ဟီရိုရှီးမား ဝေဒနာ ပြန်လည်ရှင်သန်
ငလျင်ဒဏ်ကြောင့် ယခုဖြစ်ပျက်နေသော ရွာလုံးကျွတ် ပျောက်ဆုံး ပျက်စီးမှုများနှင့် အဆောက်အဦများ မီးဟုန်းဟုန်း တောက်လောင်နေသည့် ပုံရိပ်များမှာ အဏုမြူဗုံး ကြဲချ ခံခဲ့ရသည့် လွန်ခဲ့သော ၆၅ နှစ် အတိတ်က နာကျင်ဖွယ် ဖြစ်ရပ်များကို ဟီရိုရှီးမား မြို့သားများအား ပြန်ပြောင်း အမှတ်ရစေသည်။
သို့ရာတွင် ဤ နျူကလီးယား ကံကြမ္မာဆိုး ပုံရိပ်များနှင့် ပတ်သက်၍ ပြောချင်သည်ထက် ဂျပန်နိုင်ငံအနေဖြင့် လျှပ်စစ်စွမ်းအားကို ရရှိရန် ကြိုးစားလုပ်ဆောင်ပုံကို ပြောင်းလဲရန် ထောက်ပြကြခြင်းဖြစ်သည်။
“တတိယအကြိမ်မြောက် အဏုမြူဗုံးဒဏ် ခံရသလိုပါပဲ” ဟီရိုးရှီးမား အဏုမြူဘေးဒဏ်မှ ကျန်ရစ်သူ အသက် ၈၂ နှစ် အရွယ်ရှိပြီဖြစ်သည့် ကီဂျီရို မတ်ဆူရှိမက ပြောပြသည်။ “ဒါပေမဲ့ ဒီတစ်ကြိမ်မှာတော့ ကျနော်တို့ ကိုယ်တိုင်ပြုလုပ် ဖန်တီးထားတဲ့ ဗုံး”
ဂျပန်တစ်နိုင်ငံလုံးတွင် အဏုမြူ စွမ်းအင်စက်ရုံ ၅၂ လုံး ရှိနေသည်။ လျှပ်စစ်စွမ်းအား သုံးပုံတစ်ပုံမှာ နျူကလီးယား စွမ်းအင်မှ ရရှိနေခြင်းပင်။ ဤစက်ရုံများကို တည်ဆောက်ခဲ့ရာတွင် နှစ်သုံးဆယ် လည်ပတ်ရန် ဒီဇိုင်းချခဲ့ကြသည်။ သို့ရာတွင် စွမ်းအင် ကုမ္ပဏီများအနေဖြင့် စက်ရုံအသစ်များ ဆောက်လုပ်ရန် လူထု၏ ကန့်ကွက်မှုကို ရင်ဆိုင်ရသဖြင့် ဤစက်ရုံများ အနေဖြင့် နှစ် ၄၀ မှ နှစ် ၅၀ အထိ လည်ပတ်ရတော့မည်ဟု အကီရာတာရှီရို ကပြောပြသည်။
ဟီရိုရှီးမား သတင်းစာ သတင်းထောက် တစ်ဦးဖြစ်သူ တာရှီရိုမှာ နျူကလီးယားစွမ်းအင်နှင့် ဓါတ်ရောင်ခြည် အကျိုးဆက်တို့ကို နှစ် ၃၀ ကျော် အထူးပြု တင်ပြနေခဲ့သူပင်ဖြစ်သည်။ သူ၏ အလုပ်ရှင်ဖြစ်သူ ချုဂိုကူရှင်ဘွန်းမှာ နျူကလီးယား လက်နက်များ ဖျက်သိမ်းရေးအတွက် တိုက်တွန်းလှုံ့ဆော်နေသူ တစ်ဦးပင်။ နျူကလီးယားစွမ်းအားဆိုင်ရာ ကိစ္စရပ်များအပေါ်တွင် အစီရင်ခံ တင်ပြနေခဲ့သူလည်းဖြစ်သည်။
“ဒါကတော့ရင်ဖြင့် အလှည့်အပြောင်းကောင်း ဖြစ်နိုင်ပါတယ်။” တာရှီရိုက ဂျပန်အရှေ့မြောက်ဖက်တွင် ပျက်စီးနေသည့် နျူကလီးယား စက်ရုံများအပေါ် စိုးရိမ်မကင်းဖြစ်မှုများနှင့် ပတ်သက်ပြီး ကောက်ချက်ပြုခြင်း ဖြစ်သည်။ စွန့်ပစ်စရာမလိုပဲ စွမ်းအင်သစ် ဖန်တီးနိုင်သည့် အရင်းအမြစ်များ renewable energy resources နှင့် ပတ်သက်သည့် သုတေသနအတွက် ပိုမို ရင်းနှီး မြှုပ်နှံရန်အတွက် ဂျပန်အစိုးကို တိုက်တွန်းလျက် ရှိသူလည်းဖြစ်သည်။
“အဏုမြူဗုံးနဲ့ ပတ်သက်တဲ့ ကိုယ်ပိုင် အတွေ့အကြုံရှိခဲ့လို့ ဟီရိုရှီးမားအနေနဲ့ ဒီကိစ္စကို ဦးဆောင်ဖို့ ကျနော် မျှော်လင့်ပါတယ်။” သူက ပြောပြသည်။
A-Bomb မှ အသက်ရှင် ကျန်ရစ်သူ မတ်ဆူရှိမက ယခုရက်ပိုင်းအတွင် ဓါတ်ရောင်ခြည် ထိမှန် ခံရဖွယ်ရှိသည့် သူများအတွက် စိုးရိမ်နေသည်။ သို့ရာတွင် နျူးကလီးယား စွမ်းအင်ကို အစားထိုးရန် အခြားသော ရေရှည် နည်းလမ်းကိုမူ မမြင်ရသေး။ “ကံမကောင်းတာကတော့ ဒီ တိုင်းပြည်ငယ်လေး ဖြစ်နေတာပါ။ ဂျပန်မှာက စွမ်းအင်များများ မရှိဘူး။ မရှိမဖြစ် လိုအပ်နေတဲ့ မိစ္ဆာပါပဲ။”
နိုင်ငံသားများ အဏုမြူ သတင်းအချက် အလက်စင်တာမှ ရှိုဂျီကီဟာရာက ဂျပန်အစိုးရ အနေဖြင့် ထိခိုက်ခဲ့သည့် နျူကလီးယား စက်ရုံများက လူထုအပေါ် အန္တရာယ် ဖြစ်နိုင်ချေနှင့် ပတ်သက်ပြီး သတင်း ပြည့်ပြည့်၀၀ မပေးဘဲ ထားသည်ဟု ယုံကြည်နေသည်။
“ဟီရိုရှီးမားနဲ့ နာဂါဆာကီမြို့က A-Bomb အသက်ရှင် ကျန်ရစ်သူတွေဟာ တသက်တာလုံး သူတို့ရဲ့ ကျန်းမာရေးအပေါ် စိုးရိမ်စိတ်နဲ့ ရှင်သန်နေခဲ့ကြရတယ်။ အခုတော့ ဒီလူထုဟာလည်း အဲဒီလိုမျိုး နေရပါတော့မယ်။” ကီဟာရာ၏ မိဘများနှင့် ဆွေမျိုးများမှာ အဏုမြူဗုံးဒဏ်မှ ကျန်ရစ်ခဲ့ကြသူများဖြစ်၏။
ချုဂိုကူ စွမ်းအားကုမ္ပဏီသို့ သူက စာတစ်စောင် ပေးထားသည်။ ဟီရိုရှီးမားမြို့က မိုင် ၅၀ အကွာရှိ ကာမီနိုဆာကီမြို့တွင် နျူကလီးယား စက်ရုံအသစ်ဆောက်လုပ်မည့် အစီအစဉ်များကို ရပ်တန့်ရန် တောင်းဆိုထားခြင်းပင်။ ဤစီမံကိန်းနှင့် ပတ်သက်ပြီး နှစ်အတော်ကြာကြာ စာများစွာကို ရေးသား ပေးပို့ခဲ့ပြီးဖြစ်သည်။ ယခုအကြိမ်မှာ နောက်ဆုံးအကြိမ်ပင်ဖြစ်လိမ့်မည်ဟု သူ့ဖက်က အကောင်းမြင်ထားသည်။
မတ်ဆူရှိမက ယခု ကပ်ဘေး အကျပ်အတည်းမှာ တတိုင်းပြည်လုံးအတွက် အလှည့်အပြောင်းဖြစ်မည်ဟုလည်း ယုံကြည်နေသည်။ “ဂျပန်နိုင်ငံအနေနဲ့ နျူကလီးယားစွမ်းအားစက်ရုံ မရှိဘဲတော့လည်း မဖြစ်ပါဘူး။ ဒါပေမဲ့ အခုအချိန်ကစပြီးတော့ ဂျပန်ကုမ္ပဏီတွေ အနေနဲ့ စက်ရုံအသစ်တွေ ထပ်ဆောက်ဖို့ကတော့ ခက်ခဲတော့မှာပါ။”
မောက္ခနိုင်ငံတကာ သတင်
0 comments:
Post a Comment