* သဗ္ဗဒါနံ ဓမ္မဒါနံ ဇိနာတိ၊ * သဗ္ဗရသံ ဓမ္မရသော ဇိနာတိ။

* သဗ္ဗဒါနံ ဓမ္မဒါနံ ဇိနာတိ၊     * သဗ္ဗရသံ ဓမ္မရသော ဇိနာတိ။

နမတ္ထု ဗုဒ္ဓါနံ နမတ္ထု ဗောဓိယာ။ နမော ဝိမုတ္တာနံ၊ နမော ဝိမုတ္တိယာ။

ဘုရားရှင်တို့ အား ရှိခိုးပါ၏။
ဘုရားရှင်တို့ ၏ မဂ်ဥာဏ် ဖိုလ်ဥာဏ်အား ရှိခိုးပါ၏။
ကိလေသာတို့ မှ လွတ်မြောက်တော်မူကြသော ဘုရားရှင်တို့ အား ရှိခိုးပါ၏။
ထိုဘုရားရှင်တို့ ၏ ဝိမုတ္တိငါးပါးအား ရှိခိုးပါ၏။

ကရုဏာလက်များ ကမ်းလင့်ပေးပါ...

ကရုဏာလက်များ ကမ်းလင့်ပေးပါ...
စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။

ပညာရေးအလှူတော် နှိုးဆော်ချက်


ရန်ကုန်မြို့ အသောကာရာမ သီလရှင်စာသင်တိုက်မှ နဝမတန်း ဖြေဆိုမည့် သီလရှင် ဆရာလေးများအတွက် ဆရာ၊ ဆရာမများ လစဉ် ထားပေးနိုင်ရန် ပညာရေးအလှူရှင်များ လိုအပ်နေပါသည်။ ရွှေစေတီ ဘုန်းတော်ကြီးသင်ပညာရေးကျောင်းတွင်လည်း ဆင်းရဲနွမ်းပါးသည့် ၉ တန်းနှင့် ၁၀ တန်း ကျောင်းသားများ ကျောင်းအိပ်ကျောင်းစား နေထိုင်ပညာဆည်းပူးနိုင်ရေးအတွက် ကူညီထောက်ပံ့မည့် ကုသိုလ်ရှင်များ လိုအပ်လျက် ရှိပါသည်။ စေတနာရှင် အလှူရှင်များ အနေဖြင့် ထေရဝါဒ ဗုဒ္ဓဘာသာ လူငယ်များအသင်း http://www.mmtheravada.org ဖုန်း
09-73062811, 09-5505176 သို့ ဆက်သွယ်လှူဒါန်းကြစေလိုပါသည်။

သီလရှင် ဆရာလေးများနှင့် ကလေးများ ဇွန်လအမီ ကျောင်းတက်နိုင်ရေးအတွက် ကာလဒါန ကုသိုလ်အဖြစ် သဒ္ဓါတတ်အား နည်းများမဆို လှူဒါန်းကူညီကြပါရန် နှိုးဆော်အပ်ပါသည်။

ဝိမုတ္တိရသ အဖွဲ့သားများ

------------------------
နောက်ဆက်တွဲသတင်း.....

ပညာရေးအလှူတော်လှူဒါန်းမည့်အစီအစဉ်

ထေရ၀ါဒဗုဒဘာသာ လူငယ်များ အသင်းမှ ဦးစီး၍ (၂၀၁၁) ခုနှစ်တွင် န၀မတန်းသို့ တက်ရောက်မည့် ကျောင်းသား (၂၅) ယောက်နှင့် ကျောင်းသူ (၂၅) ယောက်အား ပညာရေးထောက်ပံ့မှုပြုလုပ်ပေးနိုင်ရန် စီစဉ်ထားပါသည်။

ပြုလုပ်မည့်အစီအစဉ်

ကျောင်းသားများအား ရွှေစေတီဘုန်းကြီးကျောင်း (ဆရာတော် ဦးတေဇန္ဒိ၊ ခ/(၃) ရက်ကွက်၊ ရွှေစေတီကျောင်း၊ မင်္ဂလာဒုံမြို့နယ်) တွင်ထားရှိမည်ဖြစ်ပြီး ကျောင်းသားများသည် မိမိတို့ ဆန္ဒအလျောက် ကိုရင်ဝတ်လိုကလည်း ၀တ်နိုင်ပါသည်။ ကျောင်းသူများအား အသောကာရာမ သီလရှင်စာသင်တိုက် (ဆရာလေးဒေါ်သုနန္ဒာ (ဖုန်း-၀၉-၈၆၂၈၈၁၁)၊ ၀ါယာလက်ဈေးမှတ်တိုင်၊ ရွှေနှင်းဆီရပ်ကွက်၊ မင်္ဂလာဒုံမြို့နယ်) တွင်ထားရှိပါမည်။ အသောကာရာမကျောင်းမှ သီလရှင်များသာလက်ခံသည်ဖြစ်၍ ကျောင်းသူများမှာ သီလရှင်ဝတ်ရပါမည်။ သီလရှင်များတက်ရောက်ရမည့် အ.ထ.က ကျောင်းမှာ အသောကာရာမ ကျောင်းမှလက်ရှိ သီလရှင်များ တက်ရောက်နေသော ကျောင်းဖြစ်၍ ပညာသင်ကြားမှုတွက် အခက်အခဲ မရှိနိုင်ပါ။ စာသင်သူများ စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။ အသေးစိတ်ဆောင်ရွက်မည့် အချက်အလက်များအားလည်း ဆက်လက်ဖော်ပြသွားပါမည်။

လျောက်ထားမည့် သူများ ပြည့်စုံရမည့်အချက်များမှာ

(က) ကျောင်းသူများမှာ သီလရှင်ဝတ်နိုင်ရပါမည်။

(ခ ) မိဘများမှ နေထိုင်ရန်ခွင့် ပြုသူဖြစ်ရပါမည်။

(ဂ ) စာသင်သားများနေထိုင်မည့် ကျောင်းတွင်း စည်းကမ်းများကို တိကျစွာလိုက်နာရပါမည်။

(ဃ) ကျောင်းထားရန် အမှန်တကယ်အခက်အခဲ ရှိနေသူဖြစ်ရပါမည်။

အထက်ပါအချက်အလက်များနှင့် ပြည့်စုံသူများသည် ထေရ၀ါဒဗုဒ္ဓဘာသာလှူငယ်များ အသင်းသို့ ဆက်သွယ်မေးမြန်းနိုင်ပါသည်။ (http://mmtheravada.org)

ဆက်သွယ်ရန်လိပ်စာ

ကိုထွန်းထွန်းလှိုင်

ဖုန်း ၀၉-၇၃၀၆၂၈၁၁

htunhtunhlaing82@gmail.com

winthu.tbyo@gmail.com

thantzin83@gmail.com

Tuesday, June 2, 2009

*ဗောဇ္ဈင်တရား ခုနစ်ပါး(၁)*

ဗုဒ္ဓသည် ၀ိမုတ္တိ လမ်းကို ရှင်းလင်း ပြတ်သားစွာ ထုတ်ဖော် ဟောညွှန်တော် မူခဲ့လေသည်။ ထို လွတ်မြောက်မှုသို့ သွားရာ လမ်းတွင် ဗောဇ္ဈင် ခုနစ်ပါးဟု ခေါ်သော စိတ်ပိုင်းဆိုင်ရာ တရားများကို ထူထောင် မှုလည်း ပါဝင်သည်။ ဤ စိတ်ပိုင်းဆိုင်ရာ အရည်အသွေး အမျိုးမျိုးကို ပြုစု ပျိုးထောင် ခြင်းဖြင့် ရင့်ကျက်လာ သောအခါ စိတ်သည် အနှောင်အဖွဲ့ အမျိုးမျိုးမှ လွတ်မြောက်လာရ လေတော့၏။ ဒုက္ခ အပေါင်းမှ လွတ်မြောက် လာရ လေတော့၏။ အလုံးစုံသော စိတ်ဝိဉာဉ် လွတ်မြောက်ရေး လမ်းစဉ် တိုင်းသည် ဤ ဗောဇ္ဈင် ခုနစ်ပါး တရားများကို တစ်ခုပြီး တစ်ခု ပြုစုပျိုးထောင် ရှင်သန်အောင် လုပ်ခြင်းပင် ဖြစ်၏။

ပထမဆုံးသော ဗောဓိပက္ခိယ တရားမှာ သတိ သမ္ဗောဇ္ဈင် ဖြစ်၏။ သတိနှင့် ပြည့်စုံခြင်းသည် ခဏတိုင်း ခဏတိုင်းမှာ ဖြစ်ပျက်နေသော အခြင်း အရာများကို မပြတ် သိမြင်နေအောင် အားထုတ်ခြင်း ဖြစ်၏။ စိတ်ကို မေ့လျော့ခြင်း ဆိုသော ပမာဒ တရား၌ အခွင့် မရအောင် ပြုခြင်း ဖြစ်၏။ ဗုဒ္ဓ ရှင်တော် မြတ်ဘုရားက စိတ်ကို ကုသိုလ် တရားများ ပွားများ စေခြင်းနှင့် အကုသိုလ် တရား ယုတ်လျော့ စေခြင်း၌ သတိထက် ပို၍ အစွမ်းသတ္တိ ရှိသော အရာကို ငါမမြင်ဟု မိန့်တော် မူခဲ့လေသည်။

မကျွမ်းကျင် မလိမ္မာမှုကို ယုတ်လျော့ စေလျက် ကျွမ်းကျင် လိမ္မာမှုကို တိုးပွားအောင် အထူးဘာမျှ လုပ်နေစရာ မလိုပါ။ ခဏတိုင်း ခဏတိုင်းကို သတိဖြင့် ကပ်၍ ရှုပွား နေရန်သာ လိုပါသည်။ သတိ ရှိနေမှု၊ သိနေမှု သည်ပင်လျှင် စိတ်ကို ဖြူစင်အောင် လုပ်ခြင်း ၀ိသုဒ္ဓိ မည်ပါသည်။ သုတ္တန် ဒေသနာ တစ်ခုတွင် မြတ်စွာ ဘုရားက သတိပဋ္ဌာန် တရား၏ အခြေခံ လေးပါးကို ပွားများ အားထုတ် ခြင်းသည် သာလျှင် နိဗ္ဗာန် (၀ိမုတ္တိ) သို့ ရောက်ရာ ရောက်ကြောင်း တစ်ကြောင်း တည်းသောလမ်း ဖြစ်သည်ဟု ဟောတော် မူလေသည်။

သိမှု၊ နားမည်မှု၊ သဘောပေါက်မှု ပညာ သဘောကို အတွေး အခေါ်ဂိုဏ်း အမျိုးမျိုးတွင် အမည် အမျိုးမျိုးဖြင့် ခေါ်တတ်ကြ လေသည်။ သို့သော အမည်သည် အဓိက မဟုတ်ပါ။ အရေး မပါပါ။ ထိုသို့ နိုးကြားနေမှု၊ ရှင်သန်နေမှု၊ သတိ ရှိနေမှုကို ဖြစ်ပေါ်အောင် ပြုလုပ်ခြင်း သည်သာ မဂ်လမ်း ဖြစ်ပါသည်။

သတိပဋ္ဌာန် တရားကို အသုံးပြုသော အခြေခံ လေးခု ရှိ၏။ ပထမ သတိပဋ္ဌာန် တရားသည် ကာယဂတာ သတိပဋ္ဌာန် ဖြစ်၏။ ၎င်းတွင် ထွက်သက် ၀င်သက်ကို မှတ်သော အာနာပါန သတိ၊ ဣရိယာ ပုတ်များကို မှတ်သော ဣရိယာပထ သတိ စသည်တို့ ပါဝင်၏။ ရုပ်ကာယပိုင်း ဆိုင်ရာ လှုပ်ရှားမှု အပြောင်း အလဲ ဖြစ်မှုတိုင်းကို သတိနှင့် ရှုပြီး သိမြင်နေအောင် ပြုခြင်း အားလုံးသည် ကာယဂတာသတိ ကာယာ နုပဿနာ ဖြစ်သည်။

ဒုတိယ သတိပဋ္ဌာန်၏ အခြေခံမှာ ဝေဒနာ နုပဿနာ ဖြစ်သည်။ သုခ ဝေဒနာ၊ ဒုက္ခ ဝေဒနာ၊ ဥပေက္ခာ ဝေဒနာ စသည် သိမှု အခိုက်အတန့် တိုင်း၌ ပေါ်လာသော ခံစားမှု များကို ရှုမှတ်ခြင်း ဖြစ်၏။ အာရုံသိမှု ဖြစ်တိုင်းမှာ ဝေဒနာ (ခံစားမှု) တစ်ခု ပါသည် ချည်းသာ ဖြစ်၏။ တရား အားထုတ်စဉ်မှာ ထိုခံစားမှု ဝေဒနာ သုခ ဒုက္ခ စသည့် ဝေဒနာများက လွှမ်းမိုး အုပ်စိုး လာလျှင် ထိုဝေဒနာ ကိုပင် ၀ိပဿနာ ရှုကွက် အဖြစ် ရှုရ၏။ ဝေဒနာသည် အရေးကြီး၏။ အဘယ်ကြောင့် ဆိုသော် ဝေဒနာကြောင့် တဏှာ ဖြစ်ရသောကြောင့် ဖြစ်၏။

ဝေဒနာကြောင့်ပင် လောဘနှင့် ဒေါသ ဖြစ်ရ၏။ သာယာဖွယ် ဖြစ်သော သုခ ဝေဒနာကို ခံစားရ သောအခါ ထိုအရာကို ကျွန်ုပ်တို့မှာ လိုချင် တပ်မက်သော စိတ်ဆန္ဒ တဏှာ ဖြစ်ပေါ် ရသည်။ ဝေဒနာသည် မနှစ်သက်ဖွယ် နာကြည်းဖွယ် ဝေဒနာ ဖြစ်ပါမူကား ကျွန်ုပ်တို့မှာ ထို ဝေဒနာကြောင့် မလိုလားသော စိတ်၊ မခံချင်သော စိတ်၊ မလို မုန်းထားသော စိတ်၊ အပြစ်တင် လိုသော စိတ်မျိုး ဖြစ်ပေါ် ကြရလေသည်။

ဒုတိယ သတိဖြင့် ရှုနည်းဖြစ်သော ဝေဒနာ နုပဿနာသည် ပေါ်လာလိုက်၊ ပျောက်သွားလိုက် ဖြစ်နေသော ခံစားချက် အမျိုးမျိုးကို သိမြင်နေအောင် အားထုတ်ခြင်း ဖြစ်၏။ သုခ ဝေဒနာ ဖြစ်လျှင်လည်း တပ်မက် တွယ်တာခြင်း မရှိ၊ ဒုက္ခဝေဒနာ ဖြစ်လျှင်လည်း မလို မုန်းထားစိတ် မဖြစ်ဘဲ အလိုက်သင့်ပင် ဝေဒနာ တို့၏ ဖြစ်ပေါ်လာပုံ၊ ပျောက်ကွယ် သွားကြ ပုံကိုသာ မြင်အောင် ရှုနေရ လေသည်။

တတိယ သတိပဋ္ဌာန် နည်းမှာ စိတ္တာနုပဿနာ ဖြစ်၏။ ဤ ၀ိပဿနာ သတိပဋ္ဌာန် တရားတွင် သိမှုနှင့် ဆိုင်သော စိတ်နှင့် ယှဉ်တွဲ ဖြစ်သော စေတသိက် တရားများကို သတိဖြင့် သိနေအောင် ရှုမှတ်ရသည်။ စိတ်မှာ ဒေါသ စေသသိက် ဖြစ်ပေါ်လာလျှင် ထိုစိတ်၏ ဒေါသ အခြင်းအရာကို သိအောင် ရှုမှတ်ရ၏။ စိတ်မှာ တဏှာလောဘ ဖြစ်ပေါ်လာ လျှင်လည်း ထို တပ်ငြိသော တဏှာစိတ်ကို သိနေအောင် သတိနှင့် ရှုမှတ်ရသည်။ ကြောက်စိတ် ဖြစ်လျှင်လည်း ထို ကြောက်စိတ်ကို သိနေအောင် သတိဖြင့် ရှုမှတ် ရသည်။ ဤကဲ့သို့ စိတ်ကို အရောင် အမျိုးမျိုး ဆိုးနေသော စေတသိက် တရားများကို လိုချင် တပ်ငြိခြင်းလည်း မရှိ၊ မလို မုန်းထားခြင်း လည်းမရှိ၊ အကောင်း အဆိုး၊ အမှန်အမှား ဆုံးဖြတ် ပြဋ္ဌာန်းခြင်းလည်း မရှိ၊ အကဲခတ် တန်ဖိုးဖြတ် ခြင်းလည်း မရှိဘဲ သိရုံသက်သက် ရှုနေခြင်းသည် စိတ္တ နုပဿနာ ဖြစ်ပါသည်။

ဒေါသသည် ဒေါသပဲ၊ ကိုယ် မဟုတ်ဘူး၊ အတ္တ မဟုတ်ဘူး၊ ငါမဟုတ်ဘူး၊ ဒါဟာ စိတ်မှာ ဖြစ်ပေါ်တတ်တဲ့ အခြင်းအရာ စေတသိက် တစ်ခု မျှသာပဲ၊ ဒေါသ ဖြစ်ခိုက်မှာ စိတ်ကို ဒေါသစိတ် ဖြစ်သွားအောင် အရောင် ဆိုးပစ်လိုက်တဲ့ သဘော တစ်ခုပေပဲ… ဤသို့ သဘော ထားပြီး ပြန်ထိုင်ရာ ဒေါသစိတ် ကလေး ဖြစ်ပေါ် လာပြီးနောက် သူ ပျောက်ကွယ် သွားသည်ကို ပြန်ရှုပါ။ ထိုကဲ့သို့ ရွေးချယ်ခြင်း ကင်းသော ရှုမှတ်ရုံမျှ ရှုမှတ်လျက် နေပါက မည်သည့် စေတသိက် တရားများကမှ စိတ်ကို အနှောင့် အယှက် မပြုနိုင် တော့ပါ။

စိတ် စေတသိက် တရားများသည် ပေါ်လာပြီး ပျောက်သွားသော ပြပွဲနှင့် တူ၏။ ဘာမျှ စိတ်အား တက်ကြွ စရာလည်း မရှိ၊ စိတ်ဓါတ် ကျစရာလည်း မလိုပါ။ စိတ်မှာ ဖြစ်ပေါ် လာသမျှ စိတ်၏ အခြင်းအရာ များကို သတိဖြင့် ထိုင်ရှုနေရုံ ရှုနေလျှင်ပင် ပြီးပါပြီ။

သတိပဋ္ဌာန် တရား လေးပါးတို့တွင် နောက်ဆုံးပိတ် သတိပဋ္ဌာန် တရားမှာ ဓမ္မာနုပဿနာ ဖြစ်သည်။ သစ္စာ တရားကို ထိုးထွင်း သိမြင်မှု ဖြစ်၏။ အနိစ္စ လက္ခဏာ၊ ဒုက္ခ လက္ခဏာ၊ အနတ္တ လက္ခဏာတည်း ဟူသော ဘ၀၏ အခြင်းအရာ သုံးပါး (လက္ခဏာရေး သုံးပါး) ကို ထိုးထွင်း သိမြင်မှု ဖြစ်၏။ အရိယာ သစ္စာလေးပါး မြတ်တရားကို ထိုးထွင်း သိမြင်ရန် အားထုတ်ခြင်းသည် ဓမ္မာ နုပဿနာ ဖြစ်၏။ ၎င်းမှာ ဒုက္ခသစ္စာကို သိမြင်မှု၊ ဒုက္ခဖြစ်ကြောင်း သမုဒယ သစ္စာကို သိမြင်မှု၊ ဒုက္ခ ချုပ်ငြိမ်းကြောင်း နိရောဓ သစ္စာကို သိမြင်မှုနှင့် ဒုက္ခ ချုပ်ငြိမ်းကြောင်း နည်းလမ်း မဂ္ဂ သစ္စာကို သိမြင်မှု ကိစ္စ အားလုံးသည် ဓမ္မာ နုပဿနာတွင် ပါဝင်သည်။ ဓမ္မာ နုပဿနာတွင် အကြောင်းကြောင့် ဖြစ်သော အကျိုး တရားများ၏ ဖြစ်လိုက် ပျက်လိုက် ဖြစ်နေပုံကို သတိကပ်၍ ရှုမှတ် နေရသည်။

ဝိပဿနာတွင် နည်းလမ်းလည်း များစွာ ရှိသည်။ ဤနယ်ပယ် လေးခုတွင် တစ်ခုခု သို့မဟုတ် တစ်ခုထက် ပိုသော ရှုကွက် အပေါ်တွင် အာရုံ စူးစိုက်ပြီး ရှုမှတ်နိုင် ပါသည်။ ကာယာ နုပဿနာကို ဖြစ်ဖြစ်၊ စိတ္တာ နုပဿနာကို ဖြစ်ဖြစ် မိမိ နှစ်သက်ရာ ၀ိပဿနာ အာရုံ တစ်ခုခုကို စွဲစွဲမြဲမြဲ အားထုတ်လျှင် စိတ်သည် ကြည်လင် သန့်ရှင်း လာပြီးနောက် ညီညွတ် မျှတသော စိတ်၊ ရှင်းလင်းသော အမြင်နှင့် တကွ ဉာဏ်လည်း ဖြစ်ပေါ် လာပါတော့သည်။

စိတ်နေ စိတ်ထား အပေါ်၊ ကိုယ်ရည် ကိုယ်သွေး အပေါ် နောက်ကြောင်း အတွေ့အကြုံ အထုံဝါသနာ ပါမှုအပေါ် မူတည်ပြီး လူအမျိုးမျိုးမှာ မိမိနှင့် သင့်တော်သော နည်းလမ်း အမျိုးမျိုး ရှိနိုင်ပါသည်။ သူနှင့် ကိုက်ညီသော နည်းသည် ကိုယ်နှင့် ကိုက်ညီချင်မှ ကိုက်ညီပါ လိမ့်မည်။ ကိုယ်နှင့် သင့်တော်ရာ၊ ကိုယ်နှင့် အဆင်ပြေရာ နည်းလမ်းကို အသုံး ပြုနိုင်ပါသည်။ သို့သော် နည်းလမ်း မူကိုလည်း ဥပါဒါန် မဖြစ်သင့်၊ ဒီနည်းမှပဲ ဖြစ်သည် ဟူ၍လည်း နည်းကို အစွဲအလမ်း မထားသင့်ချေ။ အဓိကမှာ သတိမြဲအောင်၊ သမာဓိ ဖြစ်အောင် ပြုစု ပျိုးထောင်ဖို့ပင် ဖြစ်သည်။

>>> ဆက်ရန်

>>> ဆရာဦးဆန်းလွင်နှင့် ဆရာဦးဟန်ဌေးတို့ ဘာသာ ပြန်ဆိုသော ဂိုးလ်စတိန်း၏ ကိုယ်တွေ့ ၀ိပဿနာ စာအုပ်မှ ကူးယူဖော်ပြ မျှဝေအပ်ပါတယ် ခင်ဗျာ...။


လေးစားစွာဖြင့်
ဖိုးသား

6/2/2009, TUE:, 3:03:13 PM



Read more...

စေတီတန်ခိုးပြခြင်း ပြဿနာ…

မိလိန္ဒမင်း…
အရှင်ဘုရား နာဂသေန ပရိနိဗ္ဗာန် စံတော်မူပြီးကုန်သော ဘုရားရှင် (ရဟန္တာ) အားလုံးတို့၏ စေတီတော်၌ တန်ခိုးပြာဋိဟာသည် ဖြစ်ပါသလော၊ သို့မဟုတ် အချို့သော ဘုရား(ရဟန္တာ)တို့၏ စေတီ၌သာ တန်ခိုးပြာဋိဟာသည် ဖြစ်ပါသလော…


အရှင်နာဂသေန…
မင်းမြတ်အချို့သော ဘုရား(ရဟန္တာ)တို့၏ စေတီ၌ဖြစ်၏။ အချို့သော ဘုရား(ရဟန္တာ)တို့၏ စေတီ၌ မဖြစ်။

မိလိန္ဒမင်း…
အရှင်ဘုရား အဘယ်ဘုရားရှင်တို့၏ စေတီ၌ဖြစ်ပါသနည်း…။ အဘယ်ဘုရားရှင်တို့၏ စေတီ၌ မဖြစ်ပါသနည်း…။

အရှင်နာဂသေန…
မင်းမြတ် သုံးယောက်သော ပုဂ္ဂိုလ်တို့တွင် တစ်ယောက်ယောက်သော ပုဂ္ဂိုလ်၏ အဓိဋ္ဌာန်ကြောင့် ပရိနိဗ္ဗာန်စံတော်မူပြီးသော ဘုရားရှင်၏ စေတီတော်၌ တန်ခိုးပြာဋိဟာသည် ဖြစ်၏။ အဘယ်သုံးယောက်သော ပုဂ္ဂိုလ်တို့နည်း ဟူမူ…

မင်းမြတ် ဤသာသနာတော်၌ ရဟန္တာပုဂ္ဂိုလ်သည် နတ်လူတို့အား အစဉ်သနားသဖြင့် ရပ်တည်တော်မူလျက် ``ဤမည် ဤမည်သော တန်ခိုးပြာဋိဟာသည် စေတီ၌ ဖြစ်စေသတည်း``ဟု အဓိဋ္ဌာန်ပြု၏။ ထိုရဟန္တာပုဂ္ဂိုလ်၏ အဓိဋ္ဌာန်အစွမ်းဖြင့် စေတီတော်၌ တန်ခိုးပြာဋိဟာသည် ဖြစ်၏။ ဤသို့လျှင် ရဟန္တာပုဂ္ဂိုလ် အဓိဋ္ဌာန်ပြုသည်၏ အစွမ်းဖြင့် ပရိနိဗ္ဗာန် စံတော်မူပြီးကုန်သော ဘုရား(ရဟန္တာ)တို့၏ စေတီတော်၌ တန်ခိုးပြာဋိဟာသည် ဖြစ်၏။

မင်းမြတ် နောက်တစ်မျိုးကား နတ်တို့သည် လူတို့အား အစဉ်သနားသဖြင့် ပရိနိဗ္ဗာန်စံတော်မူပြီးသော ဘုရားရှင်၏ စေတီတော်၌ ``ဤတန်ခိုးပြာဋိဟာဖြင့် သူတော်ကောင်း တရားတည်းဟူသော သာသနာသည် အမြဲချီးမြှောက်အပ်သည် ဖြစ်လတ္တံ့၊ လူတို့သည်လည်း ကြည်ညိုကုန်သည်ဖြစ်၍ ကုသိုလ်ကောင်းမှု တိုးပွားကုန်လတ္တံ့``ဟု တန်ခိုးပြာဋိဟာကို ပြကုန်၏။ ဤသို့လျှင် နတ်တို့အဓိဋ္ဌာန် အစွမ်းဖြင့် ပရိနိဗ္ဗာန်စံတော်မူပြီးသော ဘုရားရှင်၏ စေတီတော်၌ တန်ခိုးပြာဋိဟာသည် ဖြစ်၏။

မင်းမြတ် နောက်တစ်မျိုးကား မိန်းမဖြစ်စေ ယောက်ျားဖြစ်စေ ယုံကြည်မှု သဒ္ဓါအားရှိသော၊ ရတနာသုံးပါး၌ ကြည်ညိုတတ်သော၊ ပညာရှိသော၊ လိမ္မာသော၊ ထိုးထွင်းနိုင်သော ပညာရှိသော၊ အသိဉာဏ်နှင့် ပြည့်စုံသောသူသည် သင့်လျော်သောအားဖြင့် ကြံစည်၍ နံ့သာကိုလည်းကောင်း၊ ပန်းကိုလည်းကောင်း၊ အ၀တ်ပုဆိုးကိုလည်းကောင်း၊ တစ်ခုခုသော လှူဖွယ်ဝတ္ထု တစ်စုံတစ်ရာကိုလည်းကောင်း ``ဤသို့သော တန်ခိုးပြာဋိဟာမည်သည် ဖြစ်ပါစေသတည်း``ဟု အဓိဋ္ဌာန်၍ စေတီတော်၌ တင်မြှောက်၏။ ထိုသူ၏ အဓိဋ္ဌာန်အစွမ်းဖြင့်လည်း ပရိနိဗ္ဗာန်စံတော်မူပြီးသော ဘုရားရှင်၏ စေတီတော်၌ တန်ခိုးပြာဋိဟာသည် ဖြစ်၏။ ဤသို့လျှင် လူတို့၏အဓိဋ္ဌာန် အစွမ်းဖြင့် ပရိနိဗ္ဗာန်စံတော်မူပြီးသော ဘုရားရှင်၏ စေတီတော်၌ တန်ခိုးပြာဋိဟာသည် ဖြစ်၏။

မင်းမြတ် ဤသို့လျှင် သုံးယောက်သော ပုဂ္ဂိုလ်တို့တွင် တစ်ယောက်ယောက်သော ပုဂ္ဂိုလ်၏ အဓိဋ္ဌာန် အစွမ်းဖြင့် ပရိနိဗ္ဗာန်စံတော်မူပြီးသော ဘုရားရှင်၏ စေတီတော်၌ တန်ခိုးပြာဋိဟာသည် ဖြစ်၏။ မင်းမြတ်ထိုပုဂ္ဂိုလ်တို့၏ အဓိဋ္ဌာန်ပြုခြင်းသည် အကယ်၍ မဖြစ်ငြားအံ့ စေတီတော်၌ တန်ခိုးပြာဋိဟာသည် မဖြစ်။ (မိလိန္ဒပဥှာ၊ မြန်မာပြန်၊ နှာ ၃၁၈-၃၁၉)



Read more...

ပရိညာသုံးပါး

မိုးကုတ်ဆရာတော်ဘုရားကြီးက၀ိပဿနာ အလုပ်ကိုအားထုတ်သောအခါ အဆင့်သုံးဆင့်ထား၍ ဆောင်ရွက်ရ မည်ဟု လမ်းညွန်တော်မူခဲ့ပါသည်။ ထိုအဆင့်သုံးဆင့်ကို ပရိညာသုံးပါးဟုခေါ်ပါသည်။ “ပရိညာ=ပိုင်းခြား၍သိခြင်း” ဟုအဓိပ္ပာယ်ရပါသည်။ ပရိညာသုံးပါးမှာ
(၁)ဥာတပရိညာ
(၂)တီရဏပရိညာ
(၃)ပဟာနပရိညာတို့ဖြစ်ကြပါသည်။
၁။ဥာတပရိညာ=သိသင့်သိထိုက်သောရုပ်နာမ်ဓမ္မတို့အပေါ်အခြေခံကျကျလက္ခဏ၊ရသ၊ပစ္စုပဋ္ဌာန်၊ပဒပဋ္ဌာန်တို့ဖြင့်ပိုင်းခြား၍သိခြင်း။
၂။တီရဏပရိညာ=ရုပ်နာမ်ဓမ္မတို့အပေါ်အနိစ္စ၊ဒုက္ခ၊အနတ္တလက္ခဏာရေးသုံးပါးတင်၍ဆင်ခြင်ကူးမြောက်မှု၌ပိုင်းခြား၍သိခြင်း။(လက်တွေ့ကျင့်ကြံအားထုတ်ခြင်းဖြင့်ပိုင်းခြားသိမြင်ခြင်းဖြစ်သည်။)
၃။ပဟာနပရိညာ=မဂ်လေးတန်ဖြင့်ဆိုင်ရာကိလေသာတို့ကိုပယ်သတ်ခြင်း၌ပိုင်းခြား၍သိခြင်း။


Read more...

ဖွားဘက်တော် ၇-ဦး

ကာဠု,ယသော်၊ ညီတော်,ဆန္န၊ ကဏ္ဍက၊ သောဏ္ဏ,ဗုဒ္ဓဟေ၊
ဖွားဘက်တော်မြတ်၊ ခုနစ်ရပ်၊ မှတ်ကြ မျိုးလေးထွ။

ကာဠု, ယသော်, ညီတော်, ဆန္န- ( လူ )
ကဏ္ဍက- ( မြင်းတိရစ္ဆာန် )
သောဏ္ဏ- ( ရွှေအိုးကြီး ၄-လုံး )
ဗုဒ္ဓဟေ- ( ညောင်ပင် )


Read more...

ပါရမီအထူး

၁။ သက်မဲ့-သက်ရှိ၊ ဗာဟိရက၊ စွန့်နိုင်က၊ မူလ၀ပါရမီ။
၂။ အင်္ဂါကြီးငယ်၊ အသွယ်သွယ်ကို၊ မတွယ်စိတ်မှ၊ စွန့်နိုင်က၊ ဥပပါရမီ။
၃။ အသက်ဇီဝ၊ စွန့်နိုင်က၊ ပရမတ္ထပါရမီ။
ပါရမီ ၁၀-ပါး၊ အကျယ်ပွား၊ အပြား ၃၀-ညီ။


Read more...

ကမ္ဘာနှင့်ဘုရား

၁။ တဆူ-သာရ၊ နှစ်-မဏ္ဍ၊ ၀ရ-သုံးဆူသာ၊
သာရမဏ္ဍ-လေးဆူပြ၊ ဘဒ္ဒ-ငါးဆူသာ။

၂။ တဆူသော်မျှ၊ မပွင့်က၊ သုညကပ်ကမ္ဘာ။
၃။ ကမ္ဘာခြောက်မျိုး၊ မော်ကွန်းထိုး၊ ကျမ်းရိုးစဉ်အလာ။


Read more...

ဗုဒ္ဓ၀င် အကျဉ်းမှတ်ရန်

၁။ လူအမည်-သိဒ္ဓတ္ထ
၂။ ဘုရားဘွဲ့-ဂေါတမ
၃။ မိဘအမည်-သုဒ္ဓေါဓန နှင့် မာယာဒေ၀ီ
၎။ ကြင်ယာတော်-ယသောဓရာ (ဘဒ္ဒကဉ္စနာ)
၅။ ရင်သွေးတော်-ရာဟုလာ
၆။ ယောက်ဖတော်-ဒေ၀ဒတ်
၇။ မိထွေးတော်-ဂေါတမီ
၈။ နေပြည်တော်-ကပိလ၀တ်ပြည် (သက္ကတိုင်း၊ မဇ္ဈိမဒေသ)
၉။ ဖွားရာဌာန-လုမ္ဗနီဥယျာဉ် (ကပိလ၀တ်နှင့်ဒေ၀ဒဟအကြား)
၁၀။ နန်းစံနှစ်-၁၃-နှစ်ကြာ၊ (၁၆-နှစ်မှ ၂၉-နှစ်အထိ)
၁၁။ နိမိတ်ကြီးများ-သူအို-သူနာ-သူသေ-ရဟန်း
၁၂။ ဗျာဒိတ်ခံယူသောဘ၀-သုမေဓာရသေ့ဘ၀
၁၃။ ဗျာဒိတ်ခံယူသောနေ့-ကဆုန်လပြည့်နေ့
၁၄။ ဗျာဒိတ်ပေးသောဘုရား-ဒီပင်္ကရာမြတ်စွာဘုရား
၁၅။ ပါရမီဖြည့်ဖက်-သုမိတ္တာအမျိုးသမီး (ယသောဓရာအလောင်း)
၁၆။ ပါရမီဖြည့်ရာကာလ-လေးသင်္ချေနှင့်ကမ္ဘာတသိန်း။ ( သုမေဓာဘ၀ မှ ဝေဿန္တရာဘ၀အထိ )
၁၇။ ပါရမီဖြည့်ရခြင်း၏ ရည်ရွယ်ချက်-သတ္တ၀ါများအကျိုး ဆောင်ရွက်ရန်
၁၈။ ဒုက္ကရစရိယာ ကျင့်ရသောနှစ်-၆-နှစ်ကြာ၊ (မဟာသက္ကရာဇ် ၉၇-မှ ၁၀၃ အထိ )
၁၉။ ဒုက္ကရစရိယာ ကျင့်သည့်နေရာ-ဥရုဝေဠတော
၂၀။ ဒုက္ကရစရိယာ-ခဲယဉ်းစွာ ပြုရသောအကျင့်
၂၁။ တောထွက်တော်မူသော သက်ရွယ်-၂၉-နှစ်
၂၂။ ဘုရားဖြစ်ချိန် သက်တော်-၃၅-နှစ်
၂၃။ ဘုရားပွင့်ချိန် သက်တမ်း-၁၀၀-တမ်း
၂၄။ အလုပ်အကျွေး-ပဉ္စ၀ဂ္ဂီ ၅-ဦး။ (ဒုက္ကရစရိယာကျင့်ခိုက် )
၂၅။ ပဉ္စ၀ဂ္ဂီ ၅-ဦးအမည်-ကောဏ္ဍည, ၀ပ္ပ, ဘဒ္ဒိယ, မဟာနာမ်, အဿဇိ။
၂၆။ တရားဦးဟောသည့်နေရာ-ဗာရာဏသီပြည် မိဂဒါဝုန်တော
၂၇။ ပထမဦးဆုံး သာဝက-ပဉ္စ၀ဂ္ဂီ ၅-ဦး
၂၈။ နောက်ဆုံး သာဝက-သုဘဒ္ဒပရိဗိုဇ်
၂၉။ လက်ယာရံ အဂ္ဂသာဝက-အရှင်သာရိပုတ္တရာ
၃၀။ လက်ဝဲရံ အဂ္ဂသာဝက-အရှင်မောဂ္ဂလာန်
၃၁။ အဆုံးအမသာသနာ-ပရိယတ္တိ,ပဋိပတ္တိ, ပဋိဝေဓ
၃၂။ ကျင့်စဉ်-သီလ, သမာဓိ, ပညာ
၃၃။ ချမှတ်သောလမ်းစဉ်-မဇ္ဈိမပဋိပဒါ ( မဂ္ဂင်လမ်းစဉ် )
၃၄။ သန္ဓေယူသောနေ့-မဟာသက္ကရာဇ် ၆၇-ခု၊ ၀ါဆိုလပြည့် ကြာသပတေးနေ့
၃၅။ ဖွားမြင်သောနေ့-မဟာသက္ကရာဇ် ၆၈-ခု၊ ကဆုန်လပြည့် သောကြာနေ့
၃၆။ တောထွက်သောနေ့-မဟာသက္ကရာဇ် ၉၇-ခု၊ ၀ါဆိုလပြည့် တနင်္လာနေ့
၃၇။ ဘုရားဖြစ်သောနေ့-မဟာသက္ကရာဇ် ၁၀၃-ခု၊ ကဆုန်လပြည့် ဗုဒ္ဓဟူးနေ့
၃၈။ ဓမ္မစကြာဟောသောနေ့-မဟာသက္ကရာဇ် ၁၀၃-ခု၊ ၀ါဆိုလပြည့် စနေနေ့
၃၉။ ပရိနိဗ္ဗာန်စံသောနေ့-မဟာသက္ကရာဇ် ၁၄၈-ခု၊ ကဆုန်လပြည့် အင်္ဂါနေ့
၄၀။ တေဇောဓာတ်လောင်သောနေ့-မဟာသက္ကရာဇ် ၁၄၈-ခု၊ ကဆုန်လဆုတ် ၁၂-ရက်၊ တနင်္ဂနွေနေ့


Read more...

ဗုဒ္ဓ၀င်အကျဉ်း

၁။ ဂေါတမဘုရားအလောင်းတော်သည် ဤဘဒ္ဒကမ္ဘာမှ ပြန်၍ရေတွက်သည်ရှိသော် လေးသင်္ချေနှင့် ကမ္ဘာတသိန်း ထက်၌ သုမေဓာရသေ့ ဖြစ်ခဲ့လေသည်။

၂။ သုမေဓာရသေ့သည် ဒီပင်္ကရာမြတ်စွာဘုရား ခြေတော်ရင်း၌ ကိုယ်တော်တဦးတည်း နိဗ္ဗာန်ချမ်းသာကို ရနိုင်သော်လည်း သြဃလေးဖြာ သံသရာ၌ နစ်မွန်းမျောပါကုန်သော ဝေနေယျသတ္တ၀ါအပေါင်းတို့ကို သနားကြင်နာတော်မူလှသဖြင့် ယူတော်မမူခဲ့ပေ။

၃။ သုမေဓာရသေ့ဘ၀မှ ဝေဿန္တရာမင်း ဘ၀တိုင်အောင် မရေမတွက်နိုင်သော များစွာသော ဘ၀တို့၌-
(၁) ရွှေ, ငွေ, ဆင်, မြင်း အစရှိသည်ကို လှူခြင်း-ဒါနပါရမီ။
(၂) ခြေ, လက်, နား, နှာခေါင်း အစရှိသည်ကို လှူခြင်း-ဒါနဥပပါရမီ။
(၃) ကိုယ့်အသက်ကို လှူခြင်း-ဒါနပရမတ္ထပါရမီ။ အစရှိသော ပါရမီသုံးဆယ်တို့ကို ဖြည့်ကျင့်တော်မူခဲ့လေသည်။

၎။ ထို့ပြင် အလွန်စွန့်နိုင်ခဲသော-
(၁) ပဒေသရာဇ်, ဧကရာဇ်, စကြာမင်းတို့၏ စည်းစိမ်ဥစ္စာ ရတနာတို့ကို စွန့်ခြင်း-ဓနပရိစ္စာဂ။
(၂) သားသမီးကို စွန့်ခြင်း-ပုတ္တပရိစ္စာဂ။
(၃) မယားကို စွန့်ခြင်း-ဘရိယပရိစ္စာဂ။
(၄) ခြေ,လက်,နား, နှာခေါင်း အစရှိသည့် အင်္ဂါကြီးငယ်ကို စွန့်ခြင်း-အင်္ဂပရိစ္စာဂ။
(၅) ကိုယ့်အသက်ကို စွန့်ခြင်း-ဇီဝိတပရိစ္စာဂ ဟုဆိုအပ်သော စွန့်ခြင်းကြီးငါးပါးကို ဖြည့်ကျင့်တော်မူခဲ့လေသည်။

၅။ ဤသို့ ဘ၀များစွာ သံသရာကာလပတ်လုံး ပါရမီတော်တို့ကို ဖြည့်ကျင့်တော်မူခဲ့ပြီးနောက် ဘုရားအလောင်းတော်သည် တုသိတာနတ်ပြည်၌ သေတကေတုမည်သော နတ်သား ဖြစ်ခဲ့လေသည်။
နတ်သားဖြစ်နေစဉ် စကြ၀ဠာတိုက်တသောင်းမှ နတ်ဗြဟ္မာအပေါင်းတို့သည် ဘုရားဖြစ်ချိန် တန်ပါပြီ၊ လူ့ပြည်သို့ဆင်း၍ ဘုရားဖြစ်တော်မူပါ-ဟု ဘုရားအလောင်းကို တောင်းပန်ကြလေသည်။

၆။သို့ဖြစ်ပါ၍ ဘုရားအလောင်းတော် သေတကေတု နတ်သားသည်-
(၁) ကာလ-ဘုရားဖြစ်ရာ အချိန်ကာလ။
(၂) ဒီပ-ဘုရားဖြစ်ရာ ကျွန်းအရပ်။
(၃) ဒေသ-ဘုရားဖြစ်ရာ အရပ်ဒေသ။
(၄) ကုလ-ဘုရားဖြစ်ရာ အမျိုးအနွယ်။
(၅) မာတု အာယု ပရိစ္ဆေဒ-ဘုရားအလောင်း မယ်တော်၏ သက်တမ်း အပိုင်းအခြား-ဟူသော ကြည့်ခြင်းကြီး ငါးပါးတို့ကို ကြည့်ရှုတော်မူလေသည်။

၇။ ယင်းသို့ ကြည့်ရှုတော်မူပြီး နတ်အဖြစ်မှ စုတေကာ မဟာသက္ကရာဇ် ၆၇-ခု၊ ၀ါဆိုလပြည့် ကြာသပတေးနေ့၌ ကပိလ၀တ်ပြည့်ရှင် ဘုရင်သုဒ္ဓေါဓန မင်းကြီး၏ တောင်ညာဒေ၀ီ မိဖုရားကြီး မယ်တော်မာယာဝမ်း၌ ပဋိသန္ဓေ တည်နေလေသည်။

၈။ ဘုရားအလောင်းတော်သည် မဟာသက္ကရာဇ် ၆၈-ခု၊ ကဆုန်လပြည့် သောကြာနေ့၌ ဒေ၀ဒဟပြည်နှင့် ကပိလ၀တ်ပြည်၏ အကြားရှိ လုမ္ဗိနီသာမော အင်ကြင်းတော၌ မယ်တော်မာယာဝမ်းမှ မီးရှူးသန့်စင် ဖွားမြင်တော်မူလေသည်။

၉။ ဘုရားအလောင်းတော်သည် ၁၆-နှစ်အရွယ် ရောက်သောအခါ ယသော်ဓရာ မင်းသမီးနှင့် ထိမ်းမြားလက်ထပ်၍ မင်းစည်းစိမ်ကို ခံစားလေသည်။

၁၀။ ၂၉-နှစ်အရွယ် ရောက်သောအခါ သူအို-သူနာ-သူသေ-ရဟန်း ဟူသော နိမိတ်ကြီးလေးပါးကို မြင်တော်မူသဖြင့် တောထွက်၍ ရဟန်းပြုလေသည်။

၁၁။ ဘုရားအလောင်းတော်သည် အလွန်ပြုနိုင်ခဲသော ဒုက္ကရစရိယာအကျင့်ကို ရဟန်းအဖြစ်နှင့် ၆-နှစ်ပတ်လုံး ကျင့်တော်မူခဲ့လေသည်။

၁၂။ ထို့နောက် ဘုရားအလောင်းတော်သည် သုဇာတာ-မည်သော သူဋ္ဌေးသမီး လှူဒါန်းအပ်သော နို့ဃနာဆွမ်းကို အလှူခံ ဘုဉ်းပေးပြီး မဟာဗောဓိပင်သို့ ကြွသွားတော်မူလေသည်။

၁၃။ သောတ္ထိယငစင် မြက်ထမ်းသမား ( မြက်ရိတ်လုလင် ) သည် မဟာဗောဓိပင်သို့ ကြွလာသော ဘုရားအလောင်းတော်အား မြက်ရှစ်ဆုပ်ကို လှူဒါန်းလေသည်။

၁၄။ ဘုရားအလောင်းတော်သည် သောတ္ထိယငစင် လှူဒါန်းအပ်သော မြက်ရှစ်ဆုပ်ကို ကြဲဖြန့်လိုက်သောအခါ ထိုခဏ၀ယ် မြက်ရှစ်ဆုပ်သည် မဟာဗောဓိပင်ရင်း၌ အပရာဇိတပလ္လင် ဖြစ်လာလေသည်။

၁၅။ ဘုရားအလောင်းတော်သည် ထိုပလ္လင်ထက်၌ ထက်ဝယ်ဖွဲ့ခွေ နေတော်မူစဉ် နေမ၀င်မီ ဒေ၀ပုတ္တမာရ် (မာရ်နတ်ရန် ) ကို အောင်မြင်တော်မူ၍ ညဥ့်ဦးယာမ်၌ ရှေးဘ၀တို့၌ နေခဲ့ (ဖြစ်ခဲ့) ဖူးသော ခန္ဓာအစဉ် (ဘ၀အစဉ်) ကို အောက်မေ့တတ် သိတတ်သော ပုဗ္ဗေနိဝါသာနုဿတိဉာဏ်ကို ရတော်မူလေသည်။

သန်းခေါင်ယာမ်၌ နတ်တို့၏ မျက်စိနှင့်တူသော (နတ်တို့၏ မျက်စိထက်ထူးသော) ဉာဏ်မျက်စိဖြင့် စုတေခါနီးသော သတ္တ၀ါစသည်တို့ကို (ဤဘ၀မှ သေသောသတ္တ၀ါသည် ထိုဘ၀သို့ ရောက်၏၊ စသည်ဖြင့် သတ္တ၀ါတို့၏ ပဋိသန္ဓေနေခြင်း, စုတေခြင်း စသည်တို့ကို) မြင်တတ်သော ဒိဗ္ဗစက္ခုဉာဏ်ကို ရတော်မူလေသည်။

မိုးသောက်ယာမ်၌ အာသဝေါတရားလေးပါးတို့၏ ကုန်ခြင်းကိုပြုတတ်သော အာသ၀က္ခယဉာဏ်ကို ရတော်မူ၍ သက်တော် ၃၅-နှစ်အရွယ် မဟာသက္ကရာဇ် ၁၀၃-ခု၊ ကဆုန်လပြည့် ဗုဒ္ဓဟူးနေ့ အရုဏ်တက်ချိန်၌ လောကသုံးပါးတွင် အတုမရှိသော သဗ္ဗညုဘုရားအဖြစ်သို့ ရောက်တော်မူလေသည်။

၁၆။ သုံးလူ့သခင် သဗ္ဗညုဘုရားရှင်သည် ၄၅-၀ါကာလပတ်လုံး ဝေနေယျတို့အား ဓမ္မစကြာစသော တရားဓမ္မတို့ကို ဟောပြတော်မူကာ လူ နတ် ဗြဟ္မာ သတ္တ၀ါတို့၏ အကျိုးစီးပွားကို ဆောင်ရွက်တော်မူခဲ့လေသည်။

၁၇။ ၄၅-၀ါကာလပတ်လုံး သတ္တ၀ါတို့၏ အကျိုးစီးပွားကို မနားမနေ ဆောင်ရွက်တော်မူခဲ့သော သဗ္ဗညု ဘုရားရှင်သည် သက်တော် ၈၀-အရွယ် ရောက်သောအခါ မဟာသက္ကရာဇ် ၁၄၈-ခု ကဆုန်လပြည့် အင်္ဂါနေ့ဝယ် ကုသိနာရုံပြည် မလ္လာမင်းတို့ အင်ကြင်းဥယျာဉ်၌ ပရိနိဗ္ဗာန် စံတော်မူလေသည်။


Read more...

ငါ သေခဲ့မယ်ဆိုရင်

၁။
သေမင်းနှင့် ငါဟာ
ချိန်းထားတာ မဟုတ်လေတော့
အကြောင်းကြောင်းတွေကြောင့်
ခုနေများ-----တကယ်လို့
ငါ သေခဲ့မယ်ဆိုရင်
ငါ့ကိုတမ်းတပြီး
ငိုမယ့်လူဆိုတာလဲ
တယောက်မှ ရှိလိမ့်မယ် မဟုတ်ပါဘူး။

၂။
အသေစောလှချည်ရဲ့---ဆိုပြီး
ဝမ်းနဲပက်လက်နဲ့
အထက်မိုးကောင်းကင်ထိ
မြည်ဟီးတုန်လှုပ်သွားရအောင်
ပူဆွေးသောကတွေကို
တံပိုးခရာလုပ်ပြီး မှုတ်မဲ့လူဆိုတာလဲ
တယောက်မှ ရှိလိမ့်မယ် မဟုတ်ပါဘူး။

၃။
သေသွားတဲ့ ငါ့မှာလည်း
ငိုယိုပြီး တမ်းတနိုင်လောက်တဲ့
လွမ်းလောက်တဲ့ အရည်အချင်းတွေ
လုပ်ဆောင်ချက်တွေ ဆိုတာလဲ
လက်ဆုပ်လက်ကိုင် ပြနိုင်လောက်အောင်
မယ်မယ်ရရ ဘာမှ မရှိလှပါဘူး။

၎။
ငါကိုယ်တိုင်ကလဲ
ငါသေရင် ငိုယိုတမ်းတမယ့်သူတွေကို
မမျှောင်လင့်ပါဘူး
ငါသေသွားလို့
ဝမ်းနည်းပက်လက်နဲ့
ပူဆွေးသောကရောက်နေမယ့်သူတွေ
လုံးဝ မရှိစေချင်ပါဘူး။

၅။
သေသွားမှ လာငိုတဲ့အလုပ်
ဝမ်းနည်းပက်လက်နဲ့
ပူဆွေးသောကရောက်ရတဲ့ အလုပ်တွေကို
အကျိုးရှိတဲ့ အလုပ်တွေလို့
ငါ လုံးဝ မယုံကြည် မယူဆခဲ့ပါဘူး
ငါကိုယ်တိုင်လဲ
ဘယ်သူသေတာ မြင်ရလို့မှ
ငိုကြွေးတာ ပူဆွေးတာ မရှိခဲ့ပါဘူး။

၆။
ခုနေများ---တကယ်လို့
ငါ သေခဲ့မယ်ဆိုရင်
ထွေထွေထူးထူးလဲ
ငါ ဘာကိုမှ မတောင့်တပါဘူး
အသက်ဝိဉာဉ် ကင်းမဲ့နေပြီဖြစ်တဲ့
အနှစ်မရှိတဲ့ ငါ့အလောင်းကို
တွေ့ကြ မြင်ကြပြီး
မသေခင်မှာ လုပ်သင့် လုပ်ထိုက်တာတွေကို
ကြိုးစားလုပ်ဆောင်ရမယ်
သေသွားရင် ဒီခန္ဓာကိုယ်ကြီးက
ဘာမှ အသုံးမကျတော့ပါလားဆိုတဲ့
အသိဉာဏ်တွေ ဖြစ်ပေါ်မယ်
သေခြင်းတရားနဲ့ ပတ်သက်တဲ့
သတိဝံဝေဂဉာဏ်တွေ ရရှိမယ်
အသုဘနိမိတ် အသုဘ သညာတွေ ထင်မြင်မယ်
မရဏာနုဿတိလို့ခေါ်တဲ့
သေခြင်းတရားကို အဖန်ဖန် အောက်မေ့သတိရတဲ့
သတိတရားတွေနဲ့ အသုဘကမ္မဋ္ဌာန်းတွေ
လေးလေးနက်ကန် ပွားများဖြစ်ကြမယ်-ဆိုရင်
သေသွားတဲ့ငါက ကျေနပ်မိမှာပါပဲ
အခုလောလောဆယ်တော့ ငါ မသေသေးပါဘူး
ဒါပေမယ့်
သေချာတာတခုကတော့
အချိန်မရွေး ငါသေနိုင်တယ်ဆိုတာပါပဲ။

( မြတ်နွယ်-ပတ္တမြားမြေ )


Read more...

အမေ့ တမ်းချင်း

တပြားမယူ
အခမဲ့ ကူညီပါသည်တဲ့
ဒီ အသင်းမျိုး
( နာရေးကူညီမှုအသင်း ရန်ကုန် )
မင်းတို့ရန်ကုန်မြို့မှာ ရှိနေပြီလား
မကြား-----ကြားဖူးပေါင်၊

ဟိုတုန်းက မြို့ရန်ကုန်
အမေဖြင့်
မနေရဲ မသေရဲ
အခုတော့ဖြင့်
( ဒီအသင်း ရှိနေရင်ဖြင့် )
အမေ
နေရဲ သေရဲပါပြီကွယ်။

( စောဝင်း-မွှေးလေး )


Read more...

ငါ့ရဲ့ အချိန်အခါ

ပြီးပြီ
ဘာဆို ဘာမှ မကျန်တော့ဘူး
ဗလာသက်သက် အလှပြတဲ့နေရာ
ဒီမြေမှာ သူတို့အနားယူကြပြီ။

မြင်နေတယ်
ကောင်းကင်မှာ အသားမပါတဲ့ ၀ိညာဉ်တွေ
မီးညွတ့်ကြားက ရုပ်သေဓာတ်ပုံတွေ
ပြိုလဲကျတဲ့ သက်ရှိခန္ဓာနဲ့ သက်မဲ့တွေ
အိုးစားကွဲ သေဆုံးခဲ့တဲ့ စကားလုံးတွေ
စံပယ်ပန်းတွေကြားက
တည်ငြိမ်နေတဲ့ မျက်လုံးများစွာတွေ။

ယပ်တောင်ရတယ်
သံဝေဂရတယ်
အပူထဲက ရေကြည်တပေါက်ရတယ်။

သေချာပါတယ်
အတွေးသက်သက်ဆိုတာ အရုပ်ထင်စေတာမှ မဟုတ်ဘဲ
စိတ်ကူးခံတပ်က စိမ့်ကျလာတဲ့ရေ
အခွင့်အရေးဆိုတာ သေပန်းပွင့်ချိန်ပါပဲ
ငါစောင့်နေရတဲ့ရက်တွေ။

( အေဖော်နိုင် )


Read more...

အမိမြေသို့အလည်တစ်ခေါက်ပြန်ခြင်းမှတ်တမ်း (၁၁)

အမိမြေသို့အလည်တစ်ခေါက်ပြန်ခြင်းမှတ်တမ်း (၁၁)

From Sin Phyu Kyaun

ပို့စစ်အသစ်မတင်ဖြစ်တာ တပတ်နီးပါးလောက်ဖြစ်သွားတယ်။ နေမကောင်းတာရော စိတ်ထွေသွား တာရော အကြောင်းစုံလို့ပါပဲ။ စိတ်ဖိစီးမှုဖြစ်လာရင် လူတစ်ယောက်အတွက် လောကကြီးဟာ မြင်လာသမျှ အာဒီန၀ တွေချည်းဖြစ်လာတက်တာ သဘာဝလို့ ယူဆမိပါတယ်။ နေ့စဉ်လုပ်ငန်းတွေ နှေးကွေးလာ တက်သည်ကို ကိုယ်တိုင်း ခံစားရတော့ သတိထားမိတယ်။ ပုံမှန်လေး မနက်ဖြန်ရဲ့ ခရီးစဉ် မှတ်တမ်းလေးကို ရေးနေရင်း ပြတ်တောင်းပြတ်တောင်း ဖြစ်ခဲ့ရတာ လောကဓံကို အံ့ကြိတ်ရင် ဆိုင်ဖြေရှင်းနေရတော့ စိတ်ထွေလိုက် စိတ်လေ လိုက်ဖြစ်နေတာသည် အကြောင်းရင်းပေါ့။

မနက်ဖြန်ရဲ့ ခရီးစဉ်လေးက သာယာလှပတဲ့ ရွှေစက်တော်တောက ပြန်လာပြီ။ ဆင်ဖြူကျွန်းကို နေ့လယ် ၂နာရီ လောက်ရောက်သည်။ နာရီဝက်လောက် အနားယူကာ ပုဂံမြို့တော်ကို ခရီးဆက်ခဲ့ကြ သည်ပေါ့။ ဒီခရီးစဉ် အတွင်းမှာတော့ မနက်ဖြန် အရမ်းပင် ပျော်ရွှင်အားတက်သရောဖြစ်နေ၍ လားမသိ ပင်ပန်းသည်လို့ စိတ်မှာ မခံစားမိပါ။

ညနေပိုင်း ၅နာရီတွင် ပုဂံမြို့ လောကနန္ဒာစေတီတော်ကြီးကို စတင်ဖူးမြင်ခွင့်ရရှိသည်။ ဆင်ဖြူကျွန်း နှင့် ပုဂံမြို့ ကို ၂နာရီလောက်ကားမောင်းယုံနှင့် ရောက်ရှိခြင်းပေါ့။ စေတီတော်ဘေးမှာ တည်ရှိသည် ဧရာဝတီ မြစ်ပြင်၏ အလှအပများနှင့်ေ၀၀ါးနေသည့် တန့်ကြည်တောင်၏ အလှပများကိုလည်း ခံစား လိုက်ရသည်။ ပုဂံ ပုဂံ…. လှည်ဝင်ရိုးသံ တညံညံ ပုဂံဘုရားပေါင်း….ကလေးပေါက်စ ကျောင်းသာ အရွယ်ခပ်ငယ်ငယ်က ရဖူး ကျက်ဖူး သည့် စာကြောင်းလေး။ နှုတ်ထဲအလိုလိုပေါ်လာသည်။ ဒီတခေါက် တော့ တကယ်ပင် ပုဂံကိုရောက်ခဲ့လေပြီ… လို့စိတ်ထဲမှာ ဧရာဝတီမြစ်ပြင်ကို ကြည့်ရင်း လောကနန္ဒာ စေတီ၏ အရိပ်အောက်မှာ မနက်ဖြန် အတွေးစများနဲ့ တွေးနေရင်း သား ဓာတ်ပုံရိုက်မယ်လေ.. ရဟန်းအမ ဒေါ်ပိုက်က ဘုရားဝတ်တက်ပြီး မနက်ဖြန်ကိုခေါ်လိုက်သည့် အသံကြောင့် အတွေးစများ အဆုံးသတ်သွားသည်။

လောကနန္ဒာစေတီတော်ကို အားပါးတရဖူးမျှော် ပျော်ပျော်ပါးပါး ဓာတ်ပုံများရိုက်ဖြစ်ခဲ့သည်။ မနက်ဖြန် တို့အဖွဲ့ နေမ၀င်မှီပင် တက်သုတ်ရိုက်ကာ ဓမ္မရာဇိက စေတီတော်၊ ဓမ္မရံကြီး၊ စူဠာမဏိ၊ အလိုတော်ပြည့်၊ ဘူးဘုရား မနူဟာဘုရား စုံနေတာပါပဲ အားရပါးရ ဖူးမျှော်ခဲ့သည်။ ထူးထူးခြားခြား မနက်ဖြန်တော့ ပုဂံမြို့ကို ၀င်လိုက်သည် နှင့် စိတ်တွေ အရမ်းပင် ပျော်ရွှင်ကြည်နူးနေမိသည်။

မြစေတီဘုရားကို နေ၀င်ရီတရောမှာ ဖူးမြင်ရသည်။ အချိန်ကနှောင်းနေသဖြင့် မြစေတီကျောက်စာကို တော့ မနက်ဖြန် မဖတ်ခဲ့ရ၊ စာကြည့်တိုက်ကို မ၀င်ခဲ့ရပါ။ ပုဂံမြို့၏ ဘုရားငုတ်တိုတို့ဖြင့် လှပနေသည့် မြင်ကွင်းသည် ဗုဒ္ဓဘာသာ လူမျိုးတို့အတွက် ၀င်ကြွားစရာ တစ်ခုပါပဲ။ ကားပေါ်ကနေ မြင်သမျှ မနားတမ်း ကင်မရာ တလုံးဖြင့် ဓာတ်ပုံရိုက်ပစ်လိုက်သည်။

ဆိတ်ကျောင်းသာ နွားကျောင်းသားတို့ အိပ်တန်းပြန်တက်သည့်မို့ ဖုန်းတလုံးလုံးဖြင့် ရင်ဆိုင်လိုက်ရသည့် အရသာကိုတော့ သင်္ကန်းခေါင်းမြီး မခြုံပဲကို ခံစားပစ်လိုက်သည်။ မနက်ဖြနတ်တို့ အာနန္ဒာဘုရား ကြီးကို ညပိုင်း အေးဆေး ဖူးမျှော်ဖို့ နေရာလိုက်ရှာ တည်ခိုခန်းလိုက်ရှာကြသည်။ နောက်ဆုံး ဘုရားနှင့်အနီးကပ်ရှိသည့် ဘုန်းတော်ကြီးကျောင်းကို အိပ်စက်အနားယူလိုက်ကြသည်။

မနက်မိုးလင်းတာနဲ့ အကျော်နဲ့ ကောက်ညှင်းပေါင်းကို ၀ယ်စားရသည်မှာလည်း တကယ်ပင် အရသာရှိသည်။ မနက်စာစားပြီးသည်နှင့် ရွှေသင်္ကန်းကပ်လှူ ဘုရားဝတ်ပြုကြသည်။ နေမပူခင် တုရင်တောင် စွယ်တော်မြတ် စေတီ အစရှိသည် စေတီများဖူမျှော်ကြသည်။

ပုဂံမှ မနက်ဖြန်တို့အဖွဲ့ နေ့လယ် ၁၀နာရီလောက်တွင် ပြန်ထွက်လာကြသည်။ ၁၁နာရီလောက်မှ ချောက်မြို့သို့ ရောက်ကာ နေ့လယ်စာစားအနားယူကြသည်။ ဆင်ဖြူကျွန်းမရောက်ခင် ရဟန်းအမ ဒေါ်ပိုက်၏ ဆွေမျိုးများ ရှိရာ တောရွာတရွာသို့ဝင်ရောက်ဖြစ်ခဲ့သေးသည်။ ဆွေမျိုးများနှင့် တူတူ မှတ်တမ်းတင် ဓာတ်ပုံရိုက် နှုတ်ဆက် ကာ ဆင်ဖြူကျွန်းသို့ ညနေ ၄နာရီခန့်တွင် ပြန်ရောက်ကြ သည်။

ပုဂံခရီးစဉ်မှာတော့ လန်းဆန်းသော စိတ်အစဉ်တို့ဖြင့် ဘုရားဖူးခဲ့ရသည်မှာ မနက်ဖြန်တသက်တာ တကယ်ပင် မမေ့စရာခရီးစဉ်ကြီး တစ်ခုပါပဲ…. မိတ်ဆွေးအားလုံး ထေရ၀ါဒသာသနာ၏ အုဋ္ဌ်မြစ် တည်ရာ မြန်မာနိုင်ငံ သာသနာကြီးစည်ပင် အစပြုရာ ဘုရားပုထိုး စေတီအမျိုးမျိုးတို့ဖြင့် လှပသည့် ပုဂံမြို့တော်ကြီး၏ ဘုရားဖူး အရသာကို ခံစားဖူးကြသူများလည် ရှိမည်၊ မခံစားဖူးသူများလည်း ရှိမည်။ အခွင့်အခါသင့်ရင် သွားဖြစ်အောင် သွားကြပါလို့……

ပုဂံရောက် မှတ်တမ်းဓာတ်ပုံများ
From Sin Phyu Kyaun

From Sin Phyu Kyaun

From Sin Phyu Kyaun

From Sin Phyu Kyaun

From Sin Phyu Kyaun

From Sin Phyu Kyaun

From Sin Phyu Kyaun

From Sin Phyu Kyaun

From Sin Phyu Kyaun

From Sin Phyu Kyaun

From Sin Phyu Kyaun

From Sin Phyu Kyaun

From Sin Phyu Kyaun

From Sin Phyu Kyaun

From Sin Phyu Kyaun

From Sin Phyu Kyaun

From Sin Phyu Kyaun

From Sin Phyu Kyaun

From Sin Phyu Kyaun



Read more...

ငါ အစွမ်းရှိသလောက် စောင့်ရှောက်နိုင်ရပါလို၏ by ဒေါက်တာအရှင်ဉာဏိဿရ (အဂ္ဂမဟာပဏ္ဍိတ၊ Ph.D., D.Litt.)

မိမိ စာသင်သားဘ၀က ပထမကြီးတန်းကို ဖြေဆိုခိုက် ဒီပဲယင်း ဆရာတော်ဘုရားကြီး၏ ပရမတ္ထစက္ခုကျမ်းကို ဖတ်ရှုဖြစ်ခဲ့လေသည်။ ပဏာမမှ နိဂုံးအထိဖတ်ကြည့်ရာ ထိုကျမ်း၏ နိဂုံး၌ ဆရာတော်ကြီး၏ ဆုတောင်းဂါထာများကို တွေ့မိဖတ်မိလေသည်။ ဆုတောင်းဂါထာ သုံးပုဒ်ရှိသည်။ အလွန်ကောင်းသော ဘ၀လမ်းညွှန် မွန်မြတ်သည့် စိတ်ဓာတ်ကို မြှင့်တင်ပေးသည့် ဆုတောင်းဖြစ်သည်ဟု ခံယူသဘောပေါက်မိသည်။ မိမိသည် ထိုစဉ်ကပင် ထိုဆုတောင်းကို အရဆောင်၍ ဘုရားဝတ်တက်တိုင်း ကောင်းမှုပြုတိုင်း ဆုတောင်းနေခဲ့လေသည်။

အသီးသီးတတ်သော သစ်ပင်တို့သည် အသီးတို့ဖြင့် သတ္တ၀ါတို့ကို ကျေးဇူးပြုတတ်ကုန်၏၊ မြစ်ချောင်းတို့သည် ရေဖြင့် သတ္တ၀ါတို့ကို ကျေးဇူးပြုကုန်၏၊ နွားမတို့သည် နို့ရည်ဖြင့် လူတို့ကို ကျေးဇူးပြုကုန်၏၊ နွားထီးတို့သည်လည်း ကောက်ပဲသီးနှံတို့ဖြင့် လူတို့ကို ကျေးဇူးပြုကုန်၏၊ “နေ” သည် နွေးသောရောင်ခြည်ဖြင့် လူတို့ကို ကျေးဇူးပြု၏၊ “လ” သည်လည်း အေးမြသောရောင်ခြည်ဖြင့် လူတို့ကို ကျေးဇူးပြုကုန်၏၊ ဤသို့လျှင် လူတို့သည် လူအချင်းချင်း ကျေးဇူးပြု ကောင်းကျိုးပြုရမည်သာ ဖြစ်သည်။

မြေကြီးပေါ် ရောက်လာသောလူတို့သည် လူ့လောကကို ကျေးဇူးပြုမှ ဤကမ္ဘာမြေပေါ်ဝယ်နေရကျိုးနပ်မည်၊ လူတို့သည် အထက်ဖေါ်ပြပါ ကျေးဇူးပြတတ်သော အရာဝတ္ထူတို့နှင့် လုံးလုံးမတူ ထူးခြားသည်သာဖြစ်၏။ အကြောင်းအကျိုးကို နားလည်သည်၊ အကောင်းအဆိုးကို သိမြင်သည်၊ ဆင်ခြင်တုံးတရားရှိသည်၊ ထို့ကြောင့် ကံကောင်းထောက်မ၍ ရခဲစွာလှ လူ့ဘ၀ကို ရကြသူတို့သည် စဉ်းစားဆင်ခြင်ရန်မှာ “ငါသည် လူသားတို့အတွက် ဘာတွေကို ထားပြစ်ခဲ့မလဲ” “ငါသည် ငါ့အတွက် ဘာတွေကို ယူသွားမလဲ”၊ ဤအချက်ကို အလေးအနက် လူသားတိုင်း စဉ်းစားဆင်ခြင်အပ်လေသည်။

သိဒ္ဓတ္ထဂေါတမ မြတ်ဗုဒ္ဓသည် အရိုးကြေကြေ အရေဆုပ်ဆုပ် အားထုတ်တော်မူ၍ သတ္တလောကကြီးအတွက် ဓမ္မတစ်ခု ထားရစ်ခဲ့လေသည်၊ သတ္တ၀ါအားလုံးစားသုံး၍ မကုန်နိုင်အောင် ရှိပေသည်။ လောက၌ ကံစွမ်း ဥာဏ်စွမ်း ၀ီရိယစွမ်း ရှိသူတို့ကား ရှားပါးကုန်၏၊ ကံစွမ်း ဥာဏ်စွမ်း ၀ီရိယစွမ်း နည်းပါးသူတို့သာ များပြားကုန်၏။ ကံစွမ်း ဥာဏ်စွမ်း ၀ီရိယစွမ်း ကြီးမားသူတို့သည် ကံ ဥာဏ် ၀ီရိယအား နည်းပါးသူတို့၏ မှီခို အားထားရာ ဖြစ်သင့်ပေသည်။

လူတို့၏ နှုတ်တွင် စကားပုံပေါင်း မြောက်မြားစွာ ပြောဆိုကြသည်။ ဥပမာ … “ရေကြည်ရာ မြက်နုရာ” ဆိုသော စကားမျိုးဖြစ်သည်။ ဤစကားရပ်၌ မိမိနေသောအရပ်၌ ရေနောက်လျှင် ရေကြည်ရှိရာ အရပ်သို့ သွားရမည်။ မိမိနေသော အရပ်၌ သစ်ပင် မြက်ပင်တို့ ခြောက်သွေ့လျှင် စိမ်းစိုသော အရပ်သို့ သွားရမည် ဟု ဆိုလိုဟန်ရှိသည်။ တကယ်ဖြစ်သင့်သည်ကား မကြည်သောရေကို ကြည်အောင်လုပ်ရမည်။ မနုသောမြက်တို့ကို နုအောင်စိုက်ပျိုးရမည်၊ ပူပြင်းခြောက်သွေ့ ရေရှားပါးသော အရပ်ကို စိမ်းလန်းစိုပြေအောင် သောက်ရေ သုံးရေရအောင် လုပ်ရမည်ဟုသာ မိမိခံယူသည်။ ဤခံယူချက် ဤဆုတောင်းများကြောင့် ယနေ့ ပြည်ထောင်စု မြန်မာနိုင်ငံတော်တွင် ရေအလှူ၊ ဆေးအလှူ၊ ကျောင်းအလှူ၊ ကျောင်းသုံးပရိဘောဂအလှူ ဆေးရုံအလှူတို့ကို အတော်အတန် လှူဖြစ်ခဲ့လေပြီ။ ဆက်လက်၍ တောင်းလိုသော ဆုတောင်းသည်ကား “ကာမ၏ ကျေးကျွန်အဖြစ် ဘယ်ဘ၀မှာမှ မဖြစ်ရပါလို။ သာသနာတော်၏ကျေးကျွန်သာဖြစ်ရပါလို၏၊ ငါတည်းဟူသော အကြောင်းကြောင့် သူတပါးတို့ ဒုက္ခမဖြစ်ကြပါစေနှင့်၊ ဆင်းရဲဒုက္ခရောက်သူတို့ကို ငါ အစွမ်းရှိသလောက် စောင့်ရှောက်နိုင်ရပါလို၏” ။

ဓမ္မမိတ်ဆွေများအား ဆရာတော်ဘုရား၏ ဆုတောင်းနှင့် ဂုဏ်ကျေးဇူးများကို မျှဝေလိုက်ပါသည်။


Read more...

အန္တရာယ်ကင်းအောင်ကွယ်... (ဦးသုမင်္ဂလ) vcd

ဒယ်အိုး ဆရာတော် ဦးသုမင်္ဂလ...

နိဗ္ဗာန်ရောက်ကြောင်းတရားကောင်း...

အန္တရာယ်ကင်းအောင်ကွယ်... (ဦးသုမင်္ဂလ) vcd


တရားတော်ယူရန်...>


Read more...

Delusion and Wisdom ( Venerable Pilot Sayadaw)--Translated By Dr.Hla Myint

Moha and Pabba-Master Moha and Pabba-Master thitsaralin


Read more...

ခေမာထေရီ...



ခေမာထေရီ...

ငါမွေးဖွားသည်နှင့် တစ်ပြိုင်နက်ပင် ထိုမြို့၌ ဘေးရန်ကင်းလေ၏၊
ထို့ကြောင့် ငါ၏ အမည်သည် ''ခေမာ'' ဟု ဂုဏ်အားဖြင့် ဖြစ်၏။325

ငါသည် ထိုဗိမ္ဗိသာရမင်း၏ အလွန်ချစ်ခင်အပ်သော မိဖုရားဖြစ်ခဲ့၏၊ ရုပ်အဆင်းကို မြတ်နိုးခြင်း၌ ပျော်မွေ့ခဲ့၏၊ ရုပ်အဆင်းတို့၏ အပြစ်ကို ပြောဟောလေ့ရှိ၏ဟူ၍ နှလုံးသွင်းလျက် မဟာကရုဏာရှင် ဖြစ်သော မြတ်စွာဘုရားထံသို့ မချဉ်းကပ် ခဲ့ချေ။327

စည်းစိမ်ကြီးရှင်မ သွားပါချေလော့၊ မြတ်စွာဘုရား၏ ရောင်ခြည်တော်တို့ဖြင့် တပ်စွဲ သော အကြင်ဥယျာဉ်သည် အသရေဖြင့် အခါခပ်သိမ်း တောက်ပလျက်ရှိ၏၊ မျက်စိအရသာရှိသော ထိုဥယျာဉ်ကို ကြည့်ရှုပါလေလော့ဟု စေလွှတ်လေ၏။335

အကြင်အခါ၌ မြတ်စွာဘုရားသည် ရာဇဂြိုဟ်မြို့တော်သို့ ဆွမ်းခံကြွဝင်တော်မူ၏၊ ထိုအခါ၌သာလျှင် ငါသည် ဝေဠုဝန်ဥယျာဉ်ကို ကြည့်ရှုရန် ချဉ်းကပ်ခဲ့၏။336

ထိုအခါ ထိုဥယျာဉ်သည် တစ်တောလုံး ပွင့်လျက်ရှိ၏၊ ပျားပိတုန်း အမျိုးမျိုးတို့ တဝီဝီ မည်လျက် ရှိ၏၊ ဥသြတို့၏ သီချင်းသံနှင့်တကွ ဖြစ်၏၊ ဥဒေါင်းအပေါင်းတို့ က, ခုန်လျက်ရှိ၏။337

အသံ တိတ်ဆိတ်လျက်ရှိ၏၊ လူတို့နှင့် ရောပြွမ်းခြင်း မရှိချေ၊ စင်္ကြံအမျိုးမျိုးတို့ဖြင့် တန်ဆာဆင်လျက်ရှိ၏၊ ကျောင်းမဏ္ဍပ်တို့ဖြင့် ရောပြွမ်းလျက်ရှိ၏၊ ယောဂီမြတ်တို့ ဖြင့်လည်း တင့်တယ်လျက်ရှိ၏။338

ငါသည် ထိုဥယျာဉ်သို့ လှည့်လည်သည်ရှိသော် ငါ၏ မျက်စိသည် အကျိုးရှိ၏ဟု ထင်မှတ်ခဲ့၏၊ ထိုဥယျာဉ်၌ ကမ္မဋ္ဌာန်း အားထုတ်နေသော ပျိုမျစ်နုနယ်သော ရဟန်းကိုလည်း တွေ့မြင်ရသည် ရှိသော် ဤသို့ စဉ်းစားဆင်ခြင်ခဲ့လေ၏။339

ဤရဟန်းသည် နုပျိုသောအရွယ်၌တည်၍ နှစ်သက်ဖွယ် ရုပ်အဆင်းနှင့် ပြည့်စုံ ပါလျက် ဤသို့ သဘောရှိသော ပျော်မွေ့ဖွယ်ကောင်းသော ဥယျာဉ်၌ နေဘိ၏ တကား။340

ဒုကုဋ်သင်္ကန်းကို ခြုံသော ဤဦးပြည်းရဟန်းသည် သစ်ပင်ရင်း၌ ထိုင်လျက် အာရုံငါးပါး၌ ဖြစ်သော ပျော်မွေ့ခြင်းကို စွန့်ပယ်၍ ဈာန်ဝင်စားဘိ၏တကား။341

လူမည်သည်ကား ချမ်းသာအလျောက် ကာမဂုဏ်ကို ခံစားပြီးလျှင် အိုမင်းသော နောက်အခါမှ အလွန်ကောင်းသော ဤတရားကို ကျင့်ထိုက်သည် မဟုတ်ပါလော ဟု စဉ်းစားဆင်ခြင်ခဲ့၏။342

ဤဥယျာဉ်သည် တိတ်ဆိတ်၏၊ ''မြတ်စွာဘုရား မရှိ''ဟု သိသဖြင့် ငါသည် မြတ် စွာဘုရားကျောင်းတော် ဂန္ဓကုဋီတိုက်သို့ ချဉ်းကပ်လတ်သော် 'တက်သစ်သော နေမင်းကဲ့သို့' မြတ်စွာဘုရားကို ဖူးမြင်ရ၏။343

ငါသည် တစ်ပါးတည်း ချမ်းသာစွာ သီတင်းသုံးနေလေ့ရှိသော မြတ်စွာဘုရားအား နတ်နှယ်တမျှလှပသော မိန်းမမြတ် တစ်ဦးသည် ယပ်ခတ်လျက် နေသည်ကို တွေ့မြင်ရ၍ ဤမြတ်စွာဘုရားသည် ''ကြမ်းတမ်းသော ပုဂ္ဂိုလ် မဟုတ်ရာ'' ဟု ကြံစည်ခဲ့လေ၏။344

ထိုသတို့သမီးပျိုသည် 'ရွှေကဲ့သို့' အရောင်အဆင်းရှိပေ၏၊ 'ပဒုမ္မာကြာကဲ့သို့' မျက်နှာ, မျက်လုံးရှိပေ၏၊ 'ကျီးအာသီးကဲ့သို့' နီမြန်းသော နှုတ်ခမ်းရှိ၏၊ 'သင်းခွေ ပန်းကဲ့သို့' ဖြူဖွေးသောသွားရှိပေ၏၊ စိတ်နှင့် မျက်စိတို့၏ အရသာကို ဖြစ်စေ ပေ၏။345

ရွှေအေးယာဉ်နှင့် တူသော နားရှိပေ၏၊ တည်သီးရင့်သဖွယ် သားမြတ်နှစ်သွယ် ရှိပေ၏၊ 'ပွတ်တိုင်အလယ်ကဲ့သို့' သေးသွယ်သော ခါးရှိပေ၏၊ ငှက်ပျောတုံးသဖွယ် တင့်တယ်စွာ တန်ဆာဆင်ထားသော ပေါင်လည်း ရှိပေ၏။ ရောင် ခါးဝတ်ထမီ လည်း ရှိပေ၏၊ မရောင့်ရဲနိုင်သော ရုပ်အဆင်းနှင့်တကွ ပြုံးရွှင်သော အမူအရာနှင့် လည်း ပြည့်စုံပါပေ၏။346

ထိုသတို့သမီးပျိုကို တွေ့မြင်ရသည်ရှိသော် ဤသတို့သမီးပျိုသည် အလွန်အဆင်း လှပါပေစွ၊ ငါသည် ဤမျက်စိဖြင့် တစ်ရံတစ်ခါမျှ ဤသို့ လှပသောသတို့သမီးကို မမြင်ခဲ့ဖူးပေဟု ငါသည် ဤသို့ ကြံစည်ခဲ့လေ၏။ 348

ထို့နောက် ထိုသတို့သမီးပျိုသည် အိုခြင်းတရားဖြင့် နှိပ်စက်အပ်သည်ဖြစ်၍ အဆင်းပျက်လျက် ဖောက်ပြန်သော မျက်နှာရှိလေ၏၊ ကျိုးပျက်သော သွားရှိ၏၊ ဖြူသော (ဆံပင်) ဦးခေါင်းရှိ၏၊ တံတွေးနှင့် တကွ မစင်ကြယ်သော ခံတွင်းရှိ လေ၏။349

ထိုသတို့သမီးပျိုသည် နားတွန့်ရှုံ့၏၊ ဖြူသော မျက်လုံးရှိလေ၏၊ တွဲရရွဲကျ၍ မတင့်တယ်သော သားမြတ်ရှိ၏၊ အရေတွန့်သော အလုံးစုံသော ကိုယ်အင်္ဂါရှိ၏၊ အကြောပြိုင်း ပြိုင်းထသော ကိုယ်ခန္ဓာရှိလေ၏။350

ထိုသတို့သမီးပျိုသည် ကိုယ်အင်္ဂါ ညွတ်ကိုင်း၏၊ တောင်ဝှေးသာ အဖော်ရှိလေ၏၊ နံရိုးကျဲလျက် ပိန်ကြုံသော ကိုယ်ရှိလေ၏၊ ခဏခဏ ရှိုက်ရှူကာ တုန်လှုပ်လျက် လဲကျလေ၏။351

ထိုအခါ ငါ့အား ရုပ်အဆင်းသည် မစင်မကြယ် စက်ဆုပ်ရွံရှာဖွယ် ဖြစ်၏၊ ယင်းရုပ်အဆင်း၌ မိန်းမမိုက်တို့သည် ပျော်မွေ့လျက် ရှိကုန်၏ဟု ထိတ်လန့်ခြင်း 'သံဝေဂ' နှင့် ကြက်သီးမွေးညင်း ထခြင်းသည် မဖြစ်စဖူး ဖြစ်လေ၏။352

ထိုအခါ မဟာကရုဏာရှင် မြတ်စွာဘုရားသည် ထိတ်လန့်သော စိတ်ရှိသော ငါ့ကို မြင်၍ တက်ကြွသော စိတ်ရှိလျက် မြတ်စွာဘုရားသည် ဤဂါထာတို့ကို မိန့်ဆို တော်မူ၏-353

ချစ်သမီးခေမာ နာကျင်ခြင်း, မစင်ကြယ်ခြင်း သဘောရှိသော အထက်သို့လျှံတက် ၍ အောက်သို့ ယိုစီးခြင်း သဘောရှိသော သူမိုက်တို့သာ တွယ်တာ နှစ်သက်အပ် သော ဤခန္ဓာကိုယ် အကောင်ပုပ်ကို ရှုစမ်းပါလော့။ 354

မတင့်တယ်သော အသုဘအားဖြင့် စိတ်ကို အာရုံတစ်ခုတည်း ရှိလျက် ကောင်းစွာ တည်တံ့အောင် ပွါးများစေပါလော့၊ သင့်အား ကိုယ်၌ ဖြစ်သော အောက်မေ့ခြင်း 'ကာယဂတာသတိ'သည် ဖြစ်စေပါလော့၊ များစွာ ငြီးငွေ့ခြင်းသည် သင့်အား ဖြစ်စေပါလော့။355

ဤခန္ဓာကိုယ်ကဲ့သို့ ထို့အတူ ထိုခန္ဓာကိုယ်သည် လည်းကောင်း၊ ထိုခန္ဓာကိုယ် ကဲ့သို့ ထို့အတူ ဤခန္ဓာကိုယ်သည် လည်းကောင်း ဖြစ်ပေ၏။ (ထို့ကြောင့်) အတွင်း (မိမိ) ခန္ဓာကိုယ်၌ လည်းကောင်း၊ အပ (သူတစ်ပါး) ခန္ဓာကိုယ်၌ လည်း ကောင်း တပ်နှစ်သက်ခြင်းကို ကင်းကွာစေလော့။ 356

နိမိတ်မရှိသော အနိစ္စသညာ ဝိပဿနာကိုလည်း ပွါးများလေလော့၊ မာနာနုသယ ကိုလည်း စွန့်ပယ်ပါလော့၊ ထိုမာနကို စွန့်ပယ်ခြင်းကြောင့် ငြိမ်းအေးလျက် လှည့်လည်ရ လတ္တံ့။357

ပင့်ကူသည် ကိုယ်တိုင် ပြုအပ်သော (ပင့်ကူမျှင်) ကွန်ရက်သို့ အစဉ်လိုက်သကဲ့သို့
အကြင်သူတို့သည် ရာဂဖြင့် တပ်စွန်းကုန်လျက် (ကိုယ်တိုင် ပြုအပ်သော ရာဂ) အလျဉ်သို့ အစဉ်လိုက်ကုန်၏၊ (ထိုသူတို့သည်) ဤရာဂကိုလည်း ဖြတ်၍ ငဲ့ကွက် ခြင်းမရှိဘဲ ကာမချမ်းသာကို ပယ်စွန့်လျက် ကျင့်ကုန်၏ ဟု ဤဂါထာတို့ကို မိန့်ဆို တော်မူ၏။358

ထို့နောက် မြတ်စွာဘုရားသည် သင့်လျော်သော စိတ်ရှိသော ငါ့ကို သိ၍ ငါ့အား ဆုံးမခြင်းငှါ မဟာနိဒါနသုတ္တန်ဖြစ်သော (ပဋိစ္စသမုပ္ပါဒ်) တရားကို ဟောတော်မူ၏။
359
ငါသည် ထိုသုတ္တန်တရားတော်မြတ်ကို ကြားနာရ၍ ရှေးက ဖြစ်ဖူးသော အမှတ် သညာကို အစဉ်အောက်မေ့ပြီ၊ ငါသည် ထိုနေရာ၌ တည်လျက်ပင် ငြိမ်းအေးလျက် တရားမျက်စိ (သောတာပတ္တိမဂ်ဉာဏ်) ကို သုတ်သင်၏။ 360

အကျွန်ုပ်သည် အဆင်း၌ မွေ့လျော်သည် ဖြစ်၍ အကျိုးမဲ့ဟု မှတ်ထင်လျက် အကျိုးကိုများစွာ ဆောင်တော်မူသော မြတ်သော နိဗ္ဗာန်ကို ပေးတော်မူသော မြတ်စွာဘုရားထံသို့ မချဉ်းကပ်ခဲ့ပါ၊ ထိုအပြစ်ကို လျှောက်ကြားပါ၏ ဟု ဤစကား ကို လျှောက်ထားလေ၏။

ထိုအခါ ချိုသာသော အသံရှိတော်မူ၍ မဟာကရုဏာရှိတော်မူသော မြတ်စွာ ဘုရားသည် ငါ့ကို အမြိုက်ရေစင်ဖြင့် သွန်းလောင်းတော်မူလျက် ''ခေမာ ရှိပါစေ တော့'' ဟု မိန့်တော်မူ၏။ 367

အရှင်မင်းမြတ် အရှင်သည် အကယ်၍ နှစ်သက်ပါမူ အကျွန်ုပ်သည် မြတ်စွာ ဘုရား၏ တရားစကားတော်ကြောင့် ရုပ်အဆင်း၌ ငြီးငွေ့သည်ဖြစ်၍ ထိုမြတ်စွာ ဘုရား၏ သာသနာတော်၌ ရဟန်း ပြုပါတော့အံ့ (ဟု လျှောက်ထားလေ၏)။ 370

၈ - ခေမာထေရီအပဒါန်-မှ၊ ဧကူပေါသထိက၀ဂ်၊ ထေရီအပါဒါန်။


ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။


Read more...

ကူဋဒန္တသုတ်တော်အား လေ့လာသုံးသပ်ခြင်း (မြတ်ဗုဒ္ဓ၏ တိုင်းပြည် ငြိမ်းချမ်းတိုးတက်ရေး)

ယခင်အဆက်....

(၅)
တစ်ဆယ့်ခြောက်ပါးသော အကြောင်း

ပုရောဟိတ်ပုဏ္ဏားသည် ယဇ်ကြီးပူဇော်ဆဲ ဖြစ်သော မဟာဝိဇိတမင်းအား (ဤဆိုလတ္တံ့သော) တစ်ဆယ့်ခြောက်ပါးသော အကြောင်းတို့ဖြင့် (အကျိုးစီးပွားကို) ကောင်းစွာ ပြ၏၊ စိတ်ကို ကောင်းစွာ ဆောက်တည်စေ၏၊ ကောင်းစွာ ထက်သန်စေ၏၊ ကောင်းစွာ ရွှင်လန်းစေ၏ -

(၁) မင်းကြီး ယဇ်ပူဇော်ဆဲ ဖြစ်သော အသျှင်မင်းအား ''မဟာဝိဇိတမင်းသည် ယဇ်ကြီးပူဇော်၏၊ ထို (မင်း) သည် နိဂုံးဇနပုဒ်နေ အရံမင်းတို့ကို မတိုင်ပင်၊ ထိုသို့မတိုင်ပင်ဘဲ အသျှင်မင်းသည် ဤသို့သဘောရှိသော ယဇ်ကြီးကို ပူဇော်ဘိ၏''ဟု ပြောဆိုမည့်သူ တစ်စုံတစ်ယောက်သည် ရှိသော်လည်းရှိရာ၏၊ (သို့သော်) ဤသို့လည်း အသျှင်မင်းအား ပြောဆိုသူသည် တရားသဖြင့် (ပြောဆိုသူ)မဖြစ်နိုင်ပါ၊ အကြောင်းသော်ကား အသျှင်မင်းသည် နိဂုံးဇနပုဒ်နေ အရံမင်းတို့ကို တိုင်ပင်ပြီး ဖြစ်ပါ၏။
ဤ (အကြောင်း) ကြောင့်လည်း အသျှင်သည် ပေးလှူပူဇော်ပါလော့၊ အသျှင်သည် စွန့်ကြဲပါလော့၊ အသျှင်သည်ဝမ်းမြောက်ပါလော့၊ အသျှင်သည် မိမိသန္တာန်၌ စိတ်ကိုသာ ကြည်စေပါလော။
(၂) မင်းကြီး ယဇ်ပူဇော်ဆဲဖြစ်သော အသျှင်မင်းအား မဟာဝိဇိတမင်းသည် ယဇ်ကြီးပူဇော်၏၊ ထို (မင်း) သည် နိဂုံးဇနပုဒ်နေ အမတ်မင်းမှုထမ်းတို့ကို မတိုင်ပင်။ပ။
(၃) နိဂုံးဇနပုဒ်နေ ပုဏ္ဏားသူဌေးတို့ကို မတိုင်ပင်။ပ။
(၄) နိဂုံးဇနပုဒ်နေ ဥစ္စာအစုအပုံရှိသော သူကြွယ်တို့ကို မတိုင်ပင်။ ပ။
(၅) ယဇ်ကြီးပူဇော်ဆဲဖြစ်သော အသျှင်မင်းအား ''မဟာဝိဇိတမင်းသည် ယဇ်ကြီးပူဇော်၏၊ ထို (မင်း) သည် အမိဘက် အဖဘက် နှစ်ဖက်စလုံးတို့မှ ကောင်းသော ဇာတ်မရှိ၊ ဘိုးဘေးခုနစ်ဆက်တိုင်အောင် မျိုးရိုးသန့်သော အမိဝမ်းလည်း မရှိ၊ ဇာတ်နှင့်စပ်သော စကားဖြင့် အပယ်ခံရ၏၊ အကဲ့ရဲ့ခံရ၏၊ ထိုသို့ဖြစ်လျက် အသျှင်မင်းသည် ဤသို့သဘောရှိသော ယဇ်ကြီးကို ပူဇော်ဘိ၏''ဟုပြောဆိုမည့်သူ တစ်စုံတစ်ယောက်သည် ရှိသော်လည်း ရှိရာ၏၊ (သို့သော်) ဤသို့လည်း အသျှင်မင်းအားပြောဆိုသူသည် တရားသဖြင့် (ပြောဆိုသူ) မဖြစ်ပါ၊ အကြောင်းသော်ကား အသျှင်မင်းသည် အမိဘက်အဖဘက် နှစ်ဖက်စလုံးတို့မှ ကောင်းသော ဇာတ်ရှိပါ၏၊ ဘိုးဘေး ခုနစ်ဆက်တိုင်အောင် မျိုးရိုးသန့်သောအမိဝမ်းလည်း ရှိပါ၏၊ ဇာတ်နှင့်စပ်သော စကားဖြင့် အပယ် မခံရပါ၊ အကဲ့ရဲ့ မခံရပါ။ ဤ (အကြောင်း) ကြောင့်လည်း အသျှင်သည် ပေးလှူပူဇော်ပါလော့၊ အသျှင်သည် စွန့်ကြဲပါလော့၊ အသျှင်သည်ဝမ်းမြောက်ပါလော့၊ အသျှင်သည် မိမိသန္တာန်၌ စိတ်ကိုသာ ကြည်စေပါလော။


(၆) ယဇ်ကြီးပူဇော်ဆဲဖြစ်သော အသျှင်မင်းအား ''မဟာဝိဇိတမင်းသည် ယဇ်ကြီးပူဇော်၏၊ ထို (မင်း) သည် အဆင်းမလှ၊ ရှုချင်ဖွယ် မရှိ၊ ကြည်ညိုဖွယ် မရှိ၊ ကောင်းမြတ်သော အဆင်း သဏ္ဌာန်နှင့်မပြည့်စုံ၊ ဗြဟ္မာနှင့်တူသော အဆင်း မရှိ၊ ဗြဟ္မာနှင့်တူသော ကိုယ်မရှိ၊ မခံ့ညား သေးသိမ်သောကိုယ်ခန္ဓာ ရှိ၏။ပ။
(၇) မကြွယ်ဝ၊ များသော ဥစ္စာမရှိ၊ များသော စည်းစိမ်မရှိ၊ များသော ရွှေငွေမရှိ၊ များသောနှစ်သက်ဖွယ် အသုံးအဆောင် မရှိ၊ များသော ဥစ္စာစပါး မရှိ၊ ပြည့်သော ဘဏ္ဍာတိုက် ကျီကြမရှိ။ပ။
(၈) ဗိုလ်ပါအင်အား မရှိ၊ သစ္စာရှိသော အမိန့်ကို ရိုသေစွာ လိုက်နာသော အင်္ဂါလေးပါးရှိသောစစ်သည်နှင့်လည်း မပြည့်စုံ၊ (စစ်သည်ဗိုလ်ပါ) အခြံအရံဖြင့် ရန်သူတို့ကို ဖိနှိပ်လွှမ်းမိုးနေ သကဲ့သို့လည်းမဖြစ်။ပ။
(၉) သဒ္ဓါတရားလည်း မရှိ၊ မပေးကမ်း မစွန့်ကြဲတတ်၊ (အမြတ်ကို ပေးတတ်သော) အလှူရှင်လည်းမဟုတ်၊ ရဟန်း ပုဏ္ဏား အထီးကျန်သူ ခရီးသွား ဖုန်းတောင်းယာစကာတို့အတွက် မပိတ်သောတံခါးရှိသည်လည်း မဟုတ်၊ ရေတွင်းသဖွယ်ဖြစ်၍ ကောင်းမှုတို့ကို ပြုသည်လည်း မဟုတ်။ပ။
(၁ဝ) အထူးထူး အပြားပြား များသော အကြားအမြင်နှင့်လည်း မပြည့်စုံ။ပ။
(၁၁) ဤသည်ကား ဤစကား၏ အနက်အဓိပ္ပါယ်တည်း၊ ဤသည်ကား ဤစကား၏ အနက်အဓိပ္ပါယ်တည်းဟု ထိုထိုစကား၏ အနက်အဓိပ္ပါယ်ကိုလည်း မသိ။ပ။
(၁၂) ပညာမရှိ၊ မလိမ္မာ၊ ထက်မြက်သော ဉာဏ်မရှိ၊ ဖြစ်ပြီး ဖြစ်ဆဲ ဖြစ်လတ္တံ့ အကျိုးတို့ကိုကြံဆခြင်းငှါ မစွမ်းနိုင်၊ ထိုသို့ဖြစ်လျက် အသျှင်မင်းသည် ဤသို့ သဘောရှိသော ယဇ်ကြီးကိုပူဇော်ဘိ၏ဟု ပြောဆိုမည့်သူ တစ်စုံတစ်ယောက်သည်ရှိသော်လည်း ရှိရာ၏၊ (သို့သော်) ဤသို့လည်းအသျှင်မင်းအား ပြောဆိုသူသည် တရားသဖြင့် ပြောဆိုသူ မဖြစ်ပါ၊ အကြောင်းသော်ကား အသျှင်မင်းသည် ပညာရှိ၏၊ လိမ္မာ၏၊ ထက်မြက်သော ဉာဏ်ရှိ၏၊ ဖြစ်ပြီး ဖြစ်ဆဲ ဖြစ်လတ္တံ့အကျိုးတို့ကို ကြံဆခြင်းငှါ စွမ်းနိုင်ပါ၏။ ဤ (အကြောင်း) ကြောင့်လည်း အသျှင်သည် ပေးလှူပူဇော်ပါလော့၊ အသျှင်သည် စွန့်ကြဲပါလော့၊ အသျှင်သည်ဝမ်းမြောက်ပါလော့၊ အသျှင်သည် မိမိသန္တာန်၌ စိတ်ကိုသာ ကြည်စေပါလော။
(၁၃) ယဇ်ကြီးပူဇော်ဆဲဖြစ်သော အသျှင်မင်းအား ''မဟာဝိဇိတမင်းသည် ယဇ်ကြီးပူဇော်၏၊ ထိုမင်း၏ပုရောဟိတ်ပုဏ္ဏားသည် အမိဘက် အဖဘက် နှစ်ဖက်စလုံးတို့မှ ကောင်းသော ဇာတ်မရှိ၊ ဘိုးဘေးခုနစ်ဆက်တိုင်အောင် မျိုးရိုးသန့်သော အမိဝမ်းလည်း မရှိ၊ ဇာတ်နှင့် စပ်သောစကားဖြင့် အပယ်ခံရ၏၊ အကဲ့ရဲ့ခံရ၏၊ ထိုသို့ ဖြစ်လျက် အသျှင်မင်းသည် ဤသို့ သဘောရှိသော ယဇ်ကြီးကို ပူဇော်ဘိ၏''ဟု ပြောဆိုမည့်သူ တစ်စုံတစ်ယောက်သည် ရှိသော်လည်း ရှိရာ၏၊ (သို့သော်) ဤသို့လည်း အသျှင်မင်းအား ပြောဆိုသူသည် တရားသဖြင့် (ပြောဆိုသူ) မဖြစ်ပါ၊ အကြောင်းသော်ကားအသျှင်မင်း၏ ပုရောဟိတ်ပုဏ္ဏားသည် အမိဘက် အဖဘက် နှစ်ဖက်စလုံးတို့မှ ကောင်းသော ဇာတ်ရှိပါ၏၊ ဘိုးဘေးခုနစ်ဆက်တိုင်အောင် မျိုးရိုးသန့်သော အမိဝမ်းလည်း ရှိပါ၏၊ ဇာတ်နှင့်စပ်သော စကားဖြင့်အပယ်မခံရပါ၊ အကဲ့ရဲ့မခံရပါ။ ဤ (အကြောင်း) ကြောင့်လည်း အသျှင်သည် ပေးလှူပူဇော်ပါလော့၊ အသျှင်သည် စွန့်ကြဲပါလော့၊ အသျှင်သည်ဝမ်းမြောက်ပါလော့၊ အသျှင်သည် မိမိသန္တာန်၌ စိတ်ကိုသာ ကြည်စေပါလော။
(၁၄) ယဇ်ကြီးပူဇော်ဆဲဖြစ်သော အသျှင်မင်းအား ''မဟာဝိဇိတမင်းသည် ယဇ်ကြီးပူဇော်၏၊ ထိုမင်း၏ပုရောဟိတ်ပုဏ္ဏားသည် ဝေဒကျမ်းလာ ဂါထာတို့ကို မရွတ်ဆိုတတ်၊ ဝေဒကျမ်း တို့ကို မဆောင်၊ အဘိဓာန် 'နိဃဏ္ဍု'ကျမ်း၊ အလင်္ကာ 'ကေဋုဘ'ကျမ်း၊ သဒ္ဒါ 'အက္ခရပ္ပဘေဒ'ကျမ်း၊ ငါးခုမြောက် ဣတိဟာသကျမ်းနှင့်တကွ ဗေဒင်သုံးပုံတို့၏ တစ်ဖက်ကမ်းသို့ မရောက်၊ ပဒကျမ်းကိုမတတ်၊ ဗျာကရုဏ်းကျမ်းကို မတတ်၊ လောကာယတကျမ်း၊ မဟာပုရိသလက္ခဏာကျမ်းတို့၌ အကြွင်းမဲ့ မတတ်မြောက်။ပ။
(၁၅) ထို (မင်း)၏ ပုရောဟိတ်ပုဏ္ဏားသည် သီလလည်း မရှိ၊ တိုးပွါးပြီးသော သီလလည်း မရှိ၊ တိုးပွါးပြီးသော သီလနှင့်လည်း မပြည့်စုံ။ပ။
(၁၆) ထို (မင်း)၏ ပုရောဟိတ်ပုဏ္ဏားသည် ပညာလည်း မရှိ၊ မလိမ္မာ၊ ထက်မြက်သော ဉာဏ်လည်းမရှိ၊ ယဇ်ယောက်မကိုင်သော သူတို့တွင် ပဌမသော်လည်းကောင်း၊ ဒုတိယသော်လည်းကောင်းမဖြစ်၊ ထိုသို့ဖြစ်လျက် အသျှင်မင်းသည် ဤသို့သဘောရှိသော ယဇ်ကြီးကို ပူဇော်ဘိ၏''ဟု ပြောဆိုမည့်သူ တစ်စုံတစ်ယောက်သည် ရှိသော်လည်း ရှိရာ၏၊ (သို့သော်) ဤသို့လည်း အသျှင်မင်းအားပြောဆိုသူသည် တရားသဖြင့် (ပြောဆိုသူ) မဖြစ်ပါ။ အကြောင်းသော်ကား အသျှင်မင်း၏ ပုရောဟိတ်ပုဏ္ဏားသည် ပညာရှိ၏၊ လိမ္မာ၏၊ ထက်မြက်သော ဉာဏ်ရှိ၏။ ယဇ်ယောက်မကိုင်သော သူတို့တွင့်ပဌမသော်လည်းကောင်း ဒုတိယသော်လည်းကောင်း ဖြစ်ပါ၏။ ဤ (အကြောင်း) ကြောင့်လည်း အသျှင်သည် ပေးလှူပူဇော်ပါလော့၊ အသျှင်သည် စွန့်ကြဲပါလော့၊ အသျှင်သည်ဝမ်းမြောက်ပါလော့၊ အသျှင်သည် မိမိသန္တာန်၌ စိတ်ကိုသာ ကြည်စေပါလော။
ဤသို့အားဖြင့် ပုရောဟိတ်ပုဏ္ဏားသည် ယဇ်ကြီးပူဇော်ဆဲဖြစ်သော မဟာဝိဇိတမင်းအား ဤတစ်ဆယ့်ခြောက်ပါးသော အကြောင်းတို့ဖြင့် (အကျိုးစီးပွားကို) ကောင်းစွာပြ၏၊ စိတ်ကို ကောင်းစွာဆောက်တည်စေ၏၊ ကောင်းစွာ ထက်သန်စေ၏၊ ကောင်းစွာ ရွှင်လန်းစေ၏။

မဟာဝိဇိတမင်း၏ အလှူ (ယဇ်) ပွဲ၌ နွားတို့ကို မသတ်ရကုန်၊ ဆိတ်နှင့် သိုးတို့ကိုလည်းမသတ်ရကုန်၊ ကြက်ဝက်တို့ကိုလည်း မသတ်ရကုန်၊ အမျိုးမျိုးသော သတ္တဝါတို့ကိုလည်း မသတ်ရကုန်၊ ယဇ်တိုင်အလို့ငှါ သစ်ပင်တို့ကိုလည်း မခုတ်ဖြတ်ရကုန်၊ ယဇ်အခင်းလို့ငှါ သမန်းမြက်တို့ကိုလည်း မရိတ်ရကုန်၊ ထို (မဟာဝိဇိတမင်း)၏ ကျွန်အစေအပါး အမှုလုပ်တို့သည်လည်း တုတ်ဖြင့် ခြိမ်းခြောက်သောကြောင့် ဘေးဖြင့် ခြိမ်းခြောက်သောကြောင့် မျက်ရည်ရွှဲစို ငိုကုန်လျက် အမှုတို့ကို ပြုလုပ်ကြသည် မဟုတ်ကုန်၊ စင်စစ်သော်ကား အလိုရှိသူတို့သာ ပြုလုပ်ကြရကုန်၏၊ အလိုမရှိသူတို့သည် မပြုလုပ်ကြရကုန်၊ အလိုရှိသော အမှုကိုသာ ပြုလုပ် ကြရကုန်၏၊ အလိုမရှိသော အမှုကို မပြုလုပ်ကြရကုန်၊ ထိုအလှူ (ယဇ်) ပွဲသည် ထောပတ် ဆီ ဆီဦး နို့ဓမ်း ပျား တင်လဲဖြင့်သာလျှင် ပြီးဆုံးခြင်းသို့ရောက်၏။

ထိုအခါ နိဂုံးဇနပုဒ်နေ အရံမင်းတို့သည်လည်းကောင်း၊ နိဂုံးဇနပုဒ်နေ အမတ်မင်းမှုထမ်းတို့သည်လည်ကောင်း၊ နိဂုံးဇနပုဒ်နေ ပုဏ္ဏားသူဌေးတို့သည်လည်းကောင်း၊ နိဂုံးဇနပုဒ်နေ ဥစ္စာအစုအပုံရှိသော သူကြွယ်တို့သည်လည်းကောင်း များစွာသော ဥစ္စာကို ယူလျက် မဟာဝိဇိတမင်းသို့ချဉ်းကပ်ပြီးလျှင် ''မင်းမြတ် မင်းမြတ်ကိုသာ ရည်ရွယ်၍ ဤများစွာသော ဥစ္စာကို ဆောင်ခဲ့ပါ၏၊ မင်းမြတ်သည် ထို (ဥစ္စာ) ကို ခံယူတော်မူပါ''ဟု လျှောက်ကုန်၏။

အချင်းတို့ အလိုမရှိပြီ၊ တရားသော အခွန်အတုတ်ဖြင့် စုဆောင်းထားသော ဤငါ့ဥစ္စာသည်လည်း များလှ၏၊ ထို (သင်တို့၏ဥစ္စာ) သည်လည်း သင်တို့၏ (ဥစ္စာပင်) ဖြစ်ပါစေ၊ ဤ (ငါ့ဥစ္စာ) မှလည်း ထပ်၍ယူကုန်ဦးလော့ဟု မိန့်၏။
ဤသို့ မဟာဝိဇိတမင်းက ငြင်းပယ်လိုက်သည်ရှိသော် ထိုသူတို့သည် တစ်ခုသော နေရာသို့ ဖဲသွားကြပြီးလျှင် ''ဤဥစ္စာတို့ကို မိမိတို့အိမ်သို့ တစ်ဖန်ပြန်၍ ယူဆောင်သည်ရှိသော် ငါတို့အားမလျောက်ပတ်၊ မဟာဝိဇိတမင်းသည် ယဇ်ကြီးပူဇော်၏၊ ယခုငါတို့သည် ထိုမင်းသို့ အတုလိုက်၍ယဇ်ပူဇော်ကုန်အံ့''ဟု အညီအညွတ် ကြံစည်ဆုံးဖြတ်ကုန်၏။

ထိုအခါ နိဂုံးဇနပုဒ်နေ အရံမင်းတို့သည် အလှူ (ယဇ်) ဝင်း၏၃ အရှေ့မျက်နှာ၌အလှူပွဲတို့ကို ဖြစ်စေကုန်၏၊ နိဂုံးဇနပုဒ်နေ အမတ် မင်းမှုထမ်းတို့သည် အလှူ (ယဇ်) ဝင်း၏ တောင်မျက်နှာ၌ အလှူပွဲတို့ကို ဖြစ်စေကုန်၏၊ နိဂုံးဇနပုဒ်နေ ပုဏ္ဏားသူဌေးတို့သည် အလှူ (ယဇ်) ဝင်း၏အနောက်မျက်နှာ၌ အလှူပွဲတို့ကို ဖြစ်စေကုန်၏၊ နိဂုံးဇနပုဒ်နေ ဥစ္စာအစုအပုံရှိသော သူကြွယ်တို့သည် အလှူ (ယဇ်) ဝင်း၏ မြောက်မျက်နှာ၌ အလှူပွဲတို့ကို ဖြစ်စေကုန်၏။

ဤသို့အားဖြင့် လေးမျိုးသော သဘောတူ အသင်းအပင်းတို့လည်းကောင်း၊ မဟာဝိဇိတမင်း၌ ပြည့်စုံ သောရှစ်ပါးသော အင်္ဂါတို့လည်းကောင်း၊ ပုရောဟိတ်ပုဏ္ဏား၌ ပြည့်စုံသော လေးပါးသော အင်္ဂါတို့လည်းကောင်း၊ သုံးပါးသော စိတ်ထားတို့လည်းကောင်း ပုဏ္ဏား ဤ (အလုံးစုံပါဝင်သော ယဇ်) ကို သုံးပါးသောစိတ်ထားနှင့် တစ်ဆယ့်ခြောက်ပါးသော အရံအတားရှိသော ယဇ်၏ပြည့်စုံခြင်းဟုဆိုအပ်၏ ဟူ၍ (ဟောကြားတော်မူ၏)။

ဆက်လက်ဖော်ပြပါမည်.....



Read more...

Kathmandu June 14

Sunday June 14th

Khun Morakot, a Thai lady fluent in English and experienced in meditation, will lead her monthly session at Kathmandu Gallery, Silom area. She has experience in a number of meditation lineages, and especially the use of meditation (or just counselling) for cancer patients in the hospitals.

The room only fits about 10 to 12 people so you must book your place in advance by calling Kathmandu books on 02 234 6700 . Please do not book if you are not certain of attending – . For other events, it is handy to know if you intend to go so we can book food/tables etc… but no biggie if you don’t make it. But in this case when you book a place others will be turned away. So only book if you are certain you will be there, thanks. If you booked but have to cancel for some reason, phone and cancel in case there are others who come later.

It is a charming setting and teacher so take advantage. There are 2 excellent Indian cafe/restaurants opposite that are inexpensive, and have very good food. Attendees usually go there after the meditation to have a yarn, just after midday when the session ends.

Announcement runs as follows:

Healing Meditation

Simple meditation techniques exclusively for healing
from Tibetan Buddhism, Taoism, Yoga, New Age etc.

Sunday 17th May, 2009
From 10.00-11.30 am
at Kathmandu Photo Gallery and Book Shop
87 Pan Road, off Silom Road
(near Indian Temple)
BTS Surasak or Chongnonsi

Admission is free but donation is welcome
Open to beginners and to open minded meditators
Please book your place in advance

Kathmandu 02-234-6700

If you are not comfortable on the floor, and wish to sit on a chair, please also let Kathmandu know in advance.

Kathmandu Gallery is a 10 min walk from Surasak BTS Station.

Click the wonderful and clear map below for a larger version.

kathmandu-books



Read more...

လာလည်ကြသူများ

ဤဘလော့ဂ်၏ ရည်ရွယ်ချက်

ယခုအခါ ကမ္ဘာတလွှားတွင်ရှိနေကြသော ဓမ္မဘလော့ဂ်ဂါများသည် နေ့ စဉ်နှင့် အမျှ အင်တာနက် စာမျက်နှာများ ပေါ်တွင် ဓမ္မနှင့်သက်ဆိုင်သော အကြောင်းအရာ အမျိုးမျိုးကို ပို့ စ်များရေးတင်လျက် ရှိနေကြပါသည်။

ဘလော့ဂ်ဂါများမှ မိမိတို့ ၏ကိုယ်ပိုင် စာမျက်နှာများမှတဆင့် ရေးတင်နေကြသဖြင့် ဖတ်ရှုလေ့လာသူများအတွက် နေရာများစွာသို့  သွားရောက် ဖတ်ရှုနေကြရပါသည်။

ထို့ ကြောင့် စာဖတ်သူများ အချိန်ကုန်သက်သာစေရန်နှင့် မိမိတို့  ဖတ်ရှုလိုရာကို လွယ်လင့်တကူ ရှာဖွေနိုင်ရန် နေ့ စဉ်ရေးသား နေကြသော အကြောင်းအရာများကို တနေရာတည်းတွင် စုစည်းပေးလိုသော ရည်ရွယ်ချက်ဖြင့် ဤဘလော့ဂ်ကို စီစဉ်လိုက်ခြင်းဖြစ်ပါသည်။

ပြောချင်တာများရှိရင် ရေးပေးထားခဲ့ပါ

မြန်မာပြက္ခဒိန်

မြန်မာပြက္ခဒိန်
www.burmeseclassic.com မှ ကူးယူဖော်ပြပါသည်။

  © Blogger templates The Professional Template by Ourblogtemplates.com 2008

Back to TOP