နာနာဘာဝနှင့်တွေ့ဖူးသူများ (၁၁)

နာနာဘာဝနှင့်တွေ့ဖူးသူများ (၁၁)

အရှင်ပညာသီဟာဘိဝံသ(ပဉ္စနိကာယ်)

“တကယ် တရား အားထုတ် ကြည့်တော့ဘုရား ကိုယ်ကြားဖူး နားဝ ရှိထားတာတွေနဲ့ စိတ်သန္တာန် ဖြစ်နေတာ တွေက တခြားစီဘဲ ဘုရာ့” ဟု ဦးအာစိဏ္ဏက မော်လမြိုင် ဖားအောက် တရားစခန်း မှ ပြန်အလာတွင် ပြော၏။

ဇာတိရွာက ဒကာကြီးတစ်ဦးကတော့ “အရှင်ဘုရား၊ တရားအားထုတ်နေစဉ် ရွာမှ သေလွန်ပြီးသူများနဲ့ စိတ်ထဲမှာ တွေ့လို့ချည်း ဖြစ်နေလို့ အလွန်အားစိုက် ရှု့မှတ်ရတယ်ဘုရား” ဟု လျှောက်ထားပြန်၏။

တရား အားထုတ်သူ နှစ်ဦးလုံး အမှန်အကန် အားထုတ် ကြသူများဖြစ်၍ သူတို့ စကားကို အလေးထားမိ၏။ ဦးစိဏ္ဏက စစ်ဖက်ဆိုင်ရာ အရာရှိကြီး တစ်ဦး၏ ယဉ်မောင်း တပ်ကြပ်အဖြစ်မှ အငြိမ်းစားယူပြီး စာရေးသူထံ၌ တရားအားထုတ်လို၍ အပြီးတိုင် ရဟန်းဝတ်လာသူဖြစ်၏။ စာရေးသူက ဆရာမရှိဘဲ ရမ်းသမ်းအားထုတ်နေခြင်းထက် ဆရာ ကောင်းထံ နည်းခံပြီး ရက်ရှည် ကျကျနန အားထုတ်နိုင်ရန် ပြီးခဲ့သည့် တန်ဆောင်းမုန်း လပြည့်ကျော်က မော်လမြိုရှိ ဖား အောက်တောရသို့ ပို့ပေးခဲ့၏။

ဇာတိရွာမှ ဒကာကြီးကလည်း လွန်ခဲ့သည့်သုံးနှစ်က ရွာတွင် မိုးကုတ်တရားစခန်း စဖွင့်၍ တရားစခန်းဝင်ဖြစ်၏။ တရား အားထုတ်ခြင်းဖြင့် ဓမ္မရသ(ငြိမ်းအေးခြင်း)ကို တရားစခန်း၌ အတိုင်းအတာ တစ်ခုထိ ခံစားခဲ့ရဟန်တူ၏။ အသောက် အစားကို စွန့်၍ နေ့စဉ် အချိန်မှန် တရား အားထုတ်နေတော့၏။ ယာထဲကိုင်းထဲမှာပင် ယာစောင့်ကိုင်းစောင့်ရင်း တဲ၌တရား ရှု့မှတ် နေကြောင်း ကြားသိရ၏။

စာရေးသူ နှစ်စဉ်ရွာပြန်ရောက်ချိန်၌ ဘုရားဟော ဒေသနာတော်နှင့်အညီ ဖြစ်စေရန် တရားအားထုတ်ကြသည့် ရပ်ရွာဒက ဒကာမတွေကို ကျောင်း၌ (၇)ရက် ညဥ့်အိပ်နေစေပြီး အစားလည်းကျွေး၊ တရားလည်းပြပေး၏။ ဝိသုဒ္ဓိမဂ် လာ တရားအားထုတ်ခြင်းနှင့် ပတ်သက်သည့် ဉာဏ်စဉ်များ၊ ဝိသုဒ္ဓိများ၊ သမာဓိရပါက ခန္ဓာဉာဏ်ချလျှက် ဖြစ်ပျက်မြင်အောင် ရှု့ကြရမည်တို့ကို ပြောပြပေးသဖြင့် သူတို့ တရားအားထုတ်ခိုက် စိတ်သန္တာန် ဖြစ်ပေါ်နေခြင်း ကို ပြောပြလေ့ရှိကြ၏။

ဝိသုဒ္ဓိမဂ်တွင် တရားအားထုတ်ခိုက် တရားအာထုတ်သူတို့၏ စိတ်သန္တာန်၌ ဖြစ်ပေါ်တတ်သော နိမိတ်(အာရုံ)တို့ကို များစွာ ပြဆိုထား၏။

သမထဘာဝနာ၌ နိမိတ်နောက်သို့ စိတ်မလိုက်ပါဘဲ အရှုခံကမ္မဋ္ဌာန်းအာရုံ၌သာ ရှုသိစိတ်ကို တင်ပေးနေရခြင်းနှင့် ဝိပဿနာဘာဝနာ၌ စိတ်သန္တာန်တွင် အာရုံအလိုက် ဖြစ်နေသောစိတ်ကို ဖြစ်နေထင်ရှားနေသည့် အတိုင်းလေး ဖြစ်ပျက် မြင်အောင်ရှု့ရခြင်းကို ပြဆိုထားကြောင်း ရှင်းပြပြီး တရားဖြုတ်၍ အမျှပေးဝေပါမှ ရှု့မှတ်ခိုက် စိတ်သန္တာန်ထင်ရှားခဲ့သော သေလွန်ပြီးသူများကို အမျှပေးဝေပါ-ဟု အကြံပေးလိုက်ရ၏။

ရှု့မှတ်နေသော ထွက်သက်ဝင်သက် ကမ္မဋ္ဌာန်း တစ်မျိုးတည်း၌ပင် နိမိတ်(အာရုံ)အမျိုးမျိုး ယောဂီတို့ စိတ်သန္တာန် ဖြစ်တတ်၏။ ထိုကဲ့သို့ နိမိတ်ထင်ခြင်းသည် ကြုံရမြဲ သဘာဝမို့ သေလွန်သူများကို တွေ့နေရခြင်းသည်ပင် နိမိတ်ပင်ဖြစ်၏။

ဝိပဿနာဘာဝနာ၏ တံခါးဝသည် သံဝေဂဉာဏ် ဖြစ်၏။ တရားအားထုတ်သူတို့ လေးလေးနက်နက် ရှု့ပွားနိုင်ဖို့ သံဝေဂဉာဏ်ဖြစ်ရန် အလွန်လိုအပ်၏။ ထို့ကြောင့် ဓမ္မသဘာဝက သံဝေဂယူရန် ယောဂီကို နိမိတ်ပြလိုက်ဟန်တူ၏။ ဘုရား အလောင်း သံဝေဂဉာဏ်ကို ရလိုက်ခြင်းသည် သူအို သူနာ သူသေ ရဟန်းဟူသော နိမိတ်တို့ကြောင့်ပင် ဖြစ်၏။

သည့်အပြင် တရားအားထုတ်သူများသည် စိတ်အလွန်စင်ကြယ်ခြင်း၊ သမာဓိ အလွန်ရလာခြင်းတို့ကြောင့် သမာဓိ လွန်ကာ သမာဓိနောက်သို့ ရှု့ဉာဏ် မလိုက်နိုင်တော့ဘဲ အမြင်ထူးဖြင့် သေလွန်ပြီး၍ မကျွတ်မလွတ်ကြသေးသည့် နာနာဘာဝ တို့ကို မြင်မိလေသလားဟုလည်း အတွေးပိုဖြစ်သေး၏။

တရားအားထုတ်ကြသည့် ရဟန်းတော်များသို့ ချဉ်းကပ်ပြီး ကုသိုလ်ကောင်းမှု့ပြု အမျှဝေပေးဖို့ကို နာနာဘာဝတို့ တောင်းခံလေ့ ရှိတတ်ကြောင်းကို ဘုရားရှင် ရွှေလက်ထက်တော်အခါက ဤသို့ ဖြစ်ခဲ့ဘူးပါသည်။

တစ်နေ့သ၌ ရဟန်းတစ်ပါးသည် ဝါကျွတ်ပြီးဖြစ်၍ ဘုရားဖူးရန် လှည်းကုန်သယ်များနှင့်အတူကြွလာခဲ့၏။ ထိုခေတ်က ဘုရားဖူးရန် ခရီးရှည် ထွက်လာကြကုန်သော ရဟန်းတော်တို့သည် ဘုရားရှင် သီတင်းသုံးရာမြို့သို့ သွားမည့်လှည်း ကုန် သည်များနှင့် အတူ ခရီးကြုံလိုက်ကြရ၏။ လှည်းဝိုင်းကြီးနားချိန် နား၊ ဆွမ်းခံချိန် ဆွမ်းခံ ဤနည်းဖြင့် ဘုရားထံအရောက် လာကြရသည်။ လှည်းကုန်သည်တို့သည် နေ့အခါ အရိပ်ကောင်း ကောင်းနှင့် ရေမိုးပြည့်စုံသော နေရာတွင် နွားများ၊လှည်များ၊ လူများ အနားယူကြပြီး ညအခါမှ ခရီးဆက်ကြသည်။

တောအုပ်ကြီး တစ်နေရာ အရောက်တွင် လှည်းကုန်သည်များ နားကြ၏။ ရဟန်းတော်သည် တိတ်တိတ် ဆိတ်ဆိတ် နားအေးပါးအေး နေလို၍ ခပ်လှပ်းလှမ်းရှိ သစ်ပင်ရိပ်တွင် နှစ်ထပ်သင်္ကန်းကြီး ခင်းလျှက် အနားယူ လဲလျောင်းနေ၏ညစဉ် ခရီးဖြစ်၍ အိပ်ရေးပျက်လျှက်ဖြစ်နေသော ရဟန်းတော်သည် ပင်ပန်းနေသဖြင့် အိပ်ပျော်သွားသည်။လှည်းကုန်သည်တို့သည် ခရီးအပန်းပြေကြသဖြင့် ခရီးဆက်လက် ထွက်ခွါသွားကြ၏။

ညနေစောင်း အိပ်ပျော်ရာမှ နိုးလာသောရဟန်းတော်သည် လှည်းကုန်သည်များကို မတွေ့ရသဖြင့် တစ်ပါးတည်း တောလမ်းခရီးကို သွားရင်း လမ်းမှားပြီး ရုက္ခစိုးကြီး တစ်ဦး၏နေရာ သစ်ပင်ကြီးအောက်သို့ ရောက်ရှိသွား၏။

ရုက္ခစိုးနတ်ကြီးသည် လူအသွင်ဖြင့် ရဟန်းတော်ထံ ချဉ်းကပ်ပြီး အာလာပသလ္လာပ နှုတ်ဆက်စကားပြောဆိုပြီး သူ၏ဗိမာန်သို့ ပင့်ဆောင် လျှက် ခြေနယ်ဆီတို့ဖြင့် ရဟန်းတော်ကို နှိပ်နယ်ကုသိုလ်ပြု၏။ ထိုသို့ ကုသိုလ်ယူနေစဉ် ပြိတ္တာမ တစ်ယောက်သည် “အရှင် ငါ့ကို အဝတ်ပေးပါ၊ အစာြးွေကးပါ၊ရေတိုက်ပါ” ဟု လာရောက် တောင်းခံနေ၏။

ရုက္ခစိုးနတ်ကြီးက အဝတ် အစားအစာတို့ကို ပေးရှာ၏။ ပြိတ္တာမ လက်ဖြင့် ကိုင်လိုက်သည်နှင် ပြည်တွေ၊ သွေးတွေ ကျင်ကြီး၊ ကျင်ငယ်တွေ ဖြစ် သွားတော့၏။ အဝတ်သည်ပင် မီးတောက်လောင်နေသော သံပြားကြီး ဖြစ်သွားတော့၏။

ထိုအချင်းအရာကို ကိုယ်တိုင်မြင်နေရသော ရဟန်းတော်သည် အဘယ်အကုသိုလ်ကို ပြုမိမှား၍ ထိုကဲ့သို့ဆိုးကျိုးကို ပြိတ္တာမ အခုလို ခံစားရတာ ပါသလဲ? ဟု မေးသဖြင့် ဇနီးမောင်နှံဖြစ်ခဲ့ကြစဉ်က လင်ယောကျာ်း အလှူကို မကြည်ဖြူဘဲ ဆဲရေးတိုင်းထွာ ပြုခဲ့ခြင်း အကုသိုလ်ကြောင့် ပါဘုရား -ဟု ပြောပြ၏။

“အရှင်ဘုရား၊ပြိတ္တာမ အခုလိုဘဝမှ လွတ်မြောက်ရန် နည်းလမ်းကောင်းရှိပါသလားဘုရား” ဟု မေးလျှာက်၍ “နည်းလမ်းရှိပါတယ်၊ ဘုရားအမှူး ရှိသော သံဃာတော်ကို ပြိတ္တာမအတွက် ရည်စူးပြီး လှူပါ၊ ပြိတ္တာမကိုလည်း သာဓု ခေါ်စေပါ” ဟု ပြောပြ၍ ရုက္ခစိုးနတ်မင်းသည် မွန်မြတ်သော အစားအသောက်တို့ကို ပေးလှူပြီး ပြိတ္တာမကို အမျှပေးဝေ လိုက်၏။ ထိုခဏမှာပင် ပြိတ္တာမသည် နတ်၌ဖြစ်သည့် မွန်မြတ်သော အစားအစာတို့ကို စားသောက်ခွင့်ရပြီး ကိုယ်ခန္ဓြာ ပည့်ပြည့် ဖြိုးဖြိုး အလှတိုး သွားပါသတဲ့။

တဖန် ဘုရားရှင်အား ရည်စူး၍ ရဟန်းတော်၏ လက်သို့ နတ်အဝတ်ကို လှူဒါန်းပြီး ပြိတ္တာမကို သာဓုခေါ်စေပြန်၏။ နတ်ဝတ်တန်ဆာတို့ဖြင့် တန်ဆာဆင်လျှက် လိုအပ်သမျှ ပြည့်စုံသည့် နတ်သမီးအသွင် ချက်ချင်းပင် ဖြစ်သွားပြန်သတဲ့။

ထို့သို့ လက်ငင်းအကျိုးရခြင်းသည် သံဃဂုဏ်ကိုးပါးအနက် ဒက္ခိဏေယျသံဃဂုဏ်ကြောင့် ဖြစ်၏။ ထိုရဟန်းတော်သည် သီလစင်ကြယ်၏။ တရားကို အမြဲရှုမှတ်ပွားများ နေသူဖြစ်၏။ ထိုကြောင့် စိုက်ယာမြေကောင်း၌ စိုက်ပျိုးအပ်သော ပျိုးပင်သည် အလျှင်အမြင် ရှင်သန်ကြီးထွား အကျိုးများသကဲ့ ချက်ချင်လက်ငင်း အကျိုးပေးခြင်း ဖြစ်၏။

ထိုဂုဏ်တော်သည် တမလွန်ဘဝ ရောက်သွားသူတို့အား ရည်မှန်းလှူဒါန်းရာ၌ ရည်ရွယ်သမျှ ပြည့်ပြည့်ဝ၀ အကျိုးရ စေနိုင်သော ဂုဏ်တော်ဖြစ်၏။ ထိုဒက္ခိဏေယျသံဃဂုဏ်တော်ကို အာရုံယူ၍ ဆွမ်းသွတ်ကြရမည်။

ရုက္ခစိုနတ်မင်းနှင နာနာဘာဝကို တိုက်ရိုက် တွေ့ရခြင်းသည် တောတောင်အရပ်သို့ တစ်ပါးတည်း ရောက်သွားခြင်း၊ ပင်ကိုယ်က တရား အားထုတ်လေ့ ရှိသူဖြစ်ခြင်း သီလစင်ကြယ်ခြင်းခြင်း၊ သမာဓိအလွန်တည်ခြင်း တို့ကြောင့် ဖြစ်၏။

ရုက္ခစိုးနတ်မင်း ပြောသကဲ့သို့ ရုက္ခစိုးနတ်မင်းနှင့် နာနာဘာဝ(ပြိတ္တာမ)တို့ ဘဝတစ်ကွေ့၌ ပတ်သက်ဆက်စပ်မှု့ ကားဤသို့ ဖြစ်၏။

ရဟန်းတော်(၁၂)ပါးသည် ဘုရားရှင်ထံတော်မှ ကမ္မဋ္ဌာန်း တရားတောင်းခံပြီး တရားအားထုတ်ခြင်းငှါ သင့်လျော် သော နေရာစရာကျောင်းကို ရှာဖွေဖို့ သာဝတ္ထိမြို့မှ ထွက်ခွါလာကြကုန်၏။

ဘုရားရှင် လက်ထက်တော်က ရဟန်းတော်များသည် ကိုယ်ပိုင်ကျောင်းများ မရှိကြ၊ တစ်ကျောင်းတည်း၌ တသက်လုံး ကျောင်းထိုင်ပြီး သီတင်းသုံးလေ့ မရှိတတ်ကြ။ ကိုယ့်ပရိက္ခရာ ကိုယ်လွယ်ပြီး ထိုထိုဤ အရပ်များသိြုွ့ကရောက် တရားအားထုတ်ကြကုန်၏။ ဘုရားနှင်အတူ လိုက်ပါ နေထိုင်ကြ၍လည်း အမြဲတရားနာကြကုန်၏။ နေရာနှင့်ပါတ်သက်၍ အတွယ်အတာ အငြိအကပ် ဘာမှမရှိကြ။ ငှက်များကဲ့သို့ သွားလာ နေထိုင်ကြကုန်၏။

ဝါဆိုဖို့ အချိန်ကလည်း နီးကပ်လာပြီဖြစ်၍ အရိပ်လည်းရ၊ သောက်ရေနှင့်လည်း ပြည့်စုံ၊ ဆွမ်းခံရွာနှင့်လည်း အလွန် မဝေးသော တောအုပ်တစ်ခု၌ ဝါကပ်နေထိုင်ကြရန် ဆုံးဖြတ်ကြ၏။ နောက်တစ်နေ့ဆွမ်းခံချိန်၌ ရွာထဲသို့ ဆွမ်းခံဝင်ကြ၏။ ရွာသည် အိမ်ခြေ(၁၁)အိမ်မျှရှိပြီး ယက်ကန်လုပ်ငန်းဖြင့် အသက်မွးမြူကြကုန်၏။

ရွာရှိဒကာ၊ ဒကာမတို့သည် ရဟန်းတော်များကို ဖူးတွေ့ကြရပြီး ဝမ်းမြောက်ဝမ်းသာ တစ်အိမ်တစ်ပါးကျစီ ပင့်၍ ဆွမ်းလောင်းလှူကြကုန်၏။ (၁၂)ပါးမို့ အကြီးအကဲ ရွာသူကြီးက နှစ်ပါးကပ်လှူရ၏။

ထိုတောအုပ်၌ တောရကျောင်းကလေးများလည်း ဆောက်လုပ်ပေးကြ၏။ ရဟန်းတော်များသည် ထိုအရပ်တွင် ဝါဆိုကြ၏။ ယက်ကန်းသည် အကြီးအကဲက နှစ်ပါး၊ အခြားသူများက တစ်ပါးစီဖြင့် တစ်ဝါတွင်းလုံး ဆွမ်းလောင်းလှူကြသည်။

အကြီးအကဲ၏ ဇနီးမယားသည် သဒ္ဓါတရားမရှိ၊ ရတနာမြတ်သုံးပါးကို မကြည်ညို၊ မိစ္ဆာဒိဋ္ဌိအယူရှိ၏၊ အလွန်နှမြောတွန့် တိုလှ၏။ ရဟန်းတော်တို့ကို ရိုသေလေးစားစွာ ဆည်းကပ်လုပ်ကျွေးခြင်း အလျဉ်းမရှိ။

သူမ၏ ညီမဖြစ်သူသည် သဒ္ဓါတရား ရှိ၏၊ ရတနာမြတ်သုံးပါးကို ကြည်ညို၏၊ ရဟန်းတော်များကို ကျကျနန ဆည်းကပ် လုပ်ကျွေး၏။ ထို့ကြောင့် ခယ်မဖြစ်သူကို နေအိမ်၌ ခေါ်ထားပြီး ဆွမ်းကွမ်းဝေယျဝစ္စကို ဆောင်ရွက်စေရ၏။

ဝါလကင်းလွတ်သီတင်ကျွတ်၌ အရှင်မြတ်(၁၂)ပါးတို့အား တစ်ပါးစီလျှင် သင်္ကန်းတစ်ကျစီလှူဒါန်းကြ၏။ ထိုအခါ ယက်ကန်းသည်ကြီး၏ ဇနီးမယားသည် စိတ်ဆိုးအမျက်ထွက်ကာ ခင်ပွန်းသယ်ကို-

“တပည့်တော်က ရဟန်းတွေကို လှူဒါန်းပေးကမ်းတယ်၊ ဆွမ်းကွမ်း ဆက်ကပ်တယ်၊အဲဒီကောင်းမှု့ကြောင့် နောက်ဘဝကျရင် ကျင်ကြီး ကျင်ငယ် ပြည် သွေးတို့ကို စားရတဲ့ဘဝ ရောက်ပါစေဟယ်၊ မီးတောက်လောင်နေတဲ့အဝတ်ကို ရှင် ဝတ်ရပါစေဟယ်” ဟု ကျိန်ဆဲတော့၏။ ထိုဇနီးမယားမျိုးကို “ ထဒ္ဓမစ္ဆရိနီ” ပြင်းပြင်းထန်ထန် နှမြောလွန်းအားကြီးရှိသူ-ဟု ပိဋကတ်၌ ဆို၏။

ကွယ်လွန်ကြသောအခါ ယက်ကန်းသယ်ကြီးသည် တောအုပ်ကြီးတွင် ဘုန်းတန်ခိုးကြီးမားသော ရုက္ခစိုးနတ်ကြီး ဖြစ်၏။ နှမြောတွန့်တိုသော ဇနီးသည်လည်း ရုက္ခစိုးနတ်ကြီးနေထိုင်ရာ တောအုပ်အနီးအပါး၌ ပြိတ္တာမ လာဖြစ်၏။

ပြိတ္တာမ၌ အဝတ်မရှိ၊အလွန်အရုပ်ဆိုး၏၊ငတ်ပြတ်ပြီးအမြဲဆာလောင်နေ၏။ထိုအခါ ရုက္ခစိုးကြီးထံလာပြီး-

“ အရှင်၊ ကျွန်မမှာ ဝတ်စရာအဝတ်မရှိပါ၊ အလွန်ပင် ဆာလောင်မွတ်သိပ်နေပါတယ်၊ အဝတ်နဲ့အစားအသောက် ပေးပါ၊ကျွေးပါ” ဟု အမြဲတောင်း ရရှာ၏။

ရုက္ခစိုနတ်ကြီးသည် အလွန်ကောင်းမွန်သော နတ်တို့၏ အစာအသောက်တို့ကို ပေးကျွေး၏။ သို့သော် ပြိတ္တာမ ယူလိုက်သည်နှင့် အစားအသောက် တို့သည် ကျင်ကြီးကျင်ငယ် ပြည်သွေးတို့ ဖြစ်ကုန်ကြ၏။ပေးအပ်သော အဝတ်သည် ပြိတ္တာမ ဝတ်လိုက်သည်နှင့် အလျှံငြီးငြီး မီးတောက်လောင်နေသော သံပြားကြီး ဖြစ်သွားတော့၏။ ပြိတ္တာမသည် ကြီးစွာသော ဒုက္ခကို ပြင်းပြင်း ထန်ထန်ခံးစားရပြီး အဝတ်ကို စွန့်၍ အော်ဟစ် ပူဆွေး ငိုကြွေး ပြေးလွှားနေရရှာ၏။

သူမ ကျိန်ဆဲခဲ့သော ဝစီကံ အကုသိုလ်တို့သည် သူမထံသို့ ပြန်လည်၍ အကျိုးပေး နေတော့၏။ ကိုယ့်ကံ ကိုယ်ထံပြန် ခြင်းသည် မည်သူမပြု မိမိအမှု့သာ ဖြစ်၏။

ဤသို့ ဖြစ်ရပ်မှန်အကြောင်းအရာကို ရုက္ခစိုးနတ်မင်းကြီးက ရဟန်းတော် ပြောပြပြီးနောက် ရဟန်းတော်ကိုနတ်ခိုး ဖြင့် သာဝတ္ထိမြို့ ဇေတဝန်ကျောင်း ဘုရားထံသို့ နေ့မကူးစေဘဲ ရောက်သွားစေပါသည်။ ရဟန်းတော်သည် ဘုရားရှင်အား ဦးချရှိပြီး ထိုဖြစ်အင်ကို လျှောက်ထားသည်။ ဘုရားရှင်က တရားနာပရိတ်တို့အား သူတစ်ပါးအလှူကို မကြည်ဖြူနိုင်ဘဲ နှိမ့်ချ ဆဲဆို အပြစ် ပြောသူ၏ တမလွန်ဘဝ ဖြစ်ထွေကို သံဝေဂယူနိုင်ရန် ဟောကြား တော်မူ၏။

ကိုယ့်ပစ္စည်းကို နှမြောခြင်းသည် မစ္ဆရိယ၊ ကိုယ့်ပစ္စည်းကိုပင် အကြိမ်ကြိမ် ထပ်တလဲလဲ နှမြောနေခြင်း၊သူများပိုင် ပစ္စည်းကို ကိုယ်က လိုက်ပါ နှမြော နေခြင်းနှင့် သူတစ်ပါးတို့ လှူဒါန်းခြင်းကို ဟန့်တားပိတ်ပင်ခြင်းကို ထဒ္ဓမစ္ဆရိယ-ဟု ဆို သည်။ သာမာန်မစ္ဆရိယထက် ကြမ်းတန် ဆိုးဝါးသော နှမြောဝန်တိုခြင်းမျိုး ဖြစ်၏။

ဘာမှ မသက်ဆိုင်ဘဲ သူတစ်ပါး လှူဒါန်းနေသည်ကို ဟန့်တားခြင်း၊ပိတ်ပင်ခြင်းကို ပြုတတ်သော ပုဂ္ဂိုလ်များ၊ ကိုယ့်ပစ္စည်း မဟုတ်ပါဘဲ သူတစ်ပါး လှူဒါန်းနေသည်ကို ကြားကဝင်၍ နှမြောနေတတ်သူများ၊အလှူဒါနကို ကဲ့ရဲ့ ပြစ်တင် နေ သူများနှင့် ကြုံဖူး တွေ့ဖူးကြမည်ထင်ပါသည်။

ထိုပုဂ္ဂိုလ်များသည် “ထဒ္ဓမစ္ဆရီ” ကြမ်းထမ်းသော နှမြောခြင်း တွန့်တို စေနှဲခြင်းရှိသူ၊ အလွန်စက်ဆုပ် ရွံရှာစရာကောင်းသူများဖြစ်ကြ၏။

သူတစ်ပါးတို့ ပြုအပ်သော ကောင်းမှု့ကို ကဲ့ရဲ့ပြစ်တင် ရှုံ့ချ ကန့်ကွက် ဟန့်တားသူတို့ ရရှိခံစားရသော တမလွန်ဘဝ အနေအထားမှာ အလွန်ပင် ကြောက်စရာ ကောင်းလှ၏။ သံဝေဂယူလျှက် သူများအလှူကို မကဲ့ရဲ့မိစေဖို့ သတိပြုသင့်၏။

ထိုကဲ့သို့ သူတစ်ပါးအလှူကို ကဲ့ရဲ့မိခြင်းကြောင့် အဖြစ်ဆိုးလှပုံကို ပြိတ္တာမ(နာနာဘာဝ)၏ ဖြစ်ထွေက အသိပေးနေ၏။ ရဟန်းတော်နှင့် ရုက္ခစိုးနတ်မင်းတို့သည် သီလပြည့်စုံပြီး တရားအားထုတ်နေသူ၊ တန်ခိုးကြီးသူ များဖြစ်ကြ၍ နာနာ ဘာဝပြိတ္တာမက မည်သို့မျှ အန္တရာယ်မပြုနိုင်ဘဲ သူမဒုက္ခကို ကယ်တင်ဖို့သာ တောင်းပန်ခဲ့သည်။ ရဟန်းတော်နှင့်ရု က္ခစိုး နတ်မင်းတို့သည် နာနာဘာဝပြိတ္တာမအပေါ် မေတ္တာဖြင့် ကူညီ ကယ်တင်ပေးကြ၏။

အချို့နာနာဘဝပြိတ္တာများသည် မေတ္တာဖြင့်တုန့်ပြန်ခြင်းမခံရပါက လူကို အန္တရာယ်ပြုတတ်သည် သဘောရှိပုံရ၏။

လွန်ခဲ့သည့် တစ်ပတ်ခန့်က စာရေးသူထံသို့ ဒဂုံဆိပ်ကမ်း ယုဇနဥယျာဉ်မြို့၌ နေထိုင်သူ ဒကာဦးကျော်ဝင်းက သမီးမင်္ဂလာဆောင်မည်ဖြစ်၍ မင်္ဂလာဆွမ်းစား လာပင့်၏။ ညောင်စာရေးတိုက်နယ်အသင်း ဥက္ကဋ္ဌ ဦးတင်ညွန့်လည်းပါလာ၍ ညောင်စာရေးရွာသား အချင်းချင်းတွေ ဖြစ်ကြ၍ ရွာကြောင်းရပ်ကြောင်း အချိန်ကြာ စကားဖွဲ့ဖြစ်ကြ၏။

စာရေးသူက“ ဆရာ၊ စိန်ကလေးရွာထိပ်မှာ သနက်ခါးခြံလုပ်သေးမို့လား” ဟု မေးရာ-

လုပ်ခဲ့ကြောင်း၊ အဆင်မပြေ၍ ဒီအတိုင်း ပစ်ထားခဲ့ကြောင်းကို ပြောပြ၏။ ဒကာဦးကျော်ဝင်းမှာ မူလတန်းကျောင်း အုပ်အဖြစ်မှ အငြိမ်းစား ယူခဲ့သူဖြစ်၍ စာရေးသူက နှုတ်ကျိုးနေသည့်အတိုင်း ဆရာဟုခေါ်ခြင်းဖြစ်သည်။ စိန်ကလေးရွာဆို တာ စာရေးသူတို့ ညောင်စာရေးရွာ၏ အရှေ့တောင်ဘက်တွင် တစ်မိုင်အကွာ သာသာမျှအဝေး၌ ရှိ၏။

စာရေးသူ ငယ်စဉ်က စိန်ကလေးရွာ အရှေ့ဖက် ကပ်လျှက် တောင်မြောက် သွယ်တန်းပြီး သစ်ပင် ဝါးပင်တို့ဖြင့် တောင်မို့မို့ တောတန်း စိမ်းစိမ်းဖြစ်၏ ။ အရှေ့ဖက် တလျှောက် ရေနံမြေရောက်သည့်အထိ တောဖြစ်နေ၏။ တောလိုက်သူများ၊ ငှက် ပစ်ထွက်သူများ တောလိုက်ရာ ငှက်ပစ်ရာ တောလည်း ဖြစ်ခဲ့၏။

ထိုစဉ်က ရွာ၌ ယုံသား၊ ချေသား၊ တောဝတ်သားများ စားခဲ့ကြ ရသည်ကို မှတ်မိနေ၏။ တောလည်း သာမော၊ တောင်လည်း သာစွ၊ စိမ့်ရေ စမ်းရေနှင့် မြိုင်ကြီးဂနိုင်ကြီး ဖြစ်ခဲ့ဘူး၏။

ပျံလွန်တော်မူသွားသော ဆရာတော်ကြီးသည် ဆေးအမယ်များစွာဖြင့် နှစ်စဉ် နန်းတွင်းလျှာဘိုဆေး(ငန်းဆေး)နှင့် အခြားသော ဆေးများကို ဖေါ်လေ့ ရှိသဖြင့် စာရေးသူ အပါအဝင် ကိုရင်ကျောင်းသား များသည် ဥပုသ်နေ့များတွင် ဆီးမီးတောက်ဥ ၊ပိန်းဥ၊ ကြွေဥ၊ ရှဥ့်မတက်ဥ၊ ပိန်ချင်းသီး- စသော ဆေးဖက်ဝင် အပင်များကို ရှာဖွေပေးကြရသည်။

ရွာသူရွာသားများ ထင်းခုတ်ခြင်း၊ တောင်ယာလုပ်ခြင်းကို ထိုတောထဲမှာပင် ခုတ်ကြ၊ထွန်းယက်စိုက်ပျိုးကြ၏။ တောထဲ သွားမယ်၊ တောတက် ထင်းခုတ်မယ်-ဆိုကြသည်။ အင်ပင်များအလွန်ပေါသဖြင့် အင်တောကြီးဖြစ်၏။ဆယ်ကြီးရွာမှ အမျိုးသမီးများသည် မနက်စောစော ညောင်စာရေးဈေး သို့ အင်ဖက်လာရောင်းကြ၏။ အသုပ်စုံ၊ မုန့်ဟင်း ခါစ သောသွားရေစာများအပြင် ဈေးဆိုင်တိုင်းရောင်းချသော ပစ္စည်းများကို အင်ဖက်များဖြင့်သာ ထိုစဉ်က ထုပ်လျှက် ရောင်းချကြ၏။

အလှူပွဲများ၌ ချက်ပြီးဆွမ်းများကို တောင်း၌ အင်ဖက်များကာ၍ထည့်ကြရ၏။အင်ဖက်နံ့ ကလေးသင်းလျှက်ဖြစ်နေ၏။ (ရွာမုန့်ဟင်း ခါးသည် တပင်တိုင်ခေါ် တမယ်(ပဲဟင်း)ပျစ်ပျစ်နှင့်ငရုပ်သီးဆီချက်သာ ဆမ်းထား၍ အင်ဖက်ဖြင့် ထုတ်လို့ရသည်။)

ယခင်က ရွာအရှေ့ဖက် ကြည့်လိုက်က နေပျောက် မထိုးသည့် ညှို့ညှို့ဆိုင်း၊ အုံ့အုံ့မှိုင်းနေသော ထိုတော ထိုတောင်သည် ယခုတော့ တောပြုန်း တောင်လည်း ကတုန်းဖြစ်သွားပြီ။ ထို့ကြောင့် လောင်းရိပ်မကြိုက်သည့် သနက်ခါး စိုက်ပျိုးဖို့ဖြစ် လာ၏။

“ဘယ်လို အဆင်မပြေတာလဲ ဆရာဆိုတော့” “ နေရာ ကြမ်းတယ်ဘုရာ့” တဲ့။

“ဘယ်လို နေရာ ကြမ်းတာလဲ ဆိုတော့” သရဲအလွန်ခြောက်ကြောင်းကို ပြောပြသည်။

“ တပည့်တော် သနက်ခါးပင်တွေ စိုက်တာ အောင်မြင်တယ်ဘုရား၊ ဖြစ်ထွန်းတယ်ပေါ့၊ အဲဒီအခါမှ တူဖြစ်သူ ကိုကို မောင်ကို အစောင့်ထားတယ်။ သနက်ခါးက သုံးနှစ်လောက်မှာ လက်ကောက်ဝတ်လောက် အပင်တွေဖြစ်လာတယ်။ အဲဒီ မှာ ခိုးခုတ်ကြတယ်။ လူငယ်ဆိုတော့ ပြဿနာဖြစ်မှာ စိုးတာနဲ့ စိန်ကလေးရွာက ဦး ......ကို အစောင့်ငှါးထားလိုက်တယ်။ ခိုးခုတ်တာတော့ မရှိတော့ဘူး၊ ဒါပေမယ့် စောင့်တဲ့ ဦး .....ကို မနေနိုင်အောင် ခြောက်လှန့်တယ်ဘုရား၊ ခြောက် တာက သရဲမ-တဲ့ ဘုရား” ။

သရဲမ-ဆိုတာနှင့် စာရေးသူက စိတ်ဝင်စားပြီး “ လုပ်ပါဦး သရဲမဆိုတော့ ကြောက်စရာကောင်းလောက်အောင် ဘယ်လို ခြောက်တာလဲ ဆရာ” ဆိုတော့- “အစောင့်ဦးကြီးက သောက်အစား ခုံမင်တဲ့အပြင် အကြောက် အလန့်လည်း မရှိသူဆိုတော့ ခြောက်ပေမဲ့ ဘာပြဿနာမှ မရှိဘူးဘုရား၊ သူကတော့ အေးဆေးဘဲ” “ ဟုတ်ပါပြီး ဆရာရဲ့၊ အစောင့်ဦးကြီး မကြောက်တာ ထားပါတော့၊ သရဲမ ဘယ်ပုံဘယ်နည်း ခြောက်တယ်ဆိုတာကို ဘုန်းကြီးက သိချင်တာလို့” မေးတော့- “အဲဒါတော့ အဲဒီ အစောင့်ဦးကြီးက ပြောမပြဘူးဘုရား၊ သရဲမဆိုတာနဲ့ ခြောက်တာကိုသာ သူက ပြောခဲ့တာ”

“ဒါဆို ဘုန်းကြီး ရွာပြန်ရောက်ရင် စိန်ကလေးရွာက အဲဒီ အစောင့်ဦးကြီးကို သွားမေးရဦးမယ်၊ ဆောင်းပါးတစ်ပုဒ် ရတာပေါ့၊ နို့မိုဆို ဆောင်းပါးတစ်ပုဒ် ရေးရင် မိတ်ဆွေ စာချဆရာတော်တွေနောက်သလို မျိုးဖြစ်နေတယ်”

စာရေးသူကို အတူနေ စာချဘုန်းကြီးများက “သရဲဘယ်လိုခြောက်ရမလဲ” လို့ စဉ်းစားနေသလားဟု အမြဲနောက်ကြ၏။ “ သူ မရှိတော့ဘူးဘုရား၊ အဲဒီ သနက်ခါးစိုက်ခင်းမှာဘဲ သရဲမ-အခြောက်ခံရပြီး ဆုံးသွားတယ်ဘုရား ၊ဒါကြောင့် တပည့်တော်လဲ စိတ်ပျက်ပြီး သနက်ခါးစိုက်ခင်း ဒီအတိုင်း ထားပစ်ခဲ့တာ” တဲ့။

စာရေးသူက ဇာတ်တော်က ပြိတ္တာမလို အဝတ်မပါ ဗလာချည်းနှီးများ ခြောက်မည်အထင်ဖြင့် မေးခြင်းဖြစ်သည်၊

ယခုတော့ ငယ်စဉ်က နေဝင်မိုးချုပ် အပြင်ထွက်ချင်လို့ ပူဆာတတ်သော ကလေးကို လူကြီးသူမတွေက “ နင့်ကို သရဲ ဂုတ် ချိုး သတ်စားလိမ့်မယ်” ခြောက်လှန့်သလိုမျိုး အစောင့်ဦးလေးကြီးကို သရဲမက ဂုတ်ချိုးသတ်ပစ်လေရော့လားဟု အတွေးပွားရုံမှတပါး အခြားမရှိပြီ။

ရဟန်းတော်နှင့် ရုက္ခစိုးနတ်မင်းတို့က ဘုန်းကံကြီးသူတွေဖြစ်သည့်ပြင် ပြိတ္တာမ(နာနာဘာဝ)ကို မေတ္တာထားနိုင်ကြ သူတွေ ဖြစ်၏။

ကိုယ်က မေတ္တာပေးတော့ သူ(ပြိတ္တာမ)ကလည်း မေတ္တာပြန်မပေးနိုင်သည့်တိုင် ဒေါသဖြင့် ဒုက္ခမပေးတော့၊ သနက်ခါးခြံစောင့် ဦးလေးကြီးကတော့ အသောက်အစား ခုံမင်သူဖြစ်၍ ညပိုင်း မူးနေပေလိမ့်မည်၊ ထွေနေသောစိတ်၊ ရီဝေနေသောစိတ်ဖြင့် ဆဲမည်ဆိုမည်၊ ပေါက်တတ်ကရလုပ်မည် သရဲမ(နာနာဘာဝ)ကို မေတ္တာထား အမျှပေးဝေမည့် သူမဟုတ်။ ဒါဆို သူရာကြောင့် သိစိတ်မဲ့နေသော ဦးလေးကြီးကို နာနာဘာဝ(သရဲမ)က လည်း မေတ္တာဖြင့် သီးခံမည်မဟုတ်၊အသာစီး ရနေ သဖြင့် ဒေါသဖြင့် လူကြီးတွေ ခြောက်လှန့်သလိုမျိုးများ? (သို့မဟုတ်)အမူးလွန်ကာ အင်း အအေးပတ်ပြီးများ?

အရှင်ပညာသီဟာဘိဝံသ(ပဉ္စနိကာယ်)

မေတ္တာများဖြင့်

မေတ္တာဥယျာဉ်

http://www.ashinsirinda.com/

2011-ခု၊ မေလ- ၉--ရက်၊ တနင်္လာနေ့ ။