* သဗ္ဗဒါနံ ဓမ္မဒါနံ ဇိနာတိ၊ * သဗ္ဗရသံ ဓမ္မရသော ဇိနာတိ။

* သဗ္ဗဒါနံ ဓမ္မဒါနံ ဇိနာတိ၊     * သဗ္ဗရသံ ဓမ္မရသော ဇိနာတိ။

နမတ္ထု ဗုဒ္ဓါနံ နမတ္ထု ဗောဓိယာ။ နမော ဝိမုတ္တာနံ၊ နမော ဝိမုတ္တိယာ။

ဘုရားရှင်တို့ အား ရှိခိုးပါ၏။
ဘုရားရှင်တို့ ၏ မဂ်ဥာဏ် ဖိုလ်ဥာဏ်အား ရှိခိုးပါ၏။
ကိလေသာတို့ မှ လွတ်မြောက်တော်မူကြသော ဘုရားရှင်တို့ အား ရှိခိုးပါ၏။
ထိုဘုရားရှင်တို့ ၏ ဝိမုတ္တိငါးပါးအား ရှိခိုးပါ၏။

ကရုဏာလက်များ ကမ်းလင့်ပေးပါ...

ကရုဏာလက်များ ကမ်းလင့်ပေးပါ...
စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။

ပညာရေးအလှူတော် နှိုးဆော်ချက်


ရန်ကုန်မြို့ အသောကာရာမ သီလရှင်စာသင်တိုက်မှ နဝမတန်း ဖြေဆိုမည့် သီလရှင် ဆရာလေးများအတွက် ဆရာ၊ ဆရာမများ လစဉ် ထားပေးနိုင်ရန် ပညာရေးအလှူရှင်များ လိုအပ်နေပါသည်။ ရွှေစေတီ ဘုန်းတော်ကြီးသင်ပညာရေးကျောင်းတွင်လည်း ဆင်းရဲနွမ်းပါးသည့် ၉ တန်းနှင့် ၁၀ တန်း ကျောင်းသားများ ကျောင်းအိပ်ကျောင်းစား နေထိုင်ပညာဆည်းပူးနိုင်ရေးအတွက် ကူညီထောက်ပံ့မည့် ကုသိုလ်ရှင်များ လိုအပ်လျက် ရှိပါသည်။ စေတနာရှင် အလှူရှင်များ အနေဖြင့် ထေရဝါဒ ဗုဒ္ဓဘာသာ လူငယ်များအသင်း http://www.mmtheravada.org ဖုန်း
09-73062811, 09-5505176 သို့ ဆက်သွယ်လှူဒါန်းကြစေလိုပါသည်။

သီလရှင် ဆရာလေးများနှင့် ကလေးများ ဇွန်လအမီ ကျောင်းတက်နိုင်ရေးအတွက် ကာလဒါန ကုသိုလ်အဖြစ် သဒ္ဓါတတ်အား နည်းများမဆို လှူဒါန်းကူညီကြပါရန် နှိုးဆော်အပ်ပါသည်။

ဝိမုတ္တိရသ အဖွဲ့သားများ

------------------------
နောက်ဆက်တွဲသတင်း.....

ပညာရေးအလှူတော်လှူဒါန်းမည့်အစီအစဉ်

ထေရ၀ါဒဗုဒဘာသာ လူငယ်များ အသင်းမှ ဦးစီး၍ (၂၀၁၁) ခုနှစ်တွင် န၀မတန်းသို့ တက်ရောက်မည့် ကျောင်းသား (၂၅) ယောက်နှင့် ကျောင်းသူ (၂၅) ယောက်အား ပညာရေးထောက်ပံ့မှုပြုလုပ်ပေးနိုင်ရန် စီစဉ်ထားပါသည်။

ပြုလုပ်မည့်အစီအစဉ်

ကျောင်းသားများအား ရွှေစေတီဘုန်းကြီးကျောင်း (ဆရာတော် ဦးတေဇန္ဒိ၊ ခ/(၃) ရက်ကွက်၊ ရွှေစေတီကျောင်း၊ မင်္ဂလာဒုံမြို့နယ်) တွင်ထားရှိမည်ဖြစ်ပြီး ကျောင်းသားများသည် မိမိတို့ ဆန္ဒအလျောက် ကိုရင်ဝတ်လိုကလည်း ၀တ်နိုင်ပါသည်။ ကျောင်းသူများအား အသောကာရာမ သီလရှင်စာသင်တိုက် (ဆရာလေးဒေါ်သုနန္ဒာ (ဖုန်း-၀၉-၈၆၂၈၈၁၁)၊ ၀ါယာလက်ဈေးမှတ်တိုင်၊ ရွှေနှင်းဆီရပ်ကွက်၊ မင်္ဂလာဒုံမြို့နယ်) တွင်ထားရှိပါမည်။ အသောကာရာမကျောင်းမှ သီလရှင်များသာလက်ခံသည်ဖြစ်၍ ကျောင်းသူများမှာ သီလရှင်ဝတ်ရပါမည်။ သီလရှင်များတက်ရောက်ရမည့် အ.ထ.က ကျောင်းမှာ အသောကာရာမ ကျောင်းမှလက်ရှိ သီလရှင်များ တက်ရောက်နေသော ကျောင်းဖြစ်၍ ပညာသင်ကြားမှုတွက် အခက်အခဲ မရှိနိုင်ပါ။ စာသင်သူများ စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။ အသေးစိတ်ဆောင်ရွက်မည့် အချက်အလက်များအားလည်း ဆက်လက်ဖော်ပြသွားပါမည်။

လျောက်ထားမည့် သူများ ပြည့်စုံရမည့်အချက်များမှာ

(က) ကျောင်းသူများမှာ သီလရှင်ဝတ်နိုင်ရပါမည်။

(ခ ) မိဘများမှ နေထိုင်ရန်ခွင့် ပြုသူဖြစ်ရပါမည်။

(ဂ ) စာသင်သားများနေထိုင်မည့် ကျောင်းတွင်း စည်းကမ်းများကို တိကျစွာလိုက်နာရပါမည်။

(ဃ) ကျောင်းထားရန် အမှန်တကယ်အခက်အခဲ ရှိနေသူဖြစ်ရပါမည်။

အထက်ပါအချက်အလက်များနှင့် ပြည့်စုံသူများသည် ထေရ၀ါဒဗုဒ္ဓဘာသာလှူငယ်များ အသင်းသို့ ဆက်သွယ်မေးမြန်းနိုင်ပါသည်။ (http://mmtheravada.org)

ဆက်သွယ်ရန်လိပ်စာ

ကိုထွန်းထွန်းလှိုင်

ဖုန်း ၀၉-၇၃၀၆၂၈၁၁

htunhtunhlaing82@gmail.com

winthu.tbyo@gmail.com

thantzin83@gmail.com

Sunday, August 28, 2011

“ဧရာဝတီကိုယ်စား”

Kan

ကံထွန်းသစ်

“ကမ္ဘာကြီးဟာ နေရာတိုင်းမှာ နာကျင်နေပြီမို့ ဝိုင်းဝန်းဆုတောင်းပွဲ ကျင်းပနေကြတာလေ၊ မင်းတို့ဗုဒ္ဓဘာသာတွေ ဒါကို ပိုသိပါတယ်“ဟုဆိုကာ လက်ကိုကမ်းပေးရင်း လက်ဆွဲ နှုတ်ဆက် လာသူက အမေရိကန်ကြီးတစ်ယောက်၊

မိမိကလည်း လှိုက်လှဲစွာ တုန့်ပြန်သည့်အနေဖြင့် သူ့လက်ကို ဆုပ်ကိုင်ကာ လှုပ်ရမ်းလိုက်မိသည်၊ ဓမ္မဘေရီဆရာတော်ရောက်ခိုက် မယ်ဝေါကီးမြို့တခွင် လှည့်လည်ပြသစဉ် မစ်ချီဂန်ကန်ကြီးရဲ့ ကမ်းခြေတနေရာအရောက် ဆည်းဆာပွဲလေးတွင် ဆုံဆည်းလိုက်ရခြင်းပင်၊ အမေရိကန်ကြီး ထွက်ခွါသွား သည်နှင့် ကိုယ့်မှာတွေးဖွယ်တွေ တထွေးကြီးကျန် ခဲ့ရသည်၊

ဒီနှစ်နွေရာသီ ပိုပူပြင်းသည့်အကြောင်း အိုဇုန်းလွှာ ပါးနေ ပေါက်နေသည့်အကြောင်း အရည် ပျော်နေသည့် အာတိက်ဒေသ ရေခဲပြင်ကြီးများ အကြောင်း ဆူနာမီနှင့် မုန်တိုင်း များအကြောင်း စသည်စသည်တို့ပင်။


ပေါက်ပင်ဘာကြောင်းကိုင်းရတယ်….ဗျိုင်းနားလို့ကိုင်းရတယ်….ဗျိုင်းဘာကြောင့်နားရတယ်…စသည့် ကြောင်းကျိုးဆက်စဉ်ပြ ကဗျာလေးကိုလည်း ရွတ်ဆိုလိုက်မိသည်၊ ကာဗွန်ငွေ့ တလူလူ ထုတ်လွှင့်နေသည့် စက်ရုံကြီးများ..တစစပါးသွားသော အစိမ်းရောင်သစ်တောကြီးများ ကိုလည်း မြင်ယောင် လိုက်မိသည်။


ထိုသို့ ဒဏ်ရာဒဏ်ချက်တို့ဖြင့် နာကျင်နေသော ကမ္ဘာကြီးကို စောင့်ရှောက်ကြရန် ယိုယွင်း နေသော သဘာဝပတ်ဝန်းကျင်ကြီးကို ထိန်းသိမ်းဖို့ ကမ္ဘာ၏တောင်းဆိုသံကို ကျယ်လောင်စွာ ကြားရချိန်တွင် အမိမြေမှာတော့ တိုးတိုးသဲ့သဲ့ ကြားရစပြုပြီ ။


အမိမြေကို တကယ်ချစ်သူ သဘာဝကိုတကယ်မြတ်နိုးသူတို့က စွမ်းသမျှ တိုးတိုးသဲ့သဲ့လည်း ငြီးနေတွားနေကြစဉ်တွင် ဧရာဝတီမြစ်ကြီး၏ ညည်းတွားသံကို ပိုကျယ်လောင်စွာ ကြားနေရသည်။


မြစ်ညာဆီတွင် ရွှေရှာသူများ ၊ ငွေဆာသူများ၊ နောက်ဆုံးလျှပ်စစ်မီး ရှာသူများကြောင့် သူ့မှာ လောဘကျိန်စာ သင့်နေရပြီတဲ့ ။


နည်းတူပင် လွန်ခဲ့သော နှစ(်၂၀)ခန့်က တောင်ကြီးနှင့် ဆီဆိုင် အင်းလေးဒေသစသည့် ရှမ်းပြည်တဝိုက်ရောက်ခဲ့ရာ ဆီဆိုင်မြို့ဇာတိ အဖိုးကြီး တစ်ယောက်က လက်ညှိုးညွှန်ကာ ဒီမြင်သမျှ တောင်ကတုံးတွေဟာ အင်ပင် ကျွန်းပင်တွေနဲ့ စိမ်းညှို့နေတဲ့ တောအုပ်တွေပေါ့ ၊

အခုတော့ ထိုင်းနိုင်ငံနဲ့ ဖက်စပ် ပြောင်းခင်းတွေ ဖြစ်ကုန်ပြီ-ဟု ပြောခဲ့သံကို ပြန်ကြား ယောင်မိသည်။ မည်မျှသစ်တွေ ခုတ်လှဲခဲ့ကြသလဲဆိုရင် သူတို့ ဆီဆိုင်မြို့လေးမှာပင် သစ်ခွဲစက် (၂၄ )လုံး ရှိသည်တဲ့၊ အခုတော့ ထိုအကျိုးဆက် ရှမ်းပြည်မှာ မိုးခေါင်တာကြားဖူးပြီ ၊ အင်းလေးကန် ရေခန်းခဲ့ပြီ ၊ လောပိတက ဘီလူးချောင်း ရေမဝတော့ပြီ ။


ဒါတင်မက မြန်ပြည်မြောက်ပိုင်း ဖားကန့်ကျောက်စိမ်းမြေသည်လည်း စက်ယန္တရားကြီးများနှင့် တူးကြ ဖော်ကြသောကြောင့် တောင်ပူစာများ သည် နေ့မြင် ညပျောက်ကုန်ပြီ..တဲ့ ။


ဒီဖက်တောင်ကုန်းမှ တူးဖြို၍ထုတ်လိုက်သော မြေစာများက တခြားတဖက်တွင် တောင်ပူစာ အသစ်အဖြစ်ပေါ်လာတော့သည်။ ထိုပြောင်းလွဲ သွားသော ပထဝီကြောင့် အကျိုးဆက်ကား စိုက်ရေး ပျိုးရေးခက်အောင် ရေကြီးရေလျှံခြင်းများနှင့် တောင်ပြိုမှုများ ၊ “လူတို့လောဘ၊ ကြီးကာလကြောင့်၊ ဒုဗ္ဘက္ခဘေး၊ ငတ်မွတ်ရေးနှင့်၊ ရိုးဖွေးတောင်မျှ၊ ပျက်စီးကျရှင့် “ မဃဒေဝ လင်္ကာပိုဒ်လေးကိုလည်း တိုးတိုးရွတ်ဆိုမိသည်မှာ အကြိ်မ်ကြိမ်၊ လူတို့လောဘကြောင့် အစာရေစာ ငတ်မွတ်ရှားပါးခြင်းဘေး ဒုဗ္ဘက္ခကပ်ကြီးတွေ ကျရောက် တတ်သည်..တဲ့၊ ဘုရား ဘုရား …တာဝန်သိ သူတိုင်း ဒီနှယ်ထိတ်လန့် စိုးနှောင့်ဖြစ်နေချိန်တွင် တာဝန်ရှိသူတွေကကော ….။


သည်အမေရိကန်နိုင်ငံမှာဆို နည်းပညာတွေ အကြီးအကျယ် ဖွံ့ဖြိုးတိုးတက် နေသလို သဘာဝကို ချစ်မြတ်နိုးစောင့်ရှောက်မှုကလည်း အံ့စရာပင် ။

လူတိုင်းလိုလိုက တာဝန်သိ၍ တာဝန်ရှိကြသည်..တာဝန်သိ၍ တာဝန်ယူကြသည်မှာ အားကျဖွယ်ပင်၊ အရီဇိုးနားပြည်နယ်ရှိ ဆီဒိုးနားဆိုသည့် အုတ်နီရောင် တောင်ကြီးဆီ ရောက်ခိုက် ထိုဝန်းကျင် ကျောက်စွန်း ကျောက်ကမုလေးများမှာ ရေးထိုးထားသည့် ကမ္ဗည်းတွေက “ကျွန်တော်တို့ အိုမင်းနေပါပြီ ၊ကျေးဇူးပြုပြီး မနင်းလိုက်ပါနဲ့“စသည့် အဓိပ္ပါယ် ရှိသော စာတန်းလေးများပင်။


နည်းတူပင် ကိုလိုရာဒိုရှိ အမြင့်ဆုံးတောင်တန်းကြီး ရောက်ကီးမောင်းတိန်းတောင်ပေါ်သို့ ရောက်သောအခါတွင်လည်း မိုးကြိုးတွေ အကြိ်မ် ကြိမ်ပစ် လေတွေတဝေါဝေါထန် မိုးတွေသည်း နေတတ်သောဝန်းကျင်မှာ ပေါက်ရောက်ရှင်သန်နေသည့် မြက်ပင်ကလေးများကိုစာနာပါ ဆို သည့် စာတန်းကလေးများကို ဖတ်ရသည်၊ ကရုဏာနှင့်ယှဉ်သော စောင့်ရှောက်လိုစိတ်ကို နှိုးနိုင်ခဲ့သည်။


“သတိပန်းမခူးရ၊ မြက်ခင်းပေါ်မနင်းရ၊” စသည့်စကားများထက် လိုက်နာလိုစိတ်ကို ဖြစ်စေခဲ့ သည်မှာအမှန်ပင်၊ သို့သော် တချို့ကမူ အလေ့ အကျင့် ကြောင့်လား ဗီဇကြောင့်လားမသိ မလိုက်နာတတ် သူများကိုလည်း မှတ်မိသေးသည်၊ ထိုနေရာ ခုံတန်းလေးတစ်ခုတွင် ထိုင်နေ သော အမေရိကန်မကြီးတစ်ဦးက တဖက်စွန်းတွင် အမောပြေ ဝင်ထိုင်သောကိုယ့်ကို “သိပ်လှတဲ့ ရှုခင်းပဲနော်”ဟု ပြောနေခိုက် ကိုယ်တို့အုပ်စုထဲမှ ကြီးမှဖြစ် ဟန်ရှိသော ရဟန်းတော်ကြီးတစ်ပါးက မြက်ခင်းပေါ်တွင် နင်းသွားကာ ဓာတ်ပုံရိုက်ခံရန်ပြင်နေရာ ထိုအမျိုးသမီးကြီးက မနင်းဖို့လှမ်း သတိပေး လိုက်သည် ၊ သို့သော် ကိုယ်တို့ပြည်သား သက်တော်ကြီး ရဟန်းကတော့ ဒါလေးများ ..ဆိုသည့်ဟန်နှင့် လှည့်၍ပင်ကြည့်လိုက်သေး။


“အော် အရှင်ကြီးရယ်..ဟု စိတ်မသက်မသာ ငြီးခဲ့မိသည်၊ ကိုယ်တို့ အချို့ အချို့ရဟန်း တော်တွေမှာ သဘာဝကို တန်ဖိုးမထား တတ်ကြလို့ လား၊ ဒါမှမဟုတ် အလှအပကို သင်္ခါရတွေ လို့ ရှုမြင်နေကြလို့လား စဉ်းစားကြည့်မိသည်၊


ဒုတိယအချက်ကတော့ဖြင့် မဟုတ်နိုင်၊ဘာကြောင့်ဆို အခုခရီးစဉ်တွင် ထိုရဟန်းကြီးအပါအဝင် သံဃာကြီးငယ်တစ်စုတို့ တောတောင် အလှကို လိုက်ပါကြည့်ရှုနေကြသောကြောင့်ပင်။


သို့ဆိုလျှင် ပထမအချက်နှင့် ငြိစွန်းနေကြလေသလား၊ ထိန်းသိမ်းရကောင်း မှန်းသိအောင် မလေ့ကျင့် မသင်ကြားခဲ့ရဘူးလို့လား ကိုယ့်ကိုယ်နှင့်ယှဉ်၍ သုံးသပ်ကြည့်နေ မိသည်၊ မသင်ကြား မလေ့ကျင့်ဖူး၍ျတော့ မဟုတ်နိုင်၊ သင်ခန်းစာနှင့် လက်တွေ့ဘဝ မစပ်မိ နိုင်ကြခြင်းပင် ဖြစ်ပေမည်၊ Apply မလုပ်နိုင်ကြခြင်းပင်၊ အဘယ့်ကြောင့်ဆိုသော် ရဟန်းတို့ ရှေ့သွားရှင်တော်မြတ်ဘုရားသည် အဦးဆုံး သဘာဝပတ်ဝန်းကျင် ထိန်းသိမ်း စောင့်ရှောက်သူ ဟု ဆိုရလောက်အောင် သစ်ပင်ကိုမခုတ်ရန် ဗီဇကံ ဘူတကံကို မဖျက်ဆီး ရန်..ဖျက်ဆီးက အာပတ်သင့်စေ၊ ပြစ်မှုသာမက ပြစ်ဒဏ်ပါတွဲ၍ ထားခဲ့ သည်မှာ ဝိနည်းတော်၌ အထင်အရှားပင်။


ဒါတွင်မက ရဟန်းငယ် ရှင်ငယ်တို့ လိုက်နာဖွယ် ကျင့်ဝတ်များတွင်လည်း ရေပြင်တွင် ဖြစ်စေ မြက်ခင်းပြင်ပေါ်တွင်ဖြစ်စေ တံတွေးထွေးခြင်း အညစ်အကြေးစွန့်ခြင်းတို့ကို တားမြစ် တော်မူခဲ့သည်။


ကိုယ်တော်တိုင်လည်း တောရိပ်တောင်ရိပ်၌ မွေ့လျော်သလို ရဟန်းတို့ကိုလည်း သစ်တစ် ပင်ရင်း ဝါးတစ်ပင်ရင်း၌နေခြင်း တောရပ်မှီခြင်းတို့ကို ချီးကျူးတော်မူခဲ့သည်၊ ဤကဲ့သို့သော ဘုရားရှင်၏ တပည့်သားများသည် သဘာဝပတ်ဝန်းကျင်ကို ထိန်းသိမ်းစောင့်ရှောက်ခြင်း တန်ဖိုးထားခြင်းတို့နှင့် မစိမ်းသည်မှာ ထင်ရှားလှပါသည်။


သို့သော် ကိုယ်တိုင်က တသဝေမတိမ်း လိုက်နာကြသည့်အတိုင်း သူတစ်ပါးကို ဟောပြောဆုံးမရာ၌ လပ်ဟာတော်မူကြလေသလားဟု မဝံ့မရဲထင်လိုက်မိသည်၊ ရံခါမူ ဆုံးမသည့်တိုင် “ဗူးလုံး နားမထွင်း” သူတို့ကို တွေ့ရသည်၊ဆရာသမား၏ ကျောင်းတိုက်ကြီးကို အမွေခံသော မိမိ၏တပည့်တစ်ပါးဆိုလျှင် တောစိုးသစ်ကြီးပင်များကို ထင်းအဖြစ်သုံးကာ အုဋ္ဌ်ဖုတ်၍ ကျောင်းအား တံတိုင်းပတ်ခဲ့သည်၊ သဘာဝအစစ်ကိုဖြုန်းတီး၍ သဘာဝအတုနှင့် လဲလှယ်ခြင်း ပါတကားဟု စိတ်မကောင်းဖြစ်ခဲ့ရသည်။


ထိုင်းနိုင်ငံတွင် သစ်ပင်များ မခုတ်လှဲရန် ဥပဒေထုတ်တားမြစ်သော်လည်း လူတချို့က မလိုက်နာကြသောကြောင့် ဘာသာတရားနှင့် သတိပေးဆုံးမရန် ရဟန်းသံဃာတော်များက သစ်ပင်များကို သင်္ကန်းစများနှင့်ပတ်ကာ စောင့်ရှောက်ခဲ့ရကြောင်း ဖတ်ခဲ့ရဖူးပေသည်။ အမိမြေတွင်လည်း ယခုကဲ့သို့ တာဝန်မဲ့သူများကြောင့် တောပြုန်းတောင်ပြို ချောင်းကော မြစ်ကန်းစသည့် သဘာဝပျက်ပြုန်းသော ဘေးကြီးနှင့် ကြုံနေချိန်တွင် တနိုင် တပိုင် ဟောကြ ပြောကြ ထိန်းကြသိမ်းကြ လိုက်နာကြလျှင် ကောင်းလေစွ..ဟု အကြိမ်ကြိမ် တမ်းတမိပါသည်။


“သစ်ပင်ခုတ် အချုပ်သုံးလ”..”ဥတုရာသီ တောကိုမှီ” စသော ဗြိတိသျှခေတ်က အဆိုအမိန့်လေးတို့သည်လည်း အသက်မဝင်ကြတော့ပြီ၊ မစ်ချီဂန်ကန်ဘေးတွင် ကျင်းပ နေသည့် ပွဲလေးမှ လွင့်ပျံ့လာသော တေးသံကို မကြားတချက် ကြားတချက်နှင့် သို့နှယ် တနံ တလျား စဉ်းစားနေ မိပါသည်၊ အကယ်၍များ တစ်စုံတစ်ယောက်က ဒီအချိန်မှာ မင်းအပြော ချင်ဆုံးစကားက ဘာလဲဟုမေးလာခဲ့လျှင် “နောင်တော် ညီတော် ဓမ္မကထိက ပုဂ္ဂိုလ် နိုင်ငံကျော်အရှင်မြတ်တို့ဘုရား၊ ဒါနကထာတွေကို ခဏထားကာ သဘာဝပတ်ဝန်းကျင် ထိန်းသိမ်းမှုကထာ တို့ကို ဟောကြားပေး ကြပါ”ဟု လျှောက်ထားလိုက် လိုခြင်းပင်၊

ကံထွန်းသစ်၊၀၈-၁၉-၁၁ 4-PM

မေတ္တာများဖြင့်

မေတ္တာဥယျာဉ်

http://www.ashinsirinda.com/

2011-ခု၊ သြဂုတ်လ ၂၅-ရက်၊ ကြာသပတေးနေ့။

0 comments:

လာလည်ကြသူများ

ဤဘလော့ဂ်၏ ရည်ရွယ်ချက်

ယခုအခါ ကမ္ဘာတလွှားတွင်ရှိနေကြသော ဓမ္မဘလော့ဂ်ဂါများသည် နေ့ စဉ်နှင့် အမျှ အင်တာနက် စာမျက်နှာများ ပေါ်တွင် ဓမ္မနှင့်သက်ဆိုင်သော အကြောင်းအရာ အမျိုးမျိုးကို ပို့ စ်များရေးတင်လျက် ရှိနေကြပါသည်။

ဘလော့ဂ်ဂါများမှ မိမိတို့ ၏ကိုယ်ပိုင် စာမျက်နှာများမှတဆင့် ရေးတင်နေကြသဖြင့် ဖတ်ရှုလေ့လာသူများအတွက် နေရာများစွာသို့  သွားရောက် ဖတ်ရှုနေကြရပါသည်။

ထို့ ကြောင့် စာဖတ်သူများ အချိန်ကုန်သက်သာစေရန်နှင့် မိမိတို့  ဖတ်ရှုလိုရာကို လွယ်လင့်တကူ ရှာဖွေနိုင်ရန် နေ့ စဉ်ရေးသား နေကြသော အကြောင်းအရာများကို တနေရာတည်းတွင် စုစည်းပေးလိုသော ရည်ရွယ်ချက်ဖြင့် ဤဘလော့ဂ်ကို စီစဉ်လိုက်ခြင်းဖြစ်ပါသည်။

ပြောချင်တာများရှိရင် ရေးပေးထားခဲ့ပါ

မြန်မာပြက္ခဒိန်

မြန်မာပြက္ခဒိန်
www.burmeseclassic.com မှ ကူးယူဖော်ပြပါသည်။

  © Blogger templates The Professional Template by Ourblogtemplates.com 2008

Back to TOP