ဘူရိဒတ်ဇာတ်

ရှေးသရောအခါ ဗာရာဏသီပြည်တွင် ဗြဟ္မဒတ်မင်းကြီး စိုးစံသည်။ မင်းကြီးသည် သားတော်ကို အိမ်ရှေ့အရာပေးသည်။

မကြာမီ အိမ်ရှေ့မင်းမှာ အခြံအရံတို့ များပြားလာသည်။ ထိုအခါ မင်းကြီးသည် ထီးနန်း စည်းစိမ်ကို လုမည်စိုးလာသည်။ ထို့ကြောင့် အိမ်ရှေ့မင်းသားအား “သားတော် ငါလွန်မှသာ တိုင်းပြည်သို့ ပြန်လာ၍ မင်းပြုပါ” ဟု ဆိုကာ တိုင်းပြည်မှ နှင်ထုတ်လိုက်လေသည်။

အိမ်ရှေ့မင်းသားသည်လည်း တိုင်းပြည်မှ ထွက်ခွာသွားသည်။ ယမုန်နာမြစ်အနီးရှိ တောင်ကြားတစ်ခုသို့ ရောက်သောအခါ ရသေ့အသွင် ပြုလျက် စခန်းချ နေထိုင်သည်။

တစ်နေ့တွင် ယမုန်နာမြစ်အောက်ရှိ နဂါးပြည်မှ နဂါးမတစ်ယောက်သည် လင်သေသောကြောင့် နဂါးပြည်မှ ထွက်ခွာလာစဉ် ထိုနေရာသို့ ရောက်လာသည်။ အိမ်ရှေ့မင်းသားသည် တရားသံဝေဂ ရသဖြင့် ရသေ့ပြုသည် မဟုတ်။ အခြေအနေအရ အခိုက်အတန့်သာ ရသေ့ပြုခြင်းဖြစ်သည်။ ထို့ကြောင့် နဂါးမကို တွေ့သောအခါ ချစ်ကြိုက်သွားသည်။ သူတို့နှစ်ဦး မေတ္တာမျှကာ ပေါင်းသင်း နေထိုင်ကြသည်။ သားတစ်ယောက်နှင့် သမီးတစ်ယောက် ထွန်းကားသည်။ သားကို သာဂရဟု အမည်ပေးသည်။ သမီးကို သမုဒ္ဒဇာဟု အမည်ပေးသည်။


နှစ်အတန်ကြာသော် ဗြဟ္မဒတ်မင်းကြီး နတ်ရွာစံသည်။ မှူးမတ်တို့သည် အိမ်ရှေ့မင်းသားကို မင်းပြုရန် လာရောက် ခေါ်ကြသည်။

မင်းသားသည် လက်ခံပြီးလျှင် နဂါးမကိုပါ အတူခေါ်သည်။ နဂါးမက ငြင်းဆန်သည်။ “ဇာတ်မတူသော လူ့တိုင်းပြည်သို့ မလိုက်လိုပါ။ သားတော်နှင့် သမီးတော်ကိုသာ ခေါ်ဆောင်သွားပါ” ဟုဆိုကာ ဝမ်းနည်းစွာဖြင့် ထွက်ခွာ ပျောက်ကွယ်သွားလေသည်။

မင်းသားလည်း သားတော်နှင့် သမီးတော်တို့ကိုသာ နေပြည်တော်သို့ ခေါ်ဆောင် သွားရသည်။ မင်းသားသည် နန်းတော်အတွင်း၌ သားတော်နှင့် သမီးတော်တို့အတွက် ရေကန်ကြီး တူးပေးသည်။ နဂါးသွေးပါသော သားတော်နှင့် သမီးတော်တို့သည်လည်း ရေကန်ထဲတွင် အမြဲမပြတ် ကစားပျော်ရွှင်ကြသည်။

တစ်နေ့တွင် သူတို့မောင်နှမသည် စူဠလိပ်ခေါ် လိပ်ငယ်တစ်ကောင်ကို ရေကန်အတွင်း၌ တွေ့ကြသည်။ ကြောက်ရွံ့သောကြောင့် ငိုယိုကြသည်။ မင်းကြီးလည်း လိပ်ကို ဖမ်းစေ၍ အပြစ်မေးသည်။

ထိုအခါ အမတ်တစ်ယောက်က “သည်လိပ်ကို ဆုံထဲထည့်၍ မှုန့်မှုန့်ညက်ညက် ကြေအောင် ထောင်းသင့်သည်” ဟု ဆို၏။ တစ်ယောက်က “သည်လိပ်ကို သုံးမျိုး ချက်စားသင့်သည်” ဟု ဆို၏။ တစ်ယောက်က “မီးကျီးထဲ ထည့်၍ ဖုတ်သင့်သည်” ဟု ဆို၏။ တစ်ယောက်က “သင်း အခွံဖြင့် သင်းကို ချက်သင့်၏” ဟု ဆို၏။ ရေကြောက်သသော အမတ်တစ်ယောက်ကမူ “ဤလိပ်ကို ယမုန်နာမြစ်၏ ဝဲထဲသို့ ပစ်ချသင့်သည်” ဟု ဆို၏။ ထိုအခါ လိမ်မာပါးနပ်လှသော စူဠလိပ်က “ကျွန်ုပ်ကို ကြိုက်ရာ အပြစ်ဒဏ် စီရင်ပါ။ ယမုန်နာမြစ်ဝဲထဲသို့မူ ပစ်မချပါနှင့်” ဟူ၍ ပရိယာယ်ဖြင့် ဆို၏။ ငိူလည်းငို၏။

မင်းကြီးလည်း ယမုန်နာမြစ်ဝဲကို စူဠလိပ် အကယ်ပင် ကြောက်ရွံ့ပေသည် ဟူ၍ ထင်မှတ်မိ၏။ ချက်ချင်းပင် လိပ်ကို ယမုန်နာမြစ်ဝဲထဲသို့ ပစ်ချခိုင်းလေသည်။

မင်းချင်းတို့သည် လိပ်ကို ယမုန်နာမြစ်ဝဲထဲသို့ ပစ်ချကြသည်။ လိပ်လည်း ဝမ်းမြောက် ဝမ်းသာပင် ရေအလျဉ်၌ ကူး၍ မျောပါသွားလေသည်။ (ထိုကို ရည်စူး၍ ‘စူဠလိပ် ရေ၌ ချသကဲ့သို့’ ဟု ဆိုရိုးစကား ပြုခဲ့ကြသည်)

လိပ်သည် ရေအလျဉ်၌ မျောပါသွားရာမှ နဂါးပြည်သို့ ရောက်သွားသည်။ နဂါးလုလင်တို့ ဖမ်းယူသောအခါ ပရိယာယ်ကြွယ်လှသော လိပ်က “ကျွန်ုပ်ကို ရန်မပြုကြပါနှင့်။ ကျွန်ုပ်သည် ဗာရာဏသီမင်း၏ စေတမန် ဖြစ်ပါသည်။ ဗာရာဏသီမင်းသည် သမီးတော် သမုဒ္ဒဇာကို ဓတရဌနဂါးမင်းနှင့် လက်ဆက်လိုပါသည်။ ကျွန်ုပ်အား စေလိုက်သဖြင့် လာရောက်ပြောဆိုခြင်း ပြုပါသည်” ဟူ၍ လိမ်ညာပြော၏။

နဂါးမင်းလည်း လိပ်၏ စကားကို ယုံကြည်မိသည်။ ထိမ်းမြား မင်္ဂလာကိစ္စ စီစဉ်ရန် နဂါးတမန်တို့အား လိပ်နှင့်အတူ ဗာရာဏသီပြည်သို့ စေလွှတ်လိုက်သည်။

လမ်းခရီးရှိ ရေကန်တစ်ခုသို့ ရောက်သောအခါ လိပ်သည် ကန်ထဲသို့ ဆင်း၍ ကူးခပ်ပျောက်ကွယ် သွားလေသည်။ နဂါးတမန်တို့လည်း ဗာရာဏသီမင်းထံ ဆက်လက်လာကြသည်။ သူတို့သည် လုလင်အသွင် ဖန်ဆင်းလျက် ဗာရာဏသီမင်းနှင့် တွေ့ဆုံသည်။ သူတို့၏ ဘုရင် ဓတရဌ နဂါးမင်းကို သမီးတော် သမုဒ္ဒဇနှင့် ထိမ်းမြားရန် လျှောက်ထားကြသည်။

ထိုအခါ ဗာရာဏသီမင်းက လက်မခံပေ။ “သင်တို့သည် တိရစ္ဆာန်မျိုး ဖြစ်သည်။ ငါ့သမီးတော်နှင့် မထိုက်တန်” ဟုဆိုကာ ငြင်းဆိုလိုက်သည်။ နဂါးလုလင်တို့ ပြန်သွား၍ နဂါးမင်းအား ပြန်လျှောက်ထားသည်။ နဂါးမင်း အမျက်ထွက်၍ နဂါးတို့ကို ဗာရာဏသီပြည်သို့ စေလွှတ်လိုက်သည်။ နဂါးတို့သည် ဗာရာဏသီပြည်သို့ သွား၍ တစ်ပြည်လုံး တုန်လှုပ်ချောက်ချားအောင် ခြိမ်းခြောက်ကြသည်။ ထိုအခါ ဗာရာဏသီမင်းသည် မနေသာတော့။ သမီးတော်ကို ဓတရဌ နဂါးမင်းနှင့် ထိမ်းမြားပေးစား ရလေသည်။

နဂါးမင်းသည် သမီးတော် သမုဒ္ဒဇကို နဂါးပြည်သို့ ခေါ်ဆောင်သွားသည်။ သို့ရာတွင် နဂါးပြည်ဟူ၍ မသိရလေအောင် နဂါးပြည်ကို နတ်ပြည်အသွင် ဖန်ဆင်းထားသည်။ မိမိတို့ကိုလည်း နဂါးများဟူ၍ မသိရလေအောင် ဖုံးကွယ်ထားသည်။

မင်းသမီးသည် နဂါးပြည်၌ နဂါးမင်း၏ ချစ်ခင်မြတ်နိုးမှုကို ခံယူကာ ပျော်ရွှင်စွာ စံစားနေခဲ့သည်။ ကာလကြာသော် သားတော် ၄-ပါး ဖွားမြင်သည်။ သူတို့မှာ သုဒဿန၊ ဒတ္တ၊ သုဘောဂနှင့် အရိဌတို့ ဖြစ်ကြသည်။

တစ်နေ့တွင် သားတော်အငယ် အရိဌက နဂါးအသွင် ဖန်ဆင်းပြသည်။ ထိုအခါတွင်မှ သမုဒ္ဒဇာသည် မိမိသည် နဂါးပြည်၌ နဂါးမင်း၏ မိဖုရားဖြစ်နေကြောင်း အဖြစ်မှန်ကို သိရသည်။ အရိဌသည် နို့စို့နေရာမှ မယ်တော်ကို နဂါးအသွင် ဖန်ဆင်းပြခဲ့ခြင်း ဖြစ်သည်။ မယ်တော် ကြောက်လန့်ကာ လွှတ်ချလိုက်သောကြောင့် မျက်စိ တစ်ဖက် ပျက်သွားသည်။ ထိုမှစ၍ ကာဏာရိဌဟု အမည်တွင်သည်။ မျက်စိတစ်ဖက်ကန်းသော အရိဌဟု အဓိပ္ပာယ်ရသည်။

သားတော် ၄-ပါး အရွယ်ရောက်သော် နဂါးမင်းသည် နဂါးပြည်ကို ၅-စု ခွဲသည်။ ၄-စုတွင် သားတော်တစ်ပါးစီ အုပ်ချုပ် မင်းပြုစေသည်။

သားတော် ၄-ပါးအနက် သုဒဿန၊ သုဘောဂ၊ ကာဏာရိဌတို့သည် ခမည်းတော် မယ်တော်တို့ထံ တစ်လလျှင် တစ်ကြိမ် အဖူးမြော် လာရောက်ကြသည်။ ဒတ္တကမူ ၁၅-ရက် တစ်ကြိမ် အဖူးမြော် လာရောက်သည်။ ဒတ္တနဂါးမင်းသည် ဉာဏ်ပညာနှင့် အထူးပြည့်စုံသည်။ နဂါးတို့၏ ပြဿနာ အရပ်ရပ်တို့ကို ဖြေရှင်းပေးရလေသည်။

(ဘူရိဒတ်ဇာတ် အဆက်အား ဆက်တင်ပါမည်)

Read more...

Lokachantha Buddha Puzaniya Ceremony (30-May-2010)

Lokachantha Buddha Puzaniya Ceremony (30-May-2010)

+++++
Photo: Saya Sein

Read more...

90/10 Principle

Discover this 90/10 Principle.
It will change your life (or at least the way you react to situations).
—

WHAT IS THIS PRINCIPLE?

10% of life is made up of what happens to you…
90% of life is decided by how you react.

WHAT THAT THIS MEAN?

We really have NO control over the 10% of what happens to us.
The 90% is different.
YOU determine the 90%
HOW?
By your reaction.
You cannot control a red light.
However, you can control your reaction.
Do not let people fool you.
YOU can control how you react.
—o0o—
Let’s see this example:
http://www.youtube.com/watch?v=VcOzSogr9r4&feature=related

You are having breakfast with your family.
Your daughter knocks over a cup of coffee onto your business shirt.
YOU HAVE NO CONTROL over what has just happened.
What happens next will be determined by HOW YOU REACT.
…
You curse.
You harshly scold your daughter for knocking the cup over.
She breaks down in tears.
After scolding her, you turn to your wife and criticize her for placing the cup too close to the edge of the table.
A short verbal battle follows.
You storm upstairs and change your shirt.
Back downstairs, you find your daughter has been too busy crying to finish her breakfast and getting ready to go to school.
She misses the bus.
Your spouse must leave immediately for work.
You rush to the car and drive your daughter to school.
Because you are late,
you drive 40 miles per hour in a 30 mph speed limit zone.
After a 15-minute delay and throwing $60.00 traffic fine away,
you arrive at school.
Your daughter runs into the building without saying goodbye.
After arriving the office 20 minutes late,
you realize your forgot your briefcase.
Your day has started terrible.
As it continues, it seems to get worse and worse.
You look forward to coming home.
When you arrive home, you find a small wedge
in your relationship with your wife and daughter.
Why?
Because of how you reacted in the morning.
-
Why did you have a bad day?
A) Did the coffee cause it?
B) Did your daughter cause it?
C) Did the policeman cause it?
D) Did you cause it?
The answer is: D
-
You had NO CONTROL over what happened with the coffee.
How you reacted in those 5 seconds is what caused your bad day!
>>>
Here is what could have and should have happened.
<<< style="color: rgb(56, 118, 29);">“It’s okay, honey, you just need to be more careful next time.” Grabbing a towel, you go upstairs and change your shirt. You grab your briefcase, and come back down in time to look through the window and see your child getting on the bus. She turns and waves. You arrive 5 minutes early and cheerfully greet the staff. … Notice the difference?
Two different scenarios.
Both started the same.
Both ended different.
WHY? Because of how you reacted.
You really have no control over 10% of what happens in your life. The other 90% was determined by your reaction. . . .
—————————————-
Absolutely everything we do, give, say or even think,
It’s like a Boomerang.
It will come back to us.
If we want to receive, we need to learn to give first…
Maybe we will end with our hands half empty, but our hearts will be filled with love. And those who love life, have that feeling marked in their hearts.
***Fwd email က ရတာကို ထပ်ဆင့်ဝေမျှလိုက်ပါတယ်။

Posted by sonata-cantata at 11:59 AM 0 comments Links to this post

Read more...

*လမ်းဆုံ*

Written by တောသားလေး 2 အကြံပြုပါသည်။ Posted in: အထွေထွေစာစုလေးများ

“လမ်းဆုံ” ဆိုလို့ အဆိုတော် ဇော်ပိုင်သ်ီဆိုထားတဲ့ သီချင်းတော့မဟုတ်ပါဘူးဗျာ။ ကျွန်တော်တို့ယခုရရှိ နေတဲ့ လူ့ဘ၀ဟာ တရားဘာဝနာများ ပွားများအားထုတ်ရာ ကုသိုလ်ကောင်းမှုများကို ပြုလုပ်နိုင်ရာ တန်ဖိုး ရှိတဲ့လမ်းဆုံနေရာဘဲဖြစ်ပါတယ်။ လူ့ပြည်မှာဘဲ မြတ်စွာဘုရားရှင်ပွင့်တော်မူပြီး သတ္တ၀ါအားလုံးအတွက် တရားရေအေးများကို တိုက်ကျွေးခဲ့သလို၊ လူ့ပြည်မှဘဲ နတ်ပြည် ဗြဟ္မာပြည် သို့သွားနိုင်သလို၊ အပါယ် လေးဘုံသို့လည်းသွားနိုင်ပါတယ်။

မြတ်စွာဘုရားရှင်က အင်္ဂုတ္တိုလ်ပါဠိတော်၌ ဘုရားရှင် ပွင့်တော်မူသောအခါကို ရခဲခြင်း၊ လူ့ဘ၀ကို ရခဲခြင်း၊ သဒ္ဓါတရားရှိသောပုဂ္ဂိုလ်အဖြစ်ကိုရခဲခြင်း၊ရဟန်းဘ၀ကိုရခဲခြင်း၊ သူတော်ကောင်းတရားကို ကြားနာရခြင်း ဟူသည့် ရဖို့ခဲယဉ်းသောအရာငါးမျိုးကို ဟောကြားတော်မူခဲ့ပါသည်။
ထိုရဖို့ခဲယဉ်းလှသော အရာငါးမျိုးမှ လူ့ဘ၀ဆိုတဲ့ လမ်းဆုံနေရာကို ရဖို့ခဲယဉ်းလှပုံကို မြတ်စွာဘုရားရှင် ကသံယုတ်ပါဠိတော်၊ နာခသီခူပမသုတ်၌ ယခုလိုဟောကြားတော်မူခဲ့ပါသည်။ “ချစ်သား ချစ်သမီးတို့၊ ငါဘုရား၏လက်သည်းပေါ်မှာရှိသော မြေမှုန်နှင့် ဟောဒီအောက်က ပထ၀ီမြေကြီး ဘယ်ဟာကများသနည်း”
“အောက်မှာရှိတဲ့ မဟာပထ၀ီမြေကြီးက အဆမတန်အောင် များပြားလှပါသည်ဘုရား”
“ချစ်သား ချစ်သမီးတို့၊ ဟောဒီဥပမာအတိုင်းပဲ၊ လူ့ဘ၀ကနေသေပြီးတော့ လူ့ဘ၀ကိုပြန်ရောက်ရတဲ့ ပုဂ္ဂိုလ်ဆိုတာ ငါဘုရားလက်သည်းခွံပေါ်က မြေမှုန်လောက်ပဲ၇ှိတယ်၊ လူ့ဘ၀သေပြီး အပါယ်လေးဘုံကျ ရောက်ရတဲ့ ပုဂ္ဂိုလ်များကတော့ ဟောဒီမဟာပထ၀ီမြေကြီး အထုလောက်ရှိတယ်” ဟူ၍ ဖြစ်ပါသည်။
အပါယ်ဘုံသားတို့ လူ့ဘ၀ရဖို့ခဲယဉ်းပုံကိုလည်း ဥပါရိပဏ္ဏာသပါဠိတော်၊ သုညတ၀ဂ်၊ ဗာလပဏ္ဍိတသုတ် တော်တွင်လည်း အောက်ပါအတိုင်း ဟောကြားတော်မူခဲ့ပါသည်။
“ချစ်သား ချစ်သမီးတို့၊ အပါယ်ဘုံသားများ လူ့ဘ၀တစ်ခုရဖို့ခဲယဉ်းပုံကို ငါဘုရား ဥပမာနှင့်တကွ ဟောကြားတော်မူမယ်၊ ကျယ်ဝန်းနက်ရှိုင်းလှတဲ့ သမုဒ္ဒရာကြီးထဲမှာ အနှစ်တရာမှ ရေပေါ်ကိုခေါင်းလေး တစ်ခါပေါ်တဲ့ လိပ်ကန်းကြီးတစ်ကောင်ရှိတယ်၊ အဲဒီသမုဒ္ဒရာကြီးထဲကို အပေါက်တစ်ပေါက်သာ ဖောက်ရ သေးတဲ့ နွားလှည်းကထမ်းပိုးတစ်ချောင်းကို ပစ်ချလိုက်မယ်။”
“ထမ်းပိုးကလည်း လေတိုက်ရာ အရပ်လေးမျက်နှာ မျောချင်ရာမျောနေမယ်။ လိပ်ကန်းကြီးကလည်း အနှစ် တစ်ရာပြည့်ရင် သူပေါ်ချင်ရာမှာပေါ်မယ်၊ လိပ်ကန်းကြီးက အနှစ်တစ်ရာပြည့်လို့ ရေပေါ်ကိုပေါ်လာတဲ့ အချိန်လည်းဖြစ်ရမယ်၊ အရပ်လေးမျက်နှာ မျောချင်ရာမျောနေတဲ့ ထမ်းပိုးကလည်း လိပ်ကန်းကြီးရဲ့ ပေါ်လာ တဲ့ဦးခေါင်းနဲ့ တည့်တည့်နေရာရောက်နေရမယ်။ ပိုပြီးခဲခဲယဉ်းယဉ်းဖြစ်နေရမှာက တစ်ပေါက် ထဲသာ ဖောက်ထားတဲ့ထမ်းပိုးက အပေါက်ထဲကို လိပ်ကန်းကြီးရဲ့ဦးခေါင်းဟာ တည့်တည့်မတ်မတ် ၀င်သွားဖို့ဆိုတဲ့အရာဟာ လွယ်လွယ်ကူကူဖြစ်နိုင်ပါ့မလား၊ ချစ်သား ချစ်သမီးတို့”
“ဤသို့ဖြစ်ဖို့ရန် အင်မတန်မှ ခဲယဉ်းလှပါသည်ဘုရား”
“ချစ်သား ချစ်သမီးတို့၊အပါယ်ဘုံသားများ လူ့ဘ၀တစ်ခု ရဖို့ရာကတော့ ယခု ငါဘုရားဟောကြားတဲ့ ဥပမာထက် အဆပေါင်းများစွာ ခဲယဉ်းလှသည်၊ ချစ်သား ချစ်သမီးတို့” ဟူ၍ ဟောကြားတော်မူခဲ့ပါသည်။
အထက်ဖော်ပြပါ မြတ်စွာဘုရားရှင် ဟောကြားတော်မူခဲ့တဲ့ တရားတော်များအရ ကျွန်တော်တို့ဟာ ယခု အခါ အလွန်ကံကောင်းပြီး တန်ဖိုးရှိလှတဲ့ လူ့ဘ၀ကိုရရှိနေတဲ့အပြင် မြတ်စွာဘုရားရှင်၏ သာသနာတော် အတွင်းတွင်လည်း ကျရောက်နေပါသဖြင့် ရခဲလှတဲ့အချိန်လေးမှာ မကောင်းမှုများ ရှောင်ကောင်းမှု ဆောင်၍ တရားဘာဝနာများကို ပွားများအားထုတ်ပြီး တန်ဖိုးရှိစွာနေထိုင်သင့်ပါတယ်။ သားသမီး မိဘ ချစ်သူ ဇနီး ခင်ပွန်း၊ ဂုဏ်ပကာသန၊ ရာထူးစည်းစိမ်တွေ အတွက်နဲ့ မတော်တဆများ အပါယ်ဘုံ (သို့မဟုတ်) ရပ်ပြစ် ရှစ်ပါးရောက်ရှိသွားခဲ့ပါလျှင် ဘယ်လိုမှကုသလို့ မရနိုင်တော့ပါဘူး။
ထို့ကြောင့် မြတ်စွာဘုရားရှင်ကလည်း သတ္တ၀ါအားလုံးကို သနားဂရုဏာသက်စွာဖြင့်

ဟန္ဒဒါနိ ဘိက္ခဝေ အာမန္တယာမိဝေါ၊ ၀ယဓမ္မာသင်္ခါရာ အပ္ပမာဒေန သမ္ပာဒေထ

“သင်္ခါရတရားတို့သည် ပျက်စီးခြင်းသဘောရှိကြသည်။ သင်ချစ်သားတို့ မမေ့ မလျော့သော သတိတရားတို့ ဖြင့်အားထုတ်ကြကုန်လော့”
ဟူ၍ နောက်ဆုံးပရိနိဗ္ဗာန်ပြုတော်မူခါနီးမှာ ဟောကြား သတိပေးတော်မူခဲ့ခြင်းဖြစ်ပါတယ်။
ကျွန်တော်ရဲ့“လမ်းဆုံ” ပိုစ်လေးကို မာဃဒေ၀လင်္ကာမှာပါတဲ့ မန်လည်ဆရာတော်ဘုရားကြီး ရေးသားတော်မူခဲ့သော-
“မလွဲနိုင်စွာ၊ ဓမ္မတာဖြင့်၊ ဇရာမီးလျှင်၊
ဖျက်ဆီးပြောင်ပြောင်၊ အမြဲလောင်၏။
သားချောင်သွေးခန်း၊ ရွေ့ရွေ့မြန်း၍၊ မလန်းမလူ၊
ဇရာဟူသည်၊ ဆံဖြူသွားကျွတ်၊ ထွထွရွတ်လျက်၊
ယွင်းချွတ်ပျက်ပြို၊ နေ့တိုင်းအိုသည်။
ဤကိုယ်ပျောက်လိမ့် မနှေးတည်း” လင်္ကာလေးဖြင့်နိဂုံးချုပ်လိုက်ပါတယ်ခင်ဗျာ။
အားလုံးသောဓမ္မ မိတ်ဆွေသူတော်ကောင်းတို့လည်း လမ်းဆုံကိုတော့ ရောက်နေပြီ ဘယ်လမ်းကိုရွေးမလဲ၊ ကိုယ်ရွေးလိုက်တဲ့လမ်းက ဘယ်လိုအကျိုးရှိမလဲဆိုတာကိုတော့ ကိုယ်ကိုတိုင်စဉ်းစား ဆင်ခြင်သုံးသပ်ပြီး သတိတရား လက်ကိုင်ထား၍ ပွားများအားထုတ်နိုင်သောသူများ၊ အမျိုး၊ ဘာသာ၊ သာသနာအတွက်အကျိုး ပြုနိုင်သောသူများဖြစ်ပါစေလို့ ဆုတောင်းပေးလိုက်ပါတယ်။

အားလုံးကိုယ်စိတ်နှစ်ဖြာကျန်းမာချမ်းသာကြပါစေ။

ကိုးကား- မျက်ရည်မကျခင်သိစေချင် မေတ္တာရှင်(ရွေပြည်သာ)

Read more...

*ဆရာဆန်းညွန့်ဦး (၅၅၀)နိပါတ်တော်များ*

ဆရာဆန်းညွန့်ဦး (၅၅၀)နိပါတ်တော်များ

Please click on the books to read!!

--
Note: If you can't read Myanmar Font, please download Zawgyi Font at http://www.mandalayalpha.com


With Metta,

Webmaster
Dhammaransi.net

လေးစားစွာဖြင့်
ဖိုးသား

Read more...

ဒီလိုလေး လုပ်ကြည့်ရင် ကောင်းမလား? (ပြန်လည် ဝေဖန်ဆွေးနွေးမှု ၄)

အရှင်ဉာဏဒီပ ( ဓမ္မရတနာ) ( http://www.ashinnyanadipa.com ) ၏ ပြန်လည်ဝေဖန်ဆွေးနွေးမှု

ဒကာတော် ကိုဝိမုတ္တိ...

“ဒီလိုလေး လုပ်ကြည့်ရင် ကောင်းမလား?” ဆိုတဲ့ ဆောင်းပါးလေးနဲ့ ပက်သက်ပြီး ဘုန်းဘုန်းက ဒကာတော်လေးနဲ့ ဘုန်းဘုန်း နှစ်ဦးတည်းပဲ ဆွေးနွေးချင်တာလေ။

ဘုန်းဘုန်းကတော့ ရဟန်းတွေဘက်ကနေ မဆွေးနွေးဘဲ သာသနာတော်ဘက်ကနေ ဆွေးနွေးပေးချင်တယ်။

ရဟန်းတွေဘက်ကနေ ဆွေးနွေးတယ် ဆိုတာက ရဟန်းတွေရဲ့ အလို။

သာသနာတော်ဘက်ကနေ ဆွေးနွေးတယ် ဆိုတာက သာသနာတော်ရဲ့ အလိုပေါ့။

ဒကာတော်လေးတို့လို နိုင်တဲ့ဘက်ကနေ သာသနာပြုနေတဲ့ ပုဂ္ဂိုလ်တွေက သာသနာဘက်က အလိုကိုလည်း သိထားသင့်တယ်လေ။

အဲဒါကြောင့်ပါ။

ဘုန်းဘုန်းရဲ့ ဆွေးနွေးချက်လေးကို သိရရင် ဒကာတော်လေးအတွက် တန်ဖိုးရှိတဲ့ အကျိုး တစ်စုံတစ်ရာ ဖြစ်ထွန်းလိမ့်မယ်လို့ ဘုန်းဘုန်း ထင်မိပါတယ်။

ဒကာတော် ကိုဝိမုတ္တိ ကျန်းမာချမ်းသာစွာနဲ့ သာသနာ ပြုနိုင်ပါစေကွဲ့.....

* မူရင်းဆောင်းပါး
* ပြန်လည်ဝေဖန်ဆွေးနွေးမှု ၁

* ပြန်လည်ဝေဖန်ဆွေးနွေးမှု ၂

* ပြန်လည်ဝေဖန်ဆွေးနွေးမှု ၃

Posted by The Bliss Of Emancipation at 9:05 AM 0 comments Links to this post

Read more...

ဗုဒ္ဓပွင့်တော်မူရာ ကာလ

ခမည်းတော် -သုဒ္ဓေါဓန

မယ်တော် -မာယာဒေ၀ီ

မဟာသက္ကရာဇ် ၆၇ ခုနှစ် ၀ါဆိုလပြည့် ကြာသမတေးနေ့ပဋိသန္ဓေယူ

မဟာသက္ကရာဇ် ၆၈ ခုနှစ် ကဆုန်လပြည့် သောကြာနေ့ ဖွားမြင်တော်မူ (BC 623)

မဟာသက္ကရာဇ် ၉၇ ခုနှစ် ၀ါဆိုလပြည့် တနလာင်္နေ့ တောထွက်

မဟာသက္ကရာဇ် ၁၀၃ ခုနှစ် ကဆုန်လပြည့် ဗုဒ္ဓဟူးနေ့ ဘုရားဖြစ်
(BC 588)

ဝါဆိုလပြည့် စနေနေ့ ဓမ္မစကြာတရားဟော

မဟာသက္ကရာဇ် ၁၄၈ ခုနှစ် ကဆုန်လပြည့် အဂါင်္နေ့ ပရိနိဗ္ဗာန်စံ
(BC 543)

ဆောင်ပုဒ်။ ။ မ၊ သိ၊ ကြ၊ လျှင်၊ တွေး၊ ဆ၊ ဦး။

အထက်ပါဖော်ပြပါ အချက်လက်များသည် ဗုဒ္ဓ၀င်ကျမ်းနှင့် ဗုဒ္ဓကျမ်းဂမ် နှင့် စာအုပ်စာတမ်းများမှာတွေ့ရသော
ခုနှစ် သက္ကရာဇ် အကျင်းမျှသာဖြစ်ပါသည်။
အောက်၌ ဖော်ပြလတ္တံသော သမိုင်းနှင့် တစ်နှစ်ကွာဟနေပါလိမ့်မည်။
အကျယ်ကို ဖော်ပြပါအံ့...........

ကမ္ဘာ့ဘာသာတရားများအနက်အသိမ်မွေ့ဆုံး တခုအဖြစ်ထင်ရှားသော ဗုဒ္ဓဘာသာကို စတင်ထူထောင်ခဲ့သည့်
ဂေါတမဗုဒ္ဓသည်မည့်သည့်ကာလတွင် ပွင့်ပေါ်ခဲ့ပါသနည်း။ ဤအချက်ကို သုတေသီတို့က စိတ်ဝင်စားစွာလေ့လာကြသည်။

ဂေါတမဗုဒ္ဓပွင့်တော်မူခဲ့ရာ မဇ္ဈိမဒေသ(အိန္ဒိယ)၌ ရှေးခေတ်က ခေတ်ပြိုင်မှတ်တမ်းများရေးသားလေ့ မရှိခြင်းကြောင့်
ဗုဒ္ဓပွင့်တော်မူရာကာလနှင့် ပတ်သက်၍ တိကျစွာသိနိုင်မည့် ခေတ်ပြိုင်အထောက်ထားများကို အိန္ဒိယနိုင်ငံ အတွင်း၌ မတွေ့ရှိရချေ။
ထိုကြောင့် အိန္ဒိယပြင်ပခေတ်ပြိုင် မှတ်တမ်းများနှင့် အဖြစ်ပျက်များကိုသာ အထောက်ထားပြု၍ ဗုဒ္ဓမြတ်စွာပေါ်ထွန်းရာ
ကာလကို ခန့်မှန်းချင့် တွက်ကြရသည်။

ဗုဒ္ဓပွင့်တော်မူရာကာကကို သိရှိနိုင်ရန် အားထားရသည့် အဓိက အထောက်ထားတစ်ရပ်မှာ သိရိလင်္ကာနိုင်ငံ၌ ခရစ်နှစ်(၃၅၀)ခန့်က ရေးသားခဲ့သော ဒီပ၀ံသကျမ်းနှင့် ခရစ်နှစ် (၄၅၀)ခန့်က ရေးသားခဲ့သော မဟာဝံသကျမ်းတို့ ဖြစ်ကြသည်။
ထိုဝံသကျမ်းများ၌ ဘုရားရှင်ပရိနိဗ္ဗာန်ပြုပြီး နှစ်ပေါင်း(၂၁၈)နှစ်
အကြာတွင် အိန္ဒိယနိုင်ငံ မဂဓတိုင်း၌
အသောကမင်း ရာဇဘိသေကခံယူခဲ့သည်ဟု ဖော်ပြထားသည်။
ထို့ပြင် အသောကမင်းသည် အဘိသိတ်မခံမှီ လေးနှစ်တာမျှ
ထီးနန်းအုပ်ချုပ်ခဲ့သေးသည် ဟုလည်းကောင်း၊ အသောကမင်းးသည် ခမည်းတော် ဗိန္ဒုသာရ ဘုရင်ကို ဆက်ခံကာ ထီးနန်းရရှိခဲ့ခြင်း
ဖြစ်သည်ဟု လည်းကောင်း ဖော်ပြထားသည်။

ဗိန္ဒုသာရ သည် (၂၈) နှစ်ကြာ ထီးနန်းဆက်ခံခဲ့သည်ဟု ဆိုသည်။ တဖန်...စန္ဒဂုတ်ဘုရင်သည် (၂၄) နှစ်ကြာ ထီးနန်းစိုးစံခဲ့သည်ဟုလည်း
ဖော်ပြထားသည်။ ဤဖော်ပြထားချက်များအရ နောက်ပြန်တွက်ပြီး စန္ဒဂုတ်ဘုရင်ထီးနန်းတက်သည့် ခုနှစ် သက္ကရာစ်ကို ခန့်မှန်းနိုင်ပါသည်။

ဤသို့တွက်သော်

အသောကအဘိသိတ်မခံမီ ၄ နှစ်

ဗိန္ဒုသာရနန်းစံ ၂၈ နှစ်

စန္ဒဂုတ်နန်းစံ ၂၄ နှစ်

ပေါင်း ၅၆ နှစ်

အသောက နန်းတက်သည် ဆိုသော
သာသနာနှစ် (၂၁၈) တွင် (၅၆) နှစ်နုတ်ပါက ရရှိသော
(၂၁၈-၅၆)= ၁၆၂ ခုနှစ်သည် စန္ဒဂုတ်ဘုရင်ထီးနန်းရရှိသည့် သာသနာသက္ကရာဇ်ဖြစ်ပေမည်။

အိန္ဒိယသမိုင်းတွင် စန္ဒဂုတ်ဘုရင် ထီးနန်းရရှိချိန်ကို သိရှိနိုင်ရန် ဂရိမှတ်တမ်းများကို အားကိုးအားထားပြုရပြန်သည်။
အကြောင်းမှာ စန္ဒဂုတ်ဘုရင် နန်းတက်ချိန်သည် အိန္ဒိယနိုင်ငံတွင်းသို့ အလက်ဇန္ဒား ဘုရင်ကြီးဝင်ရောက်သိမ်းပိုက်ချိန်နှင့်
ဆက်စပ်နေသောကြောင့် ဖြစ်သည်။ အလက်ဇန္ဒားဘုရင်ကြီးသည် ခရစ်ကြိုနှစ် (၃၂၃) တွင် ကွယ်လွန်ခဲ့သည်။
ထို့နောက်တွင် အလက်ဇန္ဒားဘုရင်ကြီး အောင်မြင်သိမ်းပိုက်ခဲ့သော အိန္ဒိယသည် အစိတ်စိတ် အမွာမွာကွဲသွားခဲ့ရလေသည်။
ထိုသို့ အစိတ်စိတ်ကွဲချိန်တွင် မဂဓတိုင်း၌ စန္ဒဂုတ်ဘုရင် ပေါ်ထွန်းလာခဲ့ခြင်းဖြစ်သည်။ စန္ဒဂုတ်ဘုရင်သည် မဂဓတိုင်း၌
မောရိယမင်းဆက်ကို ထူထောင်ခဲ့ရာ အသောကမှာ ထိုမင်းဆက်၏ တတိယမြောက်ဘုရင် ဖြစ်လာခဲ့သည်။
စန္ဒဂုတ်ဘုရင်သည် မောရိယမင်းဆက်ကို ထူထောင်နိုင်ရန်အတွက် တစ်နှစ်၊ နှစ်နှစ်ခန့် စည်းရုံးခဲ့ရသည်ဟု ယူဆပါက
စန္ဒဂုတ်ဘုရင် ထီးနန်းရရှိသော ခုနှစ်သည် ခရစ်ကြိုနှစ် (၃၂၁) ခန့်ဖြစ်မည်ဟု ကြောင်းကျိုးဆက်စပ်ကာ ယူဆနိုင်မည်ဖြစ်သည်။

ဝံသကျမ်းများ အလိုအရ စန္ဒဂုတ်ထီးနန်းတက်သောခုနှစ်သည် သာသနာနှစ် (၁၆၂) ဖြစ်နိုင်ကြောင်း အထက်တွင်တွက်ပြခဲ့ပြီး
ဖြစ်သည်။ ယခု ဂရိမှတ်တမ်းများကို အခြေခံ၍ ခန့်မှန်းတွက်ချက်ရရှိသော ခရစ်ကြိုနှစ် (၃၂၁)ခုသည် စန္ဒဂုတ်ထီးနန်းရရှိသောခုနှစ်ဖြစ်သည်ဟု လက်ခံပါက
သာသနာနှစ် (၁၆၂) သည် ခရစ်ကြိုနှစ် (၃၂၁)ခုနှစ် ဖြစ်ပေမည်။

ဤသို့ဆိုသော်
ဗုဒ္ဓပရိနိဗ္ဗာန်ပြုရာကာလသည် (၃၂၁+၁၆၂)=ခရစ်ကြိုနှစ် (၄၈၃)ခုနှစ် ဖြစ်နိုင်ပေမည်။
ထိုအယူအဆအရ
ဗုဒ္ဓဖွါးမြင်ရာကာလသည် (၄၈၃+ ဗုဒ္ဓ၏သက်တော် ၈၀) = ခရစ်ကြိုနှစ် (၅၆၃) ခုနှစ်ဟု မှတ်ယူရပေမည်။

ဗုဒ္ဓပေါ်ထွန်းရာကာလကို ခရစ်ကြိုနှစ် (၅၆၃-၄၈၃) ဟု
မှတ်ယူရခြင်းမှာ မှန်းဆတွက်ချက်ထားခြင်းမျှသာ ဖြစ်ကြောင်း
အထူးသတိရှိသင့်သည်။ ထိုမှန်းဆတွက်ချက်ထားချက်နှင့် ပတ်သက်၍ သံသယဖြစ်ဖွယ်အကြောင်းများလည်း ရှိနေသေးသည်။
သံသယဖြစ်ရသည့် ရှေးဦးအကြောင်းအချက်မှာ
သာသနာနှစ် (၂၁၈) တွင် အသောကမင်း ရာဇဘိသေက ခံယူခဲ့သည်ဆိုသော ၀ံသကျမ်းလာ ဖော်ပြချက်ပင် ဖြစ်သည်။ ဤအချက်ကို ပညာရှင်တချို့က ယုံမှားသံသယ ရှိကြသည်။
ဒုတိယအနေဖြင့် စန္ဒဂုတ်မင်းထီးနန်းရရှိသော ခုနှစ်သက္ကရာစ်မှာလည်း မှန်းဆတွက်ချက်ထားခြင်းမျှသာ ဖြစ်သည်။
သမိုင်းအထောက်ထား အတိအကျမပြနိုင်သေးချေ။ ထို့ကြောင်း နှစ်အနည်းငယ်ကွာခြားကြောင်း ကွာခြားနိုင်သည်။
တတိယ အချက်မှာစန္ဒဂုတ်ဘုရင်နှင့် ဗိန္ဒုသာရ၏ နန်းစံကာလ အသီးသီးကို ၀ံသကျမ်းများက ဖော်ပြချက်အတိုင်းသာ
အမှန်ဟု လက်ခံထားရခြင်း ဖြစ်သည်။
ဤသို့သံသယဖြစ်ဖွယ် မှန်းဆထားချက်များကြောင့်
ဗုဒ္ဓပရိနိဗ္ဗာန်ပြုချိန် ကာလသည် ခရစ်ကြိုနှစ် (၄၇၇) မှ (၄၈၆/၄၈၇) အတွင်း တစ်နှစ်နှစ် ဖြစ်နိုင်ဖွယ် ရှိပေသည်။

ဝံသကျမ်းများနှင့် ဂရိမှတ်တမ်းများကို အခြေခံပြီး၊ မှန်းဆတွက်ချက်ထားသော အထက်ပါ တွက်နည်းအပြင် အခြားတွက်ချက်နည်းများလည်း ရှိပေသေးသည်။

အခြားတွက်ချက်နည်း တစ်ရပ်မှာ ဇိန၀ါဒီ (Jains) တို့၏ အစဉ်လာမှတ်သားထားချက်များကို အခြေခံ
သည် ဇိန၀ါဒီ (Jains) တို့၏ အစဉ်လာ၌
ဗုဒ္ဓ နှင့် ခေတ်ပြိုင် မဂဓဘုရင် ဗိဗ္မိသာရ မှစပြီး၊
အသောကတိုင်အောင် မဂဓဘုရင်အဆက်ဆက်၏ စာရင်းကို ဖော်ပြထားသည်။ ၀ံသကျမ်းများအရ ဗိဗ္မိသာရ နှင့် အသောက၏ကြားတွင် အကြမ်းဖျင်းအားဖြင့်
နှစ်ပေါင်းနှစ်ရာခန့် ကြာသည်ဟု ယူဆနိုင်သော်လည်း ဇိန၀ါဒီ (Jains) တို့၏ အစဉ်လာအရမူ နှစ်ပေါင်း (၁၀၀) မျှသာ ကြာသည်ဟု ဆိုသည်။

ဤအဆိုကို အခြေခံထားပြီး တွက်ချက်ပါက ခရစ်ကြိုနှစ် (၃၈၆) ခန့်တွင် ဗုဒ္ဓပရိနိဗ္ဗာန်ပြုခဲ့သည်ဟု မှတ်ယူဖွယ် ရှိပေသည်။

မြန်မာဗုဒ္ဓဘာသာဝင်တို့၏ အလိုအရ လက်ရှိသုံးစွဲနေသော မြန်မာတို့၏ ကောဇာသက္ကရာစ်သည် ဗုဒ္ဓပရိနိဗ္ဗာန်စံသော
နှစ်ကို အခြေခံကာ စတင်ရေတွက်လာခြင်း ဖြစ်သည်ဟု ဆိုသည်။
ဤသို့သော သာသနာနှစ် တပြေးညီရေတွက်ခဲ့ရာမှ

သရေခေတ္တရာပြည်၊ သုမုန္ဒရီမင်း လက်ထက်တွင်
ဒေါဒေါရသ ကိန်းအရ
နှစ်ပေါင်း (၆၂၂) ကို ဖြိုခဲ့သည်။

ပုဂံပုပ္ပါးစောရဟန်းမင်း လက်ထက်တွင် ခဆပဉ္ဖ ကိန်းအရ
နှစ်ပေါင်း (၅၆၀) ကို ဖြိုခဲ့သည်။

နှစ်ရပ်ပေါင်း (၁၁၈၂) နှစ် ဖြိုခဲ့သည်။ ဤနည်းအရ တွက်ချက်သော် လက်ရှိမြန်မာကောဇာသက္ကရာဇ် (၁၃၇၂ ခရစ် 2010) သည်
သာသနာသက္ကရာဇ်အားဖြင့် (၁၃၇၂+၁၁၈၂)= ၂၅၅၄ ခုနှစ်ဖြစ်သည်။
ထိုတွက်ချက်နည်းအရ ဗုဒ္ဓပရိနိဗ္ဗာန်ပြုသောနှစ်ကို ကမ္ဘာသုံးပြက္ခဒိန်နှစ်အဖြစ် ပြန်လည်ရှာဖွေသော်
(၂၅၅၄-၂၀၁၀) ခရစ်ကြိုနှစ် ၅၄၄ ဖြစ်ကြောင်း တွေ့ရှိရပေမည်။

ဤနည်းဖြင့် ဗုဒ္ဓဖွါးမြင်ရာကာလသည်
ခရစ်ကြိုနှစ် (၅၄၄+၈၀) = ၆၂၄ ဖြစ်ဖွယ်ရှိပေသည်။

ဤနည်းဖြင့် ဗုဒ္ဓပွင့်ပေါ်ရာကာလကို နည်းအမျိုးမျိုးဖြင့် တွက်ဆကြသည်။
အကြမ်းအာဖြင့်မူ၊ ခရစ်ကြိုနှစ် ( ၆ ) ရာစုသည် မဇ္ဈိမဒေသ၌
ဗုဒ္ဓဘာသာ သာသနာစတင်ထွန်းကားရာ ကာလဖြစ်သည်ဟု မှတ်ယူဖွယ် ရှိလေသည်။

http://www.sbay-student.org/

www.dhammaanalysis.multiply.com/

Read more...

ထူးကဲအံ့ဖွယ် အလင်းရောင် ၄-မျိုး

အခါတပါး၌ မြတ်စွာဘုရားသည် ရဟန်းတို့အား မြတ်စွာဘုရားပွင့်ထွန်းပေါ်ပေါက်ခြင်းကြောင့် ထူးကဲသော အံ့ဖွယ် ၄-ပါးတို့ ဖြစ်ပေါ်လာကြောင်းကို ဟောတော်မူသည်။

ရဟန်းတို့ မြတ်စွာဘုရားတို့၏ ပွင့်ထွန်းပေါ်ပေါက်ခြင်းကြောင့် မဖြစ်စဖူး ထူးကဲသောအံ့ဖွယ်တို့ ဖြစ်ပေါ်လာကုန်၏။ ယင်းတို့ကား-
(၁) ဘုရားလောင်းသည် တုသိတာနတ်ပြည်မှ စုတေ၍ မယ်တော်၏၀မ်းတိုက်သို့ သက်ဝင်သောအခါ နတ်နှင့်တကွသော လောက၌ အတိုင်းအဆမရှိ အလင်းရောင်သည် ဖြစ်ပေါ်လာ၏။ ထိုအလင်းရောင်ဖြင့် အမိုက်တိုက်အတိဖြစ်သော လောကန္တရိတ်ငရဲသားတို့သည်ပင် အချင်းချင်း မြင်ကြရ၏။

(၂) ဘုရားလောင်းသည် မယ်တော်၏၀မ်းမှ ဖွားမြင်သောအခါ နတ်နှင့်တကွသော လောက၌ ထူးကဲသောအလင်းရောင်သည် ဖြစ်ပေါ်လာ၏။

(၃) မြတ်စွာဘုရားသည် အမြတ်ဆုံးဖြစ်သော သမ္မာသမ္ဗောဓိဉာဏ်တော်ကို ရရှိတော်မူသောအခါ၌လည်း လောက၌ ထူးကဲသော အလင်းရောင်သည် ဖြစ်ပေါ်လာ၏။

(၄) မြတ်စွာဘုရားသည် အမြတ်ဆုံးဖြစ်သော ဓမ္မာစကြာ (တရားစက်ကို လည်စေခြင်း၊ ဟောကြားခြင်း) ကို ဟောတော်မူသောအခါ၌ လောက၌ ထူးကဲသော အလင်းရောင်သည် ဖြစ်ပေါ်လာ၏-ဟု
ဟောောတ်မူသည်။
(မှတ်ချက်) လောကန္တရိက=လောကန္တရိတ်=စကြာဝဠာတို့၏ အကြား၌ရှိသော ငရဲ။
သမ္မာသမ္ဗောဓိဉာဏ်=အရဟတ္တဖိုလ်အရင်းခံသော သဗ္ဗညုတဉာဏ်။

ဦးငွေအောင်မွန်
(ဓမ္မာစရိယ၊ ပါဠိပါရဂူ၊ ဘီအေ၊ ဘီအီးဒီ)
( မြတ်မင်္ဂလာ ၂၀၀၇-ခု ဒီဇင်္ဘာလ)

Posted by: mingala at 8:32 PM 0 မှတ်ချက်ရေးပါ

Read more...

နယုန်လပြည့် မဟာသမယအခါတော်နေ့

June 1, 2010 by Annyatara (အညတရ)

ယနေ့သည်ကား ဗုဒ္ဓဘာသာဝင်သူတော်စင်တို့၏ အလေးအမြတ်ထားသော နယုန်လပြည့်နေ့ဖြစ်ပေ သည်။ နယုန်လပြည့်နေ့တွင် မြတ်ဗုဒ္ဓသည် များပြားလှစွာသော နတ်ဗြဟ္မာပေါင်းတို့ကို မဟာသမယသုတ်တရားတော်ကို ဟောကြားတော်မူခဲ့ပါသည်။ ဤနေရာတွင် မဟာသမယ၏ အဓိပ္ပာယ်ကို ရှာဖွေရသော် မဟာဟူသည် ကြီးကျယ်မြင့်မြတ်ခြင်းဟုအဓိပ္ပာယ်ရ၍ သမယသည်ကား အချိန်-အခါ-ကာလဟု အဓိပ္ပာယ်ကောက်ယူနိုင်ပေသည်။

မဟာသမယသုတ်တော် ဟောကြားတော်မူရခြင်း၏ သမိုင်းကြောင်းကို ပြန်လိုက်ရသော် မြတ်ဗုဒ္ဓသည် ဘုရားဖြစ်တော်မူပြီး စတုတ္ထ ၀ါတော်ကပ်စဉ် ကာလတွင် ဖြစ်ပေသည်။ မဇ္ဈိမဒေသ ကပိလဝတ် နှင့် ကောလိယနှစ်ပြည်ထောင်ကြားတွင် ရောဟိဏီဟု အမည်ရှိသော မြစ်ကလေး တစ်စင်းရှိပေသည်။ မိုးတွင်းနှင့် ဆောင်းတွင်း အခါသမယတွင်ကား ထိုမြစ်ကလေးအတွင်းဝယ် ရေအလုံအလောက် စီးဆင်းနေသည့်အခါ နှစ်ပြည်ထောင်မှ တောင်သူတို့သည် သူတို့၏ လယ်မြေတွေအတွက် ရေကို သုံးရန်လုံလောက်ပေသည်။ ယခုကဲ့သို့သော မိုးခေါင်လှသော နယုန်လတွင်ကား ရောဟဏီမြစ်မှ ရေစီးဆင်းနေသော ရေသည် နှစ်ပြည်ထောင် တောင်သူတို့အတွက် မလုံလောက်တော့ပေ။ သို့ဖြစ်သဖြင့် ထိုရေကို သူ ရသင့်သည်။ ငါရ သင့်သည်ဟုငြင်းခုန်ကြသည်။ထိုမျှမက တစ်ဖက်နှင့်တစ်ဖက် ငယ်ကျိုး ငယ်နာတွေလည်း အပြန်ပြန် အလှန်လှန် ဖော်ကြလေသည်။

ကောလိယပြည်ဘက်မှ လယ်သမားများက

“နင်တို့က ခွေးတွေလို မောင်နှမချင်း အိမ်ထောင်ပြုတဲ့အမျိုးတွေ၊”ဟု စတင်ပြောလေသည်။ တစ်ဘက် (ကပိလ၀တ်) ကလည်း “နင်တို့က အနူမျိုးတွေ၊ အေး–အနူမျိုးအကြောင်းသိစေရမယ်” စသည်ဖြင့် အထက်လူကြီးများအထိ ပေါက်ကြားသွားရာ စစ်ခင်းကြမည့် အခြေအနေအထိ ရောက်ရှိသွားလေသည်။ ထိုအကြောင်းကို သိတော်မူသော မြတ်စွာဘုရားရှင် ကြွရောက်တော်မူလာပြီး “ဓား၊ လှံ၊ ဒူးလေး တွေ သယ်ဆောင်လာပြီး၊ဘာလုပ်ကြမလို့လဲ” ဟု မေးတော်မူလေသည်။ ထိုအခါနှစ်ပြည်ထောင်သော ဆွေမျိုးများက -

“တပည့်တော်တို့ စစ်ခင်းကြမလို့ပါဘုရား။”ဟုလျှောက်ထားလေသည်။ ဤတွင် မြတ်ဗုဒ္ဓက

“ဘာအတွက်စစ်ခင်းကြမှာလဲ။”ဟု ဆက်လက်မေးတော်မူလေသည်။ နှစ်ပြည်ထောင်မှ ဆွေမျိုးတို့ကလည်း

“ရေအတွက်ပါဘုရား။”ဟု လျှောက်ထားကြလေသည်။ ထိုအခါ ဘုရားရှင်က

“သင်တို့ဟာအဘိုးမတန်တဲ့ ရေအတွက်နဲ့ အဘိုးတန်တဲ့ သင်တို့ အသက်တွေ ဆုံးရှုံးခံတော့မလို့လား”ဟု မေးမြန်းတော်မူကာ ငြိမ်းချမ်းရေး တရားကို စတင်ဟောတော်မူပါသည်။ ဒီလိုဟောတဲ့နေရာမှာ ၊မြတ်ဘုရား ရှင်က သာဓကတွေအနေဖြင့်

(၁) ၀က်ဝံနှင့်ရုက္ခစိုး၊ရန်ငြိုးထားရာကနှစ်ဦးလုံးပျက်စီးကြရပုံ(ဖန္ဒနဇာတက)

(၂) အကြောက်ကြီးပြီး၊ စဉ်းစားဆင်ခြင်ဝေဖန်မှုမရှိသော ယုန်တစ်ကောင်စကားကြောင့် ဥသျှစ်သီးကြွေသည်ကို ကမ္ဘာပြိုသည်ထင်မှတ်ပြီး ပြေးကြသောကြောင့် တိရစ္ဆာန်များဒုက္ခတွေ့ကြရပုံ (ပထ၀ီဣန္ဒြိယဇာတက)

(၃) တစ်ဖက်သားကို အားနည်းတယ်ထင်ပြီး အထင်သေးအနိုင်ယူလိုပါက လွယ်ကူသည့်ကိစ္စမဟုတ်၍ အထင်မသေးသင့်ကြောင်းကို အားကြီးသော ဆင်ပြောင်ကြီးကို နှံစုတ်ငှက်မက အနိုင်ယူနိုင်ခဲ့သည့် သာဓကရှိပုံ။ (လဋုကိကဇာတက)

(၄)သစ်ပင်များတစုတဝေးတည်းတည်ရှိနေမှုကြောင့် လေဒဏ်မိုးဒဏ်ကိုမပြိုမလဲ ကြံ့ကြံ့ခံနိုင်ပုံ(ရုက္ခမူလဇာတက)

(၅)ငှက်များရဲ့အချင်းချင်းမညီညွတ်မှုကြောင့်၊ ငှက်မုဆိုးရဲ့ပိုက်ကွန်မှာ ငှက်များအမိခံ ကြရပုံ(၀ဋ္ဋကဇာတက)

(၆) မိမိစိတ်၊မိမိကိုယ်ကိုထိန်းသိမ်းနိုင်ပါကအရာရာအောင်မြင်နိုင်ပုံ(အတ္တဒဏ္ဍသုတ္တ) ဥပမာ (၆) ရပ်ပြပြီး တရားရေအေးတိုက်ကြွေးကာ စေ့စပ်ရေးတရားဟောကြားခဲ့သည်။ ထိုအခါထိုနှစ်ပြည်ထောင်သားများသည် သူတို့၏ အမှားများကို သိကာ ငြိမ်းချမ်း ရေးရခဲ့ကြသည်၊ ဤတွင်သာမက နှစ်ပြည်ထောင်မှ မင်းသား ၅၀၀ တို့သည် ဘုရားရှင်ရဲ့သာသနာတော်ကိုဝင်ပြီး ရဟန်းပြုကြသည်။ အဆိုပါရဟန်းများသည် သာသနာတော်မှာ မပျော်ပိုက်ကြသည့်အတွက် မြတ်ဗုဒ္ဓသည် ဟိမဝန္တာတော အတွင်းက အလွန် မွေ့လျော်ဖွယ်ကောင်းသည့် ကုဏ္ဍလာအိုင်သို့ ခေါ်ဆောင်ကာ ဂါထာသုံးရာတို့ဖြင့်တန်ဆာဆင်အပ်သော ကုဏ္ဍလငှက်မင်းဇာတ်ကြောင်းကို ဟောကြားတော်မူခဲ့ပါသည်။ ဇာတ်တော် ဆုံးသောအခါ ရဟန်း ၅၀၀-တို့ သောတာပတ္တိဖိုလ်၌ တည်တော်မူခဲ့ပါသည်။ မြတ်စွာဘုရားရှင်သည် ရဟန်းတော် ၅၀၀-နဲ့အတူ ကပိလဝတ် ပြည်အနီးရှိ မဟာဝုန်တောသို့ ကြွချီတော်မူခဲ့ပါသည်။

မဟာဝုန်တောတွင် မြတ်ဗုဒ္ဓသည် ထိုရဟန်းတို့အား ကမ္မဋ္ဌာန်းကို ပေးတော်မူရာ မကြာမီကာလအတွင်းမှာ အရဟတ္တဖိုလ်ကို ဆိုက်ရောက် တော်မူခဲ့ကြပါသည်။ ထိုရဟန်း၅၀၀တို့သည် မိမိ တို့ရရှိထားသော တရားထူးကို လျှောက်ထားရန်နှင့် ဘုရားရှင်ကို ဖူးမျှော်ရန်အတွက် နယုန်လပြည့်ညချမ်း မှာ မြတ်ဗုဒ္ဓ၏ အထံတော်သို့ စုရုံးရောက်ရှိ လာကြပါသည်။ ထိုနေ့ညချမ်းအချိန်လေးမှာပင် မြတ်ဗုဒ္ဓနှင့် ရဟန္တာ ၅၀၀ တို့ကို တွေ့မြင် ဖူးတွေ့ ကြည်ညိုလိုကြကုန်သော နတ်၊ဗြဟ္မာ၊ အသူရာ၊ ဂဠုန်၊ နဂါးတို့များသို့မဟာဝုန်တောကို စုရုံးရောက်ရှိလာကြပါတယ်။ ထိုကဲ့သို့ ပရိသတ်တွေစုဝေးသောအချိန်တွင် မြတ်စွာဘုရားရှင်ဟာ တရားနာရောက်ရှိလာသော နတ်၊ဗြဟ္မာတို့၏ အမည်၊အမျိုးအနွယ်၊တို့ကိုရဟန္တာငါးရာနှင့် နတ်ဗြဟ္မာများကို သိစေလိုသည့်အတွက် အမျိုးတူအလိုက်စုပေါင်းကာ- အမျိုးအနွယ်တစ်ခုချင်းစီကို ဖော်ထုတ်ပြီး နှုတ်ခွန်းဆက် စကားမိန့်ကြားတော်မူပြီးမှသာ မဟာသမယသုတ်တော်ကြီးကို ဟောကြားတော်မူခြင်းဖြစ်ပါသည်။

မဟာသမယ သုတ်ကို ဒေဝတာပီယ-နတ်တ်ို့ချစ်ခင် မေတ္တာဝင်သောသုတ်ဟူ၍လည်း ခေါ်ပညာရှင်တို့က ခေါ်ဝေါ်ကြသည်။ နတ်၏ ချစ်ခင်မှုကို လိုလားကြသော လပ်လာဘပေါများလိုသော ပုဂ္ဂိုလ်တို့သည် ဤမဟာသမယသုတ်ကို ရွတ်သင့်ပေသည်။ နတ်တို့သည် ဤသုတ်ကို အလွန်ကြားနာလိုကြသည်။ လူတိုင်းသည် ကိုယ့်နာမည်လေးကို လူတွေရှေ့မှာခေါ်ခြင်း၊ဖော်ပြခြင်းတို့ကို ကြိုက်နှစ်သက်ကြလေသည်။ ဘုရားရှင်သည် ရောက်လာကြသော နတ်ဗြဟ္မာအပေါင်းတို့အား

၁။ ရာဂစရိုက်-အားကြီးသူအတွက်—(သမ္မာပရိဗ္ဗာဇနိယသုတ်)

၂။ ဒေါသစရိုက်-အားကြီးသူအတွက်—(ကလဟဝိဝါဒသုတ်)

၃။ မောဟစရိုက်-အားကြီးသူအတွက်—(မဟာဗျူဟသုတ်)

၎။ ဝိတက်စရိုက်-အားကြီးသူအတွက်—(စူဠဗျူဟသုတ်)

၅။ သဒ္ဓါစရိုက်-အားကြီးသူအတွက်—(တုဝဋကသုတ်)

၆။ ပညာစရိုက်-အားကြီးသူအတွက်—(ပုရာဘေဒသုတ်) တရားတော်တို့ကို ဟောကြားတော်မူခဲ့ပါသည်။ တရားတော်မြတ်အဆုံးမှာတော့ နတ်၊ဗြဟ္မာပေါင်းများစွာ သောတာပတ္တိဖိုလ်၊ သကဒါဂါမိဖိုလ်၊ အနာဂါမိဖိုလ် အရဟတ္တဖိုလ်တို့သို့ အသီးသီးရောက်ရှိ ကြလေသည်။

အချုပ်အားဖြင့်သော်ကား နယုန်လပြည့်နေ့၏ ထူးမြတ်သော ဂုဏ်အင်များကို တွက်စစ်ရသော်

၁။ ရေလုပွဲဆင်နွှဲကြသော နှစ်ပြည်ထောင်သားတို့ငြင်းခုံခိုက်ရန်ဘေးမှ ကင်းဝေခြင်း။

၂။ ကပိလဝတ်နဲ့ ကောလိယ နှစ်ပြည်ထောင် စစ်ခင်းတော့မည့် ဘေးအန္တရာယ်မှာကင်းဝေးပြီး ငြိမ်းချမ်းရေးရ တဲ့နေ့ဖြစ်ခြင်း။

၃။ ရဟန်း ၅၀၀ လုံး ရဟန္တာဖြစ်တော်မူသောနေ့ဖြစ်ခြင်း။

၎။ နတ်၊ ဗြဟ္မာ၊ အသူရာ၊ ဂဠုန်၊ နဂါးများ ရဟန်းတော်များ ဤ-တစ်ကြိမ်တည်းသာ စုရုံးမိသောနေ့ ဖြစ်ခြင်း။

၅။ မဟာသမယကိုအကြောင်းပြု၍ ရန်ဘက်ဖြစ်သော ဂဠုန်နဲ့ နဂါး ခိုက်ရန်မဖက်၊ မေတ္တာသက်ဝင်သော နေ့ဖြစ်ခြင်း။

၆။ မဟာသမယ ဆိုင်ရာ သုတ္တန်ခုနှစ်မျိုးကို မြတ်ဗုဒ္ဓဟောကြားတော်မူသောနေ့ဖြစ်၍ ထူးခြားခြင်း။ စသည်ဖြင့် ၆ ချက် ပြည့်စုံနေသော ထူးမြတ်သောနေ့ဖြစ်ပါသည်။ ထို့အပြင် ယနေ့သည်ကား မြန်မာနိုင်ငံမှတစ်ပါး အခြားဗုဒ္ဓဘာသာတိုင်းပြည်များတွင် မြတ်ဗုဒ္ဓပွင့်တော်မူသောနေ့ဟု သတ်မှတ်ကာ အကြီးအကျယ်ပူဇော်သော နေ့ဖြစ်ပါသည်။ သို့ဖြစ်သဖြင့် ထူးမြတ်မှုအပေါင်းနှင့်ပြည့်စုံသော နယုန်လပြည့်နေ့တွင် အားလုံးသော ဓမ္မမိတ်ဆွေအားလုံးတို့သည် ရတနားသုံးပါးကို အာမိသပူဇာ (ဆွမ်း၊သင်္ကန်း စသည်ကို လှူခြင်း) ဓမ္မပူဇာ (၀ိပဿနာတရား ပွားများ အားထုတ်ခြင်းဖြင့် ပူဇော်ခြင်း) တို့ဖြင့် ပူဇော်နိုင်ကြကာ ငြိမ်းချမ်းရေးနေ့တွင် ငြိမ်းချမ်းမှုအပေါင်းဖြင့် ဘ၀ကို လျှောက်လှမ်းနိုင်ကြပါစေဟု ဆန္ဒပြုလျက် မိမိ၏ “နယုန်လပြည့် မဟာသမယအခါတော်နေ့” အကြောင်းကို နိဂုံးချုပ်လိုက်ရပေသည်။

ကျမ်းညွှန်း – ဒီဃနိကာယ် မဟာဝါပါဠိတော် စာမျက်နှာ ၂၀၂၊ ၎င်းအဋ္ဌကထာ စာမျက်နှာ ၂၆၄၊ ၎င်းဋီကာ ၂၃၁။ တွင် အကျယ်ရှုနိုင်ပါသည်။

အရှင်ဇ၀န

http://www.dhammaflavour.net/2010/05/blog-post_348.html မှ ကူးယူဖော်ပြသည်။

Posted in Holy Buddhist Days | Leave a Comment »

Read more...

ဗုဒ္ဓသီချင်းအယ်လ်ဘမ်ထွက်ပြီ

မေ ၂၈

ဗုဒ္ဓအရှင်ရဲ့ တရားဓမ္မတွေကို ရာဂျေးရှ ဒေဗားက ဂီတအယ်လ်ဘမ်အသွင် ပြန်ဆိုထုတ်ဝေလိုက်ပါပြီ။ အယ်လ်ဘမ်ရဲ့ တိုင်တယ်လ်က Buddha Hi Buddha Hai (बुद्ध ही बुद्ध है) လို့အမည်ပေးထားပြီး ဆာရေဂမ ဂီတ အမှတ် တံဆိပ်က ဖြန့်ချီခဲ့တာပါ။

ဗုဒ္ဓအရှင်ရဲ့ ဓမ္မကို မှတ်တမ်းပြုထားတဲ့ ဒီအယ်လ်ဘမ်အတွက် ဂီတစည်းဝါးသံစဉ်တွေ ရာဂျေးရှ် ဒေဗားက ရှာဖွေ ရေးစပ်ပြီး ဆိုနု နုဂမ်၊ အယ်လ်က ယာဂနစ်၊ ရှင်ကာ မဟာဒေ၀န်နဲ့ ဆူရေး ၀ါဒကာတို့က သီဆို ထားကြတာဖြစ်ပါတယ်။

ဂီတနဲ့ ပတ်သက်ပြီး ပုံစံတကျလေ့ကျင့်သင်ကြားမှုမရရှိခဲ့တဲ့ ဒေဗားဟာ ဗုဒ္ဓနဲ့ ဗုဒ္ဓဓမ္မဆိုင်ရာ စာအုပ်များ၊ ရှေးဟောင်းကျမ်းစာများကို ဖတ်ရှုလေ့လာခဲ့ပါတယ်။ သူက သီချင်းတွေ ရေးဖို့အတွက် တစ်ပတ်ကနေ ၅ လအထိ အချိန်ယူခဲ့ရတယ်လို့ ၀န်ခံခဲ့ပါတယ်။

သူ့စိတ်ထဲမှာ ဗုဒ္ဓအရှင်ရဲ့ တရားဓမ္မတွေ ဖြန့်ချီဖို့ အတွက် ဂီတဟာ စံပြမီဒီယာတစ်ခုလို့ ခံစားရပြီး ဗုဒ္ဓရဲ့ တရားတော်တွေဟာလည်း ဂီတလိုပဲ လူသားကမ္ဘာရဲ့ နယ်နိမိတ်အကန့်သတ်တွေကို ကျော်လွှားနိုင်တယ်လို့ ခံယူထားပါတယ်။ ဒေးဗားရဲ့ ဒီဂီတအယ်လ်ဘမ်မှာ ဂီတဖန်တီးမှုအမျိုးမျိုးနဲ့ စမ်းသပ်ဖွဲ့ဆိုထားသလို လျှပ်စစ်စီးဝါးရိုက်ချက်ကနေ ဂါထာရွတ်ဖတ်မှုအထိ ပေါင်းစပ်ပါဝင်ပြီး မဇ္ဈိမတေးသွားနဲ့ အနောက်တိုင်းဟန် သံစဉ်တွေကိုလည်း ရောသမထားပါသေးတယ်။

ဂီတအယ်လ်ဘမ်ဟာ စမ်းသပ်ရေးဖွဲ့ထားပေမယ့် သီချင်းတွေကို အားရကျေနပ်မှုရှိတယ်လို့ ဒေဗားက အခိုင်အမာပြောပါတယ်။ ဒီဂီတအယ်လ်ဘမ်မှာ ဗုဒ္ဓအရှင်ရဲ့ ထင်ရှားလှတဲ့ သွန်သင်ချက်တွေကို ထည့်သွင်းရေးစပ်ထားတာပါ။ “မီးကို မီးနဲ့ ငြိမ်းသတ်မရ” ”လောဘဟာ ကပ်ဆိုးတွေဆီ ဦးတည်တယ်” ”အကြောင်းတရားတိုင်းမှာ အကျိုးတရားရှိတယ်” “အကျိုးတရားတိုင်းမှာ အကြောင်းတရားရှိတယ်” စတဲ့ ဗုဒ္ဓအရှင်ရဲ့စကားတော်တွေကို ဒေးဗားက ဟိန္ဒီသံစဉ်ရိုးရိုးလေးတွေနဲ့ ယက်ဖောက်ထားတာပါ။ ဒီအယ်လ်ဘမ်မတိုင်မီကလည်း ဒေးဗားက တစ်ခန်းရပ်ပြဇာတ်လေးတွေကို ဖန်တီးထားခဲ့ပါသေးတယ်။ ခုအယ်လ်ဘမ်အပြီးသတ်နိုင်ဖို့ လေးနှစ်လောက်အချိန်ယူခဲ့ရတာပါ။

မူလစာမျက်နှာ

Read more...

ဇွန်လ (၁) ရက်နေ့ တရားအစီအစဉ်များ။

မြန်မာစံတော်ချိန် ၀၀း၀၀ နာရီမှ ၀၀း၀၀ နာရီအထိ...
ဓမ္မဒူတ အရှင် ဆေကိန္ဒ ဟောကြားတော်မူသော...
၁) ထကာရပ်လည်း ကပ်ပြန်ပြီ (၂)
၂) ထကာရပ်လည်း မကပ်ပြီ
၃) သူငယ်ချင်းတွေ ရှိပါတယ်
ရွှေပါရမီတောရ အရှင်ဆန္ဒာဓိက ဟောကြားတော်မူသော...
၁) ဝေးလေကောင်းလေ
၂) အဝေးမှာ မနေပါနဲ့
၃) အနေဝေးပေမဲ့ အဝေးနေ မဟုတ်ပါ
၎) ဝေးကွာတိုင်း ကွာဝေးရမှာလား
၅) ဘယ်လောက်ဝေးဝေး နီးနီးလေး
၆) ဝေးမယ့် စကားမပြောပါနဲ့
ရ) သောကဘဏ်တိုက်
၈) မချစ်တက် မမုန်းတက်တဲ့သူ စသည့်
တရားတော်များကို ထုတ်လွှင့်မည်ဖြစ်ပါကြောင်း။

Posted by shwemanthu at 10:48 AM

Read more...

ခြေလှမ်းများ

တချို့က

သူတော်ကောင်းစိတ်မွေးမြူဖို့

ရှေ့သို့ ခြေတလှမ်းတိုးလိုက်တယ်

တချို့က

လူယုတ်မာဖြစ်ဖို့

ရှေ့တလှမ်း တိုးလိုက်တယ်။

တချို့က

ပရဟိတအတွက်

ရှေ့တဆင့် ခြေလှမ်းထက်တိုးလိုက်တယ်

တချို့က

ငါ့အတွက်နဲ့

ခြေတလှမ်း ဆက်တိုးပြန်တယ်

တချို့က

မှတ်တမ်းကျန်ရစ်ဖို့

ဆက်လှမ်းနေကြတယ်

တချို့က

မှတ်တမ်းဖျောက်ဖျက်ဖို့

ဖြတ်လှမ်းနေကြတယ်

နံပါတ်မပါတဲ့

စာမျက်နှာတွေနဲ့

ဆက်လှမ်းနေကြတာပဲ

စာမျက်နှာနံပါတ်တပ်ဖို့

နောက်လူတွေ

လိုက်ဖတ်ပြီး စာမျက်နှာတပ်ပါလိမ့်မယ်။

မသေချာမှုနဲ့

ဘယ်လောက်ပဲ စာမျက်နှာတပ်ခဲ့ပေါ့

မရေရာခြင်းတွေဟာ

မှတ်တမ်းစာမျက်နှာမှ မဟုတ်တာလေ။

Posted by မောင်စိတ်ကောင်း at 10:20 AM 0 comments

Read more...

ခံသင့်သလောက်ပဲ ခံမည်

Friday, 28 May 2010 17:26 | Written by Administrator | PDF | | Print | | E-mail

နားလည်မှု မှားယွင်းလို့ ကျင့်စဉ်လွဲချော်နေတဲ့ ပါဠိစကားလုံး (၂)ခု ရှိပါတယ်။ အဲဒါတွေက “သန္တုဋ္ဌီ နဲ့ ခန္တီ “ပါ။ ခန္တီ=ကို သည်းခံခြင်းလို့ ရိုးရိုး လွယ်လွယ် မြန်မာပြန်ဆိုလို့ ရပေမယ့် ဘယ်လိုသည်းခံရတယ်၊ ဘယ်လောက်ထိ သည်းခံရမယ်ဆိုတာ လေ့လာမထားရင် ရှင်းပြဖို့ အတော် ခက်ခဲပါတယ်။

ခန္တီ-ဆိုတာက သူရဲ့ပင်ရင်း သဘောက စိတ်နှလုံးခိုင်ခံ့တဲ့ သွင်ပြင် လက္ခဏာရှိပြီး အကြောင်းအားလျှော်စွာ တွေ့ကြုံလာတတ်တဲ့ ကောင်းဆိုး နှစ်တန် လောကဓံ တရားတွေကို တည်တည်ငြိမ်ငြိမ် ဣနြေ္ဒရရ မဖောက်မပြန် အမှန်အတိုင်း လက်ခံနိုင်တဲ့ အစွမ်းသတ္တိ ရှိပါတယ်။ ပါရမီမြောက်တဲ့ ခန္တီ ဟာ (ဘ၀နဲ့ လောက အကြောင်းကို နောကျေအောင် သိထား တာမို့ သဘောထား ကြီးမြတ် နားလည် ခွင့်လွှတ် တတ်တဲ့) သူတော်ကောင်းတို့ရဲ့ ရင်ခွင်တွင်း ကသာ သက်ဆင်း လာရိုးရှိပြီး၊ သူရဲ့ ပုံစံ အချင်း အရာဟာ သူတစ်ပါးတွေက မဟုတ် မမှန် လုပ်ကြံ စွပ်စွဲပြီး လွန်လွန် ကြူးကြူး အပြစ်ဖို့စော်ကား လာရင်တောင်မှ အကြမ်းမဖက် အမျက် မာန်မပါ နူးညံ့ ချိုသာ မှန်ကန် စွာနဲ့ သည်းခံဖြေရှင်း တတ်ပါတယ်။

အနိုင်အထက်ပြုမူနဲ့ တွေ့ကြုံရတဲ့အခါ “ငုံခံခဲ့” တာဟာ မကောင်းလှသလို “လက်တုံ့ပြန်” တာဟာလည်း မှားယွင်းပါတယ်။ အဓမ္မတစ်ခုဟာ ငုံ့ခံ လိုက်ရုံနဲ့ ပပျောက်သွားမှာ မဟုတ်သလို၊ လက်တုံ့ပြန် လိုက်တာနဲ့လည်း ပြေလည်သွားမှာ မဟုတ်ပါဘူး။ ငုံခံတာဟာ အစွန်းတစ်ခု ဖြစ်သလို၊ လက်တုံ့ပြန်တာဟာလည်း အစွန်းတစ်ခုပဲ ဖြစ်ပါတယ်။ အဲဒီလို အစွန်းနှစ်ဖက် မထွက်စေဘဲ မဇ္ဈိမပဋိပဒါဆိုတဲ့ အလယ်အလတ် လမ်းစဉ်အတိုင်း အကြမ်း မဖက်တဲ့ နည်းနဲ့ ငြိမ်းချမ်းစွာ ဖြေရှင်းခြင်းကိုပဲ ခန္တီ-သည်းခံခြင်းလို့ ခေါ်တာပါ။

သည်းခံခြင်းဆိုတာ တစ်ဖက်သားကို အနိုင်ရဖို့ အားထုတ်တာ မဟုတ်သလို အရှုံးပေး အညံ့ခံတာလည်း မဟုတ်ပါဘူး။ အနိုင်- အရှုံးမဖက် သရေ သဘောထား သက်သက်ပဲ ဖြစ်ပါတယ်။ သည်းခံ ခြင်းမှာ လွတ်လပ်ပွင်းလင်းတဲ့စိတ်ထား၊ ယဉ်ကျေးပျူငှာတဲ့ နှလုံးသား ၊ ချစ်ကြည်နွေးထွေးနဲ့ ကမ်းလှမ်းမှု များနဲ့အတူ စာနာနားလည်မှုများလည်း ဖွဲ့စည်းပါဝင် နေပါတယ်။ သည်းခံခြင်းဟာ ကောင်းမြတ်တဲ့ အလားအလာတွေနဲ့ တောက်ပနေတဲ့ ကျယ်ဝန်းတဲ့ မိုးကုတ်ဝိုင်းကြီးတစ်ခု ဖြစ်ပါတယ်။

သည်းခံခြင်းမှာ လှပတဲ့ မျက်နှာစာတွေ အများကြီး ရှိပါတယ်။ သည်းခံတတ်သူဟာ လူများစုရဲ့ ချစ်ခင် နှစ်သစ်မှုကို ခံယူရတယ်။ ဘေးရန် မရှိဘူး၊ အမှားအယွင်း နည်းတယ်။ မတွေ မဝေ သေရတယ်။ သေပြီးနောက် ကောင်းတဲ့ဘ၀ ရောက်ရတယ်လို့ ဗုဒ္ဓမြတ်စွာက ဟောတော် မူခဲ့တာပါ။ တကယ်တော့ သည်းခံခြင်းဆိုတာ သဘောကြီးမြတ်ခြင်းရဲ့ သင်္ကေတ၊ အနစ်နာခံနိုင် မှုရဲ့ စံနမူနာ၊ ခွင့်လွှတ်နိုင်မှုရဲ့ သက်သေ သာဓကတွေပဲ ဖြစ်ပါတယ်။

အခု သည်းခံခြင်း= ခန္တီနဲ့ ပတ်သက်တဲ့ ပုံပြင်ကလေးတစ်ပုဒ်ကို ပြောပြချင်ပါတယ်။ ဒီ ဓမ္မပုံပြင် ကလေးဟာ ငယ်ငယ်တုန်းက စာချ ဆရာတော် တစ်ပါး ပြောပြခဲ့တာပါ။

ခံသင့်သလောက်ပဲ ခံမည်

တစ်ခါတုန်းက ဟိမ၀န္တာတောအုပ်ကြီးထဲမှာ တရားကျင့်နေတဲ့ ရသေ့ကြီးတစ်ပါး ရှိခဲ့ ဖူးတယ်။ အဲဒီရသေ့ကြီးဟာ “လောကမှာရှိတဲ့ အကျင့် တွေထဲမှာ သည်းခံခြင်း ခန္တီဟာ အမြတ်ဆုံးပဲ”လို့ အယူရှိပြီး၊ သည်းခံခြင်းကို အဓိကထားကာ တရားကျင့်လေ့ရှိတာမို့ “ခန္တီဝါဒီ ရသေ့ကြီး”လို့လည်း အများက ခေါ်ကြသတဲ့။

တစ်နေ့တော့ ဗာရာဏသီပြည်ကို လာရင်း ဗြဟ္မဒတ်မင်းကြီးရဲ့ ဥယျာဉ်ထဲမှာပဲ ခေတ္တခဏ သီတင်းသုံးနေတယ်။ ညနေတိုင်းမှာ ဗာရာဏသီပြည်သူ၊ ပြည်သားတွေဟာ ပန်းနံ့သာတွေကို လက်ဆွဲပြီး ရသေ့ကြီးထံမှာ တရားနာ လာတတ်ကြသလို နေ့လယ်ဘက်မှာလည်း နွားကျောင်းသား တစ်ယောက်နဲ့ မြွေဟောက်ကြီး တစ်ကောင်ဟာ မကြာမကြာ တရားနာလာတတ်သတဲ့။

အဲဒီလိုနဲ့ တစ်ချိန်မှာ ရသေ့ကြီးက နွားကျောင်းသားနဲ့ မြွေဟောက်ကြီးကို ဒေါသမကြီးဖို့၊ ဒေါသဖြစ်ခဲံလို့ ရှိရင်လည်း သတ္တ၀ါတွေကို မညှင်းဆဲ မနှိပ်စက်ဖို့ ဆုံးမရင်း လောကမှာရှိတဲ့ အကျင့်တွေထဲမှာ သည်းခံခြင်း= ခန္တီဟာ အမြတ်ဆုံး အကျင့်ဖြစ်ကြောင်း၊ သည်းခံခြင်း=ခန္တီ အကျင့်ဆိုတာ သူတစ်ပါးတွေက ကြမ်းကြမ်း တမ်းတမ်း ဆဲဆိုလာရင် “ကိုယ်ထိလက်ရောက် မရိုက်နှက် မပုတ်ခတ်တာ တော်သေးရဲ့”ဆိုပြီး၊ တကယ်လို့ ကိုယ်ထိ လက်ရောက် ရိုက်နှက် ပုတ်ခတ် လာခဲ့ရင်လည်း “ သေအောင် မသတ်ဖြတ်တာ တော်သေးရဲ့” ဆိုပြီး၊ ဒီထက်မက သေအောင် သတ်ဖြတ် လာရင်တောင်မှ “ဪ-တချို့သူတွေဟာ ကိုယ်ဟာကိုယ် သတ်သေဖို့ ကိုယ်တိုင် အားထုတ်ကြရတယ်၊ ငါ့မှာတော့ ဒီလို ကြောင့်ကြရတာမျိုး မရှိဘူး”ဆိုပြီး ၊ ကောင်းတဲ့ ဘက်လှည့်တွေးကာ သည်းခံခွင့်လွှတ်တတ်ရမှာ ဖြစ်ကြောင်းကို ဟောကြား သင်ပြ ပေးလိုက်ပါတယ်။

နွားကျောင်းသားနဲ့ မြွေဟောက်ကြီးတို့ကလည်း ရသေ့ကြီး သင်ပေးလိုက်တဲ့ ခန္တီဝါဒကို လိုက်နာ ကျင့်ကြံပါမယ်ဆိုတဲ့ ၀န်ခံချက်နဲ့ ရသေ့ကြီးကို ရိုသေစွာ ရှိခိုးပြီး ကိုယ့်နေရာ ကိုယ်ပြန် သွားကြတယ်။ နွားကျောင်းသားက ကိုယ့်နေရာ ရောက်တဲ့အခါ “ယနေ့ကစပြီး ခန္တီဝါဒ ကို ကျင့်သုံးမယ်၊ ဒါပေမယ့် လူမသိမှာ စိုးရတယ်။ အကုန်လုံး သိအောင် အိမ်ရှေ့မှာ စာရေးကပ် ထားမယ် “ ဆိုပြီး “ကျွန်ုပ်သည်းခံသည်”လို့ စာရေးပြီး ကပ်ထားသတဲ့။

ဒီလိုနဲ့ ရွာလည်လျှောက်ပြီး သောင်းကျန်းနေတဲ့ လူငယ်တွေဟာ နွားကျောင်းသားရဲ့ အိမ်ရှေ့က ကပ်ထားတဲ့ စာကိုဖတ်ရတော့ တကယ်တမ်း သည်းခံသလား ဆိုတာ စမ်းသပ်ကြမယ်ဆိုပြီး၊ နွားကျောင်းသားကို တချို့က ခဲနဲ့ပေါက်ကြ၊ တချို့က တုတ်တွေနဲ့ ရိုက်ကြတယ်။ နွားကျောင်းသား ကတော့ ဆရာရသေ့ရဲ့ အဆုံးအမကို အသက်နဲ့လဲပြီး ကာကွယ်မယ်ဆို ကာ အင်မတန် သည်းခံပါတယ်။ ဒါကြောင့်ပဲ လူငယ်တွေက စိတ်တိုင်းကျ အားရအောင် ရိုက်နှက် ပုတ်ခတ်ပြီး ပြန်သွား ကြတဲ့အခါ နွားကျောင်းသားဟာ ဒဏ်ရာတွေ ဗရပွနဲ့ ခွေခွေ လေး လဲကျကျန်ခဲ့တယ်။

ဒီလိုပဲ မြွေဟောက်ကြီးကလည်း “ယနေ့ကစပြီး ခန္တီဝါဒကို ကျင့်သုံးမယ်” ဆိုပြီး သူနေရာ သစ်ပင် ခြေရင်းမှာ ခွေခွေလေး အိပ်နေသတဲ့၊ အဲဒီအချိန်မှာ နွားကျောင်းသား တချို့ရောက် လာပြီး မြွေဟောက်ကြီးကို အဝေးကနေကာ တုတ်တွေ၊ ခဲတွေနဲ့ ပစ်ခတ်တို့ထိ စကြတယ်။ ခါတိုင်းဆိုလို့ ရှိရင်တော့ မြွေဟောက်ကြီးဟာ သူကို ထိဖို့ မဆိုထားနဲ့ အနားကပ်လာတာနဲ့ ပါးပျဉ်းကြီးထောင်ပြီး တရှုးရှုးမှုတ်ကာ ပြေးလိုက်တော့တာပဲ။ အဲဒီအခါ နွားကျောင်းသားတွေ လည်း သေပြေး ရှင်ပြေး ပြေးကြတော့တာပါပဲ။ ဒါပေမယ့် ဒီကနေ့တော့ ဆရာရှင် ရသေ့ရဲ့ အဆုံး အမကို လိုက်နာမယ်ဆိုတဲ့ စိတ်ကူးနဲ့ မြွေဟောက်ကြီးဟာ ငြိမ်ကုပ်ပြီး နေတယ်။

မြွေဟောက်ကြီးက ဘာမျှ မတုံ့ပြန်မှန်းသိလေ နွားကျောင်းသားတွေဟာ ကဲလေပါပဲ။ တချို့က ခဲတွေနဲ့ ပစ်လို့အားမရတော့ စူးချွန်တွေနဲ့ ထိုးကြတယ်၊ တချို့ ရိုက်နှက်ရတာ အားမရ လို့ အမြီးကိုဆွဲပြီး လေထဲမှာ ဝှေ့ရမ်းကြတယ်၊ ပြီးတော့ သစ်ပင်နဲ့ ရိုက်ပြီး ပစ်ထားကြတယ်။ နွား ကျောင်းသားတွေ ပြန်သွားမှ မသေရုံတစ်မည် ကျန်ခဲ့တဲ့ မြွေဟောက်ကြီးဟာ သူ့နေရာသစ်ပင် ရင်းကို မနည်းရောက်အောင် ပြန်ခဲ့ရသတဲ့။

ဒီလိုနဲ့ ၂ ၇က် ၃ ရက်လောက် ကြာတဲ့အခါ ခန္တီဝါဒီ ရသေ့ကြီးဟာ သူ့တပည့် နွားကျောင်း သားနဲ့ မြွေဟောက်ကြီတို့ “ဘာကြောင့်များ သူ့ဆီကို မလာကြပါလိမ့်၊ နေထိုင် မကောင်း ဖြစ်နေကြသလား”ဆိုပြီး သူတို့နဲ့ တွေ့ရအောင် ထွက်လာခဲ့တယ်။ ပထမဆုံး နွားကျောင်းသားထံ ရောက်တဲ့အခါ ပတ်တီးအဖွေးသားနဲ့ သူ့တပည့်ကို မြင်လိုက်ရတော့ ရသေ့ကြီးက “ဘယ့်နှယ့်ဖြစ်တာတုံး”လို့ တအံ့တသြမေးမြန်းပါတယ်။ ဖြစ်ပျက်ပုံ အလုံးစုံကို နွားကျောင်းသားက ပြောပြတဲ့အခါ၊ ရသေ့ကြီးက “ဖြစ် -ဖြစ်ရလေ ငါ့တပည့်ရယ်၊ သည်းခံတယ်ဆိုတာ အဲဒီလို အဓိပ္ပာယ်မဲ့ ပေါက်ကရလေးဆယ်ကို ငုံ့ခံရမယ်လို့ ပြောတာ မဟုတ်ဘူးကွယ်၊ ကိုယ့်ရည်မှန်းချက်၊ ကိုယ့်ကျင့်စဉ်ကို ထိပါးပုတ်ခတ် စော်ကားလာတဲ့အခါ ကိုယ့်လမ်းကြောင်း ပျောက် မသွားအောင် တစ်ဖက်သားကို အမျက်ဒေါသနဲ့ လက်တုံ့မပြန်နဲ့လို့ ဆိုလိုတာပါ။ ကဲ-ကဲ- ငါပြုပြင်ပေးခဲ့ပါ့မယ်” ဆိုပြီး နွားကျောင်းသား အိမ်ရှေ့မှာ ကပ်ထားတဲ့ စာကို “ကျွန်ုပ်သည်းခံသည်၊ သို့သော် ခံသင့်သလောက်ပဲခံမည်”လို့ ဆက်ရေးထားခဲ့သတဲ့။

ရသေ့ကြီးဟာ အဲဒီကနေဆက်ပြီး မြွေဟောက်ကြီးဆီကို ရောက်သွားတယ်၊ မြွေဟောကြီး လည်း ဒဏ်ရာ အနာတရတွေနဲ့ မချိမဆံ့ ခံစားနေရတာကို တွေ့တဲ့အခါ “တပည့်ရယ်၊ သည်းခံတယ် ဆိုပေမယ့် အစွန်း ရောက်အောင် မကျင့်ရဘူးကွယ်”လို့ ဆုံးမသတဲ့။ အဲဒီအခါ မြွေ ဟောက်ကြီးက “အရင်တုန်းက မင်းကို တုတ်တွေ၊ ခဲတွေ ပစ်ကြတဲ့အခါ တပည့်ဘယ်လို လုပ်သလဲ” ဆိုတော့ မြွေဟောက်ကြီးက “အဲဒီတုန်းကတော့ တစ်ခါတည်း ပါးပျဉ်းထောင်ပြီး တရှုးရှုးမှုတ်ကာ လိုက်ပေါက် သတ်ပစ်လိုက်တာပဲ”လို့ ဖြေတယ်။

အဲဒီအခါ ရသေ့ကြီးက “ အခုလို ငုံခံတာဟာ မကောင်းသလို အရင်တုန်းကလို ဒေါသနဲ့ လိုက်ကိုက် တာလလည်း မကောင်းဘူး၊ သည်းခံတယ် ဆိုတာ အဲဒီအစွန်း နှစ်ဖက်ကြားထဲမှာ ကိုယ့်အကျိုးစီးပွား၊ သူ့အကျိုးစီးပွား မထိခိုက်အောင် လိမ်လိမ် မာမာ နေတတ်တာကို ခေါ်တာပဲ။ ဥပမာ ဆိုပါတော့ နွားကျောင်းသားတွေ နောက်တစ်ခါ လာပြီးတော့ တပည့်ကို တုတ်တွေ ၊ခဲတွေနဲ့ ပစ်ပေါက်ကြရင် အခုလိုလည်း ငုံ့မခံဘဲ၊ အရင်တုန်းက လိုလည်း ဒေါသနဲ့ လိုက်မကိုက်ဘဲ သူတို့အဝေးကို ထွက်ပြေးရုံလောက် ဟန်ဆောင်ပန်ဆောင် ပါးပျဉ်းထောင်ပြီး ရှုးခနဲ၊ ရှဲခနဲ မှုတ်ထုတ်ပြလိုက်ရင် တပည့်လို မြွေဟောက် တစ်ကောင်အတွက် သည်းခံခြင်း ခန္တီ ဆိုတာ ပြည့်စုံပါပြီကွ”လို့ စိတ်ရှည် လက်ရှည် ဆုံးမသတဲ့။

ရသေ့ကြီး ပြန်သွားပြီးတဲ့ နောက်တစ်နေ့မှာ ရွာလယ်က လူငယ်တွေဟာ လူငယ် နွားကျောင်းသားကြီးရဲ့ အိမ်ကိုနောက်တစ်ခေါက် ရောက်လာ ကြပြန်ပါတယ်။ ဒါပေမယ့် ရသေ့ကြီး ပြင်ဆင်ရေးသားထားခဲ့တဲ့ အိမ်ရှေ့က စာတန်းကိုဖတ်ပြီး ပုခုံးနှစ်ဖက်ကိုတွန့်ကာ သူတို့အားလုံး အသာ တကြည်ပဲ ပြန်သွားခဲ့ကြပါတယ်။ အဲဒီလိုပဲ မြွေဟောက်ကြီးကို နှိပ်စက် မယ်ဆိုပြီး လာကြတဲ့ နွားကျောင်းသားတွေကလည်း မြွေဟောက်ကြီးက ပါးပျဉ်းထောင်ကာ တရှုးရှုးမှုတ်ပြီး လိုက်တာကြောင့် ထွက်ပြေး သွားကြပြီး နောက်ထပ်လည်း မစရဲတော့ပါဘူး။

အဲဒီနေ့ကစပြီးတော့ နွားကျောင်းသားနဲ့ မြွေဟောက်ကြီးတို့ဟာ ခန္တီဝါဒီရသေ့ကြီးရဲ့ အဆုံး အမအောက်မှာပဲ ငြိမ်းငြိမ်းချမ်းချမ်း တရားကျင့်သုံး သွားနိုင်ကြပါတော့တယ်။

ဒီပုံပြင်ကလေးဟာ သည်းခံမှု အနုပညာနဲ့ နက်ရှိုင်းသိမ့်လှပပုံ တစ်စိတ်တစ်ဒေသကို ထုတ် ဖော်ပြသပေးတာ ဖြစ်သလို ခန္တီပါရမီ အပေါ်မှာ အုပ်မိုးနေတဲ့ မသိနား မလည်မှုဆိုတဲ့ မြူတိမ် ၊ မီးခိုးတွေကိုလည်း အထိုက် အလျောက် မှုတ်လွှင့်ပေးတာလည်း ဖြစ်ပါတယ်။ ကမ္ဘာလုံးဆိုင်ရာ ရန်ငြိုး အာဃာတ- အကြမ်းဖက်မှုတွေနဲ့ ပြည့်နှက်နေတဲ့ ယနေ့ခေတ်လို ကာလမျိုးမှာ သည်းခံ ခြင်း= ခန္တီတရားဟာ တိမ်ညို တိမ်မည်းတွေကြားက ဘွားခနဲ ပေါ်လာတဲ့ လပြည့်ဝန်းကြီးလို အင်မတန် ချစ်ခင်အားကိုး ကြည်ညိုကျေနပ်စရာ ကောင်းပါတယ်။

ခန္တီဝါဒဟာ တစ်ဦးချင်းကစပြီး တစ်ကမ္ဘာလုံး အထိ မေတ္တာတရားနဲ့ ဖြန့်ကြက်လွှမ်းခြုံ ပေးပြီး အပြစ်ကင်း ကောင်းကျိုးရတဲ့ ကိစ္စတွေကို ကမ္ဘာနဲ့ အ၀န်း ဖြစ်ထွန်း ပေါ်ပေါက်စေ ပါတယ်။ ခန္တီဝါဒ၊ မထွန်းကားသေးသမျှ ကမ္ဘာဟာ စစ်မှန်တဲ့ ငြိမ်းချမ်းရေးကို လုံးဝရနိုင်စရာ မရှိပါဘူး။ တကယ်တော့ သည်းခံခြင်းဆိုတာ အာဃာတနဲ့ မုန်းတီးမှုတွေကို ကာကွယ်ဖို့၊ သဘော ကွဲလွဲမှုရဲ့ အောက်ခြေမှာ အချင်းချင်း ယုံကြည်လေးစားမှုကို အခြေခံပြီး မေတ္တာကမ္ဘာ ကို တည်ဆောက်ခြင်းဖြစ်ပါတယ်။

သည်းခံခြင်းဟာ လူ့ဘ၀ကို နေခြည်နုလို နွေးထွေးပြီး ယုံကြည်ရဲရင့်စေပါတယ်။ လေခြနုလို အေးချမ်းပြီး ကြည်ရွှင် လန်းဆန်း စေပါတယ်။ ဒါကြောင့်မို့ ပုံပြင်ထဲကလို ငုံ့မခံနိုင်ရင်တောင်မှ “ခံသင့်သလောက်တော့ ခံကြစေ”ချင်ပါတယ် ။ ဘ၀မှာ အမျက်ဒေါသကြောင့် ဖြစ်ပေါ်လာ နိုင်တဲ့ ဆုံးရှုံးမှုတွေနဲ့ သည်းခံခွင့်လွှတ်နိုင်မှုကြောင့် ရလာနိုင်မယ့် အောင်ပွဲတွေကို အသေ အချာ လေ့လာသုံးသပ်မိရင် လူသားတိုင်း “ခန္တီဝါဒီ”တွေ ဖြစ်လာကြမှာပါ။

တော်ဝင်နွယ်

Read more...

“အလျှောက်ကောင်းတော့ အထောင်းသက်သာ”

မိမိသည် မန္တလေးမြို့နိုင်ငံတော်ပရိယတ္တိသာသနတက္ကသိုလ်၌ နေစဉ်က ကြားခဲ့ရသော တကယ့်ဖြစ်ရပ် ကလေး ပါပေတည်း။ သာသနတက္ကသိုလ်၏ စည်းမျဉ်းအရ စာသင်သားများသည် တစ်ပတ်လျှင် ခြောက်ရက်စာဝါတက်ရ သည်။ အနည်းဆုံး တစ်နေ့ကို စါဝါ ငါးကြိမ် သို့မဟုတ်ခြောက်ကြိမ်တက်ရသည်။ လဆန်းရှစ်ရက် လဆုတ်ရှစ်ရက်ဆိုလျှင် အဖိတ် ဥပုသ်ဟူ၍ ကျောင်းနှစ်ရက်ပိတ်သည်။ လဆန်း၁၅ရက် လဆုတ်၁၅ရက် သို့မဟုတ် လဆုတ်၁၄ရက်ဆိုလျှင် ဥပုသ်နေ့တစ်ရက်သာ ကျောင်းပိတ်သည်။ သို့သော် နေ့စဉ် ညနေခင်းတိုင်း မဖြစ်မနေ ဘုရားရှိခိုးကြရလေသည်။ ကိစ္စကြီးငယ်ရှိလျှင်ကား အစောင့်ကျသော ဆရာတော်များထံ ခွင့်တိုင်ကာ ပျက်ကွက်ခွင့်ရှိပေသည်။ အချို့စာသင်သားများသည်ကား ဘုရားဝတ်တက်မပျက်၊ စာဝါမပျက် အလွန်လျှင် ၀ိရီယကောင်းကြပေသည်။ လူငယ်တို့၏ ဘာသာဘာဝအရ အချို့လည်း တခါတလေ ပျင်းပျင်းရှိသောအခါ
“တပည့်တော်ခေါင်းမူးနေပါသဖြင့် ဘုရားဝတ်တက်ပျက်ခွင့် ပြုပါရန် ရိုသေစွာ လျှောက်ထားအပ်ပါသည်ဘုရား။” ဟုခွင့်တိုင်ကြလေသည်။ အချို့စာသင်သားများကလည်း
“တပည့်တော်ဗိုက်အောက်နေပါသဖြင့် ဆေးခန်းသို့ သွားခွင့်ပြုပါရန် လျှောက်ထားအပ်ပါသည်ဘုရား။”ဟု စသည်ဖြင့် မမြင်ရသော ဝေဒနာများကို တင်ပြကာ ဘုရားဝတ်တက်ပျက်ကွက်ခွင့်ကို တောင်းခံလျှောက်ထားကြ လေသည်။ ထိုအထဲ ကိုယ်တော်လေးတစ်ပါးသည် ခေါင်းကိုက်သောကြောင့်ငှင်း ဗိုက်အောက်သောကြောင့်ငှင်း ခွင့်တိုင်လာသည်မှာ များလှပေသည်။ နောက်ဆုံး ဆရာတော်က
“မောင်ပဇင်း မင်းခွင့်တိုင်တာတွေက များလှပြီနော်၊ ကြည့်လဲလုပ်အုံး။”ဟု သတိပေးပင်ခံနေရသည်။ ထို့သို့ သတိပေးခံရသဖြင့် ထိုကိုယ်တော်လေးသည် ဘုရားဝတ်တက်ပျက်ကွက်ခွင့်ကိုပင် မတိုင်ရဲတော့ပေ။ တစ်နေ့ သော ညနေခင်း ဘုရားဝတ်တက်ကြေးစည်းလဲခေါက်နေပြီ၊ သံဃာတော်များသည်လည်း ဘုရားဝတ်တက်ရာ ဓမ္မာရုံဆီသို့ ကြွသွားကြသည်။ မကြာလိုက်ပါ ဓမ္မာရုံကြီးအတွင်းမှာတော့ သံဃာတော်တွေ၏ ဘုရားဝတ်တက် သံများပေါ်ထွက်လာခဲ့ပေသည်။ သို့သော် ခွင့်တိုင်များသော ကိုယ်တော်လေးသည်ကား ဘုရားဝတ်တက်ရမှာ ပျင်းသည့်အတွက် အပြင်ခိုးထွက်မည်ဆိုသောရည်ရွယ်ချက်ဖြင့် တက္ကသိုလ်ဂိတ်ပေါက်ဆီသို့ ချဉ်းကပ်လာ ခဲ့ပေသည်။ ထိုကိုယ်တော်လေးသည် ကံဆိုးချင်တော့ ဘုရားဝတ်တက်ပျက်သော ကိုယ်တော်များကို လို်က်ဖမ်း နေသော နာယကချုပ် ဆရာတော်နှင့် ထိပ်တိုက်သွားတွေ့လေသည်။ ထိုအခါ နာယကချုပ်ဆရာတော်က
“ဒီကိုယ်တော် လာခဲ့။ ဘုရားရှိခိုးမလိုက်ဘဲနဲ့ အပြင်လစ်ထွက်မလို့ မဟုတ်လား၊”ဟုမေးသောအခါ ကိုယ်တော် လေးက
“မဟုတ်ပါဘူးဘုရား၊ တပည့်တော် ဆရာတော်ကို လိုက်ရှာနေတာဘုရား၊ တပည့်တော်ဖိနပ်မရှိလို့ ဖိနပ်အလှူခံ ချင်လို့ပါဘုရား။”ဟု လျှောက်ထားလိုက်လေသည်။ ထိုအခါ ဆရာတော်သည် ထိုက်ိုယ်တော်လေးကို အရေးယူရန် နေနေသာသာ အဆောင်သို့ ခေါ်သွားကာ ဖိနပ်ကိုပင် စွန့်ကြဲလိုက်ရလေသည်။
“အော် တင်္ခဏုပ္ပတ္တိဥာဏ် တော်တော်ကောင်းသော ကိုယ်တော်လေးဖြစ်ပေသည်။”ဟု မိမိသည်ပင် ချီးကျူးနေ မိတော့သည်။
တစ်ခါတွင်ကား ကိုယ်တော်လေးနှစ်ပါးသည်။ ဘုရားဝတ်တက် မလိုက်လိုသဖြင့် အပြင်ထွက်ရန် တက္ကသိုလ် တံခါးပေါက်ကြီးဆီသို့ တိတ်တဆိတ်ချဉ်းကပ်လာလေသည်။ ထိုအခြင်းအရာကို မြင်သော နာယက ချုပ် ဆရာ တော်သည် နောက်မှ ခပ်သုတ်သုတ်လိုက်လာကာ
“ဟေ့ မောင်ပဇင်းတွေ ဘုရားရှိခိုးမလိုက်ဘဲ ဘယ်သွားကြမလို့လဲ။”ဟု မေးလေသည်။ ဤတွင် ကိုယ်တော်လေး နှစ်ပါးက သံပြိုင်
“တပည့်တော်တို့က တက္ကသိုလ်ကမဟုတ်ဘူးဘုရား၊ အာဂန္တုကိုယ်တော်တွေပါဘုရား၊”ဟု လျှောက်ထားလိုက်ရာ ဆရာတော်က
“အောင်မာ မင်းတို့နှစ်ကောင်များ မသိဘူးများမှတ်နေသလား၊ မင်းဘွဲ့အမည်က သာသန(ဘဗ္ဗု)၊ မင်းက ၀ိစာရ(ဒိန်းဒေါင်)ဟု နာမည်ပြောင်များကိုပါ တခါတည်း ထည့်ပြောလိုက်ရာ ကိုယ်တော်လေးနှစ်ပါးသည် မည့် သည့်စကားမျှမပြောနိုင်ရှာတော့ပေ။ ဆရာတော်၏ အပြစ်ပေးခြင်းကို ခံလိုက်ရလေတော့သတည်း။
Posted by AShin Javana at 8:51 AM

Read more...

မေတ္တာဝိဟာရီ ( သို့ ) တောင်တန်းသာသနာပြုဆရာတော်

ငယ်စဉ်ဘ၀ စခဲ့ရ

ဆရာတော်လောင်းလျာကို ၁၂၇၂ ခု၊ ပြာသို လပြည့်ကျော် ၁ ရက်၊ (၁၅ ဇန်န၀ါရီ ၁၉၁၁)တနင်္ဂနွေနေ့တွင် စစ်ကိုင်းတိုင်း ဒီပဲယင်းမြို့နယ် နွေတွင်းကုန်းကျေးရွာ တွင် ခမည်းတော် ဦးဘိုးညို မယ်တော်ဒေါ်သေးတာ မှ ဖွားမြင်ခဲ့သည်။၁၂၈၄ ခုနှစ်တွင် ရွာကျောင်း ဆရာတော် ဘဒ္ဒန္တဝိလာသကို ဥပဇ္ဈာယ် ပြု၍ မိဘ နှစ်ပါး တို့၏ ပစ္စယာ နုဂ္ဂဟဖြင့် ရှင်သာမဏေ အဖြစ် ရောက်တော် မူသည်။ ၁၂၉၂ ခုနှစ်၊ နွေတွင်းကုန်းရွာ ကျောင်းဆရာတော် ဘဒ္ဒန္တဝိလာသကို ဥပဇ္ဈာယ် ပြု၍ ရဟန်း အဖြစ်သို့ ရောက်တော်မူသည်။

စာပေလေ့လာ ဘ၀မှာ

ဆရာတော်သည် မုံရွာမြို့ ရွှေသိမ်တော်တိုက်၊ မဟာ လယ်တီတိုက်၊ စစ်ကိုင်းတောင် မဟာ သမယချောင်၊ မန္တလေးမြို့ ချမ်းသာကြီး မြောက်တိုက်၊ အမရပူရမြို့ တူးမောင်းတိုက်၊ ပခုက္ကူမြို့ မဟာ ဝိသုတာ ရာမတိုက် ဆရာတော်များ ထံတွင် ပိဋကတ် ကျမ်းစာများ ကို တတ်စွမ်းသမျှ သင်ယူ ခဲ့သည်။ ရှေးခေတ်စာသင်နည်းအရ ကျမ်းကြီးပေါက် သင်ယူ တတ်မြောက် တော်မူခဲ့ပြီး အင်္ဂလိပ်စာ၊ ချင်းစာပေ၊ ချင်းဘာသာ စကား တို့ကိုလည်း လေ့လာ တတ်မြောက် ခဲ့သည်။ ရန်ကုန်တိုင်း ကမာရွတ် မြို့နယ် ဝါဆိုကျောင်းနှင့် လှိုင်မြို့နယ် အောင်ချမ်းသာ ကျောင်းတို့၌ စာဝါများ ပို့ချခဲ့သည်။

သာသနာပြုတို့ အတုယူစရာ

စာပေများ သင်ယူတတ်မြောက်ပြီး၍ သပိတ်တလုံး ပိုက်ကာ တောထွက်တော်မူခဲ့သည်၊ နှစ်ပေါင်း ၅၀ ကျော်ကာလပတ်လုံး ချင်းတောင်တန်းတလျောက် သာသနာပြုတော်မူပြီး ရံဖန် ရံခါမှသာ ပြည်မကြီးမှာ ဒကာဒကာမတို့ ပင့်လျောက်ချက်အရ ကြွေ၇ာက် ချီးမြှောက်တော်မူသည်၊

တဘ၀ ချုပ်ငြိမ်းချိန်

၁၃၅၇ ခုနှစ်၊ ပြာသိုလဆန်း ၇ရက် (၂၇၊ ၁၂၊ ၁၉၉၅) နေ့ ညနေ ( ၆း ၃၀) နာရီ အချိန်၌ သက်တော် ၈၆ နှစ်၊ သိက္ခာတော် ၆၆ ဝါ အရတွင် ချင်းပြည်နယ်၊ ဖလမ်း မြို့နယ်၊ လုံပီး ကျေးရွာမှ ရန်ကုန်မြို့သို့ ဆေးကုသမှု ခံယူရန် ကြွရောက်တော်မူစဉ် မန္တလေး လေဆိပ်မှာပင် တဘ၀ ချုပ်ငြိမ်းတော်မူခဲ့သည်။

ရေးသားခဲ့သော စာအုပ်များ

1. ကိုယ်တွေ့ မှတ်တမ်းများ - ၁၉၈၉ ခုနှစ်
2. ချမ်းမြေ့စွာ ဘဝ နေနည်း တရားတော် - ၁၉၈၉ ခုနှစ်
3. ဂုဏ်တော်ကွန်ချာ ပုတီး စိပ်နည်းများ - ၁၉၈၉ ခုနှစ်
4. ဆရာတော် အရှင် ဦးဥတ္တမသာရ၏ ကိုယ်တွေ့ မှတ်တမ်းများ - ၁၉၅၄ ခုနှစ်
5. တောင်တန်းတရား (ပထမတွဲ) - ၁၉၉၁ ခုနှစ်

6. တောင်တန်း သာသနာပြု ဆရာတော် ဦးဥတ္တမသာရ - ၁၉၉၄ ခုနှစ်
7. ပရိတ် မေတ္တာ တန်ခိုး ထက်စေသောနည်း - ၁၉၉၂ ခုနှစ်
8. ဘဝ တံခွန်အောင် လမ်းညွှန် တရားတော် - ၁၉၉၂ ခုနှစ်
9. ဘဝ အောင်မြင်ရေး လမ်းညွှန် ဒေသနာ - ၁၉၉၃ ခုနှစ်
10. ဘုန်ကြီးမှတ်စု - ၁၉၉၇ ခုနှစ်

11. မေတ္တာ စွမ်းအား လက်တွေ့ အကျိုးများ - ၁၉၉၄ ခုနှစ်
12. မေတ္တာရှင်ကြီး၏ မေတ္တာစာ - ၁၉၉၂ ခုနှစ်
13. ရဟန်း ဘဝ ချမ်းသာ (ပထမတွဲ) - ၁၉၉၂ ခုနှစ်
14. ရဟန်း ဘဝ ချမ်းသာ (ဒုတိယတွဲ) - ၁၉၉၃ ခုနှစ်
15. သံသရာဝဋ်ကို လွတ်အောင် ရုန်းကြစို့ရဲ့ - ၁၉၉၄ ခုနှစ်

စာစောင်အသီးသီးတွင် ရေးသားခဲ့သော ဓမ္မဆောင်းပါးများ

1. ကိုယ်က ဖန်တီး၍ သံသရာ ကျင်လည် နေကြသည်၊ ဗုဒ္ဓဓမ္မ လောက စာစောင် အတွဲ (၃၈) အမှတ် (၁၈) မှ (၂၁) အထိ
2. ချင်းစော်ဘွားကြီး ဦးဝမ်မှုံ၊ ဂျာနယ်ကျော် မဂ္ဂဇင်း (၂၉၊ ၁၁၊ ၁၉၃၇)
3. ချင်းတောင်တန်း သာသနာပြု၊ ဒဂုန် မဂ္ဂဇင်း (၅/ ၁၉၄၁)
4. တောင်တန်း သာသနာပြုရေး၊ ဒဂုန် မဂ္ဂဇင်း အတွဲ (၂၁) အမှတ် (၁) (၁၊ ၁၊ ၁၉၄၇)
5. တောင်အစဉ်စဉ် တောအထပ်ထပ် သာသနာ ရောင်ခြည် ထင်ဟပ်ခဲ့ပြီ၊ ဂျာနယ်ကျော် မဂ္ဂဇင်း အတွဲ

(၁၀) အမှတ် (၉) (၈၊ ၁၁၊ ၁၉၄၇)
6. ဒေသန္တရ ဗဟုသုတ ရှာမှီးကြရာ၌ ကြုံကြိုက်တတ်သော အခက်အခဲများ၊ တိုးတက်ရေး မဂ္ဂဇင်း အမှတ် (၉၃) (၆/၁၉၄၁)
7. နာဂ တောင်တန်းသားတို့၏ နောက်ကွယ်မှ ဤရက် ဤရွာများ၊ ဂျာနယ်ကျော်မဂ္ဂဇင်း (၂၂၊ ၂၊ ၁၉၄၇)
8. နှစ်ပြည်ထောင် အခြေကျ အလယ်က ကျောက်ဆောင် မျှော်လို့သာ မှန်းမိတော့ လွမ်းခမ်းငဲ့ ရစ်သီ၊ ဒဂုန် မဂ္ဂဇင်း အတွဲ (၂၁) အမှတ် (၇) (၇/၁၉၄၇)
9. နိဗ္ဗာန် ရလိုလျှင် သွားရောက်နည်း အဖုံဖုံရှိသည်၊ ဗုဒ္ဓဓမ္မ လောက စာစောင် အတွဲ (၃၀) အမှတ် (၁၄)
10. ဘုန်းကြီး ကျောင်းတိုက်များသည် လောက အယူဝါဒကို လိုက်နာ သင့်သလော၊ တိုးတက်ရေး မဂ္ဂဇင်း အမှတ် (၉၅) (၁၊ ၈၊ ၁၉၄၁)

11. မဏိပူရ နယ်ခြား တမူးမြို့၊ ဂျာနယ်ကျော် မဂ္ဂဇင်း (၁၀/၁၉၄၇)
12. မြေပေါက်လွတ် ဆွမ်းကျွေးတဲ့ ပွဲတဲ့၊ ဗုဒ္ဓဓမ္မ လောက စာစောင် အတွဲ (၁၃) အမှတ် (၃၆) မှ အမှတ် (၄၀) အထိ
13. မြို့တော် ဖလမ်း၊ ဒဂုန် မဂ္ဂဇင်း အတွဲ (၂၁) အမှတ် (၁၀) (၁၀၊ ၁၁၊ ၁၉၄၇)
14. မြို့တို့ ဌာနေ၊ တိုးတက်ရေး မဂ္ဂဇင်း အမှတ် (၈၈) (၁၊ ၁၊ ၁၉၄၁)
15. မြို့တော် ဘုတလင်၊ တိုးတက်ရေး မဂ္ဂဇင်း အမှတ် (၈၈) (၃၊ ၇၊ ၁၉၄၁)

16. ယဉ်ကျေးလာသော ချင်းတောင်၊ တိုးတက်ရေး မဂ္ဂဇင်း အမှတ် (၉) (ဧပြီလ)
17. ရွှေပြည်ဝင် စာတမ်း၊ တိုးတက်ရေး မဂ္ဂဇင်း အမှတ် (၈၄) (၃၊ ၉၊ ၁၉၄၀)
18. သာသနာပြု ပန္နက်စွဲရန် အကောင်းဆုံး ဌာနကြီး တခု၊ ဂျာနယ်ကျော် မဂ္ဂဇင်း (၁၃၊ ၉၊ ၁၉၄၇)
19. သာသနာ့ သူရဲကောင်းများ၊ ဂျာနယ်ကျော် မဂ္ဂဇင်း (၂၂၊ ၂၊ ၁၉၄၇)
20. အာသံပြည် သာသနာရေး၊ ဗုဒ္ဓဓမ္မ လောက စာစောင် အတွဲ (၉) အမှတ် (၁၀)
21. အယ်ဒီတာသို့ လွမ်းဖွယ် ချင်းဝိသေသတိုင်းမှ ပေးစာ၊ ဂျာနယ်ကျော် မဂ္ဂဇင်း (၁၃၀၉) ခုနှစ်၊

posted by အရှင်သုနန္ဒာလင်္ကာရ at 8:23 AM 0 comments

ချင်းတောင်တန်း ရဲ့ သခင်ကြီး

ချင်းတောင်တန်း တစ်ကြောလုံး မိုးမရွာတာကြာပြီ၊ ဘယ်လိုတွေဖြစ်နေပါလိမ့် --- --
ဒါဆို သခင်ကြီး လုပ်ထားတာပဲ ဖြစ်မယ် - လာ သွားကြစို့ သခင်ကြီးကို သွားပြောကြမယ် ---

ဒီနေ့ နေမပွင့်နိုင်လောက်အောင် မြူခိုးတွေ ပိတ်သဲနေတာပဲ၊ တောင်ယာ လုပ်ချင်တာတောင် လုပ်လို့ မရကြဘူး၊ မြူတွေ ဆိုင်းနေတာ သခင်ကြီး လုပ်ထားလို့ ဖြစ်မယ် --
လာ သွားကြစို့ရဲ့ သခင်ကြီးကို သွားပြောပြီး နေပူအောင် လုပ်ပေးခိုင်းကြမယ် -- -

ဒကာတို့-- ဒီနေ့ တောလိုက် မသွားကြပါနဲ့၊ အန္တရာယ်နဲ့ တိုးလိမ့်မယ်၊ သားကောင်လဲ ရမှာ မဟုတ်ဘူး၊
သခင်ကြီး -- -- ကယ်ပါအုံး - ဒီမှာ လူတယောက် တောဝက် အပက်ခံလိုက်ရလို့ပါ - --

အဲလို အဲလိုမျိုး ဒုက္ခအားလုံး တို့ရဲ့ ကယ်တင်ရှင်၊ ချင်းတမျိုးသားလုံးရဲ့ ကျေးဇူးရှင် ဗိုက်ကြီးသည် ကလေးမမွေးနိုင်တာက အစ လိုက်လံ ကူညီပေးခဲ့ရတဲ့ သခင်ကြီး ခေါ် တောင်တန်းဆရာတော်ကြီးရဲ့ ဘ၀ဟာ ခက်ခဲကြမ်းတမ်း ပင်ပန်းခဲ့ပါတယ်။

ဆောင်းတွင်းကာလရဲ့ တခုသော ညမှာတော့ ဆရာတော်ကြီး သီတင်းသုံးတဲ့ တောင်ပေါ်ကျောင်းဝင်း
ပြင်လေးထဲမှာ ကပ္ပိယချင်းဒကာတယောက်ရယ်၊ ဆရာတော်ကြီးရယ် မီးလှုံနေပါသတဲ့၊ ကျားတကောင်
ကလည်း ချမ်းလွန်းလို့ ထင်ပါရဲ့ မီးပုံဘေးနားအထိ ရောက်လာပြီး ငြိမ်ဝပ်စွာ မီးလှုံနေတယ်၊ ဒီမှာတင် ချင်းဒကာက ကျားကြီးကို ကြည့်ကာ သတ်ပြီး ရောင်းစားလိုက်ရရင် ဘယ်လောက်ကောင်းလိုက်မလဲ လို့ စိတ်တွင်းက ကြံစည်ကာ အကုသိုလ်စိတ်များ ဖြစ်လာတာနဲ့ တပြိုင်နက်ထဲ ကျားကြီးဟာ အမှတ်မထင် ဟောက်လိုက်ပါသတဲ့၊ ဒီမှာတင် ဆရာတော်ဘုရားကြီးက --

ဒကာကြီးက သူ့ကို ရန်ပြုဖို့ ဘာကြောင့် စိတ်ကူးရတာလဲ ပါဏာတိပါတ ကို မလုပ်ရဘူးလေ -
တင်ပါ တပည့်တော် စောစောကတော့ ကြောက်နေတာပါ၊ နောက်တော့ သူက ရန်မပြုမှန်း သိတာကြောင့် အကုသိုလ်စိတ်တွေ ၀င်လာမိတာပါဘုရား -- ဟု လျောက်ထားသတဲ့၊

ချင်းတောင်တန်းက အတွေ့အကြုံများ

အသွားအလာ ခက်ခဲ၍ ဝေးလံ ခေါင်းပါးသော တောင်တန်း ဒေသ များတွင် နှစ်ပေါင်း ၅၀ မျှ သီတင်းသုံး နေထိုင်လျက် ဒေသခံ တိုင်းရင်းသား များအား ဗုဒ္ဓ တရားတော်များကို မျိုးစေ့ချ ပေးတော်မူခဲ့ပြီး အိန္ဒိယနိုင်ငံ အာသံ ပြည်နယ်၊ မဏိပူရ ပြည်နယ်နှင့် ဘင်္ဂလားဒေ့ရှ် နိုင်ငံ စစ်တကောင်း တောင်တန်း များနှင့် ဥရောပ နိုင်ငံများအထိ လှည့်လည့် သာသနာ ပြုတော် မူခဲ့သည်။

အထူးအားဖြင့် မေတ္တာအရာတွင် ကြီးမားတော်မူကာ သတ္တဝါတို့ အပေါ် နူးညံ့သော စိတ်ထားဖြင့် လက်နှိပ်ဓာတ်မီးမပါ နေ့ရော ညပါ ကြမ်းတမ်းသော တောတောင် ခရီးဝယ် တောင်ဝှေးတစ်ချောင်းဖြင့် ခဲခဲယဉ်းယဉ်း ပင်ပင်ပန်းပန်း သွားလာ၍ သာသနာ ပြုတော်မူခဲ့ပြီး အစားအသောက် ကအစ ချိုးခြံချွေတာကာ သာသနာပြုတော်မူခဲ့သည်၊

တနေ့တနေ့ ဘုန်းပေးစရာ မရှိ၍ ပိန်းဥပြုတ် ကန်စွန်းဥပြုတ်ဖြင့်လည်း ဆွမ်းတနပ် ပြီးတော်မူခဲ့ရသည်လည်း ရှိခဲ့၏။ ဒေသခံ ချင်းတိုင်းရင်းသားတို့သည်ကား ကိုးကွယ်ခံ တန်ခိုးရှင်ကြီးဟူ၍လည်းကောင်း၊ သခင်ကြီး ဟူ၍လည်းကောင်း ခေါ်ဝေါ်ကြကာ ချစ်ကြောက် ရိုသေလေးစားကြပေသည်၊ တခါတရံ ချမ်းအေးသော ဆောင်းတွင်းကာလ၀ယ် ထူထဲသော စောင်အထပ်ထပ် ခြုံထားသော်လည်း တောင်ပေါ်ကျောင်း၌ သီတင်းသုံးတော်မူသော သခင်ကြီး ကျောင်းသင်္ကန်းထက်မှ စောင်များကို ဖောက်ထွက်ကာ ထူးဆန်းသော အလင်းရောင်တန်းများ

ဖြာထွက်နေခြင်း၊ ကျောင်းသင်္ကန်းတခုလုံး လင်းထိန်နေခြင်း စသော ထူးဆန်းဖွယ်ရာများကို တောင်ခြေမှ ချင်း တိုင်းရင်းသား ဒကာ ဒကာမများ မကြာခဏ တွေ့မြင်ကြရသည် ဟု ဆရာတော်ကြီး၏ အထ္ထုပ္ပတ္တိ စာအုပ်တွင် ဖတ်ရှု့ရပေသည်၊ ထိုအတွက်ကြောင့်လည်း ဆရာတော်ကြီးအား မေတ္တာဝိဟာရီ ( မေတ္တာဖြင့် အမြဲမပြတ်နေလေ့ရှိသော ) မထေရ်ကြီး ဟူ၍ ရဟန်းရှင်လူ အများက လက်ခံ ကြည်ညိုခဲ့ကြ၇သည်။

အနည်းဆုံး တနှစ်တခေါက်အနေဖြင့် မြန်မာပြည် အလယ်ပိုင်း အောက်ပိုင်းဒေသများသို့ ကြွတော်မူကာ သက်တော်ကြီးရင့်တော်မူသည်အထိ ဒကာ ဒကာမတို့အား မေတ္တာဖြင့် ချီးမြောက်တော်မူခဲ့သည်။ ဆရာတော်ကြီး ပရိတ်ရွတ်တိုင်း တရားဟောတိုင်းမှာလဲ ရေအိုးရေခွက် ပုလင်း စသည်တို့၌ရှိသောေ၇များ ဆူဝေ လျံတက် လေ့ရှိသောကြောင့် ရေဆူဆရာတော် ဟုလည်း ကျော်ကြားတော်မူခဲ့ပေသည်။

လူဖြစ်လေရ၊ ဒုလ္လဘ၌

ဖြည့်ကြရောင်ဝါ၊ လထက်သာသည်၊

ပညာအလင်း ကိုယ်မှာဝင်းစေ၊

ဇင်မင်းဆယ်ဆ၊ မျှမကသည့်

စာဂအကျင့်၊ မွှေးသဖြင့်လျှင်၊

အခွင့်ထိုက်တန် နေရာမှန်၌

သက်ပန်ရာပြည့် တည်စေသတည်း။ ။

ဘ၀မှာ ထိုက်တန်စွာ ဘာဝနာ ပွားများအားထုတ် ထားသူအတွက် ကောင်းရာ သုဂတိ ရောက်စေဖို့ ဆုတောင်း ပေးနေစရာ မလိုတော့ပါဘူးလေ၊

တက္ကသိုလ်ဘုန်းနိုင်က သဇင်ပန်းကို တင်စားသလို စာရေးသူကလဲ ၁၃၅၇ ခုနှစ်၊ ပြာသိုလဆန်း ၇ရက် (၂၇၊ ၁၂၊ ၁၉၉၅) နေ့ ညနေ ( ၆း ၃၀) နာရီ အချိန်၌ သက်တော် ၈၆ နှစ်၊ သိက္ခာတော် ၆၆ ဝါ အရတွင် ချင်းပြည်နယ်၊ ဖလမ်း မြို့နယ်၊ လုံပီး ကျေးရွာမှ ရန်ကုန်မြို့သို့ ဆေးကုသမှု ခံယူရန် ကြွရောက်တော်မူစဉ် မန္တလေး လေဆိပ်မှာပင် တဘ၀ ချုပ်ငြိမ်းတော်မူခဲ့သော ဆရာတော်ကြီး၏ သီလ သမာဓိ ပညာဂုဏ်တို့ကို ပူဇော်သောအားဖြင့်ရေးသား ပူဇော်အပ်ပါသည်၊

posted by အရှင်သုနန္ဒာလင်္ကာရ at 8:31 AM 1 comments

Read more...

ဦးဒတ္တ အမွေတောင်းခန်း

ဦးဒတ္တ မန္တလေးမြို့၌ စာသင်နေစဉ်ဖြစ်၏။ တစ်ရွာတည်းသား စီနီယာနောင်တော်ဦးဇင်း တစ်ပါးနှင့်အတူ တစ်တိုက်တည်း၌ သီတင်းသုံးရင်း ပိဋကတ်စာပေးများ လေ့လာလိုက်စားလျှက် ရှိ၏။ တစ်နေ့တော့ ဦးဒတ္တဆွမ်းခံကြွနေစဉ် သူ့ရွာမှဖုန်းဆက်၍ ဦးဒတ္တ၏ အဘိုးကွယ်လွန်သွားသည်ကို အကြောင်းကြားလေ၏။ စာဝါများအရေးကြီးနေချိန် ဖြစ်၍ ဦးဒတ္တအား ပြန်မလာလျှင်လည်းရကြောင်း၊ စာကိုသာ ကြိုးစားသင်စေ လိုကြောင်း မှာထားခဲ့လေ၏။

နောင်တော်ဦးဇင်းသည်လည်း ဦးဒတ္တရိုးလွန်းသည်ကို ငယ်စဉ်ကတည်းက သိထားသူပီပီ ဦးဒတ္တ ဆွမ်းခံပြန်ကြွ လာသည်နှင့် ကြပ်ပေးလေတော့၏။

နောင်တော်ဦးဇင်း။ ။ “ကိုယ့်တော့ ဒကာကြီးတော့ ဖုန်းဆက်တယ်၊ အဘိုးဆုံးပြီးပြောတာပဲ၊ ကိုယ့်တော်ကို ပြန်မလွတ်ပါနဲ့၊ စာဝါတွေအရေးကြီးနေတယ်ဆိုပြီး အကြောင်းပြတာပဲ၊ တကယ်တော့ ကိုယ်တော်ဖခင်ကြီးဟာ အဘိုးကျန်ခဲ့တဲ့ အမွေတွေ အပိုင်စီးဖို့ ကိုယ်တော်ကို ပြန်မလာစေချင်တာပဲ”

ဦးဒတ္တ။ ။ “ဟုတ်လား ဦးဇင်း၊ တပည့်တော် ဘာလုပ်သင့်လဲ”

နောင်တော်ဦးဇင်း။ ။ “ဟာ ကိုယ်တော်ပြန်ရမှာပေါ့။ ကိုယ်တော့ ဒကာကြီး လူလည်ကျတာကို ဒီအတိုင်းငြိမ် ခံမလား”

ဦးဒတ္တ။ ။ “ဒါဆို ဒီညနေပဲ တပည့်တော်ပြန်မယ်”

ဦးဒတ္တသည်ကား အဘိုးဆုံးလို့ ၀မ်းနည်းဖို့ဝေးစွ၊ အမွေမရမှာ တွေးရင်း ထိုညနေမှာပဲ မှီရာကားဖြင့် ဇာတိမြို့လေးသို့ ချီတက်လေတော့၏။

ရွာ၌ကား သက်တော်ရှည် ပညာတက်ဆရာတော်သည် ကျောင်းထိုင်လျှက် သာသနာပြုနေလေ၏။ ထိုဆရာတော်ကြီးအား ဦးဒတ္တတို့ တပည့်ကြီးငယ် အားလုံးသည် ကြောက်ကြရလေ၏။ စကားပြန်ပြောဖို့ အသာထား ဆရာတော်မြင်လောက်ရာ အရပ်မှ ဖြတ်လျှောက်ဖို့ပင် မရဲကြပေ။ ထို့နေရွာရောက်လျှင်ပဲ ဦးဒတ္တသည်ကား ဆရာတော်ကို ဦးခိုက်၍ ဆရာတော်မှ ဘာကားနဲ့ ဘယ်လိုပြန်လာသလဲ၊ နေကောင်းကျန်းမာရဲ့လား ဆိုသော အမေးကိုပင် ပြန်လည်ဖြေကြား မလျှောက်တင်နိုင်ဘဲ အိမ်သို့ ပြန်သွားလေတော့၏။ ဆရာတော်လည်း “အော် ဒီဦးဇင်းခမျာ သူ့အဖို့ဆုံးသွားတော့ ၀မ်းနည်းနေရှာရော့မည်” ဟုသဘောပိုက်လျှက် နေလေ၏။

နာရေးကား မြေကျပြီးပေပြီ၊ ရက်လည်ဆွမ်းသွပ်ဖို့စောင့်စားနေချိန်၊ ဆွေးမျိုးဉာတိများ ပူဆွေးသောက်က ရောက်နေချိန်။ ဦဒတ္တကား အိမ်သို့ရောက်သည်ဆိုလျှင်ပဲ --

ဦးဒတ္တ။ ။ ဒကာကြီး(ခမည်းတော်ကိုခေါ်လိုက်ခြင်းပင်) လာပါဦးဗျ၊ ဒကာကြီး ဘာသဘောလဲ၊ ဦးဇင်းကို ဘာလို့ပြန်မလာခိုင်းတာလဲ အဲဒါရှင်း.

ဒကာကြီး။ ။ ဦးဇင်းမှာ စာမေးပွဲနီးလို့ စာဝါတွေအရေးကြီးချိန်ဖြစ်နေလို့ပါ၊ ဒီမှာလဲ သေပြီးမှတော့ ဘာမှဖြစ်မလာနိုင်ဘူးမဟုတ်လား ဦးဇင်း၊ ဒါကြောင့် ပြန်မလာဘို့ပြောတာပါ။

ဦးဒတ္တ။ ။ ဦးဇင်းသိတယ် ဒကာကြီး၊ အဘိုးကျန်ခဲ့တဲ့ အမွေတွေ အပိုင်စီးချင်လို့မဟုတ်လား၊ ဦးဇင်းကို မပေးချင်လို့ ပြန်မလာစေချင်တာ မဟုတ်လား

ဒကာကြီး။ ။ ဦးဇင်း ဒီမှာ အားလုံးပူဆွေးသောက ရောက်နေကြပါတယ်၊ အမွေကိစ္စကို ဘယ်သူမှ ခေါင်းထဲမထည့်နိုင်ကြပါဘူး၊ ဦးဇင်းဟာ တပည့်တော်ရဲ့ သားပါပဲ သားသမီးတွေ အားလုံးကို မျှတစွာ ဖြစ်စေရပါ့မယ်။

ဦးဒတ္တ။ ။ မရဘူး ဒကာကြီး ဦးဇင်းသိတယ်။ အမွေကို အခုခွဲပေး မရရင် မြို့ကို မပြန်ဘူး ဒါပဲ

အချီအချပြောလိုက် ငြင်းခုန်လိုက်ဖြင့် ဦးဒတ္တတို့သားအဖ နှစ်ယောက်သည်ကား ညှိနိုင်းလို့မရတော့ပေ။ ဦးဒတ္တ၏ဖခင်သည် စိတ်ဆိုးလာပြီး “ဟာ... ဒီဦးဇင်း ဒီလောက်ပြောပြနေတာတောင် မရဘူး” ဟု ကြိမ်ဆွဲ၍ လိုက်ရိုက်လေတော့၏။ (အညာဒေသမှာ မိဘသည် သားများကို ကိုရင်၊ ဦးဇင်းဖြစ်လင့်ကစား သူတို့၏စိတ်မှာ မကောင်းတာ မသင့်တာမြင်လျှင် ငယ်စဉ်ကလို ဆိုဆုံးမတက်တဲ့ ချစ်စရာ ဓလေ့သည် ရှိလေ၏။)

ဒကာကြီးလည်း ကျောင်းအထိအောင်လိုက်လာပြီး ဆရာတော်ကြီးအား “ဆရာတော်ဘုရား ဒီဦးဇင်းကို အခုမြို့ကိုပြန်ခိုင်းလိုက်ပါဘုရား၊ တပည့်တော် စိတ်ဆိုးပြီးရိုက်မိလျှင် အပြစ်ဖြစ်ပါတော့ မည်ဘုရား” ဟု ပြက်သားစွာလျှောက်တင်လေတော့သည်။ ဆရာတော်ကား အကြောင်းစုံသိတော်မူပြီးလေသော် ဒေါသ ထွက်တော်မူရကား .. “ဦးဒတ္တ အခုချက်ချင်း ကျောင်းပေါ်ကဆင်း မြို့ကိုတန်းပြန်၊ ဘယ်တော့မှပြန်မလာလေ ကောင်းလေပဲ” ဟု ပြင်းထန်သော ဗီတိုအာဏာကိုသုံး၍ နှင်ချလေတော့သည်သာတည်း။

ဖြစ်ရလေ ဦးဒတ္တရယ်၊ ကြပ်လို့ကြပ်မှန်းမသိ၊ အဘိုးဆုံးလို့ ရက်မလည်ရသေးဘူး အမွေတောင်းရက်လှတယ်။ အဘိုးသေရာမှထလာနိုင်လျှင်ကား ဦးဒတ္တ မလွယ်ကြောပင်။ အဘိုးသည်ကား ဒေါသအလွန်ကြီးပြီး ဦးဇင်းသော ဘာသော ထားမည်သူ မဟုတ်ပေ။

Posted by ရှင်သစ္စာ at 7:02 AM 0 comments Links to this post

Read more...