တောင်ကိုရီးယားနိုင်ငံမှ ဗုဒ္ဓဘာသာမေးခွန်းများ အမှတ်စဉ် (၃၅)
မေးခွန်း။ ဗုဒ္ဓဘာသာတွင်လည်း ဘာသာခြား အယူဝါဒများကဲ့သို့ ဘုရားရှင်၏ နုတ်ခပတ်တော် စကား (ဘုရားရှင်၏ မူရင်းစကား) ရှိပါသလားဘုရား၊ ရှိပါက ဖေါ်ပြပေးပါဘုရား။
ဖြူဖြူအောင်၊ မဟာဝိဇ္ဇာ၊
Yonsei University၊ Korean Education၊
ဖြေ။ ဘုရားရှင်၏ မူရင်းစကားမှာ ပါဠိတော် ဖြစ်ပါသည်။ ပိဋကတ်သုံးပုံ နှင့် နိကာယ်ငါးရပ် ဖြစ်ပါသည်။ ပိဋကတ်သုံးပုံသည် နိကာယ်ငါးရပ်တွင် အကျုံးဝင်ပြီးသား ဖြစ်ပါသည်။
ဝိနည်းပိဋကတ် ဆဋ္ဌမူပါဠိတော် အုပ်ရေ (၅) အုပ်ရှိပါသည်။ (ခုဒ္ဒကနိကာယ်တွင်ပါဝင်သည်)။ သုတ္တန်ပိဋကတ် ဆဋ္ဌမူပါဠိတော် အုပ်ရေ (၃) အုပ်ရှိပါသည်။(ဒီဃနိကာယ်တွင်ပါဝင်သည်) အဘိဓမ္မာပိဋကတ် ဆဋ္ဌမူပါဠိတော် အုပ်ရေ (၁၂) အုပ်ရှိပါသည်။( ခုဒ္ဒကနိကာယ်တွင် ပါဝင် သည်) ။
ပိဋကတ်သုံးပုံသည် နိကာယ်နှစ်ခုတည်းတွင်သာ ရှိနေပေသည်။ ကျန်သည့် နိကာယ် (၃) ခုမှာ မစ္ဇျိမနိကာယ်၊ အင်္ဂုတ္တရနိကာယ်၊ သံယုတ္တနိကာယ် တို့ ဖြစ်ပါသည်။ ပါဠိလိုမှတ်တမ်း တင်ထားသော အဋ္ဌကထာ၊ ဋီကာ၊ အနုဋီကာ၊ မဓုဋီကာ၊ ယောဇနာ၊ ဂဏ္ဍိ ကျမ်းစွာများစွာ ရှိနေပါသည်။ ကျမ်းအမည် ကျမ်းရေအတွက် စာအုပ်ရေအတွက် စာရင်းကို အရှင်ဧသိက(ရေစကြို) ရေးသားသော ထေရ၀ါဒ ဗုဒ္ဓဘာသာမှတ်တမ်း စာအုပ်မှ ကူးယူ ဖေါ်ပြအပ်ပါသည်။
၁။ ၀ိနည်း ၅- ကျမ်း ၅- အုပ် ၂။ ဒီဃနိကာယ် ၃- ကျမ်း ၃- အုပ်
၃။ မဇ္ဈိမနိကာယ် ၃ - ကျမ်း ၃- အုပ် ၄။ အင်္ဂုတ္တရနိကာယ် ၅- ကျမ်း ၃- အုပ်
၅။ သံယုတ္တနိကာယ် ၁၁ - ကျမ်း ၃- အုပ် ၆။ ခုဒ္ဒကနိကာယ် ၁၉- ကျမ်း ၁၁- အုပ်
၇။ အဘိဓမ္မာ ၇ - ကျမ်း ၁၂- အုပ် စုစုပေါင်း ၅၃ - ကျမ်း ၄၀- အုပ်ဖြစ်ပါသည်။
တစ်ခြားဖက်မှကြည့်ပါလျှင် ပေရွက်ရေ ၆၃၄၅ - ရွက်၊ ကျောက်ချပ်ရေ ၇၂၉ - ချပ်၊ စာအုပ်ရေ ၄၀ - အုပ်၊ စာရွက်ရေ ၆၅၄၇ - ရွက်၊ စာမျက်နှာ ၁၃၀၉၄ - မျက်နှာ၊ စာကြောင်းရေ ၄၀၄၀၇၀ - ကြောင်းရေ၊ စာလုံး အက္ခရာလုံးပေါင်း ၁၁၀၂၁၇၅၀ - လုံးကိုတွေ့သည်ဟု ဆိုထားပါသည်။ တစ်ဆက်တည်းပင် စာရေးဆရာ အရှင်ဧသိကက သူ၏ စေတနာကို ဖေါ်ပြသည်မှာ ပိဋကသုံးပုံ အာဂုံဆောင်ပုဂ္ဂိုလ်များ၏ ဉာဏ်ကြီးကျယ်မူကို လေးစား ပူဇော်သင့်လှပေ၏။ ပူဇော်တတ်နိုင်ပါစေ ဟု ဖြစ်ပါသည်။ ထပ်ဆင့် ထောက်ခံအပ်ပါကြောင်း ဤ စာရေးသူက ရေးသားအပ်ပါသည်။
0 comments:
Post a Comment