* သဗ္ဗဒါနံ ဓမ္မဒါနံ ဇိနာတိ၊ * သဗ္ဗရသံ ဓမ္မရသော ဇိနာတိ။

* သဗ္ဗဒါနံ ဓမ္မဒါနံ ဇိနာတိ၊     * သဗ္ဗရသံ ဓမ္မရသော ဇိနာတိ။

နမတ္ထု ဗုဒ္ဓါနံ နမတ္ထု ဗောဓိယာ။ နမော ဝိမုတ္တာနံ၊ နမော ဝိမုတ္တိယာ။

ဘုရားရှင်တို့ အား ရှိခိုးပါ၏။
ဘုရားရှင်တို့ ၏ မဂ်ဥာဏ် ဖိုလ်ဥာဏ်အား ရှိခိုးပါ၏။
ကိလေသာတို့ မှ လွတ်မြောက်တော်မူကြသော ဘုရားရှင်တို့ အား ရှိခိုးပါ၏။
ထိုဘုရားရှင်တို့ ၏ ဝိမုတ္တိငါးပါးအား ရှိခိုးပါ၏။

ကရုဏာလက်များ ကမ်းလင့်ပေးပါ...

ကရုဏာလက်များ ကမ်းလင့်ပေးပါ...
စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။

ပညာရေးအလှူတော် နှိုးဆော်ချက်


ရန်ကုန်မြို့ အသောကာရာမ သီလရှင်စာသင်တိုက်မှ နဝမတန်း ဖြေဆိုမည့် သီလရှင် ဆရာလေးများအတွက် ဆရာ၊ ဆရာမများ လစဉ် ထားပေးနိုင်ရန် ပညာရေးအလှူရှင်များ လိုအပ်နေပါသည်။ ရွှေစေတီ ဘုန်းတော်ကြီးသင်ပညာရေးကျောင်းတွင်လည်း ဆင်းရဲနွမ်းပါးသည့် ၉ တန်းနှင့် ၁၀ တန်း ကျောင်းသားများ ကျောင်းအိပ်ကျောင်းစား နေထိုင်ပညာဆည်းပူးနိုင်ရေးအတွက် ကူညီထောက်ပံ့မည့် ကုသိုလ်ရှင်များ လိုအပ်လျက် ရှိပါသည်။ စေတနာရှင် အလှူရှင်များ အနေဖြင့် ထေရဝါဒ ဗုဒ္ဓဘာသာ လူငယ်များအသင်း http://www.mmtheravada.org ဖုန်း
09-73062811, 09-5505176 သို့ ဆက်သွယ်လှူဒါန်းကြစေလိုပါသည်။

သီလရှင် ဆရာလေးများနှင့် ကလေးများ ဇွန်လအမီ ကျောင်းတက်နိုင်ရေးအတွက် ကာလဒါန ကုသိုလ်အဖြစ် သဒ္ဓါတတ်အား နည်းများမဆို လှူဒါန်းကူညီကြပါရန် နှိုးဆော်အပ်ပါသည်။

ဝိမုတ္တိရသ အဖွဲ့သားများ

------------------------
နောက်ဆက်တွဲသတင်း.....

ပညာရေးအလှူတော်လှူဒါန်းမည့်အစီအစဉ်

ထေရ၀ါဒဗုဒဘာသာ လူငယ်များ အသင်းမှ ဦးစီး၍ (၂၀၁၁) ခုနှစ်တွင် န၀မတန်းသို့ တက်ရောက်မည့် ကျောင်းသား (၂၅) ယောက်နှင့် ကျောင်းသူ (၂၅) ယောက်အား ပညာရေးထောက်ပံ့မှုပြုလုပ်ပေးနိုင်ရန် စီစဉ်ထားပါသည်။

ပြုလုပ်မည့်အစီအစဉ်

ကျောင်းသားများအား ရွှေစေတီဘုန်းကြီးကျောင်း (ဆရာတော် ဦးတေဇန္ဒိ၊ ခ/(၃) ရက်ကွက်၊ ရွှေစေတီကျောင်း၊ မင်္ဂလာဒုံမြို့နယ်) တွင်ထားရှိမည်ဖြစ်ပြီး ကျောင်းသားများသည် မိမိတို့ ဆန္ဒအလျောက် ကိုရင်ဝတ်လိုကလည်း ၀တ်နိုင်ပါသည်။ ကျောင်းသူများအား အသောကာရာမ သီလရှင်စာသင်တိုက် (ဆရာလေးဒေါ်သုနန္ဒာ (ဖုန်း-၀၉-၈၆၂၈၈၁၁)၊ ၀ါယာလက်ဈေးမှတ်တိုင်၊ ရွှေနှင်းဆီရပ်ကွက်၊ မင်္ဂလာဒုံမြို့နယ်) တွင်ထားရှိပါမည်။ အသောကာရာမကျောင်းမှ သီလရှင်များသာလက်ခံသည်ဖြစ်၍ ကျောင်းသူများမှာ သီလရှင်ဝတ်ရပါမည်။ သီလရှင်များတက်ရောက်ရမည့် အ.ထ.က ကျောင်းမှာ အသောကာရာမ ကျောင်းမှလက်ရှိ သီလရှင်များ တက်ရောက်နေသော ကျောင်းဖြစ်၍ ပညာသင်ကြားမှုတွက် အခက်အခဲ မရှိနိုင်ပါ။ စာသင်သူများ စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။ အသေးစိတ်ဆောင်ရွက်မည့် အချက်အလက်များအားလည်း ဆက်လက်ဖော်ပြသွားပါမည်။

လျောက်ထားမည့် သူများ ပြည့်စုံရမည့်အချက်များမှာ

(က) ကျောင်းသူများမှာ သီလရှင်ဝတ်နိုင်ရပါမည်။

(ခ ) မိဘများမှ နေထိုင်ရန်ခွင့် ပြုသူဖြစ်ရပါမည်။

(ဂ ) စာသင်သားများနေထိုင်မည့် ကျောင်းတွင်း စည်းကမ်းများကို တိကျစွာလိုက်နာရပါမည်။

(ဃ) ကျောင်းထားရန် အမှန်တကယ်အခက်အခဲ ရှိနေသူဖြစ်ရပါမည်။

အထက်ပါအချက်အလက်များနှင့် ပြည့်စုံသူများသည် ထေရ၀ါဒဗုဒ္ဓဘာသာလှူငယ်များ အသင်းသို့ ဆက်သွယ်မေးမြန်းနိုင်ပါသည်။ (http://mmtheravada.org)

ဆက်သွယ်ရန်လိပ်စာ

ကိုထွန်းထွန်းလှိုင်

ဖုန်း ၀၉-၇၃၀၆၂၈၁၁

htunhtunhlaing82@gmail.com

winthu.tbyo@gmail.com

thantzin83@gmail.com

Friday, January 22, 2010

စိတ်ယှဉ် စေတသိက်ယှဉ် - သမ္ပယောဂနည်း

ဦးဇင်းတို့ အဘိဓမ္မာမှာ ခေါ်တဲ့ ‘ပညာ’ဆိုတာ ကုသိုလ်နဲ့ ယှဉ်တာ ကောင်းတဲ့စိတ်တွေနဲ့ ယှဉ်တာကိုသာ ‘ပညာ’လို့ ခေါ်တယ်။
အကုသိုလ်နဲ့ ယှဉ်တာကို ပညာလို့ မခေါ်ဘူး။
ဒီလူ ဉာဏ်နီဉာဏ်နက်များတယ်လို့ ပြောလေ့ရှိတယ် မဟုတ်လား။ အဲဒီလိုဟာမျိုးကို ဦးဇင်းတို့က ပညာလို့ မခေါ်ဘူး။ ဒါကို ‘လောဘ သို့မဟုတ် ဒေါသပြဋ္ဌာန်းတဲ့ မာယာ’အနေနဲ့သာ ခေါ်တယ်။
မြတ်စွာဘုရားတရားတော်မှာ ‘ပညာ’လို့ ပြောလိုက်ပြီဆိုရင် အကောင်းနဲ့တွဲတာကိုသာ ‘ပညာ’လို့ ခေါ်တာ။


ထို့အတူပဲ ‘သတိစေတသိက်’ဟာ သောဘနစိတ်တွေနဲ့သာ ယှဉ်တယ်။ မကောင်းတာတစ်ခု ပြုဖို့ သတိရတာဟာ ‘သညာစေတသိက်’သာ ဖြစ်တယ်။ နေ့စဉ်သုံးစကားမှာ သတိကို ကောင်းတဲ့နေရာမှာလည်း သုံးတယ်။ မကောင်းတဲ့ နေရာလည်း သုံးတယ်။ အဘိဓမ္မာအရတော့ ‘သတိ’ဆိုတာ ‘ကောင်းတာကိုသာ’ ‘သတိ’ ခေါ်တယ်။

(အရှင်သီလာနန္ဒာဘိဝံသ)

+++++

စိတ်နဲ့စေတသိက် ယှဉ်ပုံက ၂-မျိုး ရှိတယ်။

ပထမနည်းက သမ္ပယောဂနည်းလို့ ခေါ်တယ်။ စေတသိက်ကို ကိုင်ပြီးတော့ ဒီစေတသိက်ဟာ စိတ်ဘယ်လောက်နဲ့ ယှဉ်သလဲ? စိတ်ဘယ်လောက်နဲ့ အတူတူ ဖြစ်သလဲ? အဲဒါ ရှာတဲ့နည်းကို သမ္ပယောဂနည်းလို့ ခေါ်တယ်။

ဒုတိယနည်းကို သင်္ဂဟနည်းလို့ ခေါ်တယ်။ သူ့ကျတော့ စိတ်ကို ကိုင်ပြီးတော့ စေတသိက်ရှာတဲ့နည်းပေါ့။ စိတ်တစ်ခုမှာ စေတသိက် ဘယ်လောက်နဲ့ ယှဉ်သလဲ? စိတ်တစ်ခုနဲ့ စေတသိက်တွေ ဘယ်လောက် အတူတူ ဖြစ်သလဲ?လို့ အဲဒီလို လေ့လာတဲ့နည်းကို သင်္ဂဟနည်းလို့ ခေါ်တယ်။


သမ္ပယောဂနည်း

သမ္ပယောဂနည်း မလေ့လာခင် စိတ် ၁၂၁ ပါး အကြောင်း ကျေကျေညက်ညက် နားလည်ထားဖို့ လိုတယ်။

စိတ် ၁၂၁ ပါးကို တူရာလေးတွေ ပေါင်းပြီး ဇယားကွက်မှာ ပြထားတယ်။

အကုသိုလ်စိတ် ၁၂ ပါး (လောဘမူ ၈၊ ဒေါသမူ ၂၊ မောဟမူ ၂)

အဟိတ်စိတ် ၁၈ ပါး၊ (ဒွေးပဉ္စဝိညာဉ် ၁၀၊ သမ္ပဋိစ္ဆန ၂၊ ဥပေက္ခာ သန္တီရဏ ၂၊ သောမနဿ သန္တီရဏ ၁၊ ပဉ္စဒွါရာဝဇ္ဇန ၁၊ မနောဒွါရာဝဇ္ဇန ၁၊ ဟသိတုပ္ပါဒ ၁)

ကာမာဝစရသောဘနစိတ် ၂၄ ပါး (မဟာကုသိုလ် ၈၊ မဟာဝိပါက် ၈၊ မဟာကြိယာ ၈)

ရူပါဝစရစိတ် ၁၅ ပါး (ပထမဈာန်စိတ် ၃၊ ဒုတိယဈာန်စိတ် ၃၊ တတိယဈာန်စိတ် ၃၊ စတုတ္ထဈာန်စိတ် ၃၊ ပဉ္စမဈာန်စိတ် ၃)

အရူပါဝစရစိတ် ၁၂ ပါး၊

လောကုတ္တရာစိတ် အကျဉ်း ၈ ပါး၊ အကျယ် ၄၀ (မဂ် ၄ ပါး + ဖိုလ် ၄ ပါးနှင့် ဈာန် ၅ ပါး ပွားသော သောတာပတ္တိမဂ်ပထမဈာန်, သကဒါဂါမိမဂ်ပထမဈာန်, အနာဂါမိမဂ်ပထမဈာန်, အရဟတ္တမဂ်ပထမဈာန် ၄ ပါး၊ ………၊ ….. အရဟတ္တဖိုလ် ပဉ္စမဈာန် ၄ ပါး။)

ကောင်းပြီး၊ အဲဒီစိတ် ၁၂၁ ပါးနဲ့ စေတသိက်နဲ့ ယှဉ်တာတွေကို လေ့လာကြရအောင်။


သဗ္ဗစိတ္တသာဓာရဏ စေတသိက် ၇ ပါး

စေတသိက်တွေမှာ ပထမအုပ်စုက သဗ္ဗစိတ္တသာဓာရဏ စေတသိက် ၇ ပါး (ဖဿ၊ ဝေဒနာ၊ သညာ၊ စေတနာ၊ ဧကဂ္ဂတာ၊ ဇီဝိတိနြေ္ဒ၊ မနသိကာရ)။
စိတ်အားလုံးနဲ့ ဆက်ဆံတဲ့၊ စိတ်အားလုံးနဲ့ ယှဉ်တဲ့ စေတသိက်တွေလို့ ဆိုတယ်။

ဒါကြောင့်မို့ သဗ္ဗစိတ္တသာဓာရဏစေတသိက်နဲ့ ယှဉ်တဲ့ စိတ် ဘယ်လောက်ရှိတုန်းလို့ မေးရင် အလွယ်လေးပဲနော်။ ရှိသမျှစိတ်တွေ အကုန်ပေးလိုက်ရုံပဲ။ ၈၉ သို့မဟုတ် ၁၂၁ ပါး။


လယ်တီဆရာတော်ကြီး၏ ပရမတ္ထသံခိပ် လင်္ကာ

“သဗ္ဗစိတ္တေ၊ ခုနစ်ထွေ၊ ယှဉ်လေ စိတ်အားလုံး”


ဝိတက်

ဝိတက်စေတသိက်က အကုသိုလ်စိတ် ၁၂ ပါးလုံးနဲ့ ယှဉ်တယ်။

အဟိတ်စိတ်ထဲက ဒွေးပဉ္စဝိညာဉ် ၁၀ နဲ့ မယှဉ်ဘူး။ မြင်တဲ့စိတ်, ကြားတဲ့စိတ်, နံတဲ့စိတ်, အရသာသိတဲ့စိတ်, ထိတဲ့စိတ်နော်၊ ဒီ ၅ မျိုး (အကုသလဝိပါက် ၅ ပါး + အဟိတ်ကုသလဝိပါက် ၅ ပါး၊ ပေါင်း ၁၀ ပါး)က အာရုံနဲ့ ဝတ္ထု ထိခိုက်မှု ပြင်းထန်တဲ့အတွက်ကြောင့် ဝိတက်က တင်ပေးဖို့ မလိုဘူး။ စိတ်ဟာ အလိုလိုပဲ အာရုံပေါ် ရောက်သွားနိုင်တယ်။ ဒီတော့ အဟိတ်စိတ်ထဲက ကျန် ၈ ပါးနဲ့သာ ယှဉ်တယ်။

ကာမာဝစရသောဘနစိတ် ၂၄ ပါးလုံးနဲ့ ယှဉ်တယ်။

ရူပါဝစရစိတ်တွေထဲက ပထမဈာန်စိတ် ၃ ပါးနဲ့ ယှဉ်တယ်။

အရူပါဝစရစိတ်တွေထဲမှာ ယှဉ်တာ မရှိဘူး။

လောကုတ္တရာစိတ်ထဲက ပထမဈာန် မဂ် ၄ ပါး၊ ပထမဈာန် ဖိုလ် ၄ ပါး၊ ပေါင်း ၈ ပါးနဲ့ ယှဉ်တယ်။

အားလုံးပေါင်းလိုက်တော့ ဝိတက်ယှဉ်တဲ့ စိတ်ပေါင်း ၅၅ ပါး ရှိတယ်။

လယ်တီဆရာတော်ဘုရားကြီး၏ ပရမတ္ထသံခိပ်လင်္ကာ

“ပဉ္စဝိညာဏ်၊ ကြဉ်တုံပြန်၊ ကာကျန် လေးဆယ့်လေး။
လေးဆယ့်လေးတန်၊ ကာမကျန်ဝယ်၊
ပဈာန်ဆယ့်တစ်၊ လောင်းတုံလစ်၊ ‘တက်’ဖြစ် ပဉ္စေးစေး။”

(ကာမစိတ် ၅၄ ပါးတွင် ဒွေးပဉ္စဝိညာဉ် ၁၀ ပါး ဖယ်ကြဉ်က ၄၄ ပါး ကျန်၏။ ရူပါဝစရ ပထမဈာန် ၃ ပါး + လောကုတ္တရာမဂ် ပထမဈာန် ၄ ပါး + လောကုတ္တရာဖိုလ် ပထမဈာန် ၄ ပါး = ပေါင်း ပထမဈာန် ၁၁ ပါးနှင့် ပေါင်းသော် ၅၅ ပါး ဖြစ်၏။)

တနည်း ဝိတက်မယှဉ်သော အဟိတ်စိတ်မှ ဒွေးပဉ္စဝိညာဉ် ၁၀ + ရူပါဝစရ ဒုတိယဈာန်မှ ပဉ္စမဈာန်တိုင်အောင် ၁၂ ပါး + အရူပါဝစရ ၁၂ ပါး + လောကုတ္တရာစိတ်မှ ၃၂ ပါး = ပေါင်း ၆၆ ပါးကို စိတ် ၁၂၁ ပါးမှ နုတ်သော် ဝိတက်ယှဉ်သော စိတ် ၅၅ ပါး ရ၏။


ဝိစာရ

ဝိစာရအတွက်ကား ဝိတက်ယှဉ်တဲ့ ၅၅ ပါးတွင် ဒုတိယဈာန်စိတ် ၁၁ ပါး ထည့်ပေါင်းက ၆၆ ပါး ဖြစ်၏။

“ငါးဆယ့်ငါးတန်၊ ‘တက်’ဖြစ်ရန်ဝယ်၊ ဒု-ဈာန် ဆယ့်တစ်၊ လောင်းတုံလစ်၊ ‘စာ’ဖြစ် ဆဆတွေး”(ဆဆ=၆၆)


အဓိမောက္ခ

အဓိမောက္ခမှာ ဆုံးဖြတ်သည့် သဘောဖြစ်ရာ ဆန့်ကျင်ဘက်သဘောဖြစ်သည့် မောဟမူစိတ်မှ ဝိစိကိစ္ဆာနှင့် မယှဉ်ပေ။

ဒွေးပဉ္စဝိညာဏ် ၁၀ မှာလည်း အာရုံ ဝတ္ထု ထိခိုက်မှုကြီးမား၍ ဆုံးဖြတ်မှု မပါဝင်ပါ။

အဓိမောက္ခ မယှဉ်သော စိတ် စုစုပေါင်း ၁၁ ပါးကို စိတ် ၁၂၁ ပါးမှ နုတ်က ယှဉ်သော စိတ် ၁၁၀ ဖြစ်၏။

“ပဉ္စဝိညာဉ်၊ ဝိစိကြဉ်၊ ဓိယှဉ် သုဉ်ဧက်ဧး” (သုဉ်ဧက်ဧး=၀၁၁၊ နောက်ကပြန်၍ယူသော် ၁၁၀)


ဝီရိယ

ဝီရိယမှာ တက်တက်ကြွကြွ ပြုလုပ်ခြင်းသဘောဖြစ်ရာ မယှဉ်သော စိတ်များမှာ -

ဒွေးပဉ္စဝိညာဉ် ၁၀၊

အာရုံယူရာမှာ အားသိပ်မကောင်းလှသည့် သမ္ပဋိစ္ဆိုန်း ၂၊ သန္တီရဏ ၃၊ ပဉ္စဒွါရာဝဇန်း ၁၊

စုစုပေါင်း ၁၆ ပါးကို စိတ်အကျဉ်း ၈၉ မှ နုတ်က ၇၃၊ စိတ်အကျယ် ၁၂၁ မှ နုတ်က ၁၀၅ ပါး ရ၏။

“ပဉ္စဝိညာဉ်၊ သံ,သန်,ပဉ်၊ ကြဉ် ဝီ ဗျည်းသုဉ်းဧး” (ဗျည်းသုဉ်းဧး=၅၀၁၊ ဂဏန်းပြန် ၁၀၅)


ပီတိ

ပီတိမှာ နှစ်သက်ခြင်းသဘောဖြစ်ရာ ဥပေက္ခာနှင့် မယှဉ်ပေ။ ဒေါသမူနှင့်လည်း မယှဉ်ပေ။

အကုသိုလ်စိတ်ထဲမှ သောမနဿ ၄ ပါး၊

အဟိတ်စိတ်ထဲမှ ၂ ပါး (သောမနဿ သန္တီရဏ + ဟသိတုပ္ပါဒ)

ကာမာဝစရသောဘနစိတ်ထဲမှ ၁၂ ပါး (ကုသိုလ် ၄ + ဝိပါက် ၄ + ကြိယာ ၄)

ရူပါဝစရစိတ်များမှ ၉ ပါး (ပထမဈာန် ၃ + ဒုတိယဈာန် ၃ + တတိယဈာန် ၃)

လောကုတ္တရာစိတ်များမှ ၂၄ ပါး

စုစုပေါင်း စိတ် ၅၁ ပါးနှင့် ယှဉ်၏။

“စ-ဈာန်ကြဉ်ပစ်၊ သောကျန်စစ်၊ ‘ပီ’ဖြစ် ပဉ္စဧး” (ပဉ္စဧး = ၅၁)


ဆန္ဒ

မောဟမူဒွေးမှာ တွေတွေဝေဝေဖြစ်ခြင်းကြောင့် ဆန္ဒမလိုပေ။

အဟိတ်စိတ် ၁၈ ပါးစလုံးမှာလည်း ဆန္ဒ မယှဉ်ပေ။

မောဟမူစိတ် ၂ ပါး + အဟိတ်စိတ် ၁၈ ပါး = ပေါင်း ၂၀ ကို ၈၉ မှ နုတ်က ၆၉၊ ၁၂၁ မှ နုတ်က ၁၀၁ ပါး ရ၏။

“မောမူ,အဟိတ်၊ စိတ်နှစ်ဆယ်ပစ်၊ အကျန်စစ်၊ ‘ဆန်’ဖြစ် ဧက်သုဉ်ဧး” (ဧက်သုဉ်ဧး = ၁၀၁)


အကုသိုလ်စေတသိက် ၁၄ ပါး

အကုသိုလ်စေတသိက် ၁၄ ပါးမှာ ပထမ ၄ ပါးဖြစ်သော ‘မောဟ, အဟိရိက, အနောတ္တပ္ပ, ဥစ္ဓစ္စ’တို့မှာ ‘အကုသလသာဓာရဏ’ အကုသိုလ်စိတ်ဖြစ်တိုင်း ဖြစ်တိုင်း အမြဲတမ်း တွဲလျက် ပါ၏။

ထို့ကြောင့် အကုသိုလ်စိတ် ၁၂ ပါးလုံးနှင့် ယှဉ်၏။

အကုသိုလ်စိတ်တစ်ခုဖြစ်က တွေဝေမှု မောဟ၊ သဘောအမှန်ကို မသိမှု မောဟ ပါ၏။ အကုသိုလ်ပြုရမှာ မရှက်သော အဟိရိက၊ အကုသိုလ်ပြုရမှာ မကြောက်သော အနောတ္တပ္ပ၊ စိတ်မတည်ကြည်မှု ဥဒ္ဓစ္စတို့ ပါ၏။

“မောစတုက်စု၊ ယှဉ်တုံမှု၊ အကု တစ်ဆယ့်နှစ်”


လောဘ

လောဘသည် ဒေါသနှင့် မည်သည့်အခါမျှ အတူတူ မဖြစ်ပေ။

လောဘသည် ဒေါသမူ ၂ ပါး၊ မောဟမူ ၂ ပါးတို့နှင့် မယှဉ်။

လောဘသည် လောဘမူစိတ် ၈ ပါးနှင့်သာ ယှဉ်၏။


ဒိဋ္ဌိ

ဒိဋ္ဌိဂတသမ္ပယုတ်စိတ်နှင့်သာ ယှဉ်၍ လောဘမူစိတ်ထဲမှ ၄ ပါးနှင့်သာ ယှဉ်၏။


မာန

မာနသည် ဒိဋ္ဌိနှင့် အတူတူ မယှဉ်သဖြင့် လောဘမူစိတ်ထဲမှ ဒိဋ္ဌိဂတဝိပ္ပယုတ်စိတ် ၄ ပါးနှင့်သာ ယှဉ်၏။

ဒိဋ္ဌိနှင့်မာနကို လိုဏ်ဂူတစ်ခုထဲ၌ အတူမအောင်းနိုင်သည့် ခြင်္သေ့မင်းနှစ်ကောင်ဟု ဥပမာပေး၏။
“ခန္ဓာငါးဝ၊ ဒိဋ္ဌိကမူ၊ အတ္တဟုစွဲ၊ မာနခဲမှာ၊ ငါ,ငါ,ငါဟု၊ စွဲလမ်းပြုသဖြင့်၊ နှစ်ခုပြိုင်ကြ၊ အားတူမျှ၍၊ တကွစဉ်လာ၊ မယှဉ်သာသည်၊ ပမာခြင်္သေ့နှစ်စီးတည်း”

လောဘ၊ ဒိဋ္ဌိ၊ မာန သုံးပါးတို့မှာ လောဘမူစိတ် ၈ ပါးနှင့်သာ ဆိုင်၏။ လောဘမူစိတ်အားလုံးနှင့်ယှဉ်, တချို့နှင့်ယှဉ်သာ ကွာ၏။

“လော လောဘမူ၊ ဒိဌ် သံ ယူ၊ မာမူ ဝိပ်လေးဖြစ်”


ဒေါသ၊ ဣဿာ၊ မစ္ဆရိယ၊ ကုက္ကုစ္စ

ဒေါသ၊ ဣဿာ၊ မစ္ဆရိယ၊ ကုက္ကုစ္စတို့မှာ ဒေါသမူစိတ် ၂ ပါးနှင့်သာ ယှဉ်၏။

ဣဿာဆိုသည်မှာ သူတစ်ပါး၏ စည်းစိမ်ကို ဝန်တိုခြင်းဖြစ်ရာ မခံချင်မှု ဒေါသလေးပါ၏။

မစ္ဆရိယမှာ လောဘကို အခြေခံသော်လည်း သူများနှင့် ဆက်ဆံသည်ကို မခံနိုင်သည့်အခါ လောဘမရှိတော့ဘဲ ဒေါသဖြစ်၏။

“မပေးရက်လျှင်း၊ ဝန်တိုခြင်း၌၊ ကြောင်းရင်းလောဘ၊ ရှိချေကလည်း၊ သူများနှင့်ဖက်၊ ဆက်ဆံချက်ကို၊ စိတ်ဆက်မပိုင်၊ မခံနိုင်၍၊ တွဲဆိုင်ဒေါသ၊ ပါလေရသည်၊ လောဘ ထိုခါ ချုပ်ပြီတည်း”

ကုက္ကုစ္စမှာ ပြုပြီးသော မကောင်းမှုကို ပြန်၍ နောင်တရခြင်း၊ မပြုမိခဲ့သော ကောင်းမှုအတွက် ပြန်ပြီး နောင်တရခြင်းဖြစ်သော စိတ်မချမ်းသာမှုဖြစ်ရာ ဒေါသမူဒွေးမှာသာ ယှဉ်၏။

“ဒေါစတုက်မူ၊ ယှဉ်ရာယူ၊ ဒေါမူ စိတ်စုံနှစ်”


ထိန၊ မိဒ္ဓ

ထိနက စိတ်၏ မခန့်ခြင်းဟု မြန်မာပြန်၏။ စိတ်၏ ထိုင်းမှိုင်းခြင်း ဖြစ်၏။ မိဒ္ဓမှာ စေတသိက်တို့၏ ထိုင်းမှိုင်းခြင်း ဖြစ်၏။

ထိနမိဒ္ဓသည် သသင်္ခါရိကစိတ် ၅ ပါးနှင့်သာ ယှဉ်၏။


ဝိစိကိစ္ဆာ

ဝိစိကိစ္ဆာစေတသိက်မှာ ဝိစိကိစ္ဆာစိတ် ၁ ပါးနှင့်သာ ယှဉ်၏။ စေတသိက်အားလုံးထဲတွင် စိတ်အနည်းဆုံးနှင့် ယှဉ်သော စေတသိက် ဖြစ်သည်။

“ထိ,မိဒ် သသင်၊ ငါးမှာယှဉ်၊ ဝိစင် ဝိစိဖြစ်”

(ထိနမိဒ္ဓနှစ်ခုသည် အကုသိုလ်စိတ် တစ်ဆယ့်နှစ်ခုတွင် သသင်္ခါရိကစိတ် ငါးခုမှာ တစ်ပေါင်းတည်းသာ ယှဉ်သည်။ ယှဉ်သည်ဆိုသော်လည်း အမြဲမဟုတ်၊ ရံခါယှဉ်သည်။
‘ဝိစင်’ဆိုသည်ကား ဝိစိကိစ္ဆာစေတသိက်ကို ဆိုသည်။ ယင်းဝိစိကိစ္ဆာစေတသိက်သည် ဝိစိကိစ္ဆာသမ္ပယုတ်စိတ်တစ်ခုမှာ ယှဉ်သည် ဟု ဆိုလို၏။)


သောဘနစိတ် ၂၅ ပါး

သောဘနသာဓာရဏစေတသိက် ၁၉ ပါး

“သဒ္ဓါ သတိ၊ ဟိရိ, သြတ္တပ်၊ ဟိတ် နှစ်ရပ်၊ တတြမဇ္ဈတ္တတာ”

“ပဿဒ္ဓိ, လဟု၊ မုဒု, ကမ္မဉ်၊ ပါဂုညင်နှင့်၊ ထိုပြင် ဥဇုက၊ ခြောက်ဓမ္မ၊ ကာယ, စိတ်နှင့် နှော”

“ငြိမ်း, ပေါ့, နူးညံ့၊ ကျန်းခံ့, လေ့လာ၊ ဖြောင့်စင်းစွာ၊ ခြောက်ဖြာ ကိစ္စဟော”

“သောဘဏတွင် အကုန်ယှဉ်၊ ဤလျှင် ဆယ့်ကိုး သော”

အလောဘ၊ အဒေါသကို ‘ဟိတ် နှစ်ရပ်’ ဆိုသည်။ ‘သဒ္ဓါ’၊ ‘သတိ’၊ ‘ဟိရီ’၊ ‘သြတ္တပ္ပ’၊ ‘အလောဘ’၊ ‘အဒေါသ’၊ ‘တတြမဇ္ဈတ္တတာ’ ၇ ပါး။

ကာယပဿဒ္ဓိ၊ စိတ္တပဿဒ္ဓိ၊ ကာယလဟုတာ၊ စိတ္တလဟုတာ၊ ကာယမုဒုတာ၊ စိတ္တမုဒုတာ၊ ကာယကမ္မညတာ၊ စိတ္တကမ္မညတာ၊ ကာယပါဂုညတာ၊ စိတ္တပါဂုညတာ၊ ကာယုဇုကတာ၊ စိတ္တုဇုကတာ = ၁၂ ပါးနှင့် ပေါင်းသော် သောဘနသာဓာရဏစေတသိက် ၁၉ ပါး ဖြစ်၏။

သောဘနသာဓာရဏစေတသိက် ၁၉ ပါးတို့သည် သောဘနစိတ်များဖြစ်ကြသော -

ကာမာဝစရသောဘနစိတ် ၂၄ ပါး၊ ရူပါဝစရစိတ် ၁၅ ပါး၊ အရူပါဝစရစိတ် ၁၂ ပါး၊ လောကုတ္တရာစိတ် အကျဉ်း ၈ ပါး/အကျယ် ၄၀ = စုစုပေါင်း သောဘနစိတ် အကျဉ်း ၅၉ ပါး၊ အကျယ် ၉၁ ပါးတို့နှင့် ယှဉ်၏။


ဝိရတီစေတသိက် ၃ ပါး

ဝိရတီစေတသိက် ၃ ပါးမှာ သမ္မာဝါစာ၊ သမ္မာကမ္မန္တ၊ သမ္မာအာဇီဝတို့ ဖြစ်၏။

ဝိရတီစေတသိက် ၃ ပါးတို့သည် ကာမာဝစရကုသိုလ်စိတ် ၈ ပါး၊ လောကုတ္တရာစိတ် ၈ ပါး သို့မဟုတ် ၄၀ နှင့် ယှဉ်၏။

လောကီဝိရတီ၊ လောကုတ္တရာဝိရတီ ခေါ်၏။

ကာမာဝစရကုသိုလ်စိတ်နှင့် ယှဉ်သောအခါ ၃ ပါးစလုံး တစ်ပြိုင်နက် မယှဉ်နိုင်။ တစ်ကြိမ်လျှင် တစ်ခုစီသာ ယှဉ်နိုင်၏။
လောကုတ္တရာစိတ်တွင်မူ ၃ ပါးစလုံး တစ်ပြိုင်နက် ယှဉ်၏။

“ကာမကု ရှစ်၊ လောကုတ်ရှစ်၊ ဖြစ်ရာ ဝိရတီ”

“ကာမကုမှာ၊ ယှဉ်တုံပါ၊ ရံခါ အသီးသီး”

“လောကုတ်ရှစ်မှာ၊ ယှဉ်တုံပါ၊ မြဲစွာ တစ်ပေါင်းတည်း”


အပ္ပမညာ ၂ ပါး

ကရုဏာ၊ မုဒိတာ

ကရုဏာမှာ ဒုက္ခိတသတ္တဝါ ပညတ်ကို အာရုံပြု၍ သနားခြင်းသဘော၊ မုဒိတာမှာ သုခိတသတ္တဝါ ပညတ်ကို အာရုံပြု၍ ဝမ်းမြောက်ခြင်းသဘော ဖြစ်၏။

ကရုဏာနှင့် မုဒိတာမှာ ကာမာဝစရကုသိုလ်စိတ် ၈ ပါး၊ ကာမာဝစရကြိယာစိတ် ၈ ပါး၊ ရူပါဝစရ ပထမဈာန် ၃ ပါး, ဒုတိယဈာန် ၃ ပါး, တတိယဈာန် ၃ ပါး, စတုတ္ထဈာန် ၃ ပါး = စုစုပေါင်း ၂၈ ပါးတို့၌ ယှဉ်၏။

ကရုဏာနှင့် မုဒိတာစေတသိက်တို့သည်လည်း အမြဲတမ်းယှဉ်ကြသည်မဟုတ်။ ရံခါသာ ယှဉ်ကြ၏။ ယှဉ်ပြန်ကလည်း အာရုံယူရာ မတူသောကြောင့် ၂-ခု တစ်ပြိုင်တည်း မယှဉ်နိုင်ပေ။

“မဟာကြိ ကု၊ ပ, ဒု, တ, စ၊ ရူပ ဆယ့်နှစ်၊ နှစ်ဆယ့်ရှစ်၊ ဖြစ်လေ ပမညာ”

“ကိစ္စအာရုံ၊ အခွင့်ကြုံ၊ ဖြစ်တုံ သီးသီးသာ”


ပညိနြေ္ဒ

အမောဟ

ဉာဏသမ္ပယုတ်နှင့်သာ ယှဉ်သောကြောင့် အကုသိုလ်စိတ်၊ အဟိတ်စိတ်များနှင့် မယှဉ်ပေ။

ကာမာဝစရသောဘနစိတ် ၂၄ ပါးအနက် ဉာဏသမ္ပယုတ်စိတ် ၁၂ ပါး၊ ရူပါဝစရ ၁၅ ပါး၊ အရူပါဝစရ ၁၂ ပါး၊ လောကုတ္တရာစိတ် ၈ သို့မဟုတ် ၄၀ = စုစုပေါင်း ၄၇ ပါး သို့မဟုတ် ၇၉ ပါးတို့၌ ယှဉ်၏။


+++++


အနိယတယောဂီ၊ နိယတယောဂီ

‘အနိယတ’ဆိုတာ အမြဲမဟုတ်တာကို ဆိုလိုတယ်။ ‘နိယတ’ကတော့ အမြဲပေါ့။

‘ဣဿာ’၊ ‘မစ္ဆရိယ’၊ ‘ကုက္ကုစ္စ’၊ ‘ဝိရတီ ၃ ပါး (သမ္မာဝါစာ၊ သမ္မာကမ္မန္တ၊ သမ္မာအာဇီဝ)’၊ ‘အပ္ပမညာ ၂ ပါး (ကရုဏာ၊ မုဒိတာ)’၊ ‘မာန’၊ ‘ထိန’၊ ‘မိဒ္ဓ’ = အားလုံးပေါင်း ဒီ ၁၁ ပါးကို အနိယတယောဂီလို့ ခေါ်တယ်။

ဣဿာစေတသိက်ဟာ ဒေါသမူစိတ်ဖြစ်တိုင်း ဖြစ်တိုင်း ယှဉ်တာ မဟုတ်ဘူး။ သူများစည်းစိမ်ကို ငြူစူတဲ့အခါသာ ယှဉ်တယ်။
မစ္ဆရိယကလည်း နောင်တ ပူပန်တဲ့အခါမှာသာ ယှဉ်တယ်။ ဒေါသမူဖြစ်တိုင်း ယှဉ်တာ မဟုတ်ဘူး။

ဒီလိုပဲ ကုက္ကုစ္စ၊ ဝိရတီ ၃ ပါး၊ အပ္ပမညာ ၂ ပါး၊ မာန၊ ထိန မိဒ္ဓတို့လည်း ရံခါပဲ ယှဉ်တယ်။

ကျန် စေတသိက် ၄၁ ပါးကို နိယတယောဂီလို့ ခေါ်တယ်။ ဆိုင်ရာ စိတ်ဖြစ်တိုင်း ဖြစ်တိုင်းမှာ ယှဉ်တယ်။


+++++
အဘိဓမ္မာသင်တန်း အပတ်စဉ် (၁၃) ပို့ချချက်များ

0 comments:

လာလည်ကြသူများ

ဤဘလော့ဂ်၏ ရည်ရွယ်ချက်

ယခုအခါ ကမ္ဘာတလွှားတွင်ရှိနေကြသော ဓမ္မဘလော့ဂ်ဂါများသည် နေ့ စဉ်နှင့် အမျှ အင်တာနက် စာမျက်နှာများ ပေါ်တွင် ဓမ္မနှင့်သက်ဆိုင်သော အကြောင်းအရာ အမျိုးမျိုးကို ပို့ စ်များရေးတင်လျက် ရှိနေကြပါသည်။

ဘလော့ဂ်ဂါများမှ မိမိတို့ ၏ကိုယ်ပိုင် စာမျက်နှာများမှတဆင့် ရေးတင်နေကြသဖြင့် ဖတ်ရှုလေ့လာသူများအတွက် နေရာများစွာသို့  သွားရောက် ဖတ်ရှုနေကြရပါသည်။

ထို့ ကြောင့် စာဖတ်သူများ အချိန်ကုန်သက်သာစေရန်နှင့် မိမိတို့  ဖတ်ရှုလိုရာကို လွယ်လင့်တကူ ရှာဖွေနိုင်ရန် နေ့ စဉ်ရေးသား နေကြသော အကြောင်းအရာများကို တနေရာတည်းတွင် စုစည်းပေးလိုသော ရည်ရွယ်ချက်ဖြင့် ဤဘလော့ဂ်ကို စီစဉ်လိုက်ခြင်းဖြစ်ပါသည်။

ပြောချင်တာများရှိရင် ရေးပေးထားခဲ့ပါ

မြန်မာပြက္ခဒိန်

မြန်မာပြက္ခဒိန်
www.burmeseclassic.com မှ ကူးယူဖော်ပြပါသည်။

  © Blogger templates The Professional Template by Ourblogtemplates.com 2008

Back to TOP