* သဗ္ဗဒါနံ ဓမ္မဒါနံ ဇိနာတိ၊ * သဗ္ဗရသံ ဓမ္မရသော ဇိနာတိ။

* သဗ္ဗဒါနံ ဓမ္မဒါနံ ဇိနာတိ၊     * သဗ္ဗရသံ ဓမ္မရသော ဇိနာတိ။

နမတ္ထု ဗုဒ္ဓါနံ နမတ္ထု ဗောဓိယာ။ နမော ဝိမုတ္တာနံ၊ နမော ဝိမုတ္တိယာ။

ဘုရားရှင်တို့ အား ရှိခိုးပါ၏။
ဘုရားရှင်တို့ ၏ မဂ်ဥာဏ် ဖိုလ်ဥာဏ်အား ရှိခိုးပါ၏။
ကိလေသာတို့ မှ လွတ်မြောက်တော်မူကြသော ဘုရားရှင်တို့ အား ရှိခိုးပါ၏။
ထိုဘုရားရှင်တို့ ၏ ဝိမုတ္တိငါးပါးအား ရှိခိုးပါ၏။

ကရုဏာလက်များ ကမ်းလင့်ပေးပါ...

ကရုဏာလက်များ ကမ်းလင့်ပေးပါ...
စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။

ပညာရေးအလှူတော် နှိုးဆော်ချက်


ရန်ကုန်မြို့ အသောကာရာမ သီလရှင်စာသင်တိုက်မှ နဝမတန်း ဖြေဆိုမည့် သီလရှင် ဆရာလေးများအတွက် ဆရာ၊ ဆရာမများ လစဉ် ထားပေးနိုင်ရန် ပညာရေးအလှူရှင်များ လိုအပ်နေပါသည်။ ရွှေစေတီ ဘုန်းတော်ကြီးသင်ပညာရေးကျောင်းတွင်လည်း ဆင်းရဲနွမ်းပါးသည့် ၉ တန်းနှင့် ၁၀ တန်း ကျောင်းသားများ ကျောင်းအိပ်ကျောင်းစား နေထိုင်ပညာဆည်းပူးနိုင်ရေးအတွက် ကူညီထောက်ပံ့မည့် ကုသိုလ်ရှင်များ လိုအပ်လျက် ရှိပါသည်။ စေတနာရှင် အလှူရှင်များ အနေဖြင့် ထေရဝါဒ ဗုဒ္ဓဘာသာ လူငယ်များအသင်း http://www.mmtheravada.org ဖုန်း
09-73062811, 09-5505176 သို့ ဆက်သွယ်လှူဒါန်းကြစေလိုပါသည်။

သီလရှင် ဆရာလေးများနှင့် ကလေးများ ဇွန်လအမီ ကျောင်းတက်နိုင်ရေးအတွက် ကာလဒါန ကုသိုလ်အဖြစ် သဒ္ဓါတတ်အား နည်းများမဆို လှူဒါန်းကူညီကြပါရန် နှိုးဆော်အပ်ပါသည်။

ဝိမုတ္တိရသ အဖွဲ့သားများ

------------------------
နောက်ဆက်တွဲသတင်း.....

ပညာရေးအလှူတော်လှူဒါန်းမည့်အစီအစဉ်

ထေရ၀ါဒဗုဒဘာသာ လူငယ်များ အသင်းမှ ဦးစီး၍ (၂၀၁၁) ခုနှစ်တွင် န၀မတန်းသို့ တက်ရောက်မည့် ကျောင်းသား (၂၅) ယောက်နှင့် ကျောင်းသူ (၂၅) ယောက်အား ပညာရေးထောက်ပံ့မှုပြုလုပ်ပေးနိုင်ရန် စီစဉ်ထားပါသည်။

ပြုလုပ်မည့်အစီအစဉ်

ကျောင်းသားများအား ရွှေစေတီဘုန်းကြီးကျောင်း (ဆရာတော် ဦးတေဇန္ဒိ၊ ခ/(၃) ရက်ကွက်၊ ရွှေစေတီကျောင်း၊ မင်္ဂလာဒုံမြို့နယ်) တွင်ထားရှိမည်ဖြစ်ပြီး ကျောင်းသားများသည် မိမိတို့ ဆန္ဒအလျောက် ကိုရင်ဝတ်လိုကလည်း ၀တ်နိုင်ပါသည်။ ကျောင်းသူများအား အသောကာရာမ သီလရှင်စာသင်တိုက် (ဆရာလေးဒေါ်သုနန္ဒာ (ဖုန်း-၀၉-၈၆၂၈၈၁၁)၊ ၀ါယာလက်ဈေးမှတ်တိုင်၊ ရွှေနှင်းဆီရပ်ကွက်၊ မင်္ဂလာဒုံမြို့နယ်) တွင်ထားရှိပါမည်။ အသောကာရာမကျောင်းမှ သီလရှင်များသာလက်ခံသည်ဖြစ်၍ ကျောင်းသူများမှာ သီလရှင်ဝတ်ရပါမည်။ သီလရှင်များတက်ရောက်ရမည့် အ.ထ.က ကျောင်းမှာ အသောကာရာမ ကျောင်းမှလက်ရှိ သီလရှင်များ တက်ရောက်နေသော ကျောင်းဖြစ်၍ ပညာသင်ကြားမှုတွက် အခက်အခဲ မရှိနိုင်ပါ။ စာသင်သူများ စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။ အသေးစိတ်ဆောင်ရွက်မည့် အချက်အလက်များအားလည်း ဆက်လက်ဖော်ပြသွားပါမည်။

လျောက်ထားမည့် သူများ ပြည့်စုံရမည့်အချက်များမှာ

(က) ကျောင်းသူများမှာ သီလရှင်ဝတ်နိုင်ရပါမည်။

(ခ ) မိဘများမှ နေထိုင်ရန်ခွင့် ပြုသူဖြစ်ရပါမည်။

(ဂ ) စာသင်သားများနေထိုင်မည့် ကျောင်းတွင်း စည်းကမ်းများကို တိကျစွာလိုက်နာရပါမည်။

(ဃ) ကျောင်းထားရန် အမှန်တကယ်အခက်အခဲ ရှိနေသူဖြစ်ရပါမည်။

အထက်ပါအချက်အလက်များနှင့် ပြည့်စုံသူများသည် ထေရ၀ါဒဗုဒ္ဓဘာသာလှူငယ်များ အသင်းသို့ ဆက်သွယ်မေးမြန်းနိုင်ပါသည်။ (http://mmtheravada.org)

ဆက်သွယ်ရန်လိပ်စာ

ကိုထွန်းထွန်းလှိုင်

ဖုန်း ၀၉-၇၃၀၆၂၈၁၁

htunhtunhlaing82@gmail.com

winthu.tbyo@gmail.com

thantzin83@gmail.com

Monday, December 20, 2010

အခက်အခဲများကို အောင်မြင်ကျော်လွှားနည်း (၁)

(Ven. K. Sri. Dhammananda ၏ How To Overcome Your Difficulties စာအုပ်ငယ်ကို ဘာသာပြန် တင်ပြပါသည်

စိတ်ပူနေပါလား။ စိတ်ပျက်လက်ပျက် ဖြစ်နေပါသလား။ ဒီလိုဆိုလျင်တော့ သင့်ရဲ့ပြဿနာတွေကို အသေအချာ နားလည်လာအောင် ဒီစာစောင်လေးကို ဖတ်ဖို့ ဖိတ်ကြားပါတယ်။ ဒီစာစောင်လေးကို သင်နှင့် ပူပန် သောကရောက်နေကြတဲ့ သူတွေကို ရည်ရွယ်တာပါ။

ကြောက်ရွံ့ခြင်းနှင့် ပူပန်သောက
ကြောက်ရွံ့ခြင်းနှင့် ပူပန်သောကဟာ လောကီရေးရာ အခြေအနေတွေရဲ့ လွှမ်းမိုးမှုတွေကြောင့် ဖြစ်ပေါ် လာတဲ့ အတွေးစိတ်တွေမှ မွေးဖွား ဖြစ်ပေါ်လာပါတယ်။ သူတို့တွေဟာ ကပ်ငြိမှုတဏှာနှင့် တွယ်တာမှုမှာ မြစ်ဖျားခံပါတယ်။ အမှန်စင်စစ်ကတော့ ဘဝဆိုတာ အရာရာ အမြဲမပြတ် ရွေ့လျား ပြောင်းလဲနေတဲ့ ရုပ်ရှင်ကားတစ်ခုလိုပါပဲ။ ဒီလောကမှာ ဘယ်အရာမှ ခိုင်မြဲ တည်ငြိမ်တာမဟုတ်ပါဘူး။ ငယ်ရွယ် နုပျို သန်မာကြသူတွေက ငယ်ငယ်ရွယ်ရွယ်နှင့် သေကြရမှာကို ကြောက်ရွံ့ကြတယ်။ အိုမင်းရင့်ရော်ပြီး ဆင်းရဲဒုက္ခ ရောက်နေကြသူတွေက အသက်အရှည်ကြီးနေကြရမည့်ရေး ပူပန်နေကြတယ်။ ဒီနှစ်ခုကြားက လူတွေက တစ်နှစ်ပတ်လုံး ပျော်ပျော်ရွှင်ရွှင် နေရဖို့ မက်မက်မောမောကြီး တောင့်တနေကြပြန်တယ်။

ကောင်းတာလေးတွေကို ပျော်ပျော်ရွှင်ရွှင် မျှော်လင့်စောင့်စားရတာတွေက မြန်မြန်ဆန်ဆန်ပဲ ပြီးဆုံးသွားပါတယ်။ မသာယာ မမြတ်နိုးဖွယ်ကို ကြောက်ကြောက်ရွံ့ရွံ့ စောင့်စား မျှော်လင့်ရမှုတွေက ပျောက်ကွယ်သွားနိုင်ခဲဟန်တူတဲ့ ပူပန်သောကတွေကို ဖန်တီးပေးပါတယ်။ ဒီလိုစိတ်ခံစားရမှုတွေဟာ သဘာဝပါပဲ။ ကြိုးဆွဲခံရတဲ့ ရုပ်သေးရုပ်တစ်ရုပ်လိုပါပဲ။ ဘဝရဲ့ ဒီလိုမျိုး အတက် အကျတွေဟာ တကယ် မရှိတဲ့ အတ္တနှင့် ကစားနေကြရတာပါ။ ဒါပေမဲ့ စိတ်ကတော့ အဲဒီအတ္တရဲ့ အထွဋ်အထိပ်မှာ ရှိပါတယ်။

ဘာဝနာလို့ တစ်နည်းတစ်ဖုံ သိကြတဲ့ စိတ်လေ့ကျင့်မှုဟာ စိတ်ပိုင်းဆိုင်ရာ ထကြွသောင်းကြမ်းမှုကို ယဉ်ကျေးအောင် လုပ်ခြင်းရဲ့ ပထမခြေလှမ်း ဖြစ်ပါတယ်။ ဗုဒ္ဓရှင်တော်မြတ်က
ချစ်ခင် တွယ်တာခြင်းကြောင့် သောကရောက်ရ၏၊
သောကကြောင့် ကြောက်ရွံ့မှု ဖြစ်ရ၏၊
ချစ်ခင် တွယ်တာမှု လုံးဝ ကင်းသောသူအတွက် သောကကင်းကွာ၊
ကြောက်ရွံ့မှုလည်း အလွန်ပင် နည်းလာရပေတော့၏” လို့ ရှင်းလင်း ဟောကြားတော်မူထားပါတယ်။

မည်သည့်ပုံစံနှင့်ပဲ ခင်မင် တွယ်တာ သံယောဇဉ်ဖြစ်ဖြစ် သောကနှင့် အဆုံးသတ်ရပါလိမ့်မယ်။ မျက်ရည်စတွေက ဘဝရဲ့ မတည်မြဲခြင်းသဘောကို အဆုံးသတ်မပေးနိုင်သလို အချိန်ဆွဲပြီး နှုတ်ဆက်နေ တာကလဲ အဆုံးသတ် မပေးနိုင်ပါဘူး။ အရာခပ်သိမ်းဟာ မမြဲပါဘူး။

အသက်ကြီးသူတွေပဲ ဖြစ်ဖြစ်၊ ငယ်ရွယ်ကြသူတွေပဲ ဖြစ်ဖြစ် ဒီဘဝမှာ ဒုက္ခခံစားကြရတာပါပဲ။ မည်သူမျှ ချွင်းချက် မရရှာကြပါဘူး။ ဆယ်ကျော်သက် အများစုဟာ ပိုမိုကြီးမားတဲ့ ဆင်းရဲဒုက္ခကို ခံစားကြရ ပါတယ်။ ဖားလဲ မဟုတ် ဖားလောင်းလဲ မဟုတ်တဲ့ အတွက်ကြောင့် ဆယ်ကျော်သက်တွေဟာ ဆန့်ကျင်ဘက် လိင်ရှိသူတွေနှင့် တည်ငြိမ်တဲ့ ဆက်ဆံရေး တည်ဆောက် ခံစားကြတာကတော့ ခံထိုက်ပါတယ်။ သူတို့ကိုယ်သူတို့ လိင်ပိုင်းဆိုင်ရာ အာရုံတွေအဖြစ် ရှုမြင်ခံရတာကို ဂုဏ်ယူနေကြတဲ့ ဆန့်ကျင်ဖက် လိင်ရှိသူတွေကို အထင်ကြီး စွဲမက်စေဖို့ ကြိုးစားကြရာမှာ သူတို့တွေရဲ့ ဆွဲဆောင်နိုင်မှုကို ကြိုးစားပမ်းစားကို ပြစားကြ ကြွားလုံးထုပ်ကြပါတယ်။ ယောက်ျားရော မိန်းမပါ တကယ်ကို သူတို့မဟုတ်တဲ့ အတိုင်း ပြုမူနေထိုင်ဖို့ ကြိုးစားကြပါတယ်။ ဒါပေမဲ့ သူတို့ တွေးတာ ခေါ်တာကြတော့ အရွယ် ရောက်ပြီးသူတို့လိုမျိုး ကြိုးစားကြတယ်။ သဘာဝအတိုင်း ပြုမူ နေထိုင်မယ်ဆိုရင် သူတို့တွေကို ဟားကြမှာကို ကြောက်ရွံ့ကြတယ်။ ဒီ အပြုအမူမျိုးဟာ အမြတ်ထုပ်ခံရမဲ့ အလားအလာ ရှိပါတယ်။ အပယ်ချခံရမှာ ကြောက်ရွံ့ကြသလို အတ္တမာနတွေ သိမ်ငယ်မှာကိုလည်း ပူပန်ကြပြန်ပါတယ်။ တစ်ဖက်သတ်အချစ်ဟာ ဆယ်ကျော်သက် အများအပြားတို့ရဲ့ အသဲတွေကို မကြာခဏ ခွဲပစ်ပါလိမ့်မယ်။ အကြောင်းကတော့ သူတို့တွေဟာ သူတို့ကို သူတို့ အရူးလုပ်မိကြပြီလို့ ခံစားကြလို့ပါ။ အချို့ဆို ကိုယ့်ကိုယ်ကို သတ်သေမိသည် အထိကို ဖြစ်စေပါတယ်။ သို့ဖြစ်ရလင့်ကစား ဘဝကို ယထာဘူတကျကျ (အရှိ အရှိအတိုင်း၊ အမှန်အမှန်အတိုင်း) မြင်တတ်လျှင်ကား ဒီလိုမျိုး ဝမ်းနည်းဖွယ်ရာကြီးကို ရှေင်ရှားနိုင်ပါသတယ်။ မှန်မှန်ကန်ကန် ကြီးထွား ရင့်ကျက်ဖို့ ဗုဒ္ဓရဲ့ ဘဝကို ချဉ်းကပ်ပုံ ချဉ်းကပ်နည်းကို လူငယ်တို့ကို သင်ပေးရပါမယ်။

ဘယ်မှာပဲ ကြောက်ရွံ့မှု ဖြစ်ဖြစ်၊ ကြောက်ရွံ့မှု ဆိုတာ လူမိုက်မှာသာ ဖြစ်တာပါ၊ ပညာရှိမှာ မဖြစ်ပါဘူး” လို့ ဗုဒ္ဓက မိန့်ကြားတော်မူထားပါတယ်။

ကြောက်ရွံ့မှုဆိုတာ စိတ်အခြေအနေ တစ်ရပ်ထက် မပိုပါဘူး။ မိမိရဲ့ စိတ်ဟာ ထိန်းချုပ်လို့၊ ဦးတည်ရာ ပြောင်းပေးလို့ ရတဲ့ အရာမျိုးပါ။ အပြုသဘောမဆောင်တဲ့ အတွေးစိတ်ဟာ ကြောက်ရွံ့မှုကို ဖြစ်စေပါတယ်။ အပြုသဘောဆောင်တဲ့ အတွေးစိတ်ကတော့ ကျွန်ုပ်တို့ရဲ့ မျှော်လင့်ချက်တွေနှင့် စံနှုန်းတွေကို အကောင်ထည်ပေါ် ပြီးမြောက်စေပါတယ်။ ရွေးချယ်မှုကတော့ ကျွန်ုပ်တို့၏ တာဝန်သာ ဖြစ်ပါတယ်။ လူသားတိုင်းဟာ မိမိစိတ်ကို မိမိ ထိန်းသိမ်း စောင့်စည်းဖို့ စွမ်းရည်ရှိပါတယ်။ သဘာဝတရားက လူသားကို တစ်စုံတစ်ခုအပေါ်မှာ ပြီးပြည့်စုံတဲ့ အခွင့်အာဏာ အပ်နှင်းထားပါတယ်။ အဲဒါကတော့ အတွေး စိတ်ပဲ ဖြစ်ပါတယ်။ လူသားတစ်ဦး ဖန်တီးတဲ့ အရာတိုင်းဟာ အတွေးကပဲ စပါတယ်။ ကြောက်ရွံ့မှုကို အောင်နိုင်ဖို့ နည်းလမ်းကို ပိုမို နားလည်အောင် ကူညီမဲ့ သော့ချက်က ဒီမှာပါ။

တစ်ခါက ထင်ရှား ကျော်ကြားတဲ့ ဗြိတိသျှ ခန္ဓာဗေဒပညာရှင် တစ်ဦးကို ကျောင်သား တစ်ယောက်က ကြောက်ရွံ့မှုကို ကုသဖို့ အကောင်းဆုံး ကုထုံးက ဘာပါလဲ လို့ မေးပါတယ်။ ပညာရှင်ကြီး ပြန်ဖြေတာက “တစ်ဦး တစ်ယောက် အတွက် တစ်စုံတစ်ခုကို ကြိုးစားပြီး လုပ်ပေးပါ” တဲ့။

အဖြေကြောင့် ကျောင်းသားဟာ အတော်လေးကို အံအားသင့်သွားပြီး ထပ်ရှင်းပါဦးဗျာ လို့ တောင်ပန် ပါတယ်။ အဲဒီအခါမှာ သူ့ဆရာက “တစ်ချိန်တည်းမှာ မင်းဟာ ဆန့်ကျင်ဖက် (အတွေး)စိတ် နှစ်ခုကို မင်းစိတ်ထဲမှာ ထားလို့ မရပါဘူး” လို့ ပြောလိုပါတယ်။ အတွေးတစ်ခုက အခြားအတွေးတစ်ခု အမြဲပဲ မောင်းထုတ်ပါလိမ့်မယ်။ ဥပမာ - သင့်ရဲ့ စိတ်ကို အခြားတစ်ယောက်ကို ကူညီဖို့ တစ်ကိုယ်ကောင်းဆန်မှု ကင်းတဲ့ ဆန္ဒနှင့် လုံးဝ ဖြည့်ဆည်းထား သိမ်းပိုက်ထားတယ် ဆိုရင် မင်းဟာ တစ်ချိန်တည်းမှာပဲ ကြောက်ရွံ့မှုကို လက်ခံထားလို့ မရပါဘူး။

စိုးရိမ်ပူပန်မှုက သွေးသားတွေကို အရွယ်မတိုင်မီ ခန်းခြောက်စေပါတယ်။” ကြောက်ရွံ့မှုနှင့် သောက အသင့်အတင့်ကတော့ ကိုယ့်ကိုယ်ကို ထိမ်းသိမ်းထားခြင်းဆိုတဲ့ သဘာဝ ဗီဇပါ။ ဒါပေမဲ့ အမြဲမပြတ် ကြောင်းကျိုး မဆီလျှော်တဲ့ ကြောက်ရွံ့မှုနှင့် ကာလတာရှည် ပူပန်မှုကတော့ လူသားရဲ့ ခန္ဓာကိုယ်အတွက် အကြင်နာ ကင်းတဲ့ ရန်သူတွေဖြစ်ပါတယ်။ အဲဒါတွေက ခန္ဓာကိုယ်ဆိုင်ရာ ပုံမှန် လည်ပတ်မှုကို ဖောက်ဖောက် ပြန်ပြန် ဖြစ်စေပါတယ်။

(ဆက်ပါဦးမည်)
ဘုန်ဉာဏ်

Read more...

သူတော်စကားနေ့တိုင်းကြားလည်း

Sunday, 19 December 2010 20:45 | [IMG]/templates/ashinsirinda/images/PostAuthorIcon.png[/IMG]Written by မေတ္တာဥယျာဉ် | [LINK=/2009-07-18-17-32-10/dhamma-sarpay/693-2010-12-20-05-04-47.pdf]PDF [/LINK] | [LINK=/2009-07-18-17-32-10/dhamma-sarpay/693-2010-12-20-05-04-47.html?tmpl=component&print=1&page=]| Print |[/LINK] | [LINK=/component/mailto/?tmpl=component&link=aHR0cDovL2FzaGluc2lyaW5kYS5jb20vMjAwOS0wNy0xOC0xNy0zMi0xMC9kaGFtbWEtc2FycGF5LzY5My0yMDEwLTEyLTIwLTA1LTA0LTQ3Lmh0bWw%3D] Email[/LINK]
သူတော်စကား နေ့တိုင်းကြားလည်း[IMG]/images/stories/Ashin/Resized_Nanika-.jpg[/IMG]

အရှင်ဉာဏိကာဘိဝံသ

(ကာလီဖိုးနီးယားတ္ကသိုလ်)

မကြာမီအချိန်ကမှ သာသနာတွင်း ဝင်ရောက်လာတဲ့ တိဿဆိုတဲ့ တောထွက် ရဟန်းကြီး တစ်ပါးဟာ မြတ်စွာဘုရား ရှင်ရဲ့ ဝမ်းကွဲ ညီအကို တော်သူပါ။ မြတ်စွာဘုရားကို ဖူးမြော်ဖို့ ရောက်လာလေ့ ရှိသူတို့ရဲ့ ဆုံစည်းရာ နေရာဖြစ်တဲ့ ဇေတဝန်ကျောင်းတော် အလည်က ဇရပ်တစ်ဆောင်မှာ အနေများပါတယ်။



မြတ်စွာဘုရားကို ပူဇော်ဆက်ကပ်ကြတဲ့ လှူဒါန်း စားသောက် ဖွယ်တွေကို မှီဝဲ စားသောက်ပြီး ဇိမ်ကျကျ စတိုင်ကျကျနဲ့ နေထိုင် လေ့ရှိပါတယ်၊ ဘုရားရှင်ကိုဖူးမြော် ကြည်ညိုဖို့ အဝေးကနေ ရောက်လာကြတဲ့ ရဟန်းတော်များက သူ့ရဲ့အခြမှန်ကို မသိတာကြောင့် သက်ကြီးဝါကြီး မထေရ်ကြီးတစ်ပါးအမှတ်နဲ့ သူ့ကိုရှိခိုးပူဇော်ကြ၊ ဝတ်ကြီးဝတ်ငယ်များကိုလည်း ပြုစုကြပါတယ်၊ ဒါကိုသူကလည်း သာယာကျေနပ်နေပါတယ်၊ တကယ်ဆို ရဟန်းတော်များဆိုတာက အချင်းချင်း သိက္ခာဝါကြီးသူ (ဉီးစွာရဟန်းဖြစ်သူ) ကို အရိုအသေပေးရရိုး အစဉ်အလာရှိပါတယ်၊ သို့ပေမယ့် ဒီတိဿရဟန်းကြီးကတော့ ဒီအစဉ်အလာကို မသိကျိုး ကျွန်ပြုပြီး ကိုယ့်ထက်သိက္ခာဝါကြီးသူများရဲ့ အရိုအသေပေးမှုကို ခံယူကျေနပ်နေခဲ့တာပါ။

တနေ့မတော့ ရဟန်းငယ် တစ်ပါးက အရှင်ဘုရား ဝါတော် ဘယ်လောက် ရှိပါပြီလဲဘုရားလို့ စူးစမ်း မေးမြန်းခဲ့ပါတယ်၊ ဒီအခါမှာမှ တိဿရဟန်းကြီးက ငါ့မှာဝါမရှိ သေးပါလို့ပြန်ဖြေပါတယ်၊ အော် တယ်လည်းခက်တဲ့ ရဟန်းကြီးပဲ၊ ကိုယ့် ပမာဏကို ကိုယ်မသိဘူး၊ မထေရ်တွေ မြောက်များစွာ တွေ့မြင်ပါလျက်နဲ့ အရိုအသေ ပေးရကောင်းမှန်းမသိ၊ ဝတ်ကြီး ဝတ်ငယ်ပြုရကောင်းမှန်း မသိပဲ မသိသလို နေနေတယ်၊ သူတစ်ပါးတွေ အပြုအစုကို ခံယူကျေနပ် နေတယ်၊ အံ့သြစရာ ပါပဲလို့ ရဟန်းများက ကဲ့ရဲ့စကား ဆိုပါတယ်။ ဒီတော့ မင်းမျိုး မာန်တက်နေတဲ့ တောထွက် ရဟန်းကြီးက နေပါဉီး၊ ခု သင်တို့ဘယ်သူ့ထံ လာကြတာလဲ၊ ဘုရားရှင်ထံလာကြတာမဟုတ်လား၊ ငါဘယ်သူ ဆိုတာရော သိကြရရဲ့လား၊ အေး သင်တို့ ငါ့အကြောင်းသိစေရမယ်၊ သင်တို့ကို အမြစ်ပါမကျန် ဖျက်ဆီးပစ်မယ်ရယ်လို့ ကြိမ်းမောင်းပြောဆိုပါတယ်၊ နောက်ပြီး သူက ဝမ်းနည်းပက် လက်ငိုကျွေပြီး ဘုရားရှင်ထံကို သွားရောက် တိုင်ကြားပါတယ်၊ သူမျှော်လင့်တာက ဘုရားရှင်က သူ့ဆွေမျိုးမို့ မှန်မှန်မှားမှား သူ့ဖက်ကနေ ဆွေမျိုးချင်း ရိုင်းပင်း ကာကွယ် ပေးလိမ့်မယ်လို့ ယူဆဟန်ရှိ ပါတယ်။

သို့ပေမယ့် ဘုရားရှင်တို့ ဆိုတာက အမှန်ကိုသာ လမ်းညွှန် မိန့်ကြား တတ်သလို အမှန်တရား ဖက်ကသာ အစဉ်ထာဝရ ရပ်တည်လေ့ရှိတာပါ၊ ဆွေမျိုးဉာတကာ အမှားမို့ ဒါတော့ ထားလိုက်ပါ၊ ဒါသူ့အဆိုး မဟုတ်ပါဘူး ဆိုတာမျိုး ဘယ်မှာရှိပါ့မလဲ၊ နောက်ပြီး သူ့ဆွေမျိုးတွေရဲ့ အမှားပြုလုပ်မှု ကံတရား ဆိုးကျိုးဆက်က နည်းပါး ပေါ့လျော့စေ၊ တစိမ်းတရံ များရဲ့ အကုသိုလ်အကျိုး ဆက်ကတော့ ပိုမိုဆိုးရွားစေ၊ ကောင်းမှုကံ မကောင်းမှုကံတရားများ အကျိုးဆက်မှာ ဆွေမျိုး ဉာတကာတွေ ရရှိခံစားရမည့် ရလဒ်များနဲ့ အခြားသူများအတွက် ရလဒ် မတူခြားနားစေ ဆိုတာမျိုးလည်း ဘယ်မှာ ရှိပါ့မလဲ။ဘုရားဆိုတာ မပြောင်းလဲတဲ့ အမှန်တရားနဲ့ တစ်ထပ်တစ်သားတည်း ကျနေတဲ့ တုနှိုင်းမဲ့ အာဃအာဇာနည် လူသားမျိုးပဲ မဟုတ်လား။

ဘုရားရှင်က အကြောင်းစုံကို မေးမြန်းခဲ့ပါတယ်၊ တိဿရဟန်းကြီးရဲ့ ဝတ္တရား ချွတ်ယွင်းမှုကြောင့် ခုလိုဖြစ်ခဲ့ရတာကို သိရတဲ့အတွက် ပြောဆိုကြတဲ့ ရဟန်းများ အပေါ်မှာ သည်းခံခွင့်လွှတ်ဖို့၊ ကိုယ့်ဝတ္တရား များကိုလည်း ကျေပွန်စွာ ပြု လုပ်ဖို့ ဗုဒြွက တိဿရဟန်းကြီးကို မိန့်ပါတယ်။ သို့ပေမယ့် တိဿရဟန်းကြီးက ဘုရားရှင်ရဲ့စကားကို နားမထောင် လက်မခံပါဘူး၊ သူ့ကိုပြောဆိုကြတဲ့ ရဟန်းများအပေါ်မှာ ဘယ်လိုမှ ခွင့်မလွှတ် နိုင်ကြောင်းကိုသာ အကြောက်အကန် ပြောဆိုခဲ့ပါ တယ်။

ဒီတော့ ရဟန်းတော်များက အော် ဘုရားရှင်က ဆုံးမတာတောင် နားမထောင်ဘူး၊ တော်တော်လည်း ပြောရဆိုရခက် တဲ့ ရဟန်းကြီးပဲရယ်လို့ ပြောဆိုကြပါတယ်၊ ဒီတော့ ဘုရားရှင်က သူက ခုမှသာ ပြောဆိုရ ခက်ခဲတာ မဟုတ်ဘူး၊ ဟိုရှေးဘဝ ကတည်းက ခုလိုပဲ ပြောဆိုရခက်သူ တစ်ဉီးပါဆိုပြီး အဖြစ်အပျက်ဟောင်း တစ်ခုကို မိန့်တော်မူပါတယ်။

တစ်ခါက ဒေဝီလအမည်ရှိတဲ့ ရသေ့တစ်ပါးဟာ ဟိမဝန္တာတောမှာ နေထိုင်ပါတယ်၊ အကြောင်းရှိလို့ မြို့ကိုရောက်တဲ့ အခါ အိုးထိန်းသည် တစ်ဉီးပိုင်ဆိုင်တဲ့ ဇရပ်မှာ တည်းခိုပါတယ်၊ သူ့နည်းတူ နာရဒဆိုတဲ့ အခြားရသေ့ တစ်ပါးလည်း ဟိမဝန္တာ တစ်နေရာကနေ မြို့ကို ရောက်လာတဲ့အခါမှာ ဇရပ်ပိုင်ရှင် အိုးထိန်းသည်ရော၊ ဉီးစွာရောက်နှင့်နေတဲ့ ဒေဝီလရသေ့ရဲ့ သဘောတူခွင့်ပြုချက်နှင့်ပါ ဒီအိုးထိန်းသည်ရဲ့ ဇရပ်မှာပဲ တည်းခိုပါတယ်၊ ရသေ့နှစ်ပါးဟာ အလ္လာပ သလ္လာ ပပြောဆိုပြီး အသီးသီး အိပ်ရာဝင် ခဲ့ကြပါတယ်၊ အိပ်ရာမဝင်မီမှာ နောက်မှ ရောက်လာတဲ့ နာရဒရသေ့က ဒေဝီလ ရ သေ့ရဲ့ အိပ်ရာနေရာကို သေသေချာချာ မှတ်သားပြီးမှ အိပ်ရာဝင်ပါတယ်၊ ညမှာ အကြောင်းရှိလို့ ထသွားထလာလုပ် ခဲ့လျင် ဒေဝီလရသေ့ကို ထိမိခိုက်မိ မဖြစ်စေဖို့ပါ၊ သို့ပေမယ့် ဒေဝီလရသေ့က မူလနေရာမှာ မအိပ်ပဲ တံခါးဝမှာ ကန့် လန့် အိပ်နေတာကြောင့် ညအခါ နာရဒရသေ့ ဇရပ်အပြင်ထွက်တဲ့ အခါ သူ့ဆံကျစ်ကို နင်းမိပါတယ်၊ ဒီတော့ ဒေဝီလ ရသေ့က ကောက်ကျစ် ယုတ်မာတဲ့ရသေ့၊ ဘာကြောင့် ငါ့ဆံကျစ်ကို နင်းရတာလဲလို့ ကျိန်းမောင်း ပြစ်တင်ပါတယ်၊ နာရဒရသေ့က အော် ဆရာရသေ့၊ ဆရာရသေ့ ဒီနေရာမှာ အိပ်နေတာကို မသိတာကြောင့် ခုလိုဖြစ်ရတာပါ၊ သည်းခံ တော်မူပါလို့ တောင်းပန်စကား ဆိုပြီး ဒေဝီလရသေ့ မြည်တွန် တောက်တီး နေစဉ်မှာပဲ ဇရပ်အပြင်ကို ထွက်ခဲ့ပါတယ်။

ဒေဝီလ ရသေ့ကလည်း ဒီရသေ့ပြန်ဝင်လျင် ခုလိုပဲ ငါ့ကို ကျော်ဝင်ရမှာ၊ ဒီတော့ ကျော်လျင်လည်း ခြေထောက်ကိုသာ ကျော်ပစေ ဆိုတဲ့အနေနဲ့ မူလခြေထားရာ အရပ်ဖက်ကို ဉီးခေါင်းထားပြီး ပြန်အိပ် နေခဲ့ပါတယ်၊ နာရဒ ရသေ့ကလည်း ပြန်ဝင်တဲ့အခါ ထွက်လာစဉ်က ဆံကျစ်ကို နင်းမိပြီး ဆရာရသေ့ကို ပြစ်မှားမိပြီ၊ ပြန်ဝင်တဲ့ အခါမတော့ ခြေရင်းဘက်က ဝင်မှလို့စိတ်ကူးပြီး ဝင်တဲ့အခါမှာ ဒေဝီလရသေ့ရဲ့ လည်ပင်းကို တက်နင်းမိပါတယ်။ အော် ရသေ့ယုတ်၊ ထွက်စဉ်က လည်း ငါ့ဆံကျစ်ကို နင်းခဲ့ပြီ၊ ခုလည်း ငါ့လည်းပင်းကို နင်းပြန်ပြီ၊ သင့်ကို ငါကျိန်ဆဲတော့မယ်ရယ်လို့ ပြောဆိုပါတယ်၊ ဒီအခါမှာ နာရဒရသေ့က ဆရာ ဒါကျွန်ုပ် အပြစ်မဟုတ်ပါ၊ ဆရာရသေ့ ခုလို အိပ်နေမှန်း မသိတာကြောင့် တစ်ခါပြစ် မှားမိပါသည်၊ ခုနောက်တစ်ခါ မှာလည်း ခြေရင်းဘက်က ဝင်အံ့ဆိုပြီး ဝင်လာခဲ့တာပါ။ ဆရာရသေ့ သည်းခံတော်မူပါ လို့ တောင်းပန်စကား ဆိုခဲ့ပါတယ်။ သို့ပေမယ့် ဘယ်လိုမှ တောင်းပန် စကားဆိုလို့ မရခဲ့ပါဘူး။ ဒါကြောင့် ဒေဝီလ ရသေ့က ဓရောင်ခြည်တစ်ထောင် အလင်းဆောင်တဲ့ နေမင်းကြီးဟာ အမိုက်မှောင်ကို ပယ်ဖျောက်တတ်တယ်၊ နံနက် လင်းလို့ ဒီနေမင်းကြီး ထွန်းလင်းတောက်ပ လာတဲ့အခါမှာ ဒီရသေ့ယုတ်ရဲ့ ဉီးခေါင်း ခုနစ်စိတ်ခုနစ်ဖြာ ကွဲပါစေသားဓ ရယ်လို့ ကျိန်စာ စကားဆိုခဲ့ပါတယ်။

နာရဒရသေ့ကလည်း ဆရာ ငါ့မှာ အပြစ်မရှိ၊ တောင်းပန်နေသည့် ကြားကပဲ သင်ကကျိန်ဆိုတယ်၊ ဒီတော့ အကျွန်ုပ် ကလည်း အပြစ်မရှိကြောင်း သက်သေထူဖို့ သင့်လိုပဲ ကျိန်စာစကား ဆိုရတော့မှာပ၊ အပြစ်ရှိသူရဲ့ ဉီးခေါင်းသာကွဲပြီး၊ အပြစ်မရှိသူဉီးခေါင်း မကွဲပါစေသတည်းလို့ ပြောဆိုပြီး တုန့်လှည့်တစ်ဖန် ဒေဝီလရသေ့နည်းတူ ကျိန်စာစကားဆိုခဲ့ပါ တယ်။

တကယ်တော့ နာရဒရသေ့က တန်ခိုးဣဒ္ဓပါဒ် နဲ့ပြည့်စုံတဲ့ ရသေ့တစ်ပါးပါ။ အတ်ိတ်ကမ္ဘာလေးဆယ်၊ အနာဂါတ်ကမ္ဘာ လေးဆယ်ကို အောက်မေ့ ဆင်ခြင်နိုင်စွမ်းရှိပါတယ်၊ သူတို့နှစ်ဉီး ကျိန်ဆိုပြီးတော့ ဘယ်သူ့ကျိန်ဆိုမှုက အလေးသာ လေမလဲလို့ ဆင်ခြင်တဲ့အခါမှာ သူကအလေးသာတာကို သိပါတယ်။ ဒါကြောင့် ဒေဝီလရသေ့အပေါ်မှာ ကျရောက်မည့် အန္တာရာယ်ကို မြော်တွေးသနားပြီး နေမင်းကြီး ထွက်ပေါ်မလာအောင် တားမြစ်ထားပါတယ်။ နေထွက်ချိန်ရောက်ပါ လျက် ထွက်ပေါ်မလာနိုင်တာကြောင့် သာမန်မြို့သူမြို့သားတွေအစ ရှင်ဘုရင်အဆုံး ဒီပြဿနာရဲ့ အကြောင်းရင်းကို ရှာဖွေကြတော့ အဖြစ်မှန်ကို သိကြရပါတယ်။

အကြောင်းစုံကို စုံစမ်းပြီးတဲ့ အခါမတော့ ဒီပြဿနာဟာ ဒေဝီလရသေ့ကနေ နာရဒရသေ့ကို တောင်းပန်စကားဆိုလျင် ပြေလည်သွားမယ်ဆိုတာ ပြည့်ရှင်မင်းကြီး သိခဲ့ပါတယ်၊ မင်းကြီးက ဒေဝီလရသေ့ကို နာရဒရသေ့အား တောင်းပန် စကားဆိုဖို့ တိုက်တွန်းခဲ့ပါတယ်။ မင်းကြီးစကားကို ဒေဝီလရသေ့က နားမထောင် လက်မခံခဲ့ပါဘူး၊ အဆုံးမတော့ ဒေ ဝီလရသေ့ရဲ့ လက်ခြေတို့ကို ဖမ်းချုပ် တုတ်နှောင်ပြီး နာရဒရသေ့ရဲ့ခြေရင်းမှာ သူ့ဆန္ဒမပါပဲ ဝပ်စင်း တောင်းပန်စေခဲ့ပါ တယ်။ နာရဒရသေ့က ခွင့်လွှတ်သည်းခံခဲ့ပေမယ့် ဒေဝီလကိုယ်တိုင် စိတ်ပါလက်ပါ တောင်းပန်ခဲ့တာ မဟုတ်လို့ သူ့ အပြစ်ကတော့ လုံးဝကျွတ်လွတ် သွားခဲ့တာမဟုတ်ပါဘူး။ ဒါကြောင့် နေထွက်လာတဲ့အခါ သူ့ဉီးခေါင်းမကွဲရလေအောင် ရေကန်ထဲမှာ ဉီးခေါင်းမြုတ်ထားပြီး ဉီးခေါင်းပေါ်မှာ မြေစိုင်ခဲတင်ကာ နေထွက်အလာကို ဒေဝီလရသေ့ စောင့်စားခဲ့ရပါတယ်။ ဒီအကြံကိုလည်း နာရဒရသေ့ကပဲပေးခဲ့တာပါ။ နေထွက်လာတဲ့ အခါမတော့ ဒေဝီလရသေ့ရဲ့ ဉီးခေါင်း ပေါ်ကမြေစိုင်ခဲဟာ ခုနစ်စိတ်ခုနစ်ဖြာ ကွဲကြေလို့သွားခဲ့ပါတယ်။ ဒေဝီလရသေ့ကတော့ အသက်မသေပဲ အန္တရာယ် ကနေလွတ် မြောက်နိုင်ခဲ့ပါတယ်။

ဒီဝတ္ထုကို မြတ်စွာဘုရားက ဟောတော်မူပြီး တစ်ဆက်တည်း

အက္ကောစ္ဆိမံ အဝဓိ မံ ၊ အဇိနိ မံ အဟာသိ မေ။

ယေ စ တံ ဉပနယှန္တိ ၊ ဝေရံ တေသံ န သမ္မတိ။ (ဓမ္မပဒ-၃)

ဒီလူဟာ ငါ့ကိုဆဲဖူးသူ၊ ငါ့ကိုသတ်ပုတ်ဖူးသူ၊ ငါ့အပေါ် အနိုင်ယူဖူးသူ၊ ငါ့ဉစ္စာကို ခိုးဖူးသူပဲဆိုပြီး အမျက်ဒေါသ ပွား နေမည်ဆိုလျင်ဖြင့် ဘယ်တော့မှ ရန်မီးငြိမ်းနိုင်လ်ိမ့်မယ် မဟုတ်ပေဘူး ရယ်လို့လည်း ဆက်လက်ပြီး မိန့်တော်မူပါ တယ်။ ရန်မီးတွေ မငြိမ်းစဲနိုင်တဲ့ ခုလို ကာလ သမယမှာ အချင်းချင်းတွေကြား၊ ရန်မီးတွေသိမ်း၊ အေးငြိမ်းချမ်းသာစွာ နေနိုင်စေဖို့ ကျိုးကြောင်းပြကာ ဆုံးမစကားဆိုတော်မူတဲ့ မြတ်ဗုဒြွရဲ့စကားတွေဟာ လူမျိုးဘာသာနေရာမရွေး မှတ် သားလေးစား လိုက်နာစရာ ကောင်းလှပါတယ်။

လူတိုင်းလူတိုင်း ဘဝမှာ အနည်းနှင့်အများ ဆိုသလိုပဲ အမှားတစ်ခုခုတော့ လုပ်ခဲ့ဖူးကြမှာပါ။ သို့ပေမယ့် ကိုယ်လုပ်ခဲ့တဲ့ အမှားအပေါ်မှာ သင်္ခန်းစာ ယူပုံခြင်းတော့ တစ်ဉီးနှင့်တစ်ဉီး တူနိုင်ကြမယ် မဟုတ်ပါဘူး၊ တချို့က ကိုယ်မှားခဲ့တဲ့ အမှားကို အခြေပြုလို့ နောင်မှာဒီလို အမှားမျိုး ထပ်မကျူးလွန်မိအောင် ရှောင်ကြဉ်တာမျိုး ရှိနိုင်သလို၊ ဒီအမှားကို အခြေခံပြီး အမှန်တရား တစ်ခုခုရရှိအောင်၊ ကောင်းကျိုး တစ်ခုခုရအောင် အားထုတ်ကြ သူတွေလည်း ရှိကြမှာပါ။ တချို့ကတော့လည်း မှားပြီးရင်းမှား၊ အမှားသံသရာ ကြားမှာ လုံးလည်းခြာလည် ဖြစ်နေသူတွေလည်း ရှိမှာပါပဲ။ လူတိုင်း မကင်းနိုင်တဲ့ အမှားကိုပဲ မှားရကောင်းလား ရယ်လို့ အလွယ်တကူ အပြစ်တင်မည် ဆိုလျင်တော့ မှားသူအမှား ထက် အပြစ်တင်သူရဲ့ အမှားက ပိုမိုဆိုးရွားပါလိမ့်မယ်၊ တဖက်မှာလည်း မှားသူအနေနဲ့ မမှားသင့်တဲ့ အမှားမျိုးကို ထပ်ကာထပ်ကာ မှားနေမည် ဆိုလျင်တော့ မိုက်မဲရာကျမှာပါပဲ၊ ပိုဆိုးတာကတော့ ကိုယ့်မှာ ဆင်ခြင် စဉ်းစားနိုင်စွမ်း မရှိလို့ ကိုယ့်အမှားကိုယ် မသိတာကို တတ်သိ နားလည်သူများက ဝေဖန်ထောက်ပြ ပါလျက်ကယ်နဲ့ ပြုပြင်ရမှန်းမသိ၊ လေးစား လိုက်နာရမှန်းမသိ ဖြစ်နေဉီးမည် ဆိုလျင်ဖြင့် မိုက်မဲရာပါမက ယုတ်ညံ့ရိုင်းစိုင်းရာလည်း ရောက်ပါတယ်။ မှား နေတာကို ကိုယ်တိုင်လည်း သိတယ်၊ တခြား သူများကလည်း ဝေဖန်ထောက်ပြတယ်၊ သို့ပေမယ့် ဒီအမှားကပဲ ကိုယ့် အဖို့ အကျိုးအမြတ် ဖြစ်နေတာမို့ အလားတူ အမှားမျိုးကိုပဲ ထပ်တလဲလဲ ကျူးလွန်တာမျိုး၊ အမှန်မပြုပြင်နိုင်တာမျိုး ကတော့ အဆိုးတကာ့ အဆိုးဆုံးလို့ပြောရမှာပါ။

လောကမှာ ဒေဝီလရသေ့လိုပဲ ကိုယ့်အမှားကိုယ် မသိသူတွေ၊ ကိုယ့်အပြစ်ကို ကိုယ်မမြင် နိုင်သူတွေက အများသားပါ၊ နောက်ပြီး ကိုယ့်အပြစ်ကို သူများ အပြစ်ဖြစ်အောင် လုပ်ကြံတတ် သူတွေဆိုတာလည်း နယ်ပယ် အသီးသီးမှာ ရှိစမြဲပါပဲ၊ သူတစ်ပါးတွေ ဘယ်လိုပင် ထိခိုက်နစ်နာပစေ၊ ကိုယ်သာ အမှန် ဆိုတာကို သက်သေထူဖို့၊ ကိုယ်အသာစီး ရဖို့ဆိုလျင် ဘယ်လိုအောက်တန်းကျ ယုတ်ညံ့တဲ့နည်းကို သုံးရပစေ၊ သုံးကျသူတွေ၊ အသုံးချ သူတွေကလည်း များမှ အများသားပါ ပဲ၊ ဒီလို ကောက်ကျစ် စဉ်းလဲတဲ့ နည်းတွေကို အသုံးချပြီး အကျိုးအမြတ် ရရှိလာတဲ့ အခါမှာလည်း ငါမို့လုပ်နိုင်တာ၊ ငါ တော်လို့ ရလာတာဆိုပြီးလည်း လွဲမှားစွာ ဂုဏ်ယူ ကျေနပ်နေသူတွေလည်း ရှိတတ်ပါသေးတယ်။ ပစ္စုန်ပ္ပန် သံသရာ နှစ်တန်ဘဝအတွက် ရင်လေးဖွယ် လူတန်းစားမျိုးတွေပ။

တရားတော် အဆုံးမှာတော့ လူနတ်ဗြဟ္မာပေါင်းများစွာ အသိဉာဏ် အလင်းတွေပွင့်ပြီး အသိမှန် အမြင်မှန်တွေရရှိ သွားကြတယ်လို့ ဆိုပါတယ်၊ အမှန်သိမြင် သွားသူတွေထဲမှာ တိဿရဟန်းကြီးလည်း ပါဝင်ပါတယ်၊ စာရေးသူက ဓမ္မပဒလာ ဒီဇာတ်လမ်းကို ဖတ်မိပြီး အော် တိဿရဟန်းကြီးလိုပဲ မဆိုင်လှစွာ သာသနာ့နယ်ပယ် အထိတောင်မှပဲ လာလို့ ရာဇမာန် တက်နေသူတွေ၊ ကိုယ့်အမှားကို ဆင်ခြင်ရကောင်းမှန်း မသိပဲ သူတစ်ပါးအပေါ်သာ အပြစ်ပုံချတတ် သူတွေ၊ မြတ်စွာဘုရားလို အတုမရှိ အတူမမြင်နိုင်တဲ့ပုဂ္ဂိုလ်မျိုးက ဆုံးမလမ်းညွှန်စကား ဆိုတာကိုတောင် လွယ်လွယ် ကူကူ နာယူ လိုက်နာရမှန်း မသိတဲ့သူတွေ ရှိတတ်တာပါ ကလားလို့ ဆင်ခြင်စဉ်းစားရင်း ပစ္စုပ္ပန်ဖြစ်ရပ်အချို့နဲ့ ယှဉ်စပ် ပြီး သံဝေဂ အထပ်ထပ် ပွားနေမိပါတယ်။ နောက်ပြီးလည်း တရားမရှိ၊ တရားမသိ လျင်တောင်မှ၊ လောကလူအများ လက်ခံနေတဲ့ အမှားဆိုတာလောက်တော့ သိနိုင်သူများသာ ဖြစ်ကြပါစေ ရယ်လို့လည်း အားလုံးအတွက် ဆုတောင်း စကား ဆိုနေမိပါတယ်။ ။



မေတ္တာများဖြင့်

မေတ္ဆာဥယျာဉ်

[LINK=http://www.ashinsirinda.com/]http://www.ashinsirinda.com/[/LINK]

၂၀၁၀-ခု၊ ဒီဇင်ဘာလ ၂၀-ရက်၊ တနင်္လာနေ့။

Read more...

ကိုငယ်လေး (စင်ကာပူ) ၏ မိုးကာအလှူ

http://unrecover.multiply.com/ မှ ၁၀.၁၂.၂၀၁၀ ရက်နေ့ တွင် စစ်ကိုင်းတောင်
ရိုးဆွမ်းလောင်းအသင်းသို့ 10.12.2010 ရက်နေ့တွင် အရုဏ်ဆွမ်းအလှူကပ်လှူခဲ့
ပါသည်။ ထိုနေ့များတွင် စစ်ကိုင်းတွင် ၂ ရက်ဆက်တိုက်မိုးရွာသွန်းခဲ့သဖြင့်
အလှူကိစ္စများကို အလှူရှင်စိတ်တိုင်းကျ သီလရှင်များကို အရုဏ်ဆွမ်းကျောင်းသို့
ပင့်၍ မကပ်လှူနိုင်ခဲ့ပါ။ ယခင်မိုးကာမှာပုံတွင် ပါသည့်အတွင်း ယခုနှစ်မိုးဒဏ်ကို
ခံစားခဲ့ရပြီး စုတ်ပြဲနေခဲ့ပါသည်။ ဒါယကာကိုငယ်လေးမှလှူဒါန်းလိုကြောင်း
လျှောက်ထားသဖြင့် ယခုဆွမ်လောင်းအသင်းတွင် မိုးကာသစ်လဲလှယ်ခဲ့ပါသည်။
ယခုမိုးကာတွင် မိုးကာအောက်တွင် ၀ါးကတ်များခံပြီး အပေါ်မှမိုးကာမိုးထားသော
ကြောင့် မိုးရွာလျှင် အဆင်ပြေပြီဖြစ်သလို ယခုဆောင်းတွင်းတွင်လည်း နှင်းဒဏ်မှ
ကာကွယ်နိုင်ပြီဖြစ်ပါသည်။ ဒါယကာကိုငယ်လေးမှ တစ်သိန်းကျပ်လှူဒါန်းခဲ့ပါသည်။ စာဖတ်သူအားလုံးဝမ်းမြောက်ဝမ်းသာသာဓုခေါ်ဆိုနိုင်ကြပါစေ


IMG_1123.JPG

IMG_1125.JPG

IMG_1185.JPG

IMG_1186.JPG

IMG_1187.JPG

IMG_1188.JPG

IMG_1189.JPG

IMG_1190.JPG

Prev: စစ်ကိုင်းတောင်ရိုး၊လပြည့်ဝန်းလမ်း ကွန်ကရစ်ဓါတ်တိုင်များလဲလှယ်ခြင်း

Read more...

Chanting Practice of Theravada Buddhists - ထေရ၀ါဒဗုဒ္ဓဘာသာတို့၏ ရွတ်ဖတ်ပူဇော်မှု

The Chanting Practice of Theravada Buddhists

Read more...

အသဲထဲ စွဲမြဲ


ဗုဒ္ဓဘာသာဝင်တွေက ဘုရားရှင်ရဲ့
ရုပ်ပွါးတော် ရုပ်တုတော် ဆင်းတုတော်တွေကို
ကိုးကွယ်ဆည်းကပ်ကြတယ်။ အရိုအသေပေးကြတယ်။
ရုပ်ပွါးတော်ဆိုတာ ဘုရားရှင်ရဲ့ ရုပ်ပုံတော်ကို ပွါးထားတာဖြစ်တယ်။
ရုပ်တုဆိုတာကလဲ ဘုရားရှင်ရဲ့ ရုပ်ပုံတော်ကို တုထားထာဖြစ်တယ်။
ဆင်းတုတော်ဆိုတာကလဲ ဘုရားရှင်ရဲ့ အဆင်းကို တုထားတာသာဖြစ်တယ်။

ဆိုတော့ ဗုဒ္ဓဘာသာဝင်တွေ ဘာလို့ ဒီရုပ်ပွါးတော်၊ ရုပ်တုတော်၊
ဆင်းတုတော်တွေကို ကိုးကွယ်ဆည်းကပ်နေရတာလဲ။
တကယ်တော့ ဗုဒ္ဓဘာသာဝင်တွေက ရုပ်ပွါးတော်၊ ရုပ်တုတော်၊
ဆင်းတုတော်တွေကို ကိုးကွယ်ဆည်းကပ်တာ မဟုတ်ပါဘူး။

ဘုရားရှင်ရဲ့ ရုပ်ပွါးတော်၊ ရုပ်တုတော်၊ ဆင်းတုတော်တွေကို ကြည့်ပြီး
လွန်ခဲ့တဲ့နှစ်ပေါင်း ၂၅၀၀ ကျော်က ပွင့်ခဲ့တဲ့ ပေါ်ပေါက်ခဲ့တဲ့
ဘုရားရှင်ကို အလွယ်တကူ အာရုံပြုနိုင်အောင်လို့၊
အာရုံပြုနိုင်ပြီး ဘုရားရှင်ရဲ့ ဂုဏ်ကျေးဇူးတွေကို လွယ်လင့်တကူ
သတိရနိုင်ဘို့အတွက် ဘာသာရေးကျောင်းတွေ၊ အိမ်တွေမှာ
ရုပ်ပွါးတော်၊ ရုပ်တုတော်၊ ဆင်းတုတော်တွေထားရှိရခြင်းဖြစ်ပါတယ်။

တကယ်လို့
ဘုရားရှင်ရဲ့ ရုပ်ပွါးတော်၊ ရုပ်တုတော်၊ ဆင်းတုတော်တွေ မထားဘဲ
မိမိရဲ့စိတ်က မိမိရဲ့ နှလုံးသားက
ဘုရားရှင်ကို ဘုရားရှင်ရဲ့ ဂုဏ်ကျေးဇူးတွေကို
အာရုံပြုနိုင်၊ အလွယ်တကူ ပြန်လည်သတိရနိုင်တယ်ဆိုရင်
ရုပ်ပွါးတော်၊ ရုပ်တုတော်၊ ဆင်းတုတော်တွေ ထားစရာ မလိုတော့ပါဘူး။
ဦးဏှောက်ထဲဝယ် နှလုံးသားဝယ် အမြဲတမ်း ဘုရာတည်ပြီးသားဖြစ်နေလို့ပါဘဲ။

တချို့က ဒီလို နားမလည်ဘဲ ဗုဒ္ဓဘာသာဝင်တွေက ရုပ်တုကိုးကွယ်သူတွေ
(Idol Worshippers) တွေလို့ ပြောကြတယ်။

တကယ်တော့ ဒီလိုမဟုတ်ပါဘူး။
ရုပ်တုထား၊ ရုပ်တုကို အလေးပေးတယ်ဆိုတာ
ရုပ်တုချည်းသက်သက်ကို အလေးပေးတာမဟုတ်ပါဘူး။
ဒီရုပ်တုနောက်က ဂုဏ်တော်အထိ စိတ်ရောက်အောင်
အာရုံပြုပြီး အလေးပေးတာပါ။
ဘုရားရှင်က ရုပ်တုမပြောနဲ့
ရုပ်အစစ်ဖြစ်တဲ့ သူ့ရဲ့ ခန္ဓာကို အတ္တဘောကိုတောင်
မကိုးကွယ်စေလိုပါဘူး။ သဘောမကျစေလိုပါဘူး။

ဘုရားရှင်သက်တော်ထင်ရှားရှိစဉ်အခါက
ဝက္ကလိဆိုတဲ့ ဘုန်းကြီးတစ်ပါးရှိတယ်။
ဘုရားရှင်ကို ကြည့်ပြီး အတော်သဘောကျနေတယ်။

ဘုရားရှင်ရဲ့ ရူပကာယ ရုပ်ခန္ဓာကိုယ်ကလဲ
အတော်ကြည့်လို့ ဖူးမျှော်လို့ ကောင်းမှာကိုး။
ဘုရားရှင် ဘယ်သွားသွား ဒီဘုန်းကြီးက
နောက်က တကောက်ကောက်လိုက်ပြီး ကြည့်လေ့ရှိတယ်တဲ့။

တစ်နေ့ ဘုရားရှင်က
ဟဲ့ ၀က္ကလိ၊ ငါ့ခန္ဓာကိုယ်ကြီးကို ဘာလို့ ဒီလောက်တောင် ကြည့်နေရတာလဲဟဲ့။
ငါ့ခန္ဓာကိုယ်ကလဲ အပုတ်ကောင်၊
နင့်ခန္ဓာကိုယ်ကလဲ အပုတ်ကောင်၊
အတူတူပဲဟဲ့။
သွား၊ တရားသာအားထုတ်၊
ဒီငါ့ခန္ဓာကိုယ်ကို ကြည့်နေလို့ကတော့ ဘာမှ ထူးခြားလာမှာ မဟုတ်ဘူး။
တရားအားထုတ်လို့
တရားကို သိမှ ငါဘုရား (ဘာဆိုတာ) သိမယ် လို့ပြောပါတယ်။။

ဒါနဲ့စပ်လို့ ကြားဘူးတာလေး ပြောရအုံးမယ်။
တိပိဋက မဟာဂန္ဓာရုံဆရာတော်နဲ့ တိပိဋက ယောဆရာတော်တို့
ကိစ္စတစ်ခုနဲ့ ထိုင်းနိုင်ငံကို သွားဖြစ်တယ်။
နာမည်ကြီးစာတတ်ဆရာတော်ကြီးတွေဆိုတော့
ဘန်ကောက်မှာ နာမည်ကြီးတဲ့ မြဘုရားကိုလဲ လိုက်ပို့ကြတာပေါ့။
တိပိဋက မဟာဂန္ဓာရုံဆရာတော်ကတော့ ကားပေါ်ကဆင်းပြီး သွားဖူးတယ်တဲ့။

တိပိဋက ယောဆရာတော်က သွားမဖူးဘူးတဲ့။
တိပိဋက ယောဆရာတော်က
သူ့ရဲ့ နှလုံးသားထဲမှာ ဘုရားကို အမြဲတမ်း သတိရနေကြောင်း၊
ဘုရားရှင် အမြဲရှိနေကြောင်း၊
သူဟာ ဘုရားနဲ့အတူနေနေသူဖြစ်နေကြောင်း၊
ဒါ့ကြောင့် ဘာဘုရား ညာဘုရားတွေ မလိုကြောင်း၊
ဘုရားဟာ အတူတူဘဲဖြစ်ကြောင်း စသည် စသည်ပြောပြပြီး
လိုက်ပို့တဲ့ကားပေါ်မှာ ဒီလိုပဲ ထိုင်နေခဲ့တယ်တဲ့။
ဒါဟာ ဗုဒ္ဓဘာသာဝင်တွေ ရုပ်တုကို
ကိုးကွယ်တာ မဟုတ်ဘူးဆိုတာနဲပတ်သက်ပြီး
သာဓကတစ်ခုပါဘဲ။

တကယ်တော့ ဒီရုပ်တုကို အလေးပေးတာဟာ
နိုင်ငံတစ်နိုင်ငံမှာ နိုင်ငံကို ကျေးဇူးပြုခဲ့ဘူးတဲ့ သူတွေကို
ရုပ်တုထုလုပ်ပြီး အလေးပေးတာနဲ့ ခပ်ဆင်ဆင်ပါဘဲ။

ဆိုပါစို့။ ဗိုလ်ချုပ်အောင်ဆန်းရုပ်တု။
မြန်မာပြည်ကို လွတ်လပ်ရေးရအောင် ကိုယ့်အသက်ကို မငဲ့ကွက်ပဲ
ကြိုးပမ်းခဲ့တဲ့ ဗိုလ်ချုပ်အောင်ဆန်းဟာ
မြန်မာပြည်သူ ပြည်သားအားလုံး ကျေးဇူးတင်ထိုက်ပါတယ်။
ကျေးဇူးတင်ရမှာပါ။

ဒါကြောင့်မို့လဲ မြန်မာပြည် မြို့အသီးသီးရဲ့ အထင်ကရနေရာတွေမှာ
ဗိုလ်ချုပ်ရုပ်တုကို ထားရှိပြီး အလေးပြုနေကြတာပါ။
ဗိုလ်ချုပ်ရုပ်တုဟာလဲ ရုပ်တုပါဘဲ။ ဒါပေမဲ့ ဒီရုပ်တုကို ကြည့်ပြီး
ဗိုလ်ချုပ်ရဲ့ ဂုဏ်ကျေးဇူးတွေကို ပြန်လည်အမှတ်ရကာ
ကျေးဇူးတင်တဲ့အနေနဲ့ အလေးပြုနေကြတာပါ။

ကိုယ့်ရဲ့မိခင် ဖခင်တွေရဲ့ ဓာတ်ပုံတွေ ပုံတူတွေ ဧည့်ခန်းတွေထဲမှာ
ထားရှိချိတ်ဆွဲထားတာလဲ အတူတူပါဘဲ။
ဓာတ်ပုံဟာ တကယ်တော့ သက်မဲ့ဖြစ်တဲ့ လူကဖန်တီးထားတဲ့ စက္ကူပါဘဲ။

ဒါပေမဲ့ ဒီဓာတ်ပုံတွေကို ကြည့်ပြီး မိဘတွေရဲ့
ကိုယ့်အပေါ် (သားသမီးတွေအပေါ်မှာ)
ပြုစုစောင့်ရှောင့်ခဲ့တဲ့ ကောင်းခဲ့တဲ့
ဂုဏ်ကျေးဇူးတွေကို ပြန်လည်အမှတ်ရလာအောင်
အလွယ်တကူ ပြန်လည်ကျေးဇူးပြုချင်စိတ်ရှိလာအောင်
မိဘတွေရဲ့ ဓာတ်ပုံလေးတွေကို ချိတ်ဆွဲထားကြတာပါ။

ဘုရားရှင်ရဲ့ ရုပ်တု၊ ဆင်းတုတွေကို
အိမ်၊ ကျောင်းတွေမှာ ထားပြီး အလေးပေးကြ၊ ကိုးကွယ်ကြတာလဲ ဒီနည်းတူပါဘဲ။

ဒါပေမဲ့ ဗိုလ်ချုပ်တို့လို နိုင်ငံ့ကျေးဇူးရှင်တွေက
နိုင်ငံလွတ်လပ်ရေးရအောင် (လောကီလွတ်လပ်ရေးရအောင်)
ကြိုးပမ်းပေးကြလို့ လောကီကျေးဇူးရှင်တွေပေါ့။

ဘုရားရှင်ကတော့ လောကီချမ်းသာ ဆင်းရဲက လွတ်မြောက်အောင်
ချမ်းသာစစ်ဖြစ်တဲ့ လောကုတ္တရာချမ်းသာ နိဗ္ဗာန်ချမ်းသာကို ရရှိအောင်
ညွှန်ပြပေးလို့ တကယ့် ဧရာမကျေးဇူးရှင်ကြီးပေါ့။

ဒီအတွက် အခြားအခြားဘာသာဝင်တွေလို
သောကြာနေ့မှ၊ တနင်္ဂနွေမှ သူတို့ဘုရားကို အမှတ်ရ ရှိခိုးကြသလိုမျိုးမဟုတ်ဘဲ
မိမိတို့ရဲ့ ဦးဏှောက်ထဲ အသဲထဲ နှစ်လုံးသားထဲမှ
မိမိတို့ယုံကြည်တဲ့ဘုရားရှင် ထာဝရ အမြဲတမ်း စက္ကန့်မလတ်
တည်ရှိအောင် ကြိုးစားရပါမယ်။

Photo: google search

Read more...

သင်သည် ဂိရိမာနန္ဒရဟန်းအား...

အသျှင်ဘုရား အသျှင်ဂိရိမာနန္ဒသည် အနာရောဂါ ရှိပါ၏၊
ဆင်းရဲခြင်းသို့ ရောက်နေပါ၏၊
ပြင်းစွာ မကျန်းမမာ ဖြစ်နေပါ၏။
အသျှင်ဘုရား တောင်းပန်ပါ၏၊
အသျှင်ဂိရိမာနန္ဒ အထံသို့ သနားသဖြင့် ချဉ်းကပ်တော်မူပါ။









ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။



သာဓု... သာဓု... သာဓု...။

Read more...

၂၀၁၀ နဲ့ ပုံရိပ်ဟောင်းများ (၂)

ကျိုက်ထိုးရိုးစေတီတော်
ဂျပန်စစ်သင်းချိုင်း
ဟံသာဝတီ ဘကကျောင်းရှိ ကလေးငယ်များနှင့် ဆရာ ဆရာမများ

သံဖြူဇရပ် ဘုန်းတော်ကြီးသင် ပညာရေးကျောင်းကို လေ့လာပြီး နောက်ရက်မှာတော့ ဓမ္မာရမာတောရ စာသင်တိုက်က စာသင်သား သံဃာတွေကို မွေးနေ့အလှူအဖြစ် ဆွမ်းဆက်ကပ်ဖြစ်တယ်၊ သံဖြူဇရပ်မှာ ဂျပန်ဘုရား၊ ဂျပန် စစ်သင်းချိုင်းနဲ့ အင်ကြင်းတောင်တောရ နေရာတွေကို လေ့လာပြီး မုံဒုံ မော်လမြိုင်ကတဆင့် ရန်ကုန်ကို ပြန်ရောက်ခဲ့တယ်။
ရန်ကုန်ပြန်ရောက်တော့ မိမိတို့ ရက်ခြောက်ဆယ် အားထုတ်ရတဲ့ တရားထိုင်နည်းကို ဆယ်ရက်နဲ့သင်ပေးတဲ့ ဆရာကြီးတစ်ယောက်ရှိတယ်ဆိုလို့ စိတ်ဝင်စားသွားတယ်၊

ဆရာကြီးရဲ့ နာမည်က ဦးစောသာယံ.တဲ့၊ ကန္နီဆရာတော်ကြီးရဲ့ တပည့် အရှင်ထေရတိဿ(သံသာရမဂ္ဂပါရဂူကျမ်းပြု) နဲ့ တရားအတူ ကျင့်ခဲ့ကြ တယ်။ လက်ရှိဆရာကြီးနေတဲ့ နေရာက မြောက် ဥက္ကလာ ဂုံကျော်တံတားအနီးမှာပါ၊ လက်ထောက် တရားပြဆရာက ဦးသန်းအောင်၊ သူကတော့ ရွှေတောင်ကြားမှာ နေတယ်။ တရားစခန်းကိုတော့ ရွှေတောင်ကြားမှာ ရှိတဲ့ ဒကာဦးသန်းအောင်ရဲ့ နေအိမ်မှာ ကျင်းပတယ်။ ရှာဖွေလို့ရသမျှ ပစ္စည်းကို ဓမ္မအတွက် အသုံးချနေတဲ့ ရိုးသားဖြူစင်တဲ့ ဒကာ ဒကာမတွေပါ၊ နယ်တကာလှည့်လည်ပြီးလဲ တရားပြတယ်။ တရားလဲပေး အစာလဲကျွေးပြီး ကိုယ်အား ဥာဏ်အား ပစ္စည်းအားတွေနဲ့ လောကကို အလှဆင်နေကြတယ်၊ အံ့ဩဖွယ် သဒ္ဓါတရားပိုင်ရှင်များပါ။
တရားပြဆရာ ဦးစောသာယံ၊ဦးသန်းအောင်တို့နှင့်အတူ ရွှေတောင်ကြားတရားစခန်း ယောဂီအချို့

ရွှေတောင်ကြားတရားစခန်း (၁၀) ပြီးတော့ ပိုင်းလော့ဆရာတော်ကြီးရဲ့ ငါးရက်တရားစခန်းကို ၀င်ဖြစ်တယ်။ သူ့နည်း သူ့ဟန်နဲ့ တရားတော်တွေကို လွယ်ကူအောင် ဟောပြော ပြသနိုင်တဲ့ဆရာတော်တစ်ပါးပါ၊ ဆရာတော်ရဲ့ အဆုံးအမ လမ်းညွှန်ချက် တွေထဲက အရမ်းသဘောကျခဲ့ စကားလုံးတွေကတော့.. အ၀ိဇ္ဇာ.ဆိုတာ စိတ်ရဲ့အမှောင်၊ ပညာ..၀ိဇ္ဇာဆိုိတာ စိတ်ရဲ့အလင်းဆိုတဲ့ စကားတွေပါ၊ လက်တွေ့တရား အားထုတ်တဲ့နေရာမှာ အသုံးဝင်လှပါတယ်။

ပြီးတော့ ချမ်းသာချင်ရင် အတင်းမပြောနဲ့၊ နိဗ္ဗာန်လိုချင်ရင် အတင်းမပြောနဲ့ဆိုတဲ့ အဆုံးအမကိုလဲ သဘောကျမိတယ်၊(ဘုရားဟောတဲ့ တရားတော်မှာတော့.. ပရ၀ဇ္ဈာနုပဿိဿ နိစ္စံ ဥစ္ဇျာန သညိနော၊ အာသ၀ါ တဿ ၀န္တိ(၀ဋ်ဍန္တိ) ၊အာရာသော အာသ၀က္ခယံ။ ဆိုတဲ့ ဒေသနာကို နားလည်အောင် ဆုံးမတော်မူတာဖြစ်ပါတယ်။ ပိုင်းလော့ဆရာတော်ကြီးထံမှာ တရားစခန်းဝင်ပြီးတော့ ဂျူး ပူ တင်တို့ရဲ့ စံနန်းတော် နေပြည်တော်ကို သွားရောက်ခဲ့တယ်။ နေပြည်တော်မှာ ငါးရက်လောက် အနားယူပြီး ရွှေမန္တလေးကို ရောက်လာခဲ့တယ်။

ဆက်ပါအုံးမည်။

Read more...

သာလွန်မင်း၏ အမိန့်ပြန်တမ်း... (မာမက-သုတေသီ)

သာလွန်မင်း၏ အမိန့်ပြန်တမ်း... (မာမက-သုတေသီ)









Print this post

Read more...

လင်္ကာမြေမှာတစ်နှစ်တာ (အပိုင်း ၂)

Sunday, 19 December 2010 19:34

မလိခအမြန်ရေယာဉ်သည် ရမ်းဗြဲဆိပ်ကမ်းမှ ဖြည်းညင်းစွာခွါ၏။ ကမ်းပေါ်မှ ဒကာ/ဒကာမများကား လက်ကလေး တပြပြဖြင့် ငေးမျှော်၍ကျန်ခဲ့ကြရှာ၏။ (ချစ်ခင်သောသူတို့နှင့်လည်းကောင်း မုန်းသူတို့နှင့်လည်းကောင်း ရှင်ကွဲ သေကွဲ ကွဲကြရသည်မှာ လောကဓမ္မတာပေတည်း။) တန်းချောင်းနံဘေးရှိ ရွှေသင်္ကန်းရောင် ပြောင်လဲ့လဲ့ဖြင့် တင့်တယ်သပ္ပါယ်လှသော ကျွန်းဦးရှင်ပင် စေတီတော်ကို ရေယာဉ်ထဲမှပင် လက်အုပ်ချီကန်တော့လိုက်၏။

တန်းချောင်းတစ်လျှောက် တံငါလှေကလေးများကို ရှောင်ကွင်းကာ ဖြေးညှင်းစွာပြေးလွှားလာခဲ့ရသောအမြန်ယာဉ် သည် မြစ်ပြင်ကိုရောက်သည်နှင့် စက်ကုန်ဖွင့်တော့၏။ နေမွန်းလွဲပြီးခါစ ဒီရေအကျနှင့် တစ်ဘက်မှတိုက်ခတ် လာသော တောင်ပြန်လေ ပြေလျလျကြောင့် မြစ်ပြင်ပြာပြာကြီးသည် ငိုက်မျဉ်းနေသည့် ကလေးငယ်ပမာ အိပက် အိပက် ရှိနေရှာလေသည်။

မြစ်ပြင်ပြာပြာ၏ ပူဗျာကင်းသောအပြုအမူသည် ရှုမြင်ရသူတို့၏စိတ်နှလုံးကို သိမ်းကျုံးဆွဲညှို့ယူနေသကဲ့သို့ရှိ၏။ ခရီးသည်အားလုံးတို့သည် မြစ်ပြင်ဆီသို့ငေးမျှော်ရင်း စိတ်စက်ကွင်းမိလေသမျှ အတိတ် ပစ္စုပ္ပန် အနာဂတ် ကာလ သုံးရပ်လုံးဆီသို့ ကိုယ်စီကိုယ်စီ အတွေးနယ်ချဲ့နေကြလေသည်။

စာရေးသူသည်လည်း ထိုနည်းနှင်နှင် မြစ်ပြင်ကြီးကိုငေးမောရင်း ဓမ္မာစရိယတစ်ပိုင်းတစ်စနှင့် (၆)နှစ်တိုင်တိုင် ကျောင်းထိုင်ခဲ့ရသော အဖြစ်အပျက်များကိုလည်းကောင်း၊ စင်္ကာပူနိုင်ငံ ဇယမင်္ဂလာဗုဒ္ဓဝိဟာရ၊ ကလမတီကျောင်း ဆရာတော် ဒေါက်တာအရှင်ဝိစိတ္တ၏ ကူညီထူမမှုကြောင့် သီရိလင်္ကာသို့ ပညာသင်ထွက်လာခဲ့ရသော အဖြစ်များ ကိုလည်းကောင်း၊ ရှေးရှေးက မဆုံခဲ့ကြဖူးသော်လည်း တစ်ကြိမ်တစ်ခါ ကြုံကြရရုံမျှဖြင့် မိမိ၏ပညာရေးအတွက် စိတ်မပျက်အားမငယ်စေရလောက်အောင် ထောက်ပံ့ပေးလှူခြင်းပြုကြရှာပေသော ဒကာ/ဒကာမများအကြောင်း ကိုလည်းကောင်း သောင်းပြောင်းထွေလာ စဉ်းစားကာပါလာခဲ့လေသည်။

ကလိန်တောင်မြစ်ကိုဖြတ်၍ တောင်ကုတ်ဘက်ကမ်းသို့အရောက်တွင် လည်ပြန်တစ်ချက်ငေးမိ၏။ ရမ္မာတီ- ဟူ၍လည်းကောင်း၊ ဝမ်းဘဲကျွန်း၊ ရမ်းပြည့်ကျွန်း၊ ရန်ပြေကျွန်း၊ ရမ်းဗြဲကျွန်းဟူ၍လည်းကောင်း ခေတ်အဆက်ဆက် အမည်အမျိုးမျိုးဖြင့်ထင်ရှားခဲ့သော ဇာတိဌာနေ ရမ္မာမြေသည် ဣနြေ္ဒကြီးတခွဲသားနှင့် နေရစ်သယောင်ရှိတော့၏။

တောင်ကုတ်မြို့ဆိပ်ကမ်းသို့ ညနေ(၅)နာရီခန့်တွင် ဆိုက်ရောက်၏။ အသင့်လာကြိုနှင့်သော ကိုဝင်းထွန်းသိန်းတို့ အိမ်တွင် တစ်ညတာတည်းခိုရ၏။ နောက်တစ်နေ့ညနေ (၄)နာရီခန့်တွင် "အောင်သစ္စာ" အမြန်ယာဉ်ဖြင့် တောပန်း ရနံ့၊ သင်းပျံ့မွှေးကြိုင်၊ သတင်းလှိုင်သည့် ရခိုင်ရိုးမတောင်တန်းကြီးကို ဖြတ်သန်းကာ နောက်နေ့နံနက် (၅)နာရီ ခန့်တွင် ရန်ကုန်မြို့ကိုရောက်လေသည်။ ကျောင်းမထိုင်မီ (၂)နှစ်ခန့်စာချနေခဲ့ဖူးသော တောင်ဥက္ကလာပမြို့နယ်၊ ဟင်္သာလမ်း၊ သိပ္ပါလယပရိယတ္တိ စာသင်တိုက်၏ တိုက်အုပ်ဆရာတော် ဦးဣန္ဒောဘာသကား သူငယ်ချင်းဖြစ်သူကို ထုံးစံအတိုင်း အပြုံးဗရဗွဖြင့် ဆီးကြိုလေသည်။

အရှင်ပညာဝုဓနှင့်အမှတ်တရ

ဒကာမကြီး ဒေါ်ဥမ္မာလွင်တို့မိသားစု ကောင်းမှုဖြင့် ရွှေတိဂုံစေတီတော်ကို သွားရောက်ဖူးမြှော်ခြင်း၊ ဥပဇ္ဈာယ်ဖြစ် တော်မူသော တိုးကြောင်ကလေးရွာမကျောင်း ဆရာတော်ဘုရားကြီးအား သွားရောက်ကန်တော့ခြင်း၊ မိဘနှစ်ပါး တို့နေထိုင်ရာ လှိုင်သာယာမြို့နယ်သို့ ခေါက်တုန့်ခေါက်ပြန်သွားရောက်ခြင်း၊ ရဟန်းဒကာမကြီးထံသွားရောက်ခြင်း၊ လေယာဉ်လက်မှတ်ဖြတ်ခြင်းစသော ပြုသင့်ပြုထိုက်သည်များကို အဆင်ပြေပြေ ဆောင်ရွက်နိုင်ခဲ့ပါသည်။ မိတ်ဆွေကြီး ကိုတိုးကလည်း သွားလိုသမျှ မငြီးမငြူ လိုက်ပို့ရှာပါသည်။

မိဘနှစ်ပါးနှင့်အမှတ်တရ (ရန်ကုန်လေဆိပ်)

ဤသို့ဖြင့် 15-1-2010 နေ့နံနက်တွင် မိဘနှစ်ပါး၊ ဒကာမကြီးဒေါ်ဥမ္မာလွင်၊ ကိုတိုး၊ ကိုညီငယ်တို့ဇနီးမောင်နှံ၊ ညီမဝမ်းကွဲဖြစ်သူ မအေးစုခိုင်တို့ လေဆိပ်ကိုလိုက်ပို့ကြပါသည်။ ကံကောင်းပါသည်၊ မိမိတစ်ပါးတည်း ငူတူတူကြီး ဖြစ်လိမ့်မည်ဟု ထင်ထားခဲ့သော်လည်း အခြားဦးဇင်းနှစ်ပါးပါ လေယာဉ်တစ်စီးတည်းဖြင့် သီရိလင်္ကာသို့ကြွမည် ဖြစ်ကြောင်းသိလိုက်ရပါသည်။ (ထို ဦးဇဝနနှင့် ဦးဝါယမတို့ကား သီရိလင်္ကာသို့မရောက်မီကပင် ခင်မင်ခွင့်ရခဲ့သော မိတ်ဆွေကြီးများဖြစ်ကြပေတော့၏။) သူတို့နှစ်ပါးနှင့် မိတ်ဆွေဖွဲ့ရင်း၊ လိုက်ပို့ကြသူ ကျေးဇူးရှင်များကိုနှုတ်ဆက် လက်ပြရင်း လေယာဉ်ခရီးစဉ် စတင်ခဲ့လေသည်။

အံ့သြစရာပြောရပါဦးမည်။ လေယာဉ်ပေါ်တွင် မိမိတို့သုံးပါးအပြင် အခြားဆရာတော်နှစ်ပါးလည်းပါလာကြသည်ကို လေယာဉ်ပေါ်ရောက်မှ သိရပါသည်။ ထိုဆရာတော်နှစ်ပါးသည် မိမိ၏ရှေ့ကပ်လျက်ခုံတွင် လိုက်ပါလာကြပါသည်။ တစ်ပါးသောဆရာတော်သည် စာရေးသူရှိရာနောက်ဘက်သို့ လှည့်ကြည့်ရင်း ပြုံးယောင်ပြု၍ နှုတ်ဆက်တော် မူပါသည်။ စာရေးသူကလည်း 'ဒီဆရာတော်ကို မြင်ဖူးပါတယ်ဟု စဉ်းစား လက်အုပ်ချီရင်း-' "ဆရာတော်-တိပိဋကဆရာတော် ထင်ပါတယ်ဘုရား"ဟု လျှောက်ထားလိုက်မိ၏။ မိမိအထင် မှန်ပါသည်။ အဋ္ဌမမြောက် တိပိဋကဓရ တိပိဋကကောဝိဓ ဆရာတော် ဘဒ္ဒန္တဝံသပါလာလင်္ကာရဖြစ်ပါသည်။ အမေရိကသို့ ခေတ္တကြွကြောင်း သိရပါသည်။ မိမိကိုလည်း ဘယ်ကိုသွားတာလဲ စသည်ဖြင့်မေးမြန်းတော်မူသဖြင့် သီရိလင်္ကာသို့ ကျောင်းတက်ရန် သွားရောက်ပါကြောင်း လျှောက်ထားရပါသည်။

တိပိဋကဓရ ဆရာတော် ဘဒ္ဒန္တဝံသပါလာလင်္ကာရ (ဓာတ်ပုံကို မေတ္တာဥယျာဉ်မှ ယူပါသည်)

ဆရာတော်သည် အသာပြန်လှည့်သွားရာက နဝကမ္မ US$ 50 ချီးမြှင့်ပြီးလျှင် အားပေးစကားမိန့်ကြားတော်မူပါ၏။ တစ်ခါဖူးမျှ မသိမတွေ့ဖူးသည့် သာမန်ရဟန်းငယ်တစ်ပါးအပေါ် အမှတ်ထင်ထင်ချီးမြှင့်လိုက်သည့် ဆရာတော်၏ အပြုအမူတို့သည် မိမိအတွက် ဧရာမအားဆေးကြီးပင်ဖြစ်ပေတော့၏။ ထိုင်းနိုင်ငံ သုဝဏ္ဏဘုမ္မိ လေဆိပ်သို့ရောက် သောအခါ ဆရာတော်တို့ကိုနှုတ်ဆက်စကားဆို၍ သီရိလင်္ကာသို့လေယာဉ်ပြောင်းစီးရန် စောင့်ဆိုင်းကြရပြန်ပါ၏။

နေ့လည် (၁၁)နာရီခန့်လောက်ကပင် ရောက်နေခဲ့သော သုဝဏ္ဏဘုမ္မိလေဆိပ်ကြီးထဲတွင် ဟိုဟိုသည်သည် လျှောက်လည်ကြည့်မိ၏။ ဘယ်နှစ်ထပ်ရှိသည်ဟုသတ်သတ်မှတ်မှတ် သတိမထားမိခဲ့သော်လည်း အလွန် ကြီးကျယ်ခန်းနားသော လေဆိပ်ကြီးတစ်ခုဖြစ်မှန်းကိုတော့ သတိပြုမိခဲ့ပါ၏။ အရောင်းပြခန်းများ၊စားသောက်ဆိုင်၊ အအေးဆိုင်များဖြင့် စည်ကားလှပါ၏။ လေဆိပ်အတွင်းထုလုပ်ထားသည့် ထိုင်းတို့ရိုးရာ ပန်းချီပန်းပု ရုပ်လုံးရုပ်ကြွ အမျိုးမျိုးတို့ဖြင့် ခန့်ညားလှပါ၏။ နိုင်ငံစုံမှ လူမျိုးပေါင်းစုံတို့သည် ဆိုင်ရာဆိုင်ရာဂိတ်ပေါက်တို့ကို ရှာဖွေလျှက် ဟိုမှသည်မှ သွားလာလျှက်ရှိကြ၏။ အရောင်စုံ အသွေးစုံ၊ ပေါင်မလုံ ဒူးမလုံကလည်းမရှား၊ မည်သို့ပင်ဆိုစေ သူတို့အားလုံးကို ကြည့်ရသည်မှာ လန်းဆန်းတက်ကြွလျှက်ရှိကြသည်ကိုသာ အတွေ့ရများလေသောကြောင့် အားရမိခြင်းတစ်ရပ် ကြေနပ်မိခြင်းတစ်ဖုံ အမျိုးစုံသောရသကို ခံစားရသကဲ့သို့ရှိလေသည်။

သုဝဏ္ဏဘူမိလေဆိပ် အတွင်းပိုင်းတစ်နေရာ

ည(၉း၀၀) ကျော်လာသောအခါ လက်မှတ်ကောင်တာသို့သွား၍ ထိုင်ခုံနံပါတ်ယူကြရပါသည်။ နံရံများတွင် ကပ်ထားသည့် လမ်းညွှန်စက်များ၏ အကူအညီဖြင့် သီရိလင်္ကာသို့ထွက်ခွါမည့် လေယာဉ်ရပ်နားရာ ဂိတ်နံပါတ် (၁ရ)သို့ သွားရောက်ကြရပါသည်။ ထိုင်းစံတော်ချိန် ည(၁၀:၃၀)တွင် သုဝဏ္ဏဘုမ္မိလေဆိပ်မှသည် သီရိလင်္ကာ နိုင်ငံဆီသို့ လေယာဉ်စတင်ပျံသန်း ပါသည်။ ညဘက်ဖြစ်နေ၍ လမ်းခရီးတစ်လျှောက်မှောင်နှင့်မည်းမည်းသာ မြင်နေရသည်လည်းတစ်ကြောင်း၊ တစ်နေ့လုံးခြေတိုအောင် လှည့်လည်ကြည့်ရှုသွားလာနေခဲ့သည်လည်း တစ်ကြောင်းတို့ကြောင့် လေယာဉ်ပေါ်တွင် ငိုက်မျဉ်းလျက်သာ လိုက်ပါခဲ့ရလေသည်။ ညသန်းခေါင်ကျော်ကျော် ခန့်လောက်တွင် သီရိလင်္ကာနိုင်ငံ ကိုလံဘိုလေဆိပ်သို့ ရောက်ရှိသက်ဆင်းမိသောအခါမှ နိုးလေတော့၏။

အပိုင်း (၃)ကို ဆက်ရေးပါမည်။ အရှင်ဝိသာရဒ(ရမ္မာဝတီ)

Last Updated on Monday, 20 December 2010 13:23

Read more...

"မိခင်တစ်ယောက်၏ အဌမမြောက်မုသား"



ကျွန်တော် ကလေးဘ၀အရွယ်တုံးက အဖြစ်အပျက်လေးတစ်ခုပါ ။ ဆင်းရဲနွမ်းပါးတဲ့ ကျွန်တော်တို့မိသားစုမှာ နေ့စဉ်ထမင်းနပ်မှန်အောင် စားဖို့တောင် မသေချာတဲ့နေ့တွေရှိခဲ့တယ် ။ ဒါပေမဲ့ အမေကတော့ မကြာခဏ သူ့ပန်းကန်ထဲက ထမင်းတွေကိုယူယူပြီး ကျွန်တော့်ထဲ အမြဲထည့်ထည့်ပေးတတ်တယ် ။ ပြီးရင် အမေပြောတဲ့ စကားတစ်ခွန်းရှိတယ် ။ "စား .. ငါ့သား အမေ သိပ်မဆာဘူး.." ။

အဲ့ဒါ ကျွန်တော် သိတတ်စအရွယ်က အမေ့ရဲ့ ပထမဆုံး မုသားစကားလေးပါ ။

ကျွန်တော် နည်းနည်းအရွယ်ရောက်လာတော့ ပိန်လှီသေးကွေးရှာတဲ့ ကျွန်တော့်ကို အာဟာရဓါတ်ပြည့်ဝစေချင်တဲ့စိတ်နဲ့ အိမ်ဘေးနားက မြစ်ကမ်းနံဘေးမှာ အမေရယ် ကျွန်တော်ရယ် ငါးသွားမျှားတယ် ။ အဲ့ဒီနေ့က ငါးနှစ်ကောင်မိတော့ အမေ ငါးဟင်းချိုလုပ်တိုက်တယ် ။ ကျွန်တော် ဟင်းချိုကို အားရပါးရသောက်နေတုံး အမေက ကျွန်တော့်ဘေးကနေထိုင်ကြည့်ပြီး ကြည်နူးမှုအပြည့်နဲ့ ။ တခါတလေ ကျွန်တော် စားထားတဲ့ အကြွင်းအကျန် ငါးရိုးလေးတွေ ယူစားတယ်။ ဒါကို မြင်ပြီး ကျွန်တော် စိတ်မကောင်းတော့ ငါးအသားလေးဖဲ့ပြီး အမေ့ကို ကျွေးတယ်။ အမေမစားဘူး ။ ပြီးတော့ ပြောတယ် ။ "စား .. ငါ့သား ..အမေ ငါး သိပ်မကြိုက်ဘူး.."

အဲ့ဒါ အမေ့ရဲ့ ဒုတိယမြောက် မုသား ။

ကျွန်တော် ကျောင်းနေရမဲ့ အရွယ်ရောက်ပြီ။ အမေက မီးခြစ်ဆံထုတ်လုပ်တဲ့ စက်ရုံတစ်ခုမှာ မီးခြစ်ဆံဖြည့်တဲ့ အလုပ်လေးယူလုပ်တယ် ။ ညဘက်အိမ်ယူပြီး လုပ်ရတာဆိုတော့ ကျွန်တော့်ကိုလဲ စောင့်ရှောက် ကြည့်ရှုနိုင်သေးလို့ အမေသဘောကျတယ် ။ တည ကျွန်တော် နိုးလာတဲ့အချိန် (တော်တော်ညဥ့်နက် နောက်ကျနေပြီ) အမေ ဖယောင်းတိုင်မီးလေးထွန်းပြီး ဗူးလေးတွေထဲကို မီးခြစ်ဆံဖြည့်တဲ့အလုပ်တွေ လုပ်နေတုံးပဲ။ "အမေ .. အရမ်းမိုးချုပ်နေပြီ၊ အိပ်ပါတော့။ မနက်မှ ဆက်လုပ်လို့ရတာပဲ" လို့ ကျွန်တော်ပြောတော့ အမေကပြုံးပြီး ပြန်ပြောတယ် ။ "သွားအိပ် ငါ့သား .. အမေ အိပ်ချင်စိတ်မရှိသေးလို့ ဆက်လုပ် လိုက်ဦးမယ်" တဲ့ ။

အမေ့ရဲ့ တတိယမြောက်မုသားစကားလေးပါ ။

တခါတုံးက ကျွန်တော် အတန်းတင်စာမေးပွဲဖြေတဲ့နေ့မှာ အမေ ကျွန်တော့်ကို လိုက်ပို့ပြီး အခန်းအပြင်ဘက်တနေရာက ထိုင်စောင့်တယ်။ ပူပြင်းလှတဲ့နေရောင်ဒဏ်ကို သိပ်အကာအကွယ်မပေးနိုင်ရှာတဲ့ နေရာ တစ်ခုမှာ နာရီပေါင်းများစွာ အမေ ကျွန်တော့်ကို ထိုင်စောင့်တယ် ။ စာမေးပွဲပြီးပြီးချင်း အမေ့ဆီ ကျွန်တော် အပြေးအလွှားသွားတယ် ။ အမေ ကျွန်တော့်ကိုဖက်ထားပြီး အသင့်ပြင်ဆင်လာတဲ့ အချိုရည် အေးအေးလေးတခွက် တိုက်တယ် ။ တကိုယ်လုံးချွေးတွေရွှဲနေရှာတဲ့ အမေ့ကို မြင်တော့ ကျွန်တော် စိတ်မကောင်းဘူး ။ "အမေလဲ သောက်ဦးလေ" လို့ ပြောတော့ အမေ့ထုံးစံအတိုင်း "ငါ့သားပဲ သောက်ပါ။ အမေ ရေမဆာဘူး" တဲ့ ။

အဲ့ဒါ အမေရဲ့စတုတ္ထမြောက် မုသားစကားတစ်ခွန်း ။

သိပ်မကြာခင် အဖေဆုံးတယ် ။ အတန်းကြီးလာပြီဖြစ်တဲ့ ကျွန်တော်တို့ပညာရေးနဲ့ အိမ်ကိစ္စက အမေ့တာဝန်လုံးလုံးဖြစ်ပြီ။ အမေ အပြင်ထွက်အလုပ်လုပ်ပြီး ငွေရှာရတော့ အိမ်မှာကျန်ခဲ့တဲ့ ကျွန်တော်တို့တွေ ငတ်တလှည့် ပြတ်တလှည့်။ မိသားစု အခြေအနေဆိုးသထက်ဆိုးတာ မြင်လာတဲ့ အိမ်နားက အမေ့မိတ်ဆွေက ကျွန်တော်တို့ကို ရံဖန်ရံခါ လာစောင့်ရှောက်တယ် ။ ပတ်ဝန်းကျင်က အမေ့ကို သူနဲ့ပဲ နောက် အိမ်ထောင်တစ်ခုထူလိုက်ဖို့ တိုက်တွန်းကြတယ် ။ အမေ ခပ်ပြတ်ပြတ်ငြင်းဆိုပြီး အခိုင်အမာ စကားတစ်ခွန်းဆိုတယ် .."ကျွန်မဘ၀အတွက် ကျွန်မကလေးတွေရဲ့ ချစ်ခြင်းမေတ္တာနဲ့ လုံလောက်တယ်.." တဲ့ ။

အမေ့ရဲ့ ပဉ္စမမြောက်မုသား။

ကျွန်တော် ကျောင်းပြီးသွားတော့ အလုပ်ကလေးတစ်ခုရတယ် ။ ကျွန်တော်က အမေ့ကို အနားယူစေချင်ပြီ။ ဒါပေမဲ့ အမေ လက်မခံဘူး ။ မနက်မနက် ဈေးထဲသွားပြီး ဟင်းသီးဟင်းရွက်တွေရောင်းတုံးပဲ။ ကျွန်တော်ပို့တဲ့ပိုက်ဆံတွေ ကျွန်တော့်ဆီ ပြန်ပြန်ပို့ပြီး "အမေ့ဆီ မပို့နဲ့ ငါ့သား ။ အမေ့မှာ လုံလောက်တယ် .. သားဘာသာစုထား" တဲ့ ။

အမေ .. ဆဌမမြောက်မုသားကို ပြောတယ် ။

နောက် ကျွန်တော် မာစတာဒီဂရီကို အချိန်ပိုင်းဆက်လေ့လာနေတဲ့အချိန် အတော်အတန်ကြီးတဲ့အမေရိကန်ကုမ္ပဏီတစ်ခုမှာ အလုပ်ရတယ် ။ ကျောင်းပြီးပြီးချင်း ကျွန်တော့်လစာတိုးတော့ အမေ့ကိုကျွန်တော်နဲ့ အတူ အမေရိကားမှာပဲ ပျော်ရွှင်စရာကောင်းတဲ့ဘ၀ကို ဖြတ်သန်းစေချင်တယ် ။ ဒါပေမဲ့ အမေက ကျွန်တော့်ဘ၀ကို သူ့အတွက်နဲ့ တာဝန်အပိုတွေ မရှိစေချင်ဘူး ။ အမေကပြောတယ် .."အဲ့ဒီလို ဘ၀ကြီးမှာ အမေ နေတတ်မှာ မဟုတ်ပါဘူး သားရယ် .." တဲ့ ။

အမေရဲ့ သတ္တမမြောက်မုသားစကားလေးတစ်ခွန်းပေါ့ ။

ဇရာကထောင်း၊ ပင်ပန်းမှုအပေါင်းခါးစည်းရင်ဆိုင်ခဲ့ရတဲ့ အမေ .. အရွယ်တော်တော်ကျခဲ့ပြီ ။ လောကဓံက ထပ်ရက်စက်တယ် ။ ကင်ဆာရောဂါနဲ့ ဆေးရုံတက်နေရချိန် အမေ့ရဲ့နောက်ဆုံးနေ့ရက်တွေမှာ ကျွန်တော် (ဘာဆိုဘာမှ ထည့်တွက်မနေပဲ အားလုံးကို ပစ်ထားခဲ့ပြီး) အမေ့အနားကို ပြန်လာခဲ့တယ် ။ အမေ ဝေဒနာကို အလူးအလဲ ခံစားရချိန်တွေမှာ အမေ့ကို ကြည့်ပြီး ကျွန်တော် မျက်ရည်တွေ မထိန်းနိုင်ခဲ့ဘူး ။ အမေမမြင်အောင် ဂရုစိုက်နေပေမဲ့လဲ တခါတလေ တွေ့မြင်သွားတဲ့အမေက အားတင်းကြိုးစားပြုံးပြီး ပြောတယ် .. "မငိုနဲ့ ငါ့သား .. အမေ အရမ်း နာနာကျင်ကျင်မခံစားရပါဘူး .."တဲ့ ။

အဲ့ဒီလို အဌမမြောက်မုသားကို ပြောပြီး အမေ လူ့လောကထဲက ထွက်ခွါသွားခဲ့တယ် ။

အကြွင်းမဲ့မေတ္တာတော်နဲ့ ကျွန်တော့်ဘ၀ရဲ့ မာတာမိခင်ဟာ သားသမီးများအပေါ်ထားတဲ့ ချစ်ခြင်းမေတ္တာအတွက် (တာဝန်ကျေပွန်စွာနဲ့) သူ့ကိုယ်သူအနစ်နာခံတဲ့ မုသားစကားလုံးလေးတွေသုံးပြီး လောကအလယ်မှာ ကျွန်တော်တို့ကို စိတ်ချလက်ချ ချန်ထားနှုတ်ဆက်သွားခဲ့ပါပြီ ။

ကျွန်တော်တို့ကရော အဲ့ဒီလို မိခင်တွေရဲ့ ရင်းနှီးပေးဆပ်ခဲ့တဲ့ ဘ၀တွေအတွက် ထိုက်ထိုက်တန်တန် ပြန်ပေးဆပ်ခဲ့ပါသလား ။ ခုချိန် ကျွန်တော့်ရင်ထဲက အမေးစကားကို အမေကြားရင် န၀မမြောက်မုသားစကားတစ်ခွန်းကို ဆိုလေဦးမလားလို့ ကျွန်တော် ၀မ်းပမ်းတနည်း တွေးနေမိတယ် ။


အမှတ်တရ
Translated by Cinderella ( Ref : Eight Lies of a Mother/www.motivateus.com/April'2010)
မနက်ဖြန် 20th December, 2010 မှာ ကျရောက်မည့် ၃၃နှစ်ပြည့်မွေးနေ့အတွက် ကျေးဇူးရှင်မိဘနှစ်ပါး၏ မေတ္တာတရားကို ရည်စူးအောက်မေ့၍ ။

(မှတ်ချက်) ဖော်ဝါ့မေးလေး တစ်ခုမှ ရရှိသော သုတလေးတစ်ခုဖြစ်ပါသည်။ အမည်မသိ ဆောင်းပါးရှင် စာရေးဆရာမလေးကို ကျေးဇူးတင်ပါသည်။

Read more...

အချိန် နှင့် အမျှ

၁၅ ဒီဇင်ဘာ (ဗုဒ္ဓဟူးနေ့)က ဘုန်းကြီးကျောင်းရောက်ပါတယ်။ အတူသွားတဲ့ အန်တီက သင်္ကန်းတထည် ဆရာတော်ကို ကပ်လှူတော့၊ “ဒါကာမကြီး ဘာအတွက် လှူတာလဲ” လို့ ဆရာတော်က မေးပါတယ်။ အန်တီက ‘မိတ်ဆွေတယောက်ရဲ့အမေ ဆုံးပါးသွားလို့ အဲ့ဒီမိတ်ဆွေက သူကိုယ်တိုင် ကျောင်းကို မလာနိုင်တဲ့အတွက် သူ့အမေကို ရည်စူးပြီး လှူပေးပါရန် အကူအညီတောင်းလိုက်ကြောင်း’ ဆရာတော်ကို လျှောက်ထားပါတယ်။ ဆရာတော်က “ဒါဆို အမျှဝေရမယ်” လို့ မိန့်ပါတယ်။ “ဒါ ဘုန်းကြီးအလုပ်၊ လှူတာကို ဟိုနားထားခဲ့ဆို ပြီးတာမဟုတ်ဘူး” လို့ ပြုံးရယ်ရင်း မိန့်ပါတယ်။ တဆက်ထဲမှာပဲ “ကြားဖူးကြလား ဗိမ္ဘိသာရမင်းကြီးရဲ့ ဆွေတွေ မျိုးတွေ ပြိတ္တာတွေ ဖြစ်နေကြတာ၊ ဗိမ္ဘိသာရမင်းကြီးက ဘုရားနဲ့ တကွ သံဃာတွေ ဆွမ်းကပ်ပြီး သူက မသိတော့ အမျှမဝေမိဘူး။ ဒီမှာတင် မင်းကြီးကို မကောင်းတဲ့ အနံ့တွေ၊ အဆင်းတွေ ပေးပြီး ခြောက်ကြ လှန့်ကြတာပေါ့။ ဗိမ္ဘိသာရမင်းကြီးက ကြောက်လန့်ပြီး မြတ်စွာဘုရားကို လျှောက်ထားတော့၊ မြတ်စွာဘုရားက ရှင်းပြတော့မှ နောက်တရက် မြတ်စွာဘုရားနဲ့ သံဃာတွေ ထပ်မံပင့်ဖိတ် ဆွမ်းလုပ်ကျွေးပြီး၊ အမျှအတန်း ပေးဝေတော့မှ ပြိတ္တာဖြစ်နေတဲ့ ဆွေဟောင်းမျိုးဟောင်းတွေလည်း စားရသောက်ရ၊ ၀တ်စရာ၊ နေစရာတွေ ရကြတယ်… ။ ပြိတ္တာဘ၀က ကျွတ်လွတ်သွားတယ်လို့တော့ မဟုတ်ပါဘူး။ ကျွတ်တာကတော့ အချိန်တန်မှ ကျွတ်မှာပါ။ စားစရာ၊ ၀တ်စရာ ရသွားတယ် ဒီသဘောပါ” လို့ အမိန့်ရှိပါတယ်။ “အမျှအတန်း ပေးဝေတဲ့ ဓလေ့ အဲ့ဒီက စ သလား လို့တောင် ဘုန်းကြီး ထင်မိတယ်” လို့ ဆက်မိန့်ပါသေးတယ်။

ဆရာတော်ရဲ့ တရားစကားထဲမှာ အချိန်တန်တော့ ဆိုတဲ့ စကားအပေါ် အတွေးနယ်ချဲ့မိပါတယ်။ အချိန်တန်တော့ သေပြီး၊ ဘ၀တပါးသို့ ကူးပြောင်းရမယ်။ အချိန် … အချိန်… သတ္တ၀ါ တဦးတယောက်ချင်းစီအတွက် ပိုင်ဆိုင်တဲ့ အချိန်တွေက မတူကြပေဘူး။ ဘ၀တခုမှာ အသက်ရှင်နေထိုင်ခွင့်ရတဲ့ အချိန်ဟာ သူပိုင်ဆိုင်တဲ့ အချိန်ပဲ။ အချိန်ရှိတိုင်း အိပ်နေတတ်တဲ့ ကိုယ့်ကိုကိုယ် အသေအချာ ဆုံးမ ပါတယ်။ “အယင်ဘ၀က ကုသိုလ်ကောင်းမှုလေး ပါခဲ့လို့ အခုဘ၀မှာ အသိဉာဏ် အတန်အသင့်ရှိတဲ့ လူဖြစ်ပါလျက်နဲ့ ဒီလိုသာ ဘ၀ကို ကုန်ဆုံးပစ်နေရင်တော့၊ နောင်ဘ၀ တိရစ္ဆာန်အဖြစ်ကို ရွေးချယ်ဖို့ ဦးတည်နေတာပဲ...” လို့။

ဘုန်းကြီးကျောင်းကနေ အိမ်ပြန်ရောက် email စစ်တော့၊ စက်မှုတက္ကသိုလ်တက်စဉ် ကိုဧရာတို့နဲ့ အတန်းဖော်တောက်လျှောက်ဖြစ်ခဲ့ပြီး နောက်ဆုံးနှစ်မှာတော့ နောက်တနှစ်ဖြစ်တဲ့ ကျမတို့နှစ်မှာမှ ကျောင်းတူတူပြီးခဲ့တဲ့ အမတယောက်ရဲ့ နာရေး သတင်းကို သိရပါတော့တယ်။ ခဏနေတော့ မနက်က ဘုန်းကြီးကျောင်းအတူတူသွားခဲ့တဲ့ အန်တီရဲ့ ယောက္ခမကြီး ဒီနေ့ပဲ ရန်ကုန်မှာ ဆုံးကြောင်း အန်တီက ဖုန်းဆက် အကြောင်းကြားလာပြန်ပါတယ်။ ညဘက် ဘုရားရှိခိုးအပြီးမှာ လွန်ခဲ့သော ခြောက်လခန့်က ကွယ်လွန်သွားပြီးလို့ သိရတဲ့ အမရဲ့ အမည်ကို ခေါ်ပြီး၊ ၄င်းနှင့်တကွ ၃၁ ဘုံ၌ ကျင်လည်ကြကုန်သော ဝေနေယျ၊ သုခိတ၊ ဒုက္ခိတ သတ္တ၀ါ အပေါင်းတို့အား ကောင်းမွန်စွာ အမျှပေးဝေပါတယ်။ အမျှရကြ၍ ကိုယ်စိတ်နှစ်ဖြာ ကျန်းမာ ချမ်းသာကြပါစေ…။

အချိန်ကို အကျိုးရှိစွာ အသုံးချတတ်ဖို့အတွက် အသိဉာဏ်ရှိဖို့ လိုတယ်။ လူသားတဦးရဲ့ တဘ၀တာ အချိန်အတွင်းမှာ အဆိုးရော၊ အကောင်းပါ လောကဓံတွေကို ဘယ်လို ကိုင်တွယ်ဖြေရှင်းမလဲ ဆိုတဲ့ အသိဉာဏ်တွေ ရင့်သထက် ရင့်သန်ဖို့၊ နောက်ဆုံး လောကမှ လွတ်မြောက်ရေး ဆိုတဲ့ အန္တိမပန်းတိုင်ကို မျက်မှောက်ပြုဖို့ ရှင်သန်နေတဲ့ အချိန်အတွင်းမှာသာ ကြိုးစားအားထုတ်နိုင်တယ်။

*****
လွန်ခဲ့တဲ့ ၃နှစ်လောက်က ခေါင်းတွေ မူးနေတတ်လို့၊ ဂျပန်မှာရောက်နေတဲ့ ငယ်သူငယ်ချင်းတယောက် ဖုန်းဆက်လာတဲ့ အခါ သူ့ကို နေမကောင်းကြောင်း ညည်းလိုက်မိပါတယ်။ “ဟယ်အဲ့ဒါဆို နင် သွေးပေါင်လေး ဘာလေး မှန်မှန်ချိန်မှပေါ့” ဆိုပြီး သိပ်မကြာပါဘူး ဂျပန်ကနေ သွေးပေါင်ချိန်စက်ကြီး ပို့ချလာပါတယ်။ Manual က ဂျပန်လို ဖြစ်နေလို့ ဆိုပြီး၊ နောက်မှ အင်္ဂလိပ်လို Manual ကိုပါ ရှာကြံ မိတ္တူဆွဲပြီး ပို့ပေးခဲ့ပါသေးတယ်။ ၀မ်းနည်း ၀မ်းသာဖြစ်ပြီး မသုံးရက်ပဲ အသစ်အတိုင်းသိမ်းထားခဲ့ပါတယ်။ ဒီစက်ကို ငါတယောက်ထဲအတွက် အသုံးမချပဲ၊ အများအတွက် အသုံးကျအောင် ဘယ်လိုလုပ်ရမလဲ လို့ တွေးတောကြံဆရင်း….အခုတော့ ဆန္ဒပြည့်ဝခဲ့ပါပြီ။

၁၈ ရက်နေ့က ရန်ကုန်ပြန်သွားတဲ့ ညီမလေးတယောက်နဲ့ အကြုံထည့်ပေးလိုက်ပြီး သုခဆေးခန်းမှာ လှူဒါန်းလိုက်ပါပြီ…။ ရန်ကုန်ရောက်ရောက်ခြင်းနေ့မကူးပဲ ဆေးခန်းမှာ သွားလှူပေးခဲ့တဲ့ ညီမတို့ ဇနီးမောင်နှံနဲ့ လူကြုံယူသွားပေးတဲ့ ညီမတို့ကို ကျေးဇူးအထူးတင်ပါတယ်။

ဆေးခန်းအတွင်း တနေရာ...

ဆေးခန်းအတွင်း တနေရာ...

ချစ်သူငယ်ချင်း နှစ်ယောက်ရဲ့ လှူဒါန်းခြင်း - သုခ ကို သတ္တ၀ါအပေါင်းအား အမျှပေးဝေလိုက်ပါတယ်။

Read more...

ဓမ္မာရုံ ယောဂီဆောင် ဆောက်လုပ်ရေး (၁၈-ဒီဇင်ဘာ-၂၀၁၀)

နယူးဂျာစီ မဟာစည်သတိပဋ္ဌာန်ရိပ်သာအတွင်း ဆောက်လုပ်နေသော လောကချမ်းသာ ဓမ္မာရုံ ယောဂီဆောင် ကျောင်းဆောင်တော်ကြီး၏ အဆောင်-၂ (တောင်ဘက်အဆောင်)မှာ ဓမ္မာရုံပါရှိသော အဆောင် ဖြစ်၏။

၂၀၁၀ ခုနှစ် ဒီဇင်ဘာလ ၁၈ ရက် စနေနေ့က လောကချမ်းသာဆရာတော်ကိုယ်တိုင် ကြွရောက်၍ သံဃာတော်များ အဆောင်-၂ အုတ်မြစ်ပေါ်တွင် ပရိတ်တရားတော်များ ရွတ်ဖတ် ပူဇော်ကြစဉ်။









































+++++
ဓာတ်ပုံ - ဆရာစိန်

Read more...

လာလည်ကြသူများ

ဤဘလော့ဂ်၏ ရည်ရွယ်ချက်

ယခုအခါ ကမ္ဘာတလွှားတွင်ရှိနေကြသော ဓမ္မဘလော့ဂ်ဂါများသည် နေ့ စဉ်နှင့် အမျှ အင်တာနက် စာမျက်နှာများ ပေါ်တွင် ဓမ္မနှင့်သက်ဆိုင်သော အကြောင်းအရာ အမျိုးမျိုးကို ပို့ စ်များရေးတင်လျက် ရှိနေကြပါသည်။

ဘလော့ဂ်ဂါများမှ မိမိတို့ ၏ကိုယ်ပိုင် စာမျက်နှာများမှတဆင့် ရေးတင်နေကြသဖြင့် ဖတ်ရှုလေ့လာသူများအတွက် နေရာများစွာသို့  သွားရောက် ဖတ်ရှုနေကြရပါသည်။

ထို့ ကြောင့် စာဖတ်သူများ အချိန်ကုန်သက်သာစေရန်နှင့် မိမိတို့  ဖတ်ရှုလိုရာကို လွယ်လင့်တကူ ရှာဖွေနိုင်ရန် နေ့ စဉ်ရေးသား နေကြသော အကြောင်းအရာများကို တနေရာတည်းတွင် စုစည်းပေးလိုသော ရည်ရွယ်ချက်ဖြင့် ဤဘလော့ဂ်ကို စီစဉ်လိုက်ခြင်းဖြစ်ပါသည်။

ပြောချင်တာများရှိရင် ရေးပေးထားခဲ့ပါ

မြန်မာပြက္ခဒိန်

မြန်မာပြက္ခဒိန်
www.burmeseclassic.com မှ ကူးယူဖော်ပြပါသည်။

  © Blogger templates The Professional Template by Ourblogtemplates.com 2008

Back to TOP