* သဗ္ဗဒါနံ ဓမ္မဒါနံ ဇိနာတိ၊ * သဗ္ဗရသံ ဓမ္မရသော ဇိနာတိ။

* သဗ္ဗဒါနံ ဓမ္မဒါနံ ဇိနာတိ၊     * သဗ္ဗရသံ ဓမ္မရသော ဇိနာတိ။

နမတ္ထု ဗုဒ္ဓါနံ နမတ္ထု ဗောဓိယာ။ နမော ဝိမုတ္တာနံ၊ နမော ဝိမုတ္တိယာ။

ဘုရားရှင်တို့ အား ရှိခိုးပါ၏။
ဘုရားရှင်တို့ ၏ မဂ်ဥာဏ် ဖိုလ်ဥာဏ်အား ရှိခိုးပါ၏။
ကိလေသာတို့ မှ လွတ်မြောက်တော်မူကြသော ဘုရားရှင်တို့ အား ရှိခိုးပါ၏။
ထိုဘုရားရှင်တို့ ၏ ဝိမုတ္တိငါးပါးအား ရှိခိုးပါ၏။

ကရုဏာလက်များ ကမ်းလင့်ပေးပါ...

ကရုဏာလက်များ ကမ်းလင့်ပေးပါ...
စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။

ပညာရေးအလှူတော် နှိုးဆော်ချက်


ရန်ကုန်မြို့ အသောကာရာမ သီလရှင်စာသင်တိုက်မှ နဝမတန်း ဖြေဆိုမည့် သီလရှင် ဆရာလေးများအတွက် ဆရာ၊ ဆရာမများ လစဉ် ထားပေးနိုင်ရန် ပညာရေးအလှူရှင်များ လိုအပ်နေပါသည်။ ရွှေစေတီ ဘုန်းတော်ကြီးသင်ပညာရေးကျောင်းတွင်လည်း ဆင်းရဲနွမ်းပါးသည့် ၉ တန်းနှင့် ၁၀ တန်း ကျောင်းသားများ ကျောင်းအိပ်ကျောင်းစား နေထိုင်ပညာဆည်းပူးနိုင်ရေးအတွက် ကူညီထောက်ပံ့မည့် ကုသိုလ်ရှင်များ လိုအပ်လျက် ရှိပါသည်။ စေတနာရှင် အလှူရှင်များ အနေဖြင့် ထေရဝါဒ ဗုဒ္ဓဘာသာ လူငယ်များအသင်း http://www.mmtheravada.org ဖုန်း
09-73062811, 09-5505176 သို့ ဆက်သွယ်လှူဒါန်းကြစေလိုပါသည်။

သီလရှင် ဆရာလေးများနှင့် ကလေးများ ဇွန်လအမီ ကျောင်းတက်နိုင်ရေးအတွက် ကာလဒါန ကုသိုလ်အဖြစ် သဒ္ဓါတတ်အား နည်းများမဆို လှူဒါန်းကူညီကြပါရန် နှိုးဆော်အပ်ပါသည်။

ဝိမုတ္တိရသ အဖွဲ့သားများ

------------------------
နောက်ဆက်တွဲသတင်း.....

ပညာရေးအလှူတော်လှူဒါန်းမည့်အစီအစဉ်

ထေရ၀ါဒဗုဒဘာသာ လူငယ်များ အသင်းမှ ဦးစီး၍ (၂၀၁၁) ခုနှစ်တွင် န၀မတန်းသို့ တက်ရောက်မည့် ကျောင်းသား (၂၅) ယောက်နှင့် ကျောင်းသူ (၂၅) ယောက်အား ပညာရေးထောက်ပံ့မှုပြုလုပ်ပေးနိုင်ရန် စီစဉ်ထားပါသည်။

ပြုလုပ်မည့်အစီအစဉ်

ကျောင်းသားများအား ရွှေစေတီဘုန်းကြီးကျောင်း (ဆရာတော် ဦးတေဇန္ဒိ၊ ခ/(၃) ရက်ကွက်၊ ရွှေစေတီကျောင်း၊ မင်္ဂလာဒုံမြို့နယ်) တွင်ထားရှိမည်ဖြစ်ပြီး ကျောင်းသားများသည် မိမိတို့ ဆန္ဒအလျောက် ကိုရင်ဝတ်လိုကလည်း ၀တ်နိုင်ပါသည်။ ကျောင်းသူများအား အသောကာရာမ သီလရှင်စာသင်တိုက် (ဆရာလေးဒေါ်သုနန္ဒာ (ဖုန်း-၀၉-၈၆၂၈၈၁၁)၊ ၀ါယာလက်ဈေးမှတ်တိုင်၊ ရွှေနှင်းဆီရပ်ကွက်၊ မင်္ဂလာဒုံမြို့နယ်) တွင်ထားရှိပါမည်။ အသောကာရာမကျောင်းမှ သီလရှင်များသာလက်ခံသည်ဖြစ်၍ ကျောင်းသူများမှာ သီလရှင်ဝတ်ရပါမည်။ သီလရှင်များတက်ရောက်ရမည့် အ.ထ.က ကျောင်းမှာ အသောကာရာမ ကျောင်းမှလက်ရှိ သီလရှင်များ တက်ရောက်နေသော ကျောင်းဖြစ်၍ ပညာသင်ကြားမှုတွက် အခက်အခဲ မရှိနိုင်ပါ။ စာသင်သူများ စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။ အသေးစိတ်ဆောင်ရွက်မည့် အချက်အလက်များအားလည်း ဆက်လက်ဖော်ပြသွားပါမည်။

လျောက်ထားမည့် သူများ ပြည့်စုံရမည့်အချက်များမှာ

(က) ကျောင်းသူများမှာ သီလရှင်ဝတ်နိုင်ရပါမည်။

(ခ ) မိဘများမှ နေထိုင်ရန်ခွင့် ပြုသူဖြစ်ရပါမည်။

(ဂ ) စာသင်သားများနေထိုင်မည့် ကျောင်းတွင်း စည်းကမ်းများကို တိကျစွာလိုက်နာရပါမည်။

(ဃ) ကျောင်းထားရန် အမှန်တကယ်အခက်အခဲ ရှိနေသူဖြစ်ရပါမည်။

အထက်ပါအချက်အလက်များနှင့် ပြည့်စုံသူများသည် ထေရ၀ါဒဗုဒ္ဓဘာသာလှူငယ်များ အသင်းသို့ ဆက်သွယ်မေးမြန်းနိုင်ပါသည်။ (http://mmtheravada.org)

ဆက်သွယ်ရန်လိပ်စာ

ကိုထွန်းထွန်းလှိုင်

ဖုန်း ၀၉-၇၃၀၆၂၈၁၁

htunhtunhlaing82@gmail.com

winthu.tbyo@gmail.com

thantzin83@gmail.com

Saturday, February 27, 2010

မဟိယင်္ဂဏ စေတီတော်။

နာဂဒီပကျွန်းမှ ဂျဖနာ၊ ဂျဖနာမှ မဟိယင်္ဂဏစေတီတော်ဆီ ဦးတည်ထွက်လာခဲ့တယ်၊ဂျဖနာကနေ ကားမောင်ချိန် (၇)နာရီကျော်ကျော် မောင်းမှ မဟိယင်္ဂဏစေတီ ခြေရင်းကို ရောက်တယ်၊ ရောက်ဖူးသူတချို့ကတော့ တောင်ခြေမှာ နေခဲ့တယ်၊ အချို့ကတော့ တောင်ပေါ်ရောက်အောင် ဘုရားတက်ဖူးကြတယ်၊

မဟိယင်္ဂဏစေတီတော်ကို တက်တဲ့လမ်းမှာ အသောကမင်းတရားကြီးရဲ့ သားတော် အရှင်မဟိန္ဒသီတင်းသုံးတော်မူခဲ့တဲ့ ကျောင်းနေရာဟောင်းကို လေ့လာကြတယ်။
ပြီးမှ တောင်တက်လမ်းခရီးအတိုင်း နေပူဒဏ်ကို အံတုပြီး တက်လာကြတယ်။ တောင်ပေါ်ရောက်တော့ မောသမျှအပန်းပြေကြရတယ်၊

အသောကမင်းတရားကြီးရဲ့ သားတော် ရဟန္တာမထေရ် အရှင်မဟိန္ဒသီတင်းသုံးခဲ့သည့် ကျောင်းဟောင်းနေရာ
မဟိယင်္ဂဏစေတီ အတက်လမ်း

မဟိယင်္ဂဏတောင်ဆိုတာ ဗုဒ္ဓဘာသာဝင်များအတွက် တကယ့်ကို စိတ်ဝင်စားစရာ ကောင်းတဲ့နေရာ တစ်ခုဖြစ်နေလို့ပါ။ သမိုင်းများရဲ့အဆိုအရ မြတ်စွာဘုရားရှင် ဗာရဏသီ မိဂဒါဝုန်တောမှာ ပထမ၀ါ အဖြစ်ဆိုတော်မူပြီး၊ ၀ါကျွတ်ချိန်မှာ ဥရုဝေလရသေ့ညီနောင်တို့ကို ခြေချွတ်တော်မူပါတယ်၊

တချိန်တည်းမှာပဲ ပြာသိုလ်လပြည့်နေ့မှာ သီရိလင်္ကာကို ကြွရောက်တော်မူလာပြီး ဘီလူးတို့ကို ဆုံးမတော်မူတယ်၊ ဘီလူးရန်ကနေ ကာကွယ်ဖို့ သီရိလင်္ကာကျွန်းကို သုံးကြိမ်လှည့်ပတ်ပြီး အရံအတားပြုတော်မူပါတယ်၊
ဘီလူးတွေကို တရားဟောအပြီးမှာ သုမနကူဋနတ်မင်း သောတာပန်တည်တယ်၊ သုမနကူဋနတ်မင်းရဲ့ တောင်းပန်လျှောက်ထားချက်အရ ဆံတော်တစ်ဆုပ် ချီးမြှင့်တော်မူပါတယ်၊

အဲဒီဆံတော်တစ်ဆုပ်ကို မြတ်စွာဘုရားရှင် ပထမဆုံးကြွရောက် သီတင်းသုံးတဲ့ မဟိယင်္ဂဏတောင်ပေါ်မှာ ဌပနာထားပြီး စေတီတည်တော်မူတယ်၊ ဒါကြောင့် မဟိယင်္ဂဏစေတီဟာ သီရိလင်္ကာစေတီသမိုင်းမှာ ပထမဆုံး တည်ခဲ့တဲ့ စေတီတော်လို့ သတ်မှတ်ရမှာဖြစ်ပါတယ်၊
မဟိယင်္ဂဏစေတီတော်

သမိုင်းများရဲ့ အဆိုအရ ဆံတော်တဆုပ်ကို ဣန္ဒနီလာကျောက်နဲ့ ဌာပနာခဲ့တယ်လို့ဆိုပါတယ်၊ မျက်မှောက်ခေတ်မှာတော့ မဟိယင်္ဂဏစေတီတော်ဟာ ထုံးဖြူဖြူနဲ့ ဥာဏ်တော် ၁၆ ပေလောက်သာ ရှိတဲ့ စေတီတစ်ဆူဖြစ်ပါတယ်၊

ဘုရားရှင် ပရိနိဗ္ဗာန်စံတော်မူလို့ နံ့သာထင်းပုံပေါ်က လည်ရိုးတော် ဓာတ်တော်ကို အရှင်သာရိပုတ္တရာရဲ့ တပည့် အရှင်သရဘူးမထေရ် တန်ခိုးနဲ့ပင့်ဆောင်ပြီး မဟိယင်္ဂဏစေတီတော်မှာ ဌာပနာထားခဲ့တယ်၊ ဒါကြောင့် မဟိယင်္ဂဏ စေတီတော်မှာ ဘုရားရှင်ရဲ့ ဆံတော်တစ်ဆုပ်ရယ် လည်ရိုးတော်ရယ် ဌာပနာထားတဲ့ ကြီးကျယ်မြင့်မြတ်တဲ့ စေတီတော်တစ်ဆူဖြစ်ပါတယ်၊

ဒီစေတီတော်ကို ဖူးမြော်ပြီး တောင်အောက်ကို ပြန်ဆင်းလာတော့ ညနေ လေးနာရီကျော်နေပါပြီ၊ ခရီးဆက်ရအုံးမှာမို့ ဆိတ်ငြိမ်အေးချမ်းတဲ့ တောရိပ် တောင်ရိပ်တွေကို ဖြတ်သန်းပြီး ဆိဂီရိယတောင်ဆီ ဦးတည်ထွက်ခဲ့ကြတယ်၊ ဒေသန္တရဗဟုသုတလည်းရ ကုသိုလ်လည်းရတဲ့ ခရီးစဉ်မို့ ပြန်တွေးလိုက်တိုင်း ကြည်နူးစရာ ကောင်းနေတာတော့ အမှန်ပါ။ ။
(အရှင်နာရဒရဲ့ သီရိလင်္ကာဘုရားဖူးလမ်းညွှန်စာအုပ်ကို ကိုးကားပါသည်)



Read more...

ပတ်ဝန်းကျင်က မြတ်ဓမ္မ။

ဝင်လုလုအားဖျော့တဲ့နေရောင်ခြည်နဲ့အတူ မိုးကောင်းကင်ပြာကြီးကို ကြည့်လိုက်တဲ့အခါ ငှက်များ အုပ်စုဖွဲ့ပြီး အစာရှာရာမှ အိပ်တန်းရှိရာ နေရာသိုက်မြုံကို ပျံသန်းနေကြတယ်။ ဒါကိုကြည့်ပြီး အတွေးနယ်ချဲ့မိပါတယ်။ သတ္တ၀ါများဟာ ဘဝကံဇာတ် ဆရာ အလိုကျ ဘ၀တွေအမျိုးမျိုးအဖုံဖုံဖြစ်နေကြရသလို ရရှိလာတဲ့ဘ၀တွေမှာလဲ အဖြူအမဲ ကောင်း-မကောင်းဆိုတဲ့ အလုပ်တွေကို ကိုယ်တိုင်ပဲ စီမံဖန်တီးနေကြတာပါပဲလား။
ဒါကြောင့်လဲ ဘုရားရှင်က အဘိဏှသုတ်မှာ ကံသာ ကိုယ်ပိုင်ဥစ္စာရှိတယ်၊ ကံကပေးတဲ့အမွေကိုပဲ ခံယူကြရတယ်။ ကံဆိုတဲ့ အကြောင်းပဲရှိတယ်။ ကံဆိုတဲ့ ဆွေမျိုးပဲရှိတယ်။ ဘ၀မှာအမှတ်မထင်ပြုလုပ်လိုက်တဲ့ အလုပ်တွေက ကောင်းတာ လဲရှိမယ်၊မကောင်းတာလဲရှိ မယ်။ ထိုကောင်းတဲ့အလုပ်၊ မကောင်းတဲ့အလုပ်တွေရဲ့ အမွေခံဟာ တစ်ခြားမဟုတ် မိမိကိုယ်သာ ဖြစ်ရတော့တယ်၊ ဒါကို နေ့စဉ်မပြတ် ဆင်ခြင် ပွားများသင့်တယ် လို့ ဟောကြားတော်မူခဲ့တယ်။

အတွေးနယ်ချဲ့နေစဉ် စာရေးသူထံသို့ ဒကာတစ်ဦးရောက်ရှိလာပါတယ်။ သူက “အရှင်ဘုရား….ဗုဒ္ဓယဉ်ကျေးမှုသင်တန်းအတွက် ကိုရင်သင်္ကန်း၊သီလရှင်ဝတ်စုံနဲ့ ဖျော်ရည်အတွက် အလှူငွေထည့်ချင်လို့ပါဘုရား” လို့ ပြောရင်း သင်တန်းအတွက်လိုအပ်တဲ့ အထောက် အပံ့ကို လာရောက်လှူဒါန်းပါတယ်။ သူ့နာမယ်က မောင်မျိုးလွင် လို့ခေါ်ပါတယ်။ အရင်တုန်းက သူဟာ ကျောင်းကို မကြာမကြာ ရောက်လာတတ်ပါ တယ်။ ပြီးခဲ့တဲ့နှစ်ကဆို လုံးလုံးမရောက်လာခဲ့ပါ။ ဒါနဲ့စာရေးသူက “မောင်မျိုးလွင်…..မရောက်တာကြာပေါ့နော်၊ အခုမှပဲရောက်လာတော့တယ်၊ အဆင်ပြေကြရဲ့လား” မေးရာ သူက “ တပည့်တော်မရောက်ဖြစ်တာ တစ်ခြားကြောင့်မဟုတ်ဘူးဘုရား၊ တပည့်တော်မှာ ပြီးခဲ့တဲ့နှစ်ပိုင်းတုန်းက အလုပ်ထဲမှာ မျက်စိခိုက်မိပြီး မျက်စိဒါဏ်ရာရခဲ့ရာက မျက်စိတစ်ဖက်ကွယ်ခဲ့ရပါတယ်ဘုရား” ။ မှန်ပါတယ်၊ မောင်မျိုးလွင်မျက်စိတစ်ဖက်ပျက် နေတာကိုအခုမှပဲ သတိထားကြည့်မိပါတယ်။ ဖြစ်မှဖြစ်ရလေဒကာရယ်… ကံတရားရဲ့ အလှည့်အပြောင်းလေးတွေဟာ တစ်ခါတစ်ရံ အံ့သြစရာ ထိတ်လန့်စရာကောင်းလှပါတယ်။ “လှံထမ်းလာတာမြင်တယ်၊ ကံထမ်းလာတာမမြင်ဘူး” ဆိုတဲ့ စကားအတိုင်း ဒီလိုဖြစ်မယ်လို့ အစကသိခဲ့ မယ်ဆိုရင် ဒီလိုဘယ်လုပ်ဖြစ်တော့မလဲ။
သို့နှင့်မောင်မျိုးလွင်ဟာ မျက်စိကွယ်ခဲ့ရတာနဲ့ပတ်သက်ပြီး “ဒီအကြောင်းကို အရှင်ဘုရားအားလျှောက်ချင်ပါသေးတယ်” ဆိုပြီး သူ့ဘ၀ဇာတ်ကြောင်း တစ်စိတ်တစ်ဒေသကို လျှောက်ထားလာပါတယ်။
တပည့်တော် ငယ်ငယ်တုန်းက ရွာမှာ သူငယ်ချင်းများနဲ့အတူ ငါးမျှားကိုင်းထောင်လေ့ရှိပါတယ်။ ငါးတွေလဲမရမဟုတ်ရခဲ့တယ်။ ရလာတဲ့ ငါးကလေးတွေကို အိမ်အပြန်ဆောင်ယူဖို့ လွယ်ကူအောင်ဆိုပြီး ပါလာတဲ့နှီးပြားလေးတွေနဲ့အတူ မသေမရှင်ဖြစ်နေတဲ့ငါးလေး တွေရဲ့ပသိကိုထုိုးသီပြီး ယူဆောင်လေ့ရှိပါတယ်။
တစ်နေ့ ငါးလေးတစ်ကောင်ကို လုပ်နေကြထုံးစံအတိုင်း ၀ါးနှီးပြားလေးနဲ့ ပသိကနေထိုးလိုက်ရာ ပါးစပ်သို့မရောက်ဘဲ မျက်လုံးမှ ဖေါက်ထွက်သွားပါတယ်။ ဒါနဲ့တပည့်တော်လဲ ကြောက်လန့်ပြီး ထွက်လာတဲ့မျက်စိကို ပြန်သိပ်ပေးခဲ့တယ်။ ဒီတုန်းက ကလေးအရွယ်ဆိုတော့ ဘာမှနားမလည်ခဲ့ပါ။
သတိရပါသေးတယ်။ ဒီတုန်းက ငါးမျှားဖို့ရာ ငါးစာအတွက် ကင်းခြေလေးတွေကို လက်ခြေတုတ်ပြီး ငါးမျှားချိတ်မှာထိုးသီခဲ့ရတဲ့အကြိမ် ပေါင်းလဲ မနည်းတော့ပါဘူး။ ငယ်ငယ်ကဆိုတော့ ကြောက်ရမှန်းလဲမသိ၊ ပျော်ပျော်ပါးပါးပဲ လုပ်ခဲ့ပါတယ်။ ဒီလိုနဲ့ မေ့မေ့ပျောက်ပျောက်ဖြစ်ခဲ့ပါ တယ်။ အရွယ်ရောက်လို့ အသက်(၁၈)နှစ်ဝန်းကျင်လောက်ရောက်တဲ့အခါ ငယ်ငယ်ကလုပ်ခဲ့တဲ့ အလုပ်တွေကို မကြာမကြာ ပြန်သတိရပါတယ်။ ကြိုးစားဖျောက်ပေမဲ့ မရခဲ့ဘူး။ မသေမရှင်ဖြစ်နေတဲ့ငါးလေးကို ၀ါးနှီးပြားလေးနဲ့ ငါးလေးရဲ့ ‘ပသိ’ ကနေထိုးလိုက်လို့ မျက်စိကိုဖေါက် ထွက်သွားတဲ့ မြင်ကွင်းအာရုံက အဆိုးဆုံးပဲ၊ မကြာမကြာလဲ ပြန်သတိရနေမိတယ်။
နေမြင့်လေ အရူးရင့်လေ ဆိုတာလိုပဲ ငယ်စဉ်က မသိလို့ပြုခဲ့မိတဲ့ မကောင်းမှုဟာ အသက်အရွယ်ရလာလေလေ ပိုပြီး သတိရလေလေ ပိုပြီးမြင်ယောင်လေလေ ဖြစ်လာပါတယ်။ ဒီလို မကြာမကြာသတိရပြီး မြင်ယောင်နေလို့လားမသိပါ။ မကြာခင် ထိုမကောင်းမှုရဲ့ အကျိုးပေး အလှည့်အကြိမ်က တပည့်တော်ထံကို ဆိုက်ဆိုက်မြိုက်မြိုက်ကြီးကို ရောက်လာခဲ့ပါတော့တယ်။
တပည့်တော်တို့အလုပ်က အင်ဂျင်စက်ပိုင်းမှာ နော်လ်ဇယ်ဆီပေးမှု (ပရက်ရှာ) လုပ်ပေးရတဲ့လုပ်ငန်းဆိုတော့ အင်ဂျင်စက်နဲ့ အများကြီး ဆက်စပ်နေပါတယ်။ တစ်နေ့တော့ စက်အင်ဂျင်တစ်လုံးကို ကြည့်ပေးရာကနေ အင်ဂျင်ရဲ့အမြန်နှုံးကို တိုးလိုက်ရာ အမြန်နှုံး များသွားလို့ထင်ပါတယ်။ အင်ဂျင်စက်ခေါင်းမှာ တတ်ဆင်ထားတဲ့ လေပန်ကာ အစတစ်ခုပြုတ်ထွက်လာပြီး ရေတိုင်ကီသွားမှန်ပါတယ်။ ရေတိုင်ကီကနေ တပည့်တော်ဆီရောက်လာကာ မျက်စိကို ထိခိုက်သွားပါတယ်။ တပည့်တော်လဲ ပူတာခံစားလိုက်ရတဲ့ခဏ လက်နဲ့ မျက်စိကိုပိတ်ထားမိပါတယ်။ အစကတော့ မျက်ခုံးကအရေပြားလန်ထွက်လို့ပဲ သွေးထွက်တာလားလို့ ထင်မိတယ်။ ဒါနဲ့ အုပ်ထားတဲ့လက်ကို မရဲတရဲဖွင့်ကာ အနီးရှိ လုပ်ဖော်ကိုင်ဖက်တစ်ယောက်ကို ကြည့်ခိုင်းရာ မျက်စိထိခိုက်သွားကြောင်း ပြောလာပါတယ်။
နာလိုက်တဲ့ဝေဒနာကလဲ ပြောမပြတတ်အောင်ပါပဲ။ မျက်စိထိခိုက်စဉ်က ကိုယ့်လက်နဲ့ပြန်ပီး မျက်စိကို ကုတ်မိမှာစိုးလို့ လက်ကို အနောက်ထားပီး ကြိုးနဲ့စည်းထားလိုက်ရတယ် အဲဒါလဲ တစ်လကျော်ကျော်လောက် ခံလိုက်ရပါတယ်။
ဒီမှာတပည့်တော်သွားသတိရမိတာကတော့ အခုလို ငါမျက်စိကွယ်ရတာဟာ ငယ်ငယ်တုန်းက ငါးရဲ့မျက်စိကို ငါးနှီးပြားနဲ့ထိုးခဲ့မိလို့ အခုလို ငါရဲ့မျက်စိတစ်ဘက် ကွယ်ရတာပဲလို့ ချက်ခြင်း သိလာပါတော့တယ်။ နောက်ပီး လက်ကို မျက်စိမကုတ်မိအောင် လက်နောက်ပြန်ပြီး ကြိုးတုတ်ခံထားရတာကလဲ ငါးမျှားစာအဖြင့် ကင်းခြေလေးတွေကို ကြိုးနဲ့တုတ်ခဲ့တဲ့ မကောင်းမှုဖြစ်မှာပဲဆိုတာကို တပည့်တော်စိတ်ထဲ အလိုလိုသိလာပါတယ်ဘုရား။ တပည့်တော်ရဲ့မကောင်းမှုက တပည့်တော်ပြန်ခံရတာပါဘုရား” လို့ မောင်မျိုးလွင်က စာရေးသူအား သူ့ရဲ့ဖြစ်ရပ်မှန်ကို ပြောပြခဲ့ပါတယ်။
ဒီလိုပါပဲ ၀ိပါက်ကြမ္မာ မလွတ်သာ ဆိုတဲ့အတိုင်း သတ္တ၀ါတိုင်း မိမိပြုလုပ်တဲ့ကံတရားတွေကို ဒီဘ၀မခံရသေးလဲ နောင်ဘ၀တစ်ခုခုမှာ ခံစားကြရအုံးမှာပါ။ အရိယာမဖြစ်သေးသမျှ ဘ၀သံသရာမှာ ကောင်းတစ်ခါ ဆိုးတလှည့် နဲ့ လည်ပတ်သွားလာနေကြရတာပါ။
မကောင်းမှုမှန်သမျှကို မသိလို့ပြုလုပ်ခဲ့မိတယ်ဆိုပေမဲ့ သူက မျက်နှာသာပေးမှာမဟုတ်ဘူး။ မကောင်းမှုဆိုတာ သိလို့ပဲဖြစ်ဖြစ် မသိလို့ပဲဖြစ်ဖြစ် ပြုလုပ်တဲ့သူအတွက် အကျိုးပေးချိန်ရောက်လာရင် တစ်နေ့မှာတော့ ခံလာရစမြဲပါပဲ။ မကောင်းမှု အကျိုးပေးချိန်အလှည့်ကျ ရောက်လာရင် သူဌေးသား၊ဆင်းရဲသား၊ ယောင်္ကျား၊မိန်းမ၊ကလေး ဘယ်သူဘယ်ဝါရယ်လို့ မျက်နှာလိုက်မှာမဟုတ်ဘူး။ ဒါကြောင့်လဲ ကံပေးတဲ့အမွေကို သတ္တ၀ါတိုင်း ခံယူကြရတယ်လို့ ဘုရားရှင် ဟောတော်မူခဲ့တာပေါ့။
မောင်မျိုးလွင်ပြောတဲ့စကားကြားရတော့ စာရေးသူတို့လဲ ငယ်ငယ်က အမှတ်တရပြုမိခဲ့တဲ့ မကောင်းမှုတစ်ခုကို သတိရမိပါတယ်။ သတိရမိတယ်ဆိုတာထက် မကြာမကြာ သတိရနေမိတယ်ဆိုရင် ပိုမှန်ကန်မယ်ထင်တယ်။
စာရေးသူငယ်စဉ်ဘ၀ အသက်၂၂နှစ်အရွယ်ခန့်က ပျင်းပျင်းရှိတာနဲ့ ပလစတိအိပ်လေးအတွင်း ယင်ကောင်ကလေးတွေကို ဖမ်းထည့်ပါတယ်။ အိတ်အပေါက်ဝကို လက်နဲ့ပိတ်ထားပြီး ဆေးလိပ်အခိုးတွေကို ပလစတိအိပ်ထဲ မှုတ်ထည့်လိုက်တယ်၊ ယင်ကောင်လေးတွေ ဟာ လေကလဲမရှိတဲ့အပြင် အခိုးတွေနဲ့ ပြည့်နေတဲ့ ပလစတိအိပ်လေးအတွင်း ကြာရှည်စွာ အသက်မရှင်နိုင်ဘဲ မွန်းကြပ်ပြီး သေကျေကြရပါ တယ်။ မေ့နေတဲ့ယင်ကောင်ဆိုရင်တော့ ခဏနေ ပျံသွားပါတယ်။
လုပ်ခဲ့တုန်းကတော့ ဘာရယ်လို့မဟုတ် ပျင်းလို့ဆော့ကစားတဲ့သဘောပါ။ ဒါပေမဲ့ ပြုခဲ့မိတဲ့ မကောင်းမှုအပေါ် ယခုထက်တိုင် မေ့ပျောက်လို့မရတဲ့အပြင် ကြာလေလေ မြင်ကွင်းအာရုံကပိုထင်ရှားလာလေလေ အမှတ်ရမိလာလေလေဖြစ်လာပါတယ်။ “မောင်မျိုးလွင်ပြော သလိုပဲ ငါလဲ လေမရှိတဲ့အခမ်းထဲ ဒါမှမဟုတ် ရေထဲမှာ အသက်ရှုကြပ်ပြီး တစ်ခုခုဖြစ်မလားဆိုတာ တွေးမိနေရုံမှတစ်ပါး ဘာမှ မတတ်နိုင်တာ့ ပါ။
စာရေးသူဟာ လွန်ခဲ့တဲ့ နှစ်အနည်းငယ်အတွင်းကနေ ရင်ကြပ်ပန်းနာ ရောဂါရခဲ့ပါတယ်။ ယခုလဲ မကြာမကြာ ရင်ကြပ်ပန်းနာ (အသက်ရှုကြပ်တဲ့)ရောဂါ ခံစားရပါတယ်။ ဒီလိုခံစားရတဲ့အခါမျိုးမှာ ငယ်ငယ်က ယင်ကောင်လေးတွေကို အသက်ရှူကြပ် အောင်လုပ်ခဲ့မိတဲ့ မကောင်းမှုကို ပြန်လည်အမှတ်ရမိတာဟာ အကြိမ်ကြိမ်ပါပဲ၊ အမှတ်ရတိုင်းလဲ စိတ်မချမ်းမသာ ဖြစ်ခဲ့ရပါတယ်။
ဒီလိုပါပဲ လူအများဟာ ဘ၀တစ်လျှောက် ပြုလုပ်ခဲ့တဲ့ ကိုယ်အလုပ် နှုတ်အပြော စိတ်အကြံတွေမှာ ကောင်းတာလည်းရှိ၊ မကောင်းတာ လဲရှိခဲ့ကြတာပါ။ ကောင်းတာပြုလုပ်ခဲ့တာက ဘာမှပြောစရာမလိုပေမဲ့ မကောင်းတာပြုလုပ်ခဲ့တာတွေကတော့ တစ်နေ့နေ့တစ်ချိန်ချိန်မှာ ပြန်လည်ခံကြရမှာပါ၊ ပုထုဇဉ်ကိုမဆိုနဲ့ဦး၊လက်ျာတော်ရံ အဂ္ဂသာဝကဖြစ်တဲ့ အရှင်မဟာမောဂ္ဂလာန်တောင်မှ နောက်ဆုံး ပရိနိဗ္ဗာန်ပြုခါနီး အချိန်အထိ အတိတ်က သူပြုခဲ့တဲ့မကောင်းမှုကို နောက်ဆုံး ခံလိုက်ရပါသေးတယ်။
ကိုယ်ပြုခဲ့တဲ့မကောင်းမှုအတွက် အကျိုးပြန်ခံစားရမှာကို တွေးပြီး ပူပန်နေရုံနဲ့ ကိစ္စမပြီးသေးဘူး၊ ဒါဖြင့်ရင် ကိုယ်ပြုလုပ်ခဲ့တဲ့ မကောင်းမှုတွေကို မခံရအောင် ဘယ်လိုလုပ်ကြမလဲဆိုတာကို တွေးကြည့်မယ်။ ယခင်ကလဲဒါနဲ့ပတ်သက်ပြီး ရေးထားပါသေးတယ်။
ကိုယ်ပြုခဲ့တဲ့မကောင်းမှုကြောင့် သေရင်အပါယ်ကျတော့မှာဘဲ ဆိုပြီး တွေးပူကာ ပူပန်မှု ကုက္ကုစ္စတွေဖြစ်နေမယ်ဆိုရင် ဒီပူပန်မှုကြောင့် အပါယ်ကို ကျရောက်သွားနိုင်ပါတယ်။ ပြုမိခဲ့တဲ့မကောင်းမှုကံကို နောင်မပြုမိအောင်ရှောင်မယ်၊ ပြုခဲ့တဲ့မကောင်းမှုကိုလဲ မေ့ထားလိုက်မယ်။ ကုသိုလ်ကောင်းမှုကိုပဲ ကြိုးစားအားထုတ်မယ်ဆိုရင် ကြာလာတဲ့အခါ ပြုမိခဲ့တဲ့မကောင်းမှုကံတောင်မှ ပပျောက်သွားနိုင်တယ် ရယ်လို့ ဂါမဏိသံယုတ်မှာ ဟောတော်မူထားတာကို ၀မ်းမြောက်ဖွယ်ရာတွေ့ရှိရပါတယ်။ မကောင်းမှုဆိုလို့ ပဉ္စနန္တရိယကံကလွဲပြီး အခြားမကောင်းမှုတွေကို ပြောလိုတာပါ။
ဒါကြောင့်စာဖတ်သူများ ပြုလုပ်သင့်တာက ကိုယ်ပြုခဲ့တဲ့မကောင်းမှုတွေကို ဆက်လက်မပြုလုပ်တော့ဘဲ မေ့ထားရပါမယ်။ ကောင်းမှုကို မကြာခဏပြုလုပ်သွားမယ်ဆိုရင် ကြာလာတဲ့အခါ အကုသိုလ်တွေပပျောက်သွားနိုင်ပါတယ် ဒါက မကောင်းမှုပြုခဲ့မိသူများအတွက် အားဆေးတစ်ခွက်ပါလို့ ပြောရင်း……….မကောင်းမှုဟူသမျှမှ ရှောင်ကြဉ်နိုင်ကြပါစေ……………….

Read more...

ယခင်နဲ့ ယခု။

အရင်တုန်းက ဒီနေရာကို မြတ်စွာဘုရားရှင် ကြွရောက်ဖူးတယ်၊ ယခင်က ဒီနေရာကို ရဟန္တာအရှင်မြတ်(၇)ပါး ကြွရောက်ပြီး တရားရေအေး တိုက်ကျွေးခဲ့ဖူးတယ်၊ အရင်က အသောကမင်းကြီးရဲ့ သမီးတော် သင်္ဃမိတ္တာ ရဟန္တာထေရီမ ဘုရားပွင့်တဲ့ဗောဓိပင် တောင်ဖက်ကိုင်းကို သယ်ဆောင်လာခဲ့ဖူးတယ်။ တချိန်က ဒီနေရာဟာ မြေမြတ်မဟာ အဖြစ်ရှိခဲ့တယ်၊ ယခုအဲဒီနေရာမှာ သမိုင်းဝင် အထောက်အထား အဆောက်အဦးတွေကို တွေ့မြင်နိုင်တယ်၊
လွန်ခဲ့တဲ့ နှစ်ပေါင်း သုံးဆယ်ကျော်တုန်းက ဒီနေရာကို လူတိုင်းသွားလို့ မရခဲ့ဘူး၊ သူတို့တတွေ နယ်မြေခွဲထွက်ရေးအတွက် လက်နက်ကိုင် တိုက်ခိုက်နေခဲ့တယ်။ အခု ဒီနေရာလေးဟာ အစိုးရရဲ့ လက်အောက်ကို ပြန်လည်ရောက်ရှိလာပြီး နယ်မြေထူထောင်ရေးတွေ စတင်လုပ်ဆောင်နေတာ တွေ့ခဲ့ရတယ်၊

ဒီနေရာဟာ သမိုင်းဝင် မြေမြတ်မဟာဖြစ်သလို စစ်သွေးညှီနဲ့တွေနဲ့ နှစ်များစွာ လိမ်းကျံနေခဲ့တယ်၊ပြည်သူတွေ သိန်းနဲ့ချီပြီး ဒုက္ခပေါင်းစုံ ခါးစည်းခံခဲ့ရတယ်၊ယုံကြည်မှု လိုချင်မှုရဲ့ စေစားရာနောက်မှာ သွေးရနံ့တွေ သွေးအိုင်တွေ အလိမ်းလိမ်းကပ်ငြိနေခဲ့တာ ပြန်တွေးကြည့်ရင် စိတ်မကောင်းစရာ၊

မိမိတို့အဖွဲ့ အဲဒီနေရာလေးကို သွားရောက် လေ့လာဖြစ်တယ်၊ မိမိတို့နေတဲ့ နေရာကနေ ကီလိုမီတာ လေးရား ရှစ်ဆယ်ဝေးတာမို့ တော်တော်ကြာအောင် ကားမောင်းသွားခဲ့ရတယ်၊
မြို့ပြ အဆောက်အဦးတွေ အားလုံးနီးပါး သေနတ်ဒဏ်ရာတွေ ပြည့်နှက်နေတယ်။ အချို့အဆောက်အဦးတွေက ပြိုကျလို့၊ အချို့အဆောက်အဦးတွေက မြေခလို့၊

နယ်မြေခွဲထွက်ခွင့်ရရေး ကြိုးစားခဲ့သူတွေက ယခုတော့ ရန်သူအကြီးစားကြီးဖြစ်လို့၊ နိုင်ငံတော်ကို နှောင့်ယှက်သူအဖြစ် သမိုင်းမှတ်တမ်းမှာ ကျန်ရစ်လို့။
ပြည်သူအများစုလဲ အခုမှ အေးအေးချမ်းချမ်း သွားလာခွင့်ရကြတယ်၊ အောင်နိုင်သူတို့ သမိုင်းမှာ သူတို့အတွက် အသက်စတေးခဲ့သူအချို့  သမိုင်းဝင် သူရဲကောင်းတွေ ဖြစ်လို့ပေါ့။

နေ့ခင်း သုံးနာရီလောက်မှ အဲဒီနေရာကို ဆိုက်ရောက်ခဲ့တယ်၊ တည်းခိုစရာနေရာတွေ ပြည့်နေလို့ သမိုင်းဝင်နေရာတစ်ခုဆီ လာခဲ့ကြတယ်၊ ဘုရားရှင်ပွင့်တော်မူတဲ့ ဗောဓိပင်မူရင်း တောင်ဖက်ကိုင်းကို အသောကမင်းကြီးရဲ့ သမီးတော် သင်္ဃမိတ္တာ ရဟန္တာထေရီမ.က အိန္ဒိယား သမုဒ္ဒရာကိုဖြတ်ပြီး ဒီနေရာလေးကို ပင့်ဆောင်လာတယ်၊ ရဟန္တာထေရီမ စတင်ခြေချတဲ့နေရာ ပင်လယ်ကမ်းခြေကို လေ့လာခဲ့တယ်၊ ဒီနေရာလေးမှာ ထေရီမအထိမ်းအမှတ်ရုပ်တု၊ဗောဓိပင်တို့ကို တွေ့ရတယ်၊

ဗောဓိပင်တောင်ဖက်ကိုင်းကို သယ်ဆောင်လာသည့် သင်္ဃမိတ္တာ ရဟန္တာထေရီမ စတင်ကြွရောက်သည့်နေရာ။အထိမ်းအမှတ် စိုက်ပျိုးထားသည့် ဗောဓိပင်

သင်္ဃမိတ္တာရဟန္တာ ထေရီမှ အထိမ်းအမှတ်ရုပ်တု


အဲဒီကမှတဆင့် ရဟန္တာမထေရ်မြတ်(၇)ပါး ကြွရောက်ခဲ့တဲ့ သမိုင်းဝင်နေရာကို သွားခဲ့ကြတယ်၊ ဘာကြောင့် ဘယ်လိုကြွရောက်ခဲ့တယ်ဆိုတဲ့ တိကျတဲ့သမိုင်းကိုတော့ မသိပါဘူး၊သေချာတာကတော့ အထိမ်းအမှတ် စေတီလေးတွေ တည်ထားတယ်၊မြန်မာပြည် မြောက်ဦးက ဘုရားတွေနဲ့ တူသလိုလို ခံစားရတယ်၊

ရဟန္တာမထေရ်မြတ်(၇)ပါး ကြွရောက်သည့်နေရာမှာ တည်ထားသည့်စေတီများ

လေ့လာစရာလေ့လာ ဓာတ်ပုံတွေရိုက်ပြီးတော့ နာဂဒီပကျွန်းဆီ ဦးတည်ပြီး ပြန်ထွက်ခဲ့ရတယ်၊ နာဂဒီပဆိုတာ မြတ်စွာဘုရား ဒုတိယအကြိမ် ဒီနိုင်ငံကို ကြွရောက်ခဲ့တဲ့နေရာ၊ နဂါးတွေကို ကိုးကွယ်တဲ့လူမျိုးတွေ နေတဲ့နေရာလို့ သမိုင်းများက ဆိုတယ်၊ နာဂဒီပကျွန်းကို ကူးခတ်မယ့် မော်တော်ပေါ်ရောက်တော့ နေလုံးကြီးတောင် နာဂဒီပကျွန်းပေါ် မေးတင်နေခဲ့ပြီ၊ နေ၀င်တဲ့ ရှုခင်းကို ဓာတ်ပုံရိုက်ရတာလဲ မမောနိုင် မပန်းနိုင်ပါ။
ဘုရားရှင်ကြွရောက်သည့် နာဂဒီပကျွန်းပေါ်မှာ တည်ထားသည့်စေတီတော်မိမိတို့ရောက်ချိန်..နာဂဒီပကျွန်းပေါ်မေးတင်နေသည့် နေလုံးကြီး

ဘုရားရှင်ကြွရောက်တဲ့ နေရာမှာ တည်ထားတဲ့ စေတီရင်ပြင်ရောက်တော့ မောသမျှ အပန်းပြေသွားခဲ့တယ်၊ တခရီးထဲသွားတဲ့ သူငယ်အချို့ တည်းခိုစရာအဆောင်ပေါ်မှာ အနားယူနေချိန် မိမိကတော့ အတွေးကွန်ယက်ထဲမှာ ယောင်ချာချာ လည်ပတ်နေခဲ့တယ်၊

မိမိတို့ လက်ခံယုံကြည်တဲ့ ဘုရားရှင်ကြွရောက်ခဲ့တဲ့ မြေမြတ်နေရာဟာ အခုထိ အငြိမ်းဓာတ်တွေပေးနေဆဲ၊ ငြိမ်းချမ်းရေးမြတ်နိုးတဲ့ ဆရာဘုရားရဲ့ ငြိမ်းချမ်းရေး တရားသံတွေ ပျံ့လွင့်နေဆဲပါ၊ မြေမြတ်မဟာကို ဦးတိုက်ခွင့်ရရှိခြင်းက မိမိတို့ကို ကြည်နူးကျေနပ်မှုတွေ ဖြစ်စေခဲ့တယ်၊
ဒီနေရာလေးကနေ လှမ်းမျှော်ကြည့်လိုက်ရင် တဖက်နိုင်ငံရဲ့ နယ်စပ်မြို့လေးကို ခပ်ရေးရေးမြင်နေရတယ်၊လွမ်းမောစရာ ကောင်းလှပါဘိတော့၊ ဘာကို ဘယ်လို လွမ်းမောရမည်ကိုတော့ ………………….. ။

မနက်ခင်းစောစော နေရောင်ကို မမြင်ရခင် မိမိတို့အဖွဲ့ အိပ်စက်ရာမှ နိုးထခဲ့ကြတယ်၊ စေတီတော်ကို ဦးတိုက်ပြီး နာဂဒီပကျွန်းကို နှုတ်ဆက်ထွက်ခွါကြတယ်၊ ဘုရားဖူးလာတဲ့ ပရိသတ်တွေ များလွန်းလို့ ကျွန်းတဖက်ကို ကူးမယ့်မော်တော်စီးရဖို့ တန်းစီစောင့်နေကြတယ်၊ လူပေါင်းထောင်ကျော်ရှိလိမ့်မယ်လို့ ခန့်မှန်းမိတယ်၊

နာဂဒီပကျွန်းကနေ ပြန်ထွက်လာပြီး မိမိတို့ စီးနင်းတဲ့ ကားဟာ အတိတ် ပစ္စုပ္ပန် ဟန်ချက်ညီညီ မပေါင်းစပ်နိုင်တဲ့ နေရာလေးဆီ ဦးတည်ခဲ့ကြတယ်၊ အဲဒီနေရာလေးကို မရောက်ခင် ခံတပ်ကို လေ့လာခဲ့ကြတယ်၊ နိုင်ငံတိုင်းလိုလို ကိုလိုနီလက်အောက်ခံဖြစ်ခဲ့ကြတော့ နိုင်ငံတိုင်းမှာ ခံတပ်ဆိုတာကို တွေ့မြင်ကြရတယ်၊ ကမ္ဘာကြီးကပဲ မတရားတာလား၊ လူတွေကပဲ လောဘရမ္မက် မသတ်နိုင်တာလား. ဆိုတာကတော့ စဉ်းစားစရာပါ၊

ယခင်က ဒီနေရာကို ငြိမ်းချမ်းရေး မြတ်နိုးတော်မူတဲ့ မြတ်စွာဘုရား ကြွရောက်ခဲ့တယ်၊ ယခုတော့ သွေးညှီနံ့တွေ မပြယ်သေး၊ သေနတ်ဒဏ်ရာတွေ ပြည့်နှက်နေတဲ့ အဆောက်အဦးတွေမြင်တွေ့နေရတယ်၊ အခုတော့ အဲဒီနေရာကို နိုင်ငံခြားသားတွေ သွားလာဖို့ ပြန်လည်ပိတ်ပင်နေပြန်တယ်၊

ယခင် ယခု ဟန်ချက်မညီတဲ့ နေရာလေးကတော့ သီရိလင်္ကာမြောက်ဖက်စွန်းမှာ ရှိနေတဲ့ ဂျဖနာ ဆိုတဲ့ မြို့လေးပဲ ဖြစ်ပါတယ်။ နှစ်ပေါင်းသုံးဆယ်ကျော် စစ်ပွဲတွင်းနေခဲ့ရပြီး အခုမှ စစ်ပွဲတွေပြီးဆုံးတဲ့ မြို့လေးပါ၊ ယခင် ယခု အချိုးညီညီ မပေါင်းစပ်နိုင်သေးတဲ့ မြို့ လေး၊ ငြိမ်းရေးတေးသွားတွေ လိုအပ်နေဆဲမြို့လေးပါ။



Read more...

မြန်မာပြည်တွင်ဖွင့်လှစ်မည့် ဆန်းဒေးစကူးလ်ကျောင်း။

မြန်မာ သီရိလင်္ကာ ဆက်ဆံရေး သမိုင်းကြောင်းက နှစ်တွေကြာမြင့်ခဲ့ပါပြီ၊သီရိလင်္ကာနိုင်ငံက အဋ္ဌကထာတွေ မြန်မာပြည်ကို သယ်ယူခဲ့တဲ့ အစဉ်အလာ ရှိသလို သီရိလင်္ကာ သာသနာ ညှိုးမှိန်ချိန်မှာလဲ မြန်မာပြည်ကိုလာပြီး စာပေသင်ယူခဲ့၊ ရဟန်းခံပွဲကျင်းပခဲ့တာ အထင်အရှားပါ၊ ဒါကြောင့် ယနေ့မျက်မှောက်ခေတ် သီရိလင်္ကာနိုင်ငံရဲ့ သံဃာဂိုဏ်းတွေကို ပြန်ကြည့်ရင်… ရာမညနိကာယ(မြန်မာပြည် မွန်ပြည်နယ်ကလာပါတယ်)

အမရပူရ နိကာယ(မြန်မာပြည် အမရပူရက လာတယ်) ရွှေကျင်နိကာယ(မြန်မာပြည် မန္တလေးကလာတယ်) ဒီလို မျက်မှောက်ခေတ်မှာ ထင်ရှားတဲ့ ဂိုဏ်းကြီးတွေကို ထောက်ဆရင် သီရိလင်္ကာ မြန်မာ ဆံဆက်ရေးကို သတိမူမိပါလိမ့်မယ်၊

အခုလဲ ဘာသာရေးအမွေပေးပုံ စနစ်တကျရှိတဲ့ သီရိလင်္ကာ ဆန်းဒေးစကူးလ်ကျောင်းကို မြန်မာပြည်ကို သယ်သွားပါမယ်၊ ဆန်းဒေးစကူးလ်ကျောင်း မဖွင့်ခင် သီရိလင်္ကာပြန် သံဃာတော်များ စုပေါင်းပြီး အစည်းအဝေးတစ်ခု စလုပ်ပါမယ်၊အစည်းအဝေးမှာ….

ဘုန်းတော်ကြီးကျောင်းတိုင်း ရပ်ကွက်တိုင်းမှာ ဆန်းဒေးစကူးလ်ကျောင်းထားရှိဖို့၊
အရွယ်ရောက် ကလေးတိုင်း ဆန်းဒေးစကူးလ်ကျောင်း တက်ရောက်ဖို့၊
ဆန်းဒေးစကူးလ်ကျောင်း ရေရှည်တည်တံ့ရေးအတွက် နိုင်ငံတော်က ဦးဆောင်ဖွင့်လှစ်ပေးဖို့၊

ပြဋ္ဌာန်းကျမ်းစာအုပ်များ သာသနာရေး ၀န်ကြီးဋ္ဌာနက ရိုက်နှိပ်ပြီး အခမဲ့ဖြန့်ဝေဖို့၊
ဆန်းဒေးစကူးလ်ကျောင်းသား ကျောင်းသူများအတွက် တူညီဝတ်စုံသတ်မှတ်ဖို့၊
ဆန်းဒေးစကူးလ်ကျောင်း ထောက်ပံ့ရေးအတွက် အလှူရှင်တွေအသင်းဖွဲ့စည်းဖို့၊
ဆန်းဒေးစကူးလ် နာမည်နဲ့ တီဗီ ချန်နယ်လ်တစ်ခု တည်ထောင်ဖို့၊
ပြဋ္ဌာန်းကျမ်းစာများ သတ်မှတ်ဖို့…အဆိုတင်သွင်းမှာပါ၊ ဒီအစည်းအဝေး သဘောတူညီချက်ကိုမှ နိုင်ငံတော်သံဃမဟာနာယက ဆရာတော်ကြီးများနဲ့ သာသနာရေးဝန်းကြီးဋ္ဌာနကို လျှောက်ထားတင်ပြပါမယ်၊

ဆန်းဒေးစကူးလ်ကျောင်းရဲ့ လုပ်ထုံး လုပ်နည်းတွေ အတည်ဖြစ်ပြီဆိုမှ ဆန်းဒေးစကူးလ်ကျောင်းကို စတင်ဖွင့်လှစ်ပါမယ်၊ ဆန်းဒေးစကူးလ်ကျောင်း စတင်ဖွင့်လှစ်တဲ့ပွဲမှာ ရပ်မိ ရပ်ဖများနဲ့ ဒေသခံ ဆရာတော်များ၊ လူကြီးလူကောင်းများကို ဖိတ်ကြားတက်ရောက်စေပါမယ်၊အဲဒီဖွင့်ပွဲမှာ သတင်းစာဆရာများ ၊ ဂျာနယ်လစ်များ၊ ဘလော့ဂါများကိုလဲ ဖိတ်ကြားတက်ရောက်စေမှာပါ၊

တောင်ပေါ် မြေပြန့်မကျန် ဆန်းဒေးစကူးလ်ကျောင်းများဖွင့်လှစ်နိုင်ဖို့ မြေပြန့်သံဃာအဖွဲ့အစည်းနဲ့ အာဏာပိုင်တို့ရဲ့ အကူအညီကို ရယူပါမယ်၊ တောင်ပေါ် နယ်စပ်တွေမှာ ဖွင့်လှစ်နိုင်ဖို့ တောင်တန်းဒေသ သာသနာပြုစင်တာကြီးကို တင်ပြလျှောက်ထားရပါမယ်၊
လုံလောက်တဲ့ သဘောတူညီမျှတဲ့ သင်တန်းဆရာများရရှိဖို့ ဆရာဖြစ်သင်တန်းကို ဖွင့်လှစ်ပါမယ်၊ ဆရာဖြစ်သင်တန်းဆင်းလက်မှတ်ရရှိတဲ့ သံဃာတော်များ လူဆရာများကိုသာ သင်တန်းဆရာအဖြစ် ခန့်အပ်မှာပါ၊

လုံလောက်တဲ့ ဘဏ္ဍာငွေ ရရှိဖို့ စေတနာထက်သန်ပြီး မျိုးချစ်စိတ်ရှိတဲ့ ကုမ္ပဏီတွေကို အကူအညီတောင်းကြရမယ်၊ပြီးတော့ ဆန်းဒေးစကူးလ် စုဗူးငွေအဖြစ် တအိမ်ကို ငါးကျပ် တစ်ဆယ်နှုံး ကောက်ခံထားရှိပါမယ်၊လစဉ် စုဗူးငွေ အလှူရှင်များစာရင်းကို ဆန်းဒေးစကူးလ်ကျောင်း သတင်းနှင့်ပြန်ကြားရေးကော်မတီက ထုတ်ပြန်ကြေငြာပေးမှာဖြစ်ပါတယ်၊

အရွယ်ရောက်ကလေးတိုင်း ဆန်းဒေးစကူးလ်ပုံမှန်တက်လို့ စာမေးပွဲတွေပုံမှန်ကျင်းပနိုင်ပြီဆိုရင် ဆန်းဒေးစကူးလ်ကျောင်းသား ကျောင်းသူများ ဒေသန္တရ ဗဟုသုတရရှိဖို့ ပုဂံလို ဒေသမျိုးကို ခရီးထွက်စေပါမယ်၊ပြီးတော့ ဆန်းဒေးစကူးလ်ကျောင်းများရဲ့ လိုအပ်ချက် အားသာချက်တွေကို ညှိနှိုင်းဆွေးနွေးဖို့ တနှစ်တကြိမ် ဆန်းဒေးစကူးလ်အစည်းအဝေးကျင်းပပေးရပါမယ်၊
လောလောဆယ် မိမိမဖွင့်လှစ်ခင် ဆန်းဒေးစကူးလ်ကျောင်းပုံစံ သင်ကြားပေးနေကြတဲ့ ကျောင်းအားလုံးကိုလဲ ပူးပေါင်းပါဝင်ဖို့ ညှိနှိုင်းရပါအုံးမယ်၊

ဒီထက်ပိုပြီး ဘဏ္ဍာငွေတောင့်တင်းရင် ဆန်းဒေးစကူးလ်ကျောင်းဖွင့်လှစ်နေတဲ့ ဗုဒ္ဓဘာသာနိုင်ငံတွေကို ထူးချွန်ဆန်းဒေးစကူးလ်ကျောင်းသား ကျောင်းသူများကို လိုက်လံပို့ဆောင်ပေးပါမယ်၊
နိုင်ငံတကာနဲ့ ရင်ဘောင်တန်းနိုင်ဖို့ အင်္ဂလိပ်စာ ဒီပလိုမာသင်တန်းတွေ ၊သာသနာပြန့်ပွားပုံသမိုင်းတွေ၊ ၎င်းနိုင်ငံတွေရဲ့ သမိုင်းကြောင်းတွေကို ပြဋ္ဌာန်းကျမ်းစာရေးဆွဲ ကတည်းက စတင်ထည့်သွင်းထားရပါမယ်၊

ပြည်တွင်းမှာလဲ ဆန်းဒေးစကူးလ်ကျောင်းသား ကျောင်းသူများ ကိုယ့်ဘ၀ကိုယ် ရပ်တည်နိုင်ဖို့ အသက်မွေးဝမ်းကြောင်း ပညာရပ်တွေဖွင့်လှစ်ပြီး ဆန်းဒေးစကူးလ်ကျောင်းက ကမကထ တည်ထောင်ပေးထားမယ်၊ ရလာတဲ့ငွေကို သူတို့ဘ၀ ရှင်သန်ရပ်တည်ရေးနဲ့ ဆန်းဒေးစကူးလ်ကျောင်းများ ရေရှည်တည်တံ့ရေး အတွက် အသုံးပြုရပါမယ်၊

ဒါတွေကတော့ မြန်မာပြည်မှာ တည်ထောင်ချင်တဲ့ ဆန်းဒေးစကူးလ်ကျောင်းပုံစံတွေပါ၊ စိတ်ကူးထဲက ဆန်းဒေးစကူးလ်ကျောင်းတွေကတော့ တကယ့်ကို သာယာလှပလို့၊ အသိဥာဏ်တွေ ဖြန့်ဝေတဲ့ Knowledge Centre ဖြစ်လို့ပေါ့။ ဘယ်တော့လောက် စဖြစ်မလဲ တကယ်ဖြစ်လာနိုင်ပါ့မလားဆိုတာကတော့ စိတ်ကူးထဲက အတွေးပဲရှိသေးတာမို့ သေချာမပြောနိုင်ပါဘူး၊

ဒီထက်ကောင်းမွန်တဲ့ အကြံ အဥာဏ်တွေကိုလဲ ဆက်ပြီးတောင်းဆိုရပါအုံးမယ်၊ တခါတရံ စိတ်ကူးထဲကဖြစ်ချင်တာတွေဟာ ဖြစ်နိုင်ချေဆိုတာနဲ့လဲ ချိ်န်ထိုးရသေးတာကိုး၊ဘယ်လိုပဲဖြစ်ဖြစ် သီရိလင်္ကာယဉ်ကျေးမှုနဲ့ ဘာသာရေးအမွေပေးပုံအကြောင်း ရေးသားရင် တွေးမိတဲ့အတွေးလေးတွေကို ဖြန့်ဝေခြင်းမျှသာပါ။ သို့သော်… ဒါပေမယ့်..မဖြစ်နိုင်ဘူးဆိုတာ သေချာပြီလားလို့ပဲ မေးရမလား၊ လုပ်နိုင်ပါတယ် မပြောနဲ့ လက်တွေ့လုပ်ပါ လို့ပဲ ဆိုရမလားဆိုတာကတော့………….။ ။
(သီရိလင်္ကာယဉ်ကျေးမှု အကြောင်းတွေ အလျဉ်းသင့်သလို ဖော်ပြပါအုံးမယ်)

Read more...

လိုက်လေ ဝေးလေ... (အောင်ထွန်းလင်း)



Read more...

ခိုနားမိတဲ့အရိပ်။

ဟိုနှစ်ပေါင်း များစွာက အရိပ်တစ်ခုကို ကြုံကြိုက်လို့  နားခိုမိရင်း အရိပ်စစ်တွေ့ သွားတဲ ရှင်ပုဏ္ဏတစ်ယောက် အကြောင်းလေးကြားဖူးလား။ ပြောပြချင်လို့ ။ အကုန်တော့ မပြောတော့ဘူး။ ရှည်သွားရင် မဖတ်ဖြစ်ဘဲ နေမှာစိုးလို့ ။

အစကတော့ သူလည်းပဲ လောကရဲ့ အပူမီးတွေကို ရင်မှာပိုက်လျက်ပါပဲ။ ပျော်စရာနဲ့ တွေ့ ရင်လည်း ဘာရမလဲ ပျော်လိုက်တာပါပဲ။ ငိုစရာရှိရင်လည်း ငိုတတ်တဲ့ အကျင့်သူ့ မှာ ရှိတုန်းပဲ။ သူ့ ကို အလိုမကျလို့ သွားဆဲရင်လည်း သူနာနေတုန်းပါပဲ။ ချီးမွှမ်းတာမျိုး၊ မြှောက်ပြောတာမျိုးလည်း မယုံရင် သွားလုပ်ကြည့်။ သူ အမြောက်ကြီး မြောက်နေဦးမှာပါပဲ။ ဆိုလိုတာက သူ့ အသည်းမှာ ပျော်ရွှင်မှုတွေ၊ လွမ်းဆွတ်မှုတွေ၊ ကြင်နာမှုတွေ၊ နာကြည်းမှုတွေနဲ့ ပြည့်နှက်နေတုန်း။ ဒီလို အခွင့်အရေးမျိုးကြုံလာပြီဆိုရင်လည်း လောကဇာတ်ခုံပေါ်မှာ ကျရာနေရာက သရုပ် ဆောင်တုန်းပဲ။

တစ်နေ့ မှာတော့ သူဟာ အရောင်းအ၀ယ်ကိစ္စနဲ့  သာဝတ္ထိမြို့ ကို ရောက်ရှိလာခဲ့ပါတယ်။ အဲဒီအချိန်မှာ သာဝတ္ထ်ိမြို့ သူ၊ မြို့ သားအာလုံး ဇေတ၀န်ကျောင်းကို သွားနေကြတာပါ။ ရည်ရွယ်ချက်ကတော့ ဘုရားရှင်ကို ဖူးဖို့ တဲ့။ တချို့ လည်း ဘုရားရှင်ကို ကပ်လှူဖို့ လက်ထဲမှာ ဆွမ်းအုပ်ကလေးတွေ ကိုင်လို့ ။ တချို့ ကလည်း အဖျော်ရည်၊ ဆီမီး၊ အမွှေးတိုင် စသည်ဖြင့် ကိုယ်စီကိုယ်စီ ဇေတ၀န် ဥယျာဉ်ဆီကို ချီတက်နေကြတော့တာပါ။

သာဝတ္ထိမြို့ မှာ လူတွေ ဒီလောက်ရှုပ်တာ မမြင်ဖူးတဲ့ သူ့ အတွက် ၊ အထူးအဆန်းတွေ ဖြစ်တာပေါ့လေ၊ သူတို့ ဘာလုပ်နေကြတာလဲ ဆိုတာကိုလည်း သိချင်စိတ်တွေ တဖွားဖွား ဖြစ်နေတော့တာပါ။ တခါတခါ သူ တွေးမိသေးတာက ပွဲလမ်းသဘင်များ ရှိနေလို့  ဒီလို သွားလာနေကြတာလား ပေါ့လေ။ ရှိခဲ့ရင်လည်း သူလည်း လိုက်ပျော်ဖို့ထင်ပါရဲ့။ ပျော်တတ်တဲ့ စိတ် ရှိသေးတာဆိုတော့ ပျော်စရာရှိလာရင် သူလည်း ၀င်ရောလိုက်ဘို့ ပဲနေမှာပါ။

ဒါပေမယ့် ဇေတ၀န်ကို သွားတဲ့ လူတစ်ယောက်ကို သူစပ်စု ကြည့်လိုက်တော့မှ သူ့ အထင်တွေ လွဲသွားခဲ့မှန်း နောက်မှသိပါတော့တယ်။ သူထင်ထားတာမျိုး မဟုတ်ဘဲ လောကမှာ အတုမရှိ အနိုင်းမဲ့ ဘုရားရှင်တစ်ဆူ ပွင့်မှန်း သူ သိသွားတော့တာပါ။ှ ဘုရားရှင်ပွင့်တယ်ဆိုတော့ သူ စိတ်ထဲမှာ ဘယ်လိုပျော်သွားမှန်း မသိ။ သူများတွေဖူးသလို သူလည်းပဲ နောက်ကလိုက်ဖူးချင်စိတ်တွေ တဖွားဖွား ဖြစ်သွားတော့တာပါ။ ဘုရားပွင့်ပြီဆိုပြီး ဘုရားအစစ် မဟုတ်တဲ့ ကောလဟလဘုရား အတုတွေနဲ့ လည်း သူကတွေ့ ခဲ့ ဖူးသေးတာကိုး။ ဘုရား ဟုတ်မဟုတ် သုံးသပ်ချင်တဲ့ သံသယ စိတ်တွေလည်း ပါတယ်ထင်ပါရဲ့။

သူလည်း အများနည်းတူ ဇေတ၀န်ကျောင်းတော် တရားနာ ပရိတ်သတ်တွေ အတွင်း လွတ်တဲ့နေရာလေးမှာပဲ နေရာဝင်ယူလိုက်မိပါတော့တယ် ။ သူ့ စိတ်ထဲမှာတော့ ဘုရား ဘယ်မှာလဲဆိုတာ မျက်စိကစားပြီး သူရှာလိုက်ပါတယ်။ ဓမ္မာရုံအတွင်း တရားနာ ပရိတ်သတ်တွေများသော်လည်း အသံတွေတိတ်လို့ ၊ ဆိတ်လို့ ။ချောင်းဆိုးသံ၊ လက်ချိုးသံပင် မကြားတော့ ပရိတ်သတ် ကင်းမဲ့နေတဲ့ နေရာတစ်ခုလိုပါပဲလား။

သူ တွေ့ သွားပါပြီ။ ဗုဒ္ဓါသန ဓမ္မပလ္လင်ပေါ်မှာ ပင်လုံးကျွတ်ပွင့်တဲ့ ပန်းပင်ကြီးလို့ ရုပ်အဆင်းက တင့်တင့်တယ်တယ်။ မြင်လိုက်တာနဲ့ ကြက်သီးတွေမွှေးညင်းထစရာ။ ယောက်ျားမြတ်တို့ ရဲ့ လက္ခဏာ ဘယ်လို ဘယ်ပုံဆိုတာလည်း သူအခုမှ သရုပ်ခွဲ လက်တွေ့ ကျကျ လင်းသွားဟန်တူပါရဲ့။ ဘုရားရှင်ကို မြင်လိုက်တာနဲ့  ကြည်ညိုစရာ ကောင်းတဲ့ အဖြစ်သနစ်က သူ့ နှလုံးသားမှာ ကိန်းအောင်းချေပြီ။ လွှတ်ခနဲရေရွတ် လိုက်မိတာကလည်း လောကမှာ ဘုရားရှင်မှတပါး ကိုးကွယ်ရာမရှိတဲ့။

ဝေနေယျသတ္တ၀ါတွေကို သားတော်ရာဟုလာနဲ့ မခြား ကယ်တင်တော်မူတတ်တဲ့ ဘုရားရှင်ရဲ့ နှလုံး အစုံကိုလည်း မြင်လိုက်တာနဲ့ သံသယမရှိ သူ ထိထိမိမိ သိသွားတော့တာပါ။ ဘုရားရှင်ရဲ့ ကရ၀ိတ်သံ၊ ကြိုးကြားသံနှယ် နာပျော်ဖွယ်ကောင်းတဲ့ ဓမ္မအသံတော်ကလည်း သူ့ အတွက် ပိုလင်းလက်သွားစေခဲ့ပါတယ်။ ဘုရားရှင် ထိထိမိမိဟောတော်မူလိုက်တဲ့ တရားတော်ကလည်း ဒီလို….ဒီလို…ထိသွားရပေမပေါ့။

“သတ္တ၀ါအားလုံးဟာ သံသရာခရီးသွားတွေပဲ။ ခရီးသည်ထုံးစံအတိုင်း ဟိုဘ၀ရောက်လိုက်၊ ဒီဘ၀ရောက်လိုက်၊ ကောင်းတဲ့ ဘုံရောက်လိုက်၊ မကောင်းတဲ့ ဘုံရောက်လိုက်နဲ့  မရပ်မနား တရစပ် ခရီးသွားနေရတာပါ။ မသိမိုက်မဲမှုတွေ၊ လိုချင်မှုတပ်မက်မှုတွေ ရှိနေသေးသမျှ လူဖြစ်လိုက်၊ နတ်ဖြစ်လိုက်၊ ဗြဟ္မာဖြစ်လိုက်၊ တိရိစ္ဆာန်ဖြစ်လိုက်နဲ့  သံသရာစက်ကြီးထဲ လည်နေကြတာပါပဲ။ ဒီသံသရာစက်ကြီး အလည်ရပ်ချင်ရင်တော့ မြင့်မြတ်တဲ့ ပါရမီတွေ ကြိုးစားအားထုတ်ခြင်းနဲ့  အဆင့်မြင့် အရဟတ္တမဂ်၊ အရဟတ္တဖိုလ်တွေရအောင်လုပ်ပြီး ရပ်ကြပေရော…။

ရွှေတွေ၊ ငွေတွေ၊ တိုက်တာ ခြံမြေတွေ ဟာလည်း ကိုယ်ပိုင် ပစ္စည်းမဟုတ်ဘူး။ သေရင် ဘယ်သူမှ ယူသွားလို့ မရဘူး။ ယူသွားလို့ ရနိုင်တာက ကိုယ်ပိုင် ဒါနကောင်းမှု ၊ သီလကောင်းမှုတွေပဲ။ အဲတော့ ကိုယ်ပိုင်မဟုတ်တဲ့ ဟာတွေကို ကိုယ်ပိုင် ပစ္စည်းဖြစ်အောင် ပြောင်းလဲပစ်နိုင်ဖို့ ပဲ။

လူ့ စည်စိမ်၊ နတ်စည်းစိမ်ဆိုတာလည်း ဥပမာပြောရရင် အသားမကပ်တဲ့ အရိုးခြောက်ကို ကိုက်နေတဲ့ ခွေးနဲ့ တူတယ်။ ခွေးတွေဟာ အသားမရှိတဲ့ အရိုးမှန်း သိသော်လည်း အဲဒီ အရိုးကို တကျွတ်ကျွတ်မြည်အောင် ကိုက်နေတယ်။ ကိုက်ရင်း၊ ကိုက်ရင်းနဲ့ ကြာလာတော့ သွားရည်ကြောင့် အရိုးတွေ နူးလာတယ်။ အဲဒီအချိန်မှာ အသားနံ့ လေး နဲနဲ ထွက်လာတယ်။ အသားစိုင် ဖြစ်လာနိုး ကိုက်ရင်းနဲ့ ပဲ ကြာလာတော့ အောက်သွားတွေ ကြွေကုန်တယ်။ သွားတွေနာလာတော့ စိတ်မော၊ ကိုယ်မော ပင်ပန်းစွာနဲ့ ပဲ ကောက်ရိုးပုံပေါ် ခဏနားလိုက်တယ်။ အမောပြေတော့ အရိုး ကို တစ်ခါထပ်ကိုက်ပြန်တယ်။ တကယ့်အနှစ် အရသာထူးမရှိတဲ့ အရိုးကို ထပ်တလဲလဲ ကိုက်နေတဲ့ ခွေးလိုပဲ သတ္တ၀ါတွေဟာ ကာမဂုဏ်ကို ခင်မင် တွယ်ဖက်နေကြတယ်။ အချည်းနည်းဖြစ်တဲ့ အကာတွေရဲ့ နောက်ကိုပဲ လိုက်ပြီးရင်း လိုက်နေကြတယ်”တဲ့။

ဘုရားရှင်ဟောတော်မူလိုက်တဲ့ တရားက သူ့ ရဲ့ စိတ်တွေကို ပြောင်းလဲ စေတော့တာပါ။ သူ့ ရဲ့ စိတ်ထဲမှာလည်း ဘုရားရှင်ရဲ့ သဘာဝကျကျ တရားတော်တွေကို ဥာဏ်နဲ့ ထပ်တလဲလဲ သုံးသပ်မိနေပါတော့တယ်။ သူ့ လုပ်နေတဲ့ အလုပ်တွေဟာ ဘုရားရှင် ဥပမာပေးတဲ့ ခွေးနဲ့ တူတယ်လို့ ယူဆလိုက်တာ ရယ်ကြောင့် ဘုရားရှင်ကို သာသနာတော်ထဲ ၀င်ပြီး ရဟန်းဝတ်ဖို့ ခွင့်တောင်း လိုက်ပါတော့တယ်။ သူ့ရဲ့ဆန္ဒကို ဘုရားရှင် ခွင့်ပြုတာရယ်မို့  သံသရာစက် အလည်ရပ်တဲ့နည်းလမ်း ကောင်းတွေကို သင့်လျော်ရာ အရိပ်မှာ နားခိုရင်း ကြိုးစားအားထုတ်လိုက်တော့တာပါ။

လောကမှာ အရိပ်တွေ အမျိုးမျိုးရှိပါတယ်။ အဲဒီအရိပ်တွေထဲမှာ ကိုယ့်ကို အေးချမ်းမှုအပေးနိုင်ဆုံး အရိပ်ကို ရွေးချယ်ပြီး နားခိုတက်ဖို့ လိုပါတယ်။ ရှင်ပုဏ္ဏလို မိမိအတွက် တကယ့်နားခိုးစရာ ဖြစ်တဲ့ ဓမ္မအရိပ်စစ်ကိုသာ ကိုယ်တိုင်ကိုယ်ကျ ကိုယ်လှုံတက်ဖို့ ပဲ ကြိုးစားအားထုတ်ကြပေရော…………။
0 comments Links to this post

Read more...

စရိုက်နှင့် ကမ္မဋ္ဌာန်း…။

အများဖြစ်နေကျ ပုံစံများ၊ အရာများထက် ပိုမိုလွန်ကဲပြီး အဖြစ်များတတ်တဲ့ သဘောကို စရိုက်လို့ ခေါ်ပါတယ်။ ပါဠိစရိတဆိုတဲ့ စကားလုံးကို စရိုက်လို့ မြန်မာမှု ပြုထားခြင်း ဖြစ်ပါတယ်။ ဒီစရိုက်ကိုပဲ အထုံဝါသနာလို့ ဆိုပါတယ်။ လူတွေမှာ စိတ်ကောင်းစိတ်ဆိုး အမျိုးမျိုး ဖြစ်နေတာဟာ ဒီဘ၀နဲ့ပဲ သက်ဆိုင်နေတာ မဟုတ်ဘဲ ရှေးရှေးဘ၀က အထုံဝါသနာနဲ့လည်း သက်ဆိုင်ပါတယ်။ ရှေးရှေးအတိတ်ဘ၀များက အထုံဝါသနာကောင်း ပါလာတဲ့သူတွေဟာ စိတ်ကောင်းစေတနာကောင်း ရှိတတ်ပြီး အထုံဝါသနာဆိုး ပါလာတဲ့ သူတွေကတော့ စိတ်စေတနာ ဆိုးတတ်ပါတယ်။ ဒီလိုမကောင်းတဲ့ ၀ါသနာအထုံ စရိုက်တွေအားကောင်းတဲ့ သူတွေအတွက် စိတ်ကောင်းရှိအောင် ပြုပြင်ဖို့ ခက်ခဲတတ်ပါတယ်။ ဘာဖြစ်လို့လည်း ဆိုတော့ အထုံဝါသနာက အားကြီးနေလို့ပါ။

လောကမှာ လူအမျိုးမျိုး စရိုက်အမျိုးမျိုး ရှိကြတယ်လို့ ဆိုကြပေမယ့် ဗုဒ္ဓစာပေနဲ့ ခွဲခြားကြည့်လိုက်ရင် စရိုက် (၆)မျိုးပဲ ရှိပါတယ်။ လူတိုင်းလူတိုင်း မတူညီတဲ့ စရိုက်တစ်မျိုးစီ ဒါမှမဟုတ် နှစ်မျိုး၊ သုံးမျိုးစသည် ရှိတတ်ပါတယ်။ ကိုယ်ဘာစရိုက်အားကြီးတယ် ဆိုတာကိုတော့ ဒီစရိုက်ခြောက်ပါးနဲ့ ညှိကြည့်နိုင်ပါတယ်။ စရိုက်ခြောက်ပါးမှာ ရာဂစရိုက်ရှိသူနဲ့ သဒ္ဓါစရိုက်ရှိသူဟာ သွားလာနေထိုင်၊ လုပ်ကိုင်စားသောက်ပုံချင်း တူညီတတ်ပြီး ဒေါသစရိုက်ရှိသူနဲ့ ဗုဒ္ဓိ(ပညာ) စရိုက်ရှိသူဟာလည်း အနေအထိုင် အပြောအဆို အစားအသောက် တူညီတတ်ကာ မောဟစရိုက်ရှိသူနဲ့ ၀ိတက်စရိုက် ရှိသူမှာလည်း အလုပ်အကိုင် အပြောအဆို အစားအသောက်မှအစ တူညီနေတတ်တာကို တွေ့ရတတ်ပါတယ်။

ရာဂစရိုက်ရှိသူနဲ့ သဒ္ဓါစရိုက်ရှိသူ နှစ်ဦးလုံးဟာ အသွားအလာ အနေအထိုင် အပြောအဆို ယဉ်ကျေးတတ်၊ သန့်သန့်ရှင်းရှင်း သပ်သပ်ရပ်ရပ် နေတတ်ထိုင်တတ် လုပ်ကိုင်တတ်၊ အနံ့အသက်ကောင်းကောင်း အစားအသောက် ကောင်းကောင်းနဲ့ နူးညံ့သိမ်မွေ့မှုများကို နှစ်သက်တတ်ပါတယ်။ ထူးခြားမှုက ရာဂစရိုက်ရှိသူဟာ ကာမဂုဏ်အာရုံများကို မခွဲနိုင်မခွါရက်အောင် စွဲမက်တတ်၊ ပရိယာယ်မာယာများတတ်၊ စဉ်းလဲကောက်ကျစ်တတ်၊ လောဘမာန အားကြီးတတ်ပြီး သဒ္ဓါစရိုက် အားကြီးသူကတော့ ပရိယာယ်မာယာနှင့် လောဘမာနများ အလွန်မကြီးမားဘဲ စွန့်ကြဲပေးကမ်း လှူဒါန်းမှုမှာ ပျော်မွေ့တတ်၊ ဘုရားကျောင်းကန်များတွင် ၀တ်တွားဆည်းကပ်တတ်၊ ရတနာသုံးပါးအပေါ်မှာ ယုံကြည်မှု အားကောင်းတတ်ပါတယ်။ ဒါပေမယ့် တစ်ခါတစ်လေ သဒ္ဓါစရိုက်အားကြီးပြီး ပညာအားနည်းတဲ့အတွက် အလွဲကိုးကွယ်မိတာတွေလည်း ရှိတတ်ပါတယ်။

ဒေါသစရိုက်ရှိသူနဲ့ ဗုဒ္ဓိခေါ် ပညာစရိုက်ရှိသူ နှစ်ဦးလုံးဟာ အသွားအလာ အနေအထိုင် အပြောအဆို ရုန့်ရင်းကြမ်းတမ်းတတ်၊ သပ်သပ်ရပ်ရပ် နေထိုင်လုပ်ကိုင်မှု မရှိဘဲ ဖြစ်သလို ဖရိုဖရဲ လုပ်တတ်ကိုင်တတ်၊ အချဉ်အငန် အစပ်အခါး စတဲ့ စူးစူးရှရှ အရသာတွေမှာ နှစ်သက်တတ်၊ မကောင်းတဲ့အဆင်းအသံ စတာတွေနဲ့ တွေ့ကြုံတဲ့အခါ သည်းခံအောင်အည်း ချုပ်တည်းခြင်းမရှိဘဲ ချက်ချင်းဆဲဆို ငေါက်ငမ်းကာ စိတ်ကြမ်းစိတ်တို လွယ်တတ်ပါတယ်။ ကွဲပြားတာက ဒေါသစရိုက်ရှိသူဟာ ရန်ငြိုးဖွဲ့ခြင်း အာဃာတ၊ မနာလိုခြင်း ဣဿာ၊ ၀န်တိုခြင်း မစ္ဆရိယ၊ သူတစ်ပါးဂုဏ်ကို ဖျက်ဆီးလိုခြင်း မက္ခ၊ ဂုဏ်တူဂုဏ်ပြိုင်ပြုခြင်း ပဠာသ၊ အဆုံးအမခက်ခြင်း ဒုဗ္ဗစတရားများ ဖြစ်ပွားလေ့ရှိတတ်ပြီး ဗုဒ္ဓိစရိုက်ရှိသူကတော့ ရန်ငြိုးဖွဲ့ခြင်း၊ မနာလိုခြင်း၊ ၀န်တိုခြင်း စတဲ့တရားများမရှိဘဲ ဆိုဆုံးမလွယ်တတ်၊ စားသောက်ဖွယ်မှန်သမျှမှာ နှိုင်းနှိုင်းချိန်ချိန် ပြုတတ်၊ နောင်သံသရာအတွက် သတိပညာဖြင့် ကောင်းစွာမြော်မြင်ကာ ပါရမီကုသိုလ်များကို ကြိုးစားပြုလုပ်တတ်ပါတယ်။

မောဟစရိုက်ရှိသူနဲ့ ၀ိတက်စရိုက်ရှိသူ နှစ်ဦးလုံးရဲ့ သဘောလက္ခဏာဟာလည်း တူညီနေတတ်ပါတယ်။ အသွားအလာ၊ အပြောအဆို အနေအထိုင်က အစပေါ့။ ဒါပေမယ့် ထူးခြားချက်က မောဟစရိုက်ရှိသူဟာ မေ့မေ့လျော့လျော့ ပေါ့ပေါ့ဆဆ ရှိတတ်၊ ကိစ္စအထွေထွေ ပွေလိမ်ရှုတ်ထွေးတတ်၊ အစားအသောက်မှာလည်း တစ်သမှတ်တည်းမရှိ ဟိုလိုလို ဒီလိုလို နှစ်သက်တတ်၊ အကြောင်းအကျိုး အကောင်းအဆိုးကို ခွဲခြားသိမြင်မှု မရှိတတ်ဘဲ သူများချီးမွန်းရင် လိုက်ချီးမွန်းတတ်ကာ သူများကဲ့ရဲ့ရင်လည်း လိုက်ကဲ့ရဲ့တတ်၊ သတိပညာကင်းပြီး ထိုင်းမှိုင်းခြင်း ထိနမိဒ္ဓ၊ ပျံ့လွင့်ခြင်း ဥဒ္ဓစ္စတို့နှင့် အချိန်ကုန်တတ်ပြီး ၀ိတက်စရိုက် ရှိသူကတော့ ဟိုဟိုဒီဒီ ကိစ္စများများမှာ အကျိုးမပြီး အချည်းနှီးဖြစ်နေတတ်၊ စကားပေါကာ ကိစ္စမချောဘဲ မျောနေတတ်၊ ကောင်းတဲ့လုပ်ငန်းများမှာ အစွမ်းအစမရှိဘဲ ပျင်းရိနေတတ်၊ ကိုယ်လိုပေါ့ပေါ့တန်တန် လူများနဲ့ပျော်မွေ့ကာ ထွေရာလေးပါး အကြံများပြီး လူအားလူပိုသာ ဖြစ်နေတတ်ပါတယ်။

ဒါတွေကတော့ သတ္တ၀ါများ ရှိတတ်တဲ့ အကျင့်စရိုက်ရဲ့ သဘောတရားအချို့ပဲ ဖြစ်ပါတယ်။ လူတိုင်းလူတိုင်း စရိုက်တစ်ခုခုကတော့ အားကောင်းနေတတ်ပါတယ်။ ကောင်းတဲ့စရိုက်အားကောင်းနေတာ ရှိတတ်သလို မကောင်းတဲ့စရိုက် အားကောင်းနေတာလည်း ရှိတတ်ပါတယ်။ ကောင်းတဲ့စရိုက် အားကောင်းနေရင်လည်း ဒီစရိုက်ကို ဆက်လက်တိုးပွားအောင် ကြိုးစားဖို့ လိုအပ်သလို မကောင်းတဲ့စရိုက် အားကောင်းနေရင်လည်း တတ်နိုင်သမျှ ပြုပြင်နိုင်အောင် ကြိုးစားရပါမယ်။ မကောင်းတဲ့အရာတွေမှာ ပျော်မွေ့တတ်တဲ့ ၀ါသနာစရိုက်ဟာ ကိလေသာများရဲ့ အားအစွမ်းဖြစ်နေတတ်ပြီး ကောင်းတဲ့အရာတွေမှာ ပျော်မွေ့တတ်တဲ့ ၀ါသနာစရိုက်ကတော့ ကောင်းတဲ့အလို သမ္မာဆန္ဒဖြစ်နေတတ်ပါတယ်။ ကောင်းတဲ့စရိုက်ကို မှန်ကန်တဲ့ နည်းနဲ့အသုံးချနိုင်ရင် နိဗ္ဗာန်အထိ ရောက်နိုင်သလို မကောင်းတဲ့ စရိုက်ကိုလည်း တတ်နိုင်သမျှ ပြုပြင်နိုင်လျှင် နောင်သံသရာအတွက် ဒီစရိုက်များ လိုက်မလာနိုင်တော့ပါဘူး။ မပြုပြင်ရင်တော့ ကောင်းတဲ့စရိုက်လည်း မကောင်းတဲ့ဘက် ပါသွားတတ်ပြီး မကောင်းတဲ့စရိုက်ကတော့ အပါယ်အထိလားကာ ဘ၀အဆက်ဆက် နိမ့်ကျမှု သက်သက်ကိုပဲ ဖြစ်စေပါလိမ့်မယ်။ ဒါကြောင့် ကိုယ့်မှာ ဘယ်လိုစရိုက်မျိုး ရှိတယ်၊ ဘယ်လိုစရိုက် အားကောင်းတယ်ဆိုတာကို ဆင်ခြင်ပြီး ပြုပြင်ထိန်းသိမ်း ကြည့်ကြဖို့ လိုပါတယ်။ ဗုဒ္ဓအဘိဓမ္မာမှာတော့ စရိုက်တွေကို ကမ္မဋ္ဌာန်းနဲ့ ပြုပြင်ထိန်းသိမ်းတာဟာ အကောင်းဆုံးလို့ ဆိုပါတယ်။ ပြီးတော့ ဒီစရိုက်ခြောက်ပါးနဲ့ တွဲစပ်ပွားများရမယ့် ကမ္မဋ္ဌာန်းတွေကိုလည်း ဖော်ပြပေးထားပါတယ်။ အဲဒီဖော်ပြချက်က..

၁။ ရာဂစရိုက်အားကြီးသူဟာ စက်ဆုတ်ဖွယ် အကောင်ပုတ်လို့ ရှုရတဲ့ အသုဘ ကမ္မဋ္ဌာန်း ၁၀ပါးနဲ့ ဆံပင်အမွေး ခြေသည်းလက်သည်း စတဲ့ ၃၂ကောဋ္ဌာသကို ရှုဆင်ခြင်ရတဲ့ ကာယဂတာသတိ ကမ္မဋ္ဌာန်းကို ပွားများခြင်းဖြင့် ရာဂစရိုက်ကို ပြုပြင်နိုင်ပါတယ်။ ဒီကမ္မဋ္ဌာန်းဆယ့်တစ်ပါးထဲက သင့်လျော်ရာ တစ်ပါးပါးကို ပွားများပါးများလာရင် ရာဂမီးကို ငြိမ်းအေးစေနိုင်ပါတယ်။

၂။ ဒေါသစရိုက် အားကြီးသူဟာ မေတ္တာ၊ ကရုဏာ၊ မုဒိတာ၊ ဥပေက္ခာ ကမ္မဋ္ဌာန်းများနဲ့ နီလကသိုဏ်း (အညိုရောင်အဆင်း)၊ ပီတကသိုဏ်း (ရွှေရောင်အဆင်း)၊ လောဟိတကသိုဏ်း (အနီရောင်အဆင်း)၊ သြဒါတကသိုဏ်း (အဖြူရောင်အဆင်း) ဆိုတဲ့ ကမ္မဋ္ဌာန်း ၈ပါးကို ပွားများခြင်းဖြင့် ဒေါသစရိုက်ကို ပြုပြင်နိုင်ပါတယ်။ ဒီကမ္မဋ္ဌာန်းများဟာ သန့်ရှင်းကြည်လင်တဲ့အတွက် အာရုံပြုပွားများသူများကို စိတ်ရွှန်လန်းပြီး နူးညံ့မှုကို ဖြစ်စေပါတယ်။ ဒါကြောင့် ဒေါသစရိုက်အားကြီးတဲ့သူဟာ ဒီကမ္မဋ္ဌာန်း ဂပါးထဲက တစ်ပါးပါးကို ပွားများသင့်ပါတယ်။

၃/၄။ မောဟစရိုက်နဲ့ ၀ိတက်စရိုက်ရှိသူများဟာ အာနာပါနဿတိ ကမ္မဋ္ဌာန်းကို ပွားများပြီး ကိုယ့်ကိုယ်ကို ပြုပြင်ပေးနိုင်ပါတယ်။ မောဟစရိုက်ရှိသူဟာ သံသယနဲ့ ပျံ့လွင့်ခြင်းတို့ အဖြစ်များတဲ့အတွက် အလွယ်တကူ စိတ်ပျံ့လွင့် တုန်လှုပ်တတ်ပြီး ၀ိတက်စရိုက်ရှိသူဟာလည်း စိတ်ကူးအကြံအစည် များတဲ့အတွက် စိတ်ပျံ့လွင့်လွယ်တတ်ပါတယ်။ အာနာပါနဿတိ ကမ္မဋ္ဌာန်းဟာ ထွက်သက်ဝင်သက်တို့ကို အချက်ကျကျ လိုက်၍ ရှုမှတ်ပေးရတဲ့အတွက် တုန်လှုပ်ပျံ့လွင့်တဲ့စိတ်ကို ချုပ်ထိန်းပေးထားနိုင်ပါတယ်။ ဒါကြောင့် ဒီမောဟစရိုက်နဲ့ ၀ိတက်စရိုက် ရှိသူဟာ အာနာပါနကမ္မဋ္ဌာန်းကို အထူးပြု ပွားများသင့်ပါတယ်။

၅။ သဒ္ဓါစရိုက်ရှိသူဟာ ဗုဒ္ဓါနုဿတိ၊ ဓမ္မာနုဿတိ၊ သံဃာနုဿတိ၊ သီလာနုဿတိ၊ စာဂါနုဿတိ၊ ဒေ၀တာနုဿတိ ဆိုတဲ့ ကမ္မဋ္ဌာန်း ခြောက်ပါးကို ပွားများပေးရပါတယ်။ ပင်ကိုက ကောင်းနေတဲ့ သဒ္ဓါတရားဟာ ဘုရားတရားသံဃာ စတဲ့အာရုံများနဲ့ ကြုံတွေ့ရပါက ပို၍ဖွင့်ဖြိုး တိုးတက်လာပြီး အကျိုးတရား တိုးပွားစေပါတယ်။ ဒါကြောင့် ကောင်းပြီးသားစရိုက်ကို ပိုကောင်းလာအောင် ဒီသဒ္ဓါစရိုက် ရှိတဲ့သူဟာ ဗုဒ္ဓါနုဿတိစတဲ့ ကမ္မဋ္ဌာန်း ခြောက်ပါးထဲက တစ်ပါးပါးကို ပွားများသင့်ပါတယ်။

၆။ ပညာစရိုက်ရှိသူဟာ သိမ်မွေ့နက်နဲတဲ့ သေခြင်းတရားကို ဆင်ခြင်တဲ့ မရဏာနုဿတိကမ္မဋ္ဌာန်း၊ နိဗ္ဗာန်ကို ဆင်ခြင်တဲ့ ဥပသမာနုဿတိ ကမ္မဋ္ဌာန်း၊ အစာအဟာရမှာ စက်ဆုတ်ဖွယ်လို့ ထင်မြင်အောင် ပွားများတဲ့ အာဟာရေ ပဋိကူလသညာ ကမ္မဋ္ဌာန်းနဲ့ ပထ၀ီ၊ အာပေါ၊ တေဇော၊ ၀ါယောလို့ခေါ်တဲ့ ဓာတ်ကြီးလေးပါးကို ပိုင်းခြားဆင်ခြင်တဲ့ စတုဓာတု၀၀တ္ထာန ကမ္မဋ္ဌာန်းကို ပွားများပေးရပါတယ်။ ပင်ကိုက စဉ်းစားချင့်ချိန်တတ်တဲ့ ပညာဟာ သိမ်မွေ့နက်နဲတဲ့ အာရုံနဲ့ ကြုံတွေ့တဲ့အခါ ပိုပြီးနက်နက်နဲနဲ စဉ်းစားဆင်ခြင်တဲ့အတွက် ဉာဏ်ပညာတိုးပွား ထက်မြက်လာတတ်ပါတယ်။ ဒါကြောင့် ပညာစရိုက်အားကြီးတဲ့သူဟာ မရဏာနုဿတိ စတဲ့ ကမ္မဋ္ဌာန်းများကို ပွားများပြီး ဉာဏ်အဆင့်တိုးပွားအောင် ကြိုးစားသင့်ပါတယ်။

ဒီဖော်ပြချက်ကတော့ ဗုဒ္ဓအဘိဓမ္မာမှာ ပါရှိတဲ့ စရိုက်နဲ့ကမ္မဋ္ဌာန်း တွဲစပ်ပွားများသင့်တာတွေပဲ ဖြစ်ပါတယ်။ စာဖတ်သူများအနေနဲ့ ဒီစရိုက်ခြောက်ပါးနဲ့ ကိုယ့်သန္တာန်မှာ ရှိနေတဲ့ စရိုက်တွေကို ချိန်ထိုးပြီး ကိုယ်နဲ့သင့်လျော်မယ့် ကမ္မဋ္ဌာန်းကို ပွားများသင့်ပါတယ်။ ကိုယ့်သန္တာန်မှာ ကောင်းတဲ့စရိုက်ရှိရင်လည်း ဒီစရိုက်ကို ပိုပြီးတိုးတက် ဖွံ့ဖြိုးလာအောင်၊ မကောင်းတဲ့စရိုက်ရှိရင် ဒီမကောင်းတဲ့စရိုက်ကို နောက်သံသရာအထိ မပါစေရန် အချိန်မီ ပြုပြုနိုင်အောင် လိုအပ်သင့်လျော်မယ့် ကမ္မဋ္ဌာန်းတစ်ခုခုကို ပွားများသင့်ပါတယ်။ ၀ိပဿနာအလုပ်ဟာ ကိလေသာကုန်ခမ်း နိဗ္ဗာန်ရရေးအတွက် အဓိကကျတဲ့ အလုပ်ဖြစ်ပေမယ့် ဒီဘ၀မှာလိုအပ်တဲ့ ချမ်းသာနဲ့ နိဗ္ဗာန်မရခင် ကျင်လည်ရမယ့် ဘ၀ချမ်းသာအတွက် တစ်ဘက်ကလည်း ကိုယ့်စရိုက်နဲ့ သင့်မယ့်ကမ္မဋ္ဌာန်း တစ်ခုခုကို ပွားများပေးဖို့ လိုပါတယ်။ အရိယာမဂ်နဲ့ ကိလေသာများနဲ့ စရိုက်များကို အကြွင်းမဲ့မပယ်သတ်နိုင် သေးပေမယ့် အခိုက်အတန့် အချိန်အတော်ကြာကြာ ခွာထားနိုင်အောင် ကမ္မဋ္ဌာန်းကို ပွားများပေးဖို့လည်း လိုအပ်ပါတယ်။ အထူးသဖြင့် မကောင်းတဲ့ စရိုက်များကို ကောင်းအောင် ကမ္မဋ္ဌာန်းနဲ့ ပြုပြင်ပြီး ကိုယ့်ရဲ့ကိုယ်အမူအရာ၊ နှုတ်အမူအရာ၊ စိတ်အကြံအစီများကို နူးညံ့သိမ်မွေ့လာအောင် ကြိုးစားသင့်ပါတယ်။

ဒါကြောင့် ဒီနေရာမှာ သိစေချင်တာက လူအမျိုးမျိုး စရိုက်အမျိုးမျိုး ရှိတတ်တဲ့ လောကကြီးမှာ ကိုယ်လည်း စရိုက်တစ်မျိုးမျိုးကို ပိုင်ဆိုင်ထားသူထဲမှာ ပါနေတာ ဖြစ်တဲ့အတွက် ကောင်းတဲ့စရိုက်ပဲ ဖြစ်ဖြစ်၊ မကောင်းတဲ့ စရိုက်ပဲဖြစ်ဖြစ် ဘယ်လိုစရိုက်မျိုးကို မဆို ကိုယ်နဲ့သင့်လျော်မယ့် ကမ္မဋ္ဌာန်းတစ်ခုခုကို ပွားများရင်း ကောင်းတဲ့စရိုက်ကိုလည်း ပိုပြီးတိုးပွားအောင်၊ မကောင်းတဲ့စရိုက်ဆိုရင်လည်း ပိုပြီးဆိုးမလာအောင် ပြုပြင်ကြည့်ကြဖို့ပဲ ဖြစ်ပါတယ်။ ပြုပြင်လိုက်မယ်ဆိုရင် အထုံပါနေတဲ့ စရိုက်လည်း အထိုက်အလျောက် ပြောင်းလဲလာနိုင်တဲ့အတွက် လက်တွေ့ပွားများကာ လေ့ကျင့်ကြည့်ကြဖို့ပဲ ဖြစ်ပါတယ်။ သေချာတာကတော့ ကိုယ့်စရိုက်နဲ့ သင့်လျော်မယ့် ကမ္မဋ္ဌာန်းတစ်ခုခုကို အချိန်ယူပြီး ပွားများပြုပြင် ကြည့်မယ်ဆိုရင် ကိုယ့်ရဲ့ကိုယ်အမူအရာ စတာတွေဟာ ပြောင်းလဲနူးညံ့လာမယ်ဆိုတာ သေချာပါကြောင်း…။

မှတ်ချက်။ အရှင်ဇနကာဘိဝံသ၏ ကိုယ်ကျင့်အဘိဓမ္မာ၊ အခြေပြုသင်္ဂြီုဟ်နှင့် ဒေါက်တာမင်းတင်မွန်၏ ဗုဒ္ဓအဘိဓမ္မာ အနှစ်ချုပ်တို့ကို ကိုးကားပြီး ရေးသားတင်ပြပါသည်။

Read more...

ကူတယ်ဆိုတာ ယူတာပါ… ပြီးတော့ ကူတတ်-ယူတတ်ပါစေ။

ကျွန်တော်တို့ ထေရ၀ါဒဗုဒ္ဓဘာသာလူငယ်များအသင်းအနေဖြင့် ဒီဇင်ဘာလကောက်ခံရရှိငွေများမှ (၂၁)ကြိမ်မြောက်အဖြစ် လှူဒါန်းခဲ့သောနေရာများမှာ အောက်ပါအတိုင်းဖြစ်ပါသည်။

၁။ အနောက်မင်းသန်းကျေးရွာ မင်းသန်းအုပ်စု၊ မြိတ်အရှေ့မြို့၊ တနသာင်္ရီတိုင်း။ ထိုနေရာရှိ မူလတန်းကျောင်းတွင် အမိုး၊ အခင်းများရှိသော်လည်း အကာများ ပျက်ဆီးနေသောကြောင့် ပြင်ဆင်နိုင်ရန်အတွက် အလှူငွေ ၈၀၀၀၀၀ (၈-သိန်း)ကျပ်ကို မတူးတူးဝေ၊ မှတ်ပုံတင်အမှတ်- ၆/(မအရ)နိုင် ၁၀၁၅၄၆၊ အင်္ဂမော်ရွာ၊ မြိတ်မြို့၊ ဖုန်း ၉၈၇၆၃၀၁၇ ထံသို့ ပေးပို့လှူဒါန်းခဲ့ပါသည်။ ယခုအချိန်တွင် ထိုမူလတန်းကျောင်းမှာ ပြင်ဆင်ဆောက်လုပ်ပြီးဆီးသွားပြီ ဖြစ်ပါသည်။ မှတ်တမ်းဓါတ်ပုံများကို ဤနေရာတွင် သွားရောက်ကြည့်ရှု၍ သာဓုခေါ်ဆိုနိုင်ပါသည်။

၂။ ကျောက်ပန်းတောင်းမြို့နယ်၊ ပွေးကျစ် အ.ထ.က(ခွဲ)နှင့် ကျောက်ပန်းတောင်းမြို့နယ်၊ ပွေးကျစ်တိုက်နယ်ဆေးရုံ အတွက်လိုအပ်လျက်ရှိတဲ့ ဘီရိုနှင့် စားပွဲ လှူဒါန်းရန်အတွက် အလှူငွေ ၄၀၀၀၀၀ (၄-သိန်း)ကျပ်ကို ဦးချွန်၊ ၉/ကပတ(နိုင်) ၀၁၅၇၈၁၊ ကျောက်ပန်တောင်း၊ ရိုးမဘဏ်၊ ဖုန်း- ၀၉၆- ၅၀၀၇၉၅ ထံသို့ ပေးပို့လှူဒါန်းခဲ့ပါသည်။ ယခုအချိန်တွင် မှတ်တမ်းဓါတ်ပုံများ မရရှိသေးသောကြောင့် ရရှိသောအချိန်တွင် ဆက်လက်ဖြော်ပပေးသွားပါမည်။

၃။ ရခိုင်ပြည်နယ်။ ရမ်းဗြဲမြို့၊ လက်ပန်အညာရွာ၊ လင်းရောင်ခြည်သာသနာ့ရိပ်သာကျောင်းတိုက် ကျောင်းမုဒ်ဦး လှူဒါန်းရန်အတွက် အလှူငွေ ၈၀၀၀၀၀(၈-သိန်း)ကျပ်ကို မခင်စန္ဒာခိုင်၊ ၁၁/ရဗန(နိုင်) ၀၆၁၂၅၅၊ ရခိုင်ပြည်နယ် ရမ်းဗြဲမြို့သို့ ပေးပို့လှူဒါန်းခဲ့ပါသည်။ ယခုအချိန်တွင် ထိုကျောင်းမုဒ်ဦးမှာ ပြုပြင်ဆောက်လုပ်ဆဲ ဖြစ်ပါသည်။ မှတ်တမ်းဓါတ်ပုံများမှာ လမ်းပမ်းဆက်သွယ်ရေး အခက်ခဲကြောင့် ကြန့်ကြာမှုရှိနေပါသည်။ မှတ်တမ်းဓါတ်ပုံများရရှိမှသာ ဆက်လက်ဖော်ပြပေးသွားပါမည်ဖြစ်ကြောင်း အသိပေးအပ်ပါသည်။

အလှူဒါနအစုစုအတွက် ကူညီဆောင်ရွက်ပေးကြသော ဓမ္မမိတ်ဆွေအပေါင်းအား ထေရ၀ါဒဗုဒ္ဓဘာသာ လူငယ်များမှ အထူးကျေးဇူးတင်ရှိပါကြောင်း ဤနေရာမှ ပြောကြားအပ်ပါသည်။ ထိုကဲ့သို့ (၂၁) ကြိမ်မြောက် အလှူတော်အတွက် ၀မ်းမြောက်ဝမ်းသာစွာ သာဓုအနုမောဒနာ ခေါ်ဆိုနိုင်ရန် အတွက် အောက်ပါဆောင်းပါး ဖြင့် ဓမ္မဒါနပြုအပ်ပါသည်။

“ကူတယ်” ဆိုတဲ့ စကားလုံးကို မြတ်စွာဘုရားရှင်ဟောကြားတော်မူသော တရားတော်အဆုံးအမကို နာယူ၍ သိရသော အသိဉာဏ်ဖြင့် ယှဉ်ထိုးကြည့်တော့ “ကူတယ်” ဆိုတဲ့ စကားလုံးက “ယူတယ်” ဆိုတဲ့ စကားလုံးနဲ့ ဆက်စပ်နေတာကို တွေ့ရပါတယ်။ ဆက်စပ်မှုသဘောလေးကို ဖောက်သည်ချ ရေးသားဖော်ပြလိုပါတယ်။

မြတ်စွာဘုရားရှင်ကို နတ်သားတစ်ပါးက မေးလျှောက်လို့ မြတ်စွာဘုရားရှင်က ဥပမာပေး၍ ဖြေဆိုသည်ကို မိုးကုတ်ဆရာတော်ဘုရားကြီးဟောကြားတော်မူသော တရားတော်ကို နာယူခွင့်ရပြီး သိခဲ့ရပါတယ်။

လှူကြပြီ၊ ကူကြပြီ ဆိုရင် ကိုယ်ရှိတာကို သူ့ကိုပေးလိုက်ရတဲ့အတွက် ကုန်ဆုံး၊ ဆုံးရှုံး သွားတာပဲလို့ ထင်မြင် ယူဆကြပါတယ်။ ထင်မြင်ယူဆသည့်အတိုင်း ပြောဟောနေကြတာတွေက လူ့ပြည်လောက၊ နတ်ပြည်လောကတို့မှာ ကြားနေတော့ ဒီထင်မြင်ယူဆချက်သည် မှန်ကန်သင့်မြတ်ပါ၏လောလို့ နတ်သားတစ်ပါးက မေးလျှောက်ခန်းပါ။ မြတ်စွာဘုရားရှင်က ဥပမာပေးတော်မူသည်ကို နားလည်သည့်အတိုင်း ရေးသားပြရလျင် -

ဥပမာ… အိမ်တစ်အိမ် မီးလောင်ပြီဆိုရင်တဲ့ အိမ်ထဲက ပစ္စည်းအချို့ကို နိုင်သလောက် သိမ်းကြုံးပြီးယူကာ ဆင်းပြေးကြတယ်။ မယူနိုင်ဘဲ ထားခဲ့သမျှဟာဖြင့် မီးလောင်စာပဲ ဖြစ်သွားမယ်။ ယူနိုင်သမျှလေးတော့ မီးဘေးကလွတ်ပြီး အသုံးပြု၊ အသုံးချခွင့်ရပါတယ်…

ဒီနေရာမှာ မီးလောင်တယ်ဆိုတာ ဘာကိုပြောတုံးဆိုတော့ မီးမှာလည်း ၂ မျိုးအားဖြင့် အတွင်းမီးနှင့် အပြင်မီး။ အပြင်မီးဆိုတာက ရန်သူမျိုးငါးပါးမီး။ အတွင်းမီးဆိုတာကတော့ ကိလေသာမီးတွေနဲ့ အိုနာသေမီး။

မိမိတို့မှာ စုဆောင်းထားတဲ့၊ နေ့စဉ် ရှာဖွေရရှိနေတဲ့ ပစ္စည်းဥစ္စာဆိုတာသည် အပြင်က ရန်သူမျိုးငါးပါးမီး လောင်၍လည်း ပြာဖြစ် ဆုံးရှုံးနိုင်ပါတယ်။ အတွင်းက ကိလေသာမီးနှင့် အိုနာသေမီးတို့ လောင်လို့လည်း ပြာဖြစ်ဆုံးနိုင်ပါတယ်။ အပြင်မီးအနေနဲ့ အနည်းငယ် ဥပမာပေးပြောရလျင် သားဖြုန်းလို့လည်း ဥစ္စာပြုန်းနိုင်တာတို့၊ သူခိုး ခိုးခြင်းခံရလို့လည်း တက်တက်ပြောင်းသွားတာတို့ စသည်ဖြင့်ပါ။ အတွင်းမီးအနေနဲ့ မြင်သာတာလေးကို ထုတ်ပြရမယ် ဆိုရင် ဒေါသထွက်လို့ ကွန်ပျူတာကို ကိုင်ပေါက်လိုက်တာမျိုးရှိပါတယ်။ ဒါဆိုရင် ဒေါသကြောင့် ပျက်စီးဆုံးရှုံးမှု။ အမြတ် လောဘကြောင့် အရင်းဥစ္စာ ပုံအပ်ပြီး ယုံတာရှိပါတယ်။ အလိမ်ခံရတော့ တက်တက်စင်အောင် ပြောင်လီခါသွားပါရော။ နောက်တစ်မျိုးက ဆုံးဖြတ်ချက်တွေမှားလို့၊ သတိပေါ့လို့ ဆုံးရှုံးနစ်နာတာတွေရှိနေတော့ ဒါသည်လည်း မောဟ တရားရဲ့ ပယောဂ လက်ချက်ပါပဲ။၊ အိုတာကဖိ နာတာကနိုပ်စက်တော့ ဆေးကုရတာက ရှာထားတာ ထက်တောင် မလောက်မငသေး၊ ရှာသမျှ ရောဂါဖိုးနဲ့ မကာမိဘူး ဆိုတာက နာမီး လောင်တာခံရတာပါပဲ။ သေမီး လောင်လို့လည်း ခံစားခွင့်တောင် မရလိုက်ပါလားဆိုတာ ပြောသံကြားနေရပါတယ်။ ဒီလို ဒီလိုလောင်ကျွမ်းနေတဲ့ မီးတွေဟာလေ... ရှာဖွေထားတဲ့ ပစ္စည်းဥစ္စာတွေကို အချိန်ပြည့် လောင်စာအဖြစ်အသုံးချပြီး တောင်လောင် နေကြပါတယ်။

ဒီအထဲက မြတ်သောပုဂ္ဂိုလ်ကို လှူဒါန်းခွင့်ရလို့ လှူဒါန်းခြင်းသည် မီးစာဖြစ်မယ့်အထဲက ဆွဲထုတ် ယူနိုင်လိုက်တာပါပဲ။ တန်းတူပုဂ္ဂိုလ်ကို မျှဝေပေးကမ်းခွင့်ရလို့ မျှဝေပေးကမ်းခြင်းသည် မီးစာဖြစ်မယ့်အထဲက ဆွဲထုတ် ယူနိုင်လိုက်တာပါပဲ။ နိမ့်သောပုဂ္ဂိုလ်ကို ပေးကမ်းစွန့်ကြဲခွင့်ရလို့ ပေးကမ်းစွန့်ကြဲခြင်းသည် မီးစာဖြစ်မယ့်အထဲက ဆွဲထုတ် ယူနိုင်လိုက်တာပါပဲ… ဆိုတာသည်…

အပေါ်က ဥပမာနဲ့ ရှင်းမှ “ကူတယ်” ဆိုတာသည် “ယူတာ” ပဲ လို့ ကွင်းကွင်းနဲ့ ကွက်ကွက်ကို ပေါ်ထွက်လာပါတယ်။ ရှင်းရှင်းလေး သဘောပေါက်နိုင်ပါတယ်။

သဘာဝ ကြောင်းကျိုးဆက်သဘောနဲ့ ဝေဖန်မယ်ဆိုရင်လည်း… အခုကျွန်တော်တို့မြင်တွေ့နေကြရတဲ့အတိုင်း တစ်ချို့က ချမ်းသာတဲ့ဝမ်းမှာ ပဋိသန္ဓေမျိုးကျတယ်။ တစ်ချို့က ဆင်းရဲတဲ့ဝမ်းမှာ ပဋိသန္ဓေမျိုးကျတယ် စသည့်ဖြင့် ခြားနားမှုလေးတွေရှိနေကြပါတယ်။

ဘာကြောင့်ဒီအကျိုးတရားတွေ ခြားနားနေရသလဲလို့ ဉာဏ်မေးခွန်းထုတ် စစ်ဆေးတော့မှ ထောက်ပံ့တဲ့ အကြောင်းတရားတွေကိုးက ခြားနားနေကြလို့ဆိုတာ အဖြေထွက်ပါတယ်။ ထိုထောက်ပံ့တဲ့ အကြောင်းတရားတွေက ဘာတွေလဲလို့ ထပ်ပြီးစီစစ်တော့ လောဘအကြောင်းခံ၊ ဒေါသအကြောင်းခံ၊ မောဟအကြောင်းခံ၊ အလောဘ(သဒ္ဓါ)အကြောင်းခံ၊ အဒေါသ(မေတ္တာ)အကြောင်းခံ၊ အမောဟ(ပညာ)အကြောင်းခံ စသည့် အကြောင်းတရား (၆) ပါးအားဖြင့် ကွဲပြားခြားနားနေကြလို့ပါ။ သူ့အကြောင်းတရားအလိုက် သူ့အကျိုးတရားတွေကို ဖြစ်ပေါ်စေတယ်။

ဖြစ်ပေါ်လာတဲ့ တရားကိုကြည့်ပြီး ဖြစ်ပေါ်စေတဲ့တရားကို သိနိုင်ပါတယ်။ ဥပမာ - မနက်ထတော့ ကိုယ်တွေကိုက်နေပြီဆိုရင် ဒီကိုယ်တွေကိုက်တာကိုဖြစ်စေတာသည် ညက အင်္ကျီချွတ်ပြီး စွတ်ကျယ်နဲ့အိပ်သွားလို့ပဲ ဆိုပြီး အကြောင်းအရင်းခံကို လက်သည်ရှာနိုင်ပါတယ်။

အခုလည်း “သဒ္ဓါနည်းတော့ ခြောက်ကပ်ကပ်” လို့ ယောဆရာတော်ဘုရားကြီး မိန့်ဆိုသည့်အတိုင်း လောဘအားကြီးပြီး သဒ္ဓါဓာတ်အားနည်းသွားသည့် မျိုးစေ့ရဲ့ အပင်မှာ သဒ္ဓါရေသောက်မြစ် အရင်ခံ အားနည်းတော့ အကိုင်းအခက်တွေလည်း ခြောက်ကပ်ကပ်နဲ့ မွဲတဲတဲ ပြာတာတာပေါ့။ သဒ္ဓါအစေးဓာတ် ခမ်းခြောက်ခြောက် ပုဂ္ဂိုလ်ရဲ့ရှင်သန်ခွင့်ရတဲ့ဘဝက ဘာဥစ္စာ ရွှေငွေမှ မကပ်ငြိဘဲ ဆင်းရဲ မွဲတေမှုနဲ့ ရွေ့လျားရှင်သန်ရတာပါပဲ။ သဒ္ဓါအစေးဓာတ် ခမ်းခြောက်ခြောက် ဆိုတာ ဘာကိုဆိုတာလဲဆိုတော့ မီးအလောင်ခံရတာများလို့ အစေးတွေ ခမ်းခြောက် သွားတာကို ဆိုပါတယ်။ မီးထဲက များများယူထားသူဆိုရင် အလောင်ခံရတာ သက်သာလို့ အစေးက ခမ်းမှာမဟုတ်။ သဒ္ဓါအစေးဓာတ်ရွှင်မယ်။ အရည်ရွှမ်းတဲ့ ကျွဲကောသီးလိုပ။ ဒါကြောင့် အလှူလုပ်တဲ့ ပုဂ္ဂိုလ်၊ မျှဝေပေးကမ်းမှု၌ မွေ့လျော်တဲ့ပုဂ္ဂိုလ်၊ ပေးကမ်းစွန့်ကြဲမှုကို ရှေ့ရှုဆောင်ရွက်တဲ့ပုဂ္ဂိုလ်တို့ရဲ့ မျက်နှာကိုကြည့်ရင် သဒ္ဓါအစေးဓာတ်တွေရွှင်လို့ လန်းနေတတ်ပါတယ်။ လရောင်ဆန်း၍ ပွင့်လန်းခွင့်ရသည့် ကုမုဒြာပန်းကြာငုံလိုပါပဲ။

မပေးဘဲ ကုတ်ထားလိုက်တဲ့အချိန်မှာ ဖြစ်သွားတဲ့ မိမိမျက်နှာနှင့် အုန်းနို့ခေါက်ဆွဲချက်ပြီး သူငယ်ချင်းတွေကို ကျွေးရတဲ့အခါ ဖြစ်နေတဲ့ မိမိမျက်နှာကို တစ်ချက်လောက် လှမ်းဖမ်း ရှုကြည့်ရင် အဖြေပေါ်ပါတယ်။ မပေးဘဲ ကုတ်ထားတဲ့အချိန်မှာ လငပုတ်ဖမ်းနေသလိုပါပဲ။ မျက်နှာဟာ ချုံ့တွပြီး နေလောင်ခံရတဲ့ ခရမ်းသီးမျက်နှာပြင်နဲ့ တူပါတယ်။ အေး… ပေးကမ်းပြီး ကျွေးမွေးနေရတဲ့ အချိန်မှာတော့ စားနေတဲ့သူတွေရဲ့ တစ်ဇွန်းပြီး တစ်ဇွန်း စားနေတဲ့အမူအရာတွေက မိမိကို ဖြေဖျော်နေသလိုပါပဲ။ မိမိမှာဖြင့် ဝမ်းသာပြီး ပျော်နေတယ်နော်။ မိမိရဲ့သဒ္ဓါအစေးဓာတ်တွေကို ရွှင်သထက်ရွှင်၊ ရွှမ်းသထက် ရွှမ်းစေပြီးတော့ကာ မျက်နှာလေးဆို စိုပြည်နေတာပဲ။ လန်းဆန်းနေတာပဲ။ ဒါသည် သဒ္ဓါအစေးဓာတ်ရဲ့ စွမ်းရည်သတ္တိပါ။ အစေးဓာတ်က လာသမျှ ပစ္စည်းဥစ္စာရွှေငွေဟူသမျှကို ဆွဲငင်အားရှိပါတယ်… ဆောင်ထားသိမ်းထားနိုင်ပါတယ်။ အစေးဓာတ်မရှိသူမှာ ငွေမကပ်ဘူး။ ငွေမကပ်ဘူး ဆိုတဲ့စကားကို ကြားဖူးကြမှာပါ။ ဒါသည် သဒ္ဓါအစေးဓာတ် ခမ်းနေလို့ပါပဲ။

မိသားစုတွေကို ကြည့်ရင် သဒ္ဓါအစေးဓာတ် ခမ်းခြောက်ခြောက်မိသားစုလည်း ရှိပါတယ်။ သဒ္ဓါအစေးဓာတ် ခပ်ရွှင်ရွှင်မိသားစုလည်းရှိပါတယ်။ သဒ္ဓါအစေးဓာတ်ခမ်းတဲ့ မိသားစုဆိုရင် သူတို့အိမ်ကို သွားရင်လေ ကြိုးကြာသံမဲ့နွေဦးရဲ့ပူလောင်တဲ့အငွေ့အသက်တွေ ရိုက်ခတ်ခံရသလို ခံစားရပါတယ်။ သဒ္ဓါအစေးဓာတ်ရွှင်တဲ့ မိသားစုဆိုရင်ဖြင့် သူတို့အိမ်ကို လာလည်ရောက်တဲ့သူအဖို့ လေတဖြူးဖြူးနဲ့ ပင်လယ်နက်ကမ်းခြေကို ရောက်သွားသလိုပါပဲ၊ အမောကိုပြေလို့၊ ရင်ကိုအေးလို့။ အဲဒီလို ခြားနားမှု အထူးလေးတွေရှိပါတယ်။

မိသားစု နေရာမှာ ရပ်ကွက်ကို အစားထိုးကြည့်ရင် အဲဒီ သဒ္ဓါအစေးဓာတ်ခမ်းတဲ့ ရပ်ကွက်မှာ နေတဲ့ လူကို အသာထားပြီး ခွေးကိုသာကြည့်လိုက်ပါ။ ပိန်လှီခြောက်ကပ်နေတာကို တွေ့ရပါလိမ့်မယ်။ ဒါဆိုရင် သဘောပေါက်ပါတော့။ သဒ္ဓါအစေးဓာတ်ရွှင်တဲ့ရပ်ကွက်က ခွေးတွေဆို ဝဖီးပြီး တုတ်တုတ်ကြီးတွေနော။ ဘုန်းကြီးကျောင်းက ခွေးတွေလိုပါပဲ။ အဲဒီခွေးတွေက အဲဒီရပ်ကွက်မှာ သူခိုးမဝင်အောင် စောင့်ရှောက်ပေးတယ်ဗျ။ ဟို ခွေးပိန်၊ ခွေးပိန်းမတွေကတော့ ဟောင်နိုင်တဲ့ အားတောင်မရှိကြဘူး။ အဲလိုကွာခြားပါတယ်။

ရပ်ကွက်နေရာမှာ ပြည်နယ်၊ တိုင်း၊ နိုင်ငံ ကို အစားထိုးကြည့်တတ်ပါစေ။ တို့နေထိုင်တဲ့ ကမ္ဘာကြီးကိုပါ အစားထိုးကြည့်ပါ။ သဒ္ဓါအစေးဓာတ်သာ ခမ်းခြောက်သွားမယ်ဆိုရင် ကမ္ဘာကြီးဟာ ကန္တာရလုံးလုံးဖြစ်ပြီး ခြောက်ကပ်ကပ်ကြီး ဖြစ်သွားပါလိမ့်မယ်။

ဒါကြောင့်မို့ သဒ္ဓါအစေးဓာတ်တွေ မခမ်းခြောက်ရအောင် မီးစာဖြစ်မယ့်အထဲက ကူခြင်းဖြင့် ယူနိုင်ကြပါစေခြင်း အလို့ငှာ၊ လှူခြင်းဖြင့် ယူနိုင်ကြပါစေခြင်း အလို့ငှာ၊ သဒ္ဓါအစေးဓာတ် ရွှင်ရွှင်ဖြင့် စိုပြည်လန်းဆန်းသော ဘဝလမ်းကို လျှောက်လှမ်းစေနိုင်ရေးအလို့ငါ ဤဆောင်ပါးကို အသိလေး တစ်စေ့တစ်စောင်းပေး ရေးသားခြင်းပါခင်ဗျား။

ဒါနဲ့ အပေါ်က ဥပမာရဲ့ မီးထဲက ယူသွားတဲ့ပစ္စည်ကို နောက်တစ်ခန်းဆက် အကဲခတ် သုံးသပ်ကြည့်ကြပါစို့ရယ်။ မီးထဲက ယူလာတဲ့ ပစ္စည်းကို မီးကူးနိုင်တဲ့ နေရာမှာချထားမိမယ်၊ ချထားလိုက်မယ်ဆိုရင်ဖြင့် ဘယ်လိုဖြစ်သွားပြန်မလဲ။ မီးလွတ်ရာသို့ ချထားနိုင်မယ်ဆိုရင် ဒီပစ္စည်းသည် မီးကူးစက်လောင်မြိုက်ခြင်းကို မခံရဘဲ မီးဘေးက အရှင်းလွတ် လွတ်သွားပါမယ်။ ဒါက ဘာကို ပမာပေးတာတုံးဆိုတော့ -

သမ္မာဒိဋ္ဌိ= မှန်ကန်သော အမြင်(အမြင်မှန်) ငါးခုကို ကြားညှပ်ကလေး ဦးစွာ ပြောပြလိုပါတယ်။

(၁) ကမ္မာသမ္မာဒိဋ္ဌိ = ကံကံ၏ အကျိုးပေး သဘောသဘာဝ ကို လက်ခံယုံကြည် သိမြင်နားလည်တဲ့ အသိဉာဏ် အမြင်။

(၂) ဈာနသမ္မာဒိဋ္ဌိ = ဈာန်အင်္ဂါတွေနဲ့ ယှဉ်တွဲပြီးဖြစ်ပေါ်တဲ့ ဈာန်တရားတွေရဲ့ သဘောသဘာဝ ကို လက်ခံယုံကြည် သိမြင်နားလည်တဲ့ အသိဉာဏ် အမြင်။

(၃) ဝိပဿနာသမ္မာဒိဋ္ဌိ = ရုပ်နာမ်ဓမ္မ၏ အမှန်သဘာဝ အနိစ္စလက္ခဏာ၊ ဒုက္ခလက္ခဏာ၊ အနတ္တလက္ခဏာ (ဒုက္ခသစ္စာ) ကို လက်ခံယုံကြည် သိမြင်နားလည်တဲ့ အသိဉာဏ် အမြင်။

(၄) မဂ္ဂသမ္မာဒိဋ္ဌိ = ဝိပဿနာဉာဏ်ရင့်သည်ထက်ရင့်သန်လာ၍ ဝိပဿနာဉာဏ်အဆုံး၌ အသင်္ခတဓာတ် အငြိမ်းဓာတ် နိဗ္ဗာန်ဓာတ်ကို ထိုးထွင်းသိမြင် မျက်မှောက်ပြုသော အသိဉာဏ် အမြင်။

(၅) ဖလသမ္မာဒိဋ္ဌိ = အသင်္ခတဓာတ် အငြိမ်းဓာတ်ကိုပင်လျက် အာရုံယူကာ ဆက်လက်ဖြစ်ပေါ်လာတဲ့ အသိဉာဏ်အမြင်။

ဟူ၍ အဆင့်ဆင့်အားဖြင့် တိုမြှင့်ဖြစ်ပေါ်သွားသော မှန်သော အမြင်မှန် ငါးပါးရှိပါသည်။ ဗုဒ္ဓမြတ်စွာ ပွင့်ထွန်းပေါ်၍သာ ဤအသိဉာဏ် ငါးမျိုးထင်ရှားဖြစ်ပေါ်ရန် အကျင့်မြတ်ပေါ်ထွက်လာတာပါ။ ဗုဒ္ဓမြတ်စွာ မပွင့်ပေါ်လျင် ရုပ်နာမ်ဓမ္မ သဘာဝ၏ ကြောင်းကျိုးဆက်မှု သဘောစုနှင့် သူ့သဘာဝ မသိရဘဲ အမြင်လွဲနှင့် အမှောင်ထဲမှာ ကျင်လည်ရကာ ဒုက္ခပယ်လယ် ခရီးသည်တို့သာ ဖြစ်နေရရှာမည်။

လှူဒါနကို သာသနာပ ကာလ၌လည်း ပြုကြတာပဲ။ သာသနာတွင်းမှာလည်း ပြုကြတာပဲ။ ပြုကြချင်း အတူတူ အကျိုးပေးက ကွာတယ်။ အထူးခြားဆုံးကွာဟချက်ကတော့ -

မီးထဲကယူလိုက်တဲ့ ပစ္စည်းကို မီးကူးစက်နိုင်တဲ့ နေရာမှာ သွားထားတာက သာသနာပ ကာလမှာပြုတဲ့ အလှူဒါန၏ အကျိုး၊

မီးထဲကယူလိုက်တဲ့ ပစ္စည်းကို မီးမလှောင်နိုင်တဲ့ နေရာမှာ သွားထားနိုင်တာက သာသနာတွင်း ကာလမှာ ပြုတဲ့ အလှူဒါန၏ အကျိုး၊

ဟူ၍ ဤသို့ မီကူးခံ နှင့် မီးဘေးလွတ် နှစ်မျိုးကွဲပါတယ်။

မီးကူးခံရတာက ဘာကြောင့်လဲ ဆိုတော့ သူ့အကျိုးပေးက (၃၁) ဘုံက လွတ်ရာကျွတ်ရာသို့ ကျေးဇူးပြုနိုင်စွမ်းမရှိလို့။ သာသနာပ ဆိုတော့ အမှန်တရား- သစ္စာတရားကို နာကြားခွင့်မရ၍ ဝိပဿနာဉာဏ်ကင်းမဲ့ကာ မရှိပညတ် အထည်တတ်၍ ချမ်းသာနိုးနိုး အထင်ပျိုးကာ ဘုံဘဝကိုတောင်းတပြီးပြုတဲ့ ဒါနကုသိုလ်သည် ဘုံဘဝချမ်းသာကိုတော့ ကျေးဇူးပြုပါတယ်။ ဒါပေမယ့် (၃၁) ဘုံ လုံးက အိုနာသေ မီးလျှံတွေလောင်ကျွမ်းခံနေရတယ်၊ အိုဘေး၊ နာဘေး၊ သေဘေးတွေ နိုပ်စက်ခံနေရတဲ့ ထောင်ကြီး ဖြစ်နေတော့ နတ်ချမ်းသာလို့ ဆိုငြားသော်လည်း မီးလောင်ခံပြီး သေရတာပဲ။ အမျိုးမျိုးဘေးတွေ နိုပ်စက်ခံရပြန်တာပဲဆိုတော့ နေရာပြောင်း၍ အလောင်ခံ၊ ထောင်ပြောင်းပြီး အနိုပ်စက်ခံရုံသာမျှပဲ ဖြစ်၍ ဒါကို မီးကူးခံ အကျိုးပေးလို့ ညွှန်ပြထောက်ပြတာပါ။ ရွှေရည်စိမ် ချမ်းသာတွေနဲ့ပဲ မလှိမ့်တစ်ပတ်ခံရပြီး ဒုက္ခဆင်းရဲနှင့် စခန်းသွားနေရမှာ ဖြစ်ပါတယ်။

မီးဘေးလွတ်က ဘာကြောင့်လဲ ဆိုတော့ သူ့အကျိုးပေးက (၃၁) ဘုံမှ လွတ်ရာ ကျွတ်ရာ၊ အိုဘေး၊ နာဘေး၊ သေဘေးမှလွတ်ရာ၊ အိုမီး၊ နာမီး၊ သေမီးကင်းရာ သို့ ကျေးဇူးပြုနိုင်စွမ်းရှိလို့။ ဗုဒ္ဓမြတ်စွာ ပွင့်ထွန်းပေါ်၍ ရုပ်နာမ်ဓမ္မ သဘာဝ၏ ကြောင်းကျိုးဆက်မှု သဘောစုနှင့် သူ့သဘာဝ အမှန်တရားကို သိကြရတယ်။

ဤအသိဉာဏ်ကို အရင်းခံပြီး ဒါနပြုရာမှာလည်း ဝိပဿနာဘာဝနာဉာဏ်ယှဉ်တွဲပြီး ပြုတတ်တယ်။ ကူတဲ့နေရာမှာလည်း ဝိပဿနာဘာဝနာဉာဏ်ယှဉ်တွဲပြီး ကူတတ်တယ်။

ဒါကိုပဲ ကူတတ်-ယူတတ်တယ်လို့ ခေါ်တာပါ။ ဝိပဿနာဘာဝနာဉာဏ် ယှဉ်တွဲပြီး ကူတတ်-ယူတတ်တော့ မီးဘေးလွတ်တယ်ဆိုတာ ပေါ့သေးသေး ကျေးဇူးများတာမဟုတ်ပါဘူး။

ရှေ့က ဂင်္ဂါဝါလု သဲစုမက ပွင့်ထွန်းပေါ်ကြ ဗုဒ္ဓရှင်တော်မြတ်တို့၏ များလှဝေနေ သာဝကတွေ မီးဘေးလွတ်သွားကြတယ်လေ။ တို့တွေ အခုထိ မီးလောင်ခံနေရတာဖြင့် ဒီအသိဉာဏ်လေးတစ်ချက် ကင်းမဲ့ နေခဲ့လို့သာပ။

ဒါကြောင့်မို့ ဗုဒ္ဓသာသနာ့အလင်းရောင်အောက်မှာ သဘာဝတရားတွေရဲ့ ကြောင်းကျိုးပြုနေမှုသဘောတွေကို ကောင်းစွာ သိမြင်ခွင့်ရခိုက်မှာ မိမိတို့အတွက် မနစ်နာအောင် ကူတတ်-ယူတတ်စေကြောင်း အသိဉာဏ်လောင်း၍ ဤဆောင်းပါးကို မျှဝေရေးသားပါသည်။

ဝင်းမြင့်

Read more...

လာလည်ကြသူများ

ဤဘလော့ဂ်၏ ရည်ရွယ်ချက်

ယခုအခါ ကမ္ဘာတလွှားတွင်ရှိနေကြသော ဓမ္မဘလော့ဂ်ဂါများသည် နေ့ စဉ်နှင့် အမျှ အင်တာနက် စာမျက်နှာများ ပေါ်တွင် ဓမ္မနှင့်သက်ဆိုင်သော အကြောင်းအရာ အမျိုးမျိုးကို ပို့ စ်များရေးတင်လျက် ရှိနေကြပါသည်။

ဘလော့ဂ်ဂါများမှ မိမိတို့ ၏ကိုယ်ပိုင် စာမျက်နှာများမှတဆင့် ရေးတင်နေကြသဖြင့် ဖတ်ရှုလေ့လာသူများအတွက် နေရာများစွာသို့  သွားရောက် ဖတ်ရှုနေကြရပါသည်။

ထို့ ကြောင့် စာဖတ်သူများ အချိန်ကုန်သက်သာစေရန်နှင့် မိမိတို့  ဖတ်ရှုလိုရာကို လွယ်လင့်တကူ ရှာဖွေနိုင်ရန် နေ့ စဉ်ရေးသား နေကြသော အကြောင်းအရာများကို တနေရာတည်းတွင် စုစည်းပေးလိုသော ရည်ရွယ်ချက်ဖြင့် ဤဘလော့ဂ်ကို စီစဉ်လိုက်ခြင်းဖြစ်ပါသည်။

ပြောချင်တာများရှိရင် ရေးပေးထားခဲ့ပါ

မြန်မာပြက္ခဒိန်

မြန်မာပြက္ခဒိန်
www.burmeseclassic.com မှ ကူးယူဖော်ပြပါသည်။

  © Blogger templates The Professional Template by Ourblogtemplates.com 2008

Back to TOP