နိုင်ငံခြားသာသနာပြု ခေါင်းဆောင်ဆရာတော်များကို ဖူးတွေ့ရခြင်း

အမှတ်စဉ်(၁၃)

ယခုတစ်ဖန်နိုင်ငံခြားတွင် ဖူးတွေ့ခွင့်ရရှိခဲ့သည့် ဆရာတော်ကြီးကို ဖေါ်ပြပါမည်။ ထိုဆရာတော်ကြီးကို ဖူးတွေ့ခွင့် ရရှိခဲ့သည်မှာ ယခုအခါတွင်မှ မဟုတ်ပေ။မြန်မာနိုင်ငံတွင်ရှိခဲ့သည့် အခါတုန်းကပင် ဖူးတွေ့ဖူးခဲ့ပါ သည်။ နှစ်ပေါင်းအတော်ပင် ကြာခဲ့ပြီဟုဆိုရပါမည်။ ထိုစဉ်က ဖူးတွေ့ခဲ့ဖူးသည့်နေရာမှာ ကမ္ဘာအေးကုန်းမြေ ဇမ္ဗူဒီပဆောင်တွင်ဖြစ်ခဲ့ပါသည်။ စာရေးသူ၏ ကျေးဇူးရှင် သံတော်ဆင့် ဆရာတော်ကြီးသည် နိုင်ငံတော် သံဃမဟာနာယကတာဝန်ကို ထမ်းဆောင်ခဲ့စဉ်က တစ်ညနေတွင် ဆရာတော်တစ်ပါးသည် ဆရာတော် သီတင်းသုံးရာ အခန်းတွင်းသို့ ကြွလာခဲ့ပါသည်။ ထို့နောက် သူ၏အယူအဆရေးရာတို့ကို လျောက်ထားခဲ့ ပါသည်။ ဆရာတော်ကြီးကရွှေဘိုမြို့က ပုခန်းဆရာတော် ဦးဝိမလထံတွင်ဆွေးနွေးပါရန် မိန့်တော်မူခဲ့ ပါသည်။ စာရေးသူလည်း ရှိနေခဲ့ရာ ထိုအဖြစ်အပျက်ကို သတိတရ ရှိနေခဲ့ပါသည်။ ထိုသို့ဖြစ်ရခြင်းမှာ စာရေးသူ၏ ဆရာတော်ကြီးသည် ပျာပျာသလဲနှင့် ထိုဆရာတော်၏ဆွေးနွေးချက်ကို တစ်ခြားရွှေဘို ဆရာတော်ထံသို့ လွှဲလိုက်ခြင်းမှာ ထူးခြားသည်ဟု စိတ်ထဲတွင် ထင်မိခဲ့ပါသည်။ သို့သော် ထိုကြွလာသော ဆရာတော်သည် ဖားအောက်တောရကျောင်းမှ ဆရာတော်တစ်ပါးဖြစ်သည်မှ လွဲ၍ ပိုပြီးမသိခဲ့ ပါ ။နောင်နှစ်အနည်းငယ်ကြာလာသောအခါတွင် ဖားအောက်တောရ ဆရာတော်၏ ဂုဏ်သတင်းကိုပိုပြီး သိလာခဲ့ရပါသည်။ အထူးသိလာ ခဲ့ရသည်မှာ ဆရာတော်ကြီးသည် သာသနာ့လောက အထူးသဖြင့် ကမ္မ ဋ္ဌာန်းတရားအားထုတ်မှုနယ်ပယ်တွင်ပြည်တွင်းပြည်ပ၌ ထင်ရှားလာခဲ့သည်ကို သတိပြုမိပါသည်။ အထူး သဖြင့် ဆရာတော်ကြီးရေးသားခဲ့သော အတွဲလိုက် စာအုပ်ထူထူကြီးကို ထုတ်ဝေခွင့်ပိတ်ပင်ခဲ့သည်ဟု သိလာခဲ့ရပါသည်။ပြဿနာစာအုပ်ကြီးဟုပင် ဆရာတော်ကြီး တစ်ချို့ကမေးမြန်းသည်ဟုသိရ ပါသည် ။မေးမြန်းရသည်မှာလည်း ဟုတ်ပါသည်၊ ထိုစာအုပ်ကိုပြည်ပနိုင်ငံတစ်ခုတွင် ထုတ်ဝေခဲ့ပါသည်။ ယခုမူ ထိုစာအုပ်ကြီးကို မြန်မာပြည်၌လည်းတွေ့နေရပါပြီ။ စာအုပ် ထုတ်ဝေမှုတွင်ပင် ပြဿနာ ပေါ်ခဲ့သည် မဟုတ်ပါ။ ပြသသည့် တရားနည်းလမ်းအပေါ်တွင်လည်းပြဿနာဟု ယူဆကြသူတွေလည်း မနည်းလှပါ။ ဤအနေအထားကြားမှပင် ဆရာတော်ကြီး၏ သာသနာပြုလုပ်ငန်း စဉ်သည် အရှိအဟုန်ကောင်းနေ ခဲ့ပါသည်။ အမေရိက၊ တောင်ကိုရီးယား၊ ထိုင်ဝမ်စသော နိုင်ငံများတွင် ဆရာတော်ကြီး၏ တရားဘာဝနာကို ယုံကြည်သူများလှပါသည်။ဖြစ်ရသည်မှာ ဈာန်လမ်းကျင့်စဉ်နှင့်စပ်ပြီး အငြင်းပွါးမှုများဖြစ်သည်ဟု အကြမ်း အားဖြင့် သိထားပါသည်။

ထိုဆရာတော်ကြီး၏ကျောင်းသို့လည်း စာရေးသူအနေနှင့် မရောက်ဖူးသည့်ပြင် ဆရာတော်ကြီးကိုလည်း ကမ္ဘာအေးတွင် ကြွလာခိုက်ခေတ္တမျှ ဖူးတွေ့ခဲ့သည်မှတစ်ပါး အဆက်အစပ် မရှိခဲ့ပါ။ ၂၀၀၃ခုတွင် ထိုဆ ရာတော်ကြီးကို ကြည်ညိုလှသော ရန်ကုန်မှ မိသားစုနှင့် စာရေးသူ ဆက်စပ်ခဲ့ပါသည်။ ထိုမိသားစုမှ စာရေးသူကိုကျောင်းမြေ လှူဒါန်းခဲ့ပြီးကျောင်းငယ်လေးကိုပင်ဆောက်လုပ်လှူဒါန်းခဲ့ပါသည်။ ဆရာတော် ကြီး၏ သာသနာပြု လုပ်ငန်းနှင့်စပ်ပြီး စိတ်ဝင်စားစရာ ကြားသိရသည့်သည် အချက်တစ်ခု စာရေးသူတွင် ရှိနေခဲ့ပါသည်။ ဆရာတော်ကြီး၏ကျောင်းတွင် သီတင်သုံးသော သံဃာတော်များသည် နိဿဂ္ဂိပစ္စည်း များကို အထူးရှောင်ကြဉ်ရသည့် အနေနှင့် ၀ိနည်းအလွန်လေးစားသည့် အချက်တစ်ခုပင်ဖြစ်ပါသည်။ ထို့ပြင် သက်သတ် လွတ်စားရသည်ဟု လည်းကြား သိရပြန်ပါသည်။ ဤသည်မှာလက်တွေ့များ မဟုတ် ပါ။ကောင်းသော ဂုဏ်သတင်းများကို ကြားသိနေ ရပုံများဖြစ်ပါသည်။ ထိုနေရာသို့ သွားချင်သည့် စိတ်များ တဖွားဖွားဖြစ်နေခဲ့သော်လည်း ယခုစာရေးနေသည့် အချိန်အထိ မရောက်ဘူးသေးပါ။ ထို့နောက် တွင် စာရေးသူနှင့် ခင်မင်ဖူးသော ရဟန်းတစ်ပါး ဆရာတော်ကြီး၏ တပည့် ခံယူခဲ့ပုံနှင့် ကိုရီယားနိုင်ငံ သို့ရောက်လာသော အခါတွင်လည်း မိတ်ဆွေအရှင်ပဏ္ဍိစ္စနှင့် စကားစပ်မိခဲ့ရာ သူသည် ထိုဆရာတ်ာကြီး၏ တပည့်ဖြစ်ခဲ့ပုံစသဖြင့် အသေးစိတ်ကိုပြောပြခဲ့ပါသည်။ ဆရာတော်ကြီးကျောင်းမှ ဦးသီလဆိုသော ရဟန်းတော်လည်း စာရေးသူနေထိုင်ရာသို့ လာရောက် တည်းခိုခဲ့သဖြင့် ဖားအောက် ဆရာ တော်ကြီးနှင့် အလွန်နီးစပ်သော အကြောင်းများရှိခဲ့ပါသည်။ အမေရိကနိုင်ငံသို့ရောက်ရှိခဲ့စဉ်ကလည်း အင်္ဂလိပ်ဘာ သာဖြင့် တရားဟောသော ကက်ဆက်ခွေ တစ်ခွေကို နာခဲ့ဖူးရာ ထိုတရားဟောသော ဆရာတော် မှာလည်း ဖားအောက် ဆရာတော်ကြီးဖြစ်သည်ဟု သိခဲ့ပေရာ စာရေးသူအနေဖြင့် စိတ်ဝင်စားနေခဲ့ပါသည်။

ထိုဆရာတော်ကြီးသည် ယခုနှစ်ဆန်းပိုင်းကတောင်ကိုရီးယားနိုင်ငံသို့ ကြွလာမည်ဟု သတင်းကြား သိရပေ ရာ ဖူးမျှော်လိုစိတ် ထက်သန်လျက်ရှိခဲ့ပါသည်။ တစ်ဖန် ဆရာတော်ကြီးကိုဝေယျာဝစ္စပြု ကြမည့် သူများကလည်းမြန်မာပြည်မှ ကိုရီးသို့ ပညာသင်လာရောက်နေကြသောကျောင်းသူ၊ကျောင်းသား များဖြစ် ကြပေရာ အသင့်အနေအထားပင်ဖြစ်ပါသည်။ မရွှေမာသန်းအမှူပြုသောကျောင်းသား၊ကျောင်းသူများက ဆရာတော်ကြီး၏ ဆွမ်းဝေယျာဝစ္စစသည်တို့ကို ကုသိုလ်ယူဆောင်ရွက်ပေးကြရာ ၀မ်းသာစရာပင်ဖြစ်ခဲ့ ပါသည်။ သူတို့သည် စာရေးသူ၏ကျောင်းတွင်လည်းဝေယျာဝစ္စဆောင်ရွက်ကြ၊ တနင်္ဂနွေနေ့တိုင်း စုပေါင်း ၀တ်ပြုကြ သူများဖြစ်ရာ ဆရာတော်ကြီးကို ဖူးတွေ့ရာတွင် အရာအားလုံးက အဆင်ချောနေခဲ့ပေ သည်။ကျောင်းသားမောင်မျိုးသန်းထွန်းက စာရေးသူအားပြောပြခဲ့သည်မှာ ဆရာတော်ကြီးအ တွက်ကျောင်း သားအဖွဲ့က အလှူငွေကောက်ခံခဲ့ကြရာဒေါ်လာနှစ်ထောင်နီးပါးပင် ရခဲ့သည်ဟု သိရပါသည်။ ဆရာတော် ကြီးထံသို့ စာရေးသူသည်ဖူးတွေ့ရန် သွားရောက်ခဲ့ပါသည်။နှစ်ပေါင်းနှစ်ဆယ်ကျော်မှ ဒုတိယ အကြိမ်ပြန်လည်ဖူးတွေ့ရသော အခါပင်ဖြစ်ခဲ့ပါသည်။ ဆရာတော်ကြီးအား ကိုယ်တိုင်မိတ်ဆက်ပြီး ၀တ်ပြုရာ မှစ၍ သာသနာရေး၊ ဘာသာရေးစကားများကို အဆက်မပြတ်လျောက်ထားမိခဲ့ပေသည်။ ဆရာတော်ကြီး ကလည်းနှစ်လို အားရစွာဖြင့်ပင် သူ့ဘ၀ ခရီးစဉ်နှင့်ဆောင်ရွက်နေသည်များကို အချိန်ပေးပြီး မိန့်နေခဲ့ သည်မှာ ခဏ လေးဟု ပင် ထင်ခဲ့ရပါသည်။ အထူးကြည်ညိုမိသည်မှာ ဆရာတော်ကြီး၏ ဆွဲဆောင်နိုင်သည့် အားဟုပင်ပြောရပေမည်။ စာရေးဆရာငွေဥဒေါင်းစကားနှင့်ပြောရသော်မေတ္တာမီးမောင်းကြီး အားကောင်ြး ခင်း ပင်ဖြစ်တော့သည်။ ဆရာတော်ကြီး၏ မှတ်ဥာဏ်မှာ လက်ဖျားခါလောက်အာင်ပင်ရှိလှပါသည်။ ပါဠိတော်၊အဋ္ဌကထာကြီးများကို အာဂုံဆောင်ထားနိုင်သည်မှာ ပြော၍ယုံကြည်နိုင်မည် မဟုတ်ပေ။ ၀ိသုဒ္ဓိမဂ် အဋ္ဌကထာ၊ ဋီကာကျမ်းများကိုကျေညက်နီုင်နင်းသည်ဟု မှတ်ချက်ပြုရပါသည်။ ဖားအောက်ဆရာတော်ကြီး သည် စစ်ကိုင်းသီတဂူဆရာတော်၊တောင်စွန်း ဓမ္မဒူတဆရာတော်တို့နှင့် သူ့ဘ၀ဆက်စပ်ပုံတို့ကို အသေး စိတ်ပြန်လည်မိန့်ကြားနေခဲ့သည်မှာ စာရေးသူ ကြားဖူးထားပြီးသားဖြစ်သည့် အချက်အလက်မှား တစ်ချို့ ကိုပြင်ဆင်ခွင့်ရခဲ့ပါသည်။ ပညာရှိသူတော်စင်ပုဂ္ဂိုလ်များကို တစ်ကြိမ်ဖူးခွင့် ကြည်ညိုခွင့်ရသည် မှာတွေးမိတိုင်း စိတ်ကြည်နူးဖွယ်ပင်ဖြစ်ပါသည်။ ဆရာတော်ကြီး၏မေတ္တာစွမ်းအားများသည် ဓာတ်ကူးသည့် အနေဖြင့် စိတ်ကိုကြည်နူးစေခဲ့ပါသည်။ ဆရာတော်ကြီး၏ သာသနာပြု အငွေ့အသက်များသည် စာရေးသူ၏ စိတ်ကိုဖြန့်ဝေပေးသည့် အနေဖြင့် ကုသိုလ်ထုကြီးကြီးကို တည်ဆောက်မိသည်ဟု ခံစားရပါသည်။ ဆက်ရန်

ဒေါက်တာအရှင်နန္ဒက ဓမ္မဒူတကျောင်း၊ အင်ချွန်းမြို့၊ တောင်ကိုရီးယားနိုင်ငံ။