တမလွန်လောကကို အောင်မြင်ခြင်းငှါ ...

ပဌမ ဣဓလောကိကသုတ်-မှ

ဝိသာခါ တရားလေးမျိုးတို့နှင့် ပြည့်စုံသော မာတုဂါမသည် …
တမလွန်လောကကို အောင်မြင်ခြင်းငှါ ကျင့်၏၊ တမလွန်လောကကို အားထုတ်၏။

အဘယ်လေးမျိုးတို့နည်းဟူမူ -

ဝိသာခါ ဤလောက၌ မာတုဂါမသည်
၁… သဒ္ဓါတရားနှင့် ပြည့်စုံ၏၊
၂… အကျင့်သီလနှင့် ပြည့်စုံ၏၊
၃… စွန့်ကြဲမှုနှင့် ပြည့်စုံ၏၊
၎… ပညာနှင့် ပြည့်စုံ၏။

ဝိသာခါ အဘယ်သို့လျှင် မာတုဂါမသည် သဒ္ဓါတရားနှင့် ပြည့်စုံသနည်း၊

၁…
ဝိသာခါ ဤလောက၌ မာတုဂါမသည် သဒ္ဓါတရားရှိ၏၊
မြတ်စွာဘုရား၏ အရဟတ္တမဂ်ဉာဏ် သဗ္ဗညုတဉာဏ်ကို ယုံကြည်၏။

ထိုမြတ်စွာဘုရားသည် …
(၁) ပူဇော်အထူးကို ခံတော်မူထိုက်သော အကြောင်းကြောင့်လည်း အရဟံ မည် တော်မူ၏၊
(၂) အလုံးစုံသောတရားတို့ကို ကိုယ်တိုင်မှန်စွာ သိတော်မူသော အကြောင်းကြောင့် လည်း သမ္မာသမ္ဗုဒ္ဓ မည်တော်မူ၏၊
(၃) အသိဉာဏ် 'ဝိဇ္ဇာ' အကျင့် 'စရဏ' နှင့် ပြည့်စုံတော်မူသော အကြောင်းကြောင့် လည်း ဝိဇ္ဇာစရဏသမ္ပန္န မည်တော်မူ၏၊
(၄) ကောင်းသော စကားကို ဆိုတော်မူသော အကြောင်းကြောင့်လည်း သုဂတ မည်တော်မူ၏၊
(၅) လောကကို သိတော်မူသော အကြောင်းကြောင့်လည်း လောကဝိဒူ မည်တော် မူ၏၊
(၆) ဆုံးမထိုက်သူကို ဆုံးမတတ်သည့် အတုမဲ့ပုဂ္ဂိုလ် ဖြစ်တော်မူသော အကြောင်း ကြောင့်လည်း အနုတ္တရောပုရိသဒမ္မသာရထိ မည်တော်မူ၏၊
(၇) နတ်လူတို့၏ ဆရာဖြစ်တော်မူသော အကြောင်းကြောင့်လည်း သတ္ထာဒေဝမနု- ဿာနံ မည်တော်မူ၏၊
(၈) သစ္စာလေးပါးတရားတို့ကို သိတော်မူသော အကြောင်းကြောင့်လည်း ဗုဒ္ဓ မည် တော်မူ၏၊
(၉) ဘုန်းတန်ခိုး ကြီးတော်မူသော အကြောင်းကြောင့်လည်း ဘဂဝါ မည်တော်မူ၏'' ဟု (ယုံကြည်၏)။

ဝိသာခါ ဤသို့လျှင် မာတုဂါမသည်သဒ္ဓါတရားနှင့် ပြည့်စုံ၏။

၂…
ဝိသာခါ အဘယ်သို့လျှင် မာတုဂါမသည် သီလနှင့် ပြည့်စုံသနည်း၊

ဝိသာခါ ဤလောက၌ မာတုဂါမသည် သူ့အသက်သတ်ခြင်းမှ ရှောင်ကြဉ်၏။ပ။
ယစ်မူးမေ့လျော့ကြောင်းဖြစ်သော သေအရက်သောက်ခြင်းမှ ရှောင်ကြဉ်၏။
ဝိသာခါ ဤသို့လျှင် မာတုဂါမသည် သီလနှင့်ပြည့်စုံ၏။

၃…
ဝိသာခါ အဘယ်သို့လျှင် မာတုဂါမသည် စွန့်ကြဲမှုနှင့် ပြည့်စုံသနည်း၊
ဝိသာခါ ဤလောက၌ မာတုဂါမသည် လွတ်လွတ် စွန့်ကြဲခြင်းရှိသည်, စွန့်ကြဲအံ့ဟု ဆေးကြောအပ်သော လက်ရှိသည်, စွန့်ကြဲခြင်း၌ မွေ့လျော်သည်, တောင်းခံခြင်းငှါ ထိုက်သည်, ပေးကမ်း ဝေဖန်ခြင်း၌ မွေ့လျော်သည်ဖြစ်၍၊ မစ္ဆရိယတည်း ဟူသော အညစ်အကြေး ကင်းသော စိတ်ဖြင့် အိမ်ကို စိုးအုပ်လျက် နေ၏။

ဝိသာခါ ဤသို့လျှင် မာတုဂါမသည် စွန့်ကြဲမှုနှင့် ပြည့်စုံ၏။

၎…
ဝိသာခါ အဘယ်သို့လျှင် မာတုဂါမသည်ပညာနှင့် ပြည့်စုံသနည်း၊

ဝိသာခါ ဤလောက၌ မာတုဂါမသည် ပညာရှိ၏။ပ။
ဝိသာခါ ဤသို့လျှင်မာတုဂါမသည် ပညာနှင့် ပြည့်စုံ၏။
ဝိသာခါ ဤတရားလေးမျိုးတို့နှင့် ပြည့်စုံသော မာတုဂါမသည် တမလွန် လောကကို အောင်မြင်ခြင်းငှါ ကျင့်၏၊ တမလွန် လောကကို အားထုတ်၏ ဟု (မိန့်တော်မူ၏)။

(အကြင်မိန်းမသည်) အိမ်မှုကိစ္စကို ကောင်းစွာပြုလုပ်စီရင်တတ်၏၊ ပရိသတ် အခြွေ အရံကို သင်္ဂြိူဟ် ထောက်ပံ့ ချီးမြှောက်တတ်၏၊ လင် နှစ်သက်ဖွယ်ကို ကျင့်တတ်၏၊ (လင်ယောက်ျား) ရှာမှီးသော ပစ္စည်းဥစ္စာကို အစဉ်စောင့်ရှောက် တတ်၏။ သဒ္ဓါ တရားရှိ၏၊ သီလနှင့် ပြည့်စုံ၏၊ တောင်းခံသူတို့၏ စကားကို သိတတ်၏၊ မစ္ဆရိယ ကင်း၏၊ တမလွန်ဘဝ၌ ချမ်းသာကြောင်းဖြစ်သော (ကုသိုလ်)လမ်းကို အမြဲ သုတ် သင်၏။ အကြင် မိန်းမအား ဤတရားရှစ်မျိုးတို့သည် ရှိကုန်၏၊ တရား၌ တည်သော မှန်ကန်သော စကားကို ဆိုလေ့ရှိသော ထိုမိန်းမကိုလည်း သီလရှိသော မိန်းမ ဟူ၍ ဆိုကုန်၏။ တစ်ဆယ့် ခြောက်မျိုးသော အခြင်းအရာ ရှစ်မျိုးသော အင်္ဂါနှင့်ပြည့်စုံ သော သဘောရှိသည့် သီလရှိသော ဥပါသိကာမသည် စိတ်နှလုံးကို နှစ်သက်စေ တတ်သော နတ်ပြည်သို့ ကပ်ရောက်ရ၏။

၉ - ပဌမ ဣဓလောကိကသုတ်-မှ၊ ဥပေါသထဝဂ်၊ အဋ္ဌကနိပါတ်၊ အင်္ဂုတ္တိုရ်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဗုဒ္ဓဓမ္မ နှလုံးလှ

Read more...

I Have No Home

30 March, 2009 by Cittasamvaro

The Mp3 recording from Wednesday 25th March 09 when Venerbale Sayadaw U Jotika stopped off in Bangkok to give a (much too rare) public talk, hosted by his publisher DMG Books is posted below (English only segments)

Sayadaw is a hugely respected master from Burma, whose Dhamma is lyrical, simple and precise. There are several books of his teachings, notably the superb Map of the Journey and the book Snow in the Summer which is available online. While online versions are free, the proceeds from the printed versions are forwarded and used to help the suffering people in Myanmar. This was a very special opportunity to meet with a tremendously inspiring teacher.

*****

The event was in English with translation into Thai, but through the wonders of modern computing it was a relatively painless process to cut the Thai parts and create an MP3 of just the English sections; posted below.

The talk was based on some verses from an old anonymous Samurai poem, which served as a launching point into some beautiful dhamma. In fact, this topic will be the basis of Sayadaw’s upcoming book.

Venerable Sayadaw will see this post and all your comments, and is very interested to hear your own reactions to the stanzas - what they mean to you. He has asked that, if you listen to the talk, you pick out whichever of the stanzas has struck you in anyway, and explain why. You can also leave any other messages/comments.

The verses referred to (use google for the full poem):

I have no parents; I make the Heavens and the Earth my parents.

I have no home; I make mindfulness my home.

I have no life or death; I make the tides of breathing my life and death.

I have no divine power; I make honesty my divine power.

I have no friends; I make my mind my friend.

I have no castle; I make the immovable mind my castle.

I have no sword; I make absence of self my sword.

The file is for free distribution, but rather than offering for download elsewhere please use this page as a link so that comments can be forwarded to Sayadaw. Click image below :

Posted in All Posts, Dhamma, Myth and Tale | Tagged bangkok, Sayadaw, U Jotika | 2

(This article is reproduced from http://littlebang.wordpress.com. Please connect to the original blog to leave comments and reactions.)

Read more...

တရားလေးမျိုးတို့နှင့် ပြည့်စုံသော မာတုဂါမသည်...

ပဌမ ဣဓလောကိကသုတ်-မှ (ဤလောက)

အခါတစ်ပါး၌ …
မြတ်စွာဘုရားသည် သာဝတ္ထိပြည် ပုဗ္ဗာရုံကျောင်း မိဂါရမာတာ ဝိသာခါ၏ ပြာသာဒ် ၌ သီတင်းသုံး နေတော်မူ၏။ ထိုအခါဝိသာခါသည် မြတ်စွာဘုရားထံသို့ ချဉ်းကပ်၏။

တစ်ခုသောနေရာ၌ ထိုင်နေသော ဝိသာခါအား မြတ်စွာဘုရားသည်-

ဝိသာခါ တရားလေးမျိုးတို့နှင့် ပြည့်စုံသော မာတုဂါမသည်
ဤ(ပစ္စုပ္ပန်)လောကကို အောင်မြင်ခြင်းငှါ ကျင့်၏၊
ဤလောကကို အားထုတ်၏။

အဘယ် လေးမျိုးတို့နည်းဟူမူ-

ဝိသာခါ ဤလောက၌ မာတုဂါမသည် …

၁။ အမှုကိစ္စတို့ကိုကောင်းစွာ ပြုလုပ် စီရင်တတ်၏၊
၂။ အခြွေအရံ ပရိသတ်တို့ကို ချီးမြှောက် ထောက်ပံ့တတ်၏၊
၃။ လင်၏နှစ်သက်ဖွယ်ကို ပြုတတ်၏၊
၎။ စုဆောင်းအပ်သော ပစ္စည်းဥစ္စာကို ထိန်းသိမ်း စောင့်ရှောက်တတ်၏။

၁…
ဝိသာခါ အဘယ်သို့လျှင် မာတုဂါမသည် အမှုကိစ္စတို့ကို ကောင်းစွာ ပြုလုပ် စီရင် တတ်သနည်း၊ ဝိသာခါ ဤလောက၌ မာတုဂါမသည် ''သိုးမွေး (ပြုပြင်လုပ်ကိုင်ရန်) အလုပ်၊ ဝါချည် (ပြုပြင်လုပ်ကိုင်ရန်) အလုပ်'' ဟူ၍ လင်၏ အိမ်တွင်းမှု အလုပ်၌ ကျွမ်းကျင်၍ မပျင်းမရိတတ်၊ ထိုအိမ်တွင်းမှု လုပ်ငန်း၌ အကြောင်း ဥပါယ်ဖြစ်သော စုံစမ်းမှု ပညာနှင့် ပြည့်စုံ၏၊ ပြုလုပ်ရန် စွမ်းနိုင်၏၊ စီမံရန် စွမ်းနိုင်၏၊ ဝိသာခါ ဤသို့ လျှင် မာတုဂါမသည် အမှုကိစ္စတို့ကို ကောင်းစွာ ပြုလုပ် စီရင်တတ်၏။

၂…
ဝိသာခါ အဘယ်သို့လျှင် မာတုဂါမသည် အခြွေအရံ ပရိသတ်တို့ကို ချီးမြှောက် ထောက်ပံ့တတ်သနည်း၊ ဝိသာခါ ဤလောက၌ မာတုဂါမသည် လင်ယောက်ျား၏ အိမ်တွင်းသား ဖြစ်ကုန်သော ''ကျွန် အစေခံ အမှုလုပ်'' ဖြစ်သည့် အတွင်းလူတို့၏ ပြုလုပ်သည်ကိုလည်း ပြုလုပ်သောအားဖြင့် သိ၏၊ မပြုလုပ်သည်ကိုလည်း မပြုလုပ် သောအားဖြင့် သိ၏၊ ဖျားနာသူတို့ အားရှိသည် မရှိသည်ကိုလည်း သိ၏၊ ထိုအတွင်း လူ အပေါင်းအား ခဲဖွယ် ဘောဇဉ်ကို အသီးသီး မိမိတို့၏ အဖို့အားဖြင့် ဝေဖန်တတ် ၏၊ ဝိသာခါ ဤသို့လျှင် မာတုဂါမသည် အခြွေအရံ ပရိသတ်တို့ကို ချီးမြှောက် ထောက်ပံ့တတ်၏။

၃…
ဝိသာခါ အဘယ်သို့လျှင် မာတုဂါမသည် လင်၏ နှစ်သက်ဖွယ်ကို ပြုတတ်သနည်း၊ ဝိသာခါ ဤလောက၌ မာတုဂါမသည် လင်၏ မနှစ်သက်ဖွယ်ဟု ဆိုအပ်သော အမှု ကို အသက်ဟူသော အကြောင်းကြောင့်လည်း လွန်ကျူး၍ မကျင့်။ ဝိသာခါ ဤသို့ လျှင် မာတုဂါမသည် လင်၏ နှစ်သက်ဖွယ်ကို ပြုတတ်၏။

၎…
ဝိသာခါ အဘယ်သို့လျှင် မာတုဂါမသည် လင်ယောက်ျား စုဆောင်းအပ်သော ပစ္စည်းဥစ္စာကို ထိန်းသိမ်း စောင့်ရှောက်တတ် သနည်း၊ ဝိသာခါ ဤလောက၌ မာတု ဂါမသည် လင်ယောက်ျား ဆောင်ယူခဲ့သော ဥစ္စာ စပါး ရွှေ ငွေတို့ကို စောင့်ရှောက် ၏၊ လုံခြုံစေ၏။ ထိုပစ္စည်း ဥစ္စာတို့အပေါ်၌ အပျော်မကြူး တတ်သူ၊ မခိုးမဝှက်တတ် သူ၊ အရက်သေစာ မသောက်စားတတ်သူ၊ မဖျက်ဆီးတတ်သူ ဖြစ်၏။ ဝိသာခါ ဤသို့လျှင် မာတုဂါမသည် လင်ယောက်ျား စုဆောင်းအပ်သော ပစ္စည်းဥစ္စာကို ထိန်းသိမ်းစောင့်ရှောက် တတ်၏။

ဝိသာခါ ဤတရားလေးမျိုးတို့နှင့် ပြည့်စုံသော မာတုဂါမသည် ဤပစ္စုပ္ပန်လောကကို အောင်မြင်ခြင်းငှါ ကျင့်၏၊ ဤလောကကို အားထုတ်၏။ 49

၉ - ပဌမ ဣဓလောကိကသုတ်-မှ၊ ဥပေါသထဝဂ်၊ အဋ္ဌကနိပါတ်၊ အင်္ဂုတ္တိုရ်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဗုဒ္ဓဓမ္မ နှလုံးလှ

Read more...

အမေ ကျေနပ်ပါပြီ သားရယ်(၃)

အမျိုးသမီးလူထု ကိုယ်စား

အို . . . သားတော် သမီးတော်တို့၊ နားထောင်ကြအုံးကွယ်။

သားတော် သမီးတော်အတွက် လောကအလင်းရောင်တွေ ပေးနေတဲ့ သားတော်ဘုရား မြတ်စွာ ဗုဒ္ဓကို ဟို ငယ်ငယ်တုန်းက နို့ချိုတိုက်ကျွေး မွေမြူပြီး၊ အမေက ဘယ်သူမှ နှိုင်းလို့ မရနိုင်လောက်တဲ့ မေတ္တာမျိုးနဲ့ ပြုစုခဲ့တယ်။ စောင့်ရှောက်ခဲ့တယ်။ လောကကြီးမှာ အတုမရှိ အတူမရှိတဲ့ သမ္မာသမ္ဗုဒ္ဓမြတ်စွာဘုရားမဖြစ်ခင် အသက်(၂၉)နှစ်သား အရွယ်ထိ သားတော်ဗုဒ္ဓကို အမေကလေ ကိုယ်အသက့်ထက် ပိုတန်ဖိုးထားပြီးတော့ စောင့်ရှောက်ခဲ့တာ။

ပြီးတော့ ဘိက္ခုနီမ (အမျိုးသမီး)သာသနာတော်ကြီး ပေါ်ပေါက်လာဖို့အတွက် အမေလေ သားတော်အရှင်အာနန္ဒာရဲ အကူအညီနဲ့ အားသွန်ခွန်စိုက် မဆုတ်မနစ် ကြိုးပမ်းခဲ့လို့ အရာရာကို ထောက်ထားငဲ့ပြီး သားတော်ဘုရားက ခွင့်ပြုခဲ့တယ်။ ဘိက္ခုနီမ(အမျိုးသမီး)သာသနာကြီးကို တိုးတက် ပြန့်ပွား စည်ပင်အောင် အမျိုးသမီးလူထုကို ကိုယ်စားပြုပြီး အမေက ဦးစီးဦးဆောင် လမ်းပြခဲ့၊ လမ်းညွှန်ခဲ့တယ်။

အမေ့ကျေးဇူး ဆပ်ချင်တယ်ဆိုရင်

သားတော် သမီးတော်တို့ရဲ့ သောကပင်လယ်ကြော၊ ဆင်းရဲဝေဒနာတောထဲကနေ အမေက တတ်နိုင်သလောက် သားတော်သမီးတော်တို့ကို ဆွဲထုတ်ခဲ့တယ်။ အဲဒီကျေးဇူးဂုဏ်တွေကို သားတော်သမီးတို့က ပြန်ပြောင်းသတိရလို့၊ တွေးတောမိခဲ့မယ်။ နောက်ပြီး အဲဒီကျေးဇူးဂုဏ်တွေကို ထောက်ထားပြီး အမေ့ကိုိ ချစ်တယ်၊ သနားတယ်၊ ကြည်ညိုတယ်၊ ကျေးဇူးဆပ်ချင်တယ် ဆိုရင်လေ . . .

(သဒ္ဓမ္မဋ္ဌိတိယာ သဗ္ဗာ၊ ကရောထ ၀ီရိယံ ဒဠှံ။)

အမေ မရှိတဲ့နောက် သားတော် သမီးတော်တို့ သိထားပြီးဖြစ်တဲ့ မြတ်ဗုဒ္ဓရဲ့ ပရိယတ္တိသာသနာ (သင်ယူခြင်း၊ မှတ်သား၊ နားထောင်ခြင်း)။ ပဋိပတ္တိသာသနာ (သင်ထား၊ သိထားတဲ့အတိုင်း လိုက်နာကျင့်ကြံခြင်း)။ ပဋိဝေဓသာသနာ (သိခြင်း၊ ကျင့်ခြင်းတို့ရဲ့ အကျိုးရလဒ်၊ အသီးအပွင့်) ။ အဲဒီသာသနာ သုံးရပ်ကို မြဲမြံခိုင်ခံ့တဲ့ မဆုတ်မနစ်သော ၀ီရိယတွေ၊ သားတော် သမီးတော်တို့ရဲ့ သောကမျက်ရည်တွေကို ရုတ်သိမ်းပြီးတော့ ရွှင်ပြထက်သန်သော စိတ်ဓာတ်တွေနဲ့ တိုးတက်အောင်၊ ပြန့်ပွား စည်ပင်အောင် ကြိုးစားအားထုတ်ရစ်ကြပါ။ အခုအချိန်ဟာ သောကတွေ ပူဆွေးပြီး ငိုကြွေးနေရမဲ့ အချိန်မဟုတ်တော့ပါဘူး။

ငိုချင်စိတ်ပေါက်အောင် ငိုတတ်သူ

ဒါနဲ့ သတိရတုန်း ပြောလိုက်ပါအုံးမယ်။ မိဘတွေ၊ အဖိုးတွေ အဖွားတွေ၊ ညီအစ်ကိုမောင်နှမတွေ၊ သူငယ်ချင်းမိတ်ဆွေတွေ သေသွားကြရင် တို့ရွှေနိုင်ငံမှာ သိပ်ပြီး ငိုကြတာ။ စာရေးသူတွေ့ဖူးတဲ့ အမျိုးသမီးတစ်ယောက်ဆိုရင် တစ်လထဲမှာ မောင်သေ၊ ပြီးတော့ အမေသေ - ဆိုတော့ ငိုလိုက်တဲ့ ဖြစ်ခြင်း၊ သူငိုပြီး ပြောတဲ့စကားတွေကို နားထောင်ပြီး နားထောင်ရတဲ့ သူတွေတောင် သူ့ကို သနားပြီး ငိုချင်စိတ်တွေ ပေါက်လာတယ်။

တကယ့်ကိုမှ အရူးပဲ

ဘယ်သူတွေက ဘယ်လောက်ပဲ ငိုချင်စိတ်တွေ ပေါက်ပေါက် ရှေ့မှာ ရှိတဲ့ ရုပ်အလောင်းကတော့ (အသိအမျိုးသမီး တစ်ယောက် ပြောနေကြ စကားလို) အေးအေးလူလူပဲ။ သူ မသိ၊ သူ မကြား၊ သူ မဟုတ်သလိုပဲ။ ဟုတ်တယ်လေ ဘ၀တွေကခြားသွားပြီ။ တကယ်လို့ သေတဲ့ သူက နတ်ပြည်ရောက်နေရင် လူ့ပြည်ကို သတိမရတော့တာ အမှန်ပဲ။

သတိရတယ် ထားပါအုံး နတ်ပြည်ကို ရောက်တဲ့ အချိန်နဲ့ ကျန်ရစ်သူ ငိုနေတဲ့ အချိန်တို့ဟာ ဘယ်လိုမှ စပ်ဟပ်လို့ မရနိုင်လောက်အောင် ကွာခြားလွန်းတယ်။ နတ်ပြည်က ကြည့်မိတယ်ဆိုတောင်မှ အော် ဒီ ငိုတဲ့ သူနှယ် တော်တော်ရူးတာပဲ။ တကယ့်ကိုမှ အရူးပဲ။ ဒီလောက် ကိုယ့်ရှေ့လူက သေပြနေတာတောင် သတိတရားလေး နည်းနည်းမှ မရဘူးဆိုပြီး လှောင်နေမှာ။ (သေတဲ့သူနဲ့ ပတ်သက်လို့ သေသူက သတိရတာတွေ၊ မရတာတွေ အကြောင်း၊ စပ်မိရင် သီးသန့် တစ်ပုဒ်လောက် ရေးပါဦးမယ်။)

ဘ၀နိကန္တိက တဏှာ

မြတ်ဗုဒ္ဓရှိစဉ် အခါတုန်းက သူ့မိဖုရားသေလို့၊ မိဖုရားအလောင်းကို ဆေးရည်တွေနဲ့စိမ်ပြီး တသသနဲ့ ပူဆွေး သောကရောက်နေတဲ့ မင်းတစ်ပါးရှိတယ်။ သူ့မိဖုရားက သိပ်လှတာကိုး။ လှတော့ ချစ်တယ်။ အနုအလှ စကားလေးတွေနဲ့ ချွဲချွဲ နွဲ့နွဲ့ ပြောတတ်တော့ အဲဒီမင်းက တခြားမိဖုရားတွေထက် သူ့ကို ပိုလို့ချစ်တာ။ သူ့မိဖုရား ငယ်ငယ်ရွယ်ရွယ် လှလှပပ နုနုထွတ်ထွတ်လေး မထင်မှတ်ဘဲ သေသွားတော့ အရူးတပိုင်းပေါ့။

ဘယ်သူမှ ဖြောင့်ဖြ၊ ဖြေသိမ့်လို့ မရနိုင်ဘူး၊ နေ့စဉ် နေ့စဉ် အဲဒီ မိဖုရားအနားမှာပဲ တမှိုင်မှိုင်တတွေတွေနဲ့ ပူဆွေးသောက ရောက်နေတာ။ မြတ်ဗုဒ္ဓနဲ့ တွေ့ပြီး ဘုရားရှင်နဲ့ ဆွေးနွေးခွင့် တရားနာခွင့် ရပြီးတဲ့နောက် . . .ဘ၀ခြားသွားတာရယ်၊ ဘ၀သစ်မှာ (ပိုးကောင်မ) ယောက်ျားအသစ် (ပိုးထီး)နဲ့ ပျော်မွေ့နေတာတွေကို သိရတော့မှ သူ့ဘ၀က ငြိမ်းချမ်းသွားတာ။

ဒီနေရာမှာ ပြောချင်တာက ဘ၀နိကန္တိကတဏှာပါ။ အဓိပ္ပါယ်က ကိုယ့်ဘ၀မှာ ကိုယ် တပ်မက်ပြီး ပျော်မွေ့နေကြတာပါပဲ။ ပေါင်တစ်ချောင်း ပြတ်ပြီး တောင်းစားနေတဲ့ သူတောင်စား တစ်ယောက်ကို သူဌေးတစ်ဦးက “မင်းဘ၀က သနားစရာပဲ၊ ပေါင်ပြတ်နေရတဲ့အထဲ တောင်းကလဲ တောင်းစားနေရသေးတယ်။ လူ့ပြည်မှာ နေမယ့်အစား သေတာကမှ ပိုကောင်းအုံးမယ်”လို့ ပြောကြည့်။ ပေါင်ပြတ် သူတောင်းစားက ဘာပြန်ပြောမယ်ထင်သလဲ? . . . ။

ဒီလိုပါပဲ လူတွေတောင် မဟုတ်ဘူး တိရစ္ဆာန်တွေလဲ သူ့ဘ၀မှာ သူ ပျော်နေတာပဲ။ လမ်းဘေးမှာ ခွေးလေ ခွေလွင့် တစ်ကောင်၊ ၀ဲကလဲ စားနေသေးတယ်။ နေ့စဉ်နေ့စဉ် စားစရာက မရှိ။ သူများ လွှင့်ပစ်တဲ့ အမှိုက်ထဲက မနည်း လုစားနေရတဲ့ ခွေးဝဲစား ဘ၀။ သူ့ကိုကြည့်ပါလား၊ သူ့ဘ၀ကို သူ မကျေမနပ်နဲ့ မှိုင်နေတဲ့ နေ့တွေများ ရှိပါသလား?။ နောက် မိမိတို့ရဲ့ မစင်၊ အစားအသောက် အပုပ်အစပ်တွေမှာ နေတဲ့ ပိုးလောက်လန်းတွေကို ကြည့်၊ သူတို့တွေဟာ သူတို့ ဘ၀ကို စက်ဆုပ် ရွံ့ရှာနေလိမ့်မယ် လို့ ထင်နေပါသလား။

ချမ်းသာတဲ့သူ၊ ဆင်းရဲတဲ့သူ ဘယ်သူမဆို ကိုယ့်ဘ၀မှာ ကိုယ်ပျော်နေကြတာပါပဲ။ အဲဒါ ဘ၀နိကန္တိကတဏှာပဲ။ သိပ်ကြောက်စရာကောင်းတယ်။ ဘ၀ကို ငြီးငွေ့ဖို့၊ ဆင်းရဲအစစ်ကို မြင်ဖို့၊ ပြီးတော့ အဲဒီဆင်းရဲ ဘာကြောင့် ဖြစ်တာလဲဆိုတာ သိဖို့ အင်မတန်မှခက်တယ်။

အဲယားကွန်းနဲ့ ဆရာဘုန်းကြီး

စာရေးသူတို့ ငယ်ငယ်က အရမ်းရင်းနှီး ကျွမ်းဝင်တဲ့ ဆရာဘုန်းကြီးတစ်ပါး ရှိခဲ့တယ်။ အဲဒီ အချိန် ဆရာဘုန်းကြီး အသက်က ရှိလှမှ လေးဆယ်ဝန်းကျင်။ တက်ကြွ လန်းဆန်းနေတဲ့ အချိန်ပေါ့။ အဲယားကွန်း အရမ်းကြိုက်တယ်။ သူသေ(ပျံတော်မူ)ရင်တောင် အဲယားကွန်းဖက်ပြီး သေမယ်လို့ မကြာခဏ နောက်ပြော ပြောလေ့ရှိတယ်။

ဒကာ၊ ဒကာမတွေကလဲ လေဖြတ်မှာ စိုးလို့ အအေးကြိုက်တာ လျှော့ဖို့ လျှောက်ထားကြတယ်။ တစ်နေ့တော့ ဆရာဘုန်းကြီး အမိန့် ရှိတာက လေများဖြတ်ခဲ့မယ်ဆိုရင်တော့ ဒီအတိုင်း တွဲတွဲ ဆွဲဆွဲနဲ့ မနေဘူး၊ ကိုယ့်ကိုယ်ကို အဆုံးစီရင်လိုက်မယ်တဲ့။ ဆရာဘုန်းကြီး လေဖြတ်တာ တွဲတွဲ ဆွဲဆွဲ ဖြစ်တာ သုံးခါတောင်။ ဆရာဘုန်းကြီး ဘာလုပ်မယ်ထင်ပါသလဲ။ ဒါတွေဟာ ဘ၀နိကန္တိကကို ပြောချင်တာပါ။

မသာချရင်း လူပျိုလှည့်

စာရေးသူ မြန်မာနိုင်ငံမှာ အသုဘကို အိုးစည်ဒိုးပတ်နဲ့ အသုဘချတာကို မကြာခဏ ဆိုသလို တွေ့ဖူးတယ်။ ငယ်စဉ်ဘ၀ အသုဘပို့ရင်း သတိထားမိတာက အသုဘပို့တဲ့သူတွေဟာ ငြိမ်သက်ပြီး သံဝေဂယူရင်း လိုက်ပို့ကြတယ်။ အခုခေတ်မှာ အသုဘပို့တဲ့သူတွေက ရယ်လို့မောလို့ လူပျို အပျို လှည့်ကြတာတောင် ပါသေး။

နောက်လာဦးမလား တဲ့

ရွှေအိုးစည်က တီး၊ ကတဲ့သူက က၊ အလောင်းထမ်းပြီး ဆော့တဲ့သူက ဆော့၊ ပြီးတော့ အသုဘအလောင်းကို မြေချခါနီးဖြစ်ဖြစ်၊ မီးရှို့ခါနီးဖြစ်ဖြစ် ခဲနဲ့ ပေါက်ကြတယ်။ ပါးစပ်ကလဲ ပြောကြတယ်၊ နောက်လာအုံးမလားတဲ့။ နောက်ထပ် သေတဲ့ လူတွေ လာမှာ ကြောက်ကြလို့နဲ့ တူပါတယ်။ (လူတွေက မသေတဲ့ အမျိုးလို့ ထင်နေကြပါရဲ့)

နောက် လာအုံးမလား ရဲ့ အကျိုးဆက်က ခဲနဲ့ပစ်ရင်း အသုဘအလောင်းနားမှာ ရှိတဲ့ လူရဲ့ မျက်နှာကို သွားမှန်လို့ အသုဘပွဲက ရန်ပွဲကြီး ဖြစ်ကြပြန်ရော။ ပြောစရာတွေက အများကြီး၊ အသုဘနဲ့ ဖဲဝိုင်း၊ အကျိုးဆက်က ရန်ပွဲ၊ ဒါတွေကလဲ သတိထားဖို့ ကောင်းတယ်။

အမျိုးသမီး ရဟန်းမ (ဘိက္ခုနီ) သာသနာတော်ကြီး

သုံးကြိမ်လျှောက်လဲ ခွင့်မပြု

သားတော် သမီးတော်တို့ မြင်တွေ့ နေရတဲ့ အမေတို့ရဲ့ အမျိုးသမီး ရဟန်းမ (ဘိက္ခုနီ) သာသနာတော်ကြီးကို သားတော် မြတ်စွားဘုရားက လွယ်လွယ်ကူကူနဲ့ သဘောတူ ခွင့်ပြုခဲ့တာ မဟုတ်ဘူးကွယ့်။

မဟာသက္ကရာဇ် (၁၀၃) ခုနှစ်မှာ သားတော် သိဒ္ဓတ္ထက သမ္မာသမ္ဗုဒ္ဓဘုရားရှင် ဖြစ်ခဲ့တယ်။ အဲဒီအချိန်မှာ သားတော်ရဲ့ အသက်က (၃၅)နှစ်ပေါ့။

သားတော်ဘုရား (၃၆)နှစ်အရွယ်၊ မဟာသက္ကရာဇ် (၁၀၄)ခုနှစ် ရောက်တော့ အမေတို့နေရာ ကပိလ၀တ်နေပြည်တော်ကြီးကို သားတော်ဘုရား ကြွလာခဲ့တယ်လေ။

အဲဒီ ကြွလာတဲ့ အချိန်၊ ရလိုက်တဲ့ အခွင့် အရေးကို အမေက ဘယ်လက်လွတ်ခံလိမ့်မတုန်း။ အမျိုးသမီး ရဟန်းမ(ဘိက္ခုနီ)သာသနာ တည်ထောင်ခွင့်ရအောင် လျှောက်ထားတော့ သားတော်ဘုရားက လက်မခံခဲ့၊ ခွင့်မပြုခဲ့ဘူးကွယ့်။ နှစ်ကြိမ်လျှောက့်လဲ ခွင့်မပြု၊ သုံးကြိမ် လျှောက်ပြန်တော့လဲ ခွင့်မပြုခဲ့ပြန်ဘူးကွယ်။

ရဟန်းမတွေ ၀တ်ချင်ရှာ

အော် ဒါနဲ့ ပြောရအုံးမယ်။ သာကီဝင်မင်းသား ငါးရာ သားတော်ဘုရားရဲ့ အထံမှာ ဃရာဝါသ အိမ်ရာတည်ထောင် လူတို့ဘောင်ကို စွန့်ခွါပြီး ရဟန်းတွေ ၀တ်သွားကြတော့၊ ကျန်ရစ်ခဲ့တဲ့ သူတို့ရဲ့ ဇနီး အမျိုးသမီး ငါးရာက အိမ်ထောင် ထပ်မပြုကြဘူးလေ၊ သူတို့လေးတွေကလဲ အမေနဲ့အတူ ရဟန်းမ ၀တ်ချင်ရှာနေကြတာ။

ကျောင်းတော်ကြီးဆီသို့

မဟာသက္ကရာဇ် (၁၀၈)ခုနှစ်၊ သားတော်ဘုရားရဲ့အသက်က (၄၀)အရွယ်၊ အဲဒီအချိန်မှာပေါ့။ သားတော်မြတ်စွာဘုရား ဝေသာလီပြည်၊ မဟာဝုန်တောကြီးထဲက ကူဋာဂါရသာလာကျောင်းတော်မှာ သီတင်းသုံးတယ်လို့ကြားတော့ သားတော်ဘုရားနဲ့ ရဟန်းသံဃာတွေကို အတုယူအားကျပြီး အမေနဲ့အတူ သာကီဝင်မင်းသမီး ငါးရာတုိ့ဟာ ဆံပင်တွေကိုဖြတ်၊ ဖန်ရည်စွန်းတဲ့ အ၀တ်တွေကို ၀တ်ပြီး သားတော်ဘုရားရဲ့ ကျောင်းတော်ကြီးဆီကို သွားကြမယ်ပေါ့။

ခြေဖ၀ါး နုနု သွေးခြေ ဥ

အဲဒီလို သွားမယ်လို့ ဟန်ပြန်တော့ သာကီမင်းတွေက ယာဉ်ရထားနဲ့ သွားဖို့ သူတို့ စီစဉ်ပေးမယ်ဆိုတဲ့ အကြောင်း ပြောပါတယ်။ အမေတို့တတွေက အဲဒီလိုသွားရင် သားတော်ဘုရားကို မရိုသေရာ ရောက်မှာစိုးလို့ သူတုိ့ စီစဉ်ပေးမယ့် ယာဉ် ရထားတွေကို ငြင်းပယ်ပြီး ဖိနပ်ပါ မစီးဘဲနဲ့ သားတော်ဘုရားရှိရာ မဟာဝုန်တောကြီးထဲကို သွားကြတာပေါ့။ ဖုန်တွေကထူ၊ လမ်းခရီးကလဲ ကြမ်းတော့၊ ဖုန်တွေက ခန္ဓာကိုယ်မှာ အလိမ့်လိမ့်ကပ်၊ ခြေဖ၀ါတွေမှာ ဖိနပ်တစ်ခါမှ မစီးဘဲ မလျှောက်ဘူးတော့ သွေးခြေတွေဥ၊ ပေါက်ပြဲပြီးတော့ သွေးသံရဲရဲ ဖြစ်နေတာပေါ့ကွယ်။

မျက်ရည်လေးတွေ ပါးပြင်မှာ ခိုဆင်းလို့

သားတော်ဘုရားရဲ ကျောင်းပရ၀ဏ်အတွင်းကို ရောက်တာနဲ့ သားတော်ဆီကို တန်းပြီး မသွားရဲသေးဘူး။ သားတော်ဘုရားရဲ့ ခွင့်ပြုချက်ကို မရယူဘဲ ကိုယ့်သဘောနဲ့ကိုယ် ဆံပင်တွေဖြတ်၊ ဖန်ရည်စွန်းတဲ့ အ၀တ်တွေကို ၀တ်လာတာဆိုတော့ ဘယ် တန်းပြီးတော့ သွားရဲပါ့မလဲ။

ဒါနဲ့ အမေလဲ အားတင်းပြီး သာကီ မင်းသမီး ငါးရာကို အပြင်မှာထား၊ အမေက သားတော်ဘုရားရဲ့ ကျောင်းတော် အပေါက်ဝလေးမှာပေါ့။ အထဲဝင်ရကောင်းနိုး မ၀င်ရကောင်းနိုးနဲ့ ချီတုံ ချတုံ ဖြစ်နေခဲ့တယ်။ နောက်ပြီး ၀မ်းနဲစိတ်တွေ ၀င်ပြီး သူ့အလိုလိုပဲ မျက်ရည်တွေက ပါးပြင်မှာ ခိုဆင်းလို့ပေါ့။

ရင်တထိတ်ထိတ်နဲ့ ကျန်ရစ်နေခဲ့

သိပ်မကြာလိုက်ပါဘူး၊ ကံကောင်းချင် သားတော် အရှင်အာနန္ဒာ ရောက်လာခဲ့တယ်လေ။ သားတော် အာနန္ဒာလဲ တွေ့တွေ့ချင်း အမေ့ရဲ့အ၀တ်အစား အသွင်အပြင်၊ ကိုယ်စိတ် ဆင်းရဲနေပုံ၊ ခြေဖ၀ါးနုနုမှာ သွေးခြေတွေဥ၊ ခန္ဓာကိုယ်မှာ ဖုန်အလိမ့်လိမ့်ကပ်ပြီး မျက်ရည်ကျနေတာကို တွေ့တော့ အရမ်းအံ့သြလို့ နေတယ်လေ။ ပြီးတော့ အကျိုးအကြောင်းမေးတော့ အမေလဲ ကိုယ့်ရဲ့ ဖြစ်ချင်တဲ့ဆန္ဒတွေကို ဖော်ထုတ်လိုက်တာပေါ့။

သားတော်အာနန္ဒာက အားကိုးရပါတယ်။ အမေ့ကိုလေ . . . “မယ်တော်ကြီးရယ် ဒီလောက်လဲ စိတ်သောက ရောက်မနေပါနဲ့၊ သားတော်လျှောက်ပေးပါ့မယ်” လို့ ပြောပြောဆိုဆို နဲ့ သားတော်ဘုရားရဲ့ ကျောင်းတော်ရာထဲဝင်သွားတော့ အမေလေ ရင်တထိတ်ထိတ်နဲ့ တံခါးဝနားမှာ စောင့်လို့ ကျန်ရစ်နေခဲ့ရတာ။

အရှင်အာနန္ဒာရဲ့ စွမ်းရည်သတ္တိ

သားတော်လေး အာနန္ဒာက အထဲ ၀င်သွားပြီးတဲ့နောက် အမေ့ရဲ့ ပုံပန်းအသွင်ကို သားတော်ဘုရားအား အရင် လျှောက်ပြီး၊ မယ်တော်ကြီး ရဟန်းမ၀တ်လိုပါကြောင်း ခွင့်တောင်း လျှောက်ထားတော့တာပါပဲ။

သားတော်ဘုရားက နှစ်ကြိမ်မက သုံးကြိမ်တိုင်အောင် ပယ်မြစ်လိုက်တော့ သားတော်လေးအာနန္ဒာလဲ ပရိယာယ်စကားနဲ့ လျှောက်ထားပြန်တယ်။

“ ဘုန်းတော် နေ၀င်း ထွန်းလင်းတောက်ပတော်မူသော မြတ်စွာဘုရား၊ အမျိုးသမီးတွေအတွက် အိမ်ယာတည်ထောင် လူတို့ဘောင်မှ စွန့်ခွါပြီး၊ ရဟန်းမ၀တ်ပြီး တရားအားထုတ်ပါလျှင် မဂ်တရား၊ ဖိုလ်တရား၊ နိဗ္ဗာန်တရားတော်တွေကို အများသားများ နည်းတူ ရနိုင်၊ ရောက်နိုင်၊ မျက်မှောက်ပြုခွင့်များ ရှိနိုင်ပါ့မလားဘုရား”။

“ရနိုင်၊ ရောက်နိုင်၊ မျက်မှောက် ပြုနိုင်တာပေါ့၊ အာနန္ဒာ”လို့ မြတ်ဗုဒ္ဓက မိန့်တော်မူတော့ . .

“ဘုန်းတော် ကြီးတော်မူသော မြတ်စွာဘုရား၊ အမျိုးသမီးတွေလည်း မဂ် ဖိုလ် နိဗ္ဗာန် ရနိုင် ရောက်နိုင် မျက်မှောက်ပြုခွင့် ရနိုင်တယ်ဆိုရင် . . .

မယ်တော် မဟာပဇာပတိ ဂေါတမီသည် မြတ်စွာဘုရား၏ မိထွေးတော်ပါဘုရား။ အရှင်ဘုရားကို ဖွံ့ထွား ကိုယ်လက်၊ ကိုယ်နေစည်ကား ကြီးပွားခြင်းသို့ရောက်အောင် စောင့်ရှောက်ပေးခဲ့တဲ့ မယ်တော်ကြီးပါဘုရား။

ငယ်စဉ်တောင်ကျေး ကလေးဘ၀မှ အစပြုကာ၊ ရေမိုး ချိုးပေး၊ အစာတွေကို ၀ါး၍ ကျွေးမွေးခဲ့ရတဲ့ မယ်တော်ကြီးပါဘုရား။

အရှင်ဘုရား ၇-ရက်အရွယ် ဥမမယ် စာမမြောက် အရွယ်မရောက်သေးသည့်အချိန်မှ စ၍ အရွယ်တော်ရောက် လူလားမြောက်သည်အထိ နို့ချိုတိုက်ကျွေး မွေးမြူခဲ့ရတဲ့ မယ်တော်ကြီးပါဘုရား။ ထို့ကြောင့် . . .

ဘုန်းတော်ကြီးတော်မူသော မြတ်စွာဘုရား မိထွေးတော်ကြီးအမှူးရှိသော သာကီ အမျိုးကောင်းသမီးတို့အား ရဟန်းမ ၀တ်ခွင့် ပြုတော်မူပါဘုရား”လို့ သားတော်လေး အာနန္ဒာက လျှောက်ထားတော့ . . .

သားတော် မြတ်စွာဘုရားက . .

“ဂရုဓမ် တရား ရှစ်ပါး(မဟာဗုဒ္ဓ၀င်ရှု)ကို လိုက်နာ ကျင့်သုံးနိုင်မယ်ဆိုရင်တော့ ရဟန်းမ ၀တ်ခွင့်ပေးမယ်”လို့ မိန့်တော် မူလိုက်မှ သားတော်အာနန္ဒာလဲ စိတ်အေး ချမ်းသာသွားပြီး အမေ့ဆီ ပြန်လာခဲ့တာပေါ့။

အမေနဲ့ ပါလာခဲ့တဲ့ သာကီမင်းသမီး ငါးရာတို့ကလဲ ဦးလည်မသုန် လေးစား လိုက်နာပါ့မယ်ဆိုလို့ ဘိက္ခုနီမသာသနာ တော်ကြီး ပေါ်ပေါက်လာတာ။

အစဉ်တစိုက် ကြိုးစားလိုက်ကြစမ်းပါ

“အို . . . သားတော် သမီးတော်တို့ ဒီအချိန်ဟာ စိုးရိမ်ပူဆွေ ငိုးကြွေးနေရမယ့် အချိန်မဟုတ်တော့ဘူး။

(ထီနံ အဒါသိ ပဗ္ဗဇ္ဇံ၊ သမ္ဗုဒ္ဓေါ ယာစိတော မယာ။ တသ္မာ ယထာဟံ နန္ဒိဿံ၊ တထာ တမနုတိဋ္ဌထ။)

ခက်ခက် ခဲခဲ ပင်ပင် ပန်းပန်း ဆင်းဆင်း ရဲရဲနဲ့ ရခဲ့ရတဲ့ ဘိက္ခုနီမ သာသနာတော်ကြီးကို အမေလေ အရှည်ခံ့ပြီး တည်တံ့ဖို့ အတွက် အရမ်းအလိုရှိတယ်ကွယ်။ ဒါကြောင့် သားတော် သမီးတော်တို့ဟာ ဘိက္ခုနီမ သာသနာတော်ကြီးအတွက် ဆက်လက်ပြီး ဘိက္ခုနီမသာသနာတော်ကြီး တိုးတက်စည်ပင် ပြန့်ပွားဖို့အတွက် အစဉ်တစိုက် ကြိုးစား လိုက်ကြစမ်းပါကွယ်။ လို့

လမ်းဘေး ၀ဲ ယာ တဖက် တချက်မှာ ရှိတဲ့ မိထွေးတော်ကြီးရဲ့ ဘ၀ခရီးကို နှုတ်ဆက် ကန်တော့ကြတဲ့ သားတော် သမီးတော်တွေကို နောက်ဆုံး တရားဟောရင်း . . . မိထွေးတော်ကြီးတို့ သားတော်ဗုဒ္ဓမြတ်စွာရှိရာ ကျောင်းတော်ဆီသို့ ဦးတည်လိုက် ကြတယ်။

ဆက်ရန် -

ဝန်ခံချက်

ဤစာမူများကို သုတ္တန္တ ပိဋက၊ ခုဒ္ဒကနိကာယ်၊ အပါဒါနပါဠိတော် ဒုတိယအုပ် စာမျက်နှာ ၉၇-မှ ၂၈၈-အထိ၊ ဂါထာပေါင်း ၁၉၀-ကျော်တို့မှ ထုတ်နှုတ်၍ ၃-လပိုင်း၊ ၂၀၀၈-ခုနှစ်တွင် ဧရာဝတီတိုင်း၌ စာရေးသူ ဟောကြားခဲ့ဖူးသော “အမေ ကျေနပ်ပါပြီ သားရယ်” တရားတော်ကို အခြေခံလျက် အင်တာနက် စာဖတ်သူတို့ အတွက် ညီငယ် မောင်ဖိုးသားမှ တဆင့် ပြန်လည် ဓမ္မဒါန ပြုခြင်းဖြစ်ပါသည်။

မောင်ပညာ (မန်းတက္ကသိုလ်)

pyinyar08@gamil.com

ဘန်ဘာမ်းရုကျောင်းတိုက်၊ ဘန်ကောင်နွိုင်းရပ်ကွက်၊

ဘန်ကောက်မြို့၊ ထိုင်းနိုင်ငံ။

Read more...

စည်းနှစ်ဘက် အကြား

“ကျနော်တို့  လူသားတွေ အားလုံးဟာ ငြိမ်းချမ်းရေးကို လိုအပ်နေပါတယ်။ အားလုံးရဲ့ စိတ် ထဲမှာ အဲဒီငြိမ်းချမ်းခြင်းဆိုတဲ့ အရာကို လိုလားတဲ့စိတ်နဲ့ ကိစ္စအရာရာကို တုန့် ပြန် ဆောင်ရွက်နေတာပဲ ဖြစ်ပါတယ်။ သည်အရာကို ရရှိဖို့  လူသားအဆက်ဆက် ဖြေရှင်းခဲ့ကြ ပါတယ်။ နည်းလမ်းအမျိုးမျိုးနဲ့ လည်း ကြိုးပမ်းခဲ့ကြတယ်။ အဲသည်အရာဟာ လူသားတိုင်း လူသားတိုင်းရဲ့ နှလုံးသားထဲ၊ ဦးနှောက်ထဲ၊ မသိစိတ်ထဲ၊ အသိစိတ်ထဲ ဆန္ဒပုန်းတွေထဲမှာ ကိန်းဝပ်နေတဲ့ အရာလည်း ဖြစ်ပါတယ်။ ကျနော်တို့  နေ့ စဉ် ရုန်းကန်မှုတွေ အားလုံးဟာ ဆိုရင် သည်ငြိမ်းချမ်းစွာ အသက်ရှင်လိုခြင်းပါပဲ။

ငြိမ်းအေးမှုအတွက် ရက်စက်ကြတယ်။ ကြမ်းရမ်းကြတယ်။ နူးညံ့ပြတယ်။ အဲသည်အရာ အတွက် စနစ်တကျ မှားယွင်းကြတယ်။ စနစ်တကျ ဖွဲ့ စည်းကြတယ်။ အဲသည်အရာ အတွက် ကူညီရတယ်။ ပံ့ပိုးကြတယ်။ ပေးဆပ်ပြတယ်။ အနစ်အနာ ခံကြည့်ကြပါသေးတယ်။

ဒါပေမယ့်လည်း ဘယ်လိုနည်းလမ်းတွေကိုဘဲသုံးသုံး၊ ဆန့် ကျင်ဘက်ရလဒ် တွေကိုပဲ ရရှိပြီး ငြိမ်းအေးမှုရဲ့ ဝေးရာဆီသာ ရောက်နေကြတယ်။ ဆင်းရဲမှုကိုသာ ခံစားရပါတယ်။ ဆင်းရဲမှုတွေကို ဖြေရှင်းဖို့  တွန်းခွာနေရင်းက ဆင်းရဲစရားတွေနဲ့  ညားနေပါတယ်။

ဒါဆိုရင် သည်ဆင်းရဲမှုတွေကို ဘယ်လိုနည်း ဘယ်လိုလမ်းနဲ့ များ ပယ်ရှင်း ငြိမ်းသက်နိုင် မလဲ။ အဲသည် ဆင်းရဲမှုတွေကို အမြစ်ကနေလှန်ပြီး ဖြေရှင်းပယ်သတ်နိုင်ရင် ကျနော်တို့  လူသားထုကြီး တောင်းတလိုလားနေတဲ့ ငြိမ်းချမ်းခြင်းဆိုတဲ့ ပန်းတိုင်ဆီရောက်ပါပြီ။

ဒါဟာ အဖြေပဲ။ ဆင်းရဲမှုတွေ ပြည့်နှက်နေတဲ့ ကမ္ဘာကြီးနဲ့ မပြည့်စုံတဲ့ လူသားတွေကြားမှာ ရောင့်ရဲမှုနဲ့ သာ ရပ်တည်နေကြရတော့မှာလား။ ကျနော်တို့  တတွေဟာ လူဖြစ်တဲ့ အတွက် ဒါတွေတော့ ရှိကြရမှာဘဲလို့  သီအိုရီလုပ်ပြီး လက်လျော့ နေကြရမှာလား။ မေးချင်ပါတယ်။

ဒါဆို ကောင်းတဲ့ အရာတွေလည်း ကျနော်တို့ လုပ်ပါလျှက်၊ ကောင်းမလာဘူး။ ဆိုးတာတွေ လုပ်မိတဲ့အခါ ကျတော့လည်း ထင်သလောက်မဆိုးဘူး။ ဒီနေ့  ကျနော်တို့ ဘာတွေ လုပ်နေ မိသလဲ။ သတိမထားမိဘူး။ မနက်ဖြန်မှာ ဘာတွေဆက်ဖြစ်ဦးမှာလဲ။ ဘယ်သူမှ အတိအကျ မပြောနိုင်။ ဒီကနေ့  ဖြစ်နေတာတွေကကော ဘာကြောင့်လဲ။ ဒါကိုလည်း မတွေးနိုင်။

လက်တွေ့ သိပ္ပံသမားက တမျိုးဖြေတယ်။ နက္ခဆရာကလည်း ဂြိုလ်လမ်းကြောင်းအရ ဆိုတယ်။ ဘာသာရေးခေါင်းဆောင်တွေကလည်း တမျိုးဟောတယ်။ ရိုးရာသမားတွေကြ ပြန်တော့ နတ်နဲ့ ကိုင်တယ်။ ဒဿနဆရာတွေက တမျိုး၊ နောင်ဘ၀ အကြောင်း ပြောသူ ကလည်း နောင်ဘ၀နဲ့  ချုပ်တယ်။

သူတို့  သူတို့ တတွေရဲ့ ပြောပုံ၊ ဟောချက်၊ တွက်ဆမှုတွေကလည်း ငြင်းရက်စရာမရှိ ဆိုတော့ နီးစပ်ရာ နီးစပ်ရာ ကိုယ်သန်ရာသန်ရာ ယုံကြည်ရတာပေါ့။ ဒီတော့လည်း လူတွေ ဟာ အမြင်တွေကွဲပြား၊ အလုပ်တွေခြားနား၊ ဓလေ့တွေ ထွေပြားဖြစ်ကုန်ကြပြီး တစ်ဦးနဲ့  တစ်ဦး လူစိမ်းကားကြီးတွေ ဖြစ်လာကြတယ်။ တစ်စုနဲ့  တစ်စု ရန်သူတွေဖြစ်ကြရတဲ့ အထိ ပါပဲ။ ငြိမ်းချမ်းခြင်းနဲ့  ဝေးတဲ့အပြင် ဆင်းရဲမှုတွေ ပိုကြီးကြရတယ်။

အဲသည်လို အဆင်မပြေမှု အမျိုးမျုိးကို ခံစားရင်း ဖြေရှင်းနေရတာ များလာတော့ ကျနော် တို့ ရဲ့ မူလလိုအပ်ချက်ဖြစ်တဲ့ ငြိမ်းချမ်းလိုမှုကို မေ့နေပြီ။ လက်ငင်းရင်ဆိုင်နေကြရတဲ့ ပြဿနာရဲ့ အခက်အခဲကိုသာ ကျွတ်ဖို့ လွတ်ဖို့  အားစိုက်နေရပါတယ်။

အခုလို လက်စမသတ်နိုင်တဲ့ အဆင်မပြေ ဆင်းရဲမှုတွေနဲ့  မပြတ်တမ်း ရင်ဆိုဖြေရှင်း လာခဲ့ကြတာတောင် ကျနော်တို့ အတွက်သင်ခန်းစာက ၀ လုံးကနေ တက်မလားဘူး။ ဘယ်ပြဿနာမဆို ခေါင်းခဲစရာ ချည်းဘဲ။ အသစ် အသစ်တွေဟာ အခက် အခက် ပိုလာသလိုပါဘဲ။

ကျနော်တို့ ဟာ ဆင်းရဲစရာအမျိုးမျိုး အဖုံဖုံတွေ ၀ိုင်းအုံဝန်းရံခံနေရတဲ့ကြားက နေ့  စဉ် အချိန်တိုင်း ရှင်းလင်းနေတဲ့ အခါမှာ နည်းလမ်းသစ်တွေနဲ့  အဲဒီဆင်းရဲမှုရဲ့ အားနည်းချက် ကို တွေ့ ရှိမလာဘဲ ခံနိုင်ရည်နဲ့  ကျင့်သားတွေပဲ ရလာကြတယ်။ ဘ၀ ဆိုတဲ့ စကားလုံးနဲ့  လူ ဆိုတဲ့ စကားလုံးနောက်မှာ “ လူ့ ဘ၀ဆိုတာ သည်လိုပဲ” လို့ တောင်ဖြေသိမ့်တဲ့ ပုံသေနည်းသစ်တွေ လုပ်လာကြတယ်။ နောက်ထပ် လူ့ ဘ၀ မဖြစ်တော့ဖို့ ၊ ဒါမှမဟုတ် လူ ထက်သာတယ်ထင်ရတဲ့ အရာတစ်ခုဖြစ်ဖို့  ဆိုတဲ့ အထိ ထွက်ပေါက်တစ်ခုကို မျက်စိမှိတ် ဖန်တီး ယုံကြည်ထားတယ်။

အခုလို ဆင်းရဲမှု အသီးသီးရဲ့ လှည့်လည် လည်ပတ်မှုကို လူသားက ဧည့်ခံပေးနေရတယ်။ ဧည့်သည်က လာပါများ နေပါများတော့ အိမ်ရှင်လိုဖြစ်လာပြီး ကျနော်တို့  လူသားက ဆင်းရဲမှု ဆိုတဲ့ အတုံးအခဲကြီး ဖြစ်လာတယ်။ ကျနော်တို့  လိုလားနေတဲ့ ငြိမ်းချမ်းခြင်းက မရသင့် မရထိုက်တဲ့ အနူလက်နဲ့  ရွှေခွက် ဖြစ်ရတော့မှာလား။

ကျနော်တို့  မမြင်ဖူး၊ မခံစားဖူးသော အရာနှင့် မပြောပြတတ်သော အရာကို ပြောကြည့်ပါ ဆိုရင် အဲသည်အရာဟာ ကျနော်တို့  တောင်းတ ကြိုးပမ်းနေတဲ့ ငြိမ်းချမ်းခြင်းပါပဲ။ ကျနော် တို့ ကလည်း လူမှန်းသိတတ်တဲ့ အရွယ်ကတည်းက ဆင်းရဲမှုကို လက်ခံဖြေရှင်းပြီး ငြိမ်းချမ်းမှုကို လိုချင်ခဲ့တာ မဟုတ်လား။ ဘယ်လိုဖြစ်ရင်တော့ ဘယ်လောက်ရရင်တော့ ငြိမ်းအေးမယ် ထင်တာပဲ။ ထင်တဲ့ အတိုင်းလည်း လုပ်ပါရဲ့။ သို့ သော်မငြိမ်းဘူး။ ဘယ်လို ဖြစ်ဦးမှ ဘယ်အထိရောက်မှ ငြိမ်းရတော့မယ်လို့  ထင်ပြန်တယ်။ ဒါကို မဖြစ်ဖြစ်အောင် ကြိုးပမ်း အားထုတ်ကြပါတယ်။ ဒီတစ်ခါမှာတော့ ငြိမ်းချမ်းသလိုရှိပါတယ်။ အဲဒါသာ ငြိမ်းရတာပါ။ နောက်ထပ် ဆင်းရဲမှု အသစ်တစ်စုံ ပူးတွဲ လာပြန်ပါတယ်။ ဘေးထွက် ဆိုးကျိုးမရှိတဲ့ ငြိမ်းချမ်းခြင်းကို မရသေးပါဘူး။

အခုလို ဆင်းရဲခြင်းတွေက အလှည့်တကျ ကျနော်တို့ ဆီ ခညောင်းနေတာ ဘာကြောင့်လဲ။ ဒီမေးခွန်းကို မေးမိဖို့ အထိ ကျနော်တို့ အသိတွေဟာ ကန်းနေပါတယ်။ ဆင်းရဲခြင်းကြောင့် အသိတရားတွေဟာ ကန်းရသလို အသိကန်းလို့  ဆင်းရဲစရာ ပြန်ဖြစ်ရပြန်ပါတယ်။ ဥပမာ- ဆင်းရဲစရာကို ဖြစ်စေတဲ့ ဆင်းရဲခြင်း ဘိန်းပင်ကို ပယ်ဖျောက်ဖျက်ဆီး ပစ်လိုက်ပါတယ်။ ဘယ်လို ဖျက်ဆီး ပစ်လိုက်သလဲဆိုရင် စိတ်ရှိလက်ရှိကို ဆွဲနှုတ်ပြီး လွှင့်ပစ်လိုက်တာ ဘိန်းသီးထဲက အစေ့တွေ ပြန့် ကြဲလွင့်စင်ပြီး မျိုးကြဲမိရက်သား ဖြစ်သွားတာ အပင် ပြန်ပေါက်လာတော့မှ မိုးပေါ်က အလိုလိုကြလာတယ် ထင်ရတယ်။

ဒါဆို ကျနော်တို့ အဖြေကိုချဉ်းကပ်လာတာ နီးစပ်လာပါပြီ။ အဖြေကရှင်းပါတယ်။ ဆင်းရဲမှု ဖြစ်ရတာဟာ ဆင်းရဲမှု ဖြစ်စေရာ ဖြစ်စေကြောင်းပါဘဲ။ ဒါအလွယ်လေးပဲ။ ဆင်းရဲ ဖြစ်စေရာ ဖြစ်စေကြောင်းကို ကျနော်တို့  တတွေအားလုံးသိပြီးသားပဲ။ ခလေးတွေတောင် သိတယ်။ အယုတ်စွဆုံး ခွေး၊ ကြောင်တွေတောင်သိတယ်။ သိလို့ သာလျှင် မဆင်းရဲ ရအောင် ဆင်းရဲမယ်လို့  ထင်ရတဲ့ အရာတွေမှန်သမျှ ကာကွယ်ကြပါသေးတယ်။

ခွေးတစ်ကောင်၊ ကြောင်တစ်ကောင်ကို တွေ့ တိုင်း ကန်လိုက်၊ မောင်းလိုက် လုပ်နေကြည့် ဒီသတ္တ၀ါ နောက်တွေ့ တိုင်း ပြေးနေတော့မှာပဲ။ လစ်ရင် ပြန်တိုက်ခိုက်ဖို့  ချောင်းဦးမှာပါ။

ဆင်းရဲခြင်း ဖြစ်စေရာ ဖြစ်စေကြောင်းတွေကို ကျနော်တို့  သိပြီး ကာကွယ်မှု တုန့် ပြန်မှု တွေလည်း လုပ်နေပါရက်က ဘာဖြစ်လို့ များ ငြိမ်းချမ်းမှုကို မရသလဲ။ မေးစရာ ဖြစ်ရပြန်ပါ ပြီ။ ဒီနေရာမှာ ဆင်းရဲခြင်း အကြောင်းကြောင့် ဆင်းရဲမှု အကျိုး ဖြစ်ပေါ်ကျရောက်တယ် ဆိုပြီး ဆင်းရဲခြင်း အကြောင်းကို ဖြေရှင်းတုန့် ပြန်လိုက်တာ ဆင်းရဲမှု အကျိုးဆက် ဘာကြောင့် ပေါ်ပေါက်လာသေးလဲ။ ဆင်းရဲမှုတွေ ဘာကြောင့် မကုန်ခမ်းနိုင်တာလဲ မေးရင်။ ဆင်းရဲခြင်းအကြောင်းအစစ် အမှန်ကို မပယ်သတ်မိတာကြောင့် ဆင်းရဲမှု ရှိနေပါ သေးတယ်။ လို့ ၊ ဖြေရပါလိမ့်မယ်။

Read more...

နှစ်သစ်လက်ဆောင်

နှစ်ဟောင်းကုန်လို့ နှစ်သစ်ကူးပြီး ရွက်ဟောင်းတွေကြွေလို့ ရွက်သစ်တွေလည်းဝေနေပြီ။အော်….ငါတို့၏ အသက်လည်း တစ်နှစ်ကြီးပြီး သေနယ်သို့တစ်ရက်နီးလာပြီ။ နှစ်ဟောင်းမှာ မိမိတို့ ဘာတွေလုပ်ခဲ့လဲ နှစ်သစ်မှာဘာတွေလုပ်ရမလဲဆိုတာကို ပြန်လည်ဆန်းစစ်သင့်ပြီ။ တစ်နှစ်ပတ်လုံး ဇနီး၊ သားသမီး၊ မြေး နှင့် မိသားစုတွေအတွက် ဘ၀ပင်လယ်ထဲမှာ စီးမျောပြီး ပန်ပင်းကြီးစွာ ကူးခတ်နေခဲ့ရသည်။ ယခုလို အားလပ်တဲ့ မြန်မာနှစ်ကူး အတာတန်ခူးသင်္ကြန်မှာ အပျော်အပါးတွေနဲ့ နစ်မျောပြီး ဘ၀ပင်လယ်ထဲမှာ ဆက်လက်ကူးခတ်မနေဘဲ တရားဘာဝနာ အားထုတ်နိုင်ရင်အားထုတ် အားမထုတ်နိုင်ရင်တောင်မှ မကောင်းမှုဒုစရိုက်များ စည်းမဲ့ကမ်းမဲ့ မြန်မာယဉ်ကျေးမှုနှင့်မညီသော ရေကစားမှုများကို ရှောင်ရှားပြီး ဘုရားကျောင်းကန်သွားခြင်း၊ ဥပုလ်သီလဆောက်တည်ခြင်း၊ လူကြီးမိဘ ဆရာသမားများ သက်ကြီးရွယ်အိုများကို ကန်တော့ခြင်းဖြင့် မိမိနောက်ပါအောင် ကောင်းမှုကုသိုလ်များကို နှစ်သစ်မှာ ပြုလုပ်စေချင်ပါသည်။ နှစ်ဟောင်းကအညစ်အကြေးများကို အတာရေဖြင့် ဆေးကြောခြင်းဖြင့် မရပါ။မြတ်စွာဘုရားရှင်ဟောကြားတော်မူခဲ့သော တရားရေအေးဖြင့်သာ စင်ကြယ်အောင်ဆေးကြောနိုင်ပါသည်။ “ဘယ်သူမပြုမိမိအမှု” ဆိုသကဲ့သို့ ကိုယ်ပြုသမျှ ကံ သည်ကိုယ်သာခံရမည်ဖြစ်သည်။ယခုလိုရခဲလှစွာသော လူ့ဘ၀မှာ မြတ်စွာဘုရားရှင်ဟောကြားတော်မူခဲ့သော တရားတော်များကို ကျင့်ကြံ ကြိုးကုတ်အားထုတ်ခြင်းဖြင့် မျိုးစေ့ကောင်းလေးများကို စိုက်ပျိုးနိုင်ကြပါစေလို့ နှစ်သစ်အတွက်ဆုမွန်ကောင်းတောင်းလိုက်ပါသည်။

Read more...

ရဟန်းတော်များ တန်ခိုးပြပါသည်…

ရဟန်းတော်များ တန်ခိုးပြပါသည်…

kkkရေ ယခုမှသာတန်ခိုးကို လူတွေနှစ်သက်တာ မဟုတ်ပါ ရှေးယခင်ကလည်း နှစ်သက်ခဲ့ဘူးကြပါတယ်။
ကေဝဋ္ဋပုဏ္ဏားဆိုရင် သုံးကြိမ်တိုင်တိုင် မြတ်စွာဘုရားကို တန်ခိုးပြသောရဟန်း ခန့်ထားဖို့ထိ တောင်းဆိုခဲ့ပါတယ်။ မြတ်စွာဘုရာကလည်း သုံကြိမ်တိုင်ပယ်ခဲ့တယ်။ အများ နှစ်သက်နေကြတဲ့ တန်ခိုးကို ပြခြင်းဟာ ကောင်းကျိုးထက် မကောင်းကျိုးကို မြင်၍ တားမြစ်ခဲ့ခြင်းဖြစ်ပါတယ်။

သူတစ်ပါးတွေ ကောင်းကျိုးချမ်းသာဖြစ်ပေါ်နိုင်တဲ့ အခါမျိုးမှာတော့ မြတ်စွာဘုရားနဲ့ တချို့ပုဂ္ဂိုလ်များ တန်ခိုးပြခဲ့ကြပါတယ်။

တန်ခိုးကို ပါဋိဟာရိယလို့ခေါ်ပါတယ်၊ အံ့သြဖွယ်သောအဖြစ်တဲ့။
ဒီလို အံ့သြဖွယ်က သုံးမျိုးရှိတယ်။

၁။ ဣဒ္ဓိပါဋိဟာရိယ
၂။ အာဒေသနာပါဋိဟာရိယ
၃။ အနုသာသနီပါဋိဟာရိယတို့ဖြစ်ပါတယ်။

၁။ ဣဒ္ဓိပါဋိဟာရိယဆိုတာက မြေရှိုးမိုးပျံ အစရှိသည် အမျိုးမျိုးကိုခေါ်ပါတယ်။
၂။ အာဒေသနာပါဋိဟာရိယဆိုတာက သူတစ်ပါး၏ စိတ်အကြံအစည်ကို အတတ်ဟောခြင်းဖြစ်ပါတယ်။
၃။ အနုသာသနီပါဋိဟာရိယဆိုတာက သီလ သမာဓိ ပညာ အစရှိသည်တို့ဖြင့် ဆုံးမခြင်းကို ခေါ်ဆိုပါတယ်။
ဒါ့ကြောင့် ရဟန်းတော်များ တန်ခိုးပြာဋိဟာကိုပြပါတယ်၊ ဘယ်လိုပြာဋိဟာလည်းဆိုရင်တော့ နံပါတ်သုံး ဆုံးမခြင်း ပြာဋိဟာကို အမြဲပြပါတယ်။ ခုလည်း ဘုန်းကြီးက မြတ်စွာဘုရား၏ ဆင်းရဲငြိမ်းကြောင်း တရားကောင်းများကို တင်ပြပေးနေတဲ့အတွက် တန်ခိုးပြာဋိဟာကို ပြနေခြင်းသာဖြစ်ပါတယ်။
အကျယ်ကိုတော့ သုတ်သီလက္ခန် ကေဝဋ္ဋသုတ်မှာလေ့လာရပါ့မယ်။

အရှင် ပိဏ္ဍောလဘာရဒွါဇ မထရ်က ရာဇဂြိုလ်သူဌေးရဲ့ စန္ဒကူးသပိတ်ကို အတောင်ခြောက်ဆယ်မြင့်တဲ့ ၀ါးလုံးထိပ်မှာ ချိတ်ထားပြီး တန်ခိုးနဲ့ပျံလို့ ယူနိုင်ရင်လှူမယ် ပစ္စည်းလေးပါး ဒကာခံမယ်ဆိုပြီး ကြွေးကျော်နေချိန် တိတ္ထိတွေကလည်း ကောင်းကင်ပျံပြီး မယူနိုင် ရဟန်းတော်များကလည်း သွားမယူ၊ ဒီအချိန်မှာ အရက်သမားများရဲ့ ပါးစပ်သရမ်းမှုကြောင့် အရှင်မဟာမောဂ္ဂလာန်က အရှင်ပိဏ္ဍောလဘာရဒွါဇကို ငါ့ရှင် အရက်သမားတွေကတော့ သံဃာတော်နဲ့ သာသနာကိုစော်ကားနေပြီ ငါ့ရှင် သပတ်ကိုသွားယူပေတော့ ဆိုပြီးခွင့်ပြုတဲံအခါ တန်ခိုးပြပြီး သပိတ်ကိုယူလာခဲ့တယ်။
ဒီအကြောင်းအရာကို မြတ်စွာဘုရားသိပြီးနောက် အရှင် ပိဏ္ဍောလဘာရဒွါဇကို ကဲ့ရဲ့တော်မူပြီး တန်ခိုးမပြရ ပြသောရဟန်း ဒုက္ကဋ်အာပတ်သင့်စေဆိုပြီး သိက္ခာပုဒ်ကို ပစ်ညတ်တော်မူခဲ့ပါတယ်။ အကျယ်ကိုတော့ မဟာဗုဒ္ဓ၀င် တတိယတွဲမှာ ကြည့်ပါမယ်။

ရဟန်းလို့ဆိုပေမဲ့ မြတ်စွာဘုရား၏ တပည့်သားများဖြစ်ကြတဲ့ ဘိက္ခု၊ သာမဏေ၊ ဒီလို ကိစ္စမှာ အတူတူပဲလို့ သဘောပေါက်ကြရပါ့မယ်။

အချို့ မယုံကြည်တဲ့ သူတွေ အတွက် ယုံကြည်သက်ဝင်လာအောင် ရဟန္တာဖြစ်ကြောင်း သက်သေမပြသင့် ဘူးလား ဆိုခဲ့သော်… မြတ်စွာဘုရားသက်ရှိထင်ရှား တွေ့ကြရတဲ့သူတချို့တောင် ဘုရားမှန်း လက်မခံ တပည့်မခံ သေကြောင်းကြံ ရှိသေးတာဆိုတော့ကာ ဘုန်းကြီးအနေနဲ့တော့ မထင်ဘူး၊

လုပ်ခြင်းလုပ်ရင်တော့ ပုပ္ပါးက အောင်ငွေကို တန်ခိုးပြခိုင်းရမယ်၊ အဲဒီဒကာကတော့ အံ့သြစရာ အလွန်ကောင်းတာပဲ။ အောင်ငွေဆိုတာက စကားမပြောတတ်ဘူး၊ ဒါဘေမဲ့ ဘုန်းကြီးရှေ့မှာတင် ဒကာလေးတစ်ယောက်ကိုပြောတယ်၊ အရှင်ဘုရားကတော့လုပ်တော့မယ် ခုနကတော့ စကားမပြောတတ်ဘူး၊ ခုတော့ ဒကာလေးတစ်ယောက်ကို စကားပြောတယ် မလုပ်နဲ့ဦး၊ သူက ဝူးဝူးဝါးဝါး အမူအရာနဲ့ပြောတာ ဘုန်းကြီးကတော့နားမလယ်ဘူး သူလိုလဲမပြောတတ်ဘူးနော်၊ သူ့ဦးလေးက ဘေးနားကနေပြီး ဘာသာပြန်ပေးတယ်။ မင်းရဲ့ ဘိုက်ထဲမှာ သူများလုပ်ထားတာ အလုံးတွေရှိတယ် ထုတ်မလားဆိုတော့ ဒီဒကာလေးကလည်း မယုံဘူး၊ ထုတ်ရင်နာမှာလားဆိုတော့၊ မနာပါဘူးတဲ့။ မနာရင်ထုတ်ပြဆိုတော့ ဘိုက်ပေါ်မှာ ရေနဲနဲစွတ်ပြီး ဘိုက်ကိုပွတ်နေတယ်၊ တစ်မိနစ်လောက်ကြာတော့ ပုပ်စော်နံလာပြီးနောက် သူ့လက်နဲ့ အူတွေကို စွဲထုတ်ပြတယ်။ ဘိုက်လဲအပေါက်မရှိဘူး။ ကိုယ်မျက်စိရှေ့တင်ဆိုတော့လည်း မယုံရခက် ယုံရခက်၊ ပြီးတော့ အူတွေထဲကနေပြီး အလုံးလေးတွေထွက်လာတယ် ငါးလုံးတောင်။ နောက်ထပ်ပြတာတွေအများကြီးပဲ မပြောတော့ပါဘူး။

နောက်မှ လေ့လာကြည့်တော့ ရုပ်ကစိုးနတ်ကို ခိုင်းစားနေတာလို့ ဆိုတာပဲ။

ပြောခြင်တာကတော့ လူတွေဟာတန်ခိုးဆို အလွန်ကြိုက် ရဟန်းတစ်ပါး ကောင်းကင်မှာပျံတယ်ဟေ့ ဆိုရင် မော့ကြည့်ကြတာပဲ မြင်လဲ မမြင်ရဘဲနဲ့။ ပြီးရင်ရှောက်ပြောဦးမယ် ကိုယ်တိုင်ပဲ မြင်လိုက်ရသလိုလို။ ဒီလိုနဲ့ လိမ်တဲ့လူတွေကလဲများလာရော။
ဒီလောက်ဆို မေးထားတာ ပြေလောက်မယ်ထင်တာဘဲ တတ်လွန်းလို့ဖြေတာတော့ မဟုတ်ပါဘူး သိချင်ပါတယ်ဆိုလို့ ဘုန်းကြီးမှန်တယ် ထင်တာတွေ ရေးတာပါ၊ တကယ်လို့ မှားခဲ့ရင်လဲ ပယ်နိုင်ပါတယ်။

အားလုံး စိတ်ချမ်းသာကြပါစေ… ဒုက္ခဆင်းရဲကင်းဝေးကြပါစေ…။

Read more...

လုပ်တိုင်းမဖြစ်စိတ်မညစ်နဲ့ 

ကျနော့ဆီကို ညီလေးတစ်ယောက် မေးလ်ပို့ပြီး မေးတဲ့အတွက် ဒီပို့စ်လေးကို ရေးဖြစ်သွားပါတယ်။ မေးတဲ့ မေးခွန်းကလည်း မေးသင့်တဲ့ မေးခွန်းလေးတစ်ခုပါပဲ။ သူဘယ်လိုမေးလဲဆိုတော့.. သူ ဘုရား၊ တရား၊ သံဃာ အပေါ်၌လည်း သက်ဝင်ယုံကြည်ပါတယ်.. ဘုရားရှင် ဆုံးမခဲ့တဲ့ စကားတွေကိုလည်း အမြဲနှလုံးသွင်းတယ် သူကောင်းတာတွေလုပ်နေတယ်.. မိဘကိုလုပ်ကျွေးပြုစုနေတယ်.. ဒါပေမယ့် သူ့မှာ ဆိုးကျိုးတွေပဲ တွေ့နေရတယ်.. အဲ့ဒါဘာလို့လည်း? နောက်တစ်ချက်က.. ဘုရားရှင် ဆုံးမထားတယ်ပေါ့.. ကောင်းတာလုပ်ရင် ကောင်းကျိုးပေးမယ်.. မကောင်းတာလုပ်ရင် မကောင်းကျိုးပေးမယ် ဆိုတာပါ။ ဒါပေမယ့်.. အခု သူကောင်းတာတွေ လုပ်နေရဲ့သားနဲ့ မကောင်းကျိုးတွေပဲ ရနေတယ်.. အဲ့ဒါဘာလို့လည်း? ဆိုတာလေး ရှင်းပြပေးပါတဲ့။ ဟုတ်ပါတယ်.. ဒီအကြောင်းကို သေချာရှင်းရှင်းလင်းလင်း မသိသွားရင် ကိုယ်ကိုးကွယ်နေတဲ့ဘာသာအပေါ်.. ကိုယ်လုပ်နေတဲ့ ကုသိုလ်ကောင်းမှုတွေ အပေါ်မှာ ယုံကြည်မှု သဒ္ဒါတရား မရှိသလိုဖြစ်သွားပါ့မယ်။ နောက်ပြီး.. ကုသိုလ်ဆိုတာ အလကားပါ.. လုပ်နေလို့ အပိုပါပဲဆိုတဲ့ စိတ်တွေဝင်လာရင် ဘာကောင်းမှုကုသိုလ်မှလည်း လုပ်ဖြစ်မှာ မဟုတ်ပါဘူး။ ဒါ့ကြောင့် ဒီအချက်လေးကို စိတ်ထဲရှင်းသွားအောင် ဆွေးနွေးတဲ့ သဘောလေးနဲ့ ရေးလိုက်ပါတယ်။

ယခုခေတ် လူအများစုပေါ့.. မကောင်းတာလုပ်တဲ့သူတွေ.. သူတစ်ပါးအပေါ် ခေါင်းပုံဖြတ်တဲ့သူတွေ.. လိမ်လည် ကောင်ကျစ်နေတဲ့သူတွေ.. ငါကောင်းစားရင်ပြီးရော သူတစ်ပါးဘာဖြစ်ဖြစ် မကောင်းတာဆို အကုန်လုပ်မယ် ဆိုတဲ့သူတွေ ကြီးပွားတာ များတယ်။ ရိုးသားကြိုးစားမှုကိုရှေ့တန်းတင်ပြီး ကိုယ်ကျင့်တရားနဲ့ နေတဲ့သူကျတော့ နေရာမရ.. ကုသိုလ်ကောင်းမှုလုပ်မှ အိမ်မီးလောင်တယ်.. ဒါနပြုမှ ပစ္စည်းအခိုးခံရတယ်.. သီလဆောင်တည်မှ အလိမ်ခံရတယ် ဆိုတာတွေ ကြုံဖူးကြားဖူးကြမှာပါ။ ဒါဘာလို့လည်း? ဓမ္မစေတီဆရာတော်ဘုရား အမြဲတမ်း ဟောပြောဆုံးမတဲ့ စကားလေးတစ်ခွန်း ရှိပါတယ်.. ကံသာလျှင်အမိ ကံသာလျှင် အဖဆိုတာကတော့ လောကစကား.. ဥာဏ်သာလျှင်အမိ ဥာဏ်သာလျှင်အဖဆိုတာကတော့ ဂေါတမဘုရားရှင်ရဲ့တရား တဲ့။ ဒီလိုဆိုရင်.. လူတိုင်းလူတိုင်းခံစားနေရတဲ့ ကောင်းကျိုးဆိုးကျိုးတွေဟာ ကံအကျိုးပေးပေါ်မူတည်ပြီးတော့ လူတစ်ဦးနဲ့ တစ်ဦးကွဲပြားသွားတယ်လို့ ယူဆလို့ ရလောက်ပါပြီ။ တချို့တွေရုပ်ဆိုးတယ်.. တချို့တွေရုပ်လှတယ်.. တချို့ဆင်းရဲတယ်.. တချို့ချမ်းသာတယ်.. အမျိုးမျိုးပေါ့..။ ဒါဘာလို့လည်းဆိုတော့ သူတို့ လုပ်ခဲ့တဲ့ ကံတွေအပေါ်မှာ မူတည်ပြီးတော့ ပြောင်းလဲသွားကြတာပါ။

ဘုရားရှင်ရဲ့ ဒေသနာတော်နဲ့ ပြောရရင် သဂြိုလ်ဘာသာဋီကာ၊ ၃၄၄ ၊ပါပကာစတုက္က မှာ အကျိုးပေးရာ ကာလ ကွဲပြားသော ကံ(၄)မျိုးကို ပြဆိုထားပါတယ်။ အဲ့ဒါတွေကတော့ (၁) ဒိဋ္ဌဓမ္မဝေဒနိယကံ - မျက်မှောက်ဘ၀မှာ အကျိုးပေးသောကံ။ (၂) ဥပပဇ္ဇှဝေဒနိယကံ - ဒုတိယဘ၀ အကျိုးပေးသောကံ။ (၃) အပရာပရိယကံ - တတိယဘ၀မှ နိဗ္ဗာန်ရတဲ့ ဘ၀တိုင်အောင် အကျိုးပေးသောကံ။ (၄) အဟောသိကံ - အကျိုးပေးခွင့် မရသောကံ တို့ ဖြစ်ကြပါတယ်။ အကျိုးပေးရာ ကံလေးမျိုးဟာ ဇောစေတနာများကြောင့် ဖြစ်ကြပါတယ်။ ကုသိုလ်လုပ်လုပ် အကုသိုလ်လုပ်လုပ် ဇောစေတနာ (၇)ကြိမ်စောကြပါတယ်။ ဒီ(၇)ကြိမ်မှာ ပထမဇောထက်သန်ရင် ယခုလက်ရှိဘ၀ အကျိုးပေးပါတယ်။ နောက်ဆုံးဇောဖြစ်တဲ့ သတ္တမဇောက ထက်သန်ရင် ဒုတိယဘ၀ အကျိုးပေးပါတယ်။ ပထမဇောနဲ့သတ္တမဇောရဲ့ ကြားမှာရှိတဲ့ အလယ်ဇော ငါးချက် ထက်သန်ရင် တတိယဘ၀မှ နိဗ္ဗာန်ရတဲ့ နောက်ဆုံးဘ၀တိုင်အောင် အကျိုးပေးပါတယ်။ ခုကျနော်တို့တွေ ကောင်းတာတွေလုပ်နေရဲ့သားနဲ့ မကောင်းတာတွေဖြစ်နေရတယ်.. မကောင်းတာတွေလုပ်နေရဲ့သားနဲ့ ကောင်းကျိုးတွေခံစားနေရတယ်ဆိုတာ အလယ်ဇော ငါးချက်ကြောင့်ဖြစ်ရတာပါ။ ဒီဘ၀တစ်ခုမှာ ကောင်းတာလုပ်နေတာကိုပဲ သွားကြည့်လို့ မရပါဘူး။ ကိုယ်က ဟိုးအရင်အရင်အတိတ်ဘ၀က အကုသိုလ်တွေ ဘယ်လောက်လုပ်ခဲ့မှန်း.. ကုသိုလ်တွေ ဘယ်လောက် လုပ်ခဲ့မှန်း.. မသိတဲ့အတွက် သူ ကောင်းကျိုးပေးချင်တဲ့အချိန် ပေးမယ်.. ဆိုးကျိုးပေးချင်တဲ့အချိန် ပေးမယ်.. ဘာမှကြိုပြောလို့ မရပါဘူး။ ဒါ့ကြောင့် ကံသာလျှင်အမိ ကံသာလျှင်အဖဆိုတာကတော့ လောကစကားလို့ ဆိုရတာပါ။

ဒီအချက်ကိုကြည့်မယ်ဆိုရင်.. ကိုယ်အရင်ဘ၀က လုပ်ခဲ့တဲ့ အကုသိုလ်ကံတွေကြောင့် ဒီဘ၀မှာ ကုသိုလ်တွေ လုပ်နေပေမယ့်လည်း မကောင်းကျိုးတွေ ရနေရခြင်းဟာ အလယ်ဇော ငါးချက်ကြောင့်လို့ ပြောလို့ရပါ့မယ်။ ဒီလိုဆိုရင် ကိုယ်ရဲ့ အဓိကအလုပ်ကတော့ ဆိုးတဲ့ကံပဲတွေ့တွေ့ ကောင်းတဲ့ကံပဲတွေ့တွေ့ အကြောင်းတရားကြောင့် အကျိုးတရားဖြစ်တယ် ဆိုတာကို လက်ခံတတ်ဖို့ပါပဲ။ ဘယ်ကိစ္စပဲဖြစ်ဖြစ် အကြောင်းကြောင့် အကျိုးဖြစ်တယ်ဆိုတာကို လက်ခံသွားရင် ဘယ်အလုပ်ပဲလုပ်လုပ် လုပ်ရတာ အဆင်ပြေသွားပါတယ်။ ဆရာတော်ဘုရားကြီးတစ်ပါး ဆုံးမသလိုပါပဲ.. ပစ္စည်းတစ်ခုပျောက်ရင် ဘယ်သူ့မှသွားပြီး အပြစ်မတင်နဲ့တဲ့.. မှန်ကိုသွားကြည့်ရင် အဲ့သူခိုးကိုတွေ့လိမ့်မယ် ဆိုတဲ့အတိုင်းပါပဲ။ အရင်ဘ၀က ကိုယ်ကသူများပစ္စည်းကိုခိုးခဲ့လို့ ယခုဘ၀ကိုယ်ဆီက ပြန်အခိုးခံရတာပါ။ ကိုယ်အခိုးခံရတဲ့ အကြောင်းကို လိုက်ပြောနေတာဟာ ငါအရင်ဘ၀က သူခိုးဖြစ်ခဲ့ဘူးတယ်လို့ လိုက်ပြောနေသလို ဖြစ်နေပါတယ် တဲ့။ အားလုံးဟာ အကြောင်းကြောင့် အကျိုးဖြစ်ရတာပါ။

ဥပမာတစ်ခုလိုပေါ့.. ဗောဓိပင်ပျိုးလို့ ခြေကျိုးရ.. ဗောဓိကိုင်းချိုးလို့ ရွှေအိုးရ.. ဆိုတဲ့စကားလေးတစ်ခုလိုပါပဲ။ ဒီစကားကို တိုက်ရိုက်သွားယူမယ်ဆိုရင် မှားယွင်းတဲ့ မိစ္ဆာဥာဏ် ဖြစ်သွားတတ်ပါတယ်။ တကယ်တော့ ဗောဓိပင်ပျိုးတဲ့သူဟာ အဲ့နေ့မှာ သူကသေရမယ့်ကံ ပါလာပါတယ်.. ဒါပေမယ့် ဗောဓိပင်ပျိုးလိုက်တဲ့ အကျိုးစေတနာကံကြောင့် သေရမယ့်ကံမှ လွတ်မြောက်ပြီးတော့ ခြေထောက်ပဲကျိုးရတယ်။ နောက်ဗောဓိကိုင်း ချိုးသူကတော့ အဲ့နေ့မှာ သူက ရွှေအိုးပေါင်းများစွာ ရမယ့်ကံ ပါလာတယ်။ ဒါပေမယ့် ဗောဓိကိုင်းချိုးတဲ့ သူ့ရဲ့ စေတနာအကုသိုလ်ကံကြောင့် ရွှေအိုးတစ်အိုးပဲ ရလိုက်တာပါ။ သူတို့နှစ်ယောက်ဖြစ်ပုံကို ကြည့်မယ်ဆိုရင် တစ်ယောက်က အကုသိုလ်လုပ်လို့ ရွှေအိုးရတယ်.. နောက်တစ်ယောက်က ကုသိုလ်လုပ်လို့ ခြေကျိုးရသလို ဖြစ်နေပါတယ်။ ဒီလိုပါပဲ.. ယခုမျက်မှောက်ကာလမှာလည်း အကုသိုလ်လုပ်ပြီး ချမ်းသာနေတဲ့သူတွေရှိပါတယ်။ ဒါဘာလို့လည်းဆိုတော့ သူတို့ အတိတ်ရဲ့ ကောင်းမှုကံအဟောင်းတွေကို ခံစားနေရတာပါ။ နောက်.. ကုသိုလ်လုပ်ပြီး မကောင်းကျိုးတွေ ခံစားနေရတာတွေလည်း ရှိပါတယ်။ ဒါတွေလည်း သူတို့ရဲ့ အတိတ်မကောင်းမှုကံတွေကို ခံစားနေရတာပါ။ ဘယ့်သူ့ဘယ်သူမှ အပြစ်ပြောလို့ မရပါဘူး။

ဒီလိုဆိုရင်.. ကံနဲ့ ကံရဲ့အကျိုးကို ယုံကြည်လောက်ပြီလို့ ထင်ပါတယ်။ ကိုယ်ကကောင်းတာတွေလုပ်ပြီး ကောင်းကျိုးတွေမရပဲနဲ့ ဆိုးကျိုးတွေရနေတာကိုလည်း စိတ်မညစ်ပါနဲ့.. အရာရာတိုင်းဟာ အကြောင်းကြောင့် အကျိုးဖြစ်တယ်ဆိုတာကို လက်ခံဖို့လိုပါတယ်။ အဓိကက ကိုယ်ကကောင်းတာတွေ လုပ်နေဖို့ပဲ လိုပါတယ်။ ကောင်းကျိုးခံစားရတာ မခံစားရတာ သူ့အပိုင်းပါ။ ကောင်းကျိုး ဘာလို့မခံစားရတာလည်းဆိုတာကို လိုက်ကြည့်နေမယ်ဆိုရင်တော့ အကျိုးမျှော်သလိုဖြစ်ပြီးတော့.. ကံနဲ့ ကံရဲ့အကျိုးကို မယုံကြည်သလို ဖြစ်နေပါ့မယ်။ ဒါ့ကြောင့် လုပ်တိုင်းမဖြစ်စိတ်မညစ်ပါနဲ့.. ။ လူသားအားလုံးဟာ ကံစီမံရာကိုခံနေရတဲ့ ကံရဲ့စေခိုင်းရာ ရုပ်သေးရုပ်လိုပါပဲ.. ကံရဲ့ထားရာနေ စေရာသွားနေကြရတာပါ။ ကံကုန်ရင် အသက်တောင် သေပေးကြရတာပဲ မဟုတ်လား။ ဒါ့ကြောင့် မိုးကုတ်ဆရာတော်ဘုရားကြီးက အမြဲတမ်းဆုံးမပါတယ်။ ကံမဦးခင် ဥာဏ်ဦးအောင်ကြိုးစားကြပါ..ဆိုပြီးတော့။ နောက်ပြီး အကောင်းလောကဓံ အဆိုးလောကဓံတွေ မခံချင်ဘူးဆိုရင်တော့ အဖြူအမဲမရောတဲ့ ကံဖြစ်တဲ့ ၀ိပဿနာအလုပ်ကို အားထုတ်ဖို့ တိုက်တွန်းလိုပါတယ်။ ဘယ်လောက်ပဲ ဆိုးတဲ့ကံနဲ့တွေ့တွေ့ အကြောင်းတရားကြောင့် အကျိုးတရားတွေ ဖြစ်လာတယ်ဆိုတဲ့ လောကဓံတရားကို လက်ခံပြီးတော့ ကုသိုလ်ကိုများအောင်စုပြီး ကောင်းမှုကို များအောင်ကြံနိုင်ကြပါစေလို့ ဆန္ဒပြုလိုက်ပါတယ်။

Read more...

ခန္ဓာဘုရားနှင့် ဉာဏ်ဘုရား... (တည်တောဆရာတော် (မေး+ဖြေ))

တည်တောဆရာတော် (မေး+ဖြေ) ၁-မှ...

ခန္ဓာဘုရားနှင့် ဉာဏ်ဘုရား...

Posted by mo at 5:19 PM

Read more...

U THANT OF THE FOUR BRAHA VIHARA

Many people have asked me how I felt at the time of my appointment at Acting Secretary General. They have been invariably surprised to learn that I did not feel the way most people would have felt in similar circumstances. To understand my feelings and my conception of the role of Secretary General – the nature of my religious and cultural background must first be understood. I should therefore like to outline not only my religious beliefs, but also my conception of human institutions and of the human situation itself.

As a Buddhist, I was trained to be tolerant of everything except intolerance. I was brought up not only to develop the spirit of tolerance, but also to cherish moral and spiritual qualities, especially modesty, humility, compassion, and most important, to attain a certain degree of emotional equilibrium. I was taught to control my emotions through a process of concentration and meditation. Of course, being human, and not yet having reached the stage of arahant or arhat (one who attains perfect enlightenment), I cannot completely “control” my emotions, but I must say that I am not really excited or excitable.

To understand my religious background, a brief explanation of certain ethical aspects of Buddhism will be necessary. Among the teachings of the Buddha are four features of meditation, the primary purpose of which is the attainment of moral and spiritual excellence: metta (good will or kindness), karuna (compassion), mudita (sympathetic joy), and upkkha (equanimity or equilibrium).

A true Buddhist practices his metta to all, without distinction; Buddhists need to apply in their daily lives the teachings of metta even to those whom they have never seen before, and will not see afterwards. “Just as the sun shines on all, or the rain falls on all, without distinction,” metta embraces all beings impartially and spontaneously, expecting nothing in return, not even appreciation. Metta is impersonal love or good will, the opposite of sensuous craving or a burning, sensual fire that can turn into wrath, hatred, or revenge when not required. A true Buddhist has to practice metta to friends and foes alike.

Karuna (compassion) is the second aspect of Buddhist meditation that all true Buddhists are expected to practice. This quality of compassion is deeply rooted in the Buddhist concept of suffering. Human life is one of suffering; hence, it is the duty of a good Buddhist to mitigate the suffering of others, not only in his thought but also in practice. He shows his compassion or pity to all, be they living in this or in another world. (Buddhism believes in life after death.) Buddhist charity is best seen during the feasts or dana given to the poor or to homeless monks, who are provided with alms food with a view to the donor’s attaining a higher order of bliss in the other world. The regular practice of compassion opens one’s mind to the “Noble Truth of Suffering” and its origin. For the Buddha has taught us that suffering originates in craving and ignorance. Hatred, or instance, is the root of all evil.

Mudita (sympathetic joy) can best be defined as one’s expression of sympathy with other people’s joy. The happiness of others generates happiness in the mind of a good Buddhist. Melancholy and pessimism have no place in the Buddha-dhamma or dharma (the cosmic and moral law governing the world, as formulated by the Buddha in his teachings.) One’s life gains in joy by sharing in the happiness of others, as if that happiness were one’s own. The person who cultivates altruistic joy radiates it over everyone in his surroundings, and thus everyone enjoys working and living with him. The practice of mudita not only dispels worry and frustrations but strengthens our moral fiber. Thus a true Buddhist is expected to pray for the happiness of all human beings. By practicing mudita, one automatically renders as important service to the entire community.

Upekkha (equanimity or equilibrium or detachment) connotes the acquisition of a balance of mind, whether in triumph or tragedy. This balance is achieved only as a result of deep insight into the nature of things, and primarily by contemplation and meditation. If one understands how unstable and impermanent all worldly things and conditions are, one learns to bear lightly even the greatest misfortune that befalls one or the greatest reward that is bestowed on one. This lofty quality of even-mindedness or emotional equilibrium is the most difficult of all ethical virtues to practice and apply in our hectic world. To contemplate life, but not to be enmeshed in it, is the law of the Buddha.

To achieve upekkha, one has to meditate. The Buddha’s teaching regarding meditation aims at producing a state of perfect mental health, emotional equilibrium, and tranquility. But this concept of Buddhist meditation is very much misunderstood, both by Buddhists and non-Buddhists. The word “meditation” is generally associated with a particularly posture, or musing on some kind of mystic or mysterious thought or going into a trance. Such misunderstanding is mainly due to the lack of s suitable English word for the original term bhavana, which means mental culture or mental development. The Buddhist bhavana aims at cleaning the mind of impurities, such ill will, hatred, and restlessness; it aims at cultivating such qualities as concentration, awareness, intelligence, confidence, and tranquility, leading finally to the attainment of the highest wisdom.

In other words, through meditation I seek inner peace. I heartily agree with Father Dominique Georges Pire, winner of the Nobel Peace Prize, when he says: “I still think that to be a peacemaker, that is to say a man of peace, one must first be at peace with oneself. One must achieve inner peace. This involves getting to know oneself and learning to control one’s impulses. Only then can a peaceful being approach the immense task of creating harmony between groups and between individuals.

It is far from my intention to claim that I have reached a very high stage on the path to attainment of the highest wisdom, or that I have attained complete “inner peace”. I can claim, however, that I practice bhavana every day. I try to cultivate the ethical aspects of Buddhism, and I believe that I have attained a greater degree of emotional equilibrium than most people. This explains why I received the tragic news of the sudden death (in a traffic accident) of my only son, Tin Maung Thant, on May 21, 1962, with minimal emotional reaction. For are not birth and death the two phases of the same life process? According to the Buddha, birth is followed by death, but death, in turn, is followed by rebirth.

The same minimal emotional reaction applied to the news brought to me on September 23, 1965, by the Norwegian permanent representative, Ambassador Sivert Nielson, that it was the intention of the Nobel Peace Committee in Oslo to award me the coveted prize for 1965. He showed me the letter addressed to him by the Nobel Peace Committee. My response was / is not the Secretary General merely doing his job when he works for peace? After Ambassador Nielsen left my office, my thoughts wandered to those who were more deserving of that prize than myself – those whose lifelong preoccupation had been the peace of the world, the welfare of mankind, and the unity of the human community: people like Paul Hoffman, Dr. S. Radhakrishnan, and many others. In any event, it was most gratifying to learn (on October 25) that UNICEF (the United Nations Children’s Fund), whose accomplishments in the humanitarian field no one questions, was the recipient of that prize.

Ref: MANDALA, (PP. 7-8)

February 1990

Buddha Dhamma Mandala Society

Tower Road PO BOX 1442 S 9132

With Compliments of C. W. Printing

No. 83 Genting Lane # 04-02 Alhomied Building

Read more...

သားသမီးတို့ဖြင့် နှစ်သက်ရ၏...

နန္ဒတိသုတ် - (နှစ်သက်ရ၏)

အကျွန်ုပ်သည် ဤသို့ ကြားနာခဲ့ရပါသည်-

အခါတစ်ပါး၌ မြတ်စွာဘုရားသည် သာဝတ္ထိပြည်အနာထပိဏ်သူဌေး၏ အရံဖြစ်သော ဇေတဝန်ကျောင်း၌ (သီတင်းသုံး) နေတော်မူ၏။

ထိုအခါ ယုတ်မာသော မာရ်နတ်သည် မြတ်စွာဘုရားထံသို့ ချဉ်းကပ်ပြီး၍ မြတ်စွာဘုရား ၏ ထံတော်ပါး၌ ဤဂါထာကို ရွတ်ဆို၏-

သားသမီးများစွာ ရှိသူသည် သားသမီးတို့ဖြင့် နှစ်သက်ရ၏၊
ထို့အတူသာလျှင် နွားများစွာ ရှိသူသည် နွားတို့ဖြင့် နှစ်သက်ရ၏၊
လူအပေါင်းအား ကာမချမ်းသာ၏ တည်ရာ 'ဥပဓိ'တို့ဖြင့် နှစ်သက်ရ၏၊
အကြင်သူသည် ကာမချမ်းသာ၏ တည်ရာ 'ဥပဓိ' မရှိ၊
ထိုသူသည် မနှစ်သက်ရသည်သာတည်း''ဟု ရွတ်ဆို၏။

ထိုအခါ မြတ်စွာဘုရားမှ…
သားသမီးများစွာ ရှိသူသည် သားသမီးတို့ဖြင့် စိုးရိမ်ရ၏၊
နွားများစွာ ရှိသူသည် နွားတို့ဖြင့်စိုးရိမ်ရ၏၊
လူအပေါင်းအား ကာမချမ်းသာ၏ တည်ရာ 'ဥပဓိ'တို့ဖြင့် စိုးရိမ်ရ၏၊
အကြင်သူသည် ကာမချမ်းသာ၏ တည်ရာ 'ဥပဓိ' မရှိ၊
ထိုသူသည် မစိုးရိမ်ရသည်သာတည်း ဟု (မိန့်တော်မူ၏)။

ထိုအခါ ယုတ်မာသော မာရ်နတ်သည် …
''မြတ်စွာဘုရားသည် ငါ့ကို သိတော်မူ၏၊ ကောင်းသောစကားကို ဆိုတော်မူတတ်သော မြတ်စွာဘုရားသည် ငါ့ကို သိတော်မူ၏'' ဟု ဆင်းရဲခြင်း နှလုံးမသာခြင်း ရှိသည် ဖြစ်၍ ထိုအရပ်၌ပင်လျှင် ကွယ်ပျောက်လေ၏။144

၈ - နန္ဒတိသုတ်၊ ပထမဝဂ်၊ သဂါထာဝဂ္ဂသံယုတ်ပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

Read more...

အုပ်ချုပ်သူနှင့် နိုင်ငံသာယာရေး

ဓမ္မတာအားဖြင့် မြင့်မြတ်သူတို့ အုပ်ချုပ်သောနိုင်ငံသည် သာယာ၏။ ယုတ်ညံ့သူတို့ အုပ်ချုပ်သောနိုင်ငံသည် မသာယာ။ ထိုစဉ်က ကပိလ၀တ်နိုင်ငံသည် မြင့်မြတ်သူအုပ်ချုပ်သောနိုင်ငံဖြစ်၏။ ထိုကြောင့်သာယာ၏။ သာယာသည်ဆိုရာ၌ ရုပ်ပိုင်ဆိုင်ရာတိုးတက်မှုများရှိသည်ကို ဆိုသည်မဟုတ်။ စိတ်ပိုင်းဆိုင်ရာတိုးတက်မှုများ ရှိသည်ကိုလည်း ဆိုသည်မဟုတ်။ ကိုယ်ကျင့်သိက္ခာပိုင်းဆိုင်ရာ တိုးတက်မှုများရှိသည်ကိုသာ ဆိုခြင်းဖြစ်၏။


ကိုယ်ကျင့်သိက္ခာပိုင်းဆိုင်ရာ တိုးတက်မှုမရှိပါဘဲ ရုပ်ပိုင်းဆိုင်ရာများသာ တိုးတက်လာလျှင်လည်းကောင်း၊ သို့မဟုတ် စိတ်ပိုင်းဆိုင်ရာများသာ တိုးတက်လာလျှင်လည်းကောင်း၊ သို့မဟုတ် ရုပ်ပိုင်းဆိုင်ရာများနှင့် စိတ်ပိုင်းဆိုင် ရာများ နှစ်မျိုးလုံးတိုးတက်လာလျှင်လည်းကောင်း ယင်းသို့တိုးတက်လာခြင်းသည် လောက၌ ကောင်းသော လက္ခဏာကို မဆောင်၊ သုစရိုတ်များ ထွန်းကားမှုကို ဖြစ်ပေါ်အောင်မလုပ်၊ အနိုင်ကျင့်ဝါဒကိုသာ ဖတ်တွယ်တတ် သဖြင့် လောက၌ မကောင်းသောလက္ခဏာကိုသာ ဆောင်၏။ ဒုစရိုတ်များ ထွန်းကားမှုကိုသာ ဖြစ်စေ၏။


ထိုကြောင့် သာယာသည်ဆိုရာ၌ ကိုယ်ကျင့်သိက္ခာပိုင်းဆိုင်ရာ ထွန်းကားမှုရှိခြင်းကိုသာ ဆိုပါမှ မှန်ကန်မည်ဟူ၍ နားလည်အပ်၏။

ဦးရွှေအောင် ၊ ဗုဒ္ဓ လောကသားတို့၏ အနှိုင်းမဲ့ကျေးဇူးရှင် ကိုယ်ကျင့်ဗုဒ္ဓ၀င်၊ ရာပြည့်စာအုပ်တိုက်၊ ၂၀၀၃-ခုနှစ်၊ စတုတ္ထအကြိမ်၊ စာ-၂၆၇)

Read more...

နှစ်သစ်ချမ်းသာ ရအောင်ရှာ

ကျနော်တို့ မြန်မာနိုင်ငံမှာ နှစ်သစ်ကူးပြောင်းခြင်း အထိမ်းအမှတ်အဖြစ် သင်္ကြန်ပွဲတော် ပြုလုပ်ကြပါတယ်။ သင်္ကြန်ဆိုတာ သင်္ကန္တ ဆိုတဲ့ ပါဠိမှ မြန်မာလို သင်္ကြန်လို့ အဆင့်ဆင့် ဆင်းသက်လာပြီး ကူးပြောင်းခြင်းလို့ ဆိုလိုပါတယ်။ တရက်မှ တရက်သို့ ကူးပြောင်းခြင်း၊ တလမှ တလသို့ ကူးပြောင်းခြင်း၊ တနှစ်မှ တနှစ်သို့ ကူးပြောင်းခြင်းတို့သည် သင်္ကြန်များ ဖြစ်ကြပါတယ်။ နှစ်ဟောင်းကုန်ပြီး နှစ်သစ်သို့ ကူးပြောင်းတို့ ကျနော်တို့ရဲ့ ဘ၀သက်တမ်းသည် ဇရာ၊ မရဏ ဘက်ကို တနှစ်ထက်တနှစ် နီးကပ်လာပြီလို့၊ သတ္တလောကကြီး မခိုင်မြဲပုံကို “အ ၀ိညာဏက” ဖြစ်တဲ့ သစ်ပင်တွေက သတိပေးသလို ဖြစ်နေပါတယ်။ ဘယ်လိုလဲ ဆိုတော့ သစ်ပင်၊ ချုံနွယ် အပေါင်းတို့က မိမိတို့ အရွက်တွေ ရင့်ရော် နွမ်းဟောင်း ညှာညောင်း ပြုတ်ကျ မြေသို့ ခခြင်းအားဖြင့် အနိစ္စ သဘောတရားများကို ကျနော်တို့အား ပြောကြားသတိပေးသလိုပင် ရှိနေပါတယ်။ နှစ်သစ်ကူးပြောင်းတဲ့ အချိန်မှာ နှစ်ဟောင်းမှ အညစ်အကြေးကို နှစ်သစ်မှာ မပါလာရအောင် ဆေးကြောတယ်ဆိုကာ ရေသဘင် ပွဲတော်ကိုကျင်းပခဲ့တဲ့ အစဉ်အလာ ဖြစ်တည်ခဲ့ရတာပါ။ ဒီနေရာမှာ ကိုယ်ပေါ်မှာ ထင်မြင်နေရတဲ့ အညစ်အကြေးကို ဆိုလိုတာမဟုတ်ပဲ မိမိတို့ ကိုယ်ထဲမှာရှိနေတဲ့ လောဘ၊ ဒေါသ၊ မောဟ တည်းဟူသော ကိလေသာမြူ အညစ်အကြေးများကို ဆေးကြောရမယ်ဆိုရင် သင့်တော်ပါလိမ့်မယ်။

မိမိကိုယ်ထဲတွင်ရှိနေသော ကိလေသာ အညစ်အကြေးကို သာမန်ရေဖြင့် ဖြန်းပက်လို့တော့ စင်ကြယ်ရိုး ထုံးစံမရှိပါ။ ကိလေသာဆိုတာ သုံးမျိုးရှိပါတယ်။

(၁) ၀ီတိက္ကမ ကိလေသာ - အကြမ်းစားကိလေသာ။ အာရုံ (၅)ပါး ကို နှစ်သက်တွယ်တာ၍ ကာယကံ၊ ၀စီကံ၊ မနောကံ တို့ဖြင့် လောဘ၊ ဒေါသ အလျောက် ဖောက်ပြန်ကျူးလွန်စေတတ်မှု။ (သီလ စောင့်ထိန်းခြင်းဖြင့် တားဆီရန်)။

(၂) ပရိယုဌာန ကိလေသာ - အလတ်စားကိလေသာ။ မနောဒွါရ၌ ထကြွသောင်းကျန်းတတ်သည့် ကိလေသာ။ (သမထ ဘာဝနာကျင့်ကြံ ခြင်းဖြင့် တားဆီးရန်)။

(၃) အနုသယ ကိလေသာ - အနုစားကိလေသာ။ သံသရာတလျှောက် အစဉ်ကိန်းအောင်းနေခဲ့ပြီး အခါအခွင့် သင့်သောအခါ ပေါ်ထွက်လာပြီး ဖောက်ပြန်ကျုးလွန်တတ်သော ကိလေသာ။ (၀ိပဿနာ ဘာဝနာအားထုတ် ခြင်းဖြင့် အမြစ်ဖြုတ် ပယ်သတ်ရန်)။

ဒီတော့ ကိုယ်တိုင် တရားအားထုတ်မှ ကိလေသာသည် စင်ကြယ်နိုင်မယ်ဆိုတာ သိသာပါတယ်။ အခုအချိန်က ကိလေသာနည်းအောင်လုပ်ဖို့ နေနေသာသာ ကိလေသာ တိုးပွားစရာ အာရုံတွေနဲ့ပျော်ပြီး ကိလေသာတောမှာ မျောနေကြတာပါပဲ။ ဒီလို အပျော်အပါးတွေနဲ့ နေနေတာသည် အကုသိုလ် ဖြစ်နေကြ တာပါ။ ဒါ့ကြောင့် သင်္ကြန်တွင်းမှာ တရားစခန်းတွေဖွင့်ပြီး တရားဘာဝနာပွားများနိုင်အောင်၊ ကောင်းကျိုး ချမ်းသာ ရရှိနိုင်အောင် သံဃာတော်တွေက ဆောင်ရွက်ပေးနေတာပါ။ ဒီအချက်တွေသိလို့ တရားစခန်းဝင်ပြီး ကုသိုလ်ဘာဝနာ အလုပ် တွေလုပ်နေတဲ့ လူတွေကတော့ သင်္ကြန်ရုံးပိတ်ရက်ကို အကျိုးရှိစွာ အသုံးချပြီး အသုံးကျတဲ့သူဖြစ်အောင် နေသွားတာပါပဲ။ မသိတဲ့သူတွေကတော့ ဆက်ပြီးမိုက်ကြပါလိမ့်မယ်။

ရေသဘင်ပွဲကို မြန်မာတို့၏ ယဉ်ကျေးမှု၊ ရှေးရိုးအစဉ်အလာအရ ကျင်းပတယ်လို့ဆိုပေမယ့် ယနေ့ အခါကာလ မှာ အင်မတန် သရုပ်ပျက်လာကြပါပြီ။ သင်္ကြန်တွင်းမှာ ပျော်နေကြတဲ့ မြန်မာ အမျိုးသမီးများရဲ့ ၀တ်ဆင်မှု ရုပ် ပျက်၊ ဆင်ပျက် ဖြစ်လာကြတာ တွေ့ရပါတယ်။ အမျိုးသားများကလည်း သောက်စားမူးရစ်ပြီ ကိုယ်အမူအရာ၊ နှုတ်အမူအရာတွေနဲ့ ထင်တိုင်းကြဲပြီး အကုသိုလ်တောမှာ ပျော်မြူးနေပါလိမ့်မယ်။

အဆိုးဆုံး အချက်ကတော့ အမျိုးသမီးအချို့လည်း အရက်၊ ဘီယာ သောက်လာခြင်းပါပဲ။ မြန်မာအမျိုး သမီး ဆိုတာ ယဉ်ကျေးမှု ဓလေ့စရိုက်ကို ထိန်းသိမ်းပြီး ကိုယ့်ကျင့်တရားမှာ အားကောင်းခဲ့တဲ့ အစဉ်အလာပါ။ အတုမြင် အတတ်သင် ဆိုသလို လူမြင်ရာတွေမှာတောင် သောက်လာတာတော့ မဖြစ်သင့်ပါဘူး။ မူးရစ်တော့ ဟိရိသြတ္တပ္ပတရားတွေ မစောင့်ထိန်းနိုင် ဖြစ်ကြရမယ်။ ဟိရိသြတ္တပ္ပ တရားနှစ်ပါးကို လောကပါလ (ကမ္ဘာစောင့် တရား) လို့ခေါ်ပါတယ်။ ဒီလိုပဲ အရှက်အကြောက် မရှိပဲ ရှေ့ဆက်သွားရင် လောက ပျက်ဆီးခြင်းကို ရောက်ပါ လိမ့်မယ်။ ဒါကြောင့် မိမိတို့နဲ့ နီးစပ်ရာ ပတ်ဝန်းကျင်တွေမှာလည်း တတ်အားသလောက် စောင့်ထိန်းဖို့ လိုက်နာ ကြဖို့ ပြောကြစေချင်ပါတယ်။

နှစ်တွေ အလီလီဆန်းသစ်ခဲ့သလို မိမိ ရင်ထဲတွင် ဘုရား၊ တရား၊ သံဃာ တည်းဟူသော ရတနာ မြတ်သုံးပါး အပေါ်မှာ တကယ်ပဲ ယုံကြည်ကိုးကွယ်တတ်ပြီလား? ကိလေသာတောထဲက ထွက်ပြီး စိတ်ထား တွေ ကောင်းမွန်မြင့်မြတ်လာပြီးလား ဆိုတာကို ကိုယ်တိုင်ဝေဖန် ကြည့်ပါ။ မိမိတို့ အသက်ရှင်ရာကို သွားနေ ခြင်းလား.? သေမင်းဆီကို သွားနေခြင်းလားဆိုတာ အလေးအနက်ထား စဉ်းစားကြည့်ပါ။ တနေ့ကုန်သွားတာနဲ့ သေမင်းက မိမိနေရမယ့် သက်တမ်းထဲမှ တနေ့ကို နှုတ်ယူသွားသည်ကို သတိသံဝေဂ ရကြပါတော့။ နှစ် တနှစ် ကုန်သွားတိုင်း ငါလည်းသေဖို့ တစ်နှစ်နီးလာပြီ ဆိုတဲ့ သံဝေဂ အသိလေးရှိကြပါ။ ဒါကြောင့် ရရှိတဲ့ အချိန်လေး တွေမှာ ဥပုသ်သီလဆောက်တည်ပြီး တရားနဲ့ မွေ့လျော် တရားနဲ့ပျော်ကြဖို့ တိုက်တွန်းနှိုးဆော်ပါတယ်။
သင်္ကြန်ရက်မှာ ဥပုသ်သီလ ဆောက်တည်လိုသူများအတွက် သီလနဲ့ ပတ်သတ်တဲ့ အကြောင်းအရာ တွေကိုရေးသား လိုက်ရပါတယ်။ ဘုန်းတော်ကြီးကျောင်းကို မသွားနိုင်တဲ့သူများလည်း မိမိတို့ ကိုယ်တိုင် အိမ်မှာ ဆောက်တည်လို့ ရပါတယ်။ (ဘုန်းတော်ကြီးကျောင်း မရှိတဲ့ ကျနော်တို့လို နေရာမျိုးအတွက်ပါ)။

စာဖတ်သူများ ကူးယူဖြန့်ဝေခြင်းဖြင့် ဓမ္မဒါနပြုနိုင်ပါတယ်။ နှစ်သစ်မှာ ကုသိုလ်တရားများနှင့် မွေးလျော် ပျော်နိုင်ကြပါစေ။

Read more...

ဓာတ်တော်ခြောက်ပါးကို ဖြစ်ပျက်ရှုရန်

ဒကာ-ဒကာမတို.၊ ရခဲလှတဲ့ ဒုလ္လဘတရား ငါးပါးမှာ ဘဝတိုင်း ဘဝတိုင်း သဒ္ဓါတရားနဲ. ပြည့်စုံမှု ရှိချင်မှ ရှိပါလိမ့်မယ်၊ ဒါကြောင့် ယခုသဒ္ဓါတရားနဲ. ပြည့်စုံနေတုန်း မြန်မြန်မဂ်ဉာဏ်ရအောင် လုပ်ပါ၊ သေမှာကို ကြောက်ရင် မဂ်ဉာဏ်ကို ရအောင်ယူ၊ မဂ်ဉာဏ်ရပြီဆိုရင် သေမင်းက မမြင်နိုင်တော့ဘူး၊ ဒါကြောင့်ဝိပဿနာအလုပ်ပို မလုပ်ဘဲနေရင် “နင်သေချင်သေးလို.လား” လို. ကိုယ့်ကိုယ်ကို ပြန်မေးပါ။ မသေချင်ရင်တော့ ခန္ဓာငါးပါး အပေါ်မှာ ပေါ်တိုင်းပေါ်တိုင်း ဖြစ်ဒုက္ခ၊ ပျက်ဒုက္ခကိုသာ ရှုကြပေတော့။

ဝိပဿနာဆိုတာ အသေကို အရှင်နဲ. ကြည့်တာလို.မှတ်ပါ။ တောကျောင်း တောင်ကျောင်းကိုသွားပြီး ရှုမှရတာ မဟုတ်ပါဘူး၊ ကိုယ့်အသေက ခန္ဓာထဲမှာ ရှိပါတယ်။ တောကျောင်း တောင်ကျောင်းကိုသွားပြီး ရှုမှ ရတာ မဟုတ်ပါဘူး။ ကိုယ့်အသေက ခန္ဓာထဲမှာ ရှိပါတယ်။ ကိုယ့်အသိကလည်း ခန္ဓာထဲမှာပဲ ရှိပါတယ်။ အဲဒါ ကမ္မဋ္ဌာန်းကျောင်း အထူးလိုက်ရှာနေစရာ မလိုပါဘူး၊ တရားနာတာကို ကုသိုလ်ရရုံ မနာကြဘဲ နိဗ္ဗာန်ရအောင် လုပ်ကြဖို. လိုပါတယ်။

ဝိပဿနာရဲ. အကျိုးကျေးဇူးများပုံကို ပြောရရင် မြတ်စွာဘုရားသခင် ကိုယ်တော်မြတ်ကြီးလက်ထက်က ဘိက္ခုနီမငါးရာက သွန်သင်ဆုံးမပါဦး ဘုရားလို.လျှောက်ထားတာနဲ. ရှင်နန္ဒမထေရ်က ဟောကြားဆုံးမတယ်၊ သူဟောကြားပုံကတော့ ကိုယ်ရယ်၊ လေရယ်၊ နေရယ်၊ ဒီသုံးခုရှိနေမှ ဖဿဆိုတဲ့ တွေ.ထိမှု ဖြစ်ပေါ်လာတယ်။ အခံဓာတ်၊ အဖိဓာတ်၊ အထိဓာတ် လို.ခေါ်တယ်။ ဒီသုံးမျိုးကြောင့် “အပေါ်ဓာတ်” ပေါ်လာတယ်၊ ဒီအပေါ်ဓာတ်ဟာ အကြောင်း သုံးမျိုးကြောင့် ပေါ်လာတာ၊ ဝေဒနာပေါ်လာတာဟာ အကြောင်းကြောင့် အကျိုးပေါ်တာ။ ရေ၊ မြေ၊ နေ၊ လေ တို.နဲ. လွတ်အောင် မနေနိုင်တော့ဘူး၊ ၎င်းတို.နဲ.တွေ.ရင် ဝေဒနာပေါ်ရမယ်။ မွှေးတယ်၊ နံတယ်၊ အေးတယ်၊ ပူတယ် ဆိုတာတွေဟာ ဝေဒနာတွေပဲ။

ခန္ဓာကိုယ်ထဲက ဖြစ်ပေါ်လာတဲ့ ကာယဖောဋ္ဌဗ္ဗ ဖဿ ဝေဒနာပေါ်တိုင်း ပေါ်တိုင်း သတိနဲ. လိုက်နေရုံနဲ. မပြီးသေးပါဘူး၊ သမ္ပဇညနဲ. လိုက်ပါဦး၊ ဝေဒနာပေါ်တိုင်း ပေါ်တိုင်း သိတာက သတိလို.မှတ်၊ ဒီကိုယ်ကြီး ရှိနေတော့ ကိုယ်ပေါ်မှာ ဝေဒနာအမျိုးမျိုးပေါ်မှာပဲ၊ ဒီကိုယ် အနိစ္စမို. ကိုယ်ကို မှီပေါ်ရတဲ့ ဝေဒနာဟာလည်း အနိစ္စပဲလို. မြင်-သိ နေရမယ်။ ဒီလို ပျက်သင့်လို. ပျက်တာမှန်း သိတာက “ သမ္ပဇည” လို.မှတ်၊ ဒါကြောင့် ပျက်သင့်လို. ပျက်တာမှန်းသိအောင် ဖြစ်ပျက်ကို ရှုပေးပါလို. ရှင်နန္ဒက ဟောတော်မူတယ်။

ဥပမာပြရင် မီးထွက်တဲ့အခါမှာ မီးခွက်၊ ဆီ၊ မီးစာ ဒီသုံးခုပေါင်း အလင်းရောင်ထွက်လာသလို၊ ကွဲတတ်တဲ့မီးခွက်၊ ကုန်ခန်းတတ်တဲ့ ဆီ၊ လောင်ကျွမ်းတတ်တဲ့ မီးစာ၊ ဒီသုံးခုပေါင်းမှ မီးအလင်းရောင်ထွက်ရတာမို.၊ ဒီအလင်းရောင်ကို မြဲချင်လို. မရဘူး၊ ဒီအလင်းရောင်ဟာ ဝေဒနာနဲ.တူတယ်၊ ဒါကြောင့် ဝေဒနာဟာ မမြဲတဲ့ အနိစ္စ၊ ဆင်းရဲတဲ့ ဒုက္ခ၊ အစိုးမရတဲ့ အနတ္တ တွေပဲလို.၊ ဝေဒနာပေါ်တိုင်း ပေါ်တိုင်း ဖြစ်ပျက်တာကို ရှုပေးကြရမယ်။

စိတ်တစ်မျိုး တစ်မျိုး ပေါ်တိုင်းလည်း ဖြစ်ပျက်ရှု၊ ရုပ်ကလေး တစ်မျိုး တစ်မျိုး ပြောင်းတိုင်းလဲ ဖြစ်ပျက်ရှုပါ၊ ခင်ဗျားတို. အဘိုး၊ အဘွားတွေလည်း အနိစ္စရောက်ကုန်ခဲ့ပြီ၊ ခင်ဗျားတို.လည်း အနိစ္စတွေက မွေးခဲ့လို. အနိစ္စတွေပဲ၊ ခင်ဗျားတို. မွေးမယ့် ကလေးတွေလည်း အနိစ္စ။ နံ၊ စား၊ ထိ၊ သိတိုင်း ဖြစ်ပျက်ရှုပါ။ ဖြစ်တာကလည်း ဒုက္ခ၊ ပျက်တာကလည်း ဒုက္ခလို. မြင်အောင် ရှုပါလို. ရှင်နန္ဒက ဟောတဲ့အခါမှ ဘိက္ခုနီမ ငါးရာတို.ဟာ သောတာပန်၊ သကဒါဂါမ်၊ အနာဂါမ်၊ ရဟန္တာမတွေ အသီးသီး ဖြစ်ကုန်ကြတယ်။

ဒါကြောင့် ဝေဒနာရှုရင် တဏှာကုန်တယ်၊ တဏှာကုန်တော့ နိဗ္ဗာန်ကို ရောက်တာပဲ၊ ရှုပုံ ရှုနည်းချည်း ဟောနေတာ၊ ဒီဖဿဝေဒနာတို.ဟာ ရောနေလို.၊ တစ်ခုရှုလိုက်ရင် အကုန်ပါတော့တာပဲ၊ ဝိပဿနာအရာမှာ စိတ်ပေါ်ပေါ်၊ ဝေဒနာပေါ်ပေါ် ဖြစ်တာနဲ. ပျက်တာလို. ရှုပေးဖို.သာလိုပါတယ်။ ကိုယ်ပေါ်မှာ သုခပေါ်ပေါ်၊ ဒုက္ခပေါ်ပေါ် ဖြစ်တာနဲ. ပျက်တာပဲ ပေါ်တယ်။ ဝိဉာဏ်- နာမ်ရုပ်- သဠာယတန- ဖဿ- ဝေဒနာ- စိတ်- စေတသိတ်- ရုပ် တို.ကိုလည်း ပေါ်လာတိုင်း စောင့်ကြည့်ပါ။ ရွံစရာ၊ မုန်းစရာတွေလို. ငြီးငွေ.တဲ့စိတ်တွေ ပေါ်လာတော့တာပဲ။ ဖြစ်ပျက်ကိုသာ ရှုဖန်များလာရင် ဉာဏ်တွေ အဆင့်ဆင့် ရင့်သန်ပြီး ဒီခန္ဓာကြီးကို မလိုချင်တော့ဘူး။ ရွံလာမုန်းလာပြီး ခန္ဓာရဲ. လွတ်ရာ လွတ်ကြောင်းကိုသာ ကြံစည်တော့တယ်။ ဒါဟာ ဒုက္ခပိုင်းခြားတဲ့ ဉာဏ်ပဲ၊ “ သဗ္ဗေသင်္ခါရာ ဒုက္ခာ” ဆိုတဲ့အတိုင်း ဖြစ်သမျှ ဒုက္ခတွေချည်းမို. ဖြစ်ပျက်ကို ရှုပါ၊ ဖြစ်ပျက်မှ တစ်ပါး ဘာမှ မရှိပါဘူး။

ဥပမာတစ်ခု ပြောရရင် အိမ်တစ်အိမ်ကို မီးအကြီးအကျယ် လောင်တဲ့ အခါမှာ မီးကို မြင်ခြင်းအားဖြင့် ဒီအိမ်မှာရှိတဲ့ ထုပ်တန်းကို မီးလောင်တာ ထရံကိုလောင်တာ၊ ကြမ်းကိုလောင်တာလို. ခွဲခြားပြီး မပြောနိုင်သလို ဖြစ်ပေါ်ပြီး ပျက်တာပါပဲ၊ ဒါကြောင့် ဖြစ်ဒုက္ခ ပျက်ဒုက္ခကို သာရှုပါ၊ သတိ၊ ပညာနဲ. ရုပ်ပျက်နာမ်ပျက်တို.ကို ကြည့်ရှုနေလို. ဝိပရိဏာမဖောက်ပြန် ပျက်စီး နေပါကလားလို. သိလာပြီး ဒုက္ခသစ္စာကို ပိုင်းခြားသိလာရင် မဂ်ဉာဏ် ပေါ်လာတော့တာပဲ။

ဘုရားကိုယ်တော်မြတ်ကြီးက ဝိပဿနာမရှုသောသူဟာ ပရမ်းပတာ ကျဖို.ဘေး၊ ငရဲဘေး၊ တိရစ္ဆာန်ဘေးတွေနဲ. တွေ.ကြုံရမယ်။ သေခါနီးမှာ သားသမီး၊ လင်မယား၊ ပစ္စည်း ခင်တွယ်တာတွေကြောင့် အပါယ်ဘေးနှင့် နီးလွန်းလို. ဝိပဿနာဉာဏ်က မဂ်ဉာဏ်ကို ရအောင်လုပ်ကြရမယ်၊ ဝိပဿနာဉာဏ်က မဂ်ဉာဏ်ကူးမှ အပါယ်ငရဲဘေးမှ လွတ်ကြရမယ်၊ သောတာပန်များဟာ အောက်သံသရာ ဘေးသင့်ခြင်း မရှိတော့လို. သေရမှာကို မကြောက်တော့ဘူး၊ မဂ်ဉာဏ်ရောက်မှ ဒီဘေးက လွန်ပြီ(လွတ်ပြီ) လားရာဂတိမြဲမယ်။

ဘုရား၊ တရား၊ သံဃာ တည်းဟူသော ရတနာသုံးပါးထက် မြတ်တာ ဘယ်မှာမှ မရှိဘူး၊ ဘုရားတောင် တရားကျင့်မှ ဘုရားဖြစ်တယ်၊ ဘုရားတောင် တရားကို ပူဇော်ကိုးကွယ်သေးတယ်၊ ဤတရားရတနာဟာ ရတနာအမှန် ဧကန်ဖြစ်ကြောင်း သိသဖြင့် ထီးနန်းကို စွန်.ကာ တက္တသိုလ်ပြည်ကြီးမှ ခွာပြီး ယူဇနာတစ်ရာကိုးဆယ့်နှစ်ယူဇနာ ဝေးတဲ့ ရာဇဂြိုဟ်ပြည် ဘုရားကိုယ်တော်မြတ်ကြီး သီတင်းသုံးရာ အရပ်ကို ထီးမဆောင်း၊ ဖိနပ်မပါ၊ ဇွဲကြီးစွာဖြင့် ဒုက္ခမျိုးစုံခံကာ ဘုရားကိုယ်တော်မြတ် ထံမှောက်မှာလာပြီး တရားနာယူ ကျင့်သုံးတာနဲ. ကျွတ်တမ်းဝင်သွားတဲ့ ပက္ကုသာတိမင်းကြီး ထုံးကို နှလုံးပြုပြီး ကြိုးစားကြပါလို. သတိပေးလိုက်ပါတယ်။

အဲဒီ ပက္ကုသာတိမင်းကြီးကို ဟောတဲ့တရားက ပထဝီဓာတ်၊ တေဇောဓာတ်၊ ဝါယောဓာတ်၊ အာပေါဓာတ်၊ ဝိညာဏဓာတ်၊ အာကာသဓာတ်လို. ဓာတ်ခြောက်ပါးရှိတယ်။ ဓာတ်ဆိုတာသည် သူ.သဘော သူလုပ်ပြီး သူ.သဘော သူဆောင်တာပဲ။ လူတို.ရဲ. သဘောကို မလိုက်ဘူး။ သတ္တဝါဆိုတာ ဒီဓာတ်ခြောက်ပါး အစုအဝေးကြီးပါပဲ။ ဒီဓာတ်ခြောက်ပါးဟာ သူ.သဘောအတိုင်းဖြစ်ပေါ်လာပြီး ပျက်သွားတာပဲ။ သူ.သဘော သူဆောင်တာပဲ၊ ဒီလို ဓာတ်ခြောက်ပါးရဲ. ဖြစ်ပျက်နေတဲ့ သဘောကို မြင်အောင်ရှုပါ။

သတ္တဝါဆိုတာ ဓာတ်ကောင်၊ ဓာတ်စု၊ ဓာတ်ခဲကြီးမို. သူ.သဘော သူဆောင်နေတာပါကလား၊ မိမိအလိုကို မလိုက်ပါကလား၊ အစိုးမရပါကလား (အနတ္တ)ပါကလားလို. ဓာတ်တွေရဲ. ဖောက်ပြန်ပျက်စီး ယိုယွင်းနေပုံကို မပြတ်မလပ် ထင်မြင်လျှင် ပက္ကုသာတိမင်းကြီးလို မဂ်ဉာဏ်ကို ရက်တိုတိုနှင့် ရရှိအောင် ဓာတ်ခြောက်ပါးကိုသာ ဖြစ်ပျက်ရှုကြပေတော့ ဒကာ-ဒကာမတို.။

(ဆရာကျော်နန္ဒအောင် စုဆောင်းပူဇော်သည့် ကျေးဇူးတော်ရှင် ဆရာတော်ကြီးများ၏ ဝိပဿနာရှုနည်းများ ပထမတွဲမှ ကောက်နုတ်ဖော်ပြပါသည်။)

Read more...