အပိုင်း(၂၁)၊ ကန္နီမြို့စွယ်တော်တိုက်

Friday, 09 September 2011 06:32

အပိုင်း(၂၁)၊ ကန္နီမြို့စွယ်တော်တိုက် စာရေးသူတို့အဖွဲ့သည် အနုရာဓပူရမြို့အနီးတစ်ဝိုက်၌ရှိသော စေတီပုထိုးရုပ်ပွါးတော်များ၊ ပေါလိုနာရုဝမြို့ဟောင်းရှိစေတီပုထိုးရုပ်ပွါးတော်များ၊ စတုတ္ထသင်္ဂါယနာတင်ခဲ့ရာ မလယဇနပုဒ်ရှိ အာလောကလိုဏ်ဂူ စသည်တို့ကို လှည့်လည် ပူဇော်ခဲ့ကြပြီး စွယ်တော်ဓာတ်မြတ် ကိန်းဝပ်တည်ရှိရာ ကန္နီမြို့ဆီသို့ ဦးတည်ခဲ့ကြလေသည်။ ကန္နီမြို့သည် တောင်ပေါ်မြို့ကလေးတစ်မြို့ဖြစ်ပြီး သီရိလင်္ကာ၏ ဒုတိယမြို့တော် ဖြစ်၏။ နှင်းခိုးတဝေဝေဖြင့် နေချင့်စဖွယ်ရှိသည့်အပြင် ဗုဒ္ဓ၏စွယ်တော်ဓာတ်မြတ် ကိန်းဝပ်ရာနေရာတစ်ခုဖြစ်သောကြောင့်လည်း ထင်ရှားလှပါ၏။ စာရေးသူတို့အဖွဲ့သည် ကန္နီမြို့မြန်မာကျောင်းတိုက်တွင် ညအိပ်တည်းခိုကြပြီး နောက်တစ်နေ့မနက်စောစော၊ စွယ်တော်မြတ်ကို အရုဏ်ဆွမ်းကပ်လှူပူဇော်ချိန်ကိုမှန်း၍ စွယ်တော်တိုက်ရှိရာသို့ သွားရောက်ပူဇော်ခဲ့ကြရလေသည်။ ဖြူဖွေးသည့်နှင်းမှုံကြားဝယ် ဝတ်စုံဖြူကိုယ်စီဖြင့် အဖြူရောင်ကြာပန်းကို ကိုင်ဆောင်ကာ အဖြူရောင်စွယ်တော်ဓာတ်မြတ်ရှိရာသို့ ဦးတည်သွားလာ နေကြသည့် လင်္ကာသူလင်္ကာသားတို့၏ မျက်နှာများကား အေးချမ်းလှဘိ၏။ အဝေးမှ လှမ်းမြင်နေရသော အဖြူရောင်စွယ်တော်တိုက်သည်လည်း ရောင်စုံမီးလုံးများကြားဝယ် ခန့်ညားထည်ဝါလှဘိ၏။ စာရေးသူတို့အဖွဲ့သည် စွယ်တော်မြတ်ကို သီရိလင်္ကာသို့ပင့်ဆောင်ယူလာခဲ့သော ဒန္ဒကုမာရ မင်းသားနှင့် ဟေမမာလာမင်းသ္မီးတို့ ဇနီးမောင်နှံရုပ်တု၊ အင်္ဂလိပ်အစိုးရ လက်ထက် “စွယ်တော်တိုက်ရှေ့၌ ဗြိတိသျှအလံကို လွှင့်တင်ရာသလော” ဟု အင်္ဂလိပ် အလံကိုဆွဲငင်ဖြုတ်ချပြီး ခြေထောက်ဖြင့်နင်းခြေခဲ့သည့် အရှင်သုမင်္ဂလ၏ ရုပ်ထုတို့ကို ဖြတ်သန်းပြီး စွယ်တော်တိုက်ထဲသို့ ဝင်ရောက်ခဲ့ကြ၏။ စွယ်တော်တိုက်အောက်ထပ်သို့ ဝင်လိုက်လျှင်ပင် တတုံတုံမြည်ဟီးသည့် ရိုးရာဗုံသံ၊ နှဲသံတို့ကိုကြားကြရ၏။ အပေါ်ထပ်သို့တက်ရောက်လိုက်လျှင်ကား စွယ်တော်မြတ် ကိန်းဝပ် တော်မူရာ ဂန္ဓကုဋီတိုက်ရှေ့တွင် ဆွမ်းတော် ပန်းတော်တို့တင်လှူ ပူဇော်နေကြသူများကို ဝမ်းမြောက်ဖွယ်ရာ တွေ့မြင်ကြရလေသည်။ စာရေးသူတို့အဖွဲ့လည်း အသင့်ပါလာသော ကြာပန်းများဖြင့် ဘုရားဂုဏ်တော်ကိုအာရုံပြု ပူဇော်ကြပြီးလျှင် စွယ်တော်မြတ်ကို စောင့်ကြပ်နေကြသည့် ဘုန်းတော်ကြီးများကို ခွင့်ပန်ကာ ဂန္ဓကုဋီတိုက်ထဲသို့ ဝင်ရောက် ခဲ့ကြလေသည်။ သို့ရာတွင် စွယ်တော်မြတ်ကိုကား တိုက်ရိုက်မဖူးခဲ့ကြရ။ စွယ်တော်မြတ်ကို ကျောက်မြက် ရတနာတို့ဖြင့်စီခြယ်ထားသော ဖန်ကျောင်းဆောင်ထဲ၌ ကိန်းဝပ်စေပြီးလျှင် လေးနှစ်မှ တစ်ကြိမ် အပြင်သို့ပင့်ဆောင်ကာ အပူဇော်ခံစေလေ့ရှိကြောင်းသိရ၏။ စင်စစ် စွယ်တော်မြတ်သည် လင်္ကာသားတို့၏ နှလုံးသည်းပွတ်သဖွယ်ဖြစ်ပေရကား လုံခြုံရေးအတွက် အဘက်ဘက်မှ ဟာကွက်မရှိရအောင် စောင့်ရှောက် ထားကြခြင်းသာ ဖြစ်လေသည်။ သီရိလင်္ကာသို့ စွယ်တော်မြတ်ကြွရောက်လာခြင်း သီရိလင်္ကာသို့ စွယ်တော်မြတ်ကြွရောက်လာပုံကားထူးခြားလွန်းလှ၏။ ဘုရားသခင်ပရိနိဗ္ဗာန်ပြုတော်မူ၍ တေဇောဓာတ်လောင်တော်မူလျှင် အရှင်သာရိပုတ္တရာ၏တပည့် 'အရှင်ခေမာ'–မည်သော ရဟန္တာမထေရ်မြတ်သည် အောက်လက်ဝဲစွယ်တော်မြတ်ကိုပင့်ဆောင်ကာ ကလိင်္ဂတိုင်း၊ ဒန္တပူရ ပြည့်ရှင်မင်းအား ပေးအပ်ကိုးကွယ်စေခဲ့လေသည်။ ကလိင်္ဂမင်းအဆက်ဆက်တို့သည် စွယ်တော်မြတ်ကို နှစ်ပေါင်း(၈ဝဝ)ခန့်မျှကြာမြင့်သည့်တိုင်အောင် ကိုးကွယ်ပူဇော်လာခဲ့ကြရာ ဂုဟသီဝမင်းလက်ထက်တိုင်အောင် ရောက်ရှိလာခဲ့လေသည်။ ဂုဟသီဝမင်းသည် ဗုဒ္ဓသာသနာတော်ကိုချီးမြှောက်ပူဇော်တတ်သည့် သီရိလင်္ကာပြည့်ရှင် မဟာသေနမင်းနှင့် ချစ်ခင်ကျွမ်းဝင်ခဲ့သော်လည်း အိမ်နီးချင်း ဟိန္ဒူမင်းတို့နှင့်မူ ပြေလည်ဟန်မတူခဲ့ပေ။ ဟိန္ဒူမင်းတို့နှင့်စစ်မက်ဖြစ်ပွါးလာသောအခါ မိမိအသက်စည်းစိမ်ထက် စွယ်တော်မြတ်ဖျက်ဆီးခံရမည့် အရေးကို တွေးပူလှရှာသောကြောင့် သ္မီးတော်ဟေမမာလာကို အပါးသို့ခေါ်ယူကာ 'သ္မီးတော်၊ အကယ်၍ ဖခင်တို့စစ်ရှုံးမည့်ပုံပေါ်လျှင် သ္မီးတော်နှင့် သမက်တော်တို့သည် စွယ်တော်မြတ်ကို တိတ်တဆိတ်ပင့်ဆောင်၍ သီရိလင်္ကာပြည့်ရှင် မဟာသေနမင်းထံသို့ ထွက်ပြေးတိမ်းရှောင်ကြပါလေ'ဟု လျှို့ဝှက်စွာမှာကြားရှာလေသည်။ ဟေမမာလာတို့ဇနီးမောင်နှံရုပ်တု ဟေမမာလာမင်းသ္မီးသည်လည်း ဖခမည်းတော်တို့ အခြေအနေမဟန်သည်ကိုသိ၍ ခင်ပွန်းဖြစ်သူ ဒန္တမင်းသားနှင့်အတူ စွယ်တော်မြတ်ကို ပင့်ဆောင် ပြီးလျှင် သီရိလင်္ကာသို့ ထွက်ပြေးလာခဲ့ရလေသည်။ ဆင်းရဲသားအသွင်ဖြင့်ထွက်ပြေးလာခဲ့ကြရရှာသော ဟေမမာလာတို့မောင်နှံသည် ကလိင်္ဂ ဆိပ်ကမ်းမှ ရေလမ်းခရီးဖြင့်ထွက်ခွါလာခဲ့ကြရာ သီဟိုဠ်ကျွန်းလင်္ကာပတ္တနားဆိပ်ကမ်းသို့ ရောက်ရှိခဲ့ကြလေသည်။ ထိုမှသည် ခြေလျင်ခရီးကြမ်း နှင်ကြရပြီးမှ အနုရာဓပူရမင်းနေပြည်တော်သို့ ဆိုက်ရောက်ကြလေသည်။ ထိုအချိန်တွင် သီရိလင်္ကာ၌ မဟာသေနမင်းကြီးနတ်ရွာစံပြီး၍ သားတော်ကိတ္တိသီရိမေဃဝဏ္ဏမင်း နန်းတက်နေပြီးဖြစ်၏။ ထိုမင်းသည်လည်း ဖခမည်းတော်နည်းတူ သာသနာတော်ကိုအထူးသက်ဝင်ကြည်ညိုသူဖြစ်ရကား ကြွရောက်တော်မူလာသော စွယ်တော်မြတ်ကို အထူးလေးမြတ်စွာ ကြိုဆိုပူဇော်လေသည်။ အသက်အန္တရာယ်ကြားမှ ခက်ခဲပင်ပန်းစွာပင့်ဆောင်ယူလာပေးသော ဟေမမာလာတို့မောင်နှံအားလည်း အထူးပင် ချီးမြှင့် မြှောက်စားလေသည်။ ကိတ္တိသီရိမေဃဝဏ္ဏမင်းမှသည် ဓမ္မပါလမင်းတိုင်အောင်သော သီဟိုဠ်မင်းအဆက်ဆက်တို့သည် အနုရာဓပူရ, ပေါလိုနာရုဝ စသော မိမိတို့ နန်းမြို့ပြောင်းရွှေ့စိုက်ထူရာ မြို့တော်အသီးသီးဆီသို့ စွယ်တော်မြတ်ကိုပါ တစ်ပါတည်းပြောင်းရွှေ့ပင့်ဆောင် ပူဇော်ခဲ့ကြလေသည်။ ဤသို့ဖြင့် စွယ်တော်မြတ်သည် ပထမဝိမလသူရိယမင်းလက်ထက် (အေဒီ-၁၅၉၁)တွင် လက်ရှိသီတင်းသုံးတော်မူရာ ကန္ဒီမြို့သို့ရောက်ရှိတော်မူခဲ့လေသည်။ စွယ်တော်လှည့်လည်ပူဇော်ပွဲ စွယ်တော်လှည့်လည် ပူဇော်ပွဲတော်ကို ကိတ္တိသီရိရာဇဆင်ဟာမင်းလက်ထက် (အေဒီ-၄ရာစု)မှ စတင်ကာ ကျင်းပလာခဲ့ကြကြောင်း မှတ်တမ်းများကဆိုပါသည်။ သီရိလင်္ကာမင်းအဆက်ဆက်တို့လက်ထက်တော်၌သာမက ဗြိတိသျှမင်းတို့လက်ထက်တွင်လည်း ဆင်နွဲပူဇော်လာခဲ့ကြရာ ဤပွဲတော်သည် အရှေ့တောင်အာရှနိုင်ငံများ၏ ဘာသာရေးပွဲတော်များတွင် အရှည်ကြာအစည်ကားဆုံး ပွဲတော်တစ်ခုဖြစ်လာခဲ့လေသည်။ ပေရာဟာရ (ခေါ်) စွယ်တော်လှည့်လည်ပူဇော်ပွဲတော်ကို နှစ်စဉ် သြဂုတ်လ (သို့မဟုတ်) စက်တင်ဘာလတွင် ဆယ်ရက်တိတိ ကျင်းပပူဇော်လေ့ရှိကြပါသည်။ စွယ်တော်လှည့်လည် အပူဇော်ခံမည့် လမ်းများကိုရေဆေးခြင်း,တံမျက်လှည်းခြင်းတို့ဖြင့် သန့်ရှင်းသပ်ရပ်စွာ ပြင်ဆင်ထားကြရသည်။ စွယ်တော်ကြုပ်မြတ်ကို လှပစွာတန်ဆာဆင်ထားသည့် ရတနာဆင်တော်ပေါ်၌ တင်ဆောင်ပြီး ဆင်စီးရေ (၁ဝဝ) ခန့်မျှဖြင့် ကန္ဒီမြို့ရှိ သတ်မှတ်ထားသည့်လမ်းမကြီးများအတိုင်း လှည့်လည်ပူဇော်ကြခြင်း ဖြစ်ပေသည်။ ည (၈းဝဝ) နာရီကျော်ခန့်တွင် အုံးခနဲမြည်ဟိန်းသည့် ဗြောက်ဖောက်သံကြီး ပေါ်ထွက်လာပြီးနောက် ကြာပွတ်ရိုက်သံတဖြောင်းဖြောင်း ကြားကြရပြီဆိုလျှင် စွယ်တော်လှည့်လည်ပွဲစတင်ပြီဖြစ်ပါသည်။ စိတ်လှုပ်ရှားစွာဖြင့် မျှော်ကြည့်နေကြသည့် လူအုပ်ကြီးကိုလည်း လမ်းဘေးဝဲယာတစ်လျှောက်တွင် တွေ့မြင်နိုင်ကြပေသည်။ မီးကွင်း, မီးဆိုင်းအမျိုးမျိုးဖြင့် အလှကပြလိုက်ပါလာကြသော အဖွဲ့များ, မျောက်ပုံသဏ္ဍာန်, ဥဒေါင်းပုံသဏ္ဍာန်, ရှေးခေတ်လူရိုင်းများသဏ္ဍာန် စသည့်ပုံဟန်မျိုးစုံတို့ဖြင့် ရိုးရာဗုံသံအလိုက် အချက်ကျကျ ကပြလိုက်ပါလာကြသည့် အကအဖွဲ့အသီးသီးတို့ကိုလည်း ရှုချင်စဖွယ်တွေ့မြင်ကြရပေသည်။ ထို့အပြင် တံခွန်, ကုက္ကားများ ကိုင်ဆောင်ထားကြသည့် ဝတ်ဖြူစင်ကြယ်ဝတ် ဥပါသကာအဖွဲ့, သာသနာ့အလံတော်အဖွဲ့ စသည်တို့မှာလည်း ရိုးရိုးယဉ်ယဉ် ဖြူဖြူစင်စင်ဖြင့် ကျက်သရေရှိလှပါသည်။ ဤသို့ဖြင့် ကြည့်ရှု၍မငြီးငွေ့နိုင်လောက်အောင်ရှိလှသည့် စွယ်တော်လှည့်လည်ပူဇော်ပွဲသည် ည(၁၂းဝဝ)နာရီဝန်းကျင်ခန့်တွင်မှ တစ်ညတာအတွက်ပြီးဆုံးခြင်းသို့ရောက်လေသည်။ ထူးခြားသည်မှာ တစ်နိုင်ငံလုံးမှ လာရောက်ကြသည့် လင်္ကာသူ,လင်္ကာသားများ၊ နိုင်ငံခြားတိုင်းပြည်အသီးသီးမှ လာရောက်ကြသည့် ခရီးသွားများဖြင့် 'ကြက်ပျံမကျ'စည်ကားလှသည့် သည်ပွဲတော်ကြီးတွင် မူးယစ်ရမ်းကားနေသူဟူ၍ 'ခွေးတစ်ကောင် ကြောင်တမြီး'မှ မတွေ့ရခြင်းပင်ဖြစ်တော့သည်။ စင်စစ် ဘာသာရေးပွဲတော်များဟူသည်မှာလည်း ထိုသို့ပင် အေးအေးချမ်းချမ်း ကြည်ကြည်လင်လင် ဖြစ်ထိုက်သည်မဟုတ်ပါလော။ အမိနိုင်ငံတော်မှ နှစ်ကျိပ်ရှစ်ဆူ လှည့်လည်ပူဇော်ပွဲများ, ဘုရားပွဲများ, ဘုန်းကြီးပျံပွဲများကိုပင် သတိရမိပါသေးတော့သည်။

Last Updated on Friday, 09 September 2011 09:53