* သဗ္ဗဒါနံ ဓမ္မဒါနံ ဇိနာတိ၊ * သဗ္ဗရသံ ဓမ္မရသော ဇိနာတိ။

* သဗ္ဗဒါနံ ဓမ္မဒါနံ ဇိနာတိ၊     * သဗ္ဗရသံ ဓမ္မရသော ဇိနာတိ။

နမတ္ထု ဗုဒ္ဓါနံ နမတ္ထု ဗောဓိယာ။ နမော ဝိမုတ္တာနံ၊ နမော ဝိမုတ္တိယာ။

ဘုရားရှင်တို့ အား ရှိခိုးပါ၏။
ဘုရားရှင်တို့ ၏ မဂ်ဥာဏ် ဖိုလ်ဥာဏ်အား ရှိခိုးပါ၏။
ကိလေသာတို့ မှ လွတ်မြောက်တော်မူကြသော ဘုရားရှင်တို့ အား ရှိခိုးပါ၏။
ထိုဘုရားရှင်တို့ ၏ ဝိမုတ္တိငါးပါးအား ရှိခိုးပါ၏။

ကရုဏာလက်များ ကမ်းလင့်ပေးပါ...

ကရုဏာလက်များ ကမ်းလင့်ပေးပါ...
စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။

ပညာရေးအလှူတော် နှိုးဆော်ချက်


ရန်ကုန်မြို့ အသောကာရာမ သီလရှင်စာသင်တိုက်မှ နဝမတန်း ဖြေဆိုမည့် သီလရှင် ဆရာလေးများအတွက် ဆရာ၊ ဆရာမများ လစဉ် ထားပေးနိုင်ရန် ပညာရေးအလှူရှင်များ လိုအပ်နေပါသည်။ ရွှေစေတီ ဘုန်းတော်ကြီးသင်ပညာရေးကျောင်းတွင်လည်း ဆင်းရဲနွမ်းပါးသည့် ၉ တန်းနှင့် ၁၀ တန်း ကျောင်းသားများ ကျောင်းအိပ်ကျောင်းစား နေထိုင်ပညာဆည်းပူးနိုင်ရေးအတွက် ကူညီထောက်ပံ့မည့် ကုသိုလ်ရှင်များ လိုအပ်လျက် ရှိပါသည်။ စေတနာရှင် အလှူရှင်များ အနေဖြင့် ထေရဝါဒ ဗုဒ္ဓဘာသာ လူငယ်များအသင်း http://www.mmtheravada.org ဖုန်း
09-73062811, 09-5505176 သို့ ဆက်သွယ်လှူဒါန်းကြစေလိုပါသည်။

သီလရှင် ဆရာလေးများနှင့် ကလေးများ ဇွန်လအမီ ကျောင်းတက်နိုင်ရေးအတွက် ကာလဒါန ကုသိုလ်အဖြစ် သဒ္ဓါတတ်အား နည်းများမဆို လှူဒါန်းကူညီကြပါရန် နှိုးဆော်အပ်ပါသည်။

ဝိမုတ္တိရသ အဖွဲ့သားများ

------------------------
နောက်ဆက်တွဲသတင်း.....

ပညာရေးအလှူတော်လှူဒါန်းမည့်အစီအစဉ်

ထေရ၀ါဒဗုဒဘာသာ လူငယ်များ အသင်းမှ ဦးစီး၍ (၂၀၁၁) ခုနှစ်တွင် န၀မတန်းသို့ တက်ရောက်မည့် ကျောင်းသား (၂၅) ယောက်နှင့် ကျောင်းသူ (၂၅) ယောက်အား ပညာရေးထောက်ပံ့မှုပြုလုပ်ပေးနိုင်ရန် စီစဉ်ထားပါသည်။

ပြုလုပ်မည့်အစီအစဉ်

ကျောင်းသားများအား ရွှေစေတီဘုန်းကြီးကျောင်း (ဆရာတော် ဦးတေဇန္ဒိ၊ ခ/(၃) ရက်ကွက်၊ ရွှေစေတီကျောင်း၊ မင်္ဂလာဒုံမြို့နယ်) တွင်ထားရှိမည်ဖြစ်ပြီး ကျောင်းသားများသည် မိမိတို့ ဆန္ဒအလျောက် ကိုရင်ဝတ်လိုကလည်း ၀တ်နိုင်ပါသည်။ ကျောင်းသူများအား အသောကာရာမ သီလရှင်စာသင်တိုက် (ဆရာလေးဒေါ်သုနန္ဒာ (ဖုန်း-၀၉-၈၆၂၈၈၁၁)၊ ၀ါယာလက်ဈေးမှတ်တိုင်၊ ရွှေနှင်းဆီရပ်ကွက်၊ မင်္ဂလာဒုံမြို့နယ်) တွင်ထားရှိပါမည်။ အသောကာရာမကျောင်းမှ သီလရှင်များသာလက်ခံသည်ဖြစ်၍ ကျောင်းသူများမှာ သီလရှင်ဝတ်ရပါမည်။ သီလရှင်များတက်ရောက်ရမည့် အ.ထ.က ကျောင်းမှာ အသောကာရာမ ကျောင်းမှလက်ရှိ သီလရှင်များ တက်ရောက်နေသော ကျောင်းဖြစ်၍ ပညာသင်ကြားမှုတွက် အခက်အခဲ မရှိနိုင်ပါ။ စာသင်သူများ စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။ အသေးစိတ်ဆောင်ရွက်မည့် အချက်အလက်များအားလည်း ဆက်လက်ဖော်ပြသွားပါမည်။

လျောက်ထားမည့် သူများ ပြည့်စုံရမည့်အချက်များမှာ

(က) ကျောင်းသူများမှာ သီလရှင်ဝတ်နိုင်ရပါမည်။

(ခ ) မိဘများမှ နေထိုင်ရန်ခွင့် ပြုသူဖြစ်ရပါမည်။

(ဂ ) စာသင်သားများနေထိုင်မည့် ကျောင်းတွင်း စည်းကမ်းများကို တိကျစွာလိုက်နာရပါမည်။

(ဃ) ကျောင်းထားရန် အမှန်တကယ်အခက်အခဲ ရှိနေသူဖြစ်ရပါမည်။

အထက်ပါအချက်အလက်များနှင့် ပြည့်စုံသူများသည် ထေရ၀ါဒဗုဒ္ဓဘာသာလှူငယ်များ အသင်းသို့ ဆက်သွယ်မေးမြန်းနိုင်ပါသည်။ (http://mmtheravada.org)

ဆက်သွယ်ရန်လိပ်စာ

ကိုထွန်းထွန်းလှိုင်

ဖုန်း ၀၉-၇၃၀၆၂၈၁၁

htunhtunhlaing82@gmail.com

winthu.tbyo@gmail.com

thantzin83@gmail.com

Monday, April 27, 2009

သင် ယခု အလှူခံပါ...။



ဘုရားက ရောင်စုံမဟုတ်ပါဘူး ရွှေရောင်ပါ မိမိအိမ်က စံကျောင်းတော်ရောက်မှ ရောင်စုံ ဆလိုက်ထိုးလိုက်ပါ


အလိုတော်ပြည့် ဆင်းတုတော်
ဉာဏ်တော်အမြင့် ၆-လက္မ
ဒူးတော်နှစ်ဘက် ၃-လက္မအကျယ်
လောလောဆယ် ၁၀-ဆူ ဒါနပြုပါမည်။

ငွေနှင့်ဝယ်ရန်မလို...
လမ်းစားရိတ် ပေးစရာမလို...
ပို့ရမည့် လိပ်စာကိုသာ male ပို့ပေးလိုက်ပါ...

လိပ်စာနှင့်ပတ်သက်၍ နောက်တစ်ကြိမ် မဆက်သွယ်ပါ
ဒီကိစ္စနှင့်ပတ်သက်၍ မည်သည့်နေရာတွင်မှ စာတင်ရန် အစီအစဉ်မရှိ

ဘုရားအလှူရှင်နှင့် ဘုန်းကြီးတိုင်ပင်၍ တရုတ်ပြည်မှာ ပြုလုပ်ပါသည်။
ဘုန်းကြီးသို့ အဆူ ၅၀၀-လှူထားပါသည်။
ကျောင်းနှင့်နီးစပ်သောသူများကို
အခမဲ့ လှူဒါန်းပြီး ဖြစ်ပါသည်။
နောက်ထပ်လိုအပ် ပင့်ဆောင်လိုက လာရောက်အလှူခံ နိုင်ပါသေးသည်။

ဤဆင်းတုတော် လှူနေသည်မှာ ၃-နှစ်ကျော်ပါပြီ။
ပြုလုပ်သည်မှာ ပုံတော် ၃-မျိုးဖြစ်ပါသည်
ပြောရလျှင် ဒီဘုန်းကြီး အတ္တကြီးသည် အပြောခံရပါဦးမည်။ မတတ်နိုင်ပါ။
အလိုတော်ပြည့် ပုံတော်လေးသာ
အလှူခံထားလိုက်ပါသည်...။


၎.၂၄.၂၀၀၉

အစပထမတော့ စာတိုက်ပို့ပေးမယ့်သူရဲ့ အခက်အခဲလေးကြောင့်
၁၀-ဆူသာ လှူပါဦးမယ်လို့ ဆိုခဲ့ပါတယ်။

ဒကာဒကာမတို့ ကုသိုလ်ထူးကြောင့်...
ကျောင်းနဲ့နီးစပ်သော ဒကာဒကာမများမှ အလှူခံသူများထံသို့ ပို့ပေးပါ့မယ်ဆိုတဲ့အတွက် နောက်ထပ် အလှူခံနိုင်ပါသေးတယ်၊
((အရှင်သူမြတ်တို့လည်း အလှူခံနိုင်ပါသည်ဘုရား))

တချို့ကလည်း ဘုန်းကြီးကိုအားနာလို့ အလှူမခံသေးဘူးလို့ သိရပါတယ်။ အားနာ စရာမဟုတ်ပါ အလှူခံနိုင်ပါတယ်။ အလှူခံသူရှိမှသာ လှူလိုသူမှာ ဒါနဖြစ်ပါတယ်။ အလှူခံသူရဲ့တန်ဖိုးဟာ ဒါနကောင်းမှုတစ်ခု ဖြစ်စေပါလားလို့ မြင်အောင်ကြည့် တတ်ကြရအောင်...။

တချို့ကလည်း ငါတို့နဲ့က ခင်တာမဟုတ်ဘူး ခုမှ သွားပြီးအလှူခံလို့ မကောင်းပါ ဘူး ရှက်စရာကြီး ဒီလိုလဲ ရှိကြပါဦးမယ်။ မဖြစ်ကြပါနဲ့ မည်သူ့ကိုဖြစ်ဖြစ် ဒါနတစ်ခု ဖြစ်ဖို့ အတွက်သာ ရည်ရွယ်တာပါ၊ အမည်မမှန်လဲရပါတယ်၊ အမည်နေရာမှာ တစ်ခုခုပါရင် ရပါတယ်၊ ဒါကခေါ်ဝေါ်ရုံမျှသာပါ။ လိုရင်းက ပို့ပေးရမယ့်လိပ်စာ လေး မှန်ဘို့ပါပဲ။ ဒါဆိုရပါပြီ။ အလှူခံနိုင်ကြပါတယ်...။

တချို့က ဘုန်းကြီးကို ဒီလိုလှူတာ သေဌေးနဲ့တူပါတယ် ဆိုတာလဲ ရှိကြလိမ့်ဦး မယ်။ ဘုန်းကြီးသေဌေး မဟုတ်ပါ...။ ဘုန်းကြီးအိတ်ထောင် နှစ်ဖက်လုံး ပိတ်ထား ပါတယ်၊ အ၀င်လည်း မရှိပါ အထွက်လည်းမရှိပါ ယခုအလှူဆို လက်ဆယ်ချောင်း နှင့် နှိပ်ရုံသာ။

ယခု တရားသဘောလေးပြောပါ့မယ်...

အလှူခံရမှာ ရှက်စရာကြီး ဆိုတာရယ် အလှူခံရှိမှ ဒါနဖြစ်တယ်ဆိုတာရယ်...

ဘုန်းတော်ကြီးများ ရဟန်းခံ သာမဏေ၀တ်ပြီ ဆိုကထဲက ဆရာဘုန်းကြီးများက သင်ပေးလိုက်ပါတယ်၊ သင့်မှာရှိတဲ့ ကိုယ်ပိုင်သပိတ်နဲ့ သင် အလှူခံစားရမယ်လို့... မိမိနဲ့ ဆွေမတော် မျိုးမတော်သူတွေထံမှာ သပိတ်တစ်လုံးပိုက်လို့ အိပ်ပေါက်စေ့ လှူလိုမှန်းမသိ မလှူလိုမှန်းမသိနဲ့၊ မျက်နှာလေး အောက်ချ မိမိမှာ ရှိရှိသမျှ မာနတွေခွါပြီး အလှူခံစားနေရသူ ရဟန်းသံဃာတော်များရဲ့ဘ၀၊ ရှက်ရွံ့မှုတွေ ဘယ်လောက်ရှိကြမလဲ စဉ်းစားကြည့်ကြပါ ဒကာဒကာမတို့၊ သူတော်ကောင်းဓါတ် ကိန်းတော်မူကြတဲ့ ဘုန်းတော်ကြီးများဟာ ဒီအသိလောက်နဲ့တင်ကို သူတို့မှာ ရှိကြတဲ့ မာနတရားတွေ အလွှာလိုက် အလွှာလိုက် ကွာကျသွားစေပါတယ်။

အလှူခံပုဂ္ဂိုလ်တွေ အမျိုးအားဖြင့် ၁၄-မျိုးရှိပါတယ်... ၁၄-မျိုးထဲက တစ်မျိုးမျိုးနဲ့ တွေ့မှသာ ဒါနတစ်ခု ဖြစ်ကြရပါတယ်။ ဒါ့ကြောင့် ဒို့လို အလှူခံပုဂ္ဂိုလ်တွေ ရှိဘို့ အရေးကြီးပါလားလို့ သိပေးပါ...။ ဒါ့ကြောင့် သင် ယခု အလှူခံပါ...။

ဒီအလှူခံ ပုဂ္ဂိုလ်တွေထဲမှာ သီလ သမာဓိ ပညာ ပြည့်ဝသူများဟာ အကောင်းဆုံး အလှူခံတွေပေါ့...။ သီလ သမာဓိ ပညာ ပြည့်ဝသောသူများဟာလည်း၊ မြတ်ဗုဒ္ဓ သာသနာမှာပဲ ရှိပါတယ်။ ရှာနိုင်ကြပါစေ...။ လွယ်ကူစွာ တွေ့နိုင်ကြပါစေ...။

တကယ်လို့များ ဒကာဒကာမတို့ဘက်က အလှူခံပြီး...
ဘုန်းကြီးဘက်ကများ လှူဒါန်းမှု မပြုခဲ့သေးသော်...
ဒီလိုလေး သိပေးလိုက်ပါ ဒီဘုန်းကြီး အနားယူသွားပေါ့...

မြတ်ဗုဒ္ဓက ဆုံးမထားတယ်လေ...
ဘုန်းကြီးတို့မှာ ရရှိထားတဲ့ ဒီခန္ဓာက မမြဲဘူး ဆင်းရဲတယ် အစိုးမရဘူးလို့...

ဟိုရေးဒီရေးနဲ့ စာရေးမကောင်းတော့ ပျင်းနေလိမ့်မယ်...
ရီစရာဖြစ်အောင် ကိုယ့်အကြောင်းတော့ ကြွားထားလိုက်ပါဦးမယ်...

အညာသား (ကျပ်မပြည့်) ဆိုတော့ အစက အသားက ဖြူညိုညိုပါ...
ခု အေးတဲ့ဒေသ ရောက်လာတော့ အသားလေးက ၀ါလာပြီလေ...
ဘုန်းကြီးဆိုတော့ ပိုလှလာပြီလို့တော့ မဆိုလိုပါဘူးနော်...

အားလုံး စိတ်ချမ်းသာကြပါစေ...
ဒုက္ခဆင်းရဲကင်းဝေးကြပါစေ...

ဦးလောကနာထ
၎.၂၄.၂၀၀၉

(ဘုန်းဘုန်း နှင့် ဘုန်းဘုန်းရဲ့ ဒကာ၊ ဒကာမများ၏ ဒါနပါရမီ ဖြည့်ဆီးမှုအပေါ် ကြည်ညိုလေးစားမိပါသောကြောင့် ဒီပို့ စ်ကို လက်ဆင့်ကမ်းဝေမျှခြင်းဖြစ်ပါသည်။ ဘုန်းဘုန်းထံ ဆက်သွယ်အလှူခံလိုပါလျင် lawkanartha@gmail.com သို့  အီးမေးလ်ပို့ ၍ (သို့ ) www.lknt.org ဆိုက်ရှိ cbox တွင် စာရေးသားထားခဲ့ခြင်းဖြင့် ဆက်သွယ်အလှူခံနိုင်ကြပါတယ်ခင်ဗျား။ ၀ိမုတ္တိသုခ)


Read more...

ရထားကြီးနှစ်စင်း

နမော တဿ ဘဂ၀တော အရဟတော သမ္မာသမ္ဗုဒ္ဓဿ

နောက်ပါရထားတွဲကြီး(၉)တွဲစီပါဝင်သော ရထားခေါင်းကြီးနှစ်စင်းသည် အရှိန်အဟုန်ပြင်းစွာ ဖြင့် ခုတ်မောင်းနေပါသည်။ လက်တစ်ဖျစ်အတွင်း ကုဋေတစ်သိန်းကျော်အရှိန်ဖြင့် ခုတ်မောင်း နေခြင်းဖြစ်သည်။ မည်မျှ မြန်ဆန်လိုက်ပါသနည်း။ အံ့သြစရာကောင်းသည်မှာ ထိုရထားကြီး နှစ်စင်း၏ မောင်းနှင်နေကြသော ရည်ရွယ်ချက်များ မတူကြပေ။ ထိုရထားကြီးနှစ်စင်းအနက် တစ်စင်းက လမ်းဆုံးဘူတာသို့ရောက်အောင် လမ်းဖြောင့်အတိုင်း ခုတ်မောင်းနေပြီး ကျန် တစ်စင်းကတော့ အဆုံးမရှိသော ပတ်လမ်းအတိုင်း ခုတ်မောင်းနေခြင်းဖြစ်သည်။


ရထားခေါင်းကြီးနှစ်စင်းဆိုသည်မှာ ဖြောင့်မတ်စွာအယူရှိခြင်း(ဒိဋ္ဌိဇုကမ္မ)ဦးဆောင်သော ခေါင်း တွဲနှင့် အယူမှားခြင်း(မိစ္ဆာဒိဋ္ဌိ)ဦးဆောင်သော ခေါင်းတွဲတို့ပင်ဖြစ်၏။ လက်တစ်ဖျစ်အတွင်း ကုဋေတစ်သိန်းကျော်အရှိန်ဆိုသည်ကား ထိုကာလအတွင်း စိတ်သည် ကုဋေတစ်သိန်းကျော် မျှ ဖြစ်ပျက်မှု မြန်လှသောကြောင့် ကုသိုလ်စိတ်ဖြစ်လျှင်လည်း ကုသိုလ်စိတ်ကုဋေတစ်သိန်း ကျော်ဖြစ်ပြီး အကုသိုလ်ဖြစ်လျှင်လည်း အကုသိုလ်စိတ် ကုဋေတစ်သိန်းကျော် ဖြစ်ပျက်ကြပေ သည်။ ဒိဋ္ဌိဇုကမ္မ ဦးဆောင်သော ပုညကိရိယာ(၁၀)ပါးတို့သည် သံသရာဝဲရဟတ်မှ လွတ်မြောက်ရာအမှန် ပြည်နိဗ္ဗာန်သို့ ဖြောင့်မတ်စွာ သွားနိုင်အောင် လုပ်ဆောင်ပေးကြပြီး မိစ္တာဒိဋ္ဌိ ဦးဆောင်သော ဒုစရိုက်(၁၀)ပါးတို့ကတော့ သံသရာဝဲရဟတ်မှ ရုံးမထွက်နိုင်အောင် လုပ် ဆောင်ပေးနေကြခြင်းဖြစ်၏။

ဒိဋ္ဌိဇုကမ္မဦးဆောင်သော ပုညကိရိယာ(၁၀)ပါးတို့မှာ-
(၁) ဒါန = ပေးကမ်းလှူဒါန်းခြင်း၊
(၂) သီလ = သီလဆောက်တည်ခြင်း၊
(၃) ဘာဝနာ = ကမ္မဋ္ဌာန်းဘာဝနာ ပွားများခြင်း၊
(၄) အပစာယန = ဘုရား၊ တရား၊ သံဃာနှင့် မိဘဆရာသက်ကြီးရွယ်အိုစသော ရိုသေ
ထိုက်သူတို့ကိုရိုသေခြင်း၊
(၅) ဝေယျာဝစ္စ = ရိုသေလေးစားထိုက်သူတို့နှင့် သက်ဆိုင်ရာ ကောင်းမှုဆောင်တာ
များ ဆောင်ရွက်ခြင်း၊
(၆) ပတ္တိဒါန = မိမိရရှိသော ကုသိုလ်အဖို့ကို အမျှပေးဝေခြင်း၊
(၇) ပတ္တာနုမောဒနာ = သူတစ်ပါးတို့ပေးဝေသော ကုသိုလ်အဖို့ကို သာဓုခေါ်ဆိုခြင်း
(၈) ဓမ္မသ၀န = သူတစ်ပါးတို့ ဟောကြားသောတရားကို နာကြားခြင်း၊
(၉) ဓမ္မဒေသနာ = ကိုယ်က သူတစ်ပါးတို့ကို တရားဟောပေးခြင်း၊
(၁၀) ဒိဋ္ဌိဇုကမ္မ = ဖြောင့်မတ်စွာအယူရှိခြင်း။
တို့ဖြစ်ကြသည်။

အယူမှန်အမြင်မှန်များ ရှိသွားပြီဆိုလျှင် လုပ်ဆောင်သမျှတို့သည်လည်း မှန်သွားတော့၏။ အယူမှန်ရှိသွားသောအခါ ငါတည်းဟူသော အတ္တတစ်ခုတည်းကိုသာ ဦးမတည်သောကြောင့် အများအတွက်လည်း ဆောင်ရွက်နိုင်တော့သည်။ အတ္တဟိတ၊ ပရဟိတနှစ်ဖြာကို တစ်ပြိုင်နက် ပြီးမြောက်အောင် ဆောင်ရွက်၏။ မည်သို့ဆိုမူ သူတစ်ပါးတို့ကို ချမ်းသာစေလိုသောရည်ရွယ် ချက်ဖြင့် ပေးကမ်းလှူဒါန်းမှုပြုခြင်းသည် နိဗ္ဗာန်ကိုရည်မှန်းသောစိတ် ရှိသည်ဖြစ်ခြင်းကြောင့် အချမ်းသာဆုံးသို့ပိုဆောင်ပေးမည့် မိမိအတွက် ပါရမီထိုက်သည့်ဒါန ဖြစ်သွားပေသည်။

မိမိကိုယ်တိုင် ကိုယ်ကျင့်သီလဆောက်တည်ခြင်းသည် သူတစ်ပါးတို့အတွက် ဘေးအန္တရာယ် ကင်းဝေးအောင် လုပ်ဆောင်နေခြင်းပင်ဖြစ်ပါသည်။ မိမိက သူတစ်ပါးတို့၏အသက်ကို မသတ် သောကြောင့် သူတစ်ပါးတို့ မိမိကြောင့် အသက်ချမ်းသာရာရကြ၏။ မိမိက ခိုးဝှက်လုယက်ခြင်း မပြုသောကြောင့် သူတစ်ပါးတို့၏ ဥစ္စာစည်းစိမ်များ မိမိကြောင့် အကျိုးမဲ့ မဆုံးရှုံးရတော့ပေ။ ကာမေသုမိစ္ဆာစာရကို ရှောင်ကြဉ်ခြင်းဖြင့် မရိန်းမှု၊ မယားခိုးမှု၊ သူတစ်ပါးတို့၏ သမီးပျိုများကို နှမချင်းမဆန်စွာ ပြောဆိုပြုမူ ကျူးလွန်မိခြင်းများ မရှိတော့ပေ။ သက်ဆိုင်ရာ မိသားစုနှင့် ရှိသမျှသော အမျိုးသမီးတို့၏ဘေးဒုက္ခတို့သည် မိမိကြောင့်မဖြစ်တော့ပေ။ ၎င်းမှာ အမျိုးသား တို့အနေဖြင့် ထိုသီလကို ဆောက်တည်ခြင်းကြောင့် ဖြစ်လာသောအကျိုးကျေးဇူးများဖြစ်ကြပေ သည်။ အမျိုးသမီးများက ဆောက်တည်လိုက်သောအခါတွင်လည်း သူတစ်ပါးတို့၏ လင် ယောက်ျားများကို အပြစ်မှားမိတော်ပေ။ သူ့မိသားစု မိမိကြောင့် မပြိုကွဲမပျက်စီး ဒုက္ခမရောက် နိုင်တော့ပေ။ မဖြစ်ပွားသင့်သောအမှုအခင်းများလည်း ကင်းဝေးသွားပေတော့သည်။

လိမ်ညာဖြီးဖြန်းနေကြခြင်းကြောင့် အမှန်ကိုမသိမှု မောဟတရားများ ပွားများစေ၏။ သံသယ တည်းဟူသော အမှောင်ထုကြီးလည်း တိုးပွားစေ၏။း မှန်သောစကားကိုဆိုကြသဖြင့် တစ်ယောက်နှင့်တစ်ယောက် ယုံကြည်စွာပူးပေါင်းလုပ်ဆောင်နိုင်ခြင်း၊ သူတစ်ပါးတို့ အမှန်ကို သိမြင်နိုင်ခြင်း၊ လုပ်ငန်းဆောင်တာများ သဘာဝကျကျ ဆောင်ရွက်နိုင်ခြင်းစသည့် အကျိုး တရားများ ရရှိကြမည်ဖြစ်၏။ မှန်လျှင်ပြီးရောဟူ၍ မျက်စိစွေနေသူကို “ဟဲ့ငစွေ”စသဖြင့် ပြောဆိုဆက်ဆံခြင်းကြောင့် သူတစ်ပါး၏အားနည်းချက်ကို ထုတ်ဖော်ဂုဏ်နှိမ့်သလို မဖြစ်ရ အောင် ဉာဏ်နှင့်ယှဉ်သည့် မှန်ကန်သောစကားဖြစ်ဖို့တော့ လိုအပ်လှပေသည်။ အရက်သေ စာ၊ ဘိန်းဘင်းကစော်များ မှီဝဲခြင်းမှ ရှောင်ကြဉ်လိုက်လျှင် မူး၍မှားမိသောအမှားများ မဖြစ်ပွား တော့ပေ။ သူတစ်ပါးတို့လည်းချမ်းသာ၊ မိမိလည်းချမ်းသာစေသော သီလတရား၏ ကောင်း ကျိုးများမှာ ကုန်ဆုံးအောင် ပြောပြနိုင်လိမ့်မည်မဟုတ်ပါ။ လူနတ်ချမ်းသာ ကောင်းကျိုးမှန် သမျှတို့ကို ရရှိပြီးလျှင် နိဗ္ဗာန်သို့တိုင် ပို့ဆောင်ပေးတတ်သော သီလတရားကို ကျင့်ကြံနိုင်ခြင်း သည်ကား အယူမှန်ခြင်း ရထားခေါင်း၏ နောက်ပါရထားတွဲများကဲ့သို့ ဖြစ်ပေသည်။

အမြင်မှန်သမ္မာဒိဋ္ဌိရှိလိုက်သောကြောင့် ကမ္မဋ္ဌာန်းဘာဝနာပွားများအားထုတ်ခြင်း၊ ရိုသေထိုက် သူတို့ကို ရိုသေခြင်း၊ ကောင်းမှုဆောင်တာ ဝေယျာဝစ္စများ အငြီးမငြူလုပ်ဆောင်ခြင်း၊ မိမိ ၏ကုသိုလ်ကောင်းမှု အဖို့ဘာဂတို့ကို အမျှဝေခြင်း၊ သူတစ်ပါးတို့၏ ကောင်းမှုအဖို့ကိုလည်း သာဓုခေါ်ကာ မုဓိတာပွားနိုင်ခြင်း၊ တရားမှန်လျှင် မည်သူဟောဟော နာကြားလိုခြင်း၊ မိမိက လည်း သူတစ်ပါးတို့ကို တရားသိစေလိုသောကြောင့် ဟောကြားပေးခြင်းစသည့် ကောင်းမှု တရားတို့၌ မွေ့လျော်ပျော်ပိုက် နှစ်ခြိုက်စွာကျင့်ကြံသွားနိုင်တော့၏။

ဒိဋ္ဌိဦးဆောင်သော ဒုစရိုက်(၁၀)ပါးတို့မှာ-
(၁) ပါဏာတိပါတ = သူ့အသက်သတ်ခြင်း၊
(၂) အဒိန္နာဒါန = သူ့ဥစ္စာကို ခိုးယူခြင်း၊
(၃) ကာမေသုမိစ္ဆာစရ = သူ့အိမ်ယာကို ပြစ်မှားခြင်း၊ (ကာယကံ ၃ ပါး)
(၄) မုသာဝါဒ = မဟုတ်မမှန် ပြောဆိုခြင်း၊
(၅) ပိသုဏ၀ါစာ = ကုန်းချောခြင်း၊
(၆) ဖရုဿဝါစာ = ကြမ်းတမ်းသောစကား ပြောဆိုခြင်း၊
(၇) သမ္ဖပ္ပလာပ၀ါစာ = အကျိုးမရှိသောစကားကို ဆိုခြင်း၊ (၀စီကံ ၄ ပါး)
(၈) အဘိဇ္ဈာ = သူတစ်ပါးစည်းစိမ်ကို ရှေးရှုကြံခြင်း၊
(၉) ဗျာပါဒ = သူတစ်ပါးပျက်စီးအောင် ကြံစည်တောင့်တခြင်း၊
(၁၀) မိစ္ဆာဒိဋ္ဌိ = မှားသောအယူကို ယူခြင်း။ (မနောကံ ၃ ပါး)
တို့ဖြစ်ကြပေသည်။

အယူမှားခြင်း(မိစ္ဆာဒိဋ္ဌိ)သည် မည်မျှအရေးတကြီး နှုတ်ပယ်ရမည့်တရားဖြစ်ကြောင်းကို ဗုဒ္ဓက ဥပမာဆောင်ထားသည်မှာ “ဒိဋ္ဌိတရားသည် သင်တို့၏ဦးခေါင်း၌ မီးလောင်နေသကဲ့သို့ဖြစ်၏။ သင်တို့၏ရင်ဝ၌ လှံစူးသကဲ့သို့ဖြစ်၏။ ဦးခေါင်း၌ မီးလောင်နေလျှင် ငါ့ဦးခေါင်း မည်သူမီရှို့သလဲ ဟူ၍ ရှာဖွေနေဘို့က အရေးမကြီး၊ မီးလောင်နေခြင်းကိုငြိမ်းအောင် အရင်သတ်ဘို့ အရေးကြီး သည်၊ ရင်ဝ၌ လှံစိုက်ခံရလျှင်လည်း ငါ့ဘယ်သူက လှံစိုက်ပါလိမ့်ဆိုသည်ကို အသာထား၊ ရင်ဝရှိလှံကို ဦးစွာနှုတ်ဘို့ ကြိုးစားရမည်” ဟူ၍ မိန့်ကြားတော်မူခဲ့ပါသည်။ မိစ္ဆာဒိဋ္ဌိရှိနေသော ကြောင့် လုပ်ဆောင်သမျှ မှားယွင်းနေမည်ဖြစ်၏။ အပါယ်သို့ ဆွဲချသည်မှာလည်း မိစ္ဆာဒိဋ္ဌိ ပင်ဖြစ်၏။ သောတာပန်တည်သောပုဂ္ဂိုလ်၌ မိစ္ဆာဒိဋ္ဌိ အကြွင်းမဲ့ ပယ်သတ်လိုက်ပြီဖြစ်သော ကြောင့် ကျန်သောဒုစရိုက်(၉)ပါးတို့လည်း ကင်းရှင်းသွားပေတော့သည်။

မိစ္ဆာဒိဋ္ဌိရှိသော အန္ဓပုထုဇဉ်အကန်းတို့မှာကား သူ့အသက်သတ်ဖို့၊ သူ့ဥစ္စာခိုးဖို့၊ သူ့အိမ်ယာပြစ် မှားဖို့ဆိုသော ကာယကံဒုစရိုက်တို့ လွန်ကျူးရန်တော့ ၀န်မလေး၊ မိမိအကျိုးယုတ်အောင် အပြု ခံရမှာကိုကား လွန်စွာကြောက်ကြပေသည်။ ထို့အတူပင် ဖော်ပြပါ ၀စီကံ (၄) ပါး၊ ကျန် မနော ကံ (၂)ပါးတို့ကိုလည်း မရှက်မကြောက် လွန်ကျူးကြပေတော့သည်။ ငါကိုယ်၊ ငါ့ဟာ၊ ငါ့ဥစ္စာ ဟူသော အတ္တအမြင် မိစ္ဆာဒိဋ္ဌိရှိနေခြင်းကြောင့် မကောင်းသော ထိုဒုစရိုက်တရားများ မကင်း နိုင်ကြပေ။

ဒုစရိုက်(၁၀)ပါး၌ သုရာမေရယ မပါသဖြင့် ရှောင်ဖွယ်မလိုဟူ၍ လူပြောင်လူနောက်များက ဆိုတတ်ကြ၏။ သုရာမေရယမဇ္ဇပမာဒဋ္ဌာန (ဘိန်းဘင်းကစော်လှော်စာအရက်များ မှီဝဲ ခြင်း)သည် ကာမေသုမိစ္ဆာစာရအမှုဟူ၍ မှတ်ယူပြီး ရှောင်ကြဉ်ရပါမည်။ အဘယ့်ကြောင့်မူ (ကာမေသု= ကာမဂုဏ်တရားတို့အပေါ်၌၊ မိစ္ဆာ=မှားမှားယွင်းယွင်း၊ အာစာရ= ကျင့်ခြင်း) ဆိုသောကြောင့် ၎င်းမှာ မှန်ကန်သောအကျင့်မဟုတ်ပေ။ ထို့အပြင် သုရာမေရယမဇ္ဇပမာဒဋ္ဌာန သီလပျက်မိလျှင်လည်း ဒုစရိုက်(၁၀)ပါးတို့ ဆက်ပြီး ကျူးလွန်မိတတ်သောကြောင့် ဧကန်မုချ ရှောင်ကြရမည်ဖြစ်ပေသည်။

အယူမှန်သွားလျှင် ချမ်းသာကြောင်းအမျိုးမျိုးကို ပြုလုပ်သွား၏။ အယူမှားလျှင်လည်း ဆင်းရဲ ကြောင်းအမျိုးမျိုးကို ပြုလုပ်တော့၏။ ထို့ကြောင့် အယူမှန်ခြင်းသည် ခရီးလမ်းဆုံးသို့ သွားနေသော ရထားကြီးနှင့်တူပြီး အယူမှားခြင်းသည် အဆုံးမရှိသော ပတ်လမ်းအတိုင်း သွားနေသည့် ရထားကြီးနှင့်တူပေသည်။

ဓမ္မချစ်ခင်သူတော်စင်တို့ ကိုယ်စိတ်နှစ်ဖြာ ချမ်းသာကြပြီ့း ကောင်းကျိုးလိုရာဆန္ဒ ပြည့်ဝနိုင်ကြပါစေ။



Read more...

ကာလာမသုတ် (ဗုဒ္ဓ ၏ အယူအဆ သဘာတရား နှင့် ကြီးမြတ်ပုံ)

မြတ်စွာဘုရားရှင်သည်ရွာကြီးတစ်ရွာဖြစ်သော ကေသမုတ္တိရွာကြီးသို့ ရောက်ရှိခဲ့စဉ် ၎င်းရွာကြီးတွင် ဘုရားရှင် အရှေးဦးစွာ တတ္ထိပုဂ္ဂိုလ်(၆)ဦးမှ ငါဟောတာယုံသူများပြောတာမယုံနဲ့ ဆိုပြီး မှားယွင်းသောအယူဝါဒများစွာကို ဟောကြားခဲ့ပြီးဖြစ်လို့ ရွာသားများအားလုံး အယူဝါဒနဲ့ ပတ်သက်ပြီး တွေဝေနေကြသောအချိန်တွင် ဘုရားရှင်မှကေသမုတ္တိသုတ်ကို ဟောတော်မူခဲ့ခြင်းဖြစ်ပေသည်။ထိုဟောကြားချက်အပြည့်အစုံမှာ........

၁/ အယူဝါဒတစ်ခုကို တဆင့်ကြားရုံမျှဖြင့် သို့တည်းမဟုတ် သူတပါး ဟောကြားသည်ကို ကြားရုံမျှဖြင့်
ထိုအယူဝါဒကို မှန်သည် ဟူ၍ ၎င်း၊ မှားသည် ဟူ၍၎င်း မဆုံးဖြတ်သင့်ပေ။

၂/ အယူဝါဒတစ်ခု၏ ကျမ်းဂန်စာပေသည် မိမိတို့၏ ဘိုးဘေးစဉ်ဆက် ဆင်းသက်လာသော မိရိုးဖလာ အယူဝါဒဖြစ်သည်ဟူ၍လည်း
ထိုအယူဝါဒကို မှန်သည် ဟူ၍ ၎င်း၊ မှားသည် ဟူ၍၎င်း မဆုံးဖြတ်သင့်ပေ။

၃/ အယူဝါဒတစ်ခု၏ ကျမ်းဂန်စာပေသည် ဤအရာသည် ဤသို့ဖြစ်သည် ဟူသော ကောလဟလဖြင့်လည်း သို့တည်းမဟုတ် ထိုအယူဝါဒကို ယုံကြည်ကိုးကွယ်သူများသည် ဟူ၍လည်း
ထိုအယူဝါဒကို မှန်သည် ဟူ၍ ၎င်း၊ မှားသည် ဟူ၍၎င်း မဆုံးဖြတ်သင့်ပေ။

၎/ အယူဝါဒတစ်ခု၏ မိမိတို့သင်ထားသော စာများနှင့် ညီညွတ်ရုံမျှဖြင့်လည်း
ထိုအယူဝါဒကို မှန်သည် ဟူ၍ ၎င်း၊ မှားသည် ဟူ၍၎င်း မဆုံးဖြတ်သင့်ပေ။

၅/ အယူဝါဒတစ်ခု၏ မိမိကြံစည်ထားသောအကြံအစည် အတွေးအခေါ်နှင့် ကိုက်ညီသည် သိုတည်းမဟုတ် မိမိ အယူဝါဒခြင်း တူသည် ဟူ၍ လည်း
ထိုအယူဝါဒကို မှန်သည် ဟူ၍ ၎င်း၊ မှားသည် ဟူ၍၎င်း မဆုံးဖြတ်သင့်ပေ။

၆/ အယူဝါဒတစ်ခု၏ ကျမ်းဂန်စာပေ သည် သူတစ်ပါးတို့ လုပ်နည်းကိုင်နည်းကို သဘောကြ၍ သို့တည်းမဟုတ် ထိုအယူဝါဒကို သူတပါးတို့ ကိုးကွယ်ယုံကြည် သည် ဟူ၍လည်း
ထိုအယူဝါဒကို မှန်သည် ဟူ၍ ၎င်း၊ မှားသည် ဟူ၍၎င်း မဆုံးဖြတ်သင့်ပေ။

၇/ အယူဝါဒတစ်ခု၏ ကျမ်းဂန်စာပေသည် မိမိတို့ ယုံကြည်ထိုက်သောပုဂ္ဂိုလ်၏ စကားဖြစ်သည်ဟု ပုဂ္ဂိုလ်စွဲအားဖြင့်လည်း
ထိုအယူဝါဒကို မှန်သည် ဟူ၍ ၎င်း၊ မှားသည် ဟူ၍၎င်း မဆုံးဖြတ်သင့်ပေ။

၈/ အယူဝါဒတစ်ခု၏ ကျမ်းဂန်စာပေသည် ငါတို့၏ ဆရာစကား ဖြစ်ရုံမျှဖြင့်လည်း ထိုအယူဝါဒကို မှန်သည် ဟူ၍ ၎င်း၊ မှားသည် ဟူ၍၎င်း မဆုံးဖြတ်သင့်ပေ။


အယူဝါဒတစ်ခုမှ လာသော အဆုံးအမ၊ လမ်းစဉ်တွေသည် ကောင်းလည်းမကောင်း၊ အပြစ်လည်းမကင်း၊ ပညာရှိတို့ ကဲ့ရဲ့စရာလည်းဖြစ်၏။ ထိုလမ်းစဉ်အတိုင်း ကျင့်ကြံလျှင် (မိမိအားလည်းကောင်း၊ သူတပါးအားလည်းကောင်း၊ လောကအားလည်းကောင်း) စီးပွားမဲ့ဒုက္ခရောက်ဖို့ဖြစ်၏- ဟု ကိုယ်တိုင် နားလည်လာသောအခါမှသာ ထိုအယူဝါဒကို စွန့်လွှတ်သင့်ပါသည်။

အယူဝါဒတစ်ခုမှ လာသော အဆုံအမ၊ လမ်းစဉ်တွေသည် ကောင်းလည်းကောင်း၊ အပြစ်တို့ မှလည်းကင်း၊ ပညာရှိတို့ ချီးမွှမ်းစရာလည်းဖြစ်၏။ ထိုလမ်းစဉ်အတိုင်း ကျင့်ကြံလျှင် (မိမိအားလည်းကောင်း၊ သူတပါးအားလည်းကောင်း၊ လောကအားလည်းကောင်း) ကောင်းသောအကျိုးစီးပွားဖြစ်ဖို့သာရှိ၏- ဟု ကိုယ်တိုင်နားလည်လက်ခံ နိုင်သောအခါမှသာ ထိုအယူဝါဒကို စွဲမြဲစွာလက်ခံသင့်ပါသည်။


Read more...

Life



When I was born,
It was just over dawn.
People thought I was a clown,
Though I aimed to be a crown.

As the sun rose, I became in bond
Out of it, I was not that strong.
So for help, I longed and longed
But so far, no hand still could be found.

In the evening, I found
I'd done a lot of things wrong.
By night fall, the sun went down
Yet the truth still couldn't be found.

And finally, my age beats me down
As the world spins round and round.

By Henry Cheng, 12th Mar 2009


Read more...

ဝေဿန္တရမင်းအကျင့်...အဆက်- ၅

ဇာလီမင်းသားနှင့် သမီးကဏှာဇိန်ကို လည်းကောင်း၊ အရှင်သခင်၌ ရိုသေသော အကျင့်ရှိသော မဒ္ဒီမိဖုရားကို လည်းကောင်း စွန့်လွှတ်လှူဒါန်းသော ငါသည် သမ္မာ သမ္ဗောဓိဉာဏ်၏ အကြောင်းကြောင့်သာလျှင် တွန့်တိုဆုတ်နစ်သော စိတ်အကြံ အစည် မဖြစ်ခဲ့ပေ။

ငါသည် သားသမီးနှစ်ယောက်တို့ကို မချစ်သည် မဟုတ်၊ မဒ္ဒီမိဖုရားကို မချစ်သည် လည်း မဟုတ်၊ ငါသည် သဗ္ဗညုတဉာဏ်ကို ချစ်မြတ်နိုး၏၊ ထို့ကြောင့် ငါသည် ချစ်သော သားမယားတို့ကို ပေးလှူခဲ့၏။

ထို့နောက် တစ်ဖန် တောအုပ်ကြီး၌ မယ်တော် ခမည်းတော်တို့နှင့် ပေါင်းဆုံရသော် သနားဖွယ် ငိုကြွေးကာ ချမ်းသာဆင်းရဲကို မေးမြန်းပြောဆိုလျက်-

နှစ်ယောက်သော မယ်တော် ခမည်းတော်တို့၏ အထံသို့ အရှက်အကြောက်ဖြင့် လည်းကောင်း၊ လေးစားခြင်းဖြင့် လည်းကောင်း ချဉ်းကပ်၏။ ထိုအခါ၌လည်း မြင်း မိုရ်တောင်တည်းဟူသော ဦးဆောက်ပန်းရှိသော မြေကြီးသည် တုန်လှုပ်လေ၏။

ထို့နောက် တစ်ဖန် ဆွေတော်မျိုးတော်တို့နှင့်တကွ တောအုပ်ကြီးမှ ထွက်ခဲ့ကြ၍ ပျော်မွေ့ဖွယ်ကောင်းသော ပြည်မြတ်ဖြစ်သော ဇေတုတ္တရာမြို့တော်သို့ဝင်လေ၏။

ထိုနေ့၌ ရတနာ ခုနစ်ပါးမိုးတို့သည် ရွာသွန်းကုန်၏၊ သည်းစွာသော မိုးသည် ရွာချ လေ၏၊ ထိုအခါ၌လည်း မြင်းမိုရ်တောင်တည်းဟူသော ဦးဆောက်ပန်းရှိသော မြေ ကြီးသည် တုန်လှုပ်လေ၏။

စိတ်စေတနာ မရှိသော ဤမြေကြီးသည်လည်း ချမ်းသာဆင်းရဲကို မသိဘဲလျက် ငါ၏ အလှူ စွမ်းအားကြောင့် ခုနစ်ကြိမ်တိုင်တိုင် တုန်လှုပ်လေ၏။ 124

ကိုးခုမြောက် ဝေဿန္တရစရိယ 'ဝေဿန္တရာမင်းအကျင့်' ပြီး၏။
၉ - ဝေဿန္တရစရိယ (ဝေဿန္တရမင်းအကျင့်)၊ အကိတ္တိဝဂ်၊ စရိယာပိဋကပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။



Read more...

ဝေဿန္တရမင်းအကျင့်...အဆက်- ၄

ပူဇော်အပ်သော အမျိုးဖြစ်၍ နူးညံ့သိမ်မွေ့သည့် မင်းမျိုးဖြစ်ကုန်သော ငါတို့ လေး ဦးသားတို့သည် မညီညွတ်သောမြေ, ညီညွတ်သော မြေကို နင်းကုန်လျက် ဝင်္က တောင်သို့ သွားကြကုန်၏။

အကြင်သူတို့သည် လမ်းအနီး၌ လည်းကောင်း၊ ခရီးရင်ဆိုင်၌ လည်းကောင်း လာ ကြကုန်၏။ ထိုသူတို့အား ''ဝင်္ကန္တတောင်သည် အဘယ်မှာနည်း'' ဟု ငါတို့သည် လမ်းခရီးကို မေးမြန်းရကုန်၏။

ထိုသူတို့သည် ထိုလမ်းခရီး၌ ငါတို့ကို တွေ့မြင်ကုန်သော် ''ဝင်္ကန္တတောင်သည် ဝေး လှ၏' ဟု သနားသော အသံကို မြွက်ဆိုကြကုန်၏၊ ထိုသူတို့သည် (သနားခြင်း ကြောင့်ဖြစ်သော) ဆင်းရဲဝေဒနာကို ခံစားကြရကုန်၏။

သူငယ်ဖြစ်သော သားသမီးတို့သည် တောအုပ်ကြီး၌ အသီးရှိသော သစ်ပင်တို့ကို အကယ်၍ တွေ့မြင်ကုန်အံ့၊ သူငယ်တို့သည် ထိုသစ်သီးတို့၏ အကြောင်းကြောင့် ငိုယိုကြကုန်၏။

မြင့်တက်သော ကြီးကျယ်သော သစ်ပင်တို့သည် ငိုယိုနေသော သူငယ်တို့ကို မြင် သော် အလိုလိုပင် ညွတ်ကိုင်း၍ သူငယ်တို့သို့ ချဉ်းကပ်ကုန်၏။

အလုံးစုံသော အင်္ဂါတို့ဖြင့် တင့်တယ်သော မဒ္ဒီမိဖုရားသည် မဖြစ်စဖူး ဖြစ်သော ကြက်သီးမွေးညင်း ထစေနိုင်သော ဤအံ့သြဖွယ်ကို တွေ့မြင်ရသည်ရှိသော် ကောင်းချီးကို ဖြစ်စေ၏။

ဝေဿန္တရာမင်း၏ တန်ခိုးကြောင့် သစ်ပင်တို့သည် အလိုလိုပင် ညွတ်ကိုင်းကုန်၏၊ ဤသို့ဖြစ်ခြင်းသည် လောက၌ အံ့သြဖွယ်ရှိပေစွ၊ မဖြစ်စဖူး ဖြစ်ပေစွ၊ ကြက်သီး မွေးညင်း ထဖွယ်ကောင်းလေစွ ဟု ကောင်းချီးကို ဖြစ်စေ၏၊၊

နတ်တို့သည် သူငယ်တို့ကို သနားကြသဖြင့် ယူဇနာသုံးဆယ် လမ်းခရီးကို ချုံး၍ ပေးကြကုန်၏၊ (ဇေတုတ္တရာပြည်မှ) ထွက်သော နေ့၌သာလျှင် စေတနိုင်ငံသို့ ဆိုက် ရောက်ကုန်၏။

ထိုအခါ ဦးရီးတော် ဖြစ်ကြကုန်သော မင်းခြောက်သောင်းတို့သည် (စေတနိုင်ငံ၌) နေကုန်၏၊ အလုံးစုံသော မင်းတို့သည် လက်အုပ်ချီကုန်၍ ငိုယိုလျက် ချဉ်းကပ် လာကြကုန်၏။ ထိုစေတနိုင်ငံ၌ စေတမင်းတို့နှင့် လည်းကောင်း၊ စေတမင်းသားတို့ နှင့် လည်းကောင်း နှုတ်ဆက်စကား ပြောကြားပြီးသော် ထိုငါတို့သည် ထိုမြို့မှ ထွက်ခွါကုန်၍ ဝင်္ကတောင်သို့ သွားကြကုန်၏။

သိကြားမင်းသည် တန်ခိုးကြီးသော ဝိသကြုံနတ်သားကို ခေါ်၍ သင်္ခမ်းကျောင်းကို ကောင်းစွာ ဆောက်လုပ်၍ ပျော်မွေ့ဖွယ်သော သစ်ရွက်မိုးကျောင်းကို ဖန်ဆင်းချေ လော့ဟု စေလိုက်၏။ သိကြားမင်း၏ စကားကို ကြားနာလျက် တန်ခိုးကြီးသော ဝိသကြုံနတ်သားသည် သင်္ခမ်းကျောင်းကို ကောင်းစွာ ဆောက်လုပ်၍ ပျော်မွေ့ ဖွယ်သော သစ်ရွက်မိုးကျောင်းကို ဖန်ဆင်းလေ၏။

လေးယောက်သား ငါတို့သည် ဝင်္ကတောင်ကြား၌ လူသူ ရောယှက်မရှိ တိတ်ဆိတ် သော တောအုပ်ကြီးသို့ သက်ဝင်၍ ထိုတောအုပ်ကြီးတွင် နေကြကုန်၏။ ထိုအခါ ငါသည် လည်းကောင်း၊ မဒ္ဒီမိဖုရားသည် လည်းကောင်း၊ ဇာလီ, ကဏှာဇိန်နှစ်ဦးတို့
သည် လည်းကောင်း အချင်းချင်း (တစ်ဦးကို တစ်ဦး) စိုးရိမ်ခြင်း ဝမ်းနည်းပူးဆွေးမှု ကို ပယ်ဖျောက်ကုန်လျက် သင်္ခမ်းကျောင်း၌ နေကြကုန်၏။

ငါသည် သင်္ခမ်းကျောင်း၌ မဆိတ်သုဉ်းသည်ကို ပြု၍ သားသမီးငယ်တို့ကို စောင့် ရှောက်လျက် တည်နေရ၏၊ ထိုမဒ္ဒီမိဖုရားသည် သစ်သီးကို ဆောင်၍ သုံးယောက် သား ငါတို့ကို ကျွေးမွေး၏။

ငါသည် တောအုပ်ကြီး၌ နေစဉ် ခရီးသွားသူ ဇူဇကာပုဏ္ဏားသည် ငါ့ထံသို့ ချဉ်းကပ် လာ၏၊ ငါ၏ ဇာလီ, ကဏှာဇိန် သားသမီးနှစ်ယောက်လုံးကို တောင်းလေ၏။

တောင်းတတ်သော ဇူဇကာပုဏ္ဏား ချဉ်းကပ်လာသည်ကို မြင်ရသော် ငါ့အား ရွှင်လန်းခြင်း ဖြစ်လေ၏၊ ထိုအခါ ငါသည် သားသမီးနှစ်ယောက်တို့ကို ကိုင်ငင်၍ ပုဏ္ဏားအား ပေးလှူခဲ့၏။

အကြင်အခါ ဇူဇကာပုဏ္ဏားအား မိမိသားသမီးတို့ကို စွန့်လှူလတ်သော် ထိုအခါ၌ လည်း မြင်းမိုရ်တောင်တည်းဟူသော ဦးဆောက်ပန်းရှိသော မြေကြီးသည် တုန် လှုပ်လေ၏။

တစ်ဖန်လည်း သိကြားမင်းသည် နတ်ပြည်မှ သက်ဆင်း၍ ပုဏ္ဏားအသွင် ဖန်ဆင်း လျက် ငါ့ထံသို့ လာပြီးလျှင် သီလရှိ၍ အရှင်သခင်၌ ရိုသေသော အကျင့်ရှိသော မဒ္ဒီမိဖုရားကို တောင်းလေ၏။

ငါသည် ကြည်လင်သော စိတ်အကြံ ရှိသည်ဖြစ်၍ မဒ္ဒီကို လက်၌ကိုင်လျက် ရေဖြင့် (ပုဏ္ဏား၏) လက်ခုပ်ကို ပြည့်စေပြီးလျှင် ထိုပုဏ္ဏားအား မဒ္ဒီကို ပေးလှူခဲ့၏။

မဒ္ဒီမိဖုရားကို ပေးလှူလတ်သော် ကောင်းကင်၌ နတ်ဗြဟ္မာတို့သည် ဝမ်းမြောက် ကြကုန်၏၊

ထိုအခါ၌လည်း မြင်းမိုရ်တောင်တည်းဟူသော ဦးဆောက်ပန်းရှိသော မြေကြီး သည် တုန်လှုပ်လေ၏။117

အမှတ် ၅-သို့ ဆက်မည်--->

၉ - ဝေဿန္တရစရိယ (ဝေဿန္တရမင်းအကျင့်)၊ အကိတ္တိဝဂ်၊ စရိယာပိဋကပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

Links to this post



Read more...

ဝေဿန္တရမင်းအကျင့်...အဆက်- ၃

ထိုရောက်လာသော အလှူခံတို့ကို ပယ်ခြင်းသည် ငါ့အား မသင့်လျော်ချေ၊ ဒါန ပါရမီကို ဆောက်တည်ခြင်းသည် ငါ့အား မပျက်စီးပါစေလင့်၊ ငါသည် မြတ်သော ဆင်ကို ပေးလှူအံ့ (ဟုကြံစည်၍) -

ဆင်ကို နှာမောင်း၌ ကိုင်လျက် ရတနာဖြင့် ပြီးသော ကရားဖြင့် ရေကို (ပုဏ္ဏားတို့ ၏) လက်၌ သွန်းလောင်း၍ ဆင်ကို ပုဏ္ဏားတို့အား ပေးလှူ၏။ အလုံးစုံ ဖြူသော ဆင်တော်မြတ်ကို ပေးလှူလတ်သော် ထိုအခါ၌လည်း မြင်းမိုရ်တောင်တည်း ဟူ သော ဦးဆောက်ပန်းရှိသော မြေကြီးသည် နောက်တစ်ဖန် တုန်လှုပ်လေ၏။

ထိုဆင်တော်ကို လှူခြင်းကြောင့် သိဝိပြည်သူတို့သည် အမျက်ထွက်ကုန်၍ စည်း ဝေးကြပြီးလျှင် ဝင်္ကတောင်သို့ သွားလော့ဟု မိမိတို့နိုင်ငံမှ နှင်ထုတ်ကြကုန်၏။

ထိုသိဝိပြည်သူတို့ နှင်ထုတ်ကုန်သည်ရှိသော် (ငါသည်) မတုန်မလှုပ် မတွန့်မတို သော အလှူ ကြီးကို ပေးလှူရန် တစ်ခုသောဆုကို တောင်းပန်၏။

သိဝိပြည်သူအားလုံးတို့သည် ငါ တောင်းပန်အပ်သည်ဖြစ်၍ ငါ့အား ဆုတစ်ပါးကို ပေးကုန်၏၊ ထိုအခါ ငါသည် အစုံသော အလှူစည်ကို ကြွေးကြော် တီးခတ်စေ၍ အလှူကြီးကို ပေးလှူ၏။

ထိုသို့ ပေးလှူလတ်သော် အလှူကြောင့် ဤမင်းကို နှင်ထုတ်ကုန်၏၊ ဤမင်းသည် ယခုတစ်ဖန် အလှူကို လှူပြန်၏ဟု အလှူပေးရာ အရပ်၌ အုတ်အုတ် ကျက်ကျက် ကြောက်မက်ဖွယ် ကြီးစွာသော အသံသည် ဖြစ်လေ၏။

ထိုအခါ ငါသည် ဆင်ကို လည်းကောင်း၊ မြင်းတို့ကို လည်းကောင်း၊ ရထားတို့ကို လည်းကောင်း ပေးလှူ၍ ကျွန်မိန်းမ, ကျွန်ယောက်ျား, နွား, ဥစ္စာဟူသော ကြီးစွာ သော အလှူကို ပေးလှူပြီးလျှင် မြို့မှ ထွက်ခဲ့၏။

ငါသည် မြို့မှထွက်၍ ပြန်လှည့်ကြည့်ရှုသော အခါ၌လည်း မြင်းမိုရ်တောင် တည်း ဟူသော ဦးဆောက်ပန်းရှိသော မြေကြီးသည် တုန်လှုပ်လေ၏။

ရထားတပ်သော မြင်းလေးစီးကို လည်းကောင်း၊ ရထားကို လည်းကောင်း ပုဏ္ဏား တို့အား ပေးလှူပြီးလျှင် နောက်လိုက်မပါ တစ်ကိုယ်တည်းသာဖြစ်သော ငါသည် လမ်းလေးခွဆုံ၌ ရပ်လျက် မဒ္ဒီမိဖုရားအား ဤစကားကို ပြောဆို၏-

မဒ္ဒီ ဤကဏှာဇိန်သည် ညီမငယ်ဖြစ်၍ ပေါ့၏၊ သင်သည် ကဏှာဇိန်ကို ချီလော့၊ ဇာလီကား အစ်ကိုဖြစ်၍ လေး၏၊ ငါသည် ဇာလီကို ချီမည်။

မဒ္ဒီသည် ပဒုမ္မာကြာ, ပုဏ္ဍရိက်ကြာနှင့် တူသော ကဏှာဇိန်ကို ချီ၏၊ ငါသည် ရွှေရုပ်နှင့် တူသော ဇာလီမင်းသားကို ချီ၏။96

အမှတ် ၄-သို့ ဆက်မည် --->

၉ - ဝေဿန္တရစရိယ (ဝေဿန္တရမင်းအကျင့်)၊ အကိတ္တိဝဂ်၊ စရိယာပိဋကပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။



Read more...

ဝေဿန္တရမင်းအကျင့်...အဆက်- ၂

သိကြားမင်း ပေးအပ်ပြီးသော ဆုရှိသော ထိုမိဖုရားသည် နှစ်သက်ရွှင်လန်း ဝမ်း မြောက်သည်ဖြစ်၍ ငါ့ကို အတွင်းပြုလျက် ဆုဆယ်ပါးတို့ကို ခံယူ၏။72

ထိုဖုဿတီမိဖုရားသည် ထိုတာဝတိံသာဘုံမှ စုတေလတ်သော် မင်းမျိုး၌ ဖြစ်လေ ၏၊ ဇေတုတ္တရာမြို့၌ သဉ္ဇယ (သိဉ္ဇည်း) မင်းနှင့် ပေါင်းဖက်လေ၏။ အကြင်အခါ၌ ငါသည် ချစ်လှစွာသော မယ်တော် ဖုဿတီမိဖုရား၏ ဝမ်းသို့ သက်ဝင်၏၊

ထိုအခါ ငါ၏မယ်တော်သည် ငါ၏တန်ခိုးကြောင့် အခါခပ်သိမ်း အလှူ၌ မွေ့လျော် သူ ဖြစ်၏။ ဥစ္စာမရှိသူ၊ အနာရောဂါ နှိပ်စက်သူ၊ အိုမင်းသူ၊ သူတောင်းစား၊ ခရီး သွား၊ ရဟန်း၊ ပုဏ္ဏား၊ စည်းစိမ်ဥစ္စာ ပျက်စီးကုန်ခန်းသူ၊ ဥစ္စာ မသိမ်းဆည်းသူတို့၌ အလှူကို ပေးလှူလေ၏။

ဖုဿတီမိဖုရားသည် ငါ့ကို ဆယ်လတို့ပတ်လုံး လွယ်ခဲ့ရ၍ မြို့ကို လက်ယာရစ် လှည့်လည်ခြင်းကို ပြုလတ်သော် ကုန်သည်တို့၏ ခရီးအလယ်၌ ငါ့ကို မွေးဖွား လေ၏။ ငါ၏ အမည်သည် မယ်တော်ဘက်မှ လာသော အမည်လည်း မဟုတ်၊ ခမည်းတော်ဘက်မှလာသော အမည်လည်း မဟုတ်၊ ကုန်သည်တို့၏ သွားရာ လမ်းခရီး၌ မွေးဖွားသူ ဖြစ်၏၊ ထို့ကြောင့် ''ဝေဿန္တရ'' ဟူသော အမည် ဖြစ်လေ၏။

အကြင်အခါ ငါသည် မွေးဖွားသည်မှ ရှစ်နှစ်အရွယ် သူငယ်ဖြစ်၏၊ ထိုအခါ ပြာ သာဒ်ထက်၌ ထိုင်လျက် အလှူကို ပေးလှူရန် ကြံစည်ခဲ့၏။ တစ်စုံ တစ်ယောက် သော သူသည် ငါ့ကို အကယ်၍ တောင်းလာငြားအံ့၊ ငါသည် ငါ၏ နှလုံးကို လည်း ကောင်း၊ မျက်စိကို လည်းကောင်း၊ အသားကို လည်းကောင်း၊ အသွေးကို လည်း ကောင်း (ထုတ်၍)လှူလို၏။ (ငါ၏)ကိုယ်ကိုလည်း ကျွန်အဖြစ်ဖြင့် ပြောကြား၍ လှူလို၏။

ငါသည် မတုန်မလှုပ် မတွန့်မတိုသော သဘောမှန်ကို ကြံစည်စဉ် ထိုအခါ မြင်းမိုရ်တောင်တည်းဟူသော ဦးဆောက်ပန်းရှိသော မြေကြီးသည် တုန်လှုပ်လေ ၏။

ငါသည် လခွဲတိုင်းလခွဲတိုင်း တစ်ဆယ့်ငါးရက် လပြည့် ဥပုသ်နေ့ဝယ် ပစ္စယ ဆင် တော်ကို တက်စီး၍ အလှူကိုလှူရန် (အလှူဇရပ်သို့) ချဉ်းကပ်ခဲ့၏။ ကလိင်္ဂတိုင်း နိုင်ငံမှ ပုဏ္ဏားတို့သည် ငါ့ထံသို့ လာရောက်ကုန်၏၊ ဘုန်းကျက်သရေနှင့် ပြည့်စုံ သော မင်္ဂလာဆင်တော်ဟု သမုတ်အပ်သော ဆင်တော်ကို ငါ့အား တောင်းကုန် ၏။

မင်းကြီး အကျွန်ုပ်တို့၏ ဇနပုဒ်သည် မိုးရွာခြင်းမရှိသည်ဖြစ်၍ ကြီးစွာ ငတ်မွတ်ခြင်း တည်း ဟူသော ဒုဗ္ဘိက္ခန္တရကပ် ဆိုက်ရောက်နေပါ၏၊ အလုံးစုံ ဖြူ၍ ဆင်တို့တွင် အမြတ်ဆုံးဖြစ်သော ဆင်တော်မြတ်ကို လှူပါလော့ဟု တောင်းကုန်၏။ ပုဏ္ဏားတို့ သည် ငါ့အား အကြင်ဝတ္ထုကို တောင်းကုန်၏၊ ထိုဝတ္ထုကို ငါသည် ပေးလှူအံ့၊ တုန် လှုပ်လိမ့်မည် မဟုတ်၊ ငါသည် ထင်ရှားရှိသောဝတ္ထုကို မလျှို့ဝှက်၊ ငါ၏ စိတ်သည် ပေးလှူခြင်း၌ မွေ့လျော်၏။84

အမှတ် ၃-သို့ ဆက်မည်--->

၉ - ဝေဿန္တရစရိယ (ဝေဿန္တရမင်းအကျင့်)၊ အကိတ္တိဝဂ်၊ စရိယာပိဋကပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။



Read more...

စွန့်လွှတ်ခြင်းကုသိုလ်တရားကိုဘာကြောင့်အားမထုတ်နိုင်ရတာလဲ..။

ကျေးဇူးတော်ရှင်မူလဓမ္မဆရာတော်ဘုရား……

တပည့်တော် သဘောပေါက်ပါပြီဘုရား..။၃၁ဘုံလုံးကို ကုသိုလ်နဲ့သုံးတတ်ဘို့သာလိုပါတော့တယ်..။တပည့်တော်မရှင်းတာလေးတစ်ခုက သတ္တဝါတိုင်း ချမ်းသာခြင်းကို အလိုရှိကြပါလျက်သားနဲ့ စွန့်လျင်+ချမ်း သာ ဟူသောကုသိုလ်တရားကိုဘာဖြစ်လို့အားမထုတ်နိုင်ကြပါသလဲ…ဘုရားတပည့်တော် သိလိုလှပါတယ်..။

အရှင်ဘုရားရှင်းပြတာက အထင်မှားခြင်း အဝိဇ္ဇာကြောင့် ပေါ့နော်ဘုရား။ (စွန့်လျင်+ချမ်းသာ) ဆိုတာ လောကမှာ ထင်ရှားရှိသော သဘော တရားဖြစ်ပါတယ်..။အဲဒီလောကထဲမှာ ထင်ရှားရှိတဲ့ (စွန့်လျင်+ချမ်းသာ) ဟူသောအမှတ်အသား လက္ခဏာရှိသော ကုသိုလ် သဘော ကို (စွန့်လျင်+ချမ်းသာ)ဟုပင် အမှန်အတိုင်း သိခြင်းဆို တာ ဝိဇ္ဇာ ဉာဏ်ပေါ့နော် ဘုရား။

အဲဒီအမှန် အတိုင်းကို တပည့်တော် အမှန်အတိုင်းမသိခဲ့တဲ့ အချိန်တွေမှာတော့ စွဲလန်းမှုကြီးမားစွာနဲ့ ဆင်းရဲမှာ ကြောက်လေ..မစွန့်ရဲလေ ဖြစ်နေခဲ့ပါတယ်ဘုရား။ အမှန်တကယ်တော့ မစွန့်ရဲလေ..ဆင်းရဲလေပဲ ဆိုတာ လောက သဘောက ဆောင်သွားပါတယ်ဘုရား။

အမှန်တရားကို စိစစ်ပြီးသိခွင့်ရသော သူတော် ကောင်းများသန္တန်မှာ (စွန့်လျှင်+ချမ်းသာ)ဟူသော ဝိဇ္ဇာ ဉာဏ်က ဦးဆောင်ထားသော ကြာင့် ချမ်းသာ ချင်လေ စွန့်လွှတ်လေ ဖြစ်ပါတယ် ဘုရား။ တကယ့် ပါရမီရင့်ကျက်တဲ့ သူတော်ကောင်းကြီးတွေကတော့ စွန့်လွှတ်နိုင်လေ ချမ်းသာလေဖြစ်ပြီး နောက်ဆုံး (၃၁)ဘုံလုံး ကို စွန့်လွှတ်ပြီး ပရိနိဗ္ဗန်ပြုသွားကြတာပေါ့နော်ဘုရား။

ဝိဇ္ဇာဉာဏ်ရရှိရေးဟာ အဓိက ကျကျ ကြိုးစား သင့်တဲ့ အချက် ဖြစ် တယ်…ဆိုတဲ့ အရှင်ဘုရားဆုံးမမှုကို တပည့်တော် ခိုင်ခိုင်မာမာ မှတ်သားနားလည်သဘောပေါက်သွားပါတယ်ဘုရား။အရှင်ဘုရားဟော ကြားတော်မူသောတရားတော်ထဲမှ တပည့်တော် မှတ်သားမိတဲ့ အချက်ကလေးတွေကို အခုလိုရေးပြီးမျှဝေခြင်းကိုခွင့်ပြုတော်မူပါဘုရား။

စွန့်လွှတ်သော ကုသိုလ် စိတ်သည် စီးပွားဥစ္စာ၊ အလုပ်၊ အာရုံ၊ခန္ဓာ ဟူသော သုံးစရာ(၄)ပါးကို မှီပြီး ဖြစ်နေ ပါတယ်..။ထို စွန့်လွှတ်သော ကုသိုလ်စိတ်ရဲ့ အဆုံးစွန်ကို ရောက်သွားလျှင်ချမ်းသာ အဆုံးကို ရောက်သွားမှာ ဖြစ်ပါတယ်..။စွန့်လွှတ်ခြင်း၊ချမ်းသာခြင်းသည် လောကီတရားဖြစ်ပါတယ်..။

ထိုစွန့်လွှတ်ခြင်းချမ်းသာ တို့၏ အဆုံးသည်သာ ပြုပြင်မှု ကင်းသော အသင်္ခတနိဗ္ဗန်ဖြစ်နေပါလိမ့်မယ်..။ထို အသင်္ခတနိဗ္ဗန်ကို သိမြင်သော အသိဉာဏ်သာ လျှင် မဂ်ဉာဏ်၊ဖိုလ်ဉာဏ်ဖြစ်နေပါလိမ့်မယ် ဆိုတဲ့ အရှင်ဘုရားဟော ပြောရှင်းပြတာ တပည့်တော် မှတ်သားလိုက်မိပါတယ်ဘုရား။

စီးပွားဥစ္စာ၊အလုပ်၊အာရုံ၊ခန္ဓာ ဟူသော (၃၁ဘုံ)၏သုံးစရာ ဤလေးပါးပေါ်မှာ( စွဲလျှင်+ဆင်းရဲ)ဟူသော လက္ခ ဏာ ရှိသော ကုသိုလ်သင်္ခါရတရားတို့၏ အဆုံးစွန်သောသိစရာသည်လည်း ဗုဒ္ဓဘာသာ ဝင်တို့ ၏ ပန်း တိုင်ဖြစ်သောနိဗ္ဗာန်ပင်ဖြစ်ပါတယ်..။

ဆိုလိုရင်းအဓိပ္ပါယ်ကတော့ စွန့်လွှတ်ခြင်းကုသိုလ်သင်္ခါရကို အဆုံးစွန်ဖြည့်ကျင့်နိုင်လျှင် စွဲလန်းခြင်းအကုသိုလ် သင်္ခါရကို အဆုံးတိုင် စွန့်ဖြစ်ပါတယ်..။စွဲလန်းခြင်း အကုသိုလ်သင်္ခါရကို အဆုံးစွန်သိ၍ ဖယ်နိုင်လျှင် စွန့်လွှတ်ခြင်းကုသိုလ်သင်္ခါရကို အဆုံးစွန်ဖြည့်ကျင့်ပြီးသားဖြစ်နေပါတယ်..။

(ကုသလာ ကုသလံ ဇဟံ= ကုသိုလ်နှင့် အကုသိုလ်ကို စွန့်ခြင်း) ဟူသည်နှင့် အညီ (စွန့်လျှင်+ချမ်းသာ) ဟူသော ကုသိုလ်သင်္ခါရ နှင့် (စွဲလျှင်+ဆင်းရဲ) ဟူသော အကုသိုလ်သင်္ခါရတို့၏လွတ်ရာ ငြိမ်းရာ၊ ချုပ်ရာ၊ ကုန်ရာ၊ ကင်းရာ နိဗ္ဗာန်ပင် ဖြစ်ပါတယ်..။

ထို အငြိမ်းဓာတ်ကို သိမြင်နိုင်သော အသိဉာဏ်ကို မဂ်ဉာဏ်၊ဖိုလ်ဉာဏ်ဟုခေါ်ပါတယ်။

ဝိမုတ္တိရသ=လွတ်မြောက်ခြင်းအရသာ ပင် ဖြစ်ပါတယ်။

သည်အချက်တွေကို…သိရတာတပည့်တော် ကံကောင်းတယ်လို့ကိုယ့်ကိုကို ယူဆပါတယ်ဘုရား..။တပည့် တော် စာအုပ်တော် တော် များများဖတ် ဘူးသော်လည်းနိဗ္ဗာန်ကို ဘယ်လိုမှစဉ်းစားလို့ မရခဲ့ပါဘုရား။

အခုတော့ တပည့်တော် အသိဉာဏ် နည်းနည်း ပွင့် လာခဲ့ပါတယ်ဘုရား။နိဗ္ဗာန်ကိုလည်းရည် မှန်းပြီး အာရုံပြု နိုင် လိုက်ပါတယ် ဘုရား။သဘော ကိုလည်း နားလည် လာ ပါတယ်..။

ရှင်းသထက် ရှင်းသွားအောင် ကုသိုလ်နဲ့ အကုသိုလ် ကိုတည်ပြီး ဝိဇ္ဇာဉာဏ် ဖြစ်ပုံကို တွဲဖက် ပြီးရှင်းလင်း ပေး တော်မူပါဘုရား။

တပည့်တော် ရိုသေ လေးစား စွာ ရှိခိုး ဦးခိုက် ကန်တော့လိုက်ပါတယ်ဘုရား။



Read more...

ဘ၀ ဘ၀ ဘ၀... (ဦးသုမင်္ဂလ) vcd

ဒယ်အိုး ဆရာတော် ဦးသုမင်္ဂလ...

နိဗ္ဗာန်ရောက်ကြောင်းတရားကောင်း...

ဘ၀ ဘ၀ ဘ၀...
video


Read more...

သာသနာ့အတွင်းပိုး

ဗုဒ္ဓဘာသာဝင်တိုင်းဟာ သာသနာတော်မြတ်ကြီးကို ရေရှည်တည်တံ့ခိုင်မြဲဖို့ သာသနာ့အတွင်းပိုးကိုလည်း ကာကွယ်စောင့်ရှောက်ကြရမှာ ဖြစ်ပါတယ်။ သာသနာ့အတွင်းပိုးဆိုတာ ယခုခေတ်ကာလ လုပ်စားနေကြတဲ့ ဘိုးတော်၊ဗေဒင် အိမ်ဦးတင်နေကြတဲ့ ကိစ္စပဲဖြစ်ပါတယ်။ အဲဒီအယူအဆတွေဟာ ဗုဒ္ဓသာသနာတော်မြတ်ကြီးကို တိုက်ရိုက်မဖျက်စီးနိုင်ပေမဲ့ ဗုဒ္ဓအယူဝါဒကို ကိုးကွယ်ယုံကြည်တဲ့နေရာမှာ သန့်ရှင်းကြည်လင်မှုမရှိနိုင်တဲ့အတွက် သာသနာပျက်စီးရာ၊ပျက်စီးကြောင်း လမ်းမှားတွေပဲဖြစ်ပါတယ်။


ထေရဝါဒဗုဒ္ဓသာသနာဆိုတာ-
ဗုဒ္ဓေါ မေ သရဏံ အညံ နတ္တိ၊ ဘုရားမှတပါး ကိုးကွယ်ရာမရှိ
ဓမ္မော မေ သရဏံ အညံ နတ္တိ၊ တရားမှတပါး ကိုးကွယ်ရာမရှိ
သံဃော မေ သရဏံ အညံ နတ္တိ၊ သံဃာမှတပါး ကိုးကွယ်ရာမရှိ ဆိုတာတွေပဲ ဖြစ်ပါတယ်။

ထေရဝါဒ ဗုဒ္ဓသာသနာစစ်စစ်ဟာ ရတနာသုံးပါးမှတပါး အခြားထွေထွေရာရာတွေကို ကိုးကွယ်စရာမလိုပါဘူး။ ရတနာသုံးပါးကိုသာ ယုံယုံကြည်ကြည်နဲ့ နှစ်နှစ်ကာကာကိုးကွယ်ဖို့ပဲလိုပါတယ်။နတ်ကိုးကွယ်မှု၊ ဘိုးတော်ကိုအားကိုးမှု၊ ဗေဒင်ကိုအားကိုးမှု၊ ယုံကြည်မှုတွေ ရှိနေကြတဲ့အတွက် ဂေါတမမြတ်ဗုဒ္ဓကို အမျိုးမျိုးပုံစံသွင်းပြီး ခုတုံးလုပ်ခံနေတာဟာ ရင်နင့်စရာကောင်းလှပါတယ်။

အချို့သောနေရာများနှင့် ဂျာနယ်မဂ္ဂဇင်းတွေမှာ အခါအားလျော်စွာတွေ့ရတက်ပါတယ်။ ဆင်ခံဘုရား၊ အင်းခံဘုရား၊ မြွေဘုရား၊ လက်ခြောက်ချောင်းဘုရား စတဲ့ဆင်းတုတော်အမျိုးမျိုးတွေဟာ ဘိုးတော်၊ဗေဒင်တွေရဲ့ လက်ချက်သာဖြစ်ပါတယ်။ ဘာသာရေးအားနည်းတဲ့ တချို့တွေဟာ မိရိုးဖလာထုံးထမ်းစဉ်လာ ယုံကြည်မှုဆိုပြီး လာဘ်၊လာဘတိုးတက်အောင် ဘိုးတော်၊ဗေဒင်၊မယ်တော်၊ဝိဇ္ဇာ၊နတ် စတာတွေရဲ့ ကိုးကွယ်မှု နောက်လိုက်နေကြတာအင်မတန် ရှက်စရာကောင်းလှပါတယ်။ဘာသာရေး အားနည်းသူအဖြစ်ရော၊ ကိုယ်ဟာ မိရိုးဖလာဗုဒ္ဓဘာသာဝင်အဖြစ်ရော ကိုယ်ပေါင်ကိုယ်လှန်ထောင်းသလို ဖြစ်နေပါတယ်။တကယ့်ထေရဝါဒ ဗုဒ္ဓဘာသာဝင်တွေရဲ့ လုပ်ရပ်မဟုတ်ပါဘူး။

အလျှင်းသင့်၍ ဆရာတော်အရှင်ဇဝန (မေတ္တာရှင်-ရွှေပြည်သာ) ဟောကြားတဲ့ မိရိုးဖလာဗုဒ္ဓဘာသာနှင့် တကယ့်ဗုဒ္ဓဘာသာ တရားတော်ကိုနာယူပါလို့ တိုက်တွန်းလိုပါတယ်။ညာဘက်မှာရှိတဲ့ ဆရာတော်များ ဟောကြားသော တရားတော်များလင့်ကနေ နာကြားနိုင်ပါတယ်။ဒီလိုအယူအဆတွေဟာ အချိန်ကြာလာတဲ့အခါ ခိုင်မြဲသွားပြီး နောင်လာနောင်သားတွေအဖို့ အင်မတန်မှ ရင်လေးစရာကောင်းလှပါတယ်။

ဒီအခါမှာ အသိအမြင်လွဲမှားတဲ့ နောင်လာနောင်သားတွေအဖို့ ဘာသာရေးအသွင်ကို ကူးပြောင်းသွားတက်ပါတယ်။ထေရဝါဒ ဗုဒ္ဓသာသနာနှင့် ဖီလာကန့်လန့် ဆန့်ကျင်ဘက်ဖြစ်နေတဲ့ အဲဒီလွဲမှားတဲ့ အယူအဆများကို မိမိတို့ရင်သွေးငယ်များကပါ လက်ခံယုံကြည် ကျင့်သုံးသွားမယ်ဆိုပါက ရရှိလာမဲ့အကျိုးဆက်ကတော့ ဗုဒ္ဓဘာသာရဲ့ ပျက်စီးရာ ပျက်စီးကြောင်းဖြစ်တဲ့ အနီးကပ်ဆုံး အန္တရာယ်ပဲဖြစ်ပါတယ်။

ဗုဒ္ဓဘာသာဝင်အနေနဲ့ အမှားကိုအမှားမှန်းသိပါလျက် ရှေ့ဆက်မှားနေဦင်္းမယ်ဆိုပါက “ပိုးဖလံမျိုး မီးကိုတိုး” ဆိုသလို ကိုယ်ကျိုးနည်းရမှာက မိမိတို့သာလျှင်ဖြစ်ပါတယ်။ မှားသောအယူကိုယူခြင်းဟာ မိစ္ဆာဒိဋ္ဌိဖစ်ပါတယ်။ မိစ္ဆာဒိဋ္ဌိဟာ အကုသိုလ်စာရင်းတွေမှာ ပါဝင်တဲ့အတွက် အပြစ်နဲ့တကွဖြစ်ခြင်း၊ မကောင်းသောအကျိုးကိုပေးခြင်း စတဲ့ဆိုးကျိုးတွေကိုသာ ဖြစ်စေပါတယ်။

ကောင်းမွန်မှန်ကန်တဲ့ အယူကိုယူခြင်းဟာ သမ္မာဒိဋ္ဌိဖြစ်ပါတယ်။ သမ္မာဒိဋ္ဌိဟာ ကုသိုလ်စာရင်းမှာပါဝင်တဲ့အတွက် အပြစ်မရှိခြင်း၊ ကောင်းသောအကျိုးကို ပေးခြင်းများကို ဖြစ်စေပါတယ်။ ကောင်းကျိုး၊ မကောင်းကျိုးပေးတယ်ဆိုတဲ့ နေရာမှာ ပစ္စုပ္ပန်၊ သံသရာနှစ်မျိုးရှိပါတယ်။ တချို့ကျတော့ ယခုပစ္စုပ္ပန်ဘဝကတည်းက ကောင်းကျိုး၊ မကောင်းကျိုးတွေကို ခံစားရပါတယ်။ တချို့ကျတော့ နောင်သံသရာဘဝတွေ ရောက်မှသာ ခံစားရပါတယ်။

ဒါကြောင့်မို့ ပစ္စုပ္ပန်လုပ်ဆောင်ချက် မှန်ကန်ဖို့ အရေးကြီးပါတယ်။ပစ္စုပ္ပန်လုပ်ဆောင်ချက် မမှန်ကန်ဘူးဆိုရင် သံသရာအတွက်ပါ နစ်မွန်းစရာဖြစ်သွားတက်ပါတယ်။ဘိုးတော်၊ ဘွားတော်၊ နတ်ကတော်၊ ဝိဇ္ဇာ၊ ဘိုးဘိုးအောင်၊ ဘိုးမင်းခေါင်၊ သူရဿတီ၊ ရွှေ့ဖျဉ်းညီနောင် စတာတွေဟာ လူတို့အတွက် အကျိုးမဲ့ကိုသာဖြစ်စေပါတယ်။

စစ်မှန်တဲ့ရတနာသုံးပါးနဲ့ ကံ-ကံ၏အကျိုးကိုယုံကြည်ပြီး စည်းကမ်းတကျ လိုက်နာကျင့်သုံးမှသာလျှင် ဘဝငြိမ်းချမ်းရေးနှင့် သံသရာမှလွတ်မြောက်ရေးတို့ကို လွယ်ကူစွာလုပ်ကိုင်နိုင်မှာ ဖြစ်ပါတယ်။ အဲဒါကြောင့် သာသနာကိုအမှီပြုပြီး ကပ်ပါးလုပ်စားနေကြတဲ့ သာသနာ့အတွင်းပိုးများကို ဗုဒ္ဓဘာသာဝင်တိုင်း ဝေးဝေးကနေ ရှောင်ကြဉ်ရမှာ ဖြစ်ပါတယ်။

အချုပ်အားဖြင့် ပြောရမယ်ဆိုရင် ဗုဒ္ဓဘာသာဝင်တွေဟာ စစ်မှန်တဲ့သာသနာကို တွေ့နေကြပါလျှက် အခြားသောအယူအဆများကို အားကိုးမှားနေမယ်ဆိုပါက မြွေပွေးခါးပိုက်ပိုက်သလိုမျိုး အလွန်အန္တရာယ် ကြီးလွန်းလှပါတယ်။

ဗုဒ္ဓဘာသာဝင်တိုင်း အခုလိုစစ်မှန်တဲ့ ဗုဒ္ဓဘာသာကို ကိုးကွယ်ဆည်းကပ်နေရတာဟာ သံဃာတော်များကျေးဇူး၊မိဘဘိုးဘွား ဆရာသမားတွေရဲ့ ကျေးဇူးကြောင့်ပဲ ဖြစ်ပါတယ်။သံဃာတော်များ အဆက်ဆက်ရဲ့ ထိန်းသိမ်းစောင့်ရှောက်လာမှု၊မိဘဘိုးဘွား ဆရာသမားတွေရဲ့ လူမျိုးရေးနဲ့ ဘာသာရေးတွေကိုပါ မပျောက်မပျက်အောင် ထိန်းသိမ်းစောင့်ရှောက်နိုင်မှုတို့ကြောင့် မျိုးဆက်သစ်လူငယ်တွေရဲ့ လက်အတွင်းကိုလည်း ယခုလို တာဝန်ကျေပြွန်စွာ ပေးဆပ်နိုင်ခဲ့ကြပါတာဖြစ်ပါတယ်။

အဲဒီလိုပါပဲ။ မျိုးဆက်သစ်လူငယ်တွေကလည်း မိမိတို့လက်ဝယ်အတွင်း ရောက်ရှိနေတဲ့ အမျိုးဘာသာ သာသနာကို မပျောက်မပျက်အောင် ထိန်းသိမ်းစောင့်ရှောက်ရမှာ ဖြစ်သလို နောင်လာမဲ့ မျိုးဆက်သစ်လူငယ်များထံကိုလည်း စစ်မှန်တဲ့ အယူဝါဒ၊ ထေရဝါဒသာသနာတော်ကို သံသယကင်းရှင်းစွာ၊ ကိုးကွယ်ဆည်းကပ်နိုင်အောင် ပြန်လည်ပေးအပ်ရမယ့် တာဝန်ရှိပါတယ်။

အဲဒီလို တစ်ဆင့်ခြင်း၊ တစ်ဆင့်ခြင်း မှန်မှန်ကန်ကန် လက်ဆင့်ကမ်းကာ သယ်ဆောင်သွားမှသာလျှင် မြတ်စွာဘုရားရှင် တည်ထောင်တော်မူခဲ့တဲ့ သာသနာတော်မြတ်ကြီးနှင့် တိုင်းရင်းသားမြန်မာလူမျိုးတွေဟာ ကမ္ဘာတည်သရွေ့ တည်တံ့ခိုင်မြဲနေမှာ ဖြစ်ပါတယ်။လေးလေးနက်နက်တွေးပြီး၊ လေးလေးနက်နက် လုပ်ဆောင်ကြပါလို့ တိုက်တွန်းလိုပါတယ်။

ဗုဒ္ဓဘာသာဟာ လူနည်းစုကိုးကွယ်မှု့ ဖြစ်နေတာကတစ်ကြောင်း၊ ထေရဝါဒမှအသွင်ကူးပြောင်းတဲ့ လူမျိုးတစ်စု့ရဲ့မှားယွင်းမှ၊ မက်လုံးပေးမှုကြောင့်တစ်ကြောင်း၊ သာသနာတော်ကို ဆထက်တပိုး ထောက်ပံ့မှု၊ ပြန့်ပွားမှု၊ ဖြန့်ဝေမှု၊ လက်ဆင့်ကမ်းမှု နည်းသေးတာကတစ်ကြောင်း၊ သာသနာကိုခုတုံးလုပ်ပြီး ကပ်ပါးလုပ်စားနေကြတဲ့ သာသနာ့အတွင်းရန်ကြောင့် တစ်ကြောင်း၊ ဗုဒ္ဓဘာသာနိုင်ငံမှာ ကြီးပြင်းပြီး အသိဉာဏ်ကင်းမဲ့တဲ့ အုပ်ချုပ်သူလူတန်းစားရဲ့ ထင်ရာစိုင်းမှုကြောင့် တစ်ကြောင်းကြောင့် သာသနာဟာ ရင်လေးစရာကောင်းလှပါတယ်။

ဒါကြောင့် ကိုယ်နိုင်တဲ့ဘက်ကနေ အမျိုး၊ ဘာသာ၊ သာသနာကို ထိန်းသိမ်းစောင့်ရှောက်ကြပါ။ ဘယ်နိုင်ငံ၊ ဘယ်အရပ်မှာနေနေ ကိုယ့်ဘာသာ၊ သာသနာကို ပြန့်ပွာအောင်၊ တိုးတက်အောင် ကိုယ်ကိုယ်တိုင် အရင်သိအောင်လုပ်ပြီး မြတ်ဗုဒ္ဓသာသနာတော်ကို တန်ဖိုးထားကြပါ၊ ထောက်ပံ့ကြပါ၊ ဂုဏ်ယူကြပါလို့ တိုက်တွန်းနှိုးဆော်လိုက်ပါတယ်။

အရှင်ပညောဘာသ(အမျိုးကိုချစ် ဘာသာကိုမပစ်နဲ့ စာအုပ်မှ)

Read more...

လာလည်ကြသူများ

ဤဘလော့ဂ်၏ ရည်ရွယ်ချက်

ယခုအခါ ကမ္ဘာတလွှားတွင်ရှိနေကြသော ဓမ္မဘလော့ဂ်ဂါများသည် နေ့ စဉ်နှင့် အမျှ အင်တာနက် စာမျက်နှာများ ပေါ်တွင် ဓမ္မနှင့်သက်ဆိုင်သော အကြောင်းအရာ အမျိုးမျိုးကို ပို့ စ်များရေးတင်လျက် ရှိနေကြပါသည်။

ဘလော့ဂ်ဂါများမှ မိမိတို့ ၏ကိုယ်ပိုင် စာမျက်နှာများမှတဆင့် ရေးတင်နေကြသဖြင့် ဖတ်ရှုလေ့လာသူများအတွက် နေရာများစွာသို့  သွားရောက် ဖတ်ရှုနေကြရပါသည်။

ထို့ ကြောင့် စာဖတ်သူများ အချိန်ကုန်သက်သာစေရန်နှင့် မိမိတို့  ဖတ်ရှုလိုရာကို လွယ်လင့်တကူ ရှာဖွေနိုင်ရန် နေ့ စဉ်ရေးသား နေကြသော အကြောင်းအရာများကို တနေရာတည်းတွင် စုစည်းပေးလိုသော ရည်ရွယ်ချက်ဖြင့် ဤဘလော့ဂ်ကို စီစဉ်လိုက်ခြင်းဖြစ်ပါသည်။

ပြောချင်တာများရှိရင် ရေးပေးထားခဲ့ပါ

မြန်မာပြက္ခဒိန်

မြန်မာပြက္ခဒိန်
www.burmeseclassic.com မှ ကူးယူဖော်ပြပါသည်။

  © Blogger templates The Professional Template by Ourblogtemplates.com 2008

Back to TOP