* သဗ္ဗဒါနံ ဓမ္မဒါနံ ဇိနာတိ၊ * သဗ္ဗရသံ ဓမ္မရသော ဇိနာတိ။

* သဗ္ဗဒါနံ ဓမ္မဒါနံ ဇိနာတိ၊     * သဗ္ဗရသံ ဓမ္မရသော ဇိနာတိ။

နမတ္ထု ဗုဒ္ဓါနံ နမတ္ထု ဗောဓိယာ။ နမော ဝိမုတ္တာနံ၊ နမော ဝိမုတ္တိယာ။

ဘုရားရှင်တို့ အား ရှိခိုးပါ၏။
ဘုရားရှင်တို့ ၏ မဂ်ဥာဏ် ဖိုလ်ဥာဏ်အား ရှိခိုးပါ၏။
ကိလေသာတို့ မှ လွတ်မြောက်တော်မူကြသော ဘုရားရှင်တို့ အား ရှိခိုးပါ၏။
ထိုဘုရားရှင်တို့ ၏ ဝိမုတ္တိငါးပါးအား ရှိခိုးပါ၏။

ကရုဏာလက်များ ကမ်းလင့်ပေးပါ...

ကရုဏာလက်များ ကမ်းလင့်ပေးပါ...
စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။

ပညာရေးအလှူတော် နှိုးဆော်ချက်


ရန်ကုန်မြို့ အသောကာရာမ သီလရှင်စာသင်တိုက်မှ နဝမတန်း ဖြေဆိုမည့် သီလရှင် ဆရာလေးများအတွက် ဆရာ၊ ဆရာမများ လစဉ် ထားပေးနိုင်ရန် ပညာရေးအလှူရှင်များ လိုအပ်နေပါသည်။ ရွှေစေတီ ဘုန်းတော်ကြီးသင်ပညာရေးကျောင်းတွင်လည်း ဆင်းရဲနွမ်းပါးသည့် ၉ တန်းနှင့် ၁၀ တန်း ကျောင်းသားများ ကျောင်းအိပ်ကျောင်းစား နေထိုင်ပညာဆည်းပူးနိုင်ရေးအတွက် ကူညီထောက်ပံ့မည့် ကုသိုလ်ရှင်များ လိုအပ်လျက် ရှိပါသည်။ စေတနာရှင် အလှူရှင်များ အနေဖြင့် ထေရဝါဒ ဗုဒ္ဓဘာသာ လူငယ်များအသင်း http://www.mmtheravada.org ဖုန်း
09-73062811, 09-5505176 သို့ ဆက်သွယ်လှူဒါန်းကြစေလိုပါသည်။

သီလရှင် ဆရာလေးများနှင့် ကလေးများ ဇွန်လအမီ ကျောင်းတက်နိုင်ရေးအတွက် ကာလဒါန ကုသိုလ်အဖြစ် သဒ္ဓါတတ်အား နည်းများမဆို လှူဒါန်းကူညီကြပါရန် နှိုးဆော်အပ်ပါသည်။

ဝိမုတ္တိရသ အဖွဲ့သားများ

------------------------
နောက်ဆက်တွဲသတင်း.....

ပညာရေးအလှူတော်လှူဒါန်းမည့်အစီအစဉ်

ထေရ၀ါဒဗုဒဘာသာ လူငယ်များ အသင်းမှ ဦးစီး၍ (၂၀၁၁) ခုနှစ်တွင် န၀မတန်းသို့ တက်ရောက်မည့် ကျောင်းသား (၂၅) ယောက်နှင့် ကျောင်းသူ (၂၅) ယောက်အား ပညာရေးထောက်ပံ့မှုပြုလုပ်ပေးနိုင်ရန် စီစဉ်ထားပါသည်။

ပြုလုပ်မည့်အစီအစဉ်

ကျောင်းသားများအား ရွှေစေတီဘုန်းကြီးကျောင်း (ဆရာတော် ဦးတေဇန္ဒိ၊ ခ/(၃) ရက်ကွက်၊ ရွှေစေတီကျောင်း၊ မင်္ဂလာဒုံမြို့နယ်) တွင်ထားရှိမည်ဖြစ်ပြီး ကျောင်းသားများသည် မိမိတို့ ဆန္ဒအလျောက် ကိုရင်ဝတ်လိုကလည်း ၀တ်နိုင်ပါသည်။ ကျောင်းသူများအား အသောကာရာမ သီလရှင်စာသင်တိုက် (ဆရာလေးဒေါ်သုနန္ဒာ (ဖုန်း-၀၉-၈၆၂၈၈၁၁)၊ ၀ါယာလက်ဈေးမှတ်တိုင်၊ ရွှေနှင်းဆီရပ်ကွက်၊ မင်္ဂလာဒုံမြို့နယ်) တွင်ထားရှိပါမည်။ အသောကာရာမကျောင်းမှ သီလရှင်များသာလက်ခံသည်ဖြစ်၍ ကျောင်းသူများမှာ သီလရှင်ဝတ်ရပါမည်။ သီလရှင်များတက်ရောက်ရမည့် အ.ထ.က ကျောင်းမှာ အသောကာရာမ ကျောင်းမှလက်ရှိ သီလရှင်များ တက်ရောက်နေသော ကျောင်းဖြစ်၍ ပညာသင်ကြားမှုတွက် အခက်အခဲ မရှိနိုင်ပါ။ စာသင်သူများ စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။ အသေးစိတ်ဆောင်ရွက်မည့် အချက်အလက်များအားလည်း ဆက်လက်ဖော်ပြသွားပါမည်။

လျောက်ထားမည့် သူများ ပြည့်စုံရမည့်အချက်များမှာ

(က) ကျောင်းသူများမှာ သီလရှင်ဝတ်နိုင်ရပါမည်။

(ခ ) မိဘများမှ နေထိုင်ရန်ခွင့် ပြုသူဖြစ်ရပါမည်။

(ဂ ) စာသင်သားများနေထိုင်မည့် ကျောင်းတွင်း စည်းကမ်းများကို တိကျစွာလိုက်နာရပါမည်။

(ဃ) ကျောင်းထားရန် အမှန်တကယ်အခက်အခဲ ရှိနေသူဖြစ်ရပါမည်။

အထက်ပါအချက်အလက်များနှင့် ပြည့်စုံသူများသည် ထေရ၀ါဒဗုဒ္ဓဘာသာလှူငယ်များ အသင်းသို့ ဆက်သွယ်မေးမြန်းနိုင်ပါသည်။ (http://mmtheravada.org)

ဆက်သွယ်ရန်လိပ်စာ

ကိုထွန်းထွန်းလှိုင်

ဖုန်း ၀၉-၇၃၀၆၂၈၁၁

htunhtunhlaing82@gmail.com

winthu.tbyo@gmail.com

thantzin83@gmail.com

Monday, May 18, 2009

ကျေးဇူးတော်ရှင် မိုးကုတ်ဆရာတော် ဘုရားကြီး၏ ဓမ္မသံဝေဂနှင့် သြ၀ါဒ ကထာများ၊

၁။ ဖြစ်ပျက်မှန်သမျှ သင်္ခါရ၊ ဒုက္ခသစ္စာမှတ်၊ ဖြစ်ပျက်မှုတွင်၊ ငါကောင်ထင်၊ ခင်မင်သမုဒယမှတ်၊ ရုပ်နာမ်အား လုံး၊ ဖြစ်ပျက်သုဉ်း၊ ချုပ်ဆုံးနိဗ္ဗာန်မှတ်၊ ချုပ်ဆုံးမှုတွင်၊ ဉာဏ်သက်ဝင်၊ သိမြင်မဂ်ဟုမှတ်။
၂။ ယုံကြည်ကျန်းမာ၊ စိတ်ဖြောင့်စွာဖြင့်၊ လွန်စွာအားထုတ်၊ နာမ်နှင့်ရုပ်ကို၊ ဖြစ်ချုပ်ဉာဏ်မြင်၊ ဤငါးအင်၊ မှန်ပင် မဂ်ရကြောင်း။
၃။ မစွန့်ကာမ၊ ဆရာမရှိ၊ ၀ိရိယလျော့၊ အားအင်ပျော့ကာ၊ လွန်စွာယူမှား၊ ဤငါးပါး၊ တရားမဂ်ဖိုလ်၊ ဝေးလေသ တည်း။
၎။ သူတော်ဆည်းကပ်၊ မြတ်တရားနာ၊ လျော်စွာအကျင့်၊ မဂ်ဖိုလ်ခွင့်၊ ရလင့်ဧကန်သာ။
၅။ ငါသည် မုချ သေရမည်၊ အချိန်ပိုင်းသာ လိုတော့သည်။
၆။ သစ္စာလေးပါးဆိုတာ သမုဒယသစ္စာ၊ ဒုက္ခသစ္စာ၊ မဂ္ဂသစ္စာ၊ နိရောဓသစ္စာ။
၇။ ရခဲတဲ့ ဘ၀ကလေးမှာ အလကား အချိန်တွေ မဖြုန်းလိုက်ပါနဲ့။
၈။ နားက တရားနာပါ၊ ဉာဏ်က ခန္ဓာလှည့်ပါ။


၉။ တရားနာတာသည် မိမိအရေး၊ တရားအားထုတ်တာသည် မိမိအရေး။
၁၀။ နားကြီးကြီးနဲ့ တရားနာပါ။
၁၁။ ၀ိပဿနာ နားမထုတ်ဘဲနဲ့ နေ့ရွှေ့ ရက်ရွှေ့ ရွှေ့နေတာသည် ဉာဏ်က မဦးဘဲနဲ့ အသေဦးသွားရင် ကိုယ့်အတွက် “နာ” မည်။
၁၂။ ၀ိပဿနာ အားထုတ်တဲ့ အခါမှာ ကိလေသာ ကြားမခိုစေနဲ့။
၁၃။ ပဋိစ္စသမုပ္ပါဒ်ဆိုတာ စာထဲမှာ ရှိတာမဟုတ်ဘူး၊ မိမိခန္ဓာထဲမှာ ရှိတဲ့တရား။
၁၄။ မိမိခန္ဓာထဲမှာရှိတဲ့ ပဋိစ္စသမုပ္ပါဒ်ကို မိမိဉာဏ်နဲ့ ရှင်းအောင်လုပ်ပါ။
၁၅။ စာ ပဋိစ္စသမုပ္ပါဒ် သိတာသည် သညာသိ၊ ခန္ဓာ ပဋိစ္စသမုပ္ပါဒ် သိတာကမှ ပညာသိ။
၁၆။ သညာသိနှင့် နိဗ္ဗာန်မရောက်နိုင်ပါ။ ပညာသိနဲ့မှ နိဗ္ဗာန်ရောက်နိုင်မည်။
၁၇။ ရှေ့နောက် ခွဲတတ်ပါစေ။ မိမိအရေးက ရှေ့ထား၊ သားရေး၊ သမီးရေး၊ စီးပွားရေးက နောက်ထား။
၁၈။ ဘ၀ကူးကောင်းအောင် မလုပ်ပါနှင့်၊ ဘ၀ချုပ်ငြိမ်း ရုပ်သိမ်းအောင်လုပ်ပါ။
၁၉။ ဒါနက သံသရာရှည်တာလား၊ ဒါနနောက်က အသိမလိုက်လို့ သံသရာရှည်တာလား။
၂၀။ ဒါနနောက်က အသိမလိုက်လို့ သံသရာရှည်တာပါ။
၂၁။ သစ္စာသိလျှင် ခန္ဓာရောင်းလှူပါ၊ သစ္စာမသိလျှင် သစ္စာသိအောင် အရင်လုပ်ပါဦး။
၂၂။ အိုရာက နာရာ မရောက်ခင် ၀ိပဿနာလုပ်ပါ။
၂၃။ အရှိနှင့် အသိ ကိုက်အောင်လုပ်တာ ၀ိပဿနာ။
၂၄။ ရှေ့စိတ်ကို နောက်စိတ်နဲ့ ရှုတာ ၀ိပဿနာ။
၂၅။ ရှေ့နာမ်ကို နောက်ဉာဏ်နှင့်ရှုတာ ၀ိပဿနာ။
၂၆။ ရှေ့အသေကို နောက်အနေနှင့်ရှုတာ ၀ိပဿနာ။
၂၇။ အသေက ဖြစ်ပျက်၊ အရှင်ကမဂ်၊ အပျက်နဲ့မဂ်နဲ့ ကိုက်အောင်ရှုတာ ၀ိပဿနာ။
၂၈။ ရှေ့က ဖြစ်ပျက်၊ နောက်ကမဂ်နဲ့ ကိုက်အောင်ရှုတာ ၀ိပဿနာ။
၂၉။ အသေကို အရှင်က ကြည့်နေတာ ၀ိပဿနာဖြစ်မည်။
၃၀။ သူများစိတ်အကဲမခတ်နှင့်၊ မှားသော်ရှိ မှန်သော်ရှိ ကိုယ့်စိတ်ကို ကိုယ်အကဲခတ်တာမှ အမှန်ရမည်။
၃၁။ အလုပ်ကြည့်ချင်ရင် ခန္ဓာကြည့်၊ အလုပ်စဉ်ကြည့်ချင်ရင် မှတ်တမ်းကြည့်။
၃၂။ ကိုယ့်စိတ်ဖြစ်တာ ကိုယ်မသိတာ အရုပ်အဆိုးဆုံး။
၃၃။ ကိုယ့်စိတ်ဖြစ်တာ ကိုယ်အကဲခတ်နိုင်မှ ၀ိပဿနာ။
၃၄။ ခန္ဓာကိုယ်ဟာ မွေးကတည်းက အသေဘက်ကို ပြေးနေတယ်။
၃၅။ ဘယ်ဗေဒင်မှ မယုံကြနဲ့၊ ခန္ဓာက သူ့လမ်းသူပြေးနေတော့ မနေ့ကထက် ယနေ့ သေဖို့ တစ်ရက်နီးသွားပြီ ဆိုတာသာ ယုံလိုက်ပါ။
၃၆။ ခန္ဓာ၏ ၀တ္တရားက အသေရှာတာ၊ ဉာဏ်၏ ၀တ္တရားက အသေရှောင်တာ။
၃၇။ ခန္ဓာက အပြေးသွားနေတော့ အသေကဦး၍ ဉာဏ်က နောက်ကျသွားလိမ့်မယ်။
၃၈။ အပြေးမရပ်တဲ့ ခန္ဓာကိုယ် သုသာန်မရောက်ခင် မဂ္ဂင်အလုပ် မြန်မြန်လုပ်ပါ။
၃၉။ သက်တမ်း ခပ်တိုတိုလေးမှာ ခပ်ခိုခို လုပ်နေမယ်ဆိုရင် အသေစောသွားရင် ကိုယ်ကျိုးနဲလိမ့်မယ်။
၄၀။ သာသနာနဲ့ကြုံမှ သစ္စာလေးပါး ထွက်မြောက်ရေး တရားပေါ်တယ်။
၄၁။ ကိစ္စဟူသရွှေ့ မဂ်တား ဖိုလ်တားလို့ မှတ်ပါ။
၄၂။ ဒကာ ဒကာမတွေဟာ တဏှာ(လောဘ) ခိုင်းရာကို ကျွန်သားပေါက်ပီပီ လုပ်နေကြတာပဲ။
၄၃။ တဏှာကို အဖော်မလုပ်နဲ့၊ ဉာဏ်ကို အဖော်လုပ်ပါ။
၄၄။ အလကား နေသရွှေ့ အမှားနေခြင်းသာလို့ မှတ်ပါ။
၄၅။ ယခု သားနဲ့၊ သမီးနဲ့၊ ဆွေနဲ့၊ မျိုးနဲ့၊ ပစ္စည်း ဥစ္စာတွေနဲ့ မသိပြုံး ပြုံးနေသလောက်၊ မသိပျော် ပျော်နေသ လောက်၊ နောင် သေခါနီး အိပ်ရာ ညောင်စောင်းမှာ မျက်ရည်ကျရပါလိမ့်မယ်။
၄၆။ ကိုယ့်ကိုယ်ကို သနားရင် ၀ိပဿနာလုပ်ကြ၊ ကိုယ့်ကိုယ်ကို မသနားရင် သားရေး၊ သမီးရေး၊ စီးပွားရေး လုပ်ကြ။
၄၇။ အသက်ကြီးလေလေ၊ ကံမွဲ ဉာဏ်မွဲလေလေမှတ်၊ ကံမွဲတာ အရေးမကြီး၊ ဉာဏ်မွဲရင် နိဗ္ဗာန်မရောက်။
၄၈။ ကံကို ဉာဏ်ကဖြတ်မှ နိဗ္ဗာန်ရမှာ၊ ဉာဏ်မပါရင် ကံက ခြယ်လှယ်သွားလိမ့်မယ်။
၄၉။ နိဗ္ဗာန်သည် ကံ၏ အကျိုးမဟုတ်၊ ဉာဏ်၏ အကျိုးဖြစ်တယ်။
၅၀။ လူပြော သူပြောတွေကို မယုံနဲ့၊ မိမိခန္ဓာက ပြောတာကိုသာ အယုံကြီး ယုံလိုက်ပါ။
၅၁။ ခန္ဓာကြီးရဲ့ စွမ်းရည် သတ္တိ ပင်ကိုယ်သဘောက ဖြစ်မှု ပျက်မှုပဲရှိတယ်။
၅၂။ ၀ိပဿနာ ဆိုတာ ခန္ဓာမလိုချင်အောင် ရှုတာ။
၅၃။ ဒါန သီလသည် ကိလေသာရောဂါ သက်သာရုံရမယ်၊ ၀ိပဿနာ အလုပ်လုပ်မှသာ ရောဂါပျောက်မယ်။
၅၄။ အလုပ်တရားဆိုတာ ခန္ဓာအရှိနဲ့ ဉာဏ်အသိ ကိုက်အောင်လုပ်တာ။
၅၅။ ခန္ဓာနဲ့ ငါနဲ့ မရောပါနဲ့။
၅၆။ တရားနာတယ်ဆိုတာ ဒီအချိန်မှာ မတရား အလုပ် မလုပ်တဲ့ အချိန်ပဲ။
၅၇။ ကြားတဲ့ တရားနဲ့ သိတဲ့တရား နှစ်ခုထပ်ရင် သောတပန် တည်နိုင်တယ်။

ဉာတပရိညာ စာအုပ်မှ-




Read more...

တရုတ်နိုင်ငံ ကွန်ဖြူးဇီး ဘုရားကျောင်းဆောင်... (မြတ်ဗုဒ္ဓသာသနာ ပုံတော်သမိုင်း)

မြတ်ဗုဒ္ဓသာသနာ ပုံတော်သမိုင်း ၄-မှ...

တရုတ်နိုင်ငံ ကွန်ဖြူးဇီး ဘုရားကျောင်းဆောင်...












Read more...

မူကြိုကျောင်းသားပါ...၃ (ဦးသုမင်္ဂလ) vcd

ဒယ်အိုး ဆရာတော် ဦးသုမင်္ဂလ...

နိဗ္ဗာန်ရောက်ကြောင်းတရားကောင်း...

မူကြိုကျောင်းသားပါ...၃ (ဦးသုမင်္ဂလ) vcd


Read more...

လူများ ၀ိနည်းကို လေ့လာသင့်ပါသလား... (ဓမ္မဒူတ အရှင်ပညာဇောတ (မေး-ဖြေ))

ဓမ္မဒူတ အရှင်ပညာဇောတ (မေး-ဖြေ) ၇-မှ...

လူများ ၀ိနည်းကို လေ့လာသင့်ပါသလား...






















Read more...

ကူညီဖေးမ ပရဟိတ

(စင်္ကာပူ ယော အသင်း တနှစ်ပြည့်မြောက်ခြင်း နှစ်ပတ်လည်အတွက် ဂုဏ်ပြုရေးသားပါသည် )


၁၉-၀၅-၂၀၀၈ ယောအသင်း စတင်ဖွဲ့စည်းသည့်နေ့က မှတ်တမ်းပုံရိပ်များ

ငါကဲ့သို့ စွမ်းအားနှင့်ပြည့်စုံသော ယောကျားင်္ အတွက် တကိုယ်ထည်းကူးမြောက်၍ အဘယ်ကဲ့သို့အကျိုးရှိအံ့နည်း။ငါသည် သဗ္ဗညုတဥာဏ် ရပြီးနောက် နတ်နှင့်တကွသော လောကကို ကူးမြောက်စေအံ့.( ဇာတက နိဒါန်း )

၁၆-၀၅-၂၀၀၉ စနေနေ့မှာ ကနေဒါ နော်ဝေ ထိုင်ဝမ် ထိုင်း ဖီလစ်ပိုင် မော်စကို စင်္ကာပူ ဂျပန် အီတလီမှ ဓမ္မချစ်ခင် ညီအကို မောင်နှမတို့ကို ကူညီဖေးမ ပရဟိတ ခေါင်းစဉ်နဲ့ ဟောပြောခဲ့ပါတယ်၊ လောကလူသား တစ်ယောက်အတွက် ရှိသင့်တဲ့ လူ့အရည်အသွေးမှာ တိုင်းတာစရာ အဖြစ်ပါဝင်နေတဲ့ ပရဟိတဟာ လူသားမှန်ရင် အသိဥာဏ်ရှိသူမှန်ရင် ဆောင်ရွက်ကြရပါလိမ့်မယ်..

လူ့သားတစ်ယောက် တန်ဖိုးကို တိုင်းတာရာမှာ အတ္တကိုယ်ဖယ်ရှားပြီး အများအကျိုး ဘယ်လောက်လုပ်နိုင်သလဲဆိုတာနဲ့လည်း တိုင်းတာရပါမယ်. ရှင်သန်သမျှ ကာလလေးမှာ လူဟာ အမြဲကိုလှုပ်ရှား ရုန်းကန်နေရပါတယ်. အသာလေးထိုင်ပြီး အိပ်စား လုပ်နေခွင့်မရှိပါဘူး၊ ဗုဒ္ဓအလိုတော်အရဆိုရင်တော့ ဥဋ္ဌာနဖလူပဇီဝီ ဖြစ်နေလို့ပါပဲ၊

ဆ၀ါလာတ သုတ္တန်မှာ မြတ်ဗုဒ္ဓ ဟောပြတဲ့ ပုဂ္ဂိုလ် ၄ ယောက်ဟာ လည်း စိတ်ဝင်စားစရာကောင်းပါတယ်.

၁။ ကိုယ့်အကျိုးလဲ မလုပ် ပရဟိတလဲ မလုပ်သူ
၂။ ကိုယ်အကျိုးတော့လုပ်ပြီး ပရဟိတ မလုပ်သူ
၃။ ပရဟိတတော့လုပ်ပြီး ကိုယ့်အကျိုးအတွက် မဆောင်ရွက်သူ
၎။ ကိုယ့်အကျိုးလည်းလုပ် ပရဟိတလည်း ဆောင်ရွက်သူ..ဆိုပြီး ဒီကမ္ဘာကြီးထဲမှာ ရှိတဲ့ လူသားပေါင်း သန်း ၆ ထောင်ကျော်ကို တူရာတူရာ စုရင် ဒီ လေးမျိုးသာ ရကြောင်းဟောပြတော်မူပါတယ်..ဒီလေးယောက်ထဲမှာ ကိုယ့်အကျိုးလည်းလုပ်ပြီး ပရဟိတလည်းဆောင်ရွက်သူကို အမြတ်ဆုံးလူသားအဖြစ် မြတ်ဗုဒ္ဓသတ်မှတ်တော်မူပါတယ်.

ဘ၀တခုကို ရောက်လာတဲ့ မိမိတို့လဲ လူဖြစ်ရကျိုးနပ်အောင် လူပီသအောင် လူ့နှလုံးသားပီပြင်အောင် ပရဟိတ လုပ်ကြရပါမယ်…ဘုရားလောင်း ကြွေးကြော်ခဲ့တဲ့ အထက်ဖော်ပြပါ စကားဟာ ပရဟိတဆောင်ရွက်ဖို့ တွန်းအားတခုဖြစ်သလို ငါလိုယောကျာင်္းက တယောက်တည်း နိဗ္ဗာန်သွားလို့အကျိုးမရှိဘူး ဒီလောကကြီးထဲက နတ်လူဗြဟ္မာတွေကိုလဲ ကူးမြောက်စေမယ် ဆိုတဲ့ ကျူးရင့်သံဟာ တကယ့်ကို မိမိတို့ နှလုံးသားကို လှုပ်နှိုးနေခဲ့ပါတယ်…

လောကကြီးထဲက သစ်ပင်တွေဟာ အသီးနဲ့ လောကကြီးကို အကျိုးပြုနေပါတယ်.မြစ်တွေ ချောင်းတွေဟာ အမြဲစီးဆင်းပြီး သန့်စင်တဲ့ရေစင်နဲ့ လောကကြီးကို အကျိုးပြုသလို နေဟာလည်း နေရောင်ခြည်နဲ့ လောကြီးကို အကျိုးပြုနေပါတယ်. လရောင်ဟာလည်း အေးမြတဲ့အလင်းရောင်နဲ့ လောကကြီးကိုအကျိုးပြုနေပါတယ်.. ဒါတွေဟာ သက်ရှိတွေမဟုတ်သလို အသိဥာဏ်ရှိတဲ့လူတွေလည်း မဟုတ်ပါဘူး..ဒီလို သက်မဲ့တွေတောင် လောကကြီးကို ကျေးဇူးပြုနိုင်သေးရင် အသိဥာဏ်ရှိတဲ့ လူသားဖြစ်တဲ့ မိမိတို့က လူလူချင်း ကျေးဇူးမပြုသင့်ဘူးလား….လူပီသတဲ့လူ… မြတ်ဗုဒ္ဓသတ်မှတ်တဲ့ လူမြတ်စာရင်းဝင်အောင် ကြိုးစားဆောင်ရွက်သင့်ပါတယ်..

မိမိတို့တတွေဟာ တခဏမျှ လူ့ဘ၀ရကြ။လူထဲသူထဲ လူနဲ့သူနဲ့နေကြ။လူ့ကိစ္စ လူ့ဝတ္တရား လူ့တာဝန်ယူကြရ။လူ့အတွေး လူ့အမြင် လူ့အသိတွေ သိကြရစဉ်ကာလမှာ ဘယ်လောက်ကြာအောင် မျိုးဆက်ရှည် တည်တံ့ဦးမယ်မှန်း မသိတဲ့ လူ့လောကအတွင်း လူသားအချင်းချင်း ရိုင်းပင်းကူညီမှု၊ လူသား အချင်းချင်း ချစ်ကြည်ရင်းနှီးစေမှုတွေနဲ့ လူ့သတင်း လူချင်းဆောင်ကာ လူ့သမိုင်းကောင်းစေဖို့ အလုပ်ကောင်းတွေ လုပ်ကြရပါမယ်. အလုပ်ကောင်းလုပ်နိုင်ဖို့ အဓိက က စိတ်ကောင်းရှိဖို့ ထက်သန်တဲ့ဆန္ဒရှိဖို့ စေတနာသန့်ဖို့တော့လိုပါတယ်..

ပြီးတော့ လူလောကကြီးထဲက ဘာတွေယူသွားကြမလဲ ဘာတွေထားသွားမလဲဆိုတာလဲ စဉ်းစားကြရပါမယ်..မြတ်ဗုဒ္ဓကတော့ အချိန်များစွာ အသက်များစွာ ဘ၀များစွာ စည်းစိမ်ဥစ္စာများစွာ ပေးဆပ်ခဲ့ပြီး ဓမ္မဆိုတာကို ထားပစ်ခဲ့ပါတယ်.သူထားခဲ့တဲ့ ဓမ္မဆိုတာ ဘယ်လောက်များ လောက လူသားတွေကို ကျေးဇူးပြုနေသလဲဆိုတာ အားလုံးနားလည် သိနိုင်ပါတယ်…မိမိတို့တတွေက ကော ဘာတွေယူပြီး ဘာတွေထားရစ်ခဲ့ကြမလဲ…..

မေတ္တာသုတ်မှာတော့ နာညမညဿ ဒုက္ခမိစ္ဆေယျ..လူများရဲ့ ဒုက္ခကို မလိုလားပါနဲ့..အပြန်အားဖြင့်တော့ ကူညီဖေးမ ပရဟိတ လုပ်ကြပါလို့ ပြောနိုင်ပါတယ်. လူသားဒုက္ခရောက်တာကို ကိုယ့်နှလုံးသားက ဘာမှမဖြစ်ဘူးဆိုရင် ဒီလူနှလုံးသားဟာ သူတော်စင် နှလုံးသားလို့ မဆိုနိုင်ပါဘူး..သူတပါး ဒုက္ခရောက်တာကို မြင်ရရင် ရင်ထဲမှာ တကယ့်ကို နာကြင်စွာခံစား တုန်လှုပ်မှ သူတော်စင်နှလုံးသားလို့ ဆိုရပါမယ်…
ဘုရားလောင်းတော် ကတော့ ဥဒါန်းကျူးရင့်တော်မူနေပါတယ်……. ငါကဲ့သို့ စွမ်းအားနှင့်ပြည့်စုံသော ယောကျားင်္ အတွက် တကိုယ်ထည်းကူးမြောက်၍ အဘယ်ကဲ့သို့အကျိုးရှိအံ့နည်း။ငါသည် သဗ္ဗညုတဥာဏ် ရပြီးနောက် နတ်နှင့်တကွသော လောကကို ကူးမြောက်စေအံ့….

အိုစာရှုသူ….သင်ရော အကျွန်ုပ်တို့ရော တတ်နိုင်တဲ့ ပရဟိတတွေ လက်တွဲဆောင်ရွက်ကြပါစို့…လူ့တန်ဖိုးတွေကို ဖော်ထုတ်ကြပါစို့…..သူတပါး ဒုက္ခရောက်တာကို မလိုလားသူ ကူညီသူ ဖေးမသူ ပရဟိတ ဆောင်ရွက်သူ ဖြစ်အောင် ကြိုးစားကြပါစို့……….

(၁၉-၀၅-၂၀၀၉ ရက်နေ့ဟာ စင်္ကာပူနိုင်ငံရောက် ယောအသင်းကို တည်ထောင်ဖွဲ့စည်းခဲ့တာ တနှစ်တင်းတင်းပြည့်ခဲ့ပါပြီ..အတူဆင်နွှဲတဲ့ ကောင်းမှုပွဲလေးတွေ ဆောင်ရွက်နိုင်ခဲ့တာ စုစည်းတဲ့ ယောညီအကို မောင်နှမတို့ရဲ့ ညီညွတ်ရေး စိတ်ဓာတ်များကြောင့်သာဖြစ်ပါတယ်.ထက်သန်တဲ့ဆန္ဒတွေနဲ့ လူသားတန်ဖိုးတွေကို ဆက်လက်မြှင့်တင် ဖော်ထုတ်နိုင်ကြမယ်လို့ ယုံကြည်နေပါတယ်.)



Read more...

ဘာသာရေး ပြဿနာ ( ၅၉ )

( ဘဒ္ဒန္တတိလောကသာရေ ဖြသည် )

( မေး ) ( ကွန့်-ဆွံ့-တွန့်-ပြန့် )
အရှင်ဘုရား၊ သဒ္ဓါလွန်လျှင် ကွန့်သည်၊ ပညာလွန်လျှင် ဆွံ့သည်၊
သမာဓိလွန်လျှင် တွန့်သည်၊ ၀ီရိယလွန်လျှင် ပြန့်သည်-ဟု ဆိုရာဝယ်
ယင်းကွန့်-ဆွံ့-တွန့်-ပြန့်-တို့၏ အဓိပ္ပါယ်ကို ကောင်းစွာနားမလည်သဖြင့် ရှင်းပြပေးတော်မူပါဘုရား။
( ရှင်ဝိစာရိန္ဒ-ဥဿာ )

( ဖြေ )
ကွန့်-သည်ဟူသည်မှာ ဖြစ်သင့်သည်ထက် ပိုလွန်ပြုလုပ်မှုကို ဆိုပါသည်။
ဆွံ့-သည်ဟုဆိုရာ၌ ပညာလွန်နှင့်စပ်လျှင် ဆွံ့ဟုဖြစ်သင့်သည်။
ဆွံ့မှာ သဒ္ဓါနုံ့ ဆွန့်၊ တွန့်၍ ဉာဏ်ကွန်၊ ပညာလွန်သော်၊ (မဃဒေ၀-၁၃၉)
အကြောင်းမဖန့်၊ ဆွန့်ဆွန့်ရှားရှား၊ ချမ်းသာပါး၏။ (၄င်း-၁၉၃) တို့အရ ဖြစ်သင့်သလို မဖြစ်ဘဲ ဆုံးရှုံးပျက်စီးတတ်သည်ဟု ဆိုလို၏။

တွန့်သည် ဟူသည်မှာ တွန့်လိပ်သည်၊ တွန့်လိမ်သည် ဆိုသကဲ့သို့ နောက်တွန့်တိမ်းဖည်တတ်ခြင်းကို ဆိုလို၏။
မတင်မြူခန့်၊ ဘုန်းတော်ကန့်သည်၊ နောက်တွန့်ရန်မျိုး၊ ခွါရှောင်တည်း။ ( နာရဒ-၁၀ )
ပြန့်ဟူသည်မှာ ပျံ့လွင့်သည်၊ ပြန့်ကားသည် ဟူသကဲ့သို့ စည်းစည်းရုံးရုံး တလုံးတခဲတည်း မဖြစ်ဘဲ တဖျင့်တပါး ပြန့်ကားပျက်စီး၍ သွားတတ်သည်ဟု ဆိုလိုပါသည်။ ထို့ကြောင့် သဒ္ဓါ-ပညာ-သမာဓိ-၀ီရိယတို့ကို မပိုမလွန်စေရဟု ရှေးပညာရှိများက သတိပေးတော်မူကြလေ့ရှိသည်။
( သဒ္ဓါ-ပညာ၊ သမာ-၀ီရိ၊ စောင်းနှယ်ညှိ )
*********************************************************************************

( မေး ) ( ပိဋကတ်သုံးပုံ )
အရှင်ဘုရား၊ ပိဋကတ်သုံးပုံ လှူသည်ဆိုရာ၌ မည်သည့်ကျမ်းစာအုပ်များ ပါဝင်သည်ကို ကျမ်းအမည်စာရင်း ပြုစုဖော်ပြပေးတော်မူပါဘုရား။
( ဒေါ်ခင်မြ-နတ်တလင်း )

( ဖြေ )
ပိဋကတ်သုံးပုံ (ပါဠိတော်) ဆိုရာ၌ သင်ရိုးပိဋကတ်၊ နိကာယ်ငါးရပ် ပိဋကတ်ဟူ၍ နှစ်မျိုးရှိပါသည်။
၁။ သင်ရိုးပိဋကတ်၌
သုတ်သုံးကျမ်း ၃-အုပ်။
ဝိနည်းငါးကျမ်း ၅-အုပ်။ နှင့်
အဘိဓမ္မာ ၇-ကျမ်း ၁၂-အုပ် ပေါင်း အုပ်ရေ-၂၀ ရှိပါသည်။

၂။ နိကာယ်ငါးရပ် ပိဋကတ်၌
ဒီဃနိကာယ် သုံးကျမ်း ၃-အုပ်။
မဇ္ဈိမနိကာယ် သုံးကျမ်း ၃-အုပ်။
သံယုတ္တနိကာယ် ငါးကျမ်း ၃-အုပ်။
အင်္ဂုတ္တရနိကာယ် တဆယ့်တကျမ်း ၃-အုပ်။
ခုဒ္ဒကနိကာယ် (၀ိနည်း ၅-ကျမ်း၊ အဘိဓမ္မာ ၇-ကျမ်း၊ သုတ္တန် ၁၆-ကျမ်း) အုပ်ရေ ၂၈-အုပ်။
စုစုပေါင်း အုပ်ရေ ၄၀-ရှိပါသည်။

ဤကျမ်းဦးရေမှာ ပါဠိတော်ကျမ်းများကိုသာ ဖော်ပြခြင်းဖြစ်ပါသည်။ အဋ္ဌကထာနှင့် ဋီကာပါဠိများ မပါသေးပါ။
( အဋ္ဌကထာကျမ်း-၄၁။ ဋီကာကျမ်း-၂၀-ခန့် ရှိသေးသည် )။
အများအားဖြင့် ပိဋကတ်သုံးပုံ လှူဒါန်းသူများမှာ သင်ရိုးပိဋကတ် အုပ် ၂၀-ကို လှူဒါန်းလေ့ရှိကြပါသည်။
*********************************************************************************

( မေး ) ( ပိလိန္ဒ၀စ္ဆဂါထာ )
အရှင်ဘုရား၊
ပိလိန္ဒ၀စ္ဆ သမဏော၊ ဒေ၀တာနံ ပိယော အဟု။
ဌပိတော အဂ္ဂဋ္ဌာနမှိ၊ သေတ္တျာရောဂျံ ဒဒါတုနော။
ဂါထာကို အဓိပ္ပါယ်ပြန်ပေးစေလိုပါသည်ဘုရား
( စိုးနိုင်-ကမာရွတ်မြိုပနယ် )

( ဖြေ )
အရှင်ပိလိန္ဒ၀စ္ဆမထေရ်သည် နတ်တို့ချစ်အပ်၏။ နတ်ချစ်သောသူတို့တွင် ဧတဒဂ်အရာ၌ တင်ထားအပ်၏။
ထိုပိလိန္ဒ၀စ္ဆမထေရ်သည် အကျွန်ုပ်အား စီးပွားချမ်းသာခြင်း၊ အနာကင်းခြင်း၊ (ဆု)ကို ပေးတော်မူပါဘုရား။

၎င်းဂါထာမှာ ဥပ္ပါတသန္တိကျမ်းလာ ဂါထာဖြစ်ပါသည်။ အစဉ်အမြဲရွတ်ဆိုသူအား နတ်တို့ချစ်ခြင်း၊ စီးပွားဥစ္စာ တိုးတက်ခြင်း၊ အန္တရာယ်ကင်းခြင်း စသော ကောင်းကျိုးချမ်းသာတို့ကို ရနိုင်သည်ဟု ဆရာမြတ်တို့ ဆိုကုန်၏။
*********************************************************************************

( မေး ) ( ကောသလမင်းကြီးအကြောင်း )
အရှင်ဘုရား၊ ဘုရားလက်ထက်က ကောသလမင်းကြီးကို အချို့က အဇာတသတ်မင်းနှင့် စစ်ရှုံးလို့ ပြေးရင်း ဇရပ်မှာ ခွေးသေသလို သေရတယ်လို့ ပြောကြားတယ်။
အချို့က အဇာတသတ်မင်းဆီ စစ်ကူတောင်းလာရင်း မိုးချုပ်သွားတာနဲ့ မြို့ပြင်ဇရပ်မှာ ပင်ပန်းတဲ့ဒဏ်နဲ့ သေရတယ်လို့ ပြောကြတယ်။ ဘယ်စကားက အမှန်ပါလဲဘုရား။
( ခင်မိုးဝေ-တန့်ဆည်မြို့နယ် )

( ဖြေ )
ကောသလမင်းကြီးသည် မြတ်စွာဘုရားရှင် သာကီဝင်မင်းတို့ နယ်မြေမေဒါဠုပ နိဂုံးမှာ သီတင်းသုံးခိုက် သွားရောက်ဖူးမြော်ရာ ဘုရားထံဝင်ရာတွင် ပါလာသော မင်းမြောက်တန်ဆာတို့ကို စစ်သူကြီး ဒီဃကာရာယနအား ပေးအပ်ခဲ့ပါသည်။
ဒီဃကာရာယနသည် ကောသလမင်းကြီး အပြစ်ရှာ၍ သတ်ပစ်လိုက်သော ဗန္ဓုလစစ်သူကြီး၏တူ ဖြစ်သည်။ ၄င်းသည်အချက်ရ၍ ငါ့ဦးရီးတော်ကို သတ်သောမင်းအား လက်စားချေအံ့ဟု ကြံစည်ကာ အတူပါလာသော မင်းသား ၀ိဋဋူဘအား မင်းမြောက်တန်ဆာများကို အပ်နှင်း၍ အနိုင်အထက် မင်းပြုစေပြီး မြင်းတစီးနှင့် မောင်းမတယောက်ကိုသာ ထားခဲ့၍ သာဝတ္ထိပြည်သို့ ပြန်သွားလေသည်။ ကောသလမင်းကြီး လာသောအခါ မြင်းနှင့် မောင်းမငယ်ကိုသာ တွေ့ရ၍ အကြောင်းကိုသိလျှင် တူတော် အဇာတသတ်မင်းကို အကူအညီတောင်း၍
သာဝတ္ထိပြည်ကိုပြန်ယူအံ့ဟု ရာဇဂြိုဟ်သို့သွားရာ မိုးချုပ်သွားသဖြင့် မြို့ပြင်ဇရပ်တွင် အိပ်ရန်ပြင်ရသည်။ ထိုအခါ ကောသလမင်းမှာ အသက်ကြီးခြင်း၊ ခရီးပန်းခြင်း၊ အစာအာဟာရ မရှိခြင်းတို့ကြောင့် ညတွင်းချင်းပင် လေရောဂါ နှိပ်စက်၍ နံနက်လင်းအားကြီးတွင် နတ်ရွာစံသွားလေသည်။ ထိုအကြောင်း အကျယ်ကို မဟာဗုဒ္ဓ၀င် ပဉ္စမတွဲ စာမျက်နှာ ၃၅-၃၆ တို့တွင် ကြည့်ရှုနိုင်ပါသည်။
*********************************************************************************

( မေး ) ( လှူဒါန်းပြီးမှ စားသောက်သုံးဆောင်ခြင်း )
အရှင်ဘုရား၊ တပည့်တော်တို့ မိသားစုသည် နေ့စဉ် ထမင်းဟင်းနှင့် ရလာသမျှသော ခဲဘွယ်ဘောဇဉ်တို့ကို ဦးဦးဖျားဖျား ဆွမ်းတော်တင်ပြီးမှ စွန့်သည့်အခါ စားသောက်ခဲ့ကြသည်မှာ နှစ်များစွာပင်ရှိပါပြီ။ ဗုဒ္ဓဝေယျာဝစ္စ ပြုကြသူများမှာ ဇနီးနှင့်သမီးများသာ ဖြစ်ကြ၍ ကျန်လူများ အပြစ်ဖြစ်နေကြောင်း သိရှိရသဖြင့် များစွာတုန်လှုပ်မိပါသည်။ မည်သည့်အကြောင်းကြောင့် အပြစ်ဖြစ်ရသည်ကို၎င်း၊ ထိုအပြစ်များ ပပျောက်အောင် မည်သို့ဆောင်ရွက်ရမည်ကို၎င်း၊ ရှင်းလင်းညွှန်ကြားပေးပါဘုရား။
( ဦးအောင်သက်-အင်းစိန်မြို့ )

( ဖြေ )
ရာဇ၀င်တွင် ပုဂံပြည် အနော်ရထာမင်းက မနူဟာမင်းအား ဘုန်းကံနိမ့်စေရန် သင်ပုတ်ပလ္လင်တွင် စွန့်ပြီးသော ဆွမ်းတော်တင်ကို မနောလင်ပန်း၌ထည့်၍ ကျွေးသည်ဟူသော စကားမှစ၍ ဆွမ်းတော်တင် စားလျှင် ဘုန်းကံနိမ့်သည်ဟု ပြောစဉ် ဖြစ်နေရပါသည်။ ဝေယျာဝစ္စလုပ်သူ ဆွမ်းတော်တင် စားကောင်းသည် ဟူသော စကားမှာလည်း ဘုရားစေတီတို့တွင် တင်လှူထားသော ဆွမ်းတော်တင်ကို ခရီးသွား၊ စားရမဲ့ သောက်ရမဲ့ ပုဂ္ဂိုလ်များ စားသောက်လိုလျှင် ဤအတိုင်းစားသည်ထက် ဝေယျာဝစ္စလုပ်ကိုင်ပြီးမှ စားသင့်ကြောင်း ပြောဆိုခြင်း ဖြစ်ပါသည်။

ဦးအောင်သက်တို့လို မိမိတို့တအိမ်လုံး စားသောက်မည့် ထမင်းဟင်းကို အားလုံး ဘုရားကိုလှူပြီးမှ စားသောက်ခြင်းမျိုးကား ရှာမှရှားသောစေတနာသဒ္ဓါမျိုး ဖြစ်ပါသည်။ မည်သို့မျှ အပြစ်မရှိပါ။ အများအားဖြင့် စတိသဘောမျိုးသာ ပန်းကန်ငယ်၊ ခွက်ငယ်တို့ဖြင့် ဆွမ်းတော်တင်လေ့ရှိကြသည်။ ရှိသမျှ ထမင်းအားလုံးကို လှူဒါန်းပြီးမှ စားသောက်ကြသည်ဟု သိရသဖြင့် သာဓုခေါ်မိပါသည်။

ဘုရားလက်ထက်က ပဏ္ဍိတသာမဏေအလောင်း ပဋိသန္ဓေယူသောအခါ မိခင်က ဘုရား ရဟန္တာတို့အား လှူဒါန်းပြီးမှ ဆွမ်းကြောင်း ဆွမ်းကျန်ကို စားလိုသော ချစ်ခြင်းဖြစ်ကြောင်း၊ တန်ခိုးကြီးသော ရဟန္တာ ဖွားမြင်မည့် အတိတ်ဖြစ်၍ အလွန်ကောင်းမွန်ကြောင်း ဓမ္မပဒ အဋ္ဌကထာတွင် ပါပါသည်။ ရှေးဆရာတော်ကြီးများသည် ရသမျှ ဆွမ်းတော်တင် ဘုရားလှူပြီးမှ စားသောက်သောအလေ့ရှိပါသည်။ မန္တလေးတွင် စာသင်သားဘ၀ စာသင်စဉ်က ဆွမ်းခံအပြန် သပိတ်ရော ဆွမ်းဟင်းအားလုံး မဟာမြတ်မုနိဘုရားတွင် တင်လှူပြီး အချိန်ရသမျှ တရားထိုင်ခဲ့၍ နောက်မှ သပိတ်ကို ပြန်စွန့်ယူပြီး စားသုံးခဲ့သော ဆရာတော်ကြီးများ ယခုအခါ သာသနာတော်တွင် ရှေ့တန်းရောက် ပုဂ္ဂိုလ်ကြီးများ ဖြစ်၍နေကြပေပြီ။ ထို့ကြောင့် စားသောက်ဖွယ်အားလုံး လှူဒါန်းပြီးမှ စားခြင်း၊ မွှေးကြိုင်လှပသော ပန်းများကို ဘုရားလှူပြီးမှ ပန်ဆင်ခြင်းတို့မှာ ကဲ့ရဲ့ဖွယ်မဟုတ်၊ ချီးမွမ်းဖွယ်၊ အတုယူဖွယ်သာဖြစ်ကြောင်း ဖြေကြားလိုက်ပါသည်။
*********************************************************************************

( မေး ) ( သိကြားမင်းနှစ်ဦး )
အရှင်ဘုရား၊ ဇာတကဧကကနိပါတ် ကုလာဝကဇာတ်လာ မဃလုလင်မှ ဖြစ်လာသူ သိကြားမင်းမှာ ဘုရားလောင်း ဖြစ်ကြောင်း ဆိုပါသည်။ ယခုလက်ရှိ တာဝတိံသာနတ်ပြည်ရှိ သိကြားမင်းလည်း မဃလုလင်မှ ဖြစ်လာသူဖြစ်၍ နာမည်တူ၊ အဖြစ်တူ ဖြစ်နေပါသည်၊ ရှင်းပြစေလိုပါသည်ဘုရား။
( ဒေါက်တာမြင့်စိုး-ရန်ကုန်မြို့ )

( ဖြေ )
ကုလာဝကဇာတ် (ဇာတက ၁-၂၁၄ )တွင် မဂဓတိုင်း ရာဇဂြိုဟ်အနီး မစလရွာ မဃလုလင်အဖြစ်နှင့် သက္ကပဥှသုတ်အဖွင့် ( ဒီ-ဋ္ဌ ၂၊ ၃၀၂ ) မဃမာဏ၀ ၀တ္ထု (ယခုလက်ရှိ သိကြားမင်းအဖြစ်) မှာ အလုံးစုံတူနေပါသည်။ အမည်နှင့် ဖြစ်စဉ်သာမက သုဇာတာ၊ သုဓမ္မာ၊ သုစိတ္တာ၊ သုနန္ဒာ မိဖုရားကြီးလေးဦး အကြောင်း၊
သုဇာတာ-ဗျိုင်းမကလေး ဖြစ်သွားသည်တို့ပါ တူပါသည်။ သို့သော် ကုလာဝကဇာတ်လာ မဃလုလင်က ဂေါတမဘုရားလောင်းဖြစ်၍ ဘုရားဖြစ်ကာ နိဗ္ဗာန်စံဝင်သွားပါပြီ။
သက္ကပဥှသုတ်လာ မဃလုလင်က ယခု တာဝတိံသာ နတ်ပြည်ရှိ သိကြားမင်း ဖြစ်နေပါသေးသည်။ အဘယ်ကြောင့် ဤနှစ်ဦးဘ၀မှာ တထပ်တည်း တူညီနေပါသနည်းဟု အမြဲပင် အမေးခံနေရပါသည်။

၎င်းအတွက် ဖြေဆိုရန်မှာ
မိဘလုပ်ကျွေးခြင်း၊
ကြီးမြင့်သူများ၌ ရိုသေခြင်း၊
မှန်ကန်စွာ ပြောဆိုခြင်း-စသည့် သိကြားဖြစ်ကြောင်း ကျင့်ဝတ်ကောင်းများကို ကျင့်သုံးပုံ တူညီခြင်း၊
ကျေးရွာသန့်ရှင်းရေး ပြုလုပ်ပုံ တူညီခြင်း စသည့် သိကြားဖြစ်ကြောင်း ကုသိုလ်ကောင်းမှုများ ပြုလုပ်ပုံ မကွဲမပြား ဖြစ်နေမှု၊ တာဝတိံသာနတ်ပြည်တွင် ယင်းကုသိုလ်များ၏ အကျိုးကြောင့် ဥယျာဉ်ဗိမာန် ရေကန် စသည် ရရှိပုံ တူညီမှု စသည်များနှင့် ရေးသား မှတ်တမ်းတင်ခဲ့သူ အဋ္ဌကထာဆရာမှာလည်း အရှင်မဟာဗုဒ္ဓဃောသ တပါးတည်းဖြစ်၍ အကြောင်းတူ၊ အကျိုးတူ သိကြားမင်း နှစ်ဦး၏ အဖြစ်ကို တထပ်တည်း မှတ်တမ်းပြုခဲ့ဟန် တူကြောင်း၊ ပါဠိတော်များ၊ အဋ္ဌကထာများ၏ ထုံးစုံမှာလည်း အကြောင်းအရာတခု တူညီလျှင် ရှေးရှေးပါဌ်အတိုင်း နောက်နောက်ပါဌ်တွင် တသဝေမတိမ်း အတူ မှတ်တမ်းတင်တတ်ကြောင်း၊ ဘာဏကဆောင်၊ (နှုတ်တက်ရွတ် ဆိုသူ) အရှင်မြတ်တို့ တူညီလျှင်လည်း တထပ်တည်း တူတတ်ကြောင်း ဖြေဆိုရပါသည်။

( မြတ်မင်္ဂလာ ၁၉၉၆-ခု သြဂုတ်လ )


Read more...

အသုဘ ၁၀-ပါး ပါဌ်-အနက်

ဥဒ္ဓုမာတကံ
ဝိနီလကံ
ဝိပုဗ္ဗကံ
ဝိစ္ဆိဒ္ဒကံ
ဝိက္ခာယိတကံ
ဝိက္ခိတ္တကံ
ဟတ၀ိက္ခိတ္တကံ
လောဟိတကံ
ပုဠုဝကံ
အဋ္ဌိကဉ္စေတိ ဣမေ ဒသ အသုဘာနာမ။

၁။ ဥဒ္ဓုမာတကံ-သေဆုံးသည်မှ နောင်ကာလထက် နှစ်ရက်-သုံးရက် လွန်ကြူးတက်လျှင် ဖူးဖူးရောင်ပုပ် စက်ဆုပ်ရွံဖွယ် သင်းချိုင်းမြေ၀ယ် စွန့်ပယ်ပစ်ချ အသုံးမကျတဲ့ ဥဒ္ဓုမာတကခေါ်သော အသုဘအကောင်ပုပ် တမျိုး၎င်း။

၂။ ၀ိနီလကံ-အသားများရာ၌နီ ပြည်စုရာ၌ဖြူ ယေဘုယျအားဖြင့် ညိုမည်းရောင်ပုပ် စက်ဆုပ်ရွံဖွယ် သင်းချိုင်းမြေ၀ယ် စွန့်ပယ်ပစ်ချ အသုံးမကျတဲ့ ၀ိနီလကခေါ်သော အသုဘအကောင်ပုပ် တမျိုး၎င်း။

၃။ ၀ိပုဗ္ဗကံ-ပေါက်ပြတ်အက်ကွဲ မကြည့်ရဲအောင် ယိုရွှဲပြည်ပုပ် စက်ဆုပ်ရွံဖွယ် သင်းချိုင်းမြေ၀ယ် စွန့်ပယ်ပစ်ချ အသုံးမကျတဲ့ ၀ိပုဗ္ဗကခေါ်သော အသုဘအကောင်ပုပ် တမျိုး၎င်း။

၎။ ၀ိစ္ဆိဒ္ဒကံ-နှစ်ပိုင်းဖြတ်ခုတ် နှစ်ပိုင်းပြုတ်၍ စက်ဆုပ်ရွံဖွယ် သင်းချိုင်းမြေ၀ယ် စွန့်ပယ်ပစ်ချ အသုံးမကျတဲ့ ၀ိစ္ဆိဒ္ဒကခေါ်သော အသုဘအကောင်ပုပ် တမျိုး၎င်း။

၅။ ၀ိက္ခာယိတကံ-ခွေး ကျီး ဠင်းတ သစ်ကျားစသည် ထိုမှာဤလည်း တသဲသဲနှင့် ကိုက်ခဲထိုးကုပ် စက်ဆုပ်ရွံဖွယ် သင်းချိုင်းမြေ၀ယ် စွန့်ပယ်ပစ်ချ အသုံးမကျတဲ့ ၀ိက္ခာယိတကခေါ်သော အသုဘအကောင်ပုပ် တမျိုး၎င်း။

၆။ ၀ိက္ခိတ္တကံ-ခြေ-လက်-ဂေါင်း-ကိုယ် ဖရိုဖရဲ တကွဲတပြား တခြားစီပြုတ် စက်ဆုပ်ရွံဖွယ် သင်းချိုင်းမြေ၀ယ် စွန့်ပယ်ပစ်ချ အသုံးမကျတဲ့ ၀ိက္ခိတ္တကခေါ်သော အသုဘအကောင်ပုပ် တမျိုး၎င်း။

၇။ ဟတ၀ိက္ခိတ္တကံ-ကျီးခြေမယွင်း ဒါးဖြင့်မွန်းလျက် ဂေါင်း-လက်-ကိုယ်-ခြေ အထွေထွေပြုတ် စက်ဆုပ်ရွံဖွယ် သင်းချိုင်းမြေ၀ယ် စွန့်ပယ်ပစ်ချ အသုံးမကျတဲ့ ဟတ၀ိက္ခိတ္တကခေါ်သော အသုဘအကောင်ပုပ် တမျိုး၎င်း။

၈။ လောဟိတကံ-ထိုထိုဤဤ နီနီထွေးထွေး သွေးလိမ်းစီးသွယ် စက်ဆုပ်ရွံဖွယ် သင်းချိုင်းမြေ၀ယ် စွန့်ပယ်ပစ်ချ အသုံးမကျတဲ့ လောဟိတကခေါ်သော အသုဘအကောင်ပုပ် တမျိုး၎င်း။

၉။ ပုဠုဝကံ-ပိုးလောက်ဝင်ထွက် ကျိကျိတက်လျက် ပြည့်နှက်ကပ်တွယ် စက်ဆုပ်ရွံဖွယ် သင်းချိုင်းမြေ၀ယ် စွန့်ပယ်ပစ်ချ အသုံးမကျတဲ့ ပုဠုဝကခေါ်သော အသုဘအကောင်ပုပ် တမျိုး၎င်း။

၁၀။ အဋ္ဌိကံ-တချောင်းနှင့်တချောင်း အိမ်ပျက်ဟောင်းသို့ ပေါင်းစုစပ်တွယ် စက်ဆုပ်ရွံဖွယ် သင်းချိုင်းမြေ၀ယ် စွန့်ပယ်ပစ်ချ အသုံးမကျတဲ့ အဋ္ဌိကခေါ်သော (အရိုးစု) အသုဘအကောင်ပုပ် တမျိုး၎င်း။

ဣတိ-ဣမေ-ဤသည်တို့သည်၊ ဒသ အသုဘာနာမ-ခန္ဓာယွင်းဘောက် ဇီဝိန်ပျောက်က ရောက်ရအသင့် မတင့်မတယ် မဖွယ်ရာသည့် ရွံဘွယ်ရာအပြား ဆယ်ပါးသော အသုဘတရားတို့ မည်ကုန်သတည်း။




Read more...

ရဟန်း နှစ်သက်၏လောဟု ဤစကားကိုလျှောက်၏...

ကကုဓသုတ်...

အကျွန်ုပ်သည် ဤသို့ ကြားနားခဲ့ရပါသည်-
အခါတစ်ပါး၌ မြတ်စွာဘုရားသည် သာကေတ မြို့ဝယ် သားတို့အား ဘေးမဲ့ပေးရာ အဉ္ဇနတော၌ (သီတင်းသုံး) နေတော်မူ၏၊ ထိုအခါ ကကုဓနတ်သားသည် ညဥ့်ဦး ယံလွန်ပြီးသော (သန်းကောင်ယံ) အချိန်၌ အလွန်နှစ်သက်ဖွယ်သော အဆင်းရှိ သည်ဖြစ်၍ အဉ္ဇနတောအလုံးကို ထွန်းလင်းစေလျက် မြတ်စွာဘုရားထံသို့ ချဉ်း ကပ်၍ မြတ်စွာဘုရားကို ရှိခိုးပြီးလျှင် တစ်ခုသော နေရာ၌ ရပ်တည်ပြီးသော်...

မြတ်စွာဘုရားအား ''ရဟန်း နှစ်သက်၏လော'' ဟု ဤစကားကိုလျှောက်၏၊

''အချင်းနတ်သား အဘယ်ကို ရ၍ နှစ်သက်ရမည်နည်း'' ဟု မေးတော်မူ၏၊

''ရဟန်းသို့ဖြစ်လျှင် စိုးရိမ်ပါသလော'' ဟု လျှောက်၏၊

အချင်းနတ်သား အဘယ်ဝတ္ထုသည် ဆွေးမြေ့သည်ဖြစ်၍ စိုးရိမ်ရမည်နည်း''ဟု မေးတော်မူ၏၊

''ရဟန်း သို့ဖြစ်လျှင် နှစ်သက်လည်း မနှစ်သက် စိုးရိမ်လည်း မစိုးရိမ်ပါသလော'' ဟု လျှောက်၏၊

အချင်းနတ်သား သင်ဆိုတိုင်းဟုတ်၏ ဟု (မိန့်တော်မူ၏)။

ရဟန်း အသို့နည်း သင်သည် ဆင်းရဲမရှိသလော၊ အသို့နည်း (သင့်အား) နှစ် သက်ခြင်း မရှိသလော၊ တစ်ယောက်တည်း နေလေ့ရှိသော သင့်ကို အသို့နည်း မမွေ့လျော်ခြင်းသည် မနှိပ်စက်သလောဟု (လျှောက်၏)။

နတ်သား ငါဘုရားသည် စင်စစ် ဆင်းရဲကင်း၏၊ ထိုမှတစ်ပါး (ငါ့အား) နှစ်သက်ခြင်း မရှိ၊ ထိုမှတစ်ပါး တစ်ယောက်တည်း နေလေ့ရှိသော ငါဘုရားကို မမွေ့လျော်ခြင်းသည် မနှိပ်စက် ဟု (မိန့်တော်မူ၏)။

ရဟန်း သင်သည် အဘယ်သို့ ဆင်းရဲကင်းသနည်း၊ (သင့်အား) နှစ်သက်ခြင်း မရှိသနည်း၊ အဘယ် အကြောင်းကြောင့် တစ်ယောက်တည်း နေလေ့ရှိသော သင့်ကို မမွေ့လျော်ခြင်းသည် မနှိပ်စက်သလောဟု (လျှောက်ပြန်၏)။

နတ်သား ဆင်းရဲဖြစ်သော သူအား စင်စစ် နှစ်သက်ခြင်းသည် ဖြစ်၏၊ နှစ်သက် ခြင်း ဖြစ်သောသူအား စင်စစ် ဆင်းရဲခြင်းသည် ဖြစ်၏၊ ရဟန်းသည် နှစ်သက် ခြင်းလည်း မရှိ၊ ဆင်းရဲခြင်းလည်း မရှိ၊ ဤသို့ သိလော ဟု (မိန့်တော်မူ၏)။

နှစ်သက်ခြင်းမရှိသော ဆင်းရဲခြင်း မရှိသော လောက၌ တဏှာကို ကူးမြောက် ပြီးသော၊ မကောင်းမှုကို အပပြုပြီးသော၊ ငြိမ်းအေးပြီးသော ရဟန်းကို ကြာမြင့်မှ ဖူးမြင်ရလေစွတကား ဟု (လျှောက်၏)။99

၈ - ကကုဓသုတ်၊ အနာထပိဏ္ဍိက၀ဂ်၊ သဂါထာဝဂ္ဂသံယုတ်ပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။


Read more...

*ဒိဋ္ဌေဒိဋ္ဌမတ္တံ (၈)*

အမေး
ဆရာပြောတဲ့ အထဲမှာ တစ်စုံ တစ်ယောက်သော သူဟာ ဘ၀များစွာ ကျင်လည် ရတယ်လို့ ပါပါတယ်။ အဲဒီ ဘ၀များစွာ သံသရာကို ဖြတ်သန်း သွားလာ နေတာဟာ ၀ိဉာဉ်ဆိုတဲ့ အရာမျိုး တစ်စုံ တစ်ခုက သွားနေ တာလား။

အဖြေ
ဒီဘ၀ မှာတင် အပြောင်းအလဲ ဖြစ်နေတဲ့ သဘောတွေနှင့် ဆင်ခြင် သုံးသပ်ရင် သံသရာမှာ ဘ၀ တစ်ခုပြီး တစ်ခု ကျင်လည် ရတယ်ဆိုတဲ့ သဘောကို နားလည် နိုင်ပါတယ်။ ဥပမာ ခင်ဗျားတို့ အနေနဲ့ လွန်ခဲ့တဲ့ ငါးနှစ် ဆယ်နှစ်တုန်းက အကြောင်း တွေကို ပြန်ပြီး စဉ်းစား ကြည့်လို့ရှိရင် ခင်ဗျားတို့ရဲ့ ရုပ်ခန္ဓာဟာ ဆဲလ်လို့ ခေါ်တဲ့ ကလာပ်စည်း တွေရဲ့ အဆင့်ဆင့် မှာကို လုံးလုံး လျားလျား ပြောင်းလဲ သွားပြီ၊ ခြားနား သွားပြီ ဆိုတာ တွေ့ရမယ်။

ဒါတွေဟာ ဘ၀ပြောင်း အခြေ အနေတွေ ပြောင်းလဲ သွားတဲ့ သဘော ပါပဲ။ ရုပ်နဲ့ နှိုင်းစာရင် စိတ်ရဲ့ အပြောင်း အလဲတွေဟာ ရေတွက် လို့တောင် မရနိုင် တော့ပါဘူး။ စိတ်တွေ ဖြစ်လာလိုက် ပျောက်ပျက် သွားလိုက်နှင့် ဘယ်လို ရေတွက်နိုင် ပါ့မလဲ။ ခုဖြစ်တာ ဒါပဲလို့ ခင်ဗျားတို့ လက်ညှိုး ထိုးလိုက် တာနဲ့ တစ်ပြိုင်နက် အဲဒါက မရှိတော့ဘူး၊ ပျက်သွားပြီ၊ ပျောက်သွားပြီ၊ ကုန်ဆုံး သွားပြီ။ ဒီတော့ ပစ္စုပ္ပန် တည့်တည့်ကို ဒါပဲလို့ လက်ညှိုး ထိုးပြီး ပြစရာ ဘာမှ မရှိဘူး။ ရုပ်နာမ် ဓမ္မတွေမှာ အဲဒီလို ဆုပ်ကိုင်ပြီး ညွှန်ပြစရာ ရယ်လို့ ဘာဆို ဘာမှ မရှိဘူး။ စောစော ကဟာ ဒါပဲလို့ ထပ်တူ ထပ်မျှ အတူတူ ဖြစ်နေတာ ပြစရာ ဘာမှ မရှိဘူး။

သို့သော် ခု ခင်ဗျားတို့ ဖြစ်နေတာ တွေဟာ ဟိုတုန်းက ခင်ဗျားတို့ ဖြစ်ခဲ့ တာတွေရဲ့ ဆက်ခါ ဆက်ခါ ဖြစ်နေမှု အစဉ် သဘော ပါပဲ။ နောက်တစ်နည်း ပြောရ ရင်တော့ ခဏ တိုင်းဟာ နောက် ခဏသစ် တစ်ခု ဖြစ်အောင် ဖန်တီး နေတယ်။ ဘာမှ တစ်ဆက်တည်း သယ်လာတာ မရှိဘူး။ တစ်ခု ဖြစ်ပြီး ပျက်သွားတယ်။ အဲဒီလို ဖြစ်ပျက် သွားတာက နောက်တစ်ခု ဆက်ဖြစ် သွားအောင် ဖန်တီးခဲ့တယ်။ အဲဒီ အဆက် အစပ် သဘောပဲ ရှိတယ်။ အစီအစဉ်နဲ့ ဆက်ခါ ဆက်ခါ ဖြစ်နေတဲ့ သန္တတိ အစဉ်တော့ ရှိနေတယ်။

သေတဲ့ အချိန် ဘာဖြစ် သလဲလို့ ဆိုတော့ စုတိစိတ် ဖြစ်တယ်။ အဲဒီ စုတိစိတ်က ဘ၀ကို ဆက်ခါ ဆက်ခါ ဖြစ်စေတဲ့ နောက် ပဋိသန္ဓေ စိတ်သစ် တစ်ခုကို ဖြစ်ပေါ်အောင် ဖန်တီး ပေးခဲ့တယ်။ ဘာမှ သယ်ဆောင် လာတာ မရှိဘူး။ ၀ိဉာဉ် ကောင်က ဒီခန္ဓာက ဟိုခန္ဓာကို ကူးသွား တာမျိုး ဘာမှ မရှိဘူး။ သို့သော် နောက်ဆုံးစိတ် ဖြစ်သွား ခဲ့တဲ့ စုတိစိတ်က နောက်ထပ် ပဋိသန္ဓေ စိတ်သစ်ကို ဖြစ်ပေါ်အောင် ဖန်တီး ပေးသွား တာပဲ ရှိတယ်။

>>> ဆရာ ဦးဆန်းလွင်နှင့် ဆရာ ဦးဟန်ဌေးတို့ ဘာသာ ပြန်ဆိုသော ဂိုးလ်စတိန်း၏ ကိုယ်တွေ့ ၀ိပဿနာ စာအုပ်မှ ကူးယူဖော်ပြ မျှဝေပါသည်။

>>> ဂိုးလ်စတိန်း၏ ကိုယ်တွေ့ ၀ိပဿနာ စာအုပ်တွင် ပါသော ဒိဋ္ဌေဒိဋ္ဌ မတ္တံ အကြောင်း အရာ ဤတွင် ပြီး၏။ အလျဉ်းသင့် အဆင်ပြေ ပါက ဆရာကြီး ရွှေဥဒေါင်း ရေးသော ဒိဋ္ဌေဒိဋ္ဌ မတ္တံ အကြောင်း အရာအား ဆက်လက် ဖော်ပြပါမည်။


လေးစားစွာဖြင့်
ဖိုးသား

5/17/2009, SUN:, 10:41:28 PM



Read more...

Where Science and Buddhism Meet (Part 1)

Sunday, 17 May 2009




Video created by-Gerald Penilla
Translated by-ahlataya


အမှန်တရားကို ရှုမြင်နားလည်မှုမှာ ဗုဒ္ဓ၀ါဒနဲ့ သိပ္ပံပညာဟာ အတော်လေး ကိုက်ညီနေတဲ့ ပုံပေါ်ပါတယ်။ ဒီအမြင်တွေကို ဗုဒ္ဓဘာသာမှာတင်မက ရှေးဟောင်းအာရှ အယူအဆတွေမှာလည်း တွေ့ရနိုင်ပေမဲ့ ဗုဒ္ဓ၀ါဒဟာ နောက်ဆုံးပေါ်သိပ္ပံပညာ တွေ့ရှိချက်တွေနဲ့ သိပ်ကို လိုက်လျောညီထွေ ဖြစ်လွန်းတယ် ကြောင်းကျိုးညီညွတ်လွန်း တယ်လို့ ထင်မြင်မိတော့တယ်။

ဦးဆုံးအနေနဲ့ ဗုဒ္ဓ၀ါဒရဲ့
-သုညတသဘောတရား(Emptiness)
-အပြန်အလှန်ဆက်နွှယ်မှုသဘောတရား(Interconnectivity) နဲ့
-အစစ်အမှန်ရဲ့သဘာဝသဘောတရား (The Nature Of Reality)
သုံးခုကို ရှင်းပြပါမယ်။

ဒီသဘောတရားတွေနဲ့ ခေတ်သစ် သိပ္ပံနည်းကျ နားလည်မှုတွေရဲ့ ကိုက်ညီမှုကို ဖော်ပြဖို့ ဗီဒီယို စာအုပ်နဲ့ ၀ဘ်စာမျက်နှာတွေ အပါအ၀င် သတင်းအချက်အလက် ရင်းမြစ်တွေနဲ့ ချိတ်ဆက်ရမယ်။ ဒီဗီဒီယိုက ဘာကို အခြေခံသလဲဆိုရင် လုံးဝဥဿုံ ဆန့်ကျင်ဘက် အနေအထားနဲ့ ရှုမြင်လေ့ရှိတယ်လို့ ယူဆစရာရှိတဲ့ ရုပ်လွန်ဝါဒနဲ့ ရုပ်ဝါဒ၊ Intuative နဲ့ Rationalistic ၊ နာမ်ဝါဒနဲ့ သိပ္ပံနည်းကျ လေ့လာမှု သဘောတရား နှစ်ရပ်ဟာ တကယ်တော့ အစစ်အမှန်ကို နားလည်နိုင်ဖို့ (အသုံးချလို့ရတဲ့) နည်းလမ်းနှစ်သွယ် သို့တည်းမဟုတ် ဒင်္ဂါးပြားရဲ့ မျက်နှာနှစ်ဖက်ဖြစ်တယ်လို့ ယုံကြည်မှုကို အခြေခံတယ်။

သိပ်အရေးကြီးတဲ့ အချက်အနေနဲ့ ခေါင်းထဲထည့်ထားဖို့ကတော့ အစစ်အမှန်ရဲ့ တကယ့်အနေအထားဟာ ကျုပ်တို့ထင်မြင်နေတဲ့ အစစ်အမှန်ဆိုတာနဲ့ ဘယ်လို ကွာခြားနေသလဲ ဆိုတာကို စောင့်ကြည့်ဖို့ပဲ။

သုညတ
သုညတဆိုတာဟာ အရာအားလုံး စတင်ဖြစ်ပေါ်ပြီး အဆုံးသတ်သွားရမဲ့ သဘောတရားပဲ။ ဗုဒ္ဓက ဘာမှမဟုတ်တဲ့ သုညတကနေ အစစ်အမှန်ဆိုတာ ထွက်ပေါ်လာတယ်လို့ ပြောပါတယ်။ ရပ်နေတဲ့ ခင်ဗျားသူငယ်ချင်း၊ ချထားတဲ့ ထိုင်ခုံ၊ ခင်ဗျားကြည့်နေတဲ့ ကွန်ပြူတာနဲ့ ခင်ဗျားကိုယ်နှုိက်ဟာ ဒီအခိုက်အတန့်မှာကိုပဲ သုညတ ( ဘာမှမဟုတ်ခြင်း ဘာမှမရှိခြင်း) ကနေ ဖြစ်လာတာပဲ။

ပိုနားလည်အောင် ဥပမာပြရရင် ဆင်တစ်ကောင်နဲ့ ခင်ဗျားကိုယ်ခင်ဗျား ကို အိပ်မက်ထဲမှာ တွေ့ရတယ်ဆိုပါစို့။ ခင်ဗျားကတော့ ထင်မယ် "ဒါက ငါပဲ၊ ဒါက ဆင်ပဲ" စသည်ဖြင့်ပေါ့။ ဒါဟာ နောက်ထပ် ဖြစ်ပေါ်မဲ့ အထင်အမျိုးမျိုးအတွက် အခြေခံပဲဗျ။ ဒါပေမဲ့ ခင်ဗျားအိပ်ရာကနိုးတဲ့ အခါကျရင်တော့ ဒီဆင်တွေ လူတွေ ဆိုတဲ့ ထင်မြင်မှုနဲ့ တကွ အိပ်မက်ထဲက အဖြစ်အပျက်တွေ အားလုံးကို အမှန်အတိုင်း သဘောပေါက်သွားမှာပဲ။ ဒီအိပ်မက်ကို ဖြစ်စေတဲ့ အရင်းအမြစ်မှာ တကယ်တော့ အခြားအိပ်မက် ကမ္ဘာအသီးသီးကိုလည်း ဖြစ်စေနိုင်တဲ့ အနန္တစွမ်းရည် ရှိတယ်။

နောက် ဥပမာပေးပါရစေဦး။ စာအုပ်တစ်အုပ်ရဲ့ စာမျက်နှာတစ်ခု။ အဲဒီစာမျက်နှာမှာ စာလုံးတွေမရှိသေးဘူး။ ဗလာ။ ဒီစာရွက်ကိုယ်နှိုက်မှာ ဘာအချက်အလက်မှ မရှိပေမဲ့ စကားလုံးတွေ၊စာကြောင်းတွေ ဇာတ်လမ်းတွေအမြောက်အမြား ဖြစ်ပေါ်ဖို့အတွက် အစွမ်းသတ္တိရှိနေတယ်။

ဒါကြောင့် သုညတဆိုတာဟာ ဖြစ်နိုင်သမျှအရာအားလုံးကို ဖြစ်စေနိုင်တဲ့နယ်ပယ် လို့ နားလည်နိုင်တယ်။ ဒါတွေကို နားလည်နိုင်ဖို့ ကျုပ်တို့ရဲ့ နားလည်မှုကို ရုပ်သဘောတရား ရဲ့ အမှန်တရား ဘက်မှာ စတင်ရှာဖွေ ဖတ်ရှုကြရမယ်။

တာအိုဝါဒရဲ့ တာအို ဟိန္ဒူဘာသာရဲ့ ဗြဟ္မာ လို့သိကြရတဲ့ ဒီသုသြတသဘောတရားဟာ ကွမ်တမ်ရူပဗေဒရဲ့ Quantam Field အယူအဆနဲ့ ကိုက်ညီနေတာကို တွေ့ရတယ်။ အရင်ဆုံး ရုပ်ရဲ့အမှန်တရား ဟာ ဘယ်လိုသဘာဝရှိလဲဆိုတာ ဖော်ပြမယ်။

ကိုက်ညီမှု

ရုပ်ဟာ ဒွိသဘာဝရှိတယ်။ ကျုပ်တို့သိထားတဲ့ ရုပ်သဘာဝကို လှိုင်းသဘာဝ(တနည်းရုပ်လွန်သဘာဝ) နဲ့ အမှုန်သဘာဝ(ရုပ်သဘာဝ) နှစ်ခုစလုံးနဲ့ လုပ်ထားတယ်။ အမှုန်ရဲ့ အဲဒီ လှိုင်းသဘာဝမှာ နေရာအတိအကျ အချိန်အတိအကျမရှိတဲ့အပြင် စကြာဝဠာတစ်ခုလုံးကို ပျံ့နှံ့ပြီး တည်နေတယ်။

ခင်ဗျားရဲ့လက်ထဲမှာ ပန်းသီးတစ်လုံး ရှိတယ်လို့ ပုံဖော်ကြည့်။ အဲဒီပန်းသီးဟာ ခင်ဗျားလက်ထဲမှာ ရှိရုံတင်မက သူ့ရဲ့ လှိုင်းသဘာဝဟာ အခြေအနေအရပ်ရပ်ကို ပျံ့နှံ့နေတယ်။ ကိုင်း ဒါက ဘယ်လိုဖြစ်ရတာလဲ။ အစိုင်အခဲသဘာဝ ရှိတဲ့ အရာဝတ္ထုဟာ တချိန်တည်းမှာပဲ အစိုင်အခဲမဟုတ်တဲ့ သဘောလည်း ရှိနေတယ်ဆိုတာ ဟုတ်ပါ့မလား။

နေရာနဲ့အချိန်အတိအကျရှိတဲ့ အရာဝတ္ထုတစ်ခုဟာ တချိန်တည်းမှာ ကျယ်ပြန့်တဲ့ နယ်ပယ် အာကာသမှာ ပျံ့နှံ့တည်ရှိနေတယ်တဲ့ ဒါ.. ဘယ်လိုဖြစ်ရတာလဲ။

အကြိမ်ပေါင်းထောင်ပေါင်းများစွာ လက်တွေ့စမ်းသပ်မှုတွေလုပ်တယ် အဖြေက ဒီအတိုင်းပဲဆိုတော့ အံ့သြဖွယ်ကောင်းတဲ့ ဒီဖြစ်တည်မှုဟာ အဓိပ္ပါယ်ရှိနေတယ်။ အစက ဒီရလာဒ်တွေဟာ ရူပဗဒသမားတွေကို ခေါင်းခဲစေပြီး ထင်ရှားတဲ့ ချွင်းချက် ကြီးတစ်ခုဖြစ်ရတယ်။ လေ့လာမှုတွေအရတော့ အရာဝတ္ထုတစ်ခုမှာ လှိုင်းသဘာဝဆောင် ပြီး အမှုန်ကလည်း လှိုင်းသဘာဝဆောင်တယ်ဆိုတာမှာ အဆုံးသတ်သွားတယ်။

လူရဲ့သိမြင်မှု
လူတွေဟာ အမှုန်ရဲ့သဘာဝ ဆိုတာကို ကြိုတင်ကောက်ချက်ချထားတာ မဟုတ်ပဲနဲ့ စိတ်ကလက်ခံရတဲ့ အချိန်မှာမှ အဓိပ္ပါယ် သတ်မှတ်ကြတာ ဖြစ်တယ်။ ဒါကြောင့် အစိုင်အခဲရဲ့သဘာဝ ဆိုတာကြီးက တကယ်ရှိတဲ့ပုံပေါ်နေတာ။ အဲဒါဟာ အခြေခံရှုထောင့် တွေဖြစ်တဲ့ လှိုင်းသဘာဝနဲ့ အမှုန်သဘာဝ နှစ်ခုအနက်က တစ်ခုတည်းကို ရှုမြင်တာဖြစ်လေတယ်။

အက်တမ်ရဲ့ဟင်းလင်းပြင်သဘော
အက်တမ်တစ်လုံးရဲ့ ၉၉.၉၉၉၉၉၉၉၉၉၉၉၉%(ဒသမနောက် ကိုး၁၂လုံး) ဟာ ဟင်းလင်းပြင်ကွက်လပ်ကြီး ဖြစ်တယ်။ မူလအစွဲတွေရဲ့ အားတွေကို ဆန့်ကျင်ပြီးတော့ ကျုပ်တို့ - မိမိကိုယ်ကိုယ်နဲ့ အစစ်အမှန်တရား အပေါ် သုံးသပ်ကြရအောင်။

အကယ်၍ ကျုပ်တို့ခန္ဓာကိုယ်နဲ့ ကျုပ်တို့ရဲ့ ပတ်ဝန်းကျင်က အရာအားလုံးရာ ဟင်းလင်းပြင်ကြီး အများစုဖြစ်နေမယ်ဆိုရင် ဘာကြောင့် အရာဝတ္ထုတွေကို မြင်နေရပြီး အစိုင်အခဲတွေကို ခံစားလို့ရနေတာလဲ။ဒီအစိုင်အခဲအဖြစ် ခံစားရမှုဟာ အမှန်တကယ်တော့ အက်တမ်တွေရဲ့ အချင်းချင်း တွန်းကန်တဲ့ ခံစားမှုပါပဲ။ သူဟာ လျှပ်စစ်သံလိုက်ရဲ့ မျိုးတူရာထိပ်နှစ်ခုကို အတူတူချထားတဲ့အခါ တွန်းကန်တဲ့ ဥပမာအတိုင်းပါ။

လက်တွေ ခြေထောက်တွေ လက်ချောင်းတွေဟာ ဘယ်အရာကိုမှမထိဘူး တကယ်ကတော့ ပထ၀ီဓာတ်ကို ထင်ယောင်ထင်မှား ဖြစ်စေလောက်တဲ့ တွန်းအားကိုခံစားရတာပဲ။

ယုံချင်ယုံမယုံချင်နေ ခင်ဗျားဟာ ခင်ဗျားထိုင်နေတဲ့ ကုလားထိုင်နဲ့ တကယ်ထိနေတာ မဟုတ်ဘူး။ ခန္ဓာကိုယ်နဲ့ ကုလားထိုင်တို့ရဲ့ အက်တမ် အချင်းချင်း တွန်းကန်နေတယ်လို့ ဆိုရမယ်။ အရာအားလုံးနဲ့ သက်ဆိုင်ပြီး အစိုင်အခဲသဘာဝ ရှိတယ်လို့ ထင်မြင်စေတဲ့ တကယ့် အစစ်အမှန် သဘောတရားကတော့ စွမ်းအင် လှုပ်ရှားမှုတွေ သက်သက် ဖြစ်ပြီး တကယ့်ရုပ်တရားကြီး တော့ မဟုတ်ပေဘူး။

ခင်ဗျားရဲ့ ခန္ဓာကိုယ် တစ်ခုတည်းသာ မက ခင်ဗျားမြင်သမျှ အရာအားလုံးဟာ ဟင်းလင်းပြင်ကအများစု ဖြစ်ပြီး ခင်ဗျားရဲ့အတွေ့အကြုံတွေ နဲ့ အပြန်အလှန်ဆက်သွယ်မှုတွေ အားလုံးကို ဘာမှမရှိတဲ့ သုညတက လွှမ်းမိုးထားတာဖြစ်တယ်။

-We may therefore regard matter as being constituted by the regions of space in which the field is extremely intense.....

-There is no place in this new kind of physics field both for the field and matter, for the field is the only reality..!!

(Einstein)

ကွမ်တမ်စက်ကွင်း
ကွမ်တမ်ရူပဗေဒမှာ ကွမ်တမ်စက်ကွင်း(Quamtam field) ဆိုတာရှိတယ်။ သူက လျှပ်စစ်သံလိုက်စက်ကွင်း ဖြစ်ပြီး သူကနေ ရုပ်အားလုံး ဖြစ်လာရတာ။ ဒီစက်ကွင်းထဲက ထွက်လာတဲ့ အမှုန်တွေဆိုတာဟာ သီးခြားရှိနေတာ မဟုတ်ဘဲနဲ့ အမှန်ကတော့ စနစ်တစ်ခုထဲက အမျိုးမျိုးသောပုံသဏ္ဍာန် တွေပါပဲ။

လှုပ်ရှားနေတဲ့ သမုဒ္ဒရာကြီးတစ်ခုကို ကွမ်တမ်စက်ကွင်းအနေနဲ့ ပုံဖော်ကြည့်ပါ။ လှိုင်းတစ်ခုဟာ ထက်အောက် စဉ်ဆက်မပြတ် လှုပ်ရှားနေပြီး လှိုင်းရဲ့ ထိပ်ပိုင်းသေးသေး ငယ်ငယ်လေးဟာ ရုပ်သဘာဝ ထွက်ပေါ်လာတဲ့ နေရာပဲ။ ပင်လယ်ရဲ့ တခြားအပိုင်းတွေကတော့ ရှုမြင်နိုင်မှုရဲ့ အပြင်အပမှာ ရှိတယ်။ သို့သော် အဲဒီအပိုင်းတွေမှာလည်း ရုပ်သဘာဝ ထွက်ပေါ်ဖို့ အစွမ်းသတ္တိရှိတယ်။

ဒါကြောင့် ရုပ်တွေအားလုံးဟာ ကွမ်တမ်စက်ကွင်းက စတင်ဖြစ်ပေါ်ပြီး ကွမ်တမ်စက်ကွင်းမှာပဲ အဆုံးသတ်တယ်။ ဆက်တိုက် ဖြစ်နေတဲ့ ဒီစက်ကွင်းဟာ နေရာနဲ့ အချိန်အားလုံးကို ပျံ့နှံ့နေတယ်။

ဒီသဘောတရားဟာ သုညတသဘောတရားနဲ့ အပြည့်အ၀ ကိုက်ညီနေပုံရတယ်။ ဒီစက်ကွင်းထဲကနေ ကျုပ်တို့သိမြင်တဲ့ အမှုန်တွေကို သာလျှင်မက အက်တမ်တစ်လုံးချင်းရဲ့ အခြေခံရင်းမြစ်တွေကိုပါ ထွက်လာစေတယ်။ ဒါကြောင့် ဒီစက်ကွင်းဟာ စကြာဝဠာအတွင်းထဲက ကျုပ်တို့အားလုံးကို တသားတည်းဖြစ်နေစေတဲ့ အရာပေပဲ။

ပုဂ္ဂလသဘောမရှိခြင်း
ဗုဒ္ဓဘာသာမှာ ရှိတဲ့ ဒီသဘောတရားဟာ စကြာဝဠာအတွင်းမှာရှိတဲ့ အရာအားလုံးရဲ့ အပြန်အလှန်ဆက်သွယ်မှု ရှိတယ်ဆိုတဲ့ အမြင်ပါပဲ။ ကမ္ဘာပေါ်မှာ ကျုပ်တို့ သီးခြားသီးခြားဆီ ရှိနေတယ်ဆိုတဲ့ အမြင်ဟာ ထင်ယောင်ထင်မှား ဖြစ်မှုပါပဲလို့ ယူဆထားတယ်။ ကျုပ်တို့နဲ့ စစ်မှန်မှုရဲ့ တကယ့်သဘာဝကတော့ တသားတည်းဖြစ်မှုနဲ့ ပုဂ္ဂလသဘောမရှိမှုပါပဲ။ ဒီအမြင်တွေဟာ ရူပဗေဒနဲ့ ဘယ်လိုကိုက်ညီနေသလဲဆိုတာကို ကြည့်ကြရအောင်...

အပိုင်း(၂)......

Video created by-Gerald Penilla
Translated by-ahlataya



Read more...

လာလည်ကြသူများ

ဤဘလော့ဂ်၏ ရည်ရွယ်ချက်

ယခုအခါ ကမ္ဘာတလွှားတွင်ရှိနေကြသော ဓမ္မဘလော့ဂ်ဂါများသည် နေ့ စဉ်နှင့် အမျှ အင်တာနက် စာမျက်နှာများ ပေါ်တွင် ဓမ္မနှင့်သက်ဆိုင်သော အကြောင်းအရာ အမျိုးမျိုးကို ပို့ စ်များရေးတင်လျက် ရှိနေကြပါသည်။

ဘလော့ဂ်ဂါများမှ မိမိတို့ ၏ကိုယ်ပိုင် စာမျက်နှာများမှတဆင့် ရေးတင်နေကြသဖြင့် ဖတ်ရှုလေ့လာသူများအတွက် နေရာများစွာသို့  သွားရောက် ဖတ်ရှုနေကြရပါသည်။

ထို့ ကြောင့် စာဖတ်သူများ အချိန်ကုန်သက်သာစေရန်နှင့် မိမိတို့  ဖတ်ရှုလိုရာကို လွယ်လင့်တကူ ရှာဖွေနိုင်ရန် နေ့ စဉ်ရေးသား နေကြသော အကြောင်းအရာများကို တနေရာတည်းတွင် စုစည်းပေးလိုသော ရည်ရွယ်ချက်ဖြင့် ဤဘလော့ဂ်ကို စီစဉ်လိုက်ခြင်းဖြစ်ပါသည်။

ပြောချင်တာများရှိရင် ရေးပေးထားခဲ့ပါ

မြန်မာပြက္ခဒိန်

မြန်မာပြက္ခဒိန်
www.burmeseclassic.com မှ ကူးယူဖော်ပြပါသည်။

  © Blogger templates The Professional Template by Ourblogtemplates.com 2008

Back to TOP