* သဗ္ဗဒါနံ ဓမ္မဒါနံ ဇိနာတိ၊ * သဗ္ဗရသံ ဓမ္မရသော ဇိနာတိ။

* သဗ္ဗဒါနံ ဓမ္မဒါနံ ဇိနာတိ၊     * သဗ္ဗရသံ ဓမ္မရသော ဇိနာတိ။

နမတ္ထု ဗုဒ္ဓါနံ နမတ္ထု ဗောဓိယာ။ နမော ဝိမုတ္တာနံ၊ နမော ဝိမုတ္တိယာ။

ဘုရားရှင်တို့ အား ရှိခိုးပါ၏။
ဘုရားရှင်တို့ ၏ မဂ်ဥာဏ် ဖိုလ်ဥာဏ်အား ရှိခိုးပါ၏။
ကိလေသာတို့ မှ လွတ်မြောက်တော်မူကြသော ဘုရားရှင်တို့ အား ရှိခိုးပါ၏။
ထိုဘုရားရှင်တို့ ၏ ဝိမုတ္တိငါးပါးအား ရှိခိုးပါ၏။

ကရုဏာလက်များ ကမ်းလင့်ပေးပါ...

ကရုဏာလက်များ ကမ်းလင့်ပေးပါ...
စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။

ပညာရေးအလှူတော် နှိုးဆော်ချက်


ရန်ကုန်မြို့ အသောကာရာမ သီလရှင်စာသင်တိုက်မှ နဝမတန်း ဖြေဆိုမည့် သီလရှင် ဆရာလေးများအတွက် ဆရာ၊ ဆရာမများ လစဉ် ထားပေးနိုင်ရန် ပညာရေးအလှူရှင်များ လိုအပ်နေပါသည်။ ရွှေစေတီ ဘုန်းတော်ကြီးသင်ပညာရေးကျောင်းတွင်လည်း ဆင်းရဲနွမ်းပါးသည့် ၉ တန်းနှင့် ၁၀ တန်း ကျောင်းသားများ ကျောင်းအိပ်ကျောင်းစား နေထိုင်ပညာဆည်းပူးနိုင်ရေးအတွက် ကူညီထောက်ပံ့မည့် ကုသိုလ်ရှင်များ လိုအပ်လျက် ရှိပါသည်။ စေတနာရှင် အလှူရှင်များ အနေဖြင့် ထေရဝါဒ ဗုဒ္ဓဘာသာ လူငယ်များအသင်း http://www.mmtheravada.org ဖုန်း
09-73062811, 09-5505176 သို့ ဆက်သွယ်လှူဒါန်းကြစေလိုပါသည်။

သီလရှင် ဆရာလေးများနှင့် ကလေးများ ဇွန်လအမီ ကျောင်းတက်နိုင်ရေးအတွက် ကာလဒါန ကုသိုလ်အဖြစ် သဒ္ဓါတတ်အား နည်းများမဆို လှူဒါန်းကူညီကြပါရန် နှိုးဆော်အပ်ပါသည်။

ဝိမုတ္တိရသ အဖွဲ့သားများ

------------------------
နောက်ဆက်တွဲသတင်း.....

ပညာရေးအလှူတော်လှူဒါန်းမည့်အစီအစဉ်

ထေရ၀ါဒဗုဒဘာသာ လူငယ်များ အသင်းမှ ဦးစီး၍ (၂၀၁၁) ခုနှစ်တွင် န၀မတန်းသို့ တက်ရောက်မည့် ကျောင်းသား (၂၅) ယောက်နှင့် ကျောင်းသူ (၂၅) ယောက်အား ပညာရေးထောက်ပံ့မှုပြုလုပ်ပေးနိုင်ရန် စီစဉ်ထားပါသည်။

ပြုလုပ်မည့်အစီအစဉ်

ကျောင်းသားများအား ရွှေစေတီဘုန်းကြီးကျောင်း (ဆရာတော် ဦးတေဇန္ဒိ၊ ခ/(၃) ရက်ကွက်၊ ရွှေစေတီကျောင်း၊ မင်္ဂလာဒုံမြို့နယ်) တွင်ထားရှိမည်ဖြစ်ပြီး ကျောင်းသားများသည် မိမိတို့ ဆန္ဒအလျောက် ကိုရင်ဝတ်လိုကလည်း ၀တ်နိုင်ပါသည်။ ကျောင်းသူများအား အသောကာရာမ သီလရှင်စာသင်တိုက် (ဆရာလေးဒေါ်သုနန္ဒာ (ဖုန်း-၀၉-၈၆၂၈၈၁၁)၊ ၀ါယာလက်ဈေးမှတ်တိုင်၊ ရွှေနှင်းဆီရပ်ကွက်၊ မင်္ဂလာဒုံမြို့နယ်) တွင်ထားရှိပါမည်။ အသောကာရာမကျောင်းမှ သီလရှင်များသာလက်ခံသည်ဖြစ်၍ ကျောင်းသူများမှာ သီလရှင်ဝတ်ရပါမည်။ သီလရှင်များတက်ရောက်ရမည့် အ.ထ.က ကျောင်းမှာ အသောကာရာမ ကျောင်းမှလက်ရှိ သီလရှင်များ တက်ရောက်နေသော ကျောင်းဖြစ်၍ ပညာသင်ကြားမှုတွက် အခက်အခဲ မရှိနိုင်ပါ။ စာသင်သူများ စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။ အသေးစိတ်ဆောင်ရွက်မည့် အချက်အလက်များအားလည်း ဆက်လက်ဖော်ပြသွားပါမည်။

လျောက်ထားမည့် သူများ ပြည့်စုံရမည့်အချက်များမှာ

(က) ကျောင်းသူများမှာ သီလရှင်ဝတ်နိုင်ရပါမည်။

(ခ ) မိဘများမှ နေထိုင်ရန်ခွင့် ပြုသူဖြစ်ရပါမည်။

(ဂ ) စာသင်သားများနေထိုင်မည့် ကျောင်းတွင်း စည်းကမ်းများကို တိကျစွာလိုက်နာရပါမည်။

(ဃ) ကျောင်းထားရန် အမှန်တကယ်အခက်အခဲ ရှိနေသူဖြစ်ရပါမည်။

အထက်ပါအချက်အလက်များနှင့် ပြည့်စုံသူများသည် ထေရ၀ါဒဗုဒ္ဓဘာသာလှူငယ်များ အသင်းသို့ ဆက်သွယ်မေးမြန်းနိုင်ပါသည်။ (http://mmtheravada.org)

ဆက်သွယ်ရန်လိပ်စာ

ကိုထွန်းထွန်းလှိုင်

ဖုန်း ၀၉-၇၃၀၆၂၈၁၁

htunhtunhlaing82@gmail.com

winthu.tbyo@gmail.com

thantzin83@gmail.com

Saturday, October 24, 2009

*တရားရေစင် သွန်းလောင်းချင်မိ-၁*

















လေးစားစွာဖြင့်
ဖိုးသား

24.10.2009, SAT:, 02:07:14 PM



Read more...

*အရှင်ဇ၀န (မေတ္တာရှင်-ရွှေပြည်သာ)၏ ဆုံးမဩ၀ါဒများ*





























လေးစားရိုသေစွာဖြင့်
ဖိုးသား

23.10.2009, FRI:, 02:46:29 AM



Read more...

ကိစ္စလည်းနည်း ရလည်းရလွယ်သောပစ္စည်း...

သုလဘသုတ် - (ရလွယ်သည်)

ဤဒေသနာကို ဘုန်းတော်ကြီးသော မြတ်စွာဘုရားသည် ဟောတော်မူ၏၊ ပူဇော်အထူးကို ခံတော်မူထိုက်သော မြတ်စွာဘုရား ဟောတော်မူ၏ဟု အကျွန်ုပ် ကြားနာခဲ့ရပါသည်-

ရဟန်းတို့ ကိစ္စလည်းနည်းကုန် ရလည်းရလွယ်ကုန် အပြစ်လည်းကင်းကုန်သော ထိုအရာဝတ္ထုတို့သည် ဤလေးမျိုးတို့ တည်း၊ အဘယ်လေးမျိုးတို့နည်း-

ရဟန်းတို့
သင်္ကန်းတို့တွင် ပံ့သကူ သင်္ကန်းသည် ကိစ္စလည်း နည်း၏၊ ရလည်းရလွယ်၏၊ ထိုပံ့သကူသင်္ကန်းသည် အပြစ်လည်း မရှိ၊

ရဟန်းတို့
ဘောဇဉ်တို့တွင် သလုံးမြင်းခေါင်းဖြင့် ရင်းနှီး၍ ရအပ်သော ဆွမ်းသည် ကိစ္စလည်း နည်း၏၊ ရလည်းရလွယ်၏၊ ထိုဆွမ်းသည် အပြစ်လည်း မရှိ၊

ရဟန်းတို့
ကျောင်းတို့တွင် သစ်ပင်ရင်းဟူသော ကျောင်းသည် ကိစ္စလည်း နည်း၏၊ ရလည်းရလွယ်၏၊ ထိုကျောင်းသည် အပြစ်လည်း မရှိ၊

ရဟန်းတို့
ဆေးတို့တွင် နွားကျင်ငယ်ဖြင့် ထုံအပ်သော ဆေးသည် ကိစ္စလည်း နည်း၏၊ ရလည်းရလွယ်၏၊ ထိုဆေးသည် အပြစ်လည်းမရှိ၊

ရဟန်းတို့ ကိစ္စလည်းနည်း ရလည်းရလွယ် အပြစ်လည်း မရှိကုန်သော ထို အရာဝတ္ထုတို့သည် ဤလေးမျိုးတို့တည်း၊

ရဟန်းတို့ ရဟန်းသည် ကိစ္စနည်းသဖြင့် လည်းကောင်း၊ ရလွယ်သဖြင့် လည်းကောင်း၊ အပြစ်မရှိသဖြင့် လည်းကောင်း အကြင် ရောင့်ရဲ၏၊ ထိုရဟန်း၏ ဤရောင့်ရဲခြင်းကို သီလ သံဝရစသည်တို့တွင် တစ်ပါး အပါအဝင်ဖြစ်၍ အရိယမဂ်၏ အကြောင်း အင်္ဂါဟု ငါဆို၏၊ ဤအနက်သဘောကို မြတ်စွာဘုရား ဟောတော်မူ၏၊

ထိုသုတ်၌ ဤအနက်သဘောကို-
''အပြစ်မရှိသဖြင့် လည်းကောင်း၊ ကိစ္စနည်းသဖြင့် လည်းကောင်း၊ ရလွယ်သဖြင့် လည်းကောင်း ရောင့်ရဲသော ရဟန်းအား ကျောင်း သင်္ကန်း အဖျော်ဘောဇဉ်ကို အကြောင်းပြု၍ စိတ်ပင်ပန်းမှု မဖြစ်၊ အရပ်မျက်နှာကို မညှဉ်းဆဲ။ အရိယမဂ် အားလျော်ကုန်သော အကြင်တရားတို့ကို မြတ်စွာဘုရား ဟောကြားတော် မူအပ်ကုန်၏၊ ထိုတရားတို့ကို မမေ့မလျော့ ကျင့်သော ရောင့်ရဲလွယ်သော ထိုရဟန်းသည် သိမ်းကျုံးယူနိုင်၏'' ဟု ဤဂါထာဖြင့် ဆိုအပ်၏။ ဤအနက် သဘောကိုလည်း မြတ်စွာဘုရား ဟောအပ်၏ဟု အကျွန်ုပ် ကြားနာခဲ့ရပါသည်။

၂ - သုလဘသုတ်၊ စတုက္ကနိပါတ်၊ ဣတိဝုတ်ပါဠိတော်။ 111


ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။


Read more...

လွတ်လပ်တဲ့ဘ၀



သံသရာချီတဲ့ ဒေ၀ဒတ် ရန်ငြိုးက
ရွှေခွက်မရတာက စသတဲ့…။
ကလီယိုပါထရာကြောင့်
ရောမအင်ပါယာကြီး ပျက်ဖူးတယ်…။
နယ်ပယ်သစ်ကို လိုချင်လွန်းလို့
စစ်ပွဲတွေလည်း နွှဲခဲ့ကြဖူးတယ်…။
ရွှေတွင်း ငွေတွင်း ရတနာတွင်းတွေအတွက်လည်း
သွေးစက်တွေ မြေခခဲ့ရဖူးတယ်…။

ဝတ္ထု နေရာ လူ ဆု တစ်စုံတစ်ခု
ရလိုမှု အာရုံပြုပြီး
တရား၊ မတရား နည်းကုန်ဖက်
စွမ်းအားရှိသမျှ လုယက်ပြိုင်ဆိုင်
နိုင်ပြန်တော့ ရန်တွေပွါး
ရှုံးရတော့ ဒေါသများ
ကဲ… ဘယ်မှာလဲ အကျိုးအမြတ်တရား…။

သားတစ်ရှင် ကျီးတစ်ကောင်လို ဘ၀
မလွှတ်မချင်း ထိုးဆိတ်ခံရ
လွှတ်မချရင် ဘ၀ပျက်
စုတ်..ပြတ်..သတ်..ဖွာ..ထွက်
ငါတို့ကိုယ်တိုင်ကရော
ထိုးဆိတ်နေကြတာလား…။
အထိုးဆိတ်ခံနေရတာလား…။

အရင်းစစ်တော့ တရားခံက
အာရုံလုတဲ့ လောဘ…။
အပြစ်မမြင် အစစ်ထင်ပြီး
နှစ်ခဲ့ရတာလည်း မောလှပါပြီ
(ဒီတော့…) သံသရာဆက်မယ့် အာရုံတွေ တစ်ခန်းရပ်
ဥပါဒါန်အစွဲတွေ ချဖြတ်
လောကဓံ စည်းအပြင်မှာ ထရပ်ရင်း
ဘ၀ကို လွတ်လပ်မှု ပေးကြည့်ကြစို့လေ…။

Read more...

အနှစ်ကိုးပါး (အပိုင်း-၂၁)



အဖိုးထိုက်ရတနာများကို အလွဲသုံးစားမပြုထိုက်

ဒါကြောင့် မြင့်မြတ်တဲ့ ပုဂ္ဂိုလ်တစ်ယောက်ရဲ့ ပုံတော်ကို မြင့်မြတ်သောစိတ်ဓာတ်ရှိတဲ့ ပုဂ္ဂိုလ်များကျတော့ အဲဒီလို တန်ဖိုးထားပြီးတော့ သုံးစွဲသွားတယ်။
ဒါကြောင့် ရတနာဆိုတာ ရတနာစိတ်ရှိမှ သုံးဆောင် ထိုက်တယ်။ ဘုန်းကြီးတို့ ပရိသတ်ရဲ့ လက်ထဲမှာ ရတနာ အပြည့်ရှိတယ်။ ဒီလောက်တန်ဖိုးရှိတဲ့ ရတနာတွေကို အလွဲမှားသွားပြီး မသုံးလိုက်ပါနဲ့။
တစ်ဘဝစာ တစ်နပ်စာအတွက် ရောင်းပစ်လိုက် တယ်ဆိုတာ ဘယ်ကောင်းမလဲ။ လုံချည်လေး၊ အင်္ကျီလေး၊ ရဖို့ရန်အတွက် ဘုရားဆင်းတုတော်တွေကို ဟိုမှာ ပို့ပစ်တယ်ဆိုတော့ ဘယ်ကောင်းမလဲ။ တန်ဖိုးရှိတဲ့အရာကို တန်ဖိုးရှိမှန်း သိဖို့ လိုပါတယ်။

သိက္ခာ(၃)ပါး
သိက္ခာသုံးပါးဆိုတာ-
၁။ သီလသိက္ခာ၊ ၂။ သမာဓိသိက္ခာ၊ ၃။ ပညာသိက္ခာ၊
ဗုဒ္ဓပေးထားတဲ့ သီလသိက္ခာကို ပြည့်စုံစွာ ကျင့်နိုင် ကြရင်တော့ ကိုယ်နှုတ်နှစ်ပါးရဲ့ ချမ်းသာမှု၊ ကိုယ်နှုတ် နှစ်ပါးရဲ့ ငြိမ်းချမ်းမှုကို တကယ်ရတယ်။
သီလအပြည့်အစုံ ကျင့်လိုက်ရင် ကိုယ်ကလဲ မလွန် ကျူးဘူး၊ နှုတ်ကလဲ မလွန်ကျူးဘူး။ ဒီသီလရဲ့ သတ္တိကြောင့် ဝီတိက္ကမကိလေသာ (ကိုယ်ထိလက်ရောက် လွန်ကျူးတဲ့ စိတ်)ဟာ ကိုယ်နဲ့နှုတ်အပေါ်မှာ ရပ်သွားတယ်။
သမာဓိရဲ့သတ္တိက စိတ်ရဲ့ သောင်းကျန်းမှုတွေ အကုန်ရပ်သွားတယ်။ စိတ်သောင်းကျန်းမှုတွေဟာ သမာဓိ ဖြစ်တဲ့အချိန်မှာ ရပ်သွားတာပဲ။
သမာဓိမဖြစ်ရင် စိတ်တွေဟာ အမြဲတမ်း သောင်းကျန်းတာပဲ။ ဒါကြောင့် သမာဓိသိက္ခာကျင့်ရင် ပရိယုဋ္ဌာန ကိလေသာ (ထကြွသောင်းကျန်းတဲ့စိတ်) တွေဟာ ရပ်ဆိုင်းသွားတယ်။
ကိုယ် နှုတ်ရဲ့ လွန်ကျူးမှု၊ စိတ်ရဲ့ သောင်းကျန်းမှု တွေ ရပ်ဆိုင်းသွားတာတော့ ဟုတ်ပါပြီ။ အဲဒီ ရပ်ဆိုင်းသွား တာဟာ တကယ်အပြီးတိုင် ရပ်ဆိုင်းသွားသလားလို့ ဆိုတော့ အပြီးတိုင် ရပ်ဆိုင်းသွားတာတော့ မဟုတ်သေးဘူး။
အပြီးတိုင် ရပ်ဆိုင်းသွားဖို့ရာဆိုတာက ''ပညာ သိက္ခာ''ကို တဆင့်တက်ရတယ်။
ပညာသိက္ခာဆိုတာ ပရမတ္တ ဓမ္မတို့ရဲ့ လက္ခဏာကို ရှုတာ။ ပရမတ္တတရားရဲ့ လက္ခဏာကို သိမြင်အောင် ကျင့်ရတဲ့ အကျင့်သည် ''ပညာ''။
အခိုးထသလို စိတ်ရဲ့ သောင်းကျန်းမှုတွေ တထောင်း ထောင်းထနေတာကို အနည်ထိုင်သွားအောင် လုပ်တာက ''သမာဓိ။''
ကိုယ်နှုတ်နှစ်ပါးရဲ့ လွန်ကျူးမှုတွေကို ရပ်တန့်သွား အောင်လုပ်တာက ''သီလ''။
ဗုဒ္ဓပေးထားတဲ့ သိက္ခာကြီး သုံးခုဟာ တကယ့်ကိုပဲ ငြိမ်းချမ်းတဲ့တရားကြီး သုံးမျိုးပဲ။
၁။ သီလသိက္ခာကျင့်ရင် ကိုယ်နှုတ်နှစ်ပါး ငြိမ်း ချမ်းမှုရတယ်။
၂။ သမာဓိသိက္ခာကျင့်ရင် စိတ်ရဲ့သောင်းကျန်း မှုတွေ ချုပ်ငြိမ်းစေပါတယ်။
၃။ ပညာသိက္ခာကိုကျင့်ရင် ပရမတ္တတရားတို့ရဲ့ လက္ခဏာကို သိပြီးတော့ ကိုယ်နှုတ် စိတ်သုံးပါးစလုံးတို့ရဲ့ ငြိမ်းချမ်းမှုကို အပြီးတိုင်ရတယ်။
ဘုန်းကြီးပြောခဲ့တဲ့ အတွေ့အကြုံလေးဟာ နည်းနည်းလေးပါ။ အများကြီးမဟုတ်ပါဘူး။ အနည်းငယ်မျှသော ထိုအတွေ့အကြုံလေးထဲက ကောက်နှုတ် ကောက်နှုတ်ပြီးတော့ ပြောခဲ့တာတွေကို စီစဉ်ကြည့်ရင် မပြည့်စုံတဲ့ သိက္ခာတွေကို တွေ့ကြရမယ်။
ပြည့်စုံတဲ့ သိက္ခာတွေ မဟုတ်ကြဘူး။ မပြည့်စုံတဲ့ သိက္ခာတွေကို တွေ့ကြရလိမ့်မယ်။ မပြည့်စုံတဲ့ သိက္ခာတွေ ဖြစ်ကြောင်း ထင်ရှားတဲ့ သာဓကတစ်ခု ပြောချင်သေးတယ်။
ဗုဒ္ဓဂယာမှာ ဘုန်းကြီးတို့ တွေ့ဆုံခဲ့ရတဲ့ လူတွေထဲက နှစ်ယောက်သောပုဂ္ဂိုလ်ဟာ အီတလီနိုင်ငံက လာကြတာ။ သူတို့ကလဲ ဘုန်းကြီးတို့ တည်းခိုတဲ့ မြန်မာကျောင်းမှာပဲ တည်းခိုကြတယ်။
မြန်မာကျောင်းမှာ နိုင်ငံခြားသား အားလုံးက ဥရောပတိုက်သားတွေ များတယ်။ နိုင်ငံခြားသား ၁၈ဝ-လောက် တည်းခိုနေကြတဲ့ အထဲမှာ အီတလီက လူနှစ်ယောက်။ သူတို့ကတော့ လူဝတ်ကြောင်နဲ့ပဲ၊ အဲဒီလူနှစ်ယောက်နဲ့ ဘုန်းကြီးဟာ ဗောဓိပင်ရဲ့ အနောက်ဘက်နားမှာ မကြာမကြာ ဆုံလေ့ရှိတယ်။
သူတို့ တရားထိုင်ကြတယ်။ သူတို့ တရားထိုင်တဲ့ အနားဘုန်းကြီးက မသွားပါဘူး။ တနေရာတည်းမှာ တည်းကြခိုကြတာဆိုတော့ ညမှာလဲ စကားပြောခွင့် ရတယ်ဆိုပြီး မသွားတော့ဘူး။ တညမှာတော့ တည်းခိုတဲ့ ကျောင်းထဲက သစ်ပင်ရိပ်ကလေးမှာ ထိုင်ရင်းနဲ့ ''မင်းတို့ ဘယ်လို တရား အားထုတ်ကြသလဲ၊ ပြောစမ်းပါ''လို့ မေးကြည့်တယ်။

အနတ္တကို ကျုပ်မယုံဘူးတဲ့
အဲဒီလိုမေးတော့ သူတို့က ပြောတယ်။ ''ကျုပ်တို့ ဝိပဿနာရှုတာပါပဲ၊ သမထ မဟုတ်ပါဘူး''။
''ဒကာကြီး ဝိပဿနာ ဘယ်လိုရှုသလဲ၊ ဘာတွေကို ရှုသလဲ''။
''စတင်ကာစမှာ အာနာပါနနဲ့ သမာဓိယူလိုက်ပါတယ်၊ သမာဓိ တော်တော်ရပြီ ဆိုတော့မှ ဟောဒီခန္ဓာထဲမှာ ရှိတဲ့ သဘောတွေကို ရှုပါတယ်ဘုရား''။
''ခန္ဓာထဲမှာ ဘာသဘောတွေ ရှိသလဲ ဒကာကြီး''။
''အနိစ္စတွေရှိတယ်၊ ဒုက္ခတွေ ရှိတယ်''။
''ဒကာကြီး အနတ္တကော မရှိဘူးလား''။
''ှိုသညဒအ ဘနူငနလန ဗညအေအေ. အနတ္တ (အတ္တမရှိ) ဆိုတာကို ကျုပ် မယုံဘူး''။
တော်တော်ခက်တဲ့ ဒကာကြီးပဲ။ အနိစ္စနဲ့ ဒုက္ခကို တော့ ယုံတယ်၊ အနတ္တကိုတော့ မယုံဘူးတဲ့။
''ဒကာကြီး ဘာ့ကြောင့် အနတ္တကို မယုံသလဲ''။
''အရှင်ဘုရား စဉ်းစားကြည့်၊ အတ္တမရှိဘူးဆိုရင် လူတစ်ယောက် သေသွားပြီးရင် နောက်ဘဝတစ်ခုကို ဘယ်သူ ပြောင်းသွားသလဲ၊ ဘယ်လိုလုပ်ပြောင်းမှာလဲ၊ ဘဝ တစ်ခုမှ တစ်ခုသို့ ပြောင်းပြောင်း ပြောင်းပြောင်းပြီးတော့ သွားနေတယ်ဆိုတာက Soul လို့ခေါ်တဲ့ အတ္တလေးက ပြောင်းနေတာ''။ အဲဒါ သူတို့ရဲ့ အယူအဆ။
အဝိဇ္ဇာ, တဏှာ, ကံ ဆိုတာကို သူတို့ လက်မခံကြဘူး။ မစဉ်းစားကြဘူး။ စဉ်းစားရင်လဲပဲ အဲဒါကို သူတို့ ဥာဏ်မမီဘူး။
ဘဝဟောင်းမှ ဘဝသစ်သို့ လူတစ်ယောက် ပြောင်းသွားတယ်ဆိုတာကိုတော့ သူတို့ယုံကြည်ကြတယ်။ နောက်ဘဝရှိတာကိုလဲ ယုံကြည်ကြတယ်။ နတ်ပြည်၊ ဗြဟ္မာ ပြည်ရှိတယ်ဆိုတာကိုလည်း ယုံကြည်တယ်။
လူသေပြီးရင် လူပြန်ဖြစ်နိုင်သေးတယ်။ နတ်လဲ ဖြစ်နိုင်တယ်။ ပြိတ္တာ၊ အသူရကာယ်၊ တိရစ္ဆာန်တို့ ဖြစ်နိုင်သေးတယ်။ အဲဒါကိုလဲ သူတို့ယုံကြည်ကြပါတယ်။
သူက ဆက်ပြောသေးတယ်။ ''အဲဒီ တမလွန်ဘဝ ကို ပြောင်းတာကတော့ အတ္တ (ဝိညာဉ်)က ပြောင်းသွား တာပဲ၊ အဝိဇ္ဇာ၊ တဏှာ၊ ကံကိုတော့ ကျုပ်တို့ မသိဘူး''တဲ့။
ဒီလို ဖြစ်နေတယ်။ ဒီခန္ဓာအိမ်ကြီး ပျက်သွားပေ မဲ့ ခန္ဓာအိမ်ထဲမှာ ကိန်းနေတဲ့ အတ္တကလေး(ဝိညာဉ်)ဟာ မပျက်ပဲနဲ့ နောက်ခန္ဓာတစ်ခုထဲ ဝင်သွားတာ။ နောက်ခန္ဓာ တစ်ခုက ပျက်ပြန်ရင်လဲ အဲဒီခန္ဓာက ထွက်ပြီးတော့ နောက် ခန္ဓာတစ်ခုထဲကို ဝင်သွားတာ။ ဒီအတ္တလေး (ဝိညာဉ်)ဟာ မပျက်ပဲနဲ့ တစ်ခန္ဓာမှ တစ်ခန္ဓာသို့ ပြောင်းပြောင်း ပြောင်းပြောင်းပြီးတော့ သူရွေ့နေတယ်တဲ့။ ဘဝပြောင်းတဲ့နည်း။

အတ္တကိုကိုးကွယ်ရမယ်တဲ့
ဘုန်းကြီးက ကြိုးစားပြီးတော့ ရှင်းပြတယ်။ မျိုးစေ့လေး တစ်ခုမှာ အပင်ပေါက်တဲ့ သတ္တိကလေးရှိတယ်။ ထို အပင်ပေါက်စေတတ်တဲ့ သတ္တိကလေးဟာ မြေကြီး ရေတို့ နဲ့တွေ့တဲ့အခါမှာ အပင်ပေါက်လာတယ်။
မြေ၊ ရေသာ မရှိရင် ဒီမျိုးစေ့ဟာ အပင်မပေါက်ဘူး။ မျိုးစေ့ကို မြေနဲ့ပေါင်း ရေနဲ့ပေါင်းရင် အောက်၌ အမြစ်တွယ်ခြင်း၊ အထက်၌ အညွန့်အညှောက် တက်ခြင်းဆိုတာ ဖြစ်သလိုပါပဲ။
ကံဆိုတဲ့မျိုးစေ့ဟာ အဝိဇ္ဇာ၊ တဏှာဆိုတဲ့ မြေနဲ့ ရေနဲ့ ပေါင်းမိတဲ့အခါကျတော့ ဇာတိဆိုတဲ့အညွန့်ကလေး တက်လာတယ်။ ခန္ဓာဆိုတဲ့ အပင်ကလေး ပေါက်လာတယ်။
နောက်တခါ အပင်ပေါက်တဲ့ ဘဝသစ် ခန္ဓာသစ် မှာ ''ဘဝကိုသာယာတယ် မက်မောတယ်''ဆိုတဲ့ တဏှာက အမြစ်တွယ်တာ။
အဲဒီသဘောတရားလေးကို သူတို့ နားမလည်ကြဘူး။ ဒါက အဘိဓမ္မာသဘောတရား။ အဘိဓမ္မာဆိုတာက သိမ်မွေ့တယ်။ နက်နဲတယ်။ သူတို့က နားမလည်ကြဘူး။
ပြီးတော့ သူတို့က ပြောသေးတယ်။ ''အတ္တ (ဝိညာဉ်)သာ မရှိယင် လူတွေလို နေလို့လဲ မဖြစ်ဘူး။ သေ လို့လဲ မဖြစ်ဘူး။ အတ္တရှိလို့ နေဖြစ်နေတာ။ အတ္တကို မှီနေရတာ။ နောက်ဘဝပြောင်းတာ အတ္တ(ဝိညာဉ်)လို့ခေါ်တဲ့ အရာဝတ္တုက ပြောင်းတာပဲ၊ ဒါကြောင့် ဝိပဿနာရှုတဲ့အခါ အနိစ္စကို ရှုပါတယ်၊ ဒုက္ခကိုရှုပါတယ်၊ အနတ္တကတော့ ကျုပ်တို့ မရှုပါဘူး''တဲ့။
''ဒကာကြီး ဗုဒ္ဓက အနတ္တကို ဟောတယ်မဟုတ် လား''။
''အရှင်ဘုရား ဗုဒ္ဓက အတ္တကို ဟောတာပါ''။
''အဲသလိုဆိုရင် ဒကာကြီး အထောက်အထားပြ ပါ''။
''အတ္တာဟိ အတ္တနော နာထော၊ ကောဟိ နာထော ပရောသိယာ၊ အတ္တသမံ ပေမံ နတ္ထိ (ဓမ္မပဒ)လို့ ဘုရား ဟောထားပါတယ်''။
သူတို့လဲ ရတာပဲ။ အထင်မသေးနဲ့။ ဒါပေမဲ့ စာရဲ့ သဘောတရားကို နားမလည်ဘူး။ စာရဲ့ အဓိပ္ပါယ်ကို ကောင်းကောင်း မသိဘူး။
ပိဋကတ်သုံးပုံရှိတိုင်း တရားရှိတာ မဟုတ်။ အမှန် တိုင်း နားလည်ဖို့ လိုသေးတယ်။ တရားနာတိုင်းလဲ တရား သံကို ကြားရတာမဟုတ်။ သဘောပေါက်ဖို့ လိုသေးတယ်။
မျက်စိရှိတိုင်းလဲ ဘုရားကို မြင်တာမဟုတ်။ ကြည့် တတ်ဖို့ လိုသေးတယ်။ ဘုရားမမြင်လို့ လှေကားရင်း ထား တာ။
ဒါကြောင့် သူတို့က အခုလို ပြောကြတာ။ ''အရှင် ဘုရား ဘုရားက ဟောထားပါတယ်၊ အတ္တာ ဟိ အတ္တနော နာထော- အတ္တကို အားကိုးရမယ်''။
''အတ္တသမံ ပေမံ နတ္တိ- အတ္တဟာ ချစ်စရာ အကောင်းဆုံးပဲ''။
''အတ္တသရဏာ အနည သရဏာ- အတ္တကို ကိုး ကွယ်ရမယ်ဆိုပြီး ဟောထားပါတယ်''တဲ့။
သူတို့က ဆက်ပြောပုံလေးကို နားထောင်ကြည့်၊ ဘယ်လောက်ထိ နားလည်မှု လွဲနေသလဲဆိုတာ ပေါ်လွင် လိုက်တာ။
''အရှင်ဘုရား ဒီစကားတွေကို ထောက်ဆလိုက်ရင် အားကိုးရမယ့်တရား၊ ကိုးကွယ်ရမယ့်တရား၊ ချစ်ခင်ရမယ့် တရားတွေဟာ အတ္တ(ဝိညာဉ်)ပဲ။ အဲဒီအတ္တကို ဝိပဿနာ ရှုပစ်လို့ ဘယ်ဖြစ်မှာလဲ၊ ဒါလေးကို ကိုးကွယ်ထားရမှာ''တဲ့။အဓိပ္ပါယ်အယူအဆက တော်တော် မှားနေတယ်။

(အပိုင်း-၂၂) မျှော်


Read more...

Meditation and Offerings


A great post from Marcus’ blog from his experience at YBAT. This organisation provide meditation for 10’s of thousands of people every year through their 3 centres. While the general population of ‘Buddhist’ Thailand might not be ardent regular yogis, it is impressive that most Thai’s have been on meditation retreats at some point and value their experiences. The integration of regular people and monastics, of general faith and deeper practise is very vibrant in Thailand, and in Buddhism as a whole:

*****

It is often said that one of the big differences between western Buddhism and Buddhism in Asia is that Asian Buddhists don’t meditate. To some extent this is true. The average lay Buddhist in Asia is likely to put much more emphasis on offerings and chanting in their practice than on silent meditation, and certainly there are many Asian Buddhists who never meditate at all.

And yet meditation does happen, certainly in the two countries with which I am most familiar. The temples in Korea, though filled with chants, are also filled with meditative silence, and last weekend I was lucky enough to witness how rigorous meditation practice is part and parcel of most Thai people’s experience of Buddhism from a very young age.

PA182327

Most Thai men, for a short period in their lives, ordain as monks, and many are encouraged to do this while still in their teens. The son of a good friend of mine here in Bangkok is currently ordained at a popular retreat centre outside the city run by the Young Buddhists Association of Thailand, and I was kindly invited along last weekend to visit him and see how he was getting on.

For the first week the boys were novices and wore white and the meditation came as a shock. Each sit lasts one hour, which would be too much for me let alone a teenage boy with little experience, and at the end of the first week over half decided not to continue. Given the length and intensity of the retreat, combined with natural feelings of homesickness, I’m surprised it wasn’t more.

The young man I went to see had also found it tough going at first but eventually settled into it, and by the time I saw him, three weeks into the retreat, he’d been transformed from typical teenager into Buddhist Bhikku. It was a Sunday and all the families there had brought special treats for lunch. Large boxes of pizza, and, from the group I went up with, huge bags of fried chicken.

The young monks ate while their relatives watched, and when they had finished the lay people took their turn to eat. As volunteer helpers cleaned up, the young monks had a little free time to spend with their visitors. Mothers and fathers knelt down in front of their children and bowed three times and paid them all the respect due to an ordained member of the Sangha.

The family I was with chatted and laughed and then, finally, we placed our palms together for a blessing from the young monk. Next week he’ll be back home and, even if he never meditates again, there are things he’ll always remember. The chants for sure, the behaviour he was expected to maintain, and whatever insights he gained from his month of silent sitting and walking meditation.

I suspect that this young man will maintain his practice, but even those that don’t will still benefit from the experience. Everyone does, both ordained and lay. With families coming together to organise and visit the retreat, offering food to the entire Sangha, providing the young Bhikkus with support and respect, everyone is tied closer together, and closer to the Triple Gem.

It was a wonderful experience for me to see this young man practicing hard and supported by both his family and the wider Buddhist community, and I’d like to thank both him and them for allowing me to briefly be a part of it and to share in some of the closeness that such Buddhist practice, the practices of both meditation and making offerings, brings. Thank you.


Read more...

ဗုဒ္ဓဘုရားရှင်ဆီမှာ ဆေးရှိတယ်…တဲ့။


ဘုရားရှင် လက်ထက်တော်က-
ကိသာဂေါတမီ ဆိုတဲ့ ပိန်ချည့်ချည့် ဆင်းရဲသူမလေးတစ်ယောက်ရှိခဲ့ပါတယ်။ သူ့ဘ၀အကြောင်းကံ ဖန်လာပုံဆန်းကြယ်လေတော့ ကုဋေကြွယ်သူဌေးမဘ၀ ရောက်ခဲ့ပုံက ဒီလိုပါ။

သူတို့မြို့မှာ ကုဋေလေးဆယ်ကြွယ်ဝတဲ့ သူဌေးကြီးတစ်ယောက်ရှိတယ်။ သူဌေးကြီးရဲ့ နောက်ခံအကြောင်း အတိတ်ကုသိုလ် မစင်ကြယ်လို့ပဲထင်ပါရဲ့။ သူ့မှာရှိသမျှ ရွှေ၊ ငွေတွေအားလုံးဟာ မီးသွေးခဲတွေ ဖြစ်ကုန်ပါရော တဲ့။ ရှိရှိသမျှတွေ မီးသွေးခဲဖြစ်ကုန်တယ်ဆိုတော့ ခမျာ ဘယ်လောက်သောက ရောက်ရှာမလဲ။ ဒါကို မမြင်ရက်တဲ့ မိတ်ဆွေတစ်ယောက် က ဒီလိုအကြံပေးတယ်။

ခင်ဗျား မီးသွေးခဲတွေ ဈေးထဲသွားပုံထား၊ မီးသွေးခဲတွေကို…. ဟာ….ရွှေတွေ၊ ငွေတွေ ဟေ့လို့ ပြောရင် ခင်ဗျားနဲ့ ကံစပ်တယ်။ သူက အမှန်မြင်လို့ အမှန်ဘ၀ ပြန်ရောက်အောင် လုပ်ပေးမယ့်သူပဲ။ အဲဒီလူဟာ ယောက်ျားများဖြစ်ခဲ့ရင် ရွှေငွေတွေ တစ်ဝက်ပေးပြီး ကျေးဇူးဆပ်လိုက်ပါ။ မိန်းမဖြစ်ခဲ့ရင်တော့ သားနဲ့ပေးစား၊ ချွေးမအဖြစ် မြှောက်စားလိုက်ပါ...။

ဈေးအတွင်းသွားလာသူတွေရှုပ်ရှက်ခတ်နေချိန်မှာပဲ။ သူ့မီးသွေးပုံကြီးကို ဘယ်သူမှ ရွှေ၊ ငွေလို့ မပြောဘူး။ အဲဒီမှာ ကိသာဂေါတမီ ဆိုတဲ့ ပိန်ချည့်ချည့် သူဆင်းရဲမလေး ကတော့….ဟယ်…ရွှေပုံကြီးတော့၊ ငွေပုံကြီးတော့် တဲ့၊ တအံတသြ အာမေဋိတ်ပြုရှာတယ်။ သူဌေးကြီးလည်း အလွန်အမင်းအံ့သြခြင်းဖြစ်ကာ ဟဲ့ ဘယ်မလဲ…ရွှေတွေ ငွေတွေ လို့မေးတာပေါ့။ ဒီမှာလေ ဒီမှာ… ကိသာဂေါတမီရဲ့ လက်ထဲမှာ မီးသွေးခဲတွေဟာ ပကတိ ရွှေတွေငွေတွေပြန်ဖြစ်လာတာကို သူဌေးကြီးမြင်တွေ့ရတယ်။ ဒါနဲ့ သူဌေးကြီးလည်း ကိသာဂေါတမီကို အိမ်ခေါ်သွားပြီး သားနဲ့ပေးစား ချွေးမ အဖြစ်မြှောက်စားတော့တယ်။

လူဆိုတာ ပြည့်စုံလာတဲ့အခါ တောင့်တမှုတွေ ပိုများလာတတ်ပါတယ်။ ကိသာဂေါတမီ လည်း ကုဋေကြွယ်သူဌေးမ ဖြစ်လာခါမှ သားဆုကို တောင့်တတယ်။ တောင့်တတဲ့အတိုင်းလည်း သားကလေးရပါတယ်။ သားကလေးကြီးရင် ဘယ်လို… ဘယ်နှယ့် …တောင့်တမျှော်လင့်စိတ်တွေ မဆုံးခင်မှာပဲ သားကလေး ဆုံးသွားရှာတယ်။ မပီကလာ တီတီတာတာ ချစ်စရာကောင်းတဲ့ အချိန်မှာ သားကလေးဆုံးရလေခြင်းနော်။ ကိသာဂေါတမီကတော့ သားကလေး သေတယ် ဆိုတာကို ယုံကို မယုံဘူး။ သူ့သားကို သင်္ချိုင်း အပို့အခံပါဘူး။ သားကလေး အိပ်ပျော်နေတာပါ ၊ သေတယ် ဆိုရင်တောင် ပြန်ရှင်အောင် အသက်သွင်းပေးကြပါလို့ ဆေးဆရာကြီး တွေကို ပူဆာပါတယ်။ သားဆုံးပေမယ့် အမေ့သောက မဆုံးသေးပါဘူး သားကဖြင့် ပုပ်ပွလာပြီ မြင်လို့ တောင် မကောင်းတောပါ့ဘူး၊ ဒီမှာ ဆေးဆရာကြီး တစ်ဦးက အကြံပေးပါတယ်။

ဗုဒ္ဓဘုရားရှင်ဆီမှာ ဆေးရှိတယ်…တဲ့။

ကိသာဂေါတမီလည်း လူးလဲငိုယိုပြီး ဘုရားရှင်ဆီ ဆေးသွားတောင်းတာပေါ့။ ဘုရားရှင်က လူမသေဖူးတဲ့အိမ်က မုန့်ညင်းစေ့ရှာခဲ့၊ ဆေးဖော်ပေးမယ်တဲ့။ ဒါနဲ့ ကိသာဂေါတမီလည်း တငိုငိုတယိုယိုနဲ့ လူမသေဖူးတဲ့ အိမ်က မုန့်ညင်းစေ့ရှာသတဲ့။ မြို့လုံးသာ နှံ့တယ် မသေဖူးတဲ့ အိမ်မတွေ့ပါ။ ဒီမှာ ကိသာဂေါတမီ သတိဝင်လာပါပြီ။ သြော်ငါ့သားလေး မှ ရွေးပြီးသေရတာ မဟုတ်ပါလား။ လူဆိုတာ သေမျိုးချည်းပါလား တဲ့။ ဒါနဲ့ ပုပ်ပွနေတဲ့ သားကလေးကိုလည်း သင်္ချိုင်းပို့ခဲ့ပြီး ဘုရားရှင်ထံမှောက် ပြန်ရောက်လာပါတယ်။ ဒီမှာ မြတ်စွာဘုရားက တစ်ခွန်းတည်းသော တရားကို ဟောပါတယ်။

သမီး…မြစ်ကမ်းပါး၌ အိပ်ပျော်နေသူဟာ မိုးရွာစဉ် ရေစီးကြောင်းများ ဖြစ်ပေါ်တိုက်စားတာကို မသိသလို သတ္တ၀ါတွေဟာလည်း ကိလေသာရဲ့ တိုက်စား ခြင်း ကို မသိကြလေကုန်…

တရားကို စိုက်နာနေတဲ့ ကိသာဂေါတမီဟာ တရားအဆုံးမှာပဲ သောတပန် တည်ပါတယ်။ သောက ပရိဒေ၀ တို့မှ လွတ်မြောက်သွားပါတယ်။ ဒါကြောင့် မြတ်စွာဘုရားက စိုးရိမ်ပူဆွေးရသော သောက၊ ငိုကြွေးရသော ပရိဒေ၀တို့ မှ ကျော်လွန်ရန်အလိုငှာ သတိဖြင့် ရှုမှတ်ရ သောလမ်းသည် တစ်ခုတည်းသော လမ်း၊ တစ်ကြောင်းတည်းသော လမ်းတည်းလို့ ဟောကြားခဲ့ပါတယ်။

သောကဆိုတဲ့ စိုးရိမ်ပူဆွေးရခြင်း၊ ပရိဒေ၀ဆိုတဲ့ ငိုကြွေးရခြင်း တို့မှာ ဒီခန္ဓာရနေသ၍ကာလ ပတ်လုံး ဘယ်သူမှ မကင်းနိုင်ကြပါ။ အဲဒီလို မကင်းနိုင်ကြ သော်လည်း သောကပရိဒေ၀တွေကို ကျော်လွန်နိုင်တဲ့ နည်းကောင်းလမ်းမှန် ကိုရှာကြရမှာဖြစ်ပါတယ်။အတ္တနယ်ပယ်မှာ ကျင်လည်နေသရွေ့တော့ လောဘ၊ ဒေါသ၊ မောဟ ကိလေသာတွေ ကပ်ပြီးနှိပ်စက်တာခံနေရမှာပဲ။ ဒီဒုက္ခတွေက လွတ်မြောက်ရာကို သွားချင်ကြတယ်ဆိုရင်တော့ အပ္ပမာဒ လက်နက် အသင့် ရှိကြရမှာဖြစ်ပါတယ်။ သတိ၊ အသိ၊ ၀ီရိယ ဆိုတာကတော့ ဒီလက်နက်ကို ထက်သထက် ထက်အောင် သွေးပေးနေတာတွေပါပဲ…


အရှုးပမာ
ဝိပဿနာ ကင်းက မိုက်မောဟ
အရှုးထ၍နေလေသည်။
ခန္ဓာအနိစ္စ ယူနိစ္စ အရှုးထ၍နေလေသည်။
ခန္ဓာဒုက္ခ ယူသုခ အရှုးထ၍နေလေသည်။
ခန္ဓာအနတ္တ ယူအတ္တ အရှုးထ၍နေလေသည်။
ခန္ဓာအသုဘ ယူသုဘ အရှုးထ၍နေလေသည်။
မှတ်မှား သိမှား အယူမှား
အမှား သုံးမှား ရှိလေသည်။
ဝိပဿနာရှုက တစ်ခဏ
အရှုးထ ပျောက်ကင်းရလေသည်။
ဝိပဿနာ မပါ မဂ် မလာ
အရှုးသာ ထ၍နေလေသည်။
ဝိပဿနာပါမှ မဂ်လာရ
အရှုးထ ပျောက်ကင်းရလေသည်။

ရွှင်လန်းချမ်းမြေ့ကြပါစေ။

Read more...

ဆရာတော်အရှင်ပုညနန္ဒ-ဖြူစင်ခြင်းရဲ.နောက်မှာ

ashinponenyananda


Read more...

ဘာသာရေးစာပေကြီးတစ်ခုလုံးမှားယွင်းသွားပြီမို့ နိဗ္ဗာန်နှင့်လွဲကြပြီ၂


(ဘုရားဖြစ်ခန်းဟောပြောချက်များကြောင့်
ဘာသာရေးစာပေကြီးတစ်ခုလုံးမှားယွင်းသွားပြီမို့ နိဗ္ဗာန်နှင့်လွဲကြပြီ)
(ဆောင်းပါးအမှတ်စဉ်-၂)


''အဲဒါတွေကိုထောက်၍-
(၁) ပဋိစ္စသမုပ္ပါဒ်ဖြင့် ဘုရားဖြစ်။ သောတာပန်၊ သကဒါဂါမ်၊ အနာဂါမ်၊ ရဟန္တာဖြစ်။
(၂) သတိပဋ္ဌာန်လေးပါးဖြင့် သောတာပန်၊ သကဒါဂါမ်၊ အနာဂါမ်၊ ရဟန္တာ၊ ဘုရားဖြစ်။
(၃) ဥပါဒါနက္ခန္ဓာငါးပါးကို ဖြစ်ပျက်ရှုပြီး ဘုရားဖြစ်။
အခု ... (ပ) ... အများကြီးမသိနဲ့အုံး ။ (မြတ်စွာဘုရားရှင်သိအပ်သောတရား။ ဗွီစီဒီခွေ။)

စိစစ်ချက်။ ။ဤဆောင်းပါးသည် အမှတ် (၂)ဖြစ်၍ (၂)သတိပဋ္ဌာန်လေးပါးဖြင့် သောတာပန်၊ သကဒါဂါမ်၊ အနာဂါမ်၊ ရဟန္တာ၊ ဘုရားဖြစ်ဟူသော ဟောပြောချက် မှန်-မမှန် စိစစ်ပြရန် ဖြစ်ပါသည်။ သို့ပါသော်လည်း ဆောင်းပါးစဉ် အမှတ် (၁) အရာမှာ စိစစ်ပြဖွယ်များစွာ ကျန်ရှိကြပါသေးသည်။ ယင်းကျန်ရှိနေရာတို့ကို ဆက်လက် စိစစ်ပြရပါဦးမည်။

(၁) ''အနေကဇာတိသံသာရံ (ပ) ခယမဇ္ဈဂါ။ (ပ) ဟောဒီ ပဉ္စက္ခန္ဓာ၊ ဥပါဒါနက္ခန္ဓာတွေကို ကြိမ်ဖန်များစွာ ဆောက်တဲ့ တဏှာယောက်ျား လက်သမားကိုမတွေ့လို့ ဗောဓိပင်နဲ့ရွှေပလ္လင်ကို မရမချင်း၊ အဒီရွှေပလ္လင်ပေါ်ထိုင်ပြီး ဥပါဒါနက္ခန္ဓာဆိုတဲ့ အကြောင်းတရားတွေကို မမြင်မချင်း၊ ဒုက္ခတွေ ထပ်ကာထပ်ကာ ဖြစ်ခဲ့ပါတယ်။ (ပ) ဒါဖြင့်ရင် ဒီဂါထာကြီး ရွတ်နိုင်ရအောင် ဘယ်တရားကို သိသလဲ။ (၎င်းစာ၊ နှာ၊ ၁။)

စိစစ်ချက်။ ။အထက်ပါတို့တွင် ဥပါဒါနက္ခန္ဓာဆိုတဲ့ အကြောင်းတရားတွေဟူ၍ ပါရှိရာ'' အကြောင်း တရားတွေကို ဥပါဒါနက္ခန္ဓာဟု ဆို၏''ဟူ၍ အဓိပ္ပါယ်ထွက်ပါသည်။ ဤဥဒါန်းဂါထာအရာတွင် 'ဥပါဒါနက္ခန္ဓာတို့သည် တဏှာတရားကြောင့် ဖြစ်လာကြသည်။ ထို့ကြောင့် ဥပါဒါနက္ခန္ဓာတို့သည် အကျိုးတရား စစ်စစ်ကြီးသာဖြစ်ကြောင်း ထင်းလှပါသည်။ အကြောင်းတရားတွေကို ဥပါဒါနက္ခန္ဓာဟု မဆိုရ။ ဆိုလျှင် မှားပါသည်။

(၂) ''ဒီမှာကျမ်းညှိဖို့ လိုလာပါပြီ။ ဤဗုဒ္ဓဝင်အဋ္ဌကထာ၌ အာနာပါန စတုတ္ထဈာန်ကို နိဗ္ဗတ္တေတွာ= ဖြစ်စေ၍-လို့။ ဒီလို ရှိပါတယ်။ နိဒါနဝဂ္ဂသံယုတ် အဋ္ဌကထာမှာတော့ အာနာပါန စတုတ္ထဈာန်မှ ဝုဋ္ဌာယ= ထ၍-လို့ ။ အဲဒီလို ရှိပါတယ်။ ပါဠိနှစ်ရပ် ဖြစ်သွားပြီ။ ဗုဒ္ဓဝင်အဋ္ဌကထာက အာနာပါန စတုတ္ထဈာန်ကို ဖြစ်စေပြီး (ပ) ပစ္စယာကာရပဋိစ္စသမုပ္ပါဒ်လို့ ဆိုပါတယ်။ (ပ) အဲဒီဈာန်ကို အခြေခံထား၍ ပစ္စယာကာရလို့ခေါ်တဲ့ ပဋိစ္စသမုပ္ပါဒ်နဲ့ပဋိစ္စသမုပ္ပန္န (ကြောင်းကျိုးနှစ်ဖြာ) ဝိပဿနာကို ပွားစေပြီး၍ (ပ) နိဒါနသံ-ဋ္ဌကတော့ အာနာပါန စတုတ္ထဈာန်ကထပြီးတော့မှ ပဋိစ္စသမုပ္ပါဒ်ကို သုံးသပ်ပြီးတော့မှ ဘုရားဖြစ်တယ်လို့ ဆိုပါတယ်။ (၎င်းစာ၊ နှာ - ၂၊ ၃၊ ၄၊၅။)

စိစစ်ချက်။ ။အထက်ပါတို့တွင် ဖြစ်စေ၍နှင့် ထ၍ကို အထူးပြု၍ ဟောပြထားပါသည်။ ဖြစ်စေဖြင့် ဈာန်ကို ဝင်စားမှု ပြုနေသည်ဟု ဆိုလိုပါသည်။ ထ-ဖြင့် ဈာန်ဝင်စားမှုကို ဆက်မပြုတော့ဘဲ ရပ်နားထားလိုက်သည်ဟု ဆိုလိုပါသည်။ မထူးပါ။ မထူးကြောင်းမှာ ဈာန်ဝင်စားမှုကို စတင် ပြုလုပ်ထားလျှင် ရပ်နားမှုကို ပြုရဦးမည်သာတည်း။
ထို့ပြင် - ဗုဒ္ဓဝင်ဋ္ဌ-၌ (၁) ပစ္စယာကာရ (၂) အာနာပါနဟုရှိ၍ သံယုတ်ဋ္ဌ-၌ (၁) အာနာပါန (၂) ပစ္စယာကာရဟုရှိသည်နှင့် စပ်၍လည်း''ဗုဒ္ဓဝင်အဋ္ဌကထာက အာနာပါန စတုတ္ထဈာန်ကို ဖြစ်စေပြီး (ပ) ပစ္စယာကာရပဋိစ္စသမုပ္ပါဒ်လို့ ဆိုပါတယ်''ဟူ၍ ရောယှက်ရှုတ်ထွေးလျက် ရှိပါသည်။ ကျမ်းစာကို သေချာ မသိမြင်ဘဲ မရရှိဘဲ စာမျက်နှာကို ကြည့်လှန်ပြီး ဟောပြောရသဖြင့် ဗျာများနေခြင်းကြောင့် ရှင်းလေမှားလေး ဖြစ်ရဟန် တူပါသည်။ ဗုဒ္ဓဝင်အဋ္ဌကထာက အာနာပါနစတုတ္ထဈာန်ကို ဖြစ်စေပြီးမှ ပစ္စယာကာရကို ပြဆိုသည် မဟုတ်သောကြောင့် ကူးယူဖော်ပြပါ ''ဗုဒ္ဓဝင်အဋ္ဌကထာက အာနာပါန စတုတ္ထဈာန်ကို ဖြစ်စေပြီး (ပ) ပစ္စယာကာရပဋိစ္စသမုပ္ပါဒ်လို့ ဆိုပါတယ်'' ဟောပြောချက်သည် လုံးဝမှား၏။

ဆောင်းပါးစဉ် အမှတ် (၁)၌ 'ပစ္စယာကာရေ ဉာဏံ သြတာရေတွာ အာနာပါန စတုတ္ထဇ္ဈာနံ နိဗ္ဗတ္ထေတွာ' ဟူ၍ ဗုဒ္ဓဝင်မူရင်းကို ဖော်ပြခဲ့ပါပြီ။ တိုက်ဆိုင်-စိစစ် ကြည့်ပါ။

တစ်ဖန် ''ဝိပဿနံ= ပစ္စယာကာရလို့ခေါ်တဲ့ ပဋိစ္စသမုပ္ပါဒ်နဲ့ ပဋိစ္စသမုပ္ပန္နကြောင်းကျိုး နှစ်ဖြာ ဝိပဿနာကို'' ဟု ဆိုရာမှာလည်း အလွန်မှပင် မှားလွန်းလှပါသည်။ မှန်၏။ ပဋိစ္စသမုပ္ပါဒ်သည် အကြောင်းတရားဖြစ်သော်လည်း ဝိပဿနာ မဟုတ်ပါ။ အကြောင်းမှာ ပဋိစ္စသမုပ္ပါဒ်= အကြောင်းတရားကို သိသောဉာဏ်သည် ပစ္စယပရိဂ္ဂဟဉာဏ်မျှသာ ရှိပါသေးသည်။ ပဋိစ္စသမုပ္ပန္နသည် အကျိုးတရားဖြစ်သော်လည်း ဝိပဿနာ မဟုတ်ပါ။ မှန်လှ၏။

ပဋိစ္စသမုပ္ပန္န=အကျိုးတရားကိုသိသောဉာဏ်သည် နာမရူပ-ပရိစ္ဆေဒဉာဏ်မျှသာ ရှိပါသေးသည်။ ဝိပဿနာဉာဏ်ဆိုသည်မှာ အကျိုးတရားတို့ကို သိမြင်ပြီး၍ ထိုအကျိုးတရားတို့၏ လက္ခဏာသုံးပါး၊ အကြောင်းတရားတို့ကို သိမြင်ပြီး၍ ထိုအကြောင်းတရားတို့၏ လက္ခဏာသုံးပါးတို့ကို ထိုးထွင်း၍ သိမြင်သော ဉာဏ် ဖြစ်ပါသည်။ ဝိပဿနာဉာဏ်တို့ကို ပဋိပဒါဉာဏဒဿန ဝိသုဒ္ဓိဟုဆိုရာတွင်'' လက္ခဏာသုံးပါးကို သိခြင်းကြောင့် ဉာဏ် မည်၏။ လက္ခဏာသုံးပါးတို့ကို မြင်ခြင်းကြောင့် ဒဿန မည်၏'' ဆိုတာကို ပထမလတ်တန်းဝင် စာသင်သားကလေးများကပင် သိနိုင်ကြပါသည်။

တစ်ဖန်တုံလည်း ... ပစ္စယာကာရလို့ခေါ်တဲ့ ပဋိစ္စသမုပ္ပါဒ်ဟူ၍ ဟောထားရာ ''ပဋိစ္စသမုပ္ပါဒ်ကို ပစ္စယာ ကာရဟု ခေါ်သည်''ဟူ၍ အဓိပ္ပါယ်ထွက်ပါသည်။ ယင်းအဓိပ္ပါယ်အရဖြစ်သော ပဋိစ္စသမုပ္ပါဒ်အရမှာ အကြောင်းတရားတွေကိုလည်း မယူရ။ အကြောင်းတရားတို့သည် ပစ္စယ(=အကျိုးတရားဖြစ်လာအောင် ကျေးဇူးပြုတတ်သော တရား)တို့သာ ဖြစ်ကြသည်။ အကြောင်းတရားတို့သည် (ပစ္စယ+အာကာရတို့တွင်) အာကာရ= ကျေးဇူးပြုပုံ အခြင်းအရာများ မဟုတ်ကြပေ။ ပဋိစ္စသမုပ္ပါဒ်အရမှာ အကျိုးတရားတွေကိုလည်း မယူရ။ အကျိုးတရားတို့သည် ပစ္စယုပ္ပန္န=ပဋိစ္စသမုပ္ပန္န (=အကြောင်းတရားကြောင့် ဖြစ်လာကြသောတရား) တို့သာ ဖြစ်ကြသည်။

ပစ္စယာကာရဆိုသည်မှာ ပစ္စယ= ကျေးဇူးပြုတတ်နှင့်သောအကြောင်း တရားတို့၏ (အကျိုးတရားတွေ ဖြစ်ပေါ်လာအောင်) အာကာရ=ကျေးဇူးပြုပုံအခြင်းအရာ အကြောင်းနှင့်အကျိုး ဆက်စပ်မှုရှိနေပုံ အခြင်းအရာတို့သာဖြစ်ကြပါသည်။ ထို့ကြောင့် ပဋိစ္စသမုပ္ပါဒ်ဆိုသည်မှာ အခြင်းအရာတို့သာတည်း။
သို့ဖြစ်၍ ပစ္စယာကာရ=ပဋိစ္စသမုပ္ပါဒ်နှင့် ဝိပဿနာ အတူတူ မဟုတ်ကြောင်း(ဝါ) ဝိပဿနံ= ပဋိစ္စသမုပ္ပါဒ်နဲ့ ပဋိစ္စသမုပ္ပန္န ကြောင်းကျိုးနှစ်ဖြာကို - ဟူ၍ အနက်မြန်မာ မပြန်ရကြောင်းကို ဗုဒ္ဓဝင်အဋ္ဌကထာက ''ပစ္စယာကာရေ ဉာဏံ သြတာရေတွာ (ပ) ဝိပဿနံ ဝဍ္ဎေတွာ''ဟူ၍ ခွဲခြားပြသထားပြီး ရှိနေပါသည်။

ဗုဒ္ဓဘာသာဝင်မြန်မာလူမျိုးတို့က မျက်လှည့်ဆရာကိုပင် ယုံတတ်ကြလေတော့ အထင်ကြီးအောင် 'လုပ်ယူ' တတ်သူများ၊ ယုံလောက်အောင် လုပ်ယူတတ်သူများကို ယုံမိ၍ မှားကြရှာပါပေသည်။ (ဤစကား၌ လုပ်ယူကို လူယုတ်ဟု မပြန်ရ။ အချို့ဆရာတော်ကြီးများက လုပ်ယူဟုတွေ့လျှင် လူယုတ်ဟု ပြန်ဆိုတတ်ကြပါသည်။)

အထင်ကြီးအောင် ယုံလောက်အောင် လုပ်ထားပုံများစွာတို့ထဲက ထုတ်ပြရလျှင် (၃) ''တစ်ခါက ပြောဖူးပါတယ်။ ပထမလတ်တန်းမှာ ဉာဏ်သုံးပါးကို ယာမ်သုံးပါးနဲ့ ယှဉ်ခဲ့ပါ ဆိုတာ။ ဆရာတော်တို့ မဖြေနိုင်တာပါ။ သီချင်းကလေး တစ်ပုဒ်က ပုဗ္ဗေနိဝါသခေါ် ဉာဏ်တော်တစ်ပါးကိုလ ညဥ့်ဦးယာမ် ချိန်ခါ ... အဲဒီသီချင်းနဲ့ ပထမလတ်တန်းမှာ အမှတ်ပြည့် ရခဲ့ပါတယ်။ (၎င်းစာ ။ နှာ -၂။)

စိစစ်ချက်။ ။ဤစကားရပ် ပထမလပ်တန်းမှာ အမှတ်ပြည့်ရရှိခဲ့လျှင် တစ်ပြည်လုံး ပထမလတ်တန်း ပထမဂုဏ်ထူးဖြင့် အောင်မြင်သူ ဖြစ်ရပါလိမ့်မည်။ ဉာဏ်တော်သုံးနှင့် ယာမ်သုံးမေးခွန်းတစ်ပုဒ်မျှမှာ အမှတ်ပြည့် ရရှိလျှင် ကျန်နှစ်ပုဒ်သုံးပုဒ်ရမှတ်နှင့်ပေါင်း၍ ရိုးရိုးအောင်မှတ်မျှသာ ရနိုင်ပါသည်။ ဤကဲ့သို့သော စကားရပ်များကို ကြားနာရသောအခါတွင် ဝေဖန်တတ်ဖို့ လိုပါသည်။ ခွဲခြား၍ ပိုင်းဖြတ်တတ်ဖို့ လိုပါသည်။ အသိမှန် အမြင်မှန် ဖြစ်စေဖို့ လိုအပ်လှပါသည်။ သို့မဟုတ်လျှင် ရောထွေးလျက် အထင်ကြီးမိပြီး မကြည်ညိုထိုက်သောအရာ၌ ကြည်ညိုမိသော ''ပညာပေတုံး သဒ္ဓါငုံး လုံးဝအမြီးမထွက်'' ဖြစ်တတ်ပါသည်။
ဆောင်းပါးစဉ် အမှတ်(၁)ထဲတွင်လည်း ဤကဲ့သို့သောစကားများကို (က) (ခ) (ဂ) (ဃ)တို့ဖြင့် အမှတ်ပြ၍ ကောက်နှုတ်ဖော်ပြခဲ့ပြီးဖြစ်ပါသည်။ ပိဋကတ်သုံးပုံ အာဂုံဆောင်ထားကြသည့် ဆရာတော်များကိုပင် ဦးနှောက်ဖြုန်းတီးနေသူများဟု ပျက်ရယ်ပြုချက်များ ပါရှိကြသည်။ ၎င်း (က) (ခ) (ဂ) (ဃ)တို့ကို အထက်ပါဝေဖန်နည်းဖြင့် ပြန်၍ ဝေဖန်ကြည့်ရန် ပြန်၍ ဖတ်ရှုပါကုန်။

(၄) ''ပဋိစ္စသမုပ္ပါဒ်ကို သိ၍ ဘုရားဖြစ်တာကို ထောက်ရင် အာနာပါန စတုတ္ထဈာန်က ရှေ့က ရှိသင့်ပါတယ်။ ဗုဒ္ဓဝင်အဋ္ဌကထာမှာတော့ နောက်က ရှိနေပါတယ်။ ဒါပေသိ ဆဋ္ဌသင်္ဂါယနာတင်ခဲ့တဲ့ ပါဠိစာပေတွေ ဖြစ်ခြင်းကြောင့် ဆရာတော်ဘုရားကြီးတွေ- သင်္ဂါယနာတင်ထေရ်ရှင်အပေါင်းတွေကို ရိုသေလေးစားသောအားဖြင့် ဘယ်ပါဠိက ဘယ်လို ရှိသင့်တယ်လို့ ဆုံးဖြတ်ခြင်း မပြုလုပ်ခဲ့ပါဘူး။ ကျွန်ုပ်အရွယ်ကလေးနဲ့ မဆုံးဖြတ်ပါဘူး။ သို့သော် (ပ) ပညာရှိတို့ထံမှာ အဆုံးအဖြတ် ယူတော်မူကြပါကုန်။ (၎င်းစာ၊ နှာ - ၅။)

စိစစ်ချက။် ။ အထက်ပါတို့တွင် စိစစ်ဖွယ်မှာ အာနာပါနစတုတ္ထဈာန်သည် ''သမထဘာဝနာ= အပ္ပနာတရား ဖြစ်သည်။ ၎င်းက ဝိပဿနာ၏အခြေခံ (ဝိပဿနာပါဒက) ဖြစ်နိုင်ပါသည်။
''ပစ္စယာကာရ=ပဋိစ္စသမုပ္ပါဒ်သည် ပစ္စယပရိဂ္ဂဟဉာဏ်= ပရိယတ္တိသုတ ဖြစ်သည်။ ၎င်းကလည်း ဝိပဿနာ၏ ရှေ့ဦးတရား (ဝိပဿနာပုဗ္ဗက) ဖြစ်ပါသည်။ ဘုရားလောင်းလျာ သယမ္ဘူတာ ဝိပဿနာရှင်တို့မှာမူ စိန္တာမယဟုသာ သုံးရသည်။ (ပရိယတ္တိသုတဟု မသုံးရ)။ ဝိပဿနာပါဒက=အခြေခံနှင့် ဝိပဿနာပုဗ္ဗက= ရှေ့ဦးတရားတို့သည် သူ့ပမာဏနှင့်သူ မပါလျှင်မပြီး အရေးကြီးကြသည်သာ ဖြစ်ပါသော်လည်း ''ပစ္စယာကာရ= ပဋိစ္စသမုပ္ပါဒ်၌ ဉာဏ်သက်ဝင်စေပြီးမှ အာနာပါန စတုတ္ထဈာန်ကို ဖြစ်စေလျှင်လည်း ရသည်။

''အာနာပါန စတုတ္ထဈာန်ကို ဖြစ်စေပြီးမှ ပစ္စယာကာရ= ပဋိစ္စသမုပ္ပါဒ်၌ ဉာဏ်သက်ဝင်စေလျှင်လည်း ရသည်။

''ဆယ်အုပ်ရှိရာ၊ ပြဋ္ဌာန်းစာကို
စာဖြေချိန်မှ၊ အရှေးကာလတွင်
စိတ်ဝင်စားရာ၊ ကျက်မှတ်ပါ
ဘယ်ဟာ ရှေ့ကျက် ဟူ၍ မဆိုသာ
ဘယ်ဟာ နောက်ကျက် ဟူ၍ မဆိုသာ။

''စာဖြေရက်စွဲ၊ ရောက်လာဆဲတွင်
ခုပင်ဖြေရန်၊ ဘာသာမှန်၊ ကျက်ရန်တွင်တွင်သာ။
ထိုနည်း မြော်မြင်၊ 'အာ-ပ' တွင်လည်း၊
အာလျှင် ရှေ့က၊ ပ-နောက်က-ဟု
မုချမလို၊ ဝိပဿ်ကြို၊ လိုကွက် မရှိ ပြည့်ဖို့သာ။

''ဗုဒ္ဓဝိပဿ်၊ တွင်တွင်ခတ်လျက်
သုံးရပ်လက္ဓဏာ၊ ရှုမြင်ပါမှ
လေးဖြာမဂ်ဆိုက်၊ ဖိုလ်ဝင်လှိုက်၊ ဖြစ်ထိုက် သဗ္ဗညုတာ။
''ပဋိစ္စသ္စသမုပ္ပါဒ်၊ သိမြင်လတ်၍
ဉာဏ်မြတ်ဉာဏ်စစ်၊ ဘုရားဖြစ်ဟု
စိစစ်ဖော်ပြ၊ အဓမ္မ၊ မှတ်ကြ 'မှား' ဟုသာ။

မှာထားချက်။ ။အထက်ပါ အာနာပါနစတုတ္ထဈာန်နှင့် ပစ္စယာကာရ နှစ်ပါးတို့တွင် အဘယ်တရားက ရှေ့မှာရှိသင့်ကြောင်း၊ အဘယ်တရားက နောက်မှာရှိသင့်ကြောင်းတို့နှင့် စပ်လျဉ်း၍ ဟောပြောသူက ''ပညာရှိတို့ထံမှာ အဆုံးအဖြတ် ယူတော်မူကြပါကုန်'' ဟူ၍ ဆိုထားပါသည်။ ဤဝေဖန်စာရေးသူသည် ပညာရှိမဟုတ်ပါကြောင်း'' ဆိုရေးရှိက ဆိုအပ်စွာ့'' ဟူသည်နှင့်အညီ ရှင်းလင်းတင်ပြခြင်းသာဖြစ်ပါကြောင်း ဝန်ခံပါသည်။

ဤဆောင်းပါးများနှင့် ပတ်သက်၍ ကာယကံရှင်နှင့် ကာယကံရှင်၏တရားအတိုင်း ယုံကြည်သူတို့က တရားနည်းလမ်းအလျှောက် ပြန်လည်ရှင်းလင်း၍ အကျယ်တဝင့် ဆွေးနွေးကြပါရန် ပန်ကြားလိုက်ပါသည်။ ဝေဖန်ရေးစာပေ၏ သဘောတရားမှာ ဝေဖန်ခံရသည့်ဘက်က လှည့်ကြည့်လာအောင် ရေးတတ်ရခြင်းဟူ၍ ပါရှိသည့်အတွက် ကာယကံရှင်ကသော် လည်းကောင်း စာဖတ်ပရိသတ်တို့ကသော် လည်းကောင်း ဂရုစိုက်မိလှည့်ကြည့်စရာ ဖြစ်လောက်အောင် ရေးသားတင်ပြပါသည်။

ဝိဘဇ္ဇ၀ါဒီ

Read more...

လာလည်ကြသူများ

ဤဘလော့ဂ်၏ ရည်ရွယ်ချက်

ယခုအခါ ကမ္ဘာတလွှားတွင်ရှိနေကြသော ဓမ္မဘလော့ဂ်ဂါများသည် နေ့ စဉ်နှင့် အမျှ အင်တာနက် စာမျက်နှာများ ပေါ်တွင် ဓမ္မနှင့်သက်ဆိုင်သော အကြောင်းအရာ အမျိုးမျိုးကို ပို့ စ်များရေးတင်လျက် ရှိနေကြပါသည်။

ဘလော့ဂ်ဂါများမှ မိမိတို့ ၏ကိုယ်ပိုင် စာမျက်နှာများမှတဆင့် ရေးတင်နေကြသဖြင့် ဖတ်ရှုလေ့လာသူများအတွက် နေရာများစွာသို့  သွားရောက် ဖတ်ရှုနေကြရပါသည်။

ထို့ ကြောင့် စာဖတ်သူများ အချိန်ကုန်သက်သာစေရန်နှင့် မိမိတို့  ဖတ်ရှုလိုရာကို လွယ်လင့်တကူ ရှာဖွေနိုင်ရန် နေ့ စဉ်ရေးသား နေကြသော အကြောင်းအရာများကို တနေရာတည်းတွင် စုစည်းပေးလိုသော ရည်ရွယ်ချက်ဖြင့် ဤဘလော့ဂ်ကို စီစဉ်လိုက်ခြင်းဖြစ်ပါသည်။

ပြောချင်တာများရှိရင် ရေးပေးထားခဲ့ပါ

မြန်မာပြက္ခဒိန်

မြန်မာပြက္ခဒိန်
www.burmeseclassic.com မှ ကူးယူဖော်ပြပါသည်။

  © Blogger templates The Professional Template by Ourblogtemplates.com 2008

Back to TOP