* သဗ္ဗဒါနံ ဓမ္မဒါနံ ဇိနာတိ၊ * သဗ္ဗရသံ ဓမ္မရသော ဇိနာတိ။

* သဗ္ဗဒါနံ ဓမ္မဒါနံ ဇိနာတိ၊     * သဗ္ဗရသံ ဓမ္မရသော ဇိနာတိ။

နမတ္ထု ဗုဒ္ဓါနံ နမတ္ထု ဗောဓိယာ။ နမော ဝိမုတ္တာနံ၊ နမော ဝိမုတ္တိယာ။

ဘုရားရှင်တို့ အား ရှိခိုးပါ၏။
ဘုရားရှင်တို့ ၏ မဂ်ဥာဏ် ဖိုလ်ဥာဏ်အား ရှိခိုးပါ၏။
ကိလေသာတို့ မှ လွတ်မြောက်တော်မူကြသော ဘုရားရှင်တို့ အား ရှိခိုးပါ၏။
ထိုဘုရားရှင်တို့ ၏ ဝိမုတ္တိငါးပါးအား ရှိခိုးပါ၏။

ကရုဏာလက်များ ကမ်းလင့်ပေးပါ...

ကရုဏာလက်များ ကမ်းလင့်ပေးပါ...
စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။

ပညာရေးအလှူတော် နှိုးဆော်ချက်


ရန်ကုန်မြို့ အသောကာရာမ သီလရှင်စာသင်တိုက်မှ နဝမတန်း ဖြေဆိုမည့် သီလရှင် ဆရာလေးများအတွက် ဆရာ၊ ဆရာမများ လစဉ် ထားပေးနိုင်ရန် ပညာရေးအလှူရှင်များ လိုအပ်နေပါသည်။ ရွှေစေတီ ဘုန်းတော်ကြီးသင်ပညာရေးကျောင်းတွင်လည်း ဆင်းရဲနွမ်းပါးသည့် ၉ တန်းနှင့် ၁၀ တန်း ကျောင်းသားများ ကျောင်းအိပ်ကျောင်းစား နေထိုင်ပညာဆည်းပူးနိုင်ရေးအတွက် ကူညီထောက်ပံ့မည့် ကုသိုလ်ရှင်များ လိုအပ်လျက် ရှိပါသည်။ စေတနာရှင် အလှူရှင်များ အနေဖြင့် ထေရဝါဒ ဗုဒ္ဓဘာသာ လူငယ်များအသင်း http://www.mmtheravada.org ဖုန်း
09-73062811, 09-5505176 သို့ ဆက်သွယ်လှူဒါန်းကြစေလိုပါသည်။

သီလရှင် ဆရာလေးများနှင့် ကလေးများ ဇွန်လအမီ ကျောင်းတက်နိုင်ရေးအတွက် ကာလဒါန ကုသိုလ်အဖြစ် သဒ္ဓါတတ်အား နည်းများမဆို လှူဒါန်းကူညီကြပါရန် နှိုးဆော်အပ်ပါသည်။

ဝိမုတ္တိရသ အဖွဲ့သားများ

------------------------
နောက်ဆက်တွဲသတင်း.....

ပညာရေးအလှူတော်လှူဒါန်းမည့်အစီအစဉ်

ထေရ၀ါဒဗုဒဘာသာ လူငယ်များ အသင်းမှ ဦးစီး၍ (၂၀၁၁) ခုနှစ်တွင် န၀မတန်းသို့ တက်ရောက်မည့် ကျောင်းသား (၂၅) ယောက်နှင့် ကျောင်းသူ (၂၅) ယောက်အား ပညာရေးထောက်ပံ့မှုပြုလုပ်ပေးနိုင်ရန် စီစဉ်ထားပါသည်။

ပြုလုပ်မည့်အစီအစဉ်

ကျောင်းသားများအား ရွှေစေတီဘုန်းကြီးကျောင်း (ဆရာတော် ဦးတေဇန္ဒိ၊ ခ/(၃) ရက်ကွက်၊ ရွှေစေတီကျောင်း၊ မင်္ဂလာဒုံမြို့နယ်) တွင်ထားရှိမည်ဖြစ်ပြီး ကျောင်းသားများသည် မိမိတို့ ဆန္ဒအလျောက် ကိုရင်ဝတ်လိုကလည်း ၀တ်နိုင်ပါသည်။ ကျောင်းသူများအား အသောကာရာမ သီလရှင်စာသင်တိုက် (ဆရာလေးဒေါ်သုနန္ဒာ (ဖုန်း-၀၉-၈၆၂၈၈၁၁)၊ ၀ါယာလက်ဈေးမှတ်တိုင်၊ ရွှေနှင်းဆီရပ်ကွက်၊ မင်္ဂလာဒုံမြို့နယ်) တွင်ထားရှိပါမည်။ အသောကာရာမကျောင်းမှ သီလရှင်များသာလက်ခံသည်ဖြစ်၍ ကျောင်းသူများမှာ သီလရှင်ဝတ်ရပါမည်။ သီလရှင်များတက်ရောက်ရမည့် အ.ထ.က ကျောင်းမှာ အသောကာရာမ ကျောင်းမှလက်ရှိ သီလရှင်များ တက်ရောက်နေသော ကျောင်းဖြစ်၍ ပညာသင်ကြားမှုတွက် အခက်အခဲ မရှိနိုင်ပါ။ စာသင်သူများ စားဝတ်နေရေးအဆင်ပြေစေရန် ဆန်အိတ်လှူခြင်း နှင့် အခြားလိုအပ်သည်များ လှူဒါန်းခြင်းတို့ဖြင့် လစဉ် ထောက်ပံ့သွားမည်ဖြစ်ပါသည်။ သီလရှင်နှင့် ကျောင်းသားများ အောင်မြင်စွာ ပညာသင်ကြားနိုင်ရေး အတွက် အနီးကပ်စာပြပေးမည့် ဆရာမ (၆) ဦးအား တစ်လလျှင် (၅) သောင်းကျပ်ဖြင့် ငှါးရမ်းပေးရန် စီစဉ်ထားပါသည်။ ပညာရေးအလှူအား စေတနာရှင်များမှလည်း ပါဝင် လှူဒါန်းနိုင်ပါသည်။ ကောက်ခံရရှိသော အလှူငွေများအား ဘဏ်စာအုပ်ထားရှိ၍ ငွေစာရင်းရှင်းတမ်းအား လစဉ်ဖော်ပြသွားမည် ဖြစ်ပါသည်။ ကျောင်းသား/ကျောင်းသူများ၏ မှတ်တမ်းများအား အလှူရှင်များထံသို့လည်း ပေးပို့သွားပါမည်။ အသေးစိတ်ဆောင်ရွက်မည့် အချက်အလက်များအားလည်း ဆက်လက်ဖော်ပြသွားပါမည်။

လျောက်ထားမည့် သူများ ပြည့်စုံရမည့်အချက်များမှာ

(က) ကျောင်းသူများမှာ သီလရှင်ဝတ်နိုင်ရပါမည်။

(ခ ) မိဘများမှ နေထိုင်ရန်ခွင့် ပြုသူဖြစ်ရပါမည်။

(ဂ ) စာသင်သားများနေထိုင်မည့် ကျောင်းတွင်း စည်းကမ်းများကို တိကျစွာလိုက်နာရပါမည်။

(ဃ) ကျောင်းထားရန် အမှန်တကယ်အခက်အခဲ ရှိနေသူဖြစ်ရပါမည်။

အထက်ပါအချက်အလက်များနှင့် ပြည့်စုံသူများသည် ထေရ၀ါဒဗုဒ္ဓဘာသာလှူငယ်များ အသင်းသို့ ဆက်သွယ်မေးမြန်းနိုင်ပါသည်။ (http://mmtheravada.org)

ဆက်သွယ်ရန်လိပ်စာ

ကိုထွန်းထွန်းလှိုင်

ဖုန်း ၀၉-၇၃၀၆၂၈၁၁

htunhtunhlaing82@gmail.com

winthu.tbyo@gmail.com

thantzin83@gmail.com

Wednesday, April 1, 2009

ရဟန်းတို့ ပျင်းရိခြင်း၏ အကြောင်း ...

ကုသီတာရမ္ဘဝတ္ထုသုတ်-မှ
(ကုသီတာ=ပျင်းရိသည့်အဖြစ်။ ရမ္ဘာ=မွေ့လျော်သည်၊ နတ်သမီး)

ရဟန်းတို့ ပျင်းရိခြင်း၏ အကြောင်းတို့သည် ဤရှစ်မျိုးတို့တည်း။

အဘယ်ရှစ်မျိုးတို့နည်းဟူမူ-

၁...
ရဟန်းတို့ ဤသာသနာတော်၌ ရဟန်းသည် အမှုကိစ္စကို ပြုလုပ်ရမည် ဖြစ်၏၊
ထိုရဟန်းအား ''ငါသည် အမှုကိစ္စကို ပြုလုပ်ရတော့မည်၊ အမှုကိစ္စကို ပြုလုပ်သော ငါ၏ ကိုယ်သည် ပင်ပန်းလိမ့်မည်၊ ယခု ငါသည် အိပ်ဦးမည်'' ဟု စိတ်ဖြစ်၏။ ထို ရဟန်းသည် အိပ်၏၊ မရောက်ရသေးသော တရားသို့ ရောက်ရန် မရသေးသည့် တရားကိုရရန် မျက်မှောက် မပြုရသေးသည့် တရားကို မျက်မှောက်ပြုရန် ဝီရိယကို အားမထုတ်။
ရဟန်းတို့ ဤသည်ကား ပဌမ ပျင်းရိခြင်း၏ အကြောင်းတည်း။

၂...
ရဟန်းတို့ နောက်တစ်မျိုးကား ရဟန်းသည် အမှုကိစ္စကို ပြုလုပ်ပြီး ဖြစ်၏၊
ထိုရဟန်းအား ''ငါသည် အမှုကိစ္စကို ပြုလုပ်ပြီးပြီ၊ အမှုကိစ္စကို ပြုလုပ်ပြီးသော ငါ၏ ကိုယ်သည် ပင်ပန်း၏၊ ယခု ငါသည် အိပ်ဦးမည်'' ဟု စိတ်ဖြစ်၏။ ထိုရဟန်းသည် အိပ်၏၊ မရောက်ရသေးသော တရားသို့ ရောက်ရန် မရသေးသည့် တရားကို ရရန် မျက်မှောက် မပြုရသေးသည့် တရားကို မျက်မှောက်ပြုရန် ဝီရိယကို အားမထုတ်။
ရဟန်းတို့ ဤသည်ကား ဒုတိယ ပျင်းရိခြင်း၏ အကြောင်းတည်း။

၃...
ရဟန်းတို့ နောက်တစ်မျိုးကား ရဟန်းသည် ခရီးသွားရတော့မည် ဖြစ်၏၊
ထိုရဟန်းအား ''ငါသည် ခရီးသွားရတော့မည်၊ ခရီးသွားနေသော ငါ၏ ကိုယ်သည် ပင်ပန်းလိမ့်မည်၊ ယခု ငါသည် အိပ်ဦးမည်''ဟု စိတ်ဖြစ်၏။ ထိုရဟန်းသည် အိပ်၏၊ မရောက်ရသေးသော တရားသို့ရောက်ရန် မရသေးသည့် တရားကိုရရန် မျက် မှောက် မပြုရသေးသည့် တရားကို မျက်မှောက်ပြုရန် ဝီရိယကို အားမထုတ်။
ရဟန်းတို့ ဤသည်ကား တတိယ ပျင်းရိခြင်း၏ အကြောင်းတည်း။

၎...
ရဟန်းတို့ နောက်တစ်မျိုးကား ရဟန်းသည် ခရီးသွားပြီး ဖြစ်၏၊
ထိုရဟန်းအား ''ငါသည် ခရီးသွားပြီးပြီ၊ ခရီးသွားပြီးသော ငါ၏ ကိုယ်သည် ပင်ပန်း ၏၊ ယခု ငါသည် အိပ်ဦးမည်'' ဟု စိတ်ဖြစ်၏။ ထိုရဟန်းသည် အိပ်၏၊ မရောက်ရ သေးသော တရားသို့ ရောက်ရန် မရသေးသော တရားကို ရရန် မျက်မှောက် မပြုရ သေးသည့် တရားကို မျက်မှောက်ပြုရန် ဝီရိယကို အားမထုတ်။
ရဟန်းတို့ ဤသည်ကား စတုတ္ထ ပျင်းရိခြင်း၏ အကြောင်းတည်း။

၅...
ရဟန်းတို့ နောက်တစ်မျိုးကား ရဟန်းသည် ရွာသို့ လည်းကောင်း၊ နိဂုံးသို့ လည်း ကောင်း ဆွမ်းခံသွားသည်ရှိသော် ကြမ်းသည်လည်း ဖြစ်သော, နုသည်လည်း ဖြစ်သော ဆွမ်းဘောဇဉ်ကို အလိုရှိတိုင်း ပြည့်စုံအောင် မရ၊ ထိုရဟန်းအား ''ငါ သည် ရွာသို့ လည်းကောင်း၊ နိဂုံးသို့ လည်းကောင်း ဆွမ်းခံသွားသည်ရှိသော် ကြမ်းသည်လည်း ဖြစ်သော, နုသည်လည်း ဖြစ်သော ဆွမ်းဘောဇဉ်ကို အလိုရှိ တိုင်း ပြည့်စုံအောင် မရခဲ့၊ ဆွမ်းခံသွားသော ထိုငါ၏ ကိုယ်သည် ပင်ပန်း၏၊ အမှုကိစ္စ ပြုလုပ်ရန် မလျောက်ပတ်သေး၊ ယခု ငါသည် အိပ်ဦးမည်'' ဟု စိတ်ဖြစ် ၏။ ထိုရဟန်းသည် အိပ်၏၊ ဝီရိယကို အားမထုတ်။
ရဟန်းတို့ ဤသည်ကား ပဉ္စမ ပျင်းရိခြင်း၏ အကြောင်းတည်း။

၆...
ရဟန်းတို့ နောက်တစ်မျိုးကား ရဟန်းသည် ရွာသို့ လည်းကောင်း၊ နိဂုံးသို့ လည်း ကောင်း ဆွမ်းခံသွားသည်ရှိသော် ကြမ်းသည်လည်း ဖြစ်သော နုသည်လည်း ဖြစ်သော ဆွမ်းဘောဇဉ်ကို အလိုရှိတိုင်း ပြည့်စုံအောင် ရခဲ့၏၊ ထိုရဟန်းအား ''ငါ သည် ရွာသို့ လည်းကောင်း၊ နိဂုံးသို့ လည်းကောင်း ဆွမ်းခံသွားသည်ရှိသော် ကြမ်းသည်လည်း ဖြစ်သော နုသည်လည်း ဖြစ်သော ဆွမ်းဘောဇဉ်ကို အလိုရှိ တိုင်း ပြည့်စုံအောင် ရခဲ့၏၊ ထိုငါ၏ ကိုယ်သည် လေး၏၊ အမှုကိစ္စကို ပြုလုပ်ရန် မလျောက်ပတ်သေး၊ စိုစွတ်သော ပဲကဲ့သို့ လေး၏၊ ယခု ငါသည် အိပ်ဦးမည်'' ဟု စိတ်ဖြစ်၏။ ထိုရဟန်းသည် အိပ်၏၊ ဝီရိယကို အားမထုတ်။
ရဟန်းတို့ ဤသည်ကား ဆဋ္ဌ ပျင်းရိခြင်း၏ အကြောင်းတည်း။

၇...
ရဟန်းတို့ နောက်တစ်မျိုးကား ရဟန်းအား အနည်းငယ်မျှသော အနာရောဂါသည် ဖြစ်၏၊ ထိုရဟန်းအား ''ငါ့အား အနည်းငယ်မျှသော ဤအနာရောဂါသည် ဖြစ်၏၊ အိပ်ခြင်းငှါ လျောက်ပတ်၏၊ ယခု ငါသည် အိပ်ဦးမည်'' ဟု စိတ်ဖြစ်၏။ ထိုရဟန်း သည် အိပ်၏၊ ဝီရိယကို အားမထုတ်။
ရဟန်းတို့ ဤသည်ကား သတ္တမ ပျင်းရိခြင်း၏ အကြောင်းတည်း။

၈...
ရဟန်းတို့ နောက်တစ်မျိုးကား ရဟန်းသည် အနာရောဂါမှ ထမြောက်၏၊ အနာ ရောဂါမှ ထမြောက်၍ မကြာသေးချေ၊ ထိုရဟန်းအား ''ငါသည် အနာရောဂါမှ ထ မြောက်၏၊ အနာရောဂါမှ ထမြောက်၍ မကြာသေး၊ ထိုငါ၏ ကိုယ်သည် အားမရှိ၊ အမှုကိစ္စ ပြုလုပ်ရန် မလျောက်ပတ်သေး၊ ယခု ငါ အိပ်ဦးမည်'' ဟု စိတ်ဖြစ်၏။ ထိုရဟန်းသည် အိပ်၏၊ မရောက်ရသေးသည့် တရားသို့ ရောက်ရန် မရသေးသည့် တရားကို ရရန် မျက်မှောက် မပြုရသေးသည့် တရားကို မျက်မှောက်ပြုနိုင်ရန် ဝီရိယကို အားမထုတ်။
ရဟန်းတို့ ဤသည်ကား အဋ္ဌမ ပျင်းရိခြင်း၏ အကြောင်းတည်း။

ရဟန်းတို့ ပျင်းရိခြင်း၏ အကြောင်းတို့သည် ဤရှစ်မျိုးတို့တည်း။၈၀

သူနှင့်အပြန်သည်ကား မွေ့လျော်သောသူဖြစ်ပေ၏...။

၁ဝ - ကုသီတာရမ္ဘဝတ္ထုသုတ်-မှ၊ ယမက၀ဂ်၊ အဋ္ဌကနိပါတ်၊ အင်္ဂုတ္တိုရ်။


ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

Read more...

ဒီလိုဆက်ဆံကြည့်ပါ…

လောကမှာ လူတွေဟာ ပုံစံအမျိုးမျိုး၊ အကျင့်စရိုက် အမျိုးမျိုးရှိတဲ့ အတွက်ကြောင့် ဆက်ဆံပေါင်းသင်းရတာ အတော်ခက်တယ်လို့ ပြောလေ့ရှိတတ်ကြပါတယ်။ မတူညီတဲ့ ပတ်ဝန်းကျင်၊ မတူညီတဲ့ ဘာသာစကား၊ မတူညီတဲ့ ယဉ်ကျေးမှု၊ မတူညီတဲ့ စရိုက်စတဲ့ အချက်တွေကြောင့် ကိုယ်နဲ့အ်ံဝင်ခွင်ကျ မဖြစ်ဘဲရှိတတ်တယ်လို့ ပြောကြပါတယ်။ ကိုယ့်ကိုယ်ကိုရော အံဝင်ခွင်ကျဖြစ်ရဲ့လား… စိတ်တိုင်းကျ ဖြစ်ရဲ့လား… လို့ ပြန်မေးကြည်ရင်လည်း မဖြစ်ပြန်ပါဘူးတဲ့… အဲဒါဆို ဘယ်လိုလုပ်ကြမလဲပေါ့…။ ထားပါတော့။ တကယ်တော့ လောကမှာ လူတွေဘယ်လောက်ပဲ အမျိုးမျိုးကွဲပြား ခြားနားကြပါစေ သေသေချာချာ ခွဲခြားလိုက်ရင် သုံးမျိုးပဲရှိပါတယ်။

၁။ ကိုယ်နဲ့တန်းတူဖြစ်တဲ့သူ
၂။ ကိုယ့်ထက်သာတဲ့သူ
၃။ ကိုယ်အောက်နိမ့်တဲ့သူ ဒီသုံးမျိုးပါပဲ။

ဆိုတော့ အဲဒီသုံးမျိုးကို အဆင်ပြေအောင်၊ အကုသိုလ် မဖြစ်အောင် ဘယ်လို ဆက်ဆံကြည့်မလဲ... ဘယ်လိုဆက်ဆံ သင့်သလဲ….။ ဆရာတော်ကြီးတစ်ပါးကတော့ ဗြဟ္ဗာစိုရ်တရား လက်ကိုင်ထားပြီး ဆက်ဆံကြဖို့ ညွှန်ပြထားပါတယ်။ ပြီးတော့ အောက်ပါအတိုင်း ဆောင်ပုဒ်လေး လုပ်ပေးထားပါတယ်။ အဲဒီဆောင်ပုဒ်လေး ဖတ်ပြီးကြိုးစား ဆက်ဆံကြည့်ကြစို့..

၁။ တန်းတူတွေ့လျှင် မေတ္တာဝင်၊ မ၀င်နိုင်က ပြိုင်တတ်သည်။ ပြိုင်မည့်အစား မေတ္တာပွား၊ စိတ်ထားပြုပြင် ပြောင်းပါ့မည်။ (ပြောင်းရမည်)
မှန်ပါတယ်။ ကိုယ်နဲ့ တန်းတူဖြစ်တဲ့ သူတွေနဲ့ ဆက်ဆံတဲ့အခါ မေတ္တာစိတ်နဲ့ ဆက်ဆံပါတဲ့။ အသက်၊ သိက္ခာ၊ ဂုဏ်ဝါ၊ ရာထူးဌာနန္တရ စတာတွေ တူညီတဲ့သူကို ကိုယ်နဲ့တန်းတူဖြစ်သူလို့ ဆိုလိုပါတယ်။ ဒီလိုတန်းတူဖြစ်တဲ့ သူတွေနဲ့ ဆက်ဆံတဲ့အခါ မေတ္တာစိတ်လေးနဲ့ ဆက်ဆံတတ်ဖို့လိုပါတယ်။ မေတ္တာဆိုတာ ချစ်ခင်ခြင်း၊ နှစ်သက်ခြင်း၊ အကျိုးလိုလားခြင်းပါ။ တကယ်တော့ ချစ်ခြင်းမေတ္တာဆိုတာ တစ်နည်းအားဖြင့် နားလည်ခြင်းကို ပြောတာပါ။ နားလည်မှုရှိနေရင် ချစ်လို့ရနေတာပါပဲ။ နားလည်ပေးနေတာဟာ မေတ္တာရှိနေလို့ပါပဲ။ အဲလိုမေတ္တာစိတ်မရှိရင် တစ်ဦးနဲ့တစ်ဦး အပြိုင်အဆိုင်လေးတွေ ဖြစ်လာတတ်ပါတယ်။ ပြိုင်လာပြီဆိုရင် ပုထုဇင်တွေ သဘာဝ မဟုတ်တာတွေ၊ မလုပ်သင့်တာတွေ လုပ်လာပြီး အများအားဖြင့် မကောင်းတဲ့ဘက်ကိုပဲ ဦးတည်သွားတတ်ကြပါတယ်။ အဲဒီအခါ တစ်ဦးနဲ့တစ်ဦး ဒေါသအာဃာတတွေပွားပြီး အမုန်းတွေသာ တိုးလာကာ နောက်ဆုံးဆက်ဆံရေး အဆင်မပြေ ဖြစ်လာတတ်ကြပါတယ်။ ဒါကြောင့် တန်းတူဖြစ်တဲ့သူတွေနဲ့ ဆက်ဆံတဲ့အခါ မေတ္တာစိတ်ဖြင့် ဆက်ဆံကြပါလို့ ဆရာတော်ကြီးက ဆုံးမခြင်း ဖြစ်ပါတယ်။ အဲလိုမှမဟုတ်ရင် ဆက်ဆံရေးအတွက် အဆင်မပြေဖြစ်နိုင်တဲ့ ပြိုင်ဆိုင်မှုတွေ ၀င်လာတတ်တဲ့အတွက်ပါ။

၂။ ကိုယ့်ထက်သာလျှင် မုဒိတာဝင်၊ မ၀င်ဣဿာ ယိုင်တတ်သည်။
ယိုင်မည့်အစား မုဒိတာပွား၊ စိတ်ထားပြုပြင် ပြောင်းပါ့မည်။ (ပြောင်းရမည်)
ဒီအချက်က အထူးသတိပြုရမယ့် အချက်ပါ။ ကိုယ့်ထက်သာတဲ့သူနဲ့ ဆက်ဆံတဲ့အခါ မုဒိတာ တရားလက်ကိုင်ထာပြီး ဆက်ဆံတတ်ဖို့လိုပါတယ်။ မုဒိတာဆိုတာ သူတစ်ပါးကြီးပွားတိုးတက် အောင်မြင်တဲ့အပေါ်မှာ ၀မ်းမြောက်ဝမ်းသာ ဖြစ်ပေးတာပါ။ ဒီလို ကိုယ့်ထက်သာတဲ့ သူတွေနဲ့ ဆက်ဆံတဲ့အခါ မုဒိတာ တရားမထားနိုင်ရင်တော့ သူတစ်ပါးကြီးပွား တိုးတက်တာကို မနာလိုဖြစ်တဲ့ ဣဿာက ဦးစီးသွားပြီး ကိုယ့်ကိုယ်ကိုလည်း အကျိုးမရှိ သူတစ်ပါးအတွက်လည်း အကျိုးမရှိတာတွေ လုပ်မိတတ်ပါတယ်။ ဒီဣဿာဆိုတဲ့ အကုသိုလ်တရားဟာ တော်တော်ကြောက်စရာ ကောင်းပါတယ်။ ဒီတရားကိုယ့်သန္တာန်မှာ ကိန်းလာပြီဆိုရင်တော့ ဘယ်သူဘာလုပ်လုပ် အကောင်းမမြင်တော့ဘဲ အဆိုးတွေသာ တွေးမြင်နေတတ်ပါတယ်။ ဒါဟာ သူနဲ့ဆန့်ကျင်ဘက် တရားဖြစ်တဲ့ မုဒိတာတရား ကိုယ့်သန္တာန်မှာ မကိန်းတဲ့အတွက်ကြောင့်ပါ။ ဒါကြောင့် သူ့ကံနဲ့သူ၊ သူ့ကြိုးစားမှုနဲ့သူ ဖြစ်လာတဲ့အပေါ်မှာ ငါဝမ်းမြောက်နိုင်အောင် ကြိုးစားမယ် ဆိုတဲ့အတွေးနဲ့ ကိုယ့်ထက်သာတဲ့သူတွေနဲ့ တွေ့ကြုံဆက်ဆံတဲ့အခါ မုဒိတာတရား လက်ကိုင်ထားပြီး ဆက်ဆံဖို့ ဆုံးမခြင်းပါ။ ဒီလိုမှ စိတ်မထားတတ်ရင် နှစ်ဦးဆက်ဆံရေးကြားမှာ ဣဿာဆိုတဲ့ အကုသိုလ်တရားက ၀င်ရောက်နှောက်ယှက်တတ်တဲ့ အတွက်ပါ။

၃။ ကိုယ့်အောက်ငယ်လျှင် ကရုဏာဝင်၊ မ၀င်နိုင်က နိုင်တတ်သည်။ နိုင်မည့်အစား ကရုဏာပွား၊ စိတ်ထားပြုပြင် ပြောင်းပါ့မည်။ (ပြောင်းရမည်)
ဒီအချက်ကတော့ ဘုန်းဘုန်းတို့ မြန်မာလူမျိုးများ အလွယ်တကူ ဆင်ခြင်လိုက်နာနိုင်တဲ့ အချက်ပါ။ ဘာဖြစ်လို့လဲဆိုတော့ ဘုန်းဘုန်းတို့ မြန်မာလူမျိုးများဟာ သူတစ်ပါးကြီးပွားတာကို ၀မ်းမြောက်ပေးရမယ့် မုဒိတာတရားသာ ဖြစ်ဖို့ခက်တာ သူတစ်ပါးအပေါ် သနားတတ်တဲ့ ကရုဏာတရားကတော့ အလွယ်တကူ ဖြစ်တတ်တဲ့အတွက်ပါ။ ဘယ်လိုပဲဖြစ်ဖြစ် ကိုယ့်ထက် အသက်၊ သိက္ခာ၊ ဂုဏ်ဝါ၊ ရာထူးဌာနန္တရ စတာတွေ နိမ့်ကျတဲ့ သူတွေအပေါ်မှာ သနားကြင်နာတတ်တဲ့ ကရုဏာတရားနဲ့ ဆက်ဆံတတ်ဖို့လိုပါတယ်။ ဒါမှသာ ကိုယ့်အောက်နိမ့်တဲ့သူတွေ အပေါ်မှာ အနိုင်ယူတတ်တဲ့ လုပ်ရပ်တွေ မဖြစ်ပေါ်မှာပါ။ ချီးမြှောက်ထောက်ပံ့ စောင့်ရှောက်မှုတွေ ဖြစ်လာမှာပါ။ တကယ်တော့ ဒီလိုကိုယ့်အောက် ငယ်တဲ့သူတွေ နိမ့်ကျတဲ့သူတွေနဲ့ တွေ့ကြုံဆက်ဆံတဲ့အခါ ချီးမြှောက်ထောက်ပံ့မှုတွေ မရှိရင်နေပါစေ အနိုင်ယူမှုတွေ၊ နိုင်ထက်စီးနင်းလုပ်မှုတွေ မရှိဖို့အရေးကြီးပါတယ်။ ဒါကြောင့် ကိုယ့်အောက်ငယ်တဲ့သူတွေနဲ့ ဆက်ဆံတဲ့အခါ အနိုင်ယူမှုတွေမရှိဘဲ ဆက်ဆံရေး ကောင်းမွန်အဆင်ပြေစေဖို့ ကရုဏာတရား လက်ကိုင်ထားပြီး ဆက်ဆံကြဖို့ ဆရာတော်ကြီးက ဆုံးမတော်မှုခြင်း ဖြစ်ပါတယ်။

ဒါကြောင့် လောကမှာ ဘယ်သူတွေ ဘာတွေပဲကွဲကွဲ လူတန်းစားအားဖြင့် သုံးမျိုးပဲ ရှိတဲ့အတွက် ဒီလူတန်းစား သုံးမျိုးနဲ့ အဆင်ပြေ ဆက်ဆံနိုင်ဖို့အတွက် မေတ္တာ၊ ကရုဏာ၊ မုဒိတာစတဲ့ ဗြဟ္မာစိုရ်တရား လက်ကိုင်ထားကာ ဆက်ဆံကြည့်ကြပါလို့ တိုက်တွန်းရင်း တန်ဖိုးရှိတဲ့ ဒီဆက်ဆံနည်းလေးကို ပြန်လည်မျှဝေလိုက်ပါတယ်။

Read more...

ဂူပြောက် (ဗိုလ်ချိုမိဂူပြောက်)


ဗိုလ်ချိုမိ ဂူပြောက်သည် မဟာဗောဓိပုံ ကွမ်းတောင် ပေါက်လိုဏ် နှစ်ဆင့်ဘုရားဖြစ်ပြီး ခရစ် (၁၃)ရာစုနှစ်က တည်ခဲ့သည်။ ဗြိတိသျှတို့က ၁၈၈၅ ခုနှစ်တွင် အထက် မြန်မာနိုင်ငံကို သိမ်းပိုက်ပြီးနောက် မြန်မာ တိုင်းရင်းသားများက အင်္ဂလိပ်တို့အား ဆန့်ကျင် တော်လှန် တိုက်ခိုက်ခဲ့ရာ ပုဂံမှ ဗိုလ်ချိုသည် ထင်ရှားသော နယ်ချဲ့ တော်လှန်ရေး ခေါင်းဆောင် တစ်ဦး ဖြစ်သည်။ ၁၈၉၆ တွင် သီရိပစ္စယာရှိ ဂူပြောက်အတွင်း အင်္ဂလိပ်တို့က ဗိုလ်ချိုအား ဖမ်းဆီးရမိခဲ့သည့် အတွက် ဗိုလ်ချိုမိ ဂူပြောက်ဟု အမည်တွင်ခဲ့သည်။

ဗိုလ်ချိုမိဂူပြောက် ဘုရားတွင် နံရံဆေးရေး ပန်းချီများနှင့် အင်္ဂတေ ပန်းတော့လက်ရာများ ရှိသည်။ ကြက်တငို အ၀ိုင်းဈ ထောင့်ဘောင်ပန်း နှင့် စက်ဝိုင်းအတွင်းမှ ပန်းကွက်အလှများ နံရံတွင် ဘောင်ခတ် ထားသည့် သစ်ရွက်ပုံ ပန်းတန်း၊ စိန်ကွက်ပုံနံရံ ပန်းချီများနှင့် ခေတ်နှောင်းပိုင်းတွင် ရေးဆွဲထားသည့် လှေပုံများ ရှိသည်။

ဗိုလ်ချိုမိဂူပြောက်၏ မဟာဗောဓိ ကွမ်းတောင်မှ လေးထောင့်ကွက် အတွင်း ရုပ်ပုံပါသည့်အ၀ိုင်း ကွက်ပုံ ဖော်ထားသည့် အင်္ဂတေ ပန်းတော့လက်ရာများ၊ အ၀င်မုခ်မှ ရာမ လက်ညှိုးပုံ တံကဲပန်း၊ တိုင်ဖုံးပန်း၊ တိုင်အောက်ခံ အိုးမှ အင်္ဂတေပန်းနှင့် အရုပ်များ ချင်မိတ်တိုးတန်းမှ အင်္ဂတေပန်းများ ကို လေ့လာနိုင်သည်။

ဦးမောင်မောင် (ရန်ကုန်တက္ကသိုလ်) ၏ ပုဂံစေတီပုထိုးများ

Read more...

နာမ်-နာမ်ချင်း ထိခိုက်၍ စိတ်ဖြစ်ပေါ်လာပုံ... (တည်တောဆရာတော်)

တည်တောဆရာတော် (မေး+ဖြေ) ၆-မှ...

နာမ်... နာမ် ချင်း ထိခိုက်၍... စိတ်ဖြစ်ပေါ်လာပုံ...







Read more...

သာရဏီယသုတ် - အောက်မေ့ဖွယ် နေရာ...

သာရဏီယသုတ် - (အောက်မေ့ဖွယ်)

ရဟန်းတို့ ...
ဦးထိပ်၌ အဘိသိက်သွန်းပြီးသော ရေမြေသနင်း ပြည့်ရှင်မင်းသည် ...
ဤအရပ် သုံးမျိုးတို့ကို အသက်ထက်ဆုံး အောက်မေ့အပ်ကုန်၏။

အဘယ်သုံးမျိုးတိုနည်းဟူမူ-

၁... ရဟန်းတို့ ...
ဦးထိပ်၌ အဘိသိက် သွန်းပြီးသော ရေမြေသနင်း ပြည့်ရှင်မင်းသည် အကြင် အရပ် ၌ ဖွားမြင်၏။ ရဟန်းတို့ ဤဖွားမြင်ရာအရပ်သည် ဦးထိပ်၌ အဘိသိက်သွန်းပြီး သော ရေမြေသနင်း ပြည့်ရှင်မင်း၏ အသက်ထက်ဆုံး အောက်မေ့အပ်သော ပဌမ အရပ်တည်း။

၂... ရဟန်းတို့ ...
နောက်တစ်မျိုးကား ဦးထိပ်၌ အဘိသိက်သွန်းပြီးသော ရေမြေသနင်း ပြည့်ရှင်မင်း သည် အကြင် အရပ်ဝယ် ဦးထိပ်၌ အဘိသိက်သွန်းအပ်၏။ ရဟန်းတို့ ဤအဘိ သိက် သွန်းလောင်းရာအရပ်သည် ဦးထိပ်၌ အဘိသိက်သွန်းပြီးသော ရေမြေသ နင်း ပြည့်ရှင်မင်း၏ အသက်ထက်ဆုံး အောက်မေ့အပ်သော ဒုတိယအရပ်တည်း။

၃... ရဟန်းတို့ ...
နောက်တစ်မျိုးကား ဦးထိပ်၌ အဘိသိက်သွန်းပြီးသော ရေမြေသနင်း ပြည့်ရှင်မင်း သည် အကြင် အရပ်၌ စစ်အောင်သောကြောင့် အောင်ပြီးသော စစ်ရှိသည်ဖြစ်၍ ထို စစ်မြေအရပ်ကို အုပ်ချုပ်၍ နေ၏။ ရဟန်းတို့ ထို စစ်အောင်မြင်ရာ အရပ်သည် ဦးထိပ်၌ အဘိသိက်သွန်းပြီးသော ရေမြေသနင်း ပြည့်ရှင်မင်း၏ အသက်ထက်ဆုံး အောက်မေ့အပ်သော တတိယအရပ်တည်း။

ရဟန်းတို့...
ဦးထိပ်၌ အဘိသိက် သွန်းပြီးသော ရေမြေသနင်း ပြည့်ရှင်မင်းသည် ...
ဤအရပ် သုံးမျိုးတို့ကို အသက်ထက်ဆုံး အောက်မေ့ အပ်ကုန်၏။

ရဟန်းတို့ ဤအတူသာလျှင် ...
ရဟန်းသည် ဤအရပ်သုံးမျိုးတို့ကို အသက်ထက်ဆုံး အောက်မေ့အပ်ကုန်၏။

အဘယ်သုံးမျိုးတို့နည်းဟူမူ-

၁...
ရဟန်းတို့ ရဟန်းသည် အကြင် အရပ်၌ ဆံမုတ်ဆိတ်ကိုပယ်၍ ဖန်ရည်ဆိုးသော အဝတ်တို့ကို ဝတ်ရုံပြီးလျှင် လူ့ဘောင်မှ ရဟန်းဘောင်သို့ ဝင်ရောက်ရဟန်းပြု၏။ ရဟန်းတို့ ဤရဟန်းပြုရာအရပ်သည် ရဟန်း၏ အသက်ထက်ဆုံး အောက်မေ့အပ် သော ပဌမအရပ်တည်း။

၂...
ရဟန်းတို့ နောက်တစ်မျိုးကား ရဟန်းသည် အကြင်အရပ်၌'ဤတရားကား ဆင်းရဲ' ဟု ဟုတ်မှန်သော အတိုင်းသိ၏၊ ''ဤတရားကား ဆင်းရဲဖြစ်ကြောင်း''ဟု ဟုတ်မှန် သော အတိုင်း သိ၏၊ ''ဤတရားကား ဆင်းရဲချုပ်ရာ'' ဟု ဟုတ်မှန်သော အတိုင်း သိ၏၊ ''ဤတရားကား ဆင်းရဲ ချုပ်ရာသို့ ရောက်ကြောင်းအကျင့်'' ဟု ဟုတ်မှန် သော အတိုင်း သိ၏၊ ရဟန်းတို့ ဤသစ္စာ လေးပါးကို ဟုတ်မှန်သော အတိုင်း သိရာအရပ်သည် ရဟန်း၏ အသက်ထက်ဆုံး အောက်မေ့အပ်သော ဒုတိယအရပ် တည်း။

၃...
ရဟန်းတို့ နောက်တစ်မျိုးကား ရဟန်းသည် အကြင် အရပ်၌ အာသဝေါတို့၏ ကုန်ခန်းခြင်းကြောင့် အာသဝေါ မရှိသော၊ စိတ်၏ ကိလေသာမှ လွတ်မြောက် သော အရဟတ္တဖိုလ်သမာဓိနှင့် ကိလေသာမှ လွတ်မြောက်သော အရဟတ္တဖိုလ် ပညာကို မျက်မှောက်ဘဝ၌ပင် ကိုယ်တိုင် ထူးသောဉာဏ်ဖြင့် မျက်မှောက် ပြု လျက် ရောက်၍ နေ၏။ ရဟန်းတို့ ဤအရဟတ္တဖိုလ်သို့ ရောက်ရာအရပ်သည် ရဟန်း၏ အသက်ထက်ဆုံး အောက်မေ့အပ်သော တတိယအရပ်တည်း။

ရဟန်းတို့ ဤအရပ်သုံးမျိုးတို့ကို...
ရဟန်းသည် အသက် ထက်ဆုံး အောက်မေ့အပ်ကုန်၏ဟု (မိန့်တော်မူ၏)။၁၂

၂ - သာရဏီယသုတ်၊ ရထကာရ၀ဂ်၊ တိကနိပါတ်၊ အင်္ဂုတ္တိုရ်။


ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

Read more...

ပန်မိတဲ့ ဆု

ဘယ်သောအခါမှ.......
ရင်မှာ မရှိ၊ မတွယ်ငြိပဲ
စိတ်ထဲရှိယောင်၊ဟန်ဆောင်ပလီ
ချိုသီစကား၊ငါ့နုတ်ဖျားမှ...

မပြောလို။ ။

ဘယ်သောအခါမှ.....
ယုတ်မာညစ်ညူး၊ဘီလူးလောဘ

လိုဆန္ဒကို၊ငုတ်လျိုရင်မှာ
ကာဖုန်းဝှက်ပြီး၊မျက်နှာချိုးထား
မာယာများနဲ့၊ချဉ်းကပ်လာသူမဖြစ်လို။ ။

ဘယ်သောအခါမှ......
တဏှာငွေမက်၊ ရောယှက်ထွေးနှေင်
ဟန်ဆောင် အချစ်၊စင်စစ်မဟုတ်
ဝတ်ရည်စုတ်ယုံ၊လူပုံဖန်ဆင်း
ရင်တွင်ဘီးလူး၊ရမက်ကြူးသော
လူယုတ်ယောက်ျား၊ မဖြစ်လို။ ။

ဘယ်သောအခါမှ
မျောက်ပြဆန်တောင်း၊သာပေါင်းညာစား

အထက်ဖားအောက်ဖိ၊လူအသိပျောက်
အဆင်းချောက်တွန်း၊မနောယုတ်မာ
လူသိက္ခာမဲ့၊ ဘုရားကဲ့ရဲ့
သူတော်မဲ့သော၊ယောက်က်ျားလူယုတ်မဖြစ်ပါလို
ပန်ဆုဆို၏။

Read more...

ရိုးတွင်းချဉ်ဆီ ကို ထိလျက် တည်ရာ၏...

အဂ္ဂိက္ခန္ဓောပမသုတ်-မှ...
ရဟန်းတို့ ...
ထိုအရာကို မည်သို့ မှတ်ထင်ကြကုန် သနည်း...

ခွန်အားရှိသော ယောက်ျားသည် မြဲမြံခိုင်ခံ့သော သားမြီးကြိုးဖြင့် ခြေသလုံးနှစ်ဖက် တို့ကို ရစ်ပတ်၍ ပွတ်တိုက်ရာ၏၊ ထိုသားမြီး ကြိုးသည် အပေါ်အရေကို ဖြတ်ရာ၏၊ အပေါ်အရေကို ဖြတ်ပြီးလျှင် အတွင်းအရေကို ဖြတ်ရာ၏၊ အတွင်းအရေကို ဖြတ် ပြီးလျှင် အသားကို ဖြတ်ရာ၏၊ အသားကို ဖြတ်ပြီးလျှင် အကြောကို ဖြတ်ရာ၏၊ အကြောကို ဖြတ်ပြီးလျှင် အရိုးကို ဖြတ်ရာ၏၊ အရိုးကို ဖြတ်ပြီးလျှင် ရိုးတွင်းချဉ်ဆီ ကို ထိလျက် တည်ရာ၏၊

မင်းမျိုး၌ဖြစ်၍ များသော ဥစ္စာနှစ်ရှိကုန်သော သူတို့၏သော်လည်းကောင်း၊ ပုဏ္ဏား မျိုး၌ဖြစ်၍ များသော ဥစ္စာနှစ်ရှိကုန်သော သူတို့၏သော်လည်းကောင်း၊ သူကြွယ် မျိုး၌ဖြစ်၍ များသော ဥစ္စာနှစ်ရှိကုန်သော သူတို့၏သော်လည်းကောင်း ရှိခိုးခြင်းကို သာယာရာ၏။ ထိုနှစ်မျိုးတို့တွင် အဘယ်အရာသည် မြတ်သနည်း ဟု မေးတော် မူ၏။

အသျှင်ဘုရား ...
မင်းမျိုး၌ဖြစ်၍ များသောဥစ္စာနှစ်ရှိကုန်သော သူတို့၏သော် လည်းကောင်း ပုဏ္ဏား မျိုး၌ ဖြစ်၍ များသော ဥစ္စာနှစ်ရှိကုန်သော သူတို့၏သော် လည်းကောင်း၊ သူကြွယ် မျိုး၌ ဖြစ်၍ များသော ဥစ္စာ နှစ်ရှိကုန်သော သူတို့၏သော် လည်းကောင်း ရှိခိုးခြင်း ကို သာယာခြင်းသည်သာလျှင် မြတ်ပါ၏၊

အသျှင်ဘုရား ခွန်အားရှိသော ယောက်ျားသည် မြဲမြံခိုင်ခံ့သော သားမြီးကြိုးဖြင့်။ပ။ ရိုးတွင်း ချဉ်ဆီကို ထိ၍ တည်ခြင်းသည် ဆင်းရဲလှပါ၏ ဟု လျှောက်ကြကုန်၏။

ရဟန်းတို့ ...
သင်တို့အား ငါဟောကြားအံ့၊ သိစေအံ့။ ယုတ်ညံ့သော သဘောရှိသော၊ မစင်မ ကြယ် စက်ဆုပ်ရွံရှာဖွယ် အကျင့်ရှိသော၊ ဖုံးလွှမ်းအပ်သော မကောင်းမှုရှိသော၊ ရဟန်းမဟုတ်ဘဲလျက် ငါရဟန်းဟုဝန်ခံသော၊ မြတ်သောအကျင့်ကို မကျင့်ဘဲ လျက် မြတ်သော အကျင့်ကို ကျင့်သည်ဟု ဝန်ခံသော၊ အတွင်း၌ ကိလေသာ တို့ဖြင့် ပုပ်သော၊ ကိလေသာတို့ဖြင့် စိုစွတ်သော၊ ယောက်သွားပုပ်နှင့် တူသော သဘောရှိသော ထိုဒုဿီလ ပုဂ္ဂိုလ်အား ခွန်အားရှိသော ယောက်ျားသည် မြဲမြံခိုင် ခံ့သော သားမြီးကြိုးဖြင့် ခြေသလုံးနှစ်ဖက်တို့ကို ရစ်ပတ်၍။ ပွတ်တိုက်ရာ၏၊ ထို သားမြီးကြိုးသည် အပေါ်အရေကို ဖြတ်ရာ၏၊ အပေါ်အရေကို ဖြတ်ပြီးလျှင် အတွင်းအရေကို ဖြတ်ရာ၏၊ အတွင်းအရေကို ဖြတ်ပြီးလျှင် အသားကို ဖြတ်ရာ၏၊ အသားကို ဖြတ်ပြီးလျှင် အကြောကို ဖြတ်ရာ၏၊ အကြောကို ဖြတ်ပြီးလျှင် အရိုးကို ဖြတ်ရာ၏၊ အရိုးကို ဖြတ်ပြီးလျှင် ရိုးတွင်းချဉ်ဆီကို ထိလျက် တည်ရာ၏...၊
ရိုးတွင်း ချဉ်ဆီကို ထိ၍ တည်ခြင်းသည်သာလျှင် မြတ်၏။

ထိုသို့ မြတ်ခြင်းသည် အဘယ့်ကြောင့်နည်း။

ရဟန်းတို့ ...
ထိုသားမြီးကြိုးဖြင့် ခြေသလုံးကို ပွတ်တိုက်ခြင်းဟူသော အကြောင်းကြောင့် ထို ရဟန်းသည် သေခြင်းသို့မူလည်း ရောက်ရာ၏၊ သေလောက်သော ဆင်းရဲဒုက္ခသို့ မူလည်း ရောက်ရာ၏၊ ထိုသားမြီးကြိုးဖြင့် ခြေသလုံးကို ပွတ်တိုက်ခြင်းတည်းဟူ သော အကြောင်းကြောင့် ခန္ဓာကိုယ်ပျက်စီး၍ သေပြီးသည်မှနောက်၌ ချမ်းသာ ကင်းသော မကောင်းသောလားရာ ပျက်စီး၍ကျရောက်ရာ ငရဲသို့ကား မကျ ရောက်ရာ။

ရဟန်းတို့ သီလ မရှိကုန်သော ။ပ။ ယောက်သွားပုပ်နှင့် တူသော သဘောရှိသော ထိုပုဂ္ဂိုလ်အား မင်းမျိုး၌ ဖြစ်၍ များသောဥစ္စာ အနှစ်ရှိကုန်သော သူတို့၏သော် လည်းကောင်း၊ ပုဏ္ဏားမျိုး၌ ဖြစ်၍ များသောဥစ္စာ အနှစ်ရှိကုန်သော သူတို့၏သော် လည်းကောင်း၊ သူကြွယ်မျိုး၌ ဖြစ်၍ များသောဥစ္စာ အနှစ်ရှိကုန်သော သူတို့၏ သော် လည်းကောင်း ရှိခိုးခြင်းကို သာယာခြင်းသည် ကာလ ကြာမြင့်စွာ စီးပွါးမဲ့ရန် ဆင်းရဲရန် ဖြစ်၏၊ ခန္ဓာကိုယ်ပျက်စီး၍ သေပြီးသည်မှနောက်၌ ချမ်းသာကင်းသော မကောင်းသော လားရာ ပျက်စီး၍ ကျရောက်ရာ ငရဲသို့ ကျရောက်ရ၏။ (၂)

၈ - အဂ္ဂိက္ခန္ဓောပမသုတ်-မှ၊ မဟာဝဂ်၊ သတ္တကနိပါတ်၊ အင်္ဂုတ္တိုရ်။၇၂

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

Read more...

မိုးကုတ်ဆရာတော်ဘုရားကြီး-၉

ဆရာတော်ဦးဝိမလသည် သက္ကရာဇ် ၁၃၀၀-ပြည့်နှစ် နတ်တော်လဆုတ် ၁၁ ရက်နေ့တွင် သက်တော် ၃၉-နှစ် ပြည့်မြောက်၍၊ သိက္ခာတော်က ၂၀-၀ါ ရသဖြင့် မဟာထေရ်ကြီးစာရင်း ၀င်လာပြီဖြစ်သည်။ မိုးတွင်းပိုင်းတွင် အမရပူရ၌ အဘိဓမ္မာများကိုချပို့၊ ဆောင်းတွင်းပိုင်းတွင် မင်းကွန်းသို့ကူးနွေဦးပေါက်လျှင် ညောင်လေးပင်သို့သွား၍ တရားဟော၊ ထို့နောက် မိုးကုတ်သို့တက်၊ ဤသို့ဖြင့် ကာလများ စက်ပတ်လည်နေခဲ့ လေသည်။ ယခုနှစ်တပေါင်းလဆိုလျှင် ညောင်လေးပင်၌ ဆရာတော် တရားဟောလာခဲ့သည်မှာ ဆက်တိုက်(၉)နှစ်ပင်ရှိခဲ့ပေပြီ။ ညောင်လေးပင်မြို့မှာရှိနေခိုက် တစ်နေ့သော ညအခါတွင် ဆရာတော်သည် ထူးဆန်းစွာသော အိပ်မက်တစ်ခု မြင်မက်တော်မူသည်။
အိပ်မက်မြင်မက်ပုံမှာ- တရားပလ္လင်မြင့်ပေါ်တွင်ထိုင်၍ ဆရာတော်တရားဟောနေစဉ် ဒကာ-ဒကာမများသည် ရှေ့သို့ဝိုင်းအုံတိုးလာပြီး၊ ဆရာတော်၏ နို့အုံ ၂-ဘက်လုံးကို အလုအယက် ဆွဲ၍ အလုအယက်စို့ကြရာ၊ ဆရာတော်သည် မည်သို့မျှ မတားမြစ်ဘဲ အစို့ခံနေမိလေသည်။ ဆရာတော်သည် မမက်စဖူး ထူးဆန်းလှသော အိပ်မက်ကြောင့် အံ့အားသင့်ပြီး အမျိုးမျိုးတွေးတောနေမိလေသည်။ မနက်မိုးလင်းတွင် ညောင်လေးပင်တောရဆရာတော်ဘုရားကြီး ဦးအရိယအား သွား၍ လျှောက်ထားကြည့်သောအခါ ဆရာတော်ဘုရားကြီးက-
“ဟယ်….လက်ခမောင်းသာ ခတ်ပေရော့ဟဲ့၊ တယ်ကောင်းတဲ့ နိမိတ်ပါ့လား မောင်ပဉ္စင်းရဲ့၊ ဟင်…။ ” “ဒီအတိတ်နိမိတ်က မောင်ပဉ္စင်းရဲ့ သစ္စာတရား အမြိုက်နို့ချိုတွေကို တိုင်းသူပြည်သား ဒကာ-ဒကာမများက ၀ိုင်းအုံသောက်စို့ကြမယ့် အဓိပ္ပါယ်ပဲကွယ့်။ မကြုံစဖူး ထူးထူးကဲကဲ၊ သိပ်ကောင်းတာပဲ၊ မပေါ့ပါနဲ့ မောင်ပဉ္စင်းရဲ့၊ ကြိုးစားပြီးတရားကိုသာ အားထုတ်ပါတော့” ဟူ၍ လေးလေးနက်နက် တိုက်တွန်းတော်မူလေသည်။

***
ဒုတိယကမ္ဘာစစ်မီးကြီး မြန်မာပြည်ဖက်သို့ ကူးစက်လာသော အခါ အခြေအနေအရပ်ရပ်တို့သည် လှုပ်လှုပ်ရွရွဖြင့် မငြိမ်မသက် ဖြစ်လာကြသည်။ စစ်မီးက ပိုမိုတောက်လောင်လာသောအခါ တရားပွဲများလည်း မကျင်းပနိုင်တော့သဖြင့်၊ ဆရာတော်လည်း ဘယ်မှ မကြွနိုင်ဘဲ တရားပွဲများ ပြတ်လပ်သွားခဲ့သည်။ မြို့ပေါ်၌ စာသင်သား သံဃာတော်များလည်း တဖြည်းဖြည်းနည်းပါးလာကြပြီး၊ တောရွာများသို့ ပြန်သွားကုန်ကြသည်။ ထိုသို့အခြေအနေတွင်ပင် ဆရာတော်သည် ကျောင်းတိုက်အတွင်း ကျောင်းစောင့်ကိုယ်တော်တစ်ပါးစ-နှစ်ပါးစနှင့်အတူကျန်ရစ်ပြီး၊ ဘေးလွတ်ရာပင့်သောအခါတွင်လည်း ငြင်းဆန်နေလေသည်။ ထို့ကြောင့် ဒကာ-ဒကာမများမှာ အမရပူရ-ပွဲတော်ရပ်သို့ ဇွတ်ပင့်ရပြီး၊ ထိုနေရာသည်လည်း စိတ်မချရပြန်သောအခါ မင်းကွန်း မိုးကုတ်ချောင်သို့ ပင့်ကြပြန်လေသည်။ သို့ရာတွင် စစ်မီးတောက်ကြီးသည်ကား မြန်မာတစ်ပြည်လုံး ပြန့်နေပြီဖြစ်ပါသည်။

***
ထိုအချိန်တွင် ကျောင်းဒကာကြီးဦးလယ်သည် စိတ်မချနိုင်လွန်း၍ ကိုယ်တိုင်ဆင်းလာပြီး ဆရာတော့်သတင်းကို အမရပူရတွင် စုံစမ်းရာ၊ မင်းကွန်း မိုးကုတ်ချောင်ရောက်နေကြောင်း သိရသဖြင့်၊ မင်းကွန်းသို့လိုက်လာပြီး မိုးကုတ်သို့ မရ-အရ ပင့်လေသည်။ ထို့ကြောင့် ဆရာတော်ဦးဝိမလသည် ၁၉၄၂-ခုနှစ်၊ မတ်လတွင် မိုးကုတ်မြို့သို့ စစ်ဘေးခိုရန် ရောက်လာရတော့သည်(သက်တော် ၄၂-နှစ်၊ သိက္ခာတော် ၂၃-၀ါရှိနေပြီ ဖြစ်ပါသည်)။ သို့ရာတွင် မိုးကုတ်မြို့လေးသည်လည်း ခေတ္တမျှသာ အေးချမ်းသလိုရှိခဲ့သည်၊ မကြာမမြင့်မီတွင်ပင် ကောင်းကင်ပြင်တွင် ၀ဲပျံနေသော ဂျပန်လေယာဉ်များ ရှိလာသည်။ ဘယ်အချိန်ဗုံးကြဲမည် မသိရသော အထိတ်တလန့်အနေအထားကို မိုးကုတ်သူ၊ မိုးကုတ်သားတို့ပါ စတင်ခံစားရလေပြီ။

***
မိုးကုတ်ရှိ ပစ္စည်းရှိသူအများစုတို့သည် တောရွာများသို့ ပုန်းအောင်းခိုလှုံရန် ပြင်ဆင်ကြတော့သည်။ ကျောင်းဒကာကြီး ဦးလယ်၊ ဒေါ်သိုင်းခြုံတို့လည်း နန်းနွဲ့ရှိုချောင်သို့ ပုန်းအောင်းရန်ပြင်ကြလေသည်။ ဒေါ်ဒေါ်အုံ-ဒေါ်ဒေါ်ဖုံတို့ မိသားစုကား တခြားသို့ ပြောင်းရွှေ့ခိုလှုံရန် ဆုံးဖြတ်ကြသည်။ အားလုံးက ဆရာတော်ဦးဝိမလကို တပါတည်းလိုက်ဖို့ ပင့်ကြသည်။ ဆရာတော်ကား ခေါင်းမာပုံရသည်၊ ချန်နေရစ်ခဲ့သည်။ သို့သော် ဆရာတော် ကျန်နေရစ်ခဲ့သော မိုးကုတ်မြို့၏ အခြေအနေကား ပိုမိုစိုးရိမ်ဖွယ်များ ဖြစ်လာသည်၊ လေယာဉ်ပျံ လာလာဝဲသည့် အကြိမ်ရေလည်း များသထက်များလာသည်။ ထိုအခါ ကျောင်းဒကာကြီး ဦးလယ်၊ ဦးဘိုးလုံ၊ ဘော်ပတန်းရွာမှ ဒကာမကြီးဒေါ်ကြီးတို့မှာ ဆရာတော်အတွက် မည်သို့မျှ ရတက်မအေးရတော့ပေ။ ထို့ကြောင့် ဆရာတော့်ထံလာပြီး ၀ိုင်းဝန်းလျှောက်ထားကြရာ၊ ဆရာတော်ဦးဝိမလသည် ၁၃၀၄-ခု၊ နယုန်လဆုတ် (၁၉၄၂-ခုနှစ်၊ ဇွန်လ) တွင် မိုးကုတ်မြို့မှ ၄-မိုင်အကွာတွင် ရှိသော ဘော်ပတန်းရွာလေးသို့ ဒကာ-ဒကာမများနှင့်အတူ လိုက်ပါတော်မူသည်။

Read more...

အားကျမိသော ဘ၀ခရီးဖော် နှစ်ဦး (၁)

အားကျမိသော ဘ၀ခရီးဖော် နှစ်ဦး (၁)

အရှင်မဟာကဿပမထေရ်နှင့်
ဘဒ္ဒါကာပိလာနီထေရီမကြီးတို့ အကြောင်းလေးပါ။ အတိတ်သံသရာဘ၀မှာ ဆုတောင်းကောင်းခဲ့ကြပုံလေးကို ဖတ်ကြည့်မိပြီး အားကျမိလို့ ပါ ခင်ဗျား။
AshinKassapha
(ဒီ ebook ကို ဘုန်းဘုန်း ဦးလောကနာထ (http://www.lknt.org) က ကျေးဇူးပြုပါတယ်ခင်ဗျား။)

Read more...

အချိန်မှီနောင်တ

မြင်သူရင်မော
တပ်မက်မောတဲ့
လှသွေးကြွယ်ဒေ၀ီ
မဟေသီလေမို့
ငါ၏ အလှဂုဏ်ထွန်းလင်းသည်ကို
ငါသည်ကြည်နှုးခဲ့ပြီလေ။

ငါပျိုးသည်ပန်း
အသွင်ဆန်း၍
လန်းဆန်းတင့်တယ်
ဤမြေပြင်ဝယ်
လှရက်ပေသည်
မြင်သူလိုချင် တပ်မက်မောသမို့
ငါသည်ကြည်နှုး ရပြီလေ။

ခုတော့ ငါသည်
လှပမှုကင်း
ရွယ်အိုသက်ဆင်း
နောက်ဆုံးလမ်းသို့ လျှောက်နေပြီမို့
ပန်းနှင့်ထပ်တူ
ကြွေကျမည်ကို
တွေးကာဝမ်းနည်း
ကုန်ချိန်တမ်းတ
သံဝေဂထားလျက်
မြတ်တရား ကျင့်ကြံပွားကာ
နေ၀င်ချိန်ကို စောင့်စားရပြီလေ.။။

ငြိမ်းအေးထွန်း (၀န်းသို)

Read more...

သရဏဂုံပျက်ခြင်း

သရဏဂုံအကြောင်းလေး သိသင့်တယ်ထင်လို ဆွေးနွေးတဲ့သဘောလေးနဲ့ ရေးလိုက်ပါတယ်။ ဗုဒ္ဓဘာသာရဲ့ အဓိကအနှစ်သာရ.. အဓိကအသက်ဟာ သရဏဂုံပါပဲ။ အခြားဘာသာတွေမှာ သူတို့ဘာသာထဲဝင်ရင် အခမ်းအနားတွေဘာတွေ လုပ်ပြီးမှ သူတို့ဘာသာထဲဝင်ရပါတယ်။ ကျနော်တို့ ဗုဒ္ဓဘာသာမှာလည်း ရှိပါတယ်။ အဲ့ဒါကတော့ အခန်းအနားတွေနဲ့တော့ မဟုတ်ပါဘူး.. သရဏဂုံသုံးပါးကို ပါးစပ်ကနေရွတ်ပြီး စိတ်ကဦးညွတ်လိုက်တာပါပဲ။ အဲ့လိုစိတ်ညွတ်လိုက်ပြီးပြီ ဆိုရင်တော့ အဲ့လူဟာ ဗုဒ္ဓဘာသာဝင်တစ်ယောက် ဖြစ်သွားပြီလို့ ပြောလို့ရပါတယ်။ လူတစ်ယောက် တခြားဘာသာကနေ ဗုဒ္ဓဘာသာပြောင်းတယ်ဆိုတာ သူ့ကို သရဏဂုံ တင်ပေးလိုက်တဲ့ သဘောလေးပါပဲ။ သရဏဂုံဆိုတာ သေမှတင်ရတဲ့အရာတော့ မဟုတ်ပါဘူး။ သရဏဂုံတင်တယ်ဆိုတဲ့ အဓိပ္ပါယ်ကတော့ သရဏ - ဘေးအန္တရာယ်တို့ကို ကာကွယ်တားဆီးတတ်ခြင်း ဂမ္မဏ - တားဆီးတတ်ပါလားလို့သိတဲ့စိတ်၊ ကိုးကွယ်ယုံကြည်ရမယ်လို့သိတဲ့စိတ် တင် - စိတ်ကလေးက ရတနာ(၃)ပါးဟု ဆိုအပ်သော ဘုရား၊ တရား၊ သံဃာ အပေါ်ကို ရောက်သွားတာ ကိုခေါ်ပါတယ်။ ဒါကတော့ သရဏဂုံတင်ပေးတဲ့ အကြောင်းလေးပါ။

ကျနော်တို့ဗုဒ္ဓဘာသာမှာ သရဏဂုံတင်ပြီးတိုင်း မိရိုးဖလာအရဆိုရင်တော့ ဗုဒ္ဓဘာသာလို့ ပြောလို့ရပေမယ့် တကယ့်ဗုဒ္ဓဘာသာဝင် စစ်စစ်လို့တော့ ပြောလို့မရသေးပါဘူး။ တကယ့် ဗုဒ္ဓဘာသာဝင်တစ်ယောက် စစ်စစ်ဟုတ်မဟုတ်ကို ဘာနဲ့သတ်မှတ်လဲဆိုတော့ အချက်ငါးချက်နဲ့ သတ်မှတ်ပါတယ်။ အဲ့ဒါတွေကတော့ (၁) ဘုရား (၂) တရား (၃) သံဃာ (၄) ကံ (၅) ကံ၏အကျိုး တို့အပေါ်တွင် အသက်နဲ့ထပ်တူယုံကြည်မှ ဗုဒ္ဓဘာသာဝင် စစ်စစ်တစ်ယောက်လို့ ပြောလို့ရပါတယ်။ ဒီအထဲက တစ်ခုခု ချို့ယွင်းနေရင်တော့ မှတ်ပုံတင်ထဲမှာရေးထားတဲ့ ဗုဒ္ဓဘာသာတစ်ယောက်ပဲ ဖြစ်သွားမှာပါ။ သရဏဂုံသုံးပါးကို နှုတ်ကနေဆိုလိုက်တဲ့ ရည်ရွယ်ချက်ကိုက ဘုရားတရားသံဃာကို အသက်နဲ့ထပ်တူ ယုံကြည်ကိုးကွယ် ဆည်းကပ်သိမှတ်ပါ၏ဆိုတဲ့ အဓိပ္ပါယ်လေးပဲဖြစ်ပါတယ်။ ခုကျနော်ပြောချင်တဲ့ အကြောင်းအရင်းကတော့ ကျနော်တို့ ဗုဒ္ဓဘာသာလူမျိုးတွေ သရဏဂုံ ပျက်မှန်းမသိပျက်နေတဲ့ အကြောင်းအရင်း လေးပဲဖြစ်ပါတယ်။

သရဏဂုံပျက်ခြင်းမှာ အပြစ်မရှိသော သရဏဂုံပျက်ခြင်းနှင့် အပြစ်ရှိသော သရဏဂုံပျက်ခြင်းဆိုပြီးတော့ နှစ်မျိုးရှိပါတယ်။ အပြစ်မရှိသော သရဏဂုံပျက်ခြင်းကတော့ ပုထုဇဉ် ဗုဒ္ဓဘာသာတစ်ယောက် သေရင် သရဏဂုံ ပျက်ပါတယ်။ အဲဒါကတော့ မည်သူတစ်ဦးတစ်ယောက်မျှ ရှောင်လွှဲလို့မရတဲ့ သရဏဂုံပျက်ခြင်းတစ်မျိုး ဖြစ်ပါတယ်။ အကုသိုလ်တော့ မဖြစ်နိုင်ပါဘူး။ သရဏဂုံမပျက်ဆီးပဲ သေဆုံးတဲ့ ပုဂ္ဂိုလ်တွေတော့ရှိပါတယ်။ သူတို့တွေကတော့ မဂ်ဥာဏ် ဖိုလ်ဥာဏ် ရရှိထားတဲ့ အရိယာသူတော်စင်တွေပဲ ဖြစ်ပါတယ်။ အရိယာတွေသေဆုံးရင်တော့ ယခုဘ၀ကတည်းကတည်ခဲ့တဲ့ သရဏဂုံဟာ ပရိနိဗ္ဗာန်မစံဝင်သေးမှီ အချိန်အထိ ဘယ်တော့မှ မပျက်ဆီးတော့ပါဘူး။ ဒါ့ကြောင့် ဘ၀အဆက်ဆက် သရဏဂုံ မပျက်ဆီးစေချင်ရင် သံသရာတစ်လျှောက် သရဏဂုံပါသွားစေချင်ရင် ၀ိပဿနာတရားကို အရိယာသူတော်စင် ဖြစ်တဲ့အထိ နာကြားအားထုတ်ဖို့ လိုအပ်ပါတယ်။ နောက်ပြီး သရဏဂုံမပျက်ဖို့ အချိန်ရတိုင်း သရဏဂုံလေး ပွားထားတာ အကောင်းဆုံးပေါ့။ သရဏဂုံသုံးပါးကို အနက်အဓိပ္ပါယ်လေးနဲ့ ဖော်ပြပေးပါ့မယ်..

ဗုဒ္ဓံ သရဏံ ဂစ္ဆာမိ-
ဗုဒ္ဓံ-မြတ်စွာဘုရားကို သရဏံ-ကိုးကွယ်ရာအစစ်ဟူ၍ ဂစ္ဆာမိ-အသက်နဲ့ထပ်တူ ကိုးကွယ်ဆည်းကပ်ပါ၏။
ဓမ္မံ သရဏံ ဂစ္ဆာမိ-
ဓမ္မံ -တရားတော်မြတ်ကို သရဏံ-ကိုးကွယ်ရာအစစ်ဟူ၍ ဂစ္ဆာမိ-အသက်နဲ့ထပ်တူကိုးကွယ်ဆည်းကပ်ပါ၏။
သံဃံ သရဏံ ဂစ္ဆာမိ-
သံဃံ -သံဃာတော်မြတ်ကို သရဏံ-ကိုးကွယ်ရာအစစ်ဟူ၍ ဂစ္ဆာမိ-အသက်နဲ့ထပ်တူကိုးကွယ်ဆည်းကပ်ပါ၏။

နောက်တစ်ခုကတော့ အပြစ်ရှိသောသရဏဂုံ ပျက်ခြင်းပါပဲ။ ဒီအချက်ကတော့ အလွန်အရေးကြီးပါတယ်။ ကျနော်တို့ ဗုဒ္ဓဘာသာတွေ ပျက်မှန်းမသိ ပျက်နေကြတာတွေ များလို့ပါ။ ဒါကတော့ ဘုရား၊ တရား၊ သံဃာမှတစ်ပါး အခြားသော အတွင်းအပြင်(၃၇)မင်းတွေ.. ဘိုးတော်၊ မယ်တော်၊ ကိုကြီးကျော်၊ မနှဲလေး၊ သူရသတီ၊ နတ်စိမ်းစတဲ့ မကိုးကွယ်သင့်စရာတွေကို ကိုးကွယ်လိုက်ပြီဆိုတာနဲ့ သရဏဂုံ ပျက်တော့တာပါပဲ။ အဲ့ဒါတွေရဲ့ရှေ့မှာ ကျုံကျုံလေးထိုင်ပြီးတော့ အရှင်တို့အား ကျွနုပ်တို့၏ အသက်နဲ့ခန္ဓာကိုယ် အပ်နှင်းပြီးတော့ ကိုးကွယ်ပါတယ်လို့ပြောပြီး ကန်တော့လိုက်ရင်တော့ သရဏဂုံ ပျက်တော့တာပါပဲ။ ဘာသရဏဂုံမှလည်း မတည်တော့ပါဘူး။ ဗုဒ္ဓဘာသာလို့ကို ပြောလို့ မရတော့ပါဘူး။ ဘာလို့လည်းဆိုတော့ ကျနော်တို့ ဗုဒ္ဓဘာသာရဲ့ အသက်ဟာ သရဏဂုံဖြစ်နေလို့ပါ။ အပြစ်ရှိတဲ့ သရဏဂုံပျက်ရင်တော့ ယခုဘ၀တည်ဖို့မှ မဖြစ်နိုင်ဘူးဆိုရင်တော့ ဘ၀ဆက်တိုင်းကတော့ တွေးမနေတာပဲ ကောင်းပါတယ်။ ဒါ့ကြောင့် အပြစ်ရှိတဲ့ သရဏဂုံမပျက်မိစေဖို့ အထူးသတိထားမှာချင်ပါတယ်။

နတ်ကိုးကွယ်မှု အကြောင်းကိုတော့ လူငယ်အများစုအတွက်တော့ စိတ်ထဲမှာရှင်းပြီးသားတွေ များပေမယ့် ကျနော်တို့တွေရဲ့ ပတ်ဝန်းကျင် အများစုမှာ ဒီအစွဲတွေ မပျောက်တာတွေ များပါတယ်။ တချို့ လူအများစုကျတော့လည်း အစဉ်အဆက် လုပ်လာကြတာ ကြာလာတော့ မစွန့်လွှတ်ရဲကြပါဘူး။ မစွန့်ရဲရင်တော့ အတင်းကြီးမစွန့်ခိုင်းပါဘူး။ ဒါပေမယ့်လည်း ကိုးကွယ်ခြင်းနဲ့ ပသခြင်းကိုတော့ ခွဲခြားထားရပါ့မယ်။ ကိုးကွယ်ခြင်းဆိုတာကတော့ ကိလေသာဘေး၊ စိတ်ဆင်းရဲခြင်းဘေး၊ ကိုယ်ဆင်းရဲခြင်းဘေး၊ အပါယ်ဘေးမှ ကင်းလွှတ်နိုင်သောကြောင့်.. နောက်ပြီး ကိုးကွယ်ရာ အစစ်အမှန်ဟူသော စိတ်နှင့် ဘုရား၊ တရား၊ သံဃာကို ရှိခိုးကန်တော့ပူဇော်လိုက်တာဟာ ကိုးကွယ်ခြင်းပါ။ နောက် ပသခြင်းဆိုတာကတော့ တင်တာ ကျွေးတာကိုပြောတာပါ။ ဒါကတော့အပြစ်မရှိပါဘူး။ တိရိစ္ဆာန်ကိုကျွေးတောင် ကုသိုလ်ရတာမို့ အခြားမည်သူ့ကိုမဆိုလည်း ပသကောင်းပါတယ်။ ဒါကတော့ ပသခြင်းပါ။ ကိုးကွယ်ခြင်းနဲ့ပသခြင်းကိုသေချာ ခွဲခြားသိသွားပြီးတော့ ဘုရား၊ တရား၊ သံဃာ မှတစ်ပါး တခြားဘယ်အရာကိုမှ အသက်နဲ့ခန္ဓာအပ်နှင်းပြီးတော့ မကိုးကွယ်ကောင်းသင့်ပါဘူး ဆိုတာကို သိစေချင်ပါတယ်။

ဒီအကြောင်းကိုဘာလို့ သေချာအဓိကထား ပြောရလဲဆိုတော့ ဒါန၊ သီလ၊ ဘာဝနာတွေတော့ လုပ်ပါရဲ့.. အလှူအတန်းတွေလည်း လုပ်ပါရဲ့.. ကိုယ်က သရဏဂုံမတည်ထားဘူး.. တခြားအရာတွေ ကိုးကွယ်နေတယ်ဆိုရင် ကိုယ်လှူနေတဲ့ အလှူ ကိုယ်လုပ်နေတဲ့ အလုပ်တွေဟာ သာသနာပကာလမှာလုပ်တဲ့ အလုပ်တွေ ဖြစ်နေပါတယ်။ တရားတွေအားထုတ်နေတဲ့ လူတစ်ယောက်ဟာ ဘယ်လောက်ပဲ တရားအလုပ်တွေ လုပ်နေနေ သရဏဂုံမှ ကောင်းစွာ တည်မထားဘူးဆိုရင်တော့ ဘယ်တော့မှ တရားရမှာ မဟုတ်ပါဘူး။ ဒါ့ကြောင့် ဗုဒ္ဓဘာသာတစ်ယောက်အနေနဲ့ စစ်မှန်တဲ့သရဏဂုံ တည်ထားဖို့ အရေးကြီးပါတယ်။ ဗုဒ္ဓဘာသာအားလုံး အပြစ်ရှိသော သရဏဂုံကိုးကွယ်မှုမှ ကင်းလွတ်ပြီး စစ်မှန်တဲ့ သရဏဂုံတည်စေခြင်းဖြင့် မဂ်ဖိုလ် နိဗ္ဗာန်ကို အမြန်ဆုံး တက်လှမ်းနိုင်ကြပါစေလို့ ဆန္ဒပြု ရေးသားလိုက်ပါတယ်။

Read more...

အခိုးအလျှံနှင့်တကွ မီးပုံ ဥပမာ...

အဂ္ဂိက္ခန္ဓောပမသုတ်- (မီးအစုအပုံဥပမာ)

အကျွန်ုပ်သည် ဤသို့ ကြားနာခဲ့ရပါသည် -
အခါတစ်ပါး၌ မြတ်စွာဘုရားသည် များစွာသော ရဟန်းသံဃာနှင့်အတူ ကောသ လတိုင်းတို့၌ ဒေသစာရီ ကြွတော်မူ၏။ မြတ်စွာဘုရားသည် ဒေသစာရီ ကြွသွား တော်မူသည်ရှိသော် တစ်ခုသော အရပ်၌ တပြောင်ပြောင် တောက်လောင်လျက် အခိုးအလျှံနှင့်တကွ မီးတောက်နှင့် တကွ ဖြစ်သော မီးပုံကြီးကို မြင်တော်မူ၍ လမ်း ခရီးမှ ဖဲပြီးလျှင် သစ်ပင်ရင်းဝယ် ခင်းထားသော နေရာ၌ ထိုင်တော်မူလျက် ရဟန်း တို့ကို -

ရဟန်းတို့ ...
သင်တို့သည် တပြောင်ပြောင် တောက်လောင်လျက် အခိုးအလျှံနှင့်တကွ မီး တောက် နှင့်တကွ ဖြစ်သော ဤမီးပုံကြီးကို မြင်ကြကုန်၏လော ဟု မေးတော်မူ၏။

အသျှင်ဘုရား မြင်ကြပါကုန်၏ ဟု (လျှောက်ကြကုန်၏)။

ရဟန်းတို့ ...
ထိုအရာကို မည်သို့ မှတ်ထင်ကြကုန်သနည်း၊
တပြောင်ပြောင် တောက်လောင်လျက် အခိုးအလျှံနှင့်တကွ မီးတောက်နှင့်တကွ ဖြစ်သော ဤမီးပုံကြီးကို ဖက်ပြီးလျှင် မှီ၍မူလည်း ထိုင်နေရာ၏၊ အနီးသို့မူလည်း ကပ်၍ အိပ်ရာ၏၊

နူးညံ့နုနယ်သော လက်ခြေရှိသော မင်းမျိုး သတို့သမီးကိုသော် လည်းကောင်း၊ ပုဏ္ဏားမျိုး သတို့သမီးကိုသော် လည်းကောင်း၊ သူဌေးမျိုး သတို့သမီးကိုသော် လည်းကောင်း လည်ကိုဖက်၍ အနီး၌မူလည်း ထိုင်နေရာ၏၊ အနီး၌မူလည်း ကပ်၍ အိပ်ရာ၏၊
(ထိုနှစ်မျိုးတို့တွင်) အဘယ်အရာသည် မြတ်လေသနည်း ဟု (မေးတော်မူ၏)။

အသျှင်ဘုရား ...
နူးညံ့နုနယ်သော လက်ခြေရှိသော မင်းမျိုး သတို့သမီးကိုသော် လည်းကောင်း၊
ပုဏ္ဏားမျိုး သတို့သမီးကိုသော် လည်းကောင်း၊ သူဌေးမျိုး သတို့သမီးကိုသော် လည်းကောင်း ဖက်၍ အနီး၌ထိုင်နေခြင်း၊ အနီးသို့ကပ်၍ အိပ်ခြင်းသည်သာလျှင် မြတ်လှပါ၏၊

အသျှင်ဘုရား ...
တပြောင်ပြောင် တောက်လောင်လျက် အခိုးအလျှံနှင့်တကွ မီးတောက်နှင့်တကွ ဖြစ်သော မီးပုံကြီးကိုဖက်၍ အနီး၌ ထိုင်နေခြင်း၊ အနီးသို့ ကပ်၍ အိပ်ခြင်းသည် ဆင်းရဲလှပါ၏ ဟု (လျှောက်ကြကုန်၏)။

ရဟန်းတို့ သင်တို့အား ငါဟောကြားအံ့ သိစေအ့၊ံ ယုတ်ညံ့သော သဘောရှိသော၊ မစင် မကြယ် စက်ဆုပ်ရွံရှာဖွယ် အကျင့်ရှိသော၊ ဖုံးလွှမ်းအပ်သော မကောင်းမှု ရှိ သော၊ ရဟန်းမဟုတ်ဘဲလျက် ငါရဟန်းဟုဝန်ခံသော၊ မြတ်သောအကျင့်ကို မကျင့် ဘဲလျက် မြတ်သော အကျင့်ကို ကျင့်သည်ဟု ဝန်ခံသော၊ အတွင်း၌ (ကိလေသာ တို့ဖြင့်) ပုပ်သော၊ (ကိလေသာတို့ဖြင့်) စိုစွတ်သော၊ ယောက်သွားပုပ်နှင့်တူသော သဘောရှိသော ထိုဒုဿီလပုဂ္ဂိုလ်အား တပြောင်ပြောင် တောက်လောင်လျက် အခိုးအလျှံနှင့်တကွ မီးတောက်နှင့်တကွ ဖြစ်သော မီးပုံကြီးကို ဖက်၍ အနီး၌ ထိုင် နေခြင်း၊ အနီးသို့ ကပ်၍ အိပ်ခြင်းကသာလျှင် မြတ်၏။

ထိုသို့ မြတ်ခြင်းသည် အဘယ့်ကြောင့်နည်း။

ရဟန်းတို့ ထိုရဟန်းသည် ထိုမီးပုံကြီးကို ဖက်၍ အနီး၌ ထိုင်နေခြင်း၊ အနီးသို့ ကပ်၍ အိပ်ခြင်းဟူသော အကြောင်းကြောင့် သေခြင်းသို့မူလည်း ရောက်ရာ၏၊ သေလောက်သော ဆင်းရဲဒုက္ခသို့မူလည်း ရောက်ရာ၏၊ ထိုမီးပုံကြီးကို ဖက်၍ အနီး၌ ထိုင်နေခြင်း၊ အနီးသို့ကပ်၍ အိပ်ခြင်းဟူသော အကြောင်းကြောင့် ခန္ဓာ ကိုယ်ပျက်စီး၍ သေပြီးသည်မှနောက်၌ ချမ်းသာကင်းသော မကောင်းသောလား ရာ ပျက်စီး၍ ကျရောက်ရာ ငရဲသို့ကား မကျရောက်ရာ။ ရဟန်း တို့ ယုတ်ညံ့သော သဘောရှိ၍ မစင်ကြယ်သော၊ စက်ဆုပ် ရွံရှာအပ်သော အကျင့်ရှိသော။ပ။

(ကိလေသာတို့ဖြင့်) စိုစွတ်သော၊ ယောက်သွားပုပ်နှင့် တူသော သဘောရှိသော ထိုဒုဿီလပုဂ္ဂိုလ်အား နူးညံ့နုနယ်သော လက်ခြေရှိသော မင်းမျိုး သတို့သမီးကို သော် လည်းကောင်း၊ ပုဏ္ဏားမျိုး သတို့သမီးကိုသော် လည်းကောင်း၊ သူဌေးမျိုး သတို့သမီးကိုသော် လည်းကောင်း ဖက်၍ အနီး၌ ထိုင်နေခြင်း၊ အနီးသို့ ကပ်၍ အိပ်ခြင်းသည် ကာလကြာမြင့်စွာ စီးပွားမဲ့ရန် ဆင်းရဲရန် ဖြစ်၏၊ ခန္ဓာကိုယ် ပျက်စီး၍ သေပြီးသည်မှ နောက်၌ ချမ်းသာကင်းသော မကောင်းသော လားရာ ပျက်စီး၍ ကျရောက်ရာ ငရဲသို့ ကျရောက်ရ၏။ (၁)

၈ - အဂ္ဂိက္ခန္ဓောပမသုတ်-မှ၊ မဟာဝဂ်၊ သတ္တကနိပါတ်၊ အင်္ဂုတ္တိုရ်။၇၂

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

Read more...

စစ်ကိုင်းသင်တန်းအတွက်မီးစက်အလှူရှင်များစာရင်း

ပညာဒါနကုသိုလ်ရှင်များ

၁) ဦးကောဝိဒ (သာသနာ့ဝေပုလ္လကျောင်းတိုက်၊ စစ်ကိုင်းတောင်ရိုး) အလှူငွေ- ၁၀၀၀၀၀ိ/
၂) ကိုဘီလီ+မခိုင်ခိုင်စိုး မိသားစု(အနှိုင်းမဲ့ကားလုပ်ငန်း၊ မုံရွာ) အလှူငွေ- ၁၅၀၀၀၀ိ/
၃) ကိုအောင်မိုးထွေး+မခရေမင်းမင်း မိသားစု (ခေတ္တ စင်ကာပူ) အလှူငွေ- ၁၀၀၀၀၀ိ/
၎) မမီမီထွန်း (ခေတ္တ ယူကေ) အလှူငွေ- ၁၀၀၀၀၀ိ/
၅) ကိုကြီးတိုး မာတီဘိုးဘိုးကြီး (myanmargalaxy.com ရန်ကုန်) အလှူငွေ- ၅၀၀၀၀ိ/
၆) ဒေါက်တာဝင်းထိုက် (မန္တလေး) အလှူငွေ- ၆၅၀၀၀ိ/
၇) ကိုမင်းသွင်+မမနောဖြူ အလှူငွေ- ၆၀၀၀၀ိ/
၉) ကိုကိုချစ် (မန္တလေးမြို့တော်စည်ပင်သာယာရေးကော်မတီ) အလှူငွေ- ၃၀၀၀၀ိ/
၁၀) အုန်းသီး မူးမူး CCG (ခေတ္တ စင်ကာပူ) အလှူငွေ- ၃၀၀၀၀ိ/
၁၁) စေတနာရှင်တဦး (ရန်ကုန်) အလှူငွေ- ၃၀၀၀၀ိ/
၁၂) စေတနာရှင်တဦး (မုံရွာ) အလှူငွေ- ၃၀၀၀၀ိ/
၁၃) မမိုးရေ CCG (ရန်ကုန်) အလှူငွေ- ၁၀၀၀၀ိ/
၁၄) ကိုစိုင်းနေမင်းခ (တောင်ကြီး) အလှူငွေ- ၁၀၀၀၀ိ/
၁၅) zan 90 (မုံရွာ) အလှူငွေ- ၁၀၀၀၀ိ/
၁၅) ကိုကြီး(စင်ကာပူ)၊ ကိုဇောင်း အလှူငွေ-၂၀၀၀၀၀ိ/


စစ်ကိုင်းမြို့၊စစ်ကိုင်တောင်ရိုး၊သာသနဝေပုလ္လကျောင်းတိုက် တွင်လျှပ်စစ်မီးအခက်အခဲအတွက်
ဖြည့်ဆည်းပေးနိုင်ရန်အလို့ငှာ မီးစက်ဝယ်ယူလှူဒါန်းနိုင်ရန်အတွက်အထက်ပါအလှူရှင်များမှအလှူငွေ
များလှူဒါန်းရန်စာရင်းပေးထားပါတယ်ခင်ဗျာ.........ကျန်ရှိနေသောစေတနာရှင်၊ ကုသိုလ်ရှင်များ
အနေဖြင့်လှူဒါန်းလိုပါက ဆက်လက်စာရင်းပေးနိုင်ကြပါတယ်ခင်ဗျာ..........

ဆယ်သွယ်ရန်
ပညာဒါန
ကိုဘီလီ (မုံရွာ)
09 433 080 93
billyhtoo@gmail.com

ကိုချစ် (မန္တလေး)
k2chit@gmail.com

ဒေါက်တာဝင်းထိုက် (မန္တလေး)
win.atm.htike@gmail.com

စိုင်းနေမင်းခ (တောင်ကြီး)
081-24779
sainayminkha@gmail.com

မမနောဖြူ (တောင်ကြီး)
081-25227
cuttidoll@gmail.com

ကိုအောင်မိုးထွေး (စင်ကာပူ)
aungmoeh@gmail.com

Read more...

၁၁။ ကောသလတိုင်း၊ သာလ၀တိကရွာစား လောဟိစ္စပုဏ္ဏားအိမ်၌ ဆွမ်းစားအပြီး လောဟိစ္စအား ဘုရားဟောသောတရား

“လေဟိစ္စ- သင့်မှာ ဘယ်လိုခံယူချက်တွေ ရှိသလဲ” “တရားရတဲ့သူတွေဟာ ကိုယ်ရတဲ့ တရားမပြောကြားရ။ ပြောလျင် တရားမရတာပဲ။ ကိုယ် ရတာလေးပြပြီး လာဘ်ချူတာဟာ တရားမရမှု အသစ်တစ်မျိုး ဖြစ်တယ်ပေါ့။ သည်လို အယူ တပည့်တော်မှာ ရှိတယ် ဗုဒ္ဓအသျှင်”
“အဲဒါ မိစ္ဆာပဲ လောဟိစ္စ”
“ဘာဖြစ်လို့ လဲ ဗုဒ္ဓအသျှင်”

“စဉ်းစားနိုင်အောင် ဥပမာဆောင်မယ်။ လောဟိစ္စဟာ သာလာဝတိက ရွာစားဖြစ်လို့  ရွာ့ အခွန်အတုပ်တွေ ရတယ်။ အဲသည် အခွန်အတုပ်တွေ ဘယ်သူမှ မပေးရ၊ လောဟိစ္စ တစ်ယောက်ပဲ သုံးစားရမယ်လို့ ဆိုလျင် ဟောဟိစ္စကိုမှီပြီး အသက်မွေးနေကြသူတွေ အတွက် အန္တရယ်မဖြစ်ဘူးလား လောဟိစ္စ”
“ဖြစ်တာပေါ့ ဗုဒ္ဓအသျှင်”

“အန္တရာယ်ဖြစ်လျင် အန္တရာယ်ဖြစ်အောင် လုပ်သူဟာ အန္တရာဖြစ်ကြသူတွေရဲ့ အကျိုးစီးပွား ကို လိုလားသူလား ၊ မလိုလားသူလား လောဟိစ္စ”
“မလိုသူပေါ့ အသျှင်”

“သည်လိုဆိုလျင် သည်သူဟာ မေတ္တာရှင် ဖြစ်မလား၊ ရန်သူ ဖြစ်မလား”
“ရန်သူပေါ့ ဘုရား”

“တစ်ဘက်သူကို ရန်သူဖြစ်စေတဲ့ သူ့ အမြင်ဟာ အမြင်မှန်လား၊ အမြင်မှာလား လောဟိစ္စ”
“အမြင်မှာပဲ ဘုရား”

“သည်လို အမြင်မှားရှိသူရဲ့ အလားအလာဟာ ကောင်းမှာလား၊ ဆိုးမှာလား”
“ဆိုးမှာပါဘုရား”

“လောဟိစ္စ ရတဲ့တရား မပြောကောင်းဘူး ပြောတာကိုက တရား မရမှုတစ်မျိုး - လို့ ပြော တာဟာ တရားရသူကိုမှီပြီး တရားရကြရမယ့်သူတွေ အတွက် အဆီးအတား အန္တရာယ် ဖြစ်တယ်။ အန္တရာယ်ပြုသူဟာ အကျိုးစီးပွားမလိုလားတာပဲ။ အကျိုးစီးပွား မလိုလားတာဟာ ရန်သူပဲ။ ရန်သူဖြစ်စေတဲ့ အမြင်ဟာ အမြင်မှားပဲ။ အမြင်မှားဟာ အလား အလာ ဆိုးဖို့ ပဲ”
“ဟုတ်ပါပြီ အသျှင်ဘုရား”

“လောဟိစ္စ- လောကမှာ မေးမြန်းစိစစ်ဖို့ ကောင်းတဲ့ တရားရသူ သုံးယောက်ရှိတယ်။ မေး မြန်းစိစစ်တဲ့ အတွက် အပြစ်မရှိဘူး။ မေးမြန်းစိစစ်တာဟာ တရားတယ်၊ မှန်တယ်”
“သုံးယောက်က ဘယ်သူတွေလဲ ဘုရား”

“တရားကျင့်ပေမယ့် တရားမရဘဲ တရားဟောလို့  တရားနာတွေက နားမထောင်ဘဲ ရှောင် နေတာခံရတဲ့ ဆရာဟာ ပဌမတစ်ယောက်ပဲ”
“နောက်တစ်ယောက်ကကော ဘုရား”

“တရားကျင့်ပေမယ့် တရားမရဘဲ တရားဟောလို့  တရားနာတွေက နားထောင်မြတ်နိုးတာ ခံရတဲ့ ဆရာဟာ ဒုတိယပေါ့”
“နောက်ဆုံး တစ်ယောက်ကကော ဘုရား”

“တရားကျင့်တဲ့ အတိုင်း ရပေမယ့် တရားနာတွေက နားမထောင်ကြဘဲ ရှောင်ကြဉ်တာ ခံရတဲ့ ဆရာဟာ နောက်ဆုံးပေါ့”
“ပဌမ စစ်ဆေးအပ်တဲ့ ဆရာကို ဘယ်လိုစစ်ဆေးမလဲ အသျှင်”

“မလိုလို့  မျက်နှာလွှဲနေသူကို နောက်ကလိုက်ပြီး လည်ပင်းဖက်နေသူကို အလိုဆိုးနဲ့  ဆိုရမယ်”
“ဒုတိယ စစ်ဆေးရမယ့် ဆရာကိုကော ဘုရား”

“သူများစိုက်ခင်း ပေါင်းသင်နေတဲ့သူလို ယုတ်မာတဲ့အလိုဆိုးနဲ့  စစ်ဆေးရမယ်”
“တတိယ စစ်ဆေးရမယ့် ဆရာကိုကော ဘုရား”

“ဆုံးမခံရတဲ့ အတွက် ဆုံးမတတ်သူဟာ အလကားဘဲ- လို့ စစ်ဆေးရမှာပဲ။ သည်လို စစ်ဆေးတာတွေဟာ အပြစ်မရှိဘူး။ တရားတယ်”
“ဗုဒ္ဓအသျှင် စစ်ဆေးမေးမြန်းဖို့  မထိုက်တဲ့ ဆရာ ရှိပါသလား”

“ရှိတယ် လောဟိစ္စ”
“ဘယ်သူပါလဲ ဘုရား”

“ငါ- ဘုရားပဲ”
“ဘာပြုလို့ လဲ ဘုရား”

“ငါဟောတာကလည်း ကိုယ်တိုင်သိလို့  ဟောတာ။ နာသူကလည်း ရကြသူတွေ ဖြစ်လို့ ပဲ”
“၀မ်းသာပါတယ် ဘုရား။ အမှားပြင်ပါ့မယ်။ ဥပါသကာမှတ်ပါ”

Read more...

*ကျွန်တော်နှင့် အရက်*

ဘယ်က စရေးရမှန်း မသိလို့ စဉ်းစားနေတုန်း ရှိသေး။ အမူသမား ရုရှားများက ကျွန်တော်တို့ နေတဲ့ ဘက်အခြမ်းက အခန်းတံခါး မပိတ်လို့ဆိုပြီး လာရစ်နေတယ်လေ…။ အော် အရက်… အရက်… သူ့ဟာသူ နေရင် အကောင်းသား… ခုတော့…။

တစ်ခါ တစ်ခါ မှုန်ရွှေရည် ဇာတ်ကားထဲမှ (ဦး)၀င်းဦး ပြောတာလေး သတိရမိသည်။ ၀င်းဦးက

အရက်ဆိုတာ ရေနဲ့ပဲ ရောရတာကွ၊ အလုပ်နဲ့ မရောရဘူး

ကျွန်တော် ငယ်စဉ်ကပင် အရက်နှင့် ရင်းနှီးခဲ့ပါသည်၊ အရက်နှင့် ကျွမ်းဝင်ခဲ့သည်။ အဘယ်ကြောင့်နည်း???

ကျွန်တော် အရက် သောက်တတ်၍ မဟုတ်ပါ။ ပြောရရင်တော့ ကိုယ့်ပေါင် ကိုယ်လှန်ထောင်း သလို ဖြစ်ပေမည်။ သို့သော်လည်း မတတ်နိုင်... မပြောမပြီး မတီးမမြည် ဆိုသလို ပြောရပေတော့မည်။ အဖေ... ဟုတ်သည်။ အဖေ အရက်သောက်သည်။ ကျွန်တော် ငယ်စဉ်ကတည်းက သောက်သည်။ ထို့ကြောင့်လည်း ငယ်ငယ်ကတည်းက အရက်နှင့် ရင်းနှီးရခြင်း ဖြစ်သည်။

ကိုယ့်အဖေမို့လို့ ကျွန်တော် မြှောက်ပြောခြင်း မဟုတ်ပါ။ အဖေ တော်ပါသည်။ မြန်မာဆေး ပညာပိုင်းတွင် အဖေ့ကို ဆရာဝန်ကြီးများပင် လေးစားကြသည်။ သို့သော်... ထိုသို့ ပညာပိုင်းတွင် တော်သော အဖေသည် အပေါင်းကြောင့် ဂုဏ်မတက်ဘဲ အပေါင်းကြောင့် ဂုဏ်ပျက်ခဲ့ရသည်။ အရက် သောက်တတ်ခဲ့သည်။ အစပိုင်းတော့ ဆေးဖြစ်ဝါးဖြစ် သောက်သည်။ ထိုသို့ ဆေးဖြစ် ၀ါးဖြစ်မှ စခဲ့သော အရက်သည် အဖေ့အား တဖြည်းဖြည်း စိုးမိုးလာခဲ့သည်။

အဖေ့အား စိုးမိုးရုံသာ မက... ကျွန်တော်တို့ မိသားစုကိုပါ အရက် စိုးမိုးလာခဲ့သည်။ အရက်၏ ခြယ်လှယ်ခြင်း ခံလာရသည်။ အရက်၏ ဆိုးကျိုးများ စတင် ခံစားလာရသည်။ အဖေ အရက်သောက်ပြီး မူးလာလျှင် အမေ့အား ရန်ရှာလာသည် အထိ ဖြစ်လာခဲ့သည်။ စကားတွေ များလာသည်။ အားမနာတမ်း ပြောရလျှင်တော့ ရစ်သည်ပေါ့...။ အမေကလည်း သည်းခံပါသည်။ သို့သော်... အဖေ ပင်စင်ယူပြီးနောက်ပိုင်း အိမ်၏ စားဝတ်နေရေးအား အမေ တာဝန် စယူလာရသောအခါ အမေ့ရဲ့ သည်းခံနိုင်စွမ်းတွေ တဖြေးဖြေး နည်းပါးလာသည်။ ဖြစ်သင့်ပါသည်။ နေ့လယ်ပိုင်းတွင် ပင်ပင်ပန်းပန်း အလုပ်သွားလုပ်သော အမေ... ညဘက်ရောက်တော့ နားချင်သည်။ သို့သော် အဖေက အရက်သောက်ပြီး ရစ်သော အခါ...

အမေနှင့် အဖေ ညတိုင်းနီးပါး စကားများရသည်။ ကျွန်တော်က အမေ့ဘက်က မကျေနပ်... အဖေ့အား ၀င်ဝင် ပြောမိသည်။ အမေ့အတွက် စိတ်မကောင်း၍ မျက်ရည်လည်း ကျမိသည်။ ထိုသို့ ၀င်ပြောဖန် များလာသောအခါ ကျွန်တော့်ကိုပါ အဖေ သိပ်မကြည်တော့...။

ပင်ကိုယ်စိတ်က အဖေ ကျွန်တော့်အပေါ် တော်တော် ကောင်းပါသည်။ သို့သော် ကျွန်တော်တို့အကြား အရက် ၀င်လာသော အခါ... စည်းလုံးမှုတွေ ပျက်ခဲ့သည်။ မိသားစု ချစ်ခြင်းတွေ ပျက်ခဲ့သည်။

တစ်ခါတစ်လေ အဖေ အမူးပြေသော အခါ.. အမေက (ရှင့်လို လူမျိုးကို ပစ်ထားဖို့ကောင်းတယ်) စသဖြင့် အမေက အဖေ့ကို ပြောတတ်သည်။ စိတ်ထဲက ပါ၍တော့ မဟုတ်။

ထို အခါများတွင်တော့ အဖေက (မင်းတို့ကကွာ ငါရှာကျွေးစဉ်တုန်းက ဒီလို မဟုတ်ပါဘူး... ခုမှ ငါ့ကို ဒီလို ပြောရလားကွာ) ဆိုပြီး ပြောတတ်သည်။ ဤသို့ ဆိုပြန်သော်လည်း အမေကော၊ ကျွန်တော်ပါ စိတ်မကောင်းကြပြန်။ အဖေ့အား သနားမိ ပြန်သည်။

သို့သော် အဖေ မူးလာလျှင် သွေးဆိုးသည်။ တစ်ခါ ဖေမူးလာပြီး အမေ့ကို တွန်းပစ်သည်။ အမေ ပစ်လဲ ကျသွားသည်။ အဲဒီတုန်းက တော်သေးသည် ရောင်ဝင်အိုးနှင့် ခြေနင်း အုတ်ခုံအကြား အမေ့ခေါင်း ကျသွားလို့.. အုတ်ခုံပေါ်သာ ကျသွားလျှင်.. မတွေးဝံ့စရာ...။

အဲဒီတော့ ကျွန်တော် အဖေ့အပေါ် အကြည်ညို ပျက်လာသည်။ အမှန်အတိုင်း ပြောရလျှင် အဖေ့ကို အမေ့လောက် ကျွန်တော် မချစ်...။ သို့သော် ကျွန်တော့် အမေသည် အမေပီသပါသည်။ ကျွန်တော်က အဖေ့မကောင်းကြောင်း ပြောလျှင်... (သား အမေက ပြစ်မှားတာ အကြောင်း မဟုတ်ဘူး... သားက သားအဖေလေ အဲလို မပြစ်မှားရဘူးလေ) ဟု ဆုံးမရှာသည်။

အမေ ကျွန်တော့် အပေါ် ကောင်းတာ တစ်ခု ရှိသေးသည်။ အဖေသည် နောက်ပိုင်း ကျန်းမာရေး မကောင်းလာသောအခါ အရင်လို အရက်ကို ကိုယ်တိုင် သွားမ၀ယ် နိုင်တော့။ အမေကသာ မိန်းမသား တန်မဲ့ ၀ယ်ပေးရရှာသည်။ သို့သော် အမေ ကျွန်တော့်ကို မ၀ယ်ခိုင်း။ အဖေ့ကိုလည်း (ရှင်နော် ကလေးကို မ၀ယ်ခိုင်းနဲ့၊ ကုန်ရင် ကျွန်မကိုပြော ကျွန်မ ၀ယ်ပေးမယ်) ဆိုပြီး ပြောသည်။ ကျွန်တော့်အား အမေသည် အရက်နှင့် ရင်းနှီးသွားမှာ စိုးရိမ်သောကြောင့် ဖြစ်ဟန် တူပါသည်။

ကျွန်တော် ခုချိန်ထိ စိတ်မကောင်း ဖြစ်မိသော အကြောင်းအရာ တစ်ခုရှိပါသည်။ သို့သော် ထိုအကြောင်းကို သတိရမိလျှင် ထိုသတိရသည့် စိတ်ကို ပြန်ရှုတတ်နေပါပြီ။ ဒါသည်လည်း ကိုဝင်းမြင့်၏ ကျေးဇူးကြောင့်ပင်။ ဘာ အကြောင်း အရာလဲဟု ဆိုလျှင်...

မှတ်မှတ်ရရ... မနက်ဖြန်မနက် ကျွန်တော် ၉ တန်း သချာင်္ ဖြေရမည်ဆိုလျှင် ဒီလိုညကြီး... အဖေ အမူးလွန်ကာ အမေ့ကို ရစ်သည်။ အမေက ပြန်ပြောသော အခါ အဖေ့ကို ရိုက်မည်ပုတ်မည် ဆိုပြီး အမေ့ဆီ တိုးလာသည်။ ဤတွင် ကျွန်တော့်စိတ်ထဲတွင် ဘာဖြစ်သွားသည် မသိ။ အဖေ့အား တွန်းထုတ်လိုက်မိသည်။ ဤအချိန်တွင် ကျွန်တော့် စိတ်ထဲ အမေ အရိုက် မခံရရေးသာ သိသည်။ ကျန်တာ ဘာဆိုဘာမျှ မသိလိုက်...။

သို့သော် အခုအချိန် အဖေ မရှိတော့မှ ဤအကြောင်းအား ပြန်စဉ်းစား မိတိုင်း အရက်၏ ကျေးကျွန် ဖြစ်ခဲ့ရရှာသော အဖေ့အား သနားမိသည်။ သတိ ရမိသည်။ ထိုသို့ ပြုမူခဲ့သည်အား ပြန်တောင်းပန် ချင်မိသည်။ သို့သော် ကျွန်တော် ဖြေသာပါသည်။ အဖေ ဆုံးခါနီး ကျွန်တော် အဖေ့အား ပြုစုခွင့် ရခဲ့ပါသည်။ အနှစ်နှစ် အလလ အရက်၏ ကျေးကျွန် ဖြစ်ခဲ့သော အဖေသည် ထမင်းကိုပင် ကိုယ်တိုင် ဇွန်းနှင့် ခပ်မစား နိုင်တော့။ ဇွန်းကိုင်လျှင် အဖေ့လက်တွေ တအားတုန်လာသည်။ ကိုင်၍ မရ။ ထို့ကြောင့် ကျွန်တော်က အဖေ့အား ထမင်း ခွံကျွေးခွင့် ရခဲ့သည်။ လက်သည်း ခြေသည်း ညှပ်ပေးခွင့် ရခဲ့သည်။ အဖေ့ အင်္ကျီ အ၀တ်အစား များလည်း လျှော်ပေးခွင့် ရခဲ့ပါသည်။

အရက်၏ ဆိုးကျိုးများအား ကျွန်တော် တော်တော်လေး ခံခဲ့ရပါသည်။ အဖေ ရှိစဉ်က ညတိုင်းနီးပါး ကျွန်တော် ငိုခဲ့ရသည်။ စိတ်လည်း ညစ်သည်။ အမေ့ကိုလည်း သနားသည်။ သို့သော် အမေ ကျွန်တော့်အား တစ်ခါတစ်လေ ပြောသလို ထိုဝဋ်ဒုက္ခများ ကင်းလွတ်ချိန် ရောက်လာခဲ့သည်။ ၂၀၀၁-ခုနှစ် ၁၀-လပိုင်း ၁၇-ရက် နေ့တွင် အဖေ ကွယ်လွန် အနိစ္စ ရောက်သည်။ ကျွန်တော်တို့ ၁၀ တန်း အောင်စာရင်း ထွက်ပြီး ချိန်တွင် ဖြစ်သည်။

မှတ်မှတ်ရရ အဖေ ဆုံးတော့ ကျွန်တော် ၂-ခါသာ မျက်ရည် ကျခဲ့ပါသည်။ အဖေ ဆုံးသည့်နေ့နှင့် အဖေ့အလောင်း မြေချစဉ် မြေကျင်းထဲသို့ မြေခဲများ ပစ်ချတဲ့ အချိန်တွေမှာ ဖြစ်သည်။ အဖေတစ်ယောက် တကယ် ဆုံးပါးသွားပြီဟူသော အသိ ဖြစ်ပေါ်လာခြင်းကြောင့် ဖြစ်နိုင်ပါသည်။

ယနေ့အချိန်တွင် အဖေ့အား ရံဖန်ရံခါ ကျွန်တော် သတိရမိသော်လည်း ထိုသို့ သတိရမိသည့် အချိန်တိုင်း အဖေ့အား ရည်စူး၍ ကျွန်တော်ပြုခဲ့သော ကုသိုလ်အစုစုအား အမျှဝေခြင်းဖြင့် ထိုစိတ်အား ဖြေဖျောက် နိုင်ခဲ့ပါသည်။ ထိုသို့ အဖေ့အား လှူမျှဝေ၍ ပြုနိုင်ခဲ့ခြင်း မှာလည်း ဘုန်းဘုန်း ဦးကောဝိဒ (မဇ္ဈိမ ဂုဏ်ရည် ဆရာတော်)၏ ကျေးဇူးကြောင့်ပင်။ (ဆရာတော့်အား ဤနေရာမှ ဘုရားတပည့်တော် ဦးခိုက်လိုက်ပါတယ် ဘုရား)

===========

အရက်နှင့် ပတ်သတ်၍ ကျွန်တော့် အကြောင်းလည်း အနည်းငယ် ပြောချင်ပါ သေးသည်။ ယနေ့ အချိန်အထိ အရက်ဆိုသော အရာအား ကျွန်တော့် လျှာပေါ်သို့ ၂-ကြိမ်သာ တင်ဖူးပါသည်။ ပထမ တစ်ကြိမ်မှာ အဖေ့ အရက်ခွက်အား ရေခွက်ထင်၍ သောက်မိခဲ့ခြင်း ဖြစ်သည်။ သို့သော် ၀မ်းထဲသို့ မရောက်လိုက်။ နောက် တစ်ကြိမ်ကား ဘီယာ...။ သူငယ်ချင်း တစ်ယောက်အား အားနာမိ၍ သောက်မိခဲ့ခြင်း ဖြစ်ပါသည်။ သို့သော်လည်း တစ်ငုံသာ။ ထိုတစ်ငုံ ၀င်အပြီး ထို ဘီယာ အရသာအား ကျွန်တော် ဘယ်လိုမှ မခံစားနိုင်၍ ငြင်းပယ်ခဲ့ပါသည်။

ကျွန်တော် ၁၀ တန်း အောင်အပြီး တက္ကသိုလ်တက်သည့် အချိန်မှ စ၍ ယနေ့ အချိန်အထိ အရက်အား နည်းအမျိုးမျိုးနှင့် တွန်းလှန် ခဲ့ရပါသည်။ အများအားဖြင့် သူငယ်ချင်းတွေနှင့် ဆုံသော အခါမှာ ဖြစ်သည်။ သူငယ်ချင်းတွေက ကျွန်တော့်အား သောက်စေချင်သည်။ တစ်ခါ တစ်လေ ချောင်ပိတ်သည့် စကားများ (မင်းင့ါကို ခင်ရင်တော့ တစ်ခွက်လောက်တော့ သောက်ပါကွာ) ဖြင့် ကျွန်တော့်အား တိုက်ပါသည်။ သို့သော် ကျွန်တော် ငြင်းပါသည်။ တစ်ခါ မရ၊ နှစ်ခါ၊ နှစ်ခါမရ သုံးခါ.. ငြင်းခဲ့ရပါသည်။ ထိုသို့ ငြင်းဖန် များလာသော အခါ နောက်ပိုင်း ထို အရက်ပါသည့် ပွဲမျိုးတွင် ကျွန်တော့်အား ဖိတ်သော်လည်း ကျွန်တော့်အတွက် အရက်မဟုတ်သည့် အအေးလို အရာမျိုးအား သပ်သပ် စီစဉ်ထားလာပါသည်။

ကျွန်တော် ဘာကြောင့် ငြင်းရပါသနည်း။ အစပိုင်းတွင်တော့ ငါ ငါ့အဖေလို အရက်သမား မဖြစ်စေရဘူး ဟူသည်က တစ်ချက်၊ အဖေအရက် သမားဆိုတော့ သားလည်း အရက်သမားပေါ့ကွာ ဟူသော ပတ်ဝန်းကျင်၏ အပြော အဆိုအား မခံချင်သည်က တစ်ချက်၊ ကျွန်တော် အရက်သမား ဖြစ်ပါက နောင် အကယ်၍ ကျွန်တော့်မှာ မိသားစု ရှိလာပါက ကျွန်တော့် မိသားစုအား အရက်၏ ဆိုးကျိုးများအား ကျွန်တော် ခံစားခဲ့သလို မခံစား စေချင်သည်က တစ်ချက်၊ နောက် ကျွန်တော် ကိုယ်တိုင်က ထို အရသာအား နည်းနည်းလေးမှ မကြိုက်ခြင်းက တစ်ချက်၊ ထိုအကြောင်း တွေကြောင့် ဖြစ်သည်။

နောက်ပိုင်းတွင်တော့ ငါးပါးသီလကို လုံအောင် ထိန်းချင်သော ဘာသာရေး အသိက ထိုအရက်အား မသောက်မိစေသာ အသိတရား အဖြစ် ကျွန်တော့် သန္တာန်တွင် ကိန်းသွားစေခဲ့ ပါတော့သည်။

ယနေ့ ကျွန်တော် ရောက်ရှိနေသော ရုရှားနိုင်ငံရှိ နိုင်ငံသား များသည် အရက်ကို ရေလို သောက်ကြပါသည်။ အရက် မသောက်သည့် လူဟူ၍ မရှိ။ ရာသီဥတုဒဏ် အေးသည်ကလည်း ပါပါသည်။

ဒီနိုင်ငံသို့ ကျွန်တော် မသွားမီ စဉ်းစားမိတာ တစ်ခု ရှိပါသည်။ (ငါက အရက် မသောက်တတ်တော့ ဒီ အအေးဒဏ်ကို ခံနိုင်ပါ့ မလား) ဟူသော အတွေး။ သို့သော် ထိုအတွေးအား ဘာသာရေး အသိဖြင့် ကာကွယ်ကာ ဒီအရက် မသောက်လို့ အအေးဒဏ်ကြောင့် သေရမည် ဆိုရင်တောင်မှ ငါ မသောက်ရေးချ မသောက်ဟူသော စိတ်ဖြင့် ဒီနိုင်ငံသို့ ကျွန်တော် ရောက်ရှိခဲ့ခြင်း ဖြစ်သည်။

စကားပုံလေးတွေတော့ ရှိပါသည်။ သူများ မိုးခါးရေသောက်ရင် ကိုယ်လည်း မိုးခါးရေသောက်၊ ရောမရောက်ရင် ရောမလိုကျင့်... စသဖြင့်။ သို့သော် ငယ်ငယ် ကတည်းက သူများလုပ်သည့် အတိုင်း လိုက်မလုပ်တတ်ခဲ့သော ကျွန်တော်၏ မာနသည် ဤ နေရာ (အရက် မသောက်ခြင်း) တွင်တော့ ကောင်းသွားဟန် တူပါသည်။

သို့သော်ငြားလည်း တရားအလုပ်တွင်တော့ သူများလုပ်သည့်နည်း ကောင်းလျှင် လိုက်လုပ်ရမည် ဟူ၍ ကျွန်တော့် မာနအား လျှော့ချရပါသည်။

ကျွန်တော်ရေးတာလည်း များသွားပြီ ထင်ပါသည်။ ယနေ့ အချိန်ထိတော့ ကျွန်တော် အရက်အား ရှောင်ကြဉ် နိုင်ခဲ့ပါသည်။ နောင်လည်း ရှောင်ကြဉ်နိုင်အောင် ကြိုးစားရပေဦးမည်။ အရက်မသောက်ရေး ဟူသော ရည်မှန်းချက် အပါအ၀င် ကျွန်တော်၏ ရည်မှန်း ချက်အစုစုတို့အား မပျောက်ပျက်အောင် ကာကွယ်သော၊ ကျွန်တော် မှတ်သားမိသော ဆရာတော် အရှင်ဆန္ဒာဓိက၏ ဆုံးမ စကား တစ်ခွန်း ရှိပါသည်။

လောကမှာ ကိုယ့်ရည်မှန်းချက်ကို ပျက်ပြားစေတဲ့ အကြောင်းရင်း နှစ်ချက်ရှိတယ်။ (၁) အားနာတဲ့စိတ်နဲ့ (၂) ခြွင်းချက်ထားခြင်း” ဟူ၍...။

ယနေ့အထိတော့ ကျွန်တော် တစ်ချို့ နေရာများတွင် အားနာစိတ်နှင့် ခြွင်းချက်တို့အား ထားရှိနေမိ ပါသေးသည်။ တဖြေးဖြေးတော့ ကျွန်တော် ကြိုးစားရပေဦးမည်။

********************************

စာဖတ်သူ ဓမ္မ မိတ်ဆွေများအားလုံး မိမိတို့ရဲ့ ရည်မှန်းချက် ပြီးမြောက်အောင်၊ လမ်းခရီးမှာလည်း မယိမ်းယိုင်အောင် ဆောင်ရွက် နိုင်ကြပါစေ။


လေးစားထိုက်သူများအား လေးစားလျက်
အဖြူရောင်မေတ္တာများဖြင့်
ဖိုးသား

Read more...

ကျေးဇူးတော်ရှင် ရွှေဥမင်ဆရာတော် ဘုရားကြီး ၏ သြဝါဒ များ (၄)

ရွှေကျင်နိကာယ၊ရတ္တညူ မဟာနာယက ကျေးဇူးတော်ရှင် ရွှေဥမင်ဆရာတော်ဘုရားကြီး ဘဒ္ဒန္တကောသလ္လ မဟာထေရ်မြတ်၏သြဝါဒ
ဘုရားအကြိုက်ပူဇော်နည်း

မိဒွေးတော် ဂေါတမီက မြတ်စွာဘုရားကိုလျှောက်တယ်..။
(မြတ်စွာဘုရား သက်တော် ရာကျော် ရှည်ပါစေ။ မအို မနာ မသေ အမြဲနေပြီး လောကကောင်းကျိုးဆောင်ရွက် နိုင်ပါစေ၊ ဝေနေယျများကို ကျွတ်တမ်းဝင်အောင် ဟောပြနိုင်ပါစေ။)
ဆို ပြီးတပည့်တော်မ အမြဲတမ်းဆုတောင်းပါတယ် ဘုရား။
မြတ်စွာ ဘုရားက မိဒွေးတော် ဂေါတမီ ရဲ့ ကန်တော့ခြင်းဟာ
သင့်မြတ်သလို ရှိသော်လည်း နှစ်သက်တော် မမူဘူး။
အဲဒါကြောင့်
(မိဒွေးတော် ၊ ဟောဟိုက ပြင်းထန်တဲ့ လုံ့လ ဝီရိယ နဲ့ နိဗ္ဗာန်ကို အာ ရုံညွှတ် ပြီး၊
သတိ မပြတ် ရှုမှတ် ကျင့်ကြံနေကြတဲ့ သာဝက ရဟန်းအပေါင်း ကိုကြည့်လိုက် စမ်းပါ။
သူတို့ ကမှ ဘုရား ကိုအစစ်တကယ် ပူဇော်နေကြခြင်း ဖြစ်တယ်..။)
လို့ မိန့်တော် မူလိုက်ပါတယ်..။

စွမ်းအားရှိတဲ့ယောဂီ

ယောဂီတိုင်း ယောဂီတိုင်းမှာ စွမ်းအားတွေရှိကြပါတယ်..။
ယုံကြည် ချက် သဒ္ဓါစွမ်းအားလည်းရှိတယ်..။
အားထုတ်မှု ဝီရိယ စွမ်းအားလည်းရှိတယ်..။
စူးစူးစိုက် စိုက် သမာဓိ စွမ်းအားလည်းရှိနေကြပြီ…။
မမေ့မလျော့တဲ့ သတိ စွမ်းအားတွေလည်း ရှိနေကြပြီ..။
အဲဒီလို ဖြစ်တဲ့ အတွက် အသိစွမ်းအားတွေလည်း တိုးတက်နေမှာပဲ..။
စွမ်းအားတွေရှိရက် သားနဲ့ စွမ်းအားတွေ မတိုးတက်ရင်…။
စွမ်းအားလျော့နည်း နေတဲ့ ကိုယ့်စိတ်လေးကို နှိုးဆော်ပေးပေါ့.။
အဲဒီလို အခွင့်ကောင်းတွေ မဆုံးရှုံးရအောင် ကြိုးစားမှတော် မယ်..။
အချိန်တွေ အလကားဖြုန်းပစ်ရင်..နောင်အခါ သေရာညောင်စောင်း လှဲလှောင်းတဲ့ အခါကျမှ..
အားထုတ်ခွင့်ရရဲ့သားနဲ့ ပြည့်စုံ လုံလောက်အောင်..အားမထုတ်ခဲ့ မိတာ ..။
အမှားကြီး မှားလေခြင်း ..လို့ နောက်ဆုံးအချိန်မှာ နောင်တ ရတတ်တယ်..။
အဲဒီလို နောင်တ မရအောင်ခုထဲက ကြိုကြိုတင်တင်…ထိုက်တန်သလောက်..
သာသနာတော် နဲ့ တွေ့ရကျိုးနပ်အောင်…ဥစ္စာရင်လို ဥစ္စာရင် ခဲ ဆိုတဲ့ အတိုင်း…
သူများလုပ်ပေးလို့ မရပါဘူး။
(ကိုယ်ပင်တိုးတိုး..ကိုယ်ကိုနိုး။
ကိုယ်ရှင်ကိုယ်သာ၊ ကိုယ်ဆရာ။)
မို့
ကိုယ့်ကိုကို ဆုံးမပြီးတော့ အားထုတ်သွားကြနော်..။

ရန်သူလား မိတ်ဆွေလား

ကုသိုလ်ကောင်းမှုကို မမေ့တဲ့အတွက်
ကိုယ်ဟာ ကိုယ့်မိတ်ဆွေဖြစ်သွားကြရပြီ..။
မကောင်းမှုလုပ်တဲ့သူတွေ အဖို့တော့ ကိုယ့်ကိုဟာ ကိုယ့်ရန်သူပဲ..။
ရန်သူကဒုက္ခပေးတယ်..။မိတ်ဆွေကကူညီတယ်..။
မိတ်ဆွေမဟုတ်ပဲရန်သူ ဖြစ်နေရင် ဘယ်ကောင်းတော့ မလဲနော်..။
သူတော်ကောင်းဆိုတာ
သင်ကောင်းလျင် ကျွန်ပ်မဆိုးပါဆိုတော့..
သင်မကောင်းလျင် ကျွန်ပ်ဆိုးမယ် ဆိုတဲ့ သဘောပေါ့နော်..။
ဒါဆို အတော့်ကို ကြောက်စရာကောင်းတာပဲ..။
သူတော် ကောင်းဆိုတာ
သင်ကောင်းကောင်းမကောင်းကောင်း..
ကျွန်ပ်ကတော့ အမြဲကောင်းနေရမယ်လေ..။

Read more...

ဒိဋ္ဌိ (၃)မျိုး

ဒိဋ္ဌိ သည် သမ္မာ ဒိဋ္ဌိ နှင့် မိစ္ဆာ ဒိဋ္ဌိ ဟူ၍နှစ်မျိုးရှိသည်။
သမ္မာ=မှန်ကန်သော၊ ဒိဋ္ဌိ= အမြင်၊ မိစ္ဆာ=မှားယွင်းသော၊ ဒိဋ္ဌိ=အမြင် ဟူ၍ ဖွင့်ဆိုထားပါသည်။
မြတ်စွာဘုရားရှင်က မိစ္ဆာဒိဋ္ဌိ အမျိုးအစား (၆၂) ပါးရှိသည်ဟုဟောကြားခဲ့ပါသည်။ယင်း (၆၂)ပါးကိုအကျဉ်းချုံးလိုက်လျှင် သဿတဒိဋ္ဌိ၊ ဥစ္ဆေဒ ဒိဋ္ဌိ၊ သက္ကာယဒိဋ္ဌိ (၃)မျိုးရှိပါသည်။

၁။ သဿတဒိဋ္ဌိ =ခိုင်သည်မြဲသည်ဟု ယူဆသော ဒိဋ္ဌိ။

၂၊ ဥစ္ဆေဒဒိဋ္ဌိ = ပျက်စီးပြီးလျှင် လုံးဝ ပြတ်သည်ဟု ယူဆသော ဒိဋ္ဌိ။
၃။ သက္ကာယဒိဋ္ဌိ = အစစ်အမှန် ရှိသော သက္ကာယ (ခန္ဓာငါးပါး)အပေါ်၌ အစစ်အမှန်မရှိသော ပညတ်များတင်စား၍
ထင်မှားနေသော ဒိဋ္ဌိ။
မိုးကုတ်ဆရာတော်ဘုရားကြီးက- ဒါန၊သီလ၊သမထ၊၀ိပသနာ ကိုနောက်ထားပါဦး။ ´သူတို့အရင် ဒိဋ္ဌိခွာမှု ဒိဋ္ဌိဖြုတ်ကို ရှေ့ထားပါ၊ ဒိဋ္ဌိ တန်လန်းဖြင့် အားထုတ်နေလို့ကတော့ ဘယ်နည်းနှင့်မျှ မဂ်မရနိုင်ပါဘူး´ ဟူ၍ မိန့်တော်မူခဲ့ပါသည်။

Read more...

လာလည်ကြသူများ

ဤဘလော့ဂ်၏ ရည်ရွယ်ချက်

ယခုအခါ ကမ္ဘာတလွှားတွင်ရှိနေကြသော ဓမ္မဘလော့ဂ်ဂါများသည် နေ့ စဉ်နှင့် အမျှ အင်တာနက် စာမျက်နှာများ ပေါ်တွင် ဓမ္မနှင့်သက်ဆိုင်သော အကြောင်းအရာ အမျိုးမျိုးကို ပို့ စ်များရေးတင်လျက် ရှိနေကြပါသည်။

ဘလော့ဂ်ဂါများမှ မိမိတို့ ၏ကိုယ်ပိုင် စာမျက်နှာများမှတဆင့် ရေးတင်နေကြသဖြင့် ဖတ်ရှုလေ့လာသူများအတွက် နေရာများစွာသို့  သွားရောက် ဖတ်ရှုနေကြရပါသည်။

ထို့ ကြောင့် စာဖတ်သူများ အချိန်ကုန်သက်သာစေရန်နှင့် မိမိတို့  ဖတ်ရှုလိုရာကို လွယ်လင့်တကူ ရှာဖွေနိုင်ရန် နေ့ စဉ်ရေးသား နေကြသော အကြောင်းအရာများကို တနေရာတည်းတွင် စုစည်းပေးလိုသော ရည်ရွယ်ချက်ဖြင့် ဤဘလော့ဂ်ကို စီစဉ်လိုက်ခြင်းဖြစ်ပါသည်။

ပြောချင်တာများရှိရင် ရေးပေးထားခဲ့ပါ

မြန်မာပြက္ခဒိန်

မြန်မာပြက္ခဒိန်
www.burmeseclassic.com မှ ကူးယူဖော်ပြပါသည်။

  © Blogger templates The Professional Template by Ourblogtemplates.com 2008

Back to TOP