* သဗ္ဗဒါနံ ဓမ္မဒါနံ ဇိနာတိ၊ * သဗ္ဗရသံ ဓမ္မရသော ဇိနာတိ။

* သဗ္ဗဒါနံ ဓမ္မဒါနံ ဇိနာတိ၊     * သဗ္ဗရသံ ဓမ္မရသော ဇိနာတိ။

နမတ္ထု ဗုဒ္ဓါနံ နမတ္ထု ဗောဓိယာ။ နမော ဝိမုတ္တာနံ၊ နမော ဝိမုတ္တိယာ။

ဘုရားရှင်တို့ အား ရှိခိုးပါ၏။
ဘုရားရှင်တို့ ၏ မဂ်ဥာဏ် ဖိုလ်ဥာဏ်အား ရှိခိုးပါ၏။
ကိလေသာတို့ မှ လွတ်မြောက်တော်မူကြသော ဘုရားရှင်တို့ အား ရှိခိုးပါ၏။
ထိုဘုရားရှင်တို့ ၏ ဝိမုတ္တိငါးပါးအား ရှိခိုးပါ၏။

ကရုဏာလက်များ ကမ်းလင့်ပေးပါ...

ကရုဏာလက်များ ကမ်းလင့်ပေးပါ...
စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။

ပညာရေးအလှူတော် နှိုးဆော်ချက်


ရန်ကုန်မြို့ အသောကာရာမ သီလရှင်စာသင်တိုက်မှ နဝမတန်း ဖြေဆိုမည့် သီလရှင် ဆရာလေးများအတွက် ဆရာ၊ ဆရာမများ လစဉ် ထားပေးနိုင်ရန် ပညာရေးအလှူရှင်များ လိုအပ်နေပါသည်။ ရွှေစေတီ ဘုန်းတော်ကြီးသင်ပညာရေးကျောင်းတွင်လည်း ဆင်းရဲနွမ်းပါးသည့် ၉ တန်းနှင့် ၁၀ တန်း ကျောင်းသားများ ကျောင်းအိပ်ကျောင်းစား နေထိုင်ပညာဆည်းပူးနိုင်ရေးအတွက် ကူညီထောက်ပံ့မည့် ကုသိုလ်ရှင်များ လိုအပ်လျက် ရှိပါသည်။ စေတနာရှင် အလှူရှင်များ အနေဖြင့် ထေရဝါဒ ဗုဒ္ဓဘာသာ လူငယ်များအသင်း http://www.mmtheravada.org ဖုန်း
09-73062811, 09-5505176 သို့ ဆက်သွယ်လှူဒါန်းကြစေလိုပါသည်။

သီလရှင် ဆရာလေးများနှင့် ကလေးများ ဇွန်လအမီ ကျောင်းတက်နိုင်ရေးအတွက် ကာလဒါန ကုသိုလ်အဖြစ် သဒ္ဓါတတ်အား နည်းများမဆို လှူဒါန်းကူညီကြပါရန် နှိုးဆော်အပ်ပါသည်။

ဝိမုတ္တိရသ အဖွဲ့သားများ

------------------------
နောက်ဆက်တွဲသတင်း.....

ပညာရေးအလှူတော်လှူဒါန်းမည့်အစီအစဉ်

ထေရ၀ါဒဗုဒဘာသာ လူငယ်များ အသင်းမှ ဦးစီး၍ (၂၀၁၁) ခုနှစ်တွင် န၀မတန်းသို့ တက်ရောက်မည့် ကျောင်းသား (၂၅) ယောက်နှင့် ကျောင်းသူ (၂၅) ယောက်အား ပညာရေးထောက်ပံ့မှုပြုလုပ်ပေးနိုင်ရန် စီစဉ်ထားပါသည်။

ပြုလုပ်မည့်အစီအစဉ်

ကျောင်းသားများအား ရွှေစေတီဘုန်းကြီးကျောင်း (ဆရာတော် ဦးတေဇန္ဒိ၊ ခ/(၃) ရက်ကွက်၊ ရွှေစေတီကျောင်း၊ မင်္ဂလာဒုံမြို့နယ်) တွင်ထားရှိမည်ဖြစ်ပြီး ကျောင်းသားများသည် မိမိတို့ ဆန္ဒအလျောက် ကိုရင်ဝတ်လိုကလည်း ၀တ်နိုင်ပါသည်။ ကျောင်းသူများအား အသောကာရာမ သီလရှင်စာသင်တိုက် (ဆရာလေးဒေါ်သုနန္ဒာ (ဖုန်း-၀၉-၈၆၂၈၈၁၁)၊ ၀ါယာလက်ဈေးမှတ်တိုင်၊ ရွှေနှင်းဆီရပ်ကွက်၊ မင်္ဂလာဒုံမြို့နယ်) တွင်ထားရှိပါမည်။ အသောကာရာမကျောင်းမှ သီလရှင်များသာလက်ခံသည်ဖြစ်၍ ကျောင်းသူများမှာ သီလရှင်ဝတ်ရပါမည်။ သီလရှင်များတက်ရောက်ရမည့် အ.ထ.က ကျောင်းမှာ အသောကာရာမ ကျောင်းမှလက်ရှိ သီလရှင်များ တက်ရောက်နေသော ကျောင်းဖြစ်၍ ပညာသင်ကြားမှုတွက် အခက်အခဲ မရှိနိုင်ပါ။ စာသင်သူများ စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။ အသေးစိတ်ဆောင်ရွက်မည့် အချက်အလက်များအားလည်း ဆက်လက်ဖော်ပြသွားပါမည်။

လျောက်ထားမည့် သူများ ပြည့်စုံရမည့်အချက်များမှာ

(က) ကျောင်းသူများမှာ သီလရှင်ဝတ်နိုင်ရပါမည်။

(ခ ) မိဘများမှ နေထိုင်ရန်ခွင့် ပြုသူဖြစ်ရပါမည်။

(ဂ ) စာသင်သားများနေထိုင်မည့် ကျောင်းတွင်း စည်းကမ်းများကို တိကျစွာလိုက်နာရပါမည်။

(ဃ) ကျောင်းထားရန် အမှန်တကယ်အခက်အခဲ ရှိနေသူဖြစ်ရပါမည်။

အထက်ပါအချက်အလက်များနှင့် ပြည့်စုံသူများသည် ထေရ၀ါဒဗုဒ္ဓဘာသာလှူငယ်များ အသင်းသို့ ဆက်သွယ်မေးမြန်းနိုင်ပါသည်။ (http://mmtheravada.org)

ဆက်သွယ်ရန်လိပ်စာ

ကိုထွန်းထွန်းလှိုင်

ဖုန်း ၀၉-၇၃၀၆၂၈၁၁

htunhtunhlaing82@gmail.com

winthu.tbyo@gmail.com

thantzin83@gmail.com

Sunday, June 7, 2009

နယုန်လပြည့်၊မဟာသမယနေ့ (သို့) ငြိမ်းချမ်းရေး ဓမ္မ ဖြစ်တည်ချိန်


မေမေချစ်သောသားသားနဲ့ မီးမီးရေ..။

သည်နေ့ ကတော့ မေမေတို့ ဗုဒ္ဓဘာသာဝင်သူတော်စင်တွေ အလေးအမြတ်ထားတဲ့ နယုန်လပြည့်နေ့ကို ရောက်ခဲ့ပြန်ပါပြီနော် ။နယုန်လပြည့်နေ့မှာ မေမေတို့အားလုံးရဲ့ ကျေးဇူးတော်ရှင် မြတ်စွာဘုရားသခင်ဟာ များပြားလှစွာသော နတ်ဗြဟ္မာ ပရိသတ်တို့ကို မဟာသမယ သုတ် တရားတော် ကိုဟောကြားတော်မူခဲ့တဲ့နေ့ ပဲဖြစ်ပါတယ် ။

မဟာဆိုတာကတော့ ကြီးကျယ်မြင့်မြတ်ခြင်း ပေါ့ သမယ ဆိုတာ ကအချိန်-အခါ-ကာလ။ အင်္ဂလိပ်လိုဆိုရင် Special Great Occasion လို့ ကျေးဇူးတော်ရှင် ဓမ္မစေတီဆရာတော်ဘုရား က ဆိုပါတယ်။
မေမေတို့ရဲ့ ကျေးဇူးတော်ရှင် မြတ်စွာဘုရားသခင်သည်-- ဘုရားဖြစ်တော်မူပြီး စတုတ္ထဝါ-အရောက်မှာ မဇ္ဈိမဒေသမှာ ကပိလဝတ်နဲ့ ကောလိယ နှစ်ပြည်ထောင်မင်းသားတွေက ရောဟဏီမြစ်ကရေကို လုကြတဲ့ အဖြစ်အပျက်တစ်ခု ဖြစ်ပေါ်ခဲ့ပါတယ်။သူတို့ရဲ့ စပါး စိုက်ပျိုးခင်းတွေ အတွက်ပေါ့။

သူယူမယ် ငါယူမယ် ဆိုပြီးညင်းကြခုန်ကြရာက စစ်ခင်းကြမဲ့အခြေ အနေအထိ ရောက်ခဲ့ရတာပေါ့ ။ ငယ်ကျိုး ငယ်နာတွေလည်းအပြန်ပြန်အလှန်လှန်ဖော်ကြ နဲ့တင်းမာနေတဲ့ အချိန်ပါ။ နင်တို့ က မောင်နှမချင်း အိမ်ထောင်ပြုတဲ့အမျိုးတွေ--- တစ်ဘက်ကလည်း နင်တို့တော့ အနူမျိုးစသည်ဖြင့်ပေါ့။ အေး--အနူမျိုးအကြောင်း သိစေရမယ်။ ဘာညာ နဲ့ စစ်ကိုပြင်ကြပါတော့တယ်..။
အဲလိုအချိန်ကာလသမယမှာ မြတ်စွာဘုရားရှင်ကြွရောက်တော်မူလာပြီး မေးပါတယ်…။

ပေါက်တူး၊ဂေါ်ပြား စိုက်ပျိုးရေးသုံးပစ္စည်းတွေ အစား ဒါး၊လှံ၊ဒူးလေး တွေသာ သယ်ဆောင်လာ ကြတာကိုး။
ဘာလုပ်ကြမလို့လဲ---ဘာအတွက်လဲ---ရေအတွက်ပါ တဲ့။ ဘုရားရှင် က အဘိုးမတန်တဲ့ ရေ အတွက်နဲ့ အဘိုးတန်တဲ့ သင်တို့ အသက်တွေ ဆုံးရှုံးခံတော့မလို့လား မေးမြန်းတော်မူပါတယ် ကလေးတို့ရေ..။

မေမေတို့ လည်း တစ်ခြားနေရာမှာ အရှုံးအမြတ်မတွက်တတ်ရင် နေ..သည်လို နေရာမျိုးမှာ အရှုံးအမြတ်တွက်တတ်စေချင်လှပါတယ်..။
ပြဿနာတစ်ခု ဖြစ်ပေါ်ကျရောက်လာလို့မေမေတို့ ပူလောင်ကြတယ် ။ ညစ်ညူးကြတယ်။ စိတ်ဓာတ် ကျဆင်းကြတယ်။ အဲဒီအခါ မှာ ကိုယ့်ကိုကို မေးခွန်းထုတ် တတ်ဘို့ကို--မေမေတို့ရဲ့ ကျေးဇူးတော်ရှင်ပိုင်းလော့ ဆရာတော်ဘုရားကြီး ကသင်ပေးဘူးပါတယ်…။

ဘာအတွက်လဲ--- ဘယ်လောက်တန်နေတဲ့အရာမို့လို့လဲ----သိန်းတစ်ရာလား သိန်းတစ်ထောင်လား။
ပူနေရင် ညစ်နေရင် အပါယ်ဇာတိ သွားရမှာနော်--တန်လို့လား အပါယ်နဲ့--လဲလှယ်ကြမလို့လား မေးခွန်းထုတ်ခိုင်း ပါတယ်။ မတန်တာကိုသွားလုပ်နေကြတာ မဖြစ်စေဘို့ ဆုံးမဘူးပါတယ်။ မတန်တာကို မလုပ်ဖြစ်တော့ပါဘူးကလေးရေ..။ဘာကြောင့် ပဲပူပူ ကိုယ်သာရှုံး နေတော့ မှာကိုး ။ ဘဝမှာ---ရှုံးလည်း မရှုံးချင်တော့ပါဘူး ကလေးတို့ ရေ..။

ဇာတ်လမ်းလေးပြန်သွားရအောင်နော်----အဲလို အချိန်ကာလ သမယမှာ ဘုရားရှင်က မေးခွန်းထုတ်လိုက် တော့ အသိတရားဝင်လာကြ ပြီး။ ငြိမ်းချမ်းရေး ရှေးရှုတဲ့ ရန်ပြေ မာန်ပြေတရားတော်ကို နာယူလိုက်တဲ့အခါ---အသိဉာဏ်အမြင်မှန်ရရှိပြီး --ပြေငြိမ်းအေးချမ်းခြင်းကို ရရှိခဲ့ရပါတော့တယ်။

တစ်ဘက်စီမှ ၂၅၀ စီသော နှစ်ပြည်ထောင်မင်းသား ၅၀၀ တို့ဟာလည်း ဘုရားရှင်ရဲ့သာသနာ တော်ကိုဝင်ပြီး ရဟန်းပြုကြတာ ပေါ့ကွယ်။
အဲဒီရဟန်းတွေဟာ သာသနာတော်မှာမပျော်ပိုက်ကြတဲ့အတွက် ဟိမဝန္တာတော အတွင်းက အလွန် မွေ့လျော်ဖွယ်ကောင်းတဲ့ ကုဏ္ဍလာအိုင် သို့ခေါ်ဆောင်ကာ ဂါထာသုံးရာဖြင့်တန်ဆာဆင်အပ်သော--ကုဏ္ဍလငှက်မင်းရဲ့ ဇာတ်ကြောင်းကိုဟောကြားတော် မူခဲ့ပါတယ်။

အဲဒီဇာတ်တော်အဆုံးမှာတော့ ရဟန်း ၅၀၀-တို့ဟာသောတပတ္တိ ဖိုလ်၌ တည်တော်မူခဲ့ပါတယ်ကလေးရေ..။မြတ်စွာဘုရားရှင် ဟာရဟန်းတော် ၅၀၀-နဲ့အတူ ကပိလဝတ် ပြည်ရဲ့အနီးမှာရှိတဲ့ မဟာဝုန်တော ကို ကြွချီတော်မူခဲ့ပါတယ်။

မဟာဝုန်တောမှာ ကမ္မဋ္ဌာန်းကိုပေးတော့ မကြာမြင့်တဲ့ကာလအတွင်းမှာ အရဟတ္တဖိုလ် ကို ဆိုက်ရောက် တော်မူကြပါတယ်။ အဲဒီရဟန်း-၅၀၀တို့ဟာ မိမိ တို့ရရှိထားတဲ့ တရားထူးကို လျှောက်ထားဘို့အတွက် နဲ့ ဘုရားရှင်ကို ဖူးမျှော်ရန်အတွက် နယုန်လပြည့်ညချမ်း မှာ စုရုံးရောက်ရှိ လာကြပါတယ်။

အဲလိုညချမ်းအချိန်လေးမှာ ရဟန္တာ ၅၀၀-တစ်စုတစ်ဝေးတည်း စုစည်းနေတာ ဘယ်လောက် ကြည်ညိုဖွယ် ကောင်းလိုက်မလဲသားသားမီးမီးတို့ စဉ်းစားပုံဖော် ကြည့်ပါ နော်။ အဲလိုထူးခြားစွာ ကြည်ညိုဖွယ် ရာသံဃာ့ အစည်းအဝေးကို တွေ့မြင် ဖူးတွေ့ ကြည်ညိုလိုကြကုန်သော နတ်၊ဗြဟ္မာ၊ အသူရာ၊ ဂဠုန်၊ နဂါးတို့ တွေဟာ မဟာဝုန်တော ကို စုရုံးရောက်ရှိလာကြပါတယ်။

အဲလို ပရိသတ်တွေစုဝေးတဲ့အချိန်မှာ မြတ်စွာဘုရားရှင်ဟာ တရားနာရောက်ရှိလာသော နတ်၊ဗြဟ္မာ တွေရဲ့ အမည် ။အမျိုးအနွယ်၊ တို့ကို ရဟန္တာငါးရာနှင့် နတ်ဗြဟ္မာများကို သိစေလိုတဲ့အတွက် အမျိုးတူအလိုက်စုပေါင်းကာ--- အမျိုးအနွယ်တစ်ခုချင်းစီကို ဖော်ထုတ်ပြီး နှုတ်ခွန်းဆက်စကား မိန့်ကြားတော်မူ ပြီးမှသာ မဟာ သမယသုတ်တော်ကြီးကိုဟောကြားတော်မူခြင်းဖြစ်ပါတယ်။
မဟာသမယ-သုတ်ကို ဒေဝတာပီယ-နတ်တ်ို့ချစ်ခင် မေတ္တာဝင်၊သုတ်တွင်-မဟာသမယလို့ လည်းခေါ်ပါတယ်။

သည်သုတ် ကိုနတ်တွေက အလွန်ကြားနာလိုကြပါတယ်…။ သူသူ---ကိုယ်ကိုယ် ပေါ့နော်..ကိုယ့်နာမည်လေးကို လူတွေရှေ့မှာခေါ်တယ်၊ ဖော်ပြတယ်ဆိုရင် ကြိုက်ကြတာပဲကိုး။ မိတ္တဗလဋီကာမှာလည်းပထမ ဆုံး နာမည်ကိုခေါ်ပါ--လို့ နည်းပေးထားတာပဲနော်။

မေတ္တာဝင် တဲ့အခါကျတော့ ရာဂဖြစ်တတ်ပါတယ်။
မေတ္တာရဲ့ အနီးဆုံးရန်သူက ရာဂလို့ဆိုပါတယ်။ အဝေးဆုံးရန်သူကတော့ ဒေါသ-ဖြစ်ပါတယ်။ ဒါကြောင့် သည်သုတ်တော်တွေကို ဘုရားရှင် ကဆက်လက်ပြီးဟောကြားတော် မူခဲ့ပါတယ်ကလေးတို့ရေ..။

၁။ရာဂစရိုက်-အားကြီးသူအတွက်---(သမ္မာပရိဗ္ဗာဗနိယသုတ်)
၂။ဒေါသစရိုက်-အားကြီးသူအတွက်---(ကလဟဝိဝါဒသုတ်)
၃။မောဟစရိုက်-အားကြီးသူအတွက်---(မဟာ ဗျူဟသုတ်)
၎။ဝိတက်စရိုက်-အားကြီးသူအတွက်---(စူဠ ဗျူဟသုတ်)
၅။သဒ္ဓါစရိုက်-အားကြီးသူအတွက်---(တုဝဋကသုတ်)
၆။ပညာစရိုက်-အားကြီးသူအတွက်---(ပုရာဘေဒသုတ်) တရားတော်တို့ကို ဟောကြားတော်မူခဲ့ပါတယ်။

တရားတော်မြတ်အဆုံးမှာတော့ နတ်၊ဗြဟ္မာပေါင်း ကုဋေတစ်သိန်းစီ အရဟတ္တဖိုလ် သို့ရောက်ရှိကြ ပါတယ်။ သောတာပတ္တိဖိုလ်၊ သကဒါဂါမိဖိုလ်၊ အနာဂါမိဖိုလ် ရောက်ကြသောနတ်ဗြဟ္မာ တို့ကား ရေတွက် လို့တောင်မရနိုင်ပါကလေးတို့ရေ..။

သည်ကာလဟာ--မေမေတို့လူ့သက်တမ်းနဲ့တွက်လို့သာ ကြာခဲ့ပေမဲ့ နတ်တို့ရဲ့ သက်တမ်းနဲ့ကတော့ သိပ်မှမကြာသေးတာကိုး။ဒါကြောင့် သူတို့နာမည်လေးတွေ ကိုဖေါ်ပြပေးထားတဲ့ မဟာသမယသုတ်ကို ကြားနာလိုကြလို့ ရှေ့ရှုသော နားတို့ဖြင့် လောကထဲ လှည့်လည်နေတယ်လို့ ဆိုပါတယ်။

မြို့သစ်၊ရွာသစ်၊ တိုက်သစ် ၊အိမ်သစ်၊ အိုးသစ်ထူထောင်ခြင်း စသော မင်္ဂလအခမ်းအနားမှာ (မဟာသမယသုတ်)ကို ရွတ်ဖတ်သရဇ္ဈယ် သင့်တယ်လို့ အဋ္ဌကထာဆရာအရှင်မြတ်တွေ ကမှာကြားထားခဲ့ပါတယ်။
တနည်းအားဖြင့်ဆိုရရင် စစ်ကိုတားမြစ်စေနိုင် တဲ့ ငြိမ်းချမ်းရေး ဓမ္မ အဖြစ်မေမေမြတ်နိုး မိပါတယ်။ မကြာခင်ကမိတ်ဆွေတစ်ယောက်ပေးပို့ဘူးတဲ့ ကဗျာလေးကိုလည်း သတိတရ ဖော်ပြချင် မိပါတယ်..။

တရားနဲ့ ဒါး အားနှစ်ပါးတွင်
တရားကိုချစ်-- ဒါးကိုပစ်၍
စစ်ကိုငါတို့မုန်းပါသည်…
(စစ်မုန်း)

သည်တော့ ခြုံငုံပြောရရင်---သည်နေ့ကျရောက်တဲ့ နယုန်လပြည့်နေ့ ရဲ့ထူးမြတ်တဲ့ဂုဏ်အင်တွေကို တွက်စစ်ကြည့်ကြရအောင်---။

၁။ ရေလုပွဲဆင်နွှဲကြသော နှစ်ပြည်ထောင်သားတို့ ငြင်းခုံ ခိုက်ရန်ဘေးမှကင်းဝေခြင်း။
၂။ ကပိလဝတ်နဲ့ ကောလိယ နှစ်ပြည်ထောင် စစ်ခင်းတော့မည့် ဘေးအန္တရာယ်မှာကင်းဝေးပြီး ငြိမ်းချမ်းရေးရ တဲ့နေ့ဖြစ်ခြင်း။
၃။ရဟန်း-၅၀၀-လုံး ရဟန္တာဖြစ်တော်မူ တဲ့နေ့ဖြစ် ခြင်း။
၎။နတ်၊ဗြဟ္မာ၊အသူရာ၊ဂဠုန်၊နဂါးများ ရဟန်းတော်များ ဤ-တစ်ကြိမ်တည်းသာ စုရုံးမိသောနေ့ ဖြစ်ခြင်း။
၅။မဟာသမယကိုအကြောင်းပြု၍ ရန်ဘက်ဖြစ်သော ဂဋ္ဌုန်နဲ့ နဂါး ခိုက်ရန်မဖက်၊ မေတ္တာသက် ဝင်သောနေ့ဖြစ်ခြင်း။
၆။မဟာသမယ ဆိုင်ရာ သုတ္တန်ခုနှစ်မျိုးကို မြတ်ဗုဒ္ဓဟောကြားတော်မူသောနေ့ဖြစ်၍ ထူးခြားခြင်း။စသည်ဖြင့် ၆ချက်ပြည့်စုံနေတာပေါ့ကလေးတို့ရေ..။

မေမေတို့လည်း သည်လိုနေ့ထူးနေ့မြတ်မှာ မငြိမ်းချမ်းသောနေရာများ--ကိုမေတ္တာပို့သလို့ မဟာသမယသုတ်တော် ကိုရွတ်ဆိုပူဇော်ရင်း ငြိမ်းအေးစေကြာင်း ဆုတောင်းကြပါစို့လား ကလေးတို့ရေ…….။

(ဦးကျော်စိန်-မန္တလေး-၏ နယုန်လပြည့်နေ့(၇.၆.၂၀၀၉-မြန်မာ့အလင်း)ဆောင်းပါးကိုမှီငြမ်းရေးသားပါသည်)

Read more...

*သို့အတွက်ကြောင့်*


ငိုပွဲပေါင်း များစွာကြောင့်
စိုရွှဲခဲ့ရတဲ့ မျက်ရည်တွေမနည်းတော့။

မရေမတွက်နိုင်တဲ့ သေပွဲတွေကြောင့်
အနေခက် ကြေကွဲရပေါင်းလည်း များလှပြီ။

သူနဲ့ လမ်းခွဲခဲ့ရလို့
အပူနဲ့ ၀မ်းနည်းရပေါင်းလည်း အသင်္ချေမက။

အော်…
အာသာမပြေ
ဒီ တဏှာတွေ ငါဖက်လို့
ကမ္ဘာအထွေထွေ ပတ်ခဲ့ရပေါင်းလည်း မရေမတွက်နိုင်။

စဉ်းစားပါရစေ…
ဆင်ခြင်ပါရစေ…
သုံးသပ်ပါရစေ…
ဆုံးဖြတ်ပါရစေ…။

ဒါတွေကိုသိရက်နဲ့
ဘာအတွက် ငါ့ကိုယ်ငါညှာနေတာလဲ
ဘာကြောင့်များ ငါ့ကိုယ်ငါညာနေတာလဲ။

ဒီ့ထက်ပိုကာ ဆက်ညှာနေရင်
ရှေ့ဆက်ကာသာ ဆက်ညာနေရင်
ငိုပွဲတွေဆက်
ကိလေသာကြွေးတွေထပ်လို့
ခန္ဓာနဲ့ရင်းကာ
ဆပ်ခြင်းသာ ရှိတော့မှာပါလား…။

သို့အတွက်ကြောင့်… သို့အတွက်ကြောင့်…
……………………………….
... … … … … … … …
… … …
…။


လေးစားစွာဖြင့်
ဖိုးသား

6/7/2009 2:33:12 PM

Read more...

*တစ်ဖက်သတ် အချစ်ဟာ ဆိုးပါသည်(၂)*

pyaesoneaung2007:34 AM me: ဘုန်းဘုန်း.. တပည့်တော် သူငယ်ချင်း တစ်ယောက်က တစ်ဖက်သတ် အချစ် အကြောင်းလေး သိချင် လို့ပါတဲ့ ဘုန်းဘုန်း။

3:35 AM ၁။ အရင်ဘ၀က ဘယ်လိုမျိုး အကြောင်းတရားတွေ လုပ်ခဲ့လို့ ဒီဘ၀မှာ ကိုယ်က သူ့ကို မေတ္တာရှိနေပါရက်နဲ့ သူက ကိုယ့်ကို ပြန်ပြီး မေတ္တာ မရှိတာပါလဲ ဘုန်းဘုန်း။
3:37 AM (ဒီနေရာမှာ ကိုယ်က မေတ္တာ ရှိကြောင်းကို တစ်ဘက်လူက သိနေပါတယ်တဲ့ ဘုန်းဘုန်း။)

3:40 AM ၂။ နောက် ဒီဘ၀မှာ အတူမပေါင်းရပေမယ့် နောက်ဘ၀မှာ ပေါင်းချင်သူများအတွက် ဘယ်လို ကောင်းမှုတွေ လုပ်သင့်ပါသလဲ ဘုန်းဘုန်း။(ဒီမေးခွန်း ကတော့ သံသရာ ရှည်ကြောင်း ဖြစ်တဲ့ အတွက် မမေးသင့်ပါဘူး၊ ဒါပေမယ့် သိချင်သူများ အတွက် ကရုဏာ ရှေ့ထားလို့ ဖြေကြားပေးပါဦး ဘုန်းဘုန်း။)

3:41 AM ရိုသေစွာ ဦးခိုက်လျက်
ဖိုးသား

=============================

ဖိုးသားရေ…

မေးခွန်းတွေကတော့ ဘ၀သံသရာ လွတ်မြောက်ရေး အတွက် ဘာမှ အထောက်အကူ မပြုတဲ့ မေးခွန်းတွေ ပါပဲ။ ဒါပေမယ့် ဖိုးသား ပြောသလို သိချင်တဲ့ သူတွေက သိချင်နေတော့ ဖြေပေးရမှာပေါ့။

(၁) ကိုယ်က မေတ္တာ ရှိပါရက်နဲ့ သူ့ကကိုယ့်ကို ပြန်ပြီး မေတ္တာ မရှိတာဟာ အတိတ်ဘ၀ တစ်ခုခုက ကိုယ်လည်း သူ့ကို အဲဒီလို ဖြစ်စေခဲ့လို့ အခုကိုယ်ပြန်ပြီး ခံရတဲ့ သဘောလည်း ယူနိုင်ပါတယ်။ နောက်ပြီး တစ်ချိန်ချိန်က သူများတွေကြား မေတ္တာပျက်အောင် လုပ်ခဲ့ရင်လည်း ကိုယ်က မေတ္တာ ပြန်ငတ်တတ် ပါတယ်။ ပြီးတော့ ဣဿာ မစ္ဆရိယ များခဲ့ရင်လည်း အဲဒီရဲ့ အကျိုးဆက် တွေကို ပြန်ခံရတတ် ပါတယ်။ ဒီသဘော တွေဟာ အကုသိုလ်ရဲ့ အကျိုးဆက်များ ဖြစ်နိုင်သလို အခုဘ၀ မှာလည်း မေတ္တာပွားမှု အားနည်း လို့လည်း ဖြစ်နိုင်ပါတယ်။ တစ်ချို့ဆိုရင် တစ်မိသားစုထဲ၊ မိဘနဲ့ သားသမီး ဖြစ်နေပါ ရက်နဲ့ မိဘ ဘာလုပ်လုပ် သားသမီးက အကောင်း မမြင်သလို သားသမီး ဘာလုပ်လုပ် မိဘက အကောင်း မမြင်တာ တွေလည်း ရှိပါတယ်။ ဘာပဲဖြစ်ဖြစ် ဒါတွေဟာ အကုသိုလ်ရဲ့ အကျိုးဆက်တွေ ဖြစ်တဲ့ အတွက် အတိတ်က အရိပ်ကို သင်္ခန်းစာ ယူပြီး အခုဘ၀ ကောင်းအောင် ကြိုးစားဖို့ပဲ လိုပါတယ်။

(၂) ဒုတိယ မေးခွန်းကတော့ တကယ့်ကို သံသရာ ရှည်စေမယ့် မေးခွန်းမျိုးပါ။ ဒါပေမယ့် ဖြေပေးကြည့် ပါမယ်။ မလုပ်တာ ကောင်းပါတယ်။ နောင်ဘ၀မှာ ပြန်လည်ရေစက် ဆုံချင်ရင် ဘယ်လို ကုသိုလ်မျိုးပဲ လုပ်လုပ် အတူလုပ်ပြီး အတူ ရေစက်ချ အမျှဝေ၊ ပြီးရင် ဖြစ်ချင်တာကို ဆုတောင်းရင် ဒီအတိုင်း အကျိုးပေးပါ လိမ့်မယ်။ ကုသိုလ် ကောင်းမှုဟာ သူ့အလုပ်သူ လုပ်နေပေမယ့် အဲဒီအပေါ်မှာ လုပ်တဲ့သူက တဏှာကပ်ပြီး ဆုတောင်း လုပ်လိုက်ရင် အဲဒီတဏှာ ဆုတောင်း အတိုင်း အကျိုးဆက် ဖြစ်ပေါ်တတ် ပါတယ်။ ကိုယ့်ကိုယ်ကိုသာ ချင့်ချိန်ပြီး လုပ်ကြဖို့ သတိပေးလို ပါတယ်။ ဒီဘ၀ မှာတောင် ဒီလောက် ဒုက္ခတွေ ရောက်နေကြတာ ဘာလို့များ သံသရာအထိ သယ်သွားချင် ကြတာလဲ.. ကြည့်လည်း လုပ်ကြပါ ပရိတ်သတ်တို့ရေ…

မေတ္တာဖြင့်
ဘုန်းဘုန်းဦးဝိစိတ္တ

++++++++++++++++++++++++++++++++++++++++++

လေးမြတ်ရိုသေစွာ ဦးခိုက်လျက်
ဖိုးသား

6/7/2009, SUN:, 1:02:53 PM

Read more...

မှတ်သားဖွယ်ရာစကားပဒေသာ(၅)


Uncategorized, ဗုဒ္ဓဘာသာဆိုင်ရာအမေးအဖြေများ June 7th, 2009

ကိုယ်ဖြင့် မကောင်းမှုကိုပြုသောသူ၊ နှုတ်ဖြင့်မကောင်းမှုကို ပြုသောသူ၊ စိတ်ဖြင့်မကောင်းမှုကို ပြူသောသူတို့သည် မိမိကိုယ်မိမိ စောင့်ရှောက်သူများ မဟုတ်ချေ၊ ထိုသူတို့သည် ဆင်တပ်၊ မြင်းတပ်၊ ရထားတပ်၊ ခြေလျင်တပ်ကြီးများဖြင့် စောင့်ရှောက်ထားစေကာမှု မိမိကိုယ်မိမိ စောင့်ရှောက်သူများ မဟုတ်ကြချေ။ အကြောင်းသော်ကား ထိုအစောင့်အရှောက်များသည် ပြင်ပအစောင့်အရှောက်သာဖြစ်၍ အတွင်းအစောင့်အရှောက် မဟုတ်သောကြောင့်တည်း၊ ကိုယ်ဖြင့် ကောင်းသောအမှုကို ပြုသောသူ၊ နှုတ်ဖြင့်ကောင်းသောအမှုကို ပြုသောသူ၊ စိတ်ဖြင့်ကောင်းသောအမှုကို ပြုသောသူတို့သည် မိမိကိုယ်မိမိ စောင့်ရှောက်သူများဖြစ်သည်၊ ထိုသူတို့သည် ဆင်တပ်၊ မြင်းတပ်တို့ဖြင့် မစောင့်ရှောက်သော်လည်း မိမိကိုယ်မိမိ စောင့်ရှောက်သူများ ဖြစ်သည်၊ ကိုယ်ကို စောင့်စည်းခြင်းသည် ကောင်း၏၊ နှုတ်ကိုစောင့်စည်းခြင်းသည် ကောင်း၏၊ စိတ်ကို စောင့်စည်းဖြင်းသည် ကောင်း၏ ကိုယ်၊ နှုတ်၊ နှလုံး သုံးပါးလုံးကို စောင့်စည်းသူကို မိမိကိယ်မိမိ စောင့်ရှောက်သူဟု ဆိုအပ်၏။ (သဂါဝဂ္ဂ၊ သံယုတ်ပါဠိတော်၊ ကောသလသံယုတ်)

သင်္ခါရနှင့် နိဗ္ဗာန်သည် အချင်းချင်း ဆန့်ကျင်ဘက်ဖြစ်၏ သင်္ခါရတို့၌ နိဗ္ဗာန်ှမရှိသလို နိဗ္ဗာန်၌လည်း သင်္ခါရတို့ မရှိချေ။ (ဥဒါန်းအဋ္ဌကထာ)

“သုဘဒ္ဒ အကြင်သာသနာ၌ အင်္ဂါရှစ်ပါးရှိသော အရိယာမဂ်တရား မရှိငြားအံ့၊ ထိုသာသနာ၌ သောတာပန်ပုဂ္ဂိုလ်လည်း မရှိပေ၊ သကဒါဂါမ်ပုဂ္ဂိုလ်၊ အနာဂါမ်ပုဂ္ဂိုလ်၊ ရဟန္တာပုဂ္ဂိုလ်တို့လည်း မရှိသည်သာတည်း၊ သုဘဒ္ဒ အကြင်သာသနာ၌ အင်္ဂါရှစ်ပါးရှိသော အရိယာမဂ်တရား ရှိငြားအံ့၊ ထိုသာသနာ၌ သောတာပန်ပုဂ္ဂိုလ်ည်း ရှိပေ၏၊ သကဒါဂါမ်ပုဂ္ဂိုလ်၊ အနာဂါမ်ပုဂ္ဂိုလ်၊ ရဟန္တာပုဂ္ဂိုလ်တို့လည်း ရှိသည်သာတည်း၊ သုဘဒ္ဒ ငါဘုရား၏ သာသနာ၌ အရိယာမဂ်တရားသည် ရှိ၏၊ ဤသာသနာတော်၌ပင်လျှင် သောတာပန်ပုဂ္ဂိုလ် ရှိပေ၏၊ သကဒါဂါမ်ပုဂ္ဂိုလ်၊ အနာဂါမ်ပုဂ္ဂိုလ်၊ ရဟန္တာပုဂ္ဂိုလ်တို့ ရှိပေ၏၊ တရားကိုသိမြင်သော ထိုပုဂ္ဂိုလ်တို့သည် အဆင့်ဆင့်ဟောပြောလျက် နေကုန်ငြားအံ့၊ ဤလောက၌ ရဟန္တာတို့ မဆိတ်သုဉ်းကုန်” (ဒီဃနိကာယ်၊ မဟာဝဂ်ပါဠိတော်၊ မဟာပရိနိဗ္ဗာနသုတ်)

“အကြင်သူသည် ရှည်မြင့်စွာသော ကာလပတ်လုံး ယုံကြည်မှုသဒ္ဓါဖြင့် ထုံအပ်သောစိတ်၊ ဆောက်တည်မှုသီလ၊ အကြားအမြင်သုတ၊ စွန့်ကြဲမှုစာဂ၊ အသိဥာဏ်ပညာတို့ဖြင့် ထုံအပ်သော စိတ်ရှိသူဖြစ်၏ ထိုသူ၏ ခန္ဓာရုပ်သည် မဟာဘုတ်လေးပါး အစုအဝေးဖြစ်၏ ထမင်းမုန့်စသော အစာအဟာရတို့ဖြင့် ကြီးပွားရ၏၊ ပြုပြင်ထိန်းမတ်ပေးရခြင်း သဘောရှိ၏၊ မတည်မြဲခြင်း၊ ပြိုကွဲပျက်စီးခြင်း သဘောရှိ၏၊ ထိုခန္ဓာကိုယ်ရုပ်ကို ကျီးငှတ်တို့လည်း ထိုးဆိတ်ကုန်၏၊ တောခွေး၊ အိမ်ခွေးနှင့် ပိုးလောက်တို့လည်း ခဲစားကြကုန်၏၊ သို့သော် မဟာနာမ် ထိုသူ၏ သဒ္ဓါ၊ သီလ၊ စာဂ၊ ပညာတို့ဖြင့် ရှည်မြင့်စွာသော ကာလပတ်လုံး ထုံအပ်သောစိတ်သည်ကား အထက်သို့သာ တက်လေ့ရှိပေ၏၊ ထူးခြားစွာ သွားလေ့ရှိပေ၏။” (မဟာနာမသုတ်)

ဘုရားအလောင်းတော်သည် လူသားတစ်ဦးအနေဖြင့် မိမိ၏ဇွဲလုံ့လ၊ ဥာဏ်ပညာနှင့် မေတ္တာဓာတ်တို့အားဖြင့် အမြင့်မြတ်ဆုံး၊ အပြစ်ကင်းဆုံးဖြစ်တော်မူသော ဗုဒ္ဓမြတ်စွာဘုရားအဖြစ်ကို ရတော်မူသည်။ သို့ဖြင့် မြတ်စွာဘုရားရှင်က လမ်းဖြောင့်၊ လမ်းမှန်ဖြင့်သာ ဤကဲ့သို့သော မြင့်မြတ်သည့်အဖြစ်ကို ရရှိနိုင်သည်ဟု ပြသခဲ့ပေသည်၊ ဗုဒ္ဓဘာသာ၏ ထူးခြားသော အင်္ဂါရပ်တစ်ခုမှာ မည်သူမဆို လိုအပ်သော လုံ့လ၀ီရိယ၊ သို့မဟုတ် အားထုတ်မှု ရှိမည်ဆိုပါက ဘုရားအဖြစ်ကိုပင် ရည်မှန်းနိုင်ခြင်း ဖြစ်ပေသည်။ ယင်းသည် ဆင့်ကဲဖြစ်စဉ် သဘောမျိုးသာ ဖြစ်သောကြောင့် မိမိ၏ လုံ့လ၀ီရိယဖြင့် ရယူနိုင်စွမ်းရှိသည်။ (အရှင်သေဋ္ဌိလ)

ဘ၀ဆိုတာပုံပြင်တစ်ပုဒ်ပါ၊ ဘယ်လောက်ရှည်တယ်ဆိုတာ အရေးမကြီးဘူး၊ ဘယ်လောက်ကောင်းသလဲ ဆိုတာသာ အရေးကြီးပါတယ်။ (Seneca)

သောကကိုမျှမတိုက်ခိုက်တက်သော လုပ်ငန်းရှင်များသည် အရွယ်ငယ်ငယ်နှင့်ပင် သေဆုံးကြရပေမည်။ (ဒေါက်တာအဲလက်ကယ်ရယ်)

To love human beings is the virtue of humanity, to understand man is Science.
လူသားကိုချစ်ခြင်းဟာ လူ့ဘ၀ရဲ. ကောင်းမြတ်တဲ့ အရည်အချင်းဖြစ်တယ်၊ လူသားတွေအပေါ် နားလည်စာနာတက်ခြင်းဟာလည်း အတက်ပညာ တစ်ရပ်ပါပဲ။ (ကွန်ဖြူးရှပ်)

Kind words can be short and easy to speak, but their echoes are truly endless.
ကြင်နာသောစကားလုံးများသည် တိုတောင်း၍ ပြောရလွယ်ကူနိုင်ပါသည်၊ သို့သော် ၎င်းတို့၏ ပဲ့တင်သံများကတော့ အမှန်ပင် အပိုင်းအခြားမရှိပါ။ (မာသာထရီဇာ)

Much wisdom often goes with fewest words.
စဉ်းစားဆင်ခြင်ဖွယ် ဥာဏ်ပညာအများစုသည် အနည်းဆုံးစကားလုံးတို့နှင့်အတူ တွဲဖက်ပါရှိတက်သည်။ (Shakespeare)

A man who cannot tolerate small ills can never accomplish great things.
သေးငယ်သည့် အခက်အခဲများကို သည်းမခံနိုင်သူသည် ကြီးမားသည့်အရာများကို မည်သည့်အခါမှ ပြီးစီးအောင် လုပ်နိုင်မည်မဟုတ်။ (Chinese Proverb)

Read more...

အမျိုးသမီးများနှင့် ဗုဒ္ဓဘာသာ…


တရားပွဲအတော်များများမှာ တရားပွဲပြီးလို့ မေးခွန်းတွေ မေးပါလို့ ဆိုလိုက်တဲ့အခါ မေးတတ်တဲ့ မေးခွန်းတစ်ခုက ``တစ်ချို့ဗုဒ္ဓစာပေတွေကို ဖတ်ရတဲ့အခါ အမျိုးသမီးများနဲ့ ပတ်သက်ပြီး မကောင်းကြောင်း ဟောထားတာတွေ၊ တန်းတူအခွင့် အရေးမရှိတာတွေကို သိရတော့ စိတ်ထဲမှာ ခံစားရတယ်၊ ဘာကြောင့်လဲ..`` ဆိုတဲ့ မေးခွန်းလေးတစ်ခုပါ။ ဟိုတစ်လောကလည်း ကလေးမလေးတွေက ''ဘယ်နေရာရောက်ရောက် အမျိုးသမီးတွေဟာ အမြဲနိမ့်ကျပြီး ခွဲခြားခံရတယ်၊ မြန်မာပြည်မှာဆို ပိုလို့တောင်ဆိုးသေးတယ်၊ ဘာသာရေးနဲ့ ပတ်သက်တဲ့ နေရာတွေဆိုရင် အမျိုးသမီးများ မသွားရ၊ မတက်ရဆိုတဲ့ နေရာတွေ အများကြီးရှိတယ် စသဖြင့် ပြောပြီး အဲဒါဟာ ဘာကြောင့်လဲ…''တဲ့။

မှန်ပါတယ်။ ဒီလိုပြဿနာမျိုးက နေရာတိုင်း၊ နိုင်ငံတိုင်းမှာ ကြုံတွေ့ရမယ့် ပြဿနာပါ။ အမျိုးသမီးများ ဘက်ကကြည့်ရင် သူတို့ကို ခွဲခြားဆက်ဆံတယ်၊ နှိမ့်ချဆက်ဆံတယ်ဆိုတဲ့ အတွေးတွေ ၀င်မိကြမှာပါ။ ဒီလိုဝင်မိတာလည်း အပြစ်လို့ ပြောလို့မရပါဘူး။ တစ်ချို့ကလည်း ဒါဟာ ဘာသာတရားကြောင့် ဘာသာတရားမှာ ဟောကြားထားတဲ့ အမျိုးသမီးတွေနဲ့ ပတ်သက်တဲ့ အကြောင်းအရာတွေကြောင့် ဒီလို ခွဲခြားခံရတာလို့ တွေးကြပါတယ်။ အထူးသဖြင့် ဗုဒ္ဓစာပေတွေမှာ ဖော်ပြတဲ့ အမျိုးသမီးများ မကောင်းကြောင်း ဇာတ်တော်နိပါတ်တော် စတာတွေကြောင့် အမျိုးသမီးများအပေါ် မကောင်းမြင်တဲ့သဘော၊ အမျိုးသမီးများကို ယုတ်နိမ့်တဲ့သဘောစသည်ဖြင့် မြင်နေကြတာ ဖြစ်ကြောင်း မခံမရပ်နိုင် ပြောဆိုလာကြပါတယ်။ လူလူချင်းအတူတူ ခွဲခြားဆက်ဆံခံရတဲ့ အတွက် စိတ်ထဲမှာ မခံချိမခံသာ ဖြစ်မိတယ်လို့လည်း တစ်ချို့က ရင်ဖွင့်လာကြပါတယ်။

တကယ်တော့ ဒီလိုဖြစ်လာတာ ဗုဒ္ဓဘာသာနှင့် မသက်ဆိုင်ဘူးလို့ မြင်မိပါတယ်။ ယောက်ျား၊ မိန်းမဆိုတဲ့ သဘာဝနိယာမ သဘောက ခွဲခြားပေးခဲ့ခြင်းသာ ဖြစ်ပါတယ်။ အမျိုးသားများအဖြစ်၊ အမျိုးသမီးများ အဖြစ် ကွဲပြားလာစေတဲ့ ကိုယ်အင်္ဂါ အစိပ်အပိုင်းများကြောင့်ပဲ နေရာတကာမှာ ရင်ဘောင်တန်းလို့ မရတဲ့ အနေအထားတွေ ဖြစ်နေတာပါ။ ဒီသဘာဝ နိယာမတွေကြောင့်ပဲ အမျိုးသမီးများမှာ အမျိုးသားများလို လွတ်လပ်မှုမရှိတာ၊ အမျိုးသားများထက် ပိုတဲ့ခန္ဓာဝန် ဒုက္ခတွေ ရှိလာတာ ဖြစ်ပါတယ်။ သေချာတာကတော့ အမျိုးသမီးတွေဟာ အမျိုးသားတွေထက် ဒုက္ခတွေ ပိုများတယ်ဆိုတာ သေချာပါတယ်။ ထင်ရှားအောင် ပြရရင် ကိုယ်ဝန်ဆောင်ရတဲ့ ဒုက္ခ၊ လစဉ်ဓမ္မတာ ဆင်းရတဲ့ဒုက္ခ၊ သားသမီးမွေးဖွားရတဲ့ ဒုက္ခ စတာတွေဟာ အမျိုးသားများထက် ပိုတဲ့ အမျိုးသမီးများမှာသာ ရှိနေတဲ့ ဒုက္ခတွေပါ။ ဗုဒ္ဓဘာသာလာ ကမ္မနိယာမ သဘောတရားအရ ကြည့်ရင် အတိတ်ကပြုခဲ့တဲ့ ကမ္မသတ္တိ ကံစွမ်းတွေအရ ဒီလို ဒုက္ခပိုများတဲ့ လူသားအဖြစ် မွေးဖွားလာရခြင်း ဖြစ်ပါတယ်။ ဒုက္ခပိုများတာဟာ မကောင်းတဲ့ အကျိုးတွေ ပိုများလို့ပါ။ မကောင်းတဲ့ အကျိုးပိုများတာဟာ မကောင်းတဲ့ အကြောင်းတွေ ရှိခဲ့လို့ဖြစ်ပါတယ်။ အတိတ်အတိတ်ဘ၀တွေက လုပ်ခဲ့တဲ့ မကောင်းတဲ့ ကံတွေ၊ စွဲလမ်းတပ်မက်တတ်တဲ့ တဏှာတွေ၊ မသိမှု အ၀ိဇ္ဇာတွေကြောင့် ရရှိလာတဲ့ အကျိုးဆက်တွေလို့ ပြောနိုင်ပါတယ်။ အမရပူရ ဆရာတော်ကြီးကတော့ အမျိုးသမီး အဖြစ်မွေးဖွားလာရတာ အတိတ်ဘ၀ တစ်ခုခုက ကျူးလွန်ခဲ့တဲ့ ကာမေသုမိစ္ဆာစာရကံကြောင့်လည်း ဖြစ်တယ်လို့ ဆိုပါတယ်။ ဒါက အတိတ်ကို ပြောပြတာပါ။ ဒီသဘောအရ ကြည့်ရင် ယောက်ျားအဖြစ်၊ မိန်းမအဖြစ် မွေးဖွားမှုဟာ ကံအကျိုးပေး ကွာခြားမှုကြောင့်လို့လည်း ပြောလို့ရပါတယ်။ တစ်ချို့လည်း အမျိုးသမီးဘ၀ကိုပဲ တပ်မက်တတ်တဲ့ တဏှာကြောင့် အမျိုးသမီးအဖြစ် ပြန်မွေးနေကြတာတွေ ရှိပါတယ်။ ထားပါတော့။ ဒါက အမျိုးသမီးအဖြစ်ကို ရလာတတ်တဲ့ အကြောင်းလေးကို ပြောပြတာပါ။

ဒါပေမယ့် ဒီလို မိန်းမယောက်ျား အဖြစ်ကွဲပြားနေပေမယ့် တူညီတဲ့ တန်ဖိုးမဖြစ်နိုင်တဲ့ ကောင်းကျိုးကတော့ ရခဲတဲ့ လူ့ဘ၀ကို ရလာခြင်းဆိုတဲ့ အချက်ပါ။ ရခဲ့တဲ့ လူဆိုတဲ့ ဒုလ္လဘတရားမှာ အမျိုးသား၊ အမျိုးသမီးလို့ ခွဲခြားမှုမရှိပါဘူး။ ဗုဒ္ဓဘုရားရှင် ကိုယ်တော်တိုင်လည်း အမျိုးသား၊ အမျိုးသမီး ခွဲခြားမှု မရှိသလို အမျိုးသမီးများကို နှိမ့်ချဆက်ဆံတဲ့သဘော၊ ခွဲခြားဆက်ဆံတဲ့ သဘော၊ ယုတ်ညံ့တဲ့ လူသားအဖြစ် ထုတ်ဖော်ဟောကြားတဲ့ သဘောများ မရှိခဲ့ပါဘူး။ အမျိုးသမီးများကိုလည်း လူသားများအဖြစ် လူ့တန်ဖိုး၊ လူ့သိက္ခာ၊ လူ့အသိဉာဏ်ရှိတဲ့ သူများအဖြစ် ချီးမြှောက်ပါတယ်။ တရားဟောတဲ့အခါမှာလည်း အမျိုးသားများဖြစ်လို့ ဟောတယ်။ အမျိုးသမီးများ ဖြစ်လို့ မဟောဘူး စတာတွေ မရှိပါဘူး။ အမျိုးသားများ သောတာပန် ဖြစ်နိုင်သလို အမျိုးသမီးများလည်း သောတာပန် ဖြစ်နိုင်ကြပါတယ်။ အမျိုးသားများ အာသဝေါကုန်ခမ်း ရဟန္တာဖြစ်နိုင်သလို အမျိုးသမီးများလည်း ရဟန္တာ ဖြစ်နိုင်ပါတယ်။ အမျိုးသားများ နိဗ္ဗာန်ကို မျက်မှောက်ပြုနိုင်သလို အမျိုးသမီးများလည်း နိဗ္ဗာန်ကို မျက်မှောက်ပြုနိုင်ပါတယ်။ နောက်ဆုံး အမျိုးသမီးများ သာသနာ့ဘောင်ဝင်လာရင် ပြဿနာ အမျိုးမျိုးရှိလာနိုင်တာ၊ အမျိုးသမီးရဟန်းမများရဲ့ သာသနာဟာ ကြာကြာမတည်နိုင်တာကို သိရှိပေမယ့် အမျိုးသမီးများကို အခွင့်အရေး ပေးလိုတဲ့အတွက် ဘိက္ခုနီသံဃာ့ အဖွဲ့အစည်းကို ခွင့်ပြုပြီး ဘိက္ခုသံဃာ အဖွဲ့အစည်းအတိုင်း သာသနာတော်မှာ အသိအမှတ်ပြုပေးခဲ့ပါတယ်။ ဒါကြောင့် ဘုရားရှင်အနေနဲ့ တစ်နည်းအားဖြင့် ဗုဒ္ဓဘာသာအနေနဲ့ အမျိုးသမီးများအပေါ် နိမ့်ချခြင်း၊ ခွဲခြားဆက်ဆံခြင်း၊ အခွင့်အရေး မပေးခြင်းများ မရှိခဲ့ပါဘူး။

ဟိုဟိုဒီဒီ ပြောစရာမလိုဘဲ ဗုဒ္ဓဘာသာရဲ့ အဓိက အရေးကြီးဆုံးဖြစ်တဲ့ လွတ်မြောက်ရေးဆိုတဲ့ နိဗ္ဗာန်ကို မျက်မှောက်ပြုရတဲ့ နေရာမျိုးနဲ့ ချိန်ထိုးကြည့်ရင် သိနိုင်ပါတယ်။ အမျိုးသမီးများ ဖြစ်နေလို့ တရားမရဘူး ဆိုတာမရှိခဲ့ပါဘူး။ ဒီအချက်တစ်ချက်တည်းကို ကြည့်လိုက်ရင်ပဲ ဗုဒ္ဓဘာသာရဲ့ ဒီမိုကရေစီ ကျမှု၊ တန်းတူအခွင့် အရေးရှိမှု၊ တစ်ပြေးညီတည်း ဆက်ဆံမှုကို သိနိုင်ပါတယ်။ သဘာဝက ပေးလိုက်တဲ့ ခန္ဓာကိုယ် ဖွဲ့စည်းမှု အနေအထားအရ အမျိုးသမီးများကို အားနည်းတဲ့ သူများအဖြစ်သာ သဘောထားပါတယ်။ ယုတ်ညံ့တဲ့ သူများအဖြစ် မသတ်မှတ်ပါဘူး။ ဗုဒ္ဓကိုယ်တော်တိုင်လည်း အမျိုးသား အမျိုးသမီး ကွဲပြားတဲ့အတွက် အရိယာသူတော်စင် မဖြစ်ရဘူးလို့ မသတ်မှတ်ပါဘူး။ အမျိုးသားဖြစ်စေ အမျိုးသမီးဖြစ်စေ ပါရမီအဟုန်ရှိပြီး အကျင့်သိက္ခာပြည့်စုံစွာနဲ့ ကြိုးစားအားထုတ်ပါက တရားရနိုင်တယ်ဆိုတာ သက်သေပြခဲ့ပါတယ်။ အမျိုးသမီး ရဟန်းမများကိုလည်း အမျိုးသား ရဟန်းတော်များ နည်းတူ ဧတဒဂ် ရထူးများနဲ့ ချီးမြှင့်ပေးခဲ့ပါတယ်။

သို့သော် ဗုဒ္ဓဘာသာမှာ အဆင့်မြင့်မှု မမြင့်မှု ခွဲခြားမှုတော့ ရှိပါတယ်။ ဒါကလည်း ယောက်ျား မိန်းမဆိုတဲ့ သဘာဝနိယာမ ကွဲပြားမှု၊ ပညာတတ်မှု မတတ်မှု စတာတွေကို လိုက်ပြီး ခွဲခြားတာ မဟုတ်ပါဘူး။ သူတို့ရဲ့ ကိုယ်ကျင့်သီလ မြင့်မှု၊ မမြင့်မှုကို ကြည့်ပြီး တစ်လင်တစ်မယားထဲမှာပဲ အမျိုးသမီးက အမျိုးသားထက် အကျင့်သိက္ခာမြင့်မြတ်ရင် အမျိုးသားထက်သာသူအဖြစ် ချီးကျူးတော်မူပါတယ်။ အမျိုးသားဖြစ်ပေမယ့် အကျင့်သိက္ခာ မကောင်းရင် ဘယ်မျက်နှာမှ မထောက်ဘဲ ကဲ့ရဲ့တော်မူပါတယ်။ ဘုရားရှင်ရဲ့ ကဲ့ရဲ့တော်မူတဲ့အခါ သုံးတဲ့စကားက ``မောဃပုရိသ- မဂ်ဖိုလ်မပြီး အချည်းနှီးသော ယောက်ျား`` ဆိုတဲ့စကားပါ။ ပြီးတော့ တစ်အိမ်ထောင်တည်း ဖြစ်ပေမယ့် လင်ယောက်ျားက သီလလုံခြုံပြီး မယားက သီလမလုံခြုံရင် နတ်သားလင်နှင့် သေသူမယားတို့ ပေါင်းသင်းခြင်းနှင့် တူကြောင်း၊ မယားက သီလလုံခြုံပြီး ယောက်ျားက သီလမလုံခြုံရင် နတ်သမီးမယားနှင့် သေသူလင်တို့ ပေါင်းသင်းခြင်းနှင့် တူကြောင်း စသည်ဖြင့် မိန်းမယောက်ျား မခွဲခြားဘဲ အကျင့်သီလကိုသာ အဓိကထားကာ အဆင့်အနိမ့်အမြင့် သတ်မှတ်ပေးပါတယ်။ ဒါတွေကို ကြည့်ရင် ဗုဒ္ဓဘာသာဟာ လူတန်းစား ခွဲခြားတတ်တဲ့၊ အမျိုးသမီးများကို နှိမ်ချတတ်တဲ့ ဘာသာမဟုတ်ဘူး ဆိုတာ နားလည်သဘောပေါက် နိုင်ပါတယ်။

အချုပ်အားဖြင့် ပြောချင်တာက ကံအကျိုးပေးကြောင့် ယောက်ျားအဖြစ်၊ မိန်းမအဖြစ် မွေးဖွားလာခဲ့ရပြီး ရရှိလာတဲ့ အခွင့်အရေးများဟာလည်း အနည်းငယ်ကွဲပြားနေတာ၊ ဒုက္ခတွေ ပိုနေတာ၊ နည်းနေတာ ရှိတတ်ပေမယ့် စစ်မှန်တဲ့ သဘောသဘာဝ အနေဖြင့်ကတော့ အမျိုးသားဖြစ်စေ၊ အမျိုးသမီးဖြစ်စေ နိဗ္ဗာန်မရသေးသမျှတော့ ခန္ဓာကိုယ်ရလာတဲ့သူ မှန်သမျှ ဒုက္ခတွေကတော့ ရှိနေကြမှာ ဖြစ်တယ်ဆိုတာပါ။ အမျိုးသားဘ၀ဟာ ဘုရားဖြစ်နိုင်၊ စကြာဝတေးမင်းတွေ ဖြစ်နိုင်တဲ့အတွက် မြင့်မြတ်တယ်လို့ ဆိုနိုင်ပေမယ့် ဒုက္ခအပေါင်းမှ ငြိမ်းရာနိဗ္ဗာန်ကို ၀င်ကြတဲ့အခါမှာတော့ အမျိုးသမီးများလည်း အမျိုးသားများ တန်းတူရနိုင်၊ ရောက်နိုင်တယ်ဆိုတာ ငြင်းလို့မရတဲ့ အမှန်တရားဖြစ်ပါတယ်။ ကံအကျိုးပေးအရ အမျိုးသမီးများ အဖြစ်ဘ၀ကို ရရှိလာမှုနှင့်အတူ အမျိုးသမီးများ၏ ဒုက္ခများလည်း ခံစားလာရမှုတွေ ရှိနေကြတဲ့အတွက် အမျိုးသမီးများကို အားနည်းသူများအဖြစ် မြင်နိုင်ကြပေမယ့် ယုတ်နိမ့်တဲ့သူများ၊ အဆင့်နိမ့်တဲ့သူများကတော့ မဟုတ်ကြဘူးဆိုတာပါ။ ဒါပေမယ့် အကျင့်သိက္ခာတွေ ပျက်ပြားနေမယ်၊ အကုသိုလ်တွေများနေမယ် ဆိုရင်တော့ ဒီလိုသူမျိုးကို နိမ့်ကျတဲ့သူများလို့ ပြောနိုင်ပါတယ်။ ဒီနိမ့်ကျမှုကတော့ အမျိုးသမီးဖြစ်ရလို့ မဟုတ်ပါဘူး။ အမျိုးသားပဲ ဖြစ်ဖြစ် အမျိုးသမီးပဲ ဖြစ်ဖြစ် ကိုယ်ကျင့်ပျက်ရင်တော့ အကုန်နိမ့်ကျသူတွေ ဖြစ်နေမှာပါ။ အဲလိုမျိုးသူတွေ ဆိုရင်တော့ ဘယ်နေရာသွားသွား ခွဲခြားဆက်ဆံခံနေကြရမှာပါ။

ဒါကြောင့် ကံပေးမှုနဲ့ သဘာဝတရားအရ ရလာတဲ့ အမျိုးသမီးများဟာ အမျိုးသားများတန်းတူ အရာရာ ရင်ဘောင်မတန်းနိုင်ကြပေမယ့် အကျင့်သီလကောင်းပြီး ကိလေသာကုန်ရာ လမ်းစဉ်ကို လိုက်နာကျင့်သုံးနေမယ်ဆိုရင် နိဗ္ဗာန်ဆိုတဲ့ အခွင့်အရေး တံခါးက အမြဲဖွင့်လစ်ထားနေမှာ ဖြစ်တဲ့အတွက် ဟိုတွေးဒီတွေး ကလေးအတွေးတွေ မတွေးကြဘဲ အမျိုးသမီးဖြစ်ပေမယ့် အမျိုးသားများထက်သာအောင်၊ အမျိုးသားများထက် အဆင့်မြင့်အောင် ကိုယ့်ရဲ့ သီလ၊သမာဓိ၊ပညာ သိက္ခာတရားများ မြင့်မားအောင်သာ ကြိုးစားသင့်ပါကြောင်း…

Read more...

သေကံမရောက် သက်မပျောက်... (ဦးသုမင်္ဂလ) vcdတ

ဒယ်အိုး ဆရာတော် ဦးသုမင်္ဂလ...

နိဗ္ဗာန်ရောက်ကြောင်းတရားကောင်း...

သေကံမရောက် သက်မပျောက်... (ဦးသုမင်္ဂလ) vcd

video

တရားတော်ယူရန်--->


Read more...

အမြဲမှားတော့ အမှားမြဲ

မန္တလေး မဟာမြတ်မုနိဘုရားကြီးဆီကို အကြိမ်ကြိမ်ရောက်ခဲ့ဖူးပါတယ်။ မန္တလေးသား မဟုတ်တဲ့အတွက်ကြောင့်ကိုပဲ ခဏခဏရောက်ဖြစ်တာပါ။ (လည်စရာအိမ်မရှိသောကြောင့်)။ ဘုရားကြီးကို ရောက်ဖြစ်တဲ့အခါတိုင်း အဲ့ဒိနေရာကို ရောက်အောင်သွားကြည့်ဖြစ်ပါတယ်။ ကျွန်တော်စိတ်ဝင်စားလို့ပါ။ စိတ်ဝင်စားတယ်ဆိုတာကလည်း တစ်ခြားမဟုတ်ဘူး။ ကျွန်တော်နားထောင်ဖူးတဲ့ ပုံပြင်တွေထဲက ဇာတ်ကောင်တွေ အဲ့ဒိမှာရှိတယ်လေ။ နောက် … သူတို့နဲ့ ပတ်သက်တဲ့ စာအုပ်တွေလည်း ဖတ်ဖူးတယ်။ ကျွန်တော်နဲ့ သူတို့နဲ့ မိတ်ဆွေဖြစ်ခဲ့တာတော့ ကြာပါပြီ။ ဒါပေမယ့် တစ်ခါမှတော့လည်း မဆုံဖူးပါဘူး။ ဒါကြောင့်ပဲ ရောက်တဲ့အခါတိုင်း အမှတ်တရအနေနဲ့ ရောက်တိုင်း သူတို့နဲ့ သွားရောက်တွေ့ဆုံဖြစ်ပါတယ်။

သူတို့နဲ့ ကျွန်တော် မတွေ့ဖြစ်ခဲ့တာ ဘယ်လောက်တောင် ကြာသွားသည်မသိဘူး။ ကျွန်တော်နဲ့ သူတို့ ပြန်ဆုံတဲ့အခါမှာ တော့ ဇရာထောင်းလို့ ဘ၀ပြောင်းနေတဲ့ သူတို့ပုံစံတွေကို ရုတ်တရက် မြင်တွေလိုက်ရတော့ စိတ်မကောင်းဖြစ်မိတာတော့ အမှန်ပါ။ သူတို့က ကျွန်တော့်ကို စကားတစ်ခွန်းပြောလိုက်ပါတယ်။ ဒီမယ်သုခ … လူတွေဟာ ကိုယ်လုပ်တာဆိုရင် အမြဲတမ်း မှန်တယ်ထင်နေကြတယ်ကွ ..။ လူတွေကကွာ သူတို့ ဗိုက်နာပျောက်ချင်တာကို ဆေးမသောက်ပဲ ငါ့ဗိုက် ကိုလာနှိုက်ကြတယ်။ ခေါင်းကိုက်ပျောက်ချင်တော့ ခေါင်းကို လာပွတ်တယ်လို့ သူကဆိုပါတယ်။ သူပြောတာတွေက အစုံပါပဲ။ ကျွန်တော် သူ့စကားသံတွေကြားပြီး ရယ်ချင်လာတယ်ဗျာ။ တစ်ကယ်ပါ။ သူပြောမယ်ဆိုလည်း ပြောသင့်ပါတယ်။

ကျွန်တော့်မိတ်ဆွေကြီးတွေမှာ ခုမျက်လုံးတွေ ဟောက်ပက်နဲ့၊ ချက်တွေ ပေါက်ထွက်ကုန်ပြီ။ ဘယ်သူတွေ ဘာလာလုပ် ပေးကြမှာလဲ။ သူတို့ရဲ့ ဇရာရုပ်သွင်ကို ဘယ်သူကများ တကယ်လာ အဟုတ်ပြင်ပေးမှာလဲဗျာ။ သူ့ခေါင်းကို တစ်ချက်ပွတ် လို့ ကိုယ့်ဆီကရောဂါတွေ တကယ်လွတ်ထွက်သွားမယ်လို့ ဘယ်လိုတွေးပြီး ယုံကြည်လိုက်ကြတာလဲ။ အတော်စိတ်ပျက် စရာ မြင်ကွင်းတွေပါ။ အားကိုးတကြီးနဲ့ မဟာမြတ်မုနိဘုရားကြီးဘက်လှည့်ပြီး မျက်လုံးဟောက်ပက်နဲ့ ကြည့်နေရှာတဲ့ သူတို့ ရုပ်သွင် ကျွန်တော်ခုထိမြင်နေတုန်းပဲ။ တို့မြတ်စွာဗုဒ္ဓက ထုတ်ကာမြွက်ဟတာက လူတိုင်းမှာ ကံသာလျှင် ကိုယ်ပိုင် ဥစ္စာရှိသည်ဆိုတဲ့။ သူတို့တွေ ဘုရားရှေ့မှာ ပုဆိန်ပေါက်ဦးချ နှုတ်ကလည်း ရွတ်လိုက်တာ ကွိကွ ကွိကွ။ အပြီးကျကာမှ ထိုအဆွေတို့ ချက်ကိုလာနှိုက်၊ ခေါင်းကိုလာပွတ်။ အော် …….. ကိုယ်လုပ်တဲ့ ကောင်းမှုကံ၊ မကောင်းမှုကံကိုမှ ကိုယ်မယုံ၊ နောက်ဆုံးမှ တို့မိတ်ဆွေဆီလာပြီး ငါ့ရောဂါတွေ ယူကြပါ၊ ကူကြပါ၊ အများသူငါ အော်ကြ ဟစ်ကြ။

ဒါနဲ့ ကျွန်တော့်အဆွေတော်တွေကို မိတ်ဆက်ပေးရဦးမယ်ဗျ။ ဒီကမိတ်ဆွေနဲ့ သူတို့က သိပြီးသားတွေနေမှာပါ။ သူတို့က ဘိုးတော်ဘုရားလက်ထက်က ရခိုင်ကရောက်လာတဲ့ ရခိုင်ကုလားရုပ်ကြီးများပါ။ သူတို့ကို ကြေးနဲ့ ထူထူထဲထဲ သွန်းလုပ် ထားပြီး စင်စစ် ထိုအရုပ်တွေဟာ ဗိသျှနူးနတ်ရုပ်တွေလို့လဲ ဆိုပါတယ်။ ဗိုက်နာတဲ့သူတွေ အရုပ်ကြီးရဲ့ချက်ကို နှိုက်ရင် ရောဂါပျောက်တယ်ဆိုလို့ ဘုရားဖူးလာကြသူတိုင်း လာလာနှိုက်ကြတာ။ စပြီးနှိုက်ခါစ တုန်းကတော့ ထိုကြေးရုပ်ကြီးတွေ ဘာမှဖြစ်မှာ မဟုတ်ဟု ထင်ခဲ့ကြပုံရပါသည်။ ခုတော့ ခေတ်အဆက်ဆက်နှိုက်လာတာလေ။ ကြာလာတော့လဲ ထူထပ် ပါတယ်ဆိုတဲ့ ကြေးသားတွေတောင် မျက်လုံးဟောက်ပက်၊ ချက်တွေ ပေါက်ထွက်နေတာ ဒီကမိတ်ဆွေ မြင်ဖူးမှာပါဗျာ။ ဒါကြောင့်လည်း မြတ်စွာဘုရားရှင်က ဟောခဲ့တာပေါ့။

အနည်းငယ်သော မကောင်းမှုသည် ငါ့အားအကျိုးသက်ရောက်လာမည်မဟုတ်ဟု မကောင်းမှုကို မထင်မဲ့မြင်မပြုရာ၊ အထင်မသေးရာ၊ မိုရေပေါက်တို့သည် အကြိမ်ကြိမ်ကျဖန်များသောအခါ ရေအိုးကြီးသည်ပင် ပြည့်လျှံသွားသကဲ့သို့ မိုက် သောသူတို့သည် အနည်းငယ်မျှသော မကောင်းမှုကို ပြုဖန်များသောအခါ မကောင်းမှုဖြင့် ပြည့်လေတော့၏။

မြတ်စွာဘုရားရှင်၏ မိန့်မှာချက်ဟာ အင်မတန်သတိပြုစရာကောင်းလှပါတယ်။ ကံ၊ စိတ်၊ ဥတု၊ အာဟာရ လေးပါးသော အကြောင်းတွေကြောင့် မိမိမှာ ရောဂါဖြစ်ကြရတာပါ။ မိမိရောဂါ သက်သာချင်ရင် ကံကို ပြင်သင့်ပြင်ပါ။ စိတ်ကို ပြင်သင့် ပြင်ပါ။ ဥတု၊ အာဟာရ စသည်တို့ကို ပြင်ပါ။ ဒါတွေကိုမပြင်ပဲ ကြေးရုပ်ကိုလက်နှိုက်မှ ပျောက်မယ်ထင်တာ အယူလွဲတာပါ။ ဒါကြောင့်မို့ စာတစ်ကြောင်းလောက် ကျက်ထားဖူးတယ်။ ဖတ်ကြည့်ပါဦး။

အယူလွဲတော့ အလွဲယူ၊ ငရဲမူကို စွန့်ကြ စွန့်ကြ။

ကိုယ်လုပ်လိုက်တာက နဲနဲလေးပဲလွဲတာပါဆိုပြီး မထီမဲ့မြင် မပြုပါနဲ့လို့ ပြောခဲ့ပြီးပါပြီ။ ကိုယ်လုပ်လိုက်တဲ့ မကောင်းမှုဟာ မဖြစ်စလောက်လေးပါဆိုပြီး အထင်မသေးမိစေလိုပါ။ ကြေးရုပ်ကြီးတွေကို ပွတ်တိုက်လာတာဟာ သံဘရပ်နဲ့ မဟုတ်ပါ။ အလွန်နူးညံ့တဲ့ လက်ဖ၀ါးလေးတွေနဲ့ပါ။ ဒါပေမယ့် နှစ်ကာလကြာတာနဲ့အမျှ ထူထူထဲထဲကြေးရုပ်တွေတောင် မျက်လုံး ဟောက်ပက် ဖြစ်ခဲ့ကြတာကိုကြည့်ခြင်းအားဖြင့် မဖြစ်စလောက်တို့ အဆမတန်များလာတဲ့အခါ ဖြစ်လောက်တဲ့အရာ ဖြစ်သွားတာကို သတိပြုစေချင်ပါတယ်။ မဖြစ်စလောက်ဆိုတဲ့ အပြုအမှုကို အကြိမ်ကြိမ် ထပ်ထပ်တလဲလဲ ပြုမူရင်းကနေ မပြုရရင် မနေနိုင်လောက်တဲ့ အဖြစ်မျိုးသို့ ရောက်သွားရပါတယ်။

မကောင်းမှုကို ပြုတဲ့နေရာမှာ ရက်ကောင်း ရက်ရာဇာမရွေးပဲ ပြုမူနေထိုင်ပြီးမှ ကောင်းမှုပြုခါနီးမှာ ရက်ကောင်းရက်မြတ် ရွေးတတ်တဲ့အကျင့်တွေကို ဖျောက်သင့်လှပါပြီ။ ကုသိုလ်ကို များအောင်စု၊ ကောင်းမှုကို များအောင်ကြံ၊ သတ္တ၀ါ ကောင်း မကောင်း အကြောင်းကံကသာ စီမံတော့သည်၊ ကံသာလျှင် အမိ၊ ကံသာလျှင် အဖဆိုတာကတော့ လောကစကား၊ ဉာဏ်သာလျှင် အမိ၊ ဉာဏ်သာလျှင် အဖဆိုတာကတော့ ဂေါတမဘုရားရှင်ရဲ့တရား ……. ဟုမိန့်ခဲ့သည်ကို ပြန်လည် ကြားယောင်နေမိပြန်ပါသည်။

တို့လည်းလေ လောကီသားပေမို့ မှားတတ်တာကို နားလည်ပါတယ်။ မှားတတ်တာဟာ သဘာဝပါ။ အမှားထပ်တာကသာ သဘာဝ မကျတာပါ။ အမှားတွေဟာ အထပ်ထပ်အခါခါ အမြဲမှားနေတော့ မကောင်းပါဘူး။ ပြင်သင့်ပါပြီ။ ကျွန်တော်လည်း စာတစ်ကြောင်း ခိုးပြီး စပ်ကြည့်မိပါတယ်။

အမြဲမှားတော့ အမှားမြဲ၊ မသွားပဲ ရောက်တာ ငရဲ ငရဲ။

အားလုံးသော သတ္တ၀ါတွေ ကိုယ်စိတ်နှစ်ဖြာ ကျန်းမာ ချမ်းသာကြပါစေ။



Read more...

နှုတ်အမှုကို ကြည့်ရှု ဆင်ခြင်ရမည်...


အမ္ဗလဋ္ဌိကရာဟုလောဝါဒသုတ်-

ရာဟုလာ သင်သည် အကြင်အမှုကို နှုတ်ဖြင့် ပြုလိုသည် ဖြစ်အံ့၊
ထိုနှုတ်အမှုကို သင်ကြည့်ရှု 'ဆင်ခြင်' ရမည်-

''ငါသည် အကြင်အမှုကို နှုတ်ဖြင့် ပြုလို၏၊ ငါ၏ ဤနှုတ်အမှုသည် မိမိ ဆင်းရဲခြင်း ငှါလည်း ဖြစ်ရာသလော၊ သူတစ်ပါး ဆင်းရဲခြင်းငှါလည်း ဖြစ်ရာသလော၊ မိမိ သူတစ်ပါး နှစ်ပါးစုံ ဆင်းရဲခြင်းငှါလည်း ဖြစ်ရာသလော၊ ဤနှုတ်အမှုသည် အကု သိုလ်လော၊ ဆင်းရဲကို ဖြစ်ပွါး စေတတ်သလော၊ ဆင်းရဲသော အကျိုးရှိလေ သလော''ဟု ကြည့်ရှု ဆင်ခြင်ရမည်။

ရာဟုလာ သင်သည် ကြည့်ရှု 'ဆင်ခြင်' သော် ''ငါသည် အကြင် အမှုကို နှုတ်ဖြင့် ပြုလို၏၊ ငါ၏ ဤနှုတ် အမှုသည် မိမိ ဆင်းရဲခြင်းငှါလည်း ဖြစ်ရာ၏၊ သူတစ်ပါး ဆင်းရဲခြင်းငှါလည်း ဖြစ်ရာ၏၊ မိမိ သူတစ်ပါး နှစ်ပါးစုံ ဆင်းရဲခြင်းငှါလည်း ဖြစ်ရာ ၏၊ ဤနှုတ်အမှုသည် အကုသိုလ်တည်း၊ ဆင်းရဲကို ဖြစ်ပွါးစေတတ်၏၊ ဆင်းရဲ သော အကျိုးရှိ၏'' ဟု အကယ်၍ သိငြားအံ့၊ ရာဟုလာ ဤသို့ သဘော ရှိသော နှုတ်အမှုကို သင်သည် စင်စစ် မပြုသင့်။

ရာဟုလာ သင်သည် ကြည့်ရှု 'ဆင်ခြင်' သော် ''ငါသည် အကြင် အမှုကို နှုတ်ဖြင့် ပြုလို၏၊ ငါ၏ ဤနှုတ် အမှုသည် မိမိ ဆင်းရဲခြင်းငှါလည်း မဖြစ်ရာ၊ သူတစ်ပါး ဆင်းရဲခြင်းငှါလည်း မဖြစ်ရာ၊ မိမိ သူတစ်ပါး နှစ်ပါးစုံ ဆင်းရဲခြင်းငှါလည်း မဖြစ်ရာ၊ ဤနှုတ်အမှုသည် ကုသိုလ်တည်း၊ ချမ်းသာကို ဖြစ်ပွါး စေတတ်၏၊ ချမ်းသာသော အကျိုးရှိ၏'' ဟု အကယ်၍ သိငြားအံ့၊ ရာဟုလာ ဤသို့ သဘော ရှိသော နှုတ်အမှု ကို သင်သည် ပြုသင့်၏။

ရာဟုလာ သင်သည် နှုတ်အမှုကို ပြုနေဆဲ ဖြစ်သော်လည်း ထိုနှုတ် အမှုကို သင် ကြည့်ရှု 'ဆင်ခြင်'ရမည်၊ ''ငါသည် အကြင် အမှုကို နှုတ်ဖြင့် ပြုဆဲဖြစ်၏၊ ငါ၏ ဤနှုတ် အမှုသည် မိမိ ဆင်းရဲခြင်းငှါလည်း ဖြစ်ရာသလော၊ သူတစ်ပါး ဆင်းရဲခြင်းငှါလည်း ဖြစ်ရာသလော၊ မိမိသူတစ်ပါး နှစ်ပါးစုံ ဆင်းရဲခြင်းငှါလည်း ဖြစ်ရာသလော၊ ဤနှုတ် အမှုသည် အကုသိုလ်လော၊ ဆင်းရဲကို ဖြစ်ပွါး စေတတ် သလော၊ ဆင်းရဲသော အကျိုး ရှိလေသလော'' ဟု (ကြည့်ရှု ဆင်ခြင်ရမည်)။

ရာဟုလာ သင်သည် ကြည့်ရှု 'ဆင်ခြင်' သော် ''ငါသည် အကြင် အမှုကို နှုတ်ဖြင့် ပြု၏၊ ငါ၏ ဤနှုတ်အမှုသည် မိမိ ဆင်းရဲခြင်းငှါလည်း ဖြစ်၏၊ သူတစ်ပါး ဆင်းရဲ ခြင်းငှါလည်း ဖြစ်၏၊ မိမိ သူတစ်ပါး နှစ်ပါးစုံ ဆင်းရဲခြင်းငှါလည်း ဖြစ်၏၊ ဤနှုတ် အမှုသည် အကုသိုလ်တည်း၊ ဆင်းရဲကို ဖြစ်ပွါးစေတတ်၏၊ ဆင်းရဲသော အကျိုး ရှိ၏'' ဟု အကယ်၍ သိငြားအံ့...

ရာဟုလာ ဤသို့ သဘော ရှိသော နှုတ်အမှုကို သင်သည် ရုပ်သိမ်းလေလော့။

ရာဟုလာ သင်သည် ကြည့်ရှု 'ဆင်ခြင်' သော် ''ငါသည် အကြင် အမှုကို နှုတ်ဖြင့် ပြု၏၊ ငါ၏ ဤနှုတ် အမှုသည် မိမိ ဆင်းရဲခြင်းငှါလည်း မဖြစ်၊ သူတစ်ပါး ဆင်းရဲ ခြင်းငှါလည်း မဖြစ်၊ မိမိ သူတစ်ပါး နှစ်ပါးစုံ ဆင်းရဲခြင်းငှါလည်း မဖြစ်၊ ဤနှုတ် အမှုသည် ကုသိုလ်တည်း၊ ချမ်းသာကို ဖြစ်ပွါးစေတတ်၏၊ ချမ်းသာသော အကျိုး ရှိ၏'' ဟု အကယ်၍ သိငြားအံ့...

ရာဟုလာ ဤသို့ သဘောရှိသော နှုတ်အမှုကို သင်သည် ကြိုးပမ်းလေလော့။

ရာဟုလာ သင်သည် နှုတ် အမှုကို ပြုပြီးသော်လည်း ထိုနှုတ်အမှုကို သင် ကြည့်ရှု 'ဆင်ခြင်' ရမည်၊ ''ငါသည် အကြင်အမှုကို နှုတ်ဖြင့် ပြုမိပြီ၊ ငါ၏ ဤနှုတ် အမှုသည် မိမိ ဆင်းရဲခြင်းငှါလည်း ဖြစ်ရာသလော၊ သူတစ်ပါး ဆင်းရဲခြင်းငှါလည်း ဖြစ်ရာသလော၊ မိမိ သူတစ်ပါး နှစ်ပါးစုံ ဆင်းရဲခြင်းငှါလည်း ဖြစ်ရာသလော၊ ဤနှုတ် အမှုသည် အကုသိုလ်လော၊ ဆင်းရဲကို ဖြစ်ပွါးစေတတ်သလော၊ ဆင်းရဲသော အကျိုးရှိလေသလော'' ဟု (ကြည့်ရှု ဆင်ခြင်ရမည်)။

ရာဟုလာ သင်သည် ကြည့်ရှု 'ဆင်ခြင်' သော် ''ငါသည် အကြင် နှုတ်အမှုကို ပြုမိပြီ၊ ငါ၏ ဤနှုတ်အမှုသည် မိမိ ဆင်းရဲခြင်းငှါလည်း ဖြစ်၏၊ သူတစ်ပါး ဆင်းရဲခြင်းငှါလည်း ဖြစ်၏၊ မိမိ သူတစ်ပါး နှစ်ပါးစုံ ဆင်းရဲခြင်းငှါလည်း ဖြစ်၏၊ ဤနှုတ်အမှုသည် အကုသိုလ်တည်း၊ ဆင်းရဲကို ဖြစ်ပွါးစေတတ်၏၊ ဆင်းရဲသော အကျိုးရှိ၏'' ဟု အကယ်၍ သိငြားအံ့၊ ရာဟုလာ ဤသို့ သဘော ရှိသော နှုတ်အမှု ကို သင်သည် ဆရာ့ထံ၌ ဖြစ်စေ၊ ပညာရှိတို့ထံ၌ ဖြစ်စေ၊ သီတင်း သုံးဖော်တို့ထံ၌ ဖြစ်စေ ပြောကြားရမည်၊ ဖွင့်ပြရမည်၊ ထင်စွာ ပြုရမည်၊ ပြောကြား၍ ဖွင့်ပြ၍ ထင်စွာပြု၍ နောင်အခါ၌ စောင့်ရှောက်ခြင်းသို့ ရောက်ရမည်။

ရာဟုလာ သင်သည် ကြည့်ရှု 'ဆင်ခြင်' သော် ''ငါသည် နှုတ်ဖြင့် အကြင် အမှုကို ပြုမိပြီ၊ ငါ၏ ဤနှုတ်အမှုသည် မိမိ ဆင်းရဲခြင်းငှါလည်း မဖြစ်၊ သူတစ်ပါး ဆင်းရဲခြင်းငှါလည်း မဖြစ်၊ မိမိ သူတစ်ပါး နှစ်ပါးစုံ ဆင်းရဲခြင်းငှါလည်း မဖြစ်၊ ဤနှုတ်အမှုသည် ကုသိုလ်တည်း၊ ချမ်းသာကို ဖြစ်ပွါးစေတတ်၏၊ ချမ်းသာသော အကျိုးရှိ၏'' ဟု အကယ်၍ သိငြားအံ့၊ ရာဟုလာ သင်သည် ထိုသို့ နှစ်သက် ဝမ်းမြောက် ခြင်းဖြင့်သာလျှင် ကုသိုလ် တရားတို့၌ နေ့ရော ညဥ့်ပါ ကျင့်ကြံလျက် နေရာ၏။ 110

ရာဟုလာ သင်သည် အကြင်အမှုကို စိတ်ဖြင့် ပြုလို၏၊ သင်သည် ထိုသို့ သဘော ရှိသော စိတ်အမှုကို ကြည့်ရှု 'ဆင်ခြင်' ရမည်။

၁ - အမ္ဗလဋ္ဌိကရာဟုလောဝါဒသုတ်-မှ၊ ဘိက္ခုဝဂ်၊ မဇ္ဈိမပဏ္ဏာသပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

Read more...

ဒုလ္လဘရဟန်း၏အမေး... (တည်တောဆရာတော် (မေး+ဖြေ))

တည်တောဆရာတော် (မေး+ဖြေ) ၆-မှ...

ဒုလ္လဘရဟန်း၏အမေး...









Read more...

ဩ၀ါဒ


ဝီရိယဆိုတာ ကောင်းတဲ့ဘက်၊ မကောင်းတဲ့ဘက် နှစ်ဖက်စလုံးမှာ ရှိတာချည်းပဲ။

မကောင်းတဲ့ ဘက်မှာတော့ ခိုးဖို့ တိုက်ဖို့ ညှဉ်းဆဲသတ်ဖြတ်ဖို့အတွက် စောစောက ပြင်ဆင် အားထုတ်တာ တွေဟာ မကောင်းတဲ့ဘက်မှာ ရှိတဲ့ ၀ီရိယတွေဖြစ်တယ်။

ကောင်းတဲ့ဘက်မှာတော့ ဒါန သီလ ဘာဝနာ စတဲ့ ကောင်းမှုတွေကို မသေခင် ကြိုတင်ပြုလုပ် အားထုတ်မှုတွေပဲ။
အဲဒါတွေဟာ ကောင်းမှုဘက်မှာရှိတဲ့ ၀ီရိယတွေပါပဲ။

( ဆရာတော်ကြီး ဦးသံဝရ )

Read more...

ဘာသာတရားကပေးသော ဆုလာဘ်



စီစဉ်သူအမှာ

ဗုဒ္ဓ၏ တရားဓမ္မကို လေ့လာဆည်းပူးသူတို့  ရှေးဦးစွာ သိထားရမည့် အချက်သည် ဗုဒ္ဓ မဟောသော အခြင်းအရာများနှင့် ဗုဒ္ဓဟောကြားသော တရားဓမ္မများကို ခွဲခွဲခြားခြား သိထားရန်ပင် ဖြစ်ပါသည်။

ဗုဒ္ဓမဟောသော အချင်းအရာများကို တရားဓမ္မဟု မှတ်ယူမိပါက အားထုတ်ရကျိုးမနပ် အချည်းအနှီးသာ ဖြစ်ရပေတော့မည်။

သို့ သော် ကျွန်တော် ဖတ်မှတ်လေ့လာခဲ့သော ဗုဒ္ဓ၏ စာပေကျမ်းဂန်များမှ ဗုဒ္ဓမဟော သောအခြင်းအရာများကို ရှေးဦးစွာ ဖော်ပြပေးလိုပါသည်။

ဤသို့ ဖော်ပြရာ၌ စာလုံးတစ်လုံးမှ ဖြတ်တောက်ခြင်းမရှိ တိတိကျကျ ဖော်ပြပေးပါမည်။
ပြည်ထောင်စု မြန်မာနိုင်ငံတော် သာသနာရေး ဦးစီဌာန ပုံနှိပ်တိုက်မှ ရိုက်နှိပ်သော ဆဌသင်္ဂါယနာတင် ပိဋကတ်တော် သံယုတ်ပါဠိတော် (မြန်မာပြန်) တတိယတွဲ စာမျက်နှာ ၃၇၁ မှ သုတ် အမှတ်စဉ် ၁၀၇၈ စိန္တသုတ်-

ရဟန်းတို့  လောကသည် မြဲ၏ ဟူ၍လည်းကောင်း၊ လောကသည် မမြဲ ဟူ၍လည်းကောင်း၊ လောကသည် အဆုံးရှိ၏ ဟူ၍ လည်းကောင်း၊ လောကသည် အဆုံးမရှိ ဟူ၍ လည်းကောင်း၊ ထိုအသက်သည်ပင် ထိုကိုယ်ဖြစ်၏ ဟူ၍ လည်းကောင်း၊ အသက်သည် တခြား ကိုယ်သည်တခြား လည်းကောင်း၊ သတ္တ၀ါသည် သေပြီးသည် နောက်၌ ဖြစ်၏ ဟူ၍ လည်းကောင်း၊ သတ္တ၀ါသည် သေပြီးသည်နောက်၌ မဖြစ် ဟူ၍ လည်းကောင်း၊ သတ္တ၀ါသည် သေပြီးနောက်၌ ဖြစ်လည်းဖြစ် မဖြစ်လည်းမဖြစ် ဟူ၍ လည်းကောင်း၊ သတ္တ၀ါသည် သေပြီးသည်နောက်၌ ဖြစ်သည်လည်းမဟုတ် မဖြစ်သည် လည်းမဟုတ် ဟူ၍ လည်းကောင်း၊ ဤသို့ ယုတ်ညံ့သော အကုသိုလ် စိတ်ကို မကြံစည် ကုန်ရာ။ ထိုသို့  မကြံစည်သင့်ခြင်းသည် အဘယ်ကြောင့်နည်း။ ရဟန်းတို့  ဤအကြံအစည်သည် အကျိုးစီးပွားနှင့် မစပ်၊ မဂ်တည်းဟူသော အကျင့်မြတ်၏ အစမဟုတ်၊ ငြီးငွေ့ ရန်၊ တပ်ခြင်းကင်းရန်၊ ချုပ်ရန်၊ ငြိမ်းအေးရန်၊ ထူးသောဥာဏ်ဖြင့် သိရန်၊ ကိုယ်တိုင်သိရန်၊ တဏှာမှ ထွက်မြောက်ရန် မဖြစ်။

ရဟန်းတို့  သင်တို့ သည် ကြံစည်လိုကြကုန်သော ဤကား ဆင်းရဲတည်း ဟု ကြံစည်ကုန် ရာ၏၊ ဤကား ဆင်းရဲဖြစ်ပေါ်ကြောင်းတည်းဟု ကြံစည်ကုန်ရာ၏။ ဤကား ဆင်းရဲချှုပ်ရာ (နိဗ္ဗာန်)တည်း ဟု ကြံစည်ကုန်ရာ၏။ ဤကား ဆင်းရဲချုပ်ရာ (နိဗ္ဗာန်) သို့ ရောက်ကြောင်း အကျင့်တည်းဟု ကြံစည်ကုန်ရာ၏။ ထိုသို့ ကြံစည်သင့်ခြင်းသည် အဘယ့်ကြောင့်နည်း။ ရဟန်းတို့  ဤအကြံအစည်သည် အကျိုးစီးပွားနှင့် စပ်၏။ မဂ်တည်း ဟူသော အကျင့်မြတ်၏အစ ဖြစ်၏။ ငြီးငွေ့ ရန်၊ တပ်ခြင်းကင်းရန်၊ ချုပ်ရန်၊ ငြိမ်းရန်၊ ထူးသော ဥာဏ် ဖြင့် သိရန်၊ ကိုယ်တိုင်သိရန်၊ တဏှာမှ ထွက်မြောက်ရန်ဖြစ်၏။

ရဟန်းတို့  ထို့ ကြောင့် ဤကား ဆင်းရဲတည်းဟု သိရန် အားထုတ်ရမည်။ ပ။ ဤကား ဆင်းရဲချုပ်ရာ (နိဗ္ဗာန်) သို့ ရောက်ကြောင်း အကျင့်တည်း ဟု သိရန် အားထုတ်ရမည်ဟု (မိန့် တော်မူ၏) ။

ပြည်ထောင်စု မြန်မာနိုင်ငံတော် သာသနာရေး ဦးစီးဌာန ပုံနှိပ်တိုက်မှ ရိုက်နှိပ်သော ဆဌ သင်္ဂါယနာတင် ပိဋကတ်တော် မဇ္ဈိမ ပဏ္ဏာသ ပါဠိတော် (မြန်မာပြန်) စာမျက်နှာ ၁၅၉၊ သုတ်အမှတ်စဉ် ၁၈၇၊ ၁၈၈၊ ၁၈၉ အဂ္ဂိဝစ္ဆသုတ်-
၁၈၇။ အကျွန်ုပ်သည် ဤသို့ ကြားနာခဲ့ရပါသည်-

အခါတပါး၌ မြတ်စွာဘုရားသည် သာဝတ္ထိပြည် အနာထပိဏ် သူဌေး၏ အရံဖြစ်သော ဇေတ၀န်ကျောင်း၌ သတင်းသုံးနေတော်မူ၏။ ထိုအခါ ၀စ္ဆအနွယ်ဖြစ်သော ပရိဗိုဇ် သည် မြတ်စွာဘုရား ရှိတော်မူရာ အရပ်ကို ချဉ်းကပ်၍ မြတ်စွာဘုရားနှင့် အတူ ၀မ်းမြောက်ဖွယ် အမှတ်ရဖွယ်စကားကို ပြောဆို ပြီးဆုံးစေပြီးနောက် သင့်လျော်သော နေရာ၌ ထိုင်ကာ အသျှင်ဂေါတမ၊ လောကသည်မြဲ၏ ဤအယူသည်သာ မှန်၏၊ တပါးသော အယူသည် အချည်းနှီးသာ တည်းဟု အသျှင်ဂေါတမသည် ဤသို့ အယူရှိပါသလော ဟူ၍ လျှောက်ထား၏။ ၀စ္ဆ လောကသည် မြဲ၏၊ ဤအယူသည်သာ မှန်၏ တပါးသောအယူသည် အချည်းနှီးသာတည်းဟု ငါသည် ဤသို့ အယူမရှိပါ ဟု (မိန့် တော်မူ၏) ။

အသျှင်ဂေါတမ လောကသည် မမြဲ ၊ ဤအယူသည်သာ မှန်၏ တပါးသောအယူသည် အချည်းနှီးသာတည်း ဟု အသျှင်ဂေါတမ ဤသို့ အယူရှိပါသလော ဟု (လျှောက်၏) ။ ၀စ္ဆ လောကသည် မမြဲ ၊ ဤအယူသည်သာ မှန်၏ တပါးသောအယူသည် အချည်းနှီးသာတည်း
ဟု ငါသည် ဤသို့ အယူမရှိပါဟု (မိန့် တော်မူ၏) ။

အသျှင်ဂေါတမ လောကသည် အဆုံးမရှိ၊ ဤအယူသည်သာ မှန်၏ တပါးသောအယူသည် အချည်းနှီးသာတည်း ဟု အသျှင်ဂေါတမသည် ဤသို့  အယူရှိပါသလောဟု (လျှောက်၏)။
ဝစ္ဆ လောကသည် အဆုံးမရှိ၊ ဤအယူသည်သာ မှန်၏ တပါးသောအယူသည် အချည်းနှီးသာတည်း ဟု ငါသည် ဤသို့ အယူမရှိပါ ဟု (မိန့် တော်မူ၏)။

အသျှင်ဂေါတမ ထိုအသက်သည်ပင် ထိုကိုယ်ကောင်တည်း၊ ဤအယူသည်သာ မှန်၏ တပါးသောအယူသည် အချည်းနှီးသာတည်း ဟု အသျှင်ဂေါတမသည် ဤသို့ အယူရှိပါသ လောဟု (လျှောက်၏) ၀စ္ဆ ထိုအသက်သည်ပင် ထိုကိုယ်ကောင်တည်း၊ ဤအယူသည်သာ မှန်၏ တပါးသောအယူသည် အချည်းနှီးသာတည်း ဟု ငါသည် ဤသို့ အယူမရှိပါ ဟု (မိန့် တော်မူ၏) ။

အသျှင်ဂေါတမ အသက်သည်တခြား၊ ကိုယ်ကောင်သည်တခြားတည်း၊ ဤအယူသည်သာ မှန်၏၊ တပါးသောအယူသည် အချည်းနှီးသာတည်း ဟု အသျှင်ဂေါတမသည် ဤ်သို့ အယူ ရှိပါသလောဟု (လျှောက်၏) ။ ၀စ္ဆ အသက်သည်တခြား၊ ကိုယ်ကောင်သည်တခြားတည်း၊ ဤအယူသည်သာ မှန်၏၊ တပါးသောအယူသည် အချည်းနှီးသာတည်း ဟု ငါသည် ဤသို့  အယူမရှိပါဟု (မိန့် တော်မူ၏) ။

အသျှင်ဂေါတမ သတ္တ၀ါသည် သေသည်မှ နောက်၌ ဖြစ်၏ ၊ ဤအယူသည်သာ မှန်၏ ၊ တပါးသောအယူသည် အချည်းနှီးသာတည်း ဟု အသျှင်ဂေါတမသည် ဤသို့ အယူရှိပါ သလော ဟု (လျှောက်၏) ။ ၀စ္ဆ ၊ သတ္တ၀ါသည် သေသည်မှ နောက်၌ ဖြစ်၏ ၊ ဤအယူသည်သာ မှန်၏ ၊ တပါးသောအယူသည် အချည်းနှီးသာတည်း ဟု ငါသည် ဤသို့ အယူမရှိပါ ဟု (မိန့် တော်မူ၏) ။

အသျှင်ဂေါတမ သတ္တ၀ါသည် သေသည်မှ နောက်၌ မဖြစ်၊ ဤအယူသည်သာ မှန်၏၊ တပါးသော အယူသည် အချည်းနှီးသာတည်း ဟု အသျှင်ဂေါတမသည် ဤသို့ အယူရှိပါ သလောဟု (လျှောက်၏) ။ ၀စ္ဆ ၊ သတ္တ၀ါသည် သေသည်မှ နောက်၌ မဖြစ်၊ ဤအယူသည်သာ မှန်၏၊ တပါးသော အယူသည် အချည်းနှီးသာတည်း ဟု ငါသည် ဤသို့ အယူမရှိပါဟု (မိန့် တော်မူ၏)။

အသျှင်ဂေါတမ သတ္တ၀ါသည် သေသည်မှ နောက်၌ ဖြစ်လည်းဖြစ်၏၊ ဖြစ်လည်းမဖြစ်၊ ဤအယူသည်သာ မှန်၏ တပါးသော အယူသည် အချည်းနှီးသာတည်း ဟု အသျှင်ဂေါတမ သည် ဤသို့ အယူရှိပါသလောဟု (လျှောက်၏) ။ ၀စ္ဆ ၊ သတ္တ၀ါသည် သေသည်မှ နောက်၌ ဖြစ်လည်းဖြစ်၏၊ ဖြစ်လည်းမဖြစ်၊ ဤအယူသည်သာ မှန်၏ တပါးသော အယူသည် အချည်းနှီးသာတည်း ဟု ငါသည် ဤသို့ အယူမရှိပါ ဟု (မိန့် တော်မူ၏)။

အသျှင်ဂေါတမ သတ္တ၀ါသည် သေသည်မှ နောက်၌ ဖြစ်သည်လည်း မဟုတ်၊ မဖြစ်သည်လည်း မဟုတ် ဤအယူသည်သာ မှန်၏ တပါးသောအယူသည် အချည်းနှီးသာ တည်း ဟု အသျှင်ဂေါတမသည် ဤသို့ အယူရှိပါသလောဟု (လျှောက်၏) ။ ၀စ္ဆ ၊ သတ္တ၀ါသည် သေသည်မှ နောက်၌ ဖြစ်သည်လည်း မဟုတ်၊ မဖြစ်သည်လည်း မဟုတ် ဤအယူသည်သာ မှန်၏ တပါးသောအယူသည် အချည်းနှီးသာ တည်း ဟု ငါသည် ဤသို့ အယူမရှိပါဟု (မိန့် တော်မူ၏)။

၁၈၈။ အသျှင်ဂေါတမ လောကသည် မြဲ၏ ဤအယူသည်သာမှန်၏ တပါးသောအယူသည် အချည်းနှီးသာတည်း ဟူ၍ အသျှင်ဂေါတမသည် ဤသို့  အယူရှိပါသလောဟု မေးသည် ရှိသော် ၀စ္ဆ ၊ လာကသည် မြဲ၏ ဤအယူသည်သာမှန်၏ တပါးသောအယူသည် အချည်းနှီးသာတည်း ဟူ၍ ငါသည်ဤသို့ အယူမရှိပါဟု ဖြေဆို၏။ အသျှင်ဂေါတမ လောကသည်မမြဲ ဤအယူသည်သာမှန်၏ တပါးသောအယူသည် အချည်းနှီးသာတည်း ဟူ၍ အသျှင်ဂေါတမသည် ဤသို့  အယူရှိပါသလောဟု မေးသည် ရှိသော် ၀စ္ဆ ၊ လောကသည် မမြဲ ဤအယူသည်သာမှန်၏ တပါးသောအယူသည် အချည်းနှီးသာတည်း ဟူ၍ ငါသည် ဤသို့  အယူမရှိပါဟု ဖြေဆို၏။

အသျှင်ဂေါတမ လောကသည် အဆုံးရှိ၏ ဤအယူသည်သာမှန်၏ တပါးသောအယူသည် အချည်းနှီးသာတည်း ဟူ၍ အသျှင်ဂေါတမသည် ဤသို့  အယူရှိပါသလောဟု မေးသည် ရှိသော် ၀စ္ဆ ၊ လောကသည် အဆုံးရှိ၏ ဤအယူသည်သာမှန်၏ တပါးသောအယူသည် အချည်းနှီးသာတည်း ဟူ၍ ငါသည် ဤသို့ အယူမရှိပါဟု ဖြေဆို၏။

အသျှင်ဂေါတမ လောကသည် အဆုံးမရှိ ဤအယူသည်သာမှန်၏ တပါးသောအယူသည် အချည်းနှီးသာတည်း ဟူ၍ အသျှင်ဂေါတမသည် ဤသို့  အယူရှိပါသလောဟု မေးသည် ရှိသော် ၀စ္ဆ ၊ လောကသည် အဆုံးမရှိ ဤအယူသည်သာမှန်၏ တပါးသောအယူသည် အချည်းနှီးသာတည်း ဟူ၍ ငါသည် ဤသို့ အယူမရှိပါဟု ဖြေဆို၏။

အသျှင်ဂေါတမ ထိုအသက်သည်ပင် ထိုကိုယ်ကောင်တည်း အဆုံးမရှိ ဤအယူသည်သာမှန်၏ တပါးသောအယူသည် အချည်းနှီးသာတည်း ဟူ၍ အသျှင်ဂေါတမသည် ဤသို့  အယူရှိပါသလောဟု မေးသည် ရှိသော် ၀စ္ဆ ၊ ထိုအသက်သည်ပင် ထိုကိုယ်ကောင်တည်း အဆုံးမရှိ ဤအယူသည်သာမှန်၏ တပါးသောအယူသည် အချည်းနှီးသာတည်း ဟူ၍ ငါသည် ဤသို့ အယူမရှိပါဟု ဖြေဆို၏။

အသျှင်ဂေါတမ အသက်သည်တခြား ကိုယ်ကောင်သည် တခြားတည်း ၊ ဤအယူသည်သာမှန်၏ တပါးသောအယူသည် အချည်းနှီးသာတည်း ဟူ၍ အသျှင်ဂေါတမသည် ဤသို့  အယူရှိပါသလောဟု မေးသည် ရှိသော် ၀စ္ဆ ၊ အသက်သည်တခြား ကိုယ်ကောင်သည် တခြားတည်း ၊ ဤအယူသည်သာမှန်၏ တပါးသောအယူသည် အချည်းနှီးသာတည်း ဟူ၍ ငါသည် ဤသို့ အယူမရှိပါဟု ဖြေဆို၏။

အသျှင်ဂေါတမ သတ္တ၀ါသည် သေသည်မှ နောက်၌ ဖြစ်၏ ဤအယူသည်သာမှန်၏ တပါးသောအယူသည် အချည်းနှီးသာတည်း ဟူ၍ အသျှင်ဂေါတမသည် ဤသို့  အယူရှိပါသလောဟု မေးသည် ရှိသော် ၀စ္ဆ ၊ သတ္တ၀ါသည် သေသည်မှ နောက်၌ ဖြစ်၏ ဤအယူသည်သာမှန်၏ တပါးသောအယူသည် အချည်းနှီးသာတည်း ဟူ၍ ငါသည် ဤသို့ အယူမရှိပါဟု ဖြေဆို၏။

အသျှင်ဂေါတမ သတ္တ၀ါသည် သေသည်မှ နောက်၌ ဖြစ်လည်းဖြစ်၏၊ ဖြစ်လည်းမဖြစ်၊ ဤအယူသည်သာမှန်၏ တပါးသောအယူသည် အချည်းနှီးသာတည်း ဟူ၍ အသျှင်ဂေါတမသည် ဤသို့  အယူရှိပါသလောဟု မေးသည် ရှိသော် ၀စ္ဆ ၊ သတ္တ၀ါသည် သေသည်မှ နောက်၌ ဖြစ်လည်းဖြစ်၏၊ ဖြစ်လည်းမဖြစ်၊ ဤအယူသည်သာမှန်၏ တပါးသောအယူသည် အချည်းနှီးသာတည်း ဟူ၍ ငါသည် ဤသို့ အယူမရှိပါဟု ဖြေဆို၏။

အသျှင်ဂေါတမ သတ္တ၀ါသည် သေသည်မှ နောက်၌ ဖြစ်သည်လည်းမဟုတ် ၊ မဖြစ်သည် လည်းမဟုတ်၊ ဤအယူသည်သာမှန်၏ တပါးသောအယူသည် အချည်းနှီးသာတည်း ဟူ၍ အသျှင်ဂေါတမသည် ဤသို့  အယူရှိပါသလောဟု မေးသည် ရှိသော် ၀စ္ဆ ၊ သတ္တ၀ါသည် သေသည်မှ နောက်၌ ဖြစ်သည်လည်းမဟုတ် ၊ မဖြစ်သည် လည်းမဟုတ်၊ ဤအယူသည်သာမှန်၏ တပါးသောအယူသည် အချည်းနှီးသာတည်း ဟူ၍ ငါသည် ဤသို့ အယူမရှိပါဟု ဖြေဆို၏။

အသျှင်ဂေါတမ အဘယ်သို့ သော အပြစ်ကို ကောင်းစွာမြင်၍ ဤသို့  အခါခပ်သိမ်း ဤ ဒိဌိ အယူတို့ ကို မကပ်ရောက်ပါသနည်းဟု (လျှောက်၏) ။

၁၈၉။ ၀စ္ဆ လောကသည် မြဲ၏ ဟူသောအယူသည် မိစ္ဆာ အယူတည်း၊ မိစ္ဆာ ဒိဌိဟူသော တောချုံတည်း၊ မိစ္ဆာဒိဌိတည်းဟူသော ခရီးခဲတည်း၊ မိစ္ဆာဒိဌိတည်း ဟူသော ဆူးငြောင့်တည်း၊ မိစ္ဆာဒိဌိတည်းဟူသော တုန်လှုပ်ခြင်းတည်း၊ မိစ္ဆာဒိဌိတည်းဟူသော သံယောဇဉ်၊ ဆင်းရဲနှင့်တကွ ဖြစ်၏။ ညှဉ်းဆဲခြင်း နှင့်တကွ ဖြစ်၏။ ငြီးငွေ့ ခြင်းငှာ မဖြစ်၊ တပ်ခြင်း ကင်းခြင်းငှာ မဖြစ်၊ ချုပ်ခြင်းငှာ မဖြစ်၊ ငြိမ်းခြင်းငှာ မဖြစ်၊ အထူးသိခြင်းငှာ မဖြစ်၊ ထိုးထွင်း၍ သိခြင်းငှာ မဖြစ်၊ ချုပ်ငြိမ်းခြင်းငှာ မဖြစ်။

ဝစ္ဆ၊ လောကသည် မမြဲဟူသော။ ပ။ ၀စ္ဆ၊ လောကသည် အဆုံးရှိ၏ ဟူသော။ ပ။ ၀စ္ဆ၊ လောကသည် အဆုံးမရှိဟူသော။ ပ။ ၀စ္ဆ၊ ထိုအသက်သည် ထိုကိုယ်ကောင်တည်း ဟူသော။ပ။ ၀စ္ဆ၊ အသက်သည် တခြား ကိုယ်ကောင်သည်တခြား ဟူသော။ပ။ ၀စ္ဆ၊ သတ္တ၀ါ သည် သေသည်မှနောက်၌ ဖြစ်၏ဟူသော။ပ။ ၀စ္ဆ၊ သတ္တ၀ါသည် သေသည်နောက်၌ မဖြစ် ဟူသော။ပ။ ၀စ္ဆ၊ သတ္တ၀ါသည် သေသည်မှနောက်၌ ဖြစ်လည်း ဖြစ်၏ ၊ ဖြစ်လည်း မဖြစ်ဟူ သော။ပ။ ၀စ္ဆ၊ သတ္တ၀ါသည် သေသည်မှနောက်၌ ဖြစ်သည်လည်း မဟုတ်၊ မဖြစ်သည် လည်း မဟုတ်ဟူသော အယူသည် မိစ္ဆာအယူတည်း၊ မိစ္ဆာဒိဌိတည်း ဟူသော တောချုံတည်း၊ မိစ္ဆာဒိဌိတည်းဟူသော ခရီးခဲတည်း၊ မိစ္ဆာဒိဌိတည်း ဟူသော ဆူးငြောင့်တည်း၊ မိစ္ဆာဒိဌိတည်းဟူသော တုန်လှုပ်ခြင်းတည်း၊ မိစ္ဆာဒိဌိတည်းဟူသော သံယောဇဉ်၊ ဆင်းရဲနှင့်တကွ ဖြစ်၏။ ညှဉ်းဆဲခြင်း နှင့်တကွ ဖြစ်၏။ ပြင်းပြစွာ ပင်ပန်းခြင်းနှင့်တကွ ဖြစ်၏ ၊ ပူလောင်ခြင်းနှင့်တကွဖြစ်၏၊ ဖြစ်၏။ ငြီးငွေ့ ခြင်းငှာ မဖြစ်၊ တပ်ခြင်းငှာ မဖြစ် ချုပ်ခြင်းငှာ မဖြစ်၊ ငြိမ်းခြင်းငှာ မဖြစ်၊ အထူးသိခြင်းငှာ မဖြစ်၊ ထိုးထွင်း၍ သိခြင်းငှာ မဖြစ်၊ ချုပ်ငြိမ်းခြင်းငှာ မဖြစ်။ ၀စ္ဆ ငါသည် ဤအပြစ်ကို ကောင်းစွာမြင်သည် ဖြစ်၍သာလျှင် ဤသို့  အခါခပ်သိမ်း ဒိဌိအယူတို့ သို့  မကပ်ရောက်ရာဟု (မိန့် တော်မူ၏)။

အထက်ပါ မြတ်ဗုဒ္ဓဟောကြားသော တရားဓမ္မများကို ဖတ်ရှုပြီးပါက မြတ်ဗုဒ္ဓသည် လူသား များ ငြိမ်းအေးချမ်းသာစေရန် ဟောကြားရာ၌ မည်သည်ကိုဖြင့် လူသားများအတွက် အကျိုးမရှိ၍ မဟောကြားပါ။ မည်သည်ကိုဖြင့် အကျိုးရှိ၍ ဟောကြားပါသည်၊ ကျင့်ကြံ အားထုတ်ကြပါဟူ၍ ဟောကြားထားကြောင်း တွေ့ ရပါလိမ့်မည်။

ယနေ့  လူအတော်များများသည် ဘုရား၏ တရားမဟုတ်သည်များကို တရားလုပ်၍ ဆောင်နေသူများ များပြားနေကြောင်း စာရှုသူတွေ့ မြင်နေရမည် ဖြစ်ပါသည်။

မြတ်ဗုဒ္ဓဟောကြားသော တရားဓမ္မသည် ဒုက္ခမဖြစ်ရေးပင်၊ ဒုက္ခမဖြစ်ပါက သုခချမ်းသာ နှင့်နေရမည်ဟု ဆိုထားခြင်း ဖြစ်ပေသည်။

ဒုက္ခမဖြစ်ရန် အကုသိုလ်ကံများ မပြုလုပ်ခြင်းသည် အကြောင်းတရားဖြစ်သည်။ သို့ ကြောင့် ကာယကံ၊ ၀စီကံ၊ မနောကံ ကောင်းများ (သို့ မဟုတ်) ကုသိုလ်ကံများကို မိမိ၌ အစဉ်မွေးမြူထား၍ မိမိပတ်ဝန်းကျင် လူအများနှင့် ပေါင်းသင်းဆက်ဆံရမည်။ သို့ မှသာ ကုသိုလ်ကံ တရားများဖြင့် ကျင့်သုံးနေထိုင်သူဖြစ်၍ လူ့ ဘ၀တွင် ငြိမ်းချမ်းသာယာ တိုးတက်သော လူသားတံခွန် ဧကံမုချ ဖြစ်ရပေတော့မည်။ ဤသည်မှာ မြတ်ဗုဒ္ဓ၏ တရား ဓမ္မပင် ဖြစ်ပေသည်ဟု ဤစာအုပ်က ဖော်ညွန်းပြဆိုထားသည်။

ဤစာအုပ်အား ရေးသားပြုစုသူ သျှင်မိုးပြာသည် မြတ်ဗုဒ္ဓ၏ ကျမ်းဂန်စာပေနှင့်လည်း မလွတ်၊ လူတန်းစားမရွေး လွယ်လင့်တကူ နားလည်သဘောပေါက်စေရန် ရိုးစင်းသော စကားပြောဖြင့် တင်ပြထားသည်။ စာရှုသူအားလုံး ကောင်းကျိုးချမ်းသာ ရရှိခံစားရလိမ့်မည် ဟု ယုံကြည်မိပါသည်။

လေးစားစွာဖြင့်


Read more...

Sayadaw U Lakkhana needs our support!


လေးစားချစ်ခင်ရပါသော ဓမ္မမိတ်ဆွေအပေါင်းတို့ရှင့်----
အောက်ဖေါ်ပြပါ သတင်းလေးကို ကျွန်မရဲ့ Dhamma Sister တစ်ဦးဖြစ်သူဒေါက်တာစန်းစန်းဋ္ဌေး(USA) ကပေးပို့လိုက်တာပါ..။စစ်ကိုင်းကျစွာချောင် ဆရာတော်ဦးလက္ခဏ သည် နာတာရှည် နှလုံးရောဂါခံစားနေရ တာ ကို ဆေးကုသပေးလိုတဲ့ နိုင်ငံခြားသားယောဂီ တစ်ဦး (Mr.Greg Scharf )က စတင်နှိုးဆော်ထားတာ ဖြစ်ပါတယ်။
သူဟာမြန်မာနိုင်ငံ---စစ်ကိုင်းကျစွာချောင် ကို လွန်ခဲ့တဲ့ဆောင်းတွင်းက ရောက်ရှိခဲ့ပါတယ်တဲ့။ နှစ်စဉ် ကျင်းပမြဲဖြစ်တဲ့ ဆရာတော်ဘုရားရဲ့ နိုင်ငံခြားသားယောဂီများ-၁၂ကြိမ်မြောက်တရားစခန်းကို ကူညီဘို့အတွက် ဖြစ်ပါတယ်။အဲဒီတုံးက ဆရာတော်ခံစားနေရတဲ့နှလုံးရောဂါ ဟာအခြေအနေဆိုးဝါးနေလို့ တရားပြသနိုင် ဘို့်တော်တော်လေးအားခဲ ဆောင်ရွက်ရတာကို သူတွေ့ခဲ့ရ ပါတယ်။
လွန်ခဲ့တဲ့ ဖေဖေါ်ဝါရီလ ၁၂ရက်နေ့က ဆေးစစ်ခံဘို့ စင်္ကပူကိုသွားမယ် စီစဉ်ထားခဲ့ပေမဲ့လည်း ဆရာဝန်တွေက ခရီးသွားဘို့ခွင့်မပြုခဲ့ပါဘူး။
နောက်ဆုံးဆေးစစ်ချက် အရတော့ ဆရာတော်ဘုရားရဲ့ နှလုံးကို စက်ထည့်ပေးဘို့လိုအပ်တာ သိခဲ့ရပါတယ်။ ထည့်ရမဲ့ pacemaker/defibrillator ဟာဈေးအလွန်ကြီးလှပါတယ်။ခွဲစိတ်ခပါအပါအဝင် ပေါ့လေ..။
သူကတော့ ဆရာတော်ခွဲစိတ်ကုသဘို့အတွက် စတင်ပြီးအားကြိုးမာန်တက်ဆောင်ရွက်နေပါတယ်။မြန်မာနိုင်ငံ စစ်ကိုင်းကျစွာချောင်မှာ အားထုတ်ခဲ့တဲ့ယောဂီ တွေ လည်းပါဝင်ကြပါလိမ့်မယ်။
သူတို့ဟာwww.vipassanahawaii.org/helpSayadawULakkhana သည် နေရာမှတစ်ဆင့် ဆရာတော်ဘုရားအတွက် ဆေးကုသစရိတ် Fund Raising ကို စတင်နေပြီ ဖြစ်ပါတယ်။
ထို Web Page ---Pay Pal မှတစ်ဆင့် လှူဒါန်းကြပါလို့ ကျွန်မ ကတိုက်တွန်းနှိုးဆော်လိုက်ပါရစေ။
သည်သတင်းဟာ--စိတ်ဝင်စားသူ စေတနာထက်သန်သူများအတွက် ကုသိုလ်တရားတိုးပွားစေလိမ့်မယ်လို့ လည်းယူဆမိပါတယ်။ကျွန်မတို့မြန်မာ တွေထားရှိတဲ့ သဒ္ဓါတရားကိုလည်းကျွန်မ ကယုံကြည်နေတယ်လေ..။ ဒါကြောင့်ပါ…ဖတ်ကြည့်လိုက်ပါအုံးနော်… ။

Dear Dhamma Friends,
I hope this message finds you all in good health and spirits! Please forward the following message to anyone you know who might be interested!
Thanks!!
Greg Scharf (remember me from IMS- Forest Refuge?)
Sayadaw U Lakkhana needs our support!
Dear Friends ,Students, and Supporters of Sayadaw U Lakkhana,


This Winter I went to help with the 12th annual foreign yogis retreat at Kyaswa Monastery in Burma ဧwhere Sayadaw U lkkhana is the Abbott and meditation teacher. Sayadaw's chronic heart condition has taken a turn for the worse and Sayadaw's condition is not good. Although he did teach the retreat, he has been forced to drastically curtail all of his other activities. He was scheduled to go to Singapore for a check-up on February 12th, but his local doctors have told him not to travel, so that trip was canceled. Sayadaw has been on retreat and resting this Spring.
A recent check-up indicates that Sayadaw may need to have a pacemaker/defibrillator installed on his heart. This is a very expensive and difficult surgical procedure. Sayadaw will need to travel abroad for his medical needs before too long. As you all well know medical costs are very high, even in Asia.
Sayadaw does not have any kind of health insurance. It is doubtful that anything like that is even available in Burma. There is no currently existing fund or savings account to cover this kind of expense. As a Buddhist monk, Sayadaw is entirely dependent upon the generosity and kindness of others for any and all of his support.
We have started a tax-deductible fund to help cover Sayadaw's medical expenses. It is being handled through Vipassana Hawaii which is a co-sponsor of the annual Kyasw retreat. For more information, please visit the Vipassana Hawaii website at:
www.vipassanahawaii.org/helpSayadawULakkhana
If you donate on line using paypal, please write Sayadaw U Lakkhana medical fund on the message line.
Checks can be mailed to:
Vipassana Hawaii
P.O. BOX 1141
Kapaau, HI 96755
USA
Please make your check payable to Vipassana Hawaii and write "U Lakkhana medical fund" in the memo line.

THANK YOU!!!

Read more...

လာလည်ကြသူများ

ဤဘလော့ဂ်၏ ရည်ရွယ်ချက်

ယခုအခါ ကမ္ဘာတလွှားတွင်ရှိနေကြသော ဓမ္မဘလော့ဂ်ဂါများသည် နေ့ စဉ်နှင့် အမျှ အင်တာနက် စာမျက်နှာများ ပေါ်တွင် ဓမ္မနှင့်သက်ဆိုင်သော အကြောင်းအရာ အမျိုးမျိုးကို ပို့ စ်များရေးတင်လျက် ရှိနေကြပါသည်။

ဘလော့ဂ်ဂါများမှ မိမိတို့ ၏ကိုယ်ပိုင် စာမျက်နှာများမှတဆင့် ရေးတင်နေကြသဖြင့် ဖတ်ရှုလေ့လာသူများအတွက် နေရာများစွာသို့  သွားရောက် ဖတ်ရှုနေကြရပါသည်။

ထို့ ကြောင့် စာဖတ်သူများ အချိန်ကုန်သက်သာစေရန်နှင့် မိမိတို့  ဖတ်ရှုလိုရာကို လွယ်လင့်တကူ ရှာဖွေနိုင်ရန် နေ့ စဉ်ရေးသား နေကြသော အကြောင်းအရာများကို တနေရာတည်းတွင် စုစည်းပေးလိုသော ရည်ရွယ်ချက်ဖြင့် ဤဘလော့ဂ်ကို စီစဉ်လိုက်ခြင်းဖြစ်ပါသည်။

ပြောချင်တာများရှိရင် ရေးပေးထားခဲ့ပါ

မြန်မာပြက္ခဒိန်

မြန်မာပြက္ခဒိန်
www.burmeseclassic.com မှ ကူးယူဖော်ပြပါသည်။

  © Blogger templates The Professional Template by Ourblogtemplates.com 2008

Back to TOP