* သဗ္ဗဒါနံ ဓမ္မဒါနံ ဇိနာတိ၊ * သဗ္ဗရသံ ဓမ္မရသော ဇိနာတိ။

* သဗ္ဗဒါနံ ဓမ္မဒါနံ ဇိနာတိ၊     * သဗ္ဗရသံ ဓမ္မရသော ဇိနာတိ။

နမတ္ထု ဗုဒ္ဓါနံ နမတ္ထု ဗောဓိယာ။ နမော ဝိမုတ္တာနံ၊ နမော ဝိမုတ္တိယာ။

ဘုရားရှင်တို့ အား ရှိခိုးပါ၏။
ဘုရားရှင်တို့ ၏ မဂ်ဥာဏ် ဖိုလ်ဥာဏ်အား ရှိခိုးပါ၏။
ကိလေသာတို့ မှ လွတ်မြောက်တော်မူကြသော ဘုရားရှင်တို့ အား ရှိခိုးပါ၏။
ထိုဘုရားရှင်တို့ ၏ ဝိမုတ္တိငါးပါးအား ရှိခိုးပါ၏။

ကရုဏာလက်များ ကမ်းလင့်ပေးပါ...

ကရုဏာလက်များ ကမ်းလင့်ပေးပါ...
စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။

ပညာရေးအလှူတော် နှိုးဆော်ချက်


ရန်ကုန်မြို့ အသောကာရာမ သီလရှင်စာသင်တိုက်မှ နဝမတန်း ဖြေဆိုမည့် သီလရှင် ဆရာလေးများအတွက် ဆရာ၊ ဆရာမများ လစဉ် ထားပေးနိုင်ရန် ပညာရေးအလှူရှင်များ လိုအပ်နေပါသည်။ ရွှေစေတီ ဘုန်းတော်ကြီးသင်ပညာရေးကျောင်းတွင်လည်း ဆင်းရဲနွမ်းပါးသည့် ၉ တန်းနှင့် ၁၀ တန်း ကျောင်းသားများ ကျောင်းအိပ်ကျောင်းစား နေထိုင်ပညာဆည်းပူးနိုင်ရေးအတွက် ကူညီထောက်ပံ့မည့် ကုသိုလ်ရှင်များ လိုအပ်လျက် ရှိပါသည်။ စေတနာရှင် အလှူရှင်များ အနေဖြင့် ထေရဝါဒ ဗုဒ္ဓဘာသာ လူငယ်များအသင်း http://www.mmtheravada.org ဖုန်း
09-73062811, 09-5505176 သို့ ဆက်သွယ်လှူဒါန်းကြစေလိုပါသည်။

သီလရှင် ဆရာလေးများနှင့် ကလေးများ ဇွန်လအမီ ကျောင်းတက်နိုင်ရေးအတွက် ကာလဒါန ကုသိုလ်အဖြစ် သဒ္ဓါတတ်အား နည်းများမဆို လှူဒါန်းကူညီကြပါရန် နှိုးဆော်အပ်ပါသည်။

ဝိမုတ္တိရသ အဖွဲ့သားများ

------------------------
နောက်ဆက်တွဲသတင်း.....

ပညာရေးအလှူတော်လှူဒါန်းမည့်အစီအစဉ်

ထေရ၀ါဒဗုဒဘာသာ လူငယ်များ အသင်းမှ ဦးစီး၍ (၂၀၁၁) ခုနှစ်တွင် န၀မတန်းသို့ တက်ရောက်မည့် ကျောင်းသား (၂၅) ယောက်နှင့် ကျောင်းသူ (၂၅) ယောက်အား ပညာရေးထောက်ပံ့မှုပြုလုပ်ပေးနိုင်ရန် စီစဉ်ထားပါသည်။

ပြုလုပ်မည့်အစီအစဉ်

ကျောင်းသားများအား ရွှေစေတီဘုန်းကြီးကျောင်း (ဆရာတော် ဦးတေဇန္ဒိ၊ ခ/(၃) ရက်ကွက်၊ ရွှေစေတီကျောင်း၊ မင်္ဂလာဒုံမြို့နယ်) တွင်ထားရှိမည်ဖြစ်ပြီး ကျောင်းသားများသည် မိမိတို့ ဆန္ဒအလျောက် ကိုရင်ဝတ်လိုကလည်း ၀တ်နိုင်ပါသည်။ ကျောင်းသူများအား အသောကာရာမ သီလရှင်စာသင်တိုက် (ဆရာလေးဒေါ်သုနန္ဒာ (ဖုန်း-၀၉-၈၆၂၈၈၁၁)၊ ၀ါယာလက်ဈေးမှတ်တိုင်၊ ရွှေနှင်းဆီရပ်ကွက်၊ မင်္ဂလာဒုံမြို့နယ်) တွင်ထားရှိပါမည်။ အသောကာရာမကျောင်းမှ သီလရှင်များသာလက်ခံသည်ဖြစ်၍ ကျောင်းသူများမှာ သီလရှင်ဝတ်ရပါမည်။ သီလရှင်များတက်ရောက်ရမည့် အ.ထ.က ကျောင်းမှာ အသောကာရာမ ကျောင်းမှလက်ရှိ သီလရှင်များ တက်ရောက်နေသော ကျောင်းဖြစ်၍ ပညာသင်ကြားမှုတွက် အခက်အခဲ မရှိနိုင်ပါ။ စာသင်သူများ စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။ အသေးစိတ်ဆောင်ရွက်မည့် အချက်အလက်များအားလည်း ဆက်လက်ဖော်ပြသွားပါမည်။

လျောက်ထားမည့် သူများ ပြည့်စုံရမည့်အချက်များမှာ

(က) ကျောင်းသူများမှာ သီလရှင်ဝတ်နိုင်ရပါမည်။

(ခ ) မိဘများမှ နေထိုင်ရန်ခွင့် ပြုသူဖြစ်ရပါမည်။

(ဂ ) စာသင်သားများနေထိုင်မည့် ကျောင်းတွင်း စည်းကမ်းများကို တိကျစွာလိုက်နာရပါမည်။

(ဃ) ကျောင်းထားရန် အမှန်တကယ်အခက်အခဲ ရှိနေသူဖြစ်ရပါမည်။

အထက်ပါအချက်အလက်များနှင့် ပြည့်စုံသူများသည် ထေရ၀ါဒဗုဒ္ဓဘာသာလှူငယ်များ အသင်းသို့ ဆက်သွယ်မေးမြန်းနိုင်ပါသည်။ (http://mmtheravada.org)

ဆက်သွယ်ရန်လိပ်စာ

ကိုထွန်းထွန်းလှိုင်

ဖုန်း ၀၉-၇၃၀၆၂၈၁၁

htunhtunhlaing82@gmail.com

winthu.tbyo@gmail.com

thantzin83@gmail.com

Saturday, February 20, 2010

အမ္ဗပါလိထေရီ (အပိုင်း-၂)


အမ္ဗပါလိသည် ပြည့်တန်ဆာမ ဖြစ်ရသော်လည်း နုန့်နဲ့ချူချာ ဥစ္စာနွမ်းမွဲ ဆင်းရဲသော ပြည့်တန်ဆာ မိန်းမ မဟုတ်ချေ။ စည်းစိမ်ကြီးမား ဥစ္စာများ၍ ထင်ရှားကျော်စောသဖြင့် မြတ်စွာဘုရားနှင့်တကွ သံဃာတော် ထောင့်နှစ်ရာ့ငါးဆယ်တို့ကို ဆွမ်းကပ်လှူ လုပ်ကျွေး၍ မိမိပိုင် မြေဖြစ်သော သရက် ဥယျာဉ်ခြံကြီး တစ်ခုလုံးကို ဘုရား အမှူးရှိသော သံဃာတော်တို့အား လှူဒါန်းကာ ကျောင်းတိုက်ကြီး အကြီးအကျယ် ဆောက်လုပ်၍ စွန့်ကြဲ နိုင်သဖြင့် ဝိသာခါကဲ့သို့ပင် ကျောင်းအမကြီး အမည်ထူးကို ရ၏။ များစွာသော အခြွေအရံဖြင့် ပြည့်စုံ၍ ပြည့်တန်ဆာ သူဌေးမကြီး ဖြစ်သည်။

မြတ်စွာဘုရားသည် ဒေသစာရီ ကြွချီတော်မူ၍ ကောဋိဂါမသို့ ရောက်တော်မူသည်ကို အမ္ဗပါလိ ပြည့်တန်ဆာမ ကြားသိလျှင် အလွန်ဆန်းကြယ်သော ရထားတို့ကို ယှဉ်စေ က စေ၍ အခြွေအရံနှင့်တကွ အလွန်ကောင်းမွန်သော ရထားတို့ကိုစီး၍ ဝေသာလီပြည်တွင်းမှ ထွက်လာ၍ မြတ်စွာဘုရားအထံသို့ ရောက်သောအခါ ရိုသေစွာ ရှိခိုး၍ သင့်တင့်ရာ၌ ထိုင်နေပြီးလျှင် တရားတော်ကို နာ၍ ပြီးဆုံးသောအခါ “ဘုန်းတော်နေဝန်း တောက်ထွန်းတော်မူပေသော မြတ်စွာဘုရား၊ နက်ဖြန် အလို့ငှာ ရဟန်းသံဃာတော် အပေါင်းနှင့် တပည့်တော်မအိမ်သို့ ကြွတော်မူပါဘုရား” ဟု ပင့်ဖိတ်၏။

မြတ်စွာဘုရားသည် ဆိတ်ဆိတ်နေ၍ သည်းခံတော်မူ၏။ အမ္ဗပါလိ ပြည့်တန်ဆာမသည် မြတ်စွာဘုရား ဆိတ်ဆိတ်နေ၍ သည်းခံသည်ကို သိလျှင် နေရာမှ ထကာ လက်ယာရစ် သုံးပတ်လှည့်၍ ပြန်လာ၏။ လမ်းခရီး အကြား၌ မြတ်စွာဘုရားထံသို့ ဖူးမြော်ရန် လာကြသော လိစ္ဆဝီမင်းသားတို့နှင့် ဆုံမိလေ၏။

အချို့သော မင်းသားငယ်တို့၏ ရထားများနှင့် မရှောင်သာဘဲ ရထားဝင်ရိုးစွန်းချင်း ချိတ်မိ၏။ ရထားဘီးချင်း တိုက်မိ၏။ ထိုအခါ မင်းသားတို့က သမ္ဗပါလိအား ဆဲရေး ကြိမ်းမောင်းကြ၏။
“ဟယ် မိန်းမယုတ်၊ အဘယ်ကြောင့် မင်းသားတို့၏ ရထားကို တိုက်ခိုက်စေသနည်း”

“အရှင်မင်းသားတို့၊ အကျွန်ုပ်သည် မြတ်စွာဘုရားကို သံဃာတော်အပေါင်းနှင့်တကွ နက်ဖြန်အတွက် ဆွမ်းပင့်ဖိတ်၍ လာရာ အမှုကိစ္စ စီမံရန် လျင်စွာ လာရသောကြောင့် တိုက်မိပါသည်။ သည်းခံတော်မူကြပါ။

ထိုစကားကို ကြားရသော လိစ္ဆဝီမင်းတို့မှာ အမျက်ထွက်ခြင်းကို မေ့လျော့၍ အမ္ဗပါလိအား တောင်းပန်ကြ၏။

“အို အမ္ဗပါလိ၊ နက်ဖြန် တစ်ကြိမ် ဆွမ်းကပ် လှူဒါန်းခွင့်ကို ငွေတစ်သိန်းဖြင့် ရောင်းပါလော့”

“အရှင် မင်းသားတို့၊ ဝေသာလီ တစ်ပြည်လုံးကို ပေးသော်လဲ အကျွန်ုပ်သည် ဤ ဆွမ်းလုပ်ကျွေးခွင့်ကို မရောင်းနိုင်ပါ”

“ငါတို့ ရှုံးပြီဟေ့၊ အမ္ဗပါလိက ငါတို့ထက် ဦးပြီ၊ အောင်နိုင်သွားပြီ”

ဝေသာလီမင်းသားတို့သည် လက်ဖျားခါလျက် လက်ဖျောက်တီးကြ၏။

လိစ္ဆမင်းသားတို့သည် အညို အရွှေ အဖြူ အနီ အထည်ပုဆိုး အမျိုးမျိုးတို့ကို ဝတ်ဆင်လျက် မြတ်စွာဘုရား ထံတော်သို့ ဆက်လက် လာကြသည်။ ယင်းသည်ကို အဝေးမှ မြင်တော်မူသော မြတ်စွာဘုရားသည် ဤသို့ မိန့်တော်မူသည်။

“ချစ်သား ရဟန်းတို့၊ တာဝတိံသာ နတ်ပြည် ပရိသတ်ကို မမြင်ဖူးကြလျှင် ဝေသာလီ လိစ္ဆဝီ မင်းပရိသတ်ကိုသာ ကြည့်ရှုကြကုန်လော့။ တာဝတိံသာ နတ်ပရိသတ်နှင့် အလားတူသော လိစ္ဆဝီ ပရိတ်သတ်ကို ကြည့်ရှုကြကုန်လော့”

“ဘုန်းတော် ခြောက်စုံ ဂုဏ်တော် အနန္တ ကျေးဇူးတော် ကြီးလှသော သဗ္ဗုည မြတ်စွာဘုရား၊ ဆွမ်း အလို့ငှာ တပည့်တော်များ နန်းတော်သို့ သံဃာတော် အပေါင်းနှင့် ကြွတော်မူပါ မြတ်စွာဘုရား”

“အချင်း လိစ္ဆဝီမင်းသားတို့၊ ငါ ဘုရားအား သံဃာတော်နှင့် တကွ အမ္ဗပါလိသည် ပင့်ဖိတ်၍ နက်ဖြန် အလို့ငှာ ငါ ဘုရား သည်းခံတော်မူပြီ”

မြတ်စွာဘုရား၏ မိန့်တော်မူသံကို ကြားရသောအခါ လိစ္ဆဝီမင်းသားတို့သည် “ ငါတို့ ရှုံးလေပြီ၊ အမ္ဗပါလိ နိုင်လေပြီ” ဟု ဆိုကာ လက်ဖျောက် တီးကြ၊ လက်ဖျား ခါကြပြန်လေ၏။ ထိုနောက်တွင် မြတ်စွာဘုရားသည် ကောဋိဂါမရွာမှ ဉာတိကာ အရပ်ရှိ ‘ဂိဉ္ဇကာဝသထ’ အုတ်ကျောင်းတော်သို့ ကြွကာ ထိုညအဖို့ သီတင်းသုံးတော် မူပေ၏။

နံနက်မိုးသောက်သောအခါ အမ္ဗပါလိလည်း ခဲဖွယ် ဘောဇဉ်တို့ကို ကောင်းစွာ ပြုပြင်စီရင်ပြီး၍ မြတ်စွာဘုရားထံသို့ တမန်လွှတ်ကာ ပင့်ဖိတ်စေ၏။ မြတ်စွာဘုရားသည် သံဃာတော် အပေါင်းနှင့်တကွ အမ္ဗပါလိ အိမ်သို့ ကြွကာ ဆွမ်းအနုမောဒနာ ပြုတော်မူသည်။

“ရွှေဘုန်းတော်သခင် အရှင်ဖြစ်တော်မူသော မြတ်စွာဘုရား၊ တပည့်တော်မသည် ဤ သရက် ဥယျာဉ်ခြံကြီးကို ဘုရား အမှူးရှိသော သံဃာတော်အား လှူဒါန်းပါ၏”

အမ္ဗပါလိသည် မိမိပိုင် သရက် ဥယျာဉ်ကို လှူဒါန်းရာ မြတ်စွာဘုရားသည် ‘အမ္ဗဝန’ သရက် ဥယျာဉ် အာရာမ်ကို အလှူခံတော်မူ၏။ ထိုနောက် မဟာဝုန်တော ‘ကူဋာဂါရကျောင်းတော်’ သို့ ကြွတော်မူ၏။

နောက်များမကြာမီပင် အမ္ဗပါလိ ပြည့်တန်ဆာမသည် မြတ်စွာဘုရား၏ ကျောင်းဒါယိကာမကြီး ဖြစ်လာ၍ မိမိသားဖြစ်သော ‘ဝိမလကောဏ္ဍည’ မထေရ်အထံ၌ တရားတော်ကို နာရ၍ တစ်ကုဋေကုန်သော အခြံအရံနှင့် တကွ သာသနာတော်၌ ရဟန်းမိန်းမ ပြုလုပ်၍ ရဟန္တာ ဖြစ်တော်မူလေ၏။

(အမ္ဗပါလိထေရီ အပိုင်း-၃ နိဂုံးအား ဆက်တင်ပါမည်)

Read more...

ပရော်ဖက်ဆာ ပါမောက္ခ ဒေါ်ကုလားမ

အိန္ဒ္ဒ်္ဒိယ မှာ နေရတဲ့ အခိုက်အတန့်  အသွင်မတူတဲ့ ပတ်ဝန်းကျင် အသွင်မတူသော စာရိုတ်ရှိသူတို့ နှင့် နေ့စဉ် ရင်ဆိုင်တွေ့ သမျှသော အကြောင်းအရာများကို ရင်ဖွင့်ရပါမူ ကုန်နိုင်အံ့မထင်ပါ။ မကုန်နိုင်သော အကြောင်းများထဲမှ ပူပူနွေးနွေး မိမိကြုံခဲ့သော အကြောင်းရာတစ်ခုကို တင်ပြပါမည်။ ဖြစ်ပုံကား..

မိမိသည် B.H.U တက္ကသိုလ် ဆရာတစ်ယောက်စီမှာ တစ်ပတ်သုံးရက်လောက် သင်တန်း သွားတက်ရပါတယ်။ မိမိတို့ တက္ကသိုလ်မှ B.H.U တက္ကသိုလ်ကို ကားစီးသွားရင် တစ်နာရီလောက်အချိန်ပေးရတာပါ။ မိမိအတွက်တော့ အကြောင်းအကြောင်းသော အကြောင်းများကြောင့်ပဲ လိုင်းကားစီးပြီး မပြည့်နိုင်သေးသော အိုးတစ်လုံး အတွက် ရသလောက် ရမယ့်နေရာက သွားသွားဖြည့်နေရတာပါ။ လိုင်းကားဆိုပြီး လူများများ ဆန့် တဲ့ လိုင်းကားမျိုးတော့ ကျေးဇူးပြုပြီး သွားပြေးမမြင်လိုက်ပါနဲ့ ။ အိန္ဒိယ လိုင်းကားဆိုတာ လိုင်းကားသမားများမူစတိုင် အတိုင်းဆိုရင် အတင်းလွတ်ရာနေရာ ထိုးတင်မှ အများဆုံး ရှေ့ ဒရိုင်ဘာနဲ့ အတူ နှစ်ယောက် နောက် သုံးယောက် ဒီလောက်ပဲ ဆန့် တာပါ။ တစ်လောက မိမိလည်းဆွမ်း ခပ်မြန်မြန် စားပြီး သင်တန်းမှီစေရန် လိုင်းကားမှတ်တိုင် ရှိရာနေရာလေးသို့  ခပ်သွပ်သွပ် သွားရတော့တာပါ။ ဖြစ်ချင်တော့ အဲဒီနေ့ က လိုင်းကားတွေ ဘာကြောင့်မှန်းတော့ မသိ။ အကုန်ကိုပြည့်နေတော့တာပါ။ စောင့်နေရလို့ လားတော့မသိ။ မိမိစိတ်ထဲ လိုင်းကားစောင့်ရတာ အတော်ကြာသွားတယ် ထင်ရ၏။ ဘာမှမတက်နိုင်ချေပြီ။ အိန္ဒိယမှာနေရင်တော့ စောင့်ပဲ။ ကိုကုလားနဲ့ လုပ်တဲ့ အလုပ်မှန် သမျှ စောင့်သာစောင့်တော့။

တစ်နာရီလောက်ကြာမှ မိမိရှေ့ တော်မှောက်သို့ ရောက်လာသော ကားဒရိုင်ဘာ ကဘယ်လဲ။ ဘယ်သွားမှာလဲ။ မိမိလည်း သွားရမည့်နေရာ မှတ်တိုင်နာမည် ပြောလိုက်တော့ ဒရိုင်ဘာ က နောက်ကတက်ဆိုတော့ နောက်ခန်းထဲ ရရာနေရာ ၀င်ထိုင်လိုက်ရတော့ပါ။ နောက်ခန်းမှာ ပုံမှန်လို သုံးယောက်ထဲ ပါပဲ။ မိမိနဲ့ အတူ ကိုကုလားထီး တစ်ယောက်ရယ် ဒေါ်ကုလားမတစ်ယောက်ရယ် သံသရာ တစ်ကွေ့ တစ်ခဏတာ အတူတကွ ဆုံဖြစ်တော့တာပါ။ ဒေါ်ကုလားမကား နောက်မှတက်လာသော အသွင်မတူ မိမိကိုကား ဂရုစိုက်ကြည့်လေတော့၏။ မိမိ သင်္ကန်း ဘေးအစကား ဒေါ်ကုလားမစီသို့  စပြီး ထိလေတော့၏။ ဒေါ်ကုလားမကား မိမိသင်္ကန်းစ သူ့ ကို မထိစေနဲ့ သဘောမျိုးဖြင့် ပြောတော့တာပါ။ ခတ်ပီ။ အဲဒါမှ အကြီးအကျယ် ခတ်ချေပြီ ။ ဘာအကြောင်းမှန်းလဲ မသိ။ သင်္ကန်းစသူ့ ကို မထိစေနဲ့ တဲ့ ။ မိမိနိုင်ငံ အတွေးလို ငရဲကြီးမှာ ကြောက်လို့  အထိမခံတာမျိုးတော့ ဖြစ်ချေဟန်မတူ။ အခြောက်တိုက်ကြီးကို မိမိကို ပညာပေးနေသည်ဟုသာ စိတ်ထဲမှာ တွေးမိပါတော့၏။ ရတယ် မထိစေရဘူး။ ကိုယ်အမြတ်တနိုး ထားသော မိမိသင်္ကန်းနဲ့ တက်နိုင်သမျှ မထိရရင် ကောင်းတာပေါ့။ ဘယ်လိုပဲဖြစ်ဖြစ်မနာပါဘူး။ တက်နိုင်သလောက် ဒေါ်ကုလားမလည်း ကိုယ့်အတွက်နဲ့ စိတ်မဆင်းရဲအောင် ဘေးကပ်ပေးထားတော့တာပါ။ ဒါပေမယ့် ဒေါ်ကုလားမကနောက်တစ်ခု ပြဿနာ ရှာပြန်လေပြီ။ ဒေါ်ကုလားမ လက်ထဲတွင် ကိုင်လာသော ဟန်းဖုန်းကို စဆက်တော့တာပါ။ ဘာတွေပြောနေလည်းတော့ အကုန်မသိ။ ဘာပဲဖြစ်ဖြစ် မိမိအတွက် သူ့ အသံကို လုံးဝမခံစားနိုင်တော့။ အော်ကြီးဟစ်ကျယ် ဟစ်ဟော့ ဆိုသလို မနားတမ်း ပြောနေတော့တာပါ။ တော်တော်နဲ့ မပီးနိုင် ဘာတွေများ အရေးကြီးနေလည်းတော့ မသိခြင်းနောက်တစ်ခါထပ်တိုးပြီ။ နားတွေလည်း ထူပူလာသည်။ မပူခံနိုင်ရိုးလား။ မိမိအဆောင် အခန်းမှ အခုဒေါ်ကုလားမနဲ့ ထိုင်ရသော အကွားအဝေထက် အဆတစ်ရာခန့် ဝေးသော ကုလားလင်မယား ရန်ဖြစ်နေသောအသံပင်မူ အတော်ဆူညံလေ၏။ ကဲ.. ကြုံတုန်း သည်းခံပေရော..။ မိမိရဲ့ စိတ်အထင် ဆယ့်ငါးမိနစ်လောက် ကြာမှ ဒေါ်ကုလားမ ထိကေ...ထိကေ.. ထိကေ.... ဆိုပီး ဟစ်ဟော့ဆိုတာ ရပ်လေတော့၏။ သို့ သော်... မပြီးနိုင်သေးသော ဒေါ်ကုလားမရဲ့ ပြဿနာ။ ဒီတစ်ခါ မိမိကို တိုက်ရိုက် လာပေးပြန်၏။ အင်္ဂလိပ်လို စပြောတော့တာပါ။ ဘယ်ကလာသလဲ။ ဘယ်မှာနေလဲ။ ပြီးတော့ ဆိုးတာက ဘာမဆိုင် ညာမဆိုင် i m professor တဲ့။ ဟာ.. လုပ်ပီ။ မိမိကား စိတ်ညစ်လွန်းလို့ ဘာမှပြန်မပြော။ ခေါင်းကလည်း အတော်ကိုက်လာလေပြီ။ တစ်ခါမဟုတ်။ နောက်တစ်ခါ i m professor လုပ်လာပြန်သေးသည်။ အမလေးဗျ.. လိုင်းကားဒရိုင်ဘာ မြန်မြန်သာ ရောက်အောင်မောင်းပါတော့....။ ဘုန်းဘုန်းတော့ အခုပြန်လွန်တော် မူလိုက်ချင်နေပြီ။ ကုလားမတော့ ရူးတာတော့ မဟုတ်တန်ရာ။ ဘယ်လို ခတ်မှန်းရမှန်းကို မသိတော့။ အင်္ဂလိပ်စာ သုံးကြောင်းလည်း ဘယ်သူက ပါးစပ်ဆော့ သင်ပေးလိုက်သည် မသိ... မသိ.. မသိ...။ ဒါပဲ ထပ်ခါထပ်ခါ ဟစ်ဟော့ လုပ်ဆိုပြန်လေပြီ။ ကဲ.. သည်းခံဟေ့.....သည်းခံကြဟေ့... ကြုံတုန်းလေးမို့  သည်းခံကြလော့..။

မိမိစိတ်ထဲ သည်းခံစရာ အကြောင်းများ ကြုံလာရင် ရေရွတ်နေကြ ထိုထို စကားများကိုသာ ယောနိသော မနသိကာရရှေးရှု သည်းခံလိုက်ရလေသည်။



လောကမှာ လူရယ်လို့ ဖြစ်လာခိုက် သည်းမခံနိုင်စရာ ကိစ္စများ မည်သူမဆို တွေ့ ရမှာပါ။ တွေ့ လာခဲ့ရင် ကြုံတုန်း ကြုံခိုက် သည်းခံလိုက်ကြမှ အရာအရာအဆင်ပြေမှာပါ။ သည်းမခံနိုင်စရာ ဖြစ်ဖို့ အကြောင်းများကြုံလာလျှင်ကား တစ်စက္ကန့် ၊တစ်မိနစ်၊ တစ်နာရီ ဒါမှမဟုတ် တစ်နေ့ ၊ တစ်လ၊ တစ်နှစ် နောက်ဆုံး တစ်ဘ၀တာလေးမှာ ကြုံတုန်း ကြုံခိုက်ဆိုတဲ့ သဘောလေးလို့ စိတ်ထဲ မှာမှတ်ပြီး သည်းခံလိုက်နိုင်ဖို့ ပါ။ အသေးမွှားလို့ ထင်ရတဲ့ ခြင်ကိုက်တာ၊ ပုရွတ်စိတ်ကိုက်တာလေးကိုတောင်မှ သတ်ဖြတ်တာ၊ ညှင်းပန်းနှိပ်စက် မျိုး မလုပ်ဘဲ မြင့်မြတ်သူတို့ သည်းခံခြင်း မျိုး အဆင့်ထိရောက်အောင် ဖြည်းဖြည်းချင်း ကြိုးစားလုပ်ဆောင်ကြရမှာပါ။ သည်းခံခြင်းသဘောဟာ သည်းခံခြင်း အရသာ မသိသေးသူတွေ အတွက် လူညံ့၊ လူအ၊ လူဖျင်းတွေ အလုပ်လို့ ထင်ရပေမယ့် အရသာသိသူတွေ အတွက်တော့ တကယ့် အရသားအကြီးစားပါ။ သည်းခံတက်ဖို့ အမြဲ တွန်းအားပေးနေမဲ့ ဘုရားရှင် လက်ထက်က အရှင်ပုဏ္ဏ အကြောင်းလေးလည်း နဲနဲ မှတ်သွားပါဦး။

ဘုရားရှင်က သုနာပရ န္တ ဇနပုဒ်ကို သွားမယ့် အရှင်ပုဏ္ဏ္ဏကို တီးခေါက်မေးမြန်းကြည့်တာပါ။ အရှင်ပုဏ္ဏ္ဏ္ဏ္ဏ္ဏ္ဏ္ဏ

သုနာပရန္တ ဇနပုဒ်သားတွေကကြမ်းတမ်းတယ်။ သင့်ကို ဆဲကြရင် ဘယ်လိုလုပ်မလဲတဲ့၊
မြတ်စွာဘုရား တပည့်တော်ကို လက်နဲ့ မရိုက်ကြသေးတဲ့ သုနာပရန္တဇနပုဒ်သားတွေဟာ
တော်ကြပါပေတယ်လို့  နှလုံးသွင်းပမယ်တဲ့။ လက်နဲ့ ရိုက်ကြရင်ရောကွာ၊ လက်နဲ့ရိုက်ကြရင်
ခဲနဲ့ မပေါက်သေးလို့ ဆိုပီး နှလုံးသွင်းမှာပါ။ ခဲနဲ့ ပေါက်ရင်ရော။ ခဲနဲ ပေါက်ရင်တုတ်နဲ့ မရိုက်သေးလို့ 
တော်သေးတာပေါ့ဆို ပီး နှလုံးသွင်းဦးမယ်တဲ့။ တုတ်နဲ့ ရိုက်ရင်တော့ ဓားနဲ့ မခုတ်ကြသေးလို့ တော်ပါပေတယ်။
ဓားနဲ့ ခုတ်ခဲ့ရင်တော့ ကိုယ့်နဲ့ အသက်ကို စက်ဆုပ်လို့ သေချင်သူတွေ အတွက် လက်နဲ့ ရှာရပေမယ့် တပည့်တော်မှာ သူတို့ လို လက်နက်ရှာစရာ မလိုဘဲ ရရှိလို့ အရတော်ပေစွ လို့  နှလုံးသွင်းဦးမှာပါတဲ့။

္ဏ္ဏ္ဏ္ဏ္ဏ
သာဓု..သာဓု..သာဓု ဆိုပြီး မြတ်စွာဘုရားရှင် ကိုယ်တော်မြတ်ကြီး သူ့ ကို ဒီလို သည်းခံမှုနဲ့ သာ ပြည့်စုံရင်နေနိုင်ပါလိမ့်မယ် ဆိုပြီး မှတ်ချက်ချလိုက်တော့တာပါ။ ကဲ... မိတ်ဆွေ သူ့ လို စိတ်ထားမျိုး မရှိသေးတောင်မှ အသေးအဖွဲ ကိစ္စလေးတွမှာတော့ ကြုံတုန်းလေး သည်းခံပေးလိုက်ဖို့ ပါပဲ။အရှင်ပုဏ္ဏလို စိတ်ထားမျိုး နဲနဲ မျှ မှီမှီ လိုက်ဖို့ ကြိုးစားမယ်ဆိုရင်တော့ ပရော်ဖတ်ဆာ ဒေါ်ကုလားမလောက်ကတော့ အသေးအမွှားပါပဲ။
္ဏ္ဏ္ဏ

Read more...

သီတဂူဆရာတော်ကြီး၏ မွေးနေမင်္ဂလာ ဂုဏ်ပြုချီးကျူး ပူဇော်လွှာ။

ဗုဒ္ဓ၏ ထေရ၀ါဒ သာသနာတော် အကျိုးကို စွမ်းစွမ်းတမံ ဆောင်ရွက်တော်မူနေသော ကျေးဇူးတော်ရှင် သီတဂူဆရာတော် အရှင်ဥာဏိဿရ ၏ ၁၃၇၁ခုနှစ် တပေါင်းလပြည့် (၂၇-၂-၂၀၁၀)နေ့တွင် သက်တော်(၇၃)နှစ်ပြည့် ၀ိဇာတ မွေးနေ့မင်္ဂလာ ၌ တပည့်တော် ရိုသေစွာ ရှိခိုး ကန်တော့လျှက် ချီးကျုး ပူဇော်ပါသည် ဘုရား………။

-သူတော်ကောင်း တစ်ယောက် ထွန်းပေါ်ပေါက် သူ့နောက်ဆွယ်ကျုံး၊ တစ်နယ်လုံးသည် ဘုန်းဆင့်လျှောက်၊ အမြင့်ရောက်၏။

-ပုဂ္ဂိုလ်တွက်ရေ၊ ရာကုဋေတွင် ၊ရှာဖွေပတ်နှောက်၊ သဒ္ဓါပေါက်သည်၊ တစ်ယောက် ရဲရဲထွက်နိုင်ခဲ၏။

-ဤ ပုဂ္ဂိုလ်ကား ၊လွန်စွာရှား၏ များပြားနေရာ မဖြစ်ပါဘဲ၊ ဖြစ်လာပြန်မူ၊ ထိုသူဖြစ်ရာ ၊ ရပ်ရွာအမျိုး၊ ချမ်းသာတိုး၏………။

ဟုသော ပညာရှိများ၏ စကားအတိုင်း သီလဂုဏ် ၊ သမာဓိဂုဏ် ၊ ပညာဂုဏ်တို့ဖြင့် ပြည့်စုံတော်မူသော သာသနာတော်အတွက် အားထားကိုးစားရာ ဖြစ်သော ဆရာတော်ဘုရားအား ဂုဏ်ပြုချီးကျူးခွင့်ရတဲ့အတွက် ရွှင်ပြုံးကြည်သာ ပီတိဖြာခဲ့ရပါသည်။ ချီးကျုးဂုဏ်ပြုလွှာ ရေးသားခွင့်ပေးသော အရှင်ကောဝိဒသိရီ (သီတဂူစတား) ပူနေး အရှင်ဘုရားအားလည်း ကျေးဇူးတင်ပါသည်။

ဆရာတော်ကြီး၏ သာသနာပြုလုပ်ငန်းစဉ်များ

အပြည်ပြည်ဆိုင် သီတဂူ ၀ိပဿနာ ကမ္မဋ္ဌာန်းဌာန (စစ်ကိုင်း) SITAGU INTERNATIONAL VIPASSANA ACADEMY (SAGAING) သီတဂူသာသနာပြုအဖွဲ့ကြီး၏ ဦးစီးပဓာနဖြစ်တော်မူသော သီတဂူဆရာတော် ဘုရားကြီးသည်.....

၁။ စစ်ကိုင်းတောင် ရေအလှူတော်စီမံကိန်း
၂။ သီတဂူအာယုဒါန ဆေးရုံတော်
၃။ သီတဂူကမ္ဘာ့ဗုဒ္ဓတက္ကသိုလ် (စစ်ကိုင်း)နှင့်
၎။ သီတဂူ ဗုဒ္ဓတက္ကသိုလ် (ရန်ကုန်)
၅။ သီတဂူ ဗုဒ္ဓတက္ကသိုလ် (မန္တလေး)
၆။ နာဂစ်အလှူတော်များနှင့် စာသင်ကျောင်း၊ ဆေးရုံအလှူတော်များ နှင့်
၇။ သီတဂူဗုဒ္ဓ၀ိဟာရ (အမေရိက) အစရှိသော ပရဟိတ စီမံကိန်းကြီးများကို ပြည်တွင်း ပြည်ပ အလှူရှင်များ၏ ထောက်ပံ့လှူဒါန်းမှုဖြင့် အောင်မြင်စွာ တည်ထောင်နိုင်ခဲ့ပြီ။ စစ်ကိုင်းတောင်သည် သမိုင်းအစဉ်အလာအရ ပရိယတ္တိ ပဋိပတ္တိ ပဋိဝေဓသာသနာ ထွန်းကားခဲ့ရာနေရာဖြစ်ပါသည်။ ယခုအခါ ထိုမြေမြတ်မဟာဝယ် အပြည်ပြည်ဆိုင်ရာ သီတဂူ ၀ိပဿနာကမ္မဋ္ဌာန်းဌာနကြီးကို အကောင်အထည် ဖော်နေပြီ ဖြစ်ကြောင်း သိရပါတယ်။

ဆရာတော်ကြီး၏ တရားများနှင့် ဆုံးမ သြ၀ါဒများ

ဆရာတော်ကြီး၏ တရားများနှင့် ဆုံးမ သြ၀ါဒများကို စတင်နာကြားခဲ့ရတာက တော့ အတွင်းမီးအပြင်မီး တရားတော် ဖြစ်ပါတယ်။ ဒုတိယအကြိမ်နာကြားခဲ့ရတာကတော့ ၃၈ဖြာမင်္ဂလာနှင့် ပတ်သက်တဲ့ တရားခွေဖြစ်ပါတယ်။ ၃၈ဖြာမင်္ဂလာ နဲ့ပတ်သက်ပြီး ဆရာတော်ကြီးဟောကြားထားတာ ၉၆ခွေရှိပါတယ်။ နားကြားနိုင်အောင် သတင်းကောင်းပါးတာပါ။ နာကြားခဲ့ရသမျှထဲမှ အလျဉ်းသင့်တုန်း ပြန်လည်ဖြန့် ဝေရရင်ဖြင့်….

အတ္တသမ္မာပဏိဓိစ မင်္ဂလာနဲ့ ပတ်သက်လို့ ဟောကြားရာမှာ- မစ္ဆရိယ တရားနဲ့ ပတ်သက်ပြီး အသေးစိတ်ရှင်းထားပါတယ်။ နေ့စဉ်လူမှုဘ၀ အထွေထွေမှာ ရှင်သန်နေရစဉ် လူအမျိုးမျိုးအဖုံး တွေ့ကြုံဆက်ဆံနေရ တဲ့ ကျမတို့အဖို့ အလွန်တန်ဖိုးရှိတဲ့ အဆုံးအမတွေပါ။

မစ္ဆရိယတရား ၅ပါး ရှိပါတယ်။
အာဝါသ မစ္ဆရိယ - နေရာထိုင်ခင်းကို ၀န်တိုခြင်း။
လာဘ်မစ္ဆရိယ - အစားအသောက်၊ အ၀တ်အထည်၊ ပစ္စည်း ဥစ္စာကို ၀န်တိုခြင်း။
ဝဏ္ဏ မစ္ဆရိယ - ရုပ်ဆင်းနဲ့ ကျော်စောသတင်းကို ၀န်တိုခြင်း။
ဓမ္မမစ္ဆရိယ - အသိပညာကို ၀န်တိုခြင်း။

ဝန်တိုခြင်း ၅မျိုးကြောင့်ရလာမယ့် ဆိုးကျိုးတွေကလည်း အလွန်ဆိုးဝါးပါတယ်။ နေစရာ ထိုင်စရာမရှိ၊ စားစရာ ၀တ်စရာရှားပါးပြီး၊ အခြွေအရံနဲသူတွေဟာ မစ္ဆရိယစိတ်နဲ့ အဲဒီစိတ်ကြောင့်မှားမိတဲ့ အမှားများရဲ့ ဆိုးကျိုးတွေဖြစ်ပါတယ်။

ဆရာတော်ဘုရားက ထို မစ္ဆရိယစိတ်ကို ပယ်သတ်နိုင်ဖို့ကိုလည်း နည်းလမ်းများ ပေးထားပါတယ်။ စာဂ ဆိုတဲ့ စွန့်ကြဲပေးကမ်းလ စိတ်၊ လှူဒါန်းပေးကမ်းလိုသော စိတ်ကို မွေးမြူရမယ်။ အမှားကိုပယ်ပြီး အမှန်ကို ဆောင်ရွက်နိုင်ဖို့ရာ မိမ်ိကိုယ်ကိုယ် ဆောက်တည်တဲ့စိတ် မွေးမြူ ပေးရမယ်လို့ ဆိုပါတယ်။

မိမိကိုယ်ကို ဆောက်တည်နိုင်ဖို့ရာ သင့်တင့်လျောက်ပတ်သော ဒေသမှာ နေရပါ့မယ်။ ပညာရှိသူတော်ကောင်းများကို ဆည်းကပ်ရပါ့မယ်။ ပညာရှိသူတော်ကောင်းများရဲ့ ဟောပြောဆုံးမ မှုများကို နာယူမှတ်သား ကျင့်ကြံရပါမယ်။

အဲသည်လို ကျင့်ကြံဖို့ ကတော့ မိမိကိုယ်ကို သတိနဲ့ထိန်းပြီး ဆောင်ရွက်နိုင်မှ ဖြစ်နိုင်ပါ့မယ်။ ကိုယ် နှုတ် စိတ် ၃ ပါးစလုံးကို ကောင်းစွာ ဆောက်တည်ထားပြီး သီလ၊ သမာဓိ၊ ပညာ၊ စာဂ စတဲ့ ကုသိုလ်မှုများနဲ့ ပြည့်ဝအောင်ကြိုးစားရမယ်။ အဲဒီလိုကြိုးစားခြင်းအားဖြင့် အင်မတန် ကြောက်စရာကောင်းတဲ့ မစ္ဆရိယစိတ်ထား များ မပေါ်ပေါက်အောင် တားဆီးနိုင်မယ် ဖြစ်တယ် လို့ ဟောကြားထားပါတယ်။

လူ့ဘ၀ဆိုတာ ရခဲဘိခြင်း လို့ဆိုပေမယ့် လူဖြစ်ရုံလောက်သာ ဖြစ်ပြီး လူ့ဘ၀ဟာ ဒုက္ခဘုံပါပဲလို့ သိရုံလောက်သိ ပြီး ကုသိုလ်၊ အကုသိုလ် မှန်းမသိ သေဆုံးကြရင် သံသရာ ကြောမှာ မျောနေတတ်တဲ့ သူတွေကိုလည်း တွေ့ကြရတာပဲ။ ကိုယ်လည်း အသိတရားလက်ကိုင်မထား ရင် အဲဒီလူတွေထဲက လူတစ်ယောက်ဖြစ်သွားမှာပါဘဲ။ အဲဒီလို အမှာကြီးမှား သတိလက်လွတ် မကြုံရအောင် မိမိကိုယ်ကို ကောင်းစွာ ဆောက်တည်ရပါမယ်။

ဆရာတော်ကြီး၏ အလွန်ပြည့်စုံစွာ ဟောပြောဆုံးမ ၊နည်းပြမှုများ အတိုင်း ကျင့်ကြံအားထုတ်ကာ မိမိတို့ မကောင်းတဲ့ အတွေးအကြံနဲ့ အကျင့်များဖြစ်ပေါ်တော့မယ် ဆိုရင် သတိထားနိုင်ပြီး ရှောင်ကြဉ်နိုင်ကြမယ်ဖြစ်ပါတယ်။

သူတော်ဆည်းကပ် ၊မြတ်တရားနာ
လွန်စွာအားထုတ်၊ နာမ်နှင့် ရုပ်ကို
ဖြစ်ချုပ် ဥာဏ်မြင်၊ ဤငါးအင်
မှန်ပင်မဂ်ရကြောင်း။

သူတော်ကောင်းတို့၏ ရနံ့သည် ပိတ်ပင်တားဆီး၍မရ အရပ်ဆယ်မျက်နှာလုံး ရနံ့လှိုင်၏ အရောင်အပြည့် သာနေသော လမင်းသည် ကောင်းကင်၌ တင့်တယ်သကဲ့သို့ သာသနာ အင်ကြင်းတော၌ ဆရာတော် အရှင်မြတ်၏ ဘုန်းကျက်သရေတို့သည် ထွန်းလင်းတောက်ပ လျှက်ရှိ၏။

ဘုန်းကျက်သရေဆိုသည်မှာ- အသိပညာ အရင်းခံ၍ လုံ့လကြီးစွာဖြင့် ကောင်းကျိုးရအောင် ဆောင်ရွက် နေသူ၏ နောက်သို့သာ အရိပ်ပမာ ထပ်ကြပ်မကွာ လိုက်ပါနေမြဲဖြစ်သည်။

ပူဇော်ထိုက်သူများကို ပူဇော်ခြင်းသည် ကောင်းမြတ်သော မင်္ဂလာမည်ပါ၏ ဟူသော တရားတော်နှင့် အညီ အရိုအသေ အလေးအမြတ်ပြု၍ ပူဇော်ထိုက်သူ မှီဝဲ ဆည်းကပ်ထိုက်သူ ……… အရှင်သူမြတ်အား ကြည်ညို သဒ္ဓါပွားများစွာဖြင့် ပူဇော်ကန်တော့လိုက်ပါသည် ဘုရား…။

ညခင်း


Links to this post

Read more...

“ရွှေကူမဲကို ရှမ်းပြည်နယ်က မှတ်ပါလို့”

မိမိ၏ အသိဒါယိကာမသည် အရာရှိတစ်ယောက်ဖြစ်သည်အားလျှော်စွာ မန္တလေးရုံးကို မကြာခဏဆိုသလို အ လုပ်ကိစ္စအတွက် သင်တန်းသွားရောက်၍ ပို့ချရသည်။ သူမသည် မိုးကောင်းကင်ကားနှင့် ခရီးထွက်ခဲ့လေ သည်။မိုးကောင်းကင်အမြန်ယာဉ်သည် မြင်းခြံအထိရောက်သည့်ကားဖြစ်သည်။ သည်တစ်ခေါက်တွင် သူမသည် တစ်ယောက်တည်း ခရီးသွားရသည် ဖြစ်သည့်အတွက် တစ်ညလုံးလည်း မအိပ်ဖြစ်ခဲ့ပါ။ မိုးလင်းခါနီး မနက်လေး နာရီကျော်မှ အိပ်ပျော်သွားတော့ သည်။ နိုးလာသည့်အခါ ဘယ်ရောက်ပြီလဲကြည့်လိုက်စဉ် လမ်းက ဆိုင်းဘုတ် တစ်ခု ဖတ်လိုက်မိသည်။ ကူမဲဟူ ၍ တွေ့လိုက်ရသည်။ သူမသည် ပထမခရီးသွားစဉ်က ရုံးက မိတ်ဆွေများနှင့် အတူတကွ သွားခဲ့သည့်အတွက်ကြောင့် လမ်းခရီးမှာ ဘယ်အရာကိုမျှ သတိမထားမိ၊မကြည့်မိခဲ့။ အဲဒီအချိန်က ရထားနှင့် ခရီးသွားခဲ့ခြင်း ဖြစ်သည်။ ယခုတစ်ခေါက် အဖေါ်မပါ သူမတစ်ယောက်တည်းဖြစ်သည့်အတွက် အရာ ရာကို ဂရုတစိုက်ကြည့်မိခဲ့သည်။ သို့ဖြစ်၍ ကူမဲမြို့ရောက်လာသည်ကိုသိလိုက်ရသည်။ ထိုသို့သိလိုက်ရ သောအခါ
“မြတ်စွာဘုရား ဘယ်များရောက်သွားပါလိမ့်၊ အမလေး အချိန်မီ မရောက်ရင်တော့ ဒုက္ခဘဲ၊ သင်တန်းအချိန်က သတ်မှတ်ပြီးသား၊ အားလုံးကမောက်ကမတွေ ဖြစ်ကုန်တော့မှာဘဲ၊ ဒီတစ်ခါရပ်လို့ကတော့ ဆင်းပြီး ရရာကားနဲ့ မန္တလေး ပြန်ရမှာဘဲ၊ မဖြစ်ဘူးဆိုပြီး ” ဆုံးဖြတ်ချက်ပင် ချက်ထားလေသည်။
သူမဟာ ရင်တွေ တဒိတ်ဒိတ်ခုန်လို့ပေါ့။ ဇောချွေးများပင် ပြန်လာတော့သည်။ ကားကလဲ ယခုအခါမှပင် တော် တော်လေး အရှိန်နှင့် သွားနေပါသည်။ သူမသွားလိုသော မန္တလေးခရီးသည်ကား တော်တော်ပင် လွန်ခဲ့ပြီးဟု ကောက် ချက်ချလိုက်မိသည်။
“ဒီတစ်ခါ ကားရပ်လို့ကတော့ ဆင်းမှဖြစ်မယ်”ဟု အဆင်သင့်ပြင်ထားလိုက်သည်။ ထို့သိုပြင်ထားစဉ် ခရီးသည် တစ်ဦးမှလည်း ဆင်းရန်အတွက် ပြင်ဆင်နေသည်။ ခေတ္တခဏကြာသည့်အခါ သူက အောင်မြင်ခန့်ငြားသည့် အသံနှင့်
“ကျောက်ဆည်ပါတယ်နော် ဆရာရေ”တဲ့။ ထိုအခါကျမှ
“ကူမဲဆိုတာ ကျောက်ဆည်မရောက်ခင် ကူမဲမြို့ကိုး”လို့ သိလိုက်ရတယ်။ ထိုအခါမှ သူမ၏ ရင်ထဲမှာ ကြိတ်မနိုင် ခဲမရဖြစ်နေတဲ့ အပူလုံးကြီးသည်လည်း “ဒုန်းကနဲ”ဆို ကျသွားပါတော့သည်။
သူမသည်ကား ကူမဲမြို့ ကျောက်မဲမြို့တို့ကို ရှမ်းပြည်မြောက်ပိုင်းတွင် တည်ရှိသည်ဟု ထင်မှတ်ခဲ့လေသည်။
အကယ်စင်စစ် မိမိ၏ ဇာတိမြေဖြစ်သော ရွှေကူမဲသည်ကား မန္တလေးတိုင်း ကျောက်ဆည်ခရိုင် မြစ်သားမြို့နယ် အတွင်းဝယ် တည်ရှိသော သာယာသော မြို့ကလေးတစ်မြို့ပင် ဖြစ်ပါပေ၏၊ ကျောက်မဲမြို့သည်ကား ရှမ်းပြည်
မြောက်ပိုင်းတွင် တည်ရှိသည်မှာ မှန်ပါပေ၏။
“အော် ဒီလောက်နာမည်ကြီးသော မြို့ကလေးကိုမှ မသိရကောင်းလား” ဟု
ညည်းချင်းသာထုတ်လိုက်ချင်ပါတော့သည်။
(ဤပုံပြင်ကို မိမိ၏ အသိဒကာမ(ခရစ်စ်တယ်)မှ ပေးပို့သဖြင့် တည်းဖြတ်ကာ တင်ပြလိုက်ရပေသည်။ သူမ၏ ကိုယ်တွေ့အဖြစ်အပျက်ပါပေတည်း၊)

မဲပါသော မြို့များနှင့် ပတ်သက်၍ အနည်းငယ်တင်ပြပါရစေအုံး၊ မိမိသည် ကုက္ကုစုဆရာတော် ဦးနန္ဒသာမိ, မိမိ၏ ဆရာ, ဦးတေဇသာမိနှင့်အတူ ကျောက်ပန်းတောင်မြို့နယ် တောင်ဦးရွာသို့ ခရီးသွားခဲ့သည်။ မိမိတို့စီးလာ သော ကားသည် မိတ္ထီလာမြို့အ၀င် ဆိုင်တစ်ဆိုင်မှာ ခေတ္တခဏရပ်နားသည်။ ထိုသို့ရပ်နားစဉ် မိမိတို့သည် ကားပေါ်မှာ ဆင်းကား အောက်၌ လမ်းလျှောက်နေလေသည်။ ထိုစဉ် မိမိ၏ ဆရာတော်များသည် သူတို့၏ ငယ်သူငယ်ချင်း နှင့် သွားရောက်ဆုံနေလေသည်။ မတွေ့သည်မှာလည်း အတော်ကြာပြီး ဖြစ်ချေ၏။ သို့ဖြစ်၍ မိမိ၏ ဆရာသမားများက
“ဟ ကောင်ကြီးဘယ်နေလဲဟ” ဟု တရင်းတနှီးမေးလေသည်။ ထိုအခါ မိမိဆရာတော်များ၏ သူငယ်ချင်းက လည်း
“ငါ ဧရာဝတီတိုင်း အိမ်မဲမြို့မှာ ကျောင်းထိုင်နေတယ်ကွ”ဟု ဖြေကြားလေ၏။ အိမ်မဲဆရာတော်ကလဲ
“ဟ မင်းတို့ကကော ဘယ်မှာ ကျောင်းထိုင်နေကြသလဲ”ဟု မေးလေသည်။ ဤတွင် မိမိဆရာတော်များက “ဒို့ကတော့ ကူမဲမှာ ကျောင်းထိုင်နေတယ်”ဟု ဖြေကြားလေသည်။ ထို့နောက် ဆရာတော် ဦးနန္ဒသာမိက
“မဲနှစ်မဲမှာ ကျောင်းထိုင်တဲ့ ကိုယ်တော်တွေတော့ တွေ့ကြပြီး၊ ကျောက်မဲဘဲ ကျန်တော့တယ်ဟေ၊ မဲပါတဲ့ မြို့တွေ မှာ ကျောင်းထိုင်တဲ့ ကိုယ်တော်တွေဟာ ဒကာတွေကို ကြောက်ရတယ် ပြောတယ်၊ မင်းကောဒကာ တွေကို ကြောက်ရသလား”ဟူ၍ မေးသောအခါ အိမ်မဲမြို့တွင် ကျောင်းထိုင်နေသော ဆရာတော်က
“မှန်တယ် မောင်နန္ဒရေ၊ ငါလဲ ဒကာတွေကို ကြောက်နေရတာဘဲ၊ ဒါနဲ့မင်းတို့ကကော မကြောက်ရဘူးလား”ဟု မေးလေသည်။ ဤတွင် မိမိဆရာတော်များက
“ဘာထူးမှာလဲကွ၊ ငါတို့လဲ မဲပါတဲ့ ကူမဲမြို့မှာ ထိုင်နေတော့ ဒကာကို ကြောက်ရတာပေါ့ကွ”ဟု သံပြိုင်ဖြေကြလေ သည်။ ဘေးမှ နားထောင်နေသော မိမိသည်ကား ဆရာတော်များ၏ မဲသုံးမဲအကြောင်း အကြိတ်အနယ်ဆွေးနွေး နေကြသည်ကို ကြားကား
“ဒို့များရဲ့ မဲပါတဲ့ ကူမဲမြို့ကလဲ အဲဒီလောက်တောင် အစွမ်းထက်ပါလား”ဟု ၀မ်းထဲတွင် ကြိတ်ကာ ပြုံးနေမိပါ တော့သည်။

Read more...

အတု ဂိုဒေါင်...

အတု ဂိုဒေါင်...



Read more...

မျက်မှန်တလက် တဆဲ့သုံးကျပ်

အသက်လေးဆယ်ကျော်လာပြီ။ ဇရာ-နယ်သို့ ခြေတဖက်လှမ်းနေပြီကို ကျွန်မသတိထားမိပါသည်။ ဆံပင်ဖြူက တပင်စ နှစ်ပင်စ၊ မျက်စိက မှုန်ဝေစပြုနေပြီ။
မျက်မှန်လုပ်ရတော့မည်။

ဘားလမ်းရှိ မျက်မှန်ဆိုင်တဆိုင်သို့ ရောက်သွားပါသည်။ မျက်မှန်ကော်ကိုင်းတလက် ၀ယ်ခဲ့သည်။ ၁၃-ကျပ် ပေးခဲ့ရသည်။ လွန်ခဲ့သော အနှစ်နှစ်ဆယ်ကျော်က ဖြစ်ပါသည်။

ကျွန်မဘ၀တွင် မျက်မှန်နှင့်ပတ်သက်၍ ဤမျှသာ ကုန်ဖူးပါသည်။ ဒီဂရီတိုး၍ မျက်မှန်ကွဲ၍၊ ပျောက်၍ နောက်ဆုံးပေါ် ကိုင်းအလှလေးများကို တပ်လို၍ ထပ်မံဝယ်ရခြင်းလည်း မရှိခဲ့ပါ။ ကိုင်းကျိုး၍ နှစ်ခါမျှ လဲဖူးပါသည်။

လူ့ဘ၀တွင် အကျိုးနှင့်အကြောင်း၊ ကုသိုလ်နှင့် အကုသိုလ် အမြဲဆက်စပ်နေပါသည်။ တနည်းပြောရလျှင် ကောင်းမှုဆိုသော အကြောင်းကြောင့် ကောင်းကျိုးကိုရစေသည်။ အကုသိုလ်ကံသည် တူသောအကျိုးကို ပေးပြန်ပါသည်။

ကျွန်မတွင် မျက်စိနှင့် ပတ်သက်သော ကုသိုလ် ရှိခဲ့ဖူးပါသည်။ သမီး ကြည်သာ သုံးလသမီးအရွယ်က ဖြစ်သည်။ ကျောင်းမှ အိမ်သို့အပြန် ဗန္ဓုလ ပန်းခြံဘေးတွင် သူတောင်းစား သားအမိနှစ်ယောက်ကို တွေ့ရသည်။ သူတို့အထဲမှ သုံးနှစ်သား အရွယ် သားလေးမှာ မျက်စိနာနေသည်။

ကျွန်မလည်း စာနာစိတ်၊ သနားကရုဏာစိတ်ဖြင့် လမ်းမအလယ်တွင် ရှက်ရွံ့စိတ်ပင် မရှိနိုင်။ အင်္ကျီလှန်၍ သူတို့ခွက်ထဲသို့ နို့ညှစ်ပေးခဲ့သည်။ နို့ရည်ခပ်လျှင် မျက်စိနာပျောက်သည်မှာ ကိုယ်တွေ့ဖြစ်သည်။
ကျွန်မကဲ့သို့ပင် အိန္ဒိယအမျိုးသမီးကြီးတဦးကလည်း နို့ညှစ်ပေးခဲ့ပါသည်။

ကလေးငယ်၏မျက်စိနာ ပျောက်စေလိုသော စေတနာသည် ရောင်ပြန်ဟပ်ခဲ့သည်။ ကျွန်မမျက်စိတို့မှာ ယခုအသက်အရွယ်ကြီးသည့်တိုင် အထူးကြည်လင်ကောင်းမွန်လျက် ရှိပါသည်။

( မြတ်မျိုးမြင့်)
(မြတ်မင်္ဂလာ ၂၀၀၄-ခု ဇွန်လ)

Read more...

တေးဘုမ္မာ (ရေး၊ဆို- ဆရာကြီးဦးသုခ)


ရေး၊ဆို- ဆရာကြီးဦးသုခ
ဘ၀သံသရာ ရှည်လျားထွေပြား မနေမနား တသွားတည်း သွားကြတာ . . . ။
ခရီးပန်းတိုင် မရောက်မချင်း တစ်ယောက်ဆင်း တစ်ယောက်တက် ဆက်လက်ထွက်ခွါလာ.. ။လောဘရယ် ဒေါသရယ် မောဟရယ် အ၀ိဇ္ဇာ ပစ္စယာ သင်္ခါရာ၊ ပျော်လိုက် ရွှင်လိုက်၊ငိုကာ ရယ်ကာ ဘယ်ဟာ မတည်မြဲ ဖောက်လွဲ ဖောက်ပြန် အကြောင်းကံ ကမ္မဿကာ . .။
ဩော် . . . လောဘရယ် ဒေါသရယ် မောဟရယ် အ၀ိဇ္ဇာ ပစ္စယာ သင်္ခါရာ . . . တဲ့ ၊ ပျော်လိုက် ရွှင်လိုက်၊ ငိုကာ ရယ်ကာ ဘယ်ဟာ မတည်မြဲ ဖောက်လွဲ ဖောက်ပြန်
အကြောင်းကံ ကမ္မဿကာ . . . ။
တွေ့ကြုံ.. ဆုံကွဲ.. ခရီးတည်း.. ၀မ်းနည်း.. ၀မ်းသာ.. ၀ိပ္ပလ္လာ။
ဖြစ်ချင်တာလဲ မဖြစ်ရပါ၊ မဖြစ်ချင်တာလဲ ဖြစ်ရမှာ . . . ။
ဩော် . . . ဖြစ်ချင်တာတွေလဲ မဖြစ်ရပါ၊ မဖြစ်ချင်တာတွေလဲ ဖြစ်ရမှာ . . .။
ဟင်း . . . သုံးဆယ့်တစ်ဘုံ ၀ဋ်အတွင်းရောက်တော့ ကရွတ်ကင်းလျှောက်တဲ့…..
တေးဘုမ္မာ . . . အဲဒါ.. အဲဒါ.. အဲဒါ.. ဘ၀သံသရာ။
ဘ၀သံသရာ ရှည်လျားထွေပြား မနေမနား တသွားတည်း သွားကြတာ . . . ။
“ ဘ၀ဆိုတာ သတ္တ၀ါတစ်ခုရဲ့ ဇာတိက(မွေးဖွားခြင်း)အစ မရဏ(သေဆုံးခြင်း)အအထိ
အဲဒီကာလလေးလို့ သိကြရပါတယ်။ အဲဒီ ဘ၀ဟာ တစ်ဘ၀ထဲနဲ့ ပြီးသွားကြမလား ?
ဘ၀ပေါင်းများစွာ ရွေ့လျာနေရတဲ့အတွက် သံသရာရယ်လို့ ဘုရားဟောတော်မူခဲ့ပါတယ်။

အဲသလို ဘ၀သံသရာမှာ ဒီဘ၀ ဒီခန္ဓာ ဒီရုပ်၊ ဟိုဘ၀ ဟိုခန္ဓာ ဟိုရုပ်၊ ဗြဟ္မာပြည် တ၀င်းဝင်း ၀က်စားကျင်း တရှုတ်ရှုတ် ကမ္မဆိုတဲ့ စက်ခလုပ်ကြောင့် အရုပ်များ လှမ်းသလို လှမ်းနေကြရတာက . . .
(ခရီပန်းတိုင် မရောက်မချင်း တစ်ယောက်ဆင်း တစ်ယောက်တက် ဆက်လက်ထွက်ခွါလာ ။

အဲသလို သံသရာ မဆုံးမချင်း သွားကြရတာက ဘယ်သူတွေရဲ့ ပယောဂပါလဲ?
စဉ်းစားကြည့်လိုက်တော့ . . .
(ဩော် . . . လောဘရယ် ဒေါသရယ် မောဟရယ် အ၀ိဇ္ဇာ ပစ္စယာ သင်္ခါရာ . တဲ့ . . . ။ )

အရင်းစစ်လိုက်တော့ အ၀ိဇ္ဇာ ပစ္စယာ သင်္ခါရာ ဆိုတဲ့အတိုင်း စုံလုံးကန်းတဲ့ အ၀ိဇ္ဖာကြောင့် သင်္ခါရဆိုတဲ့ ပြုပြင်တာတွေ စီမံတာတွေ ခံနေကြရတာပါပဲ။ ဒါကို ဘ၀တိုင်း၊ ဘ၀တိုင်း ကောင်းတာလေးတွေ့တော့ ပျော်လိုက်ကြ၊ မြူးစရာလေးတွေ့ တော့ ရွှင်လိုက်ကြ ၊ ဒုက္ခဆင်းရဲတွေ့တော့ ငိုလိုက်ကြ၊ ကိုယ်လိုချင်တာလေး ရတော့ ရယ်လိုက်ကြ၊ ဒါပေမဲ့ ဘယ်ဟာမှ မမြဲကြပါဘူး။

တွေ့တယ် ကြုံတယ် ဆုံတယ် ကွဲတယ် ၀မ်းနဲဝမ်းသာ ၀ိပ္ပလ္လာသတရားတွေမို့
ဖြစ်ချင်တာလဲ ဖြစ်ချင်မှ ဖြစ်ကြမယ်။ မဖြစ်ချင်ပါဘူးဆိုလဲ မဖြစ်မနေ ဖြစ်ကြရမယ် ။

အဲဒီလို တေးဘုမ္မက ၀ဋ်ဒုက္ခဆိုတဲ့ ၃၁-ဘုံက လွတ်ကင်းအောင်လို့ ဇွတ်အတင်းထွက်နိုင်ကြဖို့ကလဲ သန်းခေါင်လကွယ် တောအုပ်ကျယ် လမ်းမှားနေကြတဲ့ ခရီးသွားများသဖွယ် ကရွတ်ပေါ် ကင်းများ လျှောက်သလို ၀ိုင်းကြီးပတ်လဲ ဘ၀မဆုံးဘဲနဲ့ ဒုက္ခတုံးကြီး ရင်ဝယ်ပိုက်နေကြရတဲ့အတွက် ဒုက္ခသစ္စာ၊ သမုဒယသစ္စာ၊ နိရောဓသစ္စာ၊ မဂ္ဂသစ္စာတွေ ရင်ဝယ်ပိုက်နိုင်အောင် ကြိုစားကြဖို့ ။
သုံးဆယ့်တစ်ဘုံ ၀ဋ်အတွင်းရောက်တော့ ကရွတ်ကင်းလျှောက်တဲ့ တေးဘုမ္မာ . .
အဲဒါ.. အဲဒါ.. အဲဒါ.. ဘ၀သံသရာ

Read more...

ဓမ္မဥပဒေသများ


တရားမှန်သမျှ သစ္စာတရားက လွတ်တာမရှိဘူး(စတုသစ္စ ၀ိနိမုတ္တော ဓမ္မော နာမ နတ္ထိ)၊ ၀ိနည်းဒေသနာတော်ကို လေးစားလိုက်နာခြင်းဖြင့် ကိုယ့်ရဲ့ဖြူစင်တဲ့ သီလကို ပြန်လည်ဆင်ခြင်ရင်း တရားထူး အသိဥာဏ်ထူးရနိုင်တယ်၊ ၀ိနည်းတရားဟာလဲ သစ္စာတရားပါ၊ ၀ိနည်းဟာ ပညတ်သက်သက် မဟုတ်ဘဲ ပရမတ်သဘောတရားတွေ ပါနေတာကို သတိထားသင့်ပါတယ်၊

ပိဋကတ်သုံးပုံဆိုတာ ဘုရားရှင်ဟောထားတဲ့ ပရမတ်သဘောတရားတွေကို အက္ခရာတွေအဖြစ် ပြောင်းလဲမှတ်တမ်း တင်ထားခြင်းမဟုတ်လား၊ စာအတိုင်းပြောပြလို့ စာပေနဲ့ညှိလို့ ဆုပ်ကိုင်ထားတယ်ထင်ရင် ဆရာမကူ သယမ္ဘူဥာဏ်ပိုင်ရှင် ဖြစ်လိမ့်မယ်၊

အသိဥာဏ်ထူးရသွားတဲ့ လောကအပေါ်ဓမ္မသဘာဝအတိုင်း ကြည့်နိုင်တဲ့ အရိယာ သာဝကတစ်ယောက်ဟာ ဘုရားအပေါ်မှာ ယုံကြည်မှုပြည့်ဝသွားပါပြီ၊ ဘုရားကို ယုံကြည်ရင် ဘုရားဟောတဲ့ တရားကိုလဲ ယုံကြည်လက်ခံပါပြီ၊ ဘုရားဟောတာကို လက်ခံနိုင်ရင် ဘုရားဟောတဲ့ ပိဋကတ်သုံးပုံဆိုတာကိုလဲ လက်ခံနိုင်တဲ့ အဆင့် ပြည့်ပြည့် ၀၀ ရှိသွားပြီလို့ ဆိုနိုင်တယ်။

နိဝေသကသုတ္တန်မှာ ဘုရားရှင် ဟောပြထားတာကတော့ ဓာတ်ကြီးလေးပါးရဲ့ ဖောက်ပြန်ပြောင်းလဲမှု ရှိချင်တော့ရှိမယ်။ ဒါပေမယ့် ငါဘုရားအပေါ်မှာ ယုံကြည်သက်ဝင်တဲ့စိတ်ကတော့ ဘယ်တော့မှ မပြောင်းလဲပါဘူးတဲ့။( နတွေဝ ဗုဒ္ဓေ အ၀စ္စေပ္ပသာဒေန သမန္နာဂတဿ အရိယသာဝကဿ သိယာ အညတ္ထတ္တံ တတြိဒံ အညတ္ထတ္တံ)။

သောတာပန်ဖြစ်ဖို့ အရည်အချင်းတွေမှာလဲ ယုံကြည်မှု သဒ္ဓါတရားရှိခြင်း၊ ဖြောင့်မတ်ခြင်းဆိုတဲ့ အရည်အချင်းတွေ ပါတယ်၊ ရိုးသားဖြောင့်မတ်မှု မရှိသူဟာ ဘုရားဟောတာတွေကို လက်မခံနိုင်ဘူး၊ ဘုရားကို မယုံကြည်တဲ့သူဟာ ဘုရားဟောတဲ့ ပိဋကတ်သုံးပုံကို မယုံဘူး၊ ဒီလိုဆိုရင် သူဟာလဲ သာမာန်လူအဆင့် သာမန်အသိဥာဏ်အဆင့်လို့ သတ်မှတ်နိုင်တယ်။ ဒီလိုလူဟာ ဘုရားဟောတာကိုလဲ လက်မခံ။ ဓမ္မကိုလဲ မယုံကြည်၊ သံဃာတော် အစဉ်အဆက်ကကိုလဲ ပစ်မယ်လုပ်မိတော့တာပါ၊ သတိပြုဖွယ် ကောင်းပေစွ။ ။

သမာဓိရှိမှ ၀ိပဿနာအသိဥာဏ်ဖြစ်ပေါ်မယ်၊ သမာဓိမရှိရင်ဝိပဿနာဥာဏ် မဖြစ်ပေါ်ဘူး၊ သမာဓိမထူထောင်ဘဲ သမာဓိ ထူထောင်တဲ့နည်းကို သင်မပေးဘဲ ၀ိပဿနာ ဥာဏ်ဖြစ်တယ်ဆိုတာကတော့ အလွန့်အလွန် စဉ်းစားစရာပါ။ သမာဓိဖြစ်ဖို့လဲ သီလပြည့်စုံရမယ်ဆိုတဲ့ မဟာနာမသက္က သုတ္တန်လာ စကားတွေက တကယ့်ကို မှတ်သားစရာ ဓမ္မဥပဒေသတွေပါ၊

ဘုရားရှင်က တုမှေဟိ ကိစ္စမာတပ္ပံ၊ အက္ခာတာရော တထာဂတာ..တဲ့။ ငါဘုရားကတော့ နည်းပေးလမ်းပြ သင်ပေးတဲ့သူပဲ။ လုပ်စရာ ကိစ္စတွေကို သင်တို့ကိုယ်တိုင် ကြိုးစားကြရမယ်..တဲ့။ ဒါ ဘုရားစကား၊ဘုရားကိုယုံကြည်ရင် သေချာမှတ်သားသင့်တဲ့ စကားတော်၊

သမာဓိရအောင် အားဖြည့်ပေးတယ်၊ ၀ီရိယပေါ်လာအောင် အားဖြည့်ပေးတယ်ဆိုတာ တကယ်မဟုတ်ဘူး၊ ဒီစကားကို တစ်ယောက်ယောက်က ပြောနေတယ်ဆိုရင် ဒါဟာ အမှားပဲ။ ဓမ္မဥပဒေသကို လေးစားလိုက်နာ ယုံကြည်တယ်ဆိုရင်ပေါ့။

အဲဒီအကျင့်ကို ကျင့်လိုက်လို့ အကုသိုလ်တွေတိုးပွားမယ်(မှားမှန်းမသိတော့ အကုသိုလ်တွေဖြစ်တော့တာပါ၊အကုသိုလ်ဖြစ်တော့ ကောင်းတဲ့ဥာဏ်တွေ အသိတွေ မဖြစ်တော့ဘူး) ကုသိုလ်တွေ လျော့သွားမယ်ဆိုရင် ဒါဟာ မှန်ကန်ကောင်းမွန်တဲ့ အကျင့်မဟုတ်ဘူး၊

မှန်ကန်ဖြောင့်မတ်တဲ့ ကျင့်စဉ်ဆိုတာ.. ဒါကိုကျင့်လိုက်လို့ အကုသိုလ်တွေ လျော့သွားမယ်၊ ကုသိုလ်တွေ တိုးတိုးလာမယ်၊အသိဥာဏ်တွေ မြင့်မြင့်လာမယ်ဆိုရင် ဒါဟာ မှန်ကန်ဖြောင့်မတ်တဲ့ ကျင့်စဉ်တွေပါ..တဲ့(သီလဗ္ဗတသုတ္တန်) အလွန်မှတ်သားထိုက်တဲ့ ဓမ္မဥပဒေသများပါ။

စတန့်ထွင်တဲ့ ကျင့်စဉ်တွေကို ရှောင်ရှားတော်မူကြပါ။
သံစဉ်တေးသွားတွေကို ပြောင်းမဆိုကြပါနဲ့၊
အရှိကို အရှိတိုင်း လမ်းညွှန်ပြတော်မူကြပါ။
အဓမ္မကို ဓမ္မ။ ဓမ္မကို အဓမ္မလို့ ဟောပြောလမ်းညွှန်ခြင်းဟာ သာသနာတော် ကွယ်ပျောက်ကြောင်းဖြစ်ပါတယ်..လို့သာ ဟစ်လိုက်ချင်ပါရဲ့။

ဘုရားဟောတဲ့တရားကို ကိုယ်ဟောသယောင် ၊ မှန်ကန်ဖြောင့်မတ်စွာ လမ်းညွှန်ပြခဲ့တဲ့ ဆရာ့ဆရာကြီးများ ကျင့်စဉ်ကို ကိုယ်ပိုင်ဥာဏ်နဲ့ သိလေဟန် လုပ်နေခြင်းဟာ အကြီးစား သာသနာ ခိုးသူကြီးအဆင့်ဖြစ်ကြောင်း သတိထားသင့်တယ်၊

ဟုတ်ပါတယ်၊ လုပ်သင့်တဲ့အလုပ် မှန်ကန်တဲ့အလုပ် ဖြောင့်မတ်တဲ့လမ်း တစ်ကြောင်းတည်းသော လမ်းဆိုတာ အငြင်းပွားဖွယ် မရှိပါ၊ တစ်ကြောင်းတည်းသော လမ်းမပေါ်က သွေဖယ်နေခြင်းဟာ အငြင်းပွားဖွယ် သံသယဖြစ်ဖွယ် ဖြစ်နေပါတယ်၊ သစ္စာဆိုတာ အမြဲမှန်နေတယ်ဆိုရင် ငြင်းစရာမှ မဟုတ်တာ။ အသစ္စ အဘူတ..မမှန်ကန်လို့ ဖြေရှင်းခြင်း ငြင်းခုံးခြင်း သံသယပွားခြင်း ငြိမ်မနေဘဲ ပြန်လည်ပြောဆိုခြင်းတွေ လုပ်နေကြရတာပါ၊
ဓမ္မဥပဒေသ ဆိုတာ ပြောင်းလဲခြင်းမရှိပါ၊ အမှန်ကို အမှန်အတိုင်း လမ်းညွှန်ပြတဲ့ သဘာဝစည်းကမ်းဟာ ဓမ္မဥပဒေသပါ၊



Read more...

အလှူလိုက်လံဆောင်ရွက်သူများသို့ ပန်ကြားခြင်း

မောင်နှမအာလုံးတို့ ......
* အသင်းမှ အလှူလိုက်ကြရာတွင် ယဉ်ကျေး၍ ဘုရားကျောင်းကန်နှင့် သင့်တော်သည့် အ၀တ်အစားဖြင့်သာလိုက်လာကြပါရန်။
* မှတ်တမ်းများကို MP4၊ လက်ကိုင်ဖုန်းဖြင့် ရိုက်ယူခြင်းကိုလည်း
ခွင့်ပြုမည်မဟုတ်ပေ။
* အမှန်တကယ် ကုသိုလ်သဒ္ဒါပွား တရားနာယူမှတ်သားလိုသော၊ လူမှုရေးလုပ်ငန်းပဲဟု မှတ်ယူပြီး ပျော်ပျော်ရွှင်ရွှင်
လိုက်လံလုပ်ဆောင်ရွက်လိုသောသူများသာ လိုက်လာကြပါရန်။
* စေတနာသုခသည် အသင်းတွင် ၀ူးဝူးဝါးဝါး လိုက်လုပ်နေသူများကို မခေါ်ဆောင်လိုပေ။ ကုသိုလ်ရလို၍သော်လည်းကောင်း၊
လူမှုရေးလုပ်ငန်းအဖြစ်ရှုမြင်ပြီး လိုက်လံဆောင်ရွက်လိုသူများကိုလည်းကောင်း
လိုက်လံဆောင်ရွက်ခွင့်ပြုပေမည်။ အသင်း၏ဂုဏ်သိက္ခာကို နစ်နာစေမည့်
လုပ်ဆောင်မှုပြုသူများကို အားနာမည်မဟုတ်ပေ။ မိမိအကျင့် သိက္ခာကိုမြှင့်တင်သောအားဖြင့်
အလှူလိုက်လံဆောင်ရွက်လာသော ကျောင်းသူများ၏ ဂုဏ်သရေညိုးနွမ်းစေမည့် အပြောအဆိုမျိုး
မရှိစေရ။ ပြောဆိုလာကြသည့် မောင်မောင်မမ ဗရုတ်များကိုစေတနာသုခမှ
(လုံးဝ)အားနာမည်မဟုတ်ပေ။

Read more...

ကြိုတင်စာရင်းပေးထားသော တစ်နှစ်စာ ဆွမ်းအလှူရှင်များစာရင်း (၂၀၁၀-၂၀၁၁)


1.(၁၄.ဖေဖော်ဝါရီ.၂၀၁၀) တနင်္ဂနွေနေ့
ဦးကိုကိုနိုင်+ဒေါ်မြင့်သဲစုစံ တို့မှ သား မောင်ဇွဲလုလင်နိုင်( စင်္ကာပူ) ၏ လေးနှစ်မြောက်မွေးနေ့အလှူအဖြစ်
( နေ့ဆွမ်းအလှူ) (အလှူပြီးမြောက်)

နှစ်ဖက်သောမိဘများကို အမှူးထား၍ ဦးရန်နိုင်+ဒေါ်သီတာ(စင်္ကာပူ)မှ
(အာရုံဆွမ်းအလှူ)(အလှူပြီးမြောက်)

2.(၁၇.ဖေဖော်ဝါရီ.၂၀၁၀)ဗုဒ္ဓဟူးနေ့
စံ+နုနု ၊ သမီးလေး အိမြတ်မွန်ရဲ့တစ်လပြည့်မွေးနေ့အလှူ(ဂျပန်)
(နေ့ဆွမ်းအလှူ)(အလှူပြီးမြောက်)

3.(၂၂.ဖေဖော်ဝါရီ.၂၀၁၀) တနင်္လာနေ့
မနီလာထက်ထက်အောင် ၏ မွေးနေ့အလှူ( စင်္ကာပူ)
(အာရုံဆွမ်းအလှူ)

4.(၂၃.ဖေဖော်ဝါရီ.၂၀၁၀) အင်္ဂါနေ့
ဖခင် ဦးစိုးလွင် အား အမှူးထား၍ ကိုအောင်မြင့်စိုး၊မခင်ဝင်းစိုး၊

မမင်းမင်းစိုးမိသားစု၊မနှင်းနှင်းစိုးမိသားစု၊မငြိမ်း ငြိမ်းစိုး တို့မှ
ကျေးဇူး ရှင် မိ ခင် ဒေါ် မေ မြင့် ၏ မွေး နေ့ အ လှူ။
(အာရုံဆွမ်း+နေ့ဆွမ်း+သီလရှင်အပါး ၁၀၀ အတွက် အာရုံဆွမ်း+နေ့ဆွမ်းအလှူ)(၂၁၅၀၀၀ ကျပ်)

5.(၁.မတ်လ.၂၀၁၀)တနလာင်္နေ့
မခင်ငြိမ်းချမ်းဦး (မလေးရှား)
(အာရုံဆွမ်းအလှူ)

6.(၇.မတ်လ.၂၀၁၀)တနင်္ဂနွေနေ့
ကိုကျော်နိုင်ဦး+မဆွေဆွေတင့် ( သထုံမြို့၊မွန်ပြည်နယ်)
ကိုကျော်နိုင်ဦး မွေးနေ့အလှူ
(အာရုံဆွမ်းအလှူ+နေ့ဆွမ်းအလှူ)


7.(၈.မတ်လ.၂၀၁၀) တနလာင်္နေ့
ကွယ်လွန်သူ အဖွားဒေါ်ခင်အားရည်စူး၍
ကိုခင်မောင်အေး+မတင်ညိုလင်း(စင်္ကာပူ)
(အာရုံဆွမ်းအလှူ)

8.(၂၀.မတ်လ.၂၀၁၀)စနေနေ့
နှစ်ဖက်သောမိဘ၊အဘိုးအဖွားများကို အမှူးထား၍
မောင်ရဲရင့်နီ+မချိုးချိုး တို့မှ
(နေ့ဆွမ်းအလှူ)

9.(၁၇.ဧပြီလ.၂၀၁၀)နှစ်ဆန်းတစ်ရက်နေ့(စနေနေ့)
ကိုဇေယျာလင်း+မခင်ဖြူ ( စင်္ကာပူ)
(အာရုံဆွမ်း+နေ့ဆွမ်းအလှူ)

10.(၂၉.မေ.၂၀၁၀)စနေနေ့
မောင်ဇော်လင်းနိုင်+မဥမ္မာသန့်တို့၏ ၆နှစ်ပြည့်မင်္ဂလာအလှူ(စင်္ကာပူ)
(အာရုံဆွမ်း+နေ့ဆွမ်းအလှူ)

11.(၂၁.ဇွန်.၂၀၁၀) တနလာင်္နေ့
မချိုမော် (ထိုင်း)
(အာရုံဆွမ်း+နေ့ဆွမ်းအလှူ)

12.(၉.သြဂုတ်လ.၂၀၁၀)တနလာင်္နေ့
ဒေါ်တင်တင်လှိုင် (USA)မှ
(အာရုဏ်ဆွမ်း+နေ့ဆွမ်း အလှူ)

13.၂၃.သြဂုတ်လ.၂၀၁၀(တနလာင်္နေ့)
Dr.Nyan+ဒေါ်ဝါ၀ါခိုင်မင်း၊
သမီးလေး မေမြတ်နိုးခိုင် ရဲ့မွေးနေ့အလှူ
(အာရုံဆွမ်းအလှူ)

14.၃၀.ဒီဇင်ဘာလ.၂၀၁၀(ကြာသပတေးနေ့)
ဒေါ် မေ မြင့်၊ကိုအောင်မြင့်စိုး၊မခင်ဝင်းစိုး၊ မမင်းမင်းစိုးမိသားစု၊မနှင်းနှင်းစိုးမိသားစု၊မငြိမ်း ငြိမ်းစိုး တို့ မှ ကျေးဇူး ရှင် ဖခင် ဦးစိုးလွင် ၏ မွေး နေ့ အ လှူ ။
(အာရုံဆွမ်း+နေ့ဆွမ်းအလှူ ၊ သီလရှင်အပါး ၁၀၀ အတွက် အာရုံဆွမ်း+နေ့ဆွမ်းအလှူ)(၂၁၅၀၀၀ ကျပ်)


အလှူငွေကောက်ခံသူ မောင်နှမများ-

ဝါ၀ါခိုင်မင်း(ဂျပန်) nanwarwarmg2009@gmail.com
ရန်အောင်(USA)aungyan@gmail.com
ရွာသားလေး(၀ိုင်တီယူ)(စင်္ကာပူ) donationformyanmar@gmail.com
July Dream(စင်္ကာပူ)Julydream0707@gmail.com

Read more...

ဤသို့ဆိုသော သမဏဗြာဟ္မဏ၏ စကားကို ခွင့်ပြု၏... ထိုစကားကို...

မဟာကမ္မဝိဘင်္ဂသုတ်

အာနန္ဒာ ထိုလေးယောက်သော သမဏဗြာဟ္မဏတို့တွင်

၁…
''အချင်းတို့ မကောင်းသော ကံတို့သည် ရှိကုန်သတတ်၊ ဒုစရိုက်၏ အကျိုးသည် ရှိသတတ်'' ဟူ၍ ဤသို့ဆိုသော သမဏဗြာဟ္မဏ၏ စကားကို ခွင့်ပြု၏။

''အချင်းတို့ စင်စစ် ဤလူ့ပြည်၌ အသက်ကို သတ်လေ့ ရှိသော မပေးသည်ကို ယူလေ့ ရှိသော။ပ။ မှားသော အယူကို ယူလေ့ရှိသော ပုဂ္ဂိုလ်ကို ကိုယ်ခန္ဓာ ပျက်စီး၍ သေပြီးသည်မှ နောက်၌ ချမ်းသာ ကင်းရာ မကောင်းသော လားရာ ဖရိုဖရဲကျရာ ငရဲသို့ ကပ်ရောက်သည်ကို မြင်၏''ဟူ၍ ဆိုသော ပုဂ္ဂိုလ်၏ စကားကိုလည်း ခွင့်ပြု၏။

''အချင်းတို့ အသက်ကို သတ်လေ့ ရှိသော မပေးသည်ကို ယူလေ့ ရှိသော။ပ။ မှားသော အယူကို ယူလေ့ ရှိသောသူ အားလုံးသည် ကိုယ်ခန္ဓာ ပျက်စီး၍ သေပြီးသည်မှ နောက်၌ ချမ်းသာကင်းရာ မကောင်းသော လားရာ ဖရိုဖရဲကျရာ ငရဲသို့ ကပ်ရောက်ရ၏'' ဟူ၍ ဆိုသော ပုဂ္ဂိုလ်၏ စကားကိုကား ခွင့်မပြု။ အကြင် သူတို့သည် ဤအတိုင်း သိကုန်၏၊ ထိုသူတို့သည် အမှန်သိကုန်၏။ အကြင် သူတို့သည် တစ်ပါးသော အခြင်းအရာအားဖြင့် သိကုန်၏၊ ထိုသူတို့သည် အမှား သိကုန်၏'' ဟူ၍ ဆိုသော ပုဂ္ဂိုလ်၏ စကားကိုလည်း ခွင့်မပြု။ ထိုပုဂ္ဂိုလ်သည် သူကိုယ်တိုင်သိ သူကိုယ်တိုင်မြင် သူကိုယ်တိုင် ထိုးထွင်းမိသမျှကို သာလျှင် ''ဤအယူသာလျှင် မှန်၏၊ တစ်ပါးသော အယူသည် အမှားချည်းတည်း'' ဟု ထိုအယူ၌ အခိုင်အမာ အစွဲအမြဲ နှလုံးသွင်း၍ ပြောဆိုသော ပုဂ္ဂိုလ်၏ စကားကိုလည်း ခွင့်မပြု။

အဘယ့်ကြောင့်နည်းဟူမူ-
အာနန္ဒာ များစွာသော ကံတို့ကို ဝေဖန်ရာ၌ ငါဘုရား၏ ဉာဏ်သည် တစ်ပါးသော အခြင်းအရာအားဖြင့် ဖြစ်သောကြောင့်တည်း။

၂…
အာနန္ဒာ ထိုလေးယောက်သော သမဏဗြာဟ္မဏတို့တွင် ''အချင်းတို့ မကောင်းသော ကံတို့သည် မရှိကုန် သတတ်၊ ဒုစရိုက်၏ အကျိုးသည် မရှိသတတ်'' ဟူ၍ ဤသို့ဆိုသော သမဏဗြာဟ္မဏ၏ စကားကို ခွင့်မပြု။

''အချင်းတို့ စင်စစ် ဤလူ့ပြည်၌ အသက်ကို သတ်လေ့ ရှိသော မပေးသည်ကို ယူလေ့ ရှိသော။ပ။ မှားသော အယူကို ယူလေ့ရှိသော ပုဂ္ဂိုလ်ကို ကိုယ်ခန္ဓာ ပျက်စီး၍ သေပြီးသည်မှ နောက်၌ ကောင်းသော လားရာ နတ်ပြည် လောကသို့ ကပ်ရောက်သည်ကို မြင်ရ၏'' ဟူ၍ ဆိုသောပုဂ္ဂိုလ်၏ စကားကို ခွင့်ပြု၏။ ''အချင်းတို့ အသက်ကို သတ်လေ့ ရှိသော မပေးသည်ကို ယူလေ့ရှိသော ။ပ။ မှားသော အယူကို ယူလေ့ရှိသော သူအားလုံးသည် ကိုယ်ခန္ဓာ ပျက်စီး၍ သေပြီးသည်မှ နောက်၌ ကောင်းသော လားရာ နတ်ပြည် လောကသို့ ကပ်ရောက်ရ၏'' ဟူ၍ ဆိုသော ပုဂ္ဂိုလ်၏ စကားကို ခွင့်မပြု။ အကြင် သူတို့သည် ဤအတိုင်း သိကုန်၏၊ ထိုသူတို့သည် အမှန်သိ ကုန်၏။ အကြင် သူတို့သည် တစ်ပါးသော အခြင်းအရာ အားဖြင့် သိကုန်၏၊ ထိုသူတို့သည် အမှား သိကုန်၏'' ဟူ၍ ဆိုသော ပုဂ္ဂိုလ်၏ စကားကိုလည်း ခွင့်မပြု။ ထိုပုဂ္ဂိုလ်သည် သူကိုယ်တိုင်သိ သူကိုယ်တိုင်မြင် သူကိုယ်တိုင် ထိုးထွင်းမိသမျှကို သာလျှင် ''ဤအယူသာလျှင် မှန်၏၊ တစ်ပါးသော အယူသည် အမှားချည်းတည်း'' ဟု ထိုအယူ၌ အခိုင်အမာ အစွဲအမြဲ နှလုံးသွင်း၍ ပြောဆိုသော ပုဂ္ဂိုလ်၏ စကားကိုလည်း ခွင့်မပြု။

အဘယ့်ကြောင့်နည်းဟူမူ-
အာနန္ဒာ များစွာသော ကံတို့ကို ဝေဖန်ရာ၌ ငါဘုရား၏ ဉာဏ်သည် တစ်ပါးသော အခြင်းအရာအားဖြင့် ဖြစ်သော ကြောင့်တည်း။

၃…
အာနန္ဒာ ထိုလေးယောက်သော သမဏဗြာဟ္မဏတို့တွင် ''အချင်းတို့ မှန်သော ကံတို့သည် ရှိကုန်သတတ်၊ သုစရိုက်၏ အကျိုးသည် ရှိသတတ်'' ဟူ၍ ဤသို့ဆိုသော သမဏဗြာဟ္မဏတို့၏ စကားကို ခွင့်ပြု၏။

''အချင်းတို့ စင်စစ် ဤလူ့ပြည်၌ အသက် သတ်ခြင်းမှ ရှောင်ကြဉ်သော မပေးသည်ကို ယူခြင်းမှ ရှောင်ကြဉ်သော။ပ။ မှန်သော အယူကို ယူလေ့ရှိသော ပုဂ္ဂိုလ်ကို ကိုယ်ခန္ဓာ ပျက်စီး၍ သေပြီးသည်မှ နောက်၌ ကောင်းသော လားရာ နတ်ပြည် လောကသို့ ကပ်ရောက်သည်ကို မြင်ရ၏'' ဟူ၍ ဆိုသော ပုဂ္ဂိုလ်၏ စကားကိုလည်း ခွင့်ပြု၏၊ ''အချင်းတို့ အသက်ကို သတ်ခြင်းမှ ရှောင်ကြဉ်သော မပေးသည်ကို ယူခြင်းမှ ရှောင်ကြဉ်သော။ပ။ မှန်သော အယူကို ယူလေ့ရှိသော သူအားလုံးသည် ကိုယ်ခန္ဓာ ပျက်စီး၍ သေပြီးသည်မှ နောက်၌ ကောင်းသော လားရာ နတ်ပြည် လောကသို့ ကပ်ရောက်ရ၏'' ဟူ၍ ဆိုသော ပုဂ္ဂိုလ်၏ စကားကိုကား ခွင့်မပြု။ အကြင် သူတို့သည် ဤအတိုင်း သိကုန်၏၊ ထိုသူတို့သည် အမှန်သိကုန်၏။ အကြင် သူတို့သည် တစ်ပါးသော အခြင်းအရာအားဖြင့် သိကုန်၏၊ ထိုသူတို့သည် အမှား သိကုန်၏'' ဟူ၍ ဆိုသော ပုဂ္ဂိုလ်၏ စကားကိုလည်း ခွင့်မပြု။ ထိုပုဂ္ဂိုလ်သည် သူကိုယ်တိုင်သိ သူကိုယ်တိုင်မြင် သူကိုယ်တိုင် ထိုးထွင်းမိသမျှကို သာလျှင် ''ဤအယူသာလျှင် မှန်၏၊ တစ်ပါးသော အယူသည် အမှားချည်းတည်း'' ဟု ထိုအယူ၌ အခိုင်အမာ အစွဲအမြဲ နှလုံးသွင်း၍ ပြောဆိုသော ပုဂ္ဂိုလ်၏ စကားကိုလည်း ခွင့်မပြု။

အဘယ့်ကြောင့်နည်းဟူမူ-
အာနန္ဒာများစွာသော ကံတို့ကို ဝေဖန်ရာ၌ ငါဘုရား၏ ဉာဏ်သည် တစ်ပါးသော အခြင်းအရာအားဖြင့် ဖြစ်သောကြောင့်တည်း။

၎…
အာနန္ဒာ ထိုလေးယောက်သော သမဏဗြာဟ္မဏတို့တွင် ''အချင်းတို့ ကောင်းသော ကံတို့သည် မရှိကုန် သတတ်၊ သုစရိုက်၏ အကျိုးသည် မရှိသတတ်'' ဟူ၍ ပြောဆိုသော သမဏဗြာဟ္မဏတို့၏ စကားကို ခွင့်မပြု။

''အချင်းတို့ စင်စစ် ဤလူ့ပြည်၌ အသက် သတ်ခြင်းမှ ရှောင်ကြဉ်သော မပေးသည်ကို ယူခြင်းမှ ရှောင်ကြဉ်သော။ပ။ မှန်သော အယူကို ယူလေ့ရှိသော ပုဂ္ဂိုလ်ကို ကိုယ်ခန္ဓာ ပျက်စီး၍ သေပြီးသည်မှ နောက်၌ ချမ်းသာ ကင်းရာ မကောင်းသော လားရာ ဖရိုဖရဲကျရာ ငရဲသို့ ကပ်ရောက်သည်ကို မြင်ရ၏'' ဟူ၍ ပြောဆိုသော ပုဂ္ဂိုလ်၏ စကားကို ခွင့်ပြု၏၊ ''အချင်းတို့ အသက် သတ်ခြင်းမှ ရှောင်ကြဉ်သော မပေးသည်ကို ယူခြင်းမှ ရှောင်ကြဉ်သော။ပ။ မှန်သော အယူကို ယူလေ့ ရှိသော သူအားလုံးသည် ကိုယ်ခန္ဓာ ပျက်စီး၍ သေပြီးသည်မှ နောက်၌ ချမ်းသာ ကင်းရာ မကောင်းသော လားရာ ဖရိုဖရဲ ကျရာ ငရဲသို့ ကပ်ရောက်ရ၏'' ဟူ၍ ပြောဆိုသော ပုဂ္ဂိုလ်၏ စကားကိုကား ခွင့်မပြု။ အကြင် သူတို့သည် ဤအတိုင်း သိကုန်၏၊ ထိုသူတို့သည် အမှန်သိကုန်၏။ အကြင်သူတို့သည် တစ်ပါးသော အခြင်းအရာအားဖြင့် သိကုန်၏၊ ထိုသူတို့သည် အမှား သိကုန်၏'' ဟူ၍ ပြောဆိုသော ပုဂ္ဂိုလ်၏ စကားကိုလည်း ခွင့်မပြု။ ထိုပုဂ္ဂိုလ်သည် သူကိုယ်တိုင်သိ သူကိုယ်တိုင်မြင် သူကိုယ်တိုင် ထိုးထွင်းမိသမျှကို သာလျှင် ''ဤအယူသည် သာလျှင် မှန်၏၊ တစ်ပါးသော အယူသည် အမှားချည်းတည်း'' ဟု ထိုအယူ၌ အခိုင်အမာ အစွဲအမြဲ နှလုံးသွင်း၍ ပြောဆိုသော ပုဂ္ဂိုလ်၏ စကားကိုလည်း ခွင့်မပြု။

အဘယ့်ကြောင့်နည်းဟူမူ-
အာနန္ဒာ များစွာသော ကံတို့ကို ဝေဖန်ရာ၌ ငါဘုရား၏ဉာဏ်သည် တစ်ပါးသော အခြင်းအရာအားဖြင့် ဖြစ်သောကြောင့်တည်း။

၆ - မဟာကမ္မဝိဘင်္ဂသုတ်၊ မှ၊ ၀ိဘင်္ဂ၀ဂ်၊ ဥပရိပဏ္ဏာသပါဠိတော်။

ဆက်မည်...




ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။


Read more...

ကျက်သရေရိပ်


လောကကျက်သရေတွေထဲမှာ ကံပေါ်မှာ အမြင်မှန်ရေးရဲ့ နယ်ပယ်က တလောကလုံးရဲ့ နယ်ပယ်ကြီးဖြစ်တာမို့ အတော်ကျယ်ဝန်းပါတယ်၊ အထက်ဆင့်ဖြစ်တဲ့ အသိဉာဏ်တွေနဲ့ ထိုက်တန်ဖို့အတွက် ဒီနယ်ပယ်မှာ ထောင့်စုံအောင် လေ့ကျင့်ရင်း အသိမျိုးစေ့ကို အောင်မြင်ရင့် သန်စေရတာပါ၊ အထင်ရှားဆုံး သာဓကတစ်ခုကို ကြည့်မယ်ဆိုရင် မြတ်စွာဘုရားရှင်ဟာ ဒီကံနဲ့ ကံရဲ့ အကျိုးကို သိသိပိုင်ပိုင် လက်ခံနိုင်ရေးအတွက် လေကျင့်ရတဲ့ လောကီ နယ်ပယ် ဘ၀တွေဟာ လေးအသင်္ချေနဲ့ ကမ္ဘာတစ်သိန်းတောင် ကြာခဲ့ပြီ နောက်ဆုံး သဗ္ဗညုတဉာဏ်ရဖို့မှာတော့ ကဆုန်လပြည့်နေ့ ညနေဆည်းဆာချိန်ကနေ နောက်နေ့ အရုဏ်ဆည်းဆာ မတိုင်မီအထိအတွင် အားလုံးပေါင်းမှ ဆယ်နှစ်နာရီခန့်လောက်ပဲ ကြာခဲ့တာမို့လား။

ဒါကြောင့် ဒီနယ်ပယ်က လောကကျက်သရေများနဲ့ ပတ်သက်လို့ အတော်လေး ထောင့်စုံအောင် ရေးမယ်လို့ နှလုံးသွင်းထားတာပါ၊ အခုလည်း စာရေးဖို့ ပြင်ဆင်နေတုန်းမှာပဲ ဆရာချစ်ဦးညိုရောက်လာပြီး ပင့်ဖိတ်စာ တစ် စောင် လာကပ်တယ်၊ ဆယ်နှစ်ကြိမ်မြောက် ဓမ္မစာဆို ပညာရှင်ကြီးများ ပူဇော်ပွဲတဲ့၊ ဒီနှစ်ပူဇော်မှာက ဓမ္မစာဆို ရဟန်းပုဂ္ဂိုလ်သုံးပါးနဲ့ လူပုဂ္ဂိုလ် ငါးယောက် ပါတယ်၊ ဒီအထဲမှာ မိမိရဲ့ ဘွဲ့အမည်ပါ ပါလာတော့“ အော် .. ငါလဲ အသက် ကြီးစာရင်းထဲ ၀င်နေပေါ့ကို၊”လို့ သံဝေဂပွားလိုက်မိသေးတယ်။

ဆရာချစ်က လူပုဂ္ဂိုလ်များကိုယ်စားတော့ ဆရာကြီး ဦးအောင်သင်းက သြ၀ါဒ စကားပြောဖို့ စီစဉ်ထားပါတယ်ဘုရား၊ ရဟန်းပုဂ္ဂိုလ်များ ကိုယ်စားတော့ အရှင်ဘုရားက အနုမောဒနာစကား နဲနဲပြောပေဖို့လဲ ကြိုတင်လျှောက်ထား ပါတယ်ဆိုတော့” ဘာများပြောလိုက်ရပါလိမ့်” လို့ စဉ်းစားရင်း နာဂစ်က ရောသ မ မွှေသွားတဲ့ တောင်စွန်းမြို့ရှိ မိမိရဲ့ ရွှေစေတီနဲ့ ဓမ္မဘေရီတောရက ပုံရိပ် များဆီ စိတ်က ရောက်သွားတယ်။

နာဂစ်မုန်တိုင်းကာလအတွင်းမှာ မိမိက ကျန်းမာရေးအတွက် ခွဲစိတ်မှု ခံယူရမှာဖြစ်လို့ ဘယ်မှလည်း မသွားနိုင်ဘဲ ရန်ကုန်မှာပဲ ရက်ချိန်းစောင့်နေခဲ့ရ တယ်၊ ဆရာဝန်ချိန်းတဲံ ရက်မှာပဲ နာဂစ်က ၀င်မွှေလိုက်တော့ ဆေးရုံမှာ လူမမာ တွေ ပြည့်ကျပ်လာလို့ စောင့်လို့ရသေးသူက စောင့်ပါဦးဆိုတာနဲ့ နာဂစ်လွန် ရက်နှစ်ပတ်ကြာမှ ဆေးရုံတက်ရပါတယ်၊ ဒီရက်ပိုင်းမှာ တောင်စွန်းက တပည့် တစ်ပါးရောက်လာတော့ ရန်ကုန်ရဲ့ အရှေ့တည့်တည့် မိုင် ခြောက်ဆယ် ခန့် အကွာလောက်မှာရှိတဲ့ တောင်စွန်းလည်း နာဂစ်ဒဏ် အတော်ခံလိုက်ရ တယ် ဆိုတာ သိရပါတယ်၊ မိမိတို့ ကျောင်းအပါအ၀င် တောင်စွန်းဘက် ပိုင်းကတော့ တောင်တန်းကြီးရဲ့ အရှေ့ဘေးမှာဆိုတော့ အထိုက် အလျှောက် အကာအကွယ် ရလို့ ထိချက်နည်းနည်း သက်သာပါသတဲ့၊ အပျက်အစီးမေးကြည့်တော့ သစ်ပင် ကြီး အချို့လဲပြီး နည်းနည်းပါးပါးထိခိုက် တယ်လို့ ပြောပါတယ်၊ “ အေးပါကွာ ဧရာဝတီတိုင်းတို့ ရန်ကုန်တိုင်းတို့နဲ့ နှိုင်းစာ လိုက်ရင် မင်းတို့ တောင်စွန်းရဲ့ ဒဏ်ချက်က ဆူးခြစ်မိ သလောက် သာသာလေး ပါ သင့်သလိုသာ ပြုပြင် နေထိုင်ကြပေါ့”လို့ပဲ ပြောလိုက်ပါတယ်။

ဆေးရုံက ဆင်းပြီးလို့ တစ်လနီးပါးရှိမှ တောင်စွန်းကို သွားဖြစ်တယ်၊ ကျောင်းနဲ့ မလှမ်းမကမ်းရောက်လို့ အဝေးကနေ လှမ်းကြည့်လိုက်တဲ့အခါ အရင်က တောအုပ်ထဲမှာ ညို့ညို့ဆိုင်းဆိုင်းနဲ့ တကယ့် တောရကျောင်းကြီးလို့ ထင်ရတဲ့ မိမိတို့ကျောင်းတိုက်ကလေးဟာ အကာအကွယ်မဲ့ ထီးထီး ထင်းထင်း ကြီး ဖြစ်နေတာကို တွေ့လိုက်ရတော့ “ သစ်ပင်ကြီး အနည်းအပါးသာ လဲပြိုသွား တယ်ဆိုပေမယ့် တကယ့်ကို ဟာလာဟင်းလင်းကြီးဖြစ်ပြီး တစ်တောလုံး ရှင်း သွား တာပါပဲကလား”လို့ မှတ်ထင်လိုက်ရတယ်၊ ကျောင်းရောက်လို့ သေချာ ကြည့်လိုက်တော့ ပြောတဲ့အတိုင်း အမှန်ပါပဲ၊ ကျောင်းရဲ့မြောက်ဘက်ဘေးမှာ တစ်ကျောင်းတိုက်လုံးကို ဖုံးကွယ်ထားသလိုဖြစ်နေတဲ့ ဒူးရင်းပင်ကြီးရယ်၊ ကျောင်း အနောက်တောင်ဘက်က ညနေပိုင်းမှာ သုံးနာရီလောက်ဆိုရင်ပဲ ကျောင်းပေါ်ကို နေရောင်မထိုးအောင် ကာကွယ်ပေးထားတဲ့ တညင်းပင်ကြီး တစ်ပင်ရယ်၊ ပိန္နဲပင်ကြီးတစ်ပင်ရယ် အားလုံးပေါင်းမှ ဒီအပင်ကြီး သုံးပင်လောက် ပဲ လဲပြိုသွားတာပါ၊ ဒီအပင်ကြီးသုံးပင် မရှိလိုက်တာနဲ့ကို တစ်တောလုံး ဟာလာ ဟင်းလင်းကြီး ဖြစ်သွားတာ၊ ကျန်တဲ့အပင်တွေ အများကြီးရှိပေမယ့် သူတို့ကို ကြည့်လိုက်တော့ နာဂစ်မုန်တိုင်းကြောင့် မိမဲ့ ဖမဲ့ဖြစ်ပြီး ကျန်ရစ်ခဲ့တဲ့ ကလေး သူငယ်လေးများလိုပဲ သိမ်သိမ်ငယ်ငယ်ကလေးတွေနဲ့ မတ်တပ်က မေ့နေကြသ လို ထင်လိုက်ရတယ်။

ဒီအတွေးကနေ သက်ကြီးစာဆိုပညာရှင်ကြီးများဆီ စိတ်ကပြန်ရောက် လာတယ်၊ ဟုတ်ပါတယ်.. မြန်မာစာပေနယ်ပယ်မှာလည်း အခုလိုပညာရှင်ကြီး တွေရဲ့ အရှိန်အ၀ါ ကြောင့်သာ မြန်မာစာနယ်ဇင်းလောကဟာ လူမှုရေး နိုင်ငံရေး စီးပွားရေး ဘာသာရေးစတဲ့ အကြောင်းအရာတွေ စုံစုံလင်လင်နဲ့ သိုက်သိုက် ၀န်းဝန်း အုပ်အုပ်ဆိုင်းဆိုင်း ဖြစ်ပြီး တကယ့်တော်အုပ်ကြီးလို အဝေးက မြင်လိုက် ရုံနဲ့ ၀င်ရောက် ခိုနားချင်စရာ အေးမေးမြမြ စည်စည်ပင်ပင်ကြီး ဖြစ်နေတယ်လို့ ခံစားရပါတယ်။

တခြားမကြည့်နဲ့ မန္တလေး စာနယ်ပေနယ်ကိုပဲ ကြည့်ပေါ့၊ စာဆိုဦးရေ အနေနဲ့ တယ်မများလှဘူးလို့ဆိုရမယ့် မန္တလေးစာပေ အသိုက်အ၀န်းဟာ စာပေ မိခင်ကြီး ဒေါ်အမာဆိုတဲ့ တောစိုးသစ်ပင်ကြီးတစ်ပင်ရဲ့ အရှိန်အ၀ါ နဲ့တင် တစ်ခဲ နက် တောအုပ်ကြီးလို ညို့ညို့မှိုင်းမှိုင်း အုပ်အုပ်ဆိုင်းဆိုင်း အေးအေး မြမြကြီးနဲ့ မြင်ရ ကြားရ သူတိုင်း ၀င်ရောက်ခိုနားချင်စရာကြီး ဖြစ်လို့၊ ဒါကြောင့်လဲ စာပေ ၀ါသနာရှင်တိုင်း ၀င်ရောက်ခိုနား စုရုံးမိကြတာ ထင်ပါရဲ့၊ အခု ဆို ဒီတောစိုးသစ် ပင် မိခင်ကြီး တစ်ပင် လဲသွားလိုက်တဲ့ အခါ မန္တလေးစာပေ အသိုက်အ၀န်းမှာ ကျန်ခဲ့သူ အားလုံးတို့ဟာ မိမိကျောင်းတိုက်မှာ ကျန်ခဲ့တဲ့ သစ်ပင် ကလေး တွေ လိုများတောင် ဖြစ်နေရစ်ကြလေမလားလို့ ထင်မိတယ်။ ငယ်စဉ် ကတည်းက မန္တလေး တောင်မြိုံ(အမရပူရ)မှာ နေလာခဲ့ပြီး မန္တလေးစာပေ အသိုက် အ၀န်းမှာ စာပေ၀ါသနာမျိုးစေ့ရခဲ့တဲ့ မိမိအနေနဲ့တော့ ဒီလိုပဲ ခံစားရ ပါတယ်။

အခုရန်ကုန်မှာ သက်ကြီးစာပေပညာရှင်ကြီးများရဲ့ ကျေးဇူးကို သိရှိခံစား တန်ဖိုးထားကြသူများက စုပေါင်း လုပ်ကျတယ်ဆိုတာ သိရတော့ မိမိစိတ်ထဲမှာ ဆန္ဒထပ်တူ ၀မ်းသာပီတိဖြစ်မိပါတယ်၊ ဟုတ်တယ်လေ… သက်ကြီးစာဆို ပညာရှင်ကြီးတွေဆိုတာ အိုပြီဆိုပြီး ၀ိုင်းပယ်ထားရမယ့်“အိုပယ်” အမျိုးအစား တွေ မဟုတ်ပါဘူး၊ အိုသလောက် အသိပညာတွေ ဗဟုသုတတွေ အတွေ့အကြုံ တွေနဲ့ ကြွယ်ဝနေကြတဲ့ တကယ့် “အိုကြွယ်”ပုဂ္ဂိုလ်မျိုးတွေ ပါ၊ စာပေကိုဝါသနာ ပါလို့ စာပေ အသိုက်အ၀န်းထဲ ၀င်လာသူတိုင်းဟာ ဒီဆရာကြီးတွေရဲ့ စာပေတွေ က တဆင့် သူတို့ရဲ့ ကျေးဇူးတွေကို မခံစားဖူးတဲ့ သူရယ်လို့ မရှိနိုင်ပါဘူး။ မခံယူ ဖူးပါဘူး ဆိုရင်လဲ စာပေနယ်မှာ စာရင်းသွင်းလောက်တဲ့ လူလားမြောက်သူ ဖြစ် နိုင်မယ် မဟုတ်လောက်ပါဘူးလို့ ထင်မိပါတယ်။

မိမိအနေနဲ့တော့ မိမိရေးတဲ့စာတို ပေစ လေးတွေနဲ့ ပတ်သက်ပြီး ပြောလာတဲ့ အခါတိုင်း “အေးဗျာ.. ဒါလေးတွေဟာ ရှင်မောဂ္ဂလာန်တို့ နန္ဒောပနန္ဒ နဂါးတို့လို ကိုယ်စွမ်းကိုယ်စ ကိုယ့်တန်ဖိုးနဲ့ အခိုးအလျှံတွေ လွှတ်နေတာ မဟုတ် ပါဘူး၊ ဆရာသမားတွေရဲ့ အာငွေ့ နဲ့ မှုတ်ထား တာလေးတွေပါ”လို့ ပြန်ပြောမိပါတယ်၊ ဒါဟာ ကိုယ့်ကိုကိုယ် တမင်နှိမ့်ချတဲ့ သဘောနဲ့ ပြောနေတာမဟုတ်ပါဘူး၊ အမှန်တကယ်လည်း ဒီလိုပဲ ဖြစ်နေ ကြရတာပါ၊ မြတ်စွာဘုရားရှင်ကလည်း ရှင်အာနန္ဒာကို “ဘယ်လောက်ပဲ ပါရမီတွေ ပြည့်နေနေ၊ ဆရာသမားကောင်းဆိုတဲ့ မှီရာကောင်းကို မရရှိလျှင် ဘယ်သူမှ ဘာမှမဖြစ်နိုင်ဘူး”လို့ ဆုံးမခဲ့တယ် မဟုတ်လား။

ပါထိက၀ဂ်၊ ၊ပါယာသိသုတ်မှာလဲ.. အရှင်ကုမာရကဿပမထေရ်မြတ်က… “ပညာရှိ သက်ကြီး ပုဂ္ဂိုလ်တို့ အသက်ရှည်ကြာ တည်ရှိနေခြင်းဟာ၊ အသက်ရှည်သလောက် ကောင်းမှုတွေတိုးပွားသလို၊ လူအပေါင်းတို့အတွက် ကြီးပွားချမ်းသာရေးကို ကျင့်သုံးရင်း လူရောနတ်ပါ သတ္တ၀ါအားလုံးတို့အပေါ် ကြီးပွားချမ်ားဖို့အတွက် သနားစောင့်ရှောက်နေကြခြင်းဖြစ်တယ်”လို့ ဟောညွှန် ထားပါတယ်။ သက်ကြီးရွယ်အို ပညာရှင်တို့ရဲ့ ဂုဏ်ကျေးဇူးကို လေးစားသိမှတ် ပူဇော်တတ်ကြပါစေလို့ တိုက်တွန်း သတိပေးလိုတဲ့ သဘောပါ။

အရှင်မြတ်သတိပေး တိုက်တွန်းတဲ့အတိုင်း အခုလို သိမှတ်ပူဇော်ကြတာ ကို သိရလို့ ထပ်တူ ၀မ်းမြောက် သာဓုခေါ်မိပါတယ်။ လောကရဲ့ ကျက်သရေ ဆောင် ကြီးများကို ကျက်သရေရှိရှိ အသိအမှတ်ပြုလိုက်တာဖြစ်လို့ ကျက်သရေ ရှိတဲ့ လုပ်ရပ်တစ်ခုလို့ ဆိုလိုက်ပါရစေ။

ကျက်သရေတွေ စဉ်ဆက်မပြတ် တိုးတက်ကြပါစေ။

Read more...

ဒွါရဝိမုတ်စိတ်တို့၏ အာရုံ

သေခါနီးအချိန်ကျတော့ ရုပ်ကလည်း အားနည်းလာပြီ၊ ဟဒယဝတ္ထုတို့ ဘာတို့က အားနည်းလာပြီ။
အဲဒီလို အားနည်းလာတဲ့အခါကျတော့ ဇောက ၇-ကြိမ်ထိအောင် မသွားနိုင်ဘူးတဲ့။ ၅-ကြိမ်ပဲ စောတယ်။
ရိုးရိုးအခါကတော့ ၇-ကြိမ် စောမယ်။

မရဏာသန္နဇောအခါမှာတော့ ၅-ကြိမ်၊ မြန်မာစကား အလောသုံးဆယ်ဆိုတာ ဒီ ၅-ကြိမ်ထဲက အလယ်သုံးဇောကို အလောသုံးဆယ်လို့ ပြန်ပြောတယ်ဆိုတာပဲ။

ဟုတ်ချင်ဟုတ်မယ်။ ရိုးရိုး ၇-ကြိမ် မစောနိုင်ဘဲ ၅-ကြိမ်မှာ အလယ် ၃-ဇောဆိုတော့ မြန်မြန်ဆန်ဆန် ဖြစ်တယ်ပေါ့။

ဇောပြီးရင် စုတိ၊ တစ်ခါတလေ ဇောပြီး ဘဝင်ဖြစ်နိုင်တယ်၊ တဒါရုံဖြစ်နိုင်တယ်၊ ပြီး စုတိ။ စုတိပြီးရင်တော့ ပဋိသန္ဓေပဲ။ ပဋိသန္ဓေပြီးရင် ဘဝင် ၁၅-ကြိမ်, ၁၆-ကြိမ်၊ ပြီးတော့ မနောဒွါရာဝဇ္ဇန်း၊ နောက် ဇော ၇-ကြိမ်။ ဒါက တန်းဖြစ်မှာပဲ။ ဒါကတော့ ဘယ်လိုမှ တားလို့ မရဘူး။

ဘဝသစ်မှာ ဒီဇော ၇-ကြိမ်ကို ဘဝနိကန္တိဇောလို့ ခေါ်တယ်။
ဘဝကို တွယ်တာလိုက်တဲ့ ဇော။

ဒါကြောင့်မို့ လူတွေဟာ သတ္တဝါတွေဟာ ဘဝကို မလွှတ်နိုင်တာ။
စဖြစ်ကတည်းကိုက ဘဝတစ်ခုမှာ စဖြစ်လိုက်တယ်ဆိုရင် ဒီဇောဟာ (နိကန္တိလောဘပေါ့) လောဘဇောနဲ့ ဘဝကို အရင်းတည်လာကြတာ။
လူတွေဟာ ဒါကြောင့်မို့ ကိုယ့်ဘဝကို တွယ်တာတာ။

(အရှင်သီလာနန္ဒာဘိဝံသ)

+++++

၂၀၁၀ ခုနှစ် ဖေဖော်ဝါရီလ ၁၅ ရက် တနင်္လာနေ့တွင် သင်ယူခဲ့ရသော ဆရာတော် အရှင်သီလာနန္ဒာဘိဝံသ၏ အပတ် ၂၀ မြောက် အဘိဓမ္မာသင်တန်းပို့ချချက်မှာ အထူး စိတ်ဝင်စားစရာ ကောင်းသော အာရမ္မဏသင်္ဂဟပိုင်း အဆက် ဒွါရမှ လွတ်သော အာရုံများအကြောင်း ဖြစ်၏။

ဒွါရဝိမုတ်စိတ်မှာ ၆-ဒွါရမှ လွတ်သော ဥပေက္ခာသန္တီရဏ ၂ ပါး၊ ကာမာဝစရဝိပါက်စိတ် ၈ ပါး၊ မဟဂ္ဂုတ်ဝိပါက်စိတ် ၉ ပါး၊ ပေါင်း ၁၉ ပါးသော စိတ်များ ဖြစ်၏။

ဤ ၁၉ ပါးသော စိတ်တို့သည် ကိစ္စသင်္ဂဟအားဖြင့် ပဋိသန္ဓေကိစ္စ, ဘဝင်ကိစ္စ, စုတိကိစ္စ တပ်သော စိတ်များ ဖြစ်၏။

“ပဋိသန္ဓေ, ဘဝင်, စုတိ ကိစ္စတပ်သော ဒွါရဝိမုတ်စိတ် ၁၉ ပါးသည်
များသောအားဖြင့် အခြားမဲ့ လွန်ခဲ့ပြီးသော ဘဝဟောင်းက ဆဒွါရိက မရဏာသန္နဇောသည် ယူပေးအပ်သော
ပစ္စုပ္ပန်, အတိတ်, ပညတ်ဖြစ်သော ကံ, ကမ္မနိမိတ်, ဂတိနိမိတ်ဟု သမုတ်အပ်သော အာရုံ ၆ ပါးကို
ထိုက်သည့်အားလျော်စွာ အာရုံပြုကြသည်။”

ဆဒွါရိက မရဏာသန္နဇော = ၆ ဒွါရမှာ ဖြစ်သော မရဏာသန္နဇော

ကံ, ကမ္မနိမိတ်, ဂတိနိမိတ်တို့မှာ အနာဂတ် မရှိ။
ပစ္စုပ္ပန်၊ အတိတ်သာ ရှိ၏။ တစ်ခါတရံ ပညတ် (ပညတ်=ကာလသုံးပါးမှ လွတ်သော ကာလဝိမုတ်) ရှိ၏။

အထက်ပါစာပိုဒ် (ဒွါရဝိမုတ်စိတ်တို့ ပြုသော အာရုံ)၏ ဆိုလိုရင်းကို နားလည် သဘောပေါက်ရန် မရဏာသန္နဝီထိကို နားလည်ရန် လိုအပ်၏။

ဘဝတစ်ခု၏ အစ ပဋိသန္ဓေတည်ပြီးနောက် ဘဝင်များစွာ, ရိုးရိုးဝီထိများစွာ ဖြစ်၏။ နောက်ဆုံး သေခါနီးတွင် မရဏာသန္နဝီထိ ဖြစ်၏။

မရဏာသန္နဝီထိ အမျိုးမျိုးရှိရာ နားလည်လွယ်ရုံမျှသော ဝီထိ(စိတ်အစဉ်အတန်း)ဖြင့် လေ့လာကြရ၏။

ဘဝင်
အတီတဘဝင် (လွန်သွားသော ဘဝင်)
ဘဝင်္ဂစလန (လှုပ်သော ဘဝင်)
ဘဝင်္ဂုပစ္ဆေဒ (ပြတ်သော ဘဝင်)
ပဉ္စဒွါရာဝဇ္ဇန်း
စက္ခုဝိညာဏ်
သမ္ပဋိစ္ဆိုင်း
သန္တီရဏ
ဝုဋ္ဌော
ဇော (၁)
ဇော (၂)
ဇော (၃)
ဇော (၄)
ဇော (၅)
စုတိ
ပဋိသန္ဓေ
ဘဝင် (၁)
ဘဝင် (၂)
ဘဝင် (၃)
ဘဝင် (၄)
ဘဝင် (၅)
ဘဝင် (၆)
ဘဝင် (၇)
ဘဝင် (၈)
ဘဝင် (၉)
ဘဝင် (၁၀)
ဘဝင် (၁၁)
ဘဝင် (၁၂)
ဘဝင် (၁၃)
ဘဝင် (၁၄)
ဘဝင် (၁၅)
ဘဝင် (၁၆) (တစ်ခါတရံ ၁၅ ကြိမ်သာ ဖြစ်၏၊)
မနောဒွါရာဝဇ္ဇန်း
ဇော (၁)
ဇော (၂)
ဇော (၃)
ဇော (၄)
ဇော (၅)
ဇော (၆)
ဇော (၇)
ဘဝင်

+++++

“မရဏာသန္နဝီထိဆိုတာ သေတဲ့အခါမှာ ဖြစ်တဲ့ စိတ်အစဉ်ပေါ့လေ။

နောက်ဆုံး သေပြီဆိုရင် … ပထမဆုံး ဘဝင်တွေဖြစ်လာပြီးတဲ့နောက် အာရုံတစ်ခုခုက ဒွါရမှာ လာပြီး ထိခိုက်လိုက်တဲ့အခါ နဂိုက အရှိန်နဲ့ လာနေတဲ့ ဘဝင်က တစ်ချက် လွန်သွားတယ်တဲ့။

ဘာနဲ့ တူသလဲဆိုတော့ တအားပြေးလာတဲ့ လူဟာ ရပ်ချင်တဲ့နေရာမှာ မရပ်နိုင်ဘဲ ရှေ့လွန်သွားတာမျိုးနဲ့ တူတယ်။
လွန်သွားပြီးတော့ ဒုတိယအကြိမ်မှာ ဘဝင်လှုပ်သွားပြီး၊ တတိယခဏကျမှ ဘဝင်ပြတ်သွားတယ်။

အဲဒီတော့ အတီတဘဝင်ဆိုတာလည်း ဘဝင်ပဲ၊ ဘဝင်္ဂစလနဆိုတာလည်း ဘဝင်ပဲ၊ ဘဝင်္ဂုပစ္ဆေဒဆိုတာလည်း ဘဝင်ပဲ။ အဲဒီလို ဘဝင်စိတ် ၃-ခုပေါ့၊ လွန်သွားတာက တစ်ခု, လှုပ်ခါသွားတာက တစ်ခု, ပြတ်သွားတာက တစ်ခုပေါ့။ ဒါ … သူ့တစ်ခဏ တစ်ခဏ သွားတာပေါ့။

အဲဒီနောက် ပဉ္စဒွါရာဝဇ္ဇန်းစိတ် ဖြစ်တယ်။
နောက် ရူပါရုံကို မြင်တဲ့ စက္ခုဝိညာဏ်စိတ် ဖြစ်တယ်။
သမ္ပဋိစ္ဆိုင်း လက်ခံတယ်။
သန္တီရဏ စုံစမ်းတယ်။
ဝုဋ္ဌော ဆုံးဖြတ်တယ်။
ပြီးတော့ ဇောကျတယ်။
စုတိ ဖြစ်တယ်။ စုတိဆိုတာ သေတာ။

အဲဒီလို သွားတဲ့အခါ အဲဒီအချိန်အခါမှာ ကံ (အတိတ်က ပြုခဲ့တဲ့ ကုသိုလ်ကံ၊ အကုသိုလ်ကံ)၊
ဒါမှမဟုတ် ကမ္မနိမိတ် (ကံပြုစဉ် အခြံအရံ၊ ဥပမာ - ဒါနကုသိုလ်ပြုစဉ် လှူဖွယ်ပစ္စည်း၊ အလှူခံပုဂ္ဂိုလ် စသည်)၊
သို့မဟုတ် ဂတိနိမိတ် (ရှေ့ဖြစ်မည့် ဘဝ၏ အမှတ်အသား၊ ဥပမာ - နတ်သမီး, နတ်ဗိမာန် စသည်) သုံးခုအနက် တစ်ပါးပါး ထင်ပြီး၊ အာရုံပြုပြီး စုတိစိတ် ကျသွားတာနော်။

ကောင်းပြီ၊ အဲဒီတော့ ကံဆိုတာ ပစ္စုပ္ပန်လား, အတိတ်လား, အနာဂတ်လား?
အတိတ်နော်။ မျက်လုံးနဲ့ မြင်တာ မဟုတ်ဘူး။ နားနဲ့ ကြားတာ မဟုတ်ဘူး။
စိတ်ထဲမှာ ပေါ်တာ၊ မနောဒွါရမှာ။
အာရုံအားဖြင့် ဓမ္မာရုံ။

ကမ္မနိမိတ်ကျတော့ အတိတ်သော်လည်းကောင်း၊ ပစ္စုပ္ပန်သော်လည်းကောင်း ၂-မျိုး ဖြစ်နိုင်တယ်။
အတိတ်တုန်းက ပြုခဲ့တဲ့ ကံရဲ့ အခြံအရံတွေ အခု ပြန်ပေါ်နိုင်တယ်။
အခု လောလောဆယ် ပြုတာတွေလည်း ရှိနိုင်တယ်။
ဒွါရာအားဖြင့် ၆ ဒွါရအနက် တစ်ခုခုမှာ လာထင်နိုင်တယ်။
ဒွါရ ၆ ပါးမှာ ထင်နိုင်လို့ အာရုံအမျိုးအစား ၆ ပါး ရှိမယ်။

သားရဟန္တာ အရှင်သောဏမထေရ်ရဲ့ ဖခင် မုဆိုးကြီး၊ အသက်ကြီးတော့ ရဟန်းဝတ်ပေး၊ သေခါနီး ငရဲနိမိတ်ထင်လာလို့ အရှင်သောဏက ဘုရားစေတီမှာ ဖခင်ဦးဇင်းကြီးကို ပန်းတွေ လှူခိုင်း ကုသိုလ်ပြုခိုင်းလို့ နတ်ပြည်နိမိတ်ထင် စုတိစိတ်ကျပြီး နတ်ပြည်မှာ သွားဖြစ်၊ အရှင်သောဏက နတ်ပြည်ထိ လိုက်သွားပြီး တရားဆက်ဟောတာကြောင့် သောတာပန်လား ဘာလဲမသိဘူး ဖြစ်သွားတယ်။

ခု ဥပမာပေးထားတဲ့ မရဏာသန္နဝီထိက ပစ္စုပ္ပန်ရူပါရုံလို့ ပြထားတာကြောင့် ‘ကံ’ဟာ အာရုံ မဟုတ်ဘူး။ ကံက အတိတ်။
ပစ္စုပ္ပန်ရူပါရုံဆိုတာကြောင့် ကမ္မနိမိတ်ဖြစ်နိုင်တယ်၊ ဂတိနိမိတ်ဖြစ်နိုင်တယ်။

ဒီမှာ ပစ္စုပ္ပန်ရူပါရုံဟာ ဘယ်အချိန်က စပြီးတော့ ဖြစ်ပေါ်သလဲ?
အတီတဘဝင်နဲ့ ပြိုင်ပြီးတော့ ဖြစ်တယ်။ အဲဒီအချိန်မှာ ဖြစ်ပေါ်ပြီး စိတ်အစဉ်ကို လာထိခိုက်တယ်။
ဘဝင် တစ်ချက် လွန်သွားတယ်။
ဘဝင် လှုပ်သွားတယ်။
ဘဝင် ပြတ်သွားတယ်။

ပစ္စုပ္ပန်ရူပါရုံဟာ အတီတဘဝင်နဲ့ ပြိုင်ပြီး ဖြစ်ပေမယ့် အတီတဘဝင်, ဘဝင်္ဂစလန, ဘဝင်္ဂုပစ္ဆေဒ ဒီဘဝင် ၃-ခုက ပစ္စုပ္ပန်အာရုံကို အာရုံမပြုဘူး။ ဟို နောက်တုန်းက ယူလာခဲ့တဲ့ ကံ, ကမ္မနိမိတ်, ဂတိနိမိတ် (ဒီဘဝရဲ့ ပဋိသန္ဓေနဲ့ တူတာကိုသာ)ပဲ အာရုံပြုတယ်။

ခု သေခါနီး တွေ့လာတဲ့ ပစ္စုပ္ပန်ရူပါရုံကို ပဉ္စဒွါရာဝဇ္ဇန်းက စပြီးတော့ စိတ်တွေက အာရုံပြုလိမ့်မယ်။
ပဉ္စဒွါရာဝဇ္ဇန်း, စက္ခုဝိညာဏ်, သမ္ပဋိစ္ဆိုင်းနဲ့ သွားတယ်။

ပစ္စုပ္ပန်ရူပါရုံဟာ စိတ္တက္ခဏ ၁၇-ချက် ကြာရှည်တာကြောင့် အတီတဘဝင်ကနေ စပြီး ရေတွက်လိုက်ရင် ၁၄ မှာ စုတိ၊ ၁၅ မှာ ပဋိသန္ဓေ (နောင်)၊ ၁၆ - ဘဝင်၊ ၁၇ - ဘဝင်မှာ သူချုပ်လိမ့်မယ်။

ဒါကြောင့် ဘဝသစ်မှာ ဖြစ်တဲ့ ပဋိသန္ဓေ၊ ပထမဘဝင်၊ ဒုတိယဘဝင်ဟာ ဒီပစ္စုပ္ပန်ရူပါရုံကို အာရုံပြုတယ်။

အဲဒီရူပါရုံဟာ ဒုတိယဘဝင်မှာ ချုပ်သွားတော့ နံပါတ် ၃ ဘဝင်က စပြီးတော့ ဒီဘက်ဘဝမှာ ဘဝင်ဟူသမျှဟာ အဲဒီ အတိတ်ရူပါရုံကို အာရုံပြုလိမ့်မယ်။

အဲဒီတော့ ဒွါရဝိမုတ်စိတ် ၁၉ ပါးဟာ ဒီဘက်ဘဝသစ်မှာ ပဋိသန္ဓေရယ်၊ သူ့နောက်က ကပ်လိုက်လာတဲ့ ဘဝင်ရယ်၊ နောက်ပြီးတော့ တစ်ဘဝလုံးမှာ ဖြစ်မယ့် ဘဝင်စိတ်တွေရယ်၊ တစ်ခါ ဘဝဆုံးတဲ့အခါ ဖြစ်မယ့် စုတိရယ် ကိစ္စတပ်ပြီး၊
ဘာမှ ကြားမှာ အခြားမရှိ ကပ်လျက်ဖြစ်တဲ့ ဘဝဟောင်းက မရဏာသန္နဇောယူတဲ့ အာရုံကို ယူတယ်။

အဲဒီလို ယူတဲ့အခါမှာ ပစ္စုပ္ပန်လည်း ဖြစ်ချင် ဖြစ်နိုင်တယ်။
အတိတ်ဖြစ်ချင်လည်း ဖြစ်နိုင်တယ်။
ရူပါဝစရဘုံမှာ ဖြစ်တဲ့အခါတော့ ပညတ် ဖြစ်ချင် ဖြစ်မယ်။

အဲဒီ အာရုံကို ကံ, ကမ္မနိမိတ်, ဂတိနိမိတ်လို့ ခေါ်တယ်။

ဘဝတစ်ခုနဲ့ တစ်ခု ကာလအားဖြင့်ဆိုရင် ဘာမှ မခြားဘူး။ စိတ်ခဏအနေနဲ့ ဆက်တိုက်ပဲ။
ဌာနအားဖြင့်ဆိုရင် … ဆိုပါတော့ နတ်ဖြစ်မယ်ဆိုရင် အများကြီး ခြားသွားနိုင်တယ်။

မိလိန္ဒပဥှာမှာ ရှင်နာဂသိန်က မိလိန္ဒမင်းကြီးကို နီးတဲ့ မြို့တစ်မြို့နဲ့ ဝေးတဲ့မြို့တစ်မြို့ကို စဉ်းစားခိုင်းတဲ့ ဥပမာနဲ့ ရှင်းပြတယ်။

အဲဒီတော့ …
ပဋိသန္ဓေ, ဘဝင်, စုတိ ကိစ္စတပ်တဲ့ ဒွါရဝိမုတ်စိတ်တို့ရဲ့ အာရုံဟာ ကံ, ကမ္မနိမိတ်, ဂတိနိမိတ် သုံးပါးတို့တွင် တစ်ပါးပါး ဖြစ်တယ်။

အာရုံအမျိုးအစားအားဖြင့် ၆-ပါး ဖြစ်တယ်။

ကံက ဓမ္မာရုံ၊ ကမ္မနိမိတ်က အာရုံ ၆-ပါး၊ ဂတိနိမိတ်က ရူပါရုံ၊ အားလုံးပေါင်းပြောလိုက်တော့ အာရုံ ၆-ပါး။

ဒီ ကံ, ကမ္မနိမိတ်, ဂတိနိမိတ်ဟာ ပစ္စုပ္ပန်ဖြစ်နိုင်တယ်၊ အတိတ်ဖြစ်နိုင်တယ်၊ ကာလဝိမုတ်ခေါ်တဲ့ ပညတ်လည်း ဖြစ်နိုင်တယ်။ အနာဂတ်ဆိုတာတော့ မရှိဘူး။

ဘဝသစ် ပဋိသန္ဓေစိတ်ဟာ “အခြားမဲ့ လွန်ခဲ့ပြီးသော ဘဝဟောင်းက ဆဒွါရိက မရဏာသန္နဇောသည် ယူပေးအပ်သော” အာရုံကို ယူတာကြောင့် တစ်ဘဝနဲ့ တစ်ဘဝမှာ ကံ, ကမ္မနိမိတ်, ဂတိနိမိတ်ဟာ မတူဘူး။

တစ်ဘဝတည်းမှာတော့ ပဋိသန္ဓေ, ဘဝင်, စုတိဟာ အာရုံတူတယ်။

သေခါနီးဇော = မရဏာသန္နဇောက အကုသိုလ်ကို အာရုံပြုနိုင်တယ်၊ ကုသိုလ်ကို အာရုံပြုနိုင်တယ်။ နာမည်အားဖြင့် ကံ, ကမ္မနိမိတ်, ဂတိနိမိတ်ကို အာရုံပြုတယ်လို့ ပြောရတယ်။

အဲဒါ အရေးကြီးတယ်နော်။
မျက်စိလည်သွားတတ်တယ်။

မျက်စိလည်သွားရင် တစ်သံသရာလုံးမှာ ကံ, ကမ္မနိမိတ်, ဂတိနိမိတ်ဟာ တစ်ခုတည်းလို့ ထင်သွားလိမ့်မယ်။
ဒီဘဝမှာ ကံ, ကမ္မနိမိတ်, ဂတိနိမိတ် ယူတာကိုပဲ နောက်ဘဝကလည်း ယူ၊ နောက်ဘဝကလည်း ယူ၊ နောက်ဘဝကလည်း ယူတယ် ဖြစ်နေလိမ့်မယ်။

နောက် မရဏာသန္နဝီထိနဲ့ ပတ်သက်ပြီး တစ်ခု သတိထားဖို့က အင်္ဂလိပ်လို ရေးတဲ့ စာအုပ်တွေမှာ စုတိက ပဋိသန္ဓေကို ဖြစ်စေတယ်လို့ ရေးလေ့ရှိကြတယ်။ အဲဒါဟာ ချော်နေတာ။

ပဋိသန္ဓေစိတ်ဟာ ဝိပါက်စိတ်၊ ကံရဲ့ အကျိုးဖြစ်တဲ့ စိတ်၊ ဇောအခိုက် ဖြစ်တဲ့ ကုသိုလ်ကံ ဒါမှမဟုတ် အကုသိုလ်ကံက ဖြစ်စေတာ။ စုတိက ဖြစ်စေတာ မဟုတ်ဘူး။

ပဋိသန္ဓေကို ဖြစ်စေတာက ဘဝဟောင်းက ကံက ဖြစ်စေတာ။ ဇောနဲ့အတူတကွဖြစ်တဲ့ ကံတွေ ရှိလိမ့်မယ်၊ ဟိုးနောက်နောက်တုန်းက လုပ်ခဲ့တဲ့ ကံတွေ ရှိခဲ့မယ်၊ အခုပေါ်လာပြီး အဲဒီကံက ပဋိသန္ဓေကို ဖြစ်စေတာ။

ဒါကြောင့်မို့ ဒီအာရမ္မဏသင်္ဂဟအနေနဲ့ နားလည်ဖို့ကတော့ အဲဒီ ဒွါရဝိမုတ်စိတ်လို့ ခေါ်တဲ့ ပဋိသန္ဓေစိတ်, ဘဝင်စိတ်, စုတိစိတ်၊ ဒါမှမဟုတ် ပဋိသန္ဓေ, ဘဝင်, စုတိ ကိစ္စတပ်တဲ့ စိတ် ၁၉ ပါး။

ဒီ ၁၉ ပါးဟာ ကံ, ကမ္မနိမိတ်, ဂတိနိမိတ် ၃-ပါးတို့တွင် တစ်ပါးပါးကို အာရုံပြုတယ်။

အဲဒီ ကံ, ကမ္မနိမိတ်, ဂတိနိမိတ်ဆိုတာ အာရုံအားဖြင့် ပြောမယ်ဆိုရင် အာရုံ ၆-ပါးပဲ။
ရူပါရုံဖြစ်နိုင်တယ်.. သဒ္ဒါရုံဖြစ်နိုင်တယ် … စသည်ဖြင့်ပေါ့။

အဲဒီ ကံ, ကမ္မနိမိတ်, ဂတိနိမိတ်ဟာ ပစ္စုပ္ပန်, အတိတ်, ပညတ် ဖြစ်နိုင်တယ်။

အခြားမဲ့ လွန်ခဲ့ပြီးသော ဘဝဟောင်းက ဆဒွါရိက မရဏာသန္နဇော ယူပေးတတ်တဲ့ အာရုံကို ယူတယ်။

ဒီလောက်ဆိုရင် ရေးရေး နားလည်လိမ့်မယ်လို့ ထင်တယ်နော်။”

+++++

အဘိဓမ္မာသင်တန်းပြီးသောအခါ သင်တန်းသူ သင်တန်းသား တရားနာပရိတ်သတ်နည်းသည့်အပြင် တရားဟောကြားမည့် စိန်စည်ဆရာတော်မှာ အအေးမိနေသဖြင့် ဆရာတော်အားလည်း ယခုတစ်ပတ်တွင် အနားပေးပြီး ရှေ့အပတ်မှာသာ နှစ်ဆတိုး၍ ဟောကြားရန် လျှောက်ထားကြရလေသည်။

Read more...

*Myaut Oo Sayadaw Meditation Treat*

ို

ဆရာတော် ဟောကြားတော် မူသော တရားတော်များအား ဤဆိုဒ်တွင် နာယူ ကြည်ညိုနိုင် ပါတယ် ခင်ဗျာ...။

ဗုဒ္ဓဂယာသုခါရာမကျောင်း
(၁၁) ကြိမ်မြောက် (၇) ရက် တရားစခန်း

မြောက်ဦးဆရာတော် ဘဒ္ဒန္တ၀ါယာမိန္ဒ (မဟာကမ္မဋ္ဌာနာစရိယ)

နေ့ရက် - ၆.၃.၂၀၁၀ စနေနေ့မှ ၁၃.၃.၂၀၁၀ စနေနေ့ထိ။
နေရာ:CHANGI, ALOHA FAIRY POINT BUGALOW 3, FAIRY POINT CHALET 7
မှတ်ချက် ၆.၃.၂၀၁၀ စနေနေ့ ညနေ(၇)နာရီတွင် တရားစခန်း စတင်ဖွင့်လှစ်ပါမည်။

၁၃.၃.၂၀၁၀ စနေနေ့ နံနက် (၁၀)နာရီတွင် တရားစခန်း သိမ်းပါမည်။

ဆက်သွယ်ရန် လှူဒါန်းရန် လိပ်စာ

MAHAMUNI BUDDHIST SOCIETY, 264, WEST WOOD AVE, (OFF JURONG WEST AVE 5) SINGAPORE 648464.

TEL:- 6777 7018/6790 9279/91852924

နေရာ အခက်အခဲ ရှိသဖြင့် ကြိုတင် စာရင်းပေးသွင်း ကြပါရန် မေတ္တာရပ်ခံ အပ်ပါသည်။

--------****-------

လေးစားရိုသေစွာဖြင့်
ဖိုးသား

19.02.2010, FRI:, 10:19:43 PM


Read more...

ရှင်ပြု,နားသ အလှူဒါန


ငါတို့ရွာတွင် ၊ ဟိုယခင်က
ဂုဏ်တင်ပလွှား ၊ ဝင့်ကြွားကြွားဖြင့်
သားသတ်,ရှင်ပြု ၊ နားသ,မှုတို့
ဂုဏ်တုဂုဏ်ပြိုင် ရှိဖူးသည် ။

သားသတ်သူများ ၊ စိတ်ဝင်စားဖို့
စားကွယ်,ရော့ကွယ် ၊ ကူကြကွယ်ဟု
မဖွယ်မရာ ၊ ကုသိုလ်အရာတွင်
သုရာပွဲခင်း သွင်းခဲ့သည် ။

အကုသိုလ်ကံ ၊ အခြံရံနှင့်
ရည်သန်ကောင်းမှု ၊ ပြုပင်ပြုလည်း
ပြုကြသလောက် ၊ ကောင်းကျိုးရောက်ဖို့
အထောက်ဝေးကွာ ၊ စဉ်းစားပါဟု
ဆရာတော်များ ၊ ဟောမိန့်ကြားသည့်
တရားတော်သံ ၊ နားနာခံ၍
အမှန်ယူသူ များခဲ့သည် ။

ယခုအခါ ၊ ငါတို့ရွာတွင်
ဂုဏ်တင်ပလွှား ၊ ဝင့်ကြွားကြွားဖြင့်
သားသတ်,ရှင်ပြု ၊ နားသ,မှုတို့
မပြုဝေးစွာ ရှောင်ခဲ့ပြီ ။

သေရည်မပါ ၊ ရိုးရှင်းစွာဖြင့်
ညီညာဝိုင်း၍ ကူခဲ့ပြီ ။

မှတ်တမ်းပြုစု ၊ ကဗျာနုဖြင့်
ဂုဏ်ပြုဝမ်းမြောက် နိုင်ခဲ့ပြီ ။ ။

(ဤကဗျာအတွက် မှတ်ချက်ရေးသားလိုစိတ်မရှိပါသော်လည်း
အနည်းငယ်မျှ ရေးရပါလိမ့်ဦးမည်။ )
ကုသိုလ်ပြုရာတွင် ရှေ့နောက်ကုသိုလ်စိတ်တို့ခြံရံ၍ပြုလျှင်၎င်းကုသိုလ်ကံကို
အဖြူကံ ဟုခေါ်ပြီး ကောင်းကျိုးပေးသောအခါ ကျပ်ပြည့်,မတ်ပြည့်ပေး၏ ။
(မင်း,သူဌေးစသည်တို့ကဲ့သို့ဟုမှတ်ပါ)
ကုသိုလ်ပြုရာတွင် ရှေ့နောက်အကုသိုလ်စိတ်တို့ခြံရံ၍ပြုလျှင်၎င်းကုသိုလ်ကံကို
"အဖြူအမဲရောသောကံ" ဟုခေါ်ပြီး ကောင်းကျိုးပေးသောအခါ မပြည့်မဝသာပေး၏။
(မင်း၏ဆင်ဖြူတော်,သူဌေးအိမ်၌ ဖြစ်သောခွေးတို့ကဲ့သို့ဟုမှတ်ပါ)
(ဤကားကုသိုလ်၊ဤကားအကုသိုလ်ဟု ခွဲခြားပြနိုင်စွမ်းသော ဘုရားသာသနာ
ခေတ်အခါဝယ် စင်ကြယ်သောကုသိုလ်ကောင်းမှုတို့ကို ရယူဆည်းပူးတော်မူနိုင်ကြပါစေ--)


Read more...

ဖေဖော်ဝါရီ ၂၀-ရက်နေ့ အစီအစဉ်


မြန်မာစံတော်ချိန် ၀၀း၀၀ နာရီမှ ၀၅း၃၀ နာရီ ...
ဆရာတော် ဒေါက်တာနန္ဒမာလာဘိဝံသ ဟောကြားတော်မူသော ...
၁) ဗုဒ္ဓအလိုတော်ကျ နေထိုင်နည်း၊
၂) အသိတရားရှိသူတို့ စိတ်နေသဘောထား၊
၃) ခွန်အားရှိမှ အခက်အခဲကို ကျော်လွှားနိုင်မည် တရားတော်များ။

မြန်မာစံတော်ချိန် ၀၅း၃၀ နာရီမှ ၁၂း၃၀ နာရီ ...
မင်းကွန်းဆရာတော် ဦးဝိစိတ္တသာရာဘိဝံသ ဟောကြားတော်မူသော ...
၁) ပရိတ်ကြီး ၁၁-သုတ် ပါဠိတော်၊
၂) ဓမ္မစကြာနှင့် အနတ္တလက္ခဏသုတ်၊

မဟာစည်ဆရာတော်ဘုရားကြီး ဟောကြားတော်မူသော ...
အာသီဝီသောပမသုတ် (အပိုင်း ၁ မှ ၅ ထိ)

မြန်မာစံတော်ချိန် ၁၂း၃၀ နာရီမှ ၁၅း၃၀ နာရီ ...
ဆရာတော် ဒေါက်တာ အရှင်ပညိဿရ ဟောကြားတော်မူသော ...
၁) မြတ်ဗုဒ္ဓ၏ အယူဝါဒ၊
၂) ကံကြွေးကို ဉာဏ်နှင့်ဆပ် တရားတော်များ။

မြန်မာစံတော်ချိန် ၁၅း၃၀ နာရီမှ ၂၂း၃၀ နာရီ ...
ဆရာတော် အရှင်ဆန္ဒာဓိက ဟောကြားတော်မူသော ...
၁) မြင့်မြတ်သူတို့စံအိမ်၊
၂) ကိုယ့်စိတ်ကိုယ်စစ်၊
၃) ဘယ်အိမ်မှာနေကြမလဲ၊
၎) ရဟန်းဘာကြောင့်ပြုရတယ်၊
၅) မသေခင်ဘာလုပ်ကြမလဲ၊
၆) တယောက်ထဲနေ တစိတ်ထဲထား ... တရားတော်များကို ထုတ်လွှင့်မည် ဖြစ်ပါကြောင်း။

Read more...

စီဘောက်က ဆွေးနွေးချက် (၂)



Ashin: သိပ်မကြွားတာ အကောင်းဆုံးပဲ။ အရှိကို အရှိအတိုင်းပြောရင် ငြင်းခုံဖွယ် မလိုတော့ပါဘူး
ကိုယ်အပါအ၀င် ဗမာဘုန်းကြီးအများစုက အဆောက်အဦကြီးတာ ကျောင်းဝိုင်းကျယ်တာကို အောင်မြင်တယ်လို့ ထင်နေတာ။ ဒီဆရာတော်ဆိုဒ်ကို ကြည့်လိုက်ရင် အဆောက်အဦကြီးတွေ ကြွားထားတာ တွေ့ရတယ် ။


အခုတခါလဲ စီဘောက်က ဆွေးနွေးချက်ပဲ ပို့စ်တင်ရပါလိမ့်ည်။ အထက်ပါစာသားများသည် အရှင် ashin ဆိုသူ၏ ဝေဘန်စာသားများကို အပြောင်းအလဲမရှိ မူရင်းအတိုင်းတင်ထားပါသည်။

ကျေးဇူးတင်ခြင်း
ရှေးဦးစွာ အရှင် ashin ကို ကျေးဇူးတင်ပါတယ်။ သီတဂူစတား ဘလော့ဂ်မှာ လာလည်ခြင်း၊ ဝေဖန်ခြင်းတွေအတွက် ကျေးဇူးတင်ပါတယ်။ စာတွေကိုလဲ အသေအခြာ ဖတ်သွားတယ်ထင်ပါတယ်၊ ထို့အတွက်လဲ အထူးကျေးဇူးတင်ပါတယ်။

သဘောထားဆိုတာ ဘယ်ကလာ
ဒီအရှင် ashin ဆိုတာ ဘယ်သူလဲတော့ မသိပါဘူး၊ ဘုန်းကြီးလား လူလားမသိပါဘူး၊ အီးမေလ် ဖော်မပြခြင်းဖြစ်သည်အတွက် သက်သက် ဝေဖန်တာ မဟုတ်ဘဲ ရန်စနေတယ်လို့ အများက ယူစဖွယ်ရှိ၏။ သီတဂူစတားဆိုဒ်မှာ ဝေးဖန်သွားတာလေးတွေကို ၊ သီတဂူစတားက ၀မ်းသာနေပါတယ်၊ ဘယ်လိုပုံစံနဲ့ပဲ ဝေဖန်ဝေဖန်ပေါ့ သီတဂူစတားအတွက် ကုန်ကြမ်း သို့မဟုတ် သီတဂူစတားရဲ့ ဦးနောက်ကို သွေးပေးတယ်လို့ ယူဆကာ ၀မ်းမြောက်နေမိပါတယ်။ ဝေဖန်သူရဲ့ စိတ်ထဲမှာ ဘယ်လိုရှိတယ်ဆိုတာကိုတော့ သူကိုယ်တိုင်ပဲ ပို သိနိုင်ပါလိမ့်မယ်။ အပြင်လူတွေကော ဘယ်လိုသိနိုင်လဲ? အဘိဓမ္မာသဘောတရားအရ စကားဆိုတာကလဲ စိတ်မပါဘဲ ထွက်မလာပါဘူး၊ (၀ိညတ္တိ ဒွယံ စိတ္တဇမေ၀)၊ စိတ်ထဲကအတိုင်း ထွက်လာတာပါ။ အနောက်တိုင်း ဖီလိုဆိုဖာတွေရဲ့ အတွေးအခေါ်အရ စကား ဘာသာစကား Language ဆိုတာတွေက emotion, attitude စိတ်သဘောထားကို ဖော်ပြနေတာတဲ့။ အဲဒီတော့ ထို အရှင် ashin ရဲ့စကား language တွေကလဲ စိတ်ဆန္ဒက ထွက်လာ သို့မဟုတ် သူ၏ စိတ်သဘောထားကို ဖော်ပြလိုက်ခြင်းကြောင့် သူသည် ဘယ်လို ပုဂ္ဂိုလ်လဲဆိုတာ ပြောပြစရာပင် မလိုတော့ပေ၊ စာဖတ်သူတိုင်းသိနိုင်သည်။ ဒါတွေက သဘောတရားတွေပါ။ စာဖတ်သူတိုင်းသည် လူတစ်ယောက် အပြောအဆိုကို သုံးသပ်နိုင်စွမ်းရှိနေသည်ဖြစ်သောကြောင့် ကိုယ်ဘယ်လိုလူလဲ ဆိုတာ ကိုယ့်ရဲ့အပြော အရေးအသားတွေကို ထောက်ဆက အလွယ်တကူသိနိုင်ပါသည်။ သီတဂူစတားရဲ့ အရေးအသားနှင့် ဓာတ်ပုံ အဆောက်အဦးအစရှိသည့် အခြံအရံတွေကို ဖော်ပြနေခြင်းသည် ကြွားနေတယ်လို့ ယူဆရင်လဲ စိတ်မဆိုးပါဘုရား။ သီတဂူစတားရဲ့ ကိုယ်ပိုင်ဘလော့ဂ်ဖြစ်၍ သီတဂူစတား စိတ်ကြိုက်ဖော်ပြနေခြင်းသည်ပင် သီတဂူစတားရဲ့ လွတ်လပ်သော စိတ်ဖြစ်ပါသည်။

လက်တွေ့ပဓာန
သီတဂူစတားကလဲ ဒီအတိုင်းနေရင် ခေါင်းထဲက ဘာဆိုဘာမှကို ထွက်မလာဘူး၊ ပို့စ်တစ်ခုကို ဘယ်လိုတင်ရမလဲဆိုတာ စဉ်းစားလို့မရဘူးဗျ၊ အခုလို ဝေဖန်လိုက်တော့ ခေါင်းထဲက ပြောစရာတွေ စီထွက်လာတယ်၊ ကုန်ကြမ်းတွေရလာတယ်။ သီတဂူစတား ဦးနောက်ကလဲ အဲလို ပွတ်ပေးမှ အရောင်ထွက်တယ် ထင်ပါရဲ့။ ရေးစရာတော့ ရှိလာပြီပေါ့။ ဘာသာရေးဆိုဒ်ဆိုတော့ ဘာသာရေး စာပေတွေကိုပဲ ဦးစားပေးတင်မယ်စိတ်ကူးထားတယ်၊ သိသင့်သိထိုက်တာလေးတွေက ပေါ်လာတော့ ပေါ်လာတဲ့အတိုင်း ရေးလိုက်ရတာပါ။ သီတဂူစတားသည် စာရေးဆရာ မဟုတ်ကြောင်းကိုတော့ သီတဂူစတား စာတွေ ဖတ်ကြည့်တာနှင့် သိနိုင်ပါတယ်။ ၀ါသနာပါလို့သာ မျက်စိနှင့် တွေ့သမျှ၊ နားနှင့်ကြားသမျှ၊ ကိုယ်နှင့်တွေ့သမျှ၊ မည်သည့်အာရုံက မဆို တွေ့ထိတာမှန်သမျှတွေကို ရေးဖြစ် တင်ဖြစ်သွားတာ ဖြစ်သောကြောင့် empiricism (experience) လက်တွေ့ ၀ါဒ အတွေ့အကြုံ သဘောတရားများ အရ ဖြစ်သောကြောင့် ကြွားတယ်လို့ ထင်ရင်တော့ ထင်နိုင်ပါတယ်။

အရှိအရှိအတိုင်း
အရှိအရှိအတိုင်း ဖော်ပြရင် ငြင်းခုံဖွယ်ရမရှိတဲ့၊ သီတဂူစတားဆိုဒ်တွင် ဘယ်ညာတို့တွင် ယခုဖော်ပြထားသော အဆောက်အဦးများသည်၊ သီတဂူကမ္ဘာ့ဗုဒ္ဓတက္ကသိုလ်ကြီးဖြစ်ပါသည်။ ဒါက အရှိအရှိအတိုင်းမဟုတ်ဘူးလို့ ပြောရင်၊ လိမ်တယ်ပြောမလား၊ ဒါမှ မဟုတ်ကြွားတယ်လို့ ထင်နေတယ်ဆိုရင်တော့ ဘယ်သူ့စိတ်၊ ဘယ်လို စိတ်ထားမျိုးနှင့် တိုင်းတာ ပြောနေတယ်ဆိုတာ သီတဂူစတား နားမလည်တော့ပါ၊ ကိုယ့်စိတ်နှင့်ကို တိုင်းတာရင်တော့ လူတိုင်းကို အဲလို မထင်သင့်ဘူးထင်ပါတယ်။ လူတိုင်းမှာ မတူညီတဲ့အရည်အချင်းရှိသလို မတူညီတဲ့ ခံစားချက် ယူဆချက်တွေ ရှိကြပါတယ်။ တူညီတာလဲ ရှိနိုင်သလို မတူညီတာတွေလဲ အများကြီးရှိနေပါတယ်။ သီတဂူကမ္ဘာ့ဗုဒ္ဓတက္ကသိုလ်ကြီးသည် ကိုယ့်မြန်မာပြည်မှာ ထီးထီးမားမားနဲ့ ကမ္ဘာ့မျက်နှာပြင်သို့ ပေါ်ပေါက်လာတာကို မြန်မာလူမျိုးတစ်ယောက် အနေနှင့်သော်၎င်း၊ ဗုဒ္ဓဘာသာလူမျိုးတစ်ယောက် အနေနှင့်သော်၎င်း ၀မ်းသာဂုဏ်ယူရမည်ဖြစ်ပါသည်။ လူမူရေး social ရှုထောင့်ကနေပဲ ဖြစ်ဖြစ် ဘာသာရေးရှုထောင့်ကနေပဲ ဖြစ်ဖြစ် ၀မ်းမြောက်နုမော် သာဓုခေါ်နိုင်ရမှာဖြစ်ပါသည်။ နောက်တစ်ခုက အဆောက်ဦးတွေရဲ့ နောက်ကွယ်မှာ မမြင်နိုင်တဲ့ အဓိပ္ပါယ်တစ်မျိုးရှိပသေးတယ်။ အဆောက်အဦးကောင်းတွေကို ဖော်ပြလိုက်ခြင်းဖြင့်
မြန်မာပြည်သူတွေရဲ့ သာသနာတော်အပေါ် ယုံကြည်မှုနှင့် အထောက်အပံ့အားတွေကို ဂုဏ်ယူဝမ်းသာဖွယ်ရာ တွေ့မြင်ရမှာ ဖြစ်ပါတယ်။ သီတဂူစတားသည် ကိုယ်ပိုင်အစွမ်းအစ ဘာမှ မရှိပါဘူး၊ ကိုယ်စွမ်းနိုင်တဲ့ဘက်က အလုပ်လုပ်နေတယ်လို့ ယူဆပါတယ်ဘုရား။ ထို့ကြောင့် သီတဂူဆရာတော်ကြီးနှင့် သီတဂူတပည့်ဒကာ ဒကာမတွေအတွက်သော်၎င်း၊ သာသနာကို ချစ်ခင် ကြည်ညိုနေသူများအတွက်၎င်း ၀မ်းမြောက်နုမော် သာဓုခေါ်နိုင်ရန် ရည်ရွယ်၍ အဆောက်အဦးများကို တက်နိုင်သရွေ့ ဖော်ပြသွားပါမည်။ ဒါသည်ပင်လျင် သီတဂူစတားအတွက် အလုပ်တမျိုးလို့ ယူဆထားပါသည်။ သူများတွေ ၀မ်းသာစေချင်ပါသည်၊ စိတ်မအီမသာ မဖြစ်စေချင်ပါဘုရား။

ဓာတ်ပုံတိုင်းမှာ စကားလုံးပေါင်း ၁၀၀၀ စီပါဝင်
သီတဂူစတားဆိုဒ်တွင် အချို့ပုံများသည် အမရပူရမြို့ မဟာဂန္ဓာရုံကျောင်းတိုက်ကြီး၏ သာသနာတော်အတွက် ဂုဏ်ယူဝင့်ကြွားဖွယ်ရာများကို ဖော်ညွန်းရုံသာမက သီတဂူစတားရဲ့ ငယ်ဘ၀ကိုလဲ ထင်ဟပ်စေပါသည်။ ဓာတ်ပုံတစ်ပုံသည် စကားလုံးပေါင် တစ်ထောင်နှင့် ညီမျှသည်ဆိုရကား ထိုဓာတ်ပုံတစ်ပုံချင်းစီ၏နောက်မှာ စကားလုံးပေါင်း တစ်ထောင်စီ ပါဝင်နေပါသည်၊ ဖတ်နိုင်တဲ့သူတွေသာ ဖတ်နိုင်ပါလိမ့်မည်၊ မဖတ်နိုင်တဲ့သူတွေအတွက်က တော့ ကြွားတယ်လို့ ထင်နေပါဦးမည်။ မြင်နိုင်အောင်ကြည့်ပြီး ဘာသာပြန်စေလိုပါသည်။ ကိုယ့်ရဲ့ဘာသာပြန်သည် လည်း ကိုယ့်စိတ်နှင့် ထင်ဟပ်နေသည်ဆိုတာလဲ မမေ့စေလိုပါ။ သီတဂူစတားရဲ့ ငယ်ဘ၀ကို အဲဒီအဆောက်အဦးတွေက ဖော်ပြနေပါသည်။ ဒါဆိုရင် သီတဂူစတားက မိခင်စာသင်တိုက်ကြီးကို ကျေးဇူးဆပ်ခြင်းတမျိုးနှင့် ပေးဆပ်နေခြင်းဖြစ်ပါသည်။

သာသနှာနှင့် အဆောက်အဦး
အဆောက်အဦးသည် သာသနာအတွက် သိပ်အရေးမပါဟုအဆိုသည်လည်း အများစုလက်ခံကြပေမဲ့ သီတဂူစတားက လက်မခံနိုင်ပါ၊ ယနေ့ခေတ် သာသနာအတွက် အဆောက်အဦး ကောင်းကောင်း လိုအပ်သည်။ အိမ်သာမှ ဧည့်လာ၊ လူခင်မှ တရားမင် ဆိုတဲ့ စကားတွေဟာလဲ အလွန်ကျယ်ပျံ့ပါတယ်။ စာပေနှင့်အကျင့်ပဋိပတ်သာ သာသနာအတွက် အဓိကဆိုပေမဲ့ အဆောက်အဦးမရှိလျင် မဖြစ်ပါ။ ယနေ့ မန္တလေးမြို့ မစိုးရိမ်တိုက်သစ်၊ တိုက်ဟောင်း၌ ၃၀၀၀ ကျော်သော စာသင်သားတွေရှိပါသည်၊ အဆောက်အဦးမရှိက အဲဒီလောက်မြားပြားသော သံဃာထု သည် မည်သို့ စာပေသင်ကြားနိုင်မည်နည်း၊ အမရပူရမြို့ မဟာဂန္ဓာရုံကျောင်းတိုက်တွင်လည်း သံဃာ ၁၄၀၀ ကျော် စာသင်စာချ လုပ်ငန်းများကို ပြုလုပ်နေပါသည်။ ထိုကျောင်းတိုက်များတွင် သာသနာအတွက် အဆောက်အဦးမရှိက မည်သို့ ချမ်းသာစွာ သီးတင်းသုံးနေထိုင်နိုင်ပါဦးမည်နည်း။ ယနေ့ခေတ် ဗုဒ္ဓဘာသာ အခိုင်အမာရှိကြောင်းကို စာပေရော အဆောက်အဦး အထောက်အထားတွေကြောင့် ဗုဒ္ဓဘာသာနှင့် ဂေါတမဗုဒ္ဓ တကယ်ရှိခဲ့ပါလားဆိုတာ အခိုင်မာဆုံးသော အထောက်ထားဖြစ်ပါသည်။ သမိုင်းသည်လည်းအရေးပါကြောင်း။ ဗုဒ္ဓဂါယာရှိ အသောကမင်းကြီး၏ ကောင်းမှုများက သက်သေပြနေပါသည်။

အဆောက်အဦးနှင့် အောင်မြင်မှု
အောင်မြင်မှုဆိုတာ အဆောက်အဦးက ပဓာနမကျဘူးဆိုတာ မှန်ပါတယ်၊ ဒါပေမဲ့လဲ သီတဂူကမ္ဘာ့ဗုဒ္ဓတက္ကသိုလ်၊ အမရပူရမြို့ မဟာဂန္ဓာရုံကျောင်းတိုက် နှင့် မစိုးရိမ်တိုက်သစ်တို့၌ရှိသော အဆောက်အဦးများသည် အောင်မြင်မှု၏ ရလာဒ်ဖြစ်ပါသည်၊ အဆောက်အဦးဖြင့် ဟန်ပြနေသည်ဟုတ် မဟုတ်ကို ကိုယ်တိုင်ကိုယ် လေ့လာစေလိုပါသည်။ ပညာရေးအခန်းကဏ္ဍမှာ အဆောက်အဦးသည် အရေးပါကြောင့် ယနေ့ခေတ်တက္ကသိုလ်ကြီးတွေ ပရိယတ္တိစာသင်တိုက်ကြီးတွေကို သုံးသပ်နိုင်ပါသည်။ တဲကုတ်နှင့်စာသင်တိုက်၊ ထန်ရွက်မိုး ထန်းရွက်ကာတဲ့ တက္ကသိုလ်ကြီးတွေကို ဘယ်သူတွေ စိတ်ဝင်စားနိုင်မလဲ။ ကိုယ်က သူများကို ပေးနေတာဖြစ်သောကြောင့်၊ ပညာကိုလဲ ပေး နေစရာကိုလဲ ပေး အစားအစာလဲ ကြွေးနေတဲ့ တက္ကသိုလ်ကြီးတွေဖြစ်ပါတယ်၊ ဘုန်းရှိ ကံရှိတဲ့သူတွေ တက်နိုင်ကြပါလိမ့်မည်။ သီတဂူစတားသည် ထို အဆောက်အဦးများကို ဖော်ပြခြင်းဖြင့် ထိုတက္ကသိုလ် ထိုစာသင်တိုက်ကြီးများကို ကျေးဇူးဆပ်နေပါသည်ဘုရား။

ကဲ အရှင် ashin ရေ ဒီလောက်ဆို တော်လောက်ပြီ၊ ပို့စ်လဲ ရှည်သွားပြီ။ အရှင့် ashin ကို တကယ်ကျေးဇူးတင်ပါတယ်။ ဒီနေ့ည ၁ နာရီးထိုးမှ အိပ်ယာဝင်ရပါတယ်။ သူငယ်ချင်းတွေကတော့ ပြန် မရေးတာ ကောင်းပါတယ်တဲ့ မခံချင်အောင် သက်သက် စနေတာတဲ့၊ ဒါပေမဲ့ သီတဂူစတားအတွက် စာအရေးအကျင့် ရသွားတယ်။

သီတဂူစန်းလပမာ ချမ်းမြသာယာ ရှိကြပါစေ။
သီတဂူစတား
၁၉-၂-၂၀၁၀



Read more...

သီတဂူအတွက် သီတဂူ

လရောင်ကို နမ်းရှိုက်သူများ တဲ့။ ကဗျာစာအုပ်လေးရဲ့ အမည်က အနံ့မွှေးပါတယ်။ သီတဂူဆရာတော်ကြီးရဲ့ တပေါင်းလပြည့်မွေးနေ့ကို သီတဂူမျိုးဆက်တွေက စကားလုံးအခင်းအကျင်းတွေနဲ့ ပူဇော်ကြတာပါ။ သူ့ကိုလည်း စာမျက်နှာတစ်ခုပေးပါတယ်။ သီတဂူဆရာတော်ကြီးကို သီတဂူမျိုးဆက်တွေကြား တစ်သားတည်း ဂုဏ်ပြုခွင့်ပေးကြတာ ကျေးဇူးတင်ပါတယ်။ ရင်ဘတ်ထဲက ဂုဏ်ပြုတေးက ကျယ်လောင်ကြည်မြပေမယ့် စာရွက်ပေါ်မှာတော့ ဒီစကားလုံးလေးတွေပဲ ခင်းကျင်းပြနိုင်ခဲ့ပါတယ်။ ကဗျာဖြစ်မဖြစ် မသေချာပေမယ့် သေချာတာက ကဗျာဆိုပြီး လက်မှတ်ထိုးလိုက်မိပါတယ်။ ဘာပဲဖြစ်ဖြစ် သီတဂူလမင်း ကတော့ လင်းပြီးသားပါ။
ကဗျာစာအုပ်လေးကိုတော့ သီတဂူစတားဘလော့မှာ ဝေငှထားပါတယ်။


သီတဂူ

အရိပ်ဆိုတော့ အေးတယ်

အရိပ်စစ်ပဲ

ခိုစို့။


အရိပ်ဟာ

အရိပ်ဖြစ်ဖို့ပဲ ရွေးချယ်

အရိပ်ကို ကျောပေးထားလိုက်တယ်။


အရိပ်ဟာ

သုံးရာသီကြမ်းရှမှုတွေကြား

ကြီးထွားလာတယ်။


အရိပ်ဟာ

အေးပေမယ့် တုန်ခိုက်စေတဲ့ နှင်းမိုးတွေကြား

စည်ပင်ပြန့်ကားလာတယ်။


အရိပ်ဟာ

ဖြစ်ရိုးဖြစ်စဉ်လောကီဆန်ဆန်မုန်တိုင်းတွေကြား

သန်စွမ်းလာတယ်။


အရိပ်ဟာ

လောကအလွန်ကိုသာ ညွတ်ကိုင်းရဲ့။

အရိပ်အလွန်မှာ ကောင်းကင်ဟာ ဟင်းလင်းပွင့်တော့တယ်။


အရိပ်ဟာ

စိတ်နှလုံးသစ်ခက်တွေနဲ့ ဖြာထွက်

ဗြဟ္မစိုရ်သစ်ရွက်တွေနဲ့ ဝေသီ

ဓမ္မပင်စည်တွေနဲ့ ခိုင်မတ်

အရိပ်ငတ်သောငှက်များနားစေသတည်း။


အရိပ်ဟာ

အရိပ်ဖြစ်ရခြင်းသန္တဂီတမှာ

အိပ်မက်အမာထည်တွေရှိတယ်

အရိပ်မျိုးစေ့လေးတွေ ပျိုးလိုက်သေးရဲ့။


ဒီလိုနဲ့

အရိပ်စိုက်ခင်းကြီးထဲ

အရိပ်လေးတွေ စိမ်းလန်းလာခဲ့ပေါ့။

အရိပ်စိမ်းစိမ်းလေးတွေ

နေပူပူလေခါးခါးထဲ

မျိုးဆက်ပြန့်ကား

အရိပ်တရားသစ်တွေဟောကြရော။


အရိပ်ဟာ စစ်တယ်။

ခိုစို့။


ဓမ္မဂင်္ဂါ-အရှင်ဝိစိတ္တသာရ



Read more...

လာလည်ကြသူများ

ဤဘလော့ဂ်၏ ရည်ရွယ်ချက်

ယခုအခါ ကမ္ဘာတလွှားတွင်ရှိနေကြသော ဓမ္မဘလော့ဂ်ဂါများသည် နေ့ စဉ်နှင့် အမျှ အင်တာနက် စာမျက်နှာများ ပေါ်တွင် ဓမ္မနှင့်သက်ဆိုင်သော အကြောင်းအရာ အမျိုးမျိုးကို ပို့ စ်များရေးတင်လျက် ရှိနေကြပါသည်။

ဘလော့ဂ်ဂါများမှ မိမိတို့ ၏ကိုယ်ပိုင် စာမျက်နှာများမှတဆင့် ရေးတင်နေကြသဖြင့် ဖတ်ရှုလေ့လာသူများအတွက် နေရာများစွာသို့  သွားရောက် ဖတ်ရှုနေကြရပါသည်။

ထို့ ကြောင့် စာဖတ်သူများ အချိန်ကုန်သက်သာစေရန်နှင့် မိမိတို့  ဖတ်ရှုလိုရာကို လွယ်လင့်တကူ ရှာဖွေနိုင်ရန် နေ့ စဉ်ရေးသား နေကြသော အကြောင်းအရာများကို တနေရာတည်းတွင် စုစည်းပေးလိုသော ရည်ရွယ်ချက်ဖြင့် ဤဘလော့ဂ်ကို စီစဉ်လိုက်ခြင်းဖြစ်ပါသည်။

ပြောချင်တာများရှိရင် ရေးပေးထားခဲ့ပါ

မြန်မာပြက္ခဒိန်

မြန်မာပြက္ခဒိန်
www.burmeseclassic.com မှ ကူးယူဖော်ပြပါသည်။

  © Blogger templates The Professional Template by Ourblogtemplates.com 2008

Back to TOP