* သဗ္ဗဒါနံ ဓမ္မဒါနံ ဇိနာတိ၊ * သဗ္ဗရသံ ဓမ္မရသော ဇိနာတိ။

* သဗ္ဗဒါနံ ဓမ္မဒါနံ ဇိနာတိ၊     * သဗ္ဗရသံ ဓမ္မရသော ဇိနာတိ။

နမတ္ထု ဗုဒ္ဓါနံ နမတ္ထု ဗောဓိယာ။ နမော ဝိမုတ္တာနံ၊ နမော ဝိမုတ္တိယာ။

ဘုရားရှင်တို့ အား ရှိခိုးပါ၏။
ဘုရားရှင်တို့ ၏ မဂ်ဥာဏ် ဖိုလ်ဥာဏ်အား ရှိခိုးပါ၏။
ကိလေသာတို့ မှ လွတ်မြောက်တော်မူကြသော ဘုရားရှင်တို့ အား ရှိခိုးပါ၏။
ထိုဘုရားရှင်တို့ ၏ ဝိမုတ္တိငါးပါးအား ရှိခိုးပါ၏။

ကရုဏာလက်များ ကမ်းလင့်ပေးပါ...

ကရုဏာလက်များ ကမ်းလင့်ပေးပါ...
စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။

ပညာရေးအလှူတော် နှိုးဆော်ချက်


ရန်ကုန်မြို့ အသောကာရာမ သီလရှင်စာသင်တိုက်မှ နဝမတန်း ဖြေဆိုမည့် သီလရှင် ဆရာလေးများအတွက် ဆရာ၊ ဆရာမများ လစဉ် ထားပေးနိုင်ရန် ပညာရေးအလှူရှင်များ လိုအပ်နေပါသည်။ ရွှေစေတီ ဘုန်းတော်ကြီးသင်ပညာရေးကျောင်းတွင်လည်း ဆင်းရဲနွမ်းပါးသည့် ၉ တန်းနှင့် ၁၀ တန်း ကျောင်းသားများ ကျောင်းအိပ်ကျောင်းစား နေထိုင်ပညာဆည်းပူးနိုင်ရေးအတွက် ကူညီထောက်ပံ့မည့် ကုသိုလ်ရှင်များ လိုအပ်လျက် ရှိပါသည်။ စေတနာရှင် အလှူရှင်များ အနေဖြင့် ထေရဝါဒ ဗုဒ္ဓဘာသာ လူငယ်များအသင်း http://www.mmtheravada.org ဖုန်း
09-73062811, 09-5505176 သို့ ဆက်သွယ်လှူဒါန်းကြစေလိုပါသည်။

သီလရှင် ဆရာလေးများနှင့် ကလေးများ ဇွန်လအမီ ကျောင်းတက်နိုင်ရေးအတွက် ကာလဒါန ကုသိုလ်အဖြစ် သဒ္ဓါတတ်အား နည်းများမဆို လှူဒါန်းကူညီကြပါရန် နှိုးဆော်အပ်ပါသည်။

ဝိမုတ္တိရသ အဖွဲ့သားများ

------------------------
နောက်ဆက်တွဲသတင်း.....

ပညာရေးအလှူတော်လှူဒါန်းမည့်အစီအစဉ်

ထေရ၀ါဒဗုဒဘာသာ လူငယ်များ အသင်းမှ ဦးစီး၍ (၂၀၁၁) ခုနှစ်တွင် န၀မတန်းသို့ တက်ရောက်မည့် ကျောင်းသား (၂၅) ယောက်နှင့် ကျောင်းသူ (၂၅) ယောက်အား ပညာရေးထောက်ပံ့မှုပြုလုပ်ပေးနိုင်ရန် စီစဉ်ထားပါသည်။

ပြုလုပ်မည့်အစီအစဉ်

ကျောင်းသားများအား ရွှေစေတီဘုန်းကြီးကျောင်း (ဆရာတော် ဦးတေဇန္ဒိ၊ ခ/(၃) ရက်ကွက်၊ ရွှေစေတီကျောင်း၊ မင်္ဂလာဒုံမြို့နယ်) တွင်ထားရှိမည်ဖြစ်ပြီး ကျောင်းသားများသည် မိမိတို့ ဆန္ဒအလျောက် ကိုရင်ဝတ်လိုကလည်း ၀တ်နိုင်ပါသည်။ ကျောင်းသူများအား အသောကာရာမ သီလရှင်စာသင်တိုက် (ဆရာလေးဒေါ်သုနန္ဒာ (ဖုန်း-၀၉-၈၆၂၈၈၁၁)၊ ၀ါယာလက်ဈေးမှတ်တိုင်၊ ရွှေနှင်းဆီရပ်ကွက်၊ မင်္ဂလာဒုံမြို့နယ်) တွင်ထားရှိပါမည်။ အသောကာရာမကျောင်းမှ သီလရှင်များသာလက်ခံသည်ဖြစ်၍ ကျောင်းသူများမှာ သီလရှင်ဝတ်ရပါမည်။ သီလရှင်များတက်ရောက်ရမည့် အ.ထ.က ကျောင်းမှာ အသောကာရာမ ကျောင်းမှလက်ရှိ သီလရှင်များ တက်ရောက်နေသော ကျောင်းဖြစ်၍ ပညာသင်ကြားမှုတွက် အခက်အခဲ မရှိနိုင်ပါ။ စာသင်သူများ စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။ အသေးစိတ်ဆောင်ရွက်မည့် အချက်အလက်များအားလည်း ဆက်လက်ဖော်ပြသွားပါမည်။

လျောက်ထားမည့် သူများ ပြည့်စုံရမည့်အချက်များမှာ

(က) ကျောင်းသူများမှာ သီလရှင်ဝတ်နိုင်ရပါမည်။

(ခ ) မိဘများမှ နေထိုင်ရန်ခွင့် ပြုသူဖြစ်ရပါမည်။

(ဂ ) စာသင်သားများနေထိုင်မည့် ကျောင်းတွင်း စည်းကမ်းများကို တိကျစွာလိုက်နာရပါမည်။

(ဃ) ကျောင်းထားရန် အမှန်တကယ်အခက်အခဲ ရှိနေသူဖြစ်ရပါမည်။

အထက်ပါအချက်အလက်များနှင့် ပြည့်စုံသူများသည် ထေရ၀ါဒဗုဒ္ဓဘာသာလှူငယ်များ အသင်းသို့ ဆက်သွယ်မေးမြန်းနိုင်ပါသည်။ (http://mmtheravada.org)

ဆက်သွယ်ရန်လိပ်စာ

ကိုထွန်းထွန်းလှိုင်

ဖုန်း ၀၉-၇၃၀၆၂၈၁၁

htunhtunhlaing82@gmail.com

winthu.tbyo@gmail.com

thantzin83@gmail.com

Saturday, May 30, 2009

ကိုယ့်ကိုယ်ကိုသာ ပြန်ကြည့်ပါ…


ဘာရယ်မဟုတ်ပါဘူး။ အမြင်မတော်တာလေးတွေ တွေ့လာလို့ အမုန်းခံကြည့်မလားလို့ပါ။ ဘုန်းဘုန်းက စာပေါင်းစုံဖတ်တတ်တော့ ဟိုစာဆိုလည်း ဖတ်ဖြစ်၊ ဒီစာဆိုလည်း ဖတ်ဖြစ်၊ ဟိုပို့စ်ဆိုလည်း ဖတ်ဖြစ်၊ ဒီပို့စ်ဆိုလည်း ဖတ်ဖြစ်၊ ဟိုစီဘောက်စ်ဆိုလည်း စပ်စုဖြစ်၊ ဒီစီဘောက်စ်ဆိုလည်း စပ်စုဖြစ်နေမိပါတယ်။ အဲလို ဟိုဟိုဒီဒီ ရောက်တတ်ရာရာတွေ ဖတ်မိတော့ ဘာတွေတွေ့လာလဲဆိုတော့ ဟိုရေးဒီရေး၊ ဟိုလူမကောင်းကြောင်းပြော၊ ဒီလူ မကောင်းကြောင်း ပြောတာလေးတွေလည်း တွေ့နေမိပါတယ်။ ဒါတွေ တွေ့ရတော့ ဘုန်းဘုန်းရဲ့စိတ်မှာ ပြောစရာလေးတွေ ပေါ်လာပြန်ပါတယ်။ ကိုယ့်ဘာသာကိုယ်နေရင် ဖြစ်ရဲ့သားနဲ့ ဘုန်းဘုန်းကလည်း မနေတတ်တော့ နည်းနည်းတော့ ပြောကြည့်ဖြစ်ပါတယ်။ မနေတတ်လို့ ဆိုတာထက် တတ်နိုင်သမျှ ပြုပြင်ပေးကြည့်ချင်တာပါ။ မခံယူတတ်တဲ့သူတွေအတွက် ကဲ့ရဲ့စရာ ဝေဘန်စရာ အပြစ်ပြောစရာ ဖြစ်လာနိုင်ပေမယ့် ခံယူတတ်သူတွေအတွက် အနည်းငယ်မျှ ပြုပြင်သွားနိုင်ပါစေဆိုတဲ့ ရည်ရွယ်ချက်နဲ့ပဲ ဒီပို့စ်လေးကို ရေးဖြစ်တာပါ။

သိကြတဲ့အတိုင်းပဲ ဘုန်းဘုန်းတို့ မြန်မာလူမျိုးများရဲ့ အကျင့်က ဘယ်သူဘာတွေဖြစ်တယ်၊ ဘယ်လိုလုပ်တယ် ဆိုတာတွေကို ကြည့်ပြီးတုန့်ပြန်မှုတွေ လုပ်ကြ၊ ဝေဘန်ကြတာတွေပါ။ တုန့်ပြန်တာ ဝေဘန်တာ ကောင်းပါတယ်။ ဒါပေမယ့် ကောင်းတာတွေကိုတော့ မချီးမွန်းကြ၊ မတုန့်ပြန်ကြဘဲ အဆိုးတွေ၊ အမှားတွေကိုပဲလိုက်ပြီး ဝေဘန်ကြ၊ အပြစ်ပြောကြ၊ ကဲ့ရဲ့ကြတာတွေကြောင့် မကောင်းဖြစ်ကုန်ကြတာပါ။ ကိုယ်ကိုယ်တိုင်တော့ ဘာမှမလုပ်ဘဲ သူများလုပ်တာတွေကြတော့ မကောင်းတဲ့အမြင်နဲ့ ၀ိုင်းဝန်းပုတ်ခက်ကြတာတွေပါ။ ကိုယ့်အပြစ်တော့ ကိုယ်မမြင်ကြဘဲ သူများအပြစ်တွေသာလိုက်ပြီး ပုံကြီးချဲ့ ကဲ့ရဲ့နေကြတာတွေပါ။ သူများကိုကြည့်ပြီး ကိုယ့်ကိုယ်ကို အပြစ်တွေယူနေကြ၊ အကုသိုလ်တွေ ဖြစ်နေကြတာတွေဟာ ကိုယ့်အတက် ကိုယ်ပြန်ဆူးနေသလို ဖြစ်နေပါတယ်။ သူများကိုကြည့်ရင်လည်း ကောင်းတာတွေ၊ ကုသိုလ်ဖြစ်စရာတွေ၊ အတုယူစရာတွေ၊ လိုက်နာကျင့်သုံးစရာတွေ၊ ကိုယ့်အတွက် ပြုပြင်စရာတွေကိုကြည့်ပြီး ကိုယ့်အလှည့်ကျရင် ဒီလိုမဖြစ်အောင်နေမယ်၊ ပြောမယ်၊ ကြံမယ်ဆိုတဲ့ ခံယူချက်နဲ့ ကြည့်ရမယ့်အစား သူများရဲ့လုပ်ရပ်တွေကိုကြည့်ပြီး ကိုယ့်ကိုယ်ကို အကုသိုလ် အဖြစ်ခံနေကြတာတွေကတော့ ကိုယ့်ထမင်းကိုယ်စားပြီး ကြီးတော်နွားကျောင်းရသလို ဖြစ်နေကြပါတယ်။ ဘာမှမဟုတ်ဘဲ အကုသိုလ်တွေကို လိုက်ယူနေသလို ဖြစ်နေပါတယ်။ ကိုယ်ကိုယ်တိုင်ကရော ကောင်းသလားဆိုတော့ ``ဟင့်အင်း…``လို့ ဆိုရမလိုပါ။

အမှန်တော့ အဲလိုမဖြစ်သင့်ပါဘူး။ သူများကိုမကြည့်ခင် ကိုယ့်ကိုယ်ကို အရင်ပြန်ကြည့်သင့်ပါတယ်။ သူများကို မဝေဘန်ခင် ကိုယ့်ကိုယ်ကို အရင်ပြန်ဝေဘန်သင့်ပါတယ်။ သူများကို မပြောခင် ``သူ့နေရာမှာ ငါသာဆိုရင်`` ဆိုတဲ့ စိတ်လေးနဲ့ အစားဝင်ကြည့်သင့်ပါတယ်။ သူများမှားတာကို မြင်သည်ထားဦး ကိုယ်ကသူများအမှားကို လိုက်ကြည့်ပြီး ကိုယ့်ကိုယ်ကို အကုသိုလ်တွေ ဖြစ်အောင် မလုပ်သင့်ပါဘူး။ သူ့အမှားက ကိုယ့်အမှားဖြစ်အောင် မလုပ်သင့်ပါဘူး။ သူ့အကုသိုလ်က ကိုယ့်အကုသိုလ် မဖြစ်သင့်ပါဘူး။ ဖြစ်သင့်တာက သူမှားတာကိုကြည့်ပြီး ကိုယ်မမှားအောင်၊ သူဖြစ်သလို ကိုယ်မဖြစ်အောင်၊ သူ့ကိုကြည့်ပြီး ကိုယ့်မှာအကုသိုလ် မဖြစ်အောင် ကြိုးစားသင့်တာပါ။ တစ်နေ့တစ်နေ့ ကိုယ်တစ်ယောက်တည်းတောင် အကုသိုလ်တွေက မရေတွက်နိုင်အောင် ဖြစ်နေတာ သူများကိုကြည့်ပြီး၊ သူများကိုအမှီပြုပြီး အကုသိုလ်တွေထပ်ဖြစ်မယ်၊ အကုသိုလ်တွေ ထပ်တိုးနေမယ်ဆိုရင်တော့ နေရတဲ့ အခိုက်ဟာ အကုသိုလ်တွေနဲ့ချည်း ဖြစ်နေကြတော့မှာပါ။ ကိုယ့်မှာရှိတဲ့ မျက်စိ၊ နား၊ နှာ၊ လျှာ၊ ကိုယ်၊ စိတ်တွေကို အမှီပြုပြီး အကုသိုလ်တွေ ဖြစ်နေတာတောင် မတားမြစ်နိုင်သေးဘဲ သူတစ်ပါးကို အမှီပြုပြီး အကုသိုလ်တွေ ထပ်တိုးနေမယ်ဆိုရင် တစ်ကိုယ်လုံး အကုသိုလ်အစုကြီးသာ ဖြစ်နေကြပါလိမ့်မယ်။ ဒါကြောင့် ဘယ်သူဘာဖြစ်တယ်၊ ဘာပြောတယ်ဆိုတာတွေကို လိုက်ကြည့်ပြီး အကုသိုလ်ဖြစ်နေကြတာထက် ကိုယ်ဘာဖြစ်တယ်၊ ကိုယ်ဘာလုပ်တယ်၊ ကိုယ်ဘယ်လို နေထိုင်သင့်တယ် စတာတွေကို အရင်သတိပြု ဆင်ခြင်ကာ ကိုယ့်ကိုယ်ကို အကုသိုလ်မဖြစ်အောင် ကြိုးစားသင့်ကြပါတယ်။

မှန်ပါတယ်။ ကိုယ့်ကိုယ်ကို ပြန်ကြည့်တတ်အောင် ကြိုးစားသင့်ပါတယ်။ ဘုန်းဘုန်းတို့ မြတ်စွာဘုရားရှင်ကလည်း သူများကို မကြည့်ဘဲ ကိုယ့်ကိုယ်ကိုသာ ပြန်ကြည့်ဖို့ ဟောတော်မူပါတယ်။ ဘုရားရှင်က

``န ပရေသံ ၀ိလောမာနိ၊ န ပရေသံ ကတာကတံ။
အတ္တနောဝ အဝေက္ခေယျ၊ ကတာနိ အကတာနိ စ။ (ဓမ္မ၊ ၅၀)
သူတပါးတို့၏ မလျော်သော အပြစ်အနာအဆာတို့ကို မကြည့်ရှုရာ၊ သူတပါးတို့၏ ကောင်းမှု မကောင်းမှု ပြုမပြုကို မကြည့်ရှုရာ၊ မိမိ၏ ကောင်းမှု မကောင်းမှု ပြုမပြုကိုသာလျှင် ကြည့်ရှုရာ၏။`` လို့ ဓမ္မပဒ၊ ပါဝေယျအာဇီဝက ၀တ္ထုမှာ ဟောထားတော်မူပါတယ်။

တကယ်တော့ သေချာတွေးကြည့်ရင် ကိုယ်အပါဝင် လောကကြီးမှာ ခြောက်ပြစ်ကင်း ပြည့်စုံတဲ့သူဆိုတာ မရှိကြပါဘူး။ မဟာဂန္ဓာရုံဆရာတော်ကြီးရဲ့ စကားနဲ့ ပြောရရင် ``သဗ္ဗညုတ ဉာဏ်ကိုမရသေးသမျှ သတ္တ၀ါတွေဟာ အအတွေချည်းပါပဲ`` တဲ့။ ဟုတ်တယ်။ အအတွေ၊ အကန်းတွေ ဖြစ်နေကြတဲ့အတွက် ရမ်းမြင်၊ ရမ်းပြောမိကြတာပါ။ အဲလို ရမ်းမိကြတဲ့အတွက်လည်း မကောင်းတာတွေ ဖြစ်ကုန်ကြပြီး အကုသိုလ်တွေ ရကုန်ကြပါတယ်။ ပုထုဇင်တွေဖြစ်နေသမျှ ရမ်းနေကြမှာပါ။ ရမ်းနေသမျှ အပြစ်အနာအဆာတွေလည်း ရှိနေကြမှာပါ။ ဒီတော့ကား ရမ်းနေကြတဲ့သူချင်း အတူတူ ဘာဖြစ်လို့ သူများရမ်းတာ၊ သူများအပြစ်အနာ အဆာဖြစ်တာ၊ သူများရဲ့ မလျော်တာ၊ သူများရဲ့ ကောင်း၊ မကောင်းတာတွေကို လိုက်ကြည့်နေကြမှာလဲ… ဘုရားရှင် မိန့်ကြားတော်မူသလို ကိုယ့်ရဲ့ ကောင်းမကောင်းတာတွေကိုသာ မြင်အောင်ကြည့်၊ ကိုယ်ကောင်းမှု မကောင်းမှု ပြုမပြုကိုသာကြည့်ပြီး ကိုယ်ကောင်းအောင် အရင်လုပ်သင့်ကြတာပေါ့။

ကောင်းအောင်လုပ်ဖို့ဆိုတာ တစ်ခါတည်းတော့ မလွယ်ပါဘူး။ တဖြည်းဖြည်း လေ့ကျင့်ပေးမှ ရမှာပါ။ အဲလို လေ့ကျင့်တဲ့အခါ အရင်ဆုံး ကိုယ့်ကိုယ်ကို လေ့ကျင့်ကြည့်ရပါတယ်။ ကိုယ့်ကိုယ်ကို ပြန်စိစစ်ပြီး ကိုယ်ဘယ်လို စရိုက်တွေ၊ ဘယ်လိုအကျင့်တွေ ရှိတယ်ဆိုတာ အရင်မြင်အောင် ကြိုးစားရပါတယ်။ ကိုယ့်ကိုယ်ကို မြင်လာပြီဆိုရင် နောက်တစ်ဆင့်တက်ပြီး ပြင်လာနိုင်အောင် ကြိုးစားရပါမယ်။ ပြင်တယ်ဆိုတာက မကောင်းလို့သာ ပြင်ရတာပါ။ ကောင်းနေတဲ့အရာဟာ ပြင်စရာမလိုပါဘူး။ ဒီအတိုင်း ဆက်ကောင်းနိုင်အောင်ပဲ ကြိုးစားရပါတယ်။ ဒီတော့ ကိုယ့်ကိုယ်ကို ပြန်ကြည့်လို့ ဒါမကောင်းဘူးဆိုတာ သိရင် အဲဒီမကောင်းတာကို နောက်ထပ်မဖြစ်အောင် လေ့ကျင့်ကြည့်ရပါမယ်။ ဒီအကျင့်ဟာ မကောင်းဘူး၊ ဒီလိုပြောတာမကောင်းဘူး၊ ဒီလိုတွေးတာ မကောင်းဘူးဆိုတာကို မြင်အောင်ကြည့်ပြီး နောက်တစ်ခါ ဒီလိုမဖြစ်အောင် သတိထား လေ့ကျင့်ကြည့်ရပါမယ်။ တစ်ခါမရရင် နောက်တစ်ခါပေါ့။ နောက်တစ်ခါ မရတော့လည်း နောက်တစ်ခါပေါ့။ အဲလို ထပ်ခါထပ်ခါ သတိထားပြုပြင် သွားမယ်ဆိုရင် မရဘူးဆိုတာ မရှိပါဘူး။ အဓိကကတော့ ကိုယ့်ကိုယ်ကို မြင်အောင်ပြန်ကြည့်တတ်ဖို့ပါ။ ကိုယ်မကောင်းတာကို သိအောင်လုပ်ဖို့ပါ။ သိလာ၊ မြင်လာ ကြည့်တတ်လာရင် နောင်ပြင်လာတတ်လာပါလိမ့်မယ်။ တစ်ချို့က အဲလိုကို မမြင်တတ်ကြ၊ မကြည့်တတ်ကြတာပါ။ သူများအပြစ်ကိုသာ ဆီလိုအပေါက်ရှာပြီး ကြည့်တတ်မြင်တတ်ကြတာပါ။ ကိုယ့်အပြစ်ကြတော့ ဘယ်တော့မှကို မမြင်တတ်ကြပါဘူး။ မြင်တယ်ပဲထားဦး ၀န်ခံဖို့ တော်တော်ဝန်လေးတတ်ကြပါတယ်။ ငါဆိုတဲ့မာနက ခံနေလေတော့ မှားမှန်းသိရက်နဲ့ကို အဲဒီအမှားအတိုင်း ဇွတ်တင်းခံနေတတ်ကြပါတယ်။ အဲဒါက အဆိုးဆုံးပါ။ အမှားကို မပြုပြင်ကြဘဲ နေကြတာက ဘ၀ဆက်တိုင်း နစ်သထက်နစ်နေမယ့် အဖြစ်ပါ။

ဒါကြောင့် ကာမဂုဏ်အာရုံတွေ အပြည့်ဖြစ်နေတဲ့ လောကကြီးမှာ အမှားအမှန်နဲ့ ကုသိုလ်အကုသိုလ်ကို ခွဲခြားဖို့ခက်တဲ့ ပုထုဇင်များ ဖြစ်နေကြတဲ့အတွက် အပြစ်ဆိုတာဟာ ကိုယ့်ကိုယ်အကြောင်းပြုပြီး ဖြစ်တတ်ကြသလို သူများကို အကြောင်းပြုပြီးလည်း ဖြစ်တတ်တယ်ဆိုတာ သတိပြုဆင်သင့်ပါတယ်။ ကိုယ့်ကိုယ်ကို အကြောင်းပြုပြီး ဖြစ်တတ်တဲ့ အပြစ်တွေကိုတောင် မဖြစ်အောင် မလုပ်နိုင်သေးပဲနဲ့ သူများအပြစ်တွေကိုကြည့်ပြီး ကိုယ်မှာ အကုသိုလ် အပြစ်တွေ ထပ်တိုးအောင် မလုပ်သင့်ပါဘူး။ တကယ်အပြစ် ကင်းချင်ရင် အရင်ဆုံးကိုယ့်ကိုယ်ကို မြင်အောင်ကြည့်ပြီး ပြင်တတ်ရပါမယ်။ သူများဘာဖြစ်တယ် ဘာလုပ်တယ်ဆိုတာကို မကြည့်ဘဲ ကိုယ်ကောင်းတာလုပ် မလုပ်ကိုသာ အရင်ကြည့်တတ်ရပါတယ်။ အပြစ်များတဲ့ လောကကြီးမှာ အတတ်နိုင်ဆုံး အပြစ်မဖြစ်အောင် နေနိုင်မှ တော်ကာကျပါတယ်။ ဒါကြောင့် သူများရဲ့ အပြစ်တွေကို မကြည့်ကြဘဲ ကိုယ့်ကိုယ်ကိုသာ ပြန်ကြည့်ပြီး ကိုယ့်မှာအကုသိုလ် အဖြစ်နည်းအောင် ကြိုးစားကြဖို့ အထူးတိုက်တွန်းရင်း ``ကိုယ့်ကိုယ်ကိုသာ ပြန်ကြည့်ပါ``ဟု…

Read more...

( ၂-၂၀၀၉ ) မြတ်မင်္ဂလာ

( 2-2009 ) Myat Mingala

Read more...

ဘယ်လိုလုပ်ကြမလဲ... (ဦးသုမင်္ဂလ) vcd

ဒယ်အိုး ဆရာတော် ဦးသုမင်္ဂလ...

နိဗ္ဗာန်ရောက်ကြောင်းတရားကောင်း...

ဘယ်လိုလုပ်ကြမလဲ... (ဦးသုမင်္ဂလ) vcd

video




Read more...

တရားသုံးမျိုးတို့ကို မှီဝဲခြင်း၌ ရောင့်ရဲမှု မရှိပေ...

အတိတ္တိသုတ် - (မရောင့်ရဲခြင်း)


ရဟန်းတို့ တရားသုံးမျိုးတို့ကို မှီဝဲခြင်း၌ ရောင့်ရဲမှု မရှိပေ။

အဘယ် သုံးမျိုး တို့နည်း ဟူမူ-

ရဟန်းတို့...
၁... အိပ်ခြင်းကို မှီဝဲခြင်း၌ ရောင့်ရဲမှု မရှိ၊
၂... သေအရက်သောက်ခြင်းကို မှီဝဲခြင်း၌ ရောင့်ရဲမှု မရှိ၊
၃... မေထုန်အကျင့်သို့ ရောက်ခြင်းကို မှီဝဲခြင်း၌ ရောင့်ရဲမှု မရှိ။

ရဟန်းတို့ ဤတရားသုံးမျိုးတို့ကို မှီဝဲခြင်း၌ ရောင့်ရဲမှု မရှိပေ ဟု (မိန့်တော်မူ၏)။

၆ - အတိတ္တိသုတ်၊ သမ္ဗောဓ၀ဂ်၊ တိကနိပါတ်၊ အင်္ဂုတ္တိုရ်။ 109

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။


Read more...

၂၁။ ကုရုတိုင်း၊ ကမ္မာသဓမ္မနိဂုံး၌ ရဟန်းတို့ အား ဘုရားဟောသော သတိရှေ့ ထားတရား


“ရဟန်းတို့ - သတိထားမှုဟာ လူတွေငြိမ်းချမ်းဖို့ နဲ့  ငြိမ်းချမ်ရေးလမ်းရဖို့  လမ်းတစ်ကြောင်း ဖြစ်တယ်”
“ဘယ်မှာ သတိထားရမှာလဲ ဗုဒ္ဓအသျှင်”

“ကိုယ်၊ စိတ်၊ ဝေဒနာနဲ့  သဘောဓမ္မတွေမှာပဲ ရဟန်းတို့ ”
“ဘယ်လို သတိထားရမှာလဲ ဗုဒ္ဓအသျှင်”

“အဘိဇ္ဈာနဲ့  ဒေါမနဿ လို့ ဆိုတဲ့ စိတ်ဆာ၊ စိတ်ဆိုး တွေကို သတိ ပညာ ဝီရိယတွေနဲ့  ဖျောက်ပြီး အလျော်အတိုင်း မြင်အောင် နေဖို့ ပဲ”
“ကိုယ် ဆိုတာ ဘယ်ဟာတွေလည်း ဗုဒ္ဓအသျှင်”

“ထွက်သက် ဝင်သက်တို့  ဣရိယာပုတ်တို့ ၊ လှုပ်ရှားမှုတို့ ။ ခြေဖျား ဆံဖျားအထိ အစိတ်အပိုင်းတွေတို့ ။ ကြမ်း၊ နု၊ ပူ၊ အေး စတဲ့ ဓါတ်တို့ ။ သည်ကိုယ်ကောင်ကြီးတို့ ပေါ့”
“ခံစားမှု- ဆိုတာကော ဘယ်လိုဟာတွေပါလဲ ဗုဒ္ဓအသျှင်”

“ဆင်းရဲ ခံစားမှု၊ ချမ်းသာ ခံစားမှု၊ လစ်လျူ ခံစားမှု တို့ ပဲ”
“စိတ်- ဆိုတာကကော အသျှင်”

“ရာဂ၊ ဒေါသ၊ မောဟ၊ သံခိတ္တ၊ မဟဂ္ဂတ၊ သဥတ္တရ၊ သမာဟိတ၊ ဝိမုတ္တနဲ့  အပြန်စိတ်တွေပေါ့”
“သဘောဓမ္မ ကကော ဗုဒ္ဓအသျှင်”

“နီဝရဏ၊ ခန္ဓာ၊ အာယတန၊ ဗောဇ္ဈင်္ဂ၊ သစ္စ- တွေပဲ”
“ဗုဒ္ဓအသျှင်- ကိုယ်- အစရှိတာတွေကို အကြိုက် အမုန်းမပါဘဲ ကိုယ်- အစရှိတာတွေ အတိုင်း အလျော်မြင်အောင် နေတော့ ဘာတွေ ဖြစ်မှာမို့ လဲ”

“ကိုယ်- အစရှိတာတွေရဲ့ အဖြစ်- အပျက် အမှန်တွေနဲ့  (အသည် အဖြစ်- အပျက်ရဲ့ အကြောင်း အမှန်တွေ) မြင်နေတာ ဖြစ်တာပေါ့ ရဟန်းတို့ ”
“မြင်တော့ ဘာအကျုိး ရလို့ လဲ ဗုဒ္ဓအသျှင်”

“ကိုယ်- အစရှိတာတွေကို စင်စင်ပဲ သတိ- ထင်လာတယ်”
“သတိ ထင်တော့ ဘာအကျိုးရှိလဲ အသျှင်”

“သတိ၊ ပညာ၊ ဉာဏ် - အဆင့်ဆင့် တိုးလာတယ်”
“ဘယ်လို သတိ၊ ပညာ၊ ဉာဏ်တွေပါလဲ ဗုဒ္ဓအသျှင်”

“အယူအစွဲမဲ့- ဆင်ခြင်အောက်မေ့မှုတွေပေါ့”
“သည်တော့ ဘာဖြစ်လဲ အသျှင်”

“အစွဲလွတ်တာဟာ နိဂုံးပေါ့။ အယူအစွဲ မရှိဘဲ အမှန်အတိုင်း နေရတာ ငြိမ်းချမ်းတာပဲ”
“ဟုတ်ပါပြီ ဗုဒ္ဓအသျှင်၊ ဝမ်းသာလှပါတယ်”
၂၁။ ကုရုတိုင်း၊ ကမ္မာသဓမ္မနိဂုံး၌ ရဟန်းတို့ အား ဘုရားဟောသော သတိရှေ့ ထားမတရား
“ရဟန်းတို့ - သတိထားမှုဟာ လူတွေငြိမ်းချမ်းဖို့ နဲ့  ငြိမ်းချမ်ရေးလမ်းရဖို့  လမ်းတစ်ကြောင်း ဖြစ်တယ်”
“ဘယ်မှာ သတိထားရမှာလဲ ဗုဒ္ဓအသျှင်”

“ကိုယ်၊ စိတ်၊ ဝေဒနာနဲ့  သဘောဓမ္မတွေမှာပဲ ရဟန်းတို့ ”
“ဘယ်လို သတိထားရမှာလဲ ဗုဒ္ဓအသျှင်”

“အဘိဇ္ဈာနဲ့  ဒေါမနဿ လို့ ဆိုတဲ့ စိတ်ဆာ၊ စိတ်ဆိုး တွေကို သတိ ပညာ ဝီရိယတွေနဲ့  ဖျောက်ပြီး အလျော်အတိုင်း မြင်အောင် နေဖို့ ပဲ”
“ကိုယ် ဆိုတာ ဘယ်ဟာတွေလည်း ဗုဒ္ဓအသျှင်”

“ထွက်သက် ဝင်သက်တို့  ဣရိယာပုတ်တို့ ၊ လှုပ်ရှားမှုတို့ ။ ခြေဖျား ဆံဖျားအထိ အစိတ်အပိုင်းတွေတို့ ။ ကြမ်း၊ နု၊ ပူ၊ အေး စတဲ့ ဓါတ်တို့ ။ သည်ကိုယ်ကောင်ကြီးတို့ ပေါ့”
“ခံစားမှု- ဆိုတာကော ဘယ်လိုဟာတွေပါလဲ ဗုဒ္ဓအသျှင်”

“ဆင်းရဲ ခံစားမှု၊ ချမ်းသာ ခံစားမှု၊ လစ်လျူ ခံစားမှု တို့ ပဲ”
“စိတ်- ဆိုတာကကော အသျှင်”

“ရာဂ၊ ဒေါသ၊ မောဟ၊ သံခိတ္တ၊ မဟဂ္ဂတ၊ သဥတ္တရ၊ သမာဟိတ၊ ဝိမုတ္တနဲ့  အပြန်စိတ်တွေပေါ့”
“သဘောဓမ္မ ကကော ဗုဒ္ဓအသျှင်”

“နီဝရဏ၊ ခန္ဓာ၊ အာယတန၊ ဗောဇ္ဈင်္ဂ၊ သစ္စ- တွေပဲ”
“ဗုဒ္ဓအသျှင်- ကိုယ်- အစရှိတာတွေကို အကြိုက် အမုန်းမပါဘဲ ကိုယ်- အစရှိတာတွေ အတိုင်း အလျော်မြင်အောင် နေတော့ ဘာတွေ ဖြစ်မှာမို့ လဲ”

“ကိုယ်- အစရှိတာတွေရဲ့ အဖြစ်- အပျက် အမှန်တွေနဲ့  (အသည် အဖြစ်- အပျက်ရဲ့ အကြောင်း အမှန်တွေ) မြင်နေတာ ဖြစ်တာပေါ့ ရဟန်းတို့ ”
“မြင်တော့ ဘာအကျုိး ရလို့ လဲ ဗုဒ္ဓအသျှင်”

“ကိုယ်- အစရှိတာတွေကို စင်စင်ပဲ သတိ- ထင်လာတယ်”
“သတိ ထင်တော့ ဘာအကျိုးရှိလဲ အသျှင်”

“သတိ၊ ပညာ၊ ဉာဏ် - အဆင့်ဆင့် တိုးလာတယ်”
“ဘယ်လို သတိ၊ ပညာ၊ ဉာဏ်တွေပါလဲ ဗုဒ္ဓအသျှင်”

“အယူအစွဲမဲ့- ဆင်ခြင်အောက်မေ့မှုတွေပေါ့”
“သည်တော့ ဘာဖြစ်လဲ အသျှင်”

“အစွဲလွတ်တာဟာ နိဂုံးပေါ့။ အယူအစွဲ မရှိဘဲ အမှန်အတိုင်း နေရတာ ငြိမ်းချမ်းတာပဲ”
“ဟုတ်ပါပြီ ဗုဒ္ဓအသျှင်၊ ဝမ်းသာလှပါတယ်”

Read more...

ကိလေသာ ၁၀-ပါး

ကိလေသာ ၁၀-ပါး

ကိလေသာဟူသည်မှာ သတ္တဝါတို့ကို ညှင်းဆဲနှိပ်စက် ညစ်နွမ်းပင်ပန်းအောင် ပြုလုပ်တတ်သည့် အကုသိုလ် တရားဆိုးများ ဖြစ်ပါသည်။ ယင်းကိလေသာတရားတို့သည်-

၁) လောဘ= လိုချင်တပ်မက်မှု
၂) ဒေါသ= ကြမ်းတမ်းပြစ်မှားမှု
၃) မောဟ= အမှန်မသိမြင် မိုက်မဲမှု
၎) မာန= ထောင်လွှားတတ်ကြွမှု
၅) ဒိဋ္ဌိ= အထင်အမြင် အယူအဆ လွဲမှားမှု
၆) ဝိစိကိစ္ဆာ= အမှန်မဆုံးဖြတ်နိုင်ပဲ ယုံမှားမှု
၇) ထိန= ပျင်းရိ ထိုင်းမှိုင်းလေးလံမှု
၈) ဥဒ္ဓစ္စ= မငြိမ်မသက် လှုပ်ရှားပျံ့လွင့်မှု
၉) အဟိရိက= မကောင်းမှုပြုရန် မရှက်မှု
၁၀) အနောတ္တပ္ပ= မကောင်းမှုဖြစ်မှာ မကြောက်မှု-
ဟူ၍ အကျဉ်းအားဖြင့် ၁၀-ပါးရှိသည်။

ကိလေသာ ၁၅၀၀။…..။ အကျယ်အားဖြင့်မူ ယင်းကိလေသာဆယ်ပါးကိုမူတည်၍ ကိလေသာ၏ အာရုံဖြစ်သော ရုပ် နာမ်တရား ၇၅-ပါးနှင့် မြှောက်ရသည်။ ၁၀X၇၅ = ၇၅၀။
ဤ၌-
(က) ရုပ်တရားဟူသည်မှာ နပ္ဖန္နရုပ် ၁၈-ပါးနှင့် လက္ခဏာရုပ် ၄-ပါး ပေါင်း ၂၂-ပါး။
(ခ) နာမ်တရားဟူသည်မှာ စိတ်-၁၊ စေတသိက်-၅၂၊ ပေါင်း ၅၃-ပါး။
(ဂ) ယင်းရုပ်တရား ၂၂-နှင့် နာမ်တရား-၅၃ ပေါင်း ရုပ် နာမ်တရား ၇၅ ဖြစ်သည်။
ဖော်ပြခဲ့သည့် ၇၅၀ ကို (အတွင်း အဇ္ဈတ္တနှင့် အပ ဗဟိဒ္ဓ) သန္တာန် ၂-ပါးဖြင့် မြှောက်လျှင် ၇၅၀X၂= ၁၅၀၀ ဖြစ်သည်။


ဇိနတ္ထပကာသနီကျမ်း နိဒါန်းမှ ကူးယူဖော်ပြပေးလိုက်တာပါ။ ကိလေသာ ၁၀-ပါးက နားလည်ရလွယ်ပါတယ်။ ဒါပေမဲ့ ကျယ်ဖွင့်ထားတဲ့ ၁၅၀၀-ကိလေသာတွေကတော့ အဘိဓမ္မာလေ့လာဖူးမှသာ ကောင်းစွာနားလည်ပါနိုင်ပါလိမ္မယ်။

Read more...

ပိုင်းလော့ဆရာတော်ဘုရား ၏အမေရိကခရီးစဉ်



ပိုင်းလော့ဆရာတော်ဘုရား ၏အမေရိကခရီးစဉ်

ကျေးဇူးတော်ရှင်ပိုင်းလော့ဆရာတော်ဘုရားကြီး သည် ယခုအခါအမေရိကန်နိုင်ငံတွင်ရောက်ရှိနေပြီဖြစ်ပါတယ်။
ဆရာတော်ဘုရား တိုက်ကျွေးမည့် တရားရေအေး အမြိုက်ဆေးကို ခံယူသောက်သုံးလိုပါက အောက်ပါ ဖုန်းနံပါတ်များတွင် စုံစမ်းနိုင်ပါကြောင်း အမေရိကန်နိုင်ငံမှ ဓမ္မမိတ်ဆွေတို့အား သတင်းကောင်း ပါးပါရစေရှင့်။

Until 31st May 2009-------Dr. Than Than Aye -6508929506
1st June 2009 to 7th June 2009----- Dr. Khin Thi Oo -9513524680
8th June 2009 to 15th June 2009----Dr. Zaw Win -7087101089

Read more...

*သူတို့ပေးသော မွေးနေ့လက်ဆောင်-၈ (ဘုန်းဘုန်းဦးပညာဇောတ)*


မွေးနေ့မွေးရက် ကုသိုလ်ဆက်

မောင်ဖိုးသားမွေးနေ့ ဓမ္မလက်ဆောင်

မွေးနေ့ မွေးရက်၊ ကုသိုလ်ဆက်၊ ရတက် မပွေပြီ။
ကံပေါ် ကံဆင့် ကံကိုမြှင့်၊ ဘ၀ တင့်လှသည်။
ကံခိုင် ကံလှ၊ ဒီဘ၀၊ မုချအေးငြိမ်းမည်။

ဒကာလေးရေ

စာရေးမယ်၊ ရေးမယ်နဲ့ မရေးဖြစ်ပါဘူး။ ရေးလိုက် တိုင်းလည်း စာက ထွက်မလာ ပါဘူး။ ဒါပေမဲ့ စာတော့ Justify Fullနေ့စဉ်နေ့စဉ် ပိုလို့ ကြည့်ဖြစ် ပါတယ်။ စာရေးတာက အတွေးတွေကို စုစည်း ရတယ်လေ။ ခေါင်းစဉ် အောက်မှာ ဖြစ်ပေါ်လာမယ့် ဆီလျော်မယ့် အသုံးအနှုံး တွေကို စဉ်းစားရတယ်။ လေးလေးနက်နက် တွေးရင် မလွယ်ဘူးပေါ့။ ဒါနဲ့ မိထွေးတော်ကြီး (သို့) အမေ ကျေနပ်ပါပြီကို ဆက်မရေးဖြစ် သေးဘူး။ ပါဠိတော်နဲ့ အဖွင့်ကျမ်း တွေကိုတော့ ကြည့်ဖြစ်ပါတယ်။ အလုပ် များနေတယ် ဆိုရင်လည်း မမှားဘူးပေါ့။ ဦးနှောက်ရှင်းတဲ့ တနေ့ ပြန်ရေးရ ပါဦးမယ်။

ဒကာလေးတို့ (ကိုဝိမုတ္တိရော ရည်ညွှန်း ပါသည်) အသက်ငယ်ငယ် ရွယ်ရွယ်နဲ့ ဘာသာရေးကို ဇောင်းပေးပြီး တစိုက်မတ်မတ် လုပ်ဖြစ်တာကို ကြည့်ပြီး ၀မ်းသာ အားရ ကြည်နူးမိရင်း ဒကာလေးတို့ သာသနာတော် အတွက် ကြိုးစား လုပ်ကိုင် နိုင်သည်များ ကိုလည်း သာဓုခေါ် ပါတယ်။ နောက်ပြီး ဒကာလေးတို့က ဦးဇင်းတို့ အတွက် အရမ်း ကျေးဇူး များတယ်။ ကောင်းနိုးရာရာ စာပေတွေ ရွေးချယ်ပြီး နေ့စဉ် ပို့ပေးနေတဲ့ အတွက် ဦးဇင်းတို့က အဲဒီစာပေတွေ ဖတ်ရှုပြီး ကုသိုလ်တိုးပွား ဗဟုသုတ များရပါတယ်။ ဦးဇင်းက ကိုယ့်မွေးနေ့ (၁၁၊ ၄၊ ၀၉၊ ၃၂-နှစ်ပြည့်) မှာတောင် မှတ်မှတ်ရရ ထူးပြီး ဘာမှ မလုပ်ဖြစ်ခဲ့ ပါဘူး။ ဒါပေမယ့် ဒကာလေးရဲ့ မွေးနေ့မှာတော့ မှတ်မှတ် ရရ ရှိချင်တယ်။ ဘာဖြစ်လို့လဲ ဆိုတော့ ဦးဇင်းနဲ့ အများအတွက် ကျေးဇူးများလို့ပါ။

ဒါနဲ့ပဲ လိုရင်းမရောက် ရှိတော့မယ်။

မြတ်ဗုဒ္ဓ ၀ိသာခါ ဒကာမကြီး (လွယ်လွယ် အခေါ်၊ အရှည်က ဒါယိကာမကြီး) ကိုဟောတဲ့ တရားလေးကို မွေးနေ့ ဓမ္မလက်ဆောင် ပေးချင်တယ်။

ပါဠိ- ယထာပိ ပုပ္ဖရာသိမှာ၊ ကယိရာ မာလာဂုဏေ ဗဟူ။ ဧ၀ံ ဇာတေန မစ္စေန ကတ္တဗ္ဗံ ကုသလံ ဗဟုံ။

မြန်မာ- ပန်းစု ပန်းပုံ အတွင်းမှ များစွာသော ပန်းကုံးတို့ကို သီကုံး ပြုလုပ်သကဲ့သို့ ဖြစ်ပေါ်လာသော သတ္တ၀ါသည် ဥစ္စာသဒ္ဓါ တည်းဟူသော အစုအပုံ အတွင်းမှ မြောက်များစွာသော ကုသိုလ် ကောင်းမှုကို ပြုရာ၏။

အနက်ရှာ- ပုပ္ဖရာသိမှာ- အမျိုးမျိုး အဖုံဖုံ ပန်းပေါင်းစုံသည့် ပန်းပုံကြီးထဲမှ၊ ဗဟူ- ရေတွက် သင်္ချာ၊ လွန်များစွာ ကုန်သော၊ မာလာဂုဏေ- ကြည့်၍ မဆုံး လိုတိုင်း သုံးဖို့၊ ပန်းကုံးတို့ကို၊ ကယိရာ ယထာ နှစ်သက်ကြည်စွာ၊ ပြုလုပ်ရာကုန် သကဲ့သို့။ ဧ၀ံ-ပမာထားယူ ထို့အတူပဲ၊ ဇာတေန- ရှေးကံအလျောက် လူ့ထံရောက်အောင် ပေါ်ပေါက် ဖွားမြင်လာသော၊ မစ္စေန- မချွတ်ဧကန် အမှန် သေရမည့် သတ္တ၀ါသည်၊ ကုသလံ- ခုနောင် ဘ၀၊ နိဗ္ဗာန်ကျအောင် သုခကောင်းကျိုး လွန်ပွားတိုးသည့် ကုသိုလ်မျိုးကို၊ ကတ္တဗ္ဗံ မလွဲမသွေ၊ ပြုသင့်ပေ၏။

လိပ်မှာမူရင်းက၊ Even as one may make many kinds of wreaths from a heap of flowers, so by a mortal in this life there is much good work to be done ( with wealth, faith and generosity).

ရှေးအတိတ်ကံ- အမှန် တကယ်တော့ လူတိုင်း လူတိုင်း လူ့ဘ၀ လူ့ဌာနကို ရရှိ ရောက်ရှိ လာကြခြင်းဟာ ရှေးအတိတ် ကုသိုလ် ကံကြောင့် ဖြစ်တယ်။ ရှေးအတိတ် ကုသိုလ်ကံ များကို အမှတ်တမဲ့ သုံးစွဲမိလို့ ကုန်ဆုံး သွားကြရင်ဖြင့် နောင် ဖြစ်လာမည့် ဘ၀က မသေချာ။ “ကံမခိုင် သံတိုင် အိမ်ဆောက်တော့ ကံမှောက်လျှင် ကျိုး” ဆိုသလို ကုသိုလ် ကံက အခြေမခိုင်လျင် ဘာလုပ်လုပ် အဆင်မပြေ နိုင်တော့။ သံတိုင် သံကွန်ကရစ် များနှင့် ဆောက်လုပ် ထားသည့် အိမ်တောင်မှ ကုသိုလ်ကံ မရှိတော့ သည်နှင့် ပျက်စီး ဆုံးရှုံးရ နိုင်၏။ ကုသိုလ် ကောင်းမှု ကုန်ဆုံးသွား သည်နှင့် တပြိုင်နက် သတ္တ၀ါ အားလုံး မည်သူမဆို ပျက်စီးကြရ တော့တာပါပဲ။ မပျက်စီးတဲ့သူ ဘယ်သူမှ မရှိနိုင်ဘူး။ ဒါဟာ ဓမ္မ နိယာမပဲ။

သေမည်မှန်- လူရယ်လို့ ဖြစ်လာပြန် ရင်လည်း လူတိုင်း အမှန်အကန် သေရဦးမှာပါပဲ။ ဒီနေ့ သေမလား မနက်ဖြန် သေမလား။ အခု ချက်ချင်းပဲ သေမလား စသည်ဖြင့် လားပေါင်း များစွာနဲ့ပဲ စောင့်ဆိုင်း နေရတာပါ။ သေခြင်း တရားဟာ လာဘ်ပေးလို့လည်း မရနိုင်၊ ရင်းနှီးလို့ နေပါဦး တားလို့လဲ မရနိုင်၊ ပစ္စည်းဥစ္စာ ဂုဏ် အရှိန်အ၀ါ သြဇာ အာဏာတွေနဲ့ တားလို့လည်း မရနိုင်၊ အနုမြူ လက်နက် အင်းအားတွေ ပိုင်ဆိုင်လို့ ရင်ဆိုင် ယှဉ်ပြိုင် အနိုင်ယူ လို့လည်း မရနိုင်ပါဘူး။ ဆိုလိုတာက မွေးဖွားလာတဲ့ ဘယ်သူမဆို အမှန်တကယ် သေကြရ အုံးမယ် ဆိုတာကို သတိထားဖို့ပါ။

လေးတန်သေမျိုးပြ၊ အဘိဓမ္မာမှာ သေခြင်း လေးမျိုး ပြောပြ ထားတယ်။

၁။
သက်တမ်းကုန်လို့ သေခြင်းမျိုးက လူ့ဘ၀မှာ ခေတ်အခြေအနေ အချိန်အခါအရ ကန့်သတ် ထားတဲ့ အပိုင်း အခြားမျိုး။ ၇၅-နှစ်ဆို ၇၅-နှစ်ပေါ့။ အဲဒီလို သက်တမ်း ပြည့်လို့၊ ကုန်လို့ သေတာကို ဆိုလိုတာ။

၂။
ကံကုန်လို့ သေခြင်းဆိုတာ ၁၅-နှစ် နဲ့လည်း သေချင် သေမယ်၊ မွေးပြီး ကာစလည်း သေချင် သေမယ်။ ကံပါ သလောက်ပဲ အသက်ရှင်ခွင့် နေခွင့် ရခြင်းမျိုးကို ဆိုလိုတယ်။

၃။
သက်တမ်းရယ် ကံရယ် နှစ်မျိုးကုန်လို့ သေခြင်း ဆိုတာက သက်တမ်း ကလည်း ကျော်လွန် သွားပြီ၊ ကံကလည်း ကုန်ပြီ၊ ခုခေတ်ဆို အသက် ၈၀-အရွယ်၊ ၉၀-အရွယ် တွေကို ဆိုလိုတာပေါ့။

၎။
ရုတ်တရက် သေခြင်း (ဥပစ္ဆေဒက+accideint) မျိုးကတော့ ရေနစ်တာတို့၊ ကားတိုက် ခံရတာတို့၊ သူများသတ်လို့ သေတာတို့ စသည်ဖြင့် ရုတ်တရက် သေဆုံးရ တာတွေကို ပြောတာပါ။ တချို့များ အဲဒီကံ (ဥပစ္ဆေဒကကံ) မပါလာလို့ ကတော့ သူများက ကိုယ့်ကို ဘယ်လိုပင် လုပ်ကြံ လုပ်ကြံ၊ ဖျက်ဆီး ဖျက်ဆီး မပျက်စီးနိုင် မသေနိုင်ဘူး။ ဒါက သတိ ထားစရာ လေးတွေကို ပြောတာပါ။

ကုသိုလ်ရွေးချယ်- မတည်မြဲတဲ့ အရာတွေနဲ့ နှိပ်စက် ၀န်းရံနေလို့ လူတိုင်းဟာ သေကြရ ဦးမှာ။ ဘယ်နေ့ သေမှာမှန်း မသိရလို့လဲ သတ္တ၀ါတိုင်း လူသားတိုင်းဟာ ကောင်းမှု ကုသိုလ် တရားတွေကို လုပ်သင့်တာ ပါပဲ။ တချို့က ငါမသေ နိုင်ဘူး အမှတ်မျိုးနဲ့ ကုသိုလ်တွေကို မေ့လျော့ ပေါ့ဆပြီး မလုပ်ဘဲ နေတတ်၊ နေရဲ လိုက်ကြတာ။ ကြောက်စရာကြီး။ ကုသိုလ် လုပ်တဲ့ နေရာမှာ ခုဘ၀ရော နောင် ဘ၀ပါ အကျိုး များစေမယ့် ကုသိုလ်မျိုး တွေကို ရွေးချယ်ပြီး လုပ်သင့်တယ်။

လုပ်ကြကွယ်- ဒီလိုမှ မဟုတ်ဘဲ ပါတီလုပ် ၀ိုင်းဖွဲ့ပြီး အရက်ဒကာ ခံတာမျိုး၊ ကိုယ့် ဘော်ဒါတွေ နိုက်ကလာပ် သွားဖို့ ပိုက်ဆံပေးလိုက်တာမျိုး တွေဟာ ခုဘ၀ရော နောင်ဘ၀ပါ အကျိုစီးပွား ဖြစ်ထွန်း စေမယ့် ကိစ္စမျိုး မဟုတ်ဘူး။ သက်ရောက် မှုက ဆိုးကျိုးဖက်ကို ဦးတည် သွားစေတယ်။ ပြောချင်တာက သူများဆီက မျှော်လင့်ချက် မထားဘဲ၊ အကျိုးလိုလို့ ညောင်ပင် ရေလောင်းတာမျိုး မဟုတ်ဘဲ ဖြူစင်တဲ့ စေတနာမျိုးနဲ့ ကုသိုလ် ကောင်းမှုကို လုပ်သင့်တယ်။

သူက ငါ့ကို ရေတိုက် လိုက်လို့ ငါက သူ့ကို ပြန်ပြီး ထမင်းစား ဖိတ်ကျွေး လိုက်တဲ့ ကုသိုလ်မျိုးက စစ်မှန်တဲ့ ကုသိုလ်မျိုး မဟုတ်သလို၊ သူက ငါ့ကို ကူညီလို့ ထမင်း ဖိတ်ကျွေးတာ၊ သူက ချမ်းသာလို့၊ သူ့ကို ခိုင်းလို့ရလို့ သူ့ဆီက ရမယ့် အကူအညီကို မျှောင်လင့် တောင့်တပြီး လုပ်တဲ့ ကုသိုလ် မျိုးကလည်း စစ်မှန်တဲ့ ကုသိုလ်မျိုး မဖြစ်နိုင်ဘူး။ မြတ်ဗုဒ္ဓ ဟောထားသလို (တတြာနန္ဒ တိရစ္ဆာ နဂတေ ဒါနံ ဒတွာ သတဂုဏာ ပါဋိကင်္ခိ တဗ္ဗာ)မျိုး ကိုယ့်အိမ်မှာ မွေးထားတဲ့ ကြောင်လေးကို ကြွက်ခုတ်လို့ အစာကျွေး တာမျိုး မဟုတ်ဘဲ စေတနာ သန့်သန့်လေးနဲ့ ကျွေးမွေး လိုက်ရင် အဆတစ်ရာ၊ ဘ၀တစ်ရာ အကျိုးပေး နိုင်တယ်တဲ့။ စေတနာ စစ်မှနော်။ စစ်မှန်မှ ခုဘ၀ရော နောင်ဘ၀ပါ သာမက နိဗ္ဗာန်ထိအောင် အကျိုးပေး များနိုင်တယ်။ အဲဒီလို ကုသိုလ်မျိုးတွေ ရွေးချယ်ပြီးလုပ်သင့်တယ်။

သုံးသွယ်- ကုသိုလ် မလုပ်မီ အရင်ဖြစ်တဲ့ စေတနာ၊ လုပ်နေဆဲ စေတနာ၊ လုပ်ပြီးနောက် ၀မ်းသာနေတဲ့ စေတနာ။ အဲဒီ စေတနာ သုံးမျိုးဟာ ဘ၀အတွက် သိပ် အရေးပါတယ်။ ကုသိုလ် မလုပ်မီ သြော် ငါဖြင့် ဘယ်နေ့၊ ဘယ်ရက်၊ ဘယ်အချိန်၊ ဘယ်နာရီမှာဖြင့် ကုသိုလ် လုပ်အုံးမှပဲ။ အဲဒီလို လုပ်ရမယ့် ကုသိုလ်တွေကို တွေးပြီး ၀မ်းသာကြည်နူး နေခြင်းဟာ အရမ်းကို အကျိုးကျေးဇူး များနေပါပြီ။ ကုသိုလ် လုပ်နေဆဲ အချိန် ကိုတော့ မပြောလိုတော့ ပါဘူး သူက သိပ်သိသာ နေတာကိုး။

သတိ ထားသင့်တာက ကုသိုလ် လုပ်ပြီးနောက် ကိုယ့်လုပ်ထား ခဲ့တဲ့ ကုသိုလ်တွေကို ပြန်ပြီး ၀မ်းသာ ကြည်နူးနေမယ်။ အောက်မေ့ သတိရနေမယ်။ သို့မဟုတ် တည်မြဲခြင်း မရှိတာတွေကို ပြန်လှန် သုံးသပ် မယ်ဆို အဲဒီ ကုသိုလ်တွေဟာ ပွားပြီးရင်းပွား တားမနိုင် ဆီးမရ ဖြစ်နေတဲ့ ကုသိုလ်မျိုး၊ ခုဘ၀ နောင်ဘ၀ အကျိုး များမယ့်၊ နိဗ္ဗာန် ထိအောင် အကျိုးများမယ့် ကုသိုလ်မျိုး တွေပါပဲ။

တန်ဖိုးလှ- သိတဲ့ အမျိုးသမီး တစ်ယောက် ဆိုရင် သူ့ပိုက်ဆံကို တန်ဖိုးထားရုံ (ကပ်စေးနည်းဟု မသုံးပါ) သာမက၊ သူလုပ်ထားတဲ့ ကုသိုလ်တွေ ကိုလည်း အရမ်း တန်ဖိုးထား ပါတယ်။ နောက်ပြီး တရားတွေ တော်တော် သိနေလို့လား မသိ၊ သူလုပ်ထားတဲ့ ကုသိုလ်တွေကို (ကြွားတာမျိုး မဟုတ်ဘဲ) ၀မ်းမြောက် ၀မ်းသာ ပြောတတ်၊ သူများကိုလည်း သာဓု ခေါ်စေတတ် ပါတယ်။

မှတ်မှတ်ရရ တစ်ခါတုန်းက သူများက သူမကို အအေး (အိတ်နဲ့ ထည့်ပေပြီး) တိုက်လိုက် ပါတယ်။ အဲဒီ အအေးကို သူမက မသောက်ချင်ဘူး (မတည့်တာလည်း ပါမယ်)ပေါ့။ ပေးတဲ့ သူရဲ့ ရှေ့မှာ လွှင့်ပစ်ဖို့ ကလည်း မကောင်းတာမို့ လွှင့်ပစ်ရမယ့် နေရာကို ရွေးချယ်ရင်း ဒီအတိုင်း လက်ထဲမှာ ပါလာခဲ့တယ်။ အဲဒီနောက် လမ်းဘေးက အလှူခံ တစ်ယောက်က (သူတောင်းစားဟု မသုံးပါ) သူမ လက်ထဲက အအေးထုပ်ကို မြတ်မြတ်နိုးနိုးနဲ့ ကြည့်နေလို့ သူမက ၀မ်းသာ ကြည်နူးစွာနဲ့ (အမှုိုက်ပုံးထဲ ထည့်မယ့် အထုပ်ကို) ငါ့လက်ကလွတ် ပြီးရော သဘောမျိုး မဟုတ်ဘဲ ကြည်ကြည်နူးနူး ၀မ်းမြောက် ၀မ်းသာနဲ့ ပေးလှူခဲ့ပြီး။ သူမ လှူခဲ့တဲ့ အလှူကို ဧရာမ အလှူကြီး တစ်ခုအလား သဘောထားကို သူတပါး (မိမိ)အား သာဓုခေါ်စေ၊ ၀မ်းမြောက်စေ ခဲ့ပါတယ်။ အဲဒီ အမျိုးသမီး ချမ်းသာ ပါတယ်။ ပစ္စည်း ဥစ္စာရော ကုသိုလ် ရောပေါ့။ တန်ဖိုး ထားတတ်ပုံကို ပြောတာပဲ။ တန်ဖိုး ထားတာနဲ့ အမျှ ကုသိုလ်တွေ ပိုပြီး ပေါများ တတ်ပုံကို ပြောတာပါ။ တန်ဖိုး ထားတာနဲ့ အမျှ တန်ဖိုး ရှိတော့ တာပါပဲ။

ပန်းကိုပုံပြု- ကုသိုလ်လုပ်တဲ့ အခါမှာ ပန်းတွေကို ဥပမာထားပြီး ကုသိုလ် လုပ်ရမယ်လို့ မြတ်ဗုဒ္ဓ ဟောတော် မူခဲ့ပါတယ်။ ဥပမာ အားဖြင့် စပါယ်ပန်းတို့၊ ခရေပန်း တို့ကို တော်တော် များများ မြင်ဖူးကြ ပါလိမ့်မယ်။ အဲဒီ ပန်းလေးတွေဟာ တစ်ပွင့်တည်း ရှိနေရင် တန်ဖိုး မဲ့နေတတ် ကြပေမယ့် သီကြိုးနဲ့ သီကုံးလိုက်တဲ့ အချိန် မှာတော့ အရမ်းတန်ဖိုး မြင့်တက် သွားပါပြီ၊ အရာရာဟာ အမြင်တင့် အဆင်တင့် အသွင်တင့် သွားပါပြီ။ ပိုက်ဆံဟာ တစ်ကျပ်ထဲဆို တန်ဖိုး သိပ်မရှိ တတ်ပေမယ့် ရာတို့ ထောင်တို့ သောင်းတို့ သိန်းတို့ဆိုရင် လိုချင်တာ တွေကို ၀ယ်လို့ ရပါပြီ။ အဲဒီလိုပါပဲ ကုသိုလ်ဟာ နည်းနေ သေးရင် မသိသာ သေးပေမယ့် ကုသိုလ်တွေ များလာတာနဲ့ တပြိုင်နက် လူ့ဘ၀၊ နတ်ဘ၀၊ အဆင့်မြင့် ဘ၀တွေကို ၀ယ်လို့ ရပါပြီ။ နိဗ္ဗာန်ကို ၀ယ်ဖို့ အထောက်အပံ့ ပေးနိုင်ပါပြီ။ ဆိုလိုတာက ပန်းပွင့်တွေကို ဥပမာထားပြီး ကုသိုလ် လုပ်တဲ့အခါ နေ့စဉ်နေ့စဉ် နည်းသည်ဖြစ်စေ၊ များသည်ဖြစ်စေ၊ လုပ်နိုင် သလောက် လုပ်သွားကြဖို့ပါ။

ကုသိုလ်စု- တစ်စက္ကန့်ဟာ တန်ဖိုး မရှိတတ် ပေမယ့် စက္ကန်ပေါင်း များစွာ ရှိလာရင်၊ တစ်မိနစ်ကို သတိ မထားတတ်ကြ ပေမယ့် မိနစ်ပေါင်း များစွာ ရှိလာရင်၊ တစ်နေ့ တစ်လေဟာ မသိသာ ပေမယ့် နေ့ပေါင်း များစွာ ကြာလာရင် သိပ်ကို ထူးထူးခြားခြား ဖြစ်တတ် ရှိလာတတ် ပါတယ်။ ကုသိုလ်လုပ်တဲ့ အခါမှာလည်း ဒီအတိုင်း ပါပဲ တစ်စက္ကန့်လောက် လုပ်လိုက်တဲ့ ကုသိုလ်၊ တစ်မိနစ်၊ တစ်နာရီ၊ တစ်ရက်လောက် လုပ်လိုက်တဲ့ ကုသိုလ် တွေဟာ မသိသာ ပေမယ့် စက္ကန့်တွေ၊ မိနစ်တွေ၊ နာရီတွေ၊ နေ့တွေ ထပ်လာ ဆက်လာရင်၊ ကုသိုလ်တွေ စုနိုင်လာတာနဲ့ တပြိုင်နက် အဲဒီ ကုသိုလ်ရဲ့ အကျိုးတရား တွေကို လိုသလို အသုံးချလို့ ရနိုင်တော့ တာပါပဲ။

တစ်ခုခုတော့- ကုသိုလ် လုပ်တယ် ဆိုတာ ပိုက်ဆံရှိမှ လုပ်လို့ ရတာ မဟုတ်ပါဘူး။ မရှိလည်း လုပ်လို့ ရတာပါပဲ။ နံနက် ညနေ ဘုရားရှိခိုး တာတို့၊ ဘုရား ဂုဏ်တော်၊ တရား ဂုဏ်တော်၊ သံဃာ ဂုဏ်တော် ပွားများတာတို့၊ ရွတ်ဆို တာတို့၊ မေတ္တာ ပို့တာတို့၊ သူများ အကျိုး စီးပွားကို လိုလား တာတို့၊ သူများ အဆင် ပြေနေတာ တွေ့ရင် ၀မ်းမြောက် ၀မ်းသာ ရှိတာတို့၊ သူများ မကောင်း မပြောတာတို့၊ ကူညီနိုင်တာ တွေ့ရင် ကာယအား၊ ဥာဏအားဖြင့် ကူညီတာတို့ စတာတွေဟာ ပိုက်ဆံ မကုန်ဘဲ ရတတ်တဲ့ ကုသိုလ်တွေပါ။ ပိုက်ဆံ မကုန်တဲ့ တန်ဖိုး အကြီးဆုံး ကုသိုလ် ကတော့ နေ့စဉ်နေ့တိုင်း မိမိ ရှူနေ ထုတ်နေတဲ့ ၀င်လေ၊ ထွက်လေကို သတိထား စောင်းကြည့် နေရင်၊ ဒါမှမဟုတ် မိမိလုပ်နေတဲ အရာတွေကို မျက်ခြေ မပြတ် သတိနဲ့ စောင့်ကြည့်နေ၊ မိမိရဲ့ ခန္ဓာကိုယ်ရဲ့ ဖြစ်စဉ်၊ မိမိစိတ်ရဲ့ ပြောင်းလဲ တတ်တဲ့ ဖြစ်စဉ်တွေကို စောင့်ကြည့် နေနိုင်မယ် ဆိုရင် တန်ဖိုး ဖြတ်လို့ မရနိုင်တဲ့ ကုသိုလ်တွေ ပါပဲ။ တစ်ခုခု ကိုတော့ မျက်ခြေ မပျက် သတိနဲ့ မှတ်နေဖို့ပါပဲ။

လုပ်ရမှ- အလုပ်ကတော့ နေ့စဉ် လုပ်နေရ တာပါပဲ။ ဆင်းရဲ သူလည်း ဆင်းရဲတဲ့ အလျောက်၊ ချမ်းသာ သူလည်း ချမ်းသာတဲ့ အလျောက် လုပ်နေကြရ တာပါပဲ။ အလုပ် မလုပ်တဲ့ သူရယ် လို့တော့ တစ်ဦးမှ ရှိမယ် မထင်ပါဘူ၊ တန်ဖိုးရှိတဲ့ အလုပ်၊ တန်ဖိုးမဲ့တဲ့ အလုပ် ဒါတွေပဲ ကွာခြား သွားကြ လိမ့်မယ်လို့ ထင်ပါတယ်။ အလုပ် လုပ်နေကြ ပေမယ့် ကုသိုလ် ပညာ၊ ဥစ္စာ ရှာမှု၊ တစ်ခုခု၊ မရသူမှာ အရှုံးသာ ဆုံးမ စကားတွေ ရှိပါတယ်။ ဒါပေမယ့် ဘ၀အတွက် အဓိပ္ပါယ် ရှိဖို့ ဘ၀မရှုံးဖို့ ကတော့ နေ့စဉ်နေ့စဉ် ကုသိုလ် လုပ်ရမှ ဖြစ်မယ်။

အိပ်ခါနီး နဖူးပေါ် လက်တင် စဉ်းစား ကြည့်လိုက် ဒီနေ့ ငါ ဘာကုသိုလ်တွေ လုပ်ပြီးပြီလဲ။ တကယ်လို့ ဘာမှ မလုပ်ရ သေးရင်၊ မလုပ်ဖြစ် ခဲ့ရင် အရှုံးတော့ မခံပါနဲ့၊ နှာသီးဖျားက ၀င်လေ ထွက်လေကို သတိထားလို့ ဖြစ်စေ၊ ၀မ်းဗိုက်ပေါ် လက်တင်ပြီး ဖောင်းတာ ပိန်တာကို သတိထားလို့ ဖြစ်စေ၊ ဘုရား၊ တရား၊ သံဃာ၊ မိဘ၊ ဆရာသမား တို့ရဲ့ ဂုဏ်တော် တွေကို ပွားလို့ပဲ ဖြစ်စေ၊ မေတ္တာ ပွားလို့ပဲ ဖြစ်စေ တစ်နေ့တာ အတွက် ဘ၀ မရှုံးအောင် လုပ်ဖို့တော့ လိုအပ်ပေ လိမ့်မယ်။ ဆိုလိုရင်း ကတော့ နေ့စဉ် နေ့စဉ် လုပ်နိုင် သလောက် ကုသိုလ် တွေကို တစ်ခုပြီး တစ်ခု လုပ်ဆောင် နေမယ် ဆိုရင် နေ့ပေါင်း များစွာ ကြာမြင့်လာသော အခါ…


အချုပ်။ ပါဠိမြန်မာ၊ အနက်ရှာ၊ လိပ်မှာ မူရင်းက။
ရှေးအတိတ်ကံ၊ သေမည်မှန်၊ လေးတန်သေမျိုးပြ။
ကုသိုလ်ရွေးချယ်၊ လုပ်ကြကွယ်၊ သုံးသွယ် တန်ဖိုးလှ။
ပန်းကို ပုံပြု ကုသိုလ်စု၊ တစ်ခုခုတော့ လုပ်ရမှ။

မှတ်ချက်။ ဘန်ကောက်မြို့နေ တပည့်ဖြစ်သူ မမျိုးမျိုးသူ (၁၆)နှစ်ပြည့်(၄-၃-၂၀၀၉) မွေးနေ့၊ ထိုင်းနိုင်ငံ ဧကချိုင်(၇၆)နေ မသီတာမြင့်၏ ၂၄-နှစ်ပြည့် (၁၃၊၄၊၂၀၀၉) မွေးနေ့၊ ယင်းမွေးနေ့ရှင် တို့နှင့်တကွ ပရိသတ် တို့အား ဟောကြား ခဲ့သော တရားတော် များကို မောင်ဖိုးသား၏ ၂၄-ပြည့် မွေးနေ့ အထိမ်းအမှတ် အဖြစ် အကျဉ်းချုံး၍ ပြန်လည် ရေးသား လိုက်ပါသည်။


ဦးပညာ (မန်းတက္ကသိုလ်)
pyinyar08@gmail.com
မဟာချူလာလောင်ကွန်းဘုရင့်တက္ကသိုလ်
ဘန်ကောက်မြို့၊ ထိုင်းနိုင်ငံ

++++++++++++++++++++++++++++++++++++

ရိုသေစွာ ဦးခိုက်လျက်
ဖိုးသား

5/30/2009, SAT, 4:50:17 PM

Read more...

*သူတို့ပေးသော မွေးနေ့လက်ဆောင်-၇ (မော်စကိုက…အစ်ကို)*

hi nyi

ပျော်စရာ မွေးနေ့ဖြစ်ပါစေ....

အကိုကတော့ ညီ့လောက်တောင် ဘာသာရေး မသိတော့ အဲဒီနယ်ပါယ် အကြောင်း မပြောတတ် ပါဖူးညီ

ဒါပေမယ့် ညီ လုပ်နေတာ တွေဟာ နတ်လူ သာဓုခေါ်စေတဲ့လုပ်ငန်းတွေ ဖြစ်တာရယ်... အကိုတို့ ဘာသာကို ကာကွယ် စောင့်ရှောက် နေတဲ့ စေတနာတွေ ရယ်ဟာ ညီ မသိလိုက်ခင် မှာပဲ ညီ့အပေါ် ကောင်းကျိုး သက်ရောက် မှုတွေ ရှိနေမှာ အမှန်ပါပဲ

ညီ့ကို မွေးဖွားပေး ခဲ့တဲ့ မိခင် ဖခင်ရယ်ဟာ ညီ့ကြောင့် ဂုဏ် တက်နေမှာ ဖြစ်ပါတယ်လေ

ညီ့လို အများ အကျိုးကို သယ်ပိုး ထမ်းရွက်နိုင်ပြီး နိုင်ငံအတွက် မိသားစု အတွက် မိမိအတွက် ပေးဆပ်စွမ်းရှိတဲ့ သူရဲကောင်း အာဇာနည် မျိုးတွေ အများကြီး ရှိပါစေ လို့...


မော်စကိုက အစ်ကို
nayhoneylin

++++++++++++++++++++++++++++++

ကျေးဇူး တင်ပါတယ် အစ်ကို… တကယ်ပါ။ သတိတရနဲ့ အမှတ်တရ ဆုတောင်းစကား ပြောပေးတဲ့ အတွက်။ အစ်ကို ဆုတောင်း ပေးသလို ဖြစ်အောင် ကြိုးစားရ ဦးမှာပေါ့ အစ်ကို…။


လေးစားစွာဖြင့်
ဖိုးသား

5/30/2009, SAT:, 1:35:48 AM

Read more...

*သူတို့ပေးသော မွေးနေ့ လက်ဆောင်-၆ (အနာဂတ်ကမ္ဘာကို တည်ဆောက်ခြင်း)*

သို့/
ညီမောင် - ထံ

ဥုးဇင်းလည်း စားမေးပွဲက ဒီနေ့မှ ပြီးတာနဲ့ ညီမောင် အတွက် မွေးနေ့ လက်ဆောင် ဆောင်းပါး ရေးဖို့ အခုမှ စီစဉ်ရ တာကို နားလည်ပေး ပါလို့ အရင်ဆိုပါရစေ။

ညီမောင် အတွက် မွေးနေ့ လက်ဆောင် အဖြစ် တကယ်တန်း ပေးဖြစ်ဖို့ စီစဉ်မှပဲ မလွယ်မှန်း သိရတော့တာပါ။ ဒါပေမယ့် ဥုးဇင်း ကြိုးစား ရေးလိုက် ပါတယ် ညီမောင်။

*အနာဂတ်ကမ္ဘာကို တည်ဆောက်ခြင်း*

ဓမ္မဉ္စ စိရဋ္ဌိတိကံ ကရောန္တာ ဓမ္မေ ဒါနံ ဒဒန္တိ နာမ - တရားတော်ကို ကြာမြင့်စွာ တည်တံ့ အောင် ပြုလုပ်သူ တို့သည် တရား အလှူ ပေးလှူသူတို့ မည်ကုန်၏ - ဆိုတဲ့ ဣတိဝုတ္တက အဋ္ဌကထာ လာ ဒေသနာ စကားအတိုင်း ညီမောင့်ရဲ့ ဓမ္မဒါန ဖြန့်ဝေမှုဟာ တကယ်တော့ ဓမ္မ အလှူ ပေးဝေ လှူဒါန်းမှု တစ်ခုပါပဲ ညီမောင်။

ကောင်းကင်နဲ့ မြေပြင် ရပ်တည်မှု နှစ်ခုရဲ့ အထက် အောက်မှာ ရှင်သန် နေကြရတဲ့ ဥုးဇင်းတို့ ညီမောင်တို့ ဘ၀တွေဟာ တကယ်တော့ အကောင်းဆုံး အနေအထားကို ရောက်ရှိ/ ရရှိနေကြ ပါတယ်။ ဒီထက်သာတဲ့ ရယူမှုနဲ့ ဒီအောက်ညံ့တဲ့ ပေးဆပ်မှုကို ပေးဖို့ ယူဖို့ကတော့ ကိုယ်ကိုယ်တိုင်သာ အဓိကပဲ ညီမောင်။

ဗုဒ္ဓမြတ်စွာ ကလည်း ဇမ္ဗူဒိပ် ကျွန်းလို့ခေါ်ရမယ့် ဥုးဇင်းတို့ ဗုဒ္ဓဘာသာ မြန်မာနိုင်ငံလို နေရာမျိုးမှာ လူ လာဖြစ်ကြတဲ့ သူတွေဟာ -

(၁) သူရာ = ရဲစွမ်းသတ္တိရှိခြင်း။
(၂) သတိမန္တော = သတိကောင်းခြင်း။
(၃) ဗြာဟ္မစရိယ၀ါသော = ကောင်းမြတ်သော အကျင့်ကို ကျင့်သုံးနိုင်ခြင်း။

ဆိုတဲ့ အချက် သုံးချက်မှာ ဥတ္တရကုရု - လို့ဆိုတဲ့ မြောက်ကျွန်းသူ/ မြောက်ကျွန်းသား တွေထက်၊ နောက်တစ်ခါ တာဝတိံသာ နတ်တွေထက် သာတယ်လို့ မိန့်မှာတော် မူခဲ့ပါတယ် ညီမောင်။

ဒီလို သာလွန် ကောင်းမြတ်တဲ့ နေရာမှာ လူရယ်လို့ လာဖြစ်ကြ တာချင်း တူတာတောင်မှ ညီမောင်က ထူးထူးခြားခြား ရှင်တော် ဗုဒ္ဓရဲ့ ဓမ္မအသိဉာဏ် အလင်းတွေကို သန့်ရှင်းတဲ့ နှလုံးသားနဲ့ ဖြန့်ဝေနေသူ တစ်ယောက် ဖြစ်နေ လေတော့ စာလာပေလာ ဒေသနာ စကားနဲ့ ပြောရရင် ပစ္စုပ္ပန် ဒီဘ၀ မှာသာမက အနာဂတ် ဘ၀ အဆက်ဆက် မှာပါ ပညာဉာဏ် ကြီးရင့်ဖို့ ပါရမီ ကြိုးစား ဖြည့်ဆည်း နေတယ် ဆိုတာကို တွေ့ရှိရ ပြန်ပါတယ်။

ဖ-ဘုရားရှင်ရဲ့ အဆုံးအမ မှာလည်း ပညာဉာဏ် ကြီးရင့်ဖို့ရာ အကြောင်း ရှစ်မျိုးကို ဒီလို ဆိုထားပါတယ် ညီမောင်။

(၁) အရွယ် ကြီးရင့်ခြင်းကြောင့် ပညာသည် ကြီးရင့်၏၊ ရင့်ကျက် ခြင်းသို့ ရောက်၏။

(၂) အခြံအရံ အကျော်အစော များသောကြောင့် ပညာသည် ကြီးရင့်၏၊ ရင့်ကျက် ခြင်းသို့ ရောက်၏။

(၃) အဖန်ဖန် မေးမြန်း သောကြောင့် ပညာသည် ကြီးရင့်၏၊ ရင့်ကျက် ခြင်းသို့ ရောက်၏။

(၄) ရေဆိပ်ပမာ ဆရာနှင့် ပေါင်းဖော် သောကြောင့် ပညာသည် ကြီးရင့်၏၊ ရင့်ကျက် ခြင်းသို့ ရောက်၏။

(၅) သင့်လျှော်စွာ နှလုံးသွင်း သောကြောင့် ပညာသည် ကြီးရင့်၏၊ ရင့်ကျက် ခြင်းသို့ ရောက်၏။

(၆) တိုင်ပင် ဆွေးနွေး သောကြောင့် ပညာသည် ကြီးရင့်၏၊ ရင့်ကျက် ခြင်းသို့ ရောက်၏။

(၇) ချစ်ခင်သူနှင့် ပေါင်းဖော်ရ သောကြောင့် ပညာသည် ကြီးရင့်၏၊ ရင့်ကျက် ခြင်းသို့ ရောက်၏။

(၈) သင့်လျှော်သော အရပ်ဋ္ဌာန၌ နေထိုင်ရ သောကြောင့် ပညာသည် ကြီးရင့်၏၊ ရင့်ကျက် ခြင်းသို့ ရောက်၏။

ဒီနေရာမှာ ညီမောင်ဟာ အသက်အရွယ် ငယ်သေးပေမယ့် ကျန်အင်္ဂါအားလုံးနဲ့ ပြည့်စုံ နေတယ် ဆိုတာကိုတော့ ညီမောင့်ရဲ့ နောင်တော် တစ်ပါး အနေနဲ့ အထူး ပြောစရာ လိုမယ် မထင်ပါဘူး။

အများ သူငါတွေ မက်မောစွာ လိုချင်တပ်မက် တောင့်တနေ ကြတဲ့ မြောက်ကျွန်းလို၊ တာဝတိံသာ နတ်ပြည်လို နေရာမျိုး တွေထက်သာတဲ့ အကောင်းဆုံး နေရာမှာ ရောက်ရှိနေပြီး ဘာသာ တရားရဲ့ ဆုံးမမှု နယ်နိမိတ် အတွင်းက အကောင်းဆုံး အလုပ်တွေကို လုပ်ဆောင် နေတဲ့ ညီမောင်ရဲ့ မွေးနေ့မှာ အကောင်းဆုံး စကား လက်ဆောင် တစ်ခွန်း လောက်တော့ မွေးနေ့ လက်ဆောင် ပါးလိုက် ချင်ပါတယ်။

အဲဒါက… ညီမောင်ဟာ ပစ္စုပ္ပန် လုပ်ရပ်နဲ့ ညီမျှတဲ့ ညီမောင်ရဲ့ အနာဂတ် ကမ္ဘာကို ဖန်တီး တည်ဆောက် နေတယ်-ဆိုတာပါပဲ။


လက်ရှိပစ္စုပ္ပန် မွေးနေ့မှသည် ……
အနာဂတ်ကမ္ဘာပန်းတိုင်ဆီသို့
လျှောက်လှမ်းနိုင်စေဖို့ ဆန္ဒပြုရင်း…..


သတိတရ - မေတ္တာ အနန္တဖြင့် …
ညီမောင် ရဲ့ ဥုးဇင်း
(ခေတ္တ - အိန္ဒိယ)

4:55 P.M

ညီမောင်ရဲ့ မွေးနေ့မှာ အဆိုး ရှုတဲ့သူ မဟုတ်တဲ့ အကျိုး ပြုမယ့်လူ ဖြစ်စေဖို့၊ အလှဟန်ဖွဲ့ လူသား မဖြစ်စေဘဲ ဘ၀ဆန်တဲ့ လူသား ဖြစ်စေဖို့ သီးသန့် ဆုမွန် ချွေလိုက်ပါတယ်....။ ညီမောင် အစစ အရာရာ အဆင်ပြေပါစေ....။

မေတ္တာဖြင့် .... ဥုးဇင်း

++++++++++++++++++++++++++++

လေးစားရိုသေစွာဖြင့်
ဖိုးသား

Read more...

*သူတို့ပေးသော မွေးနေ့လက်ဆောင်-၅ (ဆရာတော်တို့၏ စကားလက်ဆောင်)*

၁) အရှင်တိက္ခဉာဏာ လင်္ကာရ

ကိုယ်လုပ်တဲ့ အလုပ်တစ်ခုဟာ နောင်တစ်ချိန် ပြန်တွေးကြည့်လို့ နောင်တ မရဘူး ကောင်းကျိုးကို ဖြစ်စေတယ် လူ့လောကရဲ့ အရည် အသွေးကို မြှင့်တင် နိုင်တယ် ဆိုရင် ဒါကို ဆက်လုပ်ပါ။

ဘုန်းဘုန်း ဩ၀ါဒ မွေးနေ့ လက်ဆောင်

၂) အရှင်နာယကာ လင်္ကာရ

လိမ္မာချင်ရင် မမိုက်နဲ့ဗျားးးးး

၃) အရှင်ဝိဇ္ဇောတ

pyae: ဦးဇင်း တပည့်တော် မွေးနေ့ အတွက် ဆုံးမစကားလေး ပြောပေးပါဦး..

အရှင်ဝိဇ္ဇောတ: မဆုံးမတော့ပါဘူး.. လိမ္မာပြီးသားပဲ

pyae: ကိုယ့်ကိုယ်ကို သိတယ် ဦးဇင်း
မလိမ္မာတာ

အရှင်ဝိဇ္ဇောတ: ဆုံးမစရာ မလိုအောင်နေတဲ့

pyae: တင်ပါ့ ကျေးဇူးပါ ဦးဇင်း...

၎) အရှင်လောကနာထ

pyae: ဘုန်းဘုန်း ဖိုးသား မွေးနေ့အတွက် ဆုံးမစကားလေး မြွက်ကြားပေးပါဦး

အရှင်လောကနာထ: နေထိုင် မျှတပါရဲ့လား ဒကာလေး

pyae: တင်ပါ့ မျှတအောင် နေပါတယ် ဘုန်းဘုန်း

အရှင်လောကနာထ: ဆုံးမကားတွေက ပြောရတာ ခက်လှတယ်...
ဒကာလေးလည်းသိပြီးသားတွေ များလှပါတယ်...
အားလုံးမကျင့်နိုင်...

pyae: တင်ပါ့

အရှင်လောကနာထ: ဘုန်းကြီးတို့လည်း ပြောနေသလောက် မကျင့်နိုင်သေး...
ဘယ်လိုတွေ ထပ်ပြီး ဆုံးမရပါ့မလဲ မသိ...

နောက်ဆုံး ဘုရားကတော့ စိတ်တစ်ခုကို စောင့်ရှောက် ပါလို့ ဆိုထားပါတယ်...
စိတ်ကို ဘယ်လို စောင့်ရှောက်ကြရမလဲ...

==============

ဒကာလေး မောင်ပြည့်စုံ မွေးနေ့အတွက်...


မြတ်ဗုဒ္ဓ၏ အဆုံးအမ...

ရဟန်းတို့ ပုဂ္ဂိုလ် နှစ်မျိုးတို့၌ (ပြုစု လုပ်ကျွေးခြင်း စသည်ဖြင့်) မှန်သော အကျင့်ကို ပြုကျင့်သော ပညာရှိသော လိမ္မာသော သူတော်ကောင်း* သည် မတူးဖြို မဖျက်ဆီး အပ်သော မိမိကိုယ်ကို စောင့်ရှောက် နေသည် မည်၏၊ အပြစ် မရှိသူလည်း ဖြစ်၏၊ ပညာရှိတို့လည်း မစွပ်စွဲ မကဲ့ရဲ့ထိုက် သူလည်း ဖြစ်၏၊

များစွာသော ကောင်းမှုကိုလည်း ဖြစ်ပွါးစေ၏။

အဘယ် နှစ်မျိုး တို့နည်း ဟူမူ-

၁။ မြတ်စွာဘုရား လည်းကောင်း၊
၂။ မြတ်စွာဘုရား၏ တပည့်သာဝက လည်းကောင်း တို့တည်း။

ရဟန်းတို့ ဤပုဂ္ဂိုလ် နှစ်မျိုးတို့၌ (ပြုစု လုပ်ကျွေးခြင်း စသည်ဖြင့်) မှန်သော အကျင့်ကို ပြုကျင့်သော ပညာရှိသော လိမ္မာသော သူတော်ကောင်းသည် မတူးဖြို မဖျက်ဆီး အပ်သော မိမိကိုယ်ကို စောင့်ရှောက် နေသည် မည်၏၊ အပြစ်မရှိ သူလည်း ဖြစ်၏၊ ပညာရှိတို့လည်း မစွပ်စွဲ မကဲ့ရဲ့ထိုက် သူလည်း ဖြစ်၏၊ များစွာသော ကောင်းမှုကိုလည်း ဖြစ်ပွါးစေ၏ ဟု (မိန့်တော်မူ၏)။ (၈)

အာယာစန၀ဂ်-မှ၊ ဒုကနိပါတ်၊ အင်္ဂုတ္တိုရ်ပါဠိတော်။

*။ အရှင်အာနန္ဒာနှင့် အနာထပိဏ်သူဌေး စသည်။

ဘ၀ဆက်တိုင်း မိဘကျေးဇူး အကျေဆပ်နိုင်ပါစေ...
ဦးလောကနာထ
၅.၁၈.၂၀၀၉


၅) အရှင်ကောဝိဒ (စစ်ကိုင်း)

ဦးဇင်း ပေးချင်တဲ့ မွေးနေ့ လက်ဆောင် ကတော့

ဘ၀မှာ အချိန်ရှိတိုင်း ကုသိုလ်နဲ့သာ အချိန်ကုန် နိုင်အောင် ကြိုးစားနိုင်ပါစေ။

+++++++++++++++++++++++++++++++++++

လေးစားရိုသေစွာ ဦးတိုက်လျက်
ဖိုးသား

5/29/2009, FRI:, 3:24:15 AM



Read more...

*သူတို့ပေးသော မွေးနေ့လက်ဆောင်-၄ (ကိုအောင်ဦး)*



လေးစားရိုသေစွာဖြင့်
ဖိုးသား

5/29/2009, FRI:, 3:04:18 AM



Read more...

*သူတို့ပေးသော မွေးနေ့လက်ဆောင်-၃ (ကိုဝင်းမြင့်၊ အစ်မမေဟန်)*

မင်္ဂလာပါ ညီလေး ပြည့်စုံအောင်…

ဤနေ့သည် ညီလေးရဲ့ မွေးနေ့ဖြစ်သည်။ ညီလေးကို သစ်ပင် တစ်ပင်အဖြစ် ပမာ တင်စား၍ မွေးနေ့အတွက် ရေးသား ဂုဏ်ပြုလို ပါသည်။

အဝိဇ္ဇာနှင့် တဏှာ အရင်းခံ၊ ဥပါဒါန်၊ ကံကြောင့် ရုပ်နာမ်ပေါ်၊ အပင်မှမျိုး၊ မျိုးမှအပင်၊ အမျှင်မပြတ်၊ ဆက်စပ်သည့်ဟန်၊ အဖန်ဖန် လည်ပတ် လောက သံသရာဆက်ဟု ဆိုအပ်သော ဝဋ်အသွား ဆက်၍ လည်ပတ် နေသည့် သံသရာဝယ် ဤနေ့သည် ကံမျိုးစေ့မှ နာမ်ရုပ်- အရွက်ကလေး နှစ်ရွက်နှင့် အပင်ကလေး ပြူထွက်၍ မိခင်အပြုံးနှင့် မိတ်ဆက်ခွင့် ရသောနေ့ ဖြစ်သည်။ ထိုအပင် ကလေးကို မိခင်၏ နို့ရည်ဖြင့် သွမ်းလောင်း၍ လည်းကောင်း၊ အစာ အာဟာရဖြင့် လည်းကောင်း ကျွေးမွေး၍ ရှင်သန် ကြီးထွား စေခဲ့သည်။

အခုဆို အပင် ကလေးက အကိုင်းအခက် စုံညီ အရွယ်အား ဖြင့်တော့ ရောက်လို့နေပြီ။

သစ်တစ်ပင် ကောင်းလျှင် ငှက်တစ်သောင်း နားနိုင်၏လို့ ရှေး ပညာရှိ များက စကားထားခဲ့ ကြပါသည်။ ငှက် တစ်သောင်းအား နားခိုစေနိုင် မှုဖြင့် ကျေးဇူးပြု လိုလျှင် ကောင်းသော သစ်ပင် တစ်ပင် အဖြစ်သို့ ရောက်အောင် ပြုစု ပျိုးထောင် ရမည်သာတည်း။ မြတ်စွာ ဘုရားရှင်၏ အပင်သည်ကား အသေင်္ချေပေါင်း များစွာသော ငှက် ပမာဏများ အဖို့ နားခိုစေနိုင် မှုဖြင့် ကျေးဇူးပြုနိုင် ခဲ့သည်၊ ယခု အချိန်၌လည်း ကျေးဇူးပြု နေသည်၊ နောင် ကာလ၌လည်း ကျေးဇူးပြု နေအုံးမည်သာ။

ထိုသို့ မြတ်စွာ ဘုရားရှင်၏ တပည့် သာဝကများ သည်လည်း မြတ်စွာ ဘုရားရှင်၏ ကရုဏာထုံး နှလုံးမူ၍ မြတ်စွာ ဘုရားရှင်၏ တရားဓမ္မကို ကောင်းစွာ နာယူ ကျင့်ကြံကာ သစ္စာ တရားကို ကိုယ်စားလှယ်ပြု ဟောပြဆုံးမ လမ်းပြရင်းဖြင့် ငှက်ပမာဏ မြောက်မြားစွာ အဖို့ နားခိုစေနိုင် မှုဖြင့် ကျေးဇူး ပြုခဲ့ကြသည်။ ကျေးဇူး ပြုနေကြသည်။ ကျေးဇူး ပြုကြမည် သာတည်း။ ဥပမာ.. အကို့ အနေနဲ့ ထင်ရှားစွာ မြင်ရတဲ့ ပုဂ္ဂိုလ်ကို ပြရလျှင်တော့ မိုးကုတ် ဆရာတော် ဘုရားကြီးပေါ့။ ဆရာတော် ဘုရား၏ သစ်ပင် ဆိုရင်လည်း ငှက်ပမာဏ မြောက်များစွာ အဖို့ နားခိုစေနိုင် မှုဖြင့် ကျေးဇူး ပြုနိုင်ခဲ့ ပါသည်။ အခုလည်း ကျေးဇူး ပြုနေဆဲ၊ နောက်လည်း ကျေးဇူး ပြုနေအုံးမည်သာ။

ထိုအရှင်မြတ်များ ကဲ့သို့ ပြည့်စုံအောင်၏ အပင်သည်လည်း လောကကို ကျေးဇူးပြုတဲ့ အပင်လေး တစ်ပင်ဖြစ်ဖို့ ပြုစု ပျိုးထောင်နေရင်းပဲ လောကကို အကျိုး ပြုတတ်နေတဲ့ အပင် ငယ်ကလေး တစ်ပင် ဖြစ်နေပါလား ဆိုတာ ယနေ့ အများအမြင်မှာ အထင်အရှား ပါပဲ။

အပင် ဆိုတာက ကွင်းပြင်ကြီး ထဲမှာ ထီးတည်း ပေါက်ရောက် ရတာမျိုး လည်းရှိပါတယ်၊ ပတ်ဝန်းကျင် အပင်တော မှာလည်း ပေါက်ရောက် ရတာ ရှိပါတယ်။ ဘယ်မှာပဲ ပေါက်ရောက်ရ ကြီးပြင်းရ သဘာဝ ဘေး အန္တာရာယ်၏ ဘေးဆိုတာက အချိန်အခါ မရွေး ဆိုးရွားစွာဖြင့် သူ့အပေါ်မှာ ကျရောက် လာတတ် ပါတယ်။ အချိန်တိုင်း အားဖြင့်လည်း အပူဒဏ် အအေးဒဏ် တို့၏ တစ်မျိုးပြီး တစ်မျိုး ပြောင်းလဲစွာ ဖောက်ပြန်နေမှု ဘေးကလည်း ထိုအပင်မှာ အမြဲတမ်း ကျရောက် နေပါတယ်။ ထိုကဲ့သို့ ညီလေး၏ အပင်လေး သည်လည်း အတွင်း ရန်သူဘေး၊ အပြင် ရန်သူဘေးလို့ပဲ ပြောပြော၊ လောကဓံ ဘေးအန္တရာယ် လို့ပဲ ပြောပြော ထို ဘေးအန္တရာယ် တွေနဲ့ အမြဲထိတွေ့ နေရ၊ ကြုံနေရ ဆုံနေရ၊ တစ်ခါတစ်ခါ လွန်စွာ ဆိုးရွားစွာ ကျရောက် လာတတ်ကြ စသည်ဖြင့် ဘေးအန္တရာယ် နယ်ထဲမှာ နေရတယ် ဆိုတာကိုလည်း သိနေတော့ ထိုအသိက ထိုဘေးမှာ လွတ်မြောက် ရာသို့ ကျေးဇူးပြုမယ့် သတိတရား ကိုလည်း ထင်ရှားဖြစ်အောင် စေ့ဆော် ပေးရမယ်ပေါ့ ဆိုတာ ကိုလည်း ကံမကုန် ဉာဏ်ဆုံခွင့် ရတုန်းမှာ လက်တို့ ပြောလိုပါတယ်။

နောက်တစ်ခုက အပင် ဆိုတာသည် ကိုင်းရာဖက်ကို လဲကျတတ် တယ်တဲ့။ ဆိုလိုတာက လောဘ ဘက်ကို ကိုင်းရင် ပြိတ္တာဘုံကို လဲကျမယ်၊ ဒေါသ ဘက်ကို ကိုင်းရင် ငရဲဘုံကို လဲကျမယ်၊ မောဟ ဘက်ကို ကိုင်းရင် တိရစ္ဆာန် ဘုံကို လဲကျမယ်၊ အလောဘ- သဒ္ဓါတရား ဘက်ကို ကိုင်းရင် လူ့ဘုံ၊ နတ်ဘုံ တွေပေါ် လဲကျမယ်၊ အဒေါသ- မေတ္တာ တရားဘက်ကို ကိုင်းရင် ဗြဟ္မာဘုံ တွေပေါ် လဲကျမယ်၊ အမောဟ- ပညာဉာဏ် ဘက်ကို ကိုင်းရင် (၃၁)ဘုံဟု ဆိုအပ်သော အိုနာသေ နှိပ်စက် ခံနေရသည့် သံသရာဘုံမှ လွတ်မြောက်ရာ အဇာတိဟု ဆိုအပ်သော သုခ နိဗ္ဗာန်သို့ ကိုင်းညွှတ် လဲကျရတယ်။ ဒီတော့ ညီလေး အပင်ကလေး ကိုလည်း ဘယ်ဘက်သို့ ကိုင်းစေ၍ လဲကျစေမလဲ ဆိုတာတော့ မြတ်စွာ ဘုရားရှင်၏ တရားဦး ဖြစ်သည့် ဓမ္မာစကြာ တရားကို နာယူ၍ ဆုံးဖြတ်ပေါ့။ ကိုယ်တိုင် သုံးသပ်၍ ဆုံးဖြတ် ပြီးလုပ်တာက ကုသိုလ်ပဲ လုပ်လုပ်၊ အကုသိုလ်ပဲ လုပ်လုပ် ပိုပြီး ကျေးဇူးပြုမှု အားကြီးတယ် ဆိုတာကို ညီလေး အဘိဓမ္မာ သင်ခန်းစာ သင်တုန်းက အသင်္ခါရိက နှင့် သသင်္ခါရိက ဆိုတာ ကြားဖူးခဲ့တာပဲ။

ဒီတော့ လူ့ဘုံမှာ အခု ရောက်နေတာသည် လမ်းဆုံ လမ်းခွကို ရောက်နေတာ ပဲတဲ့။ “ခံ” ဖို့ လုပ်ရင်းနှင့် (ခံမယ့် အရပ်ဆီသို့ ဦးတည့်ရင်းနှင့်) လောကကြီးကို အရွဲ့တိုက်ကာ လူ့ဘုံမှာ ရှင်သန် နေမှာလား? “စံ” ဖို့ လုပ်ရင်းနှင့် (စံမယ့် အရပ်ဆီသို့ ဦးတည့်ရင်းနှင့်) လောကကြီးကို ကျေးဇူးပြုကာ ရှင်သန် နေမှာလား? “လွတ်” ဖို့ လုပ်ရင်းနှင့် (လွတ်မြောက်မှု အရပ်ဆီသို့ ဦးတည့်ရင်းနှင့်) လောကကြီးကို ကျေးဇူးပြုကာ ရှင်သန် နေမှာလား ဆိုတာကို လူ့ဘဝ ဖြစ်ဆဲခဏ လမ်းဆုံ လမ်းခွမှာ သုံးသပ် ဆုံးဖြတ်၍ လုပ်ဆောင် နေရပါတယ်။ ဒီနေရာမှာ လူ့ဘဝ ဖြစ်ဆဲခဏ ဆိုတာသည် စိတ်ကလေး တစ်ခု ဖြစ်လိုက် ပျက်လိုက် တစ်ခဏကို ဆိုတာပါပဲ။ ထို တစ်ခဏသည် လမ်းဆုံ လမ်းခွမှာ ခြေချ၍ သုံးသပ် ဆုံးဖြတ် နေရတဲ့ တစ်ခဏ မျှသာပါပဲ။ ထို တစ်ခဏ တစ်ခဏချင်း စီမှာ ဆုံးဖြတ်မှုနှင့် လုပ်ဆောင်မှု ဆိုတဲ့ အရာနှစ်ခုက ဝမ်းတူးရိုက်ပြီး သွားနေကြ ပါတယ်။ ခံ မယ့် အရပ်ဆီသို့ ဦးတည့်ရင်းနှင့် ဝမ်းတူးရိုက် ကောင်းရင်လည်း ဒုဂတိဘုံ ဂိုး ပေါက်ဆီသို့၊ စံ မယ့် အရပ်ဆီသို့ ဦးတည့်ရင်းနှင့် ဝမ်းတူးရိုက် ကောင်းနေရင်လည်း သုဂတိဘုံ ဂိုးပေါက်ဆီသို့၊ လွတ်မြောက်မယ့် အရပ်ဆီသို့ ဦးတည့်ရင်းနှင့် ဝမ်းတူးရိုက် ကောင်းနေရင်လည်း နိဗ္ဗာန် ဂိုးပေါက်ဆီသို့ စသည်ဖြင့် ပေါ့။

ဒီတော့ တို့တွေရဲ့ လူ့ဘဝတွေ အဖန်ဖန် မွေးနေသော အချိန်အခါ ထိုတစ်ခဏ တာမှာ ဒီလို လမ်းသုံးကြောင်းကို ခွဲခြား၍ ဘယ်လမ်းကို သွားချင်လဲ မေးခွန်း ထုတ်ရပါမယ်။ လမ်းရွေးပြီးရင် သူ့ဆီရောက်တဲ့ အကြောင်း တရားကို ဆောင်ယူ လုပ်ဆောင် သွားရပါမယ်။

နိဂုံးချုပ်အနေဖြင့် ညီလေးကို ဆန္ဒပြု စကားစုလေးပေးလိုသည်က ဆုပန်ကြီး မဟုတ်ရင်တော့ လွတ်မြောက်မှု အရပ်ဆီသို့ ဦးတည့်ရင်းနှင့် လောကကြီးကို ကျေးဇူးပြုကာ ရှင်သန်သွားဖို့ အချိန်တိုင်း အချိန်တိုင်း၌ “မွေးတာကိုကြည့် သေတာကိုသိ”၊ ဤသို့ “သတိထား ကြည့်လိုက်တိုင်း ဉာဏ်ဖြင့် သိလိုက်သည်” အားဖြင့် ဉာဏ်အသိ ရာခိုင်နှုန်းတွေကို တိုးမြှင့်သွားပါ၊ ထိုဉာဏ်က တစ်ရာ ရာခိုင်နှုန်း (၁၀၀%)သို့ ရောက်ရင် သမုဒယက သုည ရာခိုင်နှုန်း(0%) သို့ ကျသွားပါတယ်။ ထိုသို့ သမုဒယက သုည ရာခိုင်နှုန်း(0%) သို့ ကျသွားလျှင် သဟဇာတ ကမ္မလို့ ဆိုတဲ့ သင်္ခါရ- ရုပ်သစ် နာမ်သစ် တွေ ချုပ်ငြိမ်း သွားပါတယ်၊ ထိုသို့ ချုပ်ငြိမ်းမှု နေရာမှာ နေရာ ယူလာတာ ကတော့ အသင်္ခတ အငြိမ်းဓာတ် (နိဗ္ဗာန်ဓာတ်) ပါပဲ။ ဤသို့ အသိဉာဏ် ရာခိုင်းနှုန်းတွေကို မွေးနေ့ ရောက်မှသာလျှင် တိုးမြှင့်ခွင့် ရတာမို့၊ ထိုသို့ မွေးမှုနောက်က ဉာဏ်အသိ ရာခိုင်နှုန်းကို တိုးမြှင့်ရင်းဖြင့် ဒုက္ခအဆုံးရှိ သုခမုခ်ဝ ဆီသို့ အရောက် လှမ်းနိုင် ပါစေသောဝ်။ ဒါသည် မြတ်စွာ ဘုရားရှင်အား အမြင့်မြတ် ဆုံးသော ပူဇော်မှုဖြင့် ပူဇော်၍ မွေးနေ့ပွဲ ကျင်ပခြင်း ဖြစ်ပေသတည်း။

မွေးနေ့ကို အချိန်တိုင်း ကျင်းပရင်း အသိဉာဏ် ရာခိုင်နှုန်းများ တိုးမြှင့်၍ မိမိ အကျိုး ကိုလည်း ဆောင်ရွက်၊ သူတစ်ပါး အကျိုး ကိုလည်း ကျေးဇူးပြု ကျေးဇူးဆပ်လျက် ဤလူ့ဘဝ၌ ကျေးဇူး များသော အပင်ကြီး ဖြစ်ပါစေ…


လေးစားစွာဖြင့်
အစ်ကို၊ အစ်မ
ဝင်းမြင့်၊ မေဟန်

+++++++++++++++++++++++++++++++++++++

လေးစားရိုသေစွာဖြင့်
ဖိုးသား

5/29/2009, FRI:, 2:47:32 AM



Read more...

*သူတို့ပေးသော မွေးနေ့လက်ဆောင်-၂ (သို့) စိန်စီသောနေ့ရက်များဖြင့်*

လောက ရတနာတစ်ခု ရဖို့အရေး ရွှံညွန်တွေ သဲမြေတွေ ထဲကနေ ခက်ခက်ခဲခဲ ပင်ပင်ပန်းပန်း တူးဖော်ကြ ရပါတယ်. ရလာတဲ့ ဒီရတနာကို ရောင်းတန်းဝင် ဖြစ်အောင် လူ့ ခန္ဓာကိုယ်မှာ ၀တ်ဆင်လို့ ရအောင် ကျောက်သွေး ဆရာရဲ့ အပြုအပြင်ကို ခံယူကြရ ပြန်ပါတယ်. ကျောက်သွေး ဆရာကောင်းရဲ့ အပြုအပြင်ကို ခံရတဲ့ ဒီ ရတနာဟာ အဆင့်မှီ ရတနာ ဖြစ်ခွင့် ရပါတယ်။ ဒီလို အပြုအပြင် ခံထားရတဲ့ လှပတဲ့ ရတနာကို ၀တ်ဆင်မှ ၀တ်ဆင်သူ မှာလည်း စိတ် ရွှင်လန်းမှု ဂုဏ်ယူ ၀င့်ကြွားမှု ဖြစ်ရတာပါ။ အော်… လောက ရတနာတောင် ရတနာ အစစ် ဖြစ်ဖို့ မလွယ်ကူလှ ပါဘူး။

လူ့ဘ၀ ဆိုတာလည်း အနှစ်အသား ပြည့်ဝတဲ့ ရွှေရည်ပြည့် စိန်ရည် ပြည့်တဲ့ တကယ့် ရတနာ အစစ် တစ်ခုပါ. ဒါပေမယ့် အဲဒီ ရတနာဟာ လိုချင်မှု မကျေနပ်မှု တွေဝေမှု ပြန့်လွင့်မှု ကိုယ့်ကိုယ်ကိုသာ ဟုတ်တယ် ထင်ပြီး လူများ လုပ်သမျှ အကောင်း မထင်မှု သံသယ များမှု စတဲ့ လူ့ အရည်အသွေးကို လျော့ကျ စေတဲ့ စိတ် ညစ်ညူးကြောင်း ရွှံဗွက် သို့မဟုတ် စိတ်အမြင် မကြည်လင်တဲ့ သဲမြေထဲမှာ နစ်မြုပ် နေပါတယ်.

အဲဒီ စိတ် ညစ်ညူးကြောင်း ရွှံဗွက် ကနေ ရုန်းထွက် နိုင်ဖို့ သို့မဟုတ် စိတ်အမြင် မကြည်လင်တဲ့ သဲမြေထဲ ကနေ ဖော်ထုတ် နိုင်ဖို့ တစ်ခု တည်းသော နည်းလမ်း ကတော့ ဓမ္မကို လက်တွေ့ ကျင့်သုံးခြင်း ပါပဲ။ မသိသေးတဲ့ ဓမ္မကို သိအောင် သိပြီးသား ဓမ္မကို ကိုယ့် နှလုံးသားထဲ ရောက်အောင် ကျင့်ကြံ ပွားများ အားထုတ်ခြင်းဟာ လူ ပီသတဲ့ လူဖြစ်ဖို့ ရတနာ ထိုက်တဲ့ လူ့ဘ၀ကို ပုံဖော်ဖို့ အကောင်းဆုံးသော အခွင့်အရေး တစ်ခုပါ၊

တခါတရံ လူ့ဘ၀ ရတနာကြော ပေါ်မှာ လူဖြစ်ခွင့် ရကြပါလျက် ရတနာကို အသုံးချရ မယ်လို့ ဆုံးဖြတ်နိုင်တဲ့ ဆင်ခြင်ဉာဏ် မရှိတာ မျိုးတွေ အသုံးချရ မယ်လို့ သိပြန်တော့ ရတနာကို ကောက်ယူ နိုင်တဲ့ လက်မရှိတာ မျိုးတွေ ကြုံရပြန် ပါတယ်။ ရတနာကို အသုံးချရ မယ်လို့ သိတော့ သိပါရဲ့ ကောက်ယူနိုင် စွမ်းတဲ့ လက်တွေလည်း ပါပါရဲ့… သို့သော် လက်တွေ့ မလုပ်မိတာ မျိုးတွေ ကြုံရတတ် ပြန်တယ်…

ဒါကြောင့် ထူးခြားတဲ့ လူ့ဘ၀ ရတနာ ထူးခြား မြင့်မြတ်တဲ့ လူ့စိတ်ဓာတ် အရည်အသွေး တွေကို ဖော်ထုတ်နိုင်ဖို့ အချိန် ရှိသလောက် အချိန် ရသလောက် ဓမ္မကို လေ့လာ ပွားများ အားထုတ် ပြင်ဆင် အသုံးချသင့် ပါတယ်၊ ဓမ္မဆိုတဲ့ လောက သဘာဝကြီးကို သိအောင် လေ့လာခြင်း သိပြီးလို့ လက်တွေ့ လိုက်နာခြင်းဟာ တကယ့်ကို ကြည်နူးစရာ ကောင်းတဲ့ ရတနာ တွေကို ဖော်ထုတ် ယူနေခြင်းလည်း ဖြစ်ပါတယ်။

မွေးနေ့ မွေးရက် ရောက်လာတဲ့ မွေးနေ့ရှင် အနေနဲ့လည်း စက္ကန့် တိုင်းကို စိန်စီနိုင်ဖို့ သို့မဟုတ် နေ့ရက် တိုင်းကို စိန်စီနိုင်ဖို့ ရှိပြီးသား စိတ်ကောင်း လေးတွေကို ပျောက်မသွား စေဘဲ ရှေ့တိုးပြီးသာ လေ့လာ ကျင့်ကြံခြင်း. ကျင့်ကြံ နိုင်အောင် ကြိုးစား ခြင်းဖြင့် စိန်စီတဲ့ နေရက်တွေကို ထာဝစဉ် ပိုင်ဆိုင် နိုင်တဲ့ မွေးနေ့ရှင် တစ်ယောက် ဖြစ်နိုင် ပါစေလို့ ဆန္ဒပြုချင် ပါတယ်….


(၃၀-၀၅-၂၀၀၉ )နေ့မှာ ကျရောက်မည့် ဖိုးသားရဲ့ ၂၄ နှစ်ပြည့် မွေးနေ့ မင်္ဂလာ အတွက် မွေးနေ့ လက်ဆောင် ပေးပို့ပါသည်။

အရှင်တိက္ခဉာဏာလင်္ကာရ (ယော)

++++++++++++++++++++++++++

လေးစားရိုသေစွာဖြင့်
ဖိုးသား

5/28/2009, THUR:, 3:08:55 PM



Read more...

*သူတို့ပေးသော မွေးနေ့လက်ဆောင်-၁ (ကိုဝိမုတ္တိသုခ)*

တကယ် မမျှော်လင့်ခဲ့ ပါဘူး.. ကျွန်တော်။ ဒီလို ကိုဝိမုတ္တိသုခ ဆီက မွေးနေ့ လက်ဆောင် ရမယ်လို့။ မွေးနေ့ကို ဘယ်တုန်းက ပြောလိုက် မိမှန်းလည်း မသိတော့ဘူး။ ဒါပေမယ့် အစ်ကို ၀ိမုတ္တိက မေးကနေ “ညီရေ.. အစ်ကို ညီ့မွေးနေ့ အတွက် ဆောင်းပါး တစ်ပုဒ် မွေးနေ့ လက်ဆောင် အနေနှင့် ရေးထားတယ်။ အဲဒါ အခုယူချင်လား။ မွေးနေ့ ကျမှ ယူချင်လား သိချင်လို့ ။” ဆိုပြီး မေးလာတော့ တော်တော်လေး ၀မ်းသာ သွားမိတယ်။ မမျှော်လင့်ဘဲ ရောက်လာတာ ဆိုတော့။ အဲလို မေးလာတော့ ကျွန်တော် ကလည်း မလိုချင် မဖတ်ချင် ရှာပါဘူး.. အခုယူမယ် အစ်ကိုလို့ ပြောလိုက်တယ်။ ဒီတော့လည်း “မြစ်တစ်ခု စီးဆင်းမှု နရီ (သို့) ညီလေး ဖိုးသားအတွက် မွေးနေ့ လက်ဆောင်” ဆိုတဲ့ ခေါင်းစဉ်လေးနဲ့ မွေးနေ့လက်ဆောင် ဆောင်းပါးလေး ရောက်လာလေရဲ့။ ဒီလက်ဆောင် လေးကို အားလုံးသော ဓမ္မ မောင်နှမ တို့ကို ဖတ်စေချင်တဲ့ စေတနာနဲ့ ဘလော့ စာမျက်နှာပေါ် တင်လိုက်ပါတယ်။ အစ်ကို ၀ိမုတ္တိရဲ့ မွေးနေ့ လက်ဆောင် လေးက… ဒီလို…။

++++++++++++++++++++++++

မြစ်တစ်ခု စီးဆင်းမှု နရီ (သို့) ညီလေး ဖိုးသားအတွက် မွေးနေ့လက်ဆောင်

ညီလေးဖိုးသားရေ

ညီ့ရဲ့  (၂၄) နှစ်ပြည့် မွေးနေ့ အတွက် အမှတ်တရ ဖြစ်အောင် တစ်ခုခု ပေးမယ်လို့ စိတ်ကူး ရင်းက ဒီစာကို မွေးနေ့ လက်ဆောင် အဖြစ် ရေးလိုက်ပါတယ်။

ညီ့ကို ပေါ့ပေါ့ပါးပါး ဟိုတစ်ခါ တုန်းက လိုပဲ အကို ပုံပြင်လေးတွေ ပြောပြမယ်လို့ စိတ်ကူး ထားတယ်။

ညီ့ကို ပထမ တစ်ပုဒ် အနေနှင့် တရားရှာတဲ့ လူငယ်လေး တစ်ယောက် အကြောင်း ပြောပြမယ်။

တစ်ခါက လူငယ် တစ်ယောက်ဟာ တရားကို သိမြင်ချင်လို့ ဆရာကြီး တစ်ဦးဆီကို သွားပြီး သူ့ကို သင်ပြပေးဖို့ တပည့် သွားခံပါတယ်။ ဒီအခါမှာ ဆရာကြီးက လူငယ်ကို လိုအပ်တဲ့ မေးခွန်းလေး တချို့ကို မေးပါတယ်။ အဲဒီလို မေးပြီးသွားတဲ့ အခါမှာတော့ လူငယ်ကို ပြောလိုက် တာက သင့်ကို ကျွန်ုပ် အနေနှင့် တရားကို သင်ပြပေးဖို့ မလိုတော့ ပါဘူးတဲ့။ သင့်ထံမှာ သင်ယူ လေ့လာ သင့်တဲ့ တရားက အလုံ အလောက် ရှိနေပါပြီတဲ့။ သင်တကယ် လိုအပ်တာက ထပ်ပြီး သင်ယူဖို့ မဟုတ်ပါဘူး။ သင်သိထား တာတွေကို လက်တွေ့ ကျင့်ကြံ ကျင့်သုံးဖို့ ပါလို့ ဆရာကြီးက ဆိုလိုက်ပါတယ်။ လူငယ်လည်း ဆရာကြီး ဆီကနေ ပြန်လာခဲ့ ရပါတယ်။

ပထမ ပုံပြင်လေး ကတော့ ဒါလေးပါပဲ ညီရေ။ ကျန်တဲ့ ဆက်ပြီး စဉ်းစားရမယ့် အပိုင်း ကတော့ ညီ့ တာဝန် ဖြစ်သွားပြီနော်။

ဒုတိယ ပုံပြင်ကို ဆက်ပြောပြ မယ်နော်။ ဒီအကြောင်း အရာက မဟတ္တမ ဂန္ဒီကြီးရဲ့  ဖြစ်စဉ်တွေထဲက တစ်ခုလို့လည်း ပြောပါတယ်။ ထားပါလေ။ ဘယ်သူပဲ ဖြစ်ဖြစ်ပေါ့။ အဓိကက ပုံပြင်က ပေးတဲ့ တစ်ခုခုကို ကိုယ် ရလိုက်ဖို့ပဲ မဟုတ်လား ညီရာ။

တခါက ဆရာကြီး တစ်ယောက် ဆီကို မိခင် တစ်ယောက်က သူ့သားငယ် လေးကို ခေါ်လာပြီး ကလေးကို ဆုံးမပေးပါလို့ အပ်တယ်တဲ့။ ဒီတော့ ဆရာကြီးက ကလေးက ဘာဖြစ်နေလို့ လဲလို့ မေးတယ်။ ကလေးရဲ့ မိခင်က ပြောတာက ဒီကလေးက အချိုတွေ သိပ်စားတယ်။ အဲဒါ သူ့ကို အချို သိပ်မစားဖို့ ဆုံးမပေး ပါလို့ ပြောပါတယ်။ ဒီအခါမှာ ဆရာကြီးက ကလေး မိခင်ကို နောက်တစ်လ ကျမှ ကလေးကို ပြန်ခေါ်လာဖို့ စေခိုင်းလိုက် ပါတယ်။ ဒီလိုနဲ့ နောက်တစ်လ ကြာတော့ မိခင်နှင့် ကလေး တခါ ဆရာကြီးဆီ ပြန်ရောက်လာ ကြပါတယ်။ ဒီအခါမှာတော့ ဆရာကြီးက ကလေးကို ”ကလေး အချိုတွေ သိပ်မစားနဲ့” လို့ ပြောလိုက် ပါတယ်။

ဆရာကြီးရဲ့ ဒီဆုံးမ စကားကို ကြားတော့ မိခင်လုပ်တဲ့ သူက ဆရာကြီးနှယ် ဒီစကားလေး ပြောဖို့ အရေး ဘာလို့ တစ်လတောင် ချိန်းရတာ လဲပေါ့။ ပြီးခဲ့တဲ့ လကတည်းက ပြောလိုက်လည်း ရသားနဲ့လို့ Complaint တက်ပါတယ်။ ဆရာကြီးက ဒီတော့ ဘာပြန်ပြော သလဲ ဆိုတော့ ငါလည်း ပြီးခဲ့တဲ့ လအထိ အချိုတွေ တအား စားခဲ့တယ်။ ဒီကလေးကို အချိုတွေ မစားဖို့ကို ဆုံးမစကား ပြောဖို့ ငါအရင် အချိုကို မစားဘဲ နေနိုင်အောင် ကျင့်လိုက်တယ်။ အခု အချိန်မှာ ငါ အချို မစားတော့ဘူး။ မစားဘဲ နေနိုင်ပြီ။ ဒါကြောင့် အခု ဒီကလေးကို အချိုမစားဖို့ ငါဆုံးမတယ်လို့ ပြန်ဖြေလိုက် ပါသတဲ့။

ဒုတိယ ပုံပြင်လေးကလည်း ဒီလောက်ပါပဲ ညီရေ။

ကဲ ညီရေ။ အကို ပြောပြချင်တဲ့ ပုံပြင်တွေ ကတော့ အဲဒါလေးပါပဲ။ ညီ ကြိုက်မကြိုက်တော့ မသိပါဘူး။

အဲ... ကြုံတုန်းလေး ဘာသာရေး ဘလော့ဂ် ရေးတဲ့ ဘလော့ဂ်ဂါ အချင်းချင်း တရား စကားလေးတော့ ပြောလိုက်ပါ အုံးမယ်။

အတွေးအခေါ် ပညာရှင် တစ်ယောက်ရဲ့  ထင်ရှားတဲ့ အတွေး အခေါ်လေး တစ်ခုပါ။ သူက ပြောတယ်။ “မြစ်တစ်ခုမှာ ရေနှစ်ခါ ချိုးလို့ မရပါ” တဲ့။ ညီ ကြားဖူး မလားတော့ မသိပါဘူး။ သူ ဆိုလိုချင်တဲ့ အဓိပ္ပါယ် ကတော့ လူတစ်ယောက်ဟာ မြစ်တစ်ခုမှာ သွားပြီး ရေ ဆင်းချိုးမယ် ဆိုပါတော့။ ပထမ တစ်ကြိမ် ရေချိုးပြီး ပြန်တက်လာလို့ နောက်တစ်ခေါက် မြစ်ထဲ ပြန်ဆင်းတဲ့ အချိန်မှာ ဒီမြစ်ဟာ ခုန သူ ရေဆင်းချိုး ခဲ့တဲ့ မြစ်ရေ မဟုတ်တော့ဘူး။ မြစ်ရဲ့ သဘာဝ ရေက အမြဲ စီးဆင်းနေတဲ့ အတွက် နောက်တစ်ကြိမ် သူပြန်ဆင်းတဲ့ အချိန်မှာ မြစ်ရေက အသစ် ဖြစ်နေပြီ။ ခုနမြစ်ရေ မရှိတော့ ဘူးပေါ့။

ဒီအဆိုကို မြန်မာပြည်က ဆရာတော် တစ်ပါးကတော့ မပြည့်စုံ သေးဘူးလို့ ဆိုပါတယ်။ သူက ထပ်ဖြည့်ပြီး ပြောတာက အမှန်မှာ မြစ်တစ်ခုတည်း ကသာ စီးဆင်းပြီး အသစ် ဖြစ်သွားတာ မဟုတ်ပါ ဘူးတဲ့။ ရေ ဆင်းချိုးတဲ့သူ ကိုယ်တိုင်ကို ကလည်း ဒုတိယ တစ်ခေါက်မှာ အရင်လူ မဟုတ်တော့ဘဲ လူအသစ် ဖြစ်သွားပါပြီတဲ့။

ရုပ်နာမ် ခန္ဓာတို့ရဲ့ သဘော မျက်စိတစ်မှိတ် လျှပ်တပြတ် အတွင်းမှာပဲ အကြိမ်ပေါင်း ကုဋေပေါင်း များစွာ ပျက်ဆီး ကုန်ဆုံးသွား ခဲ့ပြီး အသစ်ပေါင်း အကြိမ်ပေါင်း များစွာ ဖြစ်သွားခဲ့ ပြီကိုး။ မြစ်ရေကလည်း အသစ်၊ လူကလည်း အသစ်။


ကဲ... ညီ့မွေးနေ့ အတွက် စဉ်းစားစရာ လေးတွေ လက်ဆောင် အဖြစ်ပေးလိုက် ပါတယ်။

မွေးနေ့ အတွက် ဆုတောင်း ကိုတော့ ဘုန်းဘုန်းဦးတိက္ခ ဉာဏကို ဆုတောင်းပေး သလိုဘဲ ဆန္ဒပြု ပြောချင်ပါတယ်။ Happy Everyday ပါ ညီရေ။


ခင်မင်စွာဖြင့်
ဝိမုတ္တိသုခ

++++++++++++++++++++++++++

အဲ… မေ့နေလိုက်တာ ပြောဖို့ ကျွန်တော့ မွေးနေ့က ငါးလပိုင်း သုံးဆယ်ရက်…။ အခုလို ဖတ်ပေးတဲ့ ဓမ္မမိတ်ဆွေတို့ ကျေးဇူးပါ။ ကျွန်တော့် မွေးနေ့နဲ့ ဆက်စပ်ပြီး ဓမ္မမိတ်ဆွေတို့ အကျိုး တစ်စုံတစ်ရာ ရသွားတယ် ဆိုရင်ပဲ ကျေနပ်ပါပြီ။ ဒါနဲ့ မိတ်ဆွေတို့က မွေးနေ့မှာ ဘာကျွေးမလဲလို့ မေးချင်မလားပဲ။ ကျွန်တော် ကျွေးလိုက် ပါပြီနော်… အားလုံးကို အာဟာရ ဖြစ်အောင်၊ မိတ်ဆွေတို့လည်း စားပြီး ပါပြီ…၊ ဘာအာဟာရ လဲဆိုတော့ စိတ်အာဟာရ…။

လေးစားစွာဖြင့်
ဖိုးသား

5/26/2009, TUE:, 2:45:42 PM


Read more...

သမ္မာသမာဓိနှင့် ရိုးရိုးသမာဓိ


သမ္မာသမာဓိနှင့် ရိုးရိုးသမာဓိ ဘယ်လို ကွာခြားသလဲ ဟုမေးစရာရှိပါတယ်။ လိုချင်မှု ၊ဖြစ်ချင်မှု၊ရချင်မှုဟူသော ပရိယုဋ္ဌာနကိလေသာ ငြိမ်းအေးရာမှာ အတူတူပင်ဖြစ်ပါတယ်။ သမ္မာသမာဓိသည် ခဏ ခဏ တိုင်းပျက်သောအာရုံဖြစ်သောကြောင့် (ပျက်နေတယ်)ဟူသော အရှုခံ၊အမှီခံအာရုံကို ကျေနပ် နေတတ်ပါတယ်။ ထိုအာရုံနှင့် အာရုံကိုကျေနပ်သောစိတ်က ဝိပဿနာအာရုံဖြစ်သော အမှီခံတရားကို ကွယ်ကာ ထားတတ်ပါတယ်။

ဘာကိုပဲအားထုတ်အားထုတ် လိုချင်ဖြစ်ချင်မှု ပရိယုဋ္ဌာန ကိလေသာမငြိမ်းလျှင် တရားအား ထုတ် တယ်ဆိုတာလုံးဝမဟုတ်တော့ပါဘူး။

(၃) မိစ္ဆာသမာဓိ ဟူသည်မှာ မိမိကြိုက်သောအာရုံပေါ်မှာ လိုချင်မှု ဖြစ်ချင်မှု ရချင်မှုဟူသော ပရိယုဋ္ဌာန ကိလေသာများဖြင့်တည်ခြင်း ကို မိစ္ဆာသမာဓိလို့ခေါ်ပါတယ်။

ဥပမာ-ငါးမျှားသူ၏ ဖေါ့ ဟူသောအာရုံပေါ်မှာ တည်ခြင်း၊

ချဲထိုးချဲတွက်သူ၏ -ဂဏန်းဟူသော အာရုံပေါ်မှာတည်ခြင်း၊

ဖဲရိုက်သူ၏ -ဖဲဟူသောအာရုံပေါ်မှာတည်ခြင်း၊

ခြင်းခတ်သူ၏ ခြင်းဟူသော အာရုံပေါ်မှာတည်ခြင်း၊

ဘောလုံးကန်သူ၏ -ဘောလုံးဟူသောအာရုံပေါ်မှာတည်ခြင်း၊

တီဗွီ ကြည့်သူ၏ -တီဗွီ ဟူသောအာရုံမှာတည်ခြင်း၊

ရည်းစားထားသူ၏ -ရည်းစားဟူသောအာရုံမှာတည်ခြင်း ၊

ဇနီးမောင် နှံတို့ ၏-လင်မယားဟူသောအာရုံမှာတည်ခြင်း၊———အစရှိသော မြောက်များလှစွာသော အာရုံတွေပေါ်မှာ လိုချင်မှု၊ဖြစ်ချင်မှု၊ရချင်မှုများဖြင့် တည်နေစွဲနေခြင်း အားလုံးသည် မှားယွင်းစွာ တည်ခြင်း မိစ္ဆာသမာဓိ လို့ခေါ်ပါတယ်။

ထိုလိုချင်မှု၊ဖြစ်ချင်မှု၊ရချင်မှု ဖြစ်တည်ခြင်းဟူသော မိစ္ဆာသမာဓိကြောင့်ပင် ပရိယုဋ္ဌာန ကိလေသာ ဖြစ်ပြီး ကာယကံ၊ဝစီကံ ကျူးလွန်ခြင်း၊ဝိတိက္ကမကိလေသာ တွေဖြစ်ကာ အပါယ်လေးဘုံ ကိုသွားကြ ရပါ တယ်။ အချိန်မလွန်ခင် မိစ္ဆာသမာဓိရှိသော ပုဂ္ဂိုလ်ဘဝမှ ရိုးရိုးသမာဓိ၊ သမ္မာသမာဓိရှိသော ပုဂ္ဂိုလ်ဘဝသို့ပြောင်းနိုင်အောင် ကြိုးစားကြရမှာဖြစ်ပါတယ်ဘုရား။


Read more...

ယောက်ျားမြတ်၍ မိန်းမယုတ်သလော... (ဓမ္မဒူတ အရှင်ပညာဇောတ (မေး-ဖြေ))

ဓမ္မဒူတ အရှင်ပညာဇောတ (မေး-ဖြေ) ၆-မှ...

ယောက်ျားမြတ်၍ မိန်းမယုတ်သလော...



















Read more...

လာလည်ကြသူများ

ဤဘလော့ဂ်၏ ရည်ရွယ်ချက်

ယခုအခါ ကမ္ဘာတလွှားတွင်ရှိနေကြသော ဓမ္မဘလော့ဂ်ဂါများသည် နေ့ စဉ်နှင့် အမျှ အင်တာနက် စာမျက်နှာများ ပေါ်တွင် ဓမ္မနှင့်သက်ဆိုင်သော အကြောင်းအရာ အမျိုးမျိုးကို ပို့ စ်များရေးတင်လျက် ရှိနေကြပါသည်။

ဘလော့ဂ်ဂါများမှ မိမိတို့ ၏ကိုယ်ပိုင် စာမျက်နှာများမှတဆင့် ရေးတင်နေကြသဖြင့် ဖတ်ရှုလေ့လာသူများအတွက် နေရာများစွာသို့  သွားရောက် ဖတ်ရှုနေကြရပါသည်။

ထို့ ကြောင့် စာဖတ်သူများ အချိန်ကုန်သက်သာစေရန်နှင့် မိမိတို့  ဖတ်ရှုလိုရာကို လွယ်လင့်တကူ ရှာဖွေနိုင်ရန် နေ့ စဉ်ရေးသား နေကြသော အကြောင်းအရာများကို တနေရာတည်းတွင် စုစည်းပေးလိုသော ရည်ရွယ်ချက်ဖြင့် ဤဘလော့ဂ်ကို စီစဉ်လိုက်ခြင်းဖြစ်ပါသည်။

ပြောချင်တာများရှိရင် ရေးပေးထားခဲ့ပါ

မြန်မာပြက္ခဒိန်

မြန်မာပြက္ခဒိန်
www.burmeseclassic.com မှ ကူးယူဖော်ပြပါသည်။

  © Blogger templates The Professional Template by Ourblogtemplates.com 2008

Back to TOP