* သဗ္ဗဒါနံ ဓမ္မဒါနံ ဇိနာတိ၊ * သဗ္ဗရသံ ဓမ္မရသော ဇိနာတိ။

* သဗ္ဗဒါနံ ဓမ္မဒါနံ ဇိနာတိ၊     * သဗ္ဗရသံ ဓမ္မရသော ဇိနာတိ။

နမတ္ထု ဗုဒ္ဓါနံ နမတ္ထု ဗောဓိယာ။ နမော ဝိမုတ္တာနံ၊ နမော ဝိမုတ္တိယာ။

ဘုရားရှင်တို့ အား ရှိခိုးပါ၏။
ဘုရားရှင်တို့ ၏ မဂ်ဥာဏ် ဖိုလ်ဥာဏ်အား ရှိခိုးပါ၏။
ကိလေသာတို့ မှ လွတ်မြောက်တော်မူကြသော ဘုရားရှင်တို့ အား ရှိခိုးပါ၏။
ထိုဘုရားရှင်တို့ ၏ ဝိမုတ္တိငါးပါးအား ရှိခိုးပါ၏။

ကရုဏာလက်များ ကမ်းလင့်ပေးပါ...

ကရုဏာလက်များ ကမ်းလင့်ပေးပါ...
စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။

ပညာရေးအလှူတော် နှိုးဆော်ချက်


ရန်ကုန်မြို့ အသောကာရာမ သီလရှင်စာသင်တိုက်မှ နဝမတန်း ဖြေဆိုမည့် သီလရှင် ဆရာလေးများအတွက် ဆရာ၊ ဆရာမများ လစဉ် ထားပေးနိုင်ရန် ပညာရေးအလှူရှင်များ လိုအပ်နေပါသည်။ ရွှေစေတီ ဘုန်းတော်ကြီးသင်ပညာရေးကျောင်းတွင်လည်း ဆင်းရဲနွမ်းပါးသည့် ၉ တန်းနှင့် ၁၀ တန်း ကျောင်းသားများ ကျောင်းအိပ်ကျောင်းစား နေထိုင်ပညာဆည်းပူးနိုင်ရေးအတွက် ကူညီထောက်ပံ့မည့် ကုသိုလ်ရှင်များ လိုအပ်လျက် ရှိပါသည်။ စေတနာရှင် အလှူရှင်များ အနေဖြင့် ထေရဝါဒ ဗုဒ္ဓဘာသာ လူငယ်များအသင်း http://www.mmtheravada.org ဖုန်း
09-73062811, 09-5505176 သို့ ဆက်သွယ်လှူဒါန်းကြစေလိုပါသည်။

သီလရှင် ဆရာလေးများနှင့် ကလေးများ ဇွန်လအမီ ကျောင်းတက်နိုင်ရေးအတွက် ကာလဒါန ကုသိုလ်အဖြစ် သဒ္ဓါတတ်အား နည်းများမဆို လှူဒါန်းကူညီကြပါရန် နှိုးဆော်အပ်ပါသည်။

ဝိမုတ္တိရသ အဖွဲ့သားများ

------------------------
နောက်ဆက်တွဲသတင်း.....

ပညာရေးအလှူတော်လှူဒါန်းမည့်အစီအစဉ်

ထေရ၀ါဒဗုဒဘာသာ လူငယ်များ အသင်းမှ ဦးစီး၍ (၂၀၁၁) ခုနှစ်တွင် န၀မတန်းသို့ တက်ရောက်မည့် ကျောင်းသား (၂၅) ယောက်နှင့် ကျောင်းသူ (၂၅) ယောက်အား ပညာရေးထောက်ပံ့မှုပြုလုပ်ပေးနိုင်ရန် စီစဉ်ထားပါသည်။

ပြုလုပ်မည့်အစီအစဉ်

ကျောင်းသားများအား ရွှေစေတီဘုန်းကြီးကျောင်း (ဆရာတော် ဦးတေဇန္ဒိ၊ ခ/(၃) ရက်ကွက်၊ ရွှေစေတီကျောင်း၊ မင်္ဂလာဒုံမြို့နယ်) တွင်ထားရှိမည်ဖြစ်ပြီး ကျောင်းသားများသည် မိမိတို့ ဆန္ဒအလျောက် ကိုရင်ဝတ်လိုကလည်း ၀တ်နိုင်ပါသည်။ ကျောင်းသူများအား အသောကာရာမ သီလရှင်စာသင်တိုက် (ဆရာလေးဒေါ်သုနန္ဒာ (ဖုန်း-၀၉-၈၆၂၈၈၁၁)၊ ၀ါယာလက်ဈေးမှတ်တိုင်၊ ရွှေနှင်းဆီရပ်ကွက်၊ မင်္ဂလာဒုံမြို့နယ်) တွင်ထားရှိပါမည်။ အသောကာရာမကျောင်းမှ သီလရှင်များသာလက်ခံသည်ဖြစ်၍ ကျောင်းသူများမှာ သီလရှင်ဝတ်ရပါမည်။ သီလရှင်များတက်ရောက်ရမည့် အ.ထ.က ကျောင်းမှာ အသောကာရာမ ကျောင်းမှလက်ရှိ သီလရှင်များ တက်ရောက်နေသော ကျောင်းဖြစ်၍ ပညာသင်ကြားမှုတွက် အခက်အခဲ မရှိနိုင်ပါ။ စာသင်သူများ စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။ အသေးစိတ်ဆောင်ရွက်မည့် အချက်အလက်များအားလည်း ဆက်လက်ဖော်ပြသွားပါမည်။

လျောက်ထားမည့် သူများ ပြည့်စုံရမည့်အချက်များမှာ

(က) ကျောင်းသူများမှာ သီလရှင်ဝတ်နိုင်ရပါမည်။

(ခ ) မိဘများမှ နေထိုင်ရန်ခွင့် ပြုသူဖြစ်ရပါမည်။

(ဂ ) စာသင်သားများနေထိုင်မည့် ကျောင်းတွင်း စည်းကမ်းများကို တိကျစွာလိုက်နာရပါမည်။

(ဃ) ကျောင်းထားရန် အမှန်တကယ်အခက်အခဲ ရှိနေသူဖြစ်ရပါမည်။

အထက်ပါအချက်အလက်များနှင့် ပြည့်စုံသူများသည် ထေရ၀ါဒဗုဒ္ဓဘာသာလှူငယ်များ အသင်းသို့ ဆက်သွယ်မေးမြန်းနိုင်ပါသည်။ (http://mmtheravada.org)

ဆက်သွယ်ရန်လိပ်စာ

ကိုထွန်းထွန်းလှိုင်

ဖုန်း ၀၉-၇၃၀၆၂၈၁၁

htunhtunhlaing82@gmail.com

winthu.tbyo@gmail.com

thantzin83@gmail.com

Friday, July 10, 2009

အာမခံချက်...။


အမှတ်တမဲ့ ငိုက်နေတဲ့ ဒီခန္ဓာ
အချိန်နဲ့ ဇရာ ပေါင်းပြီး
နုပျိုခြင်းတွေ ခိုးယူခံခဲ့ရတယ်
ဗျာဓိကတော့ ကျန်းမာခြင်းမှတဲ့
ဒီလိုနဲ့ပဲ အိုကြ နာကြ သေခဲ့ကြ
သြော်… ဆက်ရဦးမယ်လေ နောက်ဘဝ…။

နတ်သမီး နတ်သား ဘွားခနဲများလား
ငရဲအိုးထဲ ကားခနဲ သွားမလား
ငတ်မွတ်ဆင်းရဲ ပြိတ္တာပဲလား
မောဟပြင်းထန် တိရစ္ဆာန်ကောင်လား
ညစ်ပတ်မှောင်မဲ လူ့ဗိုက်ထဲလား
(ဟား..) ဘယ်မှာများလဲ ဒို့ဘ၀တွေရဲ့ အာမခံတရား…။

အသိဥာဏ်ရှိတဲ့လူ ပြန်ဖြစ်ဖို့
အပြစ်ရပ်ရွာ ကင်းကွာစေဖို့
စစ်မှန်သာသနာ ကြုံကြိုက်ရဖို့
သူတော်တရား ကြိုးစားနိုင်ဖို့
သစ္စာတွေ့ပြီး ဖြစ်ပျက်ငြိမ်းဖို့
(ဒါတွေကို) ဘယ်သူကများ အာမခံချက် ပေးပါ့မလဲ…။

သံဝေဂ မရလောက်အောင်ကို ပေါ့ဆ
အလင်းပိတ်ဘ၀ရဲ့ လမိုက်ညတွေထဲမှာ
ရုန်းမထခဲ့လို့ သုံးမရခဲ့တာလို့ သိရင်
သံသရာအချုပ်မှာ အာမခံထုတ်နိုင်ဖို့
သတိတရားနဲ့ အဖန်ဖန်ပွါးပြီး
(ခုဘ၀တွင်ပဲ) အတန်တန် ကြိုးစားကြစို့လေ…။

Read more...

လူဝင်စားခြင်းကို သိပ္ပံနည်းကျလက်ခံခြင်း(၇-နိဂုံး)

ကလေးပါရမီရှင်များနဲ့
အတိတ်ဘ၀ကဗဟုသုတအတွေ့အကြုံတွေကိုအသုံးပြုနိုင်သူများ


ရောမတွေးခေါ်ရှင် ဆီဆာရို (Cicero)က "ကလေးတွေထိန်းသိမ်းထားတဲ့ အချက်အလက် အမြောက်အမြားနဲ့ ဆိုင်တဲ့ စွမ်းရည်ဟာ ဇာတိမတိုင်မီက အချက်တွေကို သိဖို့ ခိုင်လုံတဲ့သက်သေဖြစ်တယ်" လို့ဆိုတယ်။ အဲဒီအချိန်ကတည်းကစပြီး ပါရမီရှင်ဟာ အတိတ်ဘ၀ အတွေ့အကြုံတွေကနေ ဖူးပွင့်လာတာ ဆိုတဲ့ ယုံကြည်မှုဟာ တိုးတက်ဖြစ်ထွန်းလာတယ်။ အရွယ်နဲ့မလိုက်အောင် စွမ်းရည်ထူးတဲ့ ကလေးအချို့ကိုတော့ လူဝင်စားခြင်းနဲ့ပဲ ရှင်းပြလို့ရတယ်။ ဥပမာအားဖြင့် ဂီတတူရိယာတွေ တစ်ခါမှမသုံးဖူးတဲ့ ၆ နှစ်သား ကလေးလေးဟာ ကောက်ကာငင်ကာပဲ ပြောင်မြောက်တဲ့ စန္ဒယားတီးလုံးကို အနီးက စန္ဒယားမှာကောက်တီးတယ်။

သုံးနှစ်အရွယ် ကလေးလေးဟာ သူ့အဖေ အလုပ်ငွေချေဖို့ တွက်ချက်နေတာကို စိတ်တွက်နဲ့ လိုက်တွက်ပြီး အမှားတွေတောင် ရှာပြသေးတယ်။ နောက်တော့ သူဟာ ရာစုနှစ်ရဲ့ အတော်ဆုံး သချာင်္ပညာရှင်တစ်ဦး ဖြစ်လာတယ်။ ဒါကို တခြားနည်းနဲ့ ရှင်းဖို့ မဖြစ်နိုင်ပါ။ ဒီလိုလူမျိုးတွေအတွက် နောက်ဆုံး အစီရင်ခံစာကတော့ လေးနှစ်အရွယ် အမေရိကန်မိန်းကလေး ဖြစ်တယ်။ သူက ဘာသာသုံးမျိုးတတ်တယ်။ အိမ်ကကွန်ပြူတာကို ပရိုဂရမ်ဆွဲတယ်။ ကလေးစာအုပ်တွေ ဖတ်ရမဲ့အစား ရှိတ်စပီးယားကို ဖတ်တယ်။ စာအုပ်တွေသက်သက်ကနေ ဂျပန်ဘာသာကို သင်ခဲ့တယ်။

အတိတ်ဘ၀က ပညာဗဟုသုတတွေကို အသုံးပြုနိုင်တဲ့ လူတွေထဲက အကောင်းဆုံး အစီရင်ခံစာ တစ်စောင်ကတော့ ဂျက်ဆန်မာ (Jetsunma) ဖြစ်တယ်။ အမေရိကန်နိုင်ငံ ဘရွတ်ကလင်း က ဂျူးအိမ်တစ်အိမ်က မိန်းကလေး။ ပတ်ပတ်လည်မှာ အရက်သမားတွေ၊ အကြမ်းဖက်သူတွေ၊ မတော်မတရားပြုမှုတွေနဲ့။ သူ့အမေက ဂျူးလူမျိုး။ ကုန်စုံဆိုင်က ငွေကိုင်စာရေး။ သူ့ပထွေးက အီတလီလူမျိုး ထရပ်ကားမောင်းသူ။ နှစ်ယောက်စလုံးက အရက်သမားတွေ ဖြစ်ပြီး ကလေးကို အကြင်နာကင်းကင်းနဲ့ နေ့တိုင်းရိုက်တယ်။ မိခင်က အားသာတဲ့အခါ ကလေးကို သူကိုးကွယ်တဲ့ ဘုရားကျောင်းကို ခေါ်တယ်။ ပထွေးက အားသာတဲ့အခါလည်း ကလေးကို သူကိုးကွယ်တဲ့ ဘုရားကျောင်းကို ခေါ်သွားတယ်။ ဂျက်ဆန်မာ ၁၇ နှစ်အရွယ် ရောက်တော့ ရဲကသူ့ကိုအကြံပေးတယ်။ သူ့မိဘတွေနဲ့ အတူနေရတာဟာ အန္တရာယ်များလို့ အိမ်ကနေ ထွက်သွားပါပေါ့။ သူအိမ်ကထွက်သွားတယ်။ လက်ထပ်တယ်။ ကလေးနှစ်ယောက်ရတယ်။

သူ့မိဘတွေနဲ့ နေခဲ့ရတဲ့ ဒဏ်ရာအနာတရကနေ လွတ်မြောက်သွားတာနဲ့ သူမဟာ တိဘက်ဗုဒ္ဓဘာသာကို အဆင့်မြင့်မြင့် ဟောကြားနိုင်တဲ့ စွမ်းရည်ကို ရပြီး ပရိသတ်တွေလည်း ရတယ်။ အရင်တုန်းက သူဟာ ဗုဒ္ဓဘာသာကို ထိကိုမထိတွေ့ဖူးခဲ့ဘူး။ တိဘက်အကြောင်းလည်း နကန်းတစ်လုံးမသိဘူး။ သူနဲ့ သူ့ပရိသတ်တွေကလည်း ဗုဒ္ဓဘာသာအကြောင်း သင်ကြားနေတာရယ်လို့ မသိခဲ့ဘူး။ သူတို့က ဒါကို "တွေ့ရှိချက်နဲ့ဘ၀သစ်အတွက် ဗဟို" လို့ နာမည်ပေးခဲ့တယ်။ နောက်ပိုင်းမှာ တိဘက်ဘုန်းကြီးတွေကို တွေ့တယ်။ တိဘက်ကိုသွားလည်တယ်။ နောက်တော့ သူဟာ တိဘက်ဘုန်းကြီးတစ်ပါး ၀င်စားတာဖြစ်ကြောင်း တွေ့ရတယ်။ သူဟောနေတဲ့ တရားတွေက အတိတ်ဘ၀က တိဘက်ဘုန်းကြီး ဘ၀က တရားတွေပဲ။ ၀ါရှင်တန်ကို ရောက်တဲ့လူတွေအနေနဲ့ သူ့ရိပ်သာကိုသွားပြီး သူ့ကိုတွေ့နိုင်ပါတယ်။
[ ဆက်ဖတ်ရန် +/- ]



နိဂုံးချုပ်သုံးသပ်ချက်

ဖော်ပြခဲ့တဲ့ အပိုင်းတွေက လေ့လာစူးစမ်းမှုတွေဟာ သိပ္ပံလုပ်ငန်းစဉ် တတိယဆင့်မှာ ပြုခဲ့တဲ့ ဟောကိန်းတွေနဲ့ ကိုက်ညီမှုရှိပါတယ်။ ဒါကြောင့် သိပ္ပံနည်းကျ လက်ခံဖို့အတွက် စမ်းသပ်မှု ဟာ အဆင့်လေးဆင့်လုံး ပြည့်စုံသွားပါပြီ။ ကျွန်ုပ်အနေနဲ့ လူဝင်စားခြင်းကို လက်မခံနိုင်ကြောင်း သက်သေပြနိုင်တဲ့ သိပ္ပံနည်းကျ အချက်အလက်တွေကို မတွေ့ဖူးသေးပါဘူး။

ဒီစမ်းသပ်မှုတွေကို အခြေခံလို့ ခုလို ကောက်ချက်ဆွဲတယ်။ လူဝင်စားခြင်းကို သိပ္ပံနည်းကျလက်ခံခြင်းဟာ အနည်းဆုံး တရားခွင်သုံးခုမှာ သက်သေပြခဲ့ပြီ။

သိပ္ပံနှလုံးသားရှိတဲ့ ပုဂ္ဂိုလ်ဟာ လူဝင်စားခြင်းကို လက်ခံဖို့ အခက်တွေ့တတ်ပါတယ်။ ဘာကြောင့်လည်းဆိုတော့ သူက လူဝင်စားခြင်းဖြစ်စဉ်ကို ခေတ်နှောင်းနေပြီဖြစ်တဲ့ ဒေးကားရဲ့ ရှေးရိုးသိပ္ပံ နားလည်မှုထဲက ကြည့်နေလို့ပဲ။ မော်ဒန်သိပ္ပံကတော့ (အတိအကျဆိုရရင် ကွမ်တန်မက္ကင်းနစ်အရကတော့) သဘာဝဖြစ်စဉ်ရဲ့ နားမလည်ဖွယ် ဖြစ်စဉ်တွေကို လက်ခံဖို့ တိုက်တွန်းထားတာရှိပါတယ်။ ဥပမာ အီလက်ထရွန်ခုန်ကူးမှုဗျာ။ ဒါကို လက်ခံဖို့တော့ ကျွန်ုပ်တို့ မတုံ့ဆိုင်းဘူး မဟုတ်လား။ ဒီလိုပဲ အချက်အလက်တွေအရကတော့ လူဝင်စားခြင်းကို အမှန်တရားအဖြစ် လက်ခံဖို့ တိုက်တွန်းနေပြီလေ။

သြစတြီးယား သိပ္ပံပညာရှင် ရူးဒေါ့ဖ်စတိန်းနာ (Rudolf Steiner) က ခုလိုပြောခဲ့တယ်။


ကော်ပါးနီးကပ်စ်ရဲ့ စကြာဝဠာသီဝရီကို လက်ခံဖို့ တစ်ခေတ်တစ်ခါက အဆင်သင့်ဖြစ်ခဲ့သလို ကျွန်ုပ်တို့ခေတ်မှာလည်း လူသားရဲ့ ယေဘုယျ အသိတရားမှာ လူဝင်စားခြင်း အတွေးအခေါ်ကို လက်ခံဖို့ အဆင်သင့် ဖြစ်ပါပြီ။

တဲ့……

မူရင်းစာရေးသူ- Dr.Granville Dharmawardena
ဘာသာပြန်သူ-အလှတရား

Read more...

သဟဇာတပစ္စည်း + အညမညပစ္စည်း


019-ThaHaZaTa+[7]ANyaMaNya.mp3 -


Read more...

မီးငြှိမ်းပေးမယ့် ဘလော့ဂါအဖြစ်သို့...

ဒါကတော့ ဘလော့တွေမှာ.. ဖိုရမ်တွေမှာ.. ဘယ်နေရာမှာပဲ ဖြစ်ဖြစ်ပါ.. စာရေးသူတွေ သတိထားရမယ့် အချက်တစ်ချက်ပေါ့။ ကျွန်တော်လည်း တအားကြီး သိလွန်းတတ်လွန်းလို့ ရေးလိုက်တာ မဟုတ်ပါဘူး..။ ဘလော့တွေမှာ စာတွေလိုက်ဖတ်ရင်းနဲ့ ဘလော့ဂါနဲ့ သူခိုးဆိုတဲ့ ပိုစ့်လေး ဖတ်လိုက်ရပြီး တော်တော်လေးကို လန့်သွားပါတယ်။ ကျွန်တော်တို့လို ဘလော့မှာ စာတွေ ရေးသားနေတဲ့ လူတွေအတွက် သတိပြုသင့်တဲ့ အချက်လေးပါပဲ။ ဒါလေးကို သတိပေးချင်တဲ့ အတွက်လည်း ဒီပိုစ့်လေးကို ရေးဖြစ်သွားတာပါ။ ကိုယ့်ကိုကိုယ်လည်း သတိပေးတဲ့အနေနဲ့ပါပဲ။ ရွှေလမ်းငွေလမ်းဝင်းကြည်ဘလော့မှာ စာရေးသားနေတဲ့ ဦးကြည်ကလည်း ဒီအကြောင်းလေး ရေးပေးပါဆိုတဲ့အတွက် ရေးပေးလိုက်တာပါ။

ကွန်ပျူတာကို မြွေလားရွှေလားလို့ မေးထားတဲ့ပို့စ်မှာ.. ကိုယ်ကမကောင်းတဲ့ စိတ်နဲ့ ကလစ်တစ်ခုကို နှိတ်လိုက်ရင် ကီးဘုတ်က စာတစ်လုံးရိုက်လိုက်ရင် အပါယ်ငရဲမှာ မီးမွှေးတာနဲ့ တူတယ်ဆိုတဲ့ စကားလေး သုံးနှုံးထားပါတယ်။ ဒါက ကွန်ပျူတာကို အမြဲတမ်း ကိုင်တွယ်ထိတွေ့နေရတဲ့ လူအများစု အတွက်ပါ။ အခုဖော်ပြမဲ့ အချက်ကကျတော့ ပိုပြီးတော့ အရေးကြီးပါတယ်..။ ကိုယ်တိုင်အပါယ်မီးမွှေးပြီးတော့ ကိုယ်တိုင်ခံစားလိုက်ရတာဟာ ဘာမှ အကြောင်းမဟုတ်ပါဘူး.. ကိုယ်လုပ်လို့ကိုယ်ခံရတဲ့ သဘောပါ။ အခုမွှေးမဲ့မီးကျတော့ ကိုယ်မွှေးတဲ့ အကုသိုလ်မီးက များရင်များသလို အလောင်ခံနေရမယ့် လူတွေမှာပါ ဆိုးကျိုးတွေများစွာနဲ့ အပါယ်မီးတွေ လောင်စေမဲ့မီးပါ။ ကိုယ်မွှေးတဲ့မီး ကြီးရင်ကြီးသလောက် အလောင်ခံနေရမယ့် လူတွေမှာလည်း ကြီးသွားနိုင်ပါတယ်။ ဒါ့ကြောင့် ကိုယ်က မီးမွှေးနေတာလား? မီးငြိမ်းနေတာလားဆိုတာ စာရေးသူတွေအနေနဲ့ အရင်ဆုံး သိဖို့ အရေးကြီးပါတယ်..။

အရင်ဆုံး ဘလော့ဂါနဲ့ သူခိုးအကြောင်း ပိုစ့်လေးကို အနည်းငယ် ဖော်ပြချင်ပါတယ်။ ဘလော့ဂါနဲ့ သူခိုးဟာ ငရဲအတူတူ ကျတယ်ပေါ့..။ သူတို့ နှစ်ယောက်ကို ငရဲမင်းက အောက်မှာ မီးတွေ မွှေးပေးထားပါတယ်။ အဲ့ဒီမှာ နှစ်ကြာလာတာနဲ့အမျှ သူခိုးရဲ့ ငရဲမီးက သေးသေးလာပြီးတော့.. ဘလော့ဂါရဲ့ ငရဲမီးက တဖြေးဖြေး များပြားလာပါတယ်တဲ့။ ဒါနဲ့.. ဘလော့ဂါက ဓမ္မကမတရားဘူးဆိုပြီး ထအော်ပါတယ်။ သူက ဘယ်လိုထင်လည်းဆိုတော့ ငါ့လိုစာရေးတဲ့ လူတစ်ယောက်က သူခိုးခိုးတဲ့လူထက် ငရဲသက်ပိုကြာရတာဟာ ဓမ္မက မတရားတဲ့ သဘောသက်ရောက်နေပြီလို့ ထင်တဲ့တွက်ပါ။ ဒီအချိန်မှာပဲ သူ့စာကိုဖတ်ပြီး ငရဲကျနေတဲ့ ငရဲသားတွေ ရောက်လာပြီးတော့.. မင်းရေးတဲ့ အကုသိုလ်ရစေမယ့် စာတွေကြောင့် ငါတို့တွေ အယူမှားပြီး အပါယ်ငရဲမှာ ဘ၀ပေါင်းများစွာ ခံနေရတယ်ဆိုတဲ့ အကြောင်းပြောတော့မှပဲ ဘလော့ဂါဟာ သူ့အကြောင်းကို မှားမှန်းသိပြီး နောင်တကြီးစွာ ရရှိသွားပါတယ်ဆိုတဲ့ အကြောင်းလေးကို ဖော်ပြရေးဖွဲ့ထားတာပါ။ ဒီအကြောင်းအရာလေးဟာ ပုံပြင်တစ်ပုဒ်လို ဖြစ်ချင်ဖြစ်နိုင်ပေမယ့် သင်ခန်းစာယူစရာ အကြောင်းအရာလေး တစ်ခုပါ။ ဘာမှမဖြစ်သလို နေမယ်ဆိုလည်း နေလို့ရနိုင်သလို.. တကယ်တမ်း ဆန်းစစ် လေ့လာ ကြည့်မယ်ဆိုရင်လည်း သတိထားလိုက်နာပြီးတော့ သင်ခန်းစာယူရမယ့် အချက်လေးပါပဲ။

ဒီအချက်ကို ဆရာတော်အရှင်ဇ၀န ရေးသားတဲ့ အတွင်းရန်သူစာအုပ်ထဲက အကြောင်းအရာလေးနဲ့ ဖော်ပြပေးလိုပါတယ်။ လယ်တီဆရာတော်ဘုရားကြီး ရှိစဉ်အခါတုန်းက လယ်တီဆရာတော်ကို မြန်မာတစ်ပြည်လုံးမှာ ထင်ရှားကျော်ကြားတဲ့ ဇာတ်မင်းသားကြီး ဦးဖိုးစိန်က လာရောက် ဖူးမြော်တဲ့ အချိန်ပေါ့။ လယ်တီဆရာတော် ဘုရားကြီးက ဘယ်သူလဲလို့ မေးလိုက်တဲ့အချိန်မှာ.. ဦးဖိုးစိန်က တပည့်တော် ဇာတ်မင်းသားဖိုးစိန်ပါဘုရားလို့ လျောက်ပါတယ်တဲ့။ ဒါနဲ့ လယ်တီဆရာတော်ဘုရားကြီးက သြော်..ဒါဖြင့် မင်းက မြန်မာတစ်ပြည်လုံးကို မီးလှည့်ရှို့နေတဲ့ ဒကာကြီးပဲလို့ ပြောလိုက်တယ် ဆိုတဲ့အချက်လေးပါ။ လယ်တီဆရာတော်ဘုရားကြီးရဲ့ ဆိုလိုရင်းကတော့.. လူတွေရဲ့ သန္တန်မှာ လောဘမီး၊ ဒေါသမီးတောက်အောင် လုပ်ပေးနေတာဟာ လူတွေကို မီးရှို့နေတာနဲ့ အတူတူပဲဆိုတဲ့သဘောလေးကို ဦးဖိုးစိန်သိသွားအောင် စကားလေး တစ်ခွန်းမိန့်လိုက်တဲ့ သဘောလေးပါပဲ။

နောက်တစ်ယောက်ကတော့ ကမ္ဘာမှာ ထင်ရှားကျော်ကြားခဲ့တဲ့ စာရေးဆရာကြီး တော်စတွိုင်းအကြောင်းပါ။ တော်စတွိုင်းဟာ စစ်နှင့်ငြိမ်းချမ်းရေးဝတ္ထုကြီးကို ဇွဲကြီးကြီးနဲ့ နှစ်ပေါင်းများစွာ အကြိမ်များစွာ ရေးသားခဲ့သူပါ။ ဒီဝတ္ထုနဲ့ပဲ ကမ္ဘာကျော်ခဲ့တာပါ။ ဒါပေမယ့် နောက်ဆုံးမှာ သူ ဒီဝတ္ထုကြီးကို ရေးမိတဲ့ အတွက် အရှက်ကြီး ရှက်ခဲ့မိတယ် ဆိုတဲ့ အကြောင်းကို ၀န်ခံခဲ့ပါတယ်။ တော်စတွိုင်းက ဘယ်လိုပြောခဲ့လဲဆိုတော့.. သူရေးတဲ့ ၀တ္ထုအထဲမှာ အကျိုးမရှိ ပြိန်ဖျင်းပြီး အနှစ်သာရမရှိတဲ့စကားတွေ များစွာပါတဲ့အတွက် အင်မတန် စိတ်မကောင်း ဖြစ်ခဲ့ပါတယ် တဲ့။ တော်စတွိုင်းဖြစ်ရပ်မှ သင်ခန်းစာ ထုတ်ယူမယ်ဆိုရင်တော့ မိမိရေးသားသောစာသည် လိုချင်တပ်မက်သော လောဘမီး၊ စိတ်ဆိုးအမျက်ထွက်သော ဒေါသမီး၊ တွေဝေမိုက်မဲသော မောဟမီး၊ ငါရှိ ငါသိဟု ထောင်လွှားတတ်သော မာနမီး၊ စိတ်ကို လေးလံထိုင်းမှိုင်းစေတတ်သော ထိနမီး၊ အကုသိုလ်ကို မရှက်သော အဟိရိကမီး ဆိုတဲ့ မီးပေါင်းများစွာကို သူကိုယ်တိုင်မွှေးခဲ့ပြီး လူတွေကိုပါ မီးတွေ ကူးစေခဲ့တဲ့အတွက် နောက်ဆုံးမှာ စိတ်မကောင်းဖြစ်ရတယ်လို့ ၀န်ခံသွားတဲ့သဘောပါ။

ဒီအပေါ်ကအချက်တွေကို ကြည့်မယ်ဆိုရင်.. စာရေးတဲ့သူတွေအနေနဲ့ သတိထားရေးသားဖို့ အင်မတန် အရေးကြီးပါတယ်။ မိမိရေးလိုက်တဲ့စာဟာ မိမိသူတစ်ပါး အကျိုးများစေမယ့် စာလား? အနှစ်သာရရှိရဲ့လား? အားလုံးအတွက် ကောင်းကျိုးဖြစ်စေမယ့် စာလား? စာဖတ်သူအတွက် အသိပညာ အတတ်ပညာတိုးစေမယ့် စာလား? ဆိုတာ ကိုယ်တိုင်နားလည် စီစစ်ရေးဖို့ဟာ အင်မတန် လိုအပ်ပါတယ်။ မိမိရေးလိုက်တဲ့ စာတစ်ကြောင်းကြောင့် တဖက်သားမှာ လောဘတွေ တိုးလာမလား? ဒေါသတွေ တိုးစေမလား? မောဟတွေ ဖြစ်စေနိုင်တဲ့ စာမျိုးတွေလား? ဆိုတာဝေဖန်စီစစ်ဖို့ လိုအပ်ပါတယ်။ ဒါမှလည်း တော်စတွိုင်းလို နောက်မှနောင်တရတဲ့သူအဖြစ်မှ ကင်းဝေးနိုင်သလို.. ဇာတ်မင်းသားကြီး ဦးဖိုးစိန်လိုလည်း တပါးသူကို မီးရှို့သူ မဖြစ်မှာပါ။

ဆရာတော်တစ်ပါး ဆုံးမဖူးတာ မှတ်သားမိပါတယ်.. လူမိုက်တစ်သောင်း ချီးမွမ်းရှောင်းလည်း လူကောင်းတစ်ယောက် ပြစ်တင်ကြောက်လော့ ဆိုတဲ့ စကားလေးပါ။ အသိအလိမ္မာဥာဏ်ပညာ နည်းသူတွေရဲ့ ချီးမွမ်းထောပနာစကားတွင် နှစ်သက်မနေပဲ ဥာဏ်ပညာပြည့်ဝတဲ့ သူတော်ကောင်းများ အပြစ်တင် အကဲ့အရဲ့မခံရဖို့ရာကို ပိုပြီး ဂရုစိုက်ဖို့ လိုတယ်ဆိုတဲ့ အချက်လေးပါ။ ဒီအချက်လေးအတိုင်းပါပဲ.. ကိုယ်ရေးလိုက်တဲ့ စာတစ်လုံး စာတစ်ကြောင်းဟာ သူတော်ကောင်းတွေ ချီးမွမ်းစေတဲ့ စာမျိုးဖြစ်လား မဖြစ်လားဆိုတာ ကိုယ်တိုင် ဝေဖန်စီစစ်ပြီး ရေးဖို့ အရေးကြီးပါတယ်။ ဒါမှလည်း မိမိရေးလိုက်တဲ့ စာတစ်လုံးဟာ ဖတ်နေတဲ့ လူအတွက်ရော မိမိအတွက်ပါ အကျိုးများနိုင်သလို.. သူများအကျိုးကို ဆောင်နေရင်းနဲ့ ကိုယ့်အကျိုးပါ အောင်နေမယ်ဆိုတာ မလွဲမသေပါပဲ။ စာရေးသူအပေါင်းလည်း.. ထာဝရမီးငြှိမ်းပေးနေတဲ့ ဘလော့ဂါများ ဖြစ်ကြပြီးတော့.. စာဖတ်သူအပေါင်းလည်း ထာဝရမီးငြိမ်းနိုင်ကြပါစေ..။။။

Read more...

ဂုဏ်တော်ကိုးပါးလေးဆယ့်ငါး

ဂုဏ်တော်ကိုးပါးလေးဆယ့်ငါး

၁။အရဟံ+ဘဂ၀ါ
(ဂုဏ်တော်နှစ်ပါးကိုရွတ်ဆိုအာရုံပြုကာတစ်ရာ့ရှစ်လုံးပုတီးဖြင့်(၁၀)ပတ်စိပ်ပါ)
၂။သမ္မာသမ္ဗုဒ္ဓေါ+ဗုဒ္ဓေါ
(ဂုဏ်တော်နှစ်ပါးကိုရွတ်ဆိုအာရုံပြုကာတစ်ရာ့ရှစ်လုံးပုတီးဖြင့်(၁၀)ပတ်စိပ်ပါ)
၃။ဝိဇ္ဇာစရဏသမ္ဗန္နော+သတ္တာဒေ၀မနုသာနံ
(ဂုဏ်တော်နှစ်ပါးကိုရွတ်ဆိုအာရုံပြုကာတစ်ရာ့ရှစ်လုံးပုတီးဖြင့်(၁၀)ပတ်စိပ်ပါ)
၎။သုဂတော+အနုတ္ထရောပုရိသဓမ္မသာရထိ
(ဂုဏ်တော်နှစ်ပါးကိုရွတ်ဆိုအာရုံပြုကာတစ်ရာ့ရှစ်လုံးပုတီးဖြင့်(၁၀)ပတ်စိပ်ပါ)
၅။လောက၀ိဒူ
(ဂုဏ်တော်တပါးတည်းရွတ်ဆို
အာရုံပြုကာတစ်ရာ့ရှစ်လုံးပုတီးဖြင့်(၅)ပတ်စိပ်ပါ)

ခြေလေးချောင်းသားရှောင်နိုင်လျှင် ပိုကောင်းဧ။်
သက်သက်လွတ်စားနိုင်ပိုပြီး ကောင်းဧ။်..
သီလလုံရမည်ပုတီးစိပ်စဉ်အတွင်း...

--
ဒေါင်းမင်း

Read more...

ကိုသုခ(သုခရိပ်)၏ဓမ္မလက်ဆောင်










မနေ့ကသားကိုသုခမွေးနေ့မှာအံတီ ကဘာမှမပေးလိုက်ရဘူး။သားလည်း စိတ်ချမ်းသာ ကိုယ်ကျန်းမာစွာ အဘိုးတန်သားကောင်း ရတနာဖြစ်ပါစေကွယ်။အဘိုးတန် ဓမ္မ Wall Paper များအတွက်ကျေးဇူးအထူးတင်လျက်---

Read more...

*တီလေးသစ္စာအလင်းသို့ ပေးစာ (မမေ့ကြေးနော် တီလေး)*

တီလေးရေ…

ဒီနေ့ (10.07.2009) ရက်နေ့ကို တီလေး မွေးနေ့လို့ မထင်ဘူး.. ကိုဝင်းမြင့်ရဲ့ မေးလ်ဝင်လာတော့ ၁၀-ရက် နေ့လည်း ဆိုရော နည်းနည်း အံ့သြသွားတယ် သား.. ဒါပေမယ့် သား မယုံသေးဘူး.. ဘာလို့လဲ ဆိုတော့ တီလေးနဲ့ သား စကားပြောတုန်းက တီလေး ရိုက်ပေးတာ ၂၀-ရက်နေ့ ဖြစ်နေတာ.. အဲဒါကြောင့် မယုံတာ.. တီလေး ဘလော့ကို ၀င်ကြည့်မိမှ တီလေး မွေးနေ့မှန်း သိလိုက်ရတယ်..

တီလေးရေ.. တီလေးလို သူများကိုလည်း သိအောင်၊ ကိုယ်တိုင်လည်း သိအောင် လုပ်ဆောင်နေတဲ့ ပုဂ္ဂိုလ်တစ်ယောက်ကို ပေးဖို့ ထိုက်တန်တဲ့ စကားတွေ သားမှာ မရှိပါဘူး.. နောက်ပြီး သားပြောတဲ့ စကားတွေကလည်း တန်ဖိုး မဲ့နေပါလိမ့်မယ် တီလေး.. တီလေးနဲ့ ထိုက်တန်တာက ဘုရား အဆုံး အမတွေပဲ ရှိတာပါ..။ အဲဒီတော့ သား တီလေး မွေးနေ့ အတွက် ဘာပေးရမလဲ စဉ်းစားကြည့်တော့ တီလေးနဲ့သား အကြိုက်တူတာ လေးကို သတိရသွားတယ်… ဘုရားရဲ့ နှုတ်တော်က မြွက်ကြားခဲ့တဲ့ စကားလေ တီလေး.. နောက်ဆုံး ပရိနိဗ္ဗာန် စံဝင်ခါနီးမှာ မြွက်ကြား သွားတာ…

ဟန္ဒဒါနိ ဘိက္ခဝေ အာမန္တယာမိဝေါ၊ ၀ယဓမ္မာသင်္ခါရာ အပ္ပမာဒေန သမ္ပါဒေထ” ဆိုတဲ့ စကားလေ တီလေး..

ဒီစကားလေးကို ဖော်ကျူး ပူဇော်ထားတဲ့ ဘုန်းဘုန်း ဦးကောသလ္လရဲ့ တရားသိမ်းလေးကို သားဘလော့မှာ တီလေး လာလာ နားထောင် တရားနာတယ်လို့ တီလေး ပြောကတည်းက တီလေးနဲ့သား အကြိုက် တူနေတယ် ဆိုတာကို သိခွင့်ရခဲ့တာပါ… သားလည်းလေ ဘုန်းဘုန်း ဦးကောသလ္လရဲ့ တရားတစ်ပုဒ်ကို ပထမဆုံး နာကြားမိ ကတည်းက ဒီတရားသိမ်း လေးကို တအား သဘောကျ ကြည်ညိုခဲ့ တာပေါ့… ကြည်ညို လွန်းလုိ့ ခဏခဏ နားထောင်တာ အလွတ်ကို ရနေပြီ တီလေး…

သား ပထမဆုံး နာကြားခဲ့မိတာက “ဆူးကင်းသော နှင်းဆီပန်းများ” ဆိုတဲ့ တရားပါ… ဒီတရားဟာ သံဃာတော် တွေကို နှင်းဆီပန်းပမာ တင်စားပြီး ဟောကြားထားတာ တီလေး… သား အပြင်မှာ လူကိုယ်တိုင် နာကြားခဲ့ရတာ… ဘုရား တရား သံဃာ ရတနာသုံးပါးလုံးကို တစ်ပြိုင်တည်း တစ်နေရာ တည်းမှာ ကြည်ညို လိုက်ရတာပေါ့… အဲဒီမှာ သား ကြည်ညိုခဲ့ရတဲ့ ဘုရားရှင်ရဲ့ နောက်ဆုံးစကား ဘုန်းဘုန်းရဲ့ တရားသိမ်း လေးကို တီလေးရဲ့ မွေးနေ့လက်ဆောင် အဖြစ် ပူဇော် ရေးသားလိုက် ပါရစေ…။ “ဆူးကင်းသော နှင်းဆီပန်းများ” တရားထဲက အတိုင်း သားမှတ်မိသမျှ ဘုန်းဘုန်းရဲ့ စကားသံလေး တွေပါ ထည့်သွင်း ရေးသား ပေးလိုက်ပါတယ် တီလေး…။

++++++++++++++++++++++++++++++++++++++++++++

==အရှည်တွင် သံသရာ၊ အခြေ ကတော့..တဏှာ
==သံသရာကို တိုအောင်ဖြတ်၊ တဏှာကို သေအောင်သတ်
==တောင်တွင်လျှင် မြင့်မိုရ်၊ မြင်းတွင်လျှင် သတိုးဂုဏ်..ရှိရာဆိုခဲ့မည်
==မြင့်မိုရ်ကို ပုံပြုလို့ ကုသိုလ်ကို များအောင်စု ကောင်းမှုကို များအောင်ကြံ
==သတ္တ၀ါ ကောင်းမကောင်း အကြောင်းကံ.. ကသာ စီမံတော့သည်
==ကံသာလျှင် အမိ ကံသာလျှင် အဖဆိုတာကတော့ လောကစကား
==ဉာဏ်သာလျှင်.. အမိ ဉာဏ်သာလျှင် အဖဆိုတာ ကတော့..ဂေါတမ ဘုရားရှင်ရဲ့ တရား
==ဟောပြလို့ ထားခဲ့တာက

==*ဟန္ဒဒါနိ ဘိက္ခဝေ၊ အာမန္တရာမိဝေါ…၊ ၀ယဓမ္မာ သင်္ခါရာ၊ အပ္ပမာဒေန သမ္ပာဒေထ*။

==ဘိက္ခဝေ.. စစ်ပါးနပ်တဲ့ ချစ်သားမြတ်တို့
==ဟန္ဒာ.. သက်တော်ရှစ်ဆယ် ၀ါလေးဆယ့်ငါး မရပ်မနားဘဲ
==တရာရေအေး အမြိုက်ဆေးကို တိုက်ကျွေးတော် မူခဲ့ရသဖြင့်
==ခန္ဓာတော် ရိနွမ်း၍ ငါကိုယ်တော် အရှင်မြတ် တကယ်ပင် ပင်ပန်းခဲ့ရ လေပြီ

(တကယ်ကို ပင်ပန်း ပါတယ်.. ဒါကြောင့် ဘုန်းကြီးတို့လေ မနေ့ကလည်း မော်လမြိုင်၊ ဒီနေ့လည်း ပုသိမ် တရားနှစ်ပွဲ ဆက်ဟောတယ်၊ သက်သာခြင်း မရှိပါဘူးလေ.. ဒါပေမယ့်လည်း မြတ်စွာ ဘုရားရှင်ရဲ့ အမေ ဒေါ်တင်လှက ဟိုး ငယ်ငယ် ကတည်းက သင်ပေးခဲ့တဲ့ ဒီလင်္ကာလေးကို ရွတ်ဆိုလိုက်ရလို့ ဘုရား ကျေှးဇူးနဲ့ မိဘကျေးဇူးကို တပြိုင်နက်တည်း ဆပ်တယ်လို့ ယူဆ လိုက်တာ ဖြစ်ခြင်းကြောင့် နွမ်းသမျှတွေ မောသမျှတွေ ပြေခဲ့ရပါတယ်..)

==ဒါနိ.. ဒါနိ ယခုအခါ ကာလ၌ (၀ါ)
==ကုသိနာရုံ ပင်မျိုးစုံသည့် ရဂုံသာမော အင်ကြင်းတောဝယ် မြောက်သို့ ဦးခေါင်းပြုကာ
==ထေရ်ပေါင်းခြံရံ.. နန်းနိဗ္ဗာန်သို့.. ၀င်ဆံမည့်ဆဲဆဲ ချိန်ခါထဲ၌
==သြော်… ရင်သွေးရတနာ သားသက်လျာဟု ကရုဏာသက်ထား သင်ချစ်သား တို့အား
==အာမန္တရာမိ ..သတိတရား၊ အသိ မမှားရ အောင်လို့ ထင်ထင် ရှားရှားကြီး မိန့်ကြားတော် မူခဲ့ပါအံ့

==သင်္ခါရာ.. အစဉ်ထာဝရ ဘင်မှာကျပြန်တော့
==ခင်မင်စရာ တစ်စက်ကယ်မျှ မရှိပါတဲ့
==ဒီဓမ္မာရုံ အဘိသင်္ခါရ တရားတို့သည်
==၀ယဓမ္မာ... ပျက်စီးခြင်းသဘော ရှိကြပါပေကုန်၏
==၀ယဓမ္မာ… လှစ်ခနဲ လှစ်ခနဲ လှစ်ခနဲ လှစ်ခနဲနဲ့ အဖြစ်ကလည်း မစဲ.. အပျက်ကလည်း မစဲနိုင်တာမို့
==ထိတ်စရာတမျှ အ၀ိဇ္ဇာက စတာကြောင့်..
==ဟေ.. ယောဂီတို့ရေ.. စိတ်သာ ချကြပေတော့
==အနိစ္စ ၀တ တို့ပါတကား၊ ဒုက္ခ၀တ တို့ပါတကား… အနတ္တ.. ၀တတို့ပါတကား

==အပ္ပမာဒေန.. မမေ့မလျော့ မပေါ့မဆ မြဲမြံတဲ့ သတိတရား တို့ဖြင့်..
==သမ္ပာဒေထ.. ကိုယ်စီကိုယ်ငှ ပြည့်စုံကြပါ ကုန်လော့
==သမ္ပာဒေထ.. မြင်ရာမှာလည်းမမေ့နဲ့၊ ကြားရာမှာလည်း မမေ့နဲ့၊ စားရာမှာလည်း မမေ့နဲ့၊ သွားရာမှာလည်း မမေ့နဲ့၊ နံရာမှာ လည်းမမေ့နဲ့..
==ထိရာ တွေ့ရာ သိရာတို့မှာလည်း မမေ့လိုက်ကြပါနဲ့
==မေ့တတ်တဲ့ ၀ါသနာတွေကို.. မေ့တတ်တဲ့ ၀ါသနာတွေကို...>>
==တစ်နေ့မကြာ.. မကြာ သတိသွင်းကြ လေကုန်လော့
==သြော်.. ဒီကနေ့ တရားတော်နာ ကြွရောက် လာကြကုန်သော.. တရားနာ ပရိသတ်အပေါင်း သူတော်ကောင်း တို့သည်
==အပ္ပမာဒခေါ် သူတော်ကောင်း တရားတို့ကို ကျင့်ကြံနိုင်ကြပါစေ ကုန်ရာသတည်း…။

(သာဓု၊ သာဓု၊ သာဓုပါ အရှင်ဘုရား)

++++++++++++++++++++++++++++++++++++++++++++

တီလေးရေ.. မမေ့ကြေးနော်..
တီလေး ကျန်းမာပါစေ။

လေးစားရိုသေစွာဖြင့်
ဖိုးသား

7/10/2009 8:36:05 AM



Read more...

ဆပ်နိုင်ကြစေ ကျေးဇူးတွေ...

ရဟန်းတို့...
နှစ်ဦးသော သူတို့ကို လွယ်ကူစွာ ကျေးဇူးတုံ့ပြုနိုင်သည်ဟု ငါမဟော

အဘယ်နှစ်ဦး တို့နည်း ဟူမူ

...မိခင်နှင့် ဖခင်တို့ပေတည်း...


ရဟန်းတို့ သားသမီးဖြစ်သော သူသည် အသက်တရာတန်း၌ ဖြစ်၍ အနှစ်တရာ ပတ်လုံး အသက်ရှည်ကာ ပခုံးတဖက်ဖြင့် အမိကို ဆောင်ယူ၍ လုပ်ကျွေး ပြုစုရာ၏၊ ပခုံးတဖက်ဖြင့် အဖကို ဆောင်ယူ၍ လုပ်ကျွေးပြုစုရာ၏။ ထိုသားသမီးဖြစ်သူသည် ထိုအမိအဖတို့အား အနံ့အသက်ကင်းအောင် အမွှေးအကြိုင်လိမ်းပေးခြင်း အညောင်း အညာပြေအောင် နှိပ်နယ်ပေးခြင်း ရေပူရေအေးချိုးပေးခြင်း ခြေဆုပ်လက်နယ် ပြုခြင်း ဖြင့် လုပ်ကျွေးပြုရာ၏။

ထိုအမိအဖတို့သည်လည်း ထိုသားသမီးတို့ ပခုံးပေါ်၌ပင်လျှင် ကျင်ကြီး ကျင်ငယ်ကို စွန့်ကုန်ရာ၏။ ရဟန်းတို့ ဤသို့ပင် ပြုစုပါစေသော်လည်း အမိအဖတို့အား ကျေးဇူးပြု ခြင်းသည်၎င်း ကျေးဇူး တုံ့ပြုခြင်းသည်၎င်း မဖြစ်နိုင်သေးသည် သာတည်း။ ရဟန်းတို့ အကြင်သူသည်ကား များစွာသော ရတနာရှိသော ဤ မဟာပထဝီ မြေကြီးကို အုပ်ချုပ် စိုးပိုင်သော မင်းစည်းစိမ်၌ အမိအဖတို့ကို တည်နေစေရာ၏။


ရဟန်းတို့
ဤသို့ပင် ပြုစုပါသော်လည်း အမိအဖတို့အား
ကျေးဇူးပြုခြင်းသည်၎င်း ကျေးဇူးတုံ့ပြန်ခြင်းသည်၎င်း
မဖြစ်နိုင်သေးသည်သာတည်း။

ထိုသို့ ဖြစ်ခြင်းသည် အဘယ်ကြောင့်နည်း ဟူမူ-
ရဟန်းတို့ အမိအဖတို့သည် သားသမီးတို့အား များသော ကျေးဇူးကို ပြုကြသူ ကြီးပွားလာအောင် စောင့်ရှောက်ကြသူ မွေးကျွေးကြသူ ဤလောက၌ ပြသကြသူ ဖြစ်ကြသောကြောင့်တည်း။ ရဟန်းတို့ အကြင်သူသည်ကား သဒ္ဓါတရားနှင့် ပြည့်စုံ ခြင်းငှာ ဆောက်တည်စေ၏။ သက်ဝင်စေ၏၊ တည်စေ၏။ သီလမရှိသော အမိအဖတို့ကို သီလနှင့် ပြည့်စုံခြင်းငှာ ဆောက်တည်စေ၏။ သက်ဝင်စေ၏။ တည်စေ၏၊ ဝန်တိုခြင်း မစ္ဆရိယ ရှိကုန်သော အမိအဖတို့ကို စွန့်ကြဲပေးကမ်းခြင်းနှင့် ပြည့်စုံခြင်းငှာ ဆောက်တည်စေ၏၊ သက်ဝင်စေ၏၊ တည်စေ၏။ ရဟန်းတို့ ဤသို့သော ပြုစုခြင်းဖြင့်သာလျှင် အမိအဖတို့အား ကျေးဇူးပြုခြင်းသည်၎င်း ကျေးဇူးတုံ့ပြုခြင်း သည်၎င်း ဖြစ်နိုင်၏ ဟု မိန့်တော်မူ၏။ 34 - 2

သမစိတ္တ၀ဂ်၊ ဒုကနိပါတ်၊ အင်္ဂုတ္တိုရ်ပါဠိတော်။


Read more...

ကံ ကံ၏အကျိုး ( ၆၇ )

( စေတနာအကျိုး သိန်းဆုတိုး )

ဦးပွေးသည် ကန့်ဘလူမြို့နယ် ကျွန်းပင်ကုန်းရွာသား ဖြစ်သည်။ လမ်းဘေးတွင် အကြော်ဆိုင်နှင့် လက်ဖက်ရည်ဆိုင် ဖွင့်ပြီး အသက်မွေးဝမ်းကျောင်း ပြုနေသည်။ ဆောင်းပိုင်း-နွေပိုင်းရောက်လာလျှင် ဦးပွေး၏ အရောင်းဆိုင်မှာ ကြက်ပျံမကျ စည်ကားလှသည်။

အနယ်နယ်အရပ်ရပ်မှ ၀ါးခုတ်သူ၊ ထင်းခွေသူ၊ မှန်သမျှ ဦးပွေး၏ဆိုင်တွင်သာ စားကြ သောက်ကြသည်။ ဦးပွေး၏ စေတနာထားပုံကလည်း စံထားလောက်စရာ ဖြစ်သည်။
ထင်းခွေ ၀ါးခုတ် အလုပ်လုပ်သူတို့အတွက် အဆင်ပြေစေရန် အကြော်ဆိုင်နားတွင် ရေတွင်းတူးထားသည်။
လှည်းသမားတို့ နွားရေတိုက်ရန်၊ ချိုးရန် ဖြစ်သည်။ စားသောက်ပြီးသော ပန်းကန်ခွက်ယောက်များကိုလည်း ဆေးကြောရန်ဖြစ်သည်။

ထို့အပြင် လယ်သမားများ နားခိုရန် တဲတခုကိုလည်း ဆောက်ပေးထားသည်။ ရေသောက်သုံးရန်လည်း တဲဘေးပတ်လည်တွင် ရေအိုးစင်များ သပ်ရပ်စွာတည်ပေးထားသည်။ ရေအေး မသောက်လိုသူများအတွက် ရေနွေးကြမ်းအိုး ထည့်ပေးထားသည်။

ဦးပွေးသည် သူ့ဆိုင်တွင် ၀ယ်သည်ဖြစ်စေ၊ မ၀ယ်သည်ဖြစ်စေ ကြိုဆိုဧည့်ခံသည်။ မိမိဆိုင်တွင် ခေတ္တခဏ တည်းခို၍ စားသောက်နေသော လှည်းသမားများ တွေ့လျှင်လည်း ဆိုင်ရှိဟင်းကျန် ထမင်းကျန်များကို ခူးခပ် ထည့်ပေးသည်။

ထို့အတူ ဦးပွေးက စေတနာထားသလို လှည်းသမားများကလည်း ပြန်လှန်၍ စေတနာတုံ့ပြန်ကြသည်။ ထင်းတန်-ထင်း၊ ၀ါးတန်-၀ါး၊ စသည် ပေးခဲ့ကြသည်။ ဆန်-ဆီများ ကျန်လျှင်လည်း ပေးထားခဲ့ကြသည်။
ဦးပွေးသည် ထိုကဲ့သို့ စေတနာနှင့် ရောင်းဝယ်ဖောက်ကားနေထိုင်ခဲ့ရာ တရိပ်ရိပ်နှင့် ကြီးပွားချမ်းသာလာသည်။ ထို့ပြင် ထူးခြားသော ဖြစ်ရပ်တခုကား သူ၏စေတနာနှင့် ထိုက်တန်သော အကျိုးပေးကောင်းတခု ဖြစ်သည်။ ထိုအကျိုးပေးကား မင်္ဂလာစုံတွဲ ၅-သိန်းဆုကြီး ပေါက်ခြင်းဖြစ်သည်။

သို့ဖြင့် ဦးပွေးသည် ရွှေဘိုမြို့သို့ ပြောင်းရွေ့ခဲ့သည်။ ယခုအခါ ရွှေဘိုမြို့တွင် ဗွီဒီယိုပြသခြင်း၊ အကြော်ဆိုင် လက်ဖက်ရည်ဆိုင် ဖွင့်လှစ်ရောင်းချခြင်းဖြင့် ချမ်းသာစွာ နေထိုင်လျက် ရှိသည်။

( ကန့်ဘလူ ကံတင်အောင်-ပထ၀ီ )

( မြတ်မင်္ဂလာ ၁၉၉၉-ခု ဇန်န၀ါရီလ )



Read more...

ငါလဲမိန်းကလေး ဒီလိုဝဋ်ဒုက္ခမှ လွတ်ပါ့မလား... (ဓမ္မဒူတ အရှင်ပညာဇောတ (မေး-ဖြေ))

ဓမ္မဒူတ အရှင်ပညာဇောတ (မေး-ဖြေ)

ငါလဲမိန်းကလေး ဒီလိုဝဋ်ဒုက္ခမှ လွတ်ပါ့မလား...





































Read more...

လာလည်ကြသူများ

ဤဘလော့ဂ်၏ ရည်ရွယ်ချက်

ယခုအခါ ကမ္ဘာတလွှားတွင်ရှိနေကြသော ဓမ္မဘလော့ဂ်ဂါများသည် နေ့ စဉ်နှင့် အမျှ အင်တာနက် စာမျက်နှာများ ပေါ်တွင် ဓမ္မနှင့်သက်ဆိုင်သော အကြောင်းအရာ အမျိုးမျိုးကို ပို့ စ်များရေးတင်လျက် ရှိနေကြပါသည်။

ဘလော့ဂ်ဂါများမှ မိမိတို့ ၏ကိုယ်ပိုင် စာမျက်နှာများမှတဆင့် ရေးတင်နေကြသဖြင့် ဖတ်ရှုလေ့လာသူများအတွက် နေရာများစွာသို့  သွားရောက် ဖတ်ရှုနေကြရပါသည်။

ထို့ ကြောင့် စာဖတ်သူများ အချိန်ကုန်သက်သာစေရန်နှင့် မိမိတို့  ဖတ်ရှုလိုရာကို လွယ်လင့်တကူ ရှာဖွေနိုင်ရန် နေ့ စဉ်ရေးသား နေကြသော အကြောင်းအရာများကို တနေရာတည်းတွင် စုစည်းပေးလိုသော ရည်ရွယ်ချက်ဖြင့် ဤဘလော့ဂ်ကို စီစဉ်လိုက်ခြင်းဖြစ်ပါသည်။

ပြောချင်တာများရှိရင် ရေးပေးထားခဲ့ပါ

မြန်မာပြက္ခဒိန်

မြန်မာပြက္ခဒိန်
www.burmeseclassic.com မှ ကူးယူဖော်ပြပါသည်။

  © Blogger templates The Professional Template by Ourblogtemplates.com 2008

Back to TOP