Meditation in Chiang Mai

If you are going to Chiang Mai, there is a relatively unadvertised and quiet way to spend some close time with a well respected Sayadaw from Burma. The location is in a Doctor’s house, with Sayadaw U Thuzana who is visiting Chiang Mai for the Rains Retreat period. We are also hoping Sayadaw will stop in Bangkok and give a talk for us in early October. Received information is as follows:

Meditation Retreat (Mahasi tradition)

Teacher: Sayadaw U Thuzana from Panditarama Forest Meditation Center in Mynmar

Date: 6 July- 3 October 2009

Place: Pimokemuk Institute Mediation Retreat Center

65/64 Soi Wat U-Moang, Tambol Suthep, Amphur Muang, Chaingmai

Contact phone number: 084-042-3113 or Email: cdisayav@med.cmu.ac.th

Sayadaw U Sujana (U Thuzana) is the disciple of Ovadacariya Sayadawgi U Panditabhivamsa of Panditarama in Myanmar. Previously, he was the meditation teacher (Kammatthanacariya) in Malaysia Buddhist Meditation Centre (MBMC), Penang, Malaysia. He speaks English well and teaches vipassana meditation, based on the Mahasi Saydaw techniques (noting on rising and falling of the abdomen) and the Four Foundations of Mindfulness.

- more information about Sayadaw U Sujana (U Thuzana) at: http://mbmcpg.bravehost.com/sangha.html

The following web browser is a diary note (in Thai) of a man who joined the retreat at this meditation centre in Chiangmai.:

http://www.oknation.net/blog/myhome/2009/07/21/entry-1

กราบนมัสการ ท่านพระอาจารย์บัณฑิต

ข้อมูลข้างล่างนี้เกี่ยวกับพระอาจารย์สยาดอ อู สุชนะ ที่มาจากสำนักปัณฑิตาราม จากย่างกุ้ง ท่านสอนกรรมฐานที่เชียงใหม่ในช่วงเข้าพรรษานี้

ขอฝากประชาสัมพันธ์ไปทางกลุ่ม littlebang ด้วยค่ะ

ขอกราบขอบพระคุณและขออนุโมทนาค่ะ

กาญจนา 082 459 2501

Read more...

စိတ်သာရှင်စော...(၅) [ALL IS MIND-by David Samuel]

All Is Mind

David Samuel

စိတ်သာရှင်စော

ဘာသာပြန်- အလှတရား

သတ်မှတ်ခြင်း(identification)-ယခင်ပိုစ့်




တကယ်တမ်း အနှောင့်အယှက် ဖြစ်စရာ ကြီးကြီးမားမားရှိနေရင်တော့ စိတ်အပြောင်းအလွဲဖြစ်ဖို့က ဒီလောက်မလွယ်ဘူး။ စိတ်အပြောင်းအလွဲ ဖြစ်စဉ်ဟာ နေ့စဉ်ဖြစ်နေတဲ့ သက်ရောက်မှုတွေနဲ့ လူရဲ့သတိတရားပေါ် မှီခိုနေတယ်။

ကျွန်တော်တို့ဟာ ဖြစ်ရပ်(events)တွေနဲ့ လူပုဂ္ဂိုလ်တွေအပေါ် လွယ်လင့်တကူပဲ Identification (သတ်မှတ်ခြင်း) ပြုမိတတ်ကြတယ်။ (Identification (သတ်မှတ်ခြင်း)က စိတ်ပညာစကားလုံးဖြစ်ပြီး မသိစိတ်က မိမိနဲ့ မိမိမဟုတ်တဲ့ အခြားသူများကို ပုံဖော်ခြင်း၊ ပိုင်းခြားသတ်မှတ်မှုပြုခြင်းမျိုးကို ဆိုလိုပါတယ်။ သတ်မှတ်ခြင်းဟာ ကိုယ်ရည်ကိုယ်သွေးနဲ့ ဆက်စပ်တဲ့ ၊အတိအကျအားဖြင့် ကိုယ်ကျင့်တရားနဲ့ဆက်စပ်တဲ့ စူပါအီဂို (superego) ကို ကိုင်တွယ်တဲ့ သဘောတရားပါ။ သူက လူသားရဲ့ အပြုအမူကိုလည်း ထိန်းကျောင်းခြင်း ပြုပါတယ်။ ဘာသာပြန်သူ)

ဥပမာအားဖြင့် အမြဲညည်းညူပြစ်တင်နေတဲ့ ပုဂ္ဂိုလ်တစ်ဦးဦးနဲ့ တွေ့ပြီးပြီ ဆိုရင်ပဲ ကိုယ်ပါ အားအင်ကုန်ခမ်း ပင်ပန်းသွားတာမျိုး ခံစားရ တော့တယ်။ ကိုယ့်စိတ်ကိုယ်စစ်ကြည့်တဲ့ အခါမှာတော့ စိတ်ခံစားချက်ကို ပြင်ပပတ်ဝန်းကျင်က ထိန်းကျောင်း သွားတာတွေ၊ သတ်မှတ်ခြင်း (Identification) က အမြဲမပြတ် ထိန်းကျောင်း ကိုင်တွယ်နေတာကို မြင်ရတယ်။

ဒီလိုသိရမြင်ရရင်တော့ ဒါမျိုး နောက်တစ်ကြိမ် ဖြစ်ပွားဖို့ အခွင့်အလန်းက နည်းပါးသွားပါတယ်။ သတ်မှတ်ခြင်း (identification) ဆိုတာက အသိသတိမရှိတဲ့ အခိုက်မှာသာ ဖြစ်နိုင်တာ ကလား။ စိတ်ကိုစစ်နေရင် ဘာဖြစ်သလဲ ဆိုတော့ မိမိကိုယ်ကို စောင့်ကြည့်ရာရောက်ပြီး Identification (သတ်မှတ်ခြင်း) မဖြစ်ပွားအောင် ကာကွယ်တယ်။

စောင့်ကြည့်တဲ့အတွက် နောက်ဆုံး အမှတ်မဲ့ သတ်မှတ်ခြင်း (identification) တွေပြုမဲ့အစား မိမိခံစားချင်သလို ခံစားနိုင်အောင် စွမ်းလာမယ်။ အလုပ်ကိစ္စနဲ့ ကိုယ်ရေးကိုယ်တာတွေမှာ သင့်လျော်စွာ တုံ့ပြန်တတ်လာမယ်။

ဆိုကြပါစို့။ လူတိုင်းစိတ်လှုပ်ရှား ကြောက်ရွံ့နေချိန်မှာ ခင်ဗျားအနေနဲ့ ဘာအကူအညီမှ ရရှိဖို့ လမ်းမရှိဘူးဆိုပါစို့။ အဲဒီအခါမျိုးမှာ ခင်ဗျားက တည်ငြိမ်အေးဆေးပြီး အခြားလူတွေလို စိတ်လှုပ်ရှား ကြောက်ရွံ့မှုမျိုး ရှိမနေဘူးဆိုရင် ခင်ဗျားရဲ့ တည်ငြိမ်မှုက အခြေအနေကို အကြီးအကျယ် ပြောင်းလွဲသွားစေမှာ အမှန်ပဲ။ ဒီသဘောတရားကို အုပ်စုတစ်စု အတွက် ဖြစ်ဖြစ် ၊ တစ်ဦးချင်း ပတ်ဝန်းကျင်အတွက် ဖြစ်ဖြစ် အသုံးချနိုင်တယ်။

ကျွန်တော်တို့ဟာ ကိုယ်နဲ့တိုက်ရိုက် ပတ်သက်တာတွေသာမက အခြား ကမ္ဘာ့ဖြစ်ရပ်တွေ အထွေထွေအပေါ် identification(သတ်မှတ်ခြင်း)တွေ ပြုတတ်တယ်။ သတင်းစာထဲ ဖတ်ရတာတွေ၊ တီဗီထဲ ကြည့်ရတာတွေ ကိုယ်နဲ့တိုက်ရိုက် ဒါမှမဟုတ် သွယ်ဝိုက်ပြီးတောင် မပတ်သက်တဲ့ ဟာတွေက ခင်ဗျားစိတ်ကို သက်ရောက်တယ် ဆိုတာက စိတ်ကို လွှတ်ထားလို့ ဖြစ်ရတာပါပဲ။ ဒါဖြင့် ဘာတဲ့တုန်း သတ်မှတ်ခြင်းဆိုတာ။ ကိုယ့်ဟာကိုယ်ထုတ်တဲ့ ဟိုက်ပိုသီးဆစ်ပေါ့ဗျာ။

လေ့ကျင့်ခန်း(၃-၁) တီဗီမကြည့် ရေဒီယိုနားမထောင် သတင်းစာမဖတ်ဘဲ တစ်လလောက်နေကြည့်ပါ။ မီဒီယာတွေ အားလုံးကနေ ဖြတ်ထားလိုက်။ တစ်လက သင့်ဘ၀ကို အဆိုးဖက် ရောက်မသွားစေသလို သင်မသိလည်း ကမ္ဘာကြီးက လည်နေမြဲဖြစ်မှာပါ။ အရေးရယ် အကြောင်းရယ်ဆို လူတွေဝေဖန် လေကန်ကြမှာဖြစ်တယ်။ အရေးကြီးရင် အဲဒီလေကန်သူထဲက တစ်ဦးဦးက သင့်ကို သတင်းလာပေးပါလိမ့်မယ်။

နောက်ဖော်ပြမဲ့ လေ့ကျင့်ခန်းကို စတင်လေ့ကျင့်တဲ့အခါ စိတ်ပြောင်းလဲတာကို စောင့်ဖို့ မိနစ်ပေါင်းများစွာ နာရီပေါင်းများစွာ ကြာနိုင်တယ်။ ရံခါမှာ စိတ်အပြောင်းအလွဲဖြစ်သွားတဲ့ ကာလနဲ့ အခြေအနေကို မှတ်မိသတိရချင်မှတောင် ရတော့မယ်။ ဆက်ပြီးလေ့ကျင့်နေရင်းနဲ့ တစ်ပတ် နှစ်ပတ်လောက်ကြာတဲ့ အခါမှာ စိတ်ပြောင်းလဲမှုတွေကို ရှာတွေ့လာပြီး စိတ်အပြောင်းအလွဲ ဖြစ်ရတဲ့ အကြောင်းရင်းကိုပါ ရှာတွေ့လာလိမ့်မယ်။

လေ့ကျင့်ခန်း(၃-၂) စိတ်အကျဘက်ရောက်တာကို သိတဲ့အခါတိုင်း(အကျဘက်ဆိုတာက စိတ်ဓာတ်ကျတာ၊ ဒေါသထွက်တာ စတဲ့ အနှုတ်ဘက်က တစ်ခုခုပေါ့) စပြီးကျတဲ့အချိန်ကို ပြန်စဉ်းစားပါ။ ကျွန်တော့်အယူအဆကတော့ ခင်ဗျားရဲ့ စိတ်ဟာ မျက်လုံးနှစ်လုံး ဖွင့်တဲ့အချိန်ကနေ အိပ်ရာဝင်တဲ့ ကာလအထိ တစ်ချိန်လုံး အကျဘက်ရောက်နေတာတော့ မဟုတ်တန်ရာဘူး။ ဒါကြောင့် တစ်ရက်ရက်မှာ အကျဘက်မရောက်တဲ့ စိတ်တော့ ရှိခဲ့မှာပဲ။ ဒီနေ့ မဟုတ်တောင် လွန်ခဲ့တဲ့ တစ်ရက်ရက်က ရှိခဲ့မယ်။ အဲဒီကာလကို ပြန်ရှာပြီး ခင်ဗျားဘာတွေလုပ်ခဲ့တယ်၊ ဘယ်မှာရှိခဲ့တယ်၊ ဘယ်သူနဲ့ရှိတယ် ဆိုတာမျိုးကို အသေးစိတ်နိုင်သမျှ အသေးစိတ် ပြန်မှတ်မိအောင် လုပ်ကြည့်ပြီး စိတ်စပြီးကျဆင်းတဲ့ ကာလအထိ စဉ်းစားဖို့ပါပဲ။

သတ်မှတ်ခြင်း(Identification)ဖြစ်ရတဲ့ ပြဿနာက သတိလက်လွတ် ဖြစ်သွားလို့ပဲ လို့ဆိုရမယ်။ ရံဖန်ရံခါလည်း စိတ်အပြောင်းအလဲကို သိပေမဲ့ ဘာမှလုပ်လို့ မရတော့တာ ရှိတယ်။ ဘာကြောင့်လဲဆိုတော့ အတိတ်အကြောင်းနဲ့ ပစ္စုပ္ပန်ကာလရဲ့ ဆက်သွယ်နေတဲ့ ကွင်းဆက်ကို ရေရေလည်လည် မမြင်လို့ပါပဲ။

သတိမဲ့နေခြင်းနဲ့ သတ်မှတ်ခြင်း (identification) ကိုငဲ့ညှာမိတာကြောင့် ကျွန်တော်တို့ဟာ အတိတ်မှာ နေထိုင်နေရတယ်။ ကိုယ်ရွေးချယ်ထားတာ မဟုတ်တဲ့ စိတ်အခြေအနေမှာ နေထိုင်နေရတယ်။

ဒီကွင်းဆက်ကို ချိုးဖျက်ပစ်ဖို့ရာကတော့ ကိုယ့်စိတ်ကိုယ်စစ်ခြင်း လိုတယ်။ ရှင်းပါတယ်။ အတွေးနဲ့ခံစားချက်တွေကို တတ်နိုင်သမျှ စောင့်ကြည့်ဖို့ဖြစ်ပါတယ်။

အလုပ်မရှူပ်တဲ့ အချိန်မျိုးမှာ လူထူထူ လမ်းတစ်ခုခုကို လျှောက်သွားကြည့်ပါ။ အသံတွေ၊ အဆင်းတွေ၊ အနံ့တွေ က အတွေးကို ဘယ်လို ဖော်ဆောင်သွားသလဲ ဆိုတာကို သတိပြုကြည့်ပါ။ ခံစားချက်တွေ ပြောင်းလဲသွားတာမြင်ရင် လိုက်ကြည့်။ နောက်ဆုံး စိတ်အကျဘက် ပြောင်းသွားတာကို တွေ့ခဲ့ရင် စိတ်ကျစေတဲ့ ဖြစ်ရပ်တွေ(events)နဲ့ သတ်မှတ်ခြင်း (Identification) သဘောတရား ကို သတိပြုလာနိုင်လိမ့်မယ်။ ဒီလိုလုပ်နိုင်လာရင်တော့ စိတ်အပြောင်းအလွဲတွေကို ထိန်းသိမ်းလာနိုင်ပြီလို့ ဆိုနိုင်တယ်။

စိတ်ရဲ့သဘောက သူသိပြီးသားအရာ ဒုတိယအကြိမ်ထပ်ဖြစ်လာရင် ထူးပြီးသတိမပြုတော့ဘူး။ ဆိုတော့ ဒါကကောင်းပါတယ်။ ပထမအကြိမ်တုန်းက သိထားတာကလည်း မှန်တယ် ဒုတိယအကြိမ် ထပ်ဖြစ်တာကလည်း ပထမအကြိမ် ဖြစ်တာနဲ့ တိုက်ရိုက်တူညီတယ် ဆိုရင် ဒါက စွမ်းအားချွေတာတဲ့ သဘောမိုလို့ ကောင်းပါတယ်။

ခက်တာက မှန်တယ်လို့ ထင်နေရင် ထပ်ဆင့် သင်ယူဖို့က ခက်တယ်။ မှန်နေမှတော့ နောက်တစ်မျိုးဘာလို့ ထပ်သင်ဦးမလဲ ဆိုတာက လာတော့မယ်။ မှန်တယ်လို့ "ဆင်ခြင်" နေတာနဲ့အမျှ မှားတယ်လို့ "သိ"နေမှ ပြီပြင်မယ်။ ဒါမှသာ ကိုယ်ပိုင် စွမ်းရည်ကို အသုံးချနိုင်ရုံတင်မက အသိပညာကို တိုးတက်ပြီး မှန်ကန်ကျယ်ပြန့်အောင် လမ်းဖွင့်ပေးထားတဲ့ သဘောသက်ရောက်မှာ ဖြစ်တယ်။

ဆင်ခြင်တယ် ဆိုတာကို ဒီနေရာမှာတော့ စိတ်ပဋိပက္ခတွေ စိတ်အပြောင်းအလွဲတွေ တင်းကြမ်းပြည့်နေတဲ့ ကျိုးပဲ့နေတဲ့စိတ်မျိုးက Identification (သတ်မှတ်ခြင်း) ပြုတာလို့ ဖွင့်ဆိုပါမယ်။ ဒီလို အကန့်အသတ်တွေ ရှိတဲ့အတွက် အမှန်တရားကို ရှာတဲ့ ဆင်ခြင်ခြင်းဟာ အမှားကို အမှန်ထင်တတ်တာ ဖြစ်ပါတယ်။ သိခြင်းကိုတော့ စိတ်ခံစားမှုအတွေ့အကြုံ ဖြစ်ပြီး ရှင်းပြလို့ မဖြစ်နိုင်တဲ့ သိမှုသက်သက်လို့ပဲ ဆိုလိုတယ်။

သတ်မှတ်ခြင်း( identification)က ဘာနဲ့တူသလဲ ဆိုတော့ အခန်းအများကြီးနဲ့ အထပ်အများကြီးပါတဲ့ အိမ်မှာ နေထိုင်တာနဲ့တူတယ်။ အဲဒီအိမ်မှာမှ အောက်ထပ်ကို ခင်ဗျားက လုံးဝခြေမချဖူးဘူး။ ပြတင်းပေါက်လုံးဝမပါတဲ့ အခန်းနှစ်ခန်းလောက်မှာပဲ ခင်ဗျားနေတယ်။ ဒီသဘော။ ခင်ဗျားကသိသမျှနဲ့ တင်းတိမ်နေပြီး ကျန်တာတွေကို လျစ်လျူရှုထားတယ်။ အိမ်ထဲမှာ သိစရာတွေ အပုံအပင်ကျန်သေးပေမဲ့ မသိရတဲ့အတွက်(သိသမျှအချက်တွေဟာ ဘ၀အတွက် ဖူလုံတဲ့ တိုင်အောင်) ကျွန်တော်တို့ဟာ ဘ၀ကို ကန့်သတ်ချက်တွေ၊ စည်းဘောင်လွတ်မှုတွေကြား နေထိုင်ရတာမျိုး ဖြစ်သွားရပါတယ်။

ဒီပရိုဂရမ်မှာ (Imagination) စိတ်ကူးယဉ်ခြင်းကို မကောင်းတဲ့ အဓိပ္ပါယ်အနေနဲ့ သုံးနှုန်းပါတယ်။ နေ့အိပ်မက်မက်ခြင်းနဲ့ တလွဲတချော် ယုံမှားခြင်းမျိုးတွေ ပါဝင်တယ်။ လူနဲ့အရာဝတ္ထုတွေကို မဟုတ်တရုတ် ပုံဖော်တာမျိုးပဲ။ တကယ်မလုပ်နိုင်တဲ့ အလုပ်တစ်ခုကို လုပ်နိုင်တယ်လို့ စိတ်ကူးယဉ်တာမျိုး။ ဒါမှမဟုတ် လတကယ်လုပ်နိုင်တာထက် ပိုလွန်ပြီး စိတ်ကူးယဉ်ထားတာမျိုးပါ။ ကိုယ့်ကိုယ်ကိုယ် မပြည့်ဝသေးတဲ့ လူညံ့အဖြစ် သိမြင်နေပေမဲ့ စိတ်ကူးကမ္ဘာမှာတော့ တမျိုးလုပ်တာမျိုးပေါ့။

ကျွန်တော်တို့ဟာ ဘ၀ရဲ့အများစုကို စိတ်ကူးယဉ်ခြင်းနဲ့ ဖြုန်းတီးပစ်တယ်။ စိတ်ကူးယဉ်တာကနေ သတ်မှတ်ခြင်း (identification) ဆက်ဖြစ်လာပြန်ရော။ စိတ်ကူးယဉ်တာမှာ ဘယ်လောက် ဖြုန်းထားသလဲ လေ့လာကြည့်ပါဦး။ ဒီစိတ်ကူးယဉ်တာတွေက စိတ်ကို အပေါင်းဘက်ရောက်စေသလား အနှုတ်ဘက်ရောက်စေသလား လေ့လာကြည့်ပါဦး။ စိတ်ကူးယဉ်ခြင်းက အမှန်တရားကို အမှတ်တမဲ့ဖြစ်စေပြီး ကျွန်တော်တို့ကို အိပ်မက်ကမ္ဘာဆီ ဆွဲခေါ်သွားတာ ဖြစ်ပါတယ်။

စိတ်ကူးယဉ်ခြင်းရဲ့ အနှုတ်ဘက်သဘောက အနှုတ်ဘက်ရောက်တဲ့ ခံစားမှုတွေကိုဖြစ်စေပြီး စွမ်းအားသတ္တိတွေကို ဖြုန်းတီးပစ်တယ်။ အပေါင်းဘက် သဘောကလည်း အပေါင်းသဘော ခံစားချက်ကိုဖြစ်စေပြီး လက်တွေ့ ဖြစ်ပျက်နေတဲ့ အခြေအနေကနေ သွေဖည်ပြီး အိပ်မက်ကမ္ဘာကြီးတစ်ခုကို တည်ထောင်လို့ နေထိုင်နေစေပြန်တယ်။ နှစ်နည်းစလုံးက စက်ရုပ်လူသား အဖြစ်မျိုးနဲ့ အလားသဏ္ဍာန်တူပါတယ်။ အလိုအလျောက် တုံ့ပြန်မလား၊ အိပ်နေမလား ဆိုတဲ့ဘက်ကို ရောက်သွားတာပဲ ဖြစ်ပါတယ်။

ဒီနေရာဟာ အခွင့်အရေးတွေဆုံးရူံးတဲ့ နေရာ၊ နားလည်မှုလွဲတဲ့နေရာ၊ ဆုံးရှူံးမှုတွေဖြစ်တဲ့နေရာ၊ ပဋိပက္ခတွေ ဖြစ်တဲ့ နေရာ ဖြစ်တယ်။ ဒီနေရာဟာ အနှုတ်သဘောဆောင် အခြေအနေတွေ အားလုံးကို ဖန်တီးတဲ့နေရာလည်း ဖြစ်တယ်။ အနှုတ်သဘောချည်း သက်သက် မြင်ရတာကိုက အပေါင်းသဘော မြင်လောက်အောင် မျက်စိမပွင့်သေးဘူးလို့ ဆိုလိုရာ ရောက်ပါတယ်။ အိပ်နေလို့ ရင်လည်း ဖြစ်ရမယ်။ နိုးထနေရင်တော့ နှစ်ဘက်စလုံးကို မြင်ရဖို့ကောင်းတယ်။ နိုးကြားထကြွနေမှသာ ရထိုက်တဲ့ အကျိုးကိုရမှာ ဖြစ်သလို ကာကွယ်ထိုက်တဲ့ ဘေးဒုက္ခကိုလည်း ကာကွယ်ပြီးသား ဖြစ်မှာဖြစ်ပါတယ်။

လေ့ကျင့်ခန်း၃-၃ အနှုတ်သဘောဆောင်တဲ့ စိတ်ခံစားမှုတွေကို မဖော်ပြပါနဲ့။ အနှုတ်သဘောဆောင်တဲ့ စကားတွေ( အတင်းအဖျင်းတွေ ၊ စိတ်ဓာတ်ကျတဲ့ မှတ်ချက် စတာတွေ) ကိုရှောင်ပါ။ အနှုတ်သဘောဆောင်တဲ့ အတွေးကတော့ သတ်မှတ်ခြင်း အချို့ကြောင့် ဖြစ်ရတာ ဖြစ်တယ်။ တွေးခြင်းနဲ့ အနှုတ်စကားတွေကို ရပ်လိုက်တာနဲ့ သတ်မှတ်ခြင်းကို ရပ်ဆိုင်းပြီးသား ဖြစ်သွားပါလိမ့်မယ်။

(ဒေးဗစ်ဆင်မြူရယ်အကြောင်း- မူရင်းစာရေးသူ ဒေးဗစ်ဆင်မြူရယ်လ်က သူ့ကိုယ်သူ ဒဿန သမားလည်းမဟုတ်ဘူး၊ ကျောင်းဆရာလည်း မဟုတ်ဘူး၊ မိန့်ခွန်းအချွေကောင်းတဲ့ ဟောကြားသူလည်းမဟုတ်ဘူး၊ သာမန်လူလို့ပဲ ဆိုပါတယ်။ အောင်မြင်တဲ့ ဘိဇနက် သမားလို့တော့ ပြောလို့ဖြစ်ချင်ဖြစ်မယ်။ သူ့အသက် ၂၉ နှစ်မှာ နိုင်ငံ၁၅ နိုင်ငံက စက်ရုံ ၂၅ ခုကျော်မှာ ကုမ္ပဏီအများအပြား ပိုင်ဆိုင်နေတဲ့ ပုဂ္ဂိုလ်ပါ။ မိုက်ကယ်ဂျက်ဆင်တို့လောက် နာမည်မကျော်ပေမဲ့ ဘ၀ကို ကျေနပ်မှုအပိုင်းကတော့ တော်ရုံလူထက် သာလွန်လိမ့်မယ်ထင်တယ်။ စိတ်အကြောင်းကို သိလေလေ ဘ၀ကို ကျေနပ်ပျော်ရွှင်စွာ ဖြတ်သန်းနိုင်လေလေ ဖြစ်တာကိုး။

မူရင်းစာရေးသူဟာ သူ့ကိုယ်ပိုင်အတွေ့အကြုံတွေကို အသုံးပြုပြီး စိတ်ပညာကျမ်းဆန်ဆန် စာတွေရေးပါတယ်။ သူ့စာအုပ်တွေကို Spencer Johnson ရဲ့ The Present လို ဘိဇနက် + စိတ်ပညာ တက်ကျမ်းမျိုးနဲ့ တစ်ဂိုဏ်းထဲထားလို့ ရမယ်ထင်ပါတယ်။ စီးပွားရေးနဲ့ စိတ်ပညာမှာ သူ့ကိုနမူနာယူတဲ့ တပည့်သားချင်းတွေ အများအပြားရှိတယ်။ သူ့အယူအဆတွေက ဗုဒ္ဓ၀ါဒနဲ့ ဘာမှမကွာပါဘူး။ ဗုဒ္ဓဘာသာကို တစ်လုံးတစ်ပါဒမှ မလေ့လာဖူးဘဲ သူ့ဖာသာခေါင်းထဲက ပေါ်လာတာတွေ ဖြစ်တယ်လို့ အကယ်၍ တစ်ဦးဦးက ပြောလာရင်တောင် ယုံဖို့ ခပ်ခက်ခက်ပဲ။ ဒီပုဂ္ဂိုလ်က စိတ်ပညာကို လောကီရေးမှာ ကောင်းကောင်း အသုံးချပြသွားတယ်။

နောက်ထပ် ညွှန်းလိုတဲ့ ကိုယ်ကျင့်အတွေးအခေါ်နဲ့ စိတ်ပညာများကတော့ ဦးရွှေအောင်ရဲ့ ဗုဒ္ဓ၀ါဒအခြေခံ ဆောင်းပါးတွေ ကျမ်းတွေ ဖြစ်ပါတယ်။ ဘာသာပြန်သူ)

Posted by AHlaTaya at 5:00 PM

Read more...

ဗုဒ္ဓဘာသာနှင့် အတွေးအခေါ်လွတ်လပ်မှု

မြတ်ဗုဒ္ဓဒေသနာတော်အရ ဝိစိကိစ္ဆာဟူသောယုံမှား ခြင်းသည် ရှင်းလင်းသောအသိ(သစ္စာအသိ)၏ ကြီးမားသော အတားအဆီးတစ်ခုဖြစ်သည်။ ထို့အပြင် စိတ်ဓာတ်ဖွံ့ဖြိုး တိုးတက်ရေးသာမက မည်သည့်ဖွံ့ ဖြိုး တိုးတက်ရေး မျိုးကိုမဆို ဝိစိကိစ္ဆာတရားသည် ကြီးမားသောအနှောက်အယှက် အတား အဆီးတစ်ခုဖြစ်သည်။
သို့သော်- ဝိစိကိစ္ဆာဟူသော ယုံမှားမှုသည် တကယ် စင်စစ် ကြီးမားသောအပြစ်ကြီး Sin-တစ်ခုတော့မဟုတ်ပေ။ အဘယ့်ကြောင့်ဆိုသော် ဗုဒ္ဓဘာသာတွင် အခြားသောဘာ သာများမှာကဲ့သို့ အခိုင်အမာ ကတိပြု ယုံကြည်ခြင်းမျိုးမရှိပေ။ အခြားဘာသာများ၌ သက်ဆိုင်ရာဘုရားသခင်တို့ကို မယုံကြည်လျှင် (သို့) ယုံမှားခြင်းဖြစ်လျှင် ကြီးလေးသော ပြစ်ဒဏ်ထိုက်သည်။ ထိုအပြစ်မျိုးကိုSin- ဟုခေါ်ကြသည်။
ဗုဒ္ဓဘာသာ၌ ဗုဒ္ဓကိုယုံမှားရုံမျှ မယုံကြည်ရုံမျှဖြင့် ထိုယုံမှားသူ မယုံကြည်သူတို့မှာ ကြီးလေးသောပြစ်ဒဏ်ထိုက် သည်ဟူ၍ ဆိုရိုးမရှိချေ။ မကောင်းမှုအားလုံးတို့၏ ရေသောက်မြစ်သည် ဝိစိကိစ္ဆာမဟုတ်။ အဝိဇ္ဇာ (မသိခြင်း) နှင့် တဏှာ (အလိုရမက်ကြီးခြင်း)တို့ ဖြစ်ကုန်၏။ တွေဝေခြင်း ယုံမှားခြင်း တုန်လှုပ်ခြင်း ဆုံးဖြတ်နိုင်မှု ခက်ခဲခြင်းတွေ ရှိနေသမျှကာလပတ်လုံး ထိုသူ့ဘဝမှာ တိုးတက်မှု မဖြစ်နိုင်ဟူသော အချက်ကို ငြင်းနိုင်ဖွယ်မရှိချေ။
အရှိတရား အမှန်တရားကို ရှင်းလင်းစွာ မသိကြသေးသမျှကာလပတ်လုံး ထိုသူတို့၏သန္တာန်မှာ သံသယ ကိန်းအောင်းနေသေးလို့-ဟူသော အချက်သည်လည်း ငြင်း နိုင်ဖွယ်ရာမရှိချေ။ ဘဝ၏ စိတ်ပိုင်းဆိုင်ရာ အဆင့်မြင့်မြင့် တိုးတက်ဖို့ရန်အလို့ငှါ ထိုဝိစိကိစ္ဆာတရားကို အကြွင်းမဲ့ ပယ်သတ်ရမည်ဟူသည့်အချက်မှာ အမှန်တကယ်လိုအပ် သည့် လိုအပ်ချက်ပင်ဖြစ်သည်။ ထိုဝိစိကိစ္ဆာကို အကြွင်းမဲ့ ပယ်ပစ်မည်ဆိုလျှင် ထိုသူသည် အရှိနှင့်အမှန်ကို အတိအကျ ရှင်းလင်းသိမြင်ရမည်ဖြစ်သည်။
လူတစ်ယောက်ကို "သင်သည် ဤအချက်၌ မယုံမှား သင့်၊ ဤအချက်၌ ယုံကြည်ရမည်"ဟုပြောဆိုရန်"အကြောင်း အချက်မရှိပေ။ တကယ်ပြောရန်လိုအပ်သည်ကား သင်သိတာ သင်မြင်တာကို ငါယုံကြည်၏-ဟု ဆိုလိုခြင်းမဟုတ်၊ ငါသိတာ ငါမြင်တာကို ငါယုံကြည်၏-ဟု ပြောဆိုရန်သာရှိသည်။
ဥပမာ- ကျောင်းသားတစ်ယောက်သည် ဂဏန်း သင်္ချာပုစ္ဆာတစ်ခုကို တွက်ချက်နေ သည်ဆိုပါစို့၊ ထိုဂဏန်း သင်္ချာပုစ္ဆာသည်သူသိမြင် တတ်ကျွမ်းထားသည့်အဆင့်ကို ကျော်လွန်ပြီး ခက်လွန်းနေလျှင် ထိုကျောင်းသား၌ စိတ်ရှုတ်ခြင်း တွေဝေခြင်း ဝိစိကိစ္ဆာ ဝင်လာပြီဖြစ်သည်။ ထိုဝိစိကိစ္ဆာ သူ့မှာ ရှိနေသမျှကာလပတ်လုံး ထိုကျောင်းသားတွက် ဂဏန်း သင်္ချာအတတ်သည် တိုးတက်ဖို့ မဖြစ်နိုင်တော့ချေ။
သူသည်ရှေ့သို့တစ်ဆင့်တက်လိုလျှင် ထိုပြဿနာကို ရှင်းပစ်ရမည်။ ထိုသံသယကို ပယ်ပစ်ရမည်။ ထိုဝိစိကိစ္ဆာ သံသယတို့ကို ပယ်ရှားသောနည်းလမ်းများရှိပါသည်။
"ကျွန်ုပ် ယုံကြည်ပါ၏၊ ကျွန်ုပ် သံသယမရှိပါ "ဟု ပြောဆိုရုံမျှဖြင့် ပြဿနာ၏အဖြေကို ရလိမ့်မည်မဟုတ်ပါ။ ကိုယ်တိုင်သိမြင်နားလည်ခြင်းမရှိပဲ တစ်စုံတစ်ခုသောဝါဒကို လက်ခံဖို့ရန် အတင်းအကြပ်ပြုလုပ်ခြင်းသည် သူ၏စိတ်ဆန္ဒ နှင့် အသိပညာမပါသောကြောင့် နိုင်ငံရေးသမားတို့ အတင်းအကြပ် စည်းရုံးသိမ်းသွင်းခြင်းမျိုးဖြစ်သည်။
မြတ်ဗုဒ္ဓသည် လူသားတိုင်းကို ဆန္ဒပြင်းပြစွာနှင့် အစဉ်သဖြင့် တိုက်တွန်းသည်မှာ ဝိစိကိစ္ဆာ (ယုံမှားသံသယ) ကို ပယ်ရှားဖို့ရန် ဖြစ်သည်။ မြတ်ဗုဒ္ဓသည် လူးသားတို့၏သန္တာန်ဝယ် စွဲမှီ၍နေသော ကြောင်းကျိုး အကောင်းအဆိုး အမှားအမှန်ကို မဝေခွဲနိုင် မဆုံးဖြတ်နိုင်သည့် ထိုကဲ့သို့သော ဝိစိကိစ္ဆာမျိုးကို ပယ်ရှာဖို့ ပြင်းပြသောဆန္ဒရှိတော်မူ၏။
သူ၏ ပရိနိဗ္ဗာန်မပြုမှီ မိနစ်ပိုင်းအတွင်းကလေးမှာပင်လျှင် သူသည် သူ၏တပည့်သာဝကတို့ကို အကြိမ်ပေါင်း များစွာပြောဆိုခဲ့သည်မှာ "ရဟန်းတို့ ငါဘုရားရဲ့ အဆုံးအမနှင့် ပတ်သက်၍ သင်တို့မှာ ယုံမှားသံသယရှိကြလျှင် ငါဘုရား ကိုပွင့်ပွင့်လင်းလင်း မေးလိုက်ကြ။ ငါဘုရားမရှိသည့် နောက် သင်တို့၏စိတ်အစဉ်ဝယ် သံသယတို့ဖြင့် ရှုတ်ထွေးပြီး စိတ်ပင်ပန်းမှုများဖြင့် မကျန်ရစ်စေကြကုန်နှင့်။ ငါဘုရား ရှိခိုက် သင်တို့၏သံသယများကို မေးခြင်းဖြင့် သင်တို့၏ယုံမှားမှုကို ရှင်းလင်းကြ"ဟူသတည်း။
"ထိုအခါ တပည့်တို့သည် ဆိတ်ငြိမ်၍ နေကြကုန်၏၊ ထိုအခါ မြတ်ဗုဒ္ဓက ဆက်လက်၍မိန့်ကြားသည်မှာ "သင်တို့ သည် အကယ်၍ ငါဘုရားကို ရိုသေကြောက်ရွံ့သောကြောင့် မမေးနိုင်ကြကုန်သည်ဖြစ်အံ့၊ အချင်းချင်း အပြန်ပြန် အလှန်လှန် သံသယတွေကို ထုတ်ပြ၍ သံဃာအားလုံး၏ ကိုယ်စားပြု တစ်စုံတစ်ယောက်က ထိုဝိစိကိစ္ဆာ( သံသယ)တို့ကို ငါဘုရားအား မေးကြကုန်လော့"ဟူ၏။
ဤသည်မှာ ဘာသာရေးသမိုင်း၌ ဗုဒ္ဓဘာသာ၏ အတွေးအခေါ်လွတ်လပ်မှုကိုသာ ဖော်ပြရုံမျှမက ဆရာဖြစ်တော်မူသော မြတ်ဗုဒ္ဓ၏ သဘောထားကြီးခြင်း ခွင့်လွှတ်ခြင်းကိုပါ ဖော်ပြသည့် သမိုင်းတင်မှတ်တမ်းဖြစ်သည်။

Read more...

*သီတဂူဓမ္မ၀ိဟာရကျောင်း (အမေရိက)က ရဟန်းခံ ရှင်ပြု အလှူတော်မင်္ဂလာ*

စာတွေလည်း မရေးဖြစ်တာကြာပြီ။ အခြေအနေအရ ဘ၀တစ်ခုမှာ ရှင်နေရတယ်။ ဒါပေမယ့်လည်း အလွဲလေးတွေက ပေးတဲ့ ဒုက္ခဆိုတာလည်း တစ်ခါတစ်ရံ ချိုမြိန်လွန်းလှတယ်။ အကျပ်အတည်းထဲက ပေါက်ဖွားလာတဲ့ သုခဆိုတာလည်း ဂလိုပါပဲ။ ထားတော့ သူပြောချင်နေတာက ခရောင်းလမ်းက ပန်းတစ်ပွင့် အကြောင်းပါကိုပါ။ အဲဒါကတော့ ရေခြားမြေခြား သူများနိုင်ငံရဲ့ ဥပဒေအောက်ကနေ ကိုယ့်ယဉ်ကျေးမှု ပွဲလေးတစ်ခု ပြီးဆုံးအောင် လုပ်ခွင့်ရလိုက်တယ်။ ၀မ်းသာကြည်နူးမိပါတယ်။ အဲဒီ ပန်းတစ်ပွင့်ကတော့ အမေရိကားမှာ အလှူပွဲလေးတစ်ပွဲ အောင်မြင်စွာလုပ်ခဲ့ရတာကိုပါ။

ကိုယ့်တိုင်းပြည် ကိုယ့်ယဉ်ကျေးမှု မတူခြားနားတဲ့ နေရာတစ်ခုမှာ အောင်မြင်စွာ လုပ်နိုင်ခဲ့တာလေးက ဘာရယ် မဟုတ် ဘ၀အလွဲတွေက အလွဲကောင်းလေး တစ်ခု ဖြစ်နေတော့မှာလေ။

ဒီအလှူပွဲနဲ့ ပတ်သက်သူမှန်သမျှ ကျေးဇူးအနန္တပါလေ။

+++++++++++++++++++++++++++++++++++++++++++++++++++++++++

အရှင်နေမိန္ဒ (ငွေသာတွင်း) ဘလော့မှ ကူးယူဖော်ပြ မျှဝေပါသည်။

လေးစားရိုသေစွာဖြင့်
ဖိုးသား

29.08.2009, SAT:, 02:04:25 PM

Posted by sonesiyar.blogspot.com at 1:02 PM

trackbacks

Read more...

သောတာပန်သို့ သွားရာလမ်း

သောတာပန် ဆိုလို့ ဟာသလေးတစ်ခုသွားသတိရမိတယ်။ဓမ္မကထိကတစ်ပါးက သူဟောစဉ်တရားတစ်ပုဒ်မှာ ထည့်ဟောသွားတာပါ။ ဟောစဉ်တရားဆိုလို့ သတိထားစရာလေးတစ်ခုပြောချင်ပါသေးတယ်။ ဓမ္မကထိကတွေဟာ ပုထုဇဉ်တွေဖြစ်ပါတယ်။ ကျမ်းကြီးရခိုင်နဲ့ အသေအချာ ကြည့်ပြီးဟောပေမယ့် ဟောရင်းလိုတိုး ပိုလျော့ ပြောမိတတ်တယ်။ နောက် နှုတ်ကျွံသွားတတ်တယ်။ ဘာသာရေး စာပေကို ရေးသားသူများအနေနဲ့ ဟောစဉ်တရားကို ကိုးကားတော့မယ်ဆိုရင် သူညွှန်းခဲ့တဲ့ ကျမ်းကို ရှာဖွေသင့်ပါတယ်။ ကျမ်းညွန်းမပါခဲ့ရင် တတ်ကျွမ်းသူများကို မေးမြန်းသင့်ပါတယ်။ ဒီလိုပြောရတာက အွန်လိုင်းပေါ်ရှိ ဘာသာခြားဆိုဒ်တစ်ခုက ဓမ္မကထိက တစ်ပါးရဲ့ တရားကို ကိုးကားပြီး ဘုရားရှင်ကလည်း ဖန်ဆင်းရှင်က ဖန်ဆင်းထားခြင်းမျှသာ ဖြစ်ကြောင်းအထိ ကောက်ချက်ဆွဲသွားလို့ပါ။ သတိထားဖို့ပါ။ ဓမ္မကထိက ပြောသွားတဲ့ သောတာပန် ကိစ္စလေး ကတော့ တစ်ခါက အဝေးပြေးကားတစ်စီးပေါ်မှာ ရဟန်းငယ်လေး သုံးပါး လေးပါးက မသင့်မလျော်တဲ့ နေထိုင်မှုမျိုးနဲ့ လိုက်ပါလာတယ်။ ဒါကိုလူတစ်ယောက်က ထပြောတယ်။ ဒီရဟန်းတွေ ငါရှိခိုးလိုက်ရင် အကုန်လုံးငရဲကျကုန်တော့မှာပဲလို့ ပြောတယ်။ အနီးရှိ လူတစ်ယောက်က “ခင်ဗျားက ဘာတုန်း” ဆိုတော့ “ကျုပ်က သောတာပန်ဗျ” တဲ့။ အဲ ခမျာ သောတာပန်သာ ဖြစ်နေရရှာတယ်။ ဘယ်လိုလက္ခဏာပြည့်စုံရတယ် ဆိုတာ မသိဘူးထင်ပါရဲ့။ သောတာပန်ဆိုတာ ဒိဋ္ဌိနှင့် ၀ိစိကစ္ဆာကို ပယ်သတ်နိုင်လို့ သောတာပန်ဖြစ်တာပါ။ အဲဒီ ဒိဋ္ဌိနဲ့ ၀ိစိကစ္ဆာကို မပယ်သတ်နိုင်ဘဲ ဖြစ်တဲ့ သောတာပန်တော့ ရှိတယ်။ သူတို့ကို စူဠသောတာပန်လို့ခေါ်တယ်။ ဘုရားရှင်က ဟောထားတာ မဟုတ်ပါဘူး။ အဋ္ဌကထာဆရာများက သီလ၀ိသုဒ္ဓိဖြစ်သူ စိတ္တ၀ိသုဒ္ဓိဖြစ်သူတို့ကို သောတာပန်နီးနီး ဂုဏ်အင်္ဂါရှိလို့ စူဠသောတာပန်လို့ သတ်မှတ်ပေးထားတာပါ။ သူဆက်လျှောက်ရင် သောတာပတ္တိမဂ်ကို ရောက်နိုင်လို့ပါ။

သောတာပန်ဖြစ်ဖို့ လွယ်သလား။ သောတာပန်သို့ သွားရာလမ်းက ဘယ်လမ်းလဲ။ သောတာပန်ဖြစ်ဖို့ ပထမဦးဆုံး သီလစင်ကြယ်ရပါမယ်။ ဒါကတော့ သူပြောမှ ကျနေတာပဲလို့ မပြောပါနဲ့။ သီလစင်ကြယ်ရမယ် ဆိုရာမှာ ၀ါရိတ္တသီလ စင်ကြယ်နေရုံနဲ့ မပြီးပါဘူး။ စာရိတ္တသီလပါ ပြည့်စုံရပါမယ်။ စာရိတ္တသီလ မပြည့်စုံရင်လည်း သီလပြည့်စုံတယ်လို့ ပြောလို့မရပါဘူး။ စာရိတ္တသီလရော ၀ါရိတ္တသီလကိုပါ ပြည့်စုံအောင် ဆောက်တည်ရပါတယ်။ ဒီလောကမှာ ဘဏ်စောင့်တစ်ဦးက ဘဏ်ကို လုံခြုံအောင်စောင့်ရင် ဘဏ်လည်း သူ့ကို လုံခြုံအောင် ပြန်စောင့်ရှောက်သလို သီလကို လုံခြုံအောင်စောင့်ရင် သီလကလည်း လူကို ပြန်လည်စောင့်ရှောက် ပါတယ်။ အချင်းချင်းအဲဒီလို ပြန်လည်စောင့်ရှောက်မှုရှိပြီဆိုရင် ဘေးနှောင့်ယှက်မှု စိတ်အတွင်းက နှောင့်ယှက်မှုတို့ ကင်းကွာပါတယ်။ နှောင့်ယှက်မှုတွေ စိုးရိမ်ကြောင့်ကြရမှုတွေ ကင်းကွာရင် ၀မ်းမြောက်မှု ဖြစ်ပေါ်လာပါတယ်။ ၀မ်းမြောက်ရင် နှစ်သက်မှုပီတိတွေ ဖြစ်ပါတယ်။ ပီတိကြောင့် ကြည်လင်မှုတွေ ဖြစ်ပေါ်တယ်။ ကြည်လင်မှုကြောင့် ချမ်းသာမှု ဖြစ်ပေါ်တယ်။ ချမ်းသာမှုက စိတ်ချမ်းသာမှုပါ။ စိတ်ချမ်းသာ တာကလည်း သီလပြည့်စုံမှုရဲ့ အကျိုးဆက်ကြောင့် ဖြစ်ပေါ်တဲ့ စိတ်ချမ်းသာမှုမျိုးပါ။ အဲလို စိတ်ချမ်းသာပါမှ သမာဓိရနိုင်ပါတယ်။ အဲဒီသမာဓိကို အားကိုးပြီးမှ ၀ီရိယလေးပါးနဲ့ တရားကို အားထုတ်ရပါတယ်။ ၀ီရိယလေးပါးနဲ့ အားထုတ်ပါမှ ဉာဏ်စဉ်တွေ ရနိုင်ပါတယ်။ သာမန်ကာ လျှံကာနဲ့ မရပါဘူး။ အားမထုတ်ဘဲနဲ့တော့ မဖြစ်ရေးချ မဖြစ်ပါခင်ဗျာ။ တရားစခန်းကို လေးငါးရက်ဝင်လိုက်တာနဲ့လည်း မဖြစ်သေးပါဘူး။ ၀ီရိယလေးပါးနဲ့ အားထုတ်ရပါတယ်။ ရိုးရိုးလေး မဟုတ်ပါဘူး။ အဲလို သမာဓိရရှိနေချိန်မှာ ၀ီရိယလေးပါးနဲ့ ကျင့်ရင်း သောတာပန်မဖြစ်ဘဲ လမ်းလွဲသွားတတ်တဲ့ အကြောင်းလေးကလည်း ရှိပါသေးတယ်။

လူတိုင်း ပပဉ္စတရားရဲ့ ချုပ်နှောင်မှုကို ခံရပါတယ်။ တစ်ခုခုဖြစ်လိုက်တာနဲ့ တဏှာ မာန ဒိဋ္ဌိသုံးပါးက ၀င်းပူးပြီး လူကို ညစ်ပါတယ်။ စွဲလန်းခိုင်းတယ်။ မာန်တက်ခိုင်းတယ်။ တထစ်ချ မှတ်ယူစေတတ်တယ်။ မေတ္တာရှင် ပြောသလို ရင်ဝကလှံကို ထုတ်ဖို့တရားအားထုတ်ခါမှ နောက်လှံတစ်ချောင်း ထပ်စိုက်ခံရတာ ဒီနေရာမှာ ဖြစ်တတ်ပါတယ်။ ဘာဖြစ်တတ်တာလဲ။

တရားကျင့်ရင်း ကျင့်ရင်း ရုပ်နှင့် စိတ်ဟာ အတော်လေး ကြည်လင်လာတယ်။ ကြည်လင်လာပြီးနောက် အရောင်အ၀ါတွေ ထွက်လာတယ်။ အရောင်အ၀ါတွေက ဟိုးအထက် အကနိဋ္ဌဘုံအထိတောင် တက်နိုင်တယ်။ အဲဒီအချိန်မှာ ငါအောင်ပြီလို့ ထင်တတ်တာက တစ်ခု။

တရားကျင့်ရင်း ကျင့်ရင်း ပီတိတွေဖြစ်လာတယ်။ ပီတိငါးပါးထဲက နောက်ဆုံးဖြစ်တဲ့ ဖရဏာပီတိအထိ ရောက်လာတတ်တယ်။ အဲဒီအခါ ငါတရားပေါက်ပြီလို့ ထင်တတ်တာက တစ်ခု။

တရားကျင့်ရင်း ကျင့်ရင်း ဒီရုပ်နာမ်တွေက အလွန်ငြိမ်းချမ်းသွားတယ်။ ငြိမ်းချမ်းလွန်းမက ငြိမ်းချမ်းတော့ ရုပ်တွေ စိတ်တွေဟာ ကြည်တောက်လာတယ်။ အဲဒါကို စွဲလန်းသွားပြီး ငါတရားထူးရပြီလို့ ထင်တတ်တာက တစ်ခု။

နောက်တစ်ခုက ၀ိပဿနာထဲ အာရုံနစ်ဝင်သွားတာ

နောက်တစ်ခုက ၀ိပဿနာထဲကနေ စိတ်ကို ပြန်ဆုတ်လို့မရတော့တာ

နောက်တစ်ခုက သုခဝေဒနာတစ်ခုတည်းသာ ဖြစ်ပေါ်လာတော့တာ

နောက်တစ်ခုက ရှုလိုက်တိုင်း ၀ိပဿနာဉာဏ်သာ ပေါ်လာတော့တာ

နောက်တစ်ခုက ၀ိပဿနာပေါ်သာ စိတ်ကတည်နေတော့တာ

နောက်တစ်ခုက ရှာစရာမလိုတော့ဘဲ ခန္ဓာကို ဖြစ်ပျက် အလိုလိုမြင်နေတာ

နောက်တစ်ခုက ၀ိပဿနာအပေါ် သာယာနေမိတာ

အဲ နောက်ဆုံးတစ်ခုကတော့ ပိုဆိုးတာ အထက်ပါ အဆင့်ကိုးဆင့်ကို သူကျော်လွန်နိုင်ပြီလို့ မှတ်ယူမိတာ တို့ပဲဖြစ်ပါတယ်။ အဲဒီအဆင့်ဆင့်တွေကို ၀ိပဿနာညစ်ညူးကြောင်းလို့ခေါ်ပါတယ်။ တရားထူးရသယောင် လူတွေကို လှည့်ဖျားတတ်ပါတယ်။ ဒီနေရာမှာ ပပဉ္စတရားကိုသာ မခွာနိုင်ရင် “ငါ့သား ကြက်ကို မသတ်နဲ့၊ အဖေသတ်မယ်၊ အဖေက ငရဲမကျတော့ဘူး၊ သောတာပန်ဖြစ်ပြီးသား” ဖြစ်သွားမယ်။ ကဲ သောတာပန်ကို ဘယ်လမ်းကသွားမလဲ။ သင် ၀ါရိတ္တသီလ ကိုစောင့်ထိန်းရဲ့လား။ စာရိတ္တသီလပြည့်စုံရဲ့လား။

အဘိဓမ္မတ္ထသင်္ဂဟ ကမ္မဋ္ဌာန်းပိုင်းနှင့် ပါ-ဋ္ဌ နှာ (၇၇)ကို ကိုးကားရေးသားပါတယ်။

Read more...

ကျင့်လျှင်ချမ်းသာ၊လွန်စွာငြိမ်းအေး

ချစ်သောညီမ ချယ်ရီ နဲ့ စနိုးရေ....

ညီမတို့ ပေးပို့တဲ့ ဘုရား အနေကဇာတင်ပူဇော်ပွဲနှင့် တတိယအကြိမ်မြောက် ခင်ပွန်းကြီးဆယ်ပါး ပူဇော် ကန်တော့ပွဲ သတင်းလေး တွေ ဓာတ်ပုံလေးတွေကို ကြည့်ပြီး သာဓု အကြိမ် ကြိမ်ခေါ်မိပါတယ်ညီမတို့ရေ..။ အမရဲ့ ဓမ္မမှတ်တမ်း သဘော အနေနဲ့ ညီမ စနိုး ရဲ့စာလေးကိုဓာတ်ပုံ များနဲ့ အတူ ဖေါ်ပြလိုက်တယ်နော်။

မမရေ-------

မမကစပြီး ပြုစုပြိုးထောင်ပေးခဲ့တဲ့ ခင်ပွန်းကြီးဆယ်ပါး ပူဇော်ကန်တော့ပွဲအလေ့အထလေး ကိုသမီးတို့ အစဉ်အဆက်လေးဖြစ်အောင် လုပ်ဖြစ်နေတယ်။
အခုတစ်ခေါက်က ဘုရားခန်းအသစ် ကိုပြောင်းပြီး ပထမဆုံး လုပ်ဖြစ်တာပါ။ ဒီတစ်ခေါက်က လူလည်းပိုစုံတယ်။ ဒီနှစ် Aug 09 intake ကလူသစ်တွေလည်း ပါတယ်လေ။
မမ၀မ်းသာရအောင် ဓါတ်ပုံတစ်ချို့လည်း ပို့ပေးလိုက်တယ်။ သာဓုခေါ်ပါနော်။ အကို မိုးသူအောင် နဲ့ မမသက်ထားမြင့်တို့ဆီလည်း ပို့ပေးလိုက်ပါအုန်းမယ်။
ကြေးဆင်းတုအသစ်က မမချယ်ရီ တို့ရဲ့ ဘုန်းဘုန်းတို့ က အေအိုင်တီမိသားစု အတွက် လှူသွားပေးတာမမ။
ခင်ပွန်းကြီးဆယ်ပါးနဲ့ တစ်ရက်ထဲ မနက်ပိုင်းက ဘုရားအနေကဇာတင်ပွဲ လုပ်ဖြစ်တယ်။
ဒါကြောင့် ဓါတ်ပုံထဲမှာ ဘုရားဆင်းတုတော် တွေအများကြီးပိုတွေ့ နေရတာ။
လေးစားခင်မင်စွာဖြင့်
ညီမ ခင်နှင်းဖြူ

တကယ်တော့ ညီမ ရေ အမတို့ ကသာသနာတော်တွင်းသား ဖြစ်လာရတာကိုက ကံကောင်းကြပါတယ်။ အေ အိုင်တီ ကိုလည်း မြန်မာပြည် မှ ဆရာတော်ကြီး တော်တော်များများ ကြွရောက်ပေးကြတယ်။ တရာရေအေး အမြိုက်ဆေး ကိုလာရောက် တိုက်ကျွေး ကြတာ အခုတော့ အဝေးကနေ သတိရ တန်ဘိုးထားတတ် နေမိပါတယ်။ တရားပိုင်ရှင် အစစ်ဖြစ်တော် မူသော မြတ်စွာဘုရားရဲ့ ဂုဏ်ကျေးဇူး ၊ တရားတော်ရဲ့ ဂုဏ်ကျးဇူးတွေကို ကို ပိုလို့ ဦးညွတ်ပူဇော် နေမိပါတယ် ညီမတို့ရေ..။

သာသနာ ထွန်းကားတယ် ဆိုတာ၊နေရာဒေသ ၊ အဆောက်အဦတွေပေါ် မှာ မူမတည်ပါဘူး ညီမရယ် လိုက်နာ ကျင့်ကြံသူ ရဲ့ နှလုံးသားထဲ မှာ သာ သာသနာတော် တည်ရှိတာပါ။
တရားမနာ ၊စာပေမသင်၊
နှုတ်တွင်မဆောင်၊သိအောင်မမှတ် ၊
ပဋိပတ်ကွာ ဤ ငါးဖြာ သာသနာ ကွယ်ကြောင်းတည်း။ ရယ်လို့ဆရာတော်ဘုရားများ လင်္ကာလေးနဲ့ ဆုံးမ တော် မူထားပါတယ် ညီမတို့ရေ..။
တရား ဆိုတဲ့ မြတ်စွာဘုရားရှင်ရဲ့ တရားဂုဏ်တော် တွေဟာ ပင်ကိုယ် သဘာဝကို က အနှစ်သာရပြည့်ဝ၊ ကောင်းမွန် ပြီးသားပါ။

(၁) သွက္ခာတော ဘဂဝတာ ဓမ္မော---မြတ်စွာဘုရားသည် တရားတော်ကို အစ အလယ် အဆုံး (၃)ပါး အစုံ ကောင်းခြင်းဂုဏ်နှင့် ပြည့်စုံစွာဟောကြားတော်မူပါပေ၏။
အစ၏ ကောင်းခြင်းမှာ----- ကြားနာယုံပင် အပူစင်ခြင်း၊
အလယ်၏ ကောင်းခြင်းမှာ ---ကျင့်ကြံလိုက်နာလျှင် ချမ်းသာခြင်း၊
အဆုံး၏ ကောင်းခြင်းမှာ ---ကျင့်ပြီးရင်လည်း လွန်စွာ ငြိမ်းအေး ခြင်းဆိုတဲ့ ဂုဏ်တွေ ပြည့်စုံပါတယ်ညီမရေ..။

(၂) ဓမ္မော တရားတော်မြတ် သည် သန္နိဋ္ဌိကော = ကျင့်ဆောင်သူတို့အား ယခုဘဝ ပစ္စက္ခ ၌ပင် တွေ့မြင် ယုံကြည်ရသော ကောင်းကျိုးချမ်းသာနှင့် လည်းပြည့်စုံပါပေ၏။

(၃) ဓမ္မော တရားတော်မြတ်သည် အကာလိကော= ကာလမရွေး ကျင့်သည့်နေ့ ပင် တွေ့မြင်ယုံကြည်ရသော ကောင်းကျိုးချမ်းသာနှင့် ပြည့်စုံ ပါပေ၏။

(၄) ဘဂဝတော= မြတ်စွာဘုရား၏ ဓမ္မော တရားတော်မြတ်သည် ဧဟိပဿိကော= (လာပါ၊ ရှုပါ၊ကျင့်ကြံပါ ) ဟု မပါပါအောင် ခေါ်ဆောင် သွတ်သွင်း တိုက်တွန်းခြင်း ငှာ ထိုက်တန်သော ဂုဏ်ကျေးဇူး အထူးနှင့်လည်း ပြည့်စုံပါပေ၏။

မြတ်စွာဘုရားရဲ့တရားတော်တွေဟာ နည်းနည်း ကျင့်လျှင် နည်းနည်း ချမ်းသာတယ်၊ များများကျင့်လျှင် များများ ချမ်းသာတယ် ။ကျင့်မိဘို့ ပဲလို အပ်ပါတယ် ညီမတို့ရေ..။ချမ်းသာမှာသေချာပေါက် ဖြစ်သောကြောင့် တိုက်တွန်းခြင်း ငှာလည်း ထိုက်တန်ပါပေတယ်။

(၅) ဘဂဝတော=မြတ်စွာဘုရား၏ ။ ဓမ္မော တရားတော်မြတ်သည် ၊ သြပနေယျိကော = မိမိကာယ အဇ္ဈတ္တ ရရှိပေါက်ရောက် ကိုယ်တွေ့မြောက်အောင် ကပ်၍ ဆောင်တတ်သော ဂုဏ်အထူးနှင့်လည်းပြည့်စုံ ပါပေ၏။

(၆) ဝိညူဟိ== တရားသိသူ ရှင်လူ အပေါင်း သူတော်ကောင်းတို့သည် ၊ ပစ္စတ္တံ-- အသီးသီးသော မိမိ တို့၏ သန္တန်မှာ ဝေဒိတဗ္ဗော --ချမ်းသာလေစွ။ကောင်းလေစွ ဟု ကာယ စိတ္တ သုခ နှစ်ပြင် ထင်ထင်ရှားရှား ခံစားသိမြင် ရသောဂုဏ်ထူးဝိသေသနှင့်လည်း ပြည့်စုံ တော် မူပါပေ၏ တဲ့ ညီမတို့ရေ..။

စီနီယာ စကားလေးစားတတ်သော အစဉ်အလာ ရှိတဲ့ကျောင်းမှာ အမ တို့ စီနီယာ့ စီနီယာတွေဟာ လည်း အမတို့ရဲ့ စံပြသဖွယ် နေထိုင်ပြ ခဲ့တာပါပဲ။ GTE က ဦးအောင်ဝင်းမော် တို့ မိသားစုဆိုရင် မုံလယ် ဆရာတော်ဘုရားကြီး ကို ပင့်ဖိတ်ပြီး ဘန်ကောက်မြို့ထဲက ကိုယ်ပိုင်အိမ်မှာ ကျောင်းသားများအတွက် တရားစခန်း လုပ်ပေးခဲ့ ဘူးပါတယ်။ဆရာမကြီးဒေါ်မြင့်မြင့်သိန်းနဲ့ အတူ စီနီယာ များစွာရဲ့ စွမ်းဆောင်ချက် တွေလည်း များစွာရှိခဲ့ပါတယ်။

တရားဂုဏ်တော်များရဲ့ကျးဇူး ကတော့ အဓိက ပါညီမတို့ရေ..။ဒါကြောင့်လည်း ကျေးဇူးတော်ရှင် မြတ်စွာဘုရားရဲ့သားတော် ရဟန်းတော် များ နှင့် ကျေးဇူးတော်ရှင် ပိုင်းလော့ဆရာတော် ဘုရားမှတဆင့် ရရှိထားတဲ့ တရားတော်ကို အမက ညီမ တို့ကို လက်ဆင့်ကမ်းနိုင်ခဲ့သလို ညီမတို့လည်း ဂျူနီယာတွေကို လက်ဆင့်ကမ်း တဲ့ အခါမှာ အောင်မြင်ခဲ့တာပေါ့ ညီမတို့ရေ..။

အမ အနေနဲ့ကလည်း ငါတက်ခဲ့တဲ့ကျောင်း၊ ငါ့ မြန်မာလူမျိုး၊ ငါ့ ဂျူနီယာ ၊ ငါ့ အဖွဲ့ ၊ ငါ့ ပရိသတ် ဆိုတဲ့ အစွဲအနှောင် အဖွဲ့ မရှိအောင် ကြိုးစားအားထုတ် နေတာဖြစ်တဲ့ အတွက် ချမ်းသာခြင်းကို မိမိ ခံစားရသလို လာပါ၊ရှုပါ ကျင့်ပါလို့ မျှဝေရခြင်းဖြစ်ပါတယ် ညီမရေ..။

ငါ့အဖွဲ့သားဖြစ်စေချင်လို့ အုပ်စု ဖွဲ့လိုသောစိတ်နဲ့ဆောင်ရွက်ခဲ့တာ မဟုတ်ပါ။ အထင်အမြင် ခံယူချက်တူရင် အုပ်စုဖွဲ့တတ်တာ၊ သတ်မှတ်ပြီး အစွဲတွေ ထူနေတာ သတ္တဝါ တို့ရဲ့ သဘာဝပဲကိုးညီမရေ..။အမလည်း ပါခဲ့ဘူးပါတယ်။
ကိုယ်ပြောတဲ့အတိုင်းမလုပ်လည်း စိတ်မဆိုးပါ။ မလုပ်လို့ ချမ်းသာနေရင်လည်း ဝမ်းမြောက်တာပါပဲ။..တကယ့် မေတ္တာ အစစ်၊ကရုဏာအစစ်၊ မုဒိတာ အစစ် ၊ဥပေက္ခာ အစစ် ထားနိုင်ဘို့ အရေးကြီးတာပေါ့နော်။

ဂျပန် ကို Internship သွားမဲ့ ညီမ မချယ်ရီ Thesis စရေးကြတော့မဲ့ ညီမ စနိုး ၊မေဆု၊ မြတ်ဆု၊ တို့နဲ့ အတူ Very Stressful Learning Environment ဖြစ်တဲ့ အေအိုင်တီမှ မျိုးဆက်သစ်များ အားလုံးကို တရား၏ဂုဏ် စိတ်ဝယ် ထုံထား နှလုံးသားမှာ ဘုရားတည်လို့ အခက် အခဲမျာစွာ ကို တည်ကြည်ရင့်ကျက်စွာ ဖြတ်သန်းလွန်မြောက် နိုင်ကြပါစေ လို့ မေတ္တာ စစ်စစ် များ ပို့သလိုက်ပါတယ်။

စာရေးသူ သစ္စာအလင်း at 10:06 AM

Read more...

သီလဟူသည်... ၉၄-မှ-၁၁၃...(တည်တောဆရာတော်)

တည်တောဆရာတော်၏ သီလဟူသည်...

စာမျက်နှာ ၉၄-မှ-၁၁၃...




















<---စာမျက်နှာ ၇၄-မှ-၉၃-သို့...

စာမျက်နှာ ၁၁၄-မှ- --->

Posted by monk at 8/28/2009 09:11:00 AM

Read more...

နေမိုးဝေ၏... သိကြားစေ သက်သေညွှန်း...

ပုံဘယ်ကရသည် မမှတ်မိပါ ပြင်လိုက်ပါသည်...

နေမိုးဝေ၏... သိကြားစေ သက်သေညွှန်း...

Posted by monk at 8/28/2009 09:11:00 PM

Read more...

ဦးနှောက်ကို ပျက်စီးစေသော အလေ့အထများ...

(၁) နံနက်စာ မစားခြင်း
နံနက်စာ မစားသော လူများသည် သွေးထဲတွင် ရှိသော သကြားဓာတ်ပမာဏကို လျော့နည်းစေပါသည်။ ၄င်းသည် အဟာရကို ထောက်ပံ့ဖို့ မလုံမလောက် ဖြစ်လာပြီး ဦနှောက်ပျက်စီးခြင်း၊ ဦးနှောက် ယိုယွင်းလာခြင်းကို ဦးတည်စေပါသည်။
(၂) အစားကို အလွန်အကျွံ စားခြင်း
၎င်းသည် ဦးနှောက် သွေးလွှတ်ကြောများကို မာကြောလာစေပြီး စိတ်ပိုင်းဆိုင်ရာ စွမ်းအားတွေကို လျော့နည်းလာစေပါသည်။
(၃) ဆေးလိပ်သောက်ခြင်း
ဆေးလိပ်သောက်ခြင်းသည် များစွာသော ဦးနှောက် အစိတ်အပိုင်းများကို ကျုံ့လာစေပြီး Alzheimer ရောဂါကို ဖြစ်ပွားစေနိုင်ပါသည်။
(၄) သကြားကို များစွာ စားသုံးခြင်း
သကြားများစွာကို စားသုံးခြင်းသည် အာဟာရ ချို့တဲ့ခြင်းကို ဖြစ်စေနိုင်သော ပရိုတိန်းနှင့် အာဟာရများ စုပ်ယူခြင်းကို အနှောက်အယှက် ဖြစ်စေလိမ့်မည်။ ထို့နောက် ဦးနှောက် ဖွံ့ဖြိုးမှုကို အဟန့်အတား ဖြစ်စေလိမ့်မည်။
(၅) လေထု ညစ်ညမ်းခြင်း
ခန္ဓာကိုယ် အစိတ်အပိုင်း (၂၀) ထဲတွင် ဦးနှောက်သည် အောက်ဆီဂျင်ကို အများဆုံး အသုံးပြုသော အစိတ်အပိုင်း ဖြစ်သည်။ မသန့်ရှင်းသော လေများကို ရူခြင်းသည် ဦးနှောက်ကို အောက်ဆီဂျင် ထောက်ပံ့မှု လျော့နည်းလာစေပြီး ဦးနှောက်၏ အကျိုးများမှုကို နည်းပါးလာစေပါသည်။
(၆) အိပ်ရေး မ၀ခြင်း
အိပ်စက်ခြင်းသည် ဦးနှောက်ကို အနားပေးခြင်း ဖြစ်သည်။ သို့သော် အချိန်ကြာမြင့်စွာ အိပ်စက်ခြင်းသည် ဦးနှောက်၏ ဆဲလ်များကို ပျက်စီးစေလိမ့်မည်။
(၇) အိပ်ပျော်စဉ် ဦးနှောက်ကို ဖုံးအုပ်ထားခြင်း
ဦးနှောက်ကို ဖုံးအုပ်ထားပြီး အိပ်ခြင်းသည် ကာဗွန်ဒိုင်အောက်ဆိုက်ဒ် စုစည်းမှုကို တိုးပွားစေလာပြီး ဦးနှောက်ကို ပျက်စီးစေနိုင်သော အကျိုးသက်ရောက်မှုကို ဖြစ်စေသည့် အောက်ဆီဂျင် နည်းပါးမှုကို ဖြစ်ပွားစေပါသည်။
(၈) မကျန်းမာစဉ် ဦးနှောက်ကို အလုပ်လုပ်ခြင်း
ဖျားနာနေစဉ်တွင် အလုပ်လုပ်ခြင်း၊ စာလေ့လာခြင်းများသည် ဦးနှောက်၏ အကျိုးသက်ရောက်မှုကို လျော့နည်းစေပြီး ဦးနှောက် ပျက်စီးစေပါသည်။
(၉) စိတ်ကို လန်းဆန်းစေသော အတွေးများ နည်းပါးခြင်း
တွေးတောခြင်းသည် ဦးနှောက်ကို လေ့ကျင့်ပေးသည့် အကောင်းဆုံးသော နည်းလမ်းဖြစ်သည်။ စိတ်ကို လန်းဆန်းစေသော အတွေးများ မရှိခြင်း၊ နည်းပါးခြင်းသည် ဦးနှောက်ကို ကျုံ့စေနိုင်ပါသည်။
(၁၀) တစ်ခါတစ်ရံ စကားပြောခြင်း
ဉာဏ်ရည် ဉာဏ်သွေးကို ထက်မြက်စေသော စကားပြောခြင်းသည် ဦးနှောက်၏ အကျိုးသက်ရောက်မှုကို တိုးတက်စေလာပါလိမ့်မည်။

(ဒကာတစ်ဦးမှ ပေးပို့လိုက်သော အင်္ဂလိပ်ဆောင်းပါးကို မြန်မာဘာသာသို့ ပြန်ဆိုထားခြင်းဖြစ်ပါသည်)

Posted by nyanadipa

Read more...

သီတဂူလမ်း (၃)

မဟာမုနိရုပ်ရှင်တော်မြတ်ပရိဝုဏ်က အပြန် စစ်ကိုင်းကို မ၀င်မီ မန္တလေးသာသနာ့တက္ကသိုလ်ကလည်း သီတဂူညီလာခံဧည့်သည်တော်တော်တွေကို ဖိတ်ကြားထားပါသတဲ့...။ သူ ၀မ်းသာသွားပါတယ်။ လွန်ခဲ့တဲ့ နှစ်ဆယ်ရာစုနောက်ဆုံးနေ့တွေထဲ ဖြတ်သန်းခဲ့တဲ့ တက္ကသိုလ်တံခါးဝကို ဆယ်စုနှစ်တစ်ခုနီးပါးကြာမှ ပြန်ဝင်ရဦးမယ်။
ဟိုတုန်းကလို ကျောင်းခေါ်ချိန်နောက်ကျလို့ ခိုးကြောင်ခိုးဝှက် ချောင်ကပ်ဝင်ရတဲ့ ကျောင်းသားတစ်ယောက်မဟုတ်တော့ဘူးပေါ့။
ခုတော့ သူက ထေရ၀ါဒတက္ကသိုလ်များညီလာခံမှာ ခပ်တည်တည် (မိတ်ဆွေများပြောသလို မယောင်မလည်) ကိုယ်စားလှယ်အဖြစ်တက်ရောက်မယ့်သူ ဖြစ်နေပါရောလား။

နန်းတော်ရှေ့ ၆၂ လမ်းကို ချိုးကွေ့ဝင်လိုက်တာနဲ့ သူ့စိတ်တွေက လတ်လတ်ဆတ်ဆတ် ဖြစ်သွားတယ်။
လင်းလက်နေတဲ့ တက္ကသိုလ်မုခ်ဦးဝကြီးထဲ တိုးဝင်လိုက်တာနဲ့ သူဝေဒနာက္ခန္ဓာတွေ လင်းသွားတယ်။
မိတ်ဆွေတွေရဲ့ အော်ဟစ်နှုတ်ဆက်သံတွေကို မြတ်နိုးစွာ သိမ်းပိုက်မိပါရဲ့။
သူ့ Same Batch တွေက ဒီတက္ကသိုလ်မှာ နည်းပြနဲ့ ကထိကဆရာတော်တွေအဖြစ် သူတို့ကြောက်ခဲ့တဲ့စာသင်ခန်းတွေထဲ ပြန်ဝင်ပျော်မွေ့နေကြလေရဲ့။
သူတို့ထဲက တစ်ချို့ဆို စာသင်နှစ်တွေ တစ်နှစ်ပြီး တစ်နှစ်သာ ကုန်သွားတယ် သူနဲ့ စကားမပြောလိုက်ရဘူး။
ခုတော့ အားလုံးရဲ့ နှုတ်ဆက်အပြုံးတွေကို တစ်ခုချင်းလိုက်ကောက်လို့ မမီတော့ဘူး။
သူတက်ခဲ့တဲ့တက္ကသိုလ်ရာသီတွေမှာ သူက အုပ်စုတစ်ခုအခိုင်အမာထဲ ရောက်ခဲ့တာပါ။ ဒီလိုနဲ့
စာမေးပွဲရမှတ်တွေ လျော့လျော့သွားတာပါ။
ပထမနှစ် လေးဘာသာဂုဏ်ထူး
ဒုတိယနှစ် သုံးဘာသာဂုဏ်ထူး
တတိယနှစ် နှစ်ဘာသာဂုဏ်ထူး
နောက်ဆုံးနှစ် တစ်ဘာသာဂုဏ်ထူး
(တက္ကသိုလ်မှာ ရှိတဲ့ ဘာသာတွေက မေဂျာသုံးဘာသာ မိုင်နာလေးဘာသာပါ)
အဲဒါတွေက
၁။ ၀ိနည်း
၂။သုတ္တန်
၃။အဘိဓမ္မာ
၎။ပါဠိ
၅။မြန်မာစာ
၆။အင်္ဂလိပ်
ရ။ဗုဒ္ဓဒေသနာပြန့်ပွားရေးဘာသာ(ဗုဒ္ဓ၀င်ဆိုင်ရာသမိုင်း၊ ဒဿနနှင့် ပထ၀ီဘာသာ)

သူဂုဏ်ထူးထွက်လေ့ရှိတဲ့ ဘာသာတွေက မေဂျာဘာသာတွေများပါတယ်။ ပထမဆုံးနှစ်ကဆို သူ့မိတ်ဆွေတွေ အံ့အားသင့်သွားဖူးပါတယ်။ (ကြွားတာပါ) မေဂျာတွေချည်း ဂုဏ်ထူးထွက်လို့ပါ။
သူဂုဏ်ထူးမထွက်တာက အမှတ် (၅) နဲ့ အမှတ် (၇) ဘာသာရပ်တွေပါပဲ။အမှတ်(၆)ဘာသာ အင်္ဂလိပ်စာကတော့ ဂုဏ်ထူးထွက်ပေးဖို့မသင့်ဘူးလို့ စဉ်းစားထားတာမှန်ပါတယ်။ ခုရေတွင်းတူး ခုရေကြည်သောက်အင်္ဂလိပ်စာ အဆင့်အတန်းက ဘယ်မှာ အဆင်ပြေမှာတုန်း။ မေးထားတဲ့ မေးခွန်းကို ဖြေနိုင်လို့ ဂုဏ်ထူးထွက်မယ်ဆိုရင်တော့ သူ့နာမည်ကို ချန်ထားလို့ရမှာ မဟုတ်ဘူးပေါ့။
သူရေးနေကျမြန်မာစာကို ပါရာယန၀တ္ထုနဲ့ ဇိနတ္ထပကာသနီစကားပြေလွှမ်းမိုးခံထားရတဲ့ ဆရာက သိပ်ဘ၀င်မကျလှပါဘူး။ သမိုင်းဆရာကတော့ သက္ကရာဇ်တွေကိုပဲ အမှတ်ပေးချင်လေတော့ သင်ခန်းစာတွေကို တွေးပြီးရေးတတ်တဲ့ သူအဖြေလွှာမှာ အမှတ်စာရင်းတွေ နည်းသွားတာပါ။ ခုဆရာတွေ ပြန်တွေ့တော့
ရာစုသစ်အသစ်ကြီးထဲ ဘာတွေ ပေးရမယ်ဆိုတာ သူတို့သိနေကြပြီဆိုတာ နားလည်နေခဲ့ပါတယ်။

စာကျက်တာ မမြင်ဖူးတဲ့သူတဲ့မိတ်တွေလောကမှာတော့ ဉာဏ်ကောင်းတယ်ဆိုတာမျိုးလည်း နာမည်ထွက်ခဲ့ဖူးပါတယ်။ ၂၀၀၀ ခုနှစ်အလွန် ထေရ၀ါဒတက္ကသိုလ်တက်ခဲ့တဲ့အချိန်မှာတော့ မိတ်ဆွေတစ်ယောက်ပြောတဲ့စကားကြောင့် ပြုံးမိရတာပါ.။“ ဉာဏ်ကောင်းတယ်လို့ နာမည်ကြီးပြီဆိုရင်တော့ ညည အိပ်ရေးပျက်ပြီသာ မှတ်ပေရော”တဲ့။

ဘာပဲဖြစ်ဖြစ်
ခုတစ်ခေါက်ရောက်ချိန်မှာတော့ မိတ်ဆွေတွေရဲ့ နှုတ်ခွန်းဆက်သံတွေကြားထဲ သူမျောပါခဲ့ရဲ့။ ကထိကနဲ့ နည်းပြဆရာတော်ကြီးတွေက သူ့မိတ်ဆွေတွေဆိုပဲ။ တကယ်တော့ သူလည်း သူတို့ အမြင်မှာ တစ်ခုခုဖြစ်နေလေသလား( ဖတ်မိတဲ့ ကိုယ့်လူတို့ရေ ဘွာတေး)
မစ္စတာ ဖရီးမင်းရေ ခင်ဗျားပြောတဲ့ The World Is Flat. ကမ္ဘာကြီးပြားသွားပြီဆိုတာ လက်ခံလိုက်ပြီ။
ကစားကွင်းက ပြင်ညီသွားပြီပေါ့။

Posted by ဓမ္မဂင်္ဂါ at 8:21 AM

Read more...

သီတဂူလမ်း(၂)

ထေရ၀ါဒတက္ကသိုလ်မှာ မဟာတန်းတက်ခဲ့စဉ်က သူ့ရဲ့ မေဂျာပါမောက္ခဖြစ်ခဲ့ဖူးတဲ့ ကျိုက္ကလော့ဆရာတော်ဒေါက်တာအရှင်စန္ဒာဝရာဘိဝံသကလွဲရင် သူက အခြားပါမောက္ခ၊ ကထိက ၊ နည်းပြ ရဟန်းပုဂ္ဂိုလ် လူပုဂ္ဂိုလ်ဆရာဆရာမတွေနဲ့ ရင်းရင်းနှီးနှီးပါ။ စာကြည့်တိုက်တွေ စာသင်ခန်းတွေကြား လမ်းသလားခဲ့ဖူးတာကိုး။ အတန်းစုံမှာလည်း မိတ်ဆွေတွေ ရှိသလို နောက်တက်လာတဲ့ ဂျူနီယာတွေကိုလည်း ဆရာလုပ်ဖို့က ၀ါသနာပါခဲ့သေးတာပေါ့။

ရန်ကုန်-မန္တလေးအမြန်လမ်းမကြီးပေါ်က ဟိုင်းဝေးဘတ်စ်ကားကြီးပေါ်မှာ မိတ်ဟောင်းဆွေဟောင်းတွေ ဆရာ ဆရာမတွေ ပြန်ဆုံတွေကြ၊ တသောသောရယ်မောကြ ကြည်နူးစရာခရီးတစ်ခုဖြစ်ခဲ့ပါတယ်။ လမ်းစဉ်တစ်လျှောက်မှာလည်း သီတဂူဆရာတော့်ဘုန်းရိပ်မှီရလို့ ကြိုဆိုဧည့်ခံရေးတွေက နွေးနွေးထွေးထွေး စောင့်နေခဲ့ကြတာပါ။
ပဲခူးအလွန်တစ်နေရာမှာ နံနက်စာ။
တပ်ကုန်းမှာက နေ့လည်စာ။
ရမည်းသင်းမှာတော့ အချိုပွဲ။
မန္တလေးမဟာမြတ်မုနိဘုရားကြီးပရိဝုဏ်ထဲကို ကြိုဆိုရေးအဖွဲ့က ကမ်းပေးတဲ့ သစ္စာပန်းစည်းလေးကိုင်ပြီး လျှောက်မိတော့ လွန်ခဲ့တဲ့ဆယ်စုနှစ်ဆီက မန္တလေးစာသင်သားဘ၀ စာဝါပိတ်ချိန် (ကျောင်းပိတ်ချိန်)တွေကို ပြန်လွမ်းမိတော့တာပါ။

၁၉၉၀ ပြည့်လွန်မစိုးရိမ်တိုက်သစ်ကြီးရဲ့ တုန်းမောင်းခေါက်သံတွေ ပြန်မည်လာခဲ့ပါတယ်။
အဲဒီစာသင်သားဘ၀နေ့ရက်တွေမှာတော့ စာဝါချိန်တွေက မလွန့်သာအောင်ပိတ်ဆို့ထားလေတော့ တစ်ရက်လေးသာ နားခွင့်ရလေတဲ့ ဥပုသ်နေ့တွေကို စာတွေအော်ကျက်ရင်း ဘုရားရှိခိုးရင်း ပြက္ခဒိန်ကြည့်စရာမလိုပဲ သိနေတော့တာပါ။

အဲဒီ ဥပုသ်နေ့တွေမှာ ၀ယ်စရာရှိရင် ဈေးချိုကို ပြေးရမယ်။ စာတိုပေစ ရေးထားတာလေးတွေကို ဘုရားကြီးစာတိုက်သွားထည့်မယ်။
အဲဒီရှားရှားပါးပါး ဥပုသ်နေ့လေးက ရုံးပိတ်ရက်ဖြစ်နေရင်တော့ နောက်တစ်ပတ်စောင့်ပေဦးပေါ့။ အထွေအထူးလုပ်စရာမရှိလည်း အဲဒီဥပုသ်နေ့တွေမှာတော့ ကျောင်းနဲ့ဝေးနိုင်သမျှဝေးအောင်သွားတော့တာပဲ..။ ဆရာသမားတွေအချုပ်အနှောင်က လွတ်ရာပြေးတော့တာပဲပေါ့။ ဒါ ကိုယ်ပိုင်အခွင့်အရေးပဲ။ ဒီလိုနဲ့ ကိုရင်လေးတွေ ဦးဇင်းလေးတွေ တူရာတူရာပေါင်းပြီး မန္တလေးမြို့ကြီးကို ပန္နက်ပြန်ချကြတော့တာပါ။

အမရပူရက ဦပိန်တံတားပေါ်မှာ။ မန္တလေးတောင်ပေါ်က မြွေကြီးနှစ်ကောင်ဘေးမှာ ။ တစ်ချို့ကိုယ်တော်လေးတွေကတော့ ရန်ကင်းတောင်လို စစ်ကိုင်းတောင်လို ဝေးဝေးလံလံတွေအထိ ခြေဆန့်ကြတော့တာပဲ။ ဥပုသ်နေ့က သူတို့နေ့ပဲဆိုတာကို နာယကဆရာတော်ကြီးတွေကိုယ်တိုင်က အသိအမှတ်ပြုထားတာပါ။ ကျန်တဲ့နေ့တွေဆို သင်ရိုးညွှန်းတမ်းစာအုပ်က လွဲရင် အခြားစာအုပ်တွေ လက်ဝယ်တွေ့လို့ မရဘူး။ စာအုပ်အသိမ်းခံရလို့ ငှားနေကျ ဗေဒါလမ်းစာအုပ်ဆိုင်လေးမှာ စာအုပ်ဖိုးလျော်ရတာလည်း မှတ်မိနေသေးတယ်။ အဲဒီဥပုသ်နေ့မှာတော့ ဆရာတော်ကြီးကလည်း ဘာစာအုပ်ဖတ်ဖတ် မပြောတော့ဘူး။ တစ်နေကုန်အိပ်နေလည်း အပြစ်မတင်ဘူး။

အပြင်ထွက်ခွင့်တစ်နေကုန်ရပေမယ့် ညနေ ၆နာရီဘုရားရှိခိုးချိန်ကိုတော့ အမီရောက်အောင်လာရမယ်။ ဘုရားရှိခိုးပျက်ရင်တော့ ဒဏ်တွေလာပါပြီ။ မစိုးရိမ်းတိုက်သစ်ကြီးရဲ့ ဒဏ်ကလည်း လှပါတယ်။ စာကျက်ရတာပါ။ ကိုယ်ပိုင်အချိန်နဲ့ ကိုယ်ပိုင်လွတ်လပ်ခွင့်ကို ရုတ်သိမ်းလိုက်တာပါ။

နေ့စဉ်နေ့တိုင်း နေ့ဆွမ်းစားပြီးချိန်( ၁၂း၀၀-၀၁း၀၀ နာရီ) ဟာ စာသင်သားတွေ တစ်နေကုန် စာကျက်နိုင်ဖို့ အနားယူခွင့်ပေးထားတာပါ။ အဲဒီအချိန်မှာ သင်္ကန်းခေါင်းမြီးခြုံပြီး ငြိမ်ငြိမ်ဆိတ်ဆိတ် ကျိန်းစက်ကြရတာပါ။ စကားမပြောရ မဆူရပါဘူး။ စကားပြောမက်တဲ့ကိုယ်တော်တွေကတော့ ကျောင်းရှေ့က သစ်ပင်တွေအောက်ကို ပြေးကြရတာပါ။
တစ်ချို့ အချိန်ကို တန်ဖိုးထားတဲ့ ကိုယ်တော်လေးတွေကတော့ အဲဒီကိုယ်ပိုင်အချိန်လေးမှာ ကျောင်းအပြင်ထွက်ပြီး လောကီပညာတစ်ခုခု သင်တော့တာပါ။ ကျောင်းပေါက်ဝမှာလည်း သင်တန်းအမျိုးမျိုးကြော်ငြာတွေကလာကပ်ထားပါတယ်။ အင်္ဂလိပ်စကားပြေသင်တန်း။ စက်ချုပ်သင်တန်း။ တိုင်းရင်းဆေးသင်တန်း ဗေဒင်သင်တန်းအစ နောက်ဆုံး ဗန်တိုဗန်ရှည်သိုင်း ကရာတေးသိုင်းသင်တန်းတွေအထိ စုံပါတယ်။ စရိုက်ကလည်းအစုံဆိုတော့ အမျိုးမျိုးကြုံရတာပါပဲ။

အဲ ဒဏ်ကျတဲ့ ကိုယ်တော်ကတော့ အဲဒီအချိန်မှာ စာအုပ်တစ်အုပ်ကိုင်ပြီး နာယကဆရာတော်ကြီးခြေရင်းသွားပြီး စာကျက်ရတော့တာပါ။ သူများနားလို့ မနားရတော့ပါဘူး။ ဒဏ်ကျစာသင်သားတွေကလည်း ညစ်ကျယ်ကျယ်တွေဆိုတော့ စာကို သံပြိုင်အော်ကျက်ကြတာပါ။ ဆရာတော်ကျိန်းမရအောင်ပေါ့။ ဆရာတော်ကြီးကလည်း ပါရမီထူးပါတယ်။ မင်းတို့စာအော်ကျက်လေ ငါအိပ်ပျော်လေလုပ်တာပါ။ ပစ်မှားမိသမျှ ၀န်ချဦးခိုက်ပါတယ်ဘုရား။

ပြောရရင်တော့ မျက်နှာပူပါတယ်။ အဲဒီဒဏ်က တစ်ပတ်ဒဏ်၊ နှစ်ပတ်ဒဏ်။ တစ်လဒဏ်စသည် သတ်မှတ်ထားတာပါ။ တစ်လဒဏ်တွေ ဆက်လာပြီဆိုရင်တော့ ရာသက်ပန်ဒဏ်အဖြစ် တိုးမြှင့်လိုက်တော့တာပါ။ တိုက်ပိတ်လိုက်တဲ့ သဘောပါပဲ၊ ကျောင်းတိုက်မှာ နေသမျှကာလပတ်လုံး နေ့လည်ပိုင်း ကိုယ်ပိုင်အချိန်လေး စတေးလိုက်ရတော့တာပါ။ ရာသက်ပန်ဒဏ်က ကျောင်းက ထွက်သွားပြီး နောက်တစ်ခါ မျက်စိလည်ပြန်ရောက်လာရင်လည်း အသက်ဝင်ပါသတဲ့။ အဟဲ နောက်တစ်ခါ ကျောင်းအရိပ်မခိုတော့ပါဘူးဘုရား။ လက်ကျန်လေးတွေ ရှိနေသေးလို့ပါ။

ဘုရားရှိခိုးမမီမှာ စိုးတဲ့ စာသင်သားအများစုကတော့ ပြန်လို့လွယ်ကူတဲ့ ဘုရားကြီးကို သွားပါတယ်။ ကားခမရှိလည်း ခြေလျင်သုတ်လို့ရတဲ့ အကွာအဝေးမှာ ရှိတာကိုး။ ၄၁ လမ်းမကြီးပေါ်က နေပူကြဲကြဲနေ့တွေအမှတ်ရစရာပဲ။ ဘုရားကြီးရောက်လို့ ဘုရားပရိဝုဏ်ထဲ တစ်ပတ်ပတ်ပြီးရင် လိပ်ကန်ဘေးမှာ တစ်နေကုန် ထိုင်တော့တာပါ။ ဘာရယ်ကို မဟုတ်ဘူး ။ လွတ်လပ်ခွင့်လေးကို တရှိုက်မက်မက်ခံစားတာပါပဲ။ ပြောရင်းနဲ့ လွမ်းသွားတာ အဆိုတော်အငဲရဲ့ “တစ်ခါတုန်းက မန္တလေး” ဟာ ရဟန်းတစ်ပါးနဲ့လည်း ဆိုင်နေပြန်ပါရောလား။ ဒါပေမယ့် ရိုမန္တိက(Romantic)စာမျက်နှာတွေတော့ ပန်းရောင်မလွှမ်းခဲ့ဘူးပေါ့လေ။

Read more...

သီတဂူလမ်း

ဒိုင်ယာရီစာမျက်နှာ အဟောင်းတွေကို လှန်မိတော့ တောက်တောက်ပပနေ့တွေကို ကောက်ယူမွှေးမိပြန်ပါတယ်။

သီတဂူကြောင့် မွှေးရတာပါ။ သူကတော့ သီတဂူစိုက်တဲ့ ပန်းတွေကြား ၀င်ပွင့်ခွင့် ရလိုက်တာပါ။
မတ်လရဲ့ အစောပိုင်းနေ့တွေဟာ သီတဂူဆရာတော်ကြီးမွေးနေ့ပွဲတော်အမီ လှပနေခဲ့ပါတယ်။ သာသနာ့အလံတော်တွေ၊ သီတဂူအထိမ်းအမှတ်တံခွန်တွေ ၊ နိုင်ငံတကာရောင်စုံသင်္ကေတတွေက စစ်ကိုင်းတောင်တစ်ရိုး တလူလူလွင့်နေခဲ့ပါရော့။ ဆွမ်းဦးပုညရှင်ဆီက ဆည်းလည်းသံတွေကို ကြားကြားသမျှ အားလုံးက သိမ်းပိုက်မိကြပေါ့။

သီတဂူဆရာတော်ကြီးရဲ့ ၇၂ ပြည့်မွေးနေ့တော်မှာ အမှတ်တရတွေ မော်ကွန်းထိုးဖို့ အများသား..။
၁။ သီတဂူကမ္ဘာ့ဗုဒ္ဓတက္ကသိုလ်ကြီးရဲ့ သန္တိမဟာဘွဲ့နှင်းခန်းမကြီးဖွင့်ပွဲနဲ့တွဲပြီး သီတဂူကမ္ဘာ့ဗုဒ္ဓတက္ကသိုလ် ပထမဆုံးအသုတ် ၀ိဇ္ဇာတန်းပညာသင်တွေကို B.A ဘွဲ့နှင်းအပ်ကြမယ်။
၂။ သီတဂူဆရာတော်ကြီးကို ထိုင်းဘုရင့်နိုင်ငံတော် Mahamakut University က ဂုဏ်ထူးဆောင်ပါရဂူဘွဲ့ဆက်ကပ်ကြမယ်၊
၃။သီတဂူဆရာတော်ကြီးရဲ့ အမွေ့လျော်ဆုံးဆန္ဒတော်နဲ့ ဖန်တီးခဲ့တဲ့ (Association of Theravada Buddhist Universities) အပြည်ပြည်ဆိုင်ရာထေရ၀ါဒတက္ကသိုလ်များအဖွဲ့ကြီးရဲ့ ဒုတိယမြောက်ညီလာခံကို
ကျင်းပကြမယ်ပေါ့။

သီတဂူဆရာတော်ကြီးက အိန္ဒိယကို မမေ့ခဲ့ဘူး။ တကယ်တော့ အိန္ဒိယကိုသာမဟုတ်ဘူး။ မျိုးဆက်သစ်တွေကို သူ့နေ့စွဲထဲ ထည့်ရေးခဲ့တာပါ။ ဆရာတော်ကြီးက အိန္ဒိယကို တစ်နှစ်တစ်ခေါက်တော့ ရောက်လာလေ့ရှိပါတယ်။ အိန္ဒိယနိုင်ငံတက္ကသိုလ်အသီးသီးမှာ ပညာသင်နေတဲ့ရဟန်းတွေ (ဒီနှစ်ဆို သုံးရာကျော်လောက်ရှိပါတယ်) အတွက် တစ်နှစ်လျင် အမေရိကန်ဒေါ်လာ ၁၀၀ စီ လှူဒါန်းလေ့ရှိပါတယ်။
“ မင်းတို့ရတာတော့ တစ်ရာပေါ့ကွာ ငါ့မှာတော့ သုံးသောင်း ”ဆိုတာမျိုးခပ်ရွှင်ရွှင်လည်း မိန့်လေ့ရှိပါတယ်။ ဘာပဲဖြစ်ဖြစ် ဆရာတော့်စကားနာကြားခွင့်ရတာကိုက ကံထူးခြင်းတစ်မျိုးပါ။ ပြီးတော့လည်း သီဟိုဠ်ကျွန်းကိုလည်း ဆရာတော်က ကြွလေ့ရှိပါသတဲ့။ သီဟိုဠ်မှာ ပညာသင်နေတဲ့ရဟန်းတော်တွေကိုလည်း ဆရာတော်က မှတ်မှတ်ရရရှိခဲ့ပါတယ်။

ဒီတော့ ဆရာတော်ရဲ့ မွေးနေ့မင်္ဂလာနဲ့ တွဲဖက်ထားတဲ့ နိုင်ငံတကာပွဲမှာ မဇ္ဈိမနဲ့ သီဟိုဠ်ကို ပွဲထုတ်တော့တာပါပဲ။ “အိန္ဒိယက ပညာသင်ရဟန်းတော် ဆယ်ပါး။ သီရိလင်္ကာက ပညာသင်ရဟန်းတော်ဆယ်ပါး ကြွလာစေ ”တဲ့။
ဆရာတော်ကိုယ်တိုင်လက်မှတ်ထိုးထားတဲ့ ဂုဏ်ယူဖွယ်ဖိတ်စာမှာ မျိုးဆက်သစ်ရဟန်းတော်တွေ
အားသစ်ခဲ့ကြပေါ့။

အဲဒီဖိတ်စာဟာ
MMWAI (အိန္ဒိယနိုင်ငံလုံးဆိုင်ရာမြန်မာပညာသင်ရဟန်းတော်များသာယာဖွံဖြိုးရေးအဖွဲ့) ကြီးရဲ့ အသက်သွင်းရွေးချယ်မှုနဲ့ သီဟပူရ(Singapore)မှာ ကျောက်ချနေတဲ့သူ့အတွက်လည်း အကျုံးဝင်ခဲ့ပါတယ်။
အိန္ဒိယကို ကိုယ်စားပြုမယ့် ရဟန်းတော်ဆယ်ပါးထဲ သူလည်း စာတမ်းတစ်စောင်ဖတ်ဖို့ ခပ်သုတ်သုတ်ကြိုးစားလို့ ချန်ဂီလေဆိပ်ကနေ ပိုးသားလေကြောင်းနဲ့ အမြန်ပြန်ခဲ့တယ်..။
လေယာဉ်ပေါ်မှာ မှတ်မှတ်ရရတွေ့ခဲ့ရတဲ့ ကမ္ဘာ့ဗုဒ္ဓစာပေပညာရှင်ကြီး ဒေါက်တာဂုဏရတနကို မသိနိုးနား ရင်းရင်းနှီးနှီး နှုတ်ဆက်ခဲ့မိသေးရဲ့။ ညီလာခံတက်ကြမယ့်သူအချင်းချင်းပေါ့..။
ပြီးမှ မျက်နှာပူရတယ်..။ ညီလာခံမှာ ဆရာတော်ကြီးက သဘာပတိထိုင်ခုံမှာ မိန့်မိန့်ကြီးသီတင်းသုံးလို့..။ ဆရာတော်ကြီးက အမေရိကားမှာ နှစ်ရှည်လများနေထိုင်သာသနာပြုနေတဲ့ ကျမ်းပြုသီဟိုဠ်ဆရာတော်ကြီးပါ။

ဘာပဲဖြစ်ဖြစ် မတ်လအစောပိုင်းရက်တွေအမီ စစ်ကိုင်းရဲ့ သံချောင်းခေါက်သံတွေ လှခဲ့ပါတယ်။
မတ်လ (၄) ရက် ရန်ကုန်က ထွက်ခွာ...။
ရန်ကုန်အပြည်ပြည်ဆိုင်ရာထေရ၀ါဒဗုဒ္ဓသာသနာပြုတက္ကသိုလ်မုခ်ဦးဝက ကားစထွက်တော့ နံနက်
၃း၃၀ နာရီ..။
ပါမောက္ခ၊ ကထိကဆရာတော်တွေ၊ လူပုဂ္ဂိုလ်ပါမောက္ခ၊ ကထိကဆရာ ဆရာမတွေနဲ့အတူပေါ့။
သူကတော့ သီတဂူဆရာတော်ရဲ့ ဖိတ်ကြားစာရင်းမှာ ပါသော်လည်း “ ကိုယ့်အစီအစဉ်နဲ့ ကိုယ်ကြွ ကုန်ကျစားရိတ် စစ်ကိုင်းမှာထုတ်ယူ ” ဆိုတဲ့ သီတဂူမိတ်ဆွေပါမောက္ခတစ်ချို့ရဲ့ အကြောင်းပြန်ချက်ကြောင့် ကားလက်မှတ်အဆင်သင့်ဖြတ်ထားပေမယ့် အဖော်ကောင်းလို့ ထေရ၀ါဒခရီးစဉ်ထဲ ရောပါမိပါရော။
(ဆက်ရန်)

Read more...

ခရောင်းတောက ပန်း

စာတွေလည်း မရေးဖြစ်တာကြာပြီ။ အခြေအနေအရ ဘ၀တစ်ခုမှာ ရှင်နေရတယ်။ ဒါပေမယ့်လည်း အလွဲလေးတွေက ပေးတဲ့ ဒုက္ခဆိုတာလည်း တစ်ခါတစ်ရံ ချိုမြိန်လွန်းလှတယ်။ အကျပ်အတည်းထဲက ပေါက်ဖွားလာတဲ့ သုခဆိုတာလည်း ဂလိုပါပဲ။ ထားတော့ သူပြောချင်နေတာက ခရောင်းလမ်းက ပန်းတစ်ပွင့်အကြောင်းပါကိုပါ။ အဲဒါကတော့ ရေခြားမြေခြား သူများနိုင်ငံရဲ့ ဥပဒေအောက်ကနေ ကိုယ့်ယဉ် ကျေးမှုပွဲလေးတစ်ခု ပြီးဆုံးအောင် လုပ်ခွင့်ရလိုက်တယ်။ ၀မ်းသားကြည်နူးမိပါတယ်။ အဲဒီပန်းတစ်ပွင့်ကတော့ အမေရိကားမှာ အလှူပွဲလေးတစ်ပွဲ အောင်မြင်စွာလုပ်ခဲ့ရတာကိုပါ။
ကိုယ့်တိုင်းပြည်ကိုယ့်ယဉ်ကျေးမှု မတူခြားနားတဲ့နေရာတစ်ခုမှ အောင်မြင်စွာလုပ်နိုင်ခဲ့တာလေးက ဘာရယ် မဟုတ် ဘ၀အလွဲတွေက အလွဲကောင်းလေးတစ်ခုဖြစ်နေတော့မှာလေ။

ဒီအလှူပွဲနဲ့ ပတ်သက်သူသမျှ ကျေးဇူးအနန္တပါလေ။
Posted by အရှင်နေမိန္ဒ at 8:19 PM

Read more...

သင်တို့၏ ဥစ္စာ မဟုတ်...

န တုမှသုတ် - (န= မရှိခြင်းသဘော။ တုမှံ= သင်တို့၏)

မြတ်စွာဘုရားသည် သာဝတ္ထိပြည်၌ သီတင်းသုံး နေတော်မူ၏...

ရဟန်းတို့ ဤကိုယ်သည် သင်တို့၏ ဥစ္စာ မဟုတ်၊ သူတစ်ပါးတို့၏ ဥစ္စာလည်း မဟုတ်၊ ရဟန်းတို့ ဤကိုယ်သည် ကံဟောင်းကြောင့် ဖြစ်၏၊ အကြောင်းတရားတို့ ပြုစီရင်အပ်သော တရားတည်း၊ စေတနာကံလျှင် အရင်းခံရှိ၏၊ ခံစားမှု 'ဝေဒနာ'၏ တည်ရာဖြစ်၏ ဟူ၍ မှတ်အပ်၏။

ရဟန်းတို့ ထိုအရာ၌ အကြားအမြင်နှင့် ပြည့်စုံသော အရိယာတပည့်သည် ပဋိစ္စသမုပ္ပါဒ်ကိုသာလျှင် ကောင်းစွာ သင့်လျော်သောအားဖြင့် နှလုံးသွင်း၏- ''ဤသို့ ဤအကြောင်းတရား ရှိခဲ့သော် ဤအကျိုးတရား ဖြစ်၏၊ ဤ အကြောင်းတရား၏ ဖြစ်ခြင်းကြောင့် ဤအကျိုးတရား ဖြစ်၏၊ ဤအကြောင်းတရား မရှိခဲ့သော် ဤအကျိုးတရား မဖြစ်၊ ဤအကြောင်းတရား၏ ချုပ်ခြင်းကြောင့် ဤအကျိုးတရား ချုပ်၏၊ အကြင်မသိမှု 'အဝိဇ္ဇာ' အကြောင်းခံကြောင့် ပြုစီရင်မှု 'သင်္ခါရ'တို့ ဖြစ်ကုန်၏၊ ပြုစီရင်မှု 'သင်္ခါရ' အကြောင်းခံ ကြောင့် သိမှု 'ဝိညာဏ်' ဖြစ်၏။ပ။ ဤသို့လျှင် အလုံးစုံသော ဆင်းရဲအစု ဖြစ်၏။

မသိမှု 'အဝိဇ္ဇာ'၏သာ လျှင် အရဟတ္တမဂ်ဖြင့် အကြွင်းမဲ့ ချုပ်ခြင်းကြောင့် ပြုစီရင်မှု 'သင်္ခါရ'တို့ ချုပ်ကုန်၏၊ ပြုစီရင်မှု 'သင်္ခါရ'တို့ ချုပ်ခြင်းကြောင့် သိမှု 'ဝိညာဏ်' ချုပ်၏။ပ။ ဤ သို့လျှင် အလုံးစုံသော ဆင်းရဲအစုချုပ်၏'' ဟု ဟောတော်မူ၏။ 37

၇ - န တုမှသုတ်၊ ကဠာရခတ္တယဝဂ်၊ နိဒါနသံယုတ်ပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဗုဒ္ဓဓမ္မ ဦးလောကနာထ at 8/29/2009 06:22:00 AM

Read more...

တာလပုဋသုတ်

တာလပုဋသုတ်

အခါတစ်ပါး၌ မြတ်စွာဘုရားသည် ရာဇဂြိုဟ်ပြည်၌ ရှဥ့်နက်တို့အား အစာပေး ကျွေးရာဖြစ်သော ဝေဠုဝန်ကျောင်း၌ သီတင်းသုံး နေတော်မူ၏၊ ထိုအခါ တာလပုဋမည်သော ဇာတ်ဆရာကြီးသည် မြတ်စွာဘုရားထံသို့ ချဉ်းကပ်ပြီး လျှင် မြတ်စွာဘုရားကို ရှိခိုး၍ တစ်ခုသော နေရာ၌ ထိုင်နေပြီးသော် ဤစကားကို လျှောက်၏-

မြတ်စွာဘုရားပွဲအလယ် သဘင်အလယ်၌ မှန်မမှန်အားဖြင့် လူအပေါင်းကို ရွှင်ပျမွေ့လျော်စေသော ကချေသည်သည် ခန္ဓာပျက်ကြွေ သေပြီးသည်မှ နောက်၌ ပဟာသမည်သော နတ်တို့၏ အသင်းဝင် ဖြစ်ရ၏ ဟု ပြောဆို ကြကုန်သော ရှေးဆရာ့ဆရာ ကချေသည်တို့၏ စကားကို ကြားရဖူးပါ၏၊ ဤ အရာ၌ မြတ်စွာဘုရားသည် အဘယ်သို့ ဆိုလိုတော် မူပါသနည်း ဟု လျှောက်၏။

ဇာတ်ဆရာကြီး မသင့်လျော်...
ဤစကားကို ရပ်လော့၊ ငါ့ကို မမေးလင့်ဟု တားမြစ်တော်မူ၏။

နှစ်ကြိမ်မြောက်လည်း -ပ- (ပေယျာလ=မြှုပ်ထားသည်။ (ယခင်အတိုင်းသိ))

ဇာတ်ဆရာကြီး မသင့်လျော်...
ဤ စကားကို ရပ်လော့၊ ငါ့ကို မမေးလင့်ဟု တားမြစ်တော်မူ၏။

သုံးကြိမ်မြောက်လည်း -ပ- (ပေယျာလ=မြှုပ်ထားသည်။ (ယခင်အတိုင်းသိ))

''ဇာတ်ဆရာကြီး မသင့်လျော်၊ ဤစကားကို ရပ်လော့၊ ငါ့ကို မမေးလင့်'' ဟု မချွတ်လျှင် သင့်ကို ငါပြော၍ မရခဲ့ပေ၊ သို့ဖြစ်လျှင် သင့်အား ငါ ဖြေကြားအံ့၊ ဇာတ်ဆရာကြီး ရှေးအစကပင် သတ္တဝါတို့သည် မကင်းသော စွဲမက်မှု 'ရာဂ' ရှိကုန် ၏၊ စွဲမက်မှု 'ရာဂ' နှောင်ကြိုးဖြင့် ဖွဲ့အပ်ကုန်၏၊ ထိုသူတို့အား ကချေသည်သည် ပွဲအလယ် သဘင်အလယ်၌ စွဲမက်မှုကို ဖြစ်စေတတ်သော တရားတို့ကို အတိုင်းထက် အလွန် ရှေးရှုဆောင်၏။

ဇာတ်ဆရာကြီး ရှေးအစကပင် သတ္တဝါတို့သည် မကင်းသော အမျက် 'ဒေါသ' ရှိကုန်၏၊ အမျက် 'ဒေါသ' နှောင်ကြိုးဖြင့် ဖွဲ့အပ်ကုန်၏၊ ထိုသူတို့အား ကချေသည်သည် ပွဲအလယ် သဘင်အလယ်၌ အမျက်ထွက်စေတတ်သော တရားတို့ကို အတိုင်းထက်အလွန် ရှေးရှုဆောင်၏။

ဇာတ်ဆရာကြီး ရှေးအစကပင် သတ္တဝါတို့သည် မကင်းသော တွေဝေမှု 'မောဟ' ရှိကုန်၏၊ တွေဝေမှု 'မောဟ' နှောင်ကြိုးဖြင့် ဖွဲ့အပ်ကုန်၏၊ ထိုသူတို့အား ကချေသည်သည် ပွဲအလယ် သဘင်အလယ်၌ တွေဝေမှုကို ဖြစ်စေတတ်သော တရားတို့ကို အတိုင်းထက် အလွန် ရှေးရှုဆောင်၏။

ထိုကချေသည်သည် မိမိကိုယ်တိုင် ယစ်မူးမေ့လျော့လျက် သူတစ်ပါးတို့ကို ယစ်မူးမေ့လျော့စေရကား ခန္ဓာပျက်ကြွေ သေပြီးသည်မှ နောက်၌ ပဟာသ မည်သော ငရဲသို့ ရောက်ရ၏၊

''ပွဲအလယ် သဘင်အလယ်၌ မှန်မမှန်အားဖြင့် လူအပေါင်းကို ရွှင်ပျ မွေ့လျော်စေသော ကချေသည်သည် ခန္ဓာပျက်ကြွေ သေပြီးသည်မှ နောက်၌ ပဟာသမည်သော နတ်တို့၏ အသင်းဝင် အဖြစ်သို့ ရောက်၏'' ဟု ထိုသူအား အယူဖြစ်ခဲ့မူ ထိုသူ၏ အယူသည် မှားသော အယူသာ ဖြစ်၏၊ ဇာတ်ဆရာကြီး မှားသော အယူရှိသော ပုဂ္ဂိုလ်သတ္တဝါအား ငရဲတိရစ္ဆာန်ဟူသော လားရာ 'ဂတိ' နှစ်ပါးတို့တွင် တစ်ပါးပါး သော လားရာ 'ဂတိ'ကို ငါ ဟော၏ဟု မိန့်တော်မူ၏။

ဤသို့ မိန့်တော်မူသော် တာလပုဋဇာတ်ဆရာကြီးသည် ငိုလေ၏၊ မျက်ရည်ကျ၏။

''ဇာတ်ဆရာကြီး မသင့်လျော်၊ ဤစကားကို ရပ်လော့၊ ငါ့ကို မမေးပါလင့်'' ဟု သင့်ကို ငါ ပြော၍ မရခဲ့ပေ။ အသျှင်ဘုရား မြတ်စွာဘုရား ဤသို့ မိန့်တော်မူသော စကားကို တပည့်တော် ရည်ရွယ်ပြီး ငိုသည် မဟုတ်ပါ၊ အမှန်စင်စစ်သော်ကား ပွဲအလယ်သဘင် အလယ်၌ မှန်မမှန်အားဖြင့် လူအပေါင်းကို ရွှင်ပျမွေ့လျော် စေသော ကချေသည်သည် ခန္ဓာပျက်ကြွေ သေပြီးသည်မှ နောက်၌ ပဟာသ မည်သော နတ်တို့၏ အသင်းဝင် အဖြစ်သို့ ရောက်ရ၏ ဟု ရှေးဆရာ့ဆရာ ကချေသည်တို့သည် တပည့်တော်ကို အချိန်ကြာမြင့်စွာကပင် ကောက်ကျစ် လှည့်ပတ် ဖြားယောင်းအပ်ပါ၏။

အသျှင်ဘုရား တရားတော်သည် အလွန်နှစ်သက်ဖွယ် ရှိပါပေစွ၊ အသျှင်ဘုရား တရားတော်သည် အလွန် နှစ်သက်ဖွယ် ရှိပါပေစွ။ အသျှင်ဘုရား ဥပမာအားဖြင့် မှောက်ထားအပ်သော ဝတ္ထုကို လှန်ပြဘိသကဲ့သို့ လည်းကောင်း၊ ဖုံးလွှမ်း ထားအပ်သော ဝတ္ထုကို ဖွင့်ပြဘိသကဲ့သို့ လည်းကောင်း၊ မျက်စိလည်သော သူအား လမ်းမှန်ကို ပြောကြားသကဲ့သို့ လည်းကောင်း၊ 'မျက်စိအမြင် ရှိသူတို့သည်
အဆင်းတို့ကို မြင်ကြလိမ့်မည်' ဟု အမိုက်မှောင်၌ ဆီမီးတန်ဆောင်ကို ဆောင်ပြသကဲ့သို့ လည်းကောင်း ဤအတူသာလျှင် မြတ်စွာဘုရားသည် အကြောင်းအမျိုးမျိုးဖြင့် တရားတော်ကို ပြတော်မူ ပါပေ၏၊

အသျှင်ဘုရား ထိုအကျွန်ုပ်သည်...

မြတ်စွာဘုရားကို ကိုးကွယ်ရာဟူ၍ ဆည်းကပ်ပါ၏၊
တရားတော်ကိုလည်း ကိုးကွယ်ရာ ဟူ၍ ဆည်းကပ်ပါ၏၊
ရဟန်းသံဃာတော်ကိုလည်း ကိုးကွယ်ရာဟူ၍ ဆည်းကပ်ပါ၏၊

အသျှင်ဘုရား တပည့်တော်သည် မြတ်စွာဘုရား၏ အထံ၌ ရှင်အဖြစ်ကို ရလိုပါ၏၊ ပဉ္စင်းအဖြစ်ကို ရလိုပါ၏ဟု လျှောက်၏။ တာလပုဋ ဇာတ်ဆရာကြီးသည် မြတ်စွာဘုရား၏ အထံ၌ ရှင်အဖြစ်ကို ရ၏၊ ပဉ္စင်းအဖြစ်ကို ရ၏၊ အသျှင် တာလပုဋသည် ပဉ္စင်း ဖြစ်၍ မကြာမြင့်မီ။ပ။ ရဟန္တာတို့တွင် တစ်ပါး အပါအဝင် ဖြစ်လေ၏။ 354

၂ - တာလပုဋသုတ်၊ ဂါမဏိသံယုတ်၊ သဠာယတနဝဂ္ဂသံယုတ်ပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဗုဒ္ဓဓမ္မ ဦးလောကနာထ at 8/28/2009 04:22:00 PM

Read more...