ဗုဒ္ဓ၀ါဒသည် ဘာသာတရားကို စိန်ခေါ်သော မည်သည့်ခေတ်သစ်အမြင်များကိုမဆို ရင်ဆိုင်ရန် လုံလောက်စွာ ကြံ့ခိုင်သည်။ ဗုဒ္ဓဘာသာ၏ ယူဆချက်များသည် ခေတ်ဟောင်းနှင့် ခေတ်သစ်အတွေးအခေါ်များ၏ အရည်အသွေးမြင့်မားရေးအတွက် ကျယ်ကျယ်ပြန့်ပြန့် အထောက်အကူပြုခဲ့၏ ။ အကြောင်းအကျိုး ဆက်နွယ်မှုနှင့် နှိုင်းယှဉ်မှုဆိုင်ရာ ၎င်း၏ သင်ပြမှုများ၊ အာရုံအချက်အလက်များဆိုင်ရာ ၎င်း၏ တရားတော်များ၊ လက်တွေ့အမှန်တရားကို အလေးထားမှု၊ ကိုယ်ကျင့်စာရိတ္တကို အလေးအနက်ထားမှု၊ ထာဝရတည်မြဲသော ၀ိညာဉ်ကိုလက်မခံမှု၊ ပြင်ပသဘာဝလွန် အင်အားများနှင့် မပတ်သက်မှု၊ မလိုအပ်သော ဘာသာရေးထုံးတမ်းဓလေ့များနှင့် ဘာသာရေးဝတ်ပြုမှုများကို ငြင်းပယ်မှု၊ ဆင်ခြင်တုံတရားနှင့် အတွေ.အကြုံကို တောင်းဆိုမှုနှင့် ခေတ်သစ်တွေ့ရှိချက်များနှင့် လိုက်ဖက်ညီမှုအားလုံးတို့သည် ခေတ်မီသည်ဟု ၎င်း၏ အထက်တန်းကျသော အဆိုပြုခြင်းကို မှန်ကန်ကြောင်း အတည်ပြုပေးရာရောက်သည်။

ဗုဒ္ဓဘာသာသည် အနာဂတ်ကမ္ဘာ၏ လိုအပ်ချက်များနှင့် ကိုက်ညီသော အကြောင်းကျိုး ဆင်ခြင်နိုင်သည့် ဘာသာတရား၏ လိုအပ်ချက်များ အားလုံးကို ဖြည့်စွက်ပေးနိုင်စွမ်းရှိ၏ ။ ဗုဒ္ဓဘာသာသည် အလွန်တရာ သိပ္ပံနည်းကျ၍ ဆင်ခြင်တုံတရားနှင့် အထူးပြည့်စုံကာ အလွန်တိုးတက်သော ဘာသာတရားဖြစ်သည့်အတွက် ခေတ်သစ်ကမ္ဘာတွင် မိမိကိုယ်မိမိ ဗုဒ္ဓဘာသာဝင်တစ်ဦးဟု ခေါ်ဆိုနိုင်သော လူတစ်ယောက်အဖို့ အလွန်ဂုဏ်ယူစရာဖြစ်ပါသည်။ အမှန်တကယ်ပင် ဗုဒ္ဓဘာသာသည် ချည်းကပ်နည်း၌ သိပ္ပံပညာထက်ပို၍ သိပ္ပံနည်းကျပြီးလျှင် ဆိုရှယ်လစ်ဝါဒထက်လည်း ပြည်သူအများတို့အား ညီတူညီမျှ ခံစားခွင့်ရှိအောင် ပို၍စွမ်းဆောင်ပေးနိုင်ပါသည်။

ကြီးကျယ်ထင်ရှားသော ဘာသာတရား တည်ထောင်သူများအနက် ဗုဒ္ဓမြတ်စွာဘုရားတစ်ဆူသာလျှင် သူ၏ တပည့်သာဝကများအား စူးစမ်းလေ့လာတက်သော စိတ်ဓာတ်ရှိလာအောင် မြေတောင်မြှောက်ပေးတော်မူ၏ ။ သူ၏ ဟောပြချက်များကိုပင်လျှင် မျက်ကန်းယုံကြည်မှုဖြင့် လက်မခံကြရန် ဩ၀ါဒပေးတော်မူ၏ ။ ထို့ကြောင့် ဗုဒ္ဓဘာသာကို ‘ခေတ်သစ်ဘာသာတရားတစ်ခု’ အဖြစ် သတ်မှတ်နိုင်သည်ဟု ပြောဆိုခြင်းသည် ချဲ.ကား၍ပြောဆိုခြင်း အလျဉ်းမဟုတ်ပေ။

ဗုဒ္ဓ၀ါဒသည် လက်တွေ့ဘ၀ကို ကောင်းစွာနေထိုင်သွားနိုင်ရန်အတွက် အသေးစိတ် ဂရုတစိုက် ဟောကြားထားသည့် စနစ်တစ်ခုဖြစ်သည်။ မိမိတို့ဘာသာ ယဉ်ကျေးသိမ်မွေ့စေသော ကောင်းစွာမြော်မြင် တွေးခေါ်ထားသည့် စနစ်တစ်ခုလည်း ဖြစ်သည်။ ထိုမျှသာမကသေး၊ ဗုဒ္ဓ၀ါဒသည် သိပ္ပံနည်းကျသော ပညာရေးနည်းစနစ်တစ်ခုလည်း ဖြစ်ပါသည်။ ဤဘာသာတရားသည် မည်သည့်အရေးအကြောင်း ကိစ္စ၌မဆို ကျွန်ုပ်တို့၏ စိတ်ငြိမ်းချမ်းမှုကို အကောင်းဆုံးလည်း ထိန်းသိမ်းနိုင်စွမ်းရှိသည်။ နောင်အနာဂတ်တွင် မည်သည့်ပြောင်းလဲမှုများ ရှိသည်ဖြစ်စေ၊ ကျွန်ုပ်တို့အား ထိုပြောင်းလဲမှုများကို တည်ငြိမ်စွာ ရင်ဆိုင်နိုင်ရန် အကောင်းဆုံး ကူညီပေးနိုင်စွမ်း ရှိသည်။

ကာမဂုဏ် ပျော်ရွှင်မှု မပါဘဲနှင့် ဘ၀သည် ကြံ့ကြံ့ခိုင်နိုင်စွမ်း ရှိပါမည်လား။ ၀ိညာဉ် ထာဝရရှင်သန်တည်မြဲခြင်းကို မယုံကြည်ဘဲ လူသည် စာရိတ္တကောင်းသူတစ်ဦး ဖြစ်လာနိုင်ပါမည်လား။ နတ်ဘုရားကို အားမကိုးဘဲ လူသားသည် မှန်ကန်တရားမျှတခြင်းသို့ တိုးတက် သွားနိုင်ပါမည်လား။ ဟုတ်ကဲ့ဟု ဗုဒ္ဓဘာသာက ဖြေဆိုပါသည်။ ဤရည်ရွယ်ချက်များကို အသိပညာနှင့် စိတ်ဖြူစင်မှုတို့ဖြင့် ရရှိနိုင်ပါသည်။ အသိပညာသည် ပို၍မြင့်မာသော လမ်းစဉ်သို့ တက်လှမ်းရန် သော့ချက်ဖြစ်၏ ။ စိတ်ကို ဖြူစင်စေခြင်းသည် ဘ၀တည်ငြိမ်မှုနှင့် ငြိမ်းချမ်းမှုကို ပေးဆောင်ပြီးလျှင် အာရုံသိဖြင့် မြင်တွေ့ထိတွေ.ရသော ဖြစ်ပျက် ကမ္ဘာကြီး၏ ထူးခြားဆန်းကြယ်သည့် စိတ်ကူးစိတ်သန်းများကို လူသားများ လျစ်လျူရှုနိုင်ကြရန်နှင့် မတပ်မက် မတွယ်စေရန် ပြုလုပ်ပေးနိုင်၏ ။

ဗုဒ္ဓဘာသာသည် အမှန်ပင် ခေတ်သစ်သိပ္ပံကမ္ဘာနှင့် လျော်ညီသော ဘာသာတရားတစ်ခုဖြစ်၏ ။ သဘာဝမှ၊ သိပ္ပံပညာမှ၊ သမိုင်းမှ၊ လူသားတို့၏အတွေ့အကြုံမှ၊ စကြာဝဠာ၏ ထောင့်စွန်းတိုင်းမှ ထွက်လာသော အလင်းရောင်သည် ဗုဒ္ဓမြတ်စွာ၏ မြင့်မြတ်သော သင်ကြားမှုများနှင့် ထွန်းတောက်လျက် ရှိပါသည်။
( မှတ်ချက်။ ဆရာကြီး ဒေါက်တာမင်းတင်မွန် ဘာသာပြန်ဆိုသည့် “ဗုဒ္ဓ၀ါဒနှင့် ခေတ်သစ်ဘ၀” စာအုပ်မှ ကူးယူဖော်ပြပါသည်။ )