*အရင်းလေးတော့ မဆုံးစေချင်*

ဘာသာတရားများ

ကမ္ဘာပေါ်တွင် လူသားများ သန်းပေါင်း ထောင်နှင့်ချီ၍ ရှိကြသည်။ ထိုလူသားများတွင် လိုချင်မှု အမျက်ထွက်မှု၊ တွေဝေ ငေးမောမှုများ လူတိုင်းကိုယ်စီ ရှိကြ၏။ လိုချင်မှု၏ နောက်ကွယ်တွင် တပ်မက်မှု၊ သံယောဇဉ် ရှိမှု စသည်တို့နှင့် ဆက်နွယ်နေသော လောဘအရင်းခံသည့် အကြောက် တရားများ၊ ပူပန်စိုးရိမ်မှုများ၊ ထိတ်လန့်စရာများ ရှိကြပြန်၏။
ထို အကြောက်တရားများ ပူပန်စိုးရိမ်မှုများ၊ ထိတ်လန့်စရာများ ကွယ်ပျောက်စေရန် လူသားတို့သည် မိမိတို့၏ စိတ်ကို အေးငြိမ်းအောင် လုပ်ဆောင် ရှာဖွေကြရင်းဖြင့် လူသားတို့၏ အတ္တနှင့် လောဘကို အခြေခံလျှက် ဘာသာတရားများ အသီးသီး ပေါ်ပေါက်လာရခြင်းဖြစ်၏။

ကိုးကွယ်ဆည်းကပ်

လူသားတိုင်းသည် ဘ၀၏ ငြိမ်းချမ်းခြင်း၊ ပျော်ရွှင်ခြင်း စသည်တို့ကို အလိုရှိကြ၏။ လူသားတို့ အလိုရှိကြသော အရာများသည် စိတ်၏ ခံစားမှုနှင့် လိုရင်းအားဖြင့် သက်ဆိုင်၏။ လူသားတို့က ရုပ်ဒြပ် ပစ္စည်း ၀တ္ထုများနှင့် အဆောင် အယောင်များက ငြိမ်ချမ်း ပျော်ရွှင်များကို ပြည့်ပြည့်၀၀ ပေးနိုင်မည်ဟု မျှော်လင့်နေကြ၏။ သို့သော် ထိုအရာများက အဆုံးစွန်အထိ ပြည့်ပြည့်၀၀ မပေးနိုင်ကြ။ တဒင်္ဂခဏသာ ဖြေဆည်ရာအဖြစ် ပေးစွမ်းနိုင်ကြပြီး ကြာတော့လည်း ရိုးအီ သွားကြပြန်၏။

ဘာသာတရားများကသာ လူသားတို့ အလိုရှိနေသော စိတ်၏ ငြိမ်းချမ်းခြင်း၊ ပျော်ရွှင်ခြင်းများကို ထာဝစဉ် ပေးစွမ်းနိုင်ကြ၏။ ထို့ကြောင့် ဘာသာတရားများကို အသိဉာဏ်ရှိသော လူသားတို့ ရှာဖွေ ဆည်းကပ် ကိုးကွယ်ကြခြင်း ဖြစ်ပေမည်။

စဉ်စားစရာများ

သို့သော် မိမိတို့ ကိုးကွယ်နေသည့် ဘာသာတရားက စိတ်၏ ပျော်ရွှင် ငြိမ်းချမ်းမှုများ အမှန်တကယ် ပေးနိုင်၊ မပေးနိုင် ဆိုသည်ကိုတော့ အသိဉာဏ်ရှိသော လူသားတို့ အသေအချာ စိစစ် စဉ်းစားရာ၏။ ဘာသာ တရားများသည် ကိုးကွယ်သူ လူသားများအား ကောင်းကျိုး ချမ်းသာများကို ပေးစွမ်း နိုင်ကြသလို၊ ဆိုကျိုးများကို ပေးစွမ်းနိုင်ကြပါသလော?၊ ဘာသာတရား ကိုးကွယ်ခြင်းကြောင့် ရရှိနိုင်သော အကျိုးအပြစ်တို့ကိုလည်း သတိချပ်သင့်လှ၏။

လူ့ဘ၀သည် တန်ဖိုး အလွန်ကြီးမားလှ၏။ တန်ဖိုးကြီးမားသော လူ့ဘ၀ကို ရရှိသော လူသားတို့အဖို့ မိမိကိုယ်ကို မိမိ ဂုဏ်ယူသင့်၏။ လူသားသည် အသိဉာဏ်ပညာရှိ၏။ စဉ်းစား တွေးခေါ်တတ်၏။ အကောင်းအဆိုးကို သိ၏။ ဆင်းရဲမျိုးစုံကို ခံစားကြရသည့် အခါ ပူပန်မှု သောကတွေက တသီတတန်း။ ချမ်းသာသုခကို ခံစားကြရသည့်အခါ ပျော်မဆုံး ရွှင်မဆုံး တပြုံးပြုံး။ ပြုံးတစ်လှည့် မဲ့တစ်ခါ လူ့ဘ၀ လူ့အရသာများကို ခံစားကြ၏။

ချမ်းသာသုခကို ခံစားကြရသည့်အခါ လူ့ဘ၀ လူ့လောကကြီးကို မေ့လျော့ နေတတ်ကြ သော်လည်း ဆင်းရဲဒုက္ခကို ခံစားကြရသည့်အခါ အားကိုးရာကို အလျင်အမြန် ရှာဖွေကြတော့၏။ အချို့လူသားက မိဘတွေကို အားကို၏။ အချို့က ဆွေမျိုး၊ အချို့က ညီအစ်ကို မောင်နှမ၊ အချို့က အာဏာပိုင် အဖွဲ့အစည်း၊ အချို့က ဗေဒင်ဆရာ၊ အချို့က ဘိုးတော်၊ နတ်ကတော်၊ အချို့ ရိုးရာနတ်များ စသည်ဖြင့် အားကိုရာကို အသီးသီး ရှာဖွေကြ၏။ မိမိတို့ ရှာဖွေကြသော အားကိုးရာ များသည် အမှန်တကယ်ပင် အားကိုး ထိုက်ပါသလော?။ ဆင်းရဲဒုက္ခ သောက ဝေဒနာ မီးများကို ဆုံးခန်းထိအောင် ဖယ်ရှားပေးနိုင်သည့် စွမ်းရည် သတ္တိထူးများ ရှိပါသလော?။ စဉ်းစား ဆင်ခြင် သုံးသပ်၍ ဘာသာတရား ကိုးကွယ်မှု အတွက် အသေအချာ စဉ်းစား ဆုံးဖြတ်ကြရာ၏။

စစ်ကြော ဝေဖန်သင့်

လူသားတို့ အမိ ၀မ်းကြာတိုက်၌ ကိန်းအောင်း (ပဋိသန္ဓေ) နေခဲ့ချိန်မှ စ၍ ဆင်းရဲမျိုးစုံ အဖုံဖုံကို ခံစားခဲ့ကြရ၏။ မိခင်၏ အသွားအလာ အစားအသောက် အနေအထိုင် မဆင်ခြင်မှုတို့ကြောင့် ရင်သွေးများ ဆင်းရဲမျိုးစုံ အဖုံဖုံကို ပို၍ပို၍ ခံစားကြရန်၏။ တဏှာ လောဘစသည့် ကိလေသာ တရားများ ဖုံးလွှမ်း ဖိစီး နှိပ်စက်မှုတို့ကြောင့် ကြီးပြင်းလာသော အခါ ကိုယ်ဝန်ရှိစဉ်က ခံစားခဲ့ရသော ဆင်းရဲမှုများကို လူသားတို့ အမှတ်မရ သတိမရကြ တော့ချေ။

များသောအားဖြင့် အမိဝမ်းကြာတိုက်မှ မွေးဖွားလာကြသည့် လူသားအားလုံး လိုလို “ငိုခြင်းသဘော”ဖြင့် လူ့လောကထဲ ၀င်ရောက် လာခဲ့ကြ၏။ လူ့လောက လူ့ဇာတ်ခုံပေါ်သို့ ကန့်လန့်ကာဖွင့် ၀င်ရောက် လာကြသော ဥမမယ်အရွယ် ကလေးငယ်တို့၏ ငိုခြင်းသဘော ကိုလည်း အသိဉာဏ်ရှိသော လူသားတို့ စဉ်းစားတွေးခေါ် စစ်ကြော ဝေဖန်သင့်လှ၏။

ကုန်ဆုံးသွားချိန်များ

လူသားတို့ မွေဖွား လာခဲ့ချိန်မှ စတင်၍ စကားပြောတတ်ရန် ၅-နှစ်သား အရွယ်လောက် အထိ အမိအဖတို့၏ သွန်သင် ဆုံးမမှုများ အောက်တွင် နေကြရ၏။ ထို့နောက် အတတ်ပညာ ရှာဖွေခြင်း စသည်ဖြင့် အနှစ် ၂၀-ခန့် အချိန်ကုန်ဆုံး ကြရပြန်၏ ဘွဲ့ရ၍ အတတ်ပညာ၊ အသိပညာများ သင်ကြားချိန် ပြီးဆုံးသွား ပြန်တော့လည်း အနားမနေရ၊ လူ့လောက လူ့ပတ်ဝန်းကျင်တွင် လူတန်းစေ့ နေထိုင်နိုင်ရေး အတွက် စီးပွားဥစ္စာများ ရှာဖွေကြရပြန်၏။

လူတန်းစေ့ နေထိုင်နိုင်ပြီဟု ယူဆကြသော်လည်း လူ့အသုံးအဆောင် ဇိမ်ခံ ပစ္စည်းများက တစ်နေ့တစ်မျိုး မရိုးနိုင်အောင် နေ့စဉ်နေ့တိုင်း လိုလို သစ်လွင် ပေါ်ထွက် နေ့သည့်အတွက် ခေတ်နှင့် ရင်ဘောင်တန်းရင်း (သို့) အမီလိုက်ရင်း၊ သားရေး သမီးရေး၊ အိမ်ထောင်ရေး၊ လူမှုရေး၊ စီးပွားရေး စသည်ဖြင့် အရေးကိစ္စ မြောက်များစွာတို့၏ လွှမ်းမိုးမှု အောက်တွင် ခေတ်ရေစီးကြောင်း အတိုင်း မျောပါ သွားကြရင်း အချိန်တွေ ကုန်ဆုံးမှန်းမသိ ကုန်ဆုံး သွားကြရတော့၏။

အချိန်တွေ ကြာလာသည်နှင့် အမျှ အသက် အရွယ်တွေ ကြီးရင့်လာကြ၏။ နောက်ဆုံး ဘ၀၏ သဘော တရားများ၊ ဘ၀၏ အဓိပ္ပါယ်နှင့် တန်ဖိုး၊ ဘ၀၏ အမှန်တရားများ၊ အသက်ရှင် နေထိုင်ခြင်း၏ အကျိုး သက်ရောက်မှုများကို မရှာဖွေမိ ကြတော့ဘဲ သက်တမ်းချိန်များ ကုန်ဆုံး သွားကြရ ပြန်တော့၏။

အဆင့်အတန်း

ချမ်းသာခြင်းနှင့် ဆင်းရဲခြင်း၊ ပညာတတ်ခြင်းနှင့် ပညာမတတ်ခြင်း၊ ရာထူးအာဏာ ပါဝါရှိခြင်းနှင့် မရှိခြင်း၊ ရုပ်ချောခြင်းနှင့် ရုပ်ဆိုးခြင်း စသည်ဖြင့် အဆင့်အတန်း ခွဲခြားကြ၊ ကွဲပြားကြသော လူသားတို့ အတွက် အဆင့်အတန်း ခွဲခြား၍ မရနိုင်သည်ကား “မွေးဖွားခြင်း၊ ရှင်သန်ခြင်းနှင့် သေဆုံးခြင်း”ပင် ဖြစ်တော့၏။ ထိုအရာကို ပညာရှင်ကြီးတို့က ဘ၀၏ တူမြဲတရား သုံးပါးဟု ကင်ပွန်းတပ်ခဲ့ကြ၏။

လူ့ဘ၀ ရောက်လာသူ လူသားအားလုံး အရင်းမရှုံးဖို့ အရေးကြီး၏။ အမြတ် မရနိုင်စေကာမူ အရင်းအတိုင်း ပုံမှန်လေးတော့ လည်ပတ်စေချင်၏။ နောင်ဘ၀ ဆိုသည်မှာ မသေချာ သော်လည်း ဒီဘ၀လေး မှာတော့ ငြိမ်းချမ်း ပျော်ရွှင် စေချင်ပါ၏။ လူ့ဘ၀တွင် စီးပွားဥစ္စာ ရှာဖွေခြင်းနှင့် ပတ်သက်၍ အရင်းရှုံးသွားလျှင် ယုတ်စွအဆုံး တစ်တ၀စာအတွက် နလန်မထူနိုင်ခြင်း ဖြစ်နိုင်သော်လည်း လူ့ဘ၀ အရင်းအနှီးကြီး ဆုံးရှုံးသွားပါက တစ်သံသရာလုံး နလန်မထူဘဲ ရှိချေတော့မည်။

အရေးပါလှ ကလေးဘ၀

ပြောင်းလဲလာသော ခေတ် စနစ်တို့ အရ အရာ အားလုံးတို့သည် ထိန်းချုပ်၍ မရ၊ ဖြစ်ပျက် ပြောင်းလဲမှု တို့က မြန်ဆန် လွန်းလှ၏။ အရာအားလုံးတို့ တိုးတက် ဖြစ်ထွန်းလာ၏။ အရာအားလုံးတို့ ဆုတ်ယုတ် ပျက်စီးသွားပြန်၏။ တိုးတက် ဖြစ်ထွန်း လာသည်ကား ရုပ်ဒြပ် ပစ္စည်းဝတ္ထုများ၊ ဆုတ်ယုတ် ပျက်စီးသွားသည်ကား စိတ်ဓာတ် ယဉ်ကျေးမှုများ… စဉ်းစားဖို့တို့တော့ လိုမည်ထင်ပါ၏။

ရုပ်ဒြပ် ပစ္စည်းတို့ တစ်နေ့တစ်မျိုး မရိုးနိုင်အောင် ပေါ်ထွက်လျက် ရှိကြ၏။ တစ်ခုကို သုံးလို့မှ အားမရသေးခင် အခြားတစ်ခုက အဆင်သင့် အစားထိုး ၀င်ရောက် နေရာယူနှင့် နေပေပြီ။ ရုပ်ဒြပ် ပစ္စည်းဝတ္ထုများ တိုးတက် ဖွံ့ဖြိုးလာသလို စိတ်ဓာတ် ယဉ်ကျေးမှုများလည်း တိုးတက် ဖွံ့ဖြိုးလာလျှင် သိပ်ကောင်းမှာဟု တွေးနေမိ၏။ ထိုအတွေး၏ နောက်ကွယ်တွင် အရေးပါလှသော ကလေးတို့၏ ဘ၀ကို စဉ်းစားမိလာ၏။

တာဝန်ကျေကြဖို့

ယနေ့တော့ ကလေးဘ၀၊ နောင်သော်လူကြီး၊ ယနေ့တော့ တပည့်၊ နောင်သော် ဆရာ၊ ယနေ့ သားသမီး၊ နောင်သော် မိဘ စသည်ဖြင့် ပြောင်းလဲ နေရသည်က ဓမ္မတာ။ လူတိုင်းတွင် တာဝန်ကိုယ်စီ ရှိကြ၏။ ထိုတာဝန်း ၀တ္တရား များကိုလည်း မြတ်ဗုဒ္ဓက အသီးအသီး ညွှန်ကြား ထားရှိပြီးဖြစ်၏။ ကိုယ့်တာဝန် ကိုယ်ကျေဖို့တော့ လိုမည် ထင်ပါသည်။

အရင်းလေးတော့ မဆုံးစေချင်

အချုပ်အားဖြင့် လူသားတို့ အားကိုးရာကို ရှာဖွေကြရာတွင် လမ်းဖြောင့် လမ်းမှန်ရောက်ဖို့ အရေးကြီးလှ၏။ ကိုယ် မလုပ်ဆောင် နိုင်သည်နှင့် အမှားများ၊ အသုံးမ၀င်၊ အသုံးမကျသည့် အရာများဟု မဝေဖန်သင့်။ မထင်မြင် မယူဆသင့်၊ လုပ်ဆောင် နိုင်သည်များကို ရွေးချယ် စုစည်း၍ လုပ်ဆောင် သွားကြရ ပေအုံးမည်။

ကိုယ်ရရှိထားသည့် ဘ၀၊ စည်းစိမ်အပေါ် သာယာ ယဇ်မူး၍ ဇိမ်ခံကာ အလုပ် ဆက်မလုပ်လျှင် စည်းစိမ် ဥစ္စာများ တစ်နေ့တစ်ခြား ပျက်စီး ဆုတ်ယုတ် နိုင်သည်ကို သတိမူသင့်သလို။ အတိတ် ဘ၀က ရရှိထားသည် ကုသိုလ်ကံ အပေါ် ရောင့်ရဲ တင်းတိမ်၍ ကောင်းမှု ကုသိုလ်များကို ထပ်မံ မပြုလုပ်တော့လျှင် ကောင်းမှုကံ ကုန်ဆုံး ပျက်သုဉ်း၍ မကောင်းသည့် ဘုံဘ၀များသို့ ပြန်လည် ရောက်ရှိ သွားနိုင်ကြောင်း ကိုလည်း သတိမူသင့်၏။ ယခုလက်ရှိ ရထားသည် ဘ၀မျိုးလေး ပြန်မရနိုင်ကြလျှင် ဘ၀အရင်းပါ ဆုံးရှုံး သွားနိုင်ကြောင်း အသိပေးရင်းဖြင့်။ အရင်းလေးတော့ မဆုံးစေချင်။

ဝန်ခံချက်

ဤစာမူကို စာရေးသူ ရေးသားခဲ့သော “ယဉ်ကျေးစေရာ ဓမ္မကဗျာ” စာအုပ်ရှိ နိဒါန်းကို အခြေခံ၍ ရေးသားခဲ့ ခြင်းဖြစ်၏။

အမေရိကန်နိုင်ငံ နယူယော့ခ်မြို့ရှိ မစိုးရိမ်ကျောင်းတိုက်သို့ ပို့ပေးပြီး၊ မဂ္ဂဇင်းတွင် ဖော်ပြပြီးလည်း ဖြစ်၏။

သို့သော် စာဖတ်သူများ မျှဝေခံစားနိုင်ရန် ညီငယ် မောင်ဖိုးသားနှင့် ကိုဝိမုတ္တိတို့မှ တဆင့် ပြန်လည် လက်ဆင့်ကမ်း ကုသိုလ် ပွားများလိုက်ပါသည်။

ဦးပညာ (မန်းတက္ကသိုလ်)
အရှင်ပညာဇောတ
pyinyar08@gmail.com
ဘန်ကောက်နွိုင်းရပ်ကွက်၊ ဘန်ကောက်မြို့၊ ထိုင်းနိုင်ငံ။

*************************************

လေးစားရိုသေစွာဖြင့်
ဖိုးသား

4/4/2009, SAT:, 4:05:43 PM

Read more...

ဆွမ်း၊ရေချမ်း၊ ဆီမီး ကပ်လှူခြင်း ဆိုရာဝယ်…

ဗုဒ္ဓဘာသာတွေရဲ့ နေ့စဉ်လုပ်ငန်းတစ်ခုဖြစ်တဲ့ ဘုရားရှင်ရဲ့ ဂုဏ်တော်တွေကို ရွတ်ဖတ်ပူဇော်ရှိခိုးပြီးတဲ့အခါ မနက်စောစော အာရုဏ်တက်ချိန်ဆိုလျှင် ဆွမ်း၊ ရေချမ်း၊ ပန်းနဲ့ ဆီမီး ကပ်လှူပူဇော်ကြပါတယ်။ ညအိပ်ရာဝင် ဘုရားရှိခိုးပြီးရင်တော့ ပန်း၊ ဆီမီးနဲ့ ရေချမ်းပဲ ဆက်ကပ်ပါတယ်။

ရုပ်ပွား ဆင်းတုတော်နဲ့ စေတီတော်တွေဟာ ဆွမ်း၊ သစ်သီးနဲ့ ရေချမ်းတွေကို တကယ်မဘုဉ်းပေး မသုံးဆောင်ဘဲ ဘာကြောင့် လှူဒါန်းဆပ်ကပ်နေကြပါသလဲဆိုလျှင် ဗုဒ္ဓဘာသာဝင်တို့သည် ရုပ်ပွား၊ ဆင်းတုတော်တွေနဲ့ စေတီတော်တွေကို ဆပ်ကပ်လှူဒါန်းတာ မဟုတ်ပါဘူး။ အဲဒီ ရုပ်ပွား၊ ဆင်းတုတော်တွေက ကိုယ်စားပြုထားတဲ့ သက်တော်ထင်ရှား ဘုရားရှင်ကို ရည်မှန်းဆပ်ကပ်ခြင်းသာ ဖြစ်ပါတယ်။ သက်တော်ထင်ရှား ဘုရားရှင်ကို ရည်မှန်း ကိုးကွယ်ဆည်းကပ်မှုဟာ ဗုဒ္ဓသရဏဂုံဖြစ်သလို သက်တော်ထင်ရှားဘုရားရှင်ကို ရည်မှန်းဆက်ကပ်တဲ့ ဆွမ်း၊ ရေချမ်းအလှူဟာလဲ အလှူဒါနမြောက်ပါတယ်။ ဒါကြောင့် ဗုဒ္ဓဘာသာဝင်တွေဟာ ဆွမ်းတော်တင်ကြခြင်းဖြစ်ပါတယ်။

ဘုရားရှင်ကို ဆွမ်းတော်၊ ရေတော်ကပ်တာနဲ့ ပတ်သက်လို့ ပိဋကတ်ပါဠိတော်မှာတော့ မတွေ့ရပါဘူး။ ပရိနိဗ္ဗာန်စံပြီးတဲ့ ဘုရားရှင်ကို ရည်စူး၍ ဓာတုစေတီ စသည်ကို ပစ္စည်းလေးပါးနဲ့ ပူဇော်တာဟာ ဘုရားရှင်ကို ပူဇော်ရာရောက်တယ်လို့ အဂုင်္တ္ထိုရ်အဋ္ဌကထာမှာ ဖွင့်ပြထားပါတယ်။ တိဋ္ဌန္တေ နိဗ္ဗုတေစာပိ၊ သမေစိတ္တေ သမံ ဖလံ = သက်တော်ထင်ရှား ဘုရားရှင်နဲ့ ပရိနိဗ္ဗာန်စံပြီး ဘုရားရှင်ကို ထပ်တူထပ်မျှ ကြည်ညိုလေးစားတဲ့ စိတ်စေတနာနဲ့ ပြုလုပ်တဲ့ ကုသိုလ်ကောင်းမှုဟာ တူမျှတဲ့ အကျိုးကိုပေးတယ်လို့ ဝိမာနဝတ္ထုပါဠိတော်မှာလဲ ပြဆိုထားပါတယ်။

တခါကလည်း မိလိန္ဒမင်းကြီးက ရှင်နာဂသိန်ကို “ဘုရားရှင်ဟာ ပရိနိဗ္ဗာန် စံသွားတာမှန်ရင် ပူဇော်မှုကို မသာယာနိုင်၊ မသာယာသော ဘုရားရှင်အား ပြုအပ်သော ကုသိုလ်သည် အကျိုးတစ်စုံတစ်ရာ မရနိုင်ဘူးလို့ တိတ္ထိတွေက ပြောနေကြတယ်၊ ဒီပြဿနာကို ဖြေရှင်းပေးပါဘုရားလို့ ” လျှောက်တော်မူတယ်။

ရှင်နာဂသိန်က “မင်းကြီး၊ ဘုရားရှင်ဟာ သက်တော်ထင်ရှား ရှိစဉ်ကပင် ပူဇော်မှုတွေကို မသာယာဘူး။ ဗောဓိပင်နှင့် ရွှေပလ္လင်မှာကတည်းက သာယာတက်မက်မှုကို ပယ်စွန့်ခဲ့ပြီးပြီ။ အခုပရိနိဗ္ဗာန်စံသွားပြီးမှဆိုတော့ သာယာမှုဟာ ပိုဝေးတာပေါ့။ မသာယာသည်သာဖြစ်တဲ့ မြတ်စွာဘုရားရဲ့ ဓါတ်တော်တွေကို တည်မှီရာပြုပြီး ဘုရားရှင်ဉာဏ်တော်ရတနာကို အာရုံပြုကာ ကုသိုလ်ကောင်းမှုပြုခြင်းဖြင့် လူ နတ် နိဗ္ဗာန် သုံးတန်သော ချမ်းသာကို ရရှိနိုင်ပါတယ်။

ဥပမာပြရရင် တောက်လောင်နေတဲ့ မီးပုံကြီးဟာ မြက်၊ ထင်းစတဲ့ လောင်စာတွေကို မသာယာပါဘူး။ မသာယာတဲ့ မီးပုံကြီးကို မြက်ထင်းစတဲ့ လောင်စာတွေကိုထည့်ပြီး အဲဒီမီးတောက်နဲ့ ထမင်းဟင်း စသည်ချက်ပြုတ်ကာ အကျိုးရှိအောင် လုပ်နိုင်ကြသလို မသာယာတဲ့ ဘုရားရှင်မှာ ပြုလုပ်တဲ့ ပူဇော်မှုဟာလဲ အကျိုးရှိနိုင်ပါတယ်။ မသာယာတဲ့ ဘုရားရှင်မှာ ပြုတဲ့ ပူဇော်တဲ့ ကုသိုလ်ကောင်းမှုဟာလဲ လူ နတ် နိဗ္ဗာန် သုံးတန်သော ချမ်းသာအကျိုးကို ခံစားရမယ်”လို့ ရှင်နာဂသိန် ဟောကြားတော်မူပါတယ်။ အဲဒီအချက်ကိုကြည့်ရင် ဆင်းတုစေတီတော်မှာ ဆွမ်း ရေချမ်းကပ်လှူတာဟာ ဘုရားရှင်သုံးဆောင်သည်ဖြစ်စေ၊ မသုံးဆောင်သည်ဖြစ်စေ ဆက်ကပ်လှူဒါန်းတဲ့သူရဲ့ စေတနာဟာ ထက်သန်ရင့်သန်သလောက် အကျိုးကို ရရှိခံစားနိုင်တယ်လို့ ယုံကြည်နိုင်ပါတယ်။


ဥပရိကပဏ္ဏာသ အဋ္ဌကထာမှာ ဘုရားရှင် ပရိနိဗ္ဗာန်စံပြီးတဲ့နောက် ဘုရားအမှုးရှိတဲ့ သံဃာတော်များအား ဆွမ်းကပ်လို့ ရပါသလားဟုမေးရာ၊ “ရပါတယ်၊ နေရာကိုခင်းပြီး ဆင်းတုတော်ကိုချကာ ရဟန်းတော်တွေ ဆွမ်းမကပ်ခင် ဘုရားရှင်ကို ဆွမ်းတစ်ပွဲကပ်ရမယ်။ ပြီးမှ သံဃာတော်တွေကို ကပ်ရမယ်လို့ပြထားပါတယ်။ အဲဒီဆွမ်းပွဲကို ဘုရား၊ ဆင်းတု၊ စေတီ ဝတ်ကြီး၊ ဝတ်ငယ်ပြုရတဲ့ ရဟန်းရှိရင် အဲဒီ့ရဟန်းကို ကပ်ရမယ်၊ မရှိဘူးဆိုရင် သံဃာတော်တွေကို ပြန်ကပ်နိုင်တယ်လို့ ပြထားပါတယ်။

ဝိနည်းမဟာဝါ စီဝရက္ခန္ဓက အဋ္ဌကထာမှာ စေတီရုပ်ပွားတော်ရှေ့မှာ ဆွမ်းစသည်တင်ထားပြီး ဘုရားရှင်တို့အား လှူဒါန်းပါ၏ဟု ပြောလှူရမည်။ လှူပြီးသော ဆွမ်းတော်ပွဲကို ဘုရား ဝတ်ကြီး၊ ဝတ်ငယ်ပြုတဲ့ လူ၊ ရဟန်းက စားနိုင်တယ်။ အမြဲဝတ်ပြုသူမရှိရင် တံမြက်လှည်းခြင်းစတဲ့ ဝတ်တစ်ခုခုကိုပြုလုပ်ပြီး ဆွမ်းတော်ပွဲကို စားနိုင်တယ်လို့ ပြထားပါတယ်။

ဒီအဋ္ဌကထာ ၂-ခု အရ စေတီ၊ ရုပ်ပွားတော်ကို ဆွမ်းတော်တင်ကောင်းတယ်။ ဆွမ်းတော်ပွဲကျကို ဝတ်တစ်ခုခုပြုပြီးမှ စားကောင်းတယ်လို့မှတ်ပါ။ ဘုရားပစ္စည်းကို လူတိုင်း မစားသုံးကောင်းပါဘူး။ ဗုဒ္ဓဝေယျာဝစ္စတစ်ခုခုကို လုပ်ပြီးမှ စားသုံးကောင်းတယ်လို့ မှတ်နိုင်ပါတယ်။ ဘုန်းကြီးပစ္စည်း၊ ကျောင်းပစ္စည်း ထိုနည်း၎င်းပါပဲ။

တချို့က ဘုရားဆွမ်းတော်ကျစားရင် အန္တရာယ်ကင်းတာပေါ့။ တချို့က ဘုရားပစ္စည်း မစားကောင်းတာတို့ စသဖြင့် ကိုယ့်ယုံကြည်မှုနဲ့ ကိုယ်ရှိကြပါတယ်.. မည်သို့ပင်ဖြစ်စေ… ကိုယ့်တင်တဲ့ဆွမ်းတော်ကို ကိုယ်ပြန်စွန့်ပြီး မစားတာကတော့ ပိုကောင်းပါတယ်။ ပရိစ္စာဂ လက္ခဏံ ဒါနံ = အလှူဒါနဆိုတာ လှူဖွယ်ဝတ္ထုကို နှမြောတွယ်တာမှု ငဲ့ကွက်မှုမရှိဘဲ လွတ်လွတ် စွန့်ကြဲလှူဒါန်းခြင်း လက္ခဏာရှိရတယ်။ ဆွမ်းတော်တင်တယ်ဆိုတာက နာမည်လောက်ပဲ၊ ပြီးတော့ ငါပဲ စွန့်စားမှာပဲဆိုတဲ့ အသိဝင်ရောက်လာတက်တယ်။ ဒီအခါမှာ ကိုယ်တင်တဲ့ ဆွမ်းတော်ရဲ့ လှူဖွယ်ကို လုံးဝ အာလယပြတ် မစွန့်လွှတ်နိုင်တဲ့အတွက် ဒါနအမြတ်စား မဖြစ်နိုင်ဘူး။

လုံဝလွတ်လွတ် ပေးလှူစွန့်လွတ်တဲ့ ဒါနလက္ခဏာမြောက်ဖို့အတွက် ဒီဆွမ်း၊ ဒီမုန့်၊ ဒီသစ်သီးကို ဘုရားရှင်ကို ဆက်ကပ်မယ်။ ဆွမ်းတော်စွန့်ပြီးရင် ကုသိုလ်အဆင့်ဆင့်ပွားဖို့အတွက် အခြားပုဂ္ဂိုလ်တစ်ဦး (သို့မဟုတ်) ချို့တဲ့သူတွေကို ပေးကမ်းလှူဒါန်း စွန့်ကြဲမယ်လို့ စိတ်မှာထားသင့်ပါတယ်။ ဒီပစ္စည်းဝတ္ထုပေါ်မှာ တပ်မက်စွဲလမ်းမှုကို လုံးဝကင်းစင်ဖို့အတွက် အခြားသူ တစ်ဦးတစ်ယောက်ကို လုံးဝပေးလှူလိုက်တာဟာ အကောင်းဆုံးဖြစ်ပါတယ် ဆိုတဲ့အကြောင်း ဗုဒ္ဓဘာသာဝင်တို့ သိမှတ်ဖွယ်ရာ တင်ပြလိုက်ရပါတယ်…

(ဆရာသောင်းလွင်- ဘီအေ)

Read more...

ပစ္စေကဗုဒ္ဓါ ဆိုသည်မှာ...

ကျွန်တော်တို့ ငယ်ငယ်တုန်းက အဘိုးအဘွားတွေ၊ ဆရာသမားတွေ ပြောပြောနေကြတဲ့ ပစ္စေကဗုဒ္ဓါ အကြောင်းကို အမှတ်သွားရမိပါတယ်… ကျွန်တော်တို့ သိထားတာက ပစ္စေကဗုဒ္ဓါဆိုတာ ဘုရားငယ် ဆိုတာလေးပဲ သိခဲ့ပါတယ်။ တကယ်တော့..


ပစ္စေကဗုဒ္ဓါဆိုတာဟာ…..

၁။ တခြားပုဂ္ဂိုလ်တွေနဲ့ မပတ်သတ်တဲ့ သီးသန့်ကိုယ်ပိုင်ဉာဏ်နဲ့ သစ္စာ ၄-ပါးကို ထိုးထွင်းသိမြင်တဲ့ ပုဂ္ဂိုလ်။

၂။ဆရာမပါဘဲ ကိုယ်ကိုယ်တိုင် သစ္စာ ၄-ပါးကို သိတဲ့ ( သူတပါးကိုတော့ သိအောင် မဟောနိုင်တဲ့ ) ပုဂ္ဂိုလ်။

၃။ သတ္တဝါပေါင်းများစွာကို ချမ်းသာရောက်အောင် စောင့်ရှောက်တဲ့ နေရာမှာ နတ်ပြည် နိဗ္ဗာန်ကို ရောက်အောင် ဆောင်ရွက်ပေးတဲ့နေရာမှာ ပဓာနကျကျ အရှင်သခင်မြတ်ကြီးတွေ ဖြစ်တဲ့အတွက် ပစ္စေကဗုဒ္ဓါလို့ ခေါ်ရတာပါ။ ။


ဟိမဝန္တာ တောထဲက စူဠကာဠတောင် အစရှိတဲ တောင်စဉ် ၇- ထပ်ကို ကျော်ပြီးမှ ရောက်နိုင်တဲ့ နန္ဒမူလကဆိုတဲ့ တောင်ဝှမ်းအနီး ဂန္ဓမာဒနတောင် မဉ္စူသက နတ်ပန်းပင်အောက်က ပတ္တမြားဂူမှာ နေတော်မူလေ့ ရှိကြပါတယ်။

ဣစ္ဆိတံ ပတ္ထိတံ အစရှိတဲ့ အနုမောဒနာ ၂ ဂါထာလောက်ကိုပဲ တရားဟောတော်မူတက်ကြပြီး သစ္စာ ၄-ပါး မြတ်တရားကိုတော့ သူတပါးသိအောင်တော့ ဟောတော်မမူတက်ကြပါဘူး။ စေတီတည်ထိုက်သူ ၄ ဦးထဲမှာတော့ ပါဝင်ကြပါတယ်။


ဖြစ်ရပ်မှန်လေး တစ်ပုဒ်ပါ။ တခါက သီရိလကာင်္ နိုင်ငံလေးရဲ့ ရောဟဏ ရွာတစ်ရွာမှာ သားအဖ ၈-ယောက်ဟာ လယ်တောထဲကို သွားကြပါတယ်။ အဲဒီအချိန်မှာ ရွာလယ်ကောင် လမ်းမနံဘေးက ဆန်ဖွပ် မောင်းထောင်းနေတဲ့ အမျိုးသမီးလေးက ဓမ္မဂီတ သံဝေဂ သီချင်းလေးတစ်ပုဒ်ကို သီဆိုကျုရင့်လိုက်ပါတယ်..

-ငါတို့ချစ်ရာ၊ ဤခန္ဓာ၊ ဇရာလာလို့ ဖျက်တော့မယ်။

-ငါတို့ချစ်ရာ၊ ဤခန္ဓာ၊ အပ်ါမှာ အရေပြား ဖုံးထားတယ်။

-ငါတို့ချစ်ရာ၊ ဤခန္ဓာ၊ သေမင်းခေါ်ရာ လိုက်ရမယ်။

-ပိုမျိုးရှစ်ဆယ်၊ ခန္ဓာဝယ်၊ မှီကာတွယ်လို့ နေကြတယ်။

-မစင်မကြယ်၊ ရွံစဖွယ်၊ မှီတွယ်ပြည့်တော့တယ်။

-အပုပ်ကောင်ဆိုး၊ အမျိုးမျိုး၊ တိုးလို့ပြည့်တော့တယ်။

-ငှက်ပျောတုံးပမာ၊ ဤခန္ဓာ၊ ကောင်းစွာတူတော့တယ်။

-ခန္ဓာအတွင်း၊ ဉာဏ်ကိုသွင်း၊ ရှင်းရှင်းသိအောင် ရှုမှတ်ကွယ်။

အဲဒီ ဓမ္မဂီတ သီချင်းသံလေးကို နားထောင်ကြရင်းကပဲ လယ်တောထဲ သွားကြတော့မယ့် လယ်သမာကြီး ၈-ယောက်ဟာ နားကတရားနာ၊ ဉာဏ်က ခန္ဓာမှာလည့်ှပြီး သတိပဋ္ဌာန် ဝိပဿနာ တရားတွေကို ရှုမှတ်ပွားများလိုက်ကြတာ အဲဒီ ရွာလယ်ကောင် လမ်းမကြီးပေါ်မှာပဲ သစ္စာ ၄-ပါး သီးခြားသိမြင်တဲ့ ပစ္စေကဗုဒ္ဓါ ဘုရားငယ်ပေါင်း ၈-ဆူ ဖြစ်တော်မူကြတယ်။

ပစ္စေကဗုဒ္ဓါ အရှင်မြတ်ကြီးတွေ ဖြစ်ကြပြီဆိုတာနဲ့ တစ်ပြိုင်နက် လူဝတ်ကြောင် အဝတ်အစားတွေ၊ မုတ်ဆိတ်ကျင်စွယ်တွေ ကွယ်ပျောက်၊ ရဟန်းပရိက္ခရာတွေ ရောက်ပြီး သက်တော်-၈၀၊ ဝါတော် ၆၀-ရ မထေရ်သူမြတ်ကြီးတွေအသွင် ချက်ချင်းဖြစ်သွားပါတယ်။


ဒါကြောင့် တရားချစ်ခင် သူတော်စင်အပါင်းတို့လည်း ဘဝနဲ့ ခန္ဓာ သံသရာမှာ တွယ်တာမက်မောစေတက်တဲ့ ကာမဂီတကို ပယ်ခွာနိုင်ကြပြီး၊ မက်မောကင်းပ သံဝေဂဉာဏ် တွေ ရစေနိုင်တဲ့ ဓမ္မဂီတကို တွယ်တာနိုင်ကြပါစေလို့ နိဗ္ဗာန်အကျိုးမျှော်၍ ဆန္ဒပြုရေးသာလိုက်ပါတယ်။ ။

မှီငြမ်း (သီချင်းသံကြား ဘုရားဖြစ်) ၊ ကိုးဘွဲရ ဆရာတော်

Read more...

ဖတ်ကြည့်ပြီးမှ ဆုံးဖြတ်ပါ

ကျနော့ဘလော့ထဲကို ၀င်ဖတ်တဲ့ ညီလေးတစ်ယောက်ရဲ့ တောင်းဆိုချက်ကြောင့် ဒီပိုစ့်လေးကို ရေးလိုက်ပါတယ်။ လူငယ်တွေအတွက် ပညာပေးပို့ စ်လေး တစ်ခုရေးပေးပါဆိုလို့ ရေးလိုက်တာပါ။ ကျနော်တို့ ကိုးကွယ်နေတဲ့ ဗုဒ္ဓဘာသာမှာ ဗုဒ္ဓဘာသာဝင်တစ်ယောက် စစ်စစ် ဖြစ်ဖို့အတွက် သရဏဂုံနဲ့ ငါးပါးသီလလုံမှ ဗုဒ္ဓဘာသာဝင် စစ်စစ်လို့ ပြောလို့ရသလို လူစစ်စစ်လို့လည်း ပြောလို့ပါတယ်။ သရဏဂုံတစ်ခုပဲတည်ရင် လူတစ်ဝက် ဖြစ်ပြီးဖြစ်သလို.. ငါးပါးသီလပါ ထပ်လုံခြုံအောင် စောင့်ထိန်းပါမှ လူတစ်ယောက်ဖြစ်သွားတာပါ။ အဲ့နှစ်ခုထဲက တစ်ခုခုချို့ယွင်းနေရင်တော့ မိရိုးဖလာဗုဒ္ဓဘာသာပဲ ဖြစ်သွားမှာပါ။ ဒါ့ကြောင့် အဲ့နှစ်ခုလုံး ပြည့်စုံဖို့ အရေးကြီးပါတယ်။ သရဏဂုံစစ်စစ် ဖြစ်ဖို့အကြောင်းကိုတော့ သရဏဂုံပျက်ခြင်းဆိုတဲ့ ပိုစ့်မှာ အနည်းငယ် ရှင်းပြပြီးသွားပါပြီ။ အခုဆွေးနွေးချင်တဲ့ အကြောင်းအရာကတော့ ငါးပါးသီလထဲမှာ လူတွေအများဆုံး အကျူးလွန်ဆုံးဖြစ်တဲ့ သုရာမေရယကံ ကျူးလွန်ခြင်းပဲ ဖြစ်ပါတယ်။ ကျနော် ခုဖော်ပြမှာက အရက်ကိုမသောက်နဲ့လို့ အတင်းမပြောပါဘူး။ သောက်သင့် မသောက်သင့်ဆိုတာကို ဒီစာဖတ်ပြီးတော့ ကိုယ့်ဘာသာပဲ ဆုံးဖြတ်ပါလို့ ပြောချင်ပါတယ်။

သုရမေရယကံ ကျူးလွန်ခြင်းဆိုတာတော့ မူးယစ်စေတတ်သောအရာကို မှီဝဲသုံးဆောင်ခြင်းပါ။ အရက်မှမဟုတ်ပါဘူး.. မူးယစ်စေတတ်တဲ့ အရာမှန်သမျှ သုံးဆောင်မှီဝဲခြင်းကို သူရာမေရယကံ ကျူးလွန်ခြင်းထဲမှာ ထည့်လို့ရပါတယ်။ သူရာမေရယကံ ကျူးလွန်ခြင်း အထမြောက်ဖို့ အချက်လေးချက်ရှိပါတယ်။ အဲ့ဒါတွေကတော့.. (၁) မူးယစ်စေတတ်သော အရာဖြစ်ခြင်း၊ (၂) သောက်စားလိုသောစိတ် ရှိခြင်း၊ (၃) သောက်ဖြစ်အောင် လုံ့လပြုခြင်း၊ (၄) သောက်စားခြင်းတို့ ဖြစ်ပါတယ်။

ဘာလို့ သူရမေရကံ ကျူးလွန်ခြင်းကို အဓိကထား ပြောရလဲဆိုတော့.. ဒီကံဟာ အကုသိုလ်တွေ ပြုလုပ်ခြင်းကို အလွယ်တကူဖြစ်စေတဲ့ အတွက်ကြောင့်ပါပဲ။ သေရည်သေရက် သောက်သည့်အတွက် ကျန်သီလများအားလုံး အလွယ်တကူ ပျက်တတ်ပုံနှင့် အဋ္ဌကထာတွင်ကား ငါပါးသီလတွင် သေရည်သောက်ခြင်းကို အပြစ်အကြီးဆုံးဟု ဖွင့်ပြထားပါတယ်။ အဋ္ဌကထာက ဘယ်လို ဖွင့်ထားသလဲဆိုတော့.. အရက်သည် ငါးပါးသီလတွင် အချုပ်ဖြစ်သည်.. အရက်မူးပြီဆိုသည်နှင့် ကျန်သီလများ ဖောက်ဖျက်ရန် ၀န်မလေးတော့ပေ။ သို့အတွက် ဗုဒ္ဓက ငါးပါးသီလတွင် သေရည်သောက်ခြင်းကို ထည့်ဟောထားခြင်းဖြစ်သည်ဟု ဖွင့်ထားပါတယ်။ ဘာလို့ ဒီလိုပြောရလဲ ဆိုတာလေး ဖော်ပြပါ့မယ်။

အရက်သောက်ခြင်း အဆင့်အနေနဲ့ သုံးဆင့်ရှိပါသည်။ ပထမအဆင့်အနေနဲ့ လူကအရက်ကိုသောက်ခြင်းပါ။ တစ်ချို့က ဆိုကြပါတယ်။ ကျနော်တို့က ကိုယ့်စိတ်ကိုနိုင်ပါတယ်။ ထမင်းစားကောင်းရုံလောက် ညနေပိုင်းလေး သောက်တာပါဆိုပြီးတော့ စသောက်ကြပါတယ်။ ဒီအဆင့်ကတော့ လူကအရက်ကို သောက်သောအဆင့်ပါ။ ဒီလိုပါပဲ.. ဘ၀ပျက်ပြီးသေသွားကြသော အရက်သမားအားလုံးဟာလည်း ဒီအဆင့်ကပဲ စခဲ့ကြတာပါ။ နောက်တစ်ဆင့် ထပ်တက်လာတာက အရက်က လူကိုပြန်သောက်သော အဆင့်ပါ။ ခန္ဓာက အရက်ကို သောက်သော အဆင့်လို့လည်း ပြောလို့ရပါတယ်။ စိတ်ကဖြတ်နိုင်သော်လည်း ခန္ဓာက လက်မခံတော့ပါဘူး။ အရက်မသောက်ရရင် ခန္ဓာကိုယ်က သွေးတွေ အလုပ်မလုပ်တော့ပါဘူး။ နောက်ပြီး လက်တွေတုန်လာမယ်.. ခြေတွေတုန်လာမယ်။ သောက်တဲ့သူဟာ အရက်နဲ့ပဲ အမြဲတမ်းထိတွေ့ချင် လာတယ်.. နောက်ပြီး မြင်ရင်ကိုမနေနိုင်ဘူး.. တခုခုလိုနေသလိုဖြစ်.. နောက်ဆုံးတော့ အရက်လေးဝင်သွားမှ ငြိမ်သွားတယ်.. ဒါကတော့ အရက်က လူကိုသောက်ခြင်းပါ။ နောက်အဆိုးဆုံးအဆင့်ကတော့ အရက်က အရက်ကိုသောက်ခြင်းပါ။ ဒီအဆင့်မှာတော့ အရက်ကို တအားသောက်ပါတယ်။ နောက်ပြီး ဘာအလုပ်မှ မလုပ်နိုင်တော့ဘူး.. ဘာအစားမှလည်း မစားနိုင်တော့ဘူး.. စားလို့လည်း မကောင်းတော့ဘူး။ တအားအိပ်တယ်.. တအားမူးတယ်.. အိပ်ရာမှနိုးတော့ ခေါင်းတွေအုံလာတယ်။ ခေါင်းတွေအုံတော့ အရက်ကိုထပ်သောက်ရတယ်.. သို့သော်လည်း ခေါင်းအုံတာ မပျောက်ပါဘူး။ အရက်ကတော့ ထပ်မူးလာပြန်ပါတယ်။ ဒီလိုနဲ့ မသေမချင်း သောက်လိုက် မူးလိုက် ခေါင်းအုံလိုက် ပြန်သောက်လိုက်နဲ့ လုံးလည်လိုက်ပြီး .. နောက်ဆုံး အရက်ကျေးကျွန်ဘ၀သို့ ရောက်ပြီးတော့ အပါယ်လေးပါးသို့ သွားလိုက်ရပါတော့တယ်။ ဒါအရက်ကို အဆင့်လိုက် သောက်လာပုံ အကြောင်းပါ။

အရက်သောက်ပြီးမိဘကို ပြန်သတ်သော ဖြစ်ရပ်လေးတစ်ခုကို ဖော်ပြပေးပါ့မယ်။ မိဘကိုတောင်မှ ပြန်သတ်မှတော့ တခြားအကုသိုလ်ကံလောက်တော့ မလုပ်ရဲစရာ ဘာမှမရှိတော့ပါဘူး။ ဒါ့ကြောင့်လည်း အရက်ကို ငါးပါးသီလမှာ အပြစ်အကြီးဆုံးလို့ ထည့်ထားရတာပါ။ အရက်သောက်ပြီး မူးနေလျှင်မိဘကိုပင် ပြန်သတ်ရဲသည်ဟူသော စကားကို မှန်းဆပြောခြင်း မဟုတ်ပါဘူး။ တကယ့် လက်တွေ့ ဖြစ်ရပ်ပါ။ ခုနှစ်အားဖြင့် ၁၉၅၁-ခုနှစ်၊မေလ ၂၅ ရက်နေ့၊ နေရာကား ဧရာဝတီတိုင်း၊ ကျိုက်လတ်မြို့နယ်၊ ကျိုက်ပိရွာတွင် ဖြစ်ပါတယ်။ သားက အရက်မူးလာပြီး ပါးရိုက်ကာ ဓါးနှင့်လိုက်ခုတ်ခံရသော မိခင်ကြီး၏အမည်မှာ ဒေါ်သာလိဟု ခေါ်ပါတယ်။ တစ်နေ့ သားကအရက်မူးပြီးပြန်လာကာ ပိုက်ဆံထပ်တောင်းသဖြင့် မိခင်ကြီးမှ မပေးနိုင်ကြောင်း ပြောသောကြောင့် မိခင်ကိုဆဲရေးတိုင်းထွာပြီး ပါးရိုက်ကာ ဓါးနှင့်လိုက်ခုတ်သဖြင့် ထွက်ပြေးရင်း ရွာထိပ်ညောင်ပင်ကြီးအောက် အရောက်တွင် မိခင်ကြီးကို ဆက်လိုက်လို့ မရတော့ပဲ အဲ့နေရာမှာတင်ပဲ မြေမြိုခဲ့ပါတယ်။ သူမြေမြိုသောနေရာနှင့် ပတ်လည် ပေ(၁၀၀)အတွင်း မည်သူမျှအနားကပ်လို့ မရတော့ပါဘူး။ သူဟာပူလောင်ပြင်းပြတဲ့ ဝေဒနာတွေကို ပြင်းစွာခံစားပြီး မေလ (၂၅) ရက် မှ ဇွန်လ (၂) ရက်နေ့အထိ ဝေဒနာများခံစားကာ.. (၈) ရက်ကြာပြီး မြေကြီးအောင်သို့ စုန်းစုန်းမြုပ်သွားခဲ့ပါတယ်။ မြေမြိုသွားတဲ့လူဟာ အရက်မသောက်ခင်မှာ ပုံမှန်လူကောင်းလိုပါပဲ.. မိဘကိုရိုသေရမှန်းသိပါတယ်.. ဒါပေမယ့် အရက်လည်းဝင်သွားရော ဘာမှမသိတော့ပါဘူး။ ဒါဟာ အရက်ရဲ့ကျေးကျွန်ဖြစ်မှန်းမသိ ဖြစ်သွားရတာပါ။

နောက်အရက်သောက်ခြင်းရဲ့ ဆိုးကျိုးတွေကို အနည်းငယ်ဖော်ပြပေးပါ့မယ်။ သေရည်အရက် သောက်တဲ့ သူတိုင်းဟာ ဖြစ်ရာဘ၀မှာ အရူးပဲ ဖြစ်ရပါတယ်။ ဖြစ်ရာဘ၀ကို မကြည့်ပါနဲ့ဦး.. ယခုဘ၀ကိုပဲကြည့်ပါ.. မူးတဲ့သူဟာ ရူးတဲ့လူလိုပါပဲ.. ပြောချင်တာ လျောက်ပြောတာပါ.. အရှက်အကြောက်လည်း ကင်းပါတယ်။ သောက်တာများလာတာနဲ့အမျှ ပျင်းရိတယ်.. မေ့တတ်တယ်.. ကျေးဇူးကန်းတတ်တယ်.. နောက်ပြီး အသက်အရွက်ကြီးလာတာနဲ့အမျှ ရူးသွားပါတော့တယ်။ ဘာလို့ရူးရလဲ ဆိုတာလေး ကြည့်ရအောင်..။ သိပ္ပံမဂ္ဂဇင်းမှ ဆရာဝန်တစ်ဦးရဲ့ မှတ်ချက်လေး ဖော်ပြပေးပါ့မယ်။ အရက်သောက်တာ မဟုတ်သေးပါဘူး.. အရက်ပါဝင်နှုန်း အနည်းငယ်သာ ရှိတဲ့ ဘီယာတစ်ပုလင်းသောက်လျှင် ဦးနှောက်ကလပ်စီးပေါင်း (၇၀၀၀) ကျော် ပျက်စီးပါတယ်။ သာမာန် လူတစ်ယောက်ရဲ့ ဦးနှောက်ကလပ်စီးပေါင်းဟာ (၁၇)ကုဋေကျော် ရှိပါတယ်။ ဒါ့ကြောင့် အရက်သောက်တဲ့သူများနဲ့ ဘီယာသောက်သောသူများဟာ အစပိုင်းတော့ မသိသာသေးပါဘူး။ နှစ်ရှည်လများ သောက်လာတဲ့အခါမှာတော့ ဦးနှောက်ကလပ်စီးပေါင်း သိန်းပေါင်းများစွာ ပျက်စီးလာပြီး မှတ်ဥာဏ်တွေတဖြေးဖြေးနဲ့ အားနည်းလာခါ ဦးနှောက်ကို ပျက်စီးထိခိုက်လာပါတော့တယ်။ အရက် သောက်ခြင်းကြောင့် ဦးနှောက်ပျက်စီးစေတဲ့ လက္ခဏာများကိုလည်း ဖော်ပြပေးပါ့မယ်။ အရက်သောက်ခြင်းကြောင့် စိတ်ထိခိုက်လွယ်ခြင်း၊ အသိဥာဏ်ထိခိုက်ခြင်း၊ စိတ်ဖောက်ပြန်ခြင်းတို့ ဖြစ်စေပါတယ်။ နောက်ပြီးဖြစ်လေရာဘ၀ ဦးနှောက်မကောင်းဖြစ်ပြီးတော့ အသိဥာဏ်ချို့ယွင်း ဖြစ်ရပါတယ်။ ဒါကတော့အရက်ရဲ့ ဆိုးကျိုးတွေပါပဲ။ နောက်ပြီးအရက်သောက်တဲ့လူတိုင်းဟာ သေခါနီးမှာ အရက်သောက်ချင်တဲ့ လောဘစိတ်နဲ့ သေတဲ့အတွက် သေချာပေါက် အပါယ်လေးပါးကိုပဲ သွားရမှာပါ။ အပါယ်လေးပါးမှလွတ်လာပြီး လူဖြစ်လာရင်လည်း ရူးနေသည့်အတွက် မဂ်ဖိုလ်နိဗ္ဗာန်ကို မရနိုင်ပါဘူး။ ဒ့ါကြောင့် အရက်သောက်သူများဟာ ကိုယ်ရမဲ့ မဂ်ဖိုလ်နိဗ္ဗာန်နှင့် ကောင်းရာသုဂတိကို မရဖို့အတွက် ကိုယ်တိုင် ကြိုးစားအားထုတ်နေတာနှင့်လည်း အတူတူပါပဲ။

အခုကျနော် အထက်မှာဖော်ပြတာအားလုံးဟာ အရက်သောက်ခြင်းကြောင့် ယခုလက်ရှိမှာခံစားရမဲ့ ဆိုးကျိုး.. နောက်ဘ၀သံသရာအဆက်ဆက်မှာ ခံစားရမယ့် ဆိုးကျိုးတွေပါ။ ဘုရားရှင်က အရက်ကို နည်းနည်း သောက်ပါလို့ မမှာခဲ့ပါဘူး။ ဆေးဖြစ်ဝါးဖြစ်တော့ သောက်လို့လည်း မမှာခဲ့ပါဘူး။ လုံးဝရှောင်ကြဉ်ရမဲ့ အထဲမှာ ထည့်ထားတာပါ။ ဘာလို့လဲဆိုတော့ လူတွေရဲ့စိတ်ဟာ မကောင်းတဲ့ဘက်မှာပဲ ပျော်မွေ့တယ်.. နောက်ပြီး အရက်သောက်လိုက်တာဟာ စိတ်ကို လွှတ်ပေးလိုက်တဲ့ ပုံစံမျိုးဆိုတော့.. စဉ်းစားသာကြည့်ပါ။ မကောင်းတာကိုပျော်မွေ့တဲ့စိတ်ကို လွှတ်ပေးမှတော့ ဆိုးဖို့ပဲရှိပါတယ်.. ကောင်းဖို့အရေး တစ်ခုမှ ပါမလာပါဘူး။ ဒါ့ကြောင့် အရက်ကိုမသောက်နဲ့လို့ မပြောပါဘူး။ ကျနော်ကအရက်ရဲ့ ဆိုးကျိုးကို ဖော်ပြပေးရုံပါပဲ။ သောက်သင့်မသောက်သင့်ကတော့ ကိုယ့်ဘာသာဆုံးဖြတ်ပါ။ သောက်ချင်တဲ့သူဟာလည်း ဘယ်လိုပြောပြော ကိုယ့်ဆုံးဖြတ်ချက်နဲ့ကိုယ် သောက်နေမှာပါပဲ။ ဒါကိုမှ ဆက်သောက်ချင်တယ်ဆိုရင်တော့ ကိုယ့်ဆုံးဖြတ်ချက်နဲ့ ကိုယ်သွားမယ့်လမ်းကို ရွေးချက်လိုက်တယ်လို့ပဲ သဘောထားလိုက်ပါ့မယ်။ မရှင်းတာရှိရင်လည်း ဆက်သွယ်မေးမြန်းဖို့ကို ဖိတ်ခေါ်ပါတယ်။ စာဖတ်သူအပေါင်း အရက်ရဲ့ ကျေးကျွန်အဖြစ်မှ ကင်းလွတ်၍ မဂ်ဖိုလ် နိဗ္ဗာန်ကို အမြန်ဆုံးတက်လှမ်းနိုင်ကြပါစေ။

Read more...

သောတာပန်စိတ်ထားအင်္ဂါ (၇)ပါး

(ကောသမ္ဗီသုတ် - တရားထီးတင်ခြင်း)

မြတ်စွာဘုရားရှင် လက်ထက်တော်တုန်းက ကောသမ္ဗီပြည် ဃောသိတာရုံကျောင်းတိုက်ကြီး၌ တစ်ဖက်လျှင်သံဃာတော် ၅၀၀ စီဖြင့် ၀ိနည်းဓိုရ်ပုဂ္ဂိုလ်က ခေါင်းဆောင်သောအဖွဲ့နှင့် သုတ္တန်ဆောင် ဓမ္မကထိက ပုဂ္ဂိုလ်ကခေါင်းဆောင်သောအဖွဲ့ ဟူ၍ နှစ်ဖွဲ့ကွဲခဲ့ဖူးကြသည်။

မြတ်စွာဘုရားရှင် ကိုယ်တော်မြတ်ကြီးက နှစ်ဖက်ခေါင်းဆောင်များကို ခေါ်၍ ဖျန်ဖြေရေးတရား ဟောသော်လည်းမရ၍ ကိုယ်တော်တစ်ပါးတည်း ပလဲတောသို့ ကြွ၍၀ါကပ်တော်မူသည်။ တစ်ဝါတွင်းလုံး ဆင်ကြီးက အလုပ်အကျွေးပြုသည်။ ၀ါကျွတ်သောအခါ အရှင်အာနန္ဒာအမှုးရှိ သော ရဟန်းငါးရာတို့က ပြန်ပင့်ကြသဖြင့် သာဝတ္တိပြည် ဇေတ၀န်ကျောင်းတိုက်သို့ ပြန်ကြွတော်မူသည်။ ထိုအခါတွင်ကော သမ္ဗီပဋ္ဋိပက္ခပွဲကြီးတွင် ပါဝင်ကြသော နှစ်ဖက်သောကိုယ်တော်များက ဘုရားရှင်ထံသို့လာ၍ တောင်းပန်ကန်တော့ကြသည်။ ထိုပွဲတွင် ဤတရားတော် ကို မြတ်စွာဘုရားရှင်က ဟောကြားတော်မူခဲ့ခြင်းဖြစ်သည်။
မြတ်စွာဘုရားရှင်က “ ပုထုဇဉ်တို့ စိတ်ထားနှင့် အရိယာတို့၏ စိတ်ထားသည် မတူကြဘူး။ အောက်ဆုံး အရိယာဖြစ်တဲ့ သောတာပန်နှင့် ပုထုဇဉ်တောင်မှ မတူကြဘူး” ဟူ၍အစချီကာ “သောတာပန်စိတ်ထားအင်္ဂါ ၇ ပါး” ကိုဟော်တော်မူခဲ့လေသည်။

၁။ အရိယာအဆင့်သို့ ရောက်သော်လည်း မပယ်ရသေးသော ကိလေသာများရှိသောကြောင့် လွန်ကူးမိတတ်၏။ လွန်ကူးမိလျှင် ဥာဏ်ဖြင့် ချက်ချင်း ရပ်နိုင်သဖြင့်-
(က) သောတာပန်ကဖြစ်ကြောတို၏။
(ခ) ပုထုဇဉ်က ဖြစ်ကြောရှည်၏။

၂။ မပယ်ရသေးသော ကိလေသာများကို ငြိမ်းအေးအောင်လုပ်မည်ဟု-
(က) သောတာပန်မှာ အမြဲတမ်းစိတ်ထားရှိသည်။
(ခ) ပုထုဇဉ်မှာ ထိုစိတ်မျိုးမရှိ။

၃။ ဤဘုရားသာသနာမှာသာလျှင် သောတာပန်၊ သကဒါဂါမ်၊ အနာဂါမ်၊ ရဟန္တာများအဖြစ်ဖြင့် ထွက်ရပ်လမ်းရှိသည်။ အခြားတိတ္တိတို့၏ သာသနာမှာမရှိဟူ၍ -
(က) သောတာပန်က ယုံကြသည်။
(ခ) ပုထုဇဉ်က အခြားသာသနာမှာလည်း ရှိချင်ရှိမည်ဟု ယူဆသည်။

၎။ အပြစ်သင့်လျှင် အချိန်ဆွဲ၍မထား၊ နံနက်သင့်လျှင် နံနက်၊ ညနေသင့်လျှင် ညနေ ချက်ချင်း
(က) သောတာပန်က ကုသသည်။
(ခ) ပုထုဇဉ်က ထိုသို့ မကုသ။

၅။(က) သောတာပန်က အပြစ်သင့်မှာ စိုးရွံ့သည်။ သီလပျက်မှာ ကိုကြောက်သည်။
(ခ) ပုထုဇဉ်က ထိုသို့မစိုးရွံ့၊ သီလပျက်မှာလည်း မကြောက်။

၆။ သစ္စာတရားတွေ အမှန်တရားတွေကို ဟောပြောလျှင်-
(က) သောတာပန်က စိုက်စိုက်၍ နာနေနိုင်၏။
(ခ) ပုထုဇဉ်မှာ ထိုတရားများ နားထဲမရောက်။

၇။ သစ္စာတရားတွေကို နာယူပြီးပြီဆိုလျှင် ပြော၍မပြီး ချီးကူး၍မဆုံး၊ ကြည်နှုးမှုတွေ ဖုံးပြီးလျှင်-
(က) သောတာပန်က တပြုံးပြုံးနှင့် ကျေနပ်နေ၏။
(ခ) ပုထုဇဉ်က ထိုသို့ ခံစားမှုမျိုး မရနိုင်။

ဤအင်္ဂါရပ် (၇) ပါးနှင့် ညီညွတ်လျှင် ယောဂီသည် မိမိကိုယ်ကို “သောတာပန်” ဖြစ်ပြီဟု ဆုံးဖြတ်နိုင်သည်ဟု မြတ်စွာဘုရားရှင်က သောတာပန်စံကို ဟောတော်မူခဲ့သည်။ ဤတရားတော်ကို မိုးကုတ်ဆရာတော် ဘုရားကြီးက စေတီပြီးလျှင် ထီးတင်ရသလို တရားအပြီးသတ်ခြင်းကို တရားထီးတင်ခြင်းဟု သမုတ်တော်မူခဲ့ပါသည်။

Read more...

ပန်းဝင်ကျ သိရောပေါ့... (ဓမ္မဒူတ အရှင်ပညာဇောတ)

ဓမ္မဒူတ အရှင်ပညာဇောတ (မေး-ဖြေ) ၁-မှ...

Read more...

ဝေဒနာနုပဿနာ တရားတော်ကြီး ပထမပိုင်း

ဝေဒနာ နုပဿနာ တရားတော်ကြီး ပထမပိုင်း မဟာစည် ဆရာတော် (၁၃၁၃ခုနှစ် တန်ဆောင်မုန်း လပြည့်နေ့ည အသံလွှင့်ဟောကြားသည်)


ဒီကနေ့ ဟောမည့် တရားတော်ကတော့ ဝေဒနာနုပဿနာ တရားတော်ကြီးဖြစ်တယ်။ ကိုယ်ထဲစိတ်ထဲက ခံစားမှု အမျိုးမျိုးတွေကို ရှုပြီး အသိဥာဏ်ထူးဖြစ်ပေါ်ပုံကို ဟောမည့် တရားတော်ကြီးလို့ ဆိုလိုတယ်။

ခံစားမှု ဝေဒနာဆိုတာ သုံးမျိုးရှိတယ်။ အာရုံကောင်းတွေနဲ့ တွေ့တွေ့ပြီး ကိုယ်ထဲ စိတ်ထဲမှာ ကောင်းကောင်း သွားတာကို သုခဝေဒနာလို့ ခေါ်တယ်။ အာရုံဆိုးတွေနဲ့ တွေ့တွေ့ပြီး ကိုယ်ထဲ စိတ်ထဲမှာ အနေဆိုး အခံခက်သွားတာကို ဒုက္ခဝေဒနာလို့ ခေါ်တယ်။ မဆိုးမကောင်း အလယ်အလတ် နေသာရုံဖြစ်နေတာကိုတော့ ဥပက္ခော ဝေဒနာလို့ ခေါ်တယ်။

ဒီဝေဒနာဟာ နာမ်တရားထဲမှာဆိုရင် အထူးထင်ရှားတဲ့ တရားတစ်မျိုးပဲ။ ပြီးတော့ သူ့ကို အမှန်အတိုင်း သိဖို့လဲ အလွန် အရေးကြီးပါတယ်။ ဘာကြောင့်လဲဆိုတော့ လောကမှ သတ္တ၀ါတွေက ဒီခံစားမှုကလေးကို အမှန်အတိုင်း မသိကြတဲ့ အတွက် အလွန် အထင်ကြီး နေကြတယ်။ ဒီခံစားမှုကိုပဲ သတ္တ၀ါကောင်လို့ ထင်နေကြတယ်။ ဧရာမ ချမ်းသာကြီးလို့ပဲ ထင်နေကြတယ်။ ကောင်းစား ချမ်းသာမှု ကလေးတွေ ဖြစ်နေတဲ့ အခါမှာဆိုရင် ငါကောင်းနေတယ်။ ငါချမ်းသာနေတယ် လို့ ဒီလိုထင်နေကြတယ်။ ဆင်းရဲမှုကလေးတွေ ဖြစ်နေတဲ့ အခါမှာလဲ ငါဆင်းရဲနေတယ်လို့ ဒီလိုထင်နေကြပြန်တယ်။

ဒီလို ထင်နေကြတဲ့ အတွက် ငါကောင်းစား ချမ်းသာရအောင် ငါနဲ့ စပ်တဲ့ သူကလေးတွေ ကောင်းစား ချမ်းသာရအောင် ဒီလိုရည်ရွယ်ပြီး အမျိုးမျိုး ရှာကြံ အားထုတ် နေကြရတယ်။ အိပ်ရာ နိုးကတည်းကစပြီး တစ်နေလုံး တစ်ညလုံး အချိန်နာရီရှိတိုင်း ငါချမ်းသာဖို့ ငါနဲ့ စပ်တဲ့လူတွေ ချမ်းသာဖို့ ကြံစည်အားထုတ် နေကြရတယ်။ ဒီလိုအားထုတ်ပေမဲ့ အားထုတ်တိုင်း လဲ ချမ်းသာတာတော့ မဟုတ်ပါဘူး။ ကိုယ်ထင်ကြေးနဲ့ မကိုက်ဘဲ ဆင်းရဲဒုက္ခရောက်နေကြတာတွေ အများကြီးပါပဲ။ ဒါကြောင့် သတ္တ၀ါတွေဟာ တလှုပ်လှုပ်တရွရွနဲ့ ဒုက္ခတွေရောက်နေကြတာပဲ။

အပါယ်လေးပါးကို ကျရတာလဲ ဒီခံစားမှုကို အမှန်အတိုင်းမသိလို့ပဲ။ဘ၀အသစ် အသစ်တွေဖြစ်ပြီး အိုရ၊ နာရ၊ သေရ၊ စိုးရိမ်ပူဆွေးရ ငိုကြွေးရဆိုတဲ့ ဒီလိုဘေးဆိုး ဒုက္ခဆိုးကြီးတွေနဲ့ ရင်ဆိုင်တွေ့နေကြရတာတွေလဲ တခြားကြောင့် မဟုတ်ပါဘူး။ မရှုမမှတ်လို့ပါပဲ။ ဒါကြောင့် ဒီခံစားမှုကို အမှန်အတိုင်း သိအောင် ရှုမှတ်ဖို့ရာ အလွန်ပဲ အရေးကြီးပါတယ်။ ဒီလိုအရေးကြီးတဲ့ အတွက်ပဲ မြတ်စွာဘုရားက ဒီဝေဒနာနုပဿာနာ ကို သုတ်ပေါင်းများစွာမှာ အကြိမ်ကြိမ် အထပ်ထပ် ဟောထားခဲ့တယ်။ မဟာသတိပဋ္ဌာနသုတ် မှာဆိုရင် ဒီဝေဒနာ ၉ မျိုးခွဲခြားပြီး ဟောကြားခဲ့တယ်။ ခွဲခြားပုံကတော့ သုခ၊ ဒုက္ခ၊ ဥပေက္ခာလို့ ဒီလိုသာမန်ဝေဒနာက သုံးမျိုး၊ သာမိသ သုခ၊ သာမိသ ဒုက္ခ၊ သာမိသ ဥပေက္ခာ လို့ ဒီလိုသာမိသ ဝေဒနာက သုံးမျိုး နိရာမိသ သုခ၊ နိရာမိသ ဒုက္ခ၊ နိရာမိသ ဥပေက္ခာလို့ ဒီလို နိရာမိသ ဝေဒနာသုံးမျိုး ဒီလိုသုံးမျိုးသုံးလီ ၉ မျိုးခွဲခြားပြီး ဟောထားတယ်။ ဒီလို၉ မျိုးထဲမှာ ပထမဆုံး သုခဝေဒနာ ရှုပုံကို ဒီလို ဟောထားတယ်။

သုခံဝါ ဝေဒနံ ဝေဒယမာနော- ချမ်းသာတဲ့ ခံစားမှကို ခံစားလျှင်လဲ၊ သုခံဝေဒနံ ဝေဒယာ မီတိ- ချမ်းသာတဲ့ ခံစားမှုကို ခံစားရသည်ဟု ပဇာနာတိ- သိ၏ တဲ့။


ကိုယ်ထဲမှာ စိတ်ထဲမှာ ချမ်းသာမှုဖြစ်ပေါ်ရင်လဲ အဲဒီချမ်းသာမှုကို စူးစိုက်ပြီး ချမ်းသာတယ်၊ ချမ်းသာတယ်လို့ ဒီလိုရှုမှတ်ပြီး သိရမယ်တဲ့။ ချမ်းသာတယ်ဆိုတဲ့ စကားကတော့ စာသုံးစကားပဲ။ အရပ်သုံးစကားဆိုရင်တော့ ကိုယ်ထဲက ချမ်းသာမှုကို နေသာတယ်လို့လဲ ခေါ်ရတယ်။ စိတ်ထဲက ချမ်းသာမှုကိုတော့ ၀မ်းသာတယ်၊ ပျော်ရွှင်တယ် စသည်ဖြင့်လဲ ခေါ်ရပါတယ်။ အများအားဖြင့်ဆိုရင်တော့ အဲဒီချမ်းသာ ၂ မျိုးလုံးကို ကောင်းတယ်လို့ပဲ ခေါ်ဝေါ် ပြောဆိုလေ့ ရှိကြပါတယ်။ ဒါကြောင့် အဲဒီချမ်းသာမှုကို ကိုယ်ခေါ်နေကျအတိုင်း နေသာတယ် နေသာတယ်လို့လဲ ရှုမှတ်နိုင်ပါတယ်။ ၀မ်းသာတယ် ၀မ်းသာတယ် စသည်ဖြင့်လဲ ရှုမှတ်နိုင်ပါတယ်။ ကောင်းတယ် ကောင်းတယ်လို့လဲ ရှုမှတ်နိုင်ပါတယ်။

ယခုပြောခဲ့တဲ့ အတိုင်း ချမ်းသာမှုကို စူးစိုက်ပြီး ရှုမှတ်နေရင် အဲဒီချမ်းသာမှု သုခဝေဒနာကို သဘော အမှန်အတိုင်း သိတယ်။ အဲဒီလို သုခဝေဒနာရဲ့ သဘောအမှန်ကို သိတာဟာ ဝေဒနာနုပဿနာ ပါပဲ။ ဒီနေရာမှာ သဘောအမှန်ကို သိတယ် ဆိုတာက "လောကီသုခသဟဂုတ်စိတ် ၃၁ မှာရှိတဲ့ ဝေဒနာကို သုခဝေဒနာ ခေါ်တယ် "လို့ ဒီလိုသုတမယ ဥာဏ်လောက်နဲ့ မှန်းဆဆင်ခြင်ပြီး သိတာမျိုးကို ဆိုလိုတာ မဟုတ်ဘူး။

ကိုယ်သန္တန်မှာ တကယ်ဖြစ်ပေါ်နေတဲ့ ခံစားမှုကလေးကို ရှုမှတ်ပြီးတော့ သေသေချာချာ သိသိသွားတာကို ဆိုလိုတယ်။ ဒါကြောင့် သတိပဋ္ဌာနသုတ် ပါဠိတော်မှာ ဝေဒယမာနော - ခံစားနေတုန်း သိရမယ် လို့ ဆိုထားတာပေါ့။ ဒီလိုတကယ်ဖြစ်နေတဲ့ ခံစားမှုကို လက်နဲ့ ကိုင်ကြည့်သလို သေသေချာချာ သိနေရင် ကျမ်းဂန်အဆိုတွေ စာညွှန်းတွေနဲ့ ထပ်ပြီး ဆင်ခြင်နေဖို့ မလိုတော့ပါဘူး။ ဥပမာ ဆင်ကောင်ကြီးကိုလဲ သေသေချာချာ တွေ့မြင်နေတဲ့ လူမှာ ဆင်ရုပ်ရေးကြည့်ဖို့ မလိုတော့သလိုပါပဲ။

သို့ပေမဲ့ မသိနားမလည်သေးတဲ့ ပုဂ္ဂိုလ်တွေကတော့ ဒီလိုမေးစရာရှိတယ်။ ဘယ်လိုလဲဆိုတော့ "ချမ်းသာရင် ချမ်းသာတယ် လို့သိတာ ကောင်းရင် ကောင်းတယ်လို့ သိတာဟာ လူတိုင်း လူတိုင်း သိနေတာမျိုးပဲ မဟုတ်လား၊ လူကြီးတွေတင် မကသေးဘူး။ နို့စို့ ကလေးသူငယ်များ တောင်မှ ဒီလိုပဲ သိနေကြမယ် မဟုတ်လား၊ ဒီတော့ ရှုမှတ်ပြီးသိတာနဲ့ မရှုမှတ်ဘဲ အလိုလိုသိနေတာဟာ အတူတူပဲ မဟုတ်ပေဘူးလား" လို့ ဒီလိုမေးစရာရှိတယ်။ မေးဆိုတာကတော့ မသိနားမလည်တဲ့လူတွေရဲ့ လုပ်ငန်းစဉ်ပဲ မသိမေး မစင်ဆေးဆိုတဲ့ လောက ပရိယာယ် ဘာသာစကား အတိုင်းပဲ မသိရင်တော့ မေးကြပေလိမ့်မယ်။ ဒီလိုမေးတော့ သိတဲ့ ပုဂ္ဂိုလ်က ဖြေရှင်းရုံ ရှိတာကိုး။ ဒါကြောင့် ဒီနေရာမှာ ဘုရားရှင်ရဲ့ ရည်ရွယ်ချက်တို့ကိုလဲ အဋ္ဌကထာဆရာက ဖြေရှင်းထားပါတယ်။ ဟော သူပြောဆိုပုံကို ယခု နားထောင်ကြရမယ်။

အဋ္ဌကထာဆရာ၏ ဖြေရှင်းချက်

လူကြီးတွေတွင် မကဘူး၊ နို့စို့ကလေးသူငယ်များတောင်မှ ချမ်းသာတယ် ကောင်းတယ်လို့ သိကြတာကတော့ မှန်ပါတယ်တဲ့၊ သို့ပေမဲ့ မရှုမမှတ်ရဘဲ အလိုလိုသိနေတာနဲ့ ရှုမှတ်ပြီး သိတာကတော့ မတူပါဘူးတဲ့။ ပြောင်းပြန်ကို ထူးခြားနေပါတယ်တဲ့။ ထူးခြားပုံကတော့ ရှုမှတ်မှု မရှိတဲ့ လူတွေဆိုတာဟာ လူကြီးပဲဖြစ်ဖြစ် ကလေးပဲဖြစ်ဖြစ် သိပုံချင်း အတူတူပါပဲ။ လူကြီးက ပိုပြီးထူးထူးခြားခြား သိတယ်လို့ ဂုဏ်မယူနိုင်ပါဘူး။ အဲ သူတို့ အကုန်လုံးဟာ နိစ္စသုခ အတ္တ အနေနဲ့ချည်း သိနေကြတာပါပဲ။ သူတို့ရဲ့သိပုံကို စစ်ဆေးပြရလျှင် ရှုမှတ်မှုကင်းတဲ့ သူတွေဟာ ချမ်းသာကို သိတယ်ဆိုပေမဲ့ အဲဒီချမ်းသာမှုကို ဖြစ်ပေါ်တိုင်း ဖြစ်ပေါ်တိုင်းလဲ သိကြတာမဟုတ်ပါဘူး။ အများအားဖြင့် ဆိုရင် နေ့ရော ဥာဥ့်ပါ အခါခပ်သိမ်း တခြားတစ်ပါးတွေကို ကြံစည်စဉ်းစားရင်း အချိန်ကုန်နေတာကသာ များကြပါတယ်။ တစ်ခါတစ်ရံလောက်ပဲ သိနိုင်ကြပါတယ်။ ဒီလိုသိပြန်တော့လဲ ခံစားမှု သဘောတရားအနေနဲ့ မသိကြ မထင်ကြပါဘူး။ "ငါချမ်းသာနေတယ်၊ ငါကောင်းနေတယ်" လို့ ဒီလိုအတ္တကောင် အနေနဲ့သာ ထင်မြင်စွဲလမ်းနေကြပါတယ်။ ပြီးတော့ အသစ်အသစ် ဖြစ်ဖြစ်ပြီး တစ်ခဏချင်း ပျက်ပျက်သွားတဲ့ အနေ မမြဲတဲ့ အနေနဲ့ လဲ မသိကြ မထင်ကြပါဘူး။ "အလျင်က ရှိနေတဲ့ ငါကပဲ ယခု ချမ်းသာကောင်းစားနေတယ်"လို့ ဒီလိုမြဲတဲ့ အနေနဲ့သာ ထင်မြင်စွဲလန်းနေကြတယ်။ ဒီတော့ ဒီလိုအသိဟာ အတ္တကောင် ငါကောင်လို့ ထင်နေတဲ့ မူလက အသိအစွဲနဲ့ အတူတူပဲ မဟုတ်လား။ အတူတူဖြစ်တဲ့ အတွက် အတ္တကောင် ငါကောင်လို့ ထင်နေတဲ့ မူလက အသိအစွဲကို မပယ်နိုင်တဲ့ပြင် သူက ထပ်ပြီးတော့တောင် ထောက်ခံချက်ပေးနေပါသေးတယ်။ ဒါကြောင့် ရှုမှတ်ခြင်း မရှိဘဲနဲ့ အလိုလိုသိနေတယ် ဆိုတဲ့ ဒီလိုအလေ့ပေါက် အသိမျိုးဟာ ကမ္မဋ္ဌာန်းလဲ မဖြစ်ဘူး၊ သတိပဋ္ဌာန်ဘာဝနာလဲ မဖြစ်ဘူး။ ဒီလိုအသိမျိုးကို မြတ်စွာဘုရားက ရည်လဲမရည်ရွယ်ပါဘူးတဲ့။

အနို့ ဒါဖြင့် ဘယ်လိုအသိကို ရည်ရွယ်ပါသလဲဆိုတော့ ကိုယ်ထဲစိတ်ထဲ မှာ ဖြစ်ပေါ်လာတဲ့ ချမ်းသာမှု ကောင်းစားမှုကလေးတွေကို ဖြစ်ပေါ်တိုင်း ဖြစ်ပေါ်တိုင်း စူးစူးစိုက်စိုက် မပြတ်ရှုမှတ်သိနေတဲ့ ယောဂီရဲ့ အသိကိုသာ ရည်ရွယ်ပါတယ်တဲ့။ တည့်တည့် ပြောရရင် ကိုယ်ထဲ စိတ်ထဲ ချမ်းသာမှုကလေးတွေ ဖြစ်နေတဲ့ အခါမှာ ချမ်းသာတယ်ထင်ရင်လဲ ချမ်းသာတယ် ချမ်းသာတယ် လို့ မှတ်ရမယ်၊ ၀မ်းသာတယ် ထင်ရင်လဲ ၀မ်းသာတယ် ၀မ်းသာတယ်လို့ မှတ်ရမယ်။ ကောင်းတယ် ထင်ရင်လဲ ကောင်းတယ် ကောင်းတယ် လို့ မှတ်ရမယ်၊ ဒီလိုမှတ်ပြီး ချမ်းသာမှုရဲ့ သဘောမှန်ကို သိရမယ်လို့ ဆိုလိုပါတယ်.။ သဘောမှန်ကို သိတယ်ဆိုတာလဲ သဘာဝလက္ခဏာနဲ့သိတာရယ်၊ ရသနဲ့သိတာရယ် ပစ္စုပဋ္ဌာန်နဲ့ သိတာရယ် ပဒဋ္ဌာန်နဲ့ သိတာရယ် ပြီးတော့ အနိစ္စ၊ ဒုက္ခ၊ အနတ္တ လက္ခဏာတွေနဲ့ သိတာရယ် ဒီလိုသိတာကို ဆိုလိုပါတယ်တဲ့။

ဆက်ရန်....

Read more...

ပုဂ္ဂိုလ် လေးမျိုး...

၁...
'ဥဂ္ဃဋိတညူ' ပုဂ္ဂိုလ် ...

အကျဉ်းဟောပြကာ မျှဖြင့်
မဂ်ဖိုလ်ကို ရသော 'ဥဂ္ဃဋိတညူ' ပုဂ္ဂိုလ်ဟူသည် အဘယ်နည်း၊

အကြင်ပုဂ္ဂိုလ်အား (အကျဉ်း) ထုတ်ဆောင် ဟောပြအပ်သောအခါနှင့် တစ်ပြိုင် နက် (သစ္စာလေးပါး) တရားကို ထိုးထွင်း၍ သိခြင်းသည် ဖြစ်၏၊ ဤပုဂ္ဂိုလ်ကို အကျဉ်းဟောပြကာမျှဖြင့် မဂ်ဖိုလ်ကိုရသော 'ဥဂ္ဃဋိတညူ' ပုဂ္ဂိုလ်ဟူ၍ ဆိုအပ်၏။
148

၂...
'ဝိပဉ္စိတညူ' ပုဂ္ဂိုလ် ...

အကျယ်ဟောပြကာ မျှဖြင့်
မဂ်ဖိုလ်ကို ရသော 'ဝိပဉ္စိတညူ' ပုဂ္ဂိုလ်ဟူသည် အဘယ်နည်း၊

အကြင်ပုဂ္ဂိုလ်အား အကျဉ်းအားဖြင့် ဟောအပ်ပြီးသော ဒေသနာ၏ အနက်ကို အကျယ်အားဖြင့် ဝေဖန်အပ်သည်ရှိသော် (သစ္စာလေးပါး) တရားကို ထိုးထွင်း၍ သိခြင်းသည် ဖြစ်၏၊ ဤပုဂ္ဂိုလ်ကို အကျယ် ဟောပြကာမျှဖြင့် မဂ်ဖိုလ်ကို ရသော 'ဝိပဉ္စိတညူ' ပုဂ္ဂိုလ်ဟူ၍ ဆိုအပ်၏။149

၃...
'နေယျ' ပုဂ္ဂိုလ်...

ဥဒ္ဒေသစသည်ဖြင့် ဆောင်ပြ၍
တဖြည်းဖြည်း နောက်မှ မဂ်ဖိုလ်ကို ရသော 'နေယျ' ပုဂ္ဂိုလ်ဟူသည် အဘယ်နည်း၊

အကြင်ပုဂ္ဂိုလ်အား အကျဉ်း (ပါဠိ)အားဖြင့် လည်းကောင်း၊ အကျယ်(အဋ္ဌကထာ) အားဖြင့် လည်းကောင်း၊ သင့်လျော်လျောက် ပတ်စွာ နှလုံးသွင်းသောအားဖြင့် လည်းကောင်း၊ မိတ်ဆွေကောင်းတို့ကို မှီဝဲဆည်း ကပ်လျက် ချဉ်းကပ်သောအား ဖြင့် လည်းကောင်း ဤသို့ အစဉ်အတိုင်း (သစ္စာလေးပါး) တရားကို ထိုးထွင်း၍ သိခြင်းသည် ဖြစ်၏၊ ဤပုဂ္ဂိုလ်ကို ဥဒ္ဒေသစသည် ဖြင့် ဆောင်ပြ၍တဖြည်းဖြည်း နောက်မှ မဂ်ဖိုလ်ကို ရသော 'နေယျ' ပုဂ္ဂိုလ်ဟူ၍ ဆိုအပ်၏။150

၎...
'ပဒပရမ' ပုဂ္ဂိုလ်...

ပုဒ်ဗျည်းမျှသာ အတိုင်းအရှည်ရှိသော 'ပဒပရမ' ပုဂ္ဂိုလ်ဟူသည် အဘယ်နည်း၊

အကြင်ပုဂ္ဂိုလ်အား အကြိမ်များစွာ နာကြားသော်လည်း အကြိမ်များစွာ ပြောဟော ရွတ်ဆိုသော်လည်း အကြိမ်များစွာ ဆောင်ပြသော်လည်း အကြိမ်များစွာ သရ ဇ္ဈာယ်သော်လည်း ထိုကိုယ်၏ အဖြစ်၌ (သစ္စာလေးပါး) တရားကို ထိုးထွင်း၍ သိခြင်းသည် မဖြစ်၊ ဤပုဂ္ဂိုလ်ကို ပုဒ် ဗျည်း အတိုင်းအရှည်ရှိသော 'ပဒပရမ'ပုဂ္ဂိုလ် ဟူ၍ ဆိုအပ်၏။151

၎ - စတုက္ကပုဂ္ဂလပညတ်-မှ၊ နိဒ္ဒေသ၊ ပုဂ္ဂလပညတ်ပါဠိတော်၊ အဘိဓမ္မာပိဋက။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဗုဒ္ဓဓမ္မ နှလုံးလှ
Labels: အဘိဓမ္မာပိဋက

Read more...

*သူနာနှင့် တူသော ပုဂ္ဂိုလ် သုံးယောက်...*

သူနာနှင့် တူသော ပုဂ္ဂိုလ် သုံးယောက်...

၁...
ဤလောက၌ အချို့သော သူနာသည် သင့်တင့်သော အစာဘောဇဉ်တို့ကိုရသော် လည်းကောင်း, မရသော် လည်းကောင်း၊ သင့်တင့်သော ဆေးဝါးဓာတ်စာတို့ကို ရသော် လည်းကောင်း, မရသော်လည်းကောင်း၊ လျောက်ပတ်သော အလုပ် အကျွေးကို ရသော်လည်းကောင်း, မရသော်လည်းကောင်း ထိုအနာရောဂါမှ မထ။

၂...
ဤလောက၌ အချို့သော သူနာသည်ကား သင့်တင့်သော အစာဘောဇဉ်တို့ကို ရသော် လည်းကောင်း, မရသော်လည်းကောင်း၊ သင့်တင့်သော ဆေးဝါးဓာတ်စာ တို့ကို ရသော်လည်းကောင်း, မရသော် လည်းကောင်း၊ လျောက်ပတ်သော အလုပ် အကျွေးကို ရသော်လည်းကောင်း, မရသော်လည်းကောင်း ထိုအနာရောဂါမှ ထ၏။

၃...
ဤလောက၌ အချို့သော သူနာသည်ကား သင့်တင့်သော အစာဘောဇဉ်တို့ကို ရသော် ထိုအနာရောဂါမှ ထ၏။ မရသော် မထ၊ သင့်တင့်သော ဆေးဝါးဓာတ်စာတို့ ကို ရသော် ထိုအနာရောဂါမှ ထ၏။ မရသော်မထ၊ လျောက်ပတ်သော အလုပ် အကျွေးတို့ကိုရသော် ထိုအနာရောဂါမှ ထ၏။ မရသော်မထ။

ထိုဥပမာစကားရပ်၌ အကြင်သူနာသည် သင့်တင့်သော အစာဘောဇဉ် ဆေး အလုပ်အကျွေးတို့ကို ရသော် ထိုအနာရောဂါမှ ထ၏။ မရသော်မထ။ ဤသူနာကို ရည်ရွယ်၍ မြတ်စွာဘုရားသည် သူနာအား လျောက်ပတ်သော ဆွမ်း ဆေး အလုပ် အကျွေးကို ခွင့်ပြုတော်မူအပ်၏၊ ဤသူနာကို စွဲ၍ အခြားသော သူနာတို့ကိုလည်း လုပ်ကျွေးအပ်ကုန်၏။

ဤအတူသာလျှင်...
သူနာနှင့်တူသော ပုဂ္ဂိုလ်သုံးယောက်တို့သည် လောက၌ ထင်ရှားရှိကုန်၏။
သုံးယောက်တို့သည် အဘယ်တို့နည်းဟူမူကား-

၁...
ဤသာသနာတော်၌ အချို့သော ပုဂ္ဂိုလ်သည် ...
မြတ်စွာဘုရားကို ဖူးမြင်ခြင်းငှါ ရသော် လည်းကောင်း, မရသော် လည်းကောင်း၊ မြတ်စွာဘုရားသည် ဟောအပ်သော သုတ် အဘိဓမ္မာ ဝိနည်းကို ကြားနာခြင်းငှါ ရသော် လည်းကောင်း, မရသော် လည်းကောင်း၊ ကုသိုလ်တရားတို့၌ မဖောက် မပြန်သော သဘောရှိသော မိမိ၏ အခြားမဲ့၌ အကျိုးပေးသည်၏ အစွမ်းဖြင့် မြဲသော အရိယမဂ်သို့ မသက်ရောက်။

၂...
ဤသာသနာတော်၌ အချို့သော ပုဂ္ဂိုလ်သည် မြတ်စွာဘုရားကို ဖူးမြင်ခြင်းငှါ ရသော် လည်းကောင်း, မရသော် လည်းကောင်း၊ မြတ်စွာဘုရားသည် ဟောအပ် သော သုတ် အဘိဓမ္မာ ဝိနည်းကို ကြားနာခြင်းငှါ ရသော်လည်းကောင်း, မရသော် လည်းကောင်း၊ ကုသိုလ်တရားတို့၌ မဖောက်မပြန်သော သဘောရှိသော မိမိ၏ အခြားမဲ့၌ အကျိုးပေးသည်၏ အစွမ်းဖြင့် မြဲသော အရိယမဂ်သို့ သက်ရောက်၏။

၃...
ဤသာသနာတော်၌ အချို့သော ပုဂ္ဂိုလ်သည် မြတ်စွာဘုရားကို ဖူးမြင်ခြင်းငှါ ရသော် ကုသိုလ်တရားတို့၌ မဖောက်မပြန်သော သဘောရှိသော မိမိ၏ အခြားမဲ့၌ အကျိုးပေးသည်၏ အစွမ်းဖြင့် မြဲသော အရိယမဂ်သို့ သက်ရောက်၏၊ မရသော် မသက်ရောက်။ မြတ်စွာဘုရားသည် ဟောအပ်သော သုတ် အဘိဓမ္မာ ဝိနည်းကို ကြားနာရသော် ကုသိုလ်တရားတို့၌ မဖောက်မပြန်သော သဘောရှိသော မိမိ၏ အခြားမဲ့၌ အကျိုးပေးသည်၏ အစွမ်းဖြင့် မြဲသော အရိယမဂ်သို့ သက်ရောက်၏၊ မရသော် မသက်ရောက်။

ထိုပုဂ္ဂိုလ်သုံးယောက်တို့တွင် ...
အကြင်ပုဂ္ဂိုလ်သည် မြတ်စွာဘုရားကို ဖူးမြင်ခြင်းငှါရသော် ကုသိုလ်တရားတို့၌ မဖောက်မပြန်သော သဘောရှိသော မိမိ၏အခြားမဲ့၌ အကျိုးပေးသည်၏ အစွမ်း ဖြင့် မြဲသောအရိယမဂ်သို့ သက်ရောက်၏၊ မရသော်မသက်ရောက်။ မြတ်စွာဘုရား သည် ဟောအပ်သော သုတ် အဘိဓမ္မာ ဝိနည်းကို ကြားနာခြင်းငှါရသော် ကုသိုလ် တရားတို့၌ မဖောက်မပြန်သော သဘောရှိသော မိမိ၏ အခြားမဲ့၌ အကျိုးပေးသည် ၏ အစွမ်းဖြင့် မြဲသော အရိယမဂ်သို့ သက်ရောက်၏၊ မရသော် မသက်ရောက်။ ဤပုဂ္ဂိုလ်ကို အကြောင်းပြု၍ မြတ်စွာဘုရားသည် တရားဟောခြင်းကို ခွင့်ပြုတော် မူအပ်၏၊ ဤပုဂ္ဂိုလ်ကို အကြောင်းပြု၍ အခြားပုဂ္ဂိုလ်တို့အားလည်း တရားကို ဟောအပ်၏၊

လူနာနှင့်တူသော ဤပုဂ္ဂိုလ်သုံးယောက်တို့သည် လောက၌ ထင်ရှားရှိကုန်၏။ 94

တိကပုဂ္ဂလပညတ်၊ နိဒ္ဒေသ၊ ပုဂ္ဂလပညတ်ပါဠိတော်၊ အဘိဓမ္မာပိဋက။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

ဗုဒ္ဓဓမ္မ နှလုံးလှ
Labels: အဘိဓမ္မာပိဋက

Read more...