* သဗ္ဗဒါနံ ဓမ္မဒါနံ ဇိနာတိ၊ * သဗ္ဗရသံ ဓမ္မရသော ဇိနာတိ။

* သဗ္ဗဒါနံ ဓမ္မဒါနံ ဇိနာတိ၊     * သဗ္ဗရသံ ဓမ္မရသော ဇိနာတိ။

နမတ္ထု ဗုဒ္ဓါနံ နမတ္ထု ဗောဓိယာ။ နမော ဝိမုတ္တာနံ၊ နမော ဝိမုတ္တိယာ။

ဘုရားရှင်တို့ အား ရှိခိုးပါ၏။
ဘုရားရှင်တို့ ၏ မဂ်ဥာဏ် ဖိုလ်ဥာဏ်အား ရှိခိုးပါ၏။
ကိလေသာတို့ မှ လွတ်မြောက်တော်မူကြသော ဘုရားရှင်တို့ အား ရှိခိုးပါ၏။
ထိုဘုရားရှင်တို့ ၏ ဝိမုတ္တိငါးပါးအား ရှိခိုးပါ၏။

ကရုဏာလက်များ ကမ်းလင့်ပေးပါ...

ကရုဏာလက်များ ကမ်းလင့်ပေးပါ...
စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။

ပညာရေးအလှူတော် နှိုးဆော်ချက်


ရန်ကုန်မြို့ အသောကာရာမ သီလရှင်စာသင်တိုက်မှ နဝမတန်း ဖြေဆိုမည့် သီလရှင် ဆရာလေးများအတွက် ဆရာ၊ ဆရာမများ လစဉ် ထားပေးနိုင်ရန် ပညာရေးအလှူရှင်များ လိုအပ်နေပါသည်။ ရွှေစေတီ ဘုန်းတော်ကြီးသင်ပညာရေးကျောင်းတွင်လည်း ဆင်းရဲနွမ်းပါးသည့် ၉ တန်းနှင့် ၁၀ တန်း ကျောင်းသားများ ကျောင်းအိပ်ကျောင်းစား နေထိုင်ပညာဆည်းပူးနိုင်ရေးအတွက် ကူညီထောက်ပံ့မည့် ကုသိုလ်ရှင်များ လိုအပ်လျက် ရှိပါသည်။ စေတနာရှင် အလှူရှင်များ အနေဖြင့် ထေရဝါဒ ဗုဒ္ဓဘာသာ လူငယ်များအသင်း http://www.mmtheravada.org ဖုန်း
09-73062811, 09-5505176 သို့ ဆက်သွယ်လှူဒါန်းကြစေလိုပါသည်။

သီလရှင် ဆရာလေးများနှင့် ကလေးများ ဇွန်လအမီ ကျောင်းတက်နိုင်ရေးအတွက် ကာလဒါန ကုသိုလ်အဖြစ် သဒ္ဓါတတ်အား နည်းများမဆို လှူဒါန်းကူညီကြပါရန် နှိုးဆော်အပ်ပါသည်။

ဝိမုတ္တိရသ အဖွဲ့သားများ

------------------------
နောက်ဆက်တွဲသတင်း.....

ပညာရေးအလှူတော်လှူဒါန်းမည့်အစီအစဉ်

ထေရ၀ါဒဗုဒဘာသာ လူငယ်များ အသင်းမှ ဦးစီး၍ (၂၀၁၁) ခုနှစ်တွင် န၀မတန်းသို့ တက်ရောက်မည့် ကျောင်းသား (၂၅) ယောက်နှင့် ကျောင်းသူ (၂၅) ယောက်အား ပညာရေးထောက်ပံ့မှုပြုလုပ်ပေးနိုင်ရန် စီစဉ်ထားပါသည်။

ပြုလုပ်မည့်အစီအစဉ်

ကျောင်းသားများအား ရွှေစေတီဘုန်းကြီးကျောင်း (ဆရာတော် ဦးတေဇန္ဒိ၊ ခ/(၃) ရက်ကွက်၊ ရွှေစေတီကျောင်း၊ မင်္ဂလာဒုံမြို့နယ်) တွင်ထားရှိမည်ဖြစ်ပြီး ကျောင်းသားများသည် မိမိတို့ ဆန္ဒအလျောက် ကိုရင်ဝတ်လိုကလည်း ၀တ်နိုင်ပါသည်။ ကျောင်းသူများအား အသောကာရာမ သီလရှင်စာသင်တိုက် (ဆရာလေးဒေါ်သုနန္ဒာ (ဖုန်း-၀၉-၈၆၂၈၈၁၁)၊ ၀ါယာလက်ဈေးမှတ်တိုင်၊ ရွှေနှင်းဆီရပ်ကွက်၊ မင်္ဂလာဒုံမြို့နယ်) တွင်ထားရှိပါမည်။ အသောကာရာမကျောင်းမှ သီလရှင်များသာလက်ခံသည်ဖြစ်၍ ကျောင်းသူများမှာ သီလရှင်ဝတ်ရပါမည်။ သီလရှင်များတက်ရောက်ရမည့် အ.ထ.က ကျောင်းမှာ အသောကာရာမ ကျောင်းမှလက်ရှိ သီလရှင်များ တက်ရောက်နေသော ကျောင်းဖြစ်၍ ပညာသင်ကြားမှုတွက် အခက်အခဲ မရှိနိုင်ပါ။ စာသင်သူများ စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။ အသေးစိတ်ဆောင်ရွက်မည့် အချက်အလက်များအားလည်း ဆက်လက်ဖော်ပြသွားပါမည်။

လျောက်ထားမည့် သူများ ပြည့်စုံရမည့်အချက်များမှာ

(က) ကျောင်းသူများမှာ သီလရှင်ဝတ်နိုင်ရပါမည်။

(ခ ) မိဘများမှ နေထိုင်ရန်ခွင့် ပြုသူဖြစ်ရပါမည်။

(ဂ ) စာသင်သားများနေထိုင်မည့် ကျောင်းတွင်း စည်းကမ်းများကို တိကျစွာလိုက်နာရပါမည်။

(ဃ) ကျောင်းထားရန် အမှန်တကယ်အခက်အခဲ ရှိနေသူဖြစ်ရပါမည်။

အထက်ပါအချက်အလက်များနှင့် ပြည့်စုံသူများသည် ထေရ၀ါဒဗုဒ္ဓဘာသာလှူငယ်များ အသင်းသို့ ဆက်သွယ်မေးမြန်းနိုင်ပါသည်။ (http://mmtheravada.org)

ဆက်သွယ်ရန်လိပ်စာ

ကိုထွန်းထွန်းလှိုင်

ဖုန်း ၀၉-၇၃၀၆၂၈၁၁

htunhtunhlaing82@gmail.com

winthu.tbyo@gmail.com

thantzin83@gmail.com

Saturday, February 19, 2011

လင်္ကာမြေမှာတစ်နှစ်တာ အပိုင်း(၁၃)၊ Buddhist Doctrine of the Pali Nikayas: ဘာသာရပ်အကြောင်း

စာရှုသူမိတ်ဆွေများကို ကေလနိယတက္ကသိုလ်၌ နောက်ထပ်လေ့လာခဲ့ရသော စိတ်ဝင်စားဖွယ်ရာ ဘာသာရပ်တစ်ခုနှင့် ဆက်လက် မိတ်ဆက်ပေးလိုပါသည်။ သည် Buddhist Doctrine of the Pali Nikayas: Analysis and Interpretation ဘာသာရပ်သည် မယူမနေရ (compulsory)ဘာသာရပ်များအနက် တစ်ခုအပါအဝင်ဖြစ်ပြီး ဤဘာသာရပ်ဆိုင်ရာ Topics ဧရိယာမှာ ကြီးမား ကျယ်ပြန့်လှပါသည်။ နားလည်အောင်ပြောရပါလျှင် ဤဘာသာရပ်ကိုလေ့လာကြရရာ၌ ခေါင်းစီးတစ်ခုအတွက် နိကာယ်ငါးရပ်လာ တရားတော်များထဲမှ လိုက်လျောညီထွေဖြစ်မည့် ဟောကြားတော်မူချက်များကို သိမ်းဆည်းစုဆောင်း၍ ဘယ်နိကာယ် ဘယ်သုတ္တန်က ဘယ်သို့ဆိုသည်၊ ဘယ်နိကာယ် ဘယ်သုတ္တန်ကမူ ဘယ်သို့ပြောသည်၊ ဤနေရာတွင် ဘယ်သုတ္တန်နှင့်အညီ ဘယ်သို့ဖြစ်သင့်သည်၊ ဘယ်သို့ယူရမည် စသည်ဖြင့် ခွဲခြမ်းစိတ်ဖြာ၍ ဘုရားဟောတော်မူလိုရင်း အဓိပ္ပါယ်များကို ထိထိမိမိကောက်ယူနိုင်အောင် လေ့လာကြရပါသည်။

မှန်ပါသည်။ ဘုရားဟောဒေသနာတော်များကို လေ့လာလိုက်စားကြသူချင်းပင် တူသော်လည်း သုတ္တန်တစ်ခုနှင့်တစ်ခု ချိန်ညှိမယူနိုင်ပဲ တစ်ခုတည်းကိုသာ ကိုင်စွဲထားကြသူများနှင့် တစ်ခုနှင့်တစ်ခု ချိန်ညှိယူနိုင်သူတို့ ရရှိအပ်သော အသိအမြင်တို့မှာ လွန်စွာပင် ကွာခြားသွားနိုင်ကြလေသည်။ ဘုရားဟောတော်မူသော ဒေသနာတော်အားလုံးသည် ဓမ္မဓိဋ္ဌာန်သဘောကိုဆောင်သည် မှန်သော်လည်း အခြေအနေ အချိန်အခါ နေရာဒေသ တရားနာပုဂ္ဂိုလ်တို့၏ စရိုက်သဘာဝကိုလိုက်၍ ထိုက်သင့်သလို ဟောတော်မူခဲ့သည်မျိုးလည်း ရှိသေးကြောင်းကို သတိပြုကြရမည်သာ ဖြစ်ပါသည်။ ထို့ကြောင့်ပင် ရှေးဆရာတော်ကြီးများက "ကျမ်းသိမခက် ကျမ်းညှိခက်၏"ဟု မိန့်တော်မူခဲ့ကြခြင်း ဖြစ်ပါလိမ့်မည်။ ထို့ကြောင့် ဤဘာသာရပ်သည် နိကာယ်ငါးရပ်ဆင်းသက်လာပုံမှစ၍ ကျမ်းညှိပုံ, အဓိပ္ပါယ် ကောက်ယူပုံတို့ကိုအထိ လေ့လာသင်ကြားကြရသည့် ဘာသာရပ် တစ်ခုလည်းဖြစ်သည်ဟုဆိုက မှားအံ့မထင်ပါ။

ဤဘာသာရပ်နှင့်ပတ်သက်၍ စာရေးသူတို့လေ့လာဆွေးနွေးခဲ့ရသော ခေါင်းစီးအချို့ကို တွဲစပ်လေ့လာခဲ့ရသော သုတ္တန်အချို့နှင့်ယှဉ်တွဲ၍ မေးခွန်းသဖွယ် ဖော်ပြလိုပါသည်။

၁) မဟာသတိပဋ္ဌာနသုတ္တန်၊ သဗ္ဗာသဝသုတ္တန်၊ ဒွေဓာဝိတက္ကသုတ္တန်၊ ဝိတက္ကသဏ္ဍာနသုတ္တန် စသည်တို့ကိုကိုးကား၍ Buddhist Meditation (ဗုဒ္ဓဝါဒအရ တရားအားထုတ်ရှုမှတ်ပုံ)အကြောင်းကို ဆွေးနွေးဖော်ပြရန်

၂) သိင်္ဂါလောဝါဒသုတ္တန်၊ မင်္ဂလသုတ္တန် စသည်တို့ကိုကိုးကား၍ Buddhist Ethic for Lay People (ဗုဒ္ဓဘာသာဝင်တို့၏ ကိုယ်ကျင့်တရား) အကြောင်းကို ဆွေးနွေးပြရန်၊

၃) ဗြဟ္မဇာလသုတ္တန်၊ သာမညဖလသုတ္တန်၊ အမ္ဗတ္ထသုတ္တန်၊ ပေါဋ္ဌပါဒသုတ္တန် စသည်တို့ကို ကိုးကား၍ Contemporary Religious and Philosophical Traditions in India (အိန္ဒိယနိုင်ငံရှိ (ဗုဒ္ဓဝါဒနှင့်)ခေတ်ပြိုင် ဘာသာရေး, အတွေးအခေါ်အယူဝါဒဆိုင်ရာ ဓလေ့ထုံးတမ်းများ) အကြောင်းကို သုံးသပ်ဆွေးနွေးပြရန်၊

၎) စက္ကဝတ္တိသုတ္တန်၊ ကူဋဒန္တသုတ္တန် ၊ ရာဇောဝါဒသုတ္တန် စသည်တို့ကို ကိုးကား၍ Buddhist attitude to Politics (ဗုဒ္ဓဘာသာတို့၏ နိုင်ငံရေးသဘောထား) အကြောင်း သုံးသပ်ဆွေးနွေးရန်၊

၅)သက္ကပဉှသုတ္တန်၊ မဟာသမယသုတ္တန်၊ အာဋာနာဋိယသုတ္တန်၊ ဓမ္မပဒဂါထာ၊ ထေရ-ထေရီဂါထာ စသည်များတို့ကို ကိုးကား၍ Buddhist Attitude to Aesthetic (ဗုဒ္ဓဘာသာတို့၏ ကဗျာ, ဂီတစသော အနုပညာအပေါ်သဘောထား) အကြောင်းကို သုံးသပ်ဆွေးနွေးရန်...။

၁) နံပါတ်ဖြစ်သော Buddhist Meditation အကြောင်းကိုလေ့ ပြညွှန်းထားသောသုတ္တန်တို့နှင့် တွဲစပ်၍ လေ့လာကြည့်ကြပါမည်။ မဟာသတိပဋ္ဌာနသုတ္တန်သည် ဒီဃနိကာယ်, မဟာဝဂ္ဂပါဠိတော်၌လည်းကောင်း၊ မဇ္ဈိမနိကာယ်, မူလပဏ္ဏာသပါဠိတော်၌ လည်းကောင်း လာရှိသောသုတ္တန်ဖြစ်ပြီး အရှုခံတရားတို့ကို ကာယ, ဝေဒနာ, စိတ္တ, ဓမ္မ ဟူ၍ လေးစုလေးပုံပိုင်းခြားကာ ရှုမှတ်ဆင်ခြင်ပုံအသီးသီးကို အသေးစိတ်ပြညွှန်ရာ သုတ္တန်တစ်ခု ဖြစ်ပေသည်။

ထိုသုတ္တန်တွင်...

ဘုရားသခင်သည် မဟာသတိပဋ္ဌာနသုတ္တန်တစ်ခုလုံး၏ လိုရင်းအကျဉ်းချုပ်ကို ဦးစွာဟောကြားတော်မူ၍ ထိုလိုရင်းအကျဉ်းချုပ်ဖြင့် စိတ်စင်ကြယ်လိုသူ၊ စိုးရိမ်ပူပန်ရခြင်း ငိုကြွေးခြင်းတို့ကို လွန်မြောက်လိုသူ၊ ကိုယ်ဆင်းရဲ စိတ်ဆင်းရဲတို့ကို ချုပ်ငြိမ်းစေလိုသူ၊ အရိယမဂ်ကိုရလိုသူ၊ နိဗ္ဗာန်ကို မျက်မှောက်ပြုလိုသူတို့အတွက် ဤသတိပဋ္ဌာန်လေးပါး လမ်းကြောင်းမှတစ်ပါး တစ်ခြားမရှိကြောင်း ဦးစွာသိရှိစေတော်မူလေသည်။

ထို့နောင်မှ ထိုသတိပဋ္ဌာန်တရားကိုအားထုတ်မည့် သူတို့သည်....

(က) ပြင်းစွာအားထုတ်သော လုံ့လ ရှိကြရမည်ကိုလည်းကောင်း

(ခ) ဆင်ခြင်ရှုမှတ်မှု သမ္မဇဉ်ဉာဏ်နှင့် ပြည့်စုံကြရမည်ကိုလည်းကောင်း

(ဂ) သတိမပြတ်ရှိရမည်ကိုလည်းကောင်း

(ဃ) အရှုခံတရားတို့အပေါ်၌တပ်မက်ခြင်း(အဘိဇ္ဖျာ)၊ အရှုခံတရားတို့အပေါ်၌စိတ်ပျက်ခြင်း(ဒေါမနဿ)တို့ကို ပယ်ဖျောက်၍ ကာယ၊ ဝေဒနာ၊ စိတ္တ၊ ဓမ္မတို့၌ ကာယ၊ ဝေဒနာ၊ စိတ္တ၊ ဓမ္မတို့ကို အကြိမ်ကြိမ် ရှုမှတ်လျှက်နေရမည့် အဖြစ်ကိုလည်းကောင်း သိစေတော်မူလေသည်။

ထို့နောင်မှ.....

ကာယာနုပဿနာကိုဆင်ခြင်ရာအပိုင်း၌ ထွက်သက်လေ ဝင်သက်လေကို မည်သို့မည်ပုံ ရှုမှတ်ဆင်ခြင်ရမည်မှ စ၍ သူသေကောင်ကိုးမျိုးကို ဆင်ခြင်ပုံအထိ အပိုင်းကဏ္ဍ ခြောက်မျိုးပိုင်းခြားကာ အသေးစိတ် ညွှန်ပြထားသည်။

ဝေဒနာနုပဿနာကိုဆင်ခြင်ရာ၌ သုခ၊ ဒုက္ခ၊ အဒုက္ခမသုခ ဝေဒနာတို့ကို မည်သို့မည်ပုံ ရှုဆင်ခြင်ရမည်ကို နည်းကိုးပါးဖြင့် ညွှန်ပြထားသည်။

စိတ္တာနုပဿနာကိုဆင်ခြင်ရာ၌ ရာဂနှင့်တကွဖြစ်သောစိတ်၊ ရာဂကင်းသောစိတ် စသည့်စိတ်တို့ကို မည်သို့မည်ပုံ ရှုမှတ်ဆင်ခြင်ရမည်ကို နည်းတစ်ဆယ့်ခြောက်ပါးဖြင့် ညွှန်ပြထားသည်။

ဓမ္မာနုပဿနာကိုဆင်ခြင်ရှုမှတ်ရာ၌ နီဝရဏတရား(၅)ပါး၊ ခန္ဓာ(၅)ပါး၊ အာယတန(၁၂)ပါး၊ ဗောဇ္ဈင်(၇)ပါး၊ သစ္စာ(၄)ပါး ဟူ၍ အပိုင်းငါးပိုင်းခွဲခြားပြီးလျှင် ၎င်းတို့အသီးသီးကို မည်သို့မည်ပုံ ရှုမှတ်ဆင်ခြင်ရမည်ကို အသေးစိတ် ညွှန်ပြထားပါသည်။

ဤနေရာ၌ ဤမဟာသတိပဋ္ဌာနသုတ္တန်ဒေသနာတော်သည် တရားအားထုတ်ရှုမှတ်ဆင်ခြင်မှု သက်သက်ကိုသာ ပြညွှန်တော်မူသည့် သုတ္တန် သက်သက်သာဖြစ်သည်ကို သတိပြုကြရမည်ဖြစ်ပါသည်။ တရားအားထုတ်ကြသူတို့သည်လည်း လူသားများဖြစ်သည့် အားလျော်စွာ ပတ်ဝန်းကျင်နှင့်ကင်းကွာ၍ မဖြစ်နိုင်စကောင်း၊ အရညဝါသီ တောမှီရဟန်းပင် ဖြစ်စေကာမူ စားဝတ်နေရေး ရှိကြသေးသည့်အလျောက် အပိုအလုပ်များကို လျှော့ချကြရုံမှတပါး ဗာဟီရကိစ္စအကုန်လုံးကို ဖြတ်တောက်၍ မရနိုင်စကောင်းပါပေ။

ထိုသို့ ပတ်ဝန်းကျင်နှင့်မကင်းကွာနိုင်သည့်အလျှောက် ပတ်ဝန်းကျင်နှင့် အပြန်အလှန် ဆက်ဆံကြရသောအခါမျိုး၌ မဟာသတိဋ္ဌာနသုတ္တန်၌ ဟောတော်မူထားသည့်အားလျော်စွာ "သွားတယ် သွားတယ်၊ ရပ်တယ် ရပ်တယ်၊ မြင်တယ် မြင်တယ်၊ ကြားတယ် ကြားတယ်" စသဖြင့် ရှုမှတ်နေ၍ မဖြစ်နိုင်တော့ပေ။ အပြန်အလှန် ပြောကြရခြင်း၊ မပြောဆိုပဲရှောင်လွဲကြရခြင်း စသည်တို့ကို ထိုက်သင့်သလို ပြုလုပ်ကြရမည်သာ ဖြစ်ပေသည်။ ထိုသို့ထိုက်သင့်သလိုဆောင်ရွက်ကြရရာ၌ အာသဝတရားတို့ကြောင့် မူးယစ်မေ့လျော့ခြင်း မရှိကြရစေရန် သဗ္ဗာသဝသုတ္တန်ဒေသနာတော်၌ နည်းပေးညွှန်ပြထားသည့်အတိုင်း လေ့လာကျင့်သုံးသင့်ကြလေသည်။

သဗ္ဗာသဝသုတ္တန်ဒေသနာတော်သည် မဇ္ဈိမနိကာယ်၊ မူလပရိယာယဝဂ်၌လာရှိ၏။ ထိုသုတ္တန်ကို ဘုရားရှင်ကိုယ်တော်တိုင်က သဗ္ဗာသဝသံဝရ(အာသဝအားလုံးကို ပိတ်ပင်ကြောင်း) ဒေသနာတော်ဟူ၍ ချီးမွှမ်းတော်မူထား၏။ ထိုသုတ္တန်၌ "ရဟန်းတို့၊ ငါသည် သိသူ မြင်သူအား အာသဝတို့၏ ကုန်ခြင်းကို ဟောတော်မူ၏၊ မသိသူမမြင်သူတို့အား အာသဝတို့၏ကုန်ခြင်းကို ဟောတော်မမူ။ ရဟန်းတို့ အဘယ်ကို သိသူ မြင်သူအား အာသဝတို့၏ ကုန်ခြင်းကို ဟောတော်မူသနည်းဟူမူ- သင့်သောအကြောင်းအားဖြင့် နှလုံးသွင်းခြင်းကို လည်းကောင်း၊ မသင့်သောအကြောင်းအားဖြင့် နှလုံးသွင်းခြင်းကိုလည်းကောင်း သိသူ မြင်သူအား အာသဝတို့၏ ကုန်ခြင်းကို ဟောတော်မူ၏" ဟု တရားနာပုဂ္ဂိုလ်တို့ဘက်မှ သင့်သောအကြောင်း အားဖြင့် နှလုံးသွင်းခြင်း မသင့်သောအကြောင်းအားဖြင့် နှလုံးသွင်းခြင်းကို ခွဲခြားသိမြင်သူ ဖြစ်စေရန် အရေးကြီးကြောင်း ဦးစွာဟောကြားတော်မူသည်။

ထိုသို့နှလုံးသွင်းကွာခြင်းခြင်း၏ အကျိုးရလာဒ်ကွာဟပုံကိုလည်း....

"ရဟန်းတို့၊ မသင့်သောအကြောင်းအားဖြင့် နှလုံးသွင်းသူအား မဖြစ်သေးသော အာသဝတို့သည်လည်း ဖြစ်ကုန်၏၊ ဖြစ်ပြီးသော အာသဝတို့သည်လည်း တိုးပွါးကုန်၏၊ ရဟန်းတို့ သင့်သောအကြောင်းအားဖြင့် နှလုံးသွင်းသူအား မဖြစ်သေးသော အာသဝတို့သည်လည်း မဖြစ်ကုန်၊ ဖြစ်ပြီးသော အာသဝတို့သည်လည်း ပပျောက်ကုန်၏။" ဟု ခွဲခြားညွှန်ပြတော်မူလေသည်။ ထို့ကြောင့် ဗုဒ္ဓ၏တရားအားထုတ်နည်းကို လေ့လာကျင့်သုံးကြမည့်သူတို့သည် အရာရာတွင် ယောနိသောမနသိကာရ (သင့်သောအကြောင်းအားဖြင့်) နှလုံးသွင်းတတ်ရန် လွန်စွာအရေးကြီးလှကြောင်း ဦးစွာ သတိပြုကြရမည်ဖြစ်ပေသည်။

ဤနေရာ၌ သဗ္ဗာသဝသုတ္တန်၏ အဓိကပစ်မှတ်မှာ အာသဝေါကုန်ခန်းရေးပင်ဖြစ်ရကား အာသဝဟူသည် အဘယ်ကိုခေါ်သည် အဘယ်သို့သဘောသတ္တိရှိသည်ကို ဖော်ပြရပါလိမ့်ဦးမည်။ အာသဝဟူသည် ကြာမြင့်စွာ စိမ်ထား ထုံးထားအပ်သည့် (မုဒရက်သီးရည် စသော) အရာဝတ္ထု၊ အရက်၊ သေရည်၊ စိမ်ရည်။ ကိုခေါ်ကြောင်း အဘိဓာန်တို့က ဖွင့်ဆို၏။ "အာသဝါဝိယာတိ အာသဝါ"ဟူသော ဝိဂြိုဟ်အရ ထိုစိမ်ရည်အရက်နှင့် အလားသဏ္ဍာန်တူသော သတ္တဝါတို့၏ခန္ဓာအစဉ်၌ ကြာမြင့်စွာ ထုံထားစိမ်ထားအပ်သော တဏှာ၊ ဒိဋ္ဌိ၊ အဝိဇ္ဇာ တည်းဟူသောတရားသုံးပါးကို မူးယစ်စေတတ်သောသတ္တိချင်း တူသောကြောင့် "အာသဝတရား"ဟု ခေါ်ဆိုရလေသည်။

မှန်၏။ အလွန်ကြာမြင့်စွာ စိမ်ထားထုံထားအပ်သော စိမ်ရည် အရက်တို့သည် သောက်သုံးသူကို မူးယစ်စေတတ်သကဲ့သို့....

၁) ကာမဂုဏ်တို့၌တပ်မက်မူးယစ်စေတတ်သော တဏှာ (ကာမတဏှာ= ကာမာသဝ/ ကာမ+ အာသဝ)၊

၂) လူ့ဘုံ,နတ်ဘုံစသည့် ဘုံဘဝကြီးငယ်တို့၌ တပ်မက်မူးယစ်စေတတ်သော တဏှာ (ဘဝတဏှာ= ဘဝါသဝ/ ဘဝ+အာသဝ)

၃) အယူဝါဒမှားယွင်းမှုတို့၌ တပ်မက်မူးယစ်စေတတ်သော ဒိဋ္ဌိ ( မိစ္ဆာဒိဋ္ဌိ= ဒိဋ္ဌာသဝ/ ဒိဋ္ဌိ+အာသဝ)

၎) ဒုက္ခသစ္စာစသည်တို့ကို အမှန်အတိုင်း မသိမြင်မှု၌ တပ်မက်မူးယစ်စေတတ်သောအဝိဇ္ဇာ (အဝိဇ္ဇာ= အဝိဇ္ဇာသဝ/ အဝိဇ္ဇာ+အာသဝ) တို့ကို (မူးယစ်စေတတ်သော သတ္တိချင်းတူသောကြောင့်) ရူပကအလင်္ကာ နည်းအားဖြင့် ထပ်တူပြု၍ အာသဝတရားတို့ဟူ၍ ဘုရားသခင် ဟောကြားတော်မူလေသည်။

အာသဝမည်သော စိမ်ရည်အရက်နှင့် အာသဝအမည်ရသော တဏှာ, ဒိဋ္ဌိ, အဝိဇ္ဇာတို့ သဘောချင်းတူမျှပုံကို အနည်းငယ်ဆက်၍ စဉ်းစားကြပါဦးအံ့။ ဆေးပညာအလိုအရ လူသားတို့၏သွားလာလှုပ်ရှား ပြောကြားသမျှကို မမှားမယွင်းရလေအောင် အာရုံကြောများမှ တစ်ဆင့် ဦးနှောက်က ပဲ့ထိန်းပေးနေ၏။ စိမ်ရည် အရက်၌ပါရှိသော (Alcohol) ဓာတ်သည် သွေးကြောမှတစ်ဆင့် ဦးနှောက်သို့ရောက်ရှိပြီး ဦးနှောက်၏ ပဲ့ထိန်းစနစ်ကို ကချွတ်ကချော်ဖြစ်စေ၏။ ထိုအခါ ဦးနှောက်၏အစီအစဉ်များပျက်စီးပြီး သည်နေရာ၌ခြေထောက်ချမည်ဆိုလျှင် ထိုနေရာသို့ချမိခြင်း၊ သည်စကားကိုပြောမည်ဆိုလျှင် ဟိုစကားကိုပြောမိခြင်း စသည့် မူမှန်အတိုင်းမဟုတ်တော့သော လုပ်ဆောင်ပြောဆိုချက်များကို ပြုလုပ်ပြောဆိုမိတတ်လေသည်။

အကျိုးရှိမည် မရှိမည်၊ လမ်းစဉ်ဟုတ်သည် မဟုတ်သည်ကိုလည်း ဝေဖန်စဉ်းစားနိုင်စွမ်းကင်းမဲ့သွားပြီး ထင်မိထင်ရာ ကြံစည်မိတတ်လေသည်။ ထိုသို့ထင်မိထင်ရာ ကြံစည်ယူဆမိသမျှကိုလည်း အမှန်ဟုပင် ယူဆတတ်လေသည်။ ၎င်းကိုပင် မူးယစ်သည်ဟု ခေါ်ဆိုရလေသည်။ စင်စစ်တွင် စိမ်ရည်အရက်၌ပါရှိသော (Alcohol)ဓာတ်ကြောင့် ဦးနှောက်၏ပုံမှန် ဆောင်ရွက်နေကြ အစီအစဉ် (Program) များကို ပျက်စီးသွားသည်ကိုပင် မူးယစ်သည်ဟုခေါ်ဆိုကြခြင်းဖြစ်လေသည်။ (ထို့ကြောင့်ပင် မူးဖန်များ၊ ဦးနှောက်အစီအစဉ်များကို ဖျက်ဆီးခံရဖန်များလာသူတို့သည် ရူးကြောင်မူးကြောင် ဖြစ်သထက်ဖြစ်လာ ကြခြင်းဖြစ်ပေသည်။ တစ်ခုသတိပြုသင့်သည်မှာ စိမ်ရည်အရက်ဟူသည် သောက်သုံးသူတို့၏ ဦးနှောက်ကိုသာ ဖျက်ဆီးနိုင်ပြီး မသောက်သုံးပဲ ရှောင်လွှဲသူတို့အား ဖျက်ဆီးခြင်းမပြုနိုင် ဟူသောအချက်ပင် ဖြစ်လေသည်။)

ထိုနည်းတူစွာပင် ကာမဂုဏ်, ဘုံဘဝ တို့၌တပ်မက်ယစ်မူးစေတတ်သော တဏှာ (ကာမာသဝ, ဘဝါသဝ)၊ အယူဝါဒမှားတစ်ခုခု၌ တပ်မက်ယစ်မူးစေတတ်သော ဒိဋ္ဌိ (ဒိဋ္ဌာသဝ)၊ ဒုက္ခသစ္စာစသည်ကိုအမှန်အတိုင်းမသိမြင်မှု၌ တပ်မက်ယစ်မူးစေတတ်သော အဝိဇ္ဇာ (အဝိဇ္ဇာသဝ) တို့သည် ပင်ကိုအားဖြင့်ကြည်လင်တောက်ပနေသော စိတ်ကို ညစ်ညူးထုံမှိုင်း မူးယစ်သွားစေတတ်လေသည်။ ထိုအာသဝတရားတို့ ပူးဝင်နှိပ်စက်ခံရသူတို့သည် ပဉ္စာနန္တရိယကံကိုပင် ကျူးလွန်မိတတ်သည်အထိ မူးယစ်ထုံထိုင်းသွားတတ်ကြရကား သာမန်ကျူးလွန်နေကျဖြစ်သည့် (ပဉ္စာနန္တရိယကံမှတစ်ပါးသော) အကုသိုလ်ကံတရားများကို ကျူးလွန်ရာ၌မူ လက်တွန့်ခြင်း ရွံ့ကြောက်ခြင်းမရှိ ကျူးလွန်မိမြဲဓမ္မတာ ဆိုသလို ထပ်ခါထပ်ခါ ကျူးလွန်မိတတ်ကြရှာလေသည်။ (အရက်ကြောင့် အရှက်အကြောက်ကင်းမဲ့သွားကြရပုံ, ချောက်ကမ္ဘားစသည်၌ အလဲလဲအပြိုပြို ဖြစ်ကြရပုံနှင့် အာသဝတရားများကြောင့် အကုသိုလ်အမှု ကျူးလွန်ရန် အရှက်အကြောက် (ဟီရိ, သြတပ္ပတရား) ကင်းမဲ့သွားကြရပုံ, အပါယ်ငရဲစသောချောက်ကမ္ဘားစသည်၌ အလဲလဲအပြိုပြို ကျရောက်ကြရပုံတို့ကို မြင်သာအောင်ပုံဖော်ကြည့်ပြီးလျှင် အာသဝတရားတို့၏သတ္တိ၊ အာသဝတရားတို့၏ ဆိုးဝါးမှုတို့ကို မြင်သာအောင် ကြည့်ရှုသုံးသပ်တော်မူကြရာပါ၏)

အရှင်ဝိသာရဒ (ရမ္မာဝတီ)

အပိုင်း (၁၄)၌ Buddhist Doctrine of the Pali Nikayas: Analysis and Interpretation ဘာသာရပ်အကြောင်း ဆက်ရေးပါမည်။

0 comments:

လာလည်ကြသူများ

ဤဘလော့ဂ်၏ ရည်ရွယ်ချက်

ယခုအခါ ကမ္ဘာတလွှားတွင်ရှိနေကြသော ဓမ္မဘလော့ဂ်ဂါများသည် နေ့ စဉ်နှင့် အမျှ အင်တာနက် စာမျက်နှာများ ပေါ်တွင် ဓမ္မနှင့်သက်ဆိုင်သော အကြောင်းအရာ အမျိုးမျိုးကို ပို့ စ်များရေးတင်လျက် ရှိနေကြပါသည်။

ဘလော့ဂ်ဂါများမှ မိမိတို့ ၏ကိုယ်ပိုင် စာမျက်နှာများမှတဆင့် ရေးတင်နေကြသဖြင့် ဖတ်ရှုလေ့လာသူများအတွက် နေရာများစွာသို့  သွားရောက် ဖတ်ရှုနေကြရပါသည်။

ထို့ ကြောင့် စာဖတ်သူများ အချိန်ကုန်သက်သာစေရန်နှင့် မိမိတို့  ဖတ်ရှုလိုရာကို လွယ်လင့်တကူ ရှာဖွေနိုင်ရန် နေ့ စဉ်ရေးသား နေကြသော အကြောင်းအရာများကို တနေရာတည်းတွင် စုစည်းပေးလိုသော ရည်ရွယ်ချက်ဖြင့် ဤဘလော့ဂ်ကို စီစဉ်လိုက်ခြင်းဖြစ်ပါသည်။

ပြောချင်တာများရှိရင် ရေးပေးထားခဲ့ပါ

မြန်မာပြက္ခဒိန်

မြန်မာပြက္ခဒိန်
www.burmeseclassic.com မှ ကူးယူဖော်ပြပါသည်။

  © Blogger templates The Professional Template by Ourblogtemplates.com 2008

Back to TOP