01- အနာဂါတ်သာသနာရေး
02 အရှင်ဇနကာဘိဝံသ အဆိုအမိန့်များ
03- ဘဝသွေး
04 ဗုဒ္ဓဘာသာလက်စွဲ(ပထမတွဲ ဒုတိယတွဲ)
05-မဟာဂန္ဓာရုံ ဝတ်ရွတ်စဉ်များ
06- ဝီထိနှင့် သုံးချက်စု.pdf07- ရတနာ့ဂုဏ်ရည်
08- ဓမ္မစင်္ကြာတရားတော်
09 ကိုယ်ကျင့် အဘိဓမ္မာ
10 အခြေပြုပဌာန်းတရားတော်
11- နံနက်ခင်းသြဝါဒများ
12-ပရိတ်ပါဠိ၊ ပရိတ်ကြီးနိဿယနှင့် ပရိတ်တရားတော်များ
13-သိပ္ပံအမြင်နှင့် ဗုဒ္ဓအဘိဓမ္မာ အမေးအဖြေများ
ဂေါတမ ဗုဒ္ဓ မြတ်စွာဘုရား (အပိုင်း-၄)
လယ်ထွန်မင်္ဂလာ
တစ်နေ့တွင် သုဒ္ဓေါဒန မင်းကြီးသည် ပြုနေကျ လယ်ထွန်မင်္ဂလာသဘင် ဆင်ယင်ကျင်းပရာသို့ အထိန်းတော်များအား သားတော်ကလေးကိုပါ ခေါ်ဆောင်လာစေ၏။ အထိန်းတော်များသည် သားတော်ကလေးကို အရိပ်ကောင်းသော ဇမ္ဗူသပြေပင် တစ်ပင်၏ အရိပ်၌ တင်းတိမ် ကန့်လန့်ကာများ သေချာစွာ ကာရံပေးကာ ချမ်းသာစွာ စံနေစေ၏။ ခဏကြာသော် အထိန်းတော်များ အားလုံးပင် လယ်ထွန်မင်္ဂလာသဘင် ကြည့်ရှုရန် အမှတ်မဲ့ ထွက်ခွာသွားကြ၏။
သိဒ္ဓတ္တမင်းသားကလေးသည် မိမိအနီး၌ မည်သူမျှ မရှိကြောင်းသိသောအခါ ထက်ဝယ်ဖွဲ့ခွေ ထိုင်လိုက်ပြီးလျှင် အာနပါန ပထမဈာန်ကို ဝင်စားလျက်နေ၏။ အချိန်အတော်ကြာမှ အထိန်းတော်များ သတိရ၍ပြန်လာပြီး ကြည့်ရှုသောအခါ ဘုရားအလောင်းတော်ကလေး ဈာန်ဝင်စားနေသည်ကို တအံ့တသြ မြင်ကြရ၍ မင်းကြီးအား သွားရောက်လျှောက်ထားကြ၏။
သုဒ္ဓေါဒန မင်းကြီးသည် ချက်ချင်းလိုက်လာပြီးလျှင် သားတော်ကလေး၏ တည်ကြည်ငြိမ်သက် ငြိမ်းအေးသောအသွင်ကို တွေ့မြင်ရ၍ ဝမ်းသာအားရရှိလှသဖြင့် သားတော်ကလေးအား ဒုတိယ အကြိမ် အဖြစ် ရှိခိုးလေ၏။
သုဒ္ဓေါဒန မင်းကြီးသည် သားတော်သိဒ္ဓတ္ထ လောကကို ငြီးငွေ့ပြီး တောမထွက်ရေး၊ ဘုရားမဖြစ်ရေးအတွက် နန်းတော်တွင်း၌ ပျော်ပိုက်စေရန် စည်းစိမ်ချမ်းသာ အမျိုးမျိုးကို ဖန်တီး၍ ပေးထားသည်။
မိုးရာသီ၌ စံမြန်းရန် သုဘ နန်းတော်ဆောင်ကိုလည်ကောင်း၊ ဆောင်းရာသီ၌ စံမြန်းရန် ရမ္မ နန်းတော်ဆောင်ကိုလည်ကောင်း၊ နွေရာသီ၌ စံမြန်းရန် သုရမ္မ နန်းတော်ဆောင်ကို လည်ကောင်း၊ ဆောက်လုပ်၍ ရာသီအလိုက် ချမ်းသာစွာ စံနေစေ၏။ ထိပ်လန့်သံဝေဂကို ဖြစ်စေနိုင်သော လူအို လူနာ လူသေ လူဆင်းရဲ စသော အနိဋ္ဌာရုံ တို့ကို သိဒ္ဓတ္ထမင်းသား မမြင်စေရန်လည်း အမိန့်အမျိုးမျိုး ထုတ်ကာ စီမံထား၏။
သိဒ္ဓတ္ထ မင်းသား ၁၆ နှစ် အရွယ်ရောက်သောအခါ သာကီမျိုး သာကီနွယ်ဖြစ်သည့် သုပ္ပဗုဒ္ဓဘုရင် ၏ သမီးတော် ယသော်ဓရာနှင့် လက်ထပ်ပေး၏။ သိဒ္ဓတ္ထသည် ယသောဓရာ မင်းသမီးနှင့်အတူ ထီးနန်းစည်စိမ်ကို ၁၃ နှစ် တိုင်တိုင် ခံစားလျက်နေ၏။
နမိတ်လေးပါး
ဘုရားအလောင်တော် သိဒ္ဓတ္ထ အသက် ၂၉ နှစ် ရှိသောအခါ တစ်နေ့တွင် ဥယျာဉ်တော်အသွား လူအို၊ လူနာ၊ လူသေ တို့ကို မြင်ရ တွေ့ရသဖြင့် ထိပ်လန့်သံဝေဂစိတ်တွေ တဖွားဖွားဖြစ်နေ၏။ တည်ကြည်ငြိမ်သက်သော ဣနြေ္ဒနှင့် ကြည်လင်ချမ်းမြေ့သော မျက်နှာရှိသည့် ရဟန်းတော် တစ်ပါးကို မြင်သောအခါ ရဟန်းတော်ကဲ့သို့ ကြည့်လင်ချမ်းမြေ့သူ ဖြစ်လိုစိတ်တွေ ပေါ်လာသည်။
[ဤ လူအို၊ လူနာ၊လူသေ၊ ရဟန်းဟူသော နမိတ်ကြီး လေးပါးကို နတ်များ ဖန်ဆင်း၍ပြသည်ဟု ကျမ်းဂန်တို့၌ ဆို၏။ ဒီဃနိကာယ်ဆောင် မထေရ်များက နမိတ်လေးခုကို တစ်နေ့တည်းမြင်သည်ဟု ဆို၏။ ဇတ်အဋ္ဌကထာ ဆရာနှင့် အပဒါန် အဋ္ဌကထာ ဆရာတို့က တစ်နေ့တစ်ခုစီ လေးရက်မြင်သည်ဟုဆို၏။ ဗုဒ္ဓဝံသအဋ္ဌကထာ ဆရာက လေးလစီခြား၍ မြင်သည်ဟုဆို၏။]
တောထွက်ခြင်း
သိဒ္ဓတ္ထမင်းသားသည် ညနေချမ်းအခါ ဥယျာဉ်တော်အတွင်း ရေကန်ထဲ၌ ရေချိုးစဉ်မှာလည်း တောထွက်ကာ ရဟန်းပြုလိုစိတ်တွေသာ တစ်ဖွားဖွားဖြစ်ပေါ်နေ၏။ ရေချိုးပြီး၍ ဝတ်စားဆင်ယင်ပြီးနောက် နန်းတော်သို့ပြန်ရန် မြင်းရထားပေါ်တက်သောအခါ ကြင်ရာတော် ယသောဓရာတွင် သားတော်ကလေး ဖွားမြင်ကြောင်း နန်းတော်မှသတင်းပို့လာ၏။ သိဒ္ဓတ္ထ ပို၍ စိတ်လေးသွား၏။ “ဒီလိုသံယောဇဉ်အနှောင်အဖွဲ့တွေများလေ မထွက်နိုင်လေဖြစ်ကာ ဆင်းရဲနေမှာပဲ” ဟု ဆင်ခြင်မိသဖြင့် ရဟန်းမြန်မြန်ပြုရေးကိုသာ တွေးတော စဉ်းစားလျက်နေ၏။
ထိုညနေ့၌ အနှောင်အဖွဲ့တွေထဲက ရုန်းထွက်ကာ ရဟန်းပြုရေးကိုသာ အပြန်ပြန်အလှန်လှန် စဉ်းစားရင်း သိဒ္ဓတ္ထ အိပ်ပျော်သွား၏။ သန်းခေါင်အချိန်တွင် တရေးနိုးလာသောအခါ၌လည်း ရဟန်းပြုလိုသည့်စိတ်သည်သာလျှင် စိတ်ထဲ၌ ဖြစ်ပေါ်နေ၏။ ပြန်အိပ်၍ မရပေ၊ အနီးပတ်ဝန်ကျင်ကို ကြည့်မိလိုက်ရာ မိမိကို တူရိယာများဖြင့် ဖျော်ဖြေသော အမျိုးသမီးများ တရှူးရှူး တစ်ခေါခေါ ဟောက်လျက် ကိုးရိုကားယား အိပ်ပျော်နေကြသည်ကို မြင်ရသောအခါ သုဿန်ခွင်ရှိ လူသေကောင်များကဲ့သို့ ထင်မှတ်တော်မူကာ ကာမဂုဏ်ကို ငြီးငွေ့ကာ “ကြောက်စရာ စက်ဆုပ်စရာ လောကကြီးပါကလား” ဟု ပို၍ထိပ်လန့်သွား၏။
သို့ဖြင့်ချက်ချင်း စက်ခန်းဆောင်မှထွက်၍ ဖွားဖက်သော ဆန္နကို ခေါ်ကာညဥ့်သန်းကောင်ယံ အချိန်၌ပင် ကဏ္ဍကမြင်းကို ကုန်းနှီးတင်စေပြီးလျှင် ဆန္နနှင့်အတူ မြင်းစီးလျက်ထွက်ခဲ့၏။ တောထွက်တော်မူသော နေ့သည်ကား မဟာသက္ကရာဇ် ၉၇ ခု ဝါဆိုလပြည့် တနင်္လာနေ့ ဖြစ်သည်။ ဘုရားအလောင်းတော်၏ ဖွားဖက်တော်ဖြစ်သည့် နန်းတော်အတွင်းရှိ သင်္ခ-ဇလ-ဥပ္ပလ-ပဏ္ဍရီက မည်သော ရွှေအိုးကြီး ၄ လုံးလည်း ဘုရားအလောင်းတော် တောထွက်ခွာလျင် တစ်မုချင်းမဟုတ် ပျောက်ကွယ်သွားလေသည်။ ဘုရားအလောင်းတော် တောထွက်တော်မူသည်ကို ဝသဝတ္တီနတ်ပြည်မှ မာရ်နတ်မင်းက လာရောက်တားဆီးတော်လည်း လက်မခံပဲ ထွက်ခွာလာရာ တစ်ညချင်းပင် သာကိယ၊ ကောလိယ၊ မလ္လ ဟူသော တိုင်းပြည်သုံးခုကို ကျော်ဖြတ်ပြီးနောက် ယူဇနာသုံးဆယ်ဝေးသော အနောမာ မြစ်ကမ်းသို့ရောက်လေ၏။
အနောမာမြစ်ကမ်း၌ ဘုရားလောင်းသည် ဆံတော်ကို သံလျက်ဖြင့် ရိတ်ဖြတ်ပြီးလျှင် ဃဋ္ဋိကာရ ဗြဟ္မာကြီး လှူဒါန်းသော ပရိက္ခရာ ရှစ်ပါးကို ခံယူ၍ သင်္ကန်းကိုဝတ်ကာ မြင့်မြတ်သော ရဟန်းအသွင်ကို ယူလိုက်သည်။ ထို့နောက် ဖွားဖက်တော် ဆန္နအမတ်နှင့် ကဏ္ဍကမြင်းကို ပြန်လွှတ်လိုက်ပြီးလျှင် မလှမ်းမကမ်းရှိ အနုပိယ သရက်တောသို့သွား၍ ထိုသရက်တော်၌ ခုနှစ်ရက်မျှ ပဗ္ဗဇ္ဇသုခ = ရဟန်းချမ်းသာကို ခံစားလျက်နေ၏။
ထို့နောက် ဘူမိနက်သန် တရားရမည့်နေရာမှန်ကို ရှားရင်းခရီးဆက်ခဲ့ရာ ရာဇဂြိုလ်မြို့ အနီးရောက်လျှင် မြို့တွင်းသို့ ဆွမ်းခံဝင်ပြီးနောက် ပဏ္ဍဝ တောင်ခြေ၌ ဆွမ်းဘုန်းပေးနေ၏။ ထူးခြားသော ပုဂ္ဂိုလ်ဖြစ်၍ ရာဇဂြိုလ်ပြည့်ရှင် ဗိမ္ဗိသာရဘုရင် လိုက်လာပြီးလျှင် ထီးနန်းကို လွှဲအပ်သောအခါ အလောင်းတော် သိဒ္ဓတ္ထက ဘုရားအဖြစ်ရရေးအတွက် တောထွက်ခဲ့ခြင်း ဖြစ်ကြောင်းပြောပြပြီးလျှင် ငြင်းပယ်လိုက်၏။ ဗိမ္ဗိသာရက ဘုရားအဖြစ်သို့ ရောက်လျှင် သူထံသို့ ရှေးဦးစွာကြွလာဖို့ လျှောက်ထားသဖြင့် ကြွလာမည်ဖြစ်ကြောင်း ဝန်ခံကတိပေးပြီးလျှင် ခရီးဆက်ခဲ့၏။
ဆရာရသေ့နှစ်ပါး
ခရီးတစ်နေရာတွင် ကာလာမ အမျိုးနွယ်ဝင် အာဠာရ ရသေ့ကြီးကိုတွေ့၍ သူထံ၌ နည်းခံ ကျင့်ကြံရာ ဈာန်၇ ပါး ကိုရလျှင် ဆရာရသေ့ကြီးက သူဤမျှသာသိကြောင်း ပြောသဖြင့် လိုအပ်သောတရား မရသေး၍ ထွက်ခွာလာခဲ့၏။
ရာမ ရသေ့ကြီး၏ သားတပည့် ဥဒက ရသေ့ကြီးထံ နည်းခံ၍ ကျင့်ကြံပြန်ရာ ဈာန်သမာပတ် ရှစ်ပါး အထိ ချက်ချင်းရလေ၏။ ဥဒက ရသေ့သည် ဘုရားလောင်း သိဒ္ဓတ္ထမင်းသားနှင့် တွေ့စအချိန်၌ သူကိုယ်တိုင် ဈာန်သမာပတ် ရှစ်ပါးကို မရသေးပေ၊ ခုနှစ်ပါးသာ ရသေး၏။ သူ့ဆရာ ရာမ ရသေ့ကြီး သင်ကြားပေးထားသည့် နည်းကိုသာ ဘုရားလောင်းအား သင်ကြားပေးခြင်းဖြစ်၏။ ထိုနည်းအတိုင်း ဘုရားလောင်းကျင့်၍ ဈာန်သမာပတ် ရှစ်ပါးကို ရပြီးမှ ဘုရားလောင်းကို အားကျ၍ သူကိုယ်တိုင် ကျင့်ကြံသောအခါ သမာပတ်ရှစ်ပါးကို ရခြင်းဖြစ်၏။ ဥဒက ရသေ့လည်း ထို့ထက်ပို၍ မသိသဖြင့် ဘုရားလောင်းသည် ဥဒက ရသေ့ထံမှလည်း ထွက်ခွာခဲ့၏။
သိဒ္ဓတ္ထသည် ဥဒက ထံမှ ထွက်ခွာခဲ့၍ ဥရုဝေလ တောသို့ရောက်လျှင် တော၏ သာယာပုံ၊ မွေ့လျော်ဖွယ်ရှိပုံကို နှစ်သက်သဘောကျ၍ မိမိကြားဖူး သိဖူးထားသော ကျင့်နည်းကြံနည်း ဟူသမျှကို ဤတော၌ အပြင်းအထန် ကျင့်ကြံအားထုတ်တော့၏။ ကပ္ပိလဝတ်မှ ကောဏ္ဍည ခေါင်းဆောင်သော ရသေ့ငါးပါးသည်လည်း သိဒ္ဓတ္ထ တောထွက်ရာသို့ လိုက်လာကြရာ ဥရုဝေလ၌ သိဒ္ဓတ္ထကို မီ၍ ဘုရားလောင်း လွတ်လွတ်ကျွတ်ကျွတ် ပြင်းပြင်းထန်ထန် အားထုတ်နိုင်ရန် ဝတ်ကြီးဝတ်ငယ်ပြုလျက် နေကြ၏။
သိဒ္ဓတ္ထသည် အစာကို တစ်ဖြည်းဖြည်း လျှော့၍ကျင့်ရာမှ နောက်ဆုံးတွင် အစာဖြတ်၍ကျင့်၏။ ထိုအချိန်တွင် အပ္ပါဏကဈာန် ခေါ်သည့် ထွက်သက်ဝင်သက်ကို ချုပ်ထိန်းထားသောအကျင့်ကို ကျင့်ရာ ကြီးမားပြင်ထန်လှသော ဝေဒနာကို ခံစားရသဖြင့် ခံနိုင်အားမရှိသော ခန္ဓာကိုယ်သည် စင်္ကြန်ဦး၌ လဲလေတော့၏။
နောက်ထပ်ဖတ်ရန်မှာ.....
ဂေါတမ ဗုဒ္ဓ မြတ်စွာဘုရား (အပိုင်း-၅)
အစိန္တေယျ = မကြံစည်နိုင်သော ၊ကြံတွေးမရနိုင်သော ၊
အပ္ပမေယျ= မနှိုင်းယှဉ်နိုင်သော
သေဋ္ဌ =လောကထက်မြတ်သော
ဇေဋ္ဌ = လောကထက်ကြီးမြတ်သော
အတုလ = တုဖက်+ ပြိုင်ဘက် ကင်းသော
ပရမံ= မြတ်လှစွာသော
အရဟံ= ပူဇော်အထူးကို ခံယူတော်မူထိုက်သော၊
ဘဂဝါ = ဘုန်းတော် ခြောက်ပါးနှင့်ပြည့်စုံတော်မူသော
သမ္မာသမ္ဗုဒ္ဓ = အလုံးစုံသောတရားကို မဖောက် မပြန် မှန်ကန်စွာ၊ ကိုယ်တိုင်ထိုးထွင်း၍ သိသော။
အနုတ္တရ = မိမိထက်လွန်မြတ်သူ မရှိသော
မာရဇိ = မာရ်ငါးပါးကိုအောင်တော်မူသော
တိလောကန္တဂူ = သတ္တလောက၊ သင်္ခါရလောက၊ သြကာသလောကတည်းဟူသော လောကသုံးပါး၏ အဆုံး သို့ရောက်တော်မူသော ။
သယမ္ဘူ = တရားအလုံးစုံကို ကိုယ်တော်တိုင်သိတော်မူသော
ဘဝိဿရ = ဘဝ အလုံးစုံကို အစိုးရတော်မူသော
အသင်္ချေယျ နာမတံဆိပ် = မရေ မတွက်နိုင်သော ၊ အမည်တော် ဘွဲ့တံဆိပ်။
ဂုဏ်ဝိသိဌ် = ထူးကဲကြီးမြတ်သောဂုဏ်ထူး
ဇမ္ဗူဒိပ် = ကျွန်းဦးသပြေပင် ကြောင့် ၊ထင်ရှားသောတောင်ကျွန်း။
ဘဝဂ်= သုံးဆယ့်တစ်ဘုံတွင် အထက်ဆုံး ဘုံ။
သြကာသ သုံးရပ် =ကာမဘုံ၊ ရူပဘုံ၊ အရုပဘုံ ဟူသော သတ္တဝါ လောက၏ တည်ရာအရပ်။
သမိုက်အပ်သော= သမုတ်အပ်သော။
မဟာ ကဝိန်= ကြီးမြတ်သောပညာရှိကြီး။
သုခမိန်= ပညာရှိ
ပညိနြေ္ဒ = ဉာဏ်ပညာတည်း ဟူသော ဣနြေ္ဒ
ကျေးဇူးတော်အပုံ = ကျေးဖူးတော်အများအပြား
မကိုဋ် = ဦးခေါင်း ၌ တပ်ဆင်အပ်သော ၊ မြတ်သောတန်ဆာ။
မင်္ဂလာ = ကျက်သရေ ကို ရယူတတ်သော။ မကောင်းမှုကို ပယ်ဖြတ်တတ်သောသဘော။
ပထမာဒိက = အစဦးဆုံး
ဘူမိပါလ = သမ္မတ မင်း
အာဒိစ္စဂိုဏ်း= နေမင်း အမျိုး မှ ပေါက်ဖွားဆင်းသက်လာသော။
သမ္မုတိဒေဝရာဇ် = သမ္မုတိနတ်ဟုခေါ်သောမင်း။
ဇာတိမဟတ္တဂုဏ် = အမျိုးဇာတ်အားဖြင့် ကြီးမြတ်သော ဂုဏ်။
ပုည မဟတ္တဂုဏ်= ဘုန်းတော်အားဖြင့်ကြီး မြတ်သောဂုဏ်။
ဝသုန်= မြေကြီး
သေလာ= ကျောက်တောင်
အဏ္ဏဝါ = ပင်လယ် သမုဒ္ဒရာ
ဂုဏ မဟတ္တဂုဏ် = ဂုဏ်အားဖြင့်ကြီးမြတ်သောဂုဏ်။
အပ္ပဋိပုဂ္ဂိုလ် = နှိုင်းယှဉ်ဘက် မရှိသောပုဂ္ဂိုလ် ။
ဇမ္ဗူ = ဇမ္ဗူ ဒီပါ လင်္ကျာတောင်ကျွန်း။
ချက်ဗွေဘူမိ = ဇမ္ဗူ ဒိပ်ကျွန်း၏ အလယ် ဗဟိုမြေ။
အပရာဇိ ခရိုင် = အပရာဇိတပလ္လင် ၊ ရန်သူတို့ မအောင်မြင်နိုင်သည့် နေရာထူး။
ညောင်မဏ္ဍိုင် = သဗ္ဗညုတ ဉာဏ်တော်၏ ကြည်ရာ ဖြစ်သော မဟာဗောဓိညောင်ပင်။
ကာမလောကဓာတ် = နတ်ပြည်ခြောက်ထပ်နှင့် လူ့ပြည် ဟူသော ကာမ သုဂတိ ခုနှစ်ဘုံ။
ကြည်းဟည်း = အသံကျယ် စွာ မြည်သည်။
မေခလာဂီရိ = မာရ်နတ်။ ဂီရိ မေခလာ မည်သော ဆင်။ ပြောင်ကြီး သေဌ်နင်း ဆင်ပြောင်ကြီး၏ အရှင်သခင် ဖြစ်သောမင်း။
မာရ်နတ် = နှောင့်ယှက် ဖျက်ဆီး သည့် နတ်
ပါရမီဉာဏ် = ဆယ်ပါးသော ပါရမီ ဉာဏ်တော်ကုသိုလ်။
ကံသမ္ဘာရှိန် = ကံ အဆောက်အဦ အဟုန်။
ဝရဇိန်= သိကြားမင်း၏ မိုးကြိုးစက် = စိန်လက်နက်
ကိလေသာ စက်= တစ်ထောင့်ငါးရာ ၊ကိလေသာ
သုံးထောင်ဝက် = သုံးထောင်၏ တစ်ဝက်။
အာနာပါန = ထွက်သက်ဝင်သက်ကိုမှတ်၍ ဆင်ခြင်ခြင်း
ရုပါဝစရ၊ အရုပါဝစရ = ပထမဈာန်၊ ဒုတိယဈာန်၊ တတိယဈာန်၊ စတုတ္ထ သမာပတ် ၊ စတုတ္ထဈာန် ဟူသော ဝင်စားသည့် ၊ ဈာန်လေးပါး။
ရှေးတီးကာလ = ရှေးလွန်လေပြီးသောအခါ ၊
ပရမတ် = ရုပ်-နာမ် တရား၊စိတ် စေတသိတ်၊ ရုပ် နိဗ္ဗာန် ။
ပုဗ္ဗေနိဝါသ ဉာဏ်= ရှေးက ပြုခဲ့ဘူးသည်ကို ပြန်လည်သိမြင်သောဉာဏ်
ဝေနေယျ = ကျွတ်ထိုက်သောသတ္တဝါ
ကမ္မ = ကုသိုလ် ကံ။ အကုသိုလ်ကံ
ဂတိ= လားရာ အရပ်
စုတိ= ရွေ့လျားခြင်း၊ သေခြင်း ။
ပဋိသန်= မွေးဖွားခြင်း
ဒူရ =ဝေးသော
ပဋိ စ္ဆန္န =တစ်စုံတစ်ခုဖြင့် ၊ ဖုံးအုပ်ထားသော၊
သဏှ= သိမ်မွေ့သော
သုခုမ = နူးညံ့သော၊ အနုစိတ်ဖြစ်သော ။
ဒိဗ္ဗစက္ခု = နတ်မျက်စိကဲ့သို့မြင်နိုင်သော ဉာဏ်
သြဃ = ရေ အလျဉ် နဲ့တူသော တရား။ ကာမောဃ ၊ဘဝေါဃ ၊ ဒိဋ္ဌောဃ ၊ အဝိဇ္ဇောဃ ၊
ပဋ္ဌာန်းတရားတော် ၁...
ပဋ္ဌာန်းတရားတော် ၂...ပဋ္ဌာန်းတရားတော် ၃ ပထမပိုင်း...ပဋ္ဌာန်းတရားတော် ၃ ဒုတိယပိုင်း...ပဋ္ဌာန်းတရားတော် ၄...ပဋ္ဌာန်းတရားတော် ၅...ပဋ္ဌာန်းတရားတော် ၆...ပဋ္ဌာန်းတရားတော် ၇...ပဋ္ဌာန်းတရားတော် ၈...ပဋ္ဌာန်းတရားတော် ၉ ပထမပိုင်း...ပဋ္ဌာန်းတရားတော် ၉ ဒုတိယပိုင်း...အကောင်းဆုံးတရားငါးပါးတရားတော်...တိပိဋကပူဇော်ပွဲ...
| ဓမ္မစာပေများ |
| “ နသော ဘိက္ခဝေ သတ္တော သုလာဘရူပေါ၊ ယောန မာတာပိတဘူတ ပုဗ္ဗော ဣမိနော ဒီဃေန အဒ္ဓုနာ။“ ရဟန်းတို့-ဤမျှရှည်လျားလှသော သံသရာကြီးအတွင်း အမိ၊ အဖ၊ မောင်ကြီး၊ မောင်ငယ်၊ ညီ၊ အစ်ကို၊ ညီမ၊ သား၊ သမီး၊ မတော်စပ်ခဲ့ဘူးသော ပုဂ္ဂိုလ်ကို ငါဘုရား၏ ဥာဏ်တော်ဖြင့် ရှာဖွေ၍ မရခဲ့ပေ။ ( နိဒါန၊ ၀ဂ္ဂသံယုတ်ပါဠိ၊ အနမတဂ္ဂသုတ် ) မိမိတို့ရဲ့ ဘ၀သံသရာခရီးဟာ အဆုံးအစမရှိတာဖြစ်လို့ အလွန်ရှည်ခဲ့လှစွာဖြင့် ပုံစံမျိုးစုံနဲ့ ကျင်လည်ခဲ့ကြရပါသည်။ ဘ၀သံသရာဆိုတာ ခန္ဓာအစဉ်ကိုပဲဆိုလိုပါသည်။ ဒီလောက်ရှည်လျားတဲ့ သံသရာအတွင်း အလွန်များလှတဲ့ အနန္တသတ္တ၀ါတွေနဲ့ မိမိတို့တစ်တွေအားလုံး ဆွေမျိုးတော်စပ်ခဲ့ဖူးကြပါသည်။ ဆွေမျိုးမတော်ဖူးဘူးသူ တစ်ဦး တစ်ယောက်မျှပင် မရှိပေ။ ထို့ကြောင် အားလုံးသည် မိဟောင်း၊ ဖဟောင်း ဆွေမျိုးတွေချည်းပါပဲလို့ မြတ်စွာဘုရားရှင် ဟောကြားခဲ့ပါသည်။ လောကမှာရှိသော သတ္တ၀ါများအားလုံးသည် (၃၁)ဘုံအတွင်း ဗြဟ္မဘုံ(၂၀)၊ နတ်ဘုံ(၆)၊ လူ့ဘုံ(၁)၊ ငရဲဘုံ(၄)ဆိုတဲ့ (၃၁)ဘုံအတွင်း အရဟတ္တမဂ်ဖိုလ် မရမချင်း ဘ၀ပေါင်းများစွာက ပြုလုပ်ခဲ့သော ကံပေါင်းများစွာကြောင့် ဖန်ဖန်တလဲလဲ ဘ၀သံသရာခရီးမှာ ကကြိုးစုံအောင် သရုပ်ဆောင်ကြရပါသည်။ ဒီဃာ ဇာဂရတော ရတ္တိ၊ ဒီဃံ သန္တဿ ယောဇနံ။ ဒီဃော ဗာလာနံ သံသာရော သဒ္ဓမ္မံ အ၀ိဇာနံတံ။ ဆိုပြီး မြတ်စွာဘုရားရှင် ဆုံးမထားပါသည်။ အိပ်မပျော်၍ နိုးနေသောသူအတွက် ညဥ့်တာရှည်လျား၏။ ခရီးပန်းသူအတွက် ယူဇနာခရီးသည် ရှည်လျား၏။ သူတော်ကောင်းတရားကို မသိသော လူမိုက်တို့အတွက် သံသရာခရီးဟာရှည်လျားပါသည်။ ထို့ကြောင့် မိမိတို့ရဲ့ဘ၀သံသရာခရီးမရှည်လျားဖို့အတွက်ဆိုရင် သူတော်ကောင်းတရားကို သိအောင်အားထုတ်ရပေမည်။ သိတဲ့အ တိုင်းလဲကျင့်ကြံကြိုးစားအားထုတ်ဖို့လည်း လိုအပ်ပေသည်။ မြတ်စွာဘုရားရှင် သိဒ္ဓတ္တမင်းသားဘုရား အလောင်းသည် လေးသင်္ချေနှင့် ကမ္ဘာတစ်သိန်းပါရမီဖြည့်ရာမှာ(၂၄) ဘဝသာလျှင်သာသနာတော် နှင့်ကြုံကြိုက်ပါသည်။ ထို့ကြောင့် မိမိတို့သည်ဘုရားရှင်၏သာသနာတော်နှင့် ကြုံကြိုက်ရသည်မှာ အလွန်ခဲယဉ်းသော မိမိတို့၏အခွင့်အရေး ဖြစ်ကြောင်းလည်း သဘောပေါက်နားလည် သင့်ပေ သည်။ မိမိ၏လက်ဝယ်ရောက်ရှိနေသော အခွင့်အရေးများအား တန်ဖိုးရှိအောင် ကြိုးစားရပေမည်။ လူဘ၀ရဲ့ အနှစ်သာရတရားဆိုတာလည်း သူတော်ကောင်းတရားတွေပဲဖြစ်ပေသည်။ ရခဲလှသော လူဘ၀တွင် အရေးကြီး ဆုံးကလဲ ကောင်းမူတရားအလုပ်တစ်ခုတည်းဟုပင်ဆိုလျှင် အငြင်းပွားစရာရှိပေ။ ကျွမ်းကျင်တဲ့ ကျောက်ဆစ်သမားသည် အလွန်မာတဲ့ ကျောက်တုံးတစ်တုံးကို လှပအောင် ပုံကောင်းဖော်ထုပေးနိုင်ပါသည်။ ထို့အတူ ကျွမ်းကျင်တဲ့ပန်းပုဆရာ ဆိုရင်လည်း သစ်တုံးတစ်တုံးကို လှပတဲ့ပုံဖော်ထုတ်ပေးနိုင်ပါသည်။ ကျွမ်းကျင်လိမ္မာ၊ အသိဥာဏ် ပညာရှိသူဟာလဲ လူ့အလုပ်တွေ၊ တွေ့ကြုံနေသမျှ အာရုံအားလုံးကိုလည်း ကောင်းမူတရားတွေဖြစ်တဲ့ သူတော်ကောင်း တရားတွေက လှပအောင် ဖော်ယူနိုင်စွမ်းရှိပေသည်။ လောကရှိလူသားတိုင်းသည် မိမိရဲ့ဘ၀စံအိမ်ကိုလှပအောင်၊ ချမ်းချမ်းသာသာနေရအောင် အားလုံးဟာ တည်ဆောက် နေကြသူတွေပဲဖြစ်ပေသည်။ မိမိရဲ့ဘ၀စံအိမ်လှပအောင် တည်ဆောက်ဖို့ဆိုလျှင် မိမိရဲ့ ဗဟိဒ္ဓဆိုတဲ့အပြင်ပိုင်းကို ပြုပြင် တည်ဆောက်ခြင်းထက် မိမိရဲ့အဇ္ဈတ္တဆိုတဲ့ အတွင်းသန္တန်က စိတ်ထားကို လှပအောင်တည်ဆောက် ရမည်ဖြစ်ပေသည်။ အကုသိုလ်တရားတွေကိုရှောင်၊ ကုသိုလ်တရားတွေဆောင်၊ စိတ်ကိုဖြူစင်အောင်ထားဟူသည့် ဘုရားအဆူဆူတို့၏ အဆုံးအမအတိုင်း မိမိ၏ရင်ထဲမှာရှိသော လောဘ၊ ဒေါသ၊ မောဟတရားများ လျော့ပါးအောင် ကြိုးစာအားထုတ်၍ မိမိ၏စိတ်တွင် အကုသိုလ်တရားများ မဖြစ်ပွားအောင် ကျင့်ကြံ၍ ဘ၀စံအိမ်ကိုလှပအောင် တည်ဆောက်ရ မည်ဖြစ်ပေ သည်။ မိမိတို့၏ဘ၀စံအိမ်ကို လှပအောင်တည်ဆောက်ဖို့ဆိုလျှင် မိမိနှင့်အတူဆပ်စပ်လျှက်ရှိသော လောကကြီးကိုလဲ ပစ်ခွါထား၍ မဖြစ်သင့်ပေ။ မိမိတို့လူသားအားလုံးသည် လောကကြီးနဲ့ဆက်စပ်နေထိုင်ပြီး လောက၏ကျေးဇူးတရားကိုလည်း သိရှိနား လည်သင့်ပေသည်။ လောကအပေါ်တွင် ကရုဏာနှင့် မေတ္တာတရား ထားရှိရန်လိုအပ်ကြောင်းကို ဆရာကြီးဦးရွှေအောင် ရေးသားသော ဆောင်းပါးတွင် ဤသို့မှတ်သားဖူးပါသည်။ ကရုဏာတရားနှင့် မေတ္တာတရား ပေါင်းစပ်ထားနိုင်လျှင် မိမိ၏အကျိုးစီးပွားထက် လောက၏အကျိုးစီးပွားကို ဆောင်ရွက်၍ ပီတိသုခကိုတွေ့နိုင်၊ မြင်နိုင်ခံစားနိုင်ပါသည်။ ပီတိသုခ ကိုတွေ့ပါမှလည်း ပါရမီကိုဖြည့်ကျင့်နိုင်သည်ဟု ဆိုပေသည်။ ပါရမီကိုဖြည့်ကျင့်ရာတွင် ဓမ္မသည် သဘာဝအားဖြင့် ပါရမီဖြည့်သူက စွန့်လွှတ်လိုက်သော ပစ္စည်းဥစ္စာများ၊ ခြေလက်အင်္ဂါများ၊ အသက်ခန္ဓာများကို သူခိုးအနေဖြင့် ယူသွား သည်မဟုတ်။ တရားသူကြီးအနေဖြင့်သာယူပြီး ပြန်လည်ရသင့်သောအကျိုးကို ပြန်လည်၍ ပေးလေသည်။ ထိုအကျိုး သည် စကြ၀တေးမင်း၏ စည်းစိမ်ထက်ပင် အတိုင်းအဆမရှိ ကြီးမားပေသည်။ ချမ်းသာရာတွင်လည်း အနှိုင်းမ ရှိကြီးမားပေသည်။ မိမိ၏ကိုယ်ကျိုးထက် အများအကျိုးကို ဦးစားပေး၍ ဆောင်ရွက်သူများသည် အကယ်၍ မဂ်ဥာဏ်၊ ဖိုလ်ဥာဏ် နိဗ္ဗာန်ကို မရသေးလျှင်တောင်မှ လောလောဆယ် ပစ္စက္ခတွင် အများ၏ ကြည်ညိုမူ၊ အများ၏ လေးစားမူ၊ အများ၏ အားထားမူတို့ကို မယူနိုင်လောက်အောင်ပင် ရလေသည်။ တမလွန်ဘ၀တွင်လည်း ပါရမီဘုန်းကံကြောင့် ဓမ္မ၏သဘောအတိုင်း မဖောက်မပြန် ကောင်းကျိုးကို ခံစားရမည်ဖြစ်ပေသည်။ လောကကြီးကို အလှဆင်လိုသူတိုင်းတွင် မေတ္တာတရားကို လက်ကိုင်ထားရပေမည်။ ကာယကံမေတ္တာ၊ ၀စီကံမေတ္တာ၊ မနောကံမေတ္တာဟူသော မေတ္တာသုံးမျိုးဖြင့် မိမိ၏နှလုံးသားကို အလှပဆုံးဖြစ်အောင် တန်ဆာဆင်ရပေမည်။ မေတ္တာ တရားဆိုတာ တစ်ယောက်တည်းသောသားရင်းအပေါ် အသက်နှင့်ထပ်တူ ချစ်ခင်စောင့်ရှောက်နေတဲ့ မိခင်ရဲ့စိတ်မျိုး ကိုယ့်မှာဖြစ်ပေါ်တိုးပွားအောင် ထပ်တလဲလဲလေ့ကျင့်နေရခြင်း အလုပ်ပင်ဖြစ်ပေသည်။ ခွင့်လွှတ်တတ်မူနှင့် အကောင်း မြင်စိတ်ထားရှိမှသာ မေတ္တာတရားအနေဖြင့် မိမိရဲ့နှလုံးသားမှာ တန်ဆာဆင်နိုင်မှာလဲဖြစ်ပေသည်။ မိခင်တစ်ယောက် သည် သားသမီးအပေါ်မှာ ကောင်းကွက်ရှာပြီး ချစ်ခင်သောစိတ်မျိုး အမြဲရင်မှာရှိပါသည်။ ရင်ခွင်ပေါ်မှာ သား၊ သမီး ချီထား သိပ်ထားတုန်း အညစ်အကြေးပေကျံတာတောင် မိခင်တွေရဲ့အပြုံးသည် နည်းနည်းလေးမှ မပျက်ပေ။ နည်းနည်းလေးမှ လည်း သားသမီးပေါ်ထားရှိတဲ့ အချစ်ဟာ နည်းနည်းလေးမှ လျော့သွားတာမျိုးမဟုတ်ပေ။ အရင်ကထက်ပင် မေတ္တာတရား တွေ တိုးပွားနေပေသည်။ မိမိတွင်လည်း မိခင်၏ မေတ္တာစိတ်နဲ့ သတ္တ၀ါတွေအားလုံး အပေါ်မှာ ချစ်တတ်ရပေမည်။ မေတ္တာတရားသည် အလွန်ကိုနက်ရှိုင်းသိမ်မွေ့၍ ကျယ်ဝန်းလှပေသည်။ မေတ္တာတရားကို မပွားခင် ပထမဦးစွာ ဒေါသရဲ့အပြစ်နှင့် ခန္တီရဲ့အကျိုးကို ဦးစွာဆင်ခြင်ရန်လည်း လိုအပ်ပေသည်။ မိမိ၏ရင်ထဲတွင် ဒေါသတရားများ ဖြစ်လာ သောအခါ အကြောင်းအကျိုးကိုခွဲခြား၍ မသိနိုင်သလို အမှန်တရားကိုလည်း မမြင်နိုင်ပေ။ ဒေါသတရားသည် ရုပ်ကိုလည်း အိုခြင်းဖြစ်စေသလို နာမ်ကိုလဲ အိုခြင်းဖြစ်စေသည်။ နောက်နောင်တွင်လည်း အကျဉ်းတန်၍ ရုပ်ဆိုးခြင်းဖြစ်စေနိုင်သည်။ ခန္တီတရားအနေဖြင့် မြတ်စွာဘုရားသည် မြတ်သောအကျင့်ဟု ဟောထားပေသည်။ လောကမှာ ခန္တီတရားလက်ကိုင်ထားပြီး ဘယ်အာရုံနဲ့တွေ့တွေ့ သည်းခံမယ်ဆိုပြီး ဆင်ခြင်ရပေမည်။ မေတ္တာတရားပွားမည့်သူအနေဖြင့် ဒေါသတရားကိုပယ်၍ ခန္တီတရားကို ဆောင်ထားရပေမည်။
မေတ္တာတရားကို ပထမဦးစွာ မိမိအချစ်ဆုံးသူကနေ စတင်ပွားရပေမည်။ လောကမှာ အချစ်ဆုံးပုဂ္ဂိုလ်ဟာ ဘယ်သူလဲ ဆိုလျှင် အတ္တသမံ ပေမံနတ္ထိ- မိမိလောက်ချစ်သောပုဂ္ဂိုလ်ထပ်တူမရှိဟု ဆိုသောကြောင့် မိမိကိုကိုယ် ပထမဦးစွာ မေတ္တာပွားရပေမည်။ မိမိကိုယ်ကို ပထမဦးစွာ မေတ္တာပွားရခြင်းသည် အတ္တဆန်သည်ဟု ထင်နိုင်ပေသည်။ သို့သော် ထိုသို့ ပထမဦးစွာ မိမိကိုယ်ကို မေတ္တာပွားရခြင်းသည် ကိုယ်ချင်းစာတရားရှိအောင်ပင်ဖြစ်ပေသည်။ အနည်းငယ်ချဲ့ရမည်ဆိုလျှင် မိမိသည် ကိုယ်ဆင်းရဲ စိတ်ဆင်းရဲခြင်းကင်းချင်သလို သူတစ်ပါးလည်း ကိုယ်ဆင်းရဲ စိတ်ဆင်းရဲခြင်းကင်းချင်ပေမည်။ မိမိလည်းချမ်းသာချင်သလို သူတစ်ပါးလည်း ချမ်းသာချင်ပေမည်။ ထိုသို့ ကိုယ်ချင်းစာစိတ်မွေးတတ်အောင် ကိုယ်ချင်းစာ တတ်အောင် မိမိကိုယ်ကို ပထမဦးစွာ မေတ္တာပွားရခြင်းဖြစ်ပေသည်။ မိမိကိုယ်ကို မေတ္တာပွားပြီးနောက် ဒုတိယအဆင့်အနေဖြင့် မိမိချစ်သူကို မေတ္တာပွားရမည်ဖြစ်ပေသည်။ မိမိချစ်သူဟု ဆိုရာတွင်လည်း သမီးရည်းစားကို ဆိုလိုခြင်းမဟုတ်ပေ။ မိမိ၏အပေါ်တွင် ကျေးဇူးများ သော မိဘ၊ ဆရာသမား၊ ဆွေမျိူး၊ မိတ်ဆွေကောင်း အစရှိသဖြင့် မေတ္တာပွားရပေမည်။ မေတ္တာပွားရာတွင်လည်း သူတို့ကိုယ့်အပေါ် ကျေးဇူးရှိခဲ့ပုံတွေ၊ သူတို့ရဲ့ကောင်းကွက်လေးတွေကြည့်ပြီး ပွားရပေ မည်။ ဥပမာအနေဖြင့် အမေဆိုလျှင် အမေ ဘေးရန်ကင်းပါစေ။ စိတ်ဆင်းရဲ ကင်းပါစေ။ ကိုယ်ဆင်းရဲကင်းပါစေ။ ကိုယ်စိတ်နှစ်ဖြာ ချမ်းသာစွာဖြင့် မိမိခန္ဓာဝန်ကိုဆောင်ရွက်နိုင်ပါစေ။ ထိုသို့ တစ်ခြားကျေးဇူး ရှိအပ်သော ပုဂ္ဂိုလ်များကိုလည်း မေတ္တာပို့ရပေမည်။ ဒုတိယအဆင့်အနေနှင့် မေတ္တာပွားများပြီးသောအခါ တတိယအဆင့်အနေဖြင့် မိမိနှင့် အလယ်အလတ် မချစ်၊ မမုန်း ပုဂ္ဂိုလ်များကို ပွားများရပေမည်။ သာမန်အားဖြင့် ထိတွေ့ဆက်ဆံနေသော ပုဂ္ဂိုလ်များကိုဆိုလိုခြင်းဖြစ်ပေသည်။ နောက်ဆုံး အဆင့်အနေဖြင့် ရန်သူကို မေတ္တာပို့ရပေမည်။ ထိုသို့ မိမိနှင့်အဆင်မပြေသောသူအား မေတ္တာပွားရာတွင် ရချင်လဲရပေ မည်။ မရချင်လဲမရပေမည်။ မိမိရန်သူအား မေတ္တာပို့၍ ရခြင်းမရခြင်းသည် ဥာဏ်ရဲ့အလုပ်ဖြစ်ပေသည်။ မေတ္တာပွားများ ရမည့် အလုပ်ကတော့ မိမိ၏အလုပ်ပင်ဖြစ်ပေသည်။ မေတ္တာတရားကို ဘယ်အဆင့်ထိပွားရမည်ဆိုလျှင် မိမိ၊ မိမိချစ်သူ၊ မချစ်မမုန်း အလယ်အလတ်ပုဂ္ဂိုလ်၊ ရန်သူ ထိုလေးမျိုး အား တစ်သားတည်းဖြစ်အောင်ပွားများရပေမည်။ သတ္တ၀ါအားလုံး၏ကောင်းကျိုးကို လိုလားစွာနှင့် ခွဲခြားမူမရှိပဲ လူသား တစ်ယောက်အနေနှင့် မြင်သွားပြီး ပွားများမှသာ မေတ္တာပါရမီအဆင့်ထိ ကျင့်သုံးရာရောက်ပေမည်။ မေတ္တာတရားကို ပွားဖန်များသူသည် ၁။ စိတ်ထားကျယ်ပြန့်လာရခြင်း၊ ၂။ မြင့်မြတ်တဲ့စိတ်ထားတွေ ဖြစ်ပေါ်တိုးပွားလာရခြင်း၊ ၃။ ခွဲခြား ခွဲခြားမလုပ်ပဲ ကန့်သတ်ချက်ဘောင် တစ်စတစ်စ ကင်းသွားရခြင်း၊ ၄။ သူများအပေါ် ဒေါသရန်စိတ်တွေ မုန်းတီးစိတ်တွေ ကင်းစင်ရခြင်း၊ ၅။ စိတ်ဆင်းရဲမူတွေလဲ ကင်းသွားခြင်းဆိုတဲ့ မေတ္တာရဲ့ ဂုဏ်ရည်တွေ မလွဲမသွေရရှိမှာ အမှန်ပင် ဖြစ်ပေသည်။ ဒါနပြုတဲ့အခါမှာလည်း မေတ္တာတရားပါလျှင် လေးနက်သလို စွမ်းအားလည်းထက်ပေသည်။ ကိုယ့်ပစ္စည်းကြောင့် သူချမ်း သာပါစေဆိုတဲ့ စိတ်ကောင်းတွေနဲ့ ယှဉ်ပြီး ဒါနပြုရင် အကျိုးပေး ပိုပြီး မွန်မြတ်ကောင်းမွန်လှပါတယ်။ ကိုယ့်ကြောင့် ဘယ် သူမှ ဒုက္ခမရောက်စေရဘူး အားလုံးချမ်းသာစေရမယ်ဆိုတဲ့ စိတ်ကောင်းရှိနေရင် သီလတရားဟာလဲ အလိုအလျောက် ပြည့်စုံလုံခြုံနေပြီဖြစ်ပေသည်။ မေတ္တာကြိုတင်ပို့လွှတ် ခြင်းအားဖြင့်လည်း ဘာဝနာတရားကျင့်သုံးပြီး အနှောင့်အယှက် ကင်းစွာဖြင့် တိုးတက်အောင်မြင်မှာဖြစ်ပေသည်။ ဘာမဆို မေတ္တာတရားရှိမှသာ အရာရာပြီးပြည့်စုံသည်မှာ သိသာထင် ရှားလှပါသည်။ မိမိတို့၏ ဘ၀စံအိမ်လှပအောင် တည်ဆောက်ရာတွင် တစ်ဦးတစ်ယောက်တည်း နေ၍ မဖြစ်ပေ။ လောကကြီးနှင့် ဆက်စပ် ၍နေသောကြောင့် မေတ္တာတရားရှိပါမှ မိမိနှင့်အတူ ပတ်ဝန်းကျင်ပါ အဆင်ပြေ ပျော်ရွှင်ရပေလိမ့်မည်။ မေတ္တာကို လိုချင်ရင် ခန္တီတရားကို အမာခံတည်ဆောက်၍ ဥပေက္ခာတရားနှင့်လည်း ဘောင်ခတ်တတ်ဖို့ လိုအပ်ပေသည်။ မိမိတစ်ယောက်တည်းနေသောအခါတွင် သတိတရားလက်ကိုင်ထား၍ ကောင်မူတရားများတိုးပွားအောင် ဆောင်ရွက်ရပေမည်။ ထို့အတူ အများနှင့်နေသောအခါ မေတ္တာတရားလက်ကိုင်ထား၍ ကောင်းမူတရားများတိုးပွားအောင် ဆောင်ရွက် ရမည်ဖြစ်ပေသည်။ မေတ္တာစိတ်ဓါတ်၊ အအေးမြတ်၊ လွှတ်းပတ်ကမ္ဘာတည်ပါစေ။ ကိုညီ |
© Blogger templates The Professional Template by Ourblogtemplates.com 2008
Back to TOP
