိ ဝတြာ ေယဟိ ဗဟူ သပတၱာ၊ ေတ ဒေႆတုံ ''ရာဇဂၢီ''တိအာဒိ ဝုတၱံ။ ရာဇူဟိ စ အဂၢိနာ စ ေစာေရဟိ စ ဥဒေကန စ ဒါယာဒါဒိအပၸိေယဟိ စ ရာဇဂၢိေစာရဥဒကပၸိေယဟိ သာဓာရဏေတာ ေတေသြေဝါပမာ ဝုတၱာ။
ေယသု ဝဓဗေႏၶာတိ ေယသု ကာေမသု ကာမနိမိတၱံ မရဏေပါထနာဒိပရိကၠိေလေသာ အႏၵဳဗႏၶနာဒိဗေႏၶာ စ ေဟာတီတိ အေတၳာ။ ကာေမသူတိအာဒိ ဝုတၱေႆဝတၳႆ ပါကဋကရဏံ။ တတၳ ဟီတိ ေဟတုအေတၳ နိပါေတာ။ ယသၼာ ကာေမသု ကာမေဟတု ဣေမ သတၱာ ဝဓဗႏၶနဒုကၡာနိ အႏုဘဝႏၲိ ပါပုဏႏၲိ၊ တသၼာ အာဟ -- ''အသကာမာ''တိ၊ ကာမာ နာေမေတ အသေႏၲာ ဟီနာ လာမကာတိ အေတၳာ။ ''အဟကာမာ''တိ ဝါ ပါေဌာ၊ ေသာ ဧဝေတၳာ။ အဟာတိ ဟိ လာမကပရိယာေယာ ''အဟေလာကိတၳိေယာ နာမာ''တိအာဒီသု ဝိယ။
အာဒီပိတာတိ (ေထရီဂါထာ၊႒၊၂၉၇ ပဇၨလိတာ။ တိဏုကၠာတိ တိေဏဟိ ကတာ ဥကၠာ။ ဒဟႏၲိ ေယ ေတ မုၪၥႏၲီတိ ေယ သတၱာ ေတ ကာေမ န မုၪၥႏၲိ၊ အညဒတၳဳ ဂဏွႏၲိ၊ ေတ ဒဟႏၲိေယဝ၊ သမၸတိ အာယတိၪၥ စ်ာေပႏၲိ။
မာ အပၸကႆ ေဟတူတိ ပုပၹႆာဒသဒိသႆ ပရိတၱကႆ ကာမသုခႆ ေဟတု ဝိပုလံ ဥဠာရံ ပဏီတၪၥ ေလာကုတၱရံ သုခံ မာ ဇဟိ မာ ဆေၮဟိ။ မာ ပုထုေလာေမာဝ ဗဠိသံ ဂိလိတြာတိ အာမိသေလာေဘန ဗဠိသံ ဂိလိတြာ ဗ်သနံ ပါပုဏေႏၲာ ''ပုထုေလာေမာ''တိ လဒၶနာေမာ မေစၧာ ဝိယ ကာေမ အပရိစၥဇိတြာ မာ ပစၧာ ဝိဟညသိ ပစၧာ ဝိဃာဋံ အာပဇၨသိ။
သုနေခါဝ သခၤလာဗေဒၶါတိ ယထာ ဂဒၵဳေလန ဗေဒၶါ သုနေခါ ဂဒၵဳလဗေႏၶန ထေမ႓ ဥပနိဗေဒၶါ အညေတာ ဂႏၲဳံ အသေကၠာေႏၲာ တေတၳဝ ပရိဗ႓မတိ၊ ဧဝံ တြံ ကာမတဏွာယ ဗေဒၶါ၊ ဣဒါနိ ကာမံ ယဒိပိ ကာေမသု တာဝ ဒမႆု ဣႁႏၵိယာနိ ဒေမဟိ။ ကာဟိႏၲိ ခု တံ ကာမာ၊ ဆာတာ သုနခံဝ စ႑ာလာတိ ခူတိ နိပါတမတၱံ။ ေတ ပန ကာမာ တံ တထာ ကရိႆႏၲိ၊ ယထာ ဆာတဇၩတၱာ သပါကာ သုနခံ လဘိတြာ အနယဗ်သနံ ပါေပႏၲီတိ အေတၳာ။
အပရိမိတၪၥ ဒုကၡႏၲိ အပရိမာဏံ ''ဧတၱက''ႏၲိ ပရိစၧိႏၵိတုံ အသကၠဳေဏယ်ံ နိရယာဒီသု ကာယိကံ ဒုကၡံ။ ဗဟူနိ စ စိတၱေဒါမနႆာနီတိ စိေတၱ လဗ႓မာနာနိ ဗဟူနိ အေနကာနိ ေဒါမနႆာနိ ေစေတာဒုကၡာနိ။ အႏုေဘာဟိသီတိ အႏုဘဝိႆသိ။ ကာမယုေတၱာတိ ကာေမဟိ ယုေတၱာ၊ ေတ အပၸဋိနိႆဇၨေႏၲာ။ ပဋိနိႆဇ အဒၶဳေဝ ကာေမတိ အဒၶဳေဝဟိ အနိေစၥဟိ ကာေမဟိ ဝိနိႆဇ အေပဟီတိ အေတၳာ။
ဇရာမရဏဗ်ာဓိဂဟိတာ၊ သဗၺာ သဗၺတၳ ဇာတိေယာတိ ယသၼာ ဟီနာဒိေဘဒဘိႏၷာ သဗၺတၳ ဘဝါဒီသု ဇာတိေယာ ဇရာမရဏဗ်ာဓိနာ စ ဂဟိတာ၊ ေတဟိ အပရိမုတၱာ၊ တသၼာ အဇရမွိ နိဗၺာေန ဝိဇၨမာေန ဇရာဒီဟိ အပရိမုေတၱဟိ ကာေမဟိ ကႎ တဝ ပေယာဇနႏၲိ ေယာဇနာ။
ဧဝံ နိဗၺာနဂုဏဒႆနမုေခန ကာေမသု ဘေဝသု စ အာဒီနဝံ ပကာေသတြာ ဣဒါနိ နိဗၺတၱိတံ နိဗၺာနဂုဏေမဝ ပကာေသႏၲီ ''ဣဒမဇရ''ႏၲိအာဒိနာ ေဒြ ဂါထာ အဘာသိ။ တတၳ ဣဒမဇရႏၲိ ဣဒေမေဝကံ အတၱနိ ဇရာဘာဝေတာ အဓိဂတႆ စ ဇရာဘာဝေဟတုေတာ အဇရံ။ ဣဒမမရႏၲိ ဧတၳာပိ ဧေသဝ (ေထရီဂါထာ၊႒၊၂၉၈ နေယာ။ ဣဒမဇရာမရႏၲိ တဒုဘယေမကဇၩံ ကတြာ ေထာမနာဝေသန ဝဒတိ။ ပဒႏၲိ ဝ႗ဒုကၡေတာ မုစၥိတုကာေမဟိ ပဗၺဇိတဗၺေတာ ပဋိပဇၨိတဗၺေတာ ပဒံ။ ေသာကေဟတူနံ အဘာဝေတာ ေသာကာဘာဝေတာ စ အေသာကံ။ သပတၱကရဓမၼာဘာဝေတာ အသပတၱံ။ ကိေလသသမၺာဓာဘာဝေတာ အသမၺာဓံ။ ခလိတသခၤါတာနံ ဒုစၥရိတာနံ အဘာေဝန အခလိတံ။ အတၱာႏုဝါဒါဒိဘယာနံ ဝ႗ဘယႆ စ သဗၺေသာ အဘာဝါ အဘယံ။ ဒုကၡဴပတာပႆ ကိေလသႆာပိ အဘာေဝန နိ႐ုပတာပံ။ သဗၺေမတံ အမတမဟာနိဗၺာနေမဝ သႏၶာယ ဝဒတိ။ တဥႇိ သာ အႏုႆဝါဒိသိေဒၶန အာကာေရန အတၱေနာ ဥပ႒ဟႏၲီ ေတသံ ပစၥကၡေတာ ဒေႆႏၲီ ဝိယ ''ဣဒ''ႏၲိ အေဝါစ။
အဝိဂတမိဒံ ဗဟူဟိ အမတႏၲိ ဣဒံ အမတံ နိဗၺာနံ ဗဟူဟိ အနႏၲအပရိမာေဏဟိ ဗုဒၶါဒီဟိ အရိေယဟိ အဓိဂတံ ဉာတံ အတၱေနာ ပစၥကၡံ ကတံ။ န ေကဝလံ ေတဟိ အဓိဂတေမဝ သႏၶာယ ဝဒတိ၊ အထ ေခါ အဇၨာပိ စ လဘနီယံ ဣဒါနိပိ အဓိဂမနီယံ အဓိဂႏၲဳံ သကၠာ။ ေကန လဘနီယႏၲိ အာဟ ''ေယာ ေယာနိေသာ ပယုၪၨတီ''တိ၊ ေယာ ပုဂၢေလာ ေယာနိေသာ ဥပါေယန သတၳာရာ ဒိႏၷၾသဝါေဒ ဌတြာ ယုၪၨတိ သမၼာပေယာဂၪၥ ကေရာတိ၊ ေတန လဘနီယႏၲိ ေယာဇနာ။ န စ သကၠာ အဃဋမာေနနာတိ ေယာ ပန ေယာနိေသာ န ပယုၪၨတိ၊ ေတန အဃဋမာေနန န စ သကၠာ၊ ကဒါစိပိ လဒၶဳံ န သကၠာေယဝါတိ အေတၳာ။
ဧဝံ ဘဏတိ သုေမဓာတိ ဧဝံ ဝုတၱပၸကာေရန သုေမဓာ ရာဇကညာ သံသာေရ အတၱေနာ သံေဝဂဒီပနႎ ကာေမသု နိေဗၺဓဘာဂိနႎ ဓမၼကထံ ကေထတိ။ သခၤါရဂေတ ရတႎ အလဘမာနာတိ အဏုမေတၱပိ သခၤါရပဝေတၱ အဘိရတႎ အဝိႏၵႏၲီ။ အႏုေနႏၲီ အနိကရတၱႏၲိ အနိကရတၱံ ရာဇာနံ သညာေပႏၲီ။ ေကေသ စ ဆမံ ခိပီတိ အတၱေနာ ခေဂၢန ဆိေႏၷ ေကေသ စ ဘူမိယံ ခိပိ ဆေၮသိ။
ယာစတႆာ ပိတရံ ေသာတိ ေသာ အနိကရေတၱာ အႆာ သုေမဓာယ ပိတရံ ေကာၪၥရာဇာနံ ယာစတိ။ ကိႏၲိ ယာစတီတိ အာဟ ''ဝိႆေဇၨထ သုေမဓံ၊ ပဗၺဇိတုံ ဝိေမာကၡသစၥဒႆာ''တိ၊ သုေမဓံ ရာဇပုတၱႎ ပဗၺဇိတုံ ဝိႆေဇၨထ၊ သာ စ ပဗၺဇိတြာ ဝိေမာကၡသစၥဒႆာ အဝိပရီတနိဗၺာနဒႆာဝိနီ ေဟာတူတိ အေတၳာ။
ေသာကဘယဘီတာတိ (ေထရီဂါထာ၊႒၊၂၉၉ ဉာတိဝိေယာဂါဒိေဟတုေတာ သဗၺသၼာပိ သံသာရဘယေတာ ဘီတာ ဉာဏုတၱရဝေသန ဥၾတာသိတာ။ သိကၡမာနာယာတိ သိကၡမာနာယ သမာနာယ ဆ အဘိညာ သစၧိကတာ၊ တေတာ ဧဝ အဂၢဖလံ အရဟတၱံ သစၧိကတံ။
အစၧရိယမဗ႓ဳတံ တံ၊ နိဗၺာနံ အာသိ ရာဇကညာယာတိ ရာဇပုတၱိယာ သုေမဓာယ ကိေလေသဟိ ပရိနိဗၺာနံ အစၧရိယံ အဗ႓ဳတၪၥ အာသိ။ ဆဠဘိညာဝ သိဒၶိယာ ကထႏၲိ ေစ ပုေဗၺနိဝါသစရိတံ၊ ယထာ ဗ်ာကရိ ပစၧိေမ ကာေလတိ၊ ပစၧိေမ ခႏၶပရိနိဗၺာနကာေလ အတၱေနာ ပုေဗၺနိဝါသပရိယာပႏၷစရိတံ ယထာ ဗ်ာကာသိ၊ တထာ တံ ဇာနိတဗၺႏၲိ။
ပုေဗၺနိဝါသံ ပန တာယ ယထာ ဗ်ာကတံ၊ တံ ဒေႆတုံ ''ဘဂဝတိ ေကာဏာဂမေန''တိအာဒိ ဝုတၱံ။ တတၳ ဘဂဝတိ ေကာဏာဂမေနတိ ေကာဏာဂမေန သမၼာသမၺဳေဒၶ ေလာေက ဥပၸေႏၷ။ သံဃာရာမမွိ နဝနိေဝသမွီတိ သံဃံ ဥဒၵိႆ အဘိနဝနိေဝသိေတ အာရာေမ။ သခိေယာ တိေႆာ ဇနိေယာ၊ ဝိဟာရဒါနံ အဒါသိမွာတိ ဓနၪၨာနီ ေခမာ အဟၪၥာတိ မယံ တိေႆာ သခိေယာ အာရာမံ သံဃႆ ဝိဟာရဒါနံ အဒမွ။
ဒသကၡတၱဳံ သတကၡတၱဳႏၲိ တႆ ဝိဟာရဒါနႆ အာႏုဘာေဝန ဒသဝါေရ ေဒေဝသု ဥပပဇိမွ၊ တေတာ မႏုေႆသု ဥပပဇၨိတြာ ပုန သတကၡတၱဳံ ေဒေဝသု ဥပပဇၨိမွ၊ တေတာပိ မႏုေႆသု ဥပပဇၨိတြာ ပုန ဒသသတကၡတၱဳံ သဟႆဝါရံ ေဒေဝသု ဥပပဇၨိမွ၊ တေတာပိ မႏုေႆသု ဥပပဇၨိတြာ ပုန သတာနိ သတကၡတၱဳံ ဒသသဟႆဝါေရ ေဒေဝသု ဥပပဇၨိမွ၊ ေကာ ပန ဝါေဒါ မႏုေႆသု။ ဧဝံ မႏုေႆသု ဥပၸႏၷဝါေရသု ကထာဝ နတၳိ၊ အေနကသဟႆဝါရံ ဥပပဇၨိမွာတိ အေတၳာ။
ေဒေဝသု မဟိဒၶိကာ အဟုမွာတိ ေဒေဝသု ဥပပႏၷကာေလ တသၼႎ တသၼႎ ေဒဝနိကာေယ မဟိဒၶိကာ မဟာႏုဘာဝါ အဟုမွ။ မာႏုသကမွိ ေကာ ပန ဝါေဒါတိ မႏုႆတၱလာေဘ မဟိဒၶိကတာယ ကထာဝ နတၳိ။ ဣဒါနိ တေမဝ မႏုႆတၱဘာေဝ ဥကၠံသတံ မဟိဒၶိကတံ ဒေႆႏၲီ ''သတၱရတနႆ မေဟသီ၊ ဣတၳိရတနံ အဟံ အာသိ''ႏၲိ အာဟ။ တတၳ စကၠရတနာဒီနိ သတၱ ရတနာနိ ဧတႆ သႏၲီတိ သတၱရတေနာ၊ စကၠဝတၱီ၊ တႆ သတၱရတနႆ။ ဆေဒါသရဟိတာ (ေထရီဂါထာ၊႒၊၃ဝဝ ပၪၥကလ်ာဏာ အတိကၠႏၲမႏုႆဝဏၰာ အပတၱဒိဗၺဝဏၰာတိ ဧဝမာဒိဂုဏသမႏၷာဂေမန ဣတၳီသု ရတနဘူတာ အဟံ အေဟာသႎ။
ေသာ ေဟတူတိ ယံ တံ ေကာဏာဂမနႆ ဘဂဝေတာ ကာေလ သံဃႆ ဝိဟာရဒါနံ ကတံ၊ ေသာ ယထာဝုတၱာယ ဒိဗၺသမၸတၱိယာ စ ေဟတု။ ေသာ ပဘေဝါ တံ မူလႏၲိ တေႆဝ ပရိယာယဝစနံ။ သာဝ သာသေန ခႏၲီတိ သာ ဧဝ ဣဓ သတၳဳသာသေန ဓေမၼ နိဇၩာနကၡႏၲီ။ တံ ပဌမသေမာဓာနႏၲိ တေဒဝ သတၳဳသာသနဓေမၼန ပဌမံ သေမာဓာနံ ပဌေမာ သမာဂေမာ၊ တေဒဝ သတၳဳသာသနဓေမၼ အဘိရတာယ ပရိေယာသာေန နိဗၺာနႏၲိ ဖလူပစာေရန ကာရဏံ ဝဒတိ။ ဣမာ ပန စတေႆာ ဂါထာ ေထရိယာ အပဒါနႆ ဝိဘာဝနဝေသန ပဝတၱတၱာ အပဒါနပါဠိယမၸိ သဂၤဟံ အာေရာပိတာ။
ၾသသာနဂါထာယ ဧဝံ ကေရာႏၲီတိ ယထာ မယာ ပုရိမတၱဘာေဝ ဧတရဟိ စ ကတံ ပဋိပႏၷံ၊ ဧဝံ အေညပိ ကေရာႏၲိ ပဋိပဇၨႏၲိ။ ေက ဧဝံ ကေရာႏၲီတိ အာဟ -- ''ေယ သဒၵဟႏၲိ ဝစနံ အေနာမပညႆာ''တိ၊ ေဉယ်ပရိယႏၲိကဉာဏတာယ ပရိပုဏၰပညႆ သမၼာသမၺဳဒၶႆ ဝစနံ ေယ ပုဂၢလာ သဒၵဟႏၲိ ''ဧဝေမတ''ႏၲိ ၾသကပၸႏၲိ၊ ေတ ဧဝံ ကေရာႏၲိ ပဋိပဇၨႏၲိ။ ဣဒါနိ တာယ ဥကၠံသဂတာယ ပဋိပတၱိယာ တံ ဒေႆတုံ ''နိဗၺိႏၵႏၲိ ဘဝဂေတ၊ နိဗၺိႏၵိတြာ ဝိရဇၨႏၲီ''တိ ဝုတၱံ။ တႆေတၳာ -- ေယ ဘဂဝေတာ ဝစနံ ယာထာဝေတာ သဒၵဟႏၲိ၊ ေတ ဝိသုဒၶိပဋိပဒံ ပဋိပဇၨႏၲာ သဗၺသၼႎ ဘဝဂေတ ေတဘူမေက သခၤါေရ ဝိပႆနာပညာယ နိဗၺိႏၵႏၲိ၊ နိဗၺိႏၵိတြာ စ ပန အရိယမေဂၢန သဗၺေသာ ဝိရဇၨႏၲိ၊ သဗၺသၼာပိ ဘဝဂတာ ဝိမုစၥႏၲီတိ အေတၳာ။ ဝိရာေဂ အရိယမေဂၢ အဓိဂေတ ဝိမုတၱာေယဝ ေဟာႏၲီတိ။
ဧဝေမတာ ေထရိကာဒေယာ သုေမဓာပရိေယာသာနာ ဂါထာသဘာေဂန ဣဓ ဧကဇၩံ သဂၤဟံ အာ႐ူဠႇာ ''တိသတၱတိပရိမာဏာ''တိ။ ဘာဏဝါရေတာ ပန ဒြါဓိကာ ဆသတမတၱာ ေထရိေယာ ဂါထာ စ။ တာ သဗၺာပိ ယထာ သမၼာသမၺဳဒၶႆ သာဝိကာဘာေဝန ဧကဝိဓာ၊ တထာ အေသခဘာေဝန ဥကၡိတၱပလိဃတာယ သံကိဏၰပရိကၡတာယ အဗၺဴေဠႇသိကတာယ နိရဂၢလတာယ ပႏၷဘာရတာယ ဝိသညဳတၱတာယ ဒသသု အရိယဝါေသသု ဝု႒ဝါသတာယ စ၊ တထာ ဟိ တာ ပၪၥဂၤဝိပၸဟီနာ ဆဠဂၤသမႏၷာဂတာ ဧကာရကၡာ စတုရာပေႆနာ (ေထရီဂါထာ၊႒၊၃ဝ၁ ပဏုႏၷပေစၥကသစၥာ သမဝယသေ႒သနာ အနာဝိလသကၤပၸါ ပႆဒၶကာယသခၤါရာ သုဝိမုတၱစိတၱာ သုဝိမုတၱပညာ စာတိ ဧဝမာဒိနာ (ဒီ၊ နိ၊ ၃။၃၆ဝ) နေယန ဧကဝိဓာ။
သမၼဳခါပရမၼဳခါေဘဒေတာ ဒုဝိဓာ။ ယာ ဟိ သတၳဳဓရမာနကာေလ အရိယာယ ဇာတိယာ ဇာတာ မဟာပဇာပတိေဂါတမိအာဒေယာ၊ တာ သမၼဳခါသာဝိကာ နာမ။ ယာ ပန ဘဂဝေတာ ခႏၶပရိနိဗၺာနေတာ ပစၧာ အဓိဂတဝိေသသာ၊ တာ သတိပိ သတၳဳဓမၼသရီရႆ ပစၥကၡဘာေဝ သတၳဳသရီရႆ အပစၥကၡဘာဝေတာ ပရမၼဳခါသာဝိကာ နာမ။ တထာ ဥဘေတာဘာဂဝိမုတၱိပညာဝိမုတၱိတာဝေသန။ ဣဓ ပါဠိယာဂတာ ပန ဥဘေတာဘာဂဝိမုတၱာေယဝ။ တထာ သာပဒါနနာပဒါနေဘဒေတာ။ ယာသဥႇိ ပုရိေမသု သမၼာသမၺဳေဒၶသု ပေစၥကဗုေဒၶသု သာဝကဗုေဒၶသု ဝါ ပုညကိရိယာဝေသန ကတာဓိကာရတာသခၤါတံ အတၳိ အပဒါနံ၊ တာ သာပဒါနာ။ ယာသံ တံ နတၳိ၊ တာ နာပဒါနာ။ တထာ သတၳဳလဒၶဴပသမၸဒါ သံဃေတာ လဒၶဴပသမၸဒါတိ ဒုဝိဓာ။ ဂ႐ုဓမၼပဋိဂၢဟဏမွိ လဒၶဴပသမၸဒါ မဟာပဇာပတိေဂါတမီ သတၳဳသႏၲိကာဝ လဒၶဴပသမၸဒတၱာ သတၳဳလဒၶဴပသမၸဒါ နာမ။ ေသသာ သဗၺာပိ သံဃေတာ လဒၶဴပသမၸဒါ။ တာပိ ဧကေတာဥပသမၸႏၷာ ဥဘေတာဥပသမၸႏၷာတိ ဒုဝိဓာ။ တတၳ ယာ တာ မဟာပဇာပတိေဂါတမိယာ သဒၶႎ နိကၡႏၲာ ပၪၥသတာ သာကိယာနိေယာ၊ တာ ဧကေတာဥပသမၸႏၷာ ဘိကၡဳသံဃေတာ ဧဝ လဒၶဴပသမၸဒတၱာ မဟာပဇာပတိေဂါတမႎ ဌေပတြာ။ ဣတရာ ဥဘေတာဥပသမၸႏၷာ ဥဘေတာသံေဃ ဥပသမၸဒတၱာ။
ဧဟိဘိကၡဳဒုေကာ ဝိယ ဧဟိဘိကၡဳနိဒုေကာ ဣဓ န လဗ႓တိ။ ကသၼာ? ဘိကၡဳနီနံ တထာ ဥပသမၸဒါယ အဘာဝေတာ။ ယဒိ ဧဝံ ယံ တံ ေထရိဂါထာယ သုဘဒၵါယ ကု႑လေကသာယ ဝုတၱံ --
''နိဟစၥ ဇာဏုံ ဝႏၵိတြာ၊ သမၼဳခါ အၪၨလႎ အကံ။
ဧဟိ ဘေဒၵတိ မံ အဝစ၊ သာ ေမ အာသူပသမၸဒါ''တိ။ (ေထရီဂါ၊ ၁ဝ၉)။
တထာ အပဒါေနပိ --
''အာယာစိေတာ တဒါ အာဟ၊ ဧဟိ ဘေဒၵတိ နာယေကာ။
တဒါဟံ ဥပသမၸႏၷာ၊ ပရိတၱံ ေတာယမဒၵသ''ႏၲိ။ (အပ၊ ေထရီ ၂။၃။၄၄)။
တံ (ေထရီဂါထာ၊႒၊၃ဝ၂ ကထႏၲိ? နယိဒံ ဧဟိဘိကၡဳနိဘာေဝန ဥပသမၸဒံ သႏၶာယ ဝုတၱံ။ ဥပသမၸဒါယ ပန ေဟတုဘာဝေတာ ယာ သတၳဳ အာဏတၱိ၊ သာ ေမ အာသူပသမၸဒါတိ ဝုတၱံ။
တထာ ဟိ ဝုတၱံ အ႒ကထာယံ ''ဧဟိ၊ ဘေဒၵ၊ ဘိကၡဳႏုပႆယံ ဂႏ႖ာ ဘိကၡဳနီနံ သႏၲိေက ပဗၺဇၨ ဥပသမၸဇၨႆူတိ မံ အေဝါစ အာဏာေပသိ။ သာ သတၳဳ အာဏာ မယွံ ဥပသမၸဒါယ ကာရဏတၱာ ဥပသမၸဒါ အေဟာသီ''တိ။ ဧေတေနဝ အပဒါနဂါထာယပိ အေတၳာ သံဝဏၰိေတာတိ ဒ႒ေဗၺာ။
ဧဝမၸိ ဘိကၡဳနိဝိဘေဂၤ ဧဟိ ဘိကၡဳနီတိ ဣဒံ ကထႏၲိ? ဧဟိဘိကၡဳနိဘာေဝန ဘိကၡဳနီနံ ဥပသမၸဒါယ အသဘာဝေဇာတနဝစနံ တထာ ဥပသမၸဒါယ ဘိကၡဳနီနံ အဘာဝေတာ။ ယဒိ ဧဝံ၊ ကထံ ဧဟိဘိကၡဳနီတိ ဝိဘေဂၤ နိေဒၵေသာ ကေတာတိ? ေဒသနာနယေသာတပတိတဘာေဝန။ အယဥႇိ ေသာတပတိတတာ နာမ ကတၳစိ လဗ႓မာနႆာပိ အနာဟဋံ ေဟာတိ။
ယထာ အဘိဓေမၼ မေနာဓာတုနိေဒၵေသ (ဓ၊ သ၊ ၅၆၆-၅၆၇) လဗ႓မာနမၸိ စ်ာနဂႍ ပၪၥဝိညာဏေသာတပတိတတာယ န ဥဒၶဋံ ကတၳစိ ေဒသနာယ အသမ႓ဝေတာ။ ယထာ တေတၳဝ ဝတၳဳနိေဒၵေသ ဟဒယဝတၳဳ၊ ကတၳစိ အလဗ႓မာနႆာပိ ဂဟဏဝေသန။ တထာ ဌိတကပၸိနိေဒၵေသ။ ယထာဟ --
''ကတေမာ စ ပုဂၢေလာ ဌိတကပၸီ? အယၪၥ ပုဂၢေလာ ေသာတာပတၱိဖလသစၧိကိရိယာယ ပဋိပေႏၷာ အႆ၊ ကပၸႆ စ ဥၮယွနေဝလာ အႆ၊ ေနဝ တာဝ ကေပၸါ ဥၮေယွယ်၊ ယာဝါယံ ပုဂၢေလာ န ေသာတာပတၱိဖလံ သစၧိကေရာတီ''တိ (ပု၊ ပ၊ ၁၇)။
ဧဝမိဓာပိ အလဗ႓မာနဂဟဏဝေသန ေဝဒိတဗၺံ၊ ပရိကပၸဝစနေဥႇတံ သေစ ဘဂဝါ ဘိကၡဳနိဘာဝေယာဂ်ံ ကၪၥိ မာတုဂါမံ ဧဟိ ဘိကၡဳနီတိ ဝေဒယ်၊ ဧဝမၸိ ဘိကၡဳနိဘာေဝါ သိယာတိ။ ကသၼာ ပန ဘဂဝါ ဧဝံ န ကေထသီတိ? တထာ ကတာဓိကာရာနံ အဘာဝေတာ။ ေယ ပန ''အနာသႏၷသႏၷိဟိတဘာဝေတာ''တိ ကာရဏံ ဝတြာ ''ဘိကၡဴ ဧဝ ဟိ သတၳဳ အာသႏၷစာရီ သဒါ သႏၷိဟိတာဝ၊ တသၼာ ေတ 'ဧဟိဘိကၡဴ'တိ ဝတၱဗၺတံ အရဟႏၲိ၊ န ဘိကၡဳနိေယာ''တိ ဝဒႏၲိ၊ တံ ေတသံ မတိမတၱံ။ သတၳဳ အာသႏၷဒူရဘာဝႆ ဘဗၺာဘဗၺဘာဝါသိဒၶတၱာ။ ဝုတၱေဥႇတံ ဘဂဝတာ --
''သံဃာဋိကေဏၰ (ေထရီဂါထာ၊႒၊၃ဝ၃ ေစပိ၊ ဘိကၡေဝ၊ ဘိကၡဳ ဂေဟတြာ ပိ႒ိေတာ ပိ႒ိေတာ အႏုဗေႏၶာ အႆ ပေဒ ပဒံ နိကၡိပေႏၲာ၊ ေသာ စ ေဟာတိ အဘိဇၩာလု ကာေမသု တိဗၺသာရာေဂါ ဗ်ာပႏၷစိေတၱာ ပဒု႒မနသကၤေပၸါ မု႒ႆတိ အသမၸဇာေနာ အသမာဟိေတာ ဝိဗ႓ႏၲစိေတၱာ ပါကတိႁႏၵိေယာ၊ အထ ေခါ ေသာ အာရကာဝ မယွံ၊ အဟၪၥ တႆ။ တံ ကိႆ ေဟတု? ဓမၼဥႇိ ေသာ၊ ဘိကၡေဝ၊ ဘိကၡဳ န ပႆတိ၊ ဓမၼံ အပႆေႏၲာ န မံ ပႆတိ။
''ေယာဇနသေတ ေစပိ ေသာ၊ ဘိကၡေဝ၊ ဘိကၡဳ ဝိဟေရယ်။ ေသာ စ ေဟာတိ အနဘိဇၩာလု ကာေမသု န တိဗၺသာရာေဂါ အဗ်ာပႏၷစိေတၱာ အပၸဒု႒မနသကၤေပၸါ ဥပ႒ိတႆတိ သမၸဇာေနာ သမာဟိေတာ ဧကဂၢစိေတၱာ သံဝုတိႁႏၵိေယာ၊ အထ ေခါ ေသာ သႏၲိေကဝ မယွံ၊ အဟၪၥ တႆ။ တံ ကိႆ ေဟတု? ဓမၼဥႇိ ေသာ၊ ဘိကၡေဝ၊ ဘိကၡဳ ပႆတိ၊ ဓမၼံ ပႆေႏၲာ မံ ပႆတီ''တိ (ဣတိဝု၊ ၉၂)။
တသၼာ အကာရဏံ ေဒသေတာ သတၳဳ အာသႏၷာနာသႏၷတာ။ အကတာဓိကာရတာယ ပန ဘိကၡဳနီနံ တတၳ အေယာဂ်တာ။ ေတန ဝုတၱံ -- ''ဧဟိဘိကၡဳနိဒုေကာ ဣဓ န လဗ႓တီ''တိ။ ဧဝံ ဒုဝိဓာ။
အဂၢသာဝိကာ၊ မဟာသာဝိကာ၊ ပကတိသာဝိကာတိ တိဝိဓာ။ တတၳ ေခမာ၊ ဥပၸလဝဏၰာတိ ဣမာ ေဒြ ေထရိေယာ အဂၢသာဝိကာ နာမ။ ကာမံ သဗၺာပိ ခီဏာသဝေတၳရိေယာ သီလသုဒၶိအာဒိေက သမၸာေဒႏၲိေယာ စတူသု သတိပ႒ာေနသု သုပ႒ိတစိတၱာ သတၱေဗာဇၩေဂၤ ယထာဘူတံ ဘာေဝတြာ မဂၢပဋိပါဋိယာ အနဝေသသေတာ ကိေလေသ ေခေပတြာ အဂၢဖေလ ပတိ႒ဟႏၲိ။ တထာပိ ယထာ သဒၶါဝိမုတၱေတာ ဒိ႒ိပၸတၱႆ ပညာဝိမုတၱေတာ စ ဥဘေတာဘာဂဝိမုတၱႆ ပုဗၺဘာဂဘာဝနာဝိေသသသိေဒၶါ ဣစၧိေတာ ဝိေသေသာ၊ ဧဝံ အဘိနီဟာရမဟႏၲတာပုဗၺေယာဂမဟႏၲတာဟိသသႏၲာေန သာတိသယဂုဏဝိေသသႆ နိပၹာဒိတတၱာ သီလာဒီဟိ ဂုေဏဟိ မဟႏၲာ သာဝိကာတိ မဟာသာဝိကာ။ ေတသုေယဝ ပန ေဗာဓိပကၡိယဓေမၼသု ပါေမာကၡဘာေဝန ဓုရဘူတာနံ သမၼာဒိ႒ိသမၼာသမာဓီနံ သာတိသယကိစၥာႏုဘာဝနိဗၺတၱိယာ ကာရဏဘူတာယ တဇၨာဘိနီဟာရတာယ သကၠစၥံ နိရႏၲရံ စိရကာလသမ႓ဴတာယ သမၼာပဋိပတၱိယာ ယထာကၠမံ ပညာယ သမာဓိမွိ စ ဥကၠံသပါရမိပၸတၱိယာ သဝိေသသံ (ေထရီဂါထာ၊႒၊၃ဝ၄ သဗၺဂုေဏဟိ အဂၢဘာေဝ ဌိတတၱာ တာ ေဒြပိ အဂၢသာဝိကာ နာမ။ မဟာပဇာပတိေဂါတမိအာဒေယာ ပန အဘိနီဟာရမဟႏၲတာယ ပုဗၺေယာဂမဟႏၲတာယ စ ပဋိလဒၶဂုဏဝိေသသဝေသန မဟတိေယာ သာဝိကာတိ မဟာသာဝိကာ နာမ။ ဣတရာ ေထရိကာ တိႆာ ဝီရာ ဓီရာတိ ဧဝမာဒိကာ အဘိနီဟာရမဟႏၲတာဒီနံ အဘာေဝန ပကတိသာဝိကာ နာမ။ တာ ပန အဂၢသာဝိကာ ဝိယ မဟာသာဝိကာ ဝိယ စ န ပရိမိတာ၊ အထ ေခါ အေနကသတာနိ အေနကသဟႆာနိ ေဝဒိတဗၺာနိ။ ဧဝံ အဂၢသာဝိကာဒိေဘဒေတာ တိဝိဓာ။ တထာ သုညတဝိေမာကၡာဒိေဘဒေတာ တိဝိဓာ။
ပဋိပဒါဒိဝိဘာေဂန စတုဗၺိဓာ။ ဣႁႏၵိယာဓိကဝိဘာေဂန ပၪၥဝိဓာ။ တထာ ပဋိပတၱိယာဒိဝိဘာေဂန ပၪၥဝိဓာ။ အနိမိတၱဝိမုတၱာဒိဝေသန ဆဗၺိဓာ။ အဓိမုတၱိေဘေဒန သတၱဝိဓာ။ ဓုရပဋိပဒါဒိဝိဘာေဂန အ႒ဝိဓာ။ ဝိမုတၱိဝိဘာေဂန နဝဝိဓာ ဒသဝိဓာ စ။ တာ ပေနတာ ယထာဝုေတၱန ဓုရေဘေဒန ဝိဘဇၨမာနာ ဝီသတိ ေဟာႏၲိ၊ ပဋိပဒါဝိဘာေဂန ဝိဘဇၨမာနာ စတၱာလီသ ေဟာႏၲိ။ ပုန ပဋိပဒါေဘေဒန ဓုရေဘေဒန ဝိဘဇၨမာနာ အသီတိ ေဟာႏၲိ။ အထ ဝါ သုညတာဝိမုတၱာဒိဝိဘာေဂန ဝိဘဇၨမာနာ စတၱာလီသာဓိကာနိ ေဒြသတာနိ ေဟာႏၲိ။ ပုန ဣႁႏၵိယာဓိကဝိဘာေဂန ဝိဘဇၨမာနာ ဒြိသတုတၱရသဟႆံ ေဟာႏၲီတိ။ ဧဝေမတာသံ ေထရီနံ အတၱေနာ ဂုဏဝေသေနဝ အေနကေဘဒဘိႏၷတာ ေဝဒိတဗၺာ။ အယေမတၳ သေခၤေပါ၊ ဝိတၳာေရာ ပန ေဟ႒ာ ေထရဂါထာသံဝဏၰနာယံ ဝုတၱနေယေနဝ ဂေဟတေဗၺာတိ။
သုေမဓာေထရီဂါထာဝဏၰနာ နိ႒ိတာ။
မဟာနိပါတဝဏၰနာ နိ႒ိတာ။
နိဂမနဂါထာ
ဧတၱာဝတာ (ေထရီဂါထာ၊႒၊၃ဝ၅ စ --
''ေယ ေတ သမၸႏၷသဒၶမၼာ၊ ဓမၼရာဇႆ သတၳဳေနာ။
ၾသရသာ မုခဇာ ပုတၱာ၊ ဒါယာဒါ ဓမၼနိမၼိတာ။
''သီလာဒိဂုဏသမၸႏၷာ၊ ကတကိစၥာ အနာသဝါ။
သုဘူတိအာဒေယာ ေထရာ၊ ေထရိေယာ ေထရိကာဒေယာ။
''ေတဟိ ယာ ဘာသိတာ ဂါထာ၊ အညဗ်ာကရဏာဒိနာ။
တာ သဗၺာ ဧကေတာ ကတြာ၊ ေထရဂါထာတိ သဂၤဟံ။
''အာေရာေပသုံ မဟာေထရာ၊ ေထရီဂါထာတိ တာဒိေနာ။
တာသံ အတၳံ ပကာေသတုံ၊ ေပါရာဏ႒ကထာနယံ။
''နိႆာယ ယာ သမာရဒၶါ၊ အတၳသံဝဏၰနာ မယာ။
သာ တတၳ ပရမတၳာနံ၊ တတၳ တတၳ ယထာရဟံ။
''ပကာသနာ ပရမတၳဒီပနီ၊ နာမ နာမေတာ။
သမၸတၱာ ပရိနိ႒ာနံ၊ အနာကုလဝိနိစၧယာ။
ဒြါနဝုတိပရိမာဏာ၊ ပါဠိယာ ဘာဏဝါရေတာ။
''ဣတိ တံ သခၤေရာေႏၲန၊ ယံ တံ အဓိဂတံ မယာ။
ပုညံ တႆာႏုဘာေဝန၊ ေလာကနာထႆ သာသနံ။
''ၾသဂါေဟတြာ ဝိသုဒၶါယ၊ သီလာဒိပဋိပတၱိယာ။
သေဗၺပိ ေဒဟိေနာ ေဟာႏၲဳ၊ ဝိမုတၱိရသဘာဂိေနာ။
''စိရံ တိ႒တု ေလာကသၼႎ၊ သမၼာသမၺဳဒၶသာသနံ။
တသၼႎ သဂါရဝါ နိစၥံ၊ ေဟာႏၲဳ သေဗၺပိ ပါဏိေနာ။
''သမၼာ ဝႆတု ကာေလန၊ ေဒေဝါပိ ဇဂတီပတိ။
သဒၶမၼနိရေတာ ေလာကံ၊ ဓေမၼေနဝ ပသာသတူ''တိ။
ဗဒရတိတၳဝိဟာရဝါသိနာ အာစရိယဓမၼပါလေတၳေရန
ကတာ
ေထရီဂါထာနံ အတၳသံဝဏၰနာ နိ႒ိတာ။
ေထရီဂါထာ-အ႒ကထာ နိ႒ိတာ။

0 comments:

လာလည္ၾကသူမ်ား

ဤဘေလာ့ဂ္၏ ရည္ရြယ္ခ်က္

ယခုအခါ ကမၻာတလႊားတြင္ရွိေနၾကေသာ ဓမၼဘေလာ့ဂ္ဂါမ်ားသည္ ေန ့စဥ္ႏွင့္ အမွ် အင္တာနက္ စာမ်က္ႏွာမ်ား ေပၚတြင္ ဓမၼႏွင့္သက္ဆိုင္ေသာ အေၾကာင္းအရာ အမ်ိဳးမ်ိဳးကို ပို ့စ္မ်ားေရးတင္လ်က္ ရွိေနၾကပါသည္။

ဘေလာ့ဂ္ဂါမ်ားမွ မိမိတို ့၏ကိုယ္ပိုင္ စာမ်က္ႏွာမ်ားမွတဆင့္ ေရးတင္ေနၾကသျဖင့္ ဖတ္ရႈေလ့လာသူမ်ားအတြက္ ေနရာမ်ားစြာသို ့ သြားေရာက္ ဖတ္ရႈေနၾကရပါသည္။

ထို ့ေၾကာင့္ စာဖတ္သူမ်ား အခ်ိန္ကုန္သက္သာေစရန္ႏွင့္ မိမိတို ့ ဖတ္ရႈလိုရာကို လြယ္လင့္တကူ ရွာေဖြနိဳင္ရန္ ေန ့စဥ္ေရးသား ေနၾကေသာ အေၾကာင္းအရာမ်ားကို တေနရာတည္းတြင္ စုစည္းေပးလိုေသာ ရည္ရြယ္ခ်က္ျဖင့္ ဤဘေလာ့ဂ္ကို စီစဥ္လိုက္ျခင္းျဖစ္ပါသည္။

ေျပာခ်င္တာမ်ားရွိရင္ ေရးေပးထားခဲ့ပါ

ျမန္မာျပကၡဒိန္

ျမန္မာျပကၡဒိန္
www.burmeseclassic.com မွ ကူးယူေဖာ္ျပပါသည္။

  © Blogger templates The Professional Template by Ourblogtemplates.com 2008

Back to TOP