* သဗ္ဗဒါနံ ဓမ္မဒါနံ ဇိနာတိ၊ * သဗ္ဗရသံ ဓမ္မရသော ဇိနာတိ။

* သဗ္ဗဒါနံ ဓမ္မဒါနံ ဇိနာတိ၊     * သဗ္ဗရသံ ဓမ္မရသော ဇိနာတိ။

နမတ္ထု ဗုဒ္ဓါနံ နမတ္ထု ဗောဓိယာ။ နမော ဝိမုတ္တာနံ၊ နမော ဝိမုတ္တိယာ။

ဘုရားရှင်တို့ အား ရှိခိုးပါ၏။
ဘုရားရှင်တို့ ၏ မဂ်ဥာဏ် ဖိုလ်ဥာဏ်အား ရှိခိုးပါ၏။
ကိလေသာတို့ မှ လွတ်မြောက်တော်မူကြသော ဘုရားရှင်တို့ အား ရှိခိုးပါ၏။
ထိုဘုရားရှင်တို့ ၏ ဝိမုတ္တိငါးပါးအား ရှိခိုးပါ၏။

ကရုဏာလက်များ ကမ်းလင့်ပေးပါ...

ကရုဏာလက်များ ကမ်းလင့်ပေးပါ...
စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။

ပညာရေးအလှူတော် နှိုးဆော်ချက်


ရန်ကုန်မြို့ အသောကာရာမ သီလရှင်စာသင်တိုက်မှ နဝမတန်း ဖြေဆိုမည့် သီလရှင် ဆရာလေးများအတွက် ဆရာ၊ ဆရာမများ လစဉ် ထားပေးနိုင်ရန် ပညာရေးအလှူရှင်များ လိုအပ်နေပါသည်။ ရွှေစေတီ ဘုန်းတော်ကြီးသင်ပညာရေးကျောင်းတွင်လည်း ဆင်းရဲနွမ်းပါးသည့် ၉ တန်းနှင့် ၁၀ တန်း ကျောင်းသားများ ကျောင်းအိပ်ကျောင်းစား နေထိုင်ပညာဆည်းပူးနိုင်ရေးအတွက် ကူညီထောက်ပံ့မည့် ကုသိုလ်ရှင်များ လိုအပ်လျက် ရှိပါသည်။ စေတနာရှင် အလှူရှင်များ အနေဖြင့် ထေရဝါဒ ဗုဒ္ဓဘာသာ လူငယ်များအသင်း http://www.mmtheravada.org ဖုန်း
09-73062811, 09-5505176 သို့ ဆက်သွယ်လှူဒါန်းကြစေလိုပါသည်။

သီလရှင် ဆရာလေးများနှင့် ကလေးများ ဇွန်လအမီ ကျောင်းတက်နိုင်ရေးအတွက် ကာလဒါန ကုသိုလ်အဖြစ် သဒ္ဓါတတ်အား နည်းများမဆို လှူဒါန်းကူညီကြပါရန် နှိုးဆော်အပ်ပါသည်။

ဝိမုတ္တိရသ အဖွဲ့သားများ

------------------------
နောက်ဆက်တွဲသတင်း.....

ပညာရေးအလှူတော်လှူဒါန်းမည့်အစီအစဉ်

ထေရ၀ါဒဗုဒဘာသာ လူငယ်များ အသင်းမှ ဦးစီး၍ (၂၀၁၁) ခုနှစ်တွင် န၀မတန်းသို့ တက်ရောက်မည့် ကျောင်းသား (၂၅) ယောက်နှင့် ကျောင်းသူ (၂၅) ယောက်အား ပညာရေးထောက်ပံ့မှုပြုလုပ်ပေးနိုင်ရန် စီစဉ်ထားပါသည်။

ပြုလုပ်မည့်အစီအစဉ်

ကျောင်းသားများအား ရွှေစေတီဘုန်းကြီးကျောင်း (ဆရာတော် ဦးတေဇန္ဒိ၊ ခ/(၃) ရက်ကွက်၊ ရွှေစေတီကျောင်း၊ မင်္ဂလာဒုံမြို့နယ်) တွင်ထားရှိမည်ဖြစ်ပြီး ကျောင်းသားများသည် မိမိတို့ ဆန္ဒအလျောက် ကိုရင်ဝတ်လိုကလည်း ၀တ်နိုင်ပါသည်။ ကျောင်းသူများအား အသောကာရာမ သီလရှင်စာသင်တိုက် (ဆရာလေးဒေါ်သုနန္ဒာ (ဖုန်း-၀၉-၈၆၂၈၈၁၁)၊ ၀ါယာလက်ဈေးမှတ်တိုင်၊ ရွှေနှင်းဆီရပ်ကွက်၊ မင်္ဂလာဒုံမြို့နယ်) တွင်ထားရှိပါမည်။ အသောကာရာမကျောင်းမှ သီလရှင်များသာလက်ခံသည်ဖြစ်၍ ကျောင်းသူများမှာ သီလရှင်ဝတ်ရပါမည်။ သီလရှင်များတက်ရောက်ရမည့် အ.ထ.က ကျောင်းမှာ အသောကာရာမ ကျောင်းမှလက်ရှိ သီလရှင်များ တက်ရောက်နေသော ကျောင်းဖြစ်၍ ပညာသင်ကြားမှုတွက် အခက်အခဲ မရှိနိုင်ပါ။ စာသင်သူများ စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။ အသေးစိတ်ဆောင်ရွက်မည့် အချက်အလက်များအားလည်း ဆက်လက်ဖော်ပြသွားပါမည်။

လျောက်ထားမည့် သူများ ပြည့်စုံရမည့်အချက်များမှာ

(က) ကျောင်းသူများမှာ သီလရှင်ဝတ်နိုင်ရပါမည်။

(ခ ) မိဘများမှ နေထိုင်ရန်ခွင့် ပြုသူဖြစ်ရပါမည်။

(ဂ ) စာသင်သားများနေထိုင်မည့် ကျောင်းတွင်း စည်းကမ်းများကို တိကျစွာလိုက်နာရပါမည်။

(ဃ) ကျောင်းထားရန် အမှန်တကယ်အခက်အခဲ ရှိနေသူဖြစ်ရပါမည်။

အထက်ပါအချက်အလက်များနှင့် ပြည့်စုံသူများသည် ထေရ၀ါဒဗုဒ္ဓဘာသာလှူငယ်များ အသင်းသို့ ဆက်သွယ်မေးမြန်းနိုင်ပါသည်။ (http://mmtheravada.org)

ဆက်သွယ်ရန်လိပ်စာ

ကိုထွန်းထွန်းလှိုင်

ဖုန်း ၀၉-၇၃၀၆၂၈၁၁

htunhtunhlaing82@gmail.com

winthu.tbyo@gmail.com

thantzin83@gmail.com

Tuesday, December 29, 2009

ကလျာဏမိတ္တ ရှာပေါင်းကြ

နမော တဿ ဘဂ၀တော အရဟတော သမ္မာသမ္ဗုဒ္ဓဿ

လောက၌ “အတုမြင်အတတ်သင်” ဆိုသည့် မြန်မာစကားအတိုင်း အနေနီးရာအလိုက် ပတ်ဝန်းကျင်၏စရိုက်ကိုကြည့်၍ အတုလိုက်၍ နေတတ်ကြပေသည်။ “တံငါနားနီး တံငါ မုဆိုးနားနီး မုဆိုး” ဖြစ်တတ်သည့်သဘောဖြစ်၏။ လူငယ်တို့က လူကြီးတို့ကိုကြည့်၍ လိုက်တု ကြ၏။ တဖန်လူကြီးတို့ကလည်း လူငယ်တို့ကိုကြည့်၍ အတုခိုးနေထိုင်ခြင်းများလည်း ရှိကြ၏။ ကြာလာသည့်အခါ အတုကိုလိုက်ခြင်းဖြင့် တဖြည်းဖြည်း ကိုယ်ပိုင်နေထိုင်တတ်သည့်သဘော သို့ ဖြစ်လာ၏။ ထို့ကြောင့် လူတို့သည် အနေနီးရာအလိုက် စရိုက်လက္ခဏာများ တူလာတတ် ကြပေသည်။


ယခုခေတ်အနေအထားဖြင့်ကြည့်လျှင် မီဒီယာ၏တိုးတက်မှုအဟုန်ကြောင့် တစ်နိုင်ငံနှင့် တစ်နိုင်ငံ၊ လူမျိုးတစ်စုနှင့်တစ်စုတို့၏ ယဉ်ကျေးမှုများ၊ စရိုက်လက္ခဏာများ၊ အမူအကျင့်များ၊ ၀တ်စားဆင်ယင်မှု စသည်ဖြင့် အတုမြင်အတတ်သင်လာကြပြီး စရိုက်လက္ခဏာများ အချင်းချင်းကူးစက်နေသကဲ့သို့ဖြစ်၏။ ခေတ်ရေစီးကြောင်းအတိုင်း လိုက်ပါ၍ မျောချင်တိုင်း မျောနေကြသူများလည်းရှိ၏။ လိုက်ပါမျောမသွားဘဲ ကန့်လန့်တိုက်သူများလည်း ရှိကြ၏။ မျောပါ၍လည်း မလိုက်၊ ကန့်လန့်လည်း မတိုက် လျစ်လျူရှုနေသူများလည်း ရှိကြသည်။ နောက်ပြီး ခေတ်ရေစီးကြောင်းအတိုင်း လိုက်သင့်သည်များကိုလိုက်၍ မလိုက်သင့်သည်များ ကိုမလိုက်ပါဘဲ နေထိုင်ပြီး သူတစ်ပါးတို့ကို ကယ်တင်နိုင်က ကယ်တင်၊ မကယ်တင်နိုင်က ဥပေက္ခာပွား၍ နေထိုင်ကျင့်ကြံကြသူများလည်း ရှိကြပေသည်။

လူအမျိုးမျိုး နတ်အဖုန်ဖုန် ကကြိုးတွေစုံလင်စွာရှိနေကြသော်လည်း ရရှိထားသော ခက်ခဲလှ သည့်လူ့ဘ၀ တစ်ဖန်ရရန် မလွယ်လှ၍ “ရကျိုးနပ်ပါပေစွ”လို့ ပီတိသောမနဿဖြာကြ ရအောင် မြတ်ဗုဒ္ဓဟောမြွက်သည့် ကလျာဏမိတ္တတို့ကို ရှာပေါင်းမှသာ သင့်တော်မည်ဖြစ်၏။ ကျေးဇူးရှင်ဆရာတော်ဦးဇ၀န၏ ဆုံးမစကားအတိုင်း “မိမိကိုယ်တွေ့ ဆရာ့ကိုယ်တွေ့လည်း မယုံနဲ့ဦး၊ ဗုဒ္ဓကိုယ်တွေ့သာ ယုံ” ဆိုသကဲ့သို့ လေးသင်္ချေနှင့်ကမ္ဘာတစ်သိန်း ကျင့်ကြံကြိုးကုတ် အားထုတ်တော်မူခဲ့ပြီးမှ ရရှိတော်မူရသော တရားလုံးစုံ အကြွင်းမကျန် မြင်တော်မူနိုင်သည့် သဗ္ဗညုတဉာဏ်တော်မြတ်ဖြင့် သတ္တ၀ါတို့၏ အကျိုးစီးပွါး ချမ်းသာကြောင်းကိုသာ ဟောကြားတော်မူသော ရှင်တော်မြတ်ဘုရား၏ တပည့်သားမြေးများအဖြစ် ခံယူကြပြီးလျှင် လိုက်နာကျင့်ကြံကြဖို့ အရေးကြီးလှ၏။

ချမ်းသာစီးပွါး တိုးတက်မြင့်မားရန်အတွက် ပေါင်းဖော်ကြရမည့် လေးမျိုးသောမိတ်ဆွေတို့မှာ-
(၁) ဘုရား၊ တရား၊ သံဃာဟူသော ရတနာမြတ်သုံးတို့ကို ယုံကြည်ခြင်း “သဒ္ဓါတရား” ရှိသော မိတ်ဆွေကောင်း၊
(၂) မွန်မြတ်သောကိုယ်ကျင့်တရား “သီလ”ရှိသော မိတ်ဆွေကောင်း၊
(၃) ပေးကမ်းစွန့်ကြဲခြင်း “စာဂ” ရှိသော မိတ်ဆွေကောင်း၊
(၄) အမှားနှင့်အမှန် ဝေဖန်ခွဲခြားနိုင်သည့် “ပညာ” ရှိသော မိတ်ဆွေကောင်း တို့ဖြစ်ကြ၏။ ထိုမိတ်ဆွေတို့၏အကျင့်ကို အတုလိုက်၍ကျင့်ခြင်းဖြင့် နေထိုင်ကြရာ၏။ ပေါင်းဖော်ကြရာ၏။ နှစ်သက်မြတ်နိုး မှီဝဲဆည်းကပ်ရာ၏။ သို့မှသာလျှင် ရရှိသည့်လူဘ၀ အနေမြတ်အောင် နေထိုင်ကျင့်ကြံတတ်ကြမည်ဖြစ်၏။

သဒ္ဓါတရားနှင့်ပြည့်စုံသော မိတ်ဆွေကောင်းတို့ကို ပေါင်းသင်းရခြင်းဖြင့် ဘုရားဂုဏ်၊ တရား ဂုဏ်၊ သံဃာဂုဏ်တို့ကို နာကြားရ၏။ သိမှတ်ကြည်ညိုတတ်လာ၏။ တန်ဖိုးထား မြတ်နိုး တတ်လာ၏။ ဘုရားရှင်ကို ရည်မှန်းပူဇော်ထားသည့် ဥဒ္ဓိဿစေတီ၊ ဟောကြားထားခဲ့သော ဘုရား၏စကားတော်များဖြစ်သည့် ဓမ္မစေတီ၊ ဘုရားရှင်၏ အသုံးအဆောင်များဖြစ်ခဲ့သည့် ပရိဘောဂစေတီ၊ ဘုရားရှင်ရုပ်ကလာပ်တော်မှ ကြွင်းကျန်ရစ်ခဲ့သည့် ဓာတုစေတီ အစရှိသည့် စေတီတို့ကို ပူဇော်မြတ်နိုး ရှိခိုးကြရာတွင် ဘုရားရှင်၏ ဂုဏ်တော်၊ ကျေးဇူးတော်အနန္တတို့ကို စိတ်ဖြင့်ရည်မှန်းကာ ပူဇော်တတ်လာကြ၏။ လောက၌ ဘုရား၊ တရား၊ သံဃာသည်သာလျှင် လောကတစ်ခွင် အနန္တစကြာဝဠာအတွင်း၌ ကိုးကွယ်ရာအမှန် ရတနာအစစ် ဖြစ်တော်မူ၏ဟူ၍ မိတ်ဆွေကောင်းတိုို့ထံမှ သစ္စာတရားတို့ကို သိခွင့်ရကြ၏။ ပို၍ပို၍ ထူးကဲသော သဒ္ဓါတရား တို့ကိုသာ အခါခါတိုးပွါး၍ နောက်ဆုံး သစ္စာလေးပါးသို့ ထိုးထွင်း၍ သိမြင်နိုင်သည်အထိ သဒ္ဓါတရားရှိသောမိတ်ဆွေကောင်းကို ပေါင်းသင်းရခြင်း၏အကျိုးတရားများ မိမိသန္တာန်၌ ရောက်ရှိလာနိုင်ပေသည်။

သဒ္ဓါတရားမရှိသောသူတို့ကို ပေါင်းသင်းမိသောအခါတွင် ဘုရား၊ တရား၊ သံဃာတို့၏ဂုဏ် တော်တို့ကို သိခွင့်ရဖို့မဆိုထားနှင့် ကန့်လန့်ပင်တိုက်မိတတ်ကြ၏။ စော်ကားမော်ကားပြုတတ် ၏။ မိစ္ဆာဒိဋ္ဌိအယူတို့ကို ယူမိတတ်ပြီး ကမ္ဘာပျက်သည့်တိုင်အောင် မကျွတ်တမ်းအပါယ်မှာ ခံစားရသည့်အဖြစ်သို့ပင် ရောက်ရတော့၏။ ငရဲဆိုသည်မှာ ပုံပြင်ထဲမှာပဲရှိသည်၊ နိဗ္ဗာန်သည် လည်း အမှန်မှာ ရှိဟန်မထင် စသောသံသယတို့ဖြင့် ပြည့်နှက်နေပြီး ကောင်းမှုတရားတို့ကို သတိတရားမေ့လျော့၍ မကောင်းမှုတို့သာ အစဉ်ပျော်မွေ့ကာ ရခဲသည့်လူ့အဖြစ်ကို ဖက်ရွက် ကန်စွန်းရွက်ပမာသာ တန်ဖိုးထားတော့၏။ ယခုခေတ် မဆိုထားနှင့် ဘုရားရှင်လက်ထက် သာသနာတော်ကြီး နေ၀ါထွန်းတောက် အလင်းရောက်နေခဲ့ချိန်မှာပင် ဘုရား၊ တရား၊ သံဃာကို မယုံကြည်သော မိစ္ဆာဒိဋ္ဌိအယူရှိသူများမှာ သာသနာတော်နှင့် တွေ့ကြုံခွင့်မရကြဘဲ ရရှိသည့်လူ့ဘ၀ကို အပါယ်ကျအောင် အသုံးချမိခဲ့ကြ၍ ယခုဆိုလျှင် အပါယ်၌ ခံစားနေကြ ပေပြီ။

ကိုယ်ကျင့်တရားကောင်းမွန်သည့်မိတ်ဆွေကောင်းတို့ကို ပေါင်းသင်းနေထိုင်ခြင်းဖြင့်လည်း မိမိ သန္တာန်၌ မိတ်ဆွေကောင်းတို့ထံမှ အကျင့်ကောင်းများ ရှိလာ၏။ မွန်မြတ်သော နေထိုင်နည်းဖြင့် ကျင့်ကြံတတ်လာ၏။ သီလရှိခြင်းဖြင့် အပြစ်ကင်းသောချမ်းသာကို ခံစားရ၏ ဆိုသည့်အတိုင်း အပြစ်တွေကင်းအောင် နေထိုင်တတ်လာသောအခါ နေ့စဉ် ကိုယ်နှင့်စိတ်တို့ ငြိမ်းချမ်းလာ၏။ နူးညံ့သိမ်မွေ့သောလူတစ်ယောက်ဖြစ်လာ၏။ ကောင်းသောအသက်မွေးခြင်း ဖြင့်လည်း နေထိုင်တတ်လာ၏။ ထိုသို့ ကိုယ်ကျင့်သီလကောင်းများရှိလာသည့်အတွက်လည်း မိမိ၏ကိုယ်ကျင့်သီလကောင်းများကို ယုံကြည်လေးစားတန်ဖိုးထားကာ မိမိ၏ ပတ်ဝန်းကျင်ရှိ သူတို့ကလည်း အတုလိုက်နေထိုင်လာကြလျှင် မိမိကြောင့် ပတ်ဝန်းကျင်ရှိ သူတကာတို့ အကျင့်ကောင်းများ အတုလိုက်၍ ကျင့်ကြံနိုင်လာကြပေမည်။ ကိုယ်ကျင့်သီလ ကောင်းသူတို့ အချင်းချင်း ပေါင်းဖော်လုပ်ကိုင်ဆောင်ရွက်ကြရသော မည်သည့်လုပ်ငန်းဖြစ်စေ အောင်မြင် ကြီးပွါး အကျိုးများသည်သာဖြစ်ချေသည်။

သီလပျက်နေသောသူတို့ကို ပေါင်းသင်းမိသောအခါ၌ မိမိလည်း သီလပျက်လာတော့သည်။ အရက်သမားနှင့်ပေါင်းတော့ အရက်သောက်မိမည်၊ ဖဲသမားနှင့်ပေါင်းတော့ ဖဲရိုက်တတ်မည်၊ မကောင်းသောအမျိုးသမီးတို့ကို လိုက်စားပျော်ပါးတတ်သောသူတို့ကိုပေါင်းသင်းမိတော့ မိမိ လည်းပျော်ပါးမိသွားမည်။ မိမိက မလုပ်လျှင်လည်း သီလပျက်စီးနေသောစကားများကို နားထောင်နေရမည်။ လိုက်ပါ ရယ်မောမိမည်။ သီလပျက်သောစကားတို့ကို နာကြားနှစ်ခြိုက် မိလျှင် အလိုတူစာရင်းထဲပါသွားတတ်ပြီး မိမိလည်း သီလတွေပျက်သွားတတ်ပေမည်။

ပေးကမ်းစွန့်ကြဲတတ်သော မိတ်ဆွေကောင်းတို့ကို ပေါင်းသင်းနေထိုင်ခြင်းဖြင့် မိမိလည်း သူ့ကဲ့ သို့ ပေးလှူဖြစ်လာ၏။ စွန့်လွှတ်တတ်လာ၏။ ပေးကမ်းလှူဒါန်းခြင်းကြောင့်ရရှိသော အကျိုးတရားတို့ကို သိလာ၏။ ပေးကမ်းခြင်း၌ မွေ့လျော်ပျော်ပိုက်လာ၏။ “ပျော်ရွှင်ခြင်း၏ အနှစ်သာရသည် စွန့်လွှတ်ခြင်းဖြစ်သည်” ဆိုသောအဓိပ္ပါယ်ကို သိလာ၏။ ပေးကမ်းခြင်းဖြင့် ကိုယ်စိတ် မဆင်းရဲဘဲ ပို၍ပို၍ပင် ချမ်းသာနေရသည့် အရသာကို ခံစားတတ်လာသည်။ ဆရာကြီးဦးရွှေအောင်ဆုံးမခဲ့သကဲ့သို့ “တစ်စတစ်စ၊ စွန့်ဝံ့မှလျှင်၊ ဘ၀နောက်နှောင်း ဆက်တိုင်း ကောင်း၏။” ဆိုသော အကျိုးတရားများကို ပိုင်ဆိုင်လာရပေသည်။ နှမြောဝန်တိုခြင်း မစ္ဆရိယစိတ်၏ ကိလောသာအပြစ်တို့ကို မြင်လာရ၏။ နှမြောဝန်တိုသူတို့အား ပေးကမ်းခြင်းဖြင့် မိမိက မြတ်သောအနိုင်ရခြင်းကို နားလည်လာရပေသည်။ မိမိ၏ စီးပွါးဥစ္စာရှာခြင်းတို့သည် လောဘကြောင့်မဟုတ်တော့ဘဲ အများသူငှါအတွက် ပေးကမ်းလှူဒါန်းနိုင်ရန်ဟူသော ဆန္ဒဖြင့် အနစ်နာခံအားထုတ်ခြင်းမျိုး ဖြစ်သောကြောင့် နိဗ္ဗာန် ထုတ်ချောက် ဧကန်ရောက်မည့် ပါရမီမြောက်သည့်ဒါနတို့က မသေရာသို့ ပို့ဆောင်ကြမည်မှာ မလွဲဧကန်သာဖြစ်ပေသည်။

ပေးကမ်းစွန့်ကြဲခြင်းမရှိသော နှမြောတွန့်တိုသည့်သူတို့ကို ပေါင်းသင်းမိသောအခါတွင် လှူ တယ်ဆိုတာ “အ-လို့ လှူတာ၊ လူလည်တွေကသာ ယူသွားတာကွ”ဆိုသော ဒါန၏အကျိုး တရားကို ဖျက်ဆီးသည့်စကားများ ကြားရတတ်သည်။ အသိအမြင်နည်းပါက ဟုတ်လေ ယောင်ထင်သွားမိမည်။ ထိုကဲ့သို့သော သူတို့နှင့် ပေါင်းဖော်လုပ်ကိုင်ရာ၌ အချိန်တိုင်း ကိုယ့်အိတ်ထဲက စိုက်ထုတ်ပေးရတာများလာသောအခါတွင် ပေးကမ်းခြင်းသည် ကောင်းမှုပြု သည်သာဖြစ်၏ဟု နှလုံးသွင်းရမည့်အစား ကိုယ့်အပေါ်တွင် အတင်စီးအနိုင်ယူနေသူသာ ဖြစ်၏ဟူ၍မြင်လာပြီး နှလုံးမသာမယာလည်းဖြစ်တတ်၏။

အမှားနှင့်အမှန် ဝေဖန်ဆန်းစစ် သိမြင်တတ်သည့် ပညာရှိမိတ်ဆွေကောင်းတို့အား ပေါင်းသင်း နေထိုင်ခြင်းဖြင့် ကုသိုလ်အလုပ်၊ အကုသိုလ်အလုပ် ခွဲခြားသိမြင်လာရ၏။ ကုသိုလ်အလုပ်တို့ ကို လုပ်ဆောင်တတ်လာ၏။ အတုမြင်အတတ်သင်ရာ၌လည်း ကောင်းသောလုပ်ဆောင်မှု၊ မှန်ကန်သောဆောင်ရွက်မှုတို့ကိုသာလျှင် အတုယူတတ်လာပြီး မကောင်းသောအမှုတို့ကို အတုမလိုက် ရှောင်ကြဉ်တတ်လာသည်။ တံငါနားနီး တံငါ မုဆိုးနားနီး မုဆိုး ဖြစ်တတ်သည် ဆိုသော်ငြားလည်း အမှားအမှန်ကို ခွဲခြားသိမြင်တတ်အောင် မိတ်ဆွေကောင်းက ညွှန်ပြပေး သောကြောင့် လူမိုက်တွေကြား ရောက်နေငြားလည်း အမှားသို့မလိုက် အမှန်သို့ဆိုက်အောင် သာ “တစ်ယောက်တည်းနေ တစ်စိတ်တည်းထား” ဆိုသော ကျေးဇူးရှင်ဆရာတော် အရှင် ဆန္ဒာဓိက ရေးသားထားသည့် တရားအားထုတ်နည်းလေးအတိုင်း ကျင့်ကြံအားထုတ်တတ် လာပေသည်။

ဒုက္ခဖြစ်ကြောင်းဟူသော သမုဒယသစ္စာ၊ ရရှိထားသော ခန္ဓာငါးပါးတို့သည် သမုဒယသစ္စာ ကြောင့် ရရှိလာခဲ့ရသော ဒုက္ခသစ္စာ၊ ထိုဒုက္ခတရားတို့မှ လွတ်မြောက်ခြင်းသဘောဟူသော နိဗ္ဗာန်သည် နိရောဓသစ္စာ၊ ထိုသို့ သေခြင်းကင်းရာနိဗ္ဗာန်သို့ ရောက်နိုင်သည့် ကျင့်ကြံအား ထုတ်နည်းများမှာ မဂ္ဂင်ရှစ်ပါး မြတ်သောအကျင့်တရားများဖြစ်သည့် မှန်သောမြင်ခြင်း- သမ္မာဒိဋ္ဌိ၊ မှန်သောကြံစည်တွေးတောခြင်း- သမ္မာသင်္ကပ္ပ၊ မှန်သောပြောခြင်း- သမ္မာဝါစာ၊ မှန်သောပြုလုပ်ခြင်း- သမ္မာကမ္မန္တ၊ မှန်သောအသက်မွေးခြင်း- သမ္မာအာဇီဝ၊ မှန်သောအား ထုတ်ခြင်း- သမ္မာဝါယာမ၊ မှန်သောသတိရှိခြင်း- သမ္မာသတိ၊ မှန်သောတည်ခြင်းခြင်း- သမ္မာ သမာဓိတို့ဖြင့် ကျင့်ကြံပွါးများ အားထုတ်မှသာလျှင် အသေကင်းရာ အမတနိဗ္ဗုတာသို့ ဧကန်ရောက်သည်သာဖြစ်ကြောင်း အမြင်မှန်များ ရှိထားသောကြောင့် လုပ်ဆောင်သမျှ ပညာနှင့်ယှဉ်ပြီး ဆောင်ရွက်တတ်လာ၏။ ထိုသို့ ပညာဖြင့် ဆောင်ရွက်တတ်လာသောအခါ အနှောင်အဖွဲ့ဟူသော ရစ်ပတ်ခြင်း သံယောဇဉ်တရားတို့ကို အလွယ်တကူ ဖြတ်တောက် နိုင်ပြီး နောက်ဆုံး တဏှာကျော့ကွင်းအတွင်းမှ လွတ်မြောက်ခြင်း အရဟတ္တဖိုလ်သို့ ရောက်ရှိခံစားနိုင်တော့သည်ဖြစ်၏။

အမြင်မှန်သမ္မာဒိဋ္ဌိမရှိသော ပညာမဲ့ပုဂ္ဂိုလ်တို့ကို ပေါင်းဖော်မှီဝဲမိခြင်းဖြင့် မိစ္ဆာဒိဋ္ဌိစကားတို့ကို ကြားရ၏။ “ငရဲကြီးတော့ ငရဲလေးနိုင်တာပေ့ါကွ” ဟူသည့် မကောင်းတာလုပ်လျှင် မကောင်း ကျိုး ခံစားရသည်ဆိုသော ကံနှင့်ကံ၏အကျိုးကို မယုံကြည်ဘဲ မထီမဲ့မြင်စကားများ ပြောဆို တတ်၏။ “သတ္တ၀ါတွေဆိုတာ လူချွတ်မှ ကျွတ်တာ” ဟူ၍ ထိုသို့ ပါဏာတိပါတကံကို လက်ရဲ ဇက်ရဲပြုလုပ်ခြင်းသည်ပင် ကောင်းမှုပြုနေသယောင်ယောင်ပြောဆိုသော ပညာမဲ့တို့စကားကို ယုံကြည်မိတတ်ပေသည်။ ယောက်ျားမှန်လျှင် အရက်လည်းသောက်တတ်ရမည်၊ မိန်းမလည်း ပွေတတ်ရမည်၊ အလောင်းကစားလည်း လုပ်တတ်ရမည်ဟူ၍ အမြင်မှားကာ ကျင့်ကြံနေသည့် သူတို့ကို အားကျမိတတ်၏။ အတုယူမိတတ်၏။ တချို့အမျိုးသမီးများဆိုလျှင် “ယောက်ျားလေးပဲ အသောက်အစားလေးတော့ရှိမှာပေါ့” ဟူ၍ပင် အမျိုးသားတို့အပေါ် အခွင့်အရေး ပေးကြ၏။ ငွေများများရှာနိုင်ဖို့သာအရေးကြီးသည်၊ မည်သို့ပင်ရခဲ့သည်ဖြစ်စေ လင်ယောက်ျား ၏ ငွေရှာနိုင်ခြင်းကိုသာ တန်ဖိုးထားပြီး အကျင့်သီလကို တန်ဖိုးမထားတတ်ကြပေ။ အိမ်ထောင်သည် ဇနီးမောင်နှံများတွင် နှစ်ဦးစလုံးက ပညာမဲ့နေကြပါလျှင် အမြင်မှန် မရသေးသည့်ကာလပတ်လုံး ထိုသူတို့၏ စီးပွါးဥစ္စာရှာဖွေခြင်း၊ အတူတူ ပြောဆိုနေထိုင်စား သောက်နေရခြင်း၊ ကိစ္စအ၀၀တို့ ကြံစည်စိတ်ကူးကြခြင်းဟူသော ကာယကံ၊ ၀စီကံ၊ မနောကံ အမှုတို့၏ အပြစ်များမှာ မည်မျှများပြားလိုက်ပါမည်နည်း။

ပညာရှိအား ချစ်ခင်မြတ်နိုးကြသူတို့သည် ကောင်းမှုပြုပြီးသည့်အခါတွင် “ပညာမဲ့ လူမိုက် တို့နှင့် မပေါင်းဖော် မမှီဝဲ မဆည်းကပ်ရပါလို၊ ပညာရှိသူတော်ကောင်းတို့ကိုသာ ပေါင်းဖော် ယှဉ်တွဲ အမြဲဆည်းကပ်ရပြီး ပညာရှိသူတို့၏အကျင့်ကို လိုက်နာကျင့်ကြံနိုင်ရပါလို၏” ဟူ၍ ဆုတောင်းကြပေသည်။ လူမိုက်ဟူ၍ဆိုခြင်းသည် စာပေမတတ်သူတို့ကို ဆိုခြင်းမဟုတ်။ အသိတရား(အမြင်မှန်သမ္မာဒိဋ္ဌိ) ရှိခြင်းမရှိခြင်းနှင့် ကျင့်ကြံအားထုတ်မှုတရားတို့ကိုကြည့်ပြီး သိနိုင်ပေ၏။ အသိမှား၊ အယူမှားပြီဆိုလျှင် လုပ်ဆောင်သမျှ ပညာနှင့်မယှဉ်နိုင်သောကြောင့် ငါဟူသောအတ္တ၊ မာန်မာနတို့ဖြင့် လက်ဝါးကြီးအုပ်တော့၏။ စီးပွါးရေးလုပ်ရာတွင်လည်း သူတစ်ပါးတို့အပေါ် ကျောနိုင်မှသာ စီပွါးတိုးတက်အောင်မြင်သည်ဟု မြင်တတ်ကြ၏။ အလုပ် ၌ စေတနာထားလုပ်ဆောင်ရမည့်အစား ကိုယ်ရဖို့အတွက်သာ ဦးတည်ဆောင်ရွက်တတ်ကြ သည်။ မှန်ကန်သောအသိ၊ မြင့်မြတ်သောတွေးခေါ်မှုတို့ဖြင့် ရိုးသားကြိုးစားကာ ဆင်းရဲပင်ပန်း စွာ ရုန်းကန်လှုပ်ရှားနေကြသူတွေကိုတော့ အထင်သေး အမြင်သေးပြီး “လူအ”ပင် ထင်တတ် ကြပေသည်။

ပညာရှိဆိုသည်မှာ အသက်ကြီးမှရယ်မဟုတ်၊ ပစ္စည်းဥစ္စာပေါကြွယ်ဝမှဟူ၍ မဆိုလို၊ ခြွေရံသင်းပင်းများမှရယ်လည်း မသတ်မှတ်ပါချေ။ အသက် ကြီးကြီး ငယ်ငယ်၊ ပစ္စည်းဥစ္စာရှိရှိ မရှိရှိ၊ ခြွေရံသင်းပင်း များများ မများများ ထိုသူ၏အသိတရားမြင့်မြတ်မှန်ကန်မှု၊ ထိုအသိ တရားအတိုင်း လိုက်နာကျင့်ကြံပွါးများမှု ရှိသူတို့ကိုဆိုခြင်းဖြစ်၏။ ထိုသို့သောပညာရှိအား မှီဝဲဆည်းကပ်ရခြင်းဖြင့် အကျိုးတရားတို့သာ အစဉ်တိုးပွါးပြီး မိမိသန္တာန်၌ အသိမှန် အမြင် မှန်များ ရောက်ရှိလာပြီး မြတ်သောနေခြင်းဖြင့် အချိန်ကိုအသုံးချတတ်သွားပေတော့၏။

သဒ္ဓါသီလ၊ စာဂပညာ၊ လေးဖြာစုံတောင်း၊ မိတ်ဆွေကောင်းနှင့်၊ ပေါင်း၍အတု၊ ကိုယ်လည်းပြုမှ၊ ကလျာဏမိတ္တ-ပြည့်စုံသည်။

စာဖတ်သူဓမ္မမိတ်ဆွေအားလုံး ကလျာဏမိတ္တများကို ရှာဖွေပေါင်းသင်းနိုင်ကြ၍ ထိုမိတ်ဆွေ တို့ကို အတုလိုက်၍ကျင့်ကြံကြပြီး နောက်ဆုံးပန်းတိုင်ဖြစ်သည့် မသေရာ “မြတ်နိဗ္ဗာန်” သို့ လွယ်ကူစွာရောက်ရှိနိုင်ကြပါစေ။



Read more...

၂၈-၁၂-၀၉ သံဃာ့ဒါန ဆွမ်းလောင်း












ပြာသိုလဆန်း ၁၃ ရက်၊ သာသနာ ၂၅၅၃ ခုနှစ်၊ ၂၈-၁၂-၀၉ တနင်္လာနေ့။

နေ့ဆွမ်း - ဝက်သား+အာလူးဆီပြန်၊ မုန်လာဥချဉ်၊ ငရုတ်သီးပုဇွန်ခြောက်ပွကြော်
မဝါဝါခိုင်မင်း၊ ကိုရန်အောင်၊ JulyDream၊ ရွာသားလေး ဝိုင်တီယူတို့၏ တစ်နှစ်တာ နေ့ဆွမ်းအလှူရှင် မောင်နှမများအဖွဲ့၊ ခင်ပွန်းဦးအောင်ဖေအား ရည်စူး၍ ဒေါ်နန်းသန္တာအောင်

ဆွမ်းထမင်း - ကိုဖြိုး+ကိုထက် (ရွှေအိမ်ဖြူ တယ်လီဖုန်း ရောင်းဝယ်ရေး)
ပဲနှပ် - ဒေါ်ခင်သောင်း (ရန်ကုန်)
ဆီ - ဒေါ်ချို (ဒေါ်ချို ကုန်မျိုးစုံ ရောင်းဝယ်ရေး၊ ရွှေဘိုမြို့)

အရုဏ်ဆွမ်း- -မုန့်ဟင်းခါး အလှူရှင် .......................

ဝေယျာဝစ္စဒါန
ဦးဓမ္မာနန္ဒ (မင်္ဂလာသာစည်ကျောင်း)၊ ဦးပညာဝံသ (မန္တလေး မြင်းဝန်မင်းကြီးကျောင်းတိုက်)၊ ဦးအာဒိစ္စ (ဖျာပုံကျောင်း)၊ ဦးသုဇာတ (စစ်ကိုင်း ရုက္ခမူကျောင်း)၊ ဦးပညာဝံသ (သာသနာ့ဝေပုလ္လကျောင်း)

-ဆရာကြီး ဒေါ်စန္ဒာသီရိ (သိဒ္ဓိမော်ချောင်)၊ ဒေါ်စန္ဒသိင်္ဂီ (သိဒ္ဓိမော်ချောင်)၊ ဒေါ်ဝိလာသီ (အောင်မြေသာစံချောင်)

-ဒေါ်ခင်သောင်း (ရန်ကုန်)၊ ဒေါ်အေးသန်းနှင့် သမီး မဇင်မာထွေး၊ ကိုဂစ်တာ၊ ကိုဇော်ထွေးဦး၊ ဒေါ်ကြည်ဌေးနှင့် သားကိုဆန်းထွန်း ဇနီးမောင်နှံ၊ သမီး မပွေးနှင့် ငြိမ်းအိထွေး






''အရှင်ဘုရားတို့ မုန့်ဟင်းခါး ဘုဉ်းပေးဖို့ အထဲကြွ့ပါဘုရား''
''ဦးဇင်းကြီးတွေ တစ်ဝိုင်း ကပ်ပေးလိုက်ပါဦး''

အရုဏ်ဆွမ်း ကပ်နေရင်း နေ့ဆွမ်းလောင်းဖို့လဲ ဆွမ်းတောင်းတွေချ၊ ပြင်ဆင်ရတယ်။ ရန်ကုန်က ရောက်လာတဲ့ မာတီပလိုင်း ဘလော့ဂါ ကိုညီညီရဲ့ မိခင် ဒေါ်ခင်သောင်းက ဒီနေ့ သံဃာများကို ပဲနှပ် လှူဒါန်းပါတယ်။

သတင်းကောင်းတစ်ခုက ကင်ဆာရောဂါ ခံစားနေရတဲ့ မြရတနာ ရွာဦးကျောင်း ဆရာတော် ဆေးဖိုးဝါးခအတွက် ရွှေဒိုမိန်း မိသားစုက နဝကမ္မ ကျပ်ငါးသိန်း လှူဒါန်းခြင်း ဖြစ်ပါတယ်။ ဆရာတော် မန္တလေးတက်ပြီး ဓာတ်ကင်ဖို့ အခက်အခဲ ဖြစ်နေတာ ပြေလည်သွားပါပြီ။ ကိုဖြိုး+ကိုထက်တို့ကလဲ တစ်သိန်း လှူဒါန်းပါတယ်။

ရွှေဒိုမိန်းက ဆွမ်းခံသံဃာတွေ အပါးကုန်ကို လာမယ့် ဆွမ်းပတ်မှာ အပါးစေ့ ခေါင်းစွပ်များ လှူဒါန်းပါမယ်။ အညာဆောင်းဟာ ချမ်းအေးလှတဲ့အတွက် သံဃာတော်များ အအေးဒဏ် ခံနိုင်စေဖို့ လိုအပ်တဲ့ ခေါင်းစွပ်တွေ ဖြစ်ပါတယ်။

ဒေါ်နန်းသန္တာအောင်က ဆွမ်းကပ်ရာမှာ လိုအပ်တဲ့ မီးဆလောင်းကြီး နှစ်ခု လာရောက်လှူဒါန်းသွားတယ်။ ဆလိုက်မီး အလင်းရောင်လေးကို အားပြုပြီး အရုဏ်တက် မှောင်မည်းမည်းထဲ သံဃာတွေ ဆွမ်းခံနေတာကို ဒကာမကြီး ကိုယ်တိုင် ဆွမ်းလာလောင်းရင်း သတိပြုမိသွားတော့ ရန်ကုန်က မီးဆလောင်း ၂ ခု သယ်လာပြီး လာပို့သွားတာပါ။

ဝက်သားနဲ့ အာလူးဟင်းအပြင် ဒီနေ့ ပုစွန်ခြောက်ပွတွေကို ငရုတ်သီးနဲ့ ငါးပိရောကြော်ပြီး ကပ်ပါတယ်။ မုန်လာဥချဉ် တွဲတယ်။ ဆွမ်းလောင်းပေးလိုတဲ့ သံဃာတွေလဲ မိုးမလင်းခင် ကြွလာကြတယ်။

ဒကာဂစ်တာတို့ အဖွဲ့နဲ့ ဦးဇင်းတွေလဲ မနားတမ်း လောင်းနေရတယ်။
''ဇိနော ကြွလာပြီ''

မုန်လာဥချဉ်က ဆွမ်းလောင်းမပြီးခင် ပြတ်သွားတယ်။ ဝက်သားအာလူးဟင်းနဲ့ ပဲနှပ်ရော ဆွမ်းထမင်းပါ လောက်ငသေးတယ်။ မနက် ၆ နာရီခွဲမှာ အပါး ၄၀၀ နီးပါး ဆွမ်းခံပြီးသွားပြီး နောက်ထပ် အပါး ၅၀ ကျော် စီတန်းခံယူနေကြပါတယ်။

အရုဏ်ဆွမ်းက တစ်ကြိမ်ကို စားပွဲဝိုင်းအပြည့် အပါး ၁၀၀ ကပ်ရတယ်။ မနက် ၆ နာရီ ၂၀ မှာ အပါး ၂၀၀ ဘုဉ်းပေးပြီးသွားပြီး ဘုဉ်းပေးဆဲက အပါး ၇၀ လောက် ရှိပါတယ်။ တစ်ပါး သုံးပန်းကန် စသဖြင့် ဘုဉ်းပေးကြတယ်။ အရုဏ် မဘုဉ်းရသေးတဲ့ ကိုယ်တော်တွေ ထပ်ကြွလာနေဆဲပါ။

မုန့်ဖတ် ပြတ်သွားတော့ မဘုဉ်းရသေးတဲ့ ဦးဇင်းတစ်ချို့ကို ခဏစောင့်ပါဘုရားလို့ လျှောက်ထားပါတယ်။ မနက် ၆ နာရီ ၃၅ မှ မုန့်ဖတ် ရောက်လာတော့ ဆက်ပြီး ကပ်ရတယ်။

၂၀၁၀ ဇန်နဝါရီလ ၁ ရက်နေ့ (နှစ်ဆန်း ၁ ရက် သောကြာနေ့)မှာလဲ သံဃာနဲ့ သီလရှင်များကို နှစ်သစ်ကူးဒါနအဖြစ် အရုဏ်ဆွမ်း လောင်းလှူပါမယ်။ မြတ်စွာဘုရား ဘုရားအဖြစ် ရောက်တော်မူခါနီး ဘုဉ်းပေးခဲ့တဲ့ ဃနာနို့ဆွမ်းကို အောက်မေ့ပြီး နို့ယာဂု ကပ်လှူဖို့ မူလ စိတ်ကူးပေမယ့် သံဃာတွေက မုန့်ဟင်းခါးကို ပိုနှစ်သက်ကြတာမို့ မုန့်ဟင်းခါးပဲ ကပ်လှူမှာ ဖြစ်ပါတယ်။


Read more...

ကပ္ပိယသာချို၏ မေးမြန်းချက်အား ပြန်လည်ဖြေကြားလိုက်သည်။

Saturday, December 26, 2009

မေး။ ။ ကပ္ပိယသာချို: အရှင်ဘုရား အဘိဓမ္မာဘုရားဟော ဟုတ်မဟုတ်သိချင်ပါတယ် ဘုရား တကယ်လို့သာဘုရားဟောဆိုရင် ဘယ်လို့အချက်တွေကြောင်းသိနိုင်ပါသလဲ ဘုရား ၊
မေး။ ။ နောက်တစ်ခါ သမ္မာဒိဌိ ဟာ သိပ္ပံပညာရဲ့ ခြေလှမ်းကို လိုက်နိုင်ပါရဲ့လားဘုရား
ဖြေ။ ။ ဤမျှနက်နဲ ခက်ခဲသော ရုပ်နာမ်တရားများကို အ သေးစိပ် ဟောကြားထားသော အဘိဓမ္မာတရားကို ဘုရားမဟောလျှင် အဘယ်သူဟောသည်ဟု ငါ့ရှင်သာချို ယူဆမိပါသနည်း? ။ မြတ်စွာဘုရားသည် အဘိဓမ္မာတရားတော်ကို တာဝတိံသာနတ်ပြည်၌ အကျယ်တဝင့် ဟောကြားတော်မူပြီး။ အရှင်သာရိပုတ္တရာအား အကျဉ်းအားဖြင့် ဟောကြားတော်မူလေးသည်။ အရှင်သာရိပုတ္တရာ သည်လည်း လင်းနို့သားဖြစ်ခဲ့ဖူးသော ရဟန်းငါးရာတို့အား မကျဉ်းမကျယ် လက်ဆင့် ကမ်း၍ ဟော ကြားတော်မူခဲ့လေသည်။ ဤသို့လျှင် ဗုဒ္ဓဘုရားရှင်မှ အစပြုကာ ဆရာအစဉ် အဆက် အားဖြင့် လက်ဆင့်ကမ်း သယ်ဆောင် လာခဲ့သည်မှာ ယနေ့ ကပ္ပိယသာချိုတို့ လက်ထက်တိုင် အောင်ဖြစ်လေ သည်။ ။ရုပ်နာမ်တရား တို့ကို ပိုင်းခြား၍ ဟောထားခြင်း၊ ပရမတ္ထသဘာဝ တရားများကို ဖြစ်စဉ်အတိုင်း အကြွင်း မရှိ ပြည့်စုံစွာ ဆက်စပ် ဟောထားခြင်းတို့ကို ထောက်ဆ၍ သဗ္ဗညုတ ဘုရားရှင်မှတစ်ပါး အခြား တစ်စုံတစ်ဦး သောသူသည် ဟောကြားနိုင်စွမ်း ရှိမည်မဟုတ်ပါ။ အကျယ်ကိုသိလိုလျှင် အောက်ပါလင့်တွင် http://www. dhammaflavour.net/2009/06/blog-post_3899.htmlလေ့လာနိုင်ပါသည်
ဖြေ။ ။ သမ္မာဒိဋ္ဌိသည်=ကမ္မဿကတာသမ္မာဒိဋ္ဌိ၊ နာမရူပပရိဂ္ဂဟသမ္မာဒိဋ္ဌိ၊ ဟေတုပစ္စယပရိဂ္ဂဟသမ္မာဒိဋ္ဌိ၊ ဝိပဿနာဥာဏဒဿနသမ္မာဒိဋ္ဌိ၊ လောကုတ္တရမဂ္ဂဖလသမ္မာဒိဋ္ဌိ-အားဖြင့် ငါးမျိုး ခွဲခြားနိုင်ပါသည်။ လောကုတ္တရမဂ္ဂဖလသမ္မာဒိဋ္ဌိ သည်ပင်လျှင် သိပ္ပံပညာ၏ ခြေလှမ်းကို ကျော်လွန်သွားပြီး ဖြစ်သည်၊ သို့သော် ၄င်းသမ္မာဒိဋ္ဌိ တရားတို့ကိုကောင်းစွာ သဘောမပေါက်ပဲ၊ မည့်သည့် သိပ္ပံပညာကိုမျှ ကျော်လွှားနိုင်လိမ့်မည် မဟုတ်ပါ။ လက်ရှိသိပ္ပံပညာရှင်များ လေ့လာနေသော သိပ္ပံသည်ကား နာမရူပပရိဂ္ဂဟသမ္မာဒိဋ္ဌိ- မှ-(ရူပ) ဟုဆိုအပ်သော ရုပ်တစ်စိပ် တစ်ဒေသကို သာလျှင် လက်တွေ့ အားဖြင့် လေ့လာနေကြခြင်းသာ ဖြစ်သေး၍၊ ကပ္ပိယသာချို ဆိုလိုသော သမ္မာဒိဋ္ဌိ ကိုသာလျှင် ကောင်းစွာသိရှိ ထားမည်ဆိုပါက၊သိပ္ပံပညာ၏ခြေလှမ်းကို လိုက်နိုင်ရုံမကပဲ၊ ဘုရားရဟန္တာ အရိယာ သူတော်ကောင်းတို့သာလျှင် အာရုံပြုကျက်စားရာဖြစ်သော နိဗ္ဗာန်တိုင်အောင် လျှောက်လှမ်းနိုင် မည်ဖြစ်ကြောင်း တင်ပြအပ်ပါသည်။



Read more...

စိန်ပလောင် မေးမြန်းချက်အား ပြန်လည်ဖြေကြားလိုက်သည်။

Sunday, December 27, 2009

မေး။ ။ စိန်ပလောင်: ရွာဦးကျောင်းဆရာတော်ဘုရား နတ်ပြည်မှာ နတ်သားတစ်ယောက်နဲ့ နတ်သမီး တဖက်ငါးရာ ၊ နှစ်ဖက် ဆို တစ်ထောင်။ ဤသို့ ကျမ်းဂန်းမှာ လာရှိပါသလား။ ရှိပါက မိန်းမတွေသေ နတ်ပြည်ရောက်။ ယောင်္ကျားတွေသေ နတ်ပြည်အရောက်နဲလို့ ဤသို့မှတ်ယူထိုက်ပါသလော။ ယောက်ျားတွေနတ်ပြည် အရောက်နဲတော့ ဘယ်ပြည်တွေ အရောက်များနေပါသလဲ။ အများတကာ သိစေလို၍ ရွာဦးကျောင်းစီဘောက်မှ လျှောက်ထားလိုက်ပါသည်။

ဖြေ။ ။ နတ်သားတိုင်း နတ်သမီး တစ်ဖက် ငါးရာပုံသေရှိသည်ဟူ၍ မတွေ့ဖူုးပေ၊ ကျမ်းဂန်များ၌ ဖော်ပြပါရှိသော နတ်သမီးတစ်ဖက်ငါးရာ ခြံရံသော နတ်သားများကို ထူးခြားဖြစ်စဉ်များ အဖြစ်သာ ဖော်ပြထားခြင်းဖြစ်ပါသည်၊ လု့ပြည်၌ ကုသိုလ်ထူးသော ပုဂ္ဂိုလ်များရှိသလို နတ်ပြည်၌လည်း အများတကာထက် ပါရမီကုသိုလ် ထူးသူများ ရှိကြပါသည်၊ ၄င်းတို့သည် ကုသိုလ်ပါရမီ ထူးသည်အားလျှော်စွာ နတ်သမီး တစ်ဖက်ငါးရာ ခြံရံ၍ နတ်ပြည် စည်းစိမ်ကို အပြည့်ခံစားရ လေသည်။ သို့သော် နတ်သားတိုင်း ထိုကဲ့သို့ခံစားစံစားရသည်ဟု မှတ်ယူ မထားသင့်ပေ။ နတ်သမီးတစ်ယောက်အား နတ်သားများစွာ ဝိုင်းဝန်းလုယူသော အဖြစ်အပျက်များ ရှိသည်ကို သတိထားသင့်ပါသည်။ မည်သူသေသည်ဖြစ်စေ မိမိပြုသောကံသည်သာ ပဓာနကျသောကြောင့် မိန်းမ ယောက်ျားခွဲခြား၍ သုဂတိ ဒုဂ္ဂတိ ရောက်သည်ဟူ၍လည်းမဆိုနိုင်ပေ။ နိဗ္ဗာန်ကို မရောက်မချင်း ငါသူတစ်ပါး ပုဂ္ဂိုလ် သတ္တဝါ ယောက်ျားမိန်းမ မရွေးပဲ ဒေဝ၊ မနုဿ၊ နိရယ၊ ပေတ၊ တိရိစ္ဆာန၊ ဟူသော ဂတိများသို့ တစ်ခုမဟုတ်တစ်ခု ရောက်ကြရမည်သာ။ ။



Read more...

သက်သက်လွတ်အကြောင်းအမေးအဖြေ









Read more...

Why Has Bodhi-Dharma Left for the East?



On Tuesday the 12th of January, as part of the Bangkok International Buddhist Film Festival, Hyaedan Sunim, the senior nun at the Bangkok Hanmaum Seonwon (One-mind Zen Centre), will be a special guest at the showing of the 1989 Korean film 'Why Has Bodhi-Dharma Left for the East?'

The festival, part two of a two-year series produced by John Solt of Highmoonoon, is being held from the 11th to the 27th of January, with all screenings starting at 1pm in the excellent facilities of the Pridi Banomyong Library in the Tha Phra Chan campus of Thammasat University.

Details of the entire three-week programme can be found in the first link below, but certainly the showing of 'Why Has Bodhi-Dharma Left for the East?', and the chance to discuss the film with a Korean Zen monk, is one of its many highlights, and certainly one not to be missed.

Links:
  • Marcus' Journal: Bangkok International Buddhist Film Festival
  • Littlebang: Details of last year's festival
  • Wikipedia: Why Has Bodhi-Dharma Left for the East?
  • Rotten Tomatoes: Why Has Bodhi-Dharma Left for the East?
  • Religion and Film: Why Has Bodhi-Dharma Left for the East?


  • Read more...

    လက်ကျန်ပိတ်မရသော စာရင်းရှင်းတမ်းများ

    လူ့ ပြည်ဒေသ အခြေချ၊
    နေရပေါင်းက များလှပြီ။

    နေဆဲကပင် သေပွဲပြင်၊
    သေခွင်ဝင်ပေါင်း များလှပြီ။

    နေရေးမှကျော် သေဘေးပေါ်၊
    တော်ပြီဟူ၍ မရှိပြီ။

    သေဘေးမှကျော် နေရေးပေါ်၊
    တော်ပြီဟူ၍ မရှိပြီ။

    နေခွင့်ပြုရာ မှုကမ္ဘာ၊
    ခုရှာဖွေဆဲ ရှိသေးသည်။

    သေမိန့် ချရာ ဝေဒနာ၊
    ခြေရာခံမြဲ ရှိသေးသည်။

    ၀ဋ်လွတ်သစ္စာ မြတ်ဓမ္မာ၊
    လှပ်ခွါမကြည့် ရှိသေးသည်။

    ၀ဋ်ပြစ်နှစ်ပါး လွတ်စေသား၊
    စကားမျှသာ ရှိနေသည်။

    သေခြင်းတရား ကင်းစေသား၊
    စကားမျှသာ ရှိနေသည်။

    သည်တိုင်းသာဆို ၀ဋ်ထိုထို၊
    ကြိုဆိုမြဲပင် ရှိနေသည်။

    လူ၏ဒေသ အခြေချ၊
    နေရပေါင်းကား များဦးမည်။

    နေဆဲကပင် သေပွဲပြင်၊
    သေခွင်ဝင်ပေါင်း များဦးမည်။
    (ကျေးဇူးတော်ရှင် မဟာဗောဓိမြိုင် ဆရာတော်)


    Read more...

    ဗုဒ္ဓဘာသာ ငါးမျိုး

    Sunday, 27 December 2009 01:50 ယနေ့ခေတ်မှာ လူငယ်တွေဟာ ဘာသာအသိတရား တဖြည်းဖြည်းနဲ့ ခေါင်းပါးလာပြီ။
    ဘုရားတောင်မှ ထိခြင်းငါးပါးနဲ့ ဦးချရကောင်းမှန်း မသိကြတော့ပါဘူး။ ဒီလို အခြေအနေ တွေကိုသိလို့ မြတ်စွာဘုရားက "နောင်အနာဂတ်ကာလမှာ ဗုဒ္ဓဘာသာ ငါးမျိုး ကွဲပြား လိမ့်မယ်" ဟု ဟောတော်မူထားခဲ့ပါတယ်။ အဲဒီဗုဒ္ဓဘာသာ ငါးမျိုးကတော့......
    (၁)။ ကုလ ဗုဒ္ဓဘာသာ
    (၂)။ လာဘ ဗုဒ္ဓဘာသာ
    (၃)။ ဘယ ဗုဒ္ဓဘာသာ
    (၄)။ သဒ္ဓါဓိက ဗုဒ္ဓဘာသာ
    (၅)။ ပညာဓိက ဗုဒ္ဓဘာသာ

    (၁)။ ကုလ ဗုဒ္ဓဘာသာ( မိရိုးဖလာဗုဒ္ဓဘာသာ)
    ကုလ ဗုဒ္ဓဘာသာ ဆိုတာ ရိုးရာ ဗုဒ္ဓဘာသာ ကိုပြောတာပါ။ အမေအဖေက ဗုဒ္ဓဘာသာမို့ သားသမီးက ဗုဒ္ဓဘာသာ ဖြစ်လာရတာပါ။ မိဘက ခရစ်ယာန်ဆုိုရင် သားသမီးကလည်း ခရစ်ယာန်။ မိဘက အစ္စလာမ်ဆိုရင် သားသမီးကလည်း အစ္စလာမ်။ ဒါကို မိရိုးဖလာ ကုလဗုဒ္ဓဘာသာပေါ့။ မိဘက ဗုဒ္ဓဘာသာ မို့သာ သားသမီးက ဗုဒ္ဓဘာသာ ဖြစ်လာရတယ် ဘုရားရှင် ဘာလို့ ပွင့်မှန်းမသိ။ ဘုရား ဘာတရားဟောမှန်းလည်း မသိ။ ကိုယ်ပြောတဲ့ ဗုဒ္ဓဘာသာဝင်ဆိုတာတောင်မှ ဘာပြောမှန်းမသိ။ ကိုယ်ကိုးကွယ်နေတဲ့ မြတ်စွာဘုရား ဘာကြောင့်ကိုးကွယ်ရမှန်းလည်းမသိ။ တရားတော်ကို ဘာကြောင့်ကိုးကွယ်ရ မှန်းမသိ။ ဘုရားကို ဦးချတာ ဘာရည်ရွယ်ချက်နဲ့ ဦးချနေမှန်းကို မသိတာ။ ဘာကြောင့်ဒီလောက် ရိုရိုသေသေနဲ့ အလေးပြုနေမှန်းကို မသိတာ။ လုပ်တော့ လုပ်နေတာပဲ အသိပညာ ဘာမှမပါတာ။ ကုလဗုဒ္ဓဘာသာပါ။

    (၂) လာဘာဗုဒ္ဓဘာသာ
    လာဘာဗုဒ္ဓဘာသာဆိုတာ လာဘ်လာဘလိုလို့ ကိုးကွယ်တဲ့ ဗုဒ္ဓဘာသာကို ဆိုလိုတာပါ။ ဒီဘ၀ စီးပွားရေးလေး တက်မလားဆိုပြီးတော့မှ ဘုရားကိုးကွယ်တာမှာ ရွေးပြီးတော့ ကိုးကွယ်တယ်။ ဒီဘုရားကိုးကွယ်ရင်တော့ လာဘ်လာဘ ပေါများတယ် ဟိုဘုရားကိုးကွယ်ရင်တော့ စီးပွားတတ်တယ်ဆိုပြီး ရွေးကိုးကွယ်တာ လာဘဗုဒ္ဓ ဘာသာပါ။ ဘုရားကိုးကွယ်မှ လာဘ်ပေါမယ်ဆိုရင် ဘုရားမကိုးကွယ်တဲ့ ခရစ်ယာန်တွေ ဘာလို့ လာဘ်ရွှင်နေတာလဲ။ အဓိက စီးပွားရေး ဖြစ်နေတယ်ဆိုတာ ဘုရားကြောင့်မဟုတ်ပါဘူး။ ကံဥာဏ်ဝီရိယ သတ္တိကြောင့်ပါ။
    အရောင်းအ၀ယ်တစ်ခုလုပ်မယ်။ အိမ်ခြံဝင်းဝယ်မယ်။ ရောင်းမယ်။ အိမ်နေရာ ပြောင်းမယ်ဆိုရင်တောင်မှ ရက်ရာဇာ ပြဿဒါး ရွေးနေတာတွေ၊ ဘုရားကျောင်းဆောင် ပေါ်မှာ ဘိုးတော်ပုံတွေ ဘွားတော်ပုံတွေ တင်ထားတာတွေ၊ ကိုးကြီးကျော် မနှဲလေး အစရှိတွေ နတ်တွေ ကိုးကွယ်တာတွေ၊ ဗေဒင်တွေ ယုံကြည်ပြီး ယတြာတွေ ချေလိုက်ကြ စတဲ့ လာဘ်လာဘ လိုချင်လို့ ကိုးကွယ်တဲ့ ဗုဒ္ဓဘာသာဝင်များကို လာဘာဗုဒ္ဓဘာသာ ဟုခေါ်ပါသည်။

    (၃)ဘယ ဗုဒ္ဓဘာသာ(ကြောက်လို့ ကိုးကွယ်သော ဗုဒ္ဓဘာသာ)
    ဘယဗုဒ္ဓဘာသာဆိုတာ ဘေးကို ကြောက်လို့ ကိုးကွယ်တာကို ခေါ်ပါတယ်။ အန္တရယ်ကင်းဖို့ ၊ ဘေးရှင်းဖို့၊ အသက်ရှည်ဖို့၊ ကျန်းမာဖို့ ၊ ဒီလိုအတွေးအခေါ် အယူအဆတွေနဲ့ ဘုရားကို ကိုးကွယ်တာကို ဘယဗုဒ္ဓဘာသာဟုခေါ်ပါသည်။ ဒီဘုရားကို ကိုးကွယ်မှ အသက်ရှည်မယ်ဆိုရင် ဒီဘုရားကို မကိုးကွယ်တဲ့ ခရစ်ယာန်တွေ အစလာမ်တွေ အသက်ရှစ်ဆယ် တစ်ရာကျော်တွေ ရှည်နေကြတာ ဘာလို့ပါလဲ။

    ဘာမှမသိဘဲ ရမ်းကိုးကွယ်တာ ကုလဗုဒ္ဓဘာသာ၊လာဘ်လာဘာ လိုချင်ပြီး ကိုးကွယ်တာ လာဘ်လာဘ လိုချင်ပြီး ကနားတွေပေးတာ လာဘဗုဒ္ဓဘာသာ၊ ဘေးကြောက်ပြီး အကိုးကွယ်တွေ မှားနေတာ ဘယဗုဒ္ဓဘာသာ။ ဒီကုလ၊လာဘ၊ ဘယဗုဒ္ဓဘာသာ သုံးမျိုးကို အောက်တန်းစားဗုဒ္ဓဘာသာဟု ခေါ်ပါသည်။
    ဟိုလူမပါ၊ ဒီလူမပါ၊ ဟိုလူပသပါတယ်။ ဒီလူပသပါတယ်။ လက်ညှိုးထိုး ခွက်လှန် လုပ်နေတာတွေကို မြတ်စွာဘုရားက သူတောင်းစား ဗုဒ္ဓဘာသာပါတဲ့။
    ခန္ဓာကိုယ်မှာ အသိ၊ဘာသာရေးအသိဓာတ်ခံ အားနည်းတော့ လိမ်စားနေတဲ့ သူတွေက လိမ်လို့ကောင်းနေပါတယ်။ ဘုရားလည်း ကိုးကွယ်ရသေး၊ တရားလည်း ကိုးကွယ်ရသေး၊ ဆွမ်းဦးကိုလည်း လောင်လှူရသေး သာသနာတော်ကိုလည်း သင်္ကန်း ဆွမ်းကျောင်းဆေး ၊ ပစည်းလေးပါးနဲ့ လှူဒါန်းပူဇော်ဆက်ကပ်ရသေး။ ဘာအတွက် ဒါတွေ လုပ်နေရတာလဲ ဘာအတွက် သာသနာကို ချီးမြှောက်နေတာလဲ၊ ဘာအတွက် ကျောင်းဆောက်နေတာလဲ ။ စဉ်းစားပါ၊ ဝေဖန်ပါ၊ သုံးသပ်ပါ။

    (၄)သဒ္ဓါဓိက ဗုဒ္ဓဘာသာ
    သဒ္ဓါဓိက ဗုဒ္ဓဘာသာဆိုတာ သဒ္ဓါတရားကို အရင်းခံပါတယ်။ သဒ္ဓါတရားဆိုတာ ယုံကြည်ချက်ပါ။ ဘုရား၊တရား၊ သံဃာာကို တကယ်သက်ဝင်ယုံကြည်တာကို ခေါ်ပါတယ်။ ဘုရား၊ တရား၊ သံဃာကို ယုံကြည်တဲ့နေရာမှာလည်း မှန်မှန်ကန်ကန် ယုံကြည်တဲ့ သမ္မာသဒ္ဓါ နဲ့ မှားမှားယွင်းယွင်း ယုံကြည်တဲ့ မိစ္ဆာသဒ္ဓါဆိုပြီး နှစ်မျိုးရှိပါတယ်။ သမ္မာသဒ္ဓါဆိုတဲ့ မှန်မှန်ကန်ကန်ယုံကြည်ချက် ဆိုတာ သစ္စာာတရား သိတော်မူတဲ့ မြတ်စွာဘုရားဟာ ဝေနေယျ သတ္တ၀ါတွေကို သူသိသကဲ့သို့ မေတ္တာ ဂရုဏာတော်အပြည့်နဲ့ သစ္စာာလေးချက် အနက်ကို ဟောကြားတော်မူခဲ့ပါတယ်။ ဒီတရားတော် အနက်တွေကို ပိုင်ပိုင်နိုင်နိုင်သိတော်မူသွ

ားကြတဲ့ အရိယာသူတော်စင်ကြီးတွေဟာ နိဗ္ဗာန်ဝင်စံသွားကြပါတယ်။ နိဗ္ဗာန်ဆိုတာ အိုနာသေ လွတ်ရာပါ။ "အသေလွတ်ရာ ပြတတ်လို့ မြတ်စွာဘုရားအား ကိုးကွယ်ပါ၏" ဆိုတဲ့ ယုံကြ ည်ချက်ဟာ မှန်သောယုံကြည်ချက်။
    တရားတော်ကို ဘာကြောင့်ကိုးကွယ်ရသလဲ။ မြတ်စွာဘုရားဟော်တော်မူခဲ့တဲ့ တရားတော်ကို ကြိုးစားမယုတ် ပွားများအားထုတ်လိုက်လို့ တရားလမ်းကြောင်းအတိုင်း မဂ္ဂင်လမ်းအတိုင်းသာ လျှောက်သွားရင် နှိဗ္ဗာန်ရောက်ပါမည်။ ထိုအသေလွတ်ရာ ပို့ဆောင်တာဟာ တရားက ပို့ဆောင်တာပါ။ ပုဂ္ဂိုလ်က ပို့ဆောင်တာ မဟုတ်ပါဘူး။ တရားတော်ကို မှန်သောယုံကြည်မှု။
    ထိုတရားတွေ မကွယ်မပျောက်သေးတာ ဘယ်သူ့ကျေးဇူးပါလဲ ဆိုရင် သံဃာာရဲ့  ကျေးဇူးပါ။ ဘုရားရှင် ဟောတော်မူသော ဓမ္မက္ခန္ဓာပေါင်း ရှစ်သောင်းလေးထောင်၊ သုတ်ဝိနည်း အဘိဓမ္မာတရားတွေ ဒီတရားတွေကို သံဃာာတော်တွေက ဆောင်ထားတာပါ။ ပိဋကသုံးပုံကို သံဃာတော်တွေက စောင့်ရှောက်ထားတာပါ။ သံဃာာတော်ကို ယုံကြည်မှု။
    ဒါတွေက ရတနာမြတ်သုံးပါးကို မှန်မှန်ကန်ကန်ယုံကြည်တဲ့ သမ္မာသဒ္ဓါ ယုံကြည်မှု။
    မိစ္ဆာသဒ္ဓါယုံကြည်မှုက လာဘ်လာဘပေါတယ်။ အန္တရာယ်ကင်းတယ် ဆိုပြီး ကိုးကွယ်ယုံကြည်နေတာဟာ မိစ္ဆာသဒ္ဓါ။ လာဘ်လာဘပေါတယ်ဆိုတဲ့ လာဘဗုဒ္ဓ ဘာသာယုံကြည်ချက်၊ အန္တရာယ်ကင်းအောင်ဆိုပြီး ဘယဗုဒ္ဓဘာသာတွေရဲ့  ယုံကြည်မှု
    ဗုဒ္ဓရဲ့  ဂုဏ်တော်ကို ဘာမှနားမလည်ဘဲ သူများဦးတိုက်လို့သာ ရမ်းဦးတိုက်ရတဲ့ ကုလဗုဒ္ဓဘာသာတွေရဲ့  ယုံကြည်မှု ဒါတွေက မိစ္ဆာသဒ္ဓါတွေပါ။
    အသေလွတ်ရာလမ်းကို ပြတတ်လို့၊ အသေလွတ်ရာကို ပို့ဆောင်နိုင်လို့ ၊ အသေလွတ်ရာ တရားကို ဆောင်ထားနိုင်လို့ ရတနာသုံးပါးကို ကိုးကွယ်ပါ၏ ဆိုတဲ့ သမ္မာသဒ္ဓါ ။ အနှစ်သာရမရှိတာကို မရှိဘူးလို့ သိတယ်။ အနှစ်သာရ ရှိတာကို ရှိတယ်လို့ သိတယ်။ မှားတာကို မှားတယ်လိုိ့သိတယ်။ မှန်တာကို မှန်တယ်လို့ သိတယ်။ သိတဲ့အပြင်၊ အမှားလမ်းကို ရှောင်၊ အမှန်လမ်းကို ဆောင်တာသည့် သမ္မာသဒ္ဓါ ရှိတဲ့ သဒ္ဓါဓိက ဗုဒ္ဓဘာသာပါ။

    (၅)ပညာဓိက ဗုဒ္ဓဘာသာ
    ပညာဓိက ဗုဒ္ဓဘာသာဆိုတာ သစ္စာတရားကို သေချာသိတဲ့ ဗုဒ္ဓဘာသာကို ခေါ်တာပါ။ သဒ္ဓါဓိက ဗုဒ္ဓဘာသာဟာ တရားတော်ကို ယုံကြည်တယ်။ တရားတော်ကို ဘယ်လိုယုံတာလည်း ဆိုတော့ ရမ်းယုံတာမဟုတ်ဘဲ ခန္ဓာသိနဲ့ အသေအချာ သိပြီး ယုံတယ်။ ထိုသို့ သိတာကို ပညာဟု ခေါ်ပါတယ်။ သစ္စာလေးပါးတရားတော်ကို အသေအချာ ပညာသိနဲ့ သိတဲ့ ဗုဒ္ဓဘာသာ၊ ဖြစ်မှုပျက်မှုတွေကို သိတဲ့ဗုဒ္ဓဘာသာ ဖြစ်ပျက်မြင်တာ ခန္ဓာက မြင်တာလား ပညာကမြင်တာလားဆိုတော့ ပညာက မြင်တာပါ။ ပညာဓိက ဗုဒ္ဓဘာသာပါ။ ဘုရားက မင်းတို့ခန္ဓာထဲမှာ ဖြစ်တာနဲ့ ပျက်တာပဲ ရှိတယ် လို့ ဟောခဲ့ပါတယ်။ ဒါကို ကိုယ်တိုင် သစ္စာတရားတော်ကို သေချာသိပြီး ကျင့်ကြည့်လိုက်တော့ မြင်တယ်။ ကိုယ်တိုင်မြင်တော့ ယုံကြည်လာတယ်။ ယုံကြည်တာက သဒ္ဓါ၊ ဖြစ်ပျက်မြင်တာက ပညာ။ ထို့ကြောင့် သဒ္ဓါနဲ့ ပညာ သွားပြီး တွဲနေပါတယ်။ သဒ္ဓါနဲ့ ပညာဟာ တွဲလျက်ပါတဲ့။
    သဒ္ဓါတရား မှန်မှန်ကန်ကန် နဲ့ သာ ကြိုးစားမယ်ဆိုရင် အပါယ်လေးပါးမှ ကူးမြောက်နိုင်၏။
    တို့မှာ အပါယ်မျိုးစေ့တွေ၊ အပါယ်ကျကြောင်းကံတွေ လုပ်ထားတာရှိတယ်။ ဒါတွေကို ဘယ်သူမှ ၀င်တားလို့ မရပါဘူး။ သူ့ကိုတားချင်ရင်၊ သူ့ကို အကျိုးမပေးစေချင်ရင် ဘာနဲ့ ဖြတ်ရမလဲ ဆိုတော့ ဥာဏ်နဲ့ ဖြတ်ရပါမယ်။ ဥာဏ်နဲ့ ဖြတ်လိုက်လို့ ဖြစ်ပျက်မဂ်ဆိုက်နေတဲ့ ပုဂ္ဂိုလ်မှာ သဒ္ဓါလည်း ပါတယ်၊ ပညာလည်း ပါပါတယ်။ ဒါသည် သဒ္ဓါဓိက ဗုဒ္ဓဘာသာနဲ့ ပညာဓိက ဗုဒ္ဓဘာသာ ဖြစ်ပါသည်။
    သဒ္ဓါဓိက ဗုဒ္ဓဘာသာနဲ့ ပညာဓိက ဗုဒ္ဓဘာသာဟာ အထက်တန်းစား ဗုဒ္ဓဘာသာပါ။


    (ဒီဗုဒ္ဓဘာသာငါးမျိုး အကြောင်းကို အရှင်ဇောတိသာရ(စဥ့်ကူး) ရေးသားပူဇော်သည့် မိုးကုတ်မြို့  ကုန်းမြင့်သာယာရပ် ဓမရံသီရိပ်သာ ပဓာန နာယက ကမဋ္ဌာနစရိယ နယ်လှည့်ဓမ္မကထိက ဆရာတော် ဘဒ္ဒန္တ သုနန္ဒ ဟောကြားတော် မူအပ်သော ဗုဒ္ဓဘာသာငါးမျိုး နှင့် သစ္စာလေးပါး တရားတော် စာအုပ်မှ ကောက်နှုတ်ဖော်ပြခြင်း ဖြစ်ပါတယ်။ အကျယ်ကို သိလိုပါက ထိုစာအုပ်တွင်ထပ်ပြီး လေ့လာနိုင်ပါကြောင်း။ အားလုံးပဲ ကျန်းမာပျော်ရွှင် ကြပါစေ…..
    WWW.http;//thitsarparami.org အတွက် အရှင်ဓမ္မသာရ မှ ဓမ္မဒါနရေးသားပူဇော်ပါသည်။
    သတ္တဝါခပ်သိမ်း၊ တရားကိန်း အေးငြိမ်းချမ်းသာရျိပါစေ။...

    Read more...

    လာလည်ကြသူများ

    ဤဘလော့ဂ်၏ ရည်ရွယ်ချက်

    ယခုအခါ ကမ္ဘာတလွှားတွင်ရှိနေကြသော ဓမ္မဘလော့ဂ်ဂါများသည် နေ့ စဉ်နှင့် အမျှ အင်တာနက် စာမျက်နှာများ ပေါ်တွင် ဓမ္မနှင့်သက်ဆိုင်သော အကြောင်းအရာ အမျိုးမျိုးကို ပို့ စ်များရေးတင်လျက် ရှိနေကြပါသည်။

    ဘလော့ဂ်ဂါများမှ မိမိတို့ ၏ကိုယ်ပိုင် စာမျက်နှာများမှတဆင့် ရေးတင်နေကြသဖြင့် ဖတ်ရှုလေ့လာသူများအတွက် နေရာများစွာသို့  သွားရောက် ဖတ်ရှုနေကြရပါသည်။

    ထို့ ကြောင့် စာဖတ်သူများ အချိန်ကုန်သက်သာစေရန်နှင့် မိမိတို့  ဖတ်ရှုလိုရာကို လွယ်လင့်တကူ ရှာဖွေနိုင်ရန် နေ့ စဉ်ရေးသား နေကြသော အကြောင်းအရာများကို တနေရာတည်းတွင် စုစည်းပေးလိုသော ရည်ရွယ်ချက်ဖြင့် ဤဘလော့ဂ်ကို စီစဉ်လိုက်ခြင်းဖြစ်ပါသည်။

    ပြောချင်တာများရှိရင် ရေးပေးထားခဲ့ပါ

    မြန်မာပြက္ခဒိန်

    မြန်မာပြက္ခဒိန်
    www.burmeseclassic.com မှ ကူးယူဖော်ပြပါသည်။

      © Blogger templates The Professional Template by Ourblogtemplates.com 2008

    Back to TOP