* သဗ္ဗဒါနံ ဓမ္မဒါနံ ဇိနာတိ၊ * သဗ္ဗရသံ ဓမ္မရသော ဇိနာတိ။

* သဗ္ဗဒါနံ ဓမ္မဒါနံ ဇိနာတိ၊     * သဗ္ဗရသံ ဓမ္မရသော ဇိနာတိ။

နမတ္ထု ဗုဒ္ဓါနံ နမတ္ထု ဗောဓိယာ။ နမော ဝိမုတ္တာနံ၊ နမော ဝိမုတ္တိယာ။

ဘုရားရှင်တို့ အား ရှိခိုးပါ၏။
ဘုရားရှင်တို့ ၏ မဂ်ဥာဏ် ဖိုလ်ဥာဏ်အား ရှိခိုးပါ၏။
ကိလေသာတို့ မှ လွတ်မြောက်တော်မူကြသော ဘုရားရှင်တို့ အား ရှိခိုးပါ၏။
ထိုဘုရားရှင်တို့ ၏ ဝိမုတ္တိငါးပါးအား ရှိခိုးပါ၏။

ကရုဏာလက်များ ကမ်းလင့်ပေးပါ...

ကရုဏာလက်များ ကမ်းလင့်ပေးပါ...
စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။

ပညာရေးအလှူတော် နှိုးဆော်ချက်


ရန်ကုန်မြို့ အသောကာရာမ သီလရှင်စာသင်တိုက်မှ နဝမတန်း ဖြေဆိုမည့် သီလရှင် ဆရာလေးများအတွက် ဆရာ၊ ဆရာမများ လစဉ် ထားပေးနိုင်ရန် ပညာရေးအလှူရှင်များ လိုအပ်နေပါသည်။ ရွှေစေတီ ဘုန်းတော်ကြီးသင်ပညာရေးကျောင်းတွင်လည်း ဆင်းရဲနွမ်းပါးသည့် ၉ တန်းနှင့် ၁၀ တန်း ကျောင်းသားများ ကျောင်းအိပ်ကျောင်းစား နေထိုင်ပညာဆည်းပူးနိုင်ရေးအတွက် ကူညီထောက်ပံ့မည့် ကုသိုလ်ရှင်များ လိုအပ်လျက် ရှိပါသည်။ စေတနာရှင် အလှူရှင်များ အနေဖြင့် ထေရဝါဒ ဗုဒ္ဓဘာသာ လူငယ်များအသင်း http://www.mmtheravada.org ဖုန်း
09-73062811, 09-5505176 သို့ ဆက်သွယ်လှူဒါန်းကြစေလိုပါသည်။

သီလရှင် ဆရာလေးများနှင့် ကလေးများ ဇွန်လအမီ ကျောင်းတက်နိုင်ရေးအတွက် ကာလဒါန ကုသိုလ်အဖြစ် သဒ္ဓါတတ်အား နည်းများမဆို လှူဒါန်းကူညီကြပါရန် နှိုးဆော်အပ်ပါသည်။

ဝိမုတ္တိရသ အဖွဲ့သားများ

------------------------
နောက်ဆက်တွဲသတင်း.....

ပညာရေးအလှူတော်လှူဒါန်းမည့်အစီအစဉ်

ထေရ၀ါဒဗုဒဘာသာ လူငယ်များ အသင်းမှ ဦးစီး၍ (၂၀၁၁) ခုနှစ်တွင် န၀မတန်းသို့ တက်ရောက်မည့် ကျောင်းသား (၂၅) ယောက်နှင့် ကျောင်းသူ (၂၅) ယောက်အား ပညာရေးထောက်ပံ့မှုပြုလုပ်ပေးနိုင်ရန် စီစဉ်ထားပါသည်။

ပြုလုပ်မည့်အစီအစဉ်

ကျောင်းသားများအား ရွှေစေတီဘုန်းကြီးကျောင်း (ဆရာတော် ဦးတေဇန္ဒိ၊ ခ/(၃) ရက်ကွက်၊ ရွှေစေတီကျောင်း၊ မင်္ဂလာဒုံမြို့နယ်) တွင်ထားရှိမည်ဖြစ်ပြီး ကျောင်းသားများသည် မိမိတို့ ဆန္ဒအလျောက် ကိုရင်ဝတ်လိုကလည်း ၀တ်နိုင်ပါသည်။ ကျောင်းသူများအား အသောကာရာမ သီလရှင်စာသင်တိုက် (ဆရာလေးဒေါ်သုနန္ဒာ (ဖုန်း-၀၉-၈၆၂၈၈၁၁)၊ ၀ါယာလက်ဈေးမှတ်တိုင်၊ ရွှေနှင်းဆီရပ်ကွက်၊ မင်္ဂလာဒုံမြို့နယ်) တွင်ထားရှိပါမည်။ အသောကာရာမကျောင်းမှ သီလရှင်များသာလက်ခံသည်ဖြစ်၍ ကျောင်းသူများမှာ သီလရှင်ဝတ်ရပါမည်။ သီလရှင်များတက်ရောက်ရမည့် အ.ထ.က ကျောင်းမှာ အသောကာရာမ ကျောင်းမှလက်ရှိ သီလရှင်များ တက်ရောက်နေသော ကျောင်းဖြစ်၍ ပညာသင်ကြားမှုတွက် အခက်အခဲ မရှိနိုင်ပါ။ စာသင်သူများ စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။ အသေးစိတ်ဆောင်ရွက်မည့် အချက်အလက်များအားလည်း ဆက်လက်ဖော်ပြသွားပါမည်။

လျောက်ထားမည့် သူများ ပြည့်စုံရမည့်အချက်များမှာ

(က) ကျောင်းသူများမှာ သီလရှင်ဝတ်နိုင်ရပါမည်။

(ခ ) မိဘများမှ နေထိုင်ရန်ခွင့် ပြုသူဖြစ်ရပါမည်။

(ဂ ) စာသင်သားများနေထိုင်မည့် ကျောင်းတွင်း စည်းကမ်းများကို တိကျစွာလိုက်နာရပါမည်။

(ဃ) ကျောင်းထားရန် အမှန်တကယ်အခက်အခဲ ရှိနေသူဖြစ်ရပါမည်။

အထက်ပါအချက်အလက်များနှင့် ပြည့်စုံသူများသည် ထေရ၀ါဒဗုဒ္ဓဘာသာလှူငယ်များ အသင်းသို့ ဆက်သွယ်မေးမြန်းနိုင်ပါသည်။ (http://mmtheravada.org)

ဆက်သွယ်ရန်လိပ်စာ

ကိုထွန်းထွန်းလှိုင်

ဖုန်း ၀၉-၇၃၀၆၂၈၁၁

htunhtunhlaing82@gmail.com

winthu.tbyo@gmail.com

thantzin83@gmail.com

Friday, April 10, 2009

ပြာဋိဟာသုံးပါး... အံ့သြဖွယ်သောအဖြစ်...

ပြာဋိဟာ... ပါဋိဟာရိယ... အံ့သြဖွယ်သောအဖြစ်...

ကေဝဋ္ဋ ...
ထူးသောဉာဏ်ဖြင့် ကိုယ်တိုင် မျက်မှောက်ပြုလျက် ...
ငါဟောကြားထားသော ဤ ပြာဋိဟာ တို့သည် သုံးပါးရှိကုန်၏၊

သုံးပါးတို့ဟူသည် အဘယ်နည်း...

တန်ခိုး ပြာဋိဟာ 'ဣဒ္ဓိပါဋိဟာရိယ'၊
အတပ်ဟောခြင်း ပြာဋိဟာ 'အာဒေသနာပါဋိဟာရိယ' နှင့်
ဆုံးမခြင်း ပြာဋိဟာ ' အနုသာသနီပါဋိဟာရိယ' တို့ပေတည်း။483


ကေဝဋ္ဋသူကြွယ်သားဝတ္ထု၊ ကေဝဋ္ဋသုတ်၊ သီလက္ခန္ဓ၀ဂ္ဂပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

Read more...

တန်ခိုးပြာဋိဟာ

တန်ခိုးပြာဋိဟာ

ကေဝဋ္ဋ တန်ခိုး ပြာဋိဟာ ဟူသည်ကား အဘယ်နည်း၊
ကေဝဋ္ဋ ဤ(သာသနာတော်) ၌ရဟန်းသည် များပြားသော တန်ခိုးဖန်ဆင်းခြင်းကို ပြီးစေ၏၊ တစ်ယောက်တည်း ဖြစ်လျက်လည်း အများဖြစ်သွား၏၊ အများဖြစ်လျက် လည်း တစ်ယောက်တည်းဖြစ်လာ၏၊ (ကိုယ်) ထင်ရှားဖြစ်စေ၏၊ (ကိုယ်) ပျောက် စေ၏၊ နံရံတစ်ဖက် တံတိုင်းတစ်ဖက် တောင်တစ်ဖက်သို့ မထိမငြိဘဲ ကောင်းကင် ၌ကဲ့သို့သွား၏၊ မြေ၌လည်း ငုပ်ခြင်း ပေါ်ခြင်းကို ရေ၌ကဲ့သို့ ပြု၏၊ ရေ၌လည်း မကျွံကျဘဲ မြေ၌ကဲ့သို့သွား၏၊ ကောင်းကင်၌လည်း ထက်ဝယ်ဖွဲ့ခွေလျက် အ တောင်ရှိသော ငှက်ကဲ့သို့ သွား၏၊ ဤသို့ တန်ခိုးအာနုဘော် ကြီးကုန်သော ဤ လနေတို့ကိုလည်း လက်ဖြင့် သုံးသပ်၏၊ ဆုပ်ကိုင်၏၊ ဗြဟ္မာ့ပြည်တိုင်အောင်လည်း ကိုယ်ကို (မိမိ) အလိုအတိုင်း ဖြစ်စေ၏။

(ဤသို့) များပြားသော တန်ခိုးဖန်ဆင်းခြင်းကို ပြီးစေသော ထိုရဟန်းကို သဒ္ဓါ တရားရှိ သော ကြည်ညိုသော လူတစ်ယောက်သည် တွေ့မြင်ရာ၏၊ တစ်ယောက် တည်းဖြစ် လျက်လည်း အများဖြစ်သွားသည်ကို လည်းကောင်း၊ ပ ။ ဗြဟ္မာ့ပြည် တိုင်အောင်လည်း ကိုယ်ကို (မိမိ) အလိုအတိုင်း ဖြစ်စေသည်ကိုလည်းကောင်း တွေ့မြင်ရာ၏။

(ဤသို့ တွေ့မြင်ရသော်) သဒ္ဓါတရားရှိသော ကြည်ညိုသော ထိုသူသည် သဒ္ဓါ တရား မရှိသော မကြည်ညိုသော လူတစ်ယောက်အား ထိုရဟန်းအကြောင်းကို (ဤသို့) ပြောကြားရာ၏ -

''အချင်း ရဟန်း၏ တန်ခိုးအာနုဘော် ကြီးသည်အဖြစ်သည် စင်စစ် အံ့ဖွယ်ရှိ ပါပေ၏၊ စင်စစ် မဖြစ်ဖူးမြဲ ဖြစ်ပါပေ၏၊ အချင်းများပြားသော တန်ခိုးဖန်ဆင်းခြင်းကို ပြီးစေသော ဤမည်သော ရဟန်းကို ငါသည် တွေ့မြင်ရ၏၊ တစ်ယောက်တည်း ဖြစ်လျက်လည်း အများဖြစ်သွားသည်ကို လည်းကောင်း အများဖြစ်လျက်လည်း တစ်ယောက်တည်း ဖြစ်လာသည်ကို လည်းကောင်း။ပ။ ဗြဟ္မာ့ပြည် တိုင်အောင် လည်း ကိုယ်ကို (မိမိ) အလိုအတိုင်း ဖြစ်စေသည်ကိုလည်းကောင်း တွေ့မြင်ရ၏'' ဟု ပြောကြားရာ၏။

(ဤသို့ ပြောကြားသော်) သဒ္ဓါတရားမရှိသော မကြည်ညိုသော ထိုသူသည် သဒ္ဓါ တရား ရှိသော ကြည်ညိုသော ထိုသူအား ဤသို့ ဆိုရာ၏ -

''အချင်း ဂန္ဓာရီမည်သော အတတ်သည် ရှိ၏၊ ထို (ဂန္ဓာရီအတတ်)ဖြင့် ထိုရဟန်း သည် များပြားသော တန်ခိုးဖန်ဆင်းခြင်းကို ပြီးစေ၏၊ တစ်ယောက်တည်း ဖြစ် လျက်လည်း အများဖြစ်သွား၏၊ အများဖြစ်လျက်လည်း တစ်ယောက်တည်း ဖြစ်လာ၏။ပ။ ဗြဟ္မာ့ ပြည်တိုင်အောင်လည်း ကိုယ်ကို (မိမိ) အလိုအတိုင်း ဖြစ်စေ ၏'' ဟု ဆိုရာ၏။

ကေဝဋ္ဋ ထိုအရာကို အဘယ်သို့ ထင်သနည်း...
သဒ္ဓါတရားမရှိသော မကြည်ညိုသော ထိုသူသည် ...
သဒ္ဓါတရားရှိသော ကြည်ညိုသောထိုသူအား ဤသို့ဆိုရာသည် မဟုတ်လော။

''ဆိုရာပါ၏ အသျှင်ဘုရား''

ကေဝဋ္ဋ ...
ငါသည် တန်ခိုးပြာဋိဟာ၌ ဤအပြစ်ကို မြင်သောကြောင့်...
တန်ခိုးပြာဋိဟာကို ပြရန် ဝန်လေး၏၊ ရှက်၏၊ စက်ဆုပ်၏။
484

ကေဝဋ္ဋသူကြွယ်သားဝတ္ထု၊ ကေဝဋ္ဋသုတ်၊ သီလက္ခန္ဓ၀ဂ္ဂပါဠိတော်။ ဒီဃနိကာယ်

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

Read more...

အတပ်ဟောခြင်း ပြာဋိဟာ

အတပ်ဟောခြင်း ပြာဋိဟာ

ကေဝဋ္ဋ အတပ်ဟောခြင်း ပြာဋိဟာ ဟူသည်ကား အဘယ်နည်း။
ကေဝဋ္ဋ ဤ (သာသနာတော်) ၌ ရဟန်းသည် ''သင်၏ စိတ်သည် ဤသို့ သဘော ရှိ၏၊ သင်၏စိတ်သည် ဤသို့ အခြင်းအရာရှိ၏၊ သင်၏ စိတ်အကြံသည် ဤသို့ ဖြစ်၏''ဟု တစ်ပါးသော သတ္တဝါ တစ်ပါးသော ပုဂ္ဂိုလ်တို့၏ စိတ်ကိုလည်း အတပ် ဟော၏၊ စိတ်၌ ဖြစ်သည်ကိုလည်း အတပ်ဟော၏၊ ကြံစည်သည်ကိုလည်း အတပ် ဟော၏၊ ဆင်ခြင်သည်ကိုလည်း အတပ်ဟော၏။

သဒ္ဓါတရားရှိသော ကြည်ညိုသော လူတစ်ယောက်သည် ''သင်၏ စိတ်သည် ဤသို့ သဘောရှိ၏၊ သင်၏စိတ်သည် ဤသို့ အခြင်းအရာရှိ၏၊ သင်၏ စိတ်အကြံသည် ဤသို့ ဖြစ်၏''ဟု တစ်ပါးသော သတ္တဝါ, တစ်ပါးသော ပုဂ္ဂိုလ်တို့၏ စိတ်ကိုလည်း အတပ်ဟော သော၊ စိတ်၌ ဖြစ်သည်ကိုလည်း အတပ်ဟောသော၊ ကြံစည်သည် ကိုလည်း အတပ်ဟောသော၊ ဆင်ခြင်သည်ကိုလည်း အတပ်ဟောသော ထိုရဟန်း ကို တွေ့မြင်ရာ၏။

(ဤသို့တွေ့မြင်ရသော်) သဒ္ဓါတရားရှိသော ကြည်ညိုသော ထိုသူသည် သဒ္ဓါ တရား မရှိသော မကြည်ညိုသော လူတစ်ယောက်အား ထိုရဟန်းအကြောင်းကို (ဤသို့) ပြောကြားရာ၏ -

''အချင်း ရဟန်း၏ တန်ခိုးအာနုဘော်ကြီးသည်၏ အဖြစ်သည် စင်စစ် အံ့ဖွယ်ရှိပါ ပေ၏၊ စင်စစ် မဖြစ်ဖူးမြဲ ဖြစ်ပါပေ၏၊ အချင်း ငါသည် 'သင်၏ စိတ်သည် ဤသို့ သဘောရှိ၏၊ သင်၏ စိတ်သည်။ ပ။ အတပ်ဟောသော ဤမည်သော ရဟန်းက တွေ့မြင်ရ၏'' ဟု ပြောကြားရာ၏။

(ဤသို့ ပြောကြားသော်) သဒ္ဓါတရားမရှိသော မကြည်ညိုသော ထိုသူသည် သဒ္ဓါတရား ရှိသော ကြည်ညိုသော ထိုသူအား ဤသို့ ဆိုရာ၏ -

''အချင်း စိန္တာမဏိမည်သော အတတ်သည် ရှိ၏၊ ထို (စိန္တာမဏိ) အတတ်ဖြင့် ထိုရဟန်း သည် 'သင်၏ စိတ်သည် ဤသို့ သဘောရှိ၏၊ သင်၏ စိတ်သည် ဤသို့ အခြင်းအရာ ရှိ၏၊ သင်၏ စိတ်အကြံသည် ဤသို့ ဖြစ်၏' ဟု တစ်ပါးသော သတ္တဝါ တစ်ပါးသော ပုဂ္ဂိုလ်တို့၏ စိတ်ကိုလည်း အတပ်ဟော၏၊ စိတ်၌ ဖြစ်သည်ကိုလည်း အတပ်ဟော၏၊ ကြံစည်သည်ကိုလည်း အတပ်ဟော၏၊ ဆင်ခြင်သည် ကိုလည်း အတပ်ဟော၏'' ဟု ဆိုရာ၏။

ကေဝဋ္ဋ ...
ထိုအရာကို အဘယ်သို့ ထင်သနည်း...
သဒ္ဓါတရားမရှိသော မကြည်ညိုသော ထိုသူသည် ...
သဒ္ဓါတရားရှိသော ကြည်ညိုသော ထိုသူအား ဤသို့ ဆိုရာသည် မဟုတ်လော။

''ဆိုရာပါ၏ အသျှင်ဘုရား''

ကေဝဋ္ဋ ...
ငါသည် အတပ်ဟောခြင်း ပြာဋိဟာ၌ ဤအပြစ်ကို မြင်သောကြောင့် ...
အတပ်ဟောခြင်း ပြာဋိဟာကို ပြရန် ဝန်လေး၏၊ ရှက်၏၊ စက်ဆုပ်၏။
485

ကေဝဋ္ဋသူကြွယ်သားဝတ္ထု၊ ကေဝဋ္ဋသုတ်၊ သီလက္ခန္ဓ၀ဂ္ဂပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

Read more...

ဆုံးမခြင်းပြာဋိဟာ

ဆုံးမခြင်းပြာဋိဟာ

ကေဝဋ္ဋ ဆုံးမခြင်း ပြာဋိဟာ ဟူသည်ကား အဘယ်နည်း။
ကေဝဋ္ဋ ဤ (သာသနာတော်)၌ ရဟန်းသည် ဤသို့ ဆုံးမ၏၊ ''ဤသို့ ကြံကုန် လော့၊ ဤသို့ မကြံကုန်လင့်၊ ဤသို့ နှလုံးသွင်းကုန်လော့၊ ဤသို့ နှလုံးမသွင်း ကုန်လင့်၊ ဤ(တရား)ကို ပယ်ကုန်လော့၊ ဤ(တရား)သို့ ရောက်၍ နေကုန်လော့'' ဟု ဆုံးမ၏၊
ကေဝဋ္ဋ ဤ (ဆုံးမခြင်း) ကို ဆုံးမခြင်း ပြာဋိဟာဟု ဆိုအပ်၏။

ကေဝဋ္ဋ တစ်ဖန် ထို့ပြင်လည်း ပူဇော်အထူးကို ခံတော်မူထိုက်သော (အလုံးစုံသော တရားတို့ကို) ကိုယ်တိုင် မှန်စွာ သိတော်မူသော။ပ။ မြတ်စွာဘုရားသည် ဤ လောက၌ ပွင့်တော်မူ၏ ။ပ။ [သာမညဖလသုတ်ကဲ့သို့ နည်းတူ ချဲ့အပ်၏။]
ကေဝဋ္ဋ ဤသို့လျှင် ရဟန်းသည် သီလနှင့် ပြည့်စုံ၏။ပ။ ပဌမဈာန်သို့ ရောက်၍ နေ၏၊ ကေဝဋ္ဋ ဤ (ပဌမဈာန်သို့ ရောက်၍ နေရန် ဆုံးမခြင်း) ကိုလည်း ဆုံးမခြင်း ပြာဋိဟာဟု ဆိုအပ်၏။ပ။ ဒုတိယဈာန်သို့။ တတိယဈာန်သို့။ စတုတ္ထဈာန်သို့ ရောက်၍ နေ၏၊ ကေဝဋ္ဋ ဤ(စတုတ္ထဈာန်သို့ ရောက်၍နေရန် ဆုံးမခြင်း)ကိုလည်း ဆုံးမခြင်း ပြာဋိဟာဟု ဆိုအပ်၏။ပ။ (ဝိပဿနာ) ဉာဏ်အမြင်အလို့ငှါ စိတ်ကို ရှေးရှုပို့ဆောင်၏၊ ရှေးရှုညွတ်စေ၏။ပ။ ကေဝဋ္ဋ ဤ (ဝိပဿနာ ဉာဏ်အမြင် အလို့ ငှါ ဆုံးမခြင်း) ကိုလည်း ဆုံးမခြင်း ပြာဋိဟာဟု ဆိုအပ်၏။ ။ပ။ ဤ (မဂ်ကိစ္စ) အလို့ငှါ တစ်ပါးသော ပြုဖွယ်ကိစ္စ မရှိတော့ပြီဟု သိ၏၊ ကေဝဋ္ဋ ဤ (အာသဝက္ခယ ဉာဏ် အမြင် အလို့ငှါ ဆုံးမခြင်း) ကိုလည်း ဆုံးမခြင်း ပြာဋိဟာဟု ဆိုအပ်၏။

ကေဝဋ္ဋ ...
ထူးသော ဉာဏ်ဖြင့် ကိုယ်တိုင် မျက်မှောက်ပြုလျက် ...
ငါ ဟောကြားထားသော ပြာဋိဟာတို့သည် ဤသုံးပါးတို့ပေတည်း။ 486

ကေဝဋ္ဋသူကြွယ်သားဝတ္ထု၊ ကေဝဋ္ဋသုတ်၊ သီလက္ခန္ဓ၀ဂ္ဂပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

Read more...

ကျေးဇူးတော်ရှင် ရွှေဥမင်ဆရာတော် ဘုရားကြီး ၏ သြဝါဒ များ (၆)

ရွှေကျင် နိကာယ၊ရတ္တညူ မဟာနာယက ကျေးဇူးတော်ရှင် ရွှေဥမင်ဆရာတော် ဘုရားကြီး
ဘဒ္ဒန္တကောသလ္လ မဟာထေရ်မြတ်၏သြဝါဒ
စကားကြီး ၃ ခွန်း

မြစ်ကြီးလည်းမခမ်းပါစေနဲ့..။
သစ်ပင် ကြီးလည်း မလဲပါစေနဲ့..။
ထုံးအိုးကြီးလည်းမကွဲပါစေနဲ့..။
မြစ်ကြီးမခမ်းပါစေန
ဲ့ဆိုတာ….အေးမြတဲ့ စမ်းရေလို
ကြည်ကြည် လင် လင် တသွင် သွင် စီးဆင်းနေတဲ့..မေတ္တာမြစ်ကြီးကို ဆိုလိုတာလေ..။
လူလူချင်းမေတ္တာထားကြ ၊မေတ္တာ တရားတွေ ပွားများကြ
မေတ္တာတွေ မခမ်းကြစေနဲ့ ဆိုတဲ့အဓိပ္ပါယ် ပဲ..။
သစ်ပင်ကြီးလည်းမလဲပါစေနဲ့ …တဲ့..။သစ်ပင် ကြီးဟာ အခက်အလက် အရွက်တွေ
ဝေဝေဆာဆာ နဲ့ အရိပ် အာဝါသကိုပေးတယ်..။ထို့အတူပဲ..
ဘုရားတရားသံဃာ ရတနာ သုံးပါးရဲ့ အရိပ် အာဝါသကောင်းကို
ခိုလှုံရလို့လည်း ကြီးပွားချမ်းသာ ခြင်းကို ရတယ်..။ဒီအရိပ် အာဝါသတွေကို အမိအရခိုလှုံဘို့လိုသလို..
အရိပ် အာဝါသတွေကိုမဖျက် ဆီးမိဘို့ ၊ကျေးဇူးမကန်းမိဘို့ သတိထားရလိမ့်မယ်..။
သစ်ပင် ကြီးကို ခုတ်လှဲပစ်ခြင်းဟာ အရိပ်အာဝါသကို ဖျက်ဆီးရာရောက်တာပဲ..။
ဒါကြောင့် သစ်ပင် ကြီးမလဲအောင် ကြိုးစားထိမ်းသိမ်းကြ..။
ထုံးအိုးကြီးလည်း မကွဲပါစေနဲ့ ဆိုတာကတော့ ရိုးရာ ဓလေ့ ထုံးစံတွေကိုပြောတာပါ..။
မိဘဘိုးဘွားလက် ထက် ကတည်းက လိုက်နာ ကျင့်သုံးလာ ကြတဲ့
ယဉ်ကျေးမှုဓလေ့ထုံးတမ်းစဉ်လာ ကောင်းတွေ..။မပျောက် ပျက်ရအောင် ထိန်းသိမ်းပြီး
ဗုဒ္ဓဘာသာဓလေ့ ယဉ်ယဉ်ကျေးကျေး သိမ်သိမ်မွေ့မွေ့ နေထိုင်ကြ..။

သုံးရပ် သာသနာ

သာသနာဆိုတာ မြတ်စွာဘုရားအဆုံးအမ..
ကိုယ် နဲ့နှုတ်ယဉ်ကျေးအောင်..စင် ကြယ်အောင် ဆုံးမတာ…သီလသာသနာ
စိတ်တွေယဉ်ကျေးအောင်၊ စင်ကြယ်အောင်..အပူသော ကတွေငြိမ်းသွားအောင်..သမာဓိသာသနာ..။
အခုတရားအားထုတ်နေရင် သီလလည်းရှိနေတယ်..။စိတ်လည်းစင် ကြယ် နေတယ်..။
ဉာဏ်အမြင် စင် ကြယ်အောင်၊ဝိပဿနာ ဉာဏ်၊မဂ်ဉာဏ် ၊ဖိုလ်ဉာဏ်..နိဗ္ဗာန်ထိအောင်ရဘို့
ဉာဏ်အမြင်စင် ကြယ်ဘို့ အားထုတ်တာ..ပညာ သာသနာ..။
အဲဒီသာသနာ ကိုယ် မှာ ရောက်ရင် ဘေးတွေကွယ်ပျောက် ချမ်းသာ ရောက် ပြီးနေတော့မှာ..။
တရားကဘဝထဲကိုရောက် အောင်သွင်းထားမှ ဘဝထဲမှာ
ကိုယ် လုပ်သမျှ ကိုင် သမျှတွေက တရားတွေချည်းဖြစ်နေမှာ..။ မတရားတာ မဖြစ်ရတော့ဘူး..။
စိတ်ကူးတိုင်း စဉ်းစားတိုင်း၊ ကြံစည်တိုင်း တရားသဖြင့်ပဲ..။
အဲဒါကို…သာသနာ ကိုယ် မှာရောက်မှ..
ဘေးတွေကွယ်ပျောက် ချမ်းသာရောက်တယ် လို့ အဲဒီလို မှတ်သားထားရမယ်..။

သာသနာခေတ် လူဖြစ်သူတွေ

သာသနာ့ဈေးရုံ..ကုန်မျိုစုံ….လိုကုန်ရနိုင်သည်..။
အဖိုးမဆစ် ဝယ်ထားရစ်….နောင်ခေတ်ရှားလိမ့်မည်..။
အသက်ရှည်ခြင်း အနာကင်း၊….အဆင်းလှနိုင်သည်..။
အမျိုးမြင့်မြတ်၊နတ်ပြည်ရပ်….ချဉ်းကပ်ရောက်နိုင်သည်..။
မဂ်ဉာဏ်၊ဖိုလ်ဉာဏ် မြတ်နိဗ္ဗာန်……ဧကန်ရောက်နိုင်သည်..။
အပ္ပမာဒခေါ်ငြား သတိပဋ္ဌာန်တရား၊…..ရှုပွားကြရမည်..။
လုံးစုံဘုရား ၊တပည့်သားတို့၊
ကြွသွားနိဗ္ဗာန် လမ်းကောင်းမှန်၊……သတိပဋ္ဌာန်ကျင့်စဉ်တည်း။

Read more...

*မိုးသို့ ဖွင့်ဟခြင်း*



အဲဒီနေ့လေးကပေါ့
ငြိမ်းချမ်းအေးမြတဲ့
မိုးရဲ့ အသံလေးကို နားဆင်ရင်း
လောကကြီးနဲ့ စစ်ခင်းဖို့
ကောင်လေးတစ်ယောက်
တံခါးမခေါက်ဘဲ ရောက်လာခဲ့တယ်…။

ပညာတွေ သင်တော့လည်း
မိုးကပဲ ဒီကောင်လေးကို
ကြင်နာစွာနဲ့
ကျောင်းတော်ကြီးထံ လိုက်ပို့ခဲ့တာပေါ့…။

မိုးရယ်…
ကောင်လေးလေ
စာတွေအံတော့လည်း
မိုးဘေးနား ရှိနေချိန်လေးဆို
အားအင်တွေ ပြည့်ခဲ့ပါရဲ့…။

မိုးရဲ့
ချိုမြအေးချမ်းတဲ့
အသံလေးကို အဖော်ပြုရင်း
နွေးနွေးထွေးထွေး
ကွေးကွေးလေး အိပ်ရတာကိုလည်း
ဒီကောင်လေး
တအားနှစ်သက်ခဲ့တာပေါ့…။

ဒါပေမယ့်လည်းလေ
တစ်နှစ်တစ်ခါမှ
ချစ်စရာ့အသွင်နဲ့
မိုးက ပေါ်လာတတ်ပြန်တော့
ဒီကောင်လေးလေ
မိုးမရှိတဲ့ အချိန်တွေ
တစ်ပါးသူတွေနဲ့
အဖော်ပြုခဲ့ရပေမယ့်
ကြည်ဖြူလို့တော့ မဟုတ်ခဲ့ပါဘူး မိုး…။

ဒီလိုနဲ့…
မိုးလာမယ့်ရက်တွေကို မျှော်လင့်ရင်း
မိုးရဲ့အသံလေးတွေကို တမ်းတရင်း
ဒီကောင်လေး
လောကကြီးနဲ့ စစ်ခင်းခဲ့တာ
၂၄-ကြိမ်ပြည့်တော့မယ်မိုး…။

ကောင်လေးစဉ်းစားမိတယ်
မိုးက
ကောင်လေးထက်အရင်
လောကကြီးထဲ ကြိုရောက်ပေမယ့်
သက်တမ်းက တိုလှပါလား… လို့။

သုံးလကျော် လေးလသာကြာတဲ့
မိုးရဲ့သက်တမ်း
တစ်နှစ်မှ တစ်ခါသာ
ပေါ်လာတတ်ရဲ့
မိုးရဲ့အကြောင်း
စုံလို့ပေါ့ မိုးရယ်… စဉ်းစားမိတာ…။

အရင်ကတော့လေ
ဘာလို့များ
မိုး.. တစ်နှစ်တစ်ခါ
ပေါ်ပေါက်လာရသလဲဆိုတာ
ဒီကောင်လေး မသိခဲ့ပါဘူး မိုး…။

ခုကော သိလားဆိုတော့
သိသလိုလိုလေးပါပဲ မိုးရယ်…
ဘာလဲဆိုတော့လေ
ဒါဟာ သံသရာတဲ့မိုး...
ဒီနေ့ ဒီချိန်ထိ
ကောင်လေး ဖတ်ခဲ့တဲ့ စာတွေ
ပတ်ဝန်းကျင်က ပေးတဲ့အသိတွေကနေ
သိခဲ့ရတာပါ မိုး…။

ကောင်လေးသိတဲ့
သံသရာဆိုတာကိုလည်း
တဖြေးဖြေး ကြောက်မိပါရဲ့ မိုးရယ်…။

တစ်ခါတစ်လေတော့လည်း
မိုးနဲ့အတူ မွေးဖွားခဲ့တဲ့ ဒီကောင်လေး
မိုးနဲ့အတူပဲ
လောကကြီးကနေ
ထွက်ခွါသွားချင်ပါရဲ့…။

ဒါပေမယ့်လည်းလေ
အစိုးမရတဲ့ ဒီလောကကြီးကနေ
ကောင်လေး လိုချင်တာတွေ
ရမှာမဟုတ်ဘူးဆိုတာတော့
ကောင်လေး တဖြေးဖြေးတွေးရင်း
ရေးတေးတေး သဘောပေါက်ခဲ့ပါပြီ မိုး…။

လောကကြီးထဲ
မိုးက အရင်
ကြိုတင်လို့ရောက်ခဲ့ပြီး
ကောင်လေးက နောက်မှ
ရောက်ခဲ့တယ်နော် မိုး…။

ဒါပေမယ့်လည်းလေ
မိုးထက်အရင်
ဒီလောကထဲက ကြိုတင်လို့
မထွက်ခွါချင်ပေမယ့်
ထွက်ခွါရဦးမယ် မိုးရယ်…။

ကောင်လေးလေ
ဘယ်အချိန်မှာမှ
ဒီလောကကနေ
ထွက်ခွါရမယ်မှန်း မသိလို့
ခုကတည်းက နှုတ်ဆက်စကား
ပြောကြားခဲ့ပါရစေ မိုး…။

နောက်ပြီးတော့လေ…
ကောင်လေး မရှိတော့တဲ့ နောက်ပိုင်း
လောကအကျိုးကို
ကောင်လေးအစားပါ တိုးလို့
သယ်ပိုးပေးဖို့လည်း
မှာခဲ့ပါရစေ မိုး…။

ခုတော့လည်းလေ
မိုးနဲ့အတူ အေးအေးချမ်းချမ်း
လောကကြီးထဲ
ခြေလှမ်းခဲ့တဲ့ ဒီကောင်လေး
ငြိမ်းချမ်းစွာနဲ့ပဲ
ဒီလောကက ထွက်ခွါနိုင်အောင်
ကြိုးစားလျက်ပါ မိုးရယ်…။ ။


လေးစားစွာဖြင့်
ဖိုးသား

Read more...

ရှင်တော်မြတ်ဘုရား၏ ဆုံးမတရား အနှစ်သာရတစ်ချို့

ရှင်တော်မြတ်ဘုရား၏ ဆုံးမစကားမှတ်စု

  • ဤတစ်လံမျှသော ခန္ဓာကိုယ်၌ပင် လောက၊ လောကဋ္ဌအကြောင်းရင်း၊ လောက၏အဆုံး၊ လောက၏ အဆုံးသို့ သွားသောလမ်းစဉ်တို့ကို ငါဘုရားဟောကြားတော်မူ၏။ ဤနေရာ၌ လောကဟူသော ဝေါဟာရသည် ဒုက္ခဟု အဓိပ္ပာယ်သက်ရောက်သည်။
  • သာမန်အားဖြင့် အာရုံငါးပါး ကာမဂုဏ်တရားများကို ခံစားမှုမှာ အမြင့်ဆုံးဖြစ်ပြီး (ယင်းသည်) သာမန်လူသားအဖို့ တစ်ခုတည်းသော ပျော်ရွှင်မှုဖြစ်သည်။ ယင်းသို့သော မတည်မြဲသည့် ရုပ်ပိုင်းပျော်ရွှင်မှုများအပေါ် မျှော်လင့်ခြင်း၊ ကျေနပ်နှစ်သက်ခြင်းနှင့် ပြန်တွေးကြည့်ခြင်းတို့၌ ခဏပန်းအားဖြင့် ပျော်ရွှင်မှုတစ်မျိုးရှိသည်မှာ သံသယဖြစ်ဖွယ် မလိုသော်လည်း ယင်းတို့မှာ မာဟာ(လှည့်စားမှု)ဖြစ်ပြီး အခိုက်အတံ့သာဖြစ်သည်။ဗုဒ္ဓရှင်တော်မြတ်အလိုအရ တပ်မက်စွဲလမ်းမှု မရှိခြင်းသည် ပိုမိုကြီးမြတ်သည့် ပျှော်ရွှင်မှုဖြစ်သည်။
  • ဗုဒ္ဓရှင်တော်မြတ်သည် ဒုက္ခဆင်းရဲမှုကို အဆက်မပြတ် စဉ်းစားတွေးတောနေရန်နှင့် မပျော်ရွှင်စရာ ဝမ်းနည်းကြေကွဲဖွယ် ဘဝတစ်ခုဖြင့် နေထိုင်သွားရန် မိမိ၏ တပည့်သာဝကများအား မမျှော်လင့်ချေ။ ပီတိ(ရွှင်လန်းနှစ်သက်ခြင်း)သည် ဗောဓိဉာဏ် (ကိုရရှိရန်) အစိတ်အပိုင်းတစ်ရပ်ဖြစ်သဖြင့် ထာဝစဉ် ပျော်ရွှင်တက်ကြွနေရန် တပည့်များအား ဗုဒ္ဓရှင်တော်မြတ် ဟောကြားတော်မူသည်။
  • ပျော်ရွှင်မှုအစစ်အမှန်ကို အဇ္ဈတ္တသဏ္ဌာန်၌ တွေ့ရပြီး ကြွယ်ဝခြင်း၊ သာသမီးများ၊ ချီးကျူးထောမနာပြုခြင်းများနှင့် ကျူးကျော်သိမ်းပိုက်ခြင်းများဟူသော ဝေါဟာရများဖြင့် အဓိပ္ပာယ်မဖွင့်ဆိုနိုင်ချေ။ အကယ်၍ ယင်းသို့သော ပိုင်ဆိုင်မှုများကို မှားယွင်းစွာ သုံးစွဲဘိမူ သို့မဟုတ် အတင်းအဓမ္မ မမှန်မကန် မလျော်မကန် ရရှိခဲ့မူ သို့မဟုတ် တပ်မက်စွဲလမ်မှုဖြင့် ရှုမြင်ခဲ့မူ ယင်းတို့သည် ပိုင်ဆိုင်သူများအဖို့ နာကျင်မှုနှင့် ဒုက္ခ၏အရင်းအမြစ်များ ဖြစ်လိမ့်မည်။

အချိန်တွေ တရွေ့ရွေ့ကုန်ဆုံး

အသက်တွေလည်းပြုန်းပေါ့

လူ့အခွင့်အရေးကို ဖြုန်းလျက်

အဝိဇ္ဇာအပြုံးနှင့် မတော်ဘူး။

လေးစားစွာဖြင့်

ဝင်းမြင့်

Read more...

တန်ခိုးပြာဋိဟာကို ပြရန် အလို့ငှါ ...

တန်ခိုးပြာဋိဟာကို ပြရန် အလို့ငှါ ...

ကေဝဋ္ဋသူကြွယ်သားဝတ္ထု

အကျွန်ုပ်သည် ဤသို့ ကြားနာခဲ့ရပါသည် -
အခါတစ်ပါး၌ မြတ်စွာဘုရားသည် နာဠန္ဒာမြို့ ပါဝါရိက (သူဌေး)၏ သရက်ဥယျာဉ် ၌ (သီတင်းသုံး) နေတော်မူ၏၊ ထိုအခါ ကေဝဋ္ဋ (အမည်ရှိသော) သူကြွယ်သား သည် မြတ်စွာဘုရားထံသို့ ချဉ်းကပ်၍ မြတ်စွာဘုရားကို ရှိခိုးပြီးလျှင် တစ်ခုသော နေရာ၌ ထိုင်၏၊ တစ်ခုသော နေရာ၌ ထိုင်ပြီးသော် ကေဝဋ္ဋ (အမည်ရှိသော) သူကြွယ်သားသည် မြတ်စွာဘုရားအား ဤစကားကို လျှောက်၏ -

''အသျှင်ဘုရား ဤနာဠန္ဒာမြို့သည် ပြည့်စုံကြွယ်ဝပါ၏၊ စည်ပင်ဝပြောပါ၏၊ လူ (ဦးရေ) များပြားပါ၏၊ လူ (အသွားအလာ) ထူထပ်ပါ၏၊ မြတ်စွာဘုရား၌ အလွန် ကြည်ညိုပါ၏၊ အသျှင်ဘုရား တောင်းပန်ပါ၏၊ မြတ်စွာဘုရားသည် လူတို့၏ ကုသိုလ်ကမ္မပထတရား ဆယ်ပါးထက် လွန်မြတ်သော တန်ခိုးပြာဋိဟာကို ပြရန် အလို့ငှါ ရဟန်းတစ်ပါးအား အမိန့်ပေးထားတော်မူပါ၊ ဤသို့ဖြစ်လတ်သော် ဤ နာဠန္ဒာမြို့သည် မြတ်စွာဘုရား၌ အတိုင်းထက်အလွန် ကြည်ညိုပါလိမ့်မည်'' ဟု လျှောက်၏။

ဤသို့လျှောက်သော် မြတ်စွာဘုရားသည် ...
ကေဝဋ္ဋ (အမည်ရှိသော) သူကြွယ်သားအား ဤ စကားကို မိန့်တော်မူ၏ -

''ကေဝဋ္ဋ ငါသည် ရဟန်းတို့အား 'ရဟန်းတို့ လာကြလော့၊ သင်တို့သည် လူတို့၏ ကုသိုလ် ကမ္မပထတရား ဆယ်ပါးထက် လွန်မြတ်သော တန်ခိုးပြာဋိဟာကို အဝတ်ဖြူ ဝတ်ကုန်သော လူတို့အား* ပြကြလော' ဟု ဤသို့ တရားကို မဟော'' ဟု မိန့်တော်မူ၏။

နှစ်ကြိမ်မြောက်လည်း ။ ပ ။ တန်ခိုးပြာဋိဟာကို ပြရန်အလို့ငှါ ရဟန်းတစ်ပါးအား အမိန့် ပေးထားတော်မူပါ၊ ဤသို့ဖြစ်လတ်သော် ဤနာဠန္ဒာမြို့သည် မြတ်စွာဘုရား ၌ အတိုင်း ထက်အလွန် ကြည်ညိုပါလိမ့်မည်ဟု ဤသို့ပင် လျှောက်လိုပါသေး သည်'' ဟု လျှောက်ပြန်၏။

နှစ်ကြိမ်မြောက်လည်း ...
ကေဝဋ္ဋ (အမည်ရှိသော) သူကြွယ်သားအား ဤစကားကို မိန့်တော်မူပြန်၏ -

''ကေဝဋ္ဋ ငါသည် ရဟန်းတို့အား 'ရဟန်းတို့ လာကြလော့၊ သင်တို့သည် အဝတ် ဖြူဝတ် ကုန်သော လူတို့အား လူတို့၏ ကုသိုလ်ကမ္မပထတရား ဆယ်ပါးထက် လွန်မြတ်သော တန်ခိုးပြာဋိဟာကို ပြကြလော့' ဟု ဤသို့ တရားကို မဟော'' ဟု မိန့်တော်မူ၏။

သုံးကြိမ်မြောက်လည်း။ ပ ။တန်ခိုးပြာဋိဟာကို ပြရန်အလို့ငှါ ရဟန်းတစ်ပါးအား အမိန့်ပေးထားတော်မူပါ၊ ဤသို့ဖြစ်လတ်သော် ဤနာဠန္ဒာမြို့သည် မြတ်စွာဘုရား ၌ အတိုင်းထက်အလွန် ကြည်ညိုပါလိမ့်မည်ဟု ဤသို့ပင် လျှောက်လိုပါသေး သည်'' ဟု လျှောက်ပြန်၏။

ကေဝဋ္ဋသူကြွယ်သားဝတ္ထု၊ ကေဝဋ္ဋသုတ်၊ သီလက္ခန္ဓ၀ဂ္ဂပါဠိတော်။

*။ ထိုခေတ် ထိုဒေသက လူများသည် အဝတ်ဖြူကို ဝတ်လေ့ရှိကြသည်၊ ယခုတိုင်အောင်ပင် အိန္ဒိယနိုင်ငံက လူများသည် အဝတ်ဖြူကို ဝတ်လေ့ရှိကြသည်။



ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

...

Read more...

ဖုံးကွယ်ခြင်းသုံးပါးတဲ့... (တည်တောဆရာတော် (မေး+ဖြေ))







Read more...

*ကျေးဇူးစကား တစ်ခွန်းတော့ ပြောပါ*

*ကျေးဇူးစကား တစ်ခွန်းတော့ ပြောပါ*

အပန်းဖြေ စခန်းက ပြန်လာတဲ့ ကားတစ်စီးဟာ လမ်းတစ်နေရာ ရွှံ့အိုင်မှာ ရပ်သွားခဲ့တယ်။ ကားပေါ်က သားသားနားနား ၀တ်ဆင်ထားတဲ့ လူတစ်ဦးက ဘေးပတ်ဝန်းကျင်ကို ကြည့်ပြီး “ကျွန်တော့် ကားအောက်ထဲ ၀င်ပြီး ဘယ်သူ ၀က်အူ ကြပ်ပေး နိုင်မလဲ?”လို့ အော်ဟစ် အကူအညီ တောင်းလိုက်တယ်။

ကားရဲ့ ဆီတိုင်ကီက ၀က်အူတစ်ချောင်း ချောင်နေပြီး ဆီတွေ ယိုနေခဲ့လို့ ရပ်သွားတာ ဖြစ်တယ်။ ဓါတ်ဆီ ဆိုင်နဲ့လည်း အတန်ငယ် အလှမ်းဝေး တာကြောင့် ကားပိုင်ရှင်ရဲ့ စိတ်ဟာ အိုးဖုံးပူ ပေါ်က ပုရွက်ဆိတ် တွေလိုပဲ လှုပ်ရှား နေခဲ့တယ်။

ကားပိုင်ရှင် ဘေးက လှလှပပ ပြင်ဆင်ထားတဲ့ အမျိုးသမီး တစ်ဦးက “ဆုငွေရှိရင် ကူတဲ့လူ ပေါ်လာလိမ့်မယ်”လို့ ပြောတော့ ကားပိုင်ရှင်ဟာ တန်ဖိုးကြီး ငွေစက္ကူ တစ်ရွက်ကို အလျင်အမြန် ထုတ်ပြီး “၀က်အူ ကြပ်ပေးတဲ့သူ ဒီပိုက်ဆံနဲ့ ထိုက်မယ်”လို့ ပြောလိုက်တယ်။

ဝိုင်းကြည့်နေတဲ့ လူတွေထဲက လူငယ်တစ်ဦး တစ်ချက် လှုပ်သွားတယ်။ ဒါပေမယ့် ဘေးလူ တစ်ယောက်က “ပိုက်ဆံရှိသူ တွေရဲ့ စကားကို မယုံနဲ့” ဆိုပြီး လှမ်းဆွဲ လိုက်တယ်။ အဲဒီ အချိန်မှာ ကလေးငယ် တစ်ဦးက ထွက်လာပြီး “ကျွန်တော် ကူမယ်” လို့ ပြောလိုက်တယ်။

ကလေးငယ်က ကားအောက်ထဲ ၀င်ပြီး ၀က်အူကို ကြပ်ပေး လိုက်တယ်။ တစ်မိနစ်တောင် မကြာတဲ့ အချိန်နဲ့ ကားအောက်က ထွက်ပြီး ကားပိုင်ရှင်ကို မျှော်လင့်ချက် မျက်လုံးတွေနဲ့ ကြည့်နေခဲ့တယ်။ ကားပိုင်ရှင်က ကလေးငယ်ကို အခုနက ငွေကို လှမ်းပေးမယ် အလုပ်မှာ အမျိုးသမီးက “ဒီငွေကို ပေးမလို့လား? အကြွေတစ်ချို့ပဲ ပေးလိုက်ပါ” လို့ ၀င်ဟန့်တယ်။

ကားပိုင်ရှင်က အမျိုးသမီးဆီက ငွေအကြွေကို ယူပြီး ကလေးကို လှမ်းပေး လိုက်တယ်။ ကလေးက မယူဘဲ ခေါင်းခါပြတယ်။ ၀ိုင်းကြည့်နေတဲ့ လူအုပ်ကြားက ဝေဖန်သံ တစ်ချို့ ထွက်လာတော့ ကားပိုင်ရှင်က အကြွေတစ်ချို့ ထပ်ပေါင်းပြီး ကလေးကို ကမ်းပေး ပြန်တယ်။ ကလေးငယ်က ခေါင်းခါ ပြန်တော့ စိတ်ဆိုးပြီး “ဘာလဲ.. မင်းက နည်းသေးတယ်လို့ ထင်လား? နည်းတယ် ထင်ရင် လုံးဝ မပေးတော့ ဘူးနော်”လို့ အော်လိုက်တယ်။

“နည်းတယ် ထင်လို့ မဟုတ်ပါဘူး၊ ကျွန်တော့် ဆရာမက ပြောပါတယ်၊ လူတွေကို ကူညီတာ အကျိုးအမြတ် ရဖို့အတွက် မဟုတ်ပါဘူး”လို့ ကလေးငယ်က ပြန်ပြောတော့ “ဒါဆို မင်းဘာဖြစ်လို့ မသွားသေး တာလဲ?” ကားပိုင်ရှင်က စိတ်ပျက်လက်ပျက် မေးပြန်တယ်။

“လေးလေးဆီက ကျေးဇူးတင်ပါတယ် ဆိုတဲ့ စကား တစ်ခွန်းကို ကျွန်တော် စောင့်နေတာပါ” လို့ ကလေးက ပြန်ပြော လိုက်တယ်။

***********************************************************

မေးလ်က ရရှိလာတဲ့ အကြောင်းအရာလေး တစ်ခုပါ။ စာဖတ်သူအနေနဲ့ ဒီ အကြောင်း အရာလေးကို ဖတ်ပြီး ဘာတွေ တွေးမိ၊ စဉ်းစားမိ၊ ခံယူမိပါသလဲ..။ ဘယ်လို အသိတရားတွေများ ရလိုက်ပါသလဲ…။

ဒီလိုမေးတော့ ကျွန်တော် တွေးမိ စဉ်းစားမိတာ လေးလည်း ပြောဖို့ လိုလာမယ် ထင်ပါတယ်။ ကျွန်တော် ဘာတွေ တွေးမိ ဆင်ခြင်မိလဲ ဆိုတော့…

(၁)
ကားပိုင်ရှင်က အော်ဟစ် အကူအညီ တောင်းတာကို ဘေးက အမျိုးသမီးက ဆုငွေပေးရင် လုပ်မယ့် သူရှိမယ်ဆိုတဲ့ အပြော…

ဒီနေရာမှာ ပိုက်ဆံပေးရင် ဘာမဆို ဖြစ်တယ်ဆိုတဲ့ တစ်ချို့သော သူတွေရဲ့ စရိုက်ကို ဖော်ပြသွားပါတယ်…။ ဟုတ်ပါတယ် .. လူတွေကလည်း ပိုက်ဆံရမှ၊ အခွင့်အရေးရမှ လုပ်ချင်ကြတာကိုး…။ ဒါဆိုရင် ပိုက်ဆံမရ၊ အခွင့်အရေး မရပေမယ့် အနစ်နာခံပြီး လုပ်ပေးမယ့်၊ ကူညီမယ့် သူမျိုးကော မရှိနိုင်ဘူးလား…? အရေအတွက် ဘယ်လောက်များများ ရှိပါသလဲ…? ကျွန်ုပ်တို့ သင်တို့ တစ်တွေကော ကူမယ့်သူလား ယူမယ့်သူလား…? ဒါမှမဟုတ် ကူလည်းကူမယ်၊ ယူလည်းယူမယ် ဆိုတဲ့ လူမျိုးလား…? ကျွန်တော် အတွေး နယ်ချဲ့ မိတာပါ။

(၂)
ကားပိုင်ရှင်က တန်ဖိုးကြီး ငွေစက္ကူ တစ်ရွက် ထုတ်ပြီး အကူအညီ တောင်းတာကို လူအုပ်ထဲက လူငယ် တစ်ယောက်က ကူညီဖို့ ဟန်ပြင်တယ် (ဒီပိုက်ဆံကို မြင်လို့)။ အဲဒါကို ဘေးကလူက ပိုက်ဆံရှိတဲ့ သူတွေရဲ့ စကား မယုံရဘူးလို့ ဆိုတယ်…။

အင်း… ဒီနေရာမှာ ဘေးကလူက တားတာသည် သူသည် ပိုက်ဆံရှိတဲ့ သူတွေရဲ့ အလိမ် အညာ မိဖူးလို့လည်း ဖြစ်နိုင်သလို ခုလို ကူညီမယ့်လူငယ် ကူညီအပြီးမှာ ပိုက်ဆံရသွားမှာကို မနာလိုလို့လည်း ဖြစ်နိုင်ပါတယ်။ ဒါကတော့ သေချာ မပြောနိုင်ပါဘူး… ကာယကံရှင် ကိုယ်တိုင်မှပဲ သိနိုင်မှာပါ…။

နောက်တစ်ချက် ကျွန်တော် မေးလိုတာက လောကမှာ ပိုက်ဆံရှိတဲ့ လူတိုင်းကို မယုံရတော့ ဘူးလား…? လောကမှာ မယုံကြည်ရတဲ့ သူတွေသည် ပိုက်ဆံရှိတဲ့ သူတွေ ချည်းပဲလား…၊ ပိုက်ဆံမရှိတဲ့ သူတွေကော မပါနိုင်ဘူးလား…? မယုံကြည်ရတဲ့ သူတစ်ယောက် အဖွဲ့အစည်း တစ်ခုမှာ ရှိတာနဲ့ အဲဒီ အဖွဲ့အစည်း တစ်ခုလုံးသည် မယုံကြည်ရတဲ့ သူတွေ ဖြစ်သွားကောလား…? တစ်ယောက် မကောင်းတာနဲ့ အများကို သိမ်းကြုံးပြီးတော့ အပြစ် မမြင်သင့်ဘူးလို့ ကျွန်တော် ထင်ပါတယ်လေ…။ ဒါက ကျွန်တော့် အမြင်ပါ၊ မိတ်ဆွေတို့ကော ဘယ့်နှယ့်ရှိစ…?

(၃)
ကလေးငယ်လေး ကူညီအပြီးမှာ ကားပိုင်ရှင်က ခုန သူပြောထားတဲ့ ငွေအမောင့် ပေးမယ် လုပ်တော့ ဘေးနားက အမျိုးသမီး (သူ့ဇနီးလည်း ဖြစ်နိုင်ပါတယ်)က အကြွေတွေ ပေးခိုင်းတဲ့ကိစ္စ။ နောက် ကားပိုင်ရှင် ကိုယ်တိုင်က အကြွေတွေပဲ ပေးတဲ့ကိစ္စ။

ဘေးနားက အမျိုးသမီးသည် ဘာကြောင့် ခုလို ပြောရပါသလဲ…? ကားပိုင်ရှင်ကကော အဲဒီအမျိုးသမီး စကားကို နားထောင်ပြီး ဘာကြောင့် အကြွေတွေပဲ ပေးရပါသလဲ…? ပေးပြီးသား ကတိကို ဘာကြောင့် ဖျက်ရပါသလဲ…? “မင်းက နည်းတယ် ထင်လို့လား? နည်းတယ် ထင်ရင် လုံးဝ မပေးတော့ ဘူးနော်” ဟူသော စကားမျိုး အဘယ်ကြောင့် ပြောထွက်ပါသနည်း…? တစ်ဘက်က ကလေးဆိုပြီး အနိုင်ယူတာလား…? ဘာကြောင့် ကူညီမှုကို တန်ဖိုး မထားကြတာလဲ…? မေးစရာ တွေကတော့ တွေးရင် တွေးသလောက် ထွက်လာ ဦးမှာဆိုတော့ ဒီလောက်ပဲ မေးကြည့်ပါရစေ။

ဒီမေးခွန်းတွေကို ကျွန်တော် ပြန်ဖြေရရင်တော့ အဓိကက မေတ္တာတရားနဲ့ ကိုယ်ချင်းစာ တရား မရှိမှုပါ။ လူတိုင်းမှာသာ မေတ္တာတရား၊ ကိုယ်ချင်းစာ တရား ရှိနေခဲ့မယ် ဆိုရင် ခုလို အဖြစ်မျိုးလည်း ဖြစ်စရာ မရှိသလို၊ ဒီလို မေးခွန်းတွေလည်း မေးစရာ မလိုအပ်ပါဘူး…။ ဒါကလည်း ကျွန်တော် ထင်မြင် ယူဆတာလေးပါ။ ဖြစ်နိုင်ရင် မိတ်ဆွေတို့ရဲ့ အမြင်လေးကိုလည်း သိချင်မိပါတယ်။

(၄)
ကလေးငယ်လေးရဲ့ “နည်းတယ် ထင်လို့ မဟုတ်ပါဘူး၊ ကျွန်တော့် ဆရာမက မှာထားပါတယ်။ လူတွေကို ကူညီတာ အကျိုးအမြတ် ရဖို့ မဟုတ်ပါဘူး” ဟူသော စကား

အော်.. ကလေးငယ်ရဲ့ ခံယူတတ်တဲ့ စိတ်ဓါတ်နဲ့ နူးညံ့တဲ့ နှလုံးသားကို အတိုင်းသား သွားတွေ့လိုက်ရတယ်။ နောက် ကလေးငယ် ဘ၀မှာ သွန်သင် ဆုံးမတဲ့ ဆရာ ဆရာမတွေရဲ့ အရေးပါပုံလေး ကိုလည်း ကျွန်တော် သတိ ထားလိုက်မိပါရဲ့…။ မိတ်ဆွေတို့ကော ဘယ်လို ယူဆမိလဲ မသိ…?

(၅)
ကလေးငယ်ရဲ့ နောက်ဆုံး ပြောကြားလိုက်တဲ့ “လေးလေးဆီက ကျေးဇူးတင်ပါတယ် ဆိုတဲ့ စကား တစ်ခွန်းကို ကျွန်တော် စောင့်နေတာပါ” ဆိုတဲ့ စကားလေး…

ဒါလေးကို ဖတ်လိုက်တဲ့ အချိန် နင့်နေအောင် ခံစားလိုက်ရတယ်… ကလေးငယ်ရဲ့ ရိုးသားမှု၊ နောက် လူတိုင်းဟာ ကိုယ် ကူညီလိုက်လို့ မိမိကိုင်တိုင် အကျိုးအမြတ် ရသည်ဖြစ်စေ မရသည်ဖြစ်စေ သူတစ်ပါးရဲ့ အလေးပေးမှုလေးကို ခံယူချင်မှု… စတာတွေကို ဒီစကားလေးက သရုပ်ဖော်လိုက် သလိုပါပဲ…။

(၆)
ဇာတ်လမ်း လေးကတော့ ဒီမှာပဲ ပြီးသွားတယ်ဗျ… ဒါပေမယ့် ကျွန်တော် သိချင်တာ တစ်ခု ကျန်နေသေးတယ်…။ မိတ်ဆွေတို့လည်း သိချင် မလားပဲ…။ ဘာလဲ ဆိုတော့ ကားပိုင်ရှင်ကြီး နောက်ဆုံးမှာ ကျေးဇူးတင်စကား ပြောမပြော.. အဲဒါလေးပါ။

ကျွန်တော် နောက်ဆုံး အနေနဲ့ တွေးမိတာလေး တစ်ခု ရှိသေးတယ်ဗျ… မေးချင်တာပေါ့နော

ကျွန်တော်တို့ တစ်တွေသာ ဒီဇာတ်လမ်း လေးထဲမှာ ၀င်ရောက် ဖျော်ဖြေခွင့် ရခဲ့ရင် ဘယ်နေရာကများ သရုပ်ဆောင် ချင်ပါလဲ…? လက်တွေ့မှာကော ကျွန်တော်တို့ သရုပ်ဆောင် ချင်သော ဇာတ်ကောင်ကဲ့သို့ ကျွန်တော်တို့ရဲ့ စရိုက်တွေနဲ့ ကိုက်ညီမှု ရှိပါရဲ့လား…? အဲဒါလေးကိုလည်း ဒီဇာတ်လမ်းလေး ဖတ်အပြီး ကိုယ့်ကိုယ်ကို ပြန်ပြန် မေးနေမိပါရဲ့…။

************************************************

လေးစားစွာဖြင့်
ဖိုးသား

4/10/2009, SAT:, 4:38:50 AM

Read more...

ကျေးဇူးတော်ရှင် ရွှေဥမင်ဆရာတော် ဘုရားကြီး ၏ သြဝါဒ များ (၅)

ရွှေကျင် နိကာယ၊ရတ္တညူ မဟာနာယက ကျေးဇူးတော်ရှင် ရွှေဥမင်ဆရာတော် ဘုရားကြီး
ဘဒ္ဒန္တကောသလ္လ မဟာထေရ်မြတ်၏သြဝါဒ

နှစ်သစ်

နှစ်သစ်ပြောင်းတယ်ဆိုပြီး လူသစ်ဖြစ်အောင် ခေါင်းလျှော်ကြ အဝတ်လျှော်ကြလုပ် ကြတယ်..။
စိတ်ကိုကောဖြူစင်အောင်လျှော်ဖွတ်ကြရဲ့လား။
စိတ်သန့်ရှင်းဘို့ က လူသန့်ရှင်းဘို့ထက် ပိုအရေးကြီးတယ်နော်။
ကိလေသာ အညစ်အကြေးတွေကို အမြဲလျှော် ဖွတ်နေမှ စိတ်သန့်ရှင်းဖြူစင်တယ်..။

နှစ်သစ်ကူးမှာ ငါးလွှတ်ဘူးတဲ့အခါ

နှစ်သစ်ကူးတဲ့အခါ ငါးလွှတ်ဘူးကြတယ် နော်..။
ဆုတောင်းလေးကလည်းကောင်းမှကောင်း။
နင့်တစ်ခါလွှတ်၊ငါ့ဆယ်ခါလွှတ်တဲ့..။
ဈေးသည်တွေတင် အမြတ်ကြီးစားလားမှတ်တယ်..။အလှူရှင်တွေလည်းအမြတ်ကြီးစားတာပဲ..။
ကိုယ်ပါ ငါးဖြစ်ပြီး(၁၀)ခါ အလွှတ်ခံရရင် မသက်သာ ဘူးနော်..။
သူ့သေဘေးကလွှတ်ရသလို ကိုယ်လည်း အိုနာသေ ဘေးက လွတ်ပါရစေ ဒီလိုဆုတောင်းရမှာ..။

သတိ သတိ သတိ

လောဘနဲ့ ဒေါသကို မောဟက ကြီးစိုးချယ် လှယ်တယ်..။
သူတို့ကို နိုင်တာ အပ္ပမာဒ ဆိုတဲ့ သတိပဋ္ဌာန်တရားပဲ..။
မဂ္ဂင်ရှစ်ပါး အကျင့်တရားကို ခွဲလိုက်တော့ သီလ၊သမာဓိ၊ပညာ။
သီလ နဲ့ သမာဓိကို ကြားက သတိက ပဲ့ကိုင် အုပ်ချုပ်တယ်..။
သမာဓိ နဲ့ ပညာ မှာလည်း သတိကပဲဦးဆောင်တယ်..။
နိဗ္ဗာန် ပို့တဲ့ သီလ သမာဓိ ပညာ ပွားများကြောင်းမှာ (သတိ )သာ လျင် အခရာ ဖြစ်တယ်..။
သတိမပါရင် ဘာ မှ အရာမရောက်ဘူး။

ကြည်ညိုခြင်း

သူများကိုလိုက် ကြည်ညိုမဲ့ အစား..
ကိုယ့်ကိုကိုကြည်ညိုအောင်လုပ်ကြ..။

ဝိပဿနာ ဆိုတာ..ဘာလဲ

ဝိပဿနာ ဆိုတာ
ရုပ်ဓမ္မ၊နာမ်ဓမ္မ တွေကို
ကိုယ့်ဘဝထဲ ဆွဲသွင်းလိုက်တာပဲ..။

ဓမ္မ

တရားတာ မလုပ်ရင်
မတရားတာလုပ်နေမိလိမ့်မယ်..။

တရားတိုးတက် ရန် အင်္ဂါ (၆)ပါး

ကိစ္စမများ၊ စကားနည်းစေ၊
အိပ်နေမှုနည်း၊ကိုယ်တည်းပျော်လေ။
ရောနှောမှုကင်း၊ ချဲ့ခြင်းရှောင်သွေ၊
အနေကောင်းဘို့ အကြောင်း ဂုဏ်ခြောက်ထွေ..။
ယောဂီက အလုပ် ကိစ္စနည်းရတယ်..။စကားလည်းနည်းရတယ်..။
အိပ်နေမှုနည်းပြီး တစ်ကိုယ်တည်းလည်းအားထုတ်ရတယ်..။
ကိုယ် အဖေါ်တင် မကဘူး၊စိတ်အဖေါ်လည်းမရှိရဘူး။
တဏှာဒုတိယော၊ပုရိသော။
ဟိုဟာ လိုချင် ဒီဟာလိုချင်တဲ့ စိတ်ထဲက အဖေါ်တွေရှိနေရင် စိတ္တဝိဝေက မရှိဘူး။
ရော နှော မှုလည်းကင်းရမယ်..။မရောရဘူးနော်။
ချဲ့တယ် ဆိုတာ မှာလည်း…လိုချင်တပ် မက် မှုတဏှာ နဲ့လည်းချဲ့တယ်..။
မာနနဲ့လည်း…ချဲ့တယ်..။ ဒိဋ္ဌိနဲ့လည်း….ချဲ့တယ်..။
အဲဒီ တဏှာ မာန ဒိဋ္ဌိ ကလည်း သူ့ကို လက်ခံလိုက်ရင်
ဘယ် သူ့ကို မှ မရှောင်ဘူး ဒုက္ခပေးတော့တာပါပဲ..။
သံသရာ ဝဋ်က ကျွတ်လွတ်တဲ့ တရားထူးတရားမြတ်တွေ အရနှေးလိမ့်မယ်..။
တရားရချင်ရင် အဲဒါတွေကို စွန့်ရမယ်..။
ဒါမှ - အနေလည်းကောင်းမယ်..အသေလည်းကောင်းမယ်..။

Read more...

မှတ်သားထားသောစကားများ၊ စာများ(၄)

မှတ်သားထားသောစကားများ၊ စာများ(၄)

(၁)- “မဆုံးမ မစောင့်ထိန်းပဲ လွှတ်ထားသော စိတ်ကဲ့သို့သော အကျိုးမဲ့ ဒုက္ခရောက်စေတတ်သော အခြားတရားတစ်ပါးကို ငါဘုရားမြင်တော်မမူ”
ဗုဒ္ဓမြတ်စွာ (ဧကဂုင်္တ္တရ-အဒန္တ၀ဂ)




(၂)- “နွားစာမှ ရရဟု ကျတ်တီးကုန်းမှာ တောင်ယာလုပ်ရသလို တစ်ပုဒ်တစ်ပါဒမျှ သိရင် မနည်းအကျိုးများမည်ဟု ယူဆ၍ ဒီလောက် ငါပြောပြလို့မှ မသိမမြင်တဲ့ ပုထုဇဉ် အမိုက်အကန်းတွေကို ငါဘာတတ်နိုင်အုံးမှာလဲ”
ဗုဒ္ဓမြတ်စွာ (ခန္ဓ၀ဂ္ဂ-ခေတ္တူပမသုတ်)

*
(၃)- “နည်းတာများတာ လိုရင်းမဟုတ်၊ တိုတိုနှင့် အကျိုးရှိသည်ကိုသာ ဟောပြပါ၊ များများဟောဖို့မလိုပါ၊ များများဟောသော်လည်း အကျိုးမပြီးက အချည်းနှီးပါပဲ ငါ့ရှင်”
(သာရိပုတ္တ ပရိဗိုဇ် > အရှင်အဿဇိထေရ်)

*
(၄)- “ဖြစ်ပျက်ရှုသော အယူ၊ ဖြစ်ပျက်မြင်သော အယူသည် ငါဘုရား၏ အယူဖြစ်သည်၊ ရရှိသော အကျိုးကျေးဇူးမှာ ဖြစ်ပျက်ရှုသဖြင့် တဏှာ၊မာန၊ဒိဋ္ဌိချုပ်ပြီး ကိလေသာချုပ်၊ ခန္ဓာချုပ်သည်။ သမုဒယသစ္စာကိလေသာသည် မီးဖြစ်ပြီး ခန္ဓာသည်လောင်စာဖြစ်ရာ၊ လောင်စာသိမ်း၍ မီးငြိမ်းသွားခြင်းသည် နိဗ္ဗာန်ဖြစ်သည်”
(အဂ္ဂိဝစ္စပုဏ္ဏားမေး၍ ဗုဒ္ဓမြတ်စွာ ဖြေတော်မူခြင်း)

*
(၅)- “တစ်ယောက်တည်းသော သားမို့ အမေမခွဲချင်ပေမယ့်၊ အမေ့ကိုလုပ်ကျွေးပြုစုမယ့်အစား ဘုရားရှင်ကိုလုပ်ကျွေးပါ။ အမေ မွေးကျိုးနပ်ပါပြီ”
(လှေသင်းမင်းကျောင်းဆရာတော်ဘုရားကြီးဦးသောမ၏ မိခင်)

*
(၆)- “လူမှုကိစ္စတို့သည် မည်သည့်အခါမျှ ပြီးဆုံးသည်ဟူ၍ မရှိ။ နောက်တစ်နှစ်လာလည်း ဒီအလုပ်၊ ထိုအလုပ်များ မပြီးမဆုံး၊ လုပ်တုန်းလုပ်ဆဲနှင့်ပင် မိဘဘိုးဘွားတွေလည်း သေခဲ့ကြရလှပြီ”
(နောင်တော်မဟာနာမ်)

*
(၇)- “အကျိုးဖြစ်တဲ့ တဏှာကို သတ်မနေနဲ့။ အကြောင်းဝေဒနာကိုသာ သတ်။ ဝေဒနာကို အမြဲဖြစ်-ပျက်ရှု။ နေ့တိုင်းရှု၊ အမြဲရှု။ ခင်များတို့ ခန္ဓာကိုယ်ကြီးဟာ တရွေ့ရွေ့ အမြဲသုဿန်ကို သွားနေတယ်။ သုဿန်သွားရင်းရှု။ ဒီတစ်ခါပဲ သွားရတော့မယ်။ မရှုဘူးဆိုရင် ဒီသုဿန် ပြန်ရောက်အုံးမှာပဲ။ သူများအသုဘသွားပို့ပြီး စကားတပြောပြောနဲ့ ပြန်လာတာတွေက များတယ်။ တရားနှလုံး မသွင်းဘူး။ ခင်များတို့လည်း နီးနေပြီ။ အိုခြင်းဆိုး၊ နာခြင်းဆိုး၊ သေခြင်းဆိုးဘေးက လွတ်ချင်ရင် ဝေဒနာကို အမြဲဖြစ်ပျက်ရှု”
(မိုးကုတ်ဆရာတော်ဘုရားကြီး)

Read more...

ဝေဒနာ နုပဿနာ တရားတော်ကြီး ပထမပိုင်း (၂)

ဝေဒနာ နုပဿနာ တရားတော်ကြီး ပထမပိုင်း (၂)

ဝေဒနာနုပဿနာ တရားတော်ကြီး ပထမပိုင်း (၁)
ဝေဒနာနုပဿနာတရားတော်ကြီးပထမပိုင်း(၂) (မဟာစည်ဆရာတော် -၁၃၁၃ခုနှစ် တန်ဆောင်မုန်း လပြည့်နေ့ည အသံလွှင့် ဟောကြားသည်)

"အာရုံကောင်းများ ခံစားတတ်သည်
စိတ်အဖော်များ ရွှင်ပွားစေသည်
ကိုယ်စိတ်ထဲမှာ ကောင်လှထင်သည်
ချမ်းသာမှု မှတ်ရှုမြတ်ယောဂီ" တဲ့။

ဒီဆောင်ပုဒ်ထဲမှာ "အာရုံကောင်းများ ခံစားတတ်သည်" ဆိုတာဟာ အာရုံကောင်းတွေ ခံစားပြီး ကောင်းနေတာဟာ သုခဝေဒနာ ရဲ့ သဘောလက္ခဏာပဲ ။ အဲဒါကို ယောဂီဟာ ရှုမှတ်ရင်း သိသိသွားရမယ်လို့ ဆိုလိုတယ်။ "စိတ်အဖော်များ ရွှင်ပွားစေသည်" ဆိုတာကတော့ စိတ်စေတသိက်ဆိုတဲ့ ဝေဒနာနဲ့ အဖော်တွေကို ရွှင်လန်းတိုးတက် စေတာဟာ သုခဝေဒနာရဲ့ စွမ်းရည်သတ္တိ ရသတဲ့။ အဲဒါကိုလည်း ရှုမှတ်ရင်းသိသိသွားရမယ် လို့ ဆိုလိုတယ်။ "ကိုယ့်စိတ်ထဲက ကောင်းလှထင်သည်" ဆိုတာကတော့ ကိုယ်ထဲစိတ်ထဲမှာ "ကောင်းလိုက်တာ ကောင်းလိုက်တာ"လို့ ထင်ရတာ ကလေးတွေ သုခဝေဒနာရဲ့ အခြင်းအရာ အခြေအနေ ပစ္စုပဋ္ဌာန်ပဲ၊ အဲဒါကိုလည်း ရှုမှတ်ရင်း သိသိသွားရမယ်လို့ ဆိုလိုပါတယ်။

"ချမ်းသာမှု မှတ်ရှု မြတ်ယောဂီ "ဆိုတာကတော့ ချမ်းသာမှု သုခဝေဒနာ ဖြစ်တိုင်း ရှုမှတ်ပြီး ယခုပြောခဲ့တဲ့ "လက္ခဏာ"နဲ့ ဖြစ်ဖြစ်၊ "ရသ "နဲ့ ဖြစ်ဖြစ် " ၊ "ပစ္စုပဋ္ဌာန် "နဲ့ဖြစ်ဖြစ် သိသိသွားရမယ်လို့ ဆိုလိုတယ်။

ဒါကြောင့်-
"အာရုံကောင်းများ ခံစားတတ်သည်
စိတ်အဖော်များ ရွှင်ပွားစေသည်
ကိုယ်စိတ်ထဲမှာ ကောင်းလှထင်သည်
ချမ်းသာမှု မှတ်ရှုမြတ်ယောဂီ"

ဆိုတဲ့ ဆောင်ပုဒ် ကလေး ကိုလည်း အရ ကျက်မှတ် ထားကြရမယ်။ ကိုယ်စိတ်ထဲမှာ ဖြစ်ပေါ်လာတဲ့ ချမ်းသာမှု ကလေးကို ဖြစ်ဆဲမှာသာ စူးစိုက်ပြီး ရှုမှတ်ကြည့်ပါ။ ယခုပြောခဲ့တဲ့ အတိုင်း "လက္ခဏာ နဲ့ရော၊ ရသနဲ့ရော ပစ္စုပ္ပဋ္ဌာန်နဲ့ရော" သိနိုင်ပါတယ်။

ဒီလို "လက္ခဏာ၊ ရသ၊ ပစ္စုပဋ္ဌာန်" နဲ့ သိတယ်ဆိုရင် ကောင်းတဲ့ အာရုံတွေရလို့ ကောင်းကောင်း သွားတယ်ဆိုတဲ့ သူ့အကြောင်း "ပဒဋ္ဌာန်" ကိုလဲ သိသွားတော့ တာပါပဲ။ ဒီနေရာမှာ သုခဝေဒနာ ထက် ဒုက္ခဝေဒနာက သာပြီး ထင်ရှားသေးတယ်။ အဲဒီ ဒုက္ခဝေဒနာ ထင်ရှားပုံကိုတော့ ဒုက္ခဝေဒနာ ရှုပုံအပိုင်းကျမှ ဟောရမယ်။

ယခုပြောခဲ့တဲ့ သုခဝေဒနာ ကို ဖြစ်တိုင်းဖြစ်တိုင်း ရှုမှတ်ပြီး သဘောမှန်ကို သိရင် အဲဒီ ချမ်းသာမှုလေးရဲ့ အစပေါ်လာမှုဖြစ်မှု ကိုလည်း ထင်ရှား သိတော့တာပဲ။ ကုန်ဆုံးပျောက်ကွယ် သွားတာကိုလည်း ထင်ရှားသိတော့တာပဲ။ ဒီတော့ ချမ်းသာမှု ကလေးတွေကို တစ်ခုစီ တစ်ပိုင်းစီ တစ်ပိုင်းစီ ခွဲခြားပြီး သိနိုင်တယ်။ ဒါကြောင့် အလျင်တုန်းက တစ်ယောက်တည်း ရယ်လို့ ထင်ရတဲ့ သန္တတိ ပညတ်ဟာ ယခု သူ့အလိုလို ပျက်သွားပါရော။

ဒီလို သန္တတိပညတ် ပျက်သွားတော့ "ဖြစ်ပေါ်ပြီး ပျက်ပျက်သွားလို့ မမြဲဘူး"ဆိုတဲ့ အနိစ္စ လက္ခဏာဟာလည်း သူ့အလိုလိုပဲ ထင်ရှားပေါ်လာပါတယ်။

ပြီးတော့" ဖြစ်လိုက်ပျက်လိုက်နဲ့ ဖြစ်မှု ပျက်မှုက မပြတ် နှိပ်စက်နေလို့ ဘာမှ အားမကိုးလောက်ဘူး။ ဆင်းရဲပဲ " ဆိုတဲ့ ဒုက္ခ လက္ခဏာဟာလည်း သူ့အလိုလိုပဲ ထင်ရှားပေါ်လာပါတယ်။

ပြီးတော့ "ကိုယ့်အလိုအတိုင်း မဖြစ်ဘဲ သူ့သဘော အတိုင်းချည်း ဖြစ်ပျက်နေလို့ အစိုးမရဘူး၊ ငါကောင်မဟုတ်ဘူး " ဆိုတဲ့ အနတ္တ လက္ခဏာလည်း သူ့အလိုလို ထင်ရှားပေါ်လာပါတယ်။

ဒီလို ထင်ရှား ပေါ်လာတဲ့အတွက် ယောဂီဟာ သုခဝေဒနာ ကို ရှုမိတိုင်းရှုမိတိုင်း "ခံစားတတ်တဲ့ ငါကောင်မရှိဘူး။ ကောင်းစားချမ်းသာနေတဲ့ ငါကောင်မရှိဘူး။ အာရုံကောင်းကလေးတွေနဲ့ တွေ့တွေ့ပြီး အသစ်အသစ် ဆင့်ကာဆင့်ကာ မပြတ်ဖြစ်နေတဲ့ ခံစားမှု အပေါင်းမျှသာ ရှိတယ်" လို့လည်း ရှင်းရှင်းကြီး သဘောကျကျသွားပါတယ်။

ဒါကြောင့် "ကောဝေဒယတိ-ဘယ်သူခံစားတာလဲ၊ ခံစားတတ်တဲ့ အတ္တကောင်ရှိသလား" ဆိုတဲ့ ဟောဒီ ပထမ မေးခွန်းကိုလည်း ပြေလည်အောင် သိသွားပါတယ်။

ပြီးတော့ "ခံစားမှုရဲ့ ပိုင်ရှင် အတ္တကောင်ရယ်လို့ မရှိဘူး။ ခံစားမှုမျှ ရှိတာပဲ " လို့ အသိရှင်းနေတဲ့ အတွက် "ကဿဝေဒနာ- ဘယ်သူရဲ့ ခံစားမှုလဲ၊ ခံစားမှုရဲ့ ပိုင်ရှင် အတ္တကောင်ရှိသလား" ဆိုတဲ့ ဟောဒီ ဒုတိယ မေးခွန်းကိုလည်း ပြေလည်အောင် သိသွားပါတယ်။

ပြီးတော့ "အာရုံကောင်း ကလေးတွေနဲ့ တွေ့တွေ့ပြီး ချမ်းသာမှု ကောင်းစားမှု အသစ်အသစ် ဖြစ်နေရုံမျှပဲ"လို့ အသိရှင်း နေတဲ့ အတွက် "ကိံကာရုဏာ ဝေဒနာ ဘယ်အကြောင်းကြောင့် ခံစားမှု ဖြစ်သလဲ " ဆိုတဲ့ ဟောဒီ တတိယ မေးခွန်းကိုလည်း ပြေလည်အောင် အသိရှင်းနေပါတယ်။

ယခုပြောတဲ့ အတိုင်း မေးခွန်း(၃) ချက် အရ ပြေလည်အောင် အသိရှင်းနေတာကို သမ္ပဇာနဥာဏ် လို့ခေါ်တယ်။ အသမ္မောဟသမ္ပဇဉ် ဆိုတာလည်း ဒီဥာဏ်ပါပဲ။ ကိုယ်ထဲ စိတ်ထဲမှာ မပြတ်ဖြစ်နေတဲ့ ခံစားမှုတွေကို စူးစိုက်ပြီး မပြတ်မှတ်နေရင် အသမ္မောဟသမ္ပဇဉ် ခေါ်တဲ့ အသိဥာဏ် ဖြစ်ပေါ်လာတာကို ကိုယ်တိုင်ပဲ တွေ့ရပါတယ်။

ဒီလို အသိဥာဏ်ကတော့ ခံစားမှု ဟူသမျှကို "သဘောတရားမျှ" အနေနဲ့လည်း သိနေတယ်။ "အနိစ္စ၊ ဒုက္ခ၊ အနတ္တ" လို့လည်း ရှင်းလင်းစွာ သိနေတယ်။

ဒီနေရာမှာ သိ ဆိုတာက တကယ့်ကို သိတာပဲ။ စဉ်းစားဆင်ခြင်ပြီး ယုံကြည်ရုံမျှ သဘောကျရုံမျှကို သိတယ်လို့ မဆိုလိုပါဘူး။

ဒီလို တကယ်သိ နေတဲ့ အတွက် ခံစားမှုကို ငါကောင်လို့ ထင်မြင်စွဲလန်းခဲ့တဲ့ အယူမှားကိုလည်း ပယ်ဖျောက်နိုင်တယ်။ "ပယ်ဖျောက်" ဆိုတာ ကတော့ အလင်းရောင် ပေါ်လာတော့ အမှောင်ပျောက် သွားတာမျိုးပဲ၊ "အမှန်အတိုင်း သိလိုက်တာနဲ့ မူလကရှိနေတဲ့ အသိမှာ အထင်မှားတွေ အလိုလို ပျောက်သွားတာ"ကိုပဲ ဆိုလိုပါတယ်။

ဒါကြောင့် ရှုမှတ်ပြီး သိနေတဲ့ ယောဂီရဲ့ ဒီသမ္ပဇဉ်အသိ ဟာ ကမ္မဋ္ဌာန်းလည်း ဖြစ်ပါတယ်။ ဒီလိုအသိကိုပဲ ရည်ရွယ်ပြီးတော့ မြတ်စွာဘုရားက ချမ်းသာရင် "ချမ်းသာတယ် ချမ်းသာတယ်" လို့ ရှုမှတ်ပြီး သိဖို့ ဟောတော်မူတာပါပဲတဲ့။

အဲ ယခုပြောခဲ့တာဟာ အဋ္ဌကထာဆရာရဲ့ ဖြေရှင်းချက်ပါပဲ။ ကဲ ရှင်းကြရဲ့ မဟုတ်လား။ မရှင်းသေးရင်လည်း ကိုယ်တိုင်သာ အားထုတ် ကြည့်ကြပေတော့။ အားထုတ်ကြည့်လို့ ကိုယ်တိုင်တွေ့တဲ့ အခါကျတော့ အဲဒီ ကိုယ်တိုင်တွေ့ အသိ တွေက ယုံမှားတွေဝေမှု ကို ရှင်းလင်း သုတ်သင်သွား ပါလိမ့်မယ်။

ဟော- အချိန်က ကုန်သွားပြီ။ ဟောစရာတွေ ကတော့ အများကြီးပဲ ကျန်သေးတယ်။ ယခုဟောခဲ့တဲ့ ဝေဒနာ ၉-ပါးရှိတဲ့ အနက်က သုခဝေဒနာ လောက်သာ ပြီးခဲ့သေးတယ် ဝေဒနာ ရှစ်ပါးတောင် ကျန်သေးတယ်။ ဒီလိုကျန်နေတာတွေကိုတော့ နောင်အခွင့်သာတဲ့ အခါကျမှ ဆက်ပြီး ဟောရတော့မှာပဲ။ ယခုတော့ ဒီဝေဒနာ နုပဿနာ တရားတော်ကို ပထမပိုင်း အဖြစ်နဲ့ ဒီတင်ပဲ အဆုံးသတ်ကြစို့။

ယခုပြောခဲ့တဲ့ နည်းအမြွက်နှင့် အညီ ဝေဒနာနုပဿနာ လုပ်ငန်းစဉ်ကို မှန်ကန်စွာ အားထုတ်နိုင်ကြ၍ ဆင်းရဲ ခပ်သိမ်းတို့၏ ငြိမ်းရာဖြစ်သော နိဗ္ဗာန် တရားတော်မြတ်ကို မဂ်ဥာဏ် ဖိုလ်ဥာဏ်တို့ဖြင့် လျင်မြန်စွာ ဆိုက်ရောက်၍ မျက်မှောက်ပြုနိုင်ကြပါစေ။

ဝေဒနာနုပဿနာတရားတော် ပထမပိုင်းပြီး၏။


ဆက်ရန်....
ဝေဒနာနုပဿနာ ဒုတိယပိုင်း (စာ ၉-၁၀) ရှုမှတ်သော ယောဂီပုဂ္ဂိုလ် ဝေဒနာ သုံးပါးလုံး တွေ့အပ်ပုံ မဟာစည်ဆရာတော် ၏ အဆုံးအဖြတ် ကောက်နုတ်ချက်

Read more...

လောက၏ အဆုံးသို့ ရောက်ရမည်ဟု ...

လောက၏ အဆုံးသို့ ရောက်ရမည်ဟု ...

ရောဟိတဿသုတ်

အခါတစ်ပါး၌ မြတ်စွာဘုရားသည် သာဝတ္ထိပြည် အနာပိဏ်သူဌေး၏ အရံဖြစ် သော ဇေတဝန်ကျောင်း၌ (သီတင်းသုံး) နေတော်မူ၏။ ထိုအခါ ရောဟိတဿ နတ်သားသည် ညဉ့်ဦးယံလွန်ပြီးသော (သန်းခေါင်ယံ) အချိန်၌ အလွန်နှစ်သက် ဖွယ်သော အဆင်းရှိသည် ဖြစ်၍ ဇေတဝန်တစ်ကျောင်းလုံးကို (ကိုယ်ရောင် ကိုယ် ဝါဖြင့်) ထွန်းလင်းစေလျက် မြတ်စွာဘုရားအထံသို့ ချဉ်းကပ်ပြီးလျှင် မြတ်စွာဘုရား ကို ရှိခိုး၍ တစ်ခုသော နေရာ၌ ရပ်တည်လျက် အသျှင်ဘုရား ပဋိသန္ဓေမနေရာ မအိုရာ မသေရာ မရွေ့လျောရာ တစ်ဖန်မဖြစ်ရာသော လောက၏ အဆုံးကို (ခြေဖြင့်) သွားခြင်းဖြင့် သိရန် မြင်ရန် ရောက်ရန် တတ်ကောင်းပါသလောဟု လျှောက်၏။

ဒါယကာ နတ်သား ပဋိသန္ဓေမနေရာ မအိုရာ မသေရာ မရွေ့လျောရာ တစ်ဖန် မဖြစ်ရာသော လောက၏ အဆုံးကို (ခြေဖြင့်) သွားခြင်းဖြင့် ''သိအပ် မြင်အပ် ရောက် အပ်၏'' ဟု ငါမဆိုဟု (မိန့်တော်မူ၏)။

အသျှင်ဘုရား အံ့ဖွယ်ရှိပါပေစွ...
မဖြစ်ဖူးမြဲ ဖြစ်ပါပေစွ၊ အသျှင်ဘုရား မြတ်စွာဘုရားသည်...
''ဒါယကာ ပဋိသန္ဓေမနေရာ မအိုရာ မသေရာ မရွေ့လျောရာ တစ်ဖန် မဖြစ် ရာသော လောက၏ အဆုံးကို (ခြေဖြင့်) သွားခြင်းဖြင့် 'သိအပ် မြင်အပ် ရောက် အပ်၏' ဟု ငါမဆို'' ဟူ၍ ဤစကားကို အလွန်လျှင် ကောင်းစွာ ဟောအပ်ပါ၏။

အသျှင်ဘုရား ရှေး၌ ဖြစ်ဖူးသည်ကား အကျွန်ုပ်သည် တန်ခိုးနှင့် ပြည့်စုံ၍ ကောင်း ကင်သို့ ပျံတက် သွားလာနိုင်သော မုဆိုး၏သား ရောဟိတဿမည်သော ရသေ့ ဖြစ်ခဲ့ဖူးပါသည်။ အသျှင်ဘုရား ထို တပည့်တော်၏ လျင်မြန်ပုံမှာ ဤသို့သဘော ရှိခဲ့ပါသည်၊ (လေးအတတ်ကို) သင်ကြားပြီး၍ လေး အတတ်၌ လက်ကျင့်ရပြီး သော မင်းအိမ်၌ လေးအတတ်ကို ပြပြီးသော မြဲမြံခိုင်ခံ့သော လေးရှိသော လေး ဆရာသည် ခဲယဉ်းမှုမရှိသော ပေါ့ပါးသော မြားဖြင့် ထန်းပင်ရိပ်ကို ဖီလာကန့်လန့် လွန်စေသည့် ကာလနှင့်အမျှ တစ်ခုသော စကြဝဠာကို လွန်စေနိုင်သည့် သဘော ရှိသော လျင်မြန်ခြင်းရှိခဲ့ပါသည်။

ဤသို့သဘောရှိသော ခြေလှမ်းဖြစ်ခဲ့ဖူးပါသည်၊

အရှေ့သမုဒ္ဒရာမှ အနောက်သမုဒ္ဒရာကို လွန်စေနိုင်သောသဘောရှိသော ဝေးကွာ သော သဘောရှိသော ခြေလှမ်းရှိခဲ့ဖူးပါသည်။

အသျှင်ဘုရား ဤသို့သဘောရှိသော လျင်မြန်ခြင်းနှင့် ပြည့်စုံသော၊ ဤသို့ သဘောရှိသော ခြေလှမ်းနှင့် ပြည့်စုံသော ထို အကျွန်ုပ်အား ''ငါသည် (ခြေဖြင့်) သွားခြင်းဖြင့် လောက၏ အဆုံးသို့ ရောက်ရမည်ဟု ဤသို့ သဘောရှိသော စိတ် အလိုဖြစ်ခဲ့ဖူးပါသည်။ အသျှင်ဘုရား အနှစ်တစ်ရာ အသက်ကြွင်းရှိသေးသော ထို အကျွန်ုပ်သည် အနှစ်တစ်ရာ အသက်ရှင်လျက် စားချိန် သောက်ချိန် ခဲချိန် လျက် ချိန်မှတစ်ပါး ကျင်ကြီးကျင်ငယ် စွန့်မှု၊ အိပ်စက်မှု၊ အပန်းဖြေ နားနေမှုမှ တစ်ပါး အနှစ်တစ်ရာပတ်လုံးကို သွားခဲ့ရာ လောကအဆုံးကို မရောက်ဘဲ စကြဝဠာ အကြား၌သာလျှင် သေရပါသည်။

အသျှင်ဘုရား အံ့ဖွယ်ရှိပါပေစွ၊ မဖြစ်ဖူးမြဲ ဖြစ်ပါပေစွ၊ အသျှင်ဘုရား မြတ်စွာ ဘုရားသည် ''ဒါယကာ နတ်သား ပဋိသန္ဓေမနေရာ မအိုရာ မသေရာ မရွေ့လျော ရာ တစ်ဖန် မဖြစ်ရာသော လောက၏ အဆုံးကို့ (ခြေဖြင့်) သွားခြင်းဖြင့် 'သိအပ် မြင်အပ် ရောက်အပ်၏'ဟု ငါမဆို''ဟူ၍ ဤစကားကို အလွန်လျှင် ကောင်းစွာ ဟောတော်မူအပ်ပါပေ၏ဟု (လျှောက်၏)။

''ဒါယကာနတ်သား ပဋိသန္ဓေမနေရာ မအိုရာ မသေရာ မရွေ့လျောရာ တစ်ဖန် မဖြစ်ရာသော လောက၏ အဆုံးကို (ခြေဖြင့်) သွားခြင်းဖြင့် 'သိအပ် မြင်အပ် ရောက်အပ်၏' ဟူ၍ ငါမဆို၊

ဒါယကာ နတ်သား လောက၏ အဆုံး (နိဗ္ဗာန်) သို့ မရောက်ဘဲ ဝဋ်ဆင်းရဲ၏ အဆုံးပြုခြင်းကိုလည်း ငါမဆို၊

ဒါယကာနတ်သား စင်စစ်အားဖြင့် ...
သညာလည်းရှိ
စိတ်လည်းရှိသော၊ တစ်လံမျှလောက်သော ဤခန္ဓာကိုယ်၌သာလျှင်
လောကကို လည်းကောင်း၊
လောက၏ ဖြစ်ပေါ်ကြောင်းကိုလည်းကောင်း၊
လောက၏ ချုပ်ရာ (နိဗ္ဗာန်) ကိုလည်းကောင်း၊
လောက၏ ချုပ်ရာ (နိဗ္ဗာန်)သို့ ရောက်ကြောင်း အကျင့်ကို လည်းကောင်း
ငါပညတ်၏'' ဟု (မိန့်တော်မူ၏)။

လောက၏ အဆုံး (နိဗ္ဗာန်)သို့ (ခြေဖြင့်) သွားခြင်းဖြင့် တစ်ရံတစ်ဆစ်မျှ မရောက် နိုင်၊ လောက၏ အဆုံး (နိဗ္ဗာန်) သို့ မရောက်ဘဲ ဝဋ်ဆင်းရဲမှ လွတ်မြောက်ခြင်း မည်သည်လည်း မရှိပေ။ ထို့ကြောင့် စင်စစ်အားဖြင့် လောကကို သိပြီးသော၊ လောက၏ အဆုံး (နိဗ္ဗာန်)သို့ ရောက်သော၊ မြတ်သော အကျင့်ကို ကျင့်သုံး ပြီးသော၊ (မကောင်းမှုမှ) ငြိမ်းပြီးသော၊ ကောင်းသော ပညာရှိသူသည် လောက၏ အဆုံးကို သိ၍ ဤ(ပစ္စုပ္ပန်) လောကကို လည်းကောင်း၊ တမလွန် (လောက)ကို လည်းကောင်း မတောင့်တတော့ ချေ။45

၅ - ရောဟိတဿသုတ်၊ ရောဟိတဿဝဂ်၊ စတုက္ကနိပါတ်၊ အင်္ဂုတ္တိုရ်။


ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

...

Read more...

လာလည်ကြသူများ

ဤဘလော့ဂ်၏ ရည်ရွယ်ချက်

ယခုအခါ ကမ္ဘာတလွှားတွင်ရှိနေကြသော ဓမ္မဘလော့ဂ်ဂါများသည် နေ့ စဉ်နှင့် အမျှ အင်တာနက် စာမျက်နှာများ ပေါ်တွင် ဓမ္မနှင့်သက်ဆိုင်သော အကြောင်းအရာ အမျိုးမျိုးကို ပို့ စ်များရေးတင်လျက် ရှိနေကြပါသည်။

ဘလော့ဂ်ဂါများမှ မိမိတို့ ၏ကိုယ်ပိုင် စာမျက်နှာများမှတဆင့် ရေးတင်နေကြသဖြင့် ဖတ်ရှုလေ့လာသူများအတွက် နေရာများစွာသို့  သွားရောက် ဖတ်ရှုနေကြရပါသည်။

ထို့ ကြောင့် စာဖတ်သူများ အချိန်ကုန်သက်သာစေရန်နှင့် မိမိတို့  ဖတ်ရှုလိုရာကို လွယ်လင့်တကူ ရှာဖွေနိုင်ရန် နေ့ စဉ်ရေးသား နေကြသော အကြောင်းအရာများကို တနေရာတည်းတွင် စုစည်းပေးလိုသော ရည်ရွယ်ချက်ဖြင့် ဤဘလော့ဂ်ကို စီစဉ်လိုက်ခြင်းဖြစ်ပါသည်။

ပြောချင်တာများရှိရင် ရေးပေးထားခဲ့ပါ

မြန်မာပြက္ခဒိန်

မြန်မာပြက္ခဒိန်
www.burmeseclassic.com မှ ကူးယူဖော်ပြပါသည်။

  © Blogger templates The Professional Template by Ourblogtemplates.com 2008

Back to TOP