* သဗ္ဗဒါနံ ဓမ္မဒါနံ ဇိနာတိ၊ * သဗ္ဗရသံ ဓမ္မရသော ဇိနာတိ။

* သဗ္ဗဒါနံ ဓမ္မဒါနံ ဇိနာတိ၊     * သဗ္ဗရသံ ဓမ္မရသော ဇိနာတိ။

နမတ္ထု ဗုဒ္ဓါနံ နမတ္ထု ဗောဓိယာ။ နမော ဝိမုတ္တာနံ၊ နမော ဝိမုတ္တိယာ။

ဘုရားရှင်တို့ အား ရှိခိုးပါ၏။
ဘုရားရှင်တို့ ၏ မဂ်ဥာဏ် ဖိုလ်ဥာဏ်အား ရှိခိုးပါ၏။
ကိလေသာတို့ မှ လွတ်မြောက်တော်မူကြသော ဘုရားရှင်တို့ အား ရှိခိုးပါ၏။
ထိုဘုရားရှင်တို့ ၏ ဝိမုတ္တိငါးပါးအား ရှိခိုးပါ၏။

ကရုဏာလက်များ ကမ်းလင့်ပေးပါ...

ကရုဏာလက်များ ကမ်းလင့်ပေးပါ...
စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။

ပညာရေးအလှူတော် နှိုးဆော်ချက်


ရန်ကုန်မြို့ အသောကာရာမ သီလရှင်စာသင်တိုက်မှ နဝမတန်း ဖြေဆိုမည့် သီလရှင် ဆရာလေးများအတွက် ဆရာ၊ ဆရာမများ လစဉ် ထားပေးနိုင်ရန် ပညာရေးအလှူရှင်များ လိုအပ်နေပါသည်။ ရွှေစေတီ ဘုန်းတော်ကြီးသင်ပညာရေးကျောင်းတွင်လည်း ဆင်းရဲနွမ်းပါးသည့် ၉ တန်းနှင့် ၁၀ တန်း ကျောင်းသားများ ကျောင်းအိပ်ကျောင်းစား နေထိုင်ပညာဆည်းပူးနိုင်ရေးအတွက် ကူညီထောက်ပံ့မည့် ကုသိုလ်ရှင်များ လိုအပ်လျက် ရှိပါသည်။ စေတနာရှင် အလှူရှင်များ အနေဖြင့် ထေရဝါဒ ဗုဒ္ဓဘာသာ လူငယ်များအသင်း http://www.mmtheravada.org ဖုန်း
09-73062811, 09-5505176 သို့ ဆက်သွယ်လှူဒါန်းကြစေလိုပါသည်။

သီလရှင် ဆရာလေးများနှင့် ကလေးများ ဇွန်လအမီ ကျောင်းတက်နိုင်ရေးအတွက် ကာလဒါန ကုသိုလ်အဖြစ် သဒ္ဓါတတ်အား နည်းများမဆို လှူဒါန်းကူညီကြပါရန် နှိုးဆော်အပ်ပါသည်။

ဝိမုတ္တိရသ အဖွဲ့သားများ

------------------------
နောက်ဆက်တွဲသတင်း.....

ပညာရေးအလှူတော်လှူဒါန်းမည့်အစီအစဉ်

ထေရ၀ါဒဗုဒဘာသာ လူငယ်များ အသင်းမှ ဦးစီး၍ (၂၀၁၁) ခုနှစ်တွင် န၀မတန်းသို့ တက်ရောက်မည့် ကျောင်းသား (၂၅) ယောက်နှင့် ကျောင်းသူ (၂၅) ယောက်အား ပညာရေးထောက်ပံ့မှုပြုလုပ်ပေးနိုင်ရန် စီစဉ်ထားပါသည်။

ပြုလုပ်မည့်အစီအစဉ်

ကျောင်းသားများအား ရွှေစေတီဘုန်းကြီးကျောင်း (ဆရာတော် ဦးတေဇန္ဒိ၊ ခ/(၃) ရက်ကွက်၊ ရွှေစေတီကျောင်း၊ မင်္ဂလာဒုံမြို့နယ်) တွင်ထားရှိမည်ဖြစ်ပြီး ကျောင်းသားများသည် မိမိတို့ ဆန္ဒအလျောက် ကိုရင်ဝတ်လိုကလည်း ၀တ်နိုင်ပါသည်။ ကျောင်းသူများအား အသောကာရာမ သီလရှင်စာသင်တိုက် (ဆရာလေးဒေါ်သုနန္ဒာ (ဖုန်း-၀၉-၈၆၂၈၈၁၁)၊ ၀ါယာလက်ဈေးမှတ်တိုင်၊ ရွှေနှင်းဆီရပ်ကွက်၊ မင်္ဂလာဒုံမြို့နယ်) တွင်ထားရှိပါမည်။ အသောကာရာမကျောင်းမှ သီလရှင်များသာလက်ခံသည်ဖြစ်၍ ကျောင်းသူများမှာ သီလရှင်ဝတ်ရပါမည်။ သီလရှင်များတက်ရောက်ရမည့် အ.ထ.က ကျောင်းမှာ အသောကာရာမ ကျောင်းမှလက်ရှိ သီလရှင်များ တက်ရောက်နေသော ကျောင်းဖြစ်၍ ပညာသင်ကြားမှုတွက် အခက်အခဲ မရှိနိုင်ပါ။ စာသင်သူများ စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။ အသေးစိတ်ဆောင်ရွက်မည့် အချက်အလက်များအားလည်း ဆက်လက်ဖော်ပြသွားပါမည်။

လျောက်ထားမည့် သူများ ပြည့်စုံရမည့်အချက်များမှာ

(က) ကျောင်းသူများမှာ သီလရှင်ဝတ်နိုင်ရပါမည်။

(ခ ) မိဘများမှ နေထိုင်ရန်ခွင့် ပြုသူဖြစ်ရပါမည်။

(ဂ ) စာသင်သားများနေထိုင်မည့် ကျောင်းတွင်း စည်းကမ်းများကို တိကျစွာလိုက်နာရပါမည်။

(ဃ) ကျောင်းထားရန် အမှန်တကယ်အခက်အခဲ ရှိနေသူဖြစ်ရပါမည်။

အထက်ပါအချက်အလက်များနှင့် ပြည့်စုံသူများသည် ထေရ၀ါဒဗုဒ္ဓဘာသာလှူငယ်များ အသင်းသို့ ဆက်သွယ်မေးမြန်းနိုင်ပါသည်။ (http://mmtheravada.org)

ဆက်သွယ်ရန်လိပ်စာ

ကိုထွန်းထွန်းလှိုင်

ဖုန်း ၀၉-၇၃၀၆၂၈၁၁

htunhtunhlaing82@gmail.com

winthu.tbyo@gmail.com

thantzin83@gmail.com

Sunday, April 18, 2010

မင်္ဂလာ အပေါင်း ခညောင်း နိုင်ကြပါစေ

နှစ်သစ် မင်္ဂလာ နေ့ ရက်မှာ ဆုတောင်းပေးလိုတာက
နေ့ စဉ် လိုလို လိုအပ်နေတဲ့ မင်္ဂလာများ ရှိဖို့ ပါဘဲ။

မင်္ဂလာ ရှိရင် ကြီးပွါးတိုးတက်ပါတယ်။
မင်္ဂလာ ဆိုတဲ့ ပါဠိ က ကြီးပွါးတိုးတက်ခြင်းပါ။

မင်္ဂလာ ဆိုတာ ဘာလဲ ၊ အဖြူ လား အမည်း လား မသဲကွဲကြလို့ 
ကြီးပွါးတိုးတက်လိုကြတဲ့ လူတွေရော နတ်တွေပါ
ကြံစည်တွေးနေကြတာဟာ တစ်ဆယ့်နှစ် နှစ်တောင် ကြာပါသတဲ့။
( သုတ္တနိပါတ ၊ ခုဒ္ဒပါဌပါဠိ) တို့ မှာလာပါတယ်။

မင်္ဂလာကျက်သရေ၊ တိုးပါစေ၊ ရွတ်လေ မင်္ဂလသုတ်။ တဲ့။

တကယ်တော့ ဘုရားရှင်ရဲ့ တရားတော်တိုင်း ဟာ
ရွတ်ဖို့ သက်သက်တော့ မဟုတ်ပါလေ။
အနက် အဓိပ္ပါယ်ကို သိအောင် လုပ်ရမယ်။
သိပြီးရင် ကျင့်ကြံ ကြိုးစား ရမည့် တရားတွေချည်းသာ။
မရွတ်မဖတ် မလေ့လာပါကလည်း ဘာမှသိမှာ မဟုတ်ပါလေ။
ဒါကြောင့် လူတိုင်း နီးပါး အလွတ် ရနေတဲ့

မင်္ဂလ သုတ်ကိုလည်း ဆက်လက်ရွတ်ဖတ် ပူဇော်ပါ။
(၃၈) ပါး မင်္ဂလာ များကိုလည်း
နှစ်သစ် မင်္ဂလာမှ သည် အသက် ရှည်သရွေ့  ရှိသရွေ့ 
ကိုယ်စီကိုယ်စီ သန္တာန် အသီးသီးမှာ
နားလည်ပြီး ကျင့်ကြံကာ
၃၈ ပါးမြောက် ခေမံ မင်္ဂလာ ဆိုတဲ့ နိဗ္ဗာန် အထိ

မင်္ဂလာ အပေါင်း ခညောင်းနိုင်ကြပါစေ...


မှတ်ချက်။ ။ မင်္ဂလသုတ် သည် လူတိုင်း အလွတ်ရပြီး ဖြစ်သောကြောင့်လည်းကောင်း၊
မင်္ဂလာ တရား စီဒီများ ရှိပြီး ဖြစ်သော ကြောင့်လည်းကောင်း အထူး ရှင်းလင်းကာ
မရေးတော့ပြီ။

မြတ်ရောင်နီ
မြန်မာ နှစ်သစ် မင်္ဂလာ
( ၁၇၊၀၄၊၂၀၁၀)

Read more...

အရှက်(၃-၄)

Posted 11:07 AM by ကိုနော in Labels:

ဆုရန်ဂျန် ကုတင်အပေါ်၌လှဲလျက်သတင်းစာများကိုလှန်လှောကြည့်နေသည်။ ယနေ့သတင်းစာအားလုံး၏
မျက်နှာဖုံးမှာဗာဗရီဗလီကြီး၏အပျက်အစီးများသာဖြစ်သည်။
သူ အယုဒ္ဓယကိုမရောက်ဖူး…ဗာဗရီဗလီကြီးကိုလည်းမမြင်ဖူးချေ…။
ဘယ်မြင်ဖူးမှာလဲ…?
သူ့နိုင်ငံရဲ့အပြင်ဘက်ကိုခြေတစ်လှမ်းမှမထွက်ဖူးတာ…။
ရာမဘုရားဘယ်တုန်းကမွေးတယ်,ဗလီများကိုမြေကြီးကိုတူးပြီးတည်ဆောက်တာမဟုတ်,မဟုတ်..သူ..
မသိချေ..။ဒါပေမယ့်..သူသဘောပေါက်ထားတာက...(၁၆)ရာစုကလက်ရာတစ်ခုကိုဖျက်ဆီးလိုက်တာဟာ...
အိန္ဒိယရှိမူစလင်များသာနစ်နာမှာမဟုတ်ဘူး…ဟိန္ဒူအားလုံးလည်းနစ်နာတာပဲ…။
တကယ်ကတော့…အိန္ဒိယနိုင်ငံ,အကျိုးစီးပွါးလိုလားသူများနဲ့လူမှုရေးအတွေးအခေါ်အပေါ်မှာလည်းထိခိုက်မှာ
ပဲ…။
ဗာဗရီဗလီပြဿနာဟာဘင်္ဂလားဒေရ်ှကိုလည်းကူးစက်တော့မယ်,ဟိန္ဒူဘုရားကျောင်းတွေဖျက်ဆီးခံရတော့
မယ်,ဟိန္ဒူအိမ်တွေမီးလောင်တော့မယ်,ဆိုင်တွေအလုခံရတော့မယ်ဆိုတာဆုရန်ဂျန်သိနေသည်။

BJPပါတီအားကိုးနဲ့အစွန်းရောက်များကဗာဗရီဗလီကြီးကိုဖျက်ဆီးပြီးအခြားသောအစွန်းရောက်အုပ်စုများကို
ဖိအားပေးလိုက်ခြင်းဖြစ်သည်။်`ဒီအရူးအနှမ်းလုပ်ရပ်ဟာအိန္ဒိယနိုင်ငံအပြင်ဘက်ကိုရောက်မှာမဟုတ်ဘူး´လို့
ကမ္ဘာ့ဟိန္ဒူကောင်စီ,BJPပါတီနှင့်အပေါင်းပါအုပ်စုများကထင်ထားပုံရသည်။

အိန္ဒိယ၌လူမျိုးရေးအဓိကရုဏ်းကြီးထွားလာပြီးသေဆုံးသူဦးရေငါးရာ,ခြောက်ရာမှတစ်ထောင်အထိတိုးသွား
သည်။အချိန်တိုင်းတွင်သေဆုံးသူဦးရေတိုးလာနေသည်။
ဘင်္ဂလားဒေရ်ှရှိ(၁၅)သန်းထက်မနည်းသောဟိန္ဒူများ၏လုံခြုံရေးအတွက်ဘာမှန်းမသိရချေ။
ဘင်္ဂလားဒေရှ်၌သာမဟုတ်(များသောအားဖြင့်)အနောက်အာရှအပါအ၀င်နိုင်ငံအားလုံး၌ဟိန္ဒူများရှိနေသည်။
သူတို့တွေဘာဖြစ်သွားမယ်ဆိုတာဟိန္ဒူအစွန်းရောက်များစဉ်းစားမိကြရဲ့လား…?
အိန္ဒိယသည်သီးခြားဇမ္ဗူဒိပ်ကျွန်းမဟုတ်ဘူးဆိုတာBJPပါတီကသိထားသင့်သည်။
အကယ်၍အိန္ဒိယ၌အနာထဲအဆိပ်ထည့်မိပါကထိုအနာကိုအိန္ဒိယတစ်နိုင်ငံတည်းခံစားရမည်မဟုတ်,
တစ်ကမ္ဘာလုံး(အနည်းဆုံး)အိမ်နီးချင်းနိုင်ငံများသို့ပြန့်နှံ့သွားလိမ့်မည်။

ဆုရန်ဂျန်မျက်လုံးမှိတ်ပြီးမှေးနေသည်။
`မင်း...ထမှာလား..?မထဘူးလား…?ပြော….၊အမေကြီး,အဖေကြီးတို့က..မင်းကိုအားကိုးပြီးထိုင်နေကြတာ´
မာယာက သူ့ကို တွန်းလှုပ်ပြီးပြောလိုက်သည်။
ဆုရန်ဂျန် အကြောဆန့်ရင်းပြောလိုက်သည်။
`မင်းသွားချင်သွား…ငါကတော့ ဒီအိမ်ကတစ်လှမ်းမှ မခွါနိုင်ဘူး´
`လူကြီးတွေကကော´
`ငါမသိဘူး´
`တစ်ခုခုဖြစ်သွားရင်တော့´
`ဘာဖြစ်မှာလဲ´
`မှတ်ထား…အိမ်ကိုလုမယ်..မီးရှို့မယ်..မင်း အဲဒါတွေပြီးတဲ့အထိထိုင်နေမှာလား…?´
`ထိုင်မနေဘူး…အိပ်နေမှာ´
ဗိုက်ဆာနေသောဆုရန်ဂျန်...စီးကရက်တစ်လိပ်မီးညှိလိုက်သည်။လေးလိပ်ဆက်တိုက်သောက်ပစ်လိုက်သည်။
သူ့ကို အမေကမနက်တိုင်းလက်ဘက်ရည်တစ်ခွက်တိုက်နေကြဖြစ်သည်။
ဒီနေ့..အခုထိမသောက်ရသေး…၊အခုအချိန်မှာ...။သူ့ကိုလက်ဘက်ရည်ပူပူတစ်ခွက်ဘယ်သူတိုက်မှာလဲ…?
မာယာကိုပြောလည်းထူးမှာမဟုတ်ဘူး…၊ဒီကောင်မကအိမ်ကထွက်ပြေးဖို့ကလွဲပြီးဘာမှစဉ်းစားနေမှာမဟုတ်
ဘူး။ဒီအချိန်လက်ဘက်ရည်ဖျော်ဖို့ပြောရင်ခုနစ်ချီအသံနဲ့ပြန်အော်လိမ့်မယ်။ကိုယ်တိုင်ထဖျော်ဖို့ကလည်းပျင်း
တယ်။ဟိုဘက်အခန်းကTVဖွင့်ထားသည်။CNNသတင်းလည်းမကြည့်ချင်တော့။
`အစ်ကိုကအိပ်ယာထဲမှာသတင်းစာဖတ်နေတယ်,သတိလွတ်နေပြီ´ဟုဟိုဘက်အခန်းမှ..
မာယာကအော်ပြောနေသည်။

ဆုရန်ဂျန် သတိမလွတ်ပေ…။
တစ်ချိန်ချိန်မှာတံခါးဖျက်ပြီးလူတစ်စုအိမ်ထဲဝင်လာနိုင်တယ်,သိတဲ့လူလည်းပါမယ်,မသိတဲ့လူလည်းပါမယ်,
အိမ်ထဲကပစ္စည်းတွေကိုဖျက်ဆီးလုယက်လိမ့်မယ်,တောက်လျှောက်အြိမ်တွေကိုမီးရှို့လိမ့်မယ်´ဆိုတာ
သူ သိနေသည်။ဒီအခြေအနေမှာ ကမာလ်နှင့်ဟိုက်ဒါးတို့ကိုလည်းအကူအညီမတောင်းချင်ဘူး၊
ငါတို့မှာ နေစရာမရှိဘူး,ဒါပေမယ့် သူတို့ဆီသွားရမှာရှက်တယ်။

မာယာ အော်ပြောနေသည်။
`မင်းတို့...မသွားရင်..ငါတစ်ယောက်တည်းသွားမယ်,ပါရူးလ်အိမ်သွားမယ်,အစ်ကိုကတစ်နေရာရာခေါ်သွား
မလားပဲ.....၊သူက အသက်မရှင်ချင်တော့ဘူး…၊ငါလေ…၊´
ဘာကြောင့်ပဲဖြစ်ဖြစ်…ဒီနေ့သူတို့ကို...ဆုရန်ဂျန်ကတစ်နေရာရာမှာသွားဝှက်ထားမှာမဟုတ်ဘူးဆိုတာ
မာယာသဘောပေါက်သွားပြီ….။
နည်းလမ်းမရှိတော့…။ကိုယ့်လုံခြုံမှုအတွက်ကိုယ့်ဘာသာကိုယ်စဉ်းစားရချေပြီ…။
`လုံခြုံမှု´ဟူသောစကားလုံးသည် ဆုရန်ဂျန်ကို အတော်ဒုက္ခပေးသည်။

၉၀-ပြည့်အောက်တိုဘာတုန်းကလည်း လုံခြုံမှုမရှိခဲ့..၊
နာမည်ကျော်ဒါကေရွှရီဘုရားကျောင်းကိုမီးရှို့လိုက်ကြသည်။ရဲများကပွဲတော်တစ်ခုလိုရပ်ကြည့်နေကြသည်။
ဘယ်သူမှမတားဆီးကြ…၊အဓိကအဆောင်ကြီးပြာကျသွားသည်။
အတွင်းပိုင်းဝင်လာကြပြီးနတ်သား,နတ်သမီးများအဆောင်ကိုဖျက်ဆီးကြသည်။သူတို့သည်နဋ်ဘုရားကျောင်း,
ရှီဝဘုရားကျောင်း,ဧည့်သည်ဆောင်,အ၀ိုင်းထဲရှိနေသောရှရီဒါမ်ဃောရ်ှစသောနေရာများစွာကိုဖျက်ဆီးပြီး
ရှိသမျှပစ္စည်းများကိုလုယက်သွားကြသည်။
နောက်....မာဓ၀ဂေါက်ရီယ၀တ်ကျောင်း၏မူလကျောင်းကြီးကိုဖျက်ဆီးလိုက်ကြပြန်သည်။
ဇယကာလီဘုရားကျောင်းလည်းတစ်စစီဖြစ်သွားသည်။ဈေးသစ်ရှိဘုရားကျောင်းကိုလည်းဖျက်ဆီးလိုက်ကြ
သည်။ရှံခရီဈေးအရှေ့ရှိဟိန္ဒူဆိုင်ငါးဆိုင်ကိုလုယက်ဖျက်ဆီးပြီးမီးတင်ရှို့လိုက်ကြသည်။လောင်ဒရီ,
စားသောက်ဆိုင်မှစ၍ဟိန္ဒူဆိုင်မှန်သမျှအလွတ်မပေးချေ…။
ရှံခရီဈေးကွေ့၌ဖျက်ဆီးပွဲကြီးကိုခပ်လှမ်းလှမ်းမှပင်မြင်နေရသည်။အကောင်းဟူ၍ဘာမှမတွေ့ရတော့..။
အိမ်နှစ်ရာသုံးရာခန့်အလုခံရသည်။
(ဤနေရာ၌လုယက်ဖျက်ဆီးခံရသောစာရင်းများလွန်းသဖြင့်ကိုနောလည်းဦးနှောက်ခြောက်သလိုလိုရှိရကား
မသိမသာကျော်လိုက်ပါသည်။ဟိန္ဒူတို့၏ဘုရားကျောင်းများနှင့်ပိုင်ဆိုင်မှုအများအပြားဖျက်ဆီးခံရသည်ဟုသာ
မှတ်သားကြပါရန်….)
၉၀-ပြည့်နှစ်တုန်းကြောက်စရာကောင်းလှသောလုယက်ဖျက်ဆီးမှုမြင်းကွင်း….ဆုရန်ဂျန်..မျက်စိထဲတရေးရေး
ပေါ်နေသည်။
၉၀-ပြည့်နှစ်..အဖြစ်အပျက်ကိုအုံကြွမှုလို့ဆိုနိုင်သလား…?
အုံကြွမှုဆိုတာက…အုပ်စုတစ်ခုနဲ့တစ်ခုတိုက်ခိုက်ကြတာ…။
တကယ်တော့….၉၀ပြည့်နှစ်..အဖြစ်အပျက်ကိုအုံကြွမှုလို့မဆိုနိုင်ဘူး…။ဒါက..အုပ်စုတစ်ခုအပေါ်မှာအုပ်စု
တစ်ခုကအနိုင်ကျင့်တာ…။
ပြတင်းပေါက်မှနေပူက ဆုရန်ဂျန်နဖူးကိုလာထိသည်။ဆောင်းနေပူဖြစ်သည်။
ဒီနေပူကခန္ဓာကိုယ်ကိုမလောင်ကျွမ်းနိုင်….။
အိပ်ယာထဲလှဲရင်းလက်ဘက်ရည်သောက်ချင်နေသည်။

ဆုဓာမိုက်မျက်စိထဲပုံရိပ်တွေထင်တုန်းဖြစ်သည်။
ဦးကြီး,အဒေါ်ကြီး,ဦးလေး,အဒေါ်လေးအားလုံး တစ်ယောက်ပြီးတစ်ယောက်နိုင်ငံကိုစွန့်ပြီး
ထွက်ခွါနေကြသည်။မယမန်ဆင်းဘူတာမှဖူးလ်ဘာရီဘက်သို့ရထားထွက်ခွါနေပြီ..။
ဥသြဆွဲသံအတူမီးခိုးလုံးကြီးများလွတ်ထုတ်၍ခရာတွတ်သံကြားရသည်။ရထားတွဲမှကြေကွဲဖွယ်ရာငိုကြွေးသံ

များထွက်နေသည်။ဆွေမျိုးသားချင်းများအပြေးအလွှားလိုက်မှာနေကြသည်။
ကောင်လေး….သွားတော့နော်…၊ဒါဟာ မူစလင်တိုင်းပြည်…ဒီမှာကိုယ့်ဘ၀ကိုဘယ်သူ မှ အာမ,မခံနိုင်ဘူး..။

(မီးပျက်နေပါသဖြင့် ရသလောက်တင်လိုက်သည်)
ကိုနော
(၁၈.၀၄.၂၀၁၀)

Read more...

ဝဋ်လည် တတ်တယ်

ဝိပါတ်ဟူသည်၊ ကြာ မရှည်ခင်၊

ပြန်လည်တတ်မျိုး၊ မကောင်းကျိုးဖြင့်၊

နောက်ပိုးလိုက်တက်၊ သူ့ကိုဖျက်က၊

ကိုယ်ပျက်တတ်စွာ၊ ဤလူ့ ရွာဝယ်၊

ဓမ္မတာရိုး၊ ပမာနိုးမူ၊

ခါမျိုး ချိုမျိုး၊ စေ့စိုက်ပျိုးက၊

ထိုမျိုးအလား၊ မခြားတူပြီး၊

ခါးမျိုးသီးသို့၊ သားကြီးမင်းပျို၊

မှတ်ပိုက်သိုလော့။

သူ့ကိုကြော့ကြမ်း၊ မသရမ်းနှင့်၊

လူ့နှမ်းကိစ္စ၊ ကျိုးမလှဘူး၊

နိယာမမျိုး၊ ကောင်းအဆိုးတည်း၊

ပြစ်ကျိုးနှစ်ပါး၊ ဖြစ်တတ်ငြားက၊

ဘုရားသော်မှ၊ မလွတ်ရဘူး။

( မဃဒေ၀ )


Read more...

မုန်းခြင်းသံယောဇဉ်

သံယောဇဉ် ဟူသည် ချစ်သော သူများ ကြား၌သာ ရှိသည်မဟုတ် မုန်းသော သူများ ကြား၌လည်း ရှိသည်။ မုန်းခြင်း သံယောဇဉ် သည်လည်း ဖွဲ့စည်း ချည်နှောင် တတ်သော သဘော ရှိသည်သာ ဖြစ်၏။

မုန်းခြင်း သံယောဇဉ် ဖြင့် ချည်နှောင် သောအခါ ဘ၀တစ်ခု အတွင်း၌ သာမက ဘ၀ဘ၀ ပေါင်းများစွာ ဖန်ဖန်တလဲ ကြုံကြ ဆုံကြ ရတတ်သည်။ ကြုံကြ ဆုံကြရ သည် ဆိုရာ၌ အချင်းချင်း အကျိုးပြု၍ တစ်ဆင့် ထက်တစ်ဆင့် မြင့်မြင့် သွားမည့် ဘ၀ပေး အခြေအနေ မျိုးနှင့် ကြုံကြ ဆုံကြရ ခြင်းတော့ မဟုတ်။ အချင်းချင်း အပြန် အလှန် ဖျက်ဆီး၍ တစ်ဆင့် အောက် တစ်ဆင့် နိမ့်နိမ့် သွားမည့် ဘ၀ပေး အခြေအနေ မျိုးနှင့် ကြုံကြ ဆုံကြရခြင်း ဖြစ်၏။

သာဝတ္ထိ ပြည် ဇေတ၀န် ကျောင်း အနီး၌ ဖြစ်၏။ အမျိုးသမီး တစ်ဦးသည် သားငယ် ကို ပိုက်၍ မြတ်စွာဘုရား ထံသို့ ပြေးလာနေ သည်။ သူ့နောက်၌လည်း အခြား အမျိုးသမီးတစ်ဦးသည် အပြေးလိုက်လာ၏။ သားပိုက်လာသော အမျိုးသမီးသည် ဘုရား ရှေ့သို့ ရောက်သော အခါ ကလေးငယ်ကို ရှေ့ချ၍ လှူဒါန်းကာ "တပည့်တော်မ သားလေး၏ အသက်ကို ကယ်တင် တော် မူပါဘုရား" ဟု သနားစဖွယ် လျှောက်ထား၏။

နောက်မှ ပြေးလိုက်လာသော အမျိုးသမီးသည်ကား စင်စစ် လူယောင် ဖန်ဆင်း ထားသော ဘီလူးမ ဖြစ်၏။ ဘီလူးမသည် သားပိုင်ရှင် အမျိုးသမီးအား ချစ်ကျွမ်းဝင်ဟန်ပြု၍ ငယ်စဉ်ကပင် အဆွေ ခင်ပွန်း ပြုထားခဲ့၏။ လူမိန်းမ ကလေး မွေးဖွားသော အခါတိုင်း ထို ကလေးကို သတ်စားပြီး ထွက်သွားသည်။ ယခုကား တတိယ အကြိမ် မြောက် သတ်စားရန် ကြိုးစားခြင်း ဖြစ်လေသည်။

အဘယ်ကြောင့် ဤမျှ အငြိုး တစ်ကြီးနှင့် တစ်ဖက်သား ကို ရက်စက်စွာ ပြုကျင့်ရ သနည်း။ အကြောင်း ရှိပေမည်။ စင်စစ် ဤ နှစ်ဦးသည် အတိတ် ဘ၀သုံးခု က အချင်းချင်း ရန်ငြိုး ဖွဲ့ခဲ့ ကြသူများ ဖြစ်၏။ ပထမ ဘ၀က ဘီလူးမသည် လူမိန်းမဖြစ်၍ အမျိုးသား တစ်ဦး၏ မယားအကြီး လည်း ဖြစ်ခဲ့သည်။ ယခုဘ၀ ကလေးမိခင် မှာ ထိုဘ၀က မယားအငယ် ဖြစ်၏။ မယားအကြီးသည် မယားအငယ် ၏ ကိုယ်ဝန် ဟူသမျှကို ဆေးညာတိုက်ကာ ဖျက်ချပစ်ခဲ့ဖူးသည်။ တတိယ အကြိမ် ၌ကား ခြေလွန် လက်လွန် ဖြစ်၍ မယားအငယ် ၏ အသက်ပါ ဆုံးရှူံးခဲ့ ရသည်။ ရန်ငြိုးသည် ထိုဘ၀ ကတည်းက စခဲ့သည်။

နောက် ဘ၀တွင် မယားအငယ်က "ကြောင်မ" ဖြစ်၍ မယား အကြီးက "ကြက်မ" ဖြစ်၏။ ကြောင်မသည် ကြက်မကြီး၏ ကလေးများကို ဖမ်းစားခဲ့ပြန်သည်။ ထိုဘ၀မှ သေလွန် ပြန်သော် ကြောင်မက "သမင်" ဖြစ်၍ ကြက်မက "သစ်" ဖြစ်၏။ သစ်သည် သမင်၏ ကလေးများကို ဖမ်းစားခဲ့ ပြန်သည်။

စင်စစ် ပုဂ္ဂိုလ် တစ်ဦး ၏ အမှားကို ဒုတိယ ပုဂ္ဂိုလ် က အမှားဖြင့် တုန့်ပြန်ခြင်း သည် အမှားကို ချေဖျက်ခြင်း မမည်။ အမှား နှစ်ထပ် ဆင့်ခြင်း ဖြစ်၏။ ဤသို့ဖြင့် နှစ်ဦးသား၏ သံသရာသည် အမှားများ ထပ်ထပ် ဆင့်ကာ အမုန်းတရား များဖြင့် သံယောဇဉ် ဖွဲ့လေ တော့၏။ သံယောဇဉ် ကြိုးများသည် ခိုင်မြဲ ကြသည်။ ကျယ်ပြော သော လောက ၌ပေမင့် တွေ့ဖြစ်အောင် ရှာတွေ့၏။ အခက်အခဲ အမျိုးအမျိုးရှိနေ ပေမင့် ရန်ပြု ဖြစ်အောင် ရှာကြံ ပြုသည်။ ကြောက်မက် ဖွယ်ပင် ဖြစ်၏။

အမျိုးသမီး နှစ်ဦး၏ ရန်ငြိုး အစဉ်အဆက် ကို သိမြင် နားလည်သော မြတ်ဘုရားက တရား ရေအေးဖြင့် မုန်းခြင်း မီးလျှံ ကို ငြှိမ်းအေး တော်မူသည်။

"ဤလောက ၌ ရန်တို့သည် ရန်တုံ့မူ သဖြင့် တရံတဆစ်မျှ မငြိမ်းကုန်။ ရန်တုံ့ မမူမှသာ ငြိမ်းကုန်၏။ ဤကား လောက ဓမ္မတာ ကမ္ဘာ့ နိယာမ တည်း။"

ရန်ငြိုးကို ချေဖျက်၍ ဒါနကထာ၊ သီလကထာ၊ သဂ္ဂကထာ၊ မဂ္ဂကထာ အစဉ်အတိုင်း ဟောကြားတော် မူသဖြင့် ဘီလူးမသည် သောတာပတ္တိမဂ် ၌ တည်လေသည်။

စင်စစ် ရန်ဟူသည် မိမိ၏ သန္တန် တွင်းရှိ ကိလေသာ မှသာ လာသည် ဖြစ်၍ ဗဟိဒ္ဓိမှ လာသည်ဟူ၍ ဓမ္မတာမရှိ။ ရန်တုံ့ ပြန်မည် ဟူ၍ တေးမှတ် ရန်ငြိုး ဖွဲ့ရခြင်းကား ကိလေသာ က အရောင် ဆိုးပေး ထားသော အကုသိုလ် စေတသိက်များ၏ လုပ်ဆောင်ချက် ဖြစ်သည်။ "ပေ ဖြစ်သောအခါ က ခံထားရသည် တူ ဖြစ်သောအခါ နှံလိုက်မည်" ဟူသော စိတ်ထားကား အကုသိုလ် နိုင်းချင်းနှင့် နိမ့်ကျပျော့ညံ့ သော စိတ်နေစိတ်ထားတည်း။ "ပေ ဖြစ်၍ခံ တူဖြစ်၍ နှံ" ရရိုးမှန် လျင် ပေဖြစ်လိုက် တူဖြစ်လိုက် ဘ၀များ နှင့်သာ အချိန် ကုန်မည်မှာ ဧကန်တည်း။ နိမ့်ကျသော စိတ်နေ စိတ်ထား များသည် မြင့်မားသော ဘ၀များနှင့် လားလားမှ မသက်ဆိုင် သည့်အလျောက် နိမ့်ကျသော ဘ၀များ ၌သာ အသားတကျ နေရမည်မှာ ဧကန်တည်း။
ထို့ပြင် လောကသည်လည်း အမုန်း မီးလျံများဖြင့် တရံမလပ် ပူလောင် နေတော့မည် ဧကန်လည်း ဖြစ်ပေ၏။

ရံဖန်ရံခါ၌ အကုသိုလ် အကျိုး ပေးချိန် တန်သောအခါ အဓမ္မသည် ဓမ္မ ဟန်ဆောင်၍ ၀င်ရောက် နှိပ်စက် တတ်ချေ၏။ စင်စစ် နှိပ်စက် တတ်သော ဤ ဓမ္မတာ မှာလည်း လောကဓံ ရှစ်ပါးတွင် အပါအ၀င် ဖြစ်၍ ခံနိုင်ရည် ရှိအောင် အကုသိုလ် မဖြစ်အောင် ကြိုးစား၍ ရင်ဆိုင် အပ်သည်သာ ဖြစ်၏။ ပုထုဇဉ်များ ဖြစ်သည့် အလျောက် အကုသိုလ် ကို ပြုနိုင်သည့် သဘော တရားများ ရှိနေ သော်လည်း ကာယကံ၊ ၀စီကံမြောက် မကျူးလွန် မိအောင် သီလ ဖြင့် ချွန်းအုပ်ပါက တတ်နိုင်သည် သာတည်း။ မနောကံ မြောက် မကျူးလွန် မိအောင် သမာဓိဖြင့် ချွန်းအုပ် ပါကလည်း တတ်နိုင်သည် သာတည်း။ ကိန်းကာနေ၍ အကုသိုလ်ကို အခါ အားလျော်စွာ ဖြစ်စေ တတ်သော အာရမ္မဏာ နုသယ ကို ၀ိပဿနာဖြင့် ပယ်သတ်ပါကလည်း ဖြစ်နိုင်သည်သာတည်း။

စင်စစ် ဖြစ်ဖြစ်သမျှ အကုသလ ၀ိပါက်များ သည်ကား မည်သူ တစ်ဦး တစ်ယောက် ကြောင့်မျှ မဟုတ်။ မိမိပြုခဲ့သော အတိတ် အကုသိုလ်ကံ ကြောင့်သာ ဖြစ်လေသည်။ ဤသို့သဘောပိုက်၍ အန္တရာယ်ကြီးလွန်းသော မုန်းခြင်း သံယောဇဉ် များကို တစ်စတစ်စ ရှင်းလင်း အပ်သည်သာ ဖြစ်ပါတော့ သတည်း။




ကိုးကား

ယမက၀ဂ်-ဦးရွှေအောင်
ပုရာဘေဒသုတ်-မဟာစည်ဆရာတော်။


(တော်တော်ကြာကြာက ရေးခဲ့သော ဆောင်းပါး ဖြစ်ပါသည်။ ထိုစဉ်က ဆရာကြီးဦးရွှေအောင်၏ အတွေးအခေါ်များကို အတိုချုံးကာ ပြန်လည် တင်ပြမည်ဟူသော ရည်ရွယ်ချက်နှင့် ကြိုးစားခဲ့တုန်းက ဖြစ်ခဲ့သည်။)


Read more...

နှစ်သစ် လက်ဆောင်သစ်

အားလုံးနှစ်သစ်မင်္ဂလာမှာ မင်္ဂလာတရားကို လက်ကိုင်ထားကျင့်သုံးနိုင်ကြပါစေ။

နှစ်ဟောင်းကုန်လို့ နှစ်သစ် ရောက်ခဲ့ပါပြီနှစ်ဟောင်းက ပူဆွေးစရာတွေ စိုးရွှံမှုတွေကို ထားရစ်ခဲ့ပြီ နှစ်သစ်

အတွက် အင်သစ်အားသစ် တွေနဲ့ ရှေ့ဆက် ဘ၀ခရီး ဆက်ပြီးသွားနိုင်ပါစေလို့ ဆုတောင်း ရင်း ကျွန်တော်အနေ

နဲ့ နှစ်သစ်လက်ဆောင် ဘာပေးရင်ကောင်းမလဲ ခေါင်းစားခဲ့ပါတယ်။ နောက်မှ စဉ်စားမိတာ တစ်ခုရှိပါတယ်။

ကျွန်တော်က အသုံးချစိတ်ပညာတက်တော့ Psycho Social Support, နောက်

လူမှုရေးလုပ်သားလုပ်တော့ Co-operative Coaching ဆိုပြီး အမျိုးမျိုးသော သင်တန်းတွေ တက်ခဲ့ပေမဲ့

လောက်လောက်လားလား တစ်ခါမှ အသုံးမချဖြစ်ခဲ့ပါဘူး။ သူငယ်ချင်းတွေ နဲ့ပဲ ဒီပညာတွေကို အသုံးပြုခဲ့ပါတယ်။

တခါတစ်လေ လူတွေဟာ စကားပြောဖို့လိုအပ်ပါတယ် ခံစားရတဲ့ ခံစားချက်တွေ မွန်းကြပ်မှုတွေ မကြေနပ်ချက်တွေ

စိတ်အခဲမကြေမှုတွေ နေစဉ်နေတိုင်း ရင်ဆိုင်တွေ နေရတဲ့ အခါ ခံစားချက်တွေ ကို ဝေမျှပေးဖို့ ဝေဒနာတွေကို

မျှယူဖို့ အတွက် စကားပြောဖော်ရှာကြပါတယ်။ တစ်ခါတစ်လေ ကိုယ်စကားပြောတဲ့ သူက

ကိုယ်ခံစားချက်ပြင်းပြင်းနဲ့ ပြောတဲ့စကားတွေကို အလေးမစိုက်တာတို့ ဂရုမပြုတာတို့ ပြုလာရင် တစ်ပူပေါ် နှစ်ပူ

ဆင့်ပြီး ပိုစိတ်ဆင်းရဲ ခံစားရတာ မျိုးတွေ ကြုံကြရပါတယ်။ ကျွန်တော်အနေနဲ့ ခင်ဗျားတို့ အတွက် လိုနေတဲ့

ကွက်လပ်လေးကို ဖြည့်စည်းပေးချင်ပါတယ်။ ခင်ဗျားတို့ပြောတဲ့ ပြဿနာတွေ ခံစားမှုတွေ ပြေဖျောက်စေဖို့

ရင်ထဲပေါ့သွားစေဖို့ စိတ်မွန်းကျပ်မှုတွေ ဖြေဖျောက်ပေးဖို့ တပတ်ကို တစ်ရက် အချိန်ပေးမယ်လို့

စဉ်းစားမိပါတယ်။ နိုင်ငံရပ်ခြားမှတော့ ဒါမျိုးက အထူးအဆန်းမဟုတ်ပေမဲ့ အခုဒီမှာတော့ အတော်အတန်

ဆန်းနေပါလိမ့်မယ်။ ကျွန်တော်တို့ဆီမှာ နားထောင်တဲ့ သူအတော်ရှားပါတယ် ကိုယ်ကပဲပြောချင်ကြတယ်

သူများပြောတာကို တော့ နားမထောင်ကြဘူး။ အချို့ကြတော့လည်း ဟန်ဆောင်ပြီး နားထောင်ကြတယ်။

တစ်ခါတစ်လေ အရမ်းစိတ်မွန်းကျပ်တဲ့ အချိန်မှာ ထွက်ပေါက်မရှိတဲ့ အချိန်မှာ စကားပြောဖော်လိုတဲ့ အချိန်မှာ

ကျွန်တော်တို့က ခင်ဗျားတို့ ပြောချင်တာတွေ ပြဿနာတွေ မွန်းကျပ်မှု တွေကို လျော့သွားအောင် ခင်ဗျားတို့

ပြောချင်တဲ့ စကားတွေကို ရိုးရိုးသားသားနဲ့ နားထောင်ဆွေးနွေးပေးပါမယ် နားထောင်ပေးပြီး ပြဿနာတွေ

အခက်အခဲတွေကို ကျော်လွားနိုင်ဖို့ အားအင်သစ်တွေ ရရှိလာအောင် အားပေးပါမယ် စကားပြောတာကို

နားထောင်ပေးခြင်း၊ ဆွေးနွေးခြင်းက မွန်းကျပ်မှုတွေ၊ စိတ်ညစ်ညူးမှုတွေကိုလုံးဝ မပျောက်ရင်တောင် အတော်အတန်

လျောသွားမယ်လို့ ယုံကြည်ပါတယ်

ဒီအတွက် ကျွန်တော်ခင်ဗျားတို့ အတွက် စကားပြောဖော်လိုရင် ကျွန်တော်နားထောင်ဆွေးနွေးပေးပါမယ်

စည်းကမ်းလေးတွေ တော့ နည်းနည်း လုပ်ထားတယ်ဗျ

  1. တပတ်ကို တနင်္ဂနွေတစ်ရက်သာ
  2. ရွှေတိဂုံဘုရားရင်ပြင်တော်ပေါ်က ခေါင်းလောင်းကြီးစောင်းတန်းမှာ နားထောင်ဆွေးနွေးပေးမည်
  3. ပြည်ပက လူများအတွက် သာ အွန်လိုင်းက နားထောင်ဆွေးနွေးပေးမည်
  4. ပုဂ္ဂိုလ်ရေးရာနဲ့ဆွေးနွေးချက်တွေကို လျှိုဝှက်ထားပေးမယ်
  5. ပြောချင်တဲ့သူ ဆွေးနွေးချင်တဲ့ သူက အီးမလ်ကနေ ဆက်သွယ်ရမည်
  6. Co-operative Coaching ဆိုတဲ့ Page မှာ ကော်မန့် ရေးပြီးလည်း ဆက်သွယ်နိုင်သည်
  7. ဖုန်းဖြင့် လက်ခံဆွေးနွေးပေးမည်မဟုတ်
  8. ရွှေတိဂုံဘုရားမှ လွဲ ကျန်နေရာများတွင် ဆွေးနွေးပေးမည်မဟုတ်
  9. အခမဲ့ ဆွေးနွေးပေးပါမည်
  10. တစ်နေ့လျင် ၃ ယောက်သာ

ဒါ ဘလော့ လူဝင်များအောင် ပွဲ လုပ်ခြင်းမဟုတ်ပါ စိတ်ပိုင်းဆိုင်ရာ အကူအညီပေးချင်း အားပေးခြင်း နှစ်သိမ့်ပေးခြင်း

လုပ်ခြင်းသက်သက်ပါပဲ ရန်ကုန်မြို့ရဲ့ မြို့ပြဘ၀မှာ သူငယ်ချင်းတွေ မိတ်ဆွေတွေ အများချည်းရှိပေမဲ့

စကားပြောဖော် ရှားလာလို့ တစ်ပတ်တစ်ခါ ကုသိုလ်ယူချင်တဲ့ သဘောပါပဲ အရင်က ဒီလိုပုံစံမျိုး

ဆရာအတ္တကျော်လည်း လုပ်ဖူးတယ်လို့ ကြားဖူးပါတယ်။ ကျွန်တော်မအာလပ်တဲ့ အခါ ကိုအေးချမ်း၊ကိုသူရိန်တို့ က

ကူညီ ဆွေးနွေးပေးပါမယ်။ နှစ်သစ်မှာ ပေးတဲ့ လက်ဆောင် ဆိုပေမဲ့ တစ်နှစ်လုံးပေးသွားမဲ လက်ဆောင်တစ်ခုပါပဲ။

6 လပိုင်း အစမှ ပေးမှာနော် မေလက မအားလို့ပါ



Read more...

Apr *မှတ်သားဖွယ်ရာအမေးအဖြေများ(၄)*

Written by တောသားလေး 1 အကြံပြုပါသည်။ Posted in:

ဘုရားရှင်က ကျားမ တန်းတူထားပါသလား
အမေး။ ။အရှင်ဘုရား….ဓမ္မမိတ်ဆွေ အမျိုးသမီးကြီးတစ်ဦးက ပြောပါတယ်။ သူဟာ မြတ်စွာဘုရား ကိုတော့ ကြည်ညိုပါတယ်။ ဒါပေမဲ့ ဘိက္ခုနီမ တွေမှာ ပါရာဇိက (၈)ပါးအထိ ပညတ်ထားခြင်း၊ ဂရုဒဏ်တရား(၈)ပါး လိုက်နာနိုင်မှ ဘိက္ခုနီမပြုလုပ်ရခြင်း၊ အခုအခါ ဗမာပြည်က ဘုရားအချို့ပေါ်မှာ မိန်းမမတက်ရခြင်း၊ နိယတ ဗျာဒိတ်ကို မိန်းမမခံရခြင်း စတာတွေဟာ အမျိုးသမီးများကို ဖိနှိပ်ထားတဲ့သဘောဖြစ်နေပါတယ်။ ဒါတွေကို ထောက်ပြီး မြတ်စွာဘုရားဟာ (discrimination) ကျားမခွဲခြားတယ်လို့ မြင်နိုင်ပါသလား။ တကယ်လို့ ဘုရား ရှင်ဟာ အင်္ဂလန်မှပွင့်ခဲ့မယ် ဆိုရင် ဒီစည်းကမ်းတွေမထားဘဲ ကျားမ တန်းတူထားနိုင်မှာလား လို့မေးလာပါ
တယ်။ တပည့်တော်က အရှင်ဘုရားဖြေပါလိမ့်မယ်လို့ပဲ အာမခံခဲ့ပါတယ်ဘုရာ။ ဒါကြောင့် ကမ္ဘာ့အမျိုးသမီး ထုကြီးတစ်ရပ်လုံးအတွက် ဖြေကြားပေးတော်မူပါဘုရား။
Dr. တင့်ဇင်ဦး
မန်းစဖီးလ်၊အင်္ဂလန်
အဖြေ။ ။အမျိုးသမီးများကို ခွဲခြားပြီး တန်းတူအခွင့်အရေးမပေးလို့ဆိုပြီး မကျေနပ်မှုများ ရှိနေတယ်ထင်ပါ တယ်။ ဒီအတွက် စိတ်အနှောက်အယှက်မဖြစ်ရအောင် ရှင်းလင်းဖြေကြားပေးပါ့မယ်။
ဘိက္ခုနီမများကို ဂရုဓမ်တရား (၈)ပါး ထားရခြင်းအကြောင်း
နောင်အခါမှာ သဒ္ဓါ ပညာ ၀ီရိယနည်းပါးတဲ့အမျိုးသမီးများဟာ သာသနာတော်အတွင်း ၀င်ရောက်လာခဲ့ကြ လိမ့်မယ်။ တကယ်လို့ ဂရုဓမ်တရား (၈)ပါး မထားခဲ့၊ မပညတ်ခဲ့ဘူးဆိုရင် ဘိက္ခုနီမများဟာ ရဟန်းတော် ယောင်္ကျားများနဲ့ ရောယှက်ရှုပ်ထွေးလာလိမ့်မယ်။ အဲဒီအခါ သာသနာတော်ကြီး တစ်ဝက်လောက်လျော့ပါး ကာ ခပ်မြန်မြန် ကွယ်ပျောက်သွားဖွယ်ရာရှိပါတယ်။ အခုအခါ ဂရုဓမ်(၈)ပါး ပညတ်တော်များကြောင့် သာသ နာတည်တံ့ချိန် မလျော့ပါးဘဲ နဂိုအတိုင်း အချိန်ပြည့် တည်တံ့နိုင်ဖွယ်ရှိပါတယ်။ ဒါကြောင့် ဂရုဓမ်(၈)ပါး လိုက်နာနိုင်မှ ဘိက္ခုနီမပြုခွင့်ပေး ရခြင်းဖြစ်ပါတယ်။
သိက္ခာပုဒ်တိုးလာရခြင်းအကြောင်း
ဂရုဓမ်ပညတ်တော်များဖြင့် လာမဲ့ဘေးကို ကြိုတင်တားဆီးထားပါသော်လဲ အတော်ကြာတဲ့အခါ ထူးထူးခြား ခြားပေါက်ကြားမှုများလဲ ပေါ်ပေါက်လာ လိမ့်မယ်။ ဒါကြောင့် ရဟန်းယောင်္ကျားများအားပညတ်ထားတဲ့ (မေ ထုန်မမှီဝဲရ၊သူ့ဥစ္စာမခိုးရ၊သူ့အသက်မသတ်ရ၊ဈာန်မဂ်ဖိုလ်မရဘဲ ရတယ်လို့ မလိမ်ရ စတဲ့ သိက္ခာပုဒ်အချို့ကို ဘိက္ခုနီမများအတွက် သက်ဆိုင်စေပြီး၊ ရဟန်းယောင်္ကျားများနဲ့ အပြစ်ပြုပုံခြင်း မတူတဲ့ကိစ္စများအတွက် သီး ခြားထပ်ပြီး ပညတ်တော်မူရပြန်ပါတယ်။ (ဘုရားဥပဒေတော်ကြီး၊နှာ-၃၁၂)
သာသနာတော်မှာ ဘ၀ပန်းတိုင်ဖြစ်တဲ့ မဂ်ဖိုလ်နိဗ္ဗာန်ကို ရဟန်းယောင်္ကျားများသာမဟုတ် ရဟန်းမိန်းမများ လဲရပိုင်ခွင့်တွေရှိနေကြတဲ့အပြင် အဂ္ဂသာဝက၊ မဟာသာဝကရာထူးတွေကိုလဲ ရရှိနေကြပါတယ်။ ရဟန်းယောင်္ကျားများကိုပေးတဲ့ ဧတဒဂ်ဘွဲ့ထူးတွေကိုလဲ ရဟန်းမိန်းမ များသာမက ဥပါသိကာမိန်းမများ (ဥ ပမာ-ခုဇုတ္တရာ)ကိုလဲ ဧတဒဂ်ဘွဲ့ထူးကို ပေးပါသေးတယ်။ ဒါဟာ သတ္တ၀ါတွေအပေါ် ကျားမ မခွဲခြားဘဲ တန်း တူအခွင့်အရေးပေးထားတယ်ဆိုတာ သိသာနေပါတယ်။
ဗမာပြည်က အချို့ဘုရားအပေါ် မိန်းမ မတက်ရ
ဘုရားဆိုလို့ ကျိုက်ထီးရိုးဘုရားမှာလဲ တံတားလေးကနေ စေတီတော်ဘက်သို့ မသွားရတာကတော့ စေတီ တော်ရဲ့ဝန်းကျင်က ကျဉ်းတယ်။ အကာအရံလဲမရှိတဲ့အတွက် အားငယ်ပြီးကြောက်တတ်တဲ့ အမျိုးသမီးများ နဲ့မသင့်လျော်ဘူး၊ မူးမော်ပြီး လိမ့်ကျမှစိုးတဲ့အတွက် အန္တရာယ်များလှတဲ့ အတွက်ကြောင့် တားမြစ်ထားတာ ဖြစ်တယ်၊ အမျိုးသမီးများစေတီတော်ရင်ပြင်နားအထိ လာရောက်ရှိခိုးတာကို နတ်များက မကြိုက်လို့ တား မြစ်တာမဟုတ်ပါဘူးလို့ ၁၂၇၇ ခုနှစ်က ကျိုက်ထီးရိုးစေတီတော်မှာ အုပ်ချူပ်တဲ့ ဆရာတော်ဦးအာဒိစ္စက ပြောပါတယ်။
ဒါဆိုရင် သတ္တိရှိတဲ့ အမျိုးသမီးများက စေတီတော်အနီးအထိသွားမယ်ဆိုရင် သွားရောက်ဖူးမျှော်နိုင်ပါတယ်။
တကယ်တော့ အမျိုးသမီးများမတက်ရ၊ ဘုရားနားအထိမသွားကောင်းဘူးဆိုတဲ့ ဒိဋ္ဌိဆန်ဆန် အယူသည်းနေ တဲ့သမိုင်းဆရာကြီးတစ်ချို့ရဲ့ သမိုင်းစာမျက်နှာအမှားတွေပါ။ အမှားကြာတော့ အမှန်ဖြစ်ဆိုတာလို အခု တော့ဘုရားပေါ်အထိ အမျိုးသမီးများ မသွားဝံ့တဲ့အထိ ဖြစ်ကုန်ကြပါတယ်။လောကမှာဘယ်သူမဆို ကောင်း မှုကုသိုလ်လုပ်ရင် ကောင်းကျိုးချမ်းသာရကြမှာ အမှန်ပါ။ အမျိုးသမီးများ ဘုရားအနီးသွားပြီး ဘုရားရှိခိုးတော့ ကုသိုလ်ရတာပေါ့။ ကုသိုလ်ရရင် ကောင်းကျုိုးချမ်းသာကတော့ ရကြမှာပါ။ ထိတ်လန့်ဖွယ်ရာတွေနဲ့ခြောက်လန့်ထားပေမဲ့ ဘာမှမဖြစ်ပါဘူး။ ရဲရဲကြီးသာသွားကြဖို့ တိုင်တွန်းပါတယ်။
ကျိုက္ခမီရေလည်ဘုရားလဲ ထိုနည်းအတူပါပဲ။ အမျိုးသမီးများ ၀င်ရောက်မဖူးရ အဝေးကဖူးရမယ်၊သတ်မှတ် ထားတဲ့နေရာက ဖူးရမယ်၊ တကယ်လို့ ၀င်ဖူးရင် ဘာဖြစ်မယ် ညာဖြစ်မယ်ဆိုတာတွေဟာ အလကားပါ။သ မိုင်းဆရာတွေရဲ့ အဓိပ္ပါယ်မဲ့ တဲ့လုပ်ရပ်တွေပါ။ ပြောလိုတာကတော့ သာသနာတော်ကိုကြည်ညိုရင်းစွဲရှိတဲ့ သဒ္ဓါတရားကောင်းတဲ့အမျီုးသမီးများ ဘယ်ဘုရားမဆို အနီးသို့ ၀င်ရောက်ဖူးမျှော်နိုင်ပါတယ်။ ဘာအန္တရာယ်မှမဖြစ်တဲ့အပြင် ကုသိုလ်ရပြီး ကောင်းကျိုးချမ်းသာများ ရရှိနိုင်ပါတယ်။
(သုတေသန သမ္မာမဂ္ဂင်္ဂပဥှာကျမ်း၊နှာ-၂၇၅-၂၇၆)
အမျိုးသမီးများ နိယတဗျာဒိတ်မခံရ
နိယတဗျာဒိတ်ဆိုတာ ဘုရားဧကန်ဖြစ်မယ်ဆိုမှသာ နိယတဗျာဒိတ်ပေးတော်မူကြတာပါ။ ဘယ်အမျိုးသမီး ကိုမှ ဘုရားမဖြစ်ပါဘူး။ လောကမှာ ယောင်္ကျားကသာ ဘုရားဖြစ်ရတာပါ။ ဒါကြောင့် အမျိုးသမီးကို နိယတ ဗျာဒိတ်ပေးလို့မရပါဘူး။ တကယ်လို့ နိယတဗျာဒိတ်ခံချင် သပဆိုရင်တော့ ပထမ မိမိကိုယ်ကို ယောင်္ကျား ဖြစ်အောင် ကျင့်သုံးရပါအုံးမယ်။
အဆူဆူဘုရားရှင်တို့ ပွင့်တော်မူမြဲနေရာဒေသဟာ မဇ္ဈိမဒေသဖြစ်တဲ့အတွက် ဘယ်နည်းနဲ့မှ အင်္ဂလန်မှာ ပွင့်ရိုးထုံးစံမရှိပါဘူး။ တကယ်လို့ပွင့်မယ်ဆိုရင်တောင်မှ စည်းကမ်းဥပဒေသကတော့ နေရာဒေလိုက်ပြီး ပြောင်းလဲမှာမဟုတ်ပါ။ အရင်ကလဲဒီဥပဒေသ အခုလဲဒီဥပဒေသ နောင်လဲ ဒီဥပဒေသပဲဖြစ်မယ်ဆိုတာ ဖြေ ကြားပေးလိုက်ပါတယ်။ ။
ဆရာတော်ဦးကောဝိဒ(မြိတ်)
***********************************************************************
ဆရာတော် ဦးကောဝိဒ(မြိတ်) ရေးသားသော ဆိုဒ်မှာ တစ်ဆင့်ပြန်လည်ကူးယူပြီး စာဖတ်သူ ဓမ္မမိတ်ဆွေ များကို မျှဝေလိုက်ခြင်း ဖြစ်ပါသည်။
ကျွန်တော်ဘလော့လေးကို လာရောက်လည်ပတ်အားပေးကြသော အားလုံးသောဓမ္မ မိတ်ဆွေ သူတော် ကောင်းအပေါင်းတို့ နှစ်သစ်မှာ ကိုယ်စိတ်နှစ်လုံးရွင်ပြုံးချမ်းသာပြီး လိုရာခရီးပန်းတိုင်ကို အောင်မြင်အောင် လျောက်လှမ်းနိုင်ကြပါစေလို့ ကျွန်တော် တောသားလေးမှ နှစ်သစ်မှာ ဒီပိုစ်လေးနဲ့အတူ ဒီနေရာမှဘဲ ဆု တောင်းပေးလိုက်ပါတယ်ခင်ဗျာ။

Read more...

Comparison between Religion & Buddhism

Saturday, April 17th, 2010 | Author: admin

သီတဂူဆရာတော်ဘုရားကြီးရဲ့ စင်ကာပူမှာ ဟောတဲ့ အစွန်းမရောက်စေနဲ့ တရားလေး နာဖြစ်ပါတယ်။ အဲဒီ့တရားတော်ထဲက..ဘာသာရေးဆိုတာနဲ့ ဗုဒ္ဓ၀ါဒဆိုတာ ဘယ်လိုကွာသလဲ ဟောထားတာလေးက..မှတ်သားစရာကောင်းတဲ့အတွက် ကျွန်တော်မှတ်ထားလိုက်တာလေးကို ဖော်ပြလိုက်ပါတယ်။
ဗုဒ္ဓဘာသာဆိုတာကို အများနားလည်အောင် ဘာသာရေးလို့ ဆိုချင်လည်းဆိုပါစေ.တော့.
ဒါပေမယ့် အများနားလည်ယုံကြည်ကြတဲ့ ဘာသာရေးဆိုတာက..အခြေခံအားဖြင့်
ယုံကြည်လိုက်၊ ကိုးကွယ်လိုက်၊ ဆုတောင်းလိုက်..
မယုံရင်လည်း အပြစ်ပေးလိမ့်မယ်..မကိုးကွယ်ရင်လည်း အပြစ်လာဦးမယ်..ပြီးတော့လိုချင်တာမှန်သမျှကို အမြဲ ဆုတောင်းနေရမယ်..
ဗုဒ္ဓ၀ါဒဆိုတာက..အဲလို ဘာသာရေးမဟုတ်ပါဘူး..
ကိုယ်ကျင့်သီလ + သမာဓိ + ပညာ ဒီလို သိက္ခာကြီးသုံးရပ်နဲ့ ပေါင်းစပ်ထားတဲ့..အမှန်တရားအစစ်သာ ဖြစ်ပါတယ်..
ဆရာတော်ကြီး တရားထဲမှာ ဒါကို အကျဉ်းချုပ်လေး..နားလည်အောင် ဟောထားတာကို. နာဖြစ်ခဲ့ပါတယ်။..ကျွန်တော်က..ဇယားလေးနဲ့.
အခုလို ဖော်ပြလိုက်ပါတယ်။


Religion Buddhism
1 Believe in unknown God Discipline or Morality (to control the physical & verbal actions)-သီလ
2 Worship in unknown God Mental Concentration (to control mental activities)-သမာဓိ
3 Pray to unknown God Wisdom (to purify the mind)-ပညာ
4 Theocentric-ထာဝရဘုရားသခင်ကိုပဓာနထားသည် Homocentric-လူကိုပဓာနထားသည်

ဆရာတော်ကြီးတရားတော်ကို dhammadownload.com မှာ ဒေါင်းလုပ်ချနာယူနိူင်ပါတယ်။



Read more...

သာဝထ္ထိသို့ ခရီးဆက်( မြန်မာသင်္ကြန်ပွဲကို လွမ်း)








15-4-2010 သင်္ကသ နဂိုရ်မှ သာဝထ္ထိသို့

နံနက်(၆)နာရီတွင် နယူးဒေလီမြို့ က သင်္ကသကိုရောက်ပါတယ်။ နံနက်စာစား၍ အနားယူကြ တယ်။ရေချိုးပြီး အင်တာနက်ဖွင့်တယ်။ ဘလော့တင်၊ တောင်ကြီးသို့ မေးလ်ပို့တယ်။ နေ့လည်စာ စားပြီး နားကြတယ်။ နေ့လည်(၂း၃၀)နာရီမှာ သင်္ကသ မြန်မာကျောင်းမှ ဆရာတော်ဘုရားအား ပူဇော်ကန်တော့ကြပါတယ်။

ညနေ(၄း၃၀)နာရီမှာ သင်္ကသ နယ်မြေက မြတ်စွာဘုရားရှင်တော် တာဝတ္တိန်သာနတ်ပြည်သို့ လူဘ၀မှမိခင်မယ်တော် နတ်သားအားတရားဟော၍ ပြန်လည်ကြွမြန်းလာသော ရွှေစောင်းတန်း၊ ငွေစောင်းတန်း၊ ပတ္တမြားစောင်းတန်း ကုန်းမြင့်နေရာဖြစ်ပါတယ်။

ယခုနေရာကတော့ ရှင်သာရိပုတ္တရာ ရဟတ္တာကိုယ်တော်မြတ်က လှည်းသားငါးရာတို့အား တရားဟောတော်မူသော နေရာဖြစ်ပါတယ်။ ကျွန်တော်တို့ ဘုရားဖူးသော နေရာဌါန နှစ်ခုလုံး ကို ဟိန္ဒူဘာသာဝင်များက သူတို့၏ ဘုရားကျောင်းနေရာများ ပူးတွဲသတ်မှတ်ထားကြပါတယ်။ ယင်းနေရာ(၂)နေရာတွင် စေတီဘုရားတည်ထားကိုးကွယ်ခွင့်မရကြောင်း သိရှိခဲ့ရပါတယ်။

ည(၈)နာရီမှာ သင်္ကသ နဂိုရ်မြန်မာကျောင်းမှ ညစာထမင်းစားပြီး သာဝထ္ထိပြည် သို့ထွက်ခဲ့ကြ ပါတယ်။ တစ်ညလုံးကားစီးကြရပါတယ်။ သာဝထ္ထိသို့ ၁၅-၄-၂၀၁၀ နေ့ နံနက်(၅)နာရီခန့် တွင် ရောက်မည် သိရပါတယ်။

မနက်ဖြန်ခရီးစဉ်အား ဆက်လက်တင်ပေးပါမည်။


ရွှေလမ်းငွေလမ်းဝင်းကြည်
၂၀၁၀ ခု၊ဧပြိလ(၁၆)ရက်ည(၉)နာရီတင်သည်။

Read more...

ဧဟိသွာဂတံမှ ကြိုဆိုခြင်း

နှစ်သစ်မင်္ဂလာအခါတော်သမယတွင် အိန္ဒိယနိုင်ငံဆိုင်ရာ ပညာသင်မြန်မာရဟန်းတော်များ သာယာဖွံဖြိုး ရေးအဖွဲ့ ကြီး၏ ၀က်ဘ်ဆိုဒ်မှ ကြိုဆိုပါသည်။ (Bliss Foundation ) ဇနီးမောင်နှံမှ လှူဒါန်းထားသည့် “ဧဟိသွာဂတံ” ဟု ယာယီပေးထားသော ၀က်ဘ်ဆိုဒ် အမည်နှင့် ပတ်သက်၍ ပြုပြင်ရန်၊ဖြည့်စွက်ရန်၊ သို့မဟုတ် ပိုမိုကောင်းမွန်သောအမည်ပေးနိုင်ရန် အဖွဲ့ဝင်ရဟန်းတော် များထံမှ အကြံဉာဏ်များ မျှော်လင့်ပါသည်။ လာမည့်မေလတွင် ကျင်းပမည့် အဖွဲ့ကြီး၏ ပထမလေးလပတ်အစည်း အဝေးတွင် တင်သွင်း အတည်ပြုနိုင်ရန်အတွက် အကူအညီရနိုင်စေရန် ရည်ရွယ်ပါသည်။

အဖွဲ့ကြီး၏ ၀က်ဘ်ဆိုဒ်တွင် ဖော်ပြဓမ္မဒါနပြုရန်အတွက် ဓမ္မရေးရာကဗျာဆောင်းပါးများပေးပို့ကြရန်လည်း အထူးမျှော်လင့်ပါသည်။ ဗုဒ္ဓဘာသာဝင်ရဟန်းရှင်လူတို့၏ ၀က်ဘ်ဆိုဒ်အသီးသီးတွင် လင့်ခ်များချိတ်ဆက် ပေးခြင်းဖြင့် ဓမ္မဒါနကုသိုလ် တော်ယူကြပါရန် မေတ္တာရပ်ခံအပ်ပါသည်။

အရှင်ဝိစိတ္တသာရ
အထွေထွေအတွင်းရေးမှူး
အိန္ဒိယနိုင်ငံဆိုင်ရာပညာသင်မြန်မာရဟန်းတော်များသာယာဖွံ့ ဖြိုးရေးအဖွဲ့
Email; vicitta.modern@gmail.com
Ph-00-91-9621661656


Read more...

“ဖရိုဖရဲနှစ်သစ်”

Posted 8:41 PM by ကိုနော in Labels:

ယခုနှစ်သင်္ကြန်၌အမိရွှေပြည်ကြီးသည်၎င်း,ကိုနောသည်၎င်းအရေးမကြီးသောအရေးတကြီးကိစ္စများ,မလုပ်
လည်းဖြစ်သောမလုပ်မဖြစ်ကိစ္စများဖြင့်စနစ်တကျရှုပ်ထွေးနေပါသဖြင့်အခြားခြားသောBLOGများကဲ့သို့လှပ
သောစကားလုံးများဖြင့်မကြိုနိုင်,နှုတ်ခွန်းမဆက်နိုင်ဖြစ်ရသည့်အတွက်ပရိတ်သတ်အပေါင်းတုိ့အားတောင်း
ပန်လိုက်ပါသည်။
ယခုလောလောဆယ်ဆယ်တွင်အရှက်ဝတ္ထုကြီးကိုပြီးဆုံးအောင်ပြန်ဆိုရန်နှင့်ဟိန္ဒီဘာသာပြန်ကဗျာများကို
မကြာမကြာတင်ဆက်နိုင်ရန်ရည်ရွယ်ထားပါသည်။အရှက်ဝတ္ထုကြီးပြီးဆုံးပါကအလွန်ရှည်လျားလှသောခရီး
တစ်ခုသွားရမည်ဖြစ်၍ကိုနောခရီးသွားခြင်းဆောင်းပါးရှည်တစ်ပုဒ်ဖြစ်လာစရာရှိပါသည်။
(သို့မဟုတ်)အခြားမထင်မှတ်သောအကြောင်းအရာများလည်းဖြစ်လာနိုင်ပါသည်။

ယခုအရွယ်ရောက်နေပြီဖြစ်သောကိုနောBLOGသည်နုစဉ်အခါကကဲ့သို့ ထွင်လုံးများလာနိုင်တော့မဟုတ်ပါ
ကြောင်းကိုလည်း အသိပေးအပ်ပါသည်။
နှစ်သစ်မှစ၍တစ်သက်တာပတ်လုံးအကောင်းများကိုသာတွေ့ကြုံကြရပြီးကျန်းမာချမ်းသာစွာဖြင့်နိုင်ငံအကျိုး
သယ်ပိုးနိုင်ကြပါစေ......

မေတ္တာဖြင့်....ကိုနော
၁၈.၄.၂၀၁၀

Read more...

လူဖြစ်ရကျိုးနပ်ပါစေ

နှစ်ဟောင်းကုန်လို့  နှစ်သစ်တစ်ခုကို ရောက်လာခဲ့ပြန်ပါပြီ။ ပြီးခဲ့တဲ့ နှစ်ဟောင်းမှာ ၀မ်းသာစရာတွေနဲ့  ကြုံတွေ့ ခဲ့ရသလို။ ၀မ်းနည်းစရာတွေ အမြောက်အများနဲ့ လည်း ဆုံတွေ့ ခဲ့ရပြီးပါပြီ။ နောက်ဆုံးမှာ အနှစ်ပြန်ချုပ်လိုက်တော့ ဘာမှ မယ်မယ်ရရ မရှိခဲ့ပါဘူး။ ၀မ်းသာစရာ၊ ၀မ်းနည်းစရာတွေရဲ့အပေါ်မှာ ဖြစ်ပြီး၊ ပျက်တယ်ဆိုတဲ့ သဘောတရားလေးက အချိန်ခဏလေးနဲ့  နှုတ်ဆက်ခံသွားရတဲ့ သူတွေရှိသလို၊ အချိန်ပေါင်း ကြာညောင်းစွာ အစွဲခံရတဲ့သူတွေလည်း ရှိနေပါသေးတယ်။

ကံတရားဆိုတာ နှစ်သစ်တွေ၊ နှစ်ဟောင်းတွေနဲ့  ခြားနားမထားပါဘူး။ ကိုယ်က မကောင်းတာတွေ တစီတတန်းကြီး လုပ်ခဲ့မယ်ဆိုရင် အဲဒီ ကိုယ်ကိုယ်တိုင် ပြုလုပ်ခဲ့တဲ့ ကံရဲ့အရိပ်က ပစ္စုပ္ပန်အချိန်မှာလည်း ကြောက်လန့် ၊ စိုးရိမ်နေရသလို၊ နောင်အနာဂတ်ကာလ တမလွန်ဘ၀ အဆက်ဆက်မှာလည်း ကြောက်လန့် စိုးရိမ်မှုတွေ တဖွားဖွား ဖြစ်နေအုံးမှာ သေချာပါပဲ။ ကောင်းတာတွေလုပ်ခဲ့တဲ့ သူလည်း ဒီအတိုင်းပါပဲ။ ကြိုးစားပြီး စိုက်ပျိုးခဲ့ရတဲ့ ကောင်းမှုမျိုးစေ့တွေဟာ ပျော်ရွှင်ခြင်း အသီးအပွင့်တွေ၊ ချမ်းသာခြင်း အသီးအပွင့်တွေနဲ့  အသင့်ခူးဆွတ်စားသုံးဖို့  လက်တစ်ကမ်းမှာ အမြဲရှိနေမှာပါပဲ။

ကိုယ့်အတွက် ရောက်ရှိလာတဲ့ နှစ်သစ်ဟာ ပန်းပေါင်းဝေဆာ သာယာမယ့်နှစ်တစ်ခုလား၊ ဒုက္ခတွေမြောက်များစွာနဲ့ စိတ်မအေးရတဲ့ နှစ်တစ်နှစ်လားဆိုတာဟာ ကိုယ်ကိုယ်တိုင်ဖန်တီး ထုဆစ်ထားတဲ့ ကံအကြောင်းတွေပေါ်မှာပဲ မူတည်နေပါလိမ့်မယ်။ လက်ရှိအချိန်မှာ ပျော်ရွှင်စရာတွေ ဓာတ်သက်အားကောင်းကောင်းနဲ့  ရချင်ရင် ရှေးရှေးက အဲဒီအကျိုးရဲ့ အကြောင်းတရားတွေကို ဖန်တီးခဲ့ဖြစ်ဖို့ ပါပဲ။ နောက်နောင်ကာလမှာ ရချင်သေးတယ်ဆိုရင် အခုကတည်းက ကြိုးစားအားထုတ်လိုက်ဖို့ ပါပဲ။ ပစ္စုပ္ပန်မှာ အကောင်အထည်ဖော်၊ ဆစ်ထုဖြစ်နေတဲ့ ရုပ်လုံးလေးဟာ နောင်အနာဂတ်ကာလရဲ့ အရင်းမြစ်ဆိုတာ သေချာပါပဲ။

လူ့ ဘ၀ကို ရရှိထားတဲ့ အချိန်လေးမှာ စိန်ခေါ်မှုတွေ၊ အဆုံးမသတ်နိုင်သေးတဲ့ တိုက်ပွဲတွေ ဘယ်လိုပဲဆုံတွေ့ ကြုံတွေ့ နေပါစေ၊ အသိဉာဏ်တွေတိုးပြီး၊ လူဖြစ်ရကျိုးလေး နပ်သွားရအောင်တော့ ကြိုးစားလုပ်သွားရမှာပါပဲ။ လူ့ ဘ၀ဇာတ်ခုံပေါ်မှာ ကိုယ်က ရိုးသားဖြောင့်မတ်တဲ့သူ၊ ကိုယ်ကျိုးမရှာ၊ တဖတ်သတ်မဆန်တဲ့သူ အဖြစ်နဲ့ သာ သရုပ်ဆောင်သွားနိုင်ဖို့ ပါပဲ။

လက်ရှိအချိန်ကစပြီးတော့ မိမိရဲ့ အတွေးတွေကို ဂရုစိုက်ပေးပါ၊ အပြောတွေကို ဂရုစိုက်ပေးပါ၊ အလုပ်တွေကို ဂရုစိုက်ပေးပါ။ ခြေတစ်လှမ်းမှားလိုက်ရင် သက်ရောက်မှုကလည်း ကောင်းမှာ မဟုတ်တဲ့အတွက် ကိုယ်လှမ်းမယ့် ခြေလှမ်းဟာ ကုဋေတစ်သန်းမက တန်တဲ့ ခြေလှမ်းတွေပဲ ဖြစ်အောင်ကြိုးစားပေးပါ။


မော်ကွန်းသစ်
၁၈.၄.၂၀၁၀

“ဘယ်လိုနေရာမျိုးပဲ ဖြစ်ဖြစ် မိမိ နေထိုင်ခွင့်ရတဲ့ နေရာမှာ ရေကန်တူးပြီး ကြာပေါက်လာအောင်လုပ်ရမယ်” (ဓမ္မဘေရီ အရှင်ဝီရိယ)

“ ပူရေန္တု သမ္မာသင်္ကပ္ပါ။
ဘိဇ္ဇန္တု မိစ္ဆာသင်္ကပ္ပါ”
“မှန်ကန်သော အတွေးအကြံများပြည့်စုံကြပါစေ။
မှားယွင်းသော အတွေးအကြံများ ပျက်စီးကြပါစေ။”
(သီတဂူဆရာတော်)

“ချစ်ကြည်ရင်းနှီးစွာ နေထိုင်ခြင်းသည် မေတ္တာတရားကို အလင်းမြှင့်ခြင်းပင် ဖြစ်ပါသည်။ ဗြဟ္မစိုရ်လက်ဖြင့် ထုဆစ်လိုက်သောအခါ ကမ္ဘာမြေ၏ နေ့ရက်များသည် မြတ်နိုးမှုဖြင့် ရုပ်လုံးကြွလာခဲ့၏။ တစ်ခါတစ်ရံ၌မူ မျှဝေစာနာခြင်းဖြင့် လေးလံရ၏။ တစ်ခါတစ်ရံ၌မူ မျှဝေဂုဏ်ယူခြင်းဖြင့် ပေါ့ပါးရ၏။ တစ်ခါတစ်ရံ၌မူ ဥပေက္ခာဖြင့် ရင့်ကျက်ရ၏။ ထိုသို့ဖြင့်ပင် သန္တရသမြစ်ကြီး စီးဆင်းစေသတည်း။”
(ဓမ္မဂင်္ဂါ)

နေရာတိုင်းမှာ ဆရာသမားကောင်း
သူတော်ကောင်း၊ မိတ်ဆွေကောင်းတွေကို မှီခိုနိုင်ကြပါစေ။
ကောင်းတဲ့ အလုပ်တိုင်း အစပြုလုပ်နေလျက်သား ဖြစ်ကြပြီး
အဆုံးစွန်ထိ ပေါက်မြောက် အောင်မြင်နိုင်ကြပါစေ။
(မော်ကွန်းသစ်)

Read more...

အားလုံးဟာ ဆွေမျိုးတွေပါ


“ဘ၀သံသရာမှာ ဆွေမျိုးမတော်စပ်ခဲ့ဘူးတဲ့သူ မရှိပါဘူး” ဒီစကားလေးက မြတ်ဗုဒ္ဓ မိန့်ကြားထားတဲ့ စကားလေးပါ။ ဒီစကားလေးက ဆင့်ပွါးလို့ “သွေးဟာ ရေထက် ပျစ်တယ်”လို့ ဆိုထားပြန်တော့ ဒါကို နားလည်ထားမိပြန်တာက ဒီလိုပါ။
စည်းလုံးညီညွတ်ခြင်း၊ ကူညီရိုင်းပင်းခြင်း၊ အစစအရာရာ ညှာတာထောက်ထားခြင်း၊ နားလည်းခွင့်လွှတ်နိုင်ခြင်းစသဖြင့်တွေမှာ သူစိမ်းဖြစ်သူထက် ကိုယ့်ဆွေမျိုးသားချင်းတွေမှာ ပိုလို့ အားသာတယ်လို့ ဆိုတာပါ။

ဒီနေရာမှာ ဆွေမျိုးဆိုတာလေးကို ခွဲခြားကြည့်ချင်ပါသေးတယ်။ ညီအကိုမောင်နှမအချင်းချင်း သားအမိ အချင်းချင်း သားအဖအချင်းချင်းစတာတွေကို ဆွေမျိုးသားချင်းလို့ ဆိုကြပါတယ်။ တကယ်တော့လည်း မြန်မာမြေပေါ်မှာ ပေါက်ဖွားတဲ့လူကလည်း တမြေတည်းမှာပေါက်ဖွားလို့ ဆွေမျိုးပါပဲ။ အဲဒီထက်ချဲ့ကား ကြည့်မယ်ဆို ယင် အရှေ့တောင်အာရှတစ်ခုလုံး။ နောက်ထပ် ချဲ့ကားကြည့်မယ်ဆိုယင် အာရှတိုက်တစ်တိုက်လုံးမှ တစ်ကမ္ဘာ လုံးအထိပါ။ အဆုံးစွန် ချဲ့ကားကြည့်မယ်ဆိုယင်တော့ ဟောဒီသတ္တလောကကြီး တစ်ခုလုံးလို့ ဆိုရမှာပါ။ ဟိုဘက်ဘ၀ ဒီဘက်ဘ၀တွေဆိုတာ ထားလိုက်ပါဦး။ နိုင်ငံတစ်ခုတည်းမှာ အတူတူ နေကြမယ်၊ တစ်ခုတည်း သောကမ္ဘာမှာ အတူတူ အသက်ရှင်နေကြမယ်၊ သတ္တလောကကြီးတစ်ခုအတွင်းမှာ အတူတူ ရပ်တည်နေကြ မယ်ဆိုယင် တစ်ခုတည်းသောအရာဌာနပေါ်မှာ ရပ်တည်နေကြလို့ တကယ်တော့ ဆွေမျိုးသားချင်းတွေချည်း ပါပဲ။ သုံးစွဲနေကျဖြစ်တဲ့စကားလေးကတော့ “တစ်လှေတည်းစီး တစ်ခရီးတည်း သွားနေကြတယ်” လို့ ဆိုရမှာပါ။

ဒီခရီဟား တစ်ဦးတည်း ချီတက်လာရတဲ့ ခရီးပါ။ စလုံးရောက်မှ သူငယ်ချင်းများနဲ့ စကားပြောဖြစ်ကြလို့ ဒီခရီးကို သွားဖြစ်ခြင်းပါ။ မလေးကနေ ဗီဇာယူရင် ဈေးသက်သာတယ်လို့ သိရှိပေမယ့် ဗီဇာကို စလုံးမှာပဲ ယူထားဖြစ်လိုက်တယ်။ ပထမကတော့ ကေလ်ကနေ တိုက်ရိုက် မြန်မာပြန်ဖို့အတွက် ကိုလံဘိုလ်ကတည်းက လေယာဉ်လက်မှတ် ဖြတ်လာတာပါ။ ကေလ်က သူငယ်ချင်းများက သီဟိုလ်မှာကတည်းက သူငယ်ချင်း တွေလည်းဖြစ်နေတော့ အစစအရာရာ ကူညီကြပါတယ်။ ည ၉-နာရီလောက် ကျောင်းက ထွက်တယ်ဆိုယင်ပဲ ကားနားထိ သူငယ်ချင်းနှစ်ပါးစလုံးက လိုက်ပို့ကြပါတယ်။ အဲဒီနောက်တော့ တစ်ဦးတည်းသောခရီးကို စတင်ခဲ့ ပါတယ်။ နာရီဝက်ကျော်ကျော်လောက်မှာ ကားဂိတ်ကို ရောက်လို့လာတယ်။ အဲဒီကား ဂိတ်က ၁၀-နာရီကားနဲ့ ထွက်ခွါလာတာပါ။ express ကားကြီးပေါ်မှာ မြန်မာများ ပါသလား မပါသလားတော့ မသိ။ သာသနာ့ဝန်တမ်း ဆိုလို့ စာရေးသူ တစ်ဦးတည်းပါ။

ညပိုင်း အင်မီဂရေးရှင်းဂိတ်နားရောက်တယ်ဆိုယင်ပဲ အားလုံးဆင်းပြီး တန်းစီ သွားကြရတယ်။ အဆင် ပြေစွာပဲ ဖြတ်သန်းနိုင်ခဲ့တယ်။ ဟိုဘက်နိုင်ငံရဲ့ အ၀င်ဂိတ်မှာ ကိုယ်သွားမဲ့နေရာရဲ့ လိပ်စာမပါလို့ လိပ်စာကို ထပ်ဖြည့်ခိုင်းပါတယ်။ စာရေးသူက ဖုံးနံပါတ်ပဲ ရှိတယ်လို့ပြောတော့ မရဘူး ဖြည့်ပေးပါတဲ့။ လိပ်စာကို ဟိုရှာ ဒီရှာနဲ့ လုပ်နေတာ ၅-မီနစ်လောက်ကြာသွားလို့ နောက်မှာလဲ တန်းစီနေကြတဲ့သူတွေကို အားနာရပါတယ်။ နောက်ဆုံး ကြားဖူးထားတဲ့ လိပ်စာတပိုင်းတစကို မှန်းဖြည့်လိုက်တယ်ဆိုယင်ပဲ ၀န်ထမ်းအမျိုးသားက သိပုံပေါ် လို့ ပြုံးနေပါတယ်။

ကားဂိတ်တစ်ခုမှာ ၁၀-မီနစ်လောက်နားတာကို မှတ်မိနေတယ်။ ဒါပေမယ့် ဒီဘက်နိုင်ငံအင်မီဂရေးရှင်း မရောက်ခင်လား ဟိုဘက်နိုင်ငံအင်မီဂရေးရှင်မရောက်ခင်လားဆိုတာတော့ အိပ်ချင်နေသူဖြစ်တဲ့ စာရေးသူ အတွက် ၀ိုးတိုးဝါးတား နိုင်လှတယ်။ အဲဒီမှာ ပတ်စပို့တွေကို အကုန်လုံး ယူသွားတာကို သတိရနေတယ်။ ကားကလည်း ခရီးသည်တွေချပြီး ထွက်သွားတာနဲ့ ပတ်စပို့စစ်နေတဲ့သူတွေကို စာရေးသူက “ကား ဘယ်ကို ထွက်သွားတာလဲ”ပေါ့။ “မစိုးရိမ်နဲ့ ၁၀-မိနစ်ဆို ပြန်လာလိမ့်မယ်”တဲ့။ အဲဒီလို နားနေတဲ့အချိန်မှာ စလုံးမှာအလုပ် လုပ်နေတဲ့ ထိုင်းအမျိုးသမီးက “ ဘယ်ကလာတာလဲ၊ ဘယ်သွားမလို့လဲ” ဆိုပြီး မေးပါတယ်။ ဟိုဘက်နိုင်ငံ သွားမဲ့ လူတစ်ယောက်နဲ့လည်း မိတ်ဆက်ပေးပါတယ်။ ၁၀-မီနစ်အကြာမှာ ကားပြန်လာတယ်ဆို ယင်ပဲ အားလုံးတက်ပြီး ဆက်လက်ထွက်ခွါလာတယ်။ ဟိုဘက်နိုင်ငံကို မနက် ခြောက်နာရီလောက်မှာ ရောက်ပါ တယ်။ အဲဒါကတော့ ထိုင်းနိုင်ငံနယ်စပ်က ဟိုက်ရန်မြို့ပါ။

ဒီနေရာမှာ ထိုင်းနိုင်ငံ ဗုဒ္ဓဘာသာအခြေအနေလေးတွေ ပြောကြည့်ချင်သေးတယ်။ ထိုင်းအစဉ်အလာအရ သောဏ မထေရ်နှင့် ဥတ္တရမထေရ်တို့က ဆိုင်း(Saim)ရှိ နခုန်ပထုန်(Nakorn Pathom)မှာ ပထမဆုံး ဗုဒ္ဓဘာသာ မျိုးစေ့ကို ချပေးခဲတယ်။ အသောကမင်းလက်ထပ် (300 B.E.) (244 B.C.)မှာပါ။ ခေဒ(Kedah)အရပ်မှာ တွေ့ရတဲ့ ဘုရားရှင်ပရိနိဗ္ဗာန်စံပြီး ၁၀-ရာစုနှစ်(fourth century A.D)ခန့် ကျောက်စာတစ်ခုက အဲဒီအချိန်မှာ ဗုဒ္ဓဘာသာရောက်ရှိပြီး ဖြစ်တယ်လို့ ဆိုပါတယ်။ လေးရာစုနောက်ပိုင်း တရုတ်ခရီးသွား ချိအင်(Ching)ရဲ့ မှတ်တမ်းမှာလည်း စောစောပိုင်းကတည်းက ဗုဒ္ဓဘာသာ ပြန့်ပွါးခဲ့ပြီး ဒါပေမယ့် ဖျက်ဆီးခံခဲ့ ရတယ် လို့ ဆိုပါတယ်။

ဗုဒ္ဓပရိနိဗ္ဗာန်စံပြီး ၁၉-ရာစု(A.D ၁၃-ရာစု) လက်ရှိတိုင်းပြည်တစ်ခုအဖြစ် မတည်ထောင်ခင်ကတည်းက ထိုင်းလို့ခေါ်တဲ့ Siamese များဟာ ဗုဒ္ဓဘာသာဝင်များ ဖြစ်တယ်လို့ အချို့က ယုံကြည်ကြတယ်။ အချို့သမိုင်း များအဆိုအရ ကမ္ဗောဒီးယားအုပ်ချုပ်မှုအောက်မှာ ရှိနေစဉ် မဟာယာနဗုဒ္ဓဘာသာနဲ့ ဟိန္ဒူဘာသာက လွှမ်းမိုးခဲ့တယ်။ ဗုဒ္ဓပရိနိဗ္ဗာန်စံဝင်ပြီး ၁၇-ရာစု(A.D ၁၁-ရာစု) မြန်မာများရဲ့အုပ်ချုပ်မှု အောက်မှာရှိတဲ့ ထိုင်းနယ်မြေများ မှာ ထေရ၀ါဒဗုဒ္ဓဘာသာကို ပြန်လည်လို့တည်ထောင်ခဲ့တယ်။ ဒါပေမယ့် ဘုရားရှင်ပရိနိဗ္ဗာန်စံပြီး ၂၀-ရာစုနှစ်ရဲ့ အစ(A.D ၁၄-ရာစု အလယ်) အယုဒ္ဓယကို မတည်ထောင်မီကပင် ဗုဒ္ဓဘာသာ နိုင်ငံတစ်ခုဖြစ်တယ်လို့ အချို့က ဆိုထားပြန်တယ်။

အယုဒ္ဓယခေတ်ကောင်းချိန်မှာ ထိုင်းရဟန်းတော်တွေကို ထေရ၀ါဒနဲ့အညီ ရဟန်းခံဖို့နဲ့ ပိဋကတ် ကျွမ်းကျင်တဲ့ ပညာရှင်ရဟန်းတော်တွေကို ပင့်ဆောင်ဖို့အတွက် ဘုရင်က သာသနာပြုအဖွဲ့ကို သီဟိုလ်သို့ စေလွှတ်ခဲ့တယ်။ အဲဒီနောက် ထေရ၀ါဒဗုဒ္ဓဘာသာကျောင်းများ တဖြည်းဖြည်း အရေအတွက် များလာပြီ ရှေးဟောင်း ဟိန္ဒူဘုရားကျောင်းများကို ဗုဒ္ဓဘာသာဝင်များအတွက် ပြန်လည်ပြုပြင်ခဲ့တယ်။ မဟာယာနအကြွင်းအကျန်များကိုတော့ ထေရ၀ါဒသို့ ပြောင်းလဲစေခဲ့တယ်။

သာသနာသက္ကရာဇ် -၂၂၉၄ (A.D- ၁၇၅၀) အယုဒ္ဓယကို တည်ထောင်ပြီး သုံးရာစုလောက်အကြာ သီဟိုလ်ဘုရင်ဟာ ဗုဒ္ဓဘာသာဆုတ်ယုတ်နေတဲ့ သူ့နိုင်ငံကို ပြန်လည်ထွန်းကားစေလိုတဲ့အတွက် ရဟန်းခံရန် ရဟန်းများကို ထိုင်းသို့ စေလွှတ်ခဲ့ပြန်တယ်။ ဒါ့ကြောင့် သီဟိုလ်မှာ ထိုင်းက ဆင်းသက်လာတဲ့ သာသနာဟာ ယခုအချိန်ထိ ရှိနေတာပါ။ ဒီသမိုင်းလေးတွေကိုတော့ (The path of the Buddha. Pp.121 Ananda Maitreya Nayaka Thera )မှာ ကြည့်နိုင်ပါတယ်။

ဒီလိုနဲ့ နယ်စပ်က ဟိုက်ရန်မြို့ရောက်တဲ့အခါ ကားက ဂိတ်ထဲမှာမရပ်ပဲ မြို့ထဲက လက်မှတ်တွေ ရောင်းတဲ့ဆိုင်မှာ ခရီးသည်တွေကို ချပေးခဲ့တယ်။ ဘန်ကောက်သွားဖို့ ကားစုံစမ်းတော့ ဆိုင်ကယ်သမားက ကားကြီးဂိတ်မပို့ပဲ ကားလေး ဂိတ်ပို့ပါတယ်။ စာရေးသူလည်း လိပ်စာအပြည့်အစုံမပါဘဲ ဖုံးနံပါတ် အားကိုးနဲ့ လာတာပါ။ ကားဂိတ်က အမျိုးသမီးကို ဖုံးဆက်ခွင့်ပြုဖို့ အကူအညီတောင်းရတယ်။ ပထမတစ်ကြိမ်တော့ လိုလို လားလားပါ။ ဒါပေမယ့် တွေ့ချင်တဲ့သူငယ်ချင်းကို မတွေ့ရလို့ နောက်တစ်ခါ ဖုံးဆက်ခွင့် ထပ်တောင်းတဲ့အခါ ပေးချင်တဲ့ပုံ မပေါ်။ ဒါနဲ့ စာရေးသူလဲ ဖုံးဖိုးပေးမယ်လို့ ပြောတော့မှ ဖုံးဆက်ခွင့်ပြုတယ်။ ဘယ်လိုပဲဖြစ်ဖြစ် ဆက်ခွင့်ပေးလိုက်တဲ့အတွက် ကျေးဇူးတင်နေရမှာပါ။ နှစ်နာရီလောက် ကားစောင့်လိုက်ရတဲ့အချိန်မှာ စကား အများကြီး ပြောခွင့်ရလိုက်တာကပဲ လမ်းတစ်လျောက်လုံးအတွက် စောင့်ရှောက်မယ့်သူ ဖြစ်လာခဲ့တယ်။

နံနက် ၉-နာရီ ကားလာတဲ့အခါကျတော့ အဲဒီအမျိုးသမီးက စာရေးသူကို နှုတ်ဆက်ပြီး ကားဆရာကို သေချာမှာနေတာပါ။ ဒါနဲ့ ကားထွက်တယ်ဆိုယင်ပဲ နှုတ်ဆက်လို့လာခဲ့တယ်။ ကားစီးနေစဉ် လမ်းတစ်လျောက် မှာတော့ ကားဆရာမှတဆင့် စာရေးသူဆီ သုံးလေးခါလောက် ဖုန်းဆက်ပြီး အဆင်ပြေ မပြေ မေးပါတယ်။ သူငယ်ချင်းဆီကို သူ့ဖုံးနဲ့ဆက်ထားတဲ့အတွက် သူ့ဖုန်းနံပါတ်က သူငယ်ချင်းဆီရောက်နေတာ။ အဲဒီမှာ သူငယ်ချင်းက သူဆီကို ထိုင်းလို ဖုံးဆက်လို့ “မင်းသူငယ်ချင်း ဖုံးဆက်လာတယ်”လို့ ဖုံးဆက်ပြီး သူပြော ပါတယ်။ ဒီလိုနဲ့ ဘန်ကောက်ကို ည ၁၁-နာရီလောက်မှာ ရောက်တယ်ဆိုယင်ပဲ မမြင်ဘူးသေးတဲ့ မဟာချူလာ လောင်ကွန်ကျောင်းသား သူငယ်ချင်းနှစ်ပါးက ကြိုဆိုလို့နေပါတယ်။ သူဟာ နိုင်ငံတော်ပရိယတ္တိသာသနာ့ တက္ကသိုလ်(မန္တလေး)ဆင်းပါ။

ထိုင်းရောက်တယ်ဆိုယင်ပဲ အတွေးတွေက အမျိုးမျိုးပါ။ ဒီလမ်းခရီးတစ်လျောက်မှာ တစ်ခုထူးခြား တာက ထိုင်းဘုရင်မင်းမြတ်ရဲ့ ဓာတ်ပုံတွေ ပိုစတာပုံတွေ ရုပ်တုတွေ စသဖြင့် တွေ့မြင်နေရတာပါပဲ။ ဒါနဲ့စပ်ဆက် လို့ ပြောကြည့်ချင်တာတစ်ခု ရှိတယ်။ အဲဒါကတော့ အိန္ဒိယမှာလည်း ဇာတ်နိမ့်များကို ဗုဒ္ဓဘာသာ ၀င်အဖြစ်သို့ ပြောင်းလဲပေးခဲ့သူ ဒေါက်တာအမ်ဘေဒကာ(DR. BABASAHEB AMBEDKAR)ရဲ့ ဓာတ်ပုံတွေ၊ ပန်းချီတွေ၊ ရုပ်တုတွေကို အမြတ်တနိုးတန်ဖိုးထားခြင်းကိုပါ။ တစ်ခါတစ်ရံများမှာ မြတ်ဘုရားရှင်နဲ့ တန်းတူထားခြင်းပါ။ ဘုရားရှင်လက်ထပ်က အရှင်သာရိပုတ္တရာဟာ သူ့ဆရာဖြစ်တဲ့ အရှင်အဿဇိမထေရ်မြတ် ရောက်နေတဲ့အရပ် ရှိနေတဲ့အရပ်ကို ဦးခေါင်းပြုပြီး အိပ်လေ့ရှိတယ်ဆိုတာကို အမှတ်ရနေမယ်ဆိုယင် ကျေးဇူးရှိတဲ့သူများကို ဗုဒ္ဓဘာသာမှာ အမြတ်တနိုးတန်ဖိုးထားတာဟာ အစဉ်အလာဖြစ်ပါလိမ့်မယ်။ နောက်ပြီး ယဉ်ကျေးမှုဆိုတဲ့ သူ့နိုင်ငံရဲ့ ဓလေ့ထုံးစံ ကလည်း ရှိသေးတာပါ။

ဒီခရီးစဉ်အတွင်း ကားပေါ်မှာပါလာတဲ့ ထိုင်းအမျိုးသားတစ်ဦးက စာရေးသူကို စကားပြောချင်နေတယ် ဆိုတာ သတိထားမိတယ်။ ဒါပေမယ့် လမ်းတစ်လမ်းလုံး စာရေးသူက စကားပြောမလာတာကို ဘယ်လို သဘောပေါက် နားလည်ထားသလဲ မသိ။ လမ်းခရီး တစ်ဝက်လောက်မှာ စာရေးသူကို ဘတ်ငွေတွေ လက်ထဲ ထည့်ပေးပါတယ်။ စာရေးသူလည်း ဘာလုပ်ရမှာလဲလို့ မေးတော့ သူက လက်အမူအရာနဲ့ပြောပါတယ်။ ဒါနဲ့ ယူထားလိုက်တယ်။ အဲဒီလို ပေးတဲ့အချိန်မှာ အခြားထိုင်းတွေလဲ မြင်ကြမှာပါ။ ဒါနဲ့ နေ့လည်စာစားဖို့ ဆိုင်ကြီး တစ်ခုမှာ ၀င်နားကြတယ်။ ဆိုင်က ကိုယ့်ဟာကိုယ်ယူ စနစ်နဲ့စားရတာပါ။ စာရေးသူလည်း စားပြီးလို့ ပိုက်ဆံပေး တော့ ပေးစရာမလိုဘူးတဲ့။ ကားလက်မှတ်ဝယ်ကတည်းက ဒီဝန်ဆောင်စရိတ်အတွက် ပါပြီးသားလို့ သိရတယ်။

စားပြီးလို့ မကြာခင် ခုနက ဘတ်လှုထားတဲ့အမျိုးသားက ထိုင်းစကားနဲ့ မေးပါတယ်။ စာရေးသူလည်း မပြောတတ်တော့ body language နဲ့ပဲ စကားပြောနေရတာပါ။ နောက်ပြီး ကားဆရာကို မေးပုံရပါတယ်။ ထိုင်းလား ဘာလားပေါ့။ မြန်မာမှန်းသိတော့ ခါတိုင်းလို့မဟုတ်တော့ဘဲ ဆက်ဆံရတာ တစ်မျိုးဖြစ်နေပုံပါ။ စာရေးသူလည်း ဒါကို သိတဲ့အခါ ဘာမှဆက်မပြောတော့ပါဘူး။ ကားပေါ်မှာ သူနဲ့ကိုယ်နဲ့ ဟိုဘက်ဒီဘက် ကပ်ပြီး ယှဉ်ထိုင်တာဆိုတော့ သူ့လှုထားတဲ့ဘတ်တွေကို ပြန်ပေးပြီး “ငါမြန်မာ” ပဲလို့ ပြောလိုက်တယ်။ ထိုင်းထင်လို့ လှုတာဆိုတော့လည်း ယူရတာ စိတ်မသန့်ပါ။ ယူကောင်းမယူကောင်းတော့ ပါဠိစာပေများမှာ ဘယ်လိုဖွင့်တယ်ဆိုတာ မသိရသေး။ ဒါ့ကြောင့် ချက်ချင်းပဲ အထင်မှားနေတာကို ဖြေရှင်းလိုက်တယ်။ ဒါပေမယ့် သူက ပြန်မယူဘဲ ကိစ္စမရှိဘူးဆိုတဲ့ သဘောနဲ့ အိတ်ထဲမရမက ပြန်ထည့်ပေးပါတယ်။

တကယ်တော့ သူက သတိမထားတာပါ။ ထိုင်းနဲ့မြန်မာ ထူးခြားတာက မျက်ခုံးမွေး ရိတ်တာ မရိတ်တာ ကို ကြည့်ယင် သိနိုင်ပါတယ်။ မျက်ခုံးမွေးရိတ်မှ ထိုင်းက ရဟန်းသာမဏေလို့ ထင်တာပါ။ မျက်ခုံးမွေးနဲ့ဆို ရဟန်းသာမဏေမဟုတ်တော့သလောက် ထင်နေကြတာပါ။ မျက်ခုံးမွေးတော်တော်ကောင်းတဲ့ သူငယ်ချင်း တစ်ပါးဆိုယင် သူ့ကိုတွေ့တဲ့ထိုင်းတွေက “ မင်း ရဟန်း မဟုတ်ဘူး” လို့ ပြောပါသတဲ့။

ဒါနဲ့ တစ်ဆက်ထဲ တွေးမိပြန်တာကကြတော့ မြန်မာနိုင်ငံ သမိုင်းများမှာ ဖော်ပြတဲ့ သူရဲကောင်းများ ဖြစ်တဲ့ အလောင်းဘုရား ဦးအောင်ဇေယျနဲ့ ဘုရင်နောင်တို့ကိုပါ။ ဒီနေရာမှာ သမိုင်းပါမောက္ခ ဆရာကြီး ဒေါက်တာ ဦးသန်းထွန်းပြောထားတဲ့ စကားလေးက မှတ်သားစရာပါ။
သူပြောတာက “ သုတေသန (research) နယ်ပယ် မှာ ခံစားချက် ကင်းဖို့လိုတယ်” ဆိုတာပါ။ သုတေသနကို သုတေသန အမြင်သဘောနဲ့ သွားမှသာ စစ်မှန်တဲ့ ရလဒ်ကို ရရှိမှာပါ။ ခံစားမှုတွေ ရောစွက်လာပြီဆိုယင်တော့ သမိုင်းလမ်းကြောင်းဟာ အများကြီး ပြောင်းလဲသွား နိုင်ပါတယ်။ ဒ့ါကြောင့် ဒီစကားလေးကို ဆိုလိုခြင်း ဖြစ်ပါလိမ့်မယ်။
ကုလသမဂ္ဂ အထွေထွေ အတွင်းရေးမှုးချုပ် မြန်မာနိုင်ငံသား ဦးသန့်ကလည်း “နိုင်ငံသမိုင်းကို သင်ကြားရာ၌ စစ်ပွဲများကို အရေးပေးခြင်းထက် ယဉ်ကျေးမှု တိုးတက်ပုံကို ပို၍ အရေးပေးသင့်သည်” လို့ ဆိုထားပါတယ်။ ဒါကို “ ဦးသန့် လက်ရွေးစင်စာများ” စာအုပ်မှာ ပါရှိတဲ့ “ ဗမာသစ်နှင့်ပညာသစ်” ဆောင်းပါးမှာ ကြည့်ရှု့နိုင်ပါတယ်။

မျိုးချစ်စိတ် ရှင်သန်ထက်မြက်ရေးအတွက် သမိုင်းဆိုတာ လိုအပ်နေမှာပါ။ ဒါပေမယ့် အဲဒီသမိုင်းဆိုတဲ့ အတိတ်ကာလရဲ့ အဖြစ်အပျက်တွေထဲမှာ နစ်မြုပ်နေမယ်ဆိုယင် အချို့အရာတွေက ရှေ့ဆက်သွားမယ့်ခရီး အတွက် အဟန့်အတားတွေပါ။ မြန်မာသမိုင်းများမှာလည်း အခြားနိုင်ငံနဲ့ပတ်သက်လို့ အထက်စီးက ရေးသား ထားတာတွေ အများသား။ အခြားနိုင်ငံများမှာလည်း ထို့အတူဖြစ်ပါလိမ့်မယ်။ အမှားအမှန်ဆိုတာကတော့ သမိုင်းပြုစုသူတွေ တာဝန်ဝတ္တရားလို့ ယူဆမိတယ်။ အတိတ်ရဲ့အကြောင်းအရာတွေကို သင်ခန်းစာယူပြီး ပစ္စုန်ပ္ပန်မှာ လိုအပ်ချက်တွေကို ဖြည့်ဆည်းနိုင်မှသာ အနာဂတ်အတွက် ငြိမ်းချမ်းစွာ လျှောက်လှမ်းနိုင်မှာပါ။
ဒီနေရာမှာ နိုင်ငံရေးစကားတစ်ခုကို ယူသုံးကြည့်ချင်ပါတယ်။ နိုင်ငံရေးစကားမှာတော့ “ထာဝရမိတ်ဆွေ ထာဝရရန်သူ မရှိ” လို့ ဆိုပါတယ်။ စာရေးသူအလိုဆန္ဒကတော့ ထာဝရမိတ်ဆွေ ဖြစ်ခြင်းကသာ အကောင်းဆုံးလို့ ဆိုလိုက်ချင်တယ်။ အခြားတစ်ဖက်မှာလည်း ထာဝရမိတ်ဆွေဖြစ်အောင် ကြိုးစားတည်ဆောက်ဖို့ လိုအပ် မယ်လို့ ယုံကြည်မိပြန်တယ်။

ဒါလေးတွေကတော့ မလေးရှားနဲ့ ထိုင်း ကားလမ်းတစ်လျှောက် တွေးမိ စဉ်းစားမိခဲ့တာလေးတွေပါ။ ဒီဖြတ်သန်းခဲ့တဲ့ ခရီးစဉ်ဟာ အခက်အခဲတွေ သိပ်မရှိလှပေမယ့် အတွေးများကို များစွားပဲ တွေးဖြစ်စေခဲ့တာ ကတော့ အမှန်ပါ။ ဒီအတွေးများနဲ့အတူ “ဘ၀သံသရာမှာ ဆွေမျိုးမတော်စပ်ခဲ့ဘူးတဲ့သူ မရှိဘူး” ဆိုတဲ့ ဘုရား စကားတော်လေးက ကပ်လို့ပါလာတာပါ။ ဒီနေရာမှာတော့ ဘယ်တိုင်းရင်းသား ဘယ်နိုင်ငံသားမဆို ဒါမှမဟုတ် လူတိုင်းသာ အဲသလို့ “ဘ၀သံသရာမှာ ဆွေးမျိုးတွေ တော်စပ်ခဲ့ကြတာပါ” လားလို့ သိခဲ့ကြ နားလည်ခဲ့ကြမယ် ဆိုယင်-ဆို့တဲ့ ထပ်ဆင့်အတွေးလေးပါ။
…………………………………………………………………………………………………………………..
ညီအကို မောင်နှမ ဆွေမျိုးသားချင်းစိတ် မွေးမြူနိုင်ကြပါစေလို့ ဆန္ဒပြုရင်း။















Read more...

ဧပြီလ ၁၈ ရက်နေ့ အစီအစဉ်

မြန်မာစံတော်ချိန် ၀၀း၀၀ နာရီမှ ၃း၄၅ နာရီ ...
ယောဆရာတော် ဘဒ္ဒန္တသီရိန္ဒာဘိဝံသ ဟောကြားတော်မူသော ...
၁) အမှန်တရားလူ့စွမ်းအား
ဆရာတော် အရှင်အာစာရာလင်္ကာရ ဟောကြားတော်မူသော ...
၁) နှလုံးသားဝယ်ဘုရားတည်
ဆရာတော် ဦးဥာဏိဿရ ဟောကြားတော်မူသော ...
၁) လိပ်ကလေးလိုနေ
၂) ကြောက်ရွံ့ ခြင်းနှင့်လေးစားခြင်း။

မြန်မာစံတော်ချိန် ၃း၄၅ နာရီမှ ၁၇း၃၀ နာရီ ...
မိုးကုတ်ဆရာတော်ဘုရားကြီး ဟောကြားတော်မူသော နိဗ္ဗာန်ရောက်ကြောင်း တရားတော်များ။

ကျန်ရှိနေသော တရားအစီအစဉ်များကို ဆက်လက်ဖေါ်ပြပါမည်။


Read more...

နှစ်သစ်ကို လိမ်ညာခြင်း

နှစ်ဟောင်းကုန်ပျောက် ၊ နှစ်သစ်ရောက်၍
ကိုယ့်နောက်ဘယ်ဟာ ၊ ပါခဲ့ပါဟု
ရှာကြံတွက်ဆ ၊ စဉ်းစားရသော်
လောကစီးပွါး ၊ ကောင်းမှုများနှင့်
တိုးပွါးဥစ္စာ ၊ မြတ်ပညာတို့
ပါခဲ့သလောက် ၊ ပါပုံထောက်၏ ။

ထို့နောက်တစ်ဖန် ၊ စဉ်းစားပြန်သော်
လူချော်စရိုက် ၊ အမှားလိုက်၍
မိုက်မိခဲ့သား ၊ အမှားပေါင်းစု
အကုသလ ၊ ဟူသမျှလည်း
များစွဟူပေ ၊ တွေ့ရချေ၏ ။

အလေနတော ၊ တမေ့မောဖြင့်
မောဃကာလံ ၊ နောက်တစ်ဖန်လည်း
ကုန်ရန်မသင့် ၊ ဉာဏ်ထောက်ချင့်ဟု
ခွန်းဆင့်မိန့်ဆို ၊ နှစ်သစ်ကိုလျှင်
လိုလိုလားလား ၊ ဟုတ်ကဲ့ဗျားဟု
အားပါးတရ ၊ ခေါင်းငြိမ့်ပြလျှက်
အာမနှစ်သစ် ၊ နှုတ်ဆက်ဖြစ်သည်
ခုမှတွေ့ရုံရှိသည်ကိုး ။ ။


"မင်္ဂလာပါ ၁၃၇၂ "


Read more...

အဖန်ငါးရာ ဆိုတဲ့ လှန့်လုံးလေး

ဆရာဝန်ကြီး ဦးနေ၀င်း အမေး ။ ။ တချို့ အနောက်နိုင်ငံမှာ စိတ်ရောဂါ တစ်မျိုးဖြင့် ကိုယ့်အသတ်ကို သေကြောင်းကြံကြ ၊ သေကြပါတယ် … အဲဒါ ဗုဒ္ဓဘာသာ တိုင်းပြည်အနေနဲ့တော့ တရားတော်အရ ဘယ်လိုပါလဲ …။
အရှင်ဇနကာ ဘိဝံသ အဖြေ ။ ။ ဗုဒ္ဓဘာသာ တိုင်းပြည်မှာက ကိုယ့်ကိုယ်ကိုယ် သတ်လို့ရှိရင် အဖန်ငါးရာ သေရမယ် ဆိုတဲ့ လှန့်လုံးလေးက ရှိထားတယ် … သတ်လို့ကတော့ ကမ္ဘာငါးရာ နောက်ထပ် မလိုက်ပါဘူး … ရှေးကံက ရှိနေရင်သာ ဘ၀ငါးရာ လိုက်တာပါ … ရှေးကံ မရှိရင်တော့ သေဖို့တော့ မလိုက်ပါဘူး … မြန်မာလူမျိုးတွေမှာ အထိုက်အလျောက် ကံတို့ ဘာတုိ့ ယုံကြည်ထားတော့ ကံကောင်းရင် ပြန်ကောင်းအုံးမှာပဲ ဆိုတဲ့ မျှော်လင့်ချက်ကလေးက ရှိတယ် … ရှိတော့ ကိုယ့်ကိုယ်ကိုယ် သတ်သေတဲ့ လူက အင်မတန် နည်းတယ် … နိုင်ငံခြားမှာတော့ ဒီလို မျှော်လင့်ချက်ကလည်း မရှိတော့ ၊ အို … သေတာပဲ ကောင်းတယ် ၊ သေရင် သူတို့က ပြီးတယ် ထင်ပြီးတော့လေ သတ်ကြတယ် ၊ ဒါဟာ အတွေ့အကြုံ ဗဟုသုတ လိုက်ပြီး ကွာသွားကြတာ …။

ကျမ်းကိုး ။ ။ သိပံ္ပနှင့် ဗုဒ္ဓအဘိဓမ္မာ အဖြေများ ၊

အမရပူရ မဟာဂန္ဓာရုံ ဆရာတော် အရှင်ဇနကာ ဘိဝံသ

မစန္ဒာ ကိုယ်စားတင်ပေးခြင်းဖြစ်ပါသည်။



Read more...

လူနှစ်မျိုး

လူ(၁)
ပထမအရွယ် ငွေရှာ
ဒုတိယအရွယ် အာဏာရှာ
တတိယအရွယ် အသက်ရှည်ဆေးရှာ
ပညာအသိ နတ္ထိ
ဖြစ်ဘိဆင်းရဲရာ အများသူငါ။

လူ(၂)
ပထမအရွယ် အာဏာရှာ
ဒုတိယအရွယ် ငွေကြေးရှာ
တတိယအရွယ် မသေဆေးရှာ
ပညာသိတရား မရှိငြား
အများသူငါ ဆင်းရဲရာ။



Read more...

နှစ်သစ် ဆုတောင်း။

မူလ ကသစ်ဝိုင်ဝိပဿနာ အောင်မင်းခေါင်ဓမ္မရိပ်သာမှ ကမ္ဘာတစ်လွှားတွင်ရှိသော ဓမ္မမိတ်ဆွေအပေါင်းတို့အား
နှစ်သစ်တွင် ရုပ်ကျန်းမာ၍ နာမ်ချမ်းသာကြပါစေကြောင်း
ဆုတောင်း မေတ္တာပို့သလိုက်ပါတယ်။

ဓမ္မရိပ်သာ ဝေယျာဝစ္စအဖွဲ့


Read more...

မရေးချင်သောအကြောင်းအရာများ

မိတ်ဆက်
သီတဂူစတားသည် နိုင်ငံရေးသမားမဟုတ်ပါ၊ သို့သော် စာနာတတ်သူ၊ ပြည်သူအတွက် နားလည်ပေးသူဖြစ်သည်၊ ပြည်သူသည် ထမင်းရှင်ဖြစ်သည်။ နိုင်ငံရေးနှင့်ပတ်သက်သည့် အကြောင်းများ ရေးမည့်မဟုတ်ပါ။ အခု ဖော်ပြထားသည့် ပို့စ် သည် သီတဂူစတားသင်ယူခဲ့ရသည့် သင်ခန်းစာများနှင့် လတ်တလော ဖြစ်ရပ်မှန်များကို အခြေခံပြီး အသေးစား နှိုင်းယှဉ်ခြင်းမျှသာဖြစ်ပါသည်။

မရေးချင်သောအကြောင်းအရာများ
ဒီကနေ့ဟာ ဧပြီလ ၁၇ ရက် မြန်မာ့နှစ်ဆန်းတစ်ရက်နေ့ဖြစ်ပါသည်။ နှစ်ဆန်း (နှစ်သစ်ကူးပို့စ်)လေးတင်ဘို့ စိတ်ကူးမိပါသေးသည်၊ သို့သော်--မရေးချင်ပါဘူးဆိုနေမှ ရေးမိသွားပြန်တယ်။ သူငယ်ချင်းတွေက နှစ်သစ်ကူးနှင့်ပတ်သက်ပြီး new post တင်ပါဦးတဲ့၊ အထူးသဖြင့် ရန်ကုန်မြို့ ဗုံးပေါက်ကွဲမှုနှင့်ပတ်သက်ပြီးတင်စေချင်တယ်၊ နာမည်ကြီး ဘလော့ဂ်တွေမှာ တွေ့နေရပြီး သီတဂူစတား ဘလော့ဂ်မှာပဲ ကျန်တော့တယ်တဲ့။
ကဲ- ပရိသတ်တို့ရေ- နှစ်သစ်မင်္ဂလာမှာ မင်္ဂလာအကြောင်းလေးရေးဘို့ စိတ်ကူးမိပေမဲ့ ပရိသတ်က တောင်းဆိုလာတော့ မရေးချင်ပေမဲ့ ရေးရဦးမည်ပေါ့။

နှစ်ဟောင်းကုန်ကြူး နှစ်သစ်ကူး၍ နှစ်ဦးမင်္ဂလာတွေ ဖြစ်စေမည့် မင်္ဂလာစကားလေးရေးရမည့်အစား နှစ်သစ်မှာ မင်္ဂလာယူကြရမည့် မေတ္တာပွားရမည့်အစား ဒေါသမီးတွေတောက်လောင်နေမိတယ်၊ ထိုဒေါသမီးကြောင့် တင်လိုက်ရင်လဲ နိုင်ငံရေးအကြောင်းကပါလာမည် ဆိုတော့ သူငယ်ချင်းရာ မတင်ပါရစေနဲ့ တင်လဲမတင်ရဲပါဘူးလို့ ပြောလိုက်ရတယ်၊ ဘာလို့လဲ ဆိုတော့ ဘာသာရေးဘလော့ဂ်ဆိုတော့ နိုင်ငံရေးနှင့်ဆက်နွယ်သော ပို့စ် တင်လို့ မကောင်းဘူးဟု ထင်မိတယ်လို့ ပြန်လိုက်ရပါသည်။ ဒါပေမဲ့ ရှုံ့ချတာလောက်တော့ တင်သင့်ပါတယ်တဲ့။ မှန်ပါတယ်။ သီတဂူစတားမှ မဟုတ်ပါဘူး ပြည်သူတရပ်လုံးက လူသားမဆန်တဲ့ အကြမ်းဖက်မှုကိုတော့ လုံးဝ ရှုံ့ချကြပါတယ်၊ စပ်ဆုပ်ရွံရှာကြပါတယ်၊ လူသားတွေကို ခြင်၊ ကြမ်းပိုး၊ ပုရွက်ဆိတ်လေးတွေလောက် တန်ဘိုးထားပြီး သတ်ဖြတ်ချေမှုန်းခြင်းကို--နိုင်ငံတိုင်း ပြည်သူတိုင်းက လက်မခံ။
ဗုံးပေါက်ခြင်းနှင့်ပတ်သက်ပြီး ဒဏ်ရာရသူတွေ မနည်းပါဘူး၊ ဘာမှကို မသိလိုက်ရရှာဘဲ အသက်ဆုံးရှုံးသွားတဲ့ အပြစ်မဲ့ ပြည်သူတွေလဲ မနဲပါဘူး၊ တကယ့်ကို ရင်ထဲ မချိအောင်ခံစားရပါတယ်၊ သီတဂူစတားနည်းတူ တပြည်တ၀ှမ်းလုံးက ၀မ်းနဲကြမည်မှာ အသေအခြာပင်ဖြစ်သည်။ ဘလော့ဂ်တွေမှာ ဘယ်သူလက်ချက် ဘယ်ဝါလက်ချက်ဆိုပြီး အမျိုးမျိုးဝေဖန်ထားတာတွေလဲ တွေ့ရပါတယ်၊ ကိုယ့်အတွေး ကိုယ့်အမြင်နဲ့တော့ ဟုတ်နေကြပါတယ်။ ဘယ်သူ့ကိုမှ လွဲမချကြစေလို၊ ဒါဆို တရားခံက ဘယ်သူလဲဗျ?။ ဆက်ဖတ်လေ အဖြေပေါ်လေပဲ။

အတ္တသမား (self-interest)
ဗုဒ္ဓဘာသာထွန်းကားရာတဲ့ နိုင်ငံမှာ ဤကဲ့သို့ အကြမ်းဖက်ဝါဒတွေ ရှိနေတာကိုက အလွန်ရှက်ဖွယ်ကောင်းလှပါတယ်။ ဗုဒ္ဓတရားတော်က လူသားတိုင်းသည် လူသားတစ်ယောက်နှင့် တစ်ယောက်၏ တန်ဘိုးသည် တန်းတူမှာရှိနေသည်ဖြစ်ရကား အခွင့်အရေးသည်လည်း တန်းတူတူရှိနေရမည်ဖြစ်၏ ဟုဆို။ လူ့အဖွဲ့အစည်းကြီး မပေါ်လာခင်ကထဲက လူသားတွေသည် natural law (ဓမ္ဓ ) State of Natural system နှင့် နေလာကြ၍ တဦးအပေါ် တဦးကို အလေးထားတံဖိုးထား လာခဲ့ကြသည်။ လူ့ဘောင် အဖွဲ့အစည်းပေါ်ပေါက်လာတာနဲ့ အမျှ လူတွေဟာ Division of labor တာဝန် အလုပ်တွေ ခွဲခြားလာကြသည်၊ အဲဒီအချိန်မှာပဲ တရားမျှတရေးအတွက် အစိုးရတရပ် ကို ပြည်သူတွေကပဲ ဖန်တီးလိုက်ကြတယ်၊ ထိုမှတဖန် နေရာရရေးအတွက် ယှဉ်ပြိုင်မှုတွေ ပေါ်ပေါက်လာသည်၊ တဦးအပေါ်တဦး မေတ္တာတရား ခေါင်းပါးလာကာ ခေါင်းပုံဖြတ်စနစ်ကို ဖန်တီးလာခဲ့ကြတယ်။ အစိုးနှင့်ပတ်သက်ပြီး စနစ်များစွာ ပေါ်ပေါက်လာခဲ့တယ်။ ဒါတွေ ထားလိုက်ကြစို့ ပြောရင်းနဲ့ နိုင်ငံရေးဘက်ရောက်သွားလိမ့်မယ်။

နောက်ပိုင်း လူသားတွေဟာ တရားမျှတမှုတွေလဲ မရှိတော့ဘူး၊ အမြတ်ကြီးစားခြင်း ခေါင်ပုံဖြတ်ခြင်း၊ စသော မညီမမျှတာလေးတွေ ပေါ်ပေါက်လာရခြင်းသည် self-interest ကိုယ့်ကျိုးသမားတွေကြောင့်ပဲ ဖြစ်သသည်ဟု ဆိုသည်။ ကိုယ့်အတွက်သာကြည့်သည့် စနစ်ကြီးကြောင့်ဖြစ်သည်ဟု ဆိုသည်။ ကိုယ်ကျိုးစီးပွား (self-interest) ကို မစွန့်သေးနိုင်သေးသမျှ မျှတမှု (justice) ဆိုတာမရနိုင်ဘူးတဲ့။

လူသားဘ၀တံဘိုး
The principle of Sanctity of life အရ အသက်၊ လိင်၊ အမျိုးနွယ်၊ လူမျိုး၊ ဇာတ် ခွဲခြားခြင်းမရှိ တန်းတူတံဖိုးရှိ၏၊ ထိုအဆိုအရ ဘယ်လိုအကြောင်းပဲ ဖြစ်ဖြစ်၊ နောက်ဆုံး ကိုယ့်အသက်နှင့် ရင်ဆိုင်လာရသည်တိုင်အောင် ဘယ်သူ၏ အသက်ကိုမှ စတေးခွင့်မပြု။ သို့သော် ထိုစည်းကမ်းကို လိုက်နာစွမ်းမရှိ၍ ယခုလို အပြစ်မဲ့ ပြည်သူတွေ အသက်စတေးခံလိုက်ရသည့်အတွက် စိတ်မကောင်းဖြစ်ရသည်။ Utilitarianism အရ ရုပ်ကြမ်းဝါဒ အကျိူးဘက်ကိုသာကြည့်သည့် ၀ါဒတွေ လွမ်းမိုးနေသည်ဟုထင်။ ထိုဝါဒအရ လူလူချင်းတံဘိုးဖျက် (ခွဲခြား)ကာ လူ့လောက (society) အတွက် ၀န်ထုပ်ဝန်ပိုးဖြစ်နေသူများကို ရှင်းပစ်သည့်ဝါဒဖြစ်သည်။ မြတ်ဗုဒ္ဓ၏ ဓမ္မ သည်ကား morality (ကိုကျင့်)တရားများကို ခြေခံသည့်ဝါဒဖြစ်၍ မည်သို့သော အကြောင်းကြောင့် မည်သည့်အသက်ကိုမျှ ဖျက်ဆီးခြင်း၊ စတေးခြင်းကို လုံးဝကန့်ကွက်ထားသည်။ ချွင်းချက်မရှိ ကန့်ကွက်ထားသည်။

နောက်ဆုံးတော့
နောက်ဆုံး ကျွနိုပ်တို့ခံစားလိုက်ရသည်ကား အရာဝတ္ထုတခု သို့မဟုတ် စွမ်းအင် တစ်ခုကို မက်မောမိတဲ့ (attachment power, craving power) အတွက်ကြောင့်ပဲ ကိုယ်ကျိုး (အတ္တ) သမားတွေဖြစ်လာကြတယ်။ လူသား၏တန်ဘိုးတွေ ဖျက်ဆီးလာတယ်ဟု ခံစားမိပါသည်။ ယခု လောလောလတ်လတ် ဖြစ်ပေါ်ခဲ့သည့် အသရေမဲ့သည့် အရေးအခင်းသည် ကိုယ်ကျိုးသမား၊ အတ္တသမား (self-interest) တွေရဲ့ လက်ချက်ဖြစ်ကြောင်း နားလည်မိပါသည်။ ဒါဆို တရားခံက သူပဲပေါ့။

Remedy ဖြေဆေး

မြတ်ဗုဒ္ဓသည် အတ္တ self-interest ၏ဆန့်ကျင်ဘက် မေတ္တာတရား ကရုဏာတရားများနှင့်ပတ်သက်ပြီး များစွာ ဟောထားသည်။ ထိုများစွာထဲမှ--

န ဟိ ဝေရေန ဝေရာနိ၊သမ္မန္တီဓ ကုဒါစနံ၊
အဝေရေန စ သမ္မန္တိ၊ ဧသ ဓမ္မော သနန္တနော။

အကြမ်းဖတ်မှုကို မေတ္တာတရားဖြင့် အနိုင်ယူရာ၏။
အကြမ်းဖတ်မှုကို အကြမ်းဖတ်မှုဖြင့် တုန့်ပြန်က ဘယ်သောအခါမျှ ငြိမ်းချမ်းတဲ့ဘ၀ ရနိုင်မည်မဟုတ်။ ဤသည်ကား သဘာဝတရား (natural law) ပင်တည်း။

လူသားတိုင်း (individual) ကိုယ်စီကိုယ်စီ အတ္တတရားတွေ နဲနိုင်သမျှနဲပြီး မေတ္တာတရားတွေ များနိုင်သမျှ ပွားများကာ အေးချမ်းသောဘ၀ဆီသို့ အမြန်ဆုံးရောက်နိုင်ကြပါစေ။

အသက်ဆုံးရှုံးသွားကြသော ပြည်သူများ၊ ဒဏ်ရာရသွားကြသော ပြည်သူများနှင့် ထိုသူတို့၏ မိဘဆွေးမျိုးများနှင့်အတူ ထပ်တူဝမ်းနဲမိပါကြောင်း။ အကြမ်းဖက်ဝါဒကို ပြည်သူများနှင့်ထပ်တူ ရှုံ့ချပါကြောင်း----။

သီတဂူစတား
၁၇-၄-၂၀၁၀




Read more...

Happy Myanmar New Year to All Dhamma Fellows!

“နှစ်သစ်ကူး ဓမ္မလက်ဆောင်”

မနက်ဖြန်ဆိုလျှင် မြန်မာတို့၏ နှစ်ဟောင်းကုန်၍ နှစ်သစ်သို့ ကူးပြောင်းတော့မည်ဖြစ်ပေသည်။ နှစ်ဟောင်းက အညစ်အကြေးများကို နှစ်သစ်သို့ မပါစေရန်အလို့ငှာ အတာရေဖြင့် “အကြို, အကျ, အကြတ်, အတက်”ဟူ၍ လေး ရက်တိုင်းတိုင်း သင်္ကြန်ရေဖြင့် ဆေးကြောခဲ့ကြလေပြီ။ မော်လမြိုင်စသော အချို့အရပ် များဆိုလျှင် နှစ်ဆန်းတစ်ရက်နေ့ အပါအ၀င် ငါးရက်ကြာမျှပင် ခန္ဓာကိုယ်မှ အညစ်အကြေးများ ကင်းစင် စေရန် အလို့ငှာ သင်္ကြန်ရေဖြင့် ဆေးကြောကြလေသည်။ ထိုသို့ဆေး ကြောသဖြင့် ခန္ဓာကိုယ်အညစ် အကြေးများ ကင်းစင်နိုင်ပါပေသည်။ ထိုသို့ပြုလုပ်ခြင်းကို ရုပ်ကိုပြုပြင်အလှဆင်သည်ဟု ဆိုနိုင်ပါပေသည်။ သို့သော် ခန္ဓာကိုယ်တွင်းရှိသော လောဘ (တပ်မက်ခြင်း) ဒေါသ (အမျက်ထွက်ခြင်း) မောဟ(အကောင်းအဆိုးကို ခွဲခြား၍ မသိခြင်း) မာန(ထောင်လွှား ခြင်း) ထိနမိန္ဒ (ငိုက်မြည်း ခြင်း၊ထိုင်းမှိုင်းခြင်း) မိစ္ဆာဒိဋ္ဌိ(အယူမှားခြင်း) ၀ိစိကိစ္ဆာ (ဘုရားတရားသံဃာဟူသော ရတနာသုံးပါးတရားတို့၌ ယုံမှား ခြင်း)ဥဒ္ဓစ္စ(စိတ်ပျံ့လွင့်ခြင်း) အဟိရိက (အရှက်မရှိခြင်း) အနောတ္တပ္ပ (အကြောက် တရားမရှိခြင်း)ဟူသော ကိလေသာ(စိတ်ကို ပူလောင်စေတတ် နှိ်ပ်စက်တတ်သောတရား) တရားများကို စင်ကြယ်စေနိုင်ရန်အတွက် ရိုးရိုးရေဖြင့် ဆေးကြောခြင်းဖြင့် စိတ်ကို မစင်ကြယ်စေနိုင်ပါ၊ ထိုကိလေသာတရား များကို စင်ကြယ်စေ၇န်နိုင်သော နည်းလမ်းသည်ကား မြတ်ဗုဒ္ဓဟော ကြားတော်မူသော ဓမ္မရေစင်ဖြင့် သွန်းလောင်းမှသာလျှင် စင်ကြယ်စေနိုင်မည်ဖြစ်ပေသည်။ ဓမ္မရေစင်ဖြင့် သွန်းလောင်းခြင်းဟူသည်ကား အလှူပေးခြင်း သီလဆောင်တည်ခြင်း သမထဘာဝနာ ၀ိပဿနာဘာဝနာ အလုပ်တို့ကို ပြုလုပ်ခြင်းတို့ပင်ဖြစ်ပေသည်။ အလှူပေးခြင်း သီလဆောက်တည်ခြင်းဟူသည်ကို လူတိုင်းနား လည်ကြသည်။ သမထဘာဝနာနှင့် ၀ိပဿနာဘာဝနာဟူသော ဝေါဟာရတို့ကို လူတိုင်းနာမလည်ကြပေ။ သမထ ဘာဝနာပွားများခြင်းဟူသည်ကား မိမိတို့၏ စ်ိတ်ကို နီဝရဏတရား (၆)ပါး(လောဘ ဒေါသ ထိနမိဒ္ဓ ဥဒ္ဓစ္စကုက္ကုစ္စ ၀ိစိကိစ္ဆာ အ၀ိဇ္ဇာ)တို့မှ ကင်းရှင်းစေရန်အလို့ငှာ သမထကမ္မဋ္ဌာန်းလေးဆယ်မှ ကမ္မဋ္ဌာန်းတစ်ခုခုကို စီးဖြန်းခြင်းဖြင့် နီဝရဏတရားတို့ကို ခေတ္တ ငြိမ်းအေးစေနိုင်သည်။ စိတ်တည်ကြည်မှုရရှိစေရန် စိတ်ငြိမ်းမှု ရရှိစေ၇န် သမာဓိ ရရှိစေရန်အလို့ငှာ အများအားဖြင့် အာနာပါနကမ္မဋ္ဌာန်း (၀င်လေထွက်လေ)ကို ရှုမှတ်ကြသည်။ နီဝရဏတရား တို့ကို မိမိတို့၏ စိတ်မှာ မကိန်းအောင်းစေရန် ၀င်လေ ထွက်လေကို အမြဲမပြတ်ရှုမှတ် ပွားများခြင်းကို သမထ ဘာဝနာ ရှုမှတ်ပွားများခြင်းဟုခေါ်ပါသည်။ သမထဘာဝနာသည်ကား ကိလေသာတရား နီဝရဏတရားတို့ကို ထာဝရမငြိမ်းချမ်းစေပါ။ ယာယီမျှသာ ငြိမ်းအေးစေနိုင်ပါသည်။ ၀ိပဿနာဘာဝနာသည်သာ ကိလေသာတရား တို့ကို ထာဝရငြိမ်းအေးစေနိုင်ပါသည်။ သို့ဖြစ်သဖြင့် အာနာပါန(၀င်လေထွက်လေ)ဟူသော သမထဘာဝနာကို သမာဓိရရုံ (၁၅)မိနစ်လောက်သာ ရှုမှတ်ပွားများ၍ ၀ိပဿနာဘာဝနာဘက်သို့ ကူးပြောင်းရမည်ဖြစ်လေသည်။
ဝိပဿနာဘာဝနာဟူသည် မိမိကိုယ်ခန္ဓာကိုယ်ကို စောင့်ကြည့်ခြင်းပင်ဖြစ်သည်။ မိမိခန္ဓာကိုယ်၏ အဖြစ် အပျက်တို့ကို အမြဲမပြတ်စောင့်ကြည့်ခြင်းကို ၀ိပဿနာဘာဝနာပွားများသည်ဟု ခေါ်ဆိုပါသည်။ ချဲ့၍ဆိုရသော် တစ်ခါတစ်ရံ မိမိခန္ဓာကိုယ်က ယားမှုဝေဒနာလေးပြကောင်းပြလိမ့်မည်။ ထိုယားမှုဝေဒနာလေး၏ ဖြစ်မှုပျက်မှု ကို အာရုံတစ်ပါးစိတ်မသွားဘဲ စောင့်ကြည့်ပေးနေရုံပင်ဖြစ်လေသည်။ တစ်ခါတစ်ရံ နာမှုဝေဒနာလေးဖြစ် ပေါ်လာလိမ့်မည်။ ထိုနာမှုဝေဒနာလေး၏ ဖြစ်မှု ပျက်မှုကို အမြဲမပြတ် စောင့်ကြည့်ပေးနေရမည်ဖြစ်ပေသည်။ မြင်းသောအရာတိုင်း ကြားသောအရာတိုင်း နံသောအရာတိုင် လျှက်သောအရာတိုင်း တွေ့ထိသောအရာတိုင်း တွေးတောသောအရာတိုင်း၏ ဖြစ်မှု ပျက်မှုလေးကို အမြဲမပြတ် ရှုမှတ်ပွားများပေးပါ။ တစ်ခါတစ်ရံ မိမိတို့၏ သန္တာန်တွင် ဒေါသစိတ်ဖြစ်လျှင် ဖြစ်မည်၊ တစ်ခါတစ်ရံ လောဘစိတ်ဖြစ်လျှင် ဖြစ်မည်၊ ဖြစ်ပေါ်လာတိုင်း စိတ်တိုင်း၏ ဖြစ်မှု ပျက်မှုကို အမြဲမပြတ်စောင့်ကြည့်ပေးပါ၊ အရှုခံဖြစ်သော ခန္ဓာကိုယ်နှင့် အရှုဥာဏ်ဖြစ်သော ၀ိပဿနာဥာဏ်အကြား (၀ိပဿနာဥာဏ်ဟူသည်ကား သမ္မာဒိဋ္ဌိ သမ္မာသင်္ကပ္ပ သမ္မာဝါယာမ သမ္မာသတိ သမ္မာသမာဓိတို့ကို ဆိုလိုသည်။) ကိလေသာကြားမခိုစေမူ၍ အမြဲမပြတ်ပွတ်တိုက်ပေး ရမည်ဖြစ်ပေသည်။ ထိုသို့ ကိလေသာကြားမခိုစေမူ၍ ပွတ်တိုက်ပေးလျှင် ရှုမှတ်ပေးလျှင် နိဗ္ဗာန်ဆိုဟုခေါ်ဆိုသော တရားထူးကို မိမိတို့သည် မုချမသွေ မျက်မှောက်ပြုရမည်မှာ ဧကန်ပင်ဖြစ်ပေသည်။ လောကဥပမာဆောင်ရသော်ကား ၀ါးနှစ် လုံးကို ပွတ်တိုက်ပါများလျှင် မီးထွက်သကဲ့သို့ ထိုအတူပင် အရှုခံဖြစ်သော ခန္ဓာကိုယ်နှင့် အရှုဥာဏ်ဖြစ်သော ၀ိပဿနာဥာဏ်တို့ကို အမြဲမပြတ် ပွတ်တိုက် ပေးလျှင်ကား သေချာပေါက်နိဗ္ဗာန်ပေါ်လာမည်ဖြစ်ပေသည်။ နိဗ္ဗာန်ကို အာရုံငါးပါးနှင့် မသိနိုင်ရုံကာမျှဖြင့် နိဗ္ဗာန်သည် ဘာမျှမရှိဟုဆိုခြင်းသည် မျက်စိမမြင်သူသည် အလင်း ရောင်ကို မမြင်ရုံကာမျှဖြင့် အလင်းရောင်မရှိပါဟု ဆိုခြင်းကဲ့သို့ ယုတ္တိမတန်ပါချေ။ နိဗ္ဗာန်ကို ဤလက်ရှိဘ၀ တွင်ပင် မျက်မှောက်ပြုနိုင်သည်။ ဗုဒ္ဓဘာသာသည် ငှင်း၏ အဆုံးစွန်သော ပန်းတိုင်သို့ နောင်တမလွန်ဘ၀၌သာ ရောက်နိုင်သည်ဟုမဆိုပါ။ နိဗ္ဗာန်ကို ဤဘ၀တွင်ပင် ခန္ဓာကိုယ်အကြွင်းအကျန်ရှိလျှက် သိမြင်ရခြင်းကို သဥပါဒိ- သေသနိဗ္ဗာန်ဟုခေါ်၏။ ရဟန္တာတစ်ပါးသည် ပရိနိဗ္ဗာန်စံ၍ ခန္ဓာကိုယ်ပျက်ကြွေသွားသောအခါ ရုပ်ပိုင်းဆိုင်ရာ တည်ရှိခြင်းမရှိတော့ဘဲ ဆက်လက်ခံစားရသည့် နိဗ္ဗာန်ချမ်းသာကို အနုပါဒိသေသနိဗ္ဗာန်ဟု ခေါ်၏။ ထိုနိဗ္ဗာန် ပေါ်လာလျှင်ကား စိတ်အတွင်းမှာရှိသော ကိလေသာတို့သည်လည်း ကင်းဝေးစင်ကြယ်သွားကြ မည်ဖြစ်ပေ သည်။ ဤသည်ပင် စိတ်အညစ်အကြေးတွေကို ဆေးကြောသည်ဟုခေါ်ဆိုနိုင်ပါပေ၏။ အချုပ်အားဖြင့်သော် ကား မြန်မာတို့၏ နှစ်သစ်တွင် ကိုယ်၏အညစ်အကြေးကို ဆေးကြောရုံဖြင့် အားရတင်းတိမ်မနေမူ၍ စိတ် အညစ်အကြေး ကိလေသာအညစ်အကြေးတို့ကိုလည်း ဓမ္မရေစင်ဖြင့် ဆေးကြောကြပါဟူ၍ တိုက်တွန်းလျှက် မိမိ၏ “နှစ်သစ်ကူး ဓမ္မလက်ဆောင်”ဆောင်းပါးကို အောက်ပါလင်္ကာ ဆောင်ပုဒ်ဖြင့် နိဂုံးချုပ်လိုက်ရပေသည်။

“စိတ်ကိုပြုပြင် အလှဆင်”
နေထွက်နေ၀င် ကိုးဂုဏ်ရှင် နေ့စဉ်ရှိခိုးမယ်၊
အနန္တငါး ဂုဏ်တော်များ ညွတ်တွားကန်တော့မယ်၊
မျက်နှာသစ်လျှင် ရေကိုမြင် မြင်စဉ်မေတ္တာပွားပါ့မယ်၊
သစ်ရင်းသစ်ရင်း ပျက်ယိုယွင်း ရုပ်ဆင်းသတိထားပါ့မယ်၊
တန်းတူတွေ့လျှင် မေတ္တာဝင် မ၀င်နိုင်ကပြိုင်တတ်တယ်၊
ပြိုင်မယ့်အစား မေတ္တာပွား စိတ်ထားပြုပြင်ပြောင်းပါ့မယ်၊
ကိုယ့်အောက်တွေ့လျှင် ကရုဏာဝင် မ၀င်နိုင်က နိုင်တတ်တယ်၊
နိုင်မဲ့အစား ကရုဏာပွား စိတ်ထားပြုပြင်ပြောင်းပါ့မယ်၊
ကိုယ့်ထက်သာလျှင် မုဒိတာဝင် မ၀င်ဣဿာရိုင်တတ်တယ်၊
ရိုင်မဲ့အစား မုဒိတာပွား စိတ်ထားပြုပြင်ပြောင်းပါ့မယ်၊
သဗ္ဗေသတ္တာ သူသူငါ ကံသာမူလရှိကြတယ်၊
သံသရာနယ် ချာချာလည် အတ္တပယ်မှ ငြိမ်းလိမ့်မယ်၊
စိတ်ကိုလဲပြင် ရုပ်လဲပြင် ပြင်ဆင်တိုင်းရ ပြုတိုင်းလှ သုခနိဗ္ဗာန်တိုင်လိမ့်မယ်၊
ရုပ်ကိုသာပြင် နာမ်မပြင် ရုပ်သွင်မလှ နာမ်မလှ၊
နာမ်ကိုသာပြင် ရုပ်မပြင် နာမ်စဉ်လဲလှ ရုပ်လဲလှ၊
နာမ်ဓာတ်ပေါ်တွင် ဥာဏ်ဓာတ်တင် လိုလျှင်ခဏနိဗ္ဗာန်ရ။(မစိုးရိမ်းဆရာတော်ဘုရားကြီး)

“ယခုနှစ်သစ်မှသည် နောင်နှစ်သစ်ပေါင်းများစွာ မိမိ၏ ဓမ္မမိတ်ဆွေအားလုံး ကျန်းမာချမ်းသာကြကာ
ရုပ်နာမ်နှစ်မျိုးကို စင်ကြယ်အောင် ဆေးကြောနိုင်သော သူတော်စင်များ ဖြစ်ကြပါစေကုန်သတည်း”
အရှင်ဇ၀န
1 comments

Read more...

စပါးလင်နှောက်လိုက်သည့် ဆီးကျောက်ကိစ္စ

တနေ့ဆီက ကျွန်တော်တို့ သားအဖများ ဘုရားကအပြန်တွင် မမျှော်လင့်ဘဲနှင့် တောဆေးတခွက်ကို သွားရင်းက ကောက်ရခဲ့လေသည်။ တပတ်လျှင်တခါ ကျွန်တော်တို့ ရွှေတိဂုံစေတီတော်မှာ သားများနှင့် ကုသိုလ်စပ်လျက် အာရုံဆွမ်း ကပ်လေ့ရှိပါသည်။ ကျွန်တော်နှင့်အတူ သားကြီးမောင်သိဒ္ဓိနှင့် သားအငယ်ဆုံး မောင်အေးမင်း-တို့ လိုက်ပါတတ်သည်။

ထိုနေ့ ဘုရားမှအဆင်းတွင် မောင်အေးမင်းက အဖေ-ကားက ဘရိတ်မညီဘူး ဖြစ်နေတယ်။ ကျွန်တော် ခဏ၀င်ညှိချင်တယ်-ဟုဆိုကာ ခင်ရာမင်ရာ ၀ပ်ရှော့မှာ ခဏ၀င်ရပါသည်။ ထိုအခါ ၀ပ်ရှော့ရှေ့မှာက ပြဿနာနှင့် ကြုံနေပါချေတော့သည်။ ၀ပ်ရှော့ဆရာကြီး တူလား၊ တပည့်ပဲလား ခါးကြီးကော့ကာ ကော့ကာနှင့် အောင့်တယ်၊ သိပ်အောင့်နေတယ်၊ ဆီးက တအားကိုတင်းပြီးလည်း ထိုးထိုးနေတယ်-ဟု အော်နေပါချေသည်။

ရောဂါပြင်းထန်သည်မှာ သိသာပါသည်။ ခံစားချက်ဆိုးဝါးချက်အရ ချွေးသီးများ ကျနေသည်။ ထိုအခါ သားအငယ် ကိုအေးမင်းက အဖေ-လက္ခဏာကြည့်ရတာဖြင့် ကျွန်တော်ဖြစ်ခဲ့တဲ့ပုံပဲ။ ဆီးကျောက်ကိစ္စ ဖြစ်တယ်ထင်တယ်။
ဒိုးက-အေး အကဲခတ်မဆိုးဘူး။ တလောက မင်း-ဖြစ်ခဲ့တာနဲ့ တထပ်တည်းပဲ။
တလောက မောင်အေးမင်းသည် ဆီးက ထိုးသည်၊ တအားကို အောင့်သည်ဆိုကာ ခုလိုပဲ ကော့ပျံပျံဖြစ်ကာ အော်နေခဲ့ရပါသည်။ ခု လူလည်း အသက်ချင်းက မတိမ်းမယိမ်း ငါးဆယ်ဝန်းကျင်များ ဖြစ်သည်။ မောင်အေးမင်းဖြစ်စဉ် ဆီးကတော့ ဆီးပြဿနာပဲ။ ဒါပေမယ့် ဘာ-ဆီးပြဿနာလဲ။ ရိုးရိုး ဆီးဖောက်ကာ အောင့်ခြင်းလား၊ ဆီးကျောက်ကိစ္စလား၊ ဆီးကျိတ်ကတော့ မဟုတ်တန်ရာဆိုပြီး ရောဂါ အရင်ရှာရလေသည်။

ဒိုး-အေးမင်း၊ မင်းဖြစ်ပုံနဲ့ ခပ်တူတူ။ ကော့လန်နေတာကိုး။ ကြည့်ရတာ ဆီးကျိတ်အရွယ်လည်း မဟုတ်လှဘူး။ ဆီးကျိတ်ကိစ္စဆိုရင်ခံစားရတဲ့လူနာဟာ ကုန်းကုန်းကြီးဖြစ်နေတာဟ။ သူလဲ ဆီးကျိတ်အရွယ် မဟုတ်ရှာပါဘူးလေ။
ဝပ်ရှော့ဆရာနှင့် သူ့လူများလည်း အလုပ်များနေပါချေတော့သည်။ ဆေးခန်းတခုခု အမြန်ပို့ရမလား။ ဆေးရုံးပဲ အမြန်ပို့ရကောင်းမလား။ ဒုက္ခများနေကြသည်။ ၀ပ်ရှော့ဆရာ ပျာယာခတ်ရင်းမှာ ဒီကောင်-တော်တော်ခံနေရပုံ၊ တခုခုတော့ အမြန်လုပ်မှပဲ။

မောင်အေးမင်း-ကျွန်တော်ဖြစ်ပုံ ခံစားရပုံနဲ့က သိပ်ကို တူနေတာပဲ၊ ဆီးကျောက်ကိစ္စပဲ။
သားရ အသာနေစမ်းဟ၊ သူများကိစ္စကြားမှာကြည့်ဦးဟ။
ကျွန်တော့်တုန်းက အဖေပဲ လုပ်ပေးလိုက်တာပဲ။ ဆီးကျောက်တွေ ထွက်ကျလာအောင်ဟာ ကြက်လည်ဆံနဲ့ ရှင်းပစ်ခဲ့တာပဲ။ ခုလဲ ကြက်လည်ဆံလုပ်ပေးလိုက်ရင် ပျောက်မှာ။ ခုဟာ ကြာလေနာလေ ဖြစ်မှာ။ ဆီးထဲ ကျောက်က ငြိမ်နေတာ မဟုတ်ဘူး။ ရှေ့တိုးလာလို့ ဒီလိုဖြစ်တာ။ အခု တိုးပြီးရင်းတိုးနဲ့ ဆီးကျောက်က ထိုးထိုးနေတော့မှာ၊ အဖေ သိပ်ခံရတာနော်။

သူက စာနာစိတ်နဲ့ပြောတာ အမှန်ဖြစ်သည်။ ခံစားနေတာကို မြန်စွာ သက်သာစေချင်သည်။ သူ့အထင်က ကြက်လည်ဆံ ခုသောက်လျှင် ခုပဲ ဒုက္ခရောက်ခြင်းမှ ခုသက်သာမှာ မြင်ကာ စေတနာကြွချင်ချင်တွေဖြစ်နေတာ ဖြစ်သည်။ ဒါမျိုးဆိုတာ ၀င်ရကောင်းတာရှိသလို ၀င်လို့မကောင်းဘဲ ချောက်ထဲ စောင်းဝင်သွားတတ်သေးတာကို သင်းမသိဘူး။ ကျွန်တော်က အတွေ့အကြုံအရ မိသားစုထဲမှာပင် ကြားညပ်ကာ အမှုပတ်တာတွေကို ခံဖူးနေပြီ။

ဝပ်ရှော့ဆရာ။ ဟေ့ ဟိုကား ခဏသုံးလို့ရတယ် မဟုတ်လား။ ကြာရင် ခက်နေမယ်။ ဆေးရုံပို့တာပဲ ကောင်းတယ်။ ဟိုမှာ ဆေးစုံ ကိရိယာစုံ။ ထိုအခါ လူနာက ထအော်ပါတော့သည်။ အမယ်လေး လေး၊ ဆေးရုံတော့ မပို့လိုက်ပါနဲ့ဗျာ။ သူတို့ ထိုးတံကြီးနဲ့ ထိုးထည့်ရင် သေအောင်ခံရတာဗျ။ တွေ့ဖူးတာပါဗျ၊ အဘွားကို ခေါ်ပါဗျာ။
ထိုအခါ အဖွားဆိုတာ အိမ်ထဲက ထွက်လာတာနှင့် တန်းတိုးနေသည်။ ပြီး ငါ ကြည့်စမ်းပါဦးမယ်ဟဲ့။ သူက ဆီးထတာလား-ဟုဆိုကာ အဘွားကပင် ဗိုက်နေရာ ဆီးအိမ်လိုနေရာကို ထောက်ကြည့် ကိုင်ကြည့် လုပ်နေသည်။ ထို့နောက် အိမ်သားတွေဘက်လှည့်၍ ဆီးကျောက်ကိစ္စပါဟယ်၊ ငါ လုပ်လိုက်ပါ့မယ်။ နင်တို့ ဆေးရုံတွေ ဘာတွေ လုပ်နေရင် ပိုရှုပ်နေလိမ့်မယ်။ နင်တို့ နားမလည် ပါးမလည်နဲ့ဟာ-ဟု အိမ်သားများအား လှမ်းမာန်ကာ ဆက်၍ ဟဲ့-ဟိုကောင် ငရုတ်ဆုံ ယူခဲ့စမ်းဟဲ့။

ဒီလိုအော်သံကြားပြီး လူနာငနဲ မျက်လုံးပြူးခနဲဖြစ်သလို ကျွန်တော်လည်း ကြားက ဘာနားမလည် ညာနားမလည်နှင့် သူများပြုးသလို ၀င်ပြူးဖွယ်ရာ ဖြစ်ပါချေတော့သည်။
မောင်အေးမင်းက ကားဆရာတဦးနှင့် သူ့ကားဘရိတ်ကိစ္စ လုပ်နေစဉ် ကျွန်တော်နှင့် မောင်သိဒ္ဓိက ထူးခြားသည့် ဆေးကုပွဲကို နွှဲသလိုပဲ မျက်လုံးတပြဲပြဲ ဖြစ်နေကြရသည်ပဲ။

အဘွားအသံ ပေါ်လာပြန်သည်ကား ဟို ငပု ဆိုတဲ့ကောင် ဘာယောင်တောင်ကြောင်တောင် လုပ်နေတာလဲ။ ငါ့ဆီလာခဲ့စမ်း။ ဟိုအိမ်ထောင့်က အိုးမှာတွေ့လား။ စပါးလင်ပင်တွေဟ၊ သွား အပင်တုတ်တုတ်တပင် ဖဲ့ခဲ့ဟ၊ ဒီ ဘာနားမလည် ညာနားမလည်ကောင်တွေနဲ့တော့ တွေ့ပြီ။
လူတွေ တယောက်မျက်နှာ တယောက်ကြည့်ကာ တုန်လှုပ်သွားချင်ရပြန်လေသည်။ ဆီးကျောက်တည်လို့ မှောက်မတတ်ဖြစ်နေတဲ့လူကို အဘွားက ဒီဟင်းချက်ကိရိယာတွေထုတ်လို့ ဘာလုပ်မှာတဲ့လဲ။ တွန့်ခနဲ ဖြစ်စရာတောင် ကြောင်သွားမိကုန်သည်။

မိညွန့်၊ မီးဖိုမှာ ဆန်ဆေးရည်ရှိတယ်မဟုတ်လား။ မတ်ခွက်နဲ့လေ၊ မတ်ခွက်တခွက်စာ ဆန်ဆေးရည်ကို ယူခဲ့။ ဒီအကောင်ဟာ အစားကြမ်း၊ အနေကြမ်းနဲ့ဟာ။ ဆေးကြမ်း ဓာတ်ကြမ်းနဲ့ လုပ်ပေးရမယ်။ စောစောက တချိန်လုံး အော်ကာဟစ်ကာ ဖြစ်နေသည့် ဆီးသမားလူနာမှာ ထိုအခါ မျက်လုံးလေး ကြောင်တောင်ပေကပ်နှင့် အသက်ရှူရပ်မလို ကပိုကရိုတွေ လန့်နေချေသည်။ အလွန်ကြောက်ရသည့် အဘွားမို့လို့နဲ့တူသည်။ ပေကလပ်မျက်နှာ ငြိမ်နေပါသည်။ အဘွားသာ မကြောက်ရလျှင် တဟုန်ထိုးကြီး ဂိုးတဲ့ကာ ကိုယ်ဖျောက်မည့် ကောင်နှင့် တူသည်။

သား မောင်အေးမင်းက အဖေ-ကားလုပ်ပြီးပြီ၊ သွားလို့ရပြီ-ဟု အနားလာကာ လက်တို့ပါသည်။
ဒိုး။ မင်းကွာအတော်မိုက်တဲ့ ညံ့တဲ့ကောင်ပဲ။ ဒီမှာ ပွဲကြီးတခု ကြုံနေတဲ့ဥစ္စာ။ ဇာတ်ကွက်စုံအပြည့်တော့ ကြည့်ဦးမှဖြစ်မှာ။ ဒီ ဆီးဇာတ်လမ်းကနေ တခန်းရပ်ကြီးနဲ့ ငါ မသွားနိုင်ဘူး။
သားက သွားစရာရှိလို့လားမသိ။ ဗျစ်တောက်ဗျစ်တောက်နဲ့ ကြားကနေ ကောက်ကောက် ကောက်ကောက်လုပ်နေသည်။ သူ ဘာနားလည်သလဲ။ ဒီမှာက တွက်ကြည့်စမ်းပါ။ အကွက်ကောင်းကို ရောက်နေ မဟုတ်လားလေ။ ဘယ့်နှယ် ကျောက်တည်တဲ့ဆီးကိစ္စ ကုသတဲ့ဥစ္စာဗျာ။ ဘာအတွက်တာနဲ့ ငရုတ်ဆုံတွေ၊ စပါးလင်တွေက ပါနေရတာတုံးလေ။ ဆေးကုပုံနဲ့ ဟင်းချက်တော့မဲ့ပုံ ခွဲခြားမရတဲ့ဥစ္စာ။ ဇာတ်ဆုံးအထိလေးတော့ သိချင်၊ ကြည့်ချင်သေးသည်ပေါ့။

ကဲ မင်းသွားချင်လဲ သွားတော့ကွာ။ ကားကို မင်းပဲယူသွား။ ငါ့ဘာသာငါ ကြည့်ပြန်မယ်လေ-ဟု ဒီက ဆီးကိစ္စနဲ့ ငရုတ်ဆုံနှင့် စပါးလင်နဲ့ ဟင်းလျာပြင်ပုံ၊ စပါးလင်အစုံ ဖြစ်နေပုံကို အကုန်တော့ မြင်ချင်သည်ပဲ။
ဟော-ခဏနေတော့ တွေ့ရပါပြီ။ စပါးလင်ကို ငရုတ်ဆုံတွင် ဟင်းချက်သလို တကယ်ထည့်ထောင်းတာ ဖြစ်တော့သည်။ ထောင်းပုံကတော့ ကြေအောင်တော့မထောင်း။ စပါးလင်ကို အတုံးလေးတွေကို ကွဲရုံ၊ ပုံပျက်ရုံ ထောင်းတာကို သတိပြု၍ ကြည့်ရှုနေမိလေသည်။ ဒါကိ်ု သူများမခိုင်းဘဲ ဘွားဘွားကြီးကိုယ်တိုင်က အကျအန ကိုင်နေလုပ်နေတာ ဖြစ်ပါသည်။

ပြီး၊ မတ်ခွက်လိုခွက်ထဲက ဆန်ဆေးရည်ကို အသေအချာ ကြည့်၏။ ထိုသည့်နောက်တွင်ကား စပါးလင်များကို ဆန်ဆေးရည်ထဲထည့်ကာ အကျအန ဇွန်းဖြင့် မွှေပါလေသည်။ မွှေရိုးရိုး မမွှေ၊ ဇွန်းဖြင့် ဆောင့်၍ ဆောင့်၍ ဖိသည်။ အဲဒါ ပညာဖြစ်တော့သည်ကော။ စပါးလင်ဓာတ်ကို ဆန်ဆေးရည်တွင် ပျော်ဝင်အောင် ထိထိမိမိ ဖိသည်ကော။
ဒါက သေသေချာချာ မကြည့်လျှင် မသိနိုင်သည့် ကိစ္စဖြစ်သည်။ ဆန်ဆေးရည်က အဓိကမဟုတ်။ စပါးလင်ရည်တွေ ဆန်ဆေးရည်တွင် နစ်ပြီး စနစ်တကျဝင်အောင်ကို လုပ်ဆောင်တာလို့ ဂရုစိုက်ကာ မှတ်လိုက်ရပါသည်။ ထိုဘွားဘွားကြီး၏ အာရုံကို အစုံမြင်နေရသည် ဖြစ်ပါသည်။

ထိုသည့်နောက်မှ ဆီးသမား လူနာအား ရော့ သောက်၊ အကုန်သောက်လိုက်-ဟုဆိုကာ တချီတည်းကို သောက်စေလိုက်တာ ဖြစ်တော့သည်။
ကျွန်တော်ကား သိလိုက်ပါပြီ။ သွားရင်းလာရင်း ဘုရားကပြန်ရင်းမှာ ကံကပေးသဖြင့် တောဆေးပညာတကွက်ကို ချောင်ချောင်ကို နှက်မိယက်မိ ရမိရတာ ဖြစ်ပါလေပြီပဲ။

ဘွားအေကြီးက တခုကို ဂရုပြုမှာကြားလိုက်သည်။ ဟဲ့-ဒီနေ့နဲ့ နက်ဖြန် ဆီးသွားရင် အိုးနဲ့ခံသွားဟဲ့-တဲ့။ ဟုတ်ပ။ လူကဖြစ်သည့် ကျောက်များကို ကောက်ခိုင်းထားတာပဲ ဖြစ်လေသည်။
ကျွန်တော်တို့ကား ကိစ္စမရှိတော့သော်လည်း နောက်တနေ့မှာ သားအငယ်ကို ၀ပ်ရှော့သွားကာ စနဲနာခိုင်းလိုက်ပါသည်။ ကျွန်တော် ထင်မြင်သည့်အတိုင်းပင် ကွမ်းတ၀ါးဝါးနဲ့ ဘွားအေကြီးသည် ဇလုံအဟောင်းတခုထဲ တုတ်ဖြင့်မွှေရင်းသား ကျောက်များကို အကြီးအသေး ရွေးသည့်ပမာ ကြည့်နေတာကို ကျွန်တော့သားက မြင်ရပါတော့သည်။

ခုလို စပါးလင်နဲ့ ကျောက်ချခြင်း၊ ကျောက်ထုတ်ခြင်းကို ယခင်က မသိဖူး၊ မကြားဖူးခဲ့ပါ။ မထင်သည့်အချိန် မထင်သည့်အခါ မထင်သည့်နေရာမှာ ခုလို တွေ့သွားရပြီးမှ မှတ်ခဲ့ရပါသည်။ စာရှုသူများလည်း ဒါကို သိမိကြမည် မထင်ပါ။ ဆီးနှင့်ပတ်သက်လို့ ကျွန်တော်တို့မှာ သံမနိုင်ကျောက်မနိုင်က ရှေ့ကပြေးသွားပြီး နိုင်ငံခြားအထိ ကျော်ကြားသည်။ ပြီးတော့ ထိကရုန်းလည်း အရပ်များစွာတွင်ပင် တောဆေးသဘောနှင့် အပြောများသည်။ ခုတော့ ငရုတ်ဆုံနဲ့ စပါးလင်တွဲကာ တောဆေးနေရာဝင် အစွမ်းပြတာ ဖြစ်နေပါတော့သည်။

စပါးလင်ကို စပါးလင်ချည်းမသုံးဘဲ ဆန်ဆေးရည်နှင့် တွဲသုံးစေတာ သတိပြုကြရပါသည်။ မြန်မာဆေးမည်များတွင် ကြမ်းလွန်းသည့်ဆေး၊ ပူလွန်းသည့်ဆေး၊ ဓာတ်ပြင်းသည့်ဆေးများကို ဆန်ဆေးရည်ဖြင့် တွဲစေတတ်ကာ အခိုးခြေတတ်ကြသည်ကို ကျွန်တော် ဟိုမှာ ဒီမှာကို အခွင့်သင့်သလို ရေးချပြတတ်ခဲ့ပါသည်။

ပမာအားဖြင့် နံ့သာနီနှင့် ဆန်ဆေးရည် တွဲခြင်း၊ ဆင်တုံးမနွယ်နှင့် ဆန်ဆေးရည်ကို တွဲစေခြင်း စသည်တို့ ဖြစ်ပါသည်။ ယခုအတွဲမှာကား စပါးလင်ဓာတ်က ပိုအစွမ်းကြမ်းလို့ ထင်ပါသည်။ တွဲရာ၌ သာမန်တွဲမျိုးမဟုတ်ဘဲ စပါးလင်ထံမှ စပါးလင်ဓာတ်ကိုသာ ယူကာ ဆန်ဆေးရည်ကိုသာ အဓိကထား သောက်စေခြင်းဖြစ်တာကို ကျွန်တော် နက်နက်တွေး၍ နက်နက်မြင် ဖြစ်သွားရပါသည်။

ဆီးကိစ္စတွင် စပါးလင်ကို သုံးတာလည်း အံ့သြဖွယ်ဖြစ်ပါသည်။ စပါးလင်ဆိုတာ ပူအား စပ်အားတွေ လွန်စွာကို ထန်ပါသည်။ အခြားဆေးမည်ကိစ္စများ၌ ခုလို အပူကြီးသည့် စပါးလင်ကိုသုံးတာ တွဲတာကို ကျွန်တော် သိပ်မတွေ့ရဖူးပါ။ ဆီးကျောက်ကိစ္စကို ကန်ထုတ်ရာ၌ လွန်စွာ စွမ်းအားကောင်းလှသည့် ကြက်လည်ဆံသည် စပါးလင်လို အပူအား မတွေ့ရဘဲ ညင်သာလှသည့် ဆေးသား အမျိုးအစား ဖြစ်ပါသည်။

သို့သော် ပညာဗဟုသုတဖြစ်ရန်နဲ့ ဆေးကွက်ထဲ ဆေးမည်စုံအသိကို ရှိနေကြဖို့ရာ ကြိုးစားကာ အခုတင်ပြတာ ဖြစ်ပါတယ်။ အချို့က မေးများ မေးလေမလားပဲ။ ဆီးကိစ္စ၌ ခုလို အပူဓာတ်ပြင်း ဓာတ်ရင်းကိုသွင်းပြီး သုံးသွားသည်မှာ ဆေးသောက်သူက ယောက်ျားဖြစ်ပြီး အကြမ်းသမားလဲ ဖြစ်နေလို့လားဟူ၍ တွေးမေးကြအံ့။ ဟုတ်ကဲ့ ဒီလိုအမေးရှိလာလဲ ဒီငနဲမှာ ပညာမစုံသေးပါသဖြင့် မလျှောက်တတ်ပါ။ စကားပဲ ရယ်ကျဲကျဲနှင့် ပြောကြားရမည်ပင် ဖြစ်ပါလေတော့သည်။

သာဂဒိုး
စူလာနဖာနှင့် ဆေးနည်းပင်များ(၃) စာအုပ်မှ

( မြတ်မင်္ဂလာ ၂၀၀၇-ခု မေလ)


Read more...

လာလည်ကြသူများ

ဤဘလော့ဂ်၏ ရည်ရွယ်ချက်

ယခုအခါ ကမ္ဘာတလွှားတွင်ရှိနေကြသော ဓမ္မဘလော့ဂ်ဂါများသည် နေ့ စဉ်နှင့် အမျှ အင်တာနက် စာမျက်နှာများ ပေါ်တွင် ဓမ္မနှင့်သက်ဆိုင်သော အကြောင်းအရာ အမျိုးမျိုးကို ပို့ စ်များရေးတင်လျက် ရှိနေကြပါသည်။

ဘလော့ဂ်ဂါများမှ မိမိတို့ ၏ကိုယ်ပိုင် စာမျက်နှာများမှတဆင့် ရေးတင်နေကြသဖြင့် ဖတ်ရှုလေ့လာသူများအတွက် နေရာများစွာသို့  သွားရောက် ဖတ်ရှုနေကြရပါသည်။

ထို့ ကြောင့် စာဖတ်သူများ အချိန်ကုန်သက်သာစေရန်နှင့် မိမိတို့  ဖတ်ရှုလိုရာကို လွယ်လင့်တကူ ရှာဖွေနိုင်ရန် နေ့ စဉ်ရေးသား နေကြသော အကြောင်းအရာများကို တနေရာတည်းတွင် စုစည်းပေးလိုသော ရည်ရွယ်ချက်ဖြင့် ဤဘလော့ဂ်ကို စီစဉ်လိုက်ခြင်းဖြစ်ပါသည်။

ပြောချင်တာများရှိရင် ရေးပေးထားခဲ့ပါ

မြန်မာပြက္ခဒိန်

မြန်မာပြက္ခဒိန်
www.burmeseclassic.com မှ ကူးယူဖော်ပြပါသည်။

  © Blogger templates The Professional Template by Ourblogtemplates.com 2008

Back to TOP