လူဝင်စားခြင်းကိ သိပ္ပံနည်းကျလက်ခံခြင်း(၂)

ဗုဒ္ဓဘာသာသုတေသနဖောင်ဒေးရှင်း

အတွေးအခေါ်ပညာနဲ့ သိပ္ပံပညာရှင် ထောင်, ရာပေါင်းများစွာဟာ သဘာဝသစ္စာ ရှာဖွေမှုနောက်ကို နှစ်ထောင်ပေါင်းများစွာ ကြာအောင် လိုက်လံခဲ့ကြတယ်။ ဒါပေမဲ့ ရောက်ဖို့က အဝေးကြီးလိုသေးတာ ကလား။ တစ်ဖက်မှာ ဗုဒ္ဓဟာ သဘာဝရဲ့ တကယ့်သစ္စာကို သိပ္ပံပညာရှင်တွေရဲ့ လမ်းကွေ့ကွေ့ ကောက်ကောက် နောက်ကို လိုက်မနေဘဲနဲ့ လွန်ခဲ့တဲ့ နှစ်ပေါင်း ၂၅၀၀ ကတည်းက ထိုးထွင်းသိမြင်ခဲ့တယ်။ ထိုးထွင်းသိနဲ့ ကြောင်းကျိုးသိဟာ လူ့မနော ဆောင်ရွက်တတ်တဲ့ နည်းလမ်း နှစ်သွယ် ဖြစ်တယ်။ ဗုဒ္ဓဟာ သဗ္ဗညုတဥာဏ် ကိုရတဲ့အခါမှာ ပရမတ္တသစ္စာကို ထိုးထွင်းသိမြင်ခဲ့တယ်။ သိပ္ပံပညာရှင် တွေကတော့ ဥာဏ်အလင်းမရတဲ့ စိတ်ထောင်ပေါင်းများစွာနဲ့ ကြောင်းကျိုးသိကို အသုံးပြုနေတာ ဖြစ်တယ်။

ယနေ့ခေတ် ကမ္ဘာတစ်ဝှမ်းလုံးက လူတွေအတွက် သိပ္ပံနည်းကျ နည်းနာတွေဟာ အလွန်ပေါ်ပြူလာ ဖြစ်နေတယ်။ လူတွေဟာ သိပ္ပံပညာရှင်တွေ ပြောတဲ့ ဘယ်အရာကိုမဆို လက်ခံကြတယ်။ ဒီလိုဖြစ်ရတဲ့ အကြောင်းကတော့ သိပ္ပံပညာဟာ လူသားကို နည်းပညာတွေပေးပြီး ရုပ်ဝတ္ထုပစ္စည်းကြွယ်ဝမှု လူနေမှုအဆင့်အတန်းမြင့်မားမှုတို့ကို ခုန်ပျံကျော်လွှားပြီး ပေးလိုက်နိုင်လို့ပါပဲ။[ ဆက်ဖတ်ရန် +/- ]

ပေါ်ပြူလာဖြစ်လာတဲ့ သိပ္ပံပညာကိုတော့ ဒက်ကာတီစ် (Descartes) ဖရန်စစ်ဘေကွန်(Francis Bacon) အိုင်ဇက်နယူတန်(Isaac Newton) တို့က တည်ဆောက်ခဲ့ပါတယ်။ ဒီနယူတန်သိပ္ပံမှာ သိပ္ပံပညာရှင်တွေ ပရမတ္တသစ္စာကို မသွားနိုင်အောင် တားဆီးထားတဲ့ အကန့်အသတ်နှစ်ခု ရှိတယ်။ ယင်းတို့က သိပ္ပံပညာကို သုံးဖက်မြင်ရှုထောင့်ထဲမှာရှိတဲ့ ရုပ်ဝတ္ထုသက်သက်မှာ ကန့်သတ်ထားတယ်။ ထိုးထွင်းသိလမ်းစဉ်မှာတော့ ဒီအကန့်အသတ်တွေ မရှိဘူး။

ဒလိုင်လားမားက ခုလို မိန့်ကြားတယ်။

"သိပ္ပံနဲ့နည်းပညာဟာ လူ့အဖွဲ့အစည်းကို ကြီးမားတဲ့ အကျိုးကျေးဇူးပေးတယ်။ သို့သော် မြင့်မားတဲ့ နည်းပညာကြောင့်ပဲ တို့ဟာ စိတ်လှုပ်ရှား ကြောက်ရွံ့မှုတွေ ပိုရရှိတယ်။ စိတ်ဖွံ့ဖြိုးမှုနဲ့ ရုပ်ဖွံ့ဖြိုးမှုကို ဟန်ချက်ညီအောင် လုပ်ရမယ်လို့ ဘုန်းကြီး အမြဲခံစားရတယ်။ လူ့တန်ဖိုးတွေ ဆုံးရှုံးလိုက်ရရင် လူတွေဟာလည်း စက်ရဲ့ တစ်စိတ်တစ်ဒေသ ဖြစ်လာမယ်။ သုခ၊ ဒုက္ခကနေ လွတ်မြောက်မှာလည်း မဟုတ်ဘူး။ သုခ၊ဒုက္ခကနေ မလွတ်မြောက်ရင် အမှန်နဲ့ အမှားကိုလည်း ပိုင်းခြားဖို့ ခဲယဉ်းမယ်။ သုခနဲ့ဒုက္ခ ဆိုတာမှာ သဘာဝအားဖြင့် ဝေဒနာ၊ ၀ိဥာဏ်နဲ့ သညာ တို့ပါဝင်တယ်။”

သိပ္ပံနဲ့ နည်းပညာတို့နဲ့ ယှဉ်ပြီးသွားနေတဲ့ ဗုဒ္ဓဘာသာဝင်တွေရဲ့ နားလည်ကျင့်ကြံမှုဟာ လူသားတွေကို ဟန်ချက်ညီအောင် ထိန်းသိမ်းဖို့ အတွက် အရေးကြီးတယ်။ အိမ်မှာ၊ လူ့အသိုင်းအ၀ိုင်းမှာ ကမ္ဘာကြီးမှာ ရှိအပ်တဲ့ ငြိမ်းချမ်းရေးဟာ ဟန်ချက်ညီ လူ့အဖွဲ့အစည်းမှာပဲ ပေါ်ပေါက်နိုင်တာဖြစ်တယ်။

အိုင်းစတိုင်း(Albert Einstein) နဲ့ ထင်ရှားတဲ့ ၂၀ ရာစု သိပ္ပံပညာရှင်တွေဟာ သိပ္ပံကို ဒီကန့်သတ်မှုတွေကနေ ဆွဲထုတ်ပြီး ဗုဒ္ဓတရားတော်နဲ့ ပိုမိုနီးစပ်တဲ့ မော်ဒန်သိပ္ပံကို တည်ထောင်ခဲ့တယ်။ ယင်းက သိပ္ပံကို လမ်းကြောင်းမှန်ပေါ် တင်ပေးလိုက်ပြီး ဗုဒ္ဓဘာသာဟာ သိပ္ပံကိုလမ်းညွှန်တဲ့ အလင်းဖြစ်ကြောင်း သက်သေပြခဲ့တယ်။

အိုင်းစတိုင်းနဲ့ ၂၀ရာစု သိပ္ပံပညာရှင်တွေ သယ်ဆောင်လာတဲ့ သိပ္ပံပညာပါရာဒိုင်း ပြောင်းလဲခြင်းကြောင့် ထိပ်တန်း သိပ္ပံပညာရှင်တွေ ကြားမှာ ဗုဒ္ဓဘာသာကို စိတ်ဝင်စားမှု အလျင်အမြန် ကျယ်ပြန့်လာတယ်။ ဒီဖြစ်စဉ်မျိုး အခြားပုဂ္ဂိုလ်တွေဆီ အလျင်အမြန် ပျံ့နှံ့ရအောင်၊ ဗုဒ္ဓတရားတော်တွေရဲ့ လမ်းစဉ်နဲ့ အနက်အဓိပ္ပါယ်ကို သိပ္ပံယုံကြည်သူတွေ နားလည်၊လက်ခံ၊ ယုံကြည်မဲ့ ဘာသာစကားအဖြစ် ရောက်ရှိအောင် သုတေသန လုပ်ဖို့ လိုအပ်တယ်။

ဗုဒ္ဓဘာသာသုတေသနဖောင်ဒေးရှင်းရဲ့ လုပ်ငန်းကတော့ ဗုဒ္ဓတရားတော်တွေကို ကမ္ဘာသူ ကမ္ဘာသားများနဲ့ သိပ္ပံကို ဗုဒ္ဓဘာသာထက် ပိုမိုယုံကြည်နေတဲ့ ကျွန်ုပ်တို့ ကျောင်းသားကလေးငယ် တွေ နားလည် လက်ခံပြီး အသုံးပြုတတ်မဲ့ လမ်းစဉ်နဲ့ အနက်အဓိပ္ပါယ်ရအောင် သုတေသန ပြုလုပ်ဖို့ပဲ ဖြစ်တယ်။ သီရိလင်္ကာမှာရှိတဲ့ ကျောင်းသားကလေးငယ်တွေဟာ တရားလွန် ရုပ်ဝါဒနဲ့ ယန္တယားပုံစကြာဝဠာကို တင်ပြထားတဲ့ ၁၉ ရာစု သိပ္ပံပညာကိုပဲ သင်နေကြရတယ်ဆိုတာ အသိအမှတ်ထားသင့်တယ်။ သူတို့ဟာ ၂၀ ရာစု သိပ္ပံပညာအတွင်း ပါရာဒိုင်းပြောင်းလဲခြင်း ဖြစ်ပေါ်ခဲ့တယ် ဆိုတာကို သိဖို့ အခွင့်အရေး မရကြရှာဘူး။

အရှင်မာဒါဝလဥပါလိ

Posted by AHlaTaya at 5:50 AM

Read more...

နေ့တစ်နေ့ကို ဖြတ်သန်းခြင်း

(စာတွေရေးထားပြီးတော့ ပြန်စစ်ဖို့ အချိန်မရဖြစ်နေတယ်။ ဘာပဲဖြစ်ဖြစ် ဖတ်မိသူတွေ၊ ကြည့်မိသူတွေ အေးမြသော တောရနံ့လေးတွေနဲ့ အေးမြမှုလေးတွေ ရရှိပါစေဆိုတဲ့ စေတနာနဲ့ ဖြစ်သလို ရေးထားတဲ့ ဆောင်းပါးလေးတွေ တင်လိုက်ပါတယ်။ အမှားများပါခဲ့ရင် ခွင့်လွှတ်ပေးကြဖို့ ဖြစ်ပါတယ်)


တရားပြဆရာတော် ဒေါက်တာအရှင်ဇနိတနှင့် စာရေးသူတို့အဖွဲ့


ဒေါက်တာအရှင်ဇနိတ (သြစတေးလျ)မှ စာရေးသူတို့အား တရားစစ်မေးနေစဉ်

စိတ္တလတောင်ရဲ့ အရှေ့ဘက်တောင်ခြေမှာ သဘာဝရေကန်ကြီးတစ်ခု ရှိတယ်။ အဲဒီရေကန်ကြီးကနေ သောက်ရေသုံးရေကို ယူကြရတာ။ ညနေဆိုရင် အဲဒီရေကန်ဘေးက သစ်ပင်တွေမှာ ငှက်ကြီးတွေ ရောက်ရောက်လာပြီး တစ်ညတာ ခိုနားလေ့ရှိကြတယ်။ စာရေးသူတို့ရဲ့ နေ့ခင်းတရားအားထုတ်ချိန်က ညနေ ခြောက်နာရီဆို ပြီးပါတယ်။ စာရေးသူတို့မှာ ညနေဆိုရင် နာရီမလိုဘူး။ တရားထိုင်ရင်း အဲဒီငှက်ကြီးတွေ အရပ်လေးမျက်နှာ မိမိတို့ကျက်စားရာအရပ်မှ ပြန်လာပြီး အော်မြည်နေတဲ့အသံကြားရင် ခြောက်နာရီထိုးတော့မယ်ဆိုတာ သေချာသိရတယ်။ အကောင်ရေကလဲ မနည်းဘူး။ အနည်းဆုံး အကောင်တစ်ရာဝန်းကျင်တော့ ရှိမယ်။ အကောင်ကကြီးလို့လားတော့ မသိဘူး။ အော်မြည်တဲ့အသံကလဲ အကျယ်ကြီးပဲ။ များသောအားဖြင့် အိပ်တန်းကို ပြန်လာကြတာကတော့ အုပ်စုလိုက်အုပ်စုလိုက်တွေပဲ။ ဒါပေမယ့် သစ်ပင်ပေါ်နားကြပြီဆိုရင်တော့ နှစ်ကောင်တစ်တွဲတွေ များတယ်။ သူတို့က အချိန်မှန်တယ်။ မနက်ဆိုရင်လဲ ငါးနာရီဝန်းကျင်လောက် အိပ်ယာထ အသံတွေပေးပြီး ခြောက်နာရီလောက်ဆိုရင် အရပ်မျက်နှာအသီးသီးကို အုပ်စုဖွဲ့ ပျံသန်းသွားလေ့ရှိကြတယ်။ သူတို့တွေ မနက်ခြောက်နာရီကနေ ညနေခြောက်နာရီအတွင်း ဘယ်ကို သွားလို့၊ ဘာတွေ လုပ်နေကြသလဲ။ နေ့တစ်နေ့စာမှာ ဘာတွေ ရသွားခဲ့ကြသလဲ။
စိတ္တလတောင်ဟာ သားရဲတိရစ္ဆာန်မျိုးစုံ ကျက်စားတဲ့တောကြီး ဖြစ်ပါတယ်။ သီရိလင်္ကာမှာလဲ အကြီးဆုံးတောကြီးပေါ့။ အဲဒီသတ္တ၀ါတွေထဲမှာမှ လူနဲ့အနီးဆုံး ကျက်စားတဲ့ သတ္တ၀ါကတော့ မျောက်တွေပဲ ဖြစ်ပါတယ်။ မျောက်တွေက မနက်ဆိုရင် ငါးနာရီခွဲလောက်စပြီး အိပ်ယာထကြတယ်။ နေတော့လဲ သူ့အုပ်စုနဲ့သူ နေကြတာ။ အိပ်ယာထတာနဲ့ အဲဒီအထဲက မျောက်အထီးကြီးတွေက ကြောက်စရာအသံတွေနဲ့ အော်ဟစ်ပြီး နီးရာ သစ်ပင်၊ ကျောက်ဆောင်တွေပေါ်ကို အားရပါးရ ခုန်ပေါက်ပြေးလွှားလေ့ ရှိပါတယ်။ ငယ်ရွယ်တဲ့မျောက်လေးလေးတွေကလဲ အကြီးဆုံးမျောက်ကြီး လုပ်သလို တတ်နိုင်သလောက် လိုက်လုပ်လေ့ရှိတယ်။ မျောက်ကြီးတွေလောက် ခုန်လဲ မခုန်နိုင်၊ အော်လဲ မအော်နိုင်ဘူးပေါ့။


ရဟန္တာများစွာ သီတင်းသုံးခဲ့သည်ဆိုသော ကျောက်ဂူများအနီး အမှတ်တရ


နောင်တော်ကြီး အရှင်စန္ဒောဘာသ ကျောက်ဂူအတွင်းအိပ်ယာပေါ် တရားရှုမှတ်နေစဉ်


စင်္ကာပူရောက်နေသော နောင်တော်ကြီး အရှင်တိက္ခဉာဏာလင်္ကာရ တရားထိုင်ခဲ့သော နေရာ


နောင်တော်ကြီး ဦးတေဇောဘာသ (ဂျာမဏီ) နေ့စဉ် တစ်ရေးတမော မှေးစက်ခဲ့တဲ့ နေရာ

အဲဒီလို အော်နေကြ၊ ခုန်ပျံကျော်လွှားလုပ်နေကြတာဟာ အကြောင်းမသိသူဆိုရင် အတော်ခြောက်ခြားစရာကောင်းပါတယ်။ ရောက်စကဆိုရင် အဲဒါကို အထူးအဆန်းလုပ်ပြီး လိုက်ကြည့်ဖြစ်ပါတယ်။ အကြီးဆုံးမျောက်ကြီးတွေဟာ ငယ်တဲ့မျောက်တွေကို ခုန်ပျံကျော်လွှားနည်းပညာပဲ သင်ပြနေသလား၊ သို့မဟုတ် အင်အားပဲ ပြနေသလားတော့ မသိနိုင်ဘူး။ ပထမဆုံး မျောက်ကြီးတွေက သစ်ပင်ဆိုရင် အမြင့်ဆုံးကိုင်းဖျား၊ အမြင့်ဆုံးကျောက်တောင်အစွန်းတွေရဲ့ အထက်ကို တက်၊ ပြီးရင် အောက်ပိုင်းတော်တော်ဝေးတဲ့ သစ်ကိုင်း၊ ကျောက်ဖျာတွေပေါ်ကို ခုန်ဆင်းပြတာတွေဟာ ကြည့်လို့တော့ အတော်ကောင်းပါတယ်။ အဲဒီလို အချိန်ဆိုရင် အဲဒီဝန်းကျင်ကတော့ ဆူညံပွက်နေတော့တာပဲ။ အဲဒါဟာ မျောက်တွေရဲ့ နေ့တစ်နေ့ အစ။
ပြီးရင် သူတို့တစ်နေ့တာ နေထိုင်ကျက်စားမယ့်နေရာကို အကြီးဆုံမျောက်ကြီးက ဦးဆောင်ပြီး သွားတော့တာပဲ။ ငယ်တဲ့မျောက်တွေ၊ မျောက်မတွေက နောက်ကလိုက်လို့ပေါ့။ စားကျက်ကို သွားရင်လဲ မျောက်တွေဟာ ဟိုခုန်၊ ဒီကူးနဲ့ ရှုပ်ယှက်ခတ်နေတာပဲ။ တစ်ခါတစ်လေ ဓာတ်ကြိုးတန်းပေါ်ကနေ မျောက်အုပ်ကြီးအစဉ်အတိုင်း ကျော်ဖြတ်သွားနေတာကို တွေ့ရတယ်။


တောရဆောက်တည်နေသော ဆင်ဟာလရဟန်းတော်လေးနဲ့ အမှတ်တရ


ဒီသမင်လေးကို ၀ိုင်းချစ်ကြတယ်


တရားထိုင်ခဲ့ကြတဲ့ ကျောက်ဂူကြီး

အဲဒီအခါမျိုးမှာ ဇာတကမှာလာတဲ့ ကပိဇာတ်ကို သွားသွားအမှတ်ရတတ်ပါတယ်။ ကပိဇာတ်ထဲမှာ ဘုရားလောင်းဦးဆောင်တဲ့ မျောက်အုပ်ကြီးဟာ ချောင်းတစ်ခုကို နွယ်ကြိုးလေးနဲ့ ဖြတ်ကျော်ခဲ့ရတယ်။ အဲဒီအခါ ဘုရားလောင်းမျောက်မင်းက ခေါင်းဆောင်ပီပီ နောက်ဆုံးမှ ဖြတ်ကူးဖို့ ဆုံးဖြတ်ပြီး ငယ်ရွယ်တဲ့မျောက်တွေနဲ့ သားသည်မိခင်မျောက်တွေကို အရင် ကူးစေပါတယ်။ နောက်ဆုံးမှာ ဒေ၀ဒတ်လောင်းမျောက်ရဲ့ အကြံပက်စက်မှုကြောင့် ဘုရားလောင်းဟာ ဘုရင်ရဲ့အဖမ်းအဆီးခံခဲ့ရပါတယ်။
ဒီမျောက်အုပ်တွေမှာလဲ အကြီးဆုံး မျောက်ခေါင်းဆောင်ကြီးတွေ ရှိပါတယ်။ စာရေးသူတွေ့ရတဲ့ မျောက်ခေါင်းဆောင်ကြီးတွေကတော့ တော်တော်အတ္တဆန်ကြတာတွေ့ရတယ်။ ကောင်းမွန်တဲ့အစားအသောက်ဆိုရင် သူချည်းပဲ အရင်စားပါတယ်။ သူစားလို့ မကုန်မှ ကျန်တဲ့မျောက်တွေကို မျှဝေပါတယ်။ ကာမဂုဏ်အရာမှာလဲ ငယ်တဲ့မျောက်ထီးတွေဆိုရင် အလစ်မပေးပါဘူး။ ရက်ရက်စက်စက် ကိုက်လေ့ရှိပါတယ်။ သူ့ဆီမှာ စားစရာတစ်ခုခုရပြီဆိုရင် မျောက်မတွေကလွဲပြီး အောက်လက်ငယ်သားမျောက်တွေကို အနားကပ်ခွင့်မပေးပါဘူး။
ဒါပေမယ့် လေးစားစရာကောင်းတဲ့မျောက်ခေါင်းဆောင်တစ်ကောင်ကိုလဲ တွေ့ခဲ့ရတယ်။ တစ်နေ့ မျောက်တွေ ကျောင်းဆောင်နားမှာ သောင်းကျန်းကြလို့ ကျောင်းသားတွေက ခဲနဲ့ထုပြီး မောင်းထုတ်ကြပါတယ်။ အဲဒါအခါ မျောက်တွေဟာ ကြောက်အားလန့်အား ပြေးကြပါတယ်။ အန္တရာယ်ကြားနေ သူ့တပ်ဖွဲ့တွေ ပြေးနေကြတာကို ခေါင်းဆောင်လုပ်သူမျောက်ကြီးက ဓာတ်ကြိုးလေးကို အကာအကွယ်ယူပြီး ကြည့်နေပါတယ်။ သူ့ဘေးနားမှာ ခဲလုံးတွေ ပလူပျံနေတာကိုလဲ သူ့မှာ ဂရုမစိုက်နိုင်အားဘူး။ သူများတွေ ကြောက်အားလန့်အားပြေးနေကြပေမယ့် သူ့စိတ်ထဲမှာ ငယ်သားတွေအတွက် စိတ်ပူနေတာ အထင်းသားတွေ့ရတယ်။ ငယ်သားမျောက်တွေအားလုံး ဘေးလွတ်ရာကို ရောက်သွားတော့မှ သူ့လဲနောက်ကနေလိုက်ပြီး ပြေးပါတော့တယ်။


ဝါး....အိပ်ချင်လိုက်တာ


မိခင်ရင်ခွင်လောက် လုံခြုံတာ ဘယ်မှာမှ မရှိဘူး

ဒီနေရာမှာ ခေါင်းဆောင်ကောင်းကိစ္စကို ပြောချင်တာ မဟုတ်ဘူး။ မျောက်တွေရဲ့တစ်နေ့တာ လှုပ်ရှားရုန်းကန်ရပုံကို ပြောချင်တာ။ မျောက်တွေမှာ နေ့စဉ်တစ်အုပ်စုနဲ့တစ်အုပ်စု စားကျက်လုရင်း တိုက်ခိုက်ကြ၊ ခြိမ်းခြောက်ကြတာဟာလဲ သံဝေဂယူမယ်ဆို ယူစရာပဲ။ တောအုပ် ဒီလောက်အကျယ်ကြီးထဲမှာ စားစရာသစ်ပင်တွေက အများကြီး။ ဒါပေမယ့် သူတို့မှာ တစ်စုနဲ့တစ်စု သစ်ပင်လုကြရတယ်။ သစ်ပင်လုပြီး အားရပါးရစားသောက်ကြ။ ကာမဂုဏ်မှီဝဲကြ။ နေ့ခင်း နေပူပြီဆိုရင် သစ်ပင်ရိပ်တွေမှာ ကိုယ့်အုပ်စုနဲ့ကိုယ် အနားယူကြတယ်။ တစ်ကောင်နဲ့တစ်ကောင် သန်းရှာပေးသူပေးကြနဲ့ပေါ့။ ညနေ နေအေးပြီဆိုရင်တော့ တစ်ညတာမှာ မဆာဖို့အတွက် သစ်ပင်တွေပေါ်ကို ပြန်တက်၊ အလုအယက် စားသောက်ကြပြန်တာပေါ့။ ဒီလိုနဲ့ တစ်နေ့တာ ရုန်းကန်လှုပ်ရှားရင်း နေစောင်းတာနဲ့ နေ့စဉ်အိပ်နေကြ အိပ်တန်းကို အုပ်စုလိုက် ပြန်ကြတော့တာပဲ။ သူတို့ရဲ့ တစ်နေ့တာမှာ ဘာတွေများ ရသွားခဲ့ကြပါလိမ့်။
စိတ္တတောင်ဘေးက ကျောင်းမှာ ကပ္ပိယကြီးတစ်ယောက်ရှိတယ်။ ကပ္ပိယကြီးကြည့်လိုက်ရင် အားတယ်ကို မရှိဘူး။ လူက သန့်သန့်ပြန်ပြန့်နေရင် ဥပဓိ ဒီလောက်မဆိုးလောက်ဘူး။ အခုဟာက အ၀တ်စားနဲ့တစ်ကိုယ်လုံးက ညစ်ပေနေတယ်။ မီးဖိုချောင်မှာချည်း တစ်နေကုန် နေရတာလဲ ပါမှာပေါ့။ ရဟန်းတော်တွေနဲ့ ဧည့်သည်တွေ စားဖို့သောက်ဖို့ ချက်ပြုတ်ပြင်ဆင်နေရတာနဲ့ မီးဖိုက ထွက်ရတယ်ကို မရှိဘူး။ သူ့အလုပ်နဲ့သူတော့ ပျော်နေပုံရပါတယ်။ သူ့ကြည့်လိုက်ရင် အမြဲတမ်းပြုံးနေတာပဲ။ သူ့ရဲ့တစ်နေ့တာဟာ ဒီမီးဖိုချောင်လေးမှာပဲ လူးလားခေါက်တုန့် သွားလာရင်း အချိန်ကုန်သွားတော့တာပဲ။ သူ့မှာ အသက်ကြီးမှ ယူထားတဲ့ ဇနီးငယ်တစ်ယောက်နဲ့ သားသမီးတွေ ရှိတယ်လို့ ဆိုပါတယ်။ မီးဖိုချောင်လေးမှာ ပေပေရေရေ လုပ်ကိုင်ရင် ရတဲ့လခလေးနဲ့ မိသားစုကို အချိန်တန်ရင် လခပေး၊ သားသမီးတွေကို ကျောင်းထားရတယ်လို့ ဆိုပါတယ်။ သူ့မှာ အိမ်ထောင်ပြုထားပေမယ့် ဒီလိုတောကြီးထဲက ဘုန်းကြီးကျောင်းမှာ ကပ္ပိယအလုပ်လာလုပ်ရတာဆိုတော့ မိသားစုနဲ့ နွေးနွေးထွေးထွေးနေချိန်ဆိုတာလဲ ဘယ်မှာရှိနိုင်တော့မလဲ။


စစ်ထွက်ပြီး မြန်မာမှာ ဘုန်းကြီးဝတ်ချင်တယ်ဆိုတဲ့ စိတ်ကောင်းရှိတဲ့ စစ်ဗိုလ်


သမင်းလေးကို ကျားဆွဲသွားသတဲ့

သတ္တလောကသားတွေရဲ့ နေ့စဉ်လှုပ်ရှားမှုတွေဟာ တွေးကြည့်ရင် ရင်သပ်ရှုမောဖွယ်ရာကောင်းသလို သာမန်ကြည့်ရင်လဲ မထူးခြားတဲ့ ဇာတ်လမ်းတွေပါပဲ။ တကယ်တော့ လူဆိုတာ အနှစ်သာရတွေအကြောင်း သိပ်ပြောလွန်းတဲ့ အမျိုးအစားတွေ ဖြစ်ပေမယ့် လက်တွေ့ဘ၀တွေမှာတော့ အနှစ်သာရနဲ့ဝေးလွန်းနေကြပါတယ်။ အနှစ်သာရကို ဘာပေတံနဲ့ တိုင်းတာမလဲလို့ မေးလာရင်တောင် နှုန်းစံ(Ideal)တွေက တစ်ဦးနဲ့တစ်ဦး ကွဲပြားနေပါအုံးမယ်။
တစ်နေ့က သူငယ်ချင်းက ရင်လာဖွင့်တယ်။ “အသက်တွေက ကြီးလာပြီကွာ။ လောက ကောင်းကျိုးအတွက် ငါဘာတွေလုပ်ပြီးပြီလဲလို့ စဉ်းစားကြည့်တော့ ငါ တစ်ခါတစ်လေ အိပ်လို့တောင်မရဘူး”တဲ့။ သူကတော့ ဘ၀ရဲ့ နှုန်းစံကို လောကကောင်းကျိုးအတွက် တစ်စုံတစ်ရာ ပြုလုပ်ပေးခြင်း၊ မပေးခြင်းနဲ့ တိုင်းတာပုံရပါတယ်။ “သူငယ်ချင်းက အဲဒီလို စဉ်းစားဖော်ရသေးတယ်။ တစ်ချို့အတွက် အဲဒီလို စဉ်းစားဖို့ကို အချိန်မပေးနိုင်ကြဘူး”လို့ ပြောလိုက်တော့ တစ်စုံတစ်ရာကို နက်နက်နဲနဲ တွေးသွားပုံရပါတယ်။
လူသားတွေရဲ့ နေ့စဉ်လှုပ်ရှားမှုတွေဟာ ခေတ်ကာလရဲ့ အဖြစ်အပျက်မြန်နှုန်းတွေကြားမှာ မရူနိုင်မကယ်နိုင်နဲ့ ဖြစ်နေကြသလိုပဲ။ ဘာလုပ်လို့ ဘာကိုင်ရမှန်းမသိ။ ကိုယ်လုပ်လိုက်တဲ့အလုပ်တစ်ခုအတွက် အနှစ်သာရရှိမရှိလဲ အချိန်ယူ စဉ်းစားမပေးနိုင်။ ဒီလိုနဲ့ပဲ ကျင်လည်ရာရပ်ဝန်းမှာ ရုန်းကန်လှုပ်ရှားရင်း ဘ၀တစ်ခုကို မယောင်မလည်နဲ့ လက်စသိမ်းလိုက်ကြရတာက များပါတယ်။


ရေအိုင်ရှိရင် မိကျောင်းရှိတယ်


လှပတဲ့ ကိုရွှေဥဒေါင်း

တစ်နေ့တာ လှုပ်ရှားမှုတွေအကြောင်းတွေးရင် ဗုဒ္ဓမြတ်စွာရဲ့ တစ်နေ့တာ လုပ်ငန်းစဉ်တွေကို သွားသတိရမိပါတယ်။ မိုးမလင်းခင် မနက် နှစ်နာရီလောက်ကတည်းက အိပ်ယာကထ၊ အိပ်ယာထပြီးတာနဲ့ “ငါ့အတွက် ဘာလုပ်ရမလဲ”လို့ မစဉ်းစားဘူး။ “ဒီနေ့ ဘယ်သူ့ကို ထာဝရချမ်းမြေ့ပျော်ရွှင်ခြင်း အမြိုက်အရသာကို ပေးရပါ့မလဲ”လို့ စဉ်းစားပါတယ်။ တွေးသမျှလုပ်သမျှဟာ အတ္တမပါတော့ဘူး။ ကိုယ်ကျိုးအတွက် တစ်ခုမှ မပါတော့ဘူး။ အများအကျိုးကိုပဲ ရှေ့တန်းတင်လုပ်ဆောင်ခြင်းအားဖြင့် တစ်နည်းတစ်ဖုံ ကိုယ်တိုင်ချမ်းမြေ့ရခြင်းဆိုတဲ့ ကိုယ့်ကျိုးတွေ ပြည့်စုံနေတတ်တာကတော့ ဓမ္မရဲ့ သဘာဝပါပဲ။ ဒီလိုနဲ့ တစ်နေကုန် သတ္တလောကရဲ့ ကောင်းရာမွန်ရာတွေကိုလမ်းညွှန်ပြသရင်း တစ်နေ့တာ ကုန်လွန်သွားတော့တာပဲ။ အားကျလေးစားမိပါတယ်။
လူတွေက သမိုင်းအကြောင်း သိပ်ပြောကြတယ်။ ကိုယ့်သမိုင်းကိုယ်ရေးတာ ဘာညာနဲ့ပေါ့။ သမိုင်းအကြောင်းပြောကြတာဟာ သူများအတင်းပြောမှ ထွက်လာကြတာများပါတယ်။ “အေးကွာ..သူများအကြောင်းတွေ ပြောမနေပါနဲ့၊ ကိုယ့်သမိုင်း ကိုယ်ရေးနေကြတာ”လို့ ဆိုတတ်ကြတယ်။ အမှန်တကယ် ပြောသူကိုယ်တိုင်ကတော့ သမိုင်းတွင်ရစ်စရာ ဘာမှ လုပ်ဆောင်ခြင်းမရှိ ဖြစ်နေတာကိုလဲ မိမိတို့ ပတ်ဝန်းကျင်မှာ မကြာခဏ တွေ့နေကြရတာပဲ။ မွေးဖွားခြင်းနဲ့ သေဆုံးခြင်းဆိုတဲ့ ဧရာမအရာကြီးနှစ်ခုရဲ့အလယ် မယောင်မလယ် ရပ်တည်နေကြရတဲ့ သတ္တလောကသားတွေအတွက် သမိုင်းတွေအကြီးအကျယ်မရေးထိုးနိုင်ကြရင်တောင်မှ မိမိတို့ရဲ့ တစ်နေ့တာလုပ်ငန်းမှာ အတ္တ၊ ပရမျှတအောင် လုပ်ဆောင်ဖို့ လိုအပ်လှပါတယ်။
တိရစ္ဆာန်တွေရဲ့ လုပ်ငန်းဆောင်တာတွေနဲ့ ထူးမခြားနားဖြစ်တဲ့ ကိုယ့်ဝမ်းကိုယ့်ခါးလှဖို့၊ ကိုယ့်မိသားစု ကောင်းစားဖို့ စတဲ့ ကိုယ့်ဖို့တွေအကြောင်းပဲ ခေါင်းထဲမှာထားပြီး လောကကြီးကို လည်သူစားလောင်းကစားဝိုင်းလို သတ်မှတ်လိုက်ကြတော့မလား။ မိမိတို့ရဲ့ နေ့စဉ်လုပ်ငန်းဆောင်တာလေးတွေကို အိပ်ယာဝင်ခါနီးတိုင်း စဉ်းစားကြဖို့မသင့်ပေဘူးလား။

နေ့တစ်နေ့ကို အဓိပ္ပာယ်ရှိစွာနဲ့ ဖြတ်သန်းနိုင်ကြပါစေ....

Posted by လွင်ပြင်ရိုင်း at 9:30 PM

Read more...

Desire your Master

“Desire causes Suffering” goes the Noble Truth. But it is hard to see. Desiring a good grade, job, house for your family – does this cause suffering?

Desire is not bad per se, only when it becomes your master is it to be feared. Newspapers are full of stories that show the kinds of things desire and greed can drive a person to. This one comes from the Ananova news site – always a good source of quirky stories….

Man Impersonates Deat Mother

A New York man has been charged with impersonating his dead mother so he could claim her benefits – for six years.

Thomas Prusik-Parkin, 49, allegedly wore a wig, thick make-up and old dresses as part of his elaborate ruse to claim £70,000 in social security benefits and rent subsidies.

Prosecutors, who described the alleged fraud as “unparalleled in its scope and brazenness”, say it started when Mr Prusik-Parkin’s mother, Irene Prusik, died in 2003 aged 73.

The story may be unparalleled, but it is not unexcelled – last year two people actually tried to wheel a dead body in to a store to cach a cheque. But to continue…

Mr Prusik-Parkin, who had lived with her, allegedly gave his mother’s funeral director a false social security number and date of birth so her death did not show up on government records.

Dressed as Mrs Prusik, he would then collect benefit cheques, visit banks and even go to renew her driving licence, say police in Brooklyn.

On each occasion, he would be accompanied by an accomplice, Mhilton Rimolo. Posing as her nephew, he would help the ‘frail old lady’ to walk and communicate with officials.

Charles Hynes, Brooklyn’s district attorney, revealed: “He said he’s not Norman Bates. This guy is not stupid, this guy is very smart. His schemes were brilliant.”

Mr Prusik-Parkin was arrested after prosecutors received a tip-off from the owner of the building where his mother lived and arranged to interview ‘Mrs Prusick’.

He turned up “wearing a red cardigan, lipstick, manicured nails and breathing through an oxygen tank”, say prosecutors. He was wearing a scarf to hide his Adam’s apple but failed to conceal his “rather large hands”.

Mr Prusik-Parkin and Mr Rimolo, 47, were charged with grand larceny, forgery and conspiracy. Both denied the charges which carry a prison sentence of up to 25 years.

Read more...

နိဗ္ဗာန်ကို မျက်မှောက်ပြုရန် ထိုက်တန်၏...

သီတိဘာဝသုတ်…

ရဟန်းတို့ တရားခြောက်မျိုးတို့နှင့် ပြည့်စုံသော ရဟန်းသည်
အတုမဲ့ အးချမ်းသည့်အဖြစ် နိဗ္ဗာန်ကို မျက်မှောက်ပြုရန် ထိုက်တန်၏။

အဘယ်ခြောက်မျိုးတို့နည်းဟူမူ-

ရဟန်းတို့ ဤသာသနာတော်၌ ရဟန်းသည်…

၁… စိတ်ကို နှိမ့်ချသင့်သော အခါ၌ စိတ်ကို နှိမ့်ချ၏၊
၂… စိတ်ကို ချီးမြှောက်သင့်သော အခါ၌ စိတ်ကို ချီးမြှောက်၏၊
၃… စိတ်ကို ရွှင်စေသင့်သော အခါ၌ စိတ်ကို ရွှင်စေ၏၊
၎… စိတ်ကို လျစ်လျူရှုသင့်သော အခါ၌ စိတ်ကို လျစ်လျူရှု၏၊
၅… နှလုံးသွင်းလည်း မွန်မြတ်၏၊
၆… နိဗ္ဗာန်၌လည်း မွေ့လျော်၏၊

ရဟန်းတို့
ဤတရား ခြောက်မျိုးတို့နှင့် ပြည့်စုံသော ရဟန်းသည်
အတုမဲ့ အေးချမ်းသည့်အဖြစ် နိဗ္ဗာန်ကို မျက်မှောက်ပြုရန်
ထိုက်တန်၏ ဟု မိန့်တော်မူ၏။ 85

၁ - သီတိဘာဝသုတ်-မှ၊ သီတိဝဂ်၊ ဆက္ကနိပါတ်၊ အင်္ဂုတ္တိုရ်ပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဗုဒ္ဓဓမ္မ နှလုံးလှ

Read more...

ကြီးကျယ်ခြင်း ပြန့်ပြောခြင်းသို့ ရောက်၏ဟု...

မဟန္တတ္တသုတ်၊ အရဟတ္တ၀ဂ်၊ ဆက္ကနိပါတ်၊ အဂုင်္တ္တိုရ်ပါဠိတော်။


ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဗုဒ္ဓဓမ္မ နှလုံးလှ

Read more...

မကောင်းမှုကိုလည်း မှီဝဲလိမ့်မည် မဟုတ်တော့...

ဝဇ္ဇိပုတ္တသုတ်

အခါတစ်ပါး၌ မြတ်စွာဘုရားသည် ဝေသာလီပြည် မဟာဝုန်တော ပြာသာဒ်ဆောင် ပေါက်သော ကျောင်း၌ (သီတင်းသုံး) နေတော်မူ၏။ ထိုအခါ ဝဇ္ဇီမင်းသား ရဟန်းတစ်ပါးသည် မြတ်စွာဘုရား အထံသို့ ချဉ်းကပ်ပြီးလျှင် မြတ်စွာဘုရားကို ရှိခိုး၍ တစ်ခုသော နေရာ၌ ထိုင်လျက် မြတ်စွာဘုရားအား …

''အသျှင်ဘုရား ဤသိက္ခာပုဒ် တစ်ရာ့ငါးဆယ်ကျော်သည် တစ်လခွဲတစ်ကြိမ် အကျဉ်းပြခြင်းသို့ ရောက်၏၊ အသျှင်ဘုရား တပည့်တော်သည် ဤသိက္ခာပုဒ်တို့၌ ကျင့်သုံးရန် မစွမ်းနိုင်ပါ'' ဟု လျှောက်၏။

ရဟန်း သို့ဖြစ်လျှင် သင်သည် …

၁… အဓိသီလသိက္ခာ
၂… အဓိစိတ္တသိက္ခာ
၃… အဓိပညာသိက္ခာ သုံးပါးတို့၌ ကျင့်နိုင်မည်လော ဟု မေးတော်မူ၏။

အသျှင်ဘုရား တပည့်တော်သည် ထို အဓိသီလ အဓိစိတ္တ အဓိပညာ သိက္ခာ သုံးပါးတို့၌ကား ကျင့်နိုင်ပါ၏ ဟု လျှောက်၏။

ရဟန်း ထို့ကြောင့် သင်သည် ဤသာသနာတော်၌ အဓိသီလ အဓိစိတ္တ အဓိပညာ သိက္ခာသုံးပါးတို့၌ ကျင့်လေလော့၊ ရဟန်း သင်သည် အဓိသီလသိက္ခာကို လည်းကောင်း၊ အဓိစိတ္တသိက္ခာကို လည်းကောင်း၊ အဓိပညာသိက္ခာကို လည်းကောင်း ကျင့်သောကြောင့် သင့်အား ရာဂ ဒေါသ မောဟ အလိုလို ပျောက်ကင်းလိမ့်မည်၊ ထိုသင်သည် ရာဂ ဒေါသ မောဟ အလိုလို ပျောက်ကင်း ခြင်းကြောင့် အကုသိုလ်ကို ပြုလိမ့်မည်မဟုတ်၊ မကောင်းမှုကိုလည်း မှီဝဲလိမ့်မည် မဟုတ်ဟု မိန့်တော်မူ၏။

ထိုအခါ ထိုရဟန်းသည် နောက်အခါ၌ အဓိသီလသိက္ခာကိုလည်း ကျင့်၏၊ အဓိစိတ္တသိက္ခာကိုလည်း ကျင့်၏၊ အဓိပညာသိက္ခာကိုလည်း ကျင့်၏၊ အဓိသီလ အဓိစိတ္တ အဓိပညာ သိက္ခာသုံးပါးကို ကျင့်သော ထိုရဟန်းအား ရာဂပျောက် ကင်းလေပြီ၊ ဒေါသပျောက်ကင်းလေပြီ၊ မောဟ ပျောက်ကင်းလေပြီ။

ထိုရဟန်းသည် ရာဂ ဒေါသ မောဟ ပျောက်ကင်းလေသောကြောင့် အကုသိုလ်ကို မပြုလုပ်ပြီ။ မကောင်းမှုကိုလည်း မမှီဝဲပြီ။ 85

၎ - ဝဇ္ဇိပုတ္တသုတ်၊ သမဏ၀ဂ်၊ တိကနိပါတ်၊ အင်္ဂုတ္တိုရ်ပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

Read more...

ပါရမီဖြည့်ချင်တာပါ

မနေ့က ကျွန်တော်တို့ http://friendsdaygroup.ning.com က အလှူငွေ ကောက်ခံထားထားပြီးနောက် ဘာကို လှူဒါန်းရမလဲ လို့ သွားမေးခဲ့ပါတယ်။ ကျွန်တော်တို့က ဦးကောဝိဒမှ ပထမမိန့်ခဲ့ဖူးတာက Water Cooler ပါ။ ခုတော့ Water Cooler ရှိပြီဖြစ်ကြောင်း အောက်ပါ ပစ္စည်းများလိုအပ်ကြောင်း မိန့်ကြားတဲ့အတွက် ကျွန်တော်တို့က အောက်ပါ ပစ္စည်းများကို လှူဖို့ရည်ရွယ်လိုက်ပါတယ်။ တကယ်တော့ ဦးကောဝိဒရဲ့ အခမဲ့သင်တန်းကျောင်းမှာ လိုအပ်နေတာက အတော်များများဖြစ်နေတယ်။ ကျွန်တော်တို့ ကောက်ခံရရှိငွေနဲ့ ချိန်လိုက်တော့ မလိုက်နိုင်ဘူးဖြစ်နေတယ်။ ဥပမာ ၁၀ ပတ်လည် ရေလှောင်ကန်လိုနေတာ။ အုဋ္ဌ်တံတိုင်းလိုနေတာ။ လောလောဆယ်လိုနေတာဆိုရင် ဦးကောဝိဒမှ သူ့မွေးနေ့မှာ စစ်ကိုင်းတောင်ရိုးမှာ ဆွမ်းခံကြွမယ့် သံဃာတော်များကို ဆွမ်းကပ်မှာ ဖြစ်ပါတယ်။ ဆွမ်းခံကြွတဲ့ သံဃာပေါင်း ၂၀၀ ခန့်ရှိမယ်။ သံဃာတစ်ပါးကို ကုန်ကျစရိတ်က ၁၂၀၀ ကျပ်ဖြစ်တယ်။ အလှူရှင်တော့ မရှိသေးဘူး။ အဲလိုဖြစ်နေတယ်။ ဒါနဲ့ ကျွန်တော်တို့ တတ်နိုင်တာလေးကို ရွေးမိန့်ပေးခဲ့တဲ့ ဦးကောဝိဒကိုလည်း ကျေးဇူးတင်ပါတယ်။ ဦးကောဝိဒ မိန့်ခဲ့တာတွေက …
၁။ ပန်ကာ
၂။ UPS
၃။ DVD Writer
၎။ စာအုပ်စင်
၅။ စာကြည့်ခုံတန်း
၆။ သင်တန်းသားကို စာအုပ် (၅၀)အုပ်

ကျွန်တော်နဲ့ Admin တစ်ယောက်ပေါင်းပြီး Water Cooler လှူတဲ့ ဦးပဇင်းကို နည်းနည်းဗျူးလိုက်ပါသေးတယ်။

အရှင်ဘုရား။ ဦးဇင်းအနေနဲ့ ဦးကောဝိဒကျောင်းမှာ Water Cooler ကိုလှူလိုက်တယ်လို့ သိရတယ်ဘုရား။ လိုအပ်ချက်တွေ အများကြီးထဲက ဘာကြောင့် Water Cooler ကို ရွေးလှူရပါသလဲ ဘုရား။

ဦးကောရဲ့ ကျောင်းကို အရင်ဆုံး စရောက်တဲ့အချိန်မှာ သူ့ရဲ့ အခမဲ့ သင်တန်းကို လာတက်ကြတဲ့ ရဟန်း၊ သီလရှင် သာမဏေ စတဲ့ပုဂ္ဂိုလ်တွေ လာရတာ ဝေးလည်းဝေးတယ် ခြေလျင်လည်းလာရတယ်။ သင်တန်းသားတွေ အားလုံး အဝေးကနေချည်းလာရတယ်။ ဒီရောက်တော့ ရေဆာကြတယ်။ နောက် သင်တန်းကို လာတဲ့ဧည့်သည်တွေ လာကြတယ်။ သူတို့တွေ သာမန်ရေအိုးစင်မှာ ရေခပ်သောက်ရတာထက် ရေအေးအေးလေးကို သောက်လိုက်ရရင် ပိုပြီး အမောပြေမယ်။ စာသင်ရတာလည်း စိတ်ရွှင်မယ်။ ဧည့်သည်ဆိုရင် လည်း စိတ်ချမ်းချမ်းသာသာနဲ့ စကားပြောနိုင်မယ်။ ဒါကြောင့် Water Cooler ကို လှူဖို့ စိတ်ကူးမိတာပါ။

နောက်ပြီးတော့ ဦးဇင်းမှာ အကြောင်းတစ်ခုရှိတယ်။ ရှိတယ်ဆိုတာက ဦးဇင်းရဲ့ အဖြစ်အပျက် ဦးဇင်းရဲ့ နောက်ခံသမိုင်းကြောင်းကို ပြန်ပြောမှ ဖြစ်မယ်။ ဒီလိုပါ။ ဦးဇင်းရဲ့ ဇာတိက ကချင်ပြည်နယ်၊ အင်းတော်ကြီးဒေသမှာ နန့်တိန်းချောင်းဆိုတာရှိတယ်။ ဦးဇင်းတို့ ခမည်းတော်တို့လက်ထက်က အဲဒီချောင်းဟာ အလွန်ရေကြည်လင်ပြီး အလွန်လည်း အေးမြတဲ့ ချောင်းတစ်ခုပါ။ အခု ဦးဇင်းတို့လက်ထက်ကျတော့ ဒီချောင်းကြီးဟာ လူတွေရဲ့ လောဘစွမ်းအားကြောင့် မကြည်လင်တော့ဘူး။ မအေးမြတော့ဘူး။ ခမည်းတော်တို့ လက်ထက်တုန်းက သောက်သုံးရေအဖြစ် သုံးခဲ့တဲ့ချောင်းရေလေးဟာ ဦးဇင်းတို့ လက်ထက်ကျတော့ ချိုးရေလုပ်လို့တောင် မရတော့ဘူး။ ခောတ်ကာလနဲ့ လူတွေရဲ့ လောဘကြောင့်ဆိုပေမယ့် ဦးဇင်းတို့ရဲ့ အရင်ဘ၀တုန်းက ပြုခဲ့တဲ့ ရေကုသိုလ်နည်းခဲ့လို့ နေနေမှာပဲလို့ ဆင်ခြင်မိတဲ့အတွက်ကြောင့်မို့ မိမိတတ်နိုင်တဲ့ ဒီသင်တန်းမှာလည်း တကယ်လိုအပ်မယ်လို့ ယူဆတဲ့ Water Cooler ကိုလှူလိုက်တာပါ။

တပည့်တော် ဒီလို မေးရတာက Water Cooler ကို တပည့်တော်တို့လှူမလို့ လုပ်ထားလို့ပါ ဘုရား။ အဲဒီတော့ ဘုရား တပည့်တော်တို့က သောက်ရေကို တစ်နှစ်စာ လှူမယ်လို့ မှန်းထားတယ် ဘုရား။ အရှင်ဘုရားက Water Cooler လှူထားပြီဆိုတော့ ရေကို တပည့်တော်တို့ လှူရမလား။ အရှင်ဘုရားကပဲ လှူပေးမှာလား ဘုရား။

ဒီတစ်နှစ်စာကိုတော့ ဦးဇင်းလှူမယ်လို့ စိတ်ကူးထားပါတယ်။ ဦးဇင်းတတ်နိုင်သလောက်ပေါ့။ တခြားအလှူရှင်တွေ လှူချင်တဲ့သူများ ရှိခဲ့ရင်လည်း ပိုဝမ်းသာတာပေါ့။ ရာသက်ပန် ရေပဒေသာပင်လေးတစ်ခု စိုက်ထူဖြစ်ခဲ့ကြရင်လည်း ပိုဝမ်းမြောက်ရမှာပေါ့။ ကုသိုလ်ဆိုတာက ဘယ်သူလှူလှူ စိတ်ထားတတ်ရင် မွန်မြတ်တာချည်းပါပဲ။ ဒါပေမယ့် တကယ့်လိုအပ်နေတဲ့ နေရာတွေမှာ လှူနိုင်ရင်ပိုကောင်းတာပေါ့။

တပည့်တော်တို့ ခုလိုမေးရတာက ရန်တွေ့တဲ့ သဘောမဟုတ်ပါဘူးဘုရား။ တပည့်တော်တို့ အရှင်ဘုရားကို မေးကြည့်ရုံသက်သက်ပါဘုရား။ မေးကြည့်တယ်ဆိုတာကလည်း အရှင်ဘုရားနဲ့ တိုက်ရိုက်တွေ့လိုက်လို့ပါဘုရား။ အရှင်ဘုရားအနေနဲ့ ဦးကောဝိဒရဲ့ အခမဲ့ ကွန်ပျူတာသင်တန်းကျောင်းမှာ ဆက်လက်လှူဒါန်းဖို့ ရှိပါသေးသလားဘုရား၊။

အင်း ရှိတယ်။ မန္တလေးကနေ ဒီစစ်ကိုင်း ဗုဒ္ဓတက္ကသိုလ်မှာ တက္ကသိုလ်လာတက်ကြတဲ့ ရဟန်းတော် တွေရှိတယ်။ သူ့တို့မှာ နေ့ဆွမ်းအခက်အခဲတွေရှိတယ်။ အဲဒီရဟန်းတွေအတွက် ဦးကောနဲ့ ပေါင်းပြီး နေ့ဆွမ်းဆက်ကပ်နေပါတယ်။

အခုလို တပည့်တော်တို့ မေးတာကို ဖြေကြားပေးတဲ့အတွက် ကျေးဇူးတင်ပါတယ်ဘုရား။

ဦးဇင်းလည်း ကျေးဇူးတင်ပါတယ်။

ကျွန်တော်တို့တတွေ ဦးပဇင်းဦးကောဝိဒကျောင်းမှာ တစ်ည အိပ်ဖြစ်ခဲ့တယ်။ ဦးကောဝိဒရဲ့ I Can Do စိတ်ဓာတ်ကို ကျွန်တော် အတော်လေး သဘောကျမိပါတယ်။ နောက်တစ်ချက် ကျွန်တော်တို့ သိခဲ့ရတာက ဦးပဇင်းရဲ့ မွေးနေ့ကျရင် နည်းပညာရှင်များ၊ စာရေးဆရာများလာပြီး ဟောပြောပွဲ ပြုလုပ်ပေးမှာ ဖြစ်တယ်ဆိုတာပါပဲ။ ပညာရှင်တွေက ဦးရဲမြတ်သူ၊ ဦးရဲဝင်းနောင်၊ ကိုပီကေ၊ ကိုမောင်လှ၊ ကိုညီလင်းဆက်၊ ဦးလှကောင်း၊ မောင့်စေတနာ တို့ဖြစ်ပြီး စာပေပညာရှင်တွေက ဦးဘုန်း (ဓာတု) ညီပုလေး၊ ညီစေမင်း၊ ဇော်ထက်အောင် စတဲ့ စာရေးဆရာများတို့ဖြစ်ပါတယ်။ ဦးကောဝိဒရဲ့ မွေးနေ့မှာ ကျင်းပမယ့်အစီအစဉ်လေးများကို ဘလော့ဂါများသိချင်မယ်လို့ မျှော်လင့်လို့ အနည်းအကျဉ်း ဖော်ပြပေးလိုက်ပါတယ်။

၁။ မနက်အာရုံတက်ချိန်မှ (၈း၀၀) နာရီအထိ ဆွမ်းခံကြွသံဃာများကို ဆွမ်းကပ်မည်။
၂။ (၈း၀၀) မှ (၁၀း၀၀) အတွင်း လူပုဂ္ဂိုလ်များကို ကျွေးမွေးဧည့်ခံမည်။
၃။ (၉း၃၀) တွင် အလှူရှင်များ ရေစက်ချမည်။
၎။ (၁၀း၃၀) တွင် ဆရာတော်ကြီးများကို ဆွမ်းကပ်မည်။
၅။ (၁၂း၀၀) နာရီမှ ညနေအထိ နည်းပညာပိုင်းဆိုင်ရာများ ဟောပြောမည်။
၆။ ညနေမှ ညအထိ စာရေးဆရာများ စာပေဘာသာရပ်ဆိုင်ရာ ဟောပြောမည်။

စကားမစပ်ပေါ့လေ။ ကျွန်တော်တို့ Myanmar Friends Day အဖွဲ့ မှ ငွေနည်းနည်းလေးနဲ့ ဦးကောဝိဒဆီသွားပြီး ဒုက္ခပေးသလိုဖြစ်နေတယ်။ တကယ်တော့ ကျွန်တော်တို့ ဆွမ်းကိစ္စထပ်လှူချင်သေးတာ။ ဆွမ်းခံကြွမယ့် သံဃာတော်တွေကို ဆွမ်းကပ်တဲ့ ကုန်ကျစရိတ်ကို တာဝန်ခံချင်တာ။ အခွင့်သာခိုက် ပါရမီဖြည့်ချင်တာပါ။ ပြီးတော့ ကိုယ်လှူလိုက်တာကို ချက်ချင်းအသုံးပြုနေတာ မြင်ခွင့်ရတယ်။ စိတ်လည်းချမ်းသာတယ်။ ဒါပေမယ့် မလှူနိုင်ခဲ့ဘူး။ အဲဒါနဲ့ ဒီပိုစ့်လေးကနေ လှူမယ့်သူများ ပေါ်လာခဲ့ရင် … ဆိုတဲ့ ဆန္ဒလေးနဲ့ တိုက်တွန်းမှုပါရမီဖြည့်လိုက်ရတာပါ။

Read more...

ဣနြေ္ဒထက်ကြောင်း တရားတက်ကြောင်း (၉)ပါး - (၂)

ဣနြေ္ဒထက်ကြောင်း တရားတက်ကြောင်း (၉)ပါး - (၂)

KDL02 - 003

Posted by The Bliss Of Emancipation at 8:26 AM

Read more...