သုခရှာသော်လည်း ဒုက္ခတွေ့ကြသူများ

လူတွေဟာတကယ်တော့ မိုးလင်းက မိုးချုပ်အလုပ်လုပ်နေကြတာဟာ ချမ်းသာရှာနေကြတာပါ။ ရှာရင်းရှာရင်း သုခမရပဲ ဒုက္ခနဲ့သာ ရင်ဆိုင်နေရပါတယ်။ ပညာတက်တွေသာပြောပါတယ် တကယ်တော့ စဉ်းစားဥာဏ် အင်မတန်နည်းကြပါတယ်။ ဘာကြောင့် ဒီလိုဖြစ်ရတာလဲ ဆိုတာကိုလည်း မစဉ်းစားမဆင်ခြင်ကြပါဘူး။ ကိုယ်လိုချင်တာ ကိုယ်လုပ်တာတွေသာအာသာတငမ်းငမ်း စွတ်တရွတ် လိုက်နေကြတာပါ။တကယ်တော့ ခေတ်ပညာတက်ဆိုတဲ့ လူတွေလဲ အကြောင်းအကျိုးကိုတော့သင်ခန်းစာတွေမှာ သင်ခဲ့ကြပေမဲ့ နားမလည်ကြပါဘူး။ တကယ်တော့ လူတော်တော်များများဟာ တက်ရောင်ကားလုပ်နေကြတာပါနော်။ နားလည်သလိုလိုနဲ့ နားမလည်ကြပါဘူး။ ကျွန်တော်ကတော့ လူတွေသုခရှာပြီး ဒုက္ခတွေ့တဲ့ အကြောင်းလေး ကိုတင်ပြချင်ပါတယ်။ အသိရှိတဲ့ လူတွေ စဉ်းစားစရာလေး တစ်ခုဖြစ်အောင်ပါ။ အသိမဲ့ပြီး ငါမှငါလုပ်နေတဲ့ လူအန္ဓတွေကတော့ အောက်အ၀ီစိ သောင်းအငူမှာ ခေါင်းမပြူစတမ်းပေါ့လေ။အခုပြောမှာက အကြောင်းအကျိုးတရားလေးပါ။ ဒီသဘောလေးကို နားလည်ရင်ကိုပဲ သုခကို ခြေရာခံမိမှာပါ။ တကယ်တော့ ဒီလောကမှာ ကိုယ်ရင်းတာ ကိုယ်ရတာပါ။ သုခရှာတယ်တဲ့။ ဒါဆိုဘာတွေရင်နှီးပြီး ရှာတာလဲ ကြည့်ကြရအောင်။ အခုလူတွေ နိုင်ငံရပ်ခြား တွေမှာအလုပ် လုပ်နေကြတယ်။ ကိုယ့်မြေကိုယ့်ရေမှာ အလုပ်လုပ်ကြတယ်။ ဘာအတွက်လဲ။ သုခ လိုချင်ကြလို့ပါ။ ဒါပေမဲ့ သူတို့တွေရင်နှီးတာက လောဘဇောတွေ ဒေါသတွေ မောဟတွေလေ။ ဒီတော့ ကိုယ်ရင်းနှီးတာ ကိုယ်ရမှာပဲလေ။ ဒီမျိုးစေ့စိုက်ပြီးမှတော့ ဒီအသီး မစားချင်ဘူး ဆိုရင်တော့ ရူးလို့ပေါ့။ ဒီလိုလူရူးတွေအများကြီးပါ ဒီလောကမှာ။ ကိုယ့်အတ္တနဲ့ကိုယ် ကိုယ်ထင်ရာပဲ ကိုယ်အမှန်လုပ်ပြီး ဒီသဘောတရားတွေကို မျက်ကွယ်ပြုနေ ကြတာပါနော်။ သူတို့လိုချင် သူတို့ရချင်တဲ့ သုခဟာ တကယ်တော့ သုခမဟုတ်ပါဘူး။ သုခအရေချုံထားတဲ့ ဒုက္ခပါ။ တကယ့်သုခက မဖောက်မပြန် မှန်ကန်ရပါ့မယ်။ လူမျိုးမရွေး အချိန်မရွေး နေရာမရွေး မှန်ကန်ရပါ့မယ်။

ပိုက်ဆံရှိတာ သုခလို့ ယူတယ်ဆိုပါတော့ ဒါဆို ကင်ဆာရောဂါသည် လူချမ်းသာအတွက်ကြတော့ သုခဖြစ်ပါ အုန်းမလား။ AIDS ဖြစ်နေတဲ့သူအတွက် ပိုက်ဆံတွေဟာ သုခဖြစ်ပါအုန်းမလား။ တကယ့်အမှန်တရားက အဲလိုဖောက်ပြန်တဲ့ သဘောမှ ကင်းရပါတယ်။ တကယ်တော့ လူအများသိတဲ့ ဒီသုခလို သုခတွေဟာ သိုးရေချုံတဲ့ ၀ံပုလွေတွေပါ။ အရေချုံတာကို အစစ်ထင်နေသမျှတော့ ဘယ်တော့မှ သုခတွေ့မှာ မဟုတ်ပါဘူး။ လူအများစုဟာ ဒီလမ်းမှာပဲတွေ့နိုးတွေ့နိုး ရှာရင်း အသေဆိုးနဲ့ သေကြရတာပါ။ မျက်စိရှေ့မှာ ဒီလို သေသွားပြီး သက်သေပြတဲ့ လူသေကောင်ပေါင်းလဲ မနည်းတော့ပါဘူး။ ဒါပေမဲ့ ဒီအမှန်တရားတွေကိုပဲ မျက်ကွယ်ပြုနေ ကြစဲပါပဲ။ တစ်ချို့ကြတော့လည်း သိုးရေချုံထားတယ် ဆိုတာတော့ သိပါရဲ့။ ဒါပေမဲ့ စစ်မှန်တဲ့ ရင်းနှီးမှုကို မပြုလုပ်နိုင်ကြပါဘူး။ ဒီလိုလူတွေ ပြောတဲ့ စကားတွေကတော့ “မှန်တော့မှန်ပါတယ် မလုပ်နိုင် သေးတာက ခက်တယ် ၊ အလုပ်လေးတွေက ရှုပ်နေလို့ပါ၊ လုပ်ဖြစ်မှာပါ အခုတော့ အလုပ်လေးတွေက ရှိနေသေးလို့”။ တကယ်တော့ ဒီစကားတွေဟာလည်း အရေချုံ စကားတွေပါပဲ။ နောက်ဆုံးတော့ ဒီလိုလူတွေလဲ ဒီဘူတာမှာပဲ ဆိုက်ကြရတာပါ။ သူတို့အထင်မှာ တရားဟာ အေးအေးဆေးဆေး ရှာရမဲ့အရာ ဆိတ်ငြိမ်ရာမှာ ရှာရတယ်ဆိုတဲ့ အရေချုံအစွဲက စွဲလွန်းနေတာပါ။ တကယ်တော့ လူတော်တော်များများဟာ ကိုယ့်အစွဲကြောင့် ကိုယ်ဒုက္ခရနေကြတာပါ။ ဘုရားက ဟောပြီးသားလေ တကယ်ရှိနေတာဟာ စိတ် ၊စေတသိက်၊ ရုပ် ၊နိဗ္ဗာန်ပဲ ရှိတာပါတဲ့။ ဒီသဘောကို နားမလည်လို့သာ လိုက်ရှာနေတာပါ။ တကယ်တော့ ပရမတ်တရားတွေသာ ဖြစ်နေတာပါ။ ကိုယ့်အတ္တက ဦးစီးနေတော့ အမှန်ကို အမှန်အတိုင်း မမြင်နိုင်ဖြစ်နေတာပါ။ လူတွေဟာ တရားကို လေဘယ်မလဲ ရှာတာနဲ့တူနေပါတယ်။ တရားကလဲဒီသဘောပါ။ တရားဘယ်မလဲ အေးငြိမ်းရာ ဘယ်မလဲ ရှာနေတာကိုက တရားသဘောတွေပါပဲ။

ကျွန်တော်ဟာ အရင်က ဒီစာကြောင်းလေး နှစ်ကြောင်းကို တူတယ်လို့ပဲ ထင်ခဲ့ပါတယ်။ ” everything is nothing” နဲ့ “ nothing is everything”။ ပထမ သဘောတရား ကတော့ လူတော်တော်များများ တရားကိုနားလည်တဲ့ သဘောတရားပါ။ အရာရာဟာ ဘာမှမဟုတ်ပါ ဘူးတဲ့။ ဆိုလိုတာက အရာရာဟာ ဖြစ်ယုံပဲ ၊ ဖြစ်ပြီးပျက်တာလေးပဲရှိတယ် ဒီလိုပြောတာပါ။ နောက်တစ်မျိုး ကတော့ ဘာမှမဟုတ်တာပဲရှိတယ်။ အရာရာဆိုတာကို မရှိဘူး။ ဖြစ်နေတာလေးတွေ ကိုက တစ်ခုခုပါလို့ကို သတ်မှတ်လို့ မရနိုင်ဘူးလို့ ဆိုလိုတာပါ။ အရာရာဟာ nothing လို့သိတဲ့အသိဟာ မလေးနက်သေး ပါဘူးနော်။ ဒါပေမဲ့ လမ်းကြောင်းပေါ်တော့ ရောက်နေပါပြီ။ ဒီတော့ ဒီသဘောတရား ဒီအသိတွေကိုသာ နားလည်ထားပြီး လောဘ ဒေါသ မောဟ ကင်းတဲ့အလုပ်လေးတွေ လုပ်ပြီး အရင်းအနှီး ပြုကြပါလို့။ ဒါမှ တကယ့်သုခကိုရမယ် ဆိုတာလေးကို အကြံပြုလိုက်ပါတယ်။

သိင်္ခ

Read more...

ဗဟိုချက်ပျောက်ဆုံးခြင်း

သြစတေးလျမှာ ရောက်ရှိသတင်းသုံးနေတဲ့ ဘုန်းကြီးဦးဇနိတရဲ့ ကျေးဇူးနဲ့ ကန္နီကမ္မဋ္ဌာန်းအားထုတ်နည်းကို လက်တွေ့လေ့လာအားထုတ်ခွင့်ရခဲ့ပါတယ်။ သမထပြီးမှ ၀ိပဿနာကို ရှုမှတ်ပွားများရတဲ့ သမထယာနိကလမ်းစဉ်ဖြစ်ပါတယ်။ စာရေးသူ သမထပိုင်းပြီးအောင် အားထုတ်ပြီးတဲ့အခါ ၀ိပဿနာကို ကူးရပါတယ်။ ၀ိပဿနာရှုမှတ်တဲ့အခါမှာ ကန္နီနည်းက နှလုံးအိမ်ကို အာရုံပြုရှုမှတ်ရပါတယ်။ ၀ိပဿနာရှုစ နှစ်ရက်လောက်ထိ အချိန်သာ ကုန်သွားတယ်။ သမာဓိက တည်လို့မရဘူး။ နှလုံးအိမ်ကို ရှုမှတ်လို့ မရခဲ့ဘူး။ အဲဒီအခါတုန်းက စိတ်တွေလဲ အတော်ပင်ပန်းခဲ့ရတယ်။

ဘုန်းကြီးဦးဇနိတကလဲ “စိတ်မပျက်နဲ့၊ ၀ီရိယထက်တင်ပြီး ရှုမှတ်လိုက်စမ်းပါ၊ ဒါက ဗဟိုချက်ဖြစ်နေလို့၊ အစတော့ ခက်မှာပဲ၊ ကိုယ်တော် အခက်ဆုံးအပိုင်းကို အောင်မြင်အောင် ရှုမှတ်နိုင်ပြီဆိုရင် ကျန်တဲ့ ခန္ဓာကိုယ်တစ်ခုလုံးကို လိုသလို ရှုမှတ်နိုင်သွားလိမ့်မယ်”လို့ အားပေးလမ်းညွှန်မှုပေးပါတယ်။ သုံးရက်မြောက်နေ့မှာမှ နှလုံးအိမ်မှာ တရိပ်ရိပ်၊ တသဲသဲ၊ တဖွဲဖွဲ ဖြစ်ပျက်နေတဲ့ ရုပ်နာမ်တရားတွေရဲ့ ဖြစ်ပျက်သဘောကို တွေ့ခဲ့ရပါတယ်။ အဲဒီအခါကျမှ ဘုန်းကြီးပြောတဲ့အတိုင်း နှလုံးအိမ်ကို ဗဟိုပြုပြီး ဖောက်ပြန်ပြောင်းလဲနေတဲ့ ရုပ်နာမ်တရားတွေရဲ့ တရိပ်ရိပ် ဖြစ်ပျက်နေပုံများကို လက်တွေ့၊ ဉာဏ်တွေ့ သဘောပေါက်ခဲ့ရပါတယ်။ ဒါက ဘာကို ပြသလဲဆိုတော့ ဗဟိုချက်ပျောက်ဆုံးလို့ ဒုက္ခရောက်ပြီး၊ ဗဟိုချက်ကို တွေ့လို့ ပြဿနာပြေလည်သွားခဲ့တာပါ။

လောကမှာရှိတဲ့ ရှိရှိသမျှ ပြဿနာတွေမှာလဲ ဒီသဘောပါပဲ။ ၀ိသုဒ္ဓိမဂ္ဂအဋ္ဌကထာရဲ့ အစမှာရှိတဲ့ ဂါထာတစ်ပုဒ်ရှိပါတယ်။ “အန္တော ဇဋာ ဗဟိ ဇဋာ၊ ဇဋာယ ဇဋိတာ ပဇာ”အစရှိတဲ့ ဂါထာလေးပါ။ အဓိပ္ပာယ်က မြတ်စွာဘုရား…လောကရှိ သတ္တ၀ါအပေါင်းတို့ဟာ သပွတ်အူကဲ့သို့ အတွင်းမှာလဲ ရှုပ်ထွေးပွေလီနေပါတယ်။ ကြွက်ကိုက်ထားတဲ့ ချည်ထွေး၊ ကောက်ရိုးဆွေးပုံကဲ့သို့ အပြင်မှာလဲ ရှုပ်ထွေးပွေလီနေပါတယ်။ ဒီအရှုပ်တော်ပုံတွေကို ဘာနဲ့ရှင်းရပါ့မလဲဘုရားလို့ နတ်သားတစ်ပါး မေးလျှောက်တာပါ။ အဲဒီအခါ ဗုဒ္ဓမြတ်စွာဖြေကြားချက်အကျဉ်းကတော့ သီလ၊ သမာဓိ၊ ပညာနဲ့ ရှင်းပါလို့ မိန့်ပါတယ်။ သီလ၊ သမာဓိ၊ ပညာဟာ ပိဋကတ်သုံးပုံရဲ့ အဓိကအနှစ်သာရပါပဲ။ ဒါက ဓမ္မသဘောနဲ့ ပြောပြခြင်းဖြစ်ပါတယ်။ သီလ၊ သမာဓိ၊ ပညာဆိုတဲ့ တရားသုံးပါးနဲ့ဖြေရှင်းရင် အရှုပ်အထွေးပြဿနာတွေ ပြေလည်နိုင်ပါတယ်။


ပြဿနာတွေကို ဖြေရှင်းတဲ့နေရာမှာ ဗဟိုချက်ကို သိဖို့လိုပါတယ်။ ဗဟိုချက်ဖြစ်တဲ့ အဓိကအပိုင်း ပျောက်ဆုံးသွားတာနဲ့ ပြဿနာကလဲ ရှင်းလို့မပြီးတော့ပါဘူး။ လောကမှာလဲပဲ ရှင်းမရတဲ့အရှုပ်အထွေးတွေ ဖြစ်လာပြီဆိုရင် သပွတ်အူတို့၊ ချည်ထွေးတို့နဲ့ တင်စားပြောပြတတ်ကြပါတယ်။ သပွတ်အူတွေမှာ အမျှင်တွေက များပြားပြီး ရှုပ်ထွေးနေတော့ ဘယ်ကအစ၊ ဘယ်ကအဆုံး ပြောဖို့ခက်ပါတယ်။ ချည်ထွေးတွေမှာလဲ ဒီအတိုင်းပါပဲ။ ချည်ခင်ရဲ့အစကို မတွေ့မချင်း ရှင်းလို့ မရနိုင်ပါဘူး။ လမ်းက တစ်နည်းပဲ ရှိပါတယ်။ ဗဟိုချက်ဖြစ်တဲ့ အစကို ရှာပါ။ အစကိုတွေ့ပြီဆိုရင်တော့ ရှင်းဖို့ သိပ်ကို လွယ်သွားပါပြီ။

လောကမှာရှိတဲ့ ပြဿနာတွေမှာလဲ ဒီသဘောပါပဲ။ တစ်ခါတလေ ပြဿနာက သိပ်ကြီးကြီးမားမားမဟုတ်ဘူး။ ဒါပေမယ့် ပြဿနာရဲ့ ဗဟိုချက်ကို မတွေ့လို့ ရှင်းရတာ ခက်နေတတ်ပါတယ်။ ပြဿနာတွေရဲ့ ဇာစ်မြစ်က တစ်ခါတလေ ပျောက်ဆုံးနေတတ်တယ်။ ဗဟိုချက်ပျောက်ဆုံးနေတဲ့ပြဿနာက သပွတ်အူလိုပဲ ဖြစ်နေတတ်ပါတယ်။ ကျွမ်းကျင်တဲ့သူ၊ အထာနပ်တဲ့သူတစ်ယောက်က ပြဿနာရဲ့ ဗဟိုချက်ကို သိမြင်ပြီး ဖြေရှင်းပေးလိုက်တော့ ချက်ချင်း ပြေလည်သွားတော့တာပဲ။

ကွန်ပြူတာပြင်တဲ့ လူငယ်တစ်ယောက်က ပြောပါတယ်။ “ကွန်ပြူတာပျက်လို့ဆိုပြီး လာခေါ်ရင် တပည့်တော်တို့ ပထမဆုံး လုပ်ရတာက ဘယ်ကောင်က ပြဿနာပေးနေတာလဲဆိုတာကို အရင်ကြည့်ရတယ်”လို့ ဆိုပါတယ်။ တစ်ခါက စာရေးသူမှာ ကွန်ပြူတာအလုပ်မလုပ်တော့လို့ ဆရာခေါ်ရပါတယ်။ ဆရာလဲ ရောက်လာရော ခဏလေး ဟိုဟာကြည့်၊ ဒီဟာကြည့်လုပ်ပြီး ကီးဘုတ်ပေါ်မှာ တစ်ချက်နှစ်ချက်နှိပ်လိုက်တာနဲ့ ကွန်ပြူတာက ပုံမှန်အတိုင်း ပြန်ဖြစ်သွားပါတယ်။ ပြဿနာရဲ့ အဓိက ဗဟိုချက်ကိုသိတော့ ဖြေရှင်းရတာ လွယ်သွားပါတယ်။ စာရေးသူမှာ တစ်ရက်နှစ်ရက်လောက် မဖြေရှင်းနိုင်ခဲ့ပါဘူး။ သူ့အတွက်တော့ ငါးမိနစ်လောက်ပဲ ကြာလိုက်ပါတယ်။

သီရိလင်္ကာဘုန်းကြီးတစ်ပါးအကူအညီနဲ့ တောရွာတွေကို ရောက်သွားဖြစ်ပါတယ်။ သွားတဲ့အကြောင်းကတော့ သူ့ရဲ့တပည့်ကိုရင်လေးတွေကို စာသင်တိုက်ပိတ်တုန်း သူတို့မိဘတွေနဲ့ ပေးတွေ့ဖို့ သွားကြတာပါ။ ဒီနိုင်ငံက ဓလေ့ထုံစံက မြန်မာနဲ့မတူပါဘူး။ မြန်မာမှာက ကိုရင်ဝတ်ပေးပြီးတာနဲ့ မိဘတွေက အဓိကထောက်ပံ့ရတာ။ စာမေးပွဲတွေပြီးရင်လဲ မိဘရပ်ထံ ပြန်ကြရတာ။ ဒီမှာက အဲ့လို မဟုတ်ဘူး။ ကိုရင်ဝတ်ပေးပြီးတာနဲ့ ဆရာသမားဘုန်းကြီးက အစစအရာရာ၊ နောင်ကြီးတဲ့အခါ ကျောင်းလိုအပ်ရင်၊ အဆင်သင့်လဲ ရှိခဲ့ရင် ကျောင်းကအစ တာဝန်ယူပေးအပ်ရတာ။ စာသင်တိုက်မှာ ကုန်ကျသမျှကလဲ ဆရာသမားပဲ။
နောက်ပြီး ကိုရင်တွေကို မိဘတွေဆီ ကိုယ်တိုင်သွားခွင့်မပေးကြဘူး။ လူထွက်ကုန်မှာစိုးလို့လို့ ဆိုပါတယ်။ တစ်နှစ်မှာ တစ်ခါ မိဘတွေနေအိမ်ဆီကို မျက်နှာသွားပြရတာ။ အဲဒီအခါမှာ သူတို့ပြောတာတွေကို အကုန်တော့ နားမလည်ဘူး။ ဒါပေမယ့် မှန်းပြီး သိလိုက်တာကတော့ ဒကာကြီးတို့ရဲ့သားကို ကိုယ့်သားအရင်းလို စောင့်ရှောက်ကြောင်း၊ လိုအပ်တာတွေကို ဘုန်းကြီးက အကုန်ထောက်ပံ့ပေးထားကြောင်းစတဲ့ အကြောင်းအရာတွေပါပဲ။ မိဘ၊ ဆွေမျိုးတွေနဲ့တွေ့တဲ့အချိန်ဟာ နာရီဝက်လောက်ပဲ ရှိပါတယ်။ အဲဒီအခါမျိုးတွေမှာ မိဘတွေက တစ်ရက်လောက် သားလေးနဲ့အတူနေချင်လို့ ထားခဲ့ဖို့ အသနားခံကြတယ်။ တစ်ရက်မရရင်လဲ နာရီအနည်းငယ်လောက် ထပ်နေပေးဖို့ မျက်ရည်တွေနဲ့ တောင်းပန်ကြတယ်။ ဒါပေမယ့် ဘုန်းကြီးက လက်မခံပါဘူး။ ပြောချင်တာက ဒီအကြောင်းမဟုတ်ပါဘူး။ စကားစပ်လို့ ပြောဖြစ်တာ။

ပြောချင်တာက အဲဒီအရပ်ဒေသမှာနေတဲ့ လူထုတွေက ဆန္ဒပြပွဲတွေ ခဏခဏလုပ်ကြတယ်တဲ့။ ထစ်ခနဲဆိုရင် အစိုးရကို မကျေနပ်ကြောင်း ဆန္ဒပြကြတော့တာပဲ။ အစိုးရကလဲ အဲဒီဒေသခံတွေ ကျေနပ်အောင် အဲဒီဒေသသွားပြီး ကုသိုလ်ကောင်းမှုတွေလုပ်၊ ကျောင်းတွေဆောက်စတဲ့ အကျိုးပြုလုပ်ငန်းတွေ အကုန်လုပ်ပေးတာပဲ။ ဒါပေမယ့် ကိစ္စတစ်ခုရှိလိုက် ဆန္ဒပြပွဲတွေက ဖြစ်မြဲပဲတဲ့။ ပါလာတဲ့ဘုန်းကြီးအပြောအရတော့ ဒေသခံတွေကိုယ်တိုင် ဘာဖြစ်လို့ အစိုးရကို မကျေမနပ်ဖြစ်ရတယ်ဆိုတာကိုတောင် ခွဲခြားလို့ မရဘူးတဲ့။

အဲဒီလိုအချိန်မျိုးမှာ အစိုးရက လူတစ်ယောက်ကို အဲဒီဒေသကို လွှတ်၊ ကြာရှည်နေခိုင်းပြီး လူတွေ ဘာလို့မကျေနပ်ကြသလဲဆိုတာကို လေ့လာခိုင်းတယ်တဲ့။ အဲဒီလူက အဆိုပါဒေသမှာ တစ်နှစ်လောက်နေမှ ပြဿနာရဲ့ ဇာတ်မြစ်ကို သိရတယ်တဲ့။ ဒေသခံတွေဟာ ခရီးသွားကြတော့ သီရိလင်္ကာနိုင်ငံရဲ့ လမ်းတွေဟာ သူတို့ဒေသထက်စာရင် အရမ်းကို ကောင်းလွန်းနေတာကို တွေ့ကြရတယ်တဲ့။ သူတို့ဒေသက လမ်းတွေကတော့ အရမ်းကိုဆိုးဝါးလွန်းနေတယ်။ ပြဿနာက လမ်းမကောင်းတာကြောင့်လို့ ဆိုပါတယ်။ ဒါနဲ့ အစိုးရက ချက်ချင်းပဲ အဲဒီဒေသတစ်ခုလုံးကို ကတ္တရာထူထူကြီးတွေနဲ့ ခင်းပေးလိုက်တော့မှ သမ္မတမဟိန္ဒကို သဘောတော်ကျကုန်တယ်လို့ ဆိုပါတယ်။ ဆိုတော့ ပြဿနာတွေဟာ ဘယ်လောက်ပဲ ကြီးမားပါစေ။ သူ့ရဲ့ ဇာစ်မြစ်ကိုသိရင် အတော်ဖြေရှင်းရတာ လွယ်တယ်လို့ ဆိုရပါမယ်။ အခုဆိုရင် ဒေသခံတွေဟာ ငြိမ့်နေတဲ့ လမ်းမတွေထက်မှာ မော်ကြွားလို့ပေါ့။ ရွေးကောက်ပွဲရောက်တိုင်း မဟိန္ဒမှ မဟိန္ဒဖြစ်ကုန်တယ်လို့ ဆိုပါတယ်။

တစ်ခါတလေ လောကလူ့ဇာတ်ခုံပေါ်မှာ အမှိုက်ကစ၊ ပြာသာဒ်မီးလောင်ဆိုသလို ပြဿနာအသေးအဖွားလေးတွေကစပြီး ပြဿနာအကြီးကြီးတွေဖြစ်ပြီး ဖြေရှင်းလို့မရ ဖြစ်နေတတ်ပါတယ်။ တစ်ခါတရံ သားသမီးငယ်တွေ ဆော့ကစားရင်း ရန်ဖြစ်ကြရာကနေ မိသားစုလိုက် ရန်ပွဲကြီးတွေဖြစ်၊ အမုန်းတရားတွေ များနေတဲ့အဖြစ်တွေများစွာကို မိမိတို့ နေ့စဉ်ပတ်ဝန်းကျင်မှာ တွေ့နေရပါတယ်။ အိမ်နီးနားချင်း ချစ်ချစ်ခင်ခင် နေလာခဲ့ကြရာမှ အိမ်မှာမွေးထားတဲ့ အလှခွေးလေးကို တစ်ဖက်အိမ်က ခွေးက ကိုက်လို့ဆိုပြီး ရန်သူပမာဖြစ်သွားခဲ့တဲ့ မိသားစုနှစ်စုကိုလဲ တွေ့ဖူးပါတယ်။ ဒါတွေဟာ ပြဿနာရဲ့ ဗဟိုချက်ကို လိုက်မရှာဘဲ အတ္တကို ရှေ့တန်းတင် စဉ်းစားဆုံးဖြတ်ကြလို့ ဖြေရှင်းမရ ဖြစ်ခဲ့ကြရတာပါ။

နှလုံးအိမ်ဆိုတဲ့ ဗဟိုချက်ကို အားစိုက်ရှုမှတ်စဉ်က ဖြစ်ပေါ်လာခဲ့တဲ့ အတွေးအမြင်တွေက မနည်းပါဘူး။ အဓိကကတော့ လူ့လောကမှာဖြစ်ပျက်နေတဲ့ ပြဿနာတွေကို သွားသွားအမှတ်ရနေတတ်ပါတယ်။ ဘာမှ မဖြစ်စလောက်တဲ့ ပြဿနာလေးကနေ အဓိကဖြေရှင်းရမှာကို မဖြေရှင်းလို့ သို့မဟုတ် မသိလို့ ပြဿနာအသေးလေးတွေကနေ အကြီးကြီး ဖြစ်ကုန်ကြတာ။ ပြဿနာကြီးကြီးတွေ ဖြစ်တိုင်း စာရေးသူကတော့ ဗဟိုချက်ကိုပဲ လိုက်ရှာနေမိပါတယ်။ တကယ်တော့ အောင်မြင်မှုလမ်း လျှောက်လှမ်းနေတဲ့သူတွေဟာလဲ အဓိကအချက်ကို ကိုင်မိရင် အောင်မြင်မှုက မဝေးတတ်ပါဘူး။

ဒီနေရာမှာ စဉ်းစားမိတာလေး တစ်ခုပါ။ `အောင်မြင်ချင်လို့ အလုပ်လုပ်တာနဲ့ အလုပ်လုပ်လို့ အောင်မြင်တာ´ဆိုတဲ့ တူသလိုလိုနဲ့ မတူတဲ့အချက်လေးပါ။ မှန်ကန်တည့်မတ်ပြီး လူ့လောကအတွက် အမှန်တကယ် စေတနာထားသူတွေမှာတော့ အလုပ်လုပ်တာက သူ့အတွက် အဓိက(မိန်း တာ့ဂတ်)ရည်ရွယ်ချက် ဖြစ်ပါတယ်။ အချို့တော့ အောင်မြင်မှုနောက်ကို အသည်းအသန်လိုက်ရင်း အလုပ်လုပ်နေကြတာပါ။ အောင်မြင်မှုကို တန်ဖိုးထားပြီး အလုပ်လုပ်နေသူတွေဟာ ပထမကိုင်စွဲထားတဲ့ အရာက `အတ္တ´ဖြစ်ပါတယ်။ ကိုယ်ကိုင်စွဲထားတဲ့ `အတ္တ´ကလေး အားကောင်းဖို့အတွက်က အဓိကပါပဲ။ အဲဒီအတ္တလေးနဲ့ ကင်းကွာနေတဲ့ အလုပ်ဆိုရင် ဘယ်လောက်ပဲ မြင့်မြတ်နေပါစေ သူ စိတ်မ၀င်စားပါဘူး။ `အတ္တ´လေးကို ရေသွန်းပေးသလို ဖြစ်နေတဲ့ လုပ်ငန်းမှန်သမျှကို လုပ်နေတော့ အကောင်းရော၊ အဆိုးရော ပါနေမှာပဲ။ အလွန်ဆိုးဝါးတဲ့အလုပ်ကို မလုပ်ဖြစ်သေးသမျှ သူဟာ ကောင်းတဲ့အစိတ်အပိုင်းထဲမှာ ရှိနေပါလိမ့်မယ်။

နောက်ပိုင်း အတ္တကို ပံ့ပိုးပေးမှုမရှိတဲ့ ကောင်းမွန်တဲ့အရာများကို လျစ်လျုရှုလာတဲ့အခါ မကောင်းသတင်းက ထွက်လာတော့တာပဲ။ ဒါက လောကရဲ့ ဓမ္မတာပါ။

ဗုဒ္ဓမြတ်စွာကတော့ အောင်မြင်မှုအတွက် အလုပ်လုပ်တာ မဟုတ်ဘူး။ လောကကောင်းကျိုးအတွက် အလုပ်လုပ်ခဲ့လို့ အောင်မြင်ခဲ့တာ ဖြစ်ပါတယ်။ အောင်မြင်ချင်လို့ အလုပ်လုပ်သူနဲ့ အလုပ်လုပ်လို့ အောင်မြင်သူတွေဟာ သမိုင်းမော်ကွန်းမှာ တန်းတူရှိမနေပါဘူး။

ငွေကြေး၊ ရာထူး၊ အာဏာ၊ ကျော်ကြားမှုစတာတွေကို မဏ္ဍိုင်ပြုပြီး အောင်မြင်မှုကို ဗဟိုချက်အဖြစ် ထားရှိနေသူ မဖြစ်ဖို့ သိပ်ကို အရေးကြီးပါတယ်။ အောင်မြင်ချင်လို့ အလုပ်လုပ်တော့ တစ်နေ့ ကိုယ်မျှော်မှန်းထားတဲ့အတိုင်း အောင်မြင်မှုက မရတော့ဘူးဆိုရင် မူလရည်ရွယ်ရင်း ကောင်းတဲ့အချက်လေးတွေပါ မကောင်းမှုနဲ့ ရောထွေးသွားတတ်ပါတယ်။ တကယ့်သမိုင်းမှာ တွင်တွင်ကျယ်ကျယ် နေရာယူခဲ့သူတွေဟာ အောင်မြင်မှု၊ ရှုံးနိမ့်မှုအတွက် အာရုံမထားပါဘူး။ သူတို့အာရုံထားတာက `သူတို့အလုပ် ဘယ်လောက်လုပ်နိုင်သလဲ´ဆိုတာကိုပါပဲ။ အဲဒီတော့ အောင်မြင်မှုဆိုတာကို ဗဟိုချက်အနေနဲ့ မထားဘဲ အလုပ်ကိုသာ ဗဟိုချက်နေရာမှာ ထားခဲ့မယ်ဆိုရင် သူဟာ သမိုင်းမှာ အကြီးအကျယ် မတင်ကျန်ခဲ့ရင်တောင်မှ သူ့သမိုင်းက `မရိုင်း´ပါဘူး။

ဗဟိုချက်ပျောက်လို့ တရားအဆင့် မတက်နိုင်ဖြစ်ခဲ့ရတဲ့ စာရေးသူရဲ့ အတွေးစလေးတွေပါ။ ဒီအတွေးလေးတွေကနေ ကိုယ့်ကိုယ်ကို ပြန်ဆန်းစစ်မိပါတယ်။ `ငါ့အလုပ်တွေကရော ဘာကို ဗဟိုပြုနေမိသလဲ´။

Posted by လွင်ပြင်ရိုင်း at 4:38 AM

Read more...

အမ္ဗပါလီ

စာဖတ်သူ တဦးမှ အမ္ဗပါလီအကြောင်း ရေးပေးဖို့ တောင်းဆိုတဲ့ အတွက်ကြောင့် ဓမ္မမိတ်ဆွေ အန်တီ စီစီချိုသန်း ရေးသား ပို့ပေးထားသော အမ္ဗပါလီ အကြောင်းကို တင်ပြလိုက်ပါတယ်။

သမိုင်းအစဉ်မှာ၊ နှိုင်းမယှဉ်အောင်၊ လှရက်ပါတ့၊ဲ ဝေသာလီရဲ့ အလှဧကရီ...အမ္ဗပါလီရေ....။ သင့်ရဲ့ဘ၀ ဖြစ်စဉ်ကို ကြားသိရတဲ့ အခိုက် ၀ိပဿနာ အသာထားပြီး၊ ကျွန်မရင်ထဲမှာ တကယ်ကို ခံစားလိုက် ရပါတယ်။ ခံစားမှုတွေကို သေချာဆန်းစစ်လိုက်တော့ အားကျမှုတွေ၊ သံဝေဂတွေ၊ ကိုယ်ချင်းစာ တရားတွေ အားလုံးပါဝင်နေပါတယ်။ ဒီခံစားမှုတွေကို သင့်ကိုပဲတိုင်တည်ပြီး ကျွန်မ ပြောပါရစေ..။

ဘုရားရှင်လက်ထက်က ရှိခဲ့တဲ့ ဝေသာလီပြည်ကြီးဟာ ဒီမိုကရေစီ စံနစ်ကျင့်သုံးပါတယ်။ ပြည်သူ့လွှတ်တော် ကြီးကို နှစ်စဉ် ကျင်းပလို့ စီးပွါးရေး၊ လူမှုရေး၊ နိူင်ငံရေး အခြေအနေ အားလုံးကို (၇၇၇၇) ယောက်သော ကိုယ်စားလှယ်တွေနဲ့ ဆွေးနွေး ညှိနိူင်း တိုင်ပင်ကာ ဆုံးဖြတ်ကြတာပါ။ ဒီလွှတ်တော်မှာ ဝေသာလီ ဂဏသန္တာ ရဲ့အကြီးအကဲ မဟာနာမ်မင်းကြီး၊ သားတော် ဖြစ်တဲ့ အာနန္ဒ မင်းသား၊ အဘယရာဇာ ဆိုတဲ့ စစ်သေနာပတိ ချုပ်ကြီး၊ သူရဲကောင်း စစ်သည်များနဲ့ ဝေဒပညာရှင်များ ပါဝင်ကြပါတယ်။ အမ္ဗပါလီရေ... သင်ကတော့ မဟာနာမ် မင်းကြီးရဲ့ ချစ်မ၀တဲ့ သမီးအလှတစ်ပါးပါ။ အာနန္ဒ မင်းသားရဲ့ညီမတော်ပေါ့။ တကယ်တော့ သင် ဟာ မဟာနာမ် မင်းကြီးရဲ့ သမီးရင်းတစ်ယောက် မဟုတ်ခဲ့ဘူးနော်။ မဟာနာမ်မင်းကြီး နဲ့ မိသားစုတို့ခရီးတစ်ခု သွားရာမှာ တစ်နေရာအရောက် သရက်ပင်အောက် ကလေးငိုသံကြားလို့ မြင်းထိန်းကို သွားကြည့် ခိုင်းပါတယ်။ ဇနီးသည် မီးဖွါးရင်း ဆုံးတာ မကြာသေးတဲ့ မင်းကြီးက အဲဒီ ကလေးကိုမွေးစားချင်စိတ်ဖြစ်ပါတယ်။ ဒါပေမဲ့ သူ့မှာ အာနန္ဒ ဆိုတဲ့ သားတော်တစ်ပါး ရှိပြီး ဖြစ်လို့ ယောကျာင်္းလေး ဖြစ်နေရင် ထီးနန်းလုကြမှာ ကိုစိုးရိမ်ပါ တယ်။ ဒါကြောင့် ယောကျာင်္းလေး ဆိုရင်တော့ မယူဘူး၊ မိန်းကလေး ဖြစ်ရင်တော့ ယူခဲ့လို့ မြင်းထိန်းကိုမှာပါ တယ်။ ဒီလိုနဲ့ သင်ဟာ မဟာနာမ်မင်းကြီးရဲ့ သမီးအဖြစ်ကို ရောက်ခဲ့တာပါ။ မဟာနာမ် မင်းကြီး နဲ့ အာနန္ဒ မင်းသားဟာ သင့်ကို သမီးရင်းနဲ့ မခြား၊ ညီမရင်းနဲ့မခြား ချစ်ခဲ့ကြတာပါ။


ဝေသာလီဟာ ဘေးကအိမ်နီးချင်း နိူင်ငံတွေရဲ့ ကျုးကျော်ရန်စ မှုတွေကြောင့်စစ်အမြဲ တိုက်နေရတဲ့ နိူင်ငံပါ။ အထူးသဖြင့် အနောက်ဖက်က ရာဇဂြိုလ်နဲ့ဆို လူကျုးရင်လူသတ်၊ ခွေးကျုးရင် ခွေးသတ်၊ အမှိုက်လွှင့်သွား ရင်တောင် မီးရှို့ပစ်ပါတယ်။ ရန်ဖက် နှစ်နိူင်ငံ ဖြစ်ပါတယ်။ ဒါကြောင့် ဝေသာလီမှာ လူတိုင်းစစ်မှုထမ်းရပါတယ်။ စစ်ရေး အမြဲလေ့ကျင့် နေရပါတယ်။ ဝေသာလီ ပြည်သူတွေဟာ အမြဲတမ်း စည်းလုံးညီညွတ်ပါတယ်။ အမိန့်ကို လည်း နာခံကျင့်သုံးကြပါတယ်။ ဒါကြောင့် ဝေသာလီကို ဘယ်သူမှ မထိရဲကြပါဘူး။ အဲ...ဒါပေမဲ့ တစ်ချိန်မှာ တော့ ဒီစည်းလုံးညီညွတ်မှုတွေ၊ အမိန့် ကိုနာခံတတ်မှုတွေကို ပျက်ပြားမည့် အကြောင်း ဖန်လာပါတယ်။ ဖန်တီးသူကတော့ သင်ပါပဲ.. အမ္ဗပါလီ ရေ။

သင့်ကို ငယ်စဉ်ကစပီး သင့်ဖခင် မင်းကြီးက အဝေးမှာထားပြီး ယောကျာင်္းတွေ တတ်အပ်တဲ့ ဆင်စီး၊ မြင်းစီး၊ ရထားမောင်း၊ မြှားပစ်၊ လှံပစ်၊ ဓါးခုတ်စတဲ့ ပညာရပ်တွေကို သင်ယူစေခဲ့တယ်။ ဒါကြောင့် သင့်ကို သိသူ၊ မြင်ဖူးသူ သိပ်မရှိခဲ့ဘူးနော်၊ အသက် ၁၃ နှစ်အရွယ်မှာ သင်ဟာ ဒီပညာရပ်တွေကို ကျွမ်းကျင်လို့ စံအိမ်ကိုပြန် ရောက်ခဲ့ပြီ၊ ပညာတွေနဲ့ အတူ အလှသွေးတွေလဲ ကြွေစ ပြုခြဲ့ပီ။ ဝေသာလီ မြို့ထဲကို သင်မြင်းရထား ၀င်မောင်းရင် မြန်လွန်းလို့ လူတွေက သင့်အရိပ်ကိုပဲ မြင်နိူင်ကြတယ်။ အဲဒီ အရိပ် ကလေးကပဲ လူအများ၊ အထူးသဖြင့် ပုရိသ ယောကျာင်္းတို့ရဲ့ စိတ်၊ အာရုံ ကို ဖမ်းစားနိူင်ခဲ့တယ်။ ဒီအလှပိုင်ရှင်ဟာ ဘယ်သူလဲ? သင် ဘယ်သူလဲ ဆိုတာကို လူတိုင်းသိချင်နေကြပြီ... အမ္ဗပါလီရေ။ နောက်ဆုံးမှာ လူတွေဟာ သင့်ကို သိလိုစိတ် တွေကို မထိန်းနိူင်ကြပဲ တစ်အိမ်ပြီးတစ်အိမ် သင်ဘယ်အိမ်ကို ၀င်မလဲ ဆိုပြီး အလှည့်ကျစောင့်တော့တာပဲ။ နောက်ဆုံးမှာတော့ သင်ဟာ မင်းကြီးရဲ့သမီးမှန်းသိလို့ အားလုံးနဲ့ မိတ်ဆက်ပေးခဲရပြီလေ။ အဲဒီမှာပြဿနာစ တော့တာပဲနော်။ အသက် ၁၃-၁၄ နှစ်အရွယ်မှာတောင် သင့်ရဲ့ မျက်လုံးဝှေ့တစ်ချက်မှာ မင်းသားပေါင်း ၁၀၀ လောက် သင့်နောက်ကို ပါလာခြဲ့ပီ။ အသက် ၁၆ နှစ်အရွယ် အလှတွေပြည့်စုံလာတဲ့ အချိန်မှာတော့ ဝေသာလီ တစ်နိူင်ငံလုံး အုံ့အုံ့ ကြွကြွ ဖြစ်ရပြီ။ အမိန့်ကိုအမြဲနာခံတဲ့ သူရဲကောင်းစစ်သည်တွေ အမိန့်ကို မနာခံတော့ ဘူး၊ စစ်ရေးတွေ လေ့မကျင့်ကြတော့ဘူး၊ သူတို့စိတ်ထဲမှာ ပါလီ မှ ပါလီ၊ ပါလီ ကိုတွေ့ဖို့၊ မြင်ရဖို့၊ ပါလီနဲနီးရဖို့၊ ပါလီ့ အသံကြားရဖို့သာ ကြိုးစားကြတော့တယ်။

သင့်ရဲ့အလှတွေကိုကုန်အောင် ဖွဲ့နိူင်သူမရှိခဲပေမဲ့ ကျွန်မ သိသလောက်တော့ ပြောပါရစေ။ သင့်ရဲ့ ပိတုန်းရောင် ဆံကေသာဟာ နက်မှောင်ဖြောင့်ရှင်း၊ အဖျားကော့စင်းလို့ တစ်ချောင်းချင်းဖြစ်နေပါတယ်။ ထိုဆံကေသာကို ဆံထုံးထုံးပြီး ပန်းပန်ထားတဲ့ သင်ဟာ ကဗျာ ဆရာတွေ အတွက် စာဖွဲ့ချင်စရာဖြစ်ခဲ့တယ်။ သင့်ရဲ့ ခန္ဓာကိုယ် ဟာလဲ စန္ဒကူးနံ့သာ ထုံသင်းပီး အဖိုးထိုက် ရတနာတွေ ဆင်မြန်းထားတဲ့ အခါ မိန်းမချင်းတောင် ငေးရပါပေတယ်။ သင့်ရဲ့ခန္ဓာကိုယ် အချိုးအဆစ်၊ အဖုအထစ် တွေဟာလဲ ပန်းပုဆရာတွေ ဘယ်လိုထုရမှန်းမ သိပဲ၊ လက်မှိုင်ချရလောက်အောင် ပြေပြစ်ပါပေတယ်။ သင် ရဲ့တောက်ပ လှပတဲ့ မျက်လုံးနှစ်လုံးဟာလဲ စိန်ရောင်ကဲ့သို့ တ၀င်းဝင်း၊ တလက်လက် နဲ့မြင်ရသူကို ဖမ်းစားနိူင်ပါပေတယ်။ သင်ရဲ့ပတ္တမြားရောင် နီတျာတျာ နှုတ်ခမ်းနှစ်လွှာ၊ ဖြူသန့်စင်တဲ့ သွားလေးတွေနဲ့ ဖန်ဆင်းလိုက်တဲ့ အပြုံးတစ်ချက်ဟာ တစ်ဖက်သား ကို ငြင်းပယ်နိူင်စွမ်း ကင်းသွားစေပါတယ်။ အဲဒီ နှုတ်ခမ်းနှစ်လွှာ ကြားကပေါ်ထွက်လာတဲ့ သင့်ရဲ့အသံဟာ ကြိုးကြာလေးတွန် လိုက်သလို၊ လောကကြီးကို ရပ်ဆိုင်းသွား စေပါတယ်။ ရေကြည်သောက်ရင် မြင်ရမလောက်ပင် သင့်ရဲ့ လည်တိုင်ကျော့ရှင်း၊ အသားအရေရဲ့ကောင်းခြင်းနဲ့ ပြည့်စုံပါပေတယ်။ ဒါတွေက ကျွန်မ သိသ လောက်ပြောရတာပါ။ ဒီလို လှချက်တွေ အပြင် သင်ဟာမာယာတွေလဲ သုံးတတ်ခဲ့တယ်နော်။ ယောကျာင်္း တွေကြားထဲမှာ မြှားပစ်ကျင့်ပြတာ၊ မြင်းရထားစီးပြီး ကိုယ်လုံး ထွက်ပြတာ၊ သင့်အိမ်တော်ရှေ့မှာ လာစောင့်နေကြတဲ့ ပုရိသတွေအပေါ် ပန်းကြဲချတာ၊ မျက်နှာတစ်ခြမ်းလေး ထုတ်ပြတာတွေနဲ့ တစ်နိူင်ငံလုံးက ယောကျာင်္းအပေါင်းကို ရူးသွပ်စေခြဲ့ပီ။ သင့် အခန်းထဲမှာလည်း ရွေးချယ်ဖို့ တစ်ရာ့တစ်ပါးသော မင်းတွေရဲ့ရုပ်ပုံ၊ ပန်းချီ တွေပြည့်နေခဲ့တယ်။ တစ်ပုံပီးတစ်ပုံ အချစ်မ၀င် အပြစ်မြင်ခြဲ့ပီး ကာမှ တစ်ခုသော ပုံကိုမြင်တော့ ကျင်စက်နဲ့တို့ လိုက်သလိုသင်ခံစားရ၊ စိတ်ဝင်စားခဲ့တယ်နော်။ ဘယ်သူလဲ ဆိုတော့ သင်တို့ရဲ့ ဝေသာလီ ရဲ့ရန်သူ ဗိမ္မိသာရ မင်းပါပဲ။ ဗိမ္မိသာရ မင်းဟာ သင်ရဲ့ နှလုံးသားကို လှုပ်ရှားစေခြဲ့ပီနော်။ (ဒါဟာ မြင်စိတ်မှာ စွဲလန်းသွားတဲ့ ဥပါဒါနက္ခန္ဓာပါ) ရန်သူမင်းဆိုတာ သင်သိပေမဲ့ ချစ်မိ သွားခဲ့တယ်နော်။ အဲဒီအချိန်ကစပြီး ပါလီဟာ ဗိမ္မိသာရမင်း(ပုံ)နဲ့ အိပ်တယ်၊ ဗိမ္မိသာရ မင်း(ပုံ)နဲ့စားတယ်။ (ကျွန်မ တို့ဒီခေတ်မှာလည်း သင့်အရွယ် ကလေးမလေးတွေ နာမည်ကြီး မင်းသားပုံတွေ နံရံမှာ ကပ်ပြီး ဒီလိုပဲ စိတ်ကူးယဉ်ကြပါတယ်။ အမှန်အတိုင်းဝန်ခံ ရရင်ကိုယ်တောင် ငယ်ငယ်က ပါခဲ့သေးပါတယ်။)

သင့်ရဲ့အလှသတင်းဟာ ဝေသာလီတင်မက ဘေးကရာဇဂြိုလ် ကိုတောင်ရောက်ခဲ့ပါပေါ့။ ရာဇဂြိုလ်ပြည့်ရှင် ဗိမ္မိသာရ မင်းကလည်း သင့်ကိုတွေ့လို၊မြင်လိုစိတ်တွေ ပြင်းပြခဲ့ပြီ။ ဒါကြောင့် အထောက်တော်များကို အရင် လွှတ်ပီး သင့်ရဲ့အလှကို စုံစမ်းခိုင်းခဲ့တယ်။ ဒီအထောက်တော်တွေဟာ ပါလီ့ ကိုတွေ့ခဲ့ ခဏမှာ ဘယ်လောက် တောင် နစ်မျောသွားလဲဆိုရင် ပါလီရဲ့မြားချက်ကိုတောင် ရှောင်ဖို့မေ့ပီး သေဖို့ဖြစ်ခဲ့တယ်။ ပါလီက နှလုံးသား နေရာကို မပြစ်ပဲ ခေါင်းက ဦးထုပ်ကိုပဲချိန် ပစ်ခဲ့လို့ သက်သာခဲ့တာပေါ့။ ရာဇဂြိုလ် ကိုပြန်ရောက်လို့ ဗိမ္မိသာရ မင်းက ပါလီ ရဲ့အလှကိုမေးတဲ့အ ခါမှာတော့ မိန်းမတစ်ယောက်မှာရှိရမဲ့ လက္ခဏာအားလုံး ပါလီ မှာရှိကြောင်း လျှောက်တင်ပါတယ်။ မိမိတို့တောင် မင်းကြီးမှန်းထားတဲ့ မင်းဘဏ္ဍာ မို့လို့သာမပြစ်မှားရကြောင်း၊ ဇာတ်လမ်းစုံ ခင်းပြီး ပါလာတဲ့ ပါလီရဲ့မြားလေးကို ဆက်သလိုက်ပါတယ်။ ဒီအခါမှာ သောတာပန် မင်းကြီး နှလုံးသားကို ထိသွားပါတယ်။ ပါလီ ရဲ့မြားကို ရင်ဘတ်ပေါ်တင်ပီး ပါလီ ကိုစွဲလမ်းသွားပါပီ။ ပါလီကိုတွေ့အောင်လုပ်မယ်။ နီးရအောင်ကြံမယ်။ ပါလီနဲ့မှ မတွေ့ရရင် နန်းကိုလည်းစွန့်မယ်။ သားကိုလည်းစွန့်မယ်။ မယားကိုလည်းစွန့်မယ်။ ပစ္စည်းတွေလည်းစွန့်မယ်။ စည်းစိမ်တွေ အားလုံးကိုစွန့်မယ်။ (ဒိဋ္ဌိနဲ့ တဏှာ တွဲဝင်ပြီ) ( ၀ိပဿနာနဲ့ ပြောရရင် ကြားစိတ်နဲ့ ဥပါဒါနက္ခန္ဓာ ဖြစ်သွားပါတယ်။) ဒီစွဲလမ်းမှုတွေကြောင့် ဗိမ္မိသာရမင်း စတင်အကောင်အထည် ဖေါ်တော့တာပဲ၊ (ဥပါဒါန် ပစ္စယာ ကမ္မဘ၀ ဖြစ်ပါတယ်)၊ ဉာဏ်ကောင်းတဲ့ ဗိမ္မိသာရ မင်းဟာ အတော်ဆုံး၊ အကောင်းဆုံး ရုပ်သေးဆရာရှာပြီး ရုပ်သေးပညာကို ကျွမ်းကျွမ်းကျင်ကျင် ဖြစ်အောင်သင်ပါတယ်။ ပြီးတော့ တစ်လလောက် တပည့်တွေနဲ့ ဇာတ်တိုက်ရပါတယ်။ ဘုရင်လိုမဆက်ဆံဖို့၊ သူငယ်ချင်းပြောပြော ပြောဖို့လေ့ ကျင့်ရပါတယ်။ တစ်သက်လုံးမော်မကြည့်ရဲတဲ့ ကိုယ့်ရဲ့ မင်းမှုထမ်းတွေ၊ ကိုယ့်ကို ဘုရားထူးလာသူတွေကို တန်းတူပြောခံရအောင် ဥပါဒါနက္ခန္ဓာကလုပ်နေတာ မင်းကြီးသတိမထားမိပါဘူး။ တဏှာကပေးလိုက်တဲ့ သတ္တိတွေနဲ့ ဗိမ္မိသာရမင်း ဝေသာလီကို သွားပါပြီ။

အလွန်ချောမောခံ့ညားတဲ့ မင်းကြီးဟာ ရုပ်သေးဆရာ အဖိုး ကြီး အဖြစ်ရုပ်ဖျက်ဟန်ဆောင်ပီး ရန်သူ့ နယ်မြေထဲ ကိုစွန့်စွန့်စားစား သွားပါတယ်။ နယ်စွန်မှတစ်ဆင့် တစ်ဖြည်းဖြည်း ပါလီ တို့ရဲ့စံအိမ်တော်နဲ့ နီးသထက်နီးအောင် လာခဲ့ပါတယ်။ တစ်နေ့မှာ ပါလီ တို့နေရာနဲ့ မနီးမဝေးမှာ ရုပ်သေးကပါတယ်။ ပါလီ တို့အဖွဲ့လည်း ရုပ်သေးလာ ကြည့်ပါတယ်။ ပါလီကရုပ်သေးဆရာကို အကဲခပ်ကြည့်ပါတယ်။ ရုပ်သေးဆရာ ဗိမ္မိသာရ မင်းကလည်း ပါလီ အချောအလှ ကိုမြင်တော့ မျက်နှာမလွှဲနိူင် ပဲ ကြည့်နေမိတယ်။ နှစ်ဦးသား မျက်လုံးချင်းဆုံတော့ ရင်ခုန်မိကြပီ။ ပါလီက ရုပ်သေးဆရာဟာ အသက်သိပ် မကြီးသေးတာ ကိုသတိထားမိတယ်။ ဗိမ္မိသာရမင်းများ ဖြစ်နေမလား လို့လည်း သံသယ ၀င်မိတယ်။ ဒါနဲ့ နန်းတော်ထဲကိုလာ ကဖို့ပြောတော့ ဘုရင်ဖြစ်တဲ့ ဗိမ္မိသာရမင်းဟာ ပါလီ ကိုစကားပြောရာမှာ ကျွန်တော်မျိုး နဲ့ ပြောနေပေမဲ့ ခေါင်းမကျိုး၊ ဇက်မကျိုးပဲ ဖြစ်နေတယ်။ ဒါကို ပါလီက သိတယ်။ နောက်ဆုံး ပါလီက တာဝန်ယူပါ တယ် ဆိုလို့ နန်းတော်ထဲကို ၀င်ကဖို့ သဘောတူလိုက်တယ်။ နဂိုထဲက သွားချင်တာကို မူနေရတာပါ။ နန်းတော်ထဲမှာ ကတော့ ရှေ့တန်းက မင်းစင်မှာကြည့်နေတဲ့ မဟာနာမ် မင်းကြီး၊ အာနန္ဒ မင်းသားနဲ့ အဘယရာဇာ တို့ဟာ ရုပ်သေးဆရာကိုမြင်တော့ ရုတ်တရက် သန်လျက်ဆွဲ၊ ဓားဆွဲ ဖြစ်သွားတယ်။ ပြီးတော့ ရုပ်သေးဆရာကို ဗိမ္မိသာရမင်းကိုမြင်ဖူးလား လို့မေးတယ်။ ရုပ်သေးဆရာက အပြင်မှာ မမြင်ဖူးပါဘူး၊ နာမည်တော့ကြားဖူး တယ်လို့ ပြောတယ်။ (မှန်ထဲမှာပဲ ကိုယ့်ကိုကိုယ်မြင်နိုင်တာ၊ အပြင်မှာ ဘယ်လိုလုပ်ပီး ကိုယ့်ကိုကိုယ်မြင်မလဲ? ဗိမ္မိသာရမင်း ပြောတာမှန်တာပေါ့၊ မုသာဝါဒါ မမြောက်ပါဘူး။) ဒီတော့ မဟာနာမ် မင်းကြီးကသင်ဟာ ဗိမ္မိသာ ရမင်းနဲ့ အလွန်တူကြောင်းပြောတော့ ကျေးဇူးတင်ကြောင်း အရိုအသေပေးပါတယ်။ ဘုရင်ချင်းတူတူမှာ ဥပါဒါနက္ခန္ဓာ ကြောင့်အောက်ကျခံပြီး ဆက်ဆံရတာပါ။

အဲဒီည မှာကတဲ့ ရုပ်သေးဇာတ်ကလည်း အသက်ငယ် ငယ် မိန်းကလေးနဲ့ အသက်ကြီးကြီး အဖိုးကြီးဇာတ်လမ်း ဖြစ်နေတော့ ပါလီ ကိုကြံစည်နေတဲ့ အဘယရာဇာ အတွက် အကြိုက်တွေ့နေပါတယ်။ သူသာ ပါလီ ကိုယူနိူင်ရင်၊ သူက ဝေသာလီ စစ်တပ်ရဲ့အကြီးဆုးံ ရာထူးမို့ လို့ ဝေသာလီ သူရဲကောင်း စစ်သည်တွေအကြား ပါလီကြောင့် အချင်းချင်း ခိုက်ရန်ဖြစ်မှု၊ တိုက်ခိုက်မှု၊ သတ်ဖြတ်မှုတွေ ကိုရပ်တန့်နိူင်မယ်လို့ ယူဆနေပါတယ်။ ရုပ်သေးပွဲပြီးတော့ ရုပ်သေးဆရာဟာ မောပန်းနွမ်း နယ်နေပါတယ်။ တစ်သက်လုံးတစ်ခါမှ ပင်ပင်ပန်းပန်း မလုပ်ဖူးတော့ လက်ပန်းကျတာပေါ့၊ ဒါကြောင့် ရုပ်သေး ရုံထဲ ၀င်ပီး အသာလေး မှိန်းနေ၊နားနေ ပါတယ်။ ဒီအချိန်မှာ သံသယ ဖြစ်နေတဲ့ ပါလီဟာ ဖြုန်းဆိုရုပ်သေးရုံထဲ ၀င်လာပြီး ရုပ်သေးဆရာ ဗိမ္မိသာရ မင်း နားလာပြီး တပ်ထားတဲ့ မုတ်ဆိတ်တု၊ နှုတ်ခမ်းမွေးတု တွေကို ဆွဲဖြုတ် လိုက်ပါတယ်။ နဂိုရုပ် ပေါ်လာတဲ့ ဗိမ္မိသာရ မင်းကိုသင်ဘယ်သူလဲ? ဘာကြောင့်ဒီလိုလုပ်ရတာလဲ? စသဖြင့်မေးပါတယ်။ အဲဒီမှာ ဗိမ္မိသာရမင်းက ပါလီအလှကိုမြင်ချင်လွန်း၊ တွေ့ချင်လွန်းလို့ လုပ်ရတာဖြစ် ကြောင်းနဲ့ သူဟာရာဇဂြိုလ်ပြည့်ရှင် ဗိမ္မိသာရမင်း ဖြစ်ကြောင်းပြောလိုက်တဲ့ အခါမှာတော့ မင်းချင်းတွေကို အော်လိုက်မယ်လို့ ခုနက ပြောခဲ့တဲ့ ပါလီ... အော်ဖို့လည်းမေ့၊ ပြန်သွားဖို့ လည်းမေ့ပြီး၊ နှလုံးသားထဲက တမ်းတခဲ့ရတဲ့ ချစ်သူရဲ့ရင်ခွင်အောက်၊ အသက်ပျောက်သူလို ဖြစ်ခဲ့ရပါပေါ့လား။ ဒီအချိန်မှာပဲ ဝေသာလီမှာ ပါလီနဲ့ ပတ်သက်လို့ အချင်းချင်း သတ်ဖြတ်ပွဲတွေနဲ့ သွေးချောင်းစီးပွဲတွေ ဖြစ်နေပါပီ။ စစ်သည်တွေဟာ ဘယ်လိုမှ အမိန့်ပေးလို့မရအောင် စည်းလုံးမှု တွေပျက်ပြားနေပါတယ်။

ဒီအခါမှာ စိရံဒေ၀၊ သုဒိတ စတဲ့ စစ်အကြီးအကဲ တွေက ဝေသာလီ မပျက်စီးဖို့ နည်းလမ်းတစ်ခုတော့ ရှာရတော့မယ် လို့စဉ်းစားပါတယ်။ ဒါကြောင့်အရေးပေါ် လွှတ်တော် ခေါ်ယူရတော့တယ်။ ပါလီရေ… ဒီအချိန်မှာခံစားရမဲ့ သင့်ဖခင် မဟာနာမ် မင်းကြီးရဲ့ခံစားချက်ကို ကျွန်မ ကိုယ်ချင်းစာမိပါရဲ့။ ဘာလို့လဲ ဆိုတော့ ဝေသာလီရဲ့အခြေခံ ဥပဒေ စာအုပ်ဖြစ်တဲ့ ပဝေဏီပေါတ္ထက စာအုပ်၊ စာပိုက် ၁၈ မှာ......“ဝေသာလီနိူင်ငံ၏ စီးပွါးရေး၊ နိူင်ငံရေး၊အုပ်ချုပ်ရေး ပျက်စီးရာ ပျက်စီးကြောင်းကို လုပ်ဆောင်သူသည် ယောကျာင်္းတစ်ဦးဖြစ်ပါက သတ်စေ၊ မိန်းမ တစ်ဦးဖြစ်ပါက နိူင်ငံပိုင် ပြည့်တန်ဆာ အဖြစ် ကြေငြာစေ၊ ထိုမိန်းမအား တစ်နေ့ကို ယောကျာင်္း ၃ ယောက်မှ ၅ ယောက်ထိ အခကြေးငွေ ပေး၍ ပျော်ပါးနိူင် ၏… လို့ ပါရှိပါတယ်။ ချစ်တဲ့ သမီးနဲ့ နိုင်ငံနဲ့ လဲရတော့မယ်နော်။ အဲဒီ လွှတ်တော်မှာလေ တက်ရောက်လာတဲ့ (၇၇၇၇) ယောက်သော စစ်သည်၊ ဗိုလ်ချေ၊ ကိုယ်စားလှယ်တွေဟာ... အမ္ဗပါလီကို ထုတ်ပေးပါ။ အမ္ဗပါလီ ကိုမြင်ချင်တယ်။ အမ္ဗပါလီကိုစွန့်မလား၊ ဝေသာလီ ကိုစွန့်မလား ဆိုတဲ့ တစ်ခဲနက် အသံနက်တွေနဲ့ သင့်ဖခင် ကို တုန်လှုပ်စေခြဲ့ပီ...။ တိုင်းပြည် ကောင်းစားရေးကို တကယ်လိုလားတ့၊ဲ ပြည်သူတွေကိုချစ်တဲ့ သင့်ဖခင်ဟာ လေ သမီးတော် အမ္ဗပါလီကို နိူင်ငံပိုင် ပြည့်တန်ဆာအဖြစ် ကြေငြာခဲ့ရပြီ။ အဲဒီမှာပဲ သင့်ဖခင် ရင်ကွဲနာကျလို့ သွေးအန် သေဆုံးခဲ့ရပြီ... အမ္ဗပါလီ။

ကျွန်မ တကယ်ကို ခံစားရပါတယ်... အမ္ဗပါလီရယ်။ (ဒီအချိန်က စပြီး သင့်ရဲ့နုစဉ် ဘ၀ကအရိယာ ပုဂ္ဂိုလ် ကိုစော်ကားခဲ့တဲ့ ကံဟာ အကျိုးပေးတော့တာပဲ။) ဝေသာလီ ရဲ့တစ်နေရာမှာ ချစ်ရသူနဲ့ ပျော်ရွှင်စွာ နေလို့မှ မကြာသေး၊ အစ်ကိုတော်အာနန္ဒ မင်းသားထံမှ နိူင်ငံပိုင် ပြည့်တန်ဆာ အဖြစ်ကျေညာကြောင်းစာ ရခဲ့ပြီ။ ဒီအချိန်မှာ ချစ်သူ ဗိမ္မိသာရမင်းက ရာဇဂြိုလ် ပြန်ပြီး ပါလီ့ကို မိဖုရားမြှောက်ဖို့ မင်းမြောက်တန်ဆာငါးပါး ပြန်ယူနေချိန်ပါ။ ပါလီ ဘာလုပ်ရမလဲ? ဗိမ္မိသာရမင်း နောက်လိုက်သွားရင် ဝေသာလီက ရာဇဂြိုလ်ကို စစ်ဆင်ပြီး တိုက်တော့မယ်။ မလိုက်ပဲ ဒီမှာနေခဲ့ရင်လဲ ဗိမ္မိသာရမင်းက ရန်ဖက်မင်းပီပီ၊ ခုဆို ချစ်သူကိုဆွဲလို့ စစ်ပွဲ နွှဲပြီးတိုက်လိမ့်မယ်။ နှစ်ချက်လုံးဟာ ဝေသာလီ အထိနာမဲ့ နည်းတွေချည်းပါပဲ။ နောက်ဆုံး ဝေသာလီ ကောင်းစားဖို့ ပါလီ မိန်းမမာယာသုံးပြီး ချစ်သူစိတ်နာအောင် လုပ်ရပါတော့တယ်။ မျှော်လင့်ချက်တွေနဲ့ ပြန်ရောက်လာတဲ့ ချစ်သူ၊ ဘုရင့် မင်းမြောက်တန်ဆာတို့နဲ့ အလွန်ကျက်သရေ ရှိတ့၊ဲ ချောမောလှတဲ့ ချစ်သူ၊ ပါလီ အသက်တမျှချစ်ရတဲ့ ချစ်သူကို ပါလီ မပြောချင်ဆုံးစကားတွေကို မူယာမာယာသုံးပီး ရင်နှစ်မွှာကွဲကာ ချစ်သူမုန်းအောင် ပါလီ ပြောနေရပြီ။ မယုံကြည်နိုင်တဲ့ မျက်လုံးတွေနဲ့ အမုန်းကြီးမုန်းသွားတ့၊ဲ စိတ်နာသွားပြီး ထွက်ခွါသွားတဲ့ချစ်သူကို ကြည့်ရင်း ပါလီလဲကျ ကျန်ရစ်ခဲ့ပါပြီ။

တခါ ပါလီ့ရဲ့လေးစားအားကိုးစရာ အစ်ကိုတော် အာနန္ဒ မင်းသားကလည်း သူနဲ့ပါလီဟာ မောင်နှမရင်းတွေ မဟုတ်ကြောင်းပြောပြပြီး ပါလီဟာစံအိမ်တော်မှာ နေခွင့်မရှိတော့ကြောင်း၊ ပါလီ အတွက်သက်သက် အိမ်တစ် ဆောင် နေဖို့ပေးကြောင်းနဲ့ သူကတော့ အဝေးကို ထွက်သွားတော့မှာ ဖြစ်ကြောင်းတွေကို ပြောပါတယ်။ အားကိုးစရာ မကျန်တော့တဲ့ ပါလီဟာ အစ်ကိုတော် အာနန္ဒ မင်းသား ဘယ်သွားမလဲ ဆိုတာသိချင်ခဲ့တယ်။ သင့်အစ်ကိုတော်က သင့်ကို သူဘယ်သွားမလဲဆိုတာ ကိုမပြောနိုင်ခဲ့ပေမဲ့ ဘယ်သူ့ဆီ သွားမလဲ ဆိုတာတော့ ပြောပြခဲ့ပါတယ်။ အာနန္ဒ မင်းသားက.. ငါ စစ်တိုက်ထွက်စဉ်အခါက စစ်မြေပြင်တစ်နေရာမှာ ဂေါတမ ဆိုတဲ့ ပုဂ္ဂိုလ်တစ်ဦးကို တွေ့ရဖူးတယ်။ သူ့ ကိုငါက မြှားနဲ့ချိန်လိုက်တာကို မရှောင်ပဲ ငါ့ကိုကြည့်ပီး “လောကမှာအ ရာရာ တိုင်းကို လက်နက်နဲ့ဖြေရှင်းလို့မရဘူး၊ ချစ်သား” လို့ပြောတယ်၊ ငါ့ဘ၀ မှာ ဂေါတမ မျက်လုံးလောက် ဂရုဏာပြည့်တဲ့ မျက်လုံးမျိုးမတွေ့ဖူးဘူး၊ သူ့ရဲ့အကြည့်ကြောင့် ငါ့လက်ထဲက မြှားဟာလွတ်ကျသွားတယ်။ အခု ငါသူ့ဆီသွားမယ်” လို့ပြောသွားပါတယ်။ ပါလီ့မှာ အားကိုးစရာ ဖခင်လဲ သေဆုံးခဲ့ပြီ။ ချစ်ရတဲ့ ချစ်သူက လည်း စိတ်နာလို့ ပစ်ကာထားခဲ့ပြီ။ နောက်ဆုံး အစ်ကိုတော်ကလည်း အဝေးကို ထွက်သွားခဲ့ပြီ။ ပါလီ ဘယ်သူ့ကို အားကိုးပြီး နေရတော့မှာလဲ?...အိုပါလီ စိတ်ဓါတ်မကျပါဘူး၊ ပါလီရင်မှာ ချစ်သူရဲ့သွေး၊ ကလေးလေးတစ် ယောက် ကျန်သေးတာပဲ။ သားလေးဖြစ်ပါစေလို့ပါလီ ဆုတောင်းပါတယ်။ ရင်ထဲက သားကိုအားပြုပြီး ပါလီ အသက်ဆက်ရှင်မယ်နော်။ သား ကိုယ်ဝန်ဆောင်စဉ် ဆယ်လလုံးမှာ သားလေးဖြစ်စေဖို့ နေ့ရောညပါ ဆုတောင်းနေရပါတယ်။ ဘာလို့လည်းဆိုတော့ ပြည့်တန်ဆာက မွေးလို့သားဖြစ်ရင် ပြစ်ရမယ်။ သမီးဖြစ်ရင် ပြည့်တန်ဆာ ရာထူးဆက်ခံရပါတယ်။ ဒါကြောင့် ပါလီဟာ သူ့လိုအဖြစ်မျိုး မကြုံအောင် သားဆုတောင်းတာပါ။
သူဆုတောင်းတဲ့အတိုင်းပဲ ပါလီ သားလေးကိုမွေးခဲ့ပါတယ်။ ရာဇဂြိုလ်ပြည့်ရှင် ဗိမ္မိသာရမင်းရဲ့သား အဇာတသတ် မင်းသားကိုသာ လူသိများကြတာပါ။ ပါလီနဲ့ရတဲ့သား ၀ိမလကောဏ္ဍည ရဟန္တာကိုတော့ သိသူနည်းပါတယ်။ ပါလီ ဟာသူ့ရဲ့ လသားအရွယ် သားလေးကို ချစ်မ၀၊ ကြည့်မ၀ ဖြစ်နေတုန်းမှာပဲ အစ်ကို တော် အာနန္ဒ (ရဟန္တာဖြစ်သွားပြီ) ရောက်လာပါတယ်။ ပါလီ စိတ်ထဲမှာ အစ်ကိုက သူတို့နဲ့ အတူနေဖို့ ပြန်လာတယ်လို့ ထင်နေရှာတယ်။ အားရ ၀မ်းသာနဲ့ သားကိုပြကာ ပျော်နေရှာတဲ့ ပါလီရေ... သင့်ရဲ့ပျော်ရွှင် ခြင်းတွေ မကြာလိုက်ဖူးနော်.. ချစ်မ၀တဲ့ လသားလေး ရဟန္တာ အစ်ကို နောက်ပါသွားခဲ့ရပြန်ပီ။ အရူးတစ်ပိုင်း ဖြစ်ကာ ကျန်ခဲ့ တဲ့ပါလီ၊ ယောကျာင်္းတကာနဲ့ ပျော်ပါးနေရပေမဲ့ ဘယ်လိုမှ မပျော်နိူင်တော့ပါဘူး။ ဒီလိုနဲ့ ၆ နှစ်၊ ခုနှစ် နှစ်လောက်ကြာတဲ့ အချိန် တောထဲမှာ ရဟန္တာ တွေကြားက ၀ိမလကောဏ္ဍည လေးကိုရင်ဘ၀ ရောက်လာပါတယ်။ သူများ ကိုရင်တွေမှာ အချိန်တန်လာတွေ့တဲ့ အဖေ၊ အမေ၊ တွေရှိခဲ့ ပေမဲ့ သူ့ခမျာ ဘယ်သူမှ လာမတွေ့ကြတော့ ဦးကြီးတော် ကိုမေးရှာပါတယ်။ သားရဲ့အဖေဟာ ဘယ်သူလဲ? သားရဲ့အမေက ဘယ်သူလဲ? သားဆီဘာလို့ မလာကြတာလဲ? စသဖြင့်ပေါ့။ ဒီအခါ ဦးကြီးတော်က အဲဒါတွေ မမေးန့၊ဲ သိစရာ မလိုဘူး၊ ကိုရင်ဆိုတာ တရားအားထုတ်ဖို့ အဓိကပဲ လို့ဆိုပြီး အပြတ်ပြောဆိုလို့ သူ့ခမျာ နောက်ထပ်မ မေးရဲရှာပါဘူး။

တစ်နေ့ ဝေသာလီရဲ့ ဆွမ်းလောင်းပွဲမှာ ၀ိမလကောဏ္ဍညလေး ဆွမ်းခံကြွပါတယ်။ အဲဒီမှာ ဆွမ်းလောင်းနေတဲ့ ပါလီဟာ ကိုရင်လေးကို တွေ့တာနဲ့ သားများလားဆိုပီး သံသယဖြစ်ပါတယ်။ ကိုရင်လေးရဲ့ မျက်နှာ၊ မျက်လုံး၊ မျက်ခုံး အားလုံးဟာ ပါလီနဲ့ ဗိမ္မိသာရ မင်းတို့နဲ့တူပါတယ်။ ကိုရင်လေးကို အဖေဘယ်သူလဲ?ဲ အမေဘယ်သူလဲ? ဘယ်ကျောင်းကလဲ?... စသဖြင့် မေးခွန်းတွေစုံအောင် ပါလီမေးမိတယ်။ ကိုရင်လေးက သူကိုယ်တိုင် မသိတာကိုအမေးခံရတော့ စိတ်တိုရှာတယ်။ ဒကာမကြီး၊ သိပ်စကားများတာပဲ၊ ဆွမ်းလောင်းမှာဖြင့် လောင်းပါ လို့ပြောပါတော့တယ်။ တဖြည်းဖြည်း ကိုရင်လေးနဲ့ ပါလီ မျက်မှန်းတန်း လာပါတယ်။ ပါလီက ကိုရင်လေးကို ဒကာမကြီး လို့မခေါ်ပါန့၊ဲ အမေ လို့ခေါ်ပါလားကွယ်၊ အမေ့မှာကိုရင့် အရွယ် သားလေးတစ် ယောက် ရှိပါတယ်။ ဒါပေမဲ့ ခုချိန်မှာ အဲဒီသားဟာ ဘယ်ရောက်နေမှန်း မသိနိူင်လို့ပါ..လို့ပြောရှာတယ်။ ဒါပေမဲ့ ကိုရင်လေးက.. မခေါ်နိူင်ပါဘူးဗျာ၊ ဒကာမကြီးဟာ ဒကာမကြီးပေါ့.. လို့ခပ်တင်းတင်းပဲ တုံ့ပြန်တယ်။ ဒီလိုနဲ့ နှစ်တွေကြာလာ တော့ တစ်နေ့မှာ ပါလီက ၀ိမလကောဏ္ဍည မထေရ်ကိုအိမ်မှာ ဆွမ်းစားဖိတ်ပါတယ်။ သူ့ စိတ်ထဲမှာ ဒီမထေရ်လေးဟာ မရှိဆင်းရဲလို့ ရဟန်းပြုတယ်လို့ ပုထုစဉ်တွေးတွေးပါတယ်။ သားလိုလဲ သံယောဇဉ် ဖြစ်နေတော့ သပိတ်ထဲကို ဆွမ်းအစား ရတနာတွေ လောင်းပါတယ်။ ဒီရတနာတွေထဲက တစ်လုံးလောက် ရောင်းလိုက်ရင်တောင် တစ်သက်လုံး စားလို့မကုန်ကြောင်း၊ ဒီလို သပိတ်တစ်လုံးနဲ့ လိုက်တောင်း နေစရာ မလို တော့ကြောင်းပြောတော့ အရိယာ (ရဟန္တာ)ဖြစ်သွားပီ ဖြစ်တဲ့ ၀ိမလကောဏ္ဍညမထေရ်ဟာ ချက်ချင်းပဲ ရတနာ တွေကို ပြန်သွန်ထုတ်ပါတယ်။ ဓါတ်ခံခြင်းကွာသလို၊ အမြင်ချင်း လည်းဘယ်တူပါတော့မလဲ။ ပြီးတော့ ပါလီ ကိုကြည့်ပီးပြောပါတယ်။ ကျုပ်ရဲ့ဆရာ မြတ်စွာဘုရားရှင်က သဒ္ဒါ၊ သီလ၊ ဟိရိ၊ သြတ္တပ္ပ၊ သုတ၊ စာဂ၊ ပညာ ဆိုတာကို ရတနာ အစစ်လို့ပြောတယ်။ ခုတွေ့နေတဲ့ ရတနာတွေက အဆိပ်တွေသာ ဖြစ်တယ်လို့ပြောပါတယ်။
လက်မခံငြင်းဆန်ပြီး ပြန်ကြွသွားပါတယ်။ တစ်နေ့မှာ ဦးကြီးတော် အာနန္ဒက ၀ိမလကောဏ္ဍညကို ခေါ်ပြီး တာဝန်ပေးပါတယ်။ ချစ်သား.. မင်း ငါ့ကို အနှစ် နှစ်ဆယ်တိုင်တိုင် မေးခဲ့တဲ့ မင်းအဖေ ဘယ်သူလ?ဲ မင်းအမေ ဘယ်သူလ?ဲ ဘယ်တိုင်းပြည်မှာမွေးလ?ဲ ဆိုတဲ့ မေးခွန်းတွေကို ငါဖြေမယ်။ မင်းဟာ ရာဇဂြိုလ်ပြည့်ရှင် ဗိမ္မိသာ ရမင်းနဲ့ ငါ့နှမ အမ္ဗပါလီ တို့ရဲ့သားပဲလို့ ပြောလိုက်တယ်။ အရင်တုန်းက သူအလွန်တစ်ရာ သိချင်လှတဲ့ မေးခွန်းကို အခု သူသိရပြီ။ ဒါပေမဲ့ အရိယာဖြစ်သွားပြီဖြစ်တဲ့ ၀ိမလကောဏ္ဍညဟာ မတုန်လှုပ်တော့ပါဘူး၊ အတိတ်က ဖြစ်ခဲ့ပြီးသော ဓမ္မာရုံ ဥပါဒါနက္ခန္ဓာ တို့ကို မပြန်တော့၊ အနာဂတ်မှာ မဖြစ်သေးတဲ့ ဓမ္မာရုံ ဥပါဒါ နက္ခန္ဓာ တို့ကိုလည်း မတောင့်တတော့၊ သူ့စိတ်တွေဟာ ဘာအတွက်နဲမျှ မလှုပ်ရှားတော့။ ဦးကြီးတော်က ဆက်ပြီး.. အမ္ဗပါလီကို ဒီနေ့ကျောင်းရောက်အောင် ခေါ်ခဲ့ရမယ်။ သူမပါပဲနဲ့ ပြန်မလာခဲ့နဲ့လို့ မှာပါတယ်။

ဒီလိုနဲ့ ၀ိမလကောဏ္ဍညဟာ အမ္ဗပါလီရဲ့ အိမ်ရှိရာကို အသွား, လမ်းမှာ အမ္ဗပါလီ နဲ့တွေ့ပါတယ်။ ၀ိမလ ကောဏ္ဍညက ပါလီ့ကို အမေ လို့ခေါ်လိုက်တယ်။ သူ အလွန်ကြားချင်တဲ့ စကားတစ်ခွန်းကို ၀ိမလကောဏ္ဍည ဆီက ကြားလိုက်ရတော့ နဂိုကမှ ၀ိမလကောဏ္ဍညကို သားထင်ပီးချစ်တဲ့ ပါလီဟာ အရမ်းကို ပျော်တော့တာ ပေါ့။ ဒါနဲ့ တစ်ခါတည်း သားကို အိမ်ကို ဆွမ်းစားပင့်သွားတော့တာပဲ။ အိမ်ရောက်တော့ ၀ိမလကောဏ္ဍညက အမေ့ကို သားစကားပြောစရာ ရှိတယ်လို့ စပြောတယ်။ ဒီတော့ ပါလီက သားကိုလည်း အမေ ပြောစရာရှိတယ်။ ဘယ်သူ စ ပြောမလဲလို့ သားက မေးတော့… အို…လူသူ မနီး အဝေးကြီးမှာနေတဲ့ သားက လူ့လောက အကြောင်းဘာသိ လို့ စပြောမှာလဲ။ အမေ ဘဲစပြောမယ်.. ဆိုပီး သားဖြစ်သူကို လူထွက်ဖို့ ကစပီး လူ့ဘ၀၊ ကာမဂုဏ် စည်းစိမ် တွေခံစားဖို့ အားရပါးရ ပြောတော့တာပဲ။ ၀ိမလကောဏ္ဍည ပြောဖို့ အခွင့်ကိုမရပဲ ဖြစ်နေပါတယ်။ ဒီတော့ သတိပေးတဲ့ အနေနဲ့ အမေ..အမေ့ကို တရားဟောဖို့ သားလာခဲ့တာပါလို့.. ၀င်ပြောရှာတယ်။ ပါလီဟာ သားစကားကိုကြားတော့ အားရပါးရ ရီတော့တာပဲ။ “သားရယ်..သားလို အသက်(၂၀)အရွယ် ရဟန်းပေါက်စ လေးမပြောနဲ့ ဈာန် အဘိဉာဉ်ရလို့ ကောင်းကင်မှာပျံ နိူင်တဲ့ ရဟန်းကြီးတွေ (ပုထုစဉ် ရဟန်း) လူတကာကို မာယာနဲ့ လှည့်စားနေတဲ့ အမ္ဗပါလီကို ချေချွတ်မယ်ဆိုပြီး ပြတင်းပေါက်ကနေ ကြွလာတယ်။ အမ္ဗပါလီကို မြင်ပြီးတဲ့ ခဏမှာတော့ အမ္ဗပါလီနဲ့ မနေရရင် သေရမှာပါဆိုပြီး နောက်ဆုံး အမေနဲ့အိပ် ဈာန်လျှောပြီး မြေပြင်ကနေ ပြန်သွားကြတယ်။ ဒီတော့ သားရယ်.. အမေပြောတာ ကိုပဲနားထောင်။” အမ္ဗပါလီရဲ့သဏ္ဍန်မှာ ရှေ့ကထိုင်နေတဲ့ သားရဟန်းကို ကြည့်ပြီး အတွေးထဲမှာ အမျိုးမျိုး ပုံဖေါ်တဲ့ ဓမ္မာရုံ ဥပါဒါနက္ခန္ဓာတွေ ဆက်တိုက် ဖြစ်ပေါ်နေပါတယ်။ ပါလီက ၀ိမလကောဏ္ဍညကို သပိတ်မဲကြီး ကို အရင်ဆုံးဖယ်မယ်။ ကိုယ်စားချင်တဲ့ အရသာ မစားရပဲ သူများပေးတာသာ စားရတဲ့ အဖြစ်ကနေ အကောင်း ဆုံး အစားအစာတွေကို ရွေးစားမယ်။ ၀ိမလ ကောဏ္ဍညက နောက်ကော? ပါလီက ပြီးရင် အရောင်မွှဲမွှဲ သင်္ကန်းကြီးကို ပစ်ပီး အကောင်းဆုံး အ၀တ်အစား တွေဆင်မယ်။ နောက်ကော? ပြီးရင် ဆံပင်တွေနဲ့လှ အောင်ပြင်ပြီး အတော်ဆုံး ပန်းချီဆရာခေါ်ပီး ပန်းချီဆွဲ မယ်။ နောက်ကော? ပန်းချီကားကို တစ်ရာ့တစ်ပါးသော မင်းသမီးတွေကို ပို့ပြီး အချောဆုံး မင်းသမီးကိုရွေးပြီး လက်ဆက်စေမယ်။ နောက်ကော? အမေရယ်၊ သားရယ်၊ ချွေးမရယ် မြင်းရှစ်ကောင် ရထားကြီး နဲ့မြို့ကို ပတ်မယ်။ နောက်ကော? ပြီးရင် ဥယျာဉ်ထဲဝင်ပီး ဖျော်ရည် သောက်မယ်၊ အဆို၊ အက၊ အတီး၊ အမှုတ်တွေ နားထောင်မယ်။ နောက်ကော? ဒါနဲ့ မိုးချုပ်တော့ အိမ်ပြန်မယ်၊ အိပ်မယ်။ နောက်ကော? မနက်ကျတစ်ခါ မြို့ကိုပတ်မယ်။ ဖျော်ရည်သောက်မယ်၊ နားထောင်မယ် အိမ်ပြန်မယ်၊ အိပ်မယ်။ နောက်ကော? မြို့ကိုပတ် မယ်။ ဖျော်ရည်သောက်မယ်၊ နားထောင်မယ်။ အိမ်ပြန်မယ်၊ အိပ်မယ်။ နောက်ကော? အို..နောက်ကျတော့ သားတို့က ကလေးလေး တစ်ယောက်မွေးပေါ့။ အဲဒီ အမေ့မြေးလေးကို သားတုန်းကမထိန်းလိုက်ရတာ ကို အတိုးချပြီး အမေ ထိန်းမယ်။ တဏှာက အမ္ဗပါလီကို အကောင်းတွေချည်း ဆက်ပေးနေပါတယ်။ နောက် ကော? ကလေး တစ်ယောက်ကနေ နှစ်ယောက်... နောက်ကော? နှစ်ယောက်ကနေ သုံးယောက်... နောက်ကော? သုံးယောက်ကနေ လေးယောက်... နောက်ကော? နောက်တော့ အမေလဲ အသက်ကြီးလာတော့ သိပ်ပီး မသွားနိူင်တော့ဘူးပေါ့.. (လေသံ တစ်ဖြည်းဖြည်း ပျော့ကျလာပါတယ်) နောက်ကော? အမေလဲ အိပ်ရာထဲလဲပီး ဝေဒနာ ခံရရင်ခံရမှာပေါ့။ နောက်ကော? နောက်တော့ အမေလဲ သဘာဝအတိုင်း သေရမှာပေါ့ သားရယ်။ နောက်ကော?...(အသံမထွက်) နောက်ကော? အမေသေပီးတဲ့ နောက်ကောလို့ သားမေးနေ တယ်လေ.. (အသံမထွက်) ပါလီ မဖြေနိူင်တော့ပါ။ ပါလီ သေပီးနောက်ဘာတွေ ဖြစ်မလဲ ပါလီ မသိတော့ပါ။ အဲဒီချိန်မှာပဲ သားရဟန်းက ဆတ်ကနဲ ပါလီ့ လက်ကိုဆွဲလို့ ဂဒါဝုန်တောသို့ ထွက်ခြဲ့ပီပဲ။


ကျောင်းရောက်တာနဲ့ အစ်ကိုတော်က တစ်ခါတည်းဆံချလို့ ထေရီမ အဖြစ်ကို ရောက်ခဲ့ပါတယ်။ ၀ိမလ ကောဏ္ဍည မထေရ်ဟာ မိခင်ဖြစ်သူ အမ္ဗပါလီကို တရားဟောပါပြီ။ ဟိုးအရင် အတိတ်က ဖြစ်ခဲ့တဲ့ အကြောင်းအရာအားလုံးကို မကြောင့်ကြဖို့၊ မဖြစ်သေးတဲ့ အနာဂတ်ကိုလည်း မတောင့်တဖို့၊ အဆက်မပြတ် ဖြစ်ပျက်နေတဲ့ ဥပါဒါနက္ခန္ဓာ တို့ကို သတိနဲ့ စောင့်ကြည့်ဖို့စတဲ့ တရားအဆုံးမှာ အမ္ဗပါလီ ထေရီမ ရဟန္တာ အဖြစ်သို့ ရောက်ခဲ့ပါပြီ။ ဝေသာလီ နဲ့ ရာဇဂြိုလ် ကြားတစ်နေရာမှာ အမ္ဗပါလီ ထေရီမ ငြိမ်းချမ်းရေး တရားဟော
နေပါတယ်။ စစ်ခင်းနေတဲ့ နှစ်နိူင်ငံကြားမှာ ငြိမ်းချမ်းရေး တရားဟောနေတာ ဖြစ်ပါတယ်။ မြောက်များလှစွာ သော ပရိသတ်တွေကြားမှာ တစ်ချိန်က အသက်တမျှ ချစ်ခဲ့ဘူးတဲ့ ရာဇဂြိုလ်ပြည့်ရှင် ဗိမ္မိသာရ မင်းလည်းရှိနေ ပါတယ်။ သောတာပန်သာ ဖြစ်သေးတဲ့ ဗိမ္မိသာရ မင်းဟာ အမ္ဗပါလီရဲ့ တရားပွဲမှာ စိတ်လှုပ်ရှားနေပါတယ်။ သူ့ ကို မြင်ရင် မှတ်မိအောင် ရှေ့ဖက်မှာ နေရာယူထားပါတယ်။ အမ္ဗပါလီ ထေရီဟာ တည်ငြိမ်စွာပဲ သူ့ကိုယ်သူ ဥပမာပေးလို့ ဇရာ၊ ဗျာဓိ၊ မရဏ တို့နှိပ်စက်မှုကြောင့် ယိုယွင်းလာတဲ့ သူမ ရဲ့အလှတွေကို ငယ်စဉ်ကနဲ့ နှိုင်းယှဉ်လို့ ဥပါဒါနက္ခန္ဓာ တို့ရဲ့မမြဲမှု အနိစ္စတရားကို နှလုံးသွင်းဆင်ခြင်ဖို့ ပြောနေပါတယ်။ တရားပွဲအပြီးမှာ မအောင့်နိူင်တော့တဲ့ ဗိမ္မိသာရမင်းက အမ္ဗပါလီကို မောင်တော်လေတစ်ခါက ရုပ်သေးဆရာ ယောင်ဆောင်ပီး ပါလီ ဆီလာခဲ့တဲ့မောင်တော်ကို မမှတ်မိတော့ဘူးလား? လို့ မေးမိတယ်။ ရဟန္တာ ဖြစ်သွားပီဖြစ်တဲ့ အမ္ဗပါလီ ထေရီက “အရိယာတစ်ယောက် အဖို့ လူတွေနဲ့ ဆက်ဆံတဲ့အခါ သူက ရှင်ဘုရင်၊ သူက ဆင်းရဲသား၊ သူက ၀န်ကြီး၊ သူက ကချေသည်၊ သူက သူဋ္ဌေး၊ သူက သူတောင်းစား ဆိုတဲ့ အမြင်မျိုး မရှိတော့ပါ။ အားလုံးကို တစ်တန်းတည်းတူတူ သာမြင်ပါတော့တယ်” လို့ဖြေပါတယ်။ ဗိမ္မိသာရ မင်းလည်း အမ္ဗပါလီရဲ့ ဉာဏ်အဆင့် ကို ခန့်မှန်းတတ်လို့ နောက်ဆုတ်ပြီး ပြန်ခဲ့ပါတော့တယ်။

ပါလီရေ.... သင့်ရဲ့ဘ၀က မလှပခဲ့ပေမယ့် ကျွန်မ အားအကျဆုံး အရဟတ္တမဂ်ကို သင်ရခဲပါတယ်။ ငယ်စဉ်အတွေးနဲ့ဆို သင့်ရဲ့ အလှတရားတွေ ကိုလည်းကျွန်မ အားကျမိပါရဲ့။ ဘုရားရှင်ကတောင် သင်ကျောင်း တော်ကို လာမယ်ဆိုလို့ အရိယာမဟုတ်သေးတဲ့ သံဃာတော်တွေကို သင်မလာခင် သတိပဋ္ဌာန်တရားကို ကြိုပွါးခိုင်းထားရတဲ့ထိ သင်လှနိူင်ရက်တယ်နော်။ မိန်းမချင်းတောင် မနာလိုရလောက်အောင် လှတဲ့၊ ယောကျာင်္း ဆို အရိယာ မဟုတ်ရင် သင့်ရှေ့ ဖြတ်မလျှောက်ရဲအောင် ဆွဲဆောင်အားကြီးတဲ့ သင့်ရဲ့အလှဟာ လူတကာကို ပူလောင်စေခဲ့တယ်နော်။ သင်ဘာလို့ အဲဒီလောက် လှရတာလဲ? ဘယ်ကံက အကျိုးပေးလို့လဲ? လို့ အတိတ်ကို ပြန်ဆောင်တော့... ဘ၀ တစ်ခုမှာ သင်ဟာ ဘိက္ခူနီမ ဖြစ်ပြီး ဘုရားကျောင်းမြေတွေမှာ သန့်ရှင်းရေး လုပ်ခဲ့တဲ့ ကုသိုလ်ကြောင့် ဆိုတာတွေ့ရတယ်။ အဲဒီ ဘ၀မှာပဲ သင်ဟာ အရိယာ ဘိက္ခူနီမ တစ်ယောက် တံတွေးထွေး လိုက်တာကို သန့်ရှင်းရင်း ပါးစပ် ကလည်း “ဘယ် ပြည့်တန်ဆာမ ထွေးသွားတာလဲ? ဆိုပီးပြောလိုက်မိတယ်။ သင်ဟာအဲဒီ ဘ၀မှ နောက် ဘ၀ပေါင်း များစွာမှာ ပြည့်တန်ဆာမ ဖြစ်ခ့ရဲ တယ်။ အခု နောက်ဆုံးဘ၀ထိပါပဲ။ အရိယာ ကိုပြစ်မှားမိတဲ့ ကံထိုက်တယ်လို့ ခေါ်ပါတယ်။ အရဟတ္တမဂ်ကို ရတာကလည်း ဘ၀များစွာမှာ သင်ဟာ ဘိက္ခူနီမ အဖြစ် စရဏ တရားတွေကို ကျင့်ကြံခဲ့လို့ ဒီဘ၀မှာ အားပြည့်ပြီး နိဗ္ဗာန်ကို မျက်မှောက်ပြု နိူင်တာဖြစ်တယ်။ ဒါကြောင့်လေ တစ်ယောက်နဲ့ တစ်ယောက် မပြစ်မှားတာ ကောင်းတယ်။ သူများအပြစ်ကို ဆီလို အပေါက်ရှာတတ်တဲ့ သူတွေဟာ ပိုပြစ်မှား မိတတ်ကြတယ်။ ကိုယ်လုပ်နိူင်ရင် လုပ်လိုက်၊ မလုပ်နိူင်ရင် မျက်နှာလွှဲလိုက်တာ ကောင်းတယ်။ ကုသိုလ်မရရင် တောင် အကုသိုလ်တော့ မယူနဲ့ပေါ့။ ကိုယ်ပြောလိုက်၊ ပြစ်မှားလိုက်တဲ့ သူဟာ အရိယာဟုတ်၊ မဟုတ် ဘယ်လို သိနိူင်မှာလဲ။ အရိယာ ဆိုတာ ဆိုင်းဘုတ်ချိတ်ထား တာလဲမဟုတ်။ တစ်ခါတစ်လေ ကာယကံရှင်တောင် သူ့ကိုယ်သူ အရိယာ ဖြစ်မဖြစ် သိချင်မှသိကြတာ။ ဒါကပညာအလုပ်၊ ဉာဏ်အလုပ်မဟုတ်လား။ ဗီဇစရိုက်၊ အထုံ ဆိုတာက ဖျောက်ဖို့ အခက်သားနော်။ အရှင်သာရိပုတ္တရာ ကိုယ်တော်မြတ်တောင် မြောင်းတွေ့တော့ ခုန်မိသေးတာပဲ။ အရိယာဖြစ်ပြီး အပြော ကြမ်းတဲ့သူလည်း ရှိနိူင်တယ်နော်။ ဘယ်သူ့ကိုမှ လျှော့မတွက်ပဲ လေးစားတာ အကောင်းဆုံးပဲနော်။

အရှင်မ အမ္ဗပါလီရေ... သင့်ကို ကျွန်မ ကျေးဇူးတင်ပါတယ်။ သင်သွားရာ လမ်းကိုလိုက်ဖို့ ကျွန်မကြိုးစား နေပါ တယ်။ တစ်ချိန်မှာတော့ သင့်လိုပဲ ရောက်မှာပေါ့နော်။

ဓမ္မစေတီ ဆရာတော် ဦးကောသလ္လ ဟောကြားသော “ဝေသာလီ လှဧကရီ အမ္ဗပါလီ၏ ဘ၀ဆည်းဆာ” တရားတော်ကို မှီငြမ်းရေးသားပါသည်။

မေတ္တာဖြင့်
စီစီချိုသန်း
မေလ(၈)ရက်။၂၀၀၉

Read more...

ဥပနိဿယပစ္စည်း

021-UPaNeikThaYa.mp3 -

Read more...

A short history of the Catholic Church

Another offering from the old, now deleted, blog. This review of Kung's short history of the Catholic Church, first posted last year, generated many interesting comments. Sadly, these are now lost. My apologies.

Hans Küng is a priest and theologian who, in 1979, was stripped of his licence to teach as a Roman Catholic theologian due to his rejection of papal infallibility. A view that is backed up with solid historical narrative throughout 'The Catholic Church', his short account of the papacy from the time of Christ to John Paul II. And though he states his biases from the outset, the book is more than just polemic.

I, as a non Catholic already convinced of what he has to say, found in it a readable history of the church that, covering all major periods and themes, revealed gaps in some parts of my knowledge and filled in cracks in others. One of the most dramatic scenes Kung paints for us is the meeting between Innocent III and Francis of Assisi. The Pope in his court and Giovanni di Bernardone calling for "real discipleship of Christ in poverty and itinerant preaching in accord with the gospel".

The Church found a place for Francis and managed, by a process of 'ecclesiasticization' to take much of the challenge out of the Franciscan movement. But what, Kung asks, would have happened if Innocent III had adopted the spirit of Assisi? He recalls the key words of Francis' programme: poverty, humility, and simplicity: "Would not also a church have been possible which was a church of good news and joy, a theology orientated on the simple gospel...?"

Given the church's wealth, power, and abstract Christology, it is no wonder that, at around the same time as the Franciscan movement, popular religious feeling increasingly focused on the figure of Mary, "in particular as the helper of the little people - the oppressed and the marginalized". I wonder to what extent popular devotion towards Bodhisattva Avalokiteshvara in Buddhism has the same origin in the partial rejection of Buddhology in exchange for a simpler faith?

The pressures for reform couldn't be contained for ever, and Kung discusses whether the split was inevitable and whose responsibility it was. What I hadn't appreciated before reading this account was just how remarkable Luther's re-discovery of Paul's message was. The teaching of justification by faith had been "completely distorted" by endless "shifts, obscurities, cover-ups and over-paintings", to the extent that Kung calls Luther's re-discovery "an astounding theological achievement".

We take it for granted today that the 'good news' of the New Testament is that grace is given freely and is not dependant upon works, but for sixteenth century Europe this was "a new understanding of God, human beings, the church and the sacraments... made possible by a biblical and christocentric rethinking of theology". But, of course, the balance between faith and works was discussed in the very first days of the church and is still discussed now.

And not just within Christianity. Pure Land Buddhism, like Paul's theology, says we have little hope of gaining salvation through our own efforts and must rely instead upon the grace of Amida Buddha, for which we then develop gratitude and in which we develop faith. Other Buddhisms talk of faith in Buddha-nature, Buddhas and Bodhisattvas, and even within the Theravadan tradition faith plays a role. How this sits alongside precepts and meditation is an ongoing debate.

And one I heard resolved perfectly, not by a Buddhist but by the Irish priest at Seoul's Anglican Cathedral, a wonderful man with a lovely sense of humour, who said: "Pray as if your salvation depends upon faith, and act as if your salvation depends upon works." Not just perfect from a personal practice point of view, but entirely in keeping with a church which, as Kung describes it, "to the present day... regards itself as the middle way between the extremes of Rome and Geneva."

Amazing, the growing appreciation I have for the Anglicanism of my background; it's certainly worth further study. And whilst Rome may have, throughout much of its history, represented an extreme, Kung finishes off by pointing out that "all over the world, even now countless Christians, communities and groups are in practice living out an authentic ecumenicity centred on the gospel - despite all the resistance in the church structures."

Read more...

တရားနာရခြင်းအကျိုး

မြတ်စွာဘုရားရှင်ကရဟန်းတို့အားတရားနာရခြင်းနှင့်ပက်သက်၍ “ရဟန်းတို့၊တရားနာရခြင်းအကျိုး(၅)ပါးရှိသည်။ ယင်းတို့မှာ-
(၁) တရားနာသူသည်မကြားဖူးသေးသောတရားကိုကြားနာရခြင်း။
(၂) ကြားနာဖူးသောတရားကိုပိုမိုရှင်းလင်းစွာသိရှိရခြင်း။
(၃) ယုံမှားသံသယကင်းရှင်းခြင်း။
(၄) အယူအဆဖြောင့်မှန်ခြင်း။
(၅) စိတ်ကြည်လင်ခြင်း” ဟူသောအကျိူး(၅)ပါးကိုရစေ၏ဟုဟောကြားတော်မူခဲ့ပါသည်။

Read more...

ပီနန်းကျွန်းရှိ မြန်မာဗုဒ္ဓဘာသာ ဘုန်းတော်ကြီးကျောင်း

Read more...

ဒုက္ခခြောက်ပါး... (ဦးသုမင်္ဂလ) vcd

ဒယ်အိုး ဆရာတော် ဦးသုမင်္ဂလ...

နိဗ္ဗာန်ရောက်ကြောင်းတရားကောင်း...

ဒုက္ခခြောက်ပါး... (ဦးသုမင်္ဂလ) vcd

Posted by monk at 7/11/2009 04:22:00 PM

Read more...

ဝသလ

အကျွန်ုပ်သည် ဤသို့ ကြားနာခဲ့ရပါသည်-
အခါတစ်ပါး၌ မြတ်စွာဘုရားသည် သာဝတ္ထိပြည် အနာထပိဏ်သူဌေး၏ အရံဖြစ် သော ဇေတဝန်ကျောင်း၌ သီတင်းသုံးနေတော်မူ၏၊ ထိုအခါ မြတ်စွာဘုရားသည် နံနက်အချိန်၌ သင်္ကန်းကို ပြင်ဝတ်၍ သပိတ် သင်္ကန်းကို ယူဆောင်လျက် သာဝတ္ထိပြည်သို့ ဆွမ်းခံဝင်တော်မူ၏၊ ထိုအခါ အဂ္ဂိကဘာရဒွါဇပုဏ္ဏား၏ နေအိမ်၌ ပူဇော်ထားသော မီးသည် တောက်ပနေ၏၊ မီးပူဇော်ရန် နို့ဃနာ ထောပတ် စသည်ကို စီရင်ထား၏၊

ထိုအခါ မြတ်စွာဘုရားသည် သာဝတ္ထိပြည်၌ အိမ်စဉ်အတိုင်း ဆွမ်းခံလှည့်လည် လတ်သော် အဂ္ဂိကဘာရဒွါဇပုဏ္ဏား၏ နေအိမ်သို့ ချဉ်းကပ်တော်မူ၏။ အဂ္ဂိက ဘာရဒွါဇပုဏ္ဏားသည် မြတ်စွာဘုရား ကြွလာသည်ကို အဝေးကပင် မြင်၍ မြတ်စွာဘုရားကို ''ဦးပြည်းယုတ် ထို၌သာလျှင် ရပ်လော့၊ ရဟန်းယုတ် ထို၌သာလျှင် ရပ်လော့၊ သူယုတ်မာ ထို၌သာလျှင် ရပ်လော့'' ဟု ဆို၏။

ဤသို့ ဆိုလတ်သော် မြတ်စွာဘုရားသည် ''အဂ္ဂိကဘာရဒွါဇပုဏ္ဏား သင်သည် သူယုတ်အဖြစ်ကို လည်းကောင်း၊ သူယုတ်အဖြစ်ကို ပြုတတ်သော တရားတို့ကို လည်းကောင်း သိ၏လော'' ဟု မိန့်တော်မူ၏။ အသျှင်ဂေါတမ အကျွန်ုပ် သည် သူယုတ်အဖြစ်ကို လည်းကောင်း၊ သူယုတ်အဖြစ်ကို ပြုတတ်သော တရားတို့ကို လည်းကောင်း၊ မသိပါ၊ အကျွန်ုပ် တောင်းပန်ပါ၏၊ အသျှင်ဂေါတမသည် သူယုတ်အဖြစ်ကို လည်းကောင်း၊ သူယုတ်အဖြစ်ကို ပြုတတ်သော တရားတို့ကို လည်းကောင်း အကျွန်ုပ် သိနိုင်လောက်သော အခြင်းအရာအားဖြင့် အကျွန်ုပ်အား တရား ဟောတော်မူပါလော့ဟု လျှောက်၏။

ပုဏ္ဏား ထိုသို့ ဖြစ်လျှင်နာလော့၊ ကောင်းစွာ နှလုံးသွင်းလော့၊ ဟောပေအံ့ဟု (မိန့်တော်မူ၏)။ ''အသျှင် ဂေါတမ ကောင်းပါပြီ'' ဟု အဂ္ဂိကဘာရဒွါဇပုဏ္ဏားသည် မြတ်စွာဘုရားအား ဝန်ခံ၏၊ 115

မြတ်စွာဘုရားသည် ဤတရားကို ဟောတော်မူ၏-

''အကြင်သူသည် အမျက်ထွက်လေ့ရှိ၏၊ ရန်ငြိုးဖွဲ့တတ်၏၊ ယုတ်မာသည်ဖြစ်၍ သူ့ကျေးဇူးကို ချေဖျက်တတ်၏၊ အယူပျက်စီးသူ ဖြစ်၏၊ လှည့်ပတ်တတ်၏၊ ထိုသူကို သူယုတ်မာဟူ၍ သိရာ၏။ 116-1

ဤလောက၌ အကြင်သူသည် တစ်ကြိမ် ဖွားဖြစ်သော လူစသော သတ္တဝါကို လည်းကောင်း၊ နှစ်ကြိမ် ဖွားဖြစ်သော၁ ငှက်စသော သတ္တဝါကို လည်းကောင်း ညှဉ်းဆဲသတ်ဖြတ်၏၊ အကြင်သူအား သတ္တဝါ၌ သနားကြင်နာမှု မရှိ၊ ထိုသူကို သူယုတ်မာဟူ၍ သိရာ၏။ 117-2

အကြင်သူသည် ရွာတို့ကို ဖြစ်စေ နိဂုံးတို့ကို ဖြစ်စေ ဖျက်ဆီးတတ်၏၊ ပိတ်ပင်တတ်၏၊ ရွာနိဂုံးတို့ကို ဖျက်ဆီး တတ်သူ ဟူ၍ (လောက၌) ထင်ရှား၏၊ ထိုသူကို သူယုတ်မာဟူ၍ သိရာ၏။ 118-3

အကြင်သူသည် ရွာ၌သော် လည်းကောင်း၊ တော၌သော် လည်းကောင်း သူတစ်ပါးတို့ မြတ်နိုးအပ်သော ပိုင်ရှင်မပေးသော ဝတ္ထုကို ခိုးယူလိုသော စိတ်ဖြင့် ဆောင်ယူ၏၊ ထိုသူကို သူယုတ်မာ ဟူ၍ သိရာ၏။ 119-4

အကြင်သူသည် သူ့ကြွေးမြီကို အမှန်ပင် ချေးယူပြီးလျှင် မြီရှင်တို့က တောင်းအပ်သည်ရှိသော် ငါ့ထံ၌ မရှိဟု ပြောဆိုလျက် ထွက်ပြေး၏၊ ထိုသူကို သူယုတ်မာ ဟူ၍ သိရာ၏။ 120-5

အကြင်သူသည် အနည်းငယ်မျှလောက်သာ ဖြစ်သော ဥစ္စာကို အလိုရှိသဖြင့် လမ်းခရီး၌ သွားလာနေသော လူကို သတ်လျက် အနည်းငယ်မျှသော ဘဏ္ဍာကို ယူ၏၊ ထိုသူကို သူယုတ်မာ ဟူ၍ သိရာ၏။ 121-6

အကြင်သူသည် မိမိကို သက်သေထား၍ မေးအပ်သည်ရှိသော် မိမိဟူသော အကြောင်းကြောင့်သော် လည်းကောင်း၊ သူတစ်ပါးဟူသော အကြောင်းကြောင့် သော် လည်းကောင်း၊ မိမိ၏ဖြစ်စေ သူတစ်ပါး၏ဖြစ်စေ ဥစ္စာဟူသော အကြောင်း ကြောင့်သော် လည်းကောင်း မုသားဆို၏၊ ထိုသူကို သူယုတ်မာ ဟူ၍ သိရာ၏။ 122-7

အကြင်သူသည် ဆွေမျိုးတို့၏ မယားတို့၌သော် လည်းကောင်း၊ မိတ်ဆွေ ခင်ပွန်းတို့၏ မယားတို့၌သော် လည်းကောင်း အနိုင်အထက်အားဖြင့်ဖြစ်စေ၊ နှစ်ဦး သဘောတူ ချစ်သဖြင့်ဖြစ်စေ လွန်ကျူးပြစ်မှား၏၊ ထိုသူကို သူယုတ်မာ ဟူ၍ သိရာ၏။ 123-8

အကြင်သူသည် အိုမင်း၍ ပစ္ဆိမအရွယ်သို့ ရောက်ပြီးသော အမိကို လည်းကောင်း၊ အဖကို လည်းကောင်း ကျွေးမွေးပြုစု နိုင်စွမ်းသူ ဖြစ်လျက် မကျွေးမွေး မပြုစုပေ၊ ထိုသူကို သူယုတ်မာဟူ၍ သိရာ၏။ 124-9

အကြင်သူသည် အမိကိုသော် လည်းကောင်း၊ အဖကိုသော် လည်းကောင်း၊ အစ်ကိုနှင့်ညီကိုသော် လည်းကောင်း၊ အစ်မနှမကိုသော် လည်းကောင်း၊ ယောက္ခမ မိန်းမသူ ယောက္ခမ ယောက်ျားသူကိုသော် လည်းကောင်း ရိုက်နှက် ပုတ်ခတ်၏၊ ကြမ်းတမ်းသော စကားဖြင့် ညှဉ်းဆဲ၏၊ ထိုသူကို သူယုတ်မာ ဟူ၍ သိရာ၏။ 125-10

အကြင်သူသည် အကျိုးစီးပွါးကို မေးမြန်းအပ်သည် ဖြစ်လျက် အကျိုး စီးပွါးမဲ့ကို ပြောကြား သွန်သင်၏၊ မေးမြန်းသူ မသိနိုင်လောက်အောင် လျှို့ဝှက်သော စကားဖြင့် ပြောဆို ညွှန်ကြား၏၊ ထိုသူကို သူယုတ်မာ ဟူ၍ သိရာ၏။ 126-11

အကြင်သူသည် ယုတ်မာသော အမှုကို ပြုပြီးလျှင် ငါ့ကို သူတစ်ပါး မသိပါစေလင့်ဟု အလိုရှိ၏၊ အကြင်သူ သည် မိမိပြုသော မကောင်းမှုကို ဖုံးလွှမ်း၏၊ ထိုသူနှစ်ဦးကို သူယုတ်မာ ဟူ၍ သိရာ၏။ 127-12

အကြင်သူသည် သူတစ်ပါးအိမ်သို့ သွားပြီးလျှင် မွန်မြတ်သော ဘောဇဉ်ကို စားပြီး၍လည်း မိမိအိမ်သို့ လာသော ထိုအဆွေခင်ပွန်းကို အတုံ့အပြန် မကျွေးမွေး၊ ထိုသူကို သူယုတ်မာ ဟူ၍ သိရာ၏။ 128-13

အကြင်သူသည် ဗြာဟ္မဏကို လည်းကောင်း၊ သမဏကို လည်းကောင်း၊ ထိုမှတစ်ပါးသော ဖုန်းတောင်း ယာစကာကို လည်းကောင်း ပစ္စည်းလေးပါးဖြင့် ဖိတ်ကြားပြီးဖြစ်လျက် မုသား ပြောဆိုခြင်းဖြင့် လှည့်ပတ်၏၊ ထိုသူကို သူယုတ်မာ ဟူ၍ သိရာ၏။ 129-14

အကြင်သူသည် ထမင်းစားချိန် ရောက်လတ်သော် ဗြာဟ္မဏကို လည်းကောင်း၊ သမဏကို လည်းကောင်း စကားဖြင့် ခြုတ်ခြယ်၏၊ ပေးကားမပေး၊ ထိုသူကို သူယုတ်မာဟူ၍ သိရာ၏။ 130-15

ဤလောက၌ အကြင်သူသည် မောဟဖြင့် မြှေးရစ်သည်ဖြစ်၍ တစ်စုံတစ်ခုသော ဝတ္ထုကို ရှာမှီးလာသည် ရှိသော် မသူတော်တို့ စကားကို ပြောဆို၏၊ ထိုသူကို သူယုတ်မာဟူ၍ သိရာ၏။ 131-16

အကြင်သူသည် မိမိကိုယ်ကို ချီးမြှောက်ပလွှား၏၊ သူတစ်ပါးတို့ကို မူကား ရှုတ်ချ၏၊ မိမိကိုယ်ကို ပလွှားမှု သူတစ်ပါးတို့ကို ရှုတ်ချမဟှုသော မိမိမာနကြောင့် ဆုတ်ယုတ်၏၊ ထိုသူကို သူယုတ်မာ ဟူ၍ သိရာ၏။ 132-17

အကြင်သူသည် ခြုတ်ခြယ်တတ်၏၊ သူတစ်ပါး ပေးလှူသည်ကို မူလည်း ဝန်တိုမှုရှိ၏၊ ယုတ်မာသော အလိုရှိ၏၊ ဝန်တို စေးနဲ၏၊ စဉ်းလဲ ကောက်ကျစ်၏၊ အရှက် မရှိ၊ အကြောက် မရှိ၊ ထိုသူကို သူယုတ်မာ ဟူ၍ သိရာ၏။ 133-18

အကြင်သူသည် မြတ်စွာဘုရားကို သဗ္ဗညုမဟုတ် စသည်ဖြင့် ရေရွတ် စွပ်စွဲ၏၊ ထိုမှတစ်ပါး ထိုဘုရား၏ တပည့်ရဟန်းကိုသော် လည်းကောင်း၊ ပရိဗိုဇ်ကိုသော် လည်းကောင်း၊ လူကိုသော် လည်းကောင်း ရေရွတ်စွပ်စွဲ၏၊ ထိုသူကို သူယုတ်မာဟူ၍ သိရာ၏။ 134-19

အကြင်သူသည် ရဟန္တာ မဟုတ်ဘဲလျက် ရဟန္တာဟု ဝန်ခံ၏၊ ဤသူသည်သာလျှင် ဗြဟ္မာနှင့် တကွသော လောက၌ အယုတ်မာဆုံးဖြစ်သော ခိုးသူကြီးပေတည်း၊ ပုဏ္ဏား ငါဘုရားသည် ရှေး၌ အကျဉ်းအားဖြင့် ဆိုခဲ့သော သူယုတ် တို့ကို အကျယ်အားဖြင့် ပြအပ်ကုန်ပြီ။ 135-20

အမျိုးဇာတ်ကြောင့် သူယုတ်မာ မဖြစ်နိုင်၊ အမျိုးဇာတ်ကြောင့် ဗြာဟ္မဏ မဖြစ်နိုင်၊ မိမိပြုသော အမှုကြောင့်သာလျှင် သူယုတ်မာ ဖြစ်ရ၏၊ မိမိပြုသော အမှုကြောင့် သာလျှင် ဗြာဟ္မဏ ဖြစ်ရ၏။ 136-21

ပုဏ္ဏား ထိုစကား၏ အဓိပ္ပာယ်ကို ဤညွှန်းပြမည့် စကားဖြင့်လည်း သိကုန်လော့၊
ဤညွှန်းပြချက် စကားကား အဘယ်နည်း၊ ခွေးသေတို့ကို ချက်၍ စားတတ်သော ဒွန်းစဏ္ဍား၏သားသည် မာတင်္ဂ ဟူ၍ ထင်ရှားကျော်စော၏။ 137-22

ထိုမာတင်္ဂသည် အလွန့်အလွန် ရနိုင်ခဲသော မြတ်သော ကျော်စောခြင်းသို့ ရောက်၏၊ ထိုမာတင်္ဂအား လုပ်ကျွေးခစားရန် မင်းမျိုးတို့သည် လည်းကောင်း၊ ပုဏ္ဏားမျိုးတို့သည် လည်းကောင်း၊ များစွာသော ကုန်သည်နှင့် သူဆင်းရဲတို့သည် လည်းကောင်း ခစားရာ အရပ်သို့ လာရောက်ကြကုန်၏။ 138-23

ထိုမာတင်္ဂသည် ကိလေသာ ကင်း၍ မြတ်သော ခရီးဖြစ်သော ဗြာဟ္မာ့ပြည်သို့ ရောက် ကြောင်း သမာပတ် ရှစ်ပါး နတ်ယာဉ်ကို တက်စီး၍ ကာမ၌ တပ်စွန်းမှု 'ကာမရာဂ' ကို ကင်းစင်စေလျက် ဗြဟ္မာ့ပြည်သို့ ကပ်ရောက်ရသူ ဖြစ် ခဲ့၏၊ ထိုမာတင်္ဂကို ဗြဟ္မာ့ပြည်၌ ဖြစ်ခြင်းမှ အမျိုးဇာတ်က မတားမြစ်နိုင်။ 139-24

ဗေဒင်ကို သရဇ္ဈယ်တတ်သည့် အမျိုး၌ ဖြစ်ကုန်သော ပုဏ္ဏားတို့သည် ဗေဒင်ဟူသော အဆွေခင်ပွန်း ရှိကုန်၏၊ ထိုပုဏ္ဏားတို့သည်လည်း ယုတ်မာသော အမှုတို့၌ မပြတ် ထင်ကုန်မူ ယခုဘဝ၌ပင်လျှင် ကဲ့ရဲ့ဖွယ် ဖြစ်ကုန်၏၊ တမလွန်ဘဝ၌လည်း ဒုဂ္ဂတိဘဝသို့ လားရောက်ရကုန်၏၊ ထိုပုဏ္ဏားတို့ကို ဒုဂ္ဂတိဘဝသို့ လားရောက်ရခြင်းမှ လည်း ကောင်း၊ ကဲ့ရဲ့ ခံရခြင်းမှ လည်းကောင်း အမျိုးဇာတ်က မတားမြစ်နိုင်။ 140,141-25,26

အမျိုးဇာတ်ကြောင့် သူယုတ်မာ မဖြစ်နိုင်၊ အမျိုးဇာတ်ကြောင့် ဗြာဟ္မဏ မဖြစ်နိုင်၊ မိမိပြုသော အမှုကြောင့် သာလျှင် သူယုတ်မာ ဖြစ်ရ၏၊ မိမိပြုသော အမှုကြောင့် သာလျှင် ဗြာဟ္မဏ ဖြစ်ရ၏။ 142-27

ဤသို့ ဆိုသော် အဂ္ဂိကဘာရဒွါဇပုဏ္ဏားသည် မြတ်စွာဘုရားကို
အသျှင်ဂေါတမ တရားတော်သည် အလွန်နှစ်သက်ဖွယ် ရှိပါပေစွ
အသျှင်ဂေါတမသည် ယနေ့ကို အစပြု၍ အကျွန်ုပ်ကို
အသက်ထက်ဆုံး ကိုးကွယ်ခြင်းသို့ ရောက်သော
ဥပါသကာဟူ၍ မှတ်တော်မူပါလော့ ဟု လျှောက်၏။

၇ - ဝသလသုတ်၊ ဥရဂဝဂ်၊ သုတ္တနိပါတ်ပါဠိတော်၊ ခုဒ္ဒကနိကာယ်။

ဗုဒ္ဓဓမ္မ ဦးလောကနာထ at 7/11/2009 03:54:00 PM

Read more...

လပြည့်ဝန်းလေးကဲ့သို့ ပြည့်ဝလိုသော်...

လပြည့်ဝန်းလေးကဲ့သို့ ပြည့်ဝလိုသော်...

Read more...

သက်ကယ်ရိတ်စကားများ-၃-

"ညီညီ ဗိုက်ဆာနေပြီလား..."
"မဆာပါဘူး ကိုကို..ဆာရင်လည်း အဆာကောင်းပါ"
"ဘာကြောင့်လဲ"
"ကိုကိုနဲ့ မေမေ့ကို ကူညီခွင့်ရလို့ပေါ့။ ခုလိုကူညီခွင့်ပေးတာ ကျေးဇူးတင်ပါတယ် ကိုကို"

ကိုကိုက ညီညီ့မျက်လုံးကို စူးစမ်းလျက် စိုက်ကြည့်သည်။

"ညီညီဟာ ကျောင်းပျော်တဲ့ ကျောင်းသားတစ်ယောက် ဖြစ်လာနိုင်မှာပါ။"

ကိုကို့တွင် ထောင့်မှန်ဖြစ်နေသော မေးရိုးများရှိ၏။ ကွမ်းသီးငုံထားသလိုဖုနေသော အံကြွက်သားများရှိ၏။ ညီညီသည် မြေပြင်ပေါ်ထိုင်ချရင်း ပန်းတို့ဝေနေသော တောစပ်ကို အမှတ်မဲ့ငေးသည်။ တောစပ်မှာ သဇင်သည် မပွင့်။

"ကိုကိုက တစ်ချိန်ကျရင် ကျော်ကြားသူတစ်ဦးဖြစ်လာမှာ"

"ကိုကို အစက်ဆုပ်ဆုံးအရာပဲ"

"ကျော်ကြားမှုဟာ စက်ဆုပ်စရာလား ကိုကို"

"ကျော်ကြားမှုကို စက်ဆုပ်မှသာ စက်ဆုပ်စရာလူ မဖြစ်မှာ"

ညီညီသည် တံစဉ်ကို ပစ်ချသည်။

"ကိုကိုတွေးသမျှကို ညီညီမလိုက်နိုင်ဘူး"

"ကိုကိုတွေးသမျှဟာ ထေရ၀ါဒဗုဒ္ဓဘာသာဝင်တွေ တွေးတာပဲ။ တစ်ပြားသားမှ မတိမ်းစောင်းဘူး ညီညီ"

"ညီညီသိပါတယ်၊ ကိုကိုလုပ်သမျှဟာလည်း ကိုကိုတွေးသလို လုပ်တာပဲ။ ညီညီကတော့ ညီညီ့မှာ အခြေခံဗဟုသုတ မရှိတာကို အားမရဘူး။ ညီညီက အခြေခံသိစရာတွေ ဘာမှမသိသေးဘူး။ ကွမ်တန်ကိုမသိဘူး။ ရီလေတီဗီတီကို မသိဘူး။ ဇီဝဗေဒအတွေးကို မသိဘူး။ သမိုင်းဆိုင်ရာ အတွေးအတွက် လေ့ကျင့်ပေးတာ မခံရဘူး။ သချာင်္အတွေးအတွက် လေ့ကျင့်ပေးတာ မခံရဘူး။ ဂီတခံစားမှုကို လေ့ကျင့်ပေးတာ မခံရဘူး။ ပန်းချီခံစားမှုကို လေ့ကျင့်ပေးတာ မခံရဘူး။

တွေးတယ် တွေးတယ်သာ ပြောတယ်၊ ဘာတွေကို ကုန်ကြမ်းအဖြစ် အသုံးပြုပြီးတွေးကြသလဲ ညီညီဖြင့်မသိဘူး၊ ညီ့သူငယ်ချင်းတွေဆို စာဖတ်ရမဲ့ အချိန်တွေကို အကုန်ခံပြီး လက်ဖက်ရည်ဆိုင်မှာ ငြင်းနေလိုက်ကြတာ။ နိုင်ငံခြားသားအဘိုးကြီး တစ်ယောက်က ဦးနှောက်ဟာစိတ်ပဲလို့ ပြောတော့ ၄၅မိနစ်အတွင်း လက်ခံပြီး ပြန်လာကြတယ်။

သူတို့လက်ခံတော့ အဲဒီအဘိုးကြီးက ပြောတယ်။ သူကိုယ်နှိုက်ကတော့ ဦးနှောက်ဟာစိတ်ဆိုတာကို လက်မခံပါဘူးတဲ့။ တွေးခေါ်မြော်မြင်အားနဲ့ ဆွေးနွေးနိုင်စွမ်းအားကို စမ်းသပ်ကြည့်တာပါတဲ့။ ကိုင်း...ညီ့သူငယ်ချင်းတွေဟာ ခန္ဓာဗေဒနဲ့ ဇီဝဗေဒကို မတတ်ဘူးလို့ ထင်ရှားတယ် မဟုတ်လား ကိုကို။"[ ဆက်ဖတ်ရန် +/- ]

"ဘာသာဗေဒရော ညီညီ"

"အဘိုးကြီးက ဗမာလိုပြောတာ"

"ပြန်လှန်မေးခွန်းဟာ ဗဟုသုတနဲ့ မဆိုင်ဘူးညီညီ၊ တင်္ခဏုပ္ပတ္တိဥာဏ်သာလျှင် ဖြစ်တယ်။ ဗဟုသုတဟာ တစ်ဦးချင်းတွေးခေါ်ဖို့ အခြေခံ ဖြစ်တယ်။"

"တစ်ဦးချင်းတွေးခေါ်မှုဟာ ပြန်လှန်မေးခွန်းထုတ်နိုင်ဖို့ အသုံးတည့်တယ် မဟုတ်လား။ အနိမ့်ဆုံးအားဖြင့် လူဆယ်ယောက်မှာ လေးယောက်ဟာ စိတ်နဲ့ဦးနှောက် တခြားစီလို့ ပြောရမယ်။ ကျန်တဲ့ ခြောက်ယောက်အနက် သုံးယောက်က စိတ်ဟာဦးနှောက်ပဲလို့ ပြောချင်လည်းပြောနိုင်မယ်။ နောက်သုံးယောက်က စိတ်ဟာဦးနှောက်နဲ့ ဆက်စပ်တယ်။ ဒါပေမဲ့ စိတ်နဲ့ဦးနှောက်နဲ့ မတူဘူး။ ဒီလိုပြောရမယ်။ ဒါမှ သဘာဝကျတဲ့ လူ့အဖွဲ့အစည်း ဖြစ်တော့မပေါ့။

ဒေါက်တာသန်းထွန်းက သမိုင်းသင်တာ မအ,အောင်လို့ ပြောတယ်။ ညီညီကတော့ ပညာသင်တာဟာ မအ,အောင် လို့ ပြင်ပြောချင်တယ်။ သမိုင်းမှမဟုတ်ဘူး။ ပညာရပ်တိုင်းဟာလည်း မအ,အောင်သင်ရတာပဲ။

ညာမဲ့လူတွေဟာ ညာမယ်ဆိုတာနဲ့ လူငယ်တွေကိုပဲ ပြေးမြင်တော့တယ်။ မဟုတ်ဘူးလား။ ၁၈ နှစ်ဟာ လူတိုင်း တန်းတူရည်တူ ဥာဏ်ပညာရှိရမဲ့ အရွယ်ဆိုရင် ၂၅ နှစ်လူငယ်ဟာ သီအိုရီအသစ်ထုတ်တဲ့ အရွယ်ဖြစ်ရမယ် မဟုတ်လား။ ၁၉ရာစုက စကားလုံးတွေနဲ့ လိမ်ညာတာခံနေတာဟာ ပညာမတတ်လို့သာ မဟုတ်ဘူးလား။ ပညာတတ်အောင်သင်ရမယ် ကိုကို"

"ဆရာက တွေးနည်းခေါ်နည်းကို ထိန်းပေးရတယ် ညီညီ။ ဒါပေမဲ့ အမြင်ဆိုတာဟာ ကိုယ့်ဖာသာ မကြိုးစားဘဲနဲ့ အလိုလိုရှိ မနေသင့်ဘူး။ အလိုလိုရှိနေတဲ့ အမြင်ဟာသူများအမြင်တွေပဲ ဖြစ်မှာပဲ။"

"ကိုယ်တိုင်လေ့လာသင့်တယ်ပေါ့"

"ဘယ်သူကမှ မင်းကို ပညာတတ်အောင် ဖန်ဆင်းမပေးလိုက်ဘူး ညီညီ။"

"အတိတ်ကပါရမီကရော ကိုကို"

"ကမ္မ၀ါဒဟာ ပြဋ္ဌာန်းခံဝါဒမဟုတ်ဘူး ညီညီ။ ဗုဒ္ဓဘာသာရဲ့ ကံဟာလည်း အနောက်တိုင်းရဲ့ fate မဟုတ်ဘူး။ အနောက်တိုင်းရဲ့ fate ဆိုတာဟာ မလွှဲမရှောင်သာတဲ့ ကြမ္မာဆိုးမျိုးကို ပြောတာ။ နဖူးစာသဘောကို ပြောတာ။

စင်စစ်ကတော့ တကယ့်အဖြစ်အပျက်ဟာ ကြိုတင်သတ်မှတ်ထားတဲ့ အရာတွေမဟုတ်ဘူးဆိုတာ သဘောပေါက်ဖို့ပဲ။ မင်းဟာ ပညာတတ်ကြီးဖြစ်လာမယ်လို့ ကြိုတင်သတ်မှတ်ထားတာ မဟုတ်ဘူး။ ဒါကြောင့် မင်းရဲ့ ပါရမီဟာလည်း ဖြစ်တန်စွမ်းသာလျှင် ဖြစ်တယ်။ ပညာတတ်ဖြစ်တာဟာ မင်းရဲ့ကြိုးစားမှုပေါ် တော်တော်လေး မူတည်ကောင်းမူတည်မယ်။

အင်း...၁၀၀ ရာခိုင်နှုန်းလားဆိုရင်တော့ မဟုတ်ပြန်ဘူး။ အချိန်၊ နေရာဒေသ၊ ခေတ်ကာလနဲ့ အခြားအကြောင်း တွေလည်း ရှိတယ်။ မော်ဒန်သိပ္ပံဟာ ဖြစ်တန်စွမ်းပဲဆိုတာ ကလေးတွေတောင်သိတယ်။ ညီညီလည်း သိရမယ်။"

"မိလိန္ဒပညှာမှာလည်း မကျန်းမာခြင်းရဲ့ အကြောင်းဖြစ်တဲ့ ကံဆိုတာကို အောက်ဆုံးက ပြထားတယ် ကိုကို"

"သိပ်မှန်တာပေါ့။ ထိုးထွင်းသိ ရှိရင်တော့ သဘောပေါက်နိုင်တယ်။ ကြောင်းကျိုးသိကို သုံးရင်လည်း ကိုယ်ကျင့်သိက္ခာတို့ ဗဟုသုတတို့ စတဲ့ အခြားဟာတွေ ပြည့်စုံဖို့ လိုသေးတာပဲ။ တကယ်ဖြစ်နေတာတွေဟာ သုံးဖက်မြင်ရဲ့ အလွန်မှာချည်းပဲ ညီညီရေ။ကဲ- ဒါကို ခဏထားပါ။ ကံကိုယုံပြီးဆူးပုံမနင်းရာနဲ့ ကံသာလျှင်အမိကံသာလျှင်အဖ ဆိုတဲ့စကားနှစ်ရပ် အချင်းချင်းဆန့်ကျင်နေတယ် လို့ယူဆသေးတဲ့ အထိ ညီညီမတုံးတော့ဘူးထင်ပါတယ်။"

"ဆန့်ကျင်နေတာပဲ မဟုတ်ဘူးလား"

"သူ့နေရာနဲ့သူမှန်နေတာပဲ ညီညီရယ်"

"ဥပမာလေး ပေးဖို့တောင်းဆိုပါတယ် ကိုကိုရယ်"

"မီးရထားတစ်စင်းဟာ မိုင်၁၀၀ နှုန်းနဲ့ အရှေ့အရပ်ကို ပြေးနေတယ်။ ရထားပေါ်မှာ လူနှစ်ယောက် ပင်ပေါင်ရိုက်နေတယ်။ ပင်ပေါင်ဘောလုံးဟာ အရှေ့အရပ်ကို မိုင်၂၀၀ နှုန်းနဲ့ ပြေးနေတယ်။ ပင်ပေါင်ဘောလုံးရဲ့ အလျင်ကို လမ်းပေါ်က မတ်တပ်ရပ်နေတဲ့လူက ကြည့်မယ်ဆိုရင် ဘယ်လောက်လဲ ညီညီ"

"မီးရထားအလျင် အရှေ့သို့ မိုင်၁၀၀ ပင်ပေါင်ဘောလုံးအလျင် အရှေ့သို့ မိုင်၂၀၀ ပေါင်း၊ မိုင်၃၀၀"

"ရထားပေါ်က လူတွေအတွက်ရော"

"မိုင်၂၀၀ ပဲပေါ့"

"အေး အဲဒါ အိုင်းစတိုင်း ပြောတဲ့ နှိုင်းရသီဝရီရဲ့ အလွယ်ဆုံးဥပမာပဲ"

"ကိုကို ဆိုလိုတာက ကံကိုယုံပြီး ဆူးပုံမနင်းရာဆိုတာနဲ့ ကံသာလျှင်အမိကံသာလျှင်အဖ ဆိုတဲ့ စကားတွေဟာ ဆန့်ကျင်နေတာမဟုတ်ဘူး။ အခြေအနေကိုလိုက်ပြီး မှန်တယ်လို့ ဆိုလိုတာလား"

"ဘယ်စကားကမှ နေရာတိုင်းမှာ မမှန်ဘူး။ နေရာလွဲနေတဲ့ ပစ္စည်းကောင်းဟာ အမှိုက်ပဲလေ ညီညီ"

"အချို့ကတော့ သူတို့စကားလုံးကို နေရာတကာမှာ မှန်ကန်တယ် ဆိုကြပါလား"

"ဒါဆို အမှိုက်တွေ အများကြီးထွက်လာတော့မှာပေါ့"

"ကံဆိုတာ အလုပ်ဆို။ အလုပ်ကောင်းရင် ကံကောင်းမယ်ဆို"

"ဒါကတော့ အားတက်အောင် ပြောရတာပဲ။ ကံရဲ့သဘောကို အစိန္တေယျလို့ ဘုရားဟောထားတာ ဒီလောက်လွယ်လွယ် ဘယ်နားလည်နိုင်မလဲ"

"အို ကိုကို့ဟာက ဘယ်အရာမှ မလွယ်ပါလား"

"အေးညီညီရေ လူတိုင်းဟာ ခက်ခက်ခဲခဲကြိုးစားရတယ်။"

"ကံအကြောင်းကို ညီညီ့ကို နည်းနည်းဖြစ်ဖြစ် ပြောပြဖို့ မသင့်ဘူးလား"

"သင့်ပေ၏ ညီညီ။ သို့သော် နောက်တစ်ခေါက်မှ ပေါ့။ အခု နေမြင့်ပြီ။ ပြီးတော့ ကိုကိုအလုပ်သွားရဦးမယ်။ ညီညီလည်း ညနေပိုင်းကျောင်းတက်ရမယ်"


Continue...

Read more...

တိဘက် မဟာယာနဗုဒ္ဓဘာသာ၏ မန္တရယာန... (မြတ်ဗုဒ္ဓသာသနာ ပုံတော်သမိုင်း)

မြတ်ဗုဒ္ဓသာသနာ ပုံတော်သမိုင်း ၇-မှ...

တိဘက် မဟာယာနဗုဒ္ဓဘာသာ၏ မန္တရယာန...

Read more...