* သဗ္ဗဒါနံ ဓမ္မဒါနံ ဇိနာတိ၊ * သဗ္ဗရသံ ဓမ္မရသော ဇိနာတိ။

* သဗ္ဗဒါနံ ဓမ္မဒါနံ ဇိနာတိ၊     * သဗ္ဗရသံ ဓမ္မရသော ဇိနာတိ။

နမတ္ထု ဗုဒ္ဓါနံ နမတ္ထု ဗောဓိယာ။ နမော ဝိမုတ္တာနံ၊ နမော ဝိမုတ္တိယာ။

ဘုရားရှင်တို့ အား ရှိခိုးပါ၏။
ဘုရားရှင်တို့ ၏ မဂ်ဥာဏ် ဖိုလ်ဥာဏ်အား ရှိခိုးပါ၏။
ကိလေသာတို့ မှ လွတ်မြောက်တော်မူကြသော ဘုရားရှင်တို့ အား ရှိခိုးပါ၏။
ထိုဘုရားရှင်တို့ ၏ ဝိမုတ္တိငါးပါးအား ရှိခိုးပါ၏။

ကရုဏာလက်များ ကမ်းလင့်ပေးပါ...

ကရုဏာလက်များ ကမ်းလင့်ပေးပါ...
စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။

ပညာရေးအလှူတော် နှိုးဆော်ချက်


ရန်ကုန်မြို့ အသောကာရာမ သီလရှင်စာသင်တိုက်မှ နဝမတန်း ဖြေဆိုမည့် သီလရှင် ဆရာလေးများအတွက် ဆရာ၊ ဆရာမများ လစဉ် ထားပေးနိုင်ရန် ပညာရေးအလှူရှင်များ လိုအပ်နေပါသည်။ ရွှေစေတီ ဘုန်းတော်ကြီးသင်ပညာရေးကျောင်းတွင်လည်း ဆင်းရဲနွမ်းပါးသည့် ၉ တန်းနှင့် ၁၀ တန်း ကျောင်းသားများ ကျောင်းအိပ်ကျောင်းစား နေထိုင်ပညာဆည်းပူးနိုင်ရေးအတွက် ကူညီထောက်ပံ့မည့် ကုသိုလ်ရှင်များ လိုအပ်လျက် ရှိပါသည်။ စေတနာရှင် အလှူရှင်များ အနေဖြင့် ထေရဝါဒ ဗုဒ္ဓဘာသာ လူငယ်များအသင်း http://www.mmtheravada.org ဖုန်း
09-73062811, 09-5505176 သို့ ဆက်သွယ်လှူဒါန်းကြစေလိုပါသည်။

သီလရှင် ဆရာလေးများနှင့် ကလေးများ ဇွန်လအမီ ကျောင်းတက်နိုင်ရေးအတွက် ကာလဒါန ကုသိုလ်အဖြစ် သဒ္ဓါတတ်အား နည်းများမဆို လှူဒါန်းကူညီကြပါရန် နှိုးဆော်အပ်ပါသည်။

ဝိမုတ္တိရသ အဖွဲ့သားများ

------------------------
နောက်ဆက်တွဲသတင်း.....

ပညာရေးအလှူတော်လှူဒါန်းမည့်အစီအစဉ်

ထေရ၀ါဒဗုဒဘာသာ လူငယ်များ အသင်းမှ ဦးစီး၍ (၂၀၁၁) ခုနှစ်တွင် န၀မတန်းသို့ တက်ရောက်မည့် ကျောင်းသား (၂၅) ယောက်နှင့် ကျောင်းသူ (၂၅) ယောက်အား ပညာရေးထောက်ပံ့မှုပြုလုပ်ပေးနိုင်ရန် စီစဉ်ထားပါသည်။

ပြုလုပ်မည့်အစီအစဉ်

ကျောင်းသားများအား ရွှေစေတီဘုန်းကြီးကျောင်း (ဆရာတော် ဦးတေဇန္ဒိ၊ ခ/(၃) ရက်ကွက်၊ ရွှေစေတီကျောင်း၊ မင်္ဂလာဒုံမြို့နယ်) တွင်ထားရှိမည်ဖြစ်ပြီး ကျောင်းသားများသည် မိမိတို့ ဆန္ဒအလျောက် ကိုရင်ဝတ်လိုကလည်း ၀တ်နိုင်ပါသည်။ ကျောင်းသူများအား အသောကာရာမ သီလရှင်စာသင်တိုက် (ဆရာလေးဒေါ်သုနန္ဒာ (ဖုန်း-၀၉-၈၆၂၈၈၁၁)၊ ၀ါယာလက်ဈေးမှတ်တိုင်၊ ရွှေနှင်းဆီရပ်ကွက်၊ မင်္ဂလာဒုံမြို့နယ်) တွင်ထားရှိပါမည်။ အသောကာရာမကျောင်းမှ သီလရှင်များသာလက်ခံသည်ဖြစ်၍ ကျောင်းသူများမှာ သီလရှင်ဝတ်ရပါမည်။ သီလရှင်များတက်ရောက်ရမည့် အ.ထ.က ကျောင်းမှာ အသောကာရာမ ကျောင်းမှလက်ရှိ သီလရှင်များ တက်ရောက်နေသော ကျောင်းဖြစ်၍ ပညာသင်ကြားမှုတွက် အခက်အခဲ မရှိနိုင်ပါ။ စာသင်သူများ စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။ အသေးစိတ်ဆောင်ရွက်မည့် အချက်အလက်များအားလည်း ဆက်လက်ဖော်ပြသွားပါမည်။

လျောက်ထားမည့် သူများ ပြည့်စုံရမည့်အချက်များမှာ

(က) ကျောင်းသူများမှာ သီလရှင်ဝတ်နိုင်ရပါမည်။

(ခ ) မိဘများမှ နေထိုင်ရန်ခွင့် ပြုသူဖြစ်ရပါမည်။

(ဂ ) စာသင်သားများနေထိုင်မည့် ကျောင်းတွင်း စည်းကမ်းများကို တိကျစွာလိုက်နာရပါမည်။

(ဃ) ကျောင်းထားရန် အမှန်တကယ်အခက်အခဲ ရှိနေသူဖြစ်ရပါမည်။

အထက်ပါအချက်အလက်များနှင့် ပြည့်စုံသူများသည် ထေရ၀ါဒဗုဒ္ဓဘာသာလှူငယ်များ အသင်းသို့ ဆက်သွယ်မေးမြန်းနိုင်ပါသည်။ (http://mmtheravada.org)

ဆက်သွယ်ရန်လိပ်စာ

ကိုထွန်းထွန်းလှိုင်

ဖုန်း ၀၉-၇၃၀၆၂၈၁၁

htunhtunhlaing82@gmail.com

winthu.tbyo@gmail.com

thantzin83@gmail.com

Sunday, October 17, 2010

မင်္ဂလာဆောင်မှသည်

ပါပသ္မိံရမတိ မနော=စိတ်သည် မကောင်းမှု၌ မွေ့လျော်လေ့ရှိ၏။

စိတ်၏အာရုံပြုမှုနှင့်ပတ်သက်၍ သတိပြုနေမိခဲ့သည်မှာ အတော်ကြာပါပြီ။ အထူးသဖြင့် သာရေး နာရေးကိစ္စတို့ ကြုံကြိုက်သော အခါတို့တွင်ပို၍ သတိပြုမိ၏။ ထိုထို သာရေးနာရေး အမှုတို့တွင် အလှူရှင်တို့သည် သူတို့၏ စိတ်အစဉ်ကို တရားအာရုံအပေါ်၌ ထားနိုင်ခဲလှသည်ကို မကြာခဏ လေ့လာတွေ့ရှိရ၏။ ထိုသို့ လေ့လာနေမိခြင်း သည်ပင် စာရေးသူ၏စိတ်အစဉ်သည်လည်း တရားအပေါ် ထားနိုင်ခဲလှသည်ကို ဖော်ပြဝန်ခံရာရောက်၏။

မင်္ဂလာဆွမ်းကျွေးတစ်ခု၌ ကြုံခဲ့ရပုံကို ပြောပြချင်ပါသည်။

မင်္ဂလာဦးဇနီးမောင်နှံမောင်တို့သည် ရဟန်းတော်များကို အရုဏ်ဆွမ်းဆက်ကပ်၏။ ပြီးလျှင် နှစ်ဘက်မိဘ ဆွေမျိုး များနှင့်အတူ မင်္ဂလာတရားတော်ကို နာယူကြလေသည်။ ငှါးရမ်းထားသော ဓာတ်ပုံဆရာက ရှုထောင့်အမျိုးမျိုး မှနေ၍ ဓာတ်ပုံရိုက်ယူ၏။ ဗွီဒီယိုဆရာက ပို၍ဆိုး၏။လက်ဟန်ခြေဟန် အမျိုးမျိုးပြကာ သတို့သား သတို့သ္မီးတို့အား မည်သို့နေပေးပါ စသဖြင့် ခဏခဏ ညွှန်ကြား နေလိုက်ချေသေး၏။ ဆလိုက်မီးထိုးသမားကလည်း ကင်မရာမင်း ညွှန်ကြားသည့်အတိုင်း ရဟန်းတော်များဘက်သို့ လည်းကောင်း၊ သတို့သား သတို့သ္မီးတို့ဘက်သို့လည်းကောင်း၊ နှစ်ဘက်မိဘများသို့လည်းကောင်း၊ လက်ဖွဲ့များများ ဖွဲ့မည်ထင်ရသော ဆွေကြီးမျိုးကြီးတို့ ရှိရာသို့လည်းကောင်း ခဏခဏပြောင်းလဲကာ ဆလိုက်မီးဖြင့် လှမ်းလှမ်းထိုး လေသည်။

အလှူရှင်တို့၏စိတ်သည် တရားတော်အပေါ်၌ မညွတ်စေနိုင်ကြတော့။ ဗွီဒီယိုရိုက်နေသူဆီသို့သာ အရောက်များ နေလေတော့သည်။ သတို့သားသည် သူ့တိုက်ပုံကို ခဏခဏပြုပြင်၏။ သတို့သ္မီးသည် ကိုယ်နေဟန်ထား ခဏ ခဏ ပြောင်း၏။ နှစ်ဘက်မိဘများသည် သတို့သားကိုတို့လိုက် သတို့သ္မီးကိုတို့လိုက်ဖြင့် သတိပေးနေကြသယောင် ရှိ၏။ ကင်မရာမင်းတို့သည် ရံခါ "ကန်တော့ပါရဲ့ဘုရား၊ ကန်တော့ပါရဲ့ဘုရား"ဟု ခပ်တိုးတိုး လျှောက်ထားရင်း သံဃာတော်တို့ကြားကို ရောက်ရောက်လာ၏။ သူတို့၏စိတ်သည် တရားအာရုံထက် ကင်မရာအာရုံ၌ မွေ့လျော်နေခဲ့ ကြသည်မှာ အသေအချာပင်ဖြစ်တော့၏။ (အရုဏ်ဆွမ်း ဆက်ကပ်စဉ် သူတို့၏ အိုက်တင်အမျိုးမျိုး မည်သို့ရှိလိမ့် မည်ကို အထူးဖော်ပြရန်လိုတော့မည် မဟုတ်သကဲ့သို့ သူတို့၏စိတ်အနေသည် ဆွမ်းဆက်ကပ်မှုအပေါ် မည်မျှ လောက် အလေးအနက် ရှိမည်မရှိမည်ကိုလည်း ဖော်ပြရန်လိုတော့မည်မထင်ပါ။)

-------------------------------------------------------------------------------------------------------------------

စိတ်သည် ထိုထိုအာရုံ၌ ကျက်စားကျင်လည်လေ့ရှိ၏၊ အာရုံတစ်ခုမှ အာရုံတစ်ခုသို့ ကူးပြောင်း ကျက်စားလေ့ရှိ၏။ သို့ရာတွင် အာရုံတစ်ခု၌ ကျက်စားနေသောစိတ်သည် မပျက်မစီးဘဲ နောက်အာရုံတစ်ခုကို ကူးပြောင်းကျက်စား ခြင်းမျိုးကားမဟုတ်။ (ရှေ့တွင်ရှင်းလင်း ဖော်ပြပေးပါမည်)

သတိဖြင့် ထိန်းချုပ်နိုင်ခြင်း၊ ပညာဖြင့် ပဲ့ကိုင်နိုင်ခြင်းသာ မရှိပါမူ စိတ်ဟူသည် မကောင်းမှု၌သာ မွေ့လျော်လေ့ ရှိပါ၏။ ကောင်းကျိုးတရား မဖြစ်ထွန်းစေနိုင်သော အာရုံတို့၌သာ ကျင်လည်လေ့ရှိပါ၏။ သမရိုးကျ ဆွမ်းကျွေးတို့၌ ကြုံရလေ့ရှိပုံကို ဆက်လက်ဖော်ပြလိုပါသည်။

တရားဟောပုဂ္ဂိုလ်သည် တရားဟောနေ၏။ အလှူရှင်မိသားစုတို့သည် တရားတော်ကိုကောင်းစွာ နာယူနေကြ၏။ ထိုအခိုက် အခါလည်သားကလေးသည် သူ့မိခင်ရင်ခွင်မှ အတင်းလျှောဆင်း၏။ ခလေးအမေ၏ စိတ်သည် တရားအပေါ် မတိမ်းညွတ်နိုင်တော့။ ကလေးသည် အဖေလုပ်သူထံရောက်သွား၏။ ထိုမှ ကလေးသဘာဝ ခိုးခိုးခစ်ခစ်ရယ်၏။ သူတို့အားလုံး၏စိတ်သည် တရားအာရုံမှ သွေဖယ်၍ ကလေးငယ်ထံသို့သာ ရောက်သွားကြလေသည်။ ကလေးကို လက်ဝါးကာပြသူက ကာပြ၏။ ပြုံးပြသူက ပြုံးပြ၏။ ကလေးကိုမျက်စပစ်ပြ၍ အချင်းချင်းလည်း ပြုံးပြ ကြ၏။ သူတို့သည်လည်း စိတ်ကို တရားအာရုံအပေါ်သို့သာ သက်ရောက်နေအောင် သတိဖြင့် ထိန်းချုပ်နိုင်ခြင်း၊ ပညာဖြင့် ပဲ့ကိုင်နိုင်ခြင်း အားနည်းလှသူများဖြစ်ကြချေ၏။ စာရေးသူသည်လည်း တရားအာရုံထက် သူတို့အပေါ် ၌သာ များစွာအာရုံစိုက်ခဲ့မိသောကြောင့် သူတို့နှင်နှင် သတိပညာ မပြည့်ဝခဲ့သူသာဖြစ်ကြောင်း ထပ်မံဝန်ခံရပါ၏။

-------------------------------------------------------------------------------------------------------------------

သေခါနီးကြုံကြရပုံကိုလည်း ယေဘုယျအားဖြင့် ဖော်ပြလိုပါသေးသည်။ စာရေးသူသည် မိမိအဘွားအရင်း အပါအဝင် ရောဂါကြောင့် သေရတော့မည့် သေခါနီးလူတစ်ချို့၏ အခြေအနေတို့ကို အနီးကပ် လေ့လာခဲ့ဖူးပါသည်။ လူနာသည် သေခါနီးဖြစ်၍ ဝေဒနာကိုပြင်းစွာ ခံစားနေရ၏။ အသက်ရှူပြင်း၏။ မိသားစုစုံညီနေ၏။ ဘာသာရေး ဗဟုသုတ ရှိသူတစ်ချို့က လူနာ၏ နားနားတွင်ကပ်၍ သူပြုခဲ့ဖူးသော ကောင်းမှုအကြောင်းတို့ကို အသာအယာ ပြောပြနေကြ၏။ စိတ်မထိန်းနိုင်သော သားသ္မီးဆွေမျိုးတို့၏ ကြိတ်၍ကြိတ်၍ ရှိုက်သံတို့ ဟိုမှသည်မှ ထွက်ပေါ် လာတတ်၏။ အိမ်အောက်ဘက်မှ တစ်ချို့က မိမိတို့စိတ်ထင်ရာကို ဆွေးနွေးနေကြ၏။ လူနာ၏ အဝေးရောက် သားသ္မီးတို့ အကြောင်းလည်းပါ၏။ လူနာ၏ရောဂါအကြောင်း၊ စီးပွါးပိုင်ဆိုင်မှုအကြောင်းလည်းပါ၏။ လူစိမ်းအဝင်အထွက် များသောကြောင့် ခွေးဟောင်သံတို့လည်း ဆူညံနေ၏။ သေခါနီးလူနာ၏စိတ်သည် အဘယ်ကို အာရုံညွတ် လေမည်နည်း။

ဖော်ပြပါအခြေအနေတို့ကား လုပ်ကြံရေးသားမှု ဘာတစ်ခုမျှပါသည်မဟုတ်။ သူသူငါငါ မျက်တွေ့တွေ့နိုင်ကြသည့် အခြေအနေတို့ချည်းသာဖြစ်ပါ၏။ သူသူငါငါသည်လည်း မလွဲမသွေ သေရမည့်သူများချည်းသာဖြစ်၏။ တရားအပေါ် (သို့မဟုတ်) ကြည်ကြည်နူးနူး ကိုယ်ပြုခဲ့ဖူးသော ကောင်းမှုတစ်ခုခုအပေါ် အာရုံပြုမိသောစိတ်သည် မည်မျှ အေးချမ်းကြောင်းနှင့် ငိုကြွေးနေသော အသံတို့အပေါ် အာရုံပြုမိသောစိတ်၊ ခွဲရတော့မည့် သူတို့အပေါ် အာရုံပြုမိသောစိတ်တို့သည် မည်မျှပူလောင်ကြောင်းကိုလည်း အားလုံးအသိပင်ဖြစ်ပါ၏။

အလေ့အကျင့်မရှိသောစိတ်သည် တရားသံကြားနေရပါလျှက် ဗွီဒီရိုရိုက်နေသည့်အပေါ်သာ တိမ်းညွတ်နေသော သတို့သားတို့၏စိတ်ကဲ့သို့လည်းကောင်း၊ ဆော့နေသောကလေးငယ်အပေါ်၌သာ တိမ်းညွတ်နေသော အလှူရှင် မိသားစုတို့၏ စိတ်ကဲ့သို့လည်းကောင်း၊ သူများ၏ ဟန်ပန်အနေအထားတို့ကိုသာ လိုက်လံအကဲခတ်နေမိသော စာရေးသူ၏ စိတ်အစဉ်ကဲ့သို့လည်းကောင်း ဖြစ်တတ်ပါချေ၏။

---------------------------------------------------------------------------------------------------------------------------

စိတ်၏ဖြစ်စဉ်သည် အလွန်လျင်မြန်လှ၏။ အာရုံတစ်ခုကို အာရုံပြုဖြစ်ပေါ်၍ ထိုအာရုံကို အာရုံပြုရင်းပင်လျှင် ချုပ်ပျောက်၏။ နောက်စိတ်အသစ်သည်လည်း ထိုအာရုံကိုပင် ဆက်လက်အာရုံပြု၍ အသစ်ဖြစ်ပေါ်လာပြန်၏။ ထိုစိတ်အသစ်သည်လည်း ထိုအာရုံကို အာရုံပြုရင်းပင်လျှင် ချုပ်ပျောက်၏။ ထိုသို့ အာရုံတစ်ခုတည်း၌ အာရုံပြု၍ ဖြစ်လိုက် ပျက်လိုက်ဖြင့် ဖြစ်နေရင်းက ထိုအာရုံ၌ အာရုံပြုဖြစ်ပေါ်ချုပ်ပျောက်နေသော စိတ်အစဉ်ပြတ်တောက်၍ နောက်အာရုံတစ်ခုဆီ၌ အာရုံပြုကာ ဖြစ်ပေါ်ချုပ်ပျောက်သော စိတ်အစဉ်တစ်မျိုး ဖြစ်ပေါ်လာသည်ကိုပင် "စိတ်သည် ထိုထိုအာရုံ၌ ကျက်စား ကျင်လည်လေ့ရှိ၏၊ အာရုံတစ်ခုမှ အာရုံတစ်ခုသို့ ကူးပြောင်း ကျက်စားလေ့ ရှိ၏။"ဟု ဆိုရပေသည်။

သတိဖြင့် ထိန်းချုပ်နိုင်ခြင်း၊ ပညာဖြင့် ပဲ့ကိုင်နိုင်ခြင်းသာ မရှိပါမူ စိတ်ဟူသည် မကောင်းမှု၌သာ မွေ့လျော်လေ့ ရှိ၏။ ကောင်းကျိုးတရား မဖြစ်ထွန်းစေနိုင်သော အာရုံတို့၌သာ ကျင်လည်လေ့ရှိ၏။ အညံ့စားအာရုံကိုသာ အာရုံပြုလေ့ရှိ၏။ နှလုံးသွင်းမမှန်မှုကို ဖြစ်စေတတ်၏။

သတိဖြင့် ထိန်းချုပ်နိုင်ခြင်း၊ ပညာဖြင့် ပဲ့ကိုင်နိုင်ခြင်းသာ ရှိပါမူ စိတ်ဟူသည် ကောင်းမှု၌သာ မွေ့လျော်လေ့ ရှိ၏။ ကောင်းကျိုးတရား ဖြစ်ထွန်းစေနိုင်သော အာရုံတို့၌သာ ကျင်လည်လေ့ရှိ၏။ အမြတ်စားအာရုံကိုသာ အာရုံပြုလေ့ ရှိ၏။ နှလုံးသွင်းမှန်မှုကို ဖြစ်စေတတ်၏။

ထို့ကြောင့် ထိုထိုအာရုံတို့၌ကျက်စားလေ့ရှိသော စိတ်ကို သတိ,ပညာတို့ဖြင့် ထိန်းချုပ်ကာ အာရုံကောင်းများ၌ အာရုံပြုတတ်လေ့ရှိအောင် များများလေ့ကျင့်ထားသင့်ကြ၏။ ငိုသံရီသံတို့ကို ဖောက်ထွက်ကာ တရားနှလုံးသွင်း ခြင်း၊ ကြည်ကြည်နူးနူးပြုခဲ့ဖူးသော ကောင်းမှုတို့၌ တိမ်းညွတ်စေခြင်း စသည်ဖြင့် လေ့ကျင့် ပေးထားသင့်ကြ၏။ မည်သည့်နေ့၌ မည်သို့သော အခြေအနေမျိုးတွင် မည်သို့သေရအံ့သည်ကို မည်သူသိအံ့နည်း။

အရှင်ဝိသာရဒ (ရမ္မာဝတီ) Last Updated on Thursday, 14 October 2010 22:35

0 comments:

လာလည်ကြသူများ

ဤဘလော့ဂ်၏ ရည်ရွယ်ချက်

ယခုအခါ ကမ္ဘာတလွှားတွင်ရှိနေကြသော ဓမ္မဘလော့ဂ်ဂါများသည် နေ့ စဉ်နှင့် အမျှ အင်တာနက် စာမျက်နှာများ ပေါ်တွင် ဓမ္မနှင့်သက်ဆိုင်သော အကြောင်းအရာ အမျိုးမျိုးကို ပို့ စ်များရေးတင်လျက် ရှိနေကြပါသည်။

ဘလော့ဂ်ဂါများမှ မိမိတို့ ၏ကိုယ်ပိုင် စာမျက်နှာများမှတဆင့် ရေးတင်နေကြသဖြင့် ဖတ်ရှုလေ့လာသူများအတွက် နေရာများစွာသို့  သွားရောက် ဖတ်ရှုနေကြရပါသည်။

ထို့ ကြောင့် စာဖတ်သူများ အချိန်ကုန်သက်သာစေရန်နှင့် မိမိတို့  ဖတ်ရှုလိုရာကို လွယ်လင့်တကူ ရှာဖွေနိုင်ရန် နေ့ စဉ်ရေးသား နေကြသော အကြောင်းအရာများကို တနေရာတည်းတွင် စုစည်းပေးလိုသော ရည်ရွယ်ချက်ဖြင့် ဤဘလော့ဂ်ကို စီစဉ်လိုက်ခြင်းဖြစ်ပါသည်။

ပြောချင်တာများရှိရင် ရေးပေးထားခဲ့ပါ

မြန်မာပြက္ခဒိန်

မြန်မာပြက္ခဒိန်
www.burmeseclassic.com မှ ကူးယူဖော်ပြပါသည်။

  © Blogger templates The Professional Template by Ourblogtemplates.com 2008

Back to TOP