* သဗ္ဗဒါနံ ဓမ္မဒါနံ ဇိနာတိ၊ * သဗ္ဗရသံ ဓမ္မရသော ဇိနာတိ။

* သဗ္ဗဒါနံ ဓမ္မဒါနံ ဇိနာတိ၊     * သဗ္ဗရသံ ဓမ္မရသော ဇိနာတိ။

နမတ္ထု ဗုဒ္ဓါနံ နမတ္ထု ဗောဓိယာ။ နမော ဝိမုတ္တာနံ၊ နမော ဝိမုတ္တိယာ။

ဘုရားရှင်တို့ အား ရှိခိုးပါ၏။
ဘုရားရှင်တို့ ၏ မဂ်ဥာဏ် ဖိုလ်ဥာဏ်အား ရှိခိုးပါ၏။
ကိလေသာတို့ မှ လွတ်မြောက်တော်မူကြသော ဘုရားရှင်တို့ အား ရှိခိုးပါ၏။
ထိုဘုရားရှင်တို့ ၏ ဝိမုတ္တိငါးပါးအား ရှိခိုးပါ၏။

ကရုဏာလက်များ ကမ်းလင့်ပေးပါ...

ကရုဏာလက်များ ကမ်းလင့်ပေးပါ...
စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။

ပညာရေးအလှူတော် နှိုးဆော်ချက်


ရန်ကုန်မြို့ အသောကာရာမ သီလရှင်စာသင်တိုက်မှ နဝမတန်း ဖြေဆိုမည့် သီလရှင် ဆရာလေးများအတွက် ဆရာ၊ ဆရာမများ လစဉ် ထားပေးနိုင်ရန် ပညာရေးအလှူရှင်များ လိုအပ်နေပါသည်။ ရွှေစေတီ ဘုန်းတော်ကြီးသင်ပညာရေးကျောင်းတွင်လည်း ဆင်းရဲနွမ်းပါးသည့် ၉ တန်းနှင့် ၁၀ တန်း ကျောင်းသားများ ကျောင်းအိပ်ကျောင်းစား နေထိုင်ပညာဆည်းပူးနိုင်ရေးအတွက် ကူညီထောက်ပံ့မည့် ကုသိုလ်ရှင်များ လိုအပ်လျက် ရှိပါသည်။ စေတနာရှင် အလှူရှင်များ အနေဖြင့် ထေရဝါဒ ဗုဒ္ဓဘာသာ လူငယ်များအသင်း http://www.mmtheravada.org ဖုန်း
09-73062811, 09-5505176 သို့ ဆက်သွယ်လှူဒါန်းကြစေလိုပါသည်။

သီလရှင် ဆရာလေးများနှင့် ကလေးများ ဇွန်လအမီ ကျောင်းတက်နိုင်ရေးအတွက် ကာလဒါန ကုသိုလ်အဖြစ် သဒ္ဓါတတ်အား နည်းများမဆို လှူဒါန်းကူညီကြပါရန် နှိုးဆော်အပ်ပါသည်။

ဝိမုတ္တိရသ အဖွဲ့သားများ

------------------------
နောက်ဆက်တွဲသတင်း.....

ပညာရေးအလှူတော်လှူဒါန်းမည့်အစီအစဉ်

ထေရ၀ါဒဗုဒဘာသာ လူငယ်များ အသင်းမှ ဦးစီး၍ (၂၀၁၁) ခုနှစ်တွင် န၀မတန်းသို့ တက်ရောက်မည့် ကျောင်းသား (၂၅) ယောက်နှင့် ကျောင်းသူ (၂၅) ယောက်အား ပညာရေးထောက်ပံ့မှုပြုလုပ်ပေးနိုင်ရန် စီစဉ်ထားပါသည်။

ပြုလုပ်မည့်အစီအစဉ်

ကျောင်းသားများအား ရွှေစေတီဘုန်းကြီးကျောင်း (ဆရာတော် ဦးတေဇန္ဒိ၊ ခ/(၃) ရက်ကွက်၊ ရွှေစေတီကျောင်း၊ မင်္ဂလာဒုံမြို့နယ်) တွင်ထားရှိမည်ဖြစ်ပြီး ကျောင်းသားများသည် မိမိတို့ ဆန္ဒအလျောက် ကိုရင်ဝတ်လိုကလည်း ၀တ်နိုင်ပါသည်။ ကျောင်းသူများအား အသောကာရာမ သီလရှင်စာသင်တိုက် (ဆရာလေးဒေါ်သုနန္ဒာ (ဖုန်း-၀၉-၈၆၂၈၈၁၁)၊ ၀ါယာလက်ဈေးမှတ်တိုင်၊ ရွှေနှင်းဆီရပ်ကွက်၊ မင်္ဂလာဒုံမြို့နယ်) တွင်ထားရှိပါမည်။ အသောကာရာမကျောင်းမှ သီလရှင်များသာလက်ခံသည်ဖြစ်၍ ကျောင်းသူများမှာ သီလရှင်ဝတ်ရပါမည်။ သီလရှင်များတက်ရောက်ရမည့် အ.ထ.က ကျောင်းမှာ အသောကာရာမ ကျောင်းမှလက်ရှိ သီလရှင်များ တက်ရောက်နေသော ကျောင်းဖြစ်၍ ပညာသင်ကြားမှုတွက် အခက်အခဲ မရှိနိုင်ပါ။ စာသင်သူများ စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။ အသေးစိတ်ဆောင်ရွက်မည့် အချက်အလက်များအားလည်း ဆက်လက်ဖော်ပြသွားပါမည်။

လျောက်ထားမည့် သူများ ပြည့်စုံရမည့်အချက်များမှာ

(က) ကျောင်းသူများမှာ သီလရှင်ဝတ်နိုင်ရပါမည်။

(ခ ) မိဘများမှ နေထိုင်ရန်ခွင့် ပြုသူဖြစ်ရပါမည်။

(ဂ ) စာသင်သားများနေထိုင်မည့် ကျောင်းတွင်း စည်းကမ်းများကို တိကျစွာလိုက်နာရပါမည်။

(ဃ) ကျောင်းထားရန် အမှန်တကယ်အခက်အခဲ ရှိနေသူဖြစ်ရပါမည်။

အထက်ပါအချက်အလက်များနှင့် ပြည့်စုံသူများသည် ထေရ၀ါဒဗုဒ္ဓဘာသာလှူငယ်များ အသင်းသို့ ဆက်သွယ်မေးမြန်းနိုင်ပါသည်။ (http://mmtheravada.org)

ဆက်သွယ်ရန်လိပ်စာ

ကိုထွန်းထွန်းလှိုင်

ဖုန်း ၀၉-၇၃၀၆၂၈၁၁

htunhtunhlaing82@gmail.com

winthu.tbyo@gmail.com

thantzin83@gmail.com

Monday, April 11, 2011

*လိုင်းတူရာဆွဲမယ်…*

သင့်ဘ၀မှာ ထားစရာမရှိအောင် ချမ်းသာချင်သလား.. ဒီလို ငွေကြေးတွေ သင့်ဘ၀မှာ ပိုင်ဆိုင်လာခဲ့ရင်ကော သင့်အကျိုး၊ လောကအကျိုးအတွက် ဘာတွေလုပ်ဖို့ စဉ်းစားမိလဲ..

အဓိက လူတွေဖြစ်နေတာက အကျိုးတရားကိုပဲ မျှော်ကိုးနေပြီး အကြောင်းတရား လုပ်ဖို့ကျတော့ မစဉ်းစားကြတာ၊ မေ့နေကြတာ များတယ်..။

တူသောအကျိုးပေးကို နားလည်ပါ။ နောက်ပြီး ကံအရှိန် အကျိုးပေးရင်လည်း လိုင်းတူရာပဲ ဆွဲတယ်ဆိုတာလည်း သဘောပေါက်ပါ။

  • သင့်မှာ ငွေကြေးပိုက်ဆံ မပြည့်စုံဘူးလား၊ ဒါဆို သင့်အနေနဲ့ သူတစ်ပါးကို စေတနာပါပါနဲ့ ငွေကြေးပိုက်ဆံ အကြိမ်ဘယ်လောက်များများ ပေးကမ်းစွန့်ကြဲ လှူဒါန်းဘူးသလဲဆိုတာ ပြန်သုံးသပ်ရမယ်။
  • သင့်မှာ အ၀တ်အစား မပြည့်မစုံ၊ မလုံမလောက် နည်းပါးနေသလား၊ ဒါဆိုရင်လည်း တစ်ဖက်သားကို သင့်အနေနဲ့ ၀တ်ဆင်သုံးစွဲနိုင်တဲ့ အရာတွေ စေတနာပါပါနဲ့ အကြိမ်ဘယ်လောက် လှူပြီးပြီလဲလို့ ပြန်စဉ်းလိုက်ပါ..။ ရဟန်းသံဃာတွေကို သင်္ကန်းလှူဒါန်းတာလည်း အပါအ၀င်ပေါ့။
  • သင့်ကို တစ်ပါးသူတွေက မလေးမစား ဆက်ဆံနေသလား.. ဒါဆိုရင်တော့ သင်ဟာ ကိုယ့်မိဘ၊ ဆရာသမားအပေါ်၊ ရဟန်းသံဃာတွေအပေါ်၊ ဘုရားအပေါ်၊ တစ်ခြားသူတွေအပေါ် ရိုသေကိုင်းရှိုင်းမှု နည်းနေလို့ပဲ ဖြစ်မယ်။

ဆိုလိုတာကတော့…

ငွေကြေးပိုက်ဆံ အကြိမ်များများ လှူဘူးတဲ့သူဟာ ငွေကြေးပေါတယ်။ (ဘာဘိုးတော် ဘယ်ယတြာ ဘာအိမ်တွင်းနတ်မှ မလိုဘူးနော်..၊ ဘုရားပေးတဲ့ တူသောအကျိုးပေးမယ်ဆိုတဲ့ ယတြာသာ ဆောင်ထား၊ နောက်ပြီး ကမ္ဘာ့အချမ်းသာဆုံး ပုဂ္ဂိုလ်တွေရဲ့ အိမ်မှာ ဘာအိမ်တွင်းနတ်မှ မရှိတာလည်း သတိထားဖို့လိုမယ်။)

အ၀တ်အစား အကြိမ်များများ လှူဘူးတဲ့သူဟာ အ၀တ်အစားပေါတယ်။

တစ်ဖက်သားကို အစားအသောက် အကြိမ်များများ လှူဘူးတဲ့သူက အစားအသောက်ပေါတယ်။

သူတစ်ပါးနေဖို့ နေရာထိုင်ခင်း ပေးလှူတဲ့သူက နေထိုင်စရာနေရာ၊ အဆောက်အဦးပေါတယ်။ (ငှက်ငယ်လေးတွေကို ငှက်အိမ်ဆောက်ပေးတာလည်း ပါတာပေါ့။)

တစ်ပါးသူ ကျန်းမာရေးမှာ ဆေးဝါးပစ္စည်း ထောက်ပံ့လှူဒါန်းဘူးရင် ကိုယ်တိုင်လည်း ကျန်းမာ၊ တကယ်လို့ မကျန်းမမာဖြစ်လာရင်လည်း ကိုယ့်ကို ထောက်ပံ့မယ့်သူက အဆင်သင့်။

တစ်ဖက်သားကို လေးလေးစားစား ရိုရိုသေသေ ဆက်ဆံရင် သင့်ကိုလည်း ဟိုက လေးလေးစားစား ရိုရိုသေသေ ပြန်ဆက်ဆံမှာပဲ။

တစ်ဖက်သားကို ဒေါသ၊ မာနနဲ့ ဆက်ဆံရင်တော့ သင်ကိုယ်တိုင်လည်း ပူလောင်ရသလို၊ သင့်ကို ဒေါသ၊ မာနနဲ့ ဆက်ဆံသူတွေလည်း ပေါ်လာလိမ့်မယ်။

ဒီလိုအကျိုးပေးတွေက သဘာဝနိယာမကြီး၊ ရှောင်လွှဲလို့ မရဘူးတဲ့။ ဒီနေရာမှာ စေတနာ ကံအရှိန်ကလည်း အရေးကြီးသေးသလို၊ တစ်ဖက်လူရဲ့ (တိရစ္ဆာန်လည်း အပါအ၀င်ပေါ့) သီလ၊ သမာဓိ၊ ပညာပေါ်လိုက်ပြီး၊ အလှူခံပုဂ္ဂိုလ်ပေါ်လိုက်ပြီး အကျိုးပေးတဲ့ ဘ၀ပေါင်း၊ အဆပေါင်းတွေကလည်း ရှိသေးတယ်။

ကဲ ဒီတော့ ကိုယ့်ဘ၀မှာ ဘာလိုအပ်နေလဲ.. တစ်ခုလိုနေရင်တော့ သင်တစ်ခုခု ဖြည့်ဆည်းဖို့လိုနေပြီ။ နှစ်ခုလိုနေရင်တော့ နှစ်ခုဖြည့်ဆည်း ကျင့်ကြံရလိမ့်မယ်။ အကုန်လိုအပ်နေရင်တော့ အကုန်ဖြည့်ဆည်းဖို့ လိုမယ်ဆိုတာတော့ ပြောဖို့ လိုမယ်မထင်တော့ပါဘူး။

အဓိက ပြောချင်တာကတော့ တစ်ခုခု ဖြည့်ဆည်းတဲ့ အခါမှာ ကိုယ်ကျိုးမမျှော်ဘဲ တစ်ဖက်သားအကျိုးမျှော်ကိုးတဲ့ မေတ္တာဓာတ်လေး ထပ်ပေါင်းလိုက်ဖို့ပါ။ နောက်ပြီး ဒီလို ဖြည့်ဆည်းနေတာက သံသရာလွတ်ကြောင်းကို ရည်ရွယ်လိုက်ရင်တော့ အတိုင်းထက်အလွန် ပြည့်စုံသွားပါပြီ။

~~~~~~~*****~~~~~~~

လေးစားစွာဖြင့်
ဖိုးသား

4/10/2011, SUN:, 8:32:29 AM

0 comments:

လာလည်ကြသူများ

ဤဘလော့ဂ်၏ ရည်ရွယ်ချက်

ယခုအခါ ကမ္ဘာတလွှားတွင်ရှိနေကြသော ဓမ္မဘလော့ဂ်ဂါများသည် နေ့ စဉ်နှင့် အမျှ အင်တာနက် စာမျက်နှာများ ပေါ်တွင် ဓမ္မနှင့်သက်ဆိုင်သော အကြောင်းအရာ အမျိုးမျိုးကို ပို့ စ်များရေးတင်လျက် ရှိနေကြပါသည်။

ဘလော့ဂ်ဂါများမှ မိမိတို့ ၏ကိုယ်ပိုင် စာမျက်နှာများမှတဆင့် ရေးတင်နေကြသဖြင့် ဖတ်ရှုလေ့လာသူများအတွက် နေရာများစွာသို့  သွားရောက် ဖတ်ရှုနေကြရပါသည်။

ထို့ ကြောင့် စာဖတ်သူများ အချိန်ကုန်သက်သာစေရန်နှင့် မိမိတို့  ဖတ်ရှုလိုရာကို လွယ်လင့်တကူ ရှာဖွေနိုင်ရန် နေ့ စဉ်ရေးသား နေကြသော အကြောင်းအရာများကို တနေရာတည်းတွင် စုစည်းပေးလိုသော ရည်ရွယ်ချက်ဖြင့် ဤဘလော့ဂ်ကို စီစဉ်လိုက်ခြင်းဖြစ်ပါသည်။

ပြောချင်တာများရှိရင် ရေးပေးထားခဲ့ပါ

မြန်မာပြက္ခဒိန်

မြန်မာပြက္ခဒိန်
www.burmeseclassic.com မှ ကူးယူဖော်ပြပါသည်။

  © Blogger templates The Professional Template by Ourblogtemplates.com 2008

Back to TOP