* သဗ္ဗဒါနံ ဓမ္မဒါနံ ဇိနာတိ၊ * သဗ္ဗရသံ ဓမ္မရသော ဇိနာတိ။

* သဗ္ဗဒါနံ ဓမ္မဒါနံ ဇိနာတိ၊     * သဗ္ဗရသံ ဓမ္မရသော ဇိနာတိ။

နမတ္ထု ဗုဒ္ဓါနံ နမတ္ထု ဗောဓိယာ။ နမော ဝိမုတ္တာနံ၊ နမော ဝိမုတ္တိယာ။

ဘုရားရှင်တို့ အား ရှိခိုးပါ၏။
ဘုရားရှင်တို့ ၏ မဂ်ဥာဏ် ဖိုလ်ဥာဏ်အား ရှိခိုးပါ၏။
ကိလေသာတို့ မှ လွတ်မြောက်တော်မူကြသော ဘုရားရှင်တို့ အား ရှိခိုးပါ၏။
ထိုဘုရားရှင်တို့ ၏ ဝိမုတ္တိငါးပါးအား ရှိခိုးပါ၏။

ကရုဏာလက်များ ကမ်းလင့်ပေးပါ...

ကရုဏာလက်များ ကမ်းလင့်ပေးပါ...
စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။

ပညာရေးအလှူတော် နှိုးဆော်ချက်


ရန်ကုန်မြို့ အသောကာရာမ သီလရှင်စာသင်တိုက်မှ နဝမတန်း ဖြေဆိုမည့် သီလရှင် ဆရာလေးများအတွက် ဆရာ၊ ဆရာမများ လစဉ် ထားပေးနိုင်ရန် ပညာရေးအလှူရှင်များ လိုအပ်နေပါသည်။ ရွှေစေတီ ဘုန်းတော်ကြီးသင်ပညာရေးကျောင်းတွင်လည်း ဆင်းရဲနွမ်းပါးသည့် ၉ တန်းနှင့် ၁၀ တန်း ကျောင်းသားများ ကျောင်းအိပ်ကျောင်းစား နေထိုင်ပညာဆည်းပူးနိုင်ရေးအတွက် ကူညီထောက်ပံ့မည့် ကုသိုလ်ရှင်များ လိုအပ်လျက် ရှိပါသည်။ စေတနာရှင် အလှူရှင်များ အနေဖြင့် ထေရဝါဒ ဗုဒ္ဓဘာသာ လူငယ်များအသင်း http://www.mmtheravada.org ဖုန်း
09-73062811, 09-5505176 သို့ ဆက်သွယ်လှူဒါန်းကြစေလိုပါသည်။

သီလရှင် ဆရာလေးများနှင့် ကလေးများ ဇွန်လအမီ ကျောင်းတက်နိုင်ရေးအတွက် ကာလဒါန ကုသိုလ်အဖြစ် သဒ္ဓါတတ်အား နည်းများမဆို လှူဒါန်းကူညီကြပါရန် နှိုးဆော်အပ်ပါသည်။

ဝိမုတ္တိရသ အဖွဲ့သားများ

------------------------
နောက်ဆက်တွဲသတင်း.....

ပညာရေးအလှူတော်လှူဒါန်းမည့်အစီအစဉ်

ထေရ၀ါဒဗုဒဘာသာ လူငယ်များ အသင်းမှ ဦးစီး၍ (၂၀၁၁) ခုနှစ်တွင် န၀မတန်းသို့ တက်ရောက်မည့် ကျောင်းသား (၂၅) ယောက်နှင့် ကျောင်းသူ (၂၅) ယောက်အား ပညာရေးထောက်ပံ့မှုပြုလုပ်ပေးနိုင်ရန် စီစဉ်ထားပါသည်။

ပြုလုပ်မည့်အစီအစဉ်

ကျောင်းသားများအား ရွှေစေတီဘုန်းကြီးကျောင်း (ဆရာတော် ဦးတေဇန္ဒိ၊ ခ/(၃) ရက်ကွက်၊ ရွှေစေတီကျောင်း၊ မင်္ဂလာဒုံမြို့နယ်) တွင်ထားရှိမည်ဖြစ်ပြီး ကျောင်းသားများသည် မိမိတို့ ဆန္ဒအလျောက် ကိုရင်ဝတ်လိုကလည်း ၀တ်နိုင်ပါသည်။ ကျောင်းသူများအား အသောကာရာမ သီလရှင်စာသင်တိုက် (ဆရာလေးဒေါ်သုနန္ဒာ (ဖုန်း-၀၉-၈၆၂၈၈၁၁)၊ ၀ါယာလက်ဈေးမှတ်တိုင်၊ ရွှေနှင်းဆီရပ်ကွက်၊ မင်္ဂလာဒုံမြို့နယ်) တွင်ထားရှိပါမည်။ အသောကာရာမကျောင်းမှ သီလရှင်များသာလက်ခံသည်ဖြစ်၍ ကျောင်းသူများမှာ သီလရှင်ဝတ်ရပါမည်။ သီလရှင်များတက်ရောက်ရမည့် အ.ထ.က ကျောင်းမှာ အသောကာရာမ ကျောင်းမှလက်ရှိ သီလရှင်များ တက်ရောက်နေသော ကျောင်းဖြစ်၍ ပညာသင်ကြားမှုတွက် အခက်အခဲ မရှိနိုင်ပါ။ စာသင်သူများ စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။ အသေးစိတ်ဆောင်ရွက်မည့် အချက်အလက်များအားလည်း ဆက်လက်ဖော်ပြသွားပါမည်။

လျောက်ထားမည့် သူများ ပြည့်စုံရမည့်အချက်များမှာ

(က) ကျောင်းသူများမှာ သီလရှင်ဝတ်နိုင်ရပါမည်။

(ခ ) မိဘများမှ နေထိုင်ရန်ခွင့် ပြုသူဖြစ်ရပါမည်။

(ဂ ) စာသင်သားများနေထိုင်မည့် ကျောင်းတွင်း စည်းကမ်းများကို တိကျစွာလိုက်နာရပါမည်။

(ဃ) ကျောင်းထားရန် အမှန်တကယ်အခက်အခဲ ရှိနေသူဖြစ်ရပါမည်။

အထက်ပါအချက်အလက်များနှင့် ပြည့်စုံသူများသည် ထေရ၀ါဒဗုဒ္ဓဘာသာလှူငယ်များ အသင်းသို့ ဆက်သွယ်မေးမြန်းနိုင်ပါသည်။ (http://mmtheravada.org)

ဆက်သွယ်ရန်လိပ်စာ

ကိုထွန်းထွန်းလှိုင်

ဖုန်း ၀၉-၇၃၀၆၂၈၁၁

htunhtunhlaing82@gmail.com

winthu.tbyo@gmail.com

thantzin83@gmail.com

Sunday, January 31, 2010

သိဖိုလိုသလို လိုက်နာဖို့ ဆောင်ဖို့လဲလိုပါသေးတယ်။ (by Su Su)


ဘယ်တော့မှ ပြန်မရနိုင်သော အရာ(၃)မျိုး
(၁) ကုန်ဆုံးသွားသော အချိန်
(၂) ပြောပြီးသောစကား
(၃) အခွင့်အရေးကောင်းများ

တန်ဖိုးအကြီးဆုံးအရာ(၃)ခု
(၁) အချစ်
(၂) မိမိကိုယ့် မိမိယုံကြည်မူ
(၃) အခွင့်အရေးကောင်းများ


ဘယ်တော့မှ မသေချာသောအရာ(၃)မျိုး
(၁) အိပ်မက်
(၂) စိတ်ကူးရည်ရွယ်ချက်
(၃) ကံကြမ္မာ

အကောင်းဆုံးဖန်တီးနိုင်သောအရာ(၃)မျိုး
(၁) အလုပ် ကြိုးစားခြင်း
(၂) စိတ်ရင်းအမှန်ဖြင့် ကြိုးစားခြင်း ၊ ရိုးသားခြင်း
(၃) စိတ်ရောကိုယ်ပါ နှစ်မြုတ်ထားခြင်း

ပျက်စီးစေသောအရာ(၃)မျိုး
(၁) အရက်သေစာ
(၂) မာနကြီးခြင်း ၊ မိမိကိုယ် မိမိ အထင်ကြီးခြင်းနှင့် ၀င့်ကြွားခြင်း
(၃) ဒေါသကြီးခြင်း

တစ်ကြိမ်ဆုံးရူံးပြီးနောက် ပြန်လည်တည်ဆောက်ရန် ခက်ခဲသောအရာ(၃)မျိုး
(၁) ရိုသေလေးစားခြင်း
(၂) ယုံကြည်စိတ်ချမူ
(၃) ခင်မင်ရင်းနှီးမူ

Read more...

ယောကျာင်္းဘ၀ ရလိုသော်

အရှင်ဘုရား၊ တပည့်တော်တို့ မိန်းမသားဘ၀ကနေ ယောင်္ကျားဘ၀ကို ရအောင် လုပ်နိုင်တဲ့ နည်းလမ်းရှိနိုင်ပါသလား၊ ယခု ရရှိနေတဲ့ မိန်းမသားဘ၀ရဲ့ ဒုက္ခတွေကို စိတ်ကုန်နေပါပြီ၊ ဒါကြောင့် ရနိုင်တဲ့ နည်းလမ်းရှိရင် ညွှန်ပြပေးပါဘုရား ၊

စင်္ကာပူက ဒကာမလေးတစ်ယောက်က မေးလာတဲ့ မေးခွန်းပါ၊ တကယ်ပဲ စိတ်ကုန်တာလား၊ ခဏတဖြုတ် ညစ်ညူးပြီး လျောက်ထားတာလား ဆိုတာ ကာယကံရှင်ပဲ သိပါလိမ့်မယ်၊ ဘာဖြစ်လို့လဲ ဆိုတော့ စာပေမှာ ဘုရားရှင် ဟောထားတဲ့ စကားလေး တခွန်း ရှိတယ်၊ ဘ၀နိကန္တိက တဏှာ တဲ့၊ လူတိုင်း လူတိုင်း တိရိစ္ဆာန်တွေမှာရော နတ်ဗြဟ္မာတွေ အပါအ၀င်ပေါ့၊ ပုထုဇဉ် သတ္တ၀ါ အားလုံး ဟာ မွေးဖွားမလာခင် ပဋိသန္ဓေ နေစဉ်မှာကတည်းက လက်ရှိဘ၀ ခန္ဓာကိုယ်ကို တွယ်တာ မက်မော သာယာတတ်တဲ့ စိတ် ဆိုတာ ရှိတတ်ကြပါတယ်၊

သတ္တ၀ါတိုင်းဟာ ကိုယ့်ဘ၀ ဘယ်လောက် နုံချာစုတ်ပြတ်နေပါစေ၊ ကိုယ့်ရုပ်ရည် ချောမောတာ၊ ဆံပင်လေးတွေ ဖြောင့်ဆင်းလှပနေတာ၊ အသားအရေစိုပြေ ၀င်းနေတာ၊ လက်သည်း ခြေသည်းလေးတွေ နီထွေးနေတာ၊ ဒီလို အသေးစိတ်လေးတွေက လူတိုင်းမှာ တခုမဟုတ် တခု သာယာ မြတ်နိုးစရာ အနေနဲ့ ရှိတတ်ကြပါတယ်၊

အဲဒီ သာယာတဲ့ စိတ်ကလေး ကြောင့်ပဲ သတ္တ၀ါတွေဟာ ကိုယ့်ရဲ့ လက်ရှိဘ၀ကနေ နီးစပ်တဲ့ ဘ၀ကိုပဲ ပြန်လည်ရောက်ရှိကြတာဖြစ်တယ်၊ ( ဥပမာ ) ဒီဘ၀ မိန်းမသားဘ၀နဲ့ သေလွန်ခဲ့ရင် နောက်ဘ၀လဲ လူဘ၀ ပြန်ရမယ် ဆိုရင်ပေါ့ ၊ မိန်းမသားဖြစ်ဖို့ ၇၀ ရာခိုင်နှုန်း သေချာနေပါပြီ၊ ကျန်တဲ့ ၃၀ ရာခိုင်နုန်းက ပြုလုပ်ထားတဲ့ အခြားကံတွေကြောင့် အခြားဘ၀ကို ရနိင်ပါမယ်၊

အဲဒီ ဘ၀နိကန္တိက တဏှာ စိတ်လေးဟာ ဘယ်လောက် ဆွဲဆောင်အား ကောင်းသလဲ ဆိုတာ ကျမ်းဂန်တွေမှာ အထောက်အထားတွေ အများကြီး တွေ့ရပါတယ်။ ရာဇဂြိုလ်ဘုရင် ဗိမ္ဗိသာရရဲ့ မိဖုရား ခေမာထေရီ၊ ဥပ္ပလ၀ဏ်ထေရီ၊ စတဲ့ ရဟန္တာမကြီးတွေဟာ ကမ္ဘာပေါင်းတသိန်း ပါရမီ ဖြည့်ခဲ့ပေမယ့် ဘ၀တိုင်းလိုလို မိန်းမသားဘ၀ကိုပဲ တောင့်တ ပြီး ဖြတ်သန်းခဲ့ကြတာက သက်သေပါပဲ၊ နောက်ပြီး ကျောင်းအမကြီး ၀ိသာခါ လဲ အတူတူပါ။

ဒီနေရာမှာ ပြောစရာက သူတို့က အခု ပြောမဲ့ နည်းလမ်းကို မသိကြတာလဲ ဖြစ်ကောင်းဖြစ်နိုင်ပါတယ်၊ မသိလို့ မကျင့်ဘူး၊ မကျင့်လို့ မဖြစ်တော့ဘူးပေါ့။ ဒီလိုပဲ ယောကျားလေးတွေကလဲ ကိုယ့်ရဲ့ လက်ရှိဘ၀ကို တွယ်တာစိတ်နဲ့ ဘ၀တွေကို ဖြတ်သန်း ခဲ့ကြလို့ နီးစပ်ရာ ဘ၀ကိုပဲ ဖြစ်ကြတယ်။ ကာမေသုမိစ္ဆာစာရကံ၊ ပရဒါရကံမျိုး မကျူးလွန်ဘူး ဆိုရင် သူတို့လဲ ဘ၀တိုင်း ယောကျာ်းဘ၀ကိုပဲ ဖြစ်ရမှာပါ။

ဣတ္ထိယော ပန ဒါနာဒီနိ ပုညာနိ ကတွာ ဣတ္ထိဘာဝေ ဆန္ဒံ ၀ိရာဇေတွာ ဣဒံ နော ပုညံ ပုရိသတ္တဘာဝ ပဋိလာဘာယ သံဝတ္တတူ တိ စိတ္တံ အဓိဋ္ဌဟိတွာ ကာလံ ကတွာ ပုရိသတ္တဘာဝံ ပဋိလဘန္တိ၊

ပဋိဒေ၀တာ ဟုတွာ သာမိကေ သမ္မာပဋိပတ္တိဝသေနပိ ပုရိသတ္တဘာဝံ ပဋိလဘန္တေ၀။

နည်းလမ်း ၁ အနေနဲ့ မိန်းမသားတွေဟာ ကုသိုလ်ကောင်းမှု့ မှန်သမျှ ပြုလုပ်တိုင်း ပြုလုပ်တိုင်း မိန်းမသားဘ၀ကို စိတ်ကုန်တဲ့ စိတ်နဲ့၊ ( စိတ်ကုန်တယ် ဆိုတာ ခဏတဖြုတ် စိတ်ဆင်းရဲတာမျိုးလောက် မဟုတ်ပါဘူး၊ သတိ သံဝေဂ ရလောက်အောင် စိတ်ကုန်တာမျိုးပါ) ယောကျာ်းစိတ်ဓာတ်မျိုးနဲ့ စိတ်ကို အဓိဋ္ဌာန်ပြီး ဒီကုသိုလ်ကောင်းမှု့ဟာ ယောကျားဘ၀ ရဖို့အတွက် အထောက်အပံ့ ဖြစ်ပါစေ ဆိုပြီး ဆုတောင်း ရပါမယ်၊

( ဣတ္ထိဘာဝေ ဆန္ဒံ ၀ိရာဇေတွာ ) ဆိုတဲ့ ပါဠိက အထက်က ပြောခဲ့တဲ့ ဘ၀နိကန္တိက တဏှာ ကို ရည်ညွှန်းပါတယ်၊ အဲဒီစိတ်ကို ကုသိုလ်ယူချိန် ဆုတောင်းချိန်မှာ ပယ်ဖျောက်ထားရပါမယ်၊

နည်းလမ်း ၂ ကတော့ အိမ်ထောင်သည် အမျိုးသမီးတွေအတွက် ကိုယ့်အိမ်ထောင်ဖက် အမျိုးသားအပေါ် မယားဝတ္တရားကျေပွန်အောင် ပြုစုယုယပေးရင်လဲ ယောကျားဘ၀ကို ရနိုင်ပါသတဲ့၊

စာရေးသူ အမြင်မှာတော့ ကိုယ့်ကံက ဆိုးလွန်းလို့ အိမ်ထောင်ဖက်က အရိုအသေ ပေးရလောက်အောင် အဆင့်မရှိပေမယ့်ကိုယ်က ၀တ္တရားကျေပွန်အောင်မေတ္တာမပျက် ပြုစုပေးပြီး ဆုတောင်းမယ် ဆိုရင် ပိုသင့်လျော်မယ် လို့ ထင်မိပါတယ်။ ဘာကြောင့်ဆို ကိုယ်က လိုချင်တာ ရှိနေတာကိုး၊ တခုကို လိုချင်လျင် တခုကို ပေးဆပ်ရမှာ ရင်းနှီးရမှာက လောက သဘ၀ ပါပဲ။

မေးခွန်းအနေနဲ့ ဒီလောက်ဆို လုံလောက်ပြီ ထင်ပါတယ်၊ သို့ပေမယ့် အဲဒီ ယောကျာ်းဘ၀ မိန်းမသားဘ၀နဲ့ ပက်သက်ပြီး ဘုရားရှင်လက်ထက်တော်က တကယ့်အဖြစ်အပျက်လေးကို ဆက်စပ်နေတာမို့ ဗဟုဿုတအနေနဲ့ မှတ်သားစေလိုပါတယ်။

မြတ်စွာဘုရားရှင်လက်ထက်တော်က သောရေယျမျြို့မှာ တဥိးတည်းသော သူဋ္ဌေးသား သောရေယျ ဆိုတာ ရှိခဲ့ဖူးတယ်၊ သူ့မှာ ဇနီး နဲ့ သားသမီး ၂ ယောက်လဲ ရှိတာပေါ့။ တနေ့မှာ အဖော်သူငယ်ချင်း နဲ့ နောက်ပါ အခြံအရံတွေနဲ့ မြစ်ဆိပ်ကို ရေချိုးအသွား လမ်းမှာ မြို့အပြင်ဘက် ဆွမ်းခံဝင်ဖို့ သင်္ကန်းရုံနေတဲ့ ရဟန္တာမထေရ် အရှင်မဟာကစ္စာယန ကို မြင်လိုက်မိတယ်၊ အဲဒီ အရှင် ကိုယ်ခန္ဓာကလဲ ရွှေရောင် လို ၀င်းဝါ တင့်တယ် နေသတဲ့။ ဒါကို မြင်ရတဲ့ သောရေယျ သူဋ္ဌေးသားက လူငယ်တို့ ဘာဝ မကြံစည်အပ်၊ တာကို ကြံလိုက်မိတယ်၊

အဟော ၀တ အယံ ၀ါ ထေရော မမ ဘရိယာ ဘဝေယျ၊ မမ ၀ါ ဘရိယာယ သရီရ၀ဏ္ဏော ဧတဿ သရီရ၀ဏ္ဏော ၀ိယ ဘဝေယျာ တိ။

( အော် ဒီမထေရ်များ ငါ့ ဇနီး ဖြစ်ရင် တော်တော် ကောင်းမှာပဲ၊ ဒါမှမဟုတ် ငါ့ဇနီး ရဲ့ ခန္ဓာကိုယ်အဆင်းဟာ သူ့ လို ၀င်းဝါနေရင် ကောင်းမှာပဲ )- လို့ မတော်မလျော် ကြံစည်လိုက်တာနဲ့ တပြိုင်နက် ယောက်ျားလိင် ပျောက်ပြီး မိန်းမအင်္ဂါ ပြောင်းလဲ သွားခဲ့တယ်၊

ဆက်ပါအုံးမည် - -


Read more...

ဂျာမဏီမြေပေါ်က ခြေလှမ်းများ- ၉

ဗိုလ်ရှိရင် ဘာမဆို ဖြစ်နိုင်တယ် - တရားတော်
ကဲ ...အားလုံး ကန်တော့ ကြပါစို့  ….
လူများ။ ။သြကာသ၊သြကာသ၊သြကာသ... ရပါလို၏ အရှင်ဘုရား။
ဘုန်းကြီး။ ။ဤသို့  ဘုရား တရား သံဃာ.... မျက်မှောက်ပြုလွယ် ရလွယ်နိုင်ကြပါစေ။
လူများ။ ပေးတဲ့ ဆုနဲ့  ပြည့်ပါစေဘုရား။
ကဲ ၅ ပါးသီလ ယူကြရအောင် ကဲ ဆိုလိုက်ကြ။ အဟံ ဘန္တေ.....
ဒီလို နဲ့  ၅ပါးသီလ ယူအပြီး၊ ပေးအပြီးမှာ တရား ပွဲကို စခဲ့ပါတယ်။
ဒီနေ့  ကိုယ့်လူတွေဆိုတော့ မြန်မာလို ဟောပေးရမယ်။ တရားတော်က ဗိုလ်ရှိရင်ဘာမဆို ဖြစ်နိုင် တယ် တရားတော်။
အေးအေး ဆေးဆေး တိုတို တုတ်တုတ် နာကြတာပေါ့။ နားလည်အောင် ပဲ ပြောပေးမှာပါ။ ဗိုလ် ၅ ပါး ဆိုတာ ရှိတယ်။ လောကကြီးထဲ မှာ နေရင် ဗိုလ် ရှိဖို့ လိုအပ်ပါတယ်။ ဗိုလ်ရှိမှ ဘာမဆိုဖြစ်လာ နိုင်မှာ ပါ။ဒီတရားကို ဒီ မြူးနစ်မြို့ မှာပဲ ဒေသခံ လူတွေကို တစ်နေ့ က ဇန်န၀ါရီ ၁၁ ရက်နေ့ က ဟောခဲ့ ပါ သေး တယ်။ဒါပေမယ့် သူတို့ ကို ၅ပါးစလုံး အပြီး ထိ မဟောရသေးဘူး။ နာမည်လောက်ပဲ သူတို့  ပြောထားပြီး။ ပထမဆုံး ဗိုလ်အကြောင်းကို ရှင်းပြတာ ဟောကြားခဲ့တာ။ တစ်နာရီခွဲလောက်တော့ ကြာတယ်ပေါ့။

ခု ဒီနေ့  ကိုယ် ဒကာဒကာမ တွေကို ၅ပါးစလုံး ဟောပေးပါမယ်။ ကဲ ဘယ်လောက် ဟန်ကျသလဲ တစ်ထိုင်ထဲနဲ့  ၅ပါးစလုံးတောင် နာရမှာ ။တစ်ခါတလေမှာ လူတွေက တရားဆိုတာ တရားထိုင် ရမယ်။ ဘုန်းကြီးတွေနဲ့ ပဲ ဆိုင်သလိုလို။ တရားအားထုတ်မည့် သူနဲ့ မှ ဆိုင်သလိုလို ပြီးတော့ အသက် ကြီး မှ ဆိုင်သလိုလို ထင်တတ်ကြတယ်။ ပြီးတော့ ဘုရားစာ က တရားသမားတွေ အတွက်သာ လောကီရေးရာ အသုံးမ၀င်တော့ ဘူးလိုလို တွေကလည်း ဖြစ်တတ်သေး၊ ထင်တတ်သေးတယ်။
တစ်ချို့ လူငယ်တွေ တရားနဲ့  မိတ်ဆွေ မဖြစ်သူတွေ ပြောတာပါ။ ဒီက တရားနာသူတွေကို မပြောပါဘူး။
[ဟဲဟ၊ဲဟဲဟဲ](အသံ မထွက်ဘဲ ဘုန်းကြီး ကိုယ့်ဖာသာ စိတ်ထဲ သဘောကျနေသည်)။

အဲ -ဗိုလ် ( ၅) ပါး ဆိုတာက ၁။သဒ္ဓါ- ယုံကြည်ချက်။ ၂။ ၀ီရိယ- ကြိုစားမှု ၃။သတိ- သတိရှိမှု ၄။သမာ ဓိ-စိတ်ဝင်စားမှု ၅။ ပညာ- နားလည်သဘောပေါက်မှု၊ အကင်းပါးမှု တို့ ပါဘဲ။ အဲဒါတွေပါပဲဗျာ။

ကိုင်း -နံပါတ် (၁) က သဒ္ဓါ-ယုံကြည်ချက်
ယုံကြည်ချက် ရှိတဲ့သူဟာ လောကီရေးရာ စီပွါးရေး လူမှုရေး မှာလဲ ယုံကြည်ချက်က လိုပါတယ်။ ဒါကို သဒ္ဓါ ခေါ်တာပါ။စာအလိုပေါ့နော။ ပြီးတော့ လောကုတ္တရာနယ်ဘက်က နေပြီး ကြည့်မယ် ဆိုရင်တော့ သဒ္ဓါဆိုတာ ယုံကြည်ရမယ်။ ဘာကို ယုံကြည်ရမလဲ။ ဘုရား တရား သံဃာ ဆိုတဲ့ ရတနာ သုံးပါးနဲ့  ကံ ကံရဲ့  အကျိုး တရားတွေကိုပေါ့။ အင်္ဂုတ္တရနိကာယ် တိက နိပါတ်မှာ ဟောထားတာလည်း

ပြီးတော့ သိသင့်တာ ရှိသေးတယ် ။ သဒ္ဓါ ရှိတဲ့ ပုဂ္ဂိုလ်ဆိုတာ-
ဒဿနကာမော သီလ၀တံ ၊ သဒ္ဓမ္မံ သောတု မိစ္ဆတိ၊
ဝိနယေ မစ္ဆေရမလံ၊ သ ဝေ သဒ္ဓေါ တိ ၀ုစ္စတိ။ တဲ့။အဂုင်္တ္တရနိကာယ်မှာပါ တယ်။
ဆိုလိုတာက ၁။သီလရှိတဲ့ သူတော်ကောင်းများနဲ့  တွေ့ ဆုံခြင်း၊ ဖူးမြင်ရခြင်း၊၂။ ထိုသူတော်ကောင်း တရားများ နာယူမှတ်သားခြင်း။ ၃။ နှမြောတာဘေးဖယ် အလှူတန်းမှာ ရက်ရက်ရောရောပြုလုပ် တဲ့သူကို သဒ္ဓါတရားရှိသူလို့  ခေါ်ပါတယ်။ မြန်မာတွေ ပြောပြောနေတာကတော့သဒ္ဓါတရား ကောင်း တယ် လို့  ပြောကြတာပေါ့။

ယုံကြည်မှုဆိုတာနဲ့  လုံးဝ မျက်စိမှိတ် ယုံရမှာ ကို မဆိုလို ပါဘူး။ ကိုယ်လုပ်တဲ့ဟာကို ကောင်း မကောင်း၊ အပြစ်ရှိ မရှိ၊ အကျိုး ရှိ မရှိ ဖို့ လည်း စိစစ်ဖို့ လည်း လိုတယ်ပေါ့။ မြတ်စွာဘုရားက ကာလာမသုတ်မှာ အဲဒါ အကျယ် ဟောထားတာ ရှိပါတယ်။ ခု တရားတိုတို ဆိုတော့ မှတ်သားထား ရမှာ ယုံကြည်မှုနဲ့ ပါတ်သက်လို့  အကျိုးရှိမရှိ စတာတွေကို သိထားဖို့ ပါဘဲ။

နံပါတ် (၂) က ၀ီရိယ တဲ့။ ကြိုးစားမှုပါ။
ယုံကြည်ရုံသက်သက်နဲ့ ကတော့ ဘာမှ ဖြစ်မလာဘူး။ ဘုရားရှေ့ မှာသွားထိုင်ပြီး တစ်နေကုန် ဆု တောင်း တပည့်တော် ဘော့စ် ဖြစ်ရလိုပါ၏၊ ဘာဘာ ညာညာ တွေ ဆုတောင်းလည်း ပြည့်မှာမဟုတ် ဘူး။ အာညောင်းရုံသာ အဖတ်တင်ပါလိမ့်မယ် ဗျာ။

ဘုရားရှင် ကိုယ်တော်တိုင် ဟောတော်မူ ထားတာပဲ။ ငါက လမ်းပြသူ၊ မင်းတို့ ကိုယ်တိုင် လမ်း လျှောက်ကြ- လို့ ။ ဘုရားရှင်က လမ်းပြရုံသက်သက်ပါ ပြောတဲ့ဟာကို ဘုရားထံ သွားပြီး ဆုတောင်း နေတဲ့သူတွေက ဘုရားကို အားနာဖို့ တောင် ကောင်းတယ်။

ကြိုးစားမှု နဲ့  ပါတ်သတ်လို့  ကတော့ ၁။ စလုပ်ဖြစ်အောင် လုပ်ပါ။ ၂။ ဆက်တိုက် မပြတ်အောင် လုပ်ပါ။ ၃။ အပြီးတိုင် အောင်မြင်သည့်အထိ လုပ်ပါ။ သုံးချက် စုံလျင် အောင်မြင်မယ်။ တစ်ချို့  စတောင် စ မလုပ်ချင်။ ဝေးပြီးပေါ့။ ကိုယ်လိုတာနဲ့  ဘာမှကို ရမှာမဟုတ်ဘူး။သူ့ အတွက် လေထဲ သာ တိုက်ဆောက်ပေတော့။

နောက်လူတစ်မျိုးက စ လုပ်လိုက်သေးတယ်၊ ဆက်မလုပ်တော့ ဘာမှ ဖြစ်မလာ။ နောက်ထပ် လူတစ်မျိုးကျတော့ စလုပ်တယ်၊ ဆက်တိုက်လုပ်တယ်။ ဒါပေမယ့် အောင်မြင်သည့်အထိ မလုပ်ချင် အရာက ကောင်းကောင်းမထင် ရေးရေး လောက်သာ ဖြစ်မှာပါ။

နောက်ဆုံး လူမျိုးကျတော့ တကယ့်ကို အပြီးသတ်ထိ အောင်မြင်ကို ကြိုးစားတယ်။ အဲ ဒီသူ ပဲ အောင်မြင်သွားတာ။ ထိပ်တန်းရောက်သွားတာ။ အောင်မြင်သူတိုင်းကို ကြည့်ပါ။ သာမန်ညောင်ည မဟုတ်တာ သေချာတယ်။

ဒါကြောင့်မို့  နိဒါနသံယုတ်မှာ - န စ ဘိက္ခဝေ ဟီနေန အဂ္ဂဿ ပတ္တိ ဟောတိ၊ အဂ္ဂေန စ
ခေါ ဘိက္ခဝေ အဂ္ဂဿ ပတ္တိ ဟောတိ-တဲ့။ ဆိုလိုတာက-

ခပ်ညံ့ညံ့ ၀ီရိယ နဲ့  အောင်မြင်ကျော်ကြား ထိပ်တန်းရောက် လူအသိမှတ်ပြုခံရတယ် ဆိုတာ မရှိဘူး။ ထိပ်တန်းဝီရိယနဲ့  ကြိုးစားလို့ သာ ထိပ်တန်း အမြင့်ဆုံးမှာ ရှိတာပါ-တဲ့။ ၀ီရိယ အလိုက် စီးပွါးရေး ၊ ပညာရေး ၊ ဘာသာရေး နယ်ပယ် အသီးသီးမှာ လူများ၊ ဘုန်းကြီး များ ကွာခြား သွားကြ တာပါ။ ကဲ ဒါဆို ၀ီရိယလည်း သဘောပေါက်လောက်ပီ။

နံပါတ်(၃)က သတိ-တဲ့။ ဒါ က အင်မတိ အင်မတန် အရေးကြီးပါတယ်။
အမှားတွေ ဒလဟော ဖြစ်နေတာဟာ သတိမရှိလို့ ပါပဲ။ အမှားလုပ်မိတာတောင် ငါ့နှယ် မှားလိုက် တာ၊ ဒီ လောက်ပဲ သိတယ်၊ ဘာကြောင့်မှားမှန်းတောင် မသိလိုက်တဲ့ သတိ။

သတိ က ဒီ ၅မျိုးထဲ မှာ ဗိုလ်ချုပ်ပဲ။ နေရာတကာ သူပါမှ အဆင်ပြေတာ။စီးပွါးလုပ်မယ် ဆိုလည်း သတိလိုတယ်။ သတိထားရတယ်။ သတိထားရမယ်။ သူတို့  ဘာလို့ ကြီးပွါးကြသလဲ၊ ပညာရေး အောင်မြင်တယ် ဆိုရင်လဲ သူက ဘာလို့  ဒီလောက်တော်ရသလဲ။ သတိထားကြည့်ပေါ့။

သတိမရှိ တာဟာ နမော်နမဲ့ နေခြင်းပါပဲ။ နမော်နမဲ့ နေသူဟာ န- တော့တာပါပဲ။ တရား အားထုတ် လို့  ပေါက်မြောက်သူဟာ သတိမေ့လျော့တယ် ဆိုတာ မရှိတော့ပါဘူး။ လုပ်လိုက်တဲ့ အလုပ်တိုင်း
သတိနဲ့ သွား၊ လာ ၊ စား ၊ သောက်နေထိုင်ပါတယ်။

အဲဒီတော့-သတိထား ပြောသူ၊
သတိထားလုပ်သူတွေရဲ့ အပြောတိုင်း အလုပ်တိုင်းဟာ အမှန်တွေ ချည်း ဖြစ်တော့တာပေါ့။ ဘုရား စကားဟာ ဒါကြောင့်မှန်တာ။ အဲဒါကြောင့် မြတ်စွာဘုရားက သတိအမြဲ ရှိဖို့ သတိပေးတာပေါ့။ ဒါလည်း ဒီလောက်ဆို နဲနဲ သဘောပေါက်ရောပေါ့။

နံပါတ် (၄) သမာဓိ- စိတ်ဝင်စားမှု လို့  ပြောကြရအောင်။
အလုပ်လုပ်တဲ့ နေရာမှာ စိတ်ဝင်စားရှိဖို့  လိုပါတယ်။ စိတ်မ၀င်စားတဲ့ အလုပ်က မတွင်ကျယ်ဘူး။ ပျင်းဖို့  ကောင်းတဲ့ အလုပ်ဟာ စိတ်မ၀င် စားတဲ့ အလုပ်ပါပဲ။ စိတ်ဝင်တစား ရှိတဲ့ အလုပ်က ပျော်စရာ လို့ တောင် မြင်လာတယ်။ လူပင်ပန်း ပေမယ့် စိတ်က မပင်ပန်းဘူးပေါ့။


အလုပ်ကို အဲလို စိတ်ဝင်တစားလုပ်တယ်၊ ဇောက်ချ လုပ်တယ် ဆိုတာ သမာဓိ ကို ပြောတာပါ။ ဒီလိုဆိုတော့ ကိုယ့် အလုပ်လေးကို စိတ်ဝင်တစား လုပ်သူတွေ အောင်မြင်တာပါပဲ။ ကိုယ့်အလုပ် မဟုတ်ဘဲ တောင်လုပ် မြောက်လုပ် နေရာတကာ ဟိုစပ်စပ် ဒီစပ်စပ် ဆိုရင် တော့ ဆရာကြီး တစ်ဆူ ဖြစ်ဖို့ တော့ မလွယ်ဘူးပေါ့။

အလုပ်ကို အောင်မြင်သွားသူတိုင်း အလုပ်ကို ဇောက်ချ လုပ်သွားသူချည်းပါပဲ။ စိတ်ဝင်တစား လုပ် သွား သူချည်းပါပဲ။ စာအလိုကတော့ သမာဓိကို ဈာန် လို့ ဖွင့်ပါတယ်။ ဈာန်ဆိုတာကလည်း စိတ်ဝင် တစား စိတ်အလုပ်ကို လုပ်နေခြင်း တစ်မျိုးပါပဲ။ နားလည်သလို ပြောကြည့်တာ။ ဒီလောက်ပဲ ထားတော့။ ဒါ့ထက်ကျယ်သွားရင် မှတ်မိမှာ မဟုတ်ဘူး။

နံပါတ် ( ၅) ပညာ- နားလည် သဘောပေါက်မှု ၊
အကင်းပါးမှု ။ အကွက်မြင်တာတွေ။ ဇယားချတတ်တာတွေ၊ အလိုက်သိတတ်မှုလည်း ပါဝင်မယ်ပေါ့။ ကြီးပွါးတိုးတက်ချင်ရင် အဲဒီ ပညာ ရဲ့ ဖွင့်ဆိုချက်တွေ လိုက်နာဖို့  လိုပါတယ်။


ပတ်ဝန်းကျင်ကြည့်လိုက်ပါ။ အောင်မြင်သူတိုင်း ဒီအချက်တွေကို ပိုင်ပိုင်နိုင်နိုင် အသုံးချ တတ်ပါ တယ်။ စီးပွါးလုပ်တာချင်း ပင်ပန်းချင်းတာ အတူတူတောင်မှ ပညာသမားက သာသွားတယ်။ အလုပ်လုပ် တာကတော့ နေ့ တစ်ဓူဝ အတူတူ လုပ်ကိုင်ကျရတာပါပဲ ။ ပညာတတ်တဲ့ အသိုင်းဝိုင်း လုပ်ရတာနဲ့ ။ ပညာနည်းသူတို့  လုပ်ရတာ တစ်နေကုန်ချင်းတူမယ်။ ငွေဝင်တာချင်းတာ မတူတာ ပညာကြောင့်ပါ။ သူများထက် ခေါင်းတစ်လုံးသာချင်ရင် ပညာရှိအောင် ဖန်တီးရမယ်။

မြတ်စွာဘုရား ဟောတဲ့ပညာဆိုတာကတော့ ဖြစ်ပျက် မြင်တဲ့ ဉာဏ်ပညာကို ဆိုလိုတာပါ။ အဲဒီ ပညာကို ရဖို့  ဆိုရင်တော့ တရား မှတ်ဖို့  လိုတယ်။ တရားဆိုတာ တရားတာ လို့ သဘောပေါက်ပါ။ တရားတာမှန်သမျှ အပြစ်ကင်းတယ်၊ ကိုယ့်အကျိုး သူ များအကျိုးရှိမယ်။ ပညာရှိများ သဘောကျတဲ့ လုပ်ငန်းဖြစ်တယ်။ အဲဒါတရားပဲ။

ဒီထက်မက ဆက်ကြိုးစားဖို့ ကတော့ အာနပါန ၀င်လေ ထွက်လေ လေးကို သိနေဖို့ ပါဘဲ။ နှာသီးဝကို လေ အသွင်း အထုတ်လေးကို စိတ်က လွတ်မထွက်သွားအောင် လုပ်ဖို့ ပါဘဲ။ အစတော့ ဟိုရောက် ဒီရောက် ရောက်မှာပေါ့။ နောက်တော့ မလွတ်တော့ဘူး။ အလေ့ကျင့်ပါဘဲ။ လိုပါတယ်။ နိုင်ငံခြားမှာ ပိုပြီး stress တွေ များတယ်။ အိပ်ရေးကမ၀တော့ စိတ်ကတိုလွယ်။ စိတ်ကလည်း မကြည်လင်နဲ့  ဖြစ်ကြတာပါ။အဲဒါတွေ မရှိအောင်ကတော့ ကူညီနိုင်မည့်သူက တရားပဲ ရှိတယ်။ ကဲ စမ်းကြည့်ပါ။ စပ်မိလို့  ပြောတာပါ။ တကယ့်ကို လိုမှန်းသိလို့ ပြောတာပါ။

ဘုရားဖြစ်တော်မူတယ် ဆိုတာ တကယ်တမ်း ပညာ ရသွားတာ။ အဆင့်အမြင့်ဆုံး ပညာပေါ့။ ဒါကို သဗ္ဗညုတဉာဏ်လို့  ခေါ်ပါတယ်။ ဉာဏ်နဲ့ ပညာ က အတူတူပါပဲ။ဘုရားရှင် ၄၅ ၀ါပတ်လုံး လူနတ် ဗြဟ္မာ သတ္တ၀ါ အပေါင်း အတွက် အကျိုးရှိအောင် လုပ်သွားနိုင်တာလည်း ဒီပညာပါပဲ။

ပညာ ဆိုတဲ့ နေရာမှာသာမန်သိတဲ့ အသိ တောင် အကျိုးရှိမယ်ဆိုရင် သူများထက်သာတယ် ဆိုရင် ထိုးထွင်း ဖေါက်မြင်တဲ့ အမှန်တိုင်းအသိကတော့ ဘာပြောဖွယ် အထူးလိုမှာလဲ။ သေချာပေါက် အဆ ပေါင်းများ စွာ အကျိုးရှိမှာပါ။ မြေကြီးလက်ခတ်မလွဲပါ။ ကဲ ဒါပညာ လို့ ခေါ်တယ်ဗျား။

ကိုင်း- ငါးပါးလည်း စေ့သွားပြီ။ ဒီငါးပါးသာ ရှိလိုက်စမ်း ပါ။ တကယ့်ကို လောကီ ရေးမှာ ဖြစ်ချင်တာ ဘာမဆို ဖြစ်နိုင်သလို၊ လောကုတ္တရာ ရေးမှာလည်း ဘာမဆို ဖြစ်နိုင်ပါတယ်။

ကဲ တရားသိမ်းကြမယ်။ဆွမ်းစားဖို့ အချိန်လည်းနီးပြီ။ ဤသို့  ဗိုလ် ရှိရင် ဘာမဆို ဖြစ်နိုင်တယ် ဆိုတဲ့
ဗိုလ် (၅) ပါး တရားတော်ကို နာယူပြီးလျှင် မိမိတို့  သန္တာန်ဝယ် ကိုယ်စီကိုယ်ငှ ဗိုလ်တရားများ ရှိအောင်ကြိုးစားနိုင်ကြပါစေကုန်သတည်း။ ကြိုးစားနိုင်ကြပြီးလျှင် မိမိတို့  လိုလားတောင့်တ ထားကြ သည့် အတိုင်း ကိုယ်စီကိုယ်ငှ ပြည့်ဝစေသော ဟူ၍ ပတ္ထနာ အောင်ဆု ပြုလိုက်ကုန်ရာ သတည်း။
သာဓု သာဓု သာဓု

ကဲ ရေစက်ချကြရအောင်...ရေစက်ခွက်ကိုင်ထား၊ လိုက်ဆို ..
အရှင်ဘုရား တပည့်တော်တို့ သည်..... သတည်း။

အမျှ ပေးဝေ လိုက်ကြရအောင်...
အမျှ အမျှ အမျှ ယူတော်မူကြပါ ကုန်လော...(၃)ကြိမ်

သာဓု သာဓု သာဓု(၃)ကြိမ်
အမျှပေးဝေပြီးနောက် သာဓု (၉)ကြိမ် ခေါ် ပြီး တရားဟောမှု ဆိုင်ရာပြီးသွားတယ်။ အဲဒီနောက် ဆွမ်းဘုဉ်း ခဲ့ပါတော့တယ်။

မှတ်ချက်။ ။မြူးနစ်မြို့ ၊ မြန်မာမိသားစုများအား(၂၄၊ ၀၁၊ ၂၀၁၀) နေ့ က နေ့ ဆွမ်း အနုမောဒနာကို
ပြန်လည် တင်ပြခြင်းဖြစ်ပါတယ်။ ဟောတုန်းက ပါဠိများ မရွတ်ခဲ့ပါ။ ခုထည့်လိုက်ခြင်းမှာ မှတ်သား လိုသော ဓမ္မမိတ်ဆွေတို့ ကို ကျမ်းလာအတိုင်း သိရှိစေဖို့  ရည်ရွယ်ကာ ထည့်လိုက်တာပါ။ အဓိပ္ပါယ် ကိုသာ ကိုယ်ဒကာဒကာမ များ နားလည်ဖို့  လိုရင်းဟောလိုက်ပါတယ်။ ဟောရာမှာလည်း ရင်းရင်း နီးနီး စကားပြောဟန်နဲ့ ဘဲ ပြောပါတယ်။ နားမလည်ရင် မေးဖို့ လည်း စကားလမ်း ဖွင့်ပေးထားတယ်။ နာတဲ့သူတွေကလည်း မျက်စိပိတ်ထားတာ မဟုတ်သလို ဟောတဲ့သူကလည်း မျက်စိဖွင့် လျက်သာ ဟောပါတယ်။ နားလည်တယ် ထင်မှ ရှေ့ ဆက်သွားတာပါ။ အတော်အဆင်ပြေတယ်။ နာတဲ့သူရော ဟောတဲ့သူပါ လွတ်လွတ်လပ်လပ်ပါဘဲ။ သူတို့ ကလည်း သဘောပေါက်ကြောင်းပြောတော့ ဟောတဲ့သူကလည်း ကျေနပ်ရပြီပေါ့။



မြတ်ရောင်နီ
(၂၉၊၀၁၊၂၀၁၀)


Read more...

လာလည်ကြသူများ

ဤဘလော့ဂ်၏ ရည်ရွယ်ချက်

ယခုအခါ ကမ္ဘာတလွှားတွင်ရှိနေကြသော ဓမ္မဘလော့ဂ်ဂါများသည် နေ့ စဉ်နှင့် အမျှ အင်တာနက် စာမျက်နှာများ ပေါ်တွင် ဓမ္မနှင့်သက်ဆိုင်သော အကြောင်းအရာ အမျိုးမျိုးကို ပို့ စ်များရေးတင်လျက် ရှိနေကြပါသည်။

ဘလော့ဂ်ဂါများမှ မိမိတို့ ၏ကိုယ်ပိုင် စာမျက်နှာများမှတဆင့် ရေးတင်နေကြသဖြင့် ဖတ်ရှုလေ့လာသူများအတွက် နေရာများစွာသို့  သွားရောက် ဖတ်ရှုနေကြရပါသည်။

ထို့ ကြောင့် စာဖတ်သူများ အချိန်ကုန်သက်သာစေရန်နှင့် မိမိတို့  ဖတ်ရှုလိုရာကို လွယ်လင့်တကူ ရှာဖွေနိုင်ရန် နေ့ စဉ်ရေးသား နေကြသော အကြောင်းအရာများကို တနေရာတည်းတွင် စုစည်းပေးလိုသော ရည်ရွယ်ချက်ဖြင့် ဤဘလော့ဂ်ကို စီစဉ်လိုက်ခြင်းဖြစ်ပါသည်။

ပြောချင်တာများရှိရင် ရေးပေးထားခဲ့ပါ

မြန်မာပြက္ခဒိန်

မြန်မာပြက္ခဒိန်
www.burmeseclassic.com မှ ကူးယူဖော်ပြပါသည်။

  © Blogger templates The Professional Template by Ourblogtemplates.com 2008

Back to TOP